تفسير سورة الأنعام (6) | الآيات (39-49) | د. أحمد عبد المنعم

﴿وَالَّذِينَ كَذَّبُوا بِآيَاتِنَا صُمٌّ وَبُكْمٌ فِي الظُّلُمَاتِ ۗ مَن يَشَإِ اللَّهُ يُضْلِلْهُ وَمَن يَشَأْ يَجْعَلْهُ عَلَىٰ صِرَاطٍ مَّسْتَقِيمٍ﴾ [الانعام: 39]. اتكلمنا المرة اللي فاتت عن مدى حرص النبي صلى الله عليه وسلم على إيمان قومه. النبي صلى الله عليه وسلم أحرص الناس على إيمان قومه، زي ما النبي صلى الله عليه وسلم ضرب المثل في التشبيه: «مثلي ومثلكم كمثل رجل أوقد ناراً فجعل الفراش يتقحم فيها، وأنا آخذ بحجُزكم عن النار». وقلنا ربنا سبحانه وتعالى بيحذر دعاة النبي صلى الله عليه وسلم بعيداً عن هذا؛ يحذر الدعاة من الانشغال إن هم يعملوا نفقاً في الأرض أو سلماً في السماء، يعملوا زي ما قلنا إيه، بيعملوا حركات بعيداً عن رضا الله عز وجل.

إحنا في دين بنبلغه للناس، على قدر ما بننشغل بتبليغ هذا الدين للناس على قدر الموفق. يعني مثلاً، يعني مثلاً في جهد طيب من كتير من طالع مسألة إيه، إنه يجيب مجموعات من الناس مثلاً اللي بيحاربوا الدين، وإيه، ويعمل عليهم فيديوهات مثلاً بيسخر منهم. طيب، هذا الجهد بعيداً عن الصحة من عدمه، يعني مش ده الشاهد، اللي أنا عايز أقوله إيه، طب ليه ما فيش فيديوهات بتبين والله لهؤلاء فعلاً آياته بأحاديث؟ ليه ما يجيش يجيب المقطع وبعدين يجيب آية أو حديث تبين مدى إن ده بعيد عن؟ إحنا معنا أدوات أقوى من ده، مش القضية إن إحنا نضحك الناس عليهم، القضية إن إحنا نبين للناس إن ده ضلال. الأولى إن إحنا نبين للناس إن ده في قمة الضلال والبعد عن دين الله عز وجل. اللي بيجيب مثلاً فلان الفلاني قال كذا، والله عز وجل يقول كذا، كده إحنا بنحول القرآن يحكم على هؤلاء، القرآن هو اللي يحكم مش أنا اللي بحكم، مش أنا اللي باخد القرار.

لذلك لما الله عز وجل بيقول: ﴿الأَعْرَابُ أَشَدُّ كُفْرًا وَنِفَاقًا وَأَجْدَرُ أَلَّا يَعْلَمُوا حُدُودَ مَا أَنزَلَ اللَّهُ﴾ [التوبة: 97]. شيخ الإسلام ابن تيمية بيقول في معاني: إيه حدود ما أنزل الله؟ يعني إيه الأعراب مش عارفين الحدود؟ مش المقصود هنا الحدود اللي هي قطع اليد ولا الجلد ولا لأ، المقصود هنا حدود ما أنزل الله أن الله عز وجل جعل لكل شيء حدا واسماً. فاللي مش عارف إن اللي بيعمل كده يبقى فاسد، ومش عارف إن اللي بيعمل كده يبقى منافق، ومش عارف إن اللي بيعمل كده يبقى كافر، ده عنده جهل بدين الله عز وجل. بما أن الأعراب بعيد عن مكان النبوة، وبعيد عن تلقي الوحي، وبعيد إن هما يروحوا يتعلموا العلم الشرعي، فبالتالي مش عارفين الحدود اللي في الشريعة، مش عارفين إن اللي بيعمل كده اسمه كذا واللي بيعمل كده اسمه فاسق، وإن اللي بيغتاب كذا وإن دي من الكبائر، مش عارفين الحدود الشرعية والأسماء الشرعية. ودور أهل العلم إنهم يبينوا للناس كل شيء الصحيح.

يا جماعة، لازم نعرف إذا رأيت الآية بتاعت ينصر الذين يزعمون أنهم آمنوا بما أنزل إليكم وما أنزل من قبلكم يريدون أن يتحاكموا إلى الطاغوت وقد أمروا أن يكفروا به ويريد الشيطان أن يضلهم ضلالاً بعيداً. وإذا قيل لهم تعالوا إلى ما أنزل الله وإلى الرسول رأيت إيه؟ المنافقين. يبقى ربنا بيعرفك إن لما تيجي تقول للناس هلموا إلى شرع الله وتلاقي ناس مش عايزة تيجي، ربنا سماهم إيه؟ المنافقين، ده مش رأيي ولا ده تقييمي، ده كلام ربنا سبحانه وتعالى. رأيت المنافقين. فدورنا لما نتحرك بالطريقة دي، إحنا بنجعل القرآن حكماً، مش إحنا اللي بنحكم على الناس، بنجيب يعني الكلام ده ونجيب وربنا قال كذا والنبي صلى الله عليه وسلم قال كذا، فبالتالي قائل اللي يقول الكلام ده ينطبق عليه كل اللي هيقول الكلام ده ينطبق عليه، بس ما لم يمنع مانع إنه عنده جهل إن كذا، خلاص، فإحنا نفهمه. فلذلك ليه معركتنا ما تبقاش معركة دين إن ده أنت بتقول إنه بيحارب الدين؟ بين للناس كيف يحارب الدين. فلان الفلاني ينصر الدين، بين للناس كيف ينصر هذا الدين.

المهم الشاهد، نرجع تاني، والله عز وجل يحذر الدعاة ألا ينشغلوا بعيداً عن الوحي وبعيداً عن دينه بنفق في الأرض أو سلم في السماء. ثم بين الله عز وجل أن اللي محتاج إيه؟ الآيات مليانة في الكون، ﴿وَمَا مِنْ دَابَّةٍ فِي الْأَرْضِ وَلَا طَائِرٍ يَطِيرُ بِجَنَاحَيْهِ إِلَّا أُمَمٌ أَمْثَالُكُمْ ۚ مَا فَرَّطْنَا فِي الْكِتَابِ مِنْ شَيْءٍ﴾ [الأنعام: 38]. قلنا المرة اللي فاتت الكتاب ده قيل اللي هو القرآن أو اللوح المحفوظ، واللي قال القرآن قلنا المرة اللي فاتت ليه قال القرآن؟ المهم بعد كده الآية بقى تسعة وتلاثين، ﴿وَالَّذِينَ كَذَّبُوا بِآيَاتِنَا صُمٌّ وَبُكْمٌ فِي الظُّلُمَاتِ﴾.

يعني ربنا سبحانه وتعالى بيقول: هؤلاء لم يكذبوا نقصاً في الآيات، كفروا مش عشان ما فيش آيات واضحة، كفروا عشان إعراضهم عن الآيات. لذلك ربنا سبحانه وتعالى بيقول: ﴿وَالَّذِينَ كَذَّبُوا بِآيَاتِنَا﴾ يعني هو فيه آيات، والآاية أصلاً دي العلامة الواضحة، فاللي يكذب بالآيات يظل صماً وبكماً في الظلمات. على قدر ما الإنسان يبتعد عن دين الله عز وجل، على قدر ما يدخل في الظلام. لو تفتكروا أول سورة الأنعام، الحمد لله الذي خلق السماوات والأرض وجعل الظلمات والنور، وظلمات سواء حسية أو ظلمات معنوية اللي هي الضلال. إن دايماً كلمة الظلمات بتيجي جمع لأن الأهواء كتير، لكن النور بيجي مفرد لأن هو إيه واحد فقط، صراط مستقيم واحد فقط.

والذين كذبوا باياتنا صم وبكم في الظلمات، أما أن الوصفين دول وبكم شخصية واحدة، أو أن الصم دول شخصية والبكم دول شخصية. فاكرين الكلام ده ولا إيه؟ مين الصم؟ هم الأتباع اللي مش عايز، اللي هم تأتيه من آاية من آيات ربهم، ﴿وَمَا تَأْتِيهِمْ مِنْ آيَةٍ مِنْ آيَاتِ رَبِّهِمْ إِلَّا كَانُوا عَنْهَا مُعْرِضِينَ﴾ [الأنعام: 4]. مش عايز يسمع، حاطط الكرسي القطنة في ودانه، يا عم شيل بس القطنة هشرح لك، لأ، مش عايز يسمع، ده من الأول مش عايز يسمع. البكم دول القادة المتبوعون السادة الذين عرفوا الحق ولم يتكلموا. فصنف بكم أو دول صنف واحد، صم وبكم في الظلمات، هي تريح الداعية وتعرفه أن دوره تبليغ الرسالة لكن الهداية بيد الله عز وجل، إنك لا تهدي من أحببت.

الآية اللي معنا ربنا سبحانه وتعالى بيقول إيه: ﴿مَن يَشَإِ اللَّهُ يُضْلِلْهُ وَمَن يَشَأْ يَجْعَلْهُ عَلَىٰ صِرَاطٍ مُّسْتَقِيمٍ﴾ [الأنعام: 39]. الجميل هنا، قالت الأنعام جابت قمة الهداية، ما قالتش ومن يشأ يهديه، قالت من يشأ الله يضله ومن يشأ يجعله على صراط مستقيم، لأنه بيجيبه يتشال كده ويلزم الصراط المستقيم ما يخرجش عنه. يجعله على قمة التمكن، ﴿أُولَٰئِكَ عَلَىٰ هُدًى مِّن رَّبِّهِمْ﴾ [البقرة: 5]. ربنا يجعلنا على صراط مستقيم يا رب العالمين. ومن يشأ يجعله كله كيانه، مش قلبه ولا فكره، هو كله يبقى متمكن من الصراط المستقيم ما يخرجش براه. الآية جابت قمة التوفيق في الهداية لمن أراد الله عز وجل له ذلك. يبقى عشان ندخل بقى في المعنى الجديد من أول قل أرأيتكم، الأعراض واللي كذب ليس لم يكذب نتيجة نقص الآيات. يعني اللي يكذب يا جماعة مش عشان ما فيش آيات واضحة، ما تقعدش تضيع وقتك إنك تخترع آيات جديدة عشان يؤمن بالله عز وجل، أو إنك عايز تعمل له نفق في الأرض أو سلماً في السماء، هو أعرض عن الآيات، فيه القرآن آية، يكفيه الكون آية، أي دابة يختارها الأرض وأي طائر في السماء يختار ويتدبر فيها يصل إلى الله، كل الآيات اللي حوالينا الكونية والآيات القرآنية كل دي كفيلة إن هي تقود الإنسان إلى الهدى. لكن هي مش القضية قلة الآيات.

معنى جميل قاله الدكتور محمد أبو موسى في تفسير سورة الأحقاف بيقول في قول الله عز وجل: ﴿وَلَقَدْ أَهْلَكْنَا مَا حَوْلَكُمْ مِنَ الْقُرَىٰ وَصَرَّفْنَا الْآيَاتِ لَعَلَّهُمْ يَرْجِعُونَ﴾ [الأحقاف: 27] ماشي، ﴿فَلَوْلَا نَصَرَهُمُ الَّذِينَ اتَّخَذُوا مِنْ دُونِ اللَّهِ قُرْبَانًا آلِهَةً ۖ بَلْ ضَلُّوهُمْ ۚ وَذَلِكَ إِفْكُهُمْ وَمَا كَانُوا يَفْتَرُونَ﴾ [الأحقاف: 28]. الآاية اللي بعدها على طول: ﴿وَإِذْ صَرَفْنَا إِلَيْكَ نَفَرًا مِنَ الْجِنِّ يَسْتَمِعُونَ الْقُرْآنَ﴾ [الأحقاف: 29]. بيقول خد بالك من كلمة ولقد أهلكنا ما حولهم من القرى وصرفنا الآيات لعلهم يرجعون. ربنا صرف الآيات يعني نوع الآيات كثيراً جداً جداً لهم، الآية بتقول اللي قبلها إيه، تُدَمِّرُ كُلَّ شَيْءٍ بِأَمْرِ رَبِّهَا اللي هو استعجلت به إليهم فيه عذاب لكل شيء بأمر ربها، فأصبحوا لا يرى إلا مساكنهم، كذلك نجزي القوم المجرمين. ﴿وَلَقَدْ مَكَّنَّاهُمْ فِيمَا إِنْ مَكَّنَّاكُمْ فِيهِ وَجَعَلْنَا لَهُمْ سَمْعًا وَأَبْصَارًا وَأَفْئِدَةً فَمَا أَغْنَى عَنْهُمْ سَمْعُهُمْ وَلَا أَبْصَارُهُمْ وَلَا أَفْئِدَتُهُمْ مِنْ شَيْءٍ إِذْ كَانُوا يَجْحَدُونَ بِآيَاتِ اللَّهِ وَحَاقَ بِهِمْ مَا كَانُوا بِهِ يَسْتَهْزِئُونَ﴾ [الأحقاف: 26].

يبقى ربنا أدى لهم سمع وأبصار وأفئدة، وصرف لهم الآيات وكل ده ما يغناش عنهم حاجة. أمال مين اللي جه آمن في آخر السورة بقى سورة الأحقاف؟ جم الجن، ربنا قال: وأذ إيه صرفنا إليك. كلمة جميلة، ليست القضية في تصريف الآيات، ولكن القضية في صرف القلوب. تاني، ليست القضية في إيه، في كثرة تصريف الآيات، طب ما ممكن نشوف ألف آية وما يؤمنش، القضية إن ربنا يصرف القلب إلى الطاعة: يا مقلب القلوب والأبصار ثبت قلوبنا على طاعتك، يا مصرف القلوب صرف قلوبنا إلى طاعتك. يبقى صرفنا الآيات ما نفعتش معهم، لكن صرفنا إليك، وجهناهم فاكتفوا ببضع آيات يسمعونها قدراً في الصلاة. النبي صلى الله عليه وسلم قايم يصلي ودول معدين كده بيدوروا إيه اللي حصل، سمعوا الآيات آمنوا. يعني قريش كل اللي شافوه من الآيات وسمعوا ما أثرش فيهم، ودول معدين كده تأسر فيهم؛ لأن الله عز وجل صرف قلوبهم إلى إيه؟ فربنا بيقول للنبي صلى الله عليه وسلم ما تشغلش بالك ﴿مَن يَشَإِ اللَّهُ يُضْلِلْهُ وَمَن يَشَأْ﴾ إيه؟

وبعدين خاطبهم، قل نوضح لهم وبين لهم بقى اللي بينكروا توحيد اللي بينكروا أن الله عز وجل يملك كل شيء، ﴿قُلْ أَرَأَيْتَكُمْ إِنْ أَتَاكُمْ عَذَابُ اللَّهِ أَوْ أَتَاتُمُ السّاعَةُ أَغَيْرَ اللَّهِ تَدْعُونَ إِنْ كُنْتُمْ صادِقِينَ * بَلْ إِيَّاهُ تَدْعُونَ فَيَكْشِفُ ما تَدْعُونَ إِلَيْهِ إِنْ شاءَ وَتَنْسَوْنَ ما تُشْرِكُونَ﴾ [الأنعام: 40-41]. دول يا جماعة برضه لو قلنا إن الآيات دي رد على: وقالوا لولا نزل عليه آية مريم، كل ما بيطلبوا آية، القرآن بيوجههم توجيه تاني خالص غير الآيات الحسية أو آيات حسية بصورة أخرى، أن يقول لهم روحوا شوفوا الأقوام اللي أهلكوا من قبلكم في أول السورة لما طلب آية ربنا قال له روح تدبر في الأقوام اللي أهلكوا.

طب هنا لما طالب آية حطه هو نفسه، قال له قل أرأيتك لو تخيل نفسك بيقول له: تخيل نفسك وأنت في منطقة العذاب دي من أسلوب الدعوة، أن تقول له تخيل كده وأنت مثلاً لقيت واحد بيعمل معصية فانت رايح بتكلمه، قل له: أنا عايزك تخيل كده أنت مش ممكن وأنت مروح ربنا يعافينا جميعاً بس ممكن تعمل حادثة، ده وارد آه، ممكن وتروح المستشفى وتبقي بين الحياة والموت، ساعتها ولا مش هتتوب ساعتها؟ هتطلب من ربنا إنه يعفو عنك ولا لأ؟ بتحطه هو اللي أنت بتخاطب ده، بتحطه هو في المشهد هو شخصه كده، قل أرأيتكم إن آتاكم أنتم مش بقى الأقوام السابقين بقى، اللي أنتم أنتم، قل أرأيتكم إن آتاكم عذاب الله أو أتتكم الساعة أغير الله تدعون إن كنتم صادقين؟ هتروح لحد غيره؟

والمشركين كانوا دايما بيتمروا بالمسألة دي، بيقعدوا يشركوا ويشركوا ويشركوا لغاية لما ييجوا في نص البحر والريح هقلب السفينة، قولوا يا رب خلاص. وزي ما قلنا بيقولوا في قصة إسلام عكرمة بن أبي جهل إنه ركب البحر كان فار من النبي صلى الله عليه وسلم عشان ما يقتلش، وراكب البحر وكان معه من الأصنام، هاجت السفينة وجات الريح بتعتقلي بالسفينة فرموا الأصنام، فقال لهم: أنتم بتعملوا إيه؟ مش دي الآلهة بتاعتكم؟ عكرمة هذا يوم لا ينفع فيه إلا من في السماء. طب فرق اليوم ده إيه عن الأيام التانية؟

فدايماً مدخل المشركين إنك تفكره بالضراء، لما بتتكالب عليه في صورة الدخان لما قريش الدخان هذا هذا ربنا يكشف عنا العذاب إنا مؤمنون، لما جه الدخان قالوا هذا عذاب أليم، ربنا اكشف عنا العذاب إنا مؤمنون. لما بيتضغط عليهم بيتوبوا، فالحل معاهم دول طالما بيجوا كده فكرهم بالضغط، فكرهم بالضراء، فكرهم أن تحت ما يحصل ﴿بَلْ إِيَّاهُ تَدْعُونَ فَيَكْشِفُ مَا تَدْعُونَ إِلَيْهِ إِنْ شَاءَ وَتَنْسَوْنَ مَا تُشْرِكُونَ﴾ [الأنعام: 41]. ما تستناهمش إن هم يجاوبوا، جاوب أنت لما تيجي تكلم واحد: أنت وأنت ممكن تروح ممكن تعمل حادثة بتخش المستشفى، المستشفى ساعتها هتقول إيه؟ طبعا التومية دول طبعا ساعتها تقول يا رب أنا ما ليش غيرك، يا رب أنا تبت، طب ليه لازم نستنى لما نقع في الضراء؟ ليه لازم نستنى نقول يا رب واحنا على فراش الموت؟ ليه لازم نستنى نقول يا رب واحنا بنموت؟ هو إليه لازم ده أسلوب في الدعوة، أنت بتحطه مكان اللي بيعذب مكان الابتلاء وبتجاوب مكانه، ﴿بَلْ إِيَّاهُ تَدْعُونَ فَيَكْشِفُ مَا تَدْعُونَ إِلَيْهِ إِنْ شَاءَ﴾. خد بالك من كلمة إيه: ﴿وَتَنْسَوْنَ مَا تُشْرِكُونَ﴾، الإنسان يا جماعة في الضراء كل همه إنه إيه، إيه بالضبط؟ فرعون قاعد يحارب يحارب سيدنا موسى ويحارب الآيات، ومهما رأى من آية والعصا واليد والطوفان والجراد والقمل والضفادع والدم آيات.

والصلاة كل ده ما فيش فايدة، شايف البحر بيتشق برضه ما فيش فايدة وهو بيغرق. قال إيه؟ بيقول هنا آمنت، ليه عايز إيه؟ احنا قلنا دي في شرح قول الله عز وجل إيه؟ هنا برضه سورة الأنعام.

حد يفتكر اللي بيؤمن مجرد هيبقى ليه إيه؟ ﴿وَلَوْ رُدُّوا لَعَادُوا لِمَا نُهُوا عَنْهُ﴾ [الأنعام: 28]، وقال: ﴿وَلَوْ تَرَى إِذْ وُقِفُوا عَلَى النَّارِ فَقَالُوا يَا لَيْتَنَا نُرَدُّ وَلَا نُكَذِّبَ بِآيَاتِ رَبِّنَا وَنَكُونَ مِنَ الْمُؤْمِنِينَ﴾ [الأنعام: 27]. أول ما بيتحط على النار هو عايز بس إيه يهرب.

هو ما آمنش ولا حاجة، بدليل: ﴿فَلَمَّا نَجَّاكُمْ مِنَ الْبَرِّ أَعْرَضْتُمْ﴾ [الإسراء: 67] الجو البري، ﴿فَمِنْكُمْ مُقْتَصِدٌ﴾ [لقمان: 32]. الراجل اللي مات، احنا قلنا قصة الراجل اللي مات قبل كده، يعني وهو بيغسلوه يعني وفاء ورجع تاني عصى ربنا سبحانه.

يبقى كل القضية هو عايز ينجو بس، على الأقل ده لسة فيه نسبة خير؛ يتوب إلى الله في الضراء، وإن كان ده يعني مراوغ ومراوغة نفسية، بس على الأقل في إيه؟ في نسبة خير جايز يؤمن. ما تقطعش معه كمل معه، هيجي بعد كده الآيات اللي بعد كده هتجيب نموذج بقى ما بيؤمنش في الضراء.

طيب في نقطة عايز أقولها لكم؛ الشرك زي ما ذكر رشيد رضا؛ الشرك يا جماعة مراحل دركات. أنا مش بتكلم على إنكار الإله، إنكار الإله ده الملحد. الشرك اللي موجود تلاتة تقريباً يعني تلات درجات، أسوأ درجة فيهم إنه يروح لصنم أو لمعبود يعتقد أنها هي الإله الأوحد وأنها هي التي تنفع وتضر.

وده كان نادر جداً في جزيرة العرب، يعني اللي يعتقد أن بوزة هو الإله أو البقرة هي الإله الأوحد اللي بتنفع وتضر وما فيش إله تاني في الكون. في أسوأ درجة من دركات الكفر إيه بقى؟ أقول لكم إيه دلوقتي؟ الدرجة التانية بس هي أعلى شوية بقى، يعني دي حاجة إيه أفضل شوية، بس إيه برضه كلها في؛ احنا بنقارن من كلها حاجات سيئة، إنه يعتقد أن في إله في الكون بس هذا الإله بيحل -مسألة الحلول والاتحاد- بيحل في إيه؟ في الصنم ده أو في الشخص ده وفي البشر ده أو في والعيال -تعالى الله عما يقولون على الله كبيراً- أو في الحيوان ده -تعالى الله عما يقولون علواً كبيراً- يعتقد أن في إله لكن الإله بيحل في شيء معين.

التالتة دي اللي كانت عند قريش؟ لأ، هو في إله هو اللي بينفع وبيضر وبيملك مقاليد السماوات والأرض، ولكن هذا الإله في وسائط بينه وبين العباد، العباد ما يعرفوش يوصلوه مباشرة. الوساطة ديت مش هتستطيع -خد بالك من مشكلتهم- مش هتستطيع تدفع عنك الضر ولا تجلب النفع ولا الرزق إلا من خلال الوسايط دي؛ ﴿مَا نَعْبُدُهُمْ إِلَّا لِيُقَرِّبُونَا إِلَى اللَّهِ زُلْفَى﴾ [الزمر: 3]. حمزة بيقول لك دلوقتي إيه؟

يعني مثلاً لأ لأ لأ، يعني يقول لك تخيل هم بيقعدوا يقولوا لك إيه هناك بقى، يقول لك يا أخي اتق الله، أنت عايز تعبد ربنا مباشرة! إيه الإجرام اللي أنت فيه! أومal أعمل إيه! لأ تعبد الأصنام والأصنام تقربك لربنا! هو أنت مين أنت عشان؛ يعني ما تدخلش؛ يعني ما تدخلش نفسك مش أنت اللي هتقرب لربنا مباشرة؟ لأ في أصنام، الأصنام دي هتعبدها هي اللي إيه؟ هي اللي تقربك لربنا.

انتم عايزين تدنسوا بالسياسة! لأ شيل السياسة عيد إيه، اتق الله إيش تفسد الدين، إيه الإجرام اللي أنتم فيه ده يا أخي! عايز أدخل السياسة في الدين، فهي دي الفكرة أن هو بيعتقد أن الدين دي حاجة أو بيروج -يعني أياً كان- يعني حاجة فوق خالص ما ينفعش نقرب منها ولا نطبقه. خد يا جيلي ما تعرفش هي جاية كده حاجة فوق وخلاص. الشاهد دول إيه؟ بيقولوا: ﴿مَا نَعْبُدُهُمْ إِلَّا لِيُقَرِّبُونَا إِلَى اللَّهِ زُلْفَى﴾ [الزمر: 3].

التالت اللي هو شريك قريش؛ لما يتحط في دور جامد جداً ينسى الوسايط، بيجري على ربنا بيقول: يا رب، يا رب، يا رب مخلصين له الدين. الاولاني لما بيقع في مشكلة مهما ازداد عليه الضر هيزداد إيه؟ هيزداد كفراً، لأنه يعني أنتم؛ الأولاني هو إيه؟ ما هو الأولاني مالوش إله أصلاً معي ولا إيه؟ وميزو برضه جاب بقى إيه الميكس بتاعنا.

المهم، في صوت يا جدع! بنقول إيه؟ انتم فاكرين الدرجات التلاتة اللي احنا قلناهم؟ الاولاني بيروح لصنم أو لأي حاجة بيعتقد أن ده الإله الأوحد، يعني مش؛ يعني هو ما تقول له في إله في السماء يقول لك لأ ما فيش حاجة تانية، هو ده اللي بينفع وبيضر وبياخد القربان وبيوفق وبيجيب العيال، هو ده اللي بيعمل كل حاجة، فكل ما يزداد في الضر كل ما يزداد تقرب للاله الباطل، كل ما يزداد كفر، ده ما فيش منه أمل.

مش عايز إقناع تاني، يعني الضراء مش هتنفع معه، والصنف التاني كذلك. الصنف التالت الضراء بتنفع معه، لأنه بيسألها ساعتها إن الإلهة ما بتعملش حاجة، يقوم راميها في البحر ويتوجه إلى الله عز وجل.

فربنا بيقول للنبي صلى الله عليه وسلم إيه بقى بعد ما تنسون ما تشركون: ﴿وَلَقَدْ أَرْسَلْنَا إِلَى أُمَمٍ مِنْ قَبْلِكَ فَأَخَذْنَاهُمْ بِالْبَأْسَاءِ وَالضَّرَّاءِ لَعَلَّهُمْ يَتَضَرَّعُونَ * فَلَوْلَا إِذْ جَاءَهُمْ بَأْسُنَا تَضَرَّعُوا وَلَكِنْ قَسَتْ قُلُوبُهُمْ﴾ [الأنعام: 42-43]. كأن ربنا بيعزي النبي صلى الله عليه وسلم بيقول له: طب أنت على الأقل قومك لما كانوا بيتحطوا في الضراء بيقولوا يا رب. فيه أقوام قبلك اتحطوا في المأساة والضراء وما تضرعوش ولا حاجة، قست قلوبهم.

في بعض المفسرين حاول يربط الآية بالمعنى ده، أن هي تعزية للنبي صلى الله عليه وسلم، إذا كان قومك لما قلت لهم: ﴿قُلْ أَرَأَيْتَكُمْ إِنْ أَتَاكُمْ عَذَابُ اللَّهِ أَوْ أَتَتْكُمُ السَّاعَةُ أَغَيْرَ اللَّهِ تَدْعُونَ إِنْ كُنْتُمْ صادِقِينَ * بَلْ إِيَّاهُ تَدْعُونَ﴾ [الأنعام: 40-41] وما ردوش وأقروا لأن ده بيحصل لهم بيدعوا الله مخلصين له الدين؛ في نص في غير؛ في غيرهم الرسل جاو لأقوام مهما اشتد عليهم الضراء زي بالضبط كده ﴿فَلَمَّا رَأَوْهُ عَارِضًا مُسْتَقْبِلَ أَوْدِيَتِهِمْ قَالُوا هَذَا عَارِضٌ مُمْطِرُونَا﴾ [الأحقاف: 24]. الآثار قالوا له أنت كذبت علينا يا يهود تقول لنا عذاب عذاب، أهو المطر جه أهو، ما طلعش عذاب ولا حاجة.

لاخر لحظة مش عايز يصدق أن في عذاب. إيه غير قوم النبي صلى الله عليه وسلم في سورة الدخان؟ السورة اللي قبلها؛ قبل الجاثية، قبلها الدخان؛ لما شافوا الدخان قالوا إيه؟ ﴿رَبَّنَا اكْشِفْ عَنَّا الْعَذَابَ إِنَّا مُؤْمِنُونَ﴾ [الدخان: 12]. معي طيب.

﴿وَلَقَدْ أَرْسَلْنَا إِلَى أُمَمٍ مِنْ قَبْلِكَ فَأَخَذْنَاهُمْ بِالْبَأْسَاءِ وَالضَّرَّاءِ لَعَلَّهُمْ يَتَضَرَّعُونَ﴾ [الأنعام: 42]. يبقى الله عز وجل -خد بالك بقى دي سنة لله عز وجل في معاملة العباد- الأول أن الله عز وجل يرسل رسول، هذا الرسول يأتي لهم بالآيات، سيعرض ويستمر طرح الآيات عليهم. الله عز وجل مع طرح الآيات -خد بالك شف شف رحمة ربنا- يعني الله عز وجل ما كلفش العباد أن هم يوصلوا لوحدهم مش هيستطيعوا.

من رحمة ربنا أنه ينزل لنا رسل، واحد؛ طب كان كفاية خلاص جه الوحي كفاية الناس ما امنتش. ربنا سبحانه وتعالى من رحمته عشان الناس تؤمن والوحي موجود، يضغط علينا بالضراء عشان احنا ايه نفر إلى الله، فاهمين الفكرة؟ يعني مثلاً في امتحانات؛ خلاص أنا اديتك المذكرة؛ أن رئيس القسم أو الدكتور أو المدرس يتصل بك والمدرسة يخوفك من السقوط عشان تذاكر. طب ما تقول لك هو حر، ناكل على ضِرسه، يرفع نفسه هو حر، خليه يهلك نفسه هو حر.

رحمة ربنا أن الوحي موجود والرسل موجودين بيضيق علينا، لذلك الانسان لما بيتضيق عليه هي دي كلمة وتنسون المشركون؛ بينسى كل الافتراءات والأوهام. لذلك مثلاً تجد إيه؟ المشركين؛ تجد المشركين عاملين إيه؟ منظومة من القوانين الباطلة للآلهة؛ بالنسبة للأكل كانوا عاملين منظومة كده هتيجي لنا في آخر سورة الأنعام، منظومة باطلة؛ أن الأكل لا يتحط هنا للآلهة وما يروحش لربنا، ولو الريح جت شالت الأكل من قدام الحاجة الكون بتاع ربنا وادته للإله هنسيبه، لكن لو ريح خدت الحاجة اللي من قدام الآلهة وودته للجزء بتاع ربنا نرجعه للآلهة، وعندهم الدابة بعد ما بتعدي معين يسيبوها للقلب، قصة كده.

خلاص، لما يجوع بيعمل إيه؟ بينسى القصة دي كلها وياكل، بينسى بقى المنظومة اللي عمال يتكلم فيها ديت ويبدأ بالضبط زي إله العجوة، الإله اللي من العجوة ويقعد يعبده ويعيط ويصوت ومش عارف إيه، أول لما يجوع ينسى يقوم واكل العجوة وبعدين يبقى نبقى هبقى سروت بعدين بس أعدي موضوع الايه إيه الجوع ده.

الفترة دي لما بيتضغط عليها الإنسان بيفوق، إلا اللي في فطرته انتكست؛ زي زي اللي قرر والعياذ بالله أن ما فيش إله والصنم ده هو إله، ده فطرته باظت؛ الضغط عليه في مسألة الجوع والتضييق ما بتجيبش معه نتيجة. دول بقى الأمم دي ربنا بيقول ايه؟ ﴿وَزَيَّنَ لَهُمُ الشَّيْطَانُ مَا كَانُوا يَعْمَلُونَ﴾ [الأنعام: 43]، اللي موجود فيه شايف أن ده أفضل.

ومعي يا جماعة في الفكرة ولا مش وصلت ولا نعيد؟ طيب، إذن مشركو قريش الشرك ما خدهمش بعيد، لأ، هم وقفوا عند مسألة أن الصنم ده والعياذ بالله يقرب إلى الله. لما يضغط عليه في الأكل في الجوع في في دخان، يدعو الله مخلصين له الدين؛ فأنت لازم تضغط بقى، عشان كده يا أستاذ عام ضغطت في النقطة دي بقى، فكرهم دايماً بمواقف الضعف بتاعتهم، ذكرهم دائماً بمواقف الضعف.

لذلك أحد المعاني اللي اتئالت أن فرعون كان بيقول: ﴿أَنَا رَبُكُمُ الْأَعْلَى﴾ [النازعات: 24]، بعضهم قال أن فرعون كان بيقول أن الإله بيحل فيه المؤرخين بتقول أن الإله كان ايه؛ هم اختلفوا ازاي فرعون هو ربهم، يعني ازاي؟ هل هو اللي بيخلق؟ لأ، مش هو اللي بيخلق، بقى له أن كان في إلهة، في إله أكبر والعياذ بالله، الجنون لما يلسع بقى على الآخر بقى، وأن في إله أكبر إلهي كل حاجة للحُب وللشمس ومش عارف والنور، في إله أكبر والاله الأكبر ده يحل في فرد، الفرد ده اللي هو مين؟ اللي هو الفرعون.

لذلك الطوفان والجراد والقمل والضفادع قدام ما جابوش أسر معهم ليه؟ لأن هو ما عندوش الإله بقى اللي هو ربنا اللي فوق كل دول، لأ، هو ما عندوش دي؛ يعني شرك الفراعنة كان أشد من شرك قريش. هم كلهم مشركين وحشين أنا عارف، بس أنا هم كلهم وحشين يعني هنرميهم في الزبالة في الآخر، بس وضحت الفكرة أن ليه قريش لما كان بيتضغط عليهم كانوا بيقربوا من ربنا، انما الفراعنة لما كان يتضغط عليهم كانوا يزدادوا بعداً.

فهمنا الفكرة؟ ﴿وَلَقَدْ أَرْسَلْنَا إِلَى أُمَمٍ مِنْ قَبْلِكَ فَأَخَذْنَاهُمْ بِالْبَأْسَاءِ﴾ [الأنعام: 42]. الأول كلمة وتنسون ما تشركون بتيجي أمتى؟ لما فطرة الإنسان تبقى سليمة ويتضغط عليه في الضراء، حتى أي حد دلوقتي تلاقي مثلاً حبيب فلان وبتاع أول لما يتضغط عليه وياخد له قلمين ولا بتاع يقول لك إيه ونفسي أنا أبيعه ما ليش دعوة به، ربنا يعافينا، يعني يبيع على طول.

فهُم كده برضه يقعد للأصنام والألهة أول لما يتحط في نص البحر يقول لك لأ، طب يا عم الناس ديت والعزبة مش دي، لا لا لا، ما فيش ألالات ولا عزلة ولا الكلام الفارغ ده، يقوم راميها على طول وتنسون ما تحبون.

﴿وَلَقَدْ أَرْسَلْنَا إِلَى أُمَمٍ مِنْ قَبْلِكَ فَأَخَذْنَاهُمْ﴾ [الأنعام: 42]. قلنا من رحمة ربنا أن الله عز وجل برحمته سبحانه وتعالى ما اكتفاش بإرسال الرسل، لأ، برحمته سبحانه وتعالى يضغط علينا عشان أول لما نتضغط فطرتنا تصحى، تحس أن احنا مالناش غيره ونطلع جري على ربنا، يفروا إلى الله. قالوا المأساة فرّقوا كتير، يعني تصريف لغوي طويل لمسألة إيه المأساة وإيه الضراء.

بعضهم قال البأساء الفقر والضراء المرض. بعضهم قايل المأساة كل شيء يمس الإنسان، لكن في الظروف المحيطة في مالك في فلوسك في أهلك في اللي حواليك، الضراء في بدنك ونفسيتك اللي اللي يذوقك؛ يذوقك الألم؛ في نفسيتك أو في بدنك ده ضراء، الظروف المحيطة لما تضغط عليك دي اسمها بؤس؛ يقول لك ده عايش في بؤس، هو في بؤس هو مصاب دي ضراء؛ الظروف المحيطة البؤس، يبقى البأساء الظروف المحيطة في ضيق في المعيشة في ضيق في الحياة، ضيق في التنقل ضيق، ده اسمه بأساء، الضراء هو نفسيا تعبان أو بدنياً تعبان.

وربنا سبحانه وتعالى أحاط بهم حتى يتوبوا إليه سبحانه وتعالى. كلمة أخذناهم قمة التمكن؛ ﴿وَلَقَدْ أَرْسَلْنَا إِلَى أُمَمٍ مِنْ قَبْلِكَ فَأَخَذْنَاهُمْ بِالْبَأْسَاءِ وَالضَّرَّاءِ﴾ [الأنعام: 42]. كل ده ليه ربنا عمل فيهم كده؟ ربنا عمل كده لعلهم يتضرعون، جايز خلوا عندهم دم ويتوبوا إلى الله عز وجل، لعلهم إيه؟ يتضرعون.

بيقول لك التضرع أصله في اللغة كلمة جميلة قوي؛ ابن الناقة أو أي دابة عايزة ترضع من ثدي أمها، بيقول لك هي تمسك الضرع؛ تحت الفرع ده الثدي بتاع الدابة؛ ابن الناقة لما ما يعرفش يوصل بيقول لك يتضرع يعني يوطي قوي عشان يمسك يجيب الآيه؛ فهو زيادة في الانحناء لجلب الرزق. يبقى التضرع زيادة في الإيه؟ الانحناء عشان نجلب الرزق.

ولله المثل الأعلى، اللي يتضرع إلى الله هو كأنه بيكسر نفسه جداً وبيمرغ وجهه في التراب عشان الرزق ينزل عليه والبأساء والضراء دي تروح. لكن المشكلة بقى وده العجيب ده النموذج اللي ربنا جابه للنبي صلى الله عليه وسلم عشان يصبر على قومه ويقول له أن في ناس أسوأ من قومك بكثير والرسل صبروا عليهم؛ في ناس مهما اتضغط عليهم بالبأساء والضراء ما فيش فايدة.

﴿فَلَوْلَا إِذْ جَاءَهُم بَأْسُنَا تَضَرَّعُوا وَلَٰكِن قَسَتْ قُلُوبُهُمْ وَزَيَّنَ لَهُمُ الشَّيْطَانُ مَا كَانُوا يَعْمَلُونَ﴾ [الأنعام: 43]. هي دي المشكلة، وهو الطبيعي فطرة الإنسان، إنه لما يتضغط عليه يبدأ يفكر، يقول إيه؟ أكيد أنا ماشي غلط. في فطرة الإنسان أي مشكلة بتحصل للإنسان تجده دايماً إيه يراجع نفسه؛ حتى ضعاف الإيمان لما يبتلى في طريق الدين تلاقيه يقول لك إيه: إيه ده أنا ماشي غلط؟ دي فطرة في الإنسان ممكن تنقله من الحق للضلال، وممكن -والعياذ بالله- تنقله من الحق للضلال أو -بركة يعني توفيق ربنا- تنقله للحق. بيقول: لما اتضغط عليهم البأساء والضراء ما وقفوش يفكروا إيه اللي بيحصل ده.

الشيطان قال لهم: لا لا لا، أنتم كده كويسين، أوعى تفتكر إن ده بسبب المعاصي ولا الكلام اللي الناس الدراويش دول والناس المتخلفة عقلياً بتقولُه. لا لا لا، دي عادي، دي أمور بتمر على الناس كلها، ودي ظروف وبكرة تروح ويجي غيرها، وآباؤكم مروا بالظروف دي عادي، فكرة بقى إن ده بسبب الذنوب ولازم يتوب دي فكرة متخلفة وفكرة باهتة. الشيطان يزين لهم ما هم فيه، وينسبون البأساء والضراء إلى غير الله؛ ده أحد سبل تزيين الشيطان: إن تيجي عاصفة تهلك قرية، شفت القرية الظالمة ربنا أهلكها إزاي؟ يقول لك: أنا إيه التخلف بتاعكوا؟ أبداً، ده بسبب الرياح الشمالية الجنوبية شرق غربية هي اللي مش عارف إيه، وده بيحصل وبتجيء في ميعاد كذا من السنة، واحنا السنة الجاية هناخد احتياطاتنا، وبس عشان قصروا في إن هم يبنوا السور العالي حوالين البتاع.

كل شيء ينسبه إلى غير الله؛ إهلاك قرية، خسوف، كسوف، أي صاعقة، أي شيء يحدث من عقاب من الله عز وجل يكون آية للناس، كل حاجة ينسبها إلى غير الله. ده أحد معاني قول الله عز وجل: ﴿لِيَمْكُرُوا فِي الْبِلَادِ﴾ [الأنعام: 123] فكروا في آياتنا؛ يعني لما تيجي تحصل الآية يحاول يمكر، زلزال يقول لك: لأ، أصل ده... تقول له: شفت؟ سيدنا عمر لما حصل الزلزال في المدينة قال: والله لو حدث مرة أخرى لا أساكنكم فيها أبداً، وتوبوا إلى الله. والنبي صلى الله عليه وسلم من قبل عمر، النبي صلى الله عليه وسلم لما كان يحصل الخسوف يدخل ويخرج، وإذا ريح في السماء يدخل ويخرج ويصلي صلاة طويلة ويخاف ويقول: «ما يؤمنني يا عائشة أن يكون عذاباً؟»؛ ده فعل النبي صلى الله عليه وسلم، وفعل عمر بن الخطاب. هو بقى دلوقتي يشوف الآيات العظيمة دي يقول لك: لا لا لا، ده أصله بسبب كذا وكذا، ينسبها إلى الأسباب الدنيوية، يمكر بالناس ويزين للناس أعمالهم. فبالتالي الناس مش حاسة إن فيه مشكلة، واصبحت وسيلة الإيقاظ -اللي هي البأساء والضراء- ما بتأثرش فيها.

جبنا الفكرة؟ يبقى الآيات القرآنية والوحي ما أثرش فيهم، ما تبقاش قدامهم غير الآية؛ لو أمة من الأمم أعرضت عن الوحي والبأساء والضراء ما أثرشت فيهم، نجي المرحلة التالتة: مرحلة الاستدراج. يبقى دي مراحل ثلاثة تمر بها الأمم: إن الله عز وجل يرسل رسولاً بالآيات ما آمنوش، يضيق الله عز وجل عليهم بالمأساة والضراء ما آمنوش، نسوا ما ذكروا به. اللي فوق لما جت لهم الضراء نسوا الآلهة وافتكروا ربنا، دول لما جت لهم الضراء نسوا ربنا وفضلوا مركزين مع الأسباب، من كلمة: ﴿وَتَنسَوْنَ مَا تُشْرِكُونَ﴾ [الأنعام: 41]، ودي إيه؟ فلما نسوا ما ذكروا به. لما أمتك تصل لكده -والعياذ بالله- ما عادش في ذاكرتها حاجة اسمها ربنا موجود في الحسابات، ولا في الكلام، ولا في البرامج، ولا في الجرائد، ولا في النقاشات، ولا بين الناس، الكلمة دي ما عادتش موجودة، كلمة الله ما عادتش موجودة بين الناس، تحس إن في حاجة اسمها كده. المأساة متتالية، الضراء متتالية، مشاكل ابتلاءات، كل ده مش عايزها، ما فيش يا جماعة نصلي خسوف، صلي ركعتين، طب نتوب، الكلام ده اتمسح من الذاكرة عندهم.

لما يوصلوا للمرحلة دي بقى: ﴿فَلَمَّا نَسُوا مَا ذُكِّرُوا بِهِ فَتَحْنَا عَلَيْهِمْ أَبْوَابَ كُلِّ شَيْءٍ حَتَّى إِذَا فَرِحُوا بِمَا أُوتُوا أَخَذْنَاهُم بَغْتَةً﴾ [الأنعام: 44]، فإذا فرحوا بما أوتوا؛ أول لما يوصل لمرحلة الفرح، الفرح دي اللي زي ما ربنا قالها: ﴿وَظَنَّ أَهْلُهُم أَنَّهُمْ قَادِرُونَ عَلَيْهَا﴾ [يونس: 24]. دائماً الله عز وجل يأخذ الناس في قمة الغطرسة، التكبر، يظن أنه قادر على الأرض، كلمة وهم قالوها إنهم قادرون عليها معناها إيه؟ معتقد أنه يقدر يعمل اللي هو عايزه في الأرض، لو عايز يخيل يحفر الأرض، لو عايز ينزل مطر يعتقد -والعياذ بالله- وده قمة... ده بيحصل بقى والعياذ بالله في المسيح الدجال؛ يعتقد إنه وصل لقمة السيطرة على الأرض. أول لما يوصل للمرحلة دي -خد بالك- فتحنا عليهم أبواب كل شيء؛ إذاً التغيرات الاقتصادية اللي عمالة تحصل كلها منسوبة إلى الله، أخذناهم بالبأساء والضراء، فتحنا عليهم أبواب كل شيء. يبقى مداولة الأيام الاقتصادية هي بيد الله عز وجل: ﴿وَتِلْكَ الْأَيَّامُ نُدَاوِلُهَا بَيْنَ النَّاسِ﴾ [آل عمران: 140]. الضغط الاقتصادي والإنفراجة الاقتصادية هي بيد الله عز وجل، هي في أسباب على الأرض لكن مقاليد السماوات والأرض بيد الله سبحانه وتعالى.

فاحنا لازم نذكر الناس -مهما اتقال علينا بقى متخلفين وراجعين- لازم نذكر الناس: أيوه، إن التوبة من الذنوب مهمة ترفع البلاء، وما نزل بلاء إلا بذنب وما رفع إلا بتوبة. المعاني دي ما ينفعش تغيب عننا أبداً، وللضغط والبأساء والضراء اللي بنمر به لابد لها من توبة ولابد من تضرع، لأن لو توقفنا عن التضرع -والعياذ بالله- نجي بقى إيه. عارفين، تخيل كده المشهد: إن جاللهم رسول بآيات أعرضوا وضراء، فالرسول قال لهم: مش أنا قلت لكم ده هو سبب التضييق؟ بيقولوا: لأ لأ، ده أنت متهيأ لك دي ظروف عادي، وبعد كده هتروح. تخيل بقى لحظة لما اتفتح عليهم أبواب كل شيء قمة الفتنة، هيروحوا يقولوا للرسول إيه؟ عرفت بقى إن احنا اللي كنا صح؟ شفت بقى احنا قلنا لك موضوع المأساة والضرورة ده مالوش علاقة بالوحي خالص اهو! نعيم اهو، الدول الكافرة كلها في نعيم دنيوي، والدول المؤمنة كلها في... عرفتوا بقى إن موضوع البأساء والضراء مالوش علاقة؟ -ده أنا بقول كلامهم، أوعى الكلام ده يا أستاذ-. دي فتنة استدراج: ﴿حَتَّى إِذَا فَرِحُوا بِمَا أُوتُوا أَخَذْنَاهُم بَغْتَةً فَإِذَا هُم مُّبْلِسُونَ﴾ [الأنعام: 44]. الإبلاس اليأس؛ يقول لك: الإبلاس ده لما واحد يتهجم عليه وبعدين من شدة الفزع والخوف والرعب نفسه كده يظل حائر، تحير مضطرب يائس مش عارف يمشي ازاي. بيقول لك: ده الإبلاس، إنسان بيعرض لخطر لكن من شدة الفزع واليأس ما بيتحركش كلمة، عشان كده ده أحد معاني كلمة إبليس؛ يائس لم يسلك أي طريق، إبليس المكان قدامه الباب والعياذ بالله استمر في الضياع. وهل أنذرني؟ بدل ما يقول: يا رب تب علي، ربي أنظرني إلى يوم يبعثون، قيل سُمي إبليس لأنه يئس من رحمة الله. الإبلاس كان واحد أه مقترب فزع حائر يائس سايب نفسه كده مش عارف يمشي ازاي. دول معهم كل الأسباب، لكن لما جه العذاب: ﴿فَإِذَا هُم مُّبْلِسُونَ﴾.

﴿فَقُطِعَ دَابِرُ الْقَوْمِ الَّذِينَ ظَلَمُوا وَالْحَمْدُ لِلَّهِ رَبِّ الْعَالَمِينَ﴾ [الأنعام: 45]. هنا جاء ما قالش دابر الآية الذين ظلموا، لأن دول كانوا عارفين الحق وأعرضوا عنه. دول ظلموا، دايماً نثني على الله عز وجل بعد إهلاك... نسأل الله عز وجل أن يعجل بهلاكهم يا رب العالمين. وقطع دابر القوم الذين... نقول بعدها إيه؟ الحمد لله. قيل إن لما قائمة... صباحي كده. فبشرناه بيسحاق... يقول له: يا ضحكت ليه؟ في العلماء بقى قالوا: أول لما لقت، عرفت إن دول ملائكة؛ عرفت إن الملائكة لا تنزل إلا بالحق، الملائكة إما تنزل بإهلاك الظالمين أو تنزل... روحي. أول ما شافت الملائكة ضحكت فرحاً بهلاك الظلم، أول لما شافت عرفت إن دول ملائكة ما بياكلوش، فعرفت إن دول الملائكة عن سيدنا إبراهيم، وضحكت استبشاراً بهلاك الظالم: ﴿فَقُطِعَ دَابِرُ الْقَوْمِ الَّذِينَ ظَلَمُوا وَالْحَمْدُ لِلَّهِ رَبِّ الْعَالَمِينَ﴾ [الأنعام: 45].

حتى الإنسان لا يغتر أن هو اللي كان سبب في علاج الظالمين، حتى لو هم اللي قتلوهم، لكن ده دايماً فضل منا. إهلاك الظالمين هو فضل منا من الله عز وجل على المؤمنين، مهما فعل المؤمنين؛ إهلاك الظالمين يكون فضل وقدرة من الله عز وجل. متى يأتي هذا؟ ﴿قُلْ إِنَّمَا الْعِلْمُ عِندَ اللَّهِ وَإِنَّمَا أَنَا نَذِيرٌ مُّبِينٌ﴾ [الملك: 26]. هتيجي الآيات؟ لا أقول لكم عندي خزائن الله ولا أعلم الغيب، ما أعرفش قلت ولمين هيلكوا إمتى، ما أعرفش. ﴿فَقُطِعَ دَابِرُ الْقَوْمِ الَّذِينَ ظَلَمُوا وَالْحَمْدُ لِلَّهِ رَبِّ الْعَالَمِينَ﴾ [الأنعام: 45].

قل أرأيتم... تاني خاطبهم بقى تاني يبقى في آيتين معلش يا باشا تركزوا معي كده. فيه آيتين خطبت بهما آية أربعين وآية واحد وأربعين خطبت بها قوم قريش المعرضين حطتهم وضع. ﴿قُلْ أَرَأَيْتُمْ إِن أَتَاكُمْ عَذَابُ اللَّهِ أَوْ أَتَكُمُ السَّاعَةُ أَغَيْرَ اللَّهِ تَدْعُونَ إِن كُنتُمْ صَادِقِينَ﴾ [الأنعام: 40]. خد بالك، فلما جيت هنا أنا كنت متوقع إن الآية دي تقول إيه؟ قل أرأيتم إن كنتم في منتصف البحر وهاجت بكم الرياح. الصورة المتكررة اللي جت في سورة يونس وفي العنكبوت وفي الإسراء وفي لقمان، المشهد ده مشهد إن هم يخشوا نص البحر وتيجي رياح ويدعوا الله مخلصين له الدين، فلما نجَّاهم وهم يشركون؛ المشهد ده متكرر كتير في القرآن. أنا كنت متوقع هنا إن ربنا يقول لهم: قل لهم مش أنتم في نص البحر تدعوا ربنا؟ لأ، الخطاب هنا من شدة القوة جاب لهم حاجة ما فيش بشر يعرف ينجيهم منها؛ عذاب الله -اللي هو العذاب الدنيوي عذاب الاستئصال- أو الساعة -اللي هو يوم القيامة-: أغير الله تدعون إن كنتم صادقين. عذاب الاستئصال بتاع الأمم السابقة وعذاب يوم القيامة مهما حصل تقدم للبشر مش هيعرفوا يتخلصوا منه. الرياح ممكن أو أي أزمة دنيوية كانوا بيمروا بها قريش مع تقدم العلم الدنيوي يعرفوا يتغلبوا عليها، الزلازل أي شيء تضيق عليهم من البأساء والضراء مع التقدم الدنيوي ممكن يتغلبوا عليها، ربنا جاب لهم هنا حاجتين مهما فعل البشر لن يستطيعوا أن يقفوا أمامها: عذاب الله الاستئصال في الدنيا أو الساعة: أغير الله تدعون إن كنتم صادقين.

بل إياه تدعون فيكشف ما تدعون إليه. عشان كده هنا قالوا ربنا قال لي هنا إيه؟ كلمة إن شاء، لأن ربنا إذا نزل العذاب الدنيوي لم يشأ إنه يشيله. معي في كشف ما تدعوه، لأن الأصل إن ربنا مش هيشيله؛ يعني لو عذاب نزل على كفار ربنا مش هيشيله. لكن هنا دايماً الحاجات ديت مع إن هي مطلقة لكن دايماً ربنا بيجيبها لنا في سورة المشيئة، أفعل ما يشاء في كونه إيه: فلما يئسوا انتقمنا منه: ﴿بَلْ إِيَّاهُ تَدْعُونَ فَيَكْشِفُ مَا تَدْعُونَ إِلَيْهِ إِن شَاءَ وَتَنسَوْنَ مَا تُشْرِكُونَ﴾ [الأنعام: 41]. خلاص؟ يبقى أنا جبت لهم، ركز معي ترتيب الآيات كده. سورة... كل شوية تجيب شبهة وبعدين كلمة قل قل قل، هجوم إعلامي عليهم، وبعد كده تجيب شبهة وبعد كده قل قل. فهنا بدأ لما قالوا... قالوا: لولا نزل عليها... أنت قلت لهم إيه؟ حطيتهم في مكان العذاب، بس عذاب لا يمكن حد ينقذه منه، وبعدين قلت لهم: أوعوا تمشوا زي الأمم اللي قبلكم، طب على الأقل أنتم فيكم خير عن الأمم اللي قبلكم. الأمم اللي قبلكم لما كان بيجي لها البأساء والضراء... العيال اللي بعدها بقى تحذير لو صاروا على طريقة من قبلهم.

﴿قُلْ أَرَأَيْتُمْ إِنْ أَخَذَ اللَّهُ سَمْعَكُمْ وَأَبْصَارَكُمْ وَخَتَمَ عَلَىٰ قُلُوبِكُمْ مَنْ إِلهٌ غَيْرُ اللَّهِ يَأْتِيكُمْ بِهِ﴾ [الأنعام: 46]. ده مش عذاب -يعني مش عذاب حسي- يعني بعض المفسرين قالوا هنا: مش معناه أخذ سمعك معناه إن خلاك ما بتسمعش، مش معناه إن خلاك أعمى، يعني قل أرأيتم لو أنتم بقى أصبحت منكوسي الفطر كالأمم السابقة؟ قال لهم: أصموا وأبكم في ظلمات لو أنتم ربنا سبحانه وتعالى أراد أن يضلكم. طالما أنتم بقى الآيات عمالة تيجي لكم وأنتم بتعرضوا، طالما أنتم بقى بتعرضوا تخيل بقى لو ربنا أراد إنه يختم على سمعك وعلى بصرك وعلى قلبك، من إله غير الله يأتيكم به؟ يبقى دي غير: ﴿قُلْ أَرَأَيْتُمْ إِنْ أَتَاكُمْ عَذَابُ اللَّهِ﴾؛ ده تخويف بعذاب حسي، وده تخويف بعذاب معنوي صرف عن... يعني أنت ممكن من وسائل الدعوة تخوف واحد تقول له بص، بتسمعني اهو، ممكن بعد كده نقفل على قلبك ما عدتش تسمع لحد تاني في الدين. فترة إنك واقف زعلان من نفسك الوقتي بعد كده ممكن ييجي وقت عليه عايز تسمع كلمة في دين ربنا، واحد مثلاً معرض، بيتكلموا وهو لسه معرض، قل له: شفت النهاردة واقف سامعني ومتضايق، بكرة مش هتسمعني أصلاً. النهاردة قبلت إن حد يكلمك، بكرة مش هتسمح إن حد يكلمك. ولو وصلت للمرحلة دي مش هترجع تاني، وصلت للمرحلة ديت يختم عليك، وده أحد وسائل التخويف، ما بخوفه العذاب الحسي أخوفه بالعذاب المعنوي.

عارف إيه القصة المشهورة اللي جه راجل الحسن البصري يقول له: القرآن بيقول: ﴿وَلَكِن قَسَتْ قُلُوبُهُمْ وَزَيَّنَ لَهُمُ الشَّيْطَانُ مَا كَانُوا يَعْمَلُونَ * فَلَمَّا نَسُوا مَا ذُكِّرُوا بِهِ فَتَحْنَا عَلَيْهِمْ أَبْوَابَ كُلِّ شَيْءٍ﴾ فبيقول له: أنا مفتوح عليَّ في الدنيا ومعي فلوس وبعصي ربنا وربنا ما بيعاقبنيش؟ الحسن البصري قال له: أنت بتقوم الليل؟ قال له: لأ طبعا. قال له: يكفي أن حرمك مناجاته، ليه مش شايف أن ده عقاب؟ احنا أحيانا نوجه الناس إن في حاجة اسمها العقاب الصرف عن الطاعة، نوجه نقول الناس إن من أنواع العقاب أنك تحرم المناجاة، إن من أنواع العقاب أنك تحرم صلاة الفجر، إن من أنواع العقاب أنك تحرم العمل لدين الله. بنوجه الناس، يبقى يا جماعة دورنا دايماً

أن الناس بتعزم الفقر، بس يبقى كل العزاب هو فقر؟ بس لأ، الناس بتعزم الدنيا، يبقى كل ما كلامنا عن الدنيا؟ بس لأ، احنا لازم نوجه الناس إلى معاني غائبة عنهم، ده دورنا. القرآن في أمور غامضة عند الناس، القرآن ييجي يعيد صياغة عقول الناس، يعظم لهم العظيم ويحقر لهم الحقير.

الناس بتحقر العظيم وتعظم الحقير؛ ممكن الناس تقعد زعلانة شهر عشان حاجة مثلاً حقيرة أصلاً في دين الله، وممكن ما تحزنش ولا تفكر لابتلاءات متتالية بتحصل علماء! ممكن ناس ما تتزحلش ما تحسش إن دي مصيبة وعكس خسارة؛ مثلاً ماتش جولة! يعني ممكن مثلاً الأعوام اللي مرت مات فيها ابن باز وابن عثيمين والألباني والشعراوي، كانت في سنتين كده أو سنة واحدة، سنتين وراء بعض تقريباً ألفين، ألفين وواحد أو تسعين، ألفين في المنطقة دي كده. ده مين قال إن ده إن الله لا ينزع العلم انتزاعاً ولكن بايه موت العلماء؟ احنا ممكن دي عادي، الآلاف المؤلفة ملايين من البشر مش حاسة إن في مصيبة، ممكن حاجة بسيطة جداً أن واحد البلد مثلاً اللي زعلانين ما كسبش في ستار أكاديمي، ممكن البلد كلها إيه؟ أو تفرح إن هو كسب وتعمل فرح.

فاذاً، احنا دورنا إن احنا نبين لهم. فانا تعجبت إن الآية دي تخويف؛ طب ما هو أصلاً ضال! بيقول لهم: إيه رأيكم بقى إن ممكن ربنا يختم على قلبك وما تطيعوش؟ هو أصلاً تخيل إن ده ممكن يستعمله كأسلوب تخويف للعاصي! ﴿قُلْ أَرَأَيْتُمْ إِنْ أَخَذَ اللَّهُ سَمْعَكُمْ﴾ [الأنعام: 46]، ده تهديد.

قل له: أنا قاعد، أنت عمال تقول عايز آية عايز آية، بس خد بالك هييجي وقت الآيات مش هتأسر فيك، أنا بخوفك وهتمشي زي اللي قبله بتوع بقى إيه البأساء والضراء ما تضرعوش، وزي أمهلهم وفتح عليهم وفرحوا وأخذوا، هتمشي زيهم بقى لو اتختم على قلبك وأخذ سمعك وبصرك هتبقى زي إيه الآيتين اللي قبلك! وساعتها هتؤخذ بغتة وهتبقى مُبْلِسَةً، وهيُقْطَعُ دَابِرُ الظَّالِمِينَ، وَنَقُولُ الْحَمْدُ لِلَّهِ رَبِّ الْعَالَمِينَ. ﴿قُلْ أَرَأَيْتُمْ إِنْ أَخَذَ اللَّهُ سَمْعَكُمْ وَأَبْصَارَكُمْ وَخَتَمَ عَلَىٰ قُلُوبِكُمْ مَنْ إِلَهٍ غَيْرُ اللَّهِ يَأْتِيكُمْ بِهِ انْظُرْ كَيْفَ نُصَرِّفُ الْآيَاتِ ثُمَّ هُمْ يَصْدِفُونَ﴾ [الأنعام: 46].

ما جتش غير في سورة إيه؟ احنا بقالنا قد كده ساعة كملنا الساعة ولا لسه؟ عشر دقايق. طيب، يصدفون، هذه الكلمة ما جتش غير سورة الأنعام. يَصْدِفُ؛ قال لك ده الإعراض الشديد، جاية من زي صدفة الجبل حاجة كده في الجبل بتصطدم فيها صوت وترجع تاني، أو أياً كان، ده بعضهم حتى قال معنى غريب جداً في بيقول لك المرأة الصدوف هي التي لا تشتهي القبل، يعني إيه؟ يعني جوزها بيحبها وعايز مهما يحاول يرضيها تبعد عنه، كأن ﴿ثُمَّ هُمْ يَصْدِفُونَ﴾ مهما يتودد الله عز وجل لهم بالآيات هما برضه مش عايزين إيه؟ مش عايزين يقبلوا، فيصدفون ديت دي قررت تقريباً تلات مرات في تقريباً اتكررت تلات مرات عليهم، صورة الأنعام بتعرفك قمة وضوح الآيات وقمة إعراض المشركين، خلاص يعني لذلك الآية جت إيه: ﴿انْظُرْ كَيْفَ نُصَرِّفُ الْآيَاتِ ثُمَّ﴾، ثم دي اللي احنا سميناها إيه استبعادية استنكارية، ثم يعني بعد كل ذلك ﴿الْحَمْدُ لِلَّهِ الَّذِي خَلَقَ السَّمَاوَاتِ وَالْأَرْضَ﴾ وعرفني إيه عرفنا النور من الظلمة، وجعل الظلمات والنور، ﴿ثُمَّ هُمْ الَّذِينَ كَفَرُوا﴾ بعد كل ده يشرك بالله، بعد ما هو خلق السماوات والأرض وعرفنا النور من الظلمة وبعت لنا رسل، ﴿هُمْ الَّذِينَ كَفَرُوا﴾، دي بيسموها إيه حاجة كده في اللغة اسمها الترقي الرتبي؛ إبعاد واستنكار. ﴿انْظُرْ كَيْفَ نُصَرِّفُ الْآيَاتِ ثُمَّ هُمْ يَصْدِفُونَ﴾.

لو فضلوا بقى كده قل لهم إيه: ﴿قُلْ أَرَأَيْتَكُمْ إِنْ أَتَاكُمْ عَذَابُ اللَّهِ﴾، خلاص بقى كده هييجي لكم العذاب هييجي لكم، طالما إعراض، طالما آيات ما فيش فايدة، إعراض، بأساء وضراء ما أثرش، خوفتكم إن انتم تمشوا في طريق السابقين، فنهياتكم هتبقى زيهم بقى: ﴿قُلْ أَرَأَيْتَكُمْ﴾، كده كده في الآخر هييجي لكم بقى إيه عذاب الله، ومش لازم ييجي لكم بغتة زي السابقين، يعني ممكن تبقوا عارفين إن العذاب هتيجي وما تتوبوش وتحاولوا تتحصنوا منه مش هينفع معكم حاجة.

في أحد معاني قول الله عز وجل جهرة، هو جهر ﴿قُلْ أَرَأَيْتَكُمْ إِنْ أَتَاكُمْ عَذَابُ اللَّهِ بَغْتَةً﴾، بغتة يعني إيه؟ مفاجأة. طب جهرة معناها اللغوي جهرة يعني إيه؟ جهرة يعني إيه؟ لكن لما تحط جهرة قصاد كلمة بغتة، يعني إيه فجأة، وقيل من جهرة يعني مش مفاجأة، يعني هم عارفين، يقوم سيدنا نوح شايفينه بايه؟ شايفينه بيصنع السفينة وبقول لهم إن في عذاب جاي وهو مستمر وبرضه ما تابوش خالص، ﴿أَوْ جَهْرَةً﴾، مفاجأة.

أنا بقول إن ربنا بقى بيقول لهم: انتم بقى عددكم يا إما ييجي بغتة يا إما ييجي جهرة، الآية اللي قبلها حتى إذا فرحوا بما أوتوا أخذناهم، انتم بقى لأن انتم هتبقوا أشد طغيانًا منهم لو ما تبتوش بعد كل الآيات دي، العذاب ممكن ييجي لكم جهرة. فمن معاني جهرة إن العذاب هتيجي وانتم عارفين إنه هتيجي، فبتفيد إيه؟ بتفيد حاجتين: إن انتم هتوصلوا لإعراض والعياذ بالله، قمة الإعراض، انك تبقى عارف إن العذاب جاي وبرضه أو تهديد مهما بلغت من تحصين نفسك للعذاب وأنت عارف إن العذاب نازل مش هتعرف تعمل قصاده حاجة، ده البديل المعنى الأول.

المعنى التاني، يعني إيه؟ يعني مثلاً انتم ممكن تبقوا عارفين إن العذاب هتيجي، رياح تقعدوا سنة تتحصنوا وبرضه الرياح تيجي تاخدكم، مهما فعلتم يا جماعة القرآن بيعمل ضغط نفسي اللي قدامه يتوب، واحنا استعملنا أسلوب القرآن في الدعوة، القرآن يحاصر النفس البشرية، أصل يصدفون دي قمة الإعراض، ما هي ما هي احنا قلنا الآية أصلاً على بعضها سبعة وأربعين دي تكملة لستة وأربعين إن انتم أخذ الله سمعكم وأبصاركم وختم، الآية دي ما أثرتش فيكم؟ خلاص بقى يبقى العذاب هييجي لكم بغتة أو جهرة، يعني لو استمريتوا على اللي هو معنى لو استمريتوا على الإعراض عن آيات الله يبقى عذاب ربنا هتييجي هتييجي بقى وانتم مستمرين على الإعراض مش ساعتها بقى أول لما ييجي العذاب هتقولوا تبنا لأ، هتلعبوا في قمة الإعراض.

قوم يونس توبوا، سلام آمنوا كشفنا عنهم عذاب الخزي لما شافوا العذاب قالوا إيه هود، فلما رأوه عارضاً مستقبل أوديتهم قالوا هذا عارض ممطر استبشروا به، قوم قرى بل هو ما استعجلتم به ريح فيها عذاب أليم، قوم قريش لما شافوا الدخان يخشى الناس هذا عذاب أليم ربنا اكشف عنا العذاب تابوا، فربنا بيقول لقوم قريش: انتم عملتم مع الدخان زي قوم يونس وتوبتم، فانا صرفت عنكم الدخان إن كاشف العذاب قليلاً إنكم عائدون هترجعوا تاني، يعني ربنا بيقول لهم: أنا عالم إن أنا هاكشف العذاب وهترجعوا تاني، المرة الجاية بقى ممكن ييجوا العذاب وتعملوا زي إيه زي قوم يونس أنك تشوف العذاب ولا يبقى في دماغك بقى وأول الليلة زادت ييجي الدخان تقول أنا ده جاي شوية ريح بس هيجيب لنا شوية مطر قمة الإعراض.

﴿قُلْ أَرَأَيْتَكُمْ إِنْ أَتَاكُمْ عَذَابُ اللَّهِ أَوْ بَغْتَةً أَوْ جَهْرَةً﴾ لو جه بقى ساعتها هل يهلك إلا القوم الآية اللي هي فَقُطِعَ دَابِرُ الْقَوْمِ الآية؟ يبقى الآيتين الأولانيين بيككلم ناس آية؟ بيكلم قوم قريش اللي لسة مش معرضين قوي، ممكن تتحطوا في الضراء وأنتم لسة كويسين، لما بتتحطوا في الضراء بتقولوا إيه قل يا رب، بس خدوا بالكم الوضع ده مش هيستمر كتير، يعني مش كل شوية تيجي الضراء تقول يا رب ربنا ينجيك تقوم تعرض، لأ، لو استمريت على الوضع ده هتبقى زي الأمم السابقة، كان ييجي لها بعد كده المأساة والضراء ولا يبقى في دماغها، وزين لهم الشيطان ما كانوا يعملون، ساعتها فتحنا عليهم بكل شيء، فحذرهم يا رسول الله، قل لهم وممكن تبقى زيهم، هتبقى زيهم ازاي؟ ها ربنا هياخد سمعكم وأبصاركم ويختم على قلوبكم هتبقى زيهم، وبعد ما تبقوا زيهم هتييجي لكم العذاب.

كل ده، كل ده مشركين عشان قالوا عايزين آية، كل الخطاب ده والضغط ده نضغط عيوب نفسياً انتم عايزين ايه؟ طب ما آية إن أنت كنت في البحر وقلت يا رب، آية إن لو نزل العذاب هتقول يا رب. ماشي، احنا قلنا قبل ما يطلبوا آية النبي صلى الله عليه وسلم من قمة حرصه عليهم لو أمر إنه يحفر نفق في الأرض أو يطلع للسماء ويجيب لهم آية لفعل، لو أمر لفعل، كان نفسه يعني يهدي قومه بأي شكل، مش كده ربنا بيقول للنبي صلى الله عليه وسلم: ﴿وَمَا نُرْسِلُ الْمُرْسَلِينَ إِلَّا﴾ يعني مش وظيفة الرسل أن هم إيه أن هم يجيبوا آيات، مش وظيفة الرسل أن هم يقعدوا يشوفوا كده اقتراحات أقوامهم، اه تحبوا أعمل لكم إيه؟ سلم في السماء ولا تحب أعمل لكم زحاليق في الأرض، نفق في الأرض وتتزحلقوا، ولا تحبوا أنزل لكم كتاب من السما وتقعدوا تمسكوا قرطاس وتمسكوه بايديكم؟ ولا تحبوا تفجر لنا من الأرض ينبوعاً، فجر لنا كده ينابيع في الأرض، ولا أقول لك حول لنا الجبل ده دهب، ولا أقول لك ده مش عايز يؤمن، ده بيلعب للنبي صلى الله عليه وسلم وظيفة الرسول!

رغم إن هي حقيقة سهلة وواضحة إلا إن هي للأسف بتغيب عن كثير من الدعاة، وظيفتنا الأساسية إيه كما نرسل المرسلين إلا سنة الحسن الخصم إلا مبشرين وكده كده في ناس هتؤمن، فمن آمن وأصلح فلا خوف عليهم ولا هم يحزنون والذين كذبوا باياتنا يمسهم العذاب بما كانوا إيه، في ناس هتؤمن بك، لازم تبقى موطن نفسك على ده الأول، انشغل بقى أنك تعمل لهم نفق في الأرض وسلم في السماء وتجيب لهم آية، ويقول لك عايزين آية تقول يا رب يجيب لهم آية، طب ما هو ده اللي حصل مع لازم نستفيد من التجارب السابقة، وده اللي حصل مع فرعون وقومه، ما أثرش فيهم قالوا عايزين آية، طب الطوفان ييجي الطوفان، طب خلاص آمنوا يرفع إيده للسماء يا رب اصرف الطوفان الطوفان يروح يقوم يكفروا!

طب كمان آية، طب القمل، طب الضفادع، طب الدم، آيات مفصلات فواصل عشان يفوق ما فيش فايدة، أنت وظيفتك تباشر الناس وتنذر الناس، ﴿وَمَا نُرْسِلُ الْمُرْسَلِينَ إِلَّا مُبَشِّرِينَ وَمُنْذِرِينَ فَمَنْ آمَنَ وَأَصْلَحَ فَلَا خَوْفٌ عَلَيْهِمْ وَلَا هُمْ يَحْزَنُونَ * وَالَّذِينَ كَذَّبُوا بِآيَاتِنَا يَمَسُّهُمُ الْعَذَابُ بِمَا كَانُوا يَسْقُونَ﴾ [الأنعام: 48-49].

ثم آه شوط آخر من كلمة ﴿قُلْ لَا أَقُولُ لَكُمْ عِنْدِي خَزَائِنُ اللَّهِ وَلَا أَعْلَمُ الْغَيْبَ﴾ عرفهم بقى كل الطلبات اللي هم عايزينها عندك النبي صلى الله عليه وسلم نفى عن نفسه تلات حاجات: خزائن الله، وعلم الغيب، وأن هو ملك، ونفس التلات حاجات دول سيدنا نوح اتفق عن نفسه سورة إيه سورة هود نفس التلات حاجات دول ناسي أن هو ما عندوش خزائن الله ولا يعلم الغيب ولا أن هو ملك، إشمعنى التلات حاجات دول؟ هذا إيه في الحلقة القادمة بهذا القدر سبحانك الله وبحمدك.