دخولتسجيل الدخول

اليوم أكملت لكم دينكم | د. أحمد عبد المنعم

أحمد عبد المنعمد. أحمد عبد المنعم
  • مدة الدرس:
  • قراءة

أهلاً وسهلًا بكم، يعني أنا عارف أن الواحد مقصر للأسف في مسألة الدروس. أسأل الله سبحانه وتعالى أن يبارك لنا في أعمالنا وأن يرزقنا الدعوة إليه ولا يحرمنا منها أبداً إلى أن نموت، وأن يفتح لي ولكم في فهم كتاب الله وفي العمل به.

لقاء اليوم أشبه بدردشة، شكر نعمة ربنا سبحانه وتعالى أن بلغنا هذه الأيام، ويعني من كرم ربنا سبحانه وتعالى أن في مجموعة من الدروس كانت بخصوص الأيام العشر بفضل الله، في بلاي ليست معمولة، مجموعة من الدروس موجودة على اليوتيوب وعلى الساوند كلاود، اللي حابب يسمعها دي مسألة ميقات للمشتاقين وموسم العشر والذكر، فضل الله أسأل الله سبحانه وتعالى أن يجعلها خالصة لوجهه. في مجموعة من الدروس أرجو أن اللي يستطيع ولو كل يوم كده أنه يسمع درس في هذه الأيام يجدد بهذه النية مرة أخرى، بحيث أن احنا ما نكررش المعاني. هحاول النهاردة يكون زي ما بنحاول نعمل في الدروس أن احنا نحاول نطرح وجهة نظر جديدة؛ لأن في أفكار بفضل الله إتقالت، مسألة الذكر مسألة معايشة الذكر يعني خطبة ميقات المشتاقين مهمة جداً، وفي درس أو في خطبة تقريبا كانت عن الذكر لي سبق المفردون، برضوا أرجو أن أنتم تسمعوها الفترة ديت بفضل الله سبحانه وتعالى.

السنين اللي فاتوا حصل، يعني مثلاً العشر سنين اللي فاتوا حصل بفضل الله اهتمام بالموسم ده، يعني ممكن الواحد من عشرين سنة ما كانش فيه الاهتمام في هذا الموسم، لكن بفضل الله كثرة الدعاة اللي تكلموا في هذه القضية واثاروها أكثر من مرة، بفضل الله سبحانه وتعالى بقى في وعي مجتمعي عام. يعني النهاردة أنا نازل أصلي المغرب في المسجد لقيت الناس جايبين تمر وبيقدموا إفطار، فبفضل الله ده شيء جميل أن الإنسان يشعر أن المجتمع بيعظم شعائر الله سبحانه وتعالى ومنتبه، قبل كده الناس كانت ممكن تفيق يتقال لهم الحقوا يا جماعة ده بكرة عرفة، دلوقتي بفضل الله سبحانه وتعالى بقى في نوع من الوعي أسرع، وأن بتبدأ من أوائل من أول يوم الناس بتحاول تتعامل مع الأيام بفضل الله سبحانه وتعالى، وإن كان أنا عندي شعور قد يكون خاص بي، ممكن واحد بمر بمرحلة فتور أو انشغال، لكن السنة دي حسيت أن الاحتفاء قل شوية، يعني السنة اللي فاتت أو قبلها كانت الناس متلهفة أكثر.

لكن الحمد لله عموماً، أنا بقول المقدمة دي ليه؟ أولاً عشان الناس تلحق تتجمع، ثانياً أني بقول المقدمة دي أن في كتير من قضية الفضائل والأعمال أنتم أكيد سمعتوه، أنا مش محتاج أكرره تاني، يعني في ناس كاتبة في التعليقات الشيخ محمد خيري ما شاء الله عامل سلسلة ومش عارف مين والشيخ حازم شومان له سلاسل، ففي كتير من الأفاضل بفضل الله سبحانه وتعالى عاملين جهد جميل، وغير الدروس القديمة الموجودة وغير الكتيبات، فأن أنا عايز أعيد الدرس يكون كلاسيكية، فضائل هذه الأيام الأعمال في هذه الأيام، ده بفضل الله أنتم ظني أنه أكيد سمعتوه واللي ما سمعوش يحاول يسمعه، يحاول يرجع يسخن نفسه كده فضائل هذه الأيام.

مجلس اليوم أنا هحاول أشار إليه فكرة معينة، وأنت أشرت لفكرة شبيهة بها، فكرة العلاقة، ودي دايماً بحب أثور الفكرة فيها معكم، العلاقة بين مواسم الطاعات. يعني السنة أنا عايزكم تتخيلوا دايماً المؤمن طوال السنة بيعيش دورة حياتية معينة زي اليوم كده، بينام في اوقات معينة في اليوم، بيصلي خمس صلوات، المؤمن يرقب الشمس، طبيعة المؤمن أنه يرغب الشمس ليه؟ لأن طول ما بيرقب الشمس الشمس في مسألة صلاة الفجر، وبعد كده انتصافها في السماء صلاة الظهر، وبعد كده بيستنى أو بعد الزوال، يعني، وبعد كده بيستنى صلاة العصر والغروب. فالمؤمن في دورة الحياة بتاعته اليومية في ربط بين التنقل في اليوم وبين الطاعات، الله سبحانه وتعالى جعل الليل والنهار خلفة متعاقبين لمن أراد أن يتذكر أو أراد شكوراً، الإنسان يجتهد في الطاعات ويعوض ما فاته من الطاعات، هذه الدورة اليومية اللي بيمر بها الإنسان في حياته وتعاقب طلوع الشمس وغروبها دي زيها أيضاً في السنة، في مواسم في السنة، في محرم ويوم بقى عاشوراء، وبعد كده بيقترب الإنسان مع بعض المواسم في شعبان إلى أن يأتي رمضان.

احنا دلوقتي في موسم هو آخر السنة الهجرية، وده نظرة معينة أن هي آخر السنة الهجرية، وفي نظرة تانية أن ده الموسم اللي بعد رمضان مباشرة. احنا لو غيرنا زاوية النظر ونظرنا لأيام العشر، ده الموسم اللي بعد رمضان، لأن ربنا سبحانه وتعالى قال: الحج أشهر معلومات، هذه الأشهر بتتبدأ من أمتا؟ هذه الأشهر تبدأ من شوال، الحج أشهر معلومات، الأشهر دي تبدأ من أمتا؟ تبدأ من شوال وذي القعدة وعشر من ذي الحجة، فبالتالي أن الموسم اللي بيبدأ مباشرة بعد رمضان هو موسم، وكنت اتكلمت قبل كده في درس أظن اللي هو موسم العشر والذكر عن العلاقة بين رمضان وبين الحج، ودي النقطة اللي أنا هنطلق منها النهاردة عشان أشرح الفكرة اللي أنا عايز أقولها.

كنت اتكلمت قبل كده مسألة أن رمضان موسم استجلاب واستجلاء رؤيا والبصيرة، وموسم أن الإنسان يمكث في المسجد. رمضان يا جماعة، ليه الناس، خليني أسأل سؤال كده، ليه ناس في رمضان ما عندهاش حالة من الشتات وما بتسألش نعمل إيه، عكس العشر من ذي الحجة؟ رمضان معروف يصوم بالنهار، بيصلي تراويح، بيصلي قيام ليل تهجد في العشر الأواخر، بيقرأ قرآن، بيحاول يطلع إنفاق في العشر، الدنيا مفتوحة، حتى لما بنقول للناس أكثروا من الذكر يقول لك أصل أنا اتشغلت، ففي رمضان الدنيا واضحة، هو ممكن يعتكف العشر الأواخر، فبالتالي موسم رمضان هو دورك الأساسي بعد أن تتخلى عن انشغالك ولاسيما الانشغالات النفسية، ولو وفقت للمكث لتلقي آيات القرآن، لو اعتكفت هنا حالة من استجلاء الرؤيا، دورك أنك تتلقى القرآن، وتلقي القرآن بيحتاج إلى حالة من الهدوء والاستبصار. الإنسان في قيام الليل ربنا سبحانه وتعالى بيقول: إن ناشئة الليل هي أشد وطأ وأقوم قيلاً، النهار إن لك في النهار سبحاً طويلاً، في انشغالات وشغل ومشاكل.

لكن الحج لا، موسم حركة، موسم تنقل، موسم الإنسان يتحرك ويترك فيه الأرض والوطن والأولاد والمال ويسافر، وزمان ممكن يسافر شهور طويلة، تلاقي فلان الفلاني مثلاً كاتب رحلة الحج في كتاب؛ لأنه هو سافر مثلاً على مدار سنة، ناحية الحاجة بتاعتها بقت سنة، فتقضي عادي جداً يعملها في كتاب. طيب، يبقى اللي أنا عايز أقوله أن موسم رمضان هو موسم الهدوء والسكينة والاستبصار والنظر في القرآن وتلقي الوحي، كتير مننا، نبدأ بقى نركز هنا، فكرة الدرس بدأت دلوقتي، كتير مننا بيحب الحالة دي لو وفق إليها واستطاع بتوفيقه من الله سبحانه وتعالى أنه يعيش اللحظات دي، يقول لك بس أنا مش عايز أخرج برمضان، أنا عايز السنة كلها رمضان. اللي بيقعد في الاعتكاف في المسجد يقول لك أنا مش عايز أخرج من الاعتكاف، لأ، موسم يا جماعة، نحن نعبد ربنا سبحانه وتعالى على مراده وليس على مرادنا.

الله سبحانه وتعالى شرع لنا شرائع ونحن نعبد الله سبحانه وتعالى على مراده سبحانه وتعالى، والله سبحانه وتعالى لا يريد منك أن تستمر هكذا وإلا من سيخرج للناس؟ كيف سينتشر الدين؟ أو من كان ميتاً فأحييناه وجعلنا له نوراً يمشي به في الناس؟ هذا النور لابد أن يتحرك بين الناس، هذا النور الذي وفقت لتحصيله في رمضان لابد أن ينتشر بين الناس، لابد أن يتحرك بين الناس. فأول نقطة في درسي النهاردة أن الدين متكامل، ليس فقط أنك أنت تجلس في المسجد تستجلب الرؤيا وتنظري وتستبصر وتتلقى القرآن، حتى لو بتصلي قيام الليل، هذا جزء من الدين وجزء هان جداً من الدين، لكن أين بقية الدين؟

من اللطائف الجميلة قول الله سبحانه وتعالى يوم عرفة في آيات العيد لما ربنا سبحانه وتعالى قال، لما اتخذناها عيدا كما قال عمر بن الخطاب: اليوم أكملت لكم دينكم، حصل اكتمال للدين. طب إيه ده؟ هو قبل كده ما كانش في دين؟ كان في دين، لكن بتأتي أجزائي التي تكمل هذا الدين، فأنت أيضاً كذلك، وأنت أيضاً كذلك، الذي عايش القرآن في رمضان جاء الوقت يكمل دينه، يطبق هذه المعاني التي قرأها وعاشها وتدارسها في رمضان لتكون واقعاً حياً في الأرض، ليس فقط في الصدور. يبقى موسم الحج هو موسم الحركة والتحرك في هذه المعاني التي تلقاها الإنسان في رمضان، إخراج معاني القرآن من الصدور لتكون واقعاً في الأرض بين الناس، فإذاً وهذا الأمر، هذا التحرك بالقرآن هو من إكمال ومن إكمال الدين، يعني هو من اليوم أكملت لكم دينكم.

الذي سيكتفي، معي، الذي سيكتفي دي مسألة أن هو يجلس فقط في مكان هادئ يقرأ القرآن ويستبصر ويعني يستجلي الرؤيا، ده جيد جداً ده، لكن ثم ماذا؟ هذا أشبه بمن يريد أن تكون الحياة كلها ليل فقط، الحياة ليلاً. لأ، ليل ونهار، إن لك في النهار سبحاً طويلاً، وكذلك العام ليس فقط هو رمضان، عام شهور متنوعة، تقلبات وتنقلات مختلفة. يبقى أول نقطة في درس النهاردة: لابد تكمل دينك، لابد أن تتحرك، أن تتحرك لهذا الدين وبهذا الدين، لازم تخرج، لازم تتحرك، ومن يخرج من بيته مهاجراً إلى الله ورسوله ثم يدركه الموت فقد وقع أجر على الله، لازم لازم تتحرك عشان الدين، تفضل في مكانك، أياً كانت الحركة، ممكن تكون الحركة مثلاً الإنترنت أو بسبب ضيق بيئات الإيمان، ممكن كان يبحث على النت، لكن أقصى أن الإنسان لا يكون ساكناً وينتظر أن يأتيه الدين في مكانه، لا، يتحرك ويبحث ويسأل ويناقش، يبعث برسالة، اتحرك عشان ده من وسائل إكمال الدين، كان الصحابي يسافر شهراً يستمع إلى حديث من أحاديث النبي صلى الله عليه وسلم.

يبقى أول حاجة النهاردة في إكمال دينك، اليوم أكملت لكم دينكم، أن تتحرك لهذا الدين. واحد يقول لي طب ظروف حياتي وظروف يومي لا تسمح، ده أنا قضيت رمضان بالعافية شوية وقت بالعافية، لا، رقم اثنين: لابد أن تضحي لهذا الدين. أهم شيء في الحج، يعني أنا في نظري أن الحج هو بالنسبة لي إيه، يعني أو موسم الحج مش الحج، الحج ده قصة تانية، ممكن لو ربنا سبحانه وتعالى يستر وتكلمنا عن أسرار الحج، وقبل ما أنسى أن الكتب الجميلة جداً اللي بتتكلم عن أسرار العبادات عموماً والحج خصوصاً، كتاب الأركان الأربعة لأبي الحسن الندوي، كتاب رائع اسمه الأركان الأربعة، نتكلم فيه في الأول أسرار الصلاة وبعد كده الزكاة والصيام والحج، الصلاة والحج بصراحة أفضل حاجتين كتبهم في الكتاب، ممكن تقرؤوا اللي مش قادر يقرأ الكتاب كاملاً يقرأ الصلاة ويقرأ الحج.

لكن أنا بتكلم مش على أسرار الحج، أنا بقول أن الأركان للإنسان لابد أن يبذلها، يعايش موسم الحج: الحركة، واحد؛ اثنين: تضحية؛ ثلاثة: الزاد والمعونة، لذلك الذكر عندنا ثلاثة أركان: من يتحرك لهذا الدين، أن يضحي لهذا الدين، أن يستمد زاده أثناء الحركة بذكر الله سبحانه وتعالى. العبادة قلبياً إيمانية التي تستطيع أن تستصحبها معك حتى ولو في الجهاد، الذكر، الذكر جاءت حتى ولو في الجهاد، أن تذكر الله كثيراً في الجهاد في سبيل الله، ده أنت بتتعلم أنك تتحرك في واقع الحياة وأنت تذكر الله سبحانه وتعالى، إيه ده؟ أنت نجحت، الدين أصبح جزء ثابت من حياتك، رايح الشغل، راجع من الشغل، مستني حاجة مواصلات، لو أنت وفقت في هذه الأيام أن تزرع الذكر في حياتك كده، وقطع شوطاً مهماً.

يبقى تاني، أول ركن اتكلمنا عنه النهاردة أن تتحرك. رمضان موسم اعتكاف عكوف، العكوف أن الإنسان يظل بجوار الشيء حتى ينثني وهره، قلتم عليه عاكفين، العكوف. احنا مش عايزين بعد رمضان، لابد أن تتحرك، لأن النفس، خدوا بالكم يا جماعة، تيجي في رمضان تقول للشخص أنت محتاج تقعد، تقعد عشان تقرأ القرآن، محتاج تقعد عشان تقرأ تفسير، تقعد مثلاً في بيتك عشان تطيل الصلاة، يقول لك أنا عايز اتحرك، أنا مش، أنا متعود طول السنة أن انا أروح وأجي، القعاد صعبة علي. على آخر رمضان مع الاعتكاف يشعر أن هو بدأ يحب المكث بمفرده في خلوة، بعد كده نقول له لأ يلا اتحرك، يقول لك لأ أنا عايز أقعد، لأ، ما هواش في مزاجك هنا، بتروض هذه النفس، النبي صلى الله عليه وسلم كان يصوم حتى يقال لا يفطر، وكان يفطر حتى يقال لا يصوم، يعني يقال، يعني تخيل ممكن النبي صلى الله عليه وسلم يسرد أيام في الصيام يتقال إيه ده مش هيفطر، ويسرد أيام أن هو يفطر وتعب، ده مش هيصوم، لأن فيه ترويض للنفس بعد الانتهاء من رمضان لابد أن تتحرك تبحث عن دينك.

رقم اثنين، احنا دلوقتي بنتكلم عن إكمال الدين، اليوم أكملت، عارف يقول لك إيه، عايزين بقى عايزينك تكمل نص دينك، ده الجواز، ده احنا عايزينك بقى تكمل بالحركة والتضحية والذكر، يبقى أول حاجة اتكلمنا عنها النهاردة أن انت لازم تتحرك.

هذه الحركة لأجل الدين تستلزم وقتاً، تستلزم تضحية، تستلزم بذلاً. طبيعي جداً يعني الإخوة والأخوات الذين يومهم مزدحم شغل سواء بيت، وبالرغم من ذلك يجاهدون أنه يقتطع ربع ساعة هو راجع من الشغل، ونص ساعة قبل ما ينام، وثلث ساعة قبل ما ينزل الشغل. هذه الأوقات البسيطة التي تجاهد لتقتطعها من يومك أحب الأوقات إلى الله سبحانه، يطلع عليك ويجدك تحاول من وقتك. أيضاً بقية الأوقات أنت لو احتسبت نأخذ فيها ثواباً؛ أن تأكل من عمل يدك، تربي أولادك، لكن أنا بتكلم على كيف ستحافظ على نياتك؟ كيف ستحافظ أصلاً على فكرة الاحتساب؟

الدنيا خلوة خضراء كما أخبر النبي صلى الله عليه وسلم، الدنيا قوية بتخطف الإنسان، فلابد أن يكون للإنسان زاد يساعده يعني لا تخطفوا هذه الدنيا. فبالتالي لابد رقم واحد أن يتحرك، اثنين أن يضحي. حركة، لزوم وقت، وتضحية، ومجهود. وأصلاً من المعاني العظيمة في الموسم ده التضحية. احنا قلنا الحركة، شوف سيدنا موسى كده لما قال: وعجلت إليك رب لترضى، اتحرك عشان ربنا.

رقم اثنين أن تضحي. منذر سيدنا إبراهيم يعني قيل من أسرار الرجم، يعني أسرار قضية رجم الجمرات، بيرمي الجمرات، قيل إن إبراهيم عليه السلام إنما هم بذبح ابنه، اعترضه الشيطان يخذله يخذله، فقام إبراهيم عليه السلام برجمه، فشرعت لنا الجمرات استحضر أن رجم الجمرات ورجم لكل من يعوقك عن السير في طريق الله. تخيل مشهد سيدنا إبراهيم، تخيل مشهد طبعا مش ده اللي حاصل يعني المشهد شايل ابنه ورايح به عشان يقدمه لربنا، والشيطان بيعترضه فيرجمه، أنك أنت عايز تقدم حاجة لربنا عايز تضحي، لابد أن توقن أي تضحية ستقوم بها تقومين بها لابد من معوقات، سواء من النفس أو من الشيطان أو من المجتمع، ده طبيعي كل شخص أراد أن يضحي لله معوقات سواء داخلية أو خارجية ده طبيعي جداً.

أن الشيطان قال النبي صلى الله عليه وسلم: إن الشيطان قعد لبني آدم بطرقه كلها؛ أراد أن يسلم ثم بعد ذلك أراد أن يهاجر ثم بعد ذلك أراد أن يجاهد، في كل خطوة في الطريق يعترضه الشيطان. يجاهدون في سبيل الله ولا يخافون لومة لائم. لو جه إمتى بعد ما أرادوا أن يجاهدوا في سبيل أي تضحية؟ لازم ستجد لوم، بعض ناس بيلومك، النفس بتلومك. لما قيل للمنافقين: آمنوا كما آمن الناس قالوا أنؤمن كما آمن السفهاء؟ هم شايفين المهاجرين والانصار ليه؟ المهاجر ضحى بكل شيء والانصاري ضحى بماله، يقول لك إيه ده؟ هو الدين ده كده لازم فيه تضحية؟ هذا إيمان السفهاء. ربنا سبحانه وتعالى أخبر أنهم هم السفهاء.

نبتعد عن الموسم ده، احنا لنسأل الله سبحانه وتعالى أن يتابع لنا بين الحج والعمرة. حُرمنا من الحج، الحج أنك تتحرك، أنك تضحي، أن في وجهة اتضحت لك خلاص. بعد استجلاء الرؤية في رمضان وضحت الوجهة؛ أني وجهت وجهي للذي فطر السماوات والأرض حنيفاً، وجهة واضحة، أنا أريد أذهب إلى الله سبحانه وتعالى، إني ذاهب إلى ربي سيهدين. خلاص القبلة اتضحت، بيتجه أن من معاني الحج القصد، نجحت اتضحت الوجهة والقصد، فاتجه إلى الله سبحانه وتعالى مهما كان الطريق.

الله سبحانه وتعالى كما قلت لابد من تضحية: ﴿ٱلۡيَوۡمَ أَكۡمَلۡتُ لَكُمۡ دِينَكُمۡ﴾ [المائدة: 3]. احنا مشكلتنا زي ما قلت أن احنا ممكن نحب مسألة القعدة في المسجد، الإنسان يجد بعد فترة من المجاهدة نجد حالة من الأنس والخشوع وفي خلوته بالله سبحانه وتعالى، لكن لما لما بيتقال له يتحرك في نخلة لا لا لا عايز احتك بالناس، احتكاس بالناس يعني مؤذي بالنسبة لي. الحج هنا خطوة أعلى، ارتقاء أعلى في الدين؛ الذي يخالط الناس ويصبر على أذاهم خير من الذي لا يخالط الناس ولا يصبر على أذاهم. أي خلطة للناس غالباً معها أذى، طبيعي. الذي يخالط ويصبر خير من الذي لا يخالط ولا يصبر.

المشكلة برضه في موضوع أنا أشرت لحتة بس ما كملتهاش، أن موسم رمضان العبادات فيه واضحة. أغلبنا بيحب لما يجي عايز يشتغل للدين، عايز الخطوط واضحة، عايز يكون محطوط له زي إيه، زي ما كنت أتكلمت قبل كده في درس إشكالية التفكير الهندسي، وكنت كتبت قريب تغريدة آه كده في في تويتر مسألة أن الناس بتحب أن الدين يكون زي إيه، زي الوظيفة الدنيوية، يكون منتمي انتماء خاص، بيجي له وظائف معينة يعملها وكده، خلاص. الانتماء العام للدين صعب على النفس، والكلام ممكن يكون صعب شوية، لكن خلينا نوضحه بأمثلة رمضان؛ أنت عارف أن الصبح بتصوم وبالليل بتصلي وممكن تقرأ قرآن.

طيب موسم العشرة اللي مش هيحج نعمل إيه؟ بيقول لك إيه أيوه اجتهد في الطاعة وصوم واللي تقدر عليه. بعد فترة هو لما لو ما عهوش مجموعة بعده، وهو بفطر هنا، أنت محتاج تتدرب أقوم بعبادات الدين قدر المستطاع، مش لازم لازم يكون فيه جدول معين ومجموعة معك تساعدك، لأ اتعلم أنك تتحرك بالدين في الحياة، أن حركتك في الحياة لا تنسيك هذا الدين، من أهم يعني المعاني المفروض يخرج بها الإنسان من الموسم ده لأن ده دينه الشخصي، مش مرتبط بشخص ولا بجماعة ولا بمجموعة لأن كل ده قابل للتغير، شفنا ده في السنين اللي فاتت، كل ده دلوقتي قابل للتغير، أنت ترتبط بالله فقط.

نسعى لصحبة إيمانية، تسعى لوجود مجموعة تساعدك في العمل للدين، طب افترض أن ده راح السنة، السنة اللي فاتت رمضان ده رمضان اللي قبله ما كانش فيه تراويح، أي حاجة دلوقتي ممكن تروح، أي شيء ممكن يختفي، أنت محتاج تتربى أن علاقتك بالله تعالى واني لأجل الله سبحانه وتعالى تتحرك، علاقتك بالله هي المحرك الأساسي والدافع، مش عشان مع ناس أو مبسوط أو لأ، كل ده ممكن يروح. لابد أن تتدرب كما قال أنس بن النضر: قوموا فموتوا على ما مات عليه النبي صلى الله عليه وسلم.

أي شيء ممكن يروح. الصحابة ما كانوش متخيلين أن تيجي لحظة ويكملوا فيها الدين من غير النبي صلى الله عليه وسلم. ازاي كانت صدمة! وقف الصديق رضي الله عنه وهو من أقرب الناس للنبي صلى الله عليه وسلم، شيء عجيب أن أقرب واحد للنبي صلى الله عليه وسلم هو يكون أكثر الناس ثباتاً، عجيب وهذا من نجاح دعوة النبي صلى الله عليه وسلم أنه استطاع أن يربط الناس بالله. توقف الصديق رضي الله عنه قال: وما محمد إلا رسول قد خلت من قبله الرسل أفإن مات أو قتل انقلبتم على أعقابكم ومن ينقلب على عقبيه فلن يضر الله شيئاً وسيجزي الله الشاكرين.

أن تشكر الله لنعمة الإسلام تبذل في حالة من الفتور، يعني أياً كانت الأحداث وأياً كانت التقلبات المداولة بين الأيام أن تتعلق بالله هو الحي القيوم لا تأخذه سنة ولا نوم. بتستمد طاقتك وبتستمد غذائك من الله عن ذكر الله سبحانه وتعالى. أي شيء يتكئ عليه الآن قد يذهب، مهم جداً أن الإنسان في هذا الموسم رقم واحد يصحح التصورات الناقصة والخاطئة عن الدين، اثنين أنه يكمل الخطوة التي أخذها في رمضان، القضية ليست فقط في قراءة القرآن.

سيدنا النبي صلى الله عليه وسلم لما نزل عليه جبريل وقرأ عليه القرآن ضمه ضمة شديدة. اللحظة القادمة الآن تختلف عن اللحظات الماضية، أمنا عائشة بتقول عن النبي صلى الله عليه وسلم بتوصف حديث في البخاري في بدء الوحي بعد ما نزل عليه جبريل وقرأ عليه القرآن، وعائشة بتقول كلمة جميلة أوي بتقول إيه: رجع أي النبي صلى الله عليه وسلم فرجع بهن يرجف فؤاده، بهن يعني بالآيات الخمس، ما سابهمش في الغار وجاء، لم ينسها، رجع بها يرجف فؤاده، هو كده أنا عايزك تخرج بها في هذه الآيات التي قرأتها من رمضان لا تتركها في رمضان حتى تنتظرك إلى رمضان القادم.

تكون علاقتك بالقرآن هي قراءة في رمضان؟ لأ، دي البداية، تكمل الخطوة التي من الله عز وجل عليك بها في رمضان، اتحرك، نضحي، تكمل ﴿ٱلۡيَوۡمَ أَكۡمَلۡتُ لَكُمۡ دِينَكُمۡ﴾. وزي ما قلت لأسف في ناس بتحب المرحلة الساكنة الهادئة دي، لأ، أن تتعلم، والعجيب السنة الهجرية، يعني أنا قاعد بفكر كده السنة الهجرية متغيرة، يعني دي السنة الشمسية ثابتة، هتلاقي رمضان شوية في الصيف وشوية في الشتاء، الموسم العشري شوية كده وشوية كده، مرة ييجي في الإجازة ومرة ييجي في الامتحانات ومرة ييجي في الدراسة.

فسبحان الله أنت محتاج تتدرب أنك تعبد ربنا في كل وقت، على الصيام في الصيف والشتاء، محتاج تتدرب على الذكر والطاعة في الامتحانات وفي الإجازة، هكذا تتدرب على ذلك، لا يجعل أن يضع شرطاً للعبادة، يقول لك لا أنا مش هعبد إلا إذا كانت الظروف كذا، لأ تغيرات الأحوال تربي الإنسان على ذلك. إيه إيه المعنى الذي كنت أكل عنه اليوم انطلاقا من قول الله سبحانه وتعالى: ﴿ٱلۡيَوۡمَ أَكۡمَلۡتُ لَكُمۡ دِينَكُمۡ﴾. هذا موسم إكمال الدين، إكمال الدين بالنسبة لك أنت، بالنسبة لك أنت بعد ما قرأت قرأت القرآن في رمضان أن تتحرك، أن تضحي، ثم أن تحافظ على الذكر.

أجمل شيء الإنسان يوفق، كما قال النبي صلى الله عليه وسلم: «لا يزال لسانك رطباً بذكر الله». شيء جميل أوي أن الإنسان وهو بيتحرك في الحياة رايح جاي كده أنه يقول لله سبحانه وتعالى كل هذه الأحداث وهذه الأسباب وهذه الشهوات في الأرض يا رب لن تجعلني أنساك، تحافظ على ذكر الله سبحانه وتعالى، اللي بيحافظوا حتى الأذكار، داخل البيت، خارج من البيت، هذا يعني إنسان أن يتعلق القلب بالله سبحانه وتعالى.

أنا بحب أن الموسم ده الإنسان لما ييجي يقرأ في الكتب يقرأ الكتب في نوعين من الكتب؛ الكتب التي تساعده مرة تانية على الأذكار واستشعار معاني الأذكار، وكتب الأسماء والصفات، الكتب التي تربطه بالله سبحانه وتعالى. يعني يا ريت لو نقرأ ننتقي أي كتاب من الكتب، هحاول إن شاء الله في آخر المركز أنا طولت عليكم إن شاء الله هقول لكم اهو خلاص في آخر المجلس هقول لكم بعض أسماء الكتب التي ممكن في مسألة معرفة الله ذكر الله.

هذا موسم أنك أنت تخيل كده لو أنت استطعت وأنت ماشي في حياتك، مش قاعد بقى معتكف، ماشي بتتحرك، مسافر، رايح مشوار، بتخلص مصلحة، رايح شغل، أن تنظر إلى السماء وأنت تتحرك وتَقُول: سبحان الله! لو أنت استطعت أن قلبك يلقط، خلاص قلبك ما هنا يعني عايز اقول قلبك بقى مشحون، خلاص قلبك بقى بفضل الله سبحانه وتعالى عنده القدرة أنه يلقط على طول، نحتاج بقى المجاهدة اتعملت خلاص بفضل الله في رمضان، عايزك تتدرب على كده، أنت وأنت تتحرك تنظر إلى الشمس القمر النجوم: «سبحان الله وبحمده، سبحان الله العظيم» «سبحان الله وبحمده» يكبر الله سبحانه وتعالى.

فهذا موسم الذكر مع الحركة، هذه أحسن عبادة التي اختارها الله سبحانه وتعالى تتناسب حتى الناس التي منّ عليها بالحج؛ حضرتك بتجد صعوبة في كثير من العبادات أنه عايز يصلي قيام ليل أو عايز يقرأ قرآن بتركيز، أسهل عبادة يعرف يعملها مع التحرك ويروح وبعدين وبعدين طواف الإفاضة ويرجع تاني والزحمة والعرق لو وفق في اللحظات دي أنه ما ينساش ربنا هو كده بيتعلم، الزحمة يرجع لزحمة الحياة والتحرك والعرق والمشاكل والخناقات وزحمة مش عارف إيه وفي اللحظات دي ما ينساش ربنا سبحانه.

وتدرب على ذلك في الحج، نتدرب على ذلك، لا ننسى ذكر الله سبحانه وتعالى في زحمة هذه الحياة، يساعدنا على ذلك زي ما قلت لكم كتب الأسماء والصفات، الأسماء والصفات دي والله نعمة من ربنا سبحانه وتعالى، أنت لما بتقرأ كده الأسماء الحسنى يا الله! كل اسم أنت ممكن تقعد تعيش معه الوكيل، اللطيف، الخبير، تقعد عايش مع أسماء الله سبحانه بالسلام، المؤمن، المهيمن، القدوس، وتعالى تعايش هذه الأسماء، تخيل لو كل اسم ده هم بس عشر أيام، تخيلوا كل قسم عشت مع خمس ست من أسماء الله سبحانه وتعالى.

طيب عشان ما أطولش عليكم يبقى الفكرة اللي أنا كنت عايز أقولها لابد أن يكتمل الدين بالحركة والتضحية، الدين بالحركة لأجل هذا الدين، والحركة بتستلزم تضحية، لازم يكون فيه تضحية، الحركة تحتاج إلى وقت مجهود، أصلاً العبادة العبادة الأساسية في العشر قضية التضحية، أن تضحي لله سبحانه وتعالى بشيء أن تترك، يا حاج أنت بتترك دي عبادة الترك، الله سبحانه وتعالى وتضحي لله سبحانه وتعالى.

طيب يعني أنا أكتفي بالقدر ده بس على مجموعة من الكتب من الكتب معرفة الله في الأسماء والصفات: كتاب الأسماء الحسنى والصفات العليا، عبدالهادي حسن وهبي. كتاب برضه لأنك الله جميل خفيف يعني عبدالهادي حسن عمل كتاب تقيل شوية، يعني اللي عايز حاجة أعلى عبدالهادي حسن وهبي اللي هو الأسماء الحسنى والصفات العليا، عايز حاجة بسيطة لأنك الله.

برضه الكتب التي هي في كتاب جميل قوي بس مش عارف بقى هتلاقوه يعني هو في معرض الكتاب ما أعرفش هتلاقوه بقى موجود على النت ولا لا اسمه الأربعون في عظمة رب العالمين، الشيخ محمد صالح المنجد، انتقى أربعين حديثاً في عظمة الله رائع يعني أحاديث وتعليقات بسيطة عليه، وله كتاب ثاني جميل برضه الأربعون في الاستعاذات النبوية صلى الله عليه وسلم، برضه أربعين يوم حديث في الاستعاذات. لكن خلينا دلوقتي يعني معرفة الله الأربعون في عظمة رب العالمين. في كتاب برضو جميل قوي اسمه فن الذكر والدعاء اسمه كده بتاع الشيخ محمد الغزالي فن الذكر والدعاء ده كتاب أيضاً جيد، في كتاب.

معلش بقى، هو الدرس بيبقى متسجل، اللي عايز، اللي ما لحقش يكتبها، يبقى يسمعه. في كتب عن التسبيح والمناجاة بتساعدك، فاكر أساميهم للأسف؛ أظن بنفس الاسم، كتسبيحة ومناجاة. في واحد للشيخ محمد موسى الشريف، وواحد للشيخ محمد إسماعيل المقدم. فاكر بقى، ده واحد اسمه نجاي والتاني اسمه تسبيح ومناجاة لرب الأرض والسماوات تقريباً، دول الوزنان الاتنين موجودين؛ واحد الشيخ محمد موسى الشريف «تسبيح ومناجاة لرب الأرض والسماء» تقريباً كده يعني.

اللي عنده بقى أي كتاب في الأسماء الحسنى، في الأذكار؛ افرض واحد خلاص، هو راجل متقدم وعايز يقرأ كتاب الأذكار، اللي ناوي يقرأه، اللي عايز ينتقي فيه، عايز يعيد تاني مرة أخرى، روح الصلاة، شرح معاني الأذكار. يعني أي كان، المهم دي فترة انك تتعلم أن لما اللسان بيتحرك، دقات القلب بتتحرك، ده بياخد وقت، ما حدش يقول إيه؟ اصل أنا جربت الذكر ومش حاسس بخشوع. لا، استمر في الذكر، حتى لو مش حاسس بأي حاجة، استمر في الذكر.

لكن عشان القلب يلقط بسرعة، محتاج بقى تقرأ عن أسماء الله الحسنى ومعرفة الله سبحانه وتعالى؛ معقولة ما تقعد تقرأ مثلاً أو تسمع دروس -اللي برضو اللي مشغول وبيتحرك ممكن يسمع- تروح تسمع مثلاً عن اسم الله اللطيف سبحان الله العظيم! واسم الله الرحمن الرحيم! ومش معقول ساعتها أنت قلبك هيكون نفس الحالة! قبل ما يقرأ! لأ طبعاً، خلاص أنا هيكون بقى فيه حساسية لالتقاط معاني هذا الاسم. أول ما تقول سبحان الله وبحمده تتذكر لطف الله سبحانه وتعالى، وقدرة الله سبحانه وتعالى، ورحمة الله سبحانه وتعالى.

أعتذر أن أنا طولت عليكم، أسأل الله سبحانه وتعالى أن يعيننا في هذه الأيام على الطاعة. حاولوا، يعني حتى لو وجدتم بعض من حولكم مشغول عن هذه الأيام، اجتهدوا أنتم؛ عبادة في الهرج كتهجرة إلي. أنا عارف أن ممكن بعض الناس عندها أمتحانات، بعض الناس في عندها ظروف شغل مش عارفة تاخد إجازة، وهو ده المقصود بقى أن احنا نتعلم إزاي نحافظ على رقة القلب واتصالها بالله والأذكار، حتى في أشد الظروف انشغالاً، حتى في أشد ظروف انشغالاً إزاي الإنسان يتعود أن هو يذكر الله سبحانه وتعالى، يكون القلب متعلق بالله سبحانه وتعالى، ويخطف من وقته أي وقت يعني يراجع فيه كلام عن الله سبحانه وتعالى وعن الأسماء والصفات.

هحاول بإذن الله سبحانه وتعالى، إن شاء الله سبحانه وتعالى بعد العيد -أه، لأن أنا النهارده اتكلمت على مسألة التصورات الناقصة عن التدين- هحاول نعمل سلسلة كده بإذن الله سبحانه وتعالى بعد رمضان، بعد قصد العيد إن شاء الله، دي مسألة تصوراتنا عن التدين، يعني بعض التوجيهات وبعض الإضاءات كده في الطريق إلى الله سبحانه وتعالى. أسأل الله سبحانه وتعالى أن يتقبل مني ومنكم صالح الأعمال.

أسأل الله سبحانه وتعالى أن الإنسان، يعني بقول: ﴿إِيَّاكَ نَعْبُدُ﴾ وبعدين يقول: ﴿إِيَّاكَ نَسْتَعِينُ﴾ يكثر من دعاء: «اللهم أعني على ذكرك وشكرك وحسن عبادتك». الإنسان يعبد الله سبحانه وتعالى، ويطلب من الله سبحانه وتعالى المعونة، وأنه يصبر على هذه العبادات حتى لو في بعض العبادات فيها ثقل عليه، يصبر؛ لأن العبادة بالصبر، أن هو يتصبر: ﴿وَاصْطَبِرْ لِعِبَادَتِهِ﴾ [مريم: 65].

فاسأل الله سبحانه وتعالى أن يبلغنا يوم عرفة على خير، وأن يوفقنا في يوم عرفة للدعاء. اجتهدوا يا جماعة من دلوقتي انك أنت تجمع كتب الأدعية أو الكتيبات أو الحاجات اللي هتدعي فيها. ادعي ربنا كتير أنه يبلغك يوم عرفة، وأن أنت تفرغ نفسك وقت يوم عرفة للدعاء، خصوصاً بعد العصر، أنك أنت تخلو بنفسك وترفع يَدَكَ إلى الله سبحانه وتعالى، لا تنزل يَدَكَ إلا مع أذان المغرب.

فجهز نفسك من الأدعية التي تريدها في الدين وفي الدنيا: ﴿رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً﴾ [البقرة: 201]، أنك تجمع الأدعية، ويكون معك أي كتاب أو كتيب أو حتى معك ورقة عن الأدعية التي تدعو الله سبحانه وتعالى بها. جهز نفسك من دلوقتي؛ الله سبحانه وتعالى يطلع علينا ويرى جهدنا واستعدادنا.

أسأل الله سبحانه وتعالى أن يوفقنا لكل خير. أقول قولي هذا، وأستغفر الله لي ولكم. سبحانك اللهم وبحمدك، أشهد أن لا إله إلا أنت، أستغفرك وأتوب إليك. والسلام عليكم ورحمة الله وبركاته.