د. أحمد عبد المنعمبسم الله الرحمن الرحيم. بسم الله والصلاة والسلام على رسول الله صلى الله عليه وسلم. نبدأ لقاء اليوم، الله سبحانه وتعالى وكما هو ظاهر من العنوان هو مقتبس من قول الله سبحانه وتعالى: ﴿وَاصْطَبِرْ لِعِبَادَتِهِ﴾ [مريم: 65]. هذه الكلمة وهذه الجملة هي جزء من آية في سورة مريم. هذه السورة العظيمة هذه السورة يعني أنا كنت تكلمت عنها في مجلس من أراد أن هو يرجع إلى ما حاولتش أبقش يعني عن موضوع تدور حوله السورة.
وإن اتكلمت في مقدمة هذا الدرس قضية أن لا يشترط أن يكون موضوع واحد فقط للسورة، وأذكر في مقدمة هذا الدرس أني تكلمت في مسألة أن على حسب مرحلة الإنسان وعلم الإنسان وإيمان المرء حينما يدخل إلى السورة، بيفتح من هذه من آفاق هذه السورة بفضل الله سبحانه وتعالى. فلقاء اليوم بإذن الله سبحانه وتعالى وبعد بسم الله والصلاة والسلام على النبي صلى الله عليه وسلم، احنا هناخد هذا الجزء من الآية. ونشوف زي ما بنحاول نعمل لما بناخد جزء من الآية نشوف أين ورد كلام بعض أهل العلم في هذه الآية، ثم إسقاط هذه الآية على واقعنا. زي ما عملنا في بعض الآيات قبل كده بنشوف الآية سياقها إيه. زي ما عملنا: ﴿أَسْلَمْتُ لِرَبِّ الْعَالَمِينَ﴾ [البقرة: 131]. العناوين اللي بتكون جزء من آية: ﴿جَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ﴾ [الفرقان: 20]. احنا بنعمل إيه؟ بنشوف الآية، بنشوف كلام أهل العلم فيها وسياقها. وبعدين نحاول ننزل هذه الآية على واقعنا، كيف نستفيد منها. تمام؟
لما بننظر لهذه الآية: ﴿وَاصْطَبِرْ لِعِبَادَتِهِ﴾ وهي جزء من آية في سورة مريم، عايزين نشوف السورة عموماً، سورة مريم والجزء ده تحديدا. السورة عموماً بعض العلماء اتكلم في مسألة أن هي فيها هبات الله سبحانه وتعالى لعباده. بعضهم اتكلم أن آثار اسم الله الرحمن؛ لذلك تكرر فيها ذكر اسم الله الرحمن. كل ده في سورة مريم يعني في أكتر من حد لما حاول ينظر، وأنا قلت تعداد زاوية النظر للسورة بيظهر ما فيها من خفايا وجمال. الزاوية اللي احنا كنا نظرنا بها لسورة مريم، أنا عايزك تتخيل كده مثلاً ما اسمي سورة. أنت مثلاً بتدخل بزاوية نظر شخص مثلاً يبحث عن الصلاح. شخص تائب من الذنوب. شخص بادئ يعمل في الدعوة إلى الله سبحانه وتعالى. شخص مبتلى، وركزوا في المعنى ده! وطال عليه البلاء وينتظر الفرج. ده معنى ممكن يدخل به سورة مريم.
الزاوية اللي كنا نظرنا بها لسورة مريم هي الإنسان المصلح الذي يريد أن يقدم إصلاحاً في الواقع، لكن لا يجد أعواناً. اللي هو إيه؟ ﴿وَإِنِّي خِفْتُ الْمَوَالِيَ مِنْ وَرَائِي﴾ [مريم: 5]. حالة سيدنا زكريا لما كبر وحاسس أنه لو مات ما فيش حد سيحمل الدين من ورائه. هذه الحالة اللي لما بيدخل بها الإنسان سورة مريم، يفاجأ بمعاني بديعة. لأن الإنسان يبحث في هذه اللحظات وهو كبر وعايز حد يشيل الدين، يبحث من سيرث هذا الدين من ورائه؛ لذلك تكرر لفظ الوراثة. في أيضاً ذكرته في الدرس تكرار لفظ الوراثة في هذه السورة.
لو أنت هتقرأ المعنى ده، فتفاجأ أن الإنسان يظن دائماً أن اللي هيحمل عنه الدين الولد الابن، فتيجي السورة تقول لك حاجة البشر للولد، لكن الله سبحانه وتعالى لا يحتاج إلى الولد. وأن لا يشترط أن من يحمل عنك الدين يكون من صلبك، قد يموت، قد يبتعد والعياذ بالله: ﴿فَخَلَفَ مِنْ بَعْدِهِمْ خَلْفٌ أَضَاعُوا الصَّلَاةَ﴾ [مريم: 59]. ولكن من رحمة الله سبحانه وتعالى أن يجعل لك الود في قلوب الناس، وده اللي ختم به السورة. ده معنى سريع للسورة، اللي عايز بقى التفصيل يرجع الدرس اللي أنا شرحت فيه هذا المعنى.
فبالتالي أحياناً طول فترة البلاء، وده احنا كده اتكلمنا عن سورة مريم عموماً، نيجي بقى للآية بقى نعمل زوم ندخل على الآية خصوصاً الآية في سياق لما تيجي تقرأ السياق كده بعد الحديث عن قصة مريم وقصة سيدنا إبراهيم وقصص الأنبياء. وبعد كده أن الحال قد يتبدل، قد يتحول. أصلاً مشهد النص الأول من سورة مريم: سيدنا زكريا واقف في المحراب، يدعو الله سبحانه وتعالى. النص التاني: الوفود وهي خارجة من المحراب: ﴿فَخَلَفَ مِنْ بَعْدِهِمْ خَلْفٌ أَضَاعُوا الصَّلَاةَ﴾. تركوا المحراب، تركوا الصلاة. حالة الداعية وهو ينظر إلى هذا المشهد، مشهد الناس الذين يتركون الدين، حالة بتجلب الألم للداعية. لذلك من البشارات للنبي صلى الله عليه وسلم أنه أتم مهمته، المشهد العكسي أن الناس تدخل في دين الله أفواجاً، فتخيلوا أثر: ﴿فَخَلَفَ مِنْ بَعْدِهِمْ خَلْفٌ أَضَاعُوا الصَّلَاةَ﴾ على قلب الداعية.
وكمان يزداد الألم أن في السياق دي، اللي يرجع يقرأ السياق دي، حصل تأخر في نزول سيدنا جبريل على النبي صلى الله عليه وسلم، وحصل طول فترة الوحي. الفترة هنا اللي هي الفتور يعني توقف الوحي. طول فترة الوحي، توقف العلامات أو البشارات أو تحس أن في معاملة مع الله سبحانه وتعالى، اللي هي كانت عند النبي صلى الله عليه وسلم تأخر الوحي، زيادة الابتلاءات في الواقع، إعراض الناس عن الدين، قمة الكوادر التي تحمل هم هذا الدين. دي الحالة النفسية اللي نزلت فيها هذه الآية. لذلك لما تستحضر الحالة النفسية، تستحضر واقع كل كلمة في الآية. لذلك أنا قررت قبل كده أن قد لا نشعر ببعض كلمات نعيم الجنة أو عذاب النار، لكن لما مثلاً واحد تمزق عائلته، يعني هو مثلاً زي سيدنا أبو سلمة وأم سلمة وسلمة يتفرقوا، واحد راح يهاجر والأهل الأم خدوا الأم وده خد الابن، لما يتفرقوا لأجل الدين، يحصل هذه الفرقة أو يهاجر ويترك الأهل والزوجة ويجاهد، وتأتي آية تقول إن من نعيم الجنة أن الله تعالى سيجمع العائلات مرة أخرى زي آية الطور.
هو المستشعر ده لما واحد عايش حياته كلها في باله مشغول، كالمجاهد في سبيل الله، وربنا يقول له: ﴿وَأَصْلَحَ بَالَهُمْ﴾ [محمد: 2]. فقيمة كلمات الجنة لا يشعر بها إلا من ذاق مشقة العمل الصالح. وكذلك عشان نستشعر هذه الآية من أول قول الآية أربعة وستين وآية خمسة وستين: ﴿وَمَا نَتَنَزَّلُ إِلَّا بِأَمْرِ رَبِّكَ لَهُ مَا بَيْنَ أَيْدِينَا وَمَا خَلْفَنَا وَمَا بَيْنَ ذَلِكَ وَمَا كَانَ رَبُّكَ نَسِيًّا * رَبُّ السَّمَاوَاتِ وَالْأَرْضِ وَمَا بَيْنَهُمَا فَاعْبُدْهُ وَاصْطَبِرْ لِعِبَادَتِهِ هَلْ تَعْلَمُ لَهُ سَمِيًّا﴾ [مريم: 64-65]. نحاول نتكلم في التلات محاور دول إن شاء الله، لكن قبل الكلام عنهم واقع الآيات على قلب النبي صلى الله عليه وسلم. لأ، احنا خدنا سياق السورة محاولة يعني إي استحضار المعنى النفسي الذي يعيشه المصلح.
لذلك أنا بكرر، أنا قلت إن الأمسيات التربوية منها ما يخاطب من يريد التوبة، منها ما يخاطب الملتزم اللي بقاله فترة، منها ما يخاطب الداعية، فهي فيها نوع من التنوع. هذه الأمسية وهذا اللقاء يخاطب اللي ماشي في الطريق ربنا سبحانه وتعالى بيمر بازمات بيمر بابتلاءات، طالت عليه هذه الفترات، فترات الابتلاءات بتحدث من حوله أحداث لا يفهمها، مش فاهم إيه الحكمة من اللي بيحدث، والبلاء بيطول ولا يجد معه أعواناً. هذا مؤلم على النفس. النفس البشرية تحتاج إلى خطاب علوي من الله سبحانه وتعالى يثبتها في هذه اللحظات، إيه هو الخطاب ده؟ بيتنوع. مرة موجود في سورة آل عمران، مرة موجود في سورة الفتح. دي الفترات اللي حصل فيها تأخر الفتح أو أن البلاء يرفع منها سورة مريم.
طيب، في الأثر مروي عن ابن عباس وغيره أن تأخر نزول جبريل عن النبي صلى الله عليه وسلم، وأن النبي صلى الله عليه وسلم طلب منه، قال له: لماذا يعني هل تزورنا أكثر مما تزورنا؟ فنزلت هذه الآيات، وأن سيدنا جبريل بيقول له: نحن من عباد الله سبحانه وتعالى لا نتحرك ولا نتنزل إلا بأمره، يملك كل شيء. طب إيه التوجيه الرباني ده كان رد سيدنا جبريل على النبي صلى الله عليه وسلم على هذا الأثر: ﴿وَمَا نَتَنَزَّلُ إِلَّا بِأَمْرِ رَبِّكَ لَهُ مَا بَيْنَ أَيْدِينَا وَمَا خَلْفَنَا وَمَا بَيْنَ ذَلِكَ﴾. التوجيه الرباني: ﴿وَمَا كَانَ رَبُّكَ نَسِيًّا﴾. هذه الجملة التي يحتاج، بالرغم أن المؤمن يعلمه، لكن يحتاج أن يسمعها في اوقات البلاء، أن حد يقول له: الله سبحانه وتعالى لم ينسك، الله سبحانه وتعالى لم يتركك، أنت الذي تظن ذلك. طول فترات البلاء هي التي جعلتك تظن بالله ظن السوء؛ لذلك احنا من المحاور إن شاء الله ضمن الجاهلية، ودي كانت خطبة جمعة بس أنا يعني عشان الأغلب ما سمعهاش، هاحاول أعيد معظم أو المعاني المركزية اللي في خطبة أعيدها إن شاء الله النهارده. يبقى طول فترات البلاء بيجعل يظن بالله ظن السوء، أو الوصف التوصيف القرآني: ظن الجاهلية، وهنشوف ليه القرآن سماه كده. وفيه كلمات بديعة لابن في وصف ظن الجاهلية.
طيب، يقول الله سبحانه وتعالى: طيب أنا النفس محتاجة تسمع إيه؟ محتاجة تسمع أن الله رب السماوات والأرض وما بينهم. الثناء على الله سبحانه وتعالى في أوقات البلاء. الثناء على الله سبحانه وتعالى في أوقات البلاء: ﴿فَاعْبُدْهُ وَاصْطَبِرْ لِعِبَادَتِهِ﴾. استمرار في العمل الصالح بالرغم من عدم رؤية ثمرة العمل الصالح. احنا مشكلتنا احنا عايزين نربط بين: أنا صليت الفجر النهارده وحصل لي كذا. ليه؟ ازاي أنا بقالي فترة شغال في الدعوة وما حصلش الأزمة دي اتفكت؟ احنا عايزين ربط مباشر بين العمل الصالح وبين الأثر الدنيوي لهذا العمل. لأ، كيف تستمر في العمل الصالح وفي الإصلاح بالرغم أنك لا ترى ثمرة هذا في حياتك؟ إزاي؟ فمحتاج اصطبار.
لذلك في تلات مواطن جه في القرآن فيها اللفظ والاستبار من هذا الموطن، مرة في سورة مريم، ومرة في سورة طه، ومرة في سورة القمر: ﴿وَاصْطَبِرْ﴾. ما تيجي نبحث عن اللفظ واصطبر؛ يعني فيه واصبر، لكن اصطبر اللي هو وزني في بيسموه في اللغة افتعل، أي تكلف الصبر. يعني إزاي ده أعلى من كلمة اصبروا وصابروا؛ يعني صابر اللي هو فاعل ده في حد بيصبر أمامك وأنت تصبر أمامه، والذي سيستطيع أن يكسب في مرحلة في معركة الصبر هو الذي سينتصر. دي المثابرة. لكن الاصطبار لافتعال، أنت تغالب نفسك، يعني أنت مش بتصابر حد تاني.
تاني في آخر آل عمران: احنا بنحارب المشركين أو شبهات النصارى، ففي ختام السورة: ﴿اصْبِرُوا وَصَابِرُوا وَرَابِطُوا وَاتَّقُوا اللَّهَ لَعَلَّكُمْ تُفْلِحُونَ﴾ [آل عمران: 200]. صابروا اللي بعد صورة في حد بيصبر، المشركين بيصبروا: ﴿إِنْ تَكُونُوا تَأْلَمُونَ فَإِنَّهُمْ يَأْلَمُونَ كَمَا تَأْلَمُونَ﴾ [النساء: 104]، فبالتالي هو بيألم وهو بيصبر واحنا نألم ونصبر، لابد لكي تنتصر عليه أن تصبر صبراً أعظم من صبره. تمام؟ لكن في مراحل هو ما فيش عدو مقابل، أنت اللي حاسس بأزمة نفسية، أنت اللي مش مستحمل الوضع، نفسيتك مش قادرة تتقبل، طول البلاء غياب الأعوان، قلة الفتح والنصرة أعراض الناس، أنت مش قادر تتقبل ده، فلابد أن تغالب نفسك، أنت تكسب نفسك.
لذلك المعنى قرأته لابن عاشور وفوجئت أن أول من ذكره أبو السعود، والله أعلم أنا ما رجعتش في التفاسير، لأن غالباً المفسرين يأخذون بعضهم عن بعض، بيقول إيه؟ يعني إيه يصطبر؟ بيقول لمحة جميلة وأبو السعود متميز في اللمسات دي، بيقول: ليه ربنا ما قالش واصبر على عبادته، زي في آية طه: ﴿وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا﴾ [طه: 132]؟ ليه هنا: ﴿وَاصْطَبِرْ لِعِبَادَتِهِ﴾؟ ليه حرف اللام جه؟ لو تأملنا يعني في علماء متميزين في موضوع أسرار حروف الجر، يعني في كتاب كامل اسمه من أسرار حروف الجر. أبو السعود كان له ملمح بتقول إيه: اصطبر له، لك. هذه الكلمة، هذا الحرف مع الصبر تأتي لما بتكون فارس ينزل يحارب فارساً آخر، ينزل له فنقول له: اصبر له، اصطبر لعدوك هو قاعد لك فانت محتاج تكسبه.
فبيقول في الآية نزلت النفس نفسك نزلت كعدو لك لابد أن تنتصر عليه، لذلك قالوا إن بعض العبادات لا يستطيع الإنسان أن يهزم نفسه أمامها فينكسر أمامها، لا يستطيع أن يثبت عليها، زي كتير مننا أمام قيام الليل لا يصبر، نفسه تهزمه. في ناس بتقوم بفضل الله وتفك العقد الشيطانية، وده أنا شرحته المرة اللي فاتت: يعقوب الشيطان على قافية أحدكم هو ينتصر، انتصر على مين؟ على الشيطان وعلى نفسه هو، نفسه بتقول له: امكث اجلس ما تقومش. ﴿وَاصْطَبِرْ لِعِبَادَتِهِ﴾ أن تنتصر على وساوس النفس وسوء الظن في هذه الأوقات. لأن اللي بيعتمل في اللحظات دي النفس البشرية مش هي مش قابلة الوضع، عايزة تشوف حاجة، تريد شيئاً يصبرها على هذا الوضع.
كيف نصبر النفس في هذه الأوضاع؟ ده المفروض نتكلم عنه إن شاء الله في النص التاني من اللقاء. دلوقتي الآية بتقول لمن، مش قصدي للنبي صلى الله عليه وسلم، قصدي اللي هيمر بنفس الأزمة، تلات حاجات: الأول: المقدمة: ﴿وَمَا كَانَ رَبُّكَ نَسِيًّا﴾، الثناء على الله سبحانه وتعالى في وقت الازمات. نعم، النبي صلى الله عليه وسلم عمل كده، النبي صلى الله عليه وسلم راجع من غزوة أحد الدماء تسيل من وجهه الشريف صلى الله عليه وسلم، فقد أحب الناس إليه سيدنا حمزة وسيدنا مصعب رضي الله عنهما، ويقول: استووا حتى أثني على ربي. يا الله! يعني إزاي حد يفقد أعز حاجة عنده، زي سيدنا يعقوب يقول: ﴿فَصَبْرٌ جَمِيلٌ﴾ [يوسف: 18]. يعني إزاي واحد عايز يحافظ على جمال العلاقة بالله في ظل الأزمة؟ يعني احنا في ظل الأزمة بتبقى متألم وقرفان مش شاغل بالك أصلاً بعلاقتك بالله، للأسف الإنسان بيتشوش عليه هذه العلاقة.
الأنبياء حافظوا على جمال العلاقة بالله حتى في وقت الأزمات، زي سيدنا إبراهيم وهو في الهواء خلاص يعني هيسقط في النار التي أعدها له المشركون يقول: حسبي الله ونعم الوكيل.
فازاي في وقت الأزمات الثناء على الله سبحانه وتعالى رب السماوات والأرض وما بينهما، الاستمرار في العبادة والاصطبار عليها؛ هتتعب أيوه، هتجاهد نفسك وهتحس بألم نعم، لكن ستجد برد ذلك بعد ذلك بإذن الله سبحانه وتعالى، زي كتير من اللي قال عالجت قيام الليل سنة أو تعب أنه هو يجاهد نفسه في عبادة معينة ثم فتح الله عز وجل عليه بعد كده.
هل تعلم أنه سمية ما هو ليس لك حل آخر؟ يعني لو أنت مش عايز تكمل هتعمل إيه؟ هتروح لمين؟ ليس لك إلا الله، هل تعلم له مشابها أو شبيها أو مماثلا أو مساميا أيا كان أقوال المفسرين ليس لك إلا الله؟
يعني لما ترجع تشوف قول ابن مسعود وتلامذته في سورة الطلاق: ﴿إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا﴾ [الطلاق: 3]، يفاجأ أنهم بيقولوا معناها أن الله بالغ أمره رضي أو لم يرضَ، توكل أو لم يتوكل، بمعنى إيه؟ بمعنى أن كأن معنى الآية الذي سيتوكل على الله سبحانه وتعالى سيحدث له من الأقدار والرضا والسكينة ما ترضى به نفسه، أما الذي لم يتوكل على الله ستمضي الأقدار رغماً عنه وهو غير راضٍ ما استفادش حاجة.
يبقى الأفضل أنك أنت تتوكل على الله، كأن معنى الآية لذلك هتجد أن بعض المفسرين بيقول إيه؟ إن الله بالغ أمره قائل إيه؟ سواء توكل أو لم يتوكل، لما تبحث في بقية التفاسير تجد أنهم فسروها بالمعنى ده، أنت ما استفدتش أي حاجة، زي بالضبط الأمسية اللي أنا شرحت فيها: هل يذهبن كيدهما يغيظ؟ أنت استفدت إيه على ابن زيد في أحد الأقوال في الآية؟ من كان يظن أن لن ينصره الله قال من كان يظن أن لن يرزقه الله في الدنيا والآخرة، واحد سيء الظن بالله سبحانه وتعالى، هنتكلم عن ظن الجاهلية دلوقتي.
طب هو استفاد إيه وفي الآخر عامل زي بالضبط أما واحد يقول لك ما فيش أمل ما فيش فايدة، فانت تقول له ارضى بقضاء الله أكيد فيه حكمة يأتي بالفرج في الدنيا أو في الآخرة، فوض أمرك إلى الله سبحانه وتعالى يقول لك لأ وما فيش فايدة وما فيش أمل وما لوش لازمة الكلام ده، طب خلاص أنا غلطان، ولع في نفسك، أنا آسف هات حبل اربط رقبتك واختنق، أنت كده استفدت؟ يعني أنت لما عاندت القدر وسخطت على الله سبحانه وتعالى استفدت حاجة؟ يعني إلى أاين ستذهب؟ أين ليس إلا الله سبحانه وتعالى.
يبقى الثلاثية: الثناء على الله سبحانه وتعالى، الاستمرار ومغالبة النفس في هذه الأوقات، أن تعلم أننا ليس لنا إلا هو سبحانه وتعالى، هذه الثلاثية بعد مقدمة وما كان ربك نسيا، مهمة جدا جدا للاستمرار في وقت الابتلاءات مع الحالة اللي أنا شرحت طول فترة البلاء: غياب الأعوان، انفضاض الناس من خلفهم، أضاعوا الصلاة واتبعوا الشهوات فسوف يلقون غيا، خلاص هم بعدوا.
في اللحظات دي تأخر علامات الفتح، أو تحس أن يعني إيه في واحد مثلاً كان متعود بمعاملة مع ربنا بيشوف رؤية هذه الأمور تتأخر عليه، يحتاج إلى هذا الخطاب في هذه اللحظة، ولا أخفيكم غالب الأمسيات التربوية الأخيرة أنا كنت بتكلم في هذا المعنى من كثرة الأسئلة التي تأتي، وده اتكلمت عنه في الدرس اللي فات: لا طاقة لنا اليوم، ما عادش له لازمة أننا نستمر في الدعوة، ما عادش له لازمة العلم، كل واحد يشوف مصلحته، الناس تنفض، الإسلاميين مختلفين شايفين أصلاً مقطعين بعض إحنا هنستفاد إيه؟ ما فيش أمل.
الحالة الاقتصادية سيئة جداً زي الزفت وعمالة بتسوأ، كل واحد بقى يدور على يشوف يركز في حياته وخلاص، تترك الدين لبيت رب يحميه، مثل هذه الخطابات كثرت وتأتيني رسايل يعني مش عايز مش عايز أقول كتير لكن تأتي رسايل حول هذا المعنى، حالة من الإحباط واليأس وعدم رؤية بصيص أمل، وحالة من الغضب من كمان كثرة الخلافات المستشرية التي حتى تفقد المصلح أنه يبقى فيه أمل للإصلاح، كل فترة خناقة في شيء تافه، وحتى لو شيء عظيم يدنس بألفاظ أيا كان، هنتكلم إن شاء الله باذن الله عن قضية الخلافات بإذن الله سبحانه وتعالى.
الخلاصة أن هذه الحالة مع تفريغ الطاقة هو مكبوت عنده طاقة كبت يعني سياسي واقتصادي واجتماعي ومتضايق من الأوضاع فيفرغ هذا الغضب في أضعف ناس، فيفرغه في إخوانه المسلمين فيسب في الدعاة والعلماء، هو هذا الغضب لا يستطيع أن يفرغه في أحد إلا في يبحث عن المستضعفين، هذه الحالة أحيانا بتجعل من يريد الإصلاح يصيبه حالة من الإحباط أو اليأس أو يقول خلاص أنا أنغلق على نفسي وما فيش أمل.
لا، لا، في هذه الأوقات وفي هذه اللحظات يحتاج الإنسان أن هو يسمع الخطاب القرآني الذي يدفعه دفعا للانطلاق، لذلك دايماً أنصح اللي بيمر بهذه الأزمات أنه يقرأ خواتيم سورة يونس وسورة هود وطبعاً سورة يوسف، هي بتعالج هذه المرحلة، طول الأزمة وطول البلاء قبيل الهجرة هذه الأوامر المبثوثة في أواخر يونس وأخر هود تثبت العزائم لأن لا يبقى في هذه الأوقات إلا أولو بقية، أصحاب العزائم وأصحاب القوى هم الذين لأن دي حالة تمحيص، لذلك ما هو ربنا بيقول لك في إحنا قلنا أول حاجة وما كان ربك نسيا، إياك أن تظن أن هذا يحدث بعيدا عن تدبيره أو قدرته أو إرادته سبحانه وتعالى.
أنا للأسف فوجئت أن دلوقتي عدى منها كنت عايز أقرأ لكم بس هنحطه لكم على قناة تليجرام تعليق الإمام الطبري على الآية وكلام بديع، أنا لسة حاطه على القناة عندي على قناة تليجرام تعليق الإمام الطبري وأبو السعود وابن عاشور، الثلاثة حطتهم على قناة التليجرام عندي القناة الخاصة واتحط على أنه القرآن إن شاء الله، كنت عايز أقرأ لكم لكن حتى لا يطول الوقت بإذن الله سبحانه وتعالى.
طيب في الأوقات دي لازم نبقى عارفين أن الشيطان يبحث عن الثغرات ليدخل منها إلى النفس البشرية، والشيطان فاهم أن فيه لحظات مميزة لعمله، وأنا قلت لكم أظن الدرس اللي فات كنت عامل لقاء بعنوان عمل الشيطان أو كيف يعمل الشيطان، فالشيطان بيبحث عن الثغرات اللي يدخل منها، لذلك راجعوا مثلاً تفسير قول الله سبحانه وتعالى: ﴿إِنَّمَا اسْتَزَلَّهُمُ الشَّيْطَانُ﴾ [آل عمران: 155]، كان بعضهم بيقول بيبحث عن الزلة اللي يدخل منها، هو عايز يوقعك عايز يستزلك.
قالوا زلة القدم، القدم بتحط أنت جاي تحط رجلك على حاجة فاكرها ثابتة تلاقيها اتحركت فتزل، فتزل قدم بعد ثبوتها، هو يبحث إيه نقاط الضعف اللي ممكن يوقعك منهم؟ خلاص الشيطان زي ما لو ما داخل في الشهوات عارف أن واحد مدخله المال، مدخله النساء، مداخل ضعف بيخش له منها، كذلك في فترات في حياة الإنسان الشيطان عارف يدخل منها.
في لحظات ضعف مثلاً مرحلة بعد الذنب، دي مرحلة ودي اتكلمت عنها أيضاً في سورة الأعراف، دي مرحلة الإنسان يكون فيها هش ضعيف، ما فيش منك أمل، ما فيش منك فايدة، انسى بقى الموضوع ده، ويضغط عليك نفسياً، دي من المراحل الزمنية الإنسان لازم يكون عنده وعي ولا يسمح للشيطان أن يؤثر فيه في هذه اللحظات.
طول فترة البلاء من أهم اللحظات التي يستغلها الشيطان وطول فترة البلاء يطول الإنسان لا يفهم ما الحكمة من البلاء، وزي ما هنتكلم اهو، لا يشترط أن تفهم الحكمة من كل أمر، يعني ممكن ربنا سبحانه وتعالى يرزقك ويبصرك بحكمة الأمر، لكن أحيانا مش ربنا سبحانه وتعالى لم يفتح لك أنت ما أنتش فاهم الحكمة.
زي بالضبط كده ثبات أبي بكر الصديق في صلح الحديبية دون أن يرى ما الذي سيحدث، قال وأنا أسمع كلام النبي صلى الله عليه وسلم هو رسول الله ولست أعصيه والله ناصره، الموضوع بالنسبة لي منتهي، إيه اللي هيحصل؟ أو إيه الحكمة؟ أو الصلح ده هيطلع عليه أنه طلع فتح؟ أنا مش منتظر، خدوا بالك لذلك بعضهم كان يفرق بين الصديق والفاروق وهما من هما، أن الصديق ما كانش ينتظر يشوف حاجة عشان يسلم، إن كان قال فقد صدق.
لذلك معلش دي حتة برة الدرس أظن كان لابن تيمية كلام ليه غالب الرؤى اللي شافها الصحابي ومع النبي صلى الله عليه وسلم كانت شافها سيدنا عمر مش الصديق، الجارية اللي في بتتوضأ الفضل الإناء اللي النبي صلى الله عليه وسلم شرب منه أعطاه لعمر، أه رأيته عبقريا لا ينزع، يعني معظم الرؤى للفاروق مش للصديق، فقال فيما أذكر يعني أظن هو كلام ابن تيمية: الفاروق لا يحتاج إلى هذا التثبيت والصديق لا يحتاج أن يرى أشياء ده أعلى طبعا.
إحنا هنتكلم على إيه زي ما بتعبير أنا بسميه الدور التلاتاشر ده مش بتكلم عليه أن ده دور فوق مع بعض فإحنا غلابة محتاجين حاجة بيتنا محتاجة حاجة تصبرنا، لكن أنا بتكلم أن شوف ثبات الصديق قبل سورة الفتح وثبات عمر الفاروق بعد نزول سورة الفتح، لما نزلت سورة الفتح فقرأها عليه النبي صلى الله عليه وسلم ففهم عمر، الصديق ما كانش محتاج خلاص هو مسلم من الأول تمام؟
إحنا بتمر علينا لحظات لا تشترط على الله سبحانه وتعالى أن يبصرك وإلا وكده كل واحد أنا بقى يحب أن يؤتى صحفا منشورة، يعني لو أنت دورك دلوقتي أن كل ما ينزل بلاء ينزل لك صحيفة من السماء فيها إيه؟ ما تخافش، الحكمة من البلاء كذا كذا بجد والله؟ طب وفين الصبر؟ بين ابتلاء العقول، يعني في ابتلاء الأبدان وفي ابتلاء العقل أن هو يسلم لله سبحانه وتعالى.
المهم أن طول فترة البلاء من أفضل فترات للشيطان اللي بيعمل فيها، ليه؟ النفس بتكون في لحظات ضعف، الشيطان يستغيث، إيه هي لحظات الضعف؟ زي لحظات القرب من الشجرة مع سيدنا آدم، زي لحظات الحسد بعد بني آدم، دي لحظات ممكن تتجمع كده، لحظات الضعف التي تمر بها النفس البشرية ويستغلها الشيطان ليبث فيها سموماً خلاص؟
ده محتاج إنسان يكون يقظ لهذه المراحل وطول الفترات دي وأنت بتحس أن أنت اللي هو الجو بقى سورة مريم عموماً والآية خصوصاً في الفترات دي إيه اللي بيحصل؟ أكتر حاجة ممكن تحصل لك سوء الظن بالله سبحانه وتعالى، ودي أكثر فترة الشيطان ببث فيها الأفكار: هو ربنا بيعمل فيك ليه كده؟ هو ليه ربنا سايبك؟ هو مش أنت مسلم؟ ويبدأ يبث السموم في هذه الأوقات، تمام؟
إيه العلاج بقى؟ طب أتصرّف إزاي في الوقت ده؟ الوقت ده خطر وغالب، يعني مش عايز أقول لكل غالب الشبهات اللي أنا سمعتها ممن ابتلي بقضية أنه عنده شكوك أو بيقول والعياذ بالله أنه ملحد أو غير ذلك كان سببها إشكال نفسي في هذه القضية؛ عدم تصور وفهم ما يحدث، سوء ظن بالله سبحانه وتعالى.
طيب عايزين موقف قرآني يعني ذكر الأزمة دي ننطلق منه، اللي هو قول الله سبحانه وتعالى: ﴿ثُمَّ أَنزَلَ عَلَيْكُم مِّن بَعْدِ الْغَمِّ أَمَنَةً نُّعَاسًا يَغْشَىٰ طَائِفَةً مِّنكُمْ﴾ [آل عمران: 154].
أشمعنى اللقطة دي اللي احنا هناخدها؟ ودائماً أنا بحب الآيات دي في غزوة أحد لأن اللحظة دي لحظة ألم دماء يعني هزيمة غير متوقعة، أقدار غير مفهومة، وأنا شرحت بالتفصيل بقى درس اسمه التناول القرآني أو العلاج القرآني لتبعات غزوة أحد، بالتفصيل بقى كيف عالج القرآن أن العلاج القرآني كان طويل، أنا هاخد بس اللقطة دي: العلاج القرآني لتبعات غزوة في اللحظة دي ربنا سبحانه وتعالى بيقول للناس القسم المقسمين، يعني هل في الأزمات الناس بتكون سواسية بالرغم أن البلاء عام؟ ركزوا معي في المعنى ده ليه؟
لأن عندنا الناس مش فاهمة أن من سنن الله في معاملة المؤمنين أن العقاب يكون عاماً، لا يشترط دائماً أن يكون العقاب خاصة، ﴿وَاتَّقُوا فِتْنَةً لَّا تُصِيبَنَّ الَّذِينَ ظَلَمُوا مِنْكُمْ خَاصَّةً﴾ [الأنفال: 25]، هناك ذنوب وهناك ابتلاءات تعم المؤمنين، ثم يلطف الله سبحانه وتعالى ببعض عباده، وده اللي حصل، جيش المؤمنين قسم من الجيش هو اللي عصى، منكم مش كلكم، ﴿مِنكُمْ مَن يُرِيدُ الدُّنْيَا وَمِنكُمْ مَن يُرِيدُ الْآخِرَةَ﴾ [آل عمران: 152].
هذا القسم لما عصى كانت الهزيمة عامة، ركز معي، يبقى جيش المؤمنين كامل اهو قسم عصا ما نزلش الغم عليهم بس نزل على كله والابتلاء والهزيمة نزل على الجميع، ولكن لطف الله سبحانه وتعالى بطائفة أنزل عليها من بعد الغم الذي أصاب الجميع أنزل عليهم أمنة ونعاساً، لكن في طائفة لم ينزل عليهم الأمل لم تنزل عليهم الأمل ليه؟ يعني ليه في طائفة ما نزلتش عليهم السكينة بعد نزول الغم الجماعي؟ يبقى تاني، ممكن المؤمنين جزء منهم يعصى زي ما أم سلمة تقريباً لما سألت النبي صلى الله عليه وسلم: أنهلك وفينا الصالحون؟ يعني العذاب ينزل عام وفينا ناس كويسة.
وكثر الخبث ما هي معادلات. الخبث بيكثر في طائفة صالحة مصلحة مش قادرة تقاوم الخبث، ده ينزل عقاب جماعي، لما العقاب الجماعي ينزل بيكون غم جماعي. لكن يلطف الله سبحانه وتعالى بطائفة، زي سيدنا إبراهيم كده في النار: ﴿قُونَا بَرْدًا وَسَلَامًا عَلَى إِبْرَاهِيمَ﴾ [الأنبياء: 69]. هو قاعد في وسط النار وهي برضو تسلم عليه. يعني ممكن ناس تمر بأزمات وابتلاءات وهو يكون في حالة من السكينة.
ما يحدس لأهل البناء، خلاص ما الموانع من نزول هذه السكينة؟ يعني ربنا بيقول: ﴿ثُمَّ أَنزَلَ عَلَيْكُم مِّن بَعْدِ الْغَمِّ أَمَنَةً نُّعَاسًا يَغْشَى طَائِفَةً﴾ [آل عمران: 154] مش جماعي بقى، يعني مش زي ما الغم الإيد الجماعي، سكينة يخشى طائفة منكم وطائفة قد أهمتهم أنفسهم يظنون بالله غير الحق ظن الجاهلية. في طائفة هل يعني لما أهمتهم أنفسهم أساءوا الظن بالله ظنوا بالله غير الحق ظن الجاهلية، ولا لأنهم ظنوا بالله ظن الجاهلية أصابتهم هموم في أنفسهم؟ المعنيين واردين.
الخلاف أصلا في معنى يعني ايه أهموا أنفسهم؟ بعضهم قال: أهمتهم أنفسهم، أدخلت عليهم الهم والغم، يعني هو اللي جايب لنفسه الهم، ولو عارف لما واحد يقعد منكد ويفتكر مواقف تنكد عليه وقعد وفجأة كده تلاقيه وكان قاعد كويس، فجأة قاعد هو قاعد بينكد على نفسه، هو نفسه هي التي أهمته، نفسه أدخلت عليه النار.
وقيل، والقائلين ذكرهم أكتر، واللي حاول، يعني من أجمل من شرح هذه الآيات لأنه استفاد من ابن القيم واستفاد من ما قبله، الإمام القصيمي. يعني أسأله سهل من المتأخرين، نقل كلام طويل لابن القيم. ابن القيم له كلام بديع في شرح آيات آل عمران بس مكثوف في زاد المعاد، جمع معظمهم قاسمين في تفسير الآيات مستفاد من أبو الشعوب أيضا. فبيقول إيه؟ من معاني الآية: لا هم لهم إلا أنفسهم، لا دين ولا دينه ولا أصحابه ولا رسوله صلى الله عليه وسلم. يعني هو وواحد ملوش هم غير أن هو لا يفكر إلا في نفسه.
اللي بيفكر في نفسه ونفسه هي المركز هي المحور يسيء الظن بكل الناس ويسيء الظن بالله سبحانه وتعالى. يبقى أحد المعاني: طائفة قد أهمتهم أنفسهم، لا يفكر إلا في نفسه، مش مهم الدين، مش مهم الناس، مش مهم النبي صلى الله عليه وسلم. الذي يكون بهذه الحالة يعيش مهموما مغموما ويسيء الظن بالله. مع أي لمسة ابتلاء، أي تغير في أزمة اقتصادية، أي حاجة، بدل ما يبحث عن السبب، وده أنا ذكرت في الخطبة، بدل ما يشوف مين اللي تسبب في الأزمة، بدل ما يبحث، يسيء ظني بالله، يقول لك يا رب، وكأن يعني وكأن الذي أخطأ لم يخطئ، هو دايما عايز الأقدار عايز الأقدار تنزل بصورة مباشرة تعاقب المخطئ، ده ده يوم القيامة.
انت كده عايز تحول الدنيا إلى دار جزاء، هو في ناس دايما تسيء الظن بالله ليه؟ يقول لك ما هو اصل كان المفروض ربنا يعاقبه، ما هو لو ربنا عاقب كل مخطئ في الدنيا الدنيا تحول ضربة جزاء، انت مش فاهم الدنيا، انت عامل زي سؤال الملائكة: ﴿أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاءَ﴾ [البقرة: 30]. هو فيه حاجات ما كانوا فاهمينها فربنا قال لهم: ﴿إِنِّي أَعْلَمُ مَا لَا تَعْلَمُونَ﴾ [البقرة: 30] فقالوا: ﴿سُبْحَانَكَ لَا عِلْمَ لَنَا إِلَّا مَا عَلَّمْتَنَا﴾ [البقرة: 32].
وده علاج سوء الظن: التسبيح، اللي هنتكلم عنه دلوقتي. يبقى أنا دلوقتي عايز أتكلم، أنا قلت دلوقتي أن أعظم فترات بتمر على نفس المسؤولية طول البلد هاتكلم فيها في تلات نقاط. سوء الظن، أقيموا الصلاة، تذكر النعم السابقة. دي التلات نقاط العلاج اللي عشان نخرج بها من الأزمة دي، وهم نفس النقاط الموجودة في رب السماوات والأرض فاعبدوا الصبر لعبادته.
هل تعلم إنه سمين؟ احنا دلوقتي بنتكلم في النقطة الأولى: قضية سوء الظن. سوء الظن هتكلم دلوقتي على أسبابه. من أسبابه أن لا يهمك إلا نفسك. يقول لك أنا ما يهمنيش إلا نفسي، لا شاغل باله بدنيا ولا آخرة ولا دين ولا أقدار ولا صلاح ولا إصلاح ولا أي شيء. هذا سيعيش فيها. يعني ده مهما قعدت تقنعه هيفضل عايش فيها. الذي لا يريد أن يسمع عن الله ولا عن اليوم الآخر ولا عن الابتلاءات ولا عن طبيعة الدنيا ولا يريد أن يفهم هذه الأمور سيعيش بها، ولذلك وكذلك كان المنافقون، إيه المنافق؟ هو إيوا كان هو لا يفكر إلا في نفسه، فتصيبه هذه الأمور بحالة من الهم والغم.
فمن سار على دربهم وجد هذا الهم والغم، ولا تنزل عليه السكينة والطمأنينة. قال الله سبحانه وتعالى: ﴿وَطَائِفَةٌ قَدْ أَهَمَّتْهُمْ أَنفُسُهُمْ يَظُنُّونَ بِاللَّه غَيْرَ الْحَقِّ ظَنَّ الْجَاهِلِيَّةِ﴾ [آل عمران: 154]. يعني إيه ظن الجاهلية؟ ابن القيم أبدع في هذه الآية، وقد ظنوا أهل الجاهلية بالله، يعني ظن الجاهلية، أيوا كأن فيه محذوف، إيه هو ظن الجاهلية؟ قال: أي أهل الجاهلية كانوا يسيئون الظن بالله. بيسيئوا الظن بالله في إيه؟ ابن القيم ذكر بتاع عشرين تلاتين نوع إساءة الظن بالله.
خلاص؟ ممكن المقدمة بتاعة الكلام ونهاية الكلام هي المتناسبة مع السياق. ثم بعد ذلك ابن القيم استطرد بعيدا، لكن الخلاصة من الكلمات البديعة أعرف أجيبها لكم، ألاقي اللي قالها ابن القيم، لأن واحد يقول: فمن ظن بالله كذا فقد أساء الظن بالله، ومن أسا بظنه، هو بيقول إيه الكلمة بقى البداية؟ بيقول: وظن الجاهلية هو المنسوب إلى أهل الجهل، وظن غير الحق. ليه بقى؟ ليه؟ ليه ده ظن غير الحق وظن أهل الجهل؟ لأنه ظن غير ما يليق بأسمائه الحسنى وصفاته العليا وذاته البراءة من كل سوء.
وده أهم معنى لازم نشتغل على عكسه طول فترة البلاء. تاني، أنا قلت طول فترة البلاء فترة ضعف نفسي بيستغلها الشيطان. إيه اللي بيحدث فيها؟ بيحدث سوء الظن. بيحدث سوء الظن ليه؟ أنا هقول سببين. هقول سببين، قلت أهمتهم أنفسهم وهقول سبب تاني دلوقتي. وكل سبب بقوله عايز أتكلم على علاجه.
خلاص السبب الأول: أهمتهم أنفسهم، ده لأنه أساء الظن بالله سبحانه وتعالى. أساء الظن بالله لأنه لا يعلم حقيقة الأسماء والصفات. غالب غالب، ولسه لغاية دلوقتي بتيجي أسئلة كتير، غالب الأسئلة اللي بتيجي أو الشبهات هي من عدم تصور مفهوم الرب، هو مش عارف يعني ايه عبودية ومش فاهم الدنيا، مش عارف ويسيء الظن بالله. يقول لك ليه ربنا بيعمل كده؟ هو لا يعلم اسم الله الحكيم، هو لا يعلم اسم الله اللطيف، هو لا يعلم هذه الأمور ولا يريد أن يسمع عنها، فطبيعي هي عايشة همه.
تنزيه الله، فلذلك علاج الأولاني علاج، أنا قلت سوء الظن حاجتين: أهمتهم أنفسهم وهقول المعنى التاني دلوقتي، اللي هو خلينا نسرعه دلوقتي نقول: عدم الفهم، عدم فهم سنن الله سبحانه وتعالى. يبقى سوء الظن بالله فيه، طبعا فيه أسباب كتير، منهم: ماتوا أنفسهم، ومنها: عدم فهم سنن الله سبحانه وتعالى. علاجهم الاتنين بالتسبيح وبالفهم، فهم سنن الله. علاج الاتنين بالتسبيح وبالفهم.
ليه التسبيح؟ ليه التسبيح تحديدا بييجي في المواطن التي قد يساء الظن فيها بالله، قد، زي الملائكة كده قالوا: ﴿سُبْحَانَكَ﴾ [البقرة: 32]. زي سيدنا يونس لما ألقي في بطن الحوت، قد يساء الظن بالله في هذه اللحظات، قال: ﴿سُبْحَانَكَ إِنِّي كُنتُ مِنَ الظَّالِمِينَ﴾ [الأنبياء: 87]. أشمعنى التسبيح من أهم أوراد علاج ما يعتمل في النفس من سوء الظن؟ هو لأن التسبيح هو تنزيه الله سبحانه وتعالى.
الشيطان وأنت في طريقك لربنا يريد أن يشوش عليك العلاقة. الشيطان عايز يبوظ لك علاقتك بالله، أول مدخل شيطاني لسيدنا آدم قال له: معنى كلام الشيطان عايز يقول لسيدنا آدم: الله لا يحبك، الله لا يريد بك الخير، لو كان الله يريد بك الخير لسمح لك أن تأكل من الشر هذه الشجرة، فيها الخير لك، فيها الملك لك، فيها اه الخلود، ولكن الله لا يحب لك الملك ولا يحب لك الخلود فلذلك منعك من الشجر. ده ملخص الشبهة الشيطانية: ﴿مَا نَهَاكُمَا رَبُّكُمَا عَنْ هَٰذِهِ الشَّجَرَةِ إِلَّا أَن تَكُونَا مَلَكَيْنِ﴾ [الأعراف: 20].
فلذلك قالوا إيه؟ وانه كان يقول سفيهنا على الله شططا. هو عايز يفسد علاقتك بالله، عايز يديك تصورات خاطئة عن الله، أشبه باللي سايق العربية قدامه الأزاز، الشيطان بيلقي الطين على الأزاز فانت لا تستطيع أن ترى. ده هدف التسبيح، هو كأن انت بتشغل المساحات، بتشوف جمال العلاقة بالله. لذلك أنت تتعجب إزاي فيه ناس بتمر بازمات وابتلاءات سكينة وطمأنينة ورضا بالله سبحانه وفرح بالله سبحانه، إزاي؟ يعني إزاي حافظوا على جمال العلاقة؟ لأنه هو نزه الله سبحانه وتعالى، سلم إلى الله سبحانه وتعالى. أشد الناس بلاء هم أفضل الخلق الأنبياء ولم تتغير علاقتهم بالله سبحانه وتعالى.
التسبيح، عارف يعني ايه أنك تنزه اسم الله الرزاق مثلا؟ يعني أنت عايزك تخيل أنك سبحان الله أنت بتنزه كل الصفات، طب تخيل كده أننا نمسك صفة صفة وأسمي اسم، ننزه الله عن النقص الذي قد يعتريها في ظنك. صفات الله ثابتة عن عن الذي، يعني أنت أسأت الظن في الرزاق، أسأت الظن في الحكيم، أسأت الظن في المقيت، أسأت الظن في القدير، أسأت الظن في الرحيم، احنا أسأنا الظن. لذلك ابن القيم في الآخر بيقول كلمة مؤلمة: وقال أغلب الناس بل كلهم بيمر عليهم اللحظات دي. يعني بيقول في الآخر كده يعني كلمة أغلب الناس بل كلهم بتأتيه هذه الخواطر. وقال في الآخر: فاقدح زناد من شئت، أي حد كده اكشف على قلبه، حط جهاز كشف سوء الظن علنا، هتلاقيه مر عليك اقتراح على الأقدار.
ليه؟ ولو كان ده مدخل شايفني مشهور، لو تفتح عمل الشيطان، مدخل شيطاني معروف استغلال، لأن من أصعب الابتلاءات الإيمان بالقدر، من أصعب الابتلاءات. التسليم العقلي للقدر من أصعب العبادات. الإنسان ممكن يجاهد نفسه في قيام الليل وفي الصيام وفي طلب العلم وفي الدعوة، يحدث أزمات، ينتكس بسبب، بالرغم من أن هو صبر على أشياء عظيمة بدنية، لكن تيجي العقل مش قادر يستحمل، يسخط والعياذ بالله.
خلاص اه سوء الظن علاقة تسبيح، اتعرف على الله سبحانه وتعالى، أن تتعرف على مفهوم العبودية. ناس زي ما كان أغلب اللي كتبه في مشكلة الشر كانوا بيقولوا أن مشكلة الساخط هو متصور أننا جينا في الدنيا أن الله سبحانه وتعالى خلقنا، عارف، ليحقق لنا طلباتنا في الدنيا، فلما بتتخلف الطلبات الدنيوية يقول لك في أين الله؟ أيوة هو إيه العلاقة؟ هو كأنه بيتصور أننا جئنا في الدنيا لينفذ الله لنا ما نريد في الدنيا، فحينما تتخلف بعض الأمنيات من عند ربنا بيقول: ﴿أَم لِلْإِنسَانِ مَا تَمَنَّىٰ﴾ [النجم: 24]. هو انت فاكر انك تاخد كل اللي انت عايزه؟ ﴿فَلِلَّهِ الْآخِرَةُ وَالْأُولَىٰ﴾ [النجم: 25]. فلما بتتخلف في هذه الأمنيات بيسيء الظن بالله.
سوء الظن اللي ناتج عن أنك لا تفكر إلا في نفسك محتاج تعكس، ما تخليش المركز نفسك، خلي المركز الله، وترجع تسمع عن الله كثيرا. أنت كده بتعالج سوء الظن اللي بيحدث في طول فترات البلاء وبينتج عنه البعد والتوقف والانتكاس، هتعالجه إزاي؟ هتعكس ما تسبب في سوء الظن. الذي تسبب في سوء الظن: أهمتهم أنفسهم يظنون بالله غير الحق ظن الجاهلين. أعاكس الاتنين دول، أعمل إيه؟ أظن بالله الحق، حسن الظن بالله.
فبالتالي محتاج أتعرف على ربنا، ولا يهمني نفسي، يهمني الدين، لأنك من كانت الدنيا همه على طول عمره عمره ما هيسعد، ليه؟ لأنه حط مركز لن تحقق، مش بمزاجك، فيه أقدار: ﴿نُّصِيبُ بِرَحْمَتِنَا مَن نَّشَاءُ﴾ [يوسف: 56]، ﴿مَّا نَشَاءُ لِمَن نُّرِيدُ﴾ [الأنعام: 137] ما ربنا قال كده في آية الإسراء.
يبقى سوء الظن له أسباب كتير في طول فترة البلاء، منها وراجعوا بقى خطبة ظن الجاهلية. الحاجة التانية: عدم فهم سنن الله سبحانه وتعالى، وده هنا ده جزء من الحل، يعني لما تقرأ الحكمة من بعض الأقدار فينبغي أن تقيس ذلك على بقية الأقدار. بمعنى، ربنا في سورة الكهف مثلا القصة المشهورة قصة الخاطر جايب لنا تلات قصص، مش لازم ربنا يقص علينا كل الابتلاءات ويشرح لنا كل الحكمة منها، ما خلاص ما هو ربنا خلاص، ما انت تثق بالله.
مثال مثلا مثال على مسألة القياس: جسم الإنسان في قمة الاتقان والأحكام، يعني مبدع، خلق الله سبحانه وتعالى عجيب. أنت لما تتأمل كل شيء بدقة، خلاص نفترض وجدنا ثمانية وتسعين أو تسعة وتسعين في المية من جسم الإنسان مفهوم في الدقة والأحكام والإتقان والتركيب، ولقينا واحد في المية مش فاهمين، حاسين نشعر أن في نوع من العبث في جسم الإنسان، هل نقول أن التسعة وتسعين في المية عبث زي الواحد في المية، ولا العكس أن أكيد الواحد في المية في حكمة ونحن لا نستطيع أن نفهم؟ هكذا في الأقدار. ربنا عرفنا حكمته وذكر لنا في القرآن قصص وبين لنا الحكمة والعاقبة للمتقين، وذكر لنا في اليوم الآخر. مش لازم كل موقف بيمر ربنا ينزل لك الحكم، خلاص أنت بتقيس.
والقياس ده هناخده في الحل الثالث: أن تتذكر النعم السابقة عليك. وده حل قرآني، القرآن قدمه لسيدنا موسى وقدمه للنبي صلى الله عليه وسلم. لكن نرجع تاني: سوء الظن حاجتين، هنعكسها، هنا عدم الفهم. بمعنى إيه؟ عدم فهم سنن الله يجعل الإنسان يسيء الظن بالله. كنت بقرأ وأنا بجمع على الدرس اللي فات، أنا قلت لكم بجمع في درس، كنت قلت لكم أنا بجمع في درس.
لا طاقة لنا اليوم. كلمة يقعد الهم والغم، الألفاظ التي فيها إقعاد من الشيطان للإنسان حتى لا يسير، ثقلت مثل هذه الأمور. وشرحت هذا الدرس الذي فات بعد الدرس وأنا لسة بجمع، لقيت سورة الإسراء كلمة: فتقعد. قلت لها: ده من الألفاظ اللي أنا بدور عليها فاتني. فوجئت أن الآية فتقعد جت مرتين: مرة فتقعد مذموماً مخذولاً، ومرة فتقعد ملومة محسوراً. كويسة، دي كانت المفروض تتضاف للدرس بتاع لا طاقة وجنودي.
تعالوا نقرأ، قلت إيه؟ أنا قلت لنفسي يعني هقرأ السياق بتاع فتقعد. لقيت الأول مع من ابتعد عن التوحيد، ابتعد عن الله: ﴿لَا تَجْعَلْ مَعَ اللَّهِ إِلَٰهًا آخَرَ فَتَقْعُدَ مَذْمُومًا مَّخْذُولًا﴾ [الإسراء: 22] من الله سبحانه وتعالى. تمام، قلت خلاص، من أسباب ده خطاب للمؤمنين عموماً يعني أن في سنن الله -وده هيقول دلوقتي- في سنن الله للمؤمنين غير سنن الله للكافرين، أن اللي مبتعد عن الله يخذل من الله سبحانه وتعالى. قد يعاني الله سبحانه وتعالى المشركين أن يمدوا لهم، يمد له ونوليه ما تولى ونصله جهنم. خلاص، يبقى من أسباب الفشل والقعود وعدم التيسير: شو علاقتك بالله؟ أو الشرك، أو الانصراف عن الله، أو التوكل على غير الله؟ خلاص، اللي هي المعاني الإيمانية.
قلت ده كويس أن ده من الحاجات الواحد يحبها، أن الغفلة عن معاني الإيمان والتوحيد والتوكل تسبب نوعاً من الخذلان. دي التانية جاية مع فهم طبيعة الحياة: ﴿وَلَا تَجْعَلْ يَدَكَ مَغْلُولَةً إِلَىٰ عُنُقِكَ وَلَا تَبْسُطْهَا كُلَّ الْبَسْطِ فَتَقْعُدَ مَلُومًا مَّحْسُورًا﴾ [الإسراء: 29]. أن عدم فهم السنن الدنيوية ممكن يخليك قعيد -الصعيد هنا مش قصدي بمعنى يخليك إنت هلا من الشلل في الحركة والناس يلومونك- تقعد ملوماً. ليه؟ إنت ما فهمتش سنن الدنيا ماشية إزاي، إنت يا إما بخيل جداً يا إما أنفقت كل المال. هنا مش بنتكلم على معنى إيماني، أنا بتكلم على فهم طبيعة السنن الدنيوية. لذلك الانتصار في الحروب ما عند المؤمنين كان الجامع بين الاتنين: العلاقة بالله، وفهم السنن الدنيوية، والأخذ بالأسباب، وكيف أنه يفهم السنن الدنيوية. فبالتالي قد يهمل الإنسان في السنة الدنيوية ثم يسيء الظن بالله. طب ما إنت اللي مخطئ!
يعني اللي أنا عايز أقوله: ممكن واحد مؤمن يحافظ على علاقته بالله ضغط كويس جداً من ربنا، لكنه عنده جهل السنن المادية، الكون ده قايم على سنن، مش يعني في سنن ثابتة مبثوثة للمؤمن والكافر، فيهمّل فيها: أهمية العلم، أهمية القوة. إزاي كيف ينتصر؟ كيف الغالب يحصل أدوات الانتصار؟ مثل هذه الأمور. صفات النصر، مثل هذه الأمور عنده إهمال في الجانب ده، ما تجده يمر بابتلاءات في الدنيا، لكن يرفعُه الله يوم القيامة لأنه محافظ على الجانب الإيماني. لكن هيوزن السنن اللي بتقول في الدنيا ده، هيوزن في الدنيا. فإذا أصابته هزيمة فلا يسيء الظن بالله. يبقى من أسباب سوء الظن أحياناً عدم فهم السنن الدينية أو الإيمانية أو السنن المادية. الخلل في فهم هذه السنن يؤدي أنك سيء الظن بالله.
لذلك مثلاً كنت أبقى أقرأ الكتب اللي بتتكلم عن سنن الله، نفاجئ أن في سنن لله في الفرد وسنن للأمم. يعني في كتاب جميل اسمه سنن الله في الأمم من خلال القرآن الكريم، أول فصل منه يفرق ما الفارق بين سنن الله للفرد؟ كيف يعامل الله الفرد؟ يعني مثلاً مثال عشان وأنا ما بقاش ببتكلم كتير: هل كل عاصي لازم يتعاقب في الدنيا؟ لأ. هل كل فرد ظالم لازم يعاقب في الدنيا؟ لأ. كل أمة استشرى فيها الظلم كأمة ستعاقب كأمة. كأفراد؟ لأ مش لازم. في فارق بين سنن الله للأمة وسنن الله للفرد. عدم فهم كيفية معاملة الله يخليك تسيء الظن بالله، نتعجل في إساءة الظن، عدم فهم هذه الأمور. يعني من أسباب سوء الظن هو مركزية أنفسهم، ويظنون بغير الحق، وأيضاً عدم الفهم إنت اللي مش فاهم الحياة ماشية إزاي. إنت بتسيء الظن بالله ليه؟ إنت اللي مش عارف أن اللي هيمشي كده هيظلم هيغلط المركب هتغرق. هو اللي غرقنا، تقوم إنت رايح سيء الظن بالله. يعني إنت دلوقتي تسيء الظن بالله ليه؟ إنت مش فاهم سنن الدنيا ماشية إزاي.
فاهم الله سبحانه وتعالى في أقداره، ليه الناس اللي بتتعجل في إساءة الظن بالله وتنسى أن تحاسب أنفسها وأن تحاسب الآخرين؟ لأ ده ده ده والعياذ بالله ده اتهام لله سبحانه وتعالى. فاذاً سوء الظن في طول فترات البلاء قد يكون بسبب: أهميتهم أنفسهم، يظنون بغير الحق ظن الجاهلية. أو عدم فهم سنن الله سبحانه وتعالى. طيب حل الاتنين دول إيه؟ حل الاتنين دول أن أنا أقرأ عن الله سبحانه وتعالى، أن أنا يبقى لي علاقة بأسمائه وصفاته، كثرة القراءة في معاملة الله وسنن الله سبحانه وتعالى. في ناس ربنا فتح عليها في هذا الباب، أبدأ أقرأ أفهم. يعني سوء التصور عن الله مجلبة لسوء -ده ملخص الجزئية الأولانية- سوء التصور عن الله مجلبة لسوء الظن بالله سبحانه وتعالى.
النقطة التانية: في اوقات طول البلاء ينبغي للإنسان أن يصطبر للعبادة. لذلك في ختام سورة يونس: ﴿وَاجْعَلُوا بُيُوتَكُمْ قِبْلَةً وَأَقِيمُوا الصَّلَاةَ﴾ [يونس: 87] وبشر المؤمنين. مش هينفع في فترة البلاء أننا نقعد بدون عبادة، العبادة تقوي النفس، فترة البلاء تكسب النفس قوة طول العبادة في فترة البلاء. لذلك تجد الخطاب المكي بيطلب منهم طول قيام الليل، طول التسبيح، حسن الخلق، بيطلب منهم عبادات شاقة لكي يتحملوا الابتلاءات المكية. طول فترة البلاء يحتاج إلى قوة في العبادة، لان القعدة أن تجلس فارغاً وقت البلاء إنت بتعطي أحلى فرصة للشيطان لنفسي يعملوا أحلى دويتو مع بعض. ما هو إنت قاعد فارغ فترة البلاء، الشيطان يقول لنفسه: إنت قاعد بقى فاضي، قاعد فاضي للوسوسة، والنفس قاعدة بتتلقى الوساوس الشيطانية وترد عليه، قاعد.
قم صل ركعتين، حاضر طب سبح الله، طب اقرأ، طب انزل اتحرك. يعني لا تجلس فارغاً، إزاي أنا أتكلمت عن دروس متتالية الفراغ خطر جداً. الفراغ في هذه الأوقات تحدداً، وقت المعصية، اوقات طول البلاء، أوقات النفس هي بيعتمل فيها سوء الظن. الفراغ هنا أجمل فرصة للشيطان ليبذر فيها البذور التي يريد، ولن يبذر الشيطان إلا الشر. ولابد أنك تشغل نفسك، لذلك ربنا قال إيه؟ ﴿وَأَقِيمُوا الصَّلَاةَ﴾ [يونس: 87] واجعلوا بيوتكم قبلة وأقيموا الصلاة، مش عارف حتى تمارس بعض العبادات اتصرف، ثم أقيموا الصلاة دي شبه بالظبط كده: ﴿وَاصْطَبِرْ لِعِبَادَتِهِ﴾ [مريم: 65].
فيبقى احنا قلنا الثلاثية اللي في الأول: رب السماوات والأرض تعبده واصطبر لعبادته. هل تعلم أنه سميع؟ كثرة الثناء على الله سبحانه وتعالى في الأول دي مقابلة لعلاج سوء الظن، اللي هو التسبيح، اللي هو الثناء عن الله سبحانه وتعالى. اعبد واصطبر لعبادته، مقابلة هنا لأقيموا الصلاة المعنى التالت. هل تعلم أنه سميع؟ افتكر كده إنت كان لك غير ربنا. تذكر يعني لما لما سيدنا موسى ربنا قال له في سورة طه: ﴿اذْهَبْ إِلَىٰ فِرْعَوْنَ إِنَّهُ طَغَىٰ﴾ [طه: 24]. سيدنا موسى تخيل يعني ربنا بيقول لك: اذهب إلى هذا الداعية اذهب إلى هذا الطاغية فادعوه، واحذر إنه طاغية. اتخيل لما أقول لك: انزل اشتغل في الدعوة، خد بالك أن إنت رايح تكلمهم في الدعوة دول بلطجية ممكن يموتوك. طب ما أنا ممكن أخاف؟ ربنا بيقول: اذهب إلى فرعون إنه طغى.
في اللحظات دي سيدنا موسى طلب طلبات كتير وختم هذه الطلبات بالتسبيح، المعنى الأول. ختموا الطلبات دي بإيه؟ بالتسبيح. ركز نفس، وسبحان الله نفس إيه؟ وده من جمال القرآن أن هو الآيات ذوات رحم. نفس المعاني مثاني قال: ﴿كَـيْ نُسَبِّحَكَ كَثِيرًا * وَنَذْكُرَكَ كَثِيرًا﴾ [طه: 33-34]. ربنا قال له بعد كده ولا تاني ما تضعفش عن العبادة، إنت في الأوقات دي محتاج تسبيح كتير، التقوى في العبادة، ثم محتاج إيه تاني؟ محتاج أن تتذكر النعم السابقة. فربنا قال له إيه؟ ﴿قَدْ أُوتِيْتَ سُؤْلَكَ يَا مُوسَىٰ * وَلَقَدْ مَنَنَّا عَلَيْكَ مَرَّةً أُخْرَىٰ﴾ [طه: 36-37]. أنا عايزك تجيب الصفحة دي بتاعة سورة طه، أنا جبتها كده قريب وقعدت أعلم على الأفعال التي نسبت إلى الله سبحانه وتعالى.
قصة سيدنا موسى كما يحكيها القرآن لا كما يحكيها الناس؛ الناس يحكون القصة أن الأم كانت شايلة ابنها فخافت فرماته في البحر، فالبحر مشاه بالصدفة فبالصدفة خدوه فبالصدفة حبته فبالصدفة قالت له هربيك في البيت. القصة في القرآن غير كده: ﴿إِذْ أَوْحَيْنَا إِلَىٰ أُمِّكَ مَا يُوحَىٰ * أَنِ اقْذِفِيهِ فِي التَّابُوتِ فَاقْذِفِيهِ فِي الْيَمِّ فَلْيُلْقِهِ الْيَمُّ بِالسَّاحِلِ يَأْخُذْهُ عَدُوٌّ لِّي وَعَدُوٌّ لَّهُ ۚ وَأَلْقَيْتُ عَلَيْكَ مَحَبَّةً مِّنِّي وَلِتُصْنَعَ عَلَىٰ عَيْنِي﴾ [طه: 38-39]. الأفعال المنسوبة إلى الله سبحانه وتعالى، إما بترجع افتكر قصتك: مين اللي نجاك في الموقف الفلاني؟ مين اللي رتب لك الموقف الفلاني؟ مين اللي قدر لك الحدث؟ مين اللي عمل ده؟ ربنا سبحانه وتعالى.
طب إنت خايف ليه في المستقبل؟ ربنا عمل لك ده وإنت كنت طفل ما كنتش عملت عبادات، ربنا هيتخلى عنك وإنت رايح تدعو إليه؟ ربنا بيقول لسيدنا موسى: إنت كنت لسه طفل ما كنتش رايح اشتغل في الدعوة ربنا نجاك، لما إنت تروح تشتغل في الدعوة ربنا هيتخلى عنك؟ يعني لطالما أعطانا الله سبحانه وتعالى. لذلك لما تأخر الوحي ونزلت سورة الضحى، فربنا بيقول للنبي صلى الله عليه وسلم ما تخفش: ﴿أَلَمْ يَجِدْكَ يَتِيمًا فَآوَىٰ﴾ [الضحى: 6]. ربنا مش هيضيعك، ربنا ما سابكش قبل كده. مع كل أزمة اقتصادية حالة الفزع والهلع، طب واللي رتبها قبل كده مين؟
لما سيدنا زكريا استغرب أن كيف يرزق الولد؟ ﴿وَقَدْ بَلَغَنِيَ الْكِبَرُ وَامْرَأَتِي عَاقِرٌ﴾ [آل عمران: 40]. قال: ﴿كَذَٰلِكَ اللَّهُ يَفْعَلُ مَا يَشَاءُ﴾ [آل عمران: 40]، وفي آية أخرى: ﴿قَالَ كَذَٰلِكَ قَالَ رَبُّكَ هُوَ عَلَيَّ هَيِّنٌ وَقَدْ خَلَقْتُكَ مِنْ قَبْلُ وَلَمْ تَكُ شَيْئًا﴾ [طه: 9]. هو إنت أصلاً طريقة إيه هي اللي سهلة عشان تقول أن سيدنا يحيى إيجاده صعب؟ ﴿وَقَدْ خَلَقْتُكَ مِنْ قَبْلُ وَلَمْ تَكُ شَيْئًا﴾ [طه: 9]. هو المتأمل في تدبير الله لنفسه وللكون، يعني اللي بيتأمل كيف دبر الله حياتك؟ وكيف دبر حياته؟ مش كيف خبر الكون، لا يعجزه شيء سبحانه وتعالى. فين المشكلة؟ فين الأزمة يعني؟ دي أم حسبت أن أصحاب الكهف والرقيم كانوا من آياتنا عجباً، هو إنت متصور أن اللي حصل لأصحاب الكهف ده عجب؟ ده قدرة الله سبحانه وتعالى المطلقة. إنت اللي مش عايش بس مع هذه المعاني، إنت اللي بتهمك هذه الأزمة تحدداً وتضخمها، فترجع للوحي تجد الوحي بيضع هذه الأزمة في حجمها الطبيعي.
العمود التالت أو الخط التالت في الدفاع عن وساوس سوء الظن أن تقفز إلى قلبك في طول فترات أن تتذكر نعمه، ما لكش غير ربنا. هل تعلم؟ ولو احنا ما لناش غير ربنا: ﴿وَإِنْ يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ﴾ [الأنعام: 17]. ما لناش غير ده خطاب للأمة للمجتمع وللفرد. الأمة أن تعود، مش الحل أن هم تتجه للربا مش الحل أن هي تتجه للمعاصي، هي ده ده استمرار في سوء الظن. ده استمرار في السير في الطريق الخطأ. استمرار في طريق الفشل. إنت بتحلل كأمة أو كأفراد يرجعون إلى الله سبحانه وتعالى. وإذا ذكروا أننا ليس لا أن ربنا لا يعامل المؤمنين كما يعامل الكفار. المؤمنين لو مشيت معهم وهم بيعصوا ده ده ترك، نسأل الله السلامة والعافية. ده فتركهم لو تركهم في ظلمات، يعني ربنا بيعمل كده؟ أه مع الكفار لأنه لا يريدهم، عايزين الدنيا خدوها. لكن هذا التضييق ليعود الناس إلى الله، بلوناهم ربنا سبحانه وتعالى بيبلو الناس بالسيئات والحسنات والبأساء والضراء ليعودوا.
وربنا لا يريد منهم شيئاً، الله الغني سبحانه وتعالى، لكن هذه الإحاطة حتى يعلم الناس أنه ليس لهم إلا الله. لما تحس أن هي حالة من الإحاطة مقفولة مقفولة مقفولة، اعرف أن ربنا يريد أن ترجع إليه. لو اتفتحت لك من الأرض وإنت وإحنا على معصية أو كفرد أو كأمة دي مصيبة، ده استدراج نسأل الله السلامة والعافية. فتحنا عليهم أبواب كل شيء، دي مصيبة لأن الأخذ هيكون بغتة. إن الإنسان في ظل الترف ينسى، خدنا مترفيهم، ده تتبع كده الترف في القرآن، وانظر كيف عامل الله أهل الترف وكيف عانى الله الملأ الذين زي في سورة الأعراف الذين أصروا على الوقوف في وجه المستضعفين. طول فترة طول سورة الأعراف الملأ هم اللي متصدرين المشهد.
عشان ما أطولش عليكم خلاص احنا كده الساعة بتاعتنا خلصت. المعنى اللي أنا كنت عايز أتكلم عنه النهاردة أن سوء التصور عن الله مجلبة لسوء الظن، وأن طريقة القرآن في التعريف بالله سبحانه وتعالى ولا سيما في وقت الأزمات تساعد الإنسان على الخروج من الأزمة. أن في وقت الأزمات محتاج أن تتذكر ما كان ربك نسياً، وتحتاج أن تكثر من الثناء على الله رب السماوات والأرض، أن تصطبر للعبادة، أن تعلم أنك ليس لك إلا هو سبحانه وتعالى. إلى فاين تذهبون؟ احنا ما لناش غير ربنا: ﴿وَلِلَّهِ غَيْبُ السَّمَاوَاتِ وَالْأَرْضِ وَإِلَيْهِ يُرْجَعُ الْأَمْرُ كُلُّهُ﴾ [هود: 123]. بلاش تتخيل حتى على مستوى الفرد، بلاش بلاش تقول لي العالم والأزمة والدولة والحياة. يا أخي إنت حتى على مستوى الفرد ربنا سبحانه وتعالى: ﴿سَيَجْعَلُ اللَّهُ بَعْدَ عُسْرٍ يُسْرًا﴾ [الطلاق: 7].
أحسن الظن بالله سبحانه وتعالى، حتى لو لم يكشف البلاء ينزل على قلبك السكينة، وربنا بيقول: ﴿ثُمَّ أَنزَلَ عَلَيْكُم مِّن بَعْدِ الْغَمِّ أَمَنَةً نُّعاساً يَغْشَى طَائِفَةً مِّنكُمْ﴾ [آل عمران: 154]. ربنا سبحانه وتعالى قادر أن يرطب قلبك حتى في ظل اوقات الابتلاءات حتى لو لم يرفع البلاء، إنت هيكون لك معاملة خاصة؟ أيوه هيكون لك معاملة خاصة في وقت البلاء، نعم.
في وقت البلاء، يونس في بطن الحوت وينجيه الله سبحانه وتعالى: ﴿لَّا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ﴾ [الأنبياء: 87]. إذاً هذه الأوقات ليست أوقات الانشغال بالخناقات وتضييع الأوقات، هذه الأوقات أوقات التسبيح وحسن الظن بالله والثناء على الله، هذه أوقات الاصطبار.
فترات العبادة والبذل والمجاهدة والدعوة، استمرار أنك تستمر وأنك تكتسب قوة. اصطبر لعبادته، وفي الآخر ليس لك إلا هذا الطريق؛ لا تضيع وقتك، لا تبحث عن طريق آخر، ليس لها من دون الله كاشفة. ولن تجد لغيره، لن تجد مثل سبحانه.
هل تعلم له سمعياً؟ عندك حل آخر؟ هل في حلول؟ أنا أقدم لك حلاً. هل في حل آخر عندك؟ ليس لك أي حل إلا أن تتجه إليه بقلبك وقالبك، بكلك وبنفسك وبعقلك وبمشاعرك إلى الله سبحانه وتعالى. والله طوبى لمن اختار الله في أوقات البلاء، طوبى لمن ثبت في هذه الأوقات، طوبى لمن تمسك بدين الله في هذه الأوقات.
هذه الأوقات أوقات التمحيص، مثل لحظات مرور التجارة، والنبي صلى الله عليه وسلم في المجلس: «وإذا رأوا تجارة أو لهواً انفضوا إليها وتركوك قائماً». قل ما عند الله خير مما عندهم. طوبى لمن اختار دين الله سبحانه وتعالى في هذه الأزمات، طوبى لمن اختار أن يستمر في دعوة الناس إلى دين الله سبحانه وتعالى في هذه القضية، طوبى لمن تمسك بدين الله سبحانه وتعالى.
أسأل الله سبحانه وتعالى أن يستعملنا، أسأل الله سبحانه وتعالى أن يلطف بنا جميعاً، وأن ينزل على قلوبنا السكينة والطمأنينة. اللهم اكشف عنا الوباء، واكشف عنا الغلاء، واكشف عنا الهم والغم. اللهم أنزل على قلوبنا السكينة والطمأنينة، اللهم ارزقنا حسن الظن بك.
اللهم إنا نسألك حبك، وحب من يحبه، وحب عمل صالح يقربنا إلى حبك. اللهم بلغنا رمضان في صحة وعافية، وأعنا فيه على ذكرك وشكرك وحسن عبادتك. اللهم بلغنا ليلة القدر وأعنا فيها على ذكرك وشكرك وحسن عبادتك.
اللهم وفقنا لفعل ما تحب وترضى، وهيئ لنا من أمرنا رشداً. اللهم إنا نسألك الثبات في الأمر والعزيمة على الرشد. سبحانك اللهم وبحمدك، أشهد أن لا إله إلا أنت، أستغفرك وأتوب إليك. والسلام عليكم ورحمة الله وبركاته.