أمسية تربوية (19) | ترميم النفس | د. أحمد عبد المنعم

بسم الله الرحمن الرحيم. بسم الله والصلاة والسلام على رسول الله صلى الله عليه وسلم. أهلاً وسهلاً بكم في الأمسيات التربوية. نستكمل بإذن الله سبحانه وتعالى لقاءاتنا في قضايا تربوية تخص السائر في الطريق إلى الله سبحانه وتعالى.

ولقاء اليوم هو بعنوان، كما هو طاهر، ترميم النفس. لقاء اليوم بعنوان ترميم النفس، واللقاء اليوم في الأصل كان يدور حول قول الله سبحانه وتعالى، آية من القرآن، قول الله سبحانه وتعالى: ﴿الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ وَاللَّهُ يَعِدُكُم مَّغْفِرَةً مِّنْهُ وَفَضْلًا وَاللَّهُ وَاسِعٌ عَلِيمٌ﴾ [البقرة: 268]. كانت البداية عايز أرح الآية، وبعدين توسع الأمر، وقلنا نتكلم عن معنى ترميم النفس عشان ندخل في الموضوع على طول.

ترميم النفس، الأول نشرح الفكرة، يعني إيه العنوان؟ كلمة رميم وردت في كتاب الله سبحانه وتعالى، وهي الشيء البالي، العظم البالي الذي يبلى، يعني بيتكسر. الترميم: رمم الشيء، يعني بيحاول يعيد بناءه بعد ما حصل له نوع من التفتيت والتكسير. فترميم النفس، الغرض من لقاء اليوم، البحث عن وسائل من ديننا ولا سيما من كتاب الله سبحانه وتعالى بتساعد النفس على قضية البناء بعد ما بتحطم وبيحصل لها نوع من التهشيم ونوع من التكسير ونوع الأذى الذي تتعرض له النفس. ده المعنى، ولا سيما أننا نعيش في هذا العصر للأسف، نحن نعيش في عصر مسألة الضغوطات التي تتعرض لها النفس البشرية والأذى.

وقد يكون هذا العصر من أصعب العصور وأشد الأوقات التي تمر على النفس البشرية، وهأشرح ليه دلوقتي وبعض التحليلات التي قيلت في الأمر هذا. وأظن مصطلح زي مصطلح الهشاشة النفسية كثر في الآونة الأخيرة كثيراً، والأزمات النفسية والاضطرابات النفسية، الأمر أصبح فعلاً منتشراً جداً. فنوع من المساهمة في ترميم هذه النفس مما تتلقاه من أذى. طيب، اللقاء بتاع اليوم هيدور حول التعريف بالفكرة، وهو ترميم النفس الذي نتحدث عنه دلوقتي، ثم ما الذي تتعرض له النفس؟ شرح بنوع من التفصيل شوية لبعض الطعنات والأذى الذي تتعرض له النفس، ثم رقم ثلاثة، محاولة تقديم بعض الحلول الهامة لترميم هذه النفس من خلال كتاب الله سبحانه وتعالى ومن خلال الأسماء الحسنى.

خلاص؟ يبقى تاني، درس اليوم العناصر بتاعتها سريعا: التعريف بالفكرة ترميم النفس، توضيح لبعض التفاصيل التي تتعرض لها النفس من أذى في الواقع الذي نعيش فيه، رقم ثلاثة محاولة تقديم مساعدة لهذه النفس التي تأذى وتتوالى عليها الضربات والطعنات من خلال كلام الله ومن خلال الأسماء الحسنى. خلاص، نبدأ مع بعض شرحنا الفكرة، ترميم النفس.

وهذه النفس الله سبحانه وتعالى هو الأعلم بدواخلها وأعلم بتفاصيلها. وشغلت الناس لعقود وشغلت الناس لقرون التفكير في النفس وكيفية الولوج إلى هذه النفس لإصلاح ما يفسد منها. لأن نفسي تتعرض لأذى وتتعرض لطعنات كما يتعرض البدن. يعني البدن لما بيعرض لأذى، لضرب، لطعنات، لأي شيء، لميكروب، فيروس، لأي شيء، زي ما حصل في أزمة كورونا مثلاً، الناس كانت تفكر كيف تتجنب التعرض للأذى من فيروس كورونا. فبدأت قضية الوقاية عن طريق أنك تلبس الماسك، تغسل إيدك، تبتعد، تنعزل. فكما أن البدن يتعرض لأذى وبيتعرض لطعنات وبيتعرض لشيء يؤذيه، فكذلك النفس أيضاً تتعرض لأشياء تؤذيها.

طوال السير في هذه الحياة النفس تتعرض لهذه الأمور، ودائماً الوقاية خير من العلاج. أن الإنسان، بدلاً من أن يعالج مرض كورونا، طب ما هو يقي نفسه منه؟ فكذلك قبل ما يصاب، يعني مش عايز أقول مرض نفسي أو ضغوطات نفسية شديدة، لأن دي بتبقى مراحل معينة، مش لازم كل إنسان يكون عنده نوع من الأذى النفسي أنه يصل إلى مرحلة أن هو يكون مرض، وحتى لو مرض، الأمر فيه بفضل الله سبحانه وتعالى: ما أنزل الله داء إلا وجعل له دواء. فالخلاصة، أقصد أن لقاء اليوم هو محاولة، وعلى فكرة أنا تكلمت قبلة في لقاء بعنوان رفقاً بالقلوب، كان يدور حول نفس الفكرة، أننا محتاجون ألا نعرض قلوبنا لمزيد من المؤثرات، لأن خلاص، القلب له قدر من التحمل، فكذلك أيضاً النفس.

فالنفس تتعرض طوال الطريق في السير لطرقات متتالية تضعف هذه النفس. ولما النفس بتكون في حالة ضعف، تتجه في الاتجاهات الخاطئة. تبدأ النفس في هذه اللحظات قد تتجه للبحث عن الخروج من الأزمة، زي مثلاً لحظات الهلع، أن الإنسان خلق هلوعاً إذا مسه الشر جزوعاً وإذا مسه الخير منوعاً إلا المصلين. لحظات الهلع، وبعض أهل اللغة بيقول: الهلع، الناقة لما بتكون في حالة من الجوع وللتراب وبتجري في أي ما فيش مسار معين تسير فيه. فكذلك النفس الهلوع، وأظن برضو أنا عملت لقاء: كيف عالج القرآن هذه النفس النفس من خلال سورة المعارج.

ولما بنحاول نقدم حل من الحلول من خلال سورة المعارج أو من خلال القرآن أو الأسماء الحسنى زي النهاردة، هذا لا يعني أن هذا هو الحل الأوحد، نحن نقدم حلول جاءت بها الشريعة. لما نعمل محاضرة جدلاً، يعني وإن كان ده تخصصي أصلاً علم الأدوية، لكن خلينا لو هنعمل أهمية العسل مثلاً وفوائد العسل وأنه فيه شفاء للناس، هذا لا يعني عدم وجود علاجات أخرى. لكن احنا هنا بنتكلم على العلاجات الهامة الأساسية التي أنزلها الله سبحانه وتعالى.

طيب، تعالوا بقى نتكلم شوية عن تفاصيل الطعنات والأذى الذي تتعرض له النفس البشرية. أول شيء من خلال الشيطان: نحن ننسى في ظل الحياة أن هناك شيطان، أن الشيطان يؤذي الإنسان ويوسوس له. وهذه الوسوسة من أخطر الأمور، يكفي أن القرآن الكريم ختم بالاستعاذة من وسوسة الشيطان. يعني يكفي أن، تخيل كده لذلك، البعض كان يتحدث عن سر ختم القرآن بالمعوذتين، سر ختم القرآن بالمعوذات، لو هنحط قل هو الله أحد، وأنا كان لي محاضرة في شرح سر ختم القرآن بالمعوذات، فتخيلوا أن القرآن تخرج بكل هذه المعاني المبثوثة في كتاب الله، ومن الأغراض الأساسية أن تخرج مستعيذاً بالله سبحانه وتعالى، أن تحقق الصمدية: الله الصمد، وأن تستعيذ بالله من شر ما خلق ومن شر الوسواس الخناس.

أنت متخيل الأذى الذي ممكن الشيطان يسببه؟ يا أيها الناس، يعني في نداءات في القرآن منها التحذير بعداوة الشيطان: ﴿إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا إِنَّمَا يَدْعُو حِزْبَهُ لِيَكُونُوا مِنْ أَصْحَابِ السَّعِيرِ﴾ [فاطر: 6]. فالتحذيرات من الشيطان كثيرة، فوسوسة الشيطان وصيغة الوسوسة التي هي صيغة فيها تكرار وأنه لا يقل من هذه القضية، من لحظة الولادة، ما من ابن آدم يولد إلا ونخسه الشيطان، إلا ابن مريم عيسى عليه السلام، نخس في الحجاب ابن مريم وأمه: ﴿وَإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ﴾ [آل عمران: 36]. فأنت متخيل من لحظة الولادة لغاية لما تموت، الشيطان قاعد بيوسوس لك. فوساوس الشيطان له طرق كثيرة، كنت برضو حاولت أعمل تجميعة عن كلمة عمل الشيطان في القرآن وفي السنة، إيه الذي يشغل الشيطان؟ الشيطان عشان يحاصرك، قاعد بيدور على مناطق الضعف.

لذلك النبي صلى الله عليه وسلم بيقول: لما صور الله آدم وتركه ما شاء الله أن يتركه، جعل إبليس يطيف. خد بالك لحظات الدراسة الإبليسية لبني آدم، قاعد بيدرس نقاط الضعف عشان يتخلخل ويتدخل منها. لذلك في نفس الحديث في صحيح مسلم: فلما علم أنه أجوف، علم أنه خلق خلقاً لا يتمالك، وتكلمت عن درس أجوف وشرحت الفكرة دي. النهاردة الشيطان هنتكلم عن فكرة الشيطان بيدرس قضية المشاعر التي فيها ضعف عند الإنسان. إيه المشاعر التي لو استثارها الشيطان واستطاع أن هو كان فيها، في مشاعر معينة في الإنسان، يستطيع أن يقود الإنسان. خدوا بالكم، في مشاعر معينة، سواء من الإنس أو الجن، لو الإنسان تحكم فيها فيمن أمامه، يستطيع أن يقود في اختياراته في مساره.

لذلك يقول الله سبحانه وتعالى في سورة النساء أن الشيطان بيقول: ولأمنينهم ولأمرنهم. خد بالك العطف، إعطاء الأوامر بعد الأمنيات، الشيطان سورة محمد: ﴿سَوَّلَ لَهُمْ وَأَمْلَى لَهُمْ﴾ [محمد: 25]. ده جزء كبير من المشاعر التي يحاول يركز عليها، وهي صناعة الأمان المهلكة، أن يحط لك أمنية معينة ويخليك مركز عليها قوي. اتكلمت عن درس الأماني المهلكة. أنا قابلت أحد الإخوة بالخروج بس عن السياق، كنت في مكتبة من المكتبات، قابلت أحد الإخوة فبيقول لي: بس يا دكتور أحمد أنا عايز يعني عايز أنصحك يعني أو عايز يقول لي حاجة. قلت له: اتفضل. قال لي: أنت بتقعد تحيل كتير ليه في الدروس؟ تقعد تقول أنا قلت في درس كذا بقى، ما تقول وخلاص. قلت له: والله ما قال، جزاك الله خيراً، بس هو الفكرة أن أنا صعب أن أنت دعيت كل الأفكار فانا بقول ملخص الفكرة وبعدين لمن أراد أن يستفيض يرجع للإيه؟ زي ما بنشرح مثلاً بتقول أن دي الخلاصة كذا وترجع لدرس كذا. فأننا أعتذر عن كثرة الإحالات، هو نبهني النقطة دي.

فالمهم، أنا بقول أن الشيطان عن طريق الأمان المهلكة، زي ما الشيطان جاء لادم وقال، شف شف كيف يصنع الأمنية؟ كيف يصنع الأمنية؟ قال: ﴿هَلْ أَدُلُّكَ عَلَى شَجَرَةِ الْخُلْدِ وَمُلْكٍ لَا يَبْلَى﴾ [طه: 120]. ازاي أن الشيطان دخل لسيدنا آدم بيقول له: هيصنع له أمنية، هيغرس بداخله أمنية الآن. ﴿هَلْ أَدُلُّكَ عَلَى شَجَرَةِ الْخُلْدِ وَمُلْكٍ لَا يَبْلَى﴾ وعن طريق أيضاً التركيز على مشاعر الضعف، وهي مشاعر الخوف. يعني شوف قول الله سبحانه وتعالى: ﴿الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ﴾ [البقرة: 268]. شوف برضو خد بالك هنا جه أوامر، الشيطان في الأصل أنه بيقعد يوسوس ويتعب معك ويسول لك ويزين. أمتا الشيطان ينتقل من مرحلة أنه ما عداش محتاج يتعب في التسويل وبقى يعطيك أوامر وأنت تنفذ؟ لما يصل إلى درجة الاحتناك، خلاص، أحكم وضع اللجام على الحنك واستطاع أن يقود الإنسان وأصبح الإنسان في حالة، في لفظ: يهرع، يسير إلى حتفه رغماً عنه. حالة السيطرة من الشيطان على الإنسان لما بيقوده، بيقود الإنسان، يصل الشيطان للمرحلة دي بعد خطوات كثيرة جداً. زي ما دايماً يقول الأفضل الوقاية: ﴿إِنَّ الَّذِينَ اتَّقَوْا إِذَا مَسَّهُمْ طَائِفٌ مِّنَ الشَّيْطَانِ تَذَكَّرُوا فَإِذَا هُم مُّبْصِرُونَ﴾ [الأعراف: 201].

يبقى أنا بقول أن الشيطان، تاني تسلسل الدرس: اتكلمنا عن ترميم النفس، بنتكلم الآن على الطعنات والطرقة التي تتعرض لها النفس قبل ما نتكلم عن كيفية ترميمها أثناء سيرنا، بنتكلم عن جزء أول قضية الشيطان، وهنتكلم عن أثر الحياة وتفاصيل الحياة وأحداثها التي نتعرض لها، أثر ده على النفس. فدلوقتي بتكلم على الجزء الأول من الطعنات التي تتعرض لها النفس: قلت قضية وسوسة الشيطان، وقلت أن الشيطان بيزرع أماني. كيف يسيطر الشيطان على الإنسان؟ بوسائل كثيرة، ومنها زراعة الأمنية التي قد تكون مهلكة للإنسان، وأيضاً المشاعر التي فيها ضعف. زي: ﴿الشَّيْطَانُ يَعِدُكُمُ الْفَقْرَ﴾، كل حاجة بايظة وما فيش أمل وكل حاجة سودا، أن الإنسان خلق هلوعاً إذا مسه الشر جزوعاً، ما فيش أمل، بيعتقد بطول أي مصيبة أنها ستطول وأنها لن تذهب، ويعتقد بفساد كل شيء، هو الحياة عنده كلها سودا. الشيطان يحب هذه المشاعر، لذلك شوف: ﴿إِنَّمَا ذَلِكُمُ الشَّيْطَانُ يُخَوِّفُ أَوْلِيَاءَهُ﴾ [آل عمران: 175]. إما يخوفكم بأوليائه أو يخوف من تولاه، الذي الشيطان قدر يسيطر عليه وأصبح هذا الرجل ولياً للشيطان، يستطيع الشيطان أن يخوفه، على أحد المعاني في الآية. المعنى الأشهر: يخوف أنما ذلكم الشيطان يخوف أولياءه، أو يخوف من تولاه ورضي به.

الشيطان لما بتبقى، على فكرة وده حتى بيستعمله الإنس، أن الناس بتقود لو واحد عايز يقود الناس أنه يسيطر على مشاعرها، يسيطر على أفكارها، أتكلم دلوقتي على مسألة الإعلام وسيطرة الإعلام على العقول، لأن أيضاً من ترميم النفس أن تنزع النفس مما يحيط بها.

خلاص، يبقى الشيطان، أنا كنت بقول اه أن شياطين الإنس أيضاً لما بيسيطروا على مشاعر الخوف، هو بيحاول يسيطر عشان يقود. لذلك لما في مناظرة إبراهيم عليه السلام مع النمرود في سورة البقرة: النمرود بيقول إيه؟ سيدنا إبراهيم بيقول له: ربي الذي يحيي ويميت. دلوقتي الناس خايفة من الملك الظالم، فسيدنا إبراهيم بيقول له: الذي يملك حياتهم ويملك مماتهم هو الله. سيدنا إبراهيم بيعلق قلوب الناس بالله، الظالم هو حاسس كده أن الناس هتنزع يداً منه وخلاص وتسمع كلام ربنا. فقال: أنا أحيي وأميت. سيدنا إبراهيم عشان يخرج من دائرة هذه الدائرة الضيقة على الأرض، خرج إلى السماء، فقال: ربي الذي، أن الله يأتي بالشمس من المشرق فأت بها من المغرب، نقل المعركة من الأرض إلى السماء، ﴿فَبُهِتَ الَّذِي كَفَرَ﴾ [البقرة: 258]. وده أيضاً زي ما تكلمت برضو في درس النظر إلى السماء: ازاي ما تحاولش أن ما تخليش المشكلة تحاصرك في نطاق ضيق على مستوى الأرض، ازاي تخرج بها إلى نطاق واسع، وأن الإنسان يضيق على نفسه، تمام؟

يبقى الشيطان بيوسوس في عندنا الآية: ﴿الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ﴾. يبقى يعني من أوجه العلاقة، والله أعلم، يأمركم بعد يعدكم الفقر، لما بيسيطر على مشاعر الفقر الإنسان يا جماعة لما بيخاف من الفقر.

لو الشيطان سيطر على مشاعري دي ممكن يسرق ويكذب والعياذ بالله يشرك، أنت في أذكار الصباح والمساء أعوذ بك من الكفر والفقر، في اقتران بين الاثنين، يصبح الرجل مؤمنا ويمسي كافرا يبيع دينه بعرض من الدنيا قليل. شف العرض ده بيخلي الناس تكفر والعياذ بالله.

لما الشيطان سيطر على مشاعر الخوف من المستقبل، الخوف من الفقر، الخوف من الأذى، ﴿إِنَّمَا ذَلِكُمُ الشَّيْطَانُ يُخَوِّفُ أَوْلِيَاءَهُ﴾ [آل عمران: 175]. هنا الشيطان بيتحكم في اختياراتك، وهنا النفس تضعف فلا تستطيع، أنت مش قادر تسيطر على النفس، أنت عايز النفس تسير في مسار معين، النفس تراوغ منك، لماذا تراوغ النفس؟ لأنها تخاف من هذه الوساوس الشيطانية.

فمن ترميم النفس أن تمنع عن هذه الوساوس أو ترمم ما حدث لها، احنا في نفس الآية طالما في وعود للشيطان في قبل في وعود للرحمن وده هنشرحه في في علاج في ترميم النفس بالأسماء الحسنى. الشيطان يعدكم الفقر ويأمركم بالفحشاء في المقابل ﴿وَاللَّهُ يَعِدُكُم مَّغْفِرَةً مِّنْهُ وَفَضْلًا وَاللَّهُ وَاسِعٌ عَلِيمٌ﴾ [البقرة: 268].

يبقى على طول شف القرآن معالجة وعود الشيطان المخوفة بوعود الرحمن المطمئنة، ركز معالجة وعود الشيطان المخوفة بوعود الرحمن المطمئنة والختام ﴿وَاللَّهُ وَاسِعٌ عَلِيمٌ﴾ سبحانه وتعالى. يعني المعاني هنا قيل وسع العالمين بعطائه، وسع العالمين بعطائه، أنتم متخيلين؟ كيف عالج القرآن وبالأسماء الحسنى أيضا وعود الرحمن المخوفة وعود الشيطان المخوفة بوعود الرحمن المطمئنة التي تجلب السكينة للإنسان.

خلاص يبقى إذا الشيطان بيلعب بيعبث بمشاعر هذه المشاعر مشاعر مؤثرة لذلك احنا عندنا قيمة المشاعر في كتاب جميل قوي كتيب اسمه العاطفة الإيمانية وأهميتها في الأعمال الإسلامية، دكتور محمد موسى الشريف. العاطفة الإيمانية وأهميتها في الأعمال الإسلامية، دكتور محمد موسى الشريف العاطفة الإيمانية مهمة.

لان المشاعر دي التي عبث فيها الشيطان عشان ترمم هذه المشاعر وهذه النفس تحتاج إلى مشاعر مقابلة، مش مجرد تفكير. يعني لما كان الشيخ الطريفي بيتكلم في الفصل بين العقل والنفس وازاي العقل يسيطر على النفس؟ ما هي النفس هي بتراوغ، فانت دلوقتي عشان يقاوم ما حدث للنفس وترمم ما حدث للنفس تحتاج إلى تغذية لمشاعر أقوى.

فبالتالي ده هنا قيمة المشاعر الإيمانية لترميم النفس، لذلك في مشاعر أنا باسميها المشاعر المغيرة أو المشاعر الموقظة خصوصا لما بتيجي في قيام الليل مثلا ﴿تَتَجَافَى جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا وَطَمَعًا﴾ [السجدة: 16]، ﴿أَمَّنْ هُوَ قَانِتٌ آنَاءَ اللَّيْلِ سَاجِدًا وَقَائِمًا يَحْذَرُ الْآخِرَةَ﴾ [الزمر: 9]. شايفين المشاعر الموقظة التي أيقظته في قيام الليل وجعلته يقيم الليل ويطلب الله سبحانه وتعالى في معاني بداخله جعلته يقوم ويطلب من الله ويقيم ليلا طويلا؟

إيه اللي حصل؟ خوفا وطمعا، عن آية السجدة يحذر الآخرة، آية الزمر. فإذا في مشاعر مغيرة لما يتلقاها الإنسان تجعله يقاوم هذه الوعود الشيطانية، يبقى تاني احنا في تسلسل الدرس لما شرحنا الفكرة ترميم النفس وأننا نحتاج إلى ترميم هذه النفس وننتكلم على العلاجات في الآخر، ولما نتكلم عن العلاج نحتاج أن نستعين بكلام رب النفس وبأسماء الله الذي خلق النفس.

لأن أنت في دعائك بتقول آتها تقواها أنت وليها ومولاها، النفس تستفيد من الناس ومن العلاجات والنقاشات، لكن شف أنت خير من زكاها أنت وليها ومولاها سبحانه وتعالى، كانت الفكرة بتاعة درس النهاردة.

طيب، احنا قلنا دي كانت شرح الفكرة والمقدمة، الأذى اللي بتتعرض له النفس النقطة دي تحتها نقطتان، النقطة الأولى قضية الشيطان وساوس الشيطان، وكيف يعبث الشيطان أن الشيطان لا يملك أن يسيطر على جوارحك، لا الشيطان بيسيطر على نفسك على مشاعري يوسوس، خلاص هو الشيطان نفسه بيقول وما كان لي عليه من سلطان في سورة إبراهيم ﴿وَمَا كَانَ لِيَ عَلَيْكُم مِّن سُلْطَانٍ إِلَّا أَن دَعَوْتُكُمْ فَاسْتَجَبْتُمْ لِي فَلَا تَلُومُونِي وَلُومُوا أَنفُسَكُمْ﴾ [إبراهيم: 22].

يبقى خد بالك يعني كثرة الوسوسة دي زي ما احنا بنقول كده عندنا الزن على الودان أمر من الساحر، كثرة الوسوسة والشيطان وده شياطين الإنس والجن بيعملوا نفس الفكرة، أنه يكرر عليك شيء أنت أصلا عارف أن مثلا أنت رايح تنفق، أنت رايح تاخد نفقة فيجي لك الشيطان يقول لك إيه اتنفق، أيوه أنا همشي أمال أنا هعملها، أيوه أنا هنفق وتخرج الفلوس دي كلها هتطلع ألف جنيه لله.

يعني هو الشيطان لم يأتي بجديد، خد بالك أنا أصلا مطلع الألف جنيه مش أنا وعايز تنفق تنفقها في سبيل الله، هو الشيطان يكرر عليك فيك بيخليك تعيد تفكير أصلا ويفتح لك آفاق من التفكير هي طبعا آفاق ضيقة، بتجعلك تحاصر طيب والأولاد ذلك؟ النبي صلى الله عليه وسلم بيقول إن الشيطان قعد لابن آدم بطرقه كلها، أراد أن يسلم فأتاه الشيطان وقال أتأسلم وتذر دينك ودين آبائك؟

هو الشيطان بيعمل إيه؟ طب ما هو أنا عارف أن أنا لما أسلم أترك ديني ودين آبائي وأجدادي، يعني فين الفكرة الجديدة يعني؟ لما أجي مثلا النبي يقول فاراد أن يهاجر فقال له الشيطان أتهاجر أرضك وسماءك؟ أراد أن يجاهد فقال أتجاهد وتموت وتنكح الزوجة وييتم الأولاد وينفق المال؟

هو هنا الشيطان لم يأتي إلي بمعلومات قد كانت غائبة عني، أنا عارف أن الإسلام يستلزم كذا وكذا وأن الهجرة تستلزم كذا وكذا، لكن تكرار هذه الفكرة والضغط على مشاعر ضعف عند الإنسان تجعله يخاف ويرجع ويترك الإسلام، يترك الهجرة، يترك الجهاد، يترك هذه الأمور خوفا، فالشيطان بيلعب في هذه المشاعر فلابد أن تقاوم، الآيات بتاعة غزوة أحد ﴿إِنَّمَا ذَلِكُمُ الشَّيْطَانُ يُخَوِّفُ أَوْلِيَاءَهُ﴾ [آل عمران: 175] هناك لما اعتمدوا على الله سبحانه وتعالى قالوا حسبنا الله ونعم الوكيل.

طيب النقطة الأولى قضية الشيطان، طب تعالوا بقى نشوف يبقى أخطر نقطتين أنا عايز أكلم عنهم في الشيطان، الأماني المهلكة والخوف الذي يؤدي إلى الشلل، يعني الشيطان عايزك تكون في حالة من الفزع، كنت أظن زمان قرأت مش فاكر لمين للرازي ولا مين وهو مش فاكر حتى إذن هو بيشرح في سورة قريش وهو بيقول في قول الله سبحانه وتعالى ﴿أَطْعَمَهُم مِّن جُوعٍ وَآمَنَهُم مِّنْ خَوْفٍ﴾ [قريش: 4] أظن هناك يعني.

وكان يشرح أو يا أما في الآية دي يا أما آية أو لم نوكل لهم حرما أمنا يجبى إليه ثمرات كل شيء لأن هناك برضه في أمن ورزق، حرما أمنا تجبى إليه ثمرات كل شيء رزقا من لدنه، الأمن والرزق وصورة كويس قوي، إذن كان عقد مقارنة على إيه النعمة الأعظم نعمة الأمن والسكينة والطمأنينة ولا نعمة الرزق؟ وضرب مثال بأن الشاه خروف لو خايف من شيء وأمامه الطعام يعني هو جائع وخايف قد يمنعه الخوف من الاقتراب من الطعام، أن مشاعر الخوف تؤدي إلى الشلل مدمرة، يعني فعلا مشاعر الخوف وده بيحصل خصوصا مثلا مع كثرة المتغيرات وده هنتكلم عنه دلوقتي.

طيب خلصنا أو اتكلمنا سريعا عن قضية الشيطان، تعالوا نتكلم عن الإنسان في طبيعة الحياة اللي احنا عايشينها دي، تفاصيل الحياة طوال الحياة اللي أنت عايشها من ساعة ما بتصحى وترروح سواء بقى الجامعة الشغل تتحرك وسط الناس، أنت بتتلقى الأذى يعني سمعك وبصرك بيتلقى مؤثرات اللي هو احنا بنسميه بتاعك اللي عمال يدخل لك ده مختلف متنوع وغالب ما نقابلهم لا يحدثونا عن السكينة والطمأنينة والدين، لا غالب من تقابلهم في الحياة السريعة دي ويكلمك عن الأزمات، الأخبار، آه تعويم الجنيه، ارتفاع الأسعار، الدنيا هتقفل، المنتج ده مش هتلاقيه تاني، أنت قاعد طول أنت متأخر، أنت إزاي ما عملتش كذا، ده أنت فاشل، إيه ده فلان سبقك في الحياة.

هو أنا أصلا ما كنتش داخل السباق، لا أنت في السباق وأنت ما أنتش حاسس كده اللي هو إيه؟ كل اللي حواليك قاعد آه أنت إزاي ما عملتش كذا لغاية دلوقتي، حالة من الحصار النفسي والأسئلة التي تستثير الألم النفسي طوال اليوم، أنت قاعد بتتلقى هذه الأمور في كل حاجة في نفسك، في مالك، في شغلك، في أولادك، أنت قاعد بتتلقى الناس قاعدة يعني إلا من رحم الله تستثير هذه المشاعر، فانت قاعد بتتلقى طعنات متكررة، النفس قاعدة بتتلقى هذه الطعنات.

بل أنا أظن يعني إيه كنت في القاهرة قاعد مع أحد الشباب يعني قاعد مع إخواني يعني هناك قاعدين شايفين الحياة رتم الحياة سريع جدا فبقول له أنا بحس أن الناس هنا بتجري هي مش عارفة هي بتجري ليه، قال لي هو بالزبط ده الاحساس اللي احنا حاسينه ما فيش وقت، ما فيش وقت ليه؟ طب أنت رايح فين؟ يعني أنت إيه المعنى الأساسي اللي أنت بتروح عشانه؟ بحيث أن أنت أحيانا أنت بتتحرك في الحياة لمعاني صغيرة، المعاني دي ممكن تسقط تخسر، شركة شغلانة جوازة أي حاجة ممكن يحصل لها انكسار في الحياة هل كده أنا حياتي اتدمرت؟ وهنتكلم عن أهمية وجود معنى ضخم للحياة تعيش عشانه، هنتكلم عن دلوقتي.

فالتفاصيل الحياة اللي احنا عايشينها بتوصل الإنسان أحيانا أن هو عايش وسط مجموعة من الأفكار المدمرة للنفس فعلا محطمة للنفس، وده من أسباب لماذا كثرت الأمراض النفسية في هذه الآونة؟ هل لضعف الناس؟ هل لضعف الإيمان فقط؟ أم لوجود عوامل أخرى دنيوية أضخم وأعقد مما تخيل؟ تغير طبيعة الحياة وإعادة هيكلة شكل الحياة ده من أهم العوامل لانتشار الأزمات النفسية، وهتكلم عن دلوقتي يعني بس إيه اصبروا علي شوية فيه شوية صعوبات ونقولات كده.

طيب خلينا نقول إن اللي عايش في الحياة حياته عبارة عن جزئيات أن هو يروح الشغل، يخلص الشغلانة، يجيب الفلوس مستني آخر الشهر، أو مستني فلوس أو صفقة أو جواز، حياته جزئيات متنقلة، الذي لا يكون في حياته صحبة صالحة، طلب للعلم، قيام الليل، الدين مش موجود بقوة في حياتي، حياته بتتحول ركزوا في اللي أنا عايز أصله عشان ما حدش يفهم اللي أنا عايز أقوله غلط كأن حياته ليس فيها معنى الإله وليس فيها معنى عظيم كلي يعيش من أجله، ويتحول إلى فرد في هذه الحياة.

تاني هذه الأمور غياب الإله، غياب المعنى، الفردانية أن هو أصبح فرد لا تؤصل له على مستوى التأصيل، يعني هم مش عايزينه يلحد، يعني مش بيقعدوا معك ويقولوا لك لازم تقوم ملحد وما فيش إلٰه، لا كلمة الله لا يسمعها الإنسان في السير في الحياة، حتى الصلاة في وسط العمل يقول لك لا العمل عبادة ما تصليش، وأصبح هو حياته سريعة عجلة بتجري بقمة السرعة، ما فيش وقت للأذكار، ما فيش وقت أن لو فيه اختيار أنه يستخير حتى ما فيش وقت في حياته نزع منها التأله.

نزع منها التأله، ما عندوش وقت للتأله، يرجع بالليل تعبان عايز ينام، يصحى الصبح، طب الإجازة الويك اند وعايز يتفسح لأنه تعبان، نزع من هذه ده معنى التأله، وهذا التأله من أشد احتياجات النفس البشرية، بل خلقت النفس لهذا الأمر كما خلق السمع والبصر للأمور النفس يعني لذتها وزادها في هذا التأله، فغياب معنى التأله من الحياة، غياب المعنى العام هو عايش عشان إيه؟ عايش عشان جزئيات، طب وافرض أن الجزئيات يعني عايش عشان أولاده؟ طب وافرض لأولاده حصل منهم عقوق؟ حصل لهم حاجة لا قدر الله، عاش عشان وظيفتك حصل مشكلة في الوظيفة، العالم ممكن يتغير ما احنا شفنا أزمة كورونا، أنت عايش عشان إيه خلاص؟ وهتكلم على اللي حاولوا يقدموا علاجات في القضية ديت حتى لو من خارج الدين.

النقطة التالتة ودي من أخطر النقاط، أنت دلوقتي أصبحت فرد للأسف، يعني إيه؟ يعني أنت عايش آه مش ما عدتش عايش مثلا قبيلة بتساعدك ومجتمع أنت منتمي له، لا يقول لك أنت بتختار لوحدك، مطالب لوحدك الكلية والشغلانة ولو خسرت في الاختيارات أنت متحمل مسئوليتك، وما عدش فيه حاجة اسمها ما فيش صاحب بيتصاحب وأنت خلاص أصبحت فرد، لذلك كان هنقل لكم يعني إيه نقل مهم كده أو اتنين يعني من كتاب معنى الحياة بتاع عبدالله الوهيبي.

نقل الأول عن قضية الفردانية الفرد أنك تحولت فرد في الحياة، وازاي أن الحياة طبعا اللي أنا بقوله ده مش لازم كل الناس حصل لهم ده، يعني مش كل المجتمعات حصل لها إعادة الهيكلة وإعادة التغير اللي أنا أتكلم عنه دلوقتي، أنا دلوقتي هتكلم على إيه أن شكل المجتمعات اتغيرت والشكل بتاع المجتمع اللي اتغير ده مع التقنية والتكنولوجيا الحديثة وسرعة الحياة والمال كل ده غير شكل الحياة، وده أثر على نفسيتنا وده فيه كلام كتير وفيه كتب كتير بتشرح كيف أثرت هذه الحياة الجديدة اللي مليانة تكنولوجيا وتقنية وكيف أثرت على نفوسنا، خلاص بل يعني كتاب من السبعينات تقريبا أنا كنت أتكلمت عنه قبل كده اسمه حياة تالفة أزمة النفس الحديثة، بيشرح اثر وطبعا فيه يعني فلاسفة كتير اتكلموا على أثر الحياة الرأسمالية السريعة دي على نفوسنا، كيف دمرت الإنسان؟ كيف أعادت صياغة شكل الإنسان مرة أخرى خلاص؟

فهنقل لكم بس نقلين كده الأول آه في معنى الحياة صفحة مية واحد وتسعين ومية اتنين وتسعين بيقول إيه؟ بيتكلم أن أن أحيانا حتى من مشاكل العلاج النفسي أو أو تشخيص المرض أو علاجه أننا نصف أن هو بسبب أن هو فرد أن هو عنده هو مشكلة أزمة هو.

إن المجتمع والتغير ده ما مالوش سبب، هو اللي عنده الأزمة النفسية بسبب مشكلة في طفولته أو مشكلة أثناء النمو أو مشكلة في التفكير أن إحنا نقول إن ده السبب الأوحد يعني. وأن الحل أن هو يرجع يغوص بداخله، ويحلل نفسه هو فقط فيفك العقدة اللي عنده فقط. لا طب ما هو كده يعني إحنا بنعتبر أن هو فرد المجتمع ما تأثرش بحاجة؟ المجتمع لم يؤثر عليه في شيء؟ طبيعة تغير المجتمع ما أثرتش عليه في شيء؟ لا.

لماذا يعني أرفض أثر المجتمع على الإنسان؟ المجتمع مؤثر زي ما الإنسان ممكن يكون عنده هو مشكلة أدت إلى ذلك بالفعل. هو مر كفرد بأزمة، هو عنده أزمة كفرد ممكن يكون أثر عليه، فوعيه بالنقطة دي يخليه يعرف كيف يغير من الأزمة دي. فبيتكلم بيقول ضخمت المعالجات النفسية الأزمات الشخصية ضخامتها وبالغت في نسبة هذه الأزمات إلى التاريخ الفردي للاندماج الاجتماعي في الطفولة المبكرة.

المهم بيشرح بيقول إن حصل تغير في الأشكال الاجتماعية الجديدة الآن خلاص، وبعدين بيقول اه وهكذا يصبح الوجود الخاص المفرد أكثر فأكثر تابعاً بوضوح وعلناً للظروف والشروط التي تتملص كليا من تدخله. الهامش جاب بيقول إن ليه يعني جاب هامش طويل يعني؟ ملخص الكلام ليه إحنا بنتصور أن هو كفرد مسئول عن كل ده؟ ليه ما بنحللش أثر المجتمع في في مرضه النفسي؟ وجاب نقلات ومراجع عشان ما أطولش عليكم يعني.

النقل التاني المهم قوي أن الإنسان لما بيعيش في مجتمع له تقاليد، عارفين يعني تقاليد وأعراف وعادات؟ دي بتصنع حالة من الروتين في اختياراتك، وده مهم. ليه؟ لأن بقى فيه إطار أخلاقي حتى لما الإنسان دينه كفرد بيضعف هو ما يعرفش يتخطى الإطار الأخلاقي بتاع المجتمع، وده قيمة الأمر بالمعروف والنهي عن المنكر. وإشاعة الأمر بالمعروف والنهي عن المنكر والنهي عن الفحشاء.

ليه؟ المجتمع ككل بيحافظ على منظومة معينة من الأخلاق. وجودك ضمن مجتمع بيحافظ عالمنظومة المنظومة دي من الأخلاق بيخليك بتسير ضمن المجتمع وبتختار اختيارات معينة المجتمع ضابطها لك. ده قيمة وجودك ضمن مجتمع مسلم. طب غياب ده بقى؟ غياب ما نسميه بالتقاليد والأعراف والروتين. غياب ده بيقول ده يؤدي إلى صفحة مئة وعشرة وجوده وجود ده يكمن في تخفيف وطأة اتخاذ القرارات تجاه التفاصيل الكثيرة في الحياة اليومية.

أنتم متخيلين كم التفاصيل اليومية اللي أنت مطالب تاخد فيها اختيارات؟ يعني تفاصيل يا جماعة فكرة المنيو أصلاً، فكرة القائمة اللي بتجيلك ديت وأنت في أتفه الأمور أصبح فيه صعوبة في الاختيارات. يعني أنك رايح تشرب عصير، رايح تاكل حاجة، كل شيء بقى فيه تفاصيل تفاصيل تفاصيل تفاصيل استهلاكية في كل حاجة. أنت عايز تتفرج حتى شيء للمتعة، بقى فيه اختيارات ضخمة وسلسلة مطالبة بأن أنت عايز عشان تتساوى مع أصحابك واللي اختاروك يقول لك إيه اللي زيك أو اللي اتفرجوا على ده اتفرجوا على ده أيضاً. الواد ده عشان تلتحق بهم اتفرج على ده. اللي اشتروا ده اشتروا ده أيضاً، فأنت طب ما أنت لازم تشتري زيهم؟ فاصبح بيصنعوك صناعة، وأمامك اختيارات ضخمة كثيرة معي؟

بيقول طوفان الخيارات والاختيارات المعقدة التي يواجهها الفرد اليوم ده شيء غير مسبوق في التاريخ، تاني طوفان الخيارات والاختيارات المعقدة التي يواجهها الفرد اليوم ده غير مسبوق في التاريخ. وهذا لا يقتصر على أنواع السلع فقط ولا حتى بين أجزاء أساليب الحياة فحسب بل في كل تفاصيل الحياة بأكملها. الهامش جاب نقل مهم جداً، ليه بالنسبة لي؟ هقراه لكم دلوقتي.

في النقاشات التربوية مع كتير من الشباب أنا أصبحت أفاجأ أن غالب الشباب الآن، ودي نقطة كان نفسي أعمل لها يعني أمسية لوحدها بس هي عايزة يعني فيها نوع من الصعوبة شوية، أن غالب الشباب بيطلب مني أن أنا أختار له هو الاختيار في حياتي. يقول لي أسافر ولا أقعد؟ اعمل أشتغل في الوظيفة دي ولا دي؟ فأصبح اختيارات هو مطالب أن يختار هذا الاختيار وأن يتحمل مسئولية اختياره، خايف من أي اختيار، خايف وخايف من تحمل تبعات الاختيار. تحليل ده قصة طويلة. ده نقص مسئولية، عدم فهم طبيعة الحياة ومآلاتها، كثرة الاختيارات المعقدة. المهم أنا بلتقط الظاهرة دلوقتي تحليلها ومحاولة المساعدة على الإجابة اللي بيفزع أمام الاختيارات ده ممكن نعمل له أمسية تربوية، لكن الظاهرة موجودة وأنا كنت يعني مستغرب منها لغاية لما قرأت في الهامش بيقول إيه.

بيقول إن في معالجة نفسية أمريكية اسمها لوري بتقول بيقول قد تعجبت هذه المعالجة النفسية الأمريكية من تخلي الأفراد عن حرية اتخاذ القرار في حياتهم الشخصية. تقول أنا مستغربة الناس مش عايزة تختار. والأغرب وقالت من أكثر الأشياء التي فاجأتني كمعالجة نفسية، كيف أن الناس غالباً ما ينتظرون مني أن أقول لهم ما يتعين عليهم فعله. أنت متخيل! يعني بقى يروح للدكتور النفسي عشان يقول له اعمل إيه! مش عارف، اختر لي أنت. يروح للمربي أو يروح يتناقش مع الشيخ يقول له اعمل اختر لي أنت.

فدوره أنه يشرح له مآلات كل اختيار، تبعات كل اختيار، يدي له الخبرة في الحياة، وده في النقل اللي فات أن أن قيمة وجود تقاليد وأعراف ده عبارة عن خبرة تراكمية لألوف من البشر. ده ده مهم أنك تاخده وتستشير فيه الناس، وأن ما خاب من استشار وأن المستشار مؤتمن كما قال صلى الله عليه وسلم. لكن ده فارق غير أن أن بقت الناس عايز حد هو اللي يختار لها. يقول لك أنا مش عارف أنا اختار ليه أنت في كل شيء، كل حاجة يضحي ولا ما يضحيش، يعمل شيء، مش قصدي يضحي يعني يدبح في العيد، يعني أن هو ياخد قرار بالتخلي عن شيء بيحبه ولا لا؟ طب أعمل ده؟ طب هقدر أطلع الغيب؟ ما أعرفش! أنت أنت بتعامل ربنا! أنت ليه بتنزع الله سبحانه وتعالى من المعادلة؟

لذلك أنا ما بقول غياب الآآيه التأله، غياب المعنى العظيم أنك تعيش معنى الدار الآخرة والتضحية ولذة النظر إلى وجه الله والشوق إلى لقائه وصحبة النبي صلى الله عليه وسلم والعمل لهذا الدين والفوز بالجنة والنجاة من النار. هذه المعاني العظيمة التي ظل القرآن يدندن عليها في المفصل، في القرآن أول ما نزل من القرآن المفصل في هذه الأمور غياب معنى التأله غياب هذه المعاني الكلية العظيمة أن الإنسان أصبح فرداً في هذه الحياة جعل النفس محطمة مهترئة مهشمة يعني في قمة الضعف. مش مش عارف يواجه الاختيارات، فأصبح أن هو يحتاج إلى ترميم هذه النفس لتواجه هذه الحياة، فأصبح أن هو مطالب يعكس يعكس.

وساوس الشيطان ووعود الشيطان يعكس غياب التأله يعكس غياب المعنى لا يكون فرداً. يعني المعاني اللي إحنا عمالين نشرحها دي أنا مش بشرحها عشان أطول في شرح المشكلة، أنا أشرحها عشان أفهم أن إحنا لو عكسنا هذه الأمور ووجدنا لها حلولاً هتساعدنا في كيفية ترميم النفس للخروج مما يحيط بها من أزمات. واضح الفكرة؟

يعني أنا دلوقتي طولت ليه في تفاصيل ما تتعرض له النفس؟ لأن فهمنا لده هيساعدنا أن نقي هذه النفس وأن نعكس هذه الأمور. وزي ما قلت لكم الموضوع مشروح في آية: ﴿الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ﴾ [البقرة: 268]. قبل أن يسيطر عليك الشيطان ويأمرك بالفحشاء حاول أن تخلص النفس من هذه الوعود عن طريق وعود الرحمن في القرآن ومعرفة الأسماء الحسنى: ﴿وَاللَّهُ يَعِدُكُم مَّغْفِرَةً مِّنْهُ وَفَضْلًا وَاللَّهُ وَاسِعٌ عَلِيمٌ﴾ [البقرة: 268]. الدرس كله متلخص في الآية، ده المعنى اللي أنا عايز أقوله.

طيب أيضاً من المصائب يعني كنت بقرأ قريب في كتاب يعني هو بصراحة كتاب جيد لكن هو إيه مخيف شوية أو لأن فيه نظريات يعني ممكن في تضخيم شوية، بس الكتاب كويس أن الكاتب رجع يكتب تاني اسمه نتفليكس وصراعات التغيير. الكتاب الكاتب له كتاب تاني قديم اسمه الإعلام وصناعة الواقع، هو الكاتب متميز في تحليل كيف يسيطر الإعلام على الواقع؟ لكيف يسيطر الإعلام على عقول الناس؟ ولما بصراحة هو هنا استفاض في تحليل ما تفعله نتفليكس وكيف أن نتفليكس الآن تريد أن تصنع إنساناً جديداً، هقول روبوت، تصنع إنسان مستهلك. والنظريات دي اتقالت قبل كده، لكن إزاي تفاصيل نتفليكس دلوقتي في اقتحام محاولة اقتحام الدول وصناعة ثقافات؟ فتخيل إنسان بيترك الناس تعبث في مشاعره يعني هشرح لكم اللي أنا عايز أقوله.

كنت شفت حد بيشرح مقطع بيشرح أثر أن الطفل يتفرج على يقعد قدام الأجهزة الإلكترونية فترة طويلة ويلعب ألعاب إلكترونية فترة طويلة، أن كان بعض الناس السذاجة بتعتقد أن الطفل لما يلعب ألعاب إلكترونية كتير ده بينمي ذكائه، يقول لك ده الواد ما شاء الله ذكي جداً، ده بيعدي المراحل، ده مش عارف إيه، ده ممكن نوع من أنواع الذكاء عشان يعني بيكتسب خبرة في شيء معين ومهارة معينة. المهم يعني فكان بيقول ركز معي، تعرض عقل الطفل لاستثمارات كثيرة متنوعة معقدة يعني هو قاعد بيتفرج على الجهاز الإلكتروني بتجي له إشارات كتير وإشعاعات كتير وألوان وحركات كتير، عقله لا يتحمل وصول هذا الكم المهول دفعة واحدة للعقل.

طب أول حاجة بيتلقى اللي قاعد طفل قاعد بيلعب ألعاب إلكترونية فترات طويلة وقاعد قدام الأجهزة الإلكترونية. بيجي له ألوان وأشكال وحركات وإشعاعات ضخمة متتالية ورا بعضها، وفي المقابل هو لا يتبادل لا يتبادل ده بحركة، يعني جسمه مش مثلاً بمارس ألعاب بيتحرك، لأ ده هو قاعد ساكن فقاعد بيتلقى. فالطفل مخه بيحصل له حالة بعد كده من عدم القدرة على مواكبة هذه الأمور فينعزل عن الواقع، وفي يعني أفلام كتير بتشرح أن إزاي الطفل ده بيحصل له نوع من العزلة عن الواقع.

خلاص ده بيحدث من الاستثمارات النفسية المتنوعة، تلاقي اللي سايب نفسه بقى للأسف الأفلام والمسلسلات ده بيعبث في مشاعره، بيصنع أنت تخيل مشاعرك! والأخبار المتتالية الكتير بيصنع لك القلق. يعني إيه؟ يعني أنت المفروض مشاعر القلق موجودة عند أي انسان، بس هو بيخاف من أشياء معينة، لا هو بيصنع أن بيصنع لك القلق، لابد أن تقلق من كده وأن تخاف من كذا، وبيصنع مشاعرك وبيصنع جواك مشاعر خوف ورجاء جديدة تماماً، وبيكون لك رموز مختلفة. أنت متخيل ما يحدث بداخل عقل الإنسان اللي قرر ونفس إنسان يستسلم للإعلام المطلق بهذه الطريقة؟

النفس اللي اتعادت على ثقافة اللي هو قاعد بيقلب قاعد، حياته كلها اتعادت على إشعاعات متنوعة كثيرة وأصبح بيمل سريعاً، هذه النفس أنت كده بتساهم في إضعافها يعني الإيمان ضعيف، الواقع الديني فيه قليل، الواقع مليان أخبار مفزعة مؤلمة، الشيطان يوسوس وأنت قاعد بتزيد من ضعف هذه النفس، بتعمل إيه؟ حرام عليك نفسك، زي ما أتكلمت في درس رفقا بالقلوب حرام يعني ليه بتعمل في نفسك كده؟

فالإنسان لما بيتلقى هذا الكم للأخبار المفزعة والرعب والفزع وأنت إزاي بتعمل كذا وأزاي ما عملتش كذا والفقر والتخويف هيكمل إزاي في الحياة؟ لذلك الناس ما تبقاش فاهمة ليه لما بتقعد فترة طويلة على وسائل التواصل بتكتئب؟ وتحليل ده يطول يعني، هل التنوع المخيف اللي تعرض له؟ هل الأماني العظيمة اللي شافها؟ وده سافر فين؟ وده راح فين؟ هل الأخبار المحطمة اللي اتعرض لها متتالية يعني هو بيكتئب، تلاقيه قاعد قاعد كده فترة ساعة ولا ساعة ونص ساعتين على وبعد كده إيه حصل له حالة من الإيه أن هو عايز ينام ما عدش عايز مش قادر يعمل حاجة مع أن ده كان المفروض ترفيهي.

طيب، يبقى إذا كل ده مع فتنة الاختيارات المتعددة في كل شيء وو و صنع نفس مهترئة تحتاج إلى ترميم النفس، وزي ما قلت لكم حتى العالم اللي بنعيش فيه اللي هو التقنية السريعة صنعت هذا للإنسان. يعني كنت ههيل عليك بس كفاية كده على كتاب يعني اللي أنا كنت عايز أقرأ لكم موضع من كتاب حياة تالفة أزمة النفس الحديثة، بس يكفي يعني الأمر طيب.

كيف يحافظ الإنسان على نفسه وسط شلالات التغيير المتنوعة اللي بيتعرض لها وإشعاعات التشويه المتتالية؟ أنت قاعد بتتعرض لشلالات من التغيير وإشعاعات بتشوه نفسك وبتضغط على نفسك، سواء وساوس شياطين إنس أو جن، جليس السوء اللي تجد منه ريحاً خبيثة تتسلل إلى نفسك وتغير فيك. عايزين نقاوم ده، نرمم هذه النفس بتوع علاج النفس في نظريات كتير بتشرح ترميم وتصل إلى النفس دي. يعني مثلاً ظهرت مدرسة اللي بيسمى العلاج المعرفي السلوكي، وليه هي نظرية قائمة على فلسفات قديمة يعني؟ جزء كبير من الفكرة جزء منها قائم على أنت لن تستطيع أن تغير ما يحدث من حولك بنسبة كبيرة، لكن تستطيع أن تغير طريقة التفاعل مع هذه الأمور.

حتى يعني كتب بيضربوا مثل لو شخص كان بيحب واحدة وتركته، بيجيب لك تلاتة مثلاً أنماط للتفاعل ده: طنش، ده حزن، ده رأى الموضوع إيجابي، ده رأي أسد أياً كان. مش زي الشخص الحدث، واحد بيحدث لأشخاص متنوعة بتختلف ردات الفعل كيف يتفاعل مع الأمر ده. فقعدوا يفكروا إزاي نعلم الإنسان يتكيف مع الأحداث ويغير طريقة التفكير، التروس العقل بدل ما تلف في اتجاه معين إزاي نساعده؟ نجد أن أن زي يعني هما عايزين يقولوا إيه؟ والفكرة اللي أنا عايز أتكلم فيها أن أحياناً أنت لا تملك تغيير واقع، لكن المشكلة أن المدرسة دي فيها نوع من السلبية شوية، لا، إحنا عندنا الدعاء وأنك تستعين بالله. فآنا مش بتكلم في النقطة دي دلوقتي، أنا بتكلم.

أحيانا لا تستطيع أن تغير الواقع، خلاص؟ بل أحيانا أنت تكون منفرد، ما عندكش حد يقدر يساعدك، يبقى أنت محتاج نفسك هي اللي تكون قوية. محتاج نوع من الصلابة النفسية.

محتاج عكس حالة الهشاشة، محتاج ترمم النفس. طيب، هم اشتغلوا على إيه؟ اشتغلوا على أن هو يديك معلومات، أنه يساعدك في طريقة التفكير. خلاص، الإنسان -أنا بقى بقول الإنسان- هو عقل ومشاعر ونفس، فمحتاج حد يكلمه، محتاج يدي له طاقة كلام تساعده أن تتغير. يعني مثلا أنت أحيانا بتكون حزين جدا، ممكن تقابل واحد عاقل، طيب، طبطب عليك، يقول لك كلمتين، يمعلشك يعني شوية، يقول لك معلش وبتاع، ويقول لك اطمن، أنت تحس أن الموضوع بقيت أحسن. هو إيه اللي حصل ولم يغير في الواقع شيئا؟ هذه نفس تحتاج إلى المعلشة دي والطبطبة دي، أنت محتاج لده. أنت محتاج لطمأنة، يعني لو سميناها معلشة، طبطبة، وطمأنة، أنت محتاج لده تمام، النفس تحتاج لهذا الأمر.

حينما يأتيك الكلام ده، الكلام المطمئن، ركز، حينما يأتيك الكلام المطمئن من شخص أكثر ثقة بالنسبة لك بيكون أكثر أثرا فيك. بمعنى، تلاقي إنسان مثلا عنده إشكال، يعني أنا جربت حتى ده مثلا مع حد ممكن يكون عنده إشكال نفسي معين، فأنا إيه عندي خلفية بسيطة فبحاول أتكلم معه وبتاع، فألاقي كلامي ما يجيبش أثر، فممكن يروح لطبيب نفسي يقول له نفس الكلام فيجد أثر، ليه؟ لأنه أكثر ثقة منه. بلاش ده، حد من من أهلي، من قرايبي، يكون تعبان، فأنا أقول له ممكن تاخد الدواء ده -وطبعا زامر الحي لا يطرب- بيقول لي ده وأنت بتتكلم في الأدوية، فأنا أقول له ده أنا واخد يا اخي أنا معايا دكتوراه في... لا لا لا، أنت ما تعرفش حاجة، ليه؟ عشان هو قريب.

نفس الحاجة، لما بتأتي من شخص أكثر ثقة بتكون أكثر تأثيرا، تمام. طيب، وإذا تخيل لما يأتيك الكلام من الله، لما تأتيك الوعود المطمئنة من الرحمن سبحانه وتعالى، الأثر ده عليك! يبقى الإنسان بيكتسب ثقة في الكلام على قدر المتكلم؛ ما هو لو جه واحد قال لي إيه مثلا أنا خايف من الأزمة الاقتصادية ومش عارف إيه، وجه واحد قال لي ما تقلقش ما تقلقش كل الأمور دي هتتظبط، أقول له مين حضرتك؟ يقول لك لا لا أنا أنا يعني ما تقلقش أنا عندي محل مثلا بقالة وعندي خبرة اقتصادية مهولة، أنا بقول لك بس من باب خبرتي في الجبنة، ما تقلقش، فطبعا أنا مش هعرف أثق في كلامه، هو دخل لي دخلة ما ساعدتنيش في أي شيء، لم تساعدني في شيء، أنما هو لو كان قال لي سيبها لله وهنموت، كان أحسن لي من هو يقول لي موضوع الجبنة ده.

الإنسان هم نفسهم حتى يعني مثلا -وأنا أظن أتكلمت عن ده قبل كده- لما فكروا في موضوع العلاج بالمعنى، وهو الراجل اللي كان في السجون النازية واتعرض لاعتقالات وأذى وشاف الناس بتنتحر في السجون النازية أيام هتلر، فكان وجد أن الناس فقدت فقدت معنى للحياة تعيش عشانه، هي بتتعرض لأذى وخلاص، طب ما نموت؟ فجأة جت له فكرة: طب ما لو استطعنا أن احنا نكسب الإنسان معنى يضحي من أجله ويعيش عشانه، هيصبر؟ وبالفعل طلع نظرية اسمها العلاج بالمعنى وقال لي فيها كتب كتير، له كتاب مشهور اسمه الإنسان والبحث عن المعنى، وله كتاب ترجم حديثا اسمه بصرخة من أجل المعنى، كتاب فيه أفكار يعني طبعا مش تاني بكرر مش كل كتاب أشير ليه معناه أن الكتاب جيد أو يخلو من أخطاء، لأ، يعني مش مسلم طبيعي يعني.

لكن الخلاصة يعني برضه كنت هنقل لكم نقولات لكن أنا فوجئت أن احنا كده قربنا من الساعة خلاص، آه المهم يعني كنت آه يعني بيتكلم على قد ايه الفراغ والترف لما يوجَد ترف مع فراغ، بيقول دي من أكتر البيئات اللي بتعمل أمراض نفسية، عكس ما الناس بتخيل، الناس أنا عايز أستريح من الشغل وعايز يبقى معي إه فلوس كتير، كله كله، رجالة وستات، كله عايز يتجوز يقعد في البيت، سيبك من الصراعات اللي بين النسوية والذكورية، سيبك من الكلام ده، حقيقة الأمر كله عايز يأنتخ، كله تعبان، كله لو عايز يشتغل عايز يشتغل نسبجي، نسبجي يعني ياخد نسبة من الفلوس، يعني يديك فلوس تديني منها نسبة، يعني الكل عايز يعيش الحياة الإيه الانتخة دي، حياة الانتخة دي، ترف وفراغ، هي من أكتر اللي بتولد إشكال نفسي، وعمل بقى هنا أحصائيات ونزل جامعات وناس، عمل لقاءات مع ناس محاولة الانتحار ولقى -مش فاكر النسبة، يا ثمانية وأربعين في المية، ثلاثة وستين في المية- منهم كانوا فاقدين للمعنى، ولعلاجها وجاب بقى نماذج كتير للقصة دي. القضية أن قضية غياب المعنى اللي بيعيش عنه الإنسان ده مدمر.

طيب، تعالوا بقى، أنت بعد الدوشة دي وسوسة الشياطين والتزيين وصناعة الأمان المهلكة والفقر المدمر اللي بيؤدي الخوف من الفقر اللي بيؤدي للشلل -ده الشيطان التأله من الحياة وسرعة الحياة اللي بتمشي بسرعة وأنك فرد واختيارات متنوعة- أنت بتيجي في وقت عايز تعمل إيه بالليل كده وتنصت، وانصتوا واستمع، وتسمع كده لكلام ربنا؟ طب عايز تيجي في وقت مش قادر تكمل، مش قادر، عايز تفصل، مش قادر، هيحصل لك حاجة، الناس لما بتيجي تعمل كده هو محتاج لده، هيسمع إيه؟ هيسمع أغاني ولا هيسمع إيه؟ محتاج يسمع كلام من الله، النفس عطشانة في اللحظة دي، محتاج بقى ويسمع كلام من ربنا سبحانه وتعالى الذي خلق هذه النفس تكلم بهذا الكلام، تحتاج أن تستمع إلى كلام من الله سبحانه وتعالى في اللحظات دي. الوحي في اللحظة دي بيعمل إيه؟ الوحي بيحاول أن ينتزعك من واقعك لك، كفاية ثقافة الصورة اللي أنت بتعرض لها طول اليوم، الناس بتتحرك والافلام، الصورة دي توقف ده كله تماما، الوساوس الشيطانية، النصائح، الناس المتنوعة، كل ده في قيام الليل كمان بينزعك من العالم ده ويسافر بك إلى عالم آخر.

أتكلمت أنا عن قضية السفر إلى الحقائق، أنك أنت بتروح ترتدي بقى النظارة القرآنية فتطمئن النفس شوية، يعني فعلا القرآن بيصنع حالة عجيبة من الطمأنة، حالة عجيبة فعلا من الطمأنة بالقرآن ﴿أَلَا بِذِكْرِ اللَّهِ تَطْمَئِنُّ الْقُلُوبُ﴾ [الرعد: 28]، قيل إنه القرآن في الآية تطمئن القلوب حتى لو ذكر الله أن تذكر الله سبحانه وتعالى، فعلا كيف النفس تطمئن ازاي في هذا الصراع اللي الإنسان عايش فيه؟ فبتستعيد في السفر ده فطرتك، إنسانيتك بتستعيدها تاني، بشريتك أنك ضعيف، القرآن بيراعي ضعفك من أول لحظة، أنت مخلوق من علق، كيف ستواجه؟ كيف ستعيش في هذا العالم بدون التأله؟ بدون معنى تعيش عشانه؟ هو الراجل ده حتى بتاع فيكتور كان بيقول إن لو ما فيش ضغط، لو ما فيش شيء بيوترك، عايز تتحرك من أجله في المستقبل، ده هيخلي عندك مشكلة، فالقرآن بيخليك ترفض، بتثور على كل ده، وتبتني ويصنع، ويا سلام لو أنت بتطيل علاقتك، بيرمم بداخلك أشياء أنت لا تشعر، هو يداوي، القرآن بيداوي وأنت لا تشعر.

لو أنت قاعد تخيل مثلا أنت داخل تعيش مع سورة فاطر، داخل بنفسية محطمة، تخيل كده داخل فقدت وظيفتك، عندك أزمة، اتخرجت مش لاقي شغل، أزمات اقتصادية، داخل كفرد -أنا هتكلم دلوقتي اللي داخل بيفكر كأمة للأمة في سورة، أو أنت داخل كفرد لسورة فاطر مثلا- داخل كفرد محقق وتستفتح السورة، إيه ده البداية بالثناء على طول ﴿الْحَمْدُ لِلَّهِ فَاطِرِ السَّمَاوَاتِ وَالْأَرْضِ جَاعِلِ الْمَلَائِكَةِ رُسُلًا أُولِي أَجْنِحَةٍ﴾ [فاطر: 1]، يزيد في الخلق ما يشاء. لو أنت بتعيش عايش النص القرآني: ﴿مَّا يَفْتَحِ اللَّهُ لِلنَّاسِ مِن رَّحْمَةٍ فَلَا مُمْسِكَ لَهَا وَمَا يُمْسِكْ فَلَا مُرْسِلَ لَهُ مِن بَعْدِهِ﴾ [فاطر: 2]، الله أكبر! وبعد كده النداء: ﴿يَا أَيُّهَا النَّاسُ﴾ [فاطر: 3]، هل من خالق غير الله يرزقكم؟ أنت قاعد تسمع النداء الأول والنداء التاني، أنا يعني مش مش هينفع طبعا أطول، صوت فاضي أرجعه لتفسير سورة فاطر، لغاية لما تسمع: ﴿أَنتُمُ الْفُقَرَاءُ إِلَى اللَّهِ وَاللَّهُ هُوَ الْغَنِيُّ﴾ [فاطر: 15]، شف خطاب قرآني من عند الرحمن، تذكير بالأسماء الحسنى، تحس أن أنت فهمت حجمك، فهمت يعني السنن الربانية، حصل لك حالة من الطمأنة، يعني لو لو كان يعني إيه جبت لكم مصحف وقعدنا نفر كده مع بعض -أنا كنت كاتب تغريدة عن فكرة اللي داخل سورة فاطر محطم كده ازاي لو ساب نفسه مع الآيات، هيخرج سابق بالخيرات، ليه؟ لأن الآية مش بتسيبه.

الآية لما بتقول: ﴿إِنَّ الَّذِينَ يَتْلُونَ كِتَابَ اللَّهِ﴾ [فاطر: 29] وبعدها ﴿ثُمَّ أَوْرَثْنَا الْكِتَابَ﴾ [فاطر: 32] وبعدها تقسيمة ﴿ظَالِمٌ لِّفَنِسْهِ مُقْتَصِدٌ وَسَابِقٌ بِالْخَيْرَاتِ﴾ [فاطر: 32] وبعدها ﴿وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ﴾ [فاطر: 34]. تخيل! أنت داخل السورة حزين ومحطم، السورة نقلتك للجنة ودخلتك الجنة وسمعتك ناس قاعدة بتقول ﴿الْحَمْدُ لِلَّهِ الَّذِي أَذْهَبَ عَنَّا الْحَزَنَ﴾، وبعد كده خرجتك وسمعتك ناس في النار وهم يصطرخون فيها، التطويف ده لما ترجع منه من قيام الليل وتسلم وترجع للواقع، أنت بتعرف حجم مشكلتك، النفس هنا حصل لها يعني جلسة تطمينية، يعني دخلت -لو افترضنا كده أنك دخلت سورة فاطر خرجت منها بغير النفس التي دخلت بها، خلقت خلقا آخر.

ودي من النظرات اللي احنا محتاجين ننظر إليها للقرآن، بدل فكرة أو بالإضافة -بلاش بالإضافة- لفكرة البحث عن موضوع السورة أيضا، ماذا تفعل فيك السورة؟ يعني لما أنت بتسلم نفسك لسورة كيف نخرج من هذه السورة؟ تخيل أنت داخل قاعد بتابع دلوقتي الأخبار العالمية، خلاص، أمريكا والحرب مع أوكرانيا وروسيا وهل دي مدعومة من أمريكا؟ طب والصين هتخش في الموضوع وكوريا وحرب عالمية تالتة، وأنت قاعد طب والاسلام والمعذبين في الأرض وأنت أصلا مستضعف والمسلمين مفرقين في الأرض، افتخر بهذه النفسية المحطمة المشغولة بأمة الإسلام، هتقول: ﴿الم غُلِبَتِ الرُّومُ فِي أَدْنَى الْأَرْضِ وَهُم مِّن بَعْدِ غَلَبِهِمْ سَيَغْلِبُونَ﴾ [الروم: 1-3]. إيه ده؟ حدث عالمي في بداية السورة، قوة عظمى هزمت، وبعدين ﴿وَهُم مِّن بَعْدِ غَلَبِهِمْ سَيَغْلِبُونَ فِي بِضْعِ سِنِينَ﴾ [الروم: 3-4]. إيه ده! القوى العالمية بتتغير، إيه اللي بيحصل؟ ﴿لِلَّهِ الْأَمْرُ مِن قَبْلُ وَمِن بَعْدُ﴾ [الروم: 4]. أنت متخيل الثقة النفسية اللي مؤمن مستضعف في مكة مش عارف يخرج برة إطار مكة وفي الصحراء يعذب فيها، بتنزل عليه آيات بتكلمه عن صراع القوى العظمى الموجودة فارس والروم، والتقلبات التي تحدث وبتقول له الأمر بيد الله، لذلك الصورة اللي تكرر فيها فأقم وجهك مرتين، ولفظ الإبلاس تكرر مرة مع يوم القيامة: ﴿وَيَوْمَ تَقُومُ السَّاعَةُ يُبْلِسُ الْمُجْرِمُونَ﴾ [الروم: 12]، الإبلاس اليأس والقنوط التام، هذا يحدث للمجرمين يوم القيامة الكفار، أما في الدنيا: ﴿فَإِنَّهُمْ مِّن قَبْلِ أَن يُنَزَّلَ عَلَيْهِم مِّن قَبْلِهِ لَمُبْلِسِينَ﴾، في أمل أن الإبلاس ده يضيع، ويذهب هذا اليأس وينجلي ويذهب ويأتي الفرج.

إزاي لما تيجي في سورة الروم تجد أن سورة الروم تكرر فيها لفظ من قبل ومن بعد؟ المقارنة بين قبل وبعد على مستوى، خد بالك، على مستوى الفرد: ﴿مِن ضَعْفٍ ثُمَّ جَعَلَ مِن بَعْدِ ضَعْفٍ قُوَّةً ثُمَّ جَعَلَ مِن بَعْدِ قُوَّةٍ ضَعْفًا وَشَيْبَةً﴾ [الروم: 54] على مستوى الفرد، على مستوى الأمم: ﴿وَمِن بَعْدِ غَلَبِهِمْ سَيَغْلِبُونَ﴾ [الروم: 3] فارس والروم، وعلى مستوى الكون: ﴿فَسُبْحَانَ اللَّهِ حِينَ تُمْسُونَ وَحِينَ تُصْبِحُونَ﴾ [الروم: 17]. يعني السورة بتكلمك على تغيرات تحدث على مستوى الأفراد، على مستوى الأمم، على مستوى الكون، لذلك بتخرج من السورة من الصورة: ﴿فَاصْبِرْ إِنَّ وَعْدَ اللَّهِ حَقٌّ وَلَا يَسْتَخِفَّنَّكَ الَّذِينَ لَا يُوقِنُونَ﴾ [الروم: 60]، ما تبقاش مستخف.

أنت داخل دي كلها نماذج، داخل سورة آل عمران مهزوم، دماء بتنزل منك في سورة آل عمران لغزوة أحد، أصابنا القرح والألم والأذى، إشاعة مقتل النبي صلى الله عليه وسلم، نزيف الدماء اللي موجود في الصحابة، موت من أفاضل الصحابة سيدنا حمزة، مصعب، الأذى النفسي اللي تسبب فيه الكفار لما وقف أبو سفيان وقال: أعلُ هُبَل. كيف دخلوا إلى سورة آل عمران وخرجوا منها مستجيبين لله والرسول من بعد ما أصابهم القرح وقالوا: حسبنا الله ونعم الوكيل، اصبروا وصابروا ورابطوا، إيه اللي حصل؟ يعني السورة كيف رممت هذه النفوس التي كادت أن يصيبها الوهم؟ ﴿وَلَا تَهِنُوا وَلَا تَحْزَنُوا وَأَنتُمُ الْأَعْلَوْنَ إِن كُنتُم مُّؤْمِنِينَ﴾ [آل عمران: 139]. إيه اللي حصل؟

أنا مضطر هنا أن أنا أحقن على درس إه كيف عالجت سورة آل عمران؟ أو كيف عالجت آيات غزوة أحد نفوس الصحابة؟ كيف عالجت الهزيمة دي؟ طريق القرآن عجيب ازاي طالع من صلح الحديبية مستغرب، إيه اللي حصل ده؟ ألسنا على الحق؟ طب ليه رضينا؟ لما نرضى الدنية في ديننا، سيدنا عمر أعد -سيّدنا عمر قاعد بيسأل مستغرب- يدخلوا سورة الفتح يطلع مستبشر، استبشر بفضل الله بالوعود المليانة في سورة الفتح. إيه ده؟ هكذا القرآن، ادخل لكل سورة ترمم فيك شيئا وتصنع فيك شيئا، فتخرج إلى الواقع تخرج قويا صلبا، ﴿وَعِبَادُ الرَّحْمَٰنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا﴾ [الفرقان: 63]، لما لم يؤثر فيهم كلام الجاهلين ﴿وَالَّذِينَ يَبِيتُونَ لِرَبِّهِمْ سُجَّدًا وَقِيَامًا﴾ [الفرقان: 64]، والزاد يحصل هذا الزاد ليليا، فلا تؤثر فيه هذه الطعنات النفس ترمم، يحافظ عليها، تبنى، فبالتالي القرآن لما بينتزعك من الواقع ده بيحافظ عليك ويرجعك تاني.

تنزل الواقع تمارس وتشتغل وتتحرك ولا تضيع من تعول وتفكر وتفكر لأحوال المسلمين فتصيبك خبطات، فترجع -والله يعني أنا من من الكلمات المتكررة في القرآن لما بسمعها، أنا كان نفسي أشغل لكم دلوقتي مقطع كده جزء من سورة الأنعام للحصري دقيقتين كده- لما الواحد يصيبه نوع من الأزمات والضغوط فيه شوية مقاطع أنا بحب الحصري له في آخر يوسف، مقطع من الأنعام، سورة الفرقان، ازاي يعني كلمة: ﴿اعْمَلُوا عَلَى مَكَانَتِكُمْ إِنِّي عَامِلٌ﴾ [الأنعام: 135]، إيه ده؟ أو ﴿فَكِيدُونِي جَمِيعًا ثُمَّ لَا تُنظِرُونِ﴾ [هود: 55]، تكررها برضه مرة مع سيدنا هود ومرة مع النبي صلى الله عليه وسلم ومرة سيدنا نوح.

في آخر الأعراف، ومرة في سورة هود، ومرة في أواخر يونس. القرآن كيف يصنع هذه النفسية؟ إزاي؟ ممكن نحاول نفهم ده، لكن استسلم، دور مع القرآن. سب نفسك، القرآن يغير فيك.

هنا بيبقى من رحمة ربنا بالإنسان مع طول علاقته بالقرآن أنه يكتسب فقه التنزيل؛ لأن القرآن نزل مفرقاً منجماً لم ينزل جملة واحدة بحسب احتياجات الواقع والأحداث وقلوب النبي صلى الله عليه وسلم والصحابة. لنثبت به فؤادك، فأفئدتنا تحتاج إلى تنزيل القرآن عليها لتثبت. إذا كان فؤاد النبي صلى الله عليه وسلم وأعظم الأفئدة صلى الله عليه وسلم كان يحتاج إلى تثبيت من القرآن، فكيف بأفئدتنا الضعيفة الهشة؟ تحتاج إلى تثبيت من القرآن.

طولت عليكم، أنا آسف. آخر شيء في نفس الآية المحورية التي معنا: ﴿الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ﴾ [البقرة: 268]. أيضا من الحاجات العجيبة التي قيلت في الآية: إيه العلاقة بين يعدكم الفقر ويأمركم بالفحشاء؟ يخوفك من الإنفاق؛ لأن الآية جاية في سياق الإنفاق والصدقة، وده أيضا عجيب، بس الوقت كنت عايز أسرع. كيف يؤهل القرآن النفس للإنفاق؟ دي قصة عظيمة، لعل في مجال سورة البقرة إن أحياها الله. كيف يعني؟ ارجعوا كده اقرأوا من أول: تِلْكَ الرُّسُلُ. بعد قصة طالوت وجالوت؛ لأن قصة طالوت وجالوت ومسألة الإحياء والاماتة، وبعد كده تِلْكَ الرُّسُلُ، وبعد كده آية الإنفاق: إيه وحدة منفذ؟ وبعد كده أعظم آية في القرآن: آية الكرسي. بعد كده ثلاث نماذج وأنماط مختلفة من الإحياء والاماتة؛ رَبِّيَ الَّذِي يُحْيِي وَيُمِيتُ الإحياء الذي هو ممكن نقول البسيط إحياء وممات، وبعد كده إحياء بعد طول مدة مائة عام، والإحياء المعقد بعد التفتيت والتقطيع للطيور، ثم العودة إلى آيات الإنفاق. إيه ده! يعني النفس كانت محتاجة هذا الحديث عن عظمة الله وعن قدرة الله أنه يخلف عليك وعلى الإحياء والاماتة؛ عشان النفس دي تخاطب بالقرآن بالإنفاق.

أيوه، إزاي؟ كيف القرآن يصل إلى مراده منك عن طريق أنه بيضغط على مشاعر معينة بداخلك تجعلك تستجيب بسهولة؟ القرآن يؤهلك للاستجابة إلى مراد الله سبحانه وتعالى. معايا؟ هنرجع الآية: يعدكم الفقر. فقالوا إن الشيطان بيخليك ما تنفقش، تخاف من الإنفاق، ثم تنفق هذا المال في الفحشاء. يعني القضية ما كانتش إن هو عايز يحافظ على فلوسك. ﴿الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ﴾ [البقرة: 268]. شوف الكلام الجميل في شرح الآية: ﴿وَاللَّهُ يَعِدُكُم مَّغْفِرَةً مِّنْهُ وَفَضْلًا﴾ [البقرة: 268]. يعني حتى لو الشيطان ضحك عليك، حتى لو الشيطان ضحك عليك ومنعك من الإنفاق وصرفت فلوسك في الفاحشة، الشيطان بعد ما بيعمل كده بيجي يقول لك إيه؟ يقول لك: ما أنت فاشل، ما فيش منك أمل، أنت أصلاً ما لكش في الدين، أنت ما صرفتش فلوسك ورحت صرفتها في الفاحشة؟ سيبك بقى من موضوع الدين ده! لأ، شف الأمل: ﴿وَاللَّهُ يَعِدُكُم مَّغْفِرَةً مِّنْهُ﴾ على الفحشاء ﴿وَفَضْلًا﴾ على الإنفاق. في فرصة تعوض؛ يعني حتى لو منعت النفقة ووقعت في الفحشاء، في أمل؟ آه، في أمل المغفرة للفحشاء، والوعد بالفضل على الإنفاق. القرآن يعالج وقوعك في الفحشاء بالمغفرة، ويعالج أزمتك النفسية التي منعتك من الإنفاق وهي الخوف من الفقر؛ فالله يعدك فضلاً واسعاً، دينك اهو واسع عام. في القرآن: ﴿الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ وَاللَّهُ يَعِدُكُم مَّغْفِرَةً مِّنْهُ وَفَضْلًا وَاللَّهُ وَاسِعٌ عَلِيمٌ﴾ [البقرة: 268].

والله، هنا بقى حاجتنا إلى الأسماء الحسنى. في ناس، أنا أعرف ناس بفضل الله حياتهم انقلبت بسبب علاقتهم بالأسماء الحسنى؛ ممكن باسم الله الواسع تسمعهم بيحكوا قصص كيف أن حياته تغيرت؟ لأنه تعامل مع الله. عامل الرحمن الواسع اللطيف الكريم سبحانه وتعالى. يا جماعة، نحن نحتاج إلى كل اسم من أسمائه سبحانه وتعالى، زي ما احنا نحتاج، الأمة تحتاج إلى كل آية في القرآن. نحتاج إلى كل اسم من أسمائه سبحانه وتعالى. ومن الكلمات الجميلة التي سمعتها لأحد المشايخ كان بيقول: سيظل الاسم مغلقاً عليك حتى تعايشه. بمعنى وعايز يقول إنك ممكن تفهم معنى الاسم على المستوى الذهني؛ يعني اسم الله الواسع تقرأ في معانيه في الكتب، فهمت يعني إيه؟ اسم الله. الأسماء التي أحبها: اسم الله المقيت. اختلفوا في معنى، أنا بحب معنى يقيت؛ يقدم لك القوت، ولا سيما قوت النفس الذي نتحسد عنه، ترميم النفس. فهو بيقول: المعنى الأسماء ممكن تفهمه ذهنياً، لكن عشان تعايشه، عشان تفهمه حق الفهم، لازم أنت اللي تعيش الاسم؛ ما ينفعش حد يشرحه لك. كأن في كود خاص، أنت لازم تعامل ربنا، أنت لازم تنفق، لازم تعايش، تجرب، لازم تعمل ده. هيظل بالنسبة لك اسم الله الواسع معرفة ذهنية لغاية لما تعايش الاسم ده وتجرب وتطلع وتنفق وتفشل وتجرب مرة تانية؛ فترى آثار أسماء الله الحسنى، أنت تشوفها تلامسها، ما عتدش محتاج عشان تتكلم عن ربنا حد، أنت بتحكي اللي حصل لك؛ يعني أنت عشان تكلم الناس عن اسم الله اللطيف هتحكي المواقف التي حصلت لك، أنت عشان تتكلم عن اسم الله الواسع هتحكي المواقف التي حصلت لك. يعني خلاص، بالإضافة لشرح الاسم أنت عايشت هذا المعنى.

الإنسان بحاجة إلى أسماء الله زي ما قلنا. وعود الشيطان مقابلها وعود الرحمن. لما تيجي تقرأ بأثر ابن مسعود في شرح الآية: الشيطان واعدكم فقد قال: لكل إنسان لمة؛ زي خاطرة، شيء نفث عابر، لما من الشيطان ولما من الملك. فأما لمة الملك فإيعاد بالخير وتصديق بالحق، وأما لمة الشيطان فإيعاد بالشر وتكذيب بالحق. الشيطان عايزك تشك في كل شيء، تشك في ربنا وفي خلفه وفي الجنة وفي نصرة الله للمؤمنين. الشيطان دايماً عايزك عايش حالة من الشك والبؤس والقنوط. والله سبحانه وتعالى يرسل إليك هذا الملك يعطيك هذه اللمة التي هي المطمئنة. لذلك حتى قال: فإذا أحس لمة الشيطان فليستغفر الله، وإذا أحس لمة الملك فليحمد الله. إن لما يجي لك بشريات آية تطمنك، سمعت حاجة بشريات نحمد الله سبحانه وتعالى على هذا الأمر.

طولت عليكم، أنا آسف. إيه، اه، يعني أنا كده خلصت. المعنى الثاني: أن هذه النفس كما أن البدن يتعرض لأذى ويتعرض لألم، النفس تتعرض لإيذاء وطعنات طوال الطريق. هذه الطعنات متنوعة من شياطين الإنس والجن، من الناس حتى لو لا يريدون بك شرا؛ طبيعة الحياة الدنيا زينة الدنيا تجعل الإنسان النفس تضعف. لذلك هذه النفس تحتاج إلى قوة، تحتاج إلى زاد، تحتاج إلى نوع من الترميم. في وسائل كثيرة، أنا أرى أن من أفضل هذه الوسائل القرآن، ولا سيما في قيام الليل، معايشة الأسماء الحسنى، وحتى طريقة القرآن في الحديث عن الأسماء الحسنى مختلفة. أسأل الله سبحانه وتعالى أن يزكي نفوسنا، فهو خير من زكاها، هو سبحانه وتعالى وليها ومولاها. أسأل الله سبحانه وتعالى أن يجعلني وإياكم من أهل القرآن الذين هم أهله وخاصته. وأسأل الله سبحانه وتعالى أن يجعل ألسنتنا رطبة بذكره سبحانه وتعالى. سبحانك اللهم وبحمدك، أشهد أن لا إله إلا أنت، أستغفرك وأتوب إليك. السلام عليكم ورحمة الله وبركاته.