تفسير سورة الليل | د. أحمد عبد المنعم

السلام عليكم ورحمة الله. الحمد لله وحده، والصلاة والسلام على من لا نبي بعده، محمد صلى الله عليه وسلم. بإذن الله عز وجل، اليوم سيكون تفسير سورة الليل. نريد بس أننا نجدد النوايا دائما قبل مجلس التفسير.

نحن نتذكر أن مجالس القرآن تحفها الملائكة، توفيق من الله عز وجل بفضل منه سبحانه وتعالى، وتتنزل عليها السكينة، وتغشاها الرحمة، ويذكرها الله عز وجل فيمن عنده. إذاً، مجلس القرآن ليس مجرد مجلس. النبي صلى الله عليه وسلم لما أخبر وبشر أن مجالس الذكر لا يشقى بها الجليس، فما بالكم؛ يعني هذا الجليس العابر -واحد عابر وجلس- لا يشقى، هذا للجليس العابر، فما بالكم بالأنيس والمثابر؛ يعني الذي يأنس في القرآن أو يثابر لفهم القرآن.

فتحة من الله عز وجل عليه ولا يشقى أبداً. قال الله عز وجل: ﴿طَهَ * مَا أَنزَلْنَا عَلَيْكَ الْقُرْآنَ لِتَشْقَى﴾ [طه: 1-2]. إذاً، كلما اقترب الإنسان من القرآن، كلما ابتعد عن الشقاء. إذاً، مجالس تدبر القرآن والتفكر في القرآن والمجاهدة للعمل بالقرآن هي مجالس مباركة، يذكرها الله عز وجل ويخصها بشيء من عنده سبحانه وتعالى. نسأل الله عز وجل أن يكون لنا أكبر وأوفى نصيب من هذا الفضل منه سبحانه وتعالى.

سورة الليل سورة من جزء عم، سورة مكية. وأيضاً أذكر أن القرآن لما نزل -وأكرر هذا الأمر- القرآن لم ينزل على واقع متوقف أو ساكن، بل واقع متحرك؛ الواقع كله حركة وبذل لنصر الدين، سواء في السور المكية أو في السور المدنية، سواء في استقرار المدينة أو في الغزوات في الجهاد، أو في واقع الاستضعاف في مكة كان يحتاجون لنزول هذه الآيات. ونكرر قول الله عز وجل لما الكفار قالوا: لولا نزل عليه القرآن جملة واحدة. كذلك أنزل الله عز وجل القرآن مفرقاً منجماً، ليه كذلك؟ لنثبت به فؤادك. أي أن النبي صلى الله عليه وسلم وبالتالي صحابته رضوان الله عليهم كانوا يحتاجون إلى القرآن. فلما بيجي سورة معينة أنت مش حاسس بيها أو مش حاسس بمعانيها، اعرف أن السورة دي تحديدا كان الصحابة منتظرينها، وأن هي فرقت مع الصحابة جداً، وأن نزولها على قلوب الصحابة من أهم أسباب الثبات له. يعني السورة اللي بالنسبة لك سورة عابرة بتقرأها مش حاسس بمعانيها مش واخد بالك من أهميتها، اعلم أن هذه السورة هي هي بنفس الكلام الذي تكلم الله جل وعلا به وحفظه من التبديل والتحريف، هي هي كان الصحابة ينتظرونها، وكانت بتزيد من ثباتهم وبذلهم لنصرة دين الله عز وجل.

سورة الليل واقع مكي مليء بالاستضعاف، بل زي ما الإمام ابن عاشور قال إن السورة من أوائل ما أنزل في واقع مليء بانتشار الكفر وقلة انتشار الإيمان، لذلك بدأت السورة بالليل عكس السورة التي قبلها الشمس. وكأن الليل كان منتشراً: ﴿وَاللَّيْلِ إِذَا يَغْشَىٰ﴾ [الليل: 1] أي أنها إشارة إلى انتشار الكفر في واقع ينتشر فيه الكفر، ويحتاج إلى من يبذل لينصر هذا الدين.

موضع سورة الليل وسط سور جزء عم في ترتيب المصحف؛ كثير من العلماء أشار أن قد يكون هناك تناسب بين ترتيب المصحف وأن ده توقيفي، سواء بأمر النبي صلى الله عليه وسلم أو أجمع الصحابة عليه بالإجماع. الشاهد، لما نجي نشوف كده من أول سورة النبأ لغاية سورة الانشقاق، هنجد أن شوط طويل من السور اللي بتتكلم عن الموت والدار الآخرة، خاصة الدار الآخرة -تتخللها المطففين هي اللي خرجت تقريبا لمواضيع معينة، لكن عادت في مضمون السورة للكلام عن هذه القضايا-. بعد سورة الانشقاق جت سور في البروج والطارق الأعلى؛ ثلاث سور متتاليات بتبين أن نصرة الدين تحتاج إلى بذل، وأن في أهل باطل سيعادون انتشار الدين، وسيصل العداء من أهل الباطل لمحاربة الدين لن يتوقف عند السخرية، زي ما في ختام سورة المطففين: ﴿إِنَّ الَّذِينَ أَجْرَمُوا كَانُوا مِنَ الَّذِينَ آمَنُوا يَضْحَكُونَ﴾ [المطففين: 29]، لن يتوقف عداء أهل الباطل عند مجرد السخرية، بل سينتقل إلى القتل والتحريق، زي ما في سورة البروج.

فربنا سبحانه وتعالى في سورة البروج والطارق والأعلى ذكرنا نوع من انواع التناسب قبل ذلك وفي تفسير سورة الأعلى، أن دي سلسلة من الحفظ بدأت من قول الله عز وجل: ﴿بَلْ هُوَ قُرْآنٌ مَّجِيدٌ * فِي لَوْحٍ مَّحْفُوظٍ﴾ [البروج: 21-22]. بعد كده: ﴿وَالسَّمَاءِ وَالطَّارِقِ * وَمَا أَدْرَاكَ مَا الطَّارِقُ * النَّجْمُ الثَّاقِبُ﴾ [الطارق: 1-3] النجم الذي يحرق الشياطين التي تحاول استراق السمع، فالقرآن في اللوح المحفوظ محفوظ، ثم أثناء رحلة النزول محفوظ، ثم في صدر النبي صلى الله عليه وسلم محفوظ: ﴿سَبِّحِ اسْمَ رَبِّكَ الْأَعْلَى * الَّذِي خَلَقَ فَسَوَّىٰ * وَالَّذِي قَدَّرَ فَهَدَىٰ * وَالَّذِي أَخْرَجَ الْمَرْعَىٰ * فَجَعَلَهُ غُثَاءً أَحْوَىٰ * سَنُقْرِئُكَ فَلَا تَنسَىٰ﴾ [الأعلى: 1-6]، فإن القرآن بالرغم من كل العداء ومحاولات شياطين الانس والجن تحريف القرآن وقتل اهل القرآن، إلا أن القرآن محفوظ.

بالرغم من كل هذا الوضوح سورة البروج والطارق والأعلى، تيجي سورة الغاشية وأن في ناس بيغش عليها وبيعمى عليها. بعد كده أن لابد أن نأخذ بأسباب الطمأنينة في سورة الفجر. عندنا ثلاث سور بقى متتاليات عشان نوصل لسورة الليل: البلد والشمس والليل. وفي الثلاث سور ذكر الله عز وجل أن في اختلاف في الطرق، قال الله عز وجل في سورة البلد: ﴿وَهَدَيْنَاهُ النَّجْدَيْنِ﴾ [البلد: 10]. وقال الله عز وجل في سورة الشمس: ﴿وَنَفْسٍ وَمَا سَوَّاهَا * فَأَلْهَمَهَا فُجُورَهَا وَتَقْوَاهَا﴾ [الشمس: 7-8]. وقال الله عز وجل في سورة الليل: ﴿إِنَّ سَعْيَكُمْ لَشَتَّىٰ * فَأَمَّا مَنْ أَعْطَىٰ وَاتَّقَىٰ * وَصَدَّقَ بِالْحُسْنَىٰ * فَسَنُيَسِّرُهُ لِلْيُسْرَىٰ * وَأَمَّا مَنْ بَخِلَ وَاسْتَغْنَىٰ وَكَذَّبَ بِالْحُسْنَىٰ﴾ [الليل: 4-9].

فنجد أن الثلاث سور دول أيضاً يستمر معنا البلاء والمعاناة والمكابدة: ﴿لَقَدْ خَلَقْنَا الْإِنسَانَ فِي كَبَدٍ﴾ [البلد: 4]. سورة البلد وسورة الشمس إن الإنسان لابد أنه يجاهد نفسه حتى يزكي: ﴿قَدْ أَفْلَحَ مَن زَكَّاهَا﴾ [الشمس: 9] تكلف ذلك، وأيضاً في سورة الليل لازم تبذل مجهود عشان نفسك تتزكى، وعشان تتخلص من رواسب الظلم والجهل الموجودة في النفس. الشاهد أن الثلاث سور دول أيضاً بيخبروك هناك طريق من اتنين، لابد أن تجاهد حتى تصل.

أقسم الله عز وجل في السورة التي معنا والليل. لما نجي نبص على سورة الشمس، وكأن الفطرة هي الشمس؛ أحياناً يعلوها الظلام لفترة، ثم تيجي بعدها سورة الضحى، فكأن لما تشوف الترتيب كده: الشمس، الليل، الضحى؛ بدأت في الشمس وختمت بالضحى، كأن شمس الفطرة ونور القرآن أحياناً تمر فترات من انتشار الظلام وانتشار الكفر وانتشار الجهل، ده اللي هو الليل.

عشان كده لما ربنا قال: ﴿وَاللَّيْلِ إِذَا يَغْشَىٰ﴾ [الليل: 1] أن الليل مجرد بيعمل ايه أنه يغطي. لكن قال: ﴿وَالنَّهَارِ إِذَا تَجَلَّىٰ﴾ [الليل: 2] ظهر. ربنا لما خلق المخلوقات خلق مخلوق يضيء اللي هو الشمس، ما خلقش مخلوق يظلم، الظلام هو موجود الشمس تيجي تنور، متى يأتي الظلام إذا غابت الشمس، متى ينتشر الباطل إذا غاب الحق، متى ينتشر الباطل إذا غاب أهل الحق؟ هي دي الطبيعة.

لذلك قال الله عز وجل: ﴿قُلْ جَاءَ الْحَقُّ وَزَهَقَ الْبَاطِلُ ۚ إِنَّ الْبَاطِلَ كَانَ زَهُوقًا﴾ [الإسراء: 81] الباطل بيمشي بمجرد مجيء الحق، زهوقاً أي سريع الذوبان والانتشار. المسيح الدجال أعظم فتنة بيموت إزاي؟ بمجرد ما يرى المسيح عيسى ابن مريم فيذوب، فيقول: إن لي فيك ضربة. المسيح بيقول لعيسى عليه السلام يقول للدجال: لن تفر، بمجرد ما يظهر المسيح بيموت الدجال.

إذاً، بمجرد ظهور الحق ونزول القرآن ومجاهدة بالقرآن والتخلق بأخلاق القرآن، يذهب ويندثر الباطل. إذاً، لما قال الله عز وجل هنا في سورة والليل إذا يغشى بعد سورة الشمس، سورة الشمس ربنا سبحانه وتعالى لما أخبر عن الأعمال قال بتزكية النفوس، قال إيه: ﴿وَنَفْسٍ وَمَا سَوَّاهَا * فَأَلْهَمَهَا فُجُورَهَا وَتَقْوَاهَا * قَدْ أَفْلَحَ مَن زَكَّاهَا * وَقَدْ خَابَ مَنْ دَسَّاهَا﴾ [الشمس: 7-10].

يبقى سورة الشمس ربنا سبحانه وتعالى لما أقسم بالنفس قال: ونفس وما سواها، لما أقسم -معلش هي المقدمة صعبة بنحاول نلم متفرقات موجودة في جزء عم-. لما أقسم الله عز وجل بالنفس، أقسم أو أشار إلى تزكيتها، قال: ونفس وما سواها، قال إيه: قد أفلَح من زكاها. لما أقسم الله بالجسد وبالخلق، اللي هو: ﴿وَمَا خَلَقَ الذَّكَرَ وَالأُنثَى﴾ [الليل: 3] أشار إلى العمل، زي ما في نفس محتاجة تزكية، في جسد محتاج لأعمال. سورة الشمس أشارَت إلى أن نفسك محتاجة تتزكى، محتاجة تحضر دروس، محتاجة تسمع قرآن، محتاجة تسمع عن الأخلاق، محتاج تتزكى، النفس محتاجة تزكية، والجسد يحتاج إلى إيه؟ إلى عمل. الجسد يحتاج إلى عمل، لذلك: ﴿الَّذِينَ آمَنُوا وَعَمِلُوا الصَّالِحَاتِ﴾.

زي ما نفسك بتحتاج أن هي تطهر وتتزكى، بدنك أيضاً يحتاج إلى أن يبذل أعمال صالحة، لا تكتفي بمجرد السماع، بل لابد من العمل والبذل.

نبدأ الكلام في سورة الليل، أقسم الله عز وجل: ﴿وَاللَّيْلِ إِذَا يَغْشَىٰ * وَالنَّهَارِ إِذَا تَجَلَّىٰ * وَمَا خَلَقَ الذَّكَرَ وَالْأُنثَىٰ﴾ [الليل: 1-3] ثلاث أقسام أو أربع أقسام متتاليات، جواب القسم: ﴿إِنَّ سَعْيَكُمْ لَشَتَّىٰ﴾ [الليل: 4]. والليل إذا يغشى، بالليل قلنا بيجي يغطي، لما بتظهر الشمس بيفر الليل خلاص، بينتهي الليل بمجرد مجيء الشمس. والليل إذا يغشى، أن يغطي، وكأن زي ما في تنوع بين الليل والنهار وتنوع بين الذكر والأنثى، كذلك في تنوع بين الحق والباطل والخير والشر، وفي ناس اهل حق وفي ناس اهل باطل. تنوع الليل والنهار والذكر والأنثى ده إجباري، فربنا سبحانه وتعالى هو اللي بيسير ذلك. تنوع أهل الباطل والحق، أنت ربنا أعطاك القدرة بتوفيق منه سبحانه وتعالى أو بخذلان منه أنه يسير في مسير أهل الحق أو أهل الباطل، زي لما ربنا قال عن الاختلاف في الحق والباطل، جاب افعال الإنسان، قال إيه: ﴿فَأَمَّا مَنْ أَعْطَىٰ وَاتَّقَىٰ * وَصَدَّقَ بِالْحُسْنَىٰ * فَسَنُيَسِّرُهُ لِلْيُسْرَىٰ * وَأَمَّا مَنْ بَخِلَ وَاسْتَغْنَىٰ * وَكَذَّبَ بِالْحُسْنَىٰ * فَسَنُيَسِّرُهُ لِلْعُسْرَىٰ﴾ [الليل: 5-10] أنت اللي بتختار تمشي في الطريق ده والتاني، وأما من بخل واستغنى وكذب والعياذ بالله.

أقسم الله عز وجل هنا بالليل ليه؟ والمقدمة بالليل ليه؟ لأن قلنا جو نزول السورة ده مهم جداً عشان تفهم السورة. واحنا قلنا السورة اللي كان الصحابة محتاجينها وكانت بتأسر فيهم، وما بتأسرش فينا ليه؟ لأن احنا مش عايشين جو نزول السور. السورة نزلت في جو مليء بالاستضعاف، جو لو حد في الوقت ده قال إن الإسلام هينتشر، المنافقين بيعتبروا ده جنون، ينتشر إزاي واحنا في قمة الاستضعاف؟ إن في الوقت ده حد يقول الإسلام هيبقى دين عالمي؟ ممكن المنافقين يعتبروا ده جنون. إزاي يعني في هذه الأوقات؟ في أعمال مهمة لازم نعملها، هي دي اللي هتيجي معانا في السورة. الأوقات اللي منتشر فيها الظلام وقلة في أهل الحق وقلة الاستبصار من الناس، نعمل إيه؟ واقع أشبه بالذي نعيشه، هتيجي توجيهات في السورة تعمل إيه عشان توفق وتهتدى في هذا الوقت اللي انتشر فيه الظلام اللي الليل فيه بيغشى.

الكافر سمي كفرا؛ الكافر لغة هو إيه؟ كافر المزارع اللي بيجيب البذرة ويغطيها بالتراب، بيغطي البذرة بيكفرها، يعني بيضعها في التراب، فالكفر هو عبارة عن إيه؟ عن تغطية لنور الفطرة بنور القرآن، تغطية مجرد أن هو.. لذلك لما ربنا قال في سورة الشمس: ﴿وَنَفْسٍ وَمَا سَوَّاهَا * فَأَلْهَمَهَا فُجُورَهَا وَتَقْوَاهَا * قَدْ أَفْلَحَ مَن زَكَّاهَا﴾ [الشمس: 7-9] دور الإنسان مع النفس أنه يجاهد أنه يزكي. طب اللي عايز والعياذ بالله طريق الضلال يعمل إيه؟ ﴿وَقَدْ خَابَ مَنْ دَسَّاهَا﴾ [الشمس: 10] دساها يعني إيه؟ غطاها، نفس فكرة الكافر؛ يعني مجرد أنك تغطي نفسك وتبعد نفسك عن نور القرآن ونور الوعظ ونور الإيمان، اعرف أنك كده بتضيع نفسك.

غيابك عن بيئات الإيمان وعن لحظات الوعظ وعن سماع القرآن، ده كفيل أن نفسك تكون نفس أمارة بالسوء، لكن عشان نفسك تزكو لابد من مجاهدة، قد أفلح من زكاها، بذل مجهود أن نفسه تتزكى، تعب عشان نفسه تتزكى. أنما اللي ضيع نفسه مجرد أنه منع نفسه من سماع الخير فحبس نفسه: فلا هي أطعمتها ولا هي تركتها تأكل من خشية الأرض، منع نفسه أن هي تتلقى أي خير. المرأة التي حبست هرة عوقبت في جهنم، أمال اللي بيحبس نفسه وبيظلم نفسه وبيبعد نفسه عن سماع الخير والقرآن والوعظ، ده إيه اتعمل في إيه؟ ده ظالم والعياذ بالله.

أقسم الله عز وجل معنا في السورة: ﴿وَاللَّيْلِ إِذَا يَغْشَىٰ﴾ بيغطي الليل بيجي يغطي: ﴿وَالنَّهَارِ إِذَا تَجَلَّىٰ﴾ [الليل: 2]. مهما طال الليل سيظهر النهار، فالسورة لما نزلت كانت بشرى، مهما انتشر الكفر واستكبر أهل الباطل اعلموا أن النهار سيأتي بل سيتجلى وينتشر، فكانت بشرى بانتشار الإسلام بالرغم من وقت الاستضعاف. ﴿وَاللَّيْلِ إِذَا يَغْشَىٰ * وَالنَّهَارِ إِذَا تَجَلَّىٰ * وَمَا خَلَقَ الذَّكَرَ وَالْأُنثَىٰ﴾ [الليل: 1-3].

العلماء قالوا من معاني الليل والنهار والذكر والأنثى، وكأن الذكر والأنثى أشبه بالليل والنهار، الذكر أشبه بالنهار والأنثى أشبه بالليل. والذكر فيه الظهور والانتشار والقوة، والليل فيه السكون والهدوء والطمأنينة، والمفروض المرأة تبقى إيه؟ هي أشبه بفترة المفروض يعني السكون والهدوء والطمأنينة والراحة والسكن: ﴿وَجَعَلْنَا اللَّيْلَ لِبَاسًا﴾ [النبأ: 10] غطاء ساتر، كذلك المرأة.

فبعض العلماء حاول يبحث عن متشابهات بين النهار والذكر والليل والأنثى، وأن التنوع اللي ربنا جعله بين الليل والنهار والتنوع فيه تكامل؛ زي ما أنت محتاج النهار عشان تشتغل ومحتاج الليل عشان تستريح، الذكر يحتاج للأنثى والأنثى تحتاج إلى الذكر؛ الأنثى تحتاج إلى مجهود للذكر والبذل والقوة، والذكر يحتاج إلى الراحة والسكينة والطمأنينة عند الأنثى، زي ما الإنسان بيحتاج لليل، ففيه تكامل.

إذاً، فيه تنوع في الكون يؤدي إلى نفع، وفي اختلاف؛ سنة الاختلاف سنة. كذلك فيه اختلاف في الخير والشر، هيفضل موجود إلى يوم القيامة، ولا يزالون مختلفين، زي ما بنكرر دايماً فكرة التصالح الأبدي بين الحق والباطل فكرة وهمية، صراع بين الحق والباطل مستمر إلى يوم القيامة.

مستمر، لن تقوم الساعة حتى يقاتل المسلمون اليهود. صراع مستمر إلى يوم القيامة، لن يتوقف، والجهاد ماضٍ إلى يوم القيامة. اللي بيعتقد إن هيحصل قاعدة صلح بين الحق والباطل هذا وهم.

ممكن أهل الباطل يضحكوا على بعض أهل الحق بالكلمات دي، ﴿وَاللَّيْلِ إِذَا يَغْشَى * وَالنَّهَارِ إِذَا تَجَلَّى * وَمَا خَلَقَ الذَّكَرَ وَالْأُنْثَى﴾ [الليل: 1-3]. الآيات دي، يعني إيه؟ بعض العلماء قالوا: وما خلق، أيوه، الذي خلق الذكر والأنثى؛ زي قول الله عز وجل، نفس الخلاف اللي اتقال، ﴿وَالسَّمَاءِ وَمَا بَنَاهَا﴾ [الشمس: 5]، أيوه، السماء والذي بناها، و﴿وَالْأَرْضِ وَمَا طَحَاهَا﴾ [الشمس: 6]، والأرض والذي طحاها، إي والله، الذي طحاها. فقيل: معنى قول الله عز وجل: وما خلق الذكر والأنثى، أي والذي خلق الذكر. بعض العلماء قال: ما هنا بيسموها ما مصدرية. يعني إيه مصدرية؟ يعني هي والفعل اللي بعدها بتبقى اسم مصدر، فيبقى معنى الآية: وخلق الذكر والأنثى؛ يقسم الله عز وجل بقدرته على خلق الذكر والأنثى من ماء واحد، رغم إن هو المني، ماء واحد والبداية واحدة ونطفة، لكن سبحانه قادر إنه يجعل منه الذكر والأنثى.

وكذلك زي ما ربنا برضه قال إن الأرض بتتلَقَّى ماءً واحدًا، يُسقى بماء واحد، لكن نُفَضِّل بعضها على بعض في الأكل؛ وكذلك الناس ممكن تستمع للقرآن، لكن النتيجة مختلفة، ﴿فَسَالَتْ أَوْدِيَةٌ بِقَدَرِهَا فَاحْتَمَلَ السَّيْلُ زَبَدًا رَابِيًا﴾ [الرعد: 17]. إذن الناس في تلقي القرآن مختلفين. نفس التعبير اللي قاله النبي صلى الله عليه وسلم -صلوا عليه-: «مثل ما بعثني الله به من الحق والهدى كمثل الغيث الكثير، أصاب أرضًا؛ منها طَيِّبَةٌ أنبتت العشب والكلأ الكثير، ومنها أجادبُ أمسكت الماء، وكان منها قيعان...».

أنواع الناس في تلقي القرآن مختلفين؛ منها اللي بينبت العشب والكلأ الكثير، ومنها أجادبُ مجرد بتحفظ بدون إنتاج أو فهم أو ابتكار، ومنها التي لا تحفظ ولا تفهم. ﴿وَمَا خَلَقَ الذَّكَرَ وَالْأُنْثَى * إِنَّ سَعْيَكُمْ لَشَتَّى﴾ [الليل: 3-4]، ثم قال الله عز وجل يؤكد أن سعيكم لشتى. يؤكد هذه الحقيقة: الناس هتفضل مختلفة، هيفضل فيه صراع.

في أمر عجيب قوي الواحد بدأ يسمعه الفترة دي من دعاة الضلالة، إن بيستدلوا على من إن الاختلاف سنة كونية، وإن الاختلاف مستمر إلى يوم القيامة، بيستدلوا بده على أننا نترك المدافعة عن الحق، ونترك الجهاد، ونترك الدعوة. يقول لك ما تدعوش بقى، ما هو ربنا أراد كده! يستدل بالارادة الكونية على الإرادة الشرعية، بمعنى إن ربنا أراد شيء كونا ما ينفعش تقول ما ربنا أراد كذا كونا يبقى أنا شرعا ما ينفعش أعمله. ما ينفعش، يعني هل الله عز وجل أراد كونا بقاء إبليس؟ نشروا عنا، نعوذ بالله من الشيطان الرجيم. لأ، ربنا أراد كونا إن إبليس يفضل موجود، ولما قال له: ﴿أَنْظِرْنِي﴾ [الأعراف: 14]، قال: ﴿فَإِنَّكَ مِنَ الْمُنْظَرِينَ﴾ [الحجر: 37]. هل معنى كده إن أنا أصاحبه بقا؟ أقول ما هو خلاص ما ربنا اللي سايبه، خلاص نبقى أصحاب وأسمع كلامه وربنا اللي سايبه؟

تستدل بالإرادة الكونية على الإرادة الشرعية ده ضلال! فتجد أن بعض الدعاة الآن -دعاة الضلالة، سماهم النبي صلى الله عليه وسلم دعاة على أبواب جهنم- بيقولوا لا، الاختلاف ده أمر ربنا أراده، وما ينفعش إن أنت تدعو لدين الحق بتاعك، لأن لو كان ربنا أراد إنه دين واحد كان عمل دين واحد، وطالما ربنا نوّع يبقى نسيب الموضوع متنوع، وما حدش يدعو للدين بتاعه ولا يجاهد لأجل الدين بتاعه. ده طبعا هدم في أسس عظيمة في هذا الدين.

الشاهد؛ قال الله عز وجل: ﴿إِنَّ سَعْيَكُمْ لَشَتَّى﴾. إثبات أننا مختلفين لا يعني بإقرار أهل الباطل على باطلهم، ده بالعكس، ده يدل إن أهل الحق محتاجين يبذلوا مجهود أكتر. خد بالك من تعبير: أن سعيكم؛ أهل الباطل بيسعى، إذا لابد من أهل الحق أن يسعوا، سعي بذل مجهود. قال الله عز وجل: ﴿إِنْ تَكُونُوا تَأْلَمُونَ فَإِنَّهُمْ يَأْلَمُونَ كَمَا تَأْلَمُونَ﴾ [النساء: 104]؛ إنهم اللي هم مين؟ إنهم أهل الباطل، فانهم يألمون كما تألمون. إذا كنت أنت بتعبان وزعلان لأنك أنت بتعب عشان الدين، هو بتعب عشان الباطل، أنت زعلان عشان هو، هو بتعب. ﴿إِنْ تَكُونُوا تَأْلَمُونَ فَإِنَّهُمْ يَأْلَمُونَ كَمَا تَأْلَمُونَ﴾، الفارق بينا وبينهم إيه؟ ﴿وَتَرْجُونَ مِنَ اللَّهِ مَا لَا يَرْجُونَ﴾ [النساء: 104]. إياك أن تضيع هذا الرجاء! فيبقى العناء، بدل ما نستوي مع بعض في الألم، الفارق بين الألم بتاعنا وبتاعهم إن احنا عندنا إخلاص؛ أهل الإيمان يعني اللي بينصروا الحق يرجون من الله الجنة، يرجون الثواب، يرجون النجاة من النار، يتمنون ويرجون ذلك من الله عز وجل، فالفارق في الرجاء.

الشاهد أن سعيكم لشتى، شتى؛ اختلاف عظيم، تفرق شتى، جمع شتيت تفرق. وأكد الله عز وجل أن زي ما في ليل ونهار، وزي ما في ذكر وأنثى، كذلك في حق وباطل، ويظل اختلاف. وكما أن الليل والنهار والذكر وأنثى مستمر إلى يوم القيامة، كذلك الحق والباطل مستمر إلى يوم القيامة. الليل والنهار مش أنت اللي اخترته، والذكر والأنثى مش أنت اللي اخترته. طريق الحق والباطل تمشي فيهم إزاي؟ ربنا بيبين لك بقا؛ ﴿فَأَمَّا مَنْ... وَأَمَّا مَنْ...﴾ [الليل: 5، 8].

ليل ونهار مش أنت بتختاره مش أنت بتمشيه، ذكر وأنثى مش أنت بتختاره، لكن طريق الحق والباطل ربنا بيقول لك: ﴿فَأَمَّا مَنْ أَعْطَى وَاتَّقَى * وَصَدَّقَ بِالْحُسْنَى * فَسَنُيَسِّرُهُ لِلْيُسْرَى * وَأَمَّا مَنْ بَخِلَ وَاسْتَغْنَى * وَكَذَّبَ بِالْحُسْنَى * فَسَنُيَسِّرُهُ لِلْعُسْرَى﴾ [الليل: 5-10]. نبدأ بالأول؛ إنا قلنا توقيت نزول السورة بداية الإسلام، انتشار الكفر بالليل إذا يغشى، الليل مغطي، يعني الكفر منتشر في استضعاف. ربنا سبحانه وتعالى بيقول في هذه اللحظات يعظم الأجر ويعظم البذل، لابد أن تعطي، زي ما قلنا في قول الله عز وجل: ﴿فَلَا اقْتَحَمَ الْعَقَبَةَ * وَمَا أَدْرَاكَ مَا الْعَقَبَةُ * فَكُّ رَقَبَةٍ * أَوْ إِطْعَامٌ﴾ [البلد: 11-14]، في اوقات البلاء لازم تبذل.

ورقة بن نوفل لما سمع من النبي صلى الله عليه وسلم وأيقن أنه الوحي، قال: ليتني أكون فيها جَذَعًا -أي شابًا- حين يخرجك قومك! تمنى ورقة أن يكون شابًا لينصر النبي صلى الله عليه وسلم، إمتى؟ في أشد أوقات الاستضعاف، وهو لحظة الإخراج؛ إخراج من مكة. في هذه اللحظة تمنى أن يكون شابًا، ما قالش: ليتني أكون فيها جَذَعًا حينما تنتصر وتملك العالم! تمنى أنه ينصر الدين إمتى؟ في وقت الاستضعاف. ﴿لَا يَسْتَوِي مِنْكُمْ مَنْ أَنْفَقَ مِنْ قَبْلِ الْفَتْحِ وَقَاتَلَ﴾ [الحديد: 10]؛ اللي بيبذل في وقت الاستضعاف، اللي بيبذل في أوقات المَسْغَبَة؛ كما أن الأجر يعظم في الإطعام في أوقات المسغبة، أي في أوقات المجاعة، كذلك يعظم الأجر حينما تعطي وتبذل للدين في أوقات الاستضعاف: ﴿فَأَمَّا مَنْ أَعْطَى﴾.

إذاً أنت أحيانا بتعتقد أن الحل في أوقات الاستضعاف انك تسكت، أقول لك ما تعملش حاجة. لأ، لابد فيه عطاء، أيا كان نوع العطاء، أيا كان النوع، على حسب المواقف، لكن الحل في الأزمات البذل عشان نخرج من مرحلة الاستضعاف. يعني لما تقعد تفكر كده؛ إزاي مجتمع مكة مضيق عليه؟ إزاي ينتقل في مراحل معينة من مرحلة سرية لمرحلة جهرية للصلاة عند الكعبة، أن هم يتجمعوا؟ كل نقلة من النقلات فيه بذل؛ أن واحد يروح يجهر بالقرآن عند الكعبة فتقطع أذنه، أن النبي صلى الله عليه وسلم يروح يصلي عند الكعبة فيضع عليه سلا الجزور، أن أبو بكر الصديق يذهب ويجهر وينقذ النبي صلى الله عليه وسلم فيضربوه حتى لا يعني لا يظهر وجهه من قفاه رضي الله عنه؛ البذل ده هو اللي عمل النقلة، كل نقلة في الدين عايزة بذل عشان تنتقل من مرحلة لمرحلة لازم فيه بذل.

كنت باسمع أحد الأسرى الفلسطينيين اللي ربنا من عليهم وتحرر من سجون اليهود، فبيحكي مقاسي، الشاهد من الحاجات اللي بيحكيها بيقول: كانوا مانعين إن احنا نتقابل في السجون، أي لقاء أو تجمع عابر ممنوع، فبيقول: احنا كده أيقنا إن احنا هنهلك، احنا كنا بنتصبر بحاجتين؛ بالقرآن وبالتجمع. قالوا احنا عملوا مشاكل في السجون، المهم قالوا يا هنموت يا هنتقابل، ضغطوا فترة طويلة وفعلا ناس ماتت، لغاية لما إدارة السجون وافقت أن يتم بينهم لقاءات ويصلوا الجمعة وبدأوا يعملوا دروس ويلتقوا. النقلة دي كانت عايزة بذل، كل نقلة في حياتك إنك أنت لسه في بداية التزامك عشان تبدأ تنقل نقلة عايزة بذل.

لما طالوت بيقول إيه: ﴿فَلَمَّا فَصَلَ طَالُوتُ بِالْجُنُودِ قَالَ إِنَّ اللَّهَ مُبْتَلِيكُمْ بِنَهَرٍ﴾ [البقرة: 249]. لما فصل بهم، أما بتحب تنقل من مرحلة لمرحلة فيه ابتلاء؛ فلما فصل طالوت بالجنود قال إن الله مبتليكم بنهر. النقلة دي فيها ابتلاء، هتعدي الابتلاء ده هتنقل. أنت في مراحل التزامك كده، زي مراحل الأمة كده، ومراحل الدعوة كده، لو مراحل الدولة كده، مراحل النفس كده، أنت عشان تنقل لازم تبذل.

فيه واحد يقول لك أنا ملتزم زي ما أنا بقالي عشر سنين، ما بينقلش، ما بينقلش لا في عبادة ولا في دعوة ولا أمر بالمعروف والنهي عن المنكر ولا في علم، ما فيش نقلات ولا بذل خير ولا أخلاق، لأن ما فيش بذل. فقال الله عز وجل: ﴿فَأَمَّا مَنْ أَعْطَى﴾.

العطاء هنا مش مجرد عطاء مادي، مش مجرد مال، وإن كان المال مهم جدا في أوقات الاستضعاف، الدعوة تحتاج إلى مال؛ فاما من أعطى واتقى. طب إيه بقا هنا، التقتقة ديت أثناء البذل؟ سواء للنفس أو لنصرة الدين؛ أثناء البذل ممكن تعمل حاجات حرام في النص، لأ، لازم تاخد بالك، لو أنت بتبذل تجنب الحرام. حتى لو هم أهل الباطل بيعملوا معاك حاجات حرام ولا يطعن الله فيك أنت، أطع الله عز وجل فيهم وأنت بتبذل، تجنب الحرام، ما تخليش بذلك يخليك تطغى.

الوقوف دايما في النص ده صعب جدا، في ختام سورة هود قول الله عز وجل، أولها إيه، ﴿فَاسْتَقِمْ كَمَا أُمِرْتَ وَمَنْ تَابَ مَعَكَ وَلَا تَطْغَوْا﴾ [هود: 112]، الاستقامة ما بين حاجتين؛ قال له فاستقم كما أمرت، بعد كده قال له نهيين، قال له إيه؟ ﴿وَلَا تَطْغَوْا﴾، واللي بعدها: ﴿وَلَا تَرْكَنُوا إِلَى الَّذِينَ ظَلَمُوا﴾ [هود: 113]. لتطغوا أي لا تطغى على الذين ظلموا، يعني ما تطغاش عليهم، ما تعاملهمش بشيء لم يأمرك الله عز وجل به، وفي نفس الوقت ما تركنش إليه. يعني دائما أن بعض الناس يعتقد إن هي حل من اثنين؛ يا أما أطغى على الظالمين، يا أما أبقى قاعد معهم ومبسوط منهم وبأقدر أفعالهم وعايش معهم؛ لا، أنت في النص: ﴿فَاسْتَقِمْ كَمَا أُمِرْتَ وَمَنْ تَابَ مَعَكَ وَلَا تَطْغَوْا وَلَا تَرْكَنُوا﴾.

وكذلك هنا: ﴿فَأَمَّا مَنْ أَعْطَى وَاتَّقَى﴾ وقيل: أعطى واتقى بمعنى: أعطى ويخاف ألا يتقبل منه، متقي خايف، مش بيمُن بالعطاء، ﴿وَالَّذِينَ يُؤْتُونَ مَا آتَوْا وَقُلُوبُهُمْ وَجِلَةٌ﴾ [المؤمنون: 60]، فأعطى بالبذل بالعمل واتقى بالقلب. وقيل: أعطى واتقى الشرك، التقاة الشرك، سواء الشرك الأكبر أو الأصغر، التقاة الرياء. إذاً من جمال القرآن إنه بيسيب الألفاظ مفتوحة، ما قالش أعطى إيه واتقى إيه، فده يدي مساحة، أعطى وكأن كلمة أعطى من غير مفعول به وكأنه أعطى كل ما يملك. في الوقت ده أوقات الاستضعاف ما بتسألش قد إيه أنت بتدي، أبو بكر الصديق كده، ولذلك صورة جمهور المفسرين أن الآيات اللي جاية دي كلها نزلت فيه.

أوقات الاستضعاف أنت تبذل، لذلك ربنا في أول ما أنزل على النبي صلى الله عليه وسلم بيقول له إيه: ﴿وَلَا تَمْنُنْ تَسْتَكْثِرُ﴾ [المدثر: 6]. مش هينفع من الأول تستكثر اللي بتقدمه، لأنك هتقدم كتير، في الأول في أوقات الاستضعاف ستقدم كثيرا، فده حال الذي يريده أن يسير على هدي النبي صلى الله عليه وسلم: ﴿فَأَمَّا مَنْ أَعْطَى وَاتَّقَى * وَصَدَّقَ بِالْحُسْنَى﴾ [الليل: 5-6].

يعني إيه وصدق بالحسنى؟ احنا بنقول إن الأعمال دي لما بتعملها في أوقات الاستضعاف الدنيا بتنور، بعد ما كان ليلي ده يغشى بيبقى إيه: ﴿وَالنَّهَارِ إِذَا تَجَلَّى﴾. يعني السورة دي بتحل لك أزمة أنك تبقى في وقت حاسس أن الدنيا ضلمة، مش عارف تعمل إيه، مش فاهم تمشي إزاي؛ فالصورة جابت لك حلول تعملها ومتلخصة في حلين: الآية الأولانية اللي بتراعيها لك: ﴿فَأَمَّا مَنْ أَعْطَى وَاتَّقَى * وَصَدَّقَ بِالْحُسْنَى﴾، والآية التانية: ﴿إِلَّا ابْتِغَاءَ وَجْهِ رَبِّهِ الْأَعْلَى﴾ [الليل: 20]. ملخص السورة: بالبذل وبالإخلاص يتبين الحق والخلاص، ده ملخص تخرج من الأزمة.

لذلك ربنا قال: بالرغم من وجود الليل إذا يغشى، ربنا قال في نفس السورة اللي قال فيها: ﴿إِنَّ عَلَيْنَا لَلْهُدَى﴾ [الليل: 12]. يجب على نفسه سبحانه وتعالى تكرما وتفضلا: إن علينا للهدى، أي لبيان الحق والهدى. مهما كانت الدنيا ضلمة ربنا هيعرفك بتعمل إيه، مهما كانت الأمور مختلطة الصادق ربنا هيوفقه أن يصل إلى الحق، ما حدش يقول أصل اعمل إيه وما عدتش عارف الحق من الباطل، لأ، بس عشان تعرف لازم تبذل ولازم إخلاص، مش هينفع تفضل قاعد أنا مش عارف اعمل إيه! لأ، عايز تعرف؟ تقرب، قرب شبر يظهر لك الباع، تسير في الباع يتبين لك الطريق فتهرول.

أستغرب أحيانا الناس وسط واقع انتكاس وظلام واستضعاف وحزن ويأس، تلاقي ناس بتجري في الطريق إلى الله! إزاي؟ بتهرول في الطريق إلى الله، أن هو قطع المراحل الأولى؛ نحن نريد معاملة الهرولة ولا نقدم إلا الأشجار. ربنا: «من تقرب إلي شبرا تقربت إليه ذراعا، ومن تقرب إلي ذراعا تقربت إليه باعا، ومن أتاني يمشي أتيته هرولة». كلمة هرولة مهما تقف اللغة عاجزة عن التعبير، يعني إيه أتيت هرولة دي؟ احنا عايزين معاملة الهرولة من ربنا، ولا نقدم إلا الأشجار بل أقل من الأشجار، الخروج من حالة الليل إلى النطشة دي عايزة عطاء.

وأتقى تصدق بالحسنى. قال له صدق بالحسنى؛ الحسنى قيل الجنة، وقيل لا إله إلا الله، وقيل من المعاني الجميلة قوي اللي ذكرها ابن عباس ورجحها الإام الطبري، قال: الحسنى أي إن الله سيخلف عليه، وستكون وسيكون مآل الدين إلى الحالة الحسنى. يعني إيه؟ يعني بيعمل للدين في وقت الاستضعاف وموقن إن الدين هينتصر؛ رأى ذلك أو لم يره. يعني في بداية الإسلام في الاستضعاف هم ما كانوش عارفين إيه اللي هيحصل وقاعدين في مكة مش عارفين إيه اللي هيحصل؛ تقتل امرأة، تطعن في فرجها وتموت ولا يستطيع أحد أن يأخذ بحقها في واقع في مكة. الواقع ده أنت معاك مثلاً جزء من المال تبذل كل ما تملك لنصرة الدين وأنت موقن إنه سينتصر؛ إزاي؟ ما أعرفش.

كان أبو بكر الصديق يأخذ ماله ويذهب ويعتق العبيد، مكان ينتقي الضعفاء والنساء والمساكين. بعض الروايات ابتكرها الإمام الطبري وغيره؛ والده بيقول له: اعتق الاقوياء اللي ينفعوك ويبقوا سند لك، وقال: إنما وجه الله، أو لما قال له: حتى يكون لك ظهير، قال: إنما الظهير أبغي. ما هو أنا عارف هو الظهير مش من الناس، ودي هنتكلم عليها في مسألة الإخلاص في البذل في اوقات الاستطاعة. سيدنا أبو بكر يوقن، صديق مبالغة من الصدق؛ صديق يوقن إن الدين سينتشر. أنت لما بتيجي تقرا الكلام ده في السيرة أنت عارف نهاية الكتاب، عارف نهاية السيرة إن بقى الإسلام انتشر والفتوحات؛ هو ما كانش ما يعرفش، هو ما شافهاش قبل كده. هو يبذل ولم يرَ ذلك، لكنه يوقن، فكلمة تصدق بالحسنى من معانيها يوقن بمردود ذلك، عارف إن مفيش حاجة تضيع عند ربنا، عارف إن الكلمة الأمر عمرها ما بتضيعش، عارف إن البذل اللي مع ربنا مش عارف إن الجنيه ما بيضيعش، إن الدينار والدرهم اللي بيدوهم في سبيل الله ما بيضيعش، وصدق بالحسنى إن الله يخلف عليه في الدنيا وفي الآخرة؛ يوقن بذلك.

إذاً في أوقات الليل إذا يخشى، في أوقات الاستضعاف وانتشار الظلام والظلم وانتشار الكفر والضلال، لازم تبذل، لازم تخاف، وأتقى، ولازم تبقى موقن، زي ما قلنا في سورة ياسين؛ أول حاجة: ﴿يس * وَالْقُرْآنِ الْحَكِيمِ﴾ [يس: 1-2]، أول بداية أنك أنت تصدق: ﴿إِنَّكَ لَمِنَ الْمُرْسَلِينَ﴾ [يس: 3]. في أوقات الليل لا يخشى لازم تبقى أنت موقن وأنت بتبذل، ما تحسش انك بتنصر قضية خسرانة. لذلك المنافقين لما بيصيبهم سيئة بيقولوا إيه؟ زي في سورة التوبة: ﴿قَدْ أَخَذْنَا أَمْرَنَا مِنْ قَبْلُ وَتَوَلَّوْا وَهُمْ فَرِحُونَ﴾ [التوبة: 42]. بيعملوا ايه؟ يقول لك: أنا كنت عامل حسابي أشبه كم سنة، أشبهه لكم كأن مثلاً المفروض احنا نركب في سفينة الإسلام أنت بتجيب كل اللي معاك وتركب في سفينة الإسلام، المنافق يعمل إيه؟ يسيب حبل كده مربوط، أنا ما أضمنش السفينة دي هتكمل، ولا أول لما يحصل مشكلة بابتلاء، ولازم هيحصل ابتلاءات في الطريق، بصورة إمام القارب بتاعه صغير وراجع، اه أنا كنت عامل حسابي، أنا أصلاً من الاول وما كنتش مطمن. إذا أظلم عليهم قاموا. الابتلاءات دي بتتحصل عشان الاشكال دي تنط ربنا يثبته، عشان المنافقين يظهروا: ﴿مَا كَانَ اللَّهُ لِيَذَرَ الْمُؤْمِنِينَ عَلَى مَا أَنْتُمْ عَلَيْهِ حَتَّى يَمِيزَ الْخَبِيثَ مِنَ الطَّيِّبِ﴾ [آل عمران: 179] والعياذ بالله الصلاة والسلام.

السبات مش عضلات ولا فهم، يعني أحتقار، فتوفيق منه سبحانه وتعالى: ﴿فَأَمَّا مَنْ أَعْطَى وَاتَّقَى * وَصَدَّقَ بِالْحُسْنَى﴾ [الليل: 5-6] يوقن أن العاقبة سواء في الدنيا المؤمنين، سواء في القبر، سواء في الجنة. وقيل صدق بالحسنى؛ صدق أن هذه الأعمال هي أحسن الأعمال، يعني موقن بأعمال الدين، مش بيشتغل في الدين وشايف أن أهل الباطل هم أفضل، وأن الدين بقى ما عداش يصلح للزمان ده؛ لا، هو يوقن أن هذا الدين هو احسن ما يفعل مراد الله عز وجل، هو أفضل الأعمال سبحانه وتعالى، مراده سبحانه وتعالى أفضل الأعمال اللي تعملها. ﴿فَأَمَّا مَنْ أَعْطَى وَاتَّقَى * وَصَدَّقَ بِالْحُسْنَى * فَسَنُيَسِّرُهُ﴾ [الليل: 5-7]، شوف بقى في وسط الليل إذا يخشى تيجي كلمة التيسير اللي كلنا بندور عليها، اللي احنا حاسين بعنت في حياتنا؛ عايز تبحث عن التيسير؟ ابذل. ﴿فَسَنُيَسِّرُهُ لِلْيُسْرَى﴾ [الليل: 7].

اليسرى أيضاً من معانيها الجنة، اليسرى يعني ربنا هييسر لك الأعمال الصالحة. عايز الأعمال الصالحة تتيسر لك؟ جاهد في الأول؛ نفس حديث: «من تقرب إلي شبرا تقربت إليه ذراعا». الإنسان لما بيعمل أعمال صالحة، الأعمال الصالحة بتسهل عليه؛ لما بيجاهد نفسه على قيام الليل فترة، بيبقى قيام الليل عليه سهل، لما بيجاهد نفسه على صلاة الجماعة يبقى سهل. لما بتسيب عمل فترة طويلة تيجي ترجع له تلاقيه صعب؛ اللي بيسيب القيام فترة ييجي يرجع للقيام يلاقيه صعب، اللي بيسيب الدعوة فترة ييجي يرجع للدعوة يلاقيها صعبة، تحس إنه جبل عشان يقول كلمتين أو عشان يقوم يصلي، لانه ابتعد فترة. عايز الأمور تبقى متيسرة؟ أعطى واتقى وخليك موقن وصدق بالحسنى: ﴿فَسَنُيَسِّرُهُ لِلْيُسْرَى﴾ [الليل: 7].

كان متوقع ربنا يقول: فسنيسر اليسر له؛ لا، هو كانت تركيبته هتتغير، كأن هيحصل فيه تغيير في خلقته ليتناسب مع الأعمال الصالحة. يعني شف زي ما ربنا قال على القرآن: ﴿إِنَّ نَاشِئَةَ اللَّيْلِ هِيَ أَشَدُّ وَطْئًا وَأَقْوَمُ قِيلًا﴾ [المزمل: 6]؛ وطئاً يعني القرآن ينزل ليطأ القلب، فكأن القلب لما ينزل عليه القرآن القلب بيتغير تشكيلته وتركيبه بيتغير، القرآن بيعمل تغيير في الإنسان. فكذلك لما تعطي وتبذل في وقت الناس كلها محتاجة، وتتقي الله عز وجل وتكون موقن أن ربنا هيخلف عليك، وموقن بلا إله إلا الله، ومؤمن بما تفعل، امتى هتتيسر؟ يفاجأ أن قيام الليل بقى عليك سهل، تفاجأ أن الدعوة بقت سهلة، تفاجأ أن أنت اتغيرت، أنت اصبحت أنت اللي متغير. فسنيسره؛ مش فسنيسر الطريق له، يعني ربنا ما قالش هنخلي الطريق سهل، عشان قال هنخليه هو يبقى سهل إنه يمشي في الطريق.

عارف أنت معاك عربية صغيرة مهكعة بايزة وطريق صعب أو الطريق مش عارف تمشي فيه؛ يا إما أسهل لك الطريق، يا إما أغير لك العربية. هنا ربنا قال: سنيسره، والطريق أصلاً سهل؛ اليسرى طريق الأعمال الصالحة أصلاً متناسب مع الفطرة أساساً. لكن أنت اللي غيرت وبدلت: ﴿فَسَنُيَسِّرُهُ لِلْيُسْرَى﴾ [الليل: 7]. لذلك لما اتكلم عن الأعمال السيئة سماها إيه؟ العسر؛ الأعمال الفاسدة. فاليسرى هي الأعمال الصالحة التي تؤدي لليسر في الدنيا ولليسر في القبر وليوم القيامة وفي الجنة. واليسرى أمر ممتد، وده من جمال القرآن إنه ذكر الصفة زي الحسنى واليسرى، وأيه الموصوف مش موجود؟ عشان يدي معاني كتير ولا يخلق على كثرة الرد إلى يوم القيامة، والقرآن معطاء إلى يوم القيامة.

هنا: ﴿وَصَدَّقَ بِالْحُسْنَى * فَسَنُيَسِّرُهُ لِلْيُسْرَى﴾ [الليل: 6-7] فجأة حياته بعد ما كان في الأول بيشتكي ومش عارف أعمل ايه، وكلمة شتى أنت لما تدخل السورة تاني كده نبدأ السورة من الأول: ﴿وَاللَّيْلِ إِذَا يَغْشَى * وَالنَّهَارِ إِذَا تَجَلَّى﴾ [الليل: 1-2]. كلنا بنحلم باللحظة دي؛ لحظة تجلي النور وانتشار الحق. وبعدين ربنا بيقول: ﴿إِنَّ سَعْيَكُمْ لَشَتَّى﴾ [الليل: 4]. لما تشوف كلمة شتى تقول امشي فين؟ طرق كتير جداً، ﴿وَعَلَى اللَّهِ قَصْدُ السَّبِيلِ﴾ [النحل: 9]. أي الله عز وجل عليه أن يبين، أوجب على نفسه تكرمًا أن يبين لنا: ﴿وَمِنْهَا جَائِرٌ﴾ [النحل: 9]. سورة النحل: ﴿وَعَلَى اللَّهِ قَصْدُ السَّبِيلِ وَمِنْهَا جَائِرٌ﴾ [النحل: 9] أي ومن السبل، ﴿وَلَا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِهِ﴾ [الأنعام: 153]. فلما تشوف أن سعيكم لشتى تخاف انك تتوه وتضل، فربنا بيقول لك: أنظر، جاهد، تحرى الحق من الآخر مع الإخلاص هتوفق: ﴿فَأَمَّا مَنْ أَعْطَى وَاتَّقَى * وَصَدَّقَ بِالْحُسْنَى﴾ [الليل: 5-6] في السنة والرسل.

وأما من بخل: لا يا عم أنا محتاج والوقت وقت استضعاف وقت مجاعة، أنا عيني الفلوس اللي معايا، وأفرض الدين ما انتصرش؟ أفرض القضية اللي أنا عشانها ما نجحتش؟ أفرض الإسلام ما انتشرش؟ هنحارب ليه؟ عشان ده اللي داخل شاكك فيبخل. أهل الباطل لما كانوا بيثقوا في حاجة زي يعملوا مثلاً سفينة عظيمة، باخرة عظيمة، أو مثلاً صاروخ عظيم عايزين يعملوه، تلاقيهم بيضعوا فيه يعني أغلى ما يملكون؛ ما هي مش ممكن تقع، يمكن تنهار. الإنسان كل ما بيثق في شيء بيضع فيه أغلى ما يملك، لما تثق في طريق الالتزام تضع فيه أغلى ما تملك من عمرك ووقتك ومالك؛ لأنك واثق في الطريق ده، واثق أن ده اللي هيوصلك فيه اغلى ما تملك في هذا الطريق ما بتستخسرش؛ لا يا عم العمر هم كام يوم يا يتحطوا هنا يا يتحطوا هنا، لأ أنا أضع أغلى ما أملك في الطريق لأني أثق في هذا الطريق. على قدر يقينك في طريقك، وهو على قدر بذلك.

وحده والصلاة والسلام على من لا نبي بعده محمد صلى الله عليه وسلم، ثم يقول الله عز وجل: ﴿وَأَمَّا مَنْ بَخِلَ وَاسْتَغْنَى * وَكَذَّبَ بِالْحُسْنَى * فَسَنُيَسِّرُهُ لِلْعُسْرَى﴾ [الليل: 8-10]. أما من بخل عايز يحافظ على اللي معه لأنه مش موقن، ربنا قال: ﴿وَكَذَّبَ بِالْحُسْنَى﴾ [الليل: 9] هو يكذب أن الحالة ستتحسن، يكذب أن حالة الإسلام ستتحسن، يكذب بالجنة بالحسنى، يكذب أن عاقبة هذا الطريق هي الحسنى، يكذب بذلك فلا يبذل؛ يقول لك: أبذل ليه؟ خلاص أنا أبخل أحافظ على اللي معي ينفعني دلوقت. ﴿وَأَمَّا مَنْ بَخِلَ﴾ طب ما انت محتاج ربنا؟ محتاج ازاي؟ ما انت لازم تعطي عشان تنال توفيق من الله؛ هو يستغني بما معه من أسباب. يقول لك: مش محتاج ربنا. كل ما الإنسان البعيد عن ربنا، سواء كافر أو ضال، بيتمكن من الأسباب؛ كل ما بتزيده هذه الأسباب بعداً عن الله، فيستغني بها. من أول ما أنزل: ﴿اقْرَأْ بِاسْمِ رَبِّكَ الَّذِي خَلَقَ * خَلَقَ الْإِنْسَانَ مِنْ عَلَقٍ * اقْرَأْ وَرَبُّكَ الْأَكْرَمُ * الَّذِي عَلَّمَ بِالْقَلَمِ * عَلَّمَ الْإِنْسَانَ مَا لَمْ يَعْلَمْ﴾ [العلق: 1-5]. أول ما علم ما لم يععلم علم: ﴿كَلَّا إنَّ الْإِنْسَانَ لَيَطْغَى * أَنْ رَآهُ اسْتَغْنَى﴾ [العلق: 6-7]. يطغى لأنه بيستهوي.

فإما من بخل واستغنى وكذب بالحسنى، يكذب أن ربنا هيخلف عليه، شايف أن الحاجة دي شايف أن الخير هيترمى في البحر والخير ما بيترماش في البحر عند ربنا سبحانه وتعالى: ﴿وَلَا تُظْلَمُونَ فَتِيلًا﴾ [النساء: 49]. حسن ييسره؛ أيوه، صعبة أوي، تخيل لما ربنا يسهل لك طريق المعاصي! لما المعاصي تجي لك سهلة، طريق المعاصي العسر، سواء كانت جهنم والعياذ بالله لأنها عسيرة أو يوم القيامة عسير أو المعاصي التي ستؤدي إلى ذلك، ربنا سماها عسر. بالرغم أن الطريق عسير، ربنا خلى تركيبته سهلة مع الطريق العسر ده في: ﴿فَسَنُيَسِّرُهُ لِلْعُسْرَى﴾ [الليل: 10]. ربنا ما قالش هخلي طريق المعاصي سهلة عشانه، قال هخليه هو يسهل السير، يسهل عليه السير في طريق المعصية.

فتجد إنسان يتجشد ويبذل ويتكلف مجهود ضخم جداً لفعل معصية صغيرة، ويستصعب جداً أنه يعمل طاعة بسيطة. ممكن يبذل عشان ينزل مثلاً، شاب مثلاً عشان ينزل يقابل واحدة في الجامعة؛ يصحى، ومتناكة وهو نايم أصلاً متأخر، ويصحى بالعافية وعقبال ما يقوم ويتظبط ويلاقي البرفان خلص والجل خلص، ينزل ونتنكد، تاكسي رخم عليه، وعقبال الظهر يأذن ممكن يدخل يصلي؛ لأ، بيقول لك: لسه هدخل ومش عارف إيه. بتسهل، تسهل أن هو يبذل للمعصية والعياذ بالله، يتغير. يا جماعة، لازم نعرف أن الإنسان ما بيفضلش زي ما هو، بيتغير؛ زي ما ربنا قال في السورة اللي قبلها: ﴿فَأَلْهَمَهَا فُجُورَهَا وَتَقْوَاهَا﴾ [الشمس: 8]. ظهور ده في الأعمال، الإنسان لو ساب نفسه بيفسد، مفيش حاجة اسمها أنا كويس وهفضل طول عمري كويس، لا، الإنسان بيتغير. قال الله عز وجل: ﴿وَاتْلُ عَلَيْهِمْ نَبَأَ الَّذِي آتَيْنَاهُ آيَاتِنَا فَانْسَلَخَ مِنْهَا فَأَتْبَعَهُ الشَّيْطَانُ فَكَانَ مِنَ الْغَاوِينَ﴾ [الأعراف: 175]. شف بعد ما كان فين بقى فين؟ كان من الغاوين. أقاتل مائة مفسد في الأرض تاب وأبى إلى الله عز وجل وحرك الله له الأرض وأنزل له الملائكة؛ ممكن يتغير. قال النبي صلى الله عليه وسلم: «الجنة أقرب إلى أحدكم من شراك نعله، والنار مثل ذلك». ممكن تبقى كده أو كده في لحظة؛ ربنا يعافينا، نسأل الله حسن الخاتمة.

ومن بخل واستغنى وكذب بالحسنى فسنيسره للعسرى؛ اللي معه فلوس أو معه أسباب ومعتقد أن هي هتمنعه من ربنا: ﴿وَمَا يُغْنِي عَنْهُ مَالُهُ إِذَا تَرَدَّى﴾ [الليل: 11] يعني سقط؛ سواء سقط في مشكلة في الدنيا، أو سقط في القبر، أو سقط في جهنم، من على شفير جهنم ووقع في جهنم، أو وقع من على الصراط، كل ده تردي وسقوط ومهالك. وهو بيقع عايز يمسك في حاجة، فمعتقد أن الفلوس هتنفعه، فربنا بيقول له الفلوس مش هعمل لك حاجة. ﴿وَمَا يُغْنِي عَنْهُ مَالُهُ إِذَا تَرَدَّى﴾ [الليل: 11] وهو مشهد كده السقوط والفلوس ما بتدفعوش، عمال يشد في الفلوس يفاجئ أن هي بتتقطع وما بتعملش حاجة وبتتحرق فيسقط، وما يغني عنه ماله إلا.

ثم يقول الله عز وجل بالرغم من انتشار الليل وبالرغم من وجود الظلام وبالرغم من انتشار الكفر: ﴿إِنَّ عَلَيْنَا لَلْهُدَى﴾ [الليل: 12]. الله عز وجل علينا بالهدى أي علينا بيان الهدى، مش الهداية تبقى إجباري؛ لأ، أنت بتختار بتوفيق منه سبحانه وتعالى، لكن قال: ﴿إِنَّ عَلَيْنَا لَلْهُدَى﴾ [الليل: 12] البيان. يعني كل واحد: ﴿وَمَا كُنَّا مُعَذِّبِينَ حَتَّى نَبْعَثَ رَسُولًا﴾ [الإسراء: 15]. هيبين لك؛ يسوق الله عز وجل الهداية إلى الناس كما يسوق إليهم أرزاقهم. يسوق الله عز وجل الهداية إلى الناس، أي بيان الهداية إلى الناس، كما يسوق إليهم أرزاقهم؛ فمن الناس من يشكر على الرزق، ومن الناس من يقبل الهداية ويهتدي، ومن الناس من يكفر بالنعمة، ومن الناس من يصد الهداية ولا يرغب فيها؛ زي ما الناس بتتعامل مع النعمة كده، في ناس بتتعامل مع النور اللي بيوصل لها كده، في ناس بتصم الآذان.

وبتستغشي بالثياب أمام النور الهدى. في ناس بتفرح بفضل الله وبرحمته، فبذلك فليفرحوا، يفرح بذلك: ﴿إِنَّ عَلَيْنَا لَلْهُدَى * وَإِنَّ لَنَا لَلْآخِرَةَ وَالْأُولَى﴾ [الليل: 12-13]. يملك سبحانه وتعالى الآخرة فيفعل ما يشاء فيها، ويملك الدنيا فيفعل ما يشاء فيها. عشان ما تجيش تقول: طب ما فيه ناس كفار في إيه؟ في الدنيا ومعهم الدنيا، وفيه ناس مسلمين!

ده بترتيب وبحكمة من ربنا سبحانه وتعالى: ﴿كُلَّا نُمِدُّ هَٰؤُلَاءِ وَهَٰؤُلَاءِ مِنْ عَطَاءِ رَبِّكَ ۚ وَمَا كَانَ عَطَاءُ رَبِّكَ مَحْظُورًا﴾ [الإسراء: 20]. لها سنن تانية: ﴿مَّن كَانَ يُرِيدُ الْعَاجِلَةَ عَجَّلْنَا لَهُ فِيهَا مَا نَشَاءُ لِمَن نُّرِيدُ﴾ [الإسراء: 18]. دي سنن في عطاءات الدنيا. وكذلك في سنن في الآخرة.

ثم يقول الله عز وجل في ختام السورة: ﴿فَأَنذَرْتُكُمْ نَارًا تَلَظَّىٰ * لَا يَصْلَاهَا إِلَّا الْأَشْقَى * الَّذِي كَذَّبَ وَتَوَلَّىٰ﴾ [الليل: 14-16]. لازم في أوقات الاستضعاف دي تتذكر النار، أنك بتبذل في الوقت ده عشان تنجو من النار. اللي بيبذل عشان التمكين بس وبينسى قضية الدار الآخرة بيحبط وبييأس، بيقولوا لك: ياه، لسه بدري، وأنا اللي أنا بعمله ده، ودرسي ده هيعمل إليه؟ والكلمة دي هتعمل إيه؟ والركعة دي هتعمل إيه؟ وحفظ القرآن ده ما لوش، وهيععمل إيه؟ التفكير بالطريقة دي غلط.

أنت بتعمل أولاً عشان تنجو من النار. ويأتي الله عز وجل بالتمكين، ده مش معناه أنك ما تخططش وتفكر، لكن معناه أنك ما تخليش كل تفكيرك فقط في ذلك، وإلا مش هتبذل، أنك هتحقر من أعمال صالحة كثيرة.

فأنذرتكم نارا! وكان النبي صلى الله عليه وسلم يقف في المسجد ويقول: «أنذرتكم النار!» يكررها حتى يسمعها الرجل في السوق يا راجل برة، ويسمع النبي صلى الله عليه وسلم في المسجد يقول: «أنذرتكم النار!» بصوت عالٍ حتى يسقط رداؤه صلى الله عليه وسلم.

﴿أَنذَرْتُكُمْ نَارًا تَلَظَّىٰ * لَا يَصْلَاهَا إِلَّا الْأَشْقَى﴾ [الليل: 14-15]. هنا بعض العلماء قال: الصلي أن يكون والعياذ بالله في قاع جهنم؛ لأن الصلي الشاة كمية الدفن في الحاجة، فبعض العلماء هنا قال: إن عصاة المؤمنين لن يصلوا إلى القاع، هيتعذبوا بجزء من النار في الأعلى -نسأل الله السلامة، وأن ندخل الجنة بغير سابقة عذاب ولا حساب- والكفار والمنافقين هيكونوا في الدرك الأسفل. هيصلى جهنم، ﴿لَا يَصْلَاهَا إِلَّا الْأَشْقَى * الَّذِي كَذَّبَ وَتَوَلَّىٰ * وَسَيُجَنَّبُهَا﴾ [الليل: 15-17]. خد بالك لما ربنا قال على النار: ﴿لَا يَصْلَاهَا﴾ هو اللي هيأيها، أدخلها بأعماله. لما تكلم عن الجنة قال إيه؟ ما قالش: وسيتجنبها، قال إيه: ﴿وَسَيُجَنَّبُهَا الْأَتْقَى﴾ [الليل: 17]. ربنا اللي هيجنبه، يعني كأن دخول النار بالعدل، ودخول الجنة بالفضل. ما قالش تجنبوا؛ يعني هو هيجاهد عشان يتجنب، قال: ﴿وَسَيُجَنَّبُهَا الْأَتْقَى﴾.

ويتجنب النار إزاي؟ يتجنب النار إزاي؟ لازم تبذل: ﴿الَّذِي يُؤْتِي مَالَهُ يَتَزَكَّىٰ﴾ [الليل: 18]. وكأن النفس الخبيثة تدخل النار، والنفس الزكية التي تطهرت تدخل الجنة. فالجنة طيبة لا يدخلها إلا طيب، لا يدخلها من كان في قلبه مثقال ذرة من كبر؛ لأن الكبر خبيث، فلازم يتطهر قبل ما يدخل. اللي عايز يخش الجنة وعايز يتجنب النار لابد أن يتزكى. طب التزكي إزاي؟ بالاعمال، ﴿الَّذِي يُؤْتِي مَالَهُ يَتَزَكَّىٰ﴾.

وبيبذل ليه؟ لماذا؟ ﴿وَمَا لِأَحَدٍ عِندَهُ مِنْ نِعْمَةٍ تُجْزَىٰ﴾ [الليل: 19]. يعني الآية أساساً في أبي بكر ولكل من سار على هديه، يعني إيه؟ يعني أبو بكر الصديق في وقت الاستضعاف ده ومعه فلوس بالرغم أنه مستضعف يروح يعتق هؤلاء المسلمين اللي كانوا عبيد عن الكفار، مش بيعملها عشان يرد جميل؛ لأن المشركين قالوا: أصل أبو بكر الصديق بيعمل كده عشان بيرد جمايل، لأ، ﴿وَمَا لِأَحَدٍ عِندَهُ مِنْ نِعْمَةٍ تُجْزَىٰ﴾؛ يعني ما بيعملش كده عشان يرد، بيعمل كده عشان ربنا بس.

لما بتبقى مخلص نعمل زي سيدنا أبو بكر كده، تلاقيك ممكن تختار الضعفاء حتى لو مش هيساعدوك، بتعمل أعمال للدين حتى لو مش هتعود عليك بنفع، هتلاقيك بتعلم واحد حتى لو مش هيمشي وراك، حتى لو هيخالفك بس بتعلمه، ما بتعملش سياسة الانتقاء فقط، تلاقيك تبذل الخير العام للناس، ممكن تطعم اللي بيعاديك، تبذل الخير لمن يعاديك، بتعمل كده ليه؟ ﴿إِلَّا ابْتِغَاءَ وَجْهِ رَبِّهِ الْأَعْلَىٰ * وَلَسَوْفَ يَرْضَىٰ﴾ [الليل: 20-21].

إذاً في وقت انتشار الليل، عشان تنجو تصل لازم الإخلاص؛ أن يبقى جواك هتموت عشان ترضي ربنا. يبقى إذاً ملخص: بالبذل وبالإخلاص ينقشع الليل ويظهر الخلاص. ملخص عايز تعرف تعمل إيه في وقت الظلام انتشار الفتن انتشار الضلال؟ لازم تبذل ولازم يبقى فيه إخلاص. الإخلاص ده سر بين العبد وبين الله، سر حاجة كده لا يعلمها إلا الله، سر بين العبد وبين الله. ياما ناس مخلصة لا يعلمها إلا الله، نسأل الله الإخلاص.

فالإخلاص ده سر يطلع الله على قلبه فيعلم مدى إخلاصه فيعطيك على قدر إخلاصه. فقال الله عز وجل: ﴿إِلَّا ابْتِغَاءَ وَجْهِ رَبِّهِ الْأَعْلَىٰ * وَلَسَوْفَ يَرْضَىٰ﴾ [الليل: 20-21]. أي: ولسوف يرضى المخلص عن ربي، دايماً المخلص ربنا بيرضيه لازم تكرماً منه وتفضلاً سبحانه. المخلص ربنا بيرضيه ولسوف يعطيك شف العطاء؛ لأن هو كان إيه؟ بيعطي.

الصورة اللي بعدها: ﴿فَسَوْفَ يَرْضَىٰ﴾ وهنا ربنا بيقول على المخلص: ﴿وَلَسَوْفَ يَرْضَىٰ﴾ أي: سوف يرضى بعطاء الله له، ربنا هيدي له. عايز يقول لك: ربنا يديك على قد نيتك؟ اهو ده بالظبط. أنت على قد ما أنت مخلص ونفسك تعمل حاجة للدين، ونفسك تبذل ومش عارف وهتموت عشان تعمل حاجة، المعاني دي ربنا اللي يعلمها، دي جواك.

الراجل اللي كان عايز يروح يقاتل وقال للنبي صلى الله عليه وسلم لما خد الغنيمة قال له: مش عايزها، ما على هذا تبعتك، إنما تبعتك على أن أضرب بسهم هاهنا وأختم بالقصة دي فأدخل الجنة! النبي صلى الله عليه وسلم قال له إيه: «اصدق الله يصدقك». عايز تضرب بسهم هنا، دي مش دي مش بايدي، دي بينك وبين ربنا. ما قلوش بقى النبي صلى الله عليه وسلم إيه: ما تلبسش حاجة على رقبتك، واطلع اقعد في أول الجيش، واقفه على الحصان، وقاتل وأنت رافع رقبتك لفوق عشان السهم ييجي. قال له إيه؟

وجدوا بعد المعركة سأل النبي صلى الله عليه وسلم عليه، وجده تحجب. النبي صلى الله عليه وسلم قال: «أهو هو؟ هو اللي كان قالوا». هو هو، مات بسهم لم يتجاوز موضع أصبعه! نفس المكان الذي أشار إليه. ليه؟ فقال النبي صلى الله عليه وسلم دي الخلاصة: «صدق الله فصدقه الله».

الصدق والإخلاص سر خلى السهم يسير في الهواء لا يروح لا يمين ولا شمال ويصل إلى نفس المكان، باب إيه؟ الصدق بالإخلاص. عايز تبقى مسدد، الراجل ده أشار كده للمكان وكان مسدد موصفة؟ عايز تبقى مسدد لابد إخلاص وبذل.

نسأل الله عز وجل أن يستعملنا وأن يوفقنا لفعل ما يحب ويرضى، وأن يرزقنا حسن الخاتمة. أقول قولي هذا واستغفر الله لي ولكم. سبحانك اللهم وبحمدك، أشهد أن لا إله إلا أنت، أستغفرك وأتوب إليك، وأقم الصلاة.