4- الصلاة | اهدنا | تدبر سورة الفاتحة

قبل ما انسى، الجمعة الجاية إن شاء الله ما فيش، وبرضه تابعوا احتياطي يعني تابعونا، بس الأصل إنه ما فيش يعني إن شاء الله لو في أي جديد بقى هتعرفوه ماشي.

من أسماء الفاتحة الصلاة، والأصل في تسمية الفاتحة الصلاة؛ قول الله عز وجل في الحديث القدسي: «قسمت الصلاة بيني وبين عبدي نصفين، نصفها لي ونصفها له ولعبدي ما سأل. فإذا قال العبد: ﴿ٱلۡحَمۡدُ لِلَّهِ رَبِّ ٱلۡعَٰلَمِينَ﴾ [الفاتحة: 2]، قال الله: حمدني عبدي. فإذا قال: ﴿ٱلرَّحۡمَٰنِ ٱلرَّحِيمِ﴾ [الفاتحة: 3]، قال الله: أثنى علي عبدي. فإذا قال: ﴿مَٰلِكِ يَوۡمِ ٱلدِّينِ﴾ [الفاتحة: 4]، قال مجدني عبدي» وفي رواية «فوض إلي عبدي». «فإذا قال: ﴿إِيَّاكَ نَعۡبُدُ وَإِيَّاكَ نَسۡتَعِينُ﴾ [الفاتحة: 5]، قال: هذه بيني وبين عبدي ولعبدي ما سأل. فإذا قال: ﴿ٱهۡدِنَا ٱلصِّرَٰطَ ٱلۡمُسۡتَقِيمَ * صِرَٰطَ ٱلَّذِينَ أَنۡعَمۡتَ عَلَيۡهِمۡ غَيۡرِ ٱلۡمَضۡضُوبِ عَلَيۡهِمۡ وَلَا ٱلضَّالِّينَ﴾ [الفاتحة: 6-7]، قال الله: هؤلاء لعبدي ولعبدي ما سأل».

هذا الحديث هو الأصل في تسمية سورة الفاتحة الصلاة. وعاوزين نتأمل شوية الحديث ده، أولا أن هذا الحديث حديث قدسي مش كده؟ والحديث القدسي الذي يرويه النبي صلى الله عليه وسلم عن ربه سبحانه وتعالى وليس قرآنا طبعا ده مش قرآن، فده اسمه حديث قدسي، وهو أشرف من الحديث النبوي لأنه ينقل عن الله عز وجل سبحانه وتعالى. وأول الأمر أني أنا ما أعرفش في اطلاعي وبحثي أن في سورة من سور القرآن أخرى جاء في فضلها حديث قدسي، ودي مسألة بحث يعني أنا لا أجزم ولا أقطع بذلك، لكن في بحثي وعلمي أنا ما فيش سورة أخرى في القرآن جاء في -طبعا في فضائل سور كثيرة بأحاديث كثيرة- لكن كلها أحاديث نبوية، أما سورة يكون في فضلها حديث قدسي أنا ما أعرفش في حد اطلاعي وبحثي، ولكنها زي ما قلنا مسألة بحث بقى يعني إيه تنظر، فإن كان الأمر كذلك فهذا أيضا تنويه بشرف سورة الفاتحة التي هي أعظم القرآن، وده بقى فيها نصوص ما عندناش إشكال في ده أن تكون السورة الوحيدة التي جاء في فضلها حديث قدسي. هذه أول المسائل.

المسألة الثانية أن الله عز وجل قال في هذا الحديث: قسمت الصلاة. قسمت إيه؟ وجه القسم هنا؟ أولا لو تأملنا هنلاقي أن سورة الفاتحة سبع آيات، فنص السبعة ثلاثة ونص مش كده؟ لو تأملنا هنلاقي أن فعلا في ثلاث آيات ونص لله، وثلاث آيات ونص للعبد. إذا قال: ﴿ٱلۡحَمۡدُ لِلَّهِ رَبِّ ٱلۡعَٰلَمِينَ﴾ [الفاتحة: 2] قال: حمدني عبدي، لمين؟ لله. إذا قال: ﴿ٱلرَّحۡمَٰنِ ٱلرَّحِيمِ﴾ [الفاتحة: 3] لله، إذا قال: ﴿مَٰلِكِ يَوۡمِ ٱلدِّينِ﴾ [الفاتحة: 4] لله، إذا قال: ﴿إِيَّاكَ نَعۡبُدُ﴾ لله، ﴿وَإِيَّاكَ نَسۡتَعِينُ﴾ للعبد مش كده؟ يبقى الآية الرابعة ﴿إِيَّاكَ نَعۡبُدُ وَإِيَّاكَ نَسۡتَعِينُ﴾، ﴿إِيَّاكَ نَعۡبُدُ﴾ هذه لله سبحانه وتعالى العبادة له، و﴿وَإِيَّاكَ نَسۡتَعِينُ﴾ هذه للعبد يعان، وبعدين ﴿ٱهۡدِنَا﴾ إلى آخر الآيات للعبد. فهتلاقوا ثلاث آيات ونص لله، وثلاث آيات ونص للعبد، ولذلك في الآية بتاعة ﴿إِيَّاكَ نَعۡبُدُ وَإِيَّاكَ نَسۡتَعِينُ﴾ الله عز وجل ماذا يقول؟ هذه بيني وبين عبدي، يعني حمدني عبدي، أثنى علي عبدي، مجدني عبدي أو فوض إلي عبدي، وبعدين في الآية الرابعة هذه بيني وبين عبدي لأن هي مقسومة بين الرب سبحانه وتعالى وبين العبد، ﴿إِيَّاكَ نَعۡبُدُ﴾ لله و﴿وَإِيَّاكَ نَسۡتَعِينُ﴾ للعبد فقال: هذه بيني وبين عبدي، ثم ﴿هؤلاء لعبدي﴾ عبدي اللي هو الدعاء ﴿ٱهۡدِنَا﴾ إلى آخر الآيات.

ده أول معنى. المعنى الثاني في القسم؛ أن القسم هنا هو قسم معنى وليس قسم لفظ، يعني إيه قسم معنى؟ قالوا إن سورة الفاتحة نصفها ثناء ونصفها دعاء، فلذلك كانت نصفين بين الله وبين العبد؛ لأن الثناء لله، والدعاء لحاجة العبد. فـ﴿ٱلۡحَمۡدُ لِلَّهِ رَبِّ ٱلۡعَٰلَمِينَ ٱلرَّحۡمَٰنِ ٱلرَّحِيمِ مَٰلِكِ يَوۡمِ ٱلدِّينِ إِيَّاكَ نَعۡبُدُ﴾ كل ده لله عز وجل ثناء لله أو ما في معنى الثناء، ومن أول ﴿وَإِيَّاكَ نَسۡتَعِينُ ٱهۡدِنَا ٱلصِّرَٰطَ ٱلۡمُسۡتَقِيمَ﴾ إلى آخره فكل ده دعاء أو ما في معنى الدعاء، فكانت نصفين بين الله وبين العبد وهذا على الإجمال يعني قلنا إن القسم نصفين ده ممكن يكون على المعنى إجمالا كده اللي هو إيه؟ نصف ثناء ونصف إيه؟ دعاء مفهومة؟ أو يكون على المعنى تفصيلا كمان، دي حاجه عجيبة جدا.

إيه على المعنى تفصيلا؟ قالوا إن احنا لو بصينا في الفاتحة لو بقى فصلنا شويه (ده معنى الإجمال والإيه أن احنا نفصل بقى هذا المجمل أو نبينه يعني نوضحه) هنلاقي حاجة عجيبة جدا؛ أن لله عز وجل في السورة أربعة معانٍ وللعبد أربعة معانٍ، اللي هم إيه عز وجل؟ حمد وثناء وتمجيد وعبادة، صح؟ وللعبد: إعانة، وهداية، وحجب عن الضلال، وحجب عن الغضب. دول أربع معاني للعبد والأولين أربع معاني لله، طبعا إعانة اللي هو ﴿وَإِيَّاكَ نَسۡتَعِينُ﴾، هداية ﴿ٱهۡدِنَا ٱلصِّرَٰطَ ٱلۡمُسۡتَقِيمَ﴾، حجب عن الضلال والغضب ﴿غَيۡرِ ٱلۡمَضۡضُوبِ عَلَيۡهِمۡ وَلَا ٱلضَّالِّينَ﴾ [الفاتحة: 7]. فقالوا: يبقى على التفصيل كمان هي قسم بين الله وبين العبد قسمين أو نصفين؛ أربع معاني لله وأربع معاني للعبد.

قسمت الصلاة بيني وبين عبدي. الصلاة هنا في الحديث القدسي أتى بهذا اللفظ: قسمت الصلاة. والعلماء قالوا إن الصلاة هنا بمعنى الفاتحة، هي الفاتحة بدليل إذا قلت كذا قلت كذا إلى الآخر، هي طلعت الآية في الآخر الفاتحة. فيبقى الصلاة هنا المقصود بها الفاتحة. طب ليه اتسمت صلاة؟ ليه اتسمت صلاة؟ أولا قالوا اتسمت صلاة لأنها تجب في الصلاة فهي ركن من أركان الصلاة، فسميت الصلاة بجزء بجزئها أو بركنها، زي كده الحج: الحج عرفة، هو الحج عرفة بس ولا في حاجات ثانية؟ في حاجات ثانية، لكن سمي الحج بايه؟ بركنه الأعظم الذي هو عرفة، فعشان كده ربنا قال: قسمت الصلاة، فسمى الفاتحة صلاة.

والقراءة تسمى صلاة، قال الله عز وجل: ﴿وَلَا تَجۡهَرۡ بِصَلَاتِكَ وَلَا تُخَافِتۡ بِهَا﴾ [الإسراء: 110]، مما قيل في تأويل هذه الآية: ولا تجهر بصلاتك أي بقراءتك، فسمى الله عز وجل القراءة صلاة. زي العكس كده، سمى الله عز وجل الصلاة قراءة، فين؟ ﴿وَقُرۡءَانَ ٱلَفَجۡرِ﴾ [الإسراء: 78]. القرآن الأول يا جماعه عشان نفهم كلمة قرآن دي؛ قرآن مش هو في أصل الوضع يعني في اللغة، القرآن ده مصدر زيه زي كلمة قراءة كده، يعني تقول إيه: قرأت الكتاب قراءة صح، وقرأت الكتاب قرآنا، قرآن دي مصدر في أصل الوضع في اللغة، قرآن مصدر زيه زي كلمة قراءة كده ماشي؟ فقال الله عز وجل: ﴿وَقُرۡءَانَ ٱلْفَجۡرِ إِنَّ قُرۡءَانَ ٱلْفَجۡرِ كَانَ مَشۡهُودًا﴾ [الإسراء: 78]، قيل: أي وصلاة الفجر إن صلاة الفجر كانت مشهودة، فسمى الله عز وجل الصلاة قرآنا أي قراءة، وسمى القراءة صلاة في الآية الأولى.

يبقى ده أول حاجه، يبقى قسمت الصلاة اللي هي بعد كده هنكتشف أن الصلاة هي الفاتحة؛ لأن هي ركن من الأركان العظيمة في الصلاة. ولما كانت الفاتحة أعظم القرآن، وكان القرآن أشرف الكلام -فهي اعظم الأشرف مش كده؟ الفاتحة أعظم القرآن خلصناها وقلنا فيها أحاديث، والقرآن اشرف الكلام على الاطلاق لانه كلام من كلام الله سبحانه وتعالى ففضل القرآن على سائر الكلام كفضل الخالق على المخلوق مفهومة دي؟- فالفاتحة أعظم الأشرف، ولذلك اختصت بأشرف الهيئات؛ أشرف هيئات الإنسان، القيام ولا القعود ولا الركوع ولا السجد من حيث الهيئة؟ القيام دي أشرف الهيئات من حيث الهيئة، ممكن معنى آخر يخلي الهيئة دي أشرف في هذا الموطن يعني لو قلنا إن السجود فيه معنى الذل بين يدي الله والخضوع لله فهو أشرف أشرف من هذه الحيثية، إنما لو جردنا الهيئات من أي حاجة وقلنا واحد واقف مش في عبادة واحد واقف وواحد راكع وواحد ساجد مش في عبادة مش بيعبد؛ أي هذه الهيئات أشرف للانسان بلا شك القيام.

ودليل كون هذه الهيئة هي الأشرف؛ أن الله عز وجل جعل هذه الهيئة هي الأصل في الإنسان، فاهمين؟ ما هو ربنا كرم الإنسان ﴿وَلَقَدْ كَرَّمْنَا بَنِي آدَمَ﴾ [الإسراء: 70] فمن كمال تكريمه لك أنه جعل هيئتك الدائمة أو هيئتك الإيه الأساسية يعني هي هيئة القيام، والركوع ده طارئ، والسجود طارئ، يعني أنت في الحياة العادية مش متخيل تشوف واحد راكع ولا ساجد، ولو شفته هيبقى إيه يعني كده لقطة كده بيوطي يجيب حاجة مثلا فركع أو نزل بيشوف حاجة تحت الكنبة فسجد، دي حاجة كده طارئة، إنما الهيئة المستمره للإنسان القيام لأنها أشرف وأكمل مفهومة دي؟ فناسب أن تكون الفاتحة التي هي أشرف الكلام مختصة بالقيام الذي هو أشرف الهيئات من حيث الهيئة.

حاجة ثانية برضه نلحظها في كون الفاتحة سميت بالصلاة؛ علاقة الفاتحة بالصلاة يا جماعة علاقة عجيبة جدا، فهتلاقوا مثلا مثلا أن الصلاة تفتح بالتحميد والتمجيد، دي أول حاجة بتقولها، طبعا موضوع الاستفتاح سنة عاوز تقوله قوله مش عاوز تقوله قوله برضه السنة تتقال، إنما أول حاجة تقول على تقوله على الركنية أو على الوجوب أو على الوجوب الفاتحة فكانك بعد الله أكبر أول كلمة هتقولها: الحمد لله رب العالمين تحميد وثناء وتمجيد الرحمن الرحيم مالك يوم الدين صح كده، واخر حاجة هتقولها قبل السلام انك حميد مجيد مش كده؟ دي آخر حاجة في التشهد: أنك حميد مجيد، فكأنك افتتحت الصلاة بتحميد وتمجيد واختتمت الصلاة بتحميد وتمجيد، وهذا يوقفنا على شرف التحميد والتمجيد، وده مش النهارده احنا لسه احنا احنا على فكرة احنا دي المره الرابعة احنا ما شرحناش فاتحة احنا عمالين إيه يعني بنطوف حول الفاتحة ما لسه ما دخلناش في الفاتحة ولا اتكلمنا في إيه الحمد وإيه الفرق بين الحمد والثناء والمدح ما تكلمتش ده خالص، وليه ملك يوم الدين تمجيد وإيه الفرق بين الملك والملك؟ ده بقى كله لسه هيجي إن شاء الله وراكموا حاجة، فيعني احنا بس بنحاول نطوف حوالين الفاتحة لسه.

ثم هتلاقوا المعنى الأساسي أو المعنى الذي تفتتح به الفاتحة هو الحمد، حمد الله عز وجل، وهتلاقوا هذا المعنى متكرر أيضا في الصلاة، مش كده؟ سمع الله لمن حمده ربنا ولك الحمد، فهتلاقوا أن الحمد موجود في الصلاة ماشي؟ طيب، فده علاقة الفاتحة بالصلاة ولذلك قال الله عز وجل: قسمت الصلاة بيني وبين عبدي نصفين ولعبدي ما سأل، فقالوا إن الصلاة هنا الفاتحة، وليه اتسمت فاتحة؟ قالوا لأنها ركن الصلاة فسميت بها.

والله أعلم، والله أعلم، والله أعلم، يظهر لي معنى آخر وبحثت عنه لأجد من قاله ولم أجد، فإن كان صوابا فمن الله وإن كان خطأ فمني ومن الشيطان والله ورسوله منه برءان، وبرضه بحث تدوروا عليه وتبوا تكتبوا بقى في التعليقات ولا اكتبوا لي في أي حته لو حد لقي اللي انا هقوله ده؛ قد يكون: قسمت الصلاة بيني وبين عبدي نصفين التي هي الفاتحة، أن الصلاة هنا المقصود بها الدعاء والصلاة أي أصلا تاتي في اللغة بمعنى الدعاء، ﴿وَصَلِّ عَلَيْهِمْ﴾ [التوبة: 103] قيل أي ادع لهم ماشي؟ فالصلاة تاتي بمعنى الدعاء، وجاءت في أحاديث النبي عليه الصلاة والسلام بمعنى الدعاء، يعني قالها النبي صلى الله عليه وسلم، راى رجلا يصلي ولم يمجد الله عز وجل فقال: عجل هذا، فقالوا: يصلي أي يدعو. مهم قوي الحديث ده ركزوا معايا فيه عشان ده الأصل الذي يعني اعتمدت في هذا المذهب: النبي عليه الصلاة والسلام راى رجلا يصلي ولم يمجد الله عز وجل ولم يصلي على النبي عليه الصلاة والسلام فقال: عجل هذا، ثم أخبره أنه إذا أراد أن يدعو أن يبدأ بتحميد الله عز وجل والثناء عليه ثم بالصلاة على النبي عليه الصلاة والسلام ثم يدعو بما شاء. وراى آخر يدعو وقد مجد الله عز وجل وصلى على النبي عليه الصلاة والسلام فقال له النبي عليه الصلاة والسلام: أيها المصلي اهو أيها المصلي ادعو تجب وسل تعطى. فالصلاة تاتي في اللغة بمعنى الدعاء.

فهنا قسمت الصلاة بيني وبين عبدي نصفين. الأول قبل ما نروح لدي؛ العلماء اللي ذهبوا المذهب الأول أن الصلاة المقصود بها هنا الصلاة التي هي الصلاة ذات الأركان وهي ليه أطلقت على الفاتحة عشان هي ركنها؟ في قصة الحديث ده ليه قصة: أن أبو هريرة رضي الله عنه ذكر حديث النبي عليه الصلاة والسلام لرجل: أيما رجل لم يقرا بفاتحه الكتاب فهي خداج، أيما رجل صلى ولم يقرا بفاتحة الكتاب فهي خداج يعني الصلاة خداج ناقصة. فقال له هذا الرجل: أكون خلف الإمام؟ فقال: يا ابن الفارسي اقرأ بها في سرك. ثم ذكر أبو هريرة هذا الحديث: اقرأ بها في سرك فقد سمعت رسول الله صلى الله عليه وسلم يقول: قال الله تعالى: قسمت الصلاة بيني وبين عبدي نصفين إلى آخر الحديث. فهذا استدلال أبي هريرة في هذا الموقف، لكن هذا لا يمنع أن يكون صلاة هنا بمعنى الدعاء.

طيب لماذا نذهب هذا المذهب يا جماعة؟ ليه بنقول كده قسمت الصلاة بيني وبين عبدي نصفين؟ لأننا لو تأملنا لو تأملنا الفاتحة سنكتشف حاجة عجيبة جدا؛ أن الفاتحة أولا قبل بقى الحاجة العجيبة يعني، أولا أن الفاتحة هي في الأصل دعاء، يعني أنتم عارفين الدعاء قالوا نوعين: دعاء الثناء، أو بعضهم يسميه دعاء العبادة، أو خلونا في الدعاء، الدعاء الذي هو الكلام، يعني قالوا دعاء ثناء ودعاء مسألة وطلب، يعني أنت تقول إيه: اللهم لك الحمد فانت كذا، ولك الحمد فانت كذا، ولك الحمد فانت كذا. ده ورافع إيديك وبتدعي.

يعني لو حد شاف يقول ده بيدعي، مش كده؟ طيب. انت وانت بتدعي طلبت حاجة دلوقتي؟ انت ما طلبتش أي حاجة، مش كده؟ طب ده اسمه دعاء؟ اه اسمه دعاء. طب إزاي دعاء وانت مش بتطلب حاجة؟ قالوا: ما هو ده اسمه دعاء الثناء.

دعاء الثناء انك قاعد تذكر ربنا كده، ده دعاء ثناء على الله عز وجل، فهمتوا دي؟ طب النوع الثاني بقى: اللهم اهدني، اللهم أطعمني، اللهم اسقني، اللهم زوجني، اللهم كذا، ده بيسموه دعاء مسألة. فهمتوا الحته دي؟ إيه الدعاء أو أشرف الأول؟ دعاء الثناء ده ذكر الله عز وجل، هو أشرف الدعائين، فاشرف الدعائين دعاء الذكر والثناء.

وجاء في رواية ضعيفة: «من شغلتني ذكري عن مسألتي أعطيته أفضل ما أُعطي السائلين». يعني واحد جه قاعد إما أسأل ربنا كده، محتاج أتجوز ولا محتاج وظيفة، فابتدى الدعاء، فابتدى يذكر ربنا ويثني عليه، ثم نسي إيه؟ نسي مسألته خالص وانشغل بذكر الله والتلذذ بمعيته وجميل صفاته وكذا وكذا، فنسي مسألته، ده اللفظ: من شغله فاما ده عاش بالحاجة اللي هو عايزها. لا، هو انت ربنا محتاج انك تدعيه يعني؟ ما كانش ما حاشاه ما يعرفش يعني انت عاوز إوايه، والقاعدة دي كانت ليه يعرف، مش كده؟

يعني واحد - وده هيجي كمان شوية إن شاء الله - واحد ده لا داخل باشا مصر منور الدنيا والله، وهو حالته رثّة كده ولا مثلا سايس ولا تقوم انت تقول لي بنورك وتدخل، ولا المفروض انك فهمت هو عاوز إيه، مش كده؟ حتى لو قلت له كده فانت مش عاوز تدي له، بس انت فهمت لأنك لا أنت باشا مصر ولا منور الدنيا ولا حاجة، يعني هو فهو عمل إيه دلوقتي؟ هو ما طلبش، ما قالكش هات كذا، ما عملش كده، هو عمل إيه؟ أثنى عليك خيراً. فهمتوا دي؟ فلما أثنى عليك خيراً خلاص، أنت فهمت أن هذا الثناء معناه طلب، أنه محتاج حاجة. فهمتوا بقى فكرة دعاء الثناء ودعاء المسألة دي؟ طيب.

فالفاتحة، لو نظرت للفاتحة، هتلاقي نصها زي ما قلنا ثناء، ونصها مسألة، يعني الفاتحة كلها تدور في فلك الدعاء. قسمت الصلاة - صحصحوا كده - قسمت الصلاة بيني وبين عبدي نصفين، قسمت الدعاء بيني وبين عبدي نصفين فنصفه ثناء ونصفه مسألة ولعبدي ما سأل.

فقد يكون هذا هو المعنى والله أعلم: أني قسمت الصلاة أي قسمت الدعاء بيني وبين عبدي نصفين، وأعظم الدعاء وأشرف الدعاء هو دعاء الفاتحة. فإذا قال العبد كذا قلت كذا، وإذا قال كذا قلت كذا، إلى آخر الحديث. الحاجة بقى العجيبة يا جماعة، الحاجة العجيبة أن لو قلنا قسمت الصلاة أي قسمت الدعاء بيني وبين عبدي نصفين إلى آخر الحديث، هنلاقي أن الفاتحة ترشدنا إلى جُل آداب الدعاء التي إن تحقق بها العبد أجيب بفضل الله عز وجل.

معظم آداب الدعاء اللي هتقروها في كتب بقى آداب الدعاء ولا فقه الدعاء ولا مش عارف إيه، موجودة في الفاتحة. يلا ناخد أمثلة: من آداب الدعاء ومن أسباب إجابة الدعاء الإلحاح في الدعاء، عارفين دي ولا لا؟ الإلحاح في الدعاء، والله عز وجل يحب ذلك. اه، هو البني آدم يحب ده؟ واحد بيزن عليك تحب ده؟ ما تحبش. طب ربنا بيحب ده؟ طب ليه البني آدم ما يحبش ده؟ لأن البني آدم موارده محدودة، مش كده؟ وكرمه مهما كان كريم برضو محدود. فكل بقى شوية تزن عليا وتاخد مني مواردي، هتخلص.

فإذا كانت الموارد لامحدودة والكرم لامحدود، فما تحبش ده ليه؟ وأنت مجبول - احنا بنتكلم في حق العبد يعني - وأنت مجبول على الكرم ومجبول على السخاء والعطاء، ما تحبش ليه؟ يبقى الله يغضب إن تركت سؤاله، وبني آدم حين يُسأل يغضب. فربنا يحب الإلحاح في الدعاء من أجل لذلك شرع الفاتحة لك مرة أو اثنين؟ سبع عشرة مرة وجوباً.

أول أدب اهو في الدعاء: انك تلح. فتلاقي نفسك عمال تلح على ربنا: يا رب اهدنا، يا رب اهدنا، يا رب اهدنا، يا رب اهدنا، يا رب اهدنا، سبع عشرة مرة في اليوم والليلة وجوباً، وعدد لا حصر له على سبيل الندب طول اليوم والليل: اهدنا اهدنا اهدنا اهدنا اهدنا، إلحاح في الدعاء.

فهذا أول الآداب موجود في الفاتحة. طبعا أُشمعنى أهدنا ده؟ مرة ثانية بقى يعني احنا هنفاجأ أن إيه هنقولها بقى ساعتها يعني في مفاجأة تانية أن كل الفاتحة دي هي دعاء واحد: أهدنا. وسابق ولاحق إنما هي كلها تدور على كلمة أهدنا. ليه ده بقى؟ مرة ثانية إن شاء الله.

يبقى أول حاجة: الإلحاح في الدعاء خدناه من الفاتحة، دي من آداب الدعاء. ثاني حاجة: قالوا من آداب الدعاء ومما يجعل الدعاء أقرب للإجابة أن تتوسل إلى الله عز وجل في دعائك. وكلنا شطار عارفين قالوا الحاجات اللي نتوسل بها كم حاجة؟ إيه؟ ثلاثة. طب قولوا أول حاجه: الأسماء ماشي الأسماء والصفات، إيه تاني؟ الأعمال الصالحة، إيه تاني؟ دعاء الصالحين، دول الثلاث حاجات اللي انتم عارفينهم. ماشي، الثلاثة دول تعالوا كده نكتشف بقى الفاتحة.

أنت اتفقنا أن الفاتحة تدور حول إيه؟ أهدنا، صح؟ قبل أهدنا هتلاقي الحمد لله رب العالمين الرحمن الرحيم مالك يوم الدين، دي إيه؟ أسماء وصفات. كأنك تتوسل بأسمائه وصفاته قبل ما تدعي لسه ما دعتش، مش كده؟ وبعدين قلتوا إيه تاني؟ العمل الصالح أول ما تخلص ده تلاقي: إياك نعبد، احنا لسه ما دعيناش يا رب أنا بعبدك يا رب. فكأنك تتوسله بعملك الصالح: وإياك نعبد وإياك نستعين أهدنا الصراط المستقيم.

كده الفاتحة كده الفاتحة جت: إياك.. مش هي الحمد لله أنت بتدكلم اهو صح الرحمن الرحيم مالك يوم الدين إياك نعبد وإياك نستعين أهدنا الصراط المستقيم؟ جت كده الفاتحة ولا جت إزاي؟ أهدنا الصراط المستقيم، ليه بصيغة الجمع؟ لأنك تدعو لنفسك ولغيرك، وغيرك يدعو لنفسه ولك، فكان في هذا توسل بدعاء الصالحين. المُجمل هنا - ركزوا يا شباب - المُجمل هنا مُبين في التشهد: السلام علينا وعلى عباد الله. كأنك لو مش واخد بالك أنك في الفاتحة بتدعي لنفسك ولغيرك، وغيرك بيدعي لنفسه وليك، فدينا بينّاه لك اهو في التشهد أنك بتدعي لنفسك ولغيرك.

فكان الفاتحة فيها ثلاث أنواع من التوسل: توسل بالأسماء والصفات، توسل بالعمل الصالح، توسل بدعاء الصالحين. فين دعاء الصالحين؟ أهدنا مش أهدني، فانت بتدعي لنفسك ولغيرك، وغيرك من الصالحين هيبقى بيدعي لنفسه وليك، فكانك تتوسل إلى الله بدعاء غيرك لك، وهو يتوسل إلى الله بدعائك له. فهمتوا دي؟ وهذا من آداب الدعاء التوسل.

إيه تاني من آداب الدعاء؟ ما تقولوا اللي احنا لسه قايلينها في الأول بقى خالص ماشي أنت قلت إيه؟ الافتقار. فتح الله لك! قالوا ابن القيم قال: أوسع باب تدخل منه على الله باب الإفلاس المحض، اللي هو يا رب أنا ما أنا أنا مش حاجة، ودي احنا اتكلمنا فيها قبل كده في دروس كتير.

اللي هو زي إيه؟ زي في دعاء ليلة القدر: ماذا أدعو؟ اللهم إنك عفو تحب العفو فاعف عني. أنا يا رب ما عملتش حاجة، أنا لا صمت ولا قمت ولا ختمت ولا اعتمرت ولا أي يا رب إنك عفو تحب العفو فاعف عني. فقالوا ده دخول، ده دخول مُفلس. مش يا رب.. خلي بالك هنا مش بيتوسل بعمل صالح، السيدة عائشة ما قالتش يا رب أنا صمت يا رب أنا قمت يا رب أنا ختمت، خالص، إنك عفو تحب العفو فاعف عني.

ومنها الذكر الذي علمه النبي لأبي بكر رضي الله عنه في الصلاة: اللهم إني ظلمت نفسي ظلماً كثيراً كبيراً ولا يغفر الذنب إلا أنت فاغفر لي مغفرة من عندك. مش عشان أنا أبو بكر ولا عشان أنا الصديق ولا عشان أنا اللي نصرت النبي عليه الصلاة والسلام. فده دخول إيه؟ مُفلس. فقالوا دخول المفلس ده هو ده الدخول اللي يجيب معاك مع ربنا سبحانه وتعالى.

ايوه، بس ده فين في الفاتحة؟ قابلنا على طول: وإياك نستعين. يا رب، أنا ما هو معنى إياك نستعين دي إيه؟ يا رب أنا من غيرك ولا حاجة، يا رب أعني، إياك نستعين فيها تبرؤ من الحول والقوة. فمعنى إياك نستعين - ودي احنا كنا قلناها في الأول في فاتحة الفاتحة - قلنا لكم بتعالج مرض قلبي، دي مرض رؤية النفس والعجب بالعمل. لا لا تعالى أنت رايح فين؟ طاطي، انكسر، إياك نستعين.

بعد إياك نعبد - ودي هنجيلها إن شاء الله بعد كده في تفسير الفاتحة - بعد إياك نعبد، أوعى عبادتك دي تخليك تشوف نفسك، تلاقي بعديها على طول: إياك نستعين. ما عبدتك إلا بإعانتك يا رب، فبعد ما توسلت بالعبادة رحت عامل إيه؟ كأنك قد أسقطت تلك العبادة من الرؤية، أنا مش شايفها بقى خلاص، إياك نستعين أنا يا رب ولا حاجة، يا رب لا حول لي ولا قوة يا رب، فدخلت عليه دخول المُفلس، فبعدها على طول: أهدني بقى يا رب. فهذا من إجابات الدعاء.

كذلك من آداب الدعاء التي ذكروها: الإخلاص. قالوا إن.. أنا بقول اللي انتم بتقولوه بقوله يعني ماشي. كذلك من آداب الدعاء قال لك أن أنت تكون أصلاً مخلص في عبادتك. ربنا قال في القرآن: ﴿فَادْعُوا اللَّهَ مُخْلِصِينَ لَهُ الدِّينَ﴾ [غافر: 14] مش كده؟ فتلاقي قبل ما تخخش على الدعاء: إياك نعبد، ما قالش نعبدك، قال إياك نعبد، التقديم هنا يفيد إيه؟ التخصيص، ففيها الإخلاص. ماشي إيه تاني؟

قالوا من آداب الدعاء كذلك - وقلناها لكم في أول الدرس، أنا تمنيت أن حد يبتدي بيها - أن تبدا الدعاء بالتحميد والثناء والتمجيد، دي الألفاظ اللي جت في حديث النبي عليه الصلاة والسلام مع الصلاة على النبي عليه الصلاة والسلام. يبقى أصلاً النبي لما شاف واحد عليه الصلاة والسلام بيدعي ربنا وما بداش بالثلاث ألفاظ، الثلاث ألفاظ جُم في الحديث على فكرة: تمجيد وتحميد وثناء، دول الثلاث ألفاظ اللي جُم في أحاديث النبي عليه الصلاة والسلام.

فقال مع الصلاة على النبي عليه الصلاة والسلام، قال: عجل هذا! أنت إيه داخل على طول كده؟ أنت لو داخل على مِلك من ملوك الدنيا تقول له بيقول لك بس مش مستعجل معلش أنا عاوز منك كذا، ما حدش بيعمل كده. تدخل الأول، والله ده أنا مش مصدق نفسي إن واقفة ده أنت مش عارف إيه ده احنا بنسمع عنك كل خير، ده احنا الناس كلها بتدعيلك بره، ده احنا تقعد كَتير كده وبعدين تقول له إيه بس كان ليا طلب بسيط عند حضرتك. مش كده يا جماعة؟

عندي ابني الصغير أنس مثلاً رايحين يصلي بابا بحبك، روح خلاص عرفت بقى أنا نعم. هو عاوز يقول لي حاجة يعني. فهو اهو يعني حتى اهو طفل صغير لكن مجبول على كده، ما ينفعش أدخل على طول كده، لا بحبك وكلام كده حلو في الأول وبعدين إبقى أقول له هات كذا ولا اعمل كذا.

فهو ده ده المعنى، يبقى في تحميد وثناء وتمجيد جه معانا في حديث النبي عليه الصلاة والسلام نقوله بقى تاني عشان ده موطنه: سمع رسول الله صلى الله عليه وسلم رجلاً يدعو في صلاته، لم يمجد الله تعالى ولم يصلي على النبي صلى الله عليه وسلم، فقال صلى الله عليه وسلم: عجل هذا. ثم دعاه فقال له أو لغيره: إذا صلى أحدكم - وهنا العلماء قالوا صلى يعني دعا - إذا صلى أحدكم فليبدا بتمجيد ربه - وفي رواية بتحميد ربه عز وجل والثناء عليه -.

شوفوا الثلاث ألفاظ يا جماعة: تمجيد وثناء وتحميد، دول اللي هم إيه؟ حَمَّدني عبدي، أثنى يا عبدي، مجَّدني عبدي، ثم يصلي على النبي صلى الله عليه وسلم، ثم يدعو بعد بما شاء. وفي حديث آخر: راى رسول الله صلى الله عليه وسلم رجلاً آخر يصلي فمجد الله وحمده وصلى على النبي صلى الله عليه وسلم، فقال رسول الله صلى الله عليه وسلم: أيها المصلي - يعني أيها الداعي - ادع تُجب وسل تُعطَ.

هنا بقى الفاتحة بتعلمنا إيه؟ أنك قبل الدعاء تبدا بالتحميد والثناء والتمجيد، تقول الله! أمال فين الصلاة على النبي عليه الصلاة والسلام؟ نقول: الفاتحة لها خصيصة أنها خلصت لما بين العبد والرب. احنا طبعا بناخد الدين من مجمل نصوص الشرع، يعني الفاتحة هنا فيها ميزه كده مش في غيرها أن هي خَالصة بين ما بين الرب والعبد، قسمت الصلاة بيني وبين عبدي دي، فهنا ما جتش الصلاة على النبي عليه الصلاة والسلام، وبردو في حاجة هنا أخرى والله أعلى وأعلم: أن أهدنا الصراط المستقيم.

مما قيل في الصراط المستقيم من التأويلات - ودي إن شاء الله نبقى نذكرها كلها يعني وقتها - أن الصراط المستقيم هو رسول الله صلى الله عليه وسلم، وقيل هو رسول الله وصاحباه أبو بكر وعمر، دي أقوال جت في تفسير الصراط. فكان الفاتحة بدات بالتمجيد والتحميد والثناء، ثم سؤالك أن تهدى إلى رسول الله صلى الله عليه وسلم خصوصاً إذا كانت الهداية بمعنى الميل - وده هنجي له بعدين إن شاء الله يعني - أن يميل قلبك إليه صلى الله عليه وسلم، فهي برضو الإشارة إلى عظيم قدره وشرفه ومنزلته صلى الله عليه وسلم، لكن على كل حال ما فيش هنا الصلاة على النبي ما تعلّمناهوش من الفاتحة، هننتعلمه من نصوص أخرى، إنما في معنى التمجيد والتحميد والثناء على الله، لأن الصلاة الفاتحة

خالصَة بين العبد وبين الله عز وجل، فما كانش فيها الصلاة على النبي عليه الصلاة والسلام. فالمهم الأدب ده أخدناه منين أيضاً؟ من الفاتحة.

طيب وكمان عرفنا حاجة هنا في مسألة التحميد والثناء أن ربنا بيحب ده. احنا إن شاء الله في درس مخصوص في الفاتحة هنعرف ربنا من خلال الفاتحة، ساعتها هنقول لكم كلمتين هنرجع نعيدهم تاني إن شاء الله؛ وقتها هنقول لكم أن أعظم شيء في دينك انك تعرف ربنا، أعظم شيء في الدين انك تعرف ربك، صح؟ وأعظم سورة في القرآن الفاتحة، وهي مفتاح المصحف كله.

فهنقول لك طب تعال بقى نعرف ربنا من الفاتحة، تعالوا يلا بينا نعرف ربنا من الفاتحة. فأول حاجة طبعا هتتبادر للذهن وقتها -وده هنعمله إن شاء الله- أن نعرف ربنا من أسمائه وصفاته فنقول: رب العالمين، يعني ايه؟ مالك يوم الدين، يعني ايه؟ دي أول حاجة، لكن هو الفاتحة مش بتعرفك كده بس، الفاتحة بتعرفك حاجات هناخد منها حاجة دلوقتي -أنا بعيد بقول الكلام ده اللي هعيده إن شاء الله عشان كلمة واحدة- هنقول لك وقتها أنك لا، هو مش بس كده، الفاتحة بتعرفك ربنا بأسمائه وصفاته وأفعاله، وبتعرفك ربنا بما يحب وما يكره.

فهنقول لك وقتها أن ربنا مما تعرف إلينا به في الفاتحة أنه سبحانه يحب الحمد، ويحب الثناء، ويحب التمجيد، وانه سبحانه وتعالى معبود ومعين وهادي ومنعم ويضل ويغضب، ده كله في الفاتحة. ساعتها هنشرح الكلام ده.

نرجع بقى تاني، مما عرفناه عن ربنا في الفاتحة أن الله عز وجل يحب الحمد سبحانه وتعالى، وأن الله عز وجل يحب المدح سبحانه وتعالى، ويحب الثناء والتمجيد سبحانه وتعالى. طب ده في غير الفاتحة؟ جه في نصوص: قال صلى الله عليه وسلم: «إن ربك يحب الحمد، وما أحد أحب إليه الحمد من الله سبحانه وتعالى». وفي حديث آخر قال صلى الله عليه وسلم: «ليس أحد أحب إليه المدح، ليس أحد أحب إليه المدح من الله سبحانه وتعالى، من أجل ذلك مدح نفسه سبحانه وتعالى».

فالفاتحة عرفتنا ده؛ أن ربنا يحب الحمد، يحب الثناء، يحب التمجيد، وعرفتنا أن دي مفاتيح لإجابة الدعاء. وده بقى جه معانا في الحديث اللي هو عجل، هذا الأحاديث دي، ده كله عرفناه منين؟ من الفاتحة. خلي بالكم يا جماعة، احنا بنتكلم عن الفاتحة أن هي دعاء، صلاة يعني دعاء، ودي بتدينا مفاتيح ازاي نتعامل مع ربنا واحنا بندعي.

ولذلك قالوا يا جماعة في الحته بتاعة دعاء الثناء دي، قالوا أن العبد بين يدي الدعاء في أحوال ممكن يعملها العبد: أول حاجة أنه يثني على الله بس كده، ما يجيبش سيرة نفسه في حصة بس يثني على ربنا سبحانه وتعالى. زي ايه؟ زي ما قلنا لكم اللي هو مثال الفاتحة: الحمد لله رب العالمين الرحمن الرحيم مالك يوم الدين، ده ثناء على الله عز وجل. وممكن في الآخر يشغلك هذا عن انك تذكر حاجتك، وقال الشاعر: أأذكر حاجتي أم قد كفاني؟ حيائك إن شيمتك الحياء إذا أثنى عليك المرء يوماً كفاه من تعرضه الثناء

يعني ايه واحد بيكلم ملك بيقول له ايه: أأذكر حاجتي أم قد كفاني حيائك إن شيمتك الحياء إذا أثنى عليك المرء يوماً كفاه من تعرضه الثناء؟ فاكرين صاحبنا بتاع "باشا مصر ومنور الدنيا والله"، هو ما قالش هات حاجة، بس لو واحد معروف بالكرم ومعروف بالحياء ومعروف بالسخاء، وأول ما حد بس يثني عليه، خذ!

ممكن حالة تانية: انك تثني عليه وتذكره حال نفسك، ضعفك واحتياجك وكده. زي مين؟ زي يونس، قال إيه: ﴿لَّا إِلَٰهَ إِلَّا أَنتَ سُبْحَانَكَ﴾ [الأنبياء: 87]، ربنا أهو ثناء، ﴿إِنِّي كُنتُ مِنَ الظَّالِمِينَ﴾ [الأنبياء: 87]. خلي بالكم هنا يونس في هذا، سأل حاجة؟ ما سألش حاجة، فنجيناه من الغم. هو فين السؤال يا جماعة؟ مافيش سؤال! ﴿لَّا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ﴾ [الأنبياء: 87] فنجيناه. هنا يونس عمل الحاجتين: أثنى وذكر حال نفسه وفاقة نفسه.

ممكن واحد ما يجيبش سيرة ربنا، بس يذكر حال نفسه. زي موسى: ﴿رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ﴾ [القصص: 24] بس، ما أثناش على ربنا ولا سأل حاجة برده، بس ذكر حال نفسه، يا رب أنا فقير يا رب.

الفاتحة علمَتْك تعمل الاثنين؛ تثني على الله: ﴿الْحَمْدُ لِلَّهِ رَبِّ الْعَالَمِينَ * الرَّحْمَٰنِ الرَّحِيمِ * مَالِكِ يَوْمِ الدِّينِ﴾ [الفاتحة: 2-4]، وتذكر حال نفسك: ﴿إِيَّاكَ نَعْبُدُ وَإِيَّاكَ نَسْتَعِينُ﴾ [الفاتحة: 5].

كذلك الفاتحة علمتنا أدب عجيب جداً في الدعاء، انك وانت بتتعامل مع ربنا تبقى مؤدب، تبقى مؤدب مع ربنا سبحانه وتعالى. يعني ايه تبقى مؤدب؟ يعني مثلاً يا جماعة من الأدب أنك لا تنسب الشر لله. هو ربنا يا جماعة، في حاجة في الكون حد غير ربنا بيعملها؟ ولا أي حاجة في الكون ربنا سبحانه وتعالى هو اللي قدرها، هو اللي قال كن فكانت. خلصانة دي ولا حد عنده مشكلة؟ ومع ذلك من الأدب، من الأدب وأنت تتكلم عما ظاهره الشر، أنك ما تنسبوش لربنا في كلامك.

زي ايه كده؟ والأدب ده هتلاقوه في القرآن، مثلاً الجن قالوا إيه: ﴿وَأَنَّا لَا نَدْرِي أَشَرٌّ أُرِيدَ بِمَن فِي الْأَرْضِ أَمْ أَرَادَ بِهِمْ رَبُّهُمْ رَشَدًا﴾ [الجن: 10]. هو لو شر أريد بمن في الأرض، من الذي أراده؟ الله، لكن هنا الجن من الأدب أنهم عملوا ايه؟ ما نسبوش الشر لربنا، ﴿أَشَرٌّ أُرِيدَ بِمَن فِي الْأَرْضِ﴾. لكن في الرشد قالوا ايه؟ ﴿أَمْ أَرَادَ بِهِمْ رَبُّهُمْ رَشَدًا﴾ فنسبوا الرشد لله عز وجل. مفهومة دي؟

ومنها دعاء إبراهيم: ﴿وَإِذَا مَرِضْتُ فَهُوَ يَشْفِينِ﴾ [الشسراء: 80] ولا "فإذا أمرضني"؟ ما قالش كده، قال: ﴿وَإِذَا مَرِضْتُ﴾. لما كان ظاهر المرض شر شيء مش محبوب للإنسان، لم ينسبه لله عز وجل، ما قالش وإذا أمرضني، قال: ﴿وَإِذَا مَرِضْتُ﴾. طب الشفاء؟ ﴿فَهُوَ يَشْفِينِ﴾ [الشعراء: 80]. فهمتوا دي؟

ده أدب وأنت بتتعامل مع ربنا أو بتتعامل عن ربنا سبحانه وتعالى، تتأادب بهذا الأدب. ده فين؟ في الفاتحة. تعالوا كده نتفاجأ: ﴿اهْدِنَا الصِّرَاطَ الْمُسْتَقِيمَ * صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ﴾ [الفاتحة: 6-7]. الفاتحة ما قالتش كده: "وغير من غضبت عليهم"، ولا "وغير من أضللتهم"، الفاتحة ما قالتش كده. صراط الذين أنعمت عليهم غير المغضوب عليهم، هو مين اللي غضب؟ الله. ولا الضالين، هو مين اللي أضل؟ الله. لكن الفاتحة علمتك ذلك الأدب أنك أنت بتتعامل مع ربنا سبحانه وتعالى، تنسب إليه الخير ولا تنسب إليه الشر، وفي الدعاء: «والشر ليس إليك».

يعني ايه الشر ليس إليك؟ عشان بس نخلص الإشكال ده تقول هو ازاي؟ طيب يعني نقول لك: لا، هو خلي بالك بقى عشان نخلص الحته دي، أن الشر ليس إليك يعني الشر المحض ليس لله عز وجل. طب هو اللي في الدنيا، مش الدنيا فيها شر؟ أه، بس مش هتلاقيه شر محض، هتلاقيه فيه جوانب خير، وخد بقى المفاجأة: أن خيره يربو على شره. يعني ربنا سبحانه وتعالى سبحانه وتعالى لا يفعل الشر المحض، ولا يفعل ما شره يربو على خيره. المشكلة فين؟ أن أنت اللي مش فاهم، ده موضوعك أنت. هو ده برضه شر فيه خير.

دي مشكلتك أنت بقى اللي مش فاهم حكمة ربنا. ودايماً يا جماعة في الحته دي عشان بس نحل بتاعة الشر دي عشان يعني ما يبقاش حد قاعد يتلخبط، نقول لك: اخرج بره أي حاجة بتحصل دلوقتي يعني، نقول لك ايه اللي في فلسطين، الأطفال اللي في غزة، مش عارف مين حصل له إيه، بتوع الأطفال اللي بيجي لها سرطان. أقول لك: يا عم استنى بس استنى، سيبك من ده كله، إبليس! إبليس نفسه، هو مين اللي خلقه ومين اللي أنظره ومين؟ ربنا. هو في شر بعد كده؟ في شر بعد؟ أمال، يعني انت تخيل الدنيا من غير إبليس كانت تبقى أفضل ولا بوجوده أفضل؟ من غيره؟ أنتم موحدين أنتم؟! أعوذ بالله! اللي قال من غيره بقى يتشاهد.

ربنا يا جماعة، ربنا اللي قدر وجوده. أعوذ بالله! احنا عاوزين نبتدي من أالف باء إسلام بقا، احنا عمالين نشرح الفاتحة ونتمعن ونتدبر. بره وأنت مغمض كده، مش ربنا اللي قدر؟ يعني لو لو رجع بينا الزمن لأول الخلق والبعيد، كان اتخلق أول واحد واتقال له: ها تختار ايه؟ نسيب إبليس ولا ما نسيبش؟ وأنت كأنك عارف بقى أن ربنا يعني قدره أنه يترك أو يعني ووكل الأمر إليك. تقول: طبعا نسيبه يا رب، حتى لو أنت مانتش عارف ليه متساب، طب ليه نسيبه؟ أصلك يا رب ده قدرك، يا رب ده اختيارك، فطالما أنت اخترت ده يا رب، فأحكم.

ما أصل أنت لازم كلامك اللي هتتشاهد دلوقتي أوه أول ما تسمع، لازم كلامك هتتشاهد على طول، أن في الكون حصل حاجة كان غيرها أحكم منها. ما هو ده لازم كلامك، مش كده؟ مش أنت بتقول كان من غيره أفضل؟ يبقى ربنا سبحانه وتعالى قدر شيئاً في الكون غيره أحكم وغيره أفضل، يبقى قدر ربنا ده بقى في قدر أحسن منه وقدر أفضل منه؟! شاهدت ولا لسه؟

طيب. فحتى وجود إبليس -اللي هو بقى ما فيش شر بعد كده- في خير برضه، طب الخير إيه؟ مش وقته، مش هنقعد نتامل بقى، ده طبعا العلماء ذكروه يعني.

ماشي، فيبقى من الأدب مع ربنا انك تنسب له الخير في الحديث عنه أو معه وما تنسبلوش الشر. ماشي. شوفوا سيدنا أيوب، في حد ابتلي بمرض أكتر من أيوب؟ يقول لك يا صبر أيوب، مش كده؟ قال ايه: ﴿أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ﴾ [الأنبياء: 83]. هو ايه مسني الضر دي؟ كان الضر هو اللي، يعني هو ربنا سبحانه وتعالى اللي ابتلاه مش كده؟ مسني الضر هنا، هنا سيدنا أيوب جمع الاثنين: ذكر حال نفسك وأثنى على ربه، ما هو قال له ﴿وَأَنتَ أَرْحَمُ الرَّاحِمِينَ﴾، لكن برضه برضه الأدب: مسني الضر يا رب.

فتعلموا ده مع ربنا: ﴿صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ﴾ [الفاتحة: 7].

اليوم أنا همشي يعني بدري فلو في أسرّة نجاوب كده 10 دقائق ونخلص. قول قولي هذا واستغفر الله العظيم كم سبحانك اللهم وبحمدك نشهد أن لا إله إلا أنت نستغفرك ونتوب إليك، نجاوب على شوية أسئلة.

عندي مشاكل مع مراتي. ايه المشكلة؟ مين ما عندوش مشاكل؟!

هو بعدين كاتب كلامه مشخبط فظاهر شاتم. بيقول: عندي مشاكل مع مراتي. اسمعوا السؤال ده مهم: من ساعة ما بدأت التدين، أفراح وخروج وكده، وأنا طريقتي وحشة بصراحة. فانا أحيي هذه الصراحة والانصاف. لا، ده مهم يا جماعة، أنا أنا أنا أصلاً كنت ههزر وبس، يعني الكلية دي مهمة لينا أن نكون منصفين في التعامل مع الخلق.

يا رسول الله كنت أنا الآيه؟ حافظين الحديث. ده ده حديث مرعب، الاثنين الكبار سيدنا سيدنا أبو بكر وسيدنا عمر حصل بينهما ما يحصل بين الناس يعني شوية حاجات كده، سيدنا النبي عرف عليه الصلاة والسلام. فيقوم يجي النبي، سيدنا النبي عليه الصلاة، طب سيدنا عمر فخم وكل حاجة، بس سيدنا أبو بكر ما حدش يجي جنبه. «هل أنتم تاركو لي صاحبي؟» طبعا بعديها أبو بكر، سيدنا أبو بكر بعد الكلمة دي ما حدش بقى يهاوب ناحيته لم يؤذى بعدها. الشاهد بقى لما ده حصل، لو أنت بقى مكان سيدنا أبو بكر، كان زمانك ايه؟ سيدنا أبو بكر جثى وبكى وقال يا رسول الله: كنت أنا الأظلم.

فمحتاجين نتعلم هذا الإنصاف في خلافاتنا وبالذات مع زوجتك. ماشي، العشرة طويلة أو هطول، لسه متجوز، فما ينفعش كل واحد يركب دماغه، فهو جزاه الله خيراً بيقول: أنا طريقتي وحشة، فأبدأ أولاً بإصلاح طريقتك دي أول حاجة، ثاني حاجة، أو أولاً بقى إصلاح بإصلاح حالك مع ربك سبحانه وتعالى.

إصلاح حالك مع ربك، ودايماً بنقول: تلك المعارك التي بين البشر حلها مش مش في حلبة الصراع بينك وبين البشر، حلها مع ربنا، قلوب العباد بين أصبعين من أصابع الرحمن. فانت عاوز قلب مراتك يتغير، انت شاغل بالك قلبها يتغير، يعني تكره الفرح بعد ما كانت بتحب الأفراح المختلطة واللي فيها أغانى واللي فيها رقص واللي فيها الحاجات دي، قلبها يكرهها؟ هيكرهها ازاي ما هو قلبها يا ابني بين إيد ربنا يا ابني! فانت شاغل نفسك بممراتك ليه؟ خليك مع ربنا، وربنا لو علم منك الصدق -يعني ايه الصدق؟ يعني ما تبقاش أنت كده ولما تخلو تروح حاطط السماعات معت مشغل الأغاني بقى والمهرجانات والبتاع، وبعدين تيجي قدام تقول: الأفراح استغفر الله، أغانى وبتاع، وده أنت كده صادق؟ أو لما تختفي على الرقصات وتتفرج على الاباحيات وتيجي قدام تقول: أفراح وفساتين، فساتين ايه يا منيل؟ ما أنت بتقعد لوحدك-.

طيب، أنت ده أنت كده صادق؟ فربنا يقوم مسلط بقى مراتك عليك أولا تنغص عليك حياتك، ثانياً تفضل في المستنقع ده ما تخرجش منه بقا. فيبقى انت تصلح خلواتك الأول مع ربنا سبحانه وتعالى، ويبقى ربنا يعلم منك الصدق ويصلح لك بممراتك ماشي، ﴿وَأَصْلَحْنَا لَهُ زَوْجَهُ﴾ [الأنبياء: 90]. ربنا اللي بيصلح.

وبعدين مراتك محل دعوة، ده دايماً نقوله: أنت بتعمل ايه مع مراتك؟ ما تجيش أنت الدرس، طب فين مراتك؟ ما تجيش أنت بتحفظ يحفظ قرآن، طب فين مراتك؟ وبعدين يقول لك يشتكي من مراء يشتكي من أولاده يشتكي، طب يا ابني ما ده كل محل دعوة، ماشي.

هل الاستعانة بالصبر والصلاة على أي شيء من الدنيا؟ زي كذا وكذا وكذا. وبحب فضيلة الشيخ أسامة عبد العظيم رحمه الله، شكرا ربنا يرحمه ويغفر له. واسترعوا بالصبر والصلاة، وحذف الله عز وجل المستعان عليه، حذف المستعان عليه فيبقى نستعين بالصبر والصلاة على أي شيء ماشي. الشيخ أسامة عبد العظيم طالما هو ذكره يعني في السؤال، كان دي مدرسته يا شيخ، عاوز أتجوز، روح صلي ألفين ركعة وتعال. يا شيخ عاوز أدخل الوظيفة، روح صلي ألفين ركعة. يا شيخ، روح صلي، طبعا ما بيرجعش بس يعني هو بيروح، فسيدنا الشيخ أسامة ده منهجه: أي حاجة يستعين بالصبر، وأما الصبر وإما الصبر الذي هو الصوم.

فيتبقي بعد كده بقى عاوزين الأسئلة تقل. أي حد عاوز يسأل حاجة: روح صلي ألف ألفين ركعة، وصوم لك ألف ألفين يوم، ماشي. طيب عاوزين سؤال صغير كده قبل ماشي.

واحد بيسال عن يعني هو متضايق أو يعني بيحاول يتداني وبيعمل حاجات وبعدين العادة بيعمل العادة. هو كاتب فوق: مهم ما تسيبش السؤال. طب السؤال ده شباب كتير مبتلين بيه، في بقى درسين: غض البصر، درس الإباحية، هتلاقوهم على اليوتيوب. وكنا عملنا رمضان ال... دول على اليوتيوب الثلاثة دول: رمضان العادة التعافي ماشي، الأدب دي رمضان تعافي مش فاكر اسمه، رمضان تعافي باين أو العفة بس ده مش هتلاقوه متصور، ده بقى هتلاقوه على التليجرام برده اسمعوا وفلسفة الصوم، اسمعوا.

أدي خمس دروس معك، اسمعهم واستعن بالله عز وجل ماشي.

هل يجوز ضرب الزوجة بسبب أخلاقها علشان زهقت جبت آخري أبوها بيقول لي ما تضربهاش أنا أجبلك حقك وأنا بفكر أتجوز عليها؟ طب أبوها يعني جاب لك حقك ولا ما نضربه هو كمان نخم؟ سيدنا النبي عليه الصلاة والسلام نهى عن ضرب الزوجة فاستأسدت النساء، فجوم الرجالة اشتكوا، فرخصه فما بقي في المدينة بيت إلا ضرب.

فالسؤال ده ما فيش جواب مباشر ليه يعني، اللي هو لأن إحنا بين... يعني دايما بسمع أنا إجابات يقول لك إيه: ما تمدش إيدك وما ينفعش تضرب وما مش عارف إيه ويعني كده، في إجابات كده وفي العكس طبعا: تضرب وتعمل. وهو مش كده، هو لازم الحالة نقعد نسمع الأحوال. إنما على كل حال إذا وصلنا لمرحلة الضرب وهذا مذكور في القرآن، فما ينفعش نقول ما ينفعش تضرب يعني مستني إجابة زي كده، أو اللي مستني أن أقول ما ينفعش أضرب عشان يروح رايح مقطعها وعامل: هذا كلام ربي ماشي!

فلا، فايه الأزواج نفسهم اللي هو إيه: فعظوهن واهجروهن والتي تخافون نشوزهن واضربوهن. فالضرب موجود؟ أه موجود، لكن الضرب أمتى وإزاي؟ هو ده الكلام بقى، إنما إنما يبقى الإجابة مطلقا لا ما ينفعش تضرب، ده مين اللي قال كده؟ طب لو واحد تعدى حتى في الضرب اللي هو زي ده، فتعدى فيه هل يبقى إنسان سيء؟ ويبقى برده لا مش شرط، يعني مش شرط.

سدنا الزبير كان شديد جدا، سيدنا الزبير كان مين يا جماعة مراته الأول؟ أسماء. أسماء دي تبقى بنت مين؟ الزبير كان شديد جدا، يعني كان شديد يعني مش عاوز بقى أقول عشان إيه ما... بس كان شديد، المهم وكانت أسماء رضي الله عنها تروح لأبوها اللي هو أبو بكر تشتكي له الضرب شديد يعني يعني شديد، تروح تشتكي لأبوها فيقول لها: يا بنيّة ارجعي، إن الزبير رجل صالح.

فلازم برده أبو البنت يبقى عنده شوية حكمة، ومش معنى كده بنقول الراجل أضرب لا، أنت ممكن بهذا تأثم، تأثم ويبقى حرام عليك وحرام كبير. ولذلك يا جماعة الآية دي ختمت بايه: ﴿إِنَّ اللَّهَ كَانَ عَلِيًّا كَبِيرًا﴾ [النساء: 34]. يعني لو قوتك وعلوك على المرأة دعاك إلى أن تتغاشم، تذكر هذا الختم: إن الله كان عليا كبيرا، ففي ربنا فوقك. إنما برده ما ينفعش أن الراجل يبقى صالح وتقي ودين ومحترم مع زوجته، فجاء في موقف غضب وضرب، فيبقى الحل نشنع عليه ونرميه بالباطيل: اقعدي هنا مالكيش مروحة، مش فين، ده ليه إن شاء الله، ده ليه؟

فأنا ما بقولش بقى لصاحب الرسالة: أضرب، أنا ما أعرفش حالك إيه وحال مرتك إيه، إحنا ممكن يجي يسمع منك تلاقي أنت اللي عاوز تضرب في الآخر، ما هو يا جماعة كل واحد بيبقى في دماغه حاجة كده. وحد من إخواننا كان طالب علم طالب حديث، وبعدين بيقول لي ماشي في الطريق، فواحد جاله قال له: بقول لك إيه يا عم الشيخ، هو باين عليه بقى دقني وبتاع، فالشيخ يعني فماشي هو في الطريق، فجا بقول لك يا عم الشيخ، قال له: إيه؟ قال له: مراتي مش عارف طلبت منها شاي جابته لي أقتلها؟ قال له: إيه؟ مش هطلقها! فقال له: يا عم استنى بس، هتقتل إيه؟ قال له: طب بلاش دي، مش عارف كنت نايم ففتحت الباب وعمل... أقتلها هو وع... وكل حاجاته كده، اللي هو شاي جابته له سكر زيادة كان نايم، فتحت الباب كده أقتلها! لا أنا اللي أقصده بقى في المثال ده، أن لما سمعنا الأمثلة: شاي معلقتين سكر، تقتلها ليه يعني؟ إيه اللي تقتل ليه عشان السكر زيادة؟

مشايخنا يقول لك: الصعايدة، الصعايدة طبعا فيهم نخوة وشهامة وكده، بس محتاجة ساعات تنضبط يعني بالشرع شوية، مش عارف واحد صعيدي بيقول إيه بقى زي عاوز برده يقتل حد أو كده يعني، فالتاني بيقول له يعني ما عملش حاجة تستاهل القتل يعني؟ قال له: نقتله الأول وبعدين نشوف إحنا يعني نقتل وبعدين نقعد نشوف كان يستاهل القتل ولا...

فأنت بقى لا، يعني إيه تشوف حد عاقل يدخل بينكم عشان هو الراجل لسه ما جاوبناهوش، يدخل بينكم ويشوف يسمع منك ومنها، ويحاول يوصل ويخوفها من ربنا ويخوفك أنت كمان من ربنا، أن ممكن يبقى أنت المشكلة فيك أنت وبس، وده مالوش دعوة جواز عليها، يعني تتجوز عليها فبدل ما كنت عاوز تقتل واحدة، ما هو أنت دماغك فين يعني؟ صلح الدنيا يعني.

طبعا ساعات بيبقى ده يعني آخر الدواء الكي، بتبقى فاكرة عشان يا جماعة برده موضوع التعدد ده إن شاء الله عاوزين نفرد له مرة، أو إنما موضوع التعدد الناس بتبقى يعني ساعات الشباب يبقى عنده تصور معين، وفاكر الدنيا هتمشي على تصوره، وبعدين يجي يقول لك: ياريتني ما عملت كده، كان عليا من ده بايه ماك... ساعات بيبقى ده يعني واقع ساعات، وساعات العكس، ساعات بيبقى لا، هو فعلا في حالات تستدعي أنه لا ده حل.

ماشي، نقف هنا. قولي هذا وأستغفر الله العظيم لي ولكم. سبحانك اللهم وبحمدك، نشهد أن لا إله إلا أنت، نستغفرك ونتوب إليك.