بسم الله الرحمن الرحيم. السلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم.
بإذن الله سبحانه وتعالى لقاء اليوم إن شاء الله يعني ممكن يكون استكمال لسلسلة كنت تكلمت عن بصائر من غزة، وكنت تكلمت في اللقاء الأول بصائر من غزة، وكان الأمر مفتوح مجموعة من بصائر. وقريباً بفضل الله سجلت بصائر من غزة الجزء الثاني، وكان شرح أو تعليق على قول الله سبحانه وتعالى: ﴿لَّيْسَ الْبِرُّ أَن تُوَلُّوا وُجُوهَكُمْ قِبَلَ الْمَشْرِقِ وَالْمَغْرِبِ﴾ [البقرة: 177]. ممكن اليوم نستكمل، يبقى بصائر من غزة ثلاثة، بس هننطلق من ودائماً أحب أن يكون انطلاق البصائر من آية، ثم نفرع حول هذه المعاني التي ممكن نخرج بها من هذه الآية، حول قول الله سبحانه وتعالى: ﴿إِنَّ اللَّهَ اشْتَرَىٰ مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الْجَنَّةَ﴾ [التوبة: 111]. وتحديداً الحديث عن قضية أن الله اشترى من المؤمنين أنفسهم، يعني حديث النهارده إن شاء الله أو البصيرة المركزية في درس اليوم -ممكن نتكلم أيضاً عن مجموعة من البصائر زي في الدروس الماضية- مسألة أن الله اشترى من المؤمنين أنفسهم. هذه النفس التي أعطاك الله سبحانه وتعالى أمانة، الله سبحانه وتعالى يقول في ختام سورة الأحزاب: ﴿إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا﴾ [الأحزاب: 72]. قالوا إن إبليس أبى واستكبر، أما السماوات والأرض والجبال فأبينا وأشفقن، أشفقن منها وحملها الإنسان.
هذه الأمانة بيدور كلام كثير مفسرين حول تفاصيل الأمانة، المعنى المحوري ليها، تمظهرات الأمانة ديت في بعض الأمور الشرعية زي غسل الجنابة وغيره -يعني ده من باب المثال على هذه الأمانة- الصيام وغيره من الأمانات. لكن في الأمانة الأساسية التي عرضت على الإنسان وقبلها الإنسان، وهو الإنسان يختار بين طريق الحق وطريق الباطل، وقال الله سبحانه وتعالى: ﴿وَهَدَيْنَاهُ النَّجْدَيْنِ﴾ [البلد: 10]. وقال الله سبحانه وتعالى: ﴿إِنَّا خَلَقْنَا الْإِنسَانَ مِن نُّطْفَةٍ أَمْشَاجٍ نَّبْتَلِيهِ فَجَعَلْنَاهُ سَمِيعًا بَصِيرًا﴾ [الإنسان: 2]. بما أنه يبتليه، أعطاه الله سبحانه وتعالى الأدوات التي من خلالها يختار الإنسان الطريق. أهم هذه الأدوات أنه يسمع الوحي ويرى آيات الله سبحانه وتعالى، فبالتالي خلاص هو بيختار: ﴿إِنَّا هَدَيْنَاهُ السَّبِيلَ إِمَّا شَاكِرًا وَإِمَّا كَفُورًا﴾ [الإنسان: 3]. هذه النفس التي ربنا سبحانه وتعالى أعطاك هذه النفس، كيف تتعامل معها؟ هذه أمانة غالية، النفس دي أمانة غالية، كيف تتعامل معها؟ في إنسان كذب على نفسه، في إنسان خدع نفسه. يعني أنا عايزك تعمل خاتمة كده، تبحث عن قضية النفس في القرآن، وكيف أن في ناس كذبوا على أنفسهم وفي ناس خدعوا أنفسهم. يعني أنت متخيل يعني إنسان يكذب على نفسه؟ طب هو يعني ده بيرضي مين؟ يعني هو انسان اختار طريق معين ونفسه والفطرة التي بداخله مضادة لهذا الطريق، فظل يكذب على نفسه، وياتي يوم القيامة ويقسم أيضاً يظن أنه يكذب على الله سبحانه وتعالى، خلاص هو اعتاد أن هو يكذب على نفسه.
ففي إنسان كما قال الله سبحانه وتعالى ودي يعني من أقسام أطول تقريباً أطول أقسام في القرآن سورة الشمس: ﴿وَالشَّمْسِ وَضُحَاهَا * وَالْقَمَرِ إِذَا تَلَاهَا * وَالنَّهَارِ إِذَا جَلَاهَا * وَاللَّيْلِ إِذَا يَغْشَاهَا * وَالسَّمَاءِ وَمَا بَنَاهَا * وَالْأَرْضِ وَمَا طَحَاهَا * وَنَفْسٍ وَمَا سَوَّاهَا﴾ [الشمس: 1-7]. شوف كل الأقسام جاءت معرفة، والشمس والقمر، السماء، الأرض، أما النفس جاءت نكرة، ليه؟ مما قيل يعني أن مسألة أن جاءت منكرة أنت اللي بتضع لها التعريف بتاعها، المخلوقات دي طبعت على هذا الأمر، يعني السماء تظل سما والارض تظل أرض، والشمس تظل شمس، والقمر يعني الشمس هي تظل هي التي تضيء، والقمر يظل تلاها يتبعها هكذا الأمر، والسماء تظل مرتفعة، والارض تظل مسطحة على الارض الله سبحانه وتعالى القاها على الارض سبحانه وتعالى القاها لنا ومدها لنا. لكن النفس ديت ربنا بيقول إيه: ﴿وَنَفْسٍ وَمَا سَوَّاهَا * فَأَلْهَمَهَا فُجُورَهَا وَتَقْوَاهَا﴾ [الشمس: 7-8]. فبداخل هذه النفس إما الانسان يتجه إلى دائرة الفجور والعياذ بالله أو يتجه إلى دائرة التقوى. طيب كيف يفعل؟ والعجيب لما تيجي تبص ما بين -ممكن نحاول النهارده نشير الأمر ده- ما بين سورة الشمس وسورة الليل، وإن كان كثير من المفسرين بيقول إن سورة الليل نزلت قبل سورة الشمس، إن سورة الليل نزلت قبل سورة الشمس، صلوا على النبي معايا ولا إيه؟
فربنا بيقول في سورة الليل: ﴿وَاللَّيْلِ إِذَا يَغْشَىٰ * وَالنَّهَارِ إِذَا تَجَلَّىٰ﴾ [الليل: 1-2]. لاحظوا أن القسم في الشمس بدا بالنور الأول وبعدين الظلام، هنا العكس، بدا بالظلام الأول وبعدين النور: ﴿وَاللَّيْلِ إِذَا يَغْشَىٰ * وَالنَّهَارِ إِذَا تَجَلَّىٰ * وَمَا خَلَقَ الذَّكَرَ وَالْأُنثَىٰ * إِنَّ سَعْيَكُمْ لَشَتَّىٰ﴾ [الليل: 1-4]. في سورة الليل في تنوع في الخلق وفي اختلاف، والقسم بيتكلم على التنوع الخارجي، إن سعيكم في الخارج لشتى. في الشمس بيتكلم أن داخل النفس الواحدة الإنسان ممكن يختار الفجور وممكن يختار التقوى. ونرجع نكمل سورة الليل بس أولاً نكمل الشمس، طيب: ﴿وَنَفْسٍ وَمَا سَوَّاهَا﴾ [الشمس: 7]، اعمل إيه في النفس ديت عشان أتجه إلى هذه الدائرة، وهذه الدائرة: ﴿قَدْ أَفْلَحَ مَن زَكَّاهَا * وَقَدْ خَابَ مَن دَسَّاهَا﴾ [الشمس: 9-10]، على القول أن الفاعل هنا هو الإنسان نفسه، لأن في قول تاني الفاعل الله سبحانه وتعالى. فعلى القول أن وده اختار ابن كثير الفاعل الإنسان نفسه، من الذي يفلح؟ من زكى هذه النفس، يبقى هو أدى هذه الأمانة عن طريق أن هو زكى هذه النفس. وفي إنسان غطى دساها، قالوا من معنيها الإخفاء أو إدخال شيء عكس، يعني في مقاومة وأنت بتدخل الشيء ده، بتحفر حفرة في الأرض وتدخله في الأرض تلصقه بالأرض، فكان واحد قاعد بيغطي نفسه يبعدها عن النور، عن الفطرة، هو خلاص بيسكن في الظلمات، أو زي إيه النور أو كظلمات في بحر لجي تحط خالص في موج من فوقه موج من فوقه سحاب، يعني واحد جعل نفسه بعيدة كل البعد عن تلقي النور.
يبقى المجلس النهارده هدفه الأساسي: أنت حملت الأمانة، أنت لازم تختار هذا المعنى، قد يغيب عنا، اللي كان بيسمع المعاني القرآنية دي لأول وهلة والنبي صلى الله عليه وسلم بيلقي عليه الوحي أو لما أرسل النبي صلى الله عليه وسلم مصعب بن عمير إلى المدينة وسيدنا مصعب كان بيكلم ناس، كان بيقول له أنت لازم تختار، هتختار الطريق ده ولا الطريق ده؟ ومن مزايا القرآن المفصل، وده اللي ختم به القرآن ترتيلاً، لكن هو أول ما نزل تنزيلاً نزل المفصل الأول، أول ما نزل من القرآن المفصل فيه ذكر الجنة والنار، لكن ختم القرآن على مستوى الترتيل بالمفصل. المفصل ولا سيما كل ما القرآن بينتهي وأنت رايح جزء عمة كده، بيعرفك أن هم طريقان لا ثالث لهما، يعني اقرا كده جزء عمة، وده عجيب أن دي من الآيات اللي بنسمعها كتير في الصلوات، هتجد أن هم طريقين، الجزء عمة مركز أن هم طريقين، هتختار ده ولا ده؟ كتير، نفس الصورتين هنا برده: ﴿قَدْ أَفْلَحَ مَن زَكَّاهَا * وَقَدْ خَابَ مَن دَسَّاهَا﴾ [الشمس: 9-10]. وتحت: ﴿فَأَمَّا مَنْ أَعْطَىٰ وَاتَّقَىٰ * وَصَدَّقَ بِالْحُسْنَىٰ * فَسَنُيَسِّرُ لَهُ الْيُسْرَىٰ * وَأَمَّا مَنْ بَخِلَ وَاسْتَغْنَىٰ﴾ [الليل: 5-8] وطريقان. ﴿فَمَن يَعْمَلْ مِثْقَالَ ذَرَّةٍ خَيْرًا يَرَهُ * وَمَن يَعْمَلْ مِثْقَالَ ذَرَّةٍ شَرًّا يَرَهُ﴾ [الزلزلة: 7-8]. اقرا جزء عمة هتلاقيه بيقول لك ها اختار، أنت في مفرق، فالمفصل بيجيب لك الاختيار اليمين خالص والشمال خالص، الدرجات التي بينهما كانت بتظهر مع نزول الأحكام التدريجية والانتقال للمدينة فاصبح في درجات هنا وفي دركات هنا.
وده من معاني قول الله سبحانه وتعالى في أول محمد، سورة القتال سورة محمد صلى الله عليه وسلم: ﴿الَّذِينَ آمَنُوا وَعَمِلُوا الصَّالِحَاتِ وَآمَنُوا بِمَا نُزِّلَ عَلَى مُحَمَّدٍ وَهُوَ الْحَقُّ مِن رَّبِّهِمْ﴾ [محمد: 2]. طب ما هم آمنوا في الأول، إيه تكرار آمنوا بما نزل على محمد؟ قالوا من معانيها ذكرها البقاعي أن كان في أحكام بتنزل بصورة تدريجية، لذلك في نفس السورة قالوا إيه: ﴿يَقُولُ الَّذِينَ آمَنُوا لَوْلَا نُزِّلَتْ سُورَةٌ﴾ [محمد: 20]، فاذا أنزلت سورة محكمه وذكر فيها القتال، فكان في أحكام بتديك تدريجية. الأحكام التدريجية التي كانت تنزل دي، فمنهم من يلتزم بها كلية، ومنهم من يتردد، ومنهم من يقبل ومنهم ضعاف الإيمان، فظهر الدرجات عند أهل الإيمان وظهر النفاق. لكن القرآن من أول لحظة كان بيعرف، لذلك من أول لحظة كان الأمر فيه فرقان، هتختار الطريق ده ولا الطريق ده؟ طريق النبي صلى الله عليه وسلم ولا طريق أبي جهل؟ كان في فرقان واضح. ويختم القرآن ترتيلاً، اللي بيخلص القرآن بيتقاله تذكر أنت اخترت أنه طريق؟
الإنسان بينسف زحمة الحياة ومولود مثلاً فضل الله في بلد مسلمة ومع المسلمين، فبينقضي أن هو مطالب أنه يختار، يعني مطالب أن هو حمل هذه الأمانة وسيسأل ماذا فعلت مع نفسك؟ عملت إيه مع نفسك؟ أنت زكيت نفسك؟ أنت بنيت نفسك؟ أنت ضحيت بنفسك؟ هل وضعت نفسك في أعلى مكان أن أنت أديتها لربنا: ﴿إِنَّ اللَّهَ اشْتَرَىٰ مِنَ الْمُؤْمِنِينَ أَنْفُسَهُمْ﴾ [التوبة: 111]؟ في واحد بقى ده أعلى حاجة، قال لك بص أنا أغلى مكان لنفسي دي أديها لربنا، هي بتاعة ربنا، وأنا لو أديتها ربنا سبحانه وتعالى وبعتها لله سبحانه وتعالى أنا كسبان خلاص ويقين، ﴿وَمَنْ أَوْفَىٰ بِعَهْدِهِ مِنَ اللَّهِ ۚ فَاسْتَبْشِرُوا بِبَيْعِكُمُ الَّذِي بَايَعْتُم بِهِ﴾ [التوبة: 111]. ده ده يعني قمة البشرى أن أنت تبيع نفسك لله سبحانه وتعالى. لذلك ربنا قال: ﴿وَمِنَ النَّاسِ مَن يَشْرِي نَفْسَهُ ابْتِغَاءَ مَرْضَاتِ اللَّهِ﴾ [البقرة: 207]. اهو بعها، وحتى يشري قالوا هنا تيجي بمعنى باع، ولذلك قالوا اشترى زيادة التاء دي أنك حرص على الشيء فأنت عايزه. شرى لما شلنا منها التاء فاللفظ قل فمعنى أنك زاهد في الشيء فيشري نفسه بكل سهولة بيديها ربنا. والناس ما يشري نفسه ابتغاء مرضاة الله، واللي يدي نفسه ربنا، ربنا مش هيضيع، لذلك ختمت الآية: ﴿وَاللَّهُ رَؤُوفٌ بِالْعِبَادِ﴾ [البقرة: 207]. ربنا مش هيضيع، خلاص ونرجع إن شاء الله مرة تانية برده لآية البقرة.
فالمهم أن جزء عمة بيقول لك أنت في مفرق، اختار، اتعلم أن أنت الطريق اللي أنت ماشي فيه ده اتعلم أن هو من اختيارك، مش أنا لقيت الناس وقالوا لي، وبعد كده في زحمة الحياة أنا معرفش إيه اللي خلاني أختار الاختيار ده، أصل أنا ما حدش قال لي اعمل إيه للدين. لا، أنا هدفي من مجلس اليوم انك تختار على بينة، لما تضحك لدين ربنا تضحى على بينة أنك اخترت هذا الطريق، أنت أثرت هذا الطريق، أنت تعطي لله سبحانه وتعالى من وقتك ومن مالك، أنت محتسب لهذا الامر تفعل ذلك ابتغاء مرضاة الله، أنت بتسعى لذلك الأمر، أنت قاعد بتبحث وبتدور يا رب أنا اريد أن أخدم دينك اعمل إيه؟ أنا بدور على حاجة أنفع بها الدين، اعمل إيه يا رب؟ يا رب أنت أعطيتني هذه الأمانات، أعطيتني النفس والسمع والبصر والمجهود، يا رب أنا عايز أعطي من هذه الطاقة لك يا رب، ده على بينة أنا اختار هذا الأمر. مش أنا خلاص كان في مش عارف وده كويس في الأول أنا رحت مجلس علم وبعد كده رحت تحفيظ، ومع زحمة الحياة اشتغلت فسبت الأمور، لا، أنت أنت المفروض الأمر يكون على بينة وبتيجي مفارق في حياة الإنسان بتخليه بيكون بيظهر هل هو صادق ولا كاذب: ﴿لَنَبْلُوَنَّكُمْ حَتَّى نَعْلَمَ الْمُجَاهِدِينَ مِنْكُمْ وَالصَّابِرِينَ وَنَبْلُوَ أَخْبَارَكُمْ﴾ [محمد: 31]. أنت كنت ماشي وخلاص كده ولا اخترت هذا الطريق على بينة؟
إذن لما تيجي تقرا في القرآن وتبحث عن قضية النفس، هتجد زي ما قلت أن في ناس ضيعت نفسها، في ناس قعدت تضحك على نفسها، في ناس قعدت تراوغ مع نفسه، وزي ما ربنا بيقول كده: ﴿أَلْهَاكُمُ التَّكَاثُرُ﴾ [التكاثر: 1] يعني قاعد يراوغ، يراوغ، يراوغ لغايه لما فجأة: ﴿حَتَّى زُرْتُمُ الْمَقَابِرَ﴾ [التكاثر: 2]، قاعد طب بكره، طب إن شاء الله، طب ربنا ييسر، طب مش عارف قاعد يراوغ. ونفسه تصرخ، المرأة التي حبست الهرة لم هي تطعمها وتركتها تأكل من خشاش الأرض أدخلها الله النار، فتخيل واحد حابس نفسه، مانع نفسه أن يتلقى نور الوحي، اللي حبس الهر... طب هو حابس نفسه منع ودائماً معاني دساها غطى نفسه ومنع وصول النور إلى نفسه، قاعد يراوغ ويضحك على نفسه ويشغل نفسه، نفسه تصرخ تحتاج إلى نور الوحي، تحتاج أن هي تسير في السير المناسب للفطرة. الطريق التاني متكسر، ﴿أَفَمَنْ يَمْشِي مُكِبًّا عَلَى وَجْهِهِ أَهْدَى أَمْ مَنْ يَمْشِي سَوِيًّا عَلَى صِرَاطٍ مُسْتَقِيمٍ﴾ [الملك: 22]. بعض العلماء قال هنا في مقارنة في الشخص الماشي في الطريق، ربنا قال على الطريق التاني ده صراط مستقيم واللي ماشي عليه سوياً، الثاني ربنا ذكر أنه مكباً على وجهه، دلالة أن الطريق ده أصلاً وعر. إيه اللي ماشيك في الطريق ده؟ إيه اللي خلاك تختار طريق مضاد لفطرتك؟
فبالتالي الإنسان لابد أن هو يرجع مرة أخرى ويفكر. طيب بتاتي أحداث زي أحداث غزة وغيرها تكون أحداث مفصلية في الحياة، يعني تخلي الإنسان -لأن الإنسان مشغول، زي ما قلت لكم إيه؟ هو ماشي، طب احفظ حاضر، أبوه يقول له احفظ فيحفظ فيكبر فيكمل، يعني هو ماشي في زحمة الحياة- فتيجي أحداث تخليه يعيد السؤال يعيد الأسئلة المركزية تاني في حياته، الأسئلة اللي بيسموها الأسئلة الوجودية. إيه اللي يخلي ناس في الأوقات دي زي دي تسلم؟ لأن في الأزمات بتظهر أسئلة وجودية، يعني في الحروب الزلازل البراكين في الاقدار المؤلمه العصيبه الصعبه التي لا يفهمها العقل تلقائياً، بيحتاج حد يجاوبه على هذه الاسئله، فبتظهر في الأوقات دي، بيظهر الاكتئاب، بيظهر الانتحار، بتظهر الأسئلة الوجودية، وده حصل بعد الحرب العالمية الأولى وبعد الحرب العالمية الثانية بيظهر، والمدارس النفسية أزدهرت أصلاً تزدهر دائماً بعد هذه الحروب وتنشئ مدارس جديدة بتحاول تحل الأزمات اللي بتظهر الأزمات النفسية التي تظهر في هذه الأوقات. الدين الوحيد الذي يملك
إجابات كاملة على كل هذه الأسئلة الوجودية هو الإسلام، فبالتالي ده أصلاً فرصة رهيبة للدعوة يا الله. لكن بالنسبة بقى أنارجع لينا احنا، أن الازمات دي بتخليك أنت تتساءل ده اللي بيحصل، طب أنا عملت إيه، طب أنا الناس دي ضحت بحياتها، طب الناس دي قدمت، طب أنا دلوقتي لو كنت مكانهم، طب ماذا لو؟ ويبدأ العقل يتساءل هذه الأسئلة.
منهم من الناس بيعمل إيه؟ خلينا نكمل زي ما احنا، هو مش عايز شوشرة على الوضع اللي اختاره، على الحياة اللي اختارها، خلاص وهو ده اللي بيعمله كتير مننا مع نفسه، أن كل ما نفس تبدا تفيق، تيجي مثلا موسم طاعة يروح يحج، تيجي عمرة، يجي رمضان، يجي موسم يخليها يبدا يفوق، يقوم هو يرجع يشوش على نفسه مرة تانية، يرجع يعمل بقى إيه؟ حالة اللهو والتغافل.
لذلك ربنا بيقول: ﴿وَمَنْ يَعْشُ عَنْ ذِكْرِ الرَّحْمَنِ﴾ [الزخرف: 36]. ابن كثير بيقول: يتغافل ويعرض ويتعامى، عامل نفسه مش شايف. ﴿وَمَنْ يَعْشُ﴾ عارف يقول لك: أنا مش واخد بالي أنت بتقول إيه، ما نفقه كثيرا مما تقول، أنت بتقول إيه شعيب الوقتي؟ مش فاهمين أنت ده أنتوس في الفلوس زي الفل دول قاعدين مشكلته مشاكل مادية أصلاً، ده دول فظاع الاقتصاد وفي الفلوس، وسيدنا شعيب يكلمهم على قضية المال، وبقية الله خير لكم، أما جيتوا عند الدين عامل نفسك مش فاهم ما نفقه كثيرا مما تقول، وبالآخر احنا لا نفقه إلا في القوة، ﴿وَلَوْلَا رَهْطُكَ لَرَجَمْنَاكَ﴾ [هود: 91].
فربنا سبحانه وتعالى بيقول في سورة الزخرف -ودي برضو متناسبة مع قضية الزخرفة-: ﴿وَمَنْ يَعْشُ عَنْ ذِكْرِ الرَّحْمَنِ﴾ إيه اللي بيحصل لما يقعد يتعامى يتعامى يتعامى؟ ﴿نُقَيِّضْ لَهُ شَيْطَانًا﴾ [الزخرف: 36]. مش فاكر أظن حسن جبل في المعجم الاشتقاقي فاكر وقتها في ولا فين، بيقول أن القيض ده أصلاً أصله قشر البيضة، أنه بيجي الشيطان يعمل قشرة حواليك يخليك ما عادش تشوف النور تاني، بقى نقيض له وموجودة أيضاً، ﴿وَقَيَّضْنَا لَهُمْ قُرَنَاءَ فَزَيَّنُوا لَهُمْ﴾ [فصلت: 25] سورة إيه دي؟ فصلت. هناك في تفصيل للآيات، فالشيطان عايز يمنع ذلك، سورة فصلت فيها محاولة دائماً لصرف الناس عن رؤية الآيات، ﴿وَقَالَ الَّذِينَ كَفَرُوا لَا تَسْمَعُوا لِهَذَا الْقُرْآنِ وَالْغَوْا فِيهِ﴾ [فصلت: 26]، ﴿إِنَّ الَّذِينَ يُلْحِدُونَ فِي آيَاتِنَا﴾ [فصلت: 40] لحد الشيء المخفي.
نرجع: ﴿وَمَنْ يَعْشُ عَنْ ذِكْرِ الرَّحْمَنِ نُقَيِّضْ لَهُ شَيْطَانًا فَهُوَ لَهُ قَرِينٌ﴾ [الزخرف: 36]. ليه؟ شوف هنا ربنا بيقول: ربنا بيقول نقيض، ربنا سبحانه وتعالى هو اللي يتركه يخذله، أنت اخترت. لذلك ربنا بيقول: ﴿وَمَنْ يُشَاقِقِ الرَّسُولَ وَيَتَّبِعْ غَيْرَ سَبِيلِ الْمُؤْمِنِينَ﴾ [النساء: 115] ولا إيه ها، ﴿مِنْ بَعْدِ مَا تَبَيَّنَ لَهُ الْهُدَى وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّى﴾ [النساء: 115]. شوف نُوَلِّهِ ما تولى، شوف ربنا بيقول سورة التوبه دي بتاعة النساء، التوبة، ﴿وَمَا كَانَ اللَّهُ لِيُضِلَّ قَوْمًا هَذَا بَعْدَ إِذْ هَدَاهُمْ حَتَّى يُبَيِّنَ لَهُمْ مَا يَتَّقُونَ﴾ [التوبة: 115]. فربنا بيبين لك ويوضح لك وبعمل لك أقدار ويرسل لك رسائل، وبيقول لك أنت اللي اخترت، أنت اللي اخترت الطريق ده أنت هتحاسب على اختياراتك.
احنا أغلبنا مش عايز يتحاسب على اختياراته فبيعيش في الحياة في غافل في هذه الغافلة، فتاتي أقدار تخليه خلاص يهلك من هلك عن بينة، أنت قدامك رايت بنفسك من يضحي ومن يبذل، ورايت هذه الحالة الفرقان، لذلك ربنا سمى غزوة بدر سماها الفرقان، وربنا قال في نفس السورة اللي اللي سماها اللي سمى فيها غزوة بدر سماها الفرقان في سورة الأنفال، ربنا قال في نفس السورة: ﴿لِيَهْلِكَ مَنْ هَلَكَ عَنْ بَيِّنَةٍ وَيَحْيَى مَنْ حَيَّ عَنْ بَيِّنَةٍ﴾ [الأنفال: 42]، أن لما بتظهر هذه الحالة الفرقان خلاص الإنسان بيهلك يكون عن بينة، ده تكلمت في أول درس بتاع بصائر من غزة.
أن الله سبحانه وتعالى يحب الوصول لهذه الحالة بالرغم أن الوصول لحالة الفرقان دي مكلفة، مكلفة من الدماء والأنفس، لن نصل إليها مجاناً كده لازم في تضحيات لنصل إلى هذه الحالة الفرقان، اللي الإنسان خلاص بيختار فيها على بينة. الإنسان زي ما قلت لكم بيكون عايش غافل، وهذا كان حاصل قبل الأحداث، خلاص أن الناس ماشية، والدول دي بتطبع، والدول الغربية خلاص، وحقوق الإنسان، والناس تشوف مصالحها، وكله خلاص بيجري على أكل عيشه، خلاص ﴿وَإِذَا رَأَوْا تِجَارَةً أَوْ لَهْوًا انْفَضُّوا إِلَيْهَا وَتَرَكُوكَ قَائِمًا﴾ [الجمعة: 11]، والموضوع كان ماشي كده.
فيجي فجأة حدث يخلي الناس تقول: إيه ده؟ عارف تقف كده هو إيه اللي بيحصل ده؟ الناس يعني احنا بقنا ثلاث شهور -أسأل الله سبحانه وتعالى أن يفرج عنهم- ناس لسه واقفة بتشوف إيه إيه اللي بيحصل ده؟ حدث جلل بخلّي الناس واقفة، ده إليه وليه وإيه الفجور والطغيان اللي بيعمله اللي بيعملوه دول على على المسلمين؟ وإيه اللي مخلي كل الدول تقف في صف إسرائيل كده؟ يعني مخليه يعيد تساؤلات كان مش عايز يفتح الملفات دي.
يعني في يعني مثلا من التحليلات يقول لك: ليه بعض الناس مثلا بيتعصب لفكرة معينة أو طائفة أو دين، وممكن بيبقى عارف أو بيجي له خواطر أن هو كده غلط؟ أول ما بيجي له خاطرة أن هو يعمل مراجعة يفكر يعيد تفكير في الاختيار ده النفس بتراوح وهو بيهرب، لأن بيفكر في تبعات أن يفتح الملف ده، فبتنشأ جواه كده جوه دماغه بتنشأ زي منطقة مظلمه ممنوع يقرب لها، خلاص هو المنطقة المظلمه دي ما بيفتحهاش، كمل في حياته وفكر، ورا شخص تفكير ناقد وبيحلل كل حاجه، ويجي عند ملفات معينة كده رافض يفتح بتاعها، فاهم أن تبيع فتح الملفات دي خطر جداً.
وده حتى معروف المتجوزين تلاقيه عارف كده أن في ملفات ما ينفعش يفتحها، مثلا عارف أن هو لو فتحها هيحصل له دماغه هتتفتح، هيحصل له هيحصل له مشكلة فهو، أنت وفي الشغل بتبقى عارف أن إيه، فتلاقي بتتغابه، بتيجي عند حاجات معينة كده وبتعدي في ملفات كده، في الدين احنا كنا متجاوزين مش عايزين نفتحها حياتنا التضحياتنا البذل.
فبيجي الحدث يخليك، وده عجيب سبحان الله في الشاشات قدامك وكله ماسك وشايف الناس، شايف الأذى وشايف الدماء وشايف التضحيات وشايف الفجور وشايف الطغيان، إيه ده؟ فطبعا هنا بيبدا يتساءل، طب وأنا حياتي ونفسي وأوقاتي ومجهودي وديني طب إيه اللي يعني هيبدا يقدم محتاج يقدم إجابات، طب أنت هتعمل إيه؟ أو إيه اللي أنت عملته؟ ليس فقط لهؤلاء لاجل هذا الدين أصلاً الذي قام من قام وضحى لأجله. فبتبقى تعاد هذه التساؤلات مرة أخرى، فبن بقى وده اللي بيخليني في دروس بصائر من غزة دي أرجعه للمحكي، وهو أن من الأول أن عرضنا الأمانة، من الأول إن جاعل في الأرض خليفة؛ لأن احنا كنا وده اللي بدأ به القرآن أصلاً قضية الاستخلاف بدأ به القرآن في سورة البقرة؛ لأنه بيحطك قدام هذا الاختيار.
القرآن بدأ بهذا الوضوح وختم بهذا الوضوح، القرآن بدأ بهذا الوضوح وختم بهو أن خلاص هما فريقين هتختار إيه؟ فتاتي هذه الأحداث تجعلك تتساءل: عملت إيه مع نفسك؟ إيه اللي أنت قدمته نفسك؟ هل ﴿قَدْ أَفْلَحَ مَنْ زَكَّاهَا * وَقَدْ خَابَ مَنْ دَسَّاهَا﴾ [الشمس: 9-10]؟ ربنا بيقول في سورة الليل -ابن عاشور بيقول اختيار قضية الشمس في سورة الشمس والليل أن بدأت هنا بالظلام وبدأ هنا بالنهار، وأن سورة الليل في قول كثير من اللي تكلموا في ترتيب النزول أن هي نزلت قبل سورة الشمس، بل الليل من أوائل السور أظن بيقول ست أو سبع سور الأوائل-. سورة الليل بيقول أن ده في إشارة إلى أن الليل هنا الظلام، وده انتشار الكفر، وتشبيه الكفر أو الضلال بالظلام موجود متواتر في القرآن وفي السنة، ﴿اللَّهُ وَلِيُّ الَّذِينَ آمَنُوا يُخْرِجُهُمْ مِنَ الظَّلُمَاتِ إِلَى النُّورِ وَالَّذِينَ كَفَرُوا أَوْلِيَاؤُهُمُ الطَّاغُوتُ يُخْرِجُونَهُمْ مِنَ النُّورِ إِلَى الظُّلُمَاتِ﴾ [البقرة: 257]. فقضية النور بأن هو الحق، والظلام بأن هو الضلال، ده أمر منتشر موجود في القرآن وفي السنة، فمسألة ﴿وَاللَّيْلِ إِذَا يَغْشَى﴾ [الليل: 1] وصيغة المضارع استحضار هذه الحالة، انتشار الظلام.
وتيجي سورة الليل بتقول لك: كيف تخرج من هذه الحالة؟ تبدا تديك بعض الإجابات لتخرج من هذه الحالة الظلية المنتشرة. منتشر زي مثلاً حالة استضعاف منتشر للمسلمين، الواحد لما بيجي يفكر عايز يدعي للمسلمين فين يفاجأ أن كم الأماكن اللي فيها أذى في المسلمين منتشر جداً، فيحس أن في حالة من الانتشار للاستضعاف، فيبدا عايز يقدم أي خطوة للخروج من هذا الأمر. فربنا بيقول لك أن الناس انقسمت لفريقين، زي ما ربنا خلق الناس ذكر وأنثى، كذلك الناس ينقسموا لفريقين، ﴿إِنَّ سَعْيَكُمْ لَشَتَّى﴾ [الليل: 4] في اختلاف في تفرق شديد بينهما.
تمام؟ طيب السعي ده لما ربنا بيقول: ﴿وَاللَّيْلِ إِذَا يَغْشَى * وَالنَّهَارِ إِذَا تَجَلَّى * وَمَا خَلَقَ الذَّكَرَ وَالْأُنْثَى﴾ [الليل: 1-3] في ليل وفي نهار، وما خلق الذكر والأنثى في في ذكر وفي أنثى. فربنا بيقول لك في مخلوقات قدرياً افترقت، ربنا اللي فرقها، وفي ناس شرعياً هيحصل بينهم الاختلاف؛ لأن ربنا بيقول إيه إن جواب القسم ﴿إِنَّ سَعْيَكُمْ لَشَتَّى﴾ طيب سعيكم لشتى، الاختلاف ده مبني على إيه؟ مورد القسمة المقسم هقسم بسبب مثلاً سعيكم لشتى، أن ده هيبقى مثلاً دكتور وده مهندس، الاختلاف على إيه؟ على الدين.
فربنا بيقول إن سعكم، فأما الفريق الأول بدأ بكلمة محورية للفريق الأول وهي كلمة إيه؟ أعطى. دينك لابد أن يبنى على العطاء، ولا سيما في أوقات انتشار الظلام لازم، مش هتخرج من الظلام اللي في اللي سواء على المستوى الفردي أو على مستوى الأمة إلا بالعطاء، يعني كثرة التساؤلات والكلام لن تخرجك من هذه الحالة، لابد من السير في الأشبار التي أضاءها الله لك، مش هتخرج منها إلا لما تمشي، ربنا بيوريك شبراً قدام امشي.
تلاقي واحد قاعد بيسال وعايز مناهج، طب أنت الأشبار التي ظهرت أمامك، أنت ربنا ور لك حاجات معين في الدين، عارف مثلاً في الصلاة، عارف قيام الليل، عارف في الأمر بالمعروف على المنكر، في الدعوة، في حاجات ظهرت أمامك أنت مشيت فيها؟ لا، أصل أنا بس كنت عايز أعرف اللي بعد كده، ما هو اللي بعد كده مش هيظهر إلا لما تمشي.
أصحاب الكهف لما خرجوا ما كانوش عارفين إيه اللي هيحصل، خرجوا وقرروا أن هم مش هينفع يقعدوا هنا، ما كانوش عارفين، يعني ما قالوش لبعض إيه: شوفوا احنا هنطلع وهنروح الكهف وهنام بقى 300 وشوية سنة وماشي، هو ما كانوش عارفين إيه اللي هيحصل، ما كانوش عارفين اللي راحوا الحبشة ما كانوش عارفين إيه اللي هيحصل، اللي راحوا المدينة ما كانوش عارفين إيه اللي هيحصل.
فالطريق بيظهر بصورة تدريجية على حسب سيرك فيه، ﴿وَمَنْ يَخْرُجْ مِنْ بَيْتِهِ مُهَاجِرًا إِلَى اللَّهِ وَرَسُولِهِ﴾ [النساء: 100] ممكن تموت في الطريق عادي ثم يدركه الموت فقد وقع أجره على الله. فأول كلمة جاءت في سورة الليل للخروج من هذه الحالة: ﴿فَأَمَّا مَنْ أَعْطَى﴾ [الليل: 5]. بعض المفسرين قيدها هنا بالمال، وقالوا ده سبب بسبب النزول نتكلم عنه إن شاء الله بسبب أبو بكر الصديق أخرج ماله، وأيضاً كلمة: ﴿وَمَا يُغْنِي عَنْهُ مَالُهُ إِذَا تَرَدَّى﴾ [الليل: 11]، وبعض المفسرين قال: حتى وأن كانت الآية تعني المال، لا مانع من يؤخذ منها اللفظ العموم أو الآية تفيد العموم أياً كان.
يعني سواء الآية جاءت أولاً في المال ونعمم اللفظ أو اللفظ أصلاً عام، بدأت بالعطاء، أعطى واتقى، لذلك الألوسي بيقول: أعطى أيوه ماشي المال لتقى، ده بقية الدين لازم يكون شيء بيقدمه. العطاء، العطاء للدين على قدر اليقين، دي قاعدة عطاك للدين على قدر اليقين، ﴿فَأَمَّا مَنْ أَعْطَى وَاتَّقَى * وَصَدَّقَ بِالْحُسْنَى﴾ [الليل: 5-6]. العطاء على قدر التصديق، اللي بيبذل لذلك الآيات نزلت في ختام الآيات نزلت في من اللي هي: ﴿وَمَا لِأَحَدٍ عِنْدَهُ مِنْ نِعْمَةٍ تُجْزَى * إِلَّا ابْتِغَاءَ وَجْهِ رَبِّهِ الْأَعْلَى﴾ [الليل: 19-20]، وسلف قالوا نزلت جمهور المفسرين في أقوال تانية، لكن جمهور المفسرين نزلت في الصديق.
فكان أعلى عطاء هو عطاء الصديق لأنه هو أكثر واحد مصدق، فما من أعطى واتقى وصدق بالحسنى، على قدر التصديق بوعود الغيب على قدر العطاء، لأن العطاء اللي أنت بتذله أنت قد لا ترى المردود له أنت ما أنتش عارف، وخصوصاً في أوقات استضعاف، أنت بتعطي بتؤمن بقضية أنت مش شايف لها نصر الآن، لكن أنت موقن، لذلك عطاء الصديق كان أعلى عطاء ليه؟ لأنه كان على قدر تصديقه، ﴿فَأَمَّا مَنْ أَعْطَى وَاتَّقَى * وَصَدَّقَ بِالْحُسْنَى﴾. فلما كان الصديق صديقاً فكان أعطاؤه أعلى عطاء، وذكر الله سبحانه وتعالى ذلك في هذه السورة.
فأنت في ناس عندها نوع من الزمزمة للعطاء، عطاؤه ضعيف شوية للدين، ربنا سبحانه وتعالى قال على هؤلاء اللي هي: ﴿فَأَنْذَرْتُكُمْ نَارًا تَلَظَّى * لَا يَصْلَهَا إِلَّا الْأَشْقَى * الَّذِي كَذَّبَ وَتَوَلَّى * وَسَيُجَنَّبُهَا الْأَتْقَى * الَّذِي يُؤْتِي مَالَهُ يَتَزَكَّى﴾ [الليل: 14-18]. طب مشي ليه ده؟ مشي ليه أعطى قليلاً، هو من الأول داخل ناوي يدي شوية صغيرين.
اللي دايما داخل يدي للدين شوية صغيرين ممكن بتعدي، وانا ذكرت الكلام قبل كده في دروس كتير لشيخ الإسلام ابن تيمية أن مش لازم كل الناس تبتلى كل الابتلاءات، في ناس كتير إيمانها بسيط وبتعدي وبتموت وربنا يحفظها من البلاء نسأل الله سبحانه وتعالى أن يعافينا، والنسان أصلاً يطلب من الله العافية. لكن أحياناً بتحصل ابتلاءات فارقة للناس هنا: ﴿فَأَمَّا مَنْ أَعْطَى وَاتَّقَى﴾. واللي دايما بيدي قليل ده ممكن يحصل له ابتلاء أن يقابله شيء صلب في الطريق، لذلك: ﴿اعْطَ قَلِيلًا وَأَكْدَى﴾ [النجم: 34]. قالوا الألف دي دي ألف الوصول للشيء أكدى، يعني بلغ الكدية.
أكدى يعني لو قلنا أنه أحرم مثلاً بلغ الإحرام، أو أكد الف دي وصل للشيء، فأكد يعني كان ماشي ماشي بيحفر بيحفر كده كدية كدية صخرة عظيمة، قالوا واحد ده كان بيحفر بيدور على مية عايز يجي مية فقابلته صخرة.
يقابلك كذا في الطريق أشياء صلبة قد تقابلك في الطريق، والذي وطن نفسه على العطاء القليل لا يتحمل هذه الكدية، ترك الطريق. لكن الذي وطن نفسه لذلك من أوائل ما أنزل على النبي صلى الله عليه وسلم: ﴿وَلَا تَمْنُن تستكثِرُ﴾ [المدسّر: 6]؛ من الأول وطن نفسك على العطاء الكثير، من الأول يعني من الأول، هذا الدين مبني أصلاً على العطاء. فاحنا محتاجين نراجع ديننا، هل ديننا مبني على الكلام ولا البذل والعطاء؟
ذلك من الصفات التي ينبغي للمؤمن يراجعها في نفسه؛ صفة البخل، صفة خطيرة يعني الشح، خلينا نستعمل التعبير النبوي الذي استعمله: «إياكم والشح فإنه أهلك من كان قبلكم». قضية الشح، وفي بعض الروايات أظن مش فاكر سندها أن الشح والإيمان لا يتجاوران، أن الإيمان مبني أصلاً على العطاء، فلذلك المنتصر هو الذي يوقى شح نفسه. ده انتصر؛ لأن الشح صفة مانعة من هذا العطاء.
والعطاء تاني كده: ﴿فَأَمَّا مَنْ أَعْطَى وَاتَّقَى﴾ [الليل: 5]، احنا قلنا العطاء على قدر اليقين والتصديق وصدق. هنتكلم دلوقتي على الصدق والحسنى: ﴿وَصَدَّقَ بِالْحُسْنَى * فَسَنُيَسِّرُهُ لِلْيُسْرَى﴾ [الليل: 6-7]. والتيسير على قدر العطاء، ستُبصر، ربنا سبحانه وتعالى يفتح لك من أبواب النور والرؤية والبصيرة على قدر عطائك، وعطائك على قدر يقينك وتصديقك، فالأمر كله مبني على قضية وصدق بالحسنى. لذلك قال بعضهم: الحسنى هي لا إليه إلا الله، هي دي الشجرة التي لو أثمرت صح ستطلع عطاء، والعطاء يطلع نور وبصير، يخليك خلاص ميسر للطريق.
فأما من أعطى واتقى وصدق بالحسنى، خلاص ﴿فَسَنُيَسِّرُهُ لِلْيُسْرَى﴾ [الليل: 7]. شوف هنا يعني ابن عاشور هنا طول قوي وغيره قال لك هو إزاي؟ فكان متوقع فسنيسّر الطريق له، الطريق هنا اللي هو هيبقى اليسرى. قالوا: اليسرى الأعمال الصالحة الموصلة للجنة، بعضهم قال: الجنة. خلينا ناخد أن هو العمل، كان متوقع فسنيسره اليسرى له.
وانظر إلى استعمال القرآن أن ربنا سمى الطريق الموصل للجنة سماه آية يسرى، طريق ميسر. فارق بين أن ربنا ييسر لك العمل الصالح وبين أن ربنا ييسّرَك أنت للعمل الصالح؛ أن ربنا ييسر لك عمل صالح معناه أن العمل ده كان فيه صعوبة عليك أنت فالعمل ده تسهل ليك، الثانية لا، أنت اللي اتغيرت، تركيبتك اتغيرت، اصبحت موافقة للأعمال الصالحة فانت خلاص بقى الطريق ده أنت بتحبه.
هنا اصبح هواه تبعا لما جئت به، خلاص أنت بقيت أنت حابب الطريق ده، أنت بقيت أنت الطريق ده متناسب معاك، فكل اختيارات الطريق التي كانت شاقة قبل ذلك اصبحت بعد تيسيرك لليسرى، مش بعد تيسير العمل لك، بعد تيسيرك لليسرى اصبحت أنت ماشي خلاص الطريق بالنسبة لك متسفلت، مش حاسس بمشكلة، غيرك بيجد صعوبات، غيرك مستغرب.
أنت وناس كتير تيجي تقول لك تسال يقول لك أنت إزاي بتطلب العلم ده؟ أحيانا بشوف أخوة مثلا بيسهر ليالي في طلب العلم، وواحد مس يقوم الليل، أنت مستغرب الأمر شاق وهو تستغرب، ده هو حابب الأمر، يعني ده هو ده مزاجه أنه يسهر ليلة كاملة يحرر مسألة مثلا علمية. أنت مستغرب هو هو يا جماعة اصبح هو ميسر للأمر ده: «اعملوا فكل ميسّر لما خلق له».
وهنا مبني أيضاً على العمل. ولما سؤل النبي صلى الله عليه وسلم أيضا قرأ هذه الآيات أن هو طب لو كل واحد مكتوب له النتيجة بتاعته؟ قال: «اعملوا فكل ميسّر لما خلق له». يبقى إذا أنا عايز أيسر؟ التيسير على قدر العطاء، والعطاء على قدر التصديق، يبقى أنا محتاج أزود في قضية وصدق بالحسنى دي.
قالوا: ايه الحسنى؟ بعضهم قال: الجنة، وبعضهم قال: أسماء الله، وبعضهم قال: لا إله إلا الله. وهنا العجيب أن ربنا سماها حسنى، أنت اخترت طريق حسن فانت مستبشر بعطائك، يعني في ناس بتضحي ومتازمة وبعدين ذك السورة دي روعة مع أن اسمها سورة الليل، السورة كلها بشرى، في عتمة الليل وفي ظلام الليل مليان بشريات، ختام السورة أصلاً ختام السورة إيه؟ آخر كلمة في السورة: يرضى، اللي ضحى هيرضى.
يعني ما تتصور، احنا مش قلنا: ﴿وَمِنَ النَّاسِ مَن يَشْرِي نَفْسَهُ ابْتِغَاءَ مَرْضَاتِ اللَّهِ﴾ [البقرة: 207] والختام: ﴿وَاللَّهُ رَؤُوفٌ بِالْعِبَادِ﴾ [البقرة: 207]؟ ربنا مش هيضيعك، أنت متصور أن اللي بيضحي عشان الدين ربنا بيضيع ده؟ ربنا أذن المجاهدين في سورة محمد أصلح باله. الله سبحانه وتعالى يغار على أهل الإيمان، فاللي هيختار الطريق ده بالرغم من أن ظاهر الطريق ده أذى ودماء وتضحيات، والنبي صلى الله عليه وسلم قال: «حفت الجنة بالمكاره».
والنبي صلى الله عليه وسلم أخبرنا أن في آخر الزمان يأتي الدجال معه جنة ومعه نار فناره جنة، يعني طريق الحق ولا سيما دائما في آخر الزمان طريق الحق يكون ظاهره النار وهو في حقيقته جنة، في واحد يقتحم نار الدجال فيجد نار الدجال جنة والناس يظنون أنه في النار وهو في الجنة يتنعم، هو خلاص يسر لهذا الأمر جعله الله سبحانه وتعالى بردا وسلاما، ده مبني على كل ده على ايه؟ أنك أنت تعطي تبذل.
كثرة الأسئلة، يعني تجد أناسا أنت لا يزالون سنوات يسألون: واعمل ايه؟ واختار ايه؟ ابني، أنت لو كنت مشيت في الطرق التي ظهرت لك كنت وفقت واستهديت بالله سبحانه وتعالى، أين وكلمت الدرس اللي فات عن قضية الاستهداء بالله اسم الله الهادي؟ أين هذا الاسم والصفة في حياتك؟ قضية أن الانسان يستهدي بالله، طبعا وقل وأكدت أن ده مش مع أنك لابد تسال أهل العلم وتستشير والبحث لكن لازم القلب يكون معلقا بالله وحده سبحانه وتعالى.
﴿قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا وَتَشْتَكِي إِلَى اللَّهِ﴾ [المجادلة: 1] لكنها تشتكي إلى الله، ذلك بعدها على طول: ﴿وَاللَّهُ يَسْمَعُ﴾ [المجادلة: 1]، سبحانه وتعالى: ﴿اللَّهُ يَسْمَعُ تَحَاوُرَكُمَا﴾ [المجادلة: 1]، فحتى وانت تطلب العلم أو بتسال أنت القلب معلق بالله سبحانه وتعالى.
شيخ الإسلام كان له تعليق على دعاء الاستخاره بيقول اذا كان معى كلامه يعني إذا كان أنت مش عارف اللي بيناسبك، غيرك يعرف اللي بيناسبك أنت؟ هو الله سبحانه وتعالى الذي يعرف ذلك، فلذلك شرع دعاء الاستخاره: فانت تعلم وانا لا أعلم، وانت تقدر وانا لا أقدر. يعني الإنسان لما يصل لهذه الحالة بين يدي الله يهدى ويوفق؛ لأنه يدخل من باب الافتقار والجاء إلى الله سبحانه وتعالى، لكن لابد من صدق، لابد من برهان صدق، إن صدقت بالحسنى أين برهان الصدق في العطاء والبذل؟ عملت ايه لدين ربنا؟
الذي يعني محتاجين نرجع نفكر أن كل إنسان يسائل نفسه، هو يقعد مع نفسه كده: أنا إيه اللي ربنا أدانِي من إمكانيات ممكن أعمله؟ أي شيء، هذه لحظات يراها الله سبحانه وتعالى، لحظة البحث عن شيء تقدمه لدين الله وتنتفع أنت في دينك أولا وتنفَع دين الناس، هذه لحظات يحب الله سبحانه وتعالى، الله مطلع عليه عليم في هذا الأمر، لكن أن الكل منتظر، ودي أزمة كبيرة لها أسباب كتير يعني ممكن تبقى عايز درس تاني، فكره ان انا أن الأغلب منتظر حد يقول له يعمل ايه.
مقدر أن دي أزمة لا أنكرها واشكالية تحتاج إلى درس، لكن لماذا يكون الحل هو الانتظار فقط؟ ليه الإنسان ليه في الدنيا ما بننتظر ليه بنعافر؟ أنت ممكن تقابل واحد قاعد يفكر وياخد دورات ويبعت إيميلات مش عارف إيه وتيجي في دينك تقول والله مش عارف اعمل إيه! طب واللي وصله وصله ازاي؟ هل كل اللي حس أنت تظن أنه وصل لشيء هو حد جه قال له يعمل ايه؟ ولا هو استهدى بالله وظهر له إشارات سار فيها فتح له طريق؟
سم سيدنا موسى كان ماشي كده رأى نار راح النار كلمه الله سبحانه وتعالى، عادي أنت ممكن تمشي في طريق ربنا يعمل لك إشارة مع تروح الإشارة دي توفق لباب تاني تماما. الواحد لما يقعد مع الناس اللي سبقوه في الطريق بيسمع منهم بيتعجب، ده كان مختار طريق تاني خالص، وبعد كده ربنا بعت له شيخ وده واحد مش عارف سافر فين فتعرف على ناس ايه ده أشياء عجيبه.
أين الله في حياتك؟ يبقى: ﴿فَأَمَّا مَنْ أَعْطَى وَاتَّقَى * وَصَدَّقَ بِالْحُسْنَى﴾ [الليل: 5-6] العطاء على قدر التصديق والتيسير على قدر العطاء وصدق بالحسنى فسنيسره، هو يسر لهذا الطريق يسر.
وأما من بخل مش عايز، ولا سيما البخل يزداد في اوقات الظلام لذلك ربنا قال أن من اقتحام العقبة، كل ده في جزء عَمَّ، أن من اقتحام العقبة: ﴿أَوْ إِطْعَامٌ فِي يَوْمٍ ذِي مَسْغَبَةٍ﴾ [البلد: 14]؛ لأن ساعة المجاعة كله يضن، ما حدش عايز يطلع حاجة. ففي أوقات الظلام كله ينفر كله يجري لذلك ربنا قال عن الظلام في سورة البقره: ﴿وَإِذَا أَظْلَمَ عَلَيْهِمْ قَامُوا﴾ [البقرة: 20] وقف مش هيكمل. لكن لما بيضاء شيء في الطريق بيبقى ماشي، أول ما الدنيا ظلم يقوم واقف.
المؤمن لما تظلم بيمشي عادي؛ لأنه موقن بالله سبحانه وتعالى، هنا الظلم معناها إيه؟ قالوا أقوال كتير في يعني إيه وإذا أظلم قالوا حصل هزيمة، حصل أزمة، حصل فقر أي حصل بلاء هو الثاني لما يحصل انتصار بيكمل، يحصل غنيمة بيكمل، يحصل أزمة ابتلاء استضعاف هزيمة يقف دي معاني وإذا أظلم عليهم قاموا، المؤمن لا واذا أظلم كمل؛ لأنه في الأول ما كانش مكمل عشان الغنيمة ولا عشان النصر لا مكمل يقين في هذا الطريق.
وأما من بخل شوية، البخل ده بيحوله أن الشيء الذي بخل به ده فرح به فاستغنى بهذا الشيء الذي بخل بايا كان المال أو الأسباب فاصبح مستغني عن الله سبحانه وتعالى؛ لأن الإنسان مفطور، وده شرحته في درس أجوف، الإنسان مفطور على الاحتياج، الإنسان فيه جوف دائما، الإنسان فيه نقص دائما، الإنسان في نقص، النقص هذا الإنسان دائما يسعى إلى سده، يعني فهم الإنسان يخليك تعرف إيه الدوافع المحركه له.
يعني مثلا إنسان مفطور أنه يحب أن يشاهد إنسان بيُكتسب تقييمه، دائما يحب يشاهد، فبالتالي لو لم يكتفي بنظر الله له سيسعى إلى البحث عن نظر الناس. فلذلك من الحاجات اللي بتعالج قضية البحث عن نظر الناس قيام الليل، قم أنت تكتفي بنظر الله لك، الأعمال الخالصة لله بتغطي عندك أنت جواك فطرة محتاج تشعر بهذا الامر.
فلما تشعر أن في علاقة بينك وبين الله الله يراك: ﴿وَتَوَكَّلْ عَلَى الْعَزِيزِ الرَّحِيمِ * الَّذِي يَرَاكَ حِينَ تَقُومُ * وَتَقَلُّبَكَ فِي السَّاجِدِينَ﴾ [الشعراء: 217-219] دي مطمئنة، الذي يراك حين تقوم وتقلبك في الساجدين، فدي مطمئنة أن ربنا يراني دي مطمئنة، حاجة بتخلي الإنسان خلاص خدت الاحتياج من هذه المشاهدة فلا خلاص فلا يكترث بنظر الناس، الناس قالوا عليك يقولوا.
لكن اللي ما عندوش لم لم يتغذى بمعاني ديت قاعد بيبحث عن سد هذا النقص، كذلك الإنسان في احتياج، فلو لم يستغني بالله سيظل دائما يحاول سد هذا النقص بشيء فيستغنى بشيء آخر ده طبيعي. فك ربنا بيقول: ﴿وَأَمَّا مَنْ بَخِلَ وَاسْتَغْنَى * وَكَذَّبَ بِالْحُسْنَى * فَسَنُيَسِّرُهُ لِلْعُسْرَى﴾ [الليل: 8-10] عقوبة يعني نسال الله السلامة والعافية، طريق الشر بقى متناسب مع اختياراته بقى متناسب مع إنسان كانه عارف بيتفرمت همومه ومشاعره وأفكاره بقت متجهه هذا الاتجاه.
زي ما ربنا قال قلنا إيه؟ ﴿وَمَن يُشَاقِقِ الرَّسُولَ مِن بَعْدِ مَا تَبَيَّنَ لَهُ الْهُدَى وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّى﴾ [النساء: 115] عايز الطريق ده خده ده مش بس هديلك الطريق ده ده أنا هخلي الطريق ده سهل عليك، ده أنا هخليك أنت مسهل لهذا الطريق، خد طريق النار بقى طريق متسفلت للنار نسال الله السلامة والعافية.
ليه؟ أنت رفضت الآيات دي؟ لما كان بعض الناس يسمعوها يستغرب ازاي ربنا ييسره للعسر؟؛ لان هو مش فاهم يعني ايه اختار، وده اللي انا عمال اتكلم فيه من أول الدرس، أنت بتختار في مفرق، هتختار الطريق ده ولا الطريق ده؟ أنت مسؤول عن هذه الاختيارات، ستسأل يوم القيامة عن هذا الاختيار: ﴿وَأَمَّا مَنْ بَخِلَ وَاسْتَغْنَى * وَكَذَّبَ بِالْحُسْنَى * فَسَنُيَسِّرُهُ لِلْعُسْرَى﴾ [الليل: 8-10].
طب واللي أنت بخلت بيه ده هيعمل إيه؟ ﴿وَمَا يُغْنِي عَنْهُ مَالُهُ إِذَا تَرَدَّى﴾ [الليل: 11]. القرآن التقط مشهد للراجل اللي اختار بقى الطريق ده وهو بيسقط في النار، يعني تعبيرات القرآن عجيبة: وما يغني عنه هو استغنى فربنا يقول: ﴿وَمَا يُغْنِي عَنْهُ مَالُهُ﴾ [الليل: 11] أكثر حاجة استغنى بها عن هذا الطريق إذا القرآن التقط مشهد السقوط في جهنم: ﴿إِذَا تَرَدَّى﴾ [الليل: 11] هو بيسقط في جهنم كده نفعك المال في شيء؟ لم ينفعك في شيء.
ربنا سبحانه وتعالى لم يتركنا لذلك بعدها على طول إيه؟ ﴿إِنَّ عَلَيْنَا لَلْهُدَى * وَإِنَّ لَنَا لَلْآخِرَةَ وَالْأُولَى * فَأَنْذَرْتُكُمْ نَارًا تَلَظَّى * لَا يَصْلَاهَا إِلَّا الْأَشْقَى * الَّذِي كَذَّبَ وَتَوَلَّى﴾ [الليل: 12-16] هو اللي خد القرار وتولى، والتاني وفق. يعني في سورة الأعلى ربنا قال عن اللي بيذكر ويتركه ربنا قال: ﴿وَيَتَجَنَّبُهَا الْأَشْقَى﴾ [الأعلى: 11] هو اللي اختار أنه يترك التذكرة، ﴿فَذَكِّرْ إِن نَفَعَتِ الذِّكْرَى * سَيَذَّكَّرُ مَنْ يَخْشَى * وَيَتَجَنَّبُهَا الْأَشْقَى﴾ [الأعلى: 9-11].
ويتجنب هو الفاعل هنا عن النار ربنا قال: ﴿فَأَنْذَرْتُكُمْ نَارًا تَلَظَّى * لَا يَصْلَاهَا إِلَّا الْأَشْقَى * الَّذِي كَذَّبَ وَتَوَلَّى * وَسَيُجَنَّبُهَا الْأَتْقَى﴾ [الليل: 14-17] وسيجنبها مش وسيتجنب لا سيجنب هنا مبني لغير الفاعل أن ربنا سبحانه وتعالى هو اللي وفقه لهذا الأمر: ﴿وَسَيُجَنَّبُهَا الْأَتْقَى﴾ [الليل: 17]. الاتقى دي متناسبه ما بين أعطى واتقى لاحظ أن القرآن بيجيب لكلا سيما جزء عَمَّ بيجيب لك الأتقى والاشقيه حط لك زي ما قلت لك كده حط لك الفريقين بحيث يكونوا واضحين قدامك اللي اختار الطريق ده يعني إلى نهايتي واللي اختار الطريق ده إلى نهايتي وكانت الباقي ده الدرجات والدركات.
كما قلت مع انتشار الاسلام بتظهر فتظهر الحالة الرمادية ديت فتاتي أقدار معينة تظهر لك الفارق وبعدين ترجع تاني الحالة الرمادية.
تأتي أقدار تظهر هذه الأمور، ثم الحالة الرمادية مرة أخرى، فوجود الأقدار دي بيكون حجة، زي رؤية الآيات الكونية، زي المعجزات؛ دي كلها أشياء تأتي تجعل الإنسان مفرق واضح: هتختار الطريق ده ولا الطريق ده؟ ﴿لِيَهْلِكَ مَنْ هَلَكَ عَن بَيِّنَةٍ﴾، وسيجنبها الاتقى الذي يؤتي ماله. الاتقى هنا أنه بذل، لماذا أعطى المال؟ يتزكى، وده اللي في السورة اللي قبلها: ﴿قَدْ أَفْلَحَ مَنْ زَكَّاهَا﴾، طب كيف زَكَّاها؟ ليس بالكلام، بأعمال؛ يؤتي ماله في وقت استضعاف.
كانوا بيبرحوا يعاتب الصديق، أظن مروي أن والده أو غيره اللي كان بيعاتب الصديق: أنت ليه بتختار الضعفاء تعتق؟ كان بيبحث عن مجموعة من الضعفاء، سواء نساء ضعفاء أو رجال، وكان يعتق؛ فقالوا له: طب ما تبحث عن ناس أقوياء يساعدوك؟ قال: إنما أريد ما أريد، أنا لي نية عند ربنا، هو مش بيعمل ده لأجل لا لأي شيء، لذلك ربنا قال ايه: ﴿وَمَا لِأَحَدٍ عِنْدَهُ مِنْ نِعْمَةٍ تُجْزَى﴾. أنتم عارفين من المعاني الجميلة قوي في الآيات، أن من أسباب نزول الآيات دي إيه؟ إيه سبب نزول ليه ربنا قال إن الصديق عمل كده؟ أن المشركين قالوا: إنما أعتق بلالاً لأن لبلال، بلال كانت له يد على الصديق فأراد أن يرده، يعني بيقولوا إيه؟ إيه يعني أن الصديق أعتق بلالاً؟ يعني إحنا العرب طبيعي أن حد ما يكون له يد على فلان يعني له نعمه أو فضل يعني موقف سابق فبيرد له، إيه المشكلة؟
شوف حرص المشركين على أن الأعمال، أن الأعمال لا تظهر أنها تكون خالصة، يعني يعني المشركين بيتكلموا في إخلاص الصديق، هم كفار أصلاً هو مشرك بالله وعد يقول لك لا أنت ما عملتش ده لله، فالمشركون أعمال أهل الإيمان أمام الناس، وانظر إلى غيرة الله على فعل الصديق؛ ربنا بيقول: لا، الصديق عمل كده عشاني. مخيل تنزل آية تدافع عن الصديق، ربنا بيقول: لا، الصديق عمل هذا لأجل الله. شوف غيرة الله على عمل المؤمن، قال: ﴿وَمَا لِأَحَدٍ عِنْدَهُ مِنْ نِعْمَةٍ تُجْزَى * إِلَّا ابْتِغَاءَ وَجْهِ رَبِّهِ الْأَعْلَى * وَلَسَوْفَ يَرْضَى﴾. الصديق هيرضى؟ طب ده الصديق طلع ماله كله، هيرضى؟ طب الصديق مين اللي هيجيب له المال ده؟ إحنا في اوقات استضعاف، ده كان بيعتق ضعفاء، مين اللي هيقف جنبه؟ ربنا هيرضى.
وختام بديع للسورة بصيغة المضارع: ﴿وَلَسَوْفَ يَرْضَى﴾؛ اللي بيضحي ربنا هيرضى إزاي؟ دي بتاعت ربنا، طب ده أوقات صعبة وأوقات مؤلمة ولذلك هي عقبة، ربنا سماها في سورة البلد؛ التضحيات في الأوقات دي عقبة، لازم الإنسان يتخلى عن شح نفسه ليستطيع أن يعبر من هذه العقبة، ودي السورة اللي قبل الشمس على طول سورة البلد، لازم أنه يقتحم العقبة للخروج من الأزمة ديت، حالة الظلامية اللي إحنا كلنا عايشينها.
وكله بيسال قاعد يتفرج، الكل قاعد أو الأغلب يعني قاعد في حاله مش عارف يعمل إيه، حالة من الشلل، لكن الخطورة أن الشلل ده يمتد إلى كل أعمالك وتكتفي بالمشاهده. لا، على الأقل على مستوى، لو في على مستوى الأمة إشكال، على الأقل على مستواك الفردي تلقى الله بشيء. النبي صلى الله عليه وسلم يروي عنه حديث أظن رواه الترمذي وبعضهم ضعفه ومعناه إن شاء الله صحيح، قال، يروي عن النبي صلى الله عليه وسلم أنه قال: «من لقي الله بغير أثر من جهاد لقي الله وفيه ثلمة». من لقي الله بغير أثر من جهاد لقي الله وفيه إيه؟ ثلمة.
قالوا: ثلمة دي بتيجي في البناء يعني في نقص، اللفظ ده يستعمل مع البناء؛ قالوا: أيوه ما هو المقصد بناء الإسلام، بتاعه بني الإسلام على خمس، أن مبنى الإسلام بتاعه في نقص في حاجة، إزاي تقابل ربنا وليس عليك أو على بدنك أو على نفسك أو على أموالك أو على أولادك أو على بيتك ليس عليك أثر من جهاد؟ إزاي تقابل ربنا إزاي؟ فقالوا: من لقي الله بغير أثر من جهاد. والجهاد وابن القيم أيضاً في زاد المعاد وسعوا هنا مفهوم الجهاد، قال: حتى ولو على مستوى نفسيتك أنت، إزاي ما تعبتش عشان دين ربنا؟ إزاي ما بذلت جهد؟
فمن لقي الله، في واحد يعني تخيل كده، أسأل الله سبحانه وتعالى أن ينصر هؤلاء الأبطال، خلي واحد يلقى الله سبحانه وتعالى وهو شايل رجله وشايل إيده: يا رب فيك يا رب؛ فده أثر عيني واضح حسي، وهؤلاء الذين خسروا وإن شاء الله فازوا يعني تركوا أموالهم وديارهم وأولادهم وضحى بكل شيء، دي آثار واضحة. طب إحنا على الأقل أنت لم توفق هذا المكان أو ما ينفعش أنت كفرد يعني ده مش جهود فردية هتعمل ده إزاي؟ طب حتى على مستواك أنت الفردي اعمل حاجة عشان دين ربنا، ربنا يجد أن أنت بتضحي، بتطلع مال، بتعمل أي شيء يعني أي حاجه.
ده أغلبنا يبدا يمشي شويه في طلب العلم وبعد كده يكسل، يقول لك: أصل، وده ده حقيقي، أصل الجمع بين الدين والدنيا صعب، أيوه ما طبعاً صعب، أيوه ما هو طبيعي اللي عايز يلقى الله سبحانه وتعالى وهو مضحي لازم حياته هتتاثر، من لقي الله بغير أثر من جهاد لازم حياته هتتاثر، أمال أنت عايز حياتك ما تتلمس وتكون مضحي؟ طب إزاي؟ أمال يعني ايه تضحيه؟ ما طبيعي جدا أن حياتك، يعني شوف حياتك لازم هيحصل فيها ثلمه لكي تلقى الله بغير ثلمه.
لكن أنت عايز تلقى أنت ما حصلش في أي حياتك أي تغيير ولا، ودايماً بتحب الاستقرار، لا عايز تغير نومك ولا مواعيدك ولا مالك ولا أي حاجه ولا شغلانتك ولا أي حاجه عايز تعملها عشان الدين، خلاص من لقي الله بغير أثر من جد لقي الله فيه ثلما.
ذلك الآية اللي بعد في البقرة: ﴿وَمِنَ النَّاسِ مَنْ يَشْرِي نَفْسَهُ ابْتِغَاءَ مَرْضَاتِ اللَّهِ وَاللَّهُ رَءُوفٌ بِالْعِبَادِ﴾ [البقرة: 207]. حد عارف الآية بعدها؟ ﴿يَا أَيُّهَا الَّذِينَ آمَنُوا﴾ [البقرة: 208] إيه؟ ﴿ادْخُلُوا فِي السِّلْمِ كَافَّةً﴾ [البقرة: 208]. والآيات دي جت بعد آيات الحج، أن في ناس قالت: ربنا آتنا في الدنيا وما له في الآخرة من خلاق، وناس قالت: ﴿رَبَّنَا آتِنَا فِي الدُّنْيَا حَسَنَةً﴾، فرقة حسنة والآيات جت بعد الحديث عن شعب متنوعة من الدين في سورة البقرة، فتقول لك الدين واسع، حاول يعني إيه؟ ﴿ادْخُلُوا فِي السِّلْمِ كَافَّةً﴾ [البقرة: 208]. السلم فيها قولين: راجح أن معناه الإسلام كافة، يعني إيه؟ هل كافه يعني ادخلوا يبقى السلم هنشيلها ونحط شرائع الإسلام، هل ادخلوا في شرائع الإسلام كلكم ولا ادخلوا في شرائع الإسلام كلها؟ يعني كافه بتعود على ادخلوا واو الجماعة دي ولا بتعود على السلم اللي هي شرايع الإسلام؟
ابن كثير قال: بتعود على، في قولين، ابن كثير قال: بتعود على شرائع الإسلام وده المتناسب مع السياق، يعني ادخلوا في شرائع الإسلام كلها ما استطعت. طيب في حاجات لا أستطيع في شريعة الإسلام؟ يجي بقى حديث تاني يقول لك: إن لم تستطع على مستوى الابدان فليس لك عذر على مستوى الهموم؛ من لم يغزو أو يحدث به نفسه، أي بالغزو، مات على شعبة من النفاق. طب إزاي مات على شعبة من النفاق؟ لأنك أنت تكون معذوراً على مستوى البدن، على المستوى الحسي، لكن كيف تكون معذوراً على مستوى الهم؟ إيه اللي منعك على مستوى الهموم أن تحدث نفسك بهذا الأمر؟
حتى على قضايا زي الحج وغيره والإنفاق، لماذا لا تحدث نفسك بهذا الأمر؟ لماذا لا تمنى أن تبذل وأن تعطي وأن يعطيك الله لتنفق في سبيل الله؟ ليه؟ إيه المانع؟ لأن الهموم يا جماعة تبنى، الهموم دي تزرع، الهموم دي شجرة نتيجة بذرة غرست وسقيت، فبذر هم الدين دي بذرة يضعها الإنسان في قلبه ويسقيها ويراعيها، فقاعدة يحرص ويقرا ويسمع، فدي شجرة تنمو.
قضية تحديث النفس ديت، لذلك العلماء قالوا: مات على شعبة من النفاق لأنه ليس معذور، اللي مش شاغل باله بقضية المسلمين وانتصار المسلمين وبيدعوا للمسلمين، وحتى الدعاء همومك تظهر في أدعيتك، الدعاء المتكرر ده من علامات أن ده من أكبر همومك، الدعاء اللي بيخرج منك بصورة تلقائية بصورة متكررة، اعرف ده من أكثر همومك، لأنه ده أول شيء يأخذ فيضاف إلى همومك الدعاء للمسلمين والإسلام، دي قضية لابد أن تشغلك، فكيف تلقى الله سبحانه وتعالى بغير أثر من جهاد أو حتى على مستوى الهم؟
من الاحاديث الجميلة، أنت بتقرا حديث، حديث معروف، حديث في الصحيح أن الرجل قال: لأصدقن اليوم بصدقة، عايز أطلع، عايز اعمل حاجة لله. شوفوا الحديث ده قيمته بالنسبة لي زي حديث اللي شرحته في درس أرجوك لا تنصرف، إلى ثلاثة دخلوا للنبي صلى الله عليه وسلم، فواحد وجد فرجة فجلس، والآخر الثالث انصرف، والثاني واقف استحيا فاستحيا الله من ما رضاش يمشي، فضل واقف المجلس النبوي ده صلى الله عليه وسلم بيعرفك أن الناس في اختياراتها في ثغور الدين: واحد بيدور لغايه لما يلاقي، في واحد ما بيلاقيش يقوم ماشي، في واحد بيفضل واقف، في واحد يقول لك: أنا مش لاقي حاجه اعملها، طب وبعدين؟ اتصرف.
الراجل ده قال: أنا عايز أتصدق بصدقة، ما فيش جامعات خيرية ما يعرفش يعمل إيه، فتصدق بصدقة فوقعت في يد سارق، عمل حاجة وما طلعتش أحسن حاجة، وقعت في يد سارق. فقال الناس، الناس قعدوا يتكلموا: تصدق على سارق؟ ناس بيتكلموا بقى، شفت لا، تخيل واحد طلع صدقة واداها لسارق حرامي؟ باظت منه أول lần، قال: خلاص لأصدقن اليوم بصدقة، فوقعت في يدي زانية. الراجل: إيه يا عم ده؟ فقال: فأصبح الناس يقولون: تصدق على زانية. الراجل ما فقدش الأمل، جي المرة الثالثة فتصدق فوقعت في يدي غني. فقال الناس: تصدق على غني.
فالراجل فقال: الحمد لله! الحمد لله على سارق وعلى زانية وعلى غني، ويعني حاسس إنه حب يعمل حاجة بس ما ضبطتش معاه، حب يعمل أي حاجة ما جتش معاه فنام. الرواية بتقول في الصحيح: فتيء أتي، قال كثير من أهل العلم يعني أتي في المنام، بعضهم قال إلهاماً، وبعضهم قال أرسل الله له رسولاً أو أياً كان، الأمم السابقة النبي صلى الله عليه وسلم يقول: كان في الأمم السابقه محدثون، يعني ملك يلقي في روعه شيء، المهم كثير من الشروح قالوا: فتيء يعني في المنام. شوف أن ربنا ما سابوش، فتيء فقيل له: أما الذي على سارق لعله يتوب، وأما التي زانية لعلها تستعف، وأما الغني لعله ينفق في سبيل الله. قال له: أنت مش عرفك باثار أعمالك اللي أنت أصلاً مش شايفها والناس بتسخر بها أنت وما يدريك على أثر هذا العمل؟
إحنا مشكلتنا أن إحنا فكرة التعقل الزائد لكل شيء، اللي هو بيسموه ظهر أظن بعد القرن 16 وإحنا إيه لازم نعمل رايش لكل شيء، أنا لازم أسيطر على وأبقى فاهم حتى في الدين ده يؤدي لإيه؛ مؤسسة وإدارة وترتيب لكل شيء، ده جيد، لكن أحياناً بيقف حاجزا بينك وبين العمل، أن ده سببه إيه وهيعمل إيه؟ ما تقول كلمة طيبة للناس؟ أيوه أثارها إيه؟ طب وافرض ما سمعش؟ يا سيدي اعملها أنت بس مجرد تبتسم في وجهك. آثار الأعمال لا يحصيها إلا الله سبحانه وتعالى يوم القيامة، هتحدث مفاجات لأعمال، شوف هقول لك، أنا كنت هقول كلمة، ده النبي صلى الله عليه وسلم اللي قال: قال: «لا يلقي لها بالاً».
شوف التعبير النبوي: الرجل يتكلم بالكلمة من رضوان الله لا يلقي لها بالاً، ما كانش متوقع أن هي توصل للدرجة دي من رضوان الله، ورجل يتكلم بالكلمة من سخط الله لا يلقي لها بالاً تهوي به في النار 70 خريفاً. العلماء ما قالوا: يعني إيه يعني إيه لا يلقي لها بالاً وفي نفس الوقت هيتحاسب عليها؟ قالوا: لا يلقي بالاً أنه لم يتبين، ما قعدش كده يدرس، لكن هو لو كان فايق ودرس الأمر ما كانش عملها.
وقالوا من معانيها: إنه يعلم أن هذه الكلمه يحب الله لكن لم يكن يعلم مدى أثر هذه الكلمه، والناحية التانية يعلم أن هذه الكلمة يبغض الله مثلاً غيبة أو نميمة هو عارف أن ده حرام بس يقول لك إيه يعني؟ الأثر ده الأثر لا يلقي لها بالاً اللي هي الكلمة سخط الله، قد يكون من معانيها الأثر الحسي الحقيقي، وابن عبد البر قال إن كثير من العلماء قالوا دي مثلاً الوشاية عند الحاكم الظالم أن ممكن تراق دماء بسبب كلمة، وقال إن الكلمة الطيبة أنك تنصح حاكم فالحاكم يطيع يسمع كلامك تأمره بالمعروف فينتشر الخير.
وبعضهم قال: لا، مش لازم يكون أثر حسي، ممكن يكون أثر معنوي: وما يدريك أثر هذه الكلمة؟ فبالتالي شوف الراجل ده لما تصدق فتيء قيل في المنام: أنت إيش عرفك؟ ممكن السارق يتوب، والزانية تترك الزنا، والغني يتعلم فيروح ينفق بعد كده. أن لو قعد بقى ينتظر، ندرس ده كويس أنك تبحث، لكن مش كل حاجه تكون ميسرة بهذه الطريقة، لابد أن تسير في الأشباه التي أضيئت لك حتى يتبin لك بقية الطريق، دي من القواعد في السير. الله سبحانه وتعالى: «من تقرب إلي شبراً تقربت إليه ذراعاً». الطريق بيظهر بصورة تدريجية.
﴿وَاللَّيْلِ إِذَا يَغْشَى * وَالنَّهَارِ إِذَا تَجَلَّى﴾ [الليل: 1-2]، هذا الليل عشان يجي والنهار إذا تجلى، أنت لابد أن تعطي وتتقي وعطاؤك على قدر يقينك وصدق بالحسنى والتيسير على قدر عطائك، ﴿فَسَنُيَسِّرُ لِلْيُسْرَى﴾ [الليل: 10]. أنت عايز تيسر وتجد شيء تفعله في هذه الأوقات المظلمة المنتشر فيها الظلام؟ لابد أن تبحث عن شيء تقدمه أنت، تتحرك.
فكرة الانتظار الذي يؤدي إلى الموات وكثره الكلام، زي سوره الصف كده قعدوا يقولوا: لو أن نعلم.
أحب الأعمال إلى الله أن تفعل له، فقال الله سبحانه وتعالى: ﴿لِمَ تَقُولُونَ مَا لَا تَفْعَلُونَ﴾ [الصف: 2]. أنت عارف في حاجات بيحبها ربنا وما بتعملها، احنا كتير يعني لو قلت لك اكتب ورقة إيه الحاجات اللي ربنا بيحبها وأنت لا تفعلها وأنت تستطيع أن تفعلها، أنت تقدر تعملها بس مش بتعملها، هتكتشف أن عندنا إشكال في العزيمة أكبر منه في المعرفة. أن ممكن تكون مشاكلنا في العزيمة أكبر منها من مشاكلنا المعرفية، مش مسألة أنا مش عارف، لا، أنا مش قادر، هي قضية عزيمة عندك. فانت محتاج تسعى لتجد هذه العزيمة، ربنا يلهمك رشدك ويعطيك العزيمة على الرشد، تسأل الله سبحانه وتعالى العزيمة على الرشد.
يبقى الإنسان يلقى الله سبحانه وتعالى ويسأل عن هذه الاختيارات، كما قلت إن القرآن بيضعك في هذا الاختيار. فالموفق هي النفس التي أعطاها الله سبحانه وتعالى أن تعطيها لله سبحانه وتعالى، أنت يعني الآية دي: ﴿إِنَّ اللَّهَ اشْتَرَىٰ مِنَ الْمُؤْمِنِينَ أَنفُسَهُمْ﴾ [التوبة: 111]، آية جميلة جداً جداً. يعني أنت متخيل إن واحد، يعني القرآن لو أنت جمعت الآيات اللي فيها نفوس كده تلاقي واحد بيضحك على نفسه، واحد بيكذب على نفسه، واحد بيراوغ، واحد مش عارف إيه، واحد دسى نفسه: ﴿قَدْ خَابَ مَن دَسَّاهَا﴾ [الشمس: 10]، وواحد قام جايب نفسه كده ومديها لربنا، هذا هو الفائز، ذلك هو الفوز العظيم.
ذلك بعض العلماء لما تقرأ الآيات: ﴿وَذَٰلِكَ هُوَ الْفَوْزُ الْعَظِيمُ * التَّائِبُونَ الْعَابِدُونَ الْحَامِدُونَ السَّائِحُونَ الرَّاكِعُونَ السَّاجِدُونَ الْآمِرُونَ بِالْمَعْرُوفِ وَالنَّاهُونَ عَنِ الْمُنكَرِ وَالْحَافِظُونَ لِحُدُودِ اللَّهِ ۗ وَبَشِّرِ الْمُؤْمِنِينَ﴾ [التوبة: 111-112]. بعض اللي فكر إيه التناسب في الصفات ديت؟ اللي هم التائبون العابدون الحامدون السائحون الراكعون الساجدون الآمرون بالمعروف والناهون عن المنكر ويحفظون حدود الله، إيه العلاقة بين التسع حاجات دول وبين الآية السابقة؟ هل إن أصحاب هذه المواصفات هم الذين يوفقون لأنهم يقاتلون في سبيله فيقتلون ويقتلون؟ ده قول. لكن أنا شايف إن ده قول بعيد، لأن من الناس من يوفق بصدقه لا يشترط.
العجيب إن خد بالك الآيات جاية إيه: التائبون، ما قالش و، مش معطوفة، الأوصاف هنا مش إيه. فقالوا كأنه هو حاول يجمع بين هذه الأوصاف، أو إن الآيتين آية ﴿إِنَّ اللَّهَ اشْتَرَىٰ مِنَ الْمُؤْمِنِينَ أَنفُسَهُمْ﴾ والآية اللي بعدها فيها البشريات لصنفين. كان المؤمنين صنفين، صنف راح قاتل في سبيل الله، وصنف لم يستطع فحاول أن يأتي بكل هذه الأمور ليقارب هذا، يعني في واحد خد الثواب ده، عشان تقارب من ده، عشان تبقى قريب شوية منه، أنت إيه؟ اعمل كل دول، اعمل التسع حاجات دول، أنت محتاج تعمل التائبون العابدون الحامدون. وقالوا إن برضه سيظل فارق إن البشرى التي جاءت الأولى بشره الله، والبشرى الثانية عن طريق النبي صلى الله عليه وسلم، في الآخر قال له: ﴿وَبَشِّرِ الْمُؤْمِنِينَ﴾ [التوبة: 112]. دول بشرهم، لكن ربنا بشر هؤلاء إن الله اشترى منهم أنفسهم.
فالقضية ماذا قدم الإنسان لدين الله سبحانه وتعالى؟ ما الذي فعله الإنسان لدين الله سبحانه وتعالى؟ هذه النفس أمانة يسال عنها الإنسان. أنا طولت عليكم، أنا فجئت إن الوقت، خلينا بقى نلتقي في لقاء تاني. أنا كنت عايز أتكلم عن، بس خلاص ده، هي عايز أتكلم أيضاً عن قضية التفرق، إنه مانع بين إن الإنسان، يعني من أسباب، يعني إيه اللي بيخلي الإنسان إنه هو متردد في العطاء؟ يعني إيه الدروس اللي الواحد بيحاول يديها في أوقات أزمة غزة، وده من أول درس اديته، اللي هو ﴿الْمَالُ وَالْبَنُونَ زِينَةُ الْحَيَاةِ الدُّنْيَا﴾ [الكهف: 46]، كان سؤال بيشغلني فكرة إن تبكي ثم لا تفعل شيئاً، دي فكرة قد تكون حيلة نفسية، لكن السؤال لا بد أن يرتد إلينا، السؤال ماذا نفعل نحن؟ ماذا فعلنا نحن؟
يعني الواحد لما بيقرأ: ﴿وَإِذَا رَأَوْا تِجَارَةً أَوْ لَهْوًا انفَضُّوا إِلَيْهَا وَتَرَكُوكَ قَائِمًا﴾ [الجمعة: 11]، هل إحنا سيبنا النبي صلى الله عليه وسلم؟ هل إحنا فضينا؟ هل هذه الأحداث جعلت في حياتنا تغييراً حقيقياً ملموساً؟ ماشي، في ناس على مستوى المشاعر اتغيرت، لكن المشاعر دي تحولت إلى عادات؟ وتغير الإنسان في حياته، هموم الإنسان ورؤيته للحياة تغيرت بصورة حقيقية؟ هل فعلاً الإنسان اتغير؟ الإنسان بيمر أحياناً بلحظات فارقة، تسأل بعض الشباب يقول لك مثلاً صاحبي لما مات فجأة، مش عارف إيه، في لحظات بتكون مفصلية في حياة الإنسان. إيه بقى هل هذا الحدث كان مفصلياً؟ زي ما هو قد يكون مفصلياً في التاريخ، الله سبحانه أن ينصر إخواننا، قد يكون مفصلياً أياً كانت النتائج.
هو حدث فاضح، يعني أحياناً بتيجي أقدار زي ما قلت لكم، الحياة بتبقى ماشية فيها حالة من الركود، حالة من الركود، وفجأة حدث، يعني في قمة الوضوح بيخلي الناس كلها تقعد تتفرج كده، يعني إيه اللي بيحصل ده؟ يعني إنذار كده يخلي ناس إيه إيه اللي حصل ده؟ والقلة المستضعفة المحاصرة، آيات وإيه ده؟ والتهديم والطغيان والتجبر، وليه دول الكفر كلها من الجماعة بالمنظر ده؟ وأيه الوضوح والصراحة ديت وأيه الطغيان دوت؟ يعني بتخلي حاجات كان الإنسان بيتغابى إنه هو يتكلم فيها، مش عايز يسمعها، مش عايز يواجه نفسه إنه مسلم وأنه عليه دور للإسلام وأنه سيسأل عن هذا الأمر. كان بيعدي الأمور وأعمل إيه والظروف والحياة والأزمات، لكن هو محتاج إنه هو يبدأ يتساءل، محتاج سبحان الله، المسلمين وخصوصاً العرب، انتفاضة للظروف الخارجية للمسلمين اللي براهم بيكون أكثر بكتير من انتفاضة عشان ظروفهم.
كان بسمع واحد بيتكلم عن حتى تاريخياً إن تأثر المسلمين بأحوال المسلمين الآخرين بيكون أشد تأثيراً عليهم، فبالتالي ده حدث مفصلي، الإنسان منتظر إيه يحصل تاني؟ فكان غرضي بس من هذا المجلس الإنسان يسأل نفسه، هذه النفس أعطاك الله سبحانه وتعالى، مش هينفع إن أنا أقعد أراوغ على نفسي، يعني مش هينفع أنا إيه زي ما قلت لك كده يحصل حدث فانت تروغ على نفسك، ﴿يَعْشَوْا عَن ذِكْرِ الرَّحْمَٰنِ﴾ [الزخرف: 36]، كأن حاجة ما حصلتش، ومعلش والظروف ويعيط شوية ويدعو لهم وخلاص. مش إلا إن تستطع شيئاً خلاص أنت معذور عند الله سبحانه وتعالى.
لكن حتى على مستوى دينك، على مستوى بيتك، على مستوى دائرة تأثيرك، على مستوى اللي فات اديته بصائر، على مستوى بناء المحكمات في حياتك، على مستوى تلقي معاني الوحي، الوحي مغير. اتكلمت المرة اللي فاتت عن إزاي القرآن غير قلب حياة الصحابة، الصحابي قبل القرآن حاجة، المدينة النبي صلى الله عليه وسلم أرسل مصعب يقرأ عليهم القرآن، المدينة اتقلبت، سيدنا مصعب كان معاه إيه؟ كان معاه آيات، بيقرأ على الناس آيات، وكان يقول واحد أنت جاي تعمل إيه؟ يقول له طيب اقعد اسمعني، يقرأ عليه القرآن، حياته تتقلب، إيه اللي أنت بتقوله ده؟ مطعم جوير بيقول كأن قلبي أن يطير، سمع آيات من سورة الطور حياته اتقلبت رأساً على عقب، نظرته للحياة كلها اتغيرت.
هذه يقدر الله أقداراً أوقات تخلي القرآن كأنه غض طري دلوقتي، أنت قاعد الآيات وقعها أسهل على النفوس، ليه؟ لأن الأحداث دي أزالت كثيراً من الحجب، يعني إحنا اللي، كنت بقول إحنا اللي محاصرين، إحنا محاصرين بكم الحجب التي بنيت بيننا وبين نور الإيمان كتير، رفاهيات حاجات كتير، أصبح الإنسان ﴿أُولَٰئِكَ يُنَادَوْنَ مِن مَّكَانٍ بَعِيدٍ﴾ [فصلت: 44]، مش سامع أصلاً ليه؟ لأن الكلام ده له تبعات، فبالتالي الإنسان بيتغابى، هذه الفرصة الإنسان يسأل نفسه، ويدعو الله سبحانه وتعالى أن يستعمله. فالموفق من وفقه الله، أسأل الله سبحانه وتعالى أن يوفقنا لفعل ما يحب ويرضى.
اللهم وفقنا لفعل ما تحب وترضى. اللهم إنا نسألك العزيمة في الأمر. اللهم نسألك العزيمة على الرشد والثبات في الأمر. اللهم نسألك العزيمة على الرشد والثبات في الأمر. اللهم وفقنا لفعل ما تحب وترضى. اللهم إنا نسألك حسن الخاتمة. اللهم قنا الفتن ما ظهر منها وما بطن. اللهم قنا الفتن ما ظهر منها وما بطن. اللهم إنا نسألك لذة النظر إلى وجهك الكريم والشوق إلى لقائك في غير ضراء مضرة ولا فتنة مضلة. اللهم ربنا آتنا في الدنيا حسنة وفي الآخرة حسنة وقنا عذاب النار. سبحانك الله وبحمدك، أشهد أن لا إله إلا أنت، أستغفرك وأتوب إليك. والسلام عليكم ورحمة الله وبركاته.
د. أحمد عبد المنعم