بصائر في أحداث غزة (2) | ليس البر أن تولوا وجوهكم قبل المشرق والمغرب | د. أحمد عبد المنعم

بسم الله الرحمن الرحيم، السلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم، أهلاً بكم في هذه الأمسية التربوية. وكما قلت في المرة الماضية، يعني آثرت هذه الفترة أن تكون الأمسيات التربوية مسجلة بحيث يعني الإنسان يعني آخذ راحتي شوية في الكلام، وحتى لو حصل نوع من أنواع الإطالة. وهذه الأمسية بإذن الله سبحانه وتعالى نوعاً ما تعتبر استكمالاً للأمسية السابقة، ولكن ممكن نعنون هذه الأمسية، هي المرة اللي فاتت كانت بصائر من غزة، وأيضاً هذه المره بإذن الله سبحانه وتعالى مجموعة من البصائر، لكن بما أن الموضوع المحوري اللي هبدا منه هو كلام عن قول الله سبحانه وتعالى: ﴿لَيْسَ الْبِرَّ أَنْ تُوَلُّوا وُجُوهَكُمْ قِبَلَ الْمَشْرِقِ وَالْمَغْرِبِ وَلَكِنَّ الْبِرَّ﴾ [البقرة: 177] وتكملة الآية، فممكن يكون حتى هذا هو العنوان: «ليس البر أن تولوا وجوهكم قبل المشرق والمغرب».

بحيث وده دائماً زي ما تعودنا بفضل الله سبحانه وتعالى في الأمسيات التربوية، الحديث لما بيكون منطلق من آية أو من حديث، هذا يجعل المعنى المحوري اللي بيذكر بفضل الله سبحانه وتعالى أنت محمل عندك على الذاكرة على هذه الآية، وده من أجمل الأشياء في تلقي المعاني التربوية أن الإنسان لو يستطاع أن المعاني التربوية المركزية التي يؤمن بها ويعايشها تكون هذه المعاني محمله على آيات أو أحاديث بتتكرر هذه المعاني مع تكرار قراءة الآيات والأحاديث. وهذه من المعاني العظيمة لقضية الورد القراني، تخيل لو أن غالب المعاني التربوية المركزية اللي بفضل الله تصنع منك رجلاً يعمل لهذا الدين وتصنع وتملاك إيماناً، هذه المعاني أنت استقيت هذه المعاني من آيات، فكلما تأتي مثلاً لآيات الدنيا مثلاً المبثوثة في سورة الكهف وسورة الحديد وغيرها من السور القرآنية، فانت استحضرت المعاني مع كل مرة بتقرا هذه الآيات.

تخيل كم الغنى التربوي اللي بيعيشه الإنسان اللي بفضل الله على مدار سنوات بنى هذه المعاني من خلال الآيات القرآنية، مع كل خاتمة قرآنية يعيد التذكر لهذه المعاني. كثير منا وده بيحصل معانا كلنا أنك مثلاً بتقرا كتاب تربوي، كتاب تربوي، كتاب فكري، كتاب مميز جداً، مع طول العهد والبعد عن هذا الكتاب تحس أنك تريد أن تقراه مرة أخرى، وفي كتب بالفعل كده بالفعل تستحق أن تقرا أكثر من مرة، فبعض الناس يقول لك مثلاً الكتاب ده ممكن أرجع له كل سنتين أو الكتاب ده كل فترة أرجع له بحيث أن المعاني اللي فيه كانت ثقيلة. طيب أنت كده كده تلقائياً بفضل الله لو أنت محافظ على وردك القراني، والتعبير اللي ورد في الأثر وإن كان في ضعف: الحل المرتحل، فلو أنت أصلاً بتعيد خلاص بتقرا الورد القراني وتعيد كل ما تنتهي مرة من الخاتمة ترجع مرة تانية، أنت بتمر على المعاني التربوية المركزية المبثوثة في القرآن كاملاً، فانت دائماً بتشعر أنك في حالة من الغنى التربوي.

فعندك استعداد بفضل الله سبحانه وتعالى في أي وقت أنك أنت تستطيع مثلاً أنك أنت تقعد مجلس تربوي، أنك أنت في معنى حاضر في ذهنك ليه؟ مجرد قراءة الورد القراني أو قيام الليل بفضل الله أنه يفتح لك في قيام الليل، أنت خلاص الفترة دي مثلاً بتصلي مثلاً بسورة الأنعام، وردك في سورة الأنعام سواء قيام الليل أو الورد القراني أنت عايش مع المعاني اللي كنت تعبت في بنائها مع سورة الأنعام. ودائماً أنصح أن الإنسان يجعل البناء التربوي من خلال القرآن، ولعلنا نشير في ختام المجلس إلى بعض التوصيات في هذا الأمر. مجلس اليوم منطلق بفضل الله سبحانه وتعالى من ﴿لَيْسَ الْبِرَّ أَنْ تُوَلُّوا وُجُوهَكُمْ قِبَلَ الْمَشْرِقِ وَالْمَغْرِبِ﴾ [البقرة: 177].

أنا حقيقة ترددت هل أترك الحديث في الآية إلى لأن هي المفروض ان شاء الله تجيلنا في مجالس سورة البقرة، لكن للاسف يعني تاخرت شوية في المجالس، فقلت أن احنا نذكر هذا المعنى سريعا هنا في هذا المجلس ثم نفصل فيه اقوال المفسرين والكلام حينما يأتي مجلس سورة البقرة. الآية كعادتنا في المجالس: الآية، وبعد كده ننقل بعض كلام المفسرين، ثم ما اريد من تنزيل الآية على الواقع. ابن كثير شرح الآية شرحاً بديعاً حقيقة قال: اشتملت هذه الآية الكريمة على جمل عظيمة وقواعد عميمة وعقيدة مستقيمة. وذكر أثر عن النبي صلى الله عليه وسلم وإن كان في انقطاع سواء عن النبي صلى الله عليه وسلم أو موقوف على أبي ذر، وفي انقطاع بين الراوي اللي هو مجاهد وأبي ذر أن سئل عن الإيمان فأجاب بهذه الآية، فكأن هذه الآية تلخص معاني محورية في الإيمان.

ثم قال وهذا هو الشاهد، قال: وأما الكلام على تفسير هذه الآية اللي هي آية 177 في سورة البقرة: ﴿لَيْسَ الْبِرَّ أَنْ تُوَلُّوا وُجُوهَكُمْ قِبَلَ الْمَشْرِقِ وَالْمَغْرِبِ وَلَكِنَّ الْبِرَّ مَنْ آمَنَ بِاللَّهِ وَالْيَوْمِ الْآخِرِ وَالْمَلَائِكَةِ وَالْكِتَابِ وَالنَّبِيِّينَ وَآتَى الْمَالَ عَلَى حُبِّهِ﴾ [البقرة: 177] الآية. قال: وأما الكلام على تفسير هذه الآية، والكلام اللي ابن كثير كثير من المفسرين بيستحضروا السياق، قال: فان الله لما أمر المؤمنين أولاً بالتوجه إلى بيت المقدس ثم حولهم إلى الكعبه، هو هنا كل المفسرين أو غالب المفسرين بيستحضروا السياق عشان يشرح لك الآيات: ﴿سَيَقُولُ السُّفَهَاءُ مِنَ النَّاسِ مَا وَلَّاهُمْ عَنْ قِبْلَتِهِمُ﴾ [البقرة: 142] كده حديث عن تحويل قبلة، وبعد كده حديث أن الصفا والمروة من شعائر الله، وبعد كده حصل نوع من الاستطراد ثم عوداً مرة أخرى إلى الكلام عن القبلة.

طب ليه؟ طيب ابن كثير بيقول: لما أمر المؤمنين أولاً بالتوجه إلى بيت المقدس ثم حولهم إلى الكعبة، شق ذلك على نفوس طائفة من أهل الكتاب وبعض المسلمين. هو هنا جمع ليه؟ لأن هنذكر أقوال المفسرين، منهم من يرى أن الآية تخاطب أهل الكتاب، ومنهم من يرى أن الآية تخاطب المؤمنين، ومنهم من يرى أن الآية قد تصلح للعموم. فبيقول: شق ذلك على نفوس طائفة من أهل الكتاب وبعض المسلمين، فانزل الله تعالى بيان حكمته في ذلك، وهو أن -وركزوا معايا- أن المراد إنما هو طاعة الله عز وجل وامتثال أوامره، والتوجه حيثما وجه سبحانه وتعالى الآية في القبلة. ابن كثير عايز يقول زي ما هنكمل كلامه: القضية ليست فقط في تعظيم القبلة بالرغم أن القبلة معظمة وامر عظيم ومحوري في الدين، لكن كان الغرض تربوياً لأن بيت المقدس أيضاً معظم وإن كان الكعبة أعظم طبعا.

وحصل انتقال من القبلة من بيت المقدس إلى الكعبة، وذكرنا دلالات ذلك في تفسير سورة البقرة من انتقال الاستخلاف من بني إسرائيل إلى المسلمين، أمر عظيم. لكن ابن كثير بيقول: ما وراء هذا الامر المعنى المحوري أنك أنت تتعلم العبودية؛ ربنا قال لك توجه إلى بيت المقدس تتوجه إلى بيت المقدس، ربنا قال لك توجه إلى الكعبة تتوجه إلى الكعبة. فبيقول: وهو أن المراد إنما هو طاعة الله عز وجل وامتثال أوامره، والتوجه حيثما وجه سبحانه وتعالى واتباع ما شرع. هذا المعنى ده هو البر والتقوى: الاستسلام، واحنا قلنا هذا المعنى من المعاني المركزية في سورة البقرة، إذ قال الله ربه: ﴿أَسْلِمْ ۖ قَالَ أَسْلَمْتُ﴾ [البقرة: 131]، وأن أكبر إشكال عند بني إسرائيل في قضية الاستسلام وأنهم قالوا: ﴿سَمِعْنَا وَعَصَيْنَا﴾ [البقرة: 93]، ولكن أهل الإيمان قالوا: ﴿سَمِعْنَا وَأَطَعْنَا﴾ [البقرة: 285].

فهذا هو البر والتقوى والإيمان الكامل، وليس في لزوم التوجه إلى جهة من المشرق أو إلى المغرب بر ولا طاعة. كمل عشان تفهم الجملة، ما ينفعش تقف هنا: بر ولا طاعة إن لم يكن عن أمر الله وشرعه. يعني التوجه هو تحول إلى بر وطاعة لأن الله وجهنا إلى هذه القبلة فنحن نعبد الله سبحانه وتعالى بالتوجه إلى هذه القبلة. القضية ليست تعظيم القبلة دي فقط بعيدا عن طاعة الله سبحانه وتعالى، لأن اللي بيحصل وده حاصل في بعض الازمات كازمة غزة وغيرها أن بعض القضايا تعظم بعيدا عن الشريعه ويبدا يوسع الاطار التعظيم هذه ليدخل فيها غير اهل الإيمان عشان يكسب انصار، وينسى أن هو اللي داخل في هذا الملف هو داخل أصلاً قضية شرعية، فتتنسى القضية الشرعية، وباذن الله ممكن في من البصائر: خطورة إزاحة المصطلحات الشرعية عن تحليل الأحداث، خطورة إزاحة المصطلحات الشرعية عن تحليل الأحداث اللي بنعيشها الان.

يبقى إذن ابن كثير بياكد لك معنا قضية أن قضية محورية مركزية في الدين، لكن تتحول أن هي المركز وننسى قضية العبودية؛ ايوه احنا توجهنا أصلاً للعبودية، فقد تعود الوسيلة على المقصد بالبطلان وهذا قد يحدث. طيب نكمل بعض أقوال العلماء: الزمخشري نقل ذكر أقوال وقال من الاقوال: وقيل في معنى الآية كثر خوض المسلمين واهل الكتاب في أمر القبلة، قعدوا الموضوع خد نقاشات وجدال ويتحول أن احنا نسينا أصلاً أن القبلة عشان العبادة. وقد يتحول أمر القبلة إلى مناكفة: قبلتنا بقى وقبلتكم، وحصل ويبدا يحصل القضية مناكفة، فبيقول: لما كثر الخوض فقيل ليس البر العظيم الذي يجب أن تذهل بشانه عن سائر صنوف البر هو امر القبلة، لا البر الذي يجب الاهتمام به وصرف الهمة إليه هذه الآية الأوامر التي أمر الله سبحانه وتعالى بها.

ابن عاشور نقل يعني بصراحه كلام طويل ممكن ترجعوا له، عشان أقرأ كلام أبو حيان. أبو حيان أيضاً بصراحه من أخص التفاسير الجيدة هنا، أبو حيان بيقول: كان قال بعض المفسرين إيه الاقوال التي جاءت في الآية؟ في قول: كان الرجل إذا نطق بالشهادتين وصلى إلى أي ناحية ثم مات وجبت له الجنة، فلما هاجر ونزلت الفرائض وحدت الحدود وصرفت القبلة والكعبة أنزل الله هذه الآية. بمعنى إيه الآية هنا على القول ده؟ عايزة تقول لك إن الدين كان لسه بينزل بصورة تراكمية، ففي ناس أمنت في مكة فكان يكفيهم للنجاة البر الكامل بالنسبة إليهم أنه خلاص يشهد لله ويصلي ويشهد النبي محمد صلى الله عليه وسلم رسول الله صلى الله عليه وسلم ويصلي مثلاً في أي ناحية.

مع الفروض اللي بتنزل والحدود لكي يكون باراً ويجتمل إيمانه لا بد أن يطبق هذه الأمور، لذلك تفهم بداية سورة محمد: ﴿وَالَّذِينَ آمَنُوا وَعَمِلُوا الصَّالِحَاتِ وَآمَنُوا بِمَا نُزِّلَ عَلَى مُحَمَّدٍ﴾ [محمد: 2]. طيب ما هم أمنوا، ليه تكرار آمنوا وليه بما نزل بصيغة التضعيف التي قيل فيها وإن كان في كلام هنا عند أهل البلاغة قيل أن بتفيد التدريج في النزول؟ بمعنى أن آمنوا لكن لم يفرض الجهاد، فلما فرض الجهاد لا بد أن تجدد إيمانك مع كل موقف يستلزم عبودية معينة. طب اسقط ده علينا إيه؟ الشرع اكتمل. إسقاط ده علينا إيه؟ إسقاط ده علينا أن أنت مثلاً لا يتبين لك بعض أمور الشرع، لا يتوجب عليك في بعض الأوقات مثلاً كلمة حق أو جهاد أو نصرة مظلوم، قد لا يتوجب عليك في وقت من الأوقات ثم ياتي الوقت الذي أصبح هذا الأمر واجباً عليك، حتى بعيدا حتى عن هذه القضايا.

إنسان مثلاً أصبح مع مال فتوجب عليه الزكاة واكتمل النصاب، إنسان تزوج أصبح أنه يأكل من عمل يده وينفق على من يعول، فالواجبات بتزداد مع الإنسان مع الزمن مع الأوقات مع تحصيل هذه التكاليف الشرعية. فأحد معاني الآية أن مع الترقي في الإيمان والانتقال من مكة إلى المدينة أوجب الله سبحانه وتعالى أموراً لابد أن تلتزموا بها. طب القول الثاني بيقول إيه؟ الآية إما بتكلم أهل الكتاب بتقول لهم انتوا أصلاً القبلة بتاعتكم غلط سواء إلى المشرق أو المغرب، وده قول ذكر كثير من أهل العلم أيضاً. طب لو احنا هنأخد الآية لأن هي بتكلمنا مثلاً بيقول: لو الآية بتتكلم المؤمنين، وإن كانت المؤمنين فهو نهي لهم أن يتعلقوا من شريعتهم بأيسر شيء كما تعلق أهل الكتابين. أنت قاعد بتضخم قضية، طيب وبقيت الدين فين؟

ماشي حصل انتقال للقبلة وأمنت بالقبلة وخلاص وتم التأكيد على مفهوم القبلة والقبلة للكعبة، خلاص أنت ليه واقف عند النقطه دي؟ فين بقية الإيمان؟ فبيقول: ولكن عليهم العمل بجميع ما في طاقتهم من تكاليف الشريعة على ما بينها الله تعالى. كعادتنا في الأمسيات: الآية، كلام المفسرين، نجي لتنزيل الآية على الواقع. إيه اللي انا عايز أقوله من الآية؟ اللي انا عايز أقوله من الآية، وركزوا بقى معايا، خطورة أن يتحول الدين عندك أو التزامك أو تدينك أياً كان المصطلح إلى مسائل فقهية أو عقدية، مسائل فقط تضخمها وتعيش تناكف الناس من أجلها وتدافع عنها، فإذا انتصرت عليهم في هذه المسألة الفقهية أو العقدية تخلد إلى الأرض ولا تنصر الدين، وتظن أن أنت كده انتصرت أنك أنت انتسبت مثلاً إلى طائفة ما أو انتصرت في ملف فقهي أو ملف عقدي بسبب كثرة المناكفات اللي كانت موجودة وما زالت موجودة مثلاً على السوشيال ميديا.

ده خطورة اللي دينه اللي دينه عبارة عن مجموعة من المسائل بينظر عليها وبيناكف الناس عشانها وبتخانق عشانها وبينتسب لأجلها، ثم محور الدين اللي مبني على هذه العقائد والاعمال المذكورة في الآية غائبة في حياته. لما تسأله عن علاقته في الإيمان بالله والملائكة والكتاب والنبيين، ولما تسأله عن الصلاة والزكاة، ولما تسأله عن الصابرين في البأساء والضراء وحين البأس -نتكلم عن مسألة القتال إن شاء الله- بتسأله عن هذه القضايا المذكورة في الآية تجد أنه ضعيف فيها. أين البناء الديني المحكم لتدينك أين هذا؟ يعني الأحداث اللي بتحصل كأحداث غزة وغيرها، وده ذكرته قبل كده أن كان شيخ الإسلام بيقول: كثير من الناس والمذكور في الآيات مثلاً اللي بتتكلم اللي بعض المفسرين يرى أن هي محموله على المنافقين، شيخ الإسلام يحملها على ضعاف الإيمان.

فبيقول لا يشترط أن ضعاف الإيمان تأتيهم هذه الابتلاءات التي تنقل من خانة أن هو ضعيف الإيمان إلى خانة المنافقين نسأل الله السلامة والعافية. ناس بتعيش وبتموت ما بيحصلش هذه الابتلاءات، لكن قد يقدر على بعض الناس إنه يتحط في ابتلاء، هذا الابتلاء بيكون بالنسبة له صدمة، هو ما كانش مؤهل له، ما كانش مؤسس له، لكن هو يبتلى على قدر دينه، هو فرط في تحصيل الإيمان الذي ينجيه من هذا البلاء. زي بالضبط لما مروا السلف تعلموا العلم، وأظن عن ابن مسعود وغيره: فلا تدروا متى يحتاج إليه؛ فلا تدري متى يحتاج إليه. فبالتالي أنت محتاج تحصل الإيمان لا تدري متى تحتاج إليه. الله سبحانه وتعالى بيقول: ﴿مَا كَانَ اللَّهُ لِيَذَرَ الْمُؤْمِنِينَ عَلَى مَا أَنتُمْ عَلَيْهِ حَتَّى يَمِيزَ الْخَبِيثَ مِنَ الطَّيِّبِ﴾ [آل عمران: 179]. قال قتادة: بالجهاد والهجرة. فقال غيره: بالأعمال الشاقة، بالتكاليف الشاقة. أن قد تأتي تكاليف أو أقدار تميز الصف. ﴿مَا كَانَ اللَّهُ لِيَذَرَ الْمُؤْمِنِينَ عَلَى مَا أَنتُمْ عَلَيْهِ حَتَّى يَمِيزَ الْخَبِيثَ مِنَ الطَّيِّبِ﴾ يبقى هذا الفصل وهذا التمييز لا يكون باطلاع الناس على الغيب، تكملة الآية: ﴿وَمَا كَانَ اللَّهُ لِيُطْلِعَكُمْ عَلَى الْغَيْبِ﴾ [آل عمران: 179]. أمال هنعرف إزاي يا رب؟ بالابتلاءات التشريعية والقدرية.

يبقى إذا خطورة إن أنت تغفل عن بناء إيمانك، وتنشغل... طب واحد مشغول عن بناء الإيمان ومشغول باللهو واللعب، ده هو أصلاً يشعر بداخله بالتقصير فلما يجي حد يتكلمه عن الدين يعني أما بقى أن هو يعرض أو يعني يطقطق الراس ويشعر بالندم ويتوب، لا، الإشكال أنه يشعر أن هو متدين، ده أنا ده أنا بناظر في مسألة من مسائل الدين، ده أنا برد مش عارف على ايه، ده أنا منشغل بقضايا إيمانية أو قضايا من الدين وتكتشف أن كل الدين بتاعه هو يعني هو مش هو مش تدين مبني إيمان زي ما نتكلم عن بناء الإيمان مثلاً من خلال القرآن لا ده هي مسألتين أعلمهم وخلاص ظن أن ده الدين وبيتمحور زي ما كان الشيخ العجاري بيقول لك: أحذر من صاحب المسألة الواحدة. هو صاحب المسألة الواحدة ده يقعد في أي مكان يفتح والله أخبار رايكم ايه في المساله ديت، في لقاء أنا هتكلم عن نفس المسألة، هيدي بث مباشر يتكلم عن المساله، هيكتب منشور يتكلم عن المسألة، هو حياته كلها بتدور حول هذه المسألة، يريد أن يناظر. طيب المسألة كان فيها خلاف وقلنا له: يا سيدي خلاص أنت الكلام بتاعك هو الراجح خلاص، مش... طب أنا هتكلم في ايه؟ لا نفتح المسألة تاني، طب مش جايز كلامي غلط؟ يعني هو عايز يفتح المسألة بأي شكل لأن هو لا يريد... بعض الناس هو يبحث عن وجوده من خلال القضايا التي يبثها في الناس، يعني بيبث مشاكل لأن الخوض في المشاكل دي هو بيجعل الناس يرجعون إليه؛ لأن هو لا يتكلم إلا في هذه المشاكل، في حين أن هو أصلاً الصح أن هو يدعو الناس إلى الاجتماع قدر المستطاع، وخلاص المسألة دي لو تم تجاوزها أو مش وقتها أن هي تفتح الآن يتجاوزها الآن.

فإذا خطورة أن يكون تدينك هو عبارة عن مجموعة من الاختيارات أو مجموعة من المسائل، ولم يبنى هذا البناء الصلح الذي له جذور في الأرض، يعني وقت الزلزلة: ﴿وَزُلْزِلُوا زِلْزَالًا شَدِيدًا﴾ [الأحزاب: 11]، وقت الزلزلة لا تثبت إلا الأشجار التي لها جذور ضاربة في الأرض. فبالتالي نسأل الله السلامة والعافية وقت الزلزلة، وقت الابتلاءات القدرية التي قد تأتي بصورة مفاجئة، كثير من الناس اللي عايشين في فلسطين أو في غزة أو في أماكن حتى حصل فيها ابتلاءات، حصل فيها جهاد أو حصل فيها زلازل، هو كان لا يتصور أن يكون حاله كده، هو كان عايش حياة عادية والبيت بتاعه مستقر وشغله مستقر، ما كانش متصور أن في وقت من الأوقات يعيش في مسغبة وفي مجاعة ويطالب في الوقت ده أن هو يطعم الناس في يوم أو إطعام في يوم ذي مسغبة، وأن هو يبحث عن التكافل مع الناس، وانه يصبر في الضراء وحين البأس، فوجئ بعدو يقاتله، هو ما كانش متصور كده. أسأل الله سبحانه وتعالى أن يفرج عن أهلنا في السودان هذا حصل معهم، أنت فجأة حصل قتال، وفجأة أنت محتاج تدافع عن عرضك عن وطنك، أنت أنت متخيل النقله اللي ممكن تحصل؟ فالانسان محتاج أن الإيمان لا يكون مجرد نسأل الله السلامة والعافية، دائماً الإنسان يطلب من الله العافية، نحن لا نطلب تعرض البلاء بالعكس، لكن أقول فيما يحدث من حولنا الأحداث تاتي فجأة، فالإنسان لابد أن يتعلم وأن يبني هذا الإيمان.

لما النبي صلى الله عليه وسلم قال للمرأة: «اصبري». اتقي الله واصبري. قالت: إلي عني فإنك لم تصب بمصيبتي. أنت متخيل الواحد دايما بخاف من المشهد ده، هل لو ابتلي الإنسان يصبر نسأل الله السلامة والعافية؟ انسان، أين الإيمان؟ طبعا هو كله بفضل الله سبحانه وتعالى الذي تعب الإنسان في تحصيله. في واحد يقول لك: أنا بتعب في الدنيا عشان لما يحصل أزمة... أهو أنت محتاج تتعب في إيمانك إذا حصلت الأزمات بل حتى إذا إذا نزل في قبره سيسأل. فالبصيرة الأولى في هذا الدرس انطلاقا من هذه الآية أحذر، شوف عجيب والمفسرين نصوا على ذلك أن أمر القبلة ليس أمرا ثانويا، أمر مركزي ومحوري وكل، وبالرغم من ذلك يقول ده لو الآية بتخاطب أهل الإيمان، لو الآية بتخاطب أهل الكتاب، الآية بتقول لهم ممكن واحد يقول لي: خلاص أنا لو هو ياخد بالقول بتاع أن هي تخاطب أهل الكتاب ليس البر... الآية بتقول لأهل الكتاب: أنتم انحرفتم في القبلة إلى المشرق والمغرب وكلا القبلتين خطأ. طيب لو هناخد القول ده طب ليه ربنا ما قال لهمش: ليس البر أن تولوا وجوهكم قبل المشرق والمغرب ولكن البر أن تولوا وجوهكم الكعبة؟

الآية هنا تجاوزت أمر القبلة إلى اصول الدين إلى المحكمات التي ينبغي أن تكون في حياتك لذلك سؤالي أيضا من بصائر اليوم: أين محكمات الدين في حياتك؟ أين هي؟ الدين ده مليان محكمات، لما تعمل ختمه، لما كل شويه تبحث مثلاً عن ختمه، نظرة نظر الإنسان إلى الدنيا إلى علاقة الدنيا بالاخره السؤال اللي الناس دايما بتساله والدرس المنتظر اشكاليه الجامع من الدين والدنيا، طب وهل أنت بحثت في الوحي عن تصور الشرع عن الدنيا؟ عن حجم الدنيا في في القران؟ طبعا يفضل انك أنت تجرد السنة الصحيحين أو حتى رياض الصالحين، لكن لو أنت مثلا بتقرا كل ختمه كده في موضوع شغلك وأنت اثناء الخاتمة عايز تعرف هو القران يعني مش معقول احنا عايشين في الدنيا والدنيا حوالينا يعني منشغلين فيها ومصبوغ فيها والوحي يعرض عن هذه القضية طب عايز اعرف الوحي قال ايه؟

أنا عايز أقول لك على حاجة، بعض الناس اللي بيتكلموا في مناهج تحليل الخطاب يقول لك: الخطاب إذا سكت عن شيء، لو المتكلم يعني يثق في عقله وفي حكمته يقول لك: هو احنا دلوقتي لو هنتكلم على خطاب بشري يقول لك: سكوت المتكلم عن هذه القضية له دلالة. فسكوت المت... يعني مثلاً واحد هيطلع يتكلم شخصية كبيرة تتكلم في ملف سياسي، فلما يقول لك إنه طوال الخطاب السياسي ما تكلمش عن دولة كذا، بيحللوا سكوت الخطاب عن شيء، فالسكوت مقصود. فلما أنت تكون معظم قضية وتجد أن الوحي يتجاهلها مثلاً أو يتكلم عنها باقتضاب، هذا مراد، وما كان ربك نسيًا سبحانه وتعالى، هذا مراد. أنت محتاج تبني هذه المحكمات في حياتك، حتى إذا لا قدر الله حصل ابتلاء وحصل أزمة، سواء ابتلاء شرعي أنت مطالب بشيء معين أو ابتلاء قدري، لابد أن تكون في هذه الحالة من معاني هذه الإيمان.

ولكن البر من آمن لذلك قالوا في محذوف: ولكن البر بر من آمن. قالوا: ما هو من شدة تمسك هذا الذي طبق هذه الآيات أصبح هو البر، سواء يعني كان هو بر مجسد يمشي على الأرض، كان هو طاعات مجسدة تمشي على الأرض من شدة تلبسه بهذه الطاعات أصبح كأنه هو طاعة. سواء شوف أنت الآية بعد ما تكلمت عن تحويل قبلة وحصل الاستطراد اللي بيختم البينات، عادت مره أخرى تقول لك: لا تنشغل بقضية واحدة وتنسى أصول الدين. ركز معايا، آيات عظيمة واتكلمنا فيها في آخر درس اديته في سورة البقرة عن تحويل القبلة وحصل فيها فتنه، وبالرغم من ذلك عشان ما يجيش حد يقول لي: إيه بس أنت كده بتهون من مسائل شرعية أو عقدية؟ لا، أنا مش دي القضية، القضية خطورة أن يتحول دينك إلى مسألة مسألتين ثلاثة عايش حياتك بتناك في الناس عشان داخل السوشيال ميديا عشان ترد على حد فيهم، عايش حياتك منشغل بهذه القضية فتفاجئ أن تاتي ابتلاءات، وده احنا شفناه والأشخاص بقى العوام المسلمين اللي انت كنت مثلاً مش معتبرهم أو مش فاهمين المسألة اللي أنت بتتكلم فيها، وتراهم من العوام، هم دول اللي ممكن يصبروا ويصبر ويقاتلوا، هم دول اللي نرى منهم آيات بفضل الله سبحانه وتعالى بتوفيق من الله سبحانه وتعالى لهم، نرى منهم الصبر ونرى منهم المجاهدة ونرى منهم الجهاد وترى منهم هذه الأمور.

فانت في اللحظة دي وده اللي انا محتاج النهارده اللي احنا نخرج بيه، أنت محتاج تعيد اختبار مفهوم العلم عندك، ومحتاج تعيد تسائل مفهوم التدين عندك، أغلبنا اللي مشي ودائما أنا بتكلم الأطر التربوية غالبا بتخاطب هذا الشخص المتدين أو الذي يريد أن يتدين لتصحيح هذه المفاهيم، أنت محتاج تعيد تسائل هو أنا التدين اللي أنا كنت ماشي فيه أو الطريق اللي أنا كنت ماشي فيه هو صح؟ بمعنى ايه؟ أنا مش بقول لك اختبر الإسلام، مش بقول لك محتاج تشك في إسلام التفكير المجنون ده لا لا أتكلم بهذه الطريقة، أتكلم التصورات الضيقة اللي عندك عن التدين أنت محتاج تعيد اختبارها تاني.

بعض الناس كان وده يعني هنقول لكم على حاجة من من مش عايز أقول من سنة أو سنتين تقريبا ممكن سنتين أو ثلاثة معرض الكتاب أنا بحاول في كل معرض كتاب أشوف الشباب إيه بيحرص على كتب إيه، يعني إيه غالب نوعية الشباب، ممكن مثلاً أقابل بعض الشباب بسلم عليهم أبدأ أشوف هو شاري إيه يعني إيه طبعا مش عايز منه حاجة، أنا مش بقول له وريني الكيسة عشان ما حدش بيدي هدايا، ده كان زمان يعني قبل التعويم كان، لكن بعد ما في عادش فيه هدايا خلاص، فبشوف شاري إيه، بقول له: أنت اشتريت إيه؟ فترة من فترات المعارض مش متذكر امتى، لقيت أن غالب الشباب بيشتري روايات، كتب مترجمه، كتب في نقاش في علم الكلام. أنت متخيل شاب ويكون في جامعة في ظهر شبابه، اللي هي المرحلة اللي هو كده كده ينتكس بعدها أصلاً، المفروض يستغلها عشان هو كده كده هيدخل في الدنيا وهيدخل وهيتجوز وهيدخل بقى مرحله الوحش وبقى لو شفته تاني.

فالفترة دي هي فترة البناء الإيماني الجذري، اللي ممكن يفضل عايش على ذكريات الإيمان ده طول عمره، يعني كتير من الناس المعاني الإيمانية اللي بفضل من الله سبحانه وتعالى تعب في بنائها في هذه المرحلة، بيظل بيقاتل أصلاً عليها غالب حياته بعد كده. فانت تضيع الفترة دي أن هو منشغل بالروايات أو كتب يعني حتى بيبني تصوراته عن الدين من المستشرقين أو من كتب في علم الكلام لأن هو كان شايف أن ده اللي حاصل فيه الخلافات ودي الخناقة الموجودة، فمش هينفع يقعد من غير سلاح في الخناقة دي، وعايز يدخل يشارك بأي حاجة، عايز يدخل يساهم باي يعني باي يعني بالنسبة له الكتب دي عامل زي الايه زي المطوة في الخناقة كده هو عايز أي حاجة تساعده للاشتباك في هذا المعترك. أنا لا أتكلم الآن عن تقييم هذه الكتب، أنا مش بتكلم الآن عن تقييم الروايات ولا تقييم الكتب وترجمة مش بتكلم على ده، أنا بتكلم أنت ده غالب قراءتك واهتمامك في هذه الفترة؟

أنت عدى عليك السنوات ديت سنوات الجامعة وبعد الجامعة عدت عليك هذه السنوات وأنت ما قراتش أي القران، ما قراتش كتاب أو كتابين ثلاثة في سيرة النبي صلى الله عليه وسلم، ما قراتش كتاب أو كتابين ثلاثة في خصائص وشمائل النبي صلى الله عليه وسلم، ما تبنيش في الأسماء الحسنى وعيشتها، ما مررتش مثلاً على كتاب في الفقه، أنت الأساسيات عندك في الدين ما تعبتش في بنائها، ما عشتش مع اسم اسم من أسماء الله، ما عشتش كده مع اسم الله الهادي، كنت لسه بقرا كده حديث... كنت بحضر حاجة عن الاستهداء بالله وأن غياب هذا المفهوم بالرغم أن أظن ذكرت ده في البصيرة في مصائب غزة الدرس اللي فات أن الدعاء الذي اصطفاه الله لنا ولا تصح الصلاة بدونه: ﴿اهْدِنَا الصِّرَاطَ الْمُسْتَقِيمَ﴾ [الفاتحة: 6]. كيف يغيب مفهوم الاستهداء عنك؟

فالمهم كنت بجمع آيات وأحاديث في المعنى ده فتذكرت حديث غلام الأخدود، الغلام بيروح للراهب وبيروح للساحر طيب ما فيش مصدر ثالث، هو هو مش مقتنع دلوقتي بالساحر ويميل إلى الراهب، بس هو عايز حد يفصل له، يعني عايز حد ياخد هو غلام، عايز حد ياخد له قرار، اترك الساحر حتى لو هتموت وانتقل إلى الراهب طب يسال مين؟ ما فيش طرف ثالث يروح له، يعني ما فيش شيخ يروح يقول له: اسمع ده ولا ده. الناس اللي بتقول لك: أصل انا مش لاقي حد أسأله، الغلام عمل ايه يا جماعه؟ الغلام الموضوع كأول حاجة الموضوع شغله قضية الهداية.

شغلاه قضية الوصول إلى الله، شغلاه، ده رقم واحد. رقم اثنين: أول ما وجد دابة عظيمة سدّ طريق الناس قال: اليوم أععلم أنا إن شاء الله النهارده أعرف أمر الراهب أحبّ إلى الله؟ شوف ربنا بيحب إيه مني لعل ممكن. وده ذكره شيخ الإسلام وأظن قلته كتير في تفسير: ﴿وَمَنْ أَحْسَنُ دِينًا مِّمَّنْ أَسْلَمَ وَجْهَهُ لِلَّهِ وَهُوَ مُحْسِنٌ﴾ [النساء: 125].

تكلم شيخ الإسلام في قضية أن أحسن ديناً بتاعة شخص تختلف عن شخص آخر، وأن هو فلان يطلب منه من الطاعات غير ما يطلب من فلان، ليه؟ لأن زي ما قلت تكاليفه تختلف، والحاجات اللي تلبس بها سواء بالأموال أو بالعلاقات تختلف. فالشاهد أن يكون سؤالك: ماذا يحب الله مني؟ الغلام بيقول: اليوم أعلم أمر الراهب أحب إلى الله أم الساحر؟ وأخذ حجراً وقال: اللهم -ده المعنى اللي أنا عايزك المعاني اللي أنا عايزك تعيشها- اللهم إن كان أمر الراهب أحب إليك من أمر الساحر فاقتل الدابة حتى يمضي الناس. فرمى الحجر فقتل الله الدابة ومضى الناس. فخلاص، اختار الراهب حتى لو بعد كده يعني حصل له أذى.

انظر إلى هذا المعنى، قال: اللهم إن كان أمر الراهب أحب إليك من الساحر فاقتل الدابة. فقتل الله الدابة ومضى الناس. أنك أنت ازاي الفترات دي تعدي عليك معاني يعني هقول لك على حاجة، النبي صلى الله عليه وسلم الحديث لما قال في ختامه: «فضلت بالمفصل». أنا لما أسألك أن كتير من المساجد بتصلي بالمفصل، ما علاقتك بالمفصل؟ المفصل اللي هو خواتيم القرآن من أول ق أو الحجرات أو أياً كان الخلاف، هذه السور ما علاقتك بها بفضل الله؟ في ناس كتير حافظاها، طيب كويس، وبعد الحفظ يعني قعدت قد إيه تعايش هذه السورة؟ هذه السور زلزلت الصحابة.

هذه السور جعلت الصحابي يتخلي عن الزنا والخمر بكل سهولة جداً، لو كان أول ما نزل «لا تشربوا الخمر» لقالوا: نترك الخمر أبداً، فلما نزل المفصل ونزل بعد ذلك تحريم الخمر تركوا الخمر بسهولة. يعني هذه الآيات اللي في المفصل بفضل الله سبحانه وتعالى نجحت مع صحابة النبي صلى الله عليه وسلم أن هي تمهد الصحابي للتخلي عن أي شيء في سبيل الله. يعني لو أنت عايز بالتعبير بتاعنا عايز تسفلت نفسك، تكون مؤهل أن بكل سهولة التكاليف الشاقة تعملها بسهولة، المفصل بفضل الله فيه ذلك. فضل النبي بالمفصل، أنت متخيل؟ يعني ده شيء عظيم.

إيه علاقتك؟ إيه علاقتك بالمفصل؟ إيه علاقتك بسور القرآن؟ علاقتك بالنبي صلى الله عليه وسلم؟ ما مدى معرفتك للنبي؟ مدى معرفتك للنبي صلى الله عليه وسلم؟ تفاصيل حياة النبي صلى الله عليه وسلم يا جماعة هو ده اللي بتبذل فيه الأعمار دي، الحاجات اللي تبني إنسان حقيقي. لذلك وننتقل بعد ذلك للنقطة الثانية، يبقى النقطة الأولى أنت محتاج تعيد الأزمنة ديت، خلت الواحد يقعد يعيد مفهوم والخناقات اللي كانت موجودة راحت فين، والنقاشات اللي كانت موجودة والمعارك الزائفة، وفي أمسية بالعنوان ده: المعارك الزائفة، اللي للاسف ناس عاشوها وعاشوا كتير من المتابعين فيها، أين هي الآن؟ ظهرت الحقائق، عرفنا صلب الدين.

أنا لما عايزك ترجع تقرا الآية دي تاني مع نفسك كده: ﴿لَيْسَ الْبِرَّ﴾ وترجع تقرا كده تفاصيل الآية، يعني لما الآية بتقول لك: ﴿وَلَكِنَّ الْبِرَّ﴾ اللي عمل إيه؟ قضية الإيمان وتفاصيل الإيمان. قرأتَ؟ هل قرأتَ كتاباً عن الإيمان بالملائكه؟ يعني الكلام عن الملائكة ممتع، يعني الكلام عن الملائكة أولاً بينقلك إلى عالم آخر، تاني حاجة بتعرف شرف المؤمن عند الله سبحانه وتعالى. يعني أنت أحياناً مابقاش فاهم قد إيه الإنسان ده غالي عند الله سبحانه وتعالى، لكن هو أحياناً بيختار ينزل إلى أسفل سافلين. أنت شوف كم الملائكة اللي بيحيط بها الإنسان، أنت ممكن تنظر للملائكة أو حتى للعبادات، أنا كنت لسه بتكلم مع ابني فيه جت سيرة الغيبة، فبقوله: لا ده بلاش كده عشان ده يعني. قال لي: ما هي فيه. قلت له: ما هي دي الغيبة بيتكلم عن حد. فقلت له: ما هي دي الغيبة وممكن ياخد من حسناتك. فقال لي: ليه؟ قلت له: طب أعكسها أنت دلوقتي صحابك قاعدين وبيتكلموا عنك وقاعدين بيضحكوا، لما الله ياخد من حسناتهم عشانك أنت، ما تبقاش مبسوط؟

فالانسان لما ينظر إلى الملائكة أو للعبادة نظرة مختلفة، يعرف هو قد إيه كريم على الله سبحانه وتعالى. فركن الإيمان بالملائكة مثلاً موجود هنا: ﴿وَآتَى الْمَالَ عَلَىٰ حُبِّهِ﴾ [البقرة: 177]. إيه الحاجات اللي أنت كنت بتحبها وسبتها عشان ربنا؟ يعني ربنا أثبت هو هو بيحب المال، في حاجات انت بتحبها طبيعي أنا بحبها. الراجل قال اللي ربنا حرك له الصخرة قال: فقمت مع -هي حرام- فقمت عنها، المرأة وهي أحب الناس إليّ، أن حاجة أنت بتحبها جداً ونزعت نفسك وتركتها لله سبحانه وتعالى. هو ده يا جماعه الحاجات الموجودة دي هي دي صلب الدين.

علاقتك بالناس إيه؟ علاقتك بذوي القربى واليتامى والمساكين؟ علاقتك بالمجتمع؟ مش أنت منغلق على طائفة معينة مثلاً صحابك أو أخ أو بتصلي معاهم في المسجد أو طائفتك وبقية المسلمين علاقتك بيهم إيه؟ ازاي أنت تحاول تكون علاقتك طيبة بعموم المسلمين؟ لأن يقيناً أنت المفروض يكون عندك الشعور ده فيهم من هو أفضل منك، حتى لو أنت مش ظاهر على ملامحه أو مش ظاهر على سمت ذلك. علاقتك إيه بيهم؟ ﴿وَابْنَ السَّبِيلِ وَالسَّائِلِينَ وَفِي الرِّقَابِ وَأَقَامَ الصَّلَاةَ وَآتَى الزَّكَاةَ وَالْمُوفُونَ بِعَهْدِهِمْ إِذَا عَاهَدُوا وَالصَّابِرِينَ﴾ [البقرة: 177] ما قالش: والصابرون، وإن شاء الله نبقى نشرحها في سوره البقرة- ﴿فِي الْبَأْسَاءِ﴾ حاجات بيتعرض ليها الإنسان في لحظة، ممكن تاتيه البأساء، قالوا: الفقر، والضراء قالوا: المرض. حين البأس قالوا: القتال. ومن اللطائف اللي قرأتها هنا قالوا: حين البأس أن ربنا ما قالش وفي البأس بالرغم قال: البأساء وقال الضراء وجا عند البأس قال: حين البأس، كأنه ربنا يهون ويقصر في عينك وقت الحرب، أن هو حين وقت معين إن شاء الله هو يذهب حتى لا تستطيل أوقات الحرب، لأن أوقات الحرب الإنسان يستطيل أوقات الحرب، يعني ممكن الإنسان يجلس لسنوات بغير حل الحرب، وتكون حرب مثلاً ست شهور ست أشهر، فيظن أن الحرب استهلكت عمره كله، فربنا بيهون عليك هذا الأمر، أصبر.

الله سبحانه وتعالى: ﴿أُولَئِكَ الَّذِينَ صَدَقُوا﴾ [البقرة: 177]، هم دول الذين صدقوا. القرآن يربي على العمل، وده الفارق من الفروق الجوهرية، كنت بدور كده ما بين نظرة الإسلام والفلسفة، الفلسفة غالب كلامها كلام تجريدي، الإسلام لا كلام مبني على وحي، لأنه يعتمد أن الحكمة تأتي من خارج الإنسان وليس من داخله زي بعض الفلسفات، وفي نفس الوقت تدفعه للعمل. يعني حتى لما بعض الناس كان بيسال أسئلة هتجنن الكلامي، النبي صلى الله عليه وسلم قال: «اعملوا فكل ميسر لما خلق له». كان يغضب النبي صلى الله عليه وسلم الخوض في مثل هذه الأمور، يتكلموا في القدر، يغضب النبي صلى الله عليه وسلم وقال لهم: «اتجاهوا إلى العمل». أنت لو قعدت في الملف ده وتفتحت أنت ليوم القيامة مش هتحله، يعني هو القدر قدرة الله وسر الله أنت هنقعد بقى على الملف ده وأنت تقول وأنا أقول وأنت تجيب شبهة وأنا أجيب رد وأنا أجيب شبهة وأنت تجيب رد، ونقعد نلعب اللعبة دي لغاية لما الأمة تنشغل عن العمل.

ده ده في القضايا الكلامية، وقضية القبلة حتى أن هي قضية مركزية، طب خلاص مش القبلة انتقلت وأثبت ده ورديت الشبهة، وثلاث مرات تاتي الآيات بالتوجه إلى القبلة، طيب مش ده حصل؟ طيب بالرغم من ذلك، خلاص حط حط بقى المكان الأمر ده في موقعه وانطلق في بناء دينك، انطلق في بناء إيمانك، بلاش تعطل عند قضية واحدة من قضايا الدين.

لذلك، ودي بقى البصيرَة الثانية -يعني البصيرَة الأولى أن أن تعيد تصوراتك عن العلم، عن الإيمان، عن التصور اللي كان ممكن يكون ساذج عند بعضنا أن هو يتكلم ببعض أن العلم بالنسبة له أن يتكلم في بعض الدقائق الجزئية التي لا يعرفها إلا خواص طلبة العلم وأنه مصمم يخوض في هذه القضايا، ولو ما تكلمش في القضايا دي ليس معناه أنا لا أقول أن هذه ليست من الدين، بالعكس نريد متخصصين في هذه القضايا لأن احنا برضه عايزين توازن، ليس ليس الغرض أن احنا بقى نروح للكتب اللي بتتكلم في دقائق العلم ونولع فيها نقول لهم يا جماعه الكتب دي ما عادش ليها دور، لا لا مش ده الغرض، بالعكس دي مهم وجودها، لكن كل شيء بحسبه، دي تخصص في فين؟ أين تطرح هذه القضائية؟ ولمن؟ ومع من؟ ومتى؟ هذه الأسئلة بتحدد-.

لكن أنا أتكلم أن في مركزيات، أين هذه المركزيات في الدين من حياتك من مبنى الإيمان بناء الإيمان بتاعك؟ سؤالين ثلاثة هو إيه خطورة -خليني أقول لكم على حاجة- ليه ظهر فكرة من فترة كده ألاقي أخوة وأخوات ببعثوا يقول لك احنا تضحك علينا؟ هي تضحك عليكم ليه؟ أنه مثلاً اختيار فقهي في اللحية في النقاب مش عارف إيه، خلاف مثلاً عقدي في جزئية، هو لما اكتشف أن المسألة دي فيها خلاف حس أن دينه ينهار. أنت معنى كده أن كان دينك عبارة عن مسألتين ثلاثة؟ يعني معنى كده أن أنت المفروض إنسان لما بيحصل له حاجة زي كده، يفزع للمحكمات لا المتشابهات، يفزع للمحكمات ده لو افترضنا أن هي متشابهات أصلاً. طيب هو أنت للدرجة دي ما عندكش محكمات تفزع إليها ثابته في حياتك؟ يعني حالة الهلع ديت معنى كده أن هي بتدل أن مبنى الإيمان بتاعك أجوف، أن هو مش ما فيش فيه مش صلب. فين المبنى الضخم؟ فين كمية المحكمات المبثوثة في الشريعة؟ أين هي؟

جماعة، المتفق عليه في الشريعة ضخم جداً، هي الكتب عشان بتشرح لك الخلاف فالناس بتقف عند هذا الخلاف وتظن أن هذا هو الدين. لا، كم المحكمات ضخم، أين هو في حياتك؟ لذلك ننتقل البصيرَة الثانية.

ذلك البناء القراني قبل ما يتكلم في الجزئيات ركز على التغيير الجذري الأول، بمعنى وعلي فكرة وهي دي نفس الخطة الشيطانية، نحن بنظن أن الشيطان عايز منك نظرة حرام أو كذا شيء وطبعا أنت بتبقى عايز نفس اللي هو عايزه في الاول، عايز إيه؟ حاجة حرام صغيرة، فانت بتظن خلاص وهتوصل، ويكون هدف الشيطان أبعد من ذلك. الشيطان يريد أن يغيّرك تغييراً جذرياً، لكن هو بيستعمل الخطوات دي لذلك هي اسمها خطوات الشيطان.

نرجع نتكلم الأول عن القرآن وبعد كده نتكلم عن الشيطان. قلت: القرآن حينما غير الصحابة -وده سؤال أرجو أن كلنا نسأله نفسنا: كيف غير القرآن الصحابة؟- يعني عايزك تتخيل كده الصحابة قبل القرآن وبعد القرآن، الوحي عمل فيهم ايه؟ طبعا بوجود النبي صلى الله عليه وسلم، لأن كان خلقه القرآن صلى الله عليه وسلم، بوجود النبي صلى الله عليه وسلم بينهم وتطبيق القرآن، كان يرون القرآن حياً بين أظهرهم أي الوحي غير لهم إيه؟ يعني في واحد يقول لك إيه: أنا سمعت درس أثر فيا وخليني أعيط، تمام. في واحد يقول لك: أنا سمعت درس قلب لي دماغي كنت مثلاً كنت شايف الغرب بصورة بعد الدرس عرفت حقيقة الغرب مثلاً. يعني ممكن واحد يقول لك أنا في درس أو في حلقه شفتها قلبت لي دماغي ليه؟ أنا كنت شايف فلسطين بصورة، الدرس ده عمل لي إضاءة على قضايا خلتني أنظر القضية بصورة مختلفة تماماً. يبقى في أفكار مغيره في كلام بيغير طبيعة مسيرة الإنسان تماماً.

هكذا فعل القرآن. القرآن غير في الصحابة على مستويات متنوعة، مش مش مثلاً قال لهم ده غلط هنسيب الغلط ده ونعمل الصح، لا قبل ما لذلك أنا قلت الحديث أم عائشة أول ما نزل أول ما نزل من القرآن المفصل فيه ذكر الجنة والنار حتى إذا ثاب الناس.

القرآن غير على إيه؟ على مستويات إيه؟ مستوى التصورات، وده ذكرته كتير بقى. مستوى التصورات، مستوى الانتماء. يعني الصحابي قبل البعثة أو بعثة النبي صلى الله عليه وسلم عايز تتخيل كده واحد يسمع عن حضارة فارس وعن حضارة الروم وهو مش يعني الحضارة اللي هو فيها بسيطة شوية، بتعتمد على اللغة أكثر، الآخر آفاقه في النظر حاجات بسيطة: الخيمة، الجمل، بعض الحروب، يعني هذه الحدود. فلما ياتيه وحي يحدثه عن لحظة: ﴿وَكَانَ عَرْشُهُ عَلَى الْمَاءِ﴾ [هود: 7]، وحي يقول له: ﴿إِنِّي جَاعِلٌ فِي الْأَرْضِ خَلِيفَةً﴾ [البقرة: 30]، وحي بيتكلموا عن أخذ الميثاق لحظة الميثاق، وحي بيكلموا عن الفطرة، وحي بيكلموا عن الخلود، وحي بيكلموا والنبي صلى الله عليه وسلم بيكلموا عن لحظة الموت فيها يذبح.

أنت متخيل الصدمة اللي حصلت في النقلة للصحابي اللي حصل فيها العرب؟ وكان ليهم انتماءاتهم. تخيل لما يأتي الوحي ويرفع انتماء انتمائه إلى المسلمين أعلى من انتمائه لقبيلته، وبيقول له: هيحصل تعارض. ويقول له: ﴿قُلْ إِن كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُوا﴾ [التوبة: 24]. إيه ده؟ القرآن غير له أولوياته، غير له همومه، غير له أحب، غير له مشاعره، غير له انتماءه. أنت متخيل التغيير؟

والصحابي استجاب، يعني مش مش الكلام كان بيجي والصحابي بيسمع زي ما احنا بنعمل مثلاً كده ونزحلق الكلام لا، الصحابي اتغير. الصحابي كان ممكن يشوف يرى أخاه في الحرب ويروح يقول له: اقتله! والآثار كثيرة يعني قضية الولاء والبراء في المعارك لدينا.

من التراث الإسلامي في هذا الأمر قصص عظيم؛ في الأمر ده إزاي كانوا يقدمون حب الله وحب النبي صلى الله عليه وسلم على ذويهم، بل على أنفسهم. قال: «الآن يا عمر» النبي صلى الله عليه وسلم قال لسرنا عمر: «حتى أكون أحب إليك من نفسك»، قال: أنت أحب إلي من نفسي، قال: «الآن يا عمر». أنت متخيل التحول اللي حصل على مستوى تصوراتهم، على مستوى همومهم ومشاعرهم وأفكارهم، على مستوى انتمائهم، على مستوى، وده معنى عايزك تعيش به تعمل به.

الواحد لما بيتفرج على الأحداث اللي في غزة، واحد مثلاً فقد بيته، وممكن واحد هو بقى اللي ضحى يعني في واحد قدراً راضي بقدر الله سبحانه وتعالى، في واحد هو اللي ترك بيته، يعني في واحد ففضل قاعد في بيته متمسك بالأرض فحصل القصف فخسر البيت فقال: إنا لله وإنا إليه راجعون. في واحد هو اللي ترك بيته مجاهدا في سبيل الله ﴿وَمَن يَخْرُجْ مِن بَيْتِهِ مُهَاجِرًا إِلَى اللَّهِ وَرَسُولِهِ ثُمَّ يُدْرِكْهُ الْمَوْتُ فَقَدْ وَقَعَ أَجْرُهُ عَلَى اللَّهِ﴾ [النساء: 100]. إيه اللي يصبر الإنسان إنه يسيب كل حاجة؟ أنا محتاج وعد، وعد يصبرني على هذا الأمر. في واحد يقول لك: أنت عايزني أضحي بأغلى فترة من شبابي للدين؟ لا، أنا يعني ممكن يعني أدي أغلى فترة من شبابي للدنيا وبعد كده أبقى أدي للدين. تمام، أنا بتكلم على التضحيات، وهذا لا يشترط كل الناس يقدمه، كثير من الناس ينجح في التوازن، مش ده اللي أنا قصدي عليه، أنا بتكلم على شخص قرر أنه يضحي لأجل دين الله سبحانه وتعالى.

طيب، هو بعد وقت بتيجي ناس تلومه ولا يخافون دائماً بعد الجهاد بيجي لوم ﴿وَلَا يَخَافُونَ لَوْمَةَ لَائِمٍ﴾ [المائدة: 54]. هو إيه اللي مصبره؟ اللي مصبره إنه هو منتظر وعد الله سبحانه وتعالى. أنا عايزك بقى تعمل خاتمة تبحث عن وعود الله لأهل الإيمان في القرآن ﴿رَبَّنَا وَآتِنَا مَا وَعَدْتَنَا عَلَى رُسُلِكَ﴾ [آل عمران: 194]. الآية دي جميلة قوي في ختام آل عمران، بعد التدبر والتأمل في الخلق اللي في خلق السماوات والأرض، ختمت يا رب لا تخزنا يوم القيامة، ويا رب الوعد اللي أنا صدقته وضحيت عشانه دهوني يا رب. أنت متخيل أن شخص عنده وعود الرحمن وعنده وعود الشيطان؟ وعود الشيطان غرور ﴿يَعِدُهُمْ وَيُمَنِّيهِمْ وَمَا يَعِدُهُمُ الشَّيْطَانُ إِلَّا غُرُورًا﴾ [الإسراء: 64]. وزخارف ويقعد يضحك عليك وتفاجأ أن عمرك يقول لك: اعمل كذا عشان عمرك، واعمل كذا عشان عيالك، واعمل كذا عشان زوجتك، واعمل كذا عشان نفسك، واعمل كذا، وقاعد بيديك وعود، فأنت قاعد ما فيش حد بيقدم شيء إلا ما يكون منتظر وعد معين، يعني أنا لو حد وعدني إن دي مثلاً سلعة تستحق أنا هدفع فيها، إن عمرك يستحق، سنة من عمرك تستحق كذا يا جماعة أنتم متأكدين؟

آه، في ناس كتير ضحت من عمرها بسنة عشان تتعلم كذا، يعني الأمر يستحق؟ آه، فأنت لأجل هذا الوعد أنك هتدفع سنة من عمرك عشان السنة دي هتتعلم شيء معين هتعمل ده. طيب أنا هدفع من عمري لدين ربنا؟ أنا هضحي من عمري لدين الله سبحانه وتعالى؟ لازم لازم أكون ممتلئ بهذه الوعود الربانية حتى لا أندم، أنا ما ضحيت عشان فلان قال لي ولا عشان شيخ ولا عشان مربي، لا، أنا ضحيت لأجل وعد الله سبحانه وتعالى الذي انتظره، أنا عايش عشانه أصلاً، أنا منتظر هذه اللحظة لتحقيق الوعد التي قد تأتي يوم القيامة فنقول: ﴿قَدْ وَجَدْنَا مَا وَعَدَنَا رَبُّنَا حَقًّا فَهَلْ وَجَدْتُم مَّا وَعَدَ رَبُّكُمْ حَقًّا﴾ [الأعراف: 44]. المؤمن عايش عشان اللحظة دي يا جماعة، المؤمن عايش قضية الوعد.

أنت لما تجمع الوعد هتلاقيها في الدنيا وفي المعارك في القرآن ويوم القيامة، زي في سورة الأعراف أول ما بيخش الجنة يقول: أنا وجدت وعد ربنا إن أنا كنت عايش عشانه، الناس كانت بتتريق علي وتقول لي أنت أنت خسرت، لا، أنا فزت، الناس كانت تسخر مني، أنا فزت، وجدت ما وعدني ربي حقاً. فالقران يملأ بهذه الوعود ويحول هذه الوعود إلى يقين، فبالتالي أنت بيكون قضية التضحية عندك قضية هي نابعة من ذاتك، مش مجرد أن فلان ضغط عليك وفلان قال لك، وتلاقي واحد يقعد يستشير كتير، وتكلمت أنا في الموضوع ده كتير جداً، أن هو عايزك أنت اللي تاخد له القرار أو أنت اللي تاخد له الاختيار، لا، هو اختيارك أنت، أنت لم تمتلئ بعد بهذه الوعود الربانية. أنت لما، لذلك ربنا قال في سياق سورة النساء بعد ﴿يَعِدُهُمْ وَيُمَنِّيهِمْ﴾ [النساء: 120] قال بعد ربنا قال إيه؟ ﴿وَمَنْ أَصْدَقُ مِنَ اللَّهِ قِيلًا﴾ [النساء: 122]. أنت هتصدق ربنا ولا صدق الشيطان؟ أنت هتصدق مين؟ فالذي امتلأ بهذه الوعود تخرج منه الطاعة تلقائياً، خلاص يا جماعة، الجوارح هنا هي اللي بتعمل عند هذه النفس التي تشبعت واطمأنت بوعد الله.

لذلك لما تيجي تقرا سوره الفجر بالمعنى ده، اقرأ كده سورة الفجر بالنفس التي اطمأنت بالطاعات، أن في نفس اطمأنت بقرم ذات العماد وذي الأوتاد اطمأنت بهذه الأمور، فزالت عنهم هذه الأمور، أما النفس المطمئنة بالفجر وليال عشر والشفع والوتر إذا يسر، هذه التي اطمأنت بهذه الأمور يققال لها يوم القيامة: ﴿يَا أَيَّتُهَا النَّفْسُ الْمُطْمَئِنَّةُ * ارْجِعِي إِلَى رَبِّكِ رَاضِيَةً مَّرْضِيَّةً * فَادْخُلِي فِي عِبَادِي * وَادْخُلِي جَنَّتِي﴾ [الفجر: 27-30]. إنما إنما الذين اطمأن بالدنيا، فأول ما زالت عنهم الدنيا قال ربي أهانن على طول، أن هو ما كانش ﴿وَمِنَ النَّاسِ مَن يَعْدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ﴾ [الحج: 11] بالخير لا بالله، الخير هنا الدنيا لا بالله. فأنت مطمئن بإيه يا جماعة؟ الدنيا الواحد لما بيتفرج على أحداث العالم، زلزال هنا وتسونامي وعاصفة وقتال وقصف، ليس في الدنيا أمان إلا بالله. اللي قاعد مطمئن الدنيا في لحظة ممكن تتغير، دنيا دوارة ﴿وَتِلْكَ الأيَّامُ نُدَاوِلُهَا بَيْنَ النَّاسِ﴾ [آل عمران: 140]. لابد أن يكون الأمان بداخلك أنت متصل بالله سبحانه وتعالى، اللي منتظر دائماً الأمان من الخارج، الخارج متغير، ممكن تنتقل من مكان لوظيفه، أي أي شيء ممكن يتغير، أي شيء مهما كان ممكن يتغير. الواهم هو اللي يقول: ﴿مَا أَظُنُّ أَن تَبِيدَ هَٰذِهِ أَبَدًا﴾ [الكهف: 35] ده واهم، ده عايش في ال، هذه وعود الشيطان ﴿مَا أَظُنُّ أَن تَبِيدَ هَٰذِهِ أَبَدًا﴾، هذه وعود الشيطان. إنما المطمئن بالله سبحانه وتعالى هو اكتسب الطمأنينة من داخله، من اتصالي بالله سبحانه وتعالى.

فأنت الأزمة دي اللي احنا عايشينها الآن مع إخواننا في غزة محتاجة تخليك تعيد تفكير في حياتك، أنت مكتسب الطمأنينة منين؟ من وظيفة ممكن تروح؟ من واقع ممكن يتغير؟ أي شيء قابل للتغير لابد أن تكتسب الطمأنينة بالله وحده سبحانه وتعالى.

يبقى إذا البناء القراني كما قلت بناء مختلف، أنه ليس لم يبدأ القرآن بالبناء الفرعي، بدأ بالبناء الجذري، محكم، أقصى القضايا، وضع حجم ضخم للدار الآخرة. يعني أنا عايز أقول لك لسه أخ والله ربنا يجزيه كل خير بعت لي يعني هو عايش كده مع جزء عمة فبعت لي بعض مشاعره عن جزء عمة، كلام يعني أنا قرأت الكلام اللي هو أرسل وكأني لم أقرأ جزء عمة من قبل، يعني هو بيصف جزء عمة كأن جزء عمة يعني ماسك انسان كده وقاعد بيقوف، هم طريقين هتختار إيه؟ فوق هتختار إيه؟ مافيش، القرآن خلاص عارف، هو بيصور المشهد كأن القرآن بيخلص وأنت هتختار إيه؟ طريق أصحاب اليمين ولا أصحاب الشمال؟ هتختار إيه؟ أنت أنت هتمشي في أنهي مسار؟

فالقران من أول لحظة بيبي بيضع على عتبه الاختيار، هتختار ده ولا ده؟ أنت لازم تختار الطريق، مش وجدت الناس كده ومشيت معاهم، لا، أنت اخترت إيه؟ تتخيل القرآن لما يعمل لك الصدمة دي لو أنت بتتدبر هذه المعاني؟ فالبناء القراني بناء محكم، بناء جذري، بيغير في تصوراتك، في همومك، في انتمائك، في الوعود التي تصدقه.

طيب، يبقى إذا لما نجي نتكلم في مسربة ربنا وآتنا ما وعدتنا على رسلك، وإن كان بعض المفسرين ومنهم الإمام الطبري يرى أن ما وعدتنا على رسلك أي من النصر في الدنيا، وقال: وده معنى جميل، وقد يعني كل واقع في حياتنا الآن أن لما استطالوا الحرب طلبوا أن هم يروا وعد الله سبحانه وتعالى، هم مصدقين، لكن منهم فريق يريد أن يرى وعد الله سبحانه وتعالى حتى لو هو اللي مش هيرا، يعني الجيل اللي دافع معاه يرى هذا النصر، نصر الله سبحانه وتعالى، فنسأل الله سبحانه وتعالى أن يرينا النصر على أعدائنا.

إذاً أحبتي في الله، مسألة الفارق بين اللي عايش على وعود الرحمن واللي عايش على الوعود المزخرفة، في واحد حياته كلها مبنية على الوهم، يعني حياته كلها على أوهام، ثم الخطر، خد بالك مثلاً أصحاب الجنة في سورة القلم الوهم أفاق عليه في الدنيا، يعني يعني قالوا يعني ندموا في الدنيا على خلاف، هل الندم ندم توبة أو غير ذلك؟ المهم حصلت الصدمة في الدنيا، تمام، قال: ﴿أَلَمْ أَقُل لَّكُمْ لَوْلَا تُسَبِّحُونَ﴾ [القلم: 28]. في ناس لن تفيق إلا على الخطاب الشيطاني في جهنم، إن الله، عشان كده بقول لك اعمل خاتمة على قضية الوعد، مثلاً: ﴿إِنَّ اللَّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ﴾ [إبراهيم: 22]. يبقى الحياة وعدين، أن في كل حاجة على فكرة أنت عايز تطلع لله، وعد من الرحمن، وعد من الشيطان على طول، وشكل بتعمل ايه؟ وده هيحصل لك كذا وكذا وكذا وعد الرحمن ربنا يخلف عليك ويعطيك في كل خطوة، أنت عايز تنزل تصلي الفجر وعود من الرحمن في ذمة الله والممشين في الظلم بنور التام يوم القيامة، وعود من الشيطان اقعد واستريح واليخليك تعمل كده.

في كل اختيارات حياتك كده، شغلانة حلال ولا حرام؟ شغلانة حرام، وعود من الشيطان هيحصل لك فيها كذا وتحذيرات من الرحمن. الحياة وعود من الرحمن وعود من الشيطان. إن الله، شوف الخطاب، يعني زي ما قلت لك أحياناً ممكن نفهم الدين من أعدائنا، لما يكون عدوك مركز قوي معاك وأنت مش مركز قوي، فتنظر إلى خطاب عدوك، يعني أحياناً بتعرف الأبطال من تركيز عدوك عليها، فأحياناً بتعرف المركزيات اللي عندك من، يعني مثلاً لما الكفار يقول: ﴿لَا تَسْمَعُوا لِهَٰذَا الْقُرْآنِ وَالْغَوْا فِيهِ﴾ [فصلت: 26]، هم موضوع القرآن واخدينه كبير كده لأن هم عارفين أثر القرآن.

أنت ممكن تبحث في القرآن عن والقران والسنة والسيرة اهتمام المشركين بصد الناس عن الوحي، أقول لك مثال مثلاً، أنا بقول لك الفكرة اللي بقول لك أحياناً بتعرف قيمة الشيء من اهتمام عدوك به، أقول لك على حاجة، قيام الليل النبي صلى الله عليه وسلم بيقول: «يعقد الشيطان على قافية أحدكم إذا هو نام ثلاث عقد، يضرب على كل عقدة: عليك ليل طويل فارقد». أنت دلوقتي داخل تنام خلاص، داخل تنام، شيطان يعمل إيه؟ شيطان جاي جري ويعمل العقدة الأولى ويربطها ويضرب، تحس تقول أنت بتعمل إيه؟ أنا مش هقوم، يعني أنت كبر الموضوع أصلاً، يعني أنا يعني الموضوع أبسط من كده، ثلاث عقد، أنا أصلاً أنت لو عملت كده أهو بتف، كده مش هقوم، فانت تفهم هو فاهم خطورة، جايز تقوم، جايز هو فاهم خطورة قيام الليل «يعقد الشيطان على قافية أحدكم ثلاث عقد إذا هو نام يضرب على كل»، إيه ده هو فاهم قيمة قيام الليل؟ هو فاهم خطورة قيام ال، قيام الليل ممكن يجيب لك حياتك، قيام الليل غير الصحابة. فانت أحياناً بتفهم قيمة الشيء من عدوك، فأنا عايزك تدرس هو الشيطان بيعمل إيه؟ الشيطان بي معان إيه؟

جماعة، الشيطان كان، ده كان نفسي أقوله في درس تاني بس سريعا كده، الشيطان طبعا بعد ما بيدرسك وشرحت درس أجوف هو عارف مناطق، يعني عارف إيه المشاعر اللي بيضغط عليها، وبيبدا يعرف أن في أماكن لما بيضغط، ﴿إِنَّمَا اسْتَزَلَّهُمُ الشَّيْطَانُ بِبَعْضِ مَا كَسَبُوا﴾ [آل عمران: 155] في أماكن لما بيضغط عليها، الأماكن دي تؤلمك وعارف أن هو يعرف يجيبك من ده، هو عارف أن شعور الخوف عندك على الرزق مثلاً هو ده الشعور اللي لما هيضغط عليه أنت هتستجيب لأي حاجة ﴿الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ﴾ [البقرة: 268]. الشيطان بيضخم جداً الدنيا، هي دي حب الدنيا وكراهيه الموت، أكبر لعبة بيلعبها شيطان هي القضية دي، قضية تضخيم الدنيا وهي دي المدخل اللي دخل له على طول سيدنا آدم: ﴿هَلْ أَدُلُّكَ عَلَى شَجَرَةِ الْخُلْدِ وَمُلْكٍ لَّا يَبْلَى﴾ [طه: 120] هو بيكلمك عن الخلود والبقاء ولازم تعمل كذا عشان بكره. أكبر لعبة بيلعبها على الكرة الأرضية هي لعبة زخرفة الدنيا، ولذلك أكبر خدعة اهتم القرآن بكشف زيفها هي زخرفة الدنيا، هو القرآن بيضاد الشيطان، بيضخم لك مشاعر فتبقى المشاعر دي ضخمة فانت تحافظ عليها، فيضخم لك شعور الخوف ويضخم شعور الهلع ويضخم هذه المشاعر.

فتجد مثلاً أنت قاعد تبكي مع أن الموضوع ما يستحقش، قاعد مش متقبل اللي بيحصل في غزة، رافض داخليا وخارجيا وعقليا ومنطقيا رافض اللي بيحصل، وبعض الناس والعياذ بالله يصل إلى قضية الإلحاد ورافض اللي بيحصل لأن هو معظم هو هو محتاج ضبط زوايا، هو مش شايف، أنت ما تقنعهوش، هو محتاج تلقي للقرآن يعدل له مشاعره، متركبة غلط، كل حاجة أتركبت غلط، شعور الخوف، شعور الدنيا، شعور الدار الآخرة، الحاجات دي عنده غلط، أحجامها غلط، محتاج يعيد ده تاني، فليه القرآن بيجلب السكينة؟ لأنه يرجع الأشياء إلى أحجامها الطبيعية، فخلاص شعور الخوف اللي كان متضخم جداً خوف من المستقبل ومش عارف إيه والناس والفزع والهلع وكل الناس ماشية في اتجاه، فتكتشف هو إيه ده؟ أنا إيه اللي خلاني أفكّر كّد أصلاً؟ إيه اللي ضخم الموضوع كده؟ فالقرآن بيضاد ما يفعله الشيطان لأن مش هو هو الحاصل أصلاً، العكس الشيطان عارف.

القران هيغير فيك إيه؟ فاستبق قبل القران عشان يضع هذه الحصانة، فاذا قرات القران فاستعذ؛ لان الشيطان زي بالضبط ما هو عارف قيمة قيام الليل، الشيطان عارف أثر القران عليك، فهو عايز يعمل حواجز بينك وبين القران. يعني القران هيعمل لك ضبط، لهذا عملت درس: إعادة ضبط، القران بيعمل كده بالضبط، النقطة التي الشيطان هيضغط عليها ويتحكم فيك من خلالها القران بيعيد كل ده، فيصبح الشيطان عاجزاً. يعني الشيطان عارف لما يجي يدخلك مثلاً مدخل شهوة، مدخل كذا، هو القران والوحي قافل لك ده، فهو مش عارف يعمل لك إيه، فبالتالي ده قيمة ارتباطك وبناء المحكم من خلال الوحي.

يبقى إذا قلنا: الشيطان أهدافه جذرية، الشيطان عايزك مش بس تعصي، عايزك تتغير، لذلك التغيير الشيطاني لا يكون فقط على مستوى الإنسان، بل على مستوى الحقائق. الحقيقة لما بتتغير، يعني أنت مثلاً متمسك بشيء بتدافع عنه، لو الشيطان بدل ما يقعد يشتغل عليك طب ما هو يغير لك تصورك عن الشيء ده، فأنْت تتركه من تلقاء نفسك.

وده يعني من أهداف الشيطان مع مثلاً القادة والمتبوعين إنه يعمل معاهم إيه؟ بدل ما يحرص شياطين الإنس على قتلهم، شياطين الإنس والجن يقول لك: طب احنا نفتن، احنا لو فتننا، المسيرة كلها تنحرف. لذلك فأثر يروى عن عبيد بن عمير أنه قال -أنا مش فاكر-: ومن كثرت أتباعه كثرت شياطينه. أنت متخيل؟ كل ما الإنسان يكون أتباعه كتير، شياطينه يركزوا معه أكثر ليه؟ واحد اتبعه مليون، بدل ما يشتغل مليون شيطان على مليون تابع -هتقول لي: بس ألف واحد، الكادر كده من كوادر الشياطين بس يكونوا ألف، يعني متربين صح ويشتغلوا على القائد ده بس- الألف دول لو نجحوا مع ألف بس، لو نجحوا مع المتبوع ده خلاص، كل دول هيضلوا. نسأل الله السلامة.

فاذاً الشيطان لا يبحث عن التأثير المؤقت، لا، هو عايز تغيير، ويغير في صلب الحقائق عن تصوراتك، فبالتالي أنت ممكن تنافح عن شيء خطأ. نسأل الله السلامة والعافية، يعني مثلاً لما تيجي تشوف ناس جاهدت مثلاً لأجل الشيشان مثلاً، شوف الوقتي ممكن تلاقيه هو الوقتي بيقاتل في صف روسيا ضد أوكرانيا! بتعمل إيه أنت؟ إيه اللي وقفك هنا؟ وعلى أي أساس؟ يعني إزاي تفكيرك وصلك لكده؟ بل ممكن يجعل المسلمين يقتل بعضهم بعضاً. إزاي حصل إن سلاحك بدل ما يوجه للعدو؟ إزاي كيف تحدث الفتنة؟ يبقى الشيطان يهدف إلى تغيير الحقائق.

كذلك مثلاً تيجي قضية فلسطين، تجد أن الشياطين عايزين يغيروا المفهوم، ليه؟ لأن المفهوم لما بيذوب... كل ما يكون المفهوم صلب، التمسك بيه بيكون أقوى. يعني لو قلنا مثلاً إن التمسك بأرض بيت المقدس دي مسألة عقدية، خلاص أصبحت شيء صلب، لكن لما نقول لك: أصل هي مسألة كذا، فواحد يقول لك: إنسانية، طب مبنية على التاريخ، طب ما أنا عندي تاريخ، طب أصل الجغرافيا، طب ما أنا عندي جغرافيا والتاريخ أحسن من تاريخي وجغرافيته أقدم من جغرافيتي، طب هو اللي حولت الأمر لنوع من الذوبان! طب حقوق إنسان؟ طب هم يرفعوا قضية، طب ما احنا نرفع قضية؟

اللي عايز يسير في المسارات دي مش لازم تروح تهدمه الوقتي، لكن أنا بتكلم على إنك أنت عندك... كل ما تكون المسألة صلبة وثابتة عندك، صعب تغير. لذلك من المعارك المهمة معارك الحقائق، معارك الوعي أيضاً مهمة. إذا كون إن احنا حُرِمنا من أنك أنت تكون في المعركة على الأرض، على الأقل يا أخي انصر معركة الوعي، على الأقل لابد أن تقف لشياطين الإنس والجن من التحريف لهذه الحقائق.

لذلك كما قلت، من أهداف الشيطان بدلاً من أن يحارب الدعوات قد يغير مسارهم، ده من أخطر الحاجات. إن دعوة كانت تقف أمام شيء تحاربه، ممكن نفس هذه الدعوة تحرس الشيء اللي كانت بتتحاربه! أنت متخيل أن دعوة كانت تدافع عن شيء ثم تنقلب رأسًا على عقب؟! يبقى إذاً خطورة هذه الفتنة.

آخر شيء؛ انطلاقا من الآية أن في محكمات في الدين وخطورة أن دينك يكون مبني على مسائل، ثم دي كانت النقطه الأولى. النقطه الثانية: الفارق بين وعود الرحمن ووعود الشيطان وأهمية طريقت القران في البناء المحكم، فبالتالي انا اريدك ان تهتم بالمحكمات، لذلك مثلا انا احب لنفسي ولاخواني حتى في الدعوه انه لما يجي يتكلم في قضيه زي قضيه فلسطين أي قضية من القضايا، قبل أن يخوض مع الناس في المتشابهات، لابد أن يوصل المحكمات أولاً.

يعني دعونا نفزع إلى المحكمات أولاً؛ لأن احنا بنفاجأ مع الزمان أن المحكمات ليست راسخة مع الابتلاءات، مع التغير. دول معينة كانت بتتممنى أنماط معينة من التدين، تغيرت هذه التصورات عندهم، حصل نوع من أنواع الانفتاح السيء، تبدأ محكمات أنت كنت تظن أن هي ثابتة تكتشف أن هي مع الزمن بتتغير، لدرجه أن أحد إخواني يقول: قد ياتي زمان على الناس يخشى أحدهم أن يقول إن الخمر حرام! أنت متخيل؟ وهذا قد يحدث.

فبالتالي لابد أن نفزع إلى المحكمات وتؤصل. هسالك سؤال: أنت لما تجي تقرا مثلاً ما هي المحكمات التي رسخها القران المكي؟ انا سالت كنت في مجلس تدبر مع بعض الاخوه، فسالهم: إيه الأخلاقيات القران المكي يركز عليها؟ كناس سوره البلد. فبقول لهم: ليه القران المكي هنا بيقول إن اقتحام العقبة هو فك رقبة أو إطعام في يوم ذي مسغبة يتيماً ذا مقربة أو مسكيناً ذا متربة، ليه؟ وهل قضية الإطعام قضية متواترة في القران المكي ولا جت كده عبرة بس في سوره البلد؟

فوجئنا أن في أخلاقيات معينة زي في سوره البلد كده: ﴿وَتَوَاصَوْا بِالْمَرْحَمَةِ﴾ [البلد: 17]، أن القران المكي بيركز على معنى التراحم والتكافل. طب ده احنا مش لاقيين حاجه أصلاً! وقعدنا نحلل: ليه؟ هل مثلاً واقع الاستضعاف قد يقسو القلوب؟ هذا قد يحدث، واقع الاستضعاف قد يربي بداخل الشخص دافع الانتقام فقط، بل هذه إحدى التحليلات وأنا متوقف فيها، قرات أكثر من كتاب بحلل أن شخصية بني إسرائيل هكذا تكونت بسبب طول تعذيب فرعون لهم فنشات هذه النفسية المتمردة المنافقة الملتوية التي تريد أن تخرج من هذا التعذيب بأي شكل. قضية ليست بحثاً عن الدين، وأن ده صنع بداخلهم هذا التمرد وهذه المراوغة وهذه القسوة بسبب أن هو لم... أنا كنت دائماً بقول: لا، أنهم نجحوا، والقران أثبت وصف لهم أنهم كانوا صابرين في الاستضعاف. بعض التحليلات بعد الكتب بيقول إن ده بسبب طول تعذيبه. هل القران المكي أشار إلى هذه الأخلاقيات لهذا الأمر؟ أم قلة هذه الأخلاقيات في أوقات الصحف؟ من الذي في انتشار المجاعات يحرص على الإطعام؟

خد بالك، اللي بيطعم في وقت المجاعة ده هو مؤمن بالغيب، مش عارف إيه اللي هيحصل، يعني هو عنده شويه فلوس، عنده شويه حاجات، طب وبعدين لما يطلعها؟ طب هو ما عِنْدوش موعد المجاعة هخلص إمتى؟ ما يعرفش. فهو لما اللي بيطعم في الأوقات دي، شخص اقتحم العقبة حقيقة.

فبالتالي لما تيجي... أنا برجع لسؤال: ما هي المحكمات المبثوثة في القران المكي والمدني؟ خد بالك، كلما كان الأمر عزيزاً أو مهما ويحتاج إليه، يكون الوصول إليه أسهل، دي من سنة ربنا، زي الشمس والماء، الحاجات التي الأشياء التي يحتاج إليها من رحمه الله جعل الوصول إليه سهلا، ومنع سبحانه وتعالى أن حد يحتكرها.

فبالتالي المعاني المركزية المهمة مبثوثه في القران، ما تتصورش أن هي... ولذلك أنا كنت عامل درس اسمه: تثوير القران والمعاني المركزية. احنا دايماً لما بنيجي تثوير القران عايز اللطائف والدقائق، لا، أنا عايزك وأنت تثور معاني القران تبحث عن الأصول التي المثاني التي كررها الوحي، ده من رحمه ربنا أن المعاني اللي أنت محتاجها مش موجودة في سورة وسورة، مكررة في غالب القران. إيه المعاني دي؟ وتعيش معاها، اعمل ختمات، يعني في كتاب كنا اخترناه، دوره الارتباط بالقران اسمه: ختمة تدبريه ارتقائيه في الفكر والسلوك.

يعني عندي تعليق على الكتاب هقوله إن شاء الله في الدوره، لكن الكتاب فكرته جيدة: إزاي أنك كل فترة تعمل خاتمة بفكرة معينة؟ وكانت شبه كتاب زمان اسمه قريته زمان من زمان اسمه: بناء الإيمان من خلال القران. إزاي أن أنت تدخل للوحي طالبا الهدى؟ يا جماعه، أنت الهدى لما قلت كتير مفسرين بيقول: ﴿اهْدِنَا الصِّرَاطَ الْمُسْتَقِيمَ﴾ [الفاتحة: 6] فربنا قال لك: ﴿ذَلِكَ الْكِتَابُ لَا رَيْبَ فِيهِ هُدًى﴾ [البقرة: 2] طب أنت عايز الهدى، والله سبحانه وتعالى حفظ لك الهدى ثم تعرض عنها أو تتعامل معاها تعامل مجرد بعض الحروف فقط لا؟ إزاي يعني أنت تمسك بهذا الحبل النازل من السماء؟

يبقى إذاً الاهتمام بالمحكمات الفزع إليها عند المتشابهات هذه الأزمات أيضاً كان في أطروحات دعوية كتير موجودة، الأزمات دي أثبتت خطأ بعض هذه الأطروحات، إن كانت أطروحات قائمة على تصورات معينة فيها نوع من المثالية، كانت تتحاشى عن الباطل والحق وأمر بمعروف ومنكر أو أي صراع، كانت تتحاشى عن حديث هذا الأمر وتعتبر أن ده لا، النفسية المؤمنة لا يجب أن تدخل في هذه الأمور.

أطروحات أخرى: تضخيم الدنيا، وده شيء كان عجيب جداً، تنزيل المعاني القرآنية العظيمة، معنى من معاني مثلاً الجهاد والمجاهد والمصابرة والإحسان، تنزل هذه المعاني على قضايا دنيوية حضرك! شفت واحد بيتكلم إنه ينزل معنى... معنى الإاحسان على ماتش كورة! يقول لك تبقوا تحسنوا، حصل فيه ابتذال للمعاني الإلهية في الشريعه، المعاني العظيمة في الشريعة. خد بالك الخطورة، أنت عارف هي لو بتنسى فيجي واحد يحييها -ما حدش يجيب سيرة المجاهدة والإحسان والمصابرة فيجي واحد يحييها- الخطورة أن هي تستبدل فتنزع هذه الشعارات من على المعاني، فافترض مثلاً شعار الإحسان المجاهده، تنزع هذه الشعارات من على المعاني الصلبة القوية دي وتحط على أشياء تافهة، فيقوم الناس بالتافه تحت هذه الشعارات! لا، الأزمات دي المفروض تصحح الإنسان مرة أخرى لهذه الشعارات لحقيقتها، أصبح يراها الآن، أصبح يرى البذل أمام عينه والتضحيات الحقيقية أمام عينه. نسأل الله سبحانه وتعالى أن يستعملنا.

فهذه الأزمات صححت هذه المفاهيم مرة أخرى. تكلمت في الأول، بس أنا كده خلاص طولت للأسف. خطورة إزاحة المصطلحات الشرعية أثناء تحليل الأحداث، أنا ممكن يسمى عجبني مصطلح سمعته من أحد الإخوة اسمه علمانية الفكر، أن إيه علمانية الفكر؟ أنك لما عايز تفكر وعايز تحلل اللي قدامك تستعمل مفردات مادية فقط، يعني ما بتجيبش... ما فيش غيب، عايز تتكلم في السياسة تنحية الغيب عن السياسة، عايز تتكلم في الاقتصاد تنحية الغيب عن الاقتصاد، عايز تتكلم في الوضع الحالي في غزة تنحية أي كلام غيبي يوديني على الأمر ده، ويتصور أن هو كده موضوعي، أو ده... عجبني مصطلح هذا من علمنة الفكر: استبدال وإزاحة المصطلحات الشرعية، وأنك تأتي بمصطلحات أخرى. فتجد أن حتى... حتى لفظ المقاومة ما ينفعش يطغى على مصطلح الجهاد -وإن كان المصطلح موجود في كتب الفقه- لكن أقصد أن مهم إبقاء المصطلحات الشرعية وإسقاطها على واقعها الحقيقية، مش نجيب زي ما قلت مصطلح زي الإحسان أو المجاهدة وننزله على شيء تافه، لا، ده خطر؛ لأن مع الوقت بينشا جيل لا يسمع إلا التطبيق لهذه المصطلحات، فيضم هذه الأمور، فيحصل له أزمة فيقول لك: احنا ضحك علينا، ودخل بقى في نفس الصيرورة دي مرة تانية.

لذلك، وده موجود في سورة البقرة، أن كان أول نداء لأهل الإيمان: ﴿لَا تَقُولُوا رَاعِنَا﴾ [البقرة: 104] احذروا من استيراد المصطلحات، بلاش هو ينشر مصطلح وينتشر فأضطر استعمله في المحافل الدولية، فيبداً بدل ما كنت بستعمله من باب السياسة الشرعية ومن باب المداراة أصبح مفروضاً على الناس حتى في داخل المسلمين! شيء عجيب، أنت كنت مضطر للمصطلح ده مثلاً، أياً كان تقدير الاضطرار ده يحتاج إلى فقيه مش دوري دلوقتي، لكن أنا بتكلم أن هو قال مجموعة من الفقهاء القائمين على هذا الأمر أو استعمال هذا المصطلح في إطار ضيق في محفل معين، في إطار معين يتم إدخال المصطلح ده عند المسلمين وإجبارهم على استعماله، لا، ده أنت كده حصل... أنت الميتة حليلتها الأكلة طبيعية.

من اعظم الأزمات اللي احنا بنعيشها الان اللي أرجو أن هي تكون على بالنا، سؤال دائماً الاحداث لما تجي تبص عليها من خارج التاريخ تشوفها بوضوح، احنا عايشين أزمة دلوقتي غزة، طب الوضع؟ طب الأحداث؟ طب الاتفاقيات؟ طيب تخيل بعد كذا سنة، أو لو نفس الحدث ده حصل من عشرات السنين وحد بيقرا التاريخ فبيقرأ أن كان في بقعة مسلمة والأرض بيت المقدس محتلة من اليهود، والمسلمين كانوا محيطين من كل جهة، والدوله دي قالت: لا، مش هينفع عشان كذا، ودي قالوا: مش هينفع عشان كذا، ودي قالوا: مش هينفع عشان كذا، ودي قالوا: مش هينفع عشان كذا كذا... تخيل أنت بتقرا ده في التاريخ، أنت تبقى قعدت مصدوم: كيف وصلنا إلى هذا؟

فمن أكبر الأزمات اللي بنعيشها أزمة التفرق، فحاول يعني لا تزيد، على الأقل لا تزيد هذه الأزمة في أمة النبي صلى الله عليه وسلم، كفانا التفرق، بلاش... يعني في في عقليات حتى يعني كنت لسه يعني حد بيدينا محاضره في كلية الطب فكان بيقول: يا جماعه خدوا بالكم، بيدينا عشان لما نجي نشرح للطلبة، فبيقول: خدوا بالكم أن في طلبة عقليته بتبحث عن المشكله، يعني طول ما الكلام بيقول كده الدكتور طول ما الكلام ماشي كويس ومنطقي ودي بتوصل هو...

قاعد متضايق هوقا، أيوه المشكلة ديت لو سمحت أنا عايز أفهم الحتة دي، فيقول له بس ده حاجة فرعية، لا لا معلش أنا دي بالنسبة لي ومكبر ها. هو عقليته كده، عارف يؤفك وعنهم أوفك؟ هو دماغه تحطه كده يحوت كده، هو غاوي المشاكل، يعني هو قاعد يبحث عن المشكلة، عن الخلاف، عن مين؟ يعني حلوين مثلاً الناس حلوين، كل دول حلوين، فين الوحش؟ أيوه هاتلي دول. هو قاعد بيدور ونبعت نسال على كذا، هو بيحب ده.

وده الواحد كان يشوفه حتى في بداية الالتزام، كنت أعجب جداً بعض الناس قوي فيز إيه راي فلان؟ إيه نعمل كذا؟ عايزين نروح نسأل الشيخ عن رأي، عايزين نروح بقى خلاص خلصنا فلان في فلان، تعال بقى نروح نسأل. هو قائم على هذا الأمر، لا كفانا التفرق. المهمات كثيرة ومفرط فيها، يعني انظر حولك تجد كثير من المحكمات مفرط فيها في بيوتنا، يعني يا جماعة في محكمات في بيوتنا.

إحنا في بيوت ما يُسمى بالملتزمين مفرط فيها أصلاً، فخلونا نقيم أنفسنا تقييماً حقيقياً، دعكم من الشعارات والانتماءات، خلينا نقف مع أنفسنا وقفة حقيقية. أنظر إلى أي مسجد في أي منطقة وبص في صلاة الفجر فيها، يعني خلينا واقعيين بس، يعني خلينا نفيق. اختار أي منطقة وقل من يجلس في المكان ده ويعلم الناس شرع الله سبحانه وتعالى، يحفظ الناس؟ أنت هتجد، يعني دي محكمات وتجد فيها تكاثراً رهيباً، فكفانا تفرقاً، خلينا نهتم بهذه المحكمات ونوصل فيها.

وفي الأخير من الفتنة أن يتقاعس أهل الدين الصرة، فيتظاهر من هم ليسوا من أهل السنة بنصرة، فتحدث الفتنة. لأن سؤال تحديد سؤال من عدوك عشان تشخص صح، يقول لك هم يهود ولا صهاينة ولا مش عارف إيه، هو أصلاً ممكن يكون فرع على سؤال من نحن. يعني لما المسلمين ما عادش اسمنا، يعني زمان أي دولة كانت بتهاجم الدول الإسلام، كان على طول اسمها دي حرب دينية، يحاربون المسلمين أياً كان هم اللي يحاربون دول، اسمهم تاتار، اسمهم مغول، هو أرض الإسلام بتحارب، ففي حاجة اسمها المسلمون بيحاربوا، فالمسلمون بيحاربوا طبيعي جداً.

فلما ما أصبحش إحنا ما عادش اسمنا المسلمين، بقت تفرقت وبقت دول، فأعاد من نحن؟ ده مهم. إعادة سؤال من نحن أنك أنت بتقرا في القرآن والسنة أي إعادة تعريف أمة الإسلام، إعادة تعريف هذا الانتماء، وبث هذا المفهوم في الشباب مهم جداً، أنت مسلم تنتمي إلى أمة الإسلام، مهم المفهوم ده جداً. قبلتنا واحدة، إحنا يعني ربنا سبحانه وتعالى جعل في محكمات ثابتة، نبينا محمد صلى الله، مثلاً نصلي إلى الكعبة، القرآن محفوظ من التحريف، هذه المحكمات مهم التركيز عليها لتكوين الصف الأكبر تجاه العدو.

لكن أصبح سؤال من نحن يعني أنت تقول لك هم يهود ولا إسرائيل ولا صهائينة؟ أيوه، طب من المقابل؟ أصل هم غزة المقابل ولا فلسطين ولا الضفة ولا أرضهم؟ هو كان المفروض اسمهم المسلمون مقابل العدو ده، فسؤال من نحن، سؤال من عدوك هو فرع إجابته فرع عن إجابة سؤال من نحن. فلما كان إجابة سؤال من نحن واضحة، هؤلاء المسلمون في خلافة المسلمين، فكان سهل جداً أن تجيب من عدوك بسهولة. لكن لما السؤال ده تم تفكيكه، تم تفكيكه خلاص، ما عادش إن من نحن ده مسلمون ولا اسمنا كذا، هذه سياسة الفرقة التي دبت في أمة النبي صلى الله عليه وسلم، أرجوك لا تكن جزءاً منها.

حاول تسد أي شيء تستطيع أن تسده في الخلافات الموجودة افعل ذلك، ونرجع المحكمات. وأعتذر على الإطالة، أسأل الله سبحانه وتعالى أن يستعملنا. وصيتي لكم: الاهتمام بالمحكمات المبثوثة في الوحي، لا تجعل بناء الإيمان قائم على مسألة ومسألتين، بناء إيمانك مسألتين ثلاثة أربعة بتتخانق عشانهم، ثم يمر الوقت، يعني مش أول عشرين سنة بعد، وتكتشف أنك أنت ضيعت عمرك في نقاشات وترجع تقول تضحك علينا، وهكذا.

ويظهر جيل يجد مجموعة من القدوات بيتخانقوا على مجموعة من المسائل، فيظن أن الدين هو هذه المسائل فقط، فينتمليا أو هذا الطرف ويعيش حياته وينافح عن انتماء معين أو عن مسائل معينة، تمر بالسنين والمسائل دي لا تكون هي التي على السطح، تظهر مسائل أخرى فيكتشف أنه ضايع عمره. فيظهر جيل جديد يجد مسائل أخرى وهكذا، كفى تضييعاً للأعمار، كفى تضييعاً للأعمار، الإنسان يُسأل يوم القيامة عن عمره.

أسأل الله سبحانه وتعالى أن يستعملنا فيما يحب. اللهم اهدنا لفعل ما تحب يا رب. اللهم إنا نسألنا الثبات في الأمر والعزيمة على الرشد. ربنا آتنا في الدنيا حسنة وفي الآخرة حسنة وقنا عذاب النار. سبحانك اللهم وبحمدك، أشهد أن لا إله إلا أنت، أستغفرك وأتوب إليك، والسلام عليكم ورحمة الله وبركاته.