دورة الوعي اللغوي - المحاضرة 2 : اللغة والإستعمار

عندنا تصورين كبار، تحت التصورين دول في تصورات كثيرة جدا فرعية. التصورين الكبار في العالم هو إيه؟ إما التصور الخلقي، أن كل شيء موجود في الكون هو من خلق الله عز وجل بما فيه الإنسان، والإنسان ده خُلق خَلْقاً مخصوصاً، يعني آدم عليه السلام هو خُلق خَلْقاً مخصوصاً. آدم ده في التصور الإسلامي وكل التصورات الديانات الإبراهيمية، المسيحية واليهودية والإسلام، أن الله عز وجل قد خلق آدم بيديه، وأن آدم هذا مُعَلَّمٌ، مُتَكَلِّمٌ، مُسْتَغْفِرٌ من أول خلقه.

يعني آدم أول ما.. الأحاديث القدسية، احنا عندنا أحاديث كثيرة جداً غير النص القراني العام، أن آدم عندما.. أن الله عز وجل لما نفخ الروح في آدم وهو في طين، فلما بلغت الروح إلى رأسه عطس فقال: الحمد لله، أول حاجة قالها الحمد لله، فردت عليه الملائكة، ثم قال.. فقال له الله عز وجل: اذهب فسلم على الملائكة فسلم عليهم فسلموا عليه. فآدم ده من أول لحظة ده خُلِقَ حامداً، متكلماً، مُدْرِكاً، واعياً، يعرف الأسماء، مُعَلَّماً من الأسماء. آدم ده في أنهي تصور؟ تصور الديانات الإبراهيمية، يعني اليهودي يقول كده والنصراني يقول كده والمسلم يقول كده.

عندنا بعد كده التصور التطوري، التصور التطوري ده إما ملحد أو غير ملحد، لكن سواء اللي بيتبناه ملحد بيقول إيه؟ بيقول إن كل الكائنات اللي موجودة دي يمكن تفسيرها مادياً ويمكن ردها لأصل واحد مادي، فمن خليه بسيطة، الخلايا البسيطة صارت معقدة، المعقد ده تصور إلى كائنات بدائية، هذه الكائنات البدائية نامت بشكل ما يمكن تجيب عليه نظرية التطور ثم تحولت إلى كائن، هذا الكائن طور بيولوجياً وكيميائياً وعياً وإدراكاً، هذا الوعي والإدراك خلانا نوصل للي هو إيه؟ هوموسابينز أو الإنسان العاقل الأول أو المُدْرِك الأول اللي هو جَدُّ جَدُّ جَدِّ أجدادنا في نظر هؤلاء التطوريين.

خلاص، هذا الرجل ما كانش ناطق بس مُدْرِك واعي، ثم طوّر لغة، بقت معاه لغة يتحدث بها، اللغة دي.. اللغة اعتباطية في الأساس، اعتباطية يعني إيه؟ يعني ما فيش أي علاقة ما بين الأصوات اللي بيقولها والدلالات اللي بيشير عليها، هو قاعد يقول كذا، وبعد كده طوَّر من هذه العلامات الصوتية تراكيب، ثم طوَّر من هذه التراكيب إلى لغات وهذه اللغات الموجودة، خلاص.

فعندنا دول بنيتين كبار، ليه احنا بنقول كبار؟ لأنه تحتهما فرعيات كثيرة جداً. في ناس من الخلقيين اللي هم المؤمنين بالديانات السماوية الإبراهيمية بيقولوا: لا، ده التطور هو آليات وقوانين الخلق بتاعت ربنا، فما بيقولوش إن آدم ده كائن.. لا ده تطور، آه بس إيه؟ اللي خلق الأشياء كلها مين؟ الله عز وجل. بس لما بيتسأل عن آدم بيقولك: آدم ده أول كائن واعي، لكن هو منحدر من سلف غير واعي وسلف غير مُدْرِك. طيب والاختيار والانتقاء؟ يقولك: لا، ربنا انتقى من سلف سابق، يعني آدم ده مش أول خلق، ده أول خلق، أول انسان عاقل أو مُدْرِك، فهم بيوفقوا ما بين نظرية إيه؟ ما بين التطور والخلق.

طيب آدم ده اتكلم على طول؟ فيقول لك: لا، طيب القرآن بيقول إيه؟ يقولك: لا، كل الكلام في القرآن إشاري رمزي. إشاري رمزي يعني إيه؟ يعني الله عز وجل بيقول لنا كلام كده على سبيل الوصف، حاجة كده تقرب لنا حاجة، لكن ده ما حصلش. عشان كده احنا دايما بنقول إيه؟ التطور اللي بينكد عليهم مش حوا.. مش سيدنا آدم، بيقولك آدم اهو التطور بيفسر.. طب احنا السيدة حوا؟ احنا بنقول آدم، هما كده كل ده عشان يفلت من الخلق المخصوص أن آدم كان طين ثم تحول إلى انسان، هو مش عايز يقول ده. فبنقول له إيه؟ لا، طب حوا جت منين في النصوص الشرعية عندنا؟ بل نصوص القرآن أنها خلقت من.. فيقولك: لا، ده رمزي رمزي إشاري، مش مش حقيقي، بل هي كائن تطور، وهذا الكائن وهو بيتطور اختار أن يبقى منه أنثى وذكر عشان يحافظوا على التناسل.

فاحنا نقول له.. اه، حضرتك شرفت، تفضل. فاحنا بنقول المشكلة مع السيدة حوا وأن الله عز وجل يقول: ﴿مِنْ أَنْفُسِكُمْ أَزْوَاجاً﴾ اللي هو الخلق ده من أنفسكم، فتقول له: الآيات دي معناها إيه؟ فيقولك إيه؟ هو قول النبي صلى الله عليه وسلم أن المرأة خلقت من ضلع آدم، من ضلع آدم فضلعه يعني من نفسه، من نفسه مادياً. احنا بنقول ده تفسير، بل إجماع المفسرين على هذا. خلاص، فيقولك: لا، ده تفسير إشاري رمزي والكلام مش على حقيقته، فاحنا بنقول: خلاص ماشي، يعني خلاص ماشي، يعني إليه إيه؟ براحتكم، يعني ربنا يسهل، لكن احنا خلاص ما فيش مساحة مشتركة، خلاص.

لكن احنا كل تطورين منهم ملحد ومنهم غير ملحد، التطورين في منهم تطوري خلقي زي ده، بس ده لا يشير إلى الديانة السماوية، يعني يقولك: ويبدو أن في صانع، ويبدو أن في صانع ذكي بس مش لازم يكون إيه حد من آلهة الديانات السماوية، مش هو الله عز وجل، يعني مش هو الإله الذي حدّث الناس في الكتب السماوية، لكن في خالق. وفي منهم تطوري ملحد، فعندنا إيه؟ ريجيشن يطلع لنا إيه؟ تنوعات مختلفة.

خلاص، كده لما نتكلم على القردة العليا يبقى احنا بنتكلم على إيه؟ نوع من القردة، خلاص، دول يعتبروا في خريطة التطور سابقين على الإنسان، يعني احنا.. ممكن يكون في زمانهم من ملايين السنين، احنا انحدرنا من سلف مشترك احنا وهم، مش هم.. احنا مش جايين منهم، لا لا، احنا الاتنين ولاد عم جوه الشجرة، يعني قرايب، بس احنا والشمبانزي والقردة العليا ومجموعات أخرى، خلاص.

طيب حد برضه وهنا في الصفحة 30 لما كان بيتكلم على علاقة اللغة.. أيوه، بيقول أن استحاله أن أنا أعرف أفكر بالطريقة اللي الناس من ثقافات أخرى بتفكر بها، دي نظرية سابير وورف، إن هي نظرية نسبية لغوية، دي إحدى الفرضيات القوية جداً اللي كانت ليها سطوة ضخمة جداً داخل العلم الاجتماعي، علم اللغة الاجتماعي لفتره طويلة، وإن كانت مش مُسَلَّمَةً بل نُقِدَتْ نَقْداً شديداً بعد ذلك.

لا، هي بالفرضية دي هو بيسموه المنتقد متطرف جداً لفرضية سابير وورف. إيه سابير وورف ده؟ سابير ده واحد ووورف ده واحد، وورف ده بنجامين وورف، وبعد كده هي أحياناً.. أفضي، بتسمى نظرية وورف أحياناً أو النسبية اللغوية، اللي هي بتقول إيه؟ سقف تفكير الإنسان لغته، فأنت لا تستطيع تصور أشياء غير موجودة في لغتك، فلغتك هي حاجز تفكيرك. مثال: أنا يحيى ومحمد ده خالي وده عمي، خلاص، وهم جايين في الشارع، أنا.. وانا راجل عربي، كيف أنظر إلى محمد وأنظر إلى يحيى؟ دول اتنين.. اتنين بني آدمين ولا واحد بني آدم؟ اتنين، اتنين من نظرية.. ده اسمه إيه؟ عمي. العلامة اللغوية بتاعت عمي غير خالي. أنت راجل أمريكي، وهما جايين، دول خلانك وعمامك، الاتنين إيه؟ يعني مين فيهم أنكل؟ اتنين.

طيب، واحد قريبك أمريكاني ابن عمه توفى وكتب لك رسالة وحزين، فأنت عايز تعرف مين اللي مات عشان تعزيه، فتتصل بيه ولا تتصل بابوه؟ أنت مش عارف مين اللي توفي أصلاً، ليه؟ اللغة الإنجليزية لغة لا تفرق بين العلاقات القُربى، فهي خالته هي عمته، وعمه هو خاله، وابن عمه هو ابن عمته. في لهجات محلية في أستراليا بتقسم أربع علاقات قُربى ليها نفس اللفظ، عمه وابن خاله وابن اخت أخته وابن أخته كلهم واحد، فاللي هو إيه؟ يعني أنت الاتنين إيديك الاتنين شمال، خلاص.

فالفرضية دي بتقول كده، بتقول: أنت يا بدو.. أنت لا تستطيع التقاط هذه العلاقة لأني مش موجودة في لغتك، خلاص. الأخطر من ذلك أن في لغات مثلاً ما فيهاش بنية فعلية، ما فيهاش بنية اسمية، كلها أفعال، كلها أفعال زي لهجة النوتكا في لهجات الهنود الحمر، فكلها أفعال. واحد يقولك: يعني إيه كلها أفعال؟ في لغة ما فيهاش أسماء، فانت تقوله: أنت ليه متصور فيها أسماء؟ عشان أنت لغتك العربية، احنا في.. بنقسم الكلام لثلاث أقسام: اسم، وفعل، وحرف. في لغات بتفصل.. اللغة الإنجليزية ترى الأشياء ثمانية: اسم، وفعل، وحرف، والحجات اللي احنا بنطلق عليها أسماء زي الضمائر والصفات بتفردها بقسم مشترك، والحروف والادوات بتقسمها لعدة أشياء، وحجات فرعية ما بين الأفعال زي البروناون، زي الأسماء اللي احنا بنقول أسماء أفعال عندنا، وحجات زي كده، بس بتفردها بقسم مشترك.

فأنت متصور أن لغتك هي الحكم، هي المعيار، اللغة التانية مش موجودة فيها كده، خلاص. أو مثلاً أشياء من هذا القبيل، المقارنات. فاللغة دي.. الفرضية دي قعدت فترة سائدة في العالم، إن هي إيه؟ الإنسان سقف تصوره للعالم هي إيه؟ النسبية. لكن ده مش صحيح، مش صحيح.

في فصل ماتع جداً مكتوب في كتاب، الكتاب نفسه هو كله يُقرأ بس أنا هاحيل على الفصل ده مستحب مش كواجب لأنه ثقيل برضه، الكتاب اسمه عبر منظار اللغات. الكتاب لطبع رجل إسرائيلي بس الكتاب.. طبعا أفاضل اليهود دول ربنا أحرقهم، خلاص. كتاب ممتاز جداً، كتاب اسمه عبر منظار اللغات بتاع.. لا، مش فاكر اسمه، هو طبعة عالم المعرفة الكويت، وهو مرفوع بي دي إف، في مقال بيتكلم عن نقد نظرية سابير وورف، هرفعه مقطوع على المجموعة، الفصل بس ليه؟

هو بيقول الفرضية لما افتراضها سابير وورف، درسوا 60-70 لهجة من لهجات الهنود الحمر وطلعوا بإجراءات ميدانية ممتازة جداً، فعُظِّمَت هذه النظرية في الدرس اللساني والأنثروبولوجي وسادت، وبعد كده لما نُقِدَت نَقْداً شديداً جداً، نقدها منين؟ سؤالك اللي هو إيه: الكلام مش دقيق؟ لا، مش صحيح، احنا بنعبر عن ذات الأشياء بطرق مختلفة. فهو إيه الصحيح؟

الصحيح.. يعني أنت مثلاً في الأمثلة بتستخدمها نظرية النسْمية اللغوية، احنا في اللغة العربية: ده حائط وقدامه كورة، فانا لو عايز أوصف الكورة بالنسبة للحائط فبقول إيه؟ الكورة أمام الحائط. ده ب.. هل يمكن تتصور حاجة غير كده؟ أنت اللغة.. لغة الهوسا لغة غرب إفريقيا بيقولوا إيه؟ الكورة خلف الحائط! هي هي المنظر اللي احنا شايفينه ده، فبيقول خلف الحائط، فانت تبقى قاعد اللي هو إيه؟ هي فين؟ فانت بتقوله أمام الحائط، هو يقولك خلف الحائط، تخلي أنت الاتنين بتدرسوا. فلك هو احنا عندنا.. وتوصف.

فواحد يقولك: بس لا لا ده مش مظبوط، اللغة العربية أصلاً منطقها منطق عكسي، يعني إيه؟ احنا بنقول.. إيه؟ احنا مش بنقول أمام بس، ده احنا بنقول الاتنين، يعني واحد اللي هو بيسموه مبحث الضاد، الأضداد، ده موجود في كل اللغات وموجود شكله في العربية، اللي هو احنا بنقول إيه في العربية؟ قول الله عز وجل في القرآن: ﴿وَكَانَ وَرَاءَهُمْ مَلِكٌ يَأْخُذُ كُلَّ سَفِينَةٍ غَصْباً﴾ [الكهف: 79]. الملك ده كان وراءهم، يعني إيه وراءهم؟ أمامهم.

لما يقولك.. لما واحد تقول له إيه: دونك أو وراءك، وراءك يعني وراءك أو أمامك. لما واحد يقول للتاني في العربية يقولك إيه: فلما أتى الرجل فهاجممني فشممت سيفي. شممت سيفي يعني عملت إيه؟ سيفي.. اتقي من اللي أنا قلته، حتى لو ما تعرفوش، أن الشمام يعني استل. فبيقولك إيه: فلما.. يعني.. يعني أمنته، شممته سيفي، اللي هو أنت عملت فيه إيه بالضبط؟ شممته يعني استل سيفه من غمده ووضع سيفه في غمده، الاتنين.. الاتنين، آه الاتنين.

لما أم.. في العامية المصرية، هو مأخوذ عن العربية الفصيحة، لما ابنها يعمل حاجة صعبة وبتتهدد قدام ناس أو مش قدام ناس، احنا ما بنخافش الستات عندنا، فتقول له: ليلتك بيضا. هي مش بيضا، هي سودا، خلاص. فبيضا يعني إيه؟ سودا، خلاص. بتعود.. حد هنا من ميت غمر ولا.. بيقولوا الأزرق أحمر، والأزرق أخضر وأخضر أزرق زي اللغة اليابانية، هو شايفهم كده؟ لا، هو مسمي ده كده ومسمي ده كده، خلاص.

فهو ده اختلاف في اللغات بس هما بيعبروا عن إيه؟ عن شيء واحد بس بيعبروا عنه بطريقتين مختلفتين، ده مش معناه أن اللغة لا تستطيع التقاطه، هو ده بقى النقد الشديد، فقالك: لا دي العبارة بقى الذهبية في الموضوع، بيقول: لا، كل لغة تحدد الحد الأدنى من الحمولة اللغوية داخل الرسالة اللغوية. كل لغة بتحدد الحد الأدنى.. الحد الأدنى من المعلومات.. اللغوية داخل كل رسالة لغوية، يعني أنا في العربي يكفي فقط أن أنا أجيب اسمين في جملة أتم بهم معنى مسند ومسند إليه، أقول إيه: خالد مسافر. هذا المعنى بهذه الطريقة لا يمكن تأديته.. لا يمكن تأديته في بعض اللغات أو العكس، قام خالد أو سافر خالد، سافر خالد بهذا التراتب، بهذه الطريقة لا يمكن.. لا يمكن ذكره في اللغة الإنجليزية، ليه؟ اللغة الإنجليزية لا يوجد فيها جملة طبيعية، إيه الطبيعي؟ تبدأ بفعل، لا، لازم تبدأ باسم، والفعل ياتي فعل مساعد لاتتمام الجمله، خلاص. فمافيش "سفر" دي تجي في الأول خالص، يجي..

خالد الأول، بعد كده نقول بقى هو مسافر هو سافر سفر قبل حدث، هيسافر إن شاء الله ربنا ينفعه بالسلامة ويخرج مثلاً، لكن ما فيش أي دلالة تبدأ بفعل، فالتعبير ده اللغة الإنجليزية هي اللي بتقول: أنا عشان أعبر عن المعنى ده أعبر عنه بالطريقة الفلانية. اللغة العربية بتشترط حاجة تانية خلاص، لكن مش بيعبروا لغة ما تقدرش، اللغة اليابانية مثلاً ما ينفعش هنا بقى، اللغة الإنجليزية ما ينفعش، اليابانية إلا وتجيب الفعل في آخر الجملة بس ما فيش صورة تانية. يعني واحد يقول لك إيه: طب الفعل أوديه في الحته اللي انت يبقى في العربي كده أنا ممكن أجيب المفعول قبل الفعل في العربي، لا عايز أخصص بحاجة ولا بتاع.

في اللغة اليابانية ما ينفعش، لازم أجيب الفعل في الآخر، ولازم كل وحدة لغوية أحط معاها أداة تقول هي إيه، فأنَا عايز أقول إن أنا أيمن، فأنا قلت كده إيه: أنا أيمن، أنتوا فهمتوا إن أنا دي مبتدأ وأيمن خبر. مين اللي قال إن أيمن مبتدأ وأنا يعني مين اللي قال كده؟ النحو هو كده، إحنا محددين، يعني أنت مش هتجيب أداة تقول إن أنا مبتدأ وتجيب أداة تقول أيمن خبر، لا. اليابانية لا يمكن التعبير بدون أدوات، يعني لازم أقول: واتاشي أنا، أنا لا، أقول واتاشي يعني أنا موضوع الجمله ودي لازم تيجي بعد الحاجة اللي تقول دي موضوع الجمله، ده المسند إليه.

في العربي مش كده، أنا مش محتاج أقول الإضافة اللغوية دي، فأنا أقول: واتاشي أيمن ديس. طب خلاص، أيمن دي بقى ديس أن خلاص، ده ده اللي إحنا كنا، ده المحمول، ده الخبر، ده اللي أنا.. كاش أيمن، يعني كده أنت فهمت إن أنا لو أنا ما قلتش واتاشي، لا، ممكن تبقى حاجة تانية خالص؛ ليه؟ لأن ديس هي اللي بتقول إن أنا موضوع الجمله، إن أنا المسند إليه، خلاص، وهكذا.

ده مش معناه أن اللغة اليابانية لا تستطيع التفكير، واحد اتنين تلاتة أربعة، دي النظرية النسبية اللغوية، لا، لا، هي اليابانية تحدد في وصفها التعبير بأقل حمولة لغوية. فاللغة اليابانية مثلاً بالنسبة لنا إحنا عندها فائض لغوي، ليه تجيب أداة ما تقوله على طول؟ اللي هو سموها بنجيني مثلاً في الخصائص. شجاعة العربية هي شجاعة الحذف، أنا أقول الحاجة وأنت تفهم لوحدك. تفهم لوحدك إيه؟ ليه ناقص؟ فتقول لي: حضر محمد، أقول لك: إيه؟ حضر، طب فين محمد؟ خلاص بقى، يعني في لغة مستحيل تعمل فيها كده، في مستحيل تعمل في لغات أخرى هكذا، في لغات لازم تجيب إضافات مهولة جداً عشان تحدد الحاجة اللي أنت تقولها كلمتين في العربي.

وهكذا، العربية مثلاً فيها فكرة الاختصار الشديد جداً أو التكثف اللي هو إيه؟ استكتبه. استكتبه محمد، يعني إيه دي؟ ده عشان أنا أترجمها في اللغة الإنجليزية لازم أقولها جملة، أقول: أنا طلبت من محمد إنه هو يكتب. فأنَا طب استكتبه؟ قال لك: كليك يمين رير، ضغطها، فهي اللغة العربية تعمل ده، تعمل ده، خلاص.

فده ده الشاهد، فالنقد الشديد جداً إن هي إيه؟ إن النقد جالها منين؟ ده أنت تخيل جالها من مساحة غير لغوية، يعني هي كانت أداة شديدة جداً إيديولوجية للقوة الاستعمارية. قال لك: في لغات كما التقسيم التقسيم التطوري للناس الكائنات، إن إحنا كائنات متطوره والنمل والصراصير كائنات بدائية، بس إن شاء الله ربنا ينفخ في صورتهم يتطوروا بعد كده، فممكن بعد كده يترقوا في سلم التطور يبقوا حاجة مختلفة زينا، كائنات مدركة وعاقلة وأحسن منهم في سلم البتاع.

في جو حر يا إخواننا، في حاجة غلط! إيه، أنتم سقعانين؟ طب ما نبدل حد يعمل خ.. إيه 24 دي ليه؟ 24؟ طب في مرح.. في في حاجة؟ طب أستاذنك يا محمد قول لهم عايزين مروحة تانية، عايزين مروحة إيه؟ أه، طب ما أي حد يعمل أي حاجه بس المهم إحنا كده هنولع، إحنا حرانين جداً، أنا شخصياً حران جداً، بس استني كده، سيبيها، لا، اهو نزلت تاني، لا يجي حد برضه.. تجرب لا أنت كده قلقنتني، هو بتاع با.. أه، وحد ممكن ينزل لنا برضه درجة الحرارة شوية. إيه، المهم يعملوا أي حاجة عشان مين اللي.. يعني التكييف التاني شغال ولا مش شغال؟ لا الجو حر، ماشي، برضه حر، خلاص، طيب ماشي، ممكن نحط الفيشة.

خلاص كده فهم استغلوها إيه، فمادام في كائنات بدائية في.. أه، ممكن شغله.. آه، هيشغل إزاي؟ ممكن حد يشغله منهم ولا هنا كده في الاخت.. الأخ.. آخر واحدة ممكن تشوفه؟ لا، أنت التاني شغليه. أه، طب ماشي، عدوا محمد لو إيه؟ أه، يعني مش نموت، لا، ده أنت كنت تول.. هتقلع مننا أنت، وأنت قاعد في الركن كده كانت لتصل لك دي وتوصل لك ده، وهيواصل كده تتسلخ منها من المض.. طريقة راديكالية للتخسيس بس هتخس ويجيلك تسلخات، هتاخد الأوبشن كله على بعضه. تمام، أه إن شاء الله في أمل.

فبيقول لك: يبقى كده في شعوب بدائية ولغات بدائية، هذه اللغات لا يمكن التعبير عن.. لا يمكن، لا يمكن أن تعبر عن كذا وكذا وكذا. فاللغة العربية ما بتعبرش عن مصطلحات الفيزياء الحديثة! بص إزاي؟ فانت المفروض تغيرها. أغيرها إزاي؟ تتعلم اللغة بتاعتنا إحنا، فيجب أن يتعلم المصري العربية الإنجليزية، ويتعلم التونسي والجزائري والمغربي اللغة الفرنسية، اللي هو إيه بقى؟ السياسات اللي هي اللي هتكلم عنه النهارده، اللي هي السياسات اللغوية أو السياسات الاستعمارية اللغوية، كيف يؤثر السياسة والاستبدال على الاختيارات اللغوية؟ خلاص كده.

طبعا في بعد كده في اتجاهات، هذه النظرية مش كلها خطأ ومش كلها صح، لا، اللغة عامل مؤثر جداً على رؤيتنا للكون، وده حقيقي بقى، والي هو بيسموها الاتجاهات الاستمرارية التحوير والاستمراريه داخل نظرية سابير وورف، واحد اسمه برنشتاين ومجموعة تانية من علم الاجتماع، لحد عايز يقرأ في التطور بتاع النظرية النسبية اللغوية في كتاب اللي هو اللغة والفكر ورؤيه العالم. اللغة والفكر والعالم بتاع محيي محسن طبع لونجمان، اللي هو أبو الهول.. الهدوم، اللغة والفكر والعالم في نسبية لغوية، الكتاب كده حتى عنوانه الفرعي في الكلام عن النسبية اللغوية بتاع وورف، طبعه لونجمان للدكتور محيي الدين محسّب، أستاذ اللسانيات. خلاص كده.

حد عنده أي استفسار أو تعليق على مقالة حضارة اللغة وتأم.. طيب.

بسم الله والصلاة والسلام على رسول الله، الكلام المبحث التاني الكلام في الدوره عن علاقة اللغه بالسياسة أو الاستبداد. إيه.. أه لو إحنا.. إحنا بقى من وجهة نظرنا كمسلمين، إحنا عندنا داخل.. داخل المسلمين عندهم في اتجاهين، الاتجاهين دول يتفرع عنهم اتجاهات فرعية بس دول الأساسيين.

كل الناس بتقر بخلق آدم، بخلق آدم، وأن آدم معلم، معلم إيه؟ هو ده الخلاف. ففي ناس بتقول: إن الله عز وجل علمه الأسماء فعلمه اللغة، فاللغة توقيفية. توقيفية يعني معلّمة من قبل الخالق لادم مباشرة، كما ينقل عن سيدنا عبد الله بن عباس في التفسير أنه علمه إيه؟ الأسماء. فعلم آدم الأسماء كلها، يعني ايه علمه الأسماء لها؟ يعني قال: هذه شجرة وهذه نخلة وهذا بحر، وهكذا. الله عز وجل علمه المفاهيم والدل.. أسماء الأشياء، وده تفاضل بني آدم على الملائكة.

خلاص، في ناس تانية بتقول: لا، أعطاه الملكة، ملكة تعلم الأشياء، فيستطيع اللي هو بيسموها القدرة التصنيفية أو القدرة على التسمية، فأنا حضرتك لما بنشوف حاجة، بنشوف حاجة ما تكونش ليها اسم الأول فإنا بعد ما.. بعد كده نطلق عليها اسم، الاسم ده ليه طريقة ف.. ف.. ففي نظرية بتقول: اللغة توقيفية؛ لأن الإنسان معلم، آدم معلم. وفي لغة.. في ناس بتقول: لا، ده هو اكتسب الملكة، واللغة تواضع، اللي هي نظرية الوضع، اللي هو إيه؟ يعني الناس تصالحت أو تواضعت على إنه إحنا الأول كان بنقول أصوات برضه، والأصوات دي.. الأصوات دي اعتباطية، والأصوات دي بعد ما هي اعتباطية، بقينا نسمي حاجة كذا، قلنا: بحر، بحر دي مالهاش أي معنى، مالهاش أي دلالة عند أصحاب هذه النظرية، وسمينا الكلب كلب، والقطة قطة، وبتاع، ثم تكونت اللغات.

ثم.. إزاي أنا المف.. هداية الخلق آدم وحواء والأولاد؟ طيب، ما هو أصلاً آدم عارف اللغة، هيقول أصوات ليه؟ هو بيقول لك اللي بيقول كده ما بيقولكش هو عارف اللغة، هو اكتسب الملكة بس، يعني هو الله عز وجل اللي.. ما أعرفش المفهوم حضرتك درستي ايه أنت دار علوم ولا إي؟ تاريخ، تاريخ. في مصطلح عند المناطقة بيسموه بالقدرة بالقوة وبالفعل، فحضرتك ناطقة بالقوة، لما تتكلمي فعلاً تبقي بالفعل، زي الطفل أول ما بيتولد بيتكلم ولا ما بيتكلمش؟ الطفل لا.. لا، ما بيتكلمش، أول ما بيتولد هو ناطق بس بالأيه؟ بالقوة، هو ينفع يتعلم لغة. ففي ناس بتقول: آدم كده، في ناس بيقولوا: لا، آدم اتكلم، اتكلم صراحه مباشرة، وعارف أسماء الأما.. عارف أن دي شجارة وضبحة وعلموه لأولادهم، فعنده الملكة وعنده أسماء الأشياء، فاللغة توقيفية، فاللغة مش اعتباطية. فبحر ما كناش ممكن نسميه رحب، ولا كحر، ولا فحر، والكلب ما كناش ممكن نسميه بكل ولا لكب. والغرابة أن نظرية الأشاعرة رأي جمهور عندنا في المتكلمين والبلاغيين الاعتباطية، وإن كان ده مالوش أي دلالة؛ لأن الحاجات دي لغة وصفية؛ يعني معظم المتكلمين أو بناة البلاغة معظمهم لهم مذاهب كلاميه، أما أشاعرة أو ماتريدية أو معتزلة، فآثار.. آثار اعتقادهم الكلامي مؤثر جداً، بس ده مش موضوعنا يعني، لكن هم النظريتين موجودين وفي نقاش طويل ليهُم داخل كتب فلسفة اللغه والمنطق وأصول الديانة، المساله مسألة مبني عليها أحياناً بعض القضايا، قضايا الديانة أو قضايا الاعتقاد.

سؤالك وبعد كده سؤالك، اتفضلي.

اللغة بقت كذا لغة، يعني في لغة عربية.. ده.. ده بيسموه قانون الوراثة اللغوي أو علم الجينات اللغوي أو علم الوراثة اللغوي. عارفة اللغة الإنجليزية من 400 سنة ما كانش في إنجليزية بالمعنى المعروف؟ كان إيه؟ كانت لغة منحدرة عن الجرمانية زي العامية اللي إحنا بنتكلم دي، جت منين؟ جت من العربي فصيح. طيب إيه؟ عارفة لما واحد.. واحد بتسمع الخليجيين كتير يقولوا: ايش، ايش هذا؟ يعني إيه إيش؟ أي شيء هذا، لايش؟ ده بيسموه تطور في.. إحنا أصوات حذفناها، لما بقول لك: هتيجي ولا الديب ياكلك؟ ها، إيه ديب دي؟ إيه ديب دي؟ فدي في لهجة عربية فصيحة، خلاص، وأحنا حطينا التاتش بتاعنا شلنا كل الحروف.. حروف الإظهار في العربية وخليناها إيه؟ كل حرف وديناه لأخوه اللي ما فيهوش تطلع لسان. إيه.. شن النقاط؟ لا مش.. أه، فمثلاً ظهر بنقول ظهر، وبنقول ديب، وبنقول ثعلب، ثعلب فاتت.. بنشيل الثاء ونحط تاء، وهكذا. أقول لك: إيه ده؟ أي حاجة، ده إيه ده؟ دي إحنا عندنا ذا.. ذَهْ، بس في العربية ونحط لها التنبيه اللي هي هذا وهذه، وبعد كده بنبني منها ومنجمع حاجات زي كده، فبنقول لك: هذا اللي هو ذا بقت إيه؟ ده، واللي هي بقت.. طبعا إحنا هنقول ده ليه؟ ده كتيرة كده، ده بيقولك: ده كذا، ده اللي العامية المصرية، والّا لو في عاميات أخرى هتلاقيها إيه؟ مثلاً إحنا كل قاف في العربية شفناها وخليناها همزة ما عدا القرآن بنقوله كاف، أو قاف إلى كاف، قرآن، قرآن، خلاص. اللبنانيين جبابرة، يعني إحنا ما بنقولش أرقام، ما فيش حد في مصر بيقول أرقام، اللبنانيين بيقولوا أرقام، بيقول لك: فين الأرقام بتاعة التليفونات اللي هي.. قاف اتشحورت، بس اللبنانيين مسهوكين زيادة عن اللزوم، يعني إيه؟ فاللغة بهوقت قوي منهم، طريت قوي معاهم، خلاص.

الصعايدة بينظروا نفس النظرة للقاهريين اللي هو: ما تسترجل كده وتتكلم زي الناس! بس طبعا هو إيه؟ هو بيراها أن هي لغة لينة أو نسوية، بس هي لغة أعلى في الطبقة الاجتماعية، فالقاهري ده حاجة في علم اللغة الاجتماعي هو يرى نفسه بمجرد نطقه باللهجه المصريه.. ده حتى المصريين بيناسب غيرهم، أي مغني أو مغنية لو عايز تشتهر في العالم الإسلامي العربي بيغني باللهجة المصرية المحكية اللي هي القاهرية. إيه السبب؟ ده حاجة طبقية، حاجة متعلقه بالفوس والمكسب وبتاع، وفي نفس الوقت إحساس أن هو أكثر تحضراً بتاع، عشان كده لو حد من الأرياف أو الأقاليم لما يحب.. متفسحوا في المجالس اللي حطت الشنطة ممكن يشيلها ويقعد حد في حد والله مختفي.

أه، خلاص. فهو ممكن لو عايز يشعر نفسه أو يشعر المتحدث بأنه أكثر تحضراً مثلاً، ممكن زي ما إحنا بنعمل كده في الإنجليزي أحياناً في اصطلاحات معينة بنقولها بالإنجليزية للدلالة إما على خلفية أو على مستوى تعليمي أو مستوى طبقي، مستوى تعليمي معين، خلاص. أحياناً بنعمل كده إما تصنعاً أو.. يعني إما تكلفاً أو حقيقية، يعني حضرتك برق.. لا، مش لازم يكون متقارب، لا، ده أنت عشان حاجة قريبة قوي، مثلاً لما تبقى اللغات بقى مختلفة تماماً، فلو تنيت الراي الأولاني هو توقيفية ده ف.. هعتبر أن هو ربنا علم سيدنا آدم العربية.

لا، أصحاب التوقيف بيقولوا: إما علمه لسان واحد أو إما علمه عدة ألسنة، وآدم علم كل حد من أولاده عدة ألسنة، فانتشرت اللغات. ولو على الفرض الأول، يمكن تخيل.. لك أن تخيلي أن اللاتينية.. اللاتينية.. اللاتينية مطلعة إيه؟ الفرنساوي والإسباني والبرتغالي والروماني، كل اللغات الرومانسية طالعة من اللاتيني. واللاتيني والجرماني والسنسكريتية.. فيصور هذا في.. في مقال ممكن نحيل عليه، بس برضو على سبيل الاستحباب، اللي هو فكرة إيه.

اللي هو يسموها أركيولوجيا لغات. علم أركيولوجيا اللغات، أركيولوجيا اللغات اللي هو التداخل ما بين علم اللسانيات والجيولوجيا؛ اللي هو إيه؟ هل يمكن تصور أن النسخة دي من اللغة دي حسدت اللغة دي، ينفع كده؟ آه في قانون إحصائي بيقولك اللغة كمان كل كم سنة بتفقد إيه أصوات، وبتفقد إيه تراكيب، وبتفقد وهكذا، يعني في كده أنه تطورت من لغة واحدة مع التشوه، هي لغة واحدة ولا إن هو في عندك... ما أنا قلت لك، أنا مش قلت لك إيه المقولتين الكبار؟ خلقي وتوقيف وتواضع. تحت التوقيف كتير، وتحت التواضع كتير.

علم ورس اللغة بقى، اللغة العربية في حاجة أعلى منها أصلاً؛ يعني المنطقي بيقول كده. في ناس بيقولوا: لا، ده اللغة اللي تكلم بها آدم هي العربية مباشرة، وهذا فرض بعيد؛ لأن العربية نفسها التي تحدث بها النبي صلى الله عليه وسلم دي العربية الشمالية، دي عربية العدنانيين وفي عربية القحطانيين، فدي لغة غير دي. يعني إيه؟ الاتنين مختلفين في بعض الدلالات، وإن كان يتشابه في أشياء. فالآرامية، والآرامية، والأكادية، والـ(أوغاريتية) والفرعونية القديمة والقحطانية، كل دي أسرة واحدة، كل دول أسرة واحدة، يعني لو حد شاف أي في كتاب مشهور جداً اسمه فقه اللغات السامية بتاع بروكلمان، مستشرق هو ألماني بس كان تنين مجنح، اسمه فقه اللغات السامية، بيقارن بين العربية والأكادية والآرامية، ما عدا الأوغاريتية لأنه كان لم يكتشف أي حفريات وهو عايش، كتاب قديم لغاية 1921 1929 ولا حاجة بس هو كان أعطى هذه المحاضرات وترجمت، ترجمها الدكتور رمضان عبد التواب.

فكل اللغات؛ يعني الأكادية، والآرامية، والسريانية، والأمهرية وما عدا الأوغاريتية، الأوغاريتية أحد الأسرة... تسأل على حاجة بتاع بروكلمان ترجمه الدكتور رمضان عبد التواب. لحظة، إحنا إيه؟ نوقف بحيث ننطلق الأول في الجزء بتاعنا، وبعد كده لو في أسلحة تاني ناخدها بس أنا كده يعني إيه الناس... بس إحنا بنطمن بس إن هم قروا الحاجة، ولو عندهم استشكالات نبقى جاوبنا على جزء.

طيب، الجانب الثاني من التناول اللي عايزين... هو الأصلية في لغة بيسموها السامية الأم، السامية الأم إن هي فيها لغة، اللغة العربية دي من بناتها. اللغة اللي نزل بها القرآن مش العربية، العربية الشمالية اللي هي لهجة النبي صلى الله عليه وسلم وقومه القرشيين، لكن اللهجات التانية في لهجات تانية من العربي بدلالات مختلفة شوية عن اللهجة. عشان كده إحنا إيه؟ إن المهم جداً كانوا في فقه اللغة، في فقه اللغة وهم بدون اللغة يقولك دي لهجة هذيل، ودي لهجة مُدَرِّر، ودي لهجة ربيعة، ودي لهجة بنو أسد، ودي لازم نعرف دي لهجة مين عشان الدلالات على لسان النبي صلى الله عليه وسلم وقومه.

مين آدم؟ هو مفوش في كتب الكلام أحياناً القديمة إن هو بيتكلم عربي، بس إني عربي؟ إني عربي؟ ففي... يعني إيه؟ في حاجة اسمها عربية النقوش أو العربية القديمة، يعني اللي هو إيه؟ إحنا عندنا صور من العربية القديمة قبل النصوص قبل الإسلام بـ 4000 سنة، مختلف عنه القرآن. مختلف قطعا؛ لأن اللغة يا إخوانا، اللغة... اسمها، عشان كده إحنا مصطلح لغة ملبس، بل هو مصطلح مش قراني أصلاً، إحنا نعرف كلمة لسان، لسان يعني لسان حي يعني الناس بتتكلم، فالقران نزل بلسان النبي صلى الله عليه وسلم وقومه. إيه يعني لسانهم؟ يعني الدلالات اللي كان بيتكلموا هم بها دلوقتي، مش اللي قبلهم ومش اللي بعدهم، خلاص؟ فاللي بعدهم مش هم، واللي قبلهم مش هم، وان كان كلهم يشتركوا في إيه؟ في اصل الانتماء، أن التراكيب والدلالة والأوزان شبه بعض، خلاص؟ والموضوع يطول يعني في في ديول ديول كتيرة.

لحظة واحدة. الأمم في الغالب لما بتتعرض... إحنا في... بتتعرض لتحديات كثيرة جداً في تاريخها، في أحياناً بتتعرض لتحدي عسكري، زي مثلاً الغزو المغولي. المغول مثلاً هاجموا تقريبا كل الحضارات اللي موجوده في وقتهم، كل الحضارات، خلاص؟ فمثلا اقتحموا الصين وخربوا لهم الدنيا، اقتحموا معظم الممالك الشرقية عند المسلمين، هاجموا اليابان مرتين، اليابان... يعني هم كانوا طالعين من مغونيا كادوا على كوكب الأرض كله، مين؟ ثلاثة أربعة عندنا ثلاث قوات وقفتهم، باقي ما باقي اللي وقع في أيدهم كلوه، أي حد غير الثلاثة اللي هنقولهم دول المغول عدوا عليه كسبوه، كسبوه بس إيه؟ قتلوا كل ناس، ماسابوش حاجة، خلاص؟

فالتحدي ده تحدي عسكري استقصي، خلاص، يا يعدي يا يعيش يا ما يعيش. مين الثلاث قوات اللي وقفت قصادهم؟ المماليك، مماليك الشام ومصر، ودول أجناس، أجناس تركية، يعني هم أجناس من بلاد ما وراء النهر، يعني هم مش انتما... مش للمنطقة أصلاً، ده عنصر عنصر عنصر مقاتل والجماعة... بتوع مين؟ اللي كسبوا أمريكا حرب إيه؟ الفيتناميين وقفوا الغزو المغولي مرتين، واليابانيين نكلوا بالمغول؛ كان طبعا المغول... اليابانيين آه اهل بحر وكانوا الساموراي زي المماليك عندنا فهاجموا اليابان مرتين، اليابانيين عملوا معاهم الصحيحة، خلاص؟

فإحنا عندنا ثلاث دول، ثلاث... فده... ده نجا من الاستئصال المادي، والتاني تم إيه؟ تم إبادته، فده تحدي. في تحدي تاني بيبقى تحدي عقدي، تحدي عقدي إيه؟ أن أنا بتمتحن الناس على عقائدها، زي محاكم التفتيش في إسبانيا، أي واحد مش كاثوليكي لازم يقلب كاثوليكي. حتى أنا لو بروتستانتي؟ آه، لو أنت بروتستانتي وإن كان طبعا في أول الأمر محاكم التفتيش بدأت متأخرة شوية، خلاص؟ فكان حصل الانقسام المذهبي داخل أوروبا، فلو أنت مش كاثوليكي هتتقتل، لازم تحول. طب أنا يهودي؟ تبقى كاثوليكي. طب أنا مسلم؟ تبقى كاثوليكي. مش تحول للمسيحية من جملة المسيحية، لا لا لا، الكاثوليكية؛ ولو أنت مسيحي مش كاثوليكية برده هتتقتل وتتحرق زي اليهود. فده استقصاء، ده تحدي عقدي.

اللي احنا... التحدي اللي احنا عايزين نتكلم عنه، التحدي اللغوي اللي وراء قوة عسكرية، فانا... أنا... أنا إيه التحدي اللي بواجحه؟ تحدي لغوي. التحدي ده من الداخل أو من الخارج. طب من الخارج؟ مفهوم، يجي إزاي؟ عن طريق الغزو، الغزو زي مين؟ الأمثله المشهورة جداً، الاستعمار البرتغال وأسبانيا للعالم الجديد. يعني مثلاً برتغال وأسبانيا أول ما بدات حركة كشوف الجغرافية 1492 تحركوا ناحية إلى الأمريكتين، عرضوا على الناس إيه؟ دخول الكاثوليكية، وعرضوا عليهم اللغات؛ حتى لما... دخ... أكبروا الناس بعد كده عشان كده حتى أمريكا اللاتينية حتى الآن كلها بتتكلم إسباني، والبرازيل بتتكلم برتغالي، مفيش خلاص في آه توالد يعني تهجين ما بين اللغات المحلية وكذا لكن دول اللغتين الأساسيتين، فهم تعرضوا لإيه؟ كده ده استعمار لغوي، خلاص، أو وضع فرنسا مع دول فرانكفوني.

كان في في اتفاقية اسمها «تورديسيلاس» ما بين البرتغال وإسبانيا برعاية البابا، هم اتخانقوا على الكوكب ودول أبناء الكنيسة الكاثوليكية، فقال له: أنا ما لقيتها في الدرج بتاعي تبقى بتاعتي. فالبابا قال له: لا ما تزعلش، كل اللي أخوك البرتغالي كل ما يمشي أي حاجه يمشيها ناحيه يمين خط الطول كذا فيفروتسلاس يمشي أي حاجه يمين تبقى بتاعة البرتغال. قال له: طب وأنا؟ قال له: يا حبيبي، أي حاجه تمشي ناحيه الشمال تبقى بتاعتك. فكل حاجه شمال خط ترودسلاس بتاعة إسبانيا، فده عشان كده البرازيل تلاقيها إيه مقورة ناحيه يمين الخريطة، فده يمين الخريطة بتاع اتفاقية رودسلاس اللي هي 1500 وحاجة ما بين إسبانيا والبرتغال برعاية البابا، فده إيه عشان كده بقوا تبع البرتغال فتكلموا برتغالي، الباقي كله استعمار لغوي إسباني فبقوا إسباني بيكلموا إسباني، خلاص كده؟

ده التصور، أو فرنسا مع دول فرانكفوني هم احتلت مثلاً جزء من المغرب وجزء من الجزائر وتونس وممالي وتشاد والنيجر وكوت ديفوار، فرنسا انتشرت في الخريطة، كل الدول دي حالياً بتعرف نفسها كدول فرانكفوني وبتقر اللغة الفرنسية لحين لحين ظهور قوى ثقافية مختلفة، اللي هو أحياناً بيسموها الثقافة المضادة، أن في واحد يقول لك: لا، احنا مش فرنسويين واحنا طول عمرنا حاجة تانية. إيه بقى أنت حاجة تانية دي؟ فبيلاقي لغة ويبدأ إيه؟ زي العروبيين مثلاً في الجزائر، قال لك: لا، احنا عرب وبتاع، فاحنا يجب أن نتعلم العربية ولا يجب أن نتكلم الفرنسية بل يجب أن نحتقر الفرنسية ولغتهم وبتاع.

طبعا حصل رده لغويه عن ده كله، حالياً المغرب رجعت تاني هي والجزائر تقر اللغة الفرنسية في التعليم بشكل مكثف السنوات الحالية، خلاص؟ تونس كده، مصر كده. إحنا كنا عملنا تعريب كامل مثلاً أيام بعد انقلاب 22، لا، الكلام ده تراجع فيه، حالياً في ردة لغوية دلوقتي عندنا، مش إنجليزي بس، إنجليزي وفرنساوي وألماني، وفي مدارس ياباني داخلة كمان، فيعني إحنا بالصلاة على النبي احنا بنكلم أي لسان إلا لسان القرآن، يعني إهلاص، فده... ده... ده صورة من صور الاستعمار اللغوي. عشان كده أحد الناس... ده إحنا كل قسم بنتكلم بلغة أهل القوم، أهل الفن؛ جماعة بتوع السياسة أحياناً وهم بيعرفوا الدولة، الدولة القومية الحديثة بيعرفوها إزاي؟ تعريف الدولة هي لغة قومية في حمايه قوة مسلحة، ده تعريف سياسي.

تعريف لغوي للدولة أو تعريف سياسي للغة هي إيه؟ الدولة القانونية الحديثة بتعو علم السياسه، لما تسأله في السياسة أو قانون الدستور تقول له هي إيه الدولة؟ يقول لك إقليم وشعب وسيادة. لا لا، تعريف لغوي: هي لغة قومية في حماية قوة مسلحة. طب إيه اللي ممكن إيه يقول كده؟ عشان كده ما من دولة إلا ولها نص قانوني على لغة الدولة، لغة أو لغتين أو ثلاثة، في دول تنص على لغة واحدة زي مصر، اللغة العربيه، طبعا ما بنطبقش بس احنا بنص برضه، خلاص؟

ده معنى أن احنا ننص وفي لغات... طب الإنجليزي احتلف مصر فترة طويلة وإحنا ما تأثرناش زي مثلاً الجزائر والمغرب؟ لا هو ده ليه سبب، ليه سبب عميق، سبب أول: طبيعة الاحتلال الإنجليزي وطبيعة الاحتلال الفرنسي. الاحتلال الفرنسي احتلال عنيف جداً، عنيف جداً. الأنجليز سياسة بطيئة جداً، يعني هو بيغير أشياء فيقول لك: أنا مش مهم أن هو يتحول بالغصب، أنا هخليه يختار لوحده لوحده لوحده. فالإنجليز أببطأ عشان كده يقولك: سلو بات شور (Slow but sure)، يعني إحنا بالراحه بس بس أنت في الاخر هتبع... هتاخذ الدواء، يعني هتاخد الدواء عملك مضاد حيوي وطعم الفراولة، أنت مش... بس مش هقول لك بقى هتشربه غصباً عنك وطعم مر، لا، أنا هجيبه لك بطعم حلو وأنت اللي هتشربه.

فده واحد، اثنين: أن الإنجليز جوه مصر بعد التحديث، بعد 100 سنة تحديث بعد مشروع محمد علي، فهم جاووا على تعليم وأزهر وجامعات ومدارس، ففي بنية كبيرة، ومصر ما كانتش محتلة، لا احنا قلنا على نفسنا محتلين ولا إنجلترا قالت على نفسها... كان إحنا إيه؟ مش انتداب، حماية، يعني هم كانوا جايين يشربوا شاي، خلاص؟ فاحنا كان لنا خديوي ولنا ملك ولينا برلمان ولينا أحزاب وعندنا خليفة سلطان عثماني، فاحنا حد احتلنا أبداً؟ فشر! قالك احنا احنا احنا احنا جواميس؟ قالت لها: فشر! احنا بقر.

الإعلام مشهور جداً بتاع الزبادي، قالك: هم دول إيه؟ جواميس؟ احنا جواميس؟ لا، فشر، احنا بقر، خلاص. فاحنا... احنا محتلين؟ احنا حد احتلنا؟ احنا تحت الحمايه يا فندم، يعني إيه؟ عشان كده كان الناس دائماً تتريق على دستور 23، المادة الأولى فيه: مصر دولة دولة مستقلة ذات سيادة. هو كان الأول كده وبعد كده الناس قالوا: هو صحيحة لغوياً، بل هي الأكثر استقامة ذات السيادة (مش الأكثر، الأبلغ أن تقال سيدة، بس السيدة إحنا كنا هنغشك لغاية دلوقتي) فده بيسموه مراعاة السياق، فقال لك: لا، خلوها ذات السيادة. فاحنا كنا بنقول كده وعندنا 80 ألف جندي بريطاني في مصر، فمستقلة ذات سيادة! طب منين؟ خلاص. بس احنا دائماً ننصب الدساتير على المشكوك فيه، أنت صلي على النبي في قلبك، أنت ما بتتفرجش على أي أفلام في الحقبة دي؟

لا هو... طبعا الإنجليز... هو الكلامك مستقيم أمته؟ إنجليز من ساعة ما دخلوا قعدوا، ما كانوش بالانتشار القوي لغاية 1898. 1898 كانوا أتموا بنية الجهاز الأمني، وحددوا الجيش، وخدوا قرار بمنع التعليم باللغة العربية، أول قرار اتخد سنه 1898 القرار ده قاعد كده مفعل لغاية 1922، فاحنا قعدنا في الفراغ 24 سنة، 24 سنة دول هو الاحتلال الصريح لانجلترا.

إنجلترا كانت بتقول إيه لما إحنا عملنا ثورة 19 ومش عارف إيه وبتاع؟ قال لك: طيب أنتم عايزين إيه؟ قالوا: احنا عايزين نستقل، خلاص، اكتبوا دستور وقل إن أنتم مستقلين، بس هو طبعا الكلام... هو فعلاً حتى من ساعتها إحنا خدنا مساحات أكبر في الاستقلال في القرار السياسي والتمثيل الخارجي والدبلوماسي وبتاع.

ده دستور... لا، إحنا من 23 لغاية 36 كنا بنقول على نفسنا مش محتلين وهم بيمتعضوا على كده. 36 كانت الحرب هتبدأ حرب العالمية التانية، فبريطانيا قالت: أنا مش عايز قلة أدب وبتاع الدنيا هتبوظ، فاحنا الحكومة ساعتها الوفد قالوا لهم: تعاملوا لنا معامله حلوة لو كسبتوا الحرب واحنا نقف معاكم من دلوقتي ونسمح لكم -احنا دولة مستقلة- هنسمح لكم أن أنت تستغلوا أراضينا وتحمينا من أي قوة أجنبية تاخد أراضينا تستغلها ضدكم أنت في 36، فقالوا: ماشي. من 36 الحرب خلصت 45، عملنا مظاهرات وبتاع، سنة 47 لما بريطانيا قالت: أنا مش ماشية يخبطوا دماغهم في الحيط وقاعدين، حكومة الوفد ألغت معاهدة 36 سنة 47 فعدوا من 47 لغاية 52. التوصيف الآن... عشان كده عارف عيد...

الشرطة هنا في مصر بيحتفلوا ليه؟ لأنه بعد نقض معاهدة 36 حصلت مشاكل، والقوات البريطانية تحركت في الإسماعيلية وأمرت أحد أقسام الشرطة أن هو يخلي القسم ويسلمه ليها، فقال: أنا ما باخدش أمر ليك، أنت مش موجود بالنسبة لي، أنا باخد أوامري من وزير الداخلية، ووزير الداخلية قال لي ما تسلمش حاجة. فقال له، وساعتها كان فيه قوة جديدة، فقال له: أنا ما عنديش أوامر بكده. فقال له: لو ما سلمتش أنا هاخده بالخوة. فقال له: لا خلاص. فقال له: أنت مش مجهز أن أنت تقاوم قوة مسلحة عسكرية. فقال له: أنا ما عنديش أوامر أن أنا أخد أوامر منك وأقاوم. فالشرطة دخلت في معركة ساعتها ضد الجيش الإنجليزي، وأصيب منهم عدد كبير، وقتل منهم ناس، فكان يعتبر علامة شرف وقتها أن هو قال له: لا، أنا ما باخدش أوامر منك لأن أنت قوة احتلال، وده قرار رئيس الوزراء، وده قرار وزير الداخلية وخلاص، فده كان يعني من الحاجات المشرفة للشرطة المصرية في الوقت ده.

وحكومة الوفد، حكومة الوفد ساعتها سنة 47، النحاس باشا هم اللي كانوا عملوا اتفاقية 36، قالوا: إحن كما نحن أمضينا معاهدة 36 فنحن نلغيها، إحنا اللي عملناها وإحنا اللي لغيناها. فكان بإلغاء المعاهدة أن قوة بريطانيا تبقى قوة غير شرعية وأي مقاومة مسلحة غير مجرمة بالقانون أصلا، فأي حد عايز يقتلهم يقتلهم. ووزارة الداخلية كان ساعتها وزارة الداخلية المتورطة في تسليح المقاومة الشعبية، خلاص ده زمان.

عشان بس حد ما حدش يعني يملأه الفخر؟ إيه؟ تصدق أنت، أنت إنسان لماح. خلاص يا إخواننا، طيب. فده أول تعريف منطلق متقاطع ما بين السياسة واللغة. الدولة القومية الحديثة هي لغة في حماية قوة مسلحة. طيب، لو أنا كده اللغة جوهرية بالنسبة للدولة، يبقى أنا المفروض عيني على حاجتين، لحظة واحدة، عيني على قوة خارجية بتريد تغيير الدولة، فأنـا لو جيت، قوة خارجية أجبرتني على لغة زي الإنجليز 1898، قال لك: يمنع التعليم باللغة العربية، ويجب التعليم باللغة الإنجليزية، يبقى أنا كده إيه؟ لا كده احتلال. طب أنا عرفت الاحتلال منين؟ بسبب القرار اللغوي. لما أنا جيت أخد قرار بالتعريب، خدته حكومة الوفد 22، يبقى أبدو أن في ده، أنا رايح ناحية التحرك أو الاستقلال، ده غير ده، خلاص. فده واحد.

اتنين، ما من دولة، ما من دولة احتلت دولة إلا وخدت قرار، إما قرار عنيف جدا بالتغيير، إما تغيير لغوي حاد، أو تغيير لغوي بطيء، أو فصل لغوي، ثلاث سياسات. طب إحنا هنحل على فصل المرة دي؟ يمكن هحلكم على ثلاث قراءات ولا حاجة في فصل اسمه التعليم والتخلف أو تعليم من أجل التخلف، ده واجب، تكليف. آه، هو طبعا متاخد من كتاب اسمه أوروبا والتخلف في أوروبا في أفريقيا، أو الاستعمار الأوروبي والتخلف في أفريقيا، بتاع اسمه ولتر، ولتر، ولتر حاجة، هو راجل ماركسي بس لطيف جدا. إحنا عايزين بس في فصل اسمه تعليم من أجل التخلف، دور أوروبا السياسات التعليمية واللغوية اللي عملتها بريطانيا وفرنسا والبرتغال وأسبانيا وكل حاجة داخل أفريقيا.

مثال، المثال المشهور، في حد زي فرنسا خد قرار بايه؟ كل الناس تتعلم الفرنسية وتجرم، يعني الإنجليز ما عملوش كده، خدوا قرار بطيء وطويل مع هجوم شديد جدا على العربية من الداخل. ازاي يعني؟ هو ليه خايف من اللغة العربية؟ ده الأول، ده سؤال سياسي مش سؤال لغوي، ليه أنا خايف من اللغة العربية؟ سياسيا أنا مستعمر، فأنـا عايز أخضع لإرادة المستعمر، فأنت هتخضع إزاي لو أنت ليك تاريخ مشرف، وبتنتسب ليه، وتجده، وتصل ليه، وتشعر بهذا الفخر والتمايز، اللي هو إحنا بنسميه اللي قلنا عليه في الأول الهوية؟ أنت عندك طريق معبد لتحديد هوية منفصل عن المستعمر، طب ما نقطع الطريق ده، فأنـا وأنت لو بنتكلم بلغة مشتركة، وأنت مش هتدرس تاريخك، هتدرس تاريخي أنا، وهتتكلم لغتي أنا، فإحنا الاتنين حاجة واحدة، فانت تغيرت هويتك، فإحنا بقينا أصحاب هوية مشتركة، بس الفرق أن أنت خاضع، أنت اللي جاي على هويتي، خلاص.

فالقرار السياسي، لو أنت فضلت لغة عربية، يعني أنت بتقرا القرآن، يعني بتقرا السنة، يعني بتقرا فقه، يعني بتقرا خالد بن الوليد، يعني بتقرا أحكام الفقه ومجاهدة الكفار، يعني لا، إحنا كده مش هنتفق يا عمي، فإحنا عايزين نلغي ده، فاللغة دي يجب أن يتم تغييرها. طب لو أنت بعقلك، بعقلك مش هتغيرها، تغيرها ليه؟ طب كيف يمكن قطع الصلة بينك وبين هذا التراث؟ أنا عايزك مسلم، بس أنت ما تعرفش تقرأ، ولو قريته ما تفهمش، ما أنا مش هعرف أحولك عن دينك مباشرة، طب أعمل إيه؟ خلاص الدعوة إلى العاميات، الدعوة إلى العاميات، عشان كده الكتاب اللي هو يعتبر الكلمة مشهورة ممكن الناس تستغربها، اللي هو يقول لك إيه: قرآن كذا، يعني يقول لك إيه: قرآن النحو سيبويه، قرآن الهيدروليك، كتاب كذا كذا كذا قرآن إلا كلمة قرآن لو اتلقت كده في السياق ده، يعني مع كتاب الأصل والام الجامع لمسائل هذا الشيء، هي أصلا القرآن جاي من معنى الجمع في العربية، خلاص.

فقرآن الباب في اللي هو تاريخ الدعوة إلى العامية بتاع الدكتورة نفوسة زكريا، تاريخ الدعوة إلى العامية في مصر للدكتورة نفوسة زكريا، هذا الكتاب يعني يكفي أن الاستاذ محمود شاكر وهو بيقدم لهذا الكتاب قال: أنا عزمت على تجميع مادة في هذا الباب، أستاذ محمود شاكر تتبع أثر الاستعمار على التحول من العربية الفصحى ولغة القرآن إلى العاميات، العاميات المبتذلة (يعني العامية المصرية والعامية الليبية والعامية الشامية وبتاع)، قال: ثم وقع تحت عيني أو تحت يدي هذا الكتاب، فعلمت، يعني علمت أن هذا الجهد جهد ضائع، الجهد اللي هو أستاذ محمود شاكر، فبيقول: هذا الكتاب جامع تام لكل المادة اللي أنا كنت عايزها وزيادة. أستاذة نفوسة زكريا من هي؟ آداب، آداب كلية آداب الإسكندرية، والكتاب مطبوعات مكتبة الآداب، تاريخ الدعوة إلى العامية.

الإنجليز عملوا بقى جهد غير عادي في إحياء اللغات المحلية، إيه هي اللغات المحلية؟ واحد العامية، أنتم عارفين كمصريين ليه متخلفين في العلوم الطبيعية؟ عشان أنتم بتدرسوها بغير اللغة اللي بتتكلموا بيها، اكتب باللغة اللي أنت، فاكتب فيزياء بالعامية، اكتب طب بالعامية، ليه؟ ده مش بيقول لك روح للإنجليزي، لا، روح لأيه؟ العامية. فين الخطورتان؟ الخطورة الأولى: فصلك عن تراثك، فأنت هتتعلم باللغة العامية المبتذلة، فاللغة العامية دي مالهاش شعر، مالهاش أدب، مالهاش تراث، فخالد بن الوليد ساعتها هلاقي بيقول إيه، يعني مش هلاقي خالد بن الوليد خالص، لما ما فيش خالد بن الوليد بيتكلم عني، فكده هو محى التراث بتاعي جففه، واداني مساحة تانية، أو فكرة الفصل، هو العامية دي مكتوب بيها علم؟ مكتوب بيها علم؟ فما فيش علم مكتوب بالعامية، فأنـا كده فصلتك من الناحيتين، فصلتك من الناحية العلمية، فأنت تقول: ياااه، ده إحنا قدامنا آلاف آلاف السنين عشان نوصل للمدون باللغة الإنجليزية. لا، أنت بتارن بين العامية المبتذلة اللي هي عمرها ما فيش كم سنة والإنجليزية.

لو أنا واحد يقول لك: طب ما العربية الفصحى مش هتفرق؟ لا أبدا، العربية الفصحى لما أجي أقارن، ألاقي لغاية 1700 ما فيش علم في العالم مكتوب إلا باللغة العربية الفصحى، بل ما فيش مدونة طبية موجودة في أوروبا إلا عربية صريحة، أو عربية مترجمة للاتينية، ما فيش عالم لغاية طبقة نيوتن وغيره إلا ما كان من شروط إتقانهم للعلوم أن هو بيدرس لاتيني وعربي، روجر بيكون، نيوتن، وبتاع، كل ده كان متقن للغة العربية، ما فيش حد روجر بيكون له كلمة يقول لك: لا يمكن أن يدعي أحد إلمامه بأي علم من العلوم وهو لا يتقن العربية. روجر بيكون ده، يعني إحنا بنتكلم في 1500، 1600، فاحنا ده كان في اللغة العربية، لغاية 1800، 1900 كل العلوم في العالم العربي والإسلامي المحترمة، الطبية، بنفس مستوى أوروبا، مكتوبة بالعربي، بسبب أن التحديث بتاع محمد علي، إحنا مثلا طلبة الطب في مصر لغاية أولاد محمد علي، لغاية آخر 1900، 1900، كانوا اللي بيدرس في فرنسا هو اللي بيدرسوه هنا بس بيدرسوه بالعربية، لأنه كان شرط من شروط الحصول على المؤهل الطبي، طبي، ترجمة كتاب في الفن بالعربية أو كتابة كتاب ابتداء بالعربية، خلاص، فكانوا الاتنين الطب لغاية، مصر لغاية 1940 كان بيعلم باللغة العربية، الطب خلاص.

في كتاب لو حد مهتم بتاريخ الطب نفسه، في مقال طويل تعتبر دراسة اسمه: دفاعا عن تعليم الطب باللغة العربية للدكتور زهير السباعي، وطبيب درس الطب هنا في مصر ودرس الطب بالعربية لمدة 30 سنة في السعودية وبعض الدول، وليه مقال، ليه دراسة طويلة. إيه؟ لا لا لا، ده مقال، اللي أنا بقول عليه دراسة، فيديو عامل فيديو وعامل فيديو، آه لا، إحنا باحثين على الدراسة، لو حد عايز يشوف الفيديو ماشي، لكن الدراسة ذاتها أن هو عامل إحصا كويسه على الطلاب اللي درسوا الطب باللغتين ودرس بالعربية وكذا، عظيمة جدا، اسمها: دفاعا عن تعليم الطب باللغة العربية للدكتور زهير سباعي، وهوست أن هو طبيب، طبيب، يعني هو راجل بيتكلم في في فني، آه، هو طبيب، هو طبيب، آه، أستاذ في جامعة إيه حاليا؟ أو آخر حاجه جامعة الإمام، يمكن ولا؟ آه، ما حد، حد في السعودية، طيب تمام.

السياسة الأخطار من الاتنين دول والله سياسة التفتيت اللغوي، اللي هو إيه؟ يعني بريطانيا كانت في مصر بتقول: يا إخوانا، اتعلموا العاميات أو اللغات اللي هي التقسيمية، زي إيه؟ يعني هي بريطانيا كانت تقول لك: تموا تعلموا العامية المصرية، أو تعلموا بالعامية المصرية، أو أو أنت مش أنت مسيحي، طب هو أنت لغتك إيه أصلا قبل ما الإسلام يجي؟ إحياء اللغة القبطية، الآن إحياء اللغة الفرعونية، عشان كده كم اللي هو علماء المصريات كم إحياء مهول جدا ومعاجم ثنائيه وكذا وبتاع، ليه العامية الفرعونية؟ وحتى إحياء فرعونيه عامية وإن كانت الفرعونية عربية عربية قديمة، عربية عربية جنوبية.

لا لا، إحنا كده إحنا بنتكلم على التفتيت، التفتيت اللي هو إيه؟ أنا لو الوطن ده نفسه مالوش عامية واحدة، لا ده كمان يا ريت يبقوا أربع خمس، خلاص، شبهها بس أعنف، هي هي نفس السياسة بس مش في مصر. بلجيكا أخطار وأسوأ نموذج على الإطلاق في الاحتلال المباشر كان بلجيكا، لأنه كان قاسي جدا في، كان حد عامل دراسة مطورة اسمه شبح ليوبولد الثاني عن المجازر اللي عملتها بلجيكا في الكونغو. الكونغو كانت عربية، يعني بيحكموا عرب عمانيين لغاية 1925، خلاص، عرب عمان كانوا بيحكموا كينيا وزنجبار اللي هي تنزانيا حاليا، وبيحكموا الكونغو، خلاص، اللي هم المرجبي عمانيين، فهم احتلوا الكونغو، بلجيكا، الإمبراطورية اللي هو كان ليوبولد الثاني ده إمبراطور أو ملك بلجيكا أو إمبراطور بلجيكا، احتلها من 1898 وظلوا تحت ظل تحت الحماية لغاية 1925، قال مرجبي هم اللي بيحكموا بس تحت الحماية. برضه كانوا عازمين على شاي هناك، بعد 1950 بلجيكا قالهم: لا خلاص ما فيش حماية وبتاع، يلا روح على بتاع، وإحنا إحنا بنحكم حكم باشا من 1520، فالعرب ظلوا بيحكموا الكونغو لغاية 1925، حد عايز يقرأ حاجة كده عربا، اسمه في كتاب لطيف عامله ضابط بريطاني كان بيحارب في جيش بلجيكا اسمه سقوط عرب الكونغو، حد عايز يقرأ حاجة عن العمانيين، لأن العمانيين كانوا سلاطين وملوك بيحكموا جزء كبير جدا من شرق أفريقيا لمده طويلة جدا، مدة طويلة جدا، البوسعيدي، كينيا، ده كينيا، قال المرجبي في الكونغو.

بلجيكا كانت بتعمل حاجة لطيفة جدا، بتقول إيه؟ نفس السياسة أعنف في، راحت لقت ثلاث إثنيات هنا، مصر ما فيش إثنيات، هم كل الناس هوية واحدة في الغالب، لا، لقت ثلاث أربع إثنيات، فقال لك إ ايه: أنا أظلمكم وأعلمكم بلغة موحدة. طب ما فعلا المفروض يكون في لغة موحدة واللغات التانية تفضل لهجات، زي إحنا هنا لو إحنا مثلا دخلنا بلد كلها مسلمين بس من أصول إثنية مختلفة فكلهم يتعلموا لغة عربية عشان لغة الإسلام، فقالت: لا، أنا ما أكبركم على لغة واحدة، كل واحد يتعلم بلغته، فأنت كده بدل ما تتكلم عن شعب واحد، بتتكلم عن أربع شعوب، ده ما بيعرفش يكلم ده، فلا يجتمعوا على حاجة، التفريق بالتفريق اللغوي.

واتنين، عزلك العلمي، لغة اسمها لغة، عارف البولو أو الأولولو في مش عارف في الكونغو، إيه بقى اللي مكتوب بها في الفيزياء؟ إيه اللي مكتوب بها في الفلك؟ ولا حاجة، فخليك أنت في لغة، خلاص، عشان كده إيه الفصل اللي إحنا بنحل عليه اللي هو اسمه إيه؟ تعليم من أجل التخلف، مع عشان الحفاظ، إيه هو ده؟ التفتيت، نفس الفكرة، بس بريطانيا مثلا الموضوع كان صعب شويه فدي تاني هيقول لك هنا قبطي وفرعونية قديمة بس الموضوع ما فيش حد يعني بيتكلم قبطي، حتى الإنجيل تم ترجمته للعربية من زمان في مصر، بقي الموضوع منتهي، لكن هناك ليه أربع خمس إثنيات، فقسم، خلاص، وحافظ عليك جاهل وفي نفس الوقت ما تعرفش تكلم إيه؟ البقية البقية.

فدي إيه؟ تفضلي، ده ده دي دي ثلاث أربع صور للاستعمار الخارجي. إثني يعني عرق، فحضرة، أنا لو أفريقي وحضرتك أوروبية وأخونا آسيوي فده إثني، آسيوي، حضرتك إثني أوروبي، وأنا إثني، يعني عرق، مثلا واحد أسود ده إثني، واحد أوروبي أصفر واحد.

صيني أصفر واحد مش عارف إيه ده اسمه، يعني حتى الشكل الخارجي وبتاع ده داخل في الاسم يعني العرق. عشان كده المسمى ده اللي هم بيعملوه داخل فيه بيسموه الإبادة الإثنية. في احنا عارفين مصطلح الإبادة العرقية، خلاص، العرق ده بيعمل إيه؟ اللي بيسموه التطهير العرقي؛ أن أنا أجي عند عرق معين، زي رواندا الهوتو التوتسي مثلاً، وأروح ايه قاتل عرق معين. في تطهير، أحياناً بيسموه تطهير ثقافي أو الإبادة الثقافية. مصطلح الإبادة العرقية إبادة عرق معين، عرق لا، الثاني بيعمل إيه؟ إبادة ثقافية. يعني إيه إبادة ثقافية؟ بتغير لك كل معالم الاستدلال على ثقافة متميزة.

فأنت مثلاً عايش على تراث معين، تراث يعني عندك مباني، يعني هنا في مصر، لما واحد يقول لك إية مصر تاريخها إيه؟ تقول له روح مصر القديمة، تلاقي مساجد وأسواق وبتاع ومش عارف إيه. عشان كده احنا ممكن تلاقي مرة واحد مصري كان في أمريكا فداخل متحف، فبيقول له المبنى ده مثلاً مبنى تراثي أثري، فبيقول له ليه كام سنة ده؟ فبيقول له 200 سنة، 220 سنة. فقال له أنا بيت جدي وقفي، المعلقة اللي فيه عمرها 700 سنة، مماليك ولا حاجة. فاللي هو إيه؟ تخيل لو تم إزالته بالكلية.

عشان كده اليهود كتير جداً في فلسطين بيعملوا إيه؟ إبادة ثقافية. يعني يعمل إيه؟ بيخش، أمريكا في العراق هدم كل المباني القديمة، كل التراث، حرق المخطوطات أو أخذها أو سرقتها، خلاص، إزاله المباني. فواحد يقول لك: طب ده إيه اللي هيحصل إيه المباني يعني لما أشيل المبنى؟ لا، هو هيشيل المبنى في جيل لا يمكن الاستدلال على ثقافته القديمة. يعني أنا مثلاً إيش عرفني أن المماليك كانوا موجودين في مصر؟ إيش عرفني أن المسلمين... إيش عرفني أن سيدنا عمرو بن العاص كان هنا؟ الجامع... صل بس، الجامع اللي عند انزل، أه، انزل ماري جرجس اللي هي المحطة بتاعة المترو، امشي دقيقتين هتبقى في عند عمرو بن العاص.

إيه اللي هيحصل؟ ده مسجد مين؟ طب ده بيعمل إيه بقى في مصر ده؟ هقول لك ده كانت الفسطاط اللي هو عاملها مين؟ عمرو بن العاص. يعني العرب كانوا موجودين هنا؟ أه. طب هم جُوا ساعتها؟ لا، ماجوش ساعتها، ده العرب كانوا موجودين قبل كده. طب تجيب لي نصوص عربية قبل الفتح؟ أه، خد الم... أه، يبدو، فأنا لو أزلت ده، بيسموه إبادة ثقافية، أن هو لا يمكن الاستدلال على ثقافتك، فتفقد هويتك الثقافية، خلاص.

وده من وسائل التعبيد السياسي أو الاستعمار السياسي، كل ده احنا بنتكلم على مستعمر خارجي، ده من ناحية السياسة مستعمر. طب المشكلة أن إيه الأسوأ؟ المستبد الداخلي أفضل، ممكن النظام يمارس الإبادة أو قتل الهوية الثقافية لشعب في المنطقة نفسها. ممكن نفهم استعمار خارجي مارس ده لشعب معين عشان هو عايزه يتمثل، لكن ليه المنطق مثلاً عادي في أراضي تاريخية كتير في سوريا تدمر، وأماكن كانت موجودة ودلوقتي مُحيت بالقصد حتى، يعني أماكن جابها عادي حديثة ومحصلهاش حاجة؟ هو القديم ده ده مخزن الذاكرة.

يعني أنا وحضرتك، حضرتك منين؟ صومالية، من الصومال. أنا وحضرتك إيه المشترك بينا؟ لغة، أنت بتكلميني بأنهي لغة دلوقتي؟ اللغة العربية. لو احنا الاتنين فقدنا هذا اللسان مافيش. طيب أنا حاليا بنتمي للصومال، أنا كمسلم عربي بنتمي للصومال، فيقول لك أنت مالك بالصومال؟ أقول لك لا ده أنا تاريخ الصومال أعرْفه، فأقول لك لا بص مقاومة محمد بن عبد الله الصومالي ضد الاحتلال الإيطالي والإنجليزي والفرنساوي. بعدين يقول طب أنت تعرف منين الصومالي؟ لا، ده أنا واحنا، مصر مش كعرب وكُملمين، احنا كنا بنحكم، بل وجودنا العسكري كان موجود في رأس حاف وفي الصومال عندكم لغاية قبل ما يجي الطلاينة.

فإيه المشترك بيني وبينك؟ لو حد أنا رحت هناك أوريكي مكان الحملة المصرية كان فين. فواحد يقول لك: طب إحنا شلنا الأثر ده إيه اللي هيحصل؟ راحت خلاص، راحت خلاص. لو احنا أنا وحضرتك دلوقتي في كام مخطوطة صومالية في الصومال باللغة الصومالية واللغة السواحلية واللغة العربية؟ الثلاثة. لو احنا قضينا على ده وأنت هناك ما علكوش غير الصومالي أو السواحلي، إحنا كده هنطلع إيه؟ أنا مش عارف أكلمك، يعني أنا إيه حالياً ده مش حالياً ده لا ده ليه لآخر يعني أقوى، ده اللي احنا هنتقل ليه بقى اللي هو المستبد الداخلي.

أسوأ عملية محو للهوية الإسلامية في الصومال حصلت أمتى؟ مش تحت الصومال يا إخواننا، اختنا الصومال وجيبوتي، صومال وجيبوتي وأثيوبيا، أثيوبيا وإريتريا الحالية، إريتريا حديثة من 93 ولا حاجة نالت استقلالها وبتاع. المنطقة دي وُرد عليها أربع تقسيمات، فعندنا صومال إيطالية، صومال فرنسية، صومال بريطانية، صومال... عندنا صومال ليه؟ الصومال موجودة في مكان من أخطر الأاماكن على الإطلاق في أفريقيا، اللي هو القرن الأفريقي. طب القرن الأفريقي ده اللي احنا القديمة اللي احنا نعرفها هي إيه؟ الصومال الحالية وجيبوتي وإقليم أوجادين في إثيوبيا، كل دول، وكان لهم سلاطين وأمراء، ده الأقوياء، ده الأغنياء قاعدين فين؟ في القرن الأفريقي، يعني مافيش حد قاعد رايح يمين ولا رايح شمال إلا ما عدا على المنطقة دي. فالمنطقة دي خطيرة جداً.

فالمنطقة دي يجي المستعمر حاول، وكان في مقاومة إسلامية ضخمة جداً ومشرفة، وعلماء المسلمين ومجاهدين هناك، وعلى رأسهم محمد بن عبد الله في المقاومة الإسلامية. خلاص، بعدين جه سياد بري، حكومة سياد بري. حكومة سياد بري دي حكومة لها توجه يساري ماركسي، وكانت موالية للاتحاد السوفيتي. الصومال كانت تقريبا مترتبة عسكرياً من أقوى الدول الإفريقية عسكرياً لغاية حكومة سيادة بري سنة 91، لغاية سقوط نظام سياد بري.

فاحنا هنا في المخيله العامة المصرية بعد التشويه، احنا آخر جيل مثلاً درس جغرافية إفريقيا سنة 95، 96، بعد كده ما حدش درس جغرافية إفريقيا في المدارس. أنا درستها في ثانوي، الجيل اللي بعدي ما درسهاش خلاص. فاحنا كنا بندرس القرن الأفريقي، 91 نظام الصومال كان دولة، دولة عسكرية، وبعد كده إيه كان إتاح إثيوبيا أخذ إقليم أوجادين، وبعد كده حصل سقوط برلين، تفكك الاتحاد السوفيتي، فامريكا قالت سيبوا سياد بري. سياد بري تم هزيمته قبل إثيوبيا وراح السعودية.

الصومال بعد كده إيه هو عمل إيه في الصومال؟ الكم العلماء اللي قتلهم مهول جداً، محو الهوية الإسلامية. الاستعمار ما عملش ده، ما عملش اللي عمله سياد بري نفسه، سياد بري صومالي بس شيوعي، هو جاب الاستعمار اللي كان موجود، عمل خلل في الهوية الثقافية بتاع البلد. فهو تحول إلى صومالي شكلا ولساناً، وانتماءه للشيوعية العالمية الأممية، فالمسلمين بالنسبة له خطر والهوية الإسلامية خطر، فاللي عمله كان أكثر، أعنف بكثير جداً من حتى الجانب الفرنسي. طبعا الفرنسيين والطلاينة والانجليز عملوا تأثير سيء جداً في هذه المنطقة وهكذا.

خلاص، إيه المشترك؟ المشترك اللي ممكن حافظ الاتنين حتى المقاومة السياسية، عشان كده دايماً احنا بنقول كل عمل توعوي ثقافي شرعي هو مقاومة سياسية ولابد. عشان كده المقال اللي احنا هنحل عليه أو الفصل اللي احنا هنحل عليه، تعليم من أجل التخلف، كان دايماً يقول: فرنسا كانت متسامحة جداً مع إنشاء أحزاب وحركات معارضة، مش متسامحة يعني سايباهم قوي، لا، أكثر تسامحاً معاهم من إنشاء مدارس تعليم قرآن للفتيات أو للأطفال أو تعليم لغة عربية، كانت اتقفل تاني يوم.

والراجل اللي كاتب الكتاب ماركسي، مش مسلم ولا عربي، بس بيقول فرنسا إيه كانت عارفة أن ده سلوك سياسي أكثر عنفا، ليه؟ لأنه بيطلع جيل، جيل معه ثقافته وهويته وانتمائه، الثاني معارض، أو عايز إيه؟ أنا عايز اطلع فرنسا من عندنا، أنتوا مين؟ فاحنا الجزائريين الم كده ماشي.

عشان كده في مقارنة ممتازة جداً برضه كان الراجل عاملها، كان يقول إيه؟ يقول الشعوب اللي عندها تراث شفوي أدبي شعري باللغة تم محو آثار الاستعمار بسرعة شديدة جداً، زي اللغة العربية. فأنا أول ما أخرج، حد يجيب لي أشعار العرب وقصصهم والقرآن والسنة والتفاسير والمعاجم، أروح طالع على طول من الهوية المصطنعه اللي هو عملها لي. خلاص؟

لو أنا راجل مثلاً بوركينا فاسو ولا كوت ديفوار ولا بتاع، هو أنا مسلم؟ مسلم. تم الحول بيني وبين الثقافه الأصلية بتاعتي، فحيلك على اللي هو لغتك المحلية. طب إيه لغتك المحلية يا حبيبي؟ والله لغتي المحلية لغة كذا اسمها مثلاً الهوسة أو تشان، وإن كان الهوسة حتى مدون بها تاريخ في قدر من الإسلام، لكن العربية طبعا أكثر أو أعب للإسلام نفسه. خلاص، سيبه مع اللغة دي، ما عندهوش قدرة من المقاومة وما عندهوش إيه.

في كتاب كنا جايبينه هنا نقوله للناس، اسمه إيه؟ لا، لا، ده حاجة عن إفريقيا بالذات عن العقل العربي، واحد إفريقي اللي كاتبه، اسمه تصفيط استعمار العقل، تصفيت استعمار العقل. أه طابع دار تكوين موجود بي دي إف، كتاب ممتاز جداً على راجل إفريقي، طبعا أنا مش هقدر أقول اسمه، لأنه اسمه نغوجي ونغو، مترجم للغة العربية.

تصفيت استعمار العقل، لحظة لحظة هنتم فكرة معينة، هناخد أسئلة. الأسوأ من المستعمر الخارجي، احنا بنقول المستبد الداخلي، ليه المستبد الداخلي مش بيبقى مستبد فقط؟ يعني الاستبداد، الاستبداد بيبقى فيه صفتين: الاستبداد قهر الإرادة العامة، اتنين الجهل، الجهل والفساد، خلاص. فهو متحكم، زي ما سيدنا عبد الله بن عمر قال في حق الحجاج: افعل ما شئت فإنك سفيه مسلط. تخيل طفل سنة ثانية عنده عقليته واحد تاني ابتدائي، وأديله حكم بلد! ده المستبد. المستبد المحلي هو جاهل وأحمق، الاتنين، الاتنين مع بعض. تخيل ليه محمد صبحي كان في مسرحية التخاريف قال لك قال لك إيه؟ هتقول لي لهم إيه؟ أن أنا واخد شهادة عامل معاملة أطفال، شعبي يا حبيبي الصبور الودود، أنا ابن مجنون، عارفين مسرحية مسرحية خريف محمد صبحي؟

المسرحية طبعا كلها إقساقط سياسي، اللي هي الفترة بتاعة اللي هو الحاكم الديكتاتوري. قولي لملي طارق مصطفى وطارق يحيى وطارق إبراهيم، قول له ليه يا فندم؟ يقول له عشان قانون الطوارئ، أه. فالحقبة الكلام هو بيتكلم على اللي هي فكرة إيه؟ هو مستبد أحمق فاخد قرارات، اتحفنا بقرارات، فهو بياخد قرارات ضد إرادة الأمة، اتنين متحكم في إرادة الأمة.

الأسوأ من كده أن هو بيقضي على المستعمر الخارجي لأنه أقوى منه حتى لما بيخرج، حتى لما بيخرج فجمع عليه السوقين، لو هو عدو صريح فيجب استنفار عليه كل الجهود. فهو بيعمل، كلموها كارثه في علم الاجتماع، سموها التغيرات البطيئة، التغيرات البطيئة. أنا هديك إزازة فيها سم، أقول لك اشربها مرة واحدة، فهتموت، فالدامك كلها إيه؟ مت، وأنت واضح كده، ده الآية الاستعمار أو الغازي الخارجي فكل إرادة الأمة بتستنفر. لو جبت لك واحد محلي، المحلي ده حط لك نقطة كل أسبوع، أنت هتموت بعد ثلاث سنين، ولا يمكن يشك أن أنت، ولا أنت هتقاوم.

ده في مثال مشهور جداً في أفغانستان، انقلاب ترقي داوود 75، كثير جداً من الشعب الأفغاني في أول الانقلاب لم يستشعر أي أي مشكلة، ليه؟ لأن اللي قاموا بالانقلاب نفسهم أفغان. بالرغم الأفغان شعب يعني اللهم صل على النبي، ما فيش حد عدى عليهم من أيام الإسكندر، الإسكندر المقدوني بريطانيا، إلا ما علموا عليهم، ما حدش دخل. لكن الانقلاب الداخلي أفغان وشيوعيون، الأول ما حدش تنبه لحاجة، بل الأمر عادي جداً حتى أدرك كثير جداً من أهل العلم في أفغانستان أن هم شيوعيون، أن هو كافر، لما أدرك ده قام الجهاد الأفغاني وقام المقاومة الداخلية. في أول الأمر لم يستوعبوا ذلك، ايه السبب؟ أنه أفغاني، فما كانش مستوعب أن هو يؤتى من الداخل.

أه، لا، لا، حصل، الإنجليز لما دخلوا أفغانستان مرة واتنين وثلاثة، مرتين الجيشين بتعتهم تم إبادتهم. ملك اللي هو اسمه ظاهر شاه لما خد قرار قلع الحجاب، أول واحد يجرؤ أن يعمل ده في افغانستان، طبعا الناس قامت معه بالواجب برضه في أفغانستان، كان أظنه أخرج بعدها لم لكن جرؤ أن ياخد القرار ده وهو حاكم داخلي.

رقيبة قرار خلع الحجاب للنساء، وفي مصر في مصر أيام جمال عبد الناصر، الناس بعد الثورة ما فيش أربع خمس سنين مصر كلها ما بقاش فيها هدوم للنساء، الناس كلها قلعت هدوم. طب يا إخواننا، من الناس دي كانت لابسة إيه من خمس سنين؟ كل الناس لابسة براقع وغطى وش وبتاع، هو راح فين يعني؟ كل الصور بتاع أيام الملكة حتى رقاصة مش عارف بتاع إيه، رقاصة علاقتها أنها رقاصة وتمشي متفلت في الشرق يعني لا، اللي هو المجال العام حتى والله، واحد يقول لك: وده كويس؟ أه، ده كويس. يعني أما الفجر دايما احنا عندنا حد في الاسلام اللي هو عدم الجهر بالمعصيه، يعني هي هي هي هي ست متفلت فين؟ من البيت للخمارة، من الخمارة للبيت، يعني في الخمارة خلاص.

واللي كان ساعتها القانون القانون في مصر كان لفتره، حد قرا قانون الرقاصات في مصر؟ لا والله اقرأوا المادة المادة، أنتوا مش عارفين أن في قانون اللبس كمان قانون؟ لا، قانون لبس الرقاص، أه لا، ده قانون ممتع جداً، يقول لك: يجب أن يكون ساتراً لجميع البدن في حالة الثبات وعدم الاهتزاز، لا، أصل أنا أنا راجل بدرس قانون فأقول طب هو هيحط قانون للرقاصات هيكون إيه فيقول لك.

لبسها حشم وساتر لجميع البدن، يا فندم دي مش ممرضة دي راقصة. أقول لك في حارة الثبات والوقوف الرأسي، يعني واقفه.. أه كده ماشي، أنا فهمت كده واستوعبت، يعني هو له تكنيك يعني خلاص؛ فلا، القانون كان لطيف قوي.

وكان مرة ناشرين حد زمان في جريدة من جرائد المعارضة بيقول الناس عشان ما يعرفش القانون، فالقانون في حاجات مسيئة جدا، فيقول لك إيه هو القانون؟ الخمور، القانون، الخمور دي بتتباع إزاي؟ إحنا عندنا ثلاث هيئات حكومية بمصانع خمرة في مصر، إيه ده؟ والشريعه وبتاع؟ الشريعة دي عندهم مش موجودة، القانون ينص على أن ده مباح، طيب الملاهي الليلية دي مفتوحة إزاي؟ القانون ينص على ده، طيب والرقاصة دي تمشي؟ لا طبعا، القانون ده أصلا قانون محكوم بالقانون العام، القانون العام اللي هو الأخلاق العامة، فهي الست الرقاصة دي بتخالف القانون العام إطلاقاً إطلاقاً، فما فيش الكلام ده، إحنا دولة محافظة.

طيب إيه القانون؟ فتفكر لا والله، المواصفات لطيفة جدا، بس يا سبحان الله العظيم يعني الشيطان.. الشيطان لما تلعب بنفس القانون.. طب القانون لرقاصة تبقى حشمة إزاي؟ دي عامله المكتوب بحرفية شديدة، وإذا ما قام الإنجليز لغاية سنة سبع وأربعين، كان في ترخيص لممارسة الدعارة في مصر، فكان ده ليه شروط وليه قوانين وليه كشف طب دوري وبتاع ومش عارف إيه، فهو بيقنن البغاء وبيقنن اللي هو إحنا بنسميه ده، هو عمل كدة اهو، نفس اللي عمله ده عمله في اللغة، في دعوة.. أه لو هتنجح إن شاء الله، يعني إن شاء الله مش يعني اللي هو لا أكيد هنوصل للمرحلة دي تاني، أكيد أكيد ليه؟ دي طبيعة الأشياء.

حديث النبي صلى الله عليه وسلم مثلاً: قائم على حدود الله والواقع فيها كمثل القوم استهموا على سفينة، فأصاب بعضهم أعلاها وأصاب بعضهم أسفلها، فمن كان في سفن قالوا: «قد أذينا إخواننا»، بيجيبوا إيه؟ بيجيبوا مية عمالين طالعين نازلين، فقال لك إيه: فلولا خرقنا خرقا في نصيبنا ولم نؤذي إخواننا، فلو تركوهم وما أرادوا هلكوا وهلكوا جميعا، ولو أخذوا على أيديهم نجوا ونجوا جميعا.

فهي الفكرة في إيه؟ إن هو لا أكيد الموضوع هيوصل كده، حتى في خلينا نرجع تاني لفكره الدعارة اللغوية، قصدي يعني اللي هو الاستعمار اللغوي، إن هو حاليا المغرب.. المغرب ده إيه أصعب؟ المغرب والجزائر، حد شاف تصريح وزيرة التعليم في الجزائر، لما لغت بسم الله الرحمن الرحيم من الكتب وبتاع ومش عارف إيه، وفرنسا بقى فرنسة ثانية، إن هو إقرار اللغة الفرنسية لغة التعليم، بعد موضوع معربة التعليم من أيام هواري بومدين في الجزائر، ده بيحصل حاليا في المغرب، طبعا تونس بتاع، إحنا هنا في مصر، يعني مصر إحنا يعني نموذج متفرد، إحنا ماخدش قرار مع ولا ضد، إحنا شغالين يعني، الدستور بيص عن اللغة العربية لغة شرعية، في كتاب مشهور جدا اسمه حماية اللغة العربية قانون.

كل النصوص اللي موجودة في مصر، ما فيش دولة عربية إلا في نص دستوري، كل الممارسات اللغوية اللي أنا بقول عليه دي محرمة بالدستور في كل الدول العربية، لكن إحنا إيه؟ إحنا نكتف الدستور اللي إحنا عايزينه، ويعني إحنا نعمل اللي إحنا عايزينه، بما فيها المحلات، بما فيها التعليم، بما فيها مناقشة الرسائل العلمية، بما فيها الممارسة السياسية.

الاستبداد الداخلي فيه شكلين من أشكال الاستبداد، واحد: القرارات الشائهة، القرارات الشائهة زي اللي حاصل، زي اللي حاصل، واحد مثلا السماح بوجود لغة أجنبية في التعليم في السنوات الأولى، كل الدول المحترمة في الدنيا ما عدا.. ما فيش دولة محترمة بتعمل كده، يعني ما فيش حد في اليابان يعرف يعلم ابنه وهو عنده أربع سنين لغة أجنبية في مكان رسمي، مستحيل، ممنوع قانونا، ممنوع بالدستور، في أمريكا ممنوع بالدستور، بريطانيا ممنوع بالدستور.

خلاص، الكتاب بتاع الحماية القانونية، كتاب لطيف جدا موجود، طبع دار النهضة.. دار النهضة، نهضة مصر.. النهضة العربية عذرا، اللي هي في عند دار المعارف، الحماية القانونية.. الحماية القانونية للغة العربية اللي هي النصوص القانونية، فهو ده ما يقدرش يعمل كده في أي دولة محترمة، هنا إحنا الموضوع متساب، هو مخالف للقانون، هو مخالف لقانون الدستور، بس مش مفعل، يعني ما فيش حد بيقول له إيه ده؟ ده بتعلموا لغة أجنبية هنا! الناس تشعر بفخر اجتماعي بالعلية القوم، بأعلى مناصب في الدولة بيعلموا ولادهم في مدارس اجنبية، خلاص فهو مش مستشعر خطورة ده، خطورة المستبد أن حتى القانون اللي هو حاطه أو الدستور اللي هو عامله نفسه حتى ما بيطبق.

خلاص، فده واحد، ده واحد، دي صورة، الصورة الثانية والأخطر على الإطلاق، أخطر على الإطلاق، اللي هو فكرة إيه؟ كان عامل عنوان حلو جدا الدكتور محمد عباس، دي كان مقال، كتاب زماني اسمه الوعي ينزف من ثقوب الذاكرة، الوعي ينزف من ثقوب الذاكرة، عامل فصل لا، ثلاث مقالات ورا بعض، وكانت مجموعة مقالات نشرها على عدة سنوات، ثم نشرها في كتاب ككل، إيه اسم المقالات؟ كان اسمها ثلاث مقالات ورا بعض بنفس العنوان، واحد مرقم واحد اتنين تلاتة، اسمه أنار همو تنبلا كفرين، اسم المقال كده، أنار همو تنبلا كفرين.

هو كان بيقول ايه؟ بيقول مثلنا ومثل الحكام في بلادنا المستبدين هو تخلية الوعي الجمعي الإسلامي من اللغة، ومن فهم اللغة عن طريق الابتذال، الابتذال اللي هو إيه؟ الممارسة بتاعة اللي هو الاستبداد اللغوي، إن إحنا ما بنتعلمش كويس فإحنا ما بنتعلمش لغتنا كويس، فإحنا بنطلع لا نستطيع إقامة عربية سليمة وفصيحة، لا في الكلام ولا في الكتابة، بلها التعامل مع نصوص الوحيين باللغة السليمة، فلا نستطيع فهم القرآن ولا السنة، مع احتفاظنا بالقرآن والسنة بين أيدينا، فأنت موجود معاك القرآن والسنة، ولكن عن طريق الاستبداد والفساد المحلي.

الدولة.. الدولة اللي أنت قاعد فيها دي فيها دولة عاملة أزهر، والأزهر ده وظيفته الحفاظ على الديانة، وأنت عندك ماده اسمها لغة عربية، والراجل نص على أن الشريعة واللغة العربية هي المصدر الرئيسي واللغة الرسمية، يعمل أكثر من كده، خلاص؟ أمال إيه اللي يخلي كل هذه النصوص من مضمونها؟ الاستبداد المحلي، الاستبداد المحلي أن هو يفسد كل شيء ده بسلوكه الفعلي، طب إيه اللي حاصل؟ أن أنا طالع ما أعرفش عربي، الأستاذة طبعا ما تعرفش عربي، فأنا لا أستطيع الاستدلال على ولا فهم كتاب الله عز وجل ولا سنة النبي صلى الله عليه وسلم، فنحن نتعامل بعقلية أنار همو طبلا كافرين.

إيه بقى أنار همو طبلا كافرين؟ أستاذ محمد عباس بيقول: وأنا بحج في يوم من الأيام، وجدت وفد من الإندونيسي أو الماليزي بحجوا، بيعتمدوا، فماشيين ومعاهم بعض النصوص العربية بيقروا منها على سبيل التبرك، لما واحد بيبقى مش عربي، فأحياناً يظن أن الدعاء يجب أن يكون بالعربية، وطبعا بعض النصوص الشرعية زي قراءة الفاتحة وأذكار الانتقال وأذكار الصلاه يجب أن تكون بالعربية، وبعد ذلك فإن الله عز وجل تختلف عليه الأصوات الألسنة، فيدعو بما شاء بأي لسان شاء في خارج.. في خارج الصلاة وممكن في الصلاة في الدعاء، خلاص، لكن النصوص، نصوص الأذكار الانتقال والتكبير والفاتحه، جمهور العلماء على خلاف رأي ضعيف عند الحنفية يجب أن تكون بالعربية.

خلاص، فهم عايزين يقراوا نصوص عربية، فسامي قال ماشي جنبيهم، فهم متاثرين جدا وبيقروا، فهو بيص بص النص عربي، طب يا أخويا ده زي ما إحنا لما نجي نقرا إنجليزي أو لغة مش عارفين لسه مش متمكنين، فلا نستطيع الوقوف عند العلامات الفيصلية بين الكلمات، فنشبك أحيانا كلمات في بعض ونفصل كلمات مع بعض، ما اتشوه خارج الحروف، فهو بيقرا إيه؟ أن الله محيط بالكافرين، فهو بينطق الحروف غلط خلاص مش من خارجها السليمة وما بيقفش مظبوط، عايز يقول: إن الله.. إن الله.. إن مهي.. فبلا فينا أن الله مهي.. الله ميط.. أنا مهط.. بقول لك إحنا بقينا كده، إحنا كعرب، يعني عربي مسلم يعيش في بلاد العرب في مركز.. هي الصلبة للعرب، وتتعامل مع الكتاب بهذه الطريقة.

عشان كده إحنا دايما نقول في اختبار مشهور جدا، واحد كان عامله بعد كده في نوتة مشهورة، ممكن نفتحه لكم على المجموعة، وهو خمسين لفظة دائما الناس بتفهمها خطأ بسبب العامية المصرية، إيه السبب؟ أن اللفظ موجود نفسه في العامية المصرية، فلما بيعدي عليه في القرآن فبيفتكر أنه زي، يقول لك إيه: ﴿الَّذِينَ جَابُوا الصَّخْرَةَ بِالْوَادِ﴾ [الفجر: 9]، يقول لك جابوها.. جابوها، جابوا يعني شقوا واقعة، فمعنى ده بس شبهه، ﴿فَإِذَا وَجَبَتْ جُنُوبُهَا﴾ [الحج: 36]، الوجب اللي هو السقوط، فأنت لما تيجي تذبحها بتقع، فاذا وجبت جنوبها يعني وقعت، أو: ﴿أَهُشُّ بِهَا عَلَى غَنَمِي وَلِيَ فِيهَا مَآرِبُ أُخْرَى﴾ [طه: 18]، وما تلك بيمينك يا موسى؟ قال: هي عصاي أتوكا عليها وأهش بها على غنمي، فيعني إيه أهش بها على غنمي؟ هو لا هو هش بها على غنمي أن هو بيروح للشجر فيضرب الشجر بالعصا فده الهش أن هو يهش عليها فتسقط الأشياء تاكلها، هو دي كل معنى، بس مشكلته أن إحنا موجود عندنا في العامية شبهه.

وتبنون مصانع لعلكم تخلدون، أه، وجاك سيارة في سورة يوسف اللي هو والمصحف يعني جو.. أنقذوه بالعربية، فبقول لك لا ما كانوش بالتطور ده، وهكذا وهكذا، إش يا دكتور؟ بيستعملوا كلمات بمعاني غلط، زي اتلاشى، هم يقصدوا اتحاشى بس بيستعملوا اتلاشى، اتلاشى حضرتك كده أن تنعدم، تنعدم وأنت واقف، خلاص، وهكذا، خلاص، فإحنا هو ده بقى المصيبة، أن الوعي ينزف من ثقوب الذاكرة أن أنت قاعد متصور أن النص معاك، يعني ما فيش واحد عربي ولا مصري وبالذات مصريين تقول له اللغة العربية يقول لك إحنا أم.. الأزهر بيعمل ايه يا عم؟ ده إحنا عندنا مئات الآلاف حفظة من القرآن.

ما هو وهذا نص على النبي صلى الله عليه وسلم، الحديث المشهور لما قال لواحد من الأنصار، يعني إيه هذا يعني وقت أن يرفع فيه العلم وكذا، فقال لا، الأنصاري بيقول للنبي صلى الله عليه وسلم قال له لا والله لا نحفظ.. يعني نحن نحفظ كتاب الله ونحفظه لأولادنا ونسائنا وبتاع، فالنبي قال له كنت أظنك يعني أظنك من أعقل الأنصار أو أعلمهم أو أفقه، قال لهم: فهذا التوراة والإنجيل بين ظهراني اليهود والنصارى، فهل أغنت عنهم شيء؟ يعني هي الفكرة مش ببقاء الكتاب بالرسم، لو أنت في نصين مهمين جدا، النص ده ونص عبد الله بن عباس، حديث النبي صلى الله عليه وسلم، اللي هو قال: هذا أوان رفع العلم، نظر إلى السماء وقال.. يعني الآن يرفع العلم أو كذا، فهو تصور أن العلم يعني إيه يرفع؟ أن يرفع من بين ظهورهم الكتاب أو يفقد، فيقول لك ازاي المصاحف؟ ده إحنا عندنا مصاحف والعيال كلها عيالنا بنحفظ القرآن.

فيقول هو بيقول مش فاهم أي حاجه، لأن العامية التي يتكلمها غير اللسان الذي تكلم به النبي صلى الله عليه وسلم وأصحابه، فإحنا مش قادرين نفهم الدلالات، خلاص، فالأنصاري بيقول له إيه؟ بيقول له يا رسول الله لا والله لا نحفظ.. لا نحفظ أن كتاب الله ونحفظه لأولادنا و.. يعني يعلمه للنساء والأطفال وبتاع، فالنبي صلى الله عليه وسلم لما سمع منه الإجابة قال له: أنا كنت أظنك أعقل من هذا أو أفقه من هذا، قال له: فهذا التوراة والإنجيل بين ظهراني اليهود والنصارى أو في أيدي اليهود والنصارى فهل أغنت عنهم شيء؟ يعني هو مش فاهمها، مش فاهمها وما بيعملش بها حاجة.

والأثر الثاني أصل سيدنا عبد الله بن عباس أن عمر بن الخطاب وهو على المنبر فيعني قال.. يعني أخ.. يعني أنا أخاف عليكم أن يحرف كتاب الله عز وجل وأن.. وأنت.. يعني الناس تفهموه على غير وجهه وكذا، فسيدنا عبد الله بن عباس قال: نعم يعني يحدث إذا فهموه على غير ما نفهمه الآن، يعني يظل الكتاب بين أيديهم ويفهموه على غير الفهم الذي نفهمه الآن، سيدنا عمر بن الخطاب يعني إيه بص له النظرة.. يعني نظرة.. يعني إيه، فسيدنا عبد الله بن عباس استشعر أن هو ارتكب شيء خطأ أو قال حاجة خطأ أو كذا، ثم انصرف الناس وعمر على المنبر، فيعني إيه استدعى سيدنا عبد الله بن عباس، راح وهو خايف يعني يقول الكلام يكون غلط اللي قاله، فقال له: أعد علي ما قلت.

فقال يا أمير المؤمنين لو كنت يعني أخطأت وكذا أخرج من.. ما قلت، أقول خلاص أنا راجع عن كذا، فقال له: لا لا أعد علي ما قلت، قوله تاني، فقال يا أمير المؤمنين يعني الناس يبقى معهم كتاب الله الرسم.. رسمه، حديث النبي صلى الله عليه وسلم ياتي زمان على الناس لا تبقى من الإسلام إلا اسمه، ومن القرآن إلا رسمه، فيتبقى رسم المصحف، طب الرسم، أنت فاهم حاجة؟ لا، طب أنت فاهم حاجة؟ حاجة، يبقى أكيد مش فاهمه، مش هعمل بيه، فهو كده القرآن إيه؟ رفع.. رفع العلم، رفع العلم يعني رفع العلم والعمل، أنت مش فاهم فانت ما بتعملش فانت لا تتلقى رسالة الله عز وجل، خلاص، فقال له: فيظل الكتاب بين ظهرهم ويفهمونه أه على عكس ما نفهمه الآن، أو على غير الفهم الذي نفهمه الآن، وهذا أوان رفع العلم كذا، فقال له: لله أبيك، أو: لله درك، فكنت أكتمها، يعني هو النبي قال لنا كده فعلا، يعني هو استحسن منه قال له بس أنا كنت مش..

عايز أقولها قدام الناس وكأنها بشير سوء، أن هو لا يحدث بين الناس أنه لا يتبقى من الإسلام إلا اسمه، ومن القرآن إلا رسمه. مين اللي بيعمل حالياً دلوقتي في الداخل ده؟ المستبد الداخلي. المستبد الداخلي مشكلته أن هو بيعمل إيه؟ مشكلته أن هو الأسوأ أن هو عامل مدارس لتعليم اللغة العربية وعامل منهج وفي وزارة وفي مستشارين للغة العربية وموجهين للغة العربية وإذاعة قرآن كريم ودروس لغة عربية مبثوثة بين الناس.

مشكلتها إيه؟ أن هو تم تخليتها من مضمونها. فلا نحن نعترف باختفاء اللسان بين ظهراني الناس، ولا نحن نقيم الجهد الحقيقي لإبقاء هذا اللسان بين الناس. فاللي هو إيه؟ من كتم داءه ومات به؛ إحنا مش عارفين أن إحنا عيانين، فنفضل قاعدين كده لغاية ما نموت. بس مشكلتنا أن مش إحنا اللي هنموت، المشكلة أن هو هيتموت اللسان اللي هو يتوصل به فهم مراد الله عز وجل، فيظل الناس أن الله مهط بلا كافرين.

هو بيتعامل مع نص طلس، فأكيد اللي بيقول إن الله مهط بلا كافرين ده لو مش عارف ينطقها بالها، إن هو بالها نها عنها خلاص. بالها أن هو يعمل بها، بل أن هو يعتقدها، بل أن هو يقوم بحق الشهادة على الأمم. هو إحنا ثمرة المستبد ليه؟

أنت مش ممكن، يعني أنت لو رحت في مكان، هذا المكان يعني أنت لو رحت دولة أجنبية... خلاص، أنا كنا واحنا في زيارة في اليابان التقينا بمهندس عربي أردني اسمه المهندس أنس، هو وزوجته أسرة كريمة جداً ربنا يبارك فيهم ويحفظهم، معه ابنه اسمه أسيد. فالولد ده أبوه عربي صليبة وأمه عربية صليبة، وهم عايشين في اليابان منذ إحدى عشرة سنة. خلاص؟ طيب بيتكلم الط...

أنا أول حاجة جت في ذهني إيه؟ قلت له: هو إزيك يا أسيد؟ إزيك يا عمو، عامل إيه؟ بيتكلم العربية الشامية، العربية الشامية بس ممحونة، يعني واضح أن دخل عليها لغة تانية. فقلت له: هو... سنه أربع سنوات، أربع سنوات. فقلت له: يعرف ياباني؟ قال لي: اليابانية هي لغة الأم؛ لأن هو بيقول حضانة باليابانية، بيدرس باليابانية، كتبه باليابانية. وقال لي: وعلموه عربية وحفظوه قرآن وأذكار، وتقول عمو الأذكار كذا وبتاع. بس تتكلم بعربية عربية أعجمية، يعني عربية لا يستطيع إقامة الحروف كما هي، لكن يعني في بيعرف يفهم عربي، حتى العامية، العامية المصرية شبه العامية الشامية، فكان فاهم قدر كبير من الكلام.

فأثناء الكلام الشيخ انس كنا احنا قعدنا فترة ما بناكلش سكر، ما بيقدم لناش لا سكر ولا ملح مع الأكل، يابانيين بياكلوا أكل صحي، بس إحنا عاملين زي اللي عنده أمراض انسحاب الجرعة، إحنا بنسف سكر يا عم! فدخلنا المطعم أخونا كان عازمنا على العشاء في مطعم إيراني، ما هو كنا عايزين مسلمين، إيراني، أتراك، باكستانيين، هنود، فَعايزين ناكل أكل نعرفه، عايزين لحمة وبتاع وملح وشطه وسكر، عايزين يعني حاجة من اللي أنا... أكل الياباني صحي بس يعني مش حلو، ماكلش عيش لا يسمن، يعني فعلا ما بيخليش تسمن يعني.

خلاص، فالشيخ أنس أول ما دخلنا وإحنا بنتكلم بنقول لأسيد واللغة العربية ومشاعلك وبتاع، بيقول: ده حتى أنا عايز استعين بكم، أعمل إيه؟ ومش عارف إيه؟ بيقول لي: اعمل، اعمل له منهج تعليم منزلي أنا وأمه مسه معاهم وبتاع. فانا عايز أقول له أن أثر البيئة طاغي وأن هي لغة الأم شئت أبيت ستكون هي اليابانية وبتاع. فشيخ أنس إيه؟ فتح السكرية وجاب معلقة أكل كبيرة قبل ما الأكل ينزل وقعد ياكل سكر بالمعلقة!

فأسيد، اللي هو ده، بيترتكب خطيئة! بياكل سكر يا أنتو بترتوا سكر في مصر مخدرات! فهو لاحظ سند فقال: أسيد، وريت عم الكتاب؟ قال له، راح مطلع إيه؟ موسوعة بتاعة أطفال بيدوها في رياض أطفال، قال له: اقرأ له. أنا أول ما قراه أنا إيه؟ التفت، اللي هو مافيش طفل بيقرأ عنده أربع سنوات! الطفل ممارس للغة، حصيلته اللغوية عنده أربع سنين تزيد عن سبعة آلاف كلمة أكثر في أي لغة، لغة الأم ما يقش. فهو مطلع موسوعة، وراح مطلع الفصل بتاع السكر، إحنا عارفين من الصور، وبدا يقرا.

فقلت له: هو بيعمل إيه؟ قال: بيقرأ. فقلت له: هو... شاورته له. قال لي: أنا عارف، بس أنا قلت له أن أنا تخصصي لسانيات وبدرس تربوي وعلمي نفس، فقلت له: هو أبنورمال؟ هو مش طبيعي؟ قال لي: آه، مش طبيعي. قال لي: أنا عرضته على دكتور لسانيات وتخاطب بتاع في الاردن، وقال له أن ابنك مش طبيعي، بس ابن مش طبيعي إيجابي، اللي هو عنده ملكة زائدة، هو بيقرا.

سيهير السكري؟ مش ما هي الفكرة المعتاد، خلينا نقول المعتاد في الآن، إحنا مش بنع... ما هو القراءة مش هي مش المحك، لكن هو يقرا، دي فيها شيء زي يتكلم ويبقى فصيح ويستعمل اللغة، ويبقى ممكن حفظ متون، بل حافظ قدر كبير من القران، ممكن ممكن نصوص شعرية، ممكن، لكن بيقرا باللغة اليابانية باللسان الثاني واليابانية بالذات؟ لا لا الموضوع.

فقلت له: إيه الحكاية؟ قال لي: كذا وكذا وكذا. بس هي الفكرة في إيه؟ أن هو بص النظام اللغوي عامل إيه؟ أن الدولة ده طفل مش مش ياباني، وأبوه وأمه مش يابانيين، وبيتكلموه في البيت بالعربي، مش لازم. ده هو الواد، بص الواد، خلاص هيجي له طفح ياباني! اللغة استقام اللسان على طول.

فتخيلي أنت المفروض تعملي كده، تعملي كده وأزيد من كده عشان القرآن. القرآن، عشان القرآن، الفيديو اللي بتحيل عليه اختنا، اللي هو الدكتور اسمها إيه؟ السكري؟ اسمها سهير، أه، اللي هي بتقول أن الطفل قديماً كان بيحفظ القرآن، وبيحفظ الألفية، وبيحفظ أشعار، وبيتعرض لنصوص لغوية كثيرة، ما دام هو مسلم، فهو الطفل بيجي سن ست، سبع سنين، محفوظة، اللي إحنا بنسميها الحصيلة، الحصيلة اللغوية الذهنية، أن هو حصيلته اللغوية إحنا حالياً لما الطفل بيبقى عارف سبعة آلاف كلمة، ثمانية آلاف كلمة بنعتربه حاجة كويسة، والطفل لا، ده بيبقى حافظ جزء كبير من الألفية واللغة، وخاتم قرآن.

في ناس أطفال بيبقى خاتم كان على ست، سبع سنين، بل يحفظ، وإن كان من النوادر، لكن كان يحفظ، أن الإمام الذهبي في ترجمة بعض الناس قال: وقد قرأ بالعشرة، قرأ بالقراءات العشرة وهو عنده عشر سنوات! يعني طفل سن عشر سنين يقرا بالعشرة، يقرا قراءات العشرة، يعني هو كأنه حفظ القرآن تقريبا ثلاثمائة مرة، اللي هو بالتباديل والتوافيق. واحنا السبعة والعشرة، المتممة العشرة الصغرى، العشرة الكبرى، فلما نعمل الاحتمال ده، رقم كبير جداً، محفوظه الذهني بقراءات بلهجات مختلفة وبتاع. فكانت الحصيلة اللغوية، ذكاء اللغة كان عالي جداً للأطفال العرب والمسلمين.

خلاص، نحاول يعني نلخص ما قلناه: واحد، أن السياسة لها علاقة ماسة مباشرة مع اللغة سلباً وإيجاباً. سلباً وإيجاباً، لو أنا عايز أغير تصورات ناس، تصوراتهم بالكلية والثقافة والهوية وبتاع، هاخد قرار سياسي بتغيير هذه اللغة، فيتغير... فيتغير الثقافة واللسان والهوية، ومن ثم الدين نفسه. الدين نفسه، دينه هيتحول. عشان كده إحنا عندنا إيه؟ عندنا إحصاء مخيف جداً بيقول أن كل أبناء المهاجرين في الغرب بعد ثلاث أجيال، الجيل الثالث، يعني الحفيد، 75% منه بيفقد اللسان الأول ويفقد دينه! 75%، يعني كل مئة، 75 منهم بيفقد اللسان والدين، ما يعرفش عربي. ما يعرفش عربي، يعني جده هاجر، ابنه هيتعلم عربي مكسر ويتقن اللغة الأجنبية، الثالث يفقد اللسان الأول ويتعلم اللغة الأجنبية ويترك دينه.

خلاص إيه السبب؟ المظله السياسية، خلاص؟ والمستعمر كذلك. عشان كده الفرنساويين لما قعدوا في الجزائر جوه على ما فيش تحديث، فكان التعليم ما فيش بنية متماسكة مع الاحتلال الفرنكفوني عنيف جداً في تغيير اللغات. أنا خالي خدم عشرين سنة في تعليم في الجزائر قديماً، قال لي: في كثير من الجزائريين العوام، بايعين، قال لي: روح بيع خضار وبتاع، قال لي: يجب أن أحدث البائع بالفرنسية، أو هم بيخلطوا. إحنا يمكن بنعمل أقل من كده، مش عشان اعتزازاً بالهويه ولا بتاع، لأن الأثر الإنجليزي كان أقل، وإحنا التعليم عموماً عشان فاسد فجه في مصلحتنا.

أنتم عارفين إيه السبب؟ أن هو التعليم المفروض طلع واحد علماني كاره للديانة المفروض، أو ما فاخد للهويه، عشان إحنا عارف لما واحد يديك إيه يكون عامل لك طبق فيه سم، فيحد يغش لك السم فيديك سم مثلاً فران منتهي الصلاحية، فيعني إيه؟ هيجيلك وجع في البطن، بس مش هتموت. إحنا كان حصل كده يعني في تونس الحقنة كانت مضبوطة، تعليم تم علم المنته، وفرنسته، والتعليم مضبوط، فالناس خدت الحقنة مضبوطة فخدت جرعة ماتت. عشان كده هناك تونس تلاقينا سابقة دايماً، اللهم صل على النبي، في كل حاجة في الكفر، يعني في أي حاجة تلاقي فعلاً هو كفر صريح على الملأ، مافيش حد جارّه يتكلم عن الصيام بالعل من رؤساء الدول العربية بعد الاستعمار إلا بخير، نزع الحجاب العام، بورقيبة، مش عارف مين، بورقيبة والكمالين، وده علمانية فرنسية، وده علمانية فرنسية، خلاص.

فأه، علمانية فرنسية، علمانية معادية للدين، الكمال التركي علمانية معادية للدين في المجال العام. كل الكتب والترجمات ونظم التعليم في تركيا في الفترة الترك الكمالية وقبل الكمالية كانت تؤثره بفلسفة الأنوار، فلسفة الفرنسية، عشان كده هي علمانية حتى الآن معادية للدين بشكل، بشكل كبير جداً. إحنا هنا الحمد لله الفساد بيحمينا من جزء كبير جداً، أن مافيش تعليم مضبوط، فإحنا بنطلع جهلة، بس يعني لو تعلمت، الحمد لله شفت دليت كده تبدا على بياض، لكن الثاني لا لا، التوانسه والاتراك الوضع صعب جداً. ليه؟ أنت بتعاني من واحد لا، خد الحقنة سليمة وماخدش الحقنة المظبوطة فو...

هنا اللي هو إحنا قاعدين يعني على اللي هو بتاعة المسؤول الفاسد الأمريكي، المسؤول الفاسد المصري لما قال له: أنتوا بتسرقوا ازاي عندنا في أمريكا؟ فقال له: شايف المشروع اللي هناك ده؟ قال له: أه. قال له: إحنا هو بمليار ونص وبنقول عليه 2 مليار، فبنسرق النص مليار. قال له: طب أنتوا بتسرقوا ازاي في مصر؟ قال له: شايف المشروع اللي هناك ده؟ قال له: مافيش مشروع! قال له: إحنا بنقول عليه بـ2 مليار.

فإحنا هنا مثلاً، الغرب بيدينا مثلاً فلوس عشان نغير هوية الناس، فإحنا بناخد المنحة ونقول له إحنا غيرناها، فالحمد لله يعني إحنا بناخد فلوس ونضيع عليهم. فرشوف الكلام ده على طرفة، على طرفة، في رسالة مفها تيموثي ميتشل بتاع كتاب استعمار مصر، خلاص قايل في هذه النتيجة، قايلها بإحصاء دقيق جداً، هو كتاب صغير جداً بس عظيم جداً اسمه وصف، اسمه وصف، وصف مصر إيه؟ في السياسة، وصف، لا لا، اسمه مصر في السياسة الأمريكية، أو وصف مصر في السياسة الأمريكية، هأكد لكم العنوان، هو كتاب صغير لتيموثي ميتشل.

الكتاب قايل إيه؟ بعض المفكرين المصريين الكبار زي الدكتور حامد ربيع بتاع العلوم السياسية تنبه لهذا الأثر السياسي اللي بتمارسه الدول الغربية في المنح الأجنبية وأن هم بيطلبوا مننا من باحثين مصريين يعملوا إحصاءات ويعرفوا كل حاجة عننا، فعار فين الأرقام وعارفين التعليم وعارفين وبتاع. فحمد ربيع قال: يعني يا إخواننا إحنا بنحتل وفي اختراق مهول جداً لأمريكا، الاختراق فهو الكلام اللي قاله فعلا حامد ربيع صحيح، وكل البيانات اللي قالها صحيح، وكل المؤسسات اللي قال عليها الأمريكية صحيح.

فتيموثي ميتشل قال: هو اللي قاله صحيح، بس كل الكلام المعطيات النهائية اللي قالها غلط؛ لأنه ليس له أي اثر عن سمع المصري. فميتشل بيقول إيه؟ بيقول لأن كل هذه الأبحاث توكل إلى باحثين مصريين، فالباحث المصري أنت بتقول له: إحنا عايزين نلم إحصى وادي الفلوس، إحصى عندي، وبيضربوا إحصى. فكل الإحصا اللي عندهم عننا غلط، فإحنا، يعني عارف اللي هو أحول جهي دخل حمامه حوله جوه القفص، فلو دخلت هتبقى دخلت حظ، مش عشان هو دخلها جوه القفص، اللي هو يعني هو طلعها بره، هي هي اللي طارت ودخلت جوه، بس هو في الأصل مافيش أي حاجة بتحصل. فمز يا إخواننا، هذا الأمر غير مخيف، ما تقلقوش، مصر مصر في أمان.

إيه السبب؟ إيه السبب؟ أن إحنا زي زمان، مش عارف حد أدركتم أنتم زلزال 92 وأنتم واعيين ولا لا؟ زلزال 92، دول الخليج بعتت لمصر معونات، ده ده زلزال كارثة، وكان أقوى زلزال ضرب مصر وبتاع، وكان كارثة فعلاً، خلاص؟ فالكويت بعتت بطاطين، فالكويت لما يبعتوا بطاطين، هيبعتوا الكويت بطاطين شكلها إيه؟ بطاطين بطاطين أحسن اللي هو هنا عليه القوم ما يعرفش تجيب البطانية دي، فالحكومة المصرية باعت البطاطين في سوق الجمعة وعملت بالثمن كباري وبتاع! ما فيش بطاطين وصلت للناس، ولا حسوا بحاجة، ولا حد حصله حاجة؛ لأنه المرية ما جاتش! إحنا ضربنا الجرعة، يعني عارف لما تكون أنت أديته حاجة سم تقول للراجل، فالراجل طفس كل شوية بيشرب هو السم، فلا يمكن الطفل يموت، ما تقلاش! فإحنا لا نموت بالتعليم الفاسد أبداً، إحنا يتم تجهيلنا بس.

مين اللي عليه خطر في مصر؟ لا، لا برض هنقلع عليه، ليه يا فندم؟ ما فيش تعليم في مصر، إحنا شي عليه الق لأنه بيودي ابنه مثلاً، أي سي، في، في، في مدارس في مصر، اللي عنده ابن في رياض أطفال بيبعت له بيدفع له أكثر من مئتي ألف في مصر! في حد كان عامل انفوجراف في أشهر عشرة أكبر، ففي إيه؟ في 300 ألف و400 ألف و200 أطفال، فالفجامعة الأمريكية هنا مثلاً لو أنا داخل.

الجامعة الأمريكية هدفع كام في السنة؟ ثلاثمائة ألف؟ بتاع الجامعة الألمانية؟ لا، ده بسيط، ادفع له مائة ألف. بس أنا طالب هندسة عين شمس، أربعمائة جنيه! خلاص، هو أنا التعليم هنا والتعليم هنا والتعليم هنا؟ يعني التعليم في الجامعة الأمريكية وفي الجامعة الألمانية مضروب، والتعليم في الحكومي مضروب.

الـ AUC التعليم مش قوي، الرانك بتاع الـ AUC أحياناً بييجي تحت جامعة القاهرة وعين شمس، تحت عين شمس وقاهرة كتير جداً. الـ AUC في التعليم، أدهم السيستم، السيستم مضبوط، فهناك اللي بيخش ثقافياً، لا، بيتم التلاعب بالكلية ليه؟ لأن الحقنة مضبوطة، الجرعة، أخدت الجرعة، لا، هتتحول.

أما احنا هنا، أخدت الجرعة ما حصلش حاجة، لأنه مش هيحصل حاجة، احنا منحرث. بس عشان كده التعليم الحكومي يطلع واحد جاهل منحرف، يعني إيه؟ متبع شهوات وبتاع. لو رحت تعليم تاني مضبوط، تلاقي عنده أسئلة حقيقية وانحراف حقيقي وهُوِيّة مصطنعة حقيقية، واحنا نبقى طالع ما عندكش بطاقة، يعني إيه؟ أنت هويتك إيه؟ يعني إيه هوية يا فندم؟ يعني ما فيش، فده ما تقلقش إن هويته تكون إيه؟ اضربت، ليه؟ ما عندوش.

مرة كنا واقفين بناكل فول في أسيوط قدام عربية فول، فالراجل اللي بياكلنا، أخونا اللي معانا دكتور طبيب، طالب في الطب، واحنا هندسة، مهندس معروف بجبروته، ياكل أي حاجة، لأن احنا يعني أي حاجة لا تُرى بعين مجردة احنا ما بنعترفش بيها موجودة في الكون كمهندسين، خلاص. بتاع الطب بيقول لك: خش يا عم على البكتيريا، وهو أخونا بطري. فالراجل سمعه، قال له: لا يا أستاذ، لا، احنا ما عندناش أي حاجة هنا، احنا كل حاجة مغسولة وتمام، وبيبيتكلم على كائن بكتيري، حاجة هيشوفها.

فاحنا نفس الحكاية اللي هو إيه؟ أنا طالع من التعليم الحكومي، ماشيين، لا استعمار ولا هوية ولا أي ثقافة، فاحنا في إيه؟ احنا في السليم. الخوف علينا منين؟ فكرة الوعي تنزل في سقوط الذاكرة، اللي هو الله، اللي هو المدرسة. حبيبي حفظتك إيه؟ فقالت له: سورة الكهف، فقاله: قول كده، قالت له: إيه؟ كص. اللي هو إيه؟ مش عارفة تقرا قرآن، أصلاً فؤاد، ده مش هيجيلك بقى يقول لك إيه: القرآن ظني وبتاع، ومخطوطات القرآن. يعني مش هيجيله شبهة سليمة أبداً أبداً، ليه؟

كل سؤالين وننهي. كان عندكم سؤالين عاقول، يعني حتة إلّا جاهز يا ست الكل؟ يا ست الكل، أنا قابلت ناس مخلص إعدادي وثانوي أزهر، ما يعرفش يقرا ويكتب! أنا جيب إيه، وكل فخر، وكل فخر. فلا، احنا لا، احنا احنا في السليم إن شاء الله، ما تقلقش. سؤال تاني.

أنتم عايشين معانا؟ أنتم أزهري، عشان كده نسبة الأمية في مصر 60%، النسبة الحقيقية يعني 60 مليون واحد ما بيعرفش يقرا ويكتب، منهم خريجي معاهد ودبلومات، بل ثانوية، يعني ممكن يبقى ثانوي أزهري ما يعرفش يقرا ويكتب! أنا شفت بأم عيني ناس كده، وفي تقرير حكومي مشهور جداً اتعمل كده، إن الوزارة نزلت نفسها لغاية إعدادي وثانوي ما بيعرفش يقرا ويكتب. فاحنا الحمد لله إيه يعني؟ يقول لك إيه؟ اشوُوا هويتهم، لا بيت ما فيش، الجرعة ما جاتش، الجرعة، الهوية اتسرقت، قال لك كراتين الهوية اتسرقت، يعني الحمد لله حتى كراتين الهوية المضروبة ما وصلت لناش، فاحنا الحمد لله يعني احنا من الناحيه دي احنا في أمان إن شاء الله.

حضرة وجود مدارس لغات في مصر ده علشان بس بيأثر على اللسان العربي؟ لا، ده مش ده، لا، ده ردة مباشرة، ردة ردة دينية! في مقال خطير جداً، خطير جداً، خطير جداً والله لاحطه لكم على الصفحة، أنا كنت بطلت أحطه عشان كلنا ما نتلمش، بس تتلموا إن شاء الله.

دراسة عن تاريخ التعليم الأمريكي في مصر، الجامعة الأمريكية أصلاً هي أصلاً جامعة تبشير أصلاً في الأصل، وتم تغييرها للجامعة، هي اسمها ما كانش كده أصلاً، أيوه خلاص، فهو مقال، بس هو مقال، هي مش مقال يعني هو دراسة، يعني 40 صفحة 50 صفحة تاريخ التعليم الأمريكي في مصر هو من أخطر ما يكون على الإطلاق.

سبب خطورته إيه؟ سبب خطورته إيه؟ إن هو في كتاب العنوان، أنا هاخد العنوان المعنى اللي هو حصون ودع من داخلها، إن أنت حد جوه جوه، يعني أنا عندي عيل هنا في مصر ما يعرفش حاجة عن الإسلام. أنا قابلت حد، بنت من، كانت أخت بتحضر معانا، قالت لي: أنا بدرس في مدرسه أمريكية مرة، هي كانت تدرس فبتولي هي مدرسة آربي لانجويج يعني هي بتروح تدرس عربي للعيال المصريين، اللي أبهات وممهاتهم مصريين مسلمين، الولد بيدرس حفظة الإنج، حفظة الدين باللغة الإنجليزية ما عدا النص المقدس.

خلاص فبتولي: أنتوا ما درستوش، بتقول له قطز؟ بتقول حاجة يعني إيه؟ اللي هو أي حد حضر واسلما عارف الأستاذ أحمد مظهر يعني ما فيش لا يختلف عليه اثنين صح؟ الدين الأيوبي. فقال لها: ما أعرفوش، فبتولي: أنتوا ما درستوش تاريخ؟ فقال لها: لا ما درسناش تاريخ. فقالت له: طب إيه التاريخ اللي درسته؟ قال لها: كذا وكذا وكذا، تاريخ الحرب الأهلية في أمريكا، مش قالته، طب أنتوا ليه ما درسوش تاريخ مصر الدوله العربية؟ قال لها: وي آر أمريكا أصلاً، أنا أصلاً أمريكاني، خلاص، اللي هو ده في إن شاء الله بعون الله بعين الله أربع دراسات.

في طبعا في مؤتمر كان مهم جداً عمل عملية إدارة العلوم، المؤتمر الدولي لأثر التعليم باللغات الأجنبية في التعليم في مصر، المؤتمر كان عندنا في كلية دار العلوم، مؤتمر دولي، والكتاب اللي نشرته المنظمة، منظمة الثقافة اللي هو اسمه لغة الطفل في عصر العولمة، في أربع أو خمس دراسات ورقة بحث محكم على خطورة التعليم باللغات الأجنبية ووجود المدارس الأجنبية على الهوية العربية والهوية الدينيه داخل العالم الإسلامي، كده إن المدارس الحكومية دي لا، ما انت لا ما انت، انت بتعمل، انت بتحط ظهري للحائط، بتقولي يا مستعمر خارجي يا الحمار الداخلي، قصدي المستبد الداخلي، فانت ما بتخيرنيش، «اختر وما فيهما حظ لمختار»، بتقولي لي إيه؟ يا الواد يتحرق بالسم يا يطلع فاجر داعر غير مسلم، لا ما فيش اختيار ثالث! في حاجة اسمها فلسفة بيسموها فلسفة الطريق الثالث، لا، نحن لدينا إرادة حرة، والتكليف لم يرتفع عن دنيا الناس، لا، في حل، في حل، بسم الله.

احنا قاعدين ليه هنا بالصلاة النبي عشان نكمل ده، أمال احنا مش جايبين في المحور الثالث الطفل والتعليم، نخليه لكم المره الجاية عشان نيجي لكم المره الجاية إن شاء الله. حضروا نفسكم، عشر تكليفات بس، مقالات، مقالات كلها، مقالات مقالات. العيال مش هتيجي هات لي بطايقهم، احنا هنلم بطايقكم، عشان أهم يا إخواننا. ما كنتش المره الجاية بس هديها المره الجاية، اللي هو اللغة والتعليم، اللغة والتربية، اللغة التعليم، اللغة الأجنبيه للأطفال، التعليم الأجنبي في مصر.

ارتحتي كده؟ لا مش آخر حاجه، استني استني استني، خلاص، الكتاب اللي حضرتك بتاع المؤتمرين هنرفع الورق، وهنجيب، أنا مش هسيبكم غير بحقيبة لغوية مفتخرة. المره دي الشاب اللطيف ده أو الشاب اللطيف ده أو الشاب اللطيف ده أو الثلاثة دول، ده أحمد محسن، ده يحيى، ده محمد عبد التواب، في الغالب المره الجاية هنجيب لكم، أنا المره الجاية عشان ما حدش يتذرع بأي شيء، هنجيب المقالات ورقية مصورة، بحيث إيه؟ أصل النت كان فاصل، الكهرباء كانت قاطعة، ماما كانت ساحبة النت، خلاص، مش عارف إيه، كان جالي جالي اكتئاب متلازمة الوسائل الإلكترونية. لا ما هتقرا أم الورقة يعني هتقرا أم الورقة، ما فيش الكلام ده، هتقرا يعني هتقرا.

أنا عايز أختم، وبعد كده هاخد أسئلة بس عشان الناس لو حد عنده ارتباط أو حاجه. سبحانك الله بحمدك أشهد أن لا إله إلا أنت، سبحانك الله بحمدك أشهد نون أصل أنا بفكر في حاجة في نفس الوقت، عايز أقول لأحمد محسن يقول لكم اسم المقال، وعايز أختم، اسم المقال اسمه إيه؟ إمبراطورية...

طيب، احنا في، عشان كده نبقى متفقين، احنا قايلين كام تكليف لغايه دلوقتي؟ تعليم من أجل التخلف، تعليم من أجل التخلف بتاع ولتر رودني أو بتاع اللي هو، ده ده الوحيد، خلاص. في مقال تاني تكليف في الغالب هيرفع أحمد أو أنا على الصفحة، اللي هو متعلق بالاستعمار، اللغة والاستعمار، ده مباشر في اللي احنا كنا بنتكلم فيه، تعليم من أجل التخلف، الاثنين تكليف قرائي، خلاص.

المره الجاية إن شاء الله، اللغة والتربيه واللغة، الطفل واللغة والإبداع، كل ده هنقوله احنا إن شاء الله تاريخ التعليم، آه هننزله، بس ده مش تكليف، يعني قصدي إيه؟ ده للاخت وكل واحد سال عن تاريخ التعليم الأجنبي في مصر إيه، آه كل واحد مكانه. لحظة، الظرف فين؟ الظرف الأبيض اسمه استعمار مصر، لا لا لا ده استعمار ده الكتاب الكبير، احنا الثاني اسمه وصف، الظرف الأبيض فين؟ لا لا لا ما فيش، المره الجاية ما فيش، المره الجاية حطه هنا، كل اللي ما عملش كل اللي ما قراش التكليف يجيب، واللي ما كملش التكليف يحط خمس جنيه هنا يلا، انصرفوا إلى رحمة الله.

سبحانك اللهم وبحمدك، أشهد أن لا إله إلا أنت، أستغفرك وأتوب إليك. ﴿وَهُوَ الَّذِي بَعَثَ فِي الْأُمِّيِّينَ رَسُولًا مِّنْهُمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِن كَانُوا مِن قَبْلُ لَفِي ضَلَالٍ مُّبِينٍ﴾ [الجُمُعَة: 2].