مناسك العمرة و أسرارها

بسم الله، الحمد لله، والصلاة والسلام على رسول الله وعلى آله وصحبه ومن والاه. وأشهد أن لا إله إلا الله وحده لا شريك له، وأشهد أن محمداً عبده ورسوله. اللهم صلِّ على سيدنا محمد النبي، وأزواجه أمهات المؤمنين، وذرياته وأهل بيته كما صليت على آل إبراهيم، إنك حميد مجيد.

بما أن معظم الناس ستحتاج معرفة كلام عن الإحرام وعن مناسك العمرة، فليكن هذا الدرس عن المناسك بشكل مختلف قليلاً، حيث سنتحدث عن الأسرار التي تكون في مناسك العمرة، وما المعاني التي يستحضرها الواحد وهو يؤدي العمرة. فالفوج الخاص بنا سيسافر غداً إن شاء الله لأداء العمرة، ونبدأ أولاً بالإحرام. الإحرام هو نية النسك، وليس لبس البشكير؛ فلبس البشكير لا يعني أنك محرم، فإذا كنت مرتدياً إياه وما زلت لم تنوِ النسك، فيمكنك فعل أي شيء من محظورات الإحرام، كقص الأظافر أو حلق الشعر، إذ إنك لم تحرم بعد.

بالنسبة للرجل، يحرم في إزار ورداء، وهما البشكران الأبيض الذي نعرفهما. لا ينفع لبس شيء تحت الإزار؛ فبعض الناس يرتدون "غياراً" بكباسيل تحت البشكير، وهذا لا يجوز وهو من محظورات الإحرام. وكذلك الرداء لا يجوز وضع دبابيس أو كباسيل فيه. أما الإزار فيجوز شده بحزام أو دبوس للضرورة فقط. وبعض الإحرامات التجارية للأسف تكون مخيطة كالجيبة، وهذا لا يجوز لبسه. والأفضل ألا تستخدم حزاماً ولا دبابيس، بل تلف البشكير على جسدك بطريقة عملية ستراها وتكون أثبت وأقوى.

يجب لبس شبشب في الرجلين، ويمنع لبس الشراب. كما يمنع لبس الطاقية أو تغطية الرأس للرجال. أما الساعة والنظارة فلا بأس بهما. بالنسبة للنساء، فلا يوجد لون معين للإحرام، فيمكنها الإحرام بأي لون، لكن لا يجوز تغطية الوجه بالنقاب إذا كانت منتقبة، فإذا كان هناك رجال أجانب يمكنهم رؤية وجهها، فتغطي وجهها بطرف طرحتها المسدلة من على رأسها، ولا تشده كالنقاب. كما لا يجوز للمرأة ولا للرجل لبس الجوانتي في الإحرام.

يجب الانتباه إلى أن الطواف مثل الصلاة تماماً، فجسم المرأة يجب أن يكون مستوراً ولا يظهر منه إلا الوجه والكفان، فالطواف صلاة كما قال النبي صلى الله عليه وسلم، لذا يجب الحذر من انكشاف أي جزء من الجسد أثناء الطواف.

بخصوص طريقة لبس الإزار، يفضل فرده جيداً وعدم جعله مكلكعاً، ثم لف طرفه حول الخصر لفتين، فهذه الطريقة هي الأثبت.

بالنسبة للمنتقبة، لا تلبس النقاب الذي به فتحة للعين، بل تجعل طرحتها فوق رأسها، فإذا مر رجال أسدلتها على وجهها، وإذا خلا المكان رفعته. وعند الذهاب للميقات -وهو ذو الحليفة لأهل المدينة- سننوي الإحرام ونقول: «لبيك اللهم بعمرة، فإن حبسني حابس فمحلي حيث حبستني». وإذا كان الشخص يعتمر عن غيره، يقول: «لبيك اللهم بعمرة عن فلان، فإن حبسني حابس فمحلي حيث حبستني».

إذا كانت المرأة حائضاً، فهي تحرم وتفعل كل شيء غير الطواف، وتشترط شرط الحبس، فإذا طهرت طافت بالبيت. وإذا لم تظهر وانتهى وقت السفر، فقد اشترطت "فإن حبسني حابس فمحلي حيث حبستني"، فبهذا الشرط تحل من إحرامها وتترك العمرة.

من محظورات الإحرام التي يغفل عنها الناس: تغطية الرأس للرجل، فيجب الحذر أثناء النوم من تغطية الوجه بالغطاء لأن ذلك يعتبر تغطية للرأس. ومنها حلق الشعر أو نتفه، لذا يجب الحذر عند تمشيط الشعر أو العبث باللحية. ومنها قص الأظافر، فمن لديه عادة قضم الأظافر يجب أن يتوقف عن ذلك تماماً. ومنها استخدام الطيب، فالمنديل المعطر في الطائرة أو الصابون المعطر الذي له رائحة نفاذة لا يجوز استخدامهما بعد الإحرام.

من سنن الإحرام أن تتطيب في بدنك قبل أن تحرم، أي قبل أن تنوي وتلبي، وليس في الثوب؛ لأنه إذا وضعت الطيب في الثوب وخلعته لا يجوز لك العودة لارتدائه. وشعار العمرة هو التلبية: «لبيك اللهم لبيك، لبيك لا شريك لك لبيك، إن الحمد والنعمة لك والملك، لا شريك لك». ونكثر من التلبية ونرفع أصواتنا بها عند تغير الأحوال، كالصعود والنزول.

عند دخول المسجد الحرام، نقول دعاء دخول المسجد: «أعوذ بالله العظيم، وبوجهه الكريم، وسلطانه القديم، من الشيطان الرجيم، بسم الله، والصلاة والسلام على رسول الله، اللهم افتح لي أبواب رحمتك». وإذا رأينا الكعبة نقول: «اللهم أنت السلام، ومنك السلام، حينا ربنا بالسلام، اللهم زد هذا البيت تشريفاً وتعظيماً».

تقول: اللهم زد هذا البيت تعظيماً وتشريفاً وتكريماً ومهابة وبراً، وزد من عظمه وشرفه ممن حجه واعتمره تعظيماً وتشريفاً وتكريماً ومهابة وبراً. وبعضهم يذكر أن هذه من مواطن إجابة الدعاء، فالذي يريد أن يدعي بأي حاجة يدعو في هذا الوقت.

سندخل إن شاء الله ونبدأ الطواف، وطبعاً وأنا ماشي ممكن أسقط شوية سنن فذكروني بها. هنبتدئ الطواف من عند الحجر الأسود، والحجر الأسود ستجدون بمحاذاته لمبة خضراء عالية؛ حتى الذي لا يرى الحجر الأسود والزحمة عنده والدنيا واقفة يعرف مكانه. ونحن مع بعض إن شاء الله نرى الحجر الأسود، وطبعاً لا توجد رفاهية أن نقول تستلمه وتقبله، لا أحد سيفعل هذا، ولا أحد يذهب ويفعل هذا نصيحة؛ لا أحد سيقدر على ذلك، ولا أحد يذهب ويحاول فعل هذا، وهو ليس الأولى وليس الأحسن أن تذهب وتفعل ذلك أصلاً. لا تزاحم ولا تضايق غيرك ولا غيرك يضايقك، ولا تذهب تزق في سيدات والسيدات تزق في رجال والناس تصوت، لا تذهب عند الحجر الأسود. وإذا علم الله عز وجل منك الصدق أثابك، فمن بعيد نقف ونتوجه للحجر الأسود بجسمنا ونشير بيدنا ونقول: بسم الله والله أكبر، اللهم إيماناً بك ووفاءً بعهدك وتصديقاً بكتابك واتباعاً لسنة نبيك محمد صلى الله عليه وسلم. من ليس حافظاً لهذا الكلام سأكون معكم ونقوله مع بعض، وسنحاول أن ننزله لكم على الجروب إن شاء الله.

ونبدأ الطواف، الطواف سبعة أشواط، والطواف صلاة، والطواف صلاة؛ يعني لازم تكون متوضئاً، ولازم تكون ساتر للعورة. لو حصل ناقض من نواقض الوضوء يجب أن تذهب وتتوضأ وترجع مرة ثانية، هل ترجع وتعيد الطواف من الأول؟ لا، ستعود عند شيء من اثنين؛ يعني مثلاً أنت في الشوط الخامس واقف في النقطة الفلانية، تعود تبتدئ من عند النقطة الفلانية وتكمل الشوط الخامس، والأولى أن تبدأ من أول الشوط الخامس، يعني الخامس بقى ونحن في نصف الخامس، إذن نبتدئ من الخامس من الأول كأن الخامس هذا لم نبتدئه ونبتدئ من الخامس. إذا الصلاة أقيمت، ستقف وتصلي وترجع تبتدئ من مكان ما وقفت. هناك شيء مهم وكثير يحدث، أنا لا أحاول أن أجيب صوراً نادرة لا تحدث ونقعد نتكلم فيها ونضيع وقتاً، إنما من الذي يحدث وكثير؛ الصلاة أقيمت فحضرتك قطعت نية الطواف، وابتديت تدور على مكان لكي تصلي فيه، وأنت تدور ممكن تكون أخذت ضلعاً أو أكثر، كل الذي مشيته هذا ليس طوافاً. فما ينفعش تقوم تبتدئ من مكانك وأنت في حتة ما طفتها أصلاً، ترجع من النقطة التي كنت عندها، خلاص قطعت نية الطواف ورحت تدور على مكان تصلي فيه وترجع عند هذه النقطة، تبتدئ منها، ولو أردت أن تبتدئ من أول هذا الشوط ماشي.

بالنسبة للعورة، عورة الصلاة لابد أن تكون مستورة، فالرجل لا ينفع أن يكون البشكير تحت سرته؛ فالطواف باطل، والمرأة لا ينفع أن يكون الشراب صغيراً أو لا تلبس شراباً خالصاً أو يديها باينة، هو الوجه والكفان فقط هذا الذي يظهر من النساء في الطواف، والرجال ساترون العورة. طيب هذا بالنسبة للإزار للرجال، طب الرداء الذي نلبسه فوق سنعمل شيئاً اسمه الاضطباع، سأوريكم ما هو الاضطباع؛ الاضطباع أننا نجعل نصف البشكير تحت إبطنا اليمين، يعني كتفنا اليمين هو الذي سيظهر، ونرمي الطرفين على كتفنا الشمال، هذا يسمى الاضطباع. نضبع في السبع أشواط كلهم، والرجال طول ما نحن ماشيين.

أركان العمرة ثلاثة أشياء: الإحرام وهي نية الدخول، والطواف، والسعي، ما عدا ذلك فيه واجبات وفيه سنن، الواجبات لو تركت منها شيئاً تجبر، والسنن لو تركتها كلها العمرة سليمة، فمش عاوزين قلق؛ لأن في ناس تأتي متوترة، ستجدون حلولاً لكل شيء طالما نويت وطفت وسعيت. سنضبع، ولماذا الاضطباع سنة؟ لأن النبي صلى الله عليه وسلم هو والصحابة لما جاءوا يعملوا العمرة، فالكفار قالوا سيأتي عليكم ناس أنهكتهم الصحراء والسفر والحمى، فالنبي عليه الصلاة والسلام عرف أن الكفار قالوا ذلك، فأمر الصحابة بالاضطباع وأمرهم بشيء اسمه الرمل. والرمل هو أن نسارع الخطى مع تقاربها، لا نجري، نمشي مع تقارب خطى وسرعتها، هنرمل في أول ثلاثة أشواط بس وبعد كده نمشي عادي خالص.

بالنسبة لما نفعل ونحن نطوف؛ ذكر، دعاء، قراءة قرآن، هذه الأشياء كلها نعملها ما فيش مشكلة. لا أحبذ أبداً موضوع الدعاء الجماعي، واحد يدعي والباقي يؤمنون، والناس كلها ليست مركزة أصلاً في الذي يقال وعمالة تؤمن، لا، ادعُ مع نفسك بالذي أنت محتاجه، وإذا انقطع الدعاء ومعك مصحفك طلع مصحفك أو على الأبليكيشن على الموبايل واقرأ قرآن، أو لو دخل وقت الغروب قل أذكار المساء وأنت تطوف.

بين الركن اليماني والحجر الأسود، ما هو الركن اليماني؟ نحن نبتدئ من الحجر الأسود، الكعبة أربعة أركان، الركن الأول الحجر الأسود، ثم ركنان لا علاقة لنا بهما الآن، والركن الرابع هذا اسمه الركن اليماني الذي بعده مباشرة نرجع للحجر الأسود، من عند الركن اليماني للحجر الأسود في هذه الحتة نقول: ﴿رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ﴾ [البقرة: 201]. في هذا الوقت ستجدونني إن شاء الله أقول لكم هذا ونقوله مع بعض، وبقية الطواف كل واحد مع نفسه. نصيحة لكم، حضروا من الآن لمن تريدون الدعاء وبماذا تريدون الدعاء، ولو تعملوها ليستتين وتكتبوها على موبايل أو في ورقة، لا يشترط الدعاء باللغة العربية، ادعُ بأي لغة تريدها وادعُ بالعامية وكلم ربنا سبحانه وتعالى وعش معه بقلبك.

خلصنا الطواف، الاضطباع في السبعة أشواط والرمل في الثلاثة الأولين فقط، خلصنا الطواف على هذه الهيئة ونصل للحجر الأسود نبص له ونشير إليه. طيب الركن اليماني، لو عرفنا نستلمه نستلمه، ما عرفناش لا تذهب ولا تزاحم، الركنان اللذان في الناحية الثانية لا نستلم ولا نقبل، الحجر الأسود نستلمه ونقبله، الركن اليماني نستلمه ولا نقبله، الركنان الآخران لا يستلموا ولا يقبلوا.

الكعبة أربعة أركان، ركنان مبنيان على قواعد إبراهيم، وسيدنا إبراهيم لما بنى الكعبه بناها على قواعد إبراهيم، والكعبة تهدمت كذا مرة عبر التاريخ بسبب السيول، كانت حواليها جبال واتنسفت بديناميت، فكانت السيول تنزل عليها والناس تطوف وهي عائمة. ولما تهدمت قصرت بهم النفقة في بناء الكعبة على قواعد إبراهيم لأنهم كانوا يجمعون مالاً حلالاً، فقللوا شوية في حجم الكعبة. فصار ركنان على قواعد إبراهيم وركنان لا، ثم اتعمل حجر إسماعيل، وهو بقية الكعبة، لهذا الذي يصلي جوه حجر إسماعيل كأنه صلى جوه الكعبة، وما ينفعش ونحن نطوف ندخل نطوف من جوه حجر إسماعيل، الشوط يبطل، ولا ينفع نصلي الفرض في حجر إسماعيل؛ لأن الفرض يصلى إلى القبلة لا في القبلة. فالركنان اللذان عند حجر إسماعيل ليسا على قواعد إبراهيم، فلا فضل لهما، ويتبقى ركنان: الركن الذي فيه الحجر الأسود والركن اليماني، كلاهما على قواعد إبراهيم فيهما فضل، فكلاهما يستلم، والركن الذي فيه الحجر الأسود فيه فضل زيادة أنه يقبل.

خلصنا السبع أشواط، نذهب نصلي ركعتين في أي مكان، والأفضل خلف مقام إبراهيم، ومقام إبراهيم هو الحجر الذي فيه آثار أقدام إبراهيم عليه السلام وكان يقف عليه وهو يبني الكعبة. وإذا كان المكان زحمة لا نؤذي ولا نؤذى، ونحن نصلي الركعتين يفك الرجال الاضطباع ونحط البشكير على الكتفين، والسنة تغطية الكتفين في الصلاة، وفي الركعة الأولى نقرأ «قل يا أيها الكافرون» وفي الثانية «قل هو الله أحد». ونروح نشرب من ماء زمزم.

لا يوجد استلام الآن، سنشرب من ماء زمزم، وبعدين نطلع على السعي. السعي ليس صلاة، فينبغي أن نسعى ونحن على غير وضوء؟ نعم، ينفع تسعى وأنت غير متوضئ. إذا انتقض وضوؤك وأنا معكم ولم أستطع المشي، لا تمشِ؛ تريد أن تسعى هكذا، اسعَ معنا، لا مشكلة خالص، السعي صحيح ولا فيه مشكلة. المستحب أن تكون على وضوء، هذا مستحب، أما الوجوب فلا يجب؛ السعي لا يشترط فيه الطهارة.

المسائل الأخرى، أظن بلا داعٍ، لا نريد أن نسهل عليكم أكثر من هذا، خلوها في الوضوء. وعلى كل حال، يوجد في الأعلى في المسعى مياه للشرب، فإذا أردت أن تتوضأ فوق، خذ كوباً وتوضأ في السلة الكبيرة مثلاً، سهلة أيضاً فوق؛ ليس لازماً أن تذهب للحمامات تحت في الحرم، ممكن نتوضأ في المسعى. لكن على كل حال لا يشترط. طيب، تعبانين وتريدون أن تريحوا قليلاً، لا مشكلة، وبعدين نسعى، لا مشكلة.

حين نسعى، سنقول: ﴿إِنَّ الصَّفَا وَالْمَرْوَةَ مِن شَعَائِرِ اللَّهِ فَمَنْ حَجَّ الْبَيْتَ أَوِ اعْتَمَرَ فَلَا جُنَاحَ عَلَيْهِ أَن يَطَّوَّفَ بِهِمَا وَمَن تَطَوَّعَ خَيْرًا فَإِنَّ اللَّهَ شَاكِرٌ عَلِيمٌ﴾ [البقرة: 158]. وبعدين نقول: نبدأ بما بدأ الله به، ونطلع على جبل الصفا. قبل أن نطلع، ونحن ذاهبون، هناك بعض التريكات لأننا مع بعض، فلن أقولها الآن، سنفعلها ونحن مع بعض إن شاء الله حتى لا نطيل مدة الدرس.

سنخرج إن شاء الله من باب السفر لنذهب إلى المسعى، فهندخل على الدور الأول في المسعى، ولن نسعى في الدور الأول؛ هذا الدور زحمة جداً والسعي فيه مرهق، فكلنا نتفق من الآن أننا لن نسعى في الدور الأول، سنصعد إلى الدور الثاني. لكي نصعد للدور الثاني، سنقطع المسعى ونخرج من باب إن شاء الله، وأنا معكم سأريكم، ونطلع من السلالم إلى الدور الثاني، وسيكون أروق كثيراً.

ونحن نسعى بين الصفا والمروة؛ السعي ذهاب وإياب، هنسعى في جهة واحدة، لن نذهب للجهة الأخرى خالص. يعني المفروض نصعد على الصفا، وننزل من الصفا نروح للمروة من الحارة الأبعد عن الكعبة، هذا هو المفروض، وبعدين ونحن راجعون من المروة للصفا نرجع من الحارة الأقرب للكعبة. الذي حج من قبل أو اعتمر مستحضر هذا. حصلت توسعة في الصفا والمروة، وهناك خلاف كبير عليها بين العلماء، الأولى أن نخرج من هذا الخلاف ونسعى ذهاباً وإياباً في الناحية القريبة من الكعبة، هذا هو الأولى؛ خروجاً من الخلاف لأن بعض العلماء يقولون إن هذه التوسعة ليست من المسعى، أي الحارة الثانية هذه كلها، فهم لما قاسوها وجدوا أن المسعى القديم كان عرضه حارة واحدة فقط. لكن من غير أن نؤذي، فنأخذ جانباً، وأنا طول عمري أفعل ذلك، لأنكم قد تشعرون أنه صعب، نحن دائماً في الحج نفعل ذلك عادي جداً، نأخذ جانباً ونمشي واحدة واحدة من غير أن نؤذي الناس، وستجدون غيرنا يفعل ذلك أيضاً، فمن يفهم هذه الحتة يتحرك قليلاً ليذهب للناحية الأخرى.

سنصعد على الصفا ونقول الذكر: «لا إله إلا الله وحده لا شريك له، له الملك وله الحمد، يحيي ويميت، وهو حي لا يموت، بيده الخير، وهو على كل شيء قدير. لا إله إلا الله وحده، صدق وعده، ونصر عبده، وهزم الأحزاب وحده». ونقف ندعو كثيراً على الصفا، وسأحضر الذكر إن شاء الله ونقوله مع بعض. ونقف ندعو كثيراً ونحن مستقبلون الكعبة؛ قديماً كنا نرى الكعبة، الآن توجد حواجز بسبب التجديدات، لا نرى الكعبة لكن نعرف اتجاه القبلة، فنتجه للقبلة وندعو كثيراً، وبعدين ننزل نسعى بين الصفا والمروة.

ونحن نسعى، نمشي حتى نقرب من الميل الأخضر، وهو العلم الأخضر أو النور الأخضر الموجود، بحوالي 3 أمتار نبتدي نسعى سعياً شديداً للرجال دون النساء، والسعي الشديد يعني جرياً هكذا، حتى العلم الأخضر الثاني، ونبتدي نمشي بعد ذلك. هل هذا لازم؟ لا، ليس لازماً؛ رجل كبير في السن أو لا يستطيع، لا يفعل ذلك. واحد معه زوجته، يجري ويريد أن ينتظرها، هو حر، أقول له انتظر، فيقول لي يا عم الشيخ ما صدقنا، فيجري وينتظر حتى تأتي هي ماشية ببراحتها، وبعدين يكملوا مع بعض.

من الصفا للمروة شوط، ومن المروة للصفا شوط، فنبدأ من الصفا وننتهي عند المروة، لأن هناك ناساً تفعل 14 شوطاً ظناً منهم أن الذهاب والعودة مرة واحدة، لا؛ من الصفا للمروة مرة، ومن المروة للصفا مرة. فسنبدأ من الصفا وننتهي عند المروة. ماذا نفعل في السعي؟ كما فعلنا في الطواف، ليس لي دعوة بكم، أنا الذي سأفعله معكم، سأقول لكم الذكر هنا، وأقول لكم الذكر هنا، ونقف ندعو؛ حتى الدعاء كل واحد مع نفسه، هو هذا أحسن لكم، أسهل شيء أن أدعو وتؤمنوا، لكن هذا ليس الأفضل، كل واحد حاجاته غير الآخر، كل واحد عنده حاجة ملحة يريد أن يدعو بها، ادعُ بها وكرر وتحايل على ربنا.

هل نكرر الذكر في كل مرة؟ لا، مرة واحدة فقط ونحن ذاهبون، لكن سنقول في كل مرة هنا وهنا الدعاء الذي قلناه: ﴿لا إله إلا الله وحده لا شريك له﴾، ونقف ندعو كثيراً هنا، ونقف ندعو كثيراً هنا. خلصنا السعي من الصفا للمروة سبع مرات، انتهينا، فيجب علينا أن نحلق أو نقصر؛ للرجال الحلق أفضل من التقصير، النبي صلى الله عليه وسلم دعا ثلاث مرات للمحلقين. المحلقون يعني بالموس، الحلق يعني موس، أما ماكينة زيرو فهذا تقصير وليس حلقاً؛ قال: «رحم الله المحلقين»، قالوا: والمقصرين يا رسول الله؟ قال: «رحم الله المحلقين»، قالوا: والمقصرين يا رسول الله؟ قال: «رحم الله المحلقين»، قالوا: والمقصرين يا رسول الله؟ قال: «والمقصرين». فدعا للمحلقين ثلاثاً وللمقصرين واحدة، فالأفضل للرجال الحلق بالموس. أما إذا أردت أن أقصر، فببراحتك، قص ولكن من جميع الرأس، ليس بأخذ شعرتين بالمقص وانتهى الأمر، بل نقصر من جميع الرأس للرجل. والمرأة تأخذ بقدر عقلة الإصبع، تقص بقدر عقلة الإصبع من شعرها، وهكذا نكون قد تحللنا.

ماذا يعني تحللنا؟ يعني كل شيء كان حراماً علينا صار حلالاً. أما الحرام أصلاً فلا يزال حراماً؛ يعني لا نكون جالسين في الحرم ونشاهد الفيديوهات والموسيقى، وتخرج لنا واحدة ليست بالحجاب، حرام وأنا في الحرم، فأتشاجر مع صاحبي أو يتشاجر هو مع صاحبته، حرام. يا جماعة، الحرم كما أن الحسنات تتضاعف فيه، فالسيئات تتضاعف فيه أيضاً. كان كثير من السلف لا يجاور في الحرم، أي لا يقيم فيه، يخلص عمرته ويطير خارج مكة. المجاورة قديماً كانت أن يأتي لحج أو عمرة ويجاور، يقول لك أنا قاعد في مكة؛ بعض السلف كان لا يجاور خشية مضاعفة السيئات، يخلص المناسك ويمشي على طول. فإحنا لا نريد، أنتم عارفين للأسف أن كفار قريش في الجاهلية كانوا أشد تعظيماً للحرم وللبيت من بعض المسلمين اليوم، تصدقوا؟ كان كفار قريش، الواحد منهم قد يرى قاتل أبيه، وأنتم عارفين العربي عنده نخوة وثأر، يرى قاتل أبيه في الحرم فلا يتعرض له؛ تعظيماً لحرمة الحرم. نحن لا نشعر بهذه المعاني الآن، أننا في مكان مختلف، مكان له حرمة. ربنا سبحانه وتعالى في القرآن قال آية عجيبة جداً: ﴿وَمَن يُرِدْ فِيهِ بِإِلْحَادٍ بِظُلْمٍ نُّذِقْهُ مِنْ عَذَابٍ أَلِيمٍ﴾ [الحج: 25]. فنخاف ونحن في الحرم، فلا نفعل شيئاً حراماً، وأحياناً الواحد يكون يفعل حراماً وهو عادي ولا يأخذ باله أنه حرام، لا، ركزوا قليلاً في أفعالنا ونحن في الحرم، ولتكن بداية جديدة.

خلصنا وتحللنا، مبروك العمرة انتهت، لكن يجب أن يكون لنا بعض الأعمال القلبية ونحن نقوم بالعمرة، وهذا أهم جزء في الدرس كله، الجزء الذي سيأتي. ما معنى أعمال قلبية؟ يعني يا جماعة، ونحن نفعل هذه الحاجات نحن لسنا آلات تعمل، بل قلوب تتحرك؛ أصلاً الطريق إلى الله تُقطع بالقلوب لا بالأبدان، احفظوا هذه الجملة: الطريق إلى الله تُقطع بالقلوب لا بالأبدان. يعني ممكن واحد ينام ويقوم سابق ناساً صاحية تصلي؛ ليه؟ هو يقطع الطريق إلى الله بقلبه، لا ينام وفي قلبه غل لأحد، ولا حسد لأحد، ولا غش لأحد، ولا ضغينة على أحد؛ يقوم سابق ناساً تصلي طول الليل. أنتم عارفين حديث: "يطلع عليكم رجل من أهل الجنة"، النبي صلى الله عليه وسلم يقولها ثلاث مرات على نفس الرجل، وبعدين يكتشفون أنه لا يفعل شيئاً كثيراً، صلاته عادية، يسألونه: ما الذي تفعله؟ قال لهم: هو الذي رأيتموه، أنا فقط أنام وليس في قلبي غل لأحد ولا حسد لأحد، فسبق. فنحن نريد ونحن نفعل هذه المناسك أن يكون هناك أعمال قلوب معها. فمما ذكره أهل المعرفة، قالوا إن أول شيء تلحظه في الحج أو العمرة أن الوصول إلى الله لا يتم إلا بالتجرد.

أنت كأنك آتٍ لبيت الله عز وجل، لن يحصل لك أن تصل للبيت ظاهرياً إلا بأن تتجرد؛ ستتجرد من كل شيء، ستتجرد من بيتك ومن وطنك وحتى من ثيابك، وستتجرد من عقلك. انظروا إلى أين سيصل التجرد؛ من عقلك، يعني سيقال لك طف بحجر وقبّل حجراً وارجم حجراً واسعَ بين حجرين، ولو ذهبت طفت بالذي المفروض تسعى بينهما، ولا سعيت بالمفروض تطوف به، ولا رجمت الذي المفروض تقبله، ولا قبلت المفروض ترجمه، نقول لك هذا خطأ ولا ينفع، وهي كلها في الآخر أحجار. لماذا التجرد من العقل؟ أنا عبد، سمعنا وأطعنا؛ طف هنا حاضر، طف هنا، قبل هذا حاضر، سأقبل هذا، ارجم هذا حاضر، سأرجم هذا، اسعَ بين هذا وذاك حاضر، سأسعى بين هذا وذاك. تتجرد حتى من أعمال عقلك مع الله عز وجل. فيبقى الوصول إلى الله لا يتم إلا بتجرد، فترجع بهذا المعنى من عمرتك، أنه لكي أصل لربنا كما وصلت لبيت الله بالتجرد من المنزل والوطن والثياب، فلن أصل لرب البيت إلا بأني أتجرد من هوى نفسي وحظوظ تلك النفس، وأني أتجرد من اتباع الشهوة واتباع الهوى. الوصول إلى الله لا يتم إلا بالتجرد، هذه أول قاعدة أخذناها اليوم.

القاعدة الثانية، ونحن نخلع ثيابنا لكي نلبس الإحرام، نتذكر الكفن؛ الكفن يشبه هذا الذي نلبسه، فنتذكر الكفن ونحن خارجون من بيتنا، نتذكر الرحلة إلى الآخرة؛ نحن خارجون في رحلة، فنتذكر الرحلة إلى الآخرة، وأن أول هذه المنازل في رحلتك إلى الآخرة أنك تتجرد من ثيابك وتلبس كفنك؛ كذلك هنا، فبينما تلبس الإحرام تستشعر هذا المعنى، معنى الرحلة إلى الآخرة ولبس الكفن. لبست الكفن، ستبدأ تحضر الزاد الذي ستأخذه معك؛ واليوم الشنط ستنزل، والزاد سيسبقنا، يا بخت الزاد الذي يصل مكة قبلنا! ونحن سننزل محضرين بعض الطعام يكفينا في الطريق، أو نختار أنواع طعام تتحمل الطريق؛ وأنت تحضر هذا الزاد، تتذكر زاد الآخرة، وأن زاد الآخرة الذي ستأخذه معك يجب أن يكون زاداً صالحاً في الطريق. ماذا يفسد الزاد؟ الرياء؛ أن تعمل عملاً كأنك حججت ليقال لك يا حاج فلان. الرياء، عارفين الحديث الذي يقول: "إنما جاهدت ليقال شجاع وقد قيل". فنريد أن نتذكر هذا، فنحن زاد الآخرة مهم فيه جداً أن يكون زاداً لا يفسد في الطريق إلى الآخرة، وما الذي يفسده؟ شيئاً من...

اثنين، إما أنه يفقد الإخلاص، فواحد مرائي حابب الشهرة، حابب الصيت، حابب الفلوس مثلاً، أي حاجة، وكذلك يكون في اتباع للنبي عليه الصلاة والسلام، ما يبقاش مبتدع. بالشرطين دول إن شاء الله الزاد يصلح لطريق الآخرة. وعشان كده يا جماعة في حاجة عجيبة جداً؛ ربنا ذكر زاد الآخرة في آيات الحج، قال سبحانه وتعالى: ﴿وَتَزَوَّدُوا﴾ [البقرة: 197]. الآية دي نزلت فين؟ في وسط آيات الحج، إشارة إلى المعنى ده، أنك وأنت بتحضر زاد السفر للحج والعمرة تذكر زاد الآخرة. ﴿وَتَزَوَّدُوا فَإِنَّ خَيْرَ الزَّادِ التَّقْوَى﴾ [البقرة: 197]. يبقى نتذكر زاد الآخرة، وبعدين لبسنا الكفن بتاعنا ورحنا بنلف بالبيت، طبعاً شرف البيت أن أضيف إلى الرب، فيقال بيت الله، ده شرف البيت ده أنه أضيف إلى الله عز وجل. فإحنا بنطوف بالبيت بنستشعر معنى مع الإلحاح على الله عز وجل، أن إحنا عمالين نلح عليه، عمالين نطوف ببيته سبحانه وتعالى ونلح عليه في المسألة.

زي بالضبط في أمور الدنيا؛ لما يكون واحد عنده مثلاً -يمكن موجودة أكثر في الأرياف والحِتت دي- يكون عنده بيت كبير مثلاً، فتلاقي اللي ليهم حوائج يجوا يقعدوا عنده، وبعدين لما يقلقوا شوية يقعدوا يلفوا كده حوالين البيت، يكون شباك مفتوح، يكون مش عارف إيه، هو كده إحنا بنعمل كده مع ربنا سبحانه وتعالى. فطفنا بالبيت ندعوه ونرجوه، وبعدين خرجنا من البيت إلى فناء البيت، والسعي ده فيه معنى القلق، يا ترى عارفين لما الواحد بيفضل رايح جاي كده في نفس المكان؟ مش كده، فكأنك الآن هو أنا قُبِلْتُ ولا ما قُبِلْتُ؟ الدعاء اللي دعيته هناك ده ربنا قبله ما قبلوه؟ فوأنت رايح وجاي في الصفا والمروة تستشعر معنى القلق ده، أنا رايح جاي كأنك مستني النتيجة تظهر، فمستني النتيجة، ده أول معنى تستشعره وأنت بتسعى بين الصفا والمروة.

المعنى الثاني قالوا: إنك تستحضر معنى أنك عمال تطوف أو عمال تسعى بين كفتي الميزان يوم القيامة. تستشعر كده معنى أن كان الصفا ده كفة الحسنات والمروة كفتها، وعمال أنت رايح جاي، أي الكفتين ترجح. والمعنى الثالث: أنك تستشعر القصة اللي حصلت هنا، الحدوثة اللي حصلت هنا، في قصة كبيرة حصلت هنا، إحنا بنسعى ليه كده أصلاً؟ أكيد كلنا عارفينها، قصة هاجر والرضيع واللي حصل، وأنها تنزل وتروح وتيجي، وهي امرأة تعبانة، ومش رخام بقى وتكييف ولا ده، إحنا رخام وتكييف وبتاع وبنيجي في الشوط الثاني ونقعد نستريح ساعتين ونكمل، هي سبع أشواط وهي امرأة لسه والدة، لسه ضعيفة، امرأة ضعيفة، وبعدين مش لسه واكلة بقى وشاربة، ما فيش معاها أكل ولا معاها شرب والولد بيموت. عاوزين نقول مشهد واحد في القصة دي عشان نستحضره وده ثالث قاعدة من قواعد السير، هنخرج بيها سير إلى الله، نخرج بيها النهاردة.

لما فضلت تسعى، وجاء الملك، القصة معروفة، إبراهيم عليه السلام لما سابهم في هذا الوادي، الوادي ده بقى يا جماعة كان إيه؟ كان ما فيهوش أي حاجة يعني، هي الرواية بتقول كده، إلى من تتركنا في هذا الوادي الذي ليس فيه إنس ولا شيء؟ ما فيهوش حاجة، في صحراء كده وسابهم، فلما هاجر سألت إبراهيم السؤال ده، عليه السلام ما التفتش ليها، ما التفتش ليه بقى؟ قلبه قسى؟ حاشاه عليه السلام، ده إن إبراهيم لأواه، ده من رقة قلبه خايف يلتفت فيضعف، فما التفتش. فكررت السؤال مرة ثانية، ما التفتش، كررت السؤال مرة ثالثة، ما التفتش، فهمت، يا إبراهيم الله أمرك بهذا؟ قال: نعم. قالت: اسمعوا يا جماعة الكلمة الجديدة، إذا لن يضيعنا. الكلمة دي إحنا ممكن نقولها وأنا في بيتي والعربية تحت والكريت كارد في جيبي، يعني الحياة 100 فل و14، فنقول إذا لن يضيعنا، بدليل أول ما يحصل هزة في الحياة كده، الشغل يوقف، ولا الشركة تقفل، ولا الموسم يقع، بتلاقي قلبك حصل له إيه؟ اضطراب شديد، ونقعد بقى نسعى في الدنيا وننسى إذا لن يضيعنا دي. المرأة دي بتقول الكلمة دي في وقت ما فيهوش مجاملة، جوزها اللي هو سندها سايبها وماشي، طب سايب لها إيه؟ جراب فيه تمر وإناء فيه مية بس، شوية التمر هيخلصوا والمية هتخلص ومافيش حاجة تانية وهو ماشي. في الموقف ده قالت كده، الله أمرك بهذا؟ فهمت، فأشار برأسه أن نعم، وهو مديها ظهره، قالت: إذا لن يضيعنا.

شفتوا إذا لن يضيعنا دي بقى؟ ارجعوا ثاني بقى يلا، إحنا كنا عملنا فلاش باك ورجعنا بقى دلوقتي وهي بتسعى، يجي الملك، أول كلمة يقولها جبريل، أول كلمة: لا تخشى الضيعة. أول كلمة: لا تخشى الضيعة، إن ها هنا بيتاً، بيتاً يبنيه هذا الغلام وأبوه، احفظوا بقى الجملة الجاية دي: وإن الله لا يضيع أهله. أنا الجملة دي لما بقولها في الدروس بقول معلش ارجعوا البيت اكتبوها كده على ستيكي نوت ولا على ورقة ولا على الثلاجة، الستات في المطبخ والرجالة تحطها على جهاز الكمبيوتر أو على المكتب، اكتبوا الكلمة دي يا جماعة قدامكم دايماً: إن الله لا يضيع أهله. ده أكبر درس نستفيده وأنت بتسعى كصفا ومروة، الكلمة دي قدامنا: إن الله لا يضيع أهله، فما تخافش لما تسيب حاجة لله، ربنا هيعوضك أحسن منها، لأن ده كتير بيحصل، نزاع وقدامي سكة حرام مشيت فيها الحياة هتبقى 100 فل و14، أسيب؟ آه سيب، طب يا شيخ الحياة هتضيع؟ إن الله لا يضيع أهله. إحنا يا جماعة نتعامل مع ربنا العكس شوية، وكذلك البنت لو اتحجبت مش هتجوز، إن الله لا يضيع أهله. إحنا بنتعامل مع ربنا عكس الآية ما بتقول، ربنا قال إيه سبحانه وتعالى: ﴿وَمَن يَتَّقِ اللَّهَ يَجْعَل لَّهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ﴾ [الطلاق: 2-3]. إحنا بنقول له لا يا رب معلش اجعل لنا مخرجاً وارزقنا من حيث لا يحتسب وبعدين نبقى نتقي ربنا، ما قالش كده، هو ربنا بيقول لك اتقيني وأنا هرزقك، نقول له لا، ارزقني الأول وبعدين أبقى أتقيك، ما هو مش إحنا اللي هنمشي الأمور على مزاجنا، لا، ﴿وَمَن يَتَّقِ اللَّهَ يَجْعَل لَّهُ مَخْرَجًا﴾ [الطلاق: 2]. يبقى ربنا يريد أن يرى منا ذلك، وما تقلقوش، فإن الله لا يضيع أهله. حد عنده أسئلة؟ نقف هنا؟ ماشي.

هو دلوقتي أعمل عمرة، لا أنا حبيت أعمل عمرة ثانية، كويس. في أسئلة بقى، شوية أسئلة بتيجي هنا، أول سؤال: طيب أنا راجل دلوقتي أحلق بالموس ولا الأولى أقصر في أول عمرة؟ الأولى أنك تقصر في أول عمرة، وبعدين أنت تحلق بالموس في الثانية بالمرة بقى. طب واحد أصلع، ما عندوش شعر أصلاً؟ يمر الموس على رأسه ولا ما يمرش؟ القولين موجودين، عاوز تمر الموس على رأسك ماشي، مش عاوز تمر الموس على رأسك خلاص ما فيش مشكلة، ما فيش مشكلة، ده أول سؤال في العمرة الثانية. طيب أعمل العمرة الثانية بعد قد إيه على طول؟ يعني عاوز تخلص عمرة تروح تعمل العمرة دي على طول، أعملها ماشي، أي حاجة بقولها يا جماعة أي مسائل فقهية بقولها فيها خلاف، ليه؟ علشان ما تطلعش من هنا تقول إيه أصل أنا عملت سيرش على جوجل ولقيت مش عارف إيه، كل اللي هقوله فيه خلاف، ماشي، خلص العمرة دي عاوز تطلع من العمرة دي على طول على التنعيم، تُحرم وترجع تعمل عمرة، خير وبركة ما فيش مشكلة خالص، عاوز تعمل براحتك، عاوز تعمل ثاني يوم، أعمل ثاني يوم براحتك. طيب عشان أعمل عمرة ثانية يبقى لازم تطلع للحل، تحرم من الحل، اللي هو إيه الحل؟ براحتكم بقى، دلوقتي عاوزين تروحوا التنعيم ده مع نفسكم، هتروحوا التنعيم وترجعوا، عاوزين تستنوا ليوم المزارات ويوم المزارات إحنا بنطلع بنروح في المزارات جبل الرحمة، عرفة، عرفة حل، فممكن تطلعوا، الرجالة تبقى لابسة البشاكير بتاعتها اللي عاوز والستات لابسة خلاص إحراماتها، تطلعوا لعرفات وأنتم في عرفات تنووا العمرة من الحل من عرفة من عند جبل الرحمة وترجعوا تعملوا عمرتكم عادي جداً، خلاص، فده هيوفر عليكم مشوار التنعيم، مشوار التنعيم ده مش مشوار خالص ده هو يعني حاجة بسيطة جداً ورخيص، العربية بخمسة ريال، آه رايح جاي، كنت هتقول هتسنسر ولا إيه؟ ماشي، 10 ريال رايح جاي ماشي.

ماشي ربنا بيحبك، ربنا بيحبك، عاوز ثواب أكثر ليكي هي بتختلف ميكروباص، ما علينا يا جماعة ميكروباص بقى عربية 30، 50، يعني ده ممكن نحلها في الموقف، المهم هتروحوا التنعيم تحرموا من التنعيم، هتستنوا تحرموا من عرفات، خلاص، ادي الفلوس تخش الدنيا تخش في أي حاجة تخربها. طيب يبقى ده العمرة الثانية، حد عنده سؤال في العمرة الثانية؟ طيب قبل ما نشوف أي سؤال في العمرة الثانية، طبعاً مقصر، جزء اسمه لا تقصر من جميع الرأس، يعني من كل النواحي، طيب أحسن لك تعمل إيه؟ ماكينة ماشي، هو هنا بيقولوا ماكينة، فخدها بواحد، خدها باثنين، وبعدين بقى تيجي في المرة الثانية تاخدها بالموس. طيب بالنسبة لصلاة العصر هيصلوك ولا إيه؟ كل المجموعة هما يتحركوا بعد الظهر أصلاً؟ هما يتحركوا بعد الظهر، متأكدين بعد الظهر إيه؟ آه، يعني متأكدين بعد الظهر؟ طيب أتأكدوا كده بس، أتأكد بس في التحديث بتاعك من أستاذ عبد الله. الموضوع ده قالوا هنصلي الظهر هنا. طيب إحنا جينا يوم كام يوم 11، لحقنا صلاة إيه هنا العصر ولا إيه؟ جينا بعد الظهر، يعني العصر، يعني هنمشي يوم إيه؟ ماشي هنمشي يوم إيه؟ بكرة إيه؟ الاثنين، يوم كام ده؟ 16، لا 15 بكرة 15. طيب وهنمشي بص لو هنقعد أكثر من 20 صلاة، سيبوها أنتم بقى، لو هنقعد أكثر من 20 صلاة في المدينة مش هينفع نجمع، طب هي الصلاة 20، ثانية واحدة، طيب هنصلي، آه هي الصلاة لو هنقعد أكثر من 20، يعني لو هنقعد أكثر من 20 صلاة، يبقى إحنا كده مقيمين ما ينفعش نجمع، ما ناخدش برخصة السفر، خلاص، فمش هينفع نجمع العصر إلا لما ننشئ السفر. لو هنقعد أقل من 20 صلاة لغاية 20 صلاة، إحنا مسافرين نحسبها مسافرين، فإحنا بقى أنا مش عارف أنتم، احسبوها كم صلاة.

بلاش نجمع يا جماعة بلاش نجمع، خلينا نصلي الظهر في الحرم، أربع ركعات، لو وصلنا بعد ذلك، لا هنصلي في المحطة، هو القطر القطر القطر بيتحرك كام؟ 4:10، مش هيتيح، طيب ويوصل هناك كام؟ 6، 6، وصول 6، يا 6 ونص، مش ينفع يصلوا وهم راكبين الكتاب، يعني لو هيوصل 6 والمغرب كام؟ طب بص، هنعرف كل التفاصيل وهبعتلكم على الجروب هنعمل إيه ماشي؟ كده خلينا نحلها مع بعض، هنقولكم أحسن حل في صلاة العصر دي نعمل فيها إيه. طيب حد رجال ثاني قبل ما ناخد نساء عشان التحيز؟ لا ما تلبسش صندل، البس شبشب ماشي، هتلبس كروكس يبقى بلاش تحط الحتة اللي ورا دي خليها لقدام، بلاش صنادل، صندل وهتكعبه بقى مثلاً ولا حاجة ماشي، في أخت بتسأل على الشنطة كروس، ما فيهاش مشكلة، الشنطة كروس ما فيهاش مشكلة.

أحللك مشكلة الكبسولة الأولى بتاعت الرداء؟ الصوت بقى، الصوت كل اللي بيحب النبي يقعد ساكت، أقول إيه تاني أهو؟ اللي يحب النبي يقعد ساكت عليه الصلاة والسلام. الاثنين، الرداء بلاش تقفله كباسيل فيه خالص، بس هو كل اللي نازل فيه كباس، ما تقفلهاش أنت بقى، يعني هو فيه كبسولة ما تقفلهاش. الإزار، عاوز تقفل الكبسولة أقفلها طالما أنت محتاج أنك تقفل الكبسولة وخايف تعمل الحركة بتاعتي دي اللي أنا وريتها، عشان ما تجيش بك تمسك فيا، لا اقفل الكبسولة ماليش دعوة، الإزار الموضوع أسهل، لو عاوز تقفل الكبسولة أو تلبس حزام عليه مثلاً ماشي، طالما أنت محتاج تعمل ده أو بدبوس ماشي. الإسكوتش أنا ما أعرفوش بقى عاوز أتخيله يعني ما شفتوش قبل كده. إيه تاني؟ طب النساء، أسئلة النساء؟ اتفضلي، سامعها سامعها خلاص أهو، مين اللي أحلف العمرة للميت أي مستند أو غير السنة اللي قال أن ممكن هو إيه المشكلة في أن إحنا نعمل للميت عمرة؟ الميت لو مات يصل ثواب الأعمال اللي بنعملها له ونهدي له ثوابها، ده مش بس للعمرة من.

حتى لو أحد تصدق عنه مثلاً أو عمل له صدقة جارية، حد قرأ قرآن وأهدى له الثواب، كل ده يصل ثوابه للميت إن شاء الله. الأدلة بقى لو عاوزاها حضرتك نحضرها إن شاء الله ونبعتها لك على الجروب برضه، ما فيش مشكلة.

أه ممكن زوج عامين أهو، أه ميت يعني. لا موجود عادي يعني ما ينفعش نموته، مش والله لو أنت. لا يعني هو موجود وما فيش ما يمنعه من أن هو يأتي الكلام ده، يعني ممكن نجوزه أمتى؟ راجل كبير في سنه ومستحيل يجي خلاص مكة لأنه عنده مرض مزمن وما يقدرش يجي وكده، ساعتها ممكن نجوز ده. هو ممكن سألت المادة اللي مطلعني فهو الحمد لله وهو عامل قلب فهو المستبعد، أدعيله بقى ممكن ندعيله كتير، ندعيله كتير في في العموم. أفضيلي.

ميت. لا لا لا الدعاء لأي حد لنفسك وللميت ولكل حاجة. إيه تاني؟

أفضل يا حبيبي، يا خبر أبيض ده أنا معطلك كل ده، أنا وحش قوي. قول السؤال وأنا هفهم على طول ما تقلقش ووكل على الله يعني. أه. طب ما الدنيا دي خلاص خلصت يا حبيبي. وهضيق عليك إيه مش هتلاقي إندومي؟ قول، المفروض ربنا قال يعني أن إנنا ناخد رزقنا احنا بنفسنا، اسعى، اسعى اللي هو اسعى يا عبد وأنا أسعى معاك، مش الكلام ده يعني اسعى يا عبد أسعى ولما بقى الرزق بتاع ربنا سبحانه وتعالى يجي وقت ما يجي أفضل ماشي.

هوداء فلان دي حدث أنت على حتة عصبية، تبطل؟ لا تبطل. إنما حرام؟ أه حرام. وتقلل من الثواب؟ أه تقلل من الثواب. وكان بعض السلف بقى بيصل لحته عالية قوي في الموضوع ده أنه ما كانش حتى هيفاصل في أي حاجة يعني؛ بكام دي؟ بكذا، خد، ويعتبر ده شيء من إيه؟ من الجدال. فييبقى بلاش جدال، بالذات بقى لو جدال بالباطل كمان يعني بنتناقش على حاجات ما تساويش يعني، فييبقى بلاش ده، فلا رفث ولا فسوق ولا جدال في الحج. يجوز كذا عمرة؟ يجوز. أفضيلي.

لسه في مسجد الأوتيل يعني مع نفس؟ بصي هنا في قولين للعلماء في حرم مكة بخصوص حرم مكة يعني غير حرم المدينة؛ هل مضاعفة الثواب في كل الحرم، حرم مكة مش في المسجد الحرام، ولا مضاعفة الثواب تختص بالمسجد الحرام؟ فيها قولين للعلماء. طب احنا نتصرف إزاي مع الخلاف ده؟ نحط، يبقى احنا شباب ما شاء الله ننزل ماشي ونروح الحرام. لا كبير في السن، كبيرة في السن مش قادره يعني لازم هعمل كده يا إما هصلي في الأوضة، إنما أنزل الحرام مش قادره، فنقول له خلاص يعني إيه صلي وربنا يكتب الأجر يعني.

أنا بقول صحن الكعبة فك امشي. مش لازم الصحن يعني التوسعات بتاعة بتاعة المسجد تاخذ حكم المسجد، فيعني بلاش تبقى إيه اللي هو عارفه حضرتك بنسميها العقلية الصفرية يعني؛ ياخد كل حاجة يا ما ياخدش أي حاجة. لا الصحن مش عارف أدخله، لا عادي هقعد بره في التوسعة، هطلع الدور الأول. في بعض الناس ممكن تفكر إيه؛ طالما مش في الصحن يبقى في الأوضة، لا بلاش كده، خلينا المسجد كله تضاعف فيه إن شاء الله الصلاة. أفضيلي.

وعليكم السلام، مش هسألك بس هقول لحضرتك حاجة حصلت معايا فَعايزة السيدات لأن احنا بنطوف لما بنطوف بنبقى عرقانين جامد، وبعدين نخش السعي، السعي بيبقى فيه مراوح شديدة كبيرة جداً على الجنبين، فتحاول تهرب هنا وهنا، وحتى في النص الهواء جامد قوي، فياريت لو ياخدوا معاهم أي حاجة جديدة يلبسوها علشان ما يجيش الدور البرد الشديد، إن شاء الله حتى لو يقعدوا يهدوا شوية بعد الطواف عشان ما يبقوش عرقانين. تمام جزاك الله خير. حد عاوز يقول حاجة تاني ولا ننهي؟

السلام عليكم يا شيخ. وعليكم السلام. لو العمرة التانية وعايز اعملها لأكثر من حد ميت يجوز؟ مش عارف ده يعني كل ميت يبقى بعمره، إنما في عمرة واحدة نجمع أكتر من نية لحد أنا مش عارف ده الصراحة، كذا حد سألني السؤال ده وبيقولوا إن حد أفتى لهم بكده قوي. مش عارف، أنا مش عارف ده.

إذا سمحت يا شيخ. أفضل. في جامع فوق إيه؟ على الحرم؟ إيه. هل ما يعتبرش زي الصحن أو زي التوسعات؟ الأفضل ينزل في الحرم، ده الأفضل. إيه. احنا بنقول كل المشايخ معظمهم بيقولوا مكة كلها حرم. صح. والمدينة كلها حرم. سقي في الجامع بتاع الفندق يعتبر من الحرم؟ دلوقتي مكة كلها حرم والمدينة حرم، يعني إيه حرم؟ حرم يعني في شوية حاجات ما ينفعش نعملها فيها، إنما مكة كلها حرم يعني يضاعف فيها الثواب، ده اللي احنا سائلينه. فيها خلاف بين العلماء، فيها خلاف، أنا مش بشدد. اللي عاوز.

أخذ الأقرب. طالما في خلاف أخذ الأيسر. ماشي، أنا ما بقولش ده أنت، يعني بصوا يا جماعة لما بيحصل خلاف بين العلماء في مدرستين في التعامل مع الخلاف هنا وغيرها يعني. في من في مدرستين في التعامل مع الخلاف في؛ في مدرسة تقول لك خذ بالآيسر ليك، دي مدرسة مدرسة فقهية يعني مش حاجة وحشة يعني، مدرسة فقهية تقول لك خذ الآيسر ليك، في مدرسة تانية تقول لك احتاط لدينك. دول مدرستين لا دول غلط ولا دول، دي طريقة في التعامل مع وجود الخلاف في المسائل الفقهية.

في الحاجات السهلة أنا بميل أكتر لمسألة احتاط لدينك، فنقول احنا جايين ودافعين فلوس رقم كبير وسايبين أشغالنا وسايبين بيوتنا وكذا وكذا علشان نحصل الثواب، فمش هنيجي نوصل لغاية الحته دي ونقول إيه مش هنزل هقعد في مسجد. طب حد عمل كده وواخد فتوى من شيخ أنه يعمل كده؟ نرجو له الثواب تحصيل الثواب يعني، أنا مش مش بقول لك لا بقى ما فيش ثواب، ما بقولش كده. بعد إذنك برضه صلي في الفندق خلاص طالما أنت. ماشي حضرتك نبعد عن الزحام أو الحاجة اللي تضرك وتضر غيرك. مظبوط. أنا بقى خف عن الناس اللي. ده أنت هتنورنا والله في الحرم، يعني حضرتك لو جيت. أه لا يعني هي دي مش بتكون قوي زي كده، يعني إن شاء الله الحرم بيسع الجميع، بس على كل حال ماشي لو حضرتك يعني استفتيت حد وأفتاك بكده ما فيش مشكلة. السفر كده يسر لك الناس مش حاجة تاني. طالما اللي هي الإمام بتاعنا في حاجة تاني ها.

حصل في لا هو مش بيكلم على عمرة، بيتكلم على الصلوات. إلّا لو هتخلوني إمام بقى في مسجد ال. ما تخليوني إمام في مسجد الفندق، أقول لكم بقى ده أفضل من أن تنزلوا الوزن يا شيخ الفندق. المسجد الفندق السماعات ليه جايبة الحرم؟ ماشي ماشي خلاص يعني ماشي، يعني اللي عاوز يعمل كده.

السلام عليكم. بس أنا أنا يعني أنا أنا يعني يا جماعة بس برضه يعني أنا أنا أهو أنا بقول ما حدش يصلي في مسجد الفنادق؛ لأن هي فيها مشكلة تانية يعني، مساجد الفنادق فيها مشكلة تانية عند بعض الفقهاء اللي هو مسألة أنه أن ممكن يبطلوا الصلاة أصلاً فيها. مش عايز أدخل في فقه قوي يعني، أنا يعني مركز ما تدخلش في الفقه، فأنَا بقول ده ما يتعملش إلّا بقى لو زحام شديد فعلاً، يعني إيه زحام شديد؟ يعني في بعض المواسم بنلاقي الناس خلصت الساحة ودخلت على شارع أجياد ومادة المش عارف، فتقول له أنا هنزل أهلي تحت، طب ما أصلي فوق كان الصفوف اتصلت ووصلت للمسجد بتاع الفندق، خلاص ماشي، إنما لا الدنيا قدامنا فاضية وأقدر أنزل أصلي في الساحة وأقدر أدخل جوه المسجد الحرام وكذا، أنا ما بقولش حد يعمل ده. حد من اللي قاعدين استفتى شيخ وأفتاه، أنا ما ما بقولش أنت استفتيت حد خلاص، يعني بلاش في حته الخلاف دي بلاش نطول فيها يعني قوي.

اتفضلي. الطواف. أه. في في سؤال بيتقال هنا بس ثانية؛ بيحصل نوع من مس تلامس أو حاجة يعني من الرجال يعني، هل ده علينا وزر؟ لا هو معقول. السؤال بتقول يعني في أثناء الطواف أو الزحام أو كذا، ممكن يحصل تلامس بين الرجال والنساء، وده كده احنا علينا وزر فيه؟ لا ما فيش وزر، وما فيش حد يعني أظن يتعمد ده في هذه البقاع الشريفة من الرجال يعني، فواللا ولا النساء ما عليها وزر ولا حاجة، احنا بس بنتجنب الزحام على قد ما نقدر في بعض المواطن وبعض المواسم. ما فيش حاجة اسمها نتجنب زحام، هو الزحام ده في كل حتة، فما بنعرفش نتجنب زحام، فخلاص ما فيش وزر إن شاء الله.

يوم الحساب. أستاذ أستاذ حضرتك هل في ممكن متاح نعمل أكتر من عمرة لنفس الشخص ولا لا؟ عمرة زيارة لنفس الشخص نكرر له؟ أنا جاي دلوقتي مع العمرة لنفسي. أه. أروح أخلص البتاعات وأرجع تاني على نفس العمرة تاني؟ ينفع. ينفع. ينفع. شكرا.

حاجة تاني؟ السلام عليكم. وعليكم السلام. أستاذ حضرتك يا شيخ كبار السن اللي هم عمر على الكرسي أو على العربية، في أشياء لازم يعملوا العمرة؟ الحاجة الوحيدة الطواف من فوق حالياً، في حتة حتة في الطواف. الطواف يا جماعه لازم علشان الطواف يبقى صحيح يبقى بنطوف والبيت على على اليسار، فلو احنا في حتة بقى استدبرنا البيت، يعني بقى ظهرنا للكعبة وماشيين كده بميل بسيط كده، ده ما ينفعش.

ما أعرفش أنتوا مستوعبين؟ يعني لو دخلنا مثلا دي الكعبة كده فأنَا المفروض بطوف وكتفي الشمال هنا، خلوا كده كده مثلاً، أنا ممكن لو أديتها ظهري بميل بانحراف بسيط كده ومشيت كده هلاقي نفسي برضه بخلص الوجه ده بخلصه، لكن في مسافة أطول بس أنا مديها ظهري مش مديها إيه كتف الشمال فوق فوق، للاسف في الدور التاني دلوقتي في في في التوسعات اللي بيعملوها وال قافلين حته قافلين حته لغاية قريب ما أعرفش مقفلة ولا لا، بتخلي اللي بيطوف حتى لو على رجله في حتة كده يقوم مدي ظهره للكعبة وماشي حتة كده علشان يكمل الطواف من حتة اللي هيطلع فوق هيشوف اللي أنا بقوله ده مكان شغالين فيه، فعشان يتجاوز صح كده فبيبقى ظهرنا للكعبة، ففي الحتة دي ما ينفعش يبقوا ضاهرين الكعبة.

طب أنا أعمل إيه؟ ما هو الطريق كده، همشي بجنبي يعني يعني هو الممر أهو، هفضل بجنبي كده وأمشيه كده لغايه ما أي حتة صغيرة يعني حتة ممكن تبقى 7 متر ولا حاجة، ولا هفضل ماشي بجنبي عشان يفضل شمالي للكعبة؟ بس ناخد بالنا من دي. خلاص، لو في العربية دي الدور التالت مش الدور التاني، هل العربيات عندها نفس الحتة دي؟ أنا ما أعرفش، ما أعرفش في الطواف بتاع العربيات، فلو موجودة بقى الحتة دي ها؟ العربيات صح سلكة على طول ها؟ طيب لو سلكة على طول يبقى ما فيش محظور في الطواف إن شاء الله. في سؤال أفضل؟ أفضل.

السلام عليكم. وعليكم السلام. نسيت تتحلل يعني نسيت تقص، صح كده؟ تقص في أي وقت؟ نسيت وروحت مصر. أه، طيب خلاص يبقى هنطلع عنها بقى الإيه يعني هنفدي عنها الفدية بتاعة ال، إنما أنا ما أعرفش بقى هي ارتكبت كام محظور كمان، ما هو لو هي نسيت تتحلل هي لسه محرمة، ما هو يا جماعة اللي ما تحللش ما قصش ولا ما قصرش ولا هو كده لسه محرم، طب رجعت مصر محرم برضه ها لغاية ما تتحلل أنت محرم. طب نعمل إيه؟ هنشوف المحاذير اللي أنت ارتكبتها ونبتدي نطلع نشوف يطلع عليها إيه ونطلع، فأنَا ما أعرفش هي ارتكبت محاذير إيه طبعا، فده الحكم بتاعها يعني على العموم، فممكن بقى تفاصيل زيادة مع بعض بقى بعد الدرس يعني. أفضيلي.

لو حد مثلاً هيغير لبس الإحرام بِلَبس عادي وبعد أه أه السؤال السؤال، ممكن نغير لبس الإحرام؟ أه طبعا، في العمرة مش بنحتاج ده قوي، في الحج طبعا ده لازم بنعمله أصلاً أن احنا بنغير لبس الإحرام مرتين تلاتة يعني ممكن في الحج، فأن احنا نغير لبس الإحرام ما فيهوش مشكلة إن شاء الله. خلاص.

إيه؟ 60% من المحظورات اللي حضرتك عبارة عن أن أنا في فترة ما بين الإحرام وما بين أداء العمرة نفس. لا لا مش شرط، مش شرط. لا مش شرط، لا يعني اللي بيقعد يلعب في دقنه ده لا، اللي بيقرض أضوافره لا، مش شرط.

طيب خلاص كده، قولي هذا أستغفر الله العظيم لي ولكم، سبحانك اللهم وبحمدك، نشهد أن لا إله إلّا أنت، نستغفرك ونتوب إليك.