السلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم.
بإذن الله عز وجل نستكمل ما بدأناه في تفسير سورة الأنعام، كنا توقفنا عند قول الله عز وجل: ﴿ذَٰلِكَ هُدَى اللَّهِ يَهْدِي بِهِ مَن يَشَاءُ مِنْ عِبَادِهِ ۚ وَلَوْ أَشْرَكُوا لَحَبِطَ عَنْهُم مَّا كَانُوا يَعْمَلُونَ * أُولَٰئِكَ الَّذِينَ آتَيْنَاهُمُ الْكِتَابَ وَالْحُكْمَ وَالنُّبُوَّةَ ۚ فَإِن يَكْفُرْ بِهَا هَٰؤُلَاءِ فَقَدْ وَكَّلْنَا بِهَا قَوْمًا لَّيْسُوا بِهَا بِكَافِرِينَ * أُولَٰئِكَ الَّذِينَ هَدَاهُمُ اللَّهُ ۖ فَبِهُدَاهُمُ اقْتَدِهْ ۚ قُل لَّا أَسْأَلُكُمْ عَلَيْهِ أَجْرًا ۖ إِنْ هُوَ إِلَّا ذِكْرٌ لِّلْعَالَمِينَ﴾ [الأنعام: 126-127].
حقيقة، نحن قلنا بعد هذا الموكب الرائع المبهر لمسيرة الأنبياء ومسيرة الهدى على مدار التاريخ؛ من سبعة عشر نبيًا ذكروا وراء بعضهم. والذي يشوف المشهد بتاع الأنبياء الذين وراء بعض والذين من ذرية إبراهيم، ويشاهد مشهد سيدنا إبراهيم وهو لوحده في أول الآيات: ﴿وَإِذْ قَالَ إِبْرَاهِيمُ لِأَبِيهِ أَزَرُ أَتَتَّخِذُ أَصْنَامًا آلِهَةً﴾، كان لسه لوحده.
الذي يشوف انتقال المشهد من سيدنا إبراهيم وهو واقف لوحده ويحارب الضلال لوحده ويقول له: ﴿إِنِّي أَرَاكَ وَقَوْمَكَ فِي ضَلَالٍ مُّبِينٍ﴾. سيدنا إبراهيم كان لوحده لدرجة أنه يقول لسارة: ليس على وجه الأرض أحد مؤمن غيري وغيرك، ما فيش حد مؤمن غيرنا.
وكيف أن ثبات سيدنا إبراهيم، أبو الأنبياء، جلب هذا الموكب من الأنبياء ومسيرة الأنبياء؛ المقارنة بين هذه الذرية المؤمنة والنسل الطيب الذي مليء بالخير، كالشجرة الطيبة التي أصلها ثابت وفروعها في السماء تؤتي أكلها كل حين بإذن ربها. وكيف كان سيدنا إبراهيم لوحده في الأول؟ هذا بشرى أن الإنسان لا ييأس؛ فالنبي ﷺ قال: «أُوذِيتُ فِي اللَّهِ وَلَمْ يُؤْذَ أَحَدٌ، وَاخْتُفْتُ فِي اللَّهِ وَلَمْ يَخَفْ أَحَدٌ».
ومعنى الحديث -كما في صحيح مسلم- أن جاء على علي أوقات كنت أؤذى في الله ولم يكن يؤذى أحد غيري، كان هو النبي ﷺ لوحده، جاءت على النبي ﷺ أوقات كان يؤذى في الله ولا يؤذى أحد غيره ﷺ. وبعد ذلك انظر الآن إلى الأمة الإسلامية، كيف هي على مدار التاريخ على الكرة الأرضية كلها في كل وقت وفي كل زمان؟ وكيف الأذان يُرفع في كل مكان الآن؟ فكيف كان هذا الصبر وهذا الثبات؟ هذا الصبر وهذا الثبات أدى إلى انتشار الدعوة. فكذلك الثبات، مهما كنت لوحدك في الطريق، اثبت ثبات سيدنا إبراهيم، تخرج هذه الأجيال.
نقول المقارنة بين سيدنا إبراهيم الواقف لوحده وهذا الموكب؛ هذا يثبت الإنسان أنه مهما مر عليك أوقات كنت لوحدك، اعرف أنه إن شاء الله ثباتك هذا سيأتي أوقات -ليس لازم تراها بعينك- لكن ستأتي أوقات يفتح الله عز وجل فيها وينشر هذا الدين.
﴿ذَٰلِكَ هُدَى اللَّهِ﴾؛ أي كما أن الله عز وجل هدى إبراهيم كذلك هدى هؤلاء الأنبياء، بمعنى أن هداية الله عز وجل للبشر لا تغيب عن وجه الأرض أبدًا، فلا بد أن يكون لله عز وجل من يقوم بحقه في الأرض، لا تخلو الأرض من قائم لله عز وجل بحق. هذه قاعدة: لا تخلو الأرض من قائم لله عز وجل بحق، لازم يظل هناك ناس على الحق: «لا تزال طائفة من أمتي على الحق ظاهرين».
مهما حصل ضلال وفتن وشبهات وشهوات، لازم يقيض الله عز وجل في هذه الأمة من يقوم بحق الله عز وجل، ﴿ذَٰلِكَ هُدَى اللَّهِ﴾، هدى الله عز وجل مستمر على مدار الأزمان في كل مكان باختلاف الأنبياء وأماكنهم وأقوامهم.
﴿وَلَوْ أَشْرَكُوا﴾؛ انظر إلى هذه الآية عجيبة جدًا، ربنا يقول عن الأنبياء: ﴿وَلَوْ أَشْرَكُوا﴾، لو أشرك هؤلاء الأنبياء لحبط عنهم ما كانوا يعملون. ليس بين الله عز وجل وبين أحد نسب، حتى الأنبياء فالرب رب والعبد عبد، لا يختلط أبدًا مقام الربوبية بمقام العبودية عندنا في الإسلام، ما نكونش مثل النصارى.
والنبي ﷺ في آخر حياته كان حريصًا على ذلك، استعاذ بالله أن يكون قبره ﷺ وثنًا يُعبد أو يُعاد، أن يكون قبره عيدًا. الشاهد أن النبي ﷺ كان حريصًا كل الحرص على ذلك؛ لما يسمع واحدًا يقول له: "ما شاء الله وشئت"، ينتفض النبي ﷺ ويقول: «أجعلتني لله نِدًّا؟». ولما يقول أحدهم إن مدحي زين وذمي شين، يقول: «ذاك الله». ينسب كل شيء إلى الله سبحانه وتعالى. ولما ذهبوا للنبي ﷺ وقالوا: يا رسول الله سعر لنا، حط لنا تسعيرة، قال: «إن الله هو الرزاق، إن الله هو القابض الباسط، إن الله هو المسعر». يعني ربنا بترتيبه للأقدار والأرزاق هو الذي يضع هذه الأسعار. الشاهد أن النبي ﷺ كان يربط الناس بالله.
﴿وَلَوْ أَشْرَكُوا لَحَبِطَ عَنْهُم مَّا كَانُوا يَعْمَلُونَ * أُولَٰئِكَ الَّذِينَ آتَيْنَاهُمُ الْكِتَابَ وَالْحُكْمَ وَالنُّبُوَّةَ﴾؛ أي أن الله عز وجل عندما يصطفي أناسًا للهداية لا يتركهم هكذا، بل ينزل عليهم آيات بينات تهديهم ويهدون بها غيرهم. الله عز وجل عندما يهدي ناسًا يعطيهم آيات يهدون بها غيرهم، كما قال ربنا: ﴿وَتِلْكَ حُجَّتُنَا آتَيْنَاهَا إِبْرَاهِيمَ عَلَىٰ قَوْمِهِ﴾. لما هدى الله عز وجل إبراهيم إلى طريق الحق أتاه الحجة ليهدي بها غيره.
أي أن الإنسان الصادق الذي يطلب رضا الله عز وجل، الله يوفقه للحق، ويعطيه من الحجج ما يهدي به غيره. الله عز وجل يحب الخير للناس، ويريد بالناس اليسر؛ لذلك تجد الله عز وجل يعطي ثوابًا على الدعوة إليه ثوابًا عظيمًا جدًا، والإنسان الذي يعمل في الدعوة يجد من الفتح والتوفيق والسداد في حياته الدنيا والدينية من الفتح ما لا يعلمه إلا الله. لماذا؟ لأن ربنا يحببنا في الدعوة لكي نهدي الناس إليه، لأن الله عز وجل يحب الناس ويريد بالناس الخير، يريد أن الناس كلها تسلك هذا الطريق لتنجيها يوم القيامة.
﴿أُولَٰئِكَ الَّذِينَ آتَيْنَاهُمُ الْكِتَابَ وَالْحُكْمَ وَالنُّبُوَّةَ﴾؛ هذه الثلاثة قد تجتمع في نبي أو قد تتفرق، فليس كل الأنبياء أوتوا الكتاب والحكم والنبوة. قيل الحكم هنا بمعنى الملك، مثل داود وسليمان، وقيل الحكم بمعنى الحكمة والفهم الكامل لآيات الله عز وجل على اختلاف ما بين المفسرين. الشاهد أن هذه الثلاثة قد تجتمع مع نبيه، وليس كل الأنبياء أوتوا من الكتب.
وقد إيه يفرقوا بالأنبياء المهم كلهم أوتوا النبوة، آتيناهم الكتاب والحكم والنبوة، وأيضاً أي أن الكتاب لو أن الحكم هنا بمعنى السلطان والملك، أي أن الكتاب نزل ليحكم. آتيناهم الكتاب والإيه؟ والحكم. ﴿إِنَّا أَنزَلْنَا إِلَيْكَ الْكِتَابَ بِالْحَقِّ لِتَحْكُمَ﴾ [النساء: 105]، يبقى الكتاب نزل ليحكم. الكتاب مش نزل مجرد ليقرأ، لأ، الكتاب نزل ليقرأ ويتلى ويعلم ويحكم ويجاهد به ويهدى به. ﴿إِنَّ هَٰذَا الْقُرْآنَ يَهْدِي لِلَّتِي هِيَ أَقْوَمُ﴾ [الإسراء: 9] في كل شيء، في كل شيء في حياتنا. أولئك الذين آتيناهم الكتاب والحكم والنبوة.
فإن يكفر بها هؤلاء فقد وكلنا بها قوما ليسوا بها بكافرين. الآية دي المفسرين اختلفوا فيها، ودي نقطة مهمة نتكلم فيها من أهم أسباب اختلاف المفسرين دايماً في الآيات؛ الضمائر اللي في الآيات بتعود على مين؟ يعني ربنا بيقول فإن يكفر بها هؤلاء، اسم الإشارة هؤلاء مين هؤلاء؟ مين هؤلاء؟ فقد وكلنا بها قوما، مين القوم؟ فعلى حسب الاختلافات، على حسب يعني الحاجات دي بتعود على مين؟ سواء اسم الإشارة أو النكرة أو الضمير بيعود على مين؟ بيكون فيه اختلاف في الآيات.
زي مثلاً قول الله عز وجل: ﴿فَرَدُّوا أَيْدِيَهُمْ فِي أَفْوَاهِهِمْ﴾ [إبراهيم: 9]. يرحمك الله. ردوا واو الجماعة دي مين؟ أيديهم الهادي الأيد بتاعت مين؟ في أفواههم أفواه مين؟ هل رد المشركين؟ رد المشركون أيديهم في أفواه الرسل؟ ولا رد المشركون أيديهم في أفواه أنفسهم؟ الضمائر بتعود على مين؟ يبقى على حسب اختلاف الضمائر على حسب ما بيحصل اختلاف في الآيات. فهنا كتير من المفسرين قال: فإن يكفر بها هؤلاء، أي مشركو قريش؛ أن الآيات دي كلها من أول السورة جاية عشان مشركو قريش يسلموا، فليكفر بكل هذه الآيات الواضحات البينات التي استمرت السورة في توضيحها وفي تبيينها، وذكرت أعلى الحجج في إيمان إبراهيم وهدايته لقومه، وحجة الله عز وجل التي آتاها إبراهيم على قومه. فليكفر هؤلاء المشركون أي مشركو مكة بكل هذه الآيات، فقد وكلنا بها قوما أي من الأنصار، من المدينة أو من المهاجرين اللي آمنوا مع النبي صلى الله عليه وسلم، قوما ليسوا بها بكافرين.
وقيل فيكفر بها هؤلاء أي الأنبياء، أي لو ترك -حاشاهم- لو ترك الأنبياء هذا الطريق لوكل الله عز وجل بهذا الطريق غيرهم، أي لاستبدلهم الله عز وجل وليس أحد بعزيز على الله عز وجل. لكن غالب الأقوال أن هؤلاء بيعود على مشركي قريش. وقيل فيكفر بها هؤلاء أي أهل الأرض جميعاً، ينزل الله عز وجل من السماء من يحمل هذا الدين. الشاهد زي ما كان الكلمة الرائعة اللي قالها الشيخ الطريفي: أن هذا الدين أو الإسلام رداء لا يسقط على الأرض أبداً، فإذا نزعه اقوام ألبسه الله لآخرين. أن هذا الإسلام رداء لا يسقط على الأرض أبداً، فإذا نزعه أنااس -نعوذ بالله من ذلك- إذا ارتد أناس، ﴿وَمَن يَرْتَدِدْ مِنكُمْ عَن دِينِهِ﴾ [البقرة: 217]، أول ما يرتد عندنا على طول إيه؟ فسوف يأتي الله بقوم، هي دي معنى الآية. فيكفر بها هؤلاء أيا كان بقى هؤلاء بيتعودوا على مين، المعنى الذي نريده من الآية أن إياك تعتقد أن الدين واقف على حد، اعرف أن الثغر اللي بتفكر تسيبه فيه واحد بيستعد عشان يخش مكانك على طول، أوصى افتكر أن الدين واقف عليك، الثغر اللي بتسيبه على طول يأتي أناس يقيض الله عز وجل أناس يحملون هذا الدين.
أوعى بقى إيه وأنت رايح تشتغل للدين آه بقى معلش اصل الدين محتاج فالواحد مضطر بقى إنه يضغط على نفسه، لا لا لأ أنت اللي محتاج. الله عز وجل ينصر هذا الدين ولو بالرجل الفاجر، الله عز وجل ينصر هذا الدين ولو بغير أسباب، الله عز وجل ينصر الدين بالغنم، غنم أبو بكر كانت بتمحو الآثار. الشيطان لما بيشوف الحمار لما بيشوف الشيطان بنهى، خلى الحمار يعرف الناس أن فيه شيطان، الله عز وجل خلى الديك يعرف الناس أن فيه ملك، يعني الله عز وجل ينصر هذا الدين بأي شيء، فأوعى تفتكر أن الدين محتاج لك، إحنا اللي محتاج الدين محتاج لي، أبدًا. لو واحد مؤمن بقضية نشر القرآن في الأرض، نشر الدين في الأرض، تعليم الإسلام الدعوة إلى الله، أي قضية أنت مؤمن بها اعرف أنك لو سبتها الله عز وجل هيبدل يعني هيستبدلك ويأتي بخير منك من يحمل هذه القضية.
فالآية دي مرعبة، خاصة على القول وإن كان غالب المفسرين ضعفوه، على القول أن هؤلاء لو بتعود على الأنبياء تخيل ربنا بيقول ليس بأحد عزيز على الله، اللي هيسيب ربنا يستبدل مكانه. أول كمراحل ربنا يعاقبه، ربنا يعرفه أن أنت كده غلطت، يعني الواحد لما بيقرأ الآية: ﴿إِذْ أَبَقَ إِلَى الْفُلْكِ الْمَشْحُونِ﴾ [الصافه: 140] سيدنا يونس عليه وعلى نبينا أفضل الصلوات وأتم التسليم، ولا تقولوا كما قال النبي صلى الله عليه وسلم أنا خير من يونس بن متى. شاهد إبى أبق إلى الفلك المشحون، أول لما ساب المكان بدون إذن ضيق الله عز وجل عليه، ﴿فَظَنَّ أَن لَّن نَّقْدِرَ عَلَيْهِ﴾ [الأنبياء: 87] أي لن نضيق عليه، فنادى في الظلمات أن لا إله إلا أنت سبحانك إني كنت من الظالمين، فتاب فأعاده الله عز وجل. شاهد اعرف انك لو سبت مكانك هتعاقب.
جماعة نصرة الدين مش لعبة، أنا عارف إن أنا بقول كلام ربنا يثبتنا، أنا هتحاسب عليه أولاً والواحد بيخاف يتكلم في الكلام ده، لكن اعرف أنك لو سبت مكانك أنت هتتحاسب، الدين نصرة الدين مش لعبة. يعني أنك أنت مثلاً تتعلم علم شرعي، أو الدعوة إلى الله عز وجل، أو يمن الله عز وجل عليك بأي ثغر أعمال خيرية، أي ثغر من ثغور الدين، لو ربنا علمك في الثغر ده أشياء وفتح عليك في هذا الثغر اعرف أنك ما عدتش مخير أنك تسيبه. في أعمال في الشرع بتلزم الإنسان بالشروع فيها كما قال شيخ الإسلام ابن تيمية، في أعمال في الشرع بتلزمك، يعني إيه بتلزمك؟ يعني بتصبح واجبة عليك بعد أن كانت نفلاً، طالما أنت شرعت فيها زي الحج كده، عندنا الحج النفل لو شرعت فيه مش من حقك تسيبه في النص لازم تكمله بالرغم أن هو نفل أصلاً. كذلك زي الجهاد ما ينفعش حتى لو جهاد نفل وأنت في نص المعركة تقول لأ خلاص أنا والي للدبر، لأ. فيه أعمال كده في الشرع أنت وقفت على ثغر وربنا علمك واستعملك وفهمت وجيت في النص تقول لأ خلاص أنا زهقت بقى، زهقت بقى من الدروس والدعوة، أروح بقى أشوف حاجة تانية أعملها، أنت هتعاقب، هيضيق عليك، ده لو ربنا يريد بك خير، لو مش استدراج.
بعد ما واحد ربنا فتح مثلاً عليه في الدعوة جاهد وقاتل الظالمين ونصر هذا الدين وقال لك لا لا خلاص بقى أنا أسيب بقى القصة دي وأروح بقى إيه أشوف عقد عمل بقى وخلاص بلا وجع دماغ بقى، خلاص بقى إحنا نوجع دماغنا خلاص. هذه الخاطرة العابرة لما جت على بعض الأنصار في قال حديث أبو الدرداء فيما أذكر في قولعجل: وأنفقوا في سبيل الله ولا تلقوا بأيديكم إلى التهلكة. قال لما انتشر الإسلام وكثر ناصروه، لما أعز الله الإسلام وكثر نصره، قلنا سرا بيننا دون رسول الله صلى الله عليه وسلم، ما قلناش الرسول صلى الله عليه وسلم: لو أننا أقمنا في أهلنا وتركنا الغزو، كفاية كده بقى إحنا بنقاتل من أيام بدر، فاحنا بعد فتح مكة بقى خلاص كفاية كده، خلاص ربنا فتح مكة والدين بدأ ينتشر وبدأ يخرج خارج مكة والدنيا كلها خلاص بقى، فأنزل الله عز وجل: ﴿وَأَنفِقُوا فِي سَبِيلِ اللَّهِ وَلَا تُلْقُوا بِأَيْدِيكُمْ إِلَى التَّهْلُكَةِ﴾ [البقرة: 195] فكانت الإقامة، الإقامة في البلد وترك الغزو هي التهلكة، عكس المتبادر للذهن، كانت الإقامة في الأوطان وترك الغزو هي التهلكة، وترك الإنفاق في سبيل الله.
إذاً فإن يكفر بها هؤلاء خلي ده شعار عندك، لو سبت مكانك فقد وكلنا بها قوما ليسوا بها كافرين. أوعى لما أنت تبقى داعية لشيء تسيبه ولا تكون أول كافر به، فإن يكفر بها هؤلاء فقد وكلنا بها قوما ليسوا بها كافرين. أولئك الذين هدى الله، استمرار دايماً معنى الهداية هنا أي أن الأنبياء عشان ما يتبادرش في الذهن من قصة سيدنا إبراهيم أن الإنسان ممكن يفهم الدين لوحده، لأ لازم ينزل وحي، وده من من حكم تكرار كلمة هذا هدى الله يهدي به من يشاء، أولئك الذين آتيناهم الكتاب والحكم والنبوة، أولئك الذين هدى الله، ليه تكراره في كل آية أن ربنا اللي هداهم؟ ربنا اللي علمهم، ربنا اللي آتاهم الكتاب والحكم والنبوة، ده زي إيه؟ مقدمة للآية اللي جاية بقى: ﴿وَمَا قَدَرُوا اللَّهَ حَقَّ قَدْرِهِ إِذْ قَالُوا مَا أَنزَلَ اللَّهُ عَلَى بَشَرٍ مِّن شَيْءٍ﴾ [الأنعام: 91]، عشان ما حدش يظن أن ممكن حد يصل بدون وحي، الإنسان البشرية في حاجة إلى الوحي وهنتكلم عن الموضوع ده في الآية اللي جاية.
أولئك الذين هدى الله فبهداهم اقتده، هنا طبعا بيجي في التفسير مسألة لكن هي خارج إطارنا، شرع من قبلنا هل هو شرع لنا أو ليس شرع لنا؟ اللي عليه المحققين أن هو شرع لنا ما لم يأت في شرعنا نص خلاف. أيا كان يعني، ﴿قُل لَّا أَسْأَلُكُمْ عَلَيْهِ أَجْرًا ۖ إِنْ هو إِلَّا ذِكْرَىٰ لِلْعَالَمِينَ﴾ [الأنعام: 90]، هذا الوحي وهذا الدين لازم واحنا بنبذله ما ناخدش قصاده أجر، أكتر حاجة تجيب لك التهمة أنك أنت تعرض دين زهرياً قصاد الناس أن في قصاده حاجة، أنا هعلمك الدين بس تديني صوتك، أنا هعلمك الدين بس تديني فلوس، أنا هعلمك الدين بس تديني منصب، أنا لأ، لازم لا أسألكم عليه أجر وده لازم يبقى شعار في الدعوة. دي في فيما أعلم والله يعني هي اقتده، اصلها اقتدي، آه ما هي فيما أذكر يعني اسمها بتقف عليها يا اصلها فبهداه اقتدي، فيما أعلم والله وبعدين أهالي لك إنما ده اللي أنا أذكره يعني.
فيكفر بها هؤلاء فقد وكلنا بها قوما ليسوا بها كافرين، أولئك الذين هدى الله فبهداهم اقتده، قل لا أسألكم عليه أجرا. الخطاب هنا بقى رجع للنبي صلى الله عليه وسلم مع قومه، واحنا قلنا كلمة قل اللي اتكررت أكتر من أربعين مرة في السورة: قل لا أسألكم عليه أجرا إن هو إلا ذكرى للعالمين. عالمية القرآن وعالمية الرسالة وأن لازم الإنسان دايماً يستشعر إنه رسالته رسالة عالمية، أن هو بينتمي ومؤمن بدين، الدين ده إحنا مطالبين نبلغه للعالم كله. تبارك الذي نزل الفرقان على عبده ليكون للعالمين نذيراً، كتاب أنزلناه إليك مبارك لتخرج الناس، كل الناس من الظلمات إلى النور، تخرج الناس كلها من الظلمات إلى النور. إني رسول الله إليكم جميعاً، النبي صلى الله عليه وسلم كان كل رسول يبعث في قوم خاصة وبعثت إلى الناس عامة، رسالة عالمية.
وما قدروا الله حق قدره إذ قالوا ما أنزل الله على بشر من شيء. قل من أنزل الكتاب الذي جاء به موسى نورا وهدى للناس تجعلونه قراطيس تبدونها وتخفون كثيرا وعلمتم ما لم تعلموا أنتم ولا آباؤكم. قل الله ثم ذرهم في خوضهم يلعبون. هذه الآية ما أو هذا الجزء من الآية ما قدروا الله حق قدره اتكرر تلات مرات في القرآن، اتكرر هنا في سورة الأنعام، وفي سورة الحج في بتاعة آية ضرب مثل فاستمعوا له، ويتكرر في سورة الزمر في آخر الزمر والارض جميعا قبضته يوم القيامة والسماوات مطوية بيمينه. مشهد منهم بتاع سورة الزمر في البعث يوم القيامة، ومشهد في الخلق، لن يخلقوا ذبابا ولو اجتمعوا له، ومشهد في الوحي، وكان دول التلات حاجات اللي ربنا بيعرفنا خطورة غيابهم عن البشر، وأن أغلب الطعون اللي بيطعن بها في دين أو في أي دين بتيجي في التلاتة دول.
الله عز وجل الخالق ودول الملحدين، الله عز وجل يبعث ودول المشركين، الله عز وجل نزل وحي ودول اللي بينكروا الوحي. التلات حاجات دول، التلات أشياء دول، الله عز وجل الخالق، الله عز وجل يبعث الدار الآخرة، الله عز وجل نزل وحي هنتحاسب عليه عشان البعث. كل واحدة من دول تضرب طائفة من الطوائف الضالة، ماشي ففاهم ما أي حد بيطعن في التلاتة دول في قدرة الله على البعث، أو أن الله عز وجل نزل وحي، أو أن الله عز وجل هو الخالق، ده لم يقدر الله عز وجل حقه، هو بيطعن في صفات الله عز وجل. اللي معنا النهاردة آية الأنعام: ﴿ما قدر الله حق قدره إذ قالوا ما أنزل الله على بشر من شيء﴾ جريمة، أكبر جريمة في الحياة إبعاد الناس عن الوحي.
أنا عايز أقول أن يعني إبعاد الناس عن الوحي ده جريمة أشد جرماً من محاولة إطفاء الشمس. ﴿يُرِيدُونَ أَن يُطْفِئُوا نُورَ اللَّهِ بِأَفْوَاهِهِمْ﴾ [التوبة: 32]، يعني اللي عايز، ولن يستطيع، يعني اللي عايز يطفي الشمس، اللي عايز يمنع الماية من الناس دي جريمة، جريمة في حق البشرية كلها، لكن اللي عايز يبعد الناس عن الوحي أشد جرماً من هذا. إحنا مش فاهمين يعني إيه خطورة إبعاد الناس عن الوحي؟ دي مصيبة. أن تنقطع الأرض عن السماء دي مصيبة، قطع صلة الأرض بالسماء، قطع الناس عن ربهم دي مصيبة. كيف يتصل الناس بربهم إذا لم يكن هناك وحي؟ كيف نعرف مراد الله؟ كيف ننجو؟ كيف نعرف؟ كيف نختلف؟ كيف نعيش؟ ازاي الأسباب اللي هيتهيأنا للبعث؟ للحياة الخالدة، لنعيم الجنة، لرؤية وجه الله. مجرم.
اللي بيقول ما أنزل الله على بشر من شيء ده أكبر جريمة على وجه الأرض، ومن أظلم زي ما هييجي معنا ممن افترى على الله كذباً أو قال أوحي إلي ولم يوحَ إليه شيء، ومن قال سأنزل مثل ما أنزل الله، وما قدروا الله حق قدره. هو مش هو كده بيتهم الله؟ اللي بيقول ما فيش وحي، أو على شاكلته إن الوحي ده كان أيام النبي صلى الله عليه وسلم، إن القرآن ده كان أيام النبي صلى الله عليه وسلم واحنا مش محتاجين دلوقتي، ما ينفعش نطبقه دلوقتي، أو إن هو لا يصلح لكل زمان ومكان للقرآن، أو إن هو مش رسالة عالمية؛ ده نفس الجريمة، ده مشترك في نفس الجريمة، عشان كده ربنا أتبعهم باللي قال إنه جاب وحي من عنده، أو الأول نسب إلى الله ما لم يقل، قال إن فيه وحي، ثم ادعى كلام ربنا نسبه إلى الله، ده اللي هو افترى على الله كذباً، أو هو ادعى إنه هيأتي ببديل: أوحي إلي ولم يوحَ إليه شيء، ومن قال سأنزل مثل ما أنزل الله. هنشوف بقى إزاي كل دي محاولات لصد الناس عن الوحي، وكل دول مجرمين.
والعقاب اللي جاي هنا بتاعهم اللي هو في غمرات الموت والملائكة باسطو أيديهم: أخرجوا أنفسكم. ده أشد الناس إجراماً؛ ليه؟ أولاً هذا يسيء الظن في الله، إن الله عز وجل يخلق الخلق -احنا قلنا ما قدر الله حق قدره تلات حاجات: الخلق بتاعة الحج، والبعث بتاعة الزمر، والوحي بتاعة الأنعام، لازم المسلسل ده يبقى في ذهَننا- إن الله عز وجل يخلق الخلق ثم يتركهم، الله عز وجل يتركهم بدون وحي وما يعرفهمش كيف يعيشون؟! إزاي؟ ده حتى بالعقل كده! لذلك لما فلاسفة الإغريق زمان لما حبوا يهربوا من الموضوع ده قال لك إيه؟ الإله أعظم من أنه يهتم بالتفاصيل بتاعة البشر، فخلق الخلق وسابه يكمل لوحده، وأعطى للبشر عقلاً عشان يعيشوا لوحدهم.
هم عايزين يهربوا من سلطة الوحي. هو ليه تعالَ نرجع الأول، ليه الناس تقول ما أنزل الله على بشر من شيء؟ إيه الدافع الرئيسي لو قعدنا نمخور وراحهم كده في ضمايرهم جوة كده، إيه الدافع الرئيسي إنه يقول إن ربنا ما نزلش وحي؟ تكليف! ما هو فيه وحي، احنا قلنا المسلسل: خلق، طب ربنا خلق الخلق مش هيسيبهم، نزل لهم وحي، هيحاسبهم على الوحي، هيبعثهم -المسلسل: ما قدر الله حق قدره، الحج، الأنعام، الزمر- يبقى أنا هتحاسب؟ لأ، يبقى أنا يا أما أعمل إيه؟ يا أما أقول هم بقى والعياذ بالله، يا أما أقول ما فيش بعث فأعمل اللي أنا عايزه، يا أما أقول مش ربنا اللي خلق أصلاً فما فيش حاجة، يا أما أقول هو اللي خلق وفيه بعث بس ما فيش وحي، طب ما أنا هتحاسب على إيه؟ براحتكم، كل واحد يبقى أهم حاجة يبقى إنسان كويس، كويس دي بمفهوم مين؟ في مفهومكم كلكم حاجة نسبية، ما فيش حق مطلق، ما فيش حاجة اسمها حلال وحرام، فده مجرم.
وبعدين، معقول! الرحيم اللطيف خلق الخلق ويرزق البشر ويرزق النملة في جحرها وما يعلمناش نعيش إزاي؟ حتى الإمام محمد عبده عفا الله عنه له كلام رائع في يعني إيه إن العقل كده بالعقل كده البشر محتاجين لوحي، كان ذكره محمد رشيد رضا في تفسير المنار، ذكر كلام رائع هو أصلاً ده مقتبسه من رسالة اسمها رسالة التوحيد لمحمد عبده، إزاي فكرة بتقول إن أنت محتاج لوحي؟ يعني مثلاً البشر بطبعهم اسمهم إنسان وناس يعني محتاجين أنس يعني محتاجين يعيشوا مع بعض، يعني الإنسان بفطرته كائن اجتماعي، طب هيعيشوا مع بعض، طب هيختلفوا، هيطبقوا كلام مين؟ ما هو معنى إن ما فيش وحي إن بقت غابة، الأقوى هو اللي يفرض كلمته. أنا معايا سلاح وأنا مسيطر على العالم يبقى أنا اللي هفرض مفهومي البشري.
وبعدين البشر لما بيتسابوا لعقولهم بيضيعوا الدنيا، لذلك يروى عن بعض السلف، ذكر الإمام الطبري وغيره في التفسير، قال: إذا أردت أن تعرف جهل العرب فاقرأ ما بعد المئة من العام، وهيجي لنا تخاريف؛ يقول لك حط الأكل هنا ولو الريح نقلت شوية من الأكل هنا يبقى يروح للإلهة، لأ، الدابة دي ما تركبهاش لو عدت مش عارف كم سنة، لأ، البنت لازم تتوأد، لأ الجواز... وأنت لما تيجي تبص في بعض التشريعات البشرية وخاصة اللي في العبادة، إزاي الإنسان حاول يعبد الإله سواء في معتقده أو غير الحق، لما بيعلن عن الوحي تلاقيه بيخرف، فيأتي بتخاريف، ودي ممكن عايزة تجميعه إن أنت تشوف إزاي العقل لما بيتساب لوحده بيشرع تشريعات مليئة بالتخريف.
يعني ما هو العقل، الله عز وجل خلق العقل، لكن عشان العقل ما يتوهش -لأن العقل عليه مؤثرات: خوف من شخص، خوف من البطش، خوف على الرزق، مشاعر معينة، يحب واحد أكتر من واحد- اللي يضبط المؤثرات اللي على العقل دي واللي يضبط المشاعر إن فيه وحي، فيه قواعد، وفي نفس الوقت ربنا ساب مساحة واسعة للعقل لكن أدى له قواعد، الوحي نزل بقواعد عامة. في واحد يقول: يعني إيه شريعة يعني؟ هي الشريعة دي المشكلة اللي بيني والمصالح الحكومية والحاجات والتفاصيل الدقيقة اللي في الحياة؟ نقول له: الشرع جه بمحكمات كلية وبقواعد كلية، وتفاصيل دقيقة في بعض الأشياء، وأشياء سايبها مفتوحة للعقل البشري إنه يستفيد فيها من التجارب البشرية، لما بينزع هذه القواعد وبينزع الوحي من الناس بنعيش في غابة.
فده إنسان مجرم أن يتهم الله عز وجل ويسيء الظن في الله وأنه يسب الله عز وجل وأنه يقول ما أنزل الله على بشر من شيء، ده مجرم. زي ما قلنا بيتساوي معه في الإجرام أي وسيلة لقطع الناس عن الارتباط بالقرآن، ده متساوي معه في نفس الجريمة، عشان كده جه بعدها سواء اللي افترى على الله كذباً، أو اللي قال أوحي إلي ولم يوحَ إليه شيء، أو اللي قال سأنزل، كلهم متساويين في الجريمة؛ النتيجة: صرف الناس عن القرآن. الواقع المعاصر اللي زي ما قلنا اللي يقول القرآن غير صالح للتطبيق في هذا الزمان، أو اللي يقول إن القرآن مش المقصود به الآيات الظاهرية الحدود الظاهرية أو الشريعة، لأ، ده له تفسير باطني والتفسير الباطني مش معروف والتفسير الباطني طالما إنه مش معروف يبقى نسبي يبقى ما حدش يفسر، يبقى القرآن محطوط لدور العبادة فقط.
كل دول متشاركين في نفس الجريمة، العلمانية متشاركة في نفس الجريمة، كل إنسان أو أي فكرة عايزة تفصل الناس عن الارتباط بالوحي بالنصوص الشرعية القرآن والسنة، ده مجرم، ده ما قدر الله حق قدره، ده مش عارف قدر ربنا سبحانه وتعالى: ﴿وَمَا قَدَرُوا اللَّهَ حَقَّ قَدْرِهِ إِذْ قَالُوا مَا أَنزَلَ اللَّهُ عَلَى بَشَرٍ مِّن شَيْءٍ﴾ [الأنعام: 91]. قل من أنزل الكتاب الذي جاء به موسى؟ مسيرة الأنبياء إذ ختمت بكتاب التوراة ثم الإنجيل ثم القرآن، مين اللي أنزل الهدى ده؟ قل من أنزل الكتاب الذي جاء به موسى نورا وهدى للناس تجعلونه قراطيس تبدونها وتخفون كثيراً.
هنا حصل نقلة عجيبة جداً في الآيات خلت المفسرين يقفوا، هو الخطاب مين اللي قال؟ هو أولاً تجعلونه قراطيس تبدونها وتخفون كثيراً، ده قولاً واحداً مين اللي عمل كده؟ وهنتكلم يعني إيه تجعلونه قراطيس دلوقتي. طب الخطاب وما قدروا الله حق قدره، احنا كنا ماشيين مع المشركين: قل لا أسألكم -على آخر آية- قل لا أسألكم عليه أجراً إن هو إلا ذكر للعالمين، ده خطاب النبي صلى الله عليه وسلم لمين؟ للمشركين. وما قدروا الله حق قدره إذ قالوا ما أنزل الله على بشر من شيء، مين اللي قال ما أنزل الله على بشر من شيء؟ مختلفين، اختلفوا، بعضهم قال: دول المشركين، وأنهم كثر الضغط النبي صلى الله عليه وسلم عليهم من أول السورة: قل قل قل قل آيات القرآن، قالوا: طب بص بقى، هم كانوا بيقولوا إيه؟ لأ، مش أنت الرسول، مش أنت الرسول؟ قال له: طب بص، ما فيش وحي أصلاً، مع أنهم المشركين كانوا بيروحوا لأهل الكتاب وكانوا مسمينهم أهل العلم وأهل الكتاب، وكانوا حاسين بالنقص إن دول عندهم علم ويقولوا كده: لولا أنزل الكتاب على... اللي هي في آخر الأنعام اللي معنا في السورة، أو تقولوا المشركين كانوا بيقولوا: لو أنزل علينا الكتاب لكنا أهدى منهم، لو جاب لنا كتاب زيهم هنؤمن، يعني هم بيعترفوا أن عندهم كتاب المشركين، بس بعضهم بيقول: الكتاب ده مش لنا، ده خاص باليهود.
فربنا بيقول للمشركين: من أنزل الكتاب الذي جاء به موسى نوراً وعهوداً للناس؟ يبقى فيه ناس قالت إن اللي قال ما أنزل الله على المسلم من شيء مين؟ مشركي قريش، والنبي صلى الله عليه وسلم بيجادلهم ويحجهم وجاب لهم قصة سيدنا إبراهيم وقال لهم: أهو سيدنا إبراهيم أهو ربنا سبحانه وتعالى هداه وآتاه الحجة على قومه وكل الأنبياء دول ربنا هداهم ونزل لهم وحي، وأنا في ختام هذه المسيرة فمما تعجبون؟ قاموا عملوا إيه بقى؟ قاموا نسفوا المسألة دي كلها، كفروا بما كانوا يؤمنون به. للمشركين كفروا بما كانوا يؤمنون به إن فيه أنبياء وربنا أوحى إليهم، قالوا: لا لا لا خلاص، احنا غيرنا رأينا.
ودي نقطة مهمة قوي خطورة أنك أنت بتجادل وبتناقش مش عشان توصل للحق، أنك أنت عندك مذهب متعصب له فانت بتناقش وأنت متعصب فانت ممكن توصل انك تكفر بمبادئك كلها عشان تكسب اللي قدامك، المشركين عملوا كده. النبي صلى الله عليه وسلم قال لهم: مش أنتم بتؤمنوا بسيدنا إبراهيم؟ أه. وأن سيدنا إبراهيم كان رسول؟ أه. وسيدنا إبراهيم أبو الأنبياء؟ طب ربنا نزل وحي على سيدنا إبراهيم ونزل وحي على كل ست عشر نبي دول وأنا في الختام ده فمما تنكرون الوحي؟ قارنوا بما جئت به من وحي ومن الكلام السابق، أنا أدعو إلى التوحيد والكتب تدعو إلى التوحيد، أنا أدعو إلى طاعة الله عز وجل ما باطلبش منكم أجر وكذلك كل الأنبياء، أنا أدعو قارنه عشان تعرفوا أنه من مشكاة واحدة. قالوا: طب خلاص، ما أنزل الله على بشر من شيء.
في مفسرين قالوا إن فيه سبب نزول مروي عن سعيد بن جبير مرسل، من سعيد بن جبير تابعي ما أدركش النبي صلى الله عليه وسلم فبيسموه مرسلاً. الشاهد أن اللي قال الكلمة دي يهودي، تخيل! اسمه مالك بن الصيف، يهودي بيتكلم مع النبي صلى الله عليه وسلم والنبي صلى الله عليه وسلم بيحجه، فكان مالك بن الصيف حبر من علماء اليهود سمين، فقال له النبي صلى الله عليه وسلم -أنشدك، النبي صلى الله عليه وسلم بيقول له إيه؟ أنشدك بالذي أنزل التوراة على موسى، هل تجد في التوراة أن الله يبغض الحبر السمين؟- فمالك بن الصيف حس إنه إيه بيتهزأ يعني حاسس أن الكلام بييجي عليه، لما بييجي على شخصه قال له إيه؟ قال له: ما أنزل الله على بشر من شيء. شوف التعصب والحمية والعصبية خلاته إيه؟ خلته يكفر بدينه عشان يكسب بس! النبي يقول له: أنشدك بالذي أنزل التوراة على... مش قال له إيه؟ قال له: أصلاً ربنا ما نزلش حاجة، ما أنزل الله على البشر من شيء.
فلما رجع اليهود قالوا له: أنت قلت إيه؟ إيه اللي أنت عملته ده؟ حتى في بعض الروايات أنهم نزعوا منه مرتبة الحبر، نزعوا الحبرية دي شالوها منه، وأن هو لا غضب. الإمام اللغوي ذكر الإمام القاسمي له تعليق جميل قوي على الحتة دي، بيقول إيه؟ بيقول: وقد يبلغ الحمق بصاحبه -خد بالك من النقطة ديت لأن دي للاسف احنا بنعانيها اليومين دول في النقاشات من حتى بعض الإخوة مع بعض- أن هو من كتر الحمية عايز يكسب أخوه في النقاش ممكن يكفر بمبادئ كان بيؤمن بها من قبل عشان يعني ممكن الأخ يقول إن واحد في وسط النقاش يقول له: مش أنت كنت بتقول كذا وانتم قلتوا الدين قبل كده كذا؟ يقول له: لا لا لا أنا عمري ما قلت كذا، والدين أصلاً مش كده، عشان مجرد بس إنه يكسب في النقاش، يعني أحياناً الحمية تاخد الإنسان لهذه الدرجة. فبيعلق بيقول إيه؟ قد يبلغ الحمق بصاحبه إلى حد أن يتبرأ فيه من مذهبه ومعتقده ليه؟ إغاظة لخصمه على زعمه. ولكن النقطة اللي كاتبها دي خطيرة جداً: بوادر اللسان في حق المولى لا تغتفر.
يعني مش معنى إنك حمية فغلطت في ربنا إن ربنا يعديها لك، أنا لما قريت الكلمة دي افتكرت الحديث بتاع والله لا يغفر الله لك، كل ما يعدي على أخوه يقول له توب فيقول: ذرني وربي، فحس إن التائب بيتغلب في النقاش، الراجل الطائع العالم الشيخ وعاصي بيكسبه: ذرني وربي! فقال له: أنت عملت إيه وزار ربي؟ طب والله لا يغفر الله لك. فقال الله عز وجل: من ذا الذي يتألى علي؟ قد غفرت له وأحبطت عملك. خطر قوي، أو النقاشات لانتصار النفس دي خطر: قد غفرت له وأحبطت عمله. عجبتني كلمة وبوادر اللسان في حق المولى تعالى وتقدس مما لا تغتفر.
لذلك بدأ الله الآية زي ما بيقول: ما قدروا الله حق قدره. أوعى تخش نقاشات مجرد عايز تكسب واحد صفر، ويرد عليك وناس قاعدة بتسقف والنقاشات على الفيس ويقول له: والتاني الله أكبر، وأنا جبت عشرة لايك، تحول الموضوع لمصارعة، وادي له الضربة القاضية وأيوه رد عليه، أيوه كده يا شيخ، تحس والناس قاعدة هو ده إيه؟ هو ده أصول الحق؟
هو ده الوحي اللي نزل من السماء ولطريقة البحث عنه خطر جداً. لذلك من العجيب أن الآية ديت سببين نزول يصح في الآية؛ سواء المشرك أو اليهودي المشركين قالوا كده أو اليهود قالوا كده. جت بعد قصة سيدنا إراهيم؛ كأن ربنا بعد ما قال: ﴿وَتِلْكَ حُجَّتُنَا آتَيْنَاهَا إِبْرَاهِيمَ﴾ [الأنعام: 83] جت الآية دي كأن ربنا بيقول للنبي صلى الله عليه وسلم: هؤلاء لا ينقصهم الحجة سواء كان مشرك أو يهودي. حجة واضحة ربنا آتاها سيدنا إراهيم، واللي عايز يصل للحق بيصل بأقل شيء. لكن هؤلاء يلجون في العناد، زيّك لما تلاقي واحد كده معاند وممكن يتبرأ من مذهبه ودينه زي ما ذكر الإام الطبري في بعض الروايات.
هم أصلاً هنا لما نزعوا منه الحبرية أعطوها لكعب بن الأشرف بدل مالك بن الصيف. كعب بن الأشرف نفسه في بعض الروايات ذكرها الإمام الطبري أن بعض المشركين لما راحوا سألوا اليهود السؤال بتاع سورة النساء؛ اللي هو من هؤلاء أهدى من الذين آمنوا سبيلاً؟ سألوا اليهود مين اللي أقرب إلى الإيمان؟ نحن المشركين يعني؟ المشركين بيتكلموا عن نفسهم؛ احنا المشركين الأقرب ولا هذا الرجل اللي بيتقوله على النبي صلى الله عليه وسلم وحاشاه، هذا الرجل الذي انتظر من قومه؟ بيقولوا له اليهود: نحن نصل الرحم ونقري الضيف ونطعم المسكين، وهذا الرجل الذي فرّق بين الوالد وولده. فاليهود قالوا للمشركين: انتم أهدى سبيلاً. اليهود اللي عندهم التوراة والتوحيد يقولوا! طبعا هم عارفين الحقائق حتى اللي حرفوها، يقول للمشركين: إن الأوثان ما لهمش علاقة أصلاً بهم خالص. لكن شوف العناد مع النبي صلى الله عليه وسلم يقول: أنتم أهدى من الذين آمنوا سبيلاً.
وبعض الروايات أيضاً قالوا: لأ، احنا مش هنصدقك إلا أما تسجد للأصنام دي، فسجد للأصنام! شوف العناد؛ هو عناده مع النبي صلى الله عليه وسلم وصله لإيه؟ إنه قال لما عرف حقيقة وصف النبي صلى الله عليه وسلم، فبيسأله بيقول له: نويت على إيه؟ هل نتبعه؟ قال له: نعتبره عداوة ما بقيت. العلاج يوصل العناد يؤدي للكفر، قال: أنا خير منه. العناد خطر! فالإنسان لأنه بينتصر لنفسه ما قدر الله حق قدره، هو مش بيحث عن رضا الله، هو بيحث على أن هو ينتصر. ده خطر جداً.
طب نعمل إيه بقى هنا؟ تقول وتسكت. قول: الله، ثم ذرهم في خوضهم، ما تكملش. النقاشات هنا مش هتجيب نتيجة. لما تلاقي، وكثير من الناس -وحتى أنا لما بشوف مثلاً نقاشات أو كده- الواحد بيبقى مستفز وعايز يرد ويقول له، لكن هنا ربنا بيقول لك: قل الله ثم ذرهم. ده خوض. ضرب! ده مش بحث عن الحق ولا نقاش، ده ربنا سماه إيه؟ خوض. الخوض ده اللي ماشي بيقول لك الأصل كلمة الخوض: اللي بيمشي في بركة ومش شايف رجله، الماية معكرة فمش شايف الأرض، فرجله ماشية مش عارف بيحطها فين مش عارف إيه اللي هيحصل. فكذلك اللي بيتناقش لأجل الانتصار هو ممكن يروح في أي مصيبة، زي ما اللي ماشي في بركة ممكن يدوس على أي حفرة ممكن أي حاجة تحصل له ممكن أي حاجة تأذيه، كذلك ده خوض؛ يسير في غير طريق في متاهة. قل الله ثم ذرهم. وده لعب؛ ربنا سماه خوض، وربنا سماه إيه؟ لعب. ﴿قُلِ اللَّهُ ثُمَّ ذَرْهُمْ فِي خَوْضِهِمْ يَلْعَبُونَ﴾ [الأنعام: 91].
فأنت برضه لما تلاقي النقاش قلب خناقة كده -وده بيشجع فلان وده بيشجع فلان- اسكت. اسكت خلاص، ثم ذرهم. عشان أنت ما تنتصرش لنفسك. قل الله ثم ذرهم. يقول: من أنزل الكتاب الذي جاء به موسى نوراً وهدى للناس؟ آه. تجعلونه؟ نجي بقى للآية؛ احنا قلنا بقى مين اللي قال: ﴿مَا أَنزَلَ اللَّهُ عَلَى بَشَرٍ مِّن شَيْءٍ﴾ [الأنعام: 91]؟ إما اليهود أو المشركين. لكن الجريمة أيضاً وهنا ربنا حطها كجريمة ضمن جريمة ما أنزل الله عليها من شيء هي هياها جريمة تقطيع الدين قطع وعرضه على الناس جزء وإخفاء جزء تساوي جريمة ما أنزل الله على بشر من شيء. طب إزاي؟ معقول اللي عرض جزء من الدين وخبى جزء زي اللي خبى الدين كله!
أيوه نعم. ليه؟ لأن الدين وحدة متكاملة. ﴿ادْخُلُوا فِي السِّلْمِ كَافَّةً﴾ [البقرة: 208]. وتكلمنا في المسألة دي بالتفصيل في شرح خواتيم سورة الحجر في قول الله عز وجل: ﴿الَّذِينَ جَعَلُوا الْقُرْآنَ عِضِينَ﴾ [الحجر: 91]. قطعوه هنا دي نفس المعنى: تجعلونه قراطيس. يعني إيه تجعلونه قراطيس؟ احنا من كرم ربنا علينا ومن إلهام الله عز وجل هذه الأمة التي حفظها الله عز وجل من الضلال أن ربنا وفق الأمة لجمع المصحف في كتاب واحد. في عهد الصحابة كان القرآن مكتوب آه في الرقاع والعظام وغير ذلك مفرق. كانت هذه الأمة الفاضلة لا يخشى عليها من التحريف والتبديل، لكن مع دخول أجيال جديدة في الإسلام يخشى من هؤلاء، فربنا عز وجل ألهم الصحابة بجمع المصحف. اليهود كانوا يعملوا إيه؟ لأ، ما يحطوش القرآن كله أو الكتاب بتاعهم كله في كتاب واحد، لأ؛ عشان لو اتحط في كتاب واحد هيتعرض على ناس كتاب واحد. يقسموه ملفات صغيرة، قراطيس، حتت كده إيه ملف كده ده وده يفصلوهم عن بعض، ويعينوا حتت ده مثلاً بتاعة إيه حاجات عن الأخلاق؟ آه طلع ده للناس. دي عن الحدود والسرقة والزنا؟ لأ، عين ده. ده عن إيه؟ الولاء والبراء؟ لأ، عين ده برضو. ده تحكيم الشريعة؟ لأ، عين ده برضو. ده عن مثلاً السماحة وسماحة الإسلام؟ آه طلع ده. لا، كده يبدأوا يشوفوا المتناسب مع أهوائهم. بعدين افرض مثلاً إيه واحد سرق مثلاً وهو متضايق منه، آه طلع لي بتاع السرقة عشان أنا محتاجه. أه أه اقطع طب خلاص واحد قريبه وسرق العين ده دلوقتي. هي كده بقت إيه؟ عارفين كل حاجة تنفع وكل حاجة ما تنفعش! أنت بتفتح الدرج الدرج اليمين للي ينفع والدرج الشمال للايه؟ للي ما ينفعش. أنا كنت في المرور النهاردة، فانا موضوع اللي ينفع ولا ما ينفعش ده أنا شفته بعيني يعني.
المهم، فتجعلونه قراطيس تبدونها. يعني هو يقول لك: أنا ما أنكرتش الشريعة. في وحي، في وعي، في شريعة، في شريعة، فين؟ أهو. فين الباقي؟ تبدونها وتخفون كثيراً. دي كانت جريمة اليهود، ودي خطورة التربية الدينية. ابقى امسح لنا! دي خطورة التربية الدينية اللي بيتعرض فيها للطلبة أن الدين الأول مش مش من المجموع الرئيسي، ويعتر أجزاء منتقاة من الدين. مش يتعلم الطالب المصحف أن الدين عندنا إيه؟ آه، المصحف أهو، هنبدأ بإيه؟ هنبدأ من أهو. يتساب على بعضه كده: هناخد الآيات دي تتشرح لنا واحنا ماشيين، أهو قابلنا سورة الممتحنة وولاية وبراء ناخد، قابلنا سورة القلم وفيها إطعام مسكين ناخد برضه ما فيش مشكلة، قابلنا أخلاق ناخد نتعلم، قابلنا صلاة طول ما احنا ماشيين، قابلنا بعث، قابلنا المجادلة، قابلنا الأحقاف، قابلنا طول ما احنا ماشيين ما فيش مشكلة ناخد الدين يتساب على بعضه كده، إنما نصوص منتقاة وتغير على حسب الأهواء الشخصية ده خطر. والظاهر أنه بيعرض نصوص! تجعلونه قراطيس. ده ربنا حطها في في آية واحدة مع نفس الجريمة بتاعة وما قدر الله حق قدره اللي قال: ما أنزل الله على بشر من شيء. فكأن سواء اللي قال: ما أنزل الله على البشر من شيء المشرك، أو اللي قالها اليهودي -يعني حتى أذن الإام البقاعي-.
طب لو على القول بأن اللي قال مالك بن الصيفي ده يهودي، وحتى اليهود زعلوا منه لما قال: ما أنزل الله من شيء، ليه ربنا قال: إذ قالوا وما قالش: إذ قال؟ إلا أن اليهود رضوا بهذه الجريمة، ورضوا بالجريمة دي عن طريق حاجتين: إنما ما عنفوش تعنيف قوي بالقتل مثلاً لأن ده واحد كفر عندهم، أو أنهم يجعلونه قراطيس. ما أنت متساوي معه في نفس الجريمة؛ يعني أنت بتزعق لمالك بن الصيف إنه قال: ما أنزل الله على بشر من شيء، وأنت بتجعله قراطيس. لذلك الإمام ابن عباس بيقول في قول الله عز وجل: ﴿يَا أَيُّهَا الرَّسُولُ بَلِّغْ مَا أُنزِلَ إِلَيْكَ مِن رَّبِّكَ وَإِن لَّمْ تَفْعَلْ فَمَا بَلَّغْتَ رِسَالَتَهُ﴾ [المائدة: 67]. أي: إن لم تبلغ آية واحدة من القرآن فكأنك لم تبلغ القرآن كله. احنا قلنا الدين ده وحدة متكاملة. ﴿تَجْعَلُونَهُ قَرَاطِيسَ تُبْدُونَهَا وَتُخْفُونَ كَثِيرًا وَعُلِّمْتُم مَّا لَمْ تَعْلَمُوا أَنتُمْ وَلَا آبَاؤُكُمْ﴾ [الأنعام: 91].
الخطاب ده بقى قيل إن هو لمشرك قريش أو للمؤمنين أو لليهود أو غير ذلك. مين اللي علمكم الحاجات دي؟ مين اللي علمكم تاريخ الأمم السابقة ومين اللي علمكم غلبة الروم واكتشفتم فعلا أن هي ﴿مِن بَعْدِ غَلَبِهِمْ سَيَغْلِبُونَ﴾ [الروم: 3]؟ مين اللي قال لكم؟ هو بيقول له لأن الكتاب دايمًا الغالب في القرآن لأنه كتاب مكمل. آه، مكمل الأصل والكتاب التوراة. ثانياً، ده دول الرد، ردين على كل الآيات اللي زي كده مثلاً للمؤمنين، الجن بتوع الأحقاف قالوا في آخر سورة الأحقاف: ﴿مُصَدِّقًا لِّمَا بَيْنَ يَدَيْهِ﴾ [الأحقاف: 30]. وهنا برضه ﴿مُصَدِّقُ الَّذِي بَيْنَ يَدَيْهِ﴾ [الأنعام: 92] قال له عشان حاجتين: الحاجة الأولانية أن كتاب سيدنا موسى هو الكتاب الرئيسي اللي هو التوراة، والإنجيل مكمل لبعض الأشياء، يحل بعض الأشياء، يحرم. حتى بعضهم قال إنه ما فيش فيه تشريعات، لكن نص القرآن على خلاف ما بين العلماء. إنما نص القرآن أنه بيحل بعض الأشياء ويحرم بعض الأشياء، فده كتاب مكمل. النقطة التانية أن كان الواقع أن كان جيرانهم هم اليهود، والتعامل كان الغالب مع اليهود وكان النصارى كانوا بعيد عنهم شوية في نصارى نجران، خلاص، والتعامل معهم جه في سورة آل عمران.
الشاهد نرجع: قل الله ثم ذرهم في خوضهم يلعبون. علمتم ما علمتم ما لم تعلموا أنتم ولا آباؤكم؟ قيل مين اللي علمكم الأشياء اللي أنتم اتعلمتوها دي؟ وأنتم كنتم جهلة؛ أنتم أميين لم تكونوا تعلموا شيء عن السماوات وعن الأرض وعن الحياة وعن الأمة كلها. مين؟ قل الله ثم ذرهم في خوضهم يلعبون. والذي أنزل الكتاب مسيرة الوحي متصلة مستمرة، لن يستطيع أحد أن يقطعها. ﴿وَهَذَا كِتَابٌ أَنزَلْنَاهُ مُبَارَكٌ مُّصَدِّقُ الَّذِي بَيْنَ يَدَيْهِ﴾ [الأنعام: 92]. بركة هذا القرآن في أشياء كثيرة جداً: احتوى يعني عظيم النفع في كلمات قليلة. بركة القرآن في القلب اللي انزل عليه؛ قلب النبي صلى الله عليه وسلم، في النفع؛ ﴿يَهْدِي لِلَّتِي هِيَ أَقْوَمُ﴾ [الإسراء: 9] في كل شيء. ﴿مُّصَدِّقُ الَّذِي بَيْنَ يَدَيْهِ وَلِتُنذِرَ أُمَّ الْقُرَى وَمَنْ حَوْلَهَا﴾ [الأنعام: 92]. وده إعجاز؛ أن مكة تتسمى أم القرى عشان هي هتصبح أم القرى. الواحد يتعجب!
لما كانت تنزل مثلاً آيات في مكة واحنا في قمة الاستضعاف وتهدد بالاستئصال؛ يعني اتعمل عليك شعب أبي طالب حصار، أن أنت مهدد بالاستئصال، مهدد بالقتل الدعوة كلها أن كلهم يموتوا وتنتهي الدعوة، وهذا لن يحدث يعني. لكن تخيل هو مهدد بهذا! وتيجي آيات أن القرآن رسالة عالمية، وأن مكة أم القرى في العالم. أنا مش متخيل اللي كان عايش في صحراء مكة كان بيتلقى هذه الآيات إزاي؟! أي يقين هذا؟! أي يقين زي بالضبط لما في الأحزاب ومحاطين ويخافوا على نفسه أنه يروح الخلا، ويبشرهم رسول الله صلى الله عليه وسلم بكسور كسرى وقيصر! أو النبي صلى الله عليه وسلم في الهجرة وهو سايب البلد ورايح وماشي وبيشر سراقة بسواري كسرى! كيف كانوا يتلقون هذا؟! الصحابة كمان كانوا بيتلقوا ده إزاي؟!
واحد من المعاني اللي مستشعرها اليومين دول وأنت بتقول مع الأذان: اللهم رب هذه الدعوة التامة. هي تامة! أتمها الله عز وجل وستتم في العالم. أنت ممكن تقول دي وأنت في قمة الاستضعاف، لكن أنت موقن أن هي هتتم. طب أنت على الأقل الوقتي شفت مراحل إسلام في التاريخ ودلوقتي المسلمين كتير وفيه كعبة وفيه يعني يقول لك عدد الحج مش عارف 3 مليون، لأ، 3 مليون ونص و4 مليون. الكلام ده كان كام واحد أصلاً مسلمين قبل كده؟ كانوا كيف كانوا يتلقون هذا المعنى؟ معنى العظيم ده: أن هذا الدين مكة تصبح أم العالم كله، العالم يأتيها من كل حدب وصوب؛ هذا سيحدث. ويقين بقى سيدنا إراهيم اللي قبل كده خالص: ﴿رَبِّ اجْعَلْ هَذَا بَلَدًا آمِنًا﴾ [البقرة: 126]، ﴿وَاجْعَلْ أَفْئِدَةً مِّنَ النَّاسِ تَهْوِي إِلَيْهِمْ﴾ [إبراهيم: 37]. إزاي إزاي أن كل الناس.. واجعل أفئدة من الناس كلها أن أنا استهوي إليهم؟ إزاي اليقين ده في مكان صحراء أصلاً بوادي أصلاً لا يصلح للزراعة غير ذي زرع؟ إيه اليقين ده؟ كيف كانوا يتلقون هذه الآيات؟
فاستمراره برضه أن القرآن رسالة عالمية وستتم. ﴿وَلِتُنذِرَ أُمَّ الْقُرَى وَمَنْ حَوْلَهَا﴾ [الأنعام: 92] العالم كله. والذين ربنا بيقول للنبي صلى الله عليه وسلم، والمعنى ده يتكرر معنا كثير في السورة: ما تشغلش بالك، اللي مش خايف من الآخرة مش هيؤمن. وذكر به، خدناها قبل كده: ﴿أَن تُبْسَلَ نَفْسٌ بِمَا كَسَبَتْ﴾ [الأنعام: 70]. اللي هيؤمن؛ اللي خايف من الآخرة، اللي مصدق أن فيه آخرة، هو اللي هيؤمن بالقرآن. لذلك قلنا: لو عايزين نرتب آيات ما قدر الله حق قدره، يبقى الأولانية بتاعة الحج، التانية بتاعة الزمر، التلاتة بتاعة الأنعام. تؤمن الأول أن الله الخالق، وتؤمن أن فيه بعث، فبالتالي فيه وحي هنتحاسب عليه. ده دي التلات حاجات دول، ده التسلسل الطبيعي أن الإنسان يرتقي في الإيمان. لكن واحد أصلاً مش مؤمن بالآخرة ومش خايف أنه يبعث ولا يفكر في المستقبل الأخروي بتاعه مش هيهمه القرآن. لذلك ربنا بيقول له: ﴿وَالَّذِينَ يُؤْمِنُونَ بِالْآخِرَةِ يُؤْمِنُونَ بِهِ﴾ [الأنعام: 92]. وكرد فعل طبيعي في حياته: يعظم الشعائر. ﴿وَهُمْ عَلَى صَلَاتِهِمْ يُحَافِظُونَ﴾ [الأنعام: 92]. يعظم الشعائر.
استمرار لهذه الجريمة، ربنا جاب طرق أخرى أن الجريمة مش لمجرد أنه ينكر ما أنزل الله من شيء، ممكن يقول: لأ، ده فيه وحي! ومين اللي نزله؟ الله. ونزله على مين؟ على الرسول. إيه هو الوحي ينسب إلى الوحي؟ ينسب إلى الله ما لم قوله الله عز وجل.
ومن أظلم ممن افترى على الله. خد بالك، ده خطر جداً، وده اللي اتبدأ بيه. مع أنت متوقع أن الخطر اللي يقول: سأنزل مثل ما أنزل الله، يعني ده متوقع أن ده أخطرهم؛ اللي يجيب وحي مضاد، لكن لأ، اللي يقول يفتري على الله كذب ده بيدخل في الدين ما ليس فيه، التاني بيقول بيدعي والعياذ بالله الربوبية، بيدعي الألوهية، بيدعي أنه عنده القدرة أنه يحط نظام للبشر، لكن بيعترف أن ده مش من عند ربنا، التاني بينسب إلى الدين ما ليس فيه، ده أخطر المجرمين، خطر جداً ده.
ودي كانت في الأديان السابقة ممكن تحصل بالتحريف؛ أن هو يغير كلمة، يمسح كلمة، الرجم يحط إيده عليها، زي الروايات الكثيرة الموجودة. طب يحصل في ديننا ازاي؟ إيوه دي مش بس بالنسبة للأحاديث، أنه ينسب أحاديث الرسول صلى الله عليه وسلم، أنه يدعي ينسب أحاديث للنبي صلى الله عليه وسلم الموضوعات، وبالنسبة للقرآن، ده بالنسبة للسنة، وبالنسبة للقرآن أنه يأول المعاني الواضحة، يصرفها إلى غير معناها، معنى واضح صريح متكرر في القرآن يصرفه عن معناه، وده بقى الخطورة، زي ما ربنا قال: ﴿وَمِنْهُمْ أُمِّيُّونَ لَا يَعْلَمُونَ الْكِتَابَ إِلَّا أَمَانِيَّ وَإِنْ هُمْ إِلَّا يَظُنُّونَ﴾ [البقرة: 78]. بعدها على طول إيه؟ ﴿فَوَيْلٌ لِلَّذِينَ يَكْتُبُونَ الْكِتَابَ بِأَيْدِيهِمْ﴾ [البقرة: 79]. استغلوا أمية الأميين دول، لما بقى فيه ناس مش عارفة القرآن، فيطلع واحد عليهم، يعني غالب الناس ممكن ما يعرفش حاجة عن القرآن، فيطلع واحد ينسب للقرآن ما ليس فيه، يقول: يا جماعة، ده ربنا سبحانه وتعالى ربنا بيقول كذا، ونجيب آية في القرآن إيه اللي معناها كذا وكذا وهي ما لهاش أي علاقة، فينسب إلى الله عز وجل ما لم قوله الله عز وجل، يضع قواعد شرعية، يجيب قواعد شرعية قالها بعض السلف ويحملها ما لا تحتمل، ياخد آيات ويضربها ببعض، يجيب الآيات المتشابهات وينسب لها الدين ويبتعد عن المحكمات.
يعني لها أكتر من طريقة مذكورة في كثير من القرآن في التبديل، التحريف، التغيير، اتباع المتشابهات، موجودة في طرق كتير، ودي إيه؟ أساليب المجرمين في إبعاد الناس عن الوحي: ﴿وَمَنْ أَظْلَمُ مِمَّنِ افْتَرَى عَلَى اللَّهِ كَذِبًا أَوْ قَالَ أُوحِيَ إِلَيَّ﴾ [الأنعام: 93]. يبقى فيه واحد قال ما أنزل الله على بشر من شيء، قال ما فيش وحي أصلاً، أن البشر لا يحتاجون إلى وحي، وأن البشر مش محتاجين لنظام، وده اتفهم. ييجي بعد كده واحد أخطر اتنين اللي بيجعلونه قراطيس واللي بيفتري على الله كذب.
التالت أو الرابع اللي بيقول: لأ، البشر محتاجين لوحي. طب فين الوحي ده؟ أنا النبي! يدعي أن هو يقول: أوحي إلي ولم يوحَ إليه شيء، وده بقى مسيلمة الكذاب وغيرهم. والأخير بقى يقول: لأ، مش ربنا اللي نزلني، ده أنا اللي جبته من عندي، وأنا شايف أن أنتم محتاجين اللي أنا بقوله ده، شايف أن البشر كلهم، أن هو عايز يحط مبدأ زي ما هما عايزين يفرضوا الليبرالية على العالم، وبيقولوا أن ده نهاية الحضارات خلاص وأن ده أعلى تقدم بشري لوصوله للبشر، وما عادوش هيوصلوا لفكرة أحسن من كده في العالم خلاص. طب نعمل إيه؟ تتفرض على الناس خلاص، هي فكرة بشرية أصلاً، بس برضو بتتفرض، طب ده بشر على بشر؟ يعني واحد يأكل الطعام ويمشي في الأسواق ويدخل الخلاء وضعيف وبيناهم وبيشهو وبيُنسى وبيغفل ويمرض وضعيف، بيجيب فكرة عايز تفرضها على البشر وبتسيب كلام رب البشر؟! فدول كلهم نفس سلسلة الإجرام: إبعاد الناس عن الوحي.
ومن قال سأنزل مثل ما أنزل الله، دول عقابهم إيه؟ أشد العقاب بقى: ﴿وَلَوْ تَرَى إِذِ الظَّالِمُونَ فِي غَمَرَاتِ الْمَوْتِ﴾ [الأنعام: 93]. الغمرة دي شبيه بها الإنسان؛ أصلها الإنسان وهو بيغرق، فكل ما ييجي يطلع تيجي له موجة فوق موجة في طبقات فوق بعضها لا يستطيع النجاة، ضغط الماية عليه طبقة فوق طبقة من طبقات المياه والأمواج تضغط عليه تخليه لا يستطيع نجاة، فكذلك كرب فوق كرب فوق كرب فسميت غمرات الموت، يضرب من هنا -أعوذ بالله- ويضرب من هنا ويضرب بقوة، يعني شدة النزع والروح وهي بتتفرق في أنحاء الجسد ويضرب في كل مكان ويشعر في كل لحظة بألم الموت، آلام شديدة جداً، نعوذ بالله من ذلك.
﴿وَلَوْ تَرَى إِذِ الظَّالِمُونَ فِي غَمَرَاتِ الْمَوْتِ وَالْمَلَائِكَةُ بَاسِطُو أَيْدِيهِمْ أَخْرِجُوا أَنْفُسَكُمُ﴾ [الأنعام: 93]. لأن الروح بتخاف فتتفرق في كل جسد فتضرب -والعياذ بالله- حتى تخرج: ﴿الْيَوْمَ تُجْزَوْنَ عَذَابَ الْهُونِ﴾ [الأنعام: 93]. هما عملوا كده بحثاً عن العزة، فأهانهم الله عز وجل على السيطرة على الناس، على فرض أفكارهم على الناس: ﴿الْيَوْمَ تُجْزَوْنَ عَذَابَ الْهُونِ بِمَا كُنْتُمْ تَقُولُونَ عَلَى اللَّهِ غَيْرَ الْحَقِّ﴾ [الأنعام: 93]. ده اللي ادعى لنفسه، وده اتحط الأول، ده المجرم الكبير، أو اللي عارف أنه عنده ربنا بس رفض يطبق، تقول له القرآن يقول لك من عند ربنا، تقول له طبق يقول لك لأ. ﴿وَكُنْتُمْ عَنْ آيَاتِهِ تَسْتَكْبِرُونَ﴾ [الأنعام: 93].
أه، النظام الفاسد بتاعهم جاب لهم فلوس، دايماً قريش رفضت اللي هي تتبع النبي صلى الله عليه وسلم عشان نظامها الاقتصادي كله قائم على الوثنية اللي هي كانت عملاه وحيازتهم لذلك، كثيراً من الأحبار والرهبان يأكلون أموال الناس بالباطل. دائماً الأنظمة الفاسدة، ما هو يا جماعة احنا قلنا زي الكلمة الرائعة اللي قالها أكتر من صحابي وكلمة النبي صلى الله عليه وسلم، النبي صلى الله عليه وسلم ما عادش يحفظها لهم ولا آية، اللي هي كلمة: نحن قوم ابتعثنا الله لنخرج العباد من عبادة العباد إلى عبادة رب العباد، ومن ضيق الدنيا إلى سعة الدنيا والآخرة. الكلمة دي أه لها أكتر من صحابي في أكتر من موقف.
الشاهد: لنخرج العباد من عبادة العباد إلى عبادة رب العباد. هو عارف أن هي حاجة من الاتنين، يعني هتعبد ربنا، سبت دين ربنا هيستعبدك واحد تاني حتى لو أنت ما انتش عارف، أنت مستعبد، أنت بيطبق عليك فكر شخص آخر، أنت ماشي في ركاب أشخاص آخرين، ينحتون أصناماً ثم يموت الناحتون، اللي نحت الأصنام مات، ثم يعبد هذه الأصنام الأحفاد ومات الأجداد، فأنت بتعبد فكرة الجد اللي نحت لك الصنم، يدستورن دساتير ثم يموتون فيأتي الأحفاد لأشخاص وهو أصلاً مش... طب أنت بتعبد إيه؟ اللي حط الفكرة دي! يبقى من عبادة «إنا وجدنا آباءنا على أمة»، يبقى من عبادة العباد إلى عبادة رب العباد، هو عارف أن أنت هتخرج من عبادة رب العباد هتسقط شئت أم أبيت حتى لو في عبادة نفسك، ما هو عبادة نفسك مش آمنة يعني، اتباع الهوا.
خلاص، هنخلص أهو، ده دايماً بيجيب لهم مصدر مادي، بيجيب لهم مصدر مالي، بيجيب لهم فلوس، فربنا بيقول لهم: ﴿وَلَقَدْ جِئْتُمُونَا فُرَادَى كَمَا خَلَقْنَاكُمْ أَوَّلَ مَرَّةٍ وَتَرَكْتُمْ مَا خَوْلَنَاكُمْ وَرَاءَ ظُهُورِكُمْ وَمَا نَرَى مَعَكُمْ شُفَعَاءَكُمُ الَّذِينَ زَعَمْتُمْ أَنَّهُمْ فِيكُمْ شُرَكَاءُ لَقَدْ تَقَطَّعَ بَيْنَكُمْ﴾ [الأنعام: 94]. الآية دي عايزة وقفة، في قراءة تانية: لقد تقطع بينكم، وإيه الفرق بينهم؟ المرة الجاية إن شاء الله نوضحها.
كل هذا، قولوا ما تسمعون وأستغفر الله لي ولكم. سبحانك اللهم وبحمدك، أشهد أن لا إله إلا أنت، أستغفرك وأتوب إليك، وجزاكم الله خيراً.
د. أحمد عبد المنعم