أمسية تربوية (14) | قال أسلمت لرب العالمين | د. أحمد عبد المنعم

بسم الله الرحمن الرحيم. بسم الله والصلاة والسلام على رسول الله صلى الله عليه وسلم. أسأل الله سبحانه وتعالى أن يتقبل منا ومنكم صالح الأعمال عموماً وفي هذه الأيام. أسأل الله سبحانه وتعالى أن يبلغني وإياكم يوم عرفة وأن يعيننا في هذا اليوم على الصيام وعلى الذكر وعلى الدعاء وعلى العبادة على الوجه الذي يرضى به ربنا عنا سبحانه وتعالى.

أحبتي في الله، لقاء اليوم كما هو يظهر من العنوان: أسلمت لرب العالمين، وهو كما أحب دائماً أن تكون اللقاءات هي جزء من الآية، ثم عظم هذه الآية في حياتنا، فتتحول هذه الآية إلى شعار من الشعارات القرآنية التي نعيش بها في حياتنا. هذا العنوان: أسلمت لرب العالمين، هو إجابة الخليل عليه السلام لربنا سبحانه وتعالى في سورة البقرة، إذ قال له ربه: أسلم. قال: أسلمت لرب العالمين. بيعجبني في هذه الآية السؤال والإجابة السريعة الواضحة.

المفسرين ذكروا لها في السياق، وأنها جاءت لتبين حكمة اصطفاء الله سبحانه وتعالى لإبراهيم، وأنه يستحق هذه المكانة، وكيف أن الله سبحانه وتعالى ابتلاه بكلمات فأتمهن، وكيف بناء الكعبة، وذكرت قوانين الاصطفاء. لذلك، بعد كل هذه الآيات يقول الله سبحانه وتعالى: ﴿وَمَن يَرْغَبُ عَن مِّلَّةِ إِبْرَاهِيمَ إِلَّا مَن سَفِهَ نَفْسَهُ﴾ [البقرة: 130]. ثم قال سبحانه وتعالى: ﴿وَلَقَدِ اصْطَفَيْنَاهُ فِي الدُّنْيَا وَإِنَّهُ فِي الْآخِرَةِ لَمِنَ الصَّالِحِينَ * إِذْ قَالَ لَهُ رَبُّهُ أَسْلِمْ ۖ قَالَ أَسْلَمْتُ لِرَبِّ الْعَالَمِينَ﴾ [البقرة: 130-131].

قال بعض المفسرين: هذا هو سبب اصطفاء إبراهيم عليه السلام، الاستسلام التام لله سبحانه وتعالى. أيضاً ابن كثير قال جملة مكتنزة جميلة ملخص ما أريد أن أتكلم عنه اليوم بإذن الله سبحانه وتعالى. أنا هحاول النهاردة أقول لكم العناصر اللي هنتكلم عنها. قال ابن كثير عليه رحمة الله: إذ قال له ربه أسلم، قال: أسلمت لرب العالمين. قال: أمره الله بالإخلاص له والاستسلام والانقياد. وكذلك نقل الطبري بمعني الاستسلام والخضوع والإخلاص والطاعة لله سبحانه وتعالى.

ابن كثير قال: أمره الله بالإخلاص له والاستسلام والانقياد. فاجاب إلى ذلك شرعاً وقدراً. فهذه المعاني التي نريد أن نتكلم عنها النهاردة: الاستسلام، وعبودية العقل، وتعبيد العقل لله سبحانه وتعالى في الشرع وفي العقل، وفي أمر ثالث ممكن أن نوفر له لقاءً أشير إليه سريعا ونفرد له لقاءً كاملاً بإذن الله سبحانه وتعالى.

فده المعنى اللي عايز أتكلم عنه النهاردة: الاستسلام والخضوع لله سبحانه وتعالى مطلقا. زي ما البقاعي بيقول: أسلم وحذف المفعول. أسلم إيه؟ أسلم نفسك ولا أسلم طاعتك؟ أسلم، حذف المفعول الذي هو يسلم لله سبحانه وتعالى قلبي، مفيد للعموم، استسلامي التام إلى ذلك. كان ابن كثير قال: أجاب شرعاً وقدراً، وكذلك نقل أيضاً ابن عاشور وغيره مع أن هذه الآيات ترجع لها إن شاء الله، مش هطول هنا في النقل عن المفسرين.

المعنى المجمل العام الذي أريده واضح: خضوع واستسلام تام لله سبحانه وتعالى، وكذلك كان إبراهيم عليه السلام. المعاني التي أتكلم عنها النهاردة: هتكلم عن فكرة تنوع العبوديات، ثم الاستسلام وتعبيد الجوارح والعقل لله سبحانه وتعالى، وتوظيف عبودية العقل في قضية القدر والشرع وغير القدر والغيب. الغيب دي ممكن ما نلحقش النهاردة فأشير إليها ونتكلم عنها في لقاء تاني.

ودي العناصر اللي هنتكلم عنها النهاردة إن شاء الله: تنوع العبودية لله سبحانه وتعالى، الاستسلام والخضوع لله سبحانه وتعالى، وتعبيد العقل ولا سيما في الشرع أو في القدر. نبدأ بالقدر إن شاء الله والشرع والغيب، تعبيد العقل والجوارح لله سبحانه وتعالى. تمام كده؟ طيب.

أبدأ بتنوع العبودية وعلاقة ذلك بس سيدنا إبراهيم والمواسم التي نعيشها، موسم الحج. أسأل الله سبحانه وتعالى أن يتابع لي ولكم بين الحج والعمرة، وأن يرزقنا ثواب الحج، نحن حرمنا، أسأل الله سبحانه وتعالى أن يرزقنا بأشواقنا، وأن يعطينا وأن نكون ممن قعدنا على شوق فأعطانا الله سبحانه وتعالى ثواب الذين ذهبوا للحج. نسأل الله سبحانه وتعالى أن يتقبل وييسر لكل من ذهبوا إلى حج بيته الحرام.

المعنى الأول: تنوع العبودية. سيدنا إبراهيم والحج، أصل تنوع قضية العبودية. احنا أحياناً لما بنسمع العبودية أو العبادة لله سبحانه وتعالى تقتصر أفهامنا على تصور معين للعبادة. مثلاً أقول لكم على حاجة، لما نقول العبادة في رمضان، العبادة في رمضان تأخذ جو معين. أنا تكلمت في ده أظن في درس اسمه موسم العشر والذكر، حاجة زي كده أسرار بهذا العنوان، كنت تكلمت عن علاقة المؤمن بمواسم الطاعات، وكيف أن كل موسم ليغذي المؤمن بمعاني معينة.

فموسم رمضان بيغلب عليه -أقول بيغلب لأن ليس دائما هذا الأمر- جانب الترك، الابتعاد عن الدنيا، ترك الشهوات، الابتعاد عن الأكل والشرب، يعني تقليل الاحتكاك عموماً بالدنيا. ويزيد هذا الأمر حينما نصل إلى العشر الأواخر، فيعتكف الإنسان وينعزل تماماً، وهذه أفضل صيغة وأفضل حالة لتلقي الوحي، حالة البعد عن المؤثرات: ﴿إِنَّ فِي ذَلِكَ لَذِكْرَى لِمَنْ كَانَ لَهُ قَلْبٌ﴾ [ق: 37]. قال بعض السلف: لا يحدث نفسه بغير القرآن. فأعلى حالة إيمانية يعيشها الإنسان يتلقى فيها الوحي تقليل المؤثرات، رمضان بيتناسب معه هذا الجو.

فكان موسم رمضان متناسباً لتلقي القرآن، ففي عبادة الصلاة الترك، الابتعاد عن الشهوات، تلقي آيات الله سبحانه وتعالى، الاستبصار والرؤية، وده بيحدث من تلقي آيات الله في رمضان. طيب، بعد ما بتخلص موسم رمضان، بيتبدأ مباشرة موسم الحج. الحج أشهر: شوال، ذو القعدة، وجزء من ذي الحجة أو كل ذي الحجة.

إذاً موسم الحج فيه عبوديات مختلفة: سفر وتعب، وترك للأموال والأولاد والوطن، وقصد الوجهة، واحتكاك بالناس، وصبر على الأذى، وتحمل المشاق. يبقى إذاً العبوديات بتتنوع. تروح هناك تجد انك مطالب تطوف، وبعدين انك تمكث في مكان وتروح منى في يوم التروية، سواء هتعمل عمرة لو كنت متمتع الأول بعد كده تتحلل أو تظل على إحرامك لو كنت مش متمتع وبتقرأ، وبعد كده انت بتروح منى وبتظل في منى يوم التروية، وبعد كده بتروح لعرفة وقت معين، وتروح تقعد في عرفة وتنتظر الإذن أن يؤذن لك بالدخول إلى الحرام مرة أخرى.

خلاص، بعد ما بتتطهر من الذنوب وتكون كيوم ولدتكم أمك في عرفة، تدعو الله سبحانه وتعالى ثم تعود مرة أخرى إلى منى، ثم تمر الكعبة وطواف الإفاضة والنحر والحلق، وتعود عبوديات مختلفة وترمي الجمرات. هذا التنوع في العبوديات اللي ممكن أنت قد لا تفهم الحكمة من كل أمر. العلماء -وده هتكلم على الفارق المهم ده إن شاء الله معنا بإذن الله- اشتراط الحكمة قبل فعل الأمر وبين الامتثال لله سبحانه وتعالى ثم البحث استبصار الحكمة في الأمر.

تمام، تجد أن حتى لو لا تفهم الحكمة تلتزم بكل هذه الأمور. ففي تنوع في العبوديات، ده أنا عايز أقول به النقطة الأولى: قضية أن لا تشترط عبودية واحدة لله. حالة بعض الناس بيعامل ربنا أن هي عبودية واحدة، أن هو مثلاً عايز يطلب علم، أو أن هو عايز يدعو إلى الله، أو أن هو عايز يصلي، أو أنه عايز ينفق، ولما الباب بتاع العبادة هذا الباب حينما يغلق ولا ييسر يصيبه حالة من الإحباط واليأس: أنا أكيد محروم، وأنا أكيد مطرود، ويعيش في قضايا... هو مين اللي قال لك كده؟

أبواب العبودية واسعة، الأبواب العودية تتناسب مع كل البشر، مش لازم كلنا نقوم بنفس الباب من أبواب العبوديات. فلازم الإنسان يكون عنده سعة أنه يعطي أوقات في وقت، أوقات البر لم يبذل من وقته لبر والديه بر إخواني، أن عبوديته تكون عبودية حركية، ويتحرك ويخدم الناس، وعبودية أن تكون في مكان، وعبودية تكون بالذكر. قد يمنع الإنسان لسبب من الأسباب من الحركة، يبتلى أنه يمنع بسبب مرض أو بسبب شيء خارجي عنه فبقى شيء قهري، فبالتالي هنا لازم يكون عنده تصور واسع لقضية العبوديات، ما يحسش أن العبودية شيء واحد، وأن تصور الدين تصور أحادي فقط، فإن لم يحدث ما أريد من هذه العبودية تصيبه حالة من الإحباط واليأس والانفكاك أصلاً من قضية العبودية والبحث عنه، وده أمر خطأ.

تجد أن سيدنا إبراهيم حالة من عايز أقول إيه؟ المرونة في العبودية؛ يسافر للمكان ده، يحصل إنغلاق دعوي فيه، يروح لمكان تاني، ربنا يبعته لمكان يروح لمكان تاني، بعد كده بيفسد سيدنا لوط وبعد كده يسافر، وبعد كده يرجع تاني لأرض الحجاز، ويترك يبتلى بأמור شرعية وقدرية قد لا تظهر لنا الحكمة منها لحظة الأمر بها، وأمور صعبة، أن هو في النار، وأن هو يناظر ويجادل الملك الظالم، وأن هو يترك زوجته ولده الطفل الرضيع بأرض صحراء: ﴿أَسْكَنْتُ مِنْ ذُرِّيَّتِي بِوَادٍ غَيْرِ ذِي زَرْعٍ عِنْدَ بَيْتِكَ الْمُحَرَّمِ﴾ [إبراهيم: 37]. فعلاً إذ ابتلى إبراهيم ربه بكلمات فأتمهن.

الكلمات والاستسلام والخضوع لله سبحانه وتعالى. يبقى إذاً المعنى الأول اللي أنا عايز أخرج به النهاردة: لازم يكون عندنا تنوع من العبوديات، وتكلمت على ده في درس وكان في أمسية تربوية، وكان بين ذلك قوامة، وكان من أسباب كلامي أصلاً في اللقاء ده أن كانت بتيجي شكاوى، أم مثلاً أب يشتكي من ابنه، أو زوج يشتكي من زوجته، أو زوجة تشتكي من زوجها، أن هو متصور تصور معين عن العبودية، فقافل أي باب آخر، مثلاً النزول يا بر يعطي وقت لزوجته ولاولاده، هو عنده صور معينة العبودية، أو الزوجة عندها تصور معين عن العبودية تقصر في الحقوق، وهذا الزوج يقصر في الحقوق، والابن يقصر في الحقوق التي عليه.

لكن تكلمت هناك في مسألة: وكان بين ذلك قوامة. خذ الحقوق اللي على المؤمن، في حقوقه، في الواجبات على المؤمن. القوامة ليست أنه يفعل ما يريد من العبودية، بعض الناس يصر على باب من أبواب العبودية ولأجل هذا الباب يضيع أبواباً من العبودية والطاعة لله سبحانه وتعالى. قد يكون المحصلة النهائية أن هو وقع في الإثم، أن هو يتخطى الحقوق التي عليه تجاه أقرب الناس إليه، وتكلمت أن الإنسان قد يضيع من يعول بسبب تصورات خاطئة أصلاً عن هذا الدين.

المعنى الأول: الحج. الحج بيعلمك حالة من المرونة، تخرج من بيتك، تغير اللبس بتاعك، تصبر على أن ما فيش طيب، الاحتكاك والزحام، يعني فعلاً الحاج بيعلم الصبر، والانتقال من مكان لمكان، وعدم الاستقرار في مكان، هذه العبودية المتنوعة المتغيرة تعلم الإنسان. خلاص، يبقى ده المعنى الأول: تنوع العبادة.

المعنى التاني وده اللي هنفرع منه قضية الشرع والقدر، أو القدر. الاستسلام والخضوع لله سبحانه وتعالى. المعنى ده أنا أول مرة قرأته، قرأته في كتاب أبو الحسن الندوي: الأركان الأربعة. الكتاب ده دائماً أنا بأحبه لأنه من أوائل الكتب التي قرأتها، كتاب الأركان الأربعة. ودائماً أحب قبل المواسم، سواء الصيام أو حتى تجدد معاني الصلاة أو الحج، اقرأ الجزئية؛ لأن هو بيتكلم عن الأركان الأربعة الأركان العملية، يعني بعد التوحيد بيتكلم عن الصلاة والزكاة والصيام والحج، وبيتكلم عن المعاني الإيمانية في هذه العبادات، ويقارن بين هذه المعاني وهذه العبادات عندنا وعند اليهود والنصارى، هو كان عنده نوع من سعة الاطلاع عليه رحمة الله.

فكان بيتكلم في الحج فذكر معنى جميل أو معنيين، أن الحج فيه نوع من الثورة على المادية المحيطة بالانسان والحياة الرتيبة، وذكر معنا عبودية العقل، أن الإنسان يعقوب -بيقول بيتخيل، وده مش فاكر طبعا كما قرأت الكتاب وقرأته من سنوات، لكن خليني أقول معكم يعني سواء هو المعنى ده أو لا- يعني تخيل الإنسان المادي الغارق في المادية ولا يرى شيء خلف هذه الحياة ويسلم، ثم يأتي دائماً معاني الإسلام تتضح لما يكون واحد عايش في حياة مادية مترفة ويسلم ويقبل الإسلام، ثم يأتي إلى أرض الحجاز والكعبة، فممكن يتساءل: طب ليه أطوف كده وليه أرمي الجمرات؟ ففي نوع من تعبيد العقل لله سبحانه وتعالى، انك بترضى بأمر الله سبحانه وتعالى. فالحج يدندن على هذا المعنى.

وكذلك كان إبراهيم عليه السلام: إذ قال ربه أسلم، قال: أسلمت... يعني ليه، وإزاي، وميم، طب وبعدين، طب اشرح لنا إيه اللي هيحصل، طب ما آل التزام بالحكم، طب هل التزامنا بالحكم سيؤدي إلى... إذ قال ربه أسلم، قال: أسلمت. حديث أظن في البخاري اختتن يا إبراهيم، في البخاري: اختتن إبراهيم عليه السلام بالقدوم وهو ابن ثمانين سنة. اختلفوا معنا قدوم كده آلة حادة. وأظن أذكر أن ابن حجر ذكر في شرحه لهذا الحديث رواية يأمرنا أيضاً في مسند أبي يعلى قال: أن في بعض الروايات أن الله سبحانه وتعالى أوحى إلى إبراهيم: يا إبراهيم، لما تعجلت؟ لأن إبراهيم تألم بعد ما اختتن، وابنه ثمانين سنة.

هذه الآلة الحادة! قال: يا إراهيم لما تعجلت قبل أن نبين لك؟ إلا قال: يا ربي كرهت آخر أمرك في استسلام، اختتن وأنت ابن ثمانين سنة اختتن بالآلة الحادة التي قابلته. متخيل إزاي ومنين الألم؟ لكن لو كره أن يؤخر أمر الله سبحانه وتعالى أمام ما تجتمع عليه دنيا إراهيم عليه السلام؛ فإراهيم الخليل عليه وعلى نبينا أفضل الصلاة وأتم التسليم نموذج الاستسلام في القضايا القدرية، حدثت له أقدار عجيبة؛ أقدار عجيبة.

يبتلى بأخذ زوجته سارة من الملك الظالم فيدعو الله سبحانه وتعالى ويلقى في النار، أحداث عجيبة مرت بإراهيم عليه السلام على المستوى القدري أو على المستوى الشرعي. فاحنا عايزين نتكلم في النقطة التانية من الدرس بفرعيها: الاستسلام للأوامر؛ الأوامر القدرية والشرعية من الله سبحانه وتعالى.

طيب، تعالوا نبدأ نتكلم في حرية القدر؛ القدر والقدر كما قال بعض السلف هو قدرة الله، وروي عن بعضهم كلام بعض العلماء أنهم سر الله وحقيقة، وده أمر عجيب. ما خاض أحد في تفاصيل ونبش في القدر والعقل إلا يعني دخل في، ومن أوائل الفرق التي ظهرت كانت قضية الابتداع في قضية القدر. القدر لابد فيه من استسلام لأمر الله سبحانه وتعالى.

وزي اللي بيتابع معانا مجالس سورة البقرة، شجرة المجلس التاني أو التالت في قصة ﴿وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً﴾ [البقرة: 30] قلت: إني شيء عوض، لما الملائكة قالت: ﴿أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ﴾ [البقرة: 30] هذه الإجابة؛ يعني دي إجابة شعار لكل الأقدار الأحكام التشريعية التي جاءت في سورة البقرة: ﴿إِنِّي أَعْلَمُ مَا لَا تَعْلَمُونَ﴾ [البقرة: 30] يعني هذا الجواب؛ هذا جواب لكل حكم تشريعي جاءنا في سورة البقرة وأنت لا تستوعب الحكمة منه؛ سواء أحكام القصاص، أو الصيام، أو المعاملات المالية، أو الحج، أو القتال، أي حكم أنت لا تستوعب الحكمة منه: ﴿إِنِّي أَعْلَمُ وَمَا لَا تَعْلَمُونَ﴾.

وأي أمر قدري؛ زي سجود آدم، إبليس مستغرب، زي استبداد وترك بني إسرائيل، وضع النبوة في بني إسماعيل، نعمة أن النبي صلى الله عليه وسلم، طب ليه وليه نستبدل؟ ﴿إِنِّي أَعْلَمُ مَا لَا تَعْلَمُونَ﴾ فلابد الإنسان يستسلم للأوامر القدرية والأوامر التشريعية. غياب الاستسلام بيجعل الإنسان يعيش في حالة من؛ يعني إيه؟ كما قال ربنا في سورة آل عمران اللي قعدوا بيقولوا: لو لو لو كانوا عندنا ما ماتوا وقتلوا؛ عدم الاستسلام لقدر قال الله سبحانه وتعالى: ﴿لِيَجْعَلَ اللَّهُ ذَلِكَ حَسْرَةً فِي قُلُوبِهِمْ﴾ [آل عمران: 156] عدم الاستسلام بيجعل الإنسان في حالة من الحسرة وهو لن يحصل شيئا قدره، وكان أمر الله قدرا مقدورا، الأمر منتهي.

طيب، تعالوا نتكلم في مسألة الاستسلام لقدر الله سبحانه وتعالى؛ بالنسبة لمسألة القدر كما قلت هي مسألة كل من خاض فيها خوضا بغير بينة وبغير يعني هدى من الله سبحانه وتعالى وبكلام النبي صلى الله عليه وسلم ضل. النبي صلى الله عليه وسلم لما خرج على المسلمين ورآهم يضربون هذه الآيات بعضها ببعض نفق الأبيض هذا وأمرت؛ يعني في مسائل أنت بتتوقف عن الخوض فيها وبتنتقل إلى الحالة العملية. قال: اعملوا؛ يعني في مسائل في الشرع عندنا كثرة الخوض فيها على مستوى الكلام لا قيمة له ولن تصل إلى شيء، أنت تثبت الأمر كما جاء في الدين وبتثبته، ما تقعدش بقى تحرفه وتسيبه، خلاص تقبله على ظاهره دون أن تخوض فيه، وتسلم الكيفية إلى الله سبحانه وتعالى، وكذلك القدر هو قدرة الله سبحانه وتعالى، أنت بتسلم الأمر جاء الأمر بكذا؟ نعم.

طيب، واحد يقول لي لأن ده هنعمله مع القدر هنعمله مع الشرع، وهنجيب أمثلة دلوقتي لأمور قدرية والأمور التشريعية. واحد يقول لي: طب هو مش ده نوع من أن الواحد ما، ما احنا دينا قضية العقل وأنت بتتكلم عن وجودية العقل، أنا أصلا كان نفسي أفهّم الدرس النهارده وعبودية العقل، في واحد بيحب يبقى إيه نوع من الشعارات القرآنية، واحد يقول لي: آه، طاولات العقل وأيه دور العقل في الإسلام؟ وأيه العقل مقدم على النقل ولا العقل مقدم على العقل؟

أنا أقول: لا أريد أن أخور في هذه المعادلة، وإن كان شيخ الإسلام ابن تيمية كفانا الأمر ده السفر العظيم درء تعارض العقل والنقل، وإن كان كتاب صعب يعني حتى في المقدمة لخص الأمر أن مش لازم نضرب الاتنين ببعض، الأمور ما بتحسبش بهذا الأمر، أنت بتقدم الشيء القاطع للاطمئنان، لكن بعيدا عن الخوض ده بدل أنا دلوقتي بخاطب المسلمين، أنا مش بتكلم عن غير المسلم، أنا هنا هاقول نقطتين أرد على سؤال: طب إيه دور العقل؟ هل إنا كده بنلغي العقل لما احنا بنستسلم للقدر والأمان التشريعية حتى لو مش فاهمين الحكمة؟ هل احنا كده بنلغي دور العقل؟

أنا أرد على النقطتين؛ أول شيء هرد عليها نقطتين؛ أول شيء أنا هنا بخاطب المسلم، هذا المسلم المفروض أن هو خد بالك، وده عشان أجي أناقش مع أي ملحد أو أي حد بقول له: خلينا نبدأ من الصفر، كأنه بيجي مثلا واحد إيه، واحد بيقول لي: أنا ملحد، أقول له: ماشي، أهلاً وسهلاً، فيقول لي: أنا عندي أسئلة ومش عارف وشبهات، أقول له: اتفضل، بلاقيه باعت لي من الشبهات بتدل على أن دماغه مش مرتبة؛ يعني إيه؟ يسأل مثلا شبهة في السنة، شبهة في القرآن، شبهة مش عارف إيه، طيب خلينا نخلص بس الدين الأول قبل ما نتكلم في: ما هو الدين الحق؟ أنت الأول تؤمن بوجود إله؟ احنا عايزين نرتب؛ ما هو أنا دلوقتي آمنت بأن هناك إله وأيقنت أنها، ركز معي بقى، رأيت من الآيات أن لهذا الكون إلها، وهذا الإله حكيم قدير، خد بالك أنا كده بجاوب على النقطة سؤال بنقطتين هتيجوا في بعض.

أنا دلوقتي آمنت أن لهذا، أنا مسلم، ثم وصلت عن يقين أن لهذا الكون إلها، وهذا الإله حكيم وقدير وخبير ولطيف ورحيم، وتبينت هذه الأوصاف من الآيات البينات الكونية والآيات البينات الشرعية كما في كتاب الله سبحانه وتعالى، فأيقنت أن الله سبحانه وتعالى قدير، كريم، خبير، لطيف، حكيم سبحانه وتعالى.

أنا هديكم مثال عشان أوضح الفكرة؛ أنا هنا بعمل ايه لما بيجيني قدر أو حكم أنا مش فاهمه أو ما عنديش الحكمة لم تظهر لي الحكمة منه؟ أنا بعمل ايه؟ اللي انا بعمله مش أن انا بلغي العقل، بالعكس انا بستعمل العقل في قياس هذا الامر المتشابه بالنسبة لي، مش مفهوم، الغامض، بقيسه على امر محكم. هديكم مثال دلوقت؛ انا كطبيب مثلا ندرس جسم الانسان والابداع والخلق على مستوى التشريح والانسجة ومش عارف والايه والتفاصيل والأوردة والشرايين ومستوى الأعصاب وكل جهاز من الاجهزة اللي في جسد الانسان تناسق وترتيب حاجة بديعة، سبحان الله العظيم فعلا، يعني الواحد يتعجب كيف يتوقف طلبة الطب عن قول: سبحان الله وبحمده سبحان الله العظيم؟

للأسف انشغال الإنسان في المذاكرة والامتحانات بيشغله عن هذا التأمل في خلق الله سبحانه وتعالى وهم يعني أولى الناس؛ اللي بيدرسوا في الفلك أو في جسد الإنسان أولى الناس بكثرة التسبيح والخضوع لله سبحانه وتعالى. يا طبيب، أنت رأيت من هذه الآيات البينات في جسد الإنسان أنه متناسق ومحكم ومترابط ودقيق وكل شيء له وظيفة وله حكمة، وبعدين لقيت عضو من أعضاء لأي شيء في الجسد أنت مش فاهمه، وكأن، وكأن الجزء ده عشوائي مثلا؛ يعني أنا لقيت ثمانية وتسعين في المية من جسد الإنسان كده، ولقيت اتنين في المية ولا واحد في المية أنا مش فاهمه، الطبيعي أن أنا أقول: الواحد في المية أكيد له حكمة كهؤلاء زي التمانية وتسعين في المية وتسعة وتسعين في المية وأنا مش فاهمك، وقد تظهر لي الحكمة الآن أو بعد الموت، ولا أقول إيوه خلاص الواحد في المية ده أنا مش فاهمه، يبقى إزا التسعة وتسعين في المية دول كلهم أنا اللي كنت متهيأ لي أنه، يعني أنا أهدم المبنى الضخم ده اللي ليه من الحكمة والتناسق والاتقان والابداع يا ترى في خلق الرحمن من تفاوت عشان حاجات أنا مش فاهمها؟

بالضبط، اللي بيحصل له قدر مش مفهوم، فيعترض على تقديرات الله أو يكفر بنعم الله، أو يأتيه حكم تشريعي لا لا يستطيع أن يتقبله بأن يتقبله عقله ويرفض التشريع، هو ده بالضبط عمل كده أنه بيهد، ده مش مقياس عقلي، ده مش تفكير عقلاني أن إنسان يرى من الحكم في التشريع وفي الكون العظيم وفي جسده آيات بينات وأحكام متناسق.

ولذلك، زي ما قلت لكم، أنا ببدا مع اللي بيقول لي ملحد، ببدا يقول له: سيبك دلوقتي من قضية دين، ما احنا دلوقتي انت اعتراضاتك على الدين هتتحل لو أيقنت أن لهذا الكون إلها حكيما، هذا الكون إلها رحيم قدير خبير سبحانه وتعالى. طيب، يبقى نرجع لقضية القدر، أنت بقى بتتكلم على قضية القدر أو التشريع في قضية عبودية العقل، احنا هنا مش بنلغي العقل، هنا بنحط العقل في الدور بتاعه، وإلا في الآخر زي بالضبط كده اللي يقول لك إيه: أنا عايز استعمل البصر أن أنا أشوف الحاجات اللي موجودة على مثلا على المريخ مثلا بدون أي أدوات، قل له: بس ده مش، يعني ده مش في قدرة البصر، يقول لك: إيه ده! أنت مش عايزنا نستعمل البصر؟ أنت عايزنا نفضل عمي؟ لا، أنا بديك الطاقة بتاعته، فكذلك العقل له قدرة وله طاقة، وإلا ما هي معنى العبودية؟ العبودية الاستسلام لله سبحانه وتعالى على كل المستويات، يعني البصر له عبودية، الجوارح لها عبودية، العقل له عبودية، ومن عبودية العقل الخضوع لأمر من أوامر الله قدري أو شرعي وأنت لا تبصر الحكمة. ما هو اشتراط الحكمة قبل التسليم هذا نوع، شعبة من شعب النفاق الحكمة أن أنا لن أؤمن بهذا الأمر حتى تبين لي فين الحكم؟

يعني لما نجي دلوقتي نتكلم في قضية القدر، يجي واحد يقول: أنا يسخط على قدر الله، يقول لك: أنا يعني لن أهدأ حتى تظهر لي الحكمة! وأين العبودية؟ يعني لو كل قدر مؤلم نزل لك من السماء رسول وملك من السماء صحيفة: هذا البلاء بسبب كذا وحكمته كذا ومقاله كذا، آه لا تمام، البلد ده تمام، خلاص الحمد لله بجد، يعني هو فين العبودية في، أين العبودية لما هتشترط في كل قدر من الأقدار أنه يعذر؟ يقول لك: أنا، أنا بس لو أفهم الحكمة أول ما الواحد؟ هو من العبودية أن تستسلم حتى وانت لا تبصر الحكمة، طب بترد الامر للمحكم؛ يعني لو حصلت هزيمة أحد قبل ما تنزل آيات قال النبي صلى الله عليه وسلم: استووا حتى أثني على ربي، وفيه حكمة وفيه بلاء وفيه سبب وفيه كل ده حزر شرح، وانا شرحت ده في آيات آل عمران التناول القرآني، القصص القرآني، أظن لا كان مش فاكر كان أولاً إيه في رمضان يعني، أن ازاي القرآن علم الصحابة أو يعني أجاب على تساؤلات الصحابة في غزوة أحد في سورة آل عمران.

لكن القضية التسليم قبل أن يحدث هذا الأمر، قبل أن ينزل هذا البيان، أنك تسلم لأمر الله سبحانه وتعالى وده لازم الإنسان يتدرب عليه؛ يعني حتى لما الإنسان نفسه تفلت منه شوية وكلنا نمر بذلك، وما منا إيه؟ إلا كما قال ابن مسعود، ولكن يذهب الله بالتوكل وما منا إلا تأتيه هذه الحسرة وهذا يعني الحرج في صدره، ثم يذهبه الله سبحانه وتعالى باليقين والقرآن والذكر، الإنسان لابد أن يغالب هذه العشائر سواء على المستوى القدري أو على المستوى التشريعي.

طيب، سريعا كده بقى بالنسبة للقدم؛ يعني مثلا قضية القدر، ربنا سبحانه وتعالى وده ذكرته كتير يعني، جاب لنا نموذج في سورة الكهف، هذا النموذج مع سيدنا موسى مع الخضر؛ أحدث أقدار ثلاثة غير مفهومة، حتى سيدنا موسى هو كليم الله وهو من أولي العزم من الرسل لم يستوعب الأمر؛ يعني خرق في السفينة، وقتل للغلام، والحدث بتاع الجدار؛ يعني سيدنا موسى مش فاهم ليه بتعمل ده؟ كل مرة يعترض.

الغريب أن الخضر لما شرح له، آه خرق السفينة عشان كذا والغلام، متخيل خضر يذبح الغلام؟ كان بيلعب مع الصبيان واختلف، وقد كان بالغ ولا لا، ومش بتكلم في النقطة دي، ويذبح الغلام! تخيلوا قتادة بيقول: فرحا به حين ولد وحزن عليه حين مات، وربنا في آخر الآيات بعد ما ذكر ربنا سبحانه وتعالى في الجوامع وعمل جداره فكان لغلمين يتيمين في المدينة وكان تحته كنز لهما وكان أبوهما صالحا، فأراد ربك أن يستخرجا كنزهما، رحمة من ربه.

بعض العلماء قال هنا: رحمة من ربك مش بس على الجدار، لا على التلات قصص؛ يعني قتل الغلام كان رحمة، وربنا يا جماعة بيقول في الآيات: ﴿فَخَشِينَا أَن يُرْهِقَهُمَا طُغْيَانًا وَكُفْرًا﴾ [الكهف: 80] أنت متخيل الغلام ربنا سبحانه وتعالى بعث الخضر ليقتل غلام؟ ربنا خد بالك بيقول إيه: فخشينا، شف التعبير القرآني: أن يرهقهما طغيانا وكفرا، ربنا سبحانه وتعالى يحافظ على إيمانك ويحافظ على الذين كنت قاعد بتبكي.

الغريب يا جماعة أن هناك أقدار تظهر الحكمة منها في الدنيا؛ يعني مثلا خرق السفينة لما ركب الخضر راكب السفينة وعمل خرق، وأصحاب السفينة، الخرق في السفينة لا حول ولا قوة إلا بالله، وتخبط، نسأل الله العفو والعافية ولا يحصل أي حاجة، حصل كذا، فلما حصل خرق للسفينة، احنا هنركبك حملوهما بغير لون أي بغير أجر، كما في الحديث، ما دفعوش أجرة وركبوه معاك وسيدنا موسى يقول له: يعني هو ناس.

تعمل خير وتركبنا السفينة، نقوم احنا نعمل خرق في السفينة، لما يجي الملك الظالم ويوقف السففن، ما حدش معدي، هي كدة بلطجة، جمارك واقف كدة وما حدش معدي، واللي الكل اللي عنده سفينة صالحة هيدفع، خلاص! وهو هياخد منه السفينة دي، السفينة الأولانية، بصوا كدة السفينة دي سليمة؟ اكل لي يا ابني على جنب ياد اللي فيها الخرق، وهم قاعدين خايفين! بص أكن أنا ممكن أخد سفينة مخرومة، عندي ابني، مش عايزين منك حاجة.

هي لحظة سبحان الله، شوف الخرق هنا! أما السفينة فكانت لمساكين يعملون، أنت متخيل؟ وكان وراءه ملك يأخذ كل سفينة في قراءة شاذة «صالحَةٍ» غصباً، خدوا غصب عنهم، فظهرت الحكمة في الدنيا. طب الغلام اللي مات هم هيعرفوا منين إن كان سيرهقهما طغيان؟ هيعرفوا منين؟ ده ممكن يوم القيامة ربنا سبحانه وتعالى يبين لهم، أنتم متخيلين؟ ففي أحداث أقدار لا يعلم الإنسان الحكمة منها إلا يوم القيامة.

لكن أنا عندي ثقة مما رأيت من أفعال الله ومن معاملة الله معي على طوال السنوات، ومن معاملة الله مع الناس، ونعم الله ﴿وَإِن تَعُدُّوا نِعْمَةَ اللَّهِ لَا تُحْصُوهَا﴾ [النحل: 18]، رأيت أن الله سبحانه وتعالى، رأيت أن الله لطيف رحيم سبحانه وتعالى. أنا هنا أرد هذا المتشابه المؤلم القدري أردّه إلى هذا المحكم، الحمد لله رب العالمين. طب أنا مش فاهم الحكمة؟ ما هو أنا رأيت من حكمة الله سبحانه وتعالى، الطفل الصغير يوقن أن أباه يحبّه، يوقن بذلك، فحينما يؤلمه أبوه أو تؤلمه أمه ويذهب به إلى الطبيب، ويتعرض لألم يرى الطفل الصغير لا يفهم، يرى أن هذا الألم بسبب أبيه أو بسبب أمه لا يشك في حب أبيه وأمه، أكيد في حاجة أنا مش فاهم، بيقول لك: أكيد في حاجة أنا لسة لما أكبر! الحقنة ديت ده ده التعب ومش عارف إيه، وكان يقول لك: هجيب لك الحقنة، ده أنا فهمت دلوقتي.

فبالتالي عايز أقول لكم على حاجة، ربنا يصبر يعني يا دكتور حازم ويرحم ابنه يا رب، ويجمعنا جميعاً في الفردوس الأعلى. كنت أروح له المستشفى 57 ونشوفه، حرص الأمهات ورحمة الأمهات بأبنائها شيء، يعني فعلاً الأم شيء عجيب، رحمة عجيبة، تفاني الأمهات هناك بتتفانى لأجل أولادها وممكن تبقى عارفة إن الابنة فعلاً هيموت وبتتفانى، والابن مريض وبالنسبة للناس هو ممكن يكون الابن ده أصلاً حمل، الأم لا تفكر إلا في العطاء، رحمة عجيبة الأم سبحان الله، ربنا يبارك لنا في آبائنا وأمهاتنا ويرحم من مات منهم يا رب العالمين. ربنا سبحانه وتعالى هذه الرحمة تخيل اللي أنت بتشوفها دي، ربنا بيقول لك: الله أرحم بنا من أمهاتنا! ما الله أرحم بنا من هذه بولدها! أنتم متخيلين يا جماعة؟ كل من كل هذه الرحمات اللي في الدنيا جزء من مائة جزء، رحمة الله سبحانه وتعالى ترحم الخلائق وادخر الله يوم القيامة، أنتم متخيلين؟

أنت لما تشوف الأم مش مفهومة، إياك أن تنفي عن الله سبحانه وتعالى صفة الرحمة، لكن رحمة الله أنت مفهوم الرحمة عند ربنا مختلف، لذلك أقول لك على مثال ربنا في سورة الفجر بيقول إيه؟ ﴿فَأَمَّا الْإِنسَانُ﴾ [الفجر: 15]، شف تفكير الإنسان الضيق، احنا تفكيرنا على قد كده، وياما بتيجي لواحد أسئلة: ربنا في دعائي أنا ليه حصل لي كده؟ أنا بمر بأزمات، أنا ليه ربنا بيعذبني؟ ليه؟ ليه؟ ليه؟ أسئلة تفكيره ضيق.

أحياناً بيجي لي السؤال ده غالباً بحيله على درس النظر إلى السنة، درس واحد أو اتنين، وخصوصاً واحد يعني جزاه الله خيراً قريباً الشيخ كريم حلمي عمل درس في النص الأول منه عن قضية التأخر في إجابة الدعاء، أظن الدرس كان فقه الاعتبار، كل درس باليوان ده درس بعنوان فقه الاعتبار، أتكلم فيه عن قضية تأخر إجابة الدعاء وسوء الظن اللي بيحصل فيه الإنسان.

المهم نرجع ربنا سبحانه وتعالى بيقول في سورة الفجر: ﴿فَأَمَّا الْإِنسَانُ إِذَا مَا ابْتَلَاهُ رَبُّهُ فَأَكْرَمَهُ وَنَعَّمَهُ فَيَقُولُ رَبِّي أَكْرَمَنِي * وَأَمَّا إِذَا مَا ابْتَلَاهُ فَقَدَرَ عَلَيْهِ رِزْقَهُ فَيَقُولُ رَبِّي أَهَانَنِي﴾ [الفجر: 15-16]، ربنا أهانني! ليه؟ عشان الفلوس راحت منه كتير، ضيق عليه شوية نعم صغيرة جت له أو راحت، ربنا أكرمني أو ربنا أهانني عشان إيه؟ فربنا يقول بعدها: ﴿كَلَّا﴾ [الفجر: 17].

أحد أوجه الربط والله أعلى وأعلم يعني والله أعلى وأعلم يعني في الآيات: ﴿بَل لَّا تُكْرِمُونَ الْيَتِيمَ * وَلَا تَحَاضُّونَ عَلَىٰ طَعَامِ الْمِسْكِينِ * وَتَأْكُلُونَ التُّرَاثَ أَكْلاً لَّمًّا * وَتُحِبُّونَ الْمَالَ حُبًّا جَمًّا﴾ [الفجر: 17-20]، وكأن المعنى والله أعلى وأعلم يعني إن أنتم الذين تفكرون بهذه الطريقة، أمتى خد بالك؟ إلا من لا تكرمون اليتيم، ربي أكرمك! أنت لما بتحب تكرم واحد أو تستضعف واحد أنت بتدي له مال أو تاخد منه مال، ومن كثرة حبكم للمَالَ وتأكلون التراث الميراث أكلًا لما وتحبون المال حبًا جمًا، هذا الحب الجم لهذه الأمور الدنيوية سيطرت على عقل الإنسان فأصبح بيقيم بها الناس والاشياء، والله سبحانه وتعالى يعني التقييم بل للدين أصبح تقييمه للدين وللناس وللأمور وللإله على حسب هذه الأمور المادية.

ومن الناس من يعبد الله على حرف، زي ما ابن عباس بيقول: ناس كان ييجوا للنبي صلى الله عليه وسلم بيقولوا أسلموا، فإن أنتجت الإبل وأخرجت الأرض قالوا: هذا دين مبارك! عشان إيه؟ هو بيقيم الدين على حسب شوية زرع وشويه غذا، فأصبح هناك لما العقل بيسيطر عليه أشياء معينة يحكم بهذه الأشياء على الدين وعلى العقائد وعلى الناس، لما يلاقي واحد مبتلى يقول لك: آه، ما عهوش فلوس، آه فقير يبقى عامل ذنوب، فلان غني كان فلان من أولياء الله الصالحين! هو يحكم على الدين، هذا دينه مبارك، فإن لم تنتج الإبل ولم تخرج الأرض قالوا: هذا دين سوء! وتنتقل هذه الأحكام، الحكم على الإله، وتعالى: ما فيش إله! ليه؟ ما ما ادانيش! يعني بيحاكم الإله وكل المبادئ عقلية قصيرة.

﴿أَوَلَمْ يَنظُرُوا فِي مَلَكُوتِ السَّمَاوَاتِ وَالْأَرْضِ وَمَا خَلَقَ اللَّهُ مِن شَيْءٍ﴾ [الأعراف: 185]، ربنا ما خلقناش عبثاً، الأمر أعظم من ذلك، رحمة الله أعظم مما نتخيل. طبعا ربنا ذكر لنا بعض الحكم في سورة الكهف، هناك حكم قد لا تصل لعقل إسان، زي ما قلت في حكم بتظهر بعد أمر بسيط من البناء، خرق السفينة، في حكمة تدور بعد سنوات، زي قضية الجدار، في حكمة تقدمها يوم القيامة كان يحمد الله في الآخرة، ويقول الحمد في الآخرة، يحمد الله سبحانه وتعالى في الدنيا وفي الآخرة.

طيب إذاً هي قضية الاستسلام لأقدار الله سبحانه وتعالى قبل أن تظهر الحكمة، ده أمر مهم بحيث إن الإنسان يوقن، يرد المتشابه للمحكم. طيب بالنسبة للقدر خلاص أمر بيحدث، أمر في الإنسان بيقع عليه فأحياناً يستسلم، طيب نيجي للتشريع بقى! التشريع هنا هو اللي لازم ينفذ.

خلاص ربنا يقول لك في سورة البقرة، أقول لك من الشعارات المهمة سورة البقرة اللي تصحبه طوال الأحكام التشريعية وطوال الأمور القدرية: ﴿وَاللَّهُ يَعْلَمُ وَأَنتُمْ لَا تَعْلَمُونَ﴾ [البقرة: 216]، ﴿كُتِبَ عَلَيْكُمُ الْقِتَالُ وَهُوَ كُرْه لَّكُمْ وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ﴾ [البقرة: 216]، لما بيجي حكم يخالف الهوى هنا بتظهر عبودية العقل والاستسلام لله سبحانه وتعالى، وده دلوقتي كتير قوي في قضايا المرأة أو أحكام المعاملات المالية، اللي هي قضايا لما يركزوا معي، أنا قلتها قبل كده وإن شاء الله بنحاول نعمل لها درس الواقع، لما التحديث والحداثة اللي حصلت وتغيير اللي عقل الإنسان وسيطرة العقلية الغربية وفرضها قصراً على الناس، أصبح العقل زي ما قلنا من شوية كده بيقيم العقائد وبيقيم الدين والإله بالماديات.

فلما بتسيطر هذه العقليات بنقيم الأحكام التشريعية كده، يقول لك: ليه الحكم التشريعي ده؟ مش مقتنع! هو أنت عقليتك أصبحت ليست موافقة للتشريع، عارف الحديث وإن كان فيه ضعف وحسنه بعض أهل العلم: «لا يؤمن أحدكم حتى يكون هواه تبعاً لما جئت به»، ما هو أنت أصبح هواك مخالف، وسلطان الإنسان بقراءة الشريعة وقراءة القرآن والسنة وسيرة النبي صلى الله عليه وسلم والصحابة بتعيد فرمطة الإنسان أنه هو يقبل التشريع بسهولة، وده من أهمية الورد القرآني، إنه كأنه بيعيد، عارف بتنزل ويندوز جديد؟ لأن الويندوز اللي انت منزله عايز أقول اللي انت شغال بيه بيخليك بتقيم الأمور بأمر مختلف تماماً، فبالتالي أنت الواقع بيفرض عليك حاجات هي أصبحت هي المقدسات.

فلما يجيك حكم تشريعي بيخالف المقدسات اللي بتفرض عليك شعار زي الحرية وافعل ما تشاء ومش عارف إيه، ومن أراد الإنسان ليفجر أمامك، فبيجي له حكم تشريعي يشعر إن الحكم التشريعي ده بيقيده، الشيطان هو الشيطان عمل ايه مع سيدنا آدم؟ حاول يقنعه إن الحكم التشريعي ده يقيد حريتي: ﴿مَا نَهَاكُمَا رَبُّكُمَا عَنْ هَٰذِهِ الشَّجَرَةِ إِلَّا أَن تَكُون الملكين أَوْ تَكُونَا مِنَ الْخَالِدِينَ﴾ [الأعراف: 20]، أنت متخيل؟ الشيطان بيقنع سيدنا آدم إن الأمر الإلهي ليس في مصلحته، وإن مصلحته في ضد الحكم التشريعي، ولولا الحكم التشريعي ده كان زمانك ملاك وكان زمانك من الخالدين!

وأحياناً بتقابل الإنسان أحكام تشريعية يشعر في أول الأمر ببعض الحرج، لابد أن يسارع ويستسلم ويخضع ويفوض الأمر لله سبحانه وتعالى. أي رجل أو امرأة حكم تشريعي ويشعر بنوع من الاستغراب أو عدم الفهم يتأنى، بلاش يقول لك: أنا الحكم ده مش، أنت ممكن تكون عقليتك هي اللي اتغيرت بدليل أن نفس الحكم التشريعي ده عند كتير من الناس قبل كده ما كانش عندهم مشكلة! بلاش تتوقع أن أنت بس اللي عندك العقل، يعني وزكي جداً وأنت اللي فهمت!

المشكلة اللي بنواجهها هو حصل، وأقول لك دليل تاني أن ممكن بعض الناس زمان كان عندهم بعض الحرج من أحكام معينة أنت دلوقتي ما عندكش مشكلة مع الأحكام دي، عندك مشكلة مع أحكام تانية! الزمان بيتغير فالناس بتعظم أمور معينة مع تغير الزمان، فبيحدث نوع من الحرج في بعض الأحكام، وأنت عندك بعض الأحكام بتقبلها عادي، ما عندكش منها مشكلة، أحكام متوافقة مع حياتك الحالية والأخلاق اللي انت متبنيها والرؤية الكونية اللي انت متبنيها، ما عندكش منها مشكلة.

لكن الإشكال هنا بيحدث أن البعض بتغلب عن ده بنوع من التلفيق في الدين، وده شرحته في المجلس الاخير في سورة البقرة: ﴿أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ﴾ [البقرة: 85]، العقلية دي كان السلف بيخشوا من انتشارها، وكانوا بيبادروا لذلك لما جت امرأة لأمنا عائشة وسألتها: تقضي إحدانا الصلاة يعني أيام الحيض لا تقضي الصيام ولا تقضي الصلاة ومستغربة؟ في رواية: ليه ليه ما نقضيش في فلان؟ فهنا أمنا عائشة بادرت، مع أن خدوا بالكم السؤال ده ممكن بل بالفعل بعض العلماء بحثوا عن أجابة: لماذا المرأة أيام الحيض الصيام لكن لا تقضي الصلاة؟ خالي والسؤال ده عايز يجيب لك الفارق ما بين بتولع التراضي على الحكم التشريعي بنفسية معترضة، وسؤال الباحث عن الحكمة وبتستفسر الحكمة وتوقن إن لله سبحانه وتعالى حكمة في أوامره، وفي شوف الفرق قال: أؤمنت؟ قال: بلى، في فرق بين أنت وموقن ومسلم وتبحث عن الحكمة، هنا قد يفتح لك من الحكمة يفتح لك أبواب عظيمة من حكمة الله سبحانه وتعالى في التشريعات.

خلاص فقرة من الخوارج، وقد يجتمع فيها الخوارج وقيل أن هم ليه طيب سألتها السؤال ده؟ قيل أن هم كان عندهم تنطع وبيخرجوا عن السنة، وقيل أن هم كانوا بيأمروا المرأة في أيام الحيض بقضاء الصلاة، أياً كان يعني إن في عقلية بتتنطع في الأحكام التشريعية، هذا التنطع قد يؤدي إلى التوقف عن التزام الأحكام التشريعية والخروج عن الحد الذي وضعه الله سبحانه وتعالى.

الشاهد: احنا عايزين نقلب على الأحكام التشريعية زي ما قلت لكم كل شوية بيحصل حالة من الاستثارة للشهوات الإنسان والشبهات، تصبح الأحكام التشريعية عند كثير من الناس يظن أنها لا تناسبه، لو بيعرض الإسلام! أنا هاقول لكم على حاجة: إيه أكبر أسباب دلوقتي رفض الإسلام أو الخروج عن الإسلام؟ يا أما الإلحاد مثلاً النفسي، يا أما أمر قدري مش مفهوم، يا أما أمر تشريعي بالنسبة له مش فاهم الحكمة منه أو ترفض، المرأة يعني وبعض الرجال يقول لك: أنا ليه مطالب بكذا؟ طب وانا ليه أكون أسرة وليه التزامات التشريعي؟ ليه الشرع كذا كذا كذا؟ فيرفض ويريد أن يفجر، يريد الرجل والعياذ بالله أن يسير خلف شهواته.

الاستسلام، وده من المعاني العظيمة اللي ركزت عليها سورة البقرة: ﴿فَلْنَذْبَحُوا بَقَرَةً﴾ [البقرة: 67]، مش مهم أشرح لكم ليه؟ فقالوا: ﴿أَتَتَّخِذُنَا هُزُوًا﴾ [البقرة: 67]، ما هو أنا مش لازم أقعد في كل أمر تشريعي أشرح لك الحكمة وأحلف لك بالطلاق أن هو والله ده مش عارف بأمر ربنا، هو أكيد إنه له حكمة، ولو بينزل لك ملك من السماء، طبعا سيدنا إبراهيم واحنا بنتكلم عن سيدنا إبراهيم يعني أسلمت لرب العالمين يا إبراهيم، قدم، احفظوا بقى للجملة دي أو مهمة يعني عندما أعظم التضحيات بأقل الإشارات، يعني قام يذبح ابنه، يعني أحب الناس إليه، هو الوحيد في هذه اللحظة إسماعيل، على خلاف طبعا أهل العلم أن هو سيدنا إسماعيل يعني يذبح إسماعيل عليه السلام، دي رؤية: ﴿إِنِّي أَرَىٰ فِي الْمَنَامِ أَنِّي أَذْبَحُكَ﴾ [الصافات: 102]، تضحية عظيمة بإشارة، مش مثلاً إيه نزل ملايكة وبعد سيدنا إبراهيم احنا عايزينك في موضوع مهم صلي على النبي والموضوع، خد بالك أنت أول ما هتقوم الكبش هينزل، الموضوع مترتب ما تقلقش! أنت لا لا لا، ورؤية قام: ﴿إِنِّي أَرَىٰ فِي الْمَنَامِ أَنِّي أَذْبَحُكَ﴾ [الصافات: 102].

وقام وضع السكين على رقبة ابني، هذه التضحية العظيمة! الولد اللي كان ينتظره ويدعو ربه ﴿هَبْ لِي مِنَ الصَّالِحِينَ﴾ [الصاّفات: 100]، ويأتيه ولما بلغ معه السعي؛ أشد اللحظات اللي بينتظرها الاب ويقوم ويضع السكينة على رقبته، فلما أسلما وتله للجبين. أمر الله سبحانه وتعالى وبأقل الإشارات. أنت في واحد عشان يعمل يترك معصية أو حاجة تقعد تقنعه وتجيب له فتاوى العلماء من الصحابة لغاية دلوقتي من المسألة ويقول لك طب أكيد يعني أعناد؛ عشان في الآخر يعمل أمر بسيط. ففي فارق بين تتبنى الحكمة من أمر أو من أمر قدره بعد ما أسلمت لله سبحانه وتعالى وبين الاعتراض، اللي هو زي ما أنا شرحت في درس من الناس ونعمة الله على حرف؛ أنا قلت في ناس بتعبد الله على شرط.

بيشترط عشان أقبل الحكم ده الأمر القدري أو الحكم التشريعي: حد يشرح لنا ليه الأول يعني أنا جامد أهو. أنت قولي ليه وأنا جاهز على طول وأشهد أن لا إله إلا الله وأن محمدا رسول الله. أنت بتسلم لله سبحانه وتعالى. وأين عبودية العقل لله؟ وأين الاستسلام لله سبحانه وتعالى؟ وأين العقل حينما؟

والله يا جماعة إن شاء الله كتير، بس للأسف هو مقصر، كنت بكلم أحد إخواني كنت بأقرأ في دراسات في اليهودية والنصرانية، وقد إيه الكتب التحريف اللي فيها، والمآسي اللي في الكتب عندهم والتحريف اللي فيها، وبعدين كنت بأقرأ في الحداثة وكيفية بعض الكتاب في مواجهة هذه الحداثة، وكتب حتى وائل حلاق ورفض الحداثة أو السيولة ومش عارف إيه، وإزاي إن ما عدش فيه معايير وما عدش فيه أخلاق وما عدش فيه مبادئ، وإزاي قضية الشذوذ؟ فقاعد بأقرأ؛ هو العالم وصل لغاية فين؟ إيه الضياع اللي العالم ده وصل له يا جماعة؟ احنا في حالة من قررنا نشيل العدمية؛ ما حدش فيه معايير، ما حدش فيه أخلاق. ما فيش وحي ثابت. تعامل الكنيسة مع مثل الشذوذ تعامل بارد، تعامل ضعيف، تعامل جبان مع أي حاجة عندهم قدرة على أن الدين أصبح نوع من، وللاسف بعض من سار على دربهم من المسلمين يطلع يقول لك الدين الإبراهيمي ومش عارف إيه ومأساة! وأنا أتعجب إزاي واحد يقول بقضية الدين الإبراهيمي ويدعم وكلامه وكأن كل الأديان أديان حق! ثم يقدم للصلاة يوم عرفة للناس، ده أمر عجيب، يعني ده بالنسبة لي أمر لا يقبله عقل. المهم الصلاة والسلام والعافية؛ أما تشوف العالم وصل لفين، وإفلاس المفكرين في تقديم حلول. تعرف يا جماعة إن الإسلام هو اللي يتقال؟ يعني فعلا فعلا البشرية تحتاج إلى الإسلام. البشرية تحتاج إلى وحي. حتى اللي رافضين الحداثة ورافضين للسيولة والكتب فيها مادة جيدة لمحاولة الهدم، لكن ما عندهمش مادة للبناء.

يعني وده كتير بنستفيد منه من كلام المفكرين حتى اللي مش إسلاميين، إن هو عنده قدرة إنه اكتشف -ركزوا معي، معلش أنا خرجت شوية معلش سامحوني بقى- احنا في رحلة بنتفسح؛ هو اكتشف ظلام الجاهلية، قدر يمسك الظلمات التفاصيل الموجودة في الجاهلية، لكن لا يستطيع أن يقدم بديلًا، لا يستطيع بناءً متماسكًا. كتب بعض المفكرين تهدم البناء الموجود في الجاهلية، لكن لا يقدم قصر الإسلام، لا يستطيع أن يبنيه إلا بوحي من الله سبحانه وتعالى. العالم الآن يحتاج الإسلام. فلما تجد رفض للأحكام التشريعية؛ طب هو أصلاً حد بيقدم أي طرح متميز؟ أي طرح متماسك فيه أي أخلاق ثابتة؟ هو في حد بيقدم أي طرح دلوقتي؟ ولا هو الناس تطلع بشذوذ نقول لهم عندنا شذوذ؟ الناس تطلع بالتطور نقول لهم عندنا تطور؟ الناس تطلع مش عارف بإيه عندنا اشتراكية في الإسلام وماله عندنا رأسمالية برضه، عندنا برضه عاد كله في الإسلام. أي حاجة هنجيب عندنا أصنام نجيب لك أصنام في الإسلام وماله؟! فانت متخيل أن حالة السيولة الوصولية -المهم نرجع يا عيني أنا آسف للاستطراد- قضية الخضوع لأمر الله سبحانه وتعالى على مستوى القدر وعلى مستوى التشريع. لذلك من الأحاديث العجيبة وصحيح الجامع وصحيح الشيخ الألباني ولها أكثر من رواية؛ حديث الذين سيمتحنون في الآخرة، أن في ناس تشتكي يوم القيامة فتمتحن في الآخرة، منهم أربعة يحتاجون يوم القيامة: رجل أصم لا يسمع شيئاً، وأحمق، وهرم، ورجل مات في فترة أصلًا، لم يأتِ الإسلام ولم أسمع شيئاً. الأحمق ربي جاء الإسلام وما أعقل شيئاً، والهرم شيئاً، والذي مات في الفترة، ومَن أتاني لك رسول؟ بقى لنا الأربعة أصناف دول وغيرهم علامات تنوع روايات الناس عاشت ستين سبعين سنة وربنا يعمل له امتحان واحد بس يوم القيامة.

الامتحان ده خد بالك ملخص فكرة العبودية اللي كانت مطلوبة مننا، ما هو امتحان واحد؛ احنا امتحنا امتحانات كتير، طول عمرنا امتحانات ابتدائية، ابتلاءات متنوعة، وربنا يمتحنهم فيأخذ مواثيقهم، لا يطيلنهم ويحسن إليه. وفي رواية مش دي هنا يعني أنا أرسلت رسلي إليكم وأنا رسول نفسي إليكم. وفي رواية يأمر عنق من النار فيخرج منها -الرواية دي منها الصحيح من الضعيف- ويرسل إليهم أن ادخلوا النار. الرواية دي مختصرة شوية يا رب منها نفر في ناس ترفض وفي ناس تدخل، فيقول الله سبحانه وتعالى ويقول لأصل النبي صلى الله عليه وسلم هنا في الحديث: «فمن دخلها كانت عليه برداً وسلاماً، ومن لم يدخلها سحب إليها». الامتحان أن تثق في أمر الله حتى وانت تقتحم النار؛ لأن هو دي فكرة الدجاجلة بقا أن هو بيعكسه، بيحاول يصور لك أن الدين نار، نعدله الجنة جنة الدنيا والاخرة أن هو نار، ويعكس لك أن الشهوات وأكل المياه في بطونه النار من النار، يوصل لك من الجنة من صدق الله وجدها برداً وسلاماً في الدنيا وفي الآخرة، ويجد نعيم الدنيا ومسمية له كلام طيب في رسالته قاعدة في المحبة أن عن توسيع مفهوم النعيم، أن لما بتكلم أن المؤمن منعم ولا سيما في الدنيا، الناس كما قلت هو أصلاً الأمر ده في الرسالة دي رسالة عظيمة أصلاً أن من كثرة حب الناس للمال وللدنيا أصبح معيار النعيم هو ضيق، لكن من ذاق أنواع النعيم الأخرى علم القضية واسعة جداً؛ الرحمة، نعيم واسع، عكس ما الإنسان تفكيره ضيق بيقوده إلى هذا الأمر.

أنا كده آظن الوقت انتهى. النوع التالت بقى ده ممكن يبقى له درس لوحده؛ العقل في قضية الغيب، الجنة، النار، الأسماء والصفات، اللي عمل دلوقتي فيها كلامية ومشاكل، والامر ببساطة زي ما السلف عمله، قبلوا الأمر أخذوه على ظهره وقالوا أمروها كما جاءت، الأمر بالنسبة لنا منتهي. وهنا حصل خلل في مفهوم التفويض للأسف، وإن كان الأمر ببساطة خالص: ويضحك ربنا وخلاص. والامر ببساطة على ظهره ولا ينقبون ولا يحرفون، ولا الأمر بسيط يترك الآيات وينتهي الأمر وينتقلوا إلى العمل. قال: أبهذا أمرتم؟ شف لما تكلموا في المسائل القدرية قد أعملوا الانتقال هنا؛ شف النبي صلى الله عليه وسلم يأخذهم من حالة الجدل كلامي؛ لأن -معلش أنا عايز لما دخلت عينة الثقافة اليونانية هي بتهتم بالتجريد أكثر العمل، ودايما الثقافة اللي بيغلب عليها التجريد بيبقى معها؛ عشان لأن بيبقى فيه نقص فبتلاقي فيه عثمان فيه وثنية- الثقافة الشرعية ما عندهاش هذا الإيغال في التجريد، يعني ده برضو زي أمر يطول. فانتقل الشريعة بتنقلهم من حالة الجدل إلى حالة العمل، الجبل إلى حالة العمل، بتنقل للمفهوم ده. وأظن ده أحد المعاني اللي كان الدكتور رضا زيدان في كتابه والقدر كان أشار إليه أنه بينقل القدر من حالة الجدل اللي بتوصل به الحاجة إلى حالة العمل، قال اعملوا فكل مصلى. يعني فيه موضوع أنت لن تصل، هتقعدوا قرون أول حاجة نفس الخناقة بنفس الحاجات! أنت كان ممكن بكل بساطة كما تلقاه سبحانه، بكل بساطة تلقوا الأمر اللي قعدوا وقفوا ولا استعجبوا ولا إزاي ولا الناس البنت ديت، ما ينفعش وأصل أه احنا عندنا قواعد قبل كده خدناها أن ازا لو حصل كذا يبقى ازا كذا، فلازم دي انفجار! لا لا لا أمر تمام وتلقوه بأمر وانتقلوا لقضية العمل. فالاستسلام في هذه الأمور الثلاثة بيجعل الإنسان أمر الدين بالنسبة له خلاص فيه الحادثية السبحة، قال: أسلمت يا رب العالمين.

عايزين نخرج بدرس النهارده تنوع العبوديات، فروة عبودية واحدة، فإن لم تحدث لك هذه العبودية أو إن لم يسر لك هذه العبودية حالة من العنت، وتلاقي واحد هتلاقي واحد مثلا عنده تصور أنه عايز يصلي قيام أو يطلب علم أو يدعو، وربنا يقدر له عبودية بر والديه في يوم من الأيام هتلاقيه بيضجر! يا ابني ربنا اختار لك عبودية عظيمة، خلي عندك -أظن كان في مقطع جميل الدكتور أحمد سيف اسمه نفس مرنة- عندك هذه المرونة في العبودية، تقبل التنقل بين العبوديات، زي ما الحج بيعلمه، قضية الاستسلام وعبودية العقل ولا سيما في القدر، مقياس ورد المتشابهات القدرية المؤلمة والأحكام الشرعية المخالفة للهوى، رد هذه الأمور إلى المحكم، وأن أكيد في حكمة حتى ولو لم نسمع، راح المسلم يا الله سبحانه وتعالى يأتينا الأمر: ﴿إِذْ قَالَ لَهُ رَبُّهُ أَسْلِمْ ۖ قَالَ أَسْلَمْتُ لِرَبِّ الْعَالَمِينَ﴾ [البقرة: 131].

يحدث أمر نسأل الله بالعافية، دايما نطلب العافية، لازم نتمنى لقاء العدو ولا يتمنى أحد البلاء، قدر حدث البلاء نقول: إنا لله وإنا إليه راجعون. سلم أمرنا إلى الله سبحانه وتعالى وإليه يرجع، نحتسب الأمر عنده سبحانه وتعالى. وإليه: إنا لله وإنا إليه راجعون وإنا إليه راجعون، سلم أمرك يا راجعون. لا تعلن صلوات، دول خلاص ياخذون الصلوات والرحمة والهدى، لأن التصرف التصرف الصحيح في الموقف الصعب.

واخر حاجة استسلام؛ شوف سيدنا إبراهيم قدم اعظم التضحيات بإقل الإشارات. أسأل الله سبحانه وتعالى أن يستعملنا في دينه، وأن يوفقنا بفعل ما يحب ويرضى، وأن يعيننا على الصيام وعلى الذكر وعلى الدعاء في يوم عرفة، وأن يرزقنا وألا يحرمنا ثواب الحج والعمرة، وأن يتابع لنا عمر، وأن يوفقنا وإياكم لفعل ما يحبه سبحانه وتعالى. سبحانك اللهم وبحمدك، أشهد أن لا إله إلا أنت أستغفرك وأتوب إليك، والسلام عليكم ورحمة الله وبركاته.