موسم العَشر والذكر: حِكَم وأسرار | د. أحمد عبد المنعم

السلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم.

بإذن الله عز وجل، اليوم احنا هنتوقف شوية عن سلسلة وقفات مع سورة يوسف أو تفسير سورة يوسف؛ لأننا مقبلين بإذن الله سبحانه وتعالى -نسأل الله عز وجل أن يبلغنا هذه الأيام- مقبلين على موسم العشر الأوائل من ذي الحجة، في هذا الموسم العظيم الذي قال عنه النبي صلى الله عليه وسلم إنه أفضل أيام الدنيا. ويكفي لمعرفة فضل هذه الأيام أن تنظر فقط إلى تنازع العلماء في أي يوم أفضل: هل العشر الأواخر من رمضان أو العشر الأوائل من ذي الحجة؟ مجرد أنك تقرأ هذا التنازع، تعرف قيمة هذه الأيام، وأن بعض العلماء فضل العشر الأوائل من ذي الحجة، وبعض العلماء فضل العشر الأواخر من رمضان، والبعض حاول يوازن أن ليل العشر الأواخر من رمضان أفضل، ونهار العشر الأوائل من ذي الحجة أفضل. مجرد هذا التنازع أن أنا ببحث عن أفضل أيام في الدنيا؛ يعني السنة ثلاثمئة وخمسة وستين يوم، أن في أيام مهمة في السنة المؤمن موازين مختلفة لذلك. زي ما يروى عن النبي صلى الله عليه وسلم، كان بعض العلماء قال الحديث موقوف على أبي هريرة، أو بعضهم رفعه إلى النبي صلى الله عليه وسلم: أن الشتاء ربيع المؤمن. ليه الشتاء ربيع المؤمن؟ ما تبقاش اديني حر. قال فيما يروى يعني عن النبي صلى الله عليه وسلم، سواء مرفوع أو موقوف: قصر نهاره فصامه، وطال ليله فقام. يبقى إذن المؤمن له بيقيس الأزمنة بمعايير مختلفة، هو بيشوف الأفضل عند الله من أيامي، زي ما قال صلى الله عليه وسلم: «ما من أيام العمل الصالح فيها أحب إلى الله من هذه الأيام». يبقى إذا أنت بتبحث: ماذا يحب الله سبحانه وتعالى؟

الله سبحانه وتعالى خلق الخلق، خلق للشمس والقمر، ونتج بالنسبة لنا احنا الزمان الدنيوي اللي احنا فيه مش ما قبل خلق الشمس والقمر، وفضل سبحانه وتعالى من المخلوقات ما يشاء سبحانه وتعالى. فضل الأمكنة، فضل الأزمنة، سبحانه وتعالى يختص بفضله ما يشاء، برحمته ما يشاء سبحانه وتعالى. فخص الله سبحانه وتعالى هذه الأيام -اللي هي الأيام العشر- هذا الموسم العظيم اللي احنا مقبلين عليه، وهذا الموسم حدثت فيه أحداث عظام؛ يعني هو موسم التمام، موسم التضحية، موسم البذل. ده موسم اجتهاد إبراهيم عليه السلام في بناء الكعبة، هذا الموسم اللي في في ختامه ضحى إبراهيم عليه السلام بأعز ما يملك، وضع السكينة على رقبة ابنه، وكانت الأضحية. الموسم اللي قعدت فيه هاجر بين الصفا والمروة، موسم عظيم، موسم كلم الله سبحانه وتعالى فيه موسى: ﴿وَوَاعَدْنَا مُوسَىٰ ثَلَاثِينَ لَيْلَةً وَأَتْمَمْنَاهَا بِعَشْرٍ فَتَمَّ مِيقَاتُ رَبِّهِ أَرْبَعِينَ لَيْلَةً﴾ [الأعراف: 142]. ده موسم حدثت فيه أحداث عظام.

للمؤمن، تجد مثلاً احنا في زمننا الناس تحتفل بعيد ميلاده، هو إيه؟ هو بيعظم أزمنة معينة، أو من كتر ما بيعظم نفسه فشايف أن مجيئه إلى هذا العالم يستحق الاحتفال مثلاً. أو في ناس مش عارف برضو إه الفقه من كده أنه بيحتفل بعيد جوازه، مثلاً هو أكيد له نظرة معينة من باب المدارة مثلاً أو كده. فالناس ممكن بتحتفل بأزمنة معينة، فالمرؤمن العيد عنده مرتبط بالطاعة؛ احنا عندنا عيد الفطر مرتبط بالاجتهاد في الصيام في رمضان، عيد الأضحى مرتبط بالاجتهاد في الحج والعشر الأوائل من ذي الحجة في ذكر، سواء الذي لم يقدر له الحج -أسأل الله عز وجل أن يتابع لنا جميعاً بين الحج والعمرة-.

إذن الموسم ده محتاج وقفة، علشان كده احنا توقفنا عن سلسلة دروس سورة يوسف، هنحاول نتكلم النهارده عن وقفات مع هذا الموسم، ولا سيما مع أفضل الأعمال، كما أخبر النبي صلى الله عليه وسلم أمراً لنا -يعني استحباباً يعني- أن نكثر في هذه الأيام من الذكر. احنا عايزين نتكلم عن قضية الذكر، قبل ما أتكلم عن الذكر، زي ما قلت أن الموسم ده موسم خليط من المشاعر: شعور الشوق، شعور الإقبال، شعور التضحية، استحضار أن سيدنا إبراهيم وضع السكين على رقبة ابنه، مشاعر الشوق، موسم الترك؛ الحجاج بيتركوا الأوطان والبلاد والأولاد والأموال، ويسيب التجارة ويسيب كل حاجة ويسافر لبلاد بعيدة، ولا سيما تخيل معي كده قبل بقى السيارة والطائرة، اللي كان بيجي يحج من المغرب أو يحج من الصين يأتي الحج، متخيل كل دي يأتيها براً أو بحراً؟ يعني فعلاً تخيل مسافة عظيمة، ليه كل السفر ده؟ ولذلك قال صلى الله عليه وسلم: «لا تشد الرحال إلا إلى ثلاثة مساجد». إنسان يسافر ويقطع مسافة طويلة لأجل الطاعة. الناس ممكن دلوقتي -يعني من أجل مثلاً نوع من أنواع المباحات والترويح عن النفس- يسافر أماكن معينة، لكن لأجل الاجتهاد في مثلاً طلب العلم قلما الرحلة في طلب العلم أصبحت قليلة جداً، الإنسان يسافر يطلب العلم، أن يسافر للمسجد الحرام طاعة معينة.

فإذا هذا الموسم موسم البذل، موسم التضحية. قبل ما نبدأ نتكلم عن قضية الذكر، سريعا كنت أشرت للمحور ده أكثر من موطن قبل كده بس نحاول نجمعها سريعاً كده: عايزين نتخيل مواسم الطاعة وارتباطها مع بعض. احنا بنخرج من موسم رمضان تدخل على طول في موسم الحج، لذلك قال ربنا سبحانه وتعالى: الحج إيه؟ أشهر الحج. مش العشرة الأوائل بس من ذي الحجة والثلاث أيام بتوع أيام التشريق لا، الحج أشهر. طب الأشهر دي بتتبدأ من أمتا؟ تبدأ من واحد شوال. يعني بمجرد ما بنخرج من رمضان بيتبدأ أشهر الحج: شوال وذي القعدة وذي الحجة. خلاف هل هم بس الأوائل ولا كل الشهر؟ يعني جزء من الشهر وأتقال عليه مجازاً شهر كمان ولا كل شهر؟ اختلف، أيا كان هذا لا يعنينا.

موسم رمضان أنت بتربى فيه على معاني معينة، موسم الحج بتربى فيه على معاني معينة، وكذلك كل عبادة بتربي بداخلك معاني معينة، وغياب ذات أو جزء من العبادات من حياتك بيجعل أن في إشكاليات موجودة عندك. قال صلى الله عليه وسلم: «من لم يغزو أو تحدثه نفسه بالغزو، مات على شعبة من شعب النفاق». يبقى إذا من هذا الحديث قد يستنبط أن كل طاعة تتركها، أو حتى الطاعة التي تركتها وأنت لم تحدث نفسك بها، ده بيعمل عندك إشكال في القلب. يبقى اللي مش هيجاهد أو يحدث نفسه بالجهاد هيبقى عنده إشكال في القلب في شعبة من شعب النفاق.

وده نقطة مهمة جداً أن احنا عندنا أن الإيمان مش كله كتلة واحدة؛ إما يأتي أو يذهب، ودي إشكالية فكر الخوارج، أن في إيمان أو ما فيش إيمان، مرتكب كبيرة مخلد في النار، ينزع منه الإيمان. ليه؟ لأنه بيتعامل مع الإيمان ككتلة واحدة أنه لا يتجزأ، والنفاق ككتلة واحدة. لا، الإيمان شعب، والنفاق شعب، فممكن الإنسان يتلبس بشعب من الإيمان وشعب من النفاق. ودي إشكالية -نفس الواحد يعمل درس كبير عن الموضوع ده- إشكالية الفكر الهندسي؛ بتوع هندسة دول مشكلة في التعامل مع الدين، أن هو إيه؟ الحياة عنده زوايا حادة، يا موجود يا مش موجود. اللي عنده واحد زائد واحد بيساوي اتنين، هو مش قادر، من طبيعة البشر مش كده، بيجتمع في الشخص الواحد شعب من الإيمان وشعب من النفاق.

ودي فعلاً، وده جزء من حتى طريقة التعليم المعاصرة والأرقام والحسابات، وأن كل شيء لازم يكون، حتى في علم الإدارة، يبقى كل حاجة لازم تكون محسوبة عشان نعرف نقيمها، فأصبح الفكر ده فكر الأرقام، أن الإنسان إما في الاتجاه ده أو في الاتجاه ده، صح أو غلط. في حين طبيعة البشر، طبيعة النفس الإنسانية، بيجتمع فيها خير وشر؛ ممكن واحد يستغرب إزاي مثلاً فلان العريق في معاصي معينة يصدر منه فعل خير؟ أو العكس: إزاي فلان المشتغل في الدعوة يسقط في المعصية دي؟ ده طبيعي، إنسان بيجتمع فيه الخير والشر، فيه شعب درجات كتيرة جداً، شعب من الإيمان وشعب من النفاق.

والفكر حتى الغربي دي مشكلة، هي دي العقليات الغربية، عقليات الأرقام والزوايا الحادة، وغياب حتى بيخلي هناك اللي بيسلم منهم للأسف -مش قصدي يسلم يعني ربنا يكتر إسلامهم يعني، لكن أقصد بعد ما بيسلم- جزء منهم يا إما بتلاقي راحوا اتجاه الدواعش أو اتجاه كذا، تلاقي هو إيه؟ هو عنده يا يمين يا شمال، يا ولي أمره كل حاجة عنده تمام، هي الدنيا إيه؟ كل الدنيا ضايعة.

نرجع تاني لموسم الذكر، فالساهد أن بنقول: كل طاعة بتغيب تعمل عندك إشكال. نيجي بقى نتكلم عن موسم رمضان وموسم الحج. موسم رمضان أنت بتتعلم فيه تلقي الوحي، نوع من الخلوة، ده أهم معنى في رمضان، وبداية الوحي كانت كده؛ يعني بداية الدين عزلة النبي صلى الله عليه وسلم، وسيدنا موسى برضو بداية تلقي الوحي كده، منعزل عن الناس، جو من الخلوة يتلقى معاني الوحي. النبي صلى الله عليه وسلم كان أشبه بالاعتكاف في الغار. من أهم العبادات في رمضان في العشر الأواخر الاعتكاف؛ اعتكاف بمعنى عكوف وملازمة، يعني ما فيش فيه حركة، يعني أنت المفروض بتعتكف في خباء، ده الأصل في سنة النبي صلى الله عليه وسلم، تعتكف في خباء منعزل عن الناس تقرأ القرآن، دي عبادة، دي أفضل حاجة تعملها في رمضان، عشان تخرج بزاد.

فموسم رمضان فيه نوع من التربية على العكوف في المسجد، الملازمة، قلة الحركة، كثرة تلقي معاني الوحي، وترك الشهوات والبعد عن الناس، ودي أفضل بيئة انك تتلقى فيها المعاني؛ انك أنت عايز تتبنى معاني الإيمان بقية العام. موسم رمضان كده، لكن هذا التلقي مش هينفع الحياة تبقى كده، الحياة فيها حركة، من طبيعة الحال حركة، والعلم اللي انت بتتلقاه محتاج تنفيز: ﴿أَوَمَنْ كَانَ مَيْتًا فَأَحْيَيْنَاهُ وَجَعَلْنَا لَهُ نُورًا يَمْشِي بِهِ فِي النَّاسِ﴾ [الأنعام: 122]. طبيعة الدين ده أنه بيتحرك، بل لم نصل إلى مرحلة الفرقان في الواقع -زي ما أتكلمت في درس مرحلة الفرقان- إلا بعباد الرحمن؛ الذين أول وصف لعباد الرحمن إيه؟ ﴿وَعِبَادُ الرَّحْمَٰنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا﴾ [الفرقان: 63]. أول وصف ذكر لعباد الرحمن اللي بهم يحصل الفرقان في المجتمع وتظهر حالة الحق والباطل واضحة، أن هم بيمشوا بين الناس بأخلاق.

امشوا على الأرض هوناً، وإذا خاطبهم الجاهل وقالوا سلاما. دي أهم صورة من صور تحقيق الدين في المجتمع؛ أن ناس مطبق الدين وعندها قدرة على طول العبادة بالليل، وبيسيروا بين الناس بأخلاق طيبة، وإذا خاطبهم الجاهل قالوا سلاماً. دي أول صورة لتحقيق الدين في المجتمع، مش ناس منعزلة، مش رهبانية ابتدعوها زي في سورة الحديد النصارى، لأ، أنك أنت يمشون -كان في مقالة أشرت إليها أكتر من مرة: ديناميكية القرآن الكريم أو النور مسألة أو من كان ميتاً فأحييناه وجعلنا له نوراً يمشي- أن النور ده بيتحرك.

لذلك بمجرد ما انتهى موسم رمضان بدأ موسم الحج، الموسم ده فيه حركة، موسم الحج ده فيه تحرك، لكن أنت بتسافر للبلد ولما بتوصل مش بتستقر، يعني غير اللي بيعمل عمرة خلاص بيطوف وبيقعد شوية في مكة، لأ، الحاج فيه حركة؛ يوصل مكة ويطوف، وبعدين يروح منى، وبعد كده يروح عرفة، وبعد كده يروح مزدلفة، وبعد كده يرجع منى، وبعد كده يروح يطوف طواف الإفاضة، وبعد كده يرجع يقعد في منى. في حركة فموسم الحج موسم حركة. موسم رمضان موسم فيه نوع من العكوف واضح، موسم رمضان قبل موسم الحج؛ قبل ما تتحرك لازم تتبنى، عشان تتحرك على بينة لازم تتلقى معاني الوحي، يعني قبل ما تتحرك وهكذا دواليك السنة كده. تقعد في رمضان تتلقى معاني الوحي في نوع من الخلوة بعيد عن الناس، تتحرك تطبق المعاني اللي أنت اتعلمتها في رمضان، تتحرك بها في وسط المشقة والزحمة.

الحج احتكاك مع الناس غير رمضان؛ يعني ما ينفعش يجي واحد مثلاً في عرفة أو في منى أو في مزدلفة وعايز يعمل خباء ويقعد في هدوء، لأ، الأتوبيسات هتدوسه هناك، ما فيش، الناس مع الدين هيرموه بالحجارة، يعني افتكروه حد قاعد الشيطان يرجموه هناك عادي، هناك الزحمة صورة غير عادية، أنت يعني ربنا يرزقنا وإياكم الحج، عمل هناك، أنت ممكن تنام تلاقي أتوبيسات معدية من جنبك عادي جداً، فالموسم ده موسم احتكاك بالناس والتقاء بكل طوائف الأرض، غير بقى واقع العزلة بتاع رمضان. تحس الإنسان محتاج يجمع في حياته القسمين دول؛ أنه ينعزل كل فترة يتلقى معاني الوحي، وبعدين يبدأ يتحرك.

ودي موجودة الصورتين دول اللي موجودة في رمضان وفي الحج، دي موجودة في اليوم بتاع المسلم، أنه بالليل بيختلي بقيام الليل بعيداً عن الناس يتلقى معاني الوحي، وبالنهار: ﴿إِنَّ لَكَ فِي النَّهَارِ سَبْحًا طَوِيلًا﴾ [المزمل: 7] بيتحرك وسط الناس، لكن الحركة لازم يكون معها زاد. ما هو زاد الحركة؟ ما هو زاد الحركة؟ الذكر؛ العبادة التي تصلح مع الحركة هي عبادة الذكر. برضو لما قال: ﴿إِنَّ لَكَ فِي النَّهَارِ سَبْحًا طَوِيلًا * وَاذْكُرِ اسْمَ رَبِّكَ﴾ [المزمل: 7-8] أنك أنت تذكر مع الحركة، وإنما شرع أصلاً الحج والسعي بين الصفا والمروة لأجل ذكر الله. وأكتر عبادة جت: ﴿وَاذْكُرُوا اللَّهَ﴾، الذكر كتير مع الحج ومع الجهاد، العبادات اللي مليئة بالحركة. الزاد بتاع الاعتكاف حاجة، والزاد بتاع الحركة حاجة تانية؛ لأن ده الغرض منه التلقي، وده الغرض منه البناء اللي في المجتمع؛ انك أنت تطبق المعاني دي وتنشرها في المجتمع. أنتم فاهمين أنا عايز أقول لكم إيه.

صلوا على النبي. إذًا هذه محاولة سريعة لتصور ماذا تزرع مواسم الطاعة جوارنا؟ أنك أنت محتاج فترة انعزال في رمضان تتلقى فيها، وخد بالك أن في موسم الحج بدأ امتى؟ احنا قلنا الحج أشهر، بدأ من امتى؟ من واحد شوال. ما فيش مسافة زمنية طويلة فاصلة بين التلقي والتطبيق.

يعني إن هذا هو البناء الأمثل للإنسان؛ أنه يتلقى ويطبق، يتلقى ويتحرك، مش يقعد فترات طويلة منعزل عن الناس، وبعدين ينزل الاتنين يختلي بالليل يصلي قيام الليل وبعدين ينزل بالنهار للناس. هذا في اليوم نموذج مصغر للمسلم في الليلة، في اليوم الواحد على مدار السنة موسم رمضان وموسم الحج. احنا قلنا موسم الحج موسم حركة، احتكاك، انتقال، مع كل طوائف البشر، انتقال خبرات، ظهور الأخلاق يظهر دايمًا مع الاحتكاك، كل ده يظهر محتاج زاد لده، زاد الحج. الحج أصلًا من معانيه المقصد، وجهته مش هتتحدد صح، وجهتك لن تحدد بصورة سليمة إلا لما تكون تتلقى معاني الوحي بصورة سليمة. يبقى يوم المؤمن عشان يبدأ بداية صح بيبدأ من قيام الليل، يتلقى معاني الوحي في قيام الليل، يزداد إيمانًا، يخرج بالنهار. لذلك ربنا بعد ما قال: ﴿وَعِبَادُ الرَّحْمَٰنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا﴾ [الفرقان: 63]. كيف اكتسبوا هذه القوة؟ ﴿وَالَّذِينَ يَبِيتُونَ لِرَبِّهِمْ سُجَّدًا وَقِيَامًا﴾ [الفرقان: 64]. لأن هو كان إمبارح بالليل كان بيطيل في قيامه في السجود، فلما خرج للمجتمع واحتك بالمجتمع وقابله نوع من الجهال أساؤوا إليه لم يبادرهم الجهل، كان معه الزاد الذي تلقاه بالليل.

طيب، يبقى ده موسم رمضان، وبعد كده موسم الحج فيه حركة ونشر الخير الذي أنت تلقيته، معاني الدين مش معاني، زي ما قلنا الدين بيتميز بنوع من الحركة، الدين في معنى دايمًا التحرك والانتشار والتوسع، وهي دي مشكلة الساكنة هتخش في نوع من النية، هذه مشكلة الدولة الحديثة أن هي قطر محدد ثابت معين وحدود ثابتة، لأ، الدين فيه نوع من الانتشار والتوسع، الدين ينتشر في العالم للعالمين نذيرًا، الدين فيه نوع من التوسع والانتشار. المهم، صلوا على النبي، حد بس يشاور لي كده موسم الحج احنا قلنا موسم حركة، والحركة تحتاج لزاد، والعبادة التي تصلح مع ده عبادة الذكر.

فعلا الحج، متخيل الجهاد محتاج ذكر، إيه العبادة التي ممكن تعملها هي الذكر؟ كثرة الحركة والانتقال والاحتكاك مع الناس وتحتاج إلى ذلك، مش هينفع أنت في الوقت ده تنفصل عن الناس، لأن كل مقام عبادة معينة. يعني ربنا سبحانه وتعالى في سورة طه، شاكر قلت لكم المعنى ده قبل كده ولا لأ؟ آه ذكرت العجلة، قضية التعجل ذكرت السورة مرتين، مرة مع النبي صلى الله عليه وسلم ومرة مع سيدنا موسى.

النبي صلى الله عليه وسلم كان بيعجل بالقرآن من قبل أن يقضى إليه وحي: ﴿وَلَا تَعْجَلْ بِالْقُرْآنِ مِنْ قَبْلِ أَنْ يُقْضَى إِلَيْكَ وَحْيُهُ وَقُلْ رَبِّ زِدْنِي عِلْمًا﴾ [طه: 114]. النبي صلى الله عليه وسلم كان بيتعجل أنه عايز يكرر الآيات عشان يحفظها عشان يبلغها، ربنا يقول لأ فترة التلقي خليها فترة تلقي فقط. فكان بيتعجل الانتقال من مرحلة التلقي لمرحلة التبليغ، فربنا يقول: ادي وقت التلقي الحق بتاعك. عكس سيدنا موسى، سيدنا موسى كان وسط قومه تعجل ترك جزء اللي مع الدعوة أو التربية مع قومه إلى الخلوة: ﴿وَعَجِلْتُ إِلَيْكَ رَبِّ لِتَرْضَى﴾ [طه: 84]. ربنا قال له لأ: ﴿وَمَا أَعْجَلَكَ عَنْ قَوْمِكَ يَا مُوسَى﴾ [طه: 83]. أنت لما سبتهم فتنوا، فلماذا تعجلت؟ فأحيانًا الإنسان يكون في موطن، وهذا بيحصل؛ يجي في العشر الأواخر من رمضان عايز يتعجل ويخرج ويروح دعوة ويتحرك، ويجي موسم فيه حركة في الحج عايز ينعزل، الإنسان المؤمن عبد لله، يتقال له اقعد، اقعد، يتحرك، يتحرك، وعبد لله سبحانه وتعالى.

وهذه مشكلة بتقابل الإنسان في السير في الطريق إلى الله أنه له رغبات حتى في داخل العبادة له رغبات معينة، والترضى لله حاجة تانية، فبيحصل تنازل حتى مثلًا في طالب العلم تجد أن الأولى والأنفع مثلًا لنفسه وأمته علم معين، هو لأ يروح يتجه لحاجة تانية، هو هنا مش بنقول إنه يأثم، لكن العبد الذي يبقى عايز يحقق العبودية بيتحرى الأرض لله حتى لو ثقيل على نفسه.

المهم، احنا قلنا موسم الحج موسم فيه تحرك وبذل وتضحية، دايمًا أي حركة معها بذل وتضحية؛ لأنك هتترك تتحرك من مكان لمكان، تسافر تشتغل في دعوة، تتحرك تتعرض لأخطار، تترك زوجتك وأولادك، تترك بعض المشاغل الدنيوية، لأن ربنا قال: ﴿وَتِجَارَةٍ تَخْشَوْنَ كَسَادَهَا﴾ [التوبة: 24]. الدنيا لما بتسيبها شوية بتقف، فأنت لما بتتركها وتسافر يبقى عرضت دنيتك لنوع من النقص، فأي حركة معها بذل وترك، زي سيدنا إبراهيم كان التحرك في الدعوة بين القارات والدول فسيدنا إبراهيم سابهم، ساب زوجته هاجر وإسماعيل وتركها، اتحرك لمكان آخر كان بيتنقل بين مصر والحجاز والشام وكان يهاجر كثيرًا.

طيب، نيجي بقى لقضية الذكر وأن ده زاد خطير جدا أثناء الحركة. دايمًا الشخص الذي يتحرك، الشخص الذي يتحرك زي ما قلنا بيحتاج لزاد، لأن الحركة بتستهلك من الإيمان، ركزوا بقى معي عشان الحركة بتستهلك من الإيمان زي بالضبط العربية وهي بتتحرك بتستهلك من البنزين، هي واقفة ما بتستهلكش. لذلك كتير من الناس ينعزل شوية عن الناس ويقعد ومثلًا يقرا القرآن لوحده يحس أن إيمانه في السما فيعتقد أن كده كل حاجة اتحلت، يعني مثلًا شاب مثلًا أسبوع قاعد في البيت يقرا قرآن ويروح التحفيظ ويصلي، حاسس بايمانه في السماء، ينزل يوم جمعة بس الصبح يوم واحد نشوف طبعا ومش عارف إيه ويشتم وصحابه وصاحباته يرجع يلاقي الدنيا إيه، إيه ده أنا كنت متوقع أن أنا تخلصت من كل ده، الحاجات دي كانت فين؟ دي كانت رواسب نزلت استقرت. مع الحركة بتتقلب الشهوات، القضايا دي كلها والإشكاليات والأخلاق السيئة، يعني عارف واحد قاعد منعزل قاعد لوحده عن الناس وبيسمع مثلًا عن خلق الحلم الصبر وتحمل أذى الناس تلاقيه قاعد لوحده الله فعلا أنا أنا حاسس أن أنا بقيت كده، حاسس أن أنا فعلا الأخلاق دي جايّة، مجرد بس أنه يخرج دور العربية بس عشان يطلع أنت إيه اللي جابك، عديني لا والله ما أنت معدي، إيه ده إيه اللي حصل؟ يفاجأ أن الواقع والاحتكاك مع ناس مختلف تمامًا، كنا شرحنا ده: «الذي يخالط الناس ويصبر على أذاهم خير من الذي لا يخالط الناس ولا يصبر على أذاهم». فأنت أثناء الحركة هتتاج زاد يذكرك بهذه المعاني.

لذلك ربنا قال أنت بتيجي يوم الجمعة: ﴿يَا أَيُّهَا الَّذِينَ آمَنُوا إِذَا نُودِيَ لِلصَّلَاةِ مِنْ يَوْمِ الْجُمُعَةِ فَاسْعَوْا إِلَى ذِكْرِ اللَّهِ﴾ [الجُمُعَة: 9]. تيجي المرة الوحيدة اللي جه مع الصلاة السعي، عشان هنا في ذكر، في في علم، ﴿فَاسْعَوْا إِلَى ذِكْرِ اللَّهِ وَذَرُوا الْبَيْعَ﴾ [الجُمُعَة: 9]، وسيب كل اللي في إيدك، اهو ده أشبه جزء أشبه بموسم رمضان، سيب كل حاجة وتعال. بس هناك كانت عبادة وهنا علم، فإذا قضيت الصلاة خلص وقت الانقطاع فعايز اتحرك في الحياة: ﴿فَإِذَا قُضِيَتِ الصَّلَاةُ فَانْتَشِرُوا فِي الْأَرْضِ وَابْتَغُوا مِنْ فَضْلِ اللَّهِ﴾ [الجُمُعَة: 10]. أنا محتاج بقى أبيع وأشتري وأكسب وأحتק مع الناس وأجيب فلوس، لابد طالما في حركة وتعامل مع الدنيا بعدها على طول اللي هو إيه؟ ﴿وَاذْكُرُوا اللَّهَ﴾ [الجُمُعَة: 10]. محتاج الذكر عشان ما تنساش المعاني التي أنت سمعتها في خطبة الجمعة، أنت لسه كنت بتلقى معاني، المفروض المؤمن بيصطحب المعاني هذه معه وهو برة، طب إزاي؟ عشان ما ينساش الذكر: ﴿رِجَالٌ لَا تُلْهِيهِمْ تِجَارَةٌ وَلَا بَيْعٌ عَنْ ذِكْرِ اللَّهِ﴾ [النُّور: 37]. يعني وهو قاعد بيبيع وبيكسب، تجارة والبيع ده معناه البيع ده هو اللحظة اللي بينتظرها التاجر، يعني ده المكسب، يعني ده ناجح، لذلك ربنا قال: ﴿رِجَالٌ لَا تُلْهِيهِمْ تِجَارَةٌ وَلَا بَيْعٌ﴾، مع أن البيع جزء من التجارة، التجارة بيع وشرا، فذكر البيع اللي هو اللحظة التي ينتظرها التاجر ولحظة المكسب ولحظة مسك المال، اللحظة التي يشعر فيها الإنسان بالاستغناء، في اللحظة هذه هو لا ينسى ذكر الله وأقام الصلاة وإيتاء الزكاة.

طيب، يبقى احنا قلنا إن مسألة أن الحركة دي بتستهلك من الإيمان، الحركة بتستهلك من الإيمان زي ما العربية بتتحرك بتستهلك من البنزين، فأنت محتاج زاد مستمر. لذلك في قول الله سبحانه وتعالى: ﴿اتْلُ مَا أُوحِيَ إِلَيْكَ مِنَ الْكِتَابِ وَأَقِمِ الصَّلَاةَ﴾ [العنكبوت: 45]، سورة إيه؟ العنكبوت. ﴿إِنَّ الصَّلَاةَ تَنْهَى عَنِ الْفَحْشَاءِ وَالْمُنْكَرِ﴾ [العنكبوت: 45]. يعني إيه إن الصلاة تنهى عن الفحشاء والمنكر؟ العلماء بيقولوا أحيانًا بيحدث نوع تعارض وهمي بيحصل عندنا نوع من التعارض بين اللي بنشوفه في الواقع وبين الآية، الآية في القرآن ربنا بيقول إن الصلاة تنهى عن الفحشاء والمنكر، فاحنا بيقابلنا واحد بيصلي ولا ينتهي عن الفحشاء والمنكر، فده نوع من أنواع التعارض، فهنا محتاجين نحل الإشكال ده، فقال الكثير من أهل العلم أو بعض أهل العلم إن الصلاة المقامة يعني هيصلي صلاة على حقيقتها ويقيم الصلاة على حقيقتها، هذه الصلاة تمنعه، عارفين وده بيحصل كتير، الإنسان لما بيصلي صح وبيعيش معاني الصلاة يطلع يشعر أن فيه أقيمت حواجز بينه وبين المعصية، أو أن الأوامر التي تلقاها في الصلاة لتنهاه عن الفحشاء والمنكر، فقد يستجيب أو لا يستجيب؟ يعني إن الصلاة يعني أنت المفروض بتسمع في الصلاة أوامر تنهاك عن الفحشاء والمنكر، إن الصلاة تنهى عن الفحشاء والمنكر، وبعد كده تكملة الآية: ﴿وَلَذِكْرُ اللَّهِ أَكْبَرُ﴾ [العنكبوت: 45].

يعني إيه ولا ذكر الله أكبر؟ بعض العلماء قال ذكر الله أكبر من ذكرك أي شيء، يعني أي حاجة في الدنيا ما تجيش حاجة جنب ذكر ربنا. لذلك الرازي كان قال معنى ظريف بيقول ربنا ما قالش أكبر من كذا وتركت بدون نسبة، مش أكبر من كذا، وده قال بيدل أن ذكر ربنا أكبر بصورة كبيرة جدا لدرجة أن ما ينفعش نعقد مقارنة، وجاب مثل عشان يوضح هو عايز يقول ايه؟ بيقول يعني لما يكون جبل أكبر من جبل نقول إن الجبل الأول أكبر من الجبل التاني، لكن لما نحب نقارن بين الجبل وخردلة حبابة صغيرة كده مش هينفع نقول جبل أكبر من الخردلة، نقول الجبل أكبر وخلاص بكتير، لأن ده أحقر من أن يُذكر بجوار الجبل، فقال إن ذكر الله أعظم من أنه يذكر نسبة لمعنى.

فيه معنى قالوا إن ذكر الله ينهى عن الفحشاء والمنكر أكبر من الصلاة، طب إزاي؟ قالوا لأن ذكر الله فيه مداومة، ذكر الله فيه إيه؟ تستطيع أن تداوم على الذكر فهيمنعك فترة أطول عن الفحشاء والمنكر، الصلاة اوقات محدودة، الصلاة أوقات محدودة ومش هينفع تصلي طول الوقت، لكن تستطيع أن تذكر كثيرًا، برضه مش هنقول طول الوقت بس تستطيع أن تذكر كثيرًا. لذلك قالوا الذكر في خاصية ذكر الله أكبر فيه أقوال كتير جدا، قلنا ذكر الله أكبر من أي شيء، ذكر الله أكبر من الفاحشة والمنكرة.

القول الأششهر عن ابن عباس: ذكر الله أكبر من ذكركم له، ربنا قال: ﴿فَاذْكُرُونِي أَذْكُرْكُمْ﴾ [البقرة: 152]، يعني واحد يقول سبحان الله دي حاجة كبيرة أنه يعظم ربنا، الأعظم من ذلك أن الله في الملأ الأعلى يقول الله لملائكته: أن فلان ابن فلان ذكرني، في ذكر الله سبحانه وتعالى، هذا العبد الذي كان من نطفة يذكره في الملأ الأعلى، حاجة عظيمة فذكر الله لنا أعظم من ذكرنا له، ده أحد معاني ذكر الله أكبر. بعض العلماء ذكر الله هنا بمعنى الصلاة هي نفسها أو القرآن أو الذكر، ثلاث أقوال في ذكر الله، لكن خلينا في المعنى اللي احنا نختاره: ذكر الله أي المداومة على الذكر ينهى عن الفحشاء والمنكر أكثر من الصلاة.

لذلك لما جه سيدنا حنظلة للنبي صلى الله عليه وسلم فقال: يا رسول الله، نكون عندك فتذكرنا بالجنة والنار كأن رأي عين، فإذا انتقلنا إلى المنزل وعافشنا الأزواج والأولاد وانشغلنا بالضيعات نسينا كثيرًا، النبي صلى الله عليه وسلم قال له إيه؟ قال: «يا حنظلة، لو أنكم تدومون على الحال التي تكونون فيها عندي وعلى الذكر». خد بالك يبقى عشان الإنسان يصل إلى مرتبة رأي العين، دي أول نقطة وأهم نقطة عايز أتكلم عليها في الذكر: الذكر انتقال إلى عالم الغيب، ذكر قفزة ومعايشة وانتقال إلى عالم آخر غير عالم الشهادة اللي أنت عايشها، تذهب إلى مكان آخر، تكلمت عن ده في مجلس إمبارح، مسألة كيف تنتقل إلى عالم الغيب؟ أنت مهم جدا أنك تروح العالم ده وتشوفه، أن تعايش هذا العالم بقلبك، طبعا لن تراه بعينك في الدنيا، لن تراه بعينك: ﴿اعْلَمُوا أَنَّكُمْ لَنْ تَرَوْا رَبَّكُمْ حَتَّى تَمُوتُوا﴾، ما حدش يشوف ربنا، ما حدش هينتقل إلى عالم الغيب ويرى الملائكة على حقيقتها لاسيما من غير رسل إلا بالموت.

طب إزاي أنتقل إلى الغيب بقلبك؟ طب إزاي تراه؟ لأن شوف سيدنا حنظلة بيقول له إيه؟ فتذكرنا عن جنة ونار فكأن إيه؟ رأي عين وكأنه شاف عالم الغيب، الإحسان أن تعبد الله كأنك تراه، يبقى إذن مسألة رؤية الغيب دي مذكورة، ويقصد بها الرؤية القلبية في مقام الإحسان أو في حديث حنظلة. طب إزاي ربنا بيقول: ﴿أَلَمْ تَرَ كَيْفَ فَعَلَ رَبُّكَ بِأَصْحَابِ الْفِيلِ﴾ [الفيل: 1]، ألم تر كيف فعل ربك بعاد؟ أنت ما شفتش ده لكن عايش القرآن حقيقة أنه يرى هذه المشاهد، واقع عالم الشهادة صعب مليء بالفتن وخاصة الذي يريد أن يعمل في الإصلاح والدعوة إلى الله، دايمًا موارد وإمكانيات أهل الدعوة وأهل الدين قتيلة وإمكانية أهل.

باطلة كثيرة، قال ربنا سبحانه وتعالى: ﴿وَمَا آمَنَ مَعَهُ إِلَّا قَلِيلٌ﴾ [هود: 40]. دائماً عدد المؤمنين قليل، دائماً: ﴿وَإِنْ تُطِعْ أَكْثَرَ مَنْ فِي الْأَرْضِ يُضِلُّوكَ عَنْ سَبِيلِ اللَّهِ﴾ [الأنعام: 116]. فاللي هيعتمد على عالم الشهادة بس؛ هيحبط، هيجي له اكتئاب، ممكن ينتحر.

وده بيفسر أحياناً إزاي حد يكون بيعمل للدين ويكتئب وينتحر؟ نسأل الله السلامة والعافية؛ لأنه هو اتربى على حاجة واحدة بس، اتربى على التمكين، رؤية التمكين في الدنيا قبل ما يموت، فيتصدم بصخرة الواقع، فيفاجأ أن في مسافات بالحسابات الهندسية، إشكاليات. أحد إشكاليات التفكير الهندسي بالحسابات الرياضية الهندسية أن مستحيل عشان يحصل تمكين بالأسباب الموجودة -بدون طبعا نظر لعالم الغيب وقدرة الله والملائكة وجنود الله سبحانه وتعالى، بدون النظر للمنطقة دي بالتفكير الدنيوي البحت ده، وبالأسباب- يقول: التمكين ده محتاج ملايين السنين الضوئية، الناس دي سبقانا بملايين السنين الضوئية، تمكين إيه؟ ما يعرفش أن الأمور تنقلب في لحظة، المهدي يصنعه الله بين يوم وليلة: ﴿إِنْ كَانَتْ إِلَّا صَيْحَةً وَاحِدَةً فَإِذَا هُمْ خَامِدُونَ﴾ [يس: 29] تدمر في لحظة. ده عالم الغيب، اللي عايش عالم الشهادة بس يجي له اكتئاب، محتاج أنت كل فترة تنتقل إلى عالم الغيب.

كيف تنتقل إلى عالم الغيب؟ منها القرآن طبعا في قيام الليل، هو رحلة في عالم الغيب أصلاً. ويا سلام لما تعايش أحداث القرآن، يعني اللي حاول يبدع في الفكرة دي كان سيد قطب في كتاب التصوير الفني -كان في بعض الأخطاء في الألفاظ اللي استعملها للاسف، بس الكتاب كان فيه فكرة مبدعة- برضه في كتاب الدراسات القرآنية، خاصة في المقدمة، حاول يوصل لك فكرة كيف تعايش الحدث. واحنا بنتكلم عن الذكر والموسم العشر الأوائل من ذي الحجة، وكان أشار إليه محمد قطب برضه في مقدمة دراسات قرآنية من المشهد البديع: ﴿وَلَمَّا جَاءَ مُوسَى لِمِيقَاتِنَا﴾ [الأعراف: 143] عايزك تعيش المشهد، يعني كأن أنت واحد واقف على تل أو جبل بعيد كده، وشايف من بعيد جبل ضخم، وشايف من بعيد كده أن في شخص ده سيدنا موسى، ويدعو ويكلم الله سبحانه وتعالى: ﴿وَلَمَّا جَاءَ مُوسَى لِمِيقَاتِنَا وَكَلَّمَهُ رَبُّهُ قَالَ رَبِّ أَرِنِي أَنْظُرْ إِلَيْكَ﴾ [الأعراف: 143]. فلما كلمه الله -شرح ده بالتفصيل في سورة الأعراف- لما كلمه الله ازداد شوقاً لرؤيته، وده قيمة ولذة الطاعة أن الطاعة بتجيب لك لذة أنك عايز تزود. اللي يدوق لذة مثلاً سورة الكهف، يبقى عايز يدوق لذة سورة مريم، فيذوق لذة سورة مريم، فيبقى عايز يدوق بمناسبة سورة طه، واللي يعيش في جنة سورة الأنبياء، يبقى عايز يعيش في جنة سورة الحج، واللي يعيش في جنة الصيام، يبقى عايز يعيش في جنة الزكاة والصلاة، والعيشة جنة الدعوة والأمر بالمعروف، يبقى عايز يستزيد، هي لذة الطاعة تجيب لذة بتجيب لذة؛ «واسأل لذة النظر إلى...» حتى يصل إلى أعلى لذة: لذة النظر إلى وجه الله.

لما كلمه الله قال: ﴿رَبِّ أَرِنِي أَنْظُرْ إِلَيْكَ قَالَ لَنْ تَرَانِي﴾ [الأعراف: 143]. فأنت قاعد بتسمع من بعيد، فقلبك بيتخلع عند ﴿لَنْ تَرَانِي﴾؛ لأن أنت كمان نفسك تشوف ربنا. ما هو الطلب اللي طلبه سيدنا موسى أن أنت نفسك فيه أصلاً. فلما سيدنا موسى قال: ﴿رَبِّ أَرِنِي أَنْظُرْ إِلَيْكَ﴾ لو اتحقق قال لسيدنا موسى في الدنيا، فممكن في أمل أن احنا نشوف ربنا. هو المؤمن عايش ليه أصلاً غير عشان يشوف ربنا؟ وأيه قيمة الحياة أصلاً لو المؤمن لا يؤمن في النظر إلى وجهه في الآخرة؟ أيه قيمة الحياة أصلاً؟

لما قال له: ﴿لَنْ تَرَانِي﴾ وأنت قاعد بتسمع ﴿لَنْ تَرَانِي﴾ قلبك يتقطع المشتاق، ولله المثل الأعلى -مع أن الواحد مش عايز يدنس الكلام، بس اللي بيحب واحدة وما شافهاش ونفسه يقابلها، ما شافهاش من سنين، وكل ما يحاول يحصل لقاء ينقطع اللقاء، قلبه بيتقطع-. المؤمن كلما يزداد قرباً من الله ونفسه يشوف ربنا، لذلك هي دي فكرة المؤمن؛ بالنسبة له الموت، الموت هو صافرة الوصول، اللي كأن إنسان يصل إلى وطنه، يعني: «من أحب لقاء الله أحب الله لقاءه». الموت بالنسبة للمؤمن أنه خلاص شوقه هيتحقق، أهو ده الموت مختلف تماماً عن بقية الناس. الاكتئاب والانتحار وأنه ياخد حاجة تموته عشان يخلق ده حاجة تانية خالص البعيدين عن الله، نسأل الله السلامة والعافية.

موسى سمع كلمة ﴿لَنْ تَرَانِي﴾ وأنت عايش المشهد قلبك اتقطع، ولكن إيه ده؟ في أمل، أنت ترجع الأمل تاني بعد ﴿لَنْ تَرَانِي﴾: ﴿وَلَكِنِ انْظُرْ إِلَى الْجَبَلِ فَإِنِ اسْتَقَرَّ مَكَانَهُ فَسَوْفَ تَرَانِي﴾ [الأعراف: 143]. فانت كمان إيه تنظر، أنت قاعد بعيد بقى عايش المشهد: ﴿انْظُرْ إِلَى الْجَبَلِ﴾، مع أن هي جت للشك، كأن ربنا بيقول له -كأنه بيعرفه- أن ده اللي هيحصل، لكن من شدة شوق موسى نظر إلى الجبل، ﴿فَإِنِ اسْتَقَرَّ مَكَانَهُ فَسَوْفَ تَرَانِي فَلَمَّا تَجَلَّى رَبُّهُ لِلْجَبَلِ﴾ [الأعراف: 143]، وأنت طبعا قاعد منتظر المشهد ده.

إيه اللي هيحصل؟ كشف الحجاب، كشف الله سبحانه وتعالى جزء بسيط جداً من الحجاب، فنزل النور على الجبل، ﴿فَدَكَ جَبَلاً﴾ [الأعراف: 143]، أنت عايز بعيد وشفت منظر جبل ضخم بيتفجر، ﴿وَخَرَّ مُوسَى صَعِقاً﴾ [الأعراف: 143]. بيقول إيه في هذا المشهد؟ هناك موسى عليه السلام كأنه أُغشي عليه في هذا المشهد بعيداً عن الناس كده. معايشة هذه المشاهد تنقلك إلى عالم الغيب، مشهد تفجر الجبل ده مشهد مفزع.

كان من المشاهد برضه اللي تذكرت، كنت قرأت رؤيا كأن سعيد اللي أقرأها عليكم سريعا كده، كان سعيد النورسي بتاع تركيا المصلح، بيقول إنه رأى رؤيا بيقول سريعا كده أقرأها عليكم: رأيت نفسي تحت جبل، جبل عظيم في تركيا تقريبا، وإذا بالجبل ينفلق انفلاقاً هائلاً فيقذف صخوراً عظيمة كالجبال إلى كل أنحاء الأرض، وبينما أنا في هذه الرهبة التي غشيتني رأيت والدتي بقربي، أنتم إن أنتم أصلاً متوفيين رحمة الله عليها بقربي، فقلت لها: لا تخافي يا أماه إنه أمر الله، إنه رحيم إنه حكيم. وانا في تلك الحالة واعد ليطمئنها، إذا بشخص عظيم يأمرني وينادي علي قائلاً: بين أعجاز القرآن. وقمت من نومي فأدركت، وقع في صدره أنه سيحدث انفلات عظيم، وستتهدم الأسوار التي تحيط بالقرآن من جراء ذلك الانفلات والانقلاب العظيم، وسيتولى القرآن بنفسه الدفاع عن نفسه. تذكر جهوده في الإقبال على القرآن، كانت رؤية فارقة في حياة الإقبال على كتاب الله سبحانه وتعالى. الشاهد ما حد دك الجبل.

المشهد مهيب، لما تعايش المشهد ده نقلة للعالم يغيره أيضاً. كيف ننتقل إلى عالم الغيب؟ بالكلام بقى بتاع النهارده قضية الذكر؛ النبي صلى الله عليه وسلم نرجع لحديث حنظلة: «لو أنكم تدومون على الحال التي تكونون فيها عندي»، الحال دي بيحصل فيها إيه؟ أنه يرى الجنة والنار عيان. البديل ما هو مش هينفع يقعد في مجلس النبي أربعة وعشرين ساعة. إيه البديل لمجلس النبي صلى الله عليه وسلم اللي بيرى فيه الجنة والنار عيان؟ إيه البديل؟ اللي عطف عليه: وعلى الذكر. لو داومت على الذكر إيه اللي يحصل؟ صفحاتكم والملائكة في الطرقات، وكأن الذكر يرتفع بالإنسان إلى حالة أقرب إلى حالة ملائكية، المداومة على الذكر بترتفع بالإنسان ارتفاع عجيب.

خليني معلش هو درس النهارده يعني إيه عشوائي كده، أنا عارف إن المهندسين ما بيحبوش الكلام ده، خلينا نفكر كده في قضية الذكر. هو إيه السر في الذكر؟ أنا قعدت أفكر، جايز حد ربنا يفتح عليه فيكم يقول لنا كده، الواحد قعدت أفكر إيه السر اللي موجود في يعني إيه اللي في الذكر يدي إعانة في الجهاد؟ ويدي إعانة في الحج؟ ويدي إعانة أن السيدة فاطمة لما تعوز خادم -يعني زوجة في البيت عايزة حد يساعدها في الشغل- النبي يقول لها: «عليك بالذكر». وإعانة لما جه راجل للنبي قال إن شرائع الإسلام قد كثرت عليه، قال له: «لا يزال لسانك رطباً بذكر الله». إيه اللي في الذكر بيدي نوع من الإمداد؟ الإجابة: معية الله برضه. طيب، وايه اللي يخلي الذكر يجلب معية الله؟ يعني واحد قاعد بيفكر النبي صلى الله عليه وسلم ذكر الحديث القدسي صلى الله عليه وسلم: «وأنا مع عبدي إذا ذكرني».

بس برضه يعني الحاسس محتاجين الموضوع ده محتاج شوية يعني إيه عمق كده في عايزة حد ربنا يفتح عليه، أكيد المداومة على الذكر دي بتعمل حاجة في الروح، تصنع شيء في الروح، تجعل الروح خفيفة تسبح والسابحات سبحاً، تخليها تتحرك في الجهاد بكل سلاسة وفي الحج بكل سلاسة، وأن شرائع الإسلام عادي بيتحرك فيها بكل بيسبح والسبح أصلاً من معانيه الحركة بسهولة. وده قالوا من معاني التسبيح؛ الإنسان منطلق في ملكوت الله، والسابحات. هل السر في الذكر أن الله سبحانه وتعالى خلق الإنسان من روح وجسد من طين، فالروح تتغذى على الذكر؛ لأن الروح من التي من الذي خلقها؟ الله، خلقنا فيه من روحه، فكأن الروح لما تتذكر وتذكر اسم خالقها تشتاق، تفرح أنها تذكر اسم خالقها؟ هل النشاط الذي يجده الإنسان الذكر هو فرح الروح لذكر خالقها؟ هل هو غذاء الروح فتصبح أقوى من البدن فتُقوده؟ إيه اللي في الذكر بيجعل الإنسان عنده طاقة ونشاط عجيب ومستمر، ويجعله عادي يأمر بالمعروف وينهى عن المنكر بكل قوة، ويقبل على الطاعات ويتنقل بين إيه اللي في المداومة على الذكر يخليه يتحرك بين الدين والدنيا ولا تلهيه تجارة ولا بيع؟

هل هو فرح الروح بذكر خالقهم؟ هل غذاء الروح فتنشط، والناشطات نشطاً، والسابحات سبحاً، تصبح الروح نشيطة؟ إيه اللي يعني أشعر أن الأمر فيه سر أن تكرار، وده أحد أيضاً أسرار التكرار؛ تكرار ذكر اسم الله على اللسان: سبحان الله! سبحان الله! سبحان الله! لا يفتر ولا. هل ده نوع من التشبه بالملائكة؟ الملائكة لا تفتر عن الذكر يسبحون الليل والنهار لا يفترون، والملائكة ما فيش عندها قضية الجاذبية بتحرك وتطير. هل الإنسان يتخلص من أسر الجسد والطين بكثرة الذكر؟ لذلك النبي ربط بين الملائكة والذكر: «لو أنكم تدومون على الحال التي تكونون فيها عندي وعلى الذكر لصافحتكم الملائكة». أشعر أن الأمر هناك فيه أسرار.

النبي صلى الله عليه وسلم الحديث الرائع لما كان راجع مع الصحابة زي ما الإمام الطيبي استنبط أو في بعض الروايات ذكرت الصحيح -أيام الطوب- استنبط أن كان راجع النبي صلى الله عليه وسلم من سفر، سواء من غزوة أو من جهاد، واقترب من المدينة، وكان على مسيرة ليلة من المدينة. فضل يوم -طبعاً مسافة يوم ده وممكن يجوا شهر سفر- واقترب على مسيرة ليلة من المدينة، فبعض الصحابة لما قرب من المدينة غلبه الشوق إلى وطنه وأهله؛ بعض الصحابة لما النبي قرب من المدينة على مسيرة ليلة -وأحنا عرفنا منين كلمة مسيرة دي ليلة؟ النبي قال: هذا جمدان جبل- فالإمام الطيبي يقول: جمدان على مسيرة ليلة من المدينة. بعض الصحابة غلبه الشوق إلى وطنه، إلى بلده، إلى أهله وولده، إلى زوجه؛ فبدأ يسبق، سابق الجيش، وبعض الناس ما عندهاش حالة الشوق دي فكانت ماشية براحتها، ما فيش حاجة مشتاق لها في المدينة المكان ماشي وراه.

فالنبي صلى الله عليه وسلم -وهذا من عاداته صلى الله عليه وسلم بيربط بين الأمور الحسية والمعنوية- إنه يجدد أساس ميت، فيقول لهم: «الدنيا عند الله أهون من هذا عليكم». الأمر الحسي بيستقر في الإنسان لما تربطه بشيء معنوي بيزداد استقراراً. النبي صلى الله عليه وسلم رأى الصحابة ينظرون إلى البدر، قال: «إنكم ترون البدر لا تضامون في رؤيته» -أنتم هتشوفوا ربنا رؤية كهذه الرؤية- «إنكم ترون ربكم كما ترون القمر ليلة البدر لا تضامون في رؤيته».

فالنبي صلى الله عليه وسلم لما وجد أن بعض الناس سبق، فقال: «سيروا هذا جمدان» -أشار إلى جبل اللي هو قريب من المدينة- «سابق المفردون». قام رابط على طول، اللي سبق، الذي سبق الناس إليها، شوق اشتاقت إلى وطنها وإلى أهلها. فالنبي صلى الله عليه وسلم قال: لأ، اللي سبق ناس تانية. الصحابة استغربوا: من هم المفردون؟ في رواية الصحيح: «الذاكرون الله كثيراً والذاكرات». في رواية غير الصحيح في الترمذي وغيره: «المستهترون بذكر الله»، أهتر بالشيء: أولع به وداوم عليه الإنسان المستمر، يولع بالذكر، لا يتوقف أبداً عن الذكر، الذاكرون الله كثيراً جداً. لذلك قالوا: المفردون. المفرد ده يعني: أما جمعت لكم أقوال كده، ابن قتيبة قال: المفاجأة الذي هلك أقرانه وبقى هو، كل اللي حواليه مات نتيجة السن مثلاً وهو عمر، وظل يذكر الله يذكر الله، كل اللي حواليه ماتوا وهو بقى يذكر الله سبحانه وتعالى. فكأن اللي بيحافظ على الذكر ده كل من حوله يسقط إلا هو، يستمر أسباب الثبات. قال الأزهري: هم المنقطعون عن الناس لذكر الله. المفرد وقال غيره: استولى عليهم الذكر فأفردهم عن كل شيء إلا عن الله سبحانه وتعالى، فهم يفردونه بالذكر ولا يقومون إليه سواه. يبقى المفرد قيل الموحد، يعني أن الله فرد صمد سبحانه وتعالى. وقيل المفردون أي المتفردون عن الناس، دول ناس لهم علاقة خاصة مع ربنا، دول ناس مختلفة، دول ناس عايشين في واقع تاني، عندهم مشاعر من الشوق مختلفة عن بقية الناس.

من الأحاديث الرائعة: «ورجل ذكر الله خالياً ففاضت عيناه». شف فاضت عيناه، ما الذي حدث؟ يعني إيه اللي حصل لدرجة أن فيضان يحصل من العين؟ ذكر الله، واحد قاعد لوحده. ما الذي تذكره وهو بمفرده؟ إنسان بمفرده يشعر بوحشة، هذا لم يشعر بوحشة، هذا يشعر بأنس، ما الذي تذكره؟ هل تذكر الرؤية؟ هل تذكر الثواب؟ هل تذكر الستر؟ هل تذكر المعاملة؟ هل تذكر التوفيق؟ هل

تذكر النعم، هل تذكر الإحسان؟ ترك السبب، ذكر الله لوحده. فيضان مشاعر حصل، كانت صورة الفيضان، يا فيضان الدمع. فالدمع الذي نزل تعبير عن فرح القلب، عن فيضان المشاعر اللي موجودة في الخلق، مش نزل دمعتين.

خاضت عيناه، فيضان مشاعر حصل، وهو لوحده ده الذكر، انتقال إلى عالم آخر، ده الذكر الحقيقي. لوحده كده وقاعد يقول: سبحان الله. أنا دايماً كنت باستهدي، كنا هنسبق في الأحداث شوية في سورة يوسف؛ أن سيدنا يوسف وهو في السجن ﴿وَلَبِثَ فِي السِّجْنِ بِضَعَ سِنِينَ﴾ [يوسف: 42]. دايماً كنت باستهدي أن سيدنا يوسف قاعد سنين في السجن، قاعد لوحده كده يقول: سبحان الله، الحمد لله. ما أعرفش ده كان نوع من الإحساس أنه اختلى بذكر الله، لغاية لما قرأت أثر، كانوا يعني أحد التابعين قال: مصعب، كان دواب البحر في البحر تسكن، دواب البحر تسكن لتسبح ربنا، بيمر عليها أوقات تسكن، ويوسف في السجن لا يسكن عن ذكر الله.

المخلوقات ممكن تفتر، تتعب، ويوسف لا يتوقف عن ذكر الله في السجن. في السجن، اللي يقرأ كلام ابن القيم، إزاي لما كان يحصل لهم أزمة وهم برة السجن، فَعايزين حد يثبتهم، فيروحوا لشيخ الإسلام ابن تيمية جوة السجن، يقابلوه فيثبتهم، فيطلعوا يمارسوا حياتهم، فيمروا بمشاكل، فيرجعوا للي هو جوة السجن! يعني هم رايحين لشيخ الإسلام يثبتوه وهو جوة لوحده، وكان شيخ الإسلام منفرد قاعد لوحده، سجن انفرادي، ويقول: يعني لو أنا حبيت أجازي اللي سجنوني دول واديتهم كل أموال الدنيا، لن أجازيهم على الخدمة اللي عملوها؛ سجني خلوة، وكان أطيب الناس عيشاً.

لما تيجي تشوف تعبير ابن القيم له، وصف حالة ونضارة وطيب نفس شيخ الإسلام وهو داخل: إيه ده؟ ما الذي وجده؟ جنتي في صدري! قيل: جنة القرآن، أو جنة الذكر. ده اللي اتقال فيها، كان ذكر الكلام ده في «الوابل الصيب» وغيره من كتبه، لكن استفاض في «الوابل الصيب» في مسألة الذكر، وحديث: «سيروا، هذا جُدْفَانُ، سبق المفردون». الذاكر يسبق، ينفرد؛ لأنه يرى في عالم الغيب ما لا يراه الناس. يرى الملائكة تطوف حول العرش، يرى قدرة الله، قدرة الله المطلقة إذا أراد شيئاً قال له: كن فيكون، يرى تدبير الله، يرى حكمة الله ورحمة الله. لما تيجي تبص على الحاجة وسبعين أو غيرها اللي ذكرها ابن القيم في فوائد الذكر في كتاب «الوابل الصيب»، إيه ده! كلها نصوص، وجايبها مش يعني، وكان مش كل، كان كل مرة بيذكر النص، لكن هو استنبطها من نصوص؛ يعني الذكر يعطي حياة، والذي يذكر ربه، والذي لا يذكر ربه مثل الحي والميت، يعطي اطمئنان: ﴿أَلَا بِذِكْرِ اللَّهِ تَطْمَئِنُّ الْقُلُوبُ﴾ [الرعد: 28].

يعطي قوة زي ما قلنا في الجهاد، وفي الحج، والسيدة فاطمة لما أرادت خادم. روح، معاني، سعادة، نور، اطمئنان، كلها معاني لا تأتي إلا أن هذا الرجل ذاكر رأى شيئاً طمأنه. يعني في واحد مثلاً بيطمن ويتبسط ويهدا ويسعد لما يكون مثلاً فيه في جيبه مثلاً مليون دولار، فهو مش خايف، مش حاسس بأي إشكال؛ يعني مش شايف مشاكل، فين المشكلة؟ شخص لما يكون له معرفة أو يمسك منصب معين، يشعر بنوع من السلطان، فالخوف بيقل حسب اطمئنان الإنسان لسبب. الذكر لما بيجلب المعية، وبينقل الإنسان إلى هذا العالم، عالم الغيب، بيجلب هذه الأمور، سكيناً: ﴿أَلَا بِذِكْرِ اللَّهِ تَطْمَئِنُّ الْقُلُوبُ﴾ [الرعد: 28]. ما الذي يطمئن في السجن سواء شيخ الإسلام ابن تيمية أو الأسبق طبعا يوسف عليه السلام؟ ما الذي يطمئن في البلاء؟ في الغار، في بطن الحوت، في النار: ﴿حَسْبُنَا اللَّهُ وَنِعْمَ الْوَكِيلُ﴾ كما قالها إبراهيم.

ما الذي يجلب الطمأنينة في أشد الأوقات صعوبة؟ يعني الواحد لما يفكر، طبعا التفكير الدنيوي، ما قيمة كلمات يتمتم بها إنسان؟ هل أي كلمات؟ يعني لما إنسان، هل يعني أنت هل أنت بتشعر بالطمأنينة والسعادة والسكينة أنك تتمتم بأي كلمات؟ أنك تقول: أنا كويس، لا أنا قوي، وتقعد تكرر كذا: أنا قوي، أنا قوي، أنا... ولا لما تقعد تقول: سبحان الله وبحمده مئة مرة؟ إيه الفارق؟ وكأن الروح تعرف، وده فعلاً اللي بيخلي أن السماع للقرآن مختلف، فعلاً له أسرار؛ لأن اللي خلق الروح هو الذي تكلم بهذا الكلام. الروح لما القرآن بتنسجم ده متوافق معها، الذي خلق هذه الروح ونفخ في آدم من روحه هو الذي تكلم بهذا الكلام، فروح الإنسان وكلام الله سمي روحاً، وذكر الله روح، فيحدث نوع من التلاقي فحدث الطمأنينة، غير أي وسيلة تانية، أي وسيلة تانية مختلفة، أي كلام آخر مختلف.

كنت ذكرت قبل كده امبارح مسألة تخيل لو أنت اللي حواليك كلهم ملحدين، لا يؤمنون بوجود الله، وأنت معهم في شغل مثلاً من الصبح من الساعة 8 للساعة 4 أو الساعة 5، قاعد معهم وقتاً ساعات طويلة، وبعدين يسمعونك تقول: سبحان الله، سبحان الله، سبحان الله، طبعا مش فاهمين ده إيه ده! إيه نفس الكلمة اللي أنت عمال تكررها كل شوية تحافظ؟ بتعمل إيه؟ ويشعرون بنوع من الطمأنينة عليك، كأن هذه الكلمات تجلب لك نوعاً من الهدوء والطمأنينة والسعادة. هل في كلمات زيها ممكن يقولوها تجلب لهم الطمأنينة والسعادة؟ المؤمن واصل الذكر ضد نسيان.

فتخيل لما أنت كمؤمن تشرح لهم أنت بتعمل إيه؟ دايماً لما تحب تعرف حاجة قيمة، حاجة عندك في الدين، أو تعرف قيمة وجمال خلق من خلق الله، تعامل كأنك تشاهده لأول مرة، أو موقف من مواقف القرآن، تخيل كأنك تشاهد هذا المشهد لأول مرة. احنا عندنا دايماً الإشكال إيه؟ اللي في العادة أنك متعود سبحان الله سبحان الله سبحان الله سبحان الله سبحان الله، أنت مش فاهم كده التسبيح ده أنت فقدت قيمته. الشيخ يعقوب أظن في مرة كان بيقول: حصل نعمة له في حياته عظيمة يعني، أراد أن يشكر الله فعلاً، إيه أصلي؟ وعايز أعد أحمد ربنا شوية، فبقول: أنا فوجئت أن أنا بحمد ربنا كل مرة بعد الصلاة ثلاثة وثلاثين مرة بس! أنت كنت... ودي خطورة أنك تألف الذكر، يفقد قيمتك عندك.

الشاهد تخيل لو أنت كمؤمن تشرح للناس ماذا تفعل؟ أنت بتكرر الكلام ده ليه؟ أنا أذكر ربي، ولله المثل الأعلى، لو واحد سافر ساب أهله، وساب والده، والده اللي صرف عليه وتعب واتبهدل، وعلمه، وبعدين كبر أبنه وسافر برة في الغربة، متخيل ابني كل شوية قدام صحابه في الشغل يطلع صورة والده يبص عليها؟ أصحابه: إنت بتعمل إيه؟ بيقول لهم: أنا لا أستطيع أن أنسى فضل أبي علي. كل ما يحصل له نعمة أو يحصل له حاجة يترقى أو يحصل له حاجة يطلع صورة والده ويتذكر فضل والده عليه. ممكن تشوف الناس هتشعر بقيمة الوفاء عند هذا الشخص، ولله المثل الأعلى. هكذا المؤمن كلما دخل أو خرج أو قام أو أكل أو شرب أو لبس، كل شيء يذكر الله، يعلم أن هذا من فضل الله عليك، لا ينسى الله أبداً. عنده ذكر خاص وذكر مطلق وذكر عام وذكر مقيد، المؤمن على طول يذكر الله سبحانه وتعالى.

تخيل لما أنت تعمل كده، أو الشخص ده بقى لما يعمل كده يطلع صورة والده، والده يعرف، تخيل مدى فرح فرحي لوالده بولده، تخيل كيف يباهي هذا الوالد بهذا الولد أمام الناس؟ ولله المثل الأعلى. تخيل كيف يباهي الله سبحانه وتعالى بالذاكرين أمام الملائكة؟ لذلك لما بييجي يوم عرفة ويذكروا الله، يباهي الله بهم الملائكة تنازع، وكأنك يعني وكأنك تنازع الملائكة في الذكر بالرغم من أصل طينتك، مش مخلوق من النور، لكنك تحاول الاقتراب من من طول الذكر، إنما يغلبك نوم أو طعام أو شهوة، لكن ما سوى ذلك قدر المستطاع تحاول أنك تعمم الذكر طوال اليوم. كيف ينظر الله لك؟ يعطيك المعية: «وأنا معه»، وذلك حديث: «آه، أنا مع عبدي إذا ذكرني، ومن ذكرني في ملأ ذكرته في، ومن ذكرني في نفسه ذكرته في نفسه، ومن ذكرني فيما أنا، ذكرته في ملأ خير منه». في رواية مسلم الحديث أكملته: «ومن تقرب إلي شبراً، وكأن بداية القرب من الله تكون بالذكر، تقربت إليه ذراعا»؛ بداية القرب من الله سبحانه وتعالى.

احنا طولت عليكم، احنا بقى لنا قد ايه كده؟ بقى لنا ساعة! طولت عليكم، كنا عايزين نتكلم عن الموسم أكثر من كده، بس يعني خلينا نخلص النبي صلى الله عليه وسلم وصى أحد صحابته قال: «عليك بذكر الله وتلاوة القرآن»؛ فإنه، أي: الذكر والقرآن، والقرآن أصلاً يسمى ذكراً: ﴿إِنَّا نَحْنُ نَزَّلْنَا الذِّكْرَ﴾ [الحجر: 9]. إن الذكر وظيفته التذكير في حقيقتك بفقرك، بعجزك، بعظمة الله، بقدرته، هكذا يفعل القرآن، وهكذا يفعل الذكر: «عليك بذكر الله وبتلاوة القرآن، فإنه روحك في السماء» أو «روحك في السماء وذكرك في الأرض». روحك في السماء، روحك في السماء، كأن الإنسان ينتقل إلى عالم آخر للذكر.

حاولوا أن الغرض العملي من العشر الأوائل من ذي الحجة إتقان ومعايشة الذكر، بالرغم من تقلب الأحداث من حولنا، ده دي الوظيفة اللي تخرج بتوع هندسة بقى اللي عايزين كلام عملي! الكلام العملي زي ما الغرض من رمضان أنك تتعلم تفصل عن الناس، وتاخد قرار، يبقى عندك القدرة أن تاخد القرار، الانفصال عن، والانكباب على القرآن وتلقي معاني الوحي في خلوة وبعيد عن الناس وطول القيام، دي معاني بتتربى عليها في رمضان. خلي الغرض أنك تتربى، تطلع من العشر الأوائل إتقان ومعايشة الذكر بالرغم من كثرة الحركة والاحتكاك مع الناس.

يعني المسلم في العشر الأوائل مطلوب منك أنك تعمل أعمال صالحة ومتنوعة، غير رمضان أنك أنت بتستقر في مسجد، لا، أنت في العشر الأواخر بتحتّك، تعود مريض وجنازة وتزور وتروح تشتغل الصبح وتتحرك، تتحرك بين الناس، زي اللي رايح يحج، يتنقل ويسافر والطيارة والمطار والوصول والجوازات ويتحرك والشنط والفندق والحركة والإحرام والتنقل ومنى ومزدلفة وعرفات، يحافظ على الذكر، يتربى، مش زي في وسط الأجواء دي يحافظ لا ينسى.

فأنت خلي الهدف بتاعك أنك أنت تتقن أن لسانك لا ييبس، لا يزال لسانك رطباً بذكر الله، حاجة تتساب شوية تنشف أو لسانك يتساب شوية ينشف، لا، احنا شايفين لسانك جاي بس، أبداً: «لا يزال لسانك رطباً بذكر الله»؛ يعني كأن اللسان الذي ينزل عليه هذا الندى وهذه الرطوبة وهذا الماء هو الذكر، فهذا هو يصل إلى القلب، فكأن القلب أنت كل شوية محتاج ينزل عليه الغيث بالذكر. وغياب الذكر عن القلب يؤدي إلى قسوة القلب، إذا ذكر الله وحده اشمأزت قلوب، في ناس والعياذ بالله بتشمئز من ذكر الله، والعياذ بالله.

فالكلام العملي اللي عايزين نخرج به التدريب العملي أنك أنت تحافظ على الذكر في البيت، الزوجة في المنزل بالرغم من شغل البيت والأطفال تحافظ على الذكر، تتعلم أن هي تحافظ على الذكر. السيدة فاطمة لما اشتكت صعوبة العمل في البيت، النبي صلى الله عليه وسلم دلها على الفكر. طيب ده يعني إيه؟ الحاجة اللي عايزين نطلع بها من العشوائيات، من الحاجات العملية التي ممكن نعملها أننا نسمع في الفترة دي عن فضائل الذكر، دي من الحاجات اللي تسخنك. خد سبحان الله والحمد لله، عايزة درس لوحده! سبحان الله وبحمده لا إله إلا الله وحده لا شريك له. تقرأ مقدمة كتاب «الوابل الصيب» بتاع ابن القيم. ممكن تقرأ وده بيفرق جداً الذكر تجارب ناس كتير، يعني اقرأوا عن أسماء الله الحسنى، أسماؤه الصفات، تقرأ عن الأسماء والصفات تزداد شوقاً لذكره سبحانه وتعالى، حينما تقرأ عن رحمته، عن حكمته، عن تدبيره، عن لطفه، عن ستره للمذنبين، عن مغفرته، حينما تقرأ عن أسماءه وصفاته تزداد شوقاً، فتذكر الله سبحانه وتعالى بشوق، لا تذكر بقلب غافل، يذكر الله سبحانه وتعالى بإقبال قلب.

فقراءة، أنا أنصح بكتاب، طبعا في كتب كتير أسماء الحسنى، أنصح بكتاب «الأسماء الحسنى والصفات العلى» لعبد الهادي حسن وهبي. يا سلام لو تقعد قصة الضحى بعد الفجر تقرأ اسم من الأسماء، صفة من الصفات، وتقعد تسبح ربنا شوية أو قبل الغروب بالأسماء الحسنى والصفات العلى عبد الهادي حسن وهبي، ممكن يكون نادر في السوق شوية، لكن هو موجود بي دي إف، أو اللي بيحب يسمع النابلسي، ياخد باله بس من بعض التأويل بعض الصفات. النابلسي برضه جيد ويعايش بعض المعاني الجميلة، وميزة الأسماء الحسنى للنابلسي أن هو بيركز على الكلام العملي للصفة، وبيتجنب قدر المستطاع مسألة التأويل، لكن يقع فيها في بعض الأشياء، ما بيخوضش يعني في الإشكاليات ديت، خاصة أن هو يعني أشعري يعني أو يعني يؤول بعض الصفات، لكن ميزة الأسماء الحسنى للنابلسي أن الكلام العملي للصفة وبيحكي لك قصص واقعية كتير، طبيعة الإنسان أنه بيحب يشوف الأثر العملي ده. الأثر العملي، حكمة الله، فيحكي مجموعة من القصص العجيبة التي تخليك توقن بهذه الصفة وبهذا الاسم. أياً كان بقى اللي عايز يقرأ «نهج الأسماء»، أياً كان بيسمع لمين، أياً كان، الأسماء والصفات فعلاً تعايش الإنسان، نقلة في الإنسان، نقلة في عالم الذكر، خليه يذكر الله.

زي بقى الإحسان: «كأنك تراه» الإحسان، العبادة كلها «كأنك تراه». احنا بقى عايزين الذكر بقى نستلم العبادة دي: «تعبد الله كأنك تراه»، هنشيل التعبد واحد، العبادات الذكر، احنا عايزينك توصل لمرحلة أن تذكر الله كأنك تراه، مختلفة، لا، لو في حياتك قلنا «الوابل الصيب»، الأسماء الحسنى، آه، من الكتب الجميلة، طبعا هو مش لازم كل الحاجات دي يعني بس الكتب.

المؤثر في قضية ذكر كتاب فن الذكر والدعاء بتاع محمد الغزالي المعاصر. كتاب طيب يطوف فيه في أدعية النبي صلى الله عليه وسلم وقفات سريعة. أي كتاب بقى في شرح الأذكار، أي كتاب في معاني الذكر، أي كتاب وأي شيخ أنت يعني بتحب.

المهم أنك أنت تكسر قسوة القلب وإيه في اللي حصل لنا في الأذكار، يعني حتى أذكار الصباح والمساء اللي بيحافظ عليها كمان، يعني ده أنا بتكلم بيصيبه نوع من الألف إن هو ما عدش حاسس بالمعنى.

مش واخد باله مثلاً إنه بيستعيذ بالله من شر نفسه صباحاً ومساءً وخايف من نفسه من تقلبات الرهيبة اللي احنا بنشوفها حوالينا دلوقتي وسقوط وقيام ناس وتقلبات رهيبة في الحياة. أنت صباحاً ومساءً بتدي مقدمة طويلة: «اللهم عالم الغيب والشهادة فاطر السماوات والأرض رب كل شيء ومليكه أعوذ بك من شر نفسي»، كل المقدمة دي عشان خايف من استئصال نفسك صباحاً ومساءً. فانت من كتر ما أنت مش عايش المعنى ومش مستشعر ما تقول، أنت مش بتشرب ما تقول أصلاً، فبالتالي أنت مش حاسس بقى أو أنت خايف من ذنوبك فصباحاً ومساءً مرعوب من ذنوبك وبتقول: «أعوذ بك من شر ما صنعت»، يا رب اللي أنا عملته ده شر ممكن يضيع لي دنيتي، فانت بتستعيذ بالله من ذلك، قنبلة ممكن تنفجر فيك ذنوبك أعوذ بك من شر ما صنعت، معاني في حاول تحرص عليها.

أسأل الله عز وجل أن يجعلنا وإياكم من الذاكرين الله كثيراً والذاكرات. عشان طولت عليكم كان في أكثر من معنى بس هنحاول بقى نأجله ممكن مرة قادمة. نسأل الله عز وجل أن يبلغني وإياكم هذه العشر وأن يعيننا فيه على ذكره وشكره وحسن عبادته.

الجمعة الجاية غالباً هنتوقف، هو هيبقى يوم كام ذي الحجة؟ أنت خلاص خلينا نتوقف ده موسم طاعة وعبادة، خلينا الناس تنشغل تجتهد في الصيام غالباً هيبدأ يوم الأحد تقريباً أو الاثنين، ناس تجتهد في الصيام في الأذكار، زي ما قلنا حاول تتعلم إن لسانك لا يفتر عن ذكر الله. أسأل الله عز وجل أن يعينني وإياكم على ذكره وشكره وحسن عبادته، أقول قولي هذا واستغفر الله لي ولكم، سبحانك اللهم وبحمدك أشهد أن لا إله إلا أنت أستغفرك وأتوب إليك، وجزاكم الله خيراً.