المهندس أيمن عبد الرحيموأهل العلم أحياء. دورة الوعي اللغوي مع المهندس أيمن عبد الرحيم، المحاضرة الثامنة. وقد انعقدت هذه المحاضرة يوم الأحد بتاريخ التاسع من أكتوبر عام 2017 من الميلاد، الموافق التاسع من صفر من عام 39 من الهجرة، بعد صلاة العصر بمدرسة شيخ العمود بحي العباسية محافظة القاهرة.
بسم الله والصلاة والسلام على رسول الله، الحمد لله الذي علم بالقلم، علم الإنسان ما لم يعلم، الصلاة والسلام على خير معلم الناس محمد، وبعد:
فكنا قد أحلنا في السابق على كيف سبقت، نهضة... في حاجة مالها شغال بتصور حد تاني.
كنا قد أحلنا في السابق على فصل من كتاب عصور نهضة أخرى، اللي هو كيف سبقت نهضة ثقافية.. هي نهضة قومية خلاص. فكان صاحب الدراسة أو أصحاب الأطروحة يعني محل التساؤل أن التمهيد لقيام دولة.. يعني إسرائيل، المتتبع لها تاريخيا في الغالب المفروض يعني ما فيش أي مبرر تاريخي أن هي كان تنفع تنجح التجربة ليه؟ المكان غلط، يعني مختارين مكان لما اختاروه كان خاضع للسلطنة العثمانية، وموجودة معظم الشعوب اليهودية مش عايزة تروح، مش عايزة تسيب بلادها، كل المبررات عكسهم، وما فيش أي مكون من مكونات الدولة متوافر، على راسهم اللغة، على راسهم اللغة اللي هو عدم التجانس. يعني أنا لو يهودي، الشباب هنا يهود وحضراتكم شوية يهود وقعدنا مع بعض، مش هنعرف نتكلم مع بعض؛ ده بيتكلم أوكراني، وده بيتكلم بولندي، وده بيتكلم روسي، وواحد بيتكلم عربي، ما فيش أي مشترك بينا، فإن أنا أمهد بمشروع لغوي، واضح أن موضوع اللغة ده يعني إي... لا موضوع يستحق الانتباه، يستحق الانتباه.
هذا مثال مهم جدا لفكره أن اللغة أداة تشكيل اجتماعي، أداة تشكيل اجتماعي، ده بيتشكل بها مجتمع، يعني هو كأنها بلغة الجماعة بتوع الميكانيكا؛ الشاسيه أو الهيكل اللي ركبوا عليه كل حاجه بعد كده؛ لأنه من غير لغة ما فيش تعليم، ما فيش تفاهم، ما فيش تجانس، ما فيش أي حاجه.
خلاص، ده واحد. اثنين: الفتوحات الإسلامية، العرب المسلمين لما فتحوا الأراضي المفتوحة في أول 30 سنة تقريبا؛ لأن الكتلة الصلبة من الفتوحات الفتح العسكري للعرب كان في أول 30 سنة تقريبا، هذه المناطق لم تتحول للإسلام، يعني ظلت فترة طويلة جدا على دينها، هذه المناطق تحولت بأعداد ضخمة جدا للإسلام بعد انتشار اللغة العربية. عشان كده في كتاب لطيف جدا هي دراسة مترجمة في قصة غير البرام، المؤلف مصري عربي، الدكتور الشرقاوي محمد الشرقاوي، ليه كتاب اسمه الفتوحات اللغوية، الفتوحات اللغوية، فالرجل وكأنّه اختزل الفتح الإسلامي في فتح إيه؟ فتح لساني أو لغوي. هذه المجتمعات لما تحولت بعد ذلك، تحولت مع التدريج. الفتوحات اللغوية محمد الشرقاوي، خلاص لما تحولت مع الوقت للغة العربية هي لغة الثقافة ولغة العلم ولغة التجاره وهكذا، تحول الناس للإسلام، وكأنّه اللغة لو أنا عايز.. وهذا اللي هتحصل عكسه في المناطق المفتوحة من قبل جماعات دينية غير المسلمين؛ مثال الكاثوليك بعد نجاح حروب الاسترداد وطرد المسلمين من الأندلس، نفس الميكانيزم اللي هم جربوه في الداخل، جربوه مع الأراضي المفتوحة حتى الآن، حتى الآن المناطق اللي هم فتحوها وتحولوا عنها سياسيا، يعني هي اتخدت منهم وبعد كده استقلت.. استقلت إيه اللي متبقي؟ اللسان.
فالبرتغال فتحت بحكم معاهدة تورديسيلاس، تورديسيلاس دي البرتغال وأسبانيا أول ما خرجوا من أوروبا، فهيتخانقوا على العالم، هما كانوا يعني إي.. يعني واخدين في نفسهم مقلب شوية، فمتصورين أن هما إيه هيطلعوا ياخدوا العالم كله، فقالوا للبابا، بابا الفاتيكان اللي هو الكاثوليكي، قالوا: إحنا هنتخانق، هنتخانق على العالم، قسم لنا العالم. فخدت خط بالطول كده في الخريطة، الخط اللي هو يعرف بعد ذلك بمعاهدة تورديسيلاس، قال لهم: أي حاجة يمين الخط ده منّوه تبع البرتغال، أي حاجة ناحية شمال الخط ده تبع إيه؟ أسبانيا. عشان كده تلاقي البرازيل، أمريكا اللاتينية، البرازيل في منها، فتلاقي إيه وكأنه في خط وهمي وهمي بيحجز اللغة البرتغالية اللي هي لغة البرازيل من ساعة الفتح البرتغالي، الكلام ده يا إخوانا سنة إيه؟ 1500 وحاجة، يعني الكلام ده بعيد جدا، بس إيه؟ البرازيل حاليا دولة مستقله، والبرتغال في.. البرازيل، اللهم صل على النبي، اللهم صل على النبي، داخلين على 250، 260 مليون وأكتر لوحدهم بكلموا برازيلي. طب باقي أمريكا اللاتينية بتتكلم إسباني. طب فين أسبانيا؟ ما فيش أسبانيا، ما فيش أسبانيا، كل دي دول منفصلة، وسواء الأرجنتين، سواء اسمه إيه ده باراجواي، أورجواي، اللي هو إيه الناس اللي احنا بنفرج عليهم بيلعبوا كورة مع بعض دول، خلاص، اللي متبقي اللسان. إيه اللي حصل؟ أن هما أول حاجة عملوها، أول حاجة عملوها دخلوا إيه اللسان، هما حاولوا بالتدريج تحويلهم للكاثوليكية وبعد كده إيه إجبارهم على اللسان، بعد كده هما نفسهم لما اختفوا بأيه اللسان هو هو موجود.
وبتاع ده عامل زي حتى دول فرانكفون في أفريقيا، فرنسا مشيت معظم الدول الفرانكفون.. احنا عندنا ثلاث استعمارات لغوية في أفريقيا، فعندنا دول الأنجلوفونية.. إحنا أنجلوفون وفرانكفون، طبعا فرنسا عدت علينا وبريطانيا لا، قعدوا معنا الجماعة يعني شرفونا فترة، فإحنا محسوبين على الاثنين، عشان كده حتى اللغات الأولى الأجنبية، وان كان حاليا دخل إيطالي وإيطالي وأسباني وألماني، يعني ممكن ياباني قريب أو تركي قريب، بس إيه الشاهد أن اللغات الأجنبية احنا فرانكفون وأنجلوفون. الدول الفرنسية فرانكفونية، الدول اللي خضعت للبرتغال اللي هي اللوزوفون متبقي برضه اللسان، في حتى الآن مناطق بتتكلم برتغالي، في ناس حتى الآن غينيا بتتكلم إسباني، خلاص.
مناطق الاحتلال الفرنسي.. إزيك يا أمنية عاملة إيه؟ بيسعوا في الدساتير أحيانا أن اللغة الرسمية هي الفرنسية، بل في كثير جدا من رؤساء الدول العربية إتقانهم للفرنسية أعلى من إتقانهم للعربية، زي تونس وملك المغرب وبعض الجزائريين، إتقانه.. أنا خالي خدم في الجزائر 20 سنة، لا مدرس، هو مصري فبيدرس هناك، فقال لي، قال لي: في بايعين.. يعني أنا هنزل أجيب خضار، قال لي: ما يعرفش غير فرنساوي، ما يعرفش غير فرنساوي، يعني هو يعرف يعني ممكن يحكي بالدارجة، والدارجة دي قال لي يعني حاجة يعني صعبة قوي، ممكن أمازيغي على عربي على فرنساوي، فنرجع للفرنساوي أحسن لينا، قواعد تلمنا، لكن التاني ما فيش.
دي بنت كانت مرة مصرية بتلعب مع الجزائر، فالتلفزيون المصري بيعمل لقاءات مع الجزائريين، فقابل بنت جزائرية، فبيقول لها: تشجعي النهارده؟ طبعا يعني سؤال بيزار معها، بلدها بتلعب، فبيقول لها: هتشجعي الجزائر النهارده ولا مصر؟ قالت له: والله مصر بلد شقيقه واللي هيلعب بيا راح يربح. أنا قاعد هو إيه اللي قالته بالضبط؟ اللي هيلعب بيا راح يربح، يعني دخل.. يعني عملت إيه؟ الت شيفت يمين الت شيفت شمال، رجعت تاني: اللي هيلعب كويس، بس إيه؟ قالتها إن هو تحس أن أنت إيه آه، زي بالضبط إحنا شباب المهندسين والدكاترة بتوع علوم الحاسب لما يتكلموا أقول لك أنت تكوبي وبست، هو إيه يعني هو بنية الفعل العربي مع الفعل كوبي في تصريفاته في الأزمنة الثلاثة، خلاص.
فالشاهد أن أفريقيا واضح فيها جدا، واضح فيها جدا الأثر اللغوي، طبعا في مناطق تانية احنا ما نسمعش عنها قوي، بس ما زال الاحتلال اللغوي قائم، اللغة الأكثر شيوعا في إندونيسيا من اللغات الأجنبية اللغة الهولندية، بل في مناطق بالكامل ما زال هولندا ليها زي تيمور، تيمور وحتى الآن هو أصلا شبه إقليم إقليم انفصالي في إندونيسيا، وكذا بالهولندية، طبعا لأن هولندا قعدت أكثر من 350 سنة مع قرار باللغة الهولندية، فهولندا من الدول الاستعمارية.
طيب، العكس بقى؛ إحنا هنا في المجتمعات بتاعتي، أنا عايز أصلح هذا المجتمع اللي أنا عايش فيه بدل ما ربنا إيه ياخدني مع هذا المجتمع، خلاص، لأن إيه شرط عدم إهلاكها المجتمعات عدم.. مش الصلاح الذاتي، والا الله عز وجل يهلك.. حديث أم سلمة للنبي صلى الله عليه وسلم قالت: يا رسول الله أهلك وفينا الصالحون؟ قال: نعم، إذا كثر الخبث. فهي الفكرة في عملة الاصلاح الدائم هو اللي بايه بينجي القرى من العذاب، يعني فانت حاليا لو هتصلح، عايز تصلح هذا المجتمع.
واحد: المفسد لا يكتفي بالفساد، مستشار بيشاي كان ليه مقولة كان دايما يقول إن مشكلة الأنظمة في مصر أن هي ليست أنظمة فاسدة وفقط، والا الفساد ده جزء من الفطرة البشرية، بني آدم عدم التفلت ده فطرة بشرية فتلاقيه حرامي ماشي، كل الدول بيسرقوا، فاسدة كل الدول، مش عارف إيه وهكذا، لكن فساد عن فساد، يعني كنا في الزيارة بتاعة اليابان دي، حد ما اللي معانا كان عضو برلمان مصري، فحضر جلسة في البرلمان الياباني، فبيقول: شتموا بعض وكانوا بيتهموا الحكومة بالسرقة وبتاع، فاحنا إيه يعني اهتمينا إيه، إيه بيسرقوا؟ إيه، إيه، إيه؟ يعني فين؟ فقال قام حد من المعارضة وقال: أنتوا الحكومة بتهدر أموال الضرائب وبتاع، أي شارع يحصل فيه شرخ صغير روحوا راصفين الشارع كله تاني وبتاع، وده إهدار، فلو احنا.. يا كلب! قال لك: هاتوه، مش عاجبك؟ تعال، تعال شوف مصر، تيجي تبوس رجل الحكومة الفاسدة اللي عندك دي، خلاص، فاسده إيه؟ فاسدة آه ما اصل دي أموال الضرائب، انت طبعا انت بتطلع لنفسك مصلحة كل ما ترصف تاني، خلاص، لكن انت طبعا ماشي، احنا فين؟ الففساد يعني كل حاجة إيه احنا ما نسفوه يا فندم.
الأول قال له: انتو عندكم بتسرقوا؟ قال له: آه، قال له: شايف المشروع اللي هناك؟ قال له: فينه؟ قال له: أنا بنقول عليه بـ 2 مليار.. لا، لا احنا هنا يعني معدين، فالشاهد أن هو المشكلة المستشار بيشاي كان بيقول إن الفاسد المصري لا يكتفي فقط بالفساد، ولكن يحرص على إفساد الصالحين، ما عرفش يفسدهم يعتقل الصالحين، يعني إفساد الصالحين أو اعتقال الصالحين، يعني انت إيه أنا أنا أنا راجل جاهل وفاسد، خلاص، ومش عايز تعلم الناس، خلاص.
احنا عندنا في المدارس الواحد بدأ بـ.. بدأ يحتك بالجماعة التربويين دول، اللي هو إيه؟ فعلا الواحد بيبقى حاسس أن هو ما يعرفش حاجة عن مصر، اللي هو يقول لك: أصل في فصول فيها 120 طالب، هو إيه الـ 120 طالب؟ يعني في طفل.. يعني في أطفال 120 طفل في فصل ليه؟ المدرسة فيها كم واحد؟ هما بيتعلموا إيه؟ يعني إيه؟ وطبيا والتسلخات والأوبئه والأمراض المعدية، وواقفين وفين؟ ده غير التعليم نفسه، 45، 45 في الشهر، 45 إيه في إيه؟ يعملوا إيه؟ يفعل ماذا يعني؟
فالشاهد أن هو أنا انت ما بتعلمش الناس، أنا هعلمهم؟ لا لا بتعلمهم، طب أنا.. طب أنا هعمل أنا أعلمهم الدين؟ أنت ما تعلمش الدين؟ لا أنا هم حلوين كده، أنا عامل مدارس وعامل كتب دين وموزع لهم ملخصات، فهم كده كويسين، ما نزلوها في المعاهد الأزهرية هي كتب الدين ما نزلوهاش؟ نزلوها ليه في الابتدائي؟ مش لازم، ما هو.. هو أظن اتلغى، لا الأزهرية على الأقل يعني هيتلغي، هيحصل عادي، أصلا هو دايما الناس.. احنا إيه؟ أي شيء ده بيسموه مشكلته، بيسموه قانون التغيرات البطيئة، أن احنا اللي احنا بنعتبره حاليا دلوقتي مش تغيير، بعد 10 سنين بيبقى تغيير فج، بس احنا ما بنحسش بيه.
مثال، مثال في سلسلة قعدت ممنوعة من ساعة ما اتكتبت، يعني هي من أول ما اتكتبت قعدت ممنوعة من أيام مبارك، أصحب اخد إعدام، بس الحمد لله ما إعدامه، بس هو خد إعدام بعد كده، اللي هي سلسلة تطوير التعليم؛ بين التعليم بين التطوير والتضليل، التعليم بين التطوير والتضليل، 18 جزء صغير كان بنشر زمان مكتبة الوفاء، كان عاملها الدكتور ربنا يحفظه دكتور جمال عبد الهادي ودكتور علي لبن.
كان بيعمل إيه؟ بيجيب كل قرار اتخد بتغيير المناهج في مصر، ويروح جايب إيه؟ جايب المناهج اللي اتلغت واتعدلت والصفحات اللي اتشالت؛ مثلا جيب الصفحة اللي كان فيه الأم داخله بتقول مثلا إيه: السلام عليكم ومحجبة، الصفحة اللي بعدها قلعت الحجاب السنة اللي بعدها وإيه؟ صباح الخير يا حاجة، ما أنت كنت.. يعني أنت مش حاسس أن في ناس بتتفرج عليك في الفصل مش تخشي لابسة هدومك وهكذا.
أنا مثلا في ثانوي كان الكتاب تانية ثانوي تلاتة ثانوي في الفرنساوي مرسوم بالسر على عادة الفرنساويين، رسوم كأنه كارتير، السنة اللي بعدها صور فوتوغرافية ملونه حقيقية، منها جوه كان صورة رقاصة جوه، طبعا احنا كنا بناخد كتاب تانية وتالتة في دفعتي أنا؛ لأن كان دفعة هجين لسه ما طوروش المناهج، السنة اللي بعدها عملوا مناهج جديدة وكتاب واحد، فده أنا في سنتي ما كنتش حاسس بحاجة بشعة؛ لأنه الكتاب كان في رسومات عادية، اللي بعدي في صورتين من بالطريقه دي، اللي بعده، اللي بعده خلال 10 سنين يحصل بقى إيه تغير تحد اللي هو المحتوى اتغير والصصور اتغيرت وبتاع.
في نفس الوقت الدين اتغير، واللغة العربية اتغيرت، وكتاب التاريخ الإسلامي اتلغى، وكتاب التاريخ الإسلامي اتعمل تاريخ فرعوني، تاريخ مصر وأفريقيا اتشال تاريخ أفريقيا، بقى مصر بس، وهكذا. فيحصل إيه تغير لما تشوفهم أنت في مؤلف واحد هو.
لا، ده غير المحتوى العلمي، غير المحتوى العلمي نفسه. يعني احنا في كتاب أحلنا إليه، في كتب تعليم العربية، احنا بنتكلم على نبدأ بيه من غير لو كان واحد عايز يدرسه لوحده من غير شيوخ وكده، فقلنا كتاب الدروس النحوية. كتاب الدروس النحوية ده أقول إن احنا أيام الملكية كان بتاع ثانية ابتدائي، ده مناسب أي طالب جامعي حالياً حلو، يعني اللي هو ثانية ابتدائي، وهكذا.
خلاص كده؟ طيب، فانت الجهد اللي أنت بتذبله هنا في الإصلاح في مصر بيبقى عايز قدر كبير جداً من التحايل. يعني إيه عايز تصلح وكمان ما يقفشكش؟ يعني إيه؟ يعني عشان، آه، يعني لا، عشان تطول الفترة اللي قبل ما تتقفش، وإلا هيقفشك، أنت في الآخر هتقفش، خلاص. فهتلاقي، إيه، فهتلاقي واحد بيعمل مشروع خيري، واحد بيعمل مشروع تنموي، في مش عارف مشروع، طبعا هو حالياً كل مادة، لأسف، هو بيتطور في المنع، فالحاجات اللي كانت متاحة مثلاً من ١٠ سنين بقت إيه ممنوعة دلوقتي، الجمعيات الخيرية والأهلية وبتاع، طبعا تضررت جداً بالقوانين الأخيرة وكده. فإيه الحل؟ أنت عايز حاجة تشتغل فيها تضمن، تضمن أن هي أساس لأي إصلاح، أساس لأي إصلاح، فالمشاريع اللغوية، المشاريع اللغوية يتوفر فيها جداً هذا الشرط.
ليه؟ واحد، حتى الآن الدولة طبقاً لقدراتها، مش رغبتها، هي لو رغبتها تقفل كل حاجة، قدرتها ما بتعرفش تراقب كل حاجة. يعني مثلاً التعليم هنا في مصر، التعليم من أخطار الأشياء على الملف الأمني، من أخطار الأشياء على الإطلاق، يعني أنت عايز أي دولة عايزة ترتاح تسيطر على التعليم، ليه؟ تبقى أنت ضامن إيه؟ مظبوط.
احنا هنا التعليم ضعيف عندنا، فهو أداة مش ناجعة، مثلاً تخيل قال المدرسين أقنع الولاد أن النظام عادل ومش عارف إيه، مين اللي هيعمل ده؟ هو ما فيش تعليم أصلاً، آه المدارس مش قوية وهكذا، وهو ما عندوش قدرة يغطي كل المدارس، فبيسيب بالخاص، فالخاص ده أجنبي وإسلامي ومش عارف إيه ومش حد مش هيودي تعليم خالص مثلاً. في دولة زي تونس أو تركيا أو بتاع ما ينفعش تقول ابني مش هوديه مدرسة، لا، مين قال مش هتروح المدرسة؟ هتيجي وتتسنن، وهنجيب العيل ونخش المدرسة، ليه؟ لأنه معنى إن أنت مش عايز تدخله المدرسة إن هو كده فلت منين؟ من القيد.
طيب، بسم الله والصلاة والسلام على رسول الله. طيب، فنعود فاللغة يكاد يكون هو مشروع المشاريع، مشروع المشاريع. يعني أنا مثلاً هب أن أنا عايز أحسن، أحسن الوعي الطبي، فعايز الناس تقرا يا أما عربي يا أما إنجليزي، عشان يعمل ده أو ده، لازم في الأول يلم باللغة العربية، طب أنا عايز يتعلم، عايزه يتعلم علم باللغة الإنجليزية، فعشان يتقن الإنجليزية احنا قلنا ده زعم أنا بزعمه لغاية دلوقتي اللي هو بالرغم أن هو الواحد كل ما يحسن من لغة الأم، كل ما قدرته على إتقان اللغة الثانية، وخاصة في مسألة بالذات الترجمات، تبقى أفضل بكثير جداً.
فإتقان اللغة الأولى ده مهم جداً من ناحية تربوية، من ناحية تربوية. الثراء اللغوي للأب والأم اللي احنا بنسميه أحياناً المعجم المنزلي، المعجم المنزلي اللي هو الطفل بيسمع كم كلمة في اليوم وفي حياته اليومية؟ في أم مثلاً اللي هو معجمها ١٠ كلمات، معجمها اليومي، أنت ما تستغربوش لأن احنا مثلاً يقول لك الحياة اليومية المعجم اللي بيستخدموه المتحدثين الأصليين باللغة ١٠٠ كلمة مثلاً في اليوم، ١٠٠ كلمة كل حاجة، يعني أنت مثلاً أول ما تصحى الصبح، نزلت من البيت، السلام عليكم، صباح الخير، خلاص، ازيك يا فلان، ركبت ميكروباص، تذكرة بكام، ده لو سالت أنت في الغالب بتبقى عارف، خلاص، باقي نص جنيه، ابعت جنيه ورا، لو جمعتهم في الآخر هيطلع إيه؟ ده المعجم اليومي للإنسان العادي.
طيب، الأم على حسب، في أم معجمها ثابت اللي هو إيه: انزل، اقعد، اتنيل، بتاع، ده معجمها، معجمها ١٠ أيام، وفي معجم، وده، ده نصيحة ليكم بالذات الفتيات يعني، أن الأم لها دور غير عادي، غير عادي في إثراء الملكة اللسانية عند الطفل، حتى في الهدهد، يعني الطفل أمه لازم، العين لازم يلعب، يعني احنا رضحنا خلاص وشط وعمل كل حاجة، الأنشطة عايزين يكلمه بقا، واحد يقول لك لا هو لسه رضيع، لا، كلميه، كلمه وتحكي له حكاوي وتقول له أناشيد وتقول له ده حلو آه، ويسمع قرآن، ده هيستفاد؟ آه يستفاد جداً جداً، لأن ده الطفل بيبقى مهيا بعد كده.
احنا قلنا قبل كده التجربة اللي في بتاعة الرضع الألمان اللي سمعوهم إيطالي وهم عندهم كم شهر؟ ٣ شهور، ٣ شهور قدر يميز التراكيب الصحيحة من التراكيب الضعيفة، خلاص؟ فالرهان على مشروع إصلاح لغوي هو مشروع المشاريع، مشروع المشاريع.
بل احنا أحلنا يمكن على ما أعرفش أحلنا عليها في الأول ولا لا، بس أظن في السياسة لازم نكون أحلنا عليها، اللي هو تعليم من أجل التخلف بتاع ولتر رودني، فكرة أن الاستعمار الفرنسي وكثير من الاستعمارات الأخرى كان حاد جداً ضد أي إصلاح تعليمي لغوي متعلق. احنا هنا بقا الخطوة الثانية أن اللغة هنا مش مجرد لغة، مع الاحترام الشديد جداً لمحب العربية للعربية، ولكن نحن لا نحب العربية للعربية، عربية يا الله بقى! نحن نحب العربية ديانة، وإلا لو كنا احنا أمة أخرى، أمة أخرى ونزل فينا نبي آخر، فكان اللغة الثانية هتكون هي هي المهمة.
مثلاً لو احنا من أمة المسيح عليه السلام فكانت الآرامية هي لسانه، وكل نبي أرسلت بلسان قومه، فاحنا من شرف هذه الأمة أنه أرسل إليه محمد صلى الله عليه وسلم، وهو سيد الخلق، وسيد الخلق له كان يتكلم لسان العرب، فشرف العربية من شرف الرسالة، دي كلام الله عز وجل خاتم الرسائل، رسالات السماء إلى أهل الأرض فبالعربية، فلهذا نحن نحب اللسان العربي ونحب العرب جملة، وإلا العرب فيهم العرب فيهم الكفار، وفيهم الذين كذبوا النبي، وفيهم من قتلوا أصحاب النبي صلى الله عليه وسلم، فهم مش رفقاء بالجمله يعني خلاص.
واهتمامنا بكلام العرب في الجاهلية ليه؟ لأنه هو القانون اللي بيفسر عليه كلام الله عز وجل، اللي هو قول عمر بن الخطاب: الشعر ديوان العرب. ديوان العرب يعني هو إيه؟ السجل، السجل التاريخي والعادات والتقاليد واللغة وفهمهم للكتاب، وبهذا خاطبهم الله عز وجل في كتابه، فالكتاب على سنن العرب في كلامه، وهم إيه؟ وده كان جزء أصلاً من إقامة الحجة عليهم أن هذا الكلام من جنس ما تتكلمون به، إلا أنه مغاير، ولا تستطيعون الاتيان بمثله، فهو لي خصيص، فإنه كلام الله عز وجل، خلاص.
فاللسان مرتبط جداً بالقرآن، ليه احنا بنقول كده؟ لأن آباء العروبة، آباء العروبة أو آباء المد العروبي في التاريخ المعاصر كلهم نصارى، مثلاً أشهرهم على الإطلاق مش عفلق، عذراً، مش عفلق وجورج حبش والشيخ العلامة أحمد فارس شدياق، وهو كان نصراني وأسلم، إبراهيم اليازجي الأديب المشهور وصاحب الكتب المعروفة، كثير جداً من العروبيين الشوام هم نصارى، من أكثر الناس اللي بيخدموا اللغة العربية حالياً في المعاجم المعاصرة اللبنانين. خلاص، ونحن نقول، وهم نسوا أن العربية أبَت أن تتنصر، يعني العربية هي لسان، هي لسان الإسلام، لسان الإسلام، فمهما هو راح جه وبتاع في الآخر هتجيب شواهد منين؟ هتجيب نحو منين؟ هتجيب بلاغة منين؟ يقول لك من الشعر الجاهلي، فكان ماذا؟
لا، احنا أصلاً ما بندرس، يعني احنا بندرس الشعر الجاهلي ليس لذاته برضو مع الاحترام الشديد جداً لأن هو الشعر مش، احنا لولا أن النبي صلى الله عليه وسلم أمر اقتضاء بتعلم لسان العرب ما اهتم الناس بالشعر العرب، ولكن لولا أنه ده هم الأول تأثموا حتى في رواية الشعر العربي والكلام دي، حتى النبي صلى الله عليه وسلم رخص لهم في هذا، فلما وجدوا النبي صلى الله عليه وسلم يعني بيتسمع في جزء من الأشعار ونهاهم عن أشعار: لأن يمتلئ صدر أحدكم قيحاً خير له من أن يمتلئ شعراً هُجيت به.
هي فكرة إيه أن أي شعر في سب أو مذمة أو كذا والأشياء التي نهاى عنها الإسلام، النبي صلى الله عليه وسلم لما الراجل قال: بلغنا المجد جدنا وجدودنا وإنا لنبغي فوق ذلك مظهراً. الكلام معنى بيت كده قدام النبي، فهو في فخر زائد، اللي هو الفخر نهاى عنه الإسلام، فالنبي صلى الله عليه وسلم قاله: إلى أين أبا ليلى؟ أنتوا هتروحوا فين؟ فالراجل إيه قال له: الجنة يا رسول الله، يعني هو خرج مخرج حسن يعني، فالنبي صلى الله عليه وسلم دعا له: فض الله فاك، حتى هو يعني ظل ممتعاً بأسنانه لغاية ما كان عمره حاجة وستين سنة ببركة دعا النبي صلى الله عليه وسلم، بس قال: فض الله فاك، فأصاب دعوة النبي صلى الله عليه وسلم.
الشاهد نرجع تاني أنا فكرة اهتمامي بالعربية للديانة، فأنا عايز اجمع بين لو أنا هعمل مشروع إصلاح اجتماعي هيكون إيه؟ هيكون واحد، ركيز على اللغة العربية لمين؟ للأطفال والنساء ابتداءً، للأطفال والنساء ابتداءً.
مثال عشان يبقى الكلام مش في الهوا كده، تسمعوا أنتم عن عرب القرآن، قرية عرب القرآن؟ هي مشهورة اسمها عرب الرمل في، خلاص، وبعد كده الناس لشرف ما يفعلونه هم مميزين جداً في حفظ القرآن وتحفيظ القرآن والطريقة النورانية، فصارت إيه؟ عَلَماً عليهم بعد كده، الطريقة النورانية هي يعني تطوير طرق قديمة في تعليم حروف الهجاء والنطق والتشكيل وأحكام التجويد، لكن طوروها ودمجوها مع أحكام التجويد والمتون بتاعت تعليم أحكام التجويد البدائية المشهورة هنا في مصر زي تحفة الأطفال والجزرية، وصارت دورة بتعلم، يعني أي حد بيشترط في حفظ قدر ما من القرآن مع قدر ما من صحة النطق والاداء، ويعلم الطريقة ويعلمها وبتاع، طبعا في جزء سلب أن هو إيه؟ مش دايماً أي واحد يدرس أي حاجة ينفع يدرسها، مش لازم.
عشان كده دايماً احنا نقول إيه: أي حد في أدب ولا ألسن ولا دار علوم وبتاع، أو أزهري حتى، عايز يدرس لغة عربية، المفروض يدرس تربوي، ليه؟ لأنه التدريس نفسُه علم، التدريس نفسُه علم، فمش كل واحد معه الملكة ينفع يديها. حتى احنا بنلاحظ من غير من غير توصيف علمي، يعني في أحياناً دكاترة يبقى دكتور عبقري من ناحية المادة، هو قوي كباحث، بيقول لك ما حدش يفهم منه ولا كلمة، ما عندهوش ملكة الشرح، والمعيد طبعا أقل منه في الكم المعلوماتي بشكل كبير جداً، بل أحياناً زميله اللي في نفس الفرقة لما بيشرح بيبقى أحسن بكثير جداً.
أنا فاكر كان واحنا في رابعة، في رابعة ميكاترونكس، كان أحد الدكاترة الله يمسيه بالخير، كان صديقي يعني، أنا قعدت في الكلية كتير، فيعني هو لغاية ما بقي دكتور، فدرس، دكتور، أس، دكتور أيمن، ربنا يبارك فيه، وكان يعني من الناس اللي علمت معايا جداً لغاية دلوقتي أعرفه، لو ما أعرف إن هو رجع من اليابان أو كدة في أسيوط بروح أسلم عليه وكدة.
فهو كان، أنا كنت مشهور جداً في الكلية بس بغير العلم، فالشباب اللي احنا، كان هو يحب يحسن من طريقة التدريس، فقال: كل مجموعة من الطلاب، احنا كنا في آخر سنة خلاص، في آخر تيرم موضوع، فكل ناس تاخد شابتر تشرحه وعليه درجات. فكل خمسة ياخدوا فصل يشرحوه. فهم خدوا فصل، المجموعة اللي أنا معاهم، وما حدش فيهم، كنت أكبر منهم بكثير السن، فما حدش يقدر يقول لي تعال اشرح ولا بعزم؛ أجي، أجي، ما أجيش، ما أجيش، مش من مصلحتهم أن أنا أجي، خلاص.
فهم كانوا أوائل الدفعة، أول الدفعة، تاني الدفعة، تالت الدفعة معانا في القِ، في الشعبة، وهم ممتازين جداً، بس ما عندهمش ملكة التدريس مع الشرح. خدوا الشابتر شرحوه، قال لهم: لو أديت درجة،ديكم درجة وحشة جداً، خدوا شطر تاني! فكانوا متغاظين جداً، ليه؟ تعبوا وذاكروا وبتاع، ومعاهم واحد ناقص، هم مزعين الشغل على فريق ناقص واحد اللي هو العبد لله. فجي البيت: يا بشمهندس وبتاع ومش عارف إيه، هم مكسوفين يعني يكلموني بشكل غير لائق بس إيه برضو متغاظين. فانا فهمت، قلت لهم: أنت إيه اللي مضيقكم؟ قالوا: الدرجات واحنا كدة هناخد درجة وحشة وبتاع. قلت لهم: طيب، أنا أريحكم، أنا أخد الشابتر كله، ما حدش فيكم ياخد حاجة، لأني فهمت أن هم محرجين لأنه لو خدوا شابتر تاني برضو مش هيعرفوا يشرحوه لأنه مش ممكن يعدل في مهاراته في أسبوع، مستحيل. قلت له: ما هأخد الشابتر كله، وأديكم محاضرة تجريبية قبلها بيوم، لو أقرتوه ده أنا أشرحه كله وخلاص، وأكفيك المسألة.
أنا طبعا كنت بجانب الكلية، قابلت حسني مبارك والوزارة وبتاع، كنت بعمل نشاط غير الأنشطة الدراسية، فكان عندي ملكة أن أنا أقوم وأتكلم وأحاضر وبتاع في حاجات تانية، فالموضوع ليا سهل لو الح حاجة ذاكرتها. فذكرت الشابتر، جيت شرحته لهم، قالوا: ده كلام ممتاز، لوحدي من غير ورق، ولا طلاب بتطلع ماسكة ورق لأنه طالب ذاكر وبتاع، أنا برضو ذاكرت وطلعت شرحت على طول. فقالوا: أنت مش هتمسك، طب المعادلات، طب مش عارف إيه، لا تمام، أنا الذاكرة عندي تصويرية، الحاجه اللي شفتها مرة ببت أفضل ماسكه في عيني فترة طويلة جداً، فبرضو ما بحتاج قوي أحياناً أرجع ل، فجيت لعندي جما، الدكتور.
حاضر، تاني يوم أول ما شافني الحمد لله مع السلامة وبتاع، شرفتنا والله، قال لي: حضرتك اللي هتشرح؟ قلت له: أه، فقال لهم: أنتوا واثقين؟ قالوا له: لا، هم واثقين عشان جربوا اليوم اللي قبله، فجي قعد والطلبة إيه مستغربه، يعني إيه؟ هو صديق؟ أه هو صديقي، أه بس هو لما بيبقى دكتور فخ، فشرحت محاضرة تقريبا ساعة وتلت أو حاجة زي كده، هو قاعد مسك ورقة وبيكتب مركز وبتاع، فأنا خلصت برضه نفس الطريقة.
هو زمايلي عارفين إن أنا اللي عملته المحاضرة اللي فاتت، بس هم التانيين ما يعرفوش باقي الدفعة، اللي هو من غير ورقة، بضرب الأمثلة بالأرقام بالقوانين من دماغي وأنا واقف، الدكتور ما بيعملش كده، الدكتور بيمسك الكتاب برضه بس، هي الفكرة في إيه؟ هي ملكة، هو هو مش مهتم؛ لأنه الدكتور لو عايز يثبت القانون ثبته.
يعني بعد ما خلصت الناس مبسوطين؛ لأنه أول مرة يفهموا المادة، كانت صعبة، والدكتور هو وإن كان حبيبي جدا وبتاع، بس ما كانش عنده ملكة تدريس، ففي أسئلة أخواننا؟ لا فاهمين، أه فاهمين، طب كذا كذا فهمتوا؟ أه، سالتهم جاوبوا، عندك أسئلة دكتور أيمن؟ عندك أسئلة؟ قال لي: لا أنا تمام.
قلت له: هتديهم كام الشباب اللي معايا؟ قال لي: لا كلكم عشرة من عشرة تمام وبتاع، وهو كان قال لي: قال لي بصراحة والله بدون مجاملات، قال لي: أنا لو أحيط كده كنت اديتك المادة من أول السنة، كنت بحيث إيه تحضر شابتر شابتر، قال لي: لأن أنت كده أنفع لهم يعني، بس هي الفكرة في إيه؟ إن هو ده أنا ساعتها حتى دي كانت عن طريق الممارسة، بعدين مع الواحد مع الدراسة، لا، كل مادة ليها دراسة.
أنا قابلت حد بعدين سنين، آخر لا تلات أربع خمس سنين في عمري يعني، قابلت واحد بحضر ماستر كان في إديكيشن إنجينيرنج، اللي هو أكنه تربية هندسة يعني، ازاي تدرس المواد الهندسية؟ زي الدكاترة الأطباء يا عيني مأساة، دكتور طب، الدكتور ده راجل طول عمره ما عملش حاجة غير المذاكرة ونخش إمتحانات ويجيب درجات، حاجة صعبة جدا، خل دكتور في كلية الطب هيشرح إيه؟ ما فيش حاجة خالص، فده المفروض يدوله برضه إديكيشن ميديسن.
فالممشكلة مثلا في الحاجات اللي زي نور البيان وزي الطريقة النورانية وزي طرق كثيرة، فكرة إيه؟ إن أحيانا كل واحد بيدرس الحاجة بيدرسها، فالمفروض لا، المفروض يضاف ليها جزء جزء تربوي، فلكم الآتي حضراتكم من باب الحاجة العملية المفيدة لكم في الدنيا وفي الآخرة، وبالذات ركزوا البنات تركز قوي في الموضوع ده ليه؟ لأن أنتوا هتدرسوا الحاجة ليكم ولاولادكم، مش هتشتغلوا بيها أو مش هتشتغلوا بيها في المجال العام، لو أنتوا علمتوا أولادكم يكفي بقا أنتوا كده عملتوا اللي عليكم وزيادات خلاص، والعكس كفى بالمرء إثماً أن يضيع من.
تعود تشوف الطرق اللي هي بتعلم العربية مع مسج أحكام التجويد اللي موجودة في النطاق المصري، يعني احنا عندنا إيه؟ عندنا نور البيان، وعندنا الطريقة النورانية أو القاعدة النورانية، ودي في حاجة قديم وبير قديم، وبخد قديم، وحد بيحمله، ماشي، فأنتم حضراتكم تعملوا مسح للطرق اللي موجود وتقارن ما بينهم بين كتبهم، في حاجات توفر لها كتب، في حاجات كتب وسيديهات، كتب وسيديهات وفيديوهات على الإنترنت، في حاجات الشبكة انتشارها واسع جدا يعني، نور البيان وصل لمرحلة أنت فين من ربض مصر؟ خد، لو أنت ولد رجل أو امرأة (يعني)، فين التليفون حد بيعلم هذه الطريقه؟ أما ليك أو لطفلك، خلاص، فنصيحه شوفوا الطرق الموجودة اللي هي الطريقة النورانية، نور البيان، الطريقة البغدادية، الطريقة الذهبية.
أخونا أحمد، وإن كان أحمد صبري مسافر حاليا، لكن الكتاب بتاعه موجود، ويمكن الوصول لقدر ما من المحتوى حتى لو يديها أونلاين، يعني أنا عندي كتاب بتاع الذهبية أه، ما هو مشهور وموجود وبيتباع، أه هو حاليا في المدينة، أظنه في المدينة المنورة يعني أحمد صبري.
الشيء اللطيف اللي عمله في الطريقة إيه؟ هي برضه الطريقة ينفع يتعمل عليها شوية تعديلات تبقى أيسر وبرضه بنفس النجاعة، هو إيه؟ دارس تربوي، وراجل يعني متشر، دارس تجويد وقران وحافظ وبيدرس الحاجات دي وكده، وج قاعد يطور في الطرق زي النورانية ونور البيان وكده، ووصل بيها الطريقة اللي هو سماها في الآخر الطريقة الذهبية دي، إن أنا بقوة التكرارات مع التقليبات اللغوية، هخلي الطفل في عدد ساعات بسيط جدا يقرا ويكتب أي شيء موجود قدامه، أي شيء، خلاص.
هو بيعمل إيه؟ اللغة العربية لغة تقليبات، فهو بيستخدم القوة قوة التكرار، يعني أنا بجيب مثلا الطفل فأقول له إيه؟ تا تا تا تا، ب تا ب ت، كرر بقا تا ب، فهو شاف تا لوحدها كررها عشر مرات، تا ب لوحدها، تا ب ب، فأقعد أنا إيه اللي بيحصل؟ أنا هخليك تجرب كل التقليبات الممكنة لكل الحروف بكل التشكيلات، لما أجرب لك الحروف كلها مع بعض كده، أنا بجرب لك مخارج الحروف ورا بعضها، مفخم مفخم مفخم مفخم، مرقق، مفخم، مهموس، كله ورا بعضه بقوة التكرار مع التقليبات، فالطفل المكنة الصوتية بتشتغل إيه؟ خلال عدد ساعات قليل جدا بتلاقيه إيه.
الجانب السلبي؟ الجانب السلبي إن المكنة الصوتية بتشتغل لاقصى حد، لكن المكنة الصوتية مع ربط دلالي مش موجود؛ لأن في كثير جدا من الجذور مهمل، فلو حد عايز يعمل تعديل عليها احنا كنا يعني اقترحنا ده؛ لأني أنا أعرفه بشكل شخصي أحمد، أن احنا كنا احنا عايزين احنا ناخد جزء منها ونعدل عليه التعديلات اللي تناسبنا في المدرسة، فكنا هناخد بس الجذور المستعملة مش المهمله، بحيث الطفل وهو بكرر مش هيفهم، ما هو أنا برضه هيكرر حاجات، بس هو هيكرر أشياء، الملكة اللغوية جوه هتستأنف إن الجذور دي هي اللي مستعملة؛ لأن العربي العربي ليه ذائقة، ففي أصوات ورا بعض العربي ماكلش منهم كلمة أبدا أبدا.
فأنا لو أنا جيت له مثلا بح، فقلت له: بحر، حرب، ربح، قعدت أقلب فيها، كل الجذر ده مستعمل، الجذر ده كله مستعمل، فأننا لو كررته له، وأنا لسه ما قلتلوش معانيه، مادام كرره هو تسجل جوه الاصوات، هو الذائقة في اللاوعي بتاعه إن احنا هنكمل هنعمل الاصوات دي معايا، لو أنا ما قلتلوش التركيب، يبقى في الأصل إيه؟ أنا وقعته، فهو لوحده هيبدا يجرد نمط لوحده، دي حاجة في اللاواعي، لكن هو أحمد كان عامل كل الجذور، فبيعمل هو حتى لاحظ، قال لي، قلت له: إيه الآثار الإيجابية اللي طالعة معاك؟ قال لي: الأطفال بيتعلموا بسرعه جدا القراءة؛ لأن الواد مع كثر التكرارات هو بيستخدم طرق لأنه درس تربوي، فوأخر شوية حاجات في استراتيجية التعليم ممتازة.
إيه يعني؟ يقول للطفل مثلا يوريله تا، تا مفتوحة، إيه دي؟ تا تا، أنت اسمك إيه؟ تامر، ده ملك تا، سلموا على تا، اللي هو التشخيص ده، مين تا؟ أنت نا، الاستاذه نا، روح سلم على تا، ده مين تا؟ ده مين ما؟ أهو بيعلم أطفال بالطريقة دي، ده مين ما؟ ده، خليه ما يروح للاطفال، وبعد كده يقول لك إيه؟ السبوره الوهمية، هنا تا وهنا ما وهنا نا، هنا إيه؟ تا، هنا ما، أنت مش شايف على السبورة، فقام جبنا دي هنا وجبنا هنا، إيه اللي في الأول؟ ما، دي أقولها على بعضها، يقعد يعمل حاجات زي كده، هو كان عامل تجميعه ممتازة استراتيجيات تعليم مع أنشطة مع إيه أه لا ما احنا لسه هو بنقول، هو الراجل دارس تربوي، يعني واخد إيه؟ تربية ولا حاجة تانية؟ تربوي، في تربية.
أه ما هو أنت ليه تعطي كده؟ لا، ما هو ما فيش يعني دايما احنا بنقول إيه؟ معنى إن ما فيش تعليم في مصر، مش معنى إن ما فيش أمل، ليه؟ لأن المواد اللي في كليات اللي في الكليات على فكرة على الورق كويسة، يعني معظم المواد اللي على الورق كويسة، يعني مثلا مواد كلية تربية لما لو مسكتيها وشفت المواد اللي في أي حاجة تربوي في الجامعة الأمريكية هنا في مصر أو بره، هتلاقيهم تقيم بيدرسوا نفس الكلام، نفس التايتل، يعني العنوان، ونفس جزء كبير من المحتويات، تعلموا ازاي وأنهم مناخ تعلم وبتاع، هو ده اللي في الاخر إيه؟ هو ده اللي بيطلع.
فاحمد الراجل خد اللي اتعلمه مع الجزء التجويد اللي كان بيعلمه مع نور البيان، وعمل شوية عليها تعديلات وطلع الذهبية، طلع عمل كتاب، وأنا شفت أثره، يعني شفت أطفال هو كان ليه حضانة في عين شمس، في المطرية، عين شمس المطرية، أو عين شمس مش فاكر، أنا كنت بروح رحت له، رحت له إيه؟ شارع اسمه متحف المطرية، أيوة أنا عارفه، أه أه أنا رحت له في الحضانة كذا مرة، وشفت الأطفال بيعدوا.
والله إيه إيه انطباعك؟ لا هو بصراحه بع هي أنا أنا كنت شايف إن هي طبعا بالنسبة لنور الأدوات الاستراتيجي طبعا، لأن في حاجات أول ما بتضاف على الحاجة بتحسن كفائتها بدرجة مذهلة، يعني أنت الطفل موضوع السبورة الوهمية، وموضوع التشخيص، وموضوع التكرار الكتير، وموضوع التقليبات الجذور وبتاع، طبعا على كده أنا لما جبني درسها لبعض المدرسين عندنا بدا معاهم ومكملنهاش، فكنا احنا بنحضر معاه من باب إن احنا عايزين نقيم الطريقة، ونشوف إيه اللي ننتبه منها، وايه اللي هنفض منها؛ لأن احنا كنا قاعدين يعني إيه ناس معظمها ليها دراسات مختلفة، ومعظمنا دارسين تربوي، فبتناخد ملاحظات إن احنا هنجر المهمل، اللي أنا مش هسستخدم المهمل، إن احنا ندخل صور حاجات تفاعلية، إن احنا ندخل ده في أنشطة مش باللغة بس، احنا ما بنحبش موضوع الحصص، فاحنا عايزين نعمل ده مع الرياضة، فنقول له: ده كم حرف؟ واحد، ده كم حرف؟ فتعلمي رياضة، عد وترتيب مع الحروف، وهكذا.
فطبعا احنا إيه يعني قلنا، بس هو في حدود اللي أنا شفته في الطرق أكثرهم فاعلية ونجاح وسرعه، يعني ممتازة، وهي تعتبر تطوير لنور البيان، خلاص، فالشاهد إن حضراتكم هتشوفوا الطرق، تعملوا مسح الطرق، وتبنوا واحدة، تتبنوا واحدة، خلاص، اتنين، تبداوا كده دعوة عامة، تدرسوا حاجات تربوي، تدرسوا حاجات تربوي.
يكاد يكون الجانب التربوي من الحاجات مغموماً، يعني الناس يقول لك إيه ده مدرس؟ بالرغم إن هي من ناحية هي مهنة الرسل، من ناحية التربية التربية، حتى مش التدريس التربية؛ لأن التربية اشمل بكتير جدا، فواحد من ناحيه الإصلاح والنهضة والتغيير وبتاع، التربية هي جون ديوي الفيلسوف بتاع البراجماتي كان يقول: التربية هي معمل الفلسفة، فانت عندك فلسفة أو رؤية للحياة أو رؤية جديدة للحياة، سواء إسلامية أو كفرية أو أي حاجة عايز تنزلها في الواقع، هتنزلها عن طريق إيه؟ التربية.
فأنت بتقول لي: أنا عايز أعلم الناس لغة عربية، عايز أعلم الناس اللغة الإنجليزية، عايز أعلم اللغة الناس اللغة الفرنس، خلاص، عمي وعمك التربية، اعملها في مناهج، واعملها في كورسات، وحاول تقنع بيها الناس وانزل ونشوف مين اللي هـ، عشان كده حاليا لما الناس حد يقول لك إيه؟ أي مكان في مصر يعلن عن كورسات لغة إنجليزية للأطفال الأهالي بيعملوا إيه؟ بيروحوا.
لو لقينا لقينا مكان بيقول لك: أنا هعلم لك لطفلك برمجة، الناس هتعمل إيه؟ هتعمل، أنا بعلم برمجة للأطفال سنهم تلات سنين، أربع سنين، الناس يقول لك إيه؟ أه حلو ده، تخيل واحد يعلن لو اعلن مكان: أنا هعلم فلسفة للأطفال أربع سنين، في برنامج مشهور جدا عالمي، هو يوناني في الأصل، وإن كان ما فلحش في يونان قوي، اسمه (بي فور سي) فلسفي فور تشايلد.
كنا حتى احنا في الأول بنجهز في الحاجات اللي هو فلسفة المشروع التربوي، هل ينفع طفل يتعلم إيه وما يتعلمش إيه؟ ينفع يتعلم أي حاجة، بس ازاي يصاغ ليه هذا السن؟ فينفع أعلّمه برمجة؟ لأ برمجة، برمجة مش لازم أعلّمه إيه؟ مهارات التفكير المنطقي، ينفع ولا ما ينفعش؟ ينفع.
إيه الخطوره من تعليم البرمجة وهو صغير؟ لا بلاش الطفل في سن يقول لك: لا ما تديهوش الحاجات الراشال أو اللوجيك قوي، أمَالَ إيه؟ خليه مبدع الأول، الطفل لو قلت له: ارسم فيل، ممكن تلاقيه جايب لك رسم فيل أصفر وفيل بينك، حتى الفيل لو عرف كده هيضايق قوي، لكن وهو لما يكبر شوية تلاقيه بدا ياخد سلوكيات منطقية.
الطفل مثلا لما تعمل له أي حاجة، تلاقيه ماسك كوباية وقلبها وخرمها، يا بتعمل ايه؟ يقول لك: عملنا مش عارف جرس، فين؟ فين الجرس؟ فين الضابط؟ فين التعبير؟ عمال هو إيه؟ ما عندوش أي حدود، أنت اللي بتعمل له إيه.
في حاجات يقول لك: مثلا ما تعلموش ده دلوقتي، ده معروف مشهور جدا في الحاجات التربوية، لو هتعلمه، علمْه بطريقة وعد، يقول لك: فلسفة، يعني هعلم إيه الطفل؟ الفلسفة؟ لا لا تعلمه فكرة إيه؟ التفكير الناقد، اللي هو إيه فكرة؟ يقول لك: أه أنا فهمتك، دي وجهة نظرك، بس أنا مش يعني أنا مش شايف ده برضه، أو أنت مادام كذا يبقى كذا، اللي هو ففي، وكان طبعا مشهورة ومنشوره عليها بعض الأوراق البحثية كويسة يعني.
معلش، من الأول مثلا إن الزرافة لونها بـ أوفيل رمادي، ما تموتش كده، مش ما تموتش، مش ما تموتش هو حاجة أنا مش هعلمها له، لا مش قصدي، هو مادام هو طفل، مادام طبيعي، مادام طبيعي، بيبقى شايف الحاجة، هو شاف الفيل، شافه ورسمه أصفر، يبقى ده معناه إيه؟ إنه لسه ما أدركش إن الفيل لازم يكون.
أصفر أصلاً زي الطفل اللي هو اللي قبله بمرحلة، إن لما بيشوف قطة بيقول، بنقول له: دي قطة، يعرف قطة، يشوف كلب بيقول قطة على حسب. وبكده بيفهم إن دي قطة وده كلب، أو دي كلب وده فيل.
عشان تقنعه إن في كائنات تانية متنوعة وبتاع، هو إيه اللي بيحصل؟ اللي هو بيسموها ملكة التصنيف. ملكة التصنيف إن الطفل يبدا يصنف إن ده أكبر، ده أصغر. أنت في حتى أكبر وأصغر دي، الطفل الأول عارف لما يجيب حاجة كبيرة جداً ويبقى عايز يدخلها في حاجة وعمال طب عبيط ما تخخش جوه أنت شايف إن هو، لأنه إيه؟ ده بالنسبة لك بدهي، هو طفل لا، بالنسبة له مش بدهي.
فالطفل الفيل الأصفر ده، آه ما تقفليش عليه أبداً، لأن هو المفاجأة بقى، المفاجأة إن أنت بترسم، ما بترسم في الأصفر ليه؟ عشان طول عمرك ما شفتيش فيل أصفر؟ إيش عرفك إن مافيش فيل أصفر؟ إحن بنقول إه؟ لا مافيش فيل والله، يعني إحنا مثلاً كل، أنا طول عمري الأسد بالنسبة لي أصفر، أو على إيه؟ لا ما أنا، أنا بنعتذر للفتيات، هو لونه إيه عشان أنت عارف الحاجات دي حساسة عندهم؟ أسود سود في إفريقيا، في أسود بيضاء زي القطن الطبي، وفي في حاجات يعني، بجع، بجع يبقى أبيض؟ في بجع أسود؟ آه، في، آه.
بس أنا شفت ولا ما شفتش بقا هي دي قضيتك، فانت ما تقفلش على دماغه، ما تقفلش على، عشان كده دايماً يقول لك إه؟ سيبه سيبه، تاني حاجة أنت ما تعرفش هو ده هيطلع إيه، ممكن يكون أقوى ملكة عنده اللي هو في الآخر ملكة الرسم أو ملكة التخيل، فانت ما تقفلش، سيبه سيبه للاخر، وهكذا في حاجات في التربوي.
لكن نرجع تاني، إحنا عايزين، واحد إن أنا عايز أحول اللغة دي كمشروع إصلاحي، وما تقفلش، مشروع أشوف الطرق المتعلقة بالأطفال والقران، والقران في، ده اللي موجود، اللي مش موجود إه؟ اللي مش موجود وأنا حبذ إن حد يحاول عمله، يعني إدخال نفس مناهج التعلم، نور البيان وكذا، في الحديث والشعر، هو، هو المنهج يبقى فيه ده وده وده.
الناس دايماً بتبقى بتروح أنت عايز تعلم لغة عربية فبيعلموا نور البيان، فأحياناً نور البيان بيطلع الطفل عارف إيه؟ يعرف ينطق الحرف بكل التشكيلات، وعارف أحكام التجويد، وأحياناً ممكن يستدل البيت من التحفة أو الجزرية، بيعمل كده خلاص.
الحديث، القرآن نظم مخصوص، إه؟ لا هو شعر ولا هو يشبه كلام الناس في النثر العادي، هو القرآن من ناحية لو أنا مش مسلم فههبط للقران فأقول: ده نثر، ليه؟ لأنه مش على الأوزان، مش على الأوزان الستة عشر، بس هو لا يلتئم حتى على النثر، حتى على النثر لا يلتئم قوي، يعني التراكيب مش شبيهه، إيقاعه حتى النمط، النمط الموسيقي اللي هو الأنماط الإيقاعية بتاع آيات القرآن مختلفة.
فأنا عايزه يسمع قرآن، وعايزه يسمع حديث النبي صلى الله عليه وسلم، وعايز يحفظ قدر ما من الشعر، فقواعد القرآن خلاص، بمرواحة جاية وبتاع، أنا عايز أعمل كده في الحديث وفي الشعر، مش موجود، ما حدش بيعمل ده، ما حدش مهتم بده أصلاً.
الشعر بيبقى مرحلة إه؟ يعني حتى الآن أنا ما شفتش، ولو حد فيكم شاف يقول لي: مشروع شعر الأطفال بس مخدوم، يعني إه مخدوم؟ يعني منهج واضح بحيث أنا زي، زي ما إبديك نور البيان وبقول لك إه؟ تستلموا مني بعد الذهبية كده برضه عدد كذا ساعة متقن لـ ١، ٢، ٣، ٤، ٥، ويعرف يقرا كذا كذا كذا كذا.
طيب أنا عايزه في الشعر كده، عايزه أديك الطفل، تدوني بيقرا كذا قرآن وبتاع، وفي نفس الوقت محفوظة فرضا عشرين ثلاثين بيت، وحاجات تتناسب مع، عشان يبقى زي العربي القديم، يعني ينطق شعر كويس.
ولا إه؟ واحد، الملكة اللسانية، واحد الملكة اللسانية إن هو يعرف إن في كلام تاني، أنواع الكلام شعر ونثر وقران وحاجات تانية، ده واحد.
اتنين، إن القرآن معجز، لا يحاكم، فهو هاب إن هو حفظ، مش ممكن يجيب لي إيه، يجيب لي آية جديدة، ليه؟ هو أصلاً معجز، ليس في طاقه الناس، أما الشعر فينقله، ينفع يقوله.
عشان كده سيدنا حسان لما جاله ابنه بيبكي، حسان بن ثابت شاعر الرسول، فجاله ابنه بيبكي وهو صغير صبي، فقال له: مالك؟ قال: لسغني طائر، العرب بتطير، العرب بتقول على أي حاجة بتطير طائر، زنبور، نحلة، ناموسة كبيرة، أي حاجة، فقال له: لسغني طائر، فقال له: صفه، شكله إه الطائر؟ عشان يعرف إه اللي لسغه، فقال له: فكأنه ثوب حبرة، الأثوب الحبرة دي أثوب يمنية مزعفرة كده.
سدنا حسان ابنه بيبكي فضحك وقال إه؟ قال: ابن الشعر ورب الكعبة، التشبيه، عايزه شبه، يعني إه؟ هو أنا بقول لك شبه إه؟ ماوش أصفر ولا برتقاني، قال له: لا ده كانه ثوب حبر، عارف الثوب الحبر؟ شبه، وكأنه لابس، فهو، طب ما هو إه الشعر غير التشبيه؟ فهو طبعا كان قاعد ابنه مسوخ بس يعني كان مبسوط قوي.
خلاص، فالشاهد إن هو، وده كان رأي القاضي، القاضي أبو بكر العربي، وأظن بيروي عن ابن عبد البر المالكي، وده مذهب المغاربة الأندلسيين، كانوا ما يحفظوش متون، ويتاخر جدا في تحفيظ القرآن، تأخروا جدا، ده يعني اللي هو إه؟ يختم بعد، وهو يبدا في الختم بعد سبع سنين.
الشيخ محمد الحسن، والد الدادة المورتاني، ربنا يطول في عمره، بيقول: كانوا مانعين، وطبعا ممنوع يحفظ حاجة من القرآن قبل سبع سنين، يحفظ المعلقات الأول ويتعلم عربي كويس عشان ما يلحنش ويفهم الكلام الأول، بعد كده يحفظ.
كان هو بيتعرض للقرآن وهو ذاكرته قوية، وهو في بيئة علم وبتاع، فبيقول: أنا يعني حفظتهم من أنا صغير، لما جي سبع سنين كنت أنا حافظ مش عارف كم جزء من وراهم، خلاص.
طبعا هو بعد كده يعني بيبقوا حافظين كل حاجة بعدين، بس هو إه؟ ليه قافل عليه ما يحفظش؟ بيقيم الأول إه؟ عايز يقيم اللسان وبتاع، في واحد يقول لك: لا أنا أحفظه الأول، فاهم مش فاهم، أحفظه وبتاع، هي عملية على فكرة مالهاش قانون، يعني إه ع الشعرة في طفل لملكة الحفظ عالية جداً عنده، فانت لو لقيته بيتطور بسرعة ومخارج الحروف واضحة عنده وبتاع، فابدا معاه حاجات صغيرة صغيرة، بس ده لا يمنع برضه إن هو يتعرض لإه؟ للثلاث حاجات، إن هو مطلق نثر، مطلق نثر، قرآن والشعر، والشعر بأنواعه.
أنا في أشعار، أشعار الرجز، الرجز أي عيل صغير لو تقال قدامه هيحفظه، ليه؟ لأنه يعني إه؟ يعني هو تنغيم سهل جداً، عشان كده معظم، معظم متون، حاش بعض المتون الصعبة في الصرف والقراءات على الطويل مثلاً أو البسيط، لكن معظمها على، على الرجز.
خلاص، فالشاهد إن إحنا مشروع إه؟ منهج مدرسة الكلمات، لو عايزين، المنهاج طريف، لا تعرف حاجة عن المدرسة، ممكن في فيديوهات إحنا نشرناها، ثلاث فيديوهات، اللي هو فلسفة المشروع، إحنا أسسنا ليه وبتاع، ممكن تشوفهم دول، ممكن تفهم منهم حاجة، تشوفهم الأول وبعد كده نتفاهم.
آه كتير كده، مدرسة الكلمات متهيأ لي أنا ما دورَتْش عليها كتير يعني، لكن تصويره مش كان متصور، وأحنا بنتكلم، يعني بس يعني أظن مفيد لشرح حاجة عن الموضوع، لأن إحنا كنا بادئين عكس كل الطرق، إحنا مش عايزين ننمي الملكة اللسانية مطلق الملكة، إحنا كنا عايزين نبدا من التأسيس على المعاني.
فإحنا بادئين من الجذور، فالطفل أي نشاط بيعمله، أي حاجة بينطقها، أي نشاط بيلعبه، إيش مش عارف إه؟ متعلقة، سواء درى أو لم يدري، بحاجة من الجذور الأكثر شيوعاً في القران، فهو لوحده، إحنا مستهدفين ده، إن هو لما يبقوا سنة مثلاً سبع سنين ولا حاجة، يكون تعرض للـ ٥٠٠ جذر الأكثر شيوعاً في القرآن، فهو لوحده كده هيبقى تقريباً فاهم ٨٠٪ من أي سياق، فهم أولى، فهم أولى بحيث عايز يحفظ بقى، مش عايز يحفظ براحته، إحنا كده ضامنين إن هو من ناحية الملكة العقلية، يعني الذكاء اللغوي، هو تعرض، وإحنا طبعا مصممين الأنشطة، إحنا تعرضنا ليها كذا طرق يعني.
إحنا مثلاً مثال يعني، آتيجي مثلاً في القرآن في كلمة سفينة، في كلمة فلك، فلك، فايه الفرق بين السفينة والفلك؟ هما الاتنين المفروض في السياق ممكن يجي حاجة واحدة بس، المعنى اللي أنا عايزه هو يفهمه إه؟ فحط جوة نشاط يفهم إن ده فلك، وإن ده سفينة، إه الفرق؟ فكل واحدة لما أقول لك الحاجة، يبقى أنا بوصف لك حاجة أنا شايفها غير التانية، زي ما أقول لك حية وثعبان كده.
فقصة سيدنا موسى في سياقات، لما ربنا يكون بيكلم سيدنا موسى، فتلاقي كلمة ثعبان هي الأقرب، أول ما، أو عذرا العكس، ولما يكون مثلاً مع الكفار هتلاقوه ثعبان، الثعبان كبير، الحية بتتحرك، هما حاجة واحدة، هما الاتنين حاجة الدلالة، إن في حيوان ما، لكن بيعمل إه؟ في حية، أنا عايزه حية، تسع، أي حاجة بتتحرك، ثعبان، يبقى عايز أقول لك إن هو حاجة كبيرة جداً، ضخمة، بلعت حاجة كبيرة، حاجة كده زي الفلك والسفينة، اتنين حاجة بتمشي في المية، بس لما أقول لك سفينة، أنا عايز أقول لك إن أنا اللي شايفه إن حاجة كبيرة بتسف الماء، يعني تقشره.
يعني عايز أقول لك فلك، عايز أقول لك دي وظيفة، حاجة دي شغالة في المية، مش كده؟ أي سياق فيه تجارة بتاع، فلك يعني فلك بيمشي بيمشي ويروح، فأي حاجة فيها معنى الدوران، فيها المعنى، عشان كده فلك.
وده المعاني المحورية في الجذور، فإحنا مصممين كنا زمان الأنشطة على بالطريقه دي بحيث هو درى أو لم يدري، درى أو لم يدري، لوحده الكلمة في كذا سياق بحيث هو أول ما يتلموا مع بعض مع السن يبدا يشوف الآية، الجذر، اللي هو المعنى المحوري اللي هو العربي، اللي هو إحنا كنا، يعني إحنا بنحاول نعمل سيموليشن لعقل العربي الأول، هو إه؟ هو الراجل العربي ده لما كان بيشوف حاجة، الحاجات مع بعض ليه كان بيقول دي حية ودي ثعبان، وده فلك وده سفينة؟ ليه بيقول كده؟ واضح إن هو إه؟ عشان كده هو كان حساس جداً في انتقاء الألفاظ، عربي لما يجي يقول حاجة، القرآن تلاقي عنده نص، تلاقيه بيقول حاجة، عنده نص تاني بيقول إه؟
يعني مثلاً أستاذنا الدكتور حسن طبلة، ربنا يطول في عمره، كان ليه دراسة ممتازة جداً اسمها أسلوب الالتفات في القرآن الكريم، الالتفات ليه صور كثيرة جداً في البلاغة، منها الصور البسيطة، اللي هو التحول في الضمائر، اللي هو مثلاً القرآن مثلاً في الفاتحة: ﴿الْحَمْدُ لِلَّهِ رَبِّ الْعَالَمِينَ * الرَّحْمَٰنِ الرَّحِيمِ * مَالِكِ يَوْمِ الدِّينِ﴾ [الفاتحة: 2-4]، إحنا بنتكلم وكأنه على غائب، بالمعنى طبعا غائب بالمعنى اللغوي، يعني المحض.
وبعد كده: ﴿إِيَّاكَ نَعْبُدُ وَإِيَّاكَ نَسْتَعِينُ﴾ [الفاتحة: 5]، فانتقل للخطاب فبقى التفات، بدل ما كان بيتكلم على، كانه حد بيتكلم عن حد، لا ده يخاطبه.
وهكذا وصور طبعاً الالتفات ليه كتير جداً، فهو كان عامل دراسات بلاغية مختلفة على القرآن بهذه الطريقة، فمنها استخدام الصيغ، ليه الصيغة تيجي في السياق؟ قعد يستخدم صيغة وبعد كده مرة واحدة عدل عنها في نفس السياق.
زي سورة الكهف، سيدنا الخضر لما كان بيكلمنا، بيكلم سيدنا موسى، كل كلامه على لن تستطيع، لن تستطيع، الآخر لما حكا له الحكاية، بعد ما حكاله الحكاية قال له: ﴿ذَلِكَ تَأْوِيلُ مَا لَمْ تَسْطِعْ عَلَيْصَبْرًا﴾ [الكهف: 82]، طب ما انت كنت ماشي: تستطيع، تستطيع، تستطيع، هو هو الخضر، وهو هو سيدنا موسى، وهي هي نفس الأفعال، ليه عدل؟ عدل عن الصيغة بتاع تستطيع لتسطع، أو: ﴿فَمَا اسْطَاعُوا أَن يَظْهَرُوهُ وَمَا اسْتَطَاعُوا لَهُ نَقْبًا﴾ [الكهف: 97].
فما استطاعوا، فما استطاعوا، لا فما استطاعوا أن يظهروا وما استطاعوا له نقبا، طب هو هما يأجوج ومأجوج بيحاولوا، بيحاولوا يظهروه، تسقوه يعني، نطوا ويعدوا ويحاولوا يخرموا، فليه قال هنا تستطيع وهنا تسطع؟ هو واضح إن العربي كان عنده فرق، أكيد، وإلا فما الفرق؟
فكان أستاذ حسن، وطبعا في خمس أربع توجيهات عند البلاغيين واللغويين، لكن أَدَقهم على الإطلاق هو رأي الدكتور حسن، في رأيي أنا الشخصي يعني، الدكتور حسن كان بيقول إه؟ بيقول إن تستطيع في العربية معناها المعالجة، أن يعالج الشيء، فأقول لك: أنت لن تستطيع أن تفعل كذا وكذا، فانت أي معناها إه؟ أن انت تجرب وتحاول، أقول لك: لا تستطيع رفع هذا الثقل، فانت تجي تنزل تقول لي: آ تصدق طلع تقيل، فانت إه؟ تحاول، اللي هو المعالجة، أنت هتعالج الشيء وما تقدرش وبتاع.
لما أقول لك: لم تسطع، وخارج القدرة مطلقاً أصلاً، زي ما أكون حاطط لك طن قدامك ويقول لك: ما تعرفش تحركه، أنا وأنت واثقين إه؟ بس بشرط أن أنت تبقى عارف إن ده طن، وأن أنت عارف وزنك، وأكبر واحد في رفع الأثقال في العالم مثلاً بيشيل مش عارف ٢٥٠ كيلو، فانت ده إه؟ ألف كيلو، يبقى أنت إه؟ فانت مش هتراول، عشان كده إه؟ لما جه سيدنا الخضر بيكلم سيدنا موسى بيكلم على اللي هو عارفه، فسيدنا موسى متصور إن هو قادر يفهم حكمة فعل سيدنا الخضر الأول، لما سيدنا الخضر حكاله، لم تطع، فقال له: فذلك لم تسطع عليه صبراً، أصلاً ما كنتش تقدر تفهمه أصلاً، ما عندكش، حتى لو حاولت ما كنتش هتفهمه، ليه؟ لأنه ده أمر خارج النطاق بتاع المعالجة فمش هتفهمه، لما فهم.
لما فهمه قال له إن ده ما كانش، ده خارج النظام بتاع يأجوج ومأجوج، هو السد في هيئته، في الوصف، في التفسير، إن هو أملس عالي جداً بس شديد الاستقامة شديد الملاسة. فهم إيه؟ ﴿فَمَا اسْطَاعُوا أَن يَظْهَرُوهُ﴾ [الكهف: 97]، هما شافوه كده فقال لك لا، ده فهم ما حاولوا يتسلقوا فما استطاعوا أن يظهروا، يعني بص قال لك تيجي نخرم؛ لأن هو ما ينفعش يتسلقوا خلاص، وما استطاعوا له نقباً، هما بيعملوا إيه؟ هما لغاية دلوقتي بيحاولوا يخرموا. وفي الصحيح عن النبي صلى الله عليه وسلم إن هما هيخربوا في آخر الزمان ويخرجوا على الناس.
فالشاهد إن هو إيه؟ لو إنت أدركت المعنى ده فحطيته بشكل ما مبثوث جوه منهج للطفل، بعد كده المنهج، الواحد يقول لك طب هو هيبقى فاهم اللي بيحصل؟ لا مش لازم، بس هو مع الاستعمال، مع الاستعمال المنهج اللي هو بيسموه المنهج التكراري إن إنت هتعمل له الحاجة دي، وهو في أولى ابتدائي وتكرر له تاني وهو في تاني ابتدائي بس المستوى إيه؟ أعمق وأوضح، سموه إيه؟ سبايرل. آه، سبايرل أبڕۆتش، اللي هو إن هو الحاجة هي هي وأكررها تاني بشكل أعمق، وأكررها تاني بشكل أعمق، فهو اللي بيدرس في أولى ابتدائي هو اللي بيدرس في ثانية ابتدائي، هو اللي بدرس في ثالثة، هو هو بس إيه؟ بشكل أعمق. إيه هي؟ لأن أنا إيه هي؟ ملكة بس مستوى الإدراك أو عمق.
فنرجع تاني، نرجع تاني، لحظة، لحظة واحدة. الأربع خمس مناهج اللي موجود، لو في مناهج تانية حية لك، لو في مناهج تاني، إيه اللي ممكن تكون مناهج تانية لغرابة هي مظنة غير معهوده إن أنتم تدوروا على مناهج تعليم العربية للناطقين بغيرها ليه؟ أحياناً لما احنا كعرب بنحط مناهج تعليم العربية لغير العرب وخاصة المسلمين الأوروبيين وبتاع، فبنُسهل جداً الموضوع عليه، بنقول إخواننا دول مش عارف فبنبسطها لهم فتطلع المناهج أحسن بكتير جداً من اللي احنا كنا هنعمله لينا. خلاص، أحياناً طبعا بتبقى يعني بسيطة أو مش مش قوية يعني، لكن في مناهج معمولة لغير العرب ممتازة جداً.
خلاص، فأحياناً ممكن نكون احنا إيه؟ خاصة مثلاً معظم كتبنا احنا بتبقى شحيحة جداً في المحادثات، أنا عايز أقيم حوار يومي في البيع والشراء والمواصلات بالعربية الفصيحة حتى المعاصرة، أعملها ازاي دي؟ نادر جداً ما تلاقي كتاب تعليم عربية للعرب في المحادثات اليومية، لكن تعليم العربية للأجانب في كتب محادثات ممتازة ممتازة وكتب أساليب برضه احنا بنُسهل في الكتب العربية للعرب عن طريق القواعد، هما بيدرسوها عن طريق الاستعمال بتبقى أفضل جداً.
برضه أخونا اللي هو سويفي فتحي ودكتور أحمد حسن اللي هو الصفحة بتاعت معلّمة، معلّمة، معلّمة العربية للناطقين بغيرها، صفحة سرية جداً فيها كم مصادر ممتازة جداً. سؤالي: في مكان في مدينة نصر عام الكورس ده دلوقتي اللي هو بيعلم اللغة العربية، يعني ازاي أدرّب غير الناطقين باللغة العربية؟ اسمه إيه؟ مش فاكرة الصراحة، بس عندي أثو؛ لأن هو طبعا احنا عندنا عندنا في أماكن كتير جداً بيدي ده؛ جامع الأزهر كان عامل دورة، مركز زايد في الجامعة جامعة الأزهر في ده، في مواقع مركز كلمة في مدينة نصر، آه، مناطق كثيرة بتدي ده.
خلاص، عليكم السلام. ففي مناهج، اللي هو احنا قلنا مناهج التعليم، بعد كده دمجها مع القرآن يفضل، يعني لو لقينا طريقة نعمل معاها الحديث وشعر بقى ممتاز، مع طريقة تفعيلها بشكل شبكة مجتمعية؛ ده اللي بتمتاز به مرور البيان، الجانب الإيجابي اللي عندهم ده إن هما إيه؟ خلوها موضة. موضة يعني إيه؟ كل أم عايزة تخلي تعلم ابنها اللغة العربية وأحكام التجويد تيجي تاخد الدورة دي. دي كام محاضرة؟ 10 محاضرات، 12 محاضرة، 15، معرفش كانوا بيدوها في قد ايه، خلاص فسهلة، أنا أخدتها، إنت فعلاً بتبقى الواحد طالع منها؛ لأن هي دي دورة تدريبية مش محاضرات معلوماتية، يعني إعلام المحاضرات، المحاضرات أنا بعلمكم حاجة عن الشيء مش الشيء نفسه، الجانب التدريبي نفسه، لا دي مش محاضرات تدريبية، التدريبي هيبقى طول المحاضرة بيتدربها، بدربك على النطق الحروف ومخارجها وتحقيق المخرج وأداء بعض النصوص اللغوية بطريقة صحيحة وهكذا.
خلاص، فهو إزاي تعمل له شبكة لغوية؟ إزاي أعلمه، أتعلمه وأعلمه بإضافة الجانب التربوي ده؟ الجانب التربوي ده اللي احنا النصيحة اللي كنا بنتكلم فيها، اللي هو يا إخواننا حاولوا بقدر كبير جداً ادرسوا آيات أي حاجة تربوي، إما بطريقة أكاديمية بطريقة أكاديمية أو بطريقة حرة، يعني حالياً في كورسات كثيرة جداً على إدراك ورواق وتعليم عربية للناطقين بغيرها أو تعليم عربية مطلقا أو مناهج تدريس، طرق مناهج وطرق تدريس مطلقا، ليه؟ ده بيحسن جداً من مهارات الناس، يعني أنا اتعلمت المهاره وتعلمت أدرسها.
ده يعني نفس الشُرْجَة بتاعت نور البيان دي، لو الملاحظات اللي احنا قلناها من إن هو أحسن حاجة من كل طريقة، مع إضافة ليها نصوص من الشعر والحديث، مع الجانب التواصلي، مع الجانب التربوي، مع إن هو يتحول لشبكة أو مشروع تنقلي، هيبقى ممتاز جداً. ده اللي برضه ينقص، احنا قلنا يمكن على الدورة بتاعت أخونا أحمد فتحي ومحمد فتحي بتاعت دورة الفصحى، هي الدورة دي محتاجة تبقى شبكة، إزاي إخواننا كل 10 محاضرات يعني إيه تعقد بشكل دوري؟ 10 تخلص أو 12 حصة تخلص ومجموعة تانية وهكذا لغايه ما تبقى إيه؟ مشاع، يعني كل مجموعة، كل الناس، كل الناس رايح فين؟ رايح رايح جلسات الفصحى، يبقى كده اسمها حلقات الفصحى، إن الناس كلها بتعلم فصحى وبتتعلم فصحى ورايحة تسمع فصحى وبتدي فصحى، هيبني عليها بعد كده حاجات تانية كتير جداً منها مشروعات، مشروعات إيه؟
يعني دايما احنا بنقول إن الحركة، كان الدكتور نبيل العالي الله يرحمه كان يقول التطوير بالتوريد، التطوير بالتوريد أول ما بتتزنق في حاجة تقول إيه ده؟ هو ما فيش كتاب لإجراء محادثات يومية للأطفال؟ تروح عامله. عشان كده نور البيان لما اتعملت، والاخت لما بتقول البغدادية والذهبية، إيه ده؟ هو دي ما كانتش معمول؟ الناس كانت بتعلم عربي ازاي الأول؟ كانت بطريقة إيه؟ الكتب، الطريقة وحرف وبتاع. لا ده لما تحس ده ما فيش أبليكيشن معمول، اه ما فيش، لا لا ده ما فيش، طب ما فيش كرتون مدبلش بعربية فصيحة سليمة بس ما تكونش بلهجة، طب ما فيش، وهكذا، وهكذا تفاجأ إيه؟ إن احنا في جهل إيه؟ في إيه؟
آه، كرتون إنت اللي هتمثلي فيه، هتعملي الأصوات الأداء الصوتي ده على فكرة يعني احنا قلنا في محاضره الفلوس السبوبه، مهم جداً الصوت للأطفال وهكذا، اللي هو إيه المشروعات المرتبطه بده؟ المرتبطة طبعا في حاجات أعمق من كده اللي هو إيه؟ الكتب والمعاجم، يعني مثلا احنا مرة دورنا على معجم للكلمات الأكثر شيوعاً في العربية المعاصرة لقيناه أمريكي، الـ 5000 كلمة الأكثر شيوعاً في العربية المعاصرة وموجود بي دي إف ممكن أرفعه لكم على المجموعة، وهو إه، كان قاعد فترة نادر مش موجود، كان موجود الإسباني وموجود الياباني، 5000 كلمة الأكثر شيوعاً في العربية المعاصرة، فاللي هو إيه؟ فين الكلام؟ نبدا بايه؟ الكلام الموجود القائم الأكثر شيوعاً في القرآن، قائم الأكثر شيوعاً في الحديث مش معموله، قائم الأكثر شيوعاً في الشعر الاحتجاج مش معموله لغايه دلوقتي.
مش معمول كوربس على الحديث النبوي، حديث النبي، يعني أنا دلوقتي في طفل، إيه الكلمات اللي أنا حفظها له من الأول؟ أو المفروض أحطها له في منهج التعليم بحيث لما يبدا يتعلم حديث النبي صلى الله عليه وسلم يبقى فاهم الكلام؟ لا بس الحديث، يعني القرآن معلوم شائع عن الحديث، الحديث في حاجات اصلا إيك تتعيش وتموت ما تعلمتش، إنت تصوري كده بصي، أضيف لك معلومة معلش يعني اللي انت قلتيه كلام كويس، لكن أنا أضيف لك معلومة: ما فعل في القرآن فعل في الحديث، ما فعل في القرآن فعل في الحديث، الفارق الجمع، يعني جمع كله، كله.
اديكي مثال، القرآن مثلا ليه قراءات، الحديث ليه روايات، خلاص أسانيد، ده ده ليه أسانيد، غريب ده غريب القرآن، كتب غريب القرآن كثيرة جداً، كتب غريب الحديث كده؟ غريب الحديث لا يكتفى اصلا بالحديث صحيحة، أي لفظة جت في حديث ضعيف، حديث موضوع تلاقيه في معاجم الغريب. لو إنتو حضراتكم عايزين تشوفوا حاجه لطيفة جداً كان طبعا غريب الحديث في كتب قديمة ممتازة، أشهرها وأجلها وأشهرها ما بين الناس اللي هو النهاية في غريب الأثر لابن الأثير، وكتاب الفائق بتاع العلامة الزمخشري الفائق في الحديث في غريب الحديث، وكتب تانية 5-6. جه حد معاصر عملهم جمعهم كلهم اسمهم إيه؟ مجمع غريب الحديث أو حاجة زي كده، جمع فيه كل كتب غريب الحديث ورتبها على الجذور وموجودة كلها، اللي هو إجابة على سؤال الاخت الحديث كتير أو لا؟ ينضبط، لا منضبط، يعني يكاد يكون في حد عامل إيه؟ معجم كلمات الكتب الستة، في اختار عوض الله، قولي قصدك وأنا اقول لك موجود ولا لا.
هو انا ممكن أعلم أصلاً في الحديث الحاجات، ما هو الأكثر شيوعاً؟ ما هو ده اللي أنا أقصده، إن هو قوام الأكثر شيوعاً، يعني إيه؟ يعني الاحاديث اللي هو هيحتاجها فينها؟ فينها متجمعه؟ ودي متجمعه، بس لو أنا طبيب هيبقى محتاج أحاديث معينة، لو خد بقى عندك لا، الاحاديث في الديانه لا ترتيبها معروف، يعني انا عايز الأول أعرّفه إيه؟ يعني مثلاً ليه احنا بنقول الأربعين النووية مهمة؟ عشان الأربعين النووية دي إيه قصتها؟ إن ابن الصلاح العلة الحافظ جمع 16 حديث عليهم مدار الديانة، فجه حد زودهم، يعني إيه مدار الديانة؟ يعني أنا لو إنت أدركت الأحاديث دي هتبقى معظم المقاصد العامة للشريعة في دماغك، فكل حديث ده يتفرع منه حاجات، زي بالضبط لو واحد أدرك أركان الإيمان السته كل شعب الإيمان بعد كده متسرعة من السته، مش معناها إن الستة دوة غير التانيين، يعني في حاجات متعلقة بالملائكة، فإنت مؤمن بالملائكة فمؤمن إن في كتبة الملائكة تكتب ومؤمن إن الملائكة تسألك في القبر ومؤمن إن في ملائكة، فده ينبني عليه إيمان واحد اتنين تلاتة، فلو فرقت الشعب على الستة، الست شعب بتوع الإيمان الأركان هتلائك طالع منهم كل الشعب، وهكذا.
فالأربعين النووية كده، الخمسين رجبية كده، إن هو زياده على الأربعين النووية حديث أرتها إن هي برضه إيه؟ خلاص، في بعض حفاظ جمعوا أحاديث لأطفالهم فقال له أنا عايز أحفظك الأحاديث اللي عليها مدار الأحكام من غير أسانيد فتلاقيها متجمعة، فاحنا عندنا طرق التصنيف دي موجودة من القديم الحديث. المفروض يتعمل في العصر الحديث إيه؟ الحوسبة، إن هو يتعمل إيه؟ يتعمل قوائم الأكثر شيوعاً ويتحط في المناهج بحيث الطفل وهو عنده سبع سنين، سبع سنين يبقى إيه اللي عدى عليه؟ قائم الكلمات الأكثر فعل في القرآن، قائم الكلمات الأكثر في الحديث، قائم الكلمات الأكثر في الشعر.
الشعر، الشعر مثال، أحفظه كام؟ أنا عايز الطفل لو حفظ أشعار كتير هيحلى؟ هيحلى، بس أنا عايزه لو على الأقل يحفظ الأشعار اللي فسر بها كلام الله عز وجل، مش كده؟ حلو خلاص، مصورة، يعني الكلمات الجذور أكثر ش، ما أنا جايلك اهو سالك كده يعني. طيب في أخونا عبد الرحمن الشهري السعودي أطروحة الدكتوراه بتاعتُه اسمها الشاهد الشعري في تفسير القرآن في كتب التفاسير، أطروحة الدكتوراه بتاعتُه عمل إيه؟ جاب كل كتب التفاسير اللي عليها مدار التفاسير، الكتب الكبرى زي إيه؟ اجمع القديم الطبري خلاص، تفسير الطبري وفي المتاخرين القرطبي، اجمعهم وأعظمهم وأشملهم على الإطلاق القرطبي، وايه؟ المستدركات على القرطبي وبعده معطية، والبلاغية زي الكشاف بتاع الزمخشري وتفسير البيضاوي فجاب 5-6 زي كده وراح عامل فيهم دراسة إحصائية، إيه دراسة إحصائية؟ كل الشواهد الشعرية اللي جت تفسر غريب القرآن وعدد الشواهد الشعرية في كتب التفاسير.
خلاص، طيب ماشي يا مولانا، أنا عايز كم شاهد أكبر كتاب حديث، أكبر كتاب تفسير زي تفسير القرطبي في 4600 مثلاً، 4400 شاهد، فانا لو حفظت الـ 4800 هيحصل ايه يا مولانا؟ تقريبا بقى عندي استشهاد على كل كلمة في القرآن، تقريبا الـ 4000 دول. طيب، إيه؟ اه تخيلي ما هو احنا 4000 4000 زي ما أنا بقول لك، واحد عايزينه يحفظ القرآن، عايزينه يحفظ على كل آية بيت وكانه كده، وكانه، لأنه القرآن على العبد الكوفي مثلاً 6000 وحاجة، فلو أنا الطفل بديت من هو صغير، من هو سن ست سنين سبع سنين، أعملها إيه؟ أحفظه شعر بيت بيتين، بس أنا بحفظه أنهي ابيات هنا يجي سؤالك مطلق كده؟ لا ما دول محصورين عندي أهم، دول دوة شواهد القرآن الشعري، فلو حفظت شاهد من الشواهد دي، كل كل كلمة في القرآن عندك إيه؟ شاهد وتنين وثلاثة عليها، حلو كده؟
طيب، أحفظ من الشعراء خلاص، فهو عامل أحصى أكثر الشعراء استشهادا، المفسرين بيستشهدوا بشعارهم، فمثلا لو انتم عايزين تعتنوا بدواوين من الناحية القرآنية، مثلا الأعشى الكبير ميمون بن قيس أكثر واحد مستدل بيه في كتاب الله عز وجل بشعره، رؤبة بن العجاج والعجاج نفسه، الواد وأبوه، رؤبة، رؤبة بن العجاج، العجاج يعني، والعجاج نفسه، العجاج ده شاعر، ابنه بقى اسمه رؤبة، رؤبة الحجاج، فالاثنين طبعا من الشاهد الشعري في تفاسير القرآن الكريم بتاع عبد الرحمن الشهري هو المعاجم، اه مجمع، مجمع غريب الحديث بتاع، أنا مش فاكر اسم المؤلف هو سعودي كان اللي.
هو عامله في ست مجلدات موجود بتوسعة دار السلام، طارق عض الله عامل غريب الكتب الستة، أنت عايز تقرا البخاري ومسلم والسنن فأكيد هتقف قدامك ألفاظ مش فاهم معناها، فلو رحت المعاجم، المعاجم معاجم واسعة، فأنا عايز كتاب واحد مجلد جنبي الكلمة ومعناها زي كلمات القرآن بتاع مخلوف كده خلاص. فتفتح معجم الكتب الستة بتاع عض الله وأنت ماشي في البخاري، في الغالب معظم الكلمات اللي هتقف معاك موجودة فين؟ في معجم الكتب الستة، ما هو من سنين، يعني من خمس ست سنين موجود، خلاص.
وطبعا في في الحمد لله هذه الأمة يعني لن تعدم في كتب أشمل حتى من النهاية بس مش مشهورة بين الناس؛ مجمع البحرين، غريب القرآن، غريب كلمات القرآن أو غريب ألفاظ القرآن بتاع الفراهي، دي في حاجات عظيمة جدا استدراكات على المعاجم القديمة، لكن دي متخصصة.
أنا ممتاز، أنا فوق، في فوق في التطبيقين لو لسه في المحاضرة.
عرب القرآن كان الشيخ موسى من ثلاث سنين قال إن هو مستعد يروح في أي مكان، هو هم ما شاء الله، همس في أي مكان مش عايز غير فلوس بس المواصلات يعني لو ما. أنا بقول هم، لا هم ناحية النشاط، هم أنا في رأي الشخصي أنجح مشروع كشبكة كشبكة لغوية إصلاح اجتماعي وتخدّم القرآن، نور البيان اللي هم بتاع الطريقة اللي هم عرب القرآن عملوا بصراحه، اللي هو تحقيق اللي هو مشروع يعني.
أنا عايز أضرب مثال مشروع في الإصلاح المجتمعي بده، هم أشهر مثالين في مصر؛ المثال ده ومثال محو الأمية بتاع صناع حياة بتاع أخونا محمد مؤمن. كنتوا فين؟ آه. قعدوا هم استهدفوا في أول سنة 120 ألف واحد، ترجتهم مثلا منهم 94 ألف ولا 96 يعني، حققوا، هم كانوا مستهدفين مصر 120 ألف، وده رقم، يعني السنة اللي بعدها كانوا يمكن مستهدفين مليون ولا حاجة وبدأوا يتوصلوا، كان ساعتها بعد أحداث الشغل بتاعة 25 يناير.
فالدولة، كانوا هيدخلوا الجمعية الشرعية والدولة كانت هتسمح ساعتها يستخدموا الإنفرَاسترَاكتْشَر بتاع قصور الثقافة، وحتى استشارني محمد، قلت له: أنتم تدخلوا الدولة معاكم في المشروع، تديك إنفرَاسترَاكتْشَر، بس ما تخخش أبدا بعنصر بشري؛ لأنه سبب نجاح المشروع أن هو كان معتمد على عنصر بشري متطوع، حتى لو قدراته العلمية مش كويسة أو هواة أو متطوعين، لكن هي الفكرة أن هو: أنا قلبي عليه وهحس نفسي وأتدرب وأنا عايز أتعلم وأعلم.
فده كده إيه؟ قطعنا إحنا كده نص الشوط. الدولة، الدولة أي حاجة تمسها بتبقى ملعونة، يعني إيه؟ لأنه هتجيب ناس موظفين، موظفين وهم اللي هو أنتم مش عايزين تنجحوا وتاخدوا الشهادات، يلا ناجح، وأعمل معانا كده في امتحانات الهيئة، يدخلوا يغششوا الناس، أنا فاكر صناع محمد كان مشكلة مشكلة معاهم، قال لي: الأول رحنا الأول نشوف المناهج وبتاع الدولة، قال: أنتم عندكم مناهج معتمدة ما أنت مش عارف تعلم الناس ولا عارف تعلم اللي في المدارس ولا عارف تتنطط على بتاع إيه، بس هي طبعا فيها سبوبه بمئات الملايين، إحنا كدولة بناخد أرقام ضخمة من المؤسسات الممنحة.
فلو إحنا خلصنا الأمية من مصر، هو طبعا أي البلد دي، مصر دي بالذات خلال لو بشكل جاد يعني خمس سنين ممكن تمحى أمية مثلا 95% من مصر خمس سنين بس، ليه؟ ليه؟ لأن إحنا عندنا كم كواد؟ يعني إحنا عندنا حركة إسلامية ضخمة حقيقية حقيقة يعني هم يفكوا بس المعتقلات والسجون والأمور تمشي كويس جدا وعندنا إنفرَاسترَاكتْشَر كويسة يعني إحنا عندنا جوامع كتيرة جدا وعندنا حاجات كتيرة جدا.
بس في ما أعرفش المثال اللي إحنا ضربناه قبل كده ولا لا، لو كناش ضربناه شوفوا المثال ده اللي هو قرية كيرلا، إقليم كيرلا في الهند؛ كانت الدولة في الهند، إحنا نقول إقليم في الهند يعني بالصلاة على النبي 50 مليون في مطالع الهند يعني، خلاص. فكانت الدولة عايزة تقنع الناس بحاجة: يا إخواننا بطلوا خلفة بكم بطلوا خلفة، مش عارفين يسيطروا عليهم وفقرا جدا وبتاع، ما فيش. طيب يمين شمال، لغايه ما عملوا إيه؟ الدولة نزلت بقوات عسكرية تعقيم إجباري للرجال، يا إخواننا ما أنت هتقلّفوا، طيب إحنا هنخليكم ما تخلفوش، بدأت الناس تتهرب.
خلاص، كان الإقليم خاضع لا الهند مش حكومة مركزية، أقاليم أشبه كونفدرالي، فقالوا لهم، كان في مجموعة اشتراكيين أو شيوعيين هناك قالوا لهم إيه؟ الشغل المدني والمجتمعي والجماهير المناضلة ده بتاعنا إحنا سيبه لنا. عملوا إيه؟ احتشدوا بعدد ضخم جدا من المتطوعين في تعليم محو الأمية، قال لك الناس دي مش هتعرف تكلمها ولا تقنعها بحاجة، لا في مصلحتهم ولا ضد مصلحتهم إلا لو بيعرفوا يقروا ويكتبوا ومُتعلمين.
أعمل إيه؟ قال لك: طب دول هنوديهم ده ناس بتمشي حافية وعايشة في صفيح ومش عارف وبتمشي وبتروح ترعى حيوانات، نعلمهم إزاي؟ قال لك: نروح لهم إحنا فين؟ في القرى وفي النجوع. وقعدوا بيعملوا كده، كيرلا في وقت من الأوقات خدت الإقليم الأول في العالم في المشروعات التنموية التعليمية 100% بيعرف يقرأ ويكتب، محا الإقليم كله.
من أشهر المشاريع، وبعد كده لما عملوا كده انطلقوا بقا في إيه، بقى الناس عايز تقول لهم حاجه وزّع منشور بالطريقه بتاعة الشبكات، الناس كلها بتعرف تقرا فيقول له: تعالى خد كذا حاجة للزراعة وتعالى أحضر خمس دقائق توعوي، اعمل كذا ما تعملش كذا. لغايه ما وصلوا لمرحلة.
لحظة سلام عليكم، سلام عليكم يا عمد، إيه يا عمد؟ أيوه، أنا جوه، أنا جوه في الأوضة التانية، أنت بتكلمني ليه؟
خلاص يا إخواننا، فإقليم كيرلا من أهم ومن أشهر النماذج بتاع في موضوع الإصلاح اللغوي ده اللي هو مشروع إصلاح اجتماعي، أنت عايز تعمل إيه؟ عايز أعمل تحديد للنسل، بغض النظر ساعتها كان الحاجة دي كويسة عندهم ولا لا، وإن كانت بالنسبة لهم طبعا كان إنقاذ ليه؟ لأن ناس مش ما عندهاش تعليم، ما عندهاش تعليم ولا وعي ولا بتاع، كانت حاجة صعبة جدا.
وعليكم السلام ورحمة الله وبركاته. فمن غير تعليم مش هعرف أعرف أعمل أي حاجة معاهم، حتى مش هعرف مش هعرف أخليهم يبطلوا الحاجات اللي بتضر في الزراعة وفي الأكل وفي الشرب وفي كل حاجة، أول ما الإقليم اتعلم عمل طفرة ضخمة جدا في حاجات كثيرة جدا.
بس بشرط أن هو إيه؟ ما تكونش لا، المشكلة ما تكونش في حكومة، يعني الحكومة ترفع إيدها، ليه؟ الحكومة هناك عجزت بقوة الدولة بالجيش أن هي تحل مشاكلها، لما سابوها للناس حل مجتمعي حلوة، يعني مثلا صناع حياة هو مش أقوى من الدولة، لكن هو في سنة واحدة عمل منتج كويس جدا، والتجربة أنا في رأيي الشخصي لو كانت اتسبت، اتسبت يعني الدولة ما حطتش مناخيرها في المشروع وسابوا الناس، كانوا هيبدأوا يقولوا لك: طب احنا استنى إحنا المتطوعين بتوعنا عايزين نعملهم تدريب أحسن، طب ما نعملهم معجم؟
أنا فاكر ساعتها كان صناع حياة عايزين دعم مالي، فيعملوا ايه؟ طبعا الدولة فلوسها حرام، قصدي يعني فلوسها ما فيهاش بركة، فلما بتخش في حاجة بتبوظ، فساعتها قالوا ايه؟ قال لك: الشركات، كل شركة في حاجه اسمها سي إس آر اللي هو المسؤولية الاجتماعية للشركات، راحوا مين؟ لفودافون، يا رجاله عندكم فلوس عايزين؟ قالوا لهم: آه إحنا السنة دي فودافون عالمياً عايزة تضخ السي إس آر بتاعها في التعليم، مصدقوا أنت نص أصحابنا بتوع التعليم، خلاص، تعملوا إيه؟ إحنا هتدفعوا فلوس، آه بتاع.
راحوا تعاقدوا معانا ساعتها كنا مجموعة فريق لغوي بتعتد في فودافون، قالوه: يا إخواننا إحنا سالناهم: الناس دي بعد ما تعلموها القراءة والكتابة استفدنا إيه؟ قال لك: إن هو بيقرأ ويكتب بس كدة، الراجل ده مش هيبدأ يثقف نفسه يعمل حاجة تانية؟ قالوا لهم: آه. قال لهم: طب هم معاهم معجم؟ في أي معجم بيخاطب الشريحه دي؟ ليه؟ الكلمات الأكثر شيوعاً في العربية، قالوا لهم: لا والله لو في قدامك لو في، ما فيش.
فقالوا لهم: طيب تقدروا تعملوا تعملوا ده؟ قالوا لهم: ما نعرفش. خبوا حد لغوي، كلمونا يا إخواننا ده يتعمل مش يتعمل؟ هو موجود فعلا، هو في معاجم كده بس عايزه رطف، عايزه إيه؟ طبعا المعاجم اللي احنا بنحل عليها دي معاجم 5000 كلمة أكثر شيوعا، ده اللي هو الموست فريكونت، ده إنجليزي بس يعني هو في العربي بس معمول بالإنجليزي.
فقنا لهم: ده لا، ده يتعمل عليه كذا وبتاع مشروع وعملنا ميزانية، بس ساعتها حصل خلاف ففودافون وقفت الدعم بتاع المعجم بتاع المعجم بس، والا المشروع اظنه بعد كده يعني كمل كدعم المشروع العادي اللي حصل أصلا في حتة شخصية فتح المستشفيات في الصعيد، مدير المستشفى رحت فيهم جيت رامم حاجة وراء الفصل، ليه؟ وهم تعلموا بيطالبوا بحقهم في الشارع، هو مش عايز يعلمه، عشان كده إحنا الدولة الدولة هنا لما أنت تقول له مثلا إيه: قف الحته فيها لغاية سنة 80، هو كله أصلا للكبار فقط، حاجة حاجة سنة حاجة و80.
الدولة وقفت أن هي تاخد مؤهلات متوسطة في خفر السواحل والامن المركزي وبتاع، بطلت ما فيش تعليم خالص، هاتولنا الأميين، آه لا لا، مش الأمي، مش الأمي، يقول هم يقولوا إيه؟ اللي يعرف يقرأ ويكتب يجي هنا، يجي اللي ما يعرفش يقرأ ويكتب يجي هنا، في شوية بتبقوا في النص ايه الموضوع؟ بيخدوهم أبويا، والله أنا لولا لولا أن بابا مصدق عندي وأنا لا أتهمه في أن هو يضحك عليا، قال لي كنت أنا بقول له مرة بنكد على حاجه زي كده قال لي لا ده أسوأ.
فبقول له: لا، ما هو ما فيش أسوأ من في النص ده، مش عارف، ده أصلا مش مدرك بإدراك يعني، مش عارف أي حاجة، فقال لي لا، أنا حضرت زمان إحنا أصلا من سوهاج من الصعيد، قال لي معسكر تدريب الأمن المركزي، قال لي الشاويش اللي مدربه بتاع ماسك طوبة هو بيقول له إيه؟ في حاجات في حاجات اللي هو بيسموها البديهي، اللي هو بديهي ايه؟ أنت جاي، أنت حضرتك تعرف تكتب؟ بتقول لي: لا ما بعرفش أقرا. فبقول لك إيه خلاص ارفع إيدك اليمين دي مش عايزه إعلام، هترفع إيدك اليمين، طب اتنين واتنين كام؟ مش تعرف، تلعب دومنة، اللي هو إيه التعليم مالوش دعوة بالقدرة الحسابية، القراية والكتابة مالهاش دعوة بالقدرة الحسابية.
ممكن واحد تلاقيه ما يعرفش يقرأ ويكتب ويلعب دومنة دومنة أو شطرنج أو بيبيع ويشتري أو تاجر، فده مالهاش دعوة، دي ملكة ودي ملكة، خلاص، وعارف يمين وشمال.
فوال والله فبابا بيقول لي قال لي كان معاه طوبة زلطة صغيرة يقول له لف يمين يا ابن وشتم بأبويا، فأقول له ليه؟ يرمي لهم زلطة، يقول لي ما يعرفش يمين من شمال، فأقول له: بابا لا، لو جبنا سمكة اللي هي النيمو عارف السمكة نيمو بتاعة لا لا لف يمين تلف يمين، قطة لو دربنا، فقال لي لا لا هو بيبقى واخد حد إيه؟ مش أبيض بأسود، خلاص، فهي الفكرة فكرة إقليم إقليم كيرلا كان نموذج إيه كده؟ إزاي أصلا أبيض كده إزاي البني آدمين؟ حاجة ذهنية يعني ولا لسه في واحد.
لسه في واحد نازل هنا على المجموعة بتاع مجالس الهوية منزل بالضبط منشور عن قرية بيروح يعمل فيها وصلات مية نفس الحال، إحنا في نماذج هنا في مصر اللي ما يعرفش الشيخ أنس وراكم مرة في دوره اللي هي اللي هو اسم النبي ايه؟ اللي هو الناس ما تعرفش اسم النبي صلى الله عليه وسلم. طب لحظة سلام عليكم، سيدنا، لا مولانا أنا بعتذر جدا، آخر مرة كلمتني ما قدرتّش أرد عليك، خيراً أُمرني، قل لي خطيب لمين في حد بعينه يعني؟
طيب ماشي اجع، يعني قول لي الأمر الثاني يا مولانا، طيب مولانا، طيب ممكن ممكن 10 دقائق وأكلمك؟ الو الو 10 دقائق وأكلمك.
فاللي هو إيه؟ اسم النبي اسم النبي مين النبي؟ يقول له: لا والله يا أبى ما أعرف وبتاع، في كده في كده وستات كده، أنا إيه علم يعني؟ هي ما عندهاش بصي بصي، ما هو أنت أنت في مستوى مش قادره تتصوريه بسبب أن أنت يعني إيه هو حضرتك حضرتك ليه بتعقلي الأشياء؟ عشان أنت مريتي بحاجة تربوية، عملتي معاملة إنسانية بقدر ما من الأب والأم والأسرة وبتاع، فأنت لو فقدتي ده كله كله هتعلمي فعلا مش بني آدم، يعني أنت هتخدي جزء الإنسانية اللي فيك.
أنا واحد صديقي يعني دي كانت الحالات الشاذة جدا، واحد زميلنا شاعر وخطاط وراجل يعني في ناس أنا أول ما تشوفهم كده اللي هو إيه؟ حالم، أول ما شفته أنا قلت له: حضرتك تشتغل إيه؟ فقال لي قال لي: أنا بعمل كذا، لا عينيا أنا أنا قابلت ناس فنانين كتير وشعرا وبتاع، هو فعلا طريقة كلام ونبرة صوت وبتاع، بتاع شعر وخط عربي وبتاع، حد كده غايب، ده مرة ضمن واحد بطريق الخطا في بيعة وشروة حاجة زي كده، المهم الموضوع أطور، الموضوع خلص وهو ما يعرفوش، أطور قضائيا لغايه ما تتسجل، ولو ما قداش اللي عليك أنا هاخد حكم نهائي.
فقعد يومين أو ثلاثة في الحبس الجنائيين، متخيلين شاعر خطاط حافظ قرآن بتاع، فهو كان راجع بيقول لي أنا دي أثرى أثرى تجربة عديت فيها في حياتي، اه أثرى.
هو نجا نجا. فبقول له: ليه؟ قال لي: أنا شفت ناس، مش ناس، قال لي: والله قال لي هو شكله بني آدم بس هو مش بني آدم، قال لي: ما بيحسش، ما بيتألمش، اه والله! قعد يحكي بقى، هو ايه؟ هو انزعج ليه؟ لأنه طول عمره ما شافش، ما شافش العينة دي.
فبيقول لي: أنا مثلاً شفت واحد اللي هو كان رئيس المجرمين، قال لي: ده كان راجل قاعد في جنب الزنزانة كده شارب، قاعد بيشرب سجاير، يجيبوا له مخدرات، وعنده أكل، وعنده، ما حدش يجي جنبه خالص، ما حدش بيكلمه، بتاع. وبعدين حصل خلاف بيني وبين حد، فقام قال له: لا خلاص سيب الشيخ ده، تبعت على شيخ وقعد جنبي؛ لأنه قام أول ما جه توضأ وصلى بيهم.
فهم ايه؟ قال لك: ده بتاع ربنا! ده الراجل ده حاجة كده! فقعدوا، قال له: أنت تقعد جنبي، ويجيب له أكل معاه ويشرب وبتاع. فقال لي: قعدت شوية أحكي معاه، فقال له: أنت أول، يعني أنت إيه اللي خلاك، يعني ليه انحرفت، حاجة زي كده؟
فبيقول له: بيقول لي: أنا وأنا سني خمس سنين اتخدت، خمس سنين! خدوه ليه خمس سنين يعني؟ أقوض عليه، فقال، بوظ، قال لي: بوظت حد بموس، اتخانق مع طفل في سنه بموس وبوظه، عينه، فقع له عينه. فقال له بعدين، قال له: مش عارف حصل إيه، وبعد كده رحت الأحداثية، وبعد كده هربت منه، وبعد كده مش عارف إيه، وبعد كده تجرت في مخدرات، وبعد كده بيت مضرب من ماكس، وبعد كده مش هو.
قال لي: أنا قاعد، يعني إيه؟ هو ما فيش، قال لي: قاعدين أتكلم معاه الراجل ده وبتاع، قعد حكى لي، قال لي: طلع إنسان رقيق جداً من جوه بس ده من بره مش رقيق خالص. قال في الآخر عمل حاجة فظابط جه، قال: مين اللي عمل كذا كذا وبتاع؟ قالوا له: فلان. قال له: كده وبتاع ده أنا دلوقتي هبهدلك حاجة زي كده. قال له: تبهدلني أنا وبتاع؟ فانا قلت إيه هو أخونا يوسف ده بيقول لي إيه؟ إيه هيعمل لهم إيه معاه ظابط ومعاه قوة، ويعني وده جوز زنزانة، فإيه معاه يعني، طلع مثلاً موسى ضربوه لغايه ما فراح، قال لي: نطلع موسى فعلا؟ فانا قلت له: آה.
قال لي: راح إيه؟ قال له: أنا ما حدش ذلني، ما حدش يبهدلني. وراح بدأ إيه يشرح جسمه ووشه وبتاع مش عارف إيه، قلت له: طب هو ما يتكلمش؟ قال لي: ما أنا قلت لك في أول القصة إن هم أنا قابلت ناس مش ناس، هو مش، هو بياخد مخدرات كتير لدرجة إن هو مش فاقد الألم أصلاً. فالظابط أول ما شافه كده، طب احنا هنعمل فيه أكتر من اللي عمل، فلم الناس ومشي وبتاع، وبعد كده قعد.
قلت له: طب والدم اللي نزفه؟ قال لي: ولا أي حاجة، قعد وكمل حكاية معايا وولع سجايزه. فهو إيه؟ فده عشان أنا سؤالك بقى: هو ده إيه؟ ده إيه ده؟ المجتمع كله كله من أول ما هو طفل لآخر خطوة في حياته يحول دون أن هو يكون إنسان.
مره قال لي: يوسف ده قال لي: أول ما ضنا وبتاع، قال لي: حسيت في ناس قامت صلت معانا وبتاع، في واحد قاعد فإيه، هم بيبقى النوع ده بيبقى عنده حاجة، هي دي حاجة من ناحية إلهية أن الله عز وجل يعني إيه بيحجز دول عن دول، فبحسب إيه يعني؟ آه، وليّ ده ولا إيه؟
فقال له: مش أنت مسلم؟ قال له: آه. فقال له: ما تقوم تصلي معانا؟ قال له: لا ما ينفعش. فقال له: ليه؟ قال له: أص بص متعلم في وشي ما ينفعش. فقال له: إيه مش فاهم؟ حد معلمه بمطوة هنا في وشه، فقال له: خلاص ما أنا اتعلمت في وشي، أنت عارف إن هو يعني كده، مخش الجنة ما أصليش.
وبتاع، هو يوسف قال لي: أنا كنت، يعني تلات أيام هو قاعد يحكي لنا فيهم، تلات شهور مثلاً كنا كل يوم نروح له، ويحكي بقى التفاصيل بقى، تفاصيل التفاصيل. إيه؟ لا مش الصدمة، ده هو قاعد بعديها بسنتين مصدوم! آه والله! لأني فعلاً أنت واحد واحد حد حد يعني بيئة معينة بخلفية معينة راجل متشر وبتاع لغة عربية وشريعه وخط عربي وبتاع، وسجين جنائي ومخدرات وبتاع، وهو متخبط على أساس أنه جنائي، لأنه مش مسدد حاجة عليه شيك أو كمبيالة أو حاجة زي كده. فلا، لا كانت تجربة.
لكن هو السؤال أن هو: عليكم السلام حبيبي كما تشاؤون، احنا بنخلص خلال خمس دقائق أو حاجة زي كده. خلاص ماشي يا حبيبي، خليه.
العلمين الاختياري تحول؟ لا، هو ما تحولش اختياري، هو ده، هو اختياري منين ده؟ ده، لا، ما هو دي دي قصة تانية بقى، يعني دي قصة تانية، فكرة الحساب اللي هو بيسموها العذر للجهل، أن هو في واحد لم تبلغه حجة شرعية صحيحة تذ المجتمع، أنا، ما هو في، في ليه نظرتين؛ في نظرة نظرة بتاع اللي هو نظرة أن هو في جزء تم إفساده فيه فهو مش مسؤول عنه فعلا، وفي جزء هو مسؤول عنه عن تصرفاته في الأذى وكذا.
لكن هو المشكله في إيه؟ النوعية دي أنا أحاسبه على إيه هنا في مصر؟ يعني لك أن تتخيلي، هؤلاء الناس ده بيبقى مسجل خطر، خلاص مسجل خطر، مسجل خطر إيه؟ على حسب مسجل خطر إيه بالضبط، فمنهم فيهم لو قعد فترة ما عملش أي جريمة ينزل التسجيل بتاعه درجة، وبعد كده ممكن ملفه إيه يقل وممكن يبقى عادي، يعني إيه؟ يبقى إنسان صالح عادي، قانونياً النيابه والشرطه لما بيكون خلاص هيستوفي المده اللي ما عملش فيها جرايم، بيجي يلبسوه قضية عشان ما يتحولش إنسان سوي ليه؟ لأنه بيشغلهم، ولما بيكون مثلا الدولة عايزة تعمل حاجة بتجيب مين؟ بتجيب البلطجية دول، فهو مين اللي يخليه يفضل كده؟ هم، وهكذا.
لا الوضع، في حد كان كاتب بوست، في ناس مهتمة قوي بالناس الشوارع وبالذات البنات، لا طبعا الكلام ده في قصص تانية بقى، حاجة فوق الخيال الأطفال، فلا هو مجتمع، مجتمع مش ظالم، دبل دبل ظالم، مكعب ظالم! يعني حاجة حاجة سيئة جداً.
ففي جانب طبعا هو مش مسؤول عنه، هو نشأ كده، هو نشأ كده، وفي جانب اللي هو جانب دفع دفع ضرر عن الناس، يعني أنا شفت حد، بنت اسمها نيللي كانت في رسالة، بنت بـ 100 ألف راجل والله، كانت ماسكة ملف في رملة بولاق، منطقة عشوائية في ظهر الكورنيش، فدخلنا مرة معاها نعمل مكتبة للأطفال وحاجة زي كده جوه المنطقة، فقالت لي، قالت لي كنا عملنا اتفاقية مع الداخلية، رسالة عملت أيام الداخلية مبارك أن أي حد مسجل خطر يعملوا له مشروع على حسابهم ويضمنوه أن هو يقعد فترة بيبيع ويشتري وراجل ما بيعملش أي عمل إجرامي، فلو قعد كده ينزلوه درجة وبتاع لغايه ما يشيلوا ملفه خالص وحاجة زي كده.
فقالت لي: الناس عندها يعني تجي لك واحد بتاع مخدرات وبتاع وجاي حالته يقول لك: خذوا الواد ده ربوه ابني، اشكوه معاكم، أنا مش عايزه يطلع زيي. فهو في قدر، عشان كده احنا دايماً بنقول النظرة الشرعية للناس دي أن هو في بقايا الفطرة، عشان كده دول بينفع معاهم قوة بتاع التبليغ والدعوة، بتاع التوليع الدعوة بيعتبره أن هو ممكن يحوله لداعية، هو ده نفسه هو ما بيبقاش رايح أن هو عايز يهديه ولا يخليه بطل مش عارف مخدرات، لا لا، ده حوله هو هو هو نفسه داعية! إزاي؟ يقعد يكلمه، لغايه أنا شفت نماذج كده، شفت في نماذج في الغرب كده بيبقى رئيس عصابه في أمريكا وفي شيكاغو وبتاع، يروحوا يكلموه ويقلب ويبقى، مصر هنا في نماذج كده مشهورة اه عملوا معاها كده.
لكن في مشكلة طبعا في مش، في جانب اللي هو إيه ده اللي بيبقى صعب علاجه مع فترة طويلة جداً، الجانب النفسي ده بيسفسد بشكل كبير جداً، والجانب البدني، يعني في واحد متعرض لكل أنواع المخدرات من هو عيل صغير، فده بيبقى متعب على المدى الطويل، لكن يعني لا، قدام المجتمع ما حدش يققبل، أنت ما حدش يرضى أن ابنه يصاحب واحد، مش يصاحبه، ده هو في مشاكل بتبقى أكبر من كده، يعني مش مجرد.
طيب، الآية؟ إزاي ما هو ده أصلاً، هو مركب الإنسان كده، ﴿وَهَدَيْنَاهُ النَّجْدَيْنِ﴾ [البلد: 10]، هو أصلاً وجهة النظر الإسلامية للناس أن أنت مجبول على الخير والشر الاتنين، والشر ده نزوعك الشخصي والشيطان، والخير نزوع وهبي وهبك الله عز وجل ليه والملك، كل واحد ليه لَمة للملك ومَس من الشيطان، مش بالضروره يبقى سُمع الدنيا وناس، وده ليه جانب جانب مش كده، في واحد بيبقى متربي أحسن في مكان ثري جداً مرفه جداً وبتطلع مجرم وشارب مخدرات زيه زي المنطقة العشوائية، بيبقى طالع مشوه نفسياً وعنده اكتئاب وبينتحر في البيئة المعاكسة تماماً، هي مالهاش دعوة بمدى الرفاه، هي مدى أن الشر والخير مش مرتبط بمستوى مادي معين.
عشان كده دايماً احنا بنلاقي واحد هو هو نفس مش مكمل تعليمه، عنده تأخر تعليمي، مضطرب نفسياً، وبيشرب مخدرات، وعنده شذوذ في مساحات كبيرة جداً من سلوكه الإنساني والنفسي في أعلى طبقة في مصر وفي أوطى طبقة في مصر من ناحية المادية، قولي آه.
لا التربية السيئة هي تربية سيئة بغض النظر عن أن هو بياكل وبيشرب، ما هو ده، هو صلب المسألة، التربية الإنسان هَبَّ أن أن الله عز وجل يخلق الإنسان في جزء وهبي وفي جزء كسبي، الوهبي اللي أنت ربنا جبلك عليه، يعني في واحد بيبقى ربنا خالقه هادي، خالقه هادي، في واحد خالقه غضوب، خلاص؟
إيه بقى دورنا؟ النبي صلى الله عليه وسلم قال: «إنما العلم بالتعلم والحلم بالتحلم، ومن يتحر الخير يعطى، ومن يتق الشر يوقه». سيدنا زيد الخيل لما أسلم فالنبي قال له: «بل أنت زيد الخير، فإن فيك خصلتين يحبهما الله ورسوله»، إن في خصلتين يحبهما الله ورسوله؛ الحلم والأناة. فقال: قديمتين فيّ يا رسول الله؟ فقال: «بل قديمة». فقال: الحمد لله الذي جبلني على ما يحب ويرضى. فهو ربنا خالقه حليم، وفي واحد ربنا خالقه بخيل، فحد يقول لك إيه يا ربنا خليني بخيل؟ لا، إنما العلم بالتعلم والحلم بالتحلم.
يعني إيه؟ عشان كده رسالة الرسل أن هو أنت بيقول لك أن أنت عندك الاتنين، وازاي تجاهد نفسك وهتاخد الثواب، يعني كل الناس، كل الناس بحكم الشهوة المركبة فيها عنده ميول للزنا أن هو يزنى، ده مركب فيه، دي شهوة، خلاص لو زنى يأثم، ولو تزوج يثاب، ولو لم يستطع الزواج وكف الشهوة ولم يدخل بها في المحرم أُثيب، فهو مركب فيه بس يفعل ولا يفعل، لو فعله يأثم أو أدخل به النار، وهكذا وهكذا.
تمام؟ زي القوى الغضبية؛ الغضب والأذى، ده موجود في بني آدم موجود، هذا مخلوق به، خلاص ممكن التربية تهذبه فلا يضرب إلا لله ولا يعني يؤذي إلا ل يعني في الدفاع عن النفس أو لجلب حق أو دفع مظلمة أو في جهاد أو كذا، وممكن التربية تخلي يسلط ده على الناس، فممكن يسلطه على نفسه يؤذي نفسه، وهكذا.
سبحانك اللهم وبحمدك، أشهد أن لا إله إلا أنت، أستغفرك وأتوب إليك. يتبقى لنا الجزء المتعلق باللغة العربية والعلوم الشرعية، خريطة العلوم اللغة في كل العلوم الشرعية فين محلها وأهميتها، والجزء المتعلق باللغة الإنجليزية زي طريقة التدرج اللي احنا قلناها في اللغة العربية هنعملها في الإنجليزي، المره اللي هي المره اللي مش عارفين نجمعها دي الهاردوير مع الوصلة مع مع مع التاب برضه على المجموعة ممكن نرفع لكم روابط لكل الطرق اللي احنا قلناها سواء الذهبية سواء نور البيان سواء البغدادية سواء.
﴿هُوَ الَّذِي بَعَثَ فِي الْأُمِّيِّينَ رَسُولًا مِّنْهُمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِن كَانُوا من قَبْلُ لَفِي ضَلَالٍ مُّبِينٍ﴾ [الجُمُعَة: 2].