د. أحمد عبد المنعمبسم الله الرحمن الرحيم. السلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم. أهلاً وسهلاً بكم في دروس مجالس سورة البقرة. أسأل الله سبحانه وتعالى أن يتم لنا هذه المجالس على خير، وأن يجعلني وإياكم من أهل القرآن.
كما تعودنا أن مجالس سورة البقرة بيحصل فيها فواصل زمنية طويلة ما بين الدرس والدرس، وده بيعطينا فرصة أن إحنا نطيل داخل المجلس الواحد. أسأل الله سبحانه وتعالى أن يفقهنا في الدين، وأن يجعلنا من أهل القرآن.
مجلس اليوم بصراحة مجلس بالنسبة لي عظيم. والصفحة دي اللي هنتكلم عنها النهاردة من أعظم الصفحات بالنسبة لي في كتاب الله سبحانه وتعالى، بل أنا أظن أن فهم هذه الصفحة وتكرار قراءتها وفهمها ومدارستها والقراءة في أكثر من تفسير لها يعيد فهم حقيقة الإنسان إلى نفسه. يعني زي ما بيقولوا كده دلوقتي إيه مرض العصر؛ فقدان المعنى وفقدان الوجهة وفقدان البوصلة، عدم اكتشاف هدف الحياة أو زحمة الحياة بتنسي الإنسان هدفه بتخليه ممكن يبحث عن الانتحار ويبحث عن التقدير وحاجات كتير. في هذه الصفحة تتعالج مركزياً هذه الأمور، ودي طريقة القرآن. ودي تكلمنا عنه في درس مميزات الخطاب القرآني أن القرآن يعالج قضية كلية، هذه القضية الكلية هي بدورها تعالج مجموعة من الجزئيات. يعني القرآن لا ينشغل بعلاج كل الجزئيات، القرآن يعالج قضية محورية، ثم حينما تُعالج هذه القضية المحورية تُعالج بعدها بصورة طبيعية هذه الجزئيات. وكذلك القرآن حينما تكلم عن أصول الأخلاق وأصول المعاملات؛ حينما يضبط الإنسان هذه الأصول يتحول إلى مرتبة العبودية التي يحبها الله سبحانه وتعالى.
لذلك الصفحة اللي هنتكلم عنها النهاردة زي ما قلت صفحة مهمة جداً، بل من الصفحات اللي خلت أو استثارت قضية الإسلام عند اللي هو جيفري لانج، وأرجو أن أنتم تتفرجوا على حلقة إسلام جيفري لانج، أو لو أذن برضه درس بعنوان «الغرض من الحياة» أو قضية إسلامه. أياً كان، الصفحة دي كانت من الصفحات المؤثرة جداً في انتقاله إلى الإسلام.
نبدأ في قول الله سبحانه وتعالى اليوم: ﴿وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً﴾ [البقرة: 30]. عشان ما ننساش السياق؛ آخر حاجة في الصفحة اللي قبلها واحنا بنتكلم خلاص في الدرس اللي فات، ربنا سبحانه وتعالى قلنا السؤال الاستنكاري: ﴿كَيْفَ تَكْفُرُونَ بِاللَّهِ وَكُنتُمْ أَمْوَاتاً فَأَحْيَاكُمْ ثُمَّ يُمِيتُكُمْ ثُمَّ يُحْيِيكُمْ ثُمَّ إِلَيْهِ تُرْجَعُونَ﴾ [البقرة: 28]. وبعد كده هنا لاحظ بقى الكلام، قضية الإحيَاء والاماتة وبعد كده الأرض، وكأنها تهيأ الإنسان لهذا المخلوق العظيم اللي هو الخليفة. هو الذي خلق لكم ما في الأرض جميعاً، قضية بقى الأرض وما فيها من تهيئة لنزول هذا الخليفة. يعني ده السيناريو بتاع الأحداث كده أو ده ترتيب الأحداث: ﴿هُوَ الَّذِي خَلَقَ لَكُم مَّا فِي الْأَرْضِ جَمِيعاً ثُمَّ اسْتَوَى إِلَى السَّمَاءِ فَسَوَّاهُنَّ سَبْعَ سَمَاوَاتٍ وَهُوَ بِكُلِّ شَيْءٍ عَلِيمٌ * وَإِذْ قَالَ رَبُّكَ لِلْمَلَائِكَةِ﴾ [البقرة: 29-30]. ولاحظ ختام الآية لأن ده اللي هيتكرر معانا في الصفحة كتير، وهو بيكون الناس بتلخبط في الحفظ: ﴿وَهُوَ بِكُلِّ شَيْءٍ عَلِيمٌ﴾ [البقرة: 29]. وقضية العلم اللي هتتكرر كتير معانا إن شاء الله في الصفحة. وهو بكل شيء سبحانه وتعالى وبكل شيء عليم.
ثم واذكر هذه اللحظة المحورية. ﴿وَإِذْ﴾ هذه اللحظة التي لابد ألا تغيب عن حياة المسلم، هذه اللحظة التي لابد ألا تغيب أبداً عن وعي المسلم في وجوده في هذه الأرض. واذ قال ربك يا محمد -وقيل: الكافر للنبي صلى الله عليه وسلم، وده مهم- ودايماً الطبري كان يلاحظ في مسألة القصة وأن هذه القصة على ما فيها من معاني عظيمة مراد لذاتها، أيضاً فيها معاني عظيمة مرادة للتعريض باليهود وخطاب للنبي صلى الله عليه وسلم. عشان ما ننساش السياق؛ لأن السياق دلوقتي احنا في، وبعد كده نزلت آيات أن القرآن ده هدى وتقسيمة المجتمع المدني إلى مؤمنين وكفار ومنافقين، وأن اللي بدأ يستثير قضية النفاق يهود وأعراضهم وحسدهم للنبي صلى الله عليه وسلم. فهنا دايماً الطبري كان يلاحظ قضية الخطاب القرآني في سورة البقرة لليهود وتعريض الكلام عن الكفار باليهود، بل قال إن إبليس جاء هنا من المعاني التي جاء ذكر إبليس فيها تعريضا بحسد اليهود للنبي صلى الله عليه وسلم.
﴿وَإِذْ قَالَ رَبُّكَ﴾ تشريف للنبي صلى الله عليه وسلم. واذ قال ربك: اذكر هذه اللحظة المحورية. ﴿وَإِذْ قَالَ رَبُّكَ لِلْمَلَائِكَةِ﴾ [البقرة: 30]. وهنا العلماء بيتكلموا: وهل لكل الملائكة؟ هل لملائكة السماء؟ هل لنوع خاص من الملائكة؟ قال بعضهم: يعني في نوع خاص من الملائكة هو اللي كان -مش عايز أقول بيشاور؛ لأن هنا مسألة المشورة كانت لمجرد التعليم، لكن الله سبحانه وتعالى والغني، بل كان النبي صلى الله عليه وسلم أصلاً غنيا بالوحي عن المشورة- ولكن قال الله سبحانه وتعالى له: ﴿وَشَاوِرْهُمْ فِي الْأَمْرِ﴾ [آل عمران: 159]. فالله سبحانه وتعالى هنا في هذه اللحظة يخاطب الملائكة ويخبرهم بهذا الأمر الجلل، قيل: هذا نوع خاص من الملائكة. وقيل: لكل الملائكة. وقيل: ملائكة خاصة في السماء.
واذ قال ربك للملائكة؛ شف هنا أنت محتاج تقف لأن دي لحظة، يعني حتى كاتب كلام، الكلام اللي أنا كاتبه حاسس أن هو مش منضبط شرعاً؛ لأن الكلام اللي أنا كاتبه هو مشاعر عن لحظة البداية، لحظة الاستخلاف، لحظة -ولله المثل الأعلى- عارف لما يجي لك أنت مثلا إيه لحظة وادي شيء جديد في حياتك، لحظة تعيينك في أمر عظيم، لحظة محورية في حياتنا كلنا يا جماعة. يعني بني آدم، كل بني آدم الآن يسمعون إلى خطاب هذه اللحظة العظيمة، أن الله سبحانه وتعالى يتحدث عنهم الآن مع الملائكة. وهذا الكلام وهذا الخطاب، ويعني هذا الاستفتاح بصيغة تأكيدية -يعني هنحط كده بين قوسين ماذا قال الله سبحانه وتعالى للملائكة؟- قال الله للملائكة: ﴿إِنِّي جَاعِلٌ﴾ مش سأجعل، مش سأجعل على طول في الأرض خليفة، لا، بالتأكيد ﴿إِنِّي جَاعِلٌ خَلِيفَةً فِي الْأَرْضِ﴾ [البقرة: 30]. دي الجملة اللي خلت الملائكة لما يسمعوا الجملة دي يبدأ يحصل الاضطراب اللي حصل، طب والنقاش، طب ويبدأ يسأل، طب هنشوف إيه سبب السؤال، طب ليه سألوا، طب كيف سألوا هذا السؤال ولماذا سألوه زي ما نشوف معانا بإذن الله سبحانه وتعالى.
لكن هذه الكلمة هو إعلان البداية؛ بداية الاستخلاف. يعني لحظة عرض الأمانة، لحظة بداية المجاهدة، لحظة بداية التضحية، لحظة بداية تحمل المسؤولية، لحظة ظهور عبوديات جديدة. يعني كانت لحظة محورية هذه اللحظة؛ ﴿إِنِّي جَاعِلٌ فِي الْأَرْضِ خَلِيفَةً﴾ [البقرة: 30]. لما ربنا تكلم عن عظمة الأرض، الآن يتكلم عن عظمة الوظيفة: ﴿إِنِّي جَاعِلٌ فِي الْأَرْضِ خَلِيفَةً﴾ [البقرة: 30]. فعلا مهما الواحد حاول يوصف مشاعره تجاه الآيات لن يستطيع، الآية دي تتذوق ولا سيما لما تعيش مشاعرها، وخاصة لما تقرا كمان كلام فريد الأنصاري أبدع فيها، وتحاول تصلي بالآية أكثر من مرة، تحاول تقترب من المشاعر في هذه الآية. الله سبحانه وتعالى في لحظة النشأة، لحظة التوظيف: ﴿إِنِّي جَاعِلٌ﴾ -بعد ذكر السماوات والأرض- ﴿فِي الْأَرْضِ خَلِيفَةً﴾ [البقرة: 30]. الله سبحانه وتعالى يحتاج إلى تأكيد يعني البلاغيين لما بيتكلموا أغراض التأكيد وهل اللي قدامك منكر ولا هل أنت من شدة اهتمامك بالأمر؟ الله سبحانه وتعالى، ولكن الله سبحانه وتعالى وبالرغم من ذلك يؤكد هذا الأمر يعني سبحانه وتعالى ومن أصدق من الله قيلاً. ولكن من عظمة هذا الأمر يؤكده الله سبحانه وتعالى. والخطاب القرآني جاء بأن التأكيد ﴿إِنِّي﴾ فيها تأكيد واهتمام؛ ﴿إِنِّي جَاعِلٌ﴾ الأمر منتهي مش سأجعل، ﴿إِنِّي جَاعِلٌ فِي الْأَرْضِ﴾ المكان قبل أن صح بقى زي ما هنتكلم في خلاف في معنى كلمة خليفة.
لكن خليني استبق الأحداث وأقول مبدئياً أن دي الوظيفة، فذكر المكان قبل الوظيفة، وده بيدلك أن أصلاً آدم خلق لهذا الأمر، لأمر ما، كما قال إبليس في بعض الروايات المروية عن بعض الصحابة قال: لأمر ما خلقت، أمر عظيم. وهذا الأمر كان قضية الأرض، وواضح أن مسألة الأرض كانت شاغلاهم كلهم؛ يعني الأرض بتهيأ، من الذي في الأرض؟ سواء بقى كان في مخلوقات قبل كده وتم تدميرها، سواء أن كان بيتم تهيئة الأرض والملائكة تنظر؛ لأن الملائكة كانت من المخلوقات التي أمرهم الله سبحانه وتعالى بفعل هذه الأمور في الأرض، فمين اللي سيعيش؟
يعني تخيلوا يا جماعة كده خلينا نتخيل أن الملائكة في السماوات وترى هذا الكون الفسيح ومجرات وأفلاك وكواكب وفيه نقطة معينة فيها اهتمام خاص، وفيها تهيئة خاصة، وفيها ترتيب خاص وبدقة وعناية وفي مخلوق معين سيعيش في هذه الأرض، من الذي سيعيش فيها؟ يعني فالبداية ﴿إِنِّي جَاعِلٌ فِي الْأَرْضِ﴾ ثم قال الله سبحانه وتعالى: ﴿خَلِيفَةً﴾ [البقرة: 30].
يفضل برضه هنا أنك تقرأ تفسير آيات ﴿إِنَّا عَرَضْنَا الْأَمَانَةَ﴾ [الأحزاب: 72] آخر الأحزاب، وسورة الأحزاب وما فيها من تكالب واجتماع الأعداء على أمة الإسلام، ودايماً التكالب والاجتماع بيخرج ما بداخل الإنسان الحقيقة. ما بداخل الإنسان تخرج عند الضغط. فقال الله سبحانه وتعالى في ختام سورة ختام الأحزاب؛ يعني كتاب مهيب بالنسبة للّياقة والكامل سورة الأحزاب على بعضها، واستحضار مسألة الأمانة التي تعرض وحملها الإنسان، وهنستعير برضه من هناك لفظ ﴿وَأَبَيْنَ أَن يَحْمِلْنَهَا﴾ [الأحزاب: 72] وهنشوف المقارنة بين ﴿وَأَبَيْنَ أَن يَحْمِلْنَهَا﴾ وأشفقن وبين هنا ﴿أَبَى وَاسْتَكْبَرَ﴾ [البقرة: 34].
﴿إِنِّي جَاعِلٌ فِي الْأَرْضِ خَلِيفَةً﴾ [البقرة: 30]. مسألة الأمانة والشرف والابتلاء والمجاهدة والتضحية والمنازعات التي بداخل الإنسان والبذل، كل دي عبوديات لم تكن يعني عند الملائكة. فهذا العالم الصغير الذي هو الإنسان في وجوده في العالم الذي هو الأرض الذي خلقه الله سبحانه وتعالى بيده، قال الله سبحانه وتعالى: ﴿إِنِّي جَاعِلٌ فِي الْأَرْضِ خَلِيفَةً﴾ [البقرة: 30].
طيب، يعني إيه خليفة الأول؟ قبل ما نشوف رد الملائكة؛ يعني إيه خليفة؟ والعلماء قالوا: كلمة خليفة يعني خلف، الأصل الجذري بتاعها خلف. طيب، فكرة خلف حاجة أو خلف شخص؛ هل يخلفه يعني ييجي مثلا آدم بعد كده بني آدم بعد كده الأحفاد بعد كده الذرية، هل يخلف بعضهم بعضاً؟ وده قول مشهور، وده محكي عن الحسن البصري واختاره كتير من المتأخرين؛ يخلف بعضهم بعضاً لأنهم رفضوا قول هقوله دلوقتي، فاختاروا القول ده المروي عن الحسن البصري. بعضهم قال: لا، كان في مخلوقات قبل كده، أياً كان الخلاف هما إيه والأشهر أن هما الجن كانوا موجودين في الأرض ثم أفسدوا فيها فعاقبهم الله سبحانه وتعالى وأرسل ملائكة لتقتلهم وتدمرهم، وكان في بعض الروايات أن قائد الملائكة الذي قتل هؤلاء هو إبليس، فإبليس اغتر بهذه الوظيفة. ونشوف وهيذكر بعض الروايات التي ذكرت أسباب كبر إبليس عليه لعنة الله.
يبقاش خلينا، كلمة خليفة فيها تلت معاني: المعنى الأول: يخلف بعضهم بعضاً، وده محكي عن الحسن البصري. القول التاني: يخلف أقوام الجن، وده رواية الضحاك عن ابن عباس، والضحاك لم يلق ابن عباس، لكن يعني مش الطبري يعني ذكروا ذلك ولا يدقق في مثل هذه الأسانيد في مثل هذه القضايا. القول التالت: قال الطبري: خليفة له -لمن؟ لله- يحكم فيها، أي في الأرض، بين خلقه بحكمه. خد بالك؛ القول التالت: خليفة له يحكم فيها بين خلقه بحكمه، وده قال معنى ما روي عن ابن زيد وترجده رواية السدي عن ابن عباس، ومال إليه الطبري ومال إليه القرطبي والبغوي. لكن غالب المتأخرين رفضوا المعنى ده، وقالوا: لا يجوز أن يقال خليفة الله، وأنكروا، شيخ الإسلام ابن تيمية بل حنلفك الميداني للمعاصرين ألف رسالة: لا يجوز أن يقال خليفة الله في الأرض. فريد الأنصاري عليه رحمة الله بالرغم إنه اختار المعنى ده للخروج من الخلاف نقول خليفة ما نقولش الله، يعني خلاص هو خليفة يقوم بمراد الله. المعنى ده، خليفة المعنى التالت وده اللي أنا أميل إليه أن الله سبحانه وتعالى بيقول الآن: هناك وظيفة مطلوبة من هذا المخلوق في الأرض، المخلوق من الأرض الأرض طينية اللفظ فيها الشهوات، فالذي سيخلق فيها له شهوة وعروى عليه الأمانة له إرادة، هذه الإرادات يحدث بينها تنازع، من الذي سيفصل بين هذه المتنازعات؟ هو الخليفة. كيف سيفصل بها؟ يعني هل في كل موقف يأتيه وحي من الله؟ لا، هو خليفة من الله، هو خليفة من الله سبحانه وتعالى يأتيه وحي من الله فيحكم بين هذه المتنازعات وهذه الإرادات المتنازعة بحكم الله سبحانه وتعالى إلى أن يأتي اليوم الذي يفصل الله فيه بين الخلائق. يبقى هي مدة مؤقتة وظيفة محددة، توصيف وظيفي محدد، بمكان مستقر ومتاع إلى حين، وظيفة محددة بمكان محدد بتوصيف وظيفي كامل.
طيب، اللي يبقى خدوا بالكم لو قلنا القول إن خليفة يحكم فيها بمراد الله في الأرض، يبقى كده خليفة كل البشر ولا اللي هيطبقوا الوظيفة دي الأنبياء والرسل ورثتهم؟ قالوا: لو كل البشر يبقى معناه العبودية الشاملة وكلنا مطالب بهذه الوظيفة. خدوا بالكم الفرق بين القولين، يبقى كل واحد مطالب أن هو يكون خليفة؛ أن يقوم بالعبوديات التي يريدها الله منه على حسب طاقته: ﴿فَاتَّقُوا اللَّهَ مَا اسْتَطَعْتُمْ﴾ [التغابن: 16]. أو لا الخطاب موجه لادم: أني جاعل في الأرض خليفة، أي آدم ومن يحمل رسالته ومن يحمل أو من يرث أعماله. يبقى خليفة؛ إما كل ذرية مطالبين بوظيفة، أو آدم والأنبياء والرسل والعلماء. لو خدنا القول ده، ما ينفعش نقول إن الملائكة لما قالت: ﴿أَتَجْعَلُ فِيهَا مَن يُفْسِدُ فِيهَا﴾ [البقرة: 30] قصدهم على الخليفة، قصدهم من سيحكم بينهم هذا.
طب ليه يا رب تخلق ناس تتنازع ويحكم فيهم الخليفة ده؟ طب ما من الأول ما يبقاش فيه التنازعات دي أصلاً، ونحن ممكن تبقى المخلوقات اللي موجودة في الأرض ما يبقاش بيننا تنازع. الأقوال متشابكة جداً وفي خلافات طويلة، واللي عايز يرجع -وأنا من الأول اشترطت أن اللي يكمل معنا مجال سورة البقرة يرجع يقرأ- لأن يستحيل الواحد بفضل الله بيقعد فترة طويلة يقرأ في التفاسير ويسمع دروس، وكل ما بيقرأ لمفسر أو يسمع حد بيكتشف أن الآيات لا تنضب، لا تبلى، لا تخلق على كثرة الرد سبحان الله يعني كلام الله فعلا لا ينتهي ﴿وَلَوْ أَنَّ مَا فِي الْأَرْضِ مِن شَجَرَةٍ أَقْلَامٌ وَالْبَحْرُ يَمُدُّهُ مِن بَعْدِهِ سَبْعَةُ أَبْحُرٍ مَّا نَفِدَتْ كَلِمَاتُ اللَّهِ﴾ [لقمان: 27]، وما يحيطون بشيء من علمه إلا بما شاء سبحانه وتعالى.
فيستحيل أن أنا أجمع لكم كل الكتب أو حتى اللطائف والإشارات، فلابد أن أنتم تقرأوا. فالخلاصة: الأقوال متشابكة، واللي عايز زي ما قلنا حاجة بسيطة خلاص يقرأ يكتفي بفريد الأنصاري عليه رحمة الله.
طيب يبقى إذا لو خدنا القول ده أنه خليفة وبرضه من اللي رجحوا القول ده قال: طب تعالوا مش احنا من وسائل التفسير القرآن بالقرآن؟ طب هنعمل بحث عن كلمة خليفة جت فين؟ كلمة خليفة في خلائف الأنعام، وبعضهم قال: هي نفس الجذر، طب ما خلائف يعني يخلو بعضهم بعضاً، فرجح أن خليفة اللي في سورة البقرة بمعنى الخلائف، فيخلف بعضهم بعضاً، وقال خلاص إيه؟ ده من القرآن بالقرآن، وعلى فكرة تفسير القرآن بالقرآن يدخل فيه الرأي؛ لأن ده رأي المفسر في ربط الآية دي بالآية دي، وفي لا، لفظ الخليفة جاء بنصه في سورة إيه؟ أيوه، بتتصادم مع مين؟ مع سيدنا داود، وأن الله سبحانه وتعالى جعله خليفة، لماذا يا داود يجعل في الأرض خليفة ليه؟ ليحكم، ليحكم بين الناس بالحق. يبقى هنا وظيفة الخليفة أنه بيحكم، في حكم يبقى في تنازع، ليه في تنازع؟ لأن في إرادات، وهي دي الأمانة أن عنده إرادة حرة يفعل، لم يجبره الله على شيء بل أعطاه إرادة أنه اختار أنه ياكل من الشجرة أو ما ياكلش، أعطاه الإرادة هو بس بيدي له الأمر يقول له: ولا تقربا، كان ممكن يمنعهم منعاً جبلياً من الأكل فلا يستطيع أن يتناولها ولا حتى يستطيع أن يفكر فيها ويكون مجبولاً على الطاعة، لكن أعطاه الإرادة قال له: اقعد في الجنة، أنا بقول لك ما تاكلش، لا تقربا هذه الشجرة.
فإذاً كزي ما سيدنا داود كان خليفة أيضاً بيحكم، أيضاً آدم خليفة بيحكم، والربط بينهم ربط بديع، يعني كنت عايزة الجزئية دي بس نقولها لكم برضه، ودي سبحان الله كنت بتدارس مع أحد إخواني وقال لي المعنى ده، وبعدين فوجئت أنه موجود في كتب الحديث، وهو حتى الأخ اللي كنت بتدارس معه تعجب أنه موجود، ثم فوجئت أيضاً أن أحد المفسرين نقله، فسبحان الله ده من التوارد، نفس المعاني من أجمل متع الحياة تدارس النص القرآني، فكنا بتدارس أن خليفة جت مع سيدنا آدم ومع سيدنا داود، وجيء الحديث أن الله سبحانه وتعالى لما مسح على ظهر آدم وأخرج كل الذرية من ظهر آدم فنظر آدم إلى كل الذرية، والحديث ده بيذكروه هنا تحديدا أحياناً في لما آدم الأسماء في بعض الاقوال إيه؟ أسماء الذرية ثم عرضهم عرض الذرية فدي كانت لحظة عرض الذرية، فأمر الذرية وأخبر بأسمائهم وقيل أيضاً بأوصافهم في وجود الملائكة ولم تستطع الملائكة أن تخبر به، فعلى قول زي ما هنيجي دلوقتي أن الأسماء اسماء الذرية لأنها اتجهت للعاقل عرضهم، والخلاف هيجي لنا إن شاء الله.
معي؟ طيب، فلما وجد آدم هذه الذرية، وجد وبيصاً، كل واحد من اللي موجود كان فيه وبيص من النور على قدره، فوجد نوراً في واحد في آخر الزمان، فقال: يا ربي من هذا؟ قال: هذا نبي يأتي في آخر الزمان، تخيل شف سيدنا آدم من قد إيه في آخر الزمان اسمه داوود، فقال: يا ربي كم عمره؟ قال: ستون عاماً، قد أعطيته من عمري أربعين سنة، فحتى إذا سيدنا آدم عليه السلام في بعض الروايات كان عمره ألف سنة، فلما خلاص لم يتقبَّل من عمره إلا الأربعين سنة اللي أعطاها لداود عليه السلام جاءه ملك الموت، قال: بقي من عمرك أربعين سنة، يا رب أنا لسه لي أربعين سنة أنا! داود مين! أنا، فجحد آدم فجحدت ذريته من بعده، نفس الالتقاطة التقاها آدم في سيدنا داود، وهنشوف أيضاً ربط بينهم عجيب جداً لما نجي نتكلم على توبة آدم عليه السلام ربنا يذكرني.
طيب دلوقتي إنّي جاعل في الأرض خليفة، الكلمة دي وده اللي أنا كنت حتى بتناقش مع بعض إخواني، وهو كان بيميل أن كلمة خليفة يخلف بعضهم بعضاً، وأنا شايف أن كلمة خليفة فيها معنى تشريفي، إيه اللي يخلي الملائكة تتعجب لو ربنا قال: أنا هاخلق مخلوقات يخلو بعضهم بعضاً وخلاص، يعني إيه اللي يخلي الملائكة تعرض ما لديها: ﴿أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ﴾ وكأنهم يريدون أن يقولوا -وزي ما بعض الروايات- نحن أولى، نحن أحق كما قيل في بعض الروايات أثر مروي عن قتادة وغيره أنهم قالوا سراً لبعضهم البعض: لن يخلق الله خلقاً إلا وسنكون أكرم منه، يعني إلا وكنا أكرم منه، هنبقى أكرم من المخلوق ده، معنى أن لما سمعوا كلمة خليفة تعجبوا: أتجعل فيها من يفسد فيها ويسفك الدماء ونحن نسبح بحمدك ونقدس لك، إن شاء الله نحاول نفسر فيها.
أنا أهم حاجة مش عايزكم تستعجلوني، يعني أنتم تبقوا براحتكم، اللي عايز يسرع الفيديو يسرعه، اللي عايز يقفل ويشرب شاي بس ما حدش يستعجل. طيب الملائكة هنا قالت: أتجعل فيها في الأرض؟ احنا قلنا بدأ الكلام بالأرض ثم التوصيف الوظيفي الخليفة، المكان قبل الوظيفة، وده مهم برضه في اختيارك لمكان عملك الأول، يعني مكان وظيفتك، فقدم المكان، وواضح أن الأرض لها قيمة فلابد أن نحافظ عليها، يعني الأرض لها قيمة لذلك هم قالوا إيه؟ خدوا بالكم: في الأرض خليفة، قال: أتجعل فيها من يفسد فيها، والخليفة مش هيتوضأ مش هيطبق ويسفك الدماء، يعني هو ربنا قال: تجعل في ربنا قال: إنّي جاعل في الأرض خليفة، فهم جابوا معصيتين: الإفساد في الأرض وسفك الدماء قصاد خليفة. ولما جم يعرضوا اللي عندهم قالوا: ونحن نسبح بحمدك، لأن قالوا أعلى اللي فسده الشرك، فنحن ننزهك عن الشرك، لن نقوم بالمعاصي بل سنقدس أنفسنا لك، بعض المفسرين حاول نجمعهم كده مع بعض.
هنا هتجد أن الكتب اللي أهتمت بمسألة مثل أحكام القرآن زي القرطبي أو من المتأخرين زي الطريفي استفاض في معنى الخلافة، بما أن ربنا قال: إن جاعلهم في الأرض خليفة، إذا البشر لأن الانسان مدني بطبع، ودي كلمة متقدمة أتقالت في التراث الإسلامي من بدري، ومن معاني الإنسان أنه بيأنس أنه محتاجين يعيشوا في مجتمع، فبما أن الإنسان محتاج لمجتمع محتاج من يفصل بينهم، هنا ظهرت فكرة الخلافة واحتياج الأمة الإسلامية إلى خليفة، فهل نحتاج إلى خليفة فما هي مواصفات هذا الخليفة؟ متى ينزع هذا الخليفة؟ كل ده في ناس استفاضت في المسألة دي زي ما قلت لكم اللي بأحكام القرآن زي الإمام القرطبي وزي من المتأخرين الطريفي، وبصراحة الطريفي في الآيات دي أبدع، وخصوصاً في مسألة الحكم، يعني الطريفي له لطائف في مسألة الحكم من الأحكام الشرعية.
واللي عايز يقرأ كتيب صغير في الباب ده كله، إبراهيم السكران له كتاب اسمه مفاتيح السياسة الشرعية. طيب هنا الملائكة قالت: أتجعل فيها من يفسد فيها؟ وخدوا بالكم الملائكة اختارت وصفين: أتجعل فيها من يفسد ويسفك الدماء، كذلك في أثر جميل قوي عن قتادة، كلمات يا جماعة السلف مضيئة، قتادة بيقول: وقد علمت الملائكة من علم الله أنه لا شيء أكره إلى الله من سفك الدماء، عشان نعرف خطورة مسألة سفك الدماء والتجرؤ على سفك الدماء سواء بالديني أو بالدنيا، نوازع سفك الدماء أو خطورة الإنسان لابد أن يحترز في هذه المسألة، أول شيء لفت انتباه الملائكة، وبرضه قتادة الوصل رائع قال: فابتلوا الملائكة بخلق آدم، دائماً قتادة له جمل معترضة كده لطيفة، يعني بحس أن له لطائف فبيقول إيه: فابتلوا بخلق آدم، وأما قائل جملة معترضة كده قال إيه: وكل خلق مبتلى، كما ابتليت السماوات والأرض بالطاعة، كل مخلوق لابد أن يبلى، فابتليت الملائكة بخلق آدم. وقال أيضاً رواية قتادة -وعلى فكرة في ناس بتقول إن أغلب المعاني الإيمانية اللي قالها قتادة مستقاة من الحسن مع إضافة لذلك بعض الآثار بتقول- وبنفس الكلام تقريباً عن الحسن ابن قتادة قال: فلما أعجبوا بعملهم أي الملائكة، ابتلوا، ابتلاهم الله سبحانه وتعالى.
المهم بعد ما فهمنا المقدمة دي أن جاعل في الأرض خليفة، فالملائكة قالت: أتجعل فيها من يفسد فيها ويسفك الدماء؟ هنا أول سؤال بيظهر عند المفسرين: كيف عرفت الملائكة؟ جماعة احنا عندنا في القرآن شيء دائماً موجود ده هو ده من آبار وبحور التدبر في القرآن المسكوت عنهم، وحبنا إذن -مش فاكر طبعا رقم القاعدة في قواعد التدبر- كان اتكلم أن ده باب من الأبواب العظيمة في التدبر، أن القرآن بيجيب حدث وبعدين بينتقل لحدس، وفي حاجات حصلت بين الحدثين، هل ده دور المتدبر بامتلاكه للأدوات؟ ده من عندي بقى، بامتلاك الأدوات والعودة الآثار، هو هنا محتاج يملأ هذه -مش عايز أقول الفجوة- هذا الحدث كان بيقول أنت بتحاول توصل، لكن أنت محتاج برضه ترجع للآثار وتدرس السياق، والسياق من أهم الوسائل المعينة على ملء هذه الأحداث، وهذا موجود جداً في القصص وخصوصاً في قصة يوسف كنا اتكلمنا عنه أن في حدث، وبعد كده حدث، طب إيه اللي حصل؟ أنت بتحاول تستنتج تستنتج وتستنبط اللي حصل.
فهنا سؤال طبيعي جداً، ربنا بيقول: إنّي جاعل في الأرض خليفة، الطبيعي أنهم يقولوا إيه: ما معنى خليفة؟ ما هو دوره؟ ماذا هم على طول في انتقام أتجعلوا فيها من إيه ده، كيف أعرفوه؟ أسهل قول وأشهر قول اختاره كثير من المفسرين أن الله سبحانه وتعالى أعلمه، من هنا في محذوف: أن الله أخبرهم أن خليفة وسيكون منهم من يفسد ويسفك، فاستغربوا طب ليه يا رب؟ يعني أنت يا رب تعلم أن هيكون منهم من يفسد ويسفك الدماء، طب ليه؟ فسؤال بديهي: ليه يا رب؟ وسبحان الله دائماً الغرب عنده -يعني كل واحد فينا في العالم له مدخل، والشعوب لها مداخل، في شعوب لها مداخل عاطفية، في شعوب لها مداخل مادية، في شعوب ليها مداخل عقلية- الغرب بيتم بمسألة الحريات، والقضية دي بتشغله قوي وعايز يفهم، فده اللي كان يستثار من الحاجات اللي استثارت جيفري لانج، يقول لك الملائكة سألت، وخصوصاً أكثر حاجة شغلت جيفري لانج أنه كان بعمل مقارنة بين القصة القرآنية والتوراتية اللي هو الإنجيل، حتى لو نعمان خان عمل كده، أنا كان عندي اعتراضات على القصة دي لأن في بعض الحاجات هم بينكروها وهي موجودة في بعض الروايات، لكن أياً كان، لكن دي من الحاجات اللي استثارته، بيقول إيه وألف كتاب بنفس العنوان ده، حتى الملائكة تسأل، يعني هو قال لي في كتاب حتى بنفس دي كانت قضية شغلها: معقول ربنا سمح، لأن يققال -أنا ما عنديش خبرة ما قرأتش يعني في الطواف الإنجليزي- يقال إن الملائكة عوقبت عقاب شديد، وفي عندهم برضه روايات أن مش عارف إيه أحرقها، فهو استغرب أن فيه احترام للسؤال وللتشاور.
فالسؤال الطبيعي: ازاي عرفوا؟ فالقول الأشهر أن الله أعلم، في قول تاني أنهم عرفوا ذلك بالقياس، يعني ايه بالقياس؟ يعني يا رب طب ما كان فيه مخلوقات زيهم -على قول أن كان في مخلوقات قبل كده في الأرض اللي هم الجن وأفسدوا، ويا رب أنت أهلكتهم- طب يا رب هتجيب مخلوقات تانية ليه، يعني إيه الفارق ما دول كانوا جن من نار، طب ما ده مخلوق من طين، طب ما هو برضه عنده نزعة وعنده إرادة ويحصل خلاف ويتخانقوا ويسفكوا الدماء، طب ليه؟
القول التالت، وده -يعني أنا أكون صريح معكم- أقل الاقوال انتشاراً في الكتب في التفاسير المتقدمة وأكثر انتشاراً في المتأخرة، وأنا أميل إليه، مع أن أنا دائماً بحب أميل الأقوال الأكثر انتشاراً في الكتب المتقدمة وأقول لكم هنعمل إيه دلوقتي، وأكثر واحد أو أول -مش أول يعني هو سبق به لكن أول واحد فصله كده كان هو موجود قبله متأخر 600 وشوية، لكن من بعده وبدأ القول ده ومهم قوي اللي بيقرأ في التفاسير يستحضر مسار الاقوال- ظهر فيه أنه بدأ ينتشر فين، زماني قاعد أتكلم عن خلاف مثلاً إبليس من الملائكة ولا من الشياطين، القرطبي بيقول قيل المعنى عرفوا ازاي؟ لما سمعوا لفظ خليفة فهموا أن في بني آدم يفسد، إذ الخليفة ما المقصود منه؟ المقصود منه الإصلاح وترك الفساد بين الناس، فلكن أخطأوا أنهم عمموا الوصف على الجميع، يعني اللي فهموه صح -وخدوا بالكم لما قالوا: أتجعل فيها من يفسد فيها ويسفك الدماء؟- ربنا ما قال لهمش لأ مش هيفسدوا ولا يسفكوا، هم فعلا يفسدوا ويسفكوا.
من اللطائف لما ربنا عرض المخلوقات على سيدنا آدم قيل إنه عرض الذرية، فسيدنا آدم بيقول مثلا: هذا فلان من المتكبرين، هذا من الكفار. فالملِك فكأن الملائكة قاعدة، إذن اللي قال اللطيفة دي كان نعمان خان. فالملائكة قاعدة: طب أهو، ده هيطلع كافر ويسفك الدماء. أيوه ما هو فيه ومعاني النية على ما تعلمون، هيقولوها: أيوه ماشي، فيه كفار وفيه مؤمنين.
طيب، يبقى احنا دلوقتي قلنا تلات أقوال في خليفة، وقلنا تلات أقوال كيف عرفوا؟ كيف عرفوا بإعلام؟ ده الأشهر وهو اختيار الطبري، أو بالقياس على المخلوقات السابقة. ومهما حاولنا نوصل كان أكيد ولا لأ مش هنوصل، يعني يقول لك والله كان في مخلوقات والله ما كانش فيه مخلوقات، الخلاف قائم وهي روايات إسرائيلية ولا سبيل لنا إلى القطع بذلك. خلاص؟
القول التالت: أنهم فهموا، كيف هي دي النقاشات؟ كيف دي النقاشات؟ فهموا بالقياس. أقصد من لفظ كلمة خليفة أو أصل خلقتهم أو بأصل وظيفتهم، فكرة الأمانة وأن له إرادة. طب ما اللي هيخد إرادة هينفذ اللي هو عايزه، طب واللي هو عايزه ده هيتنازع مع شهواته أو هيتنازع أنا إرادة أخرى، وده أول حاجة حصلت مع ابني آدم تنازع إرادات. فقام قاتله، نفس اللي قالوه بالضبط هيحصل تنازع إرادات. طب أنت لو بنأم قاتله، فقتل ابن آدم على طول حصل القتل.
معي اللي هم استنكروه دوت أتجعل فيها من يفسد فيها ويسفك الدماء؟ احنا قلنا خلاص أياً كانت تلات أقوال كيف عرفوا. طب السؤال بتاعهم ده يا جماعة إيه رايكم في السؤال ده؟ يعني إيه رأيكم؟ يعني ناخد نفسنا كده. إيه رأيكم في سؤال احنا إن شاء الله ممكن نقعد ساعتين تلاتة النهاردة فأنواع عايزكم تبقوا خالص، إيه رأيكم في سؤال الملائكة أتجعل فيها من يفسد فيها؟
يعني الكلام اللي قالوه ده إيه رأيكم فيه؟ يعني طبيعي لو احنا مكانهم، طبيعي صحيح ربنا يخلق مخلوق، المخلوق ده، خدوا بالكم أنا ليه أنا واقف عند الحتة دي؟ لأن هي يعني تقريباً يعني ممكن ربنا مَن على الواحد نوعاً ما واتناقش مع كتير من اللي بيدعوا إنهم ملحدين أو ألحدوا، أنا عايز أقول لك إن بنسبة تمانين في المية من اللي اتناقشنا معهم كان عندهم نفس السؤال؛ لأن هو أصلاً في تصور خاطئ ربنا صححه لهم، فالتصور ده بيتسرب لتصور ملائكي معين عن الخلق، فهم بيقولوا: طب وليه يبقى فيه مشاكل؟ ليه يبقى فيه سفك دماء؟ ليه أصلاً يبقى فيه خناقات وتنازع إرادات؟
هو ده السؤال اللي بنسميه دلوقتي في سؤال الشبهات اللي بيسموه ويتألف عليه الكتب باسم مشكلة الشر. ليه يبقى فيه شر؟ وده السؤال، لذلك بعض الملاحدة يقول لك إليه: ليه فيه شر؟ بما إن فيه شر، إذاً الإله ما كانش قادر يشيل، إذاً ما فيش إله. يعني بيعملها كده، هو طبعا طريقة التفكير خطيرة جداً، يقول لك إيه؟ الإله هم بيقولوا لك كده: الإله قادر، الإله يستطيع لو إنه قادر يستطيع أن يمنع الشر، فالإله القادر لم يمنع الشر، إذاً الشر وقع غصباً عن الإله، إذاً هذا ليس إلهاً، إذاً ما فيش إله!
فتتحس إيه؟ إيه يا ابني التفكير اللي ضحك يعني؟ يعني إيه اللي أنت، أنت بتاخد إيه؟ ده إيه التفكير الغريب ده؟ فهو أنت، فالملائكة طبيعي جداً وسؤال والملائكة إن ملائكة الخير، الملائكة مشغولة على الطاعة، فبتسأل لذلك سؤالهم كان يعني معطوف على طول بالواو سواء هنتكلم في الواو دي جميلة أو الواو الحال ديت أو واو الاستئناف: أتجعل فيها من يفسد فيها ويسفك الدماء ونحن نسبح بحمدك ونقدس لك؟
طام هو الخير الكامل أهو اللي ما فيش فيه أي مشاكل، أهو ليه ده يبقى موجود؟ وطبعا ده مش استنكار على الله سبحانه وتعالى ﴿لَا يَعْصُونَ اللَّهَ مَا أَمَرَهُمْ﴾ [التحريم: 6]، هذا تعجب هذا سؤال هذا استفهام. أعطاهم الله سبحانه وتعالى، وهذا يا جماعة إذا كان ربنا سمح لهم وأذن لهم بذلك، ليه أحياناً عليّ ما يسمحش إن الإنسان يسأل ويستفهم؟
يعني إيه المشكلة لما تسمع سؤال الطالب وهو بيستفهم شيء مشكل عليه ومش عارف يتقبله؟ وفي فرق يا جماعة برضو بين طريقة السؤال، ممكن واحد يقول إيه: أيوه أهو فعلاً هنيجي نسأل المشايخ وما بيردوش! ما هو طريقة السؤال ما هو أنت في واحد إيه؟ هو ليه ربنا يعني يقول لنا كده؟ ده ده مش هتترد عليه، لكن هو أنا بس كنت عايز أعرف الحكمة، هو يعني أنا، هو مسلم لكن أنا كنت عايز أفهم، زي سيدنا إبراهيم قال: ﴿وَلَمْ تُؤْمِن قَالَ بَلَى﴾ [البقرة: 260].
هو الملائكة؟ طبعا هي مؤمنة، لكن هي بتستفهم ده، لذلك في بعض الاقوال الجميلة: أتجعل، أتجعل، خدوا بالكم من المعنى، أتجعل فيها من يفسد فيها ويسفك الدماء ونحن نسأل هذا السؤال ونحن مقرون بعظمتك ونحن نسبح بحمدك ونقدس لك، احنا مش بنسأل لأ، اسألوا سؤالنا ونحن ننزهك عن العبث، ونحن نسبح بحمدك ونقدس لك.
يعني السؤال ده بنسأله واحنا عارفين كويس إن فيه حكمة، احنا بنسأل عشان احنا أكيد مش فاهمين، زي ما سيدنا نوح قال ربنا قال له إنه هيجي أهله فقال: ﴿رَبِّ إِنَّ ابْنِي مِنْ أَهْلِي وَإِنَّ وَعْدَكَ الْحَقُّ﴾ [هود: 45]، فهو حاسس إن فيه حاجة متعارضين، ربنا قال له: أنا هجيك وأهلك، يا رب أنت وعدتني ووعدك حق وابني من أهلي أنا مش فاهم، بس أنا موقن وأنت أحكم الحاكمين! شف، شف طريقة الكلام، شف المقدمات الأولى: إيه ده هو ابني إزاي يغرق؟ مش ابني من أهلي برضه ولا؟ يعني شوف، لأ أنا بس يا رب هو ابني من أهلي ووعدك الحق وأكيد أنت أحكم الحاكمين، فأكيد فيه حاجة أنا مش فاهمها، هو بيستفهم، وده اللي حصل للملائكة: تجعل فيها من يفسد في وجهك بقى.
يا جماعة احنا أحياناً، وده عندنا كلنا خصوصاً اللي حابب ينشر الدين أكتر وبيتوغل ويكتشف إن الواقع مليان مشاكل ومليان بلاوي، عندنا تصور ملائكي أحداث الملائكة عن الأرض، لذلك أنا كنت عامل درس بعنوان وخصوصاً لما جت أزمة كورونا والناس كانت مصدومة وحصل لها ضجة كده وهزة، عملت درس بعنوان: ولا نبلوها.
الناس بتنسى حقيقة وجودنا، نحن جئنا أصلاً لهذا الابتلاء، نحن جئنا إلى هذه الأرض للابتلاء، أصل عبودية آدم وذريته، أصل عبودية آدم وذريته، أصل هذه العبودية هو وجود هذه المتنازعات أصلاً، فيه شهوات وفيه فساد وفيه شر وفيه خير، هي دي أصل العبودية ولذلك خلقنا وإلا لو كان أصل الخير كان ما يخلقش، ما في ملائكة أحسن منه، هذه عبودية أخرى جنس من العبوديات آخر يحبه الله سبحانه وتعالى، غير تماماً جنس عبودية الملائكة غيره تماماً، ولذلك خلقنا الله أصلاً.
فالتصور الملائكي والتصور الملائكي ده على فكرة بيكون عند اللي شغالين في الدين وفي الدنيا إن كل حاجة مسالية، إن ما فيش أخطاء، إن كل اللي هو بقى البيرفيكشنزم، اللي هو يعني لازم تقبل بجزء من الأخطاء وبجزء من العيوب وجزء من الزلل، يعني لازم تكون واقعي شوية، لازم.
فالسؤال اللي سألوه لما نجي نسمعه من الناس ده سؤال ما نستنكروش منهم، سؤال فطري، وخصوصاً اللي مش اللي مش اللي مش بيستنكر على الله سبحانه وتعالى مش زي الملاحدة اللي أنا اتكلمت عنه، اللي هو بيقول ليه يا رب المسلمين اللي عايزين ينصروك بيتاذوا؟ ليه يا رب الدعاة يقتلوا؟ ليه يا رب الأنبياء نفسهم قتلوا؟
إيه يا رب هو مش بيستنكر هو جواة تساؤلات كان متصور غير كده، لأ أنت تصوراتك عن الدنيا محتاجة تصحح، تصوراتك عن معنى الخليفة محتاج يصحح، صورتك عن الأرض محتاجة تصحح، هذا التصور الملائكي غير موجود، الكون ده الأرض قائم على قضية والمفاسد.
لذلك كلمة شيخ الإسلام خير خير الخيرين ليس الفقيه الذي يعلم الخير من الشر، الحياة مش كلها أبيض وأسود، في خير الخيرين وفي شر الشرين، الفقيه اللي بيفهم ده هو اللي بيعرف يشتبك مع الحياة، اللي بينتزر الدولة المثالية اليوتوبيا الإسلامية الطوباوية دي مش موجودة يا والليل بينتزر العمل الإسلامي اللي مليء بالملائكة اللي ما فيش فيه ولا خطأ عشان يعمل فيه ده مش موجود، ده خليك ده مش موجودة في الجنة.
أنت لابد بتشتبك مع الأحداث وتتلوث بالطين ثم تتوب وتتخلص وتقترب قدر المستطاع من أكثر أقرب نقطة ممكنة قدر المستطاع، أنت لا تتعمد الخطأ، أنت تحاول أن تتقلل منه: لو لم تذنبوا لذهب الله بكم، أنت أصلاً جاي نازل الأرض مذنب وبتوب، مش نازل ملعون زي النصارى، لأ أنت نازل ربنا سبحانه وتعالى اختار أن كنز الخليفة ليقوم بوظيفته بعد أن وقع في هذا الأمر يعني وهتكلم عنها بإذن الله سبحانه وتعالى.
بس أنا يهمني قوي تصحيح التصور الملائكي اللي عندنا، فده سؤال فطري طبيعي يخطر في بالنا جميعاً، وبيخطر في بالنا مع كل أزمة، مع كل زي مثلاً الأسير أسأل الله سبحانه وتعالى أن يتقبله في رحمة الأسير الفلسطيني فناس تتألم وقد تتساءل: طب ليه يحصل كده؟
لا الإجابة لازم تبقى أولاً، عندك إجابة في كل هذه التساؤلات قبل ما تعرف أي حاجة: ﴿إِنِّي أَعْلَمُ مَا لَا تَعْلَمُونَ﴾ [البقرة: 30]. معلش أحفظ الإجابة دي كويس جداً جداً، قد تظهر لك من الحكمة ما يفتح الله بها عليك وعلى غيرك، لكن إياك أن تنسى هذه الإجابة: ﴿إِنِّي أَعْلَمُ مَا لَا تَعْلَمُونَ﴾.
وخد بالك الآية اللي قبلها على طول بكل شيء عليم، إني أعلم ما لا تعلمون وعلم آدم علم آدم ما لا تعلمون، ألم أقل لكم أني أعلم غيب السماوات وأعلم ما تبدون، العلم متكرر جداً من المعاني العظيمة التي جئت، أنا كنت زمان عندي تصور عن سورة البقرة أن هي بتتكلم على الاستسلام وبعد كده فهمت فكرة التكليف فيها، وبعد كده فهمت فكرة الاستخلاف.
النهاردة أنا ربنا مَن عليّ بمعناه، حسّه بيجمع المعاني بل بيعود للمعنى الأول وهو ثقة في علم وحكمة الله سبحانه وتعالى، ليه ربنا يخلق آدم؟ ليه ربنا يقول الملائكة تسجد له؟ ليه إبليس يسجد لآدم؟ ليه يكن من الشجرة قبل ما ينزل؟ ليه هذه التكاليف الموجودة في سورة البقرة؟ ليه تنزع الاستخلاف والخلافة منه؟
بنو إسرائيل لنبي العرب الأمي هم قاعدين يقولوا: إزاي؟ احنا أهل كتاب، احنا سلسلة من الأنبياء متواصلة، إزاي النبوة تروح للعرب الأميين؟ هم شايفينهم يعني كده الجهلة ده ما عندهمش أي أنبياء، ده لغاية إسماعيل، ده حتى الزبيب هو بيرى إن هو إسحاق، فهو كل هذه الاجابات لها إجابات ولها حكم عظيمة.
لكن الأول قبل ما تبحث عن الحكمة أحفظ القاعدة دي: ﴿إِنِّي أَعْلَمُ مَا لَا تَعْلَمُونَ﴾. مهم جداً أنك تحفظ القاعدة دي، هذه إجابة لكل تساؤلاتك أن تثق في علم الله، خد بالك ده الفارق من إبليس وادم، آدم كان، آدم عليه السلام كان ممكن يعني حاشاه يعني لو كان حد تاني ممكن يرد: طب يا رب أنت اللي قلت لي، طب ما يا رب أنت اللي خليتني، زي ما إبليس عمل: ﴿فَبِمَا أَغْوَيْتَنِي﴾ [الأعراف: 16]، كابتن آدم كان راضياً بقضاء الله، كان مستسلماً لقضائه، وهكذا وهكذا كانت الملائكة.
طب ما الملائكة كان ممكن بتقول: طب ما يا رب أنت اللي علمته ﴿وَعَلَّمَ آدَمَ الْأَسْمَاءَ كُلَّهَا ثُمَّ عَرَضَهُمْ عَلَى الْمَلَائِكَةِ فَقَالَ أَبْبِئُونِي بِأَسْمَاءِ هَؤُلَاءِ﴾ [البقرة: 31]، طب ما تعلمنا؟ طب هي ليست قابلية فيكم، أعطى كل شيء خلقه ثم هدى. طب خلاص ادينا القابلية، طب ما أنت لو أداكم القابلية دي أنتم خلقكم هيتغير، طب خلاص غيرنا!
فيه واحد بيفضل، لأ، التساؤلات يا جماعة لازم لها نهاية، نهاية التساؤلات دي أن تعلم، اتعلمون وده على فكرة أنا آسف إن أنا طولت في الحتة دي بس هي مسألة شائكة وبتفتح كتير: لماذا خلقنا الله؟ ومحاولة أنا هكون يعني ده رأيي الشخصي ممكن يكون يعني رأيي الشخصي، محاولة ادعاء الإجابة الكاملة التي ترضي كل المستمعين عن هذا السؤال أنا رأيي إن هي مش موجودة، اللي هو لماذا خلقنا الله؟ هيا لعبادتي، فيقول لك إيه: طب وليه؟
تقول لأن إنت نعمة الحياة، زي كتيب مثلاً بتاع الدكتور سامي العامري: لماذا خلق الله البشر لعبادته أو حاجة زي كده، الكتاب مليء باللطائف اللطائف الجميلة، لكن لو واحد ملحد زي ما هنشوفه دلوقتي طب ما هو الملائكة يا جماعة معلش أنا أنا دخلت القصة في بعضها أنا حاولت أفصل الأحداث لكن هي متداخلة.
طب ما أنا أقول لكم على حاجة، الملائكة لما تعجبت وبعد كده ربنا أثبت لهم وأظهر لهم عملياً أن آدم له مزايا، فسجد الملائكة، إبليس شاف كل ده وما سجدش، يعني شايف تعليم وشاف من باب الأسماء ورأى عجز الملائكة عن ذلك ورأى مزية آدم، وبعدين عمل إيه؟ لأ برضه مش شايف، لأ برضه أنا أحسن! هو فيه ناس كده مهما حاولت تقنعهم هو في الآخر لا لا لا مش مقتنع، طب وليه برضه؟
فده في الآخر هو له إجابة، ليه أنا قصدي نهائي؟ لا يُسأل عما يفعل، في النهاية، إني أمال فين العبودية يا جماعة؟ ده ده عدم تخيل اه مش قصدي عدم تصور حقيقي لمعنى العبودية ومعنى الربوبية أصلاً، هو فيه جزء إنك عبد، وده اتكلمنا عنه المرة اللي فاتت، غياب معنى العبودية عن الناس جرّأهم أو جرّأ بعضه، بقى هو مش عارف يعني إيه رب.
لا يعلم، فبيتكلم عن ربنا هو ليه مش عارف إيه؟ هو أنت مش فاهم يعني إيه ربنا؟ لا تفهم معنى العبودية. طيب، يبقى تعجبوا من الإفساد والسفك، وهنا: ﴿وَأَعْلَمُ مَا تُبْدُونَ وَمَامَ كُنتُمْ تَكْتُمُونَ﴾. القاسمي قال الحتة الجميلة بيقول: اعلم فيه في آدم من دواعي الخلافة ما لا تعلمونه أنتم.
يبقى هو فيه مزية، واضح أن آدم واضح كده. وده من حكمة الله وضع الشيء في موضعه، أيضاً في مزية تصلح للوظيفة، الوظيفة دي محتاجة مزية ليست عندكم. إيه بقى إيه الميزة؟ اللي هينزل الخلافة لازم يكون عنده إيه هي؟ هي مش بس العلم، هي قابلية التعلم والتعليم، هي قابلية توليد المعارف من معلومات، هي قابلية فهم ماء ووصفها وتوظيفها واختراع أسماء جديدة وتوظيفها، هي قدرة توليد المعلومات. اللي بقى وده اللي أبدعوا بقى متأخرين يعني أكثر حد شفته أتكلم في المسألة دي بعمق ابن عاشور، وعبد الكريم الخطيب، وفريد الأنصاري، والمودودي. أكثر أربعة قرأت لهم قعدوا يحفروا إيه المزية اللي في آدم ماشي. طب علم آدم الأسماء سيدنا آدم علم الأسماء فأنبأهم بالأسماء. في ناس تجاوزت أيوه يعني فين فين الخصائص؟ وإيه علاقة خليفة بمسألة وعلم آدم الأسماء؟ فلما شافوه تعلم وعلم؛ لأنه تعلم من الله وعلم الملائكة، أنبأهم يعني أي قالوا آه فعلا فسجدوا خلاص أيقن بذلك، ربنا أقرهم، قال له: ألم أقل لكم؟ الإجابة ما جتش لأنهم أكيد اعترفوا.
واضح أن الخصائص دي متناسبة مع الاستخلاف. يا جماعة اللي هيعيش في الأرض أحداث متكررة وأزمنة متكررة ومتغيرة، ومش هينفع في كل موقف ينتظر الخطاب المباشر من الله، هو معه وحي. والفكرة دي بتجاوب على سؤال مشهور جداً للعاملين بيسألوه: إزاي الوحي محدود الآيات والأحاديث، والأحداث اللي بتقابلكم متغيرة غير متناهية؟ وبتقولوا تدعوا أن هذا الوحي المحدود في تصورهم يصلح لكل زمان ومكان اللامحدود؟ هنقول له: ما هو ده ولذلك أعطانا الله العقل.
الوحي فيه في مزية معينة والعقل عند الإنسان فيه مزية معينة، أن هو بيقيس وبيفعل هذه الآيات والأحاديث ليه يستخرج ويفرع ويقيس على الأحداث هذه غير المتناهية؟ لذلك لما تيجي معاملة معاملة مالية حديثة جداً، هنا العقل الفقهي الذي شرب واستوعب الآيات والأحاديث، بيفكك المعاملة الفقهية معاملة جديدة جداً معاملة بنكية حديثة جداً، بيعمل إيه؟ بيفككها فيشوف آه دي بتقاس على مسألة آه بيع ما ليس عندك، ودي آه فيها غرر، ودي فيها آه مش عارف كذا كذا، يبقى إذاً حرام، أو لأ دي ما فيش فيها غرر، ما فيش فيها بيع ما ليس عندك، ما فيش فيها ربا، ما فيش فيها ميسر، ما فيش فيها كذا.
نفكها خلاص، نركبها تاني المعاملة دي حلال. هو ده دور العقل، ده اللي عند سيدنا آدم، ده اللي عند بني آدم في الدين وفي الدنيا، هو كده يفهم الحديد خواصه ويقيس عليه ويشوف المعدن التاني ويستعمله، طب ده ينفع هنا؟ والخشب مزاياه؟ هو ده، فهذا يصلح في هذه الأرض. أما أنتم، ولذلك بعضهم قال لك إيه: في علم ذاتي وعلم اكتسابي؛ الملائكة علم ذاتي، وهذا علم اكتسابي. الملائكة: ﴿لَا عِلْمَ لَنَا إِلَّا مَا عَلَمْتَنَا﴾ [البقرة: 32]، بس يعني ملائكة تسمع ذكر ما يعرفوش يكتبوه زي ما هو، مش عارفين يعملوه فيطلعوا ربنا سبحانه وتعالى، اللي هو الحمد فربنا يقول لهم ده اكتبوه كذا، يعني الملائكة وده واللي بيختار القول ده يرد على فكرة أن الملائكة قاست على المخلوقات، يقول لك: لأ، ده مش دور الملائكة.
ده ماشي، اللي يختار القول ده يمشي عشان يكون مضطرب مع نفسه، وإن كان في ناس يعني أنا حسيت أن في عدم يعني إيه اضطراب؟ ده يمشي مع القول بتاع إيه أن الله أعلمه. أيوه كده، فسأله فربنا قال لهم: من سيفسد؟ قال له: طب وكيف يفسد أن إن علم الملائكة علم ربنا سبحانه وتعالى بيعلمه، أما علم الإنسان أنا هجيب لكم بعض الكلمات، ابن عاشور بيقول إيه: يدل على أن علومهم أي الملائكة محدودة غير قابلة للزيادة إلا إذا أراد الله يعلمهم، فهي مقصورة على إيه؟ ما ألهمهم الله وما يأمره، فالملائكة علم قبول المعاني لا علم استنباطها.
بيقول: للملائكة علم قبول المعاني لا علم استنباطها. في مكان تاني ابن عاشور بيقول: ولا شك أن هذه الخلافة لا تقم إلا بالعلم؛ أعني اكتساب المجهول من المعلوم. يفرع معلومة حاجة كانت مجهولة يفرع منها من الحاجات المعلومة اللي عنده. قال: دي ما يعرفهاش الملائكة، ويقوم الإنسان بتحقيق المناسبة بين الأشياء ومواقعها ويقارنها، وهذا هو العلم الاكتسابي الذي يدرك به الإنسان الخير من الشر، ويستطيع به فعل الخير من الشر، وإن كان دي هيدخلنا في قصة التحسين والتقبيح، وده أنا مستغرب أن هو ده هو مش قول ابن عاشور.
ما علينا، كلام جميل لعبد الكريم الخطيب، وإن كان عبد الكريم الخطيب في تفسيره بيشوط شطحات غريبة كده، لكن كان له كتاب اسمه الإنسان في حتة فيه بيقول: هذه قصة تبين لنا أن الاختلاف في الطبيعتين طبيعة الملائكة غير طبيعة البشر، ده من طين، الاختلاف في الطبيعتين يؤدي إلى الاختلاف في الوظيفتين. الطبيعة متناسقة: ﴿أَعْطَى كُلَّ شَيْءٍ خَلْقَهُ ثُمَّ هَدَى﴾ [طه: 50] خلاص. وبنو آدم الملائكة تقدر على أشياء لا يقدر عليها بنو آدم، وبنو آدم يقدرون على أشياء ليست من شأن الملائكة القيام بها. فقوله تعالى: ﴿عَلَمَ آدَمَ الْأَسْمَاءَ كُلَّهَا﴾ [البقرة: 31] يشير إلى كما أودع الله في آدم من قوى إيه بقى؟ الإدراك، يدرك ويستنبط ويقيس، ثم يقوم بتداعي المعاني وتوليدها، فالمعاني عنده غير متناهية. يعني زي مثلاً فكرة الآية المعجم الاشتقاقي، هي حروف اللفظ الجذر، أنت بتقعد تولد منه معاني، وده اللي كان حتة حلوة قالها لفكرة إزاي لغة العرب بتستوعب كل ده، اه كان إذن الدكتور محمود توفيق أشار أن الشافعي يقصد أن لغة العرب فيها القدرة غير المتناهية على الاشتقاق.
هل هو عنده فكلما جد جديد في الحياة استطاع أن يسميه باسمه ويعرف وصفه، أما الملائكة لا يزيدون منه أو ينقصون. ارجعوا أنا ذكرت لكم المصادر أن المودودي قال الملائكة، المودودي اختاروا فكرة تانية بقى، قال: مجال العلم مجال علم الملائكة واحد محدود، مجال علم الإنسان متعدد غير الغيب، والرابع ارجعوا لفريد الأنصاري. يبقى هنا وعلم آدم الأسماء مش معناها عند المتأخرين إنه بس قال له الأسماء، لأ، ده بينبأ المعنى كلمة وعلم آدم ينبئ أول حاجة.
تاني مسألة عشان ما نتوهش، أنا نسيت أقول لكم أني أعلّم ما لا تعلمون. وبعدين وعلم، شف العلم قد ايه في الآيات؟ يعني إيه أن أعلم ما لا تعلمون؟ قلت لكم الأول أن هذه السورة وهذه القصة مليئة بالأسرار التي لابد أن نسلم بها إلى الله سبحانه وتعالى. ثانياً مليئة بالحكم التي نحاول أن نستنبطه، وده أصلاً من القدرة التي أعطاها الله سبحانه وتعالى إلى آدم. طيب: ﴿إِنِّي أَعْلَمُ مَا لَا تَعْلَمُونَ﴾ [البقرة: 30]. قيل وده من أجمل الأقوال: أني أعلم أنه سيكون من هؤلاء من يضحي لأجلي وينصر ديني. يعني أنتم بتقولوا في ناس بتسفك الدماء، ربنا ما قال لهمش لأ سيكون من يسفك الدماء، ولكن سيكون من يضحي بدمه لأجلي، سيكون من يبذل عمره لأجلي، سيكون من ينازع شهوته لأجلي.
أنتم الطاعة عندكم مجبورون عليها، إن هذا ينازع في كل طاعة، إن الشيطان قعد لابن آدم بأطقه كلها، هذه العبودية عبودية المنازعة يحبها الله، أن أنت تشيل الغطاء في الشتاء وتقوم تصلي القيام دي عبودية يحبها الله. انك تغض بصرك وقاعد بتمتنع، هو أنت متصور أن أنت كده وحش؟ لا، دي عبودية بيحبها الله فقمت عنها وهي أحب الناس إليه، واحدة بيحبها وقاعدة قدامه وبينزع نفسه نزعة، دي عبودية، دي ربنا حرك له الصخرة عشان العبودية دي، عبودية أن تنازع نفسك أن تتكلف الشيء. الملائكة مش كده، يسبحون، السبح أصلاً الانطلاق بلا قيد، انطلاق في الهواء يعني بلا قيد، ده السبح، لذلك قالوا اللي بيوصل في الطاعة على أحد المعاني الإشارية في السابحات اللي هو قعد يجاهد حتى وصل أنه كان نشيطاً فكان سابحاً، منشطات النشطة السابحات سبحة.
فهنا هو أصلاً بيسبحوا، ما عندهمش مشكلة، التاني بينازع، فأنت لما تبص من بعيد واحد بيسبح في الطاعات وواحد بينازع، ده أكيد ده أحسن؟ لا لا، دي عبودية مختلفة، ده عنده عوائق مش عند ده، فدي عبودية مش قضية أحسن وأفضل أنا مش داخل مش شاغل بي دلوقتي في مسألة المقارنات والخلاف اللي حصل. عبودية فلذا يحبها الله: ﴿إِنِّي أَعْلَمُ مَا لَا تَعْلَمُونَ﴾. وقيل: إني أعلم أن فيكم من يكتم شيئاً في صدره سيخرج اللي هو إبليس والمعاني، والآية تحتمل كل هذه المعاني: ﴿إِنِّي أَعْلَمُ مَا لَا تَعْلَمُونَ﴾ وعلم آدم خليفة علم آدم.
يبقى الوظيفة دي متناسبة مع الخليفة، وذكرت لكم الأقوال. يبقى إذاً يا جماعة لا حياة على الأرض بدون علم، لا دين ولا دنيا، لازم علم ديني وعلم دنيوي، ومن امتلك العلم الديني والدنيوي أخضع له الناس. لما ربنا علم آدم بعدها سجد الملائكة، اللي بيملك العلم حتى الدنيوي يقهر الآخر. وابن عاشور كان له لفتة جميلة ذكرتها في درس الهدهد، والحضارة بتاع في قصة سيدنا سليمان أن قال الذي عنده علم من الكتاب، اللي عنده علم غلب اللي عنده القوة، ولا يتأتى بالعلم ما لا يتأتى بالقوة. فمسألة لأن العلم هو اللي بيسخر فمهم جداً لهذه الوظيفة تحصيل هذه العلوم التي تمكنك من فهم الأمور واستغلالها.
﴿وَعَلَمَ آدَمَ الْأَسْمَاءَ كُلَّهَا ثُمَّ عَرَضَهُمْ عَلَى الْمَلَائِكَةِ فَقَالَ أَنْبِئُونِي بِأَسْمَاءِ هَؤُلَاءِ إِنْ كُنْتُمْ صَادِقِينَ * قَالُوا سُبْحَانَكَ لَا عِلْمَ لَنَا إِلَّا مَا عَلَمْتَنَا إِنَّكَ أَنْتَ الْعَلِيمُ الْحَكِيمُ﴾ [البقرة: 31-32]. تسليم وثقة: ﴿إِنَّكَ أَنْتَ الْعَلِيمُ الْحَكِيمُ﴾ مع أني أعلم ما لا تعلمون. دي مهم أنك تخرج بها من السورة كلها، ده لب العبودية التسليم. آه، في حد أنا عشان أشرح لكم الفكرة عارف يعني إيه واحد يعيش ميت سنة ويموت، هيرروح لربنا فيقول له: يا رب أنا ما عليش حساب، وربنا يقول له: ليه ما لكش حساب؟ يقول: أنا كنت مجنون، أنا كنت في زمن الفترة، أنا كنت أسمع ما أسمعش، حديث أنا في روايات كتير أشهرها إذا كان يوم القيامة جمع الله أهل الفترة والمعتوه والأصم والأبكم والشيوخ الذين لم يدركوا الإسلام.
ناس كتير هتحتتج يوم القيامة وتقول: يا رب أنا ما جاليش رسالة، ويا رب أنت بتقول: ﴿وَمَا كُنَّا مُعَذِّبِينَ حَتَّى نَبْعَثَ رَسُولًا﴾ [الإسراء: 15]. تخيل واحد تاني عاش ميت سنة وامتحن في الميت سنة كم غير متناهي من الامتحانات تكاليف، وعاش ميت سنة فربنا هيختار له امتحان واحد لو نجح يخش الجنة، لو سيدنا امتحان واحد، إيه هو الامتحان ده؟ التسليم. ربنا يطلع نار وقول له: القي نفسك في النار بس. يعني ملخص ميت سنة، يعني واحد امتحن غض بصره وزناً ومش عارف إيه وتوبة وزكاة وصيام وصلاة وشغل كسب من حلاله وتربية أولاد ابتلاء، في واحد تاني هيمتحن امتحان واحد بس، إيه هو؟ ملخص امتحان الثقة في أمر الله، أرم نفسك في النار فمن دخلها كانت برداً وسلاماً. روايات كتير أنت بس اكتب حتى كده في في أي برنامج اكتب بحس كده كلمة مثلاً ودخول النار شف أنا يعني إيه روايات كتير وأغلبها صحيح.
فالملائكة قالت ثقة لما ربنا قال لهم: علم آدم الأسماء كلها الأسماء كلها هل أسماء الذرية؟ هل أسماء المخلوقات؟ هل أسماء كل شيء؟ هل اللغات؟ احنا ممكن نستفيد من القرآن علمه البيان، يعني مش بس تعلم الاسم، علم أن يبين عنه، يعني بقى يشوف الحاجة يستطيع أن يبين ما هي يفهمك دي إيه، ويعرف اسمها ووصفه. لذلك بعض العلماء قال الأسماء هنا مش معناها اسم وفعلاً وحرفاً، لا، يعني حتى القدرة على الاشتقاق منها وبأوصافها، والخلاف أنا شايف أن هو شايفين لإن كمان المنطقة دي وده كانت عايزة بقى درس تاني يعني قضية فلسفة اللغة ونشأة اللغة وهنا الأصوليين بيختلفوا: هل اللغة توقيفية من الله ولا اللغة بالوضع أنهم كانوا يضعوا يتفقوا؟ وأنا شايف المبحث ده هيظل فيه خلاف على طول مستمر، لكن لازم نستفيد أن كان فيه جزء كبير منها.
طبعاً هنا: ﴿وَعَلَمَ آدَمَ الْأَسْمَاءَ كُلَّهَا ثُمَّ عَرَضَهُمْ عَلَى الْمَلَائِكَةِ فَقَالَ أَنْبِئُونِي بِأَسْمَاءِ هَؤُلَاءِ إِنْ كُنْتُمْ صَادِقِينَ﴾ [البقرة: 31]. كان ممكن الملائكة بتقول يا رب، فالملائكة أول الإجابة قالت أول الإجابة: سبحانك، خد بالك شف الإيجاب رأساً ممكن إيه؟ كان ممكن: سبحانك لا علم لنا سبحانك انت ولينا ديونا، جمع سبحانك اللي الملائكة قالتها في القرآن: ﴿سُبْحَانَكَ مَا يَكُونُ لِي أَنْ أَقُولَ﴾ [المائدة: 116] زي سيدنا عيسى، سيدنا عيسى في آخر المائدة قال له: سبحانك! احنا أكيد في حاجة احنا مش فاهمينها، ننزهك ﴿لَا عِلْمَ لَنَا إِلَّا مَا عَلَمْتَنَا﴾ [البقرة: 32].
هم هنا هل هل معنى الآية: لا علم لنا إلا ما علمتنا؟ على ما فهمه المتأخرون أن هذا ليس من أوقاتنا لا نستطيعه ولا نعلمه، يعني انت احنا ما نعرفش الأزمة دي ولا أصلاً طريقتنا في يعني وصفنا وذاتنا لا لا نعلم إلا من نتعلم فقط، لا علم لنا إلا ما علمتنا. وفي الآخر الختام مهم جداً، اللي حصل ده بعلمك وحكمتك نسلم لك، ده لب الصورة اللي ما فهموش إبليس، واللي ما فهموش اليهود، واللي ما فهموش اللي رفضوا التكاليف الشرعية في السورة. لب الصورة أو من يا سيدي من مركزيات السورة.
أن تسلم لله أنك أنت العليم الحكيم، الثقة في أمر الله سبحانه وتعالى. وتقول: لك أن يهجن اليهود نبي أمي؛ ليه؟ لأن العرب فين أصلا الأنبياء اللي عندهم؟ إحنا أهل الكتاب، إحنا أهل الأنبياء، ليه تتاخد مننا؟ نحن أهل الله وأحباؤه، ليه تروح مننا أصلا؟ فلابد أن تثق في تدبير الله سبحانه وتعالى.
طيب، إحنا اتكلمنا على مسألة المشاهد اللي في الصفحة دي؛ مشهد الاستخلاف، ثم التعجب، ثم التعليم، ثم التشريف، ثم التسكين، ثم الزلل، ثم التوبة. دي مشاهد متتالية مبهرة في قصة حياتك. خلاص، الاستخلاف حصل اتكلمنا عنه. حصل التعجب، بعد كده حصل التعليم؛ الملائكة انبهرت، قال: ﴿أَنْبِئُونِي بِأَسْمَاءِ هَؤُلَاءِ إِنْ كُنْتُمْ صَادِقِينَ﴾ [البقرة: 31]، فلما أنبأهم بأسمائهم ربنا ما ذكرش رد فعل الملائكة، ذكر الإقرار.
يعني هم واضح إنهم أقروا لما شافوا المشهد المهيب، أن الذرية أو الأشياء، أو حتى القصعة والمعلقة وكل حاجة كان يعني في بعض الروايات كل حاجة أيا كان بقى إيه أو اللغات أو أيا كان، فقدرة مهولة. وزي ما قلنا، أكيد في علاقة بين ده وبين الاستخلاف، الاستخلاف يحتاج إلى علم، الخليفة يحتاج إلى علم، بل من المصائب لو حد بيتصدر للخلافة -وهي دي المشكلة- أن إمتى الخلافة تتحول إلى ملك إنما تنفصل عن العلم الشرعي، لأن هو سلطان مع علم الوحي يصبح خليفة، مش كده اسمها الخلافة الراشدة؟ ما فيش أي خلاف، الرشد ده لما بينفصل عن الملك بيبقى ملك.
والحديث وإن كان فيه ضعف، أن: «سيفترق عن السلطان والقرآن»، فإحنا ندور مع القرآن مش مع السلطان. فقال: أنبئوني باسم هؤلاء إن كنتم صادقين. قالوا: ﴿سُبْحَانَكَ لَا عِلْمَ لَنَا إِلَّا مَا عَلَّمْتَنَا إِنَّكَ أَنْتَ الْعَلِيمُ الْحَكِيمُ﴾ [البقرة: 32]. قال: يا آدم أنبئهم بأسمائهم. فبكل تلقائية هذه المزية اللي عند آدم، فلما أنبأهم باسمهم، قال: ﴿أَلَمْ أَقُلْ لَكُمْ إِنِّي أَعْلَمُ غَيْبَ السَّمَاوَاتِ وَالْأَرْضِ وَأَعْلَمُ مَا تُبْدُونَ وَمَا كُنْتُمْ تَكْتُمُونَ﴾ [البقرة: 33]. وقيل: وما كنتم تكتمون من أنكم أيها الملائكة أفضل منهم، وأنكم تستحقون الخلافة. وقيل: وما كنتم تكتمون، أي ما سيظهر من إليس عليه لعنة الله.
خلاص، خد بالك ربنا ما قلهمش: ألم أقل لكم أني أعلم ما لا تعلمون. لأ، ده ربنا هنا فصل في العلم، لأن في الأول قال: ﴿وَأَعْلَمُ مَا تُبْدُونَ وَمَا كُنْتُمْ تَكْتُمُونَ﴾، و(ما) مبهمة في القرآن عايزة دراسة، زي: ﴿فَأَخْرَجَهُمَا مِمَّا كَانَا فِيهِ﴾، ﴿فَبِرَحْمَةٍ مِنَ اللَّهِ﴾. هنا: ﴿إِنِّي أَعْلَمُ غَيْبَ السَّمَاوَاتِ وَالْأَرْضِ﴾، كل ما لا تعلمونه أنا أعلم سبحانه وتعالى، لازم بكرر تاني لازم تثق في هذا، أن الله يععلم كل شيء، لن تستطيع أن تؤمن بالقدر بدون ثقة في علمه وحكمته وبرحمته، القدر سر الله، عشان تؤمن بالقدر أن تثق في علمه وحكمته ورحمته. خلاص، ألم أقل لكم أني أعلم غيب السماوات والأرض، وأعلم ما تبدون وما كنتم تكتمون.
﴿وَإِذْ قُلْنَا لِلْمَلَائِكَةِ اسْجُدُوا لِآدَمَ﴾ [البقرة: 34]. العلماء هنا قالوا: المرة الوحيدة في القرآن اللي جت قصة التعليم هنا، والمرة الوحيدة في القرآن إن ييجي قصة قبل قصة السجود والامر بالسجود. العلماء هنا قالوا: هل خلق الله آدم فسجدت الملائكة وحدث التعليم، ولا خلق الله آدم فحدث التعليم فكان السجود؟ لو شيلنا الصفحة دي من القرآن، كل الآيات في القرآن المعنى المتبادر للذهن: ﴿فَقَعُوا لَهُ سَاجِدِينَ﴾ [الحجر: 29]، ﴿فَإِذَا سَوَّيْتُهُ وَنَفَخْتُ فِيهِ مِنْ رُوحِي فَقَعُوا لَهُ سَاجِدِينَ﴾ [ص: 72]، فالمعنى المتبادر في كل النصوص الأخرى أن أول ما تنفخ فيه الروح أن من المشاهد الأولى أن وراء السجود، وكان مشاهدنا إيه؟ تشريف عظيم، ﴿وَلَقَدْ كَرَّمْنَا بَنِي آدَمَ﴾ [الإسراء: 70].
طب ليه السياق هنا جه كده؟ يعني العلماء اختلفوا، ابن كثير مثلاً قال: لأ، اللي حصل اللي زي اللي في القرآن، مش الظاهر سياق سورة البقرة، اللي حصل أن السجود الأول وبعدين التعليم. ابن عاشور قال: لأ، اللي حصل هو التعليم وبعدين السجود. النسفي -صاحب التيسير، مش صاحب المدارك، صاحب التيسير- تردد، وكان ماشي مع ظاهر السياق في التعليم الأول. ابن عاشور اصطفى في الرد، قال: لأ، الفاء مش لازم تكون للسرعة، وجاب أدلة وجاب، وأنتم عارفين ابن عاشور يعني لما بيحرر في حاجة هيردها يعني.
فأيا كان، أنا مش شاغل بالي أن ده هيظل غيب، لكن أنا بسأل سؤال، المفروض إحنا في تدبرنا للقرآن، أنا مش لازم أسأل سؤال: ما الذي حدث أولاً؟ أنا بس أسأل سؤال: لماذا جاء التعليم أولاً؟ أنا بسأل سؤال في سياق القرآن بقى اللي ربنا قاله لنا، ليه ربنا قال لنا حادثة التعليم قبل حادثة السجود هنا في سورة البقرة؟ يبقى إذا هذا التعليم زي ما ذكرت، هذا العلم يكرم لأجله. لذلك استنبط كتير هنا من العلماء أن العالم يكرم، ده بقى العلماء، ده بعض العلماء قال حتة حلوة قوي كده تبسط العلماء -يعني ربنا يجعلنا من أهل العلم- قال إيه؟ ربنا قال بعدها: ﴿اسْكُنْ أَنْتَ وَزَوْجُكَ الْجَنَّةَ﴾ [البقرة: 35].
قل آمين، هل حتى العلماء محتاجين يا جماعة يقعدوا في حتة كويسة؟ يعني طبعا، ولا حاجة ربنا يستعملنا يا رب. هم بعدين وفي حتة كويسة فعلا، قال: يا آدم أنبئهم بأسمائهم فلما أنبأهم بأسمائهم قال: ألم أقل لكم أني أعلم غيب السماوات والأرض. وإذ قلنا للملائكة، الانتقال ده قال لك: طب ما هو، وده اللي خده ابن عاشور، أول ما ظهرت المزية سجدوا، لذلك بعض المتأخرين اللي أصر أن ده الحدث قال: يعني هو ده مش هيتعارض مع اللي أنا قلته بس ركزوا معي، قال إيه؟ وكأن الله من رحمته قبل أن يأمرهم بالسجود أظهر المزية ليكون السجود بطيب نفس.
هكذا ينبغي وأنت في أثناء عرض قدر المستطاع للأحكام الشرعية، قدر المستطاع أن تبين رحمة الله وأن تبين حكمته، كل جزء فيه نوع من الأسرار والتسليم. ده ما بيتعارضش مع فكرة التسليم محتاجين توازن، فانت قدر المستطاع وخصوصاً لما بتتكلم في قضايا مثلاً زي مسألة اللي بتثار دلوقتي المرأة والنسوية، بلاش تستعمل سياسة وهو أصلاً بتكون مستنفرة، المرأة وسامعة شبهات كتير، هو كده وأخبطي دماغك في الحيط، والشرع لو مش عاجبك الباب يوسع، مش عارف ياما كفار خرجوا يعني، أنت ده مش طريقة عرض الدين أصلاً، يعني ده يتنافى تماماً رحمة النبي صلى الله عليه وسلم في عرض الدين.
فده ما يستنبط من الآية، اللي فهم أن ده السياق، أن التعليم هو كان سبب التكريم، فبالتالي أن تتعلم. وأيضاً أن التعليم ما عدا هذه المزية في فهم حكمة السجود، ﴿وَإِذْ قُلْنَا لِلْمَلَائِكَةِ﴾، هل برضه كل الملائكة؟ وده مشهد مهيب، ﴿اسْجُدُوا لِآدَمَ﴾ [البقرة: 34]، الذي قد تبين لكم مزيته، وظهرت خصيصته أمامكم، وظهر ما تميز به، ظهر علمه، اسجدوا لأهله. في الآيات التانية السجود بييجي نتيجة أن كرم؛ لأن الله خلقه بيده، هنا كرم لأنه تعلم، ده تكريم آدم أن الله خلقه بيده، وأن الله علمه: ﴿خَلَقَ الْإِنْسَانَ * عَلَّمَهُ الْبَيَانَ﴾ [الرحمن: 3-4]، ده تكريمه.
﴿وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ﴾ [البقرة: 34]، وفي الآية التانية: ﴿فَسَجَدَ الْمَلَائِكَةُ كُلُّهُمْ أَجْمَعُونَ﴾ [الحجر: 30]، كلهم سجدوا، مشهد يا جماعة يعني مشهد مهيب. سجود الملائكة مشهد مهيب، تخيل كده مليارات المليارات، وفجأة واحد رافض يسجد! إلا إبليس، يعني إيه النفسية دي! إيه ده! مش ممكن! إيه الكبر ده! إيه العناد ده! ﴿إِلَّا إبْلِيسَ أَبَى وَاسْتَكْبَرَ﴾ [البقرة: 34].
الاستثناء ده أنا اتكلمت هنا بالتفصيل في المسألة دي في سورة الأعراف؛ هل هو كان من الملائكة؟ لأن الأمر وجه، وجماهير المفسرين من المتقدمين بيقولوا: إنه كان من الملائكة، زي ما اتكلمت قبل كده وقلت لكم الطبري في الاختيارات اللي زي دي ما يبقاش عنده مشاكل، يعني عادي إيه المشكلة وردت روايات أنه كان من الملائكة؟ طب ورد، طبعا على فكرة، طب إزاي من نار؟ قال لك ما هو ده جنس، أن الملائكة كان اللي هو خازن الجنة اسمه من الجن، وأن الجن في منهم الصنف ده وفيه منهم الشياطين، ماشي؟
والمتأخرين والقوي اللي بدأ يبقى قوي في التفاسير من أول ابن كثير وانت نازل، أن هو من الشياطين، وبدأ القول التاني يقل، لدرجة أن كتير من المتأخرين أو مننا يعني، وهو بيقرأ السور يتصور أن قول أن إبليس من الملائكة ده القول الضعيف الشاذ اللي ما ينفعش يتقال أصلاً، من كتر ما أن إيه ده كان اختيار شيخ الإسلام ابن تيمية، وابن كثير بيتاثر كثيراً باختيارات شيخ الإسلام ابن تيمية ولا يصرح بذلك عشان كان بيتاذى لو صرح بذلك.
كثير من الأماكن في تفسير ابن كثير هي مأخوذة نصاً من كلام مقدمة سورة التين، بعض الترجيحات زي دي متاخدة نصاً ما نتكلمش خسائر ابن تيمية بس، لكن اللي كان لا ينسب، كان يقول: وقال بعض الأئمة، ولا ينسب إليه؛ لأنه كان بيتاذى بسبب انتسابه لشيخ الإسلام.
فالمهم، القول هذا لما قال بابن كثير وأوصله بقى هو ده الأشهر، أيا كان المهم، اللي يلزمنا أن الأمر اتجه إليه. ليه؟ لأنه كان من الملائكة؛ لأنه رفع إليهم، لأنه ما كانش معهم ورفع إليهم، أيا كان.
طب إيه اللي خلق إبليس يتعالى؟ فيه عندنا روايات، وسبحان الله، وفعلاً سبحان الله، سبب رفعته كان هو سبب معصيته. يعني أحياناً الواحد يبقى هيموت عشان يطلب علم معين، متخيل لو أنت حصلت العلم ده، العلم ده هيبقى سبب فسادك؟ مش أنا طبعا، أنا مش بقول لك ما تطلبش علم، أنا بقول لك لابد ألا تتوقف عن الاستعانة بالله، إياك.
لما تيجي تجمع، كنت مجمع الروايات بس أنا هقول لكم بسرعة كده أسباب كبر إبليس، قيل في ثلاث روايات أنا اخترت منكم اثنين: كان قائد الملائكة التي طردت الجن، أن كان في مخلوقات الجن عايش على الأرض، فربنا أرسل مجموعة من الملائكة كان القائد إبليس، فلما طردهم قال إبليس في نفسه قال إيه: قد صنعت شيئاً لم يصنعه أحد. يبقى فكرة إيه؟ أنه عمل حاجة ما حدش قدر يعملها؛ أنا شرحت الدرس طب يا محمد، أنا اتكلمت في التفسير ما حدش يعرف يتكلم زيي، أنا عملت حاجة في الحركة الإسلامية ما حدش عملها، اللي هو إيه؟ في مسألة فعل شيء لم يفعله أحد.
الرواية التانية: أن الله جعله على ملك السماء الدنيا وكان خازناً للجنة، فجمع بين وظيفتين كبار فوقع، الرواية بتقول إيه: فوقع في صدره كبر وقال: ما أعطاني الله هذا إلا لمزية لي على الملائكة، بالفعل وبالمنزلة قد يظن البعض أنه رفع، فيكون الشيء اللي صنعه، الفعل اللي صنعه -خدوا بالكم الفعل ده يا جماعة ده كان طاعة- الجن طاعة، وهذا فخر ديني أنه يقف خازن على الجنة، ده يعني دي إحنا كل ده بنتكلم في الدين.
يعني إحنا لما نيجي نتكلم دلوقتي أبى واستكبر، إحنا ممكن نيجي في ذهننا إيه؟ أوه استكبر فلان بماله عشان هو كان رئيس مش عارف إيه، لا إحنا بنتكلم في الدين! كل المشاكل اللي حصلت في الأول كانت داخل المنطقة الدينية الشرعية، فقرب قرباناً ده في الدين! إبليس كان عايز، هو الاستخلاف لو خدنا على القول ده دي وظيفة دينية، حسده عليه.
يعني ده يا جماعة بيحصل بين أهل الدين، أكبر مصيبتين حصلوا وأكبر معصيتين حصلوا: كبر إبليس وقتل ابن آدم، حصلوا في المنطقة الدينية! يعني دي رسالة للعاملين في الدين بين الدعاة وبعضهم، والعلماء وبعضهم، والاسلاميين وبعضهم، أن المصائب الكبر والقتل قد يحدث.
ده الأصل الذئب الجائع التاني، النبي صلى الله عليه وسلم قال: «ما ذئبان جائعان»، كان خايف علينا من ذئبان جائعان، إيه هم؟ الحرص على الدنيا والشرف. الشرف المعنوي أعظم بكثير من المال، ممكن إنسان عشان يحصل على شرف ديني وأن الناس تحترمه يضحي بملايين بس ياخد هذا الشرف.
هذا هو يا جماعة إبليس حسد آدم على إيه؟ ده وظيفة متعبة، الاستخلاف في الأرض دي وظيفة متعبة، يعني ممكن لو كان اتعرض هيقول لك: لا، مش عايزها، بس آدم ما ياخدهاش! وهذا بيحصل، يعني تلاقي مثلاً ناس بتتقاتل على وظائف دينية، هي صعبة، هي الوظيفة الدينية صعبة أصلاً، بس تلاقيه يحسدوه عليها، يا عم ده مفحوت! اه، ما أنا عايز أبقى مفحوت بس الناس تحترمني أنا، الناس تقول: آه والله، ده ده مضحي ياه، شف مضحي ازاي، شف يبذل ازاي!
ده ممكن، أنا عايز أقول لك، ممكن ربنا يحفزنا يا رب إنسان يضحي ويبذل ويؤذى ثم يعني يتكبر بهذا، يقول لك: ده أنا أذيت في سبيل الله، أنتم لازم تحترموني غصب عنكم، أنا كلامي اللي يمشي، ليه كلامك اللي يمشي؟ عشان صح؟ لا لا، عشان أنا أذيت، يعني يبدأ يوظف العبوديات غلط.
ولذلك أنا دايماً أفضل تكرار قراءة رسالة ابن رجب شرح حديث: «ما ذئبان جائعان»، لازم، يعني فعلاً أن ده هو ليه ربنا أخبرنا أن دي المعصية الأولى؟ إلا إذا كان أن دي المصيبة: ﴿إِلَّا إِبْلِيسَ﴾.
طب إبليس ما رضاش يسجد ليه؟ أبى. طب ليه أبى؟ الإباء هنا فيه نوع من الرفض القطعي، الرفض القاطع ده يا إما معه، يعني أنت لما ترفض بشيء قطعي يا إما أنت خايف من حاجة فانت مستحيل أعملها أنا مش قدها زي: ﴿فَأَبَيْنَ أَنْ يَحْمِلْنَهَا﴾ [الأحزاب: 72]. بس الإباء هنا ربنا قال بعدها على طول إيه؟ ﴿أَبَى وَاسْتَكْبَرَ﴾ [البقرة: 34].
إنما ده أبى استكبر، الألف والسين والتاء بتيجي أحياناً للمعاني القلبية، وتيجي رأى نفسه، يعني رأى نفسه عظيماً؛ أنا أسجد؟ مستحيل، أنا أكبر من ده، أنا أكبر من إني أنا أعمل ده. استكبر، هي دي أول معصية.
فلذلك ربنا يبغض هذه المعصية، يعني يعني حديث مرعب: «مثقال ذرة من كبر ما تخخش الجنة»، أنت متخيل الأزمة؟ متخيل شوفي الحديث المرعب مثقال ذرة، أنا وأنا بحضر يعني أنا كنت مش هدي الدرس، مرعب، مرعب؛ لأن وما منا إلا عشان نكون واضحين زي ما قال ابن مسعود في مسألة التطير، وما منا إلا؟ قال ابن مسعود: «ولكن يذيبه الله بالتوكل». فاحنا برضو وما منا إلا، ولكن يذهبه الله بأنك تمرغ راسك أو بذنب.
لأ مسألة خطيرة يعني، طب أحياناً بنتخيل أن داخل دائرة المتدينين أو العاملين للدين أو يدعوا لك، يا عم مش معقول للدعاء، مش معقول للدعاء، هي بتيجي غير كده، هو اللي وقع الدين إيه أصلاً؟ هو اللي بيوقع غير التناطح والتنازع؟ نسأل الله السلامة والعافية. بيقول لك ابنا آدم رايحين يعملوا طاعة، قرب قرباناً، يعني مش رايحين يلعبوا بلاي ستيشن، ولا رايحين يلعبوا ماتش كورة، فتخانقوا في دار بعض، قرب قرباناً فتقبل من أحدهما ولم يتقبل من الآخر. أبى واستكبر، رأى نفسه عظيماً، ركز معي في الجملة دي.
لحظات الإنعام على من تظن أنه دونك تخرج ما بداخلك، ركز، لحظات الإنعام والفتح على من تظن أنه دونك، وده كتير قاعد ومش عارف إيه، وبتفرج على اليوتيوب لقيت إيه ده، فلان بيتكلم في التفسير وبيسمعه اتنين مليون وواخد إيه؟ أنا باتكلم في التفسير والله العظيم، هو ده بيعرف إيه في التفسير عشان حاجة سايبين المفسرين ورايحين؟ والله العظيم هي الدنيا كده، هي آخر ربنا، النبي قال كده آخر الزمان، يلا الحمد لله. لأ، هو لحظات الإنعام والفاتحة، لأ ما تدرون أن دونك بتطلع بقى، لان ده نفس الفكرة هي الحسد اعتراض على التقسيم، هو هي مش أنا قلت قلوب السورة فيها استسلام، يعني هو أنت تنازع الله؟ خدوا بالكم يا جماعة، في معاصي خطورتها أن فيها منازعة لله، ابن رجب برضو كان أبدع قوي في شرح رسالة الإخلاص، كده مسألة الكبر منازعة، الحسد أنت بتنازع ربنا سبحانه وتعالى، خلاص لو وصلنا برضو أن ربنا أحياناً بقى إن شاء الله بعد كده سنة آيات الربا في آخر سورة البقرة هنتكلم على فكرة ليه الربا ﴿فَأْذَنُوا بِحَرَبٍ مِّنَ اللَّهِ وَرَسُولِهِ﴾ [البقرة: 279]، الجنة إن شاء الله.
فمسألة أن هو أن خليفة دي وظيفة دينية، ابنا آدم دي كانت وظيفة دينية، أنت لحظات الإنعام والفتح، تلاقي مثلاً واحد ربنا فتح عليه في الدين، واحد ربنا فتح عليه في العلم، واحد ربنا فتح عليه في الدعوة، فتلاقيك أنت قاعد مش مش مش مش على بعضك، مش منصف، مش بتقول مثلاً إيه لا لا هو فعلاً يفتح الله على من يشاء ويرزق الله سبحانه وتعالى من يشاء، والانسان يتطامن كده ويتواضع وو، لكن مشكلتنا وده طالما يعني نسأل الله السلامة والعافية انسان بيجده في نفسه انك بتظن أن أنت أحق بذلك وأحق أن تخدم وأحق أن ترفع، ليه؟ ليه يعني الانسان محتاج أن هو يتواضع لله سبحانه وتعالى؟ ﴿فَسَجَدُوا إِلَّا إِبْلِيسَ أَبَىٰ وَاسْتَكْبَرَ وَكَانَ مِنَ الْكَافِرِينَ﴾ [البقرة: 34].
العلماء يتكلموا بقى هل كان بمعنى صار ولا هو كان أصلاً كافر؛ لأن الأشاعرة عندهم يعني إشكال كده في مسألة يقول لك أي حد كان مؤمن وبعد كده بقى كافر، هو أصلاً كافر؛ لأن عندهم مسألة التغير في علم الله، قصة كده للأسف أدخلتهم، لكن خالتهم يختاروا اختيار معين، بعضهم قال: كان من الكافرين، يعني كان في قلبه الكبر أو كان هنا للتأكيد، مم، زي ما ما الطبري يعني تأكد أنه من الكافرين، والطبري دايماً زي ما قلت لكم بتيجي هنا يوم إيه اتكلم على اليهود.
خلاص، احنا بنخلص آخر مشهد فاضل لنا الاستخلاف التعليم تشريف خلاص، السجود، بعد كده مسألة ﴿وَقُلْنَا يَا آدَمُ اسْكُنْ أَنتَ وَزَوْجُكَ الْجَنَّةَ﴾ [البقرة: 35]، وقلنا يا آدم. أبى واستكبر، طرد إبليس، والأسماء خدوا بالكم هنا ما اسمهاش الشيطان، آدم أبو البشرية وإبليس والشياطين والصراع اللي هيستمر إلى يوم القيامة بدأ في اللحظة دي.
الصراع بدأ من أول أبى واستكبر، خد بالك اللحظة دي يعني الصفحة دي في قصة حياتك كلها، في لحظة أبى واستكبر ما حدش هيسيبك، خلاص مش هيسيبك، أبى واستكبر وكان من الكافرين؛ لأنه قرر في اللحظة دي أنا مش هسيبه، أنت تسببت أن أنا أطرد، أنت تسببت أن أنا أخسر كل حاجة، علي وعلى أعدائي، مش عارف كلهم أعدائي تميم ولا لأ، بس هو يعني إه خلاص كده أنا مش هسيبك.
وقلنا يا آدم اسكن أنت وزوجك الجنة، لازم يبقى عندك رضا، فطبعا إبليس لما يسمعك وميس يسكن وإبليس إبليس يطرد وآدم عليه سيسكن الجنة؟ اسكن أنت وزوجك الجنة وكلا منها رغداً، الملائكة سلمت خلاص، الملائكة هي التي تخدم، هي التي ستخدمه وينزل الأرض تحصي أعماله وتيسر له الأمور والأرزاق، يعني الملائكة يا جماعة لما تيجي تقرأ كتيب عالم الملائكة بتاع الشيخ الأشقر ده عالم عظيم فهي فيها مسخرة للإنسان.
وقلنا يا آدم اسكن استقرار ونكلم العلماء هنا يقول لك السكن والطرفي يتكلم في المسألة دي، أن السكن يعني فيه مدة غير الخلد، فكان من الأول واضح أن هو يقعد فترة زمنية وهيخرج منها، ودي من يعني الحاجات اللي تعبتني في التفكير واشترت فيها ناس كتير، مليئة بالحكم، ليه ربنا هو ربنا قال إن الأول إنني جاعل في الأرض، يعني هو أصلاً مخلوق للأرض، طب ليه دخل الجنة الأول؟
ليه دخل الجنة الأول؟ كان ممكن يخش الجنة الأول فربنا يقول له خلاص دخلت في الجنة هتنزل بها الأرض، ولو نجحت في المهمة بتاعتك تطلع الجنة، ليه ينزل بمعصية؟ يعني يعني فاهمين؟ واحد يقول لي إيه؟ ما هو كان محتاج يتدرب على المعصية، طب ما كان اتضرب في الأرض، طب ما كانت أول معصية تحصل في الأرض، يعني عادي ينزل الأرض يكون الخليفة فيجي يعمل أول حاجة فيغلط فيتوب، ليه ده حصل فوق؟ ليه ينزل لحظة النزول ينزل منكسراً حذراً لله سبحانه وتعالى؟ معي؟ أحاول أقول لكم بعض ما قيل يعني.
اسكن أنت وزوجك، هنا فجأة ظهرت حواء يعني مش موجودة في السياق، فجأة ظهرت حواء، فلذلك قالوا إن الأصل في القيام بالوظائف والمسئوليات والأعباء هو آدم عليه السلام، من الكتيبات الجميلة قوي اللي كنت قرأتها قريب، خصوصاً بقى عشان مسألة الصراع دلوقتي المصطنع بين الرجل والمرأة الواحد نفسه يعني إه يقدم طرح للأسف وأنا أقل من ده فانا عمال أدور على حد يقدم طرح.
نظرة الشريعة للمرأة، ده في إشكال في غلو في الأطرف والفعل بقى ورد الفعل، مع أنه على فكرة اه اللي هيتتبع جزئيات الشريعة أنا لو المرأة طبقت جزئية الشريعة هي هتوصل للتصور، يعني مش لازم توصل للكليات من خلال فهم النظرة العامة للدين، أنت لو طبقت الجزئيات هتفهم الكلية، زي ما اتكلمت في فكرة العبودية، تطبيق جزئيات العبوديات هتخليك عبداً لله سبحانه وتعالى.
كنت قريت كتيب كده ظريف شرح آية الرجال قوامون على النساء للدكتور محمود توفيق سعد ضيف شرح الآية شرح لطيف بلاغي جميل، وكان حتى هوامشه جميلة، اتكلم على مسألة آدم وحواء. شف البداية بداية العلاقة يا جماعة علاقة سكن، علاقة مودة، احنا عايزين نحولها لعلاقة عداوة، لذلك بعض العلماء لما قال ﴿اهْبِطُوا بَعْضُكُمْ لِبَعْضٍ عَدُوٌّ﴾ [البقرة: 36] قال بعضكم أي آدم حواء إذا دخل الشيطان بينهما أصبحوا أعداء، فإذا نجح في فرض الشيطان لم يكونوا أعداء.
وقلنا يا آدم اسكن أنت وزوجك، ضمير أنت عشان يتعاطف عليه وزوجك أنتم الاتنين مع بعض، لأن هنا السكن الوحدة صعبة، يحتاج إلى سكن، والسكن كان إلى حواء خلف الجنة الجنة ويحتاج إلى زوجة، يعني الجنة وما فيها من نعيم كان يحتاج في الجنة من كمال نعيمها أنه احتاج إلى زوجة، ربنا يجوز شباب المسلمين.
اسكن أنت وزوجك الجنة وكلا منها رغداً حيث شئتما ولا تقربا هذه، اسمع إشارة القريب، أنا الحتة دي فصلتها في الأعراف، عشان ما تجيش تقول أنا ما خدتش بالي، مش عارف هل اسم شرق مليارات الشجر في الجنة، مليارات أنواع النعيم في الجنة، لكن الإنسان دايماً الممنوع عنه مرغوب، ولا تقربا هذه الشجرة فتكونا من الظالمين، دايماً الطبري بيركز على أصل معنى يقول لك الظلم وضعه في غير موضعه.
لو كلتها هتحط نفسك مش في مكانك، أنت مكانك فوق، لما كلتها نزلت تحت، وضعت نفسك في غير موضعك، تكون من الظالمين، هتصبح ظلمت نفسك، المعصية بتنزل بك إلى أسفل سافلين، بتخليك مش أنت، أنت مكرم، معاصي بتنزل بك بتظلم نفسك، بتحط نفسك في غير موضعك، أنت أنت مكرم، لذلك لابد بعد المعصية أن تتوب عشان ترجع الحاجة لموضوعها تاني، فتذنب فتتوب تذنب فتتوب، لكن تذنب وتذنب وتذنب وتذنب وتذنب دون توبة، أنت بتنزل إلى أسفل سافلين.
وكلا منها رغداً حيث شئتما ولا تقربا، طبعا مش ولا تأكلا ولا تقربا، واتكلمنا في مسألة قبل كده، يعني الشيطان بيدخل بمسألة التسويل والتدريج، الشيطان ما يجيلكش يقول لك إيه؟ قم قم يلا قم ازني يا عم أنت عارف بتعمل ايه؟ مش كده، شيطان إيه رسالة لايك كومنت، رسالة خاصة سؤال ديني، طبعا مستحيل لازم هو احنا نسأل إيه؟ لازم نسأل في الدين، أمَال نسأل في إيه يعني؟ نسأل في الدين، كان في فتوى كان في.
خش كنت عايز أشارك حضرتك والله على سؤال في الدين مهم جداً، مؤرقني جداً ومحتاجة حد يجاوبني عليه الساعة اتنين بالليل سؤال مؤرقني جداً ده يعني لازم الشيطان يدخل إيه؟ تدريجي.
لازم ولا لذلك ربنا من الأول قال له اقطع الأمر ده، لا تقربا هذه الشجرة كان الإنسان لما لذلك حديث النبي صلى الله عليه وسلم لما خلق الله آدم جعل إبليس يطيف به، فعلم أنه أجوف، فعلم أنه خلق خلقاً لا يتمالك، إنسان يا جماعة لا يتمالك، لا يتمالك أمام الشهوات، لا يتمالك أن يبتعد عن النور، ما يستحملش يبعد عن النور، وإلا يسقط لأنه أجوف، وارجعوا لدرس أجوف، ولا تقرب هذه الشجرة فتكونا من الظالمين، سورة البقرة الموضوع مكتنز، الأعراف بفصلها، وفي تفصيل في الحجر، تفصيل الأعراف أطول تفصيل، وفي بعض التفصيل في الحجر وفي ص، لكن هنا الموضوع على طول لا تقربا.
فأزلّهما الشيطان عنها فأخرجهما مما كان فيه، القضية هنا مش بتتكلم على لا يفتننكم الشيطان زي الأعراف، لأ بتتكلم على مراحل آدم؛ لأن احنا هنرجع تاني يا بني إسرائيل، احنا هنرجع للقصة اللي احنا بنتكلم فيها؛ لأن الخطاب أصلاً دلوقتي احنا رايحين في المدينة، ودي طريقة ثقة القرآن يا جماعة أن القرآن بيشرح المحكمات، يعني مثلاً القرآن في سورة آل عمران عايز يكلم على قصة سيدنا عيسى، يجيبها من الأول إن الله اصطفى آدم ونوحاً وآل إبراهيم وآل عمران على العالمين ذرية بعضها من بعض. دي قصة من الأول. فالوقت القرآن بيتكلم على هذا الاستخلاف من بني إسرائيل لأمة النبي صلى الله عليه وسلم يجيب لك القصة من الأول من لحظة آدم، بعد كده العداوة مع إبليس وانتقال الاستخلاف، سم قيمة يعني القرآن لازم يجيب لك السورة من فوق؛ عشان تبقى فاهم ومستوعب وظيفتك.
ولا تقربا هذه الشجرة فتكونا من الظالمين، طبعا يعني هنا في تطوير في مسألة السكن والزوجة واحتياج الإنسان إلى سكن، وإن شاء الله إن ربنا يحيانا برضه هن لباس لكم ومسألة أن اللبس بيغطيك ويسترك والأمن والطمأنينة دي المفروض العلاقة الطبيعية اللي تكون بين الرجل والمرأة.
فأزلّهما الشيطان عنها، يعني مؤلمة قوي، وبعدين أزل أزل يعني كأنك بتحط رجلك كده فأتزحلقت، الشيطان عرف يوقعه، يخليك يقول لك الزلل في أن الذين أن الذين تولوا أن الذين تولوا منكم يوم الملتقى الجمعان إنما استزلهم الشيطان ببعض ما كسبوا، ازاي أنك تحط رجلك على حاجة في كده ثابتة، ما أنت متصور نفسك ثابت، قرب قرب، تقرب تأكل.
مداخل الشيطان مذكورة في سورة الأعراف بالتفصيل وفي طه هل أدلك على شجرة الخلد؟ إه ده ثانية واحدة كده، هل أدلك على شجرة الخلد؟ ده ربنا بيقول وعلم آدم الأسماء كلها، يعني ربنا علمه الأسماء؛ لأن يا جماعة النقطة مهمة قوي، ليس العلم وحده هو الذي يحفظ الإنسان، فسيدنا آدم كان عارف مش العلم بس، لازم علم وإيمان وصحبة وتفكر، مش العلم بس، كان عارف فيما وقع، فأزلّهما كده طلب لهما الزلل، وفي قراءة متواترة فأزالهما نحاهما عن الجنة، أزال طلب، قاعد يدور، يخش لك منين؟ يعني هو لازم يجي لك من نقطة الزلل حتة متلخلخة عندك، إه الحتة المتلخلخة عندك؟
في روايات كتير بصراحة في حاجات فظيعة يعني، يقول لك إه؟ الشيطان كان عارف سمع خطاب إني جاعل في الأرض خليفة، فراح لادم وقال له خد بالك أنت أصلاً نازل الأرض، والحاجة الوحيدة اللي ما تخليكش تنزل الأرض حاجة من اتنين، يا تكون ملك على باعتبار أن كان إبليس كان ملاك، يكون ملاك زينا، تكون مخلد، وعلى فكرة بقى ما نهاكم ربكم عن هذه الشجرة إلا أن تكونوا ملكين.
أو تكون من الخالدين في التفكير المنطقي. إيه ده! ده بيفهم ده إبليس ده ولا إيه! الحل الوحيد أنت كده كده نازل الأرض، وربنا قال: ﴿إِنِّي جَاعِلٌ فِي الْأَرْضِ خَلِيفَةً﴾ [البقرة: 30]. ومن أصدق من الله قيلاً. الله!
الحل أنا هأديكم حل بس ما تقولش لحد إن أنا قلت لك الحل ده خالص. أقسم بالله العظيم اللي هو أصلاً عايزه يعصيه -يعني أقسم بالله العظيم اللي هو أصلاً عايزه يعصيه- ﴿وَقَاسَمَهُمَا إِنِّي لَكُمَا لَمِنَ النَّاصِحِينَ﴾ [الأعراف: 21]. تصدق بالله يا شيخ أنا وانا عايز حاجة في مصلحتك، أنا مش عايز حاجة، أنا أصلاً بقيت إبليس خلاص الموضوع أنا مش محتاج حاجة، أنا عامل عليك أنت؛ لأن إبليس من معانيها على قول إن هو مشتقة -مش جامد أو يعني أعجمي- إن هو من الأبلاس يأس. يقول له: أنا عامل مصلحتك أنت، أنا يهمني أنت، أنا يهمني أنت بقيت كويس، يعني أنا غلطان إن أنا أصلاً ما سجدتلكش؟ أنا المفروض كنت أنا دلوقتي عرفت قيمتك، أنا عرفت قيمتك وعايزك تبقى أحسن، عايزك تبص لقدام تبص لقدام واحتياجاتك.
وهو ده مدخل الشيطان، عشان تبقوا كلنا الشيطان لما ييجي يقول لك إيه: عايزك تبص لقدام، أنا خايف عليك، هو ده مدخلنا كلنا يا جماعة. في رواية مش فاكر للأسف مستنقلها عن أذن عن القصيدة وغيره: لو أوتي من الخلد أوتي من الحتة دي. إحنا بيجي لنا كلنا من الحتة دي: طب وعيالك هياكلوا منين؟ أنت هتشتغل في الدين ولا طب وبعدين؟ يا عم أقفل القصة دي كلها وأقفل يا ابني الكاميرا دي، قم يا ابني شوف مصلحتك وقم اعمل حاجة في الدنيا ولا أنت هتقعد بقى تقول لي الدين القرآن؟
شيطان يخش لك الشيطان زي في نفس الصورة: ﴿الشَّيْطَانُ يَعِدُكُمُ الْفَقْرَ﴾ [البقرة: 268]. الشيطان عايز؛ لأن يا جماعة الشيطان لازم عشان يسيطر عليك يسيطر على مشاعرك، أنت بيحركك مشاعرك. أنت بني آدم جزء كبير من اللي بيحركك -آدم كان عارف إن دي مش شجرة الخلد- علم آدم، وعارف عارف عقلاً عارف، لكن في مشاعر هنا الكتاب الرائع (الفصل بين العقل والنفس) بتاع الطريفي. أنت عارف لكن مشاعرك أقوى منك، وده النساء فاهمين كويس يعني إيه تبقى عارف، فاهمين كويس ده. ففكرة مشاعرك هي اللي بتحركك، أنت عارف لكن مشاعرك، فهو الشيطان يعمل إيه؟ مش هيخش لك لا عارف، هيخش لك لمشاعرك، هيخش لك للحتة دي. يقول لك إيه: لزلك إيه؟ ﴿وَلَأُضِلَّنَّهُمْ وَلَأُمَنِّيَنَّهُمْ﴾ [النساء: 119] قبل الأوامر، لما يسيطر على أمانيك الشيطان يعدكم ويأمركم.
لما يسيطر على مشاعرك خلاص أنت بقيت لعبة في إيده، خلاص أنت أول ما تبقى مرعوب على إنك مرعوب مرعوب يسيطر عليك، علشان اعمل روح سُب سيب الدين روح مش عارف إفعل روح اقعد تشتغل شغلاً حراماً أنت هتنفذ؛ لأنه سيطر على مشاعرك. الحل إنك تمنعه من إنه يسيطر على مشاعرك، إنك على طول تستغيث بالله: «يا مقلب القلوب ثبت قلبي على ديني».
فالشيطان دخل له من المدخل ده، قال له: أنت مش عايز تنزل الأرض، صح؟ الغريب والله العظيم إبليس كان بيحسده عشان ينزل الأرض، ودلوقتي بيقول له: أنا هاقول لك على حاجة تحس هو إه اللي بيحصل ده؟ فإبليس قال له: أنا هاقول لك على حاجة ربنا يريدك إنك تنزل الأرض، والحل الوحيد: ﴿مَا نَهَاكُمَا رَبُّكُمَا عَنْ هَٰذِهِ الشَّجَرَةِ إِلَّا أَن تَكُونَا مَلَكَيْنِ أَوْ تَكُونَا مِنَ الْخَالِدِينَ﴾ [الأعراف: 20]. سبحان الله! على وصحة هذه الرواية الشجرة التي أكل منها ليكون ملكاً أو ليكون من الخالدين كانت فيها الشجرة التي أنزلته للعود. وكل ذلك بقدر الله، والقدر سر الله سبحانه وتعالى، وكان أمر الله قدراً مقدوراً.
﴿فَأَزَلَّهُمَا الشَّيْطَانُ عَنْهَا﴾ [البقرة: 36]. قيل عن بمعنى بسبب؛ أي بسبب الشجرة، فعنها؛ أي عن الشجرة أي بسببها، وقيل عنها؛ أي عن الجنة، وقيل عن طاعة الله، وده أول واحد لقيته إشارة سريعة كده الطبري قالها: ﴿فَأَخْرَجَهُمَا مِمَّا كَانَا فِيهِ﴾ [البقرة: 35] دي ما تتوصفش، يعني لما بني إسرائيل خرجوا فرعون قوم فرعون خرجوا فأقريناهم إيه؟ جنات وعيون وزروع ومقام كريم ونعمة هنا ما تتوصفش، مما فيها ما لا عين رأت ولا أذن سمعت. فاخرجهما حسرة، حسرة فاخرجهما مما كانا فيه.
وخد بالك ربنا قال له: ﴿اسْكُنْ أَنتَ وَزَوْجُكَ﴾ [البقرة: 35] إيه؟ ما قالوش في الجنة، اسكن أنت وزوجك الجنة، الجنة كلها بتاعتك. اسكن أنت وزوجك مش في الجنة مش الجنة كلها بتاعتك. فاخرجهما مما كانا فيه، وقلنا خلاص بقى: ﴿اهْبِطُوا بَعْضُكُمْ لِبَعْضٍ عَدُوٌّ وَلَكُمْ فِي الْأَرْضِ مُسْتَقَرٌّ وَمَتَاعٌ إِلَىٰ حِينٍ﴾ [البقرة: 36]. وده الغريب أوي: طب ما هو ربنا جعله في الأرض الخليفة! لذلك في في خلاف ما بين بعض الناس: هل نزول آدم إلى الأرض عقوبة ولا تشريف؟
بعض المتأخرين وخصوصاً المنشغلين قوي بالرد على اليهود والنصارى لأن الموضوع عندهم كتابهم فيه حتة أفورة قوي في فكرة اللعنة ونزل ملعون والأرض الملعونة والجسد الملعون، هم عندهم يعني فكرة بقى تعذيب النفس وأن الروح وأنك تقعد في الأديرة ولا تختلط بالأرض، وهذا خلل أصلاً في ثوراتهم في علاقتهم بين الدين والدنيا. فالرد الفعلي المعاكس يقول لك: آدم لم ينزل إلا تشريفاً، حتى العمال خان كان على النقطة دي أوي، ودي كانت حتى من التي استثارت جيه فريلنجي هو شايف إن إيه التشريف فقط ليست عقوبة، الأرض لم تكن أبداً عقوبة. وفي ناس الناحية التانية أظن يعني ابن القيم عليه رحمة الله استفاض في (مفتاح دار السعادة) كانت عقوبة، والقرطبي ذكر القولين، وأنا شايف إنه تشريف جاء من خلال عقوبة لحكمة يريدها الله سبحانه وتعالى.
لأن لما آدم عليه السلام ينزل إلى الأرض بهذه الطريقة يتعلم التجربة، يكون مدرباً يفهم قضية الوسوسة، آدم ينزل منكسراً حذراً، وده عجيب أوي، والحمد لله إن ربنا ذكرني أن سيدنا داود ربنا قال له إنه يجعله خليفة، والخليفة استخلاف داود كان بعد معصية، وداود كان بعد معصية. وكأن هذه الوظيفة وظيفة الاستخلاف لابد أن تكون يقظاً حذراً منكسراً مستهدياً بالله سبحانه وتعالى. لأن لو كان -تخيل كده تخيل معي تخيل- أني جاعل في الأرض خليفة، آدم الآن ينزل إلى الوظيفة العظيمة الأرض وينزل وينزل معجباً بالأرض! هينزل عايز يفضل في الأرض. أراد الله أن ينزل إلى الأرض وهو مشتاق إلى الجنة بعدما ذاق الجنة.
لذلك يا جماعة مين اللي بيتمسك بالأرض عشان نفهم بقى إسقاطنا على مين؟ مين؟ ﴿إِنَّ الَّذِينَ لَا يَرْجُونَ لِقَاءَنَا وَرَضُوا بِالْحَيَاةِ الدُّنْيَا وَاطْمَأَنُّوا بِهَا﴾ [يوونس: 7]. مين اللي مش عايز؟ مين اللي عايز يفضل يا جماعة في الأرض؟ اللي ما ذاقش جنة الطاعة. اللي ما ذاقش جنة الطاعة ما ذاقش جنة العبودية عايز يفضل في الأرض متمسك بالأرض، حياته كلها الفردوس الأرضي بتعبير بقى المسيري، هو حياته كلها لأنه لم يذق هذه الجنة. فآدم ذاق الجنة الحسية والمعنوية فاشتاق إليهما، فاحنا بالنسبة لنا أن تذوق -مش فاكر قالتها له فين، ابن رجب رسائله كلها مبدعة مش فاكر شرح حديث إيه الحمى تقريباً تكلم أن ربنا سبحانه وتعالى يبعث ريح من الجنة ومن النار تشوقاً وتخويفاً، لما قال: «الحمى من فيح جهنم». فقال إن نسمات أحياناً تأتي للمؤمن زي أنس: أن تجد ريح الجنة، ده بيحصل لبعض الناس إنه بيشتاق لما بيعيش جنة الطاعة عايز يرجع.
الذي لم يذق هذه الأمور عايز يروح فين؟ هو شايف زي الدجال، زي الدجال كده لما بوري له شايف أن الطاعة دي نار هو لم يذق فيها الجنة. فأراد الله سبحانه وتعالى أن ينزل آدم إلى وظيفته بهذه الأمانة بهذه المسؤولية، لكن بعد هذه التجربة العظيمة في هذا المكان العظيم، فينزل مشتاقاً حذراً يقظاً منكسراً مستهدياً مفتقراً إلى الله سبحانه وتعالى. هكذا ينجح الإنسان. الأرض اللي هتضيع منه المشاعر دي يا جماعة وهو عايش نتمسك بالأرض، اللي هتضيع منه فكرة أن عداوة الشيطان والتوبة والانكسار والحذر والشوق إلى الجنة اللي هتضيع منه المشاعر دي، هيقول لك أنا عايز أقعد هنا، وراضوا واطمأنوا.
اللي هيتذكر المعاني دي هيزداد شوقاً لما ييجي يموت روحه تطلع على طول ناشطات، لكن التاني روحه ماسكة نازعات؛ لأنه ماسك مش عايز يسيب مش عايز يسيب الأرض هيروح فين؟ التاني وهو طالع يتقال له: ﴿لَا خَوْفٌ عَلَيْكُمْ وَلَا أَنتُمْ تَحْزَنُونَ﴾ [البقرة: 38]. مش خايف ولا بيحزن على حاجة؛ لأنه رايح الجنة. ﴿اهْبِطُوا بَعْضُكُمْ لِبَعْضٍ عَدُوٌّ وَلَكُمْ فِي الْأَرْضِ مُسْتَقَرٌّ وَمَتَاعٌ إِلَىٰ حِينٍ﴾ [البقرة: 36].
لذلك اللي زود في فكرة العقوبة وأن الدنيا سجن، المؤمن الطريفي زود شوية في الحتة دي وتكلم بقى في أحكام السجون، وتكلم بقى في أحكام السجون وأن لازم يكون يقول لك إن ربنا لما نزل آدم على الأرض وكأنها كانت سجنه، الأرض كانت الأرض سجنه وتكفل له برزقه، فقال لك إن حتى المسجون لابد أن يتكفل له برزقه ورزق أهله، هنكلم كلام يعني غريب أوي جميل اهو، وتكلم فكرة تحديد الأوقات: ﴿مَتَىٰ إِلَىٰ حِينٍ﴾ [الأعراف: 24].
لكن المعاني البديعة اللي أتكلم فيها الطريفي: إذا كانت حكمة الخلق والتكليف والعبودية غابت عن الملائكة، وأن الله أجاب الملائكة بقوله: ﴿إِنِّي أَعْلَمُ مَا لَا تَعْلَمُونَ﴾ [البقرة: 30] فكيف بنا نحن؟ ستظل جزء من الحكمة سيظل جزء من الحكمة غائباً عن. من ذاق لذة القرب تألم من ألم البعد، كلما كان الإنسان قريباً كلما تألم أكثر حينما يبتعد، فتخيل آدم يعني يعني في الجنة القرب من الله حفاوة وتكريم ونعيم، ثم فجأة يا جماعة اللي عايش مع ربنا لحظات بعده عن ربنا ما هو لا توصف، ألم نفسي مهول، حاسس إنه في الهوا، حاسس إنه في الصحرا. يعني يعني اللي مثلاً بيصلي قام وبيصلي الفجر وفي أذكار، وفجأة الحاجات دي كلها تضطرب -على فكرة ممكن تبقى دنيته سليمة خد بالك- بس فجأة مش عارف يقول أذكار ومش عارف يحافظ على الفجر ومش عارف يصلي قيام، مش ما فيش بينه وبين ربنا هذا الأنس، دي حياة لا تطاق بالنسبة له، ده مسخ ده اللي هو فانسلخ منها حيران أسفل سافلين تخطفه الطير -شرحتها في سورة أوصاف القرآن الذين ابتعدوا عن الله- أوصاف مؤلمة نفسية.
سیدنا آدم تعقل هيعيش إزاي؟ ﴿فَتَلَقَّىٰ آدَمُ﴾ [البقرة: 37]. تخيل واحد كان مستني اللحظة فتلقاها؛ ستتلقى الوحي كده تلقي فيه معنى الاحتفاء والقبول، وهنا بقى: ﴿فَتَلَقَّىٰ آدَمُ مِن رَّبِّهِ كَلِمَاتٍ﴾ [البقرة: 37] ده من الأفكار المركزية عند فريد الأنصاري تلقي الكلمات كده بيسميه الابتلاء بالكلمات، كلمات الابتلاء في مجالس القرآن: تتلقى آدم من ربه كلمات فتاب عليه، أنقذه الله بكلمات وأنقذنا الله بكلمات وهي الوحي، أنقذه الله بكلمات توبة وأنقذنا الله بكلمات الوحي. لذلك ربنا قال له: لما هتنزل في الأرض مش هسيبك: ﴿فَإِمَّا يَأْتِيَنَّكُم مِّنِّي هُدًى﴾ [البقرة: 38] فجاءنا الهدى اللي في أول السورة: ﴿الْكِتَابُ لَا رَيْبَ ۛ فِيهِ﴾ [البقرة: 2]، فماذا تفعلون أنتم في الهدى؟ تلقى آدم الهدى أنجاه الله، فماذا سنفعل نحن مع الهدى؟
فتلقى آدم من ربه من كمال الربوبية أن الله لن يتركه، هو الذي يربيه. الله علمه التوبة، قابلية آدم للتعلم شرفته، وقابلية آدم للوسوسة أزلته، وقابلية آدم للتوبة أنعشته. حديث: «اغفر لي خطاياي وأنعشني»، الإنعاش جه بعد يغفر لي الخطايا، اكتب كده في البحث: انعشني شف الروايات التي جاءت فيها حديث عن النبي صلى الله عليه وسلم.
الإنسان قابل للتعلم، بس خد بالك قابل إنه يتأثر من صلصال أجوف، قابل أن هو يوسوس له وتغيَّر حمأ مسنون قد يصيب بالنتن وتغيَّر إلا إذا جاءته نفخة من روح الله ينعش. قابل للتوبة إذا أخطأ، إبليس مش قابل للتوبة، إبليس ما بيعترفش بخطأه، الكندي لا يعترف بأخطائه، فيه نزعة إبليسية، وتقدم آدم في الدين وفي الدنيا باعترافه بخطأه. هم حتى يقول لك في الدنيا: الطريقة (Trial and error)، طب اللي مش عايز يعترف بالأيرور هيظهر على الخطأ. قابلية آدم للي مش التطور بتاعهم يعني، النضج الديني والدنيوي باعترافه بأخطائه وتعلمه من أخطائه وتوسيع مفهوم التوبة.
يبقى قابليته للتعليم، قابليته للوسوسة، قابليته للتوبة دي آدميتك، سر تشريفك وسر زلتك وسر انعاشك دي قصتك عشان تفهم نفسك. يبقى أنت محتاج تتعلم عندك القابلية -خد بالك أنت بتتأثر بوساوس الناس شياطين الإنس والجن يوحي بعضهم إلى بعض زخرف القول بتتأثر- فلازم لما تقع تتوب.
فتعلم آدم الدرس بالتجربة، فالإنسان يتعلم بالتلقين ويتعلم بالتجارب؛ يبقى أنا متعلم الأسماء بالتلقين أو الوحي والإلهام، والوحي هنا بالوحي، وتعلم التوبة بالتجربة. كتير مننا بيتعلم ألم كتير في حياته، لما الطفل الصغير يحط إيده على مش فاهم بعد كده يتعلم، أنت برضه فيه معاصي كده بتتلسح منها فبتتعلم، لابد أن تتعلم من أخطائك كما تعلم آدم، يعني كانت تجربة على قسوتها كانت مفيدة وقربته من الله. ﴿فَتَلَقَّىٰ آدَمُ مِن رَّبِّهِ كَلِمَاتٍ فَتَابَ عَلَيْهِ ۚ إِنَّهُ هُوَ التَّوَّابُ الرَّحِيمُ﴾ [البقرة: 37].
قلنا: ﴿اهْبِطُوا مِنْهَا جَمِيعاً﴾ [البقرة: 38] حتى لا تظن أن هذه الكلمات تعني أنه لن ينزل الأرض، كرر الأمر بالإهبوط. سبحان الله أنا كان المعنى ده وأنا بشرح آذن مش فاكر سورة الأعراف أو في درس عن قصة الشيطان مع آدم كنت قرأت كثيراً: لماذا كرر الأمر باهبطوا؟ كان أغلب من قرأت لهم أن اهبطوا كرر؛ ليناط به أمر آخر: اهبطوا بنا جميعاً فاما يأتيناكم منه هدى.
أو حتى لا يتصور أن التوبة ستعيده الآن فكان في صدري معنى قلته قبل كده في دروس، وفوجئت أن ابن عاشور -المحرف دي بتتبقى من لحظات السعادة؛ أن أنت تقول معنى فتفاجئ أن إيه حد من العلماء سبق إليه-.
من المعاني والله أعلى وأعلم، وابن عاشور لمح في فارق -ركز معي- بين التوبة وبين التخلص من أثر الذنب. خلاص أنا أبخلص معليش، فارق بين التوبة والتخلص من أثر الذنب. يعني واحد مثلاً -نسأل الله السلامة والعافية- بيشرب مخدرات وأدمن مخدرات ويعني سموم ملأت جسده، ثم مات له صديق فجأة، حادث مؤلم، أيًا كان، فتاب توبة عزيمة، توبة نصوح، قعد يعيط على قبره: يا رب تبت إليك؛ هو كده إيه؟ تاب الله عليه، صدق ندم، لكن لسه إيه؟ لسه مجاهدة التخلص من اللي في دمك ده، مجاهدة دي قصة. إيه البعد بقى عن الأماكن وتقع وتجوم تاني وتندم وتبتعد عن الصحبة؟ مجاهدة التخلص من آثار الذنب زي اللي بيقعد فترة في الشهوات، يمكن السنوات، في الشهوات، وبعدين بيجي لحظة محورية كده يتوب. مش في لحظة، هو بعض الناس يتخيل أن في التوبة دي بيصبح ملائكي، آه خلاص ما عدش الحمد لله، لكن أنا ما عدتش عايز حاجة من الدنيا، شهوات ولا مال خمس أيام بالكتير، ما فيش طلعة كده، يبدأ بقى إيه؟ لسه، ما هو أنت بتحتاج محتاج فهم، فهو آدم تاب، لكن التخلص من أثر هذه الأكلة يعني بدأت السوءات، نحتاج بقى قصة تانية لمجاهدة حتى تعود مرة أخرى إلى الجنة.
قلنا اهبطوا منها جميعا، لكن من رحمة الله أن الله لم... أنزل إلينا الوحي، فإما يأتيَنَّكم مني هدى، هدى للمتقين. مين اللي عاقب هدى؟ اللي هيخاف، لذلك نزل آدم خائفًا. من يأتِكم مني هدى فمن تبعه الشغل اللي ربنا بيجيبك له، هداية: فلا خوف عليهم ولا هم يحزنون. اتباع الهدى، قد تخطئ في فهم الهدى، لكن نيتك في إرادة الهدى يغفر الله لك. وده اللي بيقول لك إيه؟ إحنا مش فاهمين الحكمة والتشريع واختلاف والفقهاء مختلفين، والكلام بقى العلمانيين خاصة أن نشيل التشريع. طب ما أنت هتشيل التشريع، هتجيب تشريع بشري؟ لا، تشريع حق من حقوق الله سبحانه وتعالى، الله يحكم ما يريد، الحكم لله سبحانه وتعالى، فأنت دورك الاجتهاد في فهم حكم الله سبحانه وتعالى، فإن وفقت وأصبت فلك أجران، وإن أخطأت فلك أجر.
فأتيَنَّكم مني هدى فمن تبع هداي فلا خوف عليهم ولا هم يحزنون، والذين كفروا وكذبوا بآياتنا أولئك أصحاب النار هم فيها خالدون. أنا متهيأ لي كده أنا قلت يعني معظم الحاجات اللي أنا عايز أقولها في الدرس، يعني لو في حاجة أقولها لكم إن شاء الله المرة الجاية. آخر بس حاجة بختم بها: ماذا بعد هذه الرحلة؟ بعد ما اكتشفت أن أنت خليفة، وأن ربنا أسجد لك الملائكة. الأول أنت خليفة، وربنا علمك، وربنا أسجد لك الملائكة، وأسكنك الجنة، وتاب عليك، معقول يا جماعة؟! واحد ياخد كل المزايا دي ويضيع حياته مع أحترامي يعني، يتفرج على يوتيوب تافه، وقعد يعيش حياته بين تفاهة وقعد حاجات تافهة ويموت تافه؟! مش معقول يعني. أنا مش... أنا لما بتقعد تقرأ الآيات دي، معقول يا جماعة ناس تقرأ الصفحة دي وتختار ناحيتها كلها كلها؟ أنا ما بقولش يعني في ديننا فسحة، لكن يعيش حياته كلها... يعني أنا مش متصور إنسان يعايش هذه المعاني ولا يتخذ إبليس عدوًا، يقول لك ما فيش إبليس وما فيش أعداء وإحنا كلنا إنسانية. فيه شياطين إنس وجن، أمَالَ إبليس قال: لَأَحْتَنِكَنَّ؟ بيتكلم على مين؟ إذاً فمن تبعك منهم؛ في ناس ربنا قال إن في ناس بتسمع كلامه.
فين معركة الحق والباطل؟ فين دورك في الاستخلاف في الأرض؟ فين دورك في حلو مناشر التعليم، علم آدم أن تنقل هذا التعليم؟ فين دورك في العودة إلى الجنة والشوق إلى الجنة؟ دي معاني فين في حياتك؟ ما ينفعش، ما ينفعش حياتك تبقى كلها تجيب فلوس وتشتغل وتروح، والفلوس تجيبها عشان تجيب بيها تتفسح، وبعدين تتفسح فتصرفها فتجيب فلوس، إه ده هو فيه إه؟ هو دي الحياة؟ الهذا جِئنا؟ يعني صفحة لهذه المعاني وهذه الضخامة، كفاية لحظة إعلان: إِنِّي جَاعِلٌ فِي الْأَرْضِ خَلِيفَةً، كفاية اللحظة دي، أنت بقى تتفرج على اللحظة دي وبعد كده تقفل المصحف وتروح تعيش حياتك كده ما فيش حاجة لدين ربنا، ما فيش حاجة خالص عشان تقعد للجنة! فين علاقة بسيدنا آدم؟ يا أخي سيدنا آدم لما شاف ذريته علاقتك به إيه؟ يعني مشاعرك تجاه أنك عايز ترجع تقابله وتتكلم معه تاني فين؟ يعني عايزين الآيات مش مجرد أنك تطلع من الدرس: آه آه، أنا عرفت الأقوال في خليفة باين تلات أقوال، والملائكة عرفت إزاي عشان تلات أقوال، وإبليس فيه خلاف.
أنا مش عايز إبليس خلاف، إبليس ملعون وأنا عايزك ما تسمعش كلامه بعيداً عن كان هو إيه. يعني أنا عايزك زي ما بيعجبني قوي عبد العزيز الأنصاري في الآخر مذهب التخلق مسلك التخلف، هنعمل إه بقى؟ إحنا اتكلمنا في الدرس، هنعمل إه بقى؟ فهمت وظيفتك؟ فهمت دورك؟ فهمت التكريم؟ هل تنزل إلى أسفل سافلين من الآيات المؤلمة أوي أوي بصراحة: وَصَدَّقَ عَلَيْهِمْ إِبْلِيسُ ظَنَّهُ؟ مؤلمة أوي يعني إبليس يقول لك: آه آه، ده هيسمع كلامي، وفعلاً يطلع كلامه صح: فَصَدَّقَ عَلَيْهِمْ إِبْلِيسُ ظَنَّهُ، ومن الآيات الجميلة قوي: وَأَعْلَمُ مَا تُبْدُونَ وَمَا كُنتُمْ تَكْتُمُونَ ووَأَعْلَمُ مَا لَا تَعْلَمُونَ، اللي هو اللي موجودة بقى في آيات كتير وأحاديث كتير، أن الله يباهي بنا الملائكة. بمين؟ بتيجي اوقات ربنا يقول للملائكة: هؤلاء الذين قلتم عنهم يسفكون الدماء، جاؤوني شعثا غبرا. أنت هتكون من اللي ربنا بيباهي بهم ولا من اللي صدق عليهم إبليس ظنه؟ أنت دلوقتي بتطلع من القصة، هل ممن سيباهي بهم الملائكة ولا من اللي صدق عليه إبليس ظنه؟ هو اختيار من اتنين، لذلك الصورة قالت: آدم وإبليس. أسأل الله سبحانه وتعالى أن يستعملنا لنصرة هذا الدين، وأن يجعلنا وإياكم من أهل القرآن، وأعتذر عن الإطالة. سبحانك اللهم وبحمدك، أشهد أن لا إله إلا أنت، أستغفرك وأتوب إليك، والسلام عليكم ورحمة الله وبركاته.