الشيخ أمجد سميربسم الله، الحمد لله، والصلاة والسلام على رسول الله، وعلى آله وصحبه ومن والاه، وأشهد أن لا إله إلا الله وحده لا شريك له، وأشهد أن محمداً عبده ورسوله، صلى الله عليه. صلوا على النبي وعلى آله وصحبه وسلم تسليماً كثيراً، أما بعد.
اللي شايف نفسه عيل صغير يجي ياخد عيدية، الأطفال الأطفال يلا يجوا، من صفر لـ 12 كله يجي، 17 نجوزهم بقا إن شاء الله، نجيبهم، كل سنة وأنت طيب يا حبيبي، يلا كله يجي يلا عدياتكم، إيه ده الزباين قليلة ليه؟ العيد ده فيه إيه؟ حبيبي، طب خليها 13 بلاش 12، أنت 13؟ إيه صوتك ده يا ابني أنت؟ نرجع 12 تاني، أنت الوحيد 13 اللي ياخد، يلا وصل له يلا.
عشان هي، اتفضل يا، هو ده 13 طلع خلاص ده يعني، أديله أديله أديله أديله أديله، أهو أهو أهو، خد يا حبيبي، ولا أنت فاهم بتاخد إيه طبعا؟ كله خد خلاص، أنت 12 أنت؟ ماشي تعالى. أنت كام؟ أربعة، يلا خد أهو، آدي آدي الأربعة، الثلاثة اللي معاك يلا، فيه تاني يجوا ماشي، يجوا يجوا، يلا كله يجي، كام اللي جايين؟ كام؟ اتنين؟ لا، أربعة تانيين جايين، أربعة رايحين وأربعة جايين.
يلا وصل لهم شوف كم واحد كده ولو عايز تاني يقول لي، كله خد خلاص، كمان دي ليك ولا إيه؟ فين إنس ما جاش ياخد ليه؟ ماشي عشان عاوزين نطلع فوق عند النساء، طيب نبدأ الدرس بقا، أعمل فيك إيه يا محمد؟
طيب، احنا طبعا متعودين في موسم الحج في عيد الأضحى، بيبقى عندنا دروس موسمية، ومن أهم هذه الدروس الدرس اللي بننطلق به بعد موسم الحج، وهو فكرة، يعني المظلة الكبيرة اللي هنتكلم عنها النهارده، فكرة، الامتثال للأمر الشرعي وعاقبة الامتثال للأمر الشرعي. طبعا احنا هنا بنتكلم كتير جداً عن مسألة الإذعان للأمر القدري، وبنشير إشارة خاطفة في كل مرة لموضوع الأمر الشرعي. درس النهارده هو درس موسمي، ولكنه مهم جداً؛ لأن ده بننطلق به يعني زاد بعد الحج، وهو مسألة الامتثال للأمر الشرعي وعاقبة ذلك. وده بنلحظه في قصة إبراهيم عليه السلام. والحقيقة يا جماعة، لما نقول قصة إبراهيم، قصة إبراهيم كلها يعني من أولها لآخرها كلها ابتلاءات، وكلها أوامر شرعية يوفي بها. ولذلك قال الله عز وجل: ﴿وَإِبْرَاهِيمَ الَّذِي وَفَّى﴾ [النجم: 37]. قيل: وفى كل ما أمر به عليه السلام. فيبتلى قدراً فيصبر ويحتسب ذلك، ويبتلى شرعاً بالأوامر والنواهي فيمتثل الأمر ويجتنب النهي عليه السلام، كل قصته كده.
لكن احنا النهارده عاوزين نركز على مشهد واحد من مشاهد قصة إبراهيم عليه السلام. الشنطة فين؟ غرقت ولا إيه؟ جاي متأخر ليه؟ خد كل دول بقا، خد واحدة وطلع الباقي فوق.
ف كنا بنقول إيه بقا؟ آه، عاوزين نركز على مشهد واحد من مشاهد قصة إبراهيم عليه السلام، وهو مشهد الذبح في سورة إيه؟ جه المشهد ده في سورة إيه؟ في سورة الصافات، مش كده؟ قال سبحانه وتعالى: ﴿فَأَرَادُوا بِهِ كَيْدًا فَجَعَلْنَاهُمُ الْأَسْفَلِينَ * وَقَالَ إِنِّي ذَاهِبٌ إِلَى رَبِّي سَيَهْدِينِ * رَبِّ هَبْ لِي مِنَ الصَّالِحِينَ * فَبَشَّرْنَاهُ بِغُلَامٍ حَلِيمٍ * فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَى فِي الْمَنَامِ أَنِّي أَذْبَحُكَ فَانْظُرْ مَاذَا تَرَى قَالَ يَا أَبَتِ افْعَلْ مَا تُؤْمَرُ سَتَجِدُنِي إِنْ شَاءَ اللَّهُ مِنَ الصَّابِرِينَ * فَلَمَّا أَسْلَمَا وَتَلَّهُ لِلْجَبِينِ * وَنَادَيْنَاهُ أَنْ يَا إِبْرَاهِيمُ * قَدْ صَدَّقْتَ الرُّؤْيَا إِنَّا كَذَلِكَ نَجْزِي الْمُحْسِنِينَ * إِنَّ هَذَا لَهُوَ الْبَلَاءُ الْمُبِينُ * وَفَدَيْنَاهُ بِذِبْحٍ عَظِيمٍ * وَتَرَكْنَا عَلَيْهِ فِي الْآخِرِينَ * سَلَامٌ عَلَى إِبْرَاهِيمَ * كَذَلِكَ نَجْزِي الْمُحْسِنِينَ * إِنَّهُ مِنْ عِبَادِنَا الْمُؤْمِنِينَ * وَبَشَّرْنَاهُ بِإِسْحَاقَ نَبِيًّا مِنَ الصَّالِحِينَ * وَبَارَكْنَا عَلَيْهِ وَعَلَى إِسْحَاقَ وَمِنْ ذُرِّيَّتِهِمَا مُحْسِنٌ وَظَالِمٌ لِنَفْسِهِ مُبِينٌ﴾ [الصافات: 98-113]. هذه القصة قصة عجيبة جداً يا جماعة، وخلينا بدل ما ندخل بقا بالتفصيل في الآيات كعادتنا، نبتدي بالآيات من الأول، عاوزين ناخد الدرس الأكبر في القصة، وبعدين نرجع ناخد الآيات من الأول إن شاء الله لو في وقت.
الدرس الأكبر في القصة هو درس: ﴿فَلَمَّا أَسْلَمَا﴾ وبعديها: ﴿وَفَدَيْنَاهُ﴾، ده الدرس الأكبر اللي احنا أصلاً جايين نتكلم عليه، اللي هو فكرة أنك لما تستسلم لامر الله الشرعي سبحانه وتعالى، هتكون العاقبة خير، وتكون رشد، حتى لو أنت شايف غير كده. فلما أسلم إيه اللي حصل؟ فديناه.
ده الدرس الأكبر، ابتلاء إبراهيم عليه السلام هنا يا شباب ما هواش زي أي ابتلاء، ابتلاء إبراهيم في ولده ما هواش زي أي ابتلاء. تعالوا كده نتأمل قصة إبراهيم شوية، علشان نعرف ابتلاء إبراهيم عليه السلام كان صعب قد إيه؟ أول حاجة، إبراهيم عليه السلام رزق الولد وهو صغير شاب ولا بعد ما كبر؟ لما كبر، مش كده؟ إبراهيم أول ولد رزقه في وهو عنده حاجة و80 سنة، قيل 86 سنة. الولد الثاني وهو عنده حاجة و90 سنة، قيل 99 سنة. فإبراهيم عليه السلام رزق الولد وهو كبير، وعارفين أو أو يعني عارفين أو شفنا ده، لما يكون واحد يتجوز وبعدين تتاخر الخلفة شوية على الراجل والبنت (أو الست)، وبعدين يرزقوا الولد على كبر، على كبر ده اللي هو كام بقا؟ في الأربعينات كده، بيبقى تعلق الوالد أو الأم بالطفل ده شكله إيه؟ تعلق غير عادي، وقد يصل إنه تعلق مرضي خلاص، وشايفين أن ده الآية يعني لو فقد خلاص ما فيش أمل في غيره.
فإبراهيم عليه السلام رزق الولد على كبر، وده ادعى أن قلب إبراهيم يتعلق بالولد تعلقاً شديداً. طب ممكن واحد يرزق الولد على كبر صحيح، لكن هو مش فارقة معاه الولد، يعني والله جه ولد خير وبركة، ما جاش ولد مش في دماغي قوي، موضوع الولاد ده مش في دماغي، في ناس كده يعني مش في دماغها الولاد. إبراهيم عليه السلام كان كده، ولا كان في دماغه الولد؟ إيه الدليل أن كان في دماغه الولد؟ أنه كان بيسال ربنا الولد: ﴿رَبِّ هَبْ لِي مِنَ الصَّالِحِينَ﴾ [الصافات: 100].
وبعدين ده في إيه؟ في عز ما يعني في عز ابتلاء تاني أصلاً، يعني إيه أنتوا واخدين بالكم يا جماعة من المشهد؟ إيه اللي حصل؟ نار وأوقدت، ويرمى ويطلع، وبعدين يقول خلاص بقا إيه: ﴿إِنِّي ذَاهِبٌ إِلَى رَبِّي سَيَهْدِينِ * رَبِّ هَبْ لِي مِنَ الصَّالِحِينَ﴾ [الصافات: 99-100]. يعني قلب كأنه مشتاق إلى هذا الولد، متعلق بوجود هذا الولد تعلقاً شديداً، لدرجة أنه بيفتكر أو بيفقد (يعني بيحصل له) بيحصل له نوع من الفقد لوجود هذا الولد في ظل أو في خضم هذه الأحداث الكبار. ﴿رَبِّ هَبْ لِي مِنَ الصَّالِحِينَ﴾ فهو رزق الولد على كبر، وهو محترف الولد، محب للولد، مريد للولد، يسأل الله الولد.
طيب ثالث حاجة، إبراهيم عليه السلام، احنا ده كله بنتكلم في المبتلى اللي هو إبراهيم عليه السلام، إبراهيم عليه السلام أب عادي يعني يعني هو رزق الولد على كبر ومريد للولد، لكن هو حاشاه إبراهيم يعني بنتكلم عن عموماً يعني أب قلبه شديد قاسي يعني فما يفرقش معه حتى بعد ما يجي له الولد إنه يفقده؟ قلب إبراهيم عليه السلام قلب غير عادي، ربنا وصف إبراهيم بوصف في القرآن لا يصدر من أي قلب: ﴿إِنَّ إِبْرَاهِيمَ لَأَوَّاهٌ حَلِيمٌ﴾ [هود: 75]. التاوه ده لا يصدر من أي رجل كده، ده قلب رقيق جداً، يكفي كلمة إبراهيم لوحدها، إبراهيم في السريانية قالوا إبراهيم في السريانية ترجمتها للعربية: أبو رحيم، إبراهيم أبو رحيم. فهو رجل رجل قلبه مش عادي.
طيب وبعدين، الولد، احنا ده كله عاوزين نشوف ضخامة الحدث، ضخامة الابتلاء اللي اللي هنحكيه كمان شوية. يبقى ده ما هواش ولد أو يعني هذا الرزق مش رزق عادي، على كبر محتاجه، بيدعي بيه، قلبه قلب رحيم، قلب أواه، ففقده للولد هيبقى وقعه عليه أشد من أي قلب آخر.
الولد نفسه بقا عجيب، أنتم عارفين تلاقي الاب, لو عنده كذا ولد، في ممكن ولد من الأولاد يأخذ بأيه؟ بشغاف قلب الوالد، غالباً لطباع في هذا الولد، غالباً طباع حلوة فبتاخد إيه قلب الوالد كده اهو. الولد ده كان كذا، إبراهيم عليه السلام لما رزق الولد ما رزقش بأي ولد. أولاً، رزق بولد في وصف وصف ربنا وصفه عليه عجيب جداً أنه يصفه به وهو بعده صبي أو غلام: ﴿فَبَشَّرْنَاهُ بِغُلَامٍ حَلِيمٍ﴾ [الصافات: 101]. في العادة يا شباب صفة الحلم ما تظهرش في الشباب، ليه؟ لأن مقتضى الشباب العنفوان والقوة والإقدام، وده كويس يعني في هذا السن، ولذلك تلاقي صفة الحلم دي تبتدي كده إيه تظهر وتستوي كده مع تقدم العمر، تبقى أهدى، تبقى أحلم، بتفكر قبل ما تاخد قرارات. فصفة الحلم في الغالب ما يتصفش بها الغلمان. ربنا وصفه بهذا الوصف في هذا السن: ﴿فَبَشَّرْنَاهُ بِغُلَامٍ حَلِيمٍ﴾.
أنتوا فاهمين يا جماعة؟ فاهمين يعني إيه ولادك حواليك وأعمارهم صغيرة، وفي سن التنطيط والبتاع ومش عارف إيه، ويكسروا ويعملوا، وفيها واحد قبل ما بيعمل حاجة بيهدى ويفكر فياخد قرار صح هادي، أنتتوا فاهمين الولد ده شكله عامل ازاي في وسط الأولاد في وسط سنه؟ عجيب ونادر الوجود أصلاً؛ لأن ده مش سن الحلم. فدي أول صفة في الولد، يبقى غلام حليم.
طيب، لما يبقى غلام حليم يبقى الاب قلبه هيتعلق بيه ولا مش هيتعلق بيه تعلق زائد؟ شوفوا يا جماعة الابتلاء عمال يعظم إزاي! الصفة الثانية اللي في الولد أنه بار، وبار ببه بر عجيب برده، هات أي عيل دلوقتي وأبوه يقول له: تعالى يا أبني هقتلك، إيه اللي هيحصل من الولد هذا؟ احنا هنيجي لتفاصيل كلام إسماعيل الذبيح، إنما هو عمل إيه؟ يا أبت افعل ما تؤمر، اعمل اللي تعمله، إيه البر ده؟ فهو ولد بار بابيه مش عاق، فده يخلي قلب.
لو في أي يا جماعه أي فرجة أمامك تقدم، واحتسب حتى لو هتبقى متضايق شوية في القاعدة، احتسب هذا المجهود. طبعا جزى الله الناس خيراً، عارفين إن الجو حر وجميل، يعني ربنا ياجركم على تلك الخطوات، والأجر على قدر المشقة. فاللي عاوز يأخذ ثواب أكبر يطلع يقف في الحر، ما شاء الله. أي فرجة أمامك حتى لو هتبقى متضايق شوية ما فيش مشكلة، احتسب ذلك، وتؤجر على ذلك إن شاء الله، تخرج من المسجد بأكبر ثواب، ماشي.
فالولد كان حليماً باراً بابيه. وبعدين، فدي صفات تعزز أو تعظم البلاء اللي فيه إبراهيم عليه السلام.
طيب، هل إبراهيم عليه السلام أمر بذبح الولد بمجرد ما ولد الولد؟ يعني أول ما خلفه قال له رأى الرؤيا، وهنيجي للتفاصيل دي؟ لا. طيب لما الولد كبر قوي فانفصل عن أبيه، الانفصال الوجداني، مش الانفصال، أنتم عارفين طبيعة الحياة، دورة الحياة كده الولد يتولد وبعدين يكبر شوية وبعدين يكبر قوي فيتزوج وينفصل، فيحصل نوع من الانفصال، آه بنحب آباءنا وآباؤنا بيحبونا، بس خلاص اعتدنا على أن هو في بيته وأنا في بيتي وبنتقابل كل، خلاص، لا برضه.
ده إبراهيم عليه السلام أمر بذبح الولد في سن عجيبة جداً، اللي هي إيه بقا؟ زي ابن الجوزي ما قال كده، قال: قلبه ما لحقش يتعلق به ولا بلغ سن العقوق، اللي هو يا دوبك اللي هو يعني أشد وقت قلب الوالد بيكون متعلق بالولد، فلما بلغ معه السعي قالوا: أمر بذبحيه وهو ابن 13 سنة كده، خلاص. فلا شك أن الولد عمال يكبر وحب الولد يكبر مع الولد في قلب الأب بلا شك. وبعدين ما بلغش بقا السن اللي يبقى فيه نوع عقوق، وحاشاه أن يعق، لكن في دنيا البشر يعني. وكذلك ما بلغش السن اللي هو ينفصل عن الوالد فيبقى ليه بيته وليه زوجته وليه عياله، وخلاص فين وفين أما بينزل، لا لا، أشد وقت. زائد حاجة تانية أنه أشد وقت إبراهيم يحتاج للولد عشان يساعده بقا، يسنده. فلما بلغ معه السعي، شوفوا اللفظ يا جماعة وهنيجي نتأمل اللفظ ده إن شاء الله. ما احنا لو قلنا إن هو خلفه 86 سنة، وبعدين أمر بذبحيه وهو عنده 13 سنة، يبقى احنا بنتكلم في تقريبا إيه؟ 100 سنة، مش كده؟ تقريبا هو كده 99 تقريبا مش كده؟ آه. ولما امتثل بشر على طول بمين؟ بإسحاق، فجاله إسحاق، ودي هنحيلها إن شاء الله برضه.
فالبلاء بصوا عمال يكبر إزاي! طيب، إيه تاني؟ لما أمر إبراهيم ب، أولاً هو أمر به أصلاً، يعني هل أمر بقى، خلي بالكم بقا شوفوا قصة إبراهيم مع الولد بقا، سيبكم من قصه إبراهيم كلها عليه السلام لا، قصته مع الولد ده أصلاً قصة، ده هو يولد له الولد فيحصل إيه؟ روح حطه في صحراء. القصة جديدة يا جماعة، روح حطه في صحراء وبعدين مش فارقة معاه، لا يدي لهم ضهره ويمشي وهو بيعيط، إبراهيم عليه السلام بيبكي، الأمر حطه في صحراء حاضر، حطه في الصحراء وماشي وبيعيط وعارفين القصة قلناها كذا مرة، تجري وراه: إلى من تتركنا في هذا الوادي الذي ليس فيه أنس ولا شيء؟ ما يردش إبراهيم عليه السلام، فتقول هاجر: آلله أمرك بهذا؟ قال: نعم. قالت: إذن لن يضيعنا. ويمشي إبراهيم. شوفوا يا جماعة الأب مش قادر يقوم يروح لهذه الثانية ويقف يدعو بتلك الدعوات اللي في سورة إبراهيم: ﴿رَبَّنَا إِنِّي أَسْكَنْتُ مِنْ ذُرِّيَّتِي بِوَادٍ غَيْرِ ذِي زَرْعٍ عِنْدَ بَيْتِكَ الْمُحَرَّمِ رَبَّنَا لِيُقِيمُوا الصَّلَاةَ فَاجْعَلْ أَفْئِدَةً مِنَ النَّاسِ تَهْوِي إِلَيْهِمْ وَارْزُقْهُمْ مِنَ الثَّمَرَاتِ لَعَلَّهُمْ يَشْكُرُونَ﴾ [إبراهيم: 37].
وبعدين، يجي له البلاء الثاني، البلاء الثاني اللي هو إيه بقا؟ حاجة عجيبة جداً، أن الواد هيموت، والله ده لوحده بلاء، يعني لو إبراهيم شاف رؤية أن ابنك هيموت.
بلاء شديد جداً جداً. لا، هو البلاء مش كده. هو البلاء إن ابنك هيَموت مقتول. يا جماعة، سيبكم من أي، سيبوا، أنتوا مش عارفين القصة ها. إحنا مش عارفين القصة، مش عارفين إيه اللي إحنا هنواجهه كمان شوية. أنا بقول لك أهو، ابنك مات، البلاء ده عليك عامل إزاي؟ طيب ابنك ما ماتش، ابنك اتقتل، ابنك اتقتل. فالبلاء ده عليك عامل إزاي؟ أشد من مجرد الموت. لا، هو ابنك ما ماتش يعني مش خبطته عربية، أنت رايح تسلم ابنك مذبوح، أنتوا فاهمين البلاء ده؟
هو المفاجأة بقى إن هو مش كده، ده أمر إن أنت اللي هتدبحه. والله العظيم بلاء يطيش معه العقل، يطيش معه العقل. الأمر جاء من الله أن أذبح ولدك. بلاء شديد، مش مثلاً أبُعثه في معركة وإحنا بنقول لك إنه هيَموت في المعركة، لا. مش مثلاً أطلع بيه فوق جبل وزُقه، لا. مش أوقفه وأرميه بسهم، لا. ده إبراهيم عليه السلام أمر بقتله، يكون القاتل فيها أقرب ما يكون من المقتول. أمر بالذبح، بذبح ولده. يعني يعني يا جماعة قلب إبراهيم كان عامل إزاي وهو يعالج ذبح الولد؟ لأن هم وصلوا فعلاً إنه نيمه وأمر السكينة على رقبته. يعني إيه وقع البلاء ده على سيدنا إبراهيم، على قلب إبراهيم عليه السلام؟
يا شباب يا اللي مش عاوز يسيب شهوة، ولا البنت اللي مش عاوزة تسيب شهوة، إحنا قلنا لكم قبل كده بعيداً بقى عن مسألة الشهوة وترك الشهوات، قلنا لكم إن الأوامر الشرعية جاءت بذبح الشهوات، يعني اللفظ ده ما قُلناهوش، بس إحنا بنقوله هنا لأنه مناسب للمقام. في درس عرفة، اللي اتفرج على درس عرفة أو اللي حضره بقى منكم في درس عرفة، لما اتكلمنا عن إيه؟ عن بس فكرة مواقيت الصلوات، فاكرين؟ إزاي أوامر الشرع جاءت، نستخدم بقى اللفظ اللي هو يعني مناسب للقصة، جاءت بذبح شهوتك، لأنك طول ما أنت لم تذبح شهوتك فأنت عبد لمئة إله، لمئة إله. فجاءت أوامر الشارع سبحانه وتعالى بذبح تلك الشهوات.
ما هو ليه يا جماعة البلاء عظيم كده على إبراهيم عليه السلام؟ أولاً، لمقام إبراهيم، أشد الناس بلاءً مين؟ الأنبياء. فلمقام إبراهيم وهو أبو الأنبياء عليه السلام. ثانياً، لأن الشهوة هنا شهوة قوية جداً، شهوة حب الوالد للولد بالتفاصيل اللي إحنا قلناها دي، شهوة قوية جداً. طب إحنا عاوزين نخرج تلك الشهوة من قلب خليل الرحمن سبحانه وتعالى، فلازم البلاء يبقى عظيم. لازم البلاء يبقى عظيم ليه؟ لأن مرتبة الخُلّة يا جماعة هي أعلى مراتب الحب، قالوا إن الخليل ليه اتسمى خليل؟ لتخلل الحب شغاف القلب، كان الحب وصل لكل حتة في القلب، ولذلك يسمى الخليل خليلاً.
فأهي مرتبة الخُلة دي بقى ما يصلحش فيها إن شيء ينازع الخليل في القلب. فإذا كان إبراهيم خليل، إذا كان إبراهيم خليل الرحمن، والله عز وجل هو خليل، والله عز وجل هو خليل إبراهيم، فإذا أتى مزاحم يزاحم هذا الحب وهذه الخُلة كان الأمر بذبح هذا المزاحم. فلما امتثل إبراهيم لم يبقَ في الذبح فائدة. هو المسألة إن إيه؟ أخرج المزاحم من قلبك ليخلص قلبك لي سبحانه وتعالى. هو ده المعنى، معنى القصة. فلما فعل إبراهيم وامتثل لم يبقَ في الذبح فائدة خلاص، فلما أسلما وتلَّه للجبين وفديناه. فشوفوا البلاء عظيم ازاي على إبراهيم يا جماعة!
أب كبير، ابنه الوحيد. وحيد دي برض قصة تانية يعني ما قلنا الوحيد لسه ما لم يرزق بإسحاق، لأن هو بُشِّر بإسحاق في الآيات دي مش كده؟ أه، ﴿وَبَشَّرْنَاهُ بِإِسْحَاقَ نَبِيًّا مِّنَ الصَّالِحِينَ﴾ [الصافات: 112]. قيل بشرناه بإسحاق ده في قول بعض أهل العلم إن هو بشرناه بإسحاق إنه يولد له إسحاق، وقيل إنما بشر بنبوة إسحاق وإسحاق كان قد ولد، فاهمين؟ لأنه قال وبشرناه بإسحاق نبياً. على كل حال، على القول الأول بقى من قول المفسرين إنه لا، كان إسحاق لم يولد بعد، ومن عواقب امتثال الأمر الشرعي هنا أن بُشِّر بإسحاق، فده ابنه الوحيد اللي بقوانين الدنيا ما فيش أمل في غيره، راجل عنده تسعة وتسعين سنة، فما فيش أمل خلاص.
الحليم البار، الولد والأب رحيم أواه. وقصته مع ابنه أديكم عرفتوها، وإزاي فارق ابنه وإزاي ما لحقش يتمتع بيه، وإزاي يجي له الأمر بالذبح لما بلغ معه السعي. فكان ماذا من إبراهيم؟ كان من إبراهيم أن امتثل. فماذا كانت العاقبة؟ وفديناه. الدرس الكبير يا شباب، الدرس الكبير: إياك انك تظن انك هتمتثل أمر الله الشرعي والله عز وجل يخذلك، والله عز وجل يسلمك لعدوك، والله عز وجل يخلي بينك وبين ما يضرك. إذا ظننت ذلك بالله فقد ظننت بالله ظن السوء.
يا جماعة، إحنا قلنا لكم هنا قبل كده الكلام ده، قلنا لكم المسألة دي ما ينفعش تظنها بباختصار كبير في القدر والمقام في الدنيا. مش يعني تخيل كده إيه؟ أنت بتظن إن ده مثلاً بحد له سلطان وله قوة وله كذا وله كذا، لو أنت قعدت تطيعه طول حياتك ويجي هو مع أول مطب يخلي بينك وبينه ولا يعرفك، هتصفه بإيه الراجل ده؟ بقِلّة الأصل، بأي زي ما تقول، وده بشر في الآخر بشر. تظن هذا بربك سبحانه وتعالى انك تمتثل أمره وتجتنب نهيه ويضيعك ويسلمك؟
الإشكال اللي بينط ساعتها بقى، ما هو إحنا بنشوف المؤمنين وأهل الإيمان وما أنت لسه قايل أهو: أشد الناس بلاءً الأنبياء، ثم.. طب ليه؟ ومن الأنبياء من قُتل، مش كده؟ من الأنبياء من قُتل. طيب ليه؟ نقول لك أنت اللي الميزان بتاعك خربان، أنت اللي الميزان بتاعك خربان، أنت بتزن بميزان الدنيا، فعشان كده الإشكالات دي في دماغك. لكن لما تعاير ميزانك على ميزان الشرع، هتلاقي الإشكالات دي اختفت لوحدها، لوحدها. هتلاقي النبي اللي قُتل هو منتصر، هتشوف ده إحنا مش بنقول مش مسكنات، هتشوف ده إزاي منتصر؟ إنه مات على التوحيد منتصر. هتفهم، هتفهم ساعتها إزاي واحد يترمي بالحربة من ضهره تطلع من بطنه فيقول إيه: فُزت ورب الكعبة.
ما هو أنت إشكالك فين؟ إنه خسر دنيا، فدي اللي عاملة لك قُلعة في دماغك ومخلياك مش قادر تستوعب مقادير الرب سبحانه وتعالى في الدنيا وما يصيب به سبحانه وتعالى أهل الإيمان من ابتلاءات. اظبط ميزانك، عاير ميزانك على موازين الشرع، هتهدى، هتهدى تماماً. فده الدرس الكبير اللي لازم نخرج بيه. نرجع بقى ناخد الآيات من الأول كده ونتأمل في هذه الآيات.
قال الله عز وجل: ﴿فَأَرَادُوا بِهِ كَيْدًا فَجَعَلْنَاهُمُ الْأَسْفَلِينَ﴾ [الصافات: 98]. وقال، طبعا ده بعد ذكر قصة النار وكيف أن إبراهيم عليه السلام أُلقي فيها فلم تصبه بشيء. وهنا برض يا جماعة هي القصة لها ارتباط شوية، والكلام ده إحنا اتكلمنا عليه في درس فات قبل كده، أن الله عز وجل علشان تطمنوا وقلوبكم تهدى خالص كده وتنزعوا الاعتماد على الأسباب من القلوب، ربنا سبحانه وتعالى ضرب لنا في قصص كثيرة إزاي الأسباب يسلب الله عز وجل منها إيه؟ الأثر أو التاثير.
منها القصة اللي معانا دي، النار تحرق ولا ما تحرقش؟ تحرق. تقوم نار إبراهيم تحرق ولا ما تحرقش؟ إيه رايكم، ردوا. تحرق برده؟ لا، نار إبراهيم كانت بتحرق، نار إبراهيم حرقت كل شيء إلا إبراهيم. جاء في الروايات أن نار إبراهيم كان من عُظم النار كان الطير يمر فوق النار يسقط وهو مشوي، يبقى الطير اتحرق ولا ما اتحرقش؟ اتحرق، أدي الطير. وبعدين إبراهيم لما أُلقي في النار، رابطين إيديه، يقوم الحبل رابطين بيه إيديه يحصل فيه إيه؟ يتحرق، النار لسه بتحرق. ولو أي حد غير إبراهيم كان داخل النار كان اتحرق، وتُسلب التأثير عن إبراهيم عليه السلام.
عجيب! شوف امتداد القصة، شوف إيه الدنيا ماشية ازاي. السكين على قول من قال ذلك، إن إبراهيم عليه السلام في بعض الإسرائيليات أنه مر بالسكين على رقبة الذبيح فلم تذبح، لم تذبح ذبح، طب السكين بتذبح؟ طيب مر على الرقبة لم تذبح! إزاي؟ إزاي يا جماعة؟ إزاي بعد إزاي وإحنا بنقرا قران إزاي قلوبنا لغايه دلوقت متكلة على الأسباب؟ إزاي متكلة على الأسباب؟ يعني إيه؟ يعني طول ما أنا معايا أسباب قلبي مطمطم. أول ما أفقد الأسباب أتوتر.
قول ده بقى في أي حاجة، يعني معايا فلوس مطمئن، الدنيا مالت بيا أتوترت، ما هو أنت كده قلبك مش معتمد على ربنا، ما تضحكش على نفسك. والله لو دقنك قد كده، لو نقابك مش مبين منك عينيك حتى، أنت مش عارف عقيدة، أنت صفر في الاعتقاد كده، صفر. ما هي دي الاختبارات اللي بتتبين، هو ده اللي هتاخد عليه الدرجة، مش امتحان في معهد، مش امتحان في معهد فأنا واخد الدرجة النهائية في امتحان العقيدة آخر السنة في التوحيد، أنت ما تعرفش حاجة في التوحيد، ما تعرفش حاجة. أنت نتيجتك صفر في امتحان التوحيد.
هي دي الامتحانات، مش امتحانات آخر السنة لا في الأزهر ولا في المعهد ولا في الأكاديمية الأونلاين ولا في أي حاجة، هي دي الامتحانات اللي بتاخد عليها درجتك يوم القيامة. وقل مثل ذلك في أي سبب بقى قلبك بيعتمد عليه، رايح مقابلة في شركة، فلي واسطة في الشركة، مدير الشركة، رايح وأنت إيه، بطنك بطيخة صيفي مش كده، قربت من الشركة عاوز بقى تقول له إن أنا داخل عليك بتكلمه تليفونه غير متاح، مقفول، بتكلمه لقيت مراته بترد عليك، ابنه يرد عليك: بابا مات النهارده الصبح. حصل إيه في قلبك وقتها؟ طبعا ما زعلتش على مدير الشركة، أنت إيه؟ أنت قلقت بقى، واسطتي راحت. بتكلمه: ده أنا النهارده أُقِلت من الشركة وحد تاني مسك. حصل إيه في قلبك؟ هو ده، هي دي الامتحانات.
فَفَكِّر نفسك على طول بالقصص اللي القرآن مليان بيه، في فكرة إن حاجة تحصل من غير سبب، وحاجة أسبابها موجودة وما تحصلش. يا خاتم القرآن، أو يا قارئ القرآن، لو لم يؤثر القرآن فيك في هذه المواقف فانت ما فهمتش قران وما فهمتش رسائل الرب سبحانه وتعالى لك. قصة إبراهيم نفسه أهو، إحنا كله ما خرجناش بره، إحنا على فكرة إحنا المعنى ده لو قعدنا نتتبعه في قصص القرآن هنقعد لبكرة، إحنا مش عاوزين ده وأنا مركز إني ما خرجش، إنما قصة إبراهيم نفسه أهو، موقفين: الأسباب موجودة وسُلب السبب التأثير. وموقف تاني: السبب مش موجود ويحصل المِسَبَّب اللي هو إيه؟ الخِلفة. مش كده؟ الخِلفة نفسها.
بأسباب الدنيا إبراهيم عليه السلام لا يولد، لا يولد له. هم لما جم بشروه قال إيه؟ ﴿قَالَ أَبَشَرْتُمُونِي عَلَى أَن مَّسَّنِي الْكِبَرُ فَبِمَ تُبَشِّرُونَ﴾ [الحجر: 54]، وهذا بعلي، زوجته مش كده؟ وهذا بعلي شيخاً، يبقى الاتنين عواجيز. طب هي عجوز بس يعني، عجوز يعني إيه الأول يعني؟ انقطع.. انقطع الحيض خلاص، ما فيش سن الياس يعني. طب بس هي عجوز؟ قالت: عجوز عقيم. أنا أصلاً عقيم أصلاً. وفوق إن عقيم ده أنا حتى لو بولد فأننا عجوز، قالت: عجوز عقيم. طب هو إيه القضية؟ إزاي ولدت؟ ها! قالت: عجوز عقيم. قالوا: كذلك قال ربك، خلاص، قال ربك، انتهت. قال ربك.
فلو قال ربك إنك هتتعين في الشركة هتتعين، انتهت. طب قال ربك إنك مش هتتعين في الشركة، لو جبت مية مدير مش هتتعين في الشركة، قال ربك. فعاوزين نقطع علاقتنا بالأسباب، علاقتنا القلبية أه، هناخد بالأسباب أه، هناخد بالأسباب ليه؟ لأننا مأمورون نأخذ بالأسباب: ﴿وَأَعِدُّوا لَهُم مَّا اسْتَطَعْتُم مِّن قُوَّةٍ﴾ [الأنفال: 60] هنعد، وإيه تاني؟ اعقلها وتوكل، إلى غير ذلك بقى من إيه؟ الآيات والأحاديث اللي فيها الأخذ بالأسباب، لكن ناخد بالأسباب وقلوبنا معتمده على الأسباب والله ده هو ده الخذلان بعينه، بعينه.
وقلنا لكم قبل كده، أول ما القلب يميل ما فيش مجاملة الحتة دي، ربنا سبحانه وتعالى ما فيهاش مجاملات بالذات مع الأولياء. فقلبك هيميل وتعجب بكثرة العدد والعدة وكذا وكذا، هتهزم. مش كده؟ ﴿لَن نُّغْلَبَ الْيَوْمَ مِنْ قِلَّةٍ﴾ [التوبة: 25]، ويوم حنين: ﴿إِذْ أَعْجَبَتْكُمْ كَثْرَتُكُمْ فَلَمْ تُغْنِ عَنكُمْ شَيْئًا﴾ [التوبة: 25]. فلازم نفهم القانون اللي ماشي عليه الدنيا، إحنا كمسلمين، أو لو ارتقى منا البعض شوية بقى ناس مؤمنة ناس تقية، أو لو ارتقى منا البعض زيادة وبقوا أولياء لله، هي دي قوانيننا، دي قوانيننا وما فيهاش مجاملة.
﴿فَأَرَادُوا بِهِ كَيْدًا فَجَعَلْنَاهُمُ الْأَسْفَلِينَ * وَقَالَ إِنِّي ذَاهِبٌ إِلَى رَبِّي سَيَهْدِينِ﴾ [الصافات: 98-99]. فكرة يا جماعة الخروج، الخروج عن المألوف، الخروج عن العادة، الخروج عن إيه؟ منطقة الراحة. وقال: إني ذاهب إلى ربي سيهدين. قبل كده وإحنا بنتكلم في سورة الكهف واتكلمنا عن قصص الكهف، وقلنا إن قصص الكهف، سورة الكهف لو قسمناها هنلاقيها حوالي أربع قصص كبيرة، وبينهم شوية آيات كده، منهم ثلاث قصص حصل فيهم النجاة والنصر وكذا وكذا، وواحدة فيها السقوط.
وقلنا لكم الثلاث قصص دول هتلاقوا فيها، اللي حصل فيها النجاة والنصر والظفر والمعاني الكويسة الناس عاوياها، هتلاقوا فيها معنى مشترك، وهو معنى الخروج. معنى الخروج، الخروج ده مش لازم يعني تخرج من بلدك، الخروج عن المألوف، الخروج عن منطقة الراحة، باختصار البحث عن مراد الله لا عن مراد النفس، باختصار. فقصة أصحاب الكهف أول قصة، قلنا لكم أبناء ملوك وعايشين حياة الملوك لدرجة حتى لما يصحوا هيقولوا إيه؟ هات لنا أي أكل كده، هيقولوا إيه؟ ﴿فَلْيَأْتِكُم بِرِزْقٍ مِّنْهُ﴾ [الكهف: 19] أذكى طعاماً، مش كده؟ ليه أذكى طعام؟ هم متعودين على كده، متعودين على أحلى الطعام وأشهى الطعام اللي ياكلوه، أذكى الطعام، أبناء ملوك. طب مراد النفس، هوى النفس لهؤلاء الفتية إن هم يكونوا عايشين في القصور والخدم والجواري والأكل والشرب والأموال ولا يعيشوا في كهف؟ بلا شك مراد النفس، هوى النفس: القصور والجنان والراحة والدعة.
والخدم والحشم. خرجوا. هنا خرجوا خلينا نقول جملة بقي منضبطة. خرجوا عن مراد النفس إلى مراد الرب سبحانه وتعالى. خرجوا، فنجوا. خرجوا، ففازوا. قول بقي كل المفردات الحلوة اللي أنت تتمناها. خرجوا.
هذه أول قصة. القصة الثانية التي فيها خروج -اللي عمال يتكتك مش عارف أنا إيه موضوع التكتكة ده- القصة الثانية والتي فيها الخروج موسى عليه السلام، دي القصة الثانية الكبيرة مش بالترتيب، التي فيها خروج يعني. موسى عليه السلام، وعرفتوا أن كانت فتنته وابتلاءه في في إيه؟ في أنه قال: ما أعرفش حد أعلم مني، مش كده؟ مش بيحكي القصة يعني، فاعتبه الله إذ لم يرجع العلم إليه. قال: لا، ده بقى ده فين؟ عبد عندي، عبد من عبيدي، أعلم منك في الحُتّة الفلانية.
طيب، موسى عليه السلام كبير في قومه، نبي، حواليه الأتباع، وناهيك بقى عن أن الخروج فيه مشقة ﴿لَقَدْ لَقِينَا مِنْ سَفَرِنَا هَذَا نَصَبًا﴾. الخروج زمان مش بقى إيه شيخ بقى مشهور فالعربية فور باي فور مستنية بره والتكييف أعلى، مش ما فيش كده، والطيارة فيرست كلاس وما فيش الحاجات دي خالص. لا ده سفر، يعني سفر بتاع زمان ده اللي هنمشى فيه وهنتعب. الأريح لنفسه هو موسى، أو بلاش موسى عليه السلام، هي البشر العادي يعني، يكون في إيه؟ إنه يفضل في أتباعه، ده لو ما فيش أتباع ولا شهوة ولا كذا، خليني في بلدي، إيه اللي خرجني وأسفر وأعمل؟ مش كده؟
فَهْوَى النفس خليني هنا. طيب، لا، ده كمان في أتباع وفي تفخيم للشخص وفي منزلة وحظوة وكذا وكذا، أخرج وأسيب كل ده! خرج! خرج عن مراد النفس إلى مراد الرب. خرج! الخروج يا جماعة، الخروج.
القصة الثالثة الكبيرة التي فيها الخروج في سورة الكهف، قصة مين؟ قصة ذي القرنين. ذو القرنين مالك الدنيا، يقعد بقى يلف لغاية مغرب الشمس عشان يلاقي قوم، وبعدين مطلع الشمس الناحية التانية عشان يلاقي قوم، وبعدين عمال بيلف على الرعية. ولو شاء لمكث في قصره، في سلطانه، على عرشه، ولو قلنا يا سيدي ده حاكم عادل وزي الفل، يرسل إيه؟ يرسل يعني رسل، خد أنت روح لمغرب الشمس، وساعتها على فكرة ده هيتسقف له وهيترفع له، ما هو في حد بيعمل كده؟ خد أنت روح لمغرب الشمس وشوف حد محتاج حاجة هناك، وأنت روح لمطلع الشمس وشوف حد محتاج، وأنت روح لمش عارف فين، وأنت، ويررسل الرسل، وساعتها بقول لكم هيتشال على الروس، حاكم بيتفقد الرعية ما فيش حد بيعمل كده. هو ما عملش كده، هو خرج. خرج عن مراد النفس إلى مراد الرب سبحانه وتعالى. بلغ السقف في امتثال أمر الله عز وجل، يخرج للرعية بنفسه.
والقصة الرابعة التي ما حصلش فيها خروج هي قصة مين؟ صاحب الجنتين. صاحب الجنتين لم يخرج عن مراد النفس إلى مراد الرب، فسقط. فلذلك يا جماعة هتلاقوا دايما دايما في ارتباط بين فكرة الخروج، وهنا الخروج تاني، مش معنى أنك تخرج من بيتك وتخرج من منطقتك، قد يكون في وقت ده المطلوب شرعا، إنما فكرة الخروج هنا: الخروج عن مراد النفس إلى مراد الرب سبحانه وتعالى.
خلاص، يعني أسقط على مسألة اللي اتكلمنا فيها في عرفة، مش هحكيها اسمعوها أنت بقى. فكرة مواقيت الصلاة، اللي هو أنك هتيجي وقت صلاة الفجر، تخرج عن مراد النفس. إيه مراد النفس؟ أنام، إيه اللي يصحيني ليه؟ أربعة أنا، ولا أربعة ولا شوية، ولا ليه؟ يعني خروج عن مراد النفس إلى مراد الرب سبحانه وتعالى. وقل مثل ذلك بقي في كل المواقيت، في كل الآيه؟ العبادات، في كل التشريعات جاءت بذبح الشهوات، فخروج.
ولذلك هنا إبراهيم: ﴿فَأَرَادُوا بِهِ كَيْدًا فَجَعَلْنَاهُمُ الْأَسْفَلِينَ﴾ [الصافات: 98]. وقال: ﴿إِنِّي ذَاهِبٌ إِلَى رَبِّي﴾ [الصافات: 99]. خرج. ﴿إِنِّي ذَاهِبٌ إِلَى رَبِّي سَيَهْدِينِ﴾ [الصافات: 99]. شايفين هنا يا جماعة إبراهيم عليه السلام جزم بحصول الهداية. هيهديني؟ طب ليه؟ يعني عرفت منين؟ ما هو ده مقام رجاء ولا مقام خوف؟ إيه رايكم؟ مقام رجاء ولا خوف؟ المقام ده نار وجري من قومه وبتاع، ده مقام رجاء ولا خوف؟ رجاء مش خوف.
أنت أنت في دماغك البشر يا جماعة عاوزين يعني إيه ما نشوفش البشر خالص، يعني أشباح ولا ليهم لازمة ولا ليهم لازمة. اللي عاوز كل شوية يجيلي أسئلة: شيخ ممكن ندرس عقيدة؟ ما احنا بندرس عقيدتنا، هو ما هو دي العقيدة. البشر ولا ليهم لازمة؟
وأنت، من يمنعك مني الآن؟ ماذا قال الأول؟ لا قال له إيه: من يمنعك مني يا محمد؟ قال: الله. الموقف ده كان إيه؟ عارفين الموقف؟ النبي نايم، يا ريته واقف، هيجري صلى الله عليه وسلم، نايم، يفتح عينه كده يلاقي واحد كافر واقف بالسيف على رقبته. ها؟ من يمنعك مني؟ قال: الله.
احنا قلنا لكم قبل كده في قصة قصة هاجر، لما قالت لما قالت: إذاً لن يضيعنا. فاكرين كنا دايما نكرر معنى نقول إيه: أنت سهل تقول الكلمة دي وأنت في بيتك، والعربية تحت، والتكييف شغال، والأكونت بتاع البنك فيه فلوس، والفيزا في مش كدة؟ إيه اللي حصل؟ طب افتح نفس وابعدوا عن الزراير خالص لو سمحتوا، ما تفتحوش أي زرار تاني.
سهل تقوله كده، سهل تقوله وأنت كل الأسباب تحت إيدك، فتقول: إذاً لن يضيعنا يا سلام. أهو أنت بقى أنت أهو اللي أول ما هتنزل والمفروض عندك سفر مهم، هتيجي تدور العربية ما تدورش، ده سبب خلي بالك. أنت في جيبك الفلوس اللي ممكن تحجز بيها عربية ليموزين لوحدك كده، أول ما هتيجي تدور العربية ما تدورش، قلبك هيتوتر وهتبقى خايف وهتبقى مش عارف فين، إيه ده؟ لن يضيعنا اللي من شوية؟ ده مجرد ما اختل سبب من أسباب حياتك، أنت رحت.
كذلك الموقف اللي فيه النبي سيدنا النبي عليه الصلاة والسلام، لا يفصل بينه وبين الموت إلا ضربة. من يمنعك مني؟ قال: الله. سقط السيف من يد الكافر. فأخذ النبي السيف وقال: وأنت من يمنعك مني الآن؟ قال: كُنْ خير آخذ. يعني أنت راجل طيب، هتموت عيل صغير زي... كُنْ خير آخذ. فعفا عنه النبي صلى الله عليه وسلم.
فهنا إبراهيم عليه السلام في موقف رجاء، ليه؟ مش موقف خوف، موقف رجاء، لأنه لسه مبتلى في ذات الله، فهو في قمة الرجاء مع ربنا سبحانه وتعالى. فاهمين دي؟ هو لسه مبتلى في ذات الله، واترمى في النار، وقصة كبيرة حصلت، ده كله في ذات الله عز وجل، فهو مع ربنا في موقف في مقام خوف ولا رجاء؟ مقام رجاء، يرجو من الله الخير، لسه مبتلى فيك.
ولذلك هنا جزم بحصول الهداية: ﴿سَيَهْدِينِ﴾ [الصافات: 99]. عشان كده موسى عليه السلام لما خرج من مدين، أثر قتله لنفس لم يؤمر بقتلها، ده مقام خوف بقى ولا رجاء مع ربنا؟ مقام خوف، قتل نفس لم يؤمر بقتلها، فده مقام خوف. فلما توجه بقى تلقاء مدين قال: ﴿عَسَى رَبِّي أَنْ يَهْدِيَنِي سَوَاءَ السَّبِيلِ﴾ [القصص: 22]. ما قالش: سيهدين، قال: عسى ربي أن يهديني سواء السبيل. يتمنى من ربنا ده لأنه مقام خوف، هو موسى عليه السلام.
لما يكون في مقام رجاء بقى، فرعون وراه والجنود والبحر قدامه، ده مقام خوف ولا رجاء؟ شوفوا يا جماعة، بصوا عكس القضية، أول ما أول ما يتلاشى البشر من أذهاننا ومن نظرنا، هنشوف الأمور على حقائقها. ده مقام رجاء، ليه؟ أنا خارج يا رب فارّاً بدينك، مبتلى فيك يا الله، ده مقام رجاء مش خوف.
ويبتدي بقى القوم، قوم موسى بنو إسرائيل، يوتروا: إنا لمدركُونَ. قال: ﴿كَلَّا إِنَّ مَعِي رَبِّي سَيَهْدِينِ﴾ [الشسراء: 62]. طب بقانون الناس كده بقى، اللي هو لو بصينا، لو رجعنا تاني الناس للمشهد -يعني احنا إيه؟ خفينا الناس من المشهد، رجعوا الناس للمشهد- أي الموقفين أخوف؟ موقف هو متجة لمدين، ولا موقف البحر قدامه وفرعون خلفه؟ البحر قدامه وفرعون خلفه ده ما خلاص إنا لمدركون، ده الأخوف، مش كده؟ ومع ذلك هنا: ﴿سَيَهْدِينِ﴾، لأنه بالنسبة لموسى ده مقام رجاء مش مقام خوف أصلا. سيهدين.
وبدين ربنا، يعني كأن بموسى عليه السلام هو لسه مش عارف يعني إيه اللي هيحصل، ما أعرفش، بس هو سيهدين، خلاص. أيوه ليه؟ ما هو أنا عودني ربي على ذلك، عودني. وبعدين أنا في مقام رجاء، يعني أنا هفر بدين، وبعدين يسلمني ويضيعني وكده، مستحيل! طب أوتقتلت يا موسى؟ يبقى ده الخير، يبقى دي الهداية، خلاص.
فكأني بموسى مش يعني مش يعني هو إيه؟ كأنه ما يعرفش أن هو على إيه موعد بعد دقائق مع مشهد مهيب. احنا قلنا لكم قبل كده: مشكلتنا في العصر اللي احنا فيه ده ما عندناش رفاهية التعامل مع القرآن بتؤدة وهدوء كده ونقعد نتامل، مش إيه لفظ لفظ، انه إيه ﴿فَكَانَ كُلُّ فِرْقٍ كَالطَّوْدِ الْعَظِيمِ﴾ [الشعراء: 63]. حد قعد كده يتخيل المشهد ده؟ مشهد أنك واقف قدام جبلين، مش ثلج! جبلين مية!
أنا عاوزكم اللحظات تتخيلوا المشهد ده. جبل مية، أنتم عارفين الماء من الموائع، والقانون الأشهر للموائع إيه؟ المائع إيه؟ يا جماعة فيزياء المائع: ينساب. ده أشهر قانون للموائع. المائع ينساب يعني إيه؟ المائع ينساب يعني يأخذ شكل الإناء والحيز اللي أنت هتحطه فيها، هياخد شكله، مش كده؟ أشهر قانون للموائع، عارفين ولا مش عارفين؟ المية لما تحطها في كوباية تاخد شكل الكوباية، صح كده؟ مفهومة؟ ولا تحطها في الكوباية تلاقي واقفة في النص كده المية؟ مش هتلاقي كده، لأن الماء مائع، والمائع ينساب.
فأنت متخيل أنك واقف قدام جبلين مية؟ مشهد عجيب جدا! المهم نرجع تاني. يبقى وقال: ﴿إِنِّي ذَاهِبٌ إِلَى رَبِّي﴾، قيل قيل في هذه الآية: وقال إني ذاهب إلى ربي يعني ذاهب إلى حيث أتمكن من عبادة ربي. احفظوا يا جماعة الكلام ده، احفظوا الكلام ده يا جماعة. أنت فين؟ أنا في الحتة اللي هعرف أعبد ربنا فيها، ما فيش مجاملة في الدين.
طب لقيت نفسك في مكان مش عارف تعبد ربنا فيه؟ ابعد، فر، اخرج، اخرج. اخرج، طب هو المكان ده هو الأرفق بي والاليق لمثلي وكذا وكذا؟ اخرج من مراد نفسك إلى مراد ربك سبحانه وتعالى، اخرج. وقال: ﴿إِنِّي ذَاهِبٌ إِلَى رَبِّي﴾ [الصافات: 99]، إلى حيث أتمكن من عبادة ربي.
وكذلك فعلها النبي عليه الصلاة والسلام. مكة أحب البلاد إلى قلبه صلى الله عليه وسلم. طيب، يبقى مراد النفس وهوى النفس أنه يفضل في مكة ولا لا؟ هوى النفس في كده لو كان غير النبي، أنا دايما بحترز مع الأنبياء أن أقول ده، ليه؟ لأن هوى النبي فين؟ في مراد الرب. حد فاهم دي؟ أنا بقول في دنيا البشر، يعني ابعدوا عن النبي صلى الله عليه وسلم، ابعدوا عن إراهيم عليه السلام، ابعدوا عن موسى، لم يعني هوى هؤلاء في مراد ربهم، ماشي؟
فلكن في دنيا الناس لما النبي يقف يقول عليه الصلاة والسلام: انك لا، صلوا على النبي، إنك لأحب بلاد الله إلى الله وأحب بلاد الله إلي. يبقى هوى أي بني آدم في بلد هي أحب البلاد إليه أنه يخرج منها، وبعدين يخرج منها إيه؟ يخرج منها علشان جَتْ له هجرة لبلد تانية أرقى ومتقدمة وهيعيش حياة نظيفة؟ لا، ده خارج إلى المجهول! يبقى هوى النفس مش في الحتة دي، لكن خروج النبي صلى الله عليه وسلم خروج من مراد النفس، أو خروج عن مراد النفس إلى مراد الرب سبحانه وتعالى.
كذلك هنا إبراهيم عليه السلام قال: ﴿إِنِّي ذَاهِبٌ إِلَى رَبِّي﴾، إلى حيث أتمكن من عبادة ربي، ﴿رَبِّ هَبْ لِي مِنَ الصَّالِحِينَ﴾ [الصافات: 100]. اه، فايدة كبيرة جدا هنا يا شباب. رب هب لي من الصالحين.
أنت جاي الدنيا ليه؟ هدفك إيه في الدنيا؟ كتير جدا من الشباب: تعالي، عاوز أتزوج يا شيخ. اه، عاوز تتجوز ليه؟ طبعا أنك تتجوز علشان مسألة الشهوة ده مقصد، مقصد، بل هو مقصد أسمى في الزواج، خلاص؟ ولذلك جعل المهر في مقابل البضع، فده مقصد يعني، مش بنهون من هذا المقصد، لكن ما ينفعش تبقي حضرتك في المسجد دلوقتي ومستحمل الحر، وجاي في مواصلات وزيك زي اللي في الشوارع: عاوز أتزوج عشان الشهوة، بس كده؟ خلاص يعني هي كده؟ يعني زيك، أعزكم الله، زي مش بس اللي في الشوارع بقى، زي أي كائن غيرك، بلاش يعني نقول ألقاظ تانية، ما هو أي كائن بيتجوز دي عشان الشهوة.
فأنت بقى أيها المتدين أنت بتجوز ليه؟ بتجوز ليه؟ ما هو السؤال ده لما تجاوبه عليه، هتلاقي ليه أثر في كل التفاصيل بقى اللي جاية. هتروح بيت شكله إيه عشان تتجوز منه؟ هتتجوز واحدة عاملة إزاي؟ فرحك هيبقى عامل إزاي وفين؟ أي تفصيلة جاية هي فرع عن هذا السؤال: أنت بتجوز ليه؟ إيه اللي جاب الكلام ده هنا؟
إبراهيم عليه السلام لما دعا ربنا بالولد، قال: يا رب عاوز ولد يا رب؟ ما قالش كده إبراهيم. ﴿رَبِّ هَبْ لِي مِنَ الصَّالِحِينَ﴾ [الصافات: 100]. أنا مش عاوز أي ولد، مش عاوز ولد والسلام، أنا عاوز ولد صالح. ده رجل علم، لماذا خلق؟ هو جِيء هنا ليه؟ مش زي الثاني قال لك إيه: جئت لا أدري من أين، مش كده، ولكني أتيت. مين قال كده؟ مش عارفين، حدش يسمع أغاني هنا بس الناس الكبيرة شوية ولا إيه؟ جئت لا أعرف من أين كده ولا إيه؟ ولكني أتيت ولقد أبصرت قدامي طريقاً فمشيتُه وسأمضي فيه شِئتُ هذا أم أبيتُ. مش عارفين الكلام ده؟ طبعا مستغربين تكون دي أغنية!
أصلًا صح، يعني هي دي الأغاني بتاعت زمان. يعني فـلا، احنا عارفين احنا جايين منين ورايحين فين وهنا ليه، احنا هنا ليه؟ خلاص، انتوا عارفين، قلنا لكم الأسئلة الثلاثة الكبرى اللي حار فيها الناس؛ إيه هما؟ من أين؟ وإلى أين؟ ولماذا؟ أحسنت.
ثلاثة أأسئلة كبرى حارت فيها عقول الناس، بقى وتطلع الفلسفات ويطلع مش عارف إيه؛ من أين وإلى أين ولماذا؟ احنا هنا ليه؟ فإراهيم عليه السلام هو عارف هو هنا ليه، طب قلبه يشتاق للولد مش هيدعو بأي ولد، ﴿رَبِّ هَبْ لِي مِنَ الصَّالِحِينَ﴾ [الصافات: 100]. زي زكريا كده لما جه دعا ولد ولا قال إيه في سورة مريم؟ قال إيه؟ ﴿مِن لَّدُنكَ وَلِيًّا﴾ [مريم: 5-6]. لا، ده مش واحد ولي بس كده، لا ﴿يَرِثُنِي وَيَرِثُ مِنْ آلِ يَعْقُوبَ﴾، يبقى كان زكريا غني وخايف على فلوسه تروح لإخواته بعد كده فإيه عاوز العيل عشان كده ولا إيه؟ أمال يرثون يعني إيه؟ يرث النبوة، يرث العلم؛ لأن الأنبياء لا يورثون أصلًا، فيرثون هنا؛ يرث النبوة والعلم، و﴿يَرِثُ مِنْ آلِ يَعْقُوبَ﴾. بس كده؟ لا، ﴿وَاجْعَلْهُ رَبِّ رَضِيًّا﴾ [مريم: 6]. بالمناسبه أهو، زكريا ابتُلي في مين؟ في يحيى والذبح. عارفين القصة ولا لا؟ يحيى الذبح عليه السلام.
فاربطلوا يا جماعة الكلام ده، يعني بص القرآن نسق واحد ازاي؟ برضه نفس القصة تقريبًا، نفس القصة: رجل كبير زكريا وامرأته عاقر، ده كله في سورة مريم وبعدين عاوز ولد فيجيله الولد فيبتلى في الولد بس المرض يتذبح فعلًا. وابراهيم معانا أهوو، قال: ﴿رَبِّ هَبْ لِي مِنَ الصَّالِحِينَ﴾ [الصافات: 100]. شوفوا يا جماعة، يعقوب عليه السلام قيل إنه لما ابيضت عينه من الحزن فهو كظيم وبعدين ابتدوا يلوموه.
جاء في بعض الإسرائيليات حاجة عجيبة جداً؛ أن يعقوب عليه السلام رد بكلمة في غاية العجب. هو قاعد بيعيط وابيضت عينه من الحزن فهو كظيم، يلوموه: تذكر يوسف حتى تكون حرضاً أو تكون من الهالكين؟ جاء في بعض الآثار أنه قال: ليت شعري، مؤمن هو أم كافر؟ يعني يعقوب عمال يعيط وببكي واللي شاغله أو أكبر شيء شغله: ليت شعري، مؤمن هو أم كافر؟ هو حال دينه إيه مش دنيته، حال دينه إيه؟
تعالى كده، ابنك كبر وسافر دولة في الخليج في أوروبا في أي حاجة، وبيتصل بيك أول مكالمة، بعد يومين ثلاثة كده بيتصل بيك أول مكالمة تسمع صوته بقا، أول حاجة تسأله عنها إيه؟ أنا بكلم الإيه إيه؟ بكان الناس اللي واخدين درجة أن في امتحان العقيدة ها في المعهد وفي الأزهر وفي الأكاديمية، أول حاجة هتطمن عليها إيه في حياة ابنك؟ دنيته. بلاش نضحك على بعض. ده لو أصلًا افتكرت في المكالمة انك تسأله عن دينه أصلًا، ده لو افتكرت. أول أسئلة: المكان، لا نضيف كويس؟ طب اللي قاعد معاك في الشقة، مريح؟ السوبر ماركت؟ الأكل؟ الشرب؟ الحياة؟ طب مش عارف المواصلات؟ طب يا ابني، لا إله إلا الله، لا إله إلا الله، محمد، هي دي الحاجة الآية؟ التوحيد في المكالمة كلها لا إله إلا الله. طب يا ابني، صلاتك عاملة إزاي؟ يا ابني طب يا ابني الجو العام اللي عندك مشجع على الدين؟ يا ابني هتفقد دينك؟ ما فيش.
لما تفوق للكلام ده بقا، تفوق للكلام ده بعد مكالمتين ثلاثة، ده لو فقت له. يا مين يا متدين؟ أنا ما بتكلمش اللي مش متدين، أنا بتكلم المتدين. ابنك دخل من بره بعد الامتحان خلاص، وهو نازل الصبح 8 الصبح وداخل عليك 4.5، 5، يعني حصل إن في صلاة ظهر وعصر وداخل عليك، أول سؤال هتسأله، قوله إيه؟ ها يا متدين، الامتحان؟ عملت في الامتحان؟ جه سهل ولا صعب؟ مش هتسأله: صليت الظهر في وقته؟ دعك الآن بقا من جماعة وصف أول والحاجات الجميلة دي، لا، انت ابنك ممكن يكون فاته الظهر ما صلاهوش في وقته أصلًا. يا ابني، صليت الظهر في وقته؟ انت هنا ليه انت بقا؟ انت مش ابنك، انت هنا ليه؟ لماذا؟ لماذا نحن هنا؟ فانت هنا بتعمل إيه؟ ﴿رَبِّ هَبْ لِي مِنَ الصَّالِحِينَ﴾ [الصافات: 100].
فبشرناه بغلام حليم. شايفين حرف الفاء ده؟ حرف الفاء ده حرف عجيب ها، حرف الفاء في اللغة بيفيد إيه؟ السرعة، التعقيب. ماشي على هذا القول: إن هو بمجرد أن دعا بُشّر. فحرف الفاء ده بقا عاوزين نربطه بحرف فاء تاني اللي فين؟ في سورة البقره: ﴿وَإِذِ ابْتَلَىٰ إِبْرَاهِيمَ رَبُّهُ بِكَلِمَاتٍ فَأَتَمَّهُنَّ﴾ [البقرة: 124]. حد فاهم حاجة؟ يعني سرعة استجابتك لله تكون سرعة استجابة الله لك. هو لما كان سريع عليه السلام في امتثال الأمر فاتمهن، جاء استجابة سؤاله بالولد سريعاً. فهمتوا؟ ﴿فَبَشَّرْنَاهُ بِغُلَامٍ حَلِيمٍ * فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَىٰ فِي الْمَنَامِ أَنِّي أَذْبَحُكَ فَانظُرْ مَاذَا تَرَىٰ﴾ [الصافات: 101-102]. ﴿فَلَمَّا بَلَغَ مَعَهُ السَّعْيَ﴾، قلنا لكم ده مما زاد في البلاء أنه أمتى؟ لما بلغ معه السعي فحب الولد كبر في قلب الوالد وهو ده الوقت اللي الوالد مستني بقا يشوف إيه؟ الثمرة. سيبكم من أن دلوقتي العيل عنده 12 سنة و13 سنة وما لا يعتمد عليه، بنكله، زمان ما كانش كده. زمان ما كانش كده. احنا النهارده بيوصل لـ20 سنة ولسه بياخد المصروف من بابا وماما، هو دي طبيعة الحياة للاسف اللي رسمت لنا، رسمت لنا.
لا، زمان 16 سنة أو 18 سنة وقائد لإيه؟ لجيش مين؟ ومين تاني؟ محمد الفاتح. شباب 16 سنة و18 سنة قائد جيش! انتوا انتوا عارفين يا جماعة قائد جيش عشان بس أصل احنا بناخد كلمات كده ومش فاهمينها؟ ماش، قائد جيش ففي دماغك إيه بقا؟ الحرب. لا هو مش الحرب والضرب والـ قائد جيش يعني الآية؟ قرار. يا جماعة قائد الجيش ممكن يبقى في ناس أشد شد منه في الحرب، انما فكرة لما أقول لك فلان قائد جيش، عارف يعني إيه قائد جيش؟ يعني قرار، يعني بكلمة منه الجيش هيروح يمين أو شمال أو يتقدم أو يتاخر أو يتمطرس أو قرار. احنا بنسلم واحد عنده 16 سنة قرار، هيخد قرار في الآلاف المسلمين! حد مستوعب دي؟ عنده كام؟ 16 سنة، 18 سنة وهيخد القرار. دلوقتي اللي عنده 16 سنة ده إيه؟ ما بيعرفش يشري بنطلون لنفسه! ماما تنزل، لازم ماما تنزل معايا لازم، مش أو فئة منهم يعني. لا، ده بياخد قرار في في المسلمين، في رقاب المسلمين.
﴿فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَىٰ فِي الْمَنَامِ أَنِّي أَذْبَحُكَ فَانظُرْ مَاذَا تَرَىٰ﴾ [الصافات: 102]. من الدروس الكبيرة، لأن الوقت يعني ابتدى إيه؟ هيخلص وانتم هتزهقوا أنا عارف، من الدروس الكبيرة يا جماعة في في هذه الآيات أن البلاء ربنا سبحانه وتعالى ذكره في آيتين بس! آيتين بس فيها البلاء، وبعدين 10 آيات كلها بشريات! ودي من الدروس الكبيرة لازم نفهمها. ﴿فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَىٰ فِي الْمَنَامِ أَنِّي أَذْبَحُكَ فَانظُرْ مَاذَا تَرَىٰ * قَالَ يَا أَبَتِ افْفَعَلْ مَا تُؤْمَرُ سَتَجِدُنِي إِن شَاءَ اللَّهُ مِنَ الصَّابِرِينَ﴾ [الصافات: 102-103]. أول آية. ﴿فَلَمَّا أَسْلَمَا وَتَلَّهُ لِلْجَبِينِ﴾ [الصافات: 103]. ثاني آية وخلص البلاء. ﴿فَلَمَّا أَسْلَمَا وَتَلَّهُ لِلْجَبِينِ * وَنَادَيْنَاهُ أَن يَا إِبْرَاهِيمُ﴾ [الصافات: 103-104]. عشر آيات بقا: ﴿قَدْ صَدَّقْتَ الرُّؤْيَا ۚ إِنَّ كَذَٰلِكَ نَجْزِي الْمُحْسِنِينَ﴾ [الصافات: 105] إلى آخر الآيات لغاية ﴿وَبَشَّرْنَاهُ بِإِسْحَاقَ نَبِيًّا مِّنَ الصَّالِحِينَ * وَبَارَكْنَا عَلَيْهِ وَعَلَىٰ إِسْحَاقَ ۚ وَمِن ذُرِّيَّتِهِمَا مُحْسِنٌ وَظَالِمٌ لِّنَفْسِهِ مُبِينٌ﴾ [الصافات: 112-113]، عشر آيات كلها بشريات. طب إيه الفايدة اللي في كده؟ تأدبوا مع الله سبحانه وتعالى.
دلوقتي يا جماعة لو واحد وقع في بلاء وبلاء كبير يعني أو هو عنده بلاء كبير، أصيب بسرطان عافاكم الله أو ابتلي في ولده أو في أي بلاء كبير، تعال اقعد مع المبتلى ده وقول له: إيه اخبارك؟ هتلاقيه عمال يسهب في ذكر الآية؟ البلاء بتفاصيله اللي هو إيه؟ والله انا هحكي لك بقا اقعد اقعد، وبعدين يقول لك إيه: أصل انا تعبت شوية وجالي كحة فـ روحت أكشف فالدكتور قلق فقال لك اعمل أشعة فـ أو حاجة عملت منظار فعملوا مش عارف إيه فاكتشفوا أن هو سرطان، طب حميد ولا خبيث؟ لقوه خبيث. طب وبعدين رحت مش عارف إيه وبعدين 57357 ويقعد يحكي ويسهب في ذكر البلاء، وهذا سوء أدب مع الله عز وجل. سوء أدب.
طيب عارف الراجل ده لو خف؟ افتراضًا يعني أنه خف من السرطان، عارف هتيجي لقطة أنه خف دي في قد إيه؟ في 10 ثواني في الآخر: بس الحمد لله كله بقى تمام زي الفل دلوقتي! بعد ساعة عمال يتكلم عن البلاء، سوء أدب مع الله. طب أقول لكم درجة أسرع؟ كان من السلف اللي أصلًا ما يقولش إنه عيان أصلًا، يعني الإمام أحمد لما كان يُسال كيف تجدك وهو كان تعبان الإمام أحمد، فيقول: في عافيه، بس. فلما يُلح عليه السائل فيقول له: أحمد يا هذا، ان قلت لك في عافيه حسبك، لا تخرجنا إلى ما نكره، ما تقعدش تزن عليا عشان أقول لك حاجات أنا مش عاوز أقولها.
الإمام أحمد يا جماعة، الإمام أحمد مش بس بقى الشكوى وهو بيان تعبان وفي خلاص تعبان تعب شديد فبيان. فذكر له أثر أن طاووس كان يكره الأنين. الإمام طاووس من أئمة التابعين. طاووس ولا مين؟ حد يسيرش كده يشوف هو إن شاء الله يبقى طاووس، كان يكره الأنين فما سُمع لأحمد أنين حتى مات! الأنين آه، كانوا يكرهونها. مش تقول مش بقى انك تقول إيه: ده حصل ورحت وجيت وبتاع واكتشفوا وعملوا والورم زاد والـ لا لا خالص، في عافيه، الحمد لله.
ماشي كان حد من السلف، وده أعجب ما سمعت أو قرأت، واحد من السلف أتعمى وما قالش، وده بالنسبة لي عجيب يعني، يعني عجيب انت أن هو تصحى الصبح انت نفسك مش شايف حاجة، أول حاجة هتعملها إيه؟ هتنادي على البيت كله، أول حاجة هتعملها كده صح؟ يعني انا مش شايف حاجة، البيت كله هيعرف في لحظتها. في واحد من السلف أتعمى وما قالش، ما قالش لحد إنه أتعمى! عجيب والله يا جماعة، دي حاجات عجيبة. تأدبوا مع الله، تأدبوا مع الله، ربنا بيعلمنا الأدب ده بقا.
مشهد البلاء، حد شاف طاووس مش كده؟ مشهد البلاء ده لو جبنا واحد دلوقتي يعمله فيلم؛ فيلم تاريخي ولا فيلم وثائقي؟ قوله تعالى، في مشهد كده عاوزين ممكن يعمل فيلم في ساعتين في حتة البلاء ده بس؛ اللي هو الرؤية تيجي لإبراهيم مرة وبعدين في الثانية في الثالثة، ده اللي حصل. وده برضه يا جماعة من شدة بلاء إبراهيم، احنا نسينا نقول إنه لما أوحي إلى إبراهيم أنه يذبح ولده في طرق للوحي؛ منها أن جبريل يجي يقول له: اذبح ولدك، مش كده؟ ما حصلش كده! ربنا اختار طريقة عجيبة جداً وهي الرؤية؛ رؤية الأنبياء إيه؟ وحي. ليه بقى؟ لأنك تشوف ده بعينيك، ده لوحده بلاء. ليس من رأى كمع سمع! انتم عارفين لما تشوف حلم وحش، تصحى مكتئب، ممكن يقفل لك اليوم كله، مع أن نفس الحلم ده لو اتحكى لك مش هتتاثر. ليه؟ لأنه ليس من رأى كمن سمع. شوفوا كده سيدنا موسى لما أخذ الألواح من الرب سبحانه وتعالى ومكتوب فيها التوراة، يعني حاجة لها قدسيتها يعني واخدها من ربنا سبحانه وتعالى، ربنا قال له إيه؟ ﴿فَإِنَّا قَدْ فَتَنَّا قَوْمَكَ مِن بَعْدِكَ وَأَضَلَّهُمُ السَّامِرِيُّ﴾ [طه: 85] الآية. يبقى موسى راجع وهو عارف إنه إيه؟ هيشوف الناس على حالة معينة، مش كده؟ أول ما شافهم عمل إيه؟ ألقى الألواح! طب ما انت عارف يا موسى، ما انت تقال لك! ده ليس من رأى كمن سمع، وقع البلاء لما تشوفه أشد بكتير جداً.
فـ مشهد يتفصل كده ياخده في ساعة ساعتين، وبعدين وهو جاي يقول لابنه، وبعدين وهم يعني نفسية إبراهيم، إزاي تتصور بقا في المشهد ده مشهد سينمائي وهو بيقدم رجل ويؤخر أخرى يمكن التخفيف ينزل؟ يمكن مشهد يعني يضاحكي، ربنا حكاه في آيتين! آيتين، ومعظم الآيتين يا جماعة في إيه؟ مش في البلاء نفسه، في تعاطي إبراهيم وابنه على البلاء. ﴿فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَىٰ فِي الْمَنَامِ أَنِّي أَذْبَحُكَ﴾، آه ده بلاء، من أول هنا بقا تعاطي الوالد والولد مع البلاء: ﴿فَانظُرْ مَاذَا تَرَىٰ * قَالَ يَا أَبَتِ افْعَلْ مَا تُؤْمَرُ ۖ ستجد ستجدني إن شاء الله من الصابرين * فلما أسلم وتله للجبين﴾. فين البلاء أصلًا؟ يعني هو البلاء عارفين فين؟ في جملة واحدة؛ جملة ﴿إِنِّي أَرَىٰ فِي الْمَنَامِ أَنِّي أَذْبَحُكَ﴾. بعد كده حتى بقية الآيتين تعاطي النبي وابنه مع البلاء، وبعدين 10 آيات بشريات! تعلّموا الأدب مع الله يا شباب.
إيه اخبارك؟ عامل إيه؟ في عافيه. طب اضطررت انك تحكي؟ يبقى إيه؟ لا والله أبدا ده أنا إيه يعني حصل حاجة كده بس الحمد لله ده ربنا اداني واداني واداني، وأقعد بقا ساعة أحكي عن عطايا الرب سبحانه وتعالى. طب إيه العطايا؟ هي العطايا لازم تكون خفيت؟ لا والله مش لازم، مش لازم. العطايا ممكن انك أُلهمت الصبر، عطاء ده ولا مش عطاء يا جماعة؟ لقيت كده جواك سكينة ورضا، عطاء ده ولا مش عطاء يا جماعة؟ والله هذا الموقف حصل معي: صديق لي الله يرحمه وأصيب بالسرطان وهو شاب، وكان يعني شاب قوي وبتاع ورجل لعيب كراتيه قد الدنيا وأصيب بالسرطان بقا جلد على عظمة. كلمني في تليفونه وهو خلاص يعني في النزع يعني بيموت الراجل بيموت يعني، وهو مات فعلًا بعديه على طول بكام يوم، وهذه الكلمات قالها لي يعني أنا أول ما أكلم طبعا هو منظره منظره صعب يعني.
أنت هيكل عظمي، فأنا ابتديت زورت في نفسي كلامًا عن الرضا وعن كذا، يا دوب جيت بتكلم، قال لي بقولك إيه: أنا راضي لأبعد درجة، أنا ما بكلمش عشان كده أصلاً والله، ده كلامه ليا، أنا راضي بأي حاجة بتحصل فيا ولأبعد درجة.
وده مش سبب مكالمتي، أنا مش بكلمك عشان تقول لي كلام أرضى بيه، أنا راضي عن ربنا والله يا جماعة، ده كلام رجل. أنا بكلمك بس عشان أشوف في الأيام اللي باقية لي دي، اللي أنا قاعد يحكي لي شوية حاجات بيعملها، ده كده أحسن حاجة ولا في حاجة أحسن ممكن أعملها؟ ده سبب مكالمتي، فمش عاوزك تحكي لي كتير، أنا مش عاوز كلام عن رضا ولا عن صبر، أنا راضي.
إزاي يا جماعة أنا ما أشوفش ده عطاء؟ يعني ده أعلى العطاء. فإحنا ممكن نتكلم في... لا والله ده أنا حاجة بسيطة كده، وسبحان الله يا أخي ربنا مديني رضا عجيب، سبحان الله يا أخي ما كنتش متخيل إن ممكن أصبر على حاجة زي كده، ربنا أنزل عليَّ صبرًا ما فيش بعده، سبحان الله يا أخي، إن يجي فيَّ وما يجيش في حد بحبه ده كان هيبقى أصعب عليَّ.
وتقعد تتكلم عن ربنا سبحانه وتعالى، أنت بتشتكي مين لمين يا ابني؟ ما هو أنت تقعد تقول إيه؟ والورم وكبر... هو مين اللي جاب الورم؟ ومين اللي كبَّر الورم؟ أنت بتشتكي مين لمين؟
فده درس كبير جدًا في هذه الآيات، عشر آيات كلها بشريات. وعلى التحقيق بقى البلاء ما جاش في آيتين، جه في جملة: ﴿إِنِّي أَرَىٰ فِي الْمَنَامِ أَنِّي أَذْبَحُكَ﴾ وخلصت. ﴿قَالَ يَا بُنَيَّ إِنِّي أَرَىٰ فِي الْمَنَامِ أَنِّي أَذْبَحُكَ فَانظُرْ مَاذَا تَرَىٰ﴾.
هنا يا جماعة، إزاي بقى نتعامل مع الأبناء؟ إزاي نتعامل مع المرؤوسين؟ ﴿إِنِّي أَرَىٰ فِي الْمَنَامِ أَنِّي أَذْبَحُكَ فَانظُرْ مَاذَا تَرَىٰ﴾، مش هو خلاص ده وحي؟ يعني ما فيش في أمر ربنا هزار، كان ممكن تعالى نام أنا هدبح، ده أمر ربنا، توافق ما توافقش، ده مش موضوعنا. وبعض الآباء بيعامل الأبناء كده، هو الأمر فرمان، إبراهيم ما عملش كده.
﴿إِنِّي أَرَىٰ فِي الْمَنَامِ أَنِّي أَذْبَحُكَ فَانظُرْ مَاذَا تَرَىٰ﴾، إيه رأيك؟ طب يا جماعة، يعني هو لو كان قال له: لا يا بابا ما تذبحش، كان طب خلاص أنت قلت ما تذبحش مش هنذبح، هو أكيد مش كده. طب هو بيعمل إيه؟ قالوا أراد أن يستخرج الطاعة من ولده.
وخلاصة ثانية كده بيتكلموا عنها في الإدارة، افهموا دي يا شباب لأنها مهمة جدًا في التعامل مع الأبناء، حتى لما يجي مدير كبير وعاوز يعمل قرار في المؤسسة، فبيتكلموا عن حاجة اسمها الـ "Buy-in"، حد يعرف الـ "Buy-in"؟ حد سمع اللفظ ده؟ الـ "Buy-in" باختصار كده يعني كلمتين كده بالصلاة على النبي.
الـ "Buy-in" يعني إنك بتدخل موظف، كأن الموظف هو اللي بياخد القرار، ليه؟ عشان لما يحس إن هو قراره نفسه، هيستموت على تنفيذ هذا القرار. فانت بتعمل الحركة دي بيسموها الـ "Buy-in" وليها تكنيكات بقى. من التكنيكات "النص كم" بتاعة الـ "Buy-in" دي إن ممكن مدير يجي يتبنى -خلي بالكم أنا داخل اجتماع وأنا عاوز أعمل الخطة (أ)- الاجتماع هدفه أنا هخرج من الاجتماع بعمل الخطة (أ)، خلاص أول ما أدخل الاجتماع أعرض الخطة (ب)، وأعرض إن أنا مؤيد للخطة (ب) النص، أبين بقى إني منتقِد لكذا وأقعد أشرح في الخطة (ب) اللي أنا بينت إن أنا مؤيد ليها، فيبتدي الناس كلها تميل ناحية الخطة (أ)، وطلعت إن أنا تنازلت عن رأيي للخطة (أ) اللي أنتوا قلتوا عليها، تخيلوا الموظفين دول هيطلعوا عاملين إزاي في تنفيذ الخطة (أ) دي؟ "خطتنا مش كده".
المهم، ليها تكنيكات، حكاية إنك تأخذ "Buy-in" من الناس دي، فإبراهيم عليه السلام بيعمل كده مع الابن: ﴿إِنِّي أَرَىٰ فِي الْمَنَامِ فَانظُرْ مَاذَا تَرَىٰ﴾، أراد أن يستخرج الطاعة من ولده. فمهم نعمل ده، وفي القراءة الأخرى: ﴿فَانظُرْ مَاذَا تَرَىٰ﴾، ودي قراءة جميلة جدًا: ﴿إِنِّي أَرَىٰ فِي الْمَنَامِ أَنِّي أُذَبِّحُكَ فَانظُرْ مَاذَا تَرَىٰ﴾، يعني يا بني جاء الأمر فكن على قدر الأمر، ﴿فَانظُرْ مَاذَا تَرَىٰ﴾، الله منك؟ فاهمين دي؟ يعني يا بني جاء الأمر فكن على قدر الأمر، فانظر ماذا ترى الله منك، ها، هتوري ربنا إيه منك بقى قدام أمر ربنا سبحانه وتعالى؟ عاوزين يا جماعة تتعاملوا كده مع الأبناء.
﴿قَالَ يَا أَبَتِ افْعَلْ مَا تُؤْمَرُ سَتَجِدُنِي إِن شَاءَ اللَّهُ مِنَ الصَّابِرِينَ﴾. رد إسماعيل الحقيقة أو الذبيح، أنا عمال أقول إسماعيل بغلط، يعني أقول إسماعيل وأرجع أقول الذبيح، مرة بس، هو ليه؟ لأن مين الذبيح؟ هو في خلاف بين العلماء طبعًا، إن الذبيح هو إسحاق، ده قول أهل الكتاب، وأرادوا أن ينسبوا ذلك الشرف لأنفسهم، لأن أنتم عارفين إسماعيل كل الأنبياء من ذريته، إسحاق كل الأنبياء بني إسرائيل من ذرية إسحاق، أي نبي جه بعد إسحاق فهو من ذرية إسحاق، إلا سيدنا محمد ﷺ، ومن ذريته إسماعيل، فأرادوا أن قصة الذبح دي تكون لإسحاق، والحقيقة هذا القول قول بعض أهل العلم من أهل الإسلام برضه، فالخلاف واقع، يعني علماء الإسلام اختلفوا على ثلاثة أقوال: الأول قول إسماعيل، والثاني قول إسحاق، والقول الثالث التوقف، يعني ده قول قال به قلة من أهل الإسلام.
جمهور العلماء على أن الذبيح هو إسماعيل عليه السلام، ده الجمهور خلاص، فإحنا مش وقت بقى الخلاف ده، المهم في الآخر قول إسماعيل عليه السلام أو الذبيح: ﴿يَا أَبَتِ افْعَلْ مَا تُؤْمَرُ سَتَجِدُنِي إِن شَاءَ اللَّهُ مِنَ الصَّابِرِينَ﴾.
يدرس يا جماعة، يدرس، خلي بالكم، أنت بتقول لولد أنت هتذبح، بعد شوية ولد عنده 13 سنة، أنت جبت منين الهدوء؟ أصله عارف، هو ممكن يرد "اعمل اللي أنت عاوزه" بس بارتباك، وساعتها ده إحنا هنشيله على الرؤوس، هو ما عملش كده، لا، ده رد مطمئن: "يا أبتِ". مش "يا أبي" كمان، أنتوا عارفين "أبتِ" فيها تودد وتلطف مع إبراهيم عليه السلام، "يا أبتِ" دي بداية، شايفين "يا أبتِ" دي؟ بقى اربطوها بأربعة، "يا أبتِ" في سورة مريم، مين اللي قالها إبراهيم لأبيه؟ مش كده؟ اربطوا دي عشان تفهموا الدنيا ماشية إزاي: «بِرُّوا آبَاءَكُمْ تَبَرَّكُمْ أَبْنَاؤُكُمْ»، إبراهيم لما كان بيقول لأبيه: "يا أبتِ، يا أبتِ...".
يا أبت لا تعبد الشيطان، يا أبت إني قد جاءني، يا أبت أربعة، يا أبت في سورة مريم خرج ابنه يقول له: ﴿يَا أَبَتِ﴾ [مريم: 42]. فاللي بيشتكي حقوق ابنه، ارجع كده بالذاكرة هتلاقيك كنت كده.
قال: ﴿يَا أَبَتِ افْعَلْ مَا تُؤْمَرُ﴾ [الصافة: 102]. والله يا جماعة ألفاظ تدرس، هو قال له: إني أرى في المنام أني أذبحك فانظر ماذا ترى. الرد إيه؟ يا أبا تذبح؟ ما هو ده أذبح ولا ما أذبحش؟ أذبح؟ ما قالش كده، ﴿يَا أَبَتِ افْعَلْ مَا تُؤْمَرُ﴾. كان يا جماعة الولد ده هو ده بقى اللي متربي على العقيدة بقى، هي دي العقيدة، أنت بتسألني في إيه؟ أي أمر يجيلك إعمله، أنت مربيني على كده، ﴿يَا أَبَتِ افْعَلْ مَا تُؤْمَرُ﴾. وكأني بقى هنا إيه مش برد على سؤال، لا، ده أنا بديك تفويض. عرفتوا الفرق يعني إيه؟
طيب، واحنا ماشيين دلوقتي جه الأمر، لا، مش ذبح، ده أنا هرميك من، ما تسالنيش بقى تاني خلاص، يعني أنت معاك تفويض، ما ترجعش تسالني، طب يا بني هو الذبح اتغير بقى رمي من على الجبل فاقول لك أرمي؟ طب واحنا طالعين، طب يا بني الأمر اتغير تاني بقى، مش أنت معاك تفويض؟ ﴿يَا أَبَتِ افْعَلْ مَا تُؤْمَرُ﴾. إيه ده؟ ﴿سَتَجِدُنِي إِن شَاءَ اللَّهُ مِنَ الصَّابِرِينَ﴾ [الصافات: 102]. كده.
ما هو ما هو ربنا هو يا جماعة اللي وصفه بالحلم، مين ده؟ ربنا. فعلا يعني رد كده عجيب، ده واحد مرتب كلام. أنت ممكن تبقى بالبدلة الحمراء وبتتجَر عشان تتحط المشنقة حوالين راسك وتبقى مرتب الكلام كده؟ مستحيل، مستحيل. ده إيه الحلم اللي البني آدم ده فيه؟ وبعدين تفاجأ، عارف ده بس حضرتك، ده مش ده مش راجل، ده 13 سنة، ده غلام، 13 سنة الكلام ده طالع من غلام 13 سنة بهذا الترتيب. ﴿يَا أَبَتِ افْعَلْ مَا تُؤْمَرُ سَتَجِدُنِي إِن شَاءَ اللَّهُ مِنَ الصَّابِرِينَ﴾. إيه الجمال ده؟ إيه التربية دي؟
فلما أسلم وتلّه للجبين. فلما أسلم، أي فلما استسلم لأمر الله عز وجل. فلما أسلم، أي نطق بكلمة الإسلام لا إله إلا الله، قالها إبراهيم للذبح وقالها الولد للقتل. فإبراهيم قال بسم الله الله أكبر لا إله إلا الله، وقال الولد لا إله إلا الله؛ لأنه إيه تزهق الروح خلاص. فلما أسلم، خلاص وصلوا لآخر مرحلة، فلما أسلم وتلّه للجبين. قيل إنه ليه تلّه للجبين؟ خاف أن عينه تيجي في عينيه فيضعف، فتله للجبين عشان ما يبصش في عين ابنه فيضعف عن امتثال الأمر.
وزي ما عرفتوا بقى إنه كمان أمر السكين على إيه؟ على رقبة الولد فلم تذبح. ﴿وَنَادَيْنَاهُ أَن يَا إِبْرَاهِيمُ * قَدْ صَدَّقْتَ الرُّؤْيَا إِنَّا كَذَلِكَ نَجْزِي الْمُحْسِنِينَ﴾ [الصافات: 104-105]. وده الدرس الإيه اللي ابتدينا بيه. قولوا قولي هذا واستغفر الله العظيم لكم. سبحانك اللهم وبحمدك، نشهد أن لا إله إلا أنت، نستغفرك ونتوب إليك.