د. أحمد عبد المنعمبسم الله والصلاة والسلام على رسول الله صلى الله عليه وسلم. درس الليلة بإذن الله عز وجل أن يفتح علينا، وأن يسددنا، وأن يوفقنا، وأن يجعل أعمالنا خالصة لوجهه سبحانه وتعالى، وأن يجعل لنا أوسع نصيب من العمل، وألا يجعل من كلامنا مجرد هذا الكلام الذي نقوله. وقفة اليوم مع سورة المنافقون، وقفات يعني نمر سريعا عليها. مجلس الجمعة بيختلف عن مجلس الثلاثاء، درس الثلاثاء كان يبقى أكثر تفصيلا، سلسلة في التفسير، الجمعة بتكون وقفات أبسط شوية، ما نستطردش مع الخلافات الموجودة بين المفسرين، بيكون في أكثر معاني إيمانية أكثر يعني. سورة المنافقون سورة مدنية، الجزء الثامن والعشرين. ترابط الجزء الثامن والعشرين -عشان برضو الوقت النهارده- حليت بصورة سريعة أتكلم عن في مقدمة سورة المجادلة في دورة رسائل قرآنية الدورة الثالثة على موقع تليق إلى الله، دورة بصائر بتكون في كل العلوم؛ في السنة، في القرآن، التفسير، الفقه، العقيدة، في مختلف العلوم يعني، بيعملوه على كذا مستوى، المستوى الأول، الثاني، الموسم ده كان المستوى الثالث، سجلت معهم الدورة، بتتباع هذه الفترة اللي عايز يطلع على ترابط الجزء الثامن والعشرين، ذكرته في مقدمة سورة المجادلة، بحيث إن إحنا نتكلم عن ترابط أو تكلمت عن ترابط الجزء الثامن والعشرين بين الصور المذكورة.
سورة الجمعة وسورة المنافقون، أو قبلها الأول سورة الصف والجمعة، المنافقون داخل الجزء الثامن والعشرين. بالنسبة لسورة المنافقون تحديدا جاءت بعد سورة الجمعة؛ أكثر شيء بيغيظ المنافقين التجمع، أن يجتمع أهل العلم، لذلك أول لما جت سورة الجمعة جت بعد سورة المنافقون، يبقى من الأشياء التي تبيغض المنافقين تجمع أهل الإيمان بيغيظ المنافقين جدا. كان في درس أيضا، لأن طبعا القرآن قضية عميقة جدا ومذكورة في صور كثيرة جدا، ونسينا طبعا القرآن المدني مذكور باستفاضة يعني في البقرة، والنساء، والنور، مع إشارات في مختلف الصور مع صورة كاملة وفرضت لها سورة المنافقون. في أبحاث قيمة جدا اتعملت على قضية النفاق المذكور في القرآن لمؤلفين كثر يعني أفرود أبحاث كاملة، لأن القرآن اهتم بذكرهم سورة محمد سورة القتال محمد صلى الله عليه وسلم أمر مهم جدا خاصة لما افتتح الله عز وجل سورة البقرة، لما أتكلم عن أهل الإيمان في آيات أربع آيات تقريبا، والكفار في آيتين، كلم ربنا سبحانه وتعالى عن المنافقين في ثلاثة عشر آية؛ لأن ده صنف من الناس، حتى ربنا سبحانه وتعالى تكلم عن الإيمان أن دول صنف مؤمن واضح، وأن الكفار أن الذين كفروا واضحين، لكن لما بنتكلم عن المنافقين قال: ﴿وَمِنَ النَّاسِ مَنْ يَقُولُ﴾ [البقرة: 8]، ضمن الناس هو لا ينتمي لهذه الطائفة وهذه الطائفة. قضية النفاق والكلام عن النفاق يطول جدا، وكان في درس اسمه متى يظهر المنافقون؟ حاولت أجمع فيه المواطن التي تكلم فيها المنافقون في القرآن؛ لأن النفاق في الأصل بيعتمد على التخفي، النفاق في الأصل كلمة نفق الحيوان اللي بيستخبى له نفق وله فتحتين، بيقفل فتحة وبيطلع من فتحة تانية بحيث إن هو يخادع حد، يخرج من الفتحة الأخرى يخرج منها.
كذلك المنافقين عايشين في الأنفاق، عايشين في الظلام، وله فتحتين؛ فتحة عند المؤمن، وفتحة عند الكافر. المؤمنين انتصروا يطلع من فتحة: الله أكبر أنا كنت إيه! الكفار انتصروا يقوم يحلف باللات والعزى عادي ويطلع إيه من فتحة الكفار، وهو بيشجع كل الناس، بس بيشجع الكسبان، أي حد بيكسب، يشجع الكسبان، ويشجع معه خالص. فالكلام ده باستفاضة عن قضية النفاق يصعب ويطول، زي ما قلت لكم، في أبحاث كتيرة أتكلمت بالتفصيل عن قضية النفاق وظاهرة النفاق في القرآن، وكان في درس اسمه زي ما قلت، متى أو مش فاكر اسمه متى يظهر المنافقون؟ أو متى يتكلم المنافقون؟ تتبع المواطن التي المنافق لم يستطع أن يكتم نفاقه فتكلم، ربنا قال: ﴿وَلَوْ نَشَاءُ لَأَرَيْنَاكَهُمْ فَلَعَرَفْتَهُمْ بِسِيمَاهُمْ﴾ [محمد: 30]، هل عرفتهم بسيماهم؟ ربنا بيقول كان ممكن ربنا سبحانه وتعالى يضع سيما المنافق فيعرف بهذه السيما، فصعب أن إحنا نعرف المنافق بدون وجود هذه السيما، لكن ربنا قال في نفس الآية: ﴿وَلَتَعْرِفَنَّهُمْ﴾ [محمد: 30]. طيب أنا أعرفهم إزاي؟ إذا كان ما عليهمش علامات، وهم وسط المؤمنين، ويتكلمون بكلام المؤمنين، ويلبسون زي المؤمنين، عايشين وسطنا من جلدتنا، يتكلمون بألسنتنا، نعرفهم إزاي؟ ولتعرفنهم إزاي؟ في لحن القول. يبقى من خلال الكلام، والمنافق بيكثر من الكلام، بيقع من خلال كلامه. إيه المواطن التي تكلم فيها المنافق في القرآن وأظهر نفاقه؟ دي تكلمنا فيها في درس كامل.
النهارده هنحاول نمشي مع سياق الآيات، مش هنتكلم عن النفاق بصفة عامة، وده زي ما قلت لكم بحث عظيم جدا، لكن النهارده هنحاول نمشي مع سياق الآيات من سورة المنافقون. قال ربنا سبحانه وتعالى: ﴿إِذَا جَاءَكَ الْمُنَافِقُونَ قَالُوا نَشْهَدُ إِنَّكَ لَرَسُولُ اللَّهِ وَاللَّهُ يَعْلَمُ إِنَّكَ لَرَسُولُهُ وَاللَّهُ يَشْهَدُ إِنَّ الْكَاذِبِينَ لَمُنَافِقُونَ﴾ [المنافقون: 1]. طيب هم ليه المنافقين رايحين للنبي صلى الله عليه وسلم؟ إذا جاءك، وإذا بتيجي غالبا دي للشيء المتحقق وقوة مش اللي بتيجي حاجة فيها شك، لكن إذا بتيجي غالبا مع الشيء اللي بيخلو من شك. فإذا جاءك المنافقون يعني بنسبة كبيرة هيجوا للنبي صلى الله عليه وسلم، وهما رايحين ليه للنبي صلى الله عليه وسلم؟ أول لما يصلوا للنبي صلى الله عليه وسلم: ﴿إِذَا جَاءَكَ الْمُنَافِقُونَ قَالُوا نَشْهَدُ إِنَّكَ لَرَسُولُ اللَّهِ﴾ [المنافقون: 1]. نشهد هم برضو إيه؟ المنافق بيقولها بحماس يعني: نشهد انك لرسول الله. حد كلمك يعني؟ وإذا لقوكم، إنت ليه دايما شاكك في نفسك انك مش مؤمن؟ يعني المنافق أول ما يشوف المؤمنين يقول إيه: أنا مؤمن، بسم الله والصلاة والسلام على رسول الله. إيه يا عم، انت ما حدش شك فيك! انت ليه دايما في كل موطن تجمع لإيمان عايز تؤكد وتحلف انك مؤمن؟ أول لما بيروح للنبي صلى الله عليه وسلم يقول له: أشهد إنك لرسول الله. طيب هو ما حدش اتهمك، هو من كثرة شكه في نفسه ودايما المنافق عايش في ريب، كما قال ربنا سبحانه وتعالى: ﴿فَهُمْ فِي رَيْبِهِمْ يَتَرَدَّدُونَ﴾ [التوبة: 45]. سورة التوبة دايما عايش مرتاب، عايش متردد. أول ما بيجي عند اهل الإيمان لازم يقسم إنه منهم، وإذا ذهب إلى اليهود أو الكفار يقسم أيضا أنه منهم، وعلى طول عايز يرضي كل الأطراف: ﴿يَحْلِفُونَ لَكُمْ لِتَرْضَوْا عَنْهُمْ﴾ [التوبة: 96].
في آليات، في بحث جميل قوي أتكلم عن النفاق، وجمع حاجة اسمها آليات الدفاع النفاقي، إزاي المنافق بيدافع عن نفسه؟ وجاب سبع آليات موجودة في القرآن، منها محاولة إرضاء كل الأطراف. العنوان داخل الكتاب اسمه آليات الدفاع النفاقي، جاب سبع آليات، منها إيه؟ محاولة الإرضاء، إنه عايز يرضي كل الأطراف. فأول ما بييجي عندنا مثلا يقول: نشهد أنك لرسول الله. جايين مجلس النبي صلى الله عليه وسلم بعد صلاة الجمعة؛ لأن تجمع المؤمنين بيودي قوة، أول ما بدأ المؤمنين يتجمعوا وبدأ يظهر قوة لأهل الإيمان، بدأ المنافق: لا، يبقى لازم أعمل حساب، في استضعاف وفي شوكة وفي الأحزاب، يبدأ يقول لك إيه: ما وعدنا الله ورسوله إلا غرورا، إحنا اتضحك علينا، إحنا ما طلعش نبي. يعني لما يكون في وقت القوة: نشهد انك لرسول الله، ويأتي الاستضعاف: لا لا ده إحنا اتضحك علينا، دول مش دول للإيمان، وده مش نبي، ويا اهل يثرب لا مقام لكم فارجعوا. والمنافق بيتلون على حسب اوقات الاستضعاف والتمكين، ده مع الناس ومع نفسي، نسأل الله السلامة. ﴿وَمِنَ النَّاسِ مَنْ يَعْبُدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ وَإِنْ أَصَابَتْهُ فِتْنَةٌ انْقَلَبَ عَلَى وَجْهِهِ﴾ [الحج: 11]. يبقى هو بيتقلب على حسب الظروف المحيطة. المؤمن بداخله إيمان ثابت لا يتغير مهما تغيرت الظروف المحيطة، المؤمن بيستمد الثبات والقوة من داخله، الداخل بتاعه ثابت، المتغيرات اللي بره مهما تغيرت هو ثابت. المنافق بيستمد ثباته من الظروف المحيطة، فالظروف المحيطة عمرها ما هتكون ثابتة. تاني النقطة دي، دي في كل حاجة في الحياة؛ انت عايز تستمد العزة، الثبات، القوة، الإيمان، يكون من الداخل مش من الخارج، مش معتمد على شخص معين، على وجود شخص معين، على وجود في بيئة معينة، على وجود أناس معينين، على وجود واقع معين من التمكين؛ لأن الواقع دايما متقلب ومتبين، فاللي إيمانه مرتبط بالواقع اللي حواليه ممكن إيمانه يعلى وينزل؛ لأن الواقع متغير دائما.
لكن لو أنت عندك، كما يقول شيخ الإسلام ابن تيمية: جنتي في صدري، مصدر الثبات والعزة والإيمان والسعادة من الداخل، فبيقول: بما أن جنتي في صدري الخارج هيفعل فيها إيه؟ ماذا يفعل أعدائي بي؟ أنتم فاهمين الفكرة؟ جنتي في صدري، ماذا يفعل علي؟ مش هيعرفوا يعملوا حاجة. ﴿وَلَنْ يَجْعَلَ اللَّهُ لِلْكَافِرِينَ عَلَى الْمُؤْمِنِينَ سَبِيلًا﴾ [النساء: 141]. طالما الإيمان في قلوبهم لن يجعل الله عز وجل للكافرين على المؤمنين سبيلا. المنافق بعد صلاة الجمعة اتجه مباشرة للنبي صلى الله عليه وسلم، لأن ده الشغل بتاعه دلوقتي، بما أن بيدرس الحسابات ويشوف الأوضاع، بما أن المؤمنين دلوقتي في مرحلة بداية التمكين، لأنه لسه سورة المجادلة لسه ما حصلش تمكين كامل، خلاص نتجه للنبي صلى الله عليه وسلم، ونشهد أنك لرسول الله. وكذبهم الله جل وكذبهم الله عز وجل، وقال ربنا سبحانه وتعالى: ﴿وَاللَّهُ يَعْلَمُ إِنَّكَ لَرَسُولُهُ وَاللَّهُ يَشْهَدُ إِنَّ الْمُنَافِقِينَ لَكَاذِبُونَ﴾ [المنافقون: 1]. المفسرين بيقولوا: الأصل أن القرآن يكون مبني على الإنجاز، مش على الإطناب، كان متوقع أن الآية تكون ازاي؟ إذا جاءك المنافقون قالوا نشهد أنك لرسول الله، من المتوقع أن ربنا يقول: والله يشهد أن المنافقين لكاذبون، واضح يعني المنافقين جايين للنبي صلى الله عليه وسلم بيقولوا نشهد انك لرسول الله، والمنافقين دول إيه؟ الكذابين، دي الآية. ليه ربنا قال في النص فيه جملة كده جت: والله يعلم انك لرسوله، قبل ما يقول والله يشهد أن المنافقين لكاذبون؟ طيب ما كان ممكن ربنا يقول على طول: إذا جاءك المنافقون قالوا نشهد أنك لرسول الله والله يشهد أن المنافقين لكاذبون؟
هنا بيقول الجملة دي جت احتراز؛ لأن لو كانت الآية جت بسورة: إذا جاءك المنافقون قالوا نشهد أنك لرسول الله والله يشهد أن المنافقين لكاذبون، قد يفهم منها أنه ليس رسول الله؛ المنافق بيقول للنبي: أنت رسول الله، فربنا بيقول: يا منافق أنت كاذب، هتعمل حاجة يوم الاتنين، أن لسانك لا يوافق قلبك، أو الجملة دي أصلا غلط كذب، الجملة دي صحيحة ولا كاذب؟ الجملة دي أصلا صحيحة، إنما الكذب بتاعهم أنها لا توافق ما في قلبه. فدايما الكلام مع المنافق محتاج احتراز، تضبط الكلام عشان ما يستغلش إعلاميا، دايما المنافقين بيصطادوك عشان بما يمثل الدين يعني عشان يوقعوا من خلال الكلام، فلازم انت تكون ضابط الكلام بتاعك، تظهر معه، ما تتكلمش الكلمة إلا بضبطك عشان ما تؤخذش عليك. فإذا جاءك المنافقون قالوا نشهد أنك لرسول الله، هذه الجملة صادقة لكن انتم كاذبون. الجملة الأولانية تقول: والله يعلم انك لرسوله، يبقى الجملة نفسها إيه؟ صح، لكن انتم كذابين، هي لا توافق قلوبكم: ﴿وَاللَّهُ يَشْهَدُ إِنَّ الْمُنَافِقِينَ لَكَاذِبُونَ﴾ [المنافقون: 1]. اتخذوا أيمانهم جنة، إن لما كانوا بيروحوا للنبي صلى الله عليه وسلم مش بس بيقولوا نشهد انك لرسول الله، لأ، كانوا بيقسموا: والله لانت رسول الله. دايما بيأخدوا الحماسة في مجلس النبي صلى الله عليه وسلم ويصدر أن هو إيه؟ من أكثر الناس حماس، كان عبد الله بن أبي بن سلول يعني كان قلما يمر مجلس من مجالس النبي صلى الله عليه وسلم إلا ويقوم ويمدح النبي صلى الله عليه وسلم، وسوف نحارب معك ولن نتركك. دايما إيه يقف كده يعني عارف صيت كده في المجلس.
بعد غزوة أحد رجع بيدي الجيش، بعد غزوة أحد قام النبي صلى الله عليه وسلم خطيبا، فبرده قام ابن سلول: والله لن نترك، فقال: اسكت أخزاك الله، انت بتقول ايه مزيعا أن ازاي تقعدوني ما تسيبوني! هو أصلا دوره في الحياة أنه هو صايم، أنه بتاع كلام كلمنجي يعني. فالمنافقين دايما اعتادوا القسم، الحماسة، وأن هو يتكلم عن نفسه كتير، فربنا بيقول: ﴿اتَّخَذُوا أَيْمَانَهُمْ جُنَّةً﴾ [المنافقون: 2]، كان بيقسم بالله أنه رسول الله، كان بيقسم بالله أنه مؤمن. اتخذوا أيمانهم جنة، وقاية وحماية عشان يحافظ على نفسه: ﴿فَصَدُّوا عَنْ سَبِيلِ اللَّهِ﴾ [المنافقون: 2]. طب يعني إيه فصدوا عن سبيل الله؟ والفاء التعقيبية دي؟ طب هو لما أقسم إنه مؤمن، فبالتالي ترتب على ذلك ترتب على هذا القسم أنه صد عن سبيل الله. فالنفسيين قالوا إيه الصد اللي حصل؟ الصد اللي عن سبيل الله اللي تردد على القسم بتاعهم، إزاي صد عن سبيل الله؟ يعني إزاي القسم بتاعه ده رد عن سبيل الله؟ إزاي صد عن سبيل الله؟ صد عن سبيل الله طور يختار اختيار عجيب جدا بيقول إيه وجميل يعني.
صدوا عن سبيل الله فيهم. يعني إيه سبيل الله فيهم؟ يعني صدوا عن تطبيق شرع الله فيهم. وإيه هو شرع ربنا فيهم؟ المرتدين، شرع ربنا فيهم إيه؟ أن يقتلوا.
المفروض أن ده آمن ثم كفر، وهو مرتد المفروض إنه يُقتل، فلما مَنع تطبيق الشرع فيه أصبح صداً عن سبيل الله. فقال الإامام الطبري: صدوا عن سبيل الله؛ أي صدوا عن تطبيق شرع الله فيهم؛ هم صدوا عن شرع ربنا. طب وأنا قاعد أفكر، إيه الجزء اللي من الشرع اللي هما تسببوا في عدم تطبيقه؟ هو حَدٌّ لِلَّتِي أنت فيه، تطبيق حَدٍّ لله.
وقال بعضهم: صَدُّوا عن سبيل الله؛ لأن هو لما أظهر الإيمان، الناس اعتبرته مؤمناً، وبقية الأعراب لما يحبوا يطلعوا على أهل الإيمان بيعتبروه مؤمناً، فيشوفوا المنافق يطبق أخلاق المنافقين فيقولوا هو ده الإيمان، فالناس تكره الإيمان بسبب وجود هؤلاء المنافقين؛ مش عارفين ده منافق، هو قدام الناس إيه؟ نائم؟ قدام الناس إيه؟ مؤمن، وقدام الناس مؤمن.
فبيجي ناس يأتون لمدينة النبي صلى الله عليه وسلم وهو منافق وسط المنافق، فيصد عن سبيل الله لما يشوفوا أخلاق المنافقين ويظنون أنها أخلاق أهل الإيمان، أو صَدُّوا عن سبيل الله في الجهاد؛ اللي يخرج في الجهاد وبعدين يرجع.
فالشاهد أن وجودهم وسط المؤمنين وبالرغم من ذلك أنهم منافقون، إذا جعلهم يصدوا عن في التلات أقوال اللي احنا قلنا إنهم ساء ما كانوا يعملون. أسوأ شيء الإنسان ممكن يعمله أنه يَصُدَّ عن سبيل الله، أسوأ شيء إنسان ممكن يعمله أنه يمنع جزء من الشريعة تُطبَّق حتى لو حَدٌّ واحد، وهو حَدُّ أنهم ساء ما كانوا يعملون.
أسوأ شيء الإنسان يتسبب في عدم تطبيق الشريعة، أو جزء من الشريعة، أو أنه يَصُدَّ عن دين الله سبحانه وتعالى. ﴿ذَلِكَ بِأَنَّهُمْ آمَنُوا ثُمَّ كَفَرُوا فَطُبِعَ عَلَى قُلُوبِهِمْ فَهُمْ لَا يَفْقَهُونَ﴾ [المنافقون: 3]. المفسرين قالوا: هو المنافق هل آمن فعلاً في الأول وبعدين كفر، ولا هو آمن استهزاءً؟ يعني آمن؛ أي نطق بكلمة الإيمان فقط، لكنه في الأصل كافر. وقفات كثيرة هنا يعني واختلفوا.
الشاهد ممكن يكون كل الأصناف كانت موجودة، منهم اللي آمن بس لما المسلمين مروا بمرحلة استضعاف، المهم الأول ما كانش لم يترسخ الإيمان في قلبه. وكثير على فكرة من آيات القرآن التي تذكر فيها ﴿فِي قُلُوبِهِم مَّرَضٌ﴾ [البقرة: 10] يختلف فيها المفسرين، هل اللي في قلبه مرض ده معناه أنه منافق يعني غارق في النفاق؟ ولا من ضعاف الإيمان اللي ممكن يقلب منافق وممكن يرجع مؤمن؟
تحقيق بعض المفسرين اختار أن في قلوبهم مرض دول لا، دول من ضعاف الإيمان، اللي للأسف ممكن يفقد جزء كبير من الإيمان فيسقط في وَحْلِ النفاق، أو أن هو ربنا يمن عليه سبحانه وتعالى وينقذه من هذا الوحل ويصير مع أهل الإيمان.
يبقى إذن في طوائف بتفضل قريبة من النفاق، مش منافق زي ما النبي صلى الله عليه وسلم قال أن في أخلاق، كل ما بتزداد تلبس بهذه الأخلاق كل ما بتزداد قرب من النفاق. أربع من كُنَّ فيه كان منافقاً خالصاً، ولكن إن في جزء من هذه الأخلاق كانت فيه شعبة من شعب النفاق، يعني ممكن واحد في تلات أرباعه منافق، ممكن واحد أربعين في المية منافق، على حسب الأخلاق.
فمش لازم يا إما منافق صفراً أو مؤمن صفراً، لا، ممكن يكون أقرب للنفاق أو أقرب للكفر، بيجتمع في الإنسان اللي هو التعبير: شُعَب النفاق وشُعَب الإيمان بتجتمع فيه، إذا غلب عليه شُعَب الإيمان خلاص بيصير مع أهل الإيمان، غلب عليه شُعَب النفاق بيقترب من النفاق وبيكون في خطر، وهنشوف المعنى ده في ختام السورة تحذير من أهل الإيمان اقتراب من وحل النفاق.
﴿ذَلِكَ بِأَنَّهُمْ آمَنُوا ثُمَّ كَفَرُوا﴾ [المنافقون: 3] لما اتعامل مع الإيمان تعامل المستهزئ لم يستحق هذه النعمة والعياذ بالله ﴿فَهُمْ لَا يَفْقَهُونَ﴾ [المنافقون: 3]. تعبير لا يفقهون بيتكرر كثيراً في القرآن مع المنافق واليهودي والكافر هنشوفه دلوقتي لما ييجي: فهم لا يفقهون وهم لا يعلمون.
﴿وَإِذَا رَأَيْتَهُمْ﴾ [المنافقون: 4] أي في مجلس النبي صلى الله عليه وسلم لأنهم جاءوا للنبي صلى الله عليه وسلم. الآيات اللي فاتت دي كانت استطراد ﴿إِذَا جَاءَكَ الْمُنَافِقُونَ قَالُوا نَشْهَدُ إِنَّكَ لَرَسُولُ اللَّهِ﴾ [المنافقون: 1]. رسول الله صلى الله عليه وسلم جاء مجلس النبي صلى الله عليه وسلم.
الآيتين دول كان استطراد أنهم ما يفعلونه من فساد هذا عن سبيل الله ثم حكم عليهم بالكفر لأنهم استهزأوا بالأيمان. الآية التالتة، الآية الرابعة بتتكلم عن وجودهم في مجلس النبي صلى الله عليه وسلم.
﴿وَإِذَا رَأَيْتَهُمْ تُعْجِبُكَ أَجْسَامُهُمْ وَإِن يَقُولُوا تَسْمَعْ لِقَوْلِهِمْ كَأَنَّهُمْ خُشُبٌ مُسَنَّدَةٌ يَحْسَبُونَ كُلَّ صَيْحَةٍ عَلَيْهِمْ هُمُ الْعَدُوُّ فَاحْذَرْهُمْ قَاتَلَهُمُ اللَّهُ أَنَّى يُؤْفَكُونَ﴾ [المنافقون: 4].
﴿وَإِذَا رَأَيْتَهُمْ تُعْجِبُكَ أَجْسَامُهُمْ وَإِن يَقُولُوا تَسْمَعْ لِقَوْلِهِمْ﴾ [المنافقون: 4]. في ناس يفضلوا الوقف هنا لو عايز توصل يبقى توصل الآية من أولها ما تقولش وإن يقولوا تسمع لقولهم كأنهم خشب في السماء.
أنا كان أظن الوحيد اللي شفته اختار الاختيار ده الزمخشري، توصل من أول الآية: ﴿وَإِن يَقُولُوا تَسْمَعْ لِقَوْلِهِمْ كَأَنَّهُمْ خُشُبٌ مُسَنَّدَةٌ﴾ [المنافقون: 4]، لكن الأغلب أنك يا أما تقف على تسمع لقولهم، يا أما اللي تقصد توصل من أول الآية؛ لأن ﴿تُعْجِبُكَ أَجْسَامُهُمْ﴾ وصف فيه إيه؟ مدح للظاهر، ﴿وَإِن يَقُولُوا تَسْمَعْ لِقَوْلِهِمْ﴾ مدح للظاهر، ﴿كَأَنَّهُمْ خُشُبٌ مُسَنَّدَةٌ﴾ وصف ذم.
طيب، تعالوا نشرح: ﴿وَإِذَا رَأَيْتَهُمْ تُعْجِبُكَ أَجْسَامُهُمْ وَإِن يَقُولُوا تَسْمَعْ لِقَوْلِهِمْ﴾ [المنافقون: 4] بيجُوا مجلس النبي صلى الله عليه وسلم أيضاً من آليات الدفاع النفاقي: كثرة الاهتمام بالظاهر الباطل اهتم جداً بالظاهر المنافق، اهتم جداً بالمظهر والشكل الخارجي، كلمات الإيمان الخارجة، يتقن الكلام بتاعه أن هو دايماً يظهر أنه ما بيغلطش، فانت مجرد تشوفه يجي المجلس كده يعجبك الجسد بتاعه.
يعني شخص قوي تحس أنه تعتقد أنه شجاع، أعتقد ممكن من إدخال كلامه أن هو شخص كريم، شخص نبيل، شخص جواد، تعتقد من الظاهر دون أن تعامله، دون أن يظهر على حقيقته؛ دي المنافق أصلاً يتجمل جداً في الظاهر.
هو أصلاً خَرِبٌ في الباطل، كل الطاقة بتاعته موجهة لإصلاح الظاهر فقط، والإنسان هي طاقة، الطاقة دي لو وجهها في حاجة أكيد بتتشال من مكان تاني، فالإنسان لو وجه كل الطاقة بتاعته للاهتمام بالظاهر فقط، لم يوجه أي اهتمام تزكية النفس، أمراض القلوب أن هو يحاول يعالجها لا يركز أبداً في الباطن غالباً هو بيتجه للظاهر.
فبيحصل خسارة في الباطن خسارة كبيرة جداً، وربنا سبحانه وتعالى بيقول هو في الظاهر مهتم جداً بالشكل الخارجي، نشوفه من بعيد يعجبك أن تسمعه، ولو تكلم وإن كان يتكلم بحذر، لذلك جت إن إذا رأيتهم جت إذا؛ لأنك بتشوفه كتير، في الكلام حذر شوية، ﴿وَإِن يَقُولُوا تَسْمَعْ لِقَوْلِهِمْ﴾ [المنافقون: 4] يقول كلام تحسه أنه متزن، لما ييجي يتكلم يقول لك: لأ احنا لازم مثلاً ننصر الدين ولازم نعمل كذا، في الكلام أستاذ كَلَمَنْجِي، يعني ممكن يألّف كتاب، لكن هو في الحقيقة من الداخل في مجلس النبي صلى الله عليه وسلم شبههم الله عز وجل أثناء مجلس النبي صلى الله عليه وسلم قال: ﴿كَأَنَّهُمْ خُشُبٌ مُسَنَّدَةٌ﴾ [المنافقون: 4].
قالوا إيه المقصد من التشبيه ده؟ لماذا شبه المنافقون بالخشب المسنَّد؟ إيه المقصد من التشبيه؟ قالوا: رقم واحد الخشب ده الخالي من المشاعر، قاعد المجلس بدون أي مشاعر، النبي صلى الله عليه وسلم بيتكلم عن التوحيد، عن الله، عن الدار الآخرة، وعن الدين، عن المستضعفين، يتكلم وهو بدون أي مشاعر، بس بيفكر في الظاهر بتاعه، بيفكر في دنيته، لا يفكر أبداً فيما يقوله النبي صلى الله عليه وسلم.
لذلك ربنا قال: ﴿وَإِذَا خَرَجُوا مِنْ عِنْدِكَ قَالُوا لِلَّذِينَ أُوتُوا الْعِلْمَ﴾ [محمد: 16] إيه؟ هو كان بيقول إيه؟ ماذا قال آنفاً؟ يعني يحضر مجلس كامل من مجالس النبي صلى الله عليه وسلم، أول ما يطلع يقولها استهزاءً، يروح كده يقول لك: إيه ده؟ هو هو كان بيقول حاجة مفيدة؟ ماذا قال يا آنفاً؟ كان بيقول إيه؟ وهو في المجلس الخشبة بدون أي مشاعر، بدون أي عقل.
وقالوا: مُسَنَّدَةٌ خالد على الحيطة مسنَّدة، يعني إيه؟ فقالوا إن كانوا بعض المفسرين قال: كان بيتعمد أن المؤمنين كانوا يتجمعوا حوالين مجلس النبي صلى الله عليه وسلم، ويحرصوا إنه يكونوا قريبين من النبي صلى الله عليه وسلم، ذكر عندهم حالة من الترفع، بيقول لك: إيه؟ احنا نقعد وسط الفقراء ولا إيه؟ لا لا لا، احنا لنا مجلس خاص لوحدنا كده نقعد بعيد نسند ظهرنا. فقالوا المسندة هنا المقصد منها الترف.
وقيل لا، وأغلب المفسرين قالوا: خشب المسنَّد على الحائط هو الخشب الذي لا قيمة له، أن أنت بتقعد تفرز الخشب، الخشبة دي تتحط في السقف، الخشبة دي تتحط في الحيطة، الخشبة دي ينفع كذا، والخشب المسوس اللي فيه سوس اللي مش نافع يترمى يتسند على الحيطة أنه لا قيمة له.
نفير للجهاد، ساند على الحيطة. نفير لطلب العلم، ساند على الحيطة. نفير لحفظ القرآن، ساند على الحيطة. نفير للدعوة إلى الله، ساند على الحيطة. أنت هتفضل ساند على الحيطة لغاية إمتى؟ يعني إيه اللي أنت منتظره عشان تتحرك من على الحيطة؟ الكلام ده مش للمنافقين، اتحط الأكل كويس جداً أول ما يتحط الأكل هيقول إيه؟ هتدب فيه الروح ويقوم من على الحيطة.
وفعلاً وصف المسندة لو احنا حبينا نسقطه على أنفسنا على أنفسنا؛ لغاية إمتى هنسند على الحيطة؟ مشهد المتكئ المُترَف اللي هو قاعد بيسمع كلام من القرآن يهز القلوب والجبال، يدك الجبال، وهو لا يتحرك، يسمع أحاديث للنبي صلى الله عليه وسلم ولا يتحرك، يسمع استغاثات المستضعفين من المسلمين ولا يتحرك، بيسمع تحريف وطعن وطعنوا في دينكم ثم لا يتحرك.
كالشخشبة المسنَّدة، ليس فيها روح، جوفاء، لا تقبل الحكمة ولا العلم. ده من المعاني قاله أيضاً الخشب، أن هو لا يقبل أنه يوضع فيه شيء أبداً، فاقد للمشاعر، غير مترابط مع بعضه، كل خشبة مرمية لوحدها؛ أصل المنافقين مش مترابطين مع بعض، كل واحد بيفكر في مصلحته أصلاً، ما يتحرك لينفذ بما سمعه من مجلس النبي صلى الله عليه وسلم.
كل هذه المواصفات -وده من إعجاز القرآن- تنطبق عليه، هو لا قيمة له، مُهْمَل، لا ينتفع به، بس بياخد مكان من مجلس النبي صلى الله عليه وسلم وخلاص لا فائدة منه، لكن هو في الظاهر مبهر.
يعني على أحد التأويلات قوله سبحانه وتعالى: ﴿وَمِنَ النَّاسِ مَن يُعْجِبُكَ قَوْلُهُ فِي الْحَيَاةِ الدُّنْيَا﴾ [البقرة: 204] لما ييجي يتكلم في الدنيا تلاقيه مُبهر، وده ذكرناه قبل كده في مجلس، لازم يعجبك قوله في الحياة الدنيا ﴿وَيُشْهِدُ اللَّهَ عَلَىٰ مَا فِي قَلْبِهِ وَهُوَ أَلَدُّ الْخِصَامِ﴾ [البقرة: 204] ﴿وَإِذَا تَوَلَّىٰ سَعَىٰ فِي الْأَرْضِ لِيُفْسِدَ فِيهَا﴾ [البقرة: 205].
﴿وَإِذَا رَأَيْتَهُمْ تُعْجِبُكَ أَجْسَامُهُمْ وَإِن يَقُولُوا تَسْمَعْ لِقَوْلِهِمْ﴾ [المنافقون: 4] ده الظاهر، الباطل: ﴿كَأَنَّهُمْ خُشُبٌ مُسَنَّدَةٌ﴾، فاقدين للمشاعر، فاقدين للحركة، فاقدين للبذل، فاقدين للترابط مع بعض، ما يفعلوش أي شيء، نداءات القرآن والسنة متتالية عليه، لا يتأثر، لا يفعل أي شيء، خشب مسنَّد.
الإنسان محتاج يراجع نفسه، هل بيصدق عليه جزء من هذا الوصف؟ احنا قلنا: قد يصدق على المؤمن بعض أوصاف المنافق، المؤمن محتاج يحاسب نفسه على بعض الأوصاف اللي مذكورة في القرآن حتى عن الكفار: ﴿أَذْهَبْتُمْ طَيِّبَاتِكُمْ فِي حَيَاتِكُمُ الدُّنْيَا﴾ [الأحقاف: 20] عُمَر بن الخطاب رضي الله عنه عاتب نفسه بهذه الآية وهي في الكفار.
أن تعاتب نفسك وأن تحاسب نفسك على آيات ذكرت في الكفار أو في المنافقين ده مش غلط، لكنك تحاسب نفسك: هل فيا شعبة من شعب النفاق؟ هل في شعبة من هذه الشعب؟ هل تلبست بشيء منها؟ هل أنا بيتوالى على قلبي وعقلي نداءات من القرآن والسنة ولا يستجيب؟ ﴿لَا تَخُونُوا اللَّهَ وَالرَّسُولَ﴾ [الأنفال: 27] ﴿كَأَنَّهُمْ خُشُبٌ مُسَنَّدَةٌ﴾.
﴿يَحْسَبُونَ كُلَّ صَيْحَةٍ عَلَيْهِمْ﴾ [المنافقون: 4] كل آية بيتلوها النبي صلى الله عليه وسلم يخشى أن تكون هي الفاضحة له، يحذر المنافقون أن تنزل عليهم سورة تنبئهم بما في قلوبهم.
خايف إنه يفضح، أو ﴿يَحْسَبُونَ كُلَّ صَيْحَةٍ عَلَيْهِمْ﴾ أي صيحة حرب خايف ليه؟ لأنه مش عارف مين اللي هيكسب، هو مش صاحب عقيدة، أي حرب بتنشأ من أي اتنين هو بيشجع، قلنا دايماً بيشجع مين؟ الكسبان، فهو مش عارف مين الكسبان، فبيفضل خايف طول الحرب.
المؤمن يتبع الإيمان إلى النهاية، الكافر يتبع الكفر إلى النهاية، ما يموت على الكفر، والمؤمن يموت على الإيمان، المنافق لا قاعد مُحترِف: ها أروح فين دلوقتي؟ مين الكسبان؟ كدة اتنين واحد خلينا مع المؤمنين، اتنين اتنين ده باقي التعادل، يبدأ مش عارف يروح فين، بقت تلاتة، هو قاعد محتار.
المسلمين انتصروا في بدر، خلاص الله أكبر، اتغلبوا في أُحُد، لأ اللات والعُزَّى، الأحزاب، لأ ده خلاص يا أهل يَثْرِبَ لا مقام لكم فارجعوا. بعد كده مكة، لأ أنا رجعت مسلم تاني وقاعد يتغير ويتلون على حسب الواقع المتغير من حواليك، ﴿يَحْسَبُونَ كُلَّ صَيْحَةٍ عَلَيْهِمْ﴾ [المنافقون: 4].
هؤلاء هم العدو؛ وصف أن الخبر ييجي "العدو" بالألف واللام كأن فيه حصر؛ لأن هو العدو الحقيقي وأخطر عدو؛ ليه؟ لأن العدو التاني ظاهر، العدو التاني ممسك سيفه، اليهودي والمنافق اليهودي والكافر يحارب الإسلام بقمة الوضوح، لكن المنافق قاعد وسط مجلس النبي صلى الله عليه وسلم ﴿وَلَوْ خَرَجُوا فِيكُم مَّا زَادُوكُمْ إِلَّا خَبَالًا﴾ [التوبة: 47].
ولو خرجوا فيكم ما زادوكم إلا خبالاً، يعني هو ممكن يخرج وسط الجهاد يضعف الصف، عدده كل ما بيزيد، عدد المنافقين كل ما بيجوا علينا بالسالب.
يعني لو الجيش ألف واتحط عليهم ميت منافق، إحنا ما بنبقاش ألف ومية، إحنا بنبقى تسعمية مثلاً، وبيأثر على الناس. قال ربنا سبحانه وتعالى: ﴿وَفِيكُمْ سَمَّاعُونَ لَهُمْ﴾؛ في ناس بتتأثر بكلامهم. كلام المنافقين بيوافق عبدالله بن أبي بن سلول لما رجع في غزوة أحد، رجع بتلت الجيش؛ مش كله كان منافق صرف، كان فيهم ضعاف إيمان، كلام ابن سلول. وقالوا: لَوْ نَعْلَمُ قِتَالًا لَّاتَّبَعْنَاكُم.
أما إن مش هيحصل قتال أصلاً، أو نحن لا نحسن القتال؛ لو نعلم القتال ده اتبعناه، فَإِذَا هُمُ الْعَدُوُّ فَاحْذَرُوهُمْ. دايماً العدو القريب لابد أن تحترز منه. الصورة اللي بعدها برضه سورة التغابن جت اتكلمت عن العدو القريب أيضاً، اللي داخل الأسرة، لكن بسبب الدنيا: ﴿إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَّكُمْ فَاحْذَروهُمْ﴾.
سورة المنافقين بتكلم عن العدو المنافق اللي وسط المجتمع، والعدو اللي ممكن يكون داخل أهل بيتك ويصرفك عن أركان الدين؛ يصرفك عن الصلاة زي ما الآية دي نزلت، لأنهم تسببوا إن النساء والذرية تسببوا في تأخر بعض المسلمين عن هجرة عن الهجرة مع النبي صلى الله عليه وسلم. قعدوا يعيطوا: ما تسيبوناش وتهاجروا! بيقول له: طب تعال! قل لمراته: طب تعالوا هاجروا معي. لأ، مش هينفع نسيب مكة، فلوسنا هنا، وقربنا هنا، وعائلاتنا هنا. طب أنا هاجري وأسيبكم؟ يقعدوا يعيطوا: حرام عليك، هتضيعوا! فضل قاعد جنبهم؛ لا هاجر مع النبي صلى الله عليه وسلم ولا تعلم.
فلما هاجر متأخراً جداً، فوجئ إن كتير من الصحابة سبقوه في العلم والإيمان والجهاد والغزو، وكادوا أن يفتكوا بأهلهم ودنياهم. فنزل قوله سبحانه وتعالى بعدها: ﴿وَإِن تَعْفُوا وَتَصْفَحُوا وَتَغْفِرُوا﴾، أكتر الآيات اللي جت فيها عفو، عفو صفح ومغفرة؛ لأن كان هميموتوه ويموت مراته يعني. إنت اللي غلطان! إنت اللي غلطان؟ يعني إنت اللي كان المفروض تقود. ولذلك نزلت آيات العفو: أعفو عنهم؛ هم العدو فاحذرهم. قَاتَلَهُمُ اللَّهُ.
الله عز وجل يتولى ذلك بإذن الله سبحانه وتعالى. إنهم ينافقون كيف يصرفون بعد ما حضروا المجلس؟ حاولوا، حضروا مجلس النبي صلى الله عليه وسلم وكانوا مصرين على النفاق. تعالجوا بإزاي يصرفوا عن مجالس الإيمان اللي في مجلس النبي صلى الله عليه وسلم. ابن القيم أمي كان بيقول: آمن النجاشي ولم ير النبي صلى الله عليه وسلم، ونافق ابن سلول وصلى في الصف الأول! القضية مش قرب وبعد؛ ممكن يقترب من النبي صلى الله عليه وسلم ويصلي في الصف الأول وكان منافقاً، والنجاشي لم ير النبي صلى الله عليه وسلم وآمن.
﴿وَإِذَا قِيلَ لَهُمْ تَعَالَوْا يَسْتَغْفِرْ لَكُمْ رَسُولُ اللَّهِ لَوَّوْا رُؤُوسَهُمْ وَرَأَيْتَهُمْ يَصُدُّونَ وَهُم مُسْتَكْبِرُونَ * سَوَاءٌ عَلَيْهِمْ أَسْتَغْفَرْتَ لَهُمْ أَمْ لَمْ تَسْتَغْفِرْ لَهُمْ لَن يَغْفِرَ اللَّهُ لَهُمْ إِنَّ اللَّهَ لَا يَهْدِي الْقَوْمَ الْفَاسِقِينَ﴾. الآيات دي فيها أسباب نزول طويلة، أرجو أن أنتم ترجعوا تقرأوا تفسير ابن كثير، من التفاسير اللي استفاضت في ذكر الآثار، في آثار جميلة جداً في أسباب نزول هذه الآيات، أشهرها كان النبي صلى الله عليه وسلم في غزوة، وبعدين حصل اختلاف بين أحد المهاجرين وأحد الأنصار. الأنصاري كان من قبيلة ابن سلول، فححصل اختلاف على ماء، إن مهاجري ده كان غلام لعمر بن الخطاب -أياً كان- اختلفوا على مية، مين اللي ياخد الماء اللي في البئر؟ فلطم المهاجري الأنصاري، ضربه.
حصلت خناقة وقال: يا للمهاجرين! يا للأنصار! وححصلت خناقة. ابن سلول قال: إزay يمكن إحنا بعد ما أكلناهم وشربناهم؟ والله ما أرى إلا مثلي ومثلهم كمثل القائل: سمن كلبك يأكلك! إحنا اللي جايين بعد ما صرفنا عليهم بيعضوا الإيد اللي اتمدت لهم! هو أصلاً ما عملش حاجة، ده هم الأنصار مش هو. ده قال: لا تُنْفِقُوا عَلَى مَنْ عِندِ رَسُولِ اللَّهِ حَتَّى يَنْفَضُّوا. ثم قال: لَئِن رَّجَعْنَا إِلَى الْمَدِينَةِ لَيُخْرِجَنَّ الْأَعَزُّ مِنْهَا الْأَذَلَّ. هنشوف لما نرجع المدينة. وأنا غلطان إن أنا خرجت معه بجد! أحاديث كثيرة وآثار كثيرة في ذكر هذه القصة، وزيد بن أرقم سمع ابن سلول قال هذه المقالة، فذهب للنبي صلى الله عليه وسلم أخبره بها.
فتبرأ ابن سلول وقال: والله ما قلت! حتى إن كتير من الناس عاقبوا زيد بن أرقم: لماذا قلت؟ فحزن زيد بن أرقم -والروايات المبكرة والروايات المتعددة- حتى نزلت هذه الآيات تبرئه. فجاء النبي صلى الله عليه وسلم إلى أذن زيد بن أرقم وأمسك بها وقال: «لقد صدقك الله عز وجل»، فقرأ عليه الآية.
تفاصيل كتير جداً مذكورة، وزي ما قلت لكم آثار كتير. ولما جه زيد بن أرقم قال للنبي صلى الله عليه وسلم ذلك، قال عمر بن الخطاب رضي الله عنه: دعني أضرب عنق هذا المنافق! وأيضاً أسيد بن حضير؛ كل واحد كان بيجي للنبي صلى الله عليه وسلم يقول له: دعني أضرب عنقه. فيقول له النبي صلى الله عليه وسلم: «أقاتله أنت؟ إذا أمرتك أنت»؛ يعني بتقول كلام فعلاً ولا هتقتله؟ لعمر: نعم، والله لو أمرتني لضربت عنقه تحت أذني! قال النبي صلى الله عليه وسلم: «اجلس، لا تفعل».
حتى إذا عادوا بعد فترة طويلة، عادوا للمدينة، ابن عبدالله بن أبي بن سلول -عبدالله بن عبدالله بن سلول- ابن رأس المنافقين وكان مؤمناً مخلصاً، جاء للنبي صلى الله عليه وسلم وقال له: يا رسول الله، لقد سمعت -طبعاً أنا بجيب لكم ملخص الروايات، واللي عايزها بالتفصيل موجودة في ابن كثير وغيره- قال رسول الله صلى الله عليه وسلم: «أنا سمعت أن أنت عايز أو حد هيقتل...» يا رسول الله، لقد علمت المدينة أني من أبر الناس بوالدي، واني والله لأنظر له هيبةً له، ولكن إن أردت قتله فلتأمرني فأنا أقتله! عايز تتولى أنا اللي أقتله، والله إنـي أخشى أن يقتله أحد من المسلمين فلا تدعني نفسي أراه يسير بين الناس ويقولون قاتل أبوك، فترودني نفسي فأقتله فأقتل مؤمناً بكافر! بيتكلم على أبوه عادي جداً وبعدين عارف نقطة ضعفه: أنا خايف من نفسي تخوني فأقتله، أقتل المسلم ده، فخليني أنا اللي أقتله أحسن. فقال إن أردت أن أقتله، فقال له النبي صلى الله عليه وسلم: «لا، بل نحسن ونبره ونحسن صحبته».
فسبق عبدالله بن عبدالله بن أبان سلول، سبق على المدينة، وقف على باب المدينة منع ابن سلول أن يدخل المدينة حتى يأتي النبي صلى الله عليه وسلم، وكان سيره ساقتاً -أي النبي صلى الله عليه وسلم كان يتأخر في السير حتى يسير مع الضعفاء اللي في الجيش، كان سيره ساقتاً صلى الله عليه وسلم يتأخر- فلما وصل النبي صلى الله عليه وسلم وجد عبدالله بن عبدالله بن سلول يوقف أباه على باب المدينة ويمنعه من الدخول، ويقول له: والله لن تدخل حتى يأذن لك رسول الله، حتى تعلم أنك أنت الذليل وهو العزيز!
والبي صلى الله عليه وسلم كان يحفظ هذا الجميل لعبدالله بن عبدالله بن أبي بن سلول، حتى لما مات ابن سلول المنافق، أعطاه النبي صلى الله عليه وسلم ثوبه ليكفن فيه؛ قيل لأن ابن سلول أعطى ثوباً للعباس عم النبي صلى الله عليه وسلم لما جاء أسيراً في غزوة بدر، فكافأه النبي صلى الله عليه وسلم ولا يترك له يداً.
شهد آثار جميلة جداً ممكن ترجعوا لها، وما تحرموش نفسكم القراءة في التفاسير الأثرية؛ بدأوا يعتبروا الكثير، آثار جميلة جداً. فالشاهد، قيل إن ابن سلول تعالى للنبي صلى الله عليه وسلم يستغفر لك ما قلت، وَإِذَا قِيلَ لَهُمْ تَعَالَوْا يَسْتَغْفِرْ لَكُمْ رَسُولُ اللَّهِ لَوَّوْا رُؤُوسَهُمْ -أنا مش عايز- وَرَأَيْتَهُمْ يَصُدُّونَ وَهُمْ مُسْتَكْبِرُونَ؛ يصدون أنفسهم وقيل يصدون غيرهم، وهم مستكبرون، في قمة الاستكبار، مش عايز. هو من شوية كان بيقسم إنه ما قلش، دلوقتي مستكبر وهو متناقض في نفسه: وَرَأَيْتَهُمْ يَصُدُّونَ وَهُمْ مُسْتَكْبِرُونَ سَوَاءٌ عَلَيْهِمْ.
فقاله ربنا سبحانه وتعالى: قال النبي صلى الله عليه وسلم شديد الحرص على كل الناس: ﴿سَوَاءٌ عَلَيْهِمْ أَسْتَغْفَرْتَ لَهُمْ أَمْ لَمْ تَسْتَغْفَرْ لَهُمْ لَن يَغْفِرَ اللَّهُ لَهُمْ إِنَّ اللَّهَ لَا يَهْدِي الْقَوْمَ الْفَاسِقِينَ﴾.
هُمُ الَّذِينَ يَقُولُونَ، الآية اللي بعدها يقولون؛ ده تعريف لأهم أفكار المنافق كيف يحارب الإيمان. هُمُ الَّذِينَ يَقُولُونَ -الوصف الأول-: لَا تُنْفِقُوا عَلَى مَنْ عِندِ رَسُولِ اللَّهِ حَتَّى يَنْفَضُّوا وَلِلَّهِ خَزَائِنُ السَّمَاوَاتِ وَالْأَرْضِ وَلَكِنَّ الْمُنَافِقِينَ لَا... المنافقين الصورة هنا: تعجبك أجسامهم في قوة، تسمع القولين فيه فصاحة وبيان: لَا تُنْفِقُوا مَعَهُمْ، فلوس؛ لَيُخْرِجَنَّ الْأَعَزُّ مِنْهَا الْأَذَلَّ، أي يخرجن الأعز منها الأذل؛ فيه عزة وفيه شرف للقبائل.
استعملوا كل ده بالصد عن سبيل الله، فكانوا قالوا خلاص إحنا بنكلم رؤساء القبائل ما يصرفوش على المهاجرين الضعفاء، فينفضوا من حوالين مجلس الأوسط صلى الله عليه وسلم. دي وسيلة قديمة حديثة: الضغط الاقتصادي على المسلمين حتى ينصرفوا عن هذا الدين؛ من شعب أبي طالب حتى قريش عملت كده حصرت النبي صلى الله عليه وسلم. خلق لئيم، دي دناءة بالدنيا عشان الناس تنفض؛ لأنهم يعلمون أن الناس أكثر ما يؤلمهم قضية الدنيا والضغط اللي فيه. الصورة اللي قبل كده صورة الجمعة كانت الدنيا هي اللي بتمر وإنت في مجلس النبي صلى الله عليه وسلم: ﴿وَإِذَا رَأَوْا تِجَارَةً أَوْ لَهْوًا انْفَضُّوا إِلَيْهَا﴾.
فكثير من الناس وهو قاعد في مجلس النبي صلى الله عليه وسلم عندما تمر الدنيا التي تصرفه عن دينه، يترك مجلس النبي صلى الله عليه وسلم ويقول -وده قرر ده في آخر سورة الجمعة-. هنا الانفضاض مش بسبب مرور الدنيا، لأ، ده بسبب قلة الدنيا؛ الضغط بيقوم عليك من أعداء الله وأنه يمنعك من الشغل وأنه يضغط عليك اقتصادياً عشان إنت ما تستمرش في السير في الطريق.
واللحظة المشتركة اللي جت في الاتنين -في سورة الجمعة وفي سورة المنافقون- لفظة الانفضاض. وعايزين الاجتماع اللي جه في سورة الجمعة يحصل انفضاض في سورة المنافقون: لَا تُنْفِقُوا عَلَى مَنْ عِندِ رَسُولِ اللَّهِ حَتَّى... الغرض الأصيل اللي عايزين يوصلوا له إيه؟ ينفضوا بغرض نفاقي أصيل، أن كل تجمع إسلامي يفضوه، حتى إيه؟ ينفض بأي وسيلة. أشهر وسيلة: الضغط الاقتصادي؛ إحنا نقفل بس ماسورة الدنيا اللي واصلة لنا، هم من نفسهم شوية بشوية هيقوموا خلاص، ويحصل انفضاض؛ إحنا اللي نضغط أو نعمل القوافل اللي بتعدي بالدنيا والبريق اللي بيعدي بتاع الدنيا، فهم هيقوموا.
﴿وَإِذَا رَأَوْا تِجَارَةً﴾... قيل لم يبقى مع النبي صلى الله عليه وسلم إلا أحد عشر، حداشر واحد بس اللي فضل مع النبي صلى الله عليه وسلم أول تلاتاشر في أقصى الروايات. هؤلاء الذين جلسوا مع النبي صلى الله عليه وسلم كانوا هم الأمان، لكن اللي جلسوا مع النبي صلى الله عليه وسلم بذلوا بذلاً ليس كغيرهم؛ يعني تعبوا وبذلوا أكثر من غيرهم وضحوا أكثر من غيرهم. فاللي هيختارني يكون في الثلة المؤمنة دي، مش هينفع يبقى زيُّه زي بقية الناس، ينفع يتعامل في خبيثة الدنيا زيُّه زي بقية الناس، هيكون له اختيارات خاصة؛ نعم، قد لا تصلح للتعميم عموم الناس، لكن طالما هو اختار أنه يكون من الثلة المؤمنة اللي هتجلس في مجلس النبي صلى الله عليه وسلم، ومهما مرت الدنيا ومهما حصل ضغط اقتصادي لن ينفض، هو لازم يبقى له اختيارات خاصة.
ينفع تكون زيُّه زي بقية الناس؟ مش ينفع يسأل هو يعني حلال وحرام وهو مش مباح؟ لأ، هو مش هيسأل الأسئلة دي خالص، ويسأل أسئلة تانية؛ هو هيسأل كيف نصل إلى الفردوس الأعلى؟ ماذا فعل صحابة النبي صلى الله عليه وسلم؟ وهو طريق الأنبياء، وليس الأسئلة دي. هو عايز يكون من الثلة التي لم تنفض مهما حدث ومرت القافلة أو حصل ضغط. دي وسيلة متكررة: ﴿لَا تُنْفِقُوا حَتَّى يَنْفَضُّوا﴾؛ هم عارفين أن جزء كبير بينفض بأول ضغط على ماسورة الدنيا. تُنْفِقُوا عَلَى مَنْ عِندِ رَسُولِ اللَّهِ وَهُمْ عِنْدَهُ -أنتم عارفين أن هذه العندية جزء كبير منها بيحصل به الفجار-. انفضاض بسبب الضغط الاقتصادي: ﴿لَا تُنْفِقُوا عَلَى مَنْ عِندِ رَسُولِ اللَّهِ حَتَّى يَنْفَضُّوا﴾.
يبقى إذن لو عايزين نحط غرض إيماني أصيل مقابل هذا الغرض النفاقي يبقى حتى إيه؟ يجتمع. إحنا عايزين نفكر ماذا نفعل حتى يجتمع أهل الإيمان؟ هم بيفكروا ماذا نفعل حتى ينفض المؤمنون؟ بحول الله وسلم، إحنا تفكيرنا إيه اللي ممكن نعمله عشان نحافظ على تجمع أهل الإيمان؟ إزاي نشيل بينهم الضغائن؟ نشيلها من بينهم إزاي؟ نصلح ما بينهم إزاي؟ نكفل بعض الناس الفقراء اللي فيهم إزاي؟ أن إحنا نساعدهم؟ يبقى أنا تفكيري حتى يجتمعوا، هو تفكيره حتى ينفضوا، فلازم يكون في تفكير مقابل، ولازم يكون فيه بذل مقابل. ولازم لما هو يضغط على ماسورة الدنيا من هنا، المؤمنين يصرفوا من هنا؛ لازم، ودايماً بيحصل تحذير للأغنياء من العالمين الدين. لازم يعملوا فجوة ما بينهم وبيحرصوا على ذلك دائماً؛ لأنهم عارفين أن أحد أركان البذل نفسه والمال على طول، وآيات الإنفاق في الواقع المكي والمدني كثيرة جداً.
﴿هُمُ الَّذِينَ يَقُولُونَ لَا تُنْفِقُوا عَلَى مَنْ عِندِ رَسُولِ اللَّهِ حَتَّى يَنْفَضُّوا﴾. لكن الحقيقة أو العقيدة التي ينبغي أن تستقر في قلب المؤمن: ﴿وَلِلَّهِ خَزَائِنُ السَّمَاوَاتِ وَالْأَرْضِ﴾؛ الرزق بيده سبحانه وتعالى، هو الذي يملك رزقه سبحانه وتعالى. عقيدة الرزق بايد ربنا دي عقيدة صعب جداً أن هي تستقر، عايزة مجاهدة، أن الرزق بيد الله، ومن الأمن بيد الله، ده من -يعني- ده من كمال الإيمان. قضية الرزق والأمن بايد ربنا تكلم عنها القرآن كثيراً ولا سيما في مواطن الهجرة والجهاد.
انا عايز درس لواحد، وأظن كنا ذكرناه قبل كده في خواتيم سورة العنكبوت: ﴿وَهَلْ خَزَائِنُ السَّمَاوَاتِ وَالأَرْضِ وَلَكِنَّ الْمُنَافِقِينَ لاَ يَفْقَهُونَ﴾ [المنافقون: 7]. المسألة دي عايزة فقه؛ مسألة أن العزة لله ورسولِهِ. تعلم حاجة تتعلمها: العزة عبارة عن كذا، وأن الله جَلَّ في علاه، مسألة أن الخزائن بيد الله والسماوات والأرض عايزة فقه، والفقه فيه زيادة استنباط وزיادة مصير؛ ضروري توقن أن الرزق وأن الخزائن بيد الله سبحانه وتعالى وحده سبحانه وتعالى.
ده هيسلكها، وكلمة: ﴿لَا يَفْقَهُونَ﴾ لما تيجي تجمعها في القرآن تجد جاءت في مواطن؛ جاءت في سورة الحشر، جاءت في آخر سورة الأنفال، جاءت في مواطن بالنسبة للكفار ولليهود، الاثنين أنهم يتعاملون تعاملاً مادياً فحسب، تعاملاً مادياً فقط. أشد رهبة في صدورهم من الله؛ هيئة الإعداد التي في سورة في آخر: ﴿إِن يَكُن مِّنكُمْ عِشْرُونَ صَابِرُونَ﴾ [الأنفال: 65]، ختمت أيضاً لأنهم قوم لا يفقهون. تتبع كذا (لا يفقهون) في القرآن تجد أنهم يتعاملون تعاملاً مادياً، لكن المؤمن يتعامل تعاملاً غيبياً؛ عايزين يؤمنون بالغيب، وهم يتعاملون تعاملاً مادياً، والمؤمن يتعامل تعاملاً غيبياً.
مفهوم الرزق أصلاً عنده مختلف؛ وهو موقن أن الرزق بيد الله سبحانه وتعالى، خزائن السماوات والأرض، ولكن المنافقين لا يفقَهُون. يقولون أي المنافقين؛ أي المنافقون أيضاً يقولون: ﴿لَئِن رَّجَعْنَا إِلَى الْمَدِينَةِ لَيُخْرِجَنَّ الأَعَزُّ مِنْهَا الأَذَلَّ﴾ [المنافقون: 8]. أيضاً يحرص المنافقون على إظهار شرفهم وإظهار ذلة المؤمن، هو يحرص على أنه يذل المؤمن، دايماً عايز المؤمن يكون محتاج، ذليل، فالناس تشوفه في الوضع ده فتنفض عن أهل الإيمان، بيحرصوا دايماً على تصوير المؤمن في صورة فيها ذلة: ﴿وَلِلَّهِ الْعِزَّةُ وَلِرَسُولِهِ وَلِلْمُؤْمِنِينَ وَلَكِنَّ الْمُنَافِقِينَ لَا يَعْلَمُونَ﴾ [المنافقون: 8]. دي مسألة لابد أن يعلق أن يعلمها الإنسان، أنك أنت مؤمن، أنت عزيز، أنت تحافظ على الإيمان في قلبك: ﴿وَلَا تَهِنُوا وَلَا تَحْزَنُوا وَأَنتُمُ الأَعْلَوْنَ﴾ [آل عمران: 139] إن كنتم مؤمنين.
لو حافظت على إيمانك حتى لو مررت بهزيمة فأنت عزيز، أنت الأعلى: ﴿وَلَا تَهِنُوا وَلَا تَحْزَنُوا وَأَنتُمُ الأَعْلَوْنَ﴾. طيب ما احنا مقلوبين! ولكن إن حافظتم على الإيمان، إن لم تتأثروا ولم تؤثر هذه الهزيمة في إيمانكم، فأنتم الأعلون إن كنتم مؤمنين، ولله العزة ولرسوله وللمؤمنين ولكن المنافقين لا يعلمون. من الحكم النبوية في التعامل مع المنافقين قبل ما نقلي على ختام السورة -احنا كده طولنا، استنى كده عشر دقائق إن شاء الله في الوقت المسموح به- كنا بنقول إيه؟ عايز الناس تصحى شوية، بيقولوا لي إيه يا جماعة؟ نتكلم في إيه دلوقتي؟
الحكمة النبوية في التعامل: أول حاجة لما جه عمر بن الخطاب وغيره من الصحابة قالوا: دعني أضرب عنق هذا المنافق. فقال النبي صلى الله عليه وسلم: «دعه، لا يقول الناس إن محمداً يقتل أصحابه». الحاجة التانية قال له النبي صلى الله عليه وسلم، قال لسيدنا عمر لما عدت فترة زمنية، وابن عبد الله بن أبي بن سلول هو اللي ذلَّه، وكثير من اللي كانوا مع ابن سلول لما ابن سلول ظهر على حقيقته، والنبي صلى الله عليه وسلم تركه يفضح، رجعوا وقفوا في صف النبي صلى الله عليه وسلم بعد ما كانوا في صف ابن سلول.
النبي صلى الله عليه وسلم نادى عمر بن الخطاب وقال: «يا عمر، لو قتلته» -يعني ساعة ما كنت عايز تقتلِه لحظتَها- «لارغمت أنوف أناس» (يعني كنت ضايقت ناس وذليت ناس) «لو أمرتهم أنا اليوم بقتله لامتثلوا» (يعني من الصحابة)، الصحابي الذي آمن بنفسه شهد النبي صلى الله عليه وسلم وآمن به ومات على البيعة. النبي صلى الله عليه وسلم قال لعمر بن الخطاب: «لو قتلته يومئذٍ، لو كنت قتلته ساعتها لارغمت أنوف أناس» (كنت ضايقت ناس، الناس دلوقتي لو أنا قلت لهم اقتلوه هم اللي هيقتلوه، الناس دي انتقلوا إلى صف ابن سلول لصف النبي).
ازاي تكسب الناس؟ مش بيجاوب النفاق، أنا لازم أحول المعركة معه العلنية، لازم الناس تعرفه على حقيقته. أول حاجة قال النبي صلى الله عليه وسلم: «لا يقول الناس إن محمداً يقتل أصحابه». أول حاجة هو النبي صلى الله عليه وسلم لو كان هيئلكهن هيموت مين؟ ابن سلول، هيموت كم واحد، لكن الناس لما هتقول، هتقول إيه؟ ده بيموت أصحابه، عقبال ما الخبر بينتقل وبيوصل لأرجاء جزيرة العرب، هيقولوا إيه ده؟ لأن هي الناس وبعدين جاي السؤال؛ الأخ أنا ممكن كان يقصد شيء، الناس مش هتفرق أن ده منافق ولا مش منافق؟ هتقول بيموت مين؟ أصحابه! وبعدين ميسور كان أحياناً يخرج في الجهاد، فيقول: ده صحابي وخرج معه في الجهاد وموته، لا أمان في السير معه! الناس هتقول كده وهي الناس بتقول، أي حد ينقل لها الخبر بيتكرر وخلاص.
عقبال ما يوصل مثلاً من المدينة لشمال جزيرة العرب هيكون يقال بدل ما قتل ابن سلول المنافق قتل مية من الصحابة من خيرة الصحابة، هو الخبر بيوصل كده، فمراعاة الجانب الإعلامي ده مهم من حكمة النبي صلى الله عليه وسلم. قال: «لا يقول الناس» أن هو مش لا يجهر بالعداوة، الناس مش عارفة ده بيطبق ليه الحد ده بيطبق ليه.
حاجة التانية الحرص إنه يكسب، النبي صلى الله عليه وسلم كسب ابنه، قال له: «بل نترفق به ونحسن صحبته». أنتم مالكم مخطوبين ليه النهارده يا جماعة؟ فالشاهد هنا الحكمة النبوية، الحكمة النبوية النبي صلى الله عليه وسلم في التعامل مع أنا لازم أبقى أدرس العدو الرواندي؛ هو بيجهر بالعداوة ولا يسر بالعداوة؟ أنا محتاج أفشحه، محتاج أسيبه هو يكشف نفسه، محتاج ممكن أسأله أسئلة (يعني أحياناً بيحصل مثلاً محاورات، يجيبوا واحد مثلاً يدافع عن الدين، ويجي واحد يحوله)، وطبعا اللي بيدافع عن الدين لازم غالباً قدام الناس لازم يبقى متشدد، فازاي هو يظهر اللي أمامه أن هو اللي منافق؟ لازم الناس هي اللي تعرف ده؛ كيف يظهر النفاق؟ لازم أنا شاهد أن ما لي داخلي من النفاق يظهر موقفه من آيات القرآن، موقفه من سنة النبي صلى الله عليه وسلم، هو أسأله أسئلة، هو بيجاوب من إجابات هذا الرجل.
طيب، ختام السورة عجيب جداً؛ السورة كلها من أول لحظة أن المنافقين جايين مجلس النبي صلى الله عليه وسلم، ماذا يفعلون في مجالس النبي صلى الله عليه وسلم؟ سواء الجهادية أو العلمية، ماذا يفعل المنافقون في مجالس النبي صلى الله عليه وسلم العلمية أو الجهادية؟ الختام خطاب للمؤمنين: ﴿يَا أَيُّهَا الَّذِينَ آمَنُوا﴾ لدرجة أن بعض المفسرين قال: الخطاب هنا الخطاب هنا للمنافقين، ومعنى الآية: يا أيها الذين آمنوا، يا أيها الذين أظهروا الإيمان وأبطنوا النفاق؛ لأنه شايف أن السورة كلها إيه عن النفاق، فقال: خلاص، يبقى دي المنافقين. لكن كثير من أهل العلم، بل أثر مروي عن ابن عباس، أنها في المؤمنين: ﴿يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَن ذِكْرِ اللَّهِ﴾ [المنافقون: 9]، ﴿وَمَن يَفْعَلْ ذَلِكَ فَأُولَئِكَ هُمُ الْخَاسِرُونَ﴾ [المنافقون: 9].
طب ليه؟ الخطاب التفت من النفاق من المنافقين أهل الإيمان؟ لماذا هذا الأمر تحديدا؟ لا تلهيكم أموالكم ولا أولادكم؛ تحذير للمؤمن من أول درجة في سلم النفاق. أول ما بيسقط المؤمن بيتجه في ناحية النفاق، أنه يقدم المال والاهل على الدين: ﴿لَا تُلْهِكُمْ أَمْوَالُكُمْ وَلَا أَوْلَادُكُمْ عَن ذِكْرِ اللَّهِ﴾؛ ذكر الله التوحيد، وقيل: القرآن، وقيل: عموم الدين. ننشغل عن توحيد الله، عن معاني القرآن، عن الدين بالأموال والأولاد، هو كده بدأ يقدم مصلحته الشخصية، وهو النفاق أصلاً ملخص النفاق فكر المصلحة.
هو النفاق كله مصلحته وبس، يعني هو دين دين المنافق تقصد مصلحته يعبد نفسه هواه. الكافر دافع عن عقيدة باطلة، اليهودي بيدافع عن عقيدة باطلة، نصراني بيدافع عن عقيدة باطلة، مسلم بيدافع عن عقيدة صحيحة، المنافق بيدافع عن نفسه، فكر في نفسه مصلحته وبس. أول ما تقدم مصلحتك عن الدين هنا خطر، لذلك هو ليه المنافق: إذا حدث كذب، وإذا وعد أخلف، وإذا اؤتمن خان؛ هو مش فارق معه أي أخلاق، المؤمن أخلاقه مصلحتي أن أنا أكذب أكذب، مصلحتي أن أنا أخون أخون، مصلحتي أن أنا أخلف الوعد أخلف الوعد، ما عندوش أي أخلاق ثابتة، كل الأخلاق عنده نسبية متغيرة، أهم حاجة مصلحتك وتقديم مصلحتك الشخصية على مصلحة الدين.
أول درجة في سلم النفاق تنزل خطر، اللي أنت قاعد تقرأ من أول السورة ومتعجب منهم ممكن تبقى زيهم في يوم من الأيام، لا يأمن الإنسان على نفسه أبداً. أن الإنسان نلتزم بأحكام الدين فقط، ويذوق معاني الدين فقط، ثم يقولها للدنيا بالمال بالولد، وينشغل ويقوى حب الدنيا في صدره، ويزداد بعداً عن دينه، ممكن يصل إلى هذه المرحلة.
لذلك لما يجيبوا شيخ جاكسون ويجيب لك أن واحد كان ملتزم، وبعدين افتكر المعصية، وأن هو كده، والحل بالاخر أن يا أما الدين ده صعب ما يتعاش، أو الدين دوت هم كلهم منافقين بيجمعوا بين المعصية والطاعة. الفيلم ده أنا شايف أن هو يعني كان تحليل بعض الناس أن هو بيخاطب غير الإسلاميين خالص ينفرهم، أنا شايف أن غير الإسلاميين ما عادوش محتاج تمكين، هم أصلاً ما بيبعدوش، ما بيحكوش فيهم، أغلبهم بيلحقوا، ما أعتقدش أن الفيلم ده بيفكر فيهم.
أياً كان، يعني الخطورة أن هو بيخاطب إشكالية بتحصل فعلاً، هي دائماً الدروس اللي بتلامس الإنسان دروس بتكلمه في مشكلة واقع فيها، لكن هو قدم حل باطل؛ الشيء اللي بلامس الإنسان، اللي بيخاطبك في مشكلتك، لكن هو الفيلم ده قدم حل باطل، أنك أنت عادي يا أما تسيب الطريق خالص يا أما تفضل منافق، أو الطريق ده أصلاً مستحيل أن هو يعاش.
واللي احنا عايزين نقوله أن فعلاً ممكن انسان يمشي في طريق الإيمان ثم يسقط، لأن فيه شيطان وفيه هوى وفيه نفس أمارة، ده طبيعي اللي موجود والقرآن حذرنا من ده. فالحل أنك أنت تحرص على الإيمان، أنك ترجع لنفس البيئة اللي خلتك تشعر بنفس شعور السعادة الأول، وحصل تغيير، شف أنت غيرت أنت بدلت، يعني ربنا أصلاً من الأول قال أن هذا الطريق فيه ألم، لكن ما يخفف هذا الألم ما نشعر به من رجاء من رحمة الله: ﴿إِن تَكُونُوا تَأْلَمُونَ فَإِنَّهُمْ يَأْلَمُونَ كَمَا تَأْلَمُونَ﴾ [النساء: 104]. لكن احنا إيه الفرق بينا وبينهم؟ ﴿وَتَرْجُونَ مِنَ اللَّهِ مَا لَا يَرْجُونَ﴾ [النساء: 104].
الخطورة أن إنسان يسير في هذا الطريق حتى يصل في منتصف هذا الطريق، منتصف ده الخطورة؛ في ألم وفي بغل وفي تضحية، فيقف في نص الطريق يبص وراه تلاقيه مش عارف يرجع، تحس أن في في أذى في ألم في الطريق، ضحى وطرى، لو فقد المشاعر الدافعة اللي خلته يصل إلى هذا المنتصف الطريق، ممكن ممكن ينتكس، ممكن يصبر لأن الطريق واعر، حفت الجنة بالمكاره. النبي صلى الله عليه وسلم أيوه، طريق الجنة في مكاره، فهو قاعد في منتصف المكاره، فجأة ابتعد عن الوحي، ابتعد عن زاد الإيمان، ابتعد عن الدروس، ابتعد عن البيئة، من ابتعد عن الوعي، ابتعد عن المشاعر اللي كانت بتثبته في هذا الطريق، انشغل بالدنيا.
فهيبدأ يقول إيه ده؟ أغنية إيه اللي جاب منين؟ أنا إيه اللي جابني وسط المكاره دي كلها؟ ده الطريق التاني حفت النار بالإيه مش بنطلونين تاني مليان شهوات، طب ما هروح الطريق التاني! يبقى إذا أن يحصل أحياناً لبعض الناس إشكالية في منتصف الطريق وارد، وربنا قال أن في بعض الناس حصل لهم كده، وللأسف اختاروا الوقوع، وأن المؤمنين هم اللي هيعاتبوهم، هيقولوا لهم يوم القيامة: ﴿وَلَكِنَّكُمْ فَتَنتُمْ أَنفُسَكُمْ وَتَرَبَّصْتُمْ وَارْتَبْتُمْ وَغَرَّتْكُمُ الأَمَانِيُّ حَتَّى جَاءَ أَمْرُ اللَّهِ وَغَرَّكُم بِاللَّهِ الْغَرُورُ﴾ [الحديد: 14]. أيوه، دول هيتلوا كده لو سقطوا والعياذ بالله، هيتقال لهم كده أنتم.
فإذا أن أنا أول لما أسقط، بذلك هنا من روعة القرآن أنه جاب لك أول علامة خطرة في حياتك لازم تلحق نفسك؛ من رحمة ربنا سبحانه أنه جعل حرارة الجسم ترتفع عند حدوث أي مشكلة في الجسد؛ عشان الإنسان يجري ويبحث عن علاج. شعورك بالالم دلالة أن في شيء غلط في جسمك، شعورك بحرارة الجسد أن دي علامة ربنا عطاها أنك محتاج تتحرك. شعورك قلبك باتجاه الدنيا ونفوره عن الدار الآخرة، وبعد عن صلاة الجماعة، وبعد عن بيئات الإيمان، ونفور من سماع الوعظ، ده في مشكلة، الحق نفسك! مش الحل أنك تتعايش؛ مش هتعرف تتعايش. في مزاحمات بتحصل جوة قلبك؛ معاني الإيمان بتزق معاني النفاق، ومعاني النفاق لو قويت بتزق معاني الإيد. هنا الخطورة.
في سورة المنافقين، سورة المنافقون في آخر السورة خطاب لاهل الإيمان: أحذروا من الوقوع في هذا المستنقع. أول سلمة بتقع أن تنشغل، أن تقوم سورة الجمعة: ﴿وَإِذَا رَأَوْا تِجَارَةً أَوْ لَهْوًا انفَضُّوا إِلَيْهَا﴾ [الجمعة: 11]، دي علامات أنك أنت خد بالك ماشي في طريق خطر، فما تتهمش الطريق. يعني لما لما نسمع حديث أول ثلاثة تسعر بهم النار، منهم مجاهد؛ يبقى خلاص ما حدش يجاهد، والتاني عالج؛ يبقى ما حدش يطلب العلم، والتالت قرأ قرآن؛ وما حدش يقرأ قرآن نخش النار! أول ثلاثة بسرعة بهم النار مجاهد وقارئ للقرآن وعالم أو منفق، لا يا عم، ده بيقول لك الجهاد ده طلع والجهاد والعلم والقناة طلع بيدخلوه النار.
هو ده بالضبط بيقول لك أن بما أن في بعض الناس بتنتكس؛ يبقى لحنك ما تمشيش في الطريق! يعني إزاي؟ يعني أحياناً الباطل في قمة الوضوح، لكن عشان بيدخل من شهوات النفس بيتغلب كده وبيتزيأ بشيء موافق للنفس والهوى، فالإنسان بيدخله لأنه موافق لهوى. يا أيها الذين (طبعا واحد بيعتذر أنه يدرس مجلس القرآن بذكر).
الفيلم السيء ده أقل من إن إحنا نتكلم عنه، لكن لأسف إحنا بنتكلم عنه. ﴿يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَنْ ذِكْرِ اللَّهِ وَمَنْ يَفْعَلْ ذَلِكَ فَأُولَئِكَ هُمُ الْخَاسِرُونَ﴾ [المنافقون: 9]. خسارة؛ لأنه كان معه حاجة وخسرها وضيعها، معه الإيمان وضيعَه. مصطلحات التجارة والبيع والشراء والخسارة تتكرر في القرآن؛ مش إنسان يشعر بقيمة ما كان معه. ﴿وَأَنْفِقُوا مِنْ مَا رَزَقْنَاكُمْ﴾ [المنافقون: 10]، الحل إنك تبذل ﴿مِنْ قَبْلِ أَنْ يَأْتِيَ أَحَدَكُمُ الْمَوْتُ فَيَقُولَ رَبِّ لَوْلَا أَخَّرْتَنِي إِلَى أَجَلٍ قَرِيبٍ فَأَصَّدَّقَ وَأَكُنْ مِنَ الصَّالِحِينَ﴾ [المنافقون: 10].
أظن أثر مروي عن العباس أنه لو كان رأى خيراً ما تمنى الرجعة، هو أكيد لما تمنى الرجعة كده شاف بدايات عذابه ويقول: ﴿رَبِّ لَوْلَا أَخَّرْتَنِي إِلَى أَجَلٍ قَرِيبٍ فَأَصَّدَّقَ وَأَكُنْ مِنَ الصَّالِحِينَ﴾، وكلُّه إنفاق. والآية كانت قبلها: ﴿لَا تُنْفِقُوا عَلَى مَنْ عِنْدَ رَسُولِ اللَّهِ﴾ [المنافقون: 7]، وصدق وأكن من الصالحين؛ يا رب رجعني وأنا هبقى إنسان صالح. يعني دلوقتي عارف إزاي تبقى إنسان صالح؟ عرفت إنت كانت مشكلتك فين؟ عرفت إيه اللي وقعك؟ عرفت إنك إنت كنت محتاج تتصدق، وعرفت إنك كنت محتاج تسير على طريق الصلاح.
يعني زي فرعون يشوف العصا، ويشوف الآيات، ويشوف اليد، ويشوف فرق البحر، كل ده يشوفه ولا يوم؛ أول لما ييجي يموت وخلاص يشوف ملك الموت: آمنت! يعني إنت عارف الحق من الباطل، لكن إنت كنت تتبع الهوى. ﴿رَبِّ لَوْلَا أَخَّرْتَنِي إِلَى أَجَلٍ قَرِيبٍ فَأَصَّدَّقَ وَأَكُنْ مِنَ الصَّالِحِينَ * وَلَنْ يُؤَخِّرَ اللَّهُ نَفْساً إِذَا جَاءَ أَجَلُهَا﴾ [المنافقون: 10-11].
خلي ده الشعار اللي تطلع به النهاردة، كل ما تيجي تتأخر وتتردد إن التردد من صفات المنافقين. كل ما تيجي تتردد في طاعة اقرأ الآية ديت؛ إن قد لا تؤجل حتى تأتيك فرصة أخرى، ﴿وَلَنْ يُؤَخِّرَ اللَّهُ نَفْساً إِذَا جَاءَ أَجَلُهَا وَاللَّهُ خَبِيرٌ بِمَا تَعْمَلُونَ﴾ [المنافقون: 11]. والنفاق في القلب وصفه خبير: ﴿وَاللَّهُ خَبِيرٌ بِمَا تَعْمَلُونَ﴾.
أسأل الله عز وجل أن يطهر قلوبنا من النفاق، وأن يجعل قلوبنا خالصة لوجهه سبحانه وتعالى. أقول قولي هذا واستغفر الله لي ولكم. سبحانك اللهم وبحمدك، أشهد أن لا إله إلا أنت، أستغفرك وأتوب إليك، وجزاكم الله خيراً.