د. أحمد عبد المنعمبسم الله والصلاة والسلام على رسول الله صلى الله عليه وسلم. نكمل بإذن الله عز وجل وقفات مع سورة الأنعام، توقفنا عند قول الله عز وجل: ﴿وَمِنْهُم مَّن يَسْتَمِعُ إِلَيْكَ وَجَعَلْنَا عَلَى قُلُوبِهِمْ أَكِنَّةً أَن يَفْقَهُوهُ وَفِي آذَانِهِمْ وَقْرًا وَإِن يَرَوْا كُلَّ آيَةٍ لَّؤُاْ يُؤْمِنُواْ بِهَا حَتَّىٰ إِذَا جَاءُوكَ يُجَادِلُونَكَ يَقُولُ الَّذِينَ كَفَرُواْ إِنْ هَٰذَا إِلَّا أَسَاطِيرُ الْأَوَّلِينَ * وَهُمْ يَنْهَوْنَ عَنْهُ وَيَنْأَوْنَ عَنْهُ وَإِن يُهْلِكُونَ إِلَّا أَنفُسَهُمْ وَمَا يَشْعُرُونَ﴾ [الأنعام: 25-26].
المرة اللي فاتت بعد ما اتكلمنا على قوة الإيمان اللي بتيجي للإنسان باستحضار صفات ربنا سبحانه وتعالى. الآيات من أول آية اتناشر آية تمانتاشر: ﴿قُل لِّمَن مَّا فِي السَّمَاوَاتِ وَالْأَرْضِ﴾ [الأنعام: 12]. و﴿قُلْ أَغَيْرَ اللَّهِ أَتَّخِذُ وَلِيّاً﴾ [الأنعام: 14]. و﴿قُلْ إِنِّي أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ﴾ [الأنعام: 15]. و﴿وَإِن يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ وَإِن يَمْسَسْكَ بِخَيْرٍ فَهُوَ عَلَىٰ كُلِّ شَيْءٍ قَدِيرٌ * وَهُوَ الْقَاهِرُ فَوْقَ عِبَادِهِ﴾ [الأنعام: 17-18].
كل الصفات دي قلنا لما بتيجي في قلب الإنسان بتدي له قوة ويقين، بتخليه يستطيع إنه يروح يناظر أهل الباطل، ويبقى على يقين إن الدين هينتصر. فبيقول لهم: ﴿قُلْ أَيُّ شَيْءٍ أَكْبَرُ شَهَادَةً قُلِ اللَّهُ ۖ شَهِيدٌ بَيْنِي وَبَيْنَكُمْ﴾ [الأنعام: 19]. الله عز وجل يشهد لهذا الدين. قلنا يشهد لهذا الدين إزاي، بايه؟ إن من الشهادة لله عز وجل هذا الدين أنه أقر في الفطر قبول هذا الدين، ودي حاجة في فطرة الإنسان.
يبقى الله عز وجل يتم -اللهم رب هذه الدعوة التامة- الله عز وجل يتم هذا الدين. فأنَا كأن أنَا بقول، تخيل النبي صلى الله عليه وسلم، واحنا قلنا مكة -الأنعام سورة مكية- في زمن استضعاف. فتخيل النبي صلى الله عليه وسلم في زمن الاستضعاف بيقول: الله عز وجل يشهد أني رسول الله صلى الله عليه وسلم. ومن مقتضيات هذه الشهادة أن الله عز وجل سوف يتم هذا الدين. ما بيقولش الكلمة دي غير واثق.
يعني يتم هذا الدين معناها إيه؟ معناه إن الدين ده هيسود العالم. أنت بتقول كده وأنت في بلدك مستضعف؟ ما حدش يجرؤ إنه يقولها، ما حدش يقدر يقول الكلمة دي إلا إذا كان على يقين. يعني واحد بيتضرب وبيتعذب وأصحابه يقتلون ويعذبون، ولا يستطيع أن يطلب حتى... بيقول الله عز وجل سيتم هذا الدين. احنا بعد الأذان بنقول: اللهم رب هذه الدعوة التامة. التامة إزاي؟ ده احنا مستضعفين في كل مكان! سوف تتم حتماً، عندنا يقين، يبقى دي الشهادة التانية.
والشهادة التالتة اللي موجودة بقى الأصل في بقية الآية: ﴿وَأُوحِيَ إِلَيَّ هَٰذَا الْقُرْآنُ لِأُنذِرَكُم بِهِ وَمَنْ بَلَغَ﴾ [الأنعام: 19]، يبقى القرآن شهادة من الله عز وجل بصدق النبي صلى الله عليه وسلم. وبعد كده بقى اتكلمنا على الخلاف: ﴿ثُمَّ لَمْ تَكُن فِتْنَتُهُمْ إِلَّا أَن قَالُوا وَاللَّهِ رَبِّنَا مَا كُنَّا مُشْرِكِينَ﴾ [الأنعام: 23]، وشرحنا الآية.
قلنا بعد كده بقى نبدأ الآية بتاعة النهارده: ومنهم من يستمع إليك. قلنا طالما كلمة ومنهم، ده صنف من أصناف المشركين، غير الصنف اللي الآية السورة أنت بتتكلم عنه من الأول. الصورة بدأت بثلاث آيات: ﴿الْحَمْدُ لِلَّهِ الَّذِي خَلَقَ السَّمَاوَاتِ وَالْأَرْضَ وَجَعَلَ الظُّلُمَاتِ وَالنُّورَ﴾ [الأنعام: 1]. سورة بتتكلم... الآية الأولى بتتكلم أن الله عز وجل جعل ظلمات وجعل نور؛ الله عز وجل بين طريق الهداية وطرق الظلام وحذرنا منها، فربنا بيقول في طريق للهداية وفي طرق للظلام، دي الآية الأولى.
الآية التانية: أن الله عز وجل قضى أن في أجل، ﴿هُوَ الَّذِي خَلَقَكُم مِّن طِينٍ ثُمَّ قَضَىٰ أَجَلاً وَأَجَلٌ مُّسَمًّى عِندَهُ﴾ [الأنعام: 2]، في بعث. الآية التالتة كلام عن الله وقدرة الله: ﴿وَهُوَ اللَّهُ فِي السَّمَاوَاتِ وَفِي الْأَرْضِ يَعْلَمُ سِرَّكُمْ وَجَهْرَكُمْ وَيَعْلَمُ مَا تَكْسِبُونَ﴾ [الأنعام: 3]. دي ثلاث حقائق بيجادل فيها المشركون طوال السورة. الحقيقة الأولى قضية الهدى والنور وهنا القرآن. الحقيقة التانية حقيقة البعث. الحقيقة التالتة صفات الله عز وجل المطلقة.
فالثلاث صفات دول بيجادلوا فيهم، فجه القرآن في سورة الأنعام هنا يوضح الثلاث قضايا دول. بدأ بأول قضية اللي هي قضية ظلمات النور، جَت الآية الرابعة على طول: ﴿وَمَا تَأْتِيهِم مِّنْ آيَةٍ مِّنْ آيَاتِ رَبِّهِمْ إِلَّا كَانُواْ عَنْهَا مُعْرِضِينَ﴾ [الأنعام: 4]، بتبين أن في ناس مهما يجيلهم القرآن ومهما يجيلهم آية من الآيات برضو معرضين.
وبدأ في نقاش هذه الطائفة اللي بيجيلها الآيات وتعرض، نقاش طويل استمر لغاية الآية اللي عندنا ديت، لغاية آية أربعة وعشرين: ﴿انظُرْ كَيْفَ كَذَبُوا عَلَىٰ أَنْفُسِهِمْ وَضَلَّ عَنْهُم مَّا كَانُوا يَفْتَرُونَ﴾ [الأنعام: 24]. نقاش طويل مع هؤلاء الناس، لكن ربنا بيقول إن الطائفة الأولى لما كان يتلى عليها القرآن كانت تعرض مش عايزة تسمع: ﴿وَمَا تَأْتِيهِم مِّنْ آيَةٍ مِّنْ آيَاتِ رَبِّهِمْ إِلَّا كَانُواْ عَنْهَا مُعْرِضِينَ﴾ [الأنعام: 4]. يبقى الطائفة الأولى تيجي تتلو عليها القرآن تعمل إيه؟ مش عايزة تسمع.
في طائفة تانية تيجي تقول لك: اسمع، ما له ظاهريا؟ تعتقد أن الطائفة الأولى أوحش وأن الطائفة التانية إيه أحسن، لكن تفاجأ لما نجي نقرأ السياق تفاجأ أن الطائفة التانية أخبث من الطائفة الأولى. دي طائفة الرؤساء، اللي جايين عايزين يثبتوا لاتباعهم، جايين عايزين يعملوا بقى إيه؟ فاهمين وبيقولوا لأتباعهم: بصوا، احنا هنروح نسمع ونشوف الراجل ده بيقول إيه، وهنسمعه.
وبعد ما يسمعوه يقولوا: لأ لأ لأ، الكلام ده اساطير الأولين. بحيث إنه هو قدام الناس حكم بعد أن استمع، التاني اتباع كل ناعق جاهل، أول لما يسمع أي حد يقول له الكلمتين يقول لك لأ مش عايز أسمع. هنفاجئ أن القرآن عامل الطائفة الأولى معاملة غير الطائفة التانية. عامل الطائفة الأولى أنه ناقشها وفهمها ووضح لها، ولما طلبت آية قال لها الآية دي ما تنفعش، طب وختم النقاش مع الطائفة الأولى بكلمة إيه؟
ويوم نحشرهم جميعاً ثم نقول للذين أشركوا أين شركاؤكم. يبقى دول كانوا ناس بيتخذوا ناس بيضحكوا عليهم شركاء، وكان اللي مضيعهم أن لما تيجي تقول له: يا ابني أنت مضحوك عليك، أنت متخذ أحبارَك ورهبانَك أو السادة والقادة بتوعك أنت متخذهم آلهة؟ يقول لك: لأ والله ربنا ما كنا مشركين. وزي ما عدي بن حاتم لما النبي صلى الله عليه وسلم قال له... قرأ النبي صلى الله عليه وسلم آية المائدة: ﴿اتَّخَذُوا أَحْبَارَهُمْ وَرُهْبَانَهُمْ أَرْبَاباً مِّن دُونِ اللَّهِ﴾ [التوبة: 31]. بعدين عدي بن حاتم قال له: يا رسول الله ما اتخذناهم أرباباً من دون الله؛ لأنه مش لما بيحلوا شيء كان حرام عندكم بتحللوه، ولما بيحرموا شيء كان حلال عندكم وبتحرموه؟ قال: نعم. قال: فتلك عبادتهم.
فهنا بيقولوا: إن اللي ضيعنا: ﴿ثُمَّ لَمْ تَكُن فِتْنَتُهُمْ إِلَّا أَن قَالُوا وَاللَّهِ رَبِّنَا مَا كُنَّا مُشْرِكِينَ﴾ [الأنعام: 23]. ما كانش فاهم أن هو كده مشرك بالله، أنه أعطى الزمام أن واحد يقوده من دماغه ومن عقله، وفي قضايا توحيد أن في واحد بيقوده وهو مش مشغل دماغه، ده كده بيشرك بالله. ومنهم أميون سورة البقرة: ﴿وَمِنْهُمْ أُمِّيُّونَ لَا يَعْلَمُونَ الْكِتَابَ إِلَّا أَمَانِيَّ﴾ [البقرة: 78]. هو ما يفهمش حاجة في الكتاب، يقول لك: طب وأنا أفهم ليه؟ في واحد غيري يفهم في الجدال، رؤساء بني إسرائيل معتمدين أساساً أن غالبية بني إسرائيل ما يفهمش حاجة في التوراة، فبيلعبوا في التوراة براحتهم، فيحل لهم الحرام ويحرم عليهم الحلال. فكده الأتباع دول هم اللي ضيعوا نفسهم، الضعفاء دول هم اللي ضاعوا نفسهم.
فدايماً القرآن بيعلمنا حاجة عجيبة جداً؛ أن التابع الضعيف المضحوك عليه ده نستفيض في النقاش معه، بنفهمه ونوضح له: أنت كده غلطان. التاني بندخل معه ضربات قاصمة؛ لأنه إيه؟ لأنه فاهم. وكنا جبنا المثال ده في الدرس اللي قبل اللي فات تقريبا في سورة الحج، وأن ربنا في مقدمة سورة الحج قال: ﴿وَمِنَ النَّاسِ مَن يُجَادِلُ فِي اللَّهِ بِغَيْرِ عِلْمٍ وَيَتَّبِعُ﴾ [الحج: 3] -فيتبَع ده تابع أهو- ﴿وَيَتَّبِعُ كُلَّ شَيْطَانٍ مَّرِيدٍ * كُتِبَ عَلَيْهِ أَنَّهُ مَن تَوَلاهُ فَأَنَّهُ يُضِلُّهُ وَيَهْدِيهِ إِلَى عَذَابِ السَّعِيرِ﴾ [الحج: 3-4]. بما أن ده تابع، القرآن ناقشه، عايز يحرره من العبودية الوهمية اللي عايش فيها للسادة، قعد يناقشه، يقول له: يا أيها الناس كنتم في ريب من البعث فإنا خلقناكم من تراب... والآية المفصلة الطويلة اللي بعد كده.
في صنف تاني، يبقى ده الأولاني: ﴿وَمِنَ النَّاسِ مَن يُجَادِلُ فِي اللَّهِ بِغَيْرِ عِلْمٍ وَيَتَّبِعُ﴾. الصنف التاني: ﴿وَمِنَ النَّاسِ مَن يُجَادِلُ فِي اللَّهِ بِغَيْرِ عِلْمٍ وَلَا هُدًى وَلَا كِتَابٍ مُّنِيرٍ * ثَانِيَ عِطْفِهِ لِيُضِلَّ عَن سَبِيلِ اللَّهِ﴾ [الحج: 8-9]. بيلوي عنقه عشان يضحك على الناس، ثاني عطفه ليضل، بيضل الناس: ﴿لَهُ فِي الدُّنْيَا خِزْيٌ وَنُذِيقُهُ يَوْمَ الْقِيَامَةِ عَذَابَ الْحَرِيقِ * ذَٰلِكَ بِمَا قَدَّمَتْ يَدَاكَ وَأَنَّ اللَّهَ لَيْسَ بِظَلَّامٍ لِّلْعَبِيدِ﴾ [الحج: 9-10]. بس، ومن الناس من يعبد الله بالحرف... آيتين تخويف، طب ما ناقشوهوش ليه؟ لأنه عارف.
بقي الآيات الأولى كانت لناس مضحوك عليها ومش عايزة تسمع القرآن: ﴿وَمَا تَأْتِيهِم مِّنْ آيَةٍ مِّنْ آيَاتِ رَبِّهِمْ إِلَّا كَانُواْ عَنْهَا مُعْرِضِينَ﴾ [الأنعام: 4]. طب ما كانوش عايزين يسمعوا القرآن ليه؟ تفاجأ أن هيجيلنا آية: ﴿وَهُمْ يَنْهَوْنَ عَنْهُ وَيَنْأَوْنَ عَنْهُ﴾ [الأنعام: 26]. السادة والمتبوعون قالوا لهم: إياكم تسمعوا القرآن، وإيه اللي هيتضحك عليهم؟ فالضعفاء قالوا إيه؟ حاضر مش هنسمع القرآن. فانت فوجئت أن الناس اللي في أول السورة مش عايزين يسمعوك أن دول كان إيه؟ واخدين أوامر أن هم ما يسمعوش كلامك.
سورة الأنعام بدأت بعد المقدمة ثلاث آيات: ﴿وَمَا تَأْتِيهِم مِّنْ آيَةٍ مِّنْ آيَاتِ رَبِّهِمْ إِلَّا كَانُواْ عَنْهَا مُعْرِضِينَ﴾ [الأنعام: 4]. في ناس بتيجي تقرأ عليها القرآن مش عايزة تسمع، دول في الغالب -بقول في الغالب- دول أتباع مضحوك عليهم، سؤال بقى، أتباع لشهوات، أتباع لاسياد، أتباع لقادة، أتباع لآلهة ضالة، دول أتباع، فاحنا فصلنا في النقاش معهم لغاية ما فهمناهم أن اللي انت حاطه بينك وبين ربنا ده هتيجي يوم القيامة تتبرى منه: ﴿وَيَوْمَ نَحْشُرُهُمْ جَمِيعاً ثُمَّ نَقُولُ لِلَّذِينَ أَشْرَكُوا أَيْنَ شُرَكَاؤُكُمُ﴾ [الأنعام: 22].
لو استطعت مع التابع ده الضعيف ده، لو استطعت أنك تكسر له حاجز الرهبة عند السيد ده، لو عرفت تكسره له، هو هيتحرر ويفكر معك. أما تيجي تتناقش مع واحد مثلاً أسير فكرة أو أسير في جماعة، منضم لجماعة معينة، أو أسير قادة ضاحكين عليه، وظيفتك أنك تكسر الرهبة والتفخيم اللي عنده في دماغه للشخصيات دي، هو هو مش عارف أنت كل كلامك ما بيوصلوش أصلا، هو واخد قواعد زي مثلاً لو أنت بتناقش واحد نصراني مش باحث عن الحق، هو قافل عامل بلوك أصلا.
فالناس ديت: ﴿وَمَا تَأْتِيهِم مِّنْ آيَةٍ مِّنْ آيَاتِ رَبِّهِمْ إِلَّا كَانُواْ عَنْهَا مُعْرِضِينَ﴾ [الأنعام: 4]. فانت جبت له مصارع المكذبين وريتها له عياناً، ما فيش فايدة. كلمته عن ربنا ما فيش فايدة. نظّرته، قلت له: ﴿أَيُّ شَيْءٍ أَكْبَرُ شَهَادَةً﴾، ما فيش فايدة. جبت له بقى يوم القيامة صورة الشركاء اللي أخذهم وكانوا حائل بينه وبين فهم القرآن، وقلت له: منين أنت نفسك هتتبرى منهم يوم القيامة: ﴿وَيَوْمَ نَحْشُرُهُمْ جَمِيعاً ثُمَّ نَقُولُ لِلَّذِينَ أَشْرَكُوا أَيْنَ شُرَكَاؤُكُمُ الَّذِينَ كُنتُمْ تَزْعُمُونَ﴾ [الأنعام: 22]. ﴿ثُمَّ لَمْ تَكُن فِتْنَتُهُمْ إِلَّا أَن قَالُوا وَاللَّهِ رَبِّنَا مَا كُنَّا مُشْرِكِينَ * انظُرْ كَيْفَ كَذَبُوا عَلَىٰ أَنْفُسِهِمْ وَضَلَّ عَنْهُم مَّا كَانُوا يَفْتَرُونَ﴾ [الأنعام: 23-24]. آخر مشهد الشركاء سايبينهم وماشيين.
جه بقى الصنف التاني: ﴿وَمِنْهُم مَّن يَسْتَمِعُ إِلَيْكَ﴾ [الأنعام: 25]، أي ومن المشركين من يستمع إليك ظاهرياً جاي بيمثل إنه إي بيسمع القرآن. ومنهم من يسمع إليك، ده عامل نفسه كمان إيه؟ بيصغي وبيركز، ومعه ورقة وقلم وقاعد بقى إيه قاعد رايح عامل نفسه... اه عامل نفسه وهو أصلاً قاعد بيكتب حاجات تانية خالص، مش انت يا عم أنا مش قصدي عليك. ﴿وَمِنْهُم مَّن يَسْتَمِعُ إِلَيْكَ﴾، جاي للنبي صلى الله عليه وسلم يقول له إيه؟ اه فعلاً، اقرأ علي القرآن، اقرأ عشان أنا إيه عايز أشوف كده، مش عايز أبقى من المتعجلين اللي ما لهمش عقل ومضحوك عليهم، اقرأ علي القرآن كده وانا هقرر. ﴿وَمِنْهُم مَّن يَسْتَمِعُ إِلَيْكَ﴾، فربنا بيقول إيه؟ ﴿وَجَعَلْنَا عَلَىٰ قُلُوبِهِمْ أَكِنَّةً أَن يَفْقَهُوهُ﴾ [الأنعام: 25]، أي هؤلاء المتظاهرين بالاستماع، وجعلنا على قلوبهم أكنة أن يفقهوه -القرآن مش يأثر، أكنة تنهي آذانهم وقراً- ﴿وَفِي آذَانِهِمْ وَقْرًا وَإِن يَرَوْا كُلَّ آيَةٍ لَّؤُاْ يُؤْمِنُواْ بِهَا﴾ [الأنعام: 25]. مش حتى وإن يسمعوا وإن إيه وإن يروا، ده مش الآيات بس اللي بيسمعها أثرت فيه، لأ، ده لو شاف الآيات عياناً هو مش هيؤمن أصلاً، ليه؟ هو جاي واخد قرار أنه مش هيؤمن، لذلك الآية بتقول إيه بعدها؟ ﴿حَتَّىٰ إِذَا جَاءُوكَ يُجَادِلُونَكَ يَقُولُ الَّذِينَ كَفَرُواْ إِنْ هَٰذَا إِلَّا أَسَاطِيرُ الْأَوَّلِينَ﴾ [الأنعام: 25].
هو جاي واخد قرار من الأول أنه جاي يجادلك، جاي يقول على القرآن اساطير الأولين، بس بدل ما ييجي من الأول يقول القرآن اساطير الأولين فانت هترد عليه تقول له إيه: هو أنت سمعت؟ فالوقت يقول لك: اه أنا سمعت وتدبرت وتأملت وفكرت وكان معي ورقة وقلم وخدت قرار إن ده أساطير الأولين. دايماً يا جماعة اللي بيسمع عشان يجادل غير اللي غير اللي بيسمع عشان يهدى؛ يعني اللي بيسمع عشان مجرد يلتقط أخطاء أو للجدال والمراء، ده ما بيهداش، غير اللي جاي بينصت للقرآن ويستمع لأنه موقن إن ده كتاب هدى، وأن فيه النور وبصائر وبينات.
فحتى إذا جاؤوك واخد قرار، أول لما جه وقعد وقاعد بيسمع ولسه النبي صلى الله عليه وسلم يقرأ القرآن، يقول لك: إيه ده! ده ده أساطير الأولين؛ لأن هو من الأول واخد القرار داخلياً بعدم الإيمان. بقول لك، أنت عارف الموقف ده عامل زي إيه؟ دي تمثيلية زي مثلاً إيه؟ آمنوا بالذي... اللي هي اللي هي آمنوا إيه؟ ما هي آمنوا وجه أولها إيه الآية؟ الآية: ﴿وَقَالَت طَّائِفَةٌ مِّنْ أَهْلِ الْكِتَابِ آمِنُوا بِالَّذِي أُنزِلَ عَلَى الَّذِينَ آمَنُوا وَجْهَ النَّهَارِ وَاكْفُرُوا آخِرَهُ لَعَلَّهُمْ يَرْجِعُونَ﴾ [آل عمران: 72]. يبقى أنت احنا... طب ليه ليه نؤمن ونكفر؟ ليه التمثيلية دي؟
ليه نؤمن في أول اليوم ونرجع نكفر آخر اليوم؟ طب ما هو واخد قرار إنه هيكفر آخر اليوم، لعلهم يرجعون أي يرجعون عن دينهم إذا رأوكم رجعتم عن دينهم، الدين الجديد يعني.
فهو يقول لك إيه، إحنا آمنا بالدين ولكن فوجئنا كنا معتقدين إنه دين مثلاً حريات، كنا معتقدين إنه دين ينير العقول، كنا معتقدين إنه دين هيراعي المرأة، كنا معتقدين كذا كذا.
ويطلع بقى يقول إحنا إحنا مش بننقد من الخارج ده إحنا دخلنا وشفنا الدين ودرسناه دراسة عميقة، ومش لازم المقصود بكلمة وجه النهار وآخرها إنه يبقى في نفس اليوم، ممكن يقعد شهر وواخد قرار مسبق.
فأحياناً الواحد بيتعجب إزاي فيه آيات وأحاديث وشروح وتفاسير وكتب بتكون نور لناس وتكون وبال على ناس، لأن واحد اللي داخلها ده اصلا داخل يعني زي كثير من المستشرقين قرأ كتب أنت عمرك ما قريتها.
والواحد لما بيقرأ ربع الكتب اللي قروها ديت اللي بيطلعوا منها شبهات إيمانه بيزداد إنه واخد قرار من الأول إنه بيقرأ لأجل الشبهات، واخد قرار الكفر في آخر، أحياناً يأتي الله عز وجل بهم.
يعني أحياناً في واحد يجي داخل عشان الشبهات زي ما يروى يعني في قصة إسلام مثلاً حسان بن ثابت، راحوا أدوا له فلوس وقالوا له إيه خد الفلوس دي ورح اهجوا النبي صلى الله عليه وسلم.
فصعد على ربوة علي وانتظر مجيء النبي صلى الله عليه وسلم، وأول لما ييجي النبي صلى الله عليه وسلم كان هيقول فيه الهجاء، فأول لما رأى النبي صلى الله عليه وسلم قال إيه؟ اللي له بيت شعر كده مش فاكر أوله اللي هو لما رأيت وجهه وضعت كفي على بصري خوفاً من نوره، روح من النور، مش فاكر الأبيات.
ورجع للمشركين ألقى إليهم أموالهم وقال لا أريد منكم شيئاً وقرأ عليهم تلى عليهم الأبيات اللي قالها مدح للنبي صلى الله عليه وسلم وأسلم في هذه اللحظة دي، فأحياناً واحد يروح يعمل حاجة تضر بالدين ربنا سبحانه وتعالى يأتي به.
لكن غالب اللي اللي بيدخل بيبحث عن الشبهات لا يهدى، فدول جايين ومنهم من يستمع إليه، جايين عاملين نفسهم بيسمعوا القرآن، ﴿حَتَّىٰ إِذَا جَاءُوكَ يُجَادِلُونَكَ﴾، واخد قرار من الأول إنه جاي عشان إيه؟ عشان يجادل، ﴿حَتَّىٰ إِذَا جَاءُوكَ يُجَادِلُونَكَ يَقُولُ الَّذِينَ كَفَرُوا﴾.
وخد بالك مجهز الشبهة اللي هيقولها، مجهز الشبهة اللي هيقولها قبل ما ييجي واخد قرارنا هيقول إيه؟ ﴿إِنْ هَٰذَا إِلَّا أَسَاطِيرُ الْأَوَّلِينَ﴾، ده في حكايات وفلان وكانوا بقى لما كان كانوا مرتبين زي في بعض الروايات إن لما يروحوا يقعدوا عند النبي صلى الله عليه وسلم ويقول أساطير الأولين أن يكون فيه واحد منهم عامل مجلس جنب النبي صلى الله عليه وسلم بيقول أحاديث الاقوام سابقاً بحيث إنه يقول إيه؟ طب ما ده طلع زي فلان كان شاكر مين النضر بن الحارس ولا مين كان لف راح الفرس وراح وراح وكان معه قصص كتير.
قصص مش عارف عن مين ورستم وأسفنديار ومش عارف ناس كده ومعه قصص، وقاعد فيقول لك إيه ده! طب ما ده بيقول قصص وده بيقول قصص، فلان النضر بن الحارس دوت لما بيقول قصص ما ادعاش النبوة، أنت بتدعي النبوة بدأ السطور الأولين زيها زي ده.
فمجهز الشبهة ومجهز واقع يلقي فيه الشبهة، خد بالك معي؟ تاني، يعني مش قال أساطيره الأولين ومشي؟ لأ ده الأول قبل ما قبل ما ييجي مجهز هيقول إيه، ومرتب بيئة إعلامية تتلقى اكتبها دي بالقبول يقول لك آه فعلا أساطير الأولين، ده فلان بيعمل زيه اهو أساطيره الأولين، ويقعد بقى إيه ينشروا الشبهة دي عند الناس خلاص؟ القرآن أو قبل ما نشوف القرآن رد عليهم ازاي؟ ربنا بيقول إيه؟ بالرغم إنه بيقول على القرآن أساطيره الأولين وإن هي شوية قصص في ناس غيره زي بتقول قصص، بالرغم من كده ربنا بيقول إيه ﴿وَهُمْ﴾ أي وحالهم يعني بيقولوا عليه أساطير الأولين ولكن حالهم ﴿وَهُمْ يَنْهَوْنَ عَنْهُ﴾، بيمنعوا الناس إن هم يروحوا يسمعوا القرآن.
طب بتمنعوا الناس ليه من سماع القرآن مش هو مش هو في زنكم أساطيره الأولين، مش هو كلامه زي أحاديس النضر بن الحارس ما بتمنعوش الناس ليه من أحاديس النضر بن الحارس؟ بتقفلوا القنوات دي ليه؟ وبتسيبوا القنوات دي ليه؟ هاه يعني ليه بتنهى الناس عن سماع القرآن؟ مش أنت قلت إنه أساطيره الأولين مش أنت قلت إن هو شوية كلام خايف من شوية كلام ليه ليه ليه ما عندكش ثقة في الكلام؟ ده أنا مش عايز أقول لك إنه مش خايف على الناس بس ده خايف على نفسه، ﴿وَهُمْ يَنْهَوْنَ عَنْهُ وَيَنْأَوْنَ عَنْهُ﴾ بيبتعد بنفسه عن سماع القرآن لئلا يتأثر.
يعني مش وهم ينهون عنه ويبتعدون عنه، وهم ينهون عنه وايه؟ ينأى ينأى ديم يعني بيبتعد كثيراً مناطق نائية كده، النبي صلى الله عليه وسلم بيقول من سمع بالدجال فلينأى عنه، مش فليبتعد عنه فلينأى عنه، يعني خايف على نفسك من تأثير القرآن.
لذلك زي ما قلنا ما كنا بنشرح في خواتيم سورة الحجر كانوا يقفون على مداخل مكة يوزعوا إيه القطن القرصف كل اللي داخل مكة يحط القطن، طب ما ما كان ما كانوش بيكتفوا على أبواب مكة كانوا يقولوا إيه؟ خد بالك في رجل كذاب بيقول أساطيره الأولين، لا ما كانوش بيكتفوا كده.
وكمان ما تسمعوش، طب ما خلاص ما أنت قلت إن هو مجرد أساطير الأولانية، الخوف ده خوفوا على فطرته إن هي تصحى، تخيل يعني هو عارف هو عارف إن في جوة حاجة هتصحى لو سمعت القرآن، لأن دول من الأهل علم علمي مش قصدي علم الممدوح، لأ ده يعلم أن القرآن حق، دول من دول الرؤساء دول المتبوعون دول القادة اللي عارفين أن القرآن حق.
لذلك أغلب آيات اللي اللي حوالين معنى قول الله عز وجل ﴿وَجَحَدُوا بِهَا وَاسْتَيْقَنَهَا أَنْفُسُهُمْ﴾ قالوا دي في العلماء بتوعهم، في اللي عارفين مش كل الناس كده، يعني مش كل الناس بينطبق بعض العلماء قال كده مش كل الناس بينطبق عليه الوصف ده.
فتخيل من رعبهم من القرآن رقم واحد أصدروا أوامر نهي عن سماع القرآن وقال سورة بقى فصلت وقال الذين كفروا لا تسمعوا لهذا القرآن مش بس كده والغوا فيه، يعني لغوشه أثناء تلاوة القرآن، اعملوا مجالس لهو وصلت قيل كانوا بيعملوا مجالس غناء أثناء تلاوة النبي صلى الله عليه وسلم للقرآن.
يعني في نفس الوقت مثلاً بتاع صلاة التراويح اعملوا لهم تلاتين مسلسل في بعض فوق المسلسل ده في الوقت ده، في نفس الوقت بتاع يعني دايماً أوقات الطاعة عشان بس ما تسمعش القرآن، الغوا فيه اعملوا لغو لغوشوا على الناس اجعلوا قلوبهم ملهية عن سماع القرآن، ليه؟ خوف أن القرآن يؤثر في الفطر، ودي أحد زي ما قلنا أوجه شهادة الله عز وجل هذا الدين ﴿وَهُمْ يَنْهَوْنَ عَنْهُ وَيَنْأَوْنَ عَنْهُ﴾.
وفيه أثر رواه ذكره ابن هشام في السيرة المشهور إن كان أبو جهل وأبو سفيان ومش مش متذكر التالت مين؟ اه أبو ناضر بن حارث أو غيره لا أذكر مين يعني كانوا بيروحوا عند بيت النبي صلى الله عليه وسلم ويسمعوا القرآن، وتلاقوا مرة هناك قدرا ثم تعاهدوا ألا يعودوا، وبعدين رجعوا تاني وكانوا كل مرة بيتعهدوا وألا يعودوا وبيجوا يسمعوا القرآن وغيره حقيق، وابن أخطب لما عرف وأيقن أن من اليهود لما أيقن أن ده النبي صلى الله عليه وسلم وسألوه نويت على أيه؟ قال عداوته ما بقيت.
إذاً الرؤساء والقادة المتبوعون عارفين أن ده الحق، لكن هو هنا بدأ بداية خبيثة جداً في السورة، بدأ بداية إيه ومنهم من إيه راح المجلس وقعد وسط الناس وعمل نفسه بيستمع وبعدين انتفض وقال إيه ده، إحنا ما لناش عقول ولا ايه هو أنا هيبقى زيي زي الناس يتضحك علي؟ يعني أظهر لذلك دائماً الحجة اللي بتذكر من أيام سيدنا نوح اتباع الرسل ﴿مَا نَرَاكَ اتَّبَعْتَكَ إِلَّا الَّذِينَ هُمْ أَرَاذِلُنَا بَادِيَ الرَّأْيِ﴾.
يعني إيه بادي الرأي، في البدي الرأي لها معاني منها يعني في أول لما سمعوك اتضحك عليهم ما فكّروا، أول ما بدا لهم أنهم يتبعوك اتتبعوك من غير ما يفكروا، ليه عايز يقول بادي الرأي يعني إيه؟ أن اتباعك اتباع الرسل الكفار بيقولوا اتباع الرسل ما بيفكروش بيمشوا وخلاص، بيتقال عليهم ايه خرفان، لازم الوصف ده والسبة ديت بتطلق من زمان.
وأنت أنت ما بيطلقش على نفسك الوصف ليه؟ يقول لك لأ، أنا سمعت وخدت قرار، خدت قرار إنه إيه؟ إنه أساطيره الأولية، التهم جاهزة من زمان لذلك ربنا بيقول ﴿كَذَٰلِكَ مَا أَتَى الَّذِينَ مِنْ قَبْلِهِمْ مِنْ رَسُولٍ إِلَّا قَالُوا سَاحِرٌ أَوْ مَجْنُونٌ﴾، تهمة ساحر أو مجنون ديت كل الرسل إتقال لهم كده، فربنا بيقول ﴿أَتَوَاصَوْا بِهِ بَلْ هُمْ قَوْمٌ طَاغُونَ﴾ آخر الذاريات.
إذاً مسألة استقراء القرآن بيعرفك الجو اللي أنت عايش فيه وبيديك قوة نفسية تواجه أنك أنت مش ماشي في الطريق ده لوحدك، لذلك عندنا من الآية بعد الشوط ده في الآخر ربنا بيقول إيه ﴿وَلَقَدْ كُذِّبَتْ رُسُلٌ مِنْ قَبْلِكَ فَصَبَرُوا عَلَى مَا كُذِّبُوا وَأُوذُوا حَتَّى أَتَاهُمْ نَصْرُنَا﴾، فيه طريق أنت ماشي فيه هتجد مثل ما وجد الأنبياء من قبله، وطبعا مش هتجد نفس كما وكيفاً، لا تجد جزء من ده، لأنه يبتلى المرء على قدر دينه.
﴿وَهُمْ يَنْهَوْنَ عَنْهُ وَيَنْأَوْنَ عَنْهُ﴾، بعد أي ما هم اللي أغلقوا على أنفسهم أبواب الهداية، زي ما قلنا اللي جاي باحث عن الحق يهدى، ولكن ﴿وَمَنْ يُشَاقِقِ الرَّسُولَ مِنْ بَعْدِ مَا تَبَيَّنَ لَهُ الْهُدَى وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّى﴾.
لا لا ما هو تبين له ده عقاب، وجعلنا على قلوبنا ده عقاب إنه أعرض بعد أن تبين له معي، وهم ينهون عنه وينهون عنه، وأن يهلكون هو معتقد بقى إيه إن احنا نصرف الأتباع عن النبي صلى الله عليه وسلم، يقوم النبي صلى الله عليه وسلم ما يبقاش معه أتباع، يوم كده لما يموت الدعوة تندثر، فيبقى كده استطاعوا القضاء وإهلاك الدعوة، فربنا بيقول لهم ﴿وَإِنْ يُهْلِكُونَ إِلَّا أَنْفُسَهُمْ وَمَا يَشْعُرُونَ﴾، لما بتمنع نفسك عن القرآن وتمنع الناس عن القرآن أنت تهلك نفسك.
وهنا قاعدة من الآية ديت كل بعد عن القرآن هو هلاك دون أن تشعر، ﴿وَإِنْ يُهْلِكُونَ إِلَّا أَنْفُسَهُمْ وَمَا﴾ الإنسان لما يبعد عن القرآن يهلك دون أن تشعر، ولو أبعد الناس عن القرآن هو يهلك الناس دون أن تشعر.
فكل حاجة حتى لو حتى لو إحنا مش قاصدين عمالين نبعد الناس عن القرآن وإحنا مش قاصدين، عمالين نشغلهم بأشياء أخرى غير كتاب ربنا سبحانه وتعالى يبقى إحنا كده بنهلك الناس، كل شيء بنقوم به في إبعاد للناس عن كتاب الله عز وجل حتى لو شغلناه بأشياء أخرى ده إهلاك للناس، ﴿وَإِنْ يُهْلِكُونَ إِلَّا أَنْفُسَهُمْ وَمَا﴾.
الرد بقى شوف السياق الطويل بتاع الآيات الناس اللي هم الأتباع ﴿وَمَا تَأْتِيهِمْ مِنْ آيَةٍ مِنْ آيَاتِ رَبِّهِمْ إِلَّا كَانُوا عَنْهَا مُعْرِضِينَ﴾ سياق طويل، دول بقى ربنا سبحانه وتعالى ألهم مشهد مباشر تخويفي على الدار الآخرة.
أخذهم وهم يعني إيه جت بس آيتين قالوا فيها الساطير الأولين وهم ينهون عنه وينهون عنه، اتكلموا عن القرآن إنه أساطير الأولين ربنا أخذهم في مشهد وأوقفهم على النار، ﴿وَلَوْ تَرَى إِذْ وُقِفُوا عَلَى النَّارِ﴾، كلمة وقف ودي يعني وقف غصب عنه، مين اللي وقفه؟ لم يذكر الله عز وجل زيادة في التخويف، الملائكة بقى ربطاه حابساه مربوط مش قادر يتحرك.
﴿وَلَوْ تَرَى إِذْ وُقِفُوا عَلَى النَّارِ﴾ قيل وقفوا على النار إما على شفير جهنم، يعني اتحط كده على شفير جهنم وقبل أن يسقط فيها، وقيل وهو يسير على الصراط، وقيل وهو في النار، دي تلت أقوال اللي قالوا على بمعنى فيه وأن هو جوة النار وده اختاره الإمام الطبري، وبعضهم قال لأ على ده يعني على شفير جهنم وبعضهم قال على هنسبها بمعناها ويبقى على النار فعلاً فيبقى على الصراط، وبعضهم قال كلمة أو قفته على كذا يعني عرفته حقيقته مش لازم يعني بس هو واقف من بعيد كده وشاف النار.
أياً كان لما عاين النار حقيقة سواء رؤية أو ملامسة، أول لما شاف النار ولو ترى، أول لما شاف النار من غير بقى ما حد يقنعه ولا حد يقرأ عليه قرآن أول ما شفناه قال إيه ﴿يَا لَيْتَنَا نُرَدُّ وَلَا نُكَذِّبَ بِآيَاتِ رَبِّنَا﴾، مش دي الآيات اللي أنت معرض عنها وبتستهزأ بها وقلت أساطير الأولين، أنت الوقت آمنت؟ فين وسيلة الإقناع هنا مش أنت كنت عامل نفسك إنك بتفكر يا جماعة كثير من الرفض اللي أنتم بتشوفوه هو ليس لعدم الإقناع، لذلك كثير من المجهود اللي ببذل مع بعض الناس عشان يقنعوا ده مجهود فاضي، مجهود في الفاضي، المجهود اللي أنت محتاج تبذله هو موجود، البشارة والنذارة إحياء الإيمان أولاً داخلياً، إنما مجهود الإقناع يعني ما هو أما تيجي تقعد تكلم واحد ساعة في الأغاني أو ساعة في حاجات حرام في قضايا قناعية هي مشكلته مش في الإقناع أساساً.
لذلك في سورة الدخان، ودي في منظومة الحميم، شوط طويل من أول سورة غافر في الحميم جدال مع المشركين، ﴿مَا يُجَادِلُ فِي آيَاتِ اللَّهِ إِلَّا الَّذِينَ كَفَرُوا﴾ [غافر: 4] في أول سورة غافر، ﴿فَلَا يَغَرُّكَ تَقَلُّبُهُمْ فِي الْبِلَادِ﴾ [غافر: 4]. والقرآن من أول سورة غافر يوضح له ما يبين لهم الآيات، في سورة غافر بيبين لهم الآيات، وفي سورة فصلت، وفي الشورى، وفي الزخرف، جت في سورة الدخان، كل ده لسه ما آمنش.
هي السور ورا بعضها الحميم، كل ده لسه ما آمنش، أول لما شاف الدخان فوقه يغشى الناس هذا عذاب أليم. أول لما شافوا الدخان قالوا إيه؟ ربنا اكشف عنا العذاب إنا مؤمنون. الله! يعني كل الآيات القرآنية والاقناع ده ما أثرش فيكم، وأول لما أشوف الدخان قال أنا آمنت، زي برضه المشركين تقعد تتناقش معه تلات أيام ما فيش فايدة، يدخل نص البحر الموج يعلى آمنتم، هو فين وسيلة الإقناع اللي جت في نص البحر؟
يبقى إذن أول ربنا جاب له صورته، صور له صورته واقف على النار ومن غير ما حد يقنعه على حاجة، أول لما وقف على النار قال إيه؟ يا ليتنا نرد ولا نكذب بآيات ربنا ونكون من المؤمنين، أنا دلوقتي أيقنت أن هي آيات فعلاً من عند ربنا. خدوا بالكم احنا قلنا من المعاني دي موجودة في سورة النمل عشان ما ننساش، ما ننساش أن المشركين عمالين يغلوا في طلب آية، عايزين آية، مش هنؤمن لك إلا لما تجيب لنا آية. وبدأت السورة: ﴿وَمَا تَأْتِيهِم مِّنْ آيَةٍ مِّنْ آيَاتِ رَبِّهِمْ إِلَّا كَانُوا عَنْهَا مُعْرِضِينَ﴾ [الأنعام: 4]. طول السورة عمالين طب نزل لنا، نزل ملك، طب نزل كتاب في قرطاس، طب وريني آية، عمالين يطلبوا إيه؟ آيات. أول لما وقف على النار قال إيه؟ قال خلاص أنا مش عايز آية، أنا آمنت أن القرآن هو آية من آيات ربنا سبحانه وتعالى: ﴿وَلَوْ تَرَى إِذ وُقِفُوا عَلَى النَّارِ فَقَالُوا يَا لَيْتَنَا نُرَدُّ وَلَا نُكَذِّبَ بِآيَاتِ رَبِّنَا وَنَكُونَ مِنَ الْمُؤْمِنِينَ﴾ [الأنعام: 27]. شوف ربنا هنا بيقول بقى معنى: ﴿بَلْ بَدَا لَهُم مَّا كَانُوا يُخْفُونَ مِن قَبْلُ﴾ [الأنعام: 28]. يعني إيه بقى بل بدا لهم ما كانوا يخفون من قبل؟ الآية ديت في السر بيتكلموا فيها كتير، ومثلاً الإمام محمد رشيد رضا جه عند الآية دي جاب فيها تمن أقوال، وجاب قول تاسع واستفاض فيه، جمع فيه كتير من الآيات، وقفوا عندها كتير.
المعنى اللي هنختاره عشان ما نخخش في خلافات يعني، هيمشي مع سياق أن دول ناس، السياق ده بيخاطب، احنا قلنا مين؟ السياق ده بيخاطب مين؟ آه، اللي بيُمثل إنه بيسمع، يعني القادة ولا الضعفاء؟ القادة، دول المتبوعين، دول السادة، خلاص؟ ده بيخاطب الناس دي. والناس دي عارفة من جوة أن ده الحق، لذلك كانوا بيعملوا إيه؟ كانوا بينهوا وبينأوا، بينهوا الناس عن السماع وبينأى بنفسه، وبيغلوا أثناء القرآن، ليه؟ عشان الفطرة ما تصحاش، مش بس فطرة الناس ده كمان إيه؟
يبقى كان مخبي جواه أشياء ما كانش عايز يظهرها، وكان بيخبي حاجات على الناس مش عايز يظهرها، يبقى كان، يبقى كلمة، خلينا نفهم كلمة الأول يخفون. كان عشان، بل بدا لهم ما كانوا يخفون. عايزين نعرف إيه اللي كانوا بيخبوه عشان نعرف إيه اللي ظهر بقى، اللي كانوا بيخبوه حقيقة إيمانهم ويقينهم الداخلي أن ده الحق، ولكن كانوا جاحدين، زي ما جه يغرق قال آمنت. وكانوا بيخفوا على الأتباع معرفتهم أن ده الحق، ده اللي جت الآيات قبلها: ﴿الَّذِينَ آتَيْنَاهُمُ الْكِتَابَ يَعْرِفُونَهُ كَمَا يَعْرِفُونَ أَبْنَاءَهُمْ﴾ [البقرة: 146]، بس كانوا بيخبوا على مين؟ يعني دول مش كل بني إسرائيل اللي كانوا موجودين، مش كل اليهود اللي كانوا موجودين كانوا يعرفون النبي صلى الله عليه وسلم، كانوا يعرفون منه مش كله.
لكن كان مين؟ قلة، لذلك كان منهم مين؟ عبد الله بن سلام، لذلك إيمان عبد الله بن سلام أحدث هزة في صفوف اليهود، والنبي صلى الله عليه وسلم ما فيه ناس آمنت. ليه لما عبد الله بن سلام نفسه بس آمن، خده النبي صلى الله عليه وسلم وراح به لليهود، وخباه وقال لهم: ما تقولون في عبد الله بن سلام؟ قالوا: سيدنا وابن سيدنا. فخرج عبد الله بن سلام وقال: أشهد أن محمداً رسول الله، أشهد أن لا إله إلا الله وأن محمداً رسول الله صلى الله عليه وسلم. قالوا إيه؟ سفيهنا وابن سفيه. في لحظة اكتشفوا أن هو إيه؟ مش سيد، انقلبوا. فعبد الله بن سلام أحدث هز في صفوفهم، فكلمة ما كانوا يخفون، كانوا بيخبوا على الأتباع، كانوا بيضحكوا عليهم وكانوا بيخبوا على نفسه، كان بينهى الأتباع وكان بينأى بنفسه، متناسقة معه: ﴿وَيَنْهَوْنَ عَنْهُ وَيَنْأَوْنَ عَنْهُ﴾ [الأنعام: 26]. كان بيخبي أشياء على الأتباع وكان بيخبي على نفسه، مش عايز نفسه تسمع للقرآن، فأول لما بيشوف النار بيظهر كل ده بقى، كل ده بيظهر له. آه، أنا فعلاً كنت مخبي، آه، أنا أنا كنت عارف أن ده الحق، وبيشوفوا الناس اللي حواليه.
عشان كده بعضهم قال: بل بدا لهم، أي للضعفاء، ما كانوا يخفون، أي المتبوعون، السادة تاني. بل بدا لهم، أي لمين؟ الضعفاء للأتباع، ما كانوا يخفون اللي هم مين؟ السادة المتبوعون من قبل. أو بدا لهم أنفسهم اللي كانوا بيخبوه، كل ما يخفيه الإنسان سيظهر يوم القيامة. احنا بقى ممكن ناخد الآية دي قاعدة عامة، بعيداً بقى عن سياق المشركين، كل واحد فينا بيخبي حاجات معينة، له أعذار! ده أنا عايز أقول لك مش بس يعني مثلاً واحد إيه تقول له أنت ما جيتش الدرس ليه؟ فيخبيه يقول أعذار وهمية ومخبي الحقيقة، فده هيظهر، هيتقفش، إيه؟ ده هيظهر يوم القيامة.
خلاص؟ أحياناً بقى الإنسان بيقنع نفسه بأعذار وهمية عشان ما يعملش الطاعات، هو كده بيضحك على نفسه بيكذب على نفسه، هيظهر له أنه كان كذاب، معي؟ يعني أحياناً أنت بتخبي على ناس وأحياناً بتخبي على نفسك، يعني القرار، ما كنا مشركين، زي على غرار بقى: ﴿وَاللَّهِ رَبِّنَا مَا كُنَّا مُشْرِكِينَ﴾ [الأنعام: 23]. هيظهر بقى الحقيقة أنه فضل يكذب على نفسه ويكذب على نفسه لغاية ما صدق أنه ما كانش مشرك. في واحد بقى بيفضل يقنع نفسه أنه مش قادر، وأن الموضوع صعب، ناس مثلاً تيجي تكلمهم في طاعات يقول لك: والله حاولت ألف مرة. وهو كذاب، ويعيش، خلاص، عاش في دور أن هو مغلوب على، وأن القدر هو اللي عامل فيه كده في المعاصي، وأن هو بيضحك على نفسه، بيعذر نفسه أعذار وهمية ويصدقها: ﴿لَا تَخْفَىٰ مِنكُمْ خَافِيَةٌ﴾ [الحاقة: 18]. ﴿تُعْرَضُونَ﴾ [الحاقة: 18]. قالوا: لا تخفى منكم خافية. يعني أحياناً أنت بتخبي حاجات على نفسك، ﴿يَوْمَ تُبْلَى السَّرَائِرُ﴾ [الطارق: 9]، كل السرائر الموجودة داخل الإنسان ستظهر يومك، وربنا يسترنا يا رب، ده اللي من أراد أن يفضحه الله. في بقى إنسان ممكن يفضح أمام نفسه، يفضح أمام مجموعته، ممكن يفضح والعياذ بالله على رؤوس الأشهاد، هؤلاء الذين كذبوا على ربهم والعياذ بالله ينادون على رؤوس الأشهاد: ﴿بَلْ بدا لَهُم مَّا كَانُوا يُخْفُونَ مِن قَبْلُ﴾ [الأنعام: 28].
كلمة بل، بل بدا لهم ما كانوا يخفون من قبل، لا ربنا بيقول هو مش عايز الأفضل، ﴿كَلَّا بَلْ تُحْبُونَ الْعَاجِلَةَ﴾ [القيامة: 20]، هو عايز الأمتع، فبيتعجل متعة الدنيا، ما هو أغلب، أغلب اللي بيشرب سجاير عارف أن هي مضرة، إن لم يكن كل، يعني دلوقتي راشمين لهم صور سرطان وصور يعني أبو رجل مسلوخة على البتاع على علبة سجاير وبرضه بيشربها، يعني، اللي ما بيعرفش يقرا اهو وبيشربها، فمش لابس: ﴿كَلَّا بَلْ تُحْبُونَ الْعَاجِلَةَ﴾ [القيامة: 20]، هو باختيار الأمتع. طيب، هنا ربنا بيقول إيه؟ بل بدا لهم. بل دي يعني إيه؟ يعني أنتم كذابين. فين الكذب اللي قالوه؟ قالوا إيه؟ يا ليتنا نرد ولا نكذب بآي، معنى كلامهم ده يا رب الآن عرفنا أن وعد الله حق، فربنا يقول له لا، أنتم كنتم عارفين من وأنتم في الدنيا بس كنتم إيه؟ وتخفوا ذلك. ﴿بَلْ بَدَا لَهُم مَّا كَانُوا يُخْفُونَ مِن قَبْلُ﴾ [الأنعام: 28] أي يخفون في الدنيا. ربنا بيقول لهم إيه؟ ﴿وَلَوْ رُدُّوا لَعَادُوا لِمَا نُهُوا عَنْهُ وَإِنَّهُمْ لَكَاذِبُونَ﴾ [الأنعام: 28]. يعني تخيل هم بيقولوا: يا ليتنا نرد ولا نكذب بآيات ربنا ونكون، ربنا بيقول لهم: أنا لو رجعتكم الدنيا تاني هترجعوا تكفروا تاني. الآية دي العلماء وقفوا عندها، قالوا إيه؟ يعني واحد شاف النار أو واحد دخل النار واتشوى والعياذ بالله، وربنا يرجعه الدنيا اختبره تاني يقوم يكفر؟ آه، ليه بقى؟ ﴿وَلَوْ رُدُّوا لَعَادُوا لِمَا نُهُوا عَنْهُ﴾ [الأنعام: 28].
ليه؟ القرار، قرار الإيمان لما بيُؤخذ اضطراري غير لما بيُؤخذ نتيجة قناعة واختيار من الإنسان، هو هنا لما خد قرار الإيمان في الدار الآخرة قدام النار ما خدوش عشان هو إيه؟ ده خدوه وبس عشان إيه؟ هروباً من النار، زي بالضبط قرار: ﴿دَعَوُا اللَّهَ مُخْلِصِينَ لَهُ الدِّينَ﴾ [يونس: 22]، فين؟ في نص البحر، فلما نجاهم إلى البر، إيه ده؟ هو مش يكون، هي دي نفس فكرة: ولو ردوا لعادوا، لذلك ربنا قال لهم إيه؟ ﴿أَفَأَمِنتُمْ أَن يَخْسِفَ بِكُمْ جانِبَ الْبَرِّ أَوْ يُرْسِلَ عَلَيْكُمْ حَاصِبًا ثُمَّ لَا تَجِدُوا لَكُمْ وَكِيلًا﴾ [الإسراء: 68]، ما هو أنت، يعني أنت الوقتي لما رجعت البر أشركت، أما ربنا ممكن يرجعك تاني البحر: ﴿أَوْ يُرْسِلَ عَلَيْكُمْ قَاصِفًا مِّنَ الرِّيحِ فَيُغْرِقَكُم بِمَا كَفَرْتُمْ﴾ [الإسراء: 69]، يعني مش لازم ترجع تاني كمان في نص البحر.
فأغلب الناس، وده يا جماعة شيء احنا بنشاهده، تجد الإنسان في تعبه الشديد: يا رب، يا رب. الامتحانات، في الامتحانات اتفرج على المساجد أيام الامتحانات، الفجر أيام امتحانات، والامام لو قال: يا رب نجح الطلاب. آمين، يا رب نجحهم وهيتوبوا. إي والله، يا رب، خلاص؟ شوف، بس بمجرد، أنا مش عايز أقول لك آخر يوم امتحان، لو قرر أن آخر مادة يسقطها مش هيخشها خلاص، مش هيكمل آخر مادة، مش هيكمل الصلاة في آخر المادة، يعني ده على مثلاً على فراش المرض، لو هو نايم ما بيتحركش، لو بدأ يحرك ظهره بس، يبدأ والعياذ بالله يعصى، فلو ردوا لعادوا.
القرار اللي بيجي نتيجة ضغوط، لذلك بني إسرائيل لما قرار إيمانهم جه بعد كل الآيات ما أثرش فيهم، فربنا نطق الجبل فوقهم كأنه ظلة وقالوا آمنّا، فضل إيمانهم إيمان مضطرب، ليه؟ لأنهم آمنوا خوفاً من الجبل أنه يسقط عليهم، حتى بيروا في الآثار لما جم: ﴿وَإِذ نَتَقْنَا الْجَبَلَ فَوْقَهُمْ كَأَنَّهُ ظُلَّةٌ وَظَنُّوا أَنَّهُ وَاقِعٌ بِهِمْ﴾ [الأعراف: 171]. أنه لما جم خدوا قرار، جم من السجود سجدوا، إيه؟ سجدوا بعين، خافين، الجبل، بيصوا بعين خافين الجبل يقع عليهم. دايما اللي ما بياخدش قرار الإيمان عن بينة، وأنه موقن أن لا إله إلا الله محمد رسول الله، واخدة بس عشان ينجو، يعدي من أزمة في دنيته، عنده مشكلة عايز يخلص منها، هو أول لما شاف النار قدامه عايز إيه؟ يخلص من النار بأي حاجة، أخلص من النار دي إزاي؟ زي فرعون بالضبط، فرعون شاف عصا موسى وشاف يده بيضاء وشاف الطوفان والجراد والقمل والضفادع والنمل، شاف كل ده، وأول لما بيغرق قال إيه: ﴿آمَنتُ أَنَّهُ لَا إِلَٰهَ إِلَّا الَّذِي آمَنَتْ بِهِ بَنُو إِسْرَائِيلَ وَأَنَا مِنَ الْمُسْلِمِينَ﴾ [يونس: 90]. قال: إن، هو أنت عقلك أنت الوقتي فقت؟ هو أنت كنت في غيبوبة الفترة دي كلها ما انت شفت الآيات؟ هو فرعون بيعمل إيه؟ بيعمل إيه دلوقتي؟ عايز يطلع من الغرق وخلاص، هو أي حاجة، هو بيقول، هو فاهم أن هو بيغرق بسبب إيه؟ بسبب المعصية، هو فاهم أن بيغرق بسبب الكفر، فهيقول كلمة تطلعه، وبعدين أول لما يعدي الناحية التانية يلا نكمل جري ورا سيدنا موسى، يعني عادي، هو الموضوع هو عايز بس يخلص من الغرق، يعني هو عايز يخلص من دي، عارف يقول لك: أنا باعدي على الكمين باقوم مشغل وبعدين باخلص، بس أشغل لهم اللي هم عايزين وبعدين أعدي وخلاص، ما بيبقاش إيمان بالمبدأ ده.
ولَوْ رُدُّوا لَعَادُوا لِمَا نُهُوا عَنْهُ. لذلك عارف، أنا هاقول لكم على حاجة، تسلسل اللي هيحصل إيه، تخيل، يعني نفترض، يعني ربنا بيقول: ولو ردوا، تخيل لو ربنا رجعه بعد ما، أول لما ينزل يقعد يشوف واحدة حلوة معدية يفتكر إيه؟ النار! لا يا عم لا، أنا لسة ملسوع وقاعد عشرين سنة مشوي في جهنم والعياذ بالله، لا لا لا، الكلام ده خلاص، أنا عاهد ربنا أن أنا هعيش الخمسين سنة اللي هعيشهم في الدنيا إيه؟ مستقيم خلاص، شهر، اتنين، تلاتة، أربعة، بصة، شهر، اتنين، تلاتة، أربعة، كلمة شهر، اتنين، عارفين أقول لكم على مثال؟ يعني ربنا يعافينا، يعني تخيل عارفين دايماً الإنسان كده بينسى، عارف مثلاً تيجي واحد مثلاً ربنا يعافينا عمل حادثة وربنا نجاه، فتلاقيه لما يجي يسوق بعد كده تلاقيه إيه؟ قمة، كأن هو عمل حادثة بسبب أنه مهمل مثلاً في السواقة، كان قاعد مثلاً وهو سايق بيذاكر وبيشرب شاي وبيكلم في التليفون، في ناس كده بتعمل كل حاجة وهي بتسوق. رجع بعد كده وهو بيسوق بعد الحادثة، تلاقيه قاعد إيه؟ ماسك إيديه الاتنين ومركز، والاشارات شوية شوية شوية شوية، خلاص، بيتناسى فبيرجع تاني، طبع في الإنسان أنه بينسى، زي راجل آخر دخول الجنة، من ينجيه منك يا ابن آدم. فالشاهد أن الإنسان مع المراحل بيتبدأ ينسى، فبيفضل والعياذ بالله يبدأ يقول لك: آه، النار. شوية بقى يقول لك إيه: ومين اللي قال أن أنا هرجع تاني؟ ده على فكرة بقى موضوع النار اللي احنا كنا فيه ده كان مرة واحدة، على فكرة ده مش كلامي، ده بيقول إيه: ﴿وَلَوْ رُدُّوا لَعَادُوا لِمَا نُهُوا عَنْهُ وَإِنَّهُمْ لَكَاذِبُونَ * وَقَالُوا إِنْ هِيَ إِلَّا حَيَاتُنَا الدُّنْيَا وَمَا نَحْنُ بِمَبْعُوثِينَ﴾ [الأنعام: 28-29]. كتير من المفسرين قال معنى الآية: أي لعادوا.
قالوا: وما هي إلا حياتنا الدنيا. يقول أحدهم: يعني المعنى أن الزمخشري وابن كثير وكثيرًا من المفسرين قالوا إن المعنى هو: ولو ردوا إلى الدنيا لعادوا لما نهوا عنه، هيعودون إلى المعاصي. ولقالوا بعد أن يرجعوا من النار، هيقول في الدنيا إيه؟ إن هي إلا حياتنا الدنيا وما نحن بمبعوثين، ما فيش بعث. ده أنت لسه جاي من جهنم! يقول لك: لأ، ما فيش بعث، مش هنبعث تاني. دي كانت حاجة كده خالص فوتوشوب.
عارف أحد المغسلين الذين يغسلون الأموات يحكي يقول: في مرة أنا بغسل واحد، فجأة صحي وهو بيغسله، وكانت غيبوبة سكر. المهم، قعد اتخض وبتاع، ومع سبحان الله الصدمة بقى بتاعت أن ازاي كان مات وفاق وراح المستشفى. المهم بيقول: أسبوع لقيته على القهوة بيشيش. ده أنت المفروض إحنا بنخوفه بالموت! طب ده مات قبل كده. طب ده أنا هروح أقول له إيه ده؟ يعني ده أنا هقول له إيه؟ أقول له أنت، يعني أنا بحب أخوف واحد خالص، أقول له: يا ابني أنت ممكن تموت في أي لحظة. طب ده مات وتغسل! ففي ناس والعياذ بالله مهما شافت ربنا يعافينا.
وطبعا الواحد يخاطب نفسه أولًا، من أكثر الآيات التي تحس أن تنغزك هي قول الله عز وجل في سورة الأعراف: ﴿وَمَا وَجَدْنَا لِأَكْثَرِهِم مِّن عَهْدٍ﴾ [الأعراف: 102]. وسورة الأعراف فعلا أغلبها نقض عهود. تقعد تدي عهود وأنا أبقى كويس، وأول لما الضغط الذي خلاك تاخد القرار ده يروح منك تنسى تاني. لذلك، في فارق بين الذي يأخذ القرارات وهو مضغوط، حمية سخونية كده، وبين لذلك ربنا قال: ﴿لَا يَسْتَوِي مِنكُم مَّنْ أَنفَقَ مِن قَبْلِ الْفَتْحِ وَقَاتَلَ﴾ [الحديد: 10]. الإيمان الذي أُخذ في قرارات مصادمة لأجواء الإيمان غير الذي أخذ الإيمان والناس ماشية مع الرايقة، يعني دولة إسلامية اهي الله أكبر وماشي، غير في زمن استضعاف.
ولو ردوا لعادوا لما نهوا عنه وإنهم لكاذبون. وقالوا إن هي إلا حياتنا الدنيا. ولو ردوا لعادوا إلى الدنيا وقالوا، مش بس هيكتفي بالتكذيب بالقرآن، لا ده هيقول إيه كمان؟ هيقول ما فيش بعث. ده أحد، كلمة وقالوا، أحد أوجه العطف. شو قالوا؟ فيه ناس قالت لأ، الواو دي معطوفة على إيه بقى؟ ركزوا معي كده، الآية تسعة وعشرين معكم في المصحف: وقالوا. الواو دي إما عطف على «ولو ردوا لعادوا»، أي لعادوا وايه ولقالوا، أو ده القول التاني بتاع اللي جايين يستمعوا للنبي صلى الله عليه وسلم، ومنهم من يستمع إليك وجعلنا على قلوبهم أكنة أن يفقهوه وفي آذانهم وقرا، وإن يروا كل آية لا يؤمنوا بها حتى إذا جاءوك يجادلوا. قالوا حاجتين: قالوا عن القرآن: أساطير الأولين، وقالوا: ما فيش بعث.
يبقى المشركون السادة القادة المتبوعون بيضربوا في حاجتين دايما: في القرآن وفي البعث. بيضحكوا على الضعفاء بحاجتين: أن ما فيش بعث، وبيعيبوا في القرآن. لا هو هنا ما بيقولش ما فيش ربنا، هو بيقول ما فيش بعث. خد بالك، المشرك غير الملحد، الملحد بيقول ما فيش ربنا أصلاً، وقيل إن دي جت في آية الجاثية: ﴿وَمَا يُهْلِكُنَا إِلَّا الدَّهْرُ﴾ [الجاثية: 24]. خلاص، الآية دي بتخاطب هؤلاء، لكن دول أصلًا ما فيش بعث يعني ما فيش حساب، يعني نعمل اللي احنا عايزينه، يعني ننطلق في شهواتنا. هو بيكسر السلسلة من أول البعث، بيكسرها.
يبقى ده القول التاني، يبقى اللي كانوا عاملين فيها علماء وجايين يستمعوا للقرآن خرجوا من القعدة بحاجتين، راحوا للناس وقالوا إيه؟ أساطير الأولين وقالوا ما فيش بعث. ربنا في كل كلمة قالوها جاب لهم مشهد أخروي يخاطبهم ويهزهم ويضعفهم. اتعلم إزاي القرآن فيه خطاب لكل شخصية: الشخصية المستهزئة غير الشخصية المعرضة، غير الشخصية الجاحدة يعلم ويجحد، الاتباع غير المتبوعين، السادة غير الضعفاء.
حتى السادة نفسهم، المتبوعون دول اللي بيضحكوا على الناس دول، قالوا جملتين، كل جملة كان لها طريقة للرد. لما قالوا القرآن مش حق، أساطير الأولين، ربنا وقفه على النار، جابه وقفه على النار قال له: ها، القرآن حق ولا مش حق؟ قال له: رجعني بس وأنا أؤمن بأي آية فيه. الحاجة التانية: قال ما فيش بعث، إن هي إلا حياتنا الدنيا وما نحن بمبعوثين، جاب مشهد تاني غير مشهد النار: ﴿وَلَوْ تَرَىٰ إِذْ وُقِفُوا عَلَى رَبِّهِمْ ۚ قَالَ أَلَيْسَ هَٰذَا بِالْحَقِّ ۚ قَالُوا بَلَى وَرَبِّنَا﴾ [الأنعام: 30].
أي أليس هذا اللي هو البعث؟ قال: وما نحن بمبعوثين. أليس هذا؟ أي أليس البعث الذي أنكرتموه حق؟ طلع حق ولا ما طلعش حق؟ قالوا: بلى وربنا. ولو ترى إذ وقفوا على ربهم، بعضهم قال: بتفيد الحصر والقصر، يعني كأنه يفضل واقف كده لغاية لما ربنا يحاسبه، هيتعرض على النيابة. مش معنى عشان المتبادر للذهن، لأ، مش معنى وقفوا على ربهم، لأ، معناها بيقول لك فيها معنى العرض، أنه يعني كلمة يتعرض على النيابة معناها مخيف، مش معناها حاجة يعني مش معناها هو يبقى فوق النيابة، لأ، ده هيفضل واقف ينتظر يشوف النيابة هتقول في أمره إيه لغاية لما ييجي دوره يتعرض على النيابة، فده معناه: إذ وقفوا على ربهم، على ذمة التهييج زي على ذمة التحقيق.
فهو هيقف، هو بقى الملائكة أوامر من ربنا أن ده يفضل واقف لغاية أما يأتي العرض على الله. هو هنا كذب بالبعث، ربنا جاب له مشهد العرض على الله مش مشهد البعث. بالقرآن ربنا جاب له مشهد النار، لازم نفهم، يعني حتى لو أنا ما عنديش إجابات لازم نفهم الروابط ونصدِّر بالروابط: أن الذي أنكر القرآن ربنا جاب له المشهد اللي واقف على النار، والذي أنكر البعث ربنا جاب له مشهد العرض على الله. يبقى أكيد كل نفسية في شيء يأثر فيه، فمثلاً هل الذي رافض القرآن مسألته مسألة شهوات فلما يقف على النار يخاف؟ والتاني تخويف من العرض على الله. أيا كان، الله عز وجل أعلم بمن خلق وأعلم بمداخل النفوس. فدي يجيء لها رد وده جهء له رد.
ولو ترى إذ وقفوا على ربهم، وخد بالك مش على الله، على ربهم اللي ماشية معه من أول السورة: ﴿ثُمَّ الَّذِينَ كَفَرُوا بِرَبِّهِمْ يَعْدِلُونَ﴾ [الأنعام: 1]، و﴿وَمَا تَأْتِيهِم مِّنْ آيَةٍ مِّنْ آيَاتِ رَبِّهِمْ إِلَّا كَانُوا عَنْهَا مُعْرِضِينَ﴾ [الأنعام: 4]. أن كل اللي أعرضوا عنه ده المفروض أنه آثار الربوبية، آثار رحمة، إزاي بتعرضوا عنه أصلاً؟
ولو ترى إذ وقفوا على ربهم قال أليس هذا بالحق قالوا بلى وربنا. قسم تاني يوم القيامة: زي والله ربنا ما كنا مشركين. الأقسام تتلو بعضها يوم القيامة. قال فذوقوا العذاب بما كنتم تكفرون. قد خسر الذين كذبوا بلقاء الله.
التانيين قالوا إيه؟ ﴿يَا لَيْتَنَا نُرَدُّ وَلَا نُكَذِّبَ بِآيَاتِ رَبِّنَا﴾ [الأنعام: 27]. هنا الآية ولو ترى إذ وقفوا على ربهم جه معها: قد خسر الذين كذبوا بلقاء الله. إذن قلنا هما بيتكذبوا بحاجتين: بيتكذبوا بالقرآن وبيكذبوا بالبعث، والاتنين دول سببهم: ﴿وَمَا قَدَرُوا اللَّهَ حَقَّ قَدْرِهِ﴾ [الأنعام: 91]. ده ملخص لغالب آيات سورة الأنعام، تاني: أنكروا البعث وأنكروا القرآن، والاتنين دول سببهم الرئيسي وما قدروا الله حق قدره، مش عارفين صفات ربنا. فتجد أن السورة مليئة بالكلام عن الله، وفي النص كلام عن قضية القرآن وكلام عن البعث.
معي؟ قد خسر الذين كذبوا بلقاء الله حتى إذا جاءتهم الساعة بغتة قالوا يا حسرتنا على ما فرطنا فيها وهم يحملون أوزارهم على ظهورهم ألا ساء ما يزرون. حتى إذا جاءتهم الساعة بغتة قالوا يا حسرتنا. شف هنا لما تيجي تبص زي ما كان أخ بلال كان بيقول لي: هنا الآيات، آية سبعة وعشرين: ولو ترى إذ وقفوا على النار، ده آخر مشهد قبل ما يترمى في جهنم.
بعد كده مشهد: ولو ترى إذ وقفوا على ربهم، آية تلاتين، ده مشهد العرض على الله. آية واحد وتلاتين، ده مشهد الساعة. كأنها رجعت المشهد كده، مشهد بيرجع بالعكس؛ الطبيعي الأول الساعة، ثم العرض على الله، ثم بعد ذلك يلقى في النار. الآيات رجعت بالعكس، جابت الأول مشهد النار، وبعد كده العرض على الله، وبعد كده الساعة، وبعد كده آية اتنين وتلاتين بدأ بإيه؟ وما الحياة الدنيا رجعت به.
يعني شوف الآيات جابته من أول الوقوف على شفير جهنم لغاية لما رجعته تاني الدنيا. بس رجعته الدنيا وهي بتقول له: ﴿وَمَا الْحَيَاةُ الدُّنْيَا إِلَّا لَعِبٌ وَلَهْوٌ﴾ [الأنعام: 32]. قبل ما تقول للواحد الحياة الدنيا لعب ولهو عشان يقبلها منك، عيشوه الأول عند النار، تكلموا على العرض على الله، وتكلموا على البعث، وبعد كده قولوا الحياة الدنيا إيه؟ عشان كده غير كده مش هيقبلها منك، صعب على النفس. يعني أنا عشان تقول لي الحياة الدنيا لعب ولهو واستغل حياتك وكن في الدنيا كأنك غريب أو عابر سبيل، مش هعرف أتقبلها منك إلا لما تكلمني عن النار ولقاء الله والبعث. ساعتها لما تيجي آية: وما الحياة الدنيا إلا لعب ولهو، تنزل في موقعها على القلب.
زي ما قلنا دايما القرآن بيخاطب الإنسان كبني آدم له مشاعر، مش يخاطب بس عقله. كانت كفاية كلمة الحياة الدنيا لعب ولهو بدل كل ده، لكن لأ، النفس البشرية تحتاج إلى تسخين قبل ما تقول لها الفكرة عشان تسقط في القلب مباشرة خلاص؟
حتى إذا جاءتهم الساعة بغتة قالوا يا حسرتنا على ما فرطنا فيها. الهاء دي عايدة على إيه؟ إيه رأيكم؟ يا حسرتنا على ما فرطنا فيها، اه، في ناس قالت: الهاء دي عايدة على الحياة الدنيا، وناس قالت: الهاء ديت عايدة على الساعة ماشي؟ خلينا طب لو الهاء عائدة على الحياة الدنيا، ما فرطنا فيها، يعني ما فرطنا في الدنيا من أعمال صالحة. ولو قالوا الساعة، يعني فرطنا فيها، يعني ما كناش بنذكر الساعة في الدنيا. يبقى المفروض إحنا نكثر من ذكر الساعة حتى لا نندم.
يبقى كل ما بتمر علينا أوقات لا نذكر فيها الدار الآخرة هنندم يوم القيامة. كل ما بتمر علينا أوقات في الدنيا لا نذكر فيها وننسى الدار الآخرة هنندم يوم القيامة. الإنسان الذي لا يكثر من ذكر الدار الآخرة يندم يوم القيامة. حتى إذا جاءتهم الساعة بغتة قالوا يا حسرتنا على ما فرطنا فيها. طبعا وهو بيتحسر هنا لما شاف أهل الجنة بينعموا: ده أنا ضيعت فرصة النعيم! المشكلة أنه بيبص على النعيم وفي نفس الوقت شايل الأوزار على ضهره فتعبان من حمل الذنوب وبيتحسر على النعيم الذي ضيعه، فهو في حسرتين وتعبين: تعب على كل لحظة عدت عليه من الطاعة ضيعها، وكل ذنب شايله على ضهره.
طبعا الآيات دي المفروض إحنا نسقطها على أنفسنا، مش بس نقول الآيات دي بتخاطب المشركين، لأ. مش معنى أن إحنا بنفهم سياق الآيات والرد على المشركين المعرضين أن الآيات دي ما نبقاش مخاطبين بها أبدًا. كتير من الآيات التي جت في المشركين والكفار كان يبكي عندها أهل الصلاح. ولما كان سيدنا عمر، لما وجد سيدنا جابر معه لحم فقال: ما هذا؟ قال: لحم قرنته، يعني اشتهيته. قال: وكلما اشتهيت اشتريت؟ هو أنت كل ما بتحب حاجة بتشتريها؟ أنت تقول له: طبعا أمال إيه؟ فقال عمر: أوكلما اشتهيتم اشتريتم؟ أخشى أن نكون ممن ذكر الله عز وجل فيهم: ﴿أَذْهَبْتُمْ طَيِّبَاتِكُمْ فِي حَيَاتِكُمُ الدُّنْيَا وَاسْتَمْتَعْتُم بِهَا﴾ [الأحقاف: 20]. الآية دي أولها إيه؟ ويوم يعرض الذين كفروا على النار. دي في الكفار أصلاً، لكن إسقاط هذه الآيات مهم للإنسان أنه يكون، مش أن هو يطبق عليه نفس الآية، لكن هيكون من نصيب والعياذ بالله.
فالواحد لما بيشوف المشهد ده: يا حسرتنا على ما فرطنا فيها وهم يحملون أوزارهم على ظهورهم. فمستكثر ومستقل كل ذنب الإنسان بيعمله هيجي يحمله على ظهره يوم القيامة والعياذ بالله. وهنا كمان الأوزار الزيادة بتاعتهم إيه بقى؟ أوزار الإضلال والعياذ بالله، دول ساهموا في إضلال الناس، فبيشيلوا إيه؟ ﴿وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ﴾ [العنكبوت: 13]. سورة العنكبوت، والآية ديت بتاعت سورة العنكبوت «أثقالاً مع أثقالهم» جت بعد ما قالوا للضعفاء إيه؟ «اتبعوا سبيلنا ولنحمل خطاياكم». لما راحوا يضلوهم ربنا قال: هيشيلوا وزر الإضلال والتانيين دول مش هينقص من أوزارهم شيء.
فهنا برضه: وهم يحملون أوزارهم ألا ساء ما يزرون. الذي ضيعهم ودخلهم في المنظومة ديت: وما الحياة الدنيا إلا لعب ولهو وللدار الآخرة خير للذين يتقون أفلا تعقلون؟ فعلا يا جماعة غالب آيات القرآن إحياء قضية الدار الآخرة عندنا. لو قضية الدار الآخرة حية ومستحضرة عند الإنسان، كثير من النقاشات مش هيخوض فيها، ولا أسئلة هيسأل فيها، ولا هيسأل: ده مستحب ولا واجب ولا مكروه ولا حرام؟ أسئلة كثيرة وجدالات كثيرة جدا جدا جدا بيدخل فيها الإنسان لو الدار الآخرة حية ويقظة في باله، مش هيسأل أسئلة كتير ولا هيتردد أن يعمل حاجات كتير، وهياخد قرارات كتير جدا في حياته متعطلة، طابور قرارات إيمانية متعطل في حياة الإنسان بسببها.
الغياب يقظة الدار الآخرة. طابور من قرارات الحفاظ على الفجر في جماعة، أو جلسة ضحى، أو صلاة ضحى، أو نصرة الله عز وجل، أو أمر بمعروف ونهي عن منكر، طابور من القرارات المتعطلة داخل الإنسان بسبب غياب هذه القضية. لذلك مسألة أننا نتحدث عن إنسان ملتزم أو غير ملتزم، أنت ممكن تجد الإنسان الملتزم هذا ليس كثير الطاعات، بل ممكن تجد إنسان يُقال عنه إنه غير ملتزم يفعل بعض الطاعات أكثر منه، فما هي إذن فكرة أننا نقول إنسان ملتزم أو أياً كان اللفظ؟
هو أن في شيئاً كان ميتاً عنده، صحوةً في وجل، في خوف، دخل في حياته جديد، في طريقة تفكير جديدة في حياته، في أنه لما يفوت عليه الفجر إنه قاعد طول اليوم خايف أنه ليس في ذمة الله. النبي صلى الله عليه وسلم قال: «من صلى الفجر في جماعة فهو في ذمة الله». إنه بدأ يفكر بطريقة مختلفة، بدأ يقول إن الصبح في أذكار الصباح سأقول كذا، وفي استغفار وبالليل سأقوله، لماذا؟ أنا خايف أموت في أي لحظة، والنبي صلى الله عليه وسلم قال: «من قال سيد الاستغفار موقناً بها فمات دخل الجنة». بدأ يصبح عنده طريقة تفكير جديدة، بدأ يتعامل مع الحلال والحرام بطريقة مختلفة، بدأ يسأل قبل أن يفعل أي شيء، بدأ يستخير.
إذن مسألة الالتزام هي شيء هكذا يتولع في القلب، يغير طريقة حياته تماماً، طريقة تفكيره حتى لو لم يكثر من الأعمال ليبتعد عن المعاصي، غير طريقة تفكيره وطريقة حساباته تغيرت. هذا الإنسان الذي لو حبينا نقول عليه إنسان ملتزم بحق، أنه غير في أصول حياته، لم يغير في رتوش في حياته، يعني لم يفعل ثلاثة أو أربعة أعمال صالحة أو أطلق لحيتة فنقول عليه ملتزم. لا، القضية ليست تغيير رتوش، قضية غير عقيدة من جوة، أنه تغير؛ تغير في طريقة زواجه، في طريقة شغله في الدنيا، في طريقة معاملاته مع الناس، حتى لو هو لسه لم يتغير هو عارف، يعني حتى مثلاً يقول لك: أنا عارف إن أنا عندي مشكلة في كذا، لكن هو عنده اتغيرت، يقبل النصح، عرف مصادر الحلال والحرام، يبدأ يبحث عنها كيف؟ هذه طريقة تتغير في حياة الإنسان تجعله متغيراً تماماً.
هذا الذي لا يوقعنا في كلمة ﴿وَلَوْ رُدُّوا لَعَادُوا﴾ [الأنعام: 28]، لأن الثانيين هؤلاء لم يغيروا حياتهم، يتحط في أزمة وعايز يخرج منها، شاف النار قدامه وعايز يخرج، فاللي بيلتزم نتيجة أزمة نفسية مر بها، أو نتيجة حادثة موت واحد صاحبه وخلاص ولم يأخذ القرار صح، ولم يمشِ في الأعمال الصالحة صح، أو أزمة مادية فيقرب من ربنا فالفلوس جاءت له، الذي بيلتزم في الظروف هذه لو لم يزِد في الأعمال الصالحة في الغالب لا يكمل، لكن لابد أن الإيمان يزداد في الإنسان، عشان يصل في الآخر إلى: ﴿وَمَا الْحَياةُ الدُّنْيَا إِلَّا لَعِبٌ وَلَهْوٌ وَلَدَّارُ الْآخِرَةُ خَيْرٌ لِلَّذِينَ يَتَّقُونَ﴾ [الأنعام: 32].
القضية قضية عقلية، مثل ما الأخ كان يسأل يقول: الله هو ليس الطبيعي أن الإنسان يختار الأفضل له؟ هذا العاقل، ﴿أَفَلَا تَعْقِلُونَ﴾ [البقرة: 76]، إنما هو يختار الألذ والأمتع لا الأنفَع، ربنا قال في سورة القيامة: ﴿كَلَّا بَلْ تُحِبُّونَ الْعَاجِلَةَ﴾ [القيامة: 20]، لأنك أنت مستعجل على الشهوات والمتع. فإذاً لابد الدار الآخرة تأخذ حيزاً أكبر من هذا في حياتنا، القضايا التي ذكرت في القرآن كثيرة: معرفة الله، الدار الآخرة، إهلاك السابقين، نصرة الدين، اتباع النبي صلى الله عليه وسلم، قضايا حقارة الدنيا.
القضايا الأساسية التي ذكرت في القرآن كثيراً لابد تأخذ حجمها في حياتنا كثيراً. الاهتمام بتفاصيل دينية قبل الاهتمام بالكليات الدينية يجعلنا عندنا بعض المعلومات الدينية ونعمل بعض الأعمال الصالحة لكن ما اتغيرناش. الصحابة تلقوا الدين تلقي صحيح، خدوا الأصول الكلية، قضية الدار الآخرة اختلطت بلحمهم ودمهم، عشان كده لما اتفتحت عليهم الدنيا هم كانوا فاهمين أن في دار آخرة، كان اللي بيقاتل وبيغنم كان يحزن، المعادلات عندهم كانت غير اللي عندنا. يعني مكان الدنيا اتفتحت عليهم ومكن لهم، كان الصحابي يبكي، خباب يبكي، بيقول لك في صحابة ماتت وما خدتش ولم يهذب من أجرهم شيء، ما أكلش من أجرها حاجة مثل مصعب بن عمير، وتذكر وعبدالرحمن بن عوف كان لما يمكن للإسلام في عهد سيدنا عثمان كانوا يبكون ويتذكرون أصحابهم الذين ماتوا في الاستضعاف ويخبطونهم على ذلك، عكس تفكيرنا الوقتي.
احنا عايزين رخاء استقرار تمكين، والتاني يبحث عن البذل، مستحضراً حديث النبي صلى الله عليه وسلم: «أيما سرية غزت فغنمت فقد استعجلت ثلثي أجرها»، تخيل! أيما سرية غزت فغنمت فقد استعجلت ثلثي أجرها، فكانت موازينهم منضبطة، عاشوا طويلاً مع معرفة الله والدار الآخرة فنزلت موازين صحيحة، فإما انفتحوا على العالم انفتحوا الانفتاح مضبوط. احنا الأسس هذه ليست واخدة، احنا عندنا معلومة: اه حلال، لأ حرام، لأ مكروه، مش عندنا الأصول بتاعت الدار الآخرة.
آية زي ديت تحتاج مش درس، تحتاج إلى طول تأمل ووقفات: ﴿وَمَا الْحَياةُ الدُّنْيَا إِلَّا لَعِبٌ وَلَهْوٌ وَلَدَّارُ الْآخِرَةُ خَيْرٌ لِلَّذِينَ يَتَّقُونَ أَفَلَا تَعْقِلُونَ﴾ [الأنعام: 32]. الآية هذه لما تاخد حجمها الطبيعي في حياتنا قطعا كتير من الأعمال اللي هتتغير، كتير من كلامنا اللي بنتكلمه لن نتكلمه ولن نقوله سنخاف، كتير من الانسياب الفكري والكلامي والأخلاقي الذي عندنا هذا سينضبط شوية. احنا كده تجاوزنا ساعة واحدة، طيب يعني إذن نكتفي بهذا القدر؟ نكمل المرة القادمة بإذن الله عز وجل. سبحانك اللهم وبحمدك، أشهد أن لا إله إلا أنت، أستغفرك وأتوب إليك، وجزاكم الله خيراً.