د. أحمد عبد المنعممجلس اليوم بعنوان فقه الاختيار. وهناك أسباب جعلتني أن أنا أختار الدرس ده، منها بل من أهمها يعني، أن أي حد يعمل في العمل التربوي سيفاجأ أن أكثر الأسئلة التي تأتي إليه أن الشخص اللي جاي بيسأله بيسأله على خيارات في حياتهم. اختار مثلا العمل ده ولا العمل ده؟ أنا جالي وظيفة مرتب عالي بس ما عنديش وقت للدين، وفيه وظيفة مقابل لها وقتها متاح بفضل الله لكن الماديات أقل، أأحفر للبلد دي ولا أقعد، أأحفر البلد دي ولا البلد دي؟ الزواج، الجامعة، أي قرارات حياتية.
طبعاً هو مش هيجي يسألك في التفاصيل يعني، مش هيسألك في نوع مثلا كابتشينو أو لاتيه، هو مش هيسألك في التفاصيل دي يعني، لكن هو هيسألك في الخيارات التي يظن أن هي تؤثر على حياتك. ثم مع الزمن الواحد اكتشف، لأ، ده هو مش بيسألك بس في الخيارات المركزية في حياته، ده هو بيبدأ يسأل، طيب أزود في طلب العلم ولا العبادة؟ طب طلب العلم ياخد قد ايه؟ طب قيام الليل نص ساعة ولا ساعتين؟ وأصبح أن الناس اعتادت أنها عايزة نوع من التنميط في كل شيء، فأصبح هو يظن أن هو كل الخيارات الحياتية المربي مطالب أن يجاوب عليها، وهذا خطر، لأن هو أنت المربي هنا كده، هو بيقتحم حياة ذلك المتربي، حياة الشخص بينه وبين الله سبحانه وتعالى.
لازم فيه الإنسان هو اللي يمارس هذه الخيارات. لو أفترضنا الخيارات والمعنى ده أو التشبيه ده ممكن نستعمله كتير النهاردة، الخيارات أشبه بزراير، أزرار كده، زر بتدوس عليه، فالأزرار دي كتير، أنت اللي مطالب، أنت اللي هتدوس على الزرار. دور المربي أنه يساعدك يبصرك، دور المشورة والاستخارة، وفي الآخر أنت اللي تاخد القرار بنفسك، وده أحد المعاني اللي هنتكلم عنها إن شاء الله النهاردة.
طيب يبقى من أحد الأسباب اللي خلتنا نتكلم عن درس النهاردة، أن غالب الأسئلة التي تأتي في للمربي أو تأتي في الأعمال التربوية، أن الشخص يشعر بحيرة في مفارق الطرق، بل يعني مفارق الطرق دي يعني كما أن دين الإنسان يظهر في أعماله الصالحة، أيضاً دين الإنسان يظهر في اختياراته. يعني المفارق المفارق اللي بتقابلك في الحياة بتدل على مدى دينك، أنت هتختار الاختيار ده والاختيار ده؟ لأن فيه اختيارات في الحياة أنت ممكن تختار اختيار ينحرف بك الطريق بعيداً عن المسار اللي أنت كنت ترجوه وراسمه لنفسك في سير الله سبحانه وتعالى.
أيضاً يعني ممكن كنت بأقرأ في كتاب هيبقى في بعض الإحالات النهاردة، كتاب معنى الحياة للوهيبي صفحة مية وعشرة، بيقول، بيتكلم أن بيحمي اللين إدمان زاد في اتجاه ناحية الإدمان لأي شيء، مش بس إدمان الإباحية، إدمان لكل شيء، يعني حتى الألعاب، أي شيء، أن الإنسان يختار شيء مش عايز يقعد يجرب شيء تاني، مدمن على شيء. فبيقول أن الإدمان الإدمان على طعام أو سلوك أو ممارسة معينة يحمي الفرد من حيرة تعدد الخيارات.
الخيارات بتعمل للإنسان نوع من الضغط النفسي، فلما الإنسان يختار شيء ويقعد يكرر نفس الشيء تاني، ده نوع من الإدمان، فبيقول ده بيحميه من حيرة تعدد الخيارات ومشقة المسؤولية الذاتية في تحديد في النشاط اليومي أو الالتزامات الدورية. فطوفان الخيارات الخيارات والمعقدة التي يواجهها الفرد في اليوم المعاصر اللي احنا نعيشه الآن هو غير مسبوق في التاريخ. الشاهد أن في الهامش معنى، وهو ده من أحد الأسباب اللي بتكلم أن فيه فقه الاختيار.
بيقول أن في معالجة نفسية دكتورة يعني غربية شغالة في العلاج النفسي بتقول: لقد تعجبت أثناء ممارستها لعملها من تخلي الأفراد عن حرية اتخاذ القرار في حياتهم الشخصية. وقالت أكثر الأشياء التي فاجأتني كمعالجة نفسية كيف أن الناس غالباً ما ينتظرون مني أن أقول لهم ما يتعين عليهم فعله. غالب الجلسات النفسية دلوقتي الناس بتروح للمعالج النفسي، واللي بيقوم بالدور ده شبيه له في العمل الإسلامي المربي، منتظر هو اللي ياخد له القرار، ولا سيما في الخيارات المفصلية في حياة الإنسان.
طيب دي الأسباب العامة التي جعلتني أن الواحد مهم أنه يتكلم في هذه القضايا بصورة دينية، أننا لابد أننا ندرس إيه معنى الاختيار وإيه فقه الاختيار. أيضاً في أسباب عامة خلت أن مسألة الاختيار مسألة صعبة، صعبت الاختيار عن السابق، أول شيء له مجموعة من الأسباب دلوقتي هذكرها، جعلت قضية الاختيارات فيها نوع من الصعوبة مش من السهولة. أول شيء أن العالم بينتقل أو انتقل مما يسمى الندرة إلى الوفرة. بمعنى، من قبل الثورة الصناعية وقبل الانفتاح وقبل ثورة التواصلات، قبل كل ده كان في ندرة في الوصول للشيء، أي سلعة كان ممكن في منها نوع واحد.
دلوقتي لأن الثورة الصناعية قامت على ما يسمى هدفها تحقيق الرفاه للدول، والرفاه معناه أو من لوازمه أن السلعة الواحدة يكون في هنا أكتر من نوع وأكتر من لون وأكتر مش عارف إيه، ففي خيارات متعددة جداً لكل شيء. زمان كان في ندرة الماء، حتى الوصول له صعب، الطعام، أنواع الكتب، الشيخ أنك توصل له، المدرسة أنك تتعلم، كل ده كان فيه حالة من الندرة والصعوبة على مئات السنين. ثم بعد ذلك مع الثورة الصناعية أصبح، لأ، ده في وفرة، مع ثورة التواصلات بقى في وفرة جداً في كل شيء.
فبعد ما أنت كان عشان تسمع درس دين أنت تبحث الشيخ اللي في منطقتك أو في بلدك، لو قبل المواصلات أنت بتسافر لبلدك لو هو في بلدك، أو بتسافر لبلد تاني، فبالتالي ينشأ الناس مع الشيخ اللي هم موجودين في بلده، أو جماعة كان عالم يموت ولا يعلم بلاد أخرى أن هذا العالم مات أو كتبه تنتقل بعد موته وهكذا. دلوقتي لأ، إمتى الدرس ممكن تسمعه مباشر؟ واحد بيعطي درس في أقصى الأرض وفي الطرف الآخر من الأرض بيسمع الدرس مباشرة.
فده خلى أن أنت لو عايز تسمع درس دين الاختيارات كتير جداً أمامك، لو عايز تلتحق بأكاديمية علمية الاختيارات كتير أمامك، لو عايز تشرب أي مشروب هتدخل كم من الأسئلة قبل أن تختار المشروب اللي أنت عايز تشربه، لو عايز أي شيء أي شيء فيه ملف الاختيارات بتدوس، عايز تسافر، عايز تصيف، عايز تعمل أي حاجة، تشتري عربية، تشتري موبايل، كم الأسئلة اللي بتسأله عشان تقوم بهذا الاختيار أسئلة كتير جداً.
كثرة هذه الوفرة بتعمل نوع من الضغط النفسي، فده أول شيء من الأسباب الموجودة في العالم الآن، الانتقال من حالة الندرة إلى حالة الوفرة، فأصبح أن الإنسان بيعيش أزمة الشتات، والوفرة دائماً تعمل نوع من الشتات. يعني تلاقيك ماسك مثلاً أنت رايح تشرب أي حاجة أو تاكل، هتمسك وتمسك القائمة كده، فتلاقي إيه اختيارات كتير جداً، وبعدين أنت تلاقيك بتبص على المنيو بتاعتك وبتبص على المنيو بتاعت صاحبك، أنت مش إيه بتختاره؟ تشوف هو هيختار إيه، ودي من أزمة هنتكلم عنها في أزمة الاختيارين.
أنت قاعد بتختار وتشوف هو هيختار إيه، وقاعد متردد، طب المرة الجاية طب تجرب ده، طب أنت مطالب تجرب كل ده، وبيجي لك احساس ولذلك عجبني قوي كان فيه كتاب اسمه إيه، أفكر اسمه، اسمه معبر قوي عن، اسمه فوائت الحياة، في مديح حياة لم نعشها، بيتكلم، الكتاب فلسفي ضخم، يعني مش ضخم ده هو عدد الصفحات قليلة لكن أقصد المعنى اللي بيتكلم فيه أن أي اختيار بتختاره معناه أنك اخترت أنك تترك كل الاختيارات الباقية.
فانت في حيوات كتير بتفوتك، ما أنت لما بتختار الاختيار ده معناه أن أنت تركت الباقي، يعني أنت لو رايح تاكل حاجة لما تدوس على الاختيار ده معناه إيه؟ أن كل الأطعمة الباقية أنت قررت الآن ما تاكلهاش، فده يجعل الإنسان تحت ضغط أنه سيترك كل هذه الأمور. يعني الشتات الوفرة مش بس بتخليه يحتار يختار إيه، وبتخليه محتار أنه بيندم أنه ترك هذه الأمور، وهذا أيضاً من اللي بيعمل ضغط نفسي على الإنسان.
لذلك حتى في الدين أصبح أن بدل ما مثلاً في مسار معين هو بيمشي فيه، وده المسار الغالب، وهذا المسار التقليدي، أصبح لا، في اختيارات كتير، كثرة طباعة الكتب، ما تيجي مثلاً تقول له إقرا كتاب في السيرة، فهو وقته محدود والاقتراحات كتير والطابعات كتير والكتب المقترحة كتير ومقترحات الكتب في معرض الكتاب كتير، ده بيخليه في الآخر يحدث له حالة من الشلل، ما بيقراش.
بعد ما كان مثلاً هو الكتاب الأشهر عند الناس كان الأشهر عندهم الرحيق المختوم، فكان أي حد عايز يقرأ في السيرة في بداية الأمر يروح يقرأ الرحيق المختوم، دلوقتي هيقول أنت إزاي قرأت قرأت رحيق المختوم ليه؟ ده فيه كتاب أفضل. تجيب إيه الكتاب؟ ده فيه طبعة أفضل، ده فيه كذا، فتفضل في الآخر قاعد بتجمع هذه الأمور وما مشيتش في أي مسار.
الأمر التاني، دي كلها احنا الآن بنتكلم، يعني احنا خلاص أدينا مقدمة في درس، دلوقتي أول نقطة في الدرس لموضوع الاختيار في الزمن المعاصر أصبح فيه صعوبة، ذكرنا النقطة الأولى أن العالم انتقل من حالة النوم إلى حالة إيه، صلوا على النبي، من حالة إيه النظرة إلى حد إيه، أنا عارف أنتم عايزين حماس وقصة خالد وليد وهو يموت، صح، صلوا على النبي.
عشان بس أما تيجي تختار عشان نخفف الأسئلة اللي بتيجي، يعني نحاول ندي درس يساعد أن يساعدك عشان ما عدتش تسأل تاني، نطلع من درس بعد كده ما عدتش تسأل خلاص، زرارك معك، أنت بتدوس على اللي أنت عايزه، ما يعرفش يسأل تاني. الحاجة التانية أن بطبيعة الحياة اللي احنا عايشينها، أنت من ساعة ما بتتولد بيترسم لك مسارات معينة، أنت بتدخل كي جي وان، كي جي تو، تدخل ابتدائي، ابتدائي بيسلمك لأعدادي، أعدادي بيسلمك لثانوي، بتدخل الجامعة على حسب المجموع، فيه مسارات معينة أنت ماشي فيها، والمسارات دي كل حاجة فيها محسوبة.
وده الرقم التالت اللي هنتكلم فيه، أنت عايز كده في الدين، أنا أنا النهاردة مش جاي أتكلم عن الحياة بس، أنا جاي أسقط ده على الدين، بيجي الأخ يجي لك يقول لك أنا عايز زي ده بالظبط في الدين، أنا عايز حد يستلمني، أنا عايز نفسي حد يتبناني، أنا عايز حد ياخدني يعرفني أقرأ كتاب إيه؟ ثم كتاب إيه؟ ويقول لي أصلي قد إيه قيام ليل؟ ويقول لي لو أنا تزوجت أعمل قد إيه وقت لأهلي والخروجات تبقى قد إيه؟ والعيال ياخدوا وقت قد إيه؟ وعايز حياته كلها تتسكن كده هو، زي ما الوظيفة تمن ساعات، أو مش عارف، الإنبوت ده هيطلع الأوتبوت ده، المنتج ده المدخل ده هيطلع المخرج ده، هو عايز كده كل حاجة.
قلت له لأ، لازم في جزء في الدين مفتوح، أنت اللي بتختاره، أنت اللي بتصنعه، أنت قايم تصلي النهاردة قيام ليل، أنت اللي بتقرر هتصلي قد إيه، أنت اللي هيفتح عليك النهاردة ساعة، نص ساعة، بس ربع ساعة، ساعتين، ده قرارك أنت، أنت اللي هتسرد الصوم أو مش هتسرد الصوم، أنت اللي هتعمل ده، فتلاقيه لأ، هو قاعد منتظر دايماً.
واللي ساعد ده، اللي ساعد أن الناس تتوقع أن ده في الدين، يعني بسبب بقى سقوط الخلافة حصل نشوء الجماعات، فالجماعات أنت بتتسكن داخل الجماعة، فبالتالي خلاص أنت بيجي لك الوظيفة بتاعتك بتاعتك، أنت بتنفذها ومنتظر دايماً أن تجيلك هذه الوظيفة، مع الانفتاح في الدين وأصبح يعني كان نفس الفكرة، أن كان زمان اللي عايز يدخل إلى طريق الالتزام الاختيارات قدامه محدودة، يعني بيمشي مع دول مع دول وخلاص.
دلوقتي لأ، دلوقتي أصبح في تفتيت وأصبح في رموز صغيرين كتير والمقترحات كتير، فبالتالي هو حاسس بنوع من التوهان وعايز حد ياخده يستلم ويرروح يقدم في أكاديمية أونلاين مثلاً، يفاجأ أن الأكاديمية دي بتغطي جزء بس، طب وبقية الدين؟ هو اللي مطالب يسعى إليه، يحصل له حالة من الشلل، وأصبح أن هو عايز برنامج يلتحق به يحدد له ساعات الإيمان وساعات القراءة وساعات الخشوع، عايز كل حاجة، لأن هو الدنيا عنده كده، وأنا بقابله كتير، طبعا فين أكتر ناس عندهم الأزمة دي؟
المهندسين أو أصحاب العقل الهندسي في أي وظيفة، هو عايز الحياة كلها أرقام، أصلي يعني ثلاثة وعشرين دقيقة واستغفر مثلاً عشر دقائق، هو دايماً الحياة عنده كده، مش متخيل إن الحياة تمشي. يعني ده نتكلم عنه، مش متخيل يعني إيه حديث «لا تحصي فيحصي الله عليك».
يعني إيه ما تعدهاش؟ هو متعود إن كل حاجة إيه رقم ثلاثة؟ من الأسباب أن صعوبة الاختيار الآن، أن أصل من أسباب قيام الثورة الصناعية شيء ما يسمى -معلش وده صعب شوية- اسمه أننا نتعقل كل حاجة، الإنسان قرر والعياذ بالله أن هو ظن أن هو إله.
ما عادش حاجة في الكون لازم أفهم كل حاجة بتتعمل إزاي، المطر بينزل إزاي، وده بيتعمل إزاي، وأي حاجة بتحصل في الكون لازم نفهم اتعملت إزاي ونكررها، لما نبقى احنا قادرين أننا نعملها بايدينا.
وكل شيء لازم يُعد، تمام؟ تيجي تنتقل ده في الدين، لا، الدين لابد فيه وأحفز القاعدة دي: في علاقتك بالله لازم فيه جزء غيبي، وعلى فكرة والدنيا -وده نتكلم عنه إن شاء الله-.
علاقَتُك بالله فيها جزء غيبي، من تقرب إلي شبرا تقربت إليه ذراعا، أصحاب الكهف كانوا رايحين مش عارفين اللي هيحصل، اللي راحوا الحبشة ما كانوا عارفين إيه اللي هيحصل، النبي صلى الله عليه وسلم في الطائف ما كانش عارف إيه اللي هيحصل، فيه جزء غيبي في علاقتك بالله. فتلاقيه رافض أنه يسير في مسارات لا يرى نهايتها، قل له يا ابني لا، ما هو ده من طبيعة توكلك على الله سبحانه وتعالى، واتكلمنا في المعنى ده المرة اللي فاتت، وتوكل على العزيز الرحيم، إن في علاقتك بالله مش لازم كل حاجة.
مش كل حاجة محسوسة وممسوكة، مش لازم، لا، هو عايز زي ما هو هنا في حصل إيه؟ أن التفكير الدنيوي أثر على طريقة الناس في تصورها للدين، كل حاجة يعني فيه مصطلحات موجودة عند أهل الدنيا: النجاح، الفوز، الضبط، الإدارة، الحاجات دي حصل أن هي اتزحزحت.
عند أهل الدين بنفس المحتويات بتاعتها، وأصبح عايز يعمل مؤسسة دينية بيعملها بنفس المعايير اللي موجودة عند أهل الدنيا، النجاح والضبط والإدارة، بنفس كل حاجة، بدل ما يستفيد منها ويبقى هو عنده.
الإيمانية، لا، يبقى ثالث شيء خلَى الناس عندها صعوبة في الاختيار أنه أحفاز -وده غالب الحياة مش أحفاز- الاختيارات إح ما نعرفش إيه اللي هيحصل، ما أعرفش أيسر هنا ولا هنا؟ ما أعرفش. فبختار الاختيار ده ولا لا؟ ما أعرفش، براحتك يعني أنا هختار وما أعرفش إيه المالات؟ أيوه، هو أنت بتصور إيه يعني؟ ما أعرفش. أنت ممكن.. كنت لسه بقرأ مقالة بيتكلم عن أن الإنسان بيجي له وهم التأله، أنه إله.
ويقول لك معايير النجاح الحتمية، ويجيب لك نموذج يستضيفه بودكاست ويكلمنا عن تجربة النجاح بتاعته، أنه اللي هيعمل واحد اثنين ثلاثة هيبقى عنده واحد اثنين ثلاثة، أيوه، يقول لك أنت جبت الواحد من وسط ميت ألف واحد وعممت التجربة دي، فالناس بيجي لها وهم أن هي قادرة على كل شيء. الراجل بيقول له في قصة في أصحاب الجنتين في سورة الكهف، قل له عسى ربي أن يؤتيني خيرا من جنتك.
ويرسل عليها حسبانا من السماء فتصبح صعيدا زرقا أو يصبح ماؤها غورا فلن تستطيع له طلبا، الثاني خد بكل الأسباب وربنا أعطى له كل شيء وحففناهما بنخل وجعلنا بينهما زرعا، كلتا الجنتين آتت أكلها وفجرنا خلالهما نهرا، كل الأسباب عنده فظن أنها.
ده أبداً، فالثاني بيقول له: لا، أنت على مستوى الأسباب واخد بكل الأسباب، لكن فيه عوامل خارج إرادتك، الحسبان اللي من السماء والماء اللي ينزل في الأرض لن تستطيع أن تحيط به، لذلك كانت النهاية: وأحيط بثمره، ربنا ما ذكرش إيه اللي حصل.
هذه الإحاطة لا يملكها إلا الله، فالإحاطة بكل عوامل الحياة لا يملكها إلا الله، فأنت متصور أن أما تيجي عايز تختار مسار في الحياة، سيما المسارات اللي فيها تضحية، أنت ما تعرفش إيه اللي هيحصل.
ما أعرفش، يعني أنت ممكن تختار مسار يغير من طريقة حياتك؟ اه، وارد أن يحصل ويكون النتيجة غير متوقعة، وارد أن يحصل، ويكون نتيجة بالنسبة لك أنت نتيجة سيئة؟ اه، وارد.
صباح الله زي ده نتكلم عنه إن شاء الله، آخر حاجة من العوامل اللي صعبت على الإنسان الاختيار اللي بيسموه دلوقتي ما نعيشه في عصر الفردانية، يعني كل واحد فينا بقى فرد.
يعني إيه بقى فرد؟ يعني كان زمان هو ضمن قبيلة بينتسب، ما فيش حاجة اسمها إنك مش منتسب لقبيلة كبيرة، وهذا موجود والشريعة خالدة الذكر هي بتحمل عنك الدية، أن هي بتشيل عنك السوءات، لو حصل مشكلة أنت بتلجأ لقبيلة والقبيلة لها عادات وممكن يكون القبيلة لها صنعة، فانت بتنشأ لك مسارات.
بيسموها التقاليد والعادات أنت بتمشي فيها ومنتمي لكيان ضخم كان بيريحك شوية، القبيلة دي بقت تتفتت تتفتت تتفتت لغاية لما ظهر مصطلح بيسموه الأسرة النووية، قالوا إيه فكرة الأسرة دي أن هي إحنا عايزين -لأنه لقوا-.
دایماً المال يتحكم في العالم، لقوا أن لما يجي واحد عايزين ينقلوه من بلد في أفريقيا أو بلد عشان يروح يشتغل في أمريكا، عايزين هم أيدي عاملة أنه منتمي للقبيلة.
فقال لك: لا، فتت لي الأسرة، خليه أب وأم وطفل أو طفلين بس، الأسرة دي يسهل انتقالها، وده اللي بيحصل أن بقية الأسر بتنتقل من مصر وتروح تعمل تتعمل في الخليج أو تهاجر لأوروبا أو تروح لأمريكا، هي الأسرة الضيقة دي.
وانقطعت الروابط، فبقى بدل ما أنت كنت حاسس أنك منتمي للقبيلة تساعدك في اختياراتك، في كبير للقبيلة بيشاورك في الحياة، بيفهمك الحياة، بيحكي لك عن تاريخهم، لا، أنت بقيت بس الأسرة الضيقة، وكمان الأسرة دي اتفتت، بقى هو فرد.
تخيل أنت بالرغم من العوامل الضخمة اللي عمالة تحصل في الحياة أنت بتواجه ده لوحدك، تشعر فعلاً بضغط نفسي مهول، وكمان أنت منعزل عن الحياة وماسك موبايلك، الطفل بقى بينشأ هو منعزل عن كل ده ومنكب على الموبايل.
بس، وقاعد يعمل سكرولينج، قاعد بيعرض لكم من الاختيارات مهول، نصيف كازو فران راح الجيم، فران أشار عربية، وفلان، وأنت لوحدك منعزل ومنكب على الجهاز بتاعك ده، قطعا يجي له اكتئاب.
يعني أنا لما كنت بتكلم وبقرا عن الهشاشة النفسية بدأت اكتشف والواحد بدأ يفهم أن فعلاً مش بس الجيل اللي فيه ضعف، لا، الأوساط صعبة، يعني يعني المؤلف اللي هتكلم عنه النهارده الكتاب ده كتاب.
اسمه خيارات الحياة، بتكلم عن مفاسده، نفس المؤلف ده عامل كتاب اسمه حياة تالفة، والكتاب ده في السبعينات، نتكلم يا جماعة عن الحياة اللي إحنا عايشينها دي حياة تالفة للنفس.
حياة مؤذية جداً للنفس، النفس ما تتحملش هذا الضغط من مواجهة الحياة، تخيل كمان أنت بتمد عينيك لكل هذه الأمور، فبالتالي أنت قاعد محاط بكمية خيارات مهولة وبتواجه الحياة لوحدك.
كل ده بيعمل ضغط نفسي على الإنسان، كل الأمور دي خلتنا محتاجين بعض القواعد تساعدنا في اختياراتنا، يعني الشاب في أولى جامعة، ثانية جامعة، في بداية الجامعة لو ربنا مَنَّ عليه بما نسميه -مجازاً- الالتزام وإقبال ودخول المسجد، بيبقى عنده حالة الحماسة.
ومش في دماغه الكلام اللي أنا باقوله ده، كل ما بيكبر كل ما بيبدأ يتصدم أن الحياة صعبة وأن الحياة مليئة بالاختيارات، وكان أقصى حاجة وهو في ثانوي أو بداية جامعة وهو داخل التزام، أقصى مشكلة عنده هي شهوة النساء بس، هو متخيل لو المشكلة دي اتحلت.
ما عادش فيه فتن، بمجرد ما بيكبر ويدخل بقى ما نسميه الحياة العملية، بيبدأ يكتشف إيه ده؟ يعني أيام ما كان زعلان على أن عنده امتحان وفتنة الامتحانات، ومش هاغرف أعتكف بسبب الامتحانات، بقى إيه؟ ولا يوم، ولا يوم من الأيام إيه؟ من أيام.
الامتحانات عايز يرجع تاني لأيام الامتحانات اللي هي يا دوبك هم أصلاً كانت مَذْكَرَة قد كده، وأصلاً كان يقول لك فتنة صعبة وبتاع، دلوقتي بيطلع يتفحت عشر ساعات شغل، وكل شوية مهدد أنه يترفد، وعايز يتجوز والأسعار عمالة تتغير، فهو بالتالي هو مضغوط نفسياً.
فتخيل هو أمامه مجموعة من الكبيرة في الحياة، يعمل واحد قابل -يعني أسأل الله سبحانه وتعالى أن يستعملنا جميعاً لنصرة دين الله- يا مقابل مجموعات كبيرة من الشباب خلاص.
اديهم خمس سنين بس خمس سنوات عشان يحصل النقلة، بتصل حالة فلترة يا جماعة، الناس يجي ناس جديد جيل جديد ويتفضل من القديم اللي كان داخل إيه؟ أعداد ضخمة، اتفضل خمسة أربعة.
بعد ما كنا بنتكلم بالعشرات، ده في كل بيئات الإيمان، ليه؟ بمجرد ما بيخرج للحياة العملية عواصف الدنيا والاختيارات اللي بتقابله في الحياة، وبيبقى مش واخد باله أو متجاهل أن لما هيدوس على زرار الجواز بالطريقة دي أو الشغلانة بالطريقة دي أو هو.
خلاص بيقرر أن الحياة بعد هذا الاختيار لن تصلح كما كانت قبل الاختيار، مش هتنفع، تمام؟ إيه القواعد والأسس اللي تساعدنا كواحد عايز يعمل لدين الله في أزمة الاختيارات الموجودة، تساعدني في هذه الاختيارات؟ يبقى بعد كل هذه المقدمة.
أنا دلوقتي بخاطب مين؟ مش بخاطب الشخص، أنا ما لِيَ دعوة فقه الحياة، أنا مش بتكلم في دلوقتي، أنا بتكلم شخص عايز يعمل لدين الله سبحانه وتعالى، بيبحث لنفسه عن ثغر.
عايز أطلب العلم، عايز يدعو إلى الله سبحانه وتعالى، عايز يقوم بأي عمل ينصر به دين الله سبحانه وتعالى، ثم يفاجأ أن الحياة مليئة بالاختيارات، القواعد اللي تساعده في هذه الاختيارات، واضح كده؟
معي ولا مع ناس ثانيين؟ ها، آه، من القنوات اللي على التليجرام جيدة بتكتب مقالات حلوة فيها حاجات نفسية وربطها بالشرع، قناة واحد اسمه أخ محمود أبو عادى له يعني مثلاً كاتب مقالة بيقول: كان الاعتقاد السائد في علم النفس قديماً أن البشر كلما زادت الاختيارات المتاحة أمامهم كانوا أكثر سعادة وأكثر قدرة على.
تحقيق ذواتهم بالشكل المطلوب، لكن حصل مفاجأة أن عدد الاختيارات المتاحة أمام الإنسان كل ما بيزيد يكون الإنسان أكثر تعاسة؛ لأنه لا يستطيع الاستقرار على اختيار واحد. لأن الاستقرار على خيار واحد هذا يعني خسارة كل الخيارات الممكنة الأخرى.
ونشأ بقى عندهم حاجة اسمها معضلة الاختيار، لذلك في علم نفس نشأ اسمه علم نفس الاختيار، أنا كنت أول مرة أسمع المصطلح ده برضه لهذا الكاتب تودسلون مكتوب أيضاً في السبعينات.
والكتاب ده من أهم أسباب أن أنا أحضر الدرس ده، ليه الكتاب عبارة عن بيحلل عشرة اثنا عشر -يعني واحد راح لدكتور نفسي- عشرة اثنا عشر واحد أو واحدة (يعني) راحوا لدكتور نفسي.
وحكوا قصتهم وعندهم مفارق في الحياة، والدكتور النفسي يساعدهم؛ لأن الكاتب ده طبيب نفسي، بيساعدهم للخروج من الأزمة ومع كل واحد بيبدأ يكتشف أن كل واحد طلع كان محتاج نظرية تساعده في.
إيه الاختيارات بتاعة هذا الكتاب؟ أنا فوجئت أنه كتاب مليء بالظلمات الكآبة والتعاسة، يكفي أن هؤلاء ما عندهمش صلاة استخارة، يكفي أن هؤلاء ما عندهمش يعني نصوص قادمة من الغيب.
يساعدهم على أنه يخوض غمار الحياة، يا جماعة الحياة فيها صعوبة، الحياة مليئة بالسُّوء، ولقد خلقنا الإنسان في كبد، كمية المفارق اللي هتقابلك في الحياة كتير، يعني يعني أنا أرى زي مثلاً ما بعض السلف لما تيجي تقرأ في قول الله سبحانه وتعالى: ﴿وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ﴾ [الأنفال: 24]، بعض بينقله عن بعض السلف، عرفت الله بفسخ العزائم. أنا لو هقول أقول: عرفت الله في مفترقات الطرق، أنت فجأة بيجي لك مفرق، يعني لو دست على الزرار ده حياتك بعد الاختيار ده غير قبلها مختلفة تماماً، خلاص، انسى بقى الحياة اللي أنت كنت راسمها لنفسك في الدين أو في العلم أو في الدعوة، بعد.
هذا الخيار ستختلف تماماً، أنا فوجئت: إيه ده! الناس دي عايشة إزاي في هذا البؤس وهذه الكآبة؟ ما عندهمش أدعية، لسه مدي خطبة عن نظرات في أدعية صرف الهم والغم.
ما عندهمش الأدعية دي، يعني ما عودش أنه يجيب -يعني أنت ممكن أنت تعمل ده، تجيب أي كتاب أذكار وتشوف أدعية تفريج الكربات وتتأمل إيه المعاني المركزية اللي فيها- تعرف أن المعاني دي تساعد.
الإنسان الخروج من الهم، هو ما عندوش النصوص دي، فكل قاعدة قاعد بيجرب نظرية ويقول: أصل جالي فلان، ويحكي طبعا قصته وبيزعق وقاعد يقول: آه ده احنا استفدنا من ده كذا، طب نجرب في اللي بعده.
وده من أكتر الأسباب، نحن عندنا في الشرع ما يساعدنا على ذلك، مع الاستفادة طبعا بخبرات الآخرين، طيب، هنبدأ بقى مع بعض مجموعة من القواعد يساعدنا في أن احنا نختار عشان نقلل الأسئلة اللي بنديها للمشايخ، تمام؟
صلوا على النبي. أولاً، هنا مثلاً أحد التحليلات اللي مقدمها في الكتاب هو بيقول في البداية: بيقول أنا كنت الموضوع في الاختيار بسيط جداً، على فكرة أنا كنت زمان بعمل كده.
أي حد يجي يقول لي: اختار الاختيار ده ولا الاختيار ده؟ بيقول لي: إحنا بنجيب ورقة وبنكتب الخيار الأول، الخيار الثاني، الخيار الأول مميزاته واحد اثنين ثلاثة عيوبه واحد اثنين ثلاثة، والخيار الثاني مميزاته.
وعيوبه ونشيل دي قصاد دي، اتفضل دي، خلاص، نختار ده، فبيقول أنا كنت بكل بساطة متصور أن الاختيارات بتتعمل كده، فبقعد يقول لي: اختار ده ولا ده؟ أقول له: طب تعال أنا هساعدك.
فوجئت أن الناس أكثر تعقيداً من أن هو مش شخص ذهني، بيقول ده أنا قاعد مع بشر طلع عنده حاجة اسمها اللاوعي، وعنده تجارب في الماضي، وعنده آلام، وآمال، والشخص بقى عنده استعداد يختار اختيار أقل نفعاً، لكن أكثر إرضاء لنفسه يعني هو عارف أن الاختيار ده أقل مردوداً عليه.
واحد منهم اختر اختيارات لأنهم الدين عندهم لأسف مش موجود، اختر اختيار أقل مردوداً في الدنيا، فكان مفاجئ للناس، لكن بيقول كان أسعد لأسرتي، هو راجل كان بيحب الانتماء، فبدأ يكتشف أن ممكن يكون في أشياء عند الناس تضحي من أجلها لها أبعاد غير مادية، غير ملموسة.
فبدأ يقول: طب إيه ده؟ ده أنا محتاج عشان أساعد واحد في الاختيار ده أنا محتاج أقعد معه فترات طويلة، أفهم إيه اللي موجود عنده في اللاوعي، هنا بقى ده اللي هننطلق منه.
أنا رقم واحد أكثر حاجة تساعدك في الاختيار أن يكون عندك أصول ومركزيات ومحكمات ثابتة، هتساعدك على تقليل كم الخيارات التي أمامك.
نفصل، صلوا على النبي، نحن عندنا في الطب مثلاً أو حتى في أي اختبار أمسكه، أي اختبار اختيار من متعدد، نقول إن في وسيلة تساعدك لما يكون السؤال صعب حاجة اسمها، أو التشخيص حتى يعني الاستبعاد، يعني أنت عندك خمس خيارات هتقول الخيار الأول ده مش نافع، الخامس مش نافع، اتفضل ثلاثة.
لو أنت عندك محكمات شرعية قوية مترسخة عندك في اللاوعي، هتساعدك أن كتير من الاختيارات اللي بتقابلك في الحياة أنت هعمل لها استبعاد تلقائي، نفصل أكثر، أنت عندك تحب الله والرسول صلى الله عليه وسلم، وعندك موالاة لإخوانك المؤمنين والدار الآخرة، عندك مركزية في حياتك.
قاعد بيجي لك اختيارات بتتبعت لك أن أنت هتشتغل شغلانة هتساعد الأعداء ضد أولياء الرحمن، ضد المسلمين، هتستبعدها مهما يقعد يجيب لك المميزات، مش هتعيش تعاسة المفرق في الاختيار مع كل اختيار يتعرض أمامك.
خلاص، بنت مش عارف كويسة، ولو أعجبك حسنهم، الآية اللي هي بتاعة البقرة: ﴿وَلَوْ أَعْجَبَكُنَّ﴾ [البقرة: 221]، يعني اختيار عاجب، بس أنت عارف أن الأصول اللي عندك لا، هتبقى عامل استبعاد للاختيار ده.
شغلانة فيها كذا وكذا وكذا وفيها مشكلة ربوية، على طول استبعاد، مش هعيش أزمة المفارق مع كل عمر، أن يكون لك مصدر امداد، ركز بقى معي عشان تبقى تطلع القاعدة الأولى صح، أو النقطة الأولى صح.
يكون عندك مصدر امداد مستمر، الوحي وبتحضر دروس وعزية كتير، ده بيساعد اللاوعي عندك أن اختياراتك الأصل فيها دينية، أنت مش زيك زي الناس، مش كل ما الناس تتحط في مفرق أنت تتحط في نفس المفرق.
مش كل ما يحصل أزمة في اختيار معين، سفر لمكان معين، أو زواج بطريقة معينة، أو شغلانة بطريقة معينة أن أنت تعيش نفس الأزمة، أومال فين اختياراتك الدينية؟ أومال الدين اللي أنت بتقرأه؟
أعمل إيه؟ الدين هنا بالمفهوم العام، أنت مش محتاج الدين يديك التفاصيل بمعنى أفصل أكثر، أنت بتربي ابنك على قيم عامة، بتعلمه الصدق، الأمانة، الإخلاص، الوفاء، وبعدين بتسيبه يروح الحياة، ما بتمشيش معه جنب كل اختيار تصاحب ده ولا ده، مش هينفع ده، بتعمله في الأول، ابتديتوا قيم عامة، القيم العامة دي بتتحكم في تفاصيل الاختيارات الصغيرة.
فالنبي صلى الله عليه وسلم لما بعث مصعَباً لليمن هو معه قيم عامة كلية، التفاصيل الصغيرة القيم العامة دي بتتحكم فيها، هيصاحب ده ولا ده؟ هيتجوز دي ولا دي؟ هيشتغل الشغلانة دي؟ هيسافر المكان ده؟ كل ده فيه أشياء أساسية في اللاوعي، في الأصول، في المحكمات، في الثوابت التي أنت بتتلقاها بصورة دائمة.
وده فكرة الورد القرآني أنه يمركز هذه المركزيات، يخليها ثابتة عندك، فبالتالي أنا مش هعيش الأزمة في كل مرة، أنا خلاص أنت هتبدأ تعيش الأزمة في المباحات، وكلما الدين بيكون أعلى، كلما الاختيارات اللي قدامك بتقل.
تاني، كلما دينك بيكون أعلى وبتتلقى معاني تربوية عالية، كلما أنت الأزمات اللي قدامك في الاختيارات بتقل، لأن دينك لما بيعلى هو هيقلص لك الاختيارات المتاحة أمامك، فما عُدتش هتعيش أزمات كتير في الاختيار، واضح الفكرة دي؟
لأن أنت مش معقول كل يعني أنا مش معقول كل شغلانة هتتعرض عليَّ هعيش أزمة، يا جماعة الواحد لما بيعيش قدام المفرق كتير يتعب نفسياً، يتضغط، وهو بيقول هنا أن بعض الناس اضطروا يختاروا اختيار لأنه تعب نفسياً من التردد، اللي هو إيه؟ عارف لما تروح تاكل إيه أو تشرب إيه ويسألك تقول له أي حاجة، سؤال يعني أزمة الاختيارات.
فهنتغدى إيه النهاردة؟ أي حاجة، على رأي واحد بيقول لي أنا فكرت أعمل أبليكيشن يساعدنا في إجابة سؤال هنتغدى إيه النهاردة؟ هدخل عليه المكونات اللي عندنا، ويعمل روتيشن مع نفسه، ويطلع لها الاختيارات، تتغدى إيه؟ تقول لها دوسي على يطلع لك عشان أخلص من ضغط هنتغدى إيه النهاردة.
الوقوف أمام المفرق كتير متعب نفسياً، فبالتالي لو أنت بتتلقى معاني إيمان وليك أصول ترجع لها، أي مفرق قدامك، أو مش أي مفرق، كتير من المفارق بسهولة، أنا مش هروح الشغلانة دي فيها مميزات، أنا مش هسمع المميزات عشان ما أتعبش نفسياً، أنا مش هدي لنفسي مساحة أن نفسي تتلقى هذه المميزات فتواجه الأصول التي أنا أتبناها، لا أنا مش هعمل ده، أنا مش هسافر المكان ده، أنا مش هروح، مش هعمل ده ليه؟
لأن أنا عندي أصول، مش هقعد أضغط نفسياً مع كل خير، يبقى إيه ده؟ رقم واحد، المركزيات والأصول التي أنت تتبناها بتساعدك في كتير من الاختيارات وبتسهل عليك ده.
أنت عايز تروح تصيف في مكان، جالك عشرين اختيار، أنت ممكن لو أنت عندك الحلال والحرام عالي وخايف من الفتنة، أنت بمجرد النظر عشر أماكن طاروا، مش هتروحهم خلاص، طب اسمع مميزاتهم؟ مش عايز أسمع مميزاتهم، فانت عندك أصول ترجع لها بتساعدك في ده.
الجوازة دي خلاص دي دي ودي طارت، الشغلانة دي دي ودي ودي ودي طارت، الصحبة دي، المكان ده، ده بيساعدك، لو أنت ما عندكش أصول ترجع لها، أو الأصول دي هشة، أي اختيار وارد أنك تختاره.
وعلى فكرة، قلنا المعنى ده تقريباً قبل كده، أوْعى تظن أن الشيطان -سواء شياطين الإنس أو الجن- مش هيعرضوا عليك الاختيارات دي، مش معنى أن أنت الشيطان شايفك شيخ مثلاً مش هيجيب لك الاختيار ده، لأ عادي، ممكن الشيطان أو أنت بتصور نفسك مثلاً شيخ ولحيتك طويلة ومش عارف إقرا بالتجويد وكل حاجة، والشيطان وشياطين الإنس والجن يعرض عليك امرأة -والعياذ بالله- بغي، عادي جداً وارد، حصل مع جُريج.
فالإنسان بلاش يظن لا أصل الاختيارات دي مش هتيجي لي، مين اللي قال لك إن هي مش هتيجي لك؟ مين اللي قال لك؟ أغلب الناس، لكن كان في كتاب اسمه إيه؟ تأثير الشيطان، بيتكلم أن أغلب الناس ساعة الرفاهية، ساعة عدم الاختبارات كله زي كله زي بعضه، لكن أول ما يتحط قدامك مليون دولار مثلاً حرام.
يعني قبل ما يتحط قدامك لا حرام ومش عارف إيه والرِشوة، طب اتحط قدامك هتعمل إيه؟ فإذا الإنسان عشان ما يعرضش نفسه لهذه الأمور، لابد أن يكون عنده أصول من الوحي ثابتة.
ودائماً أنا بنصح يا جماعة، القرآن المكي ماذا كان يزرع القرآن المكي في نفوس الصحابة؟ يعني سر الثبات الذي خلاهم يفتحوا العالم، وللما نزلت التشريعات سكبوا الخمر، وجاهدوا أقرباءهم، وقفوا في وجوه آبائهم وأبنائهم، المعاني الأصيلة التي في القرآن المكي هي دي الأصول التي لما تستقر بقوة وبُعمق بتساعدك في تفنيد كثير من الخيارات التي أمامك في زمن مليء الرفاهيات والاختيارات المطروحة أمامكم، واضح النقطة الأولى ولا عايز توضيح؟
طيب، وأكثر شيء بيغذي هذا القرآن فكرة الورد، ودائماً من القصص التي أنا حكيتها كثيراً في كثير من الدروس، يعني واحد صاحبي كان جاي بيقول لي أنا عايز استشيرك في مشكلة دنيوية، عايز يختار ما بين شغلانتين، وفي اللحظة دي كان على مجيء واحد صاحبي -جزاه الله خيراً- بيطيل الصلاة، سؤال قلنا نصلي ركعتين الأول.
فالأخ صلى بالإسراء ومريم وطه ركعتين، الأخ ده قلت له طب هنصلي بس ركعتين الأول وبعدين أسمع سؤالك، وقف صلى بنا ركعتين، بعد الركعتين بقول له إيه سؤالك إيه؟ قال: خلاص المشكلة اتحلت، طبعا ما هو واقف بقى له... ده فعلاً، فإيه المشكلة؟
بعد كده بدأت أسمع منه، بدأت بيقول لي: لا ده في آيات في سورة طه كذا، هو إيه اللي حصل؟ هو أنت أصلاً فكرة الصلاة الاستخارة دي بتعمل لك حالة من التوازن، الصلاة نفسها والدعاء نفسه دي حالة من التوازن، لأن المفرق بيبقى مربك، فانت عود نفسك وده هنتكلم عنه إن شاء الله أزمة رقم ثلاثة وأربعة، المسألة تعود نفسك الفزع إلى الله سبحانه وتعالى، تلجأ إلى الله سبحانه وتعالى مسألة الاختيار.
طيب، نجيء للنقطة الثانية عشان تساعدك في مسألة الاختيارات، قلنا مشكلة الاختيار أيضاً أن أنت زي ما اتكلمنا في مسألة فوائت الحياة، الحياة التي أنت سسيبها.
أكبر شيء بينغص على الإنسان نفسياً في الاختيارات الموجودة الآن أن هو أصلاً مضخم الدنيا ومضخم نفسه، يعني أتكلم مع كتير من الشباب مثلاً يحكي سواء أنا بحكي له اختيارات في حياتي أو هو يحكي أو بنتكلم عن ناس، فتلاقيه مثلاً بقول لي فلان مثلاً اختار الاختيار ده إزاي؟ طب ما كده ممكن يحصل كذا.
لما بتقعد بقى مع ناس -بفضل الله- كبيرة في الواحد ما يقعد مع مشايخ كبيرة في السن وياما ضحت، وبعدين وايه يعني أصلاً هيخسر كذا لو خد اختياره؟ لما يخسر السلام عليكم ورحمة الله وبركاته، الحمد لله وحده، والصلاة والسلام على من لا نبي بعده، محمد صلى الله عليه وسلم.
كنا ذكرنا هيكل الدرس كده، قلنا في الأول أن كثرة أسئلة الشباب في الأعمال التربوية في مسألة الاختيارات الحياتية، ولا سيما في حالة الوفرة التي نعيشها، الكليات المطروحة، الفرص الدنيوية، وده بيزداد جيل بعد جيل، يعني نحن الواحد يفتكر المكان في الكلية كان قليل مننا اللي عنده الوعي أن فيه فرص سفر وهجرة، تلاقي مجموعة بسيطة في الدفعة هي اللي عندها الوعي ده مثلاً.
أو بيتواصل مع الخارج لأن كان التواصلات ضعيفة، دلوقتي لأ، في أي كلية أو في أي مجال الفرص المفتوحة كتير جداً، فهنا بتنشأ أن اللي عايز يعمل لدين الله هو أصلاً عنده رسالة، فبيسأل هل هذه الخيارات الحياتية تؤثر على مسار الرسالة التي أنا اخترتها ولا لا؟
ولذلك هذا الدرس هو فرع من درس إشكالية الجمع بين الدين والدنيا، عشان الناس بتبقى زعلانة ليه هو الدرس متأخر ليه يا إمام؟ وبعدين ما هو أنا كل ما أجي خلاص هدي الدرس ألاقي يحصل تعويم فمش عارفين نجمع بين الدين والدنيا خالص، مش راضية تضبط يعني، فكمية الحاجات التي الواحد بيسمعها ما كانش متصور اه أن الاختيارات مثلاً في الشغل كذا أو كذا أو كذا أو فرص سفر دي الناس بتقول لي أسامي.
هو لما بقاش عارف الدولة دي فين بقى في الخريطة أصلاً، يعني مش عارف الدولة دي فين؟ يقول لك ده في فرص عمل هناك، وهل في هناك دعوة؟ وهل في هناك مثلاً دعوة غير المسلمين؟ فكل ده خلي الواحد يفكر إيه ده، عايزين نجمع كل هذه الخيوط لأصول نرجع لها.
قلنا رقم واحد أن لابد أن يكون عندك أصول في دينك، أنك تبدأ بأهمية أنك تبدأ بالمكي قبل المدني، أنك الرباني الذي يعلم الناس صغار العلم قبل كباره، الصغار دي اللي هي المحكمات سهل أنك تمسكها، فما ينفعش أنت أصولك الشرعية ما تكونش متينة، هتهتز مع كل مفرق يقابلك في حياتك.
لما تقعد فترة الشباب وفترة الجامعة، دي فترة الحياة مع معاني الدين، دي الفترة التي أنت بتحط فيها البذرة وتقعد تسقي فيها وتعيش ما وراكش حاجة، طول الليلة دي أو الأسبوع أو الشهر مع سورة الأنعام، والشهر اللي بعده مع سورة الأعراف، وتلت أربع شهور مع سورة آل عمران، أنت ما وراكش حاجة، لأن أنت دلوقتي بتزرع معاني هتكمله معك طول الحياة.
بعد كده كمية الفتن التي هتقابلك وتنوعها كبيرة جداً، ابنك لما يقعد يعيط وعايز حاجة وبتدفعك أنك تعمل حاجة حرام، أصحابك في الشغل لما يعرضوا عليك فرصة وأنت عارف أن فيها شبهة، اختيار دنيوي عارف أنه هيصرفك عن رسالتك، كل ده هتقابلك في الحياة بعد كده، وأكثر من ده هتعرض عليك.
فبالتالي لابد أن يكون عندك أصول ثابتة تصرف عنك هذه الأمور -بفضل الله سبحانه وتعالى-.
رقم اثنين وده اللي كنا واقفين عندها أن جزء من الأسى النفسي عند الاختيار أن نحن مضخمين الدنيا أصلاً، وأن أي خسارة فيها بتعمل لنا... أنت لو ماشي عربية اتخدشت قدامك أنت تقول يا وتزعل، فما بالك أصلاً... يعني أنت لو العربية بتاعة الراجل الغلبان الفقير اللي هي بالنسبة لك مش حاجة ضخمة يعني اتكسرت ما بتزعلش، أنت بتزعل للغني اللي هو مش محتاج لك تزعل له أصلاً.
العربية التي هي الضخمة التي هي غالية أنت لو اتخدشت أنت بتزعل تقول خسارة فيها، والغلبان اللي عربية ما عندوش غيرها ده قعد يقلب به يقول لك مش مشكلة دي عربية تعبانة.
إيه اللي حصل عشان ده من إن أنت لا ده لازمك ولا ده لازمك؟ بس أنت من تعظيم الدنيا، إحنا بنستخسر إن الدنيا يحصل لها حاجة. يا جماعة، كل الدنيا دي هتتشال يوم القيامة، ﴿وَنَذَرُ بَعْضَهُمْ يَوْمَئِذٍ يَمُوجُ فِي بَعْضٍ وَنُفِخَ فِي الصُّورِ فَجَمَعْنَاهُمْ جَمْعًا﴾ [الكهف: 99]، عادي، أنت متصور إيه؟ ما كل ده هيتشال.
فتضخيم الدنيا مخلينا قبل كل اختيار نقعد نفكر كتير، وقال لك إيه أصل افرض سبت الاختيار ده اللي معروض عليّ وطلع صح، يعني إيه طلع صح؟ ما فيش حاجة اسمها طلع صح، ما فيش، ده أنت بس عشان مضخم موضوع إن أنت يفترض -أنا قلت إن الدرس ده فرع بين الجمع الذي مدي له الدنيا- أنت متصور إنك مفترض تكون سوبر مان في الدين وسوبر مان في الدنيا.
مين اللي قال لك أصلاً التصور ده؟ جبت التصور ده منين؟ هو أصلاً فكرة الجمع بين الدين والدنيا، مين اللي قال لي شرط أصلاً يشترط بهذه الطريقة المتخيلة؟ فبالتالي، جزء كبير من تضخيم الدنيا في صدورنا، النبي صلى الله عليه وسلم بيقول إن الهم بيغير طريقة النظر: «من كانت الآخرة همه، جمع الله عليه شمله، وأتته الدنيا وهي راغبة، وجعل الله غناه في قلبه، ومن كانت الدنيا همه، جعل الله فقره بين عينيه»، نزلته للحياة اختلفت، اللي عنده هم آخرة شايف الحياة غير اللي عنده هم دنيا بيطغى عليه، كلنا عندنا هم الدنيا، هي مسألة أففضل تفضيل أكبر وأصغر.
قال صلى الله عليه وسلم: «اللهم لا تجعل الدنيا أكبر همنا»، والهموم تحارب بالهموم. أنت عايز تساعد نفسك في اختياراتك؟ محتاج تزود هموم الآخرة، مش بس إن أنت محتاج تزود معلوماتك عن الاختيار بتاعك، يعني ممكن أنت قدامك مفرق، قدامك اختيارين، مش عارف تختار بينهم بقالك فترة، أنت ممكن تروح تعتكف أو إيمانك يزيد، هتلاقي نفسك بتلقى إيه اخترت اختيار، اللي هو الاعتكاف أو زيادة الإيمان أو العمرة أو الحج، هو لم يساعدك في تفاصيل المسألة، لأ، أنت إيمانك لما زاد وقع لك اختيار تلقائي.
فتضخيم الدنيا وبرضو تضخيم النفس -ودي أظن اتكلمت عليها المرة اللي فاتت- أنت مستخسر نفسك في أي حاجة، يعني اختار الاختيار ده في الدين أصل جايز وأفرض، وفي الدنيا عايز يختار أعلى اختيار، وكذلك حتى في الدين أفرض مثلاً يعني تلاقي واحد باعت لي رسالة نص ساعة، يقول لي إيه رأيك في الدرس ده اسمعه ولا لا؟ فأنَا مثلاً ما أردش ويبعته لي تاني، ويقوم عامل لي علامات استفهام، يا عم كان زمانك سمعته ده نص ساعة، أنت مستخسر نفسك يعني كان زمانك، إيه رأيك في الكتاب ده؟ ويقعد يسأل وكل ما يا عم أنت كان زمانك قرأته، ما حصلش، ما أنت يا إما بتضيع اوقات.
إحنا تضخيمنا لنفوسنا وللدنيا مخليانا عند الاختيارات خايف تخسر، طب ما تخسر. وده يخلينا نقطة رقم ثلاثة: لو أنت في حياتك بتبحث عن ابتغاء مرضاة الله، العامل ده لو موجود عندك هيسهل عليك حاجات كتير قوي. وده غير رقم أربعة، أنا قلت رقم واحد: الأصول والكليات اللي عندك في اللاوعي بتساعدك في كتير من الاختيارات، رقم اثنين: تضخيم الدنيا وتضخيم النفس، رقم ثلاثة: ده اللي بنتكلم فيه دلوقتي ابتغاء مرضات الله، رقم أربعة: عدد التوكل، ده هنيجي له.
ده غير ده، لو أنت عندك مسألة ابتغاء مرضاة الله، بمعنى قدامي اختيارات، وأنا كنت أظن أن هذا الاختيار أرضى لله، أنت كدة ما خسرتش أي حاجة، اختار الثاني طلع أفضل وطلع بيجيب أكثر، واللي مشي في الطريق الثاني طلع معه فلوس أكثر، أو طلع معه أي حاجة أكثر، أو كتب أكثر، أنت ما خسرتش أي حاجة، أنت دائماً مستريح: يا رب، ضعيف، فقير، مسكين، لا أعلم، أنت أصلاً دعاء الاستخارة مبني على الفكرة دي: «أنت تعلم ولا أعلم»، ما أعرفش، «وأنت تقدر ولا أقدر»، ما أعرفش، يا رب ساعدني في الاختيار، وهختار إزاي وأنا أصلاً ما أعرفش؟ مقالده، أنت بتقول في الاستخارة في عاجل أمري وآجله، ما هو أنا ما أعرفش، وإذا كنت أعرف الشبر الأول، أنا ما أعرفش إيه اللي هيحصل بعد كده.
ياما ناس بتجري على وظائف عشرة خمستاشر سنة، والوظائف دي ما عادش بقى لها قيمة، وتطلع وظائف ثانية، فالناس تتجه ليها، ويحصل تغيرات، والدنيا عمالة بتقلب، فالناس لو أنا بختار ومستحضر عامل أنني أريد أن يرضى الله عني، ده هيريحني جداً في اختياراتي، ما كنتش أعرف، خلاص والله ظننت أن هذا يرضي الله سبحانه وتعالى، ربنا سبحانه وتعالى لن يضيعني في الدنيا ولا في الآخرة، لا يشترى، أنا ما أعرفش، ده رقم ثلاثة.
رقم أربعة، مسألتي أنا بمشي عشان الوقت، مسألة الوقت، مسألة التوكل، بمعنى: إحنا قلنا لابد في حاجة اسمها عالم الغيب والشهادة، مهما وصلت من التفكير والتخطيط والإدارة والمشورة وعملت كل حاجة، هيظل فيه جزء غيبي في كل اختيارات الحياة، لو كان معنا وقت كنا هنجيب أمثلة تطبيقية سواء على العمل أو الزواج، أنت لو أخدت سريعا قضية الزواج، أيوه أنت هتعرف منين يعني؟ هتعرف مين دي الأصلح، أو هي هتعرف منين أنت الأصلح؟ تعرف منين؟ ده أنت ده أنت ممكن ممكن فيه عيوب تظهر بعد ست سنين زواج، هتتجوزها ست سنين وبعد كده تختار هتعمل إيه يعني؟
أنت ممكن تختار شغلانة وتكون ماشية كويس جداً خمس سنين تنهار، تجارة وماشية كويس جداً وبعدين انهارت بعد عشر سنين، هتعرف مين؟ مين اللي يعرف المقالات؟ في جزء غيبي في كل اختيارات الحياة، هذا الجزء، وطبعا وعالم الشهادة لا يملكه إلا الله، أصل الجزء الغيبي أنت ما تعرفش فيه حاجة، فلا بد من قدر من التوكل والتسليم، الجزء الغيبي ده لو اتشال من تصوراتك ومن حياتك، هتعيش في تعاسة وكآبة، وهو ده اللي احنا بنتعلمه: إن كل حاجة لازم تقيسها، كل حاجة لازم تكون ممسوكة، كل حاجة لازم تكون عارفها، طبعا ده بيخليك متوتر: ما أعرفش، أنا ما أعرفش إيه اللي هيحصل بعد كده؟ أنا ما أعرفش.
وياما ناس زي ما قلت اختاروا اختيارات والدنيا اتقلبت فيهم، بقى في مكان تاني خالص، فبالتالي ما ينفعش تشيل الجزء الغيبي من علاقتك بالله، ما ينفعش، أنت بتعرف الأشباره الأولى وده اللي ربنا طلبه منك، اللي هيحصل بعد كده أنا متوكل على الله. إحنا رايحين دلوقتي الهجرة من مكة للمدينة، ما نعرفش إيه اللي هيحصل، تبعات رقم اثنين ورقم ثلاثة، تلاقي واحد عايز يسألك: طب وبعد كده؟ تقول له مثلاً ممكن تعمل كذا لو سافرت مكانها، طب وبعد كده؟ ما أعرفش، ما أعرفش.
بيقول له: أبدأ امشي في العلم ده، طب وبعدين؟ ما أعرفش، وبعدين؟ لا، هو عايز واحد -وده يعني ده المشكلة- تصورات بعض التيارات عن التمكين أنه عايز واحد يقول: نحن الآن في هذه النقطة -أيا كانت نقطة في الاستضعاف- واحنا هنمشي مع بعض هنعمل كذا، سم كذا، سم كذا، ونقطة التمكين فاضل مثلاً عليها إيه؟ ألف وخمسمائة كيلو، وعايزك بقى كل شوية يلتفت لك: ها، فاضل قد إيه على التمكين؟ تقول له: ألف ومئتين كيلو، هو متصور أن فيه أصلاً التصور ده غلط كله على بعضه، يعني لو فيه نقطة اسمها التمكين بالصورة اللي هو متخيلها، ولا أصلاً حد يملك هذا التصور، وكل من ادعى هذا التصور حصل له حالة من الإحباط واليأس بعد كده، ده مش موجود، الحياة لا تسير بهذه الطريقة أصلاً، بس ده عايز درس تاني، التصورات الخاطئة عن التمكين، ده عايز درس تاني.
فبالتالي مسألة إن أنت في جزء من حياتك وعلاقاتك فيها جزء غيبي، أوعى تشيل الجزء ده، فكرة إنك كل حاجة عندك محسوبة وكل حاجة عندك ممسوكة وكل حاجة عندك بالورقة والقلم ما ينفعش. يعني أنت عايزني ما ما أدرسش الأمر وما أنا ما قلتش كده، وبعدين حتى مش هاخاف ما تعملش عفو، أنت تخوفني يعني؟ ما تعملش، ما أنت عملت وفشلت يعني جات عليّ؟ جرب بقى تسيبها لله شوية، يا أخي، ما أنت يا إما خططت وفشلت، يا إما رتبنا على اعتكافات وبازت، يا إما ما جتش، يعني في الآخر بتمشي من حيث لا تحتسب أصلاً، لكن مش ده مقصدي، أنا المقصد إن في، يعني النبي صلى الله عليه وسلم يقول لامنا عائشة: «لا تحصي فيحصي الله عليك»، وأظن في رواية في مسند أحمد كانوا في مجلس ومش فاكر، وبعدين حد النبي أعطى شيئاً لسائل، جاء سائل فأعطاه شيئاً، أرادت أن تنظر فيه قد إيه اللي طالع، وقال: اه، يعني مش فاكر، يعني أنت معنى الكلام يعني أنت عايزة أن كل ما يدخل وكل ما يخرج تعلمين به؟ «لا تحصي فيحصي الله عليك»، لا، يعني عارف يعني إيه؟ أنك تقول لواحد فيه حتة ما تعدهاش، بالنسبة للعقليات الهمسية ده بالنسبة له يحصل له، يعني إيه ما عدهاش؟ يعني تقول له: سيبها كده، يقول لك: لا، ما أعرفش.
طيب، أنت لو سألت كثيراً من الناس اللي ربنا فتح لهم بيوت ومتجوزين، وقلت له: هي حياتك ماشية إزاي بالتفصيل؟ ولكن ما أعرفش، ولو قعد ينخر، ماشية زيها تبوظ، سيبها في جزء من الحياة ماشي كدة، واللي مصمم أنه مش هيتجوز ومش هيعمل كذا ومش هيعمل كذا إلا لما يكون عارف واحد واثنين لغاية ألف، مش هيتجوز، وبيقى مكتئب وبيبقى تعيس، لأن في أمور غيبية، في شيء اسمه البركة، أنت بتعامل الله سبحانه وتعالى، المؤمن يجري عليه ما يجري على الناس، لكن له معاملة خاصة، تجري عليه السنن، لكن الله سبحانه وتعالى يعامله معاملة خاصة، أنت ليه عايز تشيل الجزء الغيبي من خيارات حياتك؟ وهنا بتيجي قضية الاستخارة، يعني تخيل دائماً ودائماً بقول النقطة دي عشان تفهم عظمة شيء في دينك.
تخيل إن في ملحد شايفك، عشان تفهم يعني إيه فكرة مسجد وملايكة بتحيط وجاي، عشان تفهم ده تخيل واحد مترستر مع صفر، وجاي بيتفرج على هذا المشهد، وأنت بتشرح له أن الله سبحانه وتعالى ينادي علينا، وهذا بيت الله، واحنا رايحين نقف بين يدي الله، والمسلمين يجتمعون والملائكة تحيط بهم، أنت بترجع تكتشف عظمة الإسلام، عشان تفهم يعني إيه الاستخارة؟ تخيل واحد ملحد أنت قاعد معه، وبعدين قدامكم فرص عمل أو فرص سفر، فهتختار دي ولا دي؟ فقلت له: سانية ومستخير ربي، فهو مش فاهم الركعتين دول هيعملوا إيه في الاختيارات اللي قدامنا دي؟ مش مثلاً قايم تجيب أوراق أو قايم تبحث عن النت أكثر، لا، أنت قايم تصلي ركعتين تستخير الله سبحانه وتعالى، هو بالنسبة له: أيوه دول هيفرقوا في إيه؟ يعني بعد ما هتصلي هيظهر لك أرقام أكثر؟
يظهر لك بعض الناس يقول لك: بس أنا استخرت وما حصلش حاجة، أنت عايز إيه اللي يحصل؟ هو برضه عايز يقيسها مادياً، يقول لك: بس أنا استخرت ووقفت قدام الاختيارات ولقيتها زي ما هي، أيوه يعني أنت متصور برضه إن هي هتتزاد أرقام؟ يعني هو شغلانتين عايز يخلص الاستخارة ويجي يلاقي الفلوس دي بقت أكثر، يقول لك: أيوه دي نتيجة الاستخارة؟
لا، أنت بتقول في عاجل أمري وآجله، أنت ممكن تكون الاستخارة دي في آجله، ممكن ربنا صرف عنك لأن دي خير عاجل لكنها ليست خيراً آجل، فانت بتستخير لأن أنت عارف إن في جزء غيبي في كل اختيارات الحياة وفيه جزء دائماً في حياتك أنت لا تحصيه، ما تعرفش حتى لو حاولت -أفترض أن أنت مش عايز تاخد بهذه النصيحة، أنا أقول لك: أنت مش هتعرف، اخبط دماغك في الحيط، مش هتعرف، كمية العوام ودي كلمة بتضايق المهندسين، كمية العوامل التي تؤثر في أي شيء لا تحصى، العوامل التي تؤثر في في خروج محصول، في فوز جيش في معركة، في نجاح مطعم، في أي شيء، كمية العوامل التي تحيط به لا تحصى.
استعين بالله، تاخد بما تستطيع من أسباب، في جزء غيبي أنت تفوض أمرك إلى الله سبحانه وتعالى، ﴿فَإِذَا عَزَمْتَ فَتَوَكَّلْ عَلَى اللَّهِ﴾ [آل عمران: 159]، لابد يكون عندك هذا التوكل في الاختيارات، ما ينفعش بعد ما تختار لو أنت فاقد التوكل، ستظل دائماً في حسرة: ويا ريتني ما كنت، لو أنت فاقد لو أنت ما عندكش أصول كلية والدنيا عندك ضخمة وما عملتش ما كنتش مركز في ابتغاء مرضات الله ونسيت التوكل، لابد أنك هتعيش في حسرة مع كل اختيار هتختاره وهتبقى ندمان وحاسس.
طب، تخيل أنت عندك الحاجات دي إيه اللي حصل يعني؟ أصل طلع اختيار غلط، ما يطلع غلط يا جماعة، الواحد التقى بإناس وخصوصاً لما بيسافر مثلاً الحج والعمرة، بيعمل بقى جنسيات مختلفة وناس يعني عندهم ممكن واحد عنده مشاكل ضخمة وتلاقيه بياخد قرار في خمس دقائق، أنا مستغرب، هو القرار ده هيترتب عليه حاجات كبيرة في حياتك؟ سواء خسارات مادية كبيرة أو هيغير مكان حياته أصلاً، بتسأله: هو ده أنت إزاي؟ بتكلم معه عايز أفهم منهم مثلاً اللي بيقول لي -زي المثل المصري اللي يقول لك: ياما دقت على رأس طبول- يعني إيه اللي حصل يعني؟ يطلع غلط، أما يطلع غلط هيعمل إيه يعني؟ ما هو هنقعد تقول لي جايز يطلع غلط، هقول لك: جايز يطلع صح، هتقول لي: إيه جايز يطلع غلط؟ هاقول لك: إيه، هنفضل هنا بقى مش هنمشي.
وبعدين، طيب هعمل ما هو أنا مش ربنا، في جزء كبير من المشاكل هتستريح لما تقول لنفسك: أنا لست على كل شيء قدير، أنا لست عليماً بكل شيء.
لما ده بيكون قناعة، عندك القدرة والعلم، أنت تعلم وأنا لا أعلم، تقول لربنا كده وأنت تقدر وأنا لا أقدر، ده هيريحك في كتير من اختيارات الحياة. ما أعرفش اللي أفهّمه كذا واللي قدرت أعمله كذا، توكلنا على الله.
حتى أهل الدنيا تلاقيهم في حالة من الحسرة أنه اختار الأرض دي مكان الأرض دي، فحصل تغير في شكل مش عارف المنطقة، فدي خسف بها الأرض ودي زادت، أو باع مش عارف إيه، ودائماً عايش في، حصلت، ما خلاص يا جماعة، هو ترتيب ربنا في أقدار ما حدش كان مطلع على الغيب. فمسألة التوكل، وإياك أنك أنت تشيل الجزء الغيبي في علاقتك حتى في الدين في الهدى، أنك أنت متصور أن الدرس ده أو الأكاديمية دي أو الكتاب ده أو الشيخ ده هو اللي فيه الهدى فقط، ده سوء ظن بالله. أنت بتدخل حد زيك، بيعجبني دائماً الكتاب بتاع الشيخ فريد الأنصاري رحمه الله، التوحيد والوساطة في التربية الدعوية. أنت ليه مصمم تدخل وسيط في علاقتك بالله؟ أنت في جزء أنت لازم تختاره، دي اللي هنتكلم عنها بعد كده في الآخر.
خلاص، إحنا كده اتكلمنا على أربع أمور، رقم لسه حاجتين، رقم خمسة خلي دي الخمسة دي، ماذا بعد الاختيار؟ خلينا ستة نرجع للخمسة دي. عايزين نتخلى عن الحدية في اختيارات حياتنا، وممكن وده يعني بفكر فيه بقالي فترة، أننا نتكلم عن ما يسمى البديل النسبي، أن الإجابات ممكن تكون بنسب بدل ما تكون اختيارات حد، وده بينفع كثيراً جداً في الدين والدنيا، في الجمع بين الدين والدنيا، اللي أنا بسميها لما يجي طالب بيقول لي: كيف أجمع بين الدين والدنيا؟ بقول له: نظرية سبعين ثلاثين، أو ستين أربعين، أو ثمانين عشرين، أي حاجة أنت بتقعد تغير في النسب. أنت في الإجازة بتبقى عندك تسعين في المية دين وعشرة في المية دنيا، وكل ما بتقرب من الامتحانات أنت قاعد بتقلل النسب وبتزود النسبة ناحية الدنيا وبتقلل، لكن عندك ثوابت. فالنسب ديت في بديل للاختيارات الحادة عند الناس؛ سواء أطلب العلم ده ولا العلم ده؟ تتعلم أن أنت عندك أصل في علم أنت متميز فيه، فتح لك فيه، ده بتدي له النسبة الأغلب.
غالب الناس ما بيستريحش في قضية النسب، هو عايز يكون سلماً لشيء. أمور النسب دي بتريح في جزء، بس بتتعبه في جزء تاني، اللي هو يقول لك: كم بالضبط؟ يعني مثلاً شخص يريد أن يأكل من عمل يده، يتزوج، متزوج عنده أولاد، عايز أطلب العلم، عايز أدعو لله سبحانه وتعالى، عايز يراجع محفوظاتي الشرعية، عنده مجموعة من العوامل في حياته. فبالتالي هو مطالب، عايز يبقى عنده نوع من اللهو في حياته، له أصدقاء عايز يحافظ عليهم، له والدين فيه بر والدين، فبالتالي في أشياء كتير في حياته هو مضطر إجبارياً، وعنده شيء محدود من الزمن، والزمن عنده مش مفتوح، عنده محدود من الزمن ومضطر يقسم الأيام والأزمنة على الواجبات دي. هو مضطر يعمل ده، ما ينفعش ينزل بالأزمنة على الأمور دي بنسب ثابتة وتفضل زي ما هي، وجابوه محتاجه، لا والله أنت خلصت نسبتك النهاردة. ماشي يا عم الحاج، والله أنا والله كان نفسي أنت زي أبويا، بس أنا ما فيش والله، أبنه تعبان. لا والله! ده كان وقت.
أنا عملت درس اسمه الثابت والمتغير في العلاقات الاجتماعية. في أشخاص عشان يستريح نفسياً هو مثبتها، أعرف شخص كذا يعني إيه؟ هو ما بيستقلش مثلاً غير يوم الثلاثاء، يوم الأحد في جنازة تيجي يقول لك: لا والله، كان مات الثلاث بقى، مش ما فيش والله، ما فيش، ما عنديش. لا، ما هو أنت لازم يبقى عندك حالة من المرونة، تتعلم هذه المرونة. اليوم ده يوم فاضي، ما تقوم تجيب ركعتين طوال. خلاص، أنت أتقفل عليك النهاردة في العلم، خلاص أنت مش مفتوح لك، اقعد استغفر أنت كنت رايح حاجة وباطت. يعني لازم يكون عندك هذه العبودية المرنة، الحياة مليئة بالمتغيرات. فكرة أن أنت كنت النهاردة حاطط أنك هتعمل كذا أو مرتب، أو الأسبوع ده أو السنة دي، عجبني كنت بسمع كلمة جميل أوي للشيخ البحيوي وهو بيتكلم في البلاءات الابتلاء، فبيقول، بيشرح حديث النبي صلى الله عليه وسلم، صلوا عليه، أن كان اللي يكون مريض أو مسافر: كتب الله له ما كان يعمل صحيحاً مقيماً. بتتكلم على فكرة المرض، فبيقول الجملة في الوسط: لأنك قطعت عن العمل لوجهة تعرف، تاني! يعني واحد نفسه يعمل عمل للدين فمرض فزعلان أنه مش قادر، فهو بيقول له: ده ربنا بيقول لك أنا هاديك الأجر ده، بس ركز أنت دلوقتي في عبودية تانية، إنما قطعت لوجهة تعرف أنت هتتعرف على ربنا باسم جديد.
بمعنى تاني، خليك مرن، يعني العبوديات متنوعة، المرونة دي بتساعدك في اختياراتك، يعني مش لازم تكون صلب في تقسيمة حياتك، لأ، لازم يكون عندك نوع من النسبية. مرة تزود ده شوية ومرة تقلل ده شوية، ومرة أو الفترة الزمنية دي أنت محتاج تشد في عبادة معينة، الفترة دي أهلك محتاجينك، الفترة اللي بعدها الدين محتاج منك عمل معين عشان يقوم محتاج تركز فيه، الفترة اللي بعدها أنت مضطر تكون عندك هذه، هيساعدك بدل ما تقول إيه؟ يا إما ده يا إما ده. ما تبقاش متصلب في هذه الاختيارات. آخر شيء، ودي أهم نقطة، قبل الاختيار، أثناء الاختيار، بعد الاختيار، لابد كما قلنا أنت الذي تختار هذا الاختيار. كل اللي بنقوله المشورة الاستخارة كل ده عوامل مساعدة عشان أنت اللي هتدوس على الزرار، فلابد أن تتحمل ثمن هذا الاختيار. أغلب الناس لا يريد أن يتحمل ثمن اختياراته.
والقاعدة بتقول إيه؟ القاعدة الأولى بتقول إيه؟ أيوه ما حدش بياخد كل حاجة. القاعدة التانية: كل حاجة لها ثمن. بما أن ما حدش بياخد كل حاجة وأن كل حاجة لها ثمن، أنت عايز تختار اختيار معين، اختر ده له ثمن. أنت عايز تختار أي حاجة، طالب علم، تدعو إلى الله، ده معناه أنك هتخسر أشياء أخرى، هتعيش حياة بصورة معينة، أنت اخترت لك تصور معين عن الصداقات، فبتعيش بطريقة معينة، هتخسر في المقابل لها صداقات أخرى. أنت اخترت زواجة معينة، اخترت عمل معين هيدر عليك نفع مادي، بس عشان تختار العمل ده هتخسر علاقات معينة. تلاقي مثلاً اللي بيسافر يشتغل في الغربة هو يرزق بالمال، يرجع زعلان أنه خسر أصحابه، هم أصحابي ومش عارف إيه، ما هو دي طبيعة هذه الحياة، مش بقول أن ده الصح، بقول دي أمور واقعية في الاختيارات، أن اختياراتك لها ثمن.
أنت عايز زوجة بصورة معينة، الأخت عايزة زوج مواصفاته واحد اتنين تلاتة، هي مش واخدة بالها أن غالب أو طبيعي أن أي صفة لها وجهين. يعني أنت لو عايز زوجة طيبة طيعة بتسمع الكلام، فيه وجه أخر للصفة دي أن هي ممكن ما تتصرفش في بعض الأزمات. يقول لك: لا أنا عايز الاتنين، ما هو ده مش هي. عايز زوج مش عارف يكون طالب علم ويكون إيه، ما هو الزوج ده غالباً يعني نكدي، طبيعي جداً، يعني واحد قاعد بيقرأ فلسفة أنت متصور أما يحب يقلش مثلاً، ده طبيعي. غالب الناس مش عايزة تدفع، تعمل اختيار. عايز شغلانة معينة يقول لك: أنا عايز شغلانة مأنتخة التكييف أهو، عايز اشتغل، عايز شغلانة تسبقني. يعني إيه يقول لي: ياخد نسبة؟ من إيه مش أياً كان، أي حاجة، المهم أنا أبقى قاعد باخد نسبة من اللي بيحصل، مش مهم إيه اللي بيحصل. أيوه، طب ما هو ده يا ابني له ثمن في الاختيار. الشغلانة وقفت؟ لأ، أنا عايز أكون تاجر، أنا مش عايز أكون موظف، لن أعيش في جلباب أبيك، يا عم حد طويل يعيش في جلباب، فأنا عايز أكون مشاهد. طيب، ما هو ده له ثمن.
غالب الناس مش عايز يدفع ثمن الاختيار. تقعد معه يقول لك: أنا دلوقتي ناخد مثال عشان نخلص، ناخد مثال عامي نطبق عليه الحاجات. أنا دلوقتي في مصر، وأنت عارف الأزمات المادية في مصر، وأنت عارف ظروف الحياة، أنا جاي لي شغلانة برة فلوسها أكتر، طبعا، بس وقتها هيكون مزحوم. أسافر ولا أقعد؟ هنا ما فيش حاجة اسمها إجابة عامة للجميع. أول حاجة لو فكرت كده أنت بتقطع علاقتك بالله، أنت لازم تكون فاهم أنت اللي هتدوس على الاختيار، لأن لك علاقة خاصة بالله. ليلة النهاردة تقوم ولا تصلي قيام ليل، تنام ولا تصلي قيام الليل، دي علاقتك الخاصة بالله. ما تستناش أن حد يقود لك حياتك. تفاصيل الحياة، كثرة التدخل في التوجيهات التربوية أحياناً تفسد العلاقة بين الإنسان وبين ربه.
يا جماعة، كتير من الصحابة كان بيقابل النبي صلى الله عليه وسلم أوقات بسيطة، وخلاص هو بيروح يمارس الحياة، معه الأصول اللي بيتحرك بها في الحياة. ده يروح الشام، وده يروح اليمن، وده يروح يفتح بلد، بيتحركوا في الحياة ومعه أصول صلبة ثابتة. ففكرة لأ، أن أنا عايز حد يختار لي مواعيد القيام، وأقرأ كتاب إيه، إيه ده؟ فين فين الأصول الثابتة؟ نرجع للشاب اللي عايز يسافر، فتبدأ تقعد معه تقول له: طيب هنمشي الأول بالطريقة العادية، مميزات ده وعيوب ده، مميزات ده وعيوب ده، وتقعد تتكلم معه: آه أنت مضطر، طب مش مضطر، طب هتكسب قد إيه؟ طب هنا قد إيه؟ طب هنا وصلت لحالة الاضطرار ولا تقدر تمشيها؟ طب وهناك الوضع؟ طب بيئات الإيمان؟ طب المكان اللي أنت مسافره؟ طب أنت أصلاً لك ثغر ديني؟ طب أنت لو لو طب أنت شرعت في عمل وأصبح بيتوجب عليك الاستمرار فيه ولا لم تشرع في شيء؟ طب أنت وتقعد تتكلم معه وتتكلم معه.
كتير من الناس بعد ما تقعد تعمل معاد في الآخر يقول لك: يعني أعمل إيه يعني؟ أنت اللي هتختار، أنت لازم أنت اللي هتدفع ثمن هذا الاختيار. لأن اللي ما بيعملش كده، لو افتراض أنه افترضنا أنه قعد ما رضاش يسافر، هتلاقيه كل ما يحصل أزمة يقوم رايح يقول لك: أنت السبب، منك لله، كان زماني دلوقتي بقبض مش عارف بالدولار، أنت مش عارف إيه. ما هو ما هو ما حدش ده اختيارك أنت، إياك في الدين بعد ما يحصل أي أزمة ترجع تحمل الناس، من الإخوة يقعد يعني مش هقول كتير يعني من الحاجات البسيطة الواحد شافها في الحياة التربوية، إنه أما يحصل أزمة مشغول يحمل المشكلة لمين وناسي نفسه؟ فلان اللي قال لي أقعد، فلان اللي قال لي ما تعملش، فلان اللي قال لي ضحي، فلان اللي قال لي اشتغل في الدعوة، فلان اللي قال لي روح الدرس. وأنت؟ هو أنت كنت يعني أنت ما لكش علاقة مع الله يعني أنت ما خدتش الاختيار ده بعد أن أنت بينك وبين الله، أنا اخترت أن أنا أسافر السفرة دي للعلم مهما كانت ظروفها؟ أيوه فيها فيها احتمال خطر، أيوه فيها خطر، ما هو أنت بتعامل ربنا سبحانه وتعالى، أنت بتختار اختيارات فيها نوع من الخطورة وفيها نوع من المزايا، وخلاص.
النبي صلى الله عليه وسلم في قضية الهجرة ما عملش أتوبيسات توصل الناس، أيوه هاجروا، تفاصيل هجرة كل واحد وكل واحدة مليئة بالمخاطر، ده اختيار الشخص، في واحد رأى نفسه من الضعفاء فلم يهاجر، ومن هؤلاء منهم من عذرهم الوحي ومنهم من لم يعذرهم الوحي. ما فيش اختيارات ثابتة للجميع، ما فيش اختيار ثابت للجميع، إلا الحلال والحرام، إلا السفر لبيئة فاسدة في بلاد الكفر بغير ضرورة، الشروط اللي وضعها العلم، آه بنقول له ما تعملش ده، نحن نتكلم عن الاختيارات، أنا بتكلم على خارج دائرة الحلال والحرام، الزواج، تجوز دي ولا دي؟ تقعد تتكلم معه، طب إيه الأفضل؟ طب الأنسب؟ وتقعد تشوف إيه الأصول اللي عندك؟ في الآخر ده اختيارك أنت.
أوعى تشيل ربنا من معادلة اختيارات حياتك، تصاب بالإحباط واليأس والحسرة وهترجع لو لو يا ريتني لو كذا ولو كذا، ولو تجعل الإنسان يتحسر: ﴿لَوْ كَانُوا عِنْدَنَا مَا مَاتُوا وَمَا قُتِلُوا لِيَجْعَلَ اللَّهُ ذَلِكَ حَسْرَةً فِي قُلُوبِهِمْ﴾ [آل عمران: 156]. فإذاً الأصول دي بتساعدك أنك أنت لما يقابلك مفرق بسهولة بسهولة بتختار الوسائل العملية اللي أنا عايز أطلع بها النهاردة.
رقم واحد: لما يقابلك اختيار مركزي في حياتك ما تستعجلش، ادي لنفسك مساحة لمعايشة الأسماء الحسنى والقرآن، ولا سيما لو له علاقة بالأزمة دي لقب الاختيار ده، عشان الاستخارة كأنها بتسد حالة الهلع عند الإنسان، أن الإنسان خلق هلوعاً، إذا مسه الشر جزوعاً، وإذا مسه الخير منوعاً إلا المصلين. الصلاة بتعالج الهلع، والهلع بيجي دائماً عند المفارق، قوم تصلي ركعتين تلجأ إلى الله سبحانه وتعالى وتدعو الله سبحانه وتعالى وأنت منكسر بعلمك تقديرك بقدرتك. سيدنا جابر بيقول: كان صلى الله عليه وسلم يعلمنا الاستخارة كما يعلمنا السورة من القرآن. مركزية الاستخارة يعلمنا الاستخارة كما يعلمنا الآية السورة من القرآن.
فأنت ما ينفعش ركن الاستخارة يغيب من حياتك، أنك أنت ما تتعجلش في الاختيارات، وأن ممكن زيادة الإيمان تساعدك في تقليص الاختيارات اللي أمامك، أسألك بالرضا أنك تبحث عن مراد الله، والأرض لله سبحانه وتعالى أنك: ﴿فَإِذَا عَزَمْتَ فَتَوَكَّلْ عَلَى اللَّهِ﴾ [آل عمران: 159]. لذلك بعض المفسرين لما بيشرح الآية بيقول: هو إيه اللي حصل في الآية هنا؟ اللي حصل للنبي صلى الله عليه وسلم، صلوا عليه، لبس لقمة الحرب، النبي صلى الله عليه وسلم كان يرى المكث في المدينة وعدم الخروج في غزوة أحد.
الشباب الذين ما جاهدوا في بدر أرادوا الخروج، فالنبي صلى الله عليه وسلم دخل فلبس لقمة الحرب فخرج لعلنا يعني أكثرنا على رسول الله صلى الله عليه وسلم. قالوا خلاص يا رسول الله.
هنا قال صلى الله عليه وسلم: «ما كان لنبي لبس نعمة الحرب أن يخلعه»، لأن هو لو قلنا إيه طبعا بقى مش النبي صلى الله عليه وسلم، لو حد تاني مثلا. طيب خلاص هنسمع كلام، خلاص يخلع لقمة الحرب، وبعدين طب ما كنا طلعنا جاهدنا، طب نلبس، هتفضل في هذه الحيرة. أنت خدت بالأسباب وعزمت فتوكل، لأن نركز بقى في الحتة دي، في منطقة في منطقة من التفكير هي تفكير في الفراغ، ما عندكش أي مواد تفكر فيها، ما عندكش أي معطيات.
التفكير في المناطق الفارغة دي من أكتر أسباب الاكتئاب، يعني أن دماغك تقعد تلف هنعمل كذا ولا مش هنعمل كذا. أنت خلصت الأسباب والمعادلات اللي عندك والحاجات اللي عندك، والمفروض خلاص دي لحظة أخذ القرار، خد القرار. أي تأخير بعد كده ودماغك قاعدة بتلف بدون معطيات جديدة ده من أهم أسباب الاكتئاب، بل أحيانا دور المعالج النفسي أنه يساعد الشخص ده أن تروس العقل بتاعته ما تروحش المنطقة دي، لأن ده بيصنع حالة وسوسة.
وييبقى دايما عنده التفكير الذي نُسَمِيه التفكير الدائري، وهو المفروض تفكر كده عندك معطيات فكرت فيها حسبت الموضوع وصلت المفرق خدت القرار بتروح للي بعده، تقعد ترجع تاني تقول إيه؟ طب ما ترجع نجيبها من الأول. أيوه في معطى جديد، لا بس مش جايز يطلع غلط، أيوه هتعمل إيه ما هو ما فيش معطيات جديدة، يعني إيه اللي إيه اللي هتزوده في كثرة أن دماغك تقعد تلف في نفس الموضوع وأنت ما عندكش معطيات جديدة وواقف قدام مفرق الاختيارات ده هيجيب لك إحباط.
مش هتوصل لحاجة وهتيجي في الآخر هتختار أي اختيار وخلاص عشان تخلص من الأزمة النفسية بتاعة الضغط النفسي بتاع الاختيار. يبقى إذا الإمداد المستمر بالورد القرآني، الصحبة الصالحة التي تساعدك على أخذ القرار بحالة من الهدوء، اليقين في الله سبحانه وتعالى أنه يملك له مقاليد السماوات والأرض لكل شيء، الله سبحانه وتعالى يعلم النهاردة وبكرة وبعده ما قال كل اختيار الله سبحانه وتعالى.
آخر شيء أن تتحمل نتيجة هذا الاختيار، أنت بتفوض أمرك لله سبحانه وتعالى وإيه اللي هيحصل يعني؟ ما تضخمش إيه اللي هيحصل؟ طلع غلط ولنفترض، أنت قدامك شغلانتين واخترت عامل غلط، اختيار الغلط، بس أنت كنت تظن أن ده الأرضية، إيه اللي حصل يعني؟ أصل غيري اختاره وسبقني، ما يسبقك إيه اللي حصل مكبر يعني؟ بنعيش حالة من التحسر في الفضاء، إيه اللي حصل يعني؟ القرآن يصنع هذا بغير ما تشعر. لذلك أنا في مرة وأختم بهذه.
كتبت تغريدة استغربت أن كتير من الناس فهمها غلط وبعض الناس بعت لي عتاب، فكرة التغريدة كانت بتقول مش فاكر نصها لكن إيه لا يشترط أن يقدم القرآن لك حلا تفصيليا لكل مشاكل حياتك، ولكن القرآن يصنع العقلية المؤمنة التي تساعده على هذا الاختيار. بعض الناس يقول لها القرآن طبعا بيجاوب على الأسئلة التفصيلية، خلاص يا عم، والله ربنا يوفقك، كويس أن القرآن لا أنت مش كل التفاصيل اللي هتقابلك.
أمال القرآن يصنع ايه؟ القرآن زي ما قلنا يصنع الوعي، إيه اللي بيساعدك بسهولة؟ هل هذا لا يناسبني؟ الإمداد المستمر من الوحي خليك في حالة استقرار نفسي واتصال بالله سبحانه وتعالى. أسأل الله سبحانه وتعالى أن يوفقنا لفعل ما يحب.
اللهم إنا نسألك الثبات في الأمر والعزيمة على الرشد. اللهم إنا نسألك الثبات في الأمر والعزيمة على الرشد. اللهم اختر لنا يا رب العالمين. اللهم دبر لنا فإننا لا نحسن التدبير. اللهم دبر لنا فإننا نحسن التدبير. اللهم استعملنا ووفقنا لفعل ما تحب وترضى، هيئ لنا من أمرنا رشدا، ربنا آتنا في الدنيا حسنة وفي الآخرة حسنة وقنا عذاب النار. سبحانك اللهم وبحمدك، أشهد أن لا إله إلا أنت أستغفرك.