تفسير سورة الأنعام (17) | الآيات (108-113) | د. أحمد عبد المنعم

السلام عليكم ورحمة الله وبركاته، بسم الله والصلاة والسلام على رسول الله صلى الله عليه وسلم. نستكمل بإذن الله عز وجل ما بدأناه في تفسير سورة الأنعام، كنا توقفنا عند ختام الآية في قول الله عز وجل: ﴿وَلَا تَسُبُّوا الَّذِينَ يَدْعُونَ مِن دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ كَذَٰلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَىٰ رَبِّهِم مَّرْجِعُهُمْ فَيُنَبِّئُهُم بِمَا كَانُوا يَعْمَلُونَ﴾ [الأنعام: 108].

تكلمنا في خلاف العلماء في توجيه قول الله عز وجل: ﴿وَلَا تَسُبُّوا الَّذِينَ يَدْعُونَ مِن دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ﴾، وتكلمنا في مسألة السب، وهل الأصل أن هذه طاعة يتأتى عنها مفسدة، والمفسدة تبقى أقوى من المصلحة فتترك المصلحة خشية ارتكاب المفسدة الأعظم، ولا أساسًا هذا شيء المفروض ما يُعمل حتى لو مش هيترتب عليه مفاسد؟ وأن المؤمن كما نقل بعض العلماء لا ينبغي عليه أن ينشغل بهذه الأشياء وما لا فائدة فيه وما لا يترتب عليه العمل. وأفرد الإمام القاسمي خلاصةً لأقوال العلماء في الباب، وغيره عمل أبحاثاً كالإمام ابن عاشور والإمام رشيد رضا وغيرهم، حاولوا توجيه الآية بكل التوجيهات الموجودة، وأفردوا للمسألة باباً وضحوا فيه توجيه العلماء لهذه الآية.

تكملة الآية ما كناش كملناها، وهي: ﴿كَذَٰلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَىٰ رَبِّهِم مَّرْجِعُهُمْ فَيُنَبِّئُهُم بِمَا كَانُوا يَعْمَلُونَ﴾. الله عز وجل يعقب في ختام هذه الآية أن الذين يسبون الله عز وجل -تعالى الله عما يقولون- يسبون الله عدواً بغير علم، وهم يعترفون أن هذا الإله هو خالقهم ورازقهم، وأنه الذي أنعم عليهم، وأنهم ما عبدوا الأصنام إلا ليقربوهم إلى الله. لكن لما يُتزنق في النقاش والمحاجة، وقلنا هذا التعصب كما قال ابن الصيف في آية: ﴿مَا قَدَرُوا اللَّهَ حَقَّ قَدْرِهِ إِذْ قَالُوا مَا أَنزَلَ اللَّهُ عَلَىٰ بَشَرٍ مِّن شَيْءٍ﴾ [الأنعام: 91]، وهنا في هذه الآية قد يكفر بمنهجه، فأحد الأقوال أن يهودياً أنكر التوراة لأنه أُتزنق في نقاش مع النبي صلى الله عليه وسلم.

وهنا كافر مشرك سب الله عز وجل، وهو يعترف أن الله هو رازقه، والسبب أن الآيات كانت متتالية في إثبات قدرة الله، فلما أحس أن أصنامه وآلهته وعصبيته وحميته لقبيلته وآلهته تُهان، انفجر وكفر؛ لم يكفر فقط بمبدئه بل يسب المنهج الذي كان عليه. وقلنا العصبية في النقاش ممكن لا تجعل الإنسان يتنصل من معتقده فحسب، بل الحميّة تجعل الإنسان يسب المعتقد الذي كان فيه، كما فعل اليهود لما قال لهم النبي صلى الله عليه وسلم: «ما تقولون في عبد الله بن سلام؟» قالوا: سيدنا وابن سيدنا، فلما أعلن وأشهر إسلامه قالوا: سفيهنا. يعني الذي كان يمدحه أصبح لا يتنكر له فحسب، بل أصبح يسبه.

فكيف وصلوا لهذه المرحلة؟ يعقب الله عز وجل ويقول: ﴿كَذَٰلِكَ زَيَّنَّا لِكُلِّ أُمَّةٍ عَمَلَهُمْ﴾، وهنا الأمر خطير جداً، الله عز وجل -والفعل المنسوب إليه سبحانه وتعالى- زين لهم الباطل، فأصبح يدافع ويقاتل ويناضل عن شيء يظنه الحق، والناس تموت في سبيل الباطل، ويقاتل ويدفع الأموال في سبيل الباطل، وهذا مزيَّن له، كما في أحد توجيهات ﴿عَامِلَةٌ نَّاصِبَةٌ﴾ [الغاشية: 3]، أي عاملة مجتهدة في الدنيا لكن في سبيل الباطل فهي ناصبة في جهنم يوم القيامة.

يبقى أن الله عز وجل يزين لبعض الناس الباطل فيظن أنه على الحق، ومتى يحدث هذا التزيين؟ هذه سنة من سنن ربنا سبحانه وتعالى في معاملة الخلق، مثل قول الله عز وجل: ﴿نُوَلِّهِ مَا تَوَلَّىٰ﴾ [النساء: 115]، أي أن الله عز وجل يجعل أقرب الأشياء إليه وأسهل الأشياء إليه هو ما اختاره هو؛ ممكن ربنا يسهل له طريق الضلال، معقول؟ نعم، مثل قول الله عز وجل: ﴿أَمَّا مَن بَخِلَ وَاسْتَغْنَىٰ * وَكَذَّبَ بِالْحُسْنَىٰ * فَسَنُيَسِّرُهُ لِلْعُسْرَىٰ﴾ [الليل: 7-10]، وقيل العسرى جهنم؛ يعني طريق جهنم سيكون طريقاً مسفلتًا سريعاً وسهلاً، معصية وراء معصية، يمد الله عز وجل له في ضلاله.

تخيل هذا يحدث متى؟ لما نرجع لآية ﴿نُوَلِّهِ مَا تَوَلَّىٰ﴾ وآية ﴿فَسَنُيَسِّرُهُ لِلْعُسْرَىٰ﴾، تجد أن آية ﴿وَمَن يُشَاقِقِ الرَّسُولَ مِن بَعْدِ مَا تَبَيَّنَ لَهُ الْهُدَىٰ وَيَتَّبِعْ غَيْرَ سَبِيلِ الْمُؤْمِنِينَ﴾ [النساء: 115]، خد بالك من بعد كلمة: "من بعد ما تبين له الهدى". وهنا التزيين جاء بعد: ﴿قَدْ جَاءَكُم بَصَائِرُ مِن رَّبِّكُمْ﴾ [الأنعام: 104]. والآيات في سورة الليل: ﴿أَمَّا مَن بَخِلَ وَاسْتَغْنَىٰ وَكَذَّبَ بِالْحُسْنَىٰ فَسَنُيَسِّرُهُ لِلْعُسْرَىٰ﴾، جاء بعدها: ﴿إِنَّ عَلَيْنَا لَلْهُدَىٰ﴾، أي أن ربنا أوجب على نفسه سبحانه وتعالى أن يرسل الرسل ويبين للناس الهدى، فبعد ما الدنيا تبان هو اختار طريق الضلال، فالله عز وجل يسهل له اختيار طريق الضلال.

﴿وَمَا كَانَ اللَّهُ لِيُضِلَّ قَوْمًا بَعْدَ إِذْ هَدَاهُمْ حَتَّىٰ يُبَيِّنَ لَهُم مَّا يَتَّقُونَ﴾ [التوبة: 115]، أي قبل ما ربنا يضل أحداً يعمل معه شيئين: يهديه أولاً لطريق الحق ويعرفه طريق الضلال فين عشان ما يمشيش فيه، أي أن ربنا يقول له طريق الحق هو الهدى، ويقول له خد بالك الطرق هذه تؤدي للضلال، ثم يختار على بينة، ليهلك من هلك عن بينة، ساعتها ﴿نُوَلِّهِ مَا تَوَلَّىٰ﴾ و﴿فَسَنُيَسِّرُهُ لِلْعُسْرَىٰ﴾، و﴿زَيَّنَّا لَهُمْ أَعْمَالَهُمْ﴾؛ فيبقى ماشياً في الطريق وعمال يدافع ويناضل ويظن أنه على الحق، كذبة وراء كذبة وصدقها؛ لأن الحق تبين له وأعرض عنه.

مثلما سيأتي معنا: ﴿وَنُقَلِّبُ أَفْئِدَتَهُمْ وَأَبْصَارَهُمْ كَمَا لَمْ يُؤْمِنُوا بِهِ أَوَّلَ مَرَّةٍ﴾ [الأنعام: 110]، لماذا يصرف الله البصر والقلب عن رؤية الآية؟ لأنه أول مرة كانت واضحة وما رضيش يختارها، فعقاباً له، لذلك خطورة الإعراض عن الحق أنك ممكن لما تعرض عنه مرة واثنين وثلاثة ما عدتش تقدر تشوفه حقاً تاني. لذلك: اللهم أرنا الحق حقاً وارزقنا اتباعه، ممكن واحد يرى الحق باطلاً، وأرنا الباطل باطلاً؛ يعني فيه واحد يرى الباطل حقاً، وأنت بتطلب من الله عز وجل أنه يضبط لك الرؤية، بتطلب من ربنا سبحانه وتعالى أنه يريك الأشياء على حقيقتها عشان ما تضلش. فدي خطورة: ﴿كَذَٰلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَىٰ رَبِّهِم مَّرْجِعُهُمْ﴾، فينبئهم يوم المفاجآت، يكتشف أنه كان يدافع عن ضلال، وأنه سار وراءه.

إحنا قلنا من المعاني الرئيسية في سورة الأنعام استنقاذ الغرقى من المستضعفين اللي مشيوا وراء كلام الرؤساء والأكابر؛ الرؤساء المتبوعون ضحكوا على المستضعفين، والصورة وكثير من سور القرآن تأتي لتستنقذ هؤلاء وتفوقهم من هذه الغفلة. لذلك ربنا يقول أيضاً في السورة: ﴿وَكَذَٰلِكَ جَعَلْنَا فِي كُلِّ قَرْيَةٍ أَكَابِرَ مُجَرِمِيهَا﴾ [الأنعام: 123]، و﴿وَكَذَٰلِكَ جَعَلْنَا لِكُلِّ نَبِيٍّ عَدُوًّا شَيَاطِينَ الْإِنسِ وَالْجِنِّ﴾ [الأنعام: 112]. في دايماً رؤساء وأكابر وشياطين ومردة يضحكون على الناس، بيقولوا زخرف القول كما سيأتي معنا في الآيات، ففي ناس يلبس عليهم ويُضحك عليهم، فتجيء آيات القرآن تستنقذ هؤلاء وتبين لهم قبل ما يجي يوم القيامة: ﴿إِذْ تَبَرَّأَ الَّذِينَ اتُّبِعُوا مِنَ الَّذِينَ اتَّبَعُوا وَرَأَوُا الْعَذَابَ وَتَقَطَّعَتْ بِهِمُ الْأَسْبَابُ﴾ [البقرة: 166].

فهؤلاء الضعفاء اللي تبين لهم الحق وأعرضوا عنه، وحطوا الكرسي في القطن في ودانهم ما رضوش يسمعوا النبي صلى الله عليه وسلم وما رضوش يتفكروا في آيات الله، والنبي صلى الله عليه وسلم نصحهم أن يبتعدوا عن المجتمع الغوغائي ده ويقعد لوحده يفكر: ﴿قُلْ إِنَّمَا أَعِظُكُم بِوَاحِدَةٍ ۖ أَن تَقُومُوا لِلَّهِ مَثْنَىٰ وَفُرَادَىٰ ثُمَّ تَتَفَكَّرُوا ۚ مَا بِصَاحِبِكُم مِّن جِنَّةٍ ۚ إِنْ هُوَ إِلَّا نَذِيرٌ لَّكُم بَيْنَ يَدَيْ عَذَابٍ شَدِيدٍ﴾ [سبأ: 46]، مش عايز منكم حاجة: ﴿قُل مَا سَأَلْتُكُم مِّن أَجْرٍ فَهُوَ لَكُمْ ۖ إِنْ أَجْرِيَ إِلَّا عَلَى اللَّهِ﴾ [سبأ: 47].

فإزاي إن دول اللي فضلوا ماشيين كده وما رضوش يفوقوا ييجوا يوم القيامة، كل الأيام دي كانت على ضلال، كل البذل اللي أنا بذلته والفلوس والقتال والذين كفروا يقاتلون في سبيل الطاغوت، في ناس بتصرف ملايين لنصرة الضلال، في ناس بتموت، زي كتير من الإخوة بيحكي أن ممكن قدامه في الجيش واحد يفجر نفسه ويقول يا حسين ويموت نفسه، شوف لدرجة إيه يضحي في سبيل الضلال! مزين له، ليه؟ لأن الحق تبين له ثم أعرض عنه، دي الخطورة يا جماعة أن الحق يبقى قدامك وترفضه، سواء ترفضه نفسياً، مش طالبة معاك الوقت إنك تلتزم، أو إنك مش قابل اللي بيعرض عليك الحق، أو شايفهم... تخيل كده لما يبقى واحد من أغنياء قريش وعايز يسلم ويفاجأ أن أغلب المسلمين فقراء، فيقعد وسط دول، أياً كان السبب الذي يخليه يرفض الحق، لا تأمن على قلبك، أحياناً فيه عقوبات: ﴿وَمِنْهُم مَّنْ عَاهَدَ اللَّهَ لَئِنْ آتَانَا مِن فَضْلِهِ لَنَصَّدَّقَنَّ﴾ [التوبة: 75]، لما أعرض عن التطبيق بعد ما ربنا آتاه، ﴿فَلَمَّا آتَاهُم مِّن فَضْلِهِ بَخِلُوا بِهِ وَتَوَلَّوا وَّهُم مُّعْرِضُونَ * فَأَعْقَبَهُمْ نِفَاقًا فِي قُلُوبِهِمْ إِلَىٰ يَوْمِ يَلْقَوْنَهُ﴾ [التوبة: 76-77].

خلاص كانت عقوبة لمرة في مرة، الدنيا واضحة وربنا آتاه وهو أعرض، فيجيء العقاب بأن ربنا يصرفه عن الحق، نعوذ بالله من ذلك، إن الدنيا تبقى... إحنا بنقول أخطر عقوبة هي عقوبة التزيين للباطل، نسأل الله العافية، يعني كل من كان في الضلالة فليمدد له الرحمن، تخيل لما أنت أسوأ عقوبة أن واحد يُمد له في الضلال، مصيبة، مصيبة أن واحداً ينافح ويقاتل ويبذل وهو يظن أنه على الحق، ﴿وَيَحْسَبُونَ أَنَّهُم يُحْسِنُونَ صُنْعًا﴾ [الكهف: 104]، في آخر سورة الكهف التي مليانة فتن، وأخطر فتنة في فتنة الدجال أنه يظن أنه على الحق، لذلك يا جماعة الإنسان لازم مفتقر إلى الله، زي ما يقول شيخ الإسلام أن قد يكون إنسان ذكي جداً وعنده من المواهب الخير الكثير، ربنا أدّاه مواهب عقلية فظيعة وتلاقيه بيتبع، بتخفى عليه أدلة في الحق واضحة جداً، وواحد بسيط وفهمه بسيط وفقير تلاقيه إلى الحق، القضية مش ذكاء ولا مال، القضية من عند ربنا هداية.

أسوأ عقوبة عقوبة تزيين الضلال، النبي صلى الله عليه وسلم في قيام الليل يقول: «اهدني لما اختلف فيه من الحق بإذنك»، أمر ضخم، لازم يشغل من عقولنا ومن دعائنا ومن خوفنا ورجائنا حيز ضخم، أنك تخاف أنك والعياذ بالله يزين لك الباطل، لدرجة أنه يسب، شوف الحميّة لدرجة أن ممكن يسب أي حد، ده ممكن يسب الله دفاعاً عن عصبيته وقبيلته وآلهته، مش ممكن واحد الغضب والحميّة توصله لإيه؟ تزيين، خطورة تزيين. لذلك رؤية الفتن، نكرر دائماً أن رؤية الفتن على حقيقتها تحتاج إلى إيمان، النبي صلى الله عليه وسلم قال على كلمة "كافر" التي هي واضحة ومكتوبة يقرؤها على أعراس الدجال، يقرؤها كل مؤمن كاتب غير كاتب، القضية مش معلومات أو ذكاء أو فهم، لا، القضية قضية إيمان، إذاً قراءة الفتنة تحتاج إلى إيمان، دي قاعدة مهمة جداً.

يقرؤه كل مؤمن، قراءة الفتنة أنك ترى الفتنة على حقيقتها تحتاج إلى إيمان، ياما أذكياء هيمشوا وراء الدجال، زي ما أحياناً يبقى مثلاً في برنامج سخيف جداً بيتكلم بالترهات وتفاهات وضلالات لا تخفى على الأطفال الصغار، وتجد عقولاً مثلاً أساتذة جامعة بيتابعوه، أنت بتستغرب، هو إزاي ده قدر يضحك على ده؟ أنت بتتعجب، فالأمر بيحتاج إلى إيمان. ﴿كَذَٰلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَىٰ رَبِّهِم مَّرْجِعُهُمْ فَيُنَبِّئُهُم بِمَا كَانُوا يَعْمَلُونَ﴾، ينبئهم؛ النبأ ده الأمر العظيم، يفاجأ أنه كان ماشي غلط، يفاجأ أنه ضيع نفسه.

ومن الكلمات الجميلة التي قيلت في تفسير الآية دي، الإمام أبو السعود يقول إيه في ﴿فَيُنَبِّئُهُم بِمَا كَانُوا يَعْمَلُونَ﴾؟ ربنا ما قالش هنا فينبئهم عاقبة ما كانوا يعملون، بل ينبئهم بما كانوا يعملون، يعني بس ربنا سيقول لهم الأعمال التي عملوها، فواحد مثلاً سرق فربنا يقول له أنت سرقت، طب إيه الصدمة في كده؟ فالإمام أبو السعود بيقول معنى لطيفاً، بيقول هذه الدنيا لا تظهر فيها الأشياء على حقيقتها، لأن النبي صلى الله عليه وسلم قال: «حُفَّت الجنة بالمكاره، وحُفَّت النار بالشهوات»، فتظهر أحياناً الطاعات على أنها أمر ثقيل، وتظهر أحياناً المعاصي بالنسبة للناس على أنها أمر مزين ومحبوب، يوم القيامة كل شيء سيظهر على حقيقته، فالصلاة تأخذ النور تأخذ الحق.

الشكل الطبيعي الذي أراده الله عز وجل، فالصلاة تبقى نورًا، والأعمال تأخذ تجسيمها الحقيقي، والمعاصي تأخذ شكلها المنفر. فلما يأتي يوم القيامة كل شيء يظهر على حقيقته؛ فمجرد ما يقول الله للإنسان: أنت عملت كذا وكذا، هو يعرف خطورة هذه الأشياء وقد ظهر قبحها، بل ظهر قبح الدنيا وكل شيء على حقيقته.

مجرد ما يقال له يوم القيامة أنت عملت كذا وكذا، يصبح يرى هذه الأشياء، والمعاصي أصبحت واضحة. لذلك القرآن عندما ينفر من شيء جدا يذكر الشيء الذي قال الله مثله: ﴿إِنَّ الَّذِينَ يَأْكُلُونَ أَمْوَالَ الْيَتَامَىٰ ظُلْمًا إِنَّمَا يَأْكُلُونَ فِي بُطُونِهِمْ نَارًا﴾ [النساء: 10]. ما قال سوف يكون عاقبته يوم القيامة نارًا، بل قال: ﴿إِنَّمَا يَأْكُلُونَ فِي بُطُونِهِمْ نَارًا﴾، الفلوس هذه نار حقيقة، لكن لا يؤمن بذلك إلا أهل الإيمان، الذين يعرفون عاقبة ذلك فعلاً حين يجدون شكل المعاصي على حقيقته.

سيتصدم ناس كثير أنهم كانوا ماشين خطأ، ﴿وَإِن تُطِعْ أَكْثَرَ مَن فِي الْأَرْضِ يُضِلُّوكَ عَن سَبِيلِ اللَّهِ﴾ [الأنعام: 116]. صدمات غير عادية يوم القيامة ومفاجآت، أن ناسًا كانت ماشية تحسب أنها تحسن صنعًا ستصدم يوم القيامة. كل هذا لماذا؟ لأنهم أعرضوا عن البصائر. يبقى التزيين، ﴿وَمَن يَعْشُ عَن ذِكْرِ الرَّحْمَٰنِ نُقَيِّضْ لَهُ شَيْطَانًا فَهُوَ لَهُ قَرِينٌ﴾، ﴿وَسَنُيَسِّرُهُ لِلْعُسْرَىٰ﴾ [الليل: 10]، كل هذا يأتي بعد التبيين، ثم الإعراض عن التبيين فتأتي الآية للتزيين.

لذلك أهل السنة أثبتوا أن الله عز وجل يضل بعض الناس الذين اختاروا طريق الضلال بعد أن بين لهم. في ناس تحرجوا من هذا الوصف مثل المعتزلة، قالوا: لا مش معقول ننسب الوصف هذا لله، لكن هو هذا العدل، لأنه لو الله ما بيضل ويبعد أين الاختيار في الدنيا؟ هو الله أعطاه مرة واثنين وثلاثة، والآيات واضحة، وهو مصمم يختار، فالله يقول له: خلاص أنت اخترت الإقبال امشي فيه، أنت بتحب الطريق ده؟ امشي فيه أنت براحتك. لذلك بعض الناس حاولوا يهربوا من تفسير الآية: ﴿كَذَٰلِكَ زَيَّنَّا لِكُلِّ أُمَّةٍ عَمَلَهُمْ﴾ [الأنعام: 108]، وقالوا إن الله زين الأعمال الطاعة، ولكنهم أصروا على الضلال. حاول يقول إن التزيين هنا هو تزيين الطاعات وأنهم اختاروا المعاصي بالرغم من قبحها. اللي قال كذا يريد أن يهرب من أن الله يزين الضلال للناس، لا، الله يزين لأنه هو الذي اختاره، ييسر له طريق المعصية، هو الذي اختار.

الله وضح لك، أوعى تسيء الظن في ربك. يجي واحد يقول لك فلان مات فجأة على معصية وعمره ما كان يعملها، لا، لازم تحسن الظن بربك، واحد يسرق أول مرة ويتمسك، لا لازم تحسن الظن بربك، الله ورى له وعرفه وبين له، لازم أنا أصدق القرآن، أصدق كلام ربنا، عندي ثقة في معاملة الله عز وجل لعباده، الله عز وجل لا يظلم أحدًا أبدًا.

بعد كل هذه الآيات، وبعد كل البصائر التي جاءت، وبعد كل البيانات الواضحة، ولسه ناس وصلوا لمرحلة أنهم يسبون خالقهم ورازقهم ومدبر أمرهم، يأتي يقول: ﴿وَأَقْسَمُوا بِاللَّهِ جَهْدَ أَيْمَانِهِمْ لَئِن جَاءَتْهُمْ آيَةٌ لَّيُؤْمِنُنَّ بِهَا﴾ [الأنعام: 109]. يعني يقول أنا نفسي آية واحدة بس تأتي بعد كل الآيات التي من أول السورة، الواحد قاعد يتعجب؛ كل هذه الآيات التي جاءت من أول السورة ولسه يقول آية واحدة بس تأتي، ويقسم بالله العظيم، وأنا لا أريد أن أحلف، يقسم بالله العظيم لو جاءت آية واحدة فقط ستجدني أسرع الناس إيمانا. الذي يسمعه وهو يحلف بجهد أيمانه، كأن اليمين أتعبته من كثرة المجهود الذي بذله في اليمين، أنت تشوفه كذا تقول: يا مسلمين حد يشوف لي الراجل هذا، شكله فعلاً نفسه يتوب ونفسه يؤمن.

لكن هو يقول لك: أنا عايز آية حسية، أنا عايز آية غير القرآن. تقول له طب آية حسية؟ ما أنت شفت مصارع القوم الظالمين من أول السورة وريناها لك، وشفت السماوات والأرض، ووريتك بالآيات الفرق بين فعل الإنسان وبين خلق الله، وأن فالق الحب، وأنه لا يفعلها إلا الله، وأن الذي يسير الشمس والقمر والنجوم يفعلها إلا الله، وأن الذي يخرج الثمرات من الطين لا يفعله إلا الله. شفت آيات حسية وشفت آيات معنوية وتحديناك بالقرآن، لسه بتقول عايز آية؟

ويشوف الكلام بتاعه يقول لك: آية، يعني يا جماعة بس هاتوا لي أي آية وأنا أؤمن على طول، ويقسم ليؤمنن بها ويؤكد. فهنا بقى بعد الشوط الطويل من البصائر التي جاءت، لا تضيع وقتك معه: ﴿قُلْ إِنَّمَا الْآيَاتُ عِندَ اللَّهِ﴾ [الأنعام: 109]. هل الخطاب هنا خطاب للمسلمين ولا خطاب للمشركين؟ الذي قال قل أي يا محمد صلى الله عليه وسلم، كثير من المفسرين قالوا الخطاب هنا التفات للمسلمين. لماذا التفات للمسلمين؟ لأنهم لما أقسموا بعض المسلمين صدق، فتمنى أن يجعل الله عز وجل آية بينة، بعض المسلمين تمنى مثلًا أن الله يجعل جبل الصفا ذهبًا، تمنى أن الله ينزل للنبي صلى الله عليه وسلم عصا مثل بتاعة سيدنا موسى يضرب بها البحر، بعض المسلمين تمنى من شدة حرصه على إيمان قومه، قال: طب ما جايز هم فعلاً عايزين يؤمنوا، ما جايز هم فعلاً مشكلتهم في الآية، وظن ذلك. فالنبي صلى الله عليه وسلم التفت للمسلمين، أمره الله عز وجل أن يقول للمسلمين: الآيات حاجات كثيرة عند ربنا، القضية ليست في الآيات، ﴿وَمَا يُشْعِرُكُمْ أَنَّهَا إِذَا جَاءَت لَا يُؤْمِنُونَ﴾ [الأنعام: 109].

أنت أيها المؤمن ما الذي يشعرك أو يعلمك أنها إذا جاءت لا يؤمنون؟ أنت ايش عرفك؟ ما هي ستأتي الآية وبرضه لن يؤمنوا. أحيانًا الإنسان، ودي نقطة لازم تفهمها، أن كثيرًا من المعرضين مشكلته ليست في الآية، مشكلته في نفسه، في هواه، أن الآيات واضحة. وزي ما قلنا سورة الأنعام جابت نموذج سيدنا إبراهيم الذي سواء ناظر أو لم يناظر، في مسألة أبسط الآيات حركة القمر والنجم والشمس تدل على الله عز وجل، أبسط الآيات الراغب للوصول الخائف من المستقبل الأخروي يؤمنون بالآخرة، هؤلاء الذين سيتأثرون، ﴿وَذَكِّرْ بِهِ أَن تُبْسَلَ نَفْسٌ بِمَا كَسَبَتْ﴾، ﴿وَإِن تَعْدِلْ كُلَّ عَدْلٍ لَّا يُؤْخَذْ مِنْهَا﴾ [الأنعام: 70]. والذين يؤمنون بالآخرة يؤمنون به. كل هذه آيات جاءت في سورة الأنعام أن العامل الرئيسي هم الذين يخافون من الآخرة، اللي خايف من الآخرة هو اللي هيبحث عن الآيات، هو اللي سيبحث عن الدين الحق، هو اللي هيوصل، إنما اللي بيتبع الأهواء والشهوات مهما جبت له من آيات، يعني ده أنت لو رفعتهم في السماء وكشفت لهم كل حاجة سيقولون: ﴿إِنَّمَا سُكِّرَتْ أَبْصَارُنَا بَلْ نَحْنُ قَوْمٌ مَّسْحُورُونَ﴾ [الحجر: 15]. لو عملت له إيه سيقلب كما لفص من أول آية، سيقلب من ثاني آية، زي ما هرب من أول آية سيهرب من ثاني آية.

ربنا بيقول: ﴿قُلْ إِنَّمَا الْآيَاتُ عِندَ اللَّهِ﴾، هل هذا خطاب للمشركين؟ ربنا بيقول للنبي صلى الله عليه وسلم قل لهم الآيات ليست عندي ليست في يدي، الآيات عند من؟ عند ربنا سبحانه وتعالى. ﴿إِنَّمَا الْآيَاتُ عِندَ اللَّهِ﴾ أي أن الله عز وجل لو أراد أن ينزل لكم الآية هذه سينزلها لكم، لم يرد الله عز وجل فخلاص أعرض عنهم. سواء كان الخطاب للمسلمين كأنك لم ترد عليهم، واحد جاء يقول لك أقسم بالله لو جبت لي آية واحدة بس أنا مؤمن، وفجأة الخطاب لا يرد عليه ويلتفت للمسلمين ويقول لهم خذوا بالكم لو الآيات جاءت لن يؤمنوا. شف الذي عايز يتخيل السياق ناس جايين للنبي صلى الله عليه وسلم بيقسموا والنبي صلى الله عليه وسلم يلتفت للمسلمين وما يردش عليهم ويقول للمسلمين إياك تظن أن مشكلته في الآيات، السياق يجي بالصورة هذه لأن جاءهم قد جاءكم إيه؟ مش بس آية، بصائر واضحة زي الشمس، فلا أعرض عن كل هذا بعد مئة آية، أكثر من مئة آية من سورة الأنعام محدش سيؤثر فيه حاجة خلاص، ما تتعبش نفسك معه.

لذلك ربنا بيقول: ﴿وَمَا يُشْعِرُكُمْ﴾ أيها المؤمنون ﴿أَنَّهَا إِذَا جَاءَت لَا يُؤْمِنُونَ﴾، الآية هذه حقيقة التوقف عندها المفسرون أحسوا أن في إشكال، قالوا إن كان ظاهر الآية أنها كانت تيجي، وما يشعركم أنها إذا جاءت يؤمنون، يعني أقول لكم أنتم ايش عرفكم إذا جاءت أنهم سيؤمنون مش أنهم لا يؤمنون؟ وقعدوا يستفيضوا، بعضهم قال أن «لا» زائدة، وبعضهم قال عامة في قراءتين، في قراءة ﴿وَمَا يُشْعِرُكُمْ أَنَّهَا إِذَا جَاءَت﴾، فالقراءة «أنها» هذه واضحة هتقول وما يشعركم وتقف، وبعدين تقول للمؤمنين: ﴿أَنَّهَا إِذَا جَاءَت لَا يُؤْمِنُونَ﴾، يبقى هذا استئناف. على قراءة «أنها» ستقرأ الآيات تقول: قل إنما الآيات عند الله أيها المؤمنون، الآيات عند الله وما يشعركم، تقف إيه وما يشعركم أيها المؤمنون وبعدين تقف وتعرفهم تقول لهم خذوا بالكم أنها إذا جاءت لا يؤمنون.

على قراءة «أنها» قالوا هنا إن ربنا، في فرق بين العتاب وبين التماس العذر، لما تحب تعاتب واحد تقول له أنت ايش عرفك أن فلان مثلًا مش جاي أو ايش عرفك أني فلان؟ لكن لما أنت عايز تقول له أنا بلتمس لك العذر أنك تظن، فهنا بالنسبة للمؤمنين بنلتمس العذر للمؤمنين أنهم كانوا يظنوا أن المشركين ممكن يتوبوا أو يؤمنوا، ليه؟ لأن ربنا بيقول لا معنى الآية ﴿وَمَا يُشْعِرُكُمْ﴾ أيها المؤمنون، لا ليس عندكم أي علم ﴿أَنَّهَا إِذَا جَاءَت لَا يُؤْمِنُونَ﴾، أي أنتم لستم تعلمون ذلك ولكني أنا أعلم، فربنا بيلتمس عذر للضغط النفسي الذي حصل أو بلاش، ربنا سبحانه وتعالى بيدي عذر لأهل الإيمان أنهم طلبوا الطلب هذا من النبي صلى الله عليه وسلم، أن النبي صلى الله عليه وسلم يستجيب لهم ويدعي ربنا أنه ينزل لهم آية، خلاص؟ أيا كان كثير من العلماء حاولوا يخرجوا من الإشكال هذا، الإمام ابن عاشور جاء فيه كلام طيب وغيره جاء فيه كلام طيب في محاولة الخروج، والإمام ابن المنير على حاشية الكشاف دول أكثر اثنين بصراحة حاولوا يخرجوا، لكن نحن نترك الآية على ظاهرها، أننا لن نقول «لا» زائدة ولا حاجة، سنقول إن معنى الآية أي وما يشعركم أيها المؤمنون أنتم لا تدرون، ما أنتم عارفين إيه الأسباب التي ستجعل أهل الشرك دول لا يؤمنون، أنتم ما عندكم العلم بهذا، لا تعلمون ذلك.

وبعضهم قال معنى جميل أوي التفسير القرآني عبدالكريم الخطيب بيقول: وما يشعركم أن تعاملكم معهم مجرد مشاعر ما عندكم علم ما عندكم بينات، لذلك الإنسان لما مشاعره تقوده في الدعوة ممكن يتصرف تصرفات خاطئة، في فرق بين الدعوة على العلم وبين الدعوة بالمشاعر، الدعوة بالمشاعر ممكن تخلي الإنسان يغير في حقائق عنده عشان الناس، لأن مشاعرك لو، لذلك هذا الذي يستغلها، ﴿وَمَا أَرْسَلْنَا مِن قَبْلِكَ مِن رَّسُولٍ وَلَا نَبِيٍّ إِلَّا إِذَا تَمَنَّىٰ أَلْقَى الشَّيْطَانُ فِي أُمْنِيَّتِهِ﴾ [الحج: 52]، تكلمنا في المعنى هذا باستفاضة في خطبة الأماني المهلكة التي فاتت، أن لو الشيطان سيطر على مشاعرك وأمانيك ممكن يقودك إلى أشياء حتى الدعاة إلى أشياء خاطئة، الأنبياء والرسل معصومون، الله عز وجل يعصمهم، بالنسبة للدعاة ممكن يفتن بذلك.

يبقى الشاهد ربنا بيعرف المعنى العام بعيدًا عن معنى التفصيل، المعنى العام للآية أنكم أيها المؤمنون لا تعلمون حقيقتهم، دول كذابين وأنتم ما تعرفون أنهم كذابون، أنتم طيبون، أنتم تظنون أن القسم هذا حقيقي وهو القسم هذا مش حقيقي. إذا لازم الداعية يفرق، زي ما قلنا الداعية يفرق ما بين السؤال الذي جاء له، السؤال هذا سؤال تشكيكي، سؤال جدال ولا سؤال بحث عن الحق؟ لازم الداعية يفرق بين المدعو الذي يقول له أنا عايز الهداية فعلًا وبين المدعو الذي جاء يقول أعذارًا وخلاص، لذلك من اللطائف الجميلة في شرح حديث غلام الأخدود لما جاء الغلام للراهب وقال له: أنا لما بتأخر عند البيت يضربوني وأنا متأخر على الساحر، الساحر يضربني ضربًا مؤلمًا، فالراهب هنا أعطى للغلام حلاً، قال له: إذا خشيت أهلك، قل حبسني الساحر، وإذا خشيت الساحر خائف أن الساحر يضربك، قل والله أصل أنا أهلي بعتوني أجيب مثلًا اثنين كيلو لبن وتأخرت عليك، معلش وأنا رايح البيت، فالغلام راجع من عند الساحر بيعدي على الراهب، فيتأخر على البيت، فالبيت يقول له أنت تأخرت ليه؟ فيقول لهم: والله الحصة النهاردة كانت رائعة وطولت وأنا كنت مركز، كنت بذاكر ورق يعني إيه؟، قل لهم حبسني الساحر. فيقول لك لازم المعلم الراهب هنا لازم يفرق، المعلم يفرق بين الأعذار لما يجي لك واحد يقول لك...

خلاص أنا البيت عندي مشاكل في واحد بيقول أعذار مش حقيقية، فده ما تهتمش بحلول مشاكله؛ لأنه لو حليت له العذر ده هيألف لك كتاب ألف عذر وعذر. فهتضطر أنت مطالب طول حياتك أنك تحل له في أعذار، لكن هو لازم يقوى ولازم يجاهد. الغلام لما أثبت أنه فعلاً راغب في طلب الحق، فهنا الراهب عرف أن ده عذر فعلاً حقيقي يُحل، فقدم له حلًا. فلازم الداعية والمربي يبقى فاهم.

السؤال ده سؤال تشكيكي، سؤال جدالي لا يُجاب عنه؟ سؤال ممكن تبقى إجابته بالإعراض، وسؤال ممكن تبقى إجابته بالتفهيم. فهنا لما أقسموا هذا القسم الذي أنت كان ممكن بعاطفتك الدعوية تعتقد: طب يا رب نزل لهم آية! ممكن تكون الآية دي سبب هلاكهم أصلًا؛ يعني هو مش محتاج آية، كل هذه الآيات التي أعرض عنها فخلاص مش هيؤمن. فربنا قال القاعدة: ﴿وَنُقَلِّبُ أَفْئِدَتَهُمْ وَأَبْصَارَهُمْ كَمَا لَمْ يُؤْمِنُوا بِهِ﴾ [الأنعام: 110]. الهاء دي عائدة على القرآن، أي من لم ينفعه القرآن لن تنفعه أي آية. أي آية؛ دي قاعدة، اللي القرآن مش هيأثر فيه مش هيأثر فيه حاجة تانية خلاص، دي معجزة هذا الزمان إلى يوم القيامة، دي المعجزة الأخيرة.

فاللي مش هيؤمن بهذه المعجزة؛ قال النبي صلى الله عليه وسلم: «ما من نبي إلا أوتي من الآيات ما على مثله آمن البشر، وإنما كان الذي أوتيته وحيًا أوحاه الله إلي، فأرجو أن أكون أكثرهم تابعًا يوم القيامة». فده معجزة زي عصا موسى كانت معجزة ما قدروش يعملوا قصادها حاجة. فالقرآن ده معجزة الله عز وجل، دي معجزة أنزلها الله عز وجل على قلب النبي صلى الله عليه وسلم، المسلمون يتحدوا بالقرآن، أي حد نجاهد بالقرآن جاهدهم به.

يبقى اللي مش هيؤمن بالقرآن ومش هيأثر فيه القرآن خلاص مش هينفعه حاجة بعد كده، مش هيتأثر بأي حاجة بعد كده: ﴿كَمَا لَمْ يُؤْمِنُوا بِهِ وَنُقَلِّبُ أَفْئِدَتَهُمْ وَأَبْصَارَهُمْ﴾، أي أن الله عز وجل سيصرف عنهم، يقلب أفئدتهم، سيصرف عنهم رؤية الحق كما أعرضوا عن الإيمان بالقرآن. فأول مرة القصة بتحصل إزاي؟ أن واحد ييجي عنده بقايا فطرة، يتحطوا في مواضع ضيق التضرع زي اللي عندنا في أول سورة الأنعام، فيتذكروا بالله أنك محتاج لرب، وهو في نص البحر بيبقى عارف أنه محتاج لربنا. هو بيبقى في قرارة نفسه اللي كان بيقول: ﴿أَنَا رَبُّكُمُ الْأَعْلَى﴾ في لحظات الغرق قال آمنت. يبقى كل واحد بداخله هذا الضعف موجود، مهما هرب منه ومهما ادعى أنه مش محتاج لرب، الضعف ده موجود بداخله، بيظهر في أشد اللحظات أو بيظل يكتمه.

إنما هو موجود، في قرارة نفس الفطرة ديت: ﴿وَأَشْهَدَهُمْ عَلَىٰ أَنفُسِهِمْ أَلَسْتُ بِرَبِّكُمْ ۖ قَالُوا بَلَىٰ﴾، الفطرة دي موجودة. القرآن بيستحث هذه الفطرة، فيسمع القرآن يوافق الفطرة اللي بداخله، فيصمم، يعرض، بيقول مش عايز. لأ، أصل معنى أن أنا أصدق، هو بيحصل حاجة بتلمس كده، لما بيسمع القرآن ده كلام رب البشر، هذا كلام خالقه الذي أودع فيه الفطرة تكلم بهذا الكلام، فبيحصل التواصل. فيا إما يذل بقى للكلام ده ويصغر الكلام ده ويتجه إلى هذا الكلام فيؤمن، أو يعرض. القرآن يتلى عليه فيعرض، القرآن يتلى عليه فيعرض، فخلاص بقينا نوليه ما تولاه، هنا يزين له العمل.

هنا بقى يختار عداوته، ما بقيت بس أنه يبقى عارف أن ده الحق ويبعد عنه: ﴿وَنُقَلِّبُ أَفْئِدَتَهُمْ وَأَبْصَارَهُمْ﴾، خد بالك بدأ التقليب بالفؤاد قبل البصر: ﴿وَنُقَلِّبُ أَفْئِدَتَهُمْ﴾. الفؤاد لما بيضل خلاص البصر ما عادش يشوف حاجة؛ يعني الفؤاد لو ضل يشوف الآية قدامه، يشوف الشمس اللي بتشرق كل يوم وبردو يقول لك لا، أصل الكون ده بالصدفة، يشوف الطين والبذرة تطلع تفاح ومانجو وبرتقال يقول لك لا لا لا أصل ده جت كده بالصدفة، يقول لك أصل ما فيش إله. الفؤاد لما ضل البصر ما عادش يشوف خلاص، ما عادش يشوف حاجة. ﴿وَنُقَلِّبُ أَفْئِدَتَهُمْ وَأَبْصَارَهُمْ كَمَا لَمْ يُؤْمِنُوا بِهِ﴾. الواحد يخاف أنه يُعرض عليه الحق فيعرض عنه فيعاقب بالحرمان من الحق.

دي نعمة هياخدها مش عايز، خد النعمة دي مش عايز، خد النعمة دي مش عايز، طب ما أنت مش واخدها، تتعب إزاي؟ يا جماعة ربنا يعافينا، اللي مش ملتزم خالص وبعيد عن الالتزام، أسهل التزامًا من المنتكس من اللي عرف الحق وبعد، يعني الأسهل كتير اللي طول عمره بعيد أصلًا ممكن آيات بسيطة ترجعه، مواقف بسيطة تفكره. اللي عرف وبعد، يعني بيطلع روحك معاه، يعني قليل من خبرات الواقع والكتب وتجارب المربين اللي كتبوها، أن تسعين في المئة من المنتكسين ما حدش بيرجع تاني إلا من رحم ربي، كتير لأنه هو عرف وذاق، وعرف الحق فابتعد عنه، خلاص ده بقى فمثله كمثل الكلب، أنت احمل عليه يلهث أو تتركه يلهث، ما فيش حاجة بتشبعه، بيظل يلهث على طول. ليه؟ لأن ده شاف: ﴿وَاتْلُ عَلَيْهِمْ نَبَأَ الَّذِي آتَيْنَاهُ آيَاتِنَا﴾، شوف تعبير كلمة اللي ذاق الحق وبيبعد، بيشعر بانسلاخ، بيشعر أن جلده بيتقطع، بعد كده بيتعود بقى خلاص، وما عادش بيشبع من أي حاجة، لا شهوات تشبع ولا أي حاجة تشبع: ﴿كَمَثَلِ الْكَلْبِ إِن تَحْمِلْ عَلَيْهِ يَلْهَثْ أَوْ تَتْرُكْهُ يَلْهَث﴾.

فاللي يُعرض عليه الحق، الواحد يخاف أنه يرفض الحق عصبية، حمية، غضب، مش عايز الحق؛ لذلك كتير من العلماء كان يقول وأنا بحرر المسألة ببقى خايف أن غرضي أنصر مذهبي، بل كثير من الإمام المعلمي كان بيقول في مسألة كان يقول: أحيانا الإنسان بعد ما يحرر مسألة ووصل بالأدلة وخلاص ووصل للنتيجة النهائية، تفقد مذهبه بيبقى في قمة السعادة، وبعدين يلاقي دليل يخالف ده، فبيقول لي بيحصل جواه صراع، أضعفه نشوف له صرفة من أوله، يعني بيبقى تلاقي المتعصبين للمذاهب يقول لك كل حديث يخالف المذهب هو ضعيف أو مؤول، كل آية تخالف المذهب هي منسوخة أو مؤولة، خلاص هو واخد قرار. خطورة، لازم الإنسان يبقى لين منقاد للشرع، الإعراض هيجيب إعراض أكتر، هييسر له طريق العسرة والعياذ بالله. ﴿وَنُقَلِّبُ أَفْئِدَتَهُمْ وَأَبْصَارَهُمْ كَمَا لَمْ يُؤْمِنُوا بِهِ﴾، ونذرهم! ياه أسوأ عقوبة، أن ربنا يسيبك: ﴿وَنَذَرُهُمْ﴾.

﴿وَإِن مِّنكُمْ إِلَّا وَارِدُهَا ۚ كَانَ عَلَىٰ رَبِّكَ حَتْمًا مَّقْضِيًّا﴾ [مريم: 71]، كلنا لازم هنعدي من على جهنم، ﴿ثُمَّ نُنَجِّي الَّذِينَ اتَّقَوْا﴾. طب والتانيين ربنا قال ونوقعهم؟ قال إيه؟ ﴿وَنَذَرُهُمْ﴾. مجرد أنه يتساب هيقع، يعني لو ربنا لذلك سيدنا إبراهيم لما قال ﴿لَا أُحِبُّ الْآفِلِينَ﴾ بعدها قال: ﴿لَّئِن لَّمْ يَهْدِنِي رَبِّي لَأَكُونَنَّ مِنَ الْقَوْمِ الضَّالِّينَ﴾. لو ما جتليش هداية هضل أنا لوحدي أضيع. النبي صلى الله عليه وسلم بيقول في الآخر كما أخبر الله عز وجل في سورة سبأ: ﴿قُلْ إِن ضَلَلْتُ فَإِنَّمَا أَضِلُّ عَلَىٰ نَفْسِي ۖ وَإِنِ اهْتَدَيْتُ فَبِمَا يُوحِي إِلَيَّ رَبِّي﴾. فعقوبة أن ربنا يسيبك، أسوأ شعور أصلًا يسيطر عليك، شعور أن ربنا سايبك، لذلك ربنا طمأن النبي صلى الله عليه وسلم وقال له: ﴿مَا وَدَّعَكَ رَبُّكَ وَمَا قَلَىٰ﴾. ربنا ما سابكش، أحيانا الإنسان بيحب يسمع الكلمة دي.

أسوأ عقوبة تشعر بها أن ربنا سايبك، مش ربنا بيعاقبك ولا بينزل عليك، لا لا، مجرد بس الترك ﴿وَنَذَرُهُمْ﴾. الترك ده يقول لك: أنا سبت الحاجة دي هنا جيت بعد سنة لقيتها زي ما هي، مع ربنا بقى مش بترجع تلاقي زي ما هي، بتلاقيها في الضلال. ﴿وَنَذَرُهُمْ فِي طُغْيَانِهِمْ يَعْمَهُونَ﴾. أول لما ربنا سابهم ﴿وَنَذَرُهُمْ﴾ الظالمين على طول بقوا إيه؟ في هاجسية، وقع. اللي ربنا مش هينجيه، قال: ﴿يَا عِبَادِي كُلُّكُمْ ضَالٌّ إِلَّا مَنْ هَدَيْتُهُ﴾، كلنا هنضل، أكبر عالم لأصغر واحد، إلا من هديته، إلا اللي ربنا يهديه إيه، اللي ربنا سبحانه وتعالى يوفقه. فعقوبة ونذرهم، أصيبت لما ربنا سابهم إيه اللي حصل؟ هو ربنا سابهم ليه الأول؟ لأن كان عندهم طغيان رافض الحق، عنده كبر، أنت اخترت الطغيان والطغيان أحاط بي فربنا سابه في وسط الطغيان. أنت اخترت أنك تمشي في الطريق ده؟ طب أنا هسيبك، ﴿وَنَذَرُهُمْ فِي طُغْيَانِهِمْ يَعْمَهُونَ﴾، إيه اللي حصل يا عمهون؟ يعني إيه يعمهون؟ بيقول لك العمى بيفرقوا بين العمى والعمى، بعض العلماء كده اختصارًا يقول لك العمى عمى البصر والعمى عمى القلب، وإن كان العمى أحيانا يأتي إلى القلب، لكن أصل كلمة العمى بعض العلماء يقول لك هو التردد والتحير.

أصلها بقى اللغوي خالص يقول لك العمه هاء الأرض التي يضل فيها الإنسان لأن ليس فيها أعلام، ما فيهاش ملامح، فضل مش عارف يمشي منين. يعني واحد يتحط في أرض ما فيهاش مثلًا إشارات ولا يقول لك هذه أرض عمهه، اللي قبله كان تضل في مكان ما يعرفش ما فيش فيها إشارات ولا أشجار ولا أي حاجة ولا جبال ولا تل ولا أي حاجة، يقول لك دي أرض عمهه، دي خلاص مش راجعة، عارف اللي اتحط في مكان يقول لك ده يفضل يقول إيه؟ أمشي كده ولا كده؟ ولا أمشي يمين ولا شمال؟ ده في عمى. فقال له ده أصل كلمة التردد والتحير، جاي من العمى. فاللي ربنا يسيبه ما عادش عنده إشارات، أمشي يمين ولا شمال، الصح ده ولا ده؟ إحساس قاتل أنك ممكن أنت بنفسك تختار إرادتك تقتلك، أنت اللي تختار الطريق اللي يموتك، ﴿وَيَدْعُ الْإِنسَانُ بِالشَّرِّ دُعَاءَهُ بِالْخَيْرِ ۖ وَكَانَ الْإِنسَانُ عَجُولًا﴾. يعني ممكن الإنسان يختار الطريق اللي يبقى فيه هلاكه، تخيل! ما هو مش عارف، بيقول ﴿صُمٌّ بُكْمٌ عُمْيٌ﴾ لما ربنا سابهم في أول سورة البقرة.

تخيل واحد في أوضة مليانة مهالك أوضة ظلمة وهو ما بيشوفش، هينادي على الناس عشان ينقذوه ما بيسمعش، ما بيتكلمش صم، طب هتنادي عليه تقول له الحق خد بالك ما بيسمعش، تخيل! ﴿صُمٌّ بُكْمٌ عُمْيٌ فَهُمْ لَا يَرْجِعُونَ﴾. ما هوش راجع، مش هيوصل لحق ولا لنجاة ولا أي حاجة، ده هيفضل مكمل كده أهو طوالي لغاية جهنم، نسأل الله العافية. أمر خطير الإعراض عن آيات القرآن أمر عقابه شديد، لكن الصورة زي ما جابت آيات كتير جابت عقوبات شديدة في سورة الأنعام. طالما الصورة طولت في الآيات ووصلت لمرحلة البينات والبصائر والآيات الواضحة خلاص العقوبة هنا شديدة، ﴿وَنَذَرُهُمْ فِي طُغْيَانِهِمْ يَعْمَهُونَ﴾.

وربنا بيقول بقى للمسلمين، المشكلة مش معهم، قد ده، شوف بقى الفجر بتاعهم لإيه: ﴿وَلَوْ أَنَّنَا نَزَّلْنَا إِلَيْهِمُ الْمَلَائِكَةَ وَكَلَّمَهُمُ الْمَوْتَىٰ وَحَشَرْنَا عَلَيْهِمْ كُلَّ شَيْءٍ قُبُلًا مَّا كَانُوا لِيُؤْمِنُوا إِلَّا أَن يَشَاءَ اللَّهُ﴾. تخيل المشهد كده معي، كده واحد النبي صلى الله عليه وسلم والمسلمون عمالين يقولوا له إيه؟ آمن، اتق الله، خاف من الدار الآخرة، يقول لهم أنا إيه اللي يخليني أصدق؟ فيقرأوا عليه القرآن، يتحدوه بالقرآن ويتحدوه بالخلق ويكلموه عن ربنا ويوروه الآيات اللي في الكون بيقول لهم لأ برضه أنا مش مصدق. تخيل بقى المشهد ممكن ربنا بيقول لهم ده لو الملائكة كلها نزلت من السما وشهدت للنبي صلى الله عليه وسلم أن النبي صلى الله عليه وسلم على الحق.

كلمة ﴿وَلَوْ أَنَّنَا نَزَّلْنَا إِلَيْهِمُ الْمَلَائِكَةَ﴾ أي تشهد للنبي صلى الله عليه وسلم أنه على الحق، ﴿وَكَلَّمَهُمُ الْمَوْتَىٰ﴾ الطلبات اللي كانوا بيطلبوها: ﴿فَأْتُوا بِآيَةٍ إِن كُنتُمْ صَادِقِينَ﴾ أو ﴿لَوْلَا أُنزِلَ عَلَيْهِ مَلَكٌ﴾ يعني كل الطلبات اللي كانوا بيطلبوها اتحققت، ملائكة نزلت من السما وآباؤهم صحيوا معذبين في جهنم ويشاوروا لهم واتبعوا ده إحنا بنتعذب بسبب أن إحنا ما اتبعناش النبي صلى الله عليه وسلم، وكلام موتى، ومش بس كده: ﴿وَحَشَرْنَا عَلَيْهِمْ كُلَّ شَيْءٍ قُبُلًا﴾، قبل فيها تلات أقوال، قبل أما مواجهة عيانا، أو قبلا قبيلة قبيلة يعني كل يعني أفواج أفواج، يعني مثلًا الطيور تيجي الأول وتشهد وبعدين تيجي السباع وتشهد، وبعدين تيجي الجمادات وتشهد، والنباتات كل شيء جاي بيشهد عليهم، وقبل جمع قبيل، أي كفيل، يعني كل واحد ييجي يحلف، يعني مش هتيجي تقول ده الرسول ده هتيجي تقول نقسم أنه رسول، كل الكائنات جاية تشهد بيقول لك لا لا لأ، أكيد اه دي مؤامرة، دي مؤامرة علي عايزين يضحكوا علي يعني، لا لا وأنتم فاكرين، لا ده أنا ناصح قوي لا خد بالك أنا ما يضحكش علي بسهولة، أنت عايزني أؤمن زي بادية الرأي، الناس اللي أنؤمن كما آمن السفهاء؟ وأنت فاكرني سفيه؟ لا، أنا ناصح قوي ما يضحكش علي بسهولة ولا القرآن بتاعكم ده أصلًا. تخيل شوف الواحد من يعني مهما شاف من الآيات والعياذ بالله، عقوبة شديدة ﴿مَّا كَانُوا لِيُؤْمِنُوا﴾.

ده بقى تطمين للنبي صلى الله عليه وسلم والمؤمنين، حط جهدك الدعوي في مكانه، ما يبقاش عندك تبذير دعوي، المبذر أصلًا في اللغة اللي معاه البذور البذر، وبيضع البذرة في غير مكانها، تلاقيه معاه بذور كتير عمال يرميها في أي أرض، أرض صخرية، أرض ده اسمه مبذر، أي يلقي البذر في غير مكانه، درس الأصل اللغوي، ففي ناس عندها تبذير دعوي، لازم أنت تضبط، تبقى عارف ده اللي هتجاوبه وده اللي هتقول له ﴿مَّا كَانُوا لِيُؤْمِنُوا إِلَّا أَن يَشَاءَ اللَّهُ وَلَٰكِنَّ أَكْثَرَهُمْ يَجْهَلُونَ﴾. لدرجة أن بعض المفسرين قال ده عتاب شديد.

كلمة يجهلون تعود على المؤمنين، لكن أكثرهم يجهلون، الغالب أنهم قالوا إنها تعود على المشركين. أريد أن أقول لك إن بعض المفسرين اختار من شدة توجيه الآيات أنهم لا يضيعون وقتهم مع هؤلاء. قالوا إن ربنا عاتبهم في هذه الآيات ولكن أكثرهم يجهلون، فالواحد يتعجب لماذا حدث هذا؟ فربنا يشرح لنا ويبين لنا، وكذلك نفهم ما القصة؟ هذه سنة من سنن ربنا سبحانه وتعالى؛ حتى لا يصيب النبي صلى الله عليه وسلم الأسى والحزن على قومه، وعشان المؤمنين لا يتعبوا من الأوضاع الموجودة، فربنا يقول لهم اطمئنوا، هذه سنة ثابتة.

هذا ابتلاء ثابت وكذلك جعلنا، هذا أمر قدري. ربنا جعله، يعني الله عز وجل ترك إبليس من أول لحظة، كان ممكن ربنا يخسف به الأرض، كان ممكن ربنا يهلكه، لكن لما قال لربنا أنظرني، ربنا أنظره، قال: ﴿إِنَّكَ مِنَ الْمُنظَرِينَ﴾ [الحجر: 37]. ربنا تركه ابتلاء لأهل الإيمان، ما هو نحن مخلوقون للابتلاء، في امتحان. نحن لازم نفهم أننا دائماً وأبداً في موضع ابتلاء وفي موضع امتحان. اللي هيفضل قاعد في لجنة الامتحان ناسي أنه في امتحان سيضيع وقتاً، في أحد يطلب شاي وقاعد يهزر ويلعب، هو ناسي أنه في امتحان، لازم نفهم دائماً خطورة أننا نمتحن.

وكذلك جعلنا، أمر قدري لكل نبي عدو، يعني كمان ما فيش حد سيظهر من سار، هذه قاعدة؛ من سار على طريق الأنبياء فلابد له من أعداء. وكذلك جعلنا لكل نبي عدو، فاللي سيسير على طريق الأنبياء لابد له، هذه قاعدة، وكلمة لكل نبي، لن يتركوا مصلحاً إلا وسوف يعادونه، يعني مش بيعادوا كل عشرة أنبياء، لأ، لن يتركوا داعية إلا ويعادوه. قال: ما جاء أحد بمثل ما جئت به إلا عودي، قال له حتى أنا؟ قال له حتى أنت، ده بيحبوني. حتى أنت؟ ده أنا الصادق الأمين، حتى أنت؟ ده أمانتهم عندي، حتى أنت برضه؟ مهما كنت، عشان ما تفتكرش أن العيب فيك، مهما كان مخلصاً أميناً صادقاً يخدمهم سيعادونه؛ لأن شهواتهم أقوى من حبهم له، أهواؤهم أقوى من أنهم يحبوه وعلاقتهم والقرابة بينهم، لا، هو أقوى من ذلك، كذلك جعلنا لكل نبي. لذلك المصلح الذي ليس له أي أعداء يبقى ماشي غلط، في حاجة غلط.

طب لما الأعداء ينقلبوا أصدقاء؟ لما اللي كانوا امبارح بيعادوك، اللي كانوا السنة اللي فاتت أعداء دلوقتي بقوا أصدقاء، يبقى فيه حاجة حصلت، حاجة من اثنين: إما أنهم تغيروا أو أنك تغيرت. إنما هم أعداء ومنهجهم ضد منهجك وبقيتوا أصدقاء، في حاجة غلط، هو بقى بيستغلك وأنت مش شايف، إما أنه تغير أو أنك تغيرت. تبقى دي قاعدة ثابتة، العداوة قائمة إلى يوم القيامة، لا تقوم الساعة حتى يقاتل المسلمون اليهود. انسى موضوع أننا نحلها ودياً مع بعض، نديهم الحتة دي ويدونا الحتة دي والموضوع يخلص، وأن الفلسطينيين هم الغلطانين ما يسيبوا لهم غزة، لو سابوا لهم غزة سيأخذوا مصر، ولو سيبت لهم مصر سيأخذوا السعودية، ولو هو مش، ﴿وَلَن تَرْضَىٰ عَنكَ الْيَهُودُ وَلَا النَّصَارَىٰ حَتَّىٰ تَتَّبِعَ مِلَّتَهُمْ﴾ [البقرة: 120]، فالصراع قائم إلى يوم القيامة.

الأمر مش حدود، مشروع عقائد مستمر إلى يوم القيامة، فلازم العداوة دي أمر قدري مستمر، طالما إبليس قال أنظرني أو طلب أن يكون، ربنا أعطاه: ﴿إِلَىٰ يَوْمِ يُبْعَثُونَ﴾ [الحجر: 36]. فأصل دواء إبليس ووضع عرشه على الماء ويبعث السرايا، الأمر ده استمر إلى يوم القيامة. وكذلك جعلنا لكل نبي عدو، اللي بيقوم بأصول هذه العداوة الشياطين اللي هم المردة، الأساسيين اللي هو أكابر المجرمين، فيه ناس بقى بتبدأ تقود المعركة، وفيه أتباع ماشيين وخلاص. وكذلك جعلنا لكل نبي عدواً شياطين الإنس والجن يوحي بعضهم إلى بعض زخرف القول غروراً. العجيب هنا أن ربنا بدأ بالإنس قبل الجن كأن شياطين الإنس أخطر من شياطين الجن.

بعض الروايات وإن كان سند كل رواية لوحدها ضعيف، لكن ابن كثير قال بتتقوى بمجموع الطرق، أن النبي صلى الله عليه وسلم قال لأبي ذر: استعذ من شياطين الإنس، فقال أبو ذر: أو للإنس شياطين؟ فقال النبي صلى الله عليه وسلم، أغلب الروايات عنه أن هي مرسلة عن قتادة، لكن زي ما بيقولوا ابن كثير قال بمجموع الطرق يعني يشد بعضه بعضاً، يصحح. وفي بعض المفسرين قال لأ شياطين الإنس والجن يعني جزء الشياطين اللي خاص بالإنس وجزء الشياطين اللي خاص بالجن. يعني الشياطين بيقسموا نفسهم، شياطين تروح تضل الجن ما هو الجن برضه عندهم ابتلاء، ﴿إِنَّا سَمِعْنَا قُرْآنًا عَجَبًا﴾ [الجن: 1]، واستمع نفر من الجن، وأن في منهم مسلم ومنهم كافر، ﴿أَنَّا مِنَّا الصَّالِحُونَ وَمِنَّا دُونَ ذَٰلِكَ كُنَّا طَرَائِقَ قِدَدًا﴾ [الجن: 11].

فالشياطين يقسموا نفسهم، ده عنده خبرات مع الجن، خلاص ده يمسك الجن، وده عنده خبرات مع الإنس، وده بتاع الإنس، ده عنده خبرات مع الشيعة خليه مع الشيعة، وده عنده خبرات مع كذا، وده مع الملتزمين، وده مع الدعاة، ده متخصص. وبينهم مسابقات زي إبليس بقى، ييجي مين اللي كسبان، مين اللي كسبان؟ يبعث إبليس سراياه وييجي واحد يقول له ما تركته حتى فعل شيئاً، قال له لأ مش أنت مش كسبان، ما تركته حتى فعل كذا، فيقوم واحد يقول له ما تركته حتى فرقت بينه وبين امرأته، فيقوم ويلتزمه يحضنه أنت أنت، وده اللي كسبان. المسابقة اللي بعدها، وبعدين يقعدوا مع بعض، الحديث اللي أنا قلته ده في صحيح مسلم.

الإمام السدي يقول إن الشياطين بتقعد مع بعض يقول: أنا أضللت صاحبي بكذا، دي بقى يوحي بعضهم إلى بعض، فيقول له وأنا أضللت صاحبي بكذا وكذا، فيتعلمون من بعض، تبادل خبرات. وفيه ناس قالت تبادل الخبرات ده، اللي أخذ القول اللي هو المروي عن قتادة، أن فيه شياطين الإنس، أن تبادل الخبرات ده بين الإنس والجن. يعني أحياناً الشيطان الجن يلاقي شيطان الإنس بيعمل حاجة، يقول له يخرب بيت عقلك ما جتش في بالي، جبتها منين دي؟ فيتعلم فيروح لشياطين الجن يقول لهم أنا شفت شيطان إنس ده جاب حتة حركة أنا ما أعرفهاش، فيعلمها الشيطان. ييجي شيطان الإنس يشوف حاجة يقول إيه ده ما جتش، ويتعلموا بعض.

يوحي بعضهم إلى بعض، فشوف ربنا قال شياطين، الأول الشيطان ده جاي من شطرة من الابتعاد أو شياطة من الغيظ، متغاظ من بني آدم. قدم الإنس على الجن، شياطين الإنس والجن؟ بداية ربنا بيحكي لنا بداية إزاي ناس وصلت لمرحلة أن يسب الله، عايزين نمشي مع السياق. أنت بتتعجب! إزاي ناس بيسبوا الله عدواً بغير علم؟ ربنا قال لك أصل ده زُين لهم. طب إزاي وصلوا لمرحلة التزيين؟ ربنا بيحكي لك القصة من الأول، أن فيه ناس شياطين، الشياطين دول بيقعدوا مع بعض يقسموا هيفتنوا الناس إزاي؟ بتبدأ الفتنة بإيه؟ يوحي بعضهم إلى بعض زخرف القول، الموضوع يبدأ كله بالكلام، أنه يستبدل الوحي اللي هو كلام الوحي بكلام آخر مزخرف، ودي نكتة والله أعلم.

فيه هنا استعمال لفظ يوحي، بعض العلماء قال يوحي هنا ليه قال يوحي؟ قال الوحي حمالة على المعنى اللغوي، أن الوحي هو الكلام، إعلام واحد بدقة وخفاء، ده أصلاً المعنى اللغوي، الوحي النبي صلى الله عليه وسلم يعلم بحاجة لكن فيها دقة وخفاء تخفى على الحاضرين فلا يسمع ولا يطلع إلا النبي صلى الله عليه وسلم، فده سُمي الوحي لذلك. أو إكساب الكلام ده معنى شرعياً، أنه مش بس يقول كلام ده يضفي على الكلام ده معنى شرعياً وقداسة شرعية عشان تروج على الناس، يوحي بعضهم إلى بعض زخرف القول. خد بالك مش القول بس، الوحي بتاعنا هو كلام ربنا سبحانه وتعالى، الحق الواضح المبين. فيه أشياء ﴿كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ﴾ [البقرة: 216]، وفيه حاجات محببة إلى النفوس، يا رسول الله أيأتي أحدنا زوجته وشهوته وتكون له أجر؟ قال نعم، ففيه حاجات أنت ممكن تكون عاجباك في الشر، وفيه حاجات ثقيلة عليك في الشر.

التاني كله يعملوا له إيه؟ مزخرف. كل الفرق الضالة بتدخل للناس من شهواتها، لازم يخش له من إيه يعني، تلاقي النصراني يقول لك أنت ممكن تعمل اللي أنت عايزه وتيجي في الآخر تقعد تدفع مش عارف كم جنيه وتعترف والموضوع، أو الشيعة ده احنا عندنا زواج متعة وعندنا وكده، الليبرالية يدخل لك من الزخرفة من شهواتك، بيحب يفتنك يخش لك من شهواتك. وإبليس أول مرة عمل كده، قال له ما نهاكم ربكم عن هذه الشجرة إلا أن تكونا ملكين أو تكونا من الخالدين، دخل له من الحتة دي، ما قالوش الشجرة دي هتجيب لك صداع بس معلش اضغط على نفسك وروح كل منها، ما قالوش كده، ما قالوش لازم تروح، لأ، قال له ده الشجرة أنت لو أكلت منها تبقى ملك وتكون من الخالدين، وبعدين قتلوه وتكونوا من بعده قوماً وممكن نتوب، لو الموضوع على قد أنها معصية مش مشكلة بس أننا نبقى، فلازم الشيطان يخش لك من الشهوات.

فبيبدأوا بكلام معسول، يبقى الموضوع كله ممكن يبدأ بكلام، لذلك ربنا قال له دي شجرة المعصية، إبليس قال له دي شجرة، غير اسمها بس. دي أول حاجة عملها، أخطر حاجة تحصل المصطلح الخاطئ، أكبر تغيير يحصل وانحراف أن اللي كان بيتقال عليه حرام يتقال عليه عيب، يتقال عليه مش مشكلة، يتقال عليه تقاليد الآباء، يتقال عليه دين، بعد ما كان حرام بقى حلال، يتقال عليه مستحب، أن النقاب يتحول إلى عادة وبعدين يتقال عليه مكروه، اللعب في المصطلحات ده أخطر حاجة، تحويل المصطلح ده. أول حاجة تعلمها سيدنا آدم ﴿وَعَلَّمَ آدَمَ الْأَسْمَاءَ كُلَّهَا﴾ [البقرة: 31]، تبقى عارف أسماء كل حاجة، يدور العلماء أنهم يبقوا عارفين حكم كل شيء.

لذلك بعد سياق الزخرفة دي النبي صلى الله عليه وسلم بيقول ربنا بيقول إيه: ﴿أَفَغَيْرَ اللَّهِ أَبْتَغِي حَكَمًا﴾ [الأنعام: 114]. يبقى اللعب كله أنه عايز يخلي الحكم لغير الله، اللي عايز يحط تشريع غير تشريع ربنا، عايز يحط تشريع يناسب الأهواء. يبقى كل الزخرفة دي وكل الموضوع ده كله اللي عمال يحصل والبعد عن الآيات، ده طلع الموضوع ده كله هروب من حكم ربنا، يعني إذا طلع رفض القرآن ورفض الآيات، ما طلعش عشان مش مصدق، ده طلع عشان عنده أهواء وفيه حكم ربنا بيصادم هذه الأهواء، فعايز تشريع آخر، فهرب من المنظومة دي كلها. لازم نفهم ليه بيهرب؟ إيه الحيلة النفسية اللي بيعملها عشان يكذب الآيات دي؟ أن هو جواه شهوات فبيحللها، بيحللها أنه يرفض القرآن، أن يقول هنقعد في النار أياماً معدودة، لازم هو عايز يخرج من أنه يدخل تحت حكم ربنا وتحت شرع ربنا سبحانه وتعالى.

بيهرب بيبدأ الكلام ده أنه يجيب قول غير الوحي، يعمل طب قول غير الوحي، الوحي أقوى، يقوم يعمل إيه في القول بتاعه؟ يزخرفه، قالوا أصل الزخرف الذهب، يدهنوا بماء ذهب من برة كده، فيبقى بيلمع، ﴿عِجْلًا جَسَدًا لَّهُ خُوَارٌ﴾ [طه: 88]، له صور. الناس دائماً بتحب الحاجات اللي بتلمع كده، اللي لها خوار كده، تضحك على الناس حركات كده زي السحر، حركات، يحب الحاجات دي، فيتضحك عليها بسهولة. ودي فتنة سيدنا موسى قال عن فتنة على بعض أقوال أهل التفسير اللي في سورة الأعراف أنها إلا فتنتك تضل بها من تشاء، أن العجل الجسد اللي له خوار، وأن ربنا قدر أن الرمية بتاعة السامري فقبضت قبضة من أثر الرسول فنبذتها، أن الرمية ديت اللي خدها، أياً كان بقى الخلاف في تفسير الآية، وخد تراباً ورماه على العجل فأصبح حياً. هذا التقدير بتقدير من الله، ربنا اللي قدر هذا التقدير فتنة للناس.

يعني الله عز وجل هو الذي مكن جيل مش الدجال اللي جنب نفسه القدرات دي، ده ليه؟ فتنة، وده إن شاء الله ممكن يبقى له مجلس آخر، مسألة أن الله عز وجل يمكن أحياناً لأهل الباطل بقدرات خارقة قد تفتن الناس، إيه الحكمة من ده؟ ولكن في نفس الوقت ربنا عمل لأهل الإيمان علامات عشان ما يضلوش، يعني مثلاً أهل الإيمان شايفين كافر على رأس الدجال، وعارفين من الوحي أن ربكم ليس بأعور، جاء له واحد أعور مكتوب عليه كافر بس بيعمل قدرات خارقة، هتصدق البهرجة؟ ولا هتصدق الإيمان اللي عندك؟ هتصدق الوحي ولا هتصدق؟ مهما رأيت خوار، رأيت حركات، رأيت سماءً تنزل، أنت عندك وحي. لذلك أحياناً مثلاً كأسقاط عملي عندنا وحي، الوحي حكى لنا الطريقة دي هتجيب دمار، قام ناس مسكوا مشوا في الطريقة دي وجابت تقدماً دنيوياً، قلت له مش هتعمل إيه؟ إيه ده طب ما جايز، أول حاجة تشك فيها إيه، طب ما فيش الكلام اللي معي غلط، مجازي القرآن ده يعني لزمن وما عادش، طب ما بعد مائتين سنة يكون أغلب الناس أو كلهم ماتوا، طلع الطريق ده فعلاً آخره دمار، بس ما حدش شاف أن آخر الطريق ده، أنا لازم أوقن حتى لو لم أرَ، يعني مش لازم أتخبط في الحيطة عشان أقول آه الطريق ده فعلاً وحش، ربنا قال لي الطريق ده آخره دمار خلاص يبقى آخره دمار، دي الخطورة التي تحصل، أنك لازم تبقى موقن في الغيب، موقن أن المعصية دي آخرها وحش.

ربنا قال لي كذا. فواحد عمل المعصية ومبسوط؛ أه، أنتم بقى هتصدقوا ما علمتم من الوحي ولا اللي أنتم شايفينه بعينكم؟ أنتم تقدمون الوحي. لذلك من رحمة ربنا بآدم أنه لما أكل من الشجرة، فماذاق، مجرد بس ده، إيه اللي حصل؟ على طول حصل تغيير، بدت لهما سوءاتهما. تخيل لو كان سيدنا آدم أول لما أكل من الشجرة لسه بيستاجوا بقى ملك! فده بيبقى استدراج، ده التزيين بقى.

دي بتبقى فتنة عظيمة أن ناس تنحي الشرع فيحصل تقدم دنيوي. الله! يبقى كان الشرع بقى اللي مانع الدنيا ولا إيه؟ كان الابتلاء، ودي طبعاً عايزة تفصيل، أن ربنا له سنن لا تتبدل ولا تتغير. يبقى إذاً أنت لازم تصدق الوحي مهما سمعت من خوار ومهما شفت حركات، أنت تصدق اللي معك من الوحي. هم بقى بيدخلوا إيه؟ يجيبوا قولاً بديلاً ويعملوا فيه إيه؟ لازم يبهرجوه، لازم يبقى حاجة بتلمع تشد الناس؛ يبقى ما تقدرش تغمض عينيك، لازم حاجة كده تخليك دائماً مشدوداً. أصوات صرخات الدجال؛ لذلك النبي ﷺ ضرب الله مثلاً صراطاً مستقيماً، على جنبي الصراط سوران، وفيهما أبواب مفتحة وعليها ستور. الأبواب ديت يعني حائط إسمنت مثلاً وفيها مكان فاضي مكان للباب، الباب ده مش مقفول بباب خشب، ده متساب مفتوح. طب مفتوح على طول؟ لا، ده نازل عليه ستارة.

طول ما أنت ماشي في الطريق أنت سامع من وراء الستارة أصواتاً رائعة وأصواتاً جميلة، نفسك بس ترفع الستارة. النبي ﷺ بيقول إنك أن تفتحها. أنت بقى قاعد سامع ضحك بقى وهيصة وأغاني، عمال تقول ده أكيد الناس اللي وراء دي ناس عايشة، الناس اللي وراء الستارة دي، ده أكيد... أنت بيتهيأ لك أن الطريق دوت، الشجرة ديت شجرة الخلد، الشجرة دي شجرة الملك، أن الطريق ده كله... فأنت تقعد، طريق الضلال فيه كل شيء، ويحصل جواك الصراع النفسي ده، لكن أنت لو فتحت مش هتملك نفسك؛ فلازم يزخرفها لك. ﴿يُوحِي بَعْضُهُمْ إِلَىٰ بَعْضٍ زُخْرُفَ الْقَوْلِ غُرُورًا﴾ [الأنعام: 112]. اتكلمنا ليه شياطين؟ ليه الإنس قبل الجن؟ ليه استعمال لفظ الوحي؟ الاثنين بيستفيدوا من خبرات بعض. زخرف، مزخرف، يبدأ بكلام؛ أول تأثير يعمله غروراً أنه يضحك على ناس، يعني إيه؟ أول حاجة الكلام ده يعمله أن يخلي الناس تلتفت، دي أول غلطة تحصل، لذلك أغلب الناس يا جماعة طيبون. النبي ﷺ يقول: «المؤمن غر كريم»، بتضحك عليه بسهولة.

لكن كلمة غرور طبعاً فيها تفصيل في اللغة؛ قالوا الغرور ده الشيء المخفي عن الإنسان، الحاجة اللي مش باينة. وقالوا الغرور الشيء اللي على طبيعته، لما يقال فتى غر أو فتاة غر، ما لهاش تجارب في الحياة، ما يعرفش حاجة. والقميص الغر ده القميص الجلابية اللي بتطبيقتها، اللي لسه بالتانية بتاعتها، يقول لك طبقتها على غرتها، يعني رجعت التطبيقة بتاعتها اللي هي على فطرتها على سلامتها. فغرور ده واحد ما عندوش تجارب، أغلب الناس ما عندهاش تجارب فيتضحك عليها. فلذلك الصح عندهم أن الوقاية خير من العلاج، مش كل الناس زي سيدنا حذيفة أنه يعلم الشر فيتقيه، أغلب الناس ما تعرفش الشر، علمت الشر لا للشر لكن لأتقيه، ومن لا يعرف الشر يقع فيه. مش كل الناس كده، أغلب الناس الصح بالنسبة لهم أنه ما يقربش وخلاص، أنه ما يسمعش، لأن هو عارف أنه وحش.

لذلك النبي ﷺ يقول إيه؟ من سمع بالدجال، هو عارف أن اسمه دجال، فلينأ عنه، فوالله إن الرجل ليأتيه ويحسب أنه مؤمن فيتبعه لما يبعث به من الشبهات. والله أحد أقربائي يحكي لي، بيقول يعني فلان قريبنا كان يقول لهم: هاتوا كده البرنامج ده ما نتفرج نتريق عليه، نسمع بس كده نضحك نتريق عليه، هو بيقول لي أنا عارف أنه مخرف، بيقول شوية دلوقتي بقى بيقول كلامه ومصدقه، أسر فيه. فالإنسان الأولى أنه يبتعد عن زخرف القول. إن أول خطوة أنه هيغتر غروراً. الإنسان لما يشوف المشهد ده، يعني مشهد الساحر والغلام رايح له، والساحر بيقول للملك أني قد كبرت فابعث إلي غلاماً أعلمه السحر، أنت نفسك تموت الساحر، نفسك تكسر الحاجات، فربنا بيقول لك اطمئن: ﴿وَلَوْ شَاءَ رَبُّكَ مَا فَعَلُوهُ﴾ [الأنعام: 112]. ده ابتلاء، ده زي ما إبليس كده موجود، دول هيفضلوا موجودين بتوع زخرف القول دول هيفضلوا موجودين إلى يوم القيامة ﴿وَلَوْ شَاءَ رَبُّكَ مَا فَعَلُوهُ فَذَرْهُمْ وَمَا يَفْتَرُونَ﴾ [الأنعام: 112].

طب ده هيأثر في الناس؟ ربنا يقول لك أنا أعلم، بس مش هيأثر غير في مين اللي ما بيفكرش في الآخرة: ﴿وَلِتَصْغَىٰ إِلَيْهِ أَفْئِدَةُ الَّذِينَ لَا يُؤْمِنُونَ بِالْآخِرَةِ﴾ [الأنعام: 113]. كلما ضعف وازع الدار الآخرة عند الإنسان، كلما سهل أنه يغتر ويتضحك عليه، كل ما وازع الدار الآخرة يقل كل ما يتضحك عليه بسهولة، كل ما وازع الدار الآخرة يزيد كل ما يبقى حذر، هيحط رجله فين؟ الإنسان المتقي يتقي رجله تتحط فين، خايف يضل، خايف أن الشيطان يزل ببعض ما كسب. خايف؛ ﴿وَلِتَصْغَىٰ﴾ الأول سمع الكلام، اتغر فيه، بعد كده قال لك إيه ده؟ أما أقعد أسمع بقى. تصغى يعني السماع مع ميل عاطفي. أصل كلمة الصغو في اللغة أصلها الميل، أصغى حديث أبو قتادة الأنصاري، أصغى الهر، أصغى إليها الإناء يعني أمال إليها الإناء، فقالوا الصغو هو الميل. لكن إيه الفرق بين الصغو والميل؟ قالوا معها عاطفة، بدأ يحب، قال لك آه الطريق ده جميل، الطريق ده فيه زخرف فيه شهوات، الطريق ده أنت ممكن ضميرك يبقى مستريح، تعمل المعاصي كلها وأنت ضميرك مستريح، بدل الطريق الثاني المتشدد الصعب ده، آه أنا عايز، فيبدأ زخرف القول يبدأ يغره.

الغرور أنك تظن في شيء فوق قيمته، أنك يضحك عليك إزاي؟ قالوا من معاني الغرور، يقول لك الزبي مثلاً، الزبي يغتر أن يجي قمر مثلاً الليل فيبقى ليلة مضيئة، فالزبي بيستخبى بالليل عشان ما يتأكلش لأنه ما بيشوفش الحيوانات المفترسة كويس، فما بيطلعش غير بالنهار، فيجي أحياناً ليلة مقمرة فيظن أن ده النهار فيخرج فيتأكل، يقول لك اتغر. يظن في الشيء فوق قيمته، أنه اتغر اتضحك عليه، طبعاً معاني الغرور معاني كثيرة في اللغة، الشاهد أن هو يتضحك عليه، يظن في الشيء ذا قيمة وهو ليس كذلك، فيعجبه فيقعد له، دي الخطورة بقى.

شوف بدأت سحب، يبقى رقم واحد رقم اثنين الميل العاطفي، فقعد يسمع وهو مبسوط بعد ما كان يقلب بيتفرج ويضحك بدأ يقعد مركز إصغاء قاعد بيسمع بياخذ كل كلمة يركز فيها، مع ميل عاطفي عاجبه الكلام ﴿وَلِتَصْغَىٰ﴾. خد بالك إيه اللي بيصغى؟ مش الأذن، الفؤاد. ده هو بيتغير من جوه ومش حاسس، دي مصيبة. لازم تعرف أن اللي بيدخل للبصر وللسمع بيأثر على القلب ﴿فَلْيُغَيِّرْهُ﴾، ليه؟ تعرض الفتن على القلوب، اللي أنت بتشوفه ده بيتعرض على قلب عوداً عوداً، فأيما قلب أنكرها نكتت في قلبي نكتة بيضاء، وأي قلب أشربها نكتت في قلبي نكتة سوداء. يعني اللي أنت بتسمعه ده يحدث تغييراً في القلب. يبقى إذاً الميل اللي عمال يحصل ده، أنت عمال كان الأول قول بقى فؤاد، كان الأول تأثير سمعي، بقى تأثير قلبي، عقيدته من جوه بتتغير ﴿وَلِتَصْغَىٰ﴾. لذلك العلماء كانوا بيتشددوا في منع الجلوس إلى المبتدعة، ولا حتى مناظرتهم أمام الناس؛ الخوف من الميل القلبي ده أنه يحصل أنه يغتر فيميل.

﴿وَلِتَصْغَىٰ﴾، أنا كنت متوقع أن دائماً الإصغاء مع الأذن، لأ هنا مع، وبعدين مش مع زي بتاعة الأمعاء بتاعة التحريم هي جت مرتين الصفوة في القرآن، فقد صغت قلوبكما، لأ ده هنا جت الآية كمان: ﴿وَلِتَصْغَىٰ إِلَيْهِ أَفْئِدَةُ الَّذِينَ لَا يُؤْمِنُونَ بِالْآخِرَةِ﴾. إيه الفرق بين الفؤاد والقلب؟ الفؤاد يقول لك الفؤاد هو اللحم المشوي، وقالوا أن المعنى ده فيه حرارة واحتراق والتقلب كتير، من علماء اللغة قال الفؤاد دائماً في حاجة، لذلك ربنا قال إيه؟ فؤادك، الفؤاد يحتاج إلى تثبيت في مشاعر متقدة كده لو ما اتثبتش يضيع ﴿وَأَصْبَحَ فُؤَادُ أُمِّ مُوسَىٰ فَارِغًا﴾، فؤاد يجي مع المشاعر المولعة المتقدة اللي اللي ممكن يضيع لو ما اتثبتش، لولا أن ربطنا على قلبها، فالربط هنا جه على فؤاد أم موسى والتثبيت، فالفؤاد ده بدل ما يخليه يصغي للقرآن عشان يثبت، لأنه الكفار قالوا سورة الفرقان ﴿لَوْلَا نُزِّلَ عَلَيْهِ الْقُرْآنُ جُمْلَةً وَاحِدَةً كَذَٰلِكَ لِنُثَبِّتَ بِهِ فُؤَادَكَ﴾، يبقى الفؤاد محتاج إلى القرآن، الفؤاد لو بعد عن القرآن يضل، هنا خلوا الفؤاد يصغي إلى زخرف القول فضل الفؤاد خلاص ﴿وَلِتَصْغَىٰ إِلَيْهِ أَفْئِدَةُ الَّذِينَ لَا يُؤْمِنُونَ بِالْآخِرَةِ﴾، ده اللي ما خلهومش يختاروا الاختيار الصح.

اغتر بدأ يميل قلبه بدأ يتغير، بدأ يرضى الكلام ده، بدأ ﴿وَلِيَرْضَوْهُ﴾، بعد ما كان يقول لك أنا رايح أتفرج بقى راضي، آخر مرحلة بقى بيعمل زيهم بالضبط، بقى جندي من جنود إبليس، بقى جندي من جنود الدجال، بقى مشارك في جيش الدجال. أكثر أتباع الدجال من اليهود والنساء، الناس اللي بتحب النساء اللي بتحب الزخرفة واليهود اللي الفكر مادي. يبقى أربع مراحل: يغتر فيروح يسمع فيصغي فقلبه يتغير فيرضى فيطبق ﴿وَلِيَقْتَرِفُوا مَا هُم مُّقْتَرِفُونَ﴾، أي المصغون ما اقترف السادة الشياطين. يعني وليقترفوا، الواو الفاعل دي الأولانية يقترفوا دول اللي هم مين؟ الذين لا يؤمنون بالآخرة، اللي كانوا بيسمعون، ما هم مقترفون اللي هم شياطين الإنس والجن، بقى زيه بالضبط، بقى بيقول كلامه، ده بيطبق الفعل ده، بقى يطلع يقول اعملوا كذا ينزل يعمل كذا، بعد كده يقول لهم روحوا كذا يروحوا يعملوا كذا، الدجال يقول لهم انزلوا فينزلوا، الدجال يقول لهم اعملوا فيعملوا.

أصبح جندي، هذا التحول ربنا بيقول لك إزاي إنسان يزين له هذا الفساد؟ إزاي، سبحان الله، جاب لك الموضوع بييجي إزاي، الموضوع ما بييجيش من يوم وليلة، إنسان بيتاخد أنه يتعرض إلى زخرف القول فيغتر به فيصغي إليه فيرضاه فيقترف نفس الفعل، ده أمر خطير. بعد كده: ﴿أَفَغَيْرَ اللَّهِ أَبْتَغِي حَكَمًا﴾. خلصنا، جزاكم الله خيراً.