تفسير سورة الأنعام (8) | الآيات (53-58) | د. أحمد عبد المنعم

بسم الله والصلاة والسلام على رسول الله صلى الله عليه وسلم. نكمل بإذن الله عز وجل في تفسير سورة الأنعام. توقفنا عند قول الله عز وجل: ﴿وَإِذَا جَاءَكَ الَّذِينَ يُؤْمِنُونَ بِآيَاتِنَا فَقُلْ سَلَامٌ عَلَيْكُمْ ۖ كَتَبَ رَبُّكُمْ عَلَى نَفْسِهِ الرَّحْمَةَ أَنَّهُ مَنْ عَمِلَ مِنْكُمْ سُوءًا بِجَهَالَةٍ ثُمَّ تَابَ مِنْ بَعْدِهِ وَأَصْلَحَ فَأَنَّهُ غَفُورٌ رَحِيمٌ وَكَذَلِكَ نُفَصِّلُ الْآيَاتِ وَلِتَسْتَبِينَ سَبِيلُ الْمُجْرِمِينَ﴾ [الأنعام: 54-55].

تكلمنا في المرة الماضية عن سورة الأنعام آية أربعة وخمسين صفحة مئة أربعة وثلاثين. قول الله عز وجل: ﴿وَكَذَلِكَ نُفَصِّلُ الْآيَاتِ وَلِتَسْتَبِينَ سَبِيلُ الْمُجْرِمِينَ﴾. تكلمنا في المرة الماضية إزاي إن المشركين لهم طرق للصد عن هذا الدين؛ أغلبها بيدخل للداعية لما يحب يحاول إنه يخدع الداعية. لكن الله عز وجل يحفظ النبي صلى الله عليه وسلم ويحفظ الدعاة المخلصين إلى الله عز وجل. ولكن لما يحب إنه يخدع الداعية، إحنا قلنا دايمًا إنه بيحاول يدخل من مدخل بيحبه الداعية، القريب إلى نفس الداعية، وهو إيه؟ هداية الناس. مدخل الهداية.

ما بيجيش يقول للداعية مثلاً اعمل كذا وأنا هاديك فلوس. وده قلنا ده فتنة الدعاة إلى الله عز وجل عن طريق المال والنساء، ودي موجودة، ولكن مش ده اللي أنا بتكلم فيه دلوقتي من الدعاة الصادقين المخلصين. لكن هو لما بيجي يدخل لهم بيبدأ الأول معه يقول له ده أفضل لهداية الناس، ده أحسن لهداية الناس. لذلك لما قال له اطرد الفقراء، قال له أطردهم عشان... بلاش تطردهم وأنا هاديك فلوس؟ قال له أطردهم إيه؟ واحنا عشان إحنا نهتدي، أطردهم عشان إحنا نحضر مجلساً. بيدخل من أمنية الداعية الأساسية وهي هداية الناس.

حتى لما بيطلب من الداعية إنه يغير في الأسس والأصول بتاعة الدين، بيطلب منه برضه إنه يغير في الأصول عشان الهداية؛ الناس تؤمن، الناس مش هؤمن بك وأنت متشدد كده. طب اعمل إيه؟ تنازل عن جزء من هذه الأصول، فيتزنازل عن جزء من هذه الأصول. وأن ده خطر عظيم، ودي أخطر أمنية عند الداعية بيستغلها الشيطان وبيلقي فيها؛ وما أرسلْنَا مِنْ قَبْلِكَ مِنْ رَسُولٍ وَلَا نَبِيٍّ إِلَّا إِذَا تَمَنَّى أَلْقَى الشَّيْطَانُ فِي أُمْنِيَّتِهِ. أخطر أمنية يلقي فيها الشيطان حرص الداعية على هداية الناس.

قلنا الطلب المرة اللي فاتت: ﴿وَلَا تَطْرُدِ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ﴾، اطرد الفقراء واحنا نقعد معك. وتكلمنا على أخطر حاجة بتحدث برضه مع الدعاة: فرض معايير جديدة عليه لتقييم الناس. فرض معايير دنيوية لتقييم الناس. الدين لما جه عمل ثورة في التقييم أن كله مبني على التقوى، فخلى الرومي جنب الفارسي جنب العبد جنب الغني جنب الفقير جنب القرشي، كلهم في مجلس واحد سواسية في صف واحد. ده كان هيجنن العرب، إزاي ده عندهم القبلية دي شيء عظيم جداً.

لذلك حتى بعد الإسلام وبعد انتشار الإسلام، شوف أسامة بن زيد ده صغير، الحب ابن الحب، أسامة بن زيد بن حارثة بنحب النبي صلى الله عليه وسلم. وتيجي امرأة مخزومية تسرق، فإزاي امرأة مخزومية تقام عليها الحد؟ فيروحوا يكلموا سيدنا أسامة، أقنعوا سيدنا أسامة. فسيدنا أسامة يحاول يروح يكلم النبي صلى الله عليه وسلم في المرأة، فيغضب النبي صلى الله عليه وسلم وقال: «إنما أهلك من كان قبلكم أنهم إذا سرق فيهم الشريف تركوه، وإذا سرق فيهم الضعيف أقاموا عليه الحد».

خد بالك النبي صلى الله عليه وسلم قال هنا إنما إيه؟ أهلك الناس دي ما سابتش الدين بالكلية، الناس دي كانت بتطبق الحدود، ولكن مطبق الحد على الفقراء فقط، وبتترك الشريف. الدخول وتغلغل الفكرة دي في الأوساط الإسلامية خطر. لذلك هم حبوا يقولوا له إزاي مجلس الأغنياء يبقى هو هو مجلس الفقراء؟ حبوا يحطوا معايير جديدة ويغيروا بها الوضع الجديد الإسلامي لجيل جديد اللي يساوي بين كل هؤلاء.

لذلك الحديث العجيب أن الواحد لما بيقرأه بيتعجب؛ حديث أبو بكر الصديق لما كان صهيب وبلال وسلمان قاعدين، أو أذكر عمار مش فاكر صهيب وبلال وعمار أو سلمان، ومَر أبو سفيان، فقالت الصحابة قالوا إيه؟ قالوا: والله ما أخذت سيوف الله مأخذها. يعني إزاي أبو سفيان عايش؟ ده كان المفروض يموت. فغضب أبو بكر وقال: أتقولون هذا لسيد قريش لأبو سفيان؟ وراح للنبي صلى الله عليه وسلم.

فالنبي صلى الله عليه وسلم قال: «ارجع إليهم؛ فلئن أغضبتهم لقد أغضبت ربك». تخيل النبي صلى الله عليه وسلم بيقول لسيدنا أبو بكر: ارجع صالح هؤلاء، اللي كانوا هؤلاء الأعبد، ارجع صالح هؤلاء عشان لو أنت زعلتهم، لو أنت غلطتهم، تبقى أغضبت ربنا. ويرجع أبو بكر يقول لهم: أعف عني يا إخواني، فقالوا: يغفر الله لك يا أخي. الشاهد أن شوف التقييم الشرعي: ﴿إِنَّ أَكْرَمَكُمْ عِنْدَ اللَّهِ أَتْقَاكُمْ﴾. في ناس ما بتحملش ده، إزاي؟ يعني الناس إزاي تبقى سواسية؟ أصحاب المناصب وما يتحملش ده، عايز يغير في المعايير.

ولو جه واحد خارج الدين ووضع هذه المعايير مش هتقبل منه، إنما هو عايز الداعية هو اللي يقصر هذه المعايير، عايز النبي صلى الله عليه وسلم هو اللي يعمل كده. يعني لو جه واحد أسلم جديد وقال: أنا رأيي إن الفقير ما يقعدش جنب الغني، رأيه مش هيعتد به، لكن لما يحاول يطرح الفكرة دي على النبي صلى الله عليه وسلم أو على الداعية إنه يأصلها، ده الخطر. رفض النبي صلى الله عليه وسلم ونزل النهي من السماء: ﴿وَلَا تَطْرُدِ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ ۖ مَا عَلَيْكَ مِنْ حِسَابِهِمْ مِنْ شَيْءٍ وَمَا مِنْ حِسَابِكَ عَلَيْهِمْ مِنْ شَيْءٍ فَتَطْرُدَهُمْ فَتَكُونَ مِنَ الظَّالِمِينَ﴾ [الأنعام: 52].

قلنا دي فتنة للأغنياء إن سبقوهم الفقراء. وبعد كده ربنا بيقول: ﴿وَإِذَا جَاءَكَ الَّذِينَ يُؤْمِنُونَ بِآيَاتِنَا﴾، انشغل بها هؤلاء ولا تنشغل بالمعارضين، فقل سلام عليكم. تكلمنا عن مسألة السلام. كتب ربكم على نفسه الرحمة أنه من عمل منكم سوءاً بجهالة. آخر حاجة توقفنا عندها بمعرفة كلمة يعني إيه بجهالة؟ المشهور عند بعض الناس أن الذنب اللي يغفر من ظاهر الآية كده الذنب اللي أنت ما تعرفش إنه حرام، لكن لأ مش ده المعنى، الآية مش ده معنى آية. قيل الجهالة لها أكتر من معنى؛ قيل الجهالة هنا عكس الحلم اللي هو معناها فيها سفه وطيش.

يعني واحد ارتكب حاجة نتيجة سفه وطيش، هو مش مدرك عواقب الأمور، يعني عكس الحلم. الحلم ده اللي هو الإنسان عنده أمان ومطمئن، السفه أن الشهوة كانت عارمة خلته يسقط، هو عارف إن ده حرام، لكن الشهوة هي اللي أخدته، يبقى المقصود الجهالة عكس أن واحد عنده حلم وعنده عقل وعنده رزانة. لأ، ممكن الشهوة تطيش بالإنسان وتخليه يرتكب أشياء حرام، هو يعلم أن هي حرام.

وقيل جهالة: مهما عرف الإنسان أن ده حرام مش هيدرك خطورة العقوبة. يعني مهما عرف الإنسان يعني إيه حرام ويعني إيه نار، مش هيدرك علم يقيني قد ايه النار صعبة. يعني أحياناً أنت عارف إن الذنب ده حرام، لكن مهما بلغ الإنسان من معرفة أن ده حرام، مش هيقدر يدرك أن قد إيه ده له عقوبة في الآخرة، وقد إيه له عقوبة من الحرمان من الإيمان في الدنيا، والحرمان مثلاً من قيام الليل في الدنيا، وحرمان الرزق وغضب ربنا سبحانه وتعالى من البركة. هو مهما حاول يتصور مش هيدرك قد إيه الذنب خطر، فبيبقى جاهل، وبيبان قد إيه الذنب خطر لما الإنسان يتوب منه؛ يفاجأ بتغيرات رهيبة حصلت في حياته، فيدرك قد إيه الذنب ده كان حاجز عن خير كتير في حياته.

وضحت كده؟ يبقى الإنسان لا يدرك مدى خطورة الذنب في حياته إلا بعد أن يتوب ويفاجأ النعيم والخير والبركة اللي بتنزل عليه بعد التوبة. كل ده كان إيه؟ كان حرمان. لما قال لهم: ﴿اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا * وَيُمْدِدْكُمْ بِأَمْوَالٍ وَبَنِينَ﴾ [نوح: 10-12]، إيه اللي يحصل؟ يرسل -يبقى الذنوب كانت مانعة نزول المطر- يرسل السماء عليكم مدراراً ويمددكم بأموال وبنين -يبقى الذنوب أدت إلى عقم النساء وأدت إلى منع الأموال- يبقى الإنسان ما يتخيلش مهما عرف، فده جهل الإنسان بعاقبة الذنوب. وقيل غير ذلك.

الشاهد أن مش المقصود أن الإنسان الذنب اللي يغفر وهو اللي أنت ما تبقاش عارف إنه حرام، لأ، ذنب حتى لو عارف إنه حرام وسقطت فيه غصب عنك، شهوة، ضعف بشري، وتبت، الله عز وجل يتوب على الإنسان. لذلك قالوا: كل مذنب يذنب في هذه اللحظة وهو جاهل، يستحق اسم جاهل في هذه اللحظة. ولذلك قالوا عكسها: العالم الحقيقي هو الذي يعمل بما يعلم، فالجهل مش بس أنك ما تبقاش عارف، الجهل أنك ممكن تبقى عارف وترتكب أخطاء، ده يعتبر من الجهل: ﴿أَنَّهُ مَنْ عَمِلَ مِنْكُمْ سُوءًا بِجَهَالَةٍ ثُمَّ تَابَ مِنْ بَعْدِهِ وَأَصْلَحَ﴾.

ليه شرط هنا الإصلاح؟ ودي نقطة خطيرة ومهمة. أحياناً الإنسان يعمل ذنب شهوة عادية ويتوب، هنا ما فيش مشكلة، التوبة بتاعته مقبولة. لكن فيه واحد نشر أقوال فاسدة في مجتمع معين، من تمام توبته إنه يطلع ويعترف أن الوضع اللي عمله كان غلط، يعني ما يجيش مثلاً واحد قسيس مثلاً قعد يجيب شبهات ضد الإسلام كتير جداً وجه أسلم، يقوم يختفي بقى ويقعد في مسجد لوحده؟ لأ، أنت توبتك هنا مهم جداً أنك تعلنها وتطلع تقول أنا كنت مخطئ، ده مهم جداً أنك تعمل كده عشان تصلح ما أفسدت.

لذلك إصلاح الإفساد اللي ترتب على ذنوبك ده من مسئولياتك، من مسئولية الإنسان المذنب. يعني لو واحد أذنب وأفسد وتاب، وكان يقدر بعد التوبة على إصلاح ما أفسده، وجب عليه إصلاح، تاني. واحد عمل ذنوب، الذنوب دي أدت إلى فساد معين خلاص، سواء كانت متعلقة بحقوق الغير أو بحقوق الله عز وجل أدت فساد معين في المجتمع وتاب، لذلك نقول له: أنت وجب عليك إصلاح ما أفسدت، وجب عليك إصلاح ما أفسدت. لذلك ربنا بيقول: ﴿ثُمَّ تَابَ مِنْ بَعْدِهِ وَأَصْلَحَ﴾.

كتير بيكتفي إنه يقف عند التوبة، لا حاول تكمل حالة الإصلاح بقى وأصلح، ﴿فَأَنَّهُ غَفُورٌ رَحِيمٌ﴾. ربنا سبحانه وتعالى بعد كده بيقول: صح إنه يصلح، ما إحنا بنقول يصلح ما أفسده؛ أصلح نفسه يطهرها، أفسد في بيته، دخل حاجات حرام في بيته، يخرجها من بيته. يعني واحد أه دخل قنوات سيئة في البيت ودخل حاجات في البيت وفي زوجة وفي أولاد، يبقى من الإصلاح إنه يشيل الحاجات دي، سواء بقى في نفسه، في أولاده، في بيته، في مجتمعه، في أصدقائه، في كل شيء، يصلح ما تسبب في إفساده.

وكذلك نُفصِّل الآيات ولتستبين سبيل المجرمين. الآية دي مهمة جداً، عايزين نققف معها وقفة. كذلك نفصل الآيات؛ الله عز وجل بيقول للنبي صلى الله عليه وسلم بعد التوضيح اللي من أول السورة: ده فيه ناس هتقابلك معرضة، هيفضلوا يقولوا، هيفضلوا يزنوا، عايزين آية، عايزين آية، عايزين آية حسية، مش هيكتفوا بالقرآن، وهيمثلوا أنهم بيسمعوا القرآن وبعدين هيعترضوا، يقول لك لأ ده طلع القرآن ده مش هدى ولا حاجة، هيمثلوا أنهم عايزين يؤمنوا وهيقول لك اطرد الفقراء.

الشاهد ربنا بيقول إيه؟ وكذلك نفصل الآيات ولتستبين سبيل المجرمين. خد بالك من كلمة سبيل المجرمين مرفوعة مش منصوبة، ولتستبين سبيله في قراءة حفص بتاعتنا، ولتستبين سبيل المجرمين. أيوه، لتظهر واضحة جليّة سبيل المجرمين للناس عامة. إيه معنى الكلام ده؟ يا جماعة عايزين نقف كذا وقفة. الوقفة الأولى: متى يتضح للناس سبيل المجرمين؟ إمتى يحصل أن الناس كلها تعرف أن فلان الفلاني مجرم؟ إمتى ربنا قال إمتى ده يحصل؟ بعد تفصيل الآيات القرآنية؛ وكذلك نفصل الآيات ولتستبين سبيل المجرمين.

يعني مش هيحصل للمجتمع إنه يفهم مين التقي من المجرم إلا لما احنا نفصل للناس آيات القرآن. يعني إيه نفصل للناس آيات القرآن؟ في طرح مجمل للقرآن؛ يعني في أن احنا نعلم الناس مجملات القرآن، آه، الخير والعدل والإنصاف والتقوى دي معاني عامة في القرآن، لكن لما تجي نمسك القرآن آية آية ومعنى معنى، ومعنى معنى، ومعنه معنى، ونفصله ونرسخه ونوضحه عند الناس، ساعتها الناس يفهموا القرآن حكم على اللي بيعمل كذا وكذا وكذا أنه منافق، القرآن حكم أن اللي هيقول كذا وكذا وكذا فاسق، القرآن حكم على اللي هيعمل كذا وكذا وكذا فهو كافر، ده حكم القرآن.

ذلك أحد معاني قول الله عز وجل: ﴿هَذَا كِتَابُنَا يَنْطِقُ عَلَيْكُمْ بِالْحَقِّ﴾ [الجاثية: 29]. قيل من معانيها أي فالقرآن يحكم عليكم بالحكم الذي تستحقونه. هذا كتابنا ينطق عليكم بالحق، قيل من المعاني أن القرآن بيحكم على كل إنسان، أن القرآن يوم القيامة يقول: فلان الفلاني بالآيات اللي موجودة في القرآن اسمه فاسق، لذلك ربنا بيقول إيه: ﴿بِئْسَ الِاسْمُ الْفُسُوقُ بَعْدَ الْإِيمَانِ﴾ [الحجرات: 11]. يعني القرآن بيقول لك فيه مواقف معينة لو عملتها اسمك هيتغير من المؤمن إلى الفاسق في الغيبة وغير ذلك من في سورة الحجرات.

يبقى القرآن جه فصل أشياء معينة تفصيلاً توضيحاً بيناً مميزاً مغيراً واضحاً. القرآن عمل كده، لما يحدث التفصيل والمعاملة مع الآيات القرآنية بالتفصيل مش بالمجملات، يعني مش

وكذلك نفصل الآيات. ماذا يحدث بعد تفصيل الآيات؟ وَلِتَسْتَبِينَ سَبِيلُ الْمُجْرِمِينَ. سبيله مرفوعة. يعني ايه سبيله يعني سبيله هي الفاعل؟ يعني ايه برضه وسبيله هي الفاعل؟ يعني طريق المجرمين هتستبين. يعني ايه طريق المجرمين برضه هتستبين؟ الألف والسين والتاء للطلب. يعني طريق المجرمين هتطلب الظهور للناس. يعني كأن بعد ما نشرح القرآن للناس شرح تفصيلي طريقة المجرمين هتبقى كأنها واقفة على جبل وكل الناس هتقول ده فلان مجرم. لأن القرآن قال لنا اللي يرفض التحاكم على شرع الله ربنا قال: ﴿رَأَيْتَ الْمُنَافِقِينَ يَصُدُّونَ عَنْكَ صُدُودًا﴾ [النساء: 61]. ربنا قال: ﴿وَمَنْ لَمْ يَحْكُمْ بِمَا أَنْزَلَ اللَّهُ فَأُولَئِكَ هُمُ الْكَافِرُونَ﴾، ﴿هُمُ الظَّالِمُونَ﴾، ﴿هُمُ الْفَاسِقُونَ﴾ [المائدة: 44، 45، 47].

المسميات دي ربنا اللي سماها مش أنا. فأنار دوري أن أنا أفصل وأعيد وأوضح وأبين. يعني مثلاً عندنا في الآية: الذي يطلب طرد الفقراء الضعفاء الأتقياء من الدعوة ده مجرم ليه؟ لأن ربنا قال لنا قال كده: اللي هيطالب بطرد الفقراء الضعفاء الأتقياء ويطالب بطردهم من الدعوة دي إحدى سبل المجرمين. اللي هيجي يستمع القرآن لا لأجل الهداية ولكن لأجل الجدال لطرح الشبهات ده من سبيل المجرمين. اللي هيصر على طلب آية حسية بالرغم من وجود القرآن ده من سبيل المجرمين. كل ده عندنا واضح من سورة الأنعام وغيره في القرآن كله.

معي يا جماعة؟ يبقى لن تظهر سبيل المجرمين واضحة للناس إلا بعد تفصيل الآيات القرآنية. بمعنى سيظل هناك خلط عند الناس بين الأتقياء وبين المجرمين، سيظل هناك خلط عند الناس بين الأنبياء وبين الشعراء، سيظل هناك خلط عند الناس بين الأتقياء وبين الأدعياء ما لم نفصل الآيات القرآنية للناس. هيظل عندهم خلط مش فاهمين مش عارفين يفرقوا مين الصح من الغلط، مش عارفين يفرقوا. يقول لك فلان بيقول لنا كذا وفلان بيقول لنا كذا، إحنا مش عارفين نفرق. ده نتيجة نقص تفصيل الآيات القرآنية للناس. عدم الجهر الكامل الواضح الباين المبين لتفصيل الآيات القرآنية.

وكذلك نفصل الآيات ولتستبين إيه؟ سبيل المجرمين. يعني ربنا بيقول لما يحصل خلط عند الناس والناس ما تبقاش عارفة مين الصح من الغلط، دورنا في اللحظة دي نحن نفصل الآيات القرآنية، ساعتها سبيل المجرمين هتظهر لوحدها أمام الناس بدون تكلف ولا عناء ولا تعب مننا ولا أي حاجة. بدل بقى ما نقعد نعمل فيديوهات إن فلان وحش وفلان كذا ونقعد نحلف للناس والله العظيم فلان كذاب، والله العظيم فلان... إحنا نوضح.

تخيل كده لما تيجي تقول مثلاً إيه؟ عايز تتكلم على الإعلام ونشر الإعلام، هو بينشر معلومات للناس لأنه يعلم الناس، فإحنا نقول اللي بينشر القرآن والسنة ده تقي، اللي بينشر الفحش والفحشاء والألفاظ البذيئة ده فاجر، اللي بينشر أي حاجة خلاف السنة كذا. أنت واضع أصول وعندك آيات وأحاديث لهذه الأصول، هو ساعتها يحكم على هذا الإعلام هو هيستطيع، مش لازم إحنا نسمي يعني القرآن ما كانش بيسمي الأسامي اللي ذكرت في القرآن أبو لهب وزيد بن حارثة وكل واحد كان لغرض معين. الصحابي زيد بن حارثة وأبو لهب اللي مات على الكفر عم النبي صلى الله عليه وسلم، كل واحد كان له أياً كان، يعني العلماء بيقولوا كان له حكمة معينة.

لكن الأصل في القرآن إنه إيه؟ ما بيسميش، بيذكر صفات معينة. تجد سورة التوبة وغيرها من السور اللي اهتمت بفضح المنافقين؛ سورة الأحزاب وسورة النساء وسورة محمد، سور كتير اهتمت بالمنافقين بتجيب صفات ومنهم ومنهم ومنهم ومنهم. لدرجة ربنا مثلاً يقول لنا على المنافقين: لما تيجي تطبق الشرع هيقول كذا، وللما تيجي تطلع غزوة هيقول كذا، وأنت راجع من الغزوة هيقول لك كذا، ولو كسبت يقول لك كذا، ولو خسرت يقول لك كذا. تخيل شف التفصيل القرآني!

ده أحياناً واحد يعني يسمع كلام لشخص فيفتح المصحف ويقول: الله! ده هو! بالظبط نفس الكلام، لكن هو طبعا ما بيعرفش يتكلم ببلاغة القرآن بس بيقولها تحس إنه بالظبط بيقول نفس الكلام أنا متوقعه. لذلك ده ربنا قال لنا مش بس هيقول، ده ربنا قال لنا في مواقف هيقولوا فيها كده: ﴿سَيَقُولُ السُّفَهَاءُ مِنَ النَّاسِ مَا وَلَّاهُمْ عَنْ قِبْلَتِهِمُ﴾ [البقرة: 142]. لما تبقى في حاجة معينة في فترة من الفترات زي فترة ضعاف مثلاً، يعني لو الأمة قررت إن هي فترة استضعاف العلماء، فإحنا دلوقتي مش هننطلق في الجهاد ولا نقيم الدولة لأننا في فترة استضعاف، وجينا في فترة حسينا بالتمكين وربنا أدى لنا قرارنا أننا ننقل زي المدينة كده التمكين، فبدأنا نطبق الأحكام المعينة، فيقول لك: إيه ده أنتم غيرتوا منهجكم ولا إيه؟ النقلة دي أنا عارف إن هو هيقول كده، أنا عارف في اللحظة دي أن هيظهر سفهاء هيقولوا علي كذا. التفصيل القرآني يبين، يعرفك الناس، يعرفك إن ده تقي وده مجرم. يبقى إذاً لن تظهر سبيل المجرمين واضحة جلية إلا بعد تفصيل الآيات القرآنية للناس، معي؟

طيب. النقطة التانية أن ربنا بيعرفنا إن في حاجة اسمها سبيل المجرمين. يعني ايه سبيل المجرمين؟ يعني المجرمين لهم طريقة للصد عن الدين، الطريقة دي ثابتة على مدار سنوات وعقود من الأزمنة، الطريقة دي بتتكرر. لذلك ربنا قال في سورة الذاريات: ﴿كَذَلِكَ مَا أَتَى الَّذِينَ مِنْ قَبْلِهِمْ مِنْ رَسُولٍ إِلَّا قَالُوا سَاحِرٌ أَوْ مَجْنُونٌ * أَتَوَاصَوْا بِهِ بَلْ هُمْ قَوْمٌ طَاغُونَ﴾ [الذاريات: 52-53]. هم بيوصوا بعض وبيعملوا كده. في طريق، وكلمة سبيل يا جماعة أصلاً في اللغة يقول لك هو الطريق الذي سبلته السابلة. يعني إيه السابلة؟ القافلة اللي ماشية، فكأنها... كتر ما الناس مشيت في الطريق الطريق بقى شبه متسفلت. يبقى لما فيه طريق عليه رجلين يبقى اسمه سبيل، يعني في ناس كتير مشيت قبله، فالمجرمين كتير مشيوا في الطريق ده قبلهم كتير.

فطريقة طرد الفقراء الأتقياء من جوار الأنبياء الطريقة دي قالها قوم نوح أول نبي أهوه على الأرض، وإلى قوم النبي صلى الله عليه وسلم المشركين. تخيل! يعني شف من أول لا يسألوها لآخر ناس قالوها وهتفضل تتقال. ففي سبيل اسمها سبيل المجرمين. سبيل المجرمين دي لأن في قراءة تانية: ولتستبين سبيلاً. أيوه لتستبين أنت يا محمد صلى الله عليه وسلم عشان أنت تبقى عارف سبيل وبالتالي تعرفها للناس. إنما قراتنا بتتحفظ: وَلِتَسْتَبِينَ سَبِيلُ الْمُجْرِمِينَ. يعني يجب علينا فهم طريقة المجرمين في حرب الدين وتوضيحها للناس: عرفت الشر لا للشر ولكن لأتقيه، ومن لا يتقي الشر يقع فيه. سيدنا حذيفة بيقول: كان الناس يسألون رسول الله صلى الله عليه وسلم عن الخير وكنت أسأله عن الشر مخافة أن يدركني. وكان عمر بن الخطاب يقول: تنقض عُرَى الإسلام عروة عروة من أجيال نشأت في الإسلام لا تعلم الجاهلية؛ مش عارفين الشر، مش عارفين خطورة الشر، لذلك ربنا بيقول: ﴿فَمَنْ يَكْفُرْ بِالطَّاغُوتِ وَيُؤْمِنْ بِاللَّهِ فَقَدِ اسْتَمْسَكَ﴾ [البقرة: 256]. لازم يعرف أن في حاجة اسمها طاغوت، لازم يعرف أن في حاجة اسمها شر، لازم يعرف أن في حاجة اسمها مجرمين عشان نحاربهم.

المجرم أصلاً الجرم هو القطع. المجرم ده اللي هيقطع طريقك للوصول إلى الله، المجرم ده هو اللي هيقطع وصول الفقراء والمؤمنين عشان يوصلوا لربنا، ده اللي هيقطع طريقهم، ده اللي هيقف في طريقهم: ﴿وَلَا تَقْعُدُوا بِكُلِّ صِرَاطٍ تُوعِدُونَ وَتَصُدُّونَ عَنْ سَبِيلِ اللَّهِ﴾ [الأعراف: 86]. إذن دول يبقى اسمهم إيه؟ مجرمين. اللي يقعدوا قاعدين للناس في طريق ربنا، اللي يصلي يخوفوه، واللي يؤمن يخوفوه. دول مجرمين، دول لازم الناس تبقى عارفة طريقتهم، لازم إحنا نوضح للناس أن في ناس اسمها مجرمة ولها طريقة لمحاربة الدين، لازم دي تبقى واضحة. لازم يحدث تمايز بين سبيل المؤمنين وسبيل المجرمين.

قلنا ده يحصل إزاي؟ بتفصيل الآيات القرآنية. مين اللي هيقوم بتفصيل الآيات القرآنية؟ العلماء. يبقى نقص العلماء ودور العلماء في التوضيح للناس سبيل المؤمنين من سبيل المجرمين خطر. وده أحياناً يحدث أن العلماء ما بيقوموش بدورهم الكامل الكافي فيحصل عند الناس خلط، ما يبقاش عارف هو مين دلوقتي عدوي من حبيبي؟ أنا مش عارف مين سبيل المؤمنين مين سبيل المجرمين. أنا مش عارف دلوقتي فلان الوقتي هو عدوي ولا فلان هو حبيبي؟ مش عارف، يحدث خلط في مفاهيم الولاء والبراء، تجد الناس مشغولة بقضايا غير قضايا العدو الأصل.

يعني لازم أنت لازم المجرمين يبقوا مترتبين عند المؤمن. مين المجرم الأول اللي لازم يحاربه؟ سواء مثلاً من اليهود أو بعد كده هل الشيعة؟ هل اللي بعيد في المنهج؟ لازم يبقى الدنيا عنده مترتبة عشان ما يحصلش الخلط ده. لذلك ربنا سبحانه وتعالى بيقول في يوم القيامة في سورة يس: ﴿وَامْتَازُوا الْيَوْمَ أَيُّهَا الْمُجْرِمُونَ﴾ [يس: 59]. هذا التمايز كان يجب أن يحدث بوضوح في الدنيا، لكنه هيحدث بكل وضوح في الدار الآخرة. يعني إيه وامتازوا اليوم أيها المجرمون؟ اليوم جمعة، بيتقال فيها معاني كتير، وبصراحة أكثر واحد أتكلم فيها بصيغة جامعة جاب فيها ما يقرب من خمس أقوال الإمام الرازي في الآية دي. جاب أجمع تفسير، أتكلم في تفسير الآية دي رأيته، هو اليوم، الرازي قال: قيل: امتازوا اليوم أيها المجرمون، أي ابعدوا عن المؤمنين، كفاية إن أنتم نغصتوا عليهم في الدنيا، ابعدوا عنهم في الآخرة. وقيل: امتازوا أي اغتاظوا، ﴿تَكَادُ تَمَيَّزُ مِنَ الْغَيْظِ﴾ [الملك: 8]. وقيل: امتازوا اليوم أيها المجرمون، إن المجرمين ما ينفعوش يبقوا على بعض كده مجرمين، لا، لازم اليهود في على جنب، والفاسق ييجي على جنب، واللي كان عنده مذهب ضال ييجي على جنب. كل المجرمين ما يبقوش على بعض كده على بعضهم مجرمين، لأ، لازم يحصل إيه؟ وقيل: امتازوا اليوم أيها المجرمون، ده أمر قدر تكويني من الله عز وجل، إنها تحدث علامات فيهم، سمات فيهم عشان يعرفوا إيه، يعرف المجرمون بسماهم فيؤخذ بالنواصي والأقدام. ده أمر أن يحدث فيهم، الله عز وجل يخلق فيهم علامات تميزهم عن المؤمنين في أرض المحشر. تخيل!

هذه العلامات اللي هي زي كلمة كافر على الدجال كده، هذه العلامات تظهر في آخر الزمان على رأس الدجال ويوم القيامة. في الدنيا مين المسؤول عن وضع هذه العلامات؟ العلماء. ومش مسؤولين بصفة كلية عن وضعها على رؤوس الأفراد، لكن مسؤولين بالتوضيح بحيث إنه يظهر فسق الراجل ده. يعني أنا مش مطالب برضه لأنه لو فيه ضغط عليك أنت مش مطالب أنك تقول فلان الفلاني فاسق، لكن أنت بتوضح للناس أن من سبيل الفاسقين كذا وكذا وكذا وكذا، ومن سبيل المجرمين كذا وكذا وكذا وكذا. الناس بتعرف إيه بقى؟ الناس تحكم.

يعني النبي صلى الله عليه وسلم ما وقفش على المنبر وقال رأس المنافقين هو عبدالله بن أبي سلول، ما عملش كده، ما جابش ورقة أسماء المنافقين اللي كان عارفها وقالها لحذيفة وأشار إليها حذيفة، ما طلعش حذيفة وقف على المنبر وقال: أيها الناس المنافقون في المدينة هم عدوا معي واحد اتنين، ما عملش كده. ده كان سيدنا عمر بعد موت النبي صلى الله عليه وسلم كان يروح لسيدنا حذيفة ويقول: أسماني لك رسول الله؟ أسمي فيهم في اللي معك؟ فقال: لا. حتى قال له حذيفة: لا. فبكى عمر.

وكان سيدنا عمر لما يشك في راجل كده شكله ده من المنافقين بعد موت النبي صلى الله عليه وسلم يعمل إيه؟ يستنى يشوف حذيفة هيصلي ولا لأ، لو حذيفة ما صلاش ما يصليش سيدنا عمر عليه ويقوم ماشي ما يصليش عليه. فالأصل برضه عدم فضح الناس. لأ إحنا اللي برضه أنا مش عايز أجيب دايماً التقصير على الناس، ممكن خلينا إيه خلينا نمشي دايماً بقاعدة الزبون دايماً على حق، يعني أنا أنا هقول آيات ما هو ما فيش مشكلة، ما هو أنتم يبقى عندنا نقص إحنا في الحجة، الحجة كاملة واضحة، حجة التبيين معركة إحنا قلنا معركة التبيين لا خسارة فيها بحال من الأحوال. أي خسارة تحدث في معركة التبيين أن أنت قلت آيات، فهو جايب آيات أو أحاديث، النقص عندك. معركتي: ﴿الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي﴾ [المائدة: 3]. معركة التبيين كاملة. النقص عندك أنت، أنت اللي مش أنت اللي مش متطلع من القرآن والسنة، النقص عندك أنك أنت مش عارف توضح للناس.

نقص عنده، عبدالله بن أبي سلول لما رجع بتلت المنافقين يوم غزوة أحد بطولة، رجع بطولة الجيش في غزوة أحد، لما رجع بطولة الجيش نزلت الآيات، نزلت قيل نزلت آيات بتاعة سورة النساء اللي هي: ﴿فَمَا لَكُمْ فِي الْمُنَافِقِينَ فِئَتَيْنِ وَاللَّهُ أَرْكَسَهُمْ بِمَا كَسَبُوا أَتُرِيدُونَ أنْ تَهْدُوا مَنْ أَضَلَّ اللَّهُ﴾ [النساء: 88]. نزلت الآيات دي من غير ما تسمي عبدالله بن أبي سلول. عبدالله بن أبي سلول كان له مجلس لما النبي صلى الله عليه وسلم يقوم فيقوم عبدالله بن أبي سلول في خطبة الجمعة وفي خطبة النبي صلى الله عليه وسلم يقول: أيها الناس جاءكم رسول الله صلى الله عليه وسلم فانصروه وصدقوه. كان بيقعد يصيت كده. لما جه يقوم بعد أحد بعد ما وضحت أفعاله ومع التبيين القرآني الناس قالوا له: إجلس أخزاك الله.

مش النبي صلى الله عليه وسلم اللي قعده، مين اللي قعده؟ الناس. لذلك لما جه في مرة عمر بن الخطاب أراد أن يضرب عنق عبد الله بن أبي سلول. أنت دلوقتي بتقول للناس ممكن فهماها بيتأخر، ده طبيعي أن كل ما الإنسان بيزداد قرب من الإيمان بيفهم أسرع ويشخص اللي قدامه أسرع. عمر بن الخطاب جه في مرة من المرات قال للنبي صلى الله عليه وسلم بعد غزوة أحد، فاكر كان إيه الموقف؟ قال له: دعني أضرب عنق هذا المنافق عبد الله بن أبي سلول.

فالنبي صلى الله عليه وسلم قال له: «لئن قتلته الآن -لو أنت قتلته دلوقتي وهو لسه مش واضح كده للناس- أرغمت أنوف أناس، هتَقْهَر ناسه وتذل ناس» أرغمت أنوف أناس. لو أجلته، لو سبت عبد الله بن أبي سلول ما قتلتهوش دلوقتي، هم اللي بعد كده هيقتلوه. وبالفعل انتظر النبي صلى الله عليه وسلم ما قتلش عبد الله بن أبي سلول فترة طويلة لغاية لما أعماله وضحت مع التبيين القرآني الكثير، وضح للناس كلها مين؟ لأن ده كان زعيم. عبد الله بن أبي سلول ده كان زعيم، كان قبل ما جه النبي صلى الله عليه وسلم كان بيقدم أن هو هيلبس قلادة زعامة المدينة، ده كانوا بينظموا له الخرز، ده هو اللي كان خلاص هيمسك قبل ما جه النبي صلى الله عليه وسلم. فعشان تهدمه عند الناس كلها صعب، هو محبوب عند كتير من الناس وفيه حمية قبليّة، مش هتعرف تهدمه بسهولة.

كثرة التفصيل القرآني مع الابتلاءات والأحداث اللي بتفضح المنافقين وهو بيظهر لوحده، معي؟ لذلك جزء من اللي بيقوم به العلماء فيه جزء آخر يقوم به البلاء. الابتلاءات أحداث بتصل تُمَيِّز، ربنا بيقول: ﴿مَّا كَانَ اللَّهُ لِيَذَرَ الْمُؤْمِنِينَ عَلَىٰ مَا أَنتُمْ عَلَيْهِ حَتَّىٰ يَمِيزَ الْخَبِيثَ مِنَ الطَّيِّبِ﴾ [آل عمران: 179]، سورة الأنفال يبقى إذا تمايز المؤمنين على المجرمين ده غرض قرآني أصيل لازم العلماء يقوموا به، وما لا يقوم به العلماء يقوم به البلاء. دي قاعدة مهمة قوي، لو العلماء قصروا في تمييز المؤمنين عن المجرمين هتحدث بلاءات تزلزل العلماء وتزلزل المؤمنين وتزلزل المنافقين.

الناس فيها قعدوا في مسألة أيام حرب البوسنة والهرسك، قبلها بعض العلماء كان بينادي: يا جماعة فيه ولاء وبراء، ما ينفعش الناس مع النصارى بالوضع ده، والمسلمة تتزوج نصراني ما ينفعش. كان الوضع عندهم مفتوح جداً، لما حدثت الحرب عليهم وجدوا أن اللي كانوا مع يعني معهم من النصارى وغيرهم بيحاربوهم وبيقتلوهم، بيقتلوا في المسلمين. كذلك ياما نادوا على مسألة الشيعة: يا جماعة صدقونا ده الخلاف مش مجرد، ده مش مذهب خامس، لا الخلاف أعمق من كده. تجد في كل مكان بتقوم فيه الجهاد لازم خنجر من الشيعة بيطعن في ظهور أهل السنة، لازم لازم أهل العراق أهل السنة يتأذوا عشان يقول لك: آه فعلا. لازم لبناني لازم يحدث في سوريا، مش يقول لك: آه فعلا برضه تفضل دعوات في مصر لازم نطعن عشان نصدق.

فلازم لو الدور ما كانش كافي والناس ما صدقتش سواء أما من تقصير العلماء أو من إعراض الناس سيحدث بلاء يُمَيِّز. لكن الله عز وجل لا يرضى تخليط الصفوف أبداً، الصفوف لازم ستحدث ابتلاءات تصفي الناس عن بعضها. لازم النبي صلى الله عليه وسلم لما حدث في البخاري وجاء الملائكة وجلسوا عند رأسه حديث طويل وقالوا: اضربوا له مثلاً. قال بعضهم: هو نائم. وقال بعضهم: بل هو بين النائم واليقظان. المهم حديث طويل في آخره فقال إجابة الملائكة: وإن محمداً فرق بين الناس. النبي صلى الله عليه وسلم جاء إيه؟ فرق بين، و﴿وَإِنَّهُ لَقَوْلٌ فَصْلٌ﴾ [الطارق: 13].

فإذاً احنا قلنا رقم واحد في الآية دي: لابد من تفصيل الآيات، و﴿وَلِتَسْتَبِينَ سَبِيلُ الْمُجْرِمِينَ﴾ [الأنعام: 55] إلا بتفصيل الآيات القرآنية. رقم اتنين: فيه حاجة اسمها سَبيل لازم نعرفها. يعني أنا عجبني جداً شفت كتاب كده اسمه أساليب المجرمين في الصد عن دعوة الأنبياء والمرسلين، شاكر رسالة للدكتوراه ولا إيه؟ مجمعة من القرآن أن فيه أساليب للمجرمين بتصد. وفيه كتاب برضه طيب كده جميل تبع مجلة البيان اسمه تمايز المؤمنين رؤية قرآنية، دكتور اسمه دكتور علي توفيق زبادي، كتاب قيم أيضاً. الشاهد أن ده غرض قرآني أصيل من الأغراض القرآنية: تمايز الصفوف ووضوحها وانفصالها تبقى جلية كده عند الناس واضحة.

يا جماعة طريق المؤمنين صفات المؤمنين واحد اتنين صفات المؤمنين، صفات الفاسقين واضحة، صفات المجرمين واضحة، لازم يبقى فيه وضوح. طيب الخطورة بقى أن الداعية يُمَيِّع القضية، لذلك النبي صلى الله عليه وسلم حديث خطير جداً يقول لك إيه: «لا تقولوا للمنافق سيدنا». أوعى تروح تقول لمنافق قدام الناس أنت سيدنا، فإنكم إن قلتم ذلك فقد فإنه، «أياماً سيدكم فقد أغضبتم الله عز وجل». الخطورة أن ييجي واحد منافق وتقول له قدام الناس سيدنا، تعظم فيه وتبجل فيه أمام الناس، أنت كده بتدلس على الناس، أنت كده حولت المنافق لمؤمن تقي ورع، أنت هنا بتساهم في التدليس على الناس.

ربنا سبحانه وتعالى بيقول إيه؟ ﴿الْأَعْرَابُ أَشَدُّ كُفْرًا وَنِفَاقًا وَأَجْدَرُ أَلَّا يَعْلَمُوا حُدُودَ مَا أَنزَلَ اللَّهُ﴾ [التوبة: 97]. اتكلمنا في النقطة دي قبل كده أن شيخ الإسلام ابن تيمية قال يعني إيه؟ أجدر ألا يعلموا حدود ما أنزل الله. القرآن وضع لكل شيء حد، حد يعني ضوابط وحدود، وتسمية المنافق حط له حط له القرآن حط له حدود، وكذلك الكافر والفاسق والمؤمن. المنافقين أعراب المنافقين الدنيا عندهم خلطبيطة، لا عارف يفرق بين الفاسق ولا الكافر، فمش عارف حدود ربنا إيه. من مما يجب على العلماء المؤمنين هنا أن هم يميزوا للأعراب يعرفوا، يقولوا لأ: في حدود للصيام، في حدود للصلاة في العبادات، في حدود في المعاملات، في حدود للأشخاص: الفاسق، الكافر، المنافق.

أول شيء ربنا علمه لآدم، وعلم آدم الأسماء كلها. لازم الدنيا تبقى عندك أنت عارف مسمياتها، تبقى واضحة، القرآن قول فصل، لازم الأسماء تبقى واضحة عندنا، ما يحصلش خلط عند الناس، ما نبقاش ندلس على الناس، الدين هنا خطر ده خطر جداً. أنت كده يا جماعة هي الفكرة في إيه؟ قامت السماوات والأرض بالحق، السماوات والأرض قامت بالحق، وعشان الحق يستمر كل شيء له مسمى، كل شيء له تسمية معينة عشان ما يحصلش تدليس على الناس. زي ما ينفعش نتعامل مع الحديد على أنه خشب، ونتعامل مع الخشب على أنه حديد، كده الدنيا هتنهار. يعني تخيل لو الناس راحت تتعامل مع الخشب على أنه حديد، الناس قال لهم حطهم على الخشب ده اسمه حديد، فناس راحت تتعامل مع الخشب على أنه إيه فراحت تحطه في الخرسانة وتبني به البيوت، إيه اللي هيحصل كده هنا؟ إنهيار.

تخيل لو الناس تعاملت مع الطماطم على أنها تفاح، ده خلطبيطة، أهو ده ده الخلط أخطر لما يروح يتعامل مع المنافق على أنه مؤمن، ومع الفاسق على أنه عالم، ما ينفعش، ومع كافر على أنه ولي وقريب، ومع المؤمن على أنه بيتبرأ منه. لذلك وضع حدود وضوابط أخرى غير اللي وضعها ربنا ده من سبيل المجرمين. تاني وضع حدود وضوابط وقواعد أخرى غير اللي وضعها ربنا ده من سبيل المجرمين. يبقى إذا الله عز وجل نزل حدود، حدود في العلاقات بينا وبين بعض، حدود في العبادات، حدود في المعاملات، حدود في التسميات، حدود. أهل الباطل بيعملوا حاجة من اتنين: أما وضع حدود أخرى أو رفع هذه الحدود تماماً، ويحصل خلطبيطة عند الناس.

تاني يعني مثال وضع حدود أخرى، القرآن نزل أن العلاقة بين المسلمين هم علاقة كلهم مسلمين، كلكم لآدم وآدم من تراب، ﴿إِنَّمَا الْمُؤْمِنُونَ إِخْوَةٌ﴾ [الحجرات: 10]، ولا فضل لعربي على أعجمي ولا أعجمي لعربي إلا بالتقوى. نقوم احنا نعمل لأ، نعمل حدود أخرى، سواء حدود وطنية، سواء حدود قومية، سواء حدود نعمل حدود أخرى، نوالي ونعادي ونتعصب عليها ونتخانق مع بعض عليها. ده أنا شفت ناس في الحرم في مكة بيتخانقوا مع بعض أيام ماتش مصر، كان مش فاكر مصر حاجة في اللي هناك دول يا الجزاير يا المغرب يا دكتور. آه كان اتضربنا باين أو حاجة اتغلبنا جامد، آه شف بيقول لك اتغلبنا وهم وحشين، برضه لسه بنتكلم وهي كورة.

والله العظيم شفت ده كان في المدينة كمان عشان، آه كان في المدينة يقول له: أنت أيوه انتم هنعمل فيكم ومش عارف ايه وكان تقريبا في ماتش عودة كان حاجة زي كده أن هم يعني ايه المصريين اتضربوا هناك فهيرجع قال له: ده احنا، ومسكوا في بعض في المدينة يا نهار يعني انتم في مدينة رسول الله صلى الله عليه وسلم اللي جاء ونزع الفوارق دي وخلى طبعا أنا مش بقول لك تتخلى، ما طبيعي أنك أنت مصري وده يعني طبيعي فيه حب للأرض، وده طبيعي مش أنا مش هقول لك نازع فطرتك، لكن ما تتعصبش على ده ويحصل تفضيل على ده، لأ ده كان بيقف المؤمن بجوار المؤمن يقتله يعني مؤمن يقف بيقف في جوار المؤمن في الغزوة في غزوة بدر وبقتلوا أخوه.

يعني بيستعين بمؤمن غريب مش من بلده على قتل أخيه الكافر، وللما كان يقول له مكان مصعب تقريبا مصعب بن عمير في بعد غزوة بدر يقول له على أخوه لما أتمسك قال له: اشدد وثاق هذا أمه كثيرة المال، اربط ده كويس أمه عندها فلوس أهلي، ده اربطه كويس ده، شف ولذلك حتى اللي انت بتأحاربه اللي قتل، طب واحد أنت بتأحاربه قتل أخوك، ربنا بيقول: ﴿فَإِن تَابُوا وَأَقَامُوا الصَّلَاةَ وَآتَوُا الزَّكَاةَ فَإِخْوَانُكُمْ فِي الدِّينِ﴾ [التوبة: 11]. أهل الباطل عشان يدلسوا ويفرقوا بين سبيل المجرمين يعملوا إيه؟ يحطوا حدود أخرى، حدود وطنية أو قومية أخرى، أو رفع هذه الحدود أصلاً، يقول لك ما فيش إيه، ما فيش حاجة اسمها عقيدة، ما فيش حاجة اسمها أيديولوجيات، ما فيش حاجة اسمها أدبيات، ما فيش الكلام ده كله، اعمل بقى مجمع أديان، حط اليهودية والنصرانية والإسلام في خلاط واضربهم مع بعض، وطلع عشان يحدث سلام عالمي ويحدث سلام للحضارات وتعاون بين، والكلام اللي عايزين إيه يوصلوه لناس.

طبعاً ده مش هيحصل، ربنا بيقول في مجرمين ولهم طريق، ﴿وَكَذَلِكَ جَعَلْنَا لِكُلِّ نَبِيٍّ عَدُوًّا مِّنَ الْمُجْرِمِينَ وَكَفَى بِرَبِّكَ هَادِيًا وَنَصِيرًا﴾ [الفرقان: 31] سورة الفرقان، اللي هي فيها فرق واضح بين الناس. فده لازم هيظل من سنن الله أن هيظل الصراع إلى يوم القيامة، لا تقوم الساعة في آخر الزمان حتى يقاتل المسلمون اليهود، لغاية آخر لحظة الجهاد ماض إلى يوم القيامة لأن فيه حق وفيه باطل، في سبيل المؤمنين في سبيل المجرمين. لذلك من معاني قول الله عز وجل: ﴿إِنَّ الَّذِينَ يُحَادُّونَ اللَّهَ﴾ [المجادلة: 5] قيل المحادة هنا: وضع حدود غير التي وضعها الله، معي كده؟

يبقى احنا ذكرنا: ﴿امْتَازُوا الْيَوْمَ أَيُّهَا الْمُجْرِمُونَ﴾ [يس: 59] سورة يس. ذكرنا: ﴿الْأَعْرَابُ أَشَدُّ كُفْرًا وَنِفَاقًا وَأَجْدَرُ أَلَّا يَعْلَمُوا حُدُودَ مَا أَنزَلَ اللَّهُ﴾ [التوبة: 97] سورة التوبة. ذكرنا: ﴿إِنَّ الَّذِينَ يُحَادُّونَ اللَّهَ وَرَسُولَهُ﴾ [المجادلة: 5] طب إن انتم عارفين أن الذين يحادون الله ورسوله دي جت سورة إيه في سورة المجادلة أو المجادلة بتنطق بالاتنين، جت بعد إيه؟ جت بعد أن واحد بيقول لمراته: أنت عليّ كظهر أمي، أنه يغير تسمية، شف بس مجرد أنه غير تسمية زوجته أنه يقول لها: أنت أمي، هو كده بيلعب في الحدود اللي ربنا نزلها، ربنا نزل له آيات شديدة العقاب عليه.

شف ممكن يقول لك: يا عم دي مراتي، يقول: ما أنا حر، أنا حر يا عم دي مراتي أنا أقول لها بقى أنتِ أمي، أنتِ لأ، أنتِ ما أنتِش حر، في مسميات وفي حقوق للزوجة وحقوق للأم ما ينفعش تنقل ده لده، ده منكر من القول وزورا. جه مع اللي بيقول لمراته أنت أمي، واللي يدعي ابن في أول الأحزاب، ابن مش ابن: ﴿ادْعُوهُمْ لِآبَائِهِمْ﴾ [الأحزاب: 5] لأنك أنت ما ينفعش تغير في المسميات، مش من حقك من حقك تحط حدود أخرى، مش من حقك تقول على الشيء الإيمان أنك تقول عليه عيب، نستبدل الحلال والحرام بحاجات بقى عيب ومش عيب، ونقول على حاجات من السنة لأ أصل هي مش مناسبة وده عيب، ونقول على حاجات من المكروهة أو الحرام نقول عليها أصل ده عادي، ده من التقدم أو ده من الإتيكيت. احنا ده وضع حدود ومسميات أخرى، ده خطر جداً هنا يحدث التدليس على الناس.

وضحت يا جماعة الفكرة، السلام عليكم ورحمة الله وبركاته. الزوج والزوجة لا ما تفضل، اللي قالوا بيفضلها يعني هو الإمام الشيخ السعدي كان نفس السؤال ده يدخل في باب الكراهة الحرام، هل يكره لأن هو طبعا هنا مش بيقصد أنه يقول لزوجته أنتِ عليّ كظهر أمي، لأ، هو بيقول أن يعني يكره أن الزوج يقول، هو دي درجة في المصريين هو بدل ما ينادي زوجته حتى قدام الأطفال عشان يعلم الأطفال، هل يكره ذلك؟ شف الحرص حتى على إيه؟ ما بالك بقى في ضوابط شرعية كبيرة خد بالك في مفاهيم في الولاء والبراء، مفاهيم في الفاسقين والمجرمين والمنافقين، يبقى ده تقصير لو احنا ما بيناش للناس سبيل المجرمين من سبيل المؤمنين، ده تقصير للدعاة، تقصير عند أهل الدين أن هم ما بينوش ده فيحصل خلط عند الناس.

وكذلك نفصل الآيات ولتستبين سبيل المجرمين، لذلك بعد ما الآية دي جت شف بقى ثلاث أربعات وأربعة مليئة بكلمة قل، خلاص بقى فيه وضوح، طالما الدنيا بقى فصلت ووضحت كده: ﴿قُلْ إِنِّي نُهِيتُ أَنْ أَعْبُدَ الَّذِينَ تَدْعُونَ مِن دُونِ اللَّهِ قُل لَّا أَتَّبِعُ أَهْوَاءَكُمْ قَدْ ضَلَلْتُ إِذًا وَمَا أَنَا مِنَ الْمُهْتَدِينَ * قُلْ إِنِّي عَلَى بَيِّنَةٍ مِّن رَّبِّي وَكَذَّبْتُم بِهِ﴾ [الأنعام: 56-57].

شف القوة بقى اللي جت في الآيات، بعد تفصيل الآيات على طول. أنتم بقى اللي كنتم بتقولوا لي الآيات اللي قبل كده: ولا تطرد الذين، رايحين يستميلوا النبي صلى الله عليه وسلم، ويقولوا له: طب احنا ممكن نقعد معك في المجلس بس اطرد الفقراء، طب احنا ممكن نعمل كذا، والنبي صلى الله عليه وسلم زي في صحيح مسلم فوقع في نفس رسول الله ما شاء.

لكن بعد ما فصلت الآيات وربنا قال له: لأ، اعرف إن دول مجرمين، وده من طريقة المجرمين، تحايل عشان يطرد الفقراء أهل الإيمان، ده من طريقة المجرمين. فأول لما ظهر الوضوح ده قال إيه؟ ﴿قُلْ إِنِّي نُهِيتُ أَنْ أَعْبُدَ الَّذِينَ تَدْعُونَ مِنْ دُونِ اللَّهِ﴾ [الأنعام: 56]. بمعنى أنا باخد الأوامر والضوابط والمسميات من ربنا مش من أفكاركم ومن آلهتكم. بمعنى إن لازم مصدر التلقي بتاعك يبقى مختلف عن مصدر التلقي بتاعه. مفاهيمك اللي أنت بتكونها الثقافية والفكرية والعقدية أنت هتتلقاها من القرآن والسنة، مش منهم، مش هتستمد معاييرك منهم. المعايير اللي بتضبط بها وبتسمي بها الأشياء أنت بتستمدها من القرآن: ﴿قُلْ إِنِّي نُهِيتُ أَنْ أَعْبُدَ الَّذِينَ تَدْعُونَ مِنْ دُونِ اللَّهِ﴾.

وللأسف دايمًا زي ما ابن خلدون كان بيقول: كل مجتمع مانهزم بيبقى عنده هزيمة نفسية وانكسار وبيحب يستمد ثقافته من المجتمع المنتصر. يعني دايمًا حاجة لما كان المسلمين منتصرين كان الغرب -بالرغم إن هو مش عايز يبقى مسلم ولا حاجة، أو اليهود أو النصارى- كان عندهم صداعات، كان يقول لك: يحب يتعلم اللغة العربية، يتباهى إنه بيتكلم باللغة العربية. الوقتي العكس، دلوقتي أنت امشي كده في، يعني كانت إحدى نساء الغرب أسلمت فنزلت في مصر، نزلت إحدى الأماكن المحلات يعني فبتتفرج كده فبتول: هي ليه كل المحلات عندكم مكتوبة بالإنجليزي؟ يعني ليه؟ مش المفروض أنتم عرب، يعني أنتم عرفوا بعض؟ طب إيه ده؟ هو كاتب الاسم إنجليزي لمين؟ يعني عشان السياح؟ عشان نسبه نص في الألف في المجتمع هم اللي هيقروا الآية، يعني ليه لما تيجي تنزل تبص كده على أسماء المحلات مثلاً الموجودة في الشارع؟ ليه تسعين في المية منها إنجليزي؟

يعني أنا عايز أقول: للأسف بعض الأشرطة حتى اللي بدأت تنزل، أشرطة الدين، كان لازم يكتب الاسم تلاقيه يكتبها ولازم يكتب إيه؟ طب ليه؟ هي الغرض في إليه والهدوم؟ طب ماشي، الهدوم هيقول لك دي جاية من برا يا عم. إنما ده المحل ده بتاعك أنت اللي فاتحه، ليه العقدة اللي موجودة؟ فده يقول لك ده ابن خلدون كان استقراؤه للتاريخ بيقول: دي حاجة موجودة دايمًا، إحساسه دايمًا بالهزيمة فبيتلقى ثقافته من المجتمع المنتصر. فأنْتَ مهما كنت، زي هنا في سورة الأنعام، مهما كنت في زمن استضعاف لأ، أنت لازم لك مرجعيتك اللي أنت بتعتز بها: ﴿قُلْ إِنِّي نُهِيتُ أَنْ أَعْبُدَ الَّذِينَ تَدْعُونَ مِنْ دُونِ اللَّهِ قُلْ لَا أَتَّبِعُ أَهْوَاءَكُمْ﴾.

النبي صلى الله عليه وسلم سماها وربنا أمره إنه يسميها أهواء، ودي دايمًا قاعدة ومتهيألي ذكرناها قبل كده منتشرة في القرآن: عكس الهدى هو الهوى، والهدى موجود في القرآن فكل ما عدا القرآن فهو هوى. موجودة في آيات كتير جداً في القرآن، في قول الله عز وجل اللي موجود في سورة الجاثية أو في سورة المائدة: ﴿وَأَنِ احْكُم بَيْنَهُم بِمَا أَنزَلَ اللَّهُ وَلَا تَتَّبِعْ أَهْوَاءَهُمْ﴾ [المائدة: 49]. في سورة الجاثية من أول قول الله عزوجل: ﴿وَلَقَدْ آتَيْنَا بَنِي إِسْرَائِيلَ الْكِتَابَ وَالْحُكْمَ وَالنُّبُوَّةَ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى الْعَالَمِينَ * وَآتَيْنَاهُم بَيِّنَاتٍ مِّنَ الْأَمْرِ فَمَا اخْتَلَفُوا إِلَّا مِن بَعْدِ مَا جَاءَهُمُ الْعِلْمُ بَغْيًا بَيْنَهُمْ إِنَّ رَبَّكَ يَقْضِي بَيْنَهُمْ يَوْمَ الْقِيَامَةِ فِيمَا كَانُوا فِيهِ يَخْتَلِفُونَ * ثُمَّ جَعَلْنَاكَ عَلَى شَرِيعَةٍ مِّنَ الْأَمْرِ فَاتَّبِعْهَا وَلَا تَتَّبِعْ أَهْوَاءَ الَّذِينَ لَا يَعْلَمُونَ﴾ [الجاثية: 16-18]. كتير كتير في القرآن إن ما سوى ذلك فهو هوى.

﴿قُلْ لَا أَتَّبِعُ أَهْوَاءَكُمْ قَدْ ضَلَلْتُ إِذاً وَمَا أَنَا مِنَ الْمُهْتَدِينَ﴾ [الأنعام: 56]. خد بالك، ﴿قُلْ لَا أَتَّبِعُ أَهْوَاءَكُمْ﴾ هنا لو إحنا مشينا مع السياق هو إيه اللي طلبوه؟ هما طلبوا إيه؟ إنه مجرد بس إنه يقول له إيه؟ يعمل لهم أيام خاصة ويطرد الفقراء: صهيب وبلال وعمار وسلمان، يطرد الفقراء دول ويعمل مجلس خاص للأغنياء، يبقى معروف إن ده ما بيقعدش فيه غير الأغنياء. يعني أنا لو أنا سمعت حاجة زي كده بس أبقى أنا ضللت إذن وما أنا من المهتدين. شف الأمر خطير ازاي لما بيدخل في مسائل الولاء والبراء وسبيل المؤمنين وسبيل المجرمين.

يعني أخطاء بسيطة: لا تقل للمنافق سيدنا. يعني أنا لو قلت المنافق قعدت أبجل في واحد أنا عارف إنه منافق، أنا عارف منافق، مش المنافق باللفظ -بصوا يا جماعة القرآن جاب مصطلحات عشان توضح عند الناس- جاب مصطلحات ممكن تكون معروفة عند العرب أو مصطلحات جديدة لكن زاد وصفاً فيها في القرآن عشان تنطبع في عقول العرب. بمعنى كلمة الصلاة مثلاً لو كانت معروفة عند العرب قبل ذلك فهي معروفة بمعنى الدعاء، القرآن والسنة جابوا لها معنى شرعي جديد بقى يتعرف إن ده الصلاة.

كذلك المنافق، القرآن فصل في الكلام عن المنافقين والفاسقين والكافرين والمجرمين عشان ما يبقاش مجرد بس، مجرد إن المجرم هو اللي بيسرق، مش بس كده، وكذلك جعلنا في كل قرية أكابر مجرميها ليمكروا فيها، هيجي لنا دي في سورة الأنعام إن شاء الله. يبقى المجرم مش بس اللي بيسرق، ده المجرم حاجة أكبر من اللي بيسرق، قاطع الطريق الناس في الدنيا مجرم، وقاطع الطريق الناس في الدين مجرم، اللي بيمنع الناس لوصول الدين مجرم، أشد إجراماً من المجرم اللي بيقف في طريق الناس في الدنيا.

خلاص، فهذه المصطلحات ما ينفعش يحصل فيها خلط، والخلط فيها لا تقول للمنافق سيدنا. إنك تمدح منافق، بمعنى تمدح واحد رافض للشريعة تمدحه أمام الناس، أنت كده بتغضب ربنا. طب ليه؟ ده أنا قلت له بس كلمة سيدنا، يعني أنا مش قصدي ولا حاجة، أنا قلت له بس كلمة سيدنا. يعني أنا واحد ليبرالي علماني جلد بالمعنى الغربي رافض الشريعة كلية، وأنا أمدح فيه أمام الناس. طب أنت تمدح فيه أمام الناس ليه؟

أنت بتقول: أمدح عشان تبقى حق. أمدح الجزئية اللي هو متميز فيها، أه فلان من باب إعطاء الحق على أحد تأويلات أني بخير، إن هو متميز في الجانب الاقتصادي كذا، وده إحنا إيه؟ من الأمور اللي الشرع قال: ده المسكوت عنه فيها وده يجوز أن احنا ناخدها من غيرنا، ما لم يخالف حاجة في الشرع. أمدح الخير اللي عنده مش بمدحه كله على بعضه بحيث إن أنا أدلس على الناس معي؟

زي لما النبي صلى الله عليه وسلم مدح النجاشي وكان لسه لم يسلم، قبل أن يسلم: ملك لا يظلم عنده أحد، إن هو ملك عادل، لكن ده مش معنى كده إن أنا باين أنا وهو حاجة واحدة. لأ. ﴿قُلْ إِنِّي عَلَى بَيِّنَةٍ مِّن رَّبِّي﴾ [الأنعام: 57]. ربك كده للسنة: قل إني على بينة من ربي وكذبتم به، ما عندي ما تستعجلون به، إن الحكم إلا لله يقص الحق وهو خير الفاصلين. ﴿إِنِّي عَلَى بَيِّنَةٍ مِّن رَّبِّي﴾ لازم تبقى واثق في منهجك، عندك استغناء بمنهجك، مهما حاول يطرح عليك أفكار أو معايير أخرى أنت واثق في منهجك: إني على بينة من ربي وكذبتم به. فين البينة دي؟ القرآن، لأن إحنا قلنا من أول السورة هما عمالين يطلبوا آية حسية، وأنت بتقول لهم القرآن كفاية، هما عايزين آية حسية وأنتم بتقولوهم القرآن كفاية، عمالين يطلبوا آية حسية وأنتم تقولوا القرآن كفاية. في الآخر بتقول لهم خلاص بقى: إني على بينة من ربي وكذبتم به.

طب هما قالوا له: لو ما نزلت لناش حاجة آية حسية مش عايزين القرآن، لو جبت لنا آية حسية يا إما تنزل علينا العذاب. فقال لهم: ﴿مَا عِندِي مَا تَسْتَعْجِلُونَ بِهِ إِنِ الْحُكْمُ إِلَّا لِلَّهِ﴾ [الأنعام: 57]. وقلنا الداعية قمة التجرد زي الآيات اللي خدناها المرة اللي فاتت: ﴿لَّا أَقُولُ لَكُمْ عِندِي خَزَائِنُ اللَّهِ وَلَا أَعْلَمُ الْغَيْبَ وَلَا أَقُولُ لَكُمْ إِنِّي مَلَكٌ﴾ [الأنعام: 50]. تجرد تام، أمال أنت عندك إيه؟ ﴿إِن أَتَّبِعُ إِلَّا مَا يُوحَى إِلَيَّ﴾ [الأنعام: 50].

ولما تيجي تقارن ما بين ﴿مَا عِندِي مَا تَسْتَعْجِلُونَ بِهِ﴾ وبين ﴿وَعِندَهُ مَفَاتِحُ الْغَيْبِ لَا يَعْلَمُهَا إِلَّا هُوَ﴾ [الأنعام: 59] هتيجي بعدها بينسب عن نفسه أي صفة من صفات العبد وبينسب كل صفات الربوبية إلى الله عز وجل. ﴿مَا عِندِي مَا تَسْتَعْجِلُونَ بِهِ﴾، أمال عند مين؟ ﴿وَعِندَهُ مَفَاتِحُ الْغَيْبِ لَا يَعْلَمُهَا إِلَّا هُوَ﴾. وكلمة وعنده مفاتح الغيب الأعلام وجت بعد كلمة والله أعلم بالظالمين. يعني إهلاك الظالمين يحتاج إلى إحاطة للعلم والحكمة، عشان كده جت بعدها وعند وفاة الغيب وهنقولها المرة الجاية إن شاء الله. ﴿إِنِ الْحُكْمُ إِلَّا لِلَّهِ﴾ المقصود هنا الحكم الأحكام القدرية، بمعنى متى ينزل العذاب ومتى يهلك الظالمون؟ ومتى يستأصل الله عز وجل الظالمين؟ ومتى يهلك الظالم؟ دي بتاعة ربنا.

أحياناً الداعية يتعجل ويقترح من عنده ويؤمن للناس، واتكلمنا قبل كده في مسألة الوعود القرآنية إنه يتدخل في الوعود الربانية زمناً أو مكاناً أو كيفاً. التدخل في الوعود الربانية المطلقة -في وعود ربانية مطلقة: نصر المؤمنين، إهلاك الظالمين- دي وعود إيه؟ مطلقة. التدخل فيها زمناً وكيفاً ومكاناً بدون علم من الله عز وجل وبدون وحي وبدون سنة، التدخل بده يؤدي إلى سوء ظن الناس في وعود القرآن، لما قالوا له: طب ورينا بقى هتعمل إيه؟ إحنا مش هنؤمن القرآن، مش أنت بتقول اللي مش هيؤمن بالقرآن هينزل العذاب؟ طب أنا اقول لك، هنقول لك حاجة أكتر من كده: اللهم إن كان هذا هو الحق من عندك فأمطر علينا حجارة من السماء أو ائتنا بعذاب أليم. ﴿سَأَلَ سَائِلٌ بِعَذابٍ وَاقِعٍ * لِلْكَافِرِينَ لَيْسَ لَهُ دَافِعٌ * مِنَ اللَّهِ ذِي الْمَعَارِجِ﴾ [المعارج: 1-3].

لذلك ربنا قال في نفس السورة بتاعة المعارج: ﴿إِنَّهُمْ يَرَوْنَهُ بَعِيداً * وَنَرَاهُ قَرِيباً﴾ [المعارج: 6-7] عشان هما حسابات الزمن مختلفة غير عند ربنا: ﴿وَإِنَّ يَوْماً عِندَ رَبِّكَ كَأَلْفِ سَنَةٍ مِّمَّا تَعُدُّونَ﴾ [الحج: 47]. المعادلات مختلفة والحسابات مختلفة، فما ينفعش استعجال أهل الباطل يخليك أنت تقول: طب بصوا بقى أنتم آخركم السنة دي وكلكم هتتبادوا. لأ، الله عز وجل أعلم بالظالمين إمتى يهلكوا؟ مين فيهم هيسلم؟ ممكن بيأجلهم عشان يزدادوا إثماً؟ ممكن بيؤجلهم عشان في ناس هتتوب؟ الله أعلم، ﴿مَا عِندِي مَا تَسْتَعْجِلُونَ بِهِ إِنِ الْحُكْمُ إِلَّا لِلَّهِ يَقُصُّ الْحَقَّ وَهُوَ خَيْرُ الْفَاصِلِينَ﴾ [الأنعام: 57].

يقص الحق فيها معنيين. يقص الحق في معنيين، المعنى الأول: أي يخبرنا بالحق الذي نميز به بين أهل الباطل وأهل الحق، لذلك جه بعدها وهو خير، لذلك الصبر بيقول خير الفاصلين، خير من ميز بين الحق والباطل. خد بالك من المعنى ده وهو خير الفاصلين، الطبري بيقول: خير من ميز، لأن الآية اللي قبلها إيه: ﴿وَلِتَسْتَبِينَ سَبِيلُ الْمُجْرِمِينَ﴾ [الأنعام: 55]. فبيقول لهم: الله عز وجل خير من يفصل بين أهل الإيمان وأهل الباطل. لو أنت عايز تفصل بين أهل مال وباطل ما تتدخلش أنت، انقل للناس الآيات القرآنية، كتر تدخلك يلبس على الناس. يبقى يقص الحق أن يخبرنا بالحق وهو خير الفاصل.

وقيل: يقص الحق، يقص هنا مش جايّة من القصص الأخبار، جايّة من تتبع الأثر: ﴿وَقَالَتْ لِأُخْتِهِ قُصِّيهِ﴾ [القصص: 11] يعني إيه؟ يعني احكي احكي قسطه، أمال قوسين يعني إيه؟ تتبعي أثره، ﴿وَقَالَتْ لِأُخْتِهِ قُصِّيْهِ فَبَصُرَتْ بِهِ عَن جُنُبٍ وَهُمْ لَا يَشْعُرُونَ﴾ [القصص: 11]. يبقى قالت لأخته: قصي، أي تتبعي أثرها. فهنا قالوا: يعني إيه الله يقص الحق؟ أي أن الله عز وجل يقدر أقدار تسير إلى نصرة الحق. يعني معنى كلمة يقص الحق: الله عز وجل هيعمل أحداث أقول في النهاية إلى نصرة الحق، اصبروا بس ثاني، يعني كأن أفعال ربنا تتبع أثر الحق وتمشي وراها، ده كأن المعنى بكلمة يقص الحق وهو خير الفاصلين، النتيجة النهائية دايمًا معروفة، العاقبة للتقوى.

وفي قراءة غير دي بقى: حكمه إيه لله؟ يقضي الحق، بنقطع على الضاد وحذف ليها عشان تبقى لرسم المصحف: يقضي الحق وهو خير فاصلاً، أي يقضي ويحكم بيننا بالحق وهو خير الفاصلين.

﴿قُل لَّوْ أَنَّ عِندِي مَا تَسْتَعْجِلُونَ بِهِ لَقُضِيَ الْأَمْرُ بَيْنِي وَبَيْنَكُمْ﴾ [الأنعام: 58]. الآية دي فيها معنى من الاثنين، إحنا كده خلصنا الساعة صح؟ عدينا بقالنا قد إيه؟ طيب نقول إيه، فيه معنيين في الآية دي: ﴿قُل لَّوْ أَنَّ عِندِي مَا تَسْتَعْجِلُونَ بِهِ﴾ في معنيين.

المعنى الأول: إن مهما كان النبي صلى الله عليه وسلم، ربنا جاء النبي صلى الله عليه وسلم رحمة للعالمين، لكن في طاقة احتمال بشري، وإن الله عز وجل أرحم بالعباد من أرحم الناس، يعني الله عز وجل أرحم بالعباد من الأم بولدها. فالنبي صلى الله عليه وسلم بيقول لهم: أنا لو كان عندي أنا، كان ممكن أحياناً لو أنتم استعجلتوني بالعذاب نزلت عليكم العذاب معي؟ واضح المعنى ده؟

وإن أي بشر له طاقة احتمال، فمن رحمة ربنا أن وضع العذاب مش في إيد الدعاة، من رحمة ربنا، لأن أحياناً ممكن الداعية في لحظة يغضب فينزِل العذاب لو كانت في إيده، ينزل العذاب على اللي قدامه، لكن الله عز وجل حليم. لذلك بيروى في بعض الآثار -وإن كان بعضهم بيبقى له يعني ما تأكدش من سندها- إن سيدنا أبو بكر وهو بيضرب عند الكعبة لما قعدوا يضربوا فيه حتى لم

كان له وجه من قفاه. كان بيقول إيه؟ ربي ما أحلمك! يعني هو سايب الناس دي ربي ما أحلمك، وربنا بيقول هنا معنا في سورة الأنعام هيجي لنا: ﴿فَإِن كَذَّبُوكَ فَقُل رَّبُّكُمْ ذُو رَحْمَةٍ وَاسِعَةٍ﴾ [الأنعام: 147]؛ إنه لسه سايبكم لغاية دلوقتي فعلاً. لما ييجوا يكذبوك بعد كل التفصيل ده اللي في سورة الأنعام، قل لهم إيه؟ قل لهم ربكم ذو رحمة واسعة. بس كمل الآية، وقل لهم: ﴿وَلَا يُرَدُّ بَأْسُهُ عَنِ الْقَوْمِ الْمُجْرِمِينَ﴾ [الأنعام: 147]. أوعى تفتكر إنه يعني يعني سايبك عجْزاً حاشاه سبحانه وتعالى، لكن فعلاً ربكم ذو رحمة.

نوزعها. الداعية أحياناً قد يغضب، فمن رحمة الله أنه لم يضع العذاب في أيد أحد من البشر. ولكن كان ذلك: ﴿لَّوْ أَنَّ عِندِي مَا تَسْتَعْجِلُونَ بِهِ لَقُضِيَ الْأَمْرُ بَيْنِي وَبَيْنَكُمْ﴾ [الأنعام: 58]، والله أعلم، ربنا أعلم بيتعامل إزاي مع الظالمين. لكن أنا ممكن أحيانا ظالم أنسفه، لكن ربنا عالم إنه هيتوب. أنا ممكن أحيانا ظالم أنسفه، وربنا عالم إنه يريد إنه يزداد إثماً عشان ياخد عقاب أشد، فالله أعلم بالتعامل مع ربنا.

وقيل المعنى التاني مش كده خالص؛ المعنى التاني: لو أن عندي ما تستعجلون به؛ أي لو أن بيدي إظهار آية خارقة معجزة حسية زي جبل الصفا ذهب، لكنت فعلتها لكم، فبالتالي لن تؤمنوا أيضاً عناداً فينزل عليكم العذاب، زي ما: ﴿وَلَوْ أَنزَلْنَا مَلَكًا لَّقُضِيَ الْأَمْرُ﴾ [الأنعام: 8]، فهنا برضوا نفس الفكرة، إن بيقول لهم لو أن عندي ما تستعجلون، لو أنا في إيدي الآية الحسية وعملتها لكم كان زمان أنتم كفرتم عناداً فكان نزل العذاب عليكم. وإن كان المعنى الأول عليه أغلب المفسرين وكثير من الفاضلين برضه يعني جوابكوا معنا تاني.

حتى الإمام ابن كثير لما ذكر المعنى الأول أن النبي صلى الله عليه وسلم كبشر ممكن يغضب، قال طب هل هنا في تعارض؟ ذكر هل هنا في تعارض بين إزاي: ﴿لَّوْ أَنَّ عِندِي مَا تَسْتَعْجِلُونَ بِهِ﴾ [الأنعام: 58] اللي هو نزول العذاب: ﴿لَقُضِيَ الْأَمْرُ بَيْنِي وَبَيْنَكُمْ﴾ [الأنعام: 58]، وإزاي لما نزل عليه ملَك الجبال وقال له لو شئت أطبقت عليهم الأخشبين؛ لعل الله يخرج من أصلابهم؟ هو ذكر التعارض وجاوب إجابي بس أنا ممكن نبحث عن إجابات. قال الإجابة إن هنا هم في لما نزل الجبال هم ما استعجلوش، ده اللي عرض عليه إيه ملَك الجبال، إنما لو كان هم استعجلوا بالعذاب كان إيه؟ كانوا دي الإجابة اللي قبل كتير، لكن أظني إن ممكن يبقى فيها بحث آخر يعني نشوف هو ذكر واجب طبعا.

أو النفسية البشرية أو ده كان في أول الدعوة، في لكن ده كان في آخر مكة نزلت الآيات اللي تصبر النبي صلى الله عليه وسلم، أو ده كان في الأول ولما نزلت هذه الآيات وغيرها صبر النبي صلى الله عليه وسلم. أو المعنى التاني أصلاً اللي هو مسألة الآية الحسية.

الختام: ﴿وَعِندَهُ مَفَاتِحُ الْغَيْبِ لَا يَعْلَمُهَا إِلَّا هُوَ﴾ [الأنعام: 59]. والله أعلم بالظالمين. بعد كده: ﴿وَعِندَهُ مَفَاتِحُ الْغَيْبِ﴾، نكملها المرة القادمة، نكتفي بهذا القدر، سبحانك اللهم وبحمدك، أشهد أن لا إله إلا أنت، أستغفرك وأتوب إليك، وجزاكم الله خيراً.