د. أحمد عبد المنعمأعتذر لكم مكان الدكتور حازم شومان؛ هو الذي جاءته ظروف سفر. أسأل الله عز وجل أن يعيده مرة أخرى سالماً غانماً بإذن الله عز وجل. إن شاء الله اليوم عايزين نتكلم في موضوع، ناخذ أصل من الأصول. ودائماً الواحد بيركز على قضية كتاب الله عز وجل وأهمية القرآن.
الله عز وجل من رحمته سبحانه وتعالى لما خلق الخلق لم يتركهم سُدًى، ولكن أنزل إليهم رسل، أرسل إليهم رسل وأنزل إليهم الكتب. السماوات والأرض لن تقوم إلا بالقرآن، قال الله عز وجل: ﴿إِنَّ هَٰذَا الْقُرْآنَ يَهْدِي لِلَّتِي هِيَ أَقْوَمُ﴾ [الإسراء: 9]. أقوم في كل شيء.
السؤال اللي عايزين نسأله النهارده: ماذا لو غاب القرآن؟ تعالوا نتخيل كده، ونشوف آيات في القرآن، ونشوف القرآن بيعلمنا تخيل أنت حياتك أو حياة الأمة لو غاب عنها القرآن. طبعا القرآن باق إلى يوم القيامة، ﴿إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ﴾ [الحجر: 9]. لكن قد لا يغيب هو، بل نتغيب عنه نحن، فنفس النتايج اللي هنقولها: ماذا لو غاب القرآن؟ هي لو احنا هجرنا القرآن؟ هي دي نفس النتايج على كل المستويات، من أول النبي صلى الله عليه وسلم للصحابة والتابعين والأمة إلى يوم القيامة إلى آخر الزمان. القرآن مهم في كل هذه المراحل، ومهم لكل البشر ابتداءً من رسول الله صلى الله عليه وسلم.
النبي صلى الله عليه وسلم يقول: ﴿قُلْ إِن ضَلَلْتُ فَإِنَّمَا أَضِلُّ عَلَىٰ نَفْسِي ۖ وَهَتَدَيْتُ﴾ بسبب إيه؟ فَبِمَا يُوحِي إِلَيَّ رَبِّي. النبي صلى الله عليه وسلم ربنا بيأمره إنه يبلغ الناس أن لا هداية للنبي أولاً ثم للناس إلا باتباعه للقرآن. وإن اهتديت فبسبب الوحي: فَبِمَا يُوحِي إِلَيَّ. لن يكون هداية لأي أحد بالتالي إلا بالقرآن. يقول الله عز وجل في آخر سورة الشورى: ﴿وَكَذَلِكَ أَوْحَيْنَا إِلَيْكَ رُوحًا مِّنْ أَمْرِنَا مَا كُنتَ تَدْرِي مَا الْكِتَابُ وَلَا الْإِيمَانُ﴾ [الشورى: 52]. ده ربنا بيخاطب النبي صلى الله عليه وسلم بيقول له: ما كنت تدري ما هو الإيمان؟ ولا تفاصيل الإيمان إلا بعد نزول الوحي. فلن نهتدي إلى الإيمان وقوة الإيمان واليقين والصدق والتوكل وكل مراتب الإيمان إلا بالوحي.
يبدا دي حقيقة تقر على النبي صلى الله عليه وسلم أولاً، فبالتالي ما دونه أولى يحتاج إلى القرآن. يعني النبي صلى الله عليه وسلم يحتاج إلى القرآن لأجل الهداية: ﴿وَإِنِ اهْتَدَيْتُ فَبِمَا يُوحِي إِلَيَّ رَبِّي﴾ [يونس: 104]. يحتاج إلى القرآن لأجل الإيمان: ﴿مَا كُنتَ تَدْرِي مَا الْكِتَابُ وَلَا الْإِيمَانُ﴾ [الشورى: 52]. يحتاج إلى القرآن لأجل الثبات. الكفار قالوا إيه في سورة الفرقان؟ لولا نزل عليه القرآن جملة واحدة! ليه القرآن ما نزلش مرة واحدة؟ الكفار بيسألوا سؤال شبهة؛ ليه القرآن بينزل مُنَجَّمًا مفرقاً على مدار ثلاثة وعشرين سنة؟ ليه ما نزلش مرة واحدة؟ فيقول الله عز وجل: كذلك، أي نزل القرآن مفرَقاً مُنَجَّمًا؛ كذلك ليه؟ من أهم الوظائف: لِنُثَبِّتَ بِهِ. الهداية تعود على إيه؟ القرآن لِنُثَبِّتَ بِهِ فُؤَادَكَ. الكاف دي بتاعة مين؟ النبي صلى الله عليه وسلم. أي لنثبت بالقرآن فؤادك. يعني ربنا بيقول للنبي صلى الله عليه وسلم: هيجي ظروف هتمر على النبي صلى الله عليه وسلم، أوقات ومحن وضيق وأزمات، لن يثبت إلا بنزول القرآن. الفؤاد لن يستقر إلا أن تنزل آيات من القرآن تثبت النبي صلى الله عليه وسلم. وكنا نقص عليك من أنبياء الرسل ما نثبت به فؤادك، برضه في آخر هود.
تخيل ده احتياج النبي صلى الله عليه وسلم للقرآن. النبي صلى الله عليه وسلم يحتاج إلى القرآن لأجل تثبيت الهداية: ﴿وَإِنِ اهْتَدَيْتُ فَبِمَا يُوحِي إِلَيَّ رَبِّي﴾ [يونس: 104]، الإيمان: ﴿مَا كُنتَ تَدْرِي مَا الْكِتَابُ وَلَا الْإِيمَانُ﴾ [الشورى: 52]، وقُلنا إن آخر واحدة اللي هي التثبيت. طيب أُمال الأمة بقى، ماذا لو غاب القرآن عن الأمة؟ إيه اللي يحصل؟ لو الأمة ابتعدت عن كتاب الله عز وجل، إيه اللي يحصل لها؟
طبعاً اللي عايز يركز في أهمية القرآن، في كتب في فضائل القرآن لحفاظ أفرادها، منهم حتى الإام ابن كثير افرض جزء لفضائل القرآن. ده من باب الأحاديث والثواب وقراءة القرآن. لكن عايز تعرف بقى القرآن كيف تكلم عن القرآن؟ أنا عايزك وأنت بتقرأ القرآن وأنت بتختم كده المصحف، كل ما تيجي آية فيها القرآن أو الكتاب ارجع اقراها تاني ورا اللي قبلها واقرا اللي بعدها عشان تعرف قيمة القرآن. هتكتشف أن كثير من سور القرآن تتحدث عن القرآن، هتكتشف آيات عجيبة جداً في مواطن عجيبة. زي آخر القصص مثلاً: ﴿إِنَّ الَّذِي فَرَضَ عَلَيْكَ الْقُرْآنَ لَرَادُّكَ إِلَى مَعَادٍ﴾ [القصص: 85]. إيه علاقة إنك أنت هترجع؟ النبي صلى الله عليه وسلم سايب مكة -الآية دي نزلت في الهجرة- سايب مكة وخارج المدينة، فكان ممكن ربنا يقول له إن القادر المقتدر لردك لمعاد، ليه الذي فرض عليك القرآن؟
كتير آيات في القرآن تتحدث عن القرآن تحتاج إلى وقفات، فاحنا هننتقي منها الشيء كده نعرف أهمية القرآن للأمة. أولاً: ماذا لو غاب القرآن أولاً؟ تعيش الأمة في فتن لا تخرج منها أبدا. لو غاب القرآن عن الأمة تعيش الأمة في فتن، لن تستطيع أن تنجو منها إلا بالقرآن. نضرب مثال، إيه أعظم فتنة في التاريخ؟ الدجال. أكبر فتنة في التاريخ، وبروايات كثيرة عن النبي صلى الله عليه وسلم أن أخطر فتنة من يوم خلق الله جل السماوات والأرض إلى أن تقوم الساعة هي الدجال. وما تركت على أمتي أخوف من الدجال، وما من نبي إلا وحذر أمته الدجال. لكن النبي صلى الله عليه وسلم استفاض في وصف الدجال؛ لأن الأمة دي هي اللي في الآخر هي اللي هتشوفه.
طيب، النبي صلى الله عليه وسلم قال اللي يشوف الدجال يعمل معه إيه عشان ينجو؟ يقرأ عليه إيه؟ فواتح -وإن كان روايات تانية لكن الأرجح الفواتح- خواتيم فواتح سورة الكهف. يبقى أنت لو معاكش فواتح سورة الكهف مش هتنجو. ما هو النبي صلى الله عليه وسلم قال لك أخطر فتنة النجاة بآيات من القرآن! لذلك العلماء فهموا فهم عميق جداً من المسألة دي، قالوا: إذا كانت سورة الكهف تنجي من أعظم فتنة في التاريخ، يبقى قراءة سورة الكهف وفهم سورة الكهف ينجي مما دونها من الفتن، دون فتنة الدجال. لذلك كان أحمد بن حنبل في فتنة خلق القرآن كثيراً ما يقرأ سورة الكهف، وكان الحسن بن علي رضي الله عنهما في لما حصلت فتنة بين الصحابة ولما تنازل عن الخلافة لمعاوية كان يومياً يقرأ سورة الكهف. هو يعلم أن فيه نجاة من الفتن في سورة الكهف.
ماذا لو غابت سورة الكهف عن المجتمع؟ قلت لك ندب لنا ويستحب أن إحنا نقرأ سورة الكهف أسبوعياً -اليوم الجمعة- أسبوعياً ليه؟ لأن الفتن متتالية. يقول النبي صلى الله عليه وسلم -ما بتصلوش على النبي ليه؟- يقول النبي صلى الله عليه وسلم: «لا يأتي على زمان إلا والذي بعده شر منه». الفتن بتتزايد، يبقى أنت كل أسبوع النور بتاعك لازم يتزايد عشان تقاوم الفتن. الفتن بتتزايد وأنت النور بتاعك بيقل مش هتقاوم الفتن. طب إحنا محتاجين زاد أسبوعي من النور؟ سورة الكهف. ماذا لو غابت سورة الكهف؟ الناس مش تعرف تنجو من الدجال، مش هتفهم إيه خطورة الدجال. ﴿إِنَّا جَعَلْنَا مَا عَلَى الْأَرْضِ زِينَةً لَّهَا﴾ [الكهف: 7]. وهي دي أخطر فكرة في الدجال، أن يزين للناس؛ الدجال أصلاً يعني الكذاب. كلمة الدجال الشيء المموه، من أصل معانيها في اللغة أن يجيب حتة حديد مثلاً أو نحاس ويدهنها بمية ذهب، فيضحك على الناس يفتكروه ذهب. ذهب مموه، دجل. كانوا بيطلقوا اللي بيعمل كده دجال. فالدجال اللي يبين للناس الحديد على أنه ذهب، وده اللي بيعمله الدجال؛ بيعرض للناس النار على أنها الجنة، ويعرض للناس الجنة على أنها النار. كذب وزور وبهتان.
سورة الكهف بتجتز كلمة الزينة من القلوب، عشان كده كلمة الزينة في سورة الكهف جت ثلاث مرات. عكس الزينة: الرشد، أنك تفقه أن الزينة لا قيمة لها، وأنك تبقى إنسان عندك رشد وإنسان راشد. كلمة الرشد جت في سورة الكهف أربع مرات، أكثر من الزينة. إذاً سورة الكهف بتعلمك كيف تتغلب على زينة الدنيا، وأن يبقى عندك رشد. كل اختيارات الأربع قصص في سورة الكهف -كان دي عايزة لقاء- تبين رشد في الاختيار وتوفيق من الله عز وجل، وأنهم لم يفتنوا بزينة الدنيا.
إذاً، لو غاب القرآن عن المجتمع، هيسقطوا في الفتن. القرآن بيدي نور، ولذلك من الأحاديث المروية فضائل سورة الكهف -كان بعض العلماء محسنها، بعضهم ضعفاء-: «من قرأ سورة الكهف يوم الجمعة أضاء الله عز وجل له من النور بينه وبين الجمعة التي تليها». خد بالك أضاء الله عز وجل له من إيه؟ من النور. يعني أنت بتيجي تاخد نور تكمل به السبع أيام. يبدأ قلبك خلاص البطارية تفضى، تيجي الأسبوع اللي بعده وتشحن عشان ما تفتنش طول الأسبوع. لو غاب القرآن سقطت الأمة في الفتنة.
ماذا لو غاب القرآن أيضاً؟ إيه اللي يحصل لو غاب القرآن؟ الأمة ما تعرفش تميز بين الأفكار القيمة والمبادئ القيمة وبين الأفكار السخيفة والسفاهة والضلال؛ الأمة ما تعرفش تميز، يلتبس عليها الحق بالباطل. وأنا لما أقول يا جماعة الأمة ما تعرفش بمعنى لو توقف الدعاة والعلماء عن تعليم القرآن وتفهيم القرآن للناس، الناس هتختلط عليها الموازين، الناس مش هتعرف. وده من أهم وأخطر الأضرار اللي هتحصل للأمة، وبتحصل بسبب غياب الطرح القرآني على الناس؛ ناس مش مرتبطة بالقرآن فما بتعرفش تميز مين الحق من الباطل، تلاقيها عمالة تسأل: هو ده صح ولا غلط؟ تلاقي أشياء واضحة، ضلال، باطل، حق، واضحة وضوح الشمس، وتلاقي ناس جاية بتسأل: هو معقول ده يبقى ضلال؟ يعني آيات واضحة تفصل وتميز بين الحق والباطل لكن هي لا تطرح على الناس وغائبة عن الناس فناس تايهة.
لذلك يقول الله عز وجل: ﴿قُلْ أُوحِيَ إِلَيَّ أَنَّهُ اسْتَمَعَ نَفَرٌ مِّنَ الْجِنِّ﴾ [الجن: 1]. استمعوا لإيه؟ للقرآن فقالوا: ﴿إِنَّا سَمِعْنَا قُرْآنًا عَجَبًا * يَهْدِي إِلَى الرُّشْدِ فَآمَنَّا بِهِ وَلَن نُّشْرِكَ بِرَبِّنَا أَحَدًا﴾ [الجن: 1-2]. وانه تعالى جد ربنا ما اتخذ صاحبة ولا ولدا. وانه كان يقول سفيهنا على الله شططا. الجن دول زي مخابري بعتهم إبليس؛ حصل تغيير في السماء، لقوا السماء ملئت حُرساً شديداً وشهُباً، فاستغربوا فابليس بعث سرايا في الأرض يشوف إيه اللي حصل، أكيد في حاجة حصلت في الأرض، يا عذاب هينزل على أهل الأرض يا ده مبعث نبي. فحش مجموعة من الجن جم لقوا النبي صلى الله عليه وسلم يقوم يقرأ القرآن في صلاة الفجر، فاستمعوا للقرآن. آيات استمعوا لها للقرآن قرروا أن إبليس سفيه، قرروا أن القائد اللي بيقودهم لسنوات إنسان سفيه أو مخلوق سفيه اللي هو الشيطان. فهم مدى سفاهة الأفكار اللي كان بيطرحها إبليس. شوف بيقولوا إيه: ﴿وَأَنَّهُ كَانَ يَقُولُ سَفِيهُنَا عَلَى اللَّهِ شَطَطًا﴾ [الجن: 4]. إبليس كان بيديهم دروس في العقيدة بس في العقيدة الفاسدة. إبليس كان بيتكلم على الله -تعالى الله عز وجل عما يقولون علواً كبيراً-. إبليس أما كان يبوظ عقيدة الجن كان بيديهم دروس في العقيدة الفاسدة. تخيل سنوات من التلقي لهذه العقيدة الفاسدة طاشت بسبب آيات استمعوا لها من القرآن! قالوا: إيه ده؟ ده إنا كنا عايشين في سفاهة! إيه اللي إنا كنا فيه ده؟
لو غاب الطرح القرآني على الناس الناس مش هتعرف تميز. كتير من الأفكار اللي تطرح على العالم مش على مجموعة من المسلمين، الناس ما بتتبينش مدى الخطأ بتاعها والسفاهة بتاعتها إلا لما يجربوها سنين؛ يعني لازم يجربوا مثلاً حاجة زي الاشتراكية يجربوها سنين، وبعدين يرجعوا يجربوا ليبرالية سنين عشان يكتشف أن هي ما تنفعش فنعمل فيها تعديل؛ لأن هي أصلاً أفكار بشرية. ولن يصلح البشر إلا كلام رب البشر: ﴿إِنَّ هَٰذَا الْقُرْآنَ يَهْدِي لِلَّتِي هِيَ أَقْوَمُ﴾ [الإسراء: 9]. إذاً غياب القرآن ينزع أن الفكرة دي تبقى فكرة قيمة، وضلال هذه الفكرة لن يظهر إلا بعد أوقات مش لازم يظهر في أول التجربة.
إذا غاب القرآن عن الأمة يضيع الهدى والثبات والإيمان -الثلاثة بتوع النبي صلى الله عليه وسلم-. إذا غاب القرآن عن الأمة ها قلنا إيه؟ الأول قبل قبل السفاهة، إنه كان يقول سفيهنا -إحنا قلنا المثال اللي قبله-: الفتن -جزاك الله خيراً- سورة الكهف، تسقط الأمة في الفتن، لن تنجو من الفتن، أي فتنة تيجي لها ما يعرفش، ما يعرفش ينجو من الفتن. استطاع الحسن بن علي رضي الله عنهما كان بيقرأ سورة الكهف يومياً، استطاع أنه في أعظم فتنة تنازل عن الخلافة لسيدنا معاوية عام واحد وأربعين سموه عام الجماعة. الحسن بن علي كان بيمشي، كان هو الخليفة؟ وكان يمشي بين الناس كان المسلمين يبصقون في وجهه! تخيل بيتفوا على وشه! مسلمين بيقولوا إيه؟ يا مسود وجوه المؤمنين! ويبصقون في وجهه! حفيد رسول الله صلى الله عليه وسلم وسيد شباب الجنة! ليه؟ قالوا له: أنت عشان تنازلت عن الخلافة! يبصق في وجهه وثبت الحسن بن علي، فتنة عظيمة. الشاهد أن لن تنجو الأمة من الفتن إلا بالقرآن، لن نعرف مدى سفاهة أي فكرة بتطرح علينا إلا بالقرآن. أيضاً ماذا لو غاب القرآن؟ لو غاب القرآن وبالنسبة لأهل الدين في قضايا.
مش هنبقى فاهمينها، هيبقى في عدم وضوح رؤية، وتساؤلات مالهاش إجابة. ودي أخطر نقطة احنا محتاجينها اليومين دول، لو غاب القرآن هيبقى فيه تساؤلات مش عارفين نجاوب عليها.
مثال: مسلمين راجعين من غزوة أحد مش فاهمين إيه اللي حصل؛ إزاي نتغلب؟ إزاي حمزة يقتل؟ إزاي يمثل بجثة حمزة؟ إزاي مصعب يقتل؟ إزاي النبي صلى الله عليه وسلم يؤذى؟ إزاي ده يحصل؟ مش احنا مؤمنين وهم كفار؟ مش احنا على الحق وهم على الباطل؟ طب المنافقين كان رأيهم نقعد في المدينة، والنبي صلى الله عليه وسلم لما أراد إنه يجلس في المدينة -وده احنا كنا ذكرناه قبل كده في لقاء سابق إن ممكن المؤمن يختار اختياره نيته فيه لله، والمنافق يخترق نفس الاختيار ولكن نيته فيه فاسدة- النبي صلى الله عليه وسلم كان رأيه في الأول يفضل في المدينة، ثم نزل على رأي الشباب المتحمس وخرج خارج المدينة.
طب إيه ده؟ يعني كان رأي المنافقين صح؟ يعني احنا غلطنا إن احنا خرجنا؟ تساؤلات! إزاي ده يحصل؟ إزاي احنا نتغلب في أحد؟ إزاي المشركين يعلو علينا في أحد؟ وإزاي ينادوا ويروحوا ورائه المسلمين: أفي القوم أبو بكر؟ أفي القوم عمر؟ ويقول أبو سفيان: لنا العزة ولا عزة لكم، ولكن يرد النبي صلى الله عليه وسلم: «الله مولانا ولا مولى لكم». الشاهد؛ إزاي ده يحصل؟ دي التساؤلات اللي لخصتها قالت آل عمران، قلتم إن هذا الصحابة كانوا راجعين مش فاهمين؛ إزاي ده يحصل؟ موقف شديد.
خد بالك، ده لسة هيرجعوا المدينة، المنافقين هيقولوا لهم: ما قلنا لكم أقعود معنا، لو أطاعونا ما قتلوا وماتوا، قلنا لكم سيبكم من السكة دي، السكة دي كلها ضرب وموت، خليكوا أحسن اسمعوا الكلام. فانت ما تبقاش فاهم، الإنسان هنا ممكن يفقد عقله أو يفقد دينه لو ما فهمش. تنزل آيات آل عمران تحولهم من راجعين منهزمين منكسرين، تحولهم إلى قول الله عز وجل: ﴿ٱلَّذِينَ ٱسۡتَجَابُواْ لِلَّهِ وَٱلرَّسُولِ مِن بَعۡدِ مَآ أَصَابَهُمُ ٱلۡقَرۡحُ﴾ [آل عمران: 172]. شوف القوة النفسية اللي القرآن بيكسبها، بيحوله من إنسان ما كانش فاهم منكسر قارب على الهزيمة النفسية، إلى إنسان عنده قوة نفسية عالية جداً واستجاب من بعد ما أصابه القرح.
جاوبت له على كل الأسئلة، واقرأ بقى آل عمران من آية مئة وعشرين من أول: ﴿وَإِذۡ غَدَوْتَ﴾ إلى آخر السورة؛ تجاوبك على كل التساؤلات اللي تخطر في ذهنك. ده اللي حصل: وإيه الحكم؟ وهل كان ممكن ينفع ما يحصلش؟ وهل الأولى إنهم كانوا ينتصروا ولا الأولى اللي كانوا يغلبوا؟ وإيه أسباب الهزيمة؟ وفين لطف ربنا بهم؟ كل ده يُجاب عليه في آل عمران. الشاهد، لو غاب القرآن تساؤلات كتير احنا بنسألها دلوقتي مش عارفين نجاوب عليها: ليه ده بيحصل؟ ليه اللي بيحصل ده بيحصل لأهل الإيمان مستضعفين في الأرض؟ ليه مغلوبين؟ الرؤية الواضحة للي بيحصل وقيام القرآن يؤدي إلى تيه، ما فيش جواب.
أسوأ شيء وأصعب شيء على المؤمن إنه يسأل إن هذا وما لاقيش حد يرد عليه بصورة آل عمران. الصحابة لما سألوا: إن هذا؟ نزلت آل عمران ترد عليهم. أسوأ شيء يمر به المسلم إن أحداث هتطير دماغه، مش قادر يفهم وعمال يتساءل وما لاقيش آيات تنزل بلسم على صدره، ما يعرفش يكمل خلاص ما عادش يقدر يكمل، يُصاب بهزيمة نفسية.
لذلك عمر بن الخطاب في نفس الفكرة برضه، ماذا لو غاب القرآن؟ عمر بن الخطاب رضي الله عنه صلح الحديبية مش قادر: إيه اللي بيحصل ده؟ ألسنا على الحق؟ أليسوا على الباطل؟ ألسْتَ يا رسول الله؟ لما نرضى الدنية في ديننا، مش ده في سيدنا عمر مش فاهم؟ ويرروح لأبي بكر، النبي صلى الله عليه وسلم يقول: «أنا رسول الله حقاً ولست أعصيه»، ويروح لأبي بكر يسأله نفس الأسئلة ويجاوب بنفس الإجابات. برضه سيدنا عمر مش قادر يفهم ده حصل ليه، يعني النبي صلى الله عليه وسلم رد عليه بكلام بس برضه لم يشفي صدر عمر.
هم راجعين من صلح الحديبية كتير من الصحابة مش فاهمين، تنزل سورة الفتح: ﴿إِنَّا فَتَحْنَا لَكَ فَتْحًا مُّبِينًا﴾ [الفتح: 1]. فيُنادي النبي صلى الله عليه وسلم يقول: «أين عمر؟ دوروا لي على عمر». فيقوم المنادي ويقول: أين عمر؟ يا عمر أجِب رسول الله. سيدنا عمر بيقول: أنا جيت، قلت بس نزل في القرآن، بس أنا أكيد نزل في آيات ذنب. جه سيدنا عمر للنبي صلى الله عليه وسلم، فقال: «يا عمر لقد نزلت علي سورة أحب إلي من الدنيا وما فيها»، وقرأ علي سورة الفتح.
سيدنا عمر قال لك: أوفتح هو؟ إيه ده! ده الموضوع فعلاً! ده سور الحديبية طلع حاجة كويسة. شوف لما نشوف القرآن لما نزل، شوف الرؤيا تتضح إزاي والضباب بينزاح، وقوة نفسية تأتي. وليه النبي صلى الله عليه وسلم يختار عمر يقرأ عليه الفتح؟ هو اللي كان بيسأل، هو اللي كان مش قادر يسكت، مكاناً في صدر عمر كان في صدر بعض الصحابة أو كثير من الصحابة، فلما اللي تساءل وسأل الدنيا عنده تتضح، يروح يوضحها للناس فقرأ عليه سورة الفتح.
ماذا لو تأخرت سورة الفتح؟ ماذا لو تأخرت سورة آل عمران؟ هي دي الإشكالية اللي احنا بنعانيها، اللي بيغيب عننا القرآن فاحنا مش فاهمين، وفي سنن الكون ده قائم عليه احنا مش فاهمين. والموضوع على فكرة مش محتاج يعني مش محتاج يعني إنك انت تبقى عالم متبحر، لأ؛ القرآن يهدي من يريد الهداية، اللي بيقبل على القرآن بصدق ويصبر ويصابر ربنا بيوفقه.
سبحان الله، قريباً كنت بشوف أحد الناس اتكلم، راجل هو تقريباً عايش في أمريكا وأصلاً تقريباً باكستاني الجنسية وعايش في أمريكا ولا يحسن العربية، اتكلم باللغة الإنجليزية، فبيقول دخل في مرة تقريباً مسجد في رمضان، بيحكي هو عن نفسه يعني، بيقول من خمستاشر سنة أو من اتناشر سنة وكان بيعشق القرآن بس ما بيفهمش، مش قادر يفهم القرآن، فبيقول كنت أمسك القرآن وأحضن القرآن وأقبله وأقول: أنا بحب الكتاب ده جداً يا رب، ونفسي أفهمه يا رب. بيقول أنا ما كنتش بدعي إلا الدعاء ده؛ كان يمسك المصحف ويقبل المصحف ويقول دايماً يقعد يقول كده: يا رب أنا بحب الكتاب ده يا رب، فهمه لي يا رب. بيقول ربنا قدر له إنه راح اتعلم اللغة العربية ودرس بلاغة ودرس علم التفسير، ودلوقتي من أقوى الناس اللي بتدي يعني ما شاء الله لا قوة إلا بالله! يستطيع وبيدي دروس باللغة الإنجليزية، يستطيع إنه يقرأ في التفاسير ويفهم بلاغة القرآن ويهضمها ويديها لناس بأسلوب سهل وباللغة الإنجليزية.
يعني فتح لي صدق وإقبال، صدق وإقبال على هذا القرآن. القرآن يوفق ويهدي المقبل عليه، فلما بيغيب القرآن عننا تلاقينا عمالين نسأل إن هذا ومش فاهمين، تلاقي موقف يحصل زي صلح الحديبية واحنا مش قادرين نستحمل وما بنقرأش القرآن فمش قادرين نكمل، محبط، ما فيش قوة نفسية بتيجي لك أو عزيمة ما بتجيش خلاص.
لذلك أيضاً، ماذا لو غاب القرآن في مسألة عدم وضوح الرؤية وعدم الفهم؟ أنا عايز أقول لك إن مش احنا بنتكلم إن سورة آل عمران أو سورة الفتح، لا لا لأ؛ ده لو آية واحدة غابت عن الأمة، آية واحدة والأمة كانت محتاجاها الأمة كلها تضل، لكن الله عز وجل برحممته كتب أن لا تجتمع الأمة على الضلال، احنا بنفترض. لما مات رسول الله صلى الله عليه وسلم واحنا مش عارفين يعني إيه مات رسول الله صلى الله عليه وسلم، وما يعرفش يعني إيه مات رسول الله صلى الله عليه وسلم إلا اللي عاش مع رسول الله صلى الله عليه وسلم.
تخيل الصحابي اللي لما كانت تقابله مشكلة يروح يقول له: يا رسول الله، نفق حنظلة! والشاب يقول له: يا رسول الله، أئذن لي في الزنا! واللي كان عنده شهوة يروح يقول للنبي صلى الله عليه وسلم: أئذن لنا في كذا! واللي كان عندها مشكلة تقول له: زوجي عندي معه مشكلة، وقد سمع الله قول التي تجادلك في زوجها وتشتكي إلى الله، راح اتكلم قال لي: أنتِ عليكِ ظهر أمي، كان كل اللي عنده مشاكل كان بيروح للنبي صلى الله عليه وسلم.
فاحنا مش فاهمين قد إيه قيمة عندهم يعني إيه مات رسول الله. أنس بن مالك يقول: لما دخل رسول الله صلى الله عليه وسلم المدينة أضاء فيها كل شيء، ولما مات رسول الله صلى الله عليه وسلم أظلم فيها كل شيء. فاحنا مش عارفين نوقع يعني إيه مات رسول الله صلى الله عليه وسلم إلا للي عاش معهم. لذلك المدينة كلها اتهزت، فرج ومرج، كل بكاء وصريخ. سيدنا عمر قال: والله ما مات رسول الله! رفع سيفه، قال: من قال إن رسول الله قد مات قطعت عنقه! قد ذهب الرسول صلى الله عليه وسلم إلى لقاء ربه كما ذهب موسى، وليعودن رسول الله صلى الله عليه وسلم وليقطعن رقاب أقوام منافقين. ده سيدنا عمر! سيدنا عثمان ما قدرش يتكلم، سيدنا علي لم تحمله قدماه وسقط على الأرض. عايزك تتخيل مشهد المدينة لحظة وفاة رسول الله صلى الله عليه وسلم.
يجي الصديق -والعجيب، وده العجيب في القصة- إن اللي يثبت هو أقرب واحد لرسول الله صلى الله عليه وسلم! كان متوقع العكس، لأنه هيبقى أكثر واحد متأثر، ده ثاني اثنين إذ هما في الغار. لكن النبي صلى الله عليه وسلم رباه على التعلق بالوحي، رباه على التعلق بالله، لذلك أبو بكر الصديق الصدمة دي خدها بدري عنهم، لما وقف الرسول صلى الله عليه وسلم قبل أن يموت بأيام وقال: «إن عبداً خيره الله عز وجل بين زهرة الدنيا وبين ما عند الله، فاختار ما عند الله»، فبكى أبو بكر! فقال الصحابة: عجبنا عجبنا لهذا الشيخ! يقول رسول الله إن عبداً خيره الله بين ما عند الله وبين زهرة الدنيا فاختار ما عند الله، فيبكي هذا الشيخ! بيبكي على إيه؟ أبو بكر خد الصدمة قبلهم بدري وعاشها وخلاص وخلص الموضوع، جه عند وفاة الرسول صلى الله عليه وسلم كان جاهز.
فلما جت الصدمة، جه أبو بكر الصديق ودخل على رسول الله صلى الله عليه وسلم ورفع الغطاء وقبل رأس النبي صلى الله عليه وسلم، ثم خرج إلى الناس وقال: اجلس يا عمر فلم يجلس، قال: أيها الحالف على رسلك فلم يجلس، فابتعد عنه أبو بكر والتفت إلى الناس فانصرف الناس عن عمر إلى أبي بكر. يا ترى أبو بكر هيقول إيه؟ يعني إيه اللي هيتقال؟ تخيل لو أبو بكر قعد يشرح لهم من كلامه هو، يقول لهم: يا جماعة أفهموني، ده نفس بشرية وأي نفس بشرية ممكن تموت، ولازم نفهم إن ده.. ما كانش حد هيصدقه.
فقرأ عليهم القرآن، قال لهم: بصوا، قال الله عز وجل: ﴿وَمَا مُحَمَّدٌ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ ۚ أَفَإِن مَّاتَ أَوْ قُتِلَ انقَلَبْتُمْ عَلَىٰ أَعْقَابِكُمْ﴾ [آل عمران: 144]. الصحابة استغربوا: إيه ده! الآية دي في القرآن؟ لذلك في روايات وهنا في البخاري: فخرج الناس من أبي بكر يقرؤون هذه الآية. نستغرب، آية! ما طلعتش بالكلام، طلعت باية معينة، فاتحل الموضوع. شوف بقى لو سيدنا أبو بكر حاول يقنعهم من غير قرآن، هو هيقول له: لأ طب ما يروح زي سيدنا موسى يقابل ربه، وقال من مما قال: أنك ميت وأنهم ميتون. فاحياناً آية تحل الموقف، آية واحدة بس تحل الموقف.
لو غابت الآية هنا الناس بقى تفضل مش فاهمة، وتلاقي بقى تخيل بقى مثلاً تخيل لو غابت الآية دي ناس بقى تنقسم فرق وفي ناس هتقول آه ده النبي صلى الله عليه وسلم راح يلقى ربنا وتبقى فرقة بقى إلى يوم القيامة منتظرة عودة النبي صلى الله عليه وسلم في آخر الزمان زي الشيعة مثلاً كده، وتلاقي تخيل بقى اللي كان ممكن يحدث من الشتات لو لم تقرأ هذه الآية.
إذاً، غياب القرآن عننا يؤدي إلى اللبس وعدم الوضوح والفتن، ولأسف ده اللي بيحدث. ده اللي بيحدث الآن، احنا بنخاطب الناس. خد بالك من كلمة: فخرج الناس من عند أبي بكر يقرؤون هذه الآية؛ الكلمة دي هي أول معنى حصل مع النبي صلى الله عليه وسلم نفسه. لما النبي صلى الله عليه وسلم نزل عليه الوحي نزل عليه جبريل وقال له: اقرأ، قال: ما أنا بقارئ، ثم قرأ عليه الآيات من سورة العلق، فبيقول الراوي في صحيح البخاري: فرجع بها رسول الله صلى الله عليه وسلم يرجف فؤاده. فرجع إيه؟ بها، يعني إيه رجع بها؟ رجع بالآيات، رجع بالقرآن، الآيات دي خرج بها.
احنا اللي بيقعد معنا بيرجع بإيه؟ بيرجع بآيات، لما بنيجي نتكلم مع الناس بنخلي ناس ترجع باية أو حديث، نص، وحي، نور؛ عشان هو عايش في الحياة يستضيء بهذا النور. لذلك النبي صلى الله عليه وسلم يقول: «قصر الخطبة»، إنك انت تخطب خطبة قصيرة وتطول الصلاة، وتصلي صلاة طويلة مئنة من فقه الرجل. ده رجل فقيه، ليه؟ استطاع إنه يربط الناس بأكثر كم من القرآن في الصلاة بأقل الكلمات. على قدر المستطاع، لما تقلل من كلامك وتكثر من القرآن ده أفضل، الناس ترتبط بالقرآن.
لذلك شوف فهم الصحابة العميق حاجة عجيبة جداً. أبو بكر رضي الله عنه بيقول لسيدنا عمر: هلم بنا إلى أم أيمن، حاضنة النبي صلى الله عليه وسلم، تعال نزورها. فراحوا يزوروا أم أيمن، فتذاكروا -طبعاً هيتكلموا عن مين؟ هيتكلموا عن حبيبهم رسول الله صلى الله عليه وسلم- فبكت أم أيمن، وبكى أبو بكر وعمر. فقالوا يا أم أيمن:
أما تعلمين أن ما عند الله خير لرسول الله صلى الله عليه وسلم. أمش أنت عارفة أن النبي صلى الله عليه وسلم مطمني على النبي. أنت عارفة أن الذي عند ربنا خير من الدنيا. فقالت: ما أبكي على هذا. أمال تبكي على إيه؟ قالت: ولكن أبكي على انقطاع الوحي من السماء. شف الناس التي كانت مرتبطة بالوحي. هل أنا أبكي أن أنا ما معييش آيات قرآن أعيش بها في الواقع. هل أنا أبكي على علاقتي الضعيفة بالقرآن؟
هل أنا أبكي أن كل شوية يحصل مواقف وما معيش زاد قرآني أعيش به، هل أنا أبكي على كده؟ أم أيمن تبكي على انقطاع أقرب ثلاثة للنبي صلى الله عليه وسلم. أبو بكر وعمر جزاك الله خير. أبو بكر وعمر وأم أيمن، والثلاثة يبكون عن انقطاع الوحي من السماء. احنا لازم القضية بتبقى عندنا واضحة. الله عز وجل نزل هذا النور والبصائر والبينات والهدى، ولازم الكلام ده يفضل يتكرر على مسامعنا حتى نعود مرة أخرى للقرآن، والأمة كلها تسمع القرآن.
أنا عايز أقول لك إن كتير من المواضيع اللي أنت بتتناقش فيها آية واحدة ممكن تخلصها، لكن أنت مانتاش عارفها أو عارفها ومش فاهمها. كتير من الكلام بنضيعه عشان ما معناش القرآن، فبنقعد نتكلم نتكلم نتكلم. والذي لن يؤمن بهذه الآية التي في القرآن لن يؤمن بغيرها. ﴿وَقَلَبَ أَفْئِدَتَهُمْ وَأَبْصَارَهُمْ كَمَا لَمْ يُؤْمِنُوا بِهِ أَوَّلَ مَرَّةٍ وَنَذَرُهُمْ فِي طُغْيَانِهِمْ يَعْمَهُونَ * وَلَوْ أَنَّنَا نَزَّلْنَا إِلَيْهِمُ الْمَلَائِكَةَ وَكَلَّمَهُمُ الْمَوْتَىٰ وَحَشَرْنَا عَلَيْهِم كُلَّ شَيْءٍ قُبُلًا مَّا كَانُوا لِيُؤْمِنُوا﴾ [الأنعام: 110-111].
يعني الذي لن يؤمن بالقرآن مش هيصدق أي حاجة تانية، فانت ما بتضيعش وقتك معه بغير القرآن. يعني الذي لن يؤمن بالقرآن لو نزلت له الملائكة والأموات صحيوا وكل شيء كلمه مش هيستجيب برضه، فما تضيعش وقتك بعيدا عن القرآن. ماذا لو غاب القرآن؟ ما فيش هداية، ما فيش إيمان، ما فيش ثبات، هنسقط في الفتن، ومش هنعرف سفاهة الأفكار التي تعرض علينا وعدم وضوح الرؤية.
أيضا ماذا لو غاب القرآن؟ يحدث تحريف في الدين ونحن لا نعلم، أصول في الدين تحرف واحنا ما نعرفش تخيل! وأنا أكرر قلت معنى ماذا لو غاب القرآن؟ مش معناها إن القرآن المصاحف تخلص لأ، معناه إنه يغيب عن عقولنا وقلوبنا وعن العلماء والدعاة، يغيب الطرح القرآني على الناس. لما بيغيب الطرح القرآني على الناس يحدث تحريف في الأصول. يقول الله عز وجل: ﴿وَمِنْهُمْ أُمِّيُّونَ لَا يَعْلَمُونَ الْكِتَابَ إِلَّا أَمَانِيَّ وَإِنْ هُمْ إِلَّا يَظُنُونَ﴾ [البقرة: 78].
ومنهم أميون لا يعلمون الكتاب إلا إيه، يعني إيه أميون لا يعلمون الكتاب إلا أمانيهم؟ يعني من بني إناس، هنا مش المقصود أميون يعني ما بيعرفش يقرأ لأ، هنا أمي بمعاني التوراة، يعني هو يقرأ التوراة لا يفقه فيها شيء، ولا فاهم إيه اللي مكتوب ولا أي حاجة، كهز الشارع عمال يقول وخلاص. لا يعلمون الكتاب إلا أماني، يعني ما يلزموش من الكتاب بتاعه إلا شوية أحلام دنيوية أو طموحات دنيوية.
يعني هو كل اللي يلزمه من القرآن إن هو يمسك المصحف كده يحطه على ابنه التعبان فيشفي، على العربية اللي اتخبطت فتتصلح، على مش عارف إيه هو عايز القرآن كده يصلح له شوية مشاكل في حياته وخلاص، هو ده بالنسبة له قرآن أماني. إنما معاني الدين مش شاغل نفسه بها. الصنف ده بدأ يبقى موجود وسطنا ولا لأ؟ ناس ما تعلمش القرآن معانيه الأصلية الأصول، وكل همه من القرآن إنه يستشفي به أو إنه يستبارك به أو إنه بس، ده موجود ولا لأ؟
يبقى النتيجة هتحصل إيه النتيجة؟ الآية اللي بعدها. الآية اللي بعدها إيه؟ ﴿فَوَيْلٌ لِّلَّذِينَ يَكْتُبُونَ الْكِتَابَ بِأَيْدِيهِمْ ثُمَّ يَقُولُونَ هَٰذَا مِنْ عِندِ اللَّهِ﴾ [البقرة: 79]. والناس فين؟ أنا كنت أقرأ الآية دي أتعجب الله! الناس إزاي سابوهم يكتبوا توراة بأيديهم ويقولوا هذا من عند الله، الناس راحت فين؟ فهمت لما قريت الآية قبلها أن ناس أميون أصلا ولا في دماغهم معاني القرآن، ولا يلزموا وكل اللي يلزمه البركة بس شوية طموحات عايزها وخلاص من القرآن، إنما إنه يفهم دين ويعيش دين وينصر دين ما يلزموش. معاني الدين تحرف وتبدل واحنا ما نعرفش أصلا.
أنا أتعجب أن مثلا يطلع واحد يتكلم في الدين ويقول معنى، المعنى ده يخالف أصل من أصول القرآن والناس تصدقه. ده العجيب! ده الأعجب! طب واحد ضل ما فيش مشكلة، هو خلاص! يعني يهدي من يشاء ويضل من يشاء بعلمه وبرحمته سبحانه وتعالى.
السلام عليكم ورحمة الله وبركاته. الحمد لله وحده والصلاة والسلام على من لا نبي بعده محمد صلى الله عليه وسلم. كنا نقول إني ماذا لو غاب القرآن؟ تحرف في الأصول وتضيع قضايا كلية في الدين والناس لا تشعر. الناس التي تقرأ القرآن نفسها، يعني كل رمضان المسجد يصلي بجزء وبيسمع الآيات وبعدين يروح يتفرج على برنامج يطلع واحد يغير له أصل من الأصول ويصدقه. طب ازاي تفهم يعني إيه ومنهم أميون لا يعلمون الكتاب إلا أماني.
يعني أنا أتعجب في مرة كان فيه امرأة بتتكلم، يعني هي المفروض أن هي اللي بيدوا فتاوى للدين وغير ذلك يعني أنت بتتكلم تشرح حاجات في الدين، فجت سيرة النصارى، طبعا على طول المتشددين اللي بيكفروا النصارى فبتقول إيه؟ ده حتى ربنا بيقول في القرآن إن النبي مكتوب عندهم في التوراة والإنجيل، الآية بتاعة الأعراف: ﴿الَّذِينَ يَتَّبِعُونَ الرَّسُولَ النَّبِيَّ الْأُمِّيَّ الَّذِي يَجِدُونَهُ مَكْتُوبًا عِندَهُمْ فِي التَّوْرَاةِ وَالْإِنجِيلِ﴾ [الأعراف: 157]. تقول: شفت ده القرآن أهو بيقول إن احنا بنعترف بالتوراة وبالإنجيل. طبعا أنا مش فاهم إيه وجه الاستدلال.
الغريب أن الآية ديت وفيه ناس طبعا بتصدق أن الآية دي أصلا بتقول إن النبي صلى الله عليه وسلم جاي لهم عشان يتبعوه. يعني اللي هي الآية: ﴿الَّذِينَ يَتَّبِعُونَ الرَّسُولَ النَّبِيَّ الْأُمِّيَّ الَّذِي يَجِدُونَهُ مَكْتُوبًا عِندَهُمْ فِي التَّوْرَاةِ وَالْإِنجِيلِ يَأْمُرُهُم بِالْمَعْرُوفِ وَيَنْهَاهُمْ عَنِ الْمُنكَرِ وَيُحِلُّ لَهُمُ الطَّيِّبَاتِ وَيُحَرِّمُ عَلَيْهِمُ الْخَبَائِثَ وَيَضَعُ عَنْهُمْ إِصْرَهُمْ وَالْأَغْلَالَ الَّتِي كَانَتْ عَلَيْهِمْ﴾ [الأعراف: 157]. ده هم لأهل الكتاب، والآية اللي بعدها: ﴿قُلْ يَا أَيُّهَا النَّاسِ إِنِّي رَسُولُ اللَّهِ إِلَيْكُمْ جَمِيعًا﴾ [الأعراف: 158] عالمية الرسالة.
عاد وناس يقول لك أنت مجرم أنت بتكفر النصارى. هو أنا اللي بأكفر النصارى؟ لما ربنا يقول: ﴿لَقَدْ كَفَرَ الَّذِينَ قَالُوا إِنَّ اللَّهَ هُوَ الْمَسِيحُ ابْنُ مَرْيَمَ﴾ [المائدة: 72] أو هو ابن الله أو كل الطوائف، إن الله ثالث ثلاثة، المسيح عيسى ابن مريم، سواء ده أو ده إزاي أنت بتتهمني أنا؟ وبعدين مسألة كفر النصارى والناس اللي بتتكلم فيه كثرت اليومين دول هي مبنية على أصل مهم جدا لازم الناس تبقى فاهماه، أن هذا القرآن كتاب خاتم وأنه رسالة عالمية، فبالتالي مش قضية نصارى أو يهود أو مجوس، دي الرسالة الخاتمة لكل الأمة، وكلمة الأمة يعني لكل العالم الآن.
أمال ليه ربنا بيقول: ﴿يَا أَهْلَ الْكِتَابِ قَدْ جَاءَكُمْ﴾ الخطاب لأهل الكتاب أهو، جاءكم رسولنا. طب النبي رايح لهم ليه؟ يبين لكم، سواء يبين نفس المقدمة دي في آيتين يبين لكم، ﴿يُبَيِّنُ لَكُمْ كَثِيرًا مِّمَّا كُنتُمْ تُخْفُونَ مِنَ الْكِتَابِ﴾ [المائدة: 15] أو ﴿يُبَيِّنُ لَكُمْ عَلَىٰ فَتْرَةٍ مِّنَ الرُّسُلِ أَن تَقُولُوا مَا جَاءَنَا مِن بَشِيرٍ وَلَا نَذِيرٍ﴾ [المائدة: 19]. يا أهل الكتاب قد جاءكم أمال الرسول رايح لهم برسالة ليه؟
أصل تبعات الكلام ده خطير جدا، تبعات الكلام ده أن الإسلام دين من وسط الأديان، أن اللي عايز يختار، يعني الإنسان هو حر اللي عايز يبقى كده أو كده أو كده أنت مخير. كان الصحابة يسمون ده مرتد، اللي بيترك الإسلام لدين آخر ده مرتد. دلوقتي معنى كلامنا ما فات كلامنا أنه عادي أن ده يخش الجنة وده يخش الجنة وده يخش الجنة. أنا بتخيل أصل بهذا الحجم موجود في القرآن والسنة مبني على أن الرسول ده خاتم الرسل محمد صلى الله عليه وسلم والقرآن ختم الكتب وأن الرسالة دي رسالة عالمية.
فبالتالي بعد المقدمات الثلاثة دول، أن الرسول ختم الرسل، القرآن ختم الكتب، الرسول والقرآن رسالة عالمية، فبالتالي النتيجة بعد المقدمات الثلاث أن اللي هيبتعد عن غير هذا الرسول والمنهج كافر، ما لوش مكان هنا. أن يكفر بهذا المنهج زي ما أنا بأكفر بالطاغوت: ﴿فَمَن يَكْفُرْ بِالطَّاغُوتِ وَيُؤْمِن بِاللَّهِ﴾ [البقرة: 256]. فانا بأتعجب أصل الثلاث أصول دول: قرآن خاتم الكتب، والنبي صلى الله عليه وسلم ختم الرسل، والقرآن والسنة عالمية، المعنى ده مثلا يكاد يغطي ربع القرآن، أصل من هذه الأصول غايب عن كثير من الناس إزاي؟ الواحد بيتعجب إزاي وبتحتاج نقاشات وإقناع في أصل، لأن ومنهم أميون لا يعلمون الكتاب إلا أماني وغيرها من الأصول.
أصول بتضيع، أصول قضية الحاكمية، قضية الولاء والبراء، خد الجهاد أصول بتضيع بسبب: ومنهم أميون لا يعلمون الكتاب إلا أماني. دور العلماء هنا والدعاة كسر الحواجز التي بنيت بين الناس وبين القرآن، منها بعد عن اللغة العربية وعدم فهم اللغة العربية. الناس خلاص ما عادتش مرتبطة باللغة العربية. دلوقتي تقول له اقرأ الحديث، اقرأ الحديث في البخاري، يقول لك مش فاهم. تقول اقرأ الشرح، يجيب فتح الباري مثلا يقرأ، يقول لك أنا عايز ترجمة. تقول له ده الكتاب يعني ابن حجر كاتبه بالعربي. ما هو ما يعرفش عربي، هو ما بيعرفش!
فأصبح الناس تتباهى أنه عادي يتكلم باللغة الإنجليزية لكن ما لوش في اللغة العربية، يتباهى بذلك. وزي ما احنا شايفين تلاقي الراجل اللي فاتح المحل عربي واللي بيشتروا منه عرب وكاتب البتاع بالإنجليزية، طب ليه مش عارف! طب وليه كاتبه لمين كده وهو مش عارف يعني عشان لو جت مثلا يعني ناس من برة يتفرجوا مش فاهم، على أي أساس؟ التغريب الذي حصل والبعد عن اللغة العربية والبعد عن الدين والدين يبقى مادة فرعية، كل البعد ده دي حواجز بنيت احنا لازم نكسرها.
ده دور أهل المسجد مع الناس، بيكسروا الحواجز بين آيات القرآن وناس يقربوا الناس من النصوص، فالناس تتحرك مع بعض بنصوص، يقولوا ده كذا، يقولوا ده قال الله كذا، قال رسول الله صلى الله عليه وسلم الموضوع انتهى. لذلك كتير من النقاشات اللي بتحصل في البرامج وبرامج التوك شو ممكن تنتهي بآيات، لكن هي مليانة لُد وعجن أن ما فيش آيات فاصلة واضحة تخلص الموضوع كله. لأ احنا مالين هو يقول وأنا أرد عليه وأقنعه، طب ما ربنا بيقول كذا وخلاص الموضوع خلص بما أنه مسلم يعني. بما أنه مسلم وبيعتترف بالقرآن فانا أول ما أروح أقوم فاتح المصحف وأقول له: والله أنت بتقول كذا طب ربنا سبحانه وتعالى بيقول كذا وكذا وكذا.
لو أنت بقى مش بتصدق بالقرآن نبدأ من الأول نرجع ورا خطوتين ثلاثة ما فيش مشكلة، بس بما أن أنت بتصدق بالقرآن وبتقول إنك مسلم، إذا ربنا بيقول كذا هنقفز خطوات كثيرة ونوفر أوقات كثيرة من النقاشات والجدال الذي ما لوش أي ثمر غير البعد عن القرآن. إذا لو غاب القرآن تحرف الأصول وتضيع، وهم قاصدين كده، وربنا سبحانه وتعالى قال لنا إن فيه ناس هتعمل كده: ﴿هُوَ الَّذِي أَنزَلَ عَلَيْكَ الْكِتَابَ مِنْهُ آيَاتٌ مُّحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ وَمَا يَعْلَمُ تَأْوِيلَهُ إِلَّا اللَّهُ وَالرَّاسِخُونَ فِي الْعِلْمِ يَقُولُونَ آمَنَّا بِهِ كُلُّ مِّنْ عِندِ رَبِّنَا وَمَا يَذَّكَّرُ إِلَّا أُولُو الْأَلْبَابِ﴾ [آل عمران: 7].
الناس هيستغلوا جهل بعض الناس ببعض آيات القرآن التي فيها متشابهات، يقول لك أهو ربنا بيقول كذا، ويجيب آية من المتشابهات، وربنا هو اللي قال أنا نزلت المتشابهات فتنة للناس وعشان يردوها للمحكم، الذي عايز يفهم القرآن يرد الآيات إلى بعضها البعض. هو الذي أنزل عليك الكتاب منه آيات محكمات هن أم الكتاب، يعني الآيات المحكمات دي أم الآيات المتشابهات، فكما أن الطفل ما ينفعش يبتعد عن أمه ما ينفعش تفصل المتشابهات بعيدا عن المحكمات. هن أم الكتاب وأخر متشابهات، فأما الذين في قلوبهم زيغ يعملوا إيه؟ ييجوا عند الآيات المتشابهات من غير ويشرحها من غير المحكمات، بيقول للناس: شوفته أهو القرآن بيقول كذا، ويفسد الناس. لذلك الآية اللي بعدها: وما يذكر إلا أولوا الألباب.
الآية اللي بعدها بتقول إيه؟ ﴿رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا﴾ [آل عمران: 8]. أن كلامهم ما يأسرش فينا. ابتغاء الفتنة فيتبعون ما تشابه منه ابتغاء الفتنة وابتغاء تأويله، ربنا لا تزغ قلوبنا بعد إذ هديتنا، يا رب ما تخليش كلامهم يأسر فينا بعد ما آمنا بالقرآن. وهب لنا من لدنك رحمة، قيل رحمة أي فهماً لهذه المتشابهات. صلوا على النبي.
طب أه أو لأ أي رد فعل بحيث أن ما فيش خالص؟ ما فيش مشكلة. يتعلموا الواحد الإخلاص هم. ربنا لا تزغ قلوبنا هم طلبوا طلبين بعد إيه أن في ناس بتركز على متشابهات وتفتن بها الناس فانت خايف، أول لما تشوف المؤمن يففزع إلى الله خايف على إيمانه وعلى قلبه أول لما عرف في ناس بتتبع المتشابهات عشان تضل الناس قال: يا رب لا تزغ قلوبنا بعد إذ هديتنا، أنا آمنت بالقرآن يا رب ما تخليش كلام أي حد يأسر في، لا تزغ قلوبنا بعد إذ هديتنا. طب المتشابهات اللي بيقولوها دي عايز أفهمها، وهب لنا من لدنك رحمة، الرحمة هنا قيل فهم هذه الآيات. عشان ما يبقاش في صدرك حرج، ﴿كِتَابٌ أُنزِلَ إِلَيْكَ فَلَا يَكُن فِي صَدْرِكَ حَرَجٌ مِّنْهُ﴾ [الأعراف: 2]. ما يبقاش في صدرك حرج من القرآن.
وكذلك، وهذه كنت شرحتها بالتفصيل قبل كده، وكذلك نفسر الآيات ولتستبين سبيل المجرمين. كذلك نفسر الآيات القرآنية، إيه اللي هيحصل لما احنا نفسر للناس الآيات القرآنية؟ تستبين إيه؟ سبيل المجرمين. سبيل دي مرفوعة فاعل، يعني إيه تستبين سبيل المجرمين؟ يعني طريقة المجرمين هتظهر للناس لوحدها، مش انت اللي هتبينها.
انت دورك انك تشرح الآيات القرآنية للناس. بعد ما تشرح الآيات القرآنية للناس، الناس هتعرف مين المجرم. انت أحياناً مش دورك في زمن فتن؟ مش دورك انك تقول فلان الفلاني مجرم، ممكن لو قلت كده لا يقبل منك. طب اعمل إيه في الفترة ديت؟ وانا ما ينفعش اسكت عن الباطل. ابين للناس الآيات القرآنية.
الآيات القرآنية بينت من هم المجرمون، وما وسائلهم للصد عن الدين؟ وما هي صفاتهم؟ وكيف نعرفهم؟ وما هي أخلاقهم؟ وماذا يقولون؟ وماذا سيقولون؟ سيقول سفهاء. لذلك ربنا سبحانه وتعالى بيقول للنبي صلى الله عليه وسلم: ﴿وَلَوْ نِشَاءُ لَأَرَيْنَاكَهُم فَلَعَرَفْتَهُم بِسِيمَاهُمْ﴾ [محمد: 30]. ربنا بيقول للنبي صلى الله عليه وسلم: أنا كان ممكن بالوحي أعرفك أسماء المنافقين، وأعمل لك عليهم علامات، زي ما الدجال كده عليه علامة كافر يقرؤها كل مؤمن.
كان ممكن ربنا يعمل على كل منافق في المدينة علامة فلا عرفتهم بسيماهم، كان ممكن يعملوا سيما على وجهه، يتكتب على وشه كده منافق، ويبقوا ماشيين في المدينة معروفين، مكتوب عليه منافق. طب ربنا ما عملش كده ليه؟ مش دي حاجة كانت هتبقى كويسة؟ مش دي كانت هتبقى تحل أزمة كبيرة أيام النبي صلى الله عليه وسلم؟ طب ليه ربنا ما عملش كده؟ إيه رأيكم؟
عشان الجيل اللي بعد كده، طب ده جيل المدينة عرف المنافقين، طب احنا هنعرف المنافقين إزاي؟ دي كانت هتبقى حاجة خاصة للنبي صلى الله عليه وسلم. طب فربنا قال لنا نعرف المنافقين إزاي؟ ادانا صفات: ﴿وَلَتَعْرِفَنَّهُمْ فِي لَحْنِ الْقَوْلِ﴾ [محمد: 30]. سورة بقى التوبة ومنهم ومنهم ومنهم، وسورة النساء وسورة محمد، في الأحزاب وسورة المنافقون، سور كلها تبين لك انت بعد ما تقرا السور دي كويس وتشرحها للناس كويس، فييجي يسمع واحد يقول: آه، ده انت اهو في الآية دي!
شوف بالظبط نفس الكلام مع اختلاف بس، نفس الكلام بالظبط: انت المنافق اللي القرآن قال عليه إن هييجي منافقين يبغضوا الشريعة. رأيت المنافقين يصدون عنك صدوداً. أيوه اللي بينكروا السنة، أيوه هم، موجودين اهو. اللي بيستهزئوا بأهل الإيمان، بيسخروا منهم ويلمزون المطوعين من المؤمنين في الصدقات، أيوه اللي بيقولوا لا تنفروا في الحر اهم، اللي بيقولوا ما فيش قتال وما فيش جهاد والجهاد انتهى، وما عادش فيه حاجة اسمها جهاد، اهم موجودين المنافقين اهو. أيوه هو خلاص، انت عرفته.
مواصفات: القرآن نزل على المسلمين يبين لهم مواصفات، اللي يعمل كذا كذا كذا كافر، اللي يعمل كذا كذا كذا فاسق، اللي يعمل كذا كذا كذا منافق. تشربوا المعاني دي، راحوا المدينة عاشوا وسط الناس، هم عرفوا لوحدهم. مات الرسول صلى الله عليه وسلم، الصحابة عاشوا بالقرآن عرفوا يتعاملوا مع الناس دي، عرف امتى يتعامل مع ده وامتى يتعامل مع ده. لن تتضح سبيل للمجرمين للناس عامة إلا بعد ما إن احنا نشرح لهم القرآن، نفصل لهم الآيات القرآنية.
كلامنا مش هيقبل، احنا كلامنا كبشر مش هييجي يقول لك اصل انت، انت لك أغراض دنيوية، اصل انت لك أغراض سياسية، أيوه اصل انت بتقول إن الكلام ده يضاد الشريعة وأن ده من الحكم بغير ما أنزل الله، أنت بتقول كده عشان أنت عايز الحكم. إنما لما تقول له قال الله عز وجل: ﴿وَمَنْ لَمْ يَحْكُمْ بِمَا أَنْزَلَ اللَّهُ فَأُولَئِكَ هُمُ الْكَافِرُونَ﴾ [المائدة: 44]، لما تدي له آيات وتبين له الأحكام وتقول له النبي صلى الله عليه وسلم قال كذا كذا كذا، انت حر بقى.
انت خطبت بقى، أنا شاهد عليك يوم القيامة أن أنا بلغتك. ده من أهم الأساليب ولا سيما في هذه الأيام، انك أنت ما تتدخلش، تطرح عليه تشرح له الآيات والأحاديث وتسيبه هو. واللي مش هيفهم كده مش هيفهم حتى لو صرحت. بتقول لي لأ، ما هو لازم أقول له على فلان الفلاني، اللي مش هيفهم كده مش هيفهم: ﴿وَلَوْ أَنَّنَا نَزَّلْنَا إِلَيْهِمُ الْمَلَائِكَةَ وَكَلَّمَهُمُ الْمَوْتَى وَحَشَرْنَا عَلَيْهِمْ كُلَّ شَيْءٍ قُبُلًا مَا كَانُوا لِيُؤْمِنُوا﴾ [الأنعام: 111]. خلاص، مش هيسيبهم.
الفترة اللي احنا فيها فترة عصيبة، وفتن وابتلاءات، الناس مش تتحمل انك تواجهها بحقائق عن أشخاص أو عن عقائد أو أفكار ضالة، مش هيستطيع. مش هيستطيع أن هو يترك تقاليد عايش عليها سنين بكلامك، إنما أنت تقول له قال الله تعالى كذا، قال رسول الله صلى الله عليه وسلم كذا، تستر بالنصوص، واتكلم القرآن والسنة، هتتضح سبيل المجرمين. ساعتها يهلك من هلك عن بينة.
اللي عايز بقى مصمم يسير بعد هذا التبيين، وفي ناس هتسير بعد التبيين، بعد كل تبيين اللي بيحصل فيه، في ناس هتختار طريق الضلالة عن وضوح. ربنا بيقول: ﴿لِيَهْلِكَ مَنْ هَلَكَ عَنْ بَيِّنَةٍ﴾ [الأنفال: 42]. يعني في ناس راحت قاتلت، الآية دي في سورة الأنفال في غزوة بدر، في ناس قتلت في غزوة بدر ضد المسلمين وماتت عن بينة أن ده الرسول الحق. تخيل، هلك عن بينة من أمره، ده بيحصل.
فده هيفضل موجود لكن احنا دورنا التبيين والتفصيل. لن تستبين سبيل المجرمين إلا بعد تفصيل الآيات القرآنية، وكذلك نفصل الآيات ولتستبين سبيل المجرمين، آية سورة الأنعام، موقع خاص وارتباط بالآيات كنا شرحناها في سلسلة في تفسير سورة الأنعام وارتباط هذه الآية. الشاهد ماذا لو غاب القرآن؟
كان أيضاً من أهم الأشياء، ولكن برضه أذكر في هذا المسجد المبارك تكلمت فيها في سورة الزخرف، عندما يغيب القرآن تستخف العقول، على النت مسألة شرح سورة الزخرف كيف تستخف عقول الناس عندما يغيب القرآن. إزاي فرعون قدر يضحك على الناس بخطاب عقيم تافه سفيه؟ والناس صدقته إزاي عندما غاب القرآن؟ إزاي المشركين استطاعوا يدحكوا على عقول الناس عندما غاب القرآن؟ هناك لما أعرضوا عن القرآن.
فأقول عندما يغيب القرآن أو نتغيب نحن عن القرآن، كما أخبر النبي صلى الله عليه وسلم: أمتا يتخذ رؤوسا جهالا؟ قال النبي صلى الله عليه وسلم: ذلك يحدث عند موت العلماء. طب افرض العلماء موجودين بس ساكتين، يتموتون؟ برضه الناس هيتخذوا رؤوسا جهالا. فماذا لو غاب القرآن؟ مش معناها أن القرآن خلاص مش هلاقيه في المصاحف، لأ، لكن احنا اللي متغيبين عن القرآن. وزي ما قلت لكم أشهر مثال: ﴿وَمِنْهُمْ أُمِّيُّونَ لَا يَعْلَمُونَ الْكِتَابَ إِلَّا أَمَانِيَّ﴾ [البقرة: 78]. التوراة موجودة عندهم، لكن هم مش فاهمين ولا شاغلين بالهم أن هم يفهموا ولا حد بيفهمه.
بل كانوا علماء اليهود يقصدوا أنهم ما يشرحوش التوراة للناس، وأن مش أي حد يبقى فاهم التوراة، قلة قليلة بس اللي فاهمة التوراة. وكانوا يكتبوا، يوزعوا التوراة مش في كتاب واحد، تجعلونه قراطيس تبدون وتخفون كثيرا، بحيث يقسم، ما يبقاش المصحف في كتاب واحد، لأ. افرض عايز أشيل منه حتة، يرجع الناس تبص تلاقي عدد الصفحات قل، لأ، هو يقسمها قراطيس، يطلع على ما يحب القرطاس ده مثلاً، جزء يعني من الكتاب، كتب صغيرة. الجزء ده مثلاً فيه أخلاق، هو عايز الناس الأخلاق بس، مش عايز مثلاً العبادات، يطلع للناس جزء. طب مش عايز الأخلاق، يرجع يخبي جوز الأخلاق ويطلع للناس جزء العبادات. طب جزء القتال؟ لأ، خبيه الوقتي. جزء الحكم خبيه. جزء كذا طلعه.
التقسيمة دي، واحد كان بيتعجب إزاي يحرف في الكتاب ويكتب ويتقal لهم ده ربنا اللي قايله والناس تصدق. طب القرآن محفوظ، الكلمات القرآن محفوظة من التبديل، لكن معاني القرآن هتظل يتصدر لها ناس بتحرفهم. فلازم يتصدر لهم. وأخبر النبي صلى الله عليه وسلم أنه لا تزال طائفة من الأمة تفعل ذلك، نسأل الله أن نكون منهم، اللي بتبين تحريف المبطلين للقرآن.
في ناس تحرف معاني القرآن، يعني وده أشد على فكرة استخفافا بالعقول. يعني بتوع اليهود لما يغيروا الكلام ويكتبوا كلام وبعدين يروحوا للناس يقولوا لهم: شوفوا اهو ربنا بيقول اهو! فالناس تيجي تبص تقول: آه فعلا، بس هو حرف في الكلام. احنا بقى ما بنعملش كده، في هذه الأمة ما بيحصلش كده. بييجي الأئمة المضلين، الآيات زي ما هي، مش قادر يحرفها: ده الآيات دي أصلاً مش موجودة؟ مش معناها كده. مش معناه كده خالص.
طب إزاي الآية واضحة دلالة؟ تحتاج زي ما شيخ الإسلام بيقول: كثير من أهل القرآن لا يحتاج إلى تأويل أصلاً ولا تفسير، ده الآية واضحة. لا لأ، ده مش معناه كده، له معنى آخر باطني غير المعنى الظاهر، ويضحكوا على الناس وناس تصدقهم، ليه؟ لما انتشرت، خد بالك من اللفظة دي، لما انتشرت الأمية القرآنية: ﴿وَمِنْهُمْ أُمِّيُّونَ﴾ [البقرة: 78]. لذلك أحبتي في الله، ماذا لو غاب القرآن؟ موضوع طويل، ولكن أختم أن الله عز وجل حتى يحفظ هذا الدين، لم يحفظ النبي صلى الله عليه وسلم من الموت من التبديل.
إن الله عز وجل، احفظ معي القاعدة دي، أن الله عز وجل من أجل أن يحفظ هذا الدين إلى يوم القيامة، كان ممكن حاجة من اتنين: أن اللي بيشرح وبيطبق الدين يفضل موجود معصوم من الموت إلى يوم القيامة، النبي صلى الله عليه وسلم يفضل موجود معنا إلى يوم القيامة، أو المنهج يفضل معصوم من التبديل والتغيير. اختار الله عز وجل أن يموت النبي محمد صلى الله عليه وسلم وأن يحفظ القرآن من التبديل والتهليل. ما فيش نجاة ولا عصمة إلا بالتمسك بالقرآن وبالسنة.
ما فيش نجاة ولا عصمة، عيد بقى الكلام اللي احنا قلناه: الثبات، الهداية، توفيق السداد، الفهم، وضوح الرؤية، نجاة من الفتن، فهم قواعد الكلية والأصول، عدم الاستخفاف بالعقول، فهم سفاهة الأفكار. كل ده يحدث حينما نعود للقرآن.
أسأل الله عز وجل أن يفقهنا في ديننا وأن يعلمنا التأويل. اللهم اجعلنا من أهل القرآن الذين هم أهلك وخاصتك. اللهم ارزقنا قراءة القرآن آناء الليل وأطراف النهار على الوجه الذي يرضيك عنا. اللهم استعملنا لنشر القرآن في الأرض. اللهم علمنا منه ما جهلنا، وذكرنا منه ما نسينا. اللهم اهدنا واهد بنا واجعلنا سببا لمن اهتدى.
اللهم اصرف عن بلادنا مصر الفتن وعن سائر بلاد المسلمين. اللهم جنبنا الفتن ما ظهر منها وما بطن. اللهم وحد صفنا واجمع شملنا على أتقى قلب رجل منا يا رب العالمين. اللهم قيد لهذا البلد أمر رشد يعز فيه أهل طاعتك، ويهدى فيه أهل معصيتك، ويؤمر فيه بالمعروف، وينهى فيه عن المنكر يا رب العالمين.
اللهم ربنا آتنا في الدنيا حسنة وفي الآخرة حسنة وقنا عذاب النار. أقول قولي هذا واستغفر الله لي ولكم. سبحانك اللهم وبحمدك، أشهد أن لا إله إلا أنت، أستغفرك وأتوب إليك.