د. أحمد عبد المنعمالسلام عليكم ورحمة الله وبركاته. بسم الله والصلاة والسلام على رسول الله ﷺ.
نستكمل بإذن الله عز وجل تفسير سورة الأنعام. كنا توقفنا عند الآية مائة واثنتين وعشرين عند قوله سبحانه وتعالى: ﴿أَوَمَنْ كَانَ مَيْتًا فَأَحْيَيْنَاهُ وَجَعَلْنَا لَهُ نُورًا يَمْشِي بِهِ فِي النَّاسِ كَمَنْ مَثَلُهُ فِي الظُّلُمَاتِ لَيْسَ بِخَارِجٍ مِنْهَا كَذَلِكَ زُيِّنَ لِلْكَافِرِينَ مَا كَانُوا يَعْمَلُونَ﴾ [الأنعام: 122]. أسأل الله عز وجل التيسير والتوفيق والسداد.
هذه الآيات جاءت بعد أن أراد الله سبحانه وتعالى أن يستحضر لنا الآيات السابقة، حيث قال لنا إن هناك سنة قدرية؛ هذه السنة ربنا سبحانه وتعالى يقول فيها: ﴿وَكَذَلِكَ جَعَلْنَا لِكُلِّ نَبِيٍّ عَدُوًّا شَيَاطِينَ الْإِنْسِ وَالْجِنِّ يُوحِي بَعْضُهُمْ إِلَى بَعْضٍ زُخْرُفَ الْقَوْلِ غُرُورًا﴾ [الأنعام: 112]. وهذه سنة أن الله عز وجل يقدر العداوة، كما قدر الله عز وجل أن يخلق بني آدم وفيهم نزعة الشهوات من الطين؛ فالملائكة قالت: ﴿أَتَجْعَلُ فِيهَا مَنْ يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ﴾ [البقرة: 30]، وهم لم يستبينوا الأمر، ولم يكونوا فاهمين عظم الحكمة في ذلك، لكنهم يعلمون أن الله عز وجل لا يفعل إلا أمراً حكيماً سبحانه وتعالى، لكن كانوا يستبينون ذلك، فربنا بين لهم: ﴿إِنِّي أَعْلَمُ مَا لَا تَعْلَمُونَ﴾ [البقرة: 30].
وكان وراءهم سيدنا آدم وهو يتعلم الأسماء ويعلمهم الأسماء. فأحياناً الإنسان لا يفهم تقدير ربنا في أن يكون هناك شيطان وأن يكون هناك أعداء وللأعداء طرق، فربنا سبحانه وتعالى يبين الحكم والأقدار، ويظهر من ذلك عبادة الطائعين وبذل وجهاد المجاهدين في سبيل الله عز وجل.
المهم، ربنا قال إن هناك سنة وهي أن لكل نبي عدواً من شياطين الإنس والجن، يوحي بعضهم إلى بعض زخرف القول غروراً. وبعد ذلك جلب لنا نموذجاً من هذا الإيحاء وهذه الزخرفة، وأنهم أول شيء يحبون أن يضربوا فيه شرع الله عز وجل، فيختارون حكماً من الأحكام التشريعية ويحاولون بيان أن الأحكام التشريعية فيها نقص في الحكمة؛ لكي يستبدلوا أهل الإيمان ويزهدوا فيما معهم من شرع.
كما قلنا في تفسير قول الله عز وجل في سورة سبأ: ﴿وَالَّذِينَ سَعَوْا فِي آيَاتِنَا مُعَاجِزِينَ﴾ [سبأ: 6]، قلنا أحد معاني قول الله عز وجل «معاجزين» أي يريدون أن يظهروا أنها عاجزة؛ فمعاجز صيغة مفاعلة، مثل صابرة، أي يريد أن يرى من هو الأكثر صبراً، فهو يريد أن يثبت أن ما معك عاجز، ويريد أن يثبت أن ما من الله عز وجل عليك به من وحي فيه عجز عن مسايرة الواقع وتطبيق الأحكام في الواقع، فينتقي حكماً ويطعن فيه، وإذا نقض في حكم سينقض في بقية الأحكام.
وجاء النموذج وكيف أن بعض ضعاف الإيمان قد يقع في ذلك، وبين الله عز وجل ردهم. بعد ذلك يقول الله تعالى تعقيباً على ذلك: ﴿أَوَمَنْ كَانَ مَيْتًا فَأَحْيَيْنَاهُ وَجَعَلْنَا لَهُ نُورًا يَمْشِي بِهِ فِي النَّاسِ كَمَنْ مَثَلُهُ فِي الظُّلُمَاتِ لَيْسَ بِخَارِجٍ مِنْهَا﴾. يعني أنتم ربنا منّ عليكم يا أهل الإيمان وأداكم نوراً، وهم أموات في الظلمات، فكيف تذهبون لتسمعوا منهم؟
يعني واحد ربنا منّ عليه وأعطاه وألبسه العافية ومنّ عليه بالنور والهدى والحياة، يذهب ليسمع من أفكار أهل الشرك والفساد والبغي؟ هذا بالضبط حال أي إنسان يترك ما معه من قرآن وما معه من وحي، ويتجه سواء إلى الشرق أو الغرب ليستجلب أفكاراً تصادم أفكار الشريعة. ونحن قلنا قبل ذلك إن الإنسان يمكن أن يستفيد خبرات حياتية واجتماعية من أي إنسان حتى لو كان كافراً أو حتى من الشيطان ما لم تصادم شرعاً، لكن المشكلة حين يستفيد أصولاً كلية في الحياة وأفكاراً تصادم شرع الله عز وجل. هو يستبدل ماذا بماذا؟ يذهب للأموات ليستجلب منهم شيئاً يجعله حياً، ويذهب للظلمات ليستجلب منها نوراً، كيف ذلك؟
ربنا يقول: ﴿أَوَمَنْ كَانَ مَيْتًا﴾، أي أنتم كنتم في جاهلية وكنتم عارفين وضعكم في الجاهلية قبل أن يحييكم الله. خذ بالك، هذه الآية لو وقفنا مع كل حرف فيها نجد إعجازاً. أولاً بدأت الآية باستفهام استنكاري. وهناك معلومة نقولها هنا، وهي أن هناك فارقاً في القرآن عندما يدخل حرف الاستفهام على الجملة مباشرة، أو يدخل مع حرف عطف؛ فهناك فرق بين «أَمَنْ كَانَ مَيْتًا» وبين «أَقَوِيَ مَنْ كَانَ مَيْتًا»، وفيه فرق بين «أَتَطْمَعُونَ أَنْ يُؤْمِنُوا لَكُمْ» وبين «أَفَطْمَعُونَ أَنْ يُؤْمِنُوا لَكُمْ»، وفيه فرق بين «أَمْ» و«أَوَلَمْ».
الواو أو الفاء هذه حرف عطف. يعني «أَوَمَنْ كَانَ مَيْتًا» لو حذفنا الواو وقلنا «أَمَنْ كَانَ مَيْتًا»، فهذا أصل الجملة. أهل التفسير لهم اتجاهان سريعاً في تفسير هذه الآية، كقاعدة لنا في القرآن: أي آية يدخل فيها حرف استفهام على حرف عطف (مثل: أفطمعون، أولم، ثم إذا ما...)، أهل التفسير ينقسمون قسمين.
جزء كبير من المفسرين يقول إن حرف العطف هذا أصله أنه كان قبل حرف الاستفهام، فمعنى الآية كما في الآية التي قبلها والآية التي بعدها؛ حيث جاءت الواو عطفاً. فكأن الآية كانت واو عطف عادية تعطف جملة على جملة، ولكن حرف الاستفهام يجب أن يكون في البداية لأن من حروف الصدارة التي لا يتقدم عليها شيء، فقدم حرف الاستفهام على حرف العطف فحدث تبديل، فيكون أصل الكلام: «أَوَمَنْ كَانَ مَيْتًا فَأَحْيَيْنَاهُ».
وقد يقولون: لا، هذا حرف عطف عادي جداً يعطف الجملة، ويبحثون عما تعطف عليه؛ فبعضهم قال إن جملة ﴿أَوَمَنْ كَانَ مَيْتًا فَأَحْيَيْنَاهُ﴾ معطوفة على جملة ﴿وَكَذَلِكَ جَعَلْنَا لِكُلِّ نَبِيٍّ عَدُوًّا﴾، أي كما جعل الله لكل نبي عدواً، فكيف تتجهون إلى الأعداء وتأخذون منهم النور؟ ربنا يقول: أنا جعلت لكل نبي عدواً، فتقوم أنت تاركاً النبي وذاهباً للعدو لتأخذ منه النور؟ ﴿أَوَمَنْ كَانَ مَيْتًا فَأَحْيَيْنَاهُ وَجَعَلْنَا لَهُ نُورًا﴾، تترك النور الذي مع النبي وتذهب...
حرف استفهام بيدخل ولا حرف عطف؟ مش ده المعنى، هم قلة لكن منهم المحقين، والإامام الزمخشري وغيره من المتأخرين كتير قالوا: لأ، مش معنى الآية كده. معنى الآية استفهام وفيه جملة محذوفة، وبعدين واو حرف عطف بيعطف جملة من كان ميتا على جملة محذوفة. يعني أصل الكلام أن نقول مثلا العلماء بقى بيقعدوا إيه ودي عايزة فطنة وذكاء من المفسر عشان يستنبط إيه الجملة المحذوفة؟
فبعضهم يقول إيه؟ أتصدقونهم وتستضيئون منهم؟ وأن الحال هو من كان ميتا فحيناه ليس فيه شبه من العيش في الظلام. يعني فيه ما بين الألف والواو ديت في جملة محذوفة، ما بين الألف والواو دي في جملة محذوفة. الجملة المحذوفة دي الجملة الظاهرة اللي هي من كان ميتا معطوفة على الجملة المحذوفة. خلاص؟
يبقى كان أصل الآية ديت عشان لما تيجي بعض المفسرين يقول لك تفسير الآية: أتصدقونهم وتلجأون إليهم وتستضيئون منهم والحال أن من كان ميتا ليس كمن كان حيا وانتم أحياء وهم الأموات فكيف تستضيئون منه؟ فاستفهام بيستنكر وبيحذف كأن من شدة وضوحه ربنا ما زكروش. يعني كلمة أتصدقونهم أو تستضيئونهم؟ من شدة الوضوح ربنا ما زكرهاش.
فالشاهد: أومن كان ميتا عايزين نقف مع الآية كده، ربنا ما قالش: أو من مات كمن كان، أو ما قالش اه يعني من يموت قال إليه؟ من كان ميتا. لما ييجي كان وييجي بعدها الاسم ميتة ده ده بيبقى يعني أشد رسوخ في الصفة، يعني إن الله كان غفورا رحيما، ده يعني مغفرة الله عز وجل ثابتة لا تتغير. دايما بنقول فلان كان كريما، يعني جزء من كينونته إنه بقى كريم، جزء من الكينونة بتاعته ما بينفصلش عنه. دي غير كان يعني كان ثم أصبح بخيلا، لأ.
كان تيجي بمعنى أن جزء من أنهم كانوا قوما فاسقين، لما ربنا يقول مسلا: فاستخف قومه فأطاعوه إنهم كانوا قوما فاسقين. المقصود بأنهم كانوا قوما فاسقين أن الفسق بقى جزء من تركيبة المجتمع فكان لازم يهلكه. فكان ميتا يعني ده واحد ميت مترسخ في الموت، ما فيش أمل إنه يقوم. اللي يدرس الوضع الجاهلية قبل بعثة النبي صلى الله عليه وسلم يستحيل أن الناس دي تبقى حضارة.
ويستحيل يغلبوا فارس والروم، يستحيل مستحيل يتجمعوا. الناس اللي بيموتوا بعض عشان الجمل دول يستحيل يتجمعوا، اللي بيموتوا بعض زي ما إحنا شايفين كده بينا وبين بعض حتى، أنت ممكن تقول يستحيل دول إيه؟ يبقوا أمة واحدة أبدا. فكان ميتا يعني ربنا بيقول أنتم كنتم من غير الوحي في وضع مستحيل تقومه، وضع راسخ في الموت، راسخ في الظلمات.
والآية شبهت البعيد عن الوحي بصفتين وعكسهم اللي مرتبط بالوحي. الموت والظلمة وعكسها الحياة والنور. دايما الوصفين دول لما يجتمعوا عليه؟ لأن مش أي حياة، لأ، ده الحياة والحياة الصحيحة، أن لما يصحى عايز يشوفه يتحرك، والتاني في ضلمة وميت، يعني حتى لو الميت صحى ما يعرفش يتحرك. فميت في الظلمات وبدأت بالميت وختمت بالظلمات: ﴿أَوَمَن كَانَ مَيْتًا فَأَحْيَيْنَاهُ وَجَعَلْنَا لَهُ نُورًا يَمْشِي بِهِ فِي النَّاسِ كَمَن مَّثَلُهُ فِي الظُّلُمَاتِ﴾ [الأنعام: 122].
في الظلمات أي في الظلمات ميتا لأن ربنا قال في أولها إن هو إيه؟ ميت. يعني واحد ميت في ضلمة والتاني حي في نور، لأن أنت ممكن يجيلك الحياة بس ما تعرفش تمشي، مش عارف تمشي يمين ولا شمال. الوحي بيتشبه دايما بالحياة عشان كده بيتشبه بالماء لأنه بيديك الحياة ومش أي حياة، الحياة الصحيحة. فالتشبيهين دول متكاملين.
يبقى هو من كان ميتا ده رسوخ الجاهلية قبل الوحي، فإحنا من غير وحي نضيع، لما نبتعد عن الوحي بنرسخ في الموت زي الحيران. أو من كان ميتا فاحييناه، يبقى رقم واحد الحياة بدأت تيجي له، رقم اتنين بقى يجيلك نور: فاحييناه ونسب ده إلى الله عز وجل. لن تستقيم الأمة ولن تحيا الأمة إلا بنور من الله عز وجل. أي وسيلة لتجميع الأمة بعيد عن وحي الله عز وجل مستحيل تقوم.
فاحييناه وجعلنا له الجعل كتير قوي في السورة: ﴿وَكَذَلِكَ جَعَلْنَا لِكُلِّ نَبِيِّ عَدُوًّا﴾ [الأنعام: 112]. كذلك جعلنا في كل قرية أكابر مجرميها. زي ما ربنا جعل أعداء وجعل أكابر المجرمين جعل معنا نور وحي. فما حدش يقول ما أصل ربنا جعل مكر، طب ما هو جعل لك نور تقاوم به هذا المكر. فالْمَكْرُ ده لذلك لما ربنا قال: وجعلنا له نورا قال بعدها: ﴿وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا﴾ [الأنعام: 123].
النور ده هو اللي يكشف مكرهم، لن يظهر مكر المجرمين للناس إلا بنور القرآن. قاعدة مهمة: لن يظهر مكر المجرمين للناس، لن يتضح أن دول مجرمين فجرة إلا لما تعرض على الناس القرآن. أغلب أو كل الوسائل الأخرى ممكن تطلعه مرة مجرم وممكن تطلعه مرة بطل، لو استعملت وسائل سياسية فقط أو اقتصادية فقط أو أفكار أو المفاهيم اللي طالعة إنسانية، لو استعملت المفاهيم دي المفاهيم دي متقلبة مش ثابتة.
وهو أصلا الغرب بيصر أن هي تظل نسبية. فاللي أنت تطلعه للناس النهارده من غير قرآن، اللي تطلعه للناس النهارده مجرم عشان مجرم ليه؟ تقول للناس ده مجرم، نزلت مجرم ليه؟ لو ما قلتش الناس ده مجرم عشان خالف كذا وربنا قال كذا، لو ما قلتش كده بكرة مش هيبقى مجرم، بكرة هيبقى بطل، وبالمعايير اللي أنت حطيتها، بالمعايير اللي أنت أصلتها، تأصلت للناس النهارده أن ده مجرم، هيقول لك مجرم ليه؟ تلوم مجرم مثلا عشان مش وطني مثلا، بكرة هتطلع أنت اللي مجرم ويطلع هو اللي إه هو اللي بطل لأن أنت خليك مع الثابت مع الوحي.
لو طلعته مجرم من الوحي هيفضل مجرم إلا أن يتوب، تغير الأحداث هيفضل برضو مجرم إلا أن يتوب. فاحييناه، لما المؤمن بيحيى بالوحي ما يعرفش يسكت. أول لما الحقيقة عمل إيه؟ وجعلنا له نورا إيه؟ يمشي. اكتفاء لذلك تعلم القرآن دون الخروج للناس ده فهم ناقص للدين. اللي بيفهم القرآن صح ما يعرفش يسكت زي سيدنا إبراهيم كده، أول لما قال: ﴿إِنِّي وَجَّهْتُ وَجْهِيَ لِلَّذِي فَطَرَ السَّمَاوَاتِ وَالْأَرْضَ﴾ [الأنعام: 79] على طول راح يكلمهم وحاجهم.
فأنت أول لما تكتسب نور القرآن لازم يديك طاقة تتحرك بها في الناس: وجعلنا له نورا يمشي. دي بترعبهم، دي بتزلزلهم، نور يمشي في الناس دي تدمرهم، تخلي هنا يعني ربنا جاب طوال السورة مكر وكيد وتلبيس على الناس ومحاولات والمتبوعين والسادة بيتحركوا وزخرف القول والإيحاء. الكبار ما اتحركوش غير لما الناس اتحركت في الواقع، وكذلك الأهل بعدها على طول: ﴿وَكَذَلِكَ جَعَلْنَا فِي كُلِّ قَرْيَةٍ﴾ [الأنعام: 123]. الأكابر ما نزلوش يقودوا بنفسهم الخطة إلا لما أهل الإيمان بقوا نور يمشوا في الناس، أول لما تمشي نور في الناس هو يتجنن ينزل لك بقى، لأ، ما يعرفش يسيبك. والمؤمن الحق لما يستفاد قوة ونور من القرآن ما يعرفش يسكت، لازم هيبقى إيه؟ يمشي.
وكلمة يمشي صيغة المضارع مع فعل يمشي لينة والسهولة في نشر الدين، أن نشر الدين مش ضربة وخلصت، مش نازلة تزعق في ناس وتروح وتمشي، لأ، ده حياة وسط الناس، ده حياة. إذا كان قرآنا يمشي. سورة الفرقان أمتى بقى فيه فرقان في الواقع؟ لما عباد الرحمن الذين يمشون على الأرض هونا. هم قالوا عليه في أول سورة الفرقان: ﴿يَأْكُلُ الطَّعَامَ وَيَمْشِي فِي الْأَسْوَاقِ﴾ [الفرقان: 7] كانوا متضايقين قوي إنه ماشي وسطهم. إيه اللي مضايقهم يعني إنه ماشي وسطهم؟ إنه مضيق عليهم الشارع؟ لأه، إنه بينقل النور للشارع.
وجعلنا له نورا يمشي، هل لما بيمشي بيسيب النور في المسجد ويطلع لهم؟ يعني بيقلع أخلاق الدين وبعدين يطلع للناس بمعاملات، وبعدين لما يرجع المسجد يلبس بقى لبس الراهب ويتعبد ويعيط وبعدين يطلع؟ لأ، وهو طالع ربنا قال يمشي إيه؟ به، باقي المصاحبة. خد القرآن اللي استفاده من المسجد والنور وطلع به للناس. الناس ما قالش يمشي في الناس، قال يمشي إيه؟ به، أي بالنور أي بالوحي. لما الناس تعمل كده تستفيد نور وتمشي وسط ناس حياة عادية جدا، مش متكلف، نازل شغله إنسان ملتزم طبيعي. فالناس تفاجأ: هو فيه حد ما بياخدش رشوة؟ هو فيه حد ما بيكدبش؟ هو فيه حد متقن كده؟ هو فيه حد ما بيغتبش؟ هو فيه فتبدأ تسأل.
وزي ما قلنا قبل كده توصل لمرحلة أنهم يعينوا الأمانات عند النبي صلى الله عليه وسلم رايحين يقتلوه، يعني اللي رايحين يقتلوه عاينين عنده الأمانات، هم معترفين أن ده صادق أمين لغاية آخر لحظة، والنبي صلى الله عليه وسلم يسيب سيدنا علي مكانه عشان يرجع الأمانات، فبيبقى اعتراف أن ده صادق بس إحنا مش هنقبله. ده مرحلة فرقان مش هتحصل غير لما يبقى فيه نور. أو من كان ميتا فاحييناه، وجعلنا الحياة لوحدها مش كفاية، مرحلة الاستيقاظ من الغفلة لوحدها مش كفاية، التمام: وجعلنا له نورا إيه؟ يمشي.
لذلك النور اللي ما يخليكش تمشي وسط الناس ده نور ناقص. العلم والدين اللي أنت تكتسبه وما يديلكش طاقة بتمشي بها في ناس وتنقل بها الدين ده عندك نقص، ده فهم ناقص للدين. وجعلنا له نورا يمشي به، خد بالك من كلمة إيه: في الناس، اختراق جوة كل الناس، بينزل لكل مستويات الناس، اللي أعمالهم في سوقهم في حياتهم، في الناس، مش أمشي به إلى الناس، يعني يوصل لغاية عندهم ويقول لهم الكلمتين ويروح، لأ، ده متغلغل فيهم يمشي به في الناس، ده بيسموه حرف الوعاء جوة، متغلغل.
أو من كان ميتا فاحييناه وجعلنا له، وله دين لا يعني فيها ملكية وتشريف، ده أنا أديت لكم وحي تسيبوه وتعرضوا عنه! واجعلنا له نورا، ونورا هنا جت نكرة. النكرة بتيجي في اللغة لما الحاجة المعرفة، المعرفة دي حاجة معرفة، يعني إما يبقى حاجة مش معروفة عند ناس أنا بستعمل أداة لغوية عشان أعرفها لك، فإما أستعمل ألف ولام أو أضيفها إلى حاجة تعرفها أو أو أجيب اسم موصول يعرفها أو أشاور عليها باسم إشارة، أنما لما تبقى حاجة أنت ذهنك لا يمكن يستوعبها أو حاجة ما تعرفهاش يعني طبعا استعمال النكرة في اللغة له استعمالات كتير، لكن هي نورا يعني نور عظيم مهما ربنا عرفه لنا مش هنعرف قدره، مش عارف قدره غير لما ربنا يبصرنا به يوم القيامة.
فيه حاجات كده زي: ﴿إِنَّ لِلْمُتَّقِينَ مَفَازًا﴾ [النبأ: 31] نكرة، إيه قيمة مهما ربنا نحن عقولنا البشرية القاصرة مش هتدرك عزم ده، أن أن جهنم كانت مرصادا للطاغين مآبا، كلها نكرة، وصف النار مش هنندركه إلا والعياذ بالله لما الطاغين يشوفوه مش هيدركوه إلا لما يشوفوه. فنورا عظيما لا يوصف وجعلنا له نورا، كل ده تفخيم: إزاي تسمعوا منهم شبهات؟ إزاي تروحوا تاخدوا دينكم منهم؟ إزاي تتلقوا منهم أفكار؟ إزاي تزهدوا في كتاب الله عز وجل؟
الواحد فعلا بيتعجب من المقروء والمسموع والموجود: كتاب الله عز وجل، كتاب الله عز وجل، يعني المرتبطين به قليل. اللي الواحد يشوف كمية الأفكار اللي بتطرح والغباش والكلام الكتير، الناس تايهة، الناس تايهة كانت اتعلمت لها آية أحسن، ناس تايهة في وسط كلام كتير ونقاشات وخناقات وردود، يعني فعلا هجر القرآن أصبح من المسلمين كثير جدا إلا من رحم الله عز وجل. فأنتم رايحين تلاقي ناس حريصة جدا ويشعر بأزمة نفسية إنه ما قراش الكتاب ده أو ما قراش للمفكر الفلاني، يشعر بأزمة، لكن ما يشعرش بأي أزمة إنه مش عارف معاني سورة أو ما قرأش سورة أو ما صلاش بسورة.
وجعلنا له نورا يمشي به في الناس كمن مثله في الظلمات. دول بقى في عمق الظلمات والعياذ بالله. في الظلمات، ودائما الظلمات من أول السورة وفي القرآن تأتي جمع، اللي بيصيب القرآن لا يبالي الله في أي أوديتها هلك، أودية الدنيا كتير وأودية الضلال كتير، لكن النور دايما واحد في القرآن وظلمات دايما متعددة في القرآن. ﴿الْحَمْدُ لِلَّهِ الَّذِي خَلَقَ السَّمَاوَاتِ وَالْأَرْضَ وَجَعَلَ الظَّلُمَاتِ وَالنُّورَ﴾ [الأنعام: 1] وبرضو جعل معنا من أول السورة.
كمن مثله في الظلمات ليس بخارج منها. فربنا بيقول لك ما فيش قرآن ما فيش خروج من الظلمات. معكش قرآن مش هتخرج، لو معك أزكى الأذكياء وأحسن الأفكار مش هتخرج من الضلمة دي. ليس بخارج منها، ومش ليس خارج منها، ليس بقى ديت يعني قرب كده يعني مش هيقرب من الخروج فضلا إنه هيخرج، يعني مش هيقارب ولا يداني الخروج فضلا إنه هيخرج.
والعلماء هنا قالوا وقفوا هنا، قالوا ليه ربنا ما قالش طالما احيينا فعل وجعلنا فعل ويمشي فعل؟ كان متوقع ليس يخرج منها، تبقى كلها أفعال كده، ليه جت بصيغة اسم؟ ليه ليس بخارج منها؟ بعض العلماء بص من وجهة، وبعضهم بص من وجهتها، بعضهم قال: ليس بخارج ده حاجة اسمية يعني عمره ما هو طالع، وأن أكابر المجرمين دول خلاص ختم على قلوبهم. وجم قالوا لأ، ده جاي اسم فاعل عشان حاجة تانية خالص، إنه هو اللي مش عايز يخرج: ليس بخارج، أنا مش هخرج، هو اللي مش عايز يخرج.
بعض المفسرين قال: ليس بخارج، يعني ربنا زي ما قال الآية بعدها: وهذا، وهتيجي: ﴿وَهَذَا صِرَاطُ رَبِّي مُسْتَقِيمًا﴾ [الأنعام: 126] طب أنت ما بتمشيش فيه ليه؟ فلما تيجي تقرا ليس بخارج منها فتقول معقولة! واحد يختار بمزاجه الضلمة والموت؟ إزاي الآية اللي بعدها ختام الآية يجاوب لك عليها؟ ختام الآية إيه؟ ﴿كَذَلِكَ زُيِّنَ لِلْكَافِرِينَ مَا كَانُواْ يَعْمَلُونَ﴾ [الأنعام: 122] أما تيجي تقرا كده وتستغرب: إزاي واحد يختار الضلمة مش عايز يخرج!
ليه مش عايز يخرج؟ هو زويل له العمل ده. احنا قلنا القاعدة دي مستمرة جدا ويعني في القرآن ولا سيما في سورة الأنعام، نوليه ما تولى أو أن ربنا سبحانه وتعالى.
اتكلمنا قبل كده ازاي ربنا ييسر للإنسان طريق الضلال، زيه زي اللي قلنا إن المعتزل أنكره والكلام ده، مش هيقول لك ازاي؟ ازاي الله عز وجل يعمل كده؟ ما هو الإنسان اختار كده. هو الإنسان اللي يختار كده، ربنا باين له؟ ﴿فَأَلْهَمَهَا فُجُورَهَا وَتَقْوَاهَا﴾ [الشمس: 8]، ﴿وَهَدَيْنَاهُ النَّجْدَيْنِ﴾ [البلد: 10]. ربنا بين له، هو اللي اختار وربنا بيعرفه مرة واتنين وتلاتة.
ولا من أشد صيغ النفي، اللي هو حاجة بيسموها الكون المنفي، إن كانت تيجي المنفية أشد صيغ النفي: ﴿وَمَا كَانَ اللَّهُ لِيُضِلَّ قَوْمًا بَعْدَ إِذْ هَدَاهُمْ حَتَّىٰ يُبَيِّنَ لَهُمْ مَّا يَتَّقُونَ إِنَّ اللَّهَ بِكُلِّ شَيْءٍ عَلِيمٌ﴾ [التوبة: 115]. فهنا طول السورة الناس بتطالب بايات، بتطالب بايات. أكتر سورة شوط طويل جدا في القرآن، في صور كتير كده إصرار على طلب الآيات، في صور كتير جدا كده.
وده خد حيز طويل في مكة، إن هما عايزين أي حسية، عايزين أي حسية، عايزين أي حسية، لغاية لما راح بقى مجتمع أهل الكتاب وناقشهم، هما خلاص بيقولوا إن إحنا عندنا كتاب، فكان كتاب قصاد كتاب، فكان القرآن أقوى ومهيمن على الكتاب اللي معاه. لكن دول عايزين أي حسية، طول عايزين أي حسية، عايزين ملايكة عايزين، وهنشوف هنا كمان الطلب بيطور بقى، أكابر المجرمين كان لهم طلب خاص جدا جدا.
فهنا طول السورة عايزين آيات، فربنا سبحانه وتعالى بيقول الصادق بيوفق، واللي جت له الآيات وأعرض عنها ربنا بيضله لأنه أعرض عن الآيات: ﴿كَذَلِكَ زُيِّنَ لِلْكَافِرِينَ مَا كَانُوا يَعْمَلُونَ﴾ [الأنعام: 122]. وبعدين ربنا بيقول ما تحزنش عليهم، واللي بيحصل ده سنة قدرية، كما أن الله عز وجل جعل لكل نبي عدو. السورة عمالة يا جماعة واحنا ماشيين، شفنا ناس في أول السورة رايحة للنبي صلى الله عليه وسلم، ما تصلوش عليه ليه؟ ناس رايحة للنبي صلى الله عليه وسلم تجادله: ﴿حَتَّىٰ إِذَا جَاءُوكَ يُجَادِلُونَكَ﴾ [الأنعام: 33]. وناس رايحة تطلب آيات، وناس رايحة تتعنت. الفجر عمال يزيد، لأن القرآن قوية.
وناس عمالة تحاج سيدنا إبراهيم، وناس عمالة تحاج النبي صلى الله عليه وسلم، وناس عمالة تفتن الناس وتخليهم حيرانين، بدأوا يعملوا وحي مقابل، ﴿يُوحِي بَعْضُهُمْ إِلَىٰ بَعْضٍ زُخْرُفَ الْقَوْلِ غُرُورًا﴾ [الأنعام: 112]، وبدأوا يزخرفوه. بدأ بقى كبر المجرمين هنا يظهروا، وكذلك جعلنا، قلنا أكابر المجرمين ظهروا أمتى؟ لما النور بدأ يمشي في الشارع. هو هنا ما يعرفش يسكت لك، مش هيسكت، خلاص هو هينزل بقى قصادك ويقول إيه؟ إن امشوا واصبروا على آلهتكم، وزي ما هما بيمشين وسط الناس إحنا كمان ننزل نمشي وسط الناس. سورة ص: ﴿وَانطَلَقَ الْمَلَأُ مِنْهُمْ أَنِ امْشُوا وَاصْبِرُوا عَلَىٰ آلِهَتِكُمْ﴾ [ص: 6].
وكذلك جعلنا في كل قرية أكابر مجرميها ليمكروا فيها وما يمكرون إلا بأنفسهم وما يشعرون. زي ما ربنا جعل لكل نبي عدو، الأعداء دول ليسوا على درجة واحدة من الفجر، بل في حاجة دول درجات كده، بيترقوا، في مجرمين، وفي يعني فيه أعداء، وفيه من الأعداء مجرمين، وفيه من المجرمين أكابر المجرمين. زي يأتوك بكل سحار عليم، ويأتوك بكل ساحر عليم، الأعراف والشعراء. فسحار ده أستاذ، السحر، ساحر ده زي أستاذ مساعد كده، يعني إيه مش مش في واحد.
ففيه مجرمين وفيه إيه أكابر المجرمين: ﴿وَكَذَلِكَ جَعَلْنَا فِي كُلِّ قَرْيَةٍ﴾. التقرير سنة العداء بين الحق والباطل، دي في القرآن كتير وفي السورة دي كتير. إياك أن هما يخدعوك ويقولوا لك المعركة مش حق وباطل في كل زمان، لازم تبحث فين الحق من الباطل؟ لأن هذه المعركة تمتد إلى يوم القيامة. يعني اللي بيقول عايز يشخص اللي بيحدث في العالم الآن أو في الواقع الآن على أنه صراع على بترول أو صراع على مناصب، ده كلام خاطئ، لازم فيه حق وإيه وباطل، لازم حتى لو نسبي، حتى لو فيه حق نسبي وباطل نسبي.
خلاص فربنا بيقول في كل قرية، كل قرية سبحان الله ربنا هيببعث فيها مصلحين، وفي ناس هتحاول تسيطر. والقرية دايماً يا جماعة في وأهل القرى، والقرية دي المقصود بها مش القرية دلوقتي في مصطلحنا اللي هي عكس المدينة، أول بالعكس، ده القرية هنا مقصود بها زي العاصمة كده. يعني القرية في الآية هنا: في كل قرية أو القرى أو من أهل القرى والرسول ليه يأتي من أهل القرى؟ ده يعني مقصود بها المدينة في مصطلحها، أن عكس ده البادية أو الأعراب، عكس ده عكس أهل القرى.
يعني ربنا بيقول إيه؟ الأعراب أشد كفراً ونفاقاً، ربنا بيقول اللي هي بتاعة من أهل المدينة مرضوا على النفاق، لا أولها إيه؟ لا تعلمهم نحن نعلمهم، وممن حولكم من الأعراب منافقون ومن أهل المدينة مردوا على النفاق لا تعلمهم نحن نعلمهم. فالأعراب غير دول، خلاص دول بيجوا بقى الأعراب بيجوا البدو، إنما القرية دي اللي هي زي المدينة.
ودايماً ييجي سياق في قرية وفي مدينة، ودي طبعا عايزة إيه استقراء إيه الفرق ما بين القرية والمدينة؟ معلومة تقريباً بنفس المعنى وبعض العلماء كتب فروقات ما بينهم، الشاهد مش ده موضوعنا، إنما المقصود هنا القرية يعني المدينة، يعني التجمع السكني المستقر عكس البادية. فربنا بيقول دايماً هما يروحوا يتجمعوا في قرية، ما يروحوش للإيه؟ للأرياف، لأ ييجي في العاصمة، ييجي في مكان السيطرة لأنه عايز يسيطر، فبييجي في المكان اللي يعرف يسيطر عليه، هو مش أهبل يروح للطرف، هو أهبل يروح في حتة مش ما حدش، لا، هو بيسيطر على المكان اللي يعملوا فيه نفوذ ويقسموه، بيسيطروا عليه.
ففي كل قرية، في كل عاصمة، فلذلك يتركزوا في جزيرة العرب فين؟ في مكة، في أم القرى، اللي الناس بقى رايحة جاية عليها ورحلة الشتاء والصيف، وكل اللي جاي من اليمن واللي جاي من الشام، آه قال لك بس! فتلاقي أكابر المجرمين أكتر فين؟ فكل ما المدينة لها ثروات أكتر أو إمكانيات أكتر، كل ما الأكابر المجرمين يبقوا أكتر ويتركزوا فيها أكتر. وربنا يقيد دايماً غالب يطلع من هنا، ولذلك ربنا اصطفى الأنبياء من أهل القرى، مش من الأعراب والبدو، أم أشرف الناس يا عمنا.
وطبعا اللي عايز يبحث في المسألة دي رائع الفرق ما بين القرية والأعراب وايه الأفضل؟ شيخ الإسلام ابن تيمية في كتاب اقتضاء الصراط المستقيم له مبحث رائع في المسألة دي، وأن جنس أهل القرى أفضل من جنس أهل الأعراب، لكن لما نقول إن جنس زي مثلاً أهل السنة، جمهور أهل السنة بيقول إن جنس العرب أفضل من جنس العجم، لكن هذا لا يعني أن في أفراد من العجم أفضل من أفراد من الإيه؟ من العرب، في عرب فساق. وأن الشرف ده بيكتمل وبيزداد وبيثبت بالإيمان والتقوى، فواحد من أهل العجم زاد إيماناً وتقى على واحد من أهل عرفة هو أفضل، فضل العربيين على أعجمي إلا بالتقوى.
خلاص؟ الشاهد أن ربنا بيقول إن القرية بيجتمع فيها الاتنين: المصلحين الأشداء وأكابر المجرمين، مش بس المجرمين بيجتمعوا في العواصم، بيجتمعوا في أماكن التمركز للثروات بيجتمعوا فيها، زي ما حصل في مكة كده، بيحصل الاجتماع وبيحصل اصطدام دايماً في الأماكن اللي زي دي: ﴿وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا﴾ [الأنعام: 123].
تعبير عجيب أوي، ما قالش أكابر المجرمين، أو ما قالش وكذلك جعلنا في كل قرية مجرمين صغار ومجرمين كبار، التركيز كله على أكابر إيه؟ وكلمة مجرميها مش أكابر المجرمين، المجرمين، هل هذه عايدة على إيه؟ على قرية، أكابر مجرمي القرية، كأنها بتاعتهم، من استقراره وخلاص هو بيتعامل إن هي بتاعته وضيف لها دي بتاعته، وهو اللي هيسيطر عليها.
اللي يخرجك إن أنت هم خايفين دايماً إيه حجة السحرة أو حجة فرعون: ﴿لِيُخْرِجَكُم مِّنْ أَرْضِكُم﴾ [الأعراف: 110]، دي بتاعتكم ما ينفعش يطلعوا منها. أكابر مجرمين، ومعنى أن أكابر المجرمين أن في مجرمين إيه؟ صغيرين، يبقى فيه مجرمين كبار بيضحكوا على المجرمين الصغيرين، يوم المجرمين الصغيرين بيضحكوا على بقية الناس. دايماً أكابر المجرمين ما يظهروش لبقية العامة، يعني في أكابر مجرمين مستخبيين، دول فين؟ في العاصمة، في كل قرية، في أماكن الثروات، أنت مش عارف فين بالضبط، ما حدش سألني فين بالضبط أنا ما أعرفش.
آه أكابر المجرمين بيضحكوا على المجرمين الصغيرين، فلذلك لما ربنا قال العقاب لما ينزل سيصيب الذين أجرموا صغار، مين مين سيصيب مين؟ المجرمين كلهم، مش الأكابر بس، لأن المجرمين الصغيرين تابعوا الأكابر، الآية اللي بعدها: ﴿سَيُصِيبُ الَّذِينَ أَجْرَمُوا﴾، ما قالش سيصيب أكابر المجرمين صغار، هل سيصيب الذين أجرموا؟
هو يعني إيه المجرم أصلاً؟ الجرم في اللغة أصله قيل، يعني على خلاف بين أهل اللغة، قيل هو القطع، عشان يقول لك لا جرم يعني قطعاً. الجرم هو القطع، فهم المجرم يقول لك تعرفوا الذين يقطعون ما أمر الله به، إن ده اسمه مجرم. المجرم إي ربنا أراد أن فيه شرع يصل للناس، أن فيه وحي يصل الناس، فلذلك لما واحد جه نور وعايز يمشي به إيه في الناس، جه المجرم عايز يقطع النور ده.
تاني، الآية اللي قبلها: ﴿أَوَمَن كَانَ مَيْتًا فَأَحْيَيْنَاهُ﴾ [الأنعام: 122]. ربنا يحيينا ويحييكم يا رب، وتقوموا من النوم اللي أنتم فيه ده. ﴿أَوَمَن كَانَ مَيْتًا فَأَحْيَيْنَاهُ وَجَعَلْنَا لَهُ نُورًا يَمْشِي بِهِ فِي النَّاسِ﴾ [الأنعام: 122]. هو كده لقى النور هيوصل لإيه؟ للناس، عايز يقطع النور ده ما يوصلش للناس، مش يقطع النور يعني الكهرباء، لأ، عايز إيه؟ يقطع النور أنه ما يوصلش للناس اللي هو الوحي، يعمل بقى قصاده حاجات، يمنع ده، ياخد ده، يعتقل، يعمل، المهم إن النور ده ما يوصلش للناس، ده اسمه مجرم، قاطع ما.
فلذلك كل ما أمر الله به أن يوصل المجرم يريد أن يقطعه، أن يقطعهم. ﴿وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا﴾، وبيحقق ده لأن الأكابر في الغالب دايماً مستخبيين، بيحققوا بالإيه؟ بالمكر، وكذلك جعلنا في كل قرية أكابر مجرمين، الأكابر بيخططوا صغار بينفذوا والناس بتضحك عليهم. ﴿وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا﴾ [الأنعام: 123]. المكر الوصول إلى ما تريد بحيلة وخفاء مش بظاهر. لكن لما ربنا سبحانه وتعالى يمكر بهم يعني من حيث لا يشعرون، فلذلك هنا ربنا بيقول إيه؟ ﴿وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ﴾ [الأنعام: 123].
زي برضه وهم لا يشعرون لما جت في سورة القصص، أن هما ما كانوش بيشعروا أن هلاكهم على إيد اللي بيربوه، ما كانوش بيشعروا بده، هو ده مكر الله عز وجل لما بيمكر بالظلمة، أن هو اللي يتسبب، هو اللي يحمي السكينة اللي هيذبح بها، هو اللي يعمل في نفسه كده. ﴿لِيَمْكُرُوا فِيهَا﴾ وكذلك جعلنا في كل قرية أكابر مجرميها ليمكروا فيها.
يبقى دور أهل الإيمان إيه بقى؟ لما دي جت الآية دي قبل دي، يبقى دور أهل الإيمان أن هما إيه؟ يمشوا في الناس عشان إيه؟ عشان إيه اللي ما يحصلش؟ عشان المكر ما ينطليش عليهم، وعشان يفسد على المجرمين، عشان يوصل، المجرمين عايزين يقطعوه. زي ما ربنا قال لسيدنا موسى: ﴿اذْهَبْ إِلَىٰ فِرْعَوْنَ إِنَّهُ طَغَىٰ﴾ [طه: 24]، فيه واحد طاغية لازم تروح له، مش هينفعش يتساب. ما هو ربنا ربنا يريد سبحانه وتعالى أنه يأخذ فرعون، ﴿فَأَخَذَهُ اللَّهُ نَكَالَ الْآخِرَةِ وَالْأُولَىٰ﴾ [النازعات: 25].
فربنا بيقول سيدنا موسى روح له عرفه وفهمه قبل ما أخذه، اذهب إليه إنه طغى، الطاغية ده لن يترك، أما لن يترك أي يرسل الله عز وجل إليه ناس، أو لن يترك يعني هيعذب. إن يصيبكم الله بعذاب من عنده أو بأيدينا، على حسب بقى ترتيب ربنا سبحانه وتعالى، ربنا يعجل يعني. ﴿وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ﴾ يبقى لازم أهل الإيمان يفضحوا المكر ده، لازم. والمكر ده لن يفضح إلا بالنور اللي تمشي به في الناس، وعشان يفضح لازم النور ده يبقى إيه؟ في الناس، وسط الناس، ما يبقاش كلمتين في التلفزيون وخلاص ونروح، لأ، لازم يبقى في الناس عشان المكر ده يرد مكر الباطل، لازم انتشار في الناس.
ليمكروا فيها، لكن يطمئن الله عز وجل أهل الإيمان: ﴿وَمَا يَمْكُرُونَ إِلَّا بِأَنفُسِهِمْ﴾، دايماً غباء وربنا سبحانه وتعالى بيسلط غباء، جندي الغباء بيسلطه على أهل الباطل، زي فرعون كده. فرعون هو اللي ربى سيدنا موسى، فرعون هو اللي جمع السحرة عشان يؤمنوا، عشان سيدنا موسى كان يلف عليهم ساحر ساحر يدعوهم للإيمان، كان عايز تلاتين سنة، فرعون جزاه الله شرا وفر هزه المهمة. فرعون، إحنا عايزين نخلص من الجنود دول كلهم، مهو فرعون قائم بجنوده، الله عز وجل هو الحي القيوم، يعني الله عز وجل لا يقوم بشيء بل يقيم كل شيء. أي ملك عشان يقوم محتاج مقومات، جيان إن شاء الله نشرحها في سورة النازعات.
كل مالك عشان يقوم يحتاج إلى مقومات تقيمه، الله عز وجل يحتاج، فلذلك ربنا سبحانه وتعالى يقدر لحضة تيجي ما فيش فيه حد فيقول: ﴿لِّمَنِ الْمُلْكُ الْيَوْمَ﴾ [غافر: 16]، ما بقاش فيه حد، وبعدين يحييهم تاني، كل الملائكة كل لأن الله عز وجل هو القيوم سبحانه وتعالى. آه الجنود دول اللي بيقيموا، فعاوزين نخلص منهم، نخلص من الجنود إزاي؟ يقوم فرعون هو اللي يجمعهم كلهم ويقودهم بنفسه، عشان ياخدهم يروحوا فين؟ زي ما يقدم قومه يوم القيامة، هو كان بيقدم قومه في الإيه؟ في الدنيا، فأوردهم النار، وهو اللي وداهم البحر برضه، هو اللي نزل بنفسه وجمعهم وخدهم كلهم وأقوم راميهم في الإيه؟ ﴿فَنَبَذْنَاهُ وَجُنُودَهُ﴾ [القصص: 40]. كان هو يعني عمل تلات خدمات جليلة جدا جدا جدا جدا، هو اللي ربى سيدنا موسى.
هو اللي جمع الصحرا وهو اللي جمع الجنود عشان يروحوا فين؟ يعني لو كان البحر أول لما اتشق فرعون قال لا أنا مش داخل، ما كانش حد دخل؟ هم ما اتجرؤوش يخشوا غير لما فرعون دخل! ما تجرؤوش يخشوا غير لما فرعون زي ما بيرووا في الإسرائيليين زي ما ذكر الإمام الطبري وغيره ما رضوش يخشوا خافوا إلا لما هو دخل بنفسه. فكان بيقدمهم في الدنيا، فالشاهد أن: ﴿وَمَا يَمْكُرُونَ إِلَّا بِأَنفُسِهِمْ﴾ [فاطر: 43]، لكن دايمًا هم إيه؟ وما يشعرون، فأتاهم الله من حيث لم يحتسبوا.
مهما ظنوا أنهم منعتهم حصونهم من الله لكن فأتاهم الله من حيث لم يحتسبوا. طيب المجرمين دول إذا جاءتهم آاية، المجرمين اللي طول السورة أو الأعداء اللي طول السورة أو بيقولوا عايزين أي حسية عايزين أي حسية، هنا بقى الطلب مختلف تمامًا، لأن دول مش أي مجرمين، دول إيه؟ أكابر. إحنا بنتكلم في الكبر هنا في أكابر المجرمين. دول كانوا طلب غريب جداً قالوا: ﴿وَإِذَا جَاءَتْهُمْ آيَةٌ قَالُوا لَن نُؤْمِنَ حَتَّىٰ نُؤْتَىٰ مِثْلَ مَا أُوتِيَ رُسُلُ اللَّهِ﴾ [الأنعام: 124].
كتير من الناس بيمنعوا من الإسلام أو الالتزام تغيير أوضاعه، يعني هو في وضع معين هو خاف أن الأوضاع دي تتغير. واحد في شلة مثلاً وهو اللي هو اللي بيهزر وهو كذا وهو اللي بايه بيقعد يشتغل في العيال وبتاع هو فهو لو لو التزم هيبقى هو ما باقي يقعدوا إيه يا عم الشيخ خدني على جناحك وهو طبعا مش هيعرف يرد، هيبقى هو بقى أكن أنا بعد ما لا يا عم خليني. لذلك لما أبو طالب لما كان بيقول لولا اللي هي لولا الملامة أو حذار مسبة كنت سمحا بذاك ولقد علمت أن دين محمد من خير أديان البرية دينا. لولا الملامة أو حذار مسبة أو حذار مسبة قد كنت سمحا بذاك مبينا، يعني هو خايف الناس تلومه أو إيه أو حذاري إيه؟ خايف الناس تسب خايف على وضعه.
يقولوا إيه؟ وزي ما ذكر الإمام الطبري عن قتادة أن أول جريمة قتل لما حصلت قال: تمشي في الناس يقولون تقبل منك ولم يتقبل مني والله لأقتلنك. يعني مسألة أن أنا يتقال عليّ، ده أمر نفسي عظيم، مش قادر يضغط على نفسه. كبر أكابر المجرمين، فهو طبعا الوضع اللي هو فيه والعيان بالله ينازع الله عز وجل في ربوبيته. لذلك في حاجات معينة كده زي ما ربنا قال: «من نزعني فيهما عذبته»، العز والكبرياء.
فأكابر المجرمين دول هم عايزين دايمًا يبقوا في موضع التشريع، هو اللي يفرض على ناس ما يتفرضش عليه حاجة، هو اللي يغير ويبدل، هو اللي يشيل ويحط هو اللي يرفع ويخفض. لذلك الساذج وصل من كتر الكبر اللي بيقول لسيدنا إبراهيم إيه: ﴿أَنَا أُحْيِي وَأُمِيتُ﴾ [البقرة: 258]. الكلمة دي تشخص لك نفوسهم، هو عايز يوصل إنه يزن في نفسه كده، مش بس أنا أرزق وأمنع، لأ ده أعلى من كده، يعني هو عايز يشعر من السيطرة على الناس إنه مش مسيطر على أرزاقهم، لأ ده بيقول أنا مش مسيطر على أرزاق الناس ده أنا مسيطر على إيه؟ على أرواحهم. بيقول لسيدنا إبراهيم أنا مسيطر على أرواح الناس أنت جاي تتكلم معايا أنا أحيي وأميت.
ده البعوضة، يعني في ناس بتصدق نفسها زي ما ماشطة بنت فرعون بتسرح لبنت فرعون فسقط المشط، فالماشطة بتقول بسم الله تاخد المشط، بنت فرعون بتقول له أبي؟ إلا ده أبي، حبيبي. أبي مين يا عم قال له أن إحنا بنسجل؟ ربي ورب أبيك. أنت تصدقي تصدقي نفسك أبوك مين؟ ربي ورب أبيك، قالت: أقول أبي؟ قالت له: قولي له، قولي له يا أبيه، قولي له قولي لأبوك. مش هينفع كده، في ناس أحيانًا فعلا فعلا بتصدق نفسها، بيصدق أنه بيقول أنا مش متخيل قوي أن سيدنا إبراهيم قدام الناس وما حدش يرد على السفيه ده، بيقول له أنا أحيي وأميت. يعني هو مصدق لدرجة أن سيدنا إبراهيم سابها له وقال له إن الله يأتي بالشمس، ده واحد معتوه، الواحد مصدق بيقول أنا أحيي وأميت. هو فعلا عايز يوصل من الكبر فهو خايف تيجي تقول له دين وحدود وشرع أكن أنا أبقى واحد زي الناس! واقف في الصف أصلي، والعالم نستفتيه ويقول لي أنت صح ولا غلط؟ ويقول لي حكمك ده صح ولا غلط؟ ولو أنا حاكي لفاسد يشيلوني ويخلعوني، لأ، لأ أنا مش هقبل بده.
طيب أنا عايز عندي فكرة، يقول لك خلاص أنا لقيت حل، إيه الحل؟ أنا هبقى مؤمن بس أبقى نبي زيك، إيه يعني لما نبقى تلاتة أنبيان إيه المشكلة؟ أبقى أنا زيك، أبقى أنا برضه بيجي لي واحد وأبقى أنا برضه مؤمن برضه بس أنا برضه اللي أقول إيه اللي ينفع وإيه اللي ما ينفعش، فبيقول له: ﴿لَن نُؤْمِنَ﴾ يعني أنا هؤمن أهو بس بشرط ودي خطر.
الخطر كاسقاط علينا كتير مننا شارط على ربنا والعياذ بالله، في خطوات كتير مش راضي يعملها، يا رب اعمل لي عشان اعمل لي كذا، شارط على ربنا حاجة تحصل ولو ما حصلتش يعاتب ربنا، أو بيعبد الله على شرط مش على حرف بقى، مثلًا زي عامر اللي كان راهب وبقى فاسق، كان بيعبد الله عشان النبوة، فلما الله عز وجل اصطفى النبي صلى الله عليه وسلم أصبح الفاسق. وعامر الفسق كان أبو عامر الراهب كان بيترهب عارف أن ده زمان نبي كان يرجو أن يكون هو، زي إبليس كده.
خطر قوي العبادة على شرط، فيه العبادة على حرف ده اللي بيتلكك أصلاً، لأ في العبادة اللي بيعبد على حرف ده أصلاً عبادته إيه ضايعة، ده بيصلّي ركعتين وبتاع. اللي بيعبد على الشرط ده بيجتهد، ده أخطر بس لما بيقع يقع من فوق على رقبته زي إبليس كده، أنه بيعبد على شرط كأن أنا عمال أعبد أعبد وفي الآخر تصطفي آدم خليفة! لأ مش ساجد، والعياذ بالله. فيه واحد بيعبد على شرط يا رب أنا هلتزم بس تديني كذا وتعمل لي كذا وأبقى أنا يعني مش هينفع أبقى أنا لأ هسيب حاجة كبيرة في الدين. دي خطورة الفارق الرهيب، أسأل الله أن يقدر الواحد يعمل فيها شريط أو حاجة، الفارق ما بين العبودية والإنجاز، الفارق اللي داخل عبد، واللي داخل يحقق حاجة جوه. اللي داخل يحقق حاجة جوه دايمًا يتهم الله، دايمًا دايمًا جوه كده اتهام لربنا سبحانه وتعالى، ليه ما عملتليش؟ إزاي أنا أعمل كذا وما تعمليش كذا؟ أشمعنى اديت لفلان وما اديتليش؟ فلان ليه بقى مشهور وأنا فلان ليه بقى كذا؟ أنا ليه أُذيت؟ دايمًا والعياذ بالله يكثر من الاتهام. لأنك دايمًا أنت يعني أما تقع في بلاء أول حاجة يستحب أنك تقولها تنزه الله أنك تفكر التفكير ده. سيدنا يونس أول ما في بطن الحوت قال: ﴿لَّا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ﴾ [الأنبياء: 87]، أنا غريق أصلاً وعريق في الظلم كنت من الظالمين.
فخطر قوي فبيقولوا له إيه كإسقاط علينا يعني إحنا كتير يقول لك أنا هلتزم أشوف لو ربنا أداني هكمل، أو بيفضل يعبد مستني حاجة تحصل. أنا بكلم أحد الإخوة بقول له يعني طب يعني ليه قصرت في الصلاة؟ ليه طلب العلم؟ الدعوة الحاجات العامة اللي مش إيه ده أصل أنا فاشل. فبقول له فاشل في إيه؟ يعني أنا بقول لك تعال صلي أنت إحنا توضينا ونزلنا صلينا وسلمنا خلاص إحنا نجحنا خلاص كده، الموضوع خلص. يعني إحنا يعني مش بعد ما هصلي بقى إيه المفروض أبقى شيخ بقى لأ هو كده إحنا خلاص بفضل الله ربنا كده خلاص. طب تعالى نحضر الدرس، حضرنا الدرس سمعنا الملائكة حفتنا ذكر اسمنا قوموا مغفورًا لكم وفلان فيهم: «هم القوم لا يشقى بهم جلوسهم»، خلاص أنت كده. إحنا ليه بنفكر بفكرة أصل أنا بقالي خمس سنين وما بقيتش حاجة؟ الفارق بين علو لأن الفروقات دايمًا شعرة بين علو الهمة في نصرة الحق أو النكاح في القرب من الله عز وجل أيهم أقرب؟ اللي عايز يقرب من ربنا أكتر، أولئك الذين يدعون يبتغون إلى ربهم الوسيلة أيهم أقرب؟ في واحد عايز يقرب من ربنا وفي واحد عايز يبقى أعلى في الأرض.
إذا كان ربنا بيقول: ﴿اللَّهُ أَعْلَمُ حَيْثُ يَجْعَلُ رِسَالَتَهُ﴾ [الأنعام: 124]؟ برضو نفس الجعل تاني. ربنا أعلم مين اللي يستحق الرسالة؟ دي هبة من الله عز وجل اصطفاء من الله عز وجل. لذلك في سورة القصص لما ربنا قال: ﴿تِلْكَ الدَّارُ الْآخِرَةُ نَجْعَلُهَا لِلَّذِينَ لَا يُرِيدُونَ عُلُوًّا فِي الْأَرْضِ وَلَا فَسَادًا﴾ [القصص: 83]، وفي نفس السورة ربنا قال: ﴿وَرَبُّكَ يَخْلُقُ مَا يَشَاءُ وَيَخْتَارُ﴾ [القصص: 68]، وفي نفس السورة ربنا بيقول: ﴿وَمَا كُنتَ تَرْجُو أَن يُلْقَىٰ إِلَيْكَ الْكِتَابُ إِلَّا رَحْمَةً مِّن رَّبِّكَ﴾ [القصص: 86]. أنت معايا؟ عارف لما أمنا عائشة بتقول والله لشأني في نفسي أحقر من أن ينزل في قرآنا في حادثة الإفك، كان كل حلمها أن النبي يشوف حلم رؤيا بس يبرأها به، لما كان شأنها في نفسها كده والله لا شأني في نفسي أحقر من أن ينزل فيها قرآنًا نزل فيها قرآنًا يتلى. فالكبر ده أكابر المجرمين دول عشان كده كان عقابهم الصغار دول ما بيكملوش وده جوه ده خطر، خطر قوي أنك أنت تعبد على شرط.
والعجيب في سياق الآية مضحك، يعني بيقولوا لن نؤمن حتى نؤتى مثل ما أوتي إيه؟ رسل الله. ده بيقول أن هو رسول الله، زي وبكفرهم وبقولهم أنا عيسى ابن مريم الرسول بيقول إحنا قتلنا رسول الله. طب هل هم قالوا طب كلام علمي؟ هل هم قالوا الكلام ده؟ طبعا الراجح في أن القرآن بيقص مش نص الكلام الحدس، فلما ربنا يقول لك هم قالوا كده المقصود أن هم كانوا يعلمون ذلك، سواء قالوه أو أُسروه في أنفسهم واستيقنوها يعلمون أن هذا رسول الله. فالسياق الآية بيقولوا لن نؤمن مش لن نؤمن حتى نؤتى مثل ما أوتي محمد؟ لأ، لن نؤمن حتى مثلما أوتي رسل الله. هو فيه قول تاني وإن كان ده الأقوى قول تاني: أننا نؤمن حتى مثل ما أوتي رسل الله أن إحنا عشان نؤمن نقطة يعني تجيب لنا آيات زي اللي زي العصا زي رسل الله اللي قبلك يعني، لكن سياق تكملة السياق وإن كان القول الأول ذكره الإمام الطبري، لكن سياق الآيات يرجح التاني ده اللي اختاره ابن كثير القول التاني: أن الله أعلم حيث يجعل رسالته أن هم إيه؟
وده أحد تفسيرات الله عز وجل لي أن يؤتى صحفًا من الشرة، كل واحد فيهم عايز يؤتى إيه؟ عايز يجي له وحي زي النبي صلى الله عليه وسلم، خلاص فبيقول لأ أنا أؤمن، بيقول لك أبو جهل بيقول له بيسألوه أنت ما أمنتش ليه؟ فبيقول: كُنا وبنو عبد مناف كفرساي رِهان، كنا بنسمي أطعمنا فسقونا فبدأوا يسألوا ناس قلنا مش مشكلة الفلوس بس أهم حاجة الشرف، ما ذئبان جائعان أفسد بدين المرء أرسلها في غنم أفسد دين المرء من حب المال والشرف. الشرف أكتر حاجة حب الشرف يفسد زي المال بالضبط ممكن أكتر. فقالوا مش مشكلة نصرف الفلوس بس نحصل الشرف، فقالوا: منا نبي يأتيه وحي من السماء، فإنا ندرك ذلك والله لنقاتلنه. هنجيبها منين دي بقى؟ يعني بيقولوا قالوا منا نبي بنو عبد مناف قالوا منا نبي، طب إحنا طول عمرنا بنسابقهم، هنجيبها منين منة نبي دي؟ إحنا نستنى كده قد ايه ولا فالتشاهد: ﴿لَن نُؤْمِنَ حَتَّىٰ نُؤْتَىٰ مِثْلَ مَا أُوتِيَ رُسُلُ اللَّهِ﴾ [الأنعام: 124].
ودي من القطايف اللي في المصحف كلمتين الله جنب بعض بس: ﴿اللَّهُ أَعْلَمُ حَيْثُ يَجْعَلُ رِسَالَتَهُ﴾ [الأنعام: 124]. الآية دي بصراحة يعني خلاص هي فيها رد على الكفار، لكن الآية دي المفروض يتعب لك قلبك. يعني الواحد لما بيتخيل: الله أعلم حيث يجعل القيام، والله أعلم حيث يجعل الذكر، والله أعلم حيث يجعل الصيام، والله أعلم حيث يجعل الخلق الحسن، والله أعلم حيث يجعل الخشوع والخضوع. يعني أنت اللي ما تستاهلش، مقصر، فربنا الله أعلم حيث يجعل رسالته، فالله أعلم حيث يجعل هذا الخير وهذا النور، فأما ما ينفع الناس فيمكث. مين اللي ربنا يخليهم ينفعوا ناس ويخليهم يمكثوا دول؟ ده اصطفاء من ربنا. تتأمل في حياة الأئمة وإزاي ربنا اصطفاهم ونشر علمهم؟ خصوصًا الواحد لما بيجي يقرأ في سير المفسرين السلف سواء الحسن البصري أو الشعبي أو الأئمة دول كلهم، أغلبهم هم أصلًا أغلبهم دول موالي، أبائهم وأمهاتهم كانوا سبي، يعني المسلمين راحوا حاربوا فخدوا سبي فأصبح أبوه أو أمه أم وأما مثلًا عند حد، وأبوه عبد عند حد مولى مولى عند حد، فانجبوا وهو في بيت المسلمين، يعني لو كان كان هناك كان يبقى كافر يقوم ربنا يخلي المسلمين يحاربوا ويجي الحسن أمه مولاة عند أم سلمة زوجة النبي صلى الله عليه وسلم، وجاء من سبي والشعبي جاء من سبي، ويبقى عالم المسلمين والأمراء يقعدوا له. سبحان الله! الله أعلم حيث يجعل رسالته، اصطفاء إزاي؟ شوف سيدنا سلمان جه إزاي.
فالواحد يرى الآيدي يبكي على نفسي فعلًا الصدق عجيب. الموضوع يا جماعة والله لو ذكاء ولا قوة ولا بذل كلكم ضال إلا من هديتُه. إيه يا ديد هتقراها بيعيط على نفسه. أنت صفي نفسك. والعجيب أن الآية دي جت في الكبر، حاجات كتير أنت اللي مانع أن.
أنت قافل فتح ربنا عليك بسبب الكبر الذي جوه ده، وصعب أنك أنت مش خاضع، مش صادق، تريد أشياء أخرى. بلاش الكلام اللي إيه، بلاش الضرب، بلاش يبقى كله ضرب. ﴿تِلْكَ الدَّارُ الْآخِرَةُ نَجْعَلُهَا لِلَّذِينَ لَا يُرِيدُونَ عُلُوًّا فِي الْأَرْضِ وَلَا فَسَادًا﴾ [القصص: 83]. أنت مش مصفي جوه، ما أنت صادق أوي، فأنت بطيء ما أنت بطيء.
قلنا الوصول هو القرب، مش الوصول هو الإنجاز، أنك تشعر أنك أكثر قربًا من الله. ﴿أُولَٰئِكَ الَّذِينَ يَدْعُونَ يَبْتَغُونَ إِلَىٰ رَبِّهِمُ الْوَسِيلَةَ أَيُّهُمْ أَقْرَبُ﴾ [الإسراء: 57]. الموضوع مش أنك أنت ذكي ولا بتعرف ترد ولا بتعرف تكتب، الواحد بيشوف النقاشات الكلام والتنميق، مش ده اللي بينجي.
سفيان الثوري وهو بيطلب الحديث، ليس من عُدة الموت، بيعلق وبيقول: صدق والله. وكثير طلبة مع أنهم طلب علم الحديث، واللي ذهبي محدث، فبيقول بيعلق على كلمة الإمام وشوف الثوري بيقول: غالب العلم ده واحد عايز يبقى معاه سند أعلى من ده، واحد عايز بيروي عن رواية ما رواش عنه، واحد عايز يبقى الأستاذ بتاعه أعلى من الأستاذ بتاعه. فبيقول: ومتى خلاصك إلى إخلاصك. بيتكلم على طلاب علم الحديث، أشرف ناس، حتى هذا العلم بيشوبه ده. أنت مش معنى أنك قاعد في المسجد أنك مش هيشوبك ده.
﴿اللَّهُ أَعْلَمُ حَيْثُ يَجْعَلُ رِسَالَتَهُ﴾ [الأنعام: 124]. ﴿سَيُصِيبُ الَّذِينَ أَجْرَمُوا﴾، كلهم بقى مش الأكابر بس، الذين أجرموا، صغار عوقبوا بنقيض القصد. هما أكابر وعايزين يبقوا كبار وعايزين يحافظوا على المراكز، هيصيبهم صغار. ﴿سَيُصِيبُ الَّذِينَ أَجْرَمُوا صَغَارٌ عِندَ اللَّهِ وَعَذَابٌ شَدِيدٌ بِمَا كَانُوا يَمْكُرُونَ﴾ [الأنعام: 124].
مجاهد بيقول: مكر الأكابر هنا، أن كانوا بيبعتوا ناس على أطراف مكة يمنعوا الناس من الدخول لسماع النبي صلى الله عليه وسلم. يبقى هي دي فعلاً، الأثر ده يبين لك فعلاً فكرة يعني إيه القطع المجرم؛ عايز يقطع وصول النور للناس، أو وصول الناس إلى النور. ده اللي هي بقى الفكرة دي ظهرت كاملة في سورة الحجر، إقامة الحجر حوالين الدعوة، لذلك سورة الحجر اللي حاولوا يقيموا فيها الحجر حوالين الدعوة، الأمر الأخير فيها ﴿فَاصْدَعْ بِمَا تُؤْمَرُ﴾ [الحجر: 94]، لازم تكسر هذا الحجر اللي معمول ده، ده لازم يتكسر، ما ينفعش تسيبهم يحيطوا الدعوة، دي لازم يبقى نور يمشي به في الناس.
كان نفسنا نشرح الآية بتاعة ﴿فَمَن يُرِدِ اللَّهُ أَن يَهْدِيَهُ يَشْرَحْ صَدْرَهُ لِلْإِسْلَامِ﴾ [الأنعام: 125]، ما فيش وقت. خلاص نكتفي، لأن الآية دي مهمة جداً، ومسألة شرح الصدر فيما يرضي الله وأن يهديه وشرح الصدر، يعني إيه شرح الصدر؟ لأنه بيتكرر كثيراً، وعلاقة المعنى اللغوي بالمعنى الشرعي؛ المرة القادمة نذكر بإذن الله عز وجل. نكتفي بهذا القدر. سبحانك اللهم وبحمدك، أشهد أن لا إله إلا أنت أستغفرك وأتوب إليك، وجزاكم الله خيراً.