عرفة

في الصحيح أن يهودياً أتى عمر رضي الله عنه وكان أمير المؤمنين، فقال: يا أمير المؤمنين، آية في كتاب الله لو علينا معشر اليهود نزلت لاتخذنا ذلك اليوم عيداً. فقال عمر: أي آية؟ فقال اليهودي: ﴿ٱلۡيَوۡمَ أَكۡمَلۡتُ لَكُمۡ دِينَكُمۡ وَأَتۡمَمۡتُ عَلَيۡكُمۡ نِعۡعَمۡتِي وَرَضِيتُ لَكُمُ ٱلۡإِسۡلَٰمَ دِينٗا﴾ [المائدة: 3]. قال عمر: إني لأعلم أين نزلت ومتى نزلت، نزلت على النبي صلى الله عليه وسلم عشية عرفة وهو بالموقف يوم الجمعة.

الحقيقة الآية مع موقف اليهودي عجيب. شوية عجيب ليه؟ لأن الآية دي لو قرأناها على المسلمين دلوقتي وقلنا لهم: شعرتوا بأيه؟ فهمتوا أيه؟ مش هنلاقي حد من المسلمين يجاوب الجواب بتاع اليهودي، يقول الآية دي تتخذ عيداً يعني يومها يتخذ عيداً ﴿ٱلۡيَوۡمَ أَكۡمَلۡتُ لَكُمۡ دِينَكُمۡ وَأَتۡمَمۡتُ عَلَيۡكُمۡ نِعۡعَمۡتِي وَرَضِيتُ لَكُمُ ٱلۡإِسۡلَٰمَ دِينٗا﴾. اليهودي بيقول: لو علينا معشر اليهود نزلت لاتخذنا ذلك اليوم عيداً. في رواية: ما بقي منا رجلان. يعني لو كل اليهود بيد قولوا آمين، ما عدا اثنين من اليهود هنتخذ ذلك اليوم عيداً.

برضو فكان اليهودي أولاً أولاً فهم معنى العيد، يعني بداية كده اليهودي فهم إيه اليوم اللي يتخذ عيد في الشرائع؟ ده سؤال؛ ما هو احنا عندنا دلوقتي حاجتين لازم يتفهموا عشان تطلع الجمله دي من اليهودي: أول حاجة نفهم يعني ايه عيد، وتاني حاجة نفهم فهم إيه؟ علشان اليهودي يقول اليوم اللي نزلت فيه الآية دي يتخذ عيد. فكان اليهودي هذا اليهودي فهم الأمرجين جميعاً، فهم الآية استوعب من الآية معاني احنا معظمنا مش منتبه لها، وتاني حاجة اليهودي فاهم كويس قوي هو إيه اليوم اللي يتخذ عيد؟ علشان يقول اليوم بتاع الآية دي ده يوم عيد، مش كده؟

طيب نفهم الآية الأول وبعدين نفهم العيد يعني علشان نعرف اليهودي فهم إيه. الآية: ﴿ٱلۡيَوۡمَ أَكۡمَلۡتُ لَكُمۡ دِينَكُمۡ وَأَتۡمَمۡتُ عَلَيۡكُمۡ نِعۡعَمۡتِي وَرَضِيتُ لَكُمُ ٱلۡإِسۡلَٰمَ دِينٗا﴾ خلينا نبتدي من الآخر الأول هنا. الله عز وجل في هذه الآية، أو في هذا الجزء من الآية لأن دي آية كبيرة طبعا، في هذا الجزء من الآية بين الله عز وجل أن في ذلك اليوم اللي هو يوم إيه بقى؟ يوم عرفة في تلات حاجات حصلت: اليوم أكملت لكم دينكم، وأتممت عليكم نعمتي، ورضيت لكم الإسلام ديناً. تعالوا نبتدي من الآخر للاول كده، رضيت لكم الإسلام ديناً أو ناخد الأخيرة الأول علشان نستشعر معنى مهم وبعدين نرجع لأول الآية.

رضيت لكم الإسلام ديناً، حد عمره وقف مع الكلمة دي؟ أن رضي الله عز وجل لك الإسلام ديناً، أن دين الاسلام هو الدين المرضي، دي أول حاجة. ثانياً أنه رضيه لك أنت. يعني لو سالتك دلوقتي أنت بأي كسب منك كنت مسلما؟ أنت ليه مسلم؟ يعني أنت عملت ايه تستاهل آيه انك تكون مسلم؟ ولا حاجة، مش كده؟ معظم اللي قاعد ما كانش، كل اللي قاعدين دلوقتي هم ولدوا لأبوين مسلمين فطلعت مسلم. أنت تستاهل ده؟ ما تستاهلش ده، هذا فضل من الله عز وجل ونعمه منه علينا أن احنا اتولدنا لقينا نفسنا مسلمين. طب اللي كان كافر واسلم بأي كسب منه؟ هو كان كافر أصلا يعني، فبأي كسب؟ فضل من الله ونعمه. ففكرة أن الله عز وجل رضي لنا الإسلام ديناً الفكرة دي يمكن كتير مننا مش حاسسها.

احنا قلنا قبل كده يعني اللي بيحضر معانا الدروس العالم دلوقتي فيه كام مليار تقريبا؟ ثمانية مليار تقريبا، العالم اللي عايشينه احنا في الحقبة دي بس ثمانية مليار، كم مسلم من الثمانية مليار؟ اثنين مليار تقريبا. هنفترض أن الاثنين مليار مسلم كلهم سنة وكلهم يصلوا يعني كلهم في الجنة، لأن الاثنين مليار دول لو دخلنا في التفاصيل هنلاقي عندك شيعة حوالي نص مليار وهتلاقي في ناس مسلم في البطاقة عمره ما راكع ولا يعرف حاجه عن الدين، لا مش هنقول ده، اثنين مليار مسلم. الاثنين مليار بتوع العصر اللي احنا عايشينهم دول دول في الجنة، هنفترض كده. عارفين ده معنى ايه يا جماعة؟ معناه أن العصر اللي احنا عايشين فيه ده لما نبعث يوم القيامة من كل أربعة ثلاثة هيخشوا النار مخلدين فيها، وواحد هيخش الجنة، الواحد ده هو أنت! من كل أربعة، ما هو اثنين مليار من ثمانية مليار يعني النسبة كام؟ ربع، مش كده؟

احنا ما بنتكلمش على العالم من أول آدم إلى قيام ساعة، احنا بنتكلم على العصر اللي احنا عايشينه دلوقتي وافترضنا افتراض تاني أن الاثنين مليار مسلم كلهم في الجنة. احنا لو دخلنا في التفاصيل هتلاقي نفسك خيار من خيار من خيار. احنا لو دخلنا في التفاصيل هتلاقي نفسك خيار من خيار من خيار، أنت الأول من الاثنين مليون مسلم فانت من الربع، وبعدين أنت من أهل السنة، وبعدين أنت من الناس اللي في دماغهم الدين فبتصلي وبتصلي سنة العشاء وبتيجي المسجد تحضر الدرس، مش كده؟ هتلاقي ده كله كل هذا الاجتباء والاصطفاء بإيه؟ ولا حاجة، ذلك أن رضي الله لك هذا الدين بس.

فتيجي يوم القيامة في العصر اللي أنت عايشه ده نسبتك واحد لاربعة، كل أربعة واحد ينجو إلى الجنة وثلاثة مخلدون. خلي بالكم، واحد ينجو إلى الجنة دي حتى وإن مسه النار، أنتم عارفين عصاة الموحدين ممكن يدخلوا النار لكن مآلهم إلى الجنة، وثلاثة مخلدين في النار. النسبة دي مرعبة لو أنت مش منتبه ليها، فالنسبة مرعبة. طب هل النسبة دي هي نسبتك دي؟ مش نسبتك دي، مش نسبتك في الآخرة. نسبتك في الآخرة ذكرها النبي صلى الله عليه وسلم في حديث قلنا لكم كام لكام قبل كده؟ واحد في الألف! ويا جماعه اقفوا هنا وتأملوا هذه هذه النسبة، تأملوا هذه النسبة أن من كل ألف بني آدم في 999 هيروحوا النار وواحد ناج.

فأنا عاوزكم يعني ايه كل واحد كده يتوهم الرقم ده أن قدامه ألف بني آدم بيتاخد منهم واحد يخش الجنة و999 في النار. يقال لادم يوم القيامة كما في الحديث: أخرج بعث النار، فيقول: يا رب وما بعث النار؟ فيقال: من كل ألف 999 إلى النار وواحد إلى الجنة. قال النبي صلى الله عليه وسلم: «فحينها تذهل كل مرضعة عما أرضعت، وتضع كل ذات حمل حملها، وترى الناس سكارى وما هم بسكارى ولكن عذاب الله شديد». نسبة مرعبة لدرجة أن يعني لو قدر أن في واحدة حامل هتسقط، تضع كل ذات حمل حملها، وترى الناس سكارى، رجلنا مش تشيلنا يوميها هنبقى ماشيين زي السكارة بنطوح من سماع المعلومة. فشق ذلك على الصحابه، فقال: أبشروا. له النبي صلى الله عليه وسلم قال: أبشروا. وذكر لهم حديث أو يعني قولاً في قول بس تاني احنا عاوزين ناخده، أنه ذكر النبي صلى الله عليه وسلم مثالاً لهذه الأمة أنها كالشعرات السوداء في جلد الثور الأبيض، أو كالشعرات البيضاء في جلد الثور الأسود.

برضو معلش يا جماعه احنا عشان احنا في عصر يعني سريع ووتيرته سريعة احنا ما بنتاملش النصوص الشرعية، ودي مشكلتنا ولذلك أنا بتعمد في الدروس لا أكثر من الآثار إنما بتعمد إني أتأمل الآثار. يعني لو أخد أثر ولا حديث ولا آية ونقف نتاملها، احنا محتاجين ده. فاحنا عاوزين نتخيل برضه الثور جلد كله أسود وفي شعرة بيضا، نسبة الشعرة دي للجلد عامله ازاي؟ يعني لا تذكرها، يعني ممكن الواحد لا ينتبه ليها أصلا. فهو دي أمة الإسلام، حضرتك جزء من الشعرة دي. حضرتك جزء من الشعرة دي! عارف يعني ايه؟ يعني نسبتك قد إيه؟ رضي الله لك هذا الإسلام ديناً. ابتدينا دلوقتي نستشعر هذا المعنى، معنى ﴿وَرَضِيتُ لَكُمُ ٱلۡإِسۡلَٰمَ دِينٗا﴾. وفكرة أن فعلا المعنى ده لو عرفنا نزل يوم ايه فهذا اليوم يتخذ عيداً، نحتفل كل سنة نشوف اليوم اللي الآية نزلت فيه ونحتفل في هذا اليوم أن رضي الله لنا الإسلام ديناً. معنيين في الحته دي: أن الإسلام هو الدين المرضي دي واحدة، وأنك من جملة من رضي الله لك الإسلام ديناً، فاهمين؟ ﴿وَمَن يَبۡتَغِ غَيۡرَ ٱلۡإِسۡلَٰمِ دِينٗا فَلَن يُقۡبَلَ مِنۡهُ﴾ [آل عمران: 85]. وأنت بغير كسب منك وبغير عمل تستحق به ذلك ولدت مسلما، وحبب إليك الإيمان وكره إليك الكفر والفسوق والعصيان حتى أنك الان في بيت من بيوت الله عز وجل، وممكن يبقى غيرك من الشباب في حته التانية بإيه؟ ولا حاجة، بولا حاجة.

عشان كده الآية دي في سورة الحجرات ربنا قال ايه؟ ﴿وَلَٰكِنَّ ٱللَّهَ حَبَّبَ إِلَيۡكُمُ ٱلۡإِيمَٰنَ وَزَيَّنَهُۥ فِي قُلُوبِكُمۡ وَكَرَّهَ إِلَيۡكُمُ ٱلۡكُفۡرَ وَٱلۡفُسُوقَ وَٱلۡعِصۡيَانَۚ أُوْلَٰٓئِكَ هُمُ ٱلرَّاشِدُونَ * فَضۡلٗا مِّنَ ٱللَّهِ وَنِعۡمَةٗ﴾ [الحجرات: 7-8]. وفي آخر سورة الحجرات عكس الآية عكس دول بقى: ﴿يَمُنُّونَ عَلَيۡكَ أَنۡ أَسۡلَمُواْۖ قُلۡ لَا تَمُنُّواْ عَلَيَّ إِسۡلَامَكُم بَلِ ٱللَّهُ يَمُنُّ عَلَيۡكُمۡ أَنْ هَدَاكُمْ لِلْإِيمَانِ﴾ [الحجرات: 17]. فرضي الله لنا الإسلام ديناً، فدي أول جملة أو يعني هي الأخيرة في الترتيب، لكن أول جملة في التدبر: ﴿ٱلۡيَوۡمَ أَكۡمَلۡتُ لَكُمۡ دِينَكُمۡ وَأَتۡمَمۡتُ عَلَيۡكُمۡ نِعۡعَمۡتِي وَرَضِيتُ لَكُمُ ٱلۡإِسۡلَٰمَ دِينٗا﴾. فكان اليهودي فهم الجمله دي أن ربنا رضي دينك لك امتى؟ اليوم. امتى بقى اليوم ده؟ اليهودي بيقول: لو عرف عرفنا اليوم ده ونزلت علينا الآية دي اليوم ده عيد عندنا، ده مش يوم عادي، اللي هو يوم عرفه.

طيب الجمله الأولى قال الله عز وجل: ﴿ٱلۡيَوۡمَ أَكۡمَلۡتُ لَكُمۡ دِينَكُمۡ﴾، إيه معنى إكمال الدين دي أول حاجة؟ وليه لما اليهودي سمع أن اليوم ده فيه إكمال الدين قال اليوم ده يتخذ عيد؟ فهول برضه برضه مسألتين. أول حاجة اليوم أكملت لكم دينكم، يعني ايه أكملت لكم دينكم؟ المفسرون اختلفوا في هذه الكلمة أكملت لكم دينكم، تعالوا كده ناخد معنيين مما قيل في هذه الآية.

اليوم أكملت لكم دينكم، أول معنى يا شباب اليوم أكملت لكم دينكم يعني تمت الأحكام، فلم ينزل بعد هذه الآية حلال ولا حرام. الآية دي نزلت في حجة الوداع، النبي صلى الله عليه وسلم مات بعد اليوم ده بقد ايه؟ يوم ده مين اللي بيقول؟ ماشي 81 يوم، ماشي. النبي صلى الله عليه وسلم مات بعد هذه الآية بـ 81 يوم، ولم ينزل في هذه المدة حلال ولا حرام. وقالوا أن الآية دي من معجزات النبي صلى الله عليه وسلم لأن فيها اخبار بالغيب. ليه الآية دي أنا كنت قبل كده في درس قلت إيه؟ وقع معنى في روعي وانا بقرا الآية أنها نعي للنبي صلى الله عليه وسلم، ينعي الله عز وجل له نفسه، وقلت ساعتها قلت لم أقف على هذا القول لأحد، وهذا القول مني كان وقتها قلت كده، ولقيت الرازي رحمه الله ذكر هذا في تفسيره أن هذه الآية من جملة الآية التي نعى الله للنبي صلى الله عليه وسلم بها نفسه. بل ذكر أثراً أن أبا بكر رضي الله عنه لما ترت المسلمين اهو اليهودي قال إيه؟ اتخذناه عيداً، ما هو اليهودي مش هيفهم والمسلمين مش فاهمين، لا المسلمين فاهمين برضه فرحوا ما عدا أبو بكر بكى، اللي هو عمال يعيط لما الآية دي نزلت.

طيب أنت إيه اللي بيعيطك دلوقتي أكملت لكم دينكم؟ قال رضي الله عنه: ما كمل شيء إلا وزال. وتأولها أبو بكر أن هذه الآية بهذه الآية ينعي الله عز وجل للنبي نفسه أنه خلاص اليوم أكملت لكم دينكم، يعني يا محمد صلى الله عليه وسلم قد كمل الدين فلم تبقى مصلحة في بقائك خلاص. فهذه الآية اليوم أكملت لكم دينكم قيل أول معنى بقى أنه كملت أحكام الشرع فلا حرام ولا حرام نزل بعد هذه الآية.

السؤال بقى دلوقتي يا حد عمره فكر أو نظر لأحكام الشريعة الحلال والحرام هذه النظرة؟ نظرة أن ده إكمال للدين، نظرة حب، يعني حد شاف كده الواجبات نظر إليها نظرتها حب، نظرة إقبال، مش نظرة أن أحكام تكليفية شاقة مرهقة ونكسل نعملها ونحاول نملص منها ونحاول، لا ده هو لما نظر للأحكام الشرعية نظر لها نظرة مغايرة. آه يعني ايه مغايرة؟ ما هو ما هو برضه يا جماعه الدين كمل، فأيه يعني ما يكمل الدين؟ يعني ليه يبقى عيد؟ يعني اليوم ده كان معنى إكمال الدين في معنى مهم، وهو معنى أن هذا الدين فيه حياتك، أن هذا الدين فيه صلاحك، حتى لو كان على خلاف الهوى، بل كما ذهب إلى ذلك بعض أهل العلم أنه أصلاً مبنى الدين على خلاف الهوى أصلاً. بعض أهل العلم تلمح هذا في أحكام الشرع أصلاً، أن أحكام الشريعة وضعت على مخالفة الهوى، ليه؟ لأنه لا يصلحك إلا مخالفة الهوى.

هديكم مثال بسيط عشان نفهم ده، يعني مثال جوه مثال الصلاة، الصلاة دي احنا ممكن نقعد نتكلم فيها حل دروس كتير، أنا عاوز أتأمل معنى واحد في الصلاة وهو أن الله عز وجل افترض علينا خمس صلوات في اليوم والليلة. خلاص، الخمس صلوات دي كان ممكن وايسر وأحلى وألذ وأجمل وألطف أن ربنا يقول لنا ايه؟ في خمس صلوات عليكم شوف لك أي نص ساعة فاضية كده وقوم ايه هات الخمسة.

صلوات؟ مش ده كان ممكن يحصل؟ كان ممكن يجي تكليف الصلاة على هذا النسق، ربنا ما عملش كده، مع أن ده الأيسر، وده الأنسب لمعظم الناس، هي بقى هنرتّب يعني يومنا، وخلاص النص ساعة دي بتاعة الصلاة كل يوم، أصلي فجر وظهر وعصر ومغرب وعشاء في النص ساعة دي وخلاص، وجبنا الخمس صوات، وده اللي ربنا أمرنا بيه، وانتهى الموضوع زي الفل، وكله قايم مبسوط ومروح وهو مزقطط.

ربنا ما عملش كده، لا، ده ربنا وزع الصلوات على اليوم، وتوزيعها عجيب، يعني تلاقي توزيع الصلوات مش توزيع كده، لا، ده توزيع فيه فعلاً مخالفة هوى، يعني في عز نومك هيقال لك اصحى فيه صلاة فجر، في عز نومك صلاة الفجر، في أوقات بيأذن ثلاثة الفجر، بيأذن ثلاثة في أوقات في عز نومك اصحى عندك صلاة فجر، وبعدين إحنا طبعا بنرتّب اليوم اللي هو الترتيب الطبيعي، يعني سيبكم بقى من الحياة اللي إحنا عايشينها دلوقتي، وبعدين وقت القيلولة، وده كان وقت معروف عند العرب، يتقال لك إيه: لا، أنت عندك صلاة ظهر، وبعدين وقت الأشغال عندك صلاة عصر، وبعدين لسه مخلص الشغل يا دوبك داخل بيتك عندك صلاة مغرب، وبعدين عميان بقى ومش قادر وعاوز تنام، لا، لا، هتقصحى شوية لأنك عندك صلاة عشاء، هتلاقي توزيع الوقت، توزيع الصلوات مقصود فيه مخالفة الهوى، مجاهدة النفس.

طيب، ده أشق؟ أشق، طيب ليه يعني ربنا سبحانه وتعالى ما يفعل الله بعذابكم والله أرحم بنا من أمهاتنا؟ دي حد عنده شك في اللي إحنا بنقوله ده؟ كلها نصوص شرعية. طب ليه عمل كده؟ عشان دي مصلحتك، دي مصلحتك، طب مصلحتي ليه؟ ده أنا هوايا في غير كده، ما هو أنت هواك هيوديك في داهية، وأنت لو ما عرفتش تتغلب على هواك، هواك ده هيدخلك النار، فجاءت الشريعه، جاءت الأحكام معينة لك على هواك، معينة لك على نفسك.

واحد بيجاهد نفسه في عز نومه، ويمكن يكون محتلم ولا مجامع امراته ولا كذا عشان يقوم يغتسل، وخلي بالكم إحنا عايشين في نعم والله إحنا ما دريانين بيها، أنت حضرتك بتقوم من على السرير عشان تلاقي لو أعزاكم الله اللي عاوز يدخل الحمام، الحمام مش دلوقتي ما بقاش في الطرقة ده بقى فين؟ في الأوضة، يعني جوه الأوضة مش كده؟ وبعدين طب عاوز أغتسل بحركة صغيرة هتلاقي مية ساقعة ومية سخنة وتظبطها، وأنتوا فاهمين يا جماعة التفاصيل البسيطة اللي إحنا عايشينها دي زمان كان بيتعمل فيها ايه؟ يعني زمان الصحابي ولا النبي عليه الصلاة والسلام الواحد من دول عشان يقوم ولقى نفسه عاوز يدخل الحمام، هو بيخرج الحمام، مش بيدخل الحمام، هو بيعمل إيه؟ هو بيخرج بره المدينة، مش بره بيته، مش بره أوضته، بره المدينة عشان يتخلى، البقيع، أنتُوا عارفين البقيع دلوقتي صح؟ البقيع ده يا جماعة كان بره المدينة، البقيع ده كانت مدافن المسلمين، ما كانش جوه المدينة أصلاً، يعني المدينة أيهام النبي عليه الصلاة والسلام كانت أصغر من المسجد النبوي بساحته، خلاص دي كانت المدينة، كانوا بيدفنوا المسلمين بره المدينة، فكان اللي عاوز يتخلى أو يتبرز أو كده يخرج بره المدينة.

يعني حضرتك الساعة بالليل وحصل هتعمل إيه؟ هتقوم تلبس وتطلع تاخد الدابة عشان تتخلى، حد فكر في النعم دي؟ ده على جنب كده يعني، هي دي نعمه لوحدها محتاجة شكر، محتاجة شكر، مش نعمه الخلاء، لا، نعمه أن الخلاء جوه بيتك، نعمه المية السخنة دي أنك بتظبط مية عشان، المهم نرجع بقى لموضوعنا يعني إيه؟ دي حاجة على جنب كده.

فهتلاقي أن الشرع جاء علشان يعمل إيه؟ علشان يساعدك على أن تخالف هواك. طيب، أحكام الشريعة بقى هتلاقي مبناها على كده أصلاً، في حته المال هتلاقي أنت ما نفسفش تدي لغيرك، فهتلاقي لا، في زكاة على الوجوب وصدقات على الاستحباب، في حته الخروج من الديار والسفر والمش عارف إيه تلاقي ممكن الناس ما تحبش ده ويبقى ثقيل عليها، بالذات لو المكان اللي أنت رايحه ما هواش المكان المريح، لا، ده أعداد غفيره وزحمه وحر وعرق، واختيار مكة عشان الحاج، لا، دي قصة ثانية، يعني البقعة دي أنت على بعد كم كيلو في الطائف مدينة ساحلية ولطيفه وجو جميل، ما تبقى في الطائف الكعبة؟ لا، مش هتبقى في الطائف الكعبة هنا في المكان ده المكان الحر، طيب، ما تخليها في المدينة؟ المدينة أرض مستوية ما فيهاش جبال، لا، الكعبة مش هتبقى في المدينة، الكعبة هنا في وسط وسط الجبال، أرض جبلية، إحنا يمكن إحنا دلوقتي مش حاسين يعني اللي قدي واللي أكبر شاف ده شاف الجبال يعني فندق زمزم دلوقتي ده اللي هو الوقف ده كان جبل أصلاً يعني إحنا شفناه بيتنسف الجبل ده، اعملوا سيرش عن صور الكعبة القديمة شوية، هتلاقوا كعبة وحواليها جبال، علشان كده كان المطر لما ينزل يعمل إيه؟ يغرق الكعبة، هتلاقوا في بعض الصور القديمة، صور اتأخدت يعني، صور قديمة مش قوي يعني، متاخدة عادي بكاميرات، الناس بتطوف وهي بتعوم لأن أي مية كانت بتنزل كانت بتنزل على الجبال والجبال تنزل المية على صحن الكعبة فتغرق الكعبة، موجودة الصور دي موجودة على جوجل يعني اللي هيسيرش عليها هيلاقيها، حتى اختيار المكان البقعة، اختيار فيه كلفة، فيه مشقه، هتروح لمكان حر، وهتروح لمكان جبال، والحركة فيه ما هياش سهلة، وترروح تلاقي زحمه، ده كله ليه؟

علشان ما تكونش عبد لا شهوة ولا النفس ولا الهوى، أحكام الشريعة جت عشان كده، فلما كملت هذه الأحكام، يعني كمل تحريرك من كل عبودية، هتلاقي في عبودية للراحة ودعا في عز النوم، أنا أُعْتُدْ خلاص بقوم لصلاة فجر في عز النوم، أنا بتكلم على الوجوب، نجي للاستحبابات لاقي نفسك بتقوم قيام ليل، لا، خلينا على الوجوب بس، بتقوم من عز النوم في صلاتين ثلاثة على الأقل، فجر وظهر لو أنت متعود تنام القيلولة، وعشاء هتبقى هتموت وتنام، هيتقال لك: لا، ما تنامش آخر نومك عشان في صلاة عشاء، وبعدين مكان الصلاة للرجال، يعني إيه مكان الصلاة؟ يعني طب خلاص بقى أصلي جنب السرير عشان إخلص وأدلق، لا، ده أنت هتلبيس وتنزل من بيتك وتروح مسجد، وبعدين بقى لو دخلنا في تفاصيل المستحبات، فانت هتبكر عشان تلحق مكان في الصف الأول، علشان الله وملائكته يصلون على الصف الأول، قصص هتلاقيها كلها دايره في فلك إيه؟ أن تتحرر، اليوم أكملت لكم دينكم بكمال الدين كمال حريتك، طب لما تتحرر من كل عبودية بقى، عبودية الراحة ما بقتش موجودة، عبودية المال ما بقتش موجودة، عبودية حب الأوطان وأن ما أسافرش وأن ما أتعبش ما بقتش موجودة، وهتسافر الحج وهتتبهدل وكذا، يعني خد أحكام الشرعي كلها هتلاقيها فيها المعاني دي، لما تخلص من كل هذه العبوديات سوى عبودية الرب سبحانه وتعالى ده يعني إيه؟ يعني أنك عبدا محررا، أنك عبد محرر.

طب يعني إيه عبد محرر؟ يعني تصلح الآن أن تدخل الجنة، فانت تنقى وتهذب لدخول الجنة، هديكم مثال ولله المثل الأعلى، علشان نحب أحكام الشرع يا جماعه، مش نعمل أحكام الشرعي وإحنا متأففين، متضجرين، مكسلين، لا، يعني لما يتقال لك الصلاة في المسجد تقوم أنت، وأنت أنت ممكن تبقى ثقيل عليك صحيح، لكن أنت بتعملها بحب حتى وهي ثقيلة، حتى وهي ثقيلة، هديكم مثال، المثال ده يعني قلته كتير قبل كده، قلت لكم لو قبل كده يعني، لو رحت اشتريت جهاز غالي، غالي جداً يعني بالنسبة لك، يعني كل واحد طبعا غالي دي يعني بتختلف وحدة لوحده، جهاز في البيت بـ 100 ألف، 200 ألف، المهم هو بالنسبة لك جهاز غالي، يعني جهاز مش رخيص، مش اللي هو لو باظ عادي أجيب غيره، لا، ده هو بتبقى حاجة لقطة كده في العمر، جبت الجهاز ده وفرحان بيه جداً ومحتاجه، وبعدين الجهاز ده ما هواش الجهاز البسيط اللي هو بتحط فيشة ويشتغل، لا، معقد، يعني يعني في إيه تفاصيل عشان تشغله، فبتعمل إيه أنت فرحان مستني بقى الجهاز ده بفارغ الصبر، من فرحتك بتروح رايح فاتح الكرتونة ومقطع الورق اللي حوالين الجهاز وحاطط فيشة ومشغل الجهاز، حد بيعمل كده؟ مستحيل حد مستحيل ولا واحد هيعمل كده، أول حاجة بتعملها إيه؟ تقوم مطلع المانيوال وتقرا تعليمات مين صانع الجهاز، ليه؟ عشان الغلطة بفورة، أنا ما أعرفش الجهاز ده بيشتغل إزاي والجهاز غالي، فالغلطة هنا بفورة، يعني غلطت الجهاز ضاع مني، أول حاجة كلنا هنعملها إيه؟ هنروح فاتحين المانيوال نبص في المانيوال، الكتالوج بتاع الجهاز بيشتغل إزاي، صح كده؟

طيب، الحركة التلقائية البديهية اللي من غير تفصيل، اللي كلنا متفقين أن إحنا بنعملها، ليه بنعملها؟ ده السؤال بقى عاوز إجابة، ليه بنعمل كده؟ صاحيين، طيبها، حفاظاً على الجهاز جميل، هو بيشتغل إزاي؟ أحسنت جميل، حفاظاً على الجهاز، اللي عمله هو اللي فاهم بيشتغل إزاي، عشان أطلع بأقصى استفادة جميل، الموضوع جد يعني، الموضوع جد، كلمة حلوة برده لوظة جهاز، لو بوظ مش عارف أجيب غيره، خمس كلمات والله كلهم يعني الدرس خلص كده خلاص، هو فعلاً الدرس خلص، يعني هي الكلمات دي تلخص الموضوع، ماشي ربنا يعيني بقى وأفتكر الخمس كلمات، ليه بنعمل كده؟ ليه بنعمل كده؟ أول حاجة من اللي اتكال أنه بديهياً أن اللي مصنع الجهاز هو واحد الجهاز ده بيشتغل إزاي، فهفتح المانيوال كده هتلاقي إيه عشان تشغل الجهاز ده فانت محتاج تعمل واحد اثنين على الترتيب واحد اثنين ثلاثة أربعة خمسة، لو قريت ده، ركزوا بقى في اللي هقوله ده، فجا عقلك بقى، عقلك بيقول لك إيه لازمة أربعة دي؟ واحد اثنين ثلاثة خمسة، أربعة دي أنا مش شايف لها لازمة بصراحه، خلي بالك أنا بقول لك أنت عمال يقول لك كده، يعني ماش يمكن أنت راجل بقى بتفهم وراجل جهبز هتعمل إيه؟ هتعمل واحد اثنين ثلاثة، وهتيجي على أربعة هتلاقي نفسك إيه؟ عملتها مع أن أنت مش مقتنع بس خايف، ما يعني إيه؟ ما يمكن في حاجة أنا مش فاهمها، زي بالضبط لما تروح لدكتور فالدكتور بيقول لك هتعمل واحد اثنين، هتاخد الدوا الفلاني الصبح، فانت تروح بعقلك يقول أشمعنى الصبح يعني هاخد بالليل أنا، يعني ما أنا مهندس وبفهم برده في الطب، فمش هتعمل كده ليه؟

إيه هو قدرة؟ طيب، نرجع تاني للكلمة بتاعة أخونا هنا أن اللي صانع الجهاز هو قدرة واحد الجهاز ده بيشتغل إزاي، فهيقول لك خلي بالك 1 2 3 4 5 علشان الجهاز يفضل سليم معاك يبقى اعمل 1 2 3 4 5 واوعى تعمل 1 2 3 4 5 وتلاقي عليها إيه بقى؟ مثلث كبير كده أصفر ومش ع صح اللي هو إيه حاجات لو اتعملت الجهاز هيتدمر، فانت تلاقي نفسك تلقائياً بتعمل إيه؟ بتعمل الـ 1 2 3 4 5 وما بتجيش ناحية 1 2 3 4 5، لقيت نفسك مش فاهم حاجة من الـ 1 2 3 4 5 مش فاهمها، مش هتمده على الجهاز، هترروح متصل بواحد عنده الجهاز مثلاً من قبلك، وهو بقول لك إيه؟ أنا مش فاهم الحته دي، هتدخل على اليوتيوب وتجيب فيديو بيشرح طريقة عمل مش عارف الجهاز الفلاني عشان تتفرج، هتتصل بالتوكيل، أنا مش فاهم قبل ما تمد إيدك على الجهاز، ليه؟ علشان الموضوع مش هزار، الموضوع جد، يعني إيه الموضوع جد؟ الجهاز بـ 100 ألف جنيه، الجهاز بنص مليون، الموضوع جد، خلينا نخلص من الأولى الأول، يبقى واحد فاهم الجهاز هو اللي صنعه.

ولله المثل الأعلى، ولله المثل الأعلى يا جماعه حبوا أحكام ربنا، مش بقول لكم حبوا ربنا، لا، أنت مش لا، ما تحبش، يعني أنا بتكلم في حته ثانية، حبوا أحكام، عارف، الأحكام اللي أنت شايفها ثقيلة عليك قوي دي، اللي هو ليها رب بس، يعني ليه فجر وليه كده ليه في الوقت؟ حب ده، ليه حب ده؟ لأن ربنا سبحانه وتعالى هو الذي خلقك وهو أدرى بما يصلحك، عارف يعني إيه؟ يعني أوعى تفتكر أن لو كانت الخمس صلوات أجمعوا في الوقت اللي أنت تبقى فاضي فيه ده أصلح لك، والله أبدا، والله أبدا، أنتم عارفين العلماء اتفقوا على أن الله عز وجل يفعل الأصلح لعباده، اختلافهم فين؟ اختلاف، طبعا مش اختلاف بين علماء السنة، لا يعني، يعني جمهور، جمهور المسلمين بطوائف المبتدعة، يعني جمهورهم على أن الله عز وجل يفعل الأصلح تفضلاً منه، فرقة واحدة ضالة كده خلفت وقالت: لا يفعل الأصلح وجوباً، يعني يعني يجب عليه عقلاً أن يفعل الأصلح، حد شاطر يعرف فرقة مين دي؟ المعتزلة.

أحسنت، المعتزلة قالوا كده، ودي مسألة مشهورة في كتب الاعتقاد، ماشي، اللي هو فعل الأصلح، لكن في الآخر إحنا متفقين على إيه؟ أن الله يفعل الأصلح سبحانه وتعالى، فاللي دماغك مسوحاك ليه ده اللي هو يعني ما كانت الصلاة تبقى مش عارف إيه، نقول لك: تخيل أن ده مش أصلح، تقول إزاي؟ عارف أنت أنت كده بتعمل إيه بالضبط؟ كان الجهاز ده، تخيل بقى الجهاز اللي أنت جبته ده حاجة أي ولا روبوت ولا بتاع ولا اللي هو بقى إيه بيسموه إيه ماشين ليرنينج ولا سلف ليرنينج ولا مش عارف إيه الحاجات الجديدة دي، فابتدى هو يتكلم ويقاوح يقول إيه: أنا الأحسن لي كذا واللي صانعه بيقول له: يا عم لا، وده.

عُمَّال يقوحي يقول له لا لا أنت مش فاهم حاجه، أنا الأحسن لي كذا. هو ده بالظبط يا جماعة، ده اللي عقلك بيعمله معاك؛ لا، هو الأصلح ما شرعه الله عز وجل، ألا يعلم من خلق؟

ألا يعلم من خلق؟ مَنْ دي فاعل الفاعلية ولا على المفعولية؟ إيه رايكم؟ حد فاهم السؤال؟ يعني أصلًا ألا يعلم من خلق؟ لو على الفاعلية تمشي، الاتنين تمشي فاعلية ومفعولية؛ ألا يعلم من خلق، ألا يعلم الله الذي خلق، ربنا هو اللي خلق، مش كده؟ فـ ألا يعلم من خلق أو يبقى الفاعل يبقى محذوف، من على المفعولية يعني ألا يعلم من خلق، يعني ألا يعلم الله الذين خلقهم؟ ربنا يعلم.

فهمتوا حاجة؟ اللي ما فهمش حاجة، الاتنين بمعنى واحد في الآخر يعني بالصلاة على النبي يعني هي في الآخر عليه الصلاة والسلام أن ربنا سبحانه وتعالى أعلم بنا منا، كما أنه أرحم بنا، فهو أعلم بنا منا وأعلم بما يصلحنا. وشرع ربنا كله كده بقى؛ كله، أي حاجة تلاقيها ثقيلة على قلبك، اقف وكلم نفسك كده: ألا يعلم من خلق؟ وربنا أرحم بيه من أمي، فعمر ما أمي لو في إيديها إن هي تحط لي قوانين، هتحط لي قوانين تضيعني، عمر ما ده هيحصل.

فلو نظرنا للشرع بقى بهذا المنظور الجديد، اللي هو حتى لو أنا عقلي مش جابب، حتى لو أنا هوايا في خلاف ده، حتى لو نفسي مش قابلة، لكن في الآخر أنا على يقين أن ده الأصلح لي، على يقين.

وجا لي إيه؟ قالت، قالت إيه؟ ﴿ٱلۡيَوۡمَ أَكۡمَلۡتُ لَكُمۡ دِينَكُمۡ﴾ [المائدة: 3] يعني تم لكم الحلال والحرام، يعني هذه الجملة تساوي إيه؟ تم لكم القانون الذي عليه تنصلح أحوالكم، ولن تنصلح أحوالكم بغير هذا القانون. تفرح ولا ما تفرحش؟ مع أن كلمة قانون في أذهان كل حد يعني إيه؟ يعني أحكام، والمخالفة لها جزاء، مش كده ولا إيه؟ طيب، هل أنا- سيبكم بقى ده يعني دعكم الآن من الشرع- لو جيت قلت لكم: إيه رايكم القانون اللي مضايقكم ده، في أي حد يعني، أي حد القانون بالنسبة له شايفه إيه؟ محجمه، وقلنا لكم إيه رايكم نلغي القوانين بغض النظر عن إن هي مصدرها يعني القوانين، فكرة القانون يعني عشان لو بصينا دي، هنلغي القوانين فعلًا؟ فلاء، فكرة القانون اللي هو محجمكم ده، في عاقل يقول آه القانون يتلغي؟ مستحيل.

نقول الله مش محجمك؟ تقول آه هو محجمني، بس لن تنصلح دولة بغير قانون، ما فيش، ما فيش أي تجمع بشري ينصلح بغير قانون رادع، مش موجودة دي، ما تحصلش. ولله المثل الأعلى، شرع الله عز وجل كذلك.

فإذا نظرنا هذه النظرة للشرع، ولاحكام الشرع، أحببنا الشرع؛ حبينا الحاجات اللي إيه، اللي الثقيلة على أنفسنا دي؛ ما هو اتسمت أحكام تكليفية ليه؟ مما قيل فيها أن فيها كلفة، لذلك اتسمت أحكام تكليفية، فيها كلفة، فيها مشقة فعلًا. طب وربنا لا يعلم؟ يعلم، وشرع، طب ليه عاوز يعذبنا؟ يريد عذابنا؟ لا، ﴿مَّا يَفۡعَلُ ٱللَّهُ بِعَذَابِكُمۡ﴾ [النساء: 147] ما يريدش عذابنا ولا حاجة، أمّال يريد إيه؟ يريد مصلحتنا.

وهي مصلحتنا في دي؛ الأم لما تلاقي الواد عنده السكر وتعبان وعاوز ياكل حلويات، وهي عارفه إن الحلويات دي هتدمره، والواد قاعد يعيط والدكتور مانعه من الحلويات، الواد قاعد يرفص ويعمل، وهي قلبها بيتقطع، نفسها تدي له الحلويات دي ما تديلوش الحلويات، طيب ليه؟ بتكرهه؟ والطفل ساعتها شايف إيه؟ أن الأم تحجب عنه المصلحة، مش كده؟ أنا مصلحتي في الحلويات، أنا بحبها، فليه شايلاها؟ والأم ترى أن الأصلح له أنه لا، ما ينفعش تاكل دي. الله أرحم بنا من أماتنا، فلو اتقال لا ما ينفعش تمد إيدك لدي، ما ينفعش تعمل دي، لا ما ينفعش تبص لدي، ما ينفعش، أنا مش بقول سلم، احنا كده كده هنسلم وكده كده هنعمل.

حب التشريع، حبه، فاذا نظرنا هذه النظرة للشرع، يبقى نزلت آية ﴿ٱلۡيَوۡمَ أَكۡمَلۡتُ لَكُمۡ دِينَكُمۡ﴾يبقى عيد ولا مش عيد يا جماعة؟ يبقى عيد، نفرح خلاص، تم القانون والحمد لله، القانون الذي تنصلح عليه أنفسنا، القانون الذي يهذبنا لدخول الجنة. فيبقى عيد، اليوم أكملت لكم دينكم، ده معنى من المعاني.

المعنى الثاني في الآية، اليوم أكملت لكم دينكم، قيل إن إكمال الدين هنا هو المفاصلة التي حدثت بين المسلمين والكافرين، وانه نودي في الناس ألا يحج البيت بعد اليوم مشرك، وأن لا يطوف بالبيت عريان، وأنهم هم -طبعًا- كانوا يطوفون بالبيت عراة المشركون.

حد عارف ليه؟ بصوا يا جماعة، فيش حاجة حصلت في الدنيا دي غير وليها فلسفة؛ يعني إيه؟ أي حاجة، أي حد بيعمل أي حاجه، هو لو قعدت معاها يقول لك ما بالعقل كده، عشان كده احنا عقلنا ما ينفعش إحنا نسلم لعقولنا، لا في شرع، والعقل تابع للشرع مش العكس. وآفة المبتدعة أنهم قدموا العقول، الكفار أو المثال اللي معانا اهو، المثال اللي معانا كانوا يطوفون عراة بالبيت الأول، هذا الفعل يعني مستبشع ولا ممكن حد يقول آه عادي، والله ما يطوفوا عريانين وحاجة جميلة جو حر وطيب؟

هم عملوا ده ازاي بقى؟ شوف البعد ده بقى، الشيطان بقى لما يلعب بعقول الناس، قالوا إيه؟ قالوا هذه ثياب عصينا فيها الله، يا حلاوة! فيعني هنطوف حوالين البيت بثياب عصينا فيها الله، ما يصحش، فيعملوا إيه؟ يقلعوا. حاجة عجيبة جداً! استخفهم الشيطان، اهو ده بقى اللي بيحصل ده، احنا لو دخلنا في التفصيله دي هنسهر مع بعض ونشوف أمثلة، وهجيب لكم أمثلة على حاجات إحنا بنعملها وبنفلسفها ليه؟ عشان قدمنا العقول ونحينا الشرع.

ماشي، من القواعد، حد هنا درس اقتصاد بس ثقيل في الاقتصاد؟ عشان يعني حاجة ثقيلة كده فخمة، ها؟ في أربع قواعد بيبنوا عليها الاقتصاد، قاعدة منهم أن أي فعل بتفعله الشعوب هو فعل عقلاني، وعلى الاقتصاديين أن هم يبحثوا خلف العلة أو الحكمة التي من أجلها فعل الشعب هذا الفعل، دي قاعدة من أربع قواعد بيتبني عليها علم الاقتصاد، ماشي.

فمثلاً أديكم مثال يعني، أن واحد في التسعين وماشي عكسي، طبعا أنت تبص على ده تلاقيه مجنون، ده ولا ماشي عكسي ليه؟ ده ما فيش عاقل يعمل كده، وفي شارع زي التسعين مثلاً ولا على الدائري، ما فيش عاقل، ده جايبين على إيه، بتقول له كل الناس ماشية عكسي على الدائري، مش عارفة، فهي اللي ماشية عكسي يعني، فهي إيه، كل الناس غلط وهي اللي صح، وتكلم بقى على الرجال يعني، ما فيش راجل عاقل ولا ست، طبعا.

بتوع الاقتصاد بقى ما يقولوش كده، ما يقولوش زينا كده أن هو ده مجنون ده لا، ما يقولوش كده، يقولوا طالما ده عمل كده، هو في حاجة خليته يعمل كده، تعالوا بقى نبحث إيه اللي خلاه يعمل كده يعني، فيبص يقول لا، أصلاً اليوتيرن بعد عشرين كيلو، فطبيعي لو هو خارج من هنا مش هيمشي يمشي عشرين كيلو، ده هيمشي عكسي لغايه ما، طب تعال نحل له مشكلته ونخليه يوتيرن، هم بيقكروا كده يعني، ماشي.

طيب، نرجع تاني، يبقى المعنى الثاني: اليوم أكملت لكم دينكم، يعني تمت المفاصله بين أهل الإسلام وأهل الكفران، وهذا إتمام الدين حدث في هذا اليوم. ويا جماعة، فكرة المفاصلة دي فكرة كبيرة في شرعنا، فكرة كبيرة في شرعنا، وللاسف هذه الفكرة خفتت في قلوب المتدينين، يعني فكرة أن يبقى في مفاصلة، والمفاصلة نعني بها حتى لو في معايشة، ففي فرق بين المعايشة وبين أن أنا بكره الكفر وأهل الكفر، يعني ما حدش داخل اتنين في بعض، يعني ما نقولش إيه، مفاصلة يعني يبقى لو في عندنا ناس مش مسلمين في بلادنا، نطردهم ونطل، لا مش ده، ده باب المعايشة: ﴿لَّا يَنۡهَىٰكُمُ ٱللَّهُ عَنِ ٱلَّذِينَ لَمۡ يُقَٰتِلُوكُمۡ فِي ٱلدِّينِ وَلَمۡ يُخۡرِجُوكُم مِّنۡ دِيَٰرِكُمۡ أَن تَبَرُّوهُمۡ وَتُقۡسِطُوۡا إِلَيۡهِمۡ﴾ [الممتحنة: 8] دي قضية ماشي.

إنما أنك توادهم، أنك تحبهم، هنا هذا المعنى لا يصلح مع غير المسلم، وأنا هديكم مثال علشان نفهم الفكرة دي: تخيل حضرتك إنك ليك واحد جارك ما بيعملكش أي حاجة، جارك ده مش لازم مسلم، أو نصراني أو يهودي، لا، جار عادي يعني ما مش قضيتنا ديانته دلوقتي، هو واحد جارك وبيعاملك كويس جداً، خلاص، بيعاملك كويس جداً، ما فيش معامله احسن من كده، لكن في الناس لو اطلع يشتم أبُوك وأمُّك، هو بيعاملك أنت كويس يعني، لكن طول ما هو نازل طول ما هو طالع عمال يشتم أبُوك وأمُّك، مش بيقول لك يا ابن الكذا، بس هو نازل يشتم، إيه يا عم الحاج، يبص يشتمه، ماشي ويمشي، ويجي لك يعاملك كويس، ويهش لك و يا باشا، وزي الفل معاك، زي الفل، خلاص.

فتيجي عاوز، رحت اشتكيته، فالقانون قال لك لا والله ما لكش حق انك تشتكيه، وأنت ما لكش دعوة، وأنت تتعايش معاه وخلاص، ولو عملت له حاجه هنعاقبك أنت، ده القانون، فانت ابتديت تعامله كويس ليه؟ لأن القانون بيقول لك كده، بيقول لك عامله كويس.

هل اللي أنت بتعامله كويس ده، هتلاقي قلبك بيحبه؟ هو خلي بالك هو بيعملك هو، هو بيعاملك كويس، كويس، هو مش وحش معاك، بيعاملك كويس، قلبك يحبه يوده؟ آه أنا بعاملك كويس لأني أنا في قانون حاكم علي بيقول لي عامله كويس، لكن قلبي لا، أنا ما بحبكش، ليه؟ ده أنت مش سايب أبوي في حاله، أنت في الطلعة تشتم أبوي.

فالمفاصلة القلبية دي لابد أن تحدث بين أهل الإيمان وأهل الكفران، لازم، ليه؟ لأن الكفار بيشتمون مين؟ بيشتمون ربنا. طب ده أنا قلته؟ أنا ما قلتش، ده ربنا اللي قاله سبحانه وتعالى، قال الله عز وجل في الحديث القدسي: في الحديث القدسي: «شتمني ابن آدم وما ينبغي له أن يشتمني، أما شتمه إياي فقوله: اتخذ الله ولدا» فكلمة اتخذ الله ولداً دي دي شتيمة لربنا.

فجارك اللي بيقول اتخذ الله ولداً وبيعملك كويس، هتعامله كويس؟ آه، ليه؟ لأن في قانون، في شرع بيقول لي كده، بيقول لي عامل فلان كويس، فانا بعامله كويس لأن شرعي بيقول لي عامله كويس، لكن أحبه؟ والله ما أحبه، ده بيشتم ربي، ده في ده ليل نهار بيشتم ربنا، ده عنده عيد بيحتفل فيه بشتمة ربنا.

يا جماعة، كلمة زي دي، الله عز وجل لم يدع تقييمها لأحد من البشر، تقييم تقيم الكلمة بتاعة النصارى دي ربنا ما سابهاش للعلماء، ما سابهاش لينا، لا، تقييمها ربنا جابه في القرآن، تقييم كلمة زي دي، ماذا قال الله عز وجل؟ ﴿تَكَادُ ٱلسَّمَٰوَٰتُ يَتَفَطَّرۡنَ مِنۡهُ وَتَنۡشَقُّ ٱلۡأَرۡضُ وَتَخِرُّ ٱلۡجِبَالُ هَدًّا * أَن دَعۡوَ لِلرَّحۡمَٰنِ وَلَدًا * وَمَا يَنۡبَغِي لِلرَّحۡمَٰنِ أَن يَتَّخِذَ وَلَدًا﴾ [مريم: 90-92] أنتم شايفين تفاع فاعل المخلوقات مع هذه الكلمة؟ تكاد السماوات يتفطرن منه وتنشق الأرض وتخر الجبال هداً أن دعوا للرحمن ولداً؛ تقييمها ربنا ما سابوش لينا إحنا، فده تقييم كلمة شبه دي.

فيعاملهم ازاي؟ نبص للقانون؛ القانون حكم القانون على الأبدان دلوقتي، أعاملهم ازاي؟ فنلاقي ربنا: ﴿لَّا يَنۡهَىٰكُمُ ٱللَّهُ عَنِ ٱلَّذِينَ لَمۡ يُقَٰتِلُوكُمۡ فِي ٱلدِّينِ وَلَمۡ يُخۡرِجُوكُم مِّنۡ دِيَٰرِكُمۡ أَن تَبَرُّوهُمۡ وَتُقۡسِطُوۡا إِلَيۡهِمۡ﴾ [الممتحنة: 8] آه، بر وقسط، طب القلب؟ لا، ما يحبش، يحبه إزاي ده؟

ده معنى المفاصلة يا جماعة، ده معنى المفاصلة؛ المفاصلة بين أهل الإسلام والكفار ده معنى كبير في ديننا، كبير جداً ماشي، والحب في الله والبغض في الله أوثق عرى الإيمان، أن تحب في الله وأن تبغض في الله. مش هحب فلان لأنه هو الأوفق لي والطبعي، أيا كان دينه بقا، غلط؛ لا، فلان المسلم اللي هو طبعه عكس طبعي تماماً أحب إلى قلبي من فلان الغير مسلم اللي طابعه زي طبعي، ليه؟ لأن اللي طابعه زي طابعي ده، وتلاقي طباغنا، لا ده بيشتم ربنا زي، على طول حط المثال اللي أنا قلته لكم في دماغكم بقا، اللي نازل طالع يشتم أبوك.

إحنا للأسف والله يا جماعة، للأسف بنضطر نقول أمثلة زي دي، وده عيب، عيب يتقال الصراحة يعني، يعني فكرة إننا نقعد نوضح بأمثلة في حد بتحبه وبتعظمه زي أبيك، عشان أرجع أقول لك ولله المثل الأعلى، عيبة كبيرة، المفروض ده نكون أصلاً مستشعرينه من غير أي أمثلة.

فالمفاصلة دي مهمة جداً، والمفاصلة دي تتخذ عيداً؟ آه، تتخذ عيداً، فتلاقوا اليوم أكملت لكم دينكم واتممت عليكم نعمتي أو أكملت لكم دينكم بحدوث المفاصلة بينكم وبين أهل الكفر.

نفس المعنى هو حصل لمين؟ لموسى وفرعون، وراح اليهود اتخذوا ذلك اليوم عيداً، مش كده؟ لما قدم النبي صلى الله عليه وسلم المدينة فوج فوجد اليهود تصوم يوم عاشوراء، بتصوموا ليوم عاشورا؟ قالوا: ذلك يوم نجى الله فيه موسى وأهلك فرعون، فنحن نصومه شكراً لله.

شوف المعاني المعاني ازاي موجودة في ذهن يهود دي؟ لأنها معاني شرعية موجودة في كل الملل، في كل الملل وفي كل الشرائع، موجود نفس المعاني موجودة. فقال: «نحن أولى بموسى منكم» وصام صلى الله عليه وسلم عاشوراء.

ومش بس كده، معنى عجيب جداً والله يا معنى أنه مش بس النبي صام عليه الصلاة والسلام، ده أمر بصومه، ومش بس كده، ده ترتب على صومه ثواب يحفز أي حد إنه يصومه، فتلاقي صوم عاشوراء يكفر إيه؟ سنة. شوفوا يا جماعة معاني الشرع إزاي بتترابط؛ وصوم عرفة يكفر سنتين، والنبي عليه الصلاة والسلام يذكرهم في حديث واحد، مش كده؟ يعني يذكر صوم عرفة وانه يكفر.

سنتين، وصيام عاشوراء أنه يكفر سنة. في حديث واحد ليه؟ لأنهم بيشتركوا في خصال منها دي، منها دي، أن وأنت بتصوم عرفة، أنت عرفة جاي إن شاء الله يوم الخميس، هتصوم عرفة. صوم عرفة مش زي أي يوم، وأنت بتصوم عرفة جواك معنى أن هذا اليوم الذي حصلت فيه المفاصلة بين المسلمين وبين الكفار، وهذه نعمة تستحق الشكر. هتيجي تصوم يوم عاشوراء، ييجي المعنى ده في قلبك: هذا اليوم الذي حدثت فيه المفاصلة بين نبي الزمان موسى عليه السلام وبين فرعون رأس الطغيان والكفران، وهذا يستحق الشكر. فدي من المعاني المشتركة بين عرفة وبين عاشوراء، فمعنى المفاصلة معنى من أجله يتخذ اليوم عيداً.

﴿ٱلۡيَوۡمَ أَكۡمَلۡتُ لَكُمۡ دِينَكُمۡ وَأَتۡمَمۡتُ عَلَيۡكُمۡ نِعۡمَتِي﴾ [المائدة: 3]. قيل بمغفرة الذنوب، لأنه لا تتم النعمة إلا بمغفرة ستر الذنب. قال الله عز وجل في سورة الفتح: ﴿إِنَّا فَتَحۡنَا لَكَ فَتۡحٗا مُّبِينٗا * لِّيَغۡفِرَ لَكَ ٱلۡلَّهُ مَا تَقَدَّمَ مِن ذَنۡبِكَ وَمَا تَأَخَّرَ وَيُتِمۡ نِعۡمَتَهُ عَلَيۡكَ﴾ [الفتح: 1-2]. يبقى ليغفر لك ويتم نعمته عليك، يبقى بأي شيء تتم نعمة الله؟ بمغفرة الذنب. ويوم عرفة يوم الغفران؛ ربنا سبحانه وتعالى يغفر في عرفة لأهل الموقف وأهل الأمصار، كذلك يغفر لهم في هذا اليوم. مش بس يغفر لهم، ده يكفر الله عز وجل بصيامه لأهل الأمصار؛ لأن طبعاً أهل الموقف لا يصومون عرفة، فعرفة لا يصام بعرفة، إنما مين اللي هيصوم عرفة؟ أهل الأمصار اللي ما راحوش الحج هيصوموا عرفة، فحتلاقي أن صيامه يكفر سنتين؛ سنة باقية وسنة سابقة، فتمت المغفرة، فتمت النعمة: اليوم أكملت لكم دينكم وأتممت عليكم نعمتي بمغفرة الذنب.

ففكرة يا جماعة، إحنا بقى ليه بنعيد العيد؟ ليه ليه بنعيد؟ هو ده المعنى الثاني. العيد عندنا في الإسلام يا جماعة، إحنا عندنا كم عيد في الإسلام؟ اتنين. حد يزود؟ تلاتة. حد يزود؟ أربعة. حد يزود؟ أربعة ماشي. هما أربع أعياد؛ تلاتة في الدنيا وواحد في الآخرة. تلاتة في الدنيا وواحد في الآخرة، اللي في الآخرة دخول الجنة هذا عيدنا، وفي الدنيا ثلاث أعياد. طب يبقى إحنا عندنا دلوقتي أربع أعياد. تعالوا بقى نفهم عيد، نفهم عيد، نفهم اليهودي فهم إيه إحنا مش فاهمينه؟ ما إحنا دلوقتي قلنا لازم نفهم إيه، فهمنا إيه خلاص. طب نفهم عيد بقى، علشان اليهودي لما سمع الآية قال: اليوم ده عيد. فإحنا فهمنا اليوم، وفهمنا الآية، الثلاث جمل اللي في الآية: اليوم أكملت لكم دينكم، أتممت عليكم نعمتي، رضيت لكم الإسلام ديناً، فهمنا الثلاثة دول. طب ليه يبقوا عيد؟ يبقى نفهم عيد.

إحنا عندنا أربع أعياد في الإسلام وعندنا أركان الإسلام خمسة. لو بصينا، ما أنتوا سكتوا ليه؟ في أركان؟ مش عارفين أركان الإسلام؟ طب عارفين لا إله إلا الله، عشان بس نبتدي من الأول بقى. فعندنا أركان الإسلام خمسة، وعندنا أربع أعياد، هنلاقي الأعياد بتاعتنا كل عيد من دول مرتبط بركن من الأركان الخمسة ما عدا ركن واحد مالوش عيد، وهنفهم ليه دلوقتي خلاص. طبعا كلمة عيد من إيه؟ من العود؛ أنه بيعود، يعني كل سنة إيه نتكرره، أو كل فتره يعني يكرر، فبيسمى عيد خلاص. فتلاقوا أول ركن وهو ركن التوحيد: لا إله إلا الله محمد رسول الله، شهادة أن لا إله إلا الله وأن محمد رسول الله، دي أنت بتفضل تتم فيها وتكملها وكذا لغاية ما تموت، عيدك في الجنة يوم القيامة، عيد لا إله إلا الله محمد رسول الله، ده في الجنة هنعيد، كل المسلمين هنعيدوا أمتى؟ في الجنة إن شاء الله ف تحقيقه يعني.

إحنا قد إيه من أهل الجنة؟ المسلمون قد إيه من أهل الجنة؟ يعني أهل الجنة لو قلنا أهل الجنة 100% يخش الجنة، بتوع الجنة يعني، إحنا بقى قد كام في المية؟ واحد في الألف؟ ليه كده؟ ليه كده يا ابني أنت المسلمين كم في المية هيمخشوا الجنة؟ 2 مليار، 100%؟ 100% يعني ما فيش ولا واحد مش مسلم؟ يعني ليه؟ أنت أعلم أم الله؟ يقسمون رحمة ربك. طيب، إحنا المسلمون قولان لأهل العلم: أما نصف أهل الجنة، وأما الثلثان. دي جت في حديث ودي جت في حديث خلاص. آه: «إني لأرجو أن تكونوا ربع أهل الجنة» فكبروا، «ثلث أهل الجنة» فكبروا، قال: «نصف أهل الجنة». يبقى ده حديث، يبقى لو هيخش الجنة رقم سين، فإحنا نص السين ده مسلمون من اتباع النبي محمد صلى الله عليه وسلم. في حديث تاني أن أهل الجنة 120 صف، 120 صف، 80 صف، اللي هو الرقم اللي اتقال هو ده، مش 80% هو 80 صف من الـ 120 هيخشوا مسلمين، فـ 80 من 120 يعني كام؟ ثلتين، مش كده ولا إيقن؟ أرجوكم ماشي. يبقى 80 صف من 120 صف يعني ثلتين، ده عيد التوحيد بتاعنا بقى خلاص هنخش الجنة، ده عيد لا إله إلا الله محمد رسول الله.

يتبقى أربع أركان، هتلاقوا كل عيد من أعيادنا الثلاثة في الدنيا مختصة بركن. أول عيد عندنا: عيد الجمعة، يوم الجمعة عيد الأسبوع. طيب، ليه يوم الجمعة ده عيد؟ بعض أهل العلم مثل ابن رجب وغيره وجهوا أن يوم الجمعة إحنا بنحتفل بيوم الجمعة ده لأنك صليت أسبوع، فانت بتحتفل بصلاتك أسبوع كامل، فبتحتفل يوم الجمعة بصلاة هذا الأسبوع. وعشان كده الحاجه الغريبه في يوم الجمعة المختلفه عن بقيه الاسبوع إيه هي؟ الصلاه. تلاقي صلاه الجمعه مختلفه، ازاي مختلفه؟ أول حاجه صلاه الظهر أربعة دي لقيناها اتنين، مش كده؟ تاني حاجه صلاه النهار سرية، ودي لقيناها جهرية، مش كده؟ صلاه النهار اللي هو الظهر والعصر صلاه سرية، صلاه الليل عندنا جهرية مغرب وعشاء وفجر. فصلاه النهار سرية، وعشان كده حتى لو هتصلي ركعتين سنة بالنهار الأولى أنهم يكونوا سرا، طب هتصليهم بالليل الأولى يكونوا جهرا، لأن صلاه الليل جهرية وصلاه النهار سرية. فنلاقي لا صلاه الجمعه جت جهرية بالنهار، حاجه عجيبة جدا! وبعدين قبليها خطبة، برده دي حاجه عجيبة يعني مش موجود خالص صلاة شبه كده، وكانه تنبيه لهذا المعنى أن الجمعه ده عيد بسبب الشعيره دي، شعيره الصلاة. فالصلاة اللي هي ختام بقى الأسبوع مختلفه شويه، ليها شكل مختلف. يبقى ده الصلاة، يبقى ده العيد الخاص بالصلاة.

وبعدين عيد يختص بالصوم، وهو ركن من أركان الإسلام أيضاً، اللي هو عيد الفطر، بعد ما صمت شهر كامل فطرت عيدت. وعيد يختص بالحج، وهو الركن الخامس، وهو عيد الأضحى، خلصت مناسك الحج هتعيد. يتبقى الزكاة اللي مالهاش عيد، ليه؟ لان الزكاة مالهاش وقت، يعني كل واحد فينا أتى يزكي لما يملك نصاب لما بقى وبعدين يحول عليه الحول، فحيلي غير حولي غير حول فلان غير حول علان، كل واحد ليه حوله فمالهاش وقت. يبقى إيه يلا يا مسلمين تعالوا نعمل عيد للزكاة؟ هتيجي ازاي دي؟ مفهومة. غير الحج لا إله إلّا إحنا كلنا بنحج في وقت واحد، رمضان كلنا بنصوم في وقت واحد واضح، فعشان كده الزكاة مالهاش عيد.

طيب لو بصينا كده يا جماعة، هنلاقي العيد دايما مرتبط بإيه بقى؟ مرتبط بطاعة، مرتبط بمعاني شرعية: ﴿قُلۡ بِفَضۡلِ ٱللَّهِ وَبِرَحۡمَتِهِۦ فَبِذٰلِكَ فَلۡيَفۡرَحُواْ هُوَ خَيۡرٌ مِّمَّا يَجۡمَعُونَ﴾ [يونس: 58]. كان الواحد في دماغه العيد يعني فسح وتنطيط وزقططة ومش عارف إيه، وهو ده معناه؟ لا مش كده. هو العيد معناه ايه؟ وده لازم معنى إحنا الأول نفهمه وبعدين نربيه في ولادنا. تعالى يا ابني إحنا ليه بنفرح النهاردة؟ هيقول لك عشان باخد العيدية، قول له جميل العيدية جميلة وكل حاجة بس إحنا مش بنفرح عشان كده، إحنا بنفرح أن ربنا سبحانه وتعالى وفقنا أن إحنا نصوم ونكمل عُدّة رمضان. والمعنى ده جه في القرآن يا جماعة، مش كده؟ ﴿وَلِتُكۡمِلُواْ ٱلۡعِدَّةَ﴾ [البقرة: 185] ها ﴿وَلِتُكَبِّرُواْ ٱللَّهَ عَلَىٰ مَا هَدَىٰكُمْ﴾ [البقرة: 185]، التكبير فين؟ في العيد بعد إكمال العدة. فيه إشارة إلى أن عيدنا لإكمال العدة، كان المعنى اللي ج في ذهنك أن ربنا سبحانه وتعالى مَن عليك وتفضل وتنعّم وتكرم أنك أكملت عُدّة رمضان وغيرك فطر، كان ممكن تبقى مع المفطرين أنت انت ما تاش أجذع منهم يعني. وأتممت ليالي رمضان بالقيام وكان ممكن تبقى مع اللي نايمين وقاعدين على المسلسلات والفوازير والحاجات دي، ما تاش أجذع منهم. فلما حصل ده وتفكرت فيه، استشعرت نعمة الله عليك ففرحت بذلك: ﴿فَبِذٰلِكَ فَلۡيَفۡرَحُواْ﴾، ففرحت فعيدت خلاص. فالعيد بنعيد ليه؟ عشان استشعرت معنى إتمام الصلوات في عيد الفطر. استشعرت معنى إتمام رمضان في عيد الأضحى، استشعرت معنى إتمام مناسك الحج.

ولو سبحان الله، طب هو اللي بيحج نسبته قد إيه في المسلمين؟ قليل جداً، طيب فربنا يعمل ايه بقى؟ يشرع في 10 ذي الحجة أنك تتشبه بالحجيج فيما تستطيعه، مش كده؟ فتلاقي نفسك إيه، الحجاج ما ينفعش يأخدوا من الأشعار ولا الأظافر ولا الحاجات، مش كده وهو محرم، فتدخل 10 ذي الحجة نقول لك هتضحي ما تاخدش حاجة من شعرك ولا ظفرك خليك كده. وبعدين الحجاج يذكرون الله عز وجل، فانت ليك ذكرك، اللي هو هتدخل العشرة من أول يوم في 10 ذي الحجة بنكبر الله تكبيراً مطلقاً، وأنت في الشارع وأنت في السوق وأنت في المسجد وأنت في بيتك وأنت في العربية: الله أكبر الله أكبر لا إله إلا الله والله أكبر الله أكبر ولله الحمد. يشرع التكبير لك في كل عشر ذي الحجة كلها، بنكبر الله عز وجل، وبعدين عندك الأعمال 10 ذي الحجة العمل الصالح فيها أحب إلى الله من إيه؟ أحب أحب العمل إلى الله في هذه العشر، قال: والجهاد في سبيل قال والجهاد في سبيل الله إلا رجلاً خرج بنفسه وماله ثم لم يرجع من ذلك بشيء. فتلاقي بتحفز على أنك تعمل كل الأعمال الصالحة في هذه العشر، فلما تخلص العشرة وييجي يوم عرفه بقى ده ليه وضع خاص هنتكلم عنه، خلص العشرة أو التسعة بعرفه، تيجي يوم العيد تفرح بما أحرزته، بما وفقت إليه من أعمال في هذه العشر، فده معنى العيد.

ولذلك: ﴿ٱلۡيَوۡمَ أَكۡمَلۡتُ لَكُمۡ دِينَكُمۡ وَأَتۡمَمۡتُ عَلَيۡكُمۡ نِعۡمَتِي﴾ بمغفرة الذنوب، فلازم تفرح، لازم تفرح بقى أن ربنا سبحانه وتعالى غفر لك ذنبك. طب غفره أمتى؟ بصيامك في يوم عرفة. طب أهل الموقف ما صاموش، متغفرلهمش؟ ينزل الله عز وجل يباهي بهم الملائكة: أشهدكم أني قد غفرت، أتوني شعثاً غبراً ضاحين، أشهدكم يا ملائكتي أني قد غفرت لهم. يوم المغفرة ولم يرَ الشيطان أغيظ ولا أدحر منه في ذلك اليوم؛ ليه؟ من كثرة أو من عظم مغفرة الله عز وجل في ذلك اليوم لعباده.

طيب، نعمل إيه بقى يوم عرفة؟ نعمل إيه يوم عرفة؟ هنعمل شوية حاجات كده. فات نص ساعة ولا لسه فات؟ أنت مش طايقني، أنت قاعد حاسبها. ماشي، هنعمل شوية حاجات يوم عرفة إن شاء الله، أول حاجة نصوم يوم عرفة، إحنا عرفنا أن الصيام يكفر سنتين، فلازم نصوم يوم عرفة. لازم ده يعني وجوباً ولا استحبابه ولا إيه؟ استحباباً تصوم طبعا غصب عنك، تصوم استحباباً ده للناس اللي ما عندهاش معاصي وبلاوي زينا، إنما أنت عندك ولا ماشي؟ يعني متأكد طبعاً، استحباب متأكد طبعا آه فاستحباباً للي بره المسجد، إنما أهل الذنوب والمعاصي اللي زينا ما فيش حاجة اسمها نفوته كده، أصل استحباباً دي عند الناس يقول لك: هي دي كذا فرض ولا سنة؟ أول ما أول ما يسألك كده اعرف أنه إيه، عاوز يسيب الصحابه ما شفناهمش عمرهم يسألوا فرض ولا سنة دي، ما شفناش في الصحابة اللي يسال كده يعني، ليه؟ اعمل، حاضراً هعمل، بس بقى فرض هيتعمل سنة هيتعمل، مش هنقعد نسأل بقى فرض ولا سنة.

طيب، فيبقى نصوم يوم عرفة إن شاء الله علشان نحصل المغفرة في هذا اليوم. طيب هنصوم عرفة، وبعدين نقعد بقى نفتح التيك توك ونفتح الانستغرام ونكلم صاحباتنا وتعملوا إيه تاني؟ قولوا لي تعملوا إيه تاني؟ نعمل الحاجات دي. فالصيام يروح في داهية ده وما يتحسبش، ما هو إيه؟ رَبِّ صَائِمٍ لَيْسَ لَهُ مِنْ صِيَامِهِ إِلَّا الْجُوعُ والعطش. ليه؟ صائم عن الحلال بأصل الشرع ومقضيها إيه؟ حرام بأصل الشرع، يعني الأكل والشرب ده في أصل الشرع حلال ولا حرام؟ حلال مش كده. طب في في في التيك توك بقى حرام ولا إيه رأيكم؟ أه.

هذا يوم في الحديث جاء: «من ملك فيه سمعه وبصره ولسانه غفر له». يبقى كيبقى عندنا قيد أهو مهم جداً: من ملك فيه سمعه وبصره ولسانه غفر له. زمان أما كنا نجيء ندي درس 15 20 سنة كده، فنقول إيه؟ ما تنزلش الشارع، ما كان كفاية؛ لأن ما كانش فيه الأجهزة الملعونة دي. فكنا نقول لك ما تنزلش الشارع، كفاية أنك تملك سمعك وبصرك ولسانك. إزاي؟ ما تنزلش الشارع، ما ما مالكش دعوة بمرتك عشان تملك لسانك، ابعد عن مرتك خالص في اليوم ده، أيوة يعني عشان ما تقولش كلام حلو كتير وكده. اضحكوا ليه؟ قاعدة جوه ما ينفعش ماشي.

فالنهارده ما ينفعش نقول ده، لازم نقول إيه بقى؟ التليفون بتاعك مش معاك يوم عرفة. أصلي يا شيخ مش معاك يوم عرفة، أصلي يا شيخ ومش أصلي يا شيخ، الكلام ده تقوله لحد غيري معلش، إحنا جايبينها من تحت: تليفونك مش معاك يوم عرفة. طب بس يعني هقرا عليه؟ مش معاك. أصل أنا الدروس كلها عليه؟ ما تسمعش دروس، مش عاوزينك تسمع دروس، تليفونك مش معاك يوم عرفة خلصت ما لهاش تاني، قعدنا ندادي في الناس ونقول لهم اقفل الفيسبوك واقفل الانستغرام واقفل ما.

بيحصلش أصل صعب جدا، طب أنا هفضحك بقى قدام نفسك، لو حضرتك رايح البحر، ماشي؟ مش التليفون ده بيتساب في الشاليه ولا في مش عارف فين؟ ومده وأنت قاعد على الشط عادي جدا، بيتساب بالساعتين والثلاثة والخمسة والعشرة لغايه ما تبقى ترجعله، بيحصل ومش بيحصل؟ يوم بيحصل، ويوم واتنين وتلاتة عادي جدا.

فهتسيب تليفونك من فجر عرفة لمغرب عرفة؟ تليفونك مش معاك، تليفونك في حتة وأنت في حتة. ليه؟ هذا يوم من ملك فيه سمعه وبصره ولسانه غفر له، فاحنا احنا ماينفعش نطلع عرفة واحنا مش مغفر لنا يا جماعة ما ينفعش، ما ينفعش.

المعنى الثالث اللي يتعمل في عرفة أو من أعمال عرفة أنك تعتكف؛ يبقى تجي مسجد تقعد من الفجر للمغرب لو تعرف تعمل ده، لو سهل عليك، الشباب طبعا سهل عليهم، يعني عشان ما الشيخ قال: لو سهل وأنا مش سهل، لا أنت سهل عليك، أنت الشباب يجوا المسجد، يعني ماشي، احنا بنتكلم اللي هو من فوق التمانين بقى، يعني دول اللي ممكن إيه يعني نقول لهم خلاص خلوها من الظهر.

ليه؟ أول حاجة: الاعتكاف من جملة الأعمال الصالحة، مش كده؟ يعني أنت اعتكف في أي يوم تثاب ولا ما تثابش؟ أي يوم في السنة تثاب، وهذه الأيام العشر الأعمال فيها أو الأعمال الصالحة فيها أحب إلى الله من كل عمل ومن كل من سائر الأيام، فده من جملة الأعمال الصالحة، يبقى دي أول حاجة.

ثاني حاجة: أن الاعتكاف في قول كثير من أهل العلم لا يصح إلا بصيام، الاعتكاف لا يصح، يعني ما ينفعش حد -في قول كثير من أهل العلم، في بعض أهل العلم يقول لك لا اعتكف حتى لو مش صايم- لكن احنا يعني من فضل ربنا سبحانه وتعالى أن اليوم ده احنا إيه صايمين، فيبقى نعتكف.

ثالث حاجة: أن هذا عون على أن تملك سمعك وبصرك ولسانك، يبقى كانوا إذا صاموا قعدوا في قعدوا في المساجد وقالوا: نحفظ سمعنا وبصرنا، ده كلام مين؟ الإمام أحمد. كانوا إذا صاموا قعدوا في المساجد وقالوا: نحفظ إسماعنا وأبصارنا، فنقعد في المسجد نقول: نحفظ إسماعنا وأبصارنا، ما نخرجش من المسجد اليوم ده نعتكف.

والتعريف في الأمصار ممكن يتعمل؟ إيه التعريف؟ التعريف في الأمصار أن من عشية عرفة كده نتشبه بالحجيج، فالناس تروح المسجد، وبعدين يقعدوا بقى في الذكر، يقعدوا واحد يدي درس، من العصر للمغرب بعض أهل العلم رخص فيه، مذهبنا مذهب الحنابلة أنه لا باس بالتعريف في الأمصار، الإمام أحمد رخص فيه ولم يفعله، وممن ورد عنه ذلك التعريف ابن عباس رضي الله عنه وهو فقيه، وكان يذهب إلى المسجد يقرأ البقرة وآل عمران يفسرها إيه يقرأ يفسر البقرة وآل عمران في هذا الوقت، وهذا من التشبه بالحجيج أن هم واقفين في الموقف واحنا قاعدين في بيوت ربنا سبحانه وتعالى، فدي كلها من أعمال يوم عرفة.

الحقيقة عاوز في خمس دقايق نقرا حتة صغيرة لابن رجب، تعبانين ولا نقرا؟ ولا تعبانين ونقرا؟ يعني طيب أحوال السلف يوم عرفة، وأنت في عرفة نستشعر إيه المعاني اللي نستشعرها في يوم عرفة؟

قال ابن رجب: كانت أحوال الصادقين في الموقف بعرفه تتنوع، فمنهم من كان يغلب عليه الخوف أو الحياء. وقف مطرف بن عبد الله بن الشخير وبكر المزني بعرفه، فقال أحدهما: اللهم لا ترد أهل الموقف من أجلي. هم أولياء سادات ومع ذلك يتهمون أنفسهم، فبيقول: هو هترد كل دول عشان أنا فيهم؟ يعني هو يتهم نفسه أن اهل الموقف لو ردوا من أجلي -يعني لم أستبعد ذلك- لعظيم جرمي وجراتي على ربي، وهم الأولياء والسادات. قال أحدهم: يا رب اللهم لا ترد أهل الموقف من أجلي، وقال الآخر: ما أشرفه من موقف وأرجاه لأهله لولا أني فيهم، لولا أن أنا فيهم كان زمانه أرجى المواقف لأهله.

وقف الفضيل بعرفه والناس يدعون وهو يبكي بكاء الثكلة المحترقة، قد حال البكاء بينه وبين الدعاء، مش عارف يدعو من البكاء، فلما الفضيل بن عياض -طبعا من سادات القوم- فلما كادت الشمس أن تغرب رفع راسه إلى السماء وقال: واسوأتاه منك وإن عفوت! وقال الفضيل أيضا لشعيب بن حرب وهو بالموسم: إن كنت تظن أنه شهد الموسم أحد شر مني ومنك فبئس ما ظننت.

دعا بعض العارفين بعرفه فقال: اللهم إن كنت لم تقبل حجي وتعبى ونصبي فلا تحرمني أجر المصيبة على تركك القبول مني.

وقف بعض الخائفين بعرفه إلى أن قرب غروب الشمس فنادى: الأمان الأمان! قد دنا الانصراف، فليت شعري ما صنعت في حاجة المساكين، واني من خوفكم والرجاء أرى الموت والعيش فيكم عيانا، فمنوا على تائب خائف آتاكم ينادي الأمان الأمان، إذا طلب الأسير الأمان من الملك الكريم أمنه، الأمان الأمان! وزري ثقيل وذنوبي إذا عددنا تطول، أو أوقفتني وأوثقتني ذنوبي، فترى لي إلى الخلاص سبيلا؟

وقف بعض العارفين الخائفين بعرفه فمنعه الحياء من الدعاء، فقيل له: لما لا تدعو؟ فقال: ثم وحشة -يعني ثم وحشة بينه وبين ربه لذنوبه أو لما يعتقده ذنوبا من نفسه- فقيل له: هذا يوم العفو عن الذنوب! فبسط يديه ووقع ميتا. حداى بها الحادي إلى نعمان فاستذكرت عهدا لها بالبان، فسالت الروح من الاجفان تشوقا إلى الزمان الفاني.

وقف بعض الخائفين بعرفات وقال: الهي الناس يتقربون اليك بالبدن بالجمال وانا أتقرب اليك بنفسي، ثم خر ميتا! ما يرضى المحبون لمحبوبهم بإراقة دماء الهدايا، وإنما يهدون له الأرواح.

كان أبو عبيدة الخواص قد غلب عليه الشوق والقلق حتى يضرب على صدره في الطرق ويقول: وشوقاه إلى من يراني ولا أراه! وكان بعدما كبر يأخذ بلحيته ويقول: يا رب قد كبرت فاعتقني.

ورئي بعرفه وقد ولع به الوله وهو يقول: سبحان من لو سجدنا بالعيون له على حمى الشوك والمحمى من الابر لم تبلغ العشر من معشار نعمته ولا العشير ولا عشرا من العشر، هو الرفيع فلا الابصار تدركه سبحانه من مليك نافذ القدر، سبحان من هو أنسي إذ خلوت به في جوف ليلي وفي الظلماء والسحر، أنت الحبيب وانت الحب يا أملي من لي سواك ومن أرجوه يا ذخري؟

قال: ومن العارفين من كان في الموقف يتعلق باذيال الرجاء، يعني الفئة الأولى من كان يغلب عليهم الخوف أو الحياء، وبعضهم كان يعني يغلب عليه الرجاء.

قال ابن المبارك: جئت سفيان الثوري عشية عرفه وهو جالس على ركبتيه وعيناه تهملان، فالتفت الي فقلت له: من أسوأ هذا الجمع حالا؟ قال: الذي يظن أن الله لا يغفر لهم.

وروي عن الفضيل أنه نظر إلى نشيج الناس وبكائهم عشية عرفه فقال: أرايتم لو أن هؤلاء صاروا إلى رجل فسألوه دانقا -يعني مبلغ بسيط، سدس درهم- أكان يردهم؟ قالوا: لا. قال: والله للمغفره عند الله اهون من اجابه رجل لهم بدانق.

قال: وعما قليل يقف إخوانكم بعرفه في ذلك الموقف، فهنيئا لمن رزقه، يجارون إلى الله بقلوب محترقة ودموع مستبقة، فكم فيهم من خائف أزعجه الخوف وأقلقه، ومحب أهبه الشوق وأحرقه، وراج أحسن الظن بوعد الله الكريم وصدقه، وتائب نصح لله في التوبة وصدقه، وهارب لجأ إلى باب الله وطرقه.

فكم هنالك من مستوجب للنار أنقذه الله وأعتقه، ومن أسير للأوزار فكه وأطلقه، وحينئذ يطلع عليهم أرحم الرحما،ء ويباهي بجمعهم أهل السماء، ويدنو ثم يقول: ما أراد هؤلاء؟ ما أراد هؤلاء؟ لقد قطعنا عند وصولهم الحرمان، وأعطاهم نهاية سؤلهم الرحمن، هو الذي أعطى ومنع ووصل وقطع.

من فاته في هذا العام القيام بعرفه فليقم لله بحقه الذي عرفه، من عجز عن المبيت بمزدلفه فليبت عزمه على طاعه الله وقد قربه الله وازلفه، من لم يمكنه القيام بأرجاء الخيف فليقم لله بحق الرجاء والخوف، من لم يقدر على نحر هديه بمنا فليذبح هواه هنا وقد بلغ المنى، من لم يصل إلى البيت لانه منه بعيد فليقصد رب البيت فانه اقرب الى من دعاه ورجاه من حبل الوريد.

نفحت في هذه الأيام نفحة من نفحات الانس من رياض القدس على كل قلب أجاب إلى ما دعي، يا هم العارفين بغير الله لا تقنعي، يا عزائم الناسكين لجميع أنساك السالكين أجمعي، لحم مولاك أفردي، وبين خوفه ورجائه اقرني وبذكره تمتعي، يا أسرار المحبين بكعبة الحب طوفي واركعي، وبين صفاء الصفا ومروة المروة اسعي وأسرعي، وفي عرفات العرفان قفي وتضرعي، ثم إلى مزدلفه الزلفا فادفعي، ثم إلى منى نيل المنى فارجعي، فاذا قربوا القرابين فقربي الارواح ولا تمنعي.

لقد وضح اليوم الطريق ولكن قل السالك على التحقيق وكثر المدعي. أقول قولي هذا واستغفر الله العظيم لي ولكم، سبحانك اللهم وبحمدك، أشهد أن لا إله إلا أنت، نستغفرك ونتوب إليك.