تفسير سورة الأنعام (18) | الآيات (113-121) | د. أحمد عبد المنعم

أفغير الله ابتغي حكما وهو الذي أنزل إليكم الكتاب مفصلا والذين آتيناه الكتاب يعلمون أنه منزل من ربك بالحق فلا تكونن من الممترين.

ذكرنا في المرة الماضية في آخر الدرس الماضي أن في منظومة من العداء بتتم للحرب على الدين وهذه المنظومة بيشارك فيها شياطين الإنس والجن بيتعاونوا مع بعض ضد هذا الدين. وده ممكن من لطائف قول الله عز وجل وكذلك جعلنا لكل نبي ما قالش أعداء العدو شياطين الإنس والجن وكأن شياطين الإنس والجن أصبحوا عدو واحد حطوا إيديهم في إيدين بعض وتوحدوا عشان يهجموا على هذا الدين تتداعى عليكم الأمم كما تداعى الأكلة إلى قصعتها. بيوحدوا الوجهة بالهجوم على الدين بيتحدوا كلهم لهجوم على هذا الدين بيصبحوا وكأنهم عدو واحد.

فبعد هذه المنظومة اللي شرحناها أن هي بتمر الأول أن شياطين يتشيطن الأول الإنس والجن وبعدين يوحي بعضهم إلى بعض وبعدين يزخرفوه ويغروا به الناس بعد كده مرحلة الصغو اللي هي الميل القلبي أو قرآن ربنا قال ولتصغى إليه أفئدة الذين لا يؤمنون بالآخرة أن الفؤاد المضطرب ده اللي ما عندوش نور من القرآن وما عندوش نور من الإيمان بيتضحك عليه بسهولة ولتصغى إليه أفئدة وكل ده بسبب غياب عقيدة الدار الآخرة. لذلك دائما لازم الدعاء إلى الله عز وجل يبث هذه العقيدة دائما في الناس الدار وأن يجعلوا أهم ما يشغلهم الدار الآخرة.

ثم بعد ذلك بيمر مرحلة الصغو وبعدين الرضا وبعدين الاقتراف. يبقى الأول الكلام بيبقى مزخرف بعد كده بقت الزخرفة دي بتخلي في ناس تميل تصغى بعد كده ناس بترضى بعد كده ناس بتقترف هم هم بيمروا بهذه المراحل الصغو ثم الرضا ثم الاقتراف. بعد المنظومة ديت وأن في ناس كتير للأسف ضلت ولقد أضل منك جبلا كثيرا أفلم تكونوا تعقلون؟ يعني هذا الإغواء والزخرفة دي للأسف انطلت على كثير من الناس كثير من الناس ضال.

فهنا النبي صلى الله عليه وسلم بيقول لهم أفغير الله أبتغي حكما وهو الذي أنزل إليكم الكتاب مفصلا. إيه علاقة الآيات دي بالآية دي؟ ده يدل أن الزخرفة اللي كانت معمولة وكانوا عايزين يضحكوا على الناس بيضحكوا عليهم في تشريعات بديلة غير تشريع القرآن. كانوا عايزين يقنعوا الناس أن القرآن لا يصلح لكل زمان ومكان. عايزين يقنعوا الناس أن تشريعات القرآن ما فيهاش فيها حكمة. ما فيش فيها شمول. ما فيش فيها نقص. فالزخرفة دي بيضحكوا على الناس.

فالنبي صلى الله عليه وسلم بيقول لهم عايزيني أسيب حكم الله عز وجل للأحكام المزخرفة بتاعتكم. أفغير الله أبتغي حكم وحتى ما قالش أفغير الله أبغي حكما ابتغي زيادة البزل كأن هذا تعريض بغيره أن في ناس بتجاهد تسافر للبحث عن تشريعات وسايبة القرآن. ممكن ناس تسافر لفارس وكان أيامها تسافر للروم عشان تأتي بتشريعات وسايبة الوحي جنبها. فربنا النبي صلى الله عليه وسلم بيقول لهم أفغير الله أبتغي حكما وقالوا الحكم يعني أشد قوة من الحاكم مش مش غير الله أبتغي حاكما لا فغير الله يبتغي حكم. حكم يعني في كل شيء وإذا حكم لا يعود في حكمه سبحانه وتعالى. والحكم دائما حكمه صحيح. بيفرقوا بين اللغة بين الحكم والحاكم. الحكم كثير الحكم وأحكامه كلها صحيحة.

النبي صلى الله عليه وسلم بيقول لهم أفغير الله أبتغي حكم العميد تضحكوا على الناس بزخرف القول وتزخرفوا لهم في أحكام وتشريعات عشان يسيبوا القرآن والسنة ويرروحوا لكلامكم أفغير الله أبتغي. طب وأروح لغيره ليه وأنا معي الكتاب فيه تفصيل كل شيء يعني أترك القرآن لأن القرآن فيه نقص لا ما فيهوش نقص. أترك القرآن لأن فيه عجز لا ما فيهوش عجز. طب أترك القرآن ليه؟ أفغير الله يبتغي حكما وهو الذي أنزل إليكم الكتاب مفصلا عشان ما لكش حجة. ما تقولش لا أصل في حاجات مش واضحة. أصل في حاجات مش باينة. وده زي ما هنيجي نقول ده في التشريعات مش في الترتيبات الإدارية. الترتيبات الإدارية هي الأمر فيها واسع. ممكن الإنسان يستفيد فيه من خبرات الآخرين حتى ولو كفار. أهم حاجة لا تعارض أصول في الشريعة. وضحنا ده قبل كده ونوضحه تاني إن شاء الله.

أفغير الله أبتغي حكما وهو الذي أنزل إليكم الكتاب مفصلا. بعض المفسرين هنا قال إيه؟ قال علاقة الآية دي بالآيات اللي قبلها لما الصورة هاجمت هؤلاء وقالت لهم أنتم كده ضلال وأن القادة والاتباع دول بيضحكوا عليكم وبيزخرفوا لكم الكلام فجاءوا قالوا له خلاص إيه رأيك نجيب حكم بينا وبينك؟ قضت بقى مشركي قريش راحوا للنبي صلى الله عليه وسلم قالوا له مش أنت بتقول إن أنت جاي لك كتاب من السماء؟ إيه رأيك نتحاكم إلى أهل الكتاب هم اللي يقولوا بقى مين فينا الصح من الغلط؟ طبعا ده كان بيبقى اتفاقيات ما بين اليهود ومشركي قريش. هم يروحوا لليهود واليهود يحكموا للمشركين على المسلمين وبالفعل قالوا كده هؤلاء أهدى من الذين آمنوا سبيلا. زي ما في سورة النساء اليهود قالوا أن المشركين أهدى من المسلمين. تخيل لما أهل الكتاب من عصبيتهم وحميتهم قالوا أن عباد الأصنام والأوثان أقرب من المؤمنين.

تخيل فمشركي قريش لما حسوا بالهجمة بتاعت سورة الأنعام ديت فقالوا راحوا للنبي صلى الله عليه وسلم لأن هو النبي صلى الله عليه وسلم والهجوم القرآني ده هيفضح المخطط المزخرف ده اللي بيضل كثير من الناس اللي ولتصغى إليه أفئدة الذين لا يؤمنون بالآخرة مخطط المتعاون في شياطين الإنس والجن ده الصورة بتفضحه. قولي له طب خلاص إيه رأيك نجيب حكم يحكم بينا؟ فالنبي صلى الله عليه وسلم بيقول لهم أفغير الله أبتغي حكمه؟ هو أنا مستني أهل الكتاب يحكموا لي؟ أنا معي القرآن.

لما قالوا له هات حد يشهد قال لهم كفى بالله شهيدا بيني وبينكم. وقلنا من شهادة الله اللي النبي صلى الله عليه وسلم بكذا حاجة. منها أهمها بالآية؟ لو تفتكروا بقى في الدروس الأولى أهمها القرآن. أن القرآن خير شاهد أن الرسول من عند الله أن محمد هو رسول من عند الله صلى الله عليه وسلم. خير شاهد. لأن إعجاز النبي صلى الله عليه وسلم محمد صلى الله عليه وسلم بيقول لهم أنا رسول من عند الله. مين اللي يشهد لك؟ قل لهم القرآن أهو. ده شاهد. ده يشهد لي أن أنا رسول.

طب ازاي يشهد لك أن ده كلام معجز لا يأتي به إلا رب العالمين. انتم بقى معكم حاجة تشهد لكم؟ أنا معي الكتاب وباتحداكم أن تأتوا بسورة من مثلي. أي سورة مش زيي طبعا لن يستطيعوا لو اجتمع الإنس والجن لن يأتوا لا يأتون بمثله ولو كان بعضهم لبعض ظهيرا. ولا حتى سورة. فالقرآن شاهد للنبي صلى الله عليه وسلم. دي أحد أوجه كيف شهد الله عز وجل للنبي أنه رسول الله صلى الله عليه وسلم. منها بالقرآن الدعم بالقرآن ومنها بالتوفيق ومن نصرة هذا الدين. اللهم رب هذه الدعوة التامة أن هذه الدعوة ستتم وإن كان بتنزل الآيات في وقت الاستضعاف بتقول إن في تمكين هيحدث.

طب ازاي كانت تنزل آيات بتشريعات لمجتمع ولسه المجتمع بتبشر بقيام مجتمع ولسه المجتمع ما قامش النداء صدق توفيق الله عز وجل والترتيبات اللي ربنا قدرها لنصرة هذا الدين خير شاهد أن النبي صلى الله عليه وسلم هو رسول من عند الله صلى الله عليه وسلم. فبيقول لهم هو أنا محتاج حد يحكم بنا؟ أفغير الله يبتغي حكما؟ ونلجأ لغيرهم ليه؟ وأنا معي الكتاب مفصلا. وهو الذي أنزل إليكم الكتاب والفضال لازم الإنسان يبقى عنده عزة بدينه. ما يبقاش بيتسول على موائد الغرب والشرق لأنه حاسس أن عنده نقص. دايما عايز يسده من الآخرين وهو الذي أنزل إليكم الكتاب مفصلا.

على رواية بقى أن أهل الكتاب كانوا عايزين يتدخلوا في الحكم. فالنبي صلى الله عليه وسلم بيقول لهم وعلى فكرة بقى وربنا بيقول لهم والذين آتيناه الكتاب يعلمون أنه منزل من ربك بالحق. ده تقريبا تالت موضع يذكر في أهل الكتاب في السورة. يعني أنها سورة مكية ده كأن بقى فيه إشارة أن في هجرة لمكان هيبقى فيه أهل الكتاب والذين آتيناها الكتاب اللي أنتم عايزين تجيبوهم يحكموا بالرغم أنا رافض بس هم عارفين وهم بيكذبوا. والذين آتيناهم الكتاب يعلمون أنه منزل من ربك بالحق فلا تكونن أنت ولا غيرك يا محمد صلى الله عليه وسلم ومن معك من المسلمين فلا تكونن من الممترين فلا تكونن أنت من الممترين.

لما النون بتبقى مفتوحة يبقى المفرد مخاطب فلا تكونن. لما النون تبقى مضمومة يبقى جمع فلا تكونن أي فلا تكونن أنتم. فلا تكونن من الممترين يا محمد صلى الله عليه وسلم ولا تكونن أنتم أيضا أيها المسلمين من الممترين أي من الشاكين. ليه هنا جه الشك؟ من الممترين وجا لنا قبل كده لفظ حيران زي ما قلنا سورة الأنعام من أكثر السور تفصيلا وتوضيحا للآيات. سورة الأنعام من أكثر الصور اللي وضحت أن المشركين وصلوا قمة الإعراض عن الآيات لكن أيضا المشركين لما بلغوا في قمة الإعراض عن الآيات بلغوا قمة طرح الشبهات عايزين يوصلوا للمتبوعين عايزين يوصلوا للاتباع اللي هم الناس الضعفاء المضحوك عليهم عايزين يوصلوهم لكلمة حيران زي ما جات لي معنا قبل كده في صورة حيران له أصحاب يدعونه إلى الهدى اتنا.

وهنا من الممترين عايزين يخلوا الناس تشك في الدين عن طريق إيه؟ عن طريق يوحي بعضهم إلى بعض زخرف القول غرورا. عمالين يزخرفوا في الكلام ويعملوا برامج إعلامية تشكك الناس في دينها. وزي ما هيجي معنا ربنا جاب لنا نموذج يشرح آية يوحي بعضهم إلى بعض زخرف القول غرورا. ربنا جاب لنا في الآيات اللي جاية معنا شرح عملي إزاي بيعملوا كده؟ وايه أهم غرض عايزين يزخرفوا على الناس يا ترى بيركزوا على إيه؟ لما يحبوا يضحكوا على الناس ويزخرفوا لهم حاجة يا ترى بيركزوا على إيه؟ ربنا جاب لنا نموذج لشغل شياطين الإنس والجن مع بعض فلا تكونن من المبتلين.

وربنا بيقول بعد- كده وتمت كلمة ربك صدقا وعدلا لا مبدل لكلمات وهو السميع العليم. اليوم الطبري اختار أن وتمت كلمة ربك أي القرآن. أي القرآن تام لا تحتاج مع القرآن إلى غيره. وتمت كلمة ربك أيتم القرآن اليوم أكملت لكم دينكم. القرآن تام مفصل واضح لا تحتاج في هدايتك إلى ربك لا تحتاج إلى غيره من الكتب. فأن مش محتاج أهل الكتاب يتدخلوا في الحكم بل أنا مستغني عما عندهم ولا أنظر في كتبهم وتمت كلمة ربك لو هنكمل الآية على أن ده القرآن وبعدين نرجع نجيب قول تاني في كلمة رب.

اللي قال وتمت كلمة ربك زي الإمام الطبري قال أن ده القرآن أي أن القرآن تام. فاللي هيسمع للزخرفة يوحي بعضهم إلى بعضهم زخرف القول غرورا إيه اللي يخليه يبحث عن مصدر آخر؟ إيه اللي يخليك تبحث عن مصدر آخر وأنت عندك القرآن؟ فربنا بيقول لك القرآن مفصل أنزل إليكم الكتاب مفصلا. القرآن تام وتمت كلمة ربك القرآن صدق. يعني إيه صدق والقرآن عدل وتمت كلمة ربك إيه؟ صدقا وعدلا.

يعني إيه القرآن صدق والقرآن عدل؟ القرآن صدق في كل خبر أخبر به. يعني القرآن أخبر أن ربنا يُمكِّن المؤمنين يبقى ربنا يبقى ده صدق يمكِّن المؤمنين. القرآن أخبر أن المؤمنين هيخشوا الجنة يبقى المؤمنين هيخشوا الجنة. القرآن أخبر أن ربنا يهزم المشركين ربنا يهزم المشركين. القرآن أخبر أن المشركين هيعذبوا في جهنم يبقى هيعذبوا في جهنم. ربنا أخبر أن العاقبة للتقوى القرآن أخبر بذلك يبقى ده هيحصل.

كل كلمات القرآن ولما قال غلبت الروم في أدنى الأرض وهم من بعد غلبهم سيغلبون. وتشكك بعض الناس بل حتى من المؤمنين. واضح تقدير ربنا وضح أن القرآن كله صدق لما ربنا قال سيهزم الجمع ويولون الدبر. وبعض الناس تشكك. حصلت الأقدار فعلا أن هزم الجمع وولوا الدبر كل ده بيحصل. كل ما في القرآن صدق وكل ما في القرآن من أوامر ونواهي هي عدل.

يعني المعاملات اللي ربنا أمر فيها في التعامل مع الزوجة في القرآن عدل. المعاملات اللي ربنا أمر فيها في التعامل مع الكافر عدل. المعاملات اللي ربنا أمرنا بها مع بعض المعاملات المادية والاجتماعية والسياسية. كل المعاملات اللي ذكرت في القرآن عدل. ومن أجمل ما قيل أن القرآن ما فيه عدل يعني إيه؟ قالوا عدل يعني متزن. الحاجة العدل اللي هي الحاجة الوسط. أن القرآن جه متوازن بين احتياجات الروح واحتياجات المادة إن هذا القرآن يهدي للتي هي أقوم.

القرآن لا جه إغراق في المادية ولا جه أنه بعيد عن حاجات جسم الإنسان كبشر وكمخلوق من طين لأ في القرآن دي متوازن بيخلي الإنسان متوازن. والذين إذا أنفقوا بالرغم أن هم طول الليل بيصلوا يعني الذين يبيتون لربهم سجدا وقياما. لكن في معاملتهم المادية متزنين والذين إذا أنفقوا لم يسرفوا ولم يقتروا وكان بين ذلك.

قوامًا يهدي للتي هي أقوم، فالقرآن عدل. يعني القرآن المعاملات اللي نزلها والحاجات اللي أخبر بها والأوامر اللي أمر بها دي الحاجة اللي تخليك تعرف تكمل الآخر، لا فيها إغراق في المادية زي الحضارة الغربية الآن وبعيداً عن احتياجات الروح، ولا فيها كلام زي شرق بقى حضارة الشرق اللي كلها مبنية على النفس وبعيداً عن المادة، لا دي وسط بين المادة احتياجات الإنسان كبشر واحتياجات الروح، فجه القرآن عدل متوازن.

والإمام الشنقيطي في كتابه العذب النبيل من مجالس الشنقيطي لتفسير لجماعة الشيخ خالد السبت، هنا عمل مبحث رائع واستفاض جاب بقى كل أحكام الدين يعني مش طبعا مش كلها انتقى مجموعة من الأحكام وباين قد إيه الحكمة والروعة والجمال في حكم ربنا سبحانه وتعالى، حتى في الأشياء اللي بيجيبوها شبهات ضد الدين قعد يفصل فيها؛ في الحدود وفي القضاء وفي كل حاجة مسك انتقى من كل الشبهات حاجة وقعد يفصل فيها إزاي إن القرآن تام؟ إزاي إن القرآن مفصل؟ إزاي إن القرآن صدق؟ إزاي إن القرآن عدل؟ ﴿وَتَمَّتْ كَلِمَتُ رَبِّكَ صِدْقًا وَعَدْلًا﴾ [الأنعام: 115] صدقًا في الأخبار في كل ما أخبر به، وعدلًا في الأحكام في كل ما أمر به ونهى عنه، فلا تحتاج بعد القرآن إلى غيره.

فلا تحتاج بعد القرآن إلى غيره، وتمت كلمة ربك صدقًا وعدلًا وهو السميع العليم. السميع؛ يسمع زخرف القول اللي بيتقال الوحي اللي يوحي بعضهم إلى بعض عشان يصرفوا الناس عن القرآن، عليم بنواياهم سبحانه وتعالى.

طيب ده اللي قال إن كلمة ربك هي القرآن، بعضهم قال تمت كلمة ربك كلمة ربك هنا أي قضاء ربك ﴿وَمَا أَمْرُنَا إِلَّا وَاحِدَةٌ كَلَمْحٍ بِالْبَصَرِ﴾ [القمر: 50] يقول هي كلمة الله، وتمت كلمة ربك إن الله عز وجل قضى أن الدين هينتصر بالرغم من هذه الزخرفة، إن الله عز وجل قضى أن في ناس هتقل الله زي ما قضى عليهم بذلك؛ لأنهم أهل للضلال.

احنا قلنا المرة اللي فاتت لما اتكلمنا في التزيين وإزاي إن الله عز وجل يزين لبعض الناس الباطل؛ لأن هم اللي اختاروا الباطل، وقلنا دي قاعدة سنة: ﴿نُوَلِّهِ مَا تَوَلَّىٰ وَنُصْلِهِ جَهَنَّمَ﴾ [النساء: 115] نيسره للعسرى، ربنا بيسهل له طريق إلى جهنم؛ لأن هو اللي اختاره، وده دايمًا بييجي بعد التبيين، التيسير يأتي بعد التبيين، وفصلنا المرة اللي فاتت في كدة.

فتمت كلمة ربك أي أن قضاء ربك تم صدق وعدل في هؤلاء، دول يستاهلوا كدة، واللي اتضحك عليهم يستاهلوا؛ لأن هم اللي سابوا القرآن وراحوا يسمعوا زخرف القول غرورًا، هم اللي قفلوا القنوات الدينية وراحوا يتفرجوا على القنوات الباطلة، هم اللي عملوا في نفسهم كدة، هو اللي ساب اللي يشرح له القرآن والسنة وبيقول له قال الله قال رسول الله عشان يتفرج على حاجة تانية، هو اللي ترك ذلك هو اللي سابه بنفسه ما حدش أرغمه، والشيطان بيقول لهم كدة ﴿وَمَا كَانَ لِي عَلَيْكُمْ مِنْ سُلْطَانٍ إِلَّا أَنْ دَعَوْتُكُمْ فَاسْتَجَبْتُمْ لِي﴾ [إبراهيم: 22].

فقضاء الله عز وجل ربنا بيقول للنبي صلى الله عليه وسلم ما تحزنش عليهم؛ لأنك لما تيجي تقرا الآية: ﴿يُوحِي بَعْضُهُمْ إِلَىٰ بَعْضٍ زُخْرُفَ الْقَوْلِ غُرُورًا﴾ [الأنعام: 112] وبيضحكوا على ناس وناس كتير بتضل وبتصغى قلوبهم وأفئدتهم بتميل لهم ويتضحك عليهم، ويتحولوا إلى جند من جنود إبليس وليقترفوا ما هم مقترفون هيصعبوا عليك، فربنا بيقول للنبي صلى الله عليه وسلم ده صدق وعدل اللي حصل فيهم.

لا تحزن عليهم ولا تكن في ضيق مما يمكرون، اللي حصل ده كلمة ربك قضاء ربك فيهم صدقًا وعدلًا، وسنة الله ماضية إنه سوف ينصر أولياءه خليهم هم يزخرفوا في دورهم وهم يفترون، خليهم هم يعملوا ويجيبوا آخرهم لكن الله عز وجل يمكر بهم سبحانه وتعالى، ﴿وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ﴾ [الأنفال: 30].

يبقى تمت كلمة ربك المعنى التاني أي قضاء ربك نافذ مهما فعلوا لا راد لحكمه ولا معقب لقضائه سبحانه وتعالى، ربنا قال وتمت كلمة ربك صدقًا وعدلًا ﴿لَا مُبَدِّلَ لِكَلِمَاتِهِ﴾ [الأنعام: 115]، لا مبدل لكلماتي على معنى القرآن أي أن هذا القرآن لن يحرف ولن يبدل إلى يوم القيامة، لا مبدل لكلماته على معنى القضاء أن الله عز وجل قضى أمرًا أي لا مبدل لكلماته مهما أوتوا من قوة الله عز وجل سيهزمهم مهما كان معهم من عتاد ومهما مكروا والله عز وجل يمكر بهم، مهما فعلوا كلمة الله نافذة ﴿وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِينَ * إِنَّهُمْ لَهُمُ الْمَنْصُورُونَ * وَإِنَّ جُنْدَنَا لَهُمُ الْغَالِبُونَ﴾ [الصافات: 171-173]، الأمر مفروغ منه خلاص.

يبقى إذن هذه الكلمة إما كلمة شرعية وهي القرآن، أو كلمة قدرية وهي أقدار ربنا، فكلام ربنا سواء الشرع أو القدري كله صدق وعدل، ما فيش قدر بيحصل إلا صدق وعدل، ما فيش حكم شرعي بيجي إلا صدق وعدل، لا أحد يستطيع أن يحرف الشرع ولا أحد يستطيع أن يبدل القدر لا مبدل لكلماته سبحانه وتعالى، الله إذا قضى أمرًا.

وبعضهم قال حتة لطيفة: إيه الفرق ما بين لن تجد لسنة الله تبديلاً ولن تجد لسنة الله تحويلاً؟ إيه الفرق بين التبديل والتحويل؟ بعضهم ألف فرق: لو قلنا كلمة الله هنا القدرية يعني مثلاً ربنا قدر أن في عقوبة تنزل على الأرض الفلانية، التبديل ما حدش يقدر يغير العقوبة دي لعقوبة أقل أو عقوبة أعلى أو يجيب مكانها بدل العقوبة ثواب، ما حدش يقدر يبدل، يبقى التبديل تغيير العقوبة مثلاً يبدلها بحاجة تانية، التحويل ما حدش يقدر ينقل العقوبة دي من المكان ده للمكان ده، يبقى التحويل أنه يحولها لمكان آخر، يبقى الله عز وجل إذا قضى أن في عقوبة تنزل على مكان ما حدش يقدر يبدلها يخفف هذه العقوبة ولا حد يقدر حتى ينقلها مكان تاني، يعني هو مش قادر على أن هو يبدلها فخلاص هنقول إيه؟ طيب هننقل العقوبة دي بدل ما تنزل هنا نوديها هنا ما حدش يقدر يعمل كدة، الله عز وجل إذا قضى أمرًا لا معقب لحكمه سبحانه وتعالى ولا يخاف عقباها، يعني يفعل ما يفعل الله عز وجل لا يخاف عقب ما يفعل، ما فيش حد يقدر يعمل حاجة.

لذلك ربنا بيقول: ﴿فَدَمْدَمَ عَلَيْهِمْ رَبُّهُم بِذَنبِهِمْ فَسَوَّاهَا * وَلَا يَخَافُ عُقْبَاهَا﴾ [الشمس: 14-15]؛ لأن الله عز وجل يفعل، العبد أحيانًا لما يعمل حاجة يخاف من عاقبة اللي عمله، لكن حاشاه سبحانه وتعالى لا يخاف عقباه لأن أفعاله فيها حكمة سبحانه وتعالى.

وتمت كلمة ربك صدقًا وعدلًا لا مبدل، اطمن، تطمنك على الدين وتطمنك على الأقدار وتطمنك على المسلمين، لا مبدل لكلماته وهو السميع العليم، سميع بالمكر بتاعهم، عليم بما يفعلون، عليم بمن يستحق النصرة ومن يستحق الإضلال.

الآية بتعرفك بعد كده إن للأسف الزخرفة دي انطلت على كثير من الناس، ربنا بيقول للنبي صلى الله عليه وسلم: ﴿وَإِنْ تُطِعْ أَكْثَرَ مَنْ فِي الْأَرْضِ يُضُوكَ عَنْ سَبِيلِ اللَّهِ﴾ [الأنعام: 116]، كتير من الناس مشيوا ورا الزخرفة دي، الواحد لما يدخل المواقع اللي على الإنترنت زي الفيسبوك وغيره وتشوف مثلاً عدد المتابعين لبعض مثلاً الدعاة مثلاً والعلماء ممكن مثلاً تجد أحد العلماء المشهورين مثلاً تلاقي المتابعين له مثلاً إيه خمس آلاف عشر آلاف، ده يعني ده لما واحد بقى من المشاهير مثلاً الممثلين ولا المغنيين تلاقي مثلاً إيه تلاتة عشر مليون اتناشر مليون، فانت اتناشر مليون أحد الإخوة بينقل لي أرقام أنا مش مصدق الاتناشر مليون قال لي أكتر قال لي في تلاتة وعشرين مليون بيقول لي أيوه أهو، فمعناه إزاي، وفعلاً ﴿وَإِنْ تُطِعْ أَكْثَرَ مَنْ فِي الْأَرْضِ﴾ [الأنعام: 116] للأسف أكثر الناس يستجيب إلى الزخرفة، وقلنا اللي بيستجيب إلى الزخرفة لأنه بعد عن النور.

لما نجي نشوف الزخرفة دي جت إمتى؟ ربنا قال: ﴿قَدْ جَاءَكُمْ بَصَائِرُ مِنْ رَبِّكُمْ فَمَنْ أَبْصَرَ فَلِنَفْسِهِ وَمَنْ عَمِيَ فَعَلَيْهَا﴾ [الأنعام: 104]، من عَمِيَ هيستجيب إلى الزخرفة، أي من ترك البصائر يسهل أو يُسَهِّل على الضلال أن يضلوه.

ويوم يناديهم فيقول أين شركائي الذين كنتم تزعمون؟ قال الذين حق عليهم القول ربنا هؤلاء الذين أغوينا أغويناهم كما غوينا، زي ما احنا عرفنا نضحك عليهم، هو اتعمى عن القرآن فضل فعرفت بتيجي إزاي؟ قام ضاحك على الناس زي ما هو الشيطان ضحك عليه بس والسلسلة تذكرت، أغويناه كما غوينا تبرأنا إليك ما كانوا إيانا يعبدون، وقيل ادعوا شركاءهم اللي اتضحك عليهم بقى، طب نادوا ينادوا بقى على أسيادهم فدعوهم فلم يستجيبوا لهم ورأوا العذاب لو أنهم كانوا يهتدون سورة القصص.

إنه إذن هذه المنظومة من الإضلال بدأت لما تركوا البصائر قد جاءكم بصائر من ربكم، اتضحك عليهم بقى فيه زخرفة سمعوا أكثر من في الأرض، العجيب أن أكثر من في الأرض بعد أن يضل يذهب إلى إضلال المؤمنين، يعني هم خلاص ضلوا وعملوا بقى منظومة وعملوا أحكام تشريعية تضاد تشريع ربنا وبدأوا يعملوا منظومة من التشريع مضاد لشرع ربنا سبحانه وتعالى، وبدأوا يعملوا مجتمع ضال بدأوا هم كمان ينشئوا مجتمع ضال رايحين يعملوا كدة للمسلمين يضلوا المسلمين كمان، يبقى هم الأول مجموعة من القادة الضلال وربنا هيقول لنا المنظومة دي: ﴿وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا﴾ [الأنعام: 123]، الموضوع بيبدأ إن فيه مجرمين كبار الأول أكابر كمان أكابر المجرمين يتجمعوا، وبعدين زي إيه زي بروتوكولات حكماء صهيون كدة، أكابر المجرمين يتجمعوا يحطوا خطة منظومة يضحكوا بها على مجموعة من الناس كونوا مجتمع ضال، يبدأوا ينشروا الفساد بتاعهم، كونوا تشريع مضاد لتشريع ربنا يبدأوا ينشروا التشريع بتاعهم.

بعد ما كان بيستعمل الزخرفة لإضلال التافهين من الناس والمعرضين عن القرآن، بدأ يستعمل الزخرفة لإضلال المؤمنين أنفسهم، بدأ يروح يرمي شبهات على أهل الإيمان زي ما ربنا بيقول هنا هتيجي معانا ﴿وَإِنَّ الشَّيَاطِينَ لَيُوحُونَ إِلَى أَوْلِيَائِهِمْ لِيُجَادِلُوكُمْ﴾ [الأنعام: 121]، ده ما عادش رايح بيكلم الأتباع بتوعه ده رايح يكلم المؤمنين، ربنا بيحذر النبي صلى الله عليه وسلم ومن معه؛ لأن دول كتير وبيعملوا ضغط: ﴿وَإِنْ تُطِعْ أَكْثَرَ مَنْ فِي الْأَرْضِ يُضُوكَ عَنْ سَبِيلِ اللَّهِ﴾ [الأنعام: 116].

قاعدة مهمة جداً جداً جداً: الحق لا يقاس بالأكثرية، الحق لا يقاس بالأكثرية، يعني مش معنى إن في نسبة من الشعب معينة اختارت حاجة عدد كبير يبقى ده الصح، مش دايما الأكثرية معناها الحق، وده الغلط دي إحدى الأخطاء، وطبعا دي مش بس يعني ده إحدى الأخطاء البسيطة في مسألة الديموقراطية أن الموضوع لا يقاس دايماً بالعدد؛ لأن مين اللي حاطط الصوت ده يكون من السفهاء، ربنا قال: ﴿وَلَا تُؤْتُوا السُّفَهَاءَ أَمْوَالَكُمُ﴾ [النساء: 5]، أو من أديه الحكم إذا كان الأموال، وربنا ودّى الحكم في الأموال أنه يحفز فيها القضية أن مين والسفاهة لما العلماء جم يتكلموا في السفيه مين السفيه ده؟ وربنا قال ومن لما قال ربنا لما قال في القرآن في أول سورة البقرة أن في ناس اتهمت المؤمنين بالسفاهة قالوا: ﴿أَنُؤْمِنُ كَمَا آمَنَ السُّفَهَاءُ﴾ [البقرة: 13] ده في أول الجزء خالص.

ربنا قال في آخر الجزء: ﴿وَمَنْ يَرْغَبُ عَنْ مِلَّةِ إِبْرَاهِيمَ إِلَّا مَنْ سَفِهَ نَفْسَهُ﴾ [البقرة: 130] ده لسفيه! مش مش اللي مؤمن! لأ ده السفيه هو اللي ساب دين إبراهيم هو ده اللي سفيه، وربنا قال السفيه اللي هيعترض على أحكام الشريعة: ﴿سَيَقُولُ السُّفَهَاءُ مِنَ النَّاسِ مَا وَلَّاهُمْ عَنْ قِبْلَتِهِمُ الَّتِي كَانُوا عَلَيْهَا﴾ [البقرة: 142]، فجت سورة البقرة بدأت أن هم رمونا رموا أهل الإيمان بالسفاهة، فربنا رد عليهم في آخر الصورة بعد ما أوضح لهم أن هم اللي سفهاء وأن هم اللي ماشيين ورا السفهاء طول الصورة ربنا عرفهم أن السفيه هو اللي بيترك ملة إبراهيم وهو اللي بيعترض على الأحكام التشريعية التي أتى بها النبي صلى الله عليه وسلم، فأنا مش الموضوع مش كله مين اللي بيقول الصوت في حاجة عندنا في الشرع اسمها أهل الحل والعقد دول اللي يثق في دينهم وفي شرعهم ﴿أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ﴾ [النساء: 59] قالوا الأمراء والعلماء.

لما يححصل الانفصال بين الأمراء والعلماء الأمير هنا ما عادش يطاع، لما بيحصل الانفصال هنا ما عادش يطاع؛ لأن هو طاعته مقيدة بطاعة الشرع وهو بيجيب الشرع، لذلك الخلافة الراشدة إمتى؟ لما الأمير هو اللي يبقى أعلم أهل الأرض، يعني الخلافة الراشدة لما يجتمعا أطيعوا الله وأطيعوا الرسول وأولي الأمر لما الأمير يبقى هو العالم زي أبو بكر كده وعمر بن الخطاب لما يبقى هو ده هو ده ويبقى في شخص واحد دي اسمها الخلافة الراشدة، على قدر الانفصال على قدر الفساد على قدر الانفصال بين الأمراء والعلماء على قدر الفساد، لذلك عدم نصح العلماء والجهر بالحق أمام الأمراء يؤدي إلى الفساد، جاهزين العلماء يجهروا بالحق دايماً أمام الأمراء، وما يبقاش فيه سلطة ما ينفعش يبقى فيه سلطة للأمراء على العلماء ما ينفعش ده يبقى تحته لأ، ده يبقى ما فوقه ما ينفعش يبقى تحته، ما ينفعش يبقى هو اللي بيعينه ما ينفعش، على قدر الانفصال على قدر الفساد.

الشاهد: ﴿وَإِنْ تُطِعْ أَكْثَرَ مَنْ فِي الْأَرْضِ يُضُوكَ عَنْ سَبِيلِ اللَّهِ﴾ [الأنعام: 116] دي جت ليه؟ والخطاب للنبي صلى الله عليه وسلم هنا ليه؟ طب الخطاب لعامة المؤمنين ماشي أن هم ما يضحكش عليهم وزي ما ربنا يجيب لنا نموذج محاولة إغراء أهل الضلال لبعض المؤمنين عشان يفتنوهم عن دينهم، بعد ما فتنوا كثير من الناس بعد ما نجحوا في فتنة كثير من الناس رايحين كمان يفتنوا أهل الإيمان.

طب ليه هنا الخطاب للنبي صلى الله عليه وسلم؟ وبالتالي لكل داعية من بعده، كل آمر بالمعروف وناه عن المنكر.

الإنسان يحضر منه الدعوة دايما تقعد مرحلة طويلة في استضعاف، ودي دايما من سنة ربنا أن غالب مراحل الدعوة بتمر بالاستضعاف. ودایماً مستقر التاريخ يجد ذلك، الدكتور وافي السرجاني جزاه الله خيراً عمل استقراء كده في التاريخ أن غالب مراحل التاريخ كان فيها استضعاف. بل عندنا القرآن؛ غالب القرآن مكي ونزل في استضعاف، فالمؤمن الداعية في مرحلة الاستضعاف عايز ينقل بقى لمرحلة التمكين، فيقوم يعمل إيه؟ يشوف القوة الموجودة والناس الكتير ويحاول يمشي ظروفه معها ويرتب معه، فكده هو معتقد إنه هيعمل نقلة سريعة للدعوة من مرحلة الاستضعاف لمرحلة التمكين عن طريق الاتفاقيات اللي تتم بينه وبين القوة الموجودة، إنه يماشي ظروفه مع القوى الموجودة، ومش قادر يفهم إن القوة الموجودة هتعير له من شرعه ومبادئه.

يبقى إذن الداعية لابد أن يحذر من التفكير في مواطن القوة؛ لأن الداعية معه حق، ولو انشغل مين اللي معه القوة ويظبط ظروفه معه هيتخلى عن هذا الحق. الدعوة ربنا قدر لها أن هي تنمو بطريقة معينة؛ الفقير ده على الضعيف ده على المسكين ده على القوي ده، يدخل بقى عمر بن الخطاب على كذا، تمر بمرحلة لغاية لما تتكون. الدعوة اللي بتقوم إن في حاجة قوية ويرتب معها، بيحصل فيه حاجة من اتنين: الشيء الأول إن هو يبدل في الدين، أنا هبدل في الدين عشان يرضي القوة دي، ولذلك ربنا يحذرنا دايماً أوعى يكون التقييم بتاع الداعية مبني على التقييم المادي؛ أن اللي معه فلوس يبقى راجل كويس، وأن الجماعة الكبيرة اللي عددها كبير يبقى هي اللي صح، أبداً ما ينفعش التقييم ده، يعني ذلك قارون.

الجماعة دول قارون وحش، ﴿إِنَّ اللَّهَ لَا يُحِبُّ الْفَرِحِينَ﴾ [القصص: 76]، ﴿إِنَّ اللَّهَ لَا يُحِبُّ الْمُفْسِدِينَ﴾ [القصص: 77]. قرروا أن أنتم هتوجعوا دماغي، عمل إيه قارون؟ لا، قعد بقى يرد عليهم ولا ينزل يرد عليهم، عمل إيه قارون؟ خرج على قومه في زينته، بس لبس أحلى حاجة في الزينة، عرف أن الناس الضغط البصري بتاعهم أحسن ما يقعد يقنعهم، كتير من الناس مش بتاع إقناع أصلاً هو بينبهر، قال لك طب أنا أطلع أقابلهم، لبس أحلى حاجة عنده ولبس وجاب أكبر مركب عنده، وخرج على قومه في زينته، قالوا إيه ده! إحنا ظلمنا قارون ولا إيه؟ ﴿قَالَ الَّذِينَ يُرِيدُونَ الْحَيَاةَ الدُّنْيَا يَا لَيْتَ لَنَا مِثْلَ مَا أُوتِيَ قَارُونُ إِنَّهُ لَذُو حَظٍّ عَظِيمٍ﴾ [القصص: 79]، ده طلع راجل محترم، إحنا فعلاً ظلمنا قارون. فعرف يغير قناعتهم كتير من الناس ما عدا جزء من الذين أوتوا العلم، بمجرد الضغط البصري مش بالإقناع ولا حاجة.

لو الداعية بقى تقييمه كده، هيتحول من سلامة المنهج إلى منهج السلامة، سيتحول من سلامة المنهج إنه محافظ على آيات القرآن إلى يا عم خليك جنب الحيطة وخلاص، منهج السلامة؛ الكتيرة راضيه، اللي معه قوة راضيه، وكذا، قل له يا سيدي وخلاص والموضوع إيه وماشي ظروفك. فربنا يحذر أن مش معنى أن هم كُثُر ومعهم أتباع كتير ومن قوة أن أنت تراضيهم أبداً، ﴿وَإِنْ تُطِعْ أَكْثَرَ مَنْ فِي الْأَرْضِ يُضِلُّوكَ عَنْ سَبِيلِ اللَّهِ﴾ [الأنعام: 116]، لازم زي ما ربنا بيقول: ﴿وَلَعَبْدٌ مُؤْمِنٌ خَيْرٌ مِنْ مُشْرِكٍ وَلَوْ أَعْجَبَكُمْ﴾ [البقرة: 221]، ده أنت حتى لو نفسيتك غلبتك وأعجبك برضو هو هيفضل العبد خير ولو أعجبكم، تقييم القرآن غير التقييم المادي غير التقييم العددي، ده تقييم رأس مالي تأسر به المسلمين للأسف، تأسر به المسلمون.

لكن إحنا بنقيم بالحق؛ فلان على الحق على حسب اقترابه وبعده من الوحي، فلان على الله مش على حسب معه قد ايه أو قوته قد ايه أو اتباعه، ما فيش حاجة بتفضل. زي ما ربنا قال في نفس السورة: ﴿وَلَقَدْ جِئْتُمُونَا فُرَادَى كَمَا خَلَقْنَاكُمْ أَوَّلَ مَرَّةٍ وَتَرَكْتُمْ مَا خَوَّلْنَاكُمْ وَرَاءَ ظُهُورِكُمْ وَمَا نَرَى مَعَكُمْ شُفَعَاءَكُمُ الَّذِينَ زَعَمْتُمْ أَنَّهُمْ فِيكُمْ شُرَكَاءُ لَقَدْ تَقَطَّعَ بَيْنَكُمْ﴾ [الأنعام: 94]، وفي قراءة: قد تقطع بينكم، كل ده هيتقطع وهيروح. فين فين اللي كان معهم القوة والعتاد؟ هل تحس منهم من أحد أو تسمع لهم ركزا؟

إف إذن لو المؤمن خلى والداعية خلى قناعاته ومبادئه ومنهجه بيغير على حسب مواطن القوة، هيبقى كل يوم بدين، وهيبقى كل يوم بمنهج، وهيبقى كل يوم بقواعد مختلفة، لكن لما بيبقى ثابت ما بيتغيرش، هيفضل ثابت مهما الظروف تغيرت. لذلك ربنا حذرنا من اللي هيعمل كده، زي بتاع سورة النحل: ﴿أَنْ تَكُونَ أُمَّةٌ هِيَ أَرْبَى مِنْ أُمَّةٍ﴾ [النحل: 92]، ربنا بيقول إن كان بعض القبائل في الجاهلية يعملوا إيه؟ يعمل عهد مع بعض القبائل، فالقبيلة اللي عمل معها العهد صغرت بقت ضعيفة وما عادتش قوية فيخونها، وقبيلة تانية كان ناوي يقاتل معها كبرت وخلاص تبقى دي حبيبتي ودي إيه خلاص دي بقت العدو بتاعي. العدو الصديق بيتغير على حسب من الأربى؟ من الأكثر؟ من القوي؟

لكن لا، المسلمين وهم في الأحزاب وفي قمة الاستضعاف النبي صلى الله عليه وسلم بيقول إن من أعداءنا فارس الروم، وكان بيضرب الصخرة وهو يحفر الخندق ويقول: «فتحت فارس، فتحت الروم»، يعني بيصر أن فارس والروم هيظلوا أعداء وهنحاربهم، يبقى العدو مش بيتغير على حسب القوة والاستضعاف، أنت عدوك ثابت، إحنا قلنا أنت قد تعذر في التطبيق لكن لا تعذر في التبيين، دي قاعدة مهمة جداً؛ قد تعذر في التطبيق ما عندكش وسيلة تطبق، لكن لا تعذر في التبيين أبداً. ربنا حفظ القرآن من التبديل، لكن لم يحفظ الدعاة أن يبدلوه، الدعاة ممكن يبدل من أوصاف المدح.

واللي ما بيبدلش ولا تبديل واحد ولا آية واحدة بيغير فيها ولا حديث واحد بيغير فيها، ده دول الرجال من المؤمنين: ﴿رِجَالٌ صَدَقُوا مَا عَاهَدُوا اللَّهَ عَلَيْهِمْ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلًا﴾ [الأحزاب: 23]. التبديلة ديت بيسموها مفعول مطلق، يعني إيه مفعول مطلق؟ أي مطلق من كل قيد، يعني لم يبدلوا لا في سراء ولا في ضراء ولا في تعذيب ولا في مغانم، لم يبدلوا أي شيء من التبديل، لم يبدلوا لا في سورة ولا في آية ولا في حديث ولا في حكم، لم يبدلوا أي شيء، الظروف بتتبدل وهم ثابتون، ﴿وَمَا بَدَّلُوا تَبْدِيلًا﴾، أي لم يبدلوا ولو شيئاً من التبديلاً. خطورة أن الزخرفة تأسر على منهجي، طب تأثر على الأتباع ماشي، على اللي بيتفرجوا عليهم ماشي، أنا متأثر كمان على المنهج: ﴿وَإِنْ تُطِعْ أَكْثَرَ مَنْ فِي الْأَرْضِ يُضِلُّوكَ عَنْ سَبِيلِ اللَّهِ﴾ [الأنعام: 116]، ذلك خطاب لجيل النبي صلى الله عليه وسلم ولكل من يسير على طريقه من الدعاة والمصلحين والمصلحون، ﴿إِنْ يَتَّبِعُونَ إِلَّا الظَّنَّ﴾، أنت معك كتاب الله المفصل التام الصدق العدل، ﴿وَتَمَّتْ كَلِمَتُ رَبِّكَ صِدْقًا وَعَدْلًا﴾ [الأنعام: 115]، اللي معهم ظن مبني على الظن، ليه مبني على الظن؟ لأنه مهما اجتهد وكان ذكي وكان صادق وكان عادل في وضع منهجه هو لا يطلع على الغيب، هو ما يعرفش إيه اللي يصلح الناس.

يعني اللي وضع الاشتراكية أو اللي وضع الليبرالية أو المناهج الوضعية كلها الموضوعة، أو اللي فكر في فكرة الديمقراطية، افترض فيه أنه خالي من أي هوى سياسي وأنه عايز الخير للناس، لكن هو قاصر، عقله قاصر، هو لا يطلع على الغيب، هو لا يعلم ما يصلح البشر، ألا يعلم من خلق؟ هو لا يعلم ما يصلحه فضلاً عما يعلم يصلح الآخرين، فهو بيتبع الظن، ﴿إِنْ يَتَّبِعُونَ إِلَّا الظَّنَّ وَإِنْ هُمْ إِلَّا يَخْرُصُونَ﴾ [الأنعام: 116]. الخرص ده أن لما بتيجي مثلاً عشان الزكاة وعايز تقدر حاجة معينة للبلح العنب والبلح تحديدا عشان الزكاة تطلع، وهم لسه في حالة الرطب بتاعتهم، فهو يقدر الزكاة بالخرص، بدل ما يأمر اللي عنده زرع إنه ينزلها ويعدهم، بيقول آه دي يطلع منها زكاة كذا، فقد يصدق وقد يصيب، فالخرص ده يقول لك مبني على إحساس الشخص أن دي حاجة كويسة، فحتى الراجل الضال ده اللي وضع المنهج الوضعي، حتى لو كان ظان أن المنهج ده كويس برضو لا ينفع، زي ما قلنا لأن هو افترض فيه حسن النية.

افترض كل أن اللي بيضع المناهج الأرضية الوضعية اللي عايز يفرضها بدل القرآن على الناس افترض فيه حسن النية، لكن هيعرف منين وعقله قاصر؟ هو لا يعلم ما يصلح البشر، ما يعرفش زي ما ربنا هيجيب لنا أن نماذج وصل بهم التشريع الأرضي لدرجة: ﴿وَكَذَلِكَ زَيَّنَ لِكَثِيرٍ مِنَ الْمُشْرِكِينَ قَتْلَ أَوْلَادِهُمْ شُرَكَاؤُهُمْ﴾ [الأنعام: 137]، وصل إنه ممكن يقتل ابنه تقرباً، مزين له قتل الولد، يئد البنت وهو في قمة الحرج النفسي، يمسكه على هون أم يدسه في التراب، رايح بالبنت بيرميها ولما يموتها يحس أنه انتعش، شف الضغط التقاليد ممكن توصل الإنسان لإيه ده لما بيبعد عن تشريع ربنا سبحانه وتعالى.

﴿وَإِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ * فَكُلُوا مِمَّا ذُكِرَ اسْمُ اللَّهِ عَلَيْهِ إِنْ كُنْتُمْ بِآيَاتِ مُؤْمِنِينَ * وَمَا لَكُمْ أَلَّا تَأْكُلُوا مِمَّا ذُكِرَ اسْمُ اللَّهِ عَلَيْهِ وَقَدْ فَصَّلَ لَكُمْ مَا حَرَّمَ عَلَيْكُمْ إِلَّا ما اضْطُرِرْتُمْ إِلَيْهِ وَإِنَّ كَثِيرًا لَيُضِلُّونَ بِأَهْوَائِهِمْ بِغَيْرِ عِلْمٍ إِنَّ رَبَّكَ هُوَ أَعْلَمُ بِالْمُعْتَدِينَ * وَذَرُوا ظَاهِرَ الْإِثْمِ وَبَاطِنَهُ إِنَّ الَّذِينَ يَكْسِبُونَ الْإِثْمَ سَيُجْزَوْنَ بِمَا كَانُوا يَقْتَرِفُونَ * وَلَا تَأْكُلُوا مِمَّا لَمْ يُذْكَرِ اسْمُ اللَّهِ عَلَيْهِ وَإِنَّهُ لَفِسْقٌ﴾ [الأنعام: 119-121]. هذا الشوط كله بيعالج قضية معينة، ربنا هنا جاب لنا نموذج إزاي بقى شياطين الانس والجن يوحي بعضهم إلى بعض عشان يفتنوا أهل الإيمان، خلاص هم زخرفوا القول وضحكوا على الناس السفهاء البعيدين عن القرآن، طب هو بعد ما حقق معه مجموعة من الدولار عايز يفتن كمان أهل الإيمان، يقوم يعمل إيه؟ يتدخل في الأحكام التشريعية.

لذلك فغير الله ابتغي إيه هو أول لما بيحب يضرب في الدين بيضرب في الأحكام التشريعية، يحسسك أن الأحكام بتاعة القرآن عايز يوصل لك أن الأحكام بتاعة القرآن فيها عجز فيها خلل، مش حكيمة، مش منطقية، أحد معاني قول الله عز وجل والذين سعوا في سورة سبأ: ﴿وَالَّذِينَ سَعَوْا فِي آيَاتِنَا مُعَاجِزِينَ﴾ [سبأ: 5]، سعوا في آياتنا معاجزين يريدون أن يثبتوا أنها عاجزة، سعوا في آياتنا عايزين يقولوا أن آيات ربنا عاجزة عن التطبيق، عاجزة عن أن هي تصل بالمجتمع إلى الحكمة والرحمة، فهنا نموذج عملوا إيه بقى؟ ﴿فَكُلُوا مِمَّا ذُكِرَ اسْمُ اللَّهِ عَلَيْهِ إِنْ كُنْتُمْ﴾.

قيل أن مجموعة من فارس جات لمشركي قريش، وقيل من اليهود، وقيل من إبليس نفسه اللي بعت مجموعة لمشركي قريش، يبقى فيه ثلاثة شياطين. عندنا الآية بتقول: ﴿وَكَذَلِكَ جَعَلْنَا لِكُلِّ نَبِيٍّ عَدُوًّا شَيَاطِينَ الْإِنْسِ وَالْجِنِّ يُوحِي بَعْضُهُمْ إِلَى بَعْضٍ زُخْرُفَ الْقَوْلِ غُرُورًا﴾ [الأنعام: 112]، ربنا هنا جاب لنا نموذج؛ الشيطان بيعلم شيطان، فيقوم الشيطان الصغير اللي أتعلم فهم الدرس فيروح يضحك به على بعض أهل الإيمان يحاول يعمل كده، زي ما ربنا قال هنا في الختام بتاع القصة دي: ﴿وَإِنَّ الشَّيَاطِينَ لَيُوحُونَ إِلَى أَوْلِيَائِهِمْ﴾ [الأنعام: 121]، عشان الشياطين الصغيرين يعملوا إيه؟ ﴿لِيُجَادِلُوكُمْ﴾ [الأنعام: 121].

فربنا جاب لنا بيعملوا إيه بقى؟ الشياطين الكبار قيل أن هم ناس من فارس أو ناس من اليهود أو إبليس نفسه بعت لمشركي قريش، في ناس قالت إن إبليس بعت شيطان لبعض مشركي قريش يعلمهم الحجة دي، في ناس قالت إن ناس من فارس، شف منين؟ من فارس بعتوا لمكة شبهة، شف مركزين لدرجة إيه؟ وشوف بقى إيه في حكم تشريعي بسيط جداً، هو يبدأ كده يبدأ يشكك في حكم تشريعي واحد، وبدأ بالأكل والشرب والشهوات بتاعة، بدأ في المطعم، قالوا إيه؟ قالوا روحوا، سواء بقى الثلاثة سواء فارس أو اليهود أو الشيطان، وإن كان غالب نفسين قال لا ممكن ما يبقوش اليهود إما من شياطين من فارس أو إبليس اللي عمل كده: ﴿وَإِنَّ الشَّيَاطِينَ لَيُوحُونَ إِلَى أَوْلِيَائِهِمْ لِيُجَادِلُوكُمْ﴾ [الأنعام: 121].

كان يروح لشيخ قريش يقول لك روحوا قولوا للنبي صلى الله عليه وسلم، فكانوا يروحوا يقولوا للنبي صلى الله عليه وسلم وللمؤمنين يقولوا لهم إيه؟ أنتم إزاي تاكلوا اللي أنت ذابحه بإيدك والميتة ديت مين اللي ذابحها؟ وفي رواية طبعا هم عايزين يقولوا أن اللي ذابحها مين مين اللي موت الميتة؟ ربنا، فيقولوا له إيه: أتأكلون ما ذبحتم بأيديكم ولا تأكلون ما ذبح الله؟ وفي رواية: وتزعمون أنكم تتبعون شريعته يا ولد يا مؤمن! يعني رايحين يقولوا لهم إيه؟ ده نص الرواية؛ أتأكلون ما تذبحون بأيديكم وتتركون ما ذبح الله وتزعمون أنكم تتبعون شريعته؟ أنت لو انت بتاعي شريعة ربنا كنت كلت الميتة، عايز يشككه. وبالفعل في رواية فوقع ذلك في أنفس بعض المؤمنين، فانزل الله الآيات دي. وفي رواية تانية قال لك قالوا لهم لا، قبل ما تقولوا الشبهة روحوا اسألوا الأول النبي سؤال صلى الله عليه وسلم، سأله النبي صلى الله عليه وسلم هذه الميتة التي تراها من الذي قتلها؟ النبي صلى الله عليه وسلم قال إيه؟ الله.

هنا تعرف دايماً أن دايما أهل الفساد والضلال أسئلته ما بيجيش من وراها خير، تبقي أنت عارف لما ييجي يسألك سؤال اعرف أن هو عايز ياخد إجابتك يبني عليها شبهة، هو مش بس، ودايماً خطر جداً لما ييجي مثلاً قناة معينة أو برنامج على مدار عشر سنين بيجيب شهوات وشبهات، وجيت مرة استضاف شيخ، أكيد يعني أكيد ما تابوش فجأة، أكيد هو ده تبع المسلسل المعمول وأن ده أداة لهدم إما رمزي ديني آخر أو يوقعه في شبهة أو بيضحك، المهم أداة للاستعمال لمنهجه.

أنا بقيس على الشخص بتاريخي؛ بتاريخي هو من يوم ما ظهر بيتكلم بألفاظ بذيئة وبيجيب كذا وبيجيب، ما سمعناهوش مرة بيقول: قال رسول الله صلى الله عليه وسلم، زي ما النبي صلى الله عليه وسلم قال لعائشة إنه لم يقل يوماً: رب اغفر لي يوم الدين، وما سمعناهوش مرة بيقول: قال الله تعالى في كتابه الكريم، إحنا سمعنا أقوالاً ويجي فجأة يجيب شيء!

طبد وأكيد غرض هنا، يبقى هنا فيه غرض معين بيستعمله كذا. فهم رايحين يسألوا النبي صلى الله عليه وسلم سؤالاً: من الذي قتلها؟ فقال النبي صلى الله عليه وسلم: الله. فقال: تأكلون ما تقتلون بأيديكم ولا تأكلون ما قتل الله، وتزعمون أنكم تتبعون شريعته؟

سايبينه ومشي، دي دائماً أاساليب التشكيك اللي بيستعملها المشركون، فربنا رد عليهم وضح لهم، والعجيب أن الرد من أول: ﴿فَكُلُوا مِمَّا ذُكِرَ اسْمُ اللَّهِ عَلَيْهِ﴾ [الأنعام: 118]، ما قالش إيه، ما جاش رد للمشركين، ده جه خطاب لأهل الإيمان!

يعني ما جاش: افهموا أيها المشركون أن الرد، لأ، ده جه الخطاب إما إعراض عن المشركين وكأنهم مش مهمين أصلاً، أو أن المهم هنا أنك أنت تاخد بالك من اللي معك، خد بالك من أهل الإيمان؛ عشان ممكن بعضهم زي ما ربنا قال كده: ﴿لَوْ خَرَجُوا فِيكُم مَّا زَادُوكُم إلَّا خَبَالاً﴾ [التوبة: 47]، وفيكم سماعون لهم.

فيه ناس وسطنا ضعفاء بيتاثروا بالكلام، وفيكم سماعون لهم بيتاثر، الصح إنه يبتعد عنهم. سماعون لقوم، سماعون للكذب، سماعون لقوم آخرين لم يأتوك، اللي هيسمع للي ما جوش للنبي صلى الله عليه وسلم، اللي هيسمع للي ما بيعظموش سنة النبي صلى الله عليه وسلم هيفتن.

سماعون لقوم ربنا بيقول لنا أحد أوجه الفتنة، لأن في آخر الآية بتاعت سورة المائدة: ﴿وَمَن يُرِدِ اللَّهُ فِتْنَتَهُ فَلَن تَمْلِكَ لَهُ مِنَ اللَّهِ شَيْئاً﴾ [المائدة: 41]. يبقى إذاً أحد أوجه بدايات الفتنة إنه يسمع الكذب، سماعون للكذب، سماعون لقوم آخرين لم يأتوك، أي لم يأتوا النبي صلى الله عليه وسلم في حياته ولم يعظموا سنته بعد مماته، يبقى أحد أوجه الفتنة اللي بيفتن نفسه وخلاص، ومن يرد الله فتنته فلن تملك له من الله شيئاً: إنه يسمع الكذب ويسمع اللي ما بيعظموش أن النبي صلى الله عليه وسلم ده بيفتن نفسه، هو اللي بيعرض نفسه لزخرف القول، فهيغر، فهيرضى، فهيقترف، لهم مختلفون، والخطاب مع أهل الإيمان.

ربنا بيقول: فكلوا، أي فأعرضوا عن هذه الشبهات، ﴿فَكُلُوا مِمَّا ذُكِرَ اسْمُ اللَّهِ عَلَيْهِ إن كُنتُم بِآيَاتِهِ مُؤْمِنِينَ﴾ [الأنعام: 118]. لازم تبقى موقن في تشريع ربنا، وهنا كأن اسم الله عز وجل، الميتة دي ماتت دون أن يذكر عليها اسم الله، ده قدر ربنا هي ماتت، أنت ما سمّيتش الإعلان. كأن ربنا بيعلمنا حتى الأكل، الطعام، بل حتى الجماع، لما يذكر اسم الله عليه يحوله لحاجة تانية.

فالمؤمن لا يتحرك إلا بسم الله، ولا يأكل إلا بسم الله، تخيل حتى الجماع، يذكر الله عز وجل قبل الجماع، يعني المؤمن عايش حياته كلها بالله، زي ما النبي صلى الله عليه وسلم يقول في أدعية في قيام الليل، زي صحيح مسلم: «بك وإليك». أنا حياتي أقوم بك وأتجه إليك، أنا بك وإليك، وربنا بيقول لنا إن اسم الله لما يغيب عن ذكر الذبيحة ما عادتش تحل لكم.

طبعاً على خلاف بقى ذبيحة غير المسلم موجود في الكتب، وخاصة الإمام القرطبي فصل في المسألة: هل كل ذبيحة لم يذكر اسمه؟ طب ذبيحة النصارى؟ طب ذبيحة المجوس؟ طبعاً ذبيحة المجوس الأمر مش تبعنا خالص، ذبيحة النصارى وهل النصارى اليومين دول ولا لأ يتاكل؟ طب هم مسألة أنت تسمي الشاهد اللي أنا أقوله بس عشان دي بالنسبة لنا إحنا اللي بيـنسى ذبح وعن الذبح يسمي قالوا اللي بيـنسى نسياناً، يعني اللي ترك التسمية نسياناً إن شاء الله ذبيحته جائزة.

الإمام الشافعي حتى قال: ولو عمدا، ولكن ما يبقاش استهزاءً. قالوا اللي ترك التسمية استهزاءً واستخفافاً ده ذبيحته حرام. الشاهد نرجع بقى الموجود مفصل في تلات أقوال عند الأئمة، الأمر موجود في الكتب لمن أراد أن يرجع. لكن الشاهد: ﴿فَكُلُوا مِمَّا ذُكِرَ اسْمُ اللَّهِ عَلَيْهِ إن كُنتُم بِآيَاتِهِ﴾ [الأنعام: 118] لو أنت مصدق وعندك يقين هتطبق شرع ربنا.

﴿وَمَا لَكُمْ أَلَّا تَأْكُلُوا مِمَّا ذُكِرَ اسْمُ اللَّهِ عَلَيْهِ وَقَدْ فَصَّلَ لَكُم مَّا حَرَّمَ عَلَيْكُمْ﴾ [الأنعام: 119]. خد بالك، وقد فصل لكم ما حرم عليكم، بمعنى ربنا بيقول لنا: أنتم مش محتاجين حد يعرفكم إيه الحلال والحرام، أنتم الموضوع عندكم متفصل، ما تتلقاش التشريع من غير الله، زي ما بيروى في الآثار لما النبي صلى الله عليه وسلم رأى الصحيفة مع سيدنا عمر فغضب وقال: «أمتهوكون فيها يا ابن الخطاب؟» أنت ما ينفعش يبقى عندك مصدر بديل.

وأحد أوجه تأويل حديث البخاري: «ليس منا من لم يتغنى بالقرآن»، تأويل ابن عيينة قال: أي لم يستغن بالقرآن عن غيره، ليس منا، اللي حاسس أن القرآن محتاج حاجة تانية للهداية، طبعاً الوحي عامة يعني والسنة، اللي محتاج ده ليس منا، ليس من أهل هذا الدين، ليس منا من لم يتغنى بالقرآن، أي ليس منا من لم يستغن بالقرآن عن غيره.

فهنا: ﴿وَمَا لَكُمْ أَلَّا تَأْكُلُوا مِمَّا ذُكِرَ اسْمُ اللَّهِ عَلَيْهِ وَقَدْ فَصَّلَ لَكُم مَّا حَرَّمَ عَلَيْكُمْ إلَّا مَا اضْطُرِرْتُمْ إلَيْهِ﴾ [الأنعام: 119]. خد بالك، ﴿وَإنَّ كَثِيراً لَّيُضِلُّونَ بِأَهْوَائِهِم بغير علم﴾ [الأنعام: 119]. كتير من الناس هيحاولوا يضلوك، وبيبدأ معك من تشريع واحد، يبدأ معك يجيب لك يقول لك: أنا هتناقش معك في حكم واحد، يجيب لك بقى حكم مثلاً في الميراث، حكم في الرق، أحكام الرق، حكم في الجهاد، يجيب لك مسألة واحدة ويجيب فيها شبهة، ويبدأ معك بسؤال: من الذي قتل الميتة؟ فانت تقول له: الله، ده قدر ربنا، يبدأ معك فانت تجاوب ويبني شبهة على إجابتك، فانت لازم يبقى عندك استغناء ويقين في تشريع الله سبحانه وتعالى: ﴿وَإنَّ كَثِيراً لَّيُضِلُّونَ بِأَهْوَائِهِم بِغَيْرِ عِلْمٍ إنَّ رَبَّكَ هُوَ أَعْلَمُ بِالْمُعْتَدِينَ﴾ [الأنعام: 119].

﴿وَذَرُوا ظَاهِرَ الإثْمِ وَبَاطِنَهُ﴾ [الأنعام: 120]، اللي عايز يتقرب إلى الله ما يقعدش يقول: أصل الذبيحة، اترك الإثم، وده تعريض بهم اللي جايين يقولوا: بتاكلوا ما قتلتم بأيديكم ولا تأكلوا ما قتل الله وتزعمون أنكم... وهم غارقين في الإثم من معاطي الوزر، وظاهر الإثم وباطنه زي ما ذكر الإمام الطبري عن كتير من التابعين وابن عباس، كان المشركين، ده تعريض بهم يعني.

كانوا المشركين المقصود هنا الزنا، وده برضه في تأويل قوله: ﴿وَلا تَقْرَبُوا الْفَوَاحِحَ مَا ظَهَرَ مِنْهَا وَمَا بَطَنَ﴾ [الأنعام: 151]، كانوا يستقبحون الزنا إذا كان علانية، أما إذا كان سرا فلا بأس به، يعني كان من تشريعاتهم في الجاهلية أن الزنا وتراضي الطرفين ومش في سقفة الزوجية يبقى ده عادي، إنما العلانية هو ده الإشكالية، يعني تحس إن في توافق ما بين إيه القوانين الجاهلية المتشابهة بعضها.

فكان عندهم يقول لك: الزنا ما كان سرا فلا بأس به، لكن المستقبح إنه يبقى علانية، فانت جاي تكلمني في الذبيحة وأنتم عندكم الزنا العلنية والسر؟ ﴿وَذَرُوا ظَاهِرَ الإثْمِ وَبَاطِنَهُ إنَّ الَّذِينَ يَكْسِبُونَ الإثْمَ سَيُجْزَوْنَ بِمَا كَانُوا يَقْتَرِفُونَ﴾ [الأنعام: 120].

﴿وَلا تَأْكُلُوا مِمَّا لَمْ يُذْكَرِ اسْمُ اللَّهِ عَلَيْهِ وَإنَّهُ لَفِسْقٌ﴾ [الأنعام: 121]. قيل هنا، وقيل: مما لم يذكر اسم الله عليه ولكن ذكر اسم أحد الأصنام عليه. يبقى هنا قال: النهي هنا يا أما بيتوجه إلى الميتة: ﴿وَلا تَأْكُلُوا مِمَّا لَمْ يُذْكَرِ اسْمُ اللَّهِ عَلَيْهِ﴾ [الأنعام: 121] أي الميتة، أوى تاكل الميتة ليه؟ عشان ما تقلعش وهي بتدبح بسم الله، أما بترسل حتى الصيد بتاعك بتسمي، ولو الصيد كله بطريقة معينة، لو الكلب ما كانش معلم ما تاكلش، تصبح ميتة، لازم يبقى بطريقة معينة وله في الفقه مسائل معينة، أمتى الصيد ده يحل؟ تبقى مذكاة تزكية شرعية، في تفصيل، وطبعاً المسألة فيها إعجاز علمي.

إزاي بقى التزكية الشرعية ديت فيها فوائد؟ في كتب ألفت في مسألة الإعجاز في باب التزكية بتاعت الذبيحة، لكن حتى قبل أن نعلم هذا نحن نوقن إن كنتم آثمين ونحن نؤمن بهذا. ﴿وَلا تَأْكُلُوا مِمَّا لَمْ يُذْكَرِ اسْمُ اللَّهِ﴾ [الأنعام: 121] وقيل: لا تأكلوا مما ذكر اسم غير الله عليه، كانوا بيذبحوا الآلهة تقرباً إلى الأصنام، وقيل: كانوا بيذبحوا الآلهة إلى الجن حتى يحموهم الجن، زي ما كان... ﴿وَأَنَّهُ كَانَ رِجَالٌ مِّنَ الإنسِ يَعُوذُونَ بِرِجَالٍ مِّنَ الْجِنِّ فَزَادُوهُمْ رَهَقاً﴾ [الجن: 6]، كانوا بيعوذوا بهم، إن كان ينزل ييجي لأحد العرب ينزل في وادي مهجور فيقول: أعوذ بسيدي هذا الوادي، بيطلب الحماية من الجن، وكانوا أحياناً يذبحوا للجن، في ذبائح يتقرب للجن، يذكر اسم الجن، بل بعضهم، وده للأسف موجود حتى الآن في بعض البلدان العربية، يقول لك يخاف يذكر اسم الله على الذبيحة عشان الجن ما يضروش، فبعض الذبائح ذكر...

بعض أهل تونس كان ذكر ذلك من المفسرين، قال للأسف ده موجود عندهم في بعض الأماكن، إنه يخاف -شوف الواحد لما بيبتعد عن الوحي يخاف يذكر اسم الله على الذبيحة لاحسن الجن يضره- فيذكر أي اسم تاني ما يذكرش اسم ربنا، وده طبعا حرام قطعا: ﴿وَلا تَأْكُلُوا مِمَّا لَمْ يُذْكَرِ اسْمُ اللَّهِ عَلَيْهِ وَإنَّهُ لَفِسْقٌ﴾ [الأنعام: 121]. وهيجيلنا ده، آه ربنا: ﴿اسْتَمْتَعَ بَعْضُنَا بِبَعْضٍ﴾ [الأنعام: 128]، إزاي الجن استمتعوا بالانس؟ وإزاي الإنس استمتعوا بالجن؟ إيه وجه الاستمتاع؟ هيجيلنا في نفس السياق آه إن شاء الله المرة... وهنا والسياق كله بادئ من أول تعاون الإنس مع الجن في الدنيا وإزاي استمتاعهم في الدنيا وإزاي عقابهم مع بعض في الآخرة. يعني هيجيلنا اسم الإنس والجن معنا إيه؟ الربعين دول جاي كتير جداً.

﴿وَلا تَأْكُلُوا مِمَّا لَمْ يُذْكَرِ اسْمُ اللَّهِ عَلَيْهِ وَإنَّهُ لَفِسْقٌ﴾ [الأنعام: 121] زي ما قلنا غياب ذكر اسم الله عز وجل عن الشيء ينفر الإنسان منه، لأن المؤمن لا يأكل ولا يتحرك ولا يفكر إلا بسم الله، بل أول كلمة: ﴿اقْرَأْ بِاسْمِ رَبِّكَ﴾ [العلق: 1]، حتى بتصطحب اسم الله عز وجل في القراءة، تدخل البيت تسمي، تخرج تسمي، تدخل المسجد تسمي، تخرج تسمي، اسم الله عز وجل يصحبك في كل مكان، قال: ﴿ارْكَبُوا فِيهَا بِسْمِ اللَّهِ مَجْرَاهَا وَمُرْسَاهَا﴾ [هود: 41] لا نجاة، إحنا نركب وسط الأمواج دي إزاي؟ ده سفينة في وسط أمواج وهي تجري بهم في موج كالجبال، إيه اللي مسبت؟ إيه اللي يثبتنا وسط الجبال؟ بسم الله، وهي تجري بهم في موج كالجبال، لكن هو قال: ﴿ارْكَبُوا فِيهَا بِسْمِ اللَّهِ مَجْرَاهَا وَمُرْسَاهَا﴾ [هود: 41]، يعني المجرى بتاعها بسم الله، فلو كانت بتجري من غير اسم ربنا كنا هنهلك.

﴿وَلا تَأْكُلُوا مِمَّا لَمْ يُذْكَرِ اسْمُ اللَّهِ عَلَيْهِ وَإنَّهُ لَفِسْقٌ وَإنَّ الشَّيَاطِينَ لَيُوحُونَ إلَى أَوْلِيَائِهِمْ لِيُجَادِلُوكُمْ﴾ [الأنعام: 121]. الخطورة بقى، الختام نختم بها: ﴿وَإنْ أَطَعْتُمُوهُمْ إنَّكُمْ لَمُشْرِكُونَ﴾ [الأنعام: 121]. مسألة واحدة في مسألة من باب من وسط كتاب من وسط الأحكام الفقهية، يعني كتاب الأطعمة باب الذبيحة، فصل التسمية، يعني مسألة إحنا يعني لو قطعناهم في دي إنكم لمشركون.

هنا في فارق بين أنك أنت خالفت في مسألة فقهية وبين تلقيت تشريع من غير القرآن والسنة. تاني، في فارق بين يعني في فارق بين معصية إبليس ومعصية آدم؛ معصية آدم غلبته نفسه ناسياً ولم نجد له عزماً، معصية إبليس عناداً رفض للتشريع معترض، إزاي أسجد لمن خلقت طيناً؟ ما ينفعش، ده الفارق بين المعصية دي والمعصية، لذلك هذه غفرت بتاعت آدم، والتانية كانت كفر وطرد بها. ولو والعياذ بالله في فارق بين واحد نسا يسمي أو حتى يعني أيا كان، فارق بين إنه بيستحل تشريع من مكان آخر، اللي يوقن ويعتقد أن فيه تشريع أفضل من تشريع الله هو كافر إجماعاً، اللي يعتقد أن في تشريع أفضل من تشريع الله هو كافر ومشرك: ﴿إنَّكُمْ لَمُشْرِكُونَ﴾ [الأنعام: 121].

لو أنت تلقيت التشريع، وده الأثر المشهور اللي حسنه بعض أهل العلم، اللي قال: ابن حاتم والطبرية، لما انتهينا وهو بيقرا: ﴿اتَّخَذُوا أَحْبَارَهُمْ وَرُهْبَانَهُمْ أَرْبَاباً مِّن دُونِ اللَّهِ﴾ [التوبة: 31] قال له: إحنا ما اتخدناهمش أرباب ما نصلي لهمش، قال له: الأرباب مش بالصلاة، الأرباب بالتحليل والتحريم، وده الجزء التاني بقى من سورة الأنعام، التحليل والتحريم في الأطعمة والأشربة.

إن وضع بقى أن طول الشوط الأول من سورة الأنعام مجادلة ومناظرة معهم، وهدم القادة والمتبوعين، دول سورة الأنعام بتهدهم وهم عمالين يجادلوا ويطلبوا آية، والجزء التاني بقى هدم التشريعات بتاعتهم، أنهم عملوا مجتمع ضال ووضعوا له تشريعات: ﴿أَمْ لَهُمْ شُرَكَاءُ شَرَعُوا لَهُم مِّنَ الدِّينِ مَا لَمْ يَأْذَن بِه اللَّهُ﴾ [الشورى: 21]، شف حتى بيسموه شريعة، شرعوا لهم من الدين ما لم يأذن به الله، عملوا لهم تشريع وسموه دين، وكانوا يتقربون بالتشريعات الباطلة: حرام، حرام ما تركبش على الدابة بعد سن كذا، حرام ده بتاع الآلهة، حرام ما تعملش كذا، كانوا بيطلقوا عليها الألفاظ الشرعية. حتى الجزء التاني من سورة الأنعام بيتكلم عن سفاهة، زميلي ابن عباس ما بعد المائة من أو ما بعد المائة من الأنعام بيتكلم عن سفاهة تشريعات المشركين.

هنا أمر عظيم، يعني ربنا يقل: ﴿وَإنْ أَطَعْتُمُوهُمْ﴾ [الأنعام: 121] أي في تشريع واحد، لكن قبلت أن ده يبقى مشرع، قبلت أن إبليس -سواء المشرع هنا إبليس الشيطان الذي يوحي أو فارس أو اليهود- قبلت أي تشريع من الشيطان أو اليهود أو فارس مكان تشريع ربنا، أبدلت هذا بهذا: ﴿إنَّكُمْ لَمُشْرِكُونَ﴾ [الأنعام: 121]. توحيد مصدر التلقي الوحي آية عظيمة أن تيجي في حكم واحد وربنا يقول: انكم مشركون، آية مخيفة، وبعد كده بقى المثل اللي هنشرحه المرة الجاية: إزاي تستبدل الوحي؟

حاجة تانية، إزاي تختار الزّمال بعد أن كنت في النور؟ أو كما قال الله تعالى: ﴿أَوَمَن كَانَ مَيْتًا فَأَحْيَيْنَاهُ وَجَعَلْنَا لَهُ نُورًا يَمْشِي بِهِ فِي النَّاسِ كَمَن مَّثَلُهُ فِي الظُّلُمَاتِ لَيْسَ بِخَارِجٍ مِّنْهَا كَذَلِكَ زُيِّنَ لِلْكَافِرِينَ مَا كَانُوا يَعْمَلُونَ﴾ [الأنعام: 122].

نكتفي بهذا القدر، سبحانك اللهم وبحمدك، أشهد أن لا إله إلا أنت، أستغفرك وأتوب إليك، وجزاكم الله خيراً.