د. أحمد عبد المنعمنكمل بإذن الله عز وجل في تفسير سورة الأنعام. توقفنا عند قول الله عز وجل: ﴿قُلْ هُوَ الْقَادِرُ عَلَى أَن يَفْعَلَ عَلَيْكُمْ عَذَابًا مِّن فَوْقِكُمْ أَوْ مِنْ تَحْتِ أَرْجُلِكُمْ أَوْ يَلْبِسَكُمْ شِيَعًا وَيُذِيقَ بَعْضَكُم بَأْسَ بَعْضٍ انْظُرْ كَيْفَ نُصَرِّفُ الْآيَاتِ لَعَلَّهُمْ يَفْقَهُونَ * وَكَذَّبَ بِهِ قَوْمُكَ وَهُوَ الْحَقُّ قُلْ لَسْتُ عَلَيْكُمْ بِوَكِيلٍ﴾ [الأنعام: 65-66].
توقفنا تحديداً عند قول الله عز وجل: أو يلبسكم شيعا ويذيق بعضكم بأس بعض. وقلنا القرآن هنا في هذه الآيات يبين أن الإنسان ليس بعيداً عن قدرة الله عز وجل، والمعنى ده لو سيطر على الإنسان قطعا سيتوب ويعود إلى الله عز وجل. اتكلمنا قبل كده في مسألة الجن أن أكتر معنى خلاهم يسلموا: ﴿وَأَنَّا ظَنَنَّا أَنْ لَنْ نُعْجِزَ اللَّهَ فِي الْأَرْضِ وَلَنْ نُعْجِزَهُ﴾ [الجن: 12]. لما أيقن أنه لن يعجز الله في الأرض هروباً، فأيقن وصدق وآمن.
فهنا يستمر أسلوب الضغط على الفطرة، وزي ما قلنا القرآن اللي نزل القرآن هو الله كلام الله، واللي خلق الإنسان هو الله عز وجل؛ فالله يعلم نقاط الضعف في الإنسان. سورة الأنعام بتضغط على هذه النقاط ضعف؛ لذلك آخر سورة سبأ لسه كنا في صلاة العشاء بنسمعها، آخر سورة سبأ قال عز وجل: ﴿قُلْ إِنَّ رَبِّي يَقْذِفُ بِالْحَقِّ عَلَّامُ الْغُيُوبِ * قُلْ جَاءَ الْحَقُّ وَمَا يُبْدِئُ الْبَاطِلُ وَمَا يُعِيدُ * قُلْ إِنْ ضَلَلْتُ فَإِنَّمَا أَضِلُّ عَلَى نَفْسِي وَإِنِ اهْتَدَيْتُ فَبِمَا يُوحِي إِلَيَّ رَبِّي﴾ [سبأ: 48-50].
السورة اللي بعدها على طول تبدأ سورة فاطر: ﴿الْحَمْدُ لِلَّهِ فَاطِرِ السَّمَاوَاتِ وَالْأَرْضِ جَاعِلِ الْمَلَائِكَةِ رُسُلًا﴾ [فاطر: 1]. قضية الفطرة، فمهما بذلوا أموالهم هتظل الفطرة موجودة. فلما يأتي الحق: ﴿قُلْ إِنَّ رَبِّي يَقْذِفُ بِالْحَقِّ عَلَّامُ الْغُيُوبِ﴾ [سبأ: 48]. لما بيجي الحق بيوافق فطرة الإنسان اللي يريد أنه يهتدي. يعني مهما بنى أهل الباطل من أكوام من الذنوب والأغاني والأفلام والمسلسلات والشبهات والشهوات، أكوام أسوار على قلب الإنسان؛ بييجي الحق، قذيفة الحق بتهدم كل ده.
لذلك أحيانا الباطل يتجننوا، والشيطان يتجنن؛ يعني ممكن شاب الشيطان بذل معه كل الأساليب وخلاه يعمل كل المعاصي، ويجي في الآخر آية تهدوا عشرين سنة من الشهوات والشبهات، قذيفة الحق قوية. فقلنا في سورة الأنعام الضغط على الضعف اللي داخل الإنسان بيخليه ينكسر لله عز وجل: ﴿قُلْ هُوَ الْقَادِرُ﴾ [الأنعام: 65] سبحانه وتعالى على أن يبعث عليكم عذابا.
قلنا عليكم فيها إحاطة، والعذاب من فوق أو من تحت، إحاطة للإنسان زي قول الله عز وجل بتاع صاحب الجنتين: ﴿وَأُحِيطَ بِثَمَرِهِ﴾ [الكهف: 42]. لما يحس إن أحاط قال إيه؟ ﴿يَا لَيْتَنِي لَمْ أُشْرِكْ بِرَبِّي أَحَدًا﴾ [الكهف: 42]. لما أحاط به الندم زي فرعون كده، قال: ﴿آمَنتُ أَنَّهُ لَا إِلَهَ إِلَّا الذي آمَنَتْ بِهِ بَنُو إِسْرَائِيلَ وَأَنَا مِنَ الْمُسْلِمِينَ﴾ [يونس: 90]. ﴿قُلْ هُوَ الْقَادِرُ عَلَى أَنْ يَبْعَثَ عَلَيْكُمْ عَذَابًا مِنْ فَوْقِكُمْ أَوْ مِنْ تَحْتِ أَرْجُلِكُمْ أَوْ يَلْبِسَكُمْ شِيَعًا﴾ [الأنعام: 65].
قلنا مهما بلغ الإنسان من تقدم وبقى عنده، يقول لك لأ ده أنا ممكن عندي تقدم أمنع العذاب لو نزل علي من فوق؛ يعني لو نزلت علي صاعقة أنا هاوصل للتقدم الدنيوي أن أنا أبني قبة سماوية في العالم كله تمنع نزول الصواعق، أو من تحت أرجلكم أنا هقدر أبني مباني قوية وجبال تثبت الأرض الزلازل ما تأثرش فيها. هو بفرض إن هو هيعتقد كده، فربنا بيقول له أنا ممكن آتيك من قلبك: ﴿أَوْ يَلْبِسَكُمْ شِيَعًا وَيُذِيقَ بَعْضَكُم بَأْسَ بَعْضٍ﴾ [الأنعام: 65].
يلبسكم شيعا هنتكلم عنها بقى بالتفصيل، وده موضوع اللقاء بتاع النهارده: أن هيفرق بين قلوبكم. فاتاهم الله من حيث لم يحتسبوا وقذف في قلوبهم الرعب. يبقى مهما لما ظنوا أنهم منعتوهم حصونهم من الله، المؤمنون ظنوا ما ظننتم أن يخرجوا، المؤمنون ظنوا أنهم مش هيقدروا، واليهود ظنوا أنهم منعتهم حصونهم من الله. العذاب جه منين؟ جه من القلب، لا الموضوع حصون، ولا حصون هتتهد ولا أي حاجة، دي من شيء لا يتوقعه أبدا؛ فاتاهم الله من حيث لم يحتسبوا وقذف في قلوبهم الرعب.
فهنا: ﴿أَوْ يَلْبِسَكُمْ شِيَعًا وَيُذِيقَ بَعْضَكُم بَأْسَ بَعْضٍ﴾ [الأنعام: 65]. طيب، الوقفة الأولى مع هذه الكلمة بتاعت يلبسكم شيعا ويذيق بعضكم بأس بعض؛ أغلب التفاسير بتذكر الحديث المشهور للنبي صلى الله عليه وسلم، أنه لما قرأت هذه الآية: ﴿أو يبعث عليكم عذابا من فوقكم﴾ قال النبي صلى الله عليه وسلم: «أعوذ بوجهك»، أو من تحت أرجلكم قال رسول الله صلى الله عليه وسلم: «أعوذ بوجهك»، أو يلبسكم شيعا ويذيق بعضكم بأس بعض، قال النبي صلى الله عليه وسلم: «هذه أهون، هذه أهون». بيذكروا الحديث دوت، حديث صحيح.
وأحاديث أخرى تانية صحيحة؛ النبي صلى الله عليه وسلم في أحاديث بروايات كَسيرة جداً جداً جداً، يعني روايتها كتير ومسلم والترمذي وأبو داود ومسند أحمد وغيرها، أن النبي صلى الله عليه وسلم صلى صلاة طويلة، صلاة رغب ورهب؛ صلى النبي صلى الله عليه وسلم ركعتين صلاة طويلة، فقالوا يا رسول الله صليت صلاة لم تكن تصلي مثلها بطولها! قال: إنها صلاة رغب ورهب، كان في حاجة عايز أدعي فيها ربنا فصليتها ركعتين طوال الأول.
فسألت ربي ثلاثاً: ألا يسلط علي هذه الأمة عدوا من خارجها يستبيح بيضتها فأعطانيها، وسألت ربي ألا يهلك الأمة بسنة عامة ما فيش عذاب عام فأعطانيها، وسألت ربي ألا يجعل بأسهم بينهم شديدا فمنع عني بروايات كتير هنتكلم فيها. الشاهد بيذكره والأحاديث دي كلها، ومعنى سواء الحديث الأول برواياته: أعوذ بوجهك، أو الحديث التاني بتاع: سألت ربي ثلاثاً، دلوقتي ده كده معنى كده أن الآية دي في المسلمين؟ النبي صلى الله عليه وسلم قال: أعوذ بوجهك لأمتي، في حين السياق للكفار! معي؟ دي أول وقفة في الآية، إيه الجمع؟
في الإمام الطبري، واليوم الطبري هو شيخ المفسرين، والإمام الطبري له معزة بصراحة كبيرة جداً في صدري، ولا يعلم قدر الطبري إلا من تعمق في فهم كلام الإمام الطبري. لذلك الدكتور مساعد الطيار ربنا يحفظه كان سئل سؤالاً دقيقاً وأجاب إجابة عميقة بالرغم من بساطتها واختصارها؛ سئل: قالوا له لو أنت هتطلع تفسر آية ومطلوب منك أنك تقرأ ثلاث كتب بس، وأنت عايز تحيط بالآية وتتكلم فيها، اختار ثلاث كتب بس!
طبعاً بالنسبة للعلماء، بحث الدكتور مساعد وهو قدامه مئات التفاسير وكتب اللغة، فاختيار صعب أنك تقول لي ثلاثة بس بص فيهم! شيخ الإسلام ابن تيمية بيقول: إني لأقرأ في الآية الواحدة مائة تفسير فاقوم ولا أقضي وطني منه، فأمرغ وجهي في التراب وأقول: يا معلم إبراهيم علمني، يا مفهم سليمان فهمني؛ فيفتح الله علي ما لم يفتح لي من قبل. خدت بالك من إني لأقرأ في الآية الواحدة إيه؟ نجم الحتة اللي عدت ديت، إحنا بنيجي عند: يا معلم إبراهيم علمني، يا مفهم سليمان فهمني؟ قال لها: ما بيفتحش ليه؟ ما هو لأن أنت ما بذلتش في الأول.
الشاهد فالدكتور مساعد قال: هقرأ تفسير الطبري، وأقرأ تفسير ابن عاشور، وأقرأ المفردات للراغب الأصفهاني؛ كتاب يحيط بالآثار بيجمع بينها، كتاب متميز في اللغة وتراكيب اللغة، كتاب في مفردات الألفاظ. الشاهد فالامام الطبري جمع السياق سياق المشركين، وكأن النبي صلى الله عليه وسلم لما نزلت عليه هذه الآيات خاف أن تصيب أمته ما أصاب الأمم من قبل.
وأيقن النبي صلى الله عليه وسلم زي الحسن البصري بيقول في رواية عنه ذكرها الطبري، أن لما النبي صلى الله عليه وسلم عرف: عذَاباً مِنْ فَوْقِكُمْ أَوْ مِنْ تَحْتِ أَرْجُلِكُمْ فقيل له: هذه لأمة أعرضت كلها، أعرضت كل الأمة عن كتاب ربها. يبقى لما كل الأمة تعرض عن الكتاب ينزل عليها عذاب عام من فوقهم أو من تحت أرجلهم.
فلما قال: أو يلبسكم شيعا، قيل: هذه لأمة كذبت ببعض الكتاب أو أنكرت بعض الكتاب، اللي هي أمة النبي صلى الله عليه وسلم؛ مش المقصود كذبت يعني ردت، يعني ما طبقتش، يعني أمة تعمل بالمعاصي يجي عليها أو يلبسكم... أمة كفرت كلها وامة كفرت كلها بييجي عليها عذابا من فوقكم أو من تحت أرجلكم.
فالنبي صلى الله عليه وسلم أيقن أن هينال أمته جزء من ده فقام دعا ربنا؛ لذلك المفسرين بيذكروا ده في سياق إيه؟ بالرغم أن السياق للمشركين، لكن ده، ودي نقطة مهمة في التفسير، أن كتير من الآيات اللي بتتكلم عن اليهود أو النصارى أو المشركين بعذاب دنيوي أو أخروي، قد يكون للمؤمن العاصي منها نصيب إذا تلبس بهذه المعصية، لكن لا يخلد في النار.
وذلك منهج فقه إسقاط آيات الكفار -حتى اللي نزلت في الكفار- على المؤمنين، مش المقصود أنك تكفره، لا المقصود أنها نزلت للترهيب. يعني النبي صلى الله عليه وسلم قال: «لتتبعن سنن من كان قبلكم». لذلك كان أذكر حذيفة أو ابن مسعود لما كان يشوف آيات مثلاً هتيجي في بني إسرائيل فيجي يقولها لبعض المسلمين، فيقولوا: دي مش لنا لبني إسرائيل! فيقول: وبئست الأخوة هذه، أتكون المذمة لهم وتكون ممدحة لكم! يعني أنت عايز تيجي الآيات الحلوة اللي بني إسرائيل: أنعمنا عليكم ونجيناكم، تقول آه ربنا ينجينا يا رب زي ما نجيت بني إسرائيل، والآيات اللي فيها ذنب من بني إسرائيل: لا دي أصل دي... يعني أنت عايز آية النجاة يا رب زي ما نجيت بني إسرائيل فرعون نجينا من فرعون، طب ما زي ما عاقبت بني إسرائيل بالتدليس والتحريف في الشريعة، هيعاقب اللي هيدلس ويحرف في الشريعة! ما هي بئست الأخوة! أنت عايز تاخد... يعني أنتم هي اليوم كله كده النهارده ربنا يستر، هي الآن ربنا يستر.
المهم، السياق الآيات هو أساساً في المشركين، لكن لو المسلمون ببعض هذه المعاصي ينالون هذا العقاب؛ لذلك لما ربنا يقول في سورة البقرة: ﴿أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ فَمَا جَزَاءُ مَنْ يَفْعَلُ ذَلِكَ مِنْكُمْ إِلَّا خِزْيٌ﴾ [البقرة: 85]. الخطاب لبني إسرائيل، لو أمة الإسلام آمنت ببعض الكتاب وكفرت ببعض هيصيبها في الدنيا خزي، نفس نفس العقاب الخزي ده، هو ده بيصيب المفرقين في الدين؛ يبقى هيصيب المفرقين في الدين أياً كان هو، ما بين اللي معتقد أنه بمجرد أنه بقى مسلم خد صك أنه لن يعاقب ولن يزل ولن يعذب لا أبدا ولن يبتلى، ده واهم؛ هذه الأمة سوف تبتلى.
طيب، يبقى ده المعنى الأول وربط ما بين ازاي المفسرين بيجيبوا الأحاديث برغم أن الأحاديث دي في المسلمين والسياق سياق كفار، ومحاولة من كلام مفسري السلف نقل عنهم الطبري في معنى الآية قال: ﴿أَوْ يَلْبِسَكُمْ شِيَعًا وَيُذِيقَ بَعْضَكُم بَأْسَ بَعْضٍ﴾ [الأنعام: 65]؟ قال: هذه الأهواء والفرق والاختلافات والدماء التي بيننا الآن. هم بيقولوا كده، هذه الأهواء والفرق والاختلافات والدماء التي الكلام ده إذن كان مية وشوية هجرية، نفس إيه؟ يبقى ده عقاب يصيب الله عز وجل به العباد: أو يلبسكم شيعا.
﴿وَاتَّقُوا فِتْنَةً لَا تُصِيبَنَّ الَّذِينَ ظَلَمُوا مِنْكُمْ خَاصَّةً﴾ [الأنفال: 25]. كتير من الصحابة أسقط الفتنة دي على الفتنة اللي وقعت بين الصحابة، قالوا: وما وقع تأويل هذه الآية إلا بعد موت رسول الله صلى الله عليه وسلم، واقع التأويل يعني ايه؟ يعني حدثت كأن المآل وقع. ماشي؟ الطبري أنا معي كان له آثار جميلة بصراحة، زي ما قلت لكم: أو يلبسها شيعا، قيل أقوال منها كتير: ما كان فيكم من الفتن والاختلاف. ابن زيد بيقول: الذي فيه الناس اليوم من الاختلاف والأهواء وسفك الدماء، ده الإمام إيه؟ ابن زيد، وذكر الروايات الكثيرة إن شاء الله أن ممكن ربنا يستر ونتكلم عنها.
الشاهد، تعالوا بقى نشوف ترتيب الآية كده: أو يلبسكم شيعا ويذيق بعضكم بأس بعض؛ النتيجة النهائية اللي احنا بنبص عليها وبنزعل منها، أن في اختلافات بين المسلمين وبيقطعوا بعض وبيشتموا في بعض وبيضربوا في بعض: ازاي الجماعة الفلانية المسلمة بتشتم في الجماعة الفلانية المسلمة؟ ازاي المسلمين دول بيشتموا في المسلمين دول؟ ازاي الدولة الإسلامية دي بتشتم في الدولة الإسلامية دي؟ ازاي بأس بعضنا احنا بنذيق البعض؟
لذلك لما حديث في إحدى رواياته متهيأ لي اللي في الصحيح في صحيح مسلم: لما النبي صلى الله عليه وسلم دعا الله عز وجل ألا يهلك الأمة بسنة عامة، فقال الله دي رواية أبو داود فقال الله عز وجل: «يا محمد، إني إذا قضيت قضاء قضاء لا يرد؛ قضيت ألا أهلك أمتك بسنة عامة، وقضيت ألا أسلّط عليها عدوا من غيرها يستبيح بيضتهم، ولكن حتى يقتل بعضهم بعضا ويسفك بعضهم...».
طبعاً هم اللي هيميلوا كده في بعض، وكأن أنا مش خايف من عدو خارجي ييجي علينا يهلكنا، ده مش دي مش من المخاوف، ومش خايف أن يحصل صاعقة تزيل كل المسلمين من الأرض، أنا مش خايف من دي. يعني واحد لما يقعد يفكر كده، أنت دلوقتي مستضعفين بمعادلات الأسباب الحسابية والأرضية، مش ممكن إن الشرق يحط إيد في إيد الغرب بما معه من قنابل نووية وذرية وهيدروجينية وينسفوا العالم الإسلامي ده؟ يعني يطلعوا إسرائيل بره وبعدين ينسفوا العالم الإسلامي ده وبعدين يحتلوه، مش ده معادلة ممكنة، يعني ده مش ده وارد؟
لذلك قال: لأ ده مش هيحصل، حتى لو الأسباب الأرضية، النسف التام مش هيحصل، الاستباحة التامة لكله مش هيحصل.
حتى يقتل بعضهم بعضًا. يعني أنا مش خايف من أمريكا والصين، ولا خايف من الصواعق والزلازل، لكن خايف من مين؟ خايف منكم، خايف مننا، خايف من بعضنا. دي أكبر مصيبة تسلط على الإسلام. لذلك لما النبي صلى الله عليه وسلم قال: «أهون»، بعض مفسري السلف قال: ولو استعاذ الله عز وجل منها لأعاذه، فكأن النبي صلى الله عليه وسلم استعاذ منها لما عرف خطورتها وأيقن بخطورتها. فمن عاه الله عز وجل؟ لأن ده قدر حتى لو كان استعاذوا منه مش هيحصل، حتى في ناس ردت على اللي قال كده من السلف أن لا، النبي صلى الله عليه وسلم استعاذ في روايات ثابتة أنه استعاذ، لكن الله عز وجل لم يجبه؛ لأن ده قدر.
طيب، إزاي نوصل لمرحلة: «ويذيق بعضكم بأس بعض»؟ شف المسلسل بيوصل إزاي للنهاية؟ إحنا دائمًا نبص على المشهد النهائي، وبنستعجب أصلًا لما تيجي يعني الإسقاطات النهاردة كتير على كل المستويات، سواء على الجامعات أو على الدول الإسلامية. لكن المنظر المضحك الواحد بيقعد يتفرج عليه، منظر فعلا مضحك.
أنا عايزك تفتح الخريطة كده، خريطة العالم الإسلامي، وتلاقي نقطة كده في النص اسمها إسرائيل وسط العالم الإسلامي؛ يعني جنب سوريا والأردن وتركيا ومصر والسعودية والجزائر والمغرب وتونس والصومال والسودان وآسيا.
إزاي ديت البتاعة اللي قد كداهو في النص، وسايبينهم؟ فلو واحد جاي من المريخ مثلاً هيسأل: هم دول كلهم مسلمين؟ أه. وكل دول بيعاهدوا اليهود؟ أه. يعني كل دول بيتدينوا لله بعداوة الثلة دول، القلة دول؟ أه.
طب وسايبينهم وسطهم إزاي؟ إزاي؟ إزاي دي؟ ده لو يعني لو بصقوا كل، لو جمعوا بصقة من كل مسلم على وجه الأرض وجمعوها في براميل، هيغرقوا بها إسرائيل. هل الفكرة دي معقولة ما جتفتش في دماغ حد إنه، لكن أيًا كانت الوسيلة، لكن هي التفريق ده، الاختلاف ده. لذلك لما ربنا يقول: ﴿وَيُذِيقَ بَعْضَكُم بَأْسَ بَعْضٍ﴾، كل واحد فينا عنده بأس، البأس لابد أن يوجه فيما يريده الله. كل واحد فينا عنده مشاعر حب وغضب.
النبي صلى الله عليه وسلم بيقول: «من أحب لله وأبغض لله». اللي يوجه بغضه لخلاف الشرع، بدل ما يوجه بغضه للكافر المحارب، بدأ يوجه بغضه للمسلم؛ بدل ما يوجه بأسه للكافر المحارب، بدأ يوجه بأسه للمسلم بالقول. الله عز وجل: ﴿ثُمَّ صَرَفَكُمْ عَنْهُمْ لِيَبْتَلِيَكُمْ ۗ وَلَقَدْ صَدَقَكُمُ اللَّهُ وَعْدَهُ إِذْ تَحُسُّونَهُم بِإِذْنِهِ ۖ حَتَّىٰ إِذَا فَشِلْتُمْ وَتَنَازَعْتُمْ فِي الْأَمْرِ وَعَصَيتُم مِّن بَعْدِ مَا أَرَاكُم مَّا تُحِبُّونَ ۚ مِنكُم مَّن يُرِيدُ الدُّنْيَا وَمِنكُم مَّن يُرِيدُ الْآخِرَةَ ثُمَّ صَرَفَكُمْ عَنْهُمْ﴾ [آل عمران: 152-153].
كنتم ماشيين صح ضد المشركين، لفيتوا ورجعتم اتخانقتوا مع بعض. يبقى إزاي هي دي الهزيمة؟ حتى إذا فشلتم تنازعتم، الوجهة الصحيحة صرفت عنه. لذلك لما جه واحد قاعد بيغتاب في أخوه المسلم فسمعه أحد السلف، قال له: أجاهدت الروم؟ قال له: لا. قال له: جاهدت الفرس؟ قال له: لا. قال له: يعني سلم منك الروم والفُرس، وأخوك اللي جنبك مثلاً؟ يعني أنت عامل فيها طب يا أخى وجه بأسك أنهي حل. لذلك كل إنسان منا جوه بأس، لذلك بيقولوا وإن كان أسر ضعاف بعض أهل العلم، لما النبي صلى الله عليه وسلم رأى، أذكر أبو دجانة، أبا دجانة يمشي بسيف يختال في المعركة، فيروى عن النبي صلى الله عليه وسلم أنه قال: «هذه مشية يبغضها الله ورسوله»، إلا في هذا الموقف. إحنا بنمشي المشية دي مع المسلمين، يعني المفروض هذه المشية تكون مع الكافر المحارب.
هذا الغضب يكون مع الكافر المحارب، بأسك هذا يوجه الناحية التانية. أنت لفيت البأس بتاعك ووجهته للمسلمين. لذلك يقولوا من أسباب الفتنة في سيدنا عثمان: سيدنا عثمان حكم اتناشر سنة، تولى الخلافة اتناشر سنة، أول ستة كانت الفتوحات ماشية كده، أول ست سنين. بعد أول ست سنين توقفت الفتوحات، الناس دي ما تربتش، بدأ الرجوع يبقى كده، بدأ الجسم الإسلامي يتآكل؛ زي الأمراض اللي بقala فترة بتنتشر اللي بيسموها إن الجسم بياكل نفسه، بيحارب نفسه، لما الجسم يعادي نفسه، دي أخطر حاجة في الأمراض دلوقتي. زي حاجة بقى قريبة من الإيدز كده، متخيل لما الجسم يعادي نفسك؟
فالنبي صلى الله عليه وسلم قال كده: «المؤمن للمؤمن كالبنيه يشد بعضه بعضًا». تخيل لما الجسد، تخيل لما الإيد تلطش الوش بالقلم، والرجل الشمال تقول الرجل اليمين: مش ماشية. تخيل، يعني أنا عايزك تخيل، والإيد نفسها تعمل حاجة ورجلي تقول لها: مش هكمل معك، والإيد محتاجة إيدها التانية تقول لها: لأ. هو ده اللي بيحصل بيننا وبين بعض الآن.
بأسنا وجهناه لبعض. إزاي بنوصل للمرحلة دي؟ أول مرحلة: مرحلة اللبس؛ أو «يلبسكم شيعا». اللبس والخلط أن تختلط علينا الأمور، القواعد الصحيحة بتاعة الشرع ما تبقاش منضبطة، ما بقاش عارف مين عدوي من حبيبي، الدنيا تتلبس. يعني هديكم مثل: أشهر طائفة عملت كده وأذاقت المسلمين بأسها من أول ما الإسلام، هي طائفة الخوارج، هي اللي خرجت قتلت في الأمة برها وفاجرها، أكثر طائفة من البداية خرجت أذاقت الأمة بأسها، بالرغم من أنها على قول أكثر أهل العلم أنهم مش كفار، يعني الخوارج خرجوا على المسلمين، كان عندهم لبس. الإشكالية كان في لبس في الفهم، قالوا: إزاي علي رضي الله عنه يحكم الرجال؟ وليحكم الرجال ده كفر. أيًا كان الحديث طويل. لذلك كان الحل معهم ابن عباس؛ خرج لهم أزال هذا اللبس ورجع منهم ألفين واحد.
فالحل رقم واحد لما نذكر في الحلول الإشكالية أنك تزيل اللبس. الأول بيحصل لبس: أن ييجي واحد بفكرة جديدة، يلبس على الناس دينه. اللبس ده يا جماعة خلط الأمور. يعني أنا ما عدتش هديكم مثل للبس؛ لما أشيع مقتل النبي صلى الله عليه وسلم في غزوة أحد وانتشر، وبعض المسلمين ألقى السلاح، وفي بعض الروايات أن ضعاف الإيمان أو المنافقين الموجودين في غزوة أحد مش كلهم رجعوا قالوا إيه: علام نقاتل آباءنا وأبناءنا وإخواننا؟
تخيل الكلمة، شوفي الموازين بتنقلب، ممكن يبقى واحد جنبه: آه صحيح ده المشركين دول ده أبويا وأخويا. تخيل بقى المشهد بقى لو كان، ما كانش فيه مسلمين ثبتوا بقى، تخيل بقى المشهد اللي ممكن يحصل، واحد يقول: آه صحيح، والتاني يقول: إيه ده؟ ده فعلا طلعوا أبانا. يقوم بقى رامي السيف وحاضنه ومعيط بقى، والموضوع يقلب. الله! هو الموضوع قلب فجأة كده إزاي؟ ده لبس حصل في الأمور. طب ما هو كان أبوك وأخوك من قبل، لكن كان عندك قواعد شرعية، معايير شرعية أخرى غير دي: ﴿قُلْ إِن كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُوا حَتَّىٰ يَأْتِيَ اللَّهُ بِأَمْرِهِ﴾ [التوبة: 24].
طب ما هو من الأول أنت عارف أن أبوك، لكن في معيار فوق ده. فيحصل لبس. لما يحصل لبس في المفاهيم وناس يضحك عليها وشباب يضحك عليها، يتشيعوا للفكر زي ما حصل لبس عند الشيعة ولبسة عند الخوارج، فتعصبوا لها وتشيعوا لها، فبعد ما تشيعوا لها لقوا مخالفين فموتوهم: ﴿وَيُذِيقَ بَعْضَكُم بَأْسَ بَعْضٍ﴾. ده التسلسل اللي بيحصل: أن واحد يقتنع بفكرة، الفكرة دي فيها لبس في الدين، مش فكرة كاملة الدين، يقوم ناسي يتبعه، يتشيعوا له، يقوم يحاربوا بقية المسلمين ويذيقوا بعضكم. ده بتبدأ أن في لبس من الأمور.
طب اللبس ده ربنا بيقول إيه؟ نسب لمين اللبس هنا؟ مين اللي بيقدره؟ الله عز وجل. طب هو معقول! الله عز وجل يلبس على الناس أو «يلبسكم شيعا»؟ ربنا في نفس السورة، في أول السورة بيقول: إن ربنا سبحانه وتعالى لم يرد أن ينزل الرسول ملكًا في صورة بشر عشان، ولا لبسنا عليهم ما يلبسون. لو كان ربنا عمل كده، كان لبس على الناس دينهم. فالله عز وجل لم يفعل ذلك لأجل ألا يلبس على الناس دينهم، ولئلا يعطي فرصة للملبسين على الناس.
أمال ده إزاي يحصل؟ دي بتبقى عقوبة، هم عملوا حاجة المسلمين عملوا حاجة فكانت العقوبة أن نتلبس عليهم الأمر. كيف يحدث هذا التركي؟ طبعا مبحث الخلاف بين المسلمين ده مبحث ضخم، إحنا هنحاول يعني ناخد منه فوائد. كيف يحدث هذا مثلاً؟ متى يتخذ الناس رؤوسًا جهالاً؟ نوصل لما قال: إمتى ده يحصل؟ عند موت العلماء. طب لما العلماء يبقوا موجودين بس يتموتون، هو ما ماتش بس هو ما بيتكلمش، ما هو هيحصل لبس، هيتاخدوا إيه؟ تاخدوا رؤوسًا ضلالاً. لذلك أنا معي الرواية من أجمع الروايات بتاعة «سألت ربي السلام»، إذا حديث في أبي داود هجيب لكم فيه تكملة إزاي بيحصل نفس التسلسل ده. الشاهد: عدم التوضيح الكامل للدين يؤدي إلى النفس.
دي بقى تعال نشوف كده أسباب يحصل لبس على المسلمين: رقم واحد: عدم التوضيح الكامل لديني؛ أن يبقى في توضيح جزئي، ﴿كَمَا أَنزَلْنَا عَلَى الْمُقْتَسِمِينَ * الَّذِينَ جَعَلُوا الْقُرْآنَ عِضِينَ﴾ [الحجر: 90-91]. ودي شرحناها في أواخر سورة الحجر في جلسة كاملة قبل كده في مسألة الطرح الجزئي للدين: ﴿أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ﴾ [البقرة: 85].
الطرح الجزئي للدين يا جماعة ده من أخطر الأشياء اللي يخلي اللي معك يشك في الدين لما تحصل أزمة، واللي برة الدين شايف أن الدين مش هيجيب له حقه. لذلك مثلاً عدم وجود طائفة بتجهر بالحق، تنصر المظلوم، وهي بتحمل لواء الشرع، بيخلي المظلومين يبحثوا عن من يأتي لهم بحقوقهم من غير الشرع. تاني: عدم وجود طائفة شرعية من العلماء بتجهر بالحق وبتدفع عن المظلوم، وبتتكلم وتحكم في دنيا الناس، بيخلي الناس تقول: أنا ما لقيتش الحل بتاع مشكلتي في الدين، أستورده من غير الدين. ويخلي اللي معك يشك في أكثر تنفيرا، ده يؤدي للبس.
التعامل الجزئي مع الدين يؤدي لللبس معي، مما يؤدي للبس على الناس ويحولهم لشيع ويتخانقوا مع بعض ويموتوا في بعض. مش بس التوضيح الجزئي، الإيمان بمبادئ الدين في أوقات وتركها في أوقات، الإيمان بها في أوقات الرخاء والكفر بها في أوقات الفتنة والأزمة.
أو اللعبة بقى، إيه اللعبة بقى إيه؟ توكل على الله، لعبة الجزرة والشريعة. إيه لعبة الجزرة والشريعة دي؟ ما فيش حد لعب اللعبة دي إلا وعوقب، بس ما فيش حد هيلعب بدين ربنا لعبة، أيًا كانت بقى الجزرة دي: شيل الجزرة وحط أي حاجة، حط شرعية، حط دستور، حط أي بقى. لعبة الجزرة والشريعة دي أن أنت لك غرض، فأنت عشان تنال هذه الجزرة تحط جنبها الشريعة! ده بيلبس على الناس الدين، وأنت أول من تعاقب. الله عز وجل عزيز، الله عز وجل عزيز، هذا الدين نزل يناسب السماوات والأرض، اللي هينصر الدين بغير الدين هو يضاد السنن الكونية، كمن يريد أن ينزل المطر من الأرض، هو هيقلب الموازين والمفاهيم. ده يؤدي للبس على الناس.
التوضيح الجزئي، التعامل الجزئي، طرح مبادئ الدين في أوقات الرخاء والحماسية، أفكار الرخاء، والسكوت في أوقات الفتن -أو بلاش نقول سكوت طاقات الفتن- أن ممكن يبقى مذهب بعض العلماء السكوت في أوقات الضيق والأذى. التدثر بالدين لأجل تحقيق قضية معينة تناسب مصلحته، ثم عندما نعبر بها يتخلى عنها، كل اللي بيعمل كده هو بيلبس على الناس الدين، يحولهم شيعًا، يذيق بعضهم بأس بعض.
من أخطر الحاجات واللي موجودة في واقعنا وخلتنا نحصل لبس، فبالتالي نبقى شيعة، فبالتالي نشتم في بعض ونذيق بعض بأس بعض. الله عز وجل خلق الناس، أه، بتقسيمات اجتماعية معينة، زي منهم الأبيض، منهم الأسود، منهم المصري، منهم الأجنبي، منهم الغربي، منهم الأحمر، دي تقسيمات وجعلهم شعوبًا وقبائل. التقسيمات دي عشان التعارف، التقسيمات دي مالهاش دخل في مسألة التقوى، التقسيمات دي أقرب إلى البلاءات، تلاقي واحد قصير، واحد طويل، واحد رفيع، واحد تخين، كل ده ابتلاءات للإنسان.
التنوعات دي زي ما في تنوعات في الشخص، في تنوعات في الأمم، دي للتعارف: ﴿وَجَعَلْنَاكُمْ شُعُوبًا وَقَبَائِلَ لِتَعَارَفُوا﴾ [الحجرات: 13]. ما قالش بقى أحمركم أو أبيضكم أو أسودكم، قال إيه؟ ﴿إِنَّ أَكْرَمَكُمْ عِندَ اللَّهِ أَتْقَاكُمْ﴾ [الحجرات: 13]. خلاص؟ طيب.
الله عز وجل أراد أن العلاقات اللي بينا، الروابط اللي بينا وبين بعض، دي روابط ربنا نزلها، أن في رابطة بين المسلم والمسلم. خلاص؟ الرابطة دي لها شكل معين، ولها قوة معينة، ولها أشكال معينة. رابطة من الإسلام، والكافر إزاي يتعامل معه؟ الكافر المحارب غير اللي مش محارب، غير المعاهد، الذمي، طب الكافر المجوسي غير الكافر اللي من أهل الكتاب؟ معاملات تفصيلية لكل الاختلافات. خلاص، أي حدود ورسمة أخرى للعلاقات البشرية دي غير بتاعة الإسلام، إفساد في الأرض.
هم الرسمة لو اعتبرنا أن في رسم أو خريطة للعلاقات بين البشر ربنا أرادها، يعني لو جينا نرسم خريطة كده للبشر، في مسلمين في علاقات اجتماعية، أب وابن، وزوج وزوجة، علاقات اجتماعية، وفي علاقات إيمانية: كافر ومسلم. خلاص؟ طب أحيانا يتعارض، نلاقي مسلم مع مسلم، تلاقي أحيانا ابن مسلم مع أب كافر، اه هنا هنعمل إيه بقى؟ هنا حصل تعارض بين العلاقات الاجتماعية والعلاقات الإيمانية، هنعمل إيه؟ هنلاقي زوج مسلم مع زوجة كافرة، طب زوجة كافرة وزوج كافر والزوجة أسلمت، يقوم إيه؟ العلاقات دي الشرع ضبطها كلها، اللي هيجيب رسمة تانية، عشان كده فكرة الزواج المدني هي إيه؟ كفر بهذه الرسم، كفر بهذه الخريطة.
لا لا لا، فكرة الوطنية هي مالهاش علاقة بالشرع اللي ربنا أراده، ليه؟ لأن يقول لك الوطن المصري غير الوطن ده. بيتهيألي قلت لكم قبل كده القصة، الفريق مش عارف مين، والجزائر، مصر والجزائر لما اتخانقوا مع بعض، والناس قابلتهم في المدينة بإيه؟ بيتخانقوا مع بعض بسبب ماتش.
بيقولوا هنولع فيكم الماتش الجاي. التقسيمة دي مش دي اللي ربنا أرادها. طبيعي إن في حاجة اسمها مهاجرين وأنصار. يعني طبيعي إن في أهل مكة وأهل المدينة، ما هو ربنا ما قالكش تخلى عن التقسيمات الاجتماعية. يعني ما قالكش امشي جنب أبوك ولا كأنك عارفه، لأنه لأ. ده وهو كافر أنت مطالب إنك تحسن إليه، لكن في حدود الشرع؛ الزوجة الكتابية للمسلم يحسن إليها في حدود الشرع. معي؟
طيب، كل ده احنا بنتكلم على الأفكار الضالة اللي تصدرت؛ علمانية، وطنية، قومية، إعادة. المسلمين عملوا إيه بقى العاملين للدين؟ عملوا إيه؟ ربنا سبحانه وتعالى اتكلمنا في المسألة دي قبل كده في أول سورة المجادلة، لما واحد يقول لزوجته أنت أمي، ربنا سمى دي زوجته وهو بيسميها أمه. هو قال لك: أنا حر. لأ، ما أنتش حر. ربنا قال بعدها: ﴿إِنَّ الَّذِينَ يُحَادُّونَ اللَّهَ وَرَسُولَهُ﴾ [المجادلة: 5]، هي فين المحادة هنا؟ ده ذنب واحد بيقول زوجته أنت أمي، هي فين المحادة؟ من أجمل ما قرأت في كلمة يعني إيه محادة؟ قد ذكرها الإمام البقاعي. قال المحادة من معانيها، ما أذكر يعني في معنى كلامه، أنهم يضعون حدودا أخرى غير التي وضعها الله؛ يحاد ينازع لا في حدوده. ربنا وضع حدود إن دي زوجة ودي أم، هو بيغير المسميات فبيعمل حدود إيه تانية.
قوم أنت لما فهمت الدين بفهم معين، أحمد عبد المنعم أهو فهم الدين بفهم معين، خلاص؛ فهمنا للدين مش فهم السلف الصالح كله، فهم شخص واحد للدين، وفهم شخص واحد متأخر مش مجتهد أكيد مش هيحيط بالدين كله. أقوم أنا قررت أعمل معينة، وهلزم هلزمكم كلكم بفهمي ورسمت حواليه قصور. بص يا ابني أنت وهو ما بتسمعوش غير فهما، واللي ما بيفهمش الفهم بتاعي ده يبقى ضال، خلاص أنا بمسل عشان ما حدش خلاص بس مش لازم يفعله عملي أنا بدي مثال، ورسمت حواليه قصور. أنا كده غيرت في العلاقات اللي ربنا أرادها بينك وبين المسلمين، فأنت طالع بتقابل أخوك المسلم تبص له كده؛ ده مش معنا، ده من الضلال اللي الشيخ كان بيقول عليهم من شوية.
تمام، حضرتك عايز ما تبقاش من الضلال؟ ممكن حضرتك تيجي للشيخ تجيب الصورة والآية والأربعة جنيه ونعمل لك كارنيه أنك تنتمي معنا عشان ما تبقاش من الضلال اللي مش مش من الفرقة الناجية. لكن احنا بنقول القرآن والسنة بفهم مين؟ سلف. مش سلفي. سلف الأمة إلزام طائفة من الناس فهم شخص، ولو كان مين أصلا بيقول لك الصحابة لما بيختلفوا ما فيش قول لأحد حجة على الآخر؛ إلا في بعض الحاجات مثلا لو ده معلوم أنه يأخذ من أهل الكتاب والمسألة فيها غيبيات، أيا كان يعني. أنت تجيب واحد فاهم ومتأخر بالدين، وفاهمه أكيد جزئي لأنه ما أحاطش بالدين، ويلزم به الناس، ويكون مجموعة يلزم إلزام وعقد عام مش خاص في كل أحلى حاجة في الحياة في كل نواحي الحياة.
طب ما أنت بتعمل رسومات تانية غير اللي ربنا أرادها. ما أنا طبيعي بعد ما اديتني ده يا عم درسني فقه الخلاف للصبح، أنا خلاص ما عدتش متقبل أخويا المسلم التاني، اشرح لي بقى كتب عن التجرد وسلامة الصدر للصبح بأول النصوص دي كلها، مش أنا أصلا تلبست علي الضوابط يعني؟ أنا أحد الإخوة قعدت ساعة عشان أقنعه يا ابني الإخوان المسلمين مش كفار، هم اسمهم أصلا الإخوان المسلمين، أيا كان بقى بعيدا عن الأخطاء بس الأول رقم واحد هو إيه؟ مسلم. تعال بقى ندور في فقه التعامل مع المسلم المخطئ، بس ما تنقلش على كتابه كفار أنت يعني، أو تقول للإخوان ده يا ابني كذا، ده مسلم اللي أنت بتعمل معه ده كده مسلم، في فارق بين عارض الدين أخطأ وفي فارق بين واحد منكر للدين أصلا.
الواحد بيشوفه عامل زي بالضبط، واحد شايف داعية بيقول أحاديث ضعيفة فقرر ينكر عليه، فاتعرض عليه برنامج في التليفزيون مع واحد شيعي ممكن للسنة أصلا عشان يرد على الراجل بتاع الحديث الضعيف، فطلع مع الشيعي عشان يرد على اللي بيقول أحاديث ضعيفة. طب أنت طالع مع اللي بينكر السنة أصلا ويحارب الدين تنكر على اللي بيقول أحاديث ضعيفة؟! أنت يعني مين فين رايح إزاي؟ أنت بتلبس على الناس وبتعملهم شيع يوم ويعملوا إيه في بعض، وضيق بعضهم بأس بعض، هي كده. لذلك البداية من فك اللبس ده، فك مش مش نهدمهم يعني، فك الحاجات دي عند الناس الناس تبقى واضحة؛ ده مسلم. إعادة الضوابط والحدود اللي ربنا ده، ده يعني الحل؛ نجيب من الأول من أول أن احنا نفك اللبس عشان ما يبقاش التشيع ده بتعصب؟ طبيعي.
في انتماءات، ما هو شيخ الإسلام ابن تيمية ما هو كان دايما يقول: ومذهب أصحابنا، قصده على الحنابلة، لكن ما كانش كان بيخالف الإمام أحمد في قضايا لا أنا بكلمك حتى على مسائل فقهية مش في مسائل حياتية في كل حاجة في الحياة. لذلك من الروايات الجميلة قوي اللي قرأتها للحديث بتاع: «سألت ربي ثلاثا»، رواية يعني القيمة اللي فيها في سياق الحديث. الحديث بدأ بداية غريبة جدا غير كل الروايات اللي شفتها في أبو داود بيقول إيه؟ النبي صلى الله عليه وسلم قال: «إن الله زوى لي الأرض، أو إن ربي زوى لي الأرض، فرأيت مشارقها ومغاربها، وإن ملك أمتي سيبلغ ما زوي لي منها، وأعطيت الكنزين الأحمر وأبيض، واني سألت ربي لأمتي ألا يهلكها بسنة بعامة، وألا يسلط عليهم عدوا من سوى أنفسهم فيستبيح بيضتهم، وإن ربي قال لي يا محمد إني إذا قضيت قضاء فإنه لا يرد، إني لا أهلكهم بسنة أمة، ولا أسلط عليهم عدوا من سوى أنفسهم فيستبيح بيضتهم، ولو اجتمع عليهم من بين من بين أقطارها، حتى يكون بعضهم يهلك بعضا، وحتى يكون بعضهم يسبي بعضا».
وإنما أخاف على أمتي، النبي بيقول بقى تكملة الحديث خد بالك من التكملة دي، وإنما على أمتي الأئمة المضلين، وإذا وضع السيف في أمتي لم يرفع عنها إلى يوم القيامة، ولا تقوم الساعة حتى تلحق قبائل من أمتي بالمشركين، وأنه سيكون في أمتي كذابون ثلاثون، كلهم يزعم أنه نبي، وأنا خاتم النبيين ولا نبي ولا نبي بعدي، ولا تزال طائفة من أمتي على الحق ظاهرين لا.
سياق عجيب جدا العجبني في الحديث الخطاب النفسي المتكامل أن أنت لما تسمع أن احنا هنفترق ونقتل بعض أنت ممكن تحبط بداية الحديث أن احنا هنملك الأرض، وآخر الحديث هتزل طائفة قائمة على الحق. يعني شف أحاطة بدايته؛ أن الله زوى لي الأرض وأن أمتي نص لا تملك الإيه؟ الأمة الأرض كلها، أعطي الكنزين الأحمر والأبيض تخيل ملك فارس والروم، وأخر الحديث مش معنى أن فيه لبس أن ما فيش طائفة على الحق، لا فيه طائفة على الحق وأنت مطالب أنك تبحث عنها، مطالب أنك تصل إلى الحق معي. لذلك آخر حديث عشان ما تقولش بعد ما تسمع إيه ده! طب ما أنا كده في لبس طب ما أنا تايه، لأ؛ «ولا تزال طائفة من أمتي على الحق». لذلك بعض السلف نيام قتادة أما كان يجي يذكر ما كانش عارف الرواية الكاملة دي اللي في أبو داود، كان يذكر الحديث الأولاني ويقوم هو يقول: وذكر لنا أيضا حديث لا تزال طائفة من، هو من نفسه حاسس أن لازم الناس تسمع الاثنين على بعض.
معي ناس تانيين، ما احنا قلنا لازم تبقوا معي، بس ما هو مش هينفع لازم نبقى متعصبين كتطبيق عملي لنا. خلاص النقطة التانية؛ بداية اللبس بيحصل من بعد ما قال: «حتى يكون بعضهم يهلك بعضا، ويكون بعضهم يسبي بعضا»، و«إنما أخاف على أمتي الأئمة المضلين». يبقى دول السبب. يا إما المضلين بيظهروا إمتى؟ لما العلماء يموتون عقابا أو قدرا في آخر الزمان، أو عقابا ربنا يقبض العلماء أو هم يموتون زي ما قلنا يسكتوا، يظهر الأئمة المضلين يفتوا بحاجات تخلي الناس تتشيع وتتعصب بعد ما تلبس عليها الحق، ويطلع يلبس عليهم ويقول لهم دول فتن، دول هيقتلوكوا، دول كذا، ويقعد يقلب على الناس أئمة مضلين ويقعد يجيب لهم أحاديث ويستدل بأحاديث معينة، يقوم الناس تتشيع، يقوم الناس تتعصب، يقوم الناس تقتل بعضها.
يبقى الحل زي ما ابن عباس عمل ولما لبس الحلة الطيبة وراح للخوارج يناظرهم وقال لسدنا علي سبني أروح لهم ورجع معه منهم ألفين. الحل الأساسي يكمن مش مش الوحيد؛ يبدأ أولا بفك اللبس اللي عند الناس ده عند المسلمين الأول عند الجماعات عند العاملين الأول. اللبس اللي احنا دخلناه بينا عشان البأس اللي حصل بينا ده نفكه الأول اللبس معي يا شباب؟
طيب، لسه لنا أد إيه كده؟ بالضبط حضرتك فاضل ثلث ساعة. طيب، قضية الاختلاف، أما واحد يقول لي إيه ثم الحل إيه؟ ما هو ما احنا شايفين الحل عشان ما يحصلش الخلاف؛ هو واحد بس اللي نسمع كلامه، واللي ما يسمعش كلامه يطلع بره، عشان ما يحصلش ما نقعدش كل شوية في لبس بقى، يعني احنا عايزين نُفك الأزمة دي. بصوا يا جماعة، الله عز وجل وضع فينا الخلاف زي ما وضع فينا الشهوة؛ يعني احنا تركيبة عقولنا مختلفة عن بعض، نفسياتنا مختلفة عن بعض، ده مش معناه أن الدين ما لوش تفسير واحد، لأ، ده الفكرة الليبرالية، لأ، فيه أصول ثابتة، الأصول الكلية للدين ثابتة، ﴿وَلَا يَزَالُونَ مُخْتَلِفِينَ * إِلَّا مَن رَّحِمَ رَبُّكَ﴾ [هود: 118-119]. ولذلك على قوم قيل: ولذلك خلقهم أن يرحمهم، وقيل: لذلك خلقهم أي ليختلفوا. الآية دي عشان فيها شبهة، قيل: ولذلك خلقهم أن يرحمهم، وقيل: لذلك خلقهم ليصيروا فريقان مختلفان، يصيروا فريقين مختلفين، فريق إلى الجنة وفريق إلى النار، وممكن يستدل بها على الخلاف الموجود، لكن مش ده أصل في تفسيرها، ممكن تسقط استدلالا مش ده الأصل في تفسيرها.
الشاهد أن ربنا فطرنا على هذا الخلاف، ماشي زي ما فطرنا على الشهوة وقال لنا فيه قواعد للتعامل مع الشهوة عشان تنجو؛ أنك أنت تتزوج، أنك أنت تصوم، أنك أنت تغض بصرك. هل الحل مع الشهوة والاختساص كما بعض الصحابة ظن؟ طب ما أنا أقطع المشكلة من أصلها أصلا، أنا لسه هغض بصري وأتزوج وأصوم! فراح قال: يا رسول الله، أئذن لنا في الاختساص، ولو أذن لنا لفعلنا. الصحابي بيقول كده معي؟
طيب، ربنا وضع فينا الخلاف، احنا بنفكر مختلفين مع بعض؛ معنى أن أنا ألغي عقلي كأنك بتطالبني بالاختساص مش هينفع، ما هو أنا مش هينفع أنا ربنا فطرني على كده احنا ما هو طبيعي. لكن ربنا أدانا شرع كيف نتعامل في الخلاف؟ لأنك من قدر الله أن الخلاف ده يحصل بين الصحابة من خيرة الناس بعد الأنبياء، من قدر ربنا أن التجربة دي حصلت مش بين التابعين حتى، من من أحد وسائل التلقي لهذا الدين فهم الصحابة حصل بينهم ده عشان نشوف إيه هو الدين عند الخلاف. هيحصل، لكن في دين وينجو من ينجو.
يعني كمثال سريع جدا؛ النبي صلى الله عليه وسلم قال: «تقتلك الفئة الباغية عمار»، فكانت الفئة اللي معها الحق سيدنا علي، فئة معاوية هي التي أخطأت. من تبع علي رضي الله عنه طمعا في حكم وفي مال فهو آثم، ومن تبع معاوية يريد نصرة دين الله ويرى أنه الحق فهو مجتهد له أجره. تاني؛ من تبع عليا يعني من وقف في الصف الحق لكن بنية فاسدة يريد ملكا أو مالا فهو آثم، ومن وقف في الصف المخطئ يصف معاوية يريد نصرة دين الله ويتدين أنه الحق فهو مأجور مجتهد له أجر واحد.
معي، فالقضية أن احنا الخلاف هيحصل، لكن هنعمل إيه في الخلاف لو الدنيا تلبست علينا وما عرفناش نعمل إيه؟ هنتشيع، هنذيق بعضنا بأس بعض، أول ما يحصل خلاف زي ما حصل كده في سقيفة بني ساعدة بعد موت النبي صلى الله عليه وسلم على طول، ولسه لم يدفن النبي صلى الله عليه وسلم صلى الله عليه وسلم، مشهد عجيب فقه عالي للصحابة. لسه النبي صلى الله عليه وسلم ما مات؟ قصة طويلة بقى بروايتها موجودة في كتب كتير، وراحوا السقيفة وراحوا قالوا لو بكرة يلحق ده، الأنصار راحوا السقيفة وهي إمارة واحد، فراح أبو بكر قالوا له: منا أمير ومنكم أمير. قال: لا، بل نحن الأمراء وأنتم الوزراء. وغضب سعد بن عبادة وأصر عمر، وأراد أبو بكر قال: اختاروا عمر أو أبو عبيدة. وعمر أخذ يد أبو بكر؛ حديث طويل.
مشكلة زي دي خلاف ضخم، خلاف في الخلافة من الأمير في اضخم مشكلة ممكن تحصل، النبي صلى الله عليه وسلم لم يترك نصا لهذه المشكلة. ولكن ترك طريقة للتعامل مع هذه، تاني النبي صلى الله عليه وسلم لم يترك نصا لحل هذه المشكلة. يقول لك جمهور أهل السنة، خلاف للبعض، يعني الجمهور على أن خلافة أبو بكر بالبيعة وليست بالنص، يعني مش منصوص يعني النبي صلى الله عليه وسلم ما قالش الخليفة بعدي أبو بكر، وكل النصوص اللي جت في البخاري أو غيرها تحتمل ذلك، قالوا هي دلالات، لكن يعني هي يستأنس بها حسوا بها أن هو أفهمهم وأفقههم وهو، لكن مش بالنص، لأن لو كان في نص قالوا كان يحرم على أبو بكر أن ما يقولوش ساعتها، ولا يجوز تأخير البيان عن وقت الحاجة، وما حدش في السقيفة قال قال رسول الله، وهم كانوا مجتمعين كلهم مش معقول هيغيب عنهم كلهم الدليل.
ولا تجتمع الأمة على ضلال أياً كان، مش دي قضيتنا. النبي صلى الله عليه وسلم ترك لهم طرق التعامل في الخلاف الشرعي، عندنا قواعد عندنا شرع نرجع له ونختلف، لكن مش الحل.
مشكلة السقيفة دي لو بين ناس ما تلقتش التربية زي غير الصحابة، لو بين ناس ما تلقوش التربية على إيد الرسول صلى الله عليه وسلم، بناس ما تلقوش تربية قوانين وسنة، كانوا قعدوا خمسمية سنة عشان يحلوها. اتحلت في قعدة! هي المشكلة بهذه الضخامة اتحلت في مجلس؟ لا كذا، لا كذا، لا في النص بيقول كذا، لا النبي قال كذا، لا كذا. آه، طب خلاص، طب توكلنا على الله.
الخلاف وجد بينهم اهو لكن اتحل بطرق شرعية، لكن لو فيه لبس بقى، ما فيش نصوص، ما فيش فهم للدين، ما فيش علماء بيتكلموا، يطلع إيه؟ مضلون! أيها الناس عليكم بهم، ومش عارف إيه، وطوبى لمن قتلهم، ومزيقاً إيه بعضهم بأس بعض. يعني الحل في فك اللبس، يبقى إذا الخلاف أمر في الفترة هيحصل وفي أصول نرد إليها.
أصول لما عمر بن الخطاب وقف قدام الناس وقال: والله ما مات رسول الله ومن قال إن محمداً قد مات قطعت عنقه، ليعدنه الرسول صلى الله عليه وسلم ليقطع أقواله. مش ضدي! ما هو أنا مش عشان المنافقين، أيها الحالف على رسلك وما محمد إلا رسول، وبين المسألة. فأياً كان، وطبعا بقى إيه ده بقى مبحث أكبر مني، طبعا عايز الأئمة تتكلموا في قضية الخلاف وأنواعه، والسائغ واللي مش سائغ، والمذموم والجائز، وقضاياه.
وشيخ الإسلام أفاض في هذا وقسمه أنواعه وتفاصيله، وإمتى نقول الخلاف شر، وإمتى تتنازل، وإمتى ما ينفعش تتنازل، وإمتى يجوز لك إنك تبقى تحت أمير ويقول لك على حاجة أنت شايف خلاف الأولى وتعملها، وإمتى يبقى تحت أمير زي ابن عمر ما يقدرش يقتل الأسرى وهو تحت خالد بن الوليد، وإمتى يبقى تحت أميره ما تطيعوش؟ لما قال لهم خشوا النار وما رضاش. أياً كان، نصوص في المسألة يرحمهم، نصوص كثيرة.
لكن أنا بقول إنه موجود فيه شرع، عدم تدخل العلماء لحل هذه الأزمات يؤدي إلى التعصب والتشيع الأعمى، يؤدي إلى التقاتل ونذيق بعضنا بأس بعض، معايا؟ عدم التأصيل العلمي الواضح فك اللبس ده، لذلك ربنا سبحانه وتعالى بيقول: ﴿إِنَّ الَّذِينَ قَالُوا إِنَّا نَصَارَى أَخَذْنَا مِيثَاقَهُمْ﴾ [المائدة: 14]. الناس قالوا: إحنا قيل نصارى من قبيلة ناصرة من قرية الناصرة أو قالوا إن الناصرة أي سننصر هذا الدين. قالوا: إحنا هننصر هذا الدين. طب أنتم هتنصروا هذا الدين، أخذنا ميثاقهم، عملوا إيه؟ ﴿وَنَسُوا حَظًّا مِّمَّا ذُكِّرُوا بِهِ﴾ [المائدة: 14].
فإيه اللي حصل؟ فاغرينا، خد بالك من اللفظة دي، اغرينا بينهم العداوة والبغضاء. بقى بقى الجدال والخناق بينا فيه إغراء فوق بقى، يعني بقى متلاصق بينا. تخيل بقى حب الشجار بينا قد ايه؟ نبقى فرحانين، فطالع اشتم فيك، مش أنا يعني، قمة السعادة واحنا بنقتل في بعض، بيحس إنه حقق النصر. فاغرينا بينهم.
إمتى حصل فاغرينا بينهم؟ وده من اللبس يحصل، فنسوا حظا مما ذكروا به، اللي هي فكرة التطبيق الجزئي للدين، العرض الجزئي للدين مش العرض الكامل. شيخ الإسلام بيقول: ومن هذه الأمة من سيقع في هذا الأمر. وجاب مثال على المتفقهة والمتصوفة؛ والمتصوفة اللي بيكلموا أن العبادة أهم حاجة والعلم ده ما لوش لازمة، والمتفقهة اللي اتكلموا أن العلم ده أهم حاجة والعباد دول ما بي يفهموش في حاجة. وجاب أن ده الخلاف موجود، منهم من تشبه بالموساوية ومنهم من تشبه بالعيسوية، أي منهم من تشبه باليهود واهتم بالعلم صرف الطاعة حتى كان من المغضوب عليهم، ومنهم من اهتم بالعبادة حتى ضل وكان من الضالين واختلف.
وضرب دايما بيضرب شيخ الإسلام مثال مسألة المتفقهة والمتصوفة والخلاف اللي بينهم، بيقول إن هذه الأمة كده اللي خد جزء من الدين وقال هو ده الدين اللي أنا بعمل ده هو الدين ووصل للناس: يا جماعة اللي أنا بعمل ده هو الدين بس. طب وفلان وفلان؟ لأ، ده مش من الدين. طب إحنا عايزين نبقى جوة الدين؟ تعالوا. طب إحنا عايزين نحارب اللي ضد الدين؟ ما هو ده ضدي، حتى لو مسلم، حاربوه اقتلوه واشتموه، يهدموه اقتلوه.
هو لو اقتنع من الأول إن هو يا جماعة أنا جزء من الدين أصلاً، بلاش تلبس على الناس الدين، أنت جزء من الدين، أنت ليه تعرض نفسك على إنك أنت الدين كله؟ أنت بتلبس على الناس ليه؟ هتخلي الناس تتعصب لك ليه؟ إزاي تخلي الناس تتشيع لك وتتعصب لك؟ النبي صلى الله عليه وسلم فرق كل تقريبا ودي عايزة استقصاء يعني عشان بس ما أقولش كلمة كل، أغلب المواقف اللي ذكر فيها الأنبياء ذكرهم ربنا سبحانه وتعالى سواء في القرآن أو جت أحاديث ذكرها النبي صلى الله عليه وسلم فيها عتاب في بعض الأخطاء الأنبياء أو فيها تصرفات خلاف الأولى.
النبي صلى الله عليه وسلم كان يتعمد يجيب النبي أو الموقف ويلتمس له في عذر أو يقول ما تكلموش عن النبي صلى الله عليه وسلم عن النبي التاني لأن هم الأنبياء أخوة. لعلاّم بيقول مثلاً: لا تفضلوني على يونس بن متى خلاص، عشان لما إيه ربنا قال له: ﴿وَلَا تَكُن كَصَاحِبِ الْحُوتِ﴾ [القلم: 48]. لا، لا تفضلوا على نفس الموت. أياً كان بقى توجيهات العلماء وايه التوجيهات اللي قالها لتوجيه الأحاديث اللي زي دي.
لما لما أحد اليهود في المدينة قال إن موسى خير البرية أو خير من من محمد، فلطمه مسلم. أنت بتقول إن هي قضية عصبية مش علم! أم لطم؟ فالنبي صلى الله عليه وسلم غضب، قال: «لا تقولون هكذا» أو «لا تفعلون هكذا». الحديث في البخاري: أن نصعق فقوم فأكون أول من أفيق فأرى موسى آخذا بقوائم العرش فلا أدري أصعق أم أزقي بالصعقة الجبل. اللي لما أدك فيها الجبل، يقوم جايب موقف ما يقولهمش لأ، هنا الصح كذا والأولى كذا، عشان ما حتى ما بين الأنبياء ما ينموش هذا التعصب.
ييجي النبي يوسف مثلاً في مسألة: ﴿وَلَقَدْ هَمَّتْ بِهِ وَهَمَّ بِهَا﴾ [يوسف: 24]. يجيب موقف السجن، عشان على بعض الأقوال مثلاً لما قال له: اذكرني عند ربك أن فيها بعض العتاب من ربنا، ما يجيبش موقف اذكرني عند ربك، يجيب موقف: ارجع إلى ربك.
والنبي صلى الله عليه وسلم يقول: «لو لبست ما لبث يوسف في السجن لأجبت الداعي»؛ يعني لو كان جه أول لما قال لي الملك عايزك كنت طلعت على طول ما قلتلوش ارجع إلى ربك، ده النبي بيقول على نفسه: لو لبست طول ما لبث يوسف في السجن لأجبت الداعي. لكن يوسف أصر إنه يقول: ارجع إلى ربك. ويقول: «رحمة الله على أخوط» كان يأوي إلى ركن شديد.
ويجيب لما سمع واحد بيقول: يا خير البرية بينادي عليه السلام، قال: «ذاك إبراهيم». شف يعلم الصحابة إزاي! ويجي أقرب الناس ليه أبو بكر الصديق، أقرب الناس وأكثر الناس تعلقا بالنبي صلى الله عليه وسلم، لما يموت النبي صلى الله عليه وسلم هو الوحيد اللي يقوم ويبقى ثابت ويربطهم بربنا. استطاع النبي صلى الله عليه وسلم أن يربط أبا بكر بالله، وأن علاقته بالنبي صلى الله عليه وسلم كانت لأجل الله، فكان أكتر واحد بيحبه هو أكتر واحد متعلق بربنا. لكن إحنا أحياناً بتصرفاتنا بنخليه يبقى متعصب لي جداً فإذا أنا غلطت يقول لي: آمين، أنا محتاج إن أنا لما أغلط تنصحني ويقومني معي؟
طبعا إحنا طبابخنا كتير النهاردة إحنا كده، طيب إيه يعني إيه نرجع لصفة الأنعام لكن الأمر بيزداد فتنة بين المسلمين وبعض واحنا محتاجين لوقفة محتاجين نرجع للضوابط اللي ربنا حطها، الحدود اللي ربنا حطها. المسميات المعاصرة لما بتدخل في مسائل الولاء والبراء ينهى عنها، فضل يصوم المهاجرين والأنصار عادي، أول لما قال المهاجرين وقال: يا للأنصار، قال: «أبدعوة الجاهلية». الله، طب ما هم اسمهم المهاجرين والأنصار! ﴿لَّقَد تَّابَ اللُّهُ عَلَى النَّبِيِّ وَالْمُهَاجِرِينَ﴾ [التوبة: 117]، ونظم مذكورين في القرآن باسم المهاجرين والأنصار.
لفظة المهاجر كشخص بذل لدين الله فيلقب باسم لقب شرعي إن هو عمل حاجة للدين غير التعصب لطائفة. اللفظ المهاجر ده دلالة على البذل، لفظ الأنصار ده دلالة على البذل النصرة. فلما نقول لفظ القراء أو العلماء أو الفقهاء ما فيش فيه مشكلة، لكن لفظة التعصب لده: يا للشافعية يا للأحناف، ويمزجوا في بعض.
ويا الإخوة، ده أنا قرأت في بعض الكتب أن اتعرض فرصة أن يتكتب دستور للشريعة واتبعت للفقهاء أن هم يقعدوا مع بعض في الآونة الأخيرة وفي آخر الكام ميت سنة ولا حاجة ميت سنة بعد سقوط بعد ١٩٢٤. اجتمعوا علماء من المذاهب الأربعة، اتخانقوا مع بعض؛ ده عايز الشافعي وده عايز الأحناف، فخلاص كتب من حاجات من دستور فرنسي، من حاجات طالما أنتم اتخانقتم مع بعض.
قال لك ده أرحم، آه بس ما يطبقش، ما سبّه! يعني شف التعصب وصل إيه؟ لأ، ييجي حاجات من فرنسا بس ما يطبقش الأحناف، الشافعي زعلان، مش الإمام الشافعي! شف التعصب ممكن يوصل لإيه وأئمتهم ما قالوش كده، كانوا بيصروا إن هو يسير وراء الدليل.
فإذا المرحلة بتتبدأ باللبس، أن إحنا نحط تقييمات غير اللي ربنا وضعها، حطوا حدود غير اللي ربنا وضعها ونعيش عليها سنين، ونعيش إحنا دلوقتي بقى لنا سنين عمالين نسمع عن تقسيمات وكأنها أصبحت مسلمات. فلما تيجي أنت تتكلم ولسه بس عايز تلمح أن أخوك اللي بيصدر لك مثلاً بقى له عشرين سنة أن هو وحش، تقول: إيه ده؟ تسأل هو ده مش مسلم؟ أنت بتقول إيه؟ ايه، أنت قصدك أن أنت، أنت إيه الإرهاب الفكري اللي أنت بتعمله لي ده؟
لذلك أختم بهذه الآية في قول الله عز وجل في سورة النمل لما سيدنا سليمان سأل بلقيس، قال: ﴿أَهَكَذَا عَرْشُكِ﴾ [النمل: 41]؟ قال لها: ده عرشك. قالت: كأنه هو. كلمة كأنه هي دي، أنا مش عايز أقول لك المفسرين قالوا إيه في حكمتها بيتها وجزالة اللفظ والدقة يعني كلمة في قمة الحكم. اللي قالت هو عشان هي ولا قالت مش هو. يعني إيه؟ طب امرأة بهذه الحكمة استطاعت أن تقود شعب كامل، فين أنت تستغرب؟ إزاي المرأة ديت سجدت للشمس؟ تبقى عايز تقول إيه الغباء ده؟ إزاي واحدة بهذه العقلية الجبارة تقدم قرابين لمخلوق يأفل ويغيب وسيدنا إبراهيم قالها ببساطة كده: ﴿لَا أُحِبُّ الْآفِلِينَ﴾ [الأنعام: 76] يعني إزاي يعني؟
فتيجي ربنا يقول: ﴿وَأُوتِينَا الْعِلْمَ مِن قَبْلِهَا﴾ [النمل: 42] عن سيدنا سليمان ﴿وَكُنَّا مُسْلِمِينَ﴾ [النمل: 42]. أي أن سليمان جمع بين إيه؟ العلم اللي كان عندها بس مع إيه؟ مع الإسلام، قلت له: العلم من قبلها وكنا مسلمين.
طب إيه اللي خلاها ما تسلمش وصدها ما كانت تعبد من دون الله؟ أنها كانت من قوم كافرين. انتمائها لقومها قوميتها منعتها من الإيمان، لذلك هي أسلمت إزاي؟ لما بعدت عن قومها وراحت عند سليمان وشافت علم سليمان، قالت: ربِ إني ظلمت نفسي. ظلمت نفسك ليه؟ أجرمت في حق نفسي أن أنا ما كنتش بافكر، أجرمت في حق نفسي أن أنا كنت ماشي مع الناس: ﴿رَبِّ إِنِّي ظَلَمْتُ نَفْسِي وَأَسْلَمْتُ مَعَ سليمان﴾ [النمل: 44].
يبقي الحل عند للمتعصب أنك تعمل معه حاجتين. الحل للمتعصب اللي مش شايف وعايش بايه: ﴿وَحَسِبُوا أَلَّا تَفَكْنَةَ﴾ [المائدة: 71]. هو ما بيفتنش وجماعته ما بتفتنش وشيخه ما بتفتنش: ﴿وَحَسِبُوا أَلَّا تَفْتِنَةً﴾ [المائدة: 71]. فبالتالي، وبالتالي في سورة المائدة إيه اللي حصل؟ فعموا وصموا. تنادي عليه وهو ماشي، ليه؟ لأن هو ماشي في طريق الحق، فهو واخد قرار أن هو إيه؟ لا يفتن. ﴿وَحَسِبُوا أَلَّا تَفْتِنَةً﴾ [المائدة: 71]. مستحيل يفتن!
فبالتالي اللي هيفكر بالطريقة ديت عمره ما هيسمع نصايح حد. الحل تعمل إيه؟ تعمل حاجتين: عن المؤثرات النفسية تطلعه بس برة كده، حاولوا تخرجوا برة، رقم اتنين طرح علمي قوي بديل قوي علمي. يعني سيدنا سليمان ربنا بيقول: ﴿وَأُوتِينَا﴾ الإيه؟ ﴿الْعِلْمَ مِن قَبْلِهَا﴾ [النمل: 42]. رؤية علمية قوية، طرح علمي قوي ما يبقاش استخفافي، ما يبقاش يعني ما تبقاش الحل أنك عايز تنصح المتعصب أنك تعمل له فيديو تريقة عليه، هو كده أنت بتزيده تعصب، بيقول لك: والحق مش عارف إيه لو كنت لوحدك ومش مهم وهم وأنت، هو أنت كده بتزيده تمسكاً.
لكن الحل أنك تحاول تنزعه من المؤثرات وتطرح له رؤية علمية متكاملة، ساعتها يقول: آه، أنا كنت مخطئ في النقطة دي، أنا مش بطالبك أنك تهد كل ده، لكن أنا باطالبك تعترف بهذا الخطأ.
وللحديث بقية إن قدر الله لنا البقاء واللقاء. الكلمة دي دايماً الواحد بيستشعرها اليومين دول، لأن قد يكون في بقاء من غير لقاء وقد يكون فيه لقاء من غير بقاء نلتقي كلنا هناك يعني. سبحانك اللهم وبحمدك، أشهد أن لا إله إلا أنت، أستغفرك وأتوب إليك، جزاكم الله خيراً.