د. أحمد عبد المنعمبسم الله الرحمن الرحيم، والصلاة والسلام على رسول الله صلى الله عليه وسلم.
نبدأ بإذن الله سبحانه وتعالى هذه الأمسية التربوية وهي بعنوان: فنسي ولم نجد له عزما. وهذا اللقاء كان الأصل بصراحة أن يكون لِمن اشتركوا في دورة الارتباط بالقرآن على صفحة تليجرام. وكان في دورة عن الارتباط بالقرآن، ثم بعد ذلك الذي يرتقي من هذه الدورة بالقرآن وأحب أن يكمل طلب العلم من مسائل اللغة والأثر وغير ذلك، كان فيه برنامج آخر اسمه طليعة الكفاية في علوم القرآن، ثم بعد ذلك برنامج آخر إن شاء الله لمن ارتقى بعد أن ينتهي من برنامج الطليعة أنه بإذن الله سبحانه وتعالى يدرس الكفاية في علوم القرآن.
لكن بما أن اللقاء أشبه بقلقاء تربوي فكرت أن يكون عاماً، ويبقى ضمن الأمسيات التربوية التي نعملها يوم الأربعاء. أسأل الله سبحانه وتعالى أن يبلغني وإياكم رمضان، وأن يعيننا فيه على ذكره وشكره وحسن عبادته.
لقاء اليوم هو بعنوان: فنسي ولم نجد له عزما، ومحاولة الربط بين قضية النسيان وقضية العزيمة على الفعل، أو أن الطاعة والأعمال ودور رمضان والعبادات عموماً في حل هذه القضية.
قبل ما نبدأ نتكلم على مسألة النسيان ونحاول -زي ما احنا متعودين مع بعض بفضل الله سبحانه وتعالى- نبحث في نصوص القرآن والسنة عن هذه القضية، دائماً الإنسان لما بيحاول يستبصر في قضية من القضايا عن طريق النظر في نصوص القرآن والسنة، يجد فتحاً عظيماً، ويجد كيف أن القرآن تناول هذه القضية، وكيف أن السنة أيضاً أشارت إلى هذه القضية. فيفاجأ أن دائماً بفضل الله سبحانه وتعالى -والحمد لله الذي أنزل على عبده الكتاب، الحمد لله على نعمة الوحي- نفاجئ أن القرآن والسنة عالجا هذه القضية بطريقة عجيبة جداً.
فقبل ما نحاول نجمع شتات الآيات والأحاديث التي تكلمت على مسألة النسيان والذكر، الأول لما نجيء نتكلم على مسألة الإنسان عموماً؛ ما هو الإنسان؟ وكيف نظر القرآن وكيف نظر الوحي إلى الإنسان؟
هنا لما هنتكلم عن الإنسان قبل ما أتكلم على أن نسيان شيء فطري في الإنسان، وكيف أن القرآن أشار لذلك والسنة أيضاً أشارت لذلك، مسألة النسيان في القرآن وفي السنة، الأول إيه طبيعة الإنسان؟ إحنا هنا لما نتكلم عن النسيان أو الوحي -بلاش إحنا بقى لما الوحي يتكلم على الإنسان- مش بيتكلم بالطريقة الفلسفية التي تعطيك شوية تعريفات قد لا تستفيد منها شيئاً، وقد لا تستطيع أن توظف هذه التعريفات.
يعني أنا مش عايز الحد الفاصل للإنسان، أو يعني طريقة القرآن تختلف لما تيجي تجمع -أنت بتقرأ القرآن بتجرد القرآن ودي نقطة مهمة لما تحب تتعرف على شيء مذكور في كتاب الله سبحانه وتعالى- أن تجمع الآيات التي تكلمت في الأمر ده.
لذلك كان عاجبني قوي المشروع الذي كان يقوم عليه الأستاذ الدكتور شاهد بوشيخي، وهو يعتبر شيخ الشيخ فريد الأنصاري عليه رحمة الله، لما قاموا بفكرة جمع المصطلحات القرآنية ودراستها، وتوزيع المصطلحات هذه على مجموعة من الباحثين، وكان كل -بفضل الله- كل شوية كان يخرج بحث يدرس مصطلح في القرآن؛ مصطلح الأمة، مفهوم الغيب، الجاهلية في القرآن، كل شوية وكانت حتى دار السلام أظن هي التي تطبع لأن المشروع في المغرب العربي وبعض هذه الكتب طبعت أصلاً. الدكتور شاهد بوشيخي له كتب في مسألة الاهتمام بقضية المصطلح، سواء الدراسات المصطلحية أو غيرها.
فالخلاصة لو إحنا حبينا نشوف الإنسان في القرآن، هنجد أن القرآن له طريقة خاصة في تعريفنا بالإنْسان، طريقة بتفيدنا على مستوى الفهم وعلى مستوى العمل. أنت لما تفاجئ أن أغلب صفات الإنسان في القرآن جاء فيها نوع من الذم، وده بعض الناس كان خلاه -طبعا بالرجوع للآثار- خلاه يرى أن الإنسان هنا المقصود به الكافر، وبعضهم قال: لأ، دي أوصاف في الإنسان عموماً، لكن المؤمن يزكي نفسه فيتخلص من هذه الصفات.
أزيك لما تفاجئ -لو إحنا ادينا واجب وإحنا إن شاء الله مقبلين على رمضان، اللي عايز يعمل خاتمة أو حتى أثناء رمضان- كيف تحدث القرآن عن الإنسان؟ ما هي أوصاف الإنسان في القرآن؟ تفاجئ أن الإنسان مثلاً عجول، الإنسان هلوع، الإنسان -زي ما ربنا قال- خلق من عجل، الإنسان بيجزع، الإنسان بيخاف، الإنسان عنده رغبات، الإنسان عنده آمال.
فلما تجمع هذه الأوصاف كيف وصف الإنسان في القرآن؟ أنت تتعجب أن الأوصاف متنوعة. ودي بقى قصة تانية لما تبص على سياقات الذكر ده أصلاً وعلاجاتها؛ زي ما اتكلمنا في درس قبل كده مداواة النفس الهلوع من خلال سورة المعارج لما ذكر هذا اللفظ في سورة المعارج كيف أن السور عالجت قضية الهلع؟
أيضاً كان في درس في سورة القيامة لما تألم بعض العلماء أشار إلى أن سورة القيامة تتحدث عن قضية العجلة. ومن السور التي الواحد ملاحظ أنها ذكر فيها العجلة أيضاً سورة طه وسورة القيامة، فيفاجئ أن القراءة أيضاً في هذه السور تساعد على معالجة هذا الأمر.
فالقرآن له طريقة خاصة في التعريف بالإنسان، لا يقدم لنا تعريفا بصورة جافة قد لا نستطيع أن نتوظفه. لكن القرآن -وبعدين الذي خلق الإنسان هو الذي تكلم بهذا الوحي سبحانه وتعالى، أفلا يعلم من خلق وهو اللطيف الخبير؟- فهذا القرآن جاء مناسباً لعلاج هذا الإنسان، وجاء كاشفاً للإنسان. بل القرآن يكشف لنا أغواراً في النفس البشرية قد لا يستطيع الإنسان أن يتفهمها وأن يستوعبها، وده بقى مسألة تانية طويلة شوية ممكن ربنا ييسر إن شاء الله ونبقى نعمل فيها درس، أو إحنا كان في لقاء قبل كده أذن بحاجة زي كده؛ مسألة إعجاز القرآن وكيف يؤثر القرآن أصلاً في الإنسان؟ ما الذي يفعله القرآن في الإنسان؟
فالقرآن يعلم؛ لأن الذي تكلم بالقرآن هو الله سبحانه وتعالى، فهو سبحانه وتعالى يعلم طبيعة الإنسان واحتياجات الإنسان. فمن الأوصاف التي ذكرت عن الإنسان في القرآن، وعن أبينا آدم عليه السلام، وأوصاف فطرية متمكنة في الإنسان؛ قضية النسيان: ﴿وَلَقَدْ عَهِدْنَا إِلَىٰ آدَمَ مِن قَبْلُ فَنَسِيَ وَلَمْ نَجِدْ لَهُ عَزْمًا﴾ [طه: 115].
نسبة النسيان إلى أبينا آدم ليست مذكورة فقط في هذه الآية في سورة طه، مذكورة أيضاً في حديث النبي صلى الله عليه وسلم أذكره الآن بإذن الله سبحانه وتعالى.
لكن قبل أن أقول ذلك، بعض المفسرين ورد في بعض الآثار يرى أن حتى التسمية؛ تسمية الإنسان سميت كذلك بسبب النسيان، وإن كان بعض أهل اللغة ينازع في ذلك. مش ده دلوقتي مقام تحرير: لماذا سمي الإنسان إنساناً؟ لكن المقصد أن هذا شيء فطري في الإنسان.
بل الحديث الجميل، حديث طويل؛ لما مسح الله سبحانه وتعالى على ظهر آدم وأخرج ذريته من ظهره فنظر إليها. تخيل كده مشهد مهيب، آدم عليه السلام ينظر إلى كل الذرية، ملايين من البشر، فوجد رجلاً في وجهه بصيص من نور، وجد بصيصاً من نور. أنت متخيل أما يكون قدامك مليارات المليارات من البشر، ثم في وسط هذه المليارات فيه بصيص من نور؟ ده معناه أن هذا النور مميز؛ نور العبادة.
فقال: يا رب من هذا؟ يعني تخيل كده سيدنا آدم لقى حد كده من بعيد قال: يا رب من هذا؟ قال: هذا داود عليه السلام يأتي في آخر الزمان. أنت متخيل؟ فمن كثرة حب آدم عليه السلام لداود في اللحظة ديت قال: يا رب أطه من عمري ستين سنة! لما عرف أن عمر سيدنا داود ليس طويلاً، فقال: أطه من عمره ستون سنة.
فلما أهبط آدم إلى الأرض فجاء ملك الموت، فقال له آدم عليه السلام: لقد تعجلت. قال له: لا، أنا لسه لي ستين سنة. فقال: ألم تهبها؟ ألم تعطها إلى داود عليه السلام؟ فجحد آدم. فقال النبي صلى الله عليه وسلم: «فجحد آدم، فجحدت ذريته من بعده، ونسي آدم فنسيت ذريته من بعده».
في أوصاف أشبه -مش عايز أقول بالمتوارثة، بس أصبح أشبه أن الإنسان مفطور عليه هذه الأوصاف. يبقى دي النقطة الأولانية أن في أوصاف مذكورة في القرآن؛ الشح فيه جزء، وهو كنود. أما تيجي تجمع أوصاف الإنسان في القرآن، هذه الأوصاف الإنسان زي ما مذكورة في القرآن هو بيحاول أن هو يزكي نفسه ويتخلص منها.
طيب هل ده الجزء الأولاني من اللقاء؟ الجزء التاني؛ هل هذه الأوصاف كلها ضارة؟ مسألة الأمل، مسألة النسيان، الأوصاف دي كلها، مسألة العجلة، الفضول، هل كل الأوصاف دي الإنسان مطالب أن يتخلص منها تماماً؟ لأ.
الشريعة حينما جاءت للإنسان جاءت لتهذب هذه الأخلاق والصفات؛ لأن فيه جزء منها الإنسان محتاجه لكي تستمر مسيرة الحياة. يعني مسيرة الحياة لن تستمر بدون أصلاً هذه الأوصاف. الفضول والعجلة والأمل الذي عند الإنسان والنسيان، أنت تحتاج هذه الأوصاف، لكن أنت تحتاجها بقدر معين، زي بالضبط مسألة الشهوة. الشريعة لما جاءت تعاملت مع قضية الشهوة عن طريق أنها لم تمنعها مطلقاً، لأ، أنك أنت توظف في المكان الصحيح فتأخذ عليه الأجر. لكن أن أنت الشريعة تكبت كل هذه المشاعر تماماً فتتحول إلى كذا، أنت هتبقى من الملائكة؟ لأ، الشريعة تحافظ على التصور البشري؛ لأن الملائكة من أول لحظة قالت: ﴿أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاءَ﴾ [البقرة: 30]، وقال الله سبحانه وتعالى: ﴿إِنِّي أَعْلَمُ مَا لَا تَعْلَمُونَ﴾ [البقرة: 30].
فهذه الشريعة جاءت مناسبة للبشر، بل نقل بعض العلماء -ونقل ذلك ابن حجر الجميل في مسألة طول الأمل وهو بيتكلم ومن الأبواب العظيمة التي لو الإنسان عايشها، أظن إن شاء الله يحدث له تغييراً في صحيح البخاري؛ باب الرقاق، واللي عنده مقدرة أنه يقدر -طبعا بس ده يبقى صعب شوية- اللي اعتاد القراءة في فتح الباري ممكن يقرأ شرح كتاب الرقاق، أو أي مختصر من مختصرات فتح الباري، أو يسمع شروحات لهذا الباب باب الرقاق.
ابن حجر بيعلق بيقول بعد ما اتكلم على: شف، إيه الكلام أصلاً كان عن خطورة طول الأمل، خدوا بالكم، الباب أصلاً كان يتكلم عن خطورة طول الأمل، ثم قال: وفي الأمل سر لطيف! إيه ده؟ يعني في وجود الأمل مهم، يعني مسألة أنك تأمل شيء ده مش على طول غلط، لأ، مش على طول غلط. قال: وفي الأمل سر لطيف، لأنه لولا الأمل ما تهنأ أحد بعيش، ولا طابت نفسه أن يشرع في عمل من أعمال الدنيا، بل حتى نقول من أعمال الدين الطويلة. واحد هيجيب مخطوطة وهيقعد بيشتغل عليها طالب علم، وهتطلع في خمسة وعشرين مجلداً مثلاً، وهيشتغل عليها كذا سنة، لو الواحد ما كانش عنده هذا الأمل قد لا يستطيع أن يكمل.
خلاص، طيب أمال إيه المشكلة؟ وإنما المذموم هنا -تحرير ما تذمه الشريعة، زي ما هنتكلم بقى في مسألة النسيان دلوقتي- المذموم بقى في الأمل؛ الاسترسال فيه، وعدم الاستعداد لأمر الآخرة. فمن سلم من ذلك -الكلمة الدقيقة- فمن سلم من ذلك لم يكلف بإزالته، أي إزالته تماماً. أنتم متخيلين؟ ده في الأمل.
فكذلك في النسيان؛ النسيان له مزايا أصلاً. كثير -نسأل الله السلامة والعافية- كثير من الآلام والمشاكل والابتلاءات لو ظلت حاضرة في ذهن الإنسان، ده أصلاً ده إشكال، ده ممكن يكون نوع من الخلل الذي يحتاج إلى نوع من الضبط. من رحمة الله أصلاً قضية نسيان مثلاً هذه الأمور، بل من رحمة الله أنك تفاجئ أن ممكن يكون في حد واقع في بلاء وتلاقيه يمزح ويضحك، يحاول أن هو يتناسى الأمر ده، سوء حتى تأتي عليه لحظات ينسى بالفعل.
فالنسيان ليس مذموماً مطلقاً، عشان كده إحنا بنقول أن الشريعة -وزي ما هنتكلم النهارده- راعت ذلك. يعني الشريعة راعت أن أنت عندك جزء بشري، وعندك جزء معين لو استمريت فيه واستمرأت وتجاوزت الحد هنا سيحصل الإشكال.
خلاص، أزي الصحابة لما استغربوا أن معقول الواحد يأتي زوجته ويأخذ أجر ليه؟ ده هو بيعمل حاجة، هو ماشي، هي مباح وكل حاجة، بس هو ده بيستمتع، ليه يأخذ أجر على ده؟ فقال النبي صلى الله عليه وسلم: «أرأيتم إن وضعها في الحرام». يعني يا جماعة ماشي، ما هو توجيه ده في الاتجاه المباح يأخذ عليه أجره، فكذلك توظيف هذه الصفات؛ الفضول، العجلة في الاتجاه الصحيح وتهذيبها وربطها بالنظر إلى... وده أنا هنا دائماً العالم الذي ينظر للقدر والشرع يا جماعة. العالم الحق الذي ينظر للأمر القدري المفطور عليه الإنسان، ثم تعامل الشريعة مع هذا الأمر القدري.
دائماً من أوصاف العلماء الراسخين أنهم يستطيعون بفضل الله، يلحظون الشرع ويلحظون أيضاً القدر. فيه ناس تركز على القدر بس، فتققع في تجاوزات للشريعة، وفي ناس تركز على الشريعة فقط، فأحياناً توقع بعض الناس في أنواع من التعنت. والإشكال ليس في الشريعة، الإشكال في قصوري تصوري لكمال الشريعة.
خلاص، بل أحياناً -وده حديث كان عجيب جداً بصراحة لما قرأته، وحديث معروف يعني- خرج النبي صلى الله عليه وسلم على أصحابه وهم يتحدثون ويضحكون، لاحظ، إحنا مش هنخرج على الصحابة وهم يتحدثون ويضحكون، الحديث فيه يعني إن شاء الله سنة يقابل التحسين، وقال النبي صلى الله عليه وسلم: «لو تعلمون ما أعلم لضحكتم قليلاً ولبكيتم كثيراً، ولما تلذذتم بالنساء على الفرش، ولخرجتم إلى الصعدات تجأرون إلى الله سبحانه وتعالى». متخيلين؟
فأوحى الله إليه: لما تقنط عبادي؟ تقنط؟ أنتم متخيلين أن في هذه اللحظة النبي صلى الله عليه وسلم أراد أن يخبرهم أن في أمر جلل؟ استحضار الأمر ده على الدوام صعب جداً، مش كل الناس تستطيعه أصلاً. يعني زي ما هييجي دلوقتي لو ربنا قدر وتكلمنا في حديث «ساعة وساعة»، أصلاً خلاف العلماء في قول النبي صلى الله عليه وسلم: «لو أنكم تدومون على الحال»، هل أصلاً حد يعرف يعمل كده ولا لأ؟
لكن الخطاب المناسب لعموم الناس لا يستطيع ذلك أصلاً، عموماً الناس بيمروا بحالة من الصعود والنزول، الصعود والنزول، والشريعة راعت ذلك وقبلت ذلك. بل زي ما نذكر الآن إن شاء الله سبحانه وتعالى أصلاً العبادة بتراعي هذا الأمر. فلما عاتبه الله سبحانه وتعالى، وانظر إلى رحمة وجمال الواحد يحب النبي صلى الله عليه وسلم عادةً بكل بساطة كده.
عاد النبي صلى الله عليه وسلم إلى أصحابه وقال: «أبشروا». يعني شف هو في الأول قال لهم حاجة صلى الله عليه وسلم، فلما عاتبه الله بكل ودٍّ من دلالة أن هو من عند الله، مبعوث من عند الله صلى الله عليه وسلم، فعاد إلى أصحابه قال: «أبشروا وسددوا وقاربوا». خلاص، أنت مش هتعرف تجيبها على طول كده، طيب حاول توازن، حاول تقارب، حاول تجيبها في المنتصف. مش عارف في المنتصف؟ حاول تقارب السداد. قيل إنك بتسد شيء معين، هتوجه سهمك في هذا المكان قدر المستطاع.
طيب يبقى مسألة النسيان مسألة الإنسان مفطور عليها، لكن كيف وبيحتاجها؟ لكن خطورة أن يمتد هذا النسيان ويسري إلى دينه فيؤدي إلى الخرق، وده المشكلة، أما وجوده ده طبيعي. احنا قلنا: نسي آدم فنسيت ذريته من بعده. النبي صلى الله عليه وسلم يروى عنه أيضاً صلى الله عليه وسلم أنه قال: «المؤمن»، والحديث فيه نقاش في سنده إن شاء الله قابل للتحسين ومعنا صحيح إن شاء الله، قال صلى الله عليه وسلم: «المؤمن خلق مفتناً تواباً، يفتن ويتوب»، خلاص، «نسي فإذا ذكر ذكر». وفي رواية: «نسّاء» بصيغة المبالغة، يعني المؤمن مش بس بينسى، لأ ده بصيغة المبالغة كثير النسيان.
كل بني آدم خطاء، لأ خطَّاء بصيغة المبالغة. ولكن بعض الناس بيتوقف عند «كل بني آدم خطاء»، ييجي يعمل ذنب، فتيجي تكلمه يقول لك: ما كل بني آدم خطَّاء. أيوه، لكن «وخير الخطائين التوابون». تيجي تكلمه يقول لك: يا عم المؤمن خلق مفتناً. أيوه، تواباً. ييجي ينسى، تيجي تعاتبه يقول لك: ما هو ناسي. أيوه، ما هو إذا ذكر ذكر، ما هو أنا الأمر بالمعروف والنهي عن المنكر دور التذكير.
يعني اللي أنا عايز أقوله في الجزء الأول ده، أولاً ده الجزء التاني، أن قابلية الإنسان للنسيان كفطرة تقابلها قابلية الإنسان للتذكر. فإذا كان ده امر قدري يحدث للإنسان فُطر عليه قدراً، فشرعاً شرعت لنا أمور للتذكرة، فهنا التكامل الذي يحدث بين الشرع والقدر. فانت مطالب بهذا التذكر، لا تستمرئ النسيان، وإلا بقى إيه؟ تاخد فلوس فلان ويقول لك: فين فلوسي؟ تقول له: لأ، ده الدكتور أحمد كان بيقول في الدرس، آه ناسيا، أنا نسيت والله موضوع الفلوس ده. لأ، ما هو انا جاي أفكرك اهو، فإذا ذكر ذكر. فقابلية الإنسان للنسيان تقابلها أيضاً قابلية الإنسان للتذكر.
لما ربنا سبحانه وتعالى حينما يقول: «لو لم تذنبوا لذهب الله بكم وأتى بقوم يذنبون فيستغفرون». أيوه، بتقع في التوبة، بس قابلية الاستغفار والتوبة، بتقع قصدي في الذنب، ففي مقابلها الاستغفار والتوبة. احنا بفضل الله، من نعمة الله علينا على أبينا آدم وعلينا من بعده، مسألة التوبة. إبليس إبليس يأس، قضية الإبلاس اليأس من التوبة، عندنا توبة، اللهم لك الحمد. بلاش الإنسان يؤخر قضية التوبة إلى لحظات الموت، بلاش يؤخر قضية التذكر لحظات الموت.
طيب يبقى النقطة الأولانية، الصفات موجودة في الإنسان، هذه الصفات فطرية يفيد الإنسان وقد تضره، كيف يتعامل معها؟ لذلك لما أنا برضه من الحاجات الغريبة قوي وأنا بقرأ بجمع مسألة النسيان، أول مرة ألاحظ أن سورة طه اللي فيها الآية: ﴿فَنَسِيَ وَلَمْ نَجِدْ لَهُ عَزْمًا﴾ [طه: 115]، ما فيها قضية النسيان كتير أصلاً. يعني أنا كنت بجمع النسيان والذكر في القرآن، فلقيت السامري: ﴿فَنَسِيَ﴾ [طه: 85]، ﴿كَذَلِكَ أَتَٰتْكَ آيَاتُنَا فَنَسِيتَهَا وَكَذَٰلِكَ الْيَوْمَ تُنسَىٰ﴾ [طه: 126]، والذكر: ﴿وَأَقِمِ الصَّلَاةَ لِذِكْرِي﴾ [طه: 14].
لقيت الصورة محتاجة إعادة قراءة بس ما كانش فيه وقت بقى، ربنا يفتح علينا ويبلغنا رمضان ويفتح علينا فهم القرآن. مسألة تتبع يعني أنا كان من المعاني اللي في سورة طه بالنسبة لي: ﴿مَا أَنزَلْنَا عَلَيْكَ الْقُرْآنَ لِتَشْقَىٰ﴾ [طه: 2]، مسألة الشقاء والخير الباقي والتعجل، دي كانت المعاني اللي شاغلاني في سورة طه، وكيف لا يشقى الإنسان في دعوته إلى الله سبحانه وتعالى؟
ففوجئت -وده من عجائب القرآن كل ما بتعود إليه لا يخلق على كثرة الرد- فإذا الإشكال ليس في حدوث النسيان، ماشي؟ الإشكال ليس في حدوث النسيان. أمال المشكلة فين؟ في استمرار الإنسان وطغيانه. ﴿أَلْهَكُمُ التَّكَاثُرُ * حَتَّىٰ زُرْتُمُ الْمَقَابِرَ﴾ [التكاثر: 1-2]، طبيعي جداً الإنسان يتكاثر في شيء ويأتي بشيء، لكن اللي مش طبيعي أنه يستمر حتى ينسى الموت.
النبي صلى الله عليه وسلم أيضاً في حديث حسّنه، وأظن الشيخ الألباني بيقول صلى الله عليه وسلم، حديث جميل قوي: ما من القلوب قلب إلا وله، لو افترضنا أن ده القلب، إلا وله سحابة كسحابة القمر، ده القلب اهو أو خلينا نعكس بقى، القلب فوق زي القمر، ودي سحابة بتعتليه. يبقى ما فيش قلب إلا وله سحابة، السحابة لما بتأتي بيظلم، فإذا مرت أضاء. الصنعاني لما بيشرح الحديث يقول: هذه السحابة كالغين، فطبيعي مرور السحابة على القلب حدوث النسيان، كل ده أنا بأكد إنه شيء طبيعي.
اللي مش طبيعي تراكم السحاب الغيني يتحول إلى ران طول الأمد. ده اللي مش ده المشكلة، يعني الإشكال في طول هذه الفترة، في تراكم طبقات السحب في النسيان لغاية لما تبقى ظلمات بعضها فوق بعض، إذا أخرج يده لم يكاد يراها، هي دي الخطورة أن يوصل لهذه المرحلة، إنما مرور السحابة. حديث النبي صلى الله عليه وسلم: ينام الرجل النوم أي يغفل الغفلة، كل ده بيحصل ممكن طبيعي، الطبيعي بمعنى، لكن أقصد قد يحدث للجميع.
الإشكال فين؟ يعني لما سيدنا حنظلة خرج من بيته يبكي ومر عليه سيدنا أبو بكر الصديق، قال: ما لك يا حنظلة؟ قال: نافق حنظلة. ليه؟ عشان بتمر عليه لحظات النسيان. فقال له: إني لأجعل ما تجد، فراحوا للنبي صلى الله عليه وسلم، فلقى سيدنا حنظلة يبكي. فالنبي صلى الله عليه وسلم قال: «ما لك يا حنظلة؟» قال يا رسول الله، شف شف تشخيص حنظلة للمشكلة وشف النبي صلى الله عليه وسلم علاجه.
سيدنا حنظلة بيقول: نكون عندك يا رسول الله صلى الله عليه وسلم فتذكر، كأن في تذكير اهو، بالجنة والنار فكأن رأي عين، ده أعلى درجات التذكرة، السمع والبصر، اشتراك السماع والبصر في شيء. نروح البيت عافشنا، الزوجات والضيعات والعيال والمشاكل والشغل والتليفونات واللي مش عارف إيه، خلاص فنسينا كثيراً. خدوا بالكم، سيدنا حنظلة بيقول إيه؟ فنسينا كثيراً. سيدنا حنظلة حاسس أن النزول، خدوا بالكم، نزول مستوى التذكر عند حد معين ده نفاق، وإن كان متصور أن لازم مستوى التذكر يظل دائماً في حالة من الثبات.
«يا حنظلة، لو أنكم تدومون على الحال التي تكونون فيها عندي»، وفي رواية: «وعلى الذكر، التذكر الدائم، لتصافحتكم الملائكة في الطرقات، ولكن يا حنظلة ساعة وساعة»، طالما في المباحات، وساعة أنت ما بتنزلش عن مستوى معين، ما بتوقعش، لكن الطبيعي ده حد النسيان والتذكر ده في الطبيعي، في المباحات ما بتنزلش، ده ساعة وساعة يا حنظلة، تحتاج إلى ساعة التذكر.
هنا بقى الجزء الثالث من الدرس، من رحمة الله سبحانه وتعالى بنا أن جعل لنا مذكرات تذكرنا. يعني مش بس ربنا سبحانه وتعالى فطرنا على النسيان وجعل لنا قابلية للتذكر، وجعل قابلية التنقل بين نسيان وتذكر، والنسيان له فوائد والتذكر بيذكرك بالدار الآخرة فقط، لأ، ولم يأمرنا بالتذكر فقط، لكن من رحمته أن من معونة من الله سبحانه وتعالى بنا جعل لنا مذكرات، هذه المذكرات التي تذكرنا.
في منها مذكرات قدرية، أشياء قدرية تحدث ليست بفعل الإنسان، وفي أشياء الله سبحانه وتعالى شرعها لنا، فالإنسان يجتهد عشان يعملها، تشريعات شرعها الله لنا، زي: ﴿وَأَقِمِ الصَّلَاةَ لِذِكْرِي﴾ [طه: 14]. طيب هأفصل دلوقتي القدرية والشرعية؛ المذكرات القدرية، أشهر المذكرات القدرية التي تذكر الإنسان الابتلاءات، لحظات الضعف، لحظات زي ما القرآن كده بيذكر اللي المشرك بيأتي فيها في منتصف البحر، المشرك فجأة يتحط في منتصف البحر فيقول: آمنت، هيبرجع تاني للبر مرة كأن لم يدعونا إلى ضر مسَّه والعياذ بالله. في لحظات قدرية يقدرها الله سبحانه وتعالى على الإنسان ليتذكر، يتذكر ضعفه وعجزه وحاجته إلى ربه، حاجته إلى خالق، حاجته إلى، يتذكر حاجته إلى إله مش بس خالق، يتأله، حاجته إلى رب يعبده، ده احتياج فطري في الإنسان، بل على كلام شيخ الإسلام ده احتياج كوني، كوني، مش بس يحتاج إلى رب خالق، لأ، يحتاج إلى إله يتأله. كده كل المخلوقات تسبح بحمده سبحانه وتعالى، ده احتياج، خلاص.
فمسألة احتياج الإنسان لده، وأن الله سبحانه وتعالى جعل أمور قدرية تذكر الإنسان بهذه الأمور، الخشوع، هذه من آيات الله، النبي صلى الله عليه وسلم قال: «آيات الله يخوف الله بها عباده»، بيذكر الله بها عباده، الزلازل، الأزمات اللي بتمر الإنسان، هذه الأزمات تجعل الإنسان يفيق، لأن استمرار الحياة على وتيرة واحدة وعلى وضع واحد بيراجع الإنسان ينسى.
يعني كان فيه لقاء بسيط كده مع مجموعة من الشباب كان بعنوان: ما غرك بربك الكريم؟ أن أحياناً استمرار الحياة وأن ما فيش مشاكل والدنيا ماشية راجعة، لن يغتر فينسى الله سبحانه وتعالى أحياناً، لكن بعض أهل الإيمان -أسأل الله أن يكون منهم- يذكرون الله في الرخاء كما يذكرونه في الشدة، بل من أسباب إجابة الدعاء في الشدة أن تكثر من ذكر الله في الرخاء، ألا تنتظر الشدة حتى تكثر في الدعاء، حتى تكثر من ذكر الله سبحانه وتعالى. لكن رحمة من الله بعباده أن قدر عليهم ذلك البأساء والضراء حتى هذه الأمور بتحيط بالانسان فيعلم أنه لا ملجأ من الله إلا إليه.
يبقى قلنا إن الأخلاق اللي مفطور عليها الإنسان كيف يتعامل معها، النقطة التانية -وطبعا احنا بنتكلم هنا على لسان النقطة التالثة- من رحمة الله أنه جعل لنا مذكرات قدرية شرعية. أما المذكرات الشرعية، ده بترجع للتشريع، تشوف كيف تعامل التشريع مع هذه القضية؟ ازاي التشريعات، يعني ازاي مثلاً لما تيجي تبص على الصلاة مثلاً، على العبادات، زي الصلاة موزعة في أنحاء اليوم.
ازاي الصلاة تنتزعك من حياتك؟ أنت عايش مع الشهادة، عالم الشهادة تعايشه مشغول بشهواتك، بملذاتك، بالمباحات، بالأسباب، بالناس، تأتي الصلاة لتنتزع الإنسان من هذا العالم، من عالم الشهادة، ليقف بين يدي الله سبحانه وتعالى. تنتزعه من فراشه في صلاة الفجر، ومن عمله في صلاة الظهر والعصر، ومن كسله وتعبه في صلاة العصر، ومن مسامرته وأنسه بالناس في صلاة المغرب والعشاء. هذا الانتزاع، ثم تعيده مرة أخرى، اضبط له البوصلة فيعود مرة أخرى إلى الحياة بعد أن عايش عالم الغيب.
ثم إذا أكثر من الصلاة في صلاة، أطول فترة بقى من الفجر للظهر ومن العشاء للفجر، صلاة الضحى وصلاة قيام الليل، هو بيكون هنا يحقق الاتزان المطلوب للإنسان فعلاً: ﴿وَأَقِمِ الصَّلَاةَ لِذِكْرِي﴾ [طه: 14].
طيب، مسألة التذكير بالصلاة بالعبادات أحياناً اعتياض الصلاة لما يكون فيه تذكير يومي خمس مرات في اليوم، أحياناً الإنسان -وده كلنا بنقع في ذلك- يعتاد الأمر، ممكن للأسف تفقد الصلاة بالنسبة لنا قيمتها التذكيرية، تفقد الصلاة قيمتها التذكيرية لنا. الدار الآخرة بشعور، تقرأ عن السلف أنه كان يرتعش أو يصفر أو إذا وقف بين يدي الله أو كان إذا توضأ تذكر كذا، احنا ممكن ده يحصل لنا أحياناً على فترات بعيدة، لكن أن ده يبقى مستمر صعب.
من رحمة الله سبحانه وتعالى أن أنزل لنا الوحي، اقرأ القرآن، طبعا ذكر الله أسهل العبادات، يعني اللسان لا يمل، لا يزال لسانك رطباً بذكر الله، وأيضاً قضية ذكر الله. عبادة الوحي، الوحي أصلاً من معانيه الذكر، من أسمائه الذكر، من أوصافه أنه ذكر، والقرآن ذي الذكر، القرآن لذلك قال إن الله سبحانه وتعالى للنبي صلى الله عليه وسلم: ﴿فَذَكِّر إنَّمَا أَنتَ مُذَكِّرٌ﴾ [الغاشية: 21]. خطورة وأهمية التذكير بالوحي ودي لها شوية للكلام على مع رمضان.
من رحمة الله أيضاً في بتكلم في الجانب التشريعي العبادات عموم العبادات، زي الصلاة، العبادات المتكررة التي لها وقت، الموقوتة، هنا: ﴿كِتَابًا مَّوْقُوتًا﴾ [النساء: 103] أو المواسم، ودي بقى نفحة من نفحات الله، أن إيه أنت اعتدت على الصلاة، في اعتياد متكرر على الصلاة، من رحمة ربنا أنك تتفرغ فترة بتمركزية عشان تتقن وتستعيد هذه المشاعر التي حصل لها نوع من إيه؟ نوع من التسريب. المشكلة يا جماعة أن احنا المعاني الإيمانية، وده برضه بيحصل، بتتسرب من الإنسان، بيحصل، عارف لما عايز تركب جلدة بتسرب، المعاني الإيمانية مع أن لك في النهار.
وعباد الرحمن الذين يمشون على الأرض هونا وإذا خاطبهم الجاهلون قالوا سلاما والذين يبيتون لربهم سجدا وقياما. يصحى الصبح يروح يمشي في مناكبها يأكل من رزقه فيخالط الأسباب والناس والجاهلين يفقد جزءا من إيمانه فيعود يبيت لربه سجدا وقياما هكذا دورة حياة المؤمن.
من رحمة الله أنه جعل له مواسم يركز فيها. أنت أحيانا الواحد لما يكون عايز يخلص حاجة أنا هادي لها وقت أركز فيها موسم إمتحانات بيركز فيه عايز يخلص شغلانة عايز يخلص كتاب.
فأنت في مواسم التذكر يعني تلاقيه زي الحاج كده حاجة بتقصد فيها تسافر فيها لله سبحانه وتعالى تترك المال والوطن وتضحي وتسافر لله سبحانه وتعالى تعايش رحلة كاملة بل كما يروي عن النبي صلى الله عليه وسلم أن كل هذه المشاعر في الحج جعلت لذكر الله سبحانه وتعالى أصلا. تخيل لما ييجي موسم زي رمضان تلاتين يوم المرة دي بقى إيه تصفد الشياطين وأبواب الجنة بتفتح وعبادات جماعية تساعدك الآن على قضية التذكر يبقى اللي حصل طول الحداشر شهر في السنة جت الفرصة أنك تركز حتى تستعيد ما تسرب منك وما فقدت من مشاعرك الإيمانية المعاني الثقيلة التي تحتاج إلى نوع من الخلوة والتركيز جاء الوقت الآن جاء بفضل الله ربنا يبلغنا رمضان. جاء الوقت لتعايش هذه المعاني.
نوع من السكينة وقرآنا فرقناه لتقرأه على الناس على مكث يبقى أنت الموضوع عايز حالة من الخلوة النفسية من الفراغ النفسي. ده صعب طوال العام. بتحاول تجيب شوية في القيام شوية في الصلوات شوية في صلاة الفجر شوية في جلسة ضحى ثم يأتي بقى موسم التركيز مواسم الطاعات. يبقى من الأمور الشرعية والتشريعية التي قدرها الله للتذكر مواسم الطاعات فمن الغبن لذلك كان في درس بعنوان الاستغلال الأمثل لمواسم الطاعات. من الغبن أن يخرج الإنسان من مواسم الطاعات ولا يحقق هذه الذكرى مغبون لأن هو أصلا أنت المفروض ده الموسم اللي بتشحن فيه البطارية. ده الموسم اللي بتحط فيه بنزين. ده البنزينة بتاعتك فانت ازاي تخرج كيف تخرج فارغا.
ودي خطورة ربنا يستعملنا يا رب جميعا في الدعوة. خطورة أن حتى الموسم ده يتحول إلى موسم إشغال فقط. أهو موسم دعوة لا شك كثير الناس بفضل الله يقبل على الإيمان والدعاة لابد أنهم يجتهدوا في رمضان. لكن خطورة وأعمال الخير والإنفاق خطورة أن يتحول إلى هذا فقط. في ختام سورة المزمل ذكر الله سبحانه وتعالى اللي عنده ظروف قدرية قهرية زي المرض أو انشغال دنيوي قاهر له يحتاج أن آكل من عمل يده أو انشغال ديني علم أن سيكون منكم مرضى آخرون يضربون في الأرض يبتغون من فضل الله. واخرون يقاتلون في سبيل الله. ربنا قال على التلاتة ما قالش خلاص هؤلاء لا داعي لأن يقوموا الليل يعني احنا قلنا في أول الصورة يقوم الليل إلا قليل. خلاص التلاتة دول معهم العذر بتاعهم لا لا لا فاقرأوا ما تيسر كان ربنا يبارك في هذا القليل المستمر. أحب الأعمال إلى أدومها وإن قل.
إن حتى أصحاب هذه الظروف خاطبهم الوحي وقال فاقرأوا أي في قيام الليل من القرآن. فاقرأوا ما تيسر منه. من رحمة الله أن قدر لنا مثل هذه المواسم اللي بتساعد والمواسم دي كمان مش بيتقال لك تذكر فيها وخلاص لأ فيه مساعدة في عبادات جماعية في أن شاء الله بكره تتذاع حلقة كنت عملتها مع الشيخ أحمد سيف في مسألة رمضان وأزاي الطاعات في تيسير من رحمة الله سبحانه وتعالى في هذه الطاعات وكيف الإنسان ينبغي أن يقبل على الطاعات في رمضان عشان ما عدش الكلام هتتذاع بكره إن شاء الله.
إذا الإنسان يدور بين السبح النهاري هذا التقلب أحد المعاني يعني وده إسقاطها علينا يعني أن السبح بالنسبة لنا يؤدي إلى هذا التقلب يؤدي إلى حالة من فقدان أو تسرب هذه المعاني. بل قال صلى الله عليه وسلم من تواضعه صلى الله عليه وسلم وهو من هو صلى الله عليه وسلم: «إنه ليغان على قلبي».
احتياج يا جماعة ده طبيعي هذه مرور السحابة ده طبيعي الأثر وإن كان اللي أنا ذكرته من شوية ما من القلوب إلا وله سحابة. قيل أصلا أن كان القصة يعني قيل فيها ضعف أن ده كان أصلا النقاش بين سيدنا عمر وسيدنا علي كان بيسأله إزاي الواحد بيحدث حديث وفجأة ينساه وبعدين فجأة يفتكره فذكره سيدنا علي بهذا الحديث أن القلب تعلو عليه سحابة فينسى. زي ما قلت لكم الإمام الصنعاني بيقول هنا بيحدث حالة من الظلمة ثم من الإشراق بيقول بييجي وقت النفس وكأنها تشرق بالمعاني ده دور رمضان. أنت أحيانا أنا دايما أقول لكم أقول لكم سر يعني طبعا أنا هقول قدام كل أنا بحب دايما بعد رمضان كل ما أقابل حد من الإخوة قل له كلمني كده إيه معاني القرآن؟ اخبار القرآن إيه هو مش واخد باله أن هو طالع بأجمل معاني فبيتكلم بصورة تلقائية. الواحد بيسمع درر. يعني أنا بالنسبة لي شهر شوال ده شهر جمع الدرر من الناس ممن تحسبهم لهم حال في قيام الليل. فتجيء شهر شوال تبقى تدردش معاه تقول له كده أخبار سورة البقرة ما تقول لنا كده أي معنى تفاجئ أنه خارج من رمضان النفس كانت مشرقة ترى المعاني ببساطة ما فيش غيوم خلاص هو قاعد يجلو هذا الصدأ الذي امتلا على القلب حداشر شهر بعد تلاتين يوم بيحاول عارف بيكحت كده وبينظف القلب بيكون مشرق لأن خلاص الشمس اللي كانت عايزة توصل النور بيعلوها هذه الطبقات وقاعد بيشيل هذه الطبقات ويتعب في أول قيام ليلة واستمر لو قعد لغاية طول رمضان بفضل الله يجاهد الطاعة وزود في العشر الأواخر واعتكف وركز.
أنت بتجد نفسي مشرقة. ترى المعاني ببساطة الآية كتلة بس عليه يلتقط منها كثيرا من المعاني ما عادش محتاج تعب وكد للذهن والقراءة في الألف. الموضوع بقى يقرأ تلات أربع تفاسير ولا يقرأ حاجة يقوم يفاجأ بفتح عجيب من الله سبحانه وتعالى في الآيات دي لحظات الإشراق فلازم الإنسان يستغلها فتخيل ده صلى الله عليه وسلم يقول: «إنه ليغان على قلبي» في ذكر الله سبحانه وتعالى. الحل كان بيذكر بيستغفر.
الحل في الذكر فمسألة النسيان تاني بأكد أن هي مسألة فطرية. الإشكال وده سؤال الحلقة يعني ده سؤال بقى الحلقة بتاعتناء أين لحظات الذكر في حياتك خليه سؤال موجه لكل علماء أنتم افتكرتم إن سؤاله عليه جائزة وكده للأسف مش احنا يعني في لحظات الذكر في حياتك؟ يعني أنا معلش أنا مش هأسألك أو مش هأسألك عن لحظات النسيان والانشغالات احنا كلنا مش محتاجين حد يفكرنا بلحظات المباحات والانشغالات يعني أنا مش محتاج أقول لك إيه طمني كده أنت بقالك فترة مركز في الآخر أنا حاسك يعني بقالك تلات أربع شهور عايش مع الآخر. ما تروق شوية. يعني أنا ما عدتش بقابل الصنف ده كان زمان ممكن. شوية بقالي فترة طويلة ما بقابلش الصنف ده خالص. يعني بقى نادر قوي في السوق يعني حتى الشباب الواحد زمان كان ممكن يقابل شاب في بداية التزامه وفعلا مش عايز أقول متشدد وبتاع فانت تقول له بس بالراحة شوية الصنف ده حتى ما عدش موجود يعني دلوقتي أنت الشباب أفق عالي جدا يعني الأفق ما شاء الله السوشيال ميديا والانفتاح يعني الواحد مثلا شاب في أولى أو تانية طب أتكلم معاه ألاقيه عنده آفاق أنا ما بدأتش أفهم الآفاق دي غير بعد ما تخرجت مثلا بخمس ست سنين.
وهو بيتكلم فيها في أولى طب هو من أولى مثلا بيككلمك أنه مثلا بيحضّر في الصيف أنه هيسافر مش عارف أمريكا ويطلع مش عارف هيروح على بريطانيا. هو في أولى طب. أنا أيامها مثلا في أولى طب لما كان الواحد يسافر جمصة هو كان بحس أنه عمل إنجاز يعني أنا مش فانا ببقى مستغرب ما شاء الله فالآفاق أصلا بقت متسعة. خلاص؟ فانا مش محتاج أذكركم يعني أنتم ما شاء الله عندكم يعني كتير وأنت بتقلب كده في السوشيال ميديا كم المذكرات بالنسيان وبالمباحات بقى كتير دلوقتي. فخليني أنا أسأل سؤال فين لحظات الذكر فين لحظة أن ترى الجنة والنار رأي العين في حياتك موجودة فين؟
ده اللي لازم تجاوب عليه. ده لازم تطلع من النهاردة ماشي ربنا قدر مواسم الطاعات. لكن فين في حياتك؟ في درس بتحضره؟ في صحبة صالحة؟ يعني فين زي ما كنت بسأل قبل كده في درس أذن كان اسمه أرجوك لا تنصرف تقريبا. فين الدين في حياتك؟ هو موجود فين يعني لما تسأل طالب وتقول له فين المذاكرة في حياتك هو عارف أن في امتحان فممكن يكون مقصر فعارف إمتى لو هيستدرك أو هيسقط هيجي له تنبيه معين في حاجات موجودة في حياته. فانت بتسأل فين التذكير فين الإنسان أن يظن أن لحظات التذكر مستمرة دوام. بمعنى واحد لما ييجي مثلا يصلي ويبكي أو هو بيدفن واحد صاحبه وبيعيط وبالفعل مستحضر الدار الآخرة يظن في اللحظة دي أن اللحظات دي هتكون مستمرة مع أبدا. ده شوية وهتتأه وهتذوب في الحياة نجي مثلا في التراويح وربنا يفتح على قلبك وتصلي فتعيط وبتاع لا تظنن أن هذه اللحظة هتكون مستمرة لأ شوية يعني مثلا أسبوعين تلاتة أسبوعين تلاتة فيه ناس تقول لي ده أنا لغاية السحور الموضوع ده بيكمل معي لغاية السحور وبعد كده بنتخانق على السحور مع بعض وخلاص كل ده بيطير أنت محتاج أديك مثال لحظات الشبع لما تكون اتعزم على أكلة جميلة كده على الفطار عند حماتك مثلا ولا حاجة ولا حد بيحبك ويعزمك وتاكل بقى وتترسها فييجي واحد يكلمك بعد الأكل يقول لك أنا عايز أعزمك مثلا على العشاء أو على الصبح.
تقول له لا أنا مش قادر والله. بيقول لك لأ ده كمان خمس ست ساعات مثلا يقول لك لأ تقول له أبدأ مستحيل أنا مستحيل أقدر. لأنك بتتكلم في لحظات الشبع فلما بتتكلم في لحظات الإمتلاء الإيماني بتظن لا أنا مستحيل أعمل الكلام ده. لا الحمد لله الواحد حاسس أنه من جوة منور ياه الواحد مختلف تماما. شوية في نزول لأ محتاج تعيد مثلا هذه اللحظات فتيجي مثلا اللي يكلمك عشان يعزمك ده عدى أربع خمس ساعات بدأت تجوع هو مش هيتصل هو صدق أن أنا اعتذرت ولا إيه أنا جعت ولا فانت ده طبيعي تكرار لحظات التذكر فانت محتاج تاني سؤال حلقة أين لحظات التذكر المستمرة فين الدائمة ولو بسيطة تكون عندك يا رسول الله صلى الله عليه وسلم فتذكرنا بالجنة والنار فكأن رأي عين.
أين هذه اللحظات في حياتك؟ طيب ولو ما تيسر كما قال ربنا سبحانه وتعالى: ﴿فَاقْرَءُوا مَا تَيَسَّرَ مِنْهُ﴾ [المزمل: 20]. طيب عايز أنا يعتبر كده خلصت لما باجي أقول الكلام ده لبعض الشباب يقول لي إيه معلش أنا بحاول أحضر درس أسبوعي أو أسمع درس أسبوعي. خلاص؟ دي لحظات التذكر. تمام كده وأنت قلت سيدنا حنظلة كان بيسمع من النبي صلى الله عليه وسلم أنا بحاول أحافظ على لحظات التذكر بس لا أجد أثر هذه اللحظات على حياتي.
خدوا بالكم من السؤال ده تعقيبات يعني احنا خلصنا كده الكلام وهبدأ هقول التعقيبات هقول تعقيبين وبعد كده أختم. إن شاء الله التعقيب الأول بيقول إيه أنا دلوقتي أنت بتقول خطورة النسيان وطول الأمد وربنا سبحانه وتعالى قال الآية ديت: ﴿أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ﴾ [الحديد: 16] قساوة القلب قست قلوبهم كثير منهم فاسق خلاص وكان فيه مقطع مشهور اسمه القلب يقسو تلقائيا أن زي ما ربنا قال: ﴿قَدْ أَفْلَحَ مَنْ زَكَّاهَا * وَقَدْ خَابَ مَنْ دَسَّاهَا﴾ [الشمس: 9-10] تغطية النفس وإبعادها عن مصادر النور لفترة طويلة تقسو يقع الإنسان في الفسق والعياذ بالله رجل ربنا قال عليه آتيناه آياتنا لكنه والعياذ بالله انسلخ خلاص أتبعه الشيطان فكان من الغافلين والعياذ بالله.
السؤال الأول بيقول لي إيه أو التعقيب الأول على الكلام بيقول دلوقتي أنا بحاول أحط لحظات تذكر في حياتي مشترك في برنامج علمي بسمع بحاول أسمع دروس كذا لكن لا أجد هذا الأثر يعني بقع أيضا في طول الأمد بقع أيضا في طول النسيان مش بقع في معصية كلنا بنغلط بيطول عليه الأمد. مش حاسس أنه بتغير. مش حاسس أنه بينقل.
هنا نقطة كنت عايز أعملها درس لوحدها هحاول أعملها كده مقطع في رمضان إن شاء الله. بس هقول لكم المختصر سريعا ودي نفس النقطة اللي أتكلمت عنها في الدرس الأخير سورة البقرة خطورة السماع بدون عمل.
هذه مشكلة وأنا شايف أن هي زادت، هي مشكلة أزلية موجودة والقرآن تكلم عنها. لكن زاد أيضاً مع كثرة مواقع التواصل وغياب الواقع الديني على الأرض؛ يعني الواقع الديني على الأرض يا جماعة أنك مثلاً فلان في المسجد، فلان عامل حلقة تجويد، فلان بيعلم الإخوة، فلان بيعدي على فلان ساعة الصلاة، فلان يعني ما عادش. حتى لو يعني حتى أنا لا أخفيكم يعني حتى الخلافات بين التيارات الإسلامية كان زمان على الأرض؛ ده زعلان من فلان، والجماعة دي متخانقين مع فلان وبيتخانقوا على مسك على الأرض. دلوقتي يعني الخناقات كلامية على السوشيال ميديا، شوية كلام.
يعني النقاشات مجرد نقاشات جدلية كلامية، وكمان واقع افتراضي؛ يعني شف يعني أنا شايف أن هي مشكلتين كبار يعني. أياً كان دي قصة تانية دلوقتي، فخطورة السماع بدون عمل يعني ربنا سبحانه وتعالى بيقول بعد ما ربنا قال: ﴿فَلَا وَرَبِّكَ لَا يُؤْمِنُونَ حَتَّى يُحَكِّموكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا﴾ [النساء: 65]. قال بعدها سبحانه وتعالى: خد بالك أنت مطالب أنك تحكم كلام الله وكلام النبي صلى الله عليه وسلم في كل حياتك. طبعا لما ترجع -أنا بحب الآيات دي جداً- كل الربع ده واللي قبله في سورة النساء من أول: ﴿أَطِيعُوا اللَّهَ وَأَطِيعُوا الرَّسُولَ﴾ [النساء: 59]. وبعد كده المنافقين يقول لك: احنا احنا نفسنا نطيع والله، تعال نتحاكم، لكن تلاقي عايز يتحاكم على الطاغوت، مش عايز يتحاكم على كتاب الله، فربنا بيقول له: لازم تحكم كتاب الله.
فربنا بيقول له بعدها: ده أنت المفروض تحكم القرآن حتى لو قال لك تموت نفسك؛ فما بالك هو لم يقل ذلك لكم: ﴿وَلَوْ أَنَّا كَتَبْنَا عَلَيْهِمْ أَنِ اقْتُلُوا أَنْفُسَكُمْ أَوِ اخْرُجُوا مِنْ دِيَارِكُمْ مَا فَعَلُوهُ إِلَّا قَلِيلٌ مِنْهُمْ﴾ [النساء: 66]. اللي بيدعي أنه عنده قابلية للتحاكم إلى شرع الله ما فعلوه إلا قليل منهم، وهنا بقى آثار كثيرة؛ ارجعوا لابن كثير وغيره، قال إن من أمة النبي صلى الله عليه وسلم سيفعل ذلك منهم ثابت بن قيس، ومنهم الصديق رضي الله عنه، ومنهم بعض الأفعال وردت عن الصحابة. خلاص أصل الآية في ذمهم، لكن وكأنها تشير من بعيد إلى مدح هؤلاء اللي هم القليل، لكن الغالب كان ذنباً لهم؛ ما فعلوه إلا قليل منه خلاص؟
طيب نجيء بقى نكمل: ﴿وَلَوْ أَنَّهُمْ فَعَلُوا مَا يُوعَظُونَ بِهِ﴾ يعني يا جماعة الوعظ مش لأجل الوعظ؛ يعني أنت مش بتسمع درس وعظي عشان تقول: أنا اتوعظت. أيوه يعني اتوعظت يعني يعني إيه؟ ما هو لازم يؤدي إلى عمل. لذلك الرازي لما قال: هو الوعظ ده مش تخويف ووعيد، هيتعمل به إزاي؟ قال: ما هي أحكام القرآن، أحكام القرآن مخلوطة بالوعد والوعيد عشان تعملها. وده إن شاء الله هبقى أقولها إن شاء الله في درس في رمضان: كيف يغير القرآن الإنسان؟ يدفعه إلى عمل؛ القرآن له طريقة خاصة في ذلك، أنه بيحيط الأحكام الشرعية بنوع من الوعد والوعيد ليدفع الإنسان، يدفعه يزعه إلى أن يعمل. الواعظ الهدف منه أنك تعمل، أنك تحول ذلك إلى أعمال، تخرج بأعمال. لكن ساعة أنا برجع لإجابة سؤال: ساعة التذكر لا تؤثر في شيئاً، أنا هقول لك: طيب ما جايز الإشكال في ساعة التذكر أنك أنت مش مركز فيها وما بتوصلش فيها لكأن رأي العين قاعد سامع الدرس، ضربة في اتنين بسرعة، وقاعد سايق بتشتم والدرس شغال، أو قاعد مشغل الدرس وقاعد بتعمل وقاعد مش مركز، ممكن يكون طريقتك لتلقي ساعة التذكر فيها إشكال. زي زمان ناس معروفة؛ أي درس بيحضروه بيحجزوا ورا عند العمود اللي ورا، وقاعد ورا ونايم. ولما الشيخ بيخلص إيه؟ يقول له: يلا قم اتوضأ، جدد وضوءك عشان إيه عشان هنصلي، ويطلع يقول لك: والله الحمد لله الواحد محافظ على الدرس ده بقاله تلاتين سنة بفضل الله، الحمد لله ما بيتغيرش سابت على مبادئه ما شاء الله تلاتين سنة. وهيتغير إزاي وهو كان نايم؟! هو هيتغير لو شاف رؤى، لكن هو كان الدرس هو مش سامعه، فممكن يكون مشكلة في طريقة التلقي أو في تطبيق ما بعد ساعة التذكر هذه، لابد تتحول لأعمال.
ولو أنهم فعلوا ما يوعظون به لكان إيه بقى؟ خيراً لهم، قيل في الدنيا وفي الآخرة وأشد تثبيتاً. دي رائعة؛ راجعوا تفسير السعدي فيها جميل، أقرأه لكم يعني ورجعوه إن شاء الله، ممكن حتى يبعثوا لكم على قناة التليجرام. الآية دي الإامام الطبري وهو بيفسرها عجبني قوي سبحان الله، أنا أصلاً كنت بجمع التثبيت في القرآن، أنا بجمع النسيان، قلت اجمع إيه؟ التثبيت؛ عوامل الثبات. جأت آية إيه؟ ﴿وَمَثَلُ الَّذِينَ يُنْفِقُونَ أَمْوَالَهُمُ ابْتِغَاءَ مَرْضَاتِ اللَّهِ وَتَثْبِيتًا مِنْ أَنْفُسِهِمْ﴾ [البقرة: 265]. الآية دي فيها خلاف طويل في إعراب كلمة وتثبيتاً؛ حال ولا مفعول لأجله -يعني هحاول أشيل سريعاً يعني-. فانا كنت قاعد باذاكر في: ﴿وَتَثْبِيتًا مِنْ أَنْفُسِهِمْ﴾، فلما جيت أشهد تثبيتاً قلت: إيه ده؟ جهز فيهم رابطة! فبقرأ الطبري لقيته أحال على آية (سورة النساء)، بعد ما فسر رأيت النساء قال أحال على آية البقرة.
وبحب جداً أحالات الطبري دي؛ لأن العلماء أصلاً في كلمة تثبيتاً أو أشد تثبيتاً، هل ده نتيجة العمل؟ يعني الثبات: تثبيتاً من أنفسهم، هل الإنفاق أو فعل ما يعرضون به هيؤدّي إلى زيادة في الثبات؟ ولا قبل أن يفعل العمل ساعدته نفسه يعني كان متردد: أعمل ولا ما أعملش، أعمله ولا ما أعملش؟ فثبتته نفسه؛ كان حاله أثناء البذل وأثناء الفعل كان في حالة من التثبيت من النشر. يعني التثبيت ده قبل، فالتثبيت ساعده على الفعل، ولا الفعل ساعده على تثبيت؟ القولين صح، وده يدلك وده بقى كلام بقى حتة من الطبري على حتة من الرازي على حتة من السعدي أن الإنسان في حالة من الدورة ديّت أن هو يسمع وعظ فيعمله فيزداد ثباتاً وإيماناً، فيروح يسمع وعظ فيعمل فيزداد ثباتاً وإيماناً. ﴿وَالَّذِينَ اهْتَدَوْزَادَهُمْ هُدًى﴾ [محمد: 17]، لذلك وهذا معنى موجود؛ لذلك الطبري وغيره وغيره قال: أشد تثبيتاً قال يقيناً.
يعني لما كنت أقول للشباب يا جماعة لما كان الواحد يقعد مع الشباب يتناقش معهم في شبهات، يقول لي: أنا عندي شبهة بس هو مش ملحد بس هو مرتاب. فتقول له: اليقين يزيد بالأعمال، اليقين تراكمي. يعني اللي أنت أنت خلاص؛ طب قم صلّ، الصلاة ما فيش فيها عندك مشكلة، حافظ على الصلاة وهناقش الشبهة. اليقين تراكمي، بلاش تتصور أن اليقين حاجة لحظية كالبرق تأتيك في لحظة، اليقين تراكمي، ومن أسباب زيادة اليقين زيادة العلم وزيادة العمل. أشد تثبيتاً؛ هتكون أشد ثباتاً في الدين. طبعا تكملة الآيات في النساء رائعة، رائعة؛ أنك توصل بقى ربنا يستعملك، تكون مع نبينا والصديقين والشهداء والصالحين، وحسن أولئك رفيقاً. لكن أقصد اللي أنا عايزه هنا أن ساعة التذكر حتى تثمر فيك لابد أن تفعل ما توعظ به، لازم يتحول الأمر، الوعظ يبقى فيه أعمال بتاخد بتعملها. غياب الأعمال، مجرد أن أنت بقيت سميع، سميع تيجي تحدي يقول: آه ده أنا سمعته من كذا، وده أنا حافظه، وده أنا مش عارف إيه، أيوه سم ماذا يعني؟
يعني نحن هنا حتى لما بتتحول وسائل التذكر -كالخسوف أو القرآن- إلى وسائل المتعة فقط؛ تخيل لما تحول وسائل التذكر زيارة المقابر، نروح نتباهى هناك به بالمقابر: وشفت احنا عندنا مقبرة على الناصية؟ مقبرتكم على الناصية؟ أنت عارف مقبرة مين مكلفة كام؟ أنت عارف يا ابني أنت بتكلم مين؟ احنا ده احنا بقى عندنا مقبرة على البحر! هذا أحد الأقوال على فكرة التي قيلت في: ﴿أَلْهَاكُمُ التَّكَاثُرُ * حَتَّى زُرْتُمُ الْمَقَابِرَ﴾ [التكاثر: 1-2]، ظل ليحدس نوع من المفاخرة، احنا من عيلة كذا، حتى تباهوا بالأموات. يعني راحوا المقابر بدل ما أن تذكرهم المقابر ذهبوا ليتفاخروا عند الأموات. تخيل لما وسائل التذكر أن القرآن بنسمعه عشان نحدد ده مقامه، نتخانق مع بعض؛ ده نهاوند ولا حجاز ولا لا ده مش عارف إيه، ونقعد، وده اللي هنا فقط؛ دي هنا وسائل التذكر لما تتحول إلى وسائل للنسيان والمباهاة، هنا بيحدث إشكال أكبر، زي ما ربنا قال: ذِكْراً والعياذ بالله، نسأل الله السلامة والعافية. أن القرآن ممكن على ناس عمى، وقال عنهم: ﴿أُولَئِكَ يُنَادَوْنَ مِنْ مَكَانٍ بَعِيدٍ﴾ [فصلت: 44]. خلاص لا يؤثر فيهم القرآن، فيهم ناس القرآن يناديهم من قريب، يتأثرون بكتاب الله سبحانه وتعالى.
خطورة ألا يتحول الوعظ إلى عمل، فالثبات بيقل فالنفس تضعف، لذلك لما الرازي استنبط معنى من آية تثبيتاً من أنفسهم، وعجبه ابن عاشور وفصله، وطريقة ابن عاشور لما بيلقط المعنى يعيد صياغته بطريقة مبسطة، قال: أن تكرار الأعمال، وقال وكأن هذه الآية آية البقرة بتدعو إلى تكرار الإنفاق حتى تتكون هذه الملكة الراسخة في النفس، فيصبح الأمر سهلاً على الإنسان، يصبح أشد تثبيتاً ورسوخاً في العالم تكراره. ده شيء معروف أن اللي بيمارس عادة في الأول بيبقى عليه صعوبة، بعد كده بيبقى سهل؛ أي حد بيتعلم أي حاجة جديدة، في الأول بيبقى الأمر فيه نوع من الصعوبة، وبعد كده زي الصيام؛ الأول بيجد، وده أحد مقاصد الصيام في شعبان في نوع من كأنه نوع من التدريب، يعني طبعا أقوال كتير هل قضاء ما فات أو غير ذلك، مش متكلم على ليه الصيام في شعبان.
يبقى ده النقطة الأولانية: ساعة التذكر قد يكون فيها بالنسبة إليك عدم اهتمام بها أو عدم تطبيق لها، قبل ما نتهم نقول أن مسألة ساعة التذكر ليست كافية، آه احنا محتاجين نعملها صح.
آخر حاجة بعض الناس خلاص اقتنع بالكلام عشان أنا طولت كده وبنقفل، فقال لك: ماشي يا عم أنا مقتنع بالكلام ده ولازم تذكر ويصح، أنا ما كنتش بعمل ساعة تذكر أو مش مطبق، بس أنا عايز أقول حاجة. تقول له: اتفضل. بيقول لك: أنت من شوية بتقول أنا مش خايف عليكم من ساعة النسيان أو من ساعة المباحات أو من ساعة الدنيا؛ لأن هي موجودة عندكم. بيقول لك: آه ده صحيح، هو بيقول لي أنت قلت كده، فهو يرد عليّ يقول لي: آه ده صحيح، وصحيح لأن أهل الدنيا نجحوا في تنزيم وترتيب هذه الحياة بصورة تحيط بالانسان من أول ما بيولد، وبيدخل بقى كي جي وان، ويروح ويطلع بقى ابتدائي، إعدادي، ثانوي؛ فيه محطات بتتلقفه محطة بعد محطة: اتعب دلوقتي عشان تستريح بعدين. وأنتم عارفين طبعا أن بعدين، فبيدخل في الدوامة وحياته بتتملى، وعواميد أسمنت بتترسخ في حياته: شغلانة، وزوجة، وأولاد، ومش عارف إيه، فبيقول: وسائل النسيان أصبحت منظمة ومرتبة جداً تمام. بيقول: انتم مين؟ مخاطب، بيقول لي: يعني أنتم المفروض أنتم يا بتوع الدين -ده كلام الأخ يعني- تعملوا زي كده للدين عشان تساعدونا على التذكر، زي ما أهل الدنيا عملوا كده، انتم المفروض تعملوا كده.
أنا بحاول أجيب كلام أنا سمعته من بعض الناس نصاً يعني عشان أعقب عليه. الأول يعني قبل ما أجاوب على السؤال: الدين زي ما زي ما قلت جملة النبي صلى الله عليه وسلم في ختام سيدنا كلامه عن سيدنا حنظلة قال: «لو أنكم تدومون». الدين راعى، خطاب الشريعة راعت عموم الناس، لم تطلب منهم الترك بالكلية؛ اللي عايز يعمل ده دي اختياراته الشخصية. يعني سيدنا أبو هريرة لما عمل ده كان اختيار شخصي له. خلاص، طبعا أنا هنا لكل ما أفكر الاختيارات الشخصية في التعامل مع الدنيا، بفتكر درس إيه؟ الدنيا اللي هو عامل زي المهدي المنتظر كده، لو كلنا شكله مش عامل زي السيف ده، زي البتاع اللي دخل في السرداب بتاع الشيعة دوت، شكله مش طالع الإمام ده. المهم صلّوا على النبي عليه الصلاة والسلام.
فدي اختيارات الشخصية، الشريعة ما علمتهاش؛ يعني النبي صلى الله عليه وسلم لما كان يصلي ويلاقي الأنباضية ديت فقال: تصدقوا بها؟ مش قد إيه؟ قال: هاتني عن صلاتي آنفاً. سيدنا سليمان -ده قول أنه لما جه للخير عطلته، ذبحها-. احنا صعب أن احنا نعمل ده، مش كل حاجة هتعطلنا هندبحها وإلا يعني احنا متعطلين في كل حتة يعني، أمَال فاحنا قلنا الحل: بدل ما بدل ما تصطدم، خلي فيه ساعة تذكر، طالما النسيان ده من المباحات أو ده المطلوب منك أنك تنجزه، زي ما اتكلمنا على وسيلة الأمل وكلام ابن حجر. فدي النقطة بس الأولانية قبل ما ما حدش طالبك بده.
النقطة بقى إجابة السؤال؛ قبل ما أجاوبك وأقول لك في برامج وفي دروس والدعاة شغالين، لا لا لا لا، هو ساعة التزكر دي مسؤوليتك. يعني فكرة انتم بتوع الدين، هو ما فيش انتم، هو كلنا؛ أنت بقيت أشهد أن لا إله إلا الله، أنت بقيت ضمن هؤلاء هم، ودي ده تصور إيه؟ أصل بتوع الدين مسؤولين، ومين بتوع الدين حضرتك؟ أنت مسلم، أنت تسأل أحد الأسئلة في قبرك: ما دينك؟ الخطاب دينك أنت، في مسؤولية فردية عليك للسعي ماشي. يعني أنت تقول لي: آه اللي اللي ربنا منّ عليه واشتغل في الدعوة يحاول يبسط، يحاول يسهل، يحاول يعمل قنوات، يحاول يعمل دروس، يحاول، ماشي صح. ﴿وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ﴾ [آل عمران: 104]، في طائفة لازم تنهى عن المنكر، فلولا نفر من كل فرقة منهم طائفة. العلماء حتى بيقولوا أن بعض أهل العلم قال: ما هو ينبغي، ده دور المجتمع توفير هذه الطائفة ومساعدتها، مش بس أن هم اللي ينفروا، أيوه ما هو الباقي دوره أنه يساعدهم.
طبعاً هو فيه انتقاد لهم ومحاربة لهم، لكن أنا باتكلم أن دورك أنت، لك دور تبحث. سيدنا سلمان جه من أقصى الدنيا عشان النبي صلى الله عليه وسلم، ولذلك قال صلى الله عليه وسلم: «لو كان الإيمان في الثريا لبلغه أناس من هؤلاء».
أشار إلى سلمان رضي الله عنه. كما أخبر صلى الله عليه وسلم الإيمان في الثريا، أحياناً الإيمان بيبقى جنب بيتك وبتكسل، الإيمان بيبقى على الموبايل بتاعك وبتكسل، يعني الإيمان بيبقى أقرب إليك من إيه وبتكسل.
ده الأول قبل ما نجاوب، نقول إن فيه كذا أو فيه كذا. لأ، وأنا بالعكس، أنا عايز أكتفي بصراحة بهذه الإجابة؛ هي مسؤوليتك الشخصية، هو مش هم مسؤولين يوفروا زي ما أهل الدنيا يوفروا. أنت مش تقول إنك تبحث، بل أنت مسؤول إنك تساعد في توفير ده.
يا جماعة، الدين مش حكر على ملتحي بس، ولا اللي بيقول جزاك الله خيراً، ولا اللي بيقول الله المستعان، ولا اللي عنده كتابين حاططهم في مكتبة. لأ، يعني ده تصور عمل فيه قصور من سعي الناس لنشر دين الله. والأمر بالمعروف والنهي عن المنكر: بلغوا عني ولو آية.
أنا ما طلبتكش تبقى عالم ولا تتكلم في مسائل خلافية تحتاج إلى تحرير، أنا مش بتكلم في ده دلوقتي. هو أنك رايح تصلي، الناس اللي ما بتصليش ده محتاج أنك بس تقول له تعال بكلمتين، ما تيجي نصلي.
ده محتاج أننا نقعد ندي مقدمات خلافية طويلة وأصل مقلد ولا مش عارف؟ إحنا محتاجين نعمل دي هنا كمان. فده دورك، يعني بلاش نتخيل أن فيه ناس إحنا دورنا أن إحنا نعاتبهم.
نقول لهم أنتم ما بتعملوش، أنتم ما قلتوش، أنتم ما وفرتوش، هم ما عملوش، وأصلهم! أيوه، طب وأين أنت من هذا؟ هو العتاب ماشي، يبقى العتاب على الكل، الكل بيذم في تقصير جماعي. ما هو إزاي الأمر بالمعروف والنهي عن المنكر لما ما بيتعاملش، العقوبة جماعية؟ لازم نبقى فاهمين أن اللي بيحدث ده يكون عقوبة جماعية. أمتاً ستسأل؟ فرداً، آتيه يوم القيامة فرداً.
ثم بالرغم من ذلك، بفضل الله، يعني الله لطيف بعباده. يعني بيحدث تضييق من جهة وفتح من جهة أخرى، الفتن بتزيد وشهواته بتزيد وسهولة الوصول للشهوات، صحيح تضييق، ولكن من رحمة الله الثواب بيزيد، أجر خمسين صحابي.
هذه الأعمال سهولة الوصول، أنت دلوقتي الدروس والكتب وكتب التفسير وكتب السنة والشروحات والبرامج العلمية، ده تيسير عجيب، عجيب! وبفضل الله التيسير بيزداد زي الصعوبات وبتزداد، التكسير بيزداد من رحمة الله سبحانه وتعالى.
فالإنسان لا يشغل باله بقضية الاعتذار لنفسه. لأ، بلاش، بلاش أن يكون هدفي أن أنا أعتذر لنفسي فقط ثم أتهم الآخرين. أنا كده خلصت وطولت عليكم.
يبقى سريعا، الإنسان مفطور على بعض أخلاق مذكورة في كتاب الله سبحانه وتعالى، من هذه الأخلاق النسيان. النسيان شيء فطري، الإنسان يحتاجه في سيره في حياته، لكن إذا استمر النسيان وطال دينه وأثر على دينه وتناول نسيان قضية الدين وطال فيها، الإنسان بيسقط بقى في: ﴿فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ﴾ [الحديد: 16].
فالإسلام جاء ليهذب المشاعر لا ليمنعها تماماً، بيراعي البشرية. أنت مش مطالب بالانقطاع الكلي ولا ولا، مش قصدي، ولا استمرار التذكر أنك تكون على نفس الحالة بنفس الوتيرة بنفس المعنى الإيماني بنفس الحالة الإيمانية على طوال حياتك، ده صعب! صعب أنك أنت تمر بلحظات إيه تخرج، بتتفسح، بتلعب مع أولادك، بتخرج مع أصحابك، بتلعب، بتمر بهذه اللحظات، تضحك.
لكن لا تكثر منها، زي ما يروى عن النبي صلى الله عليه وسلم: «كثرة الضحك تميت القلب». فكثرتها وطولها بيعمل المشكلة، ده الاشكال، لكن وجودها طبيعي.
طيب، يبقى كان السؤال: أين لحظات التذكر؟ قلنا أن من رحمة الله أنه قدر لنا عبادات، قدر لنا أقدار، قدر لنا مواسم تساعدنا على التذكر، وأعظم هذه المذكرات التي جاءتنا لتذكرنا بالله سبحانه وتعالى هو الوحي من عند الله تعالى. فكيف إذا اجتمع الوحي مع مواسم الطاعات؟ ده أعلى حالة في التذكر.
أسأل الله سبحانه وتعالى أن يبلغني وإياكم رمضان، وأن يعيننا في هذا الشهر المبارك الكريم على ذكره وشكره وحسن عبادته. أعتذر أني طولت عليكم وأكتفي بهذا القدر. والسلام عليكم ورحمة الله وبركاته.