د. أحمد عبد المنعمالحمد لله وحده والصلاة والسلام على من لا نبي بعده محمد صلى الله عليه وسلم. إن شاء الله النهاردة ناخد تفسير أو وقفات مع سورة البينة.
البينة السورة لها شأن، وطبعا كل سور القرآن لها شأن خاص وتوفيق وسداد ربنا سبحانه وتعالى يبصرك بهذا الشأن الخاص اللي في السورة. يعني احنا لما نقول سورة البقرة لها شأن ولها أحاديث، سورة آل عمران كذلك، فيه سور ورد فيها فضائل معينة، فسورة البينة أغلب الأحاديث فيها ضعيفة، يعني خاصة كتب التفاسير اللي مش بتهتم بتحقيق الأسانيد فيها أحاديث كتير قوي، لكن الثابت في سورة البينة اللي في الصحيح في البخاري وغيره لما النبي صلى الله عليه وسلم جه لسيدنا أبي بن كعب وقرأ عليه سورة البينة.
قال له: إن الله أمرني أن أقرأ عليك سورة البينة. ها مين؟ أبي بن كعب، وهو من قراء كتاب الله عز وجل ومن اللي بيؤخذ عنهم القراءة في كتاب الله عز وجل. فسيدنا أبي النبي راح له وقال له: إن الله أمرني أن أقرأ عليك سورة البينة. فبكى، وبيقال: أوصماني لك؟ وفي رواية: أوذكرت ثم؟ يعني اسم يتقال هناك في الملأ الأعلى أو وذكرت ثم؟ فقال: نعم. فقرأ عليه، فبكى أبي بن كعب أن الله عز وجل ذكره باسمه.
فدي فضيلة عظيمة لسيدنا أبي أن الله عز وجل ذكره باسمه. مسألة ليه النبي صلى الله عليه وسلم اختار سيدنا أبي تحديدا يقرأ عليه تحديدا سورة البينة؟ يعني ليه الشخص ده؟ العلماء حاولوا يتكلموا، بعضهم قال: ده كان تأهيل لسيدنا أبي أنه هيقوم بهذه الطريقة من إقراء القرآن، فالنبي صلى الله عليه وسلم بيعلمه طريقة عرض القرآن أن حد يعرض عليه القرآن وهو ينصت ويصحح. فكان النبي صلى الله عليه وسلم تواضعا اه جلس موضع المتعلم: أنا هقرأ عليك سورة إيه؟ على أساس إن هي اللي قال القول ده قال: إن هي نزلت قبل كده وسيدنا أبي كان عارفها، فالنبي صلى الله عليه وسلم هيقرأ عليه السورة كنوع من التعليم، وده تشريف لسيدنا أبي وتعليم للطريقة اه اللي هينتشر بيها القرآن بعد كده.
اه برضه بعض المحققين رفض المعنى ده وقال: لأ، النبي صلى الله عليه وسلم قرأ عليه لأجل معنى يحتاجه، مش مجرد تشريف لسيدنا أبي، ولكن سيدنا أبي كان بيحتاج أنه يُقرأ عليه في هذه المرحلة سورة البينة. وحاولوا يعرفوا إيه اللي كان محتاجه سيدنا أبي في سورة البينة؟ أكتر كلام قرأته وانتشر يعني على في كتب العلماء كلام الإمام ابن كثير.
وابن كثير قال إن سيدنا أبي في روايات تانية أن لما جه سيدنا أبي سمع عبد الله بن مسعود بيقرأ بقراءة غير اللي سمعها أبي من النبي صلى الله عليه وسلم، فانتفض أبي وراح جري للنبي صلى الله عليه وسلم، قال له: أنا سمعت عبد الله بن مسعود بيقرأ بقراءة غير اللي أنت أقرأتني! فبدأ النبي صلى الله عليه وسلم قال له: إن القرآن أنزل على سبعة أحرف، فيه قراءات.
مكان الأحرف ومسألة العلاقة الأحرف بالقرآن مسألة فيها خلاف طويل بين العلماء، مش ده الشاهد بتاعها. سيدنا أبي لما سمع الموضوع فيه قراءتين بدأ يشك، كانت نزغة شيطان جت في صدره، قال: هو القرآن حق ولا لأ؟ فضرب النبي صلى الله عليه وسلم في صدره وقال: إن الله عز وجل أنزل هذا القرآن على إيه؟ على سبعة أحرف. يعني كأن النبي صلى الله عليه وسلم بيضرب الشك اللي في صدر أبي، لذلك كأن سيدنا أبي احتاج لتثبيت، فالنبي صلى الله عليه وسلم قرأ عليه سورة البينة.
هي من اسمها إيه؟ الواضحة، الموضحة، البينة، المبينة، التي فيها شواهد دالة يقينية على صدق نبوة النبي صلى الله عليه وسلم وعلى صدق القرآن. فكان لذلك مهما بلغ الإنسان من دين أو من علم ممكن تمر عليه فترات نزغات شيطانية، ده مش معناه أن ده انتكاس أو ده كفر والعياذ بالله، ولكن هذه الفترات الشيطانية يجب الإنسان يتعامل معها على أنه بشر ويروح يعالجها، محتاج يقرأ مثلا سورة يونس، محتاج يقرأ سورة الأنعام، محتاج أقرأ سورة الزلزلة، محتاج يقرأ سورة يوسف.
يبقى الإنسان لما بتمر عليه فترات معينة بيحتاج، ويروى في الأثر عن ابن عباس وإن كان بعض العلماء ضعفوه: إن لم ينجُ أحد من هذا حتى إبراهيم عليه وعلى نبينا أفضل الصلوات واتم التسليم، حتى قال إبراهيم: ﴿رَبِّ أَرِنِي كَيْفَ تُحْيِ الْمَوْتَى﴾ [البقرة: 260]. وإن كان غالب المحققين على بيان هذا المعنى، ولكن بيذكروا في المعنى ده قصة سيدنا إبراهيم لما قال: ﴿رَبِّ أَرِنِي كَيْفَ تُحْيِ الْمَوْتَى﴾ وأن هي كان مجرد هاجس بشري عدى، خاطر بشري بيعدي على الخواطر البشرية زيه زي أي بشر فما فيش حد فوق هذا الخاطر، لذلك يجب أن يدفع.
وده أحد المعاني في تفسير قوله: ﴿رَبِّ أَنِّي مَسَّنِيَ الشَّيْطَانُ بِنُصْبٍ وَعَذَابٍ﴾ [ص: 41]، أن بدأ خواطر وهواجس شيطانية بدأ الشيطان يستغلها في انعزال الناس عن سيدنا مين؟ اللي في السورة سورة ص الآية، سيدنا أيوب لما طال عليه البلاء وانفصل عنه الناس: ﴿أَنِّي مَسَّنِيَ الشَّيْطَانُ بِنُصْبٍ وَعَذَابٍ﴾ فطلب من ربنا أنه يصرف عنه، أن هو سيدنا أيوب يتحمل البلاء الجسدي والدنيوي ولكن لا يتحمل البلاء أن يبقى فيه حاجة إيه شبهة تأتي في صدرك، أو مش شبهة يعني خاطر من الخواطر أو نزعة من النزعات الشيطانية.
فطلب من ربنا سبحانه وتعالى أن إيه أنه يصرفه عنه، وسيدنا يوسف قال: ﴿وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ﴾ [يوسف: 33]. يبقى ده للبشر كلها، يبقى الإنسان يتعلم أن عادي انك تمر بخاطر من الخواطر الشيطانية اللي بتأتي في صدرك تعامل معها بمواجهة، ما تتعاملش معها بالهروب، واجه مشكلتك اسأل فيها. طبعا أغلب المشاكل تأتي هكذا بالمواجهة، إلا مسألة الوسوسة كثرة الوسوسة الانصراف عنها الشفاء منها يكون بالإعراض.
المهم عشان ما نخرجش برة موضوعنا في ضيق سورة البينة. سورة البينة هي سورة طبعا من جزء عم وهي محاطة بسور مكية، يعني قبلها القدر والعلق والتين، كل دي سور إيه مكية. بعدها الزلزلة والعاديات والقارعة والتكاثر كلها سور إيه مكية، هي محاطة بالسور إيه بالسور المكية.
سورة البينة هي بقى مكية ولا مدنية؟ جماهير العلماء والمحققين على أنها رأيكم إيه؟ سورة البينة أنا عمال أقول محاطة بالمكي يبقى أكيد هي إيه؟ مدنية. اه، جماهير العلماء والمحققين على أنها مدنية، وده لا ينفي أن في بعض العلماء فكر أن هي مكية. اللي قال مكية التقت فيها بعض الأشياء، والآية المدنية التقت فيها بعض الأشياء: الآية المدنية ذكر أهل الكتاب فيها ذكر أبي بن كعب وهو من الأنصار المدينة أن السورة نزلت أن النبي صلى الله عليه وسلم قرأ عليه سورة البينة.
ذكر الزكاة: ﴿وَيُقِيمُوا الصَّلَاةَ وَيُؤْتُوا الزَّكَاةَ﴾ [البينة: 5]، والزكاة لم تفرض إلا فين إلا في المدينة. دي الأشياء اللي خلت بعض كتير من المفسرين يقولوا أن هي مع ألوب السورة ألوب السورة يحتمل المكي والمدني، لأن الأسلوب التقريري في ذو الآيات الطويلة ده ألوب إيه مدني مش مكي. ألوب القرآن التقريري بيقرر حقائق ويناقشها ويبحث عن علتها بآيات مطولة ده ألوب مدني، ألوب الآيات السريعة والطرقات السريعة على القلب الغافل ده ألوب القرآن المكي.
ختام السورة بالجنة والنار وتقسيم الفريقين ده متناسب مع الجو المكي اللي بيغمر جزء عم كاملا. الجو أهل الكتاب مناقشتهم وأن فيه صحف مطهرة وطريقة خطابهم زي ما هنشوف أن طريقة خطاب أهل الكتاب تختلف عن خطاب المشركين وأن كل واحد له خطاب خاص وطريقة معاملة خاصة، ده اللي خلاهم يقولوا أن هي مدنية.
قبل ما برضه ما ندخل في السورة عايزين نتكلم عن اتصال السورة بما قبلها وما بعدها. نبدأ من أول نحن طبعا مش عايزين نرجع من يعني إيه لو قعدنا نرجع هنجيب العلاقة من أول سورة البروج والأعلى والشمس والليل والضحى والشرح، احنا هناخد من أول التين، من أول سورة التين. الله عز وجل بيتهيأ لي احنا كنا ادينا نبذة سريعة أن الله عز وجل أقسم تلت أماكن في سورة التين ﴿وَالتِّينِ وَالزَّيْتُونِ * وَطُورِ سِينِينَ * وَهَذَا الْبَلَدِ الْأَمِينِ﴾ [التين: 1-3].
التلات أماكن دول أنا همشي بسرعة في التلات سور دول عشان احنا موضوعنا النهاردة سورة البينة اللي عنده سؤال يسأله. سورة التين أقسم الله عز وجل بتلات أماكن، التلات أماكن كانوا مهبط الوحي: التين والزيتون في الشام، طور سنين في سيناء الله عز وجل كلم سيدنا موسى، والشام قيل إبراهيم وعيسى، وهذا البلد مين؟ الوحي على مين؟ على النبي صلى الله عليه وسلم.
أقسم الله عز وجل بالأماكن الثلاثة على إيه؟ ﴿لَقَدْ خَلَقْنَا الْإِنسَانَ فِي أَحْسَنِ تَقْوِيمٍ﴾ [التين: 4]. أي أن الإنسان لن يصل إلى أعلى درجة من العلو والتشريف إلا بالاتصال بالوحي. وأن الإنسان مخلوق في أحسني تقويم يعني فطرة الإنسان كفطرة قابل عجينة قابلة يشكل منها مخلوق في أحسن تقويم وفي أعلى عليين، لكن للاسف أيضا هذه العجينة قابلة أن تشكل إلى أن هو يهبط إلى فين؟ أسفل سافلين.
يبقى الإنسان قابل أنه يصل إلى أعلى عليين إذا اتصل بالوحي، والانسان أيضا نفس الشخص اللي ممكن يبقى أعلم العلماء وأعبد العباد هو نفس الشخص قد يتحول في مراحل حياته إلى والعياذ بالله أن هو يبقى إيه أسفل سافلين. يبقى قد يصل إلى أعلى عليين أو إلى أسفل سافلين. الفروقات دي جاءت بالوحي.
السورة اللي بعدها: ﴿اقْرَأْ بِاسْمِ رَبِّكَ الَّذِي خَلَقَ﴾ [العلق: 1]. في سورة اقرأ احنا لازم نستمر في إيصال اقرأ للناس، لأن في ناس هتهددك من تبليغ القرآن فربنا بيقول لك: ﴿كَلَّا لَا تُطِعْهُ وَاسْجُدْ وَاقْتَرِب﴾ [العلق: 19]. تيجي السورة اللي بعدها تشريف القرآن وليلة القدر اللي نزل فيها القرآن: ﴿إِنَّا أَنزَلْنَاهُ فِي لَيْلَةِ الْقَدْرِ * وَمَا أَدْرَاكَ مَا لَيْلَةُ الْقَدْرِ * لَيْلَةُ الْقَدْرِ خَيْرٌ مِّنْ أَلْفِ شَهْرٍ﴾ [القدر: 1-3].
فجه المكان المشرف المكرم في اقرأ والنبي صلى الله عليه وسلم كان يصلي في مكة، والزمان اللي نزل فيه القرآن في ليلة القدر، يبقى كل ده السياق ماشي مع القرآن. كل ده سياق ماشي مع القرآن، الوحي واتصاله بالوحي السابق من أول سيدنا إبراهيم وسيدنا موسى وسيدنا عيسى، وبعد كده مواجهة أهل الباطل لمنع انتشار القرآن، وأن القرآن نزل في ليلة مباركة كلها بركة بتشهدها الملائكة وبيشهدها سيدنا جبريل وغير ذلك.
تيجي سورة البينة في هذا السياق، يبقى سورة البينة بقى بتقول إيه؟ رحلة وصول الوحي من أول والتين والزيتون ده حتى من أول البروج وهم بيقتلوا الناس عشان ما يوصلش وحي. رحلة وصول الوحي كان لازم تحصل عشان المجتمع أوصل لقمة الظلام والفساد، وده أحد معاني الآية الأولى في سورة البينة: ﴿لَمْ يَكُنِ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ مُنفَكِّينَ حَتَّى تَأْتِيَهُمُ الْبَيِّنَةُ * رَسُولٌ مِّنَ اللَّهِ يَتْلُوَ صُحُفًا مُطَهَّرَةً * فِيهَا كُتُبٌ قَيِّمَةٌ﴾ [البينة: 1-3].
سورة البينة كعادة الجزء بتاع جزء الثلاثين جزء عم قسمت الناس في الآخر إلى إيه جزئين؟ اللي هم مين؟ خير البرية وشر البرية. لو جيت لاحظت أن جزء عم كان دايما بيهتم تقسيم الناس إلى فريقين، تلاقي فيه الأبرار والفجار، تلاقي فيه الأشقى والأتقى، تلاقي فيه اللي زكاها واللي دساها، تجد فيه اللي في عليين واللي في أسفل واللي في وفي سجين، تجد فيه من أوتي كتابه بيمينه ومن أوتي كتابه من وراء ظهره في الانشقاق.
طول ما أنت ماشي أن إن المتقين ما فاز في النبأ وقبلها للفجار، فتجد طول ما أنت ماشي السور جزء عم تم تقسيم الناس إلى فريقين، فإما من خاف مقام ربه ونهى النفس عن الهوى. يعني فتجد أن دايما سور القرآن بتهتم أن هم ناس إيه لفريقين. حتى العلقة: رأيت إن كان على الهدى ورأيت إن كذبت وهدى. فالتقسيمة: ﴿فَمَن يَعْمَلْ مِثْقَالَ ذَرَّةٍ خَيْرًا يَرَهُ * وَمَن يَعْمَلْ مِثْقَالَ ذَرَّةٍ شَرًّا يَرَهُ﴾ [الزلزلة: 7-8].
طول ما أنت ماشي فهو في عيشة الرضية والتاني فأمها هاوية وما أدراك ما القارعة. بالرغم من قصر السور إلا أن هي كانت بتركز على تقسيم الناس إلى فريقين. فأيضا ختمت سورة البينة مناسبة الجو بالرغم أن هي مدنية وجت في وسط ترتيب مكي سور مكية إلا أن هي ما خالفتش نسق وما خالفتش سياق السور بتقسيم الناس إلى جزئين.
نبدأ ندخل في السورة كصورة. يقول الله عز وجل: بسم الله الرحمن الرحيم: ﴿لَمْ يَكُنِ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ مُنفَكِّينَ حَتَّى تَأْتِيَهُمُ الْبَيِّنَةُ * رَسُولٌ مِّنَ اللَّهِ يَتْلُوَ صُحُفًا مُطَهَّرَةً * فِيهَا كُتُبٌ قَيِّمَةٌ﴾ [البينة: 1-3].
لم يكن الذين كفروا من أهل الكتاب والمشركين منفكين حتى تجمع البينة. هذه الآية بالرغم أن السورة من جزء عم واحنا بنقرأ السورة كتير، إلا أن الآية دي قال عنها أحد أئمة التفسير الإمام الواحدي، وده من المتقدمين في التفسير أظن ٣٠٠ هجريا فيما أذكر الإمام الواحدي بيقول: هذه الآية من أشكل آيات القرآن نظما وإعرابا وتفسيرا، واختلطت على كثير من المفسرين حتى لا تكاد تجد فيها رأيا صحيحا. الإمام الرازي وهو من أهل الكلام المتكلمين العباقرة العالم جمع الأقوال اللي حاولوا يحلوا الإشكالية وصل لخمشتاشر قول.
يحاول يفض الإشكال بتاع الآية دي، فواضح إن الموضوع كبير، يعني إيه؟ فاحنا مش هلكعوه عليكم واحنا هنحاول نخرج بإيه بخلاصة الكلام ده عشان ما ندخلش نفسنا في الإشكالات. لكن أنا بقول كده ليه؟ عشان أنت لما تيجي تقرأ في التفاسير لو أنت حبيت تطلع هتجد إن الموضوع كبروه. شيخ الإسلام عمل بحث طويل في يعني شيخ الإسلام جاب تلات أقوال وقعد يرد على كل قول ويختار قول جمعه من أقوال معينة، يعني الموضوع عندهم كان كبير أوي يعني خلاص. الإشكالية في إيه؟ يعني حتى من أجمل اللي حاولته اللي لقيته بيحاول يفك الإشكال بطريقة سهلة الإمام ابن عاشور في التحرير والتنوير قال فيه خمس إشكاليات في الآية، هو أصلا الفقر لازم يقول خمستاشر مشكلة، أستاذنا ابن عاشور قال: لأ احنا هنجمع الأصول بتاعة المشاكل، فاحنا مش عايزين نعمل مشاكل، احنا مش بتوع مشاكل، كفاية المشاكل اللي في البلد، فاحنا إيه مش بتوع مشاكل.
إيه الفكرة في الآية؟ ربنا بيقول إيه؟ الخلاف المحوري اللي إحنا هنتكلم فيه: ﴿لَمْ يَكُنِ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ مُنفَكِّينَ حَتَّى تَأْتِيَهُمُ الْبَيِّنَةُ﴾ [البينة: 1]. معنى الآية كده إيه إيماناً بالفهم العام؟ إيه رأيكم؟ معناه إيه؟ أنا مش بسألكم على في الميراث في جزء عم، إيه تصورك العام إن إيه؟ لا، معنى الآية ماشي، ده باللازم. معنى الآية إيه؟ إن أهل الكتاب والمشركين مش هينفكوا عن الكفر إلا لما ييجي إيه؟ إلا لما ييجي ده المعنى العام، وده على فكرة المعنى العام المتبادر، أنا مش عايزك تخاف، يعني إحنا مع بعض بنصلح لبعض. المعنى العام المتبادر ده في كتير من المفسرين يختاروه. قال لي سيبك من الكلام ده كله، هو ده المعنى العام الصح، أمال ليه كتير من المفسرين سابه بالرغم إن المعنى اهو، إن معنى الآية لم يكن الكفار سواء من أهل الكتاب أو المشركين لم يكن ينفك عما هم فيه من الكفر والشرك إلا عندما جاءت إيه؟ البينة.
أمال المشكلة في إيه؟ المشكلة في الآية رقم أربعة، الآية رقم أربعة بتقول إيه؟ ﴿وَمَا تَفَرَّقَ الَّذِينَ أُوتُوا الْكِتَابَ إِلَّا مِنْ بَعْدِ مَا جَاءَتْهُمُ الْبَيِّنَةُ﴾ [البينة: 4]. هي البينة خلتهم ينفكوا عن الكفر، ولا البينة خلتهم يتفرقوا في الكفر؟ يعني أنتم فهمتم اللي عمل لهم المشكلة. تاني يا كرم، أنت صاحبي فانا مشكلة أصبر عليها. الآية الأولانية بتقول يعني هديك مثال، نقول مثلا إيه، فلان الكافر أو قرية كذا بلد كذا كافرة، والقرية دي مش هتسيب الكفر إلا لما ييجي لها القرآن. خلاص؟ وتيجي تقول إي في نفس السياق لكلامك، القرية الكافرة دي لما جالها القرآن ازدادت كفراً! الله! هي مش هتسيب الكفر إلا لما ييجي القرآن، يعني القرآن هيخليها تسيب الكفر، ولا هخليها تزداد كفراً؟ الباقيين هتعمل إيه؟ لو قلنا لو أترضنا إن اللي بين القرآن أو النبي صلى الله عليه وسلم، أو هنشوف الخلاف في كلمة البيان، فالبينة في الصورة، بصوا أنا عايز نعمل إيه في الجلسات بتاعتي، أنا مش عايز أشرح معاني عامة إجمالية أنا عايشها من غير ما تعرف إيه علاقة الكلام اللي أنا بقوله بإيه بالألفاظ الآية، لا أنا عايزك تربط كلامي بألفاظ الآية، عايزك تخرج فاهم ألفاظ الآية، بحيث أنت لما تصلي أنت بالسورة تبقى أنت مرتبط بالكلام ده مش مرتبط بالمعاني بس اللي أنا بقولها لك لأ، تبقى أنت فهمت الكلام.
أحياناً مثلاً آجي أشرح سورة فاللي قدامي يبقى سامع كلام حلو بس مش فاهم إيه علاقة الكلام الحلو ده بالآيات؟ ده بيحصل لي كتير، آجي أقرأ مثلاً أقرأ الآية فجأة أقرأ تفسير واحد يقول كلام مبهر أحس إن إيماني زاد، بس هو عايز أقول له هو إيه علاقة اللي أنت قلته بالآية؟ أنت ما قلتليش حضرتك أنت جبت الكلام ده منين؟ بتحصل كتير جداً خاصة للبلاغيين الأقوياء، اللي معتقد إن اللي بيقرؤوا له على نفس المستوى البلاغي، فهو عمال يعتبر إن في حاجات كتير مش محتاجة، يقول لك: انظر إلى إعجاز الآية ويقوم قايل معنى. يا عم هو بالراحة بس، هو إيه علاقة المعنى اللي أنت قلته بألفاظ الآية؟ فانا عايز نفهم تركيبة الآية زي ما البلاغيين بيقولوا، التركيب بتاع ألفاظ الآية. فهمنا الإشكال فين الأول؟ البينة فرقتهم ولا البينة خلتهم يسيبوا الكفر؟
اللي حَسّ إن دي مشكلة إيه؟ كلمة «منفكين». مش معناها منفكين عن الكفر. لذلك التلات أقوال المشاهير في تفسير الآية، أكبر تلات أقوال في التشريع اللي ذكرهم شيخ الإسلام واكتفى بهم وحاول يرد عليهم ويختار بينهم، في معنى كلمة «منفكين». ماشي، طيب نبدأ بالقول الأول. القول الأول: لم يكن الذين كفروا من أهل الكتاب والمشركين منفكين، أي تاركين الكفر، منفكين عن الكفر، منفكين عن الضلال، لن يحدث لهم هذا إلا ببينة.
يعني كأن ربنا بيقول للمسلمين: الواقع المظلم الذي كانت تعيشه البشرية لم يكن ليتغير إلا بمجيء القرآن. الواقع المظلم اللي أنت أما تيجي تقرأ أصلا الجاهلية ومش بس جاهلية العرب، الواقع الكرة الأرضية قبل مجيء الإسلام، أنت تقول لا يمكن الكرة الأرضية تتصلح، مستحيل عرب بيموتوا بعض ميت سنة عشان جمل، ويؤد بنته، نصارى انفصلوا أهل الدين انفصلوا عن الدنيا وعاشوا مترهبنين في صوامع، والملوك هم اللي بقوا مسيطرين على الدين وبقى الدين فاسد، يهود أحبار بيضحكوا على الناس ومخبين معاني التوراة الحقيقية وبقية عوام اليهود ما بيعرفوش يقرؤوا في التوراة ومنهم أميون لا يعلمون الكتاب إلا أماني، فبيضحك عليهم بسهولة جداً لدرجة أن اليهود ممكن يكتب توراة بإيده ويقول للناس: هذه من عند الله، والناس تصدقه. انحراف ديني فظيع، انحراف أخلاقي، حروب بين الرومان وبين الفرس، بين حتى أهل الدين الباطل وبين الوثنيين عباد النار. الواقع ده ينقلب إلى واقع موحد؟ تاني ازاي؟ تكاد تقول مستحيل! فربنا بيقول لك: لا، هذا الواقع لم يكن ليتغير إلا ببينة واضحة زاهرة. يهيأ لك أما تيجي تدرس الواقع قبل الإسلام أن البينة دي حاجات نازلة من السما، أو ملاك هينزل للسماء ومن السماء يقول: أيها الناس اعبدوا الله، أو سلم يرقوا فيه في السماء أو يفجر لهم في الأرض ينبوعاً زي ما كانوا المشركين متخيلين أن البينة اللي تقلبهم عشان تعمل انقلاب في البشرية حتى يعودوا إلى الدين الحق، عشان يعمل كده أنت متخيل أن ده لن يحدث إلا بخوارق؟ فربنا بيقول لك: ابدأ، هؤلاء ممكن ينفكوا ببينة. هذه البينة هي إيه؟ رسول يتلو بس.
البينة دي إيه؟ رسول يتلو، وكلمة رسول يتلو دي في القرآن مبهرة، بتعمل تغييرات فظيعة، عملت تغييرات في أول سورة الجن، عملت دلوقتي في أول سورة الجمعة: ﴿وَهُوَ الَّذِي بَعَثَ فِي الْأُمِّيِّينَ رَسُولًا مِّنْهُمْ يَتْلُو عَلَيْهِمْ آيَاتِهِ﴾ [الجمعة: 2] بعد ما كانوا أميين لا يعلمون شيئاً ويتقاتلون على الشيء الحقير أصبحوا ويزكيهم ويعلمهم الكتاب والحكمة واستطاعوا أن هم يلحقوا بركب السابقين. خلاص؟
يبقى المعنى الأول، طب لو لو احنا اخترنا المعنى، وكنت أنا أميل لهذا المعنى، إيه علاقة، ازاي نرد على اللي قال فيه إشكال؟ الله! هي البينة خلتهم يؤمنوا؟ ولا البينة خلتهم في ناس قالت زي ما الأخ أحمد بيقول إن هم تفرقوا في الكفر والإيمان، بس ده ما حلش، قال: المعنى الأولاني «لم يكن الذين كفروا من أهل الكتاب والمشركين منفكين» حتى أي المؤمنين منهم اللي هي بتتكلم على مين؟ أنا عايزكم معلش يا جماعة، عايزكم تركزوا، المؤمنين اللي آمن من الكتاب واللي آمن يعني اللي آمن، اللي آمن من أهل الكتاب أو اللي آمن من المشركين بهيب، ما هي تنفع الاتنين، ما هو ده الكلام اللي احنا بنقوله إن هو ينفع الاتنين، بس إزاي ربنا قال هنا؟ فبنقول هنا إن ربنا قال على بعض الناس هينفكوا اللي هو اللي هيؤمن، وبعض الناس هيفضل كافر. فمش المقصود في الآيتين أن كل الناس هيؤمن ولا كل الناس إيه؟ تاني، ركزوا معي.
إحنا قلنا هنقول في منفكين أقوال. القول الأولاني معناه: لم يكونوا تاركي الكفر إلا بقرآن، إلا ببينة. يعني الواقع مش هيتغير، أي واقع في الدنيا، إسقاط الكلام ده عشان أَبقى باخد كلام تربوي أعيش به في حياتي، معنى الكلام ده أفهم منه إيه؟ معنى الكلام ده: أي واقع مظلم في الدنيا لن يتغير إلا ببينة، وهذه البينة نموذج يطبق القرآن ويتلو على الناس القرآن. اعرف الموضوع ده محسوم منتهي. عندك مصلحة حكومية فيها مشاكل مليانة رشاوي وظلم وفساد لن تنقلب إلا بنموذج يطبق الدين الحق ويعلم الناس القرآن، هي كده زي سورة الفرقان، عايزين نصل إلى حالة فرقان في المجتمع بين الحق والباطل، حالة الوضوح لن يحدث هذا إلا بعباد الرحمن الذين القرآن. انسى أي تغيير في الواقع من حالة الظلام الدامس إلى حالة النور الساطع اللي ربنا سماها البينة وسماها الفرقان، لن يحدث إلا بنموذج عملي بقرآن يمشي على الأرض. ملخص الكلام، خلاص؟
طيب، اللي قال من الناس اللي قالت، وده الإمام الزمخشري، قال: لأ، «منفكين» نفس المعنى اللي احنا قلناه أي لم يكن الذين كفروا من أهل الكتاب والمشركين تاركي الكفر إلا بعد مجيء البينة، وبعدين رجع قال: ﴿وَمَا تَفَرَّقَ الَّذِينَ أُوتُوا الْكِتَابَ إِلَّا مِنْ بَعْدِ مَا جَاءَتْهُمُ الْبَيِّنَةُ﴾ [البينة: 4] قال: الآية الأولانية ربنا سبحانه وتعالى مش بيحكي عنهم، أو ربنا سبحانه وتعالى مش بيخبر عنهم، ده ربنا سبحانه وتعالى بيقول أقوالهم، يعني هم كانوا بيقولوا قبل البعثة: لن نترك ما نحن عليه إلا ببينة. فهمنا المعنى التاني ده بقى؟ يعني عارف زي مثلا بيقول لك على حاجة، عارف مثلا أما تيجي تروح لناس علمانيين وتقول لهم عايز تكلمهم عن أن العلمانية فكرة غلط وأن العلمانية هي فصل جزء من الدين عن الحياة، فانت بتقول إيه، فالعلماني بعد نقاشات طويلة معه قال لك: لأ، ما انت لازم تقنعني، فأنت بقى بتتكلم، خلاص سبت العملية، بتقول إيه: لم يكن العلمانيون تاركوا ما هم فيه إلا ببينة، ولكن للاسف: ﴿وَمَا تَفَرَّقَ﴾ العلمانيون ﴿إِلَّا مِنْ بَعْدِ مَا جَاءَتْهُمُ الْبَيِّنَةُ﴾، كأن ربنا بيقول: أعداء أهل الكتاب قعدوا يقولوا: عايزين بينة، أعداء أهل الكتاب قعدوا يقولوا: عايزين بينة، لكن للاسف يعني كلمة وما تفرق الذين أوتوا الكتاب إلا من بعد ما جاءتهم البينة كان فيها نوع تحسر.
زي تاني، أي معنى قرآني يا جماعة عشان يبقى صحيح في الغالب لازم له شواهد قرآنية أخرى، طب الشواهد القرآنية اللي معنا التاني ده منين؟ قالوا ده زي بالضبط قول الله عز وجل: ﴿وَأَقْسَمُوا بِاللَّهِ جَهْدَ أَيْمَانِهِمْ لَئِنْ جَاءَهُمْ نَذِيرٌ لَيَكُونُنَّ أَهْدَى مِنْ إِحْدَى الْأُمَمِ﴾ بتاعة فاطر. أو ﴿وَأَقْسَمُوا بِاللَّهِ جَهْدَ أَيْمَانِهِمْ لَئِنْ جَاءَتْهُمْ آيَةٌ لَيُؤْمِنُنَّ بِهَا﴾، طب فلما جاءهم نذير أنت قاعد فاطر بقى إيه اللي حصل؟ ما زادهم إلا نفوراً. ولما جاتهم آاية التانية دي بتاعة الأنعام إيه اللي حصل؟ قالوا: لن نؤمن حتى نؤتى مثل ما أوتي رسل الله. اليهود قالوا: إن الله عهد إلينا ألا نؤمن برسول حتى يأتينا بقربان تأكله النار، فالنبي قال لهم إيه؟ قد جاءكم رسل بالبينات وبالذي قلتم فلم قتلتموه من الكتب؟ طب ما انت جالك باللي بتتقول عليه، ببينة، فمعنى الآية دي بالضبط قول الله عز وجل: ﴿فَلَمَّا جَاءَهُمْ مَا عَرَفُوا كَفَرُوا بِهِ﴾ [البقرة: 89]. يبقى معنى الآية، معنى سورة البينة كده بالتفسير ده: أي ظل كثير من أهل الكتاب والمشركون يقولون: لن نؤمن حتى نرى، لن نؤمن حتى نرى بينة، فلما جاءتهم البينة إذا هم يتفرقون ويكفرون.
يا جماعة ما حدش يستحي، اللي مش فاهم، انسى التصوير اللي وقع منه الكلام أو سرحان أو متقل في الفطار أو يسهل، خلاص؟ يبقى معنى القول الأول كل ده احنا بنتكلم في القول الأول أن زي ما قلت لكم أنا بميل به أن احنا نميل أن احنا نسيب الآية على معناها الطبيعي المتبادر اللي زي اللي أنتم قلتموه، قعدوا يقولوا فيه، لا تخوفكم ولما سألتكم أنت عرفت تجاوب لوحدي. معنى الآية: لم يكن الذين كفروا من أهل الكتاب والمشركين منفكين أي تاركين ما هم فيه من الكفر حتى تأتيهم ببينة.
معي خلاص كده القول التاني وهكتفي به عشان ما ندخلش نفسنا في مشاكل، كفاية قوي كده. وده القول اللي رجحه شيخ الإسلام ابن تيمية وعمل فيه بحث طويل، هلاء معنى الآية مش كده، معنى الآية عشان يخرج من الإشكال الظاهري ما بين آية واحد وآية كام؟ وآية أربعة. معنى الآية مش، تاني، قبل ما أقول المعاش ما أانساش: المعنى الأولاني حلو بطريقة من اتنين، حلو الإشكال بتاعه بطريقة من اتنين. إيه هي الطريقة الأولانية؟ إيه ده المعنى أن العالم مش هيخرج من الظلام بتاع شرك الكفر إلا لما تأتيهم البينات، طب إزاي ربنا قال في نفس السورة لما جت لهم البينة ما خرجوش برضه؟ بحلهم حاجة من اتنين. الطريقة الأولانية لحل الإشكال ده حاجة من اتنين: أن جزء آمن وجزء كفر، فانا الآية اللي رقم واحد بتتكلم عن مجموعة والآية رقم أربعة بتتكلم عن مجموعة، الآية رقم واحد كانت البينة بالنسبة لهم هدى وتوفيق، والآية رقم أربعة كانت البينة بالنسبة لهم عليهم عمل. دي واضحة. فريق من المنافسين حل الإشكال بطريقة غير كده خالص، قال: لأ، أصلا الآية الأولانية ديت مش ربنا اللي، ده ربنا بيخبر عن قولهم.
يعني الآية رقم واحد دي كلام كانوا بيقوله المشركين وأهل الكتاب، إن «نحن لن ننفك عما نحن فيه حتى تأتينا بيّنة». معرّف رقم أربعة بتحكي عن موقفهم لما جاءت البيّنة، لما قال اه، لما قال أهو أهو؟ قال: نعم عرفته؟ اه هو النبي صلى الله عليه وسلم، هو هو، متأكد من أوصافه؟ هو هو ده النبي اللي عندنا في التوراة، هو. هتعمل إيه؟ عداوته ما بقيت، ما هي زي ما يقول لك ربنا قال: ﴿فَلَمَّا جَاءَهُمْ مَّا عَرَفُوا كَفَرُوا بِهِ﴾ [البقرة: 89]. القول التاني بتاع شيخ الإسلام: إلا منفكين معناها ده اسم مفعول، معناها متروكين.
يعني إيه متروكين؟ يعني ربنا مش هيسيبهم إيه اللي لما يجيب لهم بيّنة؟ أيوه، معنى الآية ﴿وَمَا كُنَّا مُعَذِّبِينَ حَتَّى نَبْعَثَ رَسُولاً﴾ [الإسراء: 15]، ما كان الله عز وجل ليترك أهل الكفر من أهل الكتاب وأهل الشرك في ضلالهم إلا ويرسل لهم بيّنة حتى يحاسبهم عليه، يعني ربنا مش هيسيبكم كده سدى. فقالوا تفسير الآية دي هي تفسير ﴿وَمَا كُنَّا مُعَذِّبِينَ حَتَّى نَبْعَثَ رَسُولاً﴾ [الإسراء: 15]، وهي تفسير قول الله عز وجل: ﴿أَيَحْسَبُ الْإِنْسَانُ أَنْ يُْتْرَكَ سُدًى﴾ [القيامة: 36].
فكلمة منفكين ربنا بيقول للبشرية، ده بالظبط قالوا برضه معنى تفسير قول الله عز وجل: ﴿أَفَنَضْرِبُ عَنْكُمُ الذِّكْرَ صَفْحاً أَنْ كُنْتُمْ قَوْماً مُسْرِفِينَ﴾ [الزخرف: 5]، يعني هو أنتم فاكرين إن ربنا مش هينزل لكم قرآن لأن أنتم فاسقين، إن كنتم قوماً فاسقين؟ معي آية الزخرف: ﴿أَفَنَضْرِبُ عَنْكُمُ الذِّكْرَ صَفْحاً﴾ [الزخرف: 5]، ربنا بيقول: معقول إحنا نسيب وهنشيل عنكم الوحي ومش هننزل لكم ذكر بسبب أن إنتم فاسقين؟ لأ، سيستمر إنزال الذكر بالرغم من أنكم فاسقين، بالرغم من أنكم فاسقون، سيستمر إنزال الوحي عليكم، حتى يؤمن من يؤمن ويزداد الكافر كفراً وتحق عليه البيّنة، يهلك من هلك عن بيّنة ويحيى من حي عن بيّنة.
يبقى شيخ الإسلام قال: معنى الآية أن الله عز وجل ما كان ليترك أهل الضلال في ضلالهم حتى يبعث إليهم بيّنة حتى ينقسم بعدها إلى فريقين، إما مهتد على بيّنة أو ضال على بيّنة، يعني الله عز وجل لن يترك الناس أبدا إلا لينقسموا إلى فريقين، إما مهتدي على بيّنة أو ضال على بيّنة. واستشهد بقول الله عز وجل: ﴿وَمَا كَانَ اللَّهُ لِيُضِلَّ قَوْماً بَعْدَ إِذْ هَدَاهُمْ حَتَّى يُبَيِّنَ لَهُمْ مَّا يَتَّقُونَ﴾ [التوبة: 115]، هي دي البيّنة، سورة التوبة. أنا لو كان في سبورة كنت رسمت لكم الاقوال وحل إشكاليات كل قول، لكن ما فيش، إن شاء الله ربنا يستر ونحاول نجيب سبورة.
وضحت يا جماعة؟ كفاية مش هقول التاني، وضحت كده؟ إحنا قلنا قولين عرفناها، القول الأولاني اللي هو إيه؟ أصل دي سورة البيّنة إحنا بنقرأها، أنت هتسأل في معاني هذه الآيات، لازم تبقى عارف قبل ما تعرف المعاني المترتبة والمعاني الإيمانية والمعاني التربوية، عايزك تبقى تعرف معنى الآية نفسها. خلاص، القول الأول إيه معناه؟ معناه أن نريح شوية، ننام، نقوم، نريح شوية، صح؟ معناه إيه يا جماعة؟ أنا عايزكم تصحوا كده، إيه اللي معناه؟ لن يتركوا الكفر حتى يأتيهم البقية، فينفكوا من هذا الكفر. خلاص؟ لم يكن هنا كفروا من أهل الكتاب والمشركين منفكين، أنا عايزك ببساطة تعرف تجاوب ببساطة، تقول لي منفكين هنا معناها تاركين، يعني مرة اسم فعل بس الله يفتح عليك، مرة اسم فعل، مرة اسم. يبقى أنا عايز تقول لي مرة معناها لم يكن الذين كفروا من أهل الكتاب والمشركين تاركي الكفر والشرك إلا لما تأتي بيّنة. ومرة تانية معناه لم يكن الذين كفروا متروكين من عقاب الله ومن سنة الله في عقابهم حتى تأتيهم البيّنة.
وضحت؟ طيب، نجيب بقى ما يترتب على ده، يترتب على ده زي ما قلنا أن يجب على أهل الحق أنهم يصارعوا الباطل بالبيّنة. أهل الحق يا جماعة دول زي ما العلماء بيسموهم، دول قدر الله في الأرض، دول الطائفة المنصورة اللي ربنا هيضعها حجة على الخلق، يعني دول اللي هم شهداء على الناس. وجود طائفة من الناس تطبق الدين حجة على الناس، لذلك لن تغيب هذه الطائفة من على وجه الأرض أبدا إلى يوم القيامة، ليه؟ حتى تظل حجة الله عز وجل قائمة على البشرية.
يعني الموضوع أمر، لما بنقول الحديث الجميل: «لا تزال طائفة من أمتي على الحق ظاهرين لا يضرهم من خذلهم ولا من خالفهم». الطائفة دي مش بس عشان هم ثبتوا، مش بس عشان هم ثبتوا وجامدین وثابتين على الحق، ده نقطة، النقطة عشان دول قدر الله في الأرض، ما ينفعش يغيبوا، دول لازم يبقوا موجودين عشان يظلوا أن ربنا سبحانه وتعالى دول يبقوا حجة على الناس. لما يجي حد يقول: ما عرفتش؟ يقولوا: لأ، فلان صدع بالحق وفلان قال الحق. تقول له: أنا ما عرفتش، أنا ضحك علي. إخلاء كان فيه فريق من عبادي يقولون: ربنا آمنا، ففرّق ربنا أننا آمنا، الفريق ده اللي هيظل حجة على الناس إلى يوم القيامة. فلازم الحق يقوم بهذا الدور مهما بالغ أهل الباطل في كفرهم وأسرفوا في ذلك، زي ﴿أَفَنَضْرِبُ عَنْكُمُ الذِّكْرَ صَفْحاً أَنْ كُنْتُمْ قَوْماً مُسْرِفِينَ﴾ [الزخرف: 5] كده. مهما أسرف أهل الباطل في الباطل، لازم يظل صوت الحق، ولو ضعيف، ولو بالكلام، لازم يبقى موجود.
معي النبي صلى الله عليه وسلم، أيوه من بعد، قبل البعثة دي فيها خلاف، مسألة أهل الفترة، هل إن كان موجود ولا لا؟ دي فيها خلاف. وأحنا عندنا القواعد القرآنية العامة اللي تطمنا على أهل الفترة أياً كان الراجح اللي فيها، ربنا بيقول إيه؟ ﴿وَمَا كُنَّا مُعَذِّبِينَ حَتَّى نَبْعَثَ رَسُولاً﴾ [الإسراء: 15]، لأن الخلاف فيها طويل. في ناس قالت: أيوه، جزاك الله خير، كلهم اللي مات فيهم على الكفر يحاسب على الكفر، واللي مات فيهم كذا. زي النبي صلى الله عليه وسلم قال: رأيت، اللي هو قصي ولا اسمه إيه؟ اللي بيجر أمعاءه أول ما نسيب السوائب. عمرو بن لحي عمرو بن لحي يجر أمعاءه أو قصبه في جهنم، أول من سيب السوائب، طب ما ده مات في الجاهلية! وناس كتير ماتوا في الجاهلية وردت عنهم أحاديث هم في النار في الفترة، في حين أن فيه أحاديث تانية النبي صلى الله عليه وسلم أربع أصناف من البشر، منهم اللي مات في أهل الفترة يقول: يا رب لم يأتني الرسول، فيمتحنه الله عز وجل امتحان يوم القيامة، كرسي العنق من النار. فيه ناس قالوا: إن كان الأمر واضح له واختار الكفر هيموت، أياً كان، إحنا عندنا قواعد ثابتة تطمنا أن الله عز وجل لا يظلم أحداً، اللي هي ﴿وَمَا كُنَّا مُعَذِّبِينَ حَتَّى نَبْعَثَ رَسُولاً﴾ [الإسراء: 15].
نرجع لموضوعنا، يبقى المعنى الأول: لم يكن الذين كفروا من أهل الكتاب والمشركين منفكين. خد بالك، يعني شف اللفظة الجميلة بتاعة منفكين دي، يعني إيه منفك؟ يعني حاجة كانت أسقف حاجة ويحصل انفصال كلي، مش انفصال جزئي. لذلك أغلب التغيير اللي بيتم بغير مناهج القرآن هي تغييرات جزئية وليست تغييرات كلية. تاني، أي تغيير وإصلاح في الأرض يتم بغير رسول يتلو، بغير قرآن يمشي، بغير عباد الرحمن الذين يقرأون الفرقان، أي تغيير في الأرض هو تغيير جزئي، لا يحدث انفكاك في الأفكار الضالة عن بعضها عشان يحصل الواقع المظلم ده يسيب كلية ما هو فيه. لذلك أهراق لسأل هل يرتد أحد منهم سخطة عن دينه؟ قال: لا. لما بيحصل الانفكاك التام ويخالط الإيمان القلب، الانفكاك ده لو حصل كلية ما يرجعلوش أبدا. قال: لا. قال: وكذلك الإيمان اللي بيقول إذا خالطت بشاشته القلوب. معي؟ هنسأل سؤال مهم قوي، هو اللي أنتم فيه ده تركيز ولا نوم؟ تركيز؟ تركيز.
طيب، نرجع تاني للسؤال الأهم: يا نقول منفكين معناه انفكاك، انفصال إيه؟ انفصال. لذلك قيل يعني أحد معاني الفك أنهم يبعدوا عن بعض، مش مش بيفضل، يعني لو البق بيتفتح ولسه الشفة ملتصقة ببعضها البعض الكلام ما يظهرش. الواحد عنده التصاق الشفة العلوية بالشفة السفلية ما بيحصلش انفكاك بعد عن بعض، خلاص؟ فالانفكاك انفصال تام، الحاجة اتفقت من حاجة كانت ملتصقة مختلطة بلحمها ودمها وحصل انفصال، ده لن يحدث إلا بايه؟ إلا ببينة.
ومن أجمل الكتب اللي استغرقت في وصف الفترة اللي قبل الإسلام وبينت قد إيه الإسلام عمل نقلة عالمية، كتاب أبو الحسن النحوي: ماذا خسر العالم بانحطاط المسلمين؟ كتاب رائع، ماذا خسر العالم بانحطاط المسلمين؟ كثير من الكتاب بيقتبسوا منه، إنه استفاض في قد إيه المسلمين، آه المسلمون عملوا نقلة عالمية للعالم، وازاي لما تخلوا عن تطبيق دينهم الحقيقي حصل تراجع على مستوى الأخلاق على مستوى العالم. خلاص، ماذا خسر العالم بانحطاط المسلمين؟ أبو الحسن النحوي.
لم يكن الذين كفروا من أهل الكتاب والمشركين منفكين حتى تأتيهم البينة، ده المعنى الأول. المعنى التاني اللي قاله شيخ الإسلام ابن تيمية، وده قاله قبله المفسر ابن عطية، وشيخ الإسلام ابن تيمية استفاض فيه واختاروا الشيخ عطية سالم في تتمة أضواء البيان. أضواء البيان ده تفسير الشيخ الشنقيطي، بس مش هو اللي يكمله، اللي يكمله في آخر جزء منه الشيخ عطية سالم، اختار برضه القول ده. معناه إيه؟ معناه أن الله عز وجل سنن في العقاب، هذه السنن عشان تتم على الناس، لازم ربنا الأول يبين لهم، ربنا قال كده: ﴿إِنَّ عَلَيْنَا لَلْهُدَى * وَإِنَّ لَنَا لَلْآخِرَةَ وَالْأُولَى﴾ [الليل: 12-13]، ﴿فَأَنْذَرْتُكُمْ نَاراً تَلَظَّى * لَا يَصْلَاهَا إِلَّا الْأَشْقَى﴾ [الليل: 14-15]. يبقى إذا، بعد أن بين الله عز وجل، وأن ربنا قال يعني سبحانه وتعالى قال على نفسه، هو اللي بيقول: ﴿إِنَّ عَلَيْنَا﴾ كأنه أوجب على نفسه سبحانه أن هو هيبين للناس، أن ما فيش حد هيموت إلا وهيجي له رسالة خاصة أو يطلعه على الرسالة العامة.
لذلك النبي صلى الله عليه وسلم بيقول في صحيح مسلم: «والله لا يسمع بي يهودي ولا نصراني من هذه الأمة ثم يموت» يعني على اليهود والنصرانيين «إلا كان من أصحاب النار». فالنبي صلى الله عليه وسلم ما قالش كل يهودي ونصراني يموت هو من أصحاب النار، بدأها ازاي؟ وإن كان ده عندنا في أحكام الدنيا ده قطع عندنا، ده إجماع أن احنا لما يهودي ونصراني بيموت إحنا بنقطع أنه من أهل النار، دي بنسميها إيه؟ أحكام الدنيا المجمع عليها. أحكام الآخرة بقى أنه طلع عنده ظروف، أنه طلع مش فاهم، أنه طلع دي اسمها أحكام الآخرة دي مش بتاعتنا، إحنا عندنا حاجة اسمها أحكام الإيه؟ الدنيا، ده إجماع عند المسلمين. بس النبي صلى الله عليه وسلم قال: «والله لا يسمع بي»، وربنا قال: ﴿وَإِنْ أَحَدٌ مِنَ الْمُشْرِكِينَ اسْتَجَارَكَ فَأَجِرْهُ حَتَّى يَسْمَعَ كَلَامَ اللَّهِ﴾ [التوبة: 6]. يبقى هنا والله لا يسمع بمعنى حتى يسمع كلام ربنا. أوجب على نفسه أنه هيسمع الناس وانه يبلغهم ده للصادق الراغب، هيوصل، والله لو في أقصى الأرض هيوصل، أن الله عز وجل علمه في كل مكان سبحانه وتعالى، ويحيط بالخلق سبحانه وتعالى.
يبقى المعنى التاني أن ربنا مش هيسيب البشرية في الضلال أبدا، ربنا هيبعت لهم اللي يكون حجة عليهم، فإما أن يهتدوا على بينة أو اقترضوا ضلال إيه؟ على بينة. عشان كده المرحلة دي اللي احنا بنسميها مرحلة الفرقان، لذلك المقطع ده اللي هو يحيى من حي وأهلك من هلك عن بينة، جه في غزوة إيه؟ سورة إيه؟ يحيى الحي عن بينة، وأهلك ومنهجك، سورة الأنفال، في سياق الكلام عن غزوة إيه؟ بدر. ربنا سمّاه يوم الإيه؟ الفرقان. لما يجي حالة فرقان يبقى اللي بيهلك بيهلك على بينة، واللي بيحيى بيحيى على بينة، واللي بيهتدي بيهتدي على بيّنة، واللي بيضل بيضل على إيه؟ على بيّنة.
نكمل بقى، كفاية كده النهاردة الآية دي ولا إيه؟ حتى تأتيهم البينة. إيه هي البينة؟ رسول يتلو، ببساطة يبقى عشان نحدث تغيير في المجتمع، لازم شخص الأول، شخص بشر متجسد عايش وسط الناس، بياكل الطعام ويمشي الأسواق عايش وسطهم، بيعمل إيه؟ يتلو رسول من الله يتلو صحفاً مطهرة فيها كتب قيّمة. المعنى ده ما جاش في القرآن غير هنا، دايما يتلو عليهم آياتي، يتلو عليهم آياتي جات في البقرة وآل عمران والجمعة، فيزكيهم ويعلمهم الكتاب والحكمة، وتلاوة الآيات كتير بتختلف، فعل التلاوة بيختلف مع إيه على حسب السياق. هنا يتلو صحفاً، صورة العنكبوت في جدال أهل الكتاب برضه: ﴿وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ﴾ [العنكبوت: 46]. في الصفحة دي بتاعت العنكبوت: ﴿أَوَلَمْ يَكْفِهِمْ أَنَّا أَنْزَلْنَا عَلَيْكَ الْكِتَابَ يُتْلَى عَلَيْهِمْ﴾ [العنكبوت: 51]. هنا اللي بيتلى إيه؟ ربنا سمّاه إيه؟ كتاب، حاجة مكتوبة.
هنا بيقولوا أن سياق السورة أصلا يخاطب في الأصل أهل الكتاب مش المشركين، والمشركين هنا تبع بدليل إيه؟ بدليل أن لما ربنا اتكلم عن الكفر في الأول قدم أهل الكتاب على المشركين، وأن ربنا جاب التفرق ذكر أهل الكتاب منفردين، قال: ﴿وَمَا تَفَرَّقَ الَّذِينَ أُوتُوا الْكِتَابَ﴾ [البينة: 4]، ما قالش: وما تفرق الذين أوتوا الكتاب والمشركين، جاب إيه؟ أوتوا الكتاب بس. ﴿وَمَا تَفَرَّقَ الَّذِينَ أُوتُوا الْكِتَابَ إِلَّا مِنْ بَعْدِ مَّا جَاءَتْهُمُ الْبَيِّنَةُ * وَمَا أُمِرُوا إِلَّا لِيَعْبُدُوا اللَّهَ﴾ [البينة: 4-5]. الخطاب ده كله لمين؟ لأهل الكتاب، فالخطاب هنا لمين؟ للي عندهم علم وكتموه، فضلوا بسببهم الناس. عشان كده دول شر البرية وهنتكلم ليه كلمة شر الإيه؟ البرية، الكلمة دي اللي ما جاتش غير هنا. ليه البرية؟ يعني مش ليه شر الخلق، ربنا قال: ﴿إِنَّ شَرَّ الدَّوَابِّ عِنْدَ اللَّهِ﴾ [الأنفال: 22].
سورة الأنفال يمكن شر الدواب شر الخلق كالانعام بل هم أضل. هنا جت شر الآية؟ البرية، وله علاقة باسم الله الآية؟ البارئ، ماشي؟ هنيجي لها إن شاء الله. الخطاب هنا خطاب مع أهل الكتاب. فيقولوا إن الخطاب مع أهل الكتاب لازم أنت تحدد المخاطب بتاعك أو المدعو.
هتكلم واحد من المشركين بتوع الأوثان الأميين اللي ما بيعرفش حاجة في حياته غير بعض الحاجات المعينة وعايش في جاهلية، ولا هتخاطب واحد من أهل الكتاب اللي عنده علم بالكتب والأنبياء والغيب والآخرة؟ هنا خطابك لازم يبقى مختلف عن ده. لذلك النبي صلى الله عليه وسلم لما بعث سيدنا معاذ لليمن قال له: وققبل ما يقول له يعمل إيه؟ قال له: «إنك تأتي قوما أهل كتاب فليكن أول ما تدعوهم» وقالوا الحديث. لأن العلماء في وقفة هنا، وابن حجر بيقول في شرف الحديث ده، بيقول: النبي صلى الله عليه وسلم بيعرفه نوعية الناس اللي أنت رايح لهم.
نوعية أهل الكتاب محتاجين خطاب علمي أقناعي مع مع الكلام طبعا بالوعظ. الوعظ لا يخلو منه خطاب، بس دول محتاجين إقناع. عشان كده أحد معاني قول الله عز وجل في آخر غافر اللي هي: ﴿فَرِحُوا بِمَا عِندَهُم مِّنَ الْعِلْمِ﴾ [غافر: 83]، لما جاءتهم رسلنا بالبينات فرحوا بما عندهم من علم. بعض المفسرين قالوا: فرحوا بما عندهم العلم اللي في أهل غافر، أنك بعض الناس اللي عندها علم في الأديان وعندها معلومات وثقافة ومطلع ودنيويا واسع الطلاب عنده علم، تيجي تكلمه يحس أن كلامك بالنسبة له مش مهم، وكلامك بالنسبة له مش مقنع. لو أنت عشان كده لما ييجي شخصية متفلسفة وأنت ما بتخاطبهاش خطاب علمي أقناعي ما بيقبلش بكلامك. لذلك خطاب الملاحدة -طبعا احنا بنقول وعظ لازم يبقى موجود في كل هذه الخطابات، لكن خطاب الملاحدة غير خطاب المشرك، خطاب الوثني غير خطاب العلماني، غير خطاب النصراني- دي مختلفين، ده حتى المسلم العاصي بصغيرة غير المسلم صاحب الكبيرة بيختلف معي.
فهنا ربنا بيخاطب أهل كتاب فقال: ﴿يَتْلُوا صُحُفًا مُّطَهَّرَةً﴾ [البينة: 2]، حاجة مكتوبة. فيها كمان مش بس صحف دي الصحف دي فيها إيه؟ فيها كتب، يعني صحفا مطهرة فيها الصحف المطهرة اللي هي القرآن، وكأن دي بشارة أو إشارة أن القرآن لابد أن يكتب. يعني كأن بشارة أو إشارة لا تكتفوا بمجرد إقراء القرآن، لابد أن إيه أن يكتب القرآن. وبشارة أن القرآن هيظل مكتوب بالرغم من النبي صلى الله عليه وسلم أُمِّي، وبدأوا فعلا كتابة القرآن على العظم والرقاع والجلد، ولما جمعوه في الآخر وعملوا منه المصحف. فزي ما بيقولوا كأنها بشارة أو إشارة أن القرآن لازم يبقى إيه؟ مكتوب، وأن مش كل الناس هيظلوا أميين يقرأ عليهم مس القرآن زي العرب، لا ده أنتم هتفتحوا الدنيا، أنتم الرسالة الخاتمة للعالم، فانتم لازم تروحوا للعالم بكتاب مكتوب خلاص.
رسول من الله يتلو صحفا مطهرة، مش صحفا طاهرة، صحفا إيه؟ مطهرة. مين اللي مطهرها؟ ربنا سبحانه وتعالى. كلمة مطهرة دي كأن يقول لك فيها إيه؟ فيها إشارة بكتب السابقين، يعني كأن الصحف دي هتبقى غير صحفكم، صحفكم تدنست، لكن هذه الصحف ستظل طاهرة، ليه؟ لأن الله عز وجل هو الذي يحفظه: ﴿إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ﴾ [الحجر: 9]. ففي بشارة أن هذا القرآن لن يحدث له تحريف قاطع ولن يحدث له تبديل مستحيل. دي آية معجزة يا جماعة، لما تيجي تتحدى أي كافر لازم رقم واحد تتحداه بالقرآن. يعني أما تيجي تتناقش مع ملحد، مع كافر، مع مشرك، مع أي شخصية مش مسلمة، لازم التحدي رقم واحد بتاعك مش ده، التحدي اللي ربنا قاله في القرآن. التحدي اللي في القرآن كله حاجتين، ثم المباهلة.
لكن قبل ما قبل ما قبل ما تقول له تعال أنا نبتهل وندعي على الظالم وربنا يحرق الظالم ويهلك الظالم، التحدي بحاجتين للمشرك التام بصفة الخالقية، تقول له لو اجتمعوا لن يخلقوا ذبابا ولو اجتمعوا له لن يخلقوا ذبابا ولا يجتمعوا لها. طب واللي عنده مناهج أخرى بتتحداه بالقرآن، لو عملتوا إيه مش هتعرفوا تجيبوا زي القرآن؟ مش هتعرفوا تجيبوا سورة. أنا عايزك تبقى أنت بتقول التحدي ده ما تبقاش خايف، ما تقولش إيه: افرض عرفوا يعملوا سورة؟ مش هيعرفوا، ربنا قال: ﴿وَلَن تَفْعَلُوا﴾ [البقرة: 24]، ولن تفعلوا مش هتعرفوا تعملوه، مش هيعرفوا يجيبوه ولو اجتمعوا له مش هيعرفوا مستحيل ده إعجاز. فأنا عايزك تبقى موقن بهذا التحدي.
فرسول من الله يتلو صحفا. من معاني التلاوة أنتم عارفين يعني إيه؟ ألا شئت شئت لا شيء، يعني إيه؟ ﴿وَالشَّمْسِ وَضُحَاهَا * وَالْقَمَرِ إِذَا تَلَاهَا﴾ [الشمس: 1-2]. يعني تلاها هنا يعني قرأها؟ يعني القمر هنا قرأ الشمس؟ أمال عمل إيه؟ تبعه. تابع للقمر، تابع سواء تابع متلقي من النور وبيعكس الضوء، أو تابع حركيا أيا كان، المهم أن إيه؟ تلاها يعني إيه المفردة أنا عايزك تبقى عارف لفظ، أما أقول لك: منفكين، تقول لي: قول ال تاركين وقول ال متروكين، تبقى عارف تفسير اللفظ. تلاها يعني تبعها، حد يقول لك: والشمس والقمر إذا تلاها يعني إيه؟ تبعه. فالتلا شيء يعني تبعه، جاء فلان ثم تلاه فلان أي ثم تبعه فلان. فكلمة يتلو هي وظيفة أن أنت تابع لما يلقى إليك، يعني الرسول مش بيختلق كلام من عنده، الرسول إيه؟ بيتبع ما أنزله الله.
طب هو رسول يتلو آيات دي بينة كافية فعلا أن الظلام اللي احنا قعدنا نتكلم عنه اللي في الأرض دي يروح؟ يعني كفر أهل الكتاب والأصنام والمشركين هل فعلا كل ده ينقشع برسول يتلو صحف مطهرة هل ده للاسف يا جماعة احنا مش واثقين في منهجنا احنا لو سمعنا الآن أن اكتشفوا في فلسطين مثلا أو في سيناء عصا موسى مثلا افتراضا طبعا وهو أمر مستحيل وجربوها طلعت شغالة تخيل بقى تخيل مدى فرحتك ويقينك أن أنت قد إيه هتعرف تقنع الناس اللي هيكلمك هتقوم عامل ايه وطلع العصاية ورايح على البحر واهي.
ادي أن ربنا بيقول لنا في القرآن أن آية القرآن أقوى وأكثر استمرارا إلى يوم القيامة، لازم تبقى عندك موقن بالكلام ده، مش كلام يعني زي آية الرعد اللي هي: ﴿وَلَوْ أَنَّ قُرْآنًا سُيِّرَتْ بِهِ الْجِبَالُ أَوْ قُطِّعَتْ بِهِ الْأَرْضُ أَوْ كُلِّمَ بِهِ الْمَوْتَىٰ﴾ [الرعد: 31]، قيل في محذوف أي لكان هذا القرآن، يعني لو ربنا قدر أن فيه كلام قرآن تقطع به الأرض قالوا زي ما حصل مع سيدنا موسى وفرق البحر أو سيرت به الجبال قالوا زي ما الجبل نطق فوق بني إسرائيل أو كل ما بين موتى زي ما سيدنا عيسى يعني معجزات سيدنا موسى وعيسى كلها، لو فيه قرآن هيعمل الكلام ده كان هيبقى إيه؟ هذا القرآن. بل لله الأمر جميعا، ولكن الله عز وجل أرادوا معجزة معنوية مش معجزة حسية.
والنبي صلى الله عليه وسلم قال كده: «ما من نبي من الأنبياء إلا أوتي من الآيات ما على مثله آمن البشر، وإنما كان الذي أوتيته وحيا أوحاه الله إلي، فأرجو أن أكون أكثرهم تابعا يوم القيامة». الله! ازاي أكثرهم تابعة؟ ده فيه حاجة اسمها عصا موسى؟ أيوه، الآية دي أقوى، فانت لازم يبقى يقينك في القرآن أشد من يقينك في تأثير عصا موسى على الناس معي ولا إيه؟ لكن احنا للاسف بعيد عن القرآن، احنا بعيد عن هذه المعاني عن هذه المعجزة مش مختلطة بلحمنا ودمنا خلاص.
رسول من الله يتلو صحفا مطهرة فيها كتب قيمة. يعني إيه فيها كتب قيمة؟ كلمة ازاي صحف فيها كتب؟ قالوا زي ما تلاقي مثلا كتاب زي كتاب البخاري وتلاقي فيه إيه؟ كتاب الطهارة، كتاب الصلاة، كتاب كذا، يعني هذا القرآن ليس معجزة واحدة، لأ ده فيه أنواع من الإعجاز، هتلاقي فيه إعجاز في اللغة، وإعجاز في السياق، وإعجاز في العلم، اللي هو العلم الدنيوي، وإعجاز في البلاغة، وإعجاز في الهدى، وإعجاز في حل مشاكل المجتمع الاجتماعية، وإعجاز في حل مشاكل المجتمع الاقتصادية، ألوان وكتب من الإعجاز معي؟ يعني القرآن مش القرآن هو إيه؟ معجزة واحدة، لأ ده القرآن مئات الأنواع، مش مش يعني مش مش مئات الإعجاز، لأ مئات الأنواع، وكل نوع في بقى تفاصيل في الإعجاز. ﴿وَلَكِنَّ أَكْثَرَ النَّاسِ لَا يَعْلَمُونَ﴾ [البقرة: 170].
يبقى صحفا مطهرة فيها كتب قيمة. وقيل في معنى الآية بقى عشان يتناسب مع السياق أن احنا بنخاطب وقلنا في الأصل احنا بنخاطب مين دلوقتي؟ أهل الكتاب. وأهل الكتاب يقول لك أنا مش مش مؤمن إلا لما تجيب لي بينة، فقلنا له: البينة رسول يعرف نسبه ويعرف بصدقه وأمانته، يبقى أنت لازم عشان تبقى بينة بالناس لازم تعرف بالآية؟ بالصدق والإيه؟ والأمانة. يبقى أنت تتخلى عن خلق الصدق والأمانة أنت بتلعب في البينة.
للاسف بتقلل الحجة على الناس، يعني شخص يقرأ القرآن على الناس ويتخلى عن خلق الصدق والأمانة دي مصيبة، فلم يصبح بينة، فاحنا أحيانا نسيء إلى القرآن دون أن نشعر دون أن لا نشعر. فاهمين الفكرة؟ أن أنت لازم يكون معروف لذلك قالوا البينة: إنه رسول معروف عندهم بالصدق والأمانة والخلق، فده يبقى بينة عند الناس. بالنسبة بقى لأهل الكتاب فيها كتب قيمة قال معناها يحتوي على أدق وأجمل وأقوى وأصح ما في الكتب السابقة، يعني الكتب السابقة مضمنة فين؟ في القرآن.
لذلك آخر سورة أنا لي إيه؟ صحف اللي هي من أول أبو الأشقى الذي يصلى النار الكبرى من وذكر اسم ربه، بل تؤثرون الحياة الدنيا والآخرة، إن هذا هذا ده اللي هو إيه؟ قيل لي سورة الأعلى: ﴿إِنَّ هَٰذَا لَفِي الصُّحُفِ الْأُولَىٰ * صُحُفِ إِبْرَاهِيمَ وَمُوسَىٰ﴾ [الأعلى: 18-19]. يعني في حاجات عندنا كانت موجودة فين؟ في الصحف الأولى. فقالوا فيها كتب قيمة يعني كأن أنت بتقول لليهودي أو النصراني أنت المفروض لما تقرأ القرآن لو أنت عندك اطلاع على كتبك هتجد أُلفة وتألف في الأصول وخاصة الكتب التي لم تحرف. أنا أصلا سبحان الله الواحد يقرأ حتى الآن التوراة والإنجيل محرفين حتى الآن وبيجد بشارات بالقرآن وبالنبي صلى الله عليه وسلم لكن هم بيأولوها.
كل دين وكل فكرة على مستوى الأرض في الأغلب تنتظر مخلص، اليهود حتى الآن بيقنتظروا النبي الموعود به عندهم في التوراة وهيعتبروه المخلص بتاعهم اللي هو يبقى المسيح الدجال. والنصارى حتى الآن عندهم وعود في الإنجيل أن في حد هيجي، حتى الآن لسه مستنيينهم. واحنا جالنا النبي صلى الله عليه وسلم وفي عندنا المهدي، والشيعة عندهم الإمام ال اتناشر، كله بيقنتظر أن في شخص هييجي ويحدث حدث تغييري، حتى احنا لما بننتظر مش بس المهدي احنا بننتظر نزول عيسى، واليهود بينتظروا مين؟ المسيح. لذلك لن يقتل المسيح إلا من؟ إلا عيسى، ما نحن نؤمن به ونوقن به سينتصر على ما هم يوقنون به هيك لما المسيح هييجي أكثر أتباعه اليهود، واحنا بننتظر نزول عيسى، فنزول عيسى هو اللي هيقتل مين؟ المسيح الدجال.
نرجع تاني، رسول من الله يتلو صحفا مطهرة. فيها كتب إيه؟ قيمة، يعني إيه قيمة؟ إيه رأيكم؟ جميلة؟ إيه رأيك؟ إيه يعني إيه قيمة؟ أيوه، هل قيمة يعني هي ما فيهاش عوج؟ ولا هي تقيم الناس عشان الناس ما يبقاش فيهم عوج؟ قيمة عكس معوج، قيمة جاية من مستقيمة، ﴿الْحَمْدُ لِلَّهِ الَّذِي أَنزَلَ عَلَىٰ عَبْدِهِ الْكِتَابَ وَلَمْ يَجْعَل لَّهُ عِوَجَا﴾ [الكهف: 1]، فبالتالي هو قيما، لذلك من اللطائف في الآية دي أنك لما تيجي تقراها تلاقي: الحمد لله الذي أنزل على عبده الكتاب ولم يجعل له عوجا، في إيه في المصحف؟ فيه سين كده اللي هي الآية؟ سكت لطيف، بتقول إيه؟ الحمد لله الذي أنزل على عبده الكتاب ولم يجعل له عوجا، قيمة ما توصفهاش ليه؟ لأن لو وصلتها هتقول: ولم يجعل له عوجا قيما، يعني هو فيه عوج بس مش قيم، لا.
فاهمين معنى لو أنت وصلتها هتبوظ معنى الآية، فانت تقول: الحمد لله الذي أنزل على عبده الكتاب ولم يجعل له عوجا، وتقف. ومعنى أنه ما لوش عوج أن هو إيه؟ قيم. من معاني قيم أن القرآن لن تستطيع أنك انت تطلع فيه تناقض، وكل أشكال بيقولوه بنكتشف إنه واعجاز، يعني أحيانا أهل الباطل بيخدوا بالهم من حاجات احنا مش واخدين بالنا منها، فيقول لك: بس لقيت لك مشكلة في القرآن وتناقض، تكتشف أن دي كانت معجزة أنت مش واخد بالك منها أصلا. لذلك: ﴿وَلَوْ كَانَ مِنْ عِندِ غَيْرِ اللَّهِ لَوَجَدُوا فِيهِ اخْتِلَافًا كَثِيرًا﴾ [النساء: 82].
فيه ناس فاهمة معنى الآية غلط طبعا أن إيه؟ أن القرآن فيه اختلاف بس إيه؟ بس قليل، لأ، مش مفهوم المخالفة، لا، أمال معنى الآية إيه؟ معنى الآية أي جهد بشري يحاول كتابة القرآن مش بس هيبقى فيه اختلافات قليلة، بيبقى فيه اختلافات كتير، يعني أي جهد بشري لازم يحتوي على آلاف التناقضات والاختلافات، يعني لو حبوا يعملوا كتاب دستور بشري زي القرآن كده لازم يبقى مليء بالتناقضات والاختلافات ماشي.
وما تفرق الذين أوتوا، فقيم معناها أنه يهدي للتي هي أقوم، بتاعة الإسراء، يبقى القيمة معناها إيه؟ يهدي التي هي أقوم. وما تفرق الذين أوتوا الكتاب إلا من بعد ما جاءتهم البينة. للاسف كتير من الناس يقسم أنه نفسه يشوف آية، أنه نفسه يشوف، لكن الحقيقة لما تيجي تطرح له البيانات تفاجئ أن هو إيه؟ ما زادهم إلا نفوس المشركين قعدوا يحلفوا أنت عارف لو كان عندنا رسالة لو كان عندنا واحد لو كان عندنا رسول.
كان زمان لو كورونا أهدى من أحد الأمم لو جاء لنا نذير هنؤمن؛ اليهود كانوا بيقولوا هييجي نبي وهنتبعه، لكن لما النبي جه عملتوا معه إيه؟ كتير من الناس للأسف خلقوا زي بالضبط الآية بتاعة التوبة: ﴿لَئِنْ أَتَيْتَنَا بِآيَةٍ لَنُؤْمِنَنَّ بِهَا﴾، فلما أتاهم من فضله بخلوا به. فكتير بيقول والله أنا لو جت لي آية أنا بس متوقف.
أما إذا أشفنا الآية، اعرفوا يا جماعة أن الذي لا يكتفي بالقرآن لن يكتفي بأي آية، دي قاعدة. القرآن أقرها المشركون طلبوا آيات كتير جداً، ودي موجودة في سورة الأنعام؛ طوال سورة الأنعام عمالين يقولوا عايزين آية، عايزين آية. المسلمون بصوا لمرحلة نفسهم، عشان كده ربنا بيقول للمؤمنين: ﴿وَمَا يُشْعِرُكَ أَنَّهُمْ إِذَا جَاءَتْهُمْ آيَةٌ يَخْرُّونَ لَهَا سُجَّدًا﴾، عشان كده الآية اللي بعدها على طول: ﴿وَنُقَلِّبُ أَفْئِدَتَهُمْ وَأَبْصَارَهُمْ كَمَا لَمْ يُؤْمِنُوا بِهِ أَوَّلَ مَرَّةٍ﴾.
يعني اللي ما آمنش بالقرآن أول مرة ومش مقتنع به، والله لو جبت له أي آية، ده لو كلمهم الملائكة: ﴿وَلَوْ نَزَّلْنَا عَلَيْهِمُ الْمَلَائِكَةَ وَكَلَّمَهُمُ الْمَوْتَى وَحَشَرْنَا عَلَيْهِمْ كُلَّ شَيْءٍ قُبُلًا مَا كَانُوا لِيُؤْمِنُوا﴾. ليه الآية دي جت بعد آية القرآن؟ لأن اللي ما آمنش بالقرآن والله لو شاف أي آية، ده أنت لو رفعتهم في السما هيقولوا: «إنما سكرت أبصارنا»، يعني لو طلع أسامة جه هيقول لك أنت سحرتني.
أوعى تفتكر إنك مش أشد الآيات وضوحاً في الدنيا؛ ناقد صالح وعصا موسى، عملت إيه؟ عقروا الناقة، ولما البحر اتشق مشي في البحر ورا سيدنا موسى عشان يقتلوه. قتلوا الناقة وعقروا الناقة، وفرعون مشي شاف العصا شقت البحر، قام ماشي في البحر. فبلاش تظن إن البشر اليومين دول أذكى من بتوع زمان، كفاركم خير من أولئك، هم زي بعض.
يعني نفس مستوى التفكير العقلي، اللي مش هيؤمن بالقرآن ومن لم يكتفِ بآية القرآن لن تكفيه أي آية على مستوى التاريخ، مش هيؤمن بأي شيء طبعاً؛ «اتباع هوى باغياً بينهم»، وزي ما القرآن فصل في آيات تانية إن ده أصلاً مش بيدافع حقيقة عن الآلهة، هو بيدافع عن أهوائه.
هنقول الوقتي، دي بس للأسف أنا كان نفسي نتوسع أكتر من كده، إنما أنا هخلص وأختم يعني عشر دقائق وأخلص أو أقل. دلوقتي احنا بنقول لأهل الكتاب، أو بنقول للمؤمنين، لو بنقول للمؤمنين بنقول لهم يا أهل الإيمان اعلموا أن هذا الواقع لن ينفك عما هو فيه من ضلال إلا بمجيء البينة. وأيضاً أيها المؤمنون اعلموا أنه حتى بعد أن تأتي البينة سيظل جزء من أهل الباطل يصر ويتمسك بباطله.
ده ملخص للآيات اللي فاتت، لو إحنا بنكلم أهل الإيمان نقول لهم: يا أهل الإيمان، اعرفوا أن هذا الواقع لن ينفك من الضلال الذي هو فيه إلا ببشر يطبق القرآن، لازم يبقى نموذج حي، رسول يأكل مما الله، يتلو صحفاً مطهرة؛ كلمة «يتلو» بتعطي هذا المعنى أن الاتباع. لو إحنا بنخاطب أهل الكتاب بنقول لهم: يا أهل الكتاب أنتم ادعيتم أنكم لن تؤمنوا إلا إذا جاءت البينة، قد جاءتكم البينة، ارجعوا إلى كتبكم واقرؤوه ثم اقرأوا القرآن وتعاملوا مع النبي ﷺ تعاملاً مباشراً، فسوف تعلمون أن هذه بينة حقة، ولكنكم تفرقتم واختلفتم اتباعاً لأهوائكم. ﴿وَمَا تَفَرَّقَ الَّذِينَ أُوتُوا الْكِتَابَ مِن بَعْدِ مَا جَاءَتْهُمُ الْبَيِّنَةُ﴾.
وبعدين أنت بتقول له شف سبحان الله، الآية دي الواحد طول عمره بيقرأها: ﴿وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ وَيُقِيمُوا الصَّلَاةَ وَيُؤْتُوا الزَّكَاةَ ۚ وَذَٰلِكَ دِينُ الْقَيِّمَةِ﴾. إيه في الآية دي؟ دليل أن الدين بتاعنا دين حق. يعني الواحد قاعد يفكر، المفروض أن الآية دي رد على شبهة: «وما تفرق الذين أوتوا الكتاب إلا بعد وجود بينة»، بعض أهل الكتاب قالوا دي مش بينة، تقوم الآية دي فيها رد على شبهتهم.
سبحان الله، زي ما بقول لك كل ما تعيش مع القرآن أكتر وتفكر فيه أكتر ربنا يبصرك، إن الحاجات اللي أنت مش واخد بالك منها هي ردود في القرآن فعلاً رد على شبهتهم. ربنا بيقول لهم أنا هديكم علامة تقيموا بها أي دين يتعرض عليكم إلى يوم القيامة، وأي فكر يتعرض عليكم؛ إذا كانت الفكرة دي حق ولا باطل. يعني الآية دي مقياس وميزان.
اختار أي فكرة: الهندوسية، الليبرالية، الشيعة، أي فكرة موجودة على مستوى البشرية، ده معيار تقيم فيه: حق ولا باطل؟ إزاي؟ ﴿وَمَا أُمِرُوا إِلَّا﴾؛ لازم الشرع يبقى فيه أوامر ونواهي. فكرة أو اعتقاد أو دين بدون أوامر ونواهي من عند المرسل اللي هو الله، يبقى ده مش دين. يبقى أنت كده ضربت كل الأفكار اللي ما فيهاش أمر ونواهي.
أو اللي يقول لك إحنا زي الهندوسية، باين ولا إيه؟ هم أربعة على مستوى البشر، ما فيش تشريع ولا حاجة، هم بيقعدوا في لحظة صفاء وخلوة يتلقوا الأخلاق والتعاليم من وحي بيجي لهم كده فيعلموا الناس أخلاقه، والأخلاق دي بتتغير مع مستوى الزمان، ده بقى كلام فارغ. إحنا عايزين كتاب مكتوب وصحف فيها أوامر ونواهي، يبقى الدين اللي ما عندوش كتاب خرج برة الموضوع.
يبقى لما يجي لك دين الليبرالية مثلاً، وخاصة الليبرالية الكافرة بتاعة أمريكا اللي بتمثل الحرية الليبرتارية، اللي نشأت مع البروتستانت اللي سابوا الكاثوليك؛ البروتستانت المحتجين المعترضين ونشأت الفكرة الثالثة أن لا كنيسة، الدين الليبرالي هناك عبارة عن دين متداخل مع الدين، هي فكرة أُسرت على الدين. طب دي عندكم كتاب أيها البروتستانت؟ عندكم كتاب؟ يبقى هنكمل النقاش، ما عندكوش كتاب خرجتم برة الموضوع.
طيب، ﴿وَمَا أُمِرُوا إِلَّا لِيَعْبُدُوا اللَّهَ﴾؛ لازم الدين ده يتحدث عن العبودية لله، أي دين لا يتحدث عن العبودية لله مرفوض. ﴿لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ﴾؛ ده اللي مش موجود في البشرية الوقتي، أغلب كل اللي موجود أصابته لوثة الشرك، حتى الفرق الضالة في بعض المسلمين زي الشيعة، الأئمة بيتدخلوا في التشريع. إحنا عندنا خلاص الموضوع انتهى بموت النبي ﷺ، الموضوع انتهى، هو عنده الإمام ممكن يتلقى تشريع، عشان كده هي دي فكرة.
كنا نتحدث عن لوسة الشركة، ونقول إننا يجب أن نكون نشيطين، ويجب أن يكون الموضوع صافيًا لا شائبة فيه، وهي أنك لست تشرع، بل يجب أن يكون التشريع لله سبحانه وتعالى.
هذه اللوسة هي الشرك، فقد تأتي في التشريع، أو في الربوبية، أو في الألوهية، كأن تذبح لغير الله. فالنصارى أصابتهم هذه اللوسة حين قالوا إن عيسى ابن الله أو هو الله، فصار هذا ليس دين حق. الدين الحق هو أن نكون مخلصين له، ﴿حُنَفَاءَ﴾. والحنيف لغة هو المائل، أي المائل عن الشرك والبعيد عنه، فيكفر بالطاغوت ويؤمن بالله.
لا بد أن يقول لك الدين الحق: اكفر به، فأي دين يقول لك إن الأديان كلها حق، أو إن الحق نسبي، أو إننا نستطيع عمل "وحدة الأديان"، فهذا دين باطل. لكي يكون هناك حق، لا بد من وجود باطل، ولكي يكون هناك إيمان، لا بد من وجود كفر وشرك.
كان يجب أن يقيم هؤلاء الدين، وكأن القرآن يقول لهم: اسألوا أسلافكم وأنتم أدرى بتقويم الدين. فهل النبي صلى الله عليه وسلم قال لكم: «أنا الذي أقوم»؟ بل قال: ﴿أَنَا أَقُولُ مَا يُوحَى إِلَيَّ﴾. هذه نصوص بشرية مثبتة في القرآن تثبت أنه بشر. والنبي صلى الله عليه وسلم بصيغته الفقهية هو مشرع، أما حين نقول الشارع، فأنا أقصد أن النبي صلى الله عليه وسلم لا يتكلم إلا بما هو وحي، والسنة وحي، لكننا لا نعبد النبي صلى الله عليه وسلم، ولسنا كالنصارى.
حتى هذه اللوسة أصابت اليهود والنصارى في الأحبار والرهبان. روى ابن حاتم أن النبي صلى الله عليه وسلم سألهم عما إذا كانوا يتخذون أحبارهم ورهبانهم أربابًا، فقالوا: لا، نحن لا نعبدهم. قال: «أليس هم يحلون ما حرم الله ويحرمون ما أحل الله؟» قالوا: بلى. قال: «فتلك عبادتهم». فكلمة مخلصين له الدين تعني أن يكون التشريع خالصًا لله الواحد القهار، وهذه لم ينجُ منها دين على مستوى الأرض.
حتى فكرة العلمانية؛ الإنسان لديه حاجة تسمى الغيب لا يعرفها، ودائمًا يعرف ما يجهله عن طريق السؤال. أهل الإيمان قالوا إن هناك رسلاً أجابوا على تساؤلاتنا الغيبية أو الإصلاحية. أما أهل الكفر والملاحدة فقالوا لا يوجد رسل ولا إجابات. والعلمانيون يقولون: يوجد رسل وإله ووحى، لكن الإجابات تخص دور العبادة فقط، أما خارج دور العبادة فلم يأتِ الرسل بإجابات. وهناك صنف آخر من العلمانيين المتأخرين يقولون: جاءت إجابات لكنها كانت تصلح لأوقاتهم فقط.
يمكنك أن تقيم أي دين بآية: ﴿وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ وَيُقِيمُوا الصَّلَاةَ وَيُؤْتُوا الزَّكَاةَ ۚ وَذَٰلِكَ دِينُ الْقَيِّمَةِ﴾ [البينة: 5]. لن يكون الدين قيمًا لمجتمع إلا إذا وجد الكفر بالطاغوت، والحنفاء المخلصون، وإقامة الصلاة، وإيتاء الزكاة. لن ينتقل المجتمع من الانحطاط إلى التقدم إلا بهذه العناصر الأربعة.
لذلك، أي دعوة لإصلاح مجتمع من حالة الانحطاط يجب أن تبدأ بهذه الأربعة، كما قال النبي صلى الله عليه وسلم: «يُبْعَثُ عَلَى رَأْسِ كُلِّ مِائَةِ سَنَةٍ مَنْ يُجَدِّدُ لَكُمْ دِينَكُمْ». يجب أن يكون هناك إصلاح اقتصادي بحيث لا تكون دولة بين الأغنياء فقط، وذلك من خلال الزكاة التي تكون ملزمة. ومسألة العبادة بإقامة الصلاة، فلا دين لمن لا صلاة له. وطبعًا الكفر بالطاغوت والإيمان بالله.
عائشة رضي الله عنها تقول: لو كان النبي صلى الله عليه وسلم يخفي آية من القرآن لأخفى قوله تعالى: ﴿وَتُخْفِي فِي نَفْسِكَ مَا اللَّهُ مُبْدِيهِ وَتَخْشَى النَّاسَ وَاللَّهُ أَحَقُّ أَن تَخْشَاهُ﴾ [الأحزاب: 37]. والله تعالى قال للنبي صلى الله عليه وسلم في سورة عبس: ﴿وَمَا يُدْرِيكَ لَعَلَّهُ يَزَّكَّىٰ﴾ [الليل: 18]. والنبي صلى الله عليه وسلم يقول: ﴿قُل لَّا أَقُولُ لَكُمْ عِندِي خَزَائِنُ اللَّهِ وَلَا أَعْلَمُ الْغَيْبَ﴾، ويقول في آخر الأعراف: ﴿قُلْ إِنْ أَضْلَلْتُ فَإِنَّمَا أُضِلُّ عَلَىٰ نَفْسِي ۖ وَإِنِ اهْتَدَيْتُ فَإِنَّمَا اهْتَدَيْتُ عَن رَّبِي﴾.
في الآيات الأخيرة من سورة البينة، ختم الله السورة بأن الناس تجاه هذا الوحي ينقسمون إلى فريقين. الفريق الذي يؤمن به يجب أن يصل في إيمانه إلى مرحلة الرضا، كما في قوله تعالى: ﴿رَّضِيَ اللَّهُ عَنْهُمْ وَرَضُوا عَنْهُ﴾ [البينة: 8]. يجب أن نصل في ديننا إلى أن نقول: رضيت بالله ربًا، وبالإسلام دينًا، وبمحمد صلى الله عليه وسلم نبيًا.
فَلَا وَرَبِّكَ لَا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا. هي دي الرضا. يعني تحكيم شريعة بدون ناس راضية، ده هيتقلب عليهم تاني. لازم نوصل الطائفة المؤمنة، طبعا مش كل الناس، الطائفة المؤمنة لازم توصل لمرحلة إيه؟ الرضا رَضِيَ اللَّهُ عَنْهُمْ وَرَضُوا عَنْهُ. رضوا بشرعه، ورضوا بالصحف القيمة، ورضوا بالكتب القيمة، ورضوا بالرسول واتخذوه منهجا يقاتلون في سبيله.
آخر حاجة، ليه خير البرية وشر البرية؟ البرية اللي جاية من اسم الله إيه؟ إحنا أتكلمنا قبل كده في سورة الحديد عند تفسير قول الله عز وجل: ﴿مَا أَصَابَ مِن مُّصِيبَةٍ فِي الْأَرْضِ وَلَا فِي أَنفُسِكُمْ إِلَّا فِي كِتَابٍ مِّن قَبْلِ أَن نَّبْرَأَهَا﴾ [الحديد: 22]. وقلنا، يعني إيه البارئ؟ اسم الله البارئ يعني إيه؟ لما تيجي تدور له في كتب الأسماء الحسنى هتلائي له معاني كتير. البارئ ذكر ثلاث مرات في القرآن؛ مرة واحدة في آية الخالق البارئ المصور، ومرتين في آية واحدة: فاقْتُلُوا أَنْفُسَكُمْ ذَلِكُمْ خَيْرٌ لَكُمْ عِنْدَ بَارِئِكُمْ فَتَابَ عَلَيْكُمْ، اللي هي آية البقرة في التوبة، إن هم إيه الحل؟ إن هم عشان يتوبوا، فَتُوبُوا إِلَى بَارِئِكُمْ فَاقْتُلُوا أَنْفُسَكُمْ ذَلِكُمْ خَيْرٌ لَكُمْ عِنْدَ بَارِئِكُمْ.
البرء في اللغة جاي في معنى أنك أنت بتنفصل عن شيء فاسد. البرء في اللغة أنك أنت بتنفصل عن شيء فاسد بيضرك، لذلك قالوا بيبرأ من مرضه، يعني كان في حاجة مسيطرة عليك وأنت انفصلت عنه خلاص، أو تحسين الشيء، لذلك قال له برأت القلم، أنك أنت ظبطته وحسنته عشان يستطيع يؤدي مهمته. فربنا قال: الخَالِقُ الْبَارِئُ الْمُصَوِّرُ. قالوا الترتيب ده مقصود؛ قالوا الخالق هنا بمعنى التقدير أو إيجاد من عدم المكونات الرئيسية بتاعت الإنسان، ثم مرحلة التصوير، الخروج الشكل الكامل، سواء التصوير الخارجي أو الباطني أو المعنوي للإنسان.
عشان ينتقل الإنسان من هذه المرحلة الترابية الطينية، اللي ما كانش من عدمه وهو في شكل تمثال طيني، إلى مرحلة مصورة في أحسن صورة ظاهرة وباطنا ومعنويا، لازم بيشفى من الحالة الطينية دي عشان يبقى مكرم. قالوا ده اسم الله البارئ؛ النقلة دي، برأه من الطين وجعله إنسان. عشان كده أحيانا بيتحط البرء بمعنى الخلق أو أوجده من على غير أو من العدم، إن هو حوله من صورة طينية ترابية إلى إنسان مكرم مشرف، ده اسم الله البارئ. طبعا ده ترجيح؛ لأن فيه أقوال كتير في اسم الله البارئ. فلفظة اسم الله البارئ فيها معنى أنه بيصرف عنك السوء، أن هو نقلك من الصورة الترابية الطينية للصورة المكرمة المشرفة بتاعة بني آدم دي.
عشان كده لما ربنا قال: توبوا إلى بارئكم، أنك أنت هتشفوا من عبادة البقر، يعني أرجعوا إلى البارئ اللي أنتم هتعملوه ذلكم خير لكم عند بارئكم، التوبة دي هترجعك لنضيف زي ما كنت. يعني ربنا خلقك الفطرة، برأك على الفطرة، زي ما فطرك كده برأك على الفطرة، أن أنت قبل الوحي لما أنتم دنستم فطرتكم بعبادة البقر، كان لازم ترجع تاني اسم الله البارئ بالتوبة، فَتُوبُوا إِلَى بَارِئِكُمْ. وضحت؟ معايا كده؟ عشان نتكلم على اللي معنا النهاردة. لذلك حتى قلنا من المعاني دي في آية الحديد: ما أصاب من مصيبة في الأرض ولا في أنفسكم إلا في كتاب من قبل أن نبرأها، من معانيها أن المصيبة هي لك شفاء؛ لأن قال إيه؟ نبرأها. يعني المصيبة ربنا بيبرأها لك، يعني المصيبة بتبرأك من الذنوب، بتبرئك من الأخلاق، فالمصيبة دايما خير لك، كأن المصيبة دواء بتشفيك.
معي؟ طب هنا بقى خير البرية وشر البرية، وعلاقتها بقى بالصور. إحنا قلنا سورة التين إن في وحي نزل على النبي صلى الله عليه وسلم ونزل في مهبط الوحي يرفع الناس لا إلى عليين ولا إلى أسفل سافلين. وفي العلق إن في ناس هتحاول تمنعه من الوصول لنا. فربنا بيقول اللي هيحاولوا يمنعوا الوحي اللي في سورة التين عن الوصول للناس، زي ما عمل بتاع سورة العلق اللي حاول يمنع النبي صلى الله عليه وسلم من الصلاة: أَرَأَيْتَ الَّذِي يَنْهَى عَبْداً إِذَا صَلَّى. دول بيفسدوا البشرية، دول بيشيلوا أعلى دواء، خير البرية بيشيلوا اللي هو أعلى تجلي لاسم الله البارئ في نزول الوحي أن هم يشفيهم من أمراضهم، دول أسوأ ناس في البشر، دول أضر ناس على البشرية. واللي هيحاولوا ينشروا الوحي دول اللي هيبرأوا العالم من الأمراض اللي فيها.
يعني إيه كلمة خير البرية وشر البرية؟ يعني أكتر ناس تدنس العالم بالفساد اللي هيحاولوا يمنعوا الوحي عن الناس، وأكتر ناس بتشفي العالم مما فيه من ضلال وكفر الناس اللي هتنشر الوحي للناس. لذلك النبي صلى الله عليه وسلم بيقول إيه: العالم كله والحيتان في البحر تصلي على مين؟ معلم الناس الخير. ليه؟ العالم كله بيستفاد من انتشار الوحي. وربنا قال على اللي بيمنع الخير: ﴿إِنَّ الَّذِينَ يَكْتُمُونَ مَا أَنزَلْنَا مِنَ الْبَيِّنَاتِ وَالْهُدَى مِن بَعْدِ مَا بَيَّنَّاهُ لِلنَّاسِ فِي الْكِتَابِ أُولَئِكَ يَلْعَنُهُمُ اللَّهُ وَيَلْعَنُهُمُ اللَّاعِنُونَ * إِلَّا الَّذِينَ تَابُوا وَأَصْلَحُوا وَبَيَّنُوا فَأُولَئِكَ أَتُوبُ عَلَيْهِمْ وَأَنَا التَّوَّابُ الرَّحِيمُ﴾ [البقرة: 159-160].
ربنا قال على اللي ما تابوش: عليهم لعنة الله والملائكة والناس أجمعين. ليه البشر كلها والمخلوقات كلها بتلعنه؟ لأن منع، دول اللي كتموا الهدى منعوا عن العالم أكتر حاجة محتاجينها. يعني لازم نخرج بقاعدة، أن الذين يمنعون الوحي عن الناس أشد إجراما من الذين يمنعون الشمس عن الناس، أن الذين يمنعون الوحي عن الناس أشد إجراما من الذين يمنعون الماء والهواء عن الناس، أن الذين يمنعون الوحي عن الناس أشد إجراما من الذين يمنعون الرزق عن الناس، الطعام عن الناس، دول مجرمين، دول شر البرية، دول بيفسدوا الدواء بتاع البشر؛ لأن هنا من معاني سورة البينة إن المشركين استمروا على شركهم بسبب أن هم لما راحوا سألوا يهود، ما هو دلوقتي النبي صلى الله عليه وسلم قال لهم أنا معي كتاب، قالوا له طب ما احنا في ناس قبل كده أهل الكتاب، راحوا سألوا أهل الكتاب قالوا لهم لأ ده أنتم احسن منهم.
لذلك دايما فساد أهل الدين بيصرف كتير من الناس عن الحق، لو واحد لذلك النبي صلى الله عليه وسلم قال: أخوف ما أخاف عليكم منافق عليم اللسان، وفي رواية يجادل بالقرآن. فساد أهل الدين خطر، فلما كان أهل الكتاب دول أهل الدين عند العالم وفسدوا، البشرية كلها دخلت في ضلال. عشان كده بعض المفسرين قال إن شر البرية المقصود به ابتداء أهل الكتاب، وهيعذبوا أشد عذابا من المشركين. ازاي؟ على الأقل دول بيقولوا فيه إله وفيه بعث بس عندهم شركيات، دول بيقولوا ما فيش بعث ولا فيه جنة وعندهم أصلا، قال لك لأن دول منعوا وكتموا صفة النبي صلى الله عليه وسلم ومنعوا الهدى عن الناس.
الشاعر بيقول: وعالم بعلمه لم يعملا، معذب في قبره قبل عباد الوثن. يبقى إذن عشان ننزل نبقى خير للبرية ونبرئ البرية مما هي فيه من عيوب ونقص، زي فكرة مثلا إذا خسر عام من احترازات المسلمين كده، نحتاج إلى إيه؟ رسول يتلو. وبالتالي اتباع الرسول يتلو صحف مطهرة فيها كتب القيمة. أسأل الله عز وجل أن يستعملنا لنصرة دينه ولنشر دينه. أقول قولي هذا وأستغفر الله لي ولكم، سبحانك اللهم وبحمدك، أشهد أن لا إله إلا أنت أستغفرك.