د. أحمد عبد المنعمباركَ الله فيكم جميعاً، وأن يتقبل منا ومنكم صالح الأعمال. وأسأل الله سبحانه وتعالى أن يبلغنا هذه الأيام؛ أيام العشر من ذي الحجة، على خير، وأن يوفقنا لعمل الطاعات في هذه الأيام، وأن يبلغنا يوم عرفة، وأن يسددنا للدعاء في هذا اليوم على الوجه الذي يرضى به ربنا عنا سبحانه وتعالى.
كالعادة أحب أقول نفس الكلام في بداية كل أمسية؛ إن الأمسيات التربوية بتكون متنوعة، بيغلب عليها طابع الدردشة شوية، مش الطابع العلمي التفصيلي. وزي ما قلت قبل كده؛ بتختلف الأمسيات التربوية في توجهاتها وفي النوعيات اللي بتخاطبها.
فبقول بتختلف الأمسيات التربوية في مسألة توجهاتها؛ بمعنى إيه؟ بمعنى زي ما قلت قبل كده أكتر من مرة، ممكن أمسية بتخاطب العموم بتتكلم في مسائل وعظية، أو بيبقى أعلى شوية من مسائل تربوية أو قضايا فكرية، بحيث إن يحدث نوع من التنوع قدر المستطاع. وأسأل الله سبحانه وتعالى أن يتقبل منا أعمالنا وأن يسدد لساننا.
طيب أمسية النهاردة نسيت المرة اللي فاتت -يعني- كان نوعاً ما فيها نوع من السعة شوية، أمسية المرة دي أكثر تخصصية شوية. يعني لو أمسية النهاردة على -وإن كان البعض يظن من العنوان أو من بداية الموسم ربنا سبحانه وتعالى بفضل الله بلغنا أول ليلة من ليالي ذي الحجة- ممكن البعض يعتقد أن أنا هتكلم في الاستعداد لهذا الموسم وكيفية استغلاله، وأياً كان ممكن في الآخر أنوه سريعا لهذا الأمر، مع بفضل الله وجود دروس الموجودة على قناة القرآن، وإن شاء الله برضه يتعمل بعض الحاجات على قناة القرآن، وأظن بكرة إن شاء الله في درس للشيخ عمرو الشرقاوي بعنوان: ﴿إِذْ جَاءَ رَبَّبَهُ بِقَلْبٍ سَلِيمٍ﴾ [الصافات: 84]، واحتمال بعد كده يبقى فيه أمسية تربوية عن الدعاء استعداداً ليوم عرفة بإذن الله سبحانه وتعالى.
لكن وصية اليوم اللي هي بعنوان: كونوا ربانيين. نوعاً ما زي ما قلت أكثر المرة اللي فاتت لما أتكلمنا عن: ﴿وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ﴾ [الفرقان: 20]، يعني حاولنا إن احنا نخاطب أغلب الفئات. النهاردة الخطاب هيكون للذي يسلك في الطريق إلى الله سبحانه وتعالى، يريد أن يتعلم، يريد أن يتعبد، وفي نفس الوقت بيواجه خلافات في الواقع وفتن ونقاشات كل شوية والترندات اللي بتطلع؛ فيعني دردشتنا هتكون حول هذا الكلام.
وكالعادة أيضاً بحاول قدر المستطاع أن اختيار الموضوع يكون جزء من آية، وقبل أن نوظف ونسقط هذه الآية على المعنى الذي أريده -زي ما عملنا بالظبط في درس المرة اللي فاتت ﴿وَجَعَلْنَا بَعْضَكُمْ لِبَعْضٍ فِتْنَةً﴾ آية الفرقان- الأول جبنا كلام أهل العلم في الآية، انتقينا مجموعة من التفسير، قرأنا منها تفسير الآية، ثم حاولنا أن نوظف هذا المعنى في المعنى الذي نريد أن نتكلم عنه.
أيضاً بإذن الله سبحانه وتعالى اليوم نفس الأمر؛ هتكلم الأول، هنقول لكم بعض أقوال العلماء في آية آل عمران، قول الله سبحانه وتعالى -ريت حتى الناس اللي عايزة تفتح تفاسير، وزي ما قلت دايماً أنا غرضي إن أنا بحاول أفتح ليكم بعض المعلومات، أشير إلى بعض؛ في التليجرام بيحطوا الروبط لبعض الكتب أو المقالات اللي احنا بنقولها، بحيث الإنسان هو يبقى عنده نوع من الذاتية والبحث-.
طيب، قول الله سبحانه وتعالى في آل عمران آية تسعة وسبعين: ﴿مَا كَانَ لِبَشَرٍ أَن يُؤْتِيَهُ اللَّهُ الْكِتَابَ وَالْحُكْمَ وَالنُّبُوَّةَ ثُمَّ يَقُولَ لِلنَّاسِ كُونُوا عِبَادًا لِّي مِندُونِ اللَّهِ وَلَٰكِن كُونُوا رَبَّانِيِّينَ بِمَا كُنتُمْ تُعَلِّمُونَ الْكِتَابَ وَبِمَا كُنتُمْ تَدْرُسُونَ﴾ [آل عمران: 79]. إن شاء الله هنفصل يعني إيه ولكن كونوا ربانيين.
طيب ولكن كونوا ربانيين إزاي؟ بما كنتم تعلمون الكتاب وبما كنتم تدرسون. دي الآية اللي احنا عايزين نقف عندها؛ هنقرأ بعض النقولات من التفاسير، وبعد كده نسقط على الواقع، ونوظف المعنى ده في كيفية الاستهداء بهذه الآية في الطريق إلى الله سبحانه وتعالى؛ زي التعبير بقى الأنصاري عليه رحمة الله أو الدكتور شاهده بوشيخي حفظه الله، اللي هو توظيف القرآن زي ما بيسموهم بيسموه مصطلح -زي ما مذكور كتير في مجالس القرآن- الهدى المنهاجي، إزاي أن احنا نستهدي بهذه الآيات وتصبح منهاجاً لنا في حياتنا؟
طيب، دايماً بحب البداية بشيخ المفسرين إمام المفسرين عليه رحمة الله الإام الطبري. الإمام الطبري في تفسيره للآية وكلامه جميل فيها حقيقة، واللي بيستصعب -طبعا- كلام الإمام الطبري لكثرة الآثار يؤجل النظر فيه، أو ينظر إلى الجمل التي يذكرها الإمام في تفسيره هو للآية، بعد ما بيذكر أو قبل ما بيذكر الأسانيد لمن بدأ عليه رحمة الله. الإمام الطبري بيقول: البشر فسر يعني إيه جمع بني آدم لا واحد له، وأن يؤتيه الله الكتاب ينزل عليه الكتاب، قال: والحكم فصل الحكمة، قال: ﴿ثُمَّ يَقُولُ لِلنَّاسِ كُونُوا عِبَادًا لِّي مِندُونِ اللَّهِ﴾ [آل عمران: 79]، معنى الآية: كيف يعني يدعو الناس إلى عبادة نفسه دون الله، وقد آتاه الله ما آتاه من الكتاب والحكمة والنبوة؟ خلاص؟ ولكن إذا آتاه الله ذلك -اللي ربنا سبحانه وتعالى.. خدوا بالكم لأن احنا هنبدا نسقط العدة على واقعنا- اللي ربنا سبحانه وتعالى يؤتيه العلم المفروض يعمل إيه؟ فانما يدعوهم إلى العلم بالله ويحدوهم إلى معرفة شرائع دينه. يبقى دور اللي بيعلم الناس أنه يربط الناس بالله سبحانه وتعالى ويعلمهم شرائع الدين، وأن يكونوا رؤساء في المعرفة بأمره ونهيه، يعني إيه وأيه موضوع وائمة في طاعته؟ هنشوف اختيار الإمام الطبري في معنى رباني أن هو كان له اختيار بمعنى كلمة الربان.
ولكن كونوا ربانيين، أنا هنقل لكم أقوال المفسرين وبعد كده -يعني- أذكر المجموع مع بعض إن شاء الله. يبقى قلنا: ﴿مَا كَانَ لِبَشَرٍ أَن يُؤْتِيَهُ اللَّهُ الْكِتَابَ وَالْحُكْمَ وَالنُّبُوَّةَ ثُمَّ يَقُولَ لِلنَّاسِ كُونُوا عِبَادًا لِّي مِندُونِ اللَّهِ وَلَٰكِن كُونُوا رَبَّانِيِّينَ﴾ [آل عمران: 79]. طيب بشر خلاص معروفة أن مهما الإنسان آتاه الله واصطفاه الله سبحانه وتعالى سيظل بشراً، دي نقطة مهمة؛ أن هناك فارق جوهري بين العبودية لله سبحانه وتعالى ومفهوم الربوبية، بين البشرية وبين الربوبية، لازم يظل هناك فاصل واضح في عقول نفوس الناس، وكانت الشريعة تحرص على ذلك الأمر وضع فاصل حتى عند النفوس، حتى حتى في الكلمات؛ يعني أما تجمع الأحاديث -بس عشان لما نجي مسلاً أي قضية هيحدث فيها لبس عند العامة في مفهوم الربوبية وأنا هحاول أعرض النهاردة في بعض المعارض السريعة عن كده على زي الترند الاستغاثة اللي طلع مسلاً إزاي ممكن يتم التناول بصورة أبعد شوية ونبص للصورة الكلية بحيث كيف نتعامل مع الامر ونتجاوز الامر ما نقعدش فيه شهور زي حروب الجاهلية التي كانت تقعد..-
نجد مثلاً -وده مش موضوع النهاردة بس اللي عايز يستقصي الأمر يشوف الأول نظرة الشريعة للتعامل مع القبور، لكن دي مش قضيتي- تعالوا نشوف تعامل الشريعة واحتراس الشريعة ونصوصها في التعامل في الألفاظ بس مفهوم العبودية والربوبية: النبي صلى الله عليه وسلم يقول: «لا يقل أحدكم عبدي»، تخيل! مع أن أصلاً ده موجود وحتى العلماء قالوا: إزاي ده لفظ العبودية ولهم طرق في جمع الأمر ده؟ هل متأخر؟ هل في نسخ؟ هل لما أؤمن إلا أمنت العقائد وانتشر الأمر؟ لا تقل ما شاء الله وشئت. أنتم متخيلين يا جماعة الاحتراس في الألفاظ في كلمة في حروف واو ثم في أنك تنسب الأمر لعبدي؟ أنتم متخيلين الاحتراز في مسألة وضع فاصل بين البشرية مهما كان اصطفاه البشر الكتاب والحكم والنبوة، سيظل بشراً؟ لذلك بدأت الآية: ﴿مَا كَانَ لِبَشَرٍ﴾، سيظل بشراً.
طيب: ﴿أَن يُؤْتِيَهُ اللَّهُ الْكِتَابَ﴾ الكتاب من عند الله سبحانه وتعالى، ﴿وَالْحُكْمَ﴾ قالوا: فهم الكتاب أو الحكم بالكتاب يحكم ويفصل بالكتاب، فأوتي فهماً وعلماً بعد إيتاء الكتاب، والنبوة ده أعلى درجات الاصطفاء. وسورة آل عمران أيضاً -وده هنحاول واحنا ماشيين مع الآية- نفاجأ سبحان الله أن آية زي دي وغيرها من الآيات سورة آل عمران مع الموضوعات التي ذكرت في السورة؛ قضية الاصطفاء أصلاً ذكرت في سورة آل عمران، إن الله اصطفى آدم ونوحاً وآل إبراهيم وآل عمران على العالمين مكان من يطيع الله الكتاب والحكم والنبوة، ثم شكر بقى نعمة الإيتاء.
مستحيل واحد ربنا يعطيه ده ويكون فعله بعد: ﴿ثُمَّ يَقُولُ لِلنَّاسِ كُونُوا عِبَادًا لِّي﴾، مستحيل يعمل كده! أمال بيعمل إيه؟ ولكن يفعل، أو ولكن يقول -ده تقدير الأكثر من المفسرين- أي ولكن يقول للناس، أي لا يقول للناس لا يقول لهم كونوا عبادا لي؛ النبي الذي يؤتيه الله الكتاب والحكم هو لا يقول للناس: كونوا عباد الله، أمال بيقول لهم إيه؟ بيقول للناس: كونوا ربانيين. لذلك اخترت العنوان ده؛ لأن هذا الكلام الذي ينبغي أن الأنبياء الذين آتاهم الله الكتاب والحكم والنبوة يقول للناس كونوا ربانيين، أو ولكن فعل الأنبياء أنهم كانوا ربانيين.
طيب كيف نكون ربانيين؟ أو إيه معنى ربانيين؟ ده اللي هننقل فيه أقوال المفسرين. يعني إيه رباني؟ يعني إيه الأول كلمة رباني؟ هنقل بعض المفسرين وأجيب كلمة لابن حجر لخصت الأمر جزاه الله خيراً وعليه رحمة الله. بيقول: الرباني.. الطبري.. اختياري الطبري منسوب إلى الربان الذي يرب الناس -وخدوا بالكم أن أنا الطبري يختار هنا أن هي مش منسوب إلى الرب سبحانه وتعالى، لا منسوب إلى فعل الإصلاح والتربية والذي يرد، يرد.. المفعول إيه؟ يربو الناس-.
خدوا بالكم لأن زي ما هيجي لنا دلوقتي كلام ابن حجر أنه قال: إن المفعول ممكن يكونوا ناس، ممكن يكون حاجة تانية. الإمام الطبري اختار أنه يقوم على تربية الناس، قيادة الناس، سياسة الناس، رئاسة الناس بالعلم، عشان كده هو قال رؤساء. طيب مين اللي بيربوا الناس؟ هو الذي يصلح أمورهم، يقوم على الإصلاح أي يربها فيصلحها ويقوم بها، خلاص، وذكر -يعني- بيت شعر، وذكر لغاية لما قال: فإذا كان الامر على ما وصفنا وكان الربان ما ذكرنا فالرباني منسوب إلى من كان بالصفة التي وصفت وكان مين بقى الرباني؟ العالم بالفقه والحكمة من المصلحين، خذ بالك!
يبقى الرباني مرتبة أعلى من مجرد العلم، والعلم وحده والعلم وحده ليس كافياً. ودي مهمة قوي النهاردة؛ أن بعض الناس ربنا يؤتيه علم وعنده معلومات قيمة فعلاً، ويتصدر للناس، لكن ليس ربانياً، ليس حكيماً، فيشغل الناس بتفاصيل لا تهم الناس، يقحم الناس في معارك ليست من اهتمامات الناس، أو يعني بعض المسائل لها أزمنة ولها أمكنة تتداول فيها، ويغير في هذه الأزمنة والأمكنة ويبثها لها أماكن في الأروقة. فارق بين طالب علم يسهر ليلة في تحقيق مسألة علمية ويفرح بأن وفق في فهمها وليالي يحررها، وبين يحول هذه المسألة بعينها التي سهر فيها إلى معركة للموالاة والمعاداة عليها بين عموم المسلمين؛ الأمر ليس بذلك، أمر دي مسألة خاصة أخاطب بيها خاصة الناس، وهذا عايز حكمة.
ما هي هذه المسائل؟ أولويات ترتيبها الزماني طرحها. مع مين؟ ترتيب أولوياتك أعدائك. كل هذا عايز حكمة. فقال إن هنا في درجة أعلى عند الرباني من اللي عنده العلم، لذلك هم قالوا مروي عن أظن عن مجاهد: درجة أعلى من الحبر؛ الحبر عنده علم، درجة أعلى من الأحبار والرهبان، يعني درجة أعلى من العلم والعبادة، لأ ده عنده حكمة وسياسة في تفعيل هذا العلم في الواقع.
وقال: والحكمة من المصلحين يرب امور الناس. طب إزاي بيصلح أمور الناس؟ بتعليمه إياهم الخير ودعائهم إلى ما فيه مصلحتهم. وكان كذلك الحكيم التقي لله الوالي الذي يلي الناس على المنهاج الذي وليه المقسطون من المصلحين وأمر الخلق. فقال: فالربانيون إذاً هم عماد الناس، عليهم اعتماد الناس في الفقه والععلم وأمور الدين والدنيا، من أوسع اللي وسع مفهوم الربانية حتى في الأمور الدنيوية؛ عنده حكمة في طرحها، عنده حكمة في التعامل مع.. ولذلك قال مجاهد: هم فوق الأحبار؛ لأن الأحبار هم العلماء، والرباني الجامع إلى العلم والفقه -كل اللي بيحصل علم وفقه رباني- الذي يجمع للعلم والفقه يجمع إيه بقى المفعول؟ البصر بالسياسة والتدبير؛ السياسة هنا المفهوم الواسع يسوس ناس، كانت بني إسرائيل تسوسهم الأنبياء، الحديث البخاري: تسوسهم الأنبياء. البصر بالسياسة والتدبير والقيام بأمور الرعية وما يصلحهم في دنياهم ودينهم، تمام كده؟
طيب وتكلم تاني: رباني ذكر أنهم صاروا أهل اصلاح للناس وتربية لهم. إذ بماذا صاروا هذا؟ بتعليمهم الكتاب كتاب ربهم. ده كلام الإمام الطبري.
وجامع نافع عليه رحمة الله ابن العربي قال كلمة وخدها بقى من وراه نقلها القرطبي وغيره، خدها بعد كده أكتر من حد. حاولت أشوف مين الأصل؟ لأن أحياناً تجد عبارة سائرة في كلام المفسرين تبحث تجد في أحد ذكرها في الأول ثم انتقلت.. مش عارف مين اللي.. لأ قبل ابن العربي ممكن يكون خدها من أحد اللي تكلمه زي ما بيأخذ أحياناً من الغزالي عليه رحمة الله إمام الغزالي، فهو هنا الكلمة قد تكون -وأنا ما شفتهاش على الغزالي- فهو بيقول: الرباني منسوب إلى الرب، وهو عبارة عن الذي يربي الناس بصغار العلم قبل كباره. ودي منسوبة لابن عباس وذكرت في البخاري، وهنشرحها. لكن قال: وكأنه يقتدي بالرب في تيسير الأمور المجملة في العبد على مقدار بدنه من غذاء وبلاء؛ زي ما العبد.. واللي فصل بقى في الحتة دي قوي ابن هبيرة، وابن هبيرة مبدع -يعني- من الكتب المغفول عنها كتب ابن هبيرة.
ولا سيما الإفصاح في شرح الأحاديث الصحيحة؛ مبدع يعني مليء بصراحة. الكتاب ده محتاج، ولأسف طبيعته كلها سيئة، يعني مسألة إزاي إن الرباني زي ما ربنا سبحانه وتعالى بيسوق الأرزاق والبلاءات على قدر الناس عشان ما يحصلهمش فتنة، مروة على قدر دينه، كذلك العالم لابد إنه بيعلم الناس؛ يعلمهم على قدر عقولهم.
وذلك ابن هبيرة بيقول إيه؟ والغريب إن ابن هبيرة قال الكلام ده في شرح حديث سيدنا علي: «حدثوا الناس بما يعرفون، أتحبُّون أن يكذب الله ورسوله؟». قال في هذا الحديث من الفقه: إن العالم ينبغي أن يربي الناس بالعلم تربية. القضية مش قضية علم بس، هي قضية بشوية معلومات بتملَّاها وتروح تطرشها في وش الناس وخلاص، وأنا المعلومات لا، الأمر مش كده؛ ينبغي أن يربي الناس بالعلم تربية ويغذيهم إياه تغذية. فيربيهم بصغار العلم قبل كباره، فيكون ربانياً كما جاء في حديث آخر.
ويوضح ذلك؛ هيجيب لك مثال زي ما الطفل جاب بقى كلام طويل، معدته لا تقوى على هضم الأطعمة الغليظة، وإن اللبن ربنا قدر له اللبن مخفف وفي نفس الوقت مفيد جداً؛ يعني رداء بسيط مش مركب زي ما بنسميه في مواد بسيطة وفي مواد معقدة، اللي غذاءه بسيط ومفيد، وده أجمل تعريف لصغار العلم، وزي ما هنتكلم عنه إن شاء الله، فصار من ألطف الأغذية، فإذا قويت معدة الطفل غُذِّي بالأغذية القوية.
فكذلك ينبغي للعالم أن يرفق بالناس في التعليم، فلا يعرض لسماع ما تنكره عقولهم؛ يعني من قبل أن يتيقن قوة عقولهم، يعني خلاص بدأوا يقدروا يستوعبوا الكلام اللي بيتقال، ويقدروا يخشوا في النقاشات دي اللي دافع الشبهة وقبول الحجة والكفر بالطاغوت والإيمان بالله، وإلا عرضهم للتكذيب.
طيب، نرجع هنتكلم عن موضوع صغار العلم قبل كباره، لكن أنا بتكلم عن أقوال المفسرين في «كونوا ربانيين». ابن عطية قال بعد ما ذكر كلام ملخص بعض الوارد وما نسبش نقل كلام الطبري، قال: فجملة ما يقال في الرباني. الخلاصة بقى اللي وصل لها، وده من تحرير ابن عطية، وهو محرر وجيز في إعلان تفسيره العظيم، قال: إنه العالم الرب، والشرع الرباني عنده علم بالرب سبحانه وتعالى وبشريعة الله سبحانه وتعالى، المصيب الحكمة في التقدير من الأقوال والأفعال التي يحولها الناس، ونقل الكلام ده أكتر من حد عنه؛ راجعوا بقى ابن عاشور برضه قال كلام طيب.
طيب ابن حجر بيقول إيه؟ ابن حجر بيقول إن الحديث في البخاري، وأظن ده في كتاب النكت على صحيح البخاري، وموجود أيضاً أظن في عمدة القاري، المهم يعني بيقول: والحاصل إنه اختلف في هذه النسبة؛ هل هي نسبة إلى الرب، أو إلى التربية؟ بالنسبة إلى الرب أو إلى التربية، والتربية على هذا؛ أما للعلم، وعلى ما حكاه البخاري لمتعلميه. تاني بقى الكلام ده، طيب، يبقى احنا قلنا الكلام إن ابن حجر ده يعني موجود في مش فاكر موجود في الفتح ولا لا، وكالعادة يعني الخلاف إن مين اللي خد من مين؟ هل العمدة القاري خد من فتح الباري ولا فتح الباري؟
أياً كان، إنما ابن حجر بيوضح بيقولك إيه بعد ما بيتكلم، وأنا جيبت الناقل ابن حجر عشان تعريفه نقلوا عنه أكتر من حد، السيوطي وزكريا الأنصاري وغيره؛ إيه هو صغار العلم زي ما تشوف معنا الرباني دلوقتي؟ فقال دلوقتي: الرباني هل هو منسوب للرب ولا للتربية؟ للرب ده اختيار برضو كتير من المفسرين غير الطبري، زي ما بنقول مثلاً إيه يا جماعة الأمور الربانية من عند الله، الأوامر الإلهية زي ما بنقول الإلهي منسوب إلى الله، فنقول شخص رباني يعني بيفعل ويحاول أن يسير على مراد الرب، الأوامر الربانية اللي جاية من عند ربنا، الشخص الرباني اللي بيذكر بالله ويسير على مراد الله، فرباني مرتبط بالرب سبحانه وتعالى تماماً.
أو رباني بالتربية؛ هو هنا الفاعل يربِّ، طب يربِّ إيه؟ يصلح إيه؟ يقيم إيه؟ يبلغ إيه؟ يقوم على أمر إيه؟ قالوا: أما أن يقوم على أمر العلم أو على أمر المتعلمين. حاجة بيقول كلام البخاري يوحي إن هو كلام المتعلمين؛ يعني يصلح الناس، وهنا بتتناسب الأقوال إن هو بالعلم يحاول أن يصلح أمور الناس مش بمزاجه، يعني معه أدوات ربنا مكّنّه بيها زيّ بالظبط كده مكانه يا باشا ﴿وَيُعَلِّمُهُمُ الْكِتَابَ وَالْحِكْمَةَ﴾ [الجمعة: 2]، ربنا أداه أدوات تساعده في إصلاح الناس وبث الشرائع اللي بتصلح أمور الناس، وعنده سياسة وحكمة وفهم؛ متى يبلغ هذا الأمر؟ وأمتى ينتقل الأمر ده؟ وأمتى يتكلم عن العدو ده؟ وأمتى يؤجل الكلام عن الأمر ده؟ ده عايز حكمة، مش مجرد داتا بتحفظ في هارد ديسك ولا حاجة، لا هو مش مجرد معلومات، هو مش مجرد مكتبة شاملة قاعد بيحصها ويطلع يكبها على الناس ولا يعلم ماذا يقول وماذا لا يقول.
الرباني التاني، القول التاني المشهور اللي مروي عن ابن عباس وغيره، هنا بقى مش التحليل اللفظي، يعني هنا المفسرين أهل اللغة انشغلوا بالتحليل اللفظي، فقالوا: لا، طب معناه إيه بقى؟ قالوا: ربنا الذي يعلمنا العلم قبل كباره. ذكر الإمام البخاري الأثر ده، لذلك الشراح حاولوا يعني إيه صغار العلم؟ يعني بعض الناس يتخيل صغار العلم اللي هي بقى المسائل الدقيقة اللي بتبقى في الحاشية تحت كده الصغير اللي مكتوب بخط صغير دي، هو متخيل كده صغار العلم قبل كباره المسائل اللي بتبقى بالخط الكبير في المتن فوق.
لا لا، هو العكس، صغار العلم ابن حجر بيقول عليه رحمة الله قال: ما وضُح من مسائله، وكباره ما دق منه. خد بالك! يبقى الصغار الواضح من المسائل، والكبار ما دق منها، أو الجزئيات قبل الكليات، أو الفروع قبل الأصول، أو المقدمات قبل المقاصد. خد بالك، يبقى الرباني يا جماعة هنا مش مشغول إنه يقدم للناس نتائج أفكاره واللي وصل لها بعد سنين، ويديهم الخلاصات وما يشرح لهمش الطريق، مش مشغول نديهم الكليات قبل أن يبني عندهم الجزئيات، لأ، الرباني بيعمل العكس؛ بيعطي الجزئيات لغاية لما أنت بتتبنى، تعرف بعد كده تفهم كيف نتجت هذه الكلية؟ هو قاعد بيديك مقدمات مقدمات مقدمات تفهم كيف وصلنا إلى هذا المقصد؟ قاعد بيديك فروع فروع فروع كيف بنيت هذه الكليات؟ لكن اللي بيديك الخلاصات أنت بتعيش أسر هذه الخلاصات، وأنا هتكلم دلوقتي.
أنا بس آخر حاجة أنقلها عن كلام المفسرين: تكملة الآية: ﴿وَلَكِنْ كُونُوا رَبَّانِيِّينَ بِمَا كُنْتُمْ تَعْلَمُونَ﴾ [آل عمران: 79]. طيب إزاي أكون ربانياً؟ دلوقتي ربنا بيقول: ﴿كُونُوا رَبَّانِيِّينَ﴾، سببية في كلام كثير من المفسرين؛ بما كنتم تعلمون الكتاب، إذا أردتم أن تكونوا ربانيين بما كنتم تعلمون الكتاب وبما كنتم تدرسون. وفيه «تعلمون» وفيه «تدرسون»؛ قرائتنا: ﴿تَعْلَمُونَ الْكِتَابَ وَبِمَا كُنْتُمْ تَدْرُسُونَ﴾ [آل عمران: 79].
بعضهم رجح: لأ، تعلمون وتدرسون، لو قلنا تعلمون عشان تجمع بين العلم والتعليم، وقيل قدم تعليم الأول لشرفه، وقيل لغير ذلك. تعلمون الكتاب معروفاً، يعني إيه تدرسون؟ لو حتى على قراءة تعلمون الكتاب، إزاي تعلم وتدرس؟ طب ما هي هي! لأ، درس درجة أعلى، لذلك ربنا بيقول: ﴿وَمَا اجْتَمَعَ قَوْمٌ فِي بَيْتٍ مِنْ بُيُوتِ اللَّهِ يَتْلُونَ كِتَابَ اللَّهِ وَيَتَدَارَسُونَهُ بَيْنَهُمْ﴾، دي مرحلة بعد القراءة، هو قرأ اهو وتلا، مرحلة بعدها أعلى شوية.
ابن عاشور بيقول في تحرير لفظ درس: لأن مادة درس في كلام العرب تحوم حول معاني؛ ركز، ده اللي احنا عايزين نعمله مع الوحي، التأثر من تكرر عمل، التأثر من تكرر عمل، يبقى معاني الدرس شيء أنت بتقعد تكرره تكرره تكرره لغاية لما يحدث الأثر، لما الريح بتدرس آثار شيء، يبقى الريح فضلت تتكرر تتكرر لغاية لما محيت هذه الآثار.
أنت لما بتقعد تكرر معلومة وتقرأها وتشرحها وتفهمها وتستشكلها وتسأل فيها وتروح وتبحث؛ أنت هنا بتدرس الأمر، أنت هنا عشت فترات طويلة وقررت ده لغاية لما أصبح ده جزء منك، دي المدارسة. قال بعد ما جاب أمثلة: درست الريح رسم الدار، وجاب أمثلة من اللون، قال: وقالوا درس الكتاب إذا قرأه بتمهل لحفظ أو لتدبر، وذكر الحديث: «وما اجْتَمَعَ قَوْمٌ فِي بَيْتٍ مِنْ بُيُوتِ اللَّهِ يَتْلُونَ كِتَابَ اللَّهِ وَيَتَدَارَسُونَهُ بَيْنَهُمْ»، قال فعطف أو فعطف التدارس على القراءة، فعلم أن الدراسة أخص من القراءة.
وكان اليهود لما بيقعدوا يجتمعوا من بيوت العبادة ويتدارسوا التوراة، سموهم الدراس، الشامل ده أصل، ده المكان اللي بيتم فيه درس التوراة، فمادة درس كلام ابن عاشور تستلزم أثر المفعول؛ يعني أنت مش بس قرأت الوحي وتعلمت الوحي وعلمت الوحي؛ أصبح في حالة من التمكن. فلذلك فلذلك صار درس الكتاب مجازاً في فهمه واتقانه، وعطف بالآية تمام؟
طيب دي أقوال، نبدأ بقى إيه نتكلم، ده النص الأولاني من الدرس. نيجي بقى للنص التاني: توظيف الآية أو المعاني اللي أنا عايز أقولها. ربنا سبحانه وتعالى بيقول إيه: ﴿مَا كَانَ لِبَشَرٍ﴾، واتكلمنا على معنى البشرية، وأن لازم يظل فيه فارق واضح بمفهوم البشري ومفهوم الربوبية والألوهية، وأن النصارى رفعوا بعض البشر لمرتبة الألوهية عيسى عليه السلام، كان في تحذير من أن احنا نحذو حذوهم في الأمر ده، واليهود كانوا أحياناً العكس بقى؛ كانوا يتكلموا عن الإله، قالوا: ﴿إِنَّ اللَّهَ فَقِيرٌ وَنَحْنُ أَغْنِيَاءُ﴾ [آل عمران: 181]، لعنوا بما قالوا، تعالى الله عما يقولون، فهم بيَنزلوا الحديث عن مرتبة الربوبية للكلام عن البشر وفي كتابهم يعني أشياء الواحد يعني يأنف إنه يتكلم عنها فيها تحريف طبعا.
فإذاً الأمر دلوقتي أن فيه بشر الله اصطفاه سبحانه وتعالى؛ طب هذا الاصطفاء كان بايه؟ أعلاه درجات الاصطفاء، أن ولي الله الذي نزل الكتاب؛ أعلى درجة الولاية، أعلى درجة الاصطفاء الكتاب الوحي، طب فيه درجة للنبوة لن يصلها أحد، دي اصطفاء من الله سبحانه وتعالى مش مكتسبة اتباع الأنبياء، الأنبياء لم يورثوا ديناراً ودرهماً، خلاص هيورثوا هيرثوا الوحي والسنة.
طيب، عشان احنا نسقط عليه على اللي يأتوا بعد، الكتابة والحكمة، الحكمة فهم الكتاب، ليس مجرد الكتاب فقط، والقدرة على تفعيل الكتاب والحكمة والفصل في الواقع، والنبوة هو سنة النبي صلى الله عليه وسلم. ثم يقول: مستحيل حد ربنا يدي له ده، ربنا يصطفيه. ثم يقول: ﴿وَلَكِنْ كُونُوا رَبَّانِيِّينَ بِمَا كُنْتُمْ تَعْلَمُونَ الْكِتَابَ وَبِمَا كُنْتُمْ تَدْرُسُونَ * وَلَا يَأْمُرَكُمْ أَنْ تَتَّخِذُوا الْمَلَائِكَةَ وَالنَّبِيِّينَ أَرْبَاباً أَيَأْمُرُكُمْ بِالْكُفْرِ بَعْدَ إِذْ أَنْتُمْ مُسْلِمُونَ﴾ [آل عمران: 79-80].
طيب لو احنا خدنا بقى المعنى ده على بعد الأنبياء؛ الأنبياء مش هيعملوا كده، وما ينبغي لهم أن يفعلوا ذلك، والله سبحانه وتعالى اصطفاهم وأكرمهم ولم يفعلوا ذلك. طيب هل ممكن واحد من العلماء يكون عنده علم في الوحي وفي النبوة في سنة النبي صلى الله عليه وسلم، ثم يقول للناس كونوا عباداً لي؟ إزاي يقول للناس كونوا عباداً ليه؟
المفهوم العام اللي سواء إنهم جم يسجدوا للنبي صلى الله عليه وسلم، أو قالوا للنبي صلى الله عليه وسلم كأسباب: أتريد أن نعبدك كما عبدت النصارى المسيح؟ فاستعاذ النبي صلى الله عليه وسلم من ذلك، ونزلت الآيات اللي موجود في أسباب النزول وغير ذلك، لكن احنا هنوسع المعنى شوية: أن أحياناً الإنسان يعبد الناس لأفكاره.
مفهوم العبودية ومفهوم الأرباب ده مهم أوي في تحرير معنى العبودية والربوبية، جمع كل الآيات الواردة والأحاديث في اللفظ ده، ومن أبدع من فعل ذلك من المتأخرين المعلمي اليماني في كتاب «العبادة» بتاعه اللي موجود ضمن المطبوخ لوحده مجموع الرسائل، وإن كانت النسخة اللي كانت نازلة لوحدة ناقصة في مجموع الرسائل بتاعه اللي جونا كان المجلد رفع الاشتباه التاني والتالت استفاضوا وجمع كل الآيات، كان في بعض الآيات أو الأحاديث الشاهد اللي أنا عايز أقوله إن المفهوم واسع التحليل، التحليل زي ما ابن تيمية وابن القيم كانوا لما بيتكلموا عن مفهوم الطاغوت، كانوا بيوسعوا بحيث إنك أنت تعرف التوظيف لهذه الكلمة في الواقع؛ لأني لو قلت الطاغوت الأوثان، الناس تروح تسجد لصنم، طب مش موجود إنه بيسجد لصنم خلاص كده الأمر انتهى.
الأنداد، مفهوم الأنداد، مفهوم الطاغوت، الأرباب، العبودية، العبادة، حتى لا نسقط في الأمر ده، أنا مش بتكلم دلوقتي على مآلات الحكم ده أو إن هو هيبقى حكمه إيه، لا، أنا بتكلم على المفهوم ده حتى لا نقع فيه، ﴿وَلَا يَأْمُرَكُمْ أَنْ تَتَّخِذُوا الْمَلَائِكَةَ وَالنَّبِيِّينَ أَرْبَاباً﴾ [آل عمران: 80]؛ أن هو لما يوظفه لأهوائه ولشخصه، ويجعل الناس يطوفون حوله مش حول الوحي، ولا يربط الناس ذلك.
الإمام الرازي كان له كلام جميل بديع في الآيات هنا، وكان بيتكلم أن الرباني الذي يربط الناس، يصرف الناس عن الخلق إلى الحق سبحانه وتعالى، مش قاعد بيشغل الخلق به؛ اللي هو أنا بحاول استعملها بتعبير: ربط الناس بالنص لا بالشخص، الأشخاص تجري عليهم التغيرات، يتغيرون، يتبدلون، يفتنون، يموتون؛ يعني الواقع والاشخاص متغيرين، لكن النص ثابت، والحق سبحانه وتعالى هو الحي القيوم سبحانه وتعالى.
فبالتالي مهم جداً أن الناس لما أنت تقدم لهم خطاباً، هذا الخطاب يربطهم بالله سبحانه وتعالى، هذه هي الربانية، يعني هو مرتبط بالله أولاً، هو رباني؛ انتسب إلى الله سبحانه وتعالى، وارتبط بالله، وتعلم الوحي وعلم الناس، ويريد من الناس ماذا يريد من الناس؟ اللي عنده معلومات أو عنده علم هو طالع لناس عايز إيه؟ هو عايز يعلم الناس كلام الله سبحانه وتعالى، مش عايز منهم حاجة، ﴿لَا أَسْأَلُكُمْ عَلَيْهِ أَجْراً﴾، لا عايز معنوياً ولا مادياً، لا عايز منصب، ﴿تِلْكَ الدَّارُ الْآخِرَةُ نَجْعَلُهَا لِلَّذِينَ لَا يُرِيدُونَ عُلُوّاً فِي الْأَرْضِ وَلَا فَسَاداً﴾ [القصص: 83]، هو لا عايز علو في الأرض.
ولا لأن خدوا بالكم الذئب الجائع، ما ذئبان جائعان. راجعوا حديث ما ذئبان جائعان الدنيا والشرف والشرف. قال: لما تقرأ يعني من أجمل ما كتب شرح ابن رجب للحديث ده، وأنا أنصح طلبة العلم أن كل شوية يرجعوا للرسالة دي كل فترة، يعودون إلى هذه الرسالة ويقرأونها، يقرأونها خطورة الشرف؛ وأن كتير من الناس قد يعطي لك الدنيا، ولكن إذا نزع في شرف وفي رئاسة مش هيسيب، مش هيسيب حد ياخد المقام ده، ولا المركز ده، ولا المنصب ده، ولا الهيمنة دي، ودي كانت مشكلة اليهود.
إن شاء الله هنقولها في مجلس البقرة اللي اتأخر للأسف يعني. طيب، كنت بقول إنه ما كان لبشر أن يؤتيه الله الكتاب والحكم، ثم يقول: اسكنوا عباداً، لما يعبدش الناس للأهواء والأفكار، وما يشغلش الناس بشخصه. الواحد يا جماعة والله يتعجب أن كل شوية خناقات ومشاكل، وتجد أن الناس أصبحت تحولت إلى زي ما يكون بيشجع أهلي وزمالك، بقى ألتراس، يعني الناس بقت مشغولة بتحديد انتماءاتها الجديدة وتغيراتها، ولماذا كنتم كذا وأصبحتم كذا! وبعدين فلان يطلع يشغل الناس بخناقات وناس، أنا نفسي أعرف هي الناس بتجيب وقت منين؟ والله الواحد يعني يدوبك الشغل الدنيوي ومشاكل العيال، وعايز تطلب علم وعايز تتعلم، هي الناس بتجيب وقت منين تقعد أربع خمس ساعات في، وبعدين أربع خمس ساعات تاني في نفس الخناقة على اليوم اللي بعده وشهور، هي نازل دلوقتي فين يا جماعة الأخ اللي متابع الهيصة دي كلها؟ بيقول له: أنت يعني أخبار حفظ القرآن، أخبار الأساسيات، قيام الليل؟ تلاقي ما فيش، صفر!
أنا بتعجب، هو يعني الناس دي بدل ما كانت بتنزل تقعد على القهوة وتنزل تقف في الشوارع، هي دلوقتي بقت يعني عشان ترضي ضميرها، يعني كأن أنا بسمي الفيسبوك ده زمانكم، بسميه قهوة الملتزمين. يعني هو يقعد يتخانق ويزعق، وهو يعني جوه كده إحساس أن أنا بعمل حاجة للدين، ده شيء عجيب جداً!
المهم، طيب كيف نخرج من أزمة أن أنت تربط الناس بشخصك؟ أول حاجة اللي موجودة في النص: تعلمون الكتاب بما كنتم تدرسون. الحاجة التانية في الكلمة اللي ذكرها البخاري المروي عن ابن عباس وغيره: العلم قبل كباره. يبقى أنا دلوقتي طيب أنا بقول الكلام ده ليه؟ هل أنا نصيحتي للمتصدرين ألا يشغلوا الناس ولا لا؟ نصيحتي للمتلقين، يعني الدرس النهاردة الجزء بقى الأخير ده في الدرس للي بيستمع للناس، للمتصدرين، المتصدر ممكن يكون ده مقامه، وهو منشغل بالقضية ديت، وهو بشكل أو باخر، أياً كانت الأعذار، هو بيحرر المسألة دي. أنت شاغل بالك ليه بكبار المسائل؟ هي مش مرحلتك، انشغل بالك. فأن نصيحتي لك الحاجتين دول: الآية والأثر: تعلمون الكتاب بما كنتم تدرسون، وصغار العلم قبل كباره. دي اللي أنا عايز أطلع به من الدرس النهاردة، سواء بقى اللي عايز اللي بيعطي عايز يسمع النصيحة دي. لكن أنا نصيحتي أساساً لأن مش أنا مش مقامي أن أنا أنصح اللي بيقعد، هو خلاص وله مصادر تلقيه أو له مشايخه، لكن أنا بتكلم اللي بيسمعني أو اللي بيتلّقاه. أول حاجة: أن كنتم تعلمون الكتاب وما كنتم تدرسون. تاني حاجة: اهتم بصغار العلم قبل كباره، صغار العلم قبل كباره ونروح لتعلمون الكتاب وكتب الرسول. ليه شاغل بالك بكبار المسائل؟ ليه ليه مصمم تشتبك في معارك هي من كبار المسائل وتحتاج يعني مقدمات وفهم وأسس، وفي الآخر أنت دورك هو مشجع!
يعني آه، أنا بس بستغرب إيه الحكمة؟ يعني إيه الفكرة أن أنا أقعد أيام وشهور وخناقات ونقاشات؟ لا، ومش بس كده، وطبعا هو عشان يكون معه أداة يواجه بها ويتخانق بها، يدخل ويبحث ويكتب على المكتب. يا أخي لو مش فاهم، لا فاهم سياقات المسألة ولا مبنية على إيه ولا عنده الأسس، وممكن يعمل ده مش بس في المسائل دي، ويعمل ده مع الملحدين ويناقش ويفتن! ومع ذلك يرجع، طب هو أنت إيه اللي خلاك تشتبك في كبار المسائل؟ يعني إيه الدافع؟ هل بيجي له إحساس مثلاً أنه لو ما عملش كده الدين هيسقط؟ دي مصيبة! هل بيجي له إحساس أن كفاية السنتين اللي قرأ له فيها كم كتاب؟ هو ده فيها إيه؟ دي مصيبة أكبر!
لماذا يتعجل الناس الاشتباك في كبار المسائل؟ ليه وتفاجأ، يعني الواحد كان يعرف أن في الأول الناس تنشغل في أول بادئ ذي بدء بحفظ القرآن، تختم المصحف، أنت تفاجأ أن ناس كتير من اللي ممكن بتشتبك في كبار المسائل وبتقول رأيها في قضايا دقيقة اللي هي كبار المسائل زي ما وضحنا مش صغارها، هو لا يحسن القراءة! يعني في آيات في القرآن هو لا يحسن قراءتها أصلاً، دي مصيبة! يعني ده شيء عجيب بالنسبة لي، طب ليه؟ يعني إيه اللي خليك تقتحم الأمر ده وشاغل بالك؟ ويقول لك: إحنا تهنا واتضحك علينا ومش فاهمين وكل هو. طب خلينا بس في الملف الأول، الملف الأول اللي فيه ثوابت ضخمة دي. أنت ليه مصمم تروح للمنطقة دي؟
أنا هقول لك على حاجة، طب بيقول لي: طب أنت عايز مني إيه والخلافات والنقاشات وأنا ما عدتش عارف الحق مين؟ الموضوع بسيط. هو أنت لما تنشغل فترة من عمرك، فترة طويلة من عمرك بصغار العلم ومعها الآية: تعلمون الكتاب وما كنتم تدرسون. قلنا تعلمون الكتاب والمدارسة، طول المكث مع الوحي حتى يؤثر فيك. خلاص، أنت هنا إه اللي بيحصل لك؟ أنت هنا بقى عندك أسس وجزئيات وثوابت يقينية، يعني أنت زي ولا حاجة. القرآن المكي: القرآن المكي قعد تلاتاشر سنة قرآن مكي ومعانيه متقاربة، تلاتاشر سنة والقرآن المكي أكتر من القرآن المدني اللي فيه قضايا ونقاشات وغزوات وفروع. أحداث المدينة ضخمة جداً، يعني أحداث مكة كانت ضخمة، يعني معنوياً، لكن الجزئيات كانت قليلة، هم إحنا بنضرب وبنتعذب وبنصبر ومش عارف إيه، ويعني حاجات لذلك يصعب أحياناً تحديد الصورة دي في سنة كم مكية بعد البعث، لكن أحياناً بيسهل تحديد الآيات دي سنة كم بعد الهجرة؟ لأن خلاص الآية دي بتتكلم عن حدث كذا حصل كذا، فالحدث ده سنة كذا.
الخلاصة: أثر أمنا عائشة رضي الله عنها لما تقول: أول ما نزل من القرآن المفصل. شفت يعني مش إحنا بنتكلم عن رباني وبالنسبة إلى الرب؟ طب ما نشوف الله سبحانه وتعالى كيف ربى الصحابة بالقرآن! أول ما نزل من القرآن المفصل، زي ما بيسميه بعض السلف، المحكم فيه ذكر الجنة والنار، فترة طويلة. حتى إذا ثاب الناس إلى الإسلام، ناس رجعت وفي رشد، أصبح هنا، وده ذكره أكتر من واحد، مؤهلين لتلقي الأحكام. الجوارح أصبحت لينة، والعقول والقلوب أصبحت فيها نوع من الاستسلام، هنا ينزل الأحكام التشريعية فنزل: لا تشربوا. ولو قالوا، ولو كان أول ما نزل: لا تشربوا الخمر لقالوا: لا ندع الخمر أبدا.
إيه بقى أنا لما أجي أربي نفسي؟ أنا دلوقتي عايز أوصل لربنا، أنا لا عايز أنتمي لحد ولا عايز أشجع حد ولا داخل خناقة ولا مستعجل على منصب ولا بعمل سي في بكونه، أنا مش شاغل بالكلام ده كله، أنا عايز أوصل لربنا، عايز أصل إلى الله سبحانه وتعالى، إزاي أكون رباني؟ الأحداث السنين اللي فاتت تقلبات والأيام دول، كطائفة فوق، وبعدين الطائفة ترجع تحت، وطائفة تانية تطلع، وانتماءات وقدوات تسقط، وقدوات تطلع، فاللي مسلم نفسه للحاجات دي تايه، شاغل باله فعلاً كل شوية مع دول ولا أنت شاغل بالك ليه؟ ما تخليك مع ربنا سبحانه وتعالى! ما تخلي انتسابك عام، اسمع طيف من المشايخ والدعاة، مش هي حاجة أحادية، تلاقي واحد شغل باله بقضية تكفير مثلاً بعض الأئمة، وبيوالي ويعادي عليه، وهو لسه ما فاقش أصلاً من شهقاته، بقاله كم يوم، طب أنت بتعمل إيه؟
يعني دي مش بس مسألة من كبار العلم، دي مسألة من أخطر المسائل العلمية، أنت بتتكلم فيها ليه أصلاً؟ ده شيء عجيب! هتلاقيه بيقحم نفسه في قضايا ويحدث عليها ولاء وبراء وانتماء. طب أنت مالك؟ انتماءات مبنية، يعني زي ما كان بيقول لي بعض المشايخ: بناء أسوفه، واللي كتير من دين الناس هو مش مبني على أسس وعلم، هو مبني على عاطفة وانتماء. دين الناس لسه مش مبنياً على علم وأسس حقيقية، هو مبني على عاطفة وانتماء! لذلك إيه اللي بيحصل لما الشخص أو الطائفة يحدث فيها تقلّب؟ هو بيحصل له حالة من الانهيار، هو مش مبني على أسس.
هي إيه الأسس اللي أنت قعدت سنوات تبني عليها دينك؟ هي إيه؟ هل أنت مكثت لسنوات مع المفصل؟ يا أخي رياض الصالحين وفضائل الأعمال وجمل الكتاب والسنة عشان العقيدة، وشاغل نفسه بالخناقات الكلامية الموجودة! يا عم أنت شاغل بالك ليه؟ شاغل بالك بالنقاشات الكلامية دي ليه؟ طب ما ما تخليك في جمل الكتاب والسنة وما ورد عن صحابة النبي صلى الله عليه وسلم، واقفل الملف ده لسنوات، شاغل بالك به ليه؟ يعني متعجل على الانتماء والمعارك ليه؟ يكفيك في هذا الأمر، وهذا ما قالوه: أنت شاغل بالك بخناقاتهم وأنت مش فاهم! أصلاً المسائل مبنية على إيه؟
تاني فيه فارق بين طالب علم وده مهم وسيظل، أنا قلت مهم أو ما قلتش هو ده موجود، سيظل دالوك قدره وقيمته وخلافات عظيمة مبنية عليه، وفرق ده موجود ومش هيخلص من الأمة للأسف. هو حصل كسر الباب، الأمر انتهى، أنت أما بتيجي تشوف خناقة دلوقتي في قضية، ده بيرجع يجيب كل المجلدات اللي قالها ابن تيمية، وده بيرجع يجيب كل المجلدات اللي قالوا له رد ويرد وهي نسخ، قلما تجد دي حاجة جديدة أصلاً! في أي مسألة من المسائل بتروح قلما، يعني قلة قليلة اللي بتحاول تحرر أو تطلع حاجة جديدة للأسف يعني، هو الأمر سيظل موجود. شف إحنا بنتكلم على حاجة من مئات السنين، يعني أنا بتكلم على اللي بيسمعني أنا، اللي هو اللي لسه ما وصلش للمرحلة دي، هو ما درسش أي شيء يفهم المباني اللي بينها تناطحات دي مبنية على إيه؟ ولا يعرف.
طيب يقول لك: أنا خايف والضلال والفتنة. خلاص، الزم جمل، وهم قالوا كده: إن عموم الناس يلزم جمل الكتاب والسنة في العقائد، وخلص الموضوع بالنسبة لك، خلص. أنت بقى لما تدرس وتتعلم وتبني أسسك وتطلع وتوصل هتبدأ تناقش، تبقى فاهم، تبقى فاهم الخلاف ده مبني على إيه، والاختيار ده اختار ده ليه، ولما خالف فلان وده لما رد عليه. أنت في وسائل القصة، يعني إن شاء الله نعمل، ارجع ارجع للإشكاليات، إشكالية العقيدة الكلامية ومتردد فيها عشان عارف أن الناس غاوية الخناقات دي أصلاً، وغالب الخلاف الموجود الآن بين أصبح التحول، خلاف غالب الخلاف الموجود في التيارات الإسلامية أصبح خلافا كلاميا جدلياً، مفيش حاجة على الأرض، شغل مفيش حاجة في دعوات ولا في يعني تربية ولا في حتى كل واحد في منطقته يعلم الناس ويحفظ له القرآن، ويعلي وينه وينه بالمعروف وينهى عن المنكر! أصبح في قلة قليلة في الأمر ده كله، قاعد هي كلها خناقات افتراضية كلامية، ده أصبح يعني وخناقات تجريدية، جهد اللي عايزين ينصروا دين الله سبحانه وتعالى أصبح موجه لإيه؟
أغلب الناس مشغول بدنياهم، يرجع مشغول مطحون من دنياه، يقوم يقعد على الفيسبوك، يلاقي خناقة يقوم داخل فيها، وأعمار بقى بتضيع في كده، وفي الآخر هو اللي اتبنى، فيه أيضاً حالة من التعجل. يعني أحد سنوات المفصل في مكة، هو السؤال: ليه ما بتديش لنفسك مساحة في الإيمان في مثلاً القرآن؟ ليه ما بتديش لنفسك خمس ست سنين تحفظ القرآن، تقرأ في التفسير، وتصلي وتعيش مع المعاني؟ أنت وراك إيه؟ مستعجل على إيه؟ تقرأ في رياض الصالحين وتدعو إلى الله سبحانه وتعالى بالحسنى، وتحاول تتعامل بأخلاق مع الناس، وتعبد ضعفتها عن المنكر بأخلاقه. ليه ما بتعملش ده؟ يعني ليه شاغل بالك بقضايا وفي الآخر أنت ما عندكش أسس؟ لذلك يا جماعة مع كل تقلبات ومع كل دورات يقول لك: إحنا اتضحك علينا! لأن هو بيسقط، ما عندوش أسس، هو دينه كان عبارة عن إيه؟ هو دينه كان عبارة عن مجموعة اختيارات فقهية كان شيخه أو جماعته اختاروها، فهو قاعد بيدافع عنها ومش فاهم مبنية على إيه، مجموعة اختيارات واقعية أو حركية هو كان بيدافع عنها بحماس وخلاص وشوية عاطفة وانتماء، قاعد: إحنا فريقنا كسب فريقكم، إحنا هنعلم عليكم، شفت شيخنا حط على شيخكم! هنجيب معنا بقى شيخين هيحط، وهو شاكر بقاله، هو انتقل بنفس مفاهيم المعارك دي إلى الحاجات الدينية وعايش الأزمة دي وخلاص.
فما عندوش أسس، فلما كل ده ينهار ويختفي، هو بيسقط يكتشف أنه فارغ، أنه كان فارغاً! ما فيش أسس متينة الدين مبني عليها، ما قعدش سنوات مع المحكم من دين الله سبحانه وتعالى، فلما بيحدث أي خلاف هو عادي مستقر مستمر في دين الله سبحانه وتعالى. يعني ذلك في نفس السورة: كونوا ربانيين، الارتباط بالرب سبحانه وتعالى لما أُشيع مقتل النبي صلى الله عليه وسلم فربنا قال لهم: هو مش المفروض أنتم مرتبطين بالرب؟ ﴿وَمَا مُحَمَّدٌ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ ۚ أَفَإِنْ مَاتَ أَوْ قُتِلَ انْقَلَبْتُمْ عَلَى أَعْقَابِكُمْ﴾ [آل عمران: 144]. أنت ليه دايمًا فكرة اتضحك علينا؟ إحنا مش عارف.
أنا مش عارف ألحق إيه، حالة من الهلع مع كل أزمة ومع كل نقاش، ليه؟ ده تلاقي واحد حكم حصل، شاف، اكتشف إن فيه خلاف، تلاقي حالة من الهلع والاهتزاز. فين المحكمات في دينك فين؟ لأن أنت استعجلت. هو دلوقتي أنا لما أجي أنت بتابع شخص، هو خلاص احنا قلنا ملتمسين له العذر، واحد بيقدم لك كبار العلم النتائج المقاصد النهائية، مش العكس مش الجزئيات، فانت ما عندكش، ليس عندك الأسس التي تفهم بها ما يقول وتناقش أو تختلف، لو تعرف ده مختلف معه في إيه؟ أنت ما حصلش عندك السلم، هو أداك البناء الفوقي النهائي وأنت ما عندكش سلم تصعد إليه، ده لما بيسقط أنت ما عندكش أي سلالم، أنت بتنهار على الأرض وما بتبقاش فاهم، والاختيارات دي جت على أي أساس؟ لأن أنت ما عندكش وقت لده.
طيب، ما عندكش وقت لده فهتبقى مقلد وخلاص، وتشوف حد تقلده وماشي في حياتك وبتعمل اللي تقدر عليه في دينك. لأ، ده أنت عايز تشتبك وتتناقش وتتخانق وتنفعل وتنتمي حماس، سم كل ده. طب ليه تعذب نفسك كده؟ يعني ليه تساهم في تعذيب نفسك وقلبك وتتألم مع كل تغير؟ ليه؟ بصوا المداولات دي والخناقات ما بين الطوائف دي موجودة من سنين. شوفوا أنا هانقل لكم كلمة يعني قالها لي شيخي منذ سنوات -أظن يعني ألفين وخمسة ألفين وأربعة- وكنت برضه بشتكي من الخلافات الموجودة بين التيارات الإسلامية اللي في الواقع، وأن دول بيقولوا ليسوا على شيء وأن دول بيقولوا على دول ليسوا على شيء.
فقال لي: بص نقل لي نقل لابن عقيل بديع، قال ابن عقيل -شوف الحكمة-: رأيت الناس لا يعصمهم من الظلم إلا العجز. عارفين يعني إيه؟ يعني أغلب الناس هو عايز يستطيل على الآخر، عايز يتنطط ويحفل ويحط على المتأخر، واللي مانعه إن هو لسه طائفته ضعيفة أو إنه لسه مش مُمكَّن. مجرد بيظهر على حقيقته إمتى؟ يعني الأغلب يؤصل والتراحم والبحث عن المشترك في الأزمات، ومع إبقاء الخلافات في الأروقة العلمية، وأن سيظل موجود هذا الخلاف وفقه الأولويات، لما بيكون ضعيف، أول ما بيمكَّن بيظهر على حقيقته تمام، لا يمنعه من الظلم إلا العجز. شوف الاستدراك اللي بعده: رأيت الناس لا يعصمهم من الظلم إلا العجز. خد بالك الصدمة بقى، ودي اللي كانت صدمتني أيامه.
ولا أقول العوام، أنا مش قصدي على العوام اللي عاملين أكونتات فيسبوك، قصدي على المتصدرين. ده هو بيتكلم على العلماء، غالب اللي موجود يعني احنا يا جماعة نجحنا بتعبير أحد الإخوة، الأغلب دلوقتي هو شو تمثيل العلم، يعني التحقيق العلمي -دعك من الألقاب التي تلقى على الناس وتطرح على الناس- يعني أغلب ده نتيجة فراغ علمي موجود في الأماكن، أونطة فهلوة، يعني أغلب الموجود كده، وما أبرئ نفسي طبعا، يعني العلم اللي هو العلم أصبح قليل؛ لأن زمن السفر وطلب العلم والمكث لعشرة عشرين ثلاثين سنة في مسائل وتحقيقها وتدقيقها وتحريرها، وأنك بتسير في العلم بصورة أفقية وبصورة رأسية لأصبح قليل، هو بيتعجل، هو عايز ياخد هوب مش عارف كلمتين ومعهد ويروح وبتاع ويطلع يناظر، مستعجل على إيه؟ أنا مش فاهم مستعجل على إيه فعلا؟ المهم.
ولا أقول العوام بل العلماء، وهضرب لك أمثلة، ابن عقيل بتقمص، وهضرب لك أمثلة يا سيدي كانت أيدي الحنابلة مبسوطة في أيام، يعني هم اللي كانوا معهم الدولة، لهم الدولة للغلبة، تلك الأيام نداولها، ده برضه سلاوة، فكانوا يستطيلون -ابن عقيل حنبلي يعترف بأخطاء أصحابه- فكانوا يستطيلون بالبغي على أصحاب الشافعي في الفروع، حتى ما يمكنوه من الجهر بالبسملة والقنوط، وهو بيقول وهي مسألة اجتهادية، لذلك أصلاً بعض كتب الفروع الحنابلة بيحطوا دي تحت لا إنكار في مسائل الاجتهاد أو في غيرها من المسائل. المهم كانوا يستطيلون بالبغي على أصحاب الشافعي في الفروع حتى ما يمكنوه من الجهر بالبسملة والقنوط، وهي مسألة اجتهادية.
فلما جاءت أيام النظام ومات ابن يونس وزالت شوكة الحنابلة، استطال عليهم أصحاب الشافعي استطالة السلاطين الظلمة، واستعدوا بالسجن، وأذوا العوام بالسعاية، بلغوا عنهم ويقولوا مش عارف إيه، ويكتب منشور عشان زي اللي بيحصل بالضبط، وعايز يقول كلمة بحيث إن يلقي عليه لقب، عارف إن اللقب ده لو طلع على فلان، هو هو نفس اللي بيحصل ده، هذا هو العون بالسعاية، واتهموا الفقهاء بالنبز بالتجسيم. قال: فتدبرت أمر الفريقين، فاذا بهم لم تعمل فيهم آداب العلم. هو ده، هل العلم رباني يرتبط بالرب ويربط الناس بالرب؟ حولنا العلم لوسيلة، يعني الأخ -وده أنا للأسف كنت بشوفه حالا في معرض الكتاب، وده أنا حكيت القصة دي أكثر- تلاقي الأخ يقابلني شكله لسه في أولى تانية جامعة، وباين عليه لسه في الأول خالص، لسه حتى الصور الأكونتات بتاعته كلها شوية أنمي مش عارف، مشغول قوي ماتشات الكورة، آخر دي هو حياته وأغلبها في القصة دي أصلاً، وبدأ يعني ها سمع عن العلم وخد له معهد ولا خد له أي حاجة.
هتلاقيه يقول لي إيه: أنا عايز كتاب في مسألة كذا. كان طلع من فترة وأنا بحاول أتكلم عن الترندات بعد ما بتخلص زي من فترة كده المعارف القبلية ومش مهم معناها إيه، وتلاقي واحد يقول: أنا عايز كتاب في المسألة. أنت مالك ومال المسألة؟ هو عايز، ما هو عايز أي حاجة أنا شرحتها قبل كده في أذن في الماتش المعاصر ولا فين، هو عايز أي سلاح يدخل به المعركة، أنا هفضل أتفرج على المعركة اللي بتحصل دي وأنا ما ليشش رأي؟ أيوه حضرتك ما لكش رأي، وأنا ما ليشش رأي عادي جداً، ما لكش رأي.
المهم بيقول: فاذا لم تعمل فيه آداب العلم. طب أمal ده إيه؟ أخلاق مين دي؟ هل هذه إلا أفعال الأجناد المخبرين الظلمة اللي شغالين عند الجنود الظلمة، يصولون في دولتهم لما تكون الدولة لهم، يعني الغلبة لهم، يطحن ويشتم ويزعق ويستعلي عليه ويعمل ويستطيل، خلاص، مش يبحث مثلاً عن فقه المرحلة والأولويات، ويكون ربنا يربط الناس بالله مش بشخصك، لأ. وبعد ما ينهاروا ويلزمون المساجد في بطولاتهم، ولما يحصل بقى حالة البطالة، يطلع بقى إيه: استغفر الله العظيم، كان في دولتك مش في بطالتك. فالخلاصة أن هكذا الأيام ستظل دول، هذا بيحصل ابتلاء فينظر كيف تعملون، زي آيات اللي موجودة بتاعت سورة النحل: ﴿أَن تَكُونَ أُمَّةٌ هِيَ أَرْبَى مِنْ أُمَّةٍ﴾ [النحل: 92]. هو ربنا بيبتليك أن أمة بتكون أقوى وأكثر عدداً، أنت هتتعامل إزاي؟
وده الواحد ياما بيشوفه أن مثلاً تكون الغلبة لطائفة معينة، الكثير يسعى للانتماء إليها ومش عارف إيه، ويكتب كتب في يحدث الدولة، والغلبة تنتقل، ويقول لك أنا أصلاً كنت عارف إن دورها هو هو، أنا أصلاً كنت عارف إن دورها غلط. شوية يحصل غلبة وهو كان قاعد بيتنقل، ومش بس كده قاعد بيشغل الناس معه بهذه التنقلات، زي أخ صغير يكتب ويعرف الناس لماذا غيرتم مش عارف رأيي في كذا، يا حبيبي ما تغير رأيك، اللي عايز يغير بيدخل يقفل عفشه يغير، أنت شاغل الناس ليه بك؟ يعني عامل دوشة ليه؟ يعني أنا فعلاً ما بقاش فاهم، وناس ليه الهيصة دي؟ ليه الهيصة؟ يا جماعة أنا نفسي أعرف والله الناس دي بتجيب وقت منين، الوقت اللي بيصرف في خناقات وبث مباشر ثلاث أربع ساعات عشان ليه؟ ثلاث أربع ساعات ليه؟ على رأي أخ ده بيقول ده المسرحية ساعتين، ثلاث أربع ساعات يعني بيعمل إيه اللي بيقدم في الهيصة دي كلها إيه؟
وتفاجأ عند المحقق وتشوف هو فراغ، نعيش في حالة من الكلام، حالة من الفراغ. معلش أنا اتعصبت شوية، بس فعلاً الواحد مصدوم من الأسئلة اللي بتيجي تدل أننا نعيش حالة من البعد عن الدين والأسس والمحكمات، يعني بيسأل في شبهات وبيسأل في قضايا والعياذ بالله في مستنقع الشهوات، تلاقي هو في الأكونت الظاهر يبارز ويناقش، شفنا حالة ربنا يحفظنا اللي كان بيشتبك في هذه المعارك الكلامية رجع الحد.
وذكرنا أكثر من ليه الإنسان لازم هو اللي دماغه تخبط في الحيطة عشان يصدق أن الطريق ده آخره حيطة، فين الأسس اللي دينك مبنية عليها؟ زمان مثلاً بعض الإاخوة كان -التسعينات وبداية الألفين مثلاً- بعض الناس يلتزم على حالة من الحماس الديني، بعد ألفين وحداشر حالة من التغيير للواقع، لما المشاريع دي هو بيظن إنها انهارت؛ جوة النهار؛ لأن دينه مش مبني على أسس ثابتة على محكمات. الواقع تغير، الناس ماتت، أُشيع حتى مقتل النبي صلى الله عليه وسلم، قال: قوموا فموتوا على ما مات عليه، بل حتى لما مات النبي صلى الله عليه وسلم حقيقة، وفعلاً حصل حالة من أعظم فتنة وبلاء حادثة موت النبي صلى الله عليه وسلم، وسيدنا عمر نفسه ما يتحملش، وسيدنا عثمان وسيدنا علي، ويجي الصديق رضي الله عنه قال: على رسلك أيها الحالف، وسيدنا عمر واقف يحلف واللي هيقول والله ما مات وأنه ذهب إلى قابل ربه، هو ما رضاش يسكت فسابه واتجه للنبي صلى الله عليه وسلم وكشف عن وجهه الشريف وقبله صلى الله عليه وسلم، قال: أما الموتة التي كتبها الله عليك فقد ذقتها، خرج إلى الناس وقال: من كان يعبد محمداً فإن محمداً قد مات، ومن كان يعبد الله فإن الله -شوف الربانية في هذه المواقف، ربط الناس بالله سبحانه وتعالى- وقال عليهم آية: ﴿وَمَا مُحَمَّدٌ إِلَّا رَسُولٌ قَدْ خَلَتْ مِن قَبْلِهِ الرُّسُلُ﴾ [آل عمران: 144]. وأيضاً آية: ﴿إِنَّكَ مَيِّتٌ وَإِنَّهُم مِّيِّتُونَ﴾ [الزمر: 30]. كأنهم يسمعون الآية لأول مرة هنا.
في مواقف بتحتاج هذه الحكمة، هذه الربانية، يبقى أنا دلوقتي اللي أنا عايز أقوله لك: نفترض أن كل هؤلاء الأشخاص وكل هو بيقوم بدوره، احنا ما لناش دعوة، هو ده المسألة اللي بيحققها، هو ده الكتاب اللي بيشرحه، وهو دوره، هو ده فقره، ما لكش ما لناش دعوة، لكن خلينا فينا احنا اللي بنتلقى، أنا يكون عندي وعي، أنا أدعو بحالتي، هو دكتور متخصص في مسألة معينة وأنا ده مش مرضي، مش ده اللي أنا محتاجه، أروح له ليه؟ أروح له وأحجز عنده وأقعد طوابير، أصل هو ده مسألة دقيقة، أنا مش محتاج دلوقتي، أنا مش محتاج ده. لماذا لا نمكث سنوات مع الإيمان والعلم؟ لماذا يعني حتى حتى العلوم الشرعية قلما الآن تجد -أكلمكم بصراحة يعني- قلما تجد طالب علم الآن، يعني قلما حتى عندنا في المنصورة وفي غيره، شارع المكتبات كان كان زحمة، ناس تشتري كتب نازل مش عارف إيه وبيقرأوا، ونقاشات علمية، بدايات كانت إيه مع اهلك وخناقات يعني طواحين بين بعض، هو ده أصبح الموجود، ما فيش، ما فيش حتى عارف المكنة لما بتلف على حاجة يطحنها، هي بتلف على الفاضي، ما فيش حاجة تطحنها أصلاً، ما فيش زيت، ما فيش مادة تطحن، ما فيش علم، ما فيش معلومات أصلاً تطحن.
كله عايز الزتونة وعايز الخلاصة، عايزين نهدأ كده، وأنا عايز أتصل بالله سبحانه وتعالى، عايز أكون رباني، أنا ما ليشش دعوة بالانتماءات والنقاشات والحوارات ديت، أنا لي كلام الله وكلام النبي صلى الله عليه وسلم، وانتمائي لهذه الطائفة التي النبي صلى الله عليه وسلم فضلها، وجمل الكتاب والسنة، ما تشغلش بالك دلوقتي بالمعارك القائمة، أنت ما تشغلش دي مش مرحلتك، اللي مرحلته هو خلاص هو حر، هو مش محتاجني أصلاً دلوقتي هو عارف مرحلته فين، عارف مكانه أبو علي دوره ومر -يعني مر بالسنة دي بقى معلش يا شباب- فهو هو عارف مرحلته كويس وعارف دوره، يعني هو ده مش محتاجين خلاص نوصل هذه التخصصية.
لكن الغريب حالة الاقتحام، يا جماعة الدين يعني للأسف أصبح هين علينا، لا تقدموا بين يدي رسوله، اقتحام! أنا متفهم متفهم، خلينا نتكلم بصورة برضو أكثر واقعية، متفهم، وده من قديم: لكل قوم سفهاء، عشان أكون صريح معكم، أنا متفهم أن لكل قوم ولكل شيخ ولكل طائفة في ناس بتكون بتستعمل وسائل مش هي الشرعية، زي كده إيه يقول لك: مش كان في مثل كده أنا نسيته والله، اللي ما لوش مش عارف إيه ما لوش بلطجي باين حقه ضايع، حاجة زي كده يعني، فكده كل طائفة، حتى ده كان ورد عن بعض العلماء أن بيبقى فيه نوع من إيه؟ اللي هم بقى بيقعدوا يحفلوا، مفهوم ده؟ لا تكن من هؤلاء، والادهى أن يكون المتصدر يكون من هؤلاء، يعني بيستعمل حالات من التسخيف والألفاظ البذيئة، أمال الأتباع بقى؟ إذا كان المتصدر هيعمل كده، أمال اللي تحت هيعملوا إيه؟ بالعكس المفروض كل حد قدر المستطاع يحاول إيه؟ بتعبير أحد قرأت لهم يعني كان بيقول كلمة سيدنا علي لناس عالم ومتعلم على سبيل النجاة واتباع كلنا عائق، بيقول: الأمم الناجحة بتقلل هؤلاء، هم هيفضلوا موجودين اتباع كلنا، لكن أنت بتحاول تهديهم تقللهم تعطيهم قواعد للتفكير، حالة من الهدوء، لا حالة الانفجار والاندفاع والتحمس، لا، أنت هتستفيد إيه؟ من المستفيد من بث هذه الفرقة، من المستفيد؟ وفي حالة السوشيال ميديا اللي منتشرة، من المستفيد؟ كرة التلج اللي عمالة تكبر في الخناقات والخير خلافات وكل أسبوع باترين، مين المستفيد من ده؟ دين الناس.
يعني في دين الناس، هم مستفيدين؟ احنا كده نربط الناس بربهم. مع حالة انتشار للفجور، واستعلان بقضية الشذوذ، وبتفرض على الشركات فرضا، وتشتريها غصب عنك، ده وضع انتم شايفين إن الأمر يتحامل لتنحية الدين من كل نواحي الحياة وتكبيل للعلماء!
أنا متعجب مما يحدث حقيقة، يعني مش متخيل إن العموم يدفع، عموم الناس مش بتكلم خلاص على المتخصصين وأروقتهم العلمية، عموم الناس يدفعون دفعا لهذه المعارك! ليه؟ طب خلاص هم أحرار، طب وأين عقولنا نحن في السير والدخول في مثل هذه المعارك؟
فأنا حقيقة أي حد بيسمع البث أو بيسمعني، أنا أقول له تريث، ما تشغلش بالك بالقضية دي، أنت ما لك في العقائد؟ خليك في جَمَل الكتاب والسنة دلوقتي، ما تشغلش بالك هو ابن تيمية نفسه ما قال لك ذكرها برضه في جميع العوامل الغذائية؟ خليك في جَمَل الكتاب والسنة، شاغل بالك ليه دلوقتي؟ هذه النقاشات وهذه المعارك فيها تخصص ليست لك. يعني أنت بتقول علي مش متخصص؟ يا عم أنا آسف، أنت متخصص، الكلام مش معك خلاص، أنا آسف أقول لك إيه طيب، يعني شاغل بالك ليه؟ وفعلا أين الأسس؟
الواحد على مدار عشرين سنة شاف تقلبات وناس بتفزع، وحالة من الهلع مع تغيرات، ومش فاهم، زي ما قلت مش فاهمين عرقسوس، صغار العلم قبل كباره، ولسنوات لا تتعجلوا. صدقوني والله اللي هيتعجل ويبتلى بالتصدر وهو لم يبني هذه الأسس، غالبا هيبقى حاجة من الاتنين: اللي هيكملها فهلوة ويجيب دي مكان دي ويغير، عارف زي جيش يحط المقدمة في المؤخرة ويحط ويقعد هو مقضيها كده على الناس، وناس بتحس إن هو حتة من هنا، المكتبة كاملة ونقل وأسماء غريبة والناس مش عارفاها، وشوية صور دي سهلة يكتشف أن هو متأخر جدا ووراها حاجات كتير.
ساعات لما يواجه نفسه بالصدمة دي، إما أنه ينهار ويتوقف، أو هيحط تمن ده. يعني ربنا يستعملنا، يعني أغلب الناس اعترفت بده، إن فعلا في حاجات ندمان إن العمر ضاع وما حصلهاش. مش عايزين نعيد العجلة تاني، مش عايزين نعيد تنشئة أجيال على خلافات وخناقات واختيارات فرعية واتباع لناس هم أدوا لك نهايات أفكاره مش جزئياته.
كل الجيل ده بيغير، وياما ناس طلعت ونزلت وطلعت ونزلت، ده كتير، فتقعد عمرك راح ما عملتش أي حاجة، ففي الآخر كالعادة أغلب الجمل اللي أنا باسمعها في النهاية إيه؟ يا عم أنا أروح أصور دنيتي، هو يعني إيه الاختيارات الحادة دي في الحياة؟ يقول لك أنا خلاص بقى، أصل أنتم طلعتم مش عارف إيه، وأنت إليه خلاك؟ ما دي من الفتن اللي موجودة في الطريق.
أنا قلت اللي بكرر أنا مش هشغل بالي إن أنا هقول لفلان اسكت، وأنت غلطان، وأنت، أنا بقول: أنت ليه تعمل في عقلك كده؟ هو خلاص قلنا ميت مرة، هو تخصصه، هو ثغره، هو دوره، مالناش دعوة، أنت شاغل بالك ليه؟ الحوار العلمي قبل كباره ولسنوات.
سنوات طويلة متتالية يعني طحن، مش عشان أكون أنت بتصعب الأمور. أيوه بصعبها، لأن دي أبسط حقائقها، متعجل على أنت؟ أنت متعجل على إيه؟ نفسي أفهْم أنت رايح فين؟ يعني أنت شايف مثلا منصب معين بتجري له أنت؟ في سي في معين بتقارن به حد؟ هتتعين في حاجة؟ أنت عايز توصل لربنا سبحانه وتعالى؟
يعني النصيحة بتاعة زمان الواحد كان بيسمعها: امكث فترات مع المفصل، عش مع سورة، احفظ القرآن، اتقنه، اقرأ أكثر من قراءة، أورد في النبي صلى الله عليه وسلم. ده فين في حياة الناس؟ فين يعني فين؟ العلم اقعد فيه سنين، مستعجل على إيه؟ تلاقي الواحد دخل آه لأ، أنا اكتشفت إن فقه جديد ده غلط، التمذهب. لو حضرتك درست؟ لا ده أنا جاي أقول لكم بس على التمذهب، أنا كنت بحسب أنتم بتسألوني إيه الصح فقلت أجي أقول لكم على التمذهب بس يعني حضرتك آه لا لا لا، ده أنا بس أنا حسيت إن في ناس هتفيق في الدقيق، فقلت له لا، ما حدش يجي ناحية فقه الدليل، الحل هو في التمذهب.
طب ماشي طب ما حضرتك تدرس مذهب؟ لا لا والله ده نازل، ده طلع قصة، ما عرفتش، ده قصص، ده ده مراحل وحاجات، لا لا أنا مش فاضي للكلام ده والله! أمال جيت إيه رأيك ليه؟ يعني يعني مشتبك في المسائل وعمال تقول ليه حضرتك؟ طب ما تمشي ما تدرس، يعني إدرس أي حاجة، امشي امشي سنين بس، إحنا عايزين الناس تسير.
وبكرر أهو، زي ما تكلمت قبل كده -مش فاكر كان درس إيه- قضية العزوف عن الطرق الطويلة، أصبح في حالة إن أي حاجة طريقها طويل هو مش عايز يمشي فيها، وده على فكرة في الدين وفي الدنيا، وده عندنا دلوقتي في كلية طب. تيجي الطالب كان زمان الطالب اللي عايز يطلع من الأوائل بيذاكر المذكرة والكتاب بتاع الجامعة، ويروح يجيب هو تيكس بوك يقرأ فيه، وده كان يعني أيامنا إحنا كده كمان وزمايلنا، تيجي دلوقتي الطالب اللي هو عايز يطلع من الأوائل: الباوربوينت؟ ده كبير قوي الباوربوينت! إحنا عايزين بس اللي فيها المهمة، بس يعمل لنا عليها نجمة كده.
أنت واللي بيسأل مين؟ المفروض إنه هو، فهو أصبح دي حالة عامة مع حالة اللي هو عايشها، هو خلاص أنا متفهم إن الحالة العامة لأ إحنا عايزين نمشي عكس التيار في دينك ودنياك. لكن في دينك: امكث قليلا مع كتاب الله سبحانه وتعالى، نفسك على محكمات، على يقينيات، امكث فترات طويلة في العلوم، لغة، حديث، فقه، عقيدة، قل ما تجد من يمكث فيها لسنوات. حالة من التعجل، أطفَ من هنا على أطفَ من هنا على حتة من هنا، مسقف عام، هوب: إخواني في الله أنا طولت عليكم للأسف يعني، معلش أنا يعني دخلتكم في قضايا كتير.
لكن اللي أنا عايز أقوله لكم: كونوا ربانيين بتعلم صغار العلم -مضيف من عندي أنا دي- لسنوات قبل كباره، عشان أنت مبني على أسس. حصل بقى تغيرات، حصل تقلبات، أنت لم تذهب إلى رجل أعطاك النتائج ثم تركك فأصبحت أسيرا له. أنت لما بتعلم كبار العلم -هي دي بقى كونوا عبادا لي- بتعلم كبار العيال قبل صغاره ستصبح أسير لهذه الأفكار، لا تستطيع أن تخيل الدين بدون هذه الأفكار، إن يجوز حتى لو فكرة صحيحة هي جزء من الشريعة دي أوسع إنتاج ويسع الناس العالمين والازمنة، لكن أنت تلقيت ده، فانت أصبحت أسيرا لهذه الفكرة.
ده اتغير، انهار، أنت اكتشفت أن في خلاف بيحصل لك حالة من. خلي عندك أسس مبنية، صور إيما قبل كباري، وادي لنفسك مساحة تعيش مع كتاب الله سبحانه وتعالى. يعني أي غبن الإنسان يخرج من هذه الدنيا ولم يعايش كتاب الله سبحانه وتعالى؟ يعني لم يعايش سورة فاطر، والأنعام، والرعد، وسبأ، ويعيش معارك الأحزاب، وآل عمران، والأنفال، والتوبة؟ يعني أي غبن الإنسان يخرج من هذه الدنيا ولم يعايش قصص الأعراف والشعراء؟ يعني أي غبن في هذه الحياة؟ كلام الله سبحانه وتعالى السبب أنزله الله سبحانه وتعالى، النبي يقول: إن هذا القرآن سبب؛ طرفوه بأيديكم وطرفوه بيد الله. وأيضا في سورة آل عمران، كما قيل في أحد الأقوال: اعتصموا بحبل القرآن في لحظات التفرق، اعتصم بحبل الله سبحانه وتعالى.
أي غبن يخرج الإنسان من هذه الدنيا وهو لم يقرأ أحاديث النبي صلى الله عليه وسلم، هذا النور؟ حديث النبي صلى الله عليه وسلم، يا سيدي حتى أحاديث الفضائل، كان دايما في بداية إلزام الشيخ نيكابياس بينصحنا قال لي: اقرأ الشمائل النبي صلى الله عليه وسلم، اسمع أي حاجة في شمائل النبي صلى الله عليه وسلم والكتب اللي فيها الأدب، قليل الأدب، كتاب الأدب من رياض الصالحين. أعلى شوية لو عايز، أنا مش هقول لك اقرأ الآداب الشرعية الكتب الطويلة، بس اقرأ حتى باب الأدب في رياض الصالحين عشان دلوقتي عايز أقترب من هدي النبي صلى الله عليه وسلم، اقرأ أي حاجة في سيرة النبي صلى الله عليه وسلم، وابدأ ارتقي، وتروح للعلوم الشرعية، وترتقي، وتدرس حاجات في اللغة، وترتقي للي بعدها واللي بعدها، أنت هنا بقى مش مستعجل.
يعني أنت مش شاغل بالك بالأحداث. كتير من المشاكل والضغوط النفسية والخناقات اللي أنت عايشها بتنتهي بمجرد ما بتغلق الأكونت بتاعك، النت بيقع، لو قعد فترة مقطوع عنك النت هتلاقيك هادي، تكتشف أني كنت عايش معارك تجريدية ذهنية مالهاش وجود في الواقع، أنت اللي أقحمت نفسك فيه! هي مش معاركك، هي مش اهتماماتك، أنت أقحمت فيها سبب بقى عاطفتك، حماسك، انتماءك، أنت أقحمت فيها، إقحامك هي ليست لك لست فيها في شيء، خلاص، عارف أنت الفريق اللي خسر ما خدش الكاس وأنت قاعد بتعيط عليه مع إن هما هياخدوا فلوس برضه، وأنت قاعد بتعيط وما لكش أي كالناظر إلى ما ليس له، مالكش أي حاجة.
فكونوا ربانيين بما كنتم تعلمون الكتاب تدرسون. آه يعني كنت عايز أدي نصائح في الآخر استغلال عشر، لكن ممكن أؤجلها للدرس القادم إن شاء الله، لكن عموما أنا أنصح استغلال هذه الأيام في الاقتراب بما إن إحنا بنتكلم عن الربانية والخبرة. الأيام دي فيها ذكر الله، فانت محتاج تستعبد ربنا سبحانه وتعالى، أحب دائما في هذه الأيام أن تقرأ عن الله، الأسماء والصفات، هات كتاب أو سلسلة بيتكلم عن الأسماء والصفات، واسمع عن أسماء الله وصفاته. في كتاب لطيف اسمه: الأسماء الحسنى والصفات العلى، لعبد الهادي حسن أحمد. الكتاب هو عبارة عن مجموعة نقلات وأحاديث.
نصيحتي لو أنت عايز نصيحتي، عن تجارب يعني كتير من الإخوة كان بيقعد جلسة ضحى الأذكار ويقعد يقرأ كل يوم اسمين تلاتة أربعة من أحسن ما يفتح لها ويسبح الله سبحانه وتعالى. دي فترة أن تعايش معاني الذكر، بدك تقول: سبحان الله والحمد لله. اقرأ أي حاجة في معاني الأذكار، ولا سيما: سبحان الله، والحمد لله، ولا إله إلا الله. هذه هي أيام أنك تتحرك بذكر الله سبحانه وتعالى. الحج القصد، واتكلم ده وفي دروس إن شاء الله نحطها لكم.
سبحانه وتعالى يتقبل منكم، أعتذر، أنا طولت عليكم، أنا فوجئت بالوقت الآتي. أسأل الله سبحانه وتعالى أن يتقبل مني ومنكم، وأن يرزقني وإياكم العمل الصالح في هذه الأيام، وأن يجعلني وإياكم من.
والسلام عليكم ورحمة الله وبركاته.