تفسير سورة البقرة (7) | الآيات (60-66) | د. أحمد عبد المنعم

بسم الله الرحمن الرحيم. السلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم. أهلاً وسهلاً بكم في مجالس القرآن في تفسير سورة البقرة. هذه الوقفات التي أسأل الله سبحانه وتعالى أن يجعلها في موازين حسناتنا، وأسأل الله سبحانه وتعالى أن يجعلني وإياكم من أهل القرآن أهل الله وخاصته.

أحب أن أكرر دائماً أنه ينبغي للإنسان أن يستحضر ثواب مدارسة كتاب الله سبحانه وتعالى، وأن يقرأ كثيراً وأن يستمع. كما قلت في كثير من المحاضرات، ينبغي للإنسان أن يستمع إلى القرآن وأن يقرأ أيضاً في القرآن، يستمع محاضرات ويقرأ في كتب تشوقه إلى كتاب الله سبحانه وتعالى؛ مثل كتاب المشوق للقرآن للشيخ عمرو، وغيره من كتب تدبر القرآن، وأي كتاب يحفز الهمة للإقبال على كتاب الله سبحانه وتعالى.

الإنسان بطبيعته ينسى، فإذا قرأ الإنسان مجموعة من الأحاديث أو الآثار، كما قرأت في قناة التلغرام للأخ إسلام عفيفي ربنا يحفظه، كاتب مجموعة من آثار السلف عن النظر في المصحف، حقيقةً الواحد لما قرأ الآثار متتالية كان شيئاً مبهراً؛ اهتمام السلف والصحابة والتابعين بأهمية النظر في المصحف وأنه لا يمر يوم بدون النظر في كتاب الله تعالى. هذه الأشياء تثير العزيمة والشوق إلى كتاب الله سبحانه وتعالى، ثم أيضاً يسمع تفاسير ويقرأ في تفاسير ويقرأ في كتاب الله سبحانه وتعالى. فينبغي دائماً أن نتذكر ثواب مدارسة كتاب الله سبحانه وتعالى.

مجلس اليوم بإذن الله سبحانه وتعالى استكمال لما تكلمنا فيه من جرائم بني إسرائيل، أسأل الله سبحانه وتعالى ألا يستبدلنا أبداً. أما تقرأ الجرائم المتتالية لبني إسرائيل في هذا الشوط الطويل في سورة البقرة، القرآن تكلم كثيراً عن بني إسرائيل، لكن كان فيه شوط متتالٍ في سورة البقرة وفي سورة الأعراف، كيف أنهم في سورة الأعراف كان التركيز -وقد تكلمت في سلسلة سورة الأعراف- أن من المواضيع المحورية في سورة الأعراف جحود الآيات وإنكار الآيات والتعامل الخاطئ مع الآيات.

سورة البقرة فيها نوع من التنوع، وده اللي خلاني أكلمكم المرة اللي فاتت في مسألة نظرة الناس في ترتيب القصص في سورة البقرة. ليه ما جاش كل القصص بترتيب زمني؟ وبعضهم ادعى أن دي شبهة في سورة البقرة. وهذا الادعاء أو هذه الشبهة المدعاة دفعت بفضل الله بعض المفسرين والعلماء للنظر في ترابط القصص الموضوعي في سورة البقرة وأنه لا بد أن يكون هناك سر. بعضهم قال: لو كانت ذكرت بترتيب زمني واحد، لكنا نظن أن من أول كلمة «وإذ» أي أن التذكير بقصة واحدة فقط أو جريمة واحدة فقط؛ لا، هي مجموعة من الجرائم المتنوعة المختلفة.

طيب لو احنا حبينا نفصل ونحط مواضيع لهذه الجرائم؟ قلنا ممكن نحاول نوصل لده بالتركيز وقراءة الآيات في أوائل الآيات التي خوطبوا بها من قول الله سبحانه وتعالى: ﴿يَا بَنِي إِسْرَائِيلَ اذْكُرُوا نِعْمَتِيَ الَّتِي أَنْعَمْتُ عَلَيْكُمْ وَأَوْفُوا بِعَهْدِي أُوفِ بِعَهْدِكُمْ وَإِيَّايَ فَارْهَبُونِ * وَآمِنُوا بِمَا أَنزَلْتُ مُصَدِّقًا لِّمَا مَعَكُمْ وَلَا تَكُونُوا أَوَّلَ كَافِرٍ بِهِ ۖ وَلَا تَشْتَرُوا بِآيَاتِي ثَمَنًا قَلِيلًا وَإِيَّايَ فَاتَّقُونِ * وَلَا تَلْبِسُوا الْحَقَّ بِالْبَاطِلِ﴾ [البقرة: 40-42]. ظني والله أعلم، وأنا بحاول لسه أعمل ده معكم في التفسير في سورة البقرة، لو جمعنا الأوامر دي هنجد أن في مخالفة من بني إسرائيل لهذه الأوامر في القصص.

يعني مثلاً «اذكروا نعمتي»، نفاجأ أن بدايات التفصيل مقدمة مركزة جداً في الأول، آيات متتالية بأوامر ونواهي وبعد كده تفصيل. لما نيجي نشوف أول بداية التفصيل: ﴿وَإِذْ نَجَّيْنَاكُم مِّنْ آلِ فِرْعَوْنَ﴾ [البقرة: 49] دي أعظم نعمة، دي متقابلة مع «اذكروا نعمتي»، ففي شوط من التذكير بالنعم وكيف قابلوا النعم بالجحود والكفران والإعراض. في شوط من الإعراض عن النعم وكفران النعمة، ثم شوط لما ربنا قال «اذكروا نعمتي»، بعد كده قال «أوفوا بعهدي»، في شوط كيف تعاملوا مع العهود، ﴿آمِنُوا بِمَا أَنزَلْتُ﴾ ولا تكونوا أول كافر ولا تشتروا بآياتي. كيف تعاملوا مع الوحي؟ وكيف بدلوه وحرفوه وغيروه؟ يبقى إذاً التركيز ده ظني والله أعلم، وده اللي أنا وجدته حتى الآن لو بصينا في الأوامر والنواهي دي التي جاءت بصورة مركزة متتالية، ثم بحثنا في جرائم بني إسرائيل المفصلة التي هي من أول آية تسعة وأربعين ﴿وَإِذْ نَجَّيْنَاكُم﴾، هنجد أن ده التفصيل الذي جاء بعد إجمال؛ الإجمال الأوامر والنواهي، ثم تفصيل كيف عارضوا كل أمر وكل نهي. حتى لما تأتي المقدمات لاستبدال: ﴿مَا نَنسَخْ مِنْ آيَةٍ أَوْ نُنسِهَا﴾، وبعد كده آية القبلة تحويل القبلة، أنت توصل أنهم استحقوا هذا الاستبدال بالفعل.

طيب احنا كنا آخر حاجة شرحناها وآخر نعمة اتكلمنا عنها أن لما ربنا قال لهم: ﴿ادْخُلُوا هَذِهِ الْقَرْيَةَ فَكُلُوا مِنْهَا حَيْثُ شِئْتُمْ رَغَدًا﴾ [البقرة: 58]، هم أيضاً أعرضوا عن هذه النعمة وبدلوا وحرفوا وغيروا، ﴿فَأَنزَلْنَا عَلَى الَّذِينَ ظَلَمُوا رِجْزًا مِّنَ السَّمَاءِ بِمَا كَانُوا يَفْسُقُونَ﴾ [البقرة: 59].

مجلس اليوم لو نبدأ بسم الله والصلاة والسلام على رسول الله صلى الله عليه وسلم، هذا بداية جديدة. ﴿وَإِذِ اسْتَسْقَىٰ مُوسَىٰ لِقَوْمِهِ فَقُلْنَا اضْرِب بِّعَصَاكَ الْحَجَرَ ۖ فَانفَجَرَتْ مِنْهُ اثْنَتَا عَشْرَةَ عَيْنًا﴾ [البقرة: 60]. عايزكم يا جماعة ما تخلوش كلامي أو القراءة في التفاسير تحول بينكم وبين أيضاً قراءة الآيات. ارجع بعد ما أقرأ الآيات الأول وبعد كده اسمع الدرس، وأقرأ زي ما قلنا. الناس اللي متابعة معانا لأول مرة ما فيش مشكلة أنه يسمع بس، لكن أنا حابب الناس وخصوصاً أني سمعت مجالس القرآن قبل كده، خلاص السور المكية الأعراف والأنعام لو ما كنتش بتقرأ، المفروض الوقتي احنا بنرتقي في علاقتنا بكتاب الله، لما نيجي سورة مدنية تقيلة زي سورة البقرة، لأ، محتاجين نقرأ.

فبرضو قبل ما تسمع الدرس وتقرأ مجالس القرآن لفريد الأنصاري وأي حد، اسمع الآية اقرأها وبعد كده اسمع الدرس، واقرأ وبعد كده ارجع صلي بالآيات أو اقرأها أو ترنم بها، اقرأها قراءة هادئة بحيث ترتبط بالنص ارتباطاً مباشراً، بحيث أن كل كلمة لها دلالة ومش لازم تتعجل وتقول فيها إيه، أنت بس بتلتقط هذه الالتقاطات.

﴿وَإِذِ﴾، يبقى هنا دي بداية، يعني وإذ قلنا وإيه؟ يبقى تذكير بهذه النعم، فدي نعمة خاصة تحتاج أن يتذكرها بنو إسرائيل. ﴿وَإِذِ﴾ التي بعدها ﴿وَإِذْ قُلْتُمْ يَا مُوسَىٰ لَن نَّصْبِرَ عَلَىٰ طَعَامٍ وَاحِدٍ﴾ [البقرة: 61]، رجوعاً لأسفار التوراة أو الإنجيل أو قصص بني إسرائيل أو حتى الوارد عن السلف، هنجد أن «إذ استسقى» في حاجة حصلت خلت سيدنا موسى يستسقي، يعني الآية بدأت بداية فعل موسى ﴿وَإِذِ اسْتَسْقَىٰ مُوسَىٰ لِقَوْمِهِ﴾، ده الفاعل، والسين والتاء للطلب، وإذ طلب موسى السقيا من الله سبحانه وتعالى.

موسى عليه السلام لم يطلب السقيا من الله ابتداءً، مش من نفسه كده طلب السقيا، لكن بناءً على طلب من بني إسرائيل واعتراض، وما ذُكر هنا آثار كثيرة عن بني إسرائيل أنهم كانوا في حالة من التمرد وسوء الخلق، وده شيء مضطرد معهم؛ سوء الخلق مع الأنبياء. واحنا قلنا أن اليهود كانوا ينزلون المقدسات، يسبون الأنبياء، يقتلون الأنبياء، يتكلمون على الله سبحانه وتعالى بكلام لا يليق، النصارى رفعوا البشر لإله، وهؤلاء نزلوا الإله لمقام البشر، وتعاملوا بسوء خلق مع الأنبياء. فتجد أن الآثار الموجودة أنهم قالوا له: لن نصبر على هذا العطش وأخرجتنا لتهلكنا وأنت السبب، وأساءوا الظن في موسى وأساءوا الظن في هارون، واتهموهم أن أنتم تركتمونا لنَموت في هذه البرية، وكيف نموت في الصحراء واحنا هنموت من العطش وحرام عليك، وقعدوا يتذمرون ونسوا أنهم هم السبب في وجودهم في التيه، وما نسوا أن أنتم السبب أصلاً. فبدلاً من أن يتجهوا إلى أنفسهم بالمعاتبة ويقولوا صحيح، ويروحوا لسيدنا موسى ويقولوا إحنا آسفين، إحنا غلطنا، إحنا لم ندخل الأرض المقدسة، وأن هذا التيه الذي نحن فيه هو بسبب إعراضنا، فنطلب منك أن تطلب من الله سبحانه وتعالى أن يعفو عنا وأن يعطينا. لأ، ما راحوش كده. القرآن ما بدأش بالمقدمة دي في الماء، في الطعام ذكر قولهم، الآية اللي بعد كده ﴿وَإِذْ قُلْتُمْ يَا مُوسَىٰ لَن نَّصْبِرَ عَلَىٰ طَعَامٍ وَاحِدٍ﴾، الفعل بتاعهم بقى هنا.

ليه مع الماء تم إغفال الجزء الذي بدأوا به الكلام، ومع الطعام؟ لم أجد يعني بعض الإشارات، مثلاً في حد بيقول أن من طبيعة القرآن أنه يعفو عن كثير، زي ما ربنا قال في سورة المائدة، أنه لم يذكر لهم كل جرائمهم، فده نوع من الإغفال والإغضاء عن بعض الجرائم، وأن الإنسان لما يقص على الإنسان فاعرضوا عن بعض زي ما النبي صلى الله عليه وسلم عمل كده، مش لازم يذكر تفاصيل الجرائم، تكفي بعض الجرائم للإثبات وخصوصاً لما يكون فيها تعدٍ مثلاً. وقال كده وقد يكون والله أعلم أن مسألة الطعام كان فيها نوع من الترف والدلع شوية؛ لأنه كان ممكن يصبر، لكن مسألة الماء كان ممكن يموت من العطش أو ظنوا ذلك، فقد يكون رُوعي هذا الأمر والله أعلم.

لكن دي ملاحظة فرق بين الآيتين وراء بعض؛ لأن طلب الماء وطلب الطعام، طلب الماء بدأ من فعل موسى عليه السلام، ﴿وَإِذِ اسْتَسْقَىٰ مُوسَىٰ لِقَوْمِهِ﴾، طلب السقيا من الله سبحانه وتعالى، موسى لقومه وكأنه كان لم يشعر بذلك، كان مع الله سبحانه وتعالى لأنه لم يخالف الأمر والنهي، هم لما خالفوا الأمر والنهي شعروا بذلك، شعروا بهذا العطش، كما قيل مع الفارق أن لما موسى عليه السلام في سورة الكهف ذكرنا ذلك، بعض العلماء أشار أنه لما كان في سفره إلى الخضر لم يشعر بنصب إلا لما جاوز الميقات، ما مَسَّ موسى النصب كما قال صلى الله عليه وسلم حتى جاوز الميقات، فهم لما تجاوزوا بدأوا يشعروا بالعطش. ﴿وَإِذِ اسْتَسْقَىٰ مُوسَىٰ لِقَوْمِهِ﴾، لم يتبرأ منهم بالرغم من أن هو في التيه، وطلبوا منه الماء وهم عصاة في التيه، ولم يعرض موسى عنهم بل أجابهم بذلك. انظر إلى صبر موسى عليه السلام وإلى حلم الله عليهم.

﴿وَإِذِ اسْتَسْقَىٰ مُوسَىٰ لِقَوْمِهِ فَقُلْنَا اضْرِب بِّعَصَاكَ الْحَجَرَ فَانفَجَرَتْ مِنْهُ اثْنَتَا عَشْرَةَ عَيْنًا﴾، هنجد أن بالرغم من حالهم السيئة وسوء خلقهم وقلة مروءتهم، يعني عارف لما بتقول لواحد أنت يا أخي وشك مكشوف، إيه ده أنت بتطلب طلبات متتالية ما بتشعرش بالحرج وأنت السبب فيما نحن فيه، طيب دي النقطة الأولانية. النقطة التانية أن لما طلبوا من موسى الماء، موسى عليه السلام لم يتجه مباشرة بالعصا إلى الحجر، هذه العصا هي التي التهمت الثعابين والحيات أمام السحرة وأنقذت موسى عليه السلام في موقف خطير جداً ﴿أَوْجَسَ فِي نَفْسِهِ خِيفَةً مُّوسَىٰ﴾ [طه: 67]، وهذه العصا هي التي أنقذتهم أيضاً أمام البحر حينما اضطرب بنو إسرائيل وقالوا ﴿إِنَّا لَمُدْرَكُونَ﴾ [الشعراء: 61]، قال ﴿كَلَّا ۖ إِنَّ مَعِيَ رَبِّي سَيَهْدِينِ﴾ [الشعراء: 62]، ثم أمره الله سبحانه وتعالى أن يضرب بعصاه البحر.

لما إنسان بيحصل له موقف صعب وابتلاء شديد وفيه حاجة تنجيه من الابتلاء ده، ثم يتكرر موقف صعب وشديد وبلاء شديد، ثم نفس الشيء هو الذي يخرجه من هذا البلاء العظيم، تلقائياً الإنسان قد يتعلق بهذا الأمر. يعني أنت مثلاً في أزمة شديدة وبلاء صعب جداً، وقعدت تدعي ربنا فجأة ربنا وأنت بتدعي ربنا بعت لك واحد ينقذك، وقعت في بلاء شديد جداً جداً تاني وصعب جداً قعدت تدعي وفي نفس الشخص يعدي عليك ينقذك من البلاء التاني، أنت ممكن في المرة التالتة تتجه للشخص وما تدعيش لربنا وتتصل به وتقول له الحقني. لكن موسى عليه السلام ظل متعلقاً بالله، لم يفكر في أن يستعمل العصا بدون إذن من الله سبحانه وتعالى، ولكن اتجه إلى الله سبحانه وتعالى، فكان موسى عليه السلام لا يتعلق بهذه الأشياء.

دي عكس بنو إسرائيل، كانوا يتعلقون بالماديات، موسى عليه السلام كان ينظر إلى السماء، لم يكن يتعلق بهذه الأرض. هم كانوا ينظرون إلى الأرض: ﴿ادْعُ لَنَا رَبَّكَ يُخْرِجْ لَنَا مِمَّا تُنبِتُ الْأَرْضُ﴾ [البقرة: 61]، هم عندهم تعلق بهذه الأرض، لذلك من التحليلات القرآنية لشخصية بني إسرائيل في نفس السورة عن أسباب فسادهم: ﴿لَتَجِدَنَّهُمْ أَحْرَصَ النَّاسِ عَلَىٰ حَيَاةٍ﴾ [البقرة: 96].

فلما موسى استسقى لقومه لم يتعلق بالعصا، جاءه الأمر أيضاً باستعمال العصا، ﴿فَقُلْنَا اضْرِب بِّعَصَاكَ الْحَجَرَ﴾ التي معك. العلماء لما لقوا كلمة الحجر معرفة، هل أي حجر هيقابلك وده للاستغراق وهذا أزيد في النعمة والآية، يعني ده فيه آية عظيمة أن أي حاجة ممكن يطلع الماية، والله سبحانه وتعالى قادر أن يخرج الماء من الحجر، ولا في حجر معين كانوا يحملونه معهم؟ أياً كان دي كلها خلافات في الروايات الإسرائيلية. ﴿فَقُلْنَا اضْرِب بِّعَصَاكَ الْحَجَرَ﴾، طبعاً الجواب محذوف، أنه فضرب بامر الله سبحانه وتعالى ﴿فَانفَجَرَتْ﴾، حتى هذه الفصيحة التي تفصح عن محذوف أنه ضرب بعصاه الحجر بالفعل، ده لغة مقبول ومفهوم. لكن لماذا حذفت؟ هل لسرعة استجابة موسى، أو لتتعلق القلوب بالله سبحانه وتعالى لا بهذه العصا كما كان يفعل موسى عليه السلام؟ ﴿فَقُلْنَا اضْرِب بِّعَصَاكَ الْحَجَرَ فَانفَجَرَتْ مِنْهُ اثْنَتَا عَشْرَةَ عَيْنًا﴾.

سورة الأعراف كانت بتتكلم على نوع من السرد في القصص المتتالية لبني إسرائيل وكيف تعاملوا بسوء خلق وتعامل مع الآيات، وده تم بفضل الله سبحانه وتعالى تفصيل سورة الأعراف. هناك قالت ﴿فَانْبَجَسَتْ﴾، والعلماء حاولوا يجمعوا بين الاثنين قالوا أن بداية...

خروج الماء ثم انفجاره. هنا لأن الكلام على قضية تذكير النعمة، وخصوصاً الشوط من أول ﴿وَإِذْ نَجَّيْنَاكُم﴾ إلى غاية الآية الحادية والستين، وهي الثانية بعد آية الطعام ﴿ذَٰلِكَ بِمَا عَصَوا وَّكَانُوا يَعْتَدُونَ﴾؛ هاتان الآيتان، ظني هكذا أن الشوط قد انتهى بتذكير النعم. وفيه شوط ثانٍ من جريمة أخرى عظيمة. يبقى هذا الشوط مقابل ﴿اذْكُرُوا نِعْمَتِي﴾، والشوط القادم هو ﴿أُوفُوا بِعَهْدِي﴾، ظني والله أعلى وأعلم. فهنا عشان النعمة، فذكر أعظم النعم، فحصل انفجار الماء. تخيل المشهد، أريدك أن تعيش المشهد معي؛ هم مذنبون وعصاة ومعاقبون في التيه، وموسى عليه السلام لم يشعر بالعطش، ثم جاءوا، طيب أنتم تريدون ماء؟ ماشي، استغاث قوم موسى لقومه، ويضرب؛ كان ممكناً لما يستسقي أن ينزل المطر، كان شيئاً اعتادوا عليه، لكن في كل مرة ربنا سبحانه وتعالى يكسر هذا الألف الذي اعتادوا عليه، ثم يعتادوا على المعجزة، وهذه مصيبة. ﴿فَبِأَيِّ حَدِيثٍ بَعْدَ اللَّهِ وَآيَاتِهِ يُؤْمِنُونَ﴾، يعني الذي لا تكفيه الآيات الكونية المتنوعة المهولة هذه، تأتيه بعض الآيات صواعق وزلازل وبراكين وكورونا وفيروسات، ثم يعتاد عليها، طب هذا ماذا سنفعل له؟

فربنا سبحانه وتعالى يكسر لهم ألف المعجزات بمعجزة أخرى. تخيل سيدنا موسى يذهب ويضرب الحجر ويخرج الماء، ينفجر ويشربون، وبعد ذلك يعتادون، لذلك ربنا يقول -سأسبق قليلاً-: ﴿كُلُوا وَاشْرَبُوا مِن رِّزْقِ اللَّهِ﴾، هذا ليس من العصا، وليس من موسى، السعادة من الله. لا تنسوا أن هذه نعمة، اعتادوا، أصبح أمراً عادياً، يصحى الصبح يذهب، نريد أن نشرب؟ ما تشرفنا الحجر هكذا وكلم سيدنا موسى ويضرب الحجر. طب شكراً، كمان ضربة بعد إذنك وبتاع، هو تعامل مع الحياة عادي جداً. وهو بيتعامل مع الماء، قاعد يجمع الماء، من الذي جاء بالماء؟ ﴿أَأَنتُمْ أَنزَلْتُمُوهُ مِنَ الْمُزْنِ أَمْ نَحْنُ الْمُنزِلُونَ﴾؟ القرآن بدل ما يجلب لك كل شوية معجزات حسية، يعلمك أن تنظر، ﴿أَلَمْ يَرَوْا﴾، ﴿أَفَلَمْ يَنظُرُوا﴾، ﴿أَفَلَمْ يَسِيرُوا﴾؛ القرآن هذا درس خطبة وأنصتوا، القرآن يقول لك الآيات مبثوثة، أنت تحتاج إلى الإنصات وإلى الرؤية، انظر فوقهم السماء، كيف بنيناها وزيناها؟ الإبل، الجبال؛ أنت لست محتاجاً لكي تكتشف الآيات أن تسافر آلاف الكيلومترات وأن الكون معدود الآيات كله هكذا أبيض وأسود، وليس فيه آيات، وتسافر مكان الآيات مثلاً في القطب الشمالي. لا، الآيات في كل شيء. ﴿وَفِي أَنفُسِكُمْ ۚ أَفَلَا تُبْصِرُونَ﴾، فالقرآن تجنباً -وسنذكر الآن إن شاء الله في الأيام القادمة- لما وقع فيه بنو إسرائيل من ألف المعجزة، فالقرآن استعمل أسلوباً ثانياً، سواء في حل المشاكل التي الأمة تمر بها، وهذه نقطة مهمة جداً، أو في التعامل مع النعم والآيات التي تأتي لهذه الأمة، وهاتان أكبر مشكلتين وقعتا من بني إسرائيل.

فانفجرت، شاهد النعمة، الله سبحانه وتعالى يعطي على قدره. اثنتا عشرة عيناً، ليس كوب ماء مثلاً؛ أنتم آخركم شوية ماء، أنت عندما تتعامل مع البشر ﴿قُل لَّوْ أَنتُمْ تَمْلِكُونَ خَزَائِنَ رَحْمَةِ رَبِّي إِذًا لَّأَمْسَكْتُمْ خَشْيَةَ الْإِنفَاقِ﴾؛ حتى لو معكم المعجزات والخزائن هذه ستطلع بسيطاً هكذا، ربنا سيطلع لهم اثنتا عشرة عيناً. شاهد عطاء الله وهم ماذا؟ لا تنس في الصحراء، التيه الذي تسببوا في دخوله بسبب معصيتهم وإعراضهم عن أمر الله سبحانه وتعالى، ﴿فَانفَجَرَتْ مِنْهُ اثْنَتَا عَشْرَةَ عَيْنًا﴾. بعض العلماء قال إن الله سبحانه وتعالى يعلم سوء أخلاقهم، هكذا يفعلون مع نبيهم، فكيف سيفعلون مع بعضهم بعضاً؟ سيفعلون ماذا؟ إذا كانوا هم مع نبي كريم الله لا يصدقون ويرتابون ويقولون ﴿أَتَتَّخِذُنَا هُزُوًا﴾، أمال سيفعلون ماذا مع بعض؟ فحتى لا يختلفوا، الله سبحانه وتعالى جعلهم اثني عشر سبطاً، كل سبط له عين، تخيل! وشاهد الإعجاز؛ صخرة وتخرج ماء، تخرج من أربع زوايا، وكل زاوية تخرج ثلاثة، حتى لا يتنازعوا في هذا الوقت وفي التيه. أويعقل وهم في التيه وهم معاقبون وهم في هذه الأزمة وهم من شدة العطش وهم على مشارف الموت وهم في هذه الصحراء هل يعقل أن يتنازعوا؟ يعقل.

هل يعقل؟ طب ما هو هذا حالنا الآن، الأمة الإسلامية متأخرة وفيها مشاكل، تجد الناس في قمة الابتلاءات المسلمين ويتنازعون مع بعض. في أشد الأزمات وفي أشد الأوقات شدة، يتنازعون مع بعض. بل قضية أن بأسنا بيننا شديد، هذه من أشد الابتلاءات في هذه الأمة، وهذه التي سألها النبي صلى الله عليه وسلم فقال: «فمنعنيها»، وأن الشيطان أن يعبد في جزيرة العرب ولكن لم ييأس، لكن في التحريش بينهم. فهم من سوء أخلاقهم حتى في هذه المواطن يتنازعون مع بعضهم بعضاً، فقال الله سبحانه وتعالى اثنتا عشرة عيناً حتى لا يعتدي بعضهم على بعض، ولا أحد يقول له الماء لي. يعني أنت ليس لك عذر أنك لا تتأمل في الآية، الماء جاء لك وضربة من العصا، ليس بالمطر، حتى لا تعتاد الآية، وبالرغم من ذلك والأمر يتكرر وبالرغم من ذلك نسوا هذه النعمة. فقال الله سبحانه وتعالى ﴿كُلُوا وَاشْرَبُوا مِن رِّزْقِ اللَّهِ﴾. لا تنسَ النعمة؛ لأن نسيان النعمة يؤدي لابتعاد عن الشريعة، لأنك ستشعر أن النعمة ليست مرتبطة بالدين، لأن ربنا يقول ﴿وَلَوْ أَنَّ أَهْلَ الْقُرَىٰ آمَنُوا وَاتَّقَوْا لَفَتَحْنَا عَلَيْهِم بَرَكَاتٍ﴾، المفروض تستشعر أن هذا الدين وهذه نعمة من الله سبحانه وتعالى فتحافظ على شريعته لكي لا يسلبك هذه النعمة، ويحذرك الله سبحانه وتعالى من ذلك. نسيان النعمة يؤدي للابتعاد عن الشريعة، ويؤدي إلى الفساد ﴿وَلَا تَعْثَوْا فِي الْأَرْضِ مُفْسِدِينَ﴾. اعتياد أن النعمة تأتي من تلقاء نفسها، من الطبيعة، وهذه أسوأ حاجة تحصل للإنسان، أن ينسى أنه يتعامل مع الآيات بحالة من النسيان لا يشكر الله سبحانه وتعالى على هذه النعمة.

ثم الله سبحانه وتعالى قال ﴿وَلَا تَعْثَوْا فِي الْأَرْضِ مُفْسِدِينَ﴾، حتى ربنا لم يقل تعثوا فقط، قيل العثو حالة من الفساد أو الهمجية، الذي هو أنت تعرف لما تسيب واحداً شكله همجي كده وبدون أي مراعاة، نفسي حالة من العثو. فالسير في الأرض بدون مراعاة لحدود الله وبدون مراعاة الحدود التي وضعها الله سبحانه وتعالى، هذا حالة من العثو، فالعثو فيها حالة من عدم المبالاة، ليست أي فساد. لذلك العلماء قالوا لو العثو بمعنى الفساد، كيف ربنا قال لا تعثوا مفسدين؟ فكأن معناها لا تفسدوا مفسدين. وضع الحال مؤكداً، إيه المشكلة في التأكيد؟ ومن قلة التأسيس أولى من التأكيد، أكيد فيه معنى أزيد من مجرد التأكيد، إيه هو العثو؟ قيل تعمد الفساد، يعني أنتم ليس فقط تفسدون غصب عنكم، بتعمل فساد غصب عنك، ولا بتعمل فساد عشان تحقق مصلحة أعلى، لا، هذا يعمل فساد متعمد وشديد، ولا خير فيه بحال. لا تعثوا في الأرض مفسدين. يبقى ثانياً، عشان أستحضر المشهد؛ طريقة السقيا، طلب السقيا منهم كان فيها سوء أدب، اتهام الله سبحانه وتعالى واتهام موسى عليه السلام، لم يتهموا أنفسهم، لم يروا جرمهم الذي تسبب في وجودهم في هذا المكان، دائماً يطلبون من سيدنا موسى، لا يرجعون إلى أنفسهم بالعتاب والنظر إلى معصيتهم، وهذه لحظة معصية وفي مكان قفر ليس فيه ماء، ونزول الماء كان بطريقة غريبة وفيها إعجاز؛ كل هذا الأمر كان يستحق الشكر، لكن للأسف أعرضتم عن هذا.

﴿كُلُوا وَاشْرَبُوا مِن رِّزْقِ اللَّهِ وَلَا تَعْثَوْا فِي الْأَرْضِ مُفْسِدِينَ﴾. بعد ذلك، وإذ، واضح أن هذه جريمة ثانية ليست مجرد شرب وطعام، لا، هذه جريمة أنه لما طلب الماء وتجاوزنا عن طريقة طلبكم، لم تشكروا النعمة ونسيتم أن الماء ينزل ويخرج بقدر الله وبترتيب من الله سبحانه وتعالى، وانشغلتم بالماء، وهذا خطورة انشغال النعمة عن المنعم سبحانه وتعالى. أن الإنسان يفضل يطلب حاجة، وهذا يكون خطراً عندما تكون أنت ستموت على الحاجة، محتاجها جداً، تطلب من ربنا فبمجرد مجيئها تنشغل من شدة احتياجك، عارف ﴿كَأَن لَّمْ يَدْعُنَا إِلَىٰ ضُرٍّ مَّسَّهُ﴾، يعني واحداً كان ماشياً وبعدين وقع فواحد جاء ساعده، فهو لم يلتفت له، لم يقل له حتى شكراً، وقام ونفض هدومه ومشى عادي جداً، لم يلتفت، كأن لم يدعنا، ولا كأنه طلب، كأن النعمة هذه جاءت من تلقاء نفسها، كأن لا ضر مسه، فهو نال كذلك الذي حصل، فربنا ينبهه ﴿كُلُوا وَاشْرَبُوا مِن رِّزْقِ اللَّهِ وَلَا تَعْثَوْا فِي الْأَرْضِ مُفْسِدِينَ﴾.

﴿وَإِذْ قُلْتُمْ يَا مُوسَىٰ لَن نَّصْبِرَ عَلَىٰ طَعَامٍ وَاحِدٍ فَادْعُ لَنَا رَبَّكَ يُخْرِجْ لَنَا مِمَّا تُنبِتُ الْأَرْضُ مِن بَقْلِهَا وَقِثَّائِهَا وَفُومِهَا وَعَدَسِهَا وَبَصَلِهَا﴾. أنت تعرف تحس بس يعني في طلبات ثانية تحبوها، يعني محتاج حاجة، هذا طالب الآية يعني ليس مثلاً ادع لربك أخرج مما تنبت الأرض وخلاص، أو من بقلها وخلاص، والبقل الشيء المخضر الذي ليس له ساق طالع من الأرض، لا، هذا يطلب بالتفاصيل، يعني شاهد التعنت، يعني أنت فاكر نفسك في الجنة؟ أنت في التيه يا بني! أنت بتعمل إيه؟ ما علينا. ﴿وَإِذْ قُلْتُمْ يَا مُوسَىٰ﴾ وسوء الأدب في نداء نبيهم، وإذ قلتم، وهذه لحظة القول هذه أنا دائماً قلت إن تحليل الأقوال التي ذكرت في القرآن فيها مفاتيح لفهم الشخصيات، لأن القرآن يا جماعة بذكاء يوفر أزمنة، فلما القرآن على مدار ملايين السنين يلتقط مشاهد معينة، هذه بدأت من خلق آدم لغاية بعثة النبي صلى الله عليه وسلم لغاية لما القرآن وصل لنا، أحداث كثيرة حصلت، القرآن التقط مشاهد؛ قصة مع سيدنا إبراهيم، موقف مع سيدنا لوط، موقف عابر مع سيدنا هود، كلمة قالها فرعون، مش عارف موقف عمله إيه أصحاب الكهف، القرآن التقط هذه الأمور ثم لم يحكها لنا بالتفصيل، التقط منها مشاهد. يعني قصص أصحاب الكهف ما ذكرناها بالتفاصيل، وكان في سبعة ولا خمسة ولا ستة وراحوا والكلب، ما فيش تفاصيل، إذن الموجود مركز جداً، لابد أن يفكك، يعني أنا لما أعطيك مادة فعالة مركزة جداً جداً جداً، أنت محتاج تفكها وتشوف تفاصيلها، لأنها كلما فككتها -وهذا التدبر- وتشوف دبر وحاجة، لا تنتهي المعاني، لا يخلق على كثرة الرد والترداد. فالأقوال تنبئك عن تفاصيل الشخصية هذه. لما تحلل أقوال فرعون أو أقوال الصالحين أو التي بداخل أصحاب الكهف؛ فهنا بنو إسرائيل، تحليل أقوالهم وأفعالهم مهم جداً.

فهنا ربنا سبحانه وتعالى يقول ﴿وَإِذْ قُلْتُمْ يَا مُوسَىٰ﴾، قالوا ماذا؟ ﴿لَن نَّصْبِرَ عَلَىٰ طَعَامٍ وَاحِدٍ﴾، يبقى أول حاجة يا موسى، سوء أدب. لن نصبر على طعام واحد. طب ماذا؟ ﴿فَادْعُ لَنَا رَبَّكَ يُخْرِجْ لَنَا مِمَّا تُنبِتُ الْأَرْضُ﴾، وبعد ذلك عندنا خمس حاجات نريد أن نحللها. أول حاجة تكلمنا سوء الأدب على الأنبياء، وهذا خطر، وهذا يجعلنا لا نستفيد من الأنبياء، يعني في بعض الناس للأسف عندهم تجرؤ في الكلام مع النبي صلى الله عليه وسلم، والحديث حتى عن النبي صلى الله عليه وسلم وممكن كلم أحداً يقول لك نحن سنحلل مش عارف شخصية موسى، فيه سوء أدب، فيه تجاوز، ﴿لَّا تَجْعَلُوا دُعَاءَ الرَّسُولِ بَيْنَكُمْ كَدُعَاءِ بَعْضِكُم بَعْضًا﴾، ما ينفعش التعامل، والآيات تقرأ في تفسيرها في خواتيم النور، فيها أقوال كثيرة وفيها معاني بديعة، وبرضه مقدمة الحجرات ﴿لَا تَرْفَعُوا أَصْوَاتَكُمْ فَوْقَ صَوْتِ النَّبِيِّ﴾ ولا تجهروا له بالقول؛ يعني الآيتان، آية النور وآية الحجرات، ما ينفعش التعامل يبقى مثلما أتعامل مع الناس، في تعامل مخصوص للنبي صلى الله عليه وسلم، وهذه أول حاجة، ﴿يَا مُوسَىٰ لَن نَّصْبِرَ﴾ طبعاً لأن فيها نوع تأكيد، ﴿لَن﴾، وفي خلاف بين أهل اللغة هل هي فيها التأكيد ولا التأكيد يفهم من سياقها؟ تأكيد النفي، وطبعاً الزمخشري يرى أن فيها تأبيداً ليس فقط، وبعض اللغويين تأبيداً، يعني إلى ما لا نهاية. طبعاً هو مهم هذا بالنسبة له عشان ﴿لَن تَرَانِي﴾، لأن المعتزلة ينفون رؤية الله سبحانه وتعالى، لكن خلينا هنا، هذا سياق آخر.

بعض الذين يثبتون الرؤية مثل ابن عاشور يقول إن لن تفيد التأبيد لكن له جواب آخر هناك على آية الأعراف، فهم هنا يقولون لن، وفعلاً لن غير لا، فيها لن، فيها تقطع الهواء، ﴿لَن﴾، مكانك تقطع، وأن الأمر بالنسبة لك منتهٍ. لن نصبر، يعني ماذا؟ الموضوع خلاص نحن أخذنا قرار، الموضوع هذا يعني مش رايحين يناقشوه، مش رايحين يقولون له: نحن كنا عايزين نتكلم معك في موضوع الطعام الواحد هذا عايزين ندردش مثلاً فعايزين فكر في، لا، هم أخذوا القرار ورايحين، وكأن سيدنا موسى الذي يقرأ الآية ﴿إِذْ قُلْتُمْ يَا مُوسَىٰ﴾ كأن سيدنا موسى هو السبب، طريقة كلامهم كأن موسى عليه السلام هو السبب، بص بقى ﴿لَن نَّصْبِرَ عَلَىٰ طَعَامٍ وَاحِدٍ﴾ هو غريب، هو أنتم السبب في الذي نحن فيه على فكرة، مش أنا! يعني لما يجي مثلاً عيالي مثلاً في البيت يكسرون حاجة والحاجة انكسرت وأنا مثلاً تأخرت في تصليحها، فيجي لي: ليه؟ نحن لن نصبر على الموضوع المكسور هذا. فتقول له أنت اتجننت يا بني؟ يا بني أنت الذي كسرته، هذا أنا الذي صابر عليك! سيدنا موسى الذي صابر معهم في التيه أصلاً، أنتم متخيلون الوضع انقلب كيف؟ لن نصبر.

فيها قطع وسوء أدب، ودي مشكلة -يعني مش عايز أقول دي، يعني مش عايز أقول دي المشكلة الأساسية- بس خلينا نقول دي من المشاكل الخطيرة عند بني إسرائيل. إحنا مش هنصبر، أي حاجة هتحصل لنا هنيجي لك وأنت تحلها، الماء أنت تتصرف فيه، الأكل أنت تتصرف فيه، العدو: «اذهب أنت وربك فقاتلا»؛ إحنا مش هنصبر خلاص. أنا -وأنا بفكر في تحليل الجملة ديت وقلت إن دي، كنت حتى كاتب إن دي المشكلة الرئيسية أو المشاكل الرئيسية التي واجهها موسى عليه السلام مع قومه- بل دي أعظم مشكلة بيواجهها أي مصلح: عدم صبر قومه على تبعات التغيير.

التغيير له لوازم بيلزمها من تخلي عن رفاهيات أو تضحيات أو بذل وإنفاق، لابد لأي تغيير من ده. اللي عايز يعمل رجيم بيضحي؛ يعني تخيل بقى أنت عايز أمة تتخلص من تعذيب ورق فرعون، أنت متخيل وتخرج وتتحرر، ويقول لك: لن نصبر على طعام واحد! يعني إيه سوء الفهم ده؟ فأمم تبحث عن التغيير والانطلاق، ونقول لك: عايزين نكون في مقدمات الأمم، وبعدين لا يصبر على حاجات بسيطة! ازاي؟ لا تغيير بدون صبر، لا تقدم بدون صبر، لا نجاح بدون صبر. الصبر هو أن تحبس نفسك للحركة للأمام فتتغير، لكن مسألة إنه، وده في كل حاجة تلاقي يقول لك إيه: طلب العلم، أصل مش عارف إيه، دروس صعبة، إصلاح القلب والحفاظ على قيام الليل، كل هذا يحتاج إلى... مشكلة بني إسرائيل أن ما عندهمش الصبر ده.

لكن أنا تعجبت لما قلت -يعني بيني وبين نفسي وأنا بحضر- لقيت أن ربنا وصفهم بالصبر؛ قلت إيه ده؟ يبقى أنا أخطأت ولا إيه؟ أنا ظلمتهم ولا إيه؟ لقيت ربنا بيقول: ﴿وَتَمَّتْ كَلِمَتُ رَبِّكَ الْحُسْنَىٰ عَلَىٰ بَنِي إِسْرَائِيلَ بِمَا صَبَرُوا﴾ [الأعراف: 137]. وصبروا، وده من عدل القرآن؛ أثبت لهم الصبر حينما كانوا -يعني- بيعزموا على قضية الصبر، لأنهم صبروا في وضع الاستضعاف. وده أنا قلت كتير قبل كده: إن القرآن المكي كان غالباً ما يثني على بني إسرائيل، ليه؟ لأننا كنا في مكة أيامها مستضعفين، وكان كل أملنا الخروج من ربقة هذا العذاب والآلام الموجودة في مكة، نحتاج إلى أن نتحرر من هذا الوضع. الوضع ده أحياناً بيستثير داخل النفوس قضية الصبر، أنك أنت تصبر، وكثير من الصحابة قالوا إيه؟ حتى كان يجي في مكة: ألم تر إلى الذين قيل لهم كفوا أيديكم، هو عايز يقاتل في مكة، في القرآن يقول له: لأ، استنى أما ييجي الوقت بتاعه، وأقيموا الصلاة وآتوا الزكاة.

لكن لما راح المدينة، بعضهم لم يحافظ على هذه العزيمة، وده اللي حصل؛ إن القرآن المكي بيثني على بني إسرائيل، لكن القرآن المدني بيبين -يعني- سقوطهم وهبوطهم، زي ما كلمهم: يهبطوا في الامتحان بعد التمكين، بعد التحرر. وده إشارة أن ليس من يصبر في استضعاف سيستطيع أن يصبر على التمكين، ليس كل من يصبر على الفقر سيستطيع أن يصبر على الغنى، ليس كل من يصبر على بلاء ما سيستطيع أن يصبر على كل الابتلاءات، ولا سيما ابتلاءات الانفتاح، ابتلاءات الخير، ابتلاءات اللي بتحدث في نفس حالة من الاسترخاء.

بنو إسرائيل، وده أحد التحليلات في ظني من أسباب تعودهم وعدم صبرهم؛ أن نجاتهم، نجاة بني إسرائيل لم تكن بفعل فعلوه هم، ما كانش فعل يعني هم اللي راحوا وقاتلوا وهاجروا، لأ؛ هم «وأنتم تنظرون»، زي ما ربنا قال كده: أهلكنا فرعون، قال: فرعون «وأنتم تنظرون»؛ «وإذا نجيناكم من آل فرعون».. فلما ربنا قال في الآخر قال: «وأنتم» إيه؟ أنت كنت بتتفرج، وهو وكأنه بدأ من أن يشكر هذه النعم. وعشان كده ده ختام -ده ظني- أن الآية دي ختام تحليلي للي فات لجرائم تعامل النعمة؛ أن يتركب عندهم كذا مشكلة، أن المعجزات -بدل ما المعجزات ترسخ بداخلهم قدرة ربنا سبحانه وتعالى- لأ، ده المعجزة اه صنعت بداخلهم حالة من الألف، حالة من -يعني إيه؟ عايز أقول لكم- المعجزات صنعت بداخلهم حالة، عارفين أديكم مثال قبل ما أفرج الجواب: فيه واحد لما يتكلموا عن رحمة ربنا كتير وعن نعم ربنا عليه، يخضع ويخبت ويقول: أفلا أكون عبداً شكوراً! وفي واحد يستمرئ، يقول لك: أنا أكيد ربنا، أيوه ربنا أداني لأني أنا أستحق، فيستمرئ المعصية، يعني عكس عكس المطلوب، اللي كان يعمله بدل ما كان المفروض أنهم هذه المعجزات تزيدهم خضوعاً لله سبحانه وتعالى، زادتهم... غفرانك!

لأن بعض الناس والعياذ بالله قد يتهم الله، يقول لك: طب ما ربنا اللي أداهم، معجزاتنا ربنا أداهم المعجزات ليشكروا، يعني واحد ربنا أداه نعم كتير فطغى، فيجي يقول: ربنا ما أنت، أنت اللي أديتني النعم، ازاي يعني أنت؟ بدل... طب ما المفروض تشكر الله سبحانه وتعالى! فبنو إسرائيل كانت نجاتهم وهم ينظرون، وكان الطعام وهم ينظرون، فتعودوا على كده أن كل حاجة خلاص: «اذهب أنت وربك فقاتلا»؛ إحنا اتعودنا أن الحاجة بتيجي لنا واحنا قاعدين: «إنا هاهنا قاعدون». القرآن ما عملش كده، والوحي والشريعة لما نزلت مع الصحابة ما عملش كده؛ النبي صلى الله عليه وسلم راح الإسراء بالبراق، كان ممكن يهاجروا بالبراق، فالهجرة كانت تضحية، كانت بذلاً، تركوا أموالهم وتركوا ديارهم وتركوا أهليهم وهاجروا.

تعامل الصحابة فهموه من أول لحظة، لما ييجي مثلاً سيدنا خباب للنبي صلى الله عليه وسلم يقول له: ألا تدعونا؟ شوف الفارق! سيدنا خباب جاي بعد طول عذاب وطول ألم وحفر في ظهره من التعذيب بصورة فيها قمة الرقي: ألا تدعو لنا؟ ألا تستنصر لنا؟ وشوف ازاي هم رايحين يكلموا سيدنا موسى، وشوف إجابة النبي صلى الله عليه وسلم، وشوف التعامل اللي حصل مع بني إسرائيل. إجابة النبي صلى الله عليه وسلم: أنه كان يؤتى بالرجل من قبلكم فيحفر له في الأرض في الأرض، والمناشير، ثم... «ولكنكم تستعجلون»، فيصبروا، عكس الاستعجال، فتعلموا الصبر، وأن كل حاجة لها وقتها، وأنهم هم اللي يجربوا ويروحوا الحبشة، ويروحوا الطائف، وبعد كده يروحوا المدينة، ولما تطلع المدينة هم اللي يهاجروا بأنفسهم.

ده عكس اللي حصل مع بني إسرائيل؛ فبدلاً من أن يشكر بنو إسرائيل لهذه النعمة، تعاملوا معه بحالة من إيه؟ أن أكيد أكيد نحن أبناء الله وأحباؤه، يعني أكيد اللي بيحصل أن المعجزات المتتالية والنعم المتتالية، واحنا وحشين -أنهم طبعا شايفين نفسهم وعارفين نفسهم وحشين- أكيد إحنا... فده مرض احتاج إلى علاج، نحتاج إلى حالة من التذكير أنه ليس بينكم وبين الله نسب، ويحتاج إلى التخويف. ركزوا في المعنيين دول؛ احتاجوا إلى التذكير واحتاجوا إلى التخويف، تمام؟

طيب، عشان نعالج -وكأن آخر العلاج الكي- حتى يعالج هذا المرض الذي تغلغل بداخله. طيب، لن نصبر! اللي يشوفه وهم رايحين يقولوا: لن نصبر! لن نصبر على العذاب، لن نصبر على طعام واحد، بجد يعني أنتم مشكلتكم في الصبر أن هو نوع واحد لا يتغير من الأطعمة؟ ودي مشكلة أن حالة الملل التي تتسرب إلى النفوس ينبغي أن يواجهها الإنسان. طبيعة الإنسان، عشان نكون كائن طبيعي، أنه بيتسرب له الملل، وخصوصاً لو شيء واحد؛ لو لم يقاوم الإنسان -ركزوا معي- لو لم يقاوم الإنسان هذا الملل بهموم أعلى، الملل هو اللي هيسيطر عليه تاني.

يعني امتى الإنسان يلتفت ويركز لمسألة الطعام الواحد، وأن هو لو هو ده شاغله؟ يعني حتى تلاقيه يقول لك إيه: ده فلان الغني بيلبس -مش عارف- نفس التيشيرت وبياكل حاجات بسيطة، ومش مركز في هذه التفاصيل، مش مركز! لكن تجد واحد مركز أن كل حاجة تكون متغيرة، وبيمل سريعاً، بل بل من أمراض العالم الآن سرعة الملل والفيزيون الجديد والأبدديت الجديد، والبحث... مش عارف، دي من أمراض العالم، أنه لا يستطيع أن يصبر على شيء واحد لفترة بسيطة. مش عارف هو حياتنا قائمة على... عارف، يعني كنت عايز أعمل درس لهولندا بس مش عايز تعمل لغة -اللي هو وقاعد بيبعتر حياته، قاعد بيقلب حياته كده- هو لا يستطيع أن يصبر أنه يقرأ حاجة طويلة أو أنه يسمع درس طويل، وح حياته قائمة على التغير.

فالملل، لذلك عمرو بن العاص يقول: لا أمل زوجتي ما أحسنت عشرتي، ولا أمل دابتي ما حملتني، ولا أمل ثوبي ما وسعني، إن الملال -أو الملال- سيء الأخلاق! شوف التقاطة أن ده من أسوأ الأخلاق! بل قيل إن الذين قالوا: ﴿رَبَّنَا بَاعِدْ بَيْنَ أَسْفَارِنَا﴾ [سبأ: 19] ملوا من الرفاهية، هو عايز مغامرات والسفر وخطورة! أنت متخيل الملل ممكن يوصل الإنسان ليه؟ فقالوا: لن نصبر. هو المفروض ينشغلوا بالتيه، دي عقوبة ربنا بالجهاد بالذنب اللي عملوه، لا؛ هو حالة من الإعراض، هو مركز في طعام: إيه ده؟ إحنا مش عاجبنا المن والسلوى! معناها إيه؟

لحظة فرحهم بأول مرة نزل المن والسلوى من السماء، كانوا فرحانين وشايفينها آية، وده مشكلة أننا بنفرح بحاجة ونكون فرحانين بها، ثم بعد فترة نألفها وننساها؛ لأ، أنت محتاج تجدد وتزيل الصدأ من على بريق النعم، إحنا محتاجين نعمل ده. قرأت منشور جميل قوي للشيخ بدر المشاري اسمه: بئر الرضا، واللي إحنا نلوث بئر الرضا بنعم الله بأن نعكره بطريقة تفكير خاطئة.

فقالوا: لن نصبر على اللي يشوفوا، يقول: لن نصبر على عذاب، على طعام واحد، والطعام ده هم أصلاً اللي كانوا فرحانين به وكان نزولهم آية ونعمة ذكرها الله سبحانه وتعالى قبلها، أن ربنا أنزلهم المن والسلوى آية ونعمة، ثم أعرضوا عنه وبطروا النعمة وأعرضوا عنها ولم يشكروها.

طيب ماشي، يا موسى لن نصبر على طعام واحد، فسنُجاهد، فاعترفنا بخطأنا، سنصحح ما وقعنا فيه من أخطاء وتقصير. لا، يعني فكرة أنه بيعود على نفسه؛ يعني سيدنا يونس رايح يشتغل في الدعوة، ولما ساب قومه بدون إذن الله سبحانه وتعالى، فأول ما حصل البلاء وقال: ﴿لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ﴾ [الأنبياء: 87] على طول ينزه الله سبحانه وتعالى، أكيد أنا اللي غلطان؛ هم لا ينظرون إلى أخطائهم، لا، هم عنده إحساس: نحن أبناء الله وأحباؤه، إحساس مسيطر عليه، إحنا ما بنغلطش، ولو غلطنا إيه المشكلة؟ أنت تتصرف، قل لربنا، قل لربك، ادعو ربك!

حتى لم يستشعروا نعم الله عليهم، الربوبية التي غذاهم الله بها نسوها: ادعو لنا ربك يخرج لنا مما تنبت. يبقى يا موسى لن نصبر على طعام واحد، فأيه؟ فسنجهاد، فادعو لنا ربك! يعني بدل ما يدفعوا ثمن معصية ومؤمنة التغيير، وده زي ما اتكلمنا كده ما يواجه كل مصلح: رفض قومه أن يدفعوا ثمن التغيير. وكما قلت، التغيير... بعض المصلحين يقوم في قومه ويا قومي ويا قومي، ويريد أن ينقذهم مما هم فيه، ثم هم يعرضوا عنه بل ويسلموه ويتركوه.

فادع لنا ربك، فادعو لنا ربك بقى هنا، فادعو لنا ربك، ما قالش ادعو لنا ربنا، نسوا نعم الله سبحانه وتعالى عليهم، نسوا الكو... وده هنا زي ما قلت لكم، الآية دي يعني موقعها عظيم في ختام الشوط بتاع تذكير النعم قبل الآية الفاصلة بتاعة إن الذين آمنوا: فادعو لنا ربك يخرج لنا مما تنبت الأرض. هم لا يريدون أن يتعلقوا بالسماء، أصل اللي بينزل من السماء يظنون بوهمهم قد يقطعه الله سبحانه وتعالى عنا، نريد شيئاً نفعله بأيدينا فنسيطر نحن عليه، وظنوا أنهم مانعتهم حصونهم، ظنوا أن لن نقدر... قصدي اللي هي آية يونس: ﴿حَتَّىٰ إِذَا أَخَذَتِ الْأَرْضُ زُخْرُفَهَا وَازَّيَّنَتْ وَظَنَّ أَهْلُهَا أَنَّهُمْ قَادِرُونَ عَلَيْهَا أَتَاهَا أَمْرُنَا﴾ [يونس: 24]، هو بيظن حالة من السيطرة، ده تفكير اليهود، التفكير المادي، أني بجن... أن أجون أهلها أنهم قادرون عليها، انتهى أمرنا ليل أو نهار، اللي هو إحساس أن هو بيمسك بالشيء، فهو متصور أن اللي بينزل من السماء لا يستطيع أن يمسكه، أصل ده بيقول لك: ده افرض ربنا... اه طبعا، فيريدون شيئاً من...

وكما قلت في تحليلات كتير، بقى حالة من الملل، لا يريدون أن ينسوا هذا الثمن الذي هم فيه: ادع لنا ربك يخرجنا مما تنبت. وشوف لما طلبوا برضه، ما فيش حالة من الرضا ببقلها وفومها وعدسها وبصلها، هذه الحياة اللي فيها نوع من الزراعة وتحتاج إلى حالة من الاستقرار، هم ألفوا حياة، لا يريدون أن يتغيروا. فيه يا جماعة، لذلك أنا كنت عامل مقالة زمان مش فاكر والله موجودة اسمها: وهم الاستقرار، الشيطان مدخله دائماً أنه يقول لك إيه؟ زي ما دخل لسيدنا آدم، لأن قال له: خد بالك، الجنة دي حلوة بس مش مستقرة، الحل عشان تستقر أنك تأكل من الشجرة -اللي هو ربنا هيخرجك منها، واللي بيقعد في الجنة دي من الملائكة بس، أو أو تكون مخلد-: ﴿مَا نَهَاكُمَا رَبُّكُمَا عَنْ هَٰذِهِ الشَّجَرَةِ إِلَّا أَن تَكُونَا مَلَكَيْنِ أَوْ تَكُونَا مِنَ الْخَالِدِينَ﴾ [الأعراف: 20]، اللي هيقعد في الجنة يا ملاك يا يكون مخلد، والحل أنك... شوف دخل له من قضية الاستقرار!

والشيطان دائماً يجي لنا يا ولاد: اعمل كذا عشان تستقر، سيب الدين دلوقتي بس ركز... وهم الاستقرار. فهم يظنون لما لقوا صحراء وجهاد: نرجع تاني لقضية الاستقرار اللي كنا فيها، ويا فين أيام الفول والبصل والعدس؟ يا سلام، كانت أيام جميلة!

كده هو يتذكر هذا الطعام في هذه القطوة، نسي العذاب ونسي الرق ونسي الاستعباد. ده ربنا بيقول: ﴿يَسُومُونَكُمْ سُوءَ الْعَذَابِ﴾ [البقرة: 49]. ده ربنا ذكر دي أول نعمة، وركز معي بقى هنا في ختام أول نعمة وآخر نعمة هنا: انتم نسيتم ده!

أحياناً الإنسان يا جماعة لما بيضحي ويحصل له ابتلاءات، بيتذكر حاجات ولا يتذكر المفاسد الماضية. دائماً الإنسان أسير مشاكل اللحظة الراهنة فقط، يعني يختار اختياراً يكون الاختيار ده فيه نوع من المصلحة وفيه نوع من الإفساد. هذا البلاء يجعله يتذكر المصالح السابقة ولا ينسى المفاسد السابقة، فالإنسان في حال من نوع كنود، بيعدوا المصايب وينسى النعم. يرجع للوضع القديم تاني، يقول لك: أوذينا من قبل أن تأتينا ومن بعد ما جئتنا. أمتى بقى نتخلص من الأذى ده؟ الله هو قبل كده مش كان فيه برضه؟ يعني يجي قبل كده يتذكر التعذيب والبلاءات، يتخلص من الرق، يتذكر الأكل والطعام والشراب اللي كان فيه! وده الإنسان لابد أن يقاوم هذه المشاعر.

يخرج لنا مما تنبت الأرض من بقلها وقثائها وفومها وعدسها وبصلها. والأقوال بقى، البقل: هل يخرج من الأرض القثاء؟ معروف اللي هو زي الخيار، وفومها: هل البر ولا الثوم؟ أقوال متعددة، والعدس والبصل معروفين. قال، رد سيدنا موسى، استنكر سيدنا موسى قال لهم قبل ما يقول لهم: اهبطوا مصراً، قال لهم: انتم ازاي بتفكروا؟ ﴿أَتَسْتَبْدِلُونَ الَّذِي هُوَ أَدْنَى بِالَّذِي هُوَ خَيْرٌ﴾ [البقرة: 61] الباب بتيجي مع المتروك، يعني هتسيب الذي هو خير وتتجه إلى الذي هو أدنى؟ العلماء هنا لما قالوا لقوها مفتوحة كده، قالوا: هو إيه الأدنى من الخير؟ هل قيمة الغذاء المن والسلوى أعلى، مصدر الغذاء أن ده بيجي لكم من ربنا وده انتم هتتعبوا فيه، ولا طبيعة الحياة التي تستلزم هذا النوع من الغذاء؟ أنتم في الصحراء والجهاد، وهذه كرامة، كرامة سنة الله سبحانه وتعالى أن الكرامات دي بتأتي في أوقات التضحية والبذل زي موضوع السحرة واللي احنا فيه ده. لكن انت عايز سنة ربنا بتاعة الفلاحة والزرع تيجي لك في الصحرا؟ لأ!

يعني اللي انا عايز أقوله إيه؟ بمعناه كان قرأته البقاعي ذكره نقلاً عن الأحرام لقال: ذكر تعالى أن مطلبهم، اللي هو البقل والقثاء والفوم والعدس والبصل، ده إنما يجدونه في الأمصار التي أقر فيها حكمته، لا في المفاوز التي تظهر فيها كلمته. كلمتي معي؟ يعني في مواقف تظهر فيها سنة الله في المعاملة. كتير من الناس يحكي، يقول لك: لما كان في أوقات بلاء وتعذيب ومش عارف إيه وحاجات فيها ابتلاءات وضيق أو سفر، يجد كرامات، فلما استقر لم يعد يرى مثل هذه الكرامات مرة أخرى! فربنا له معاملة للإنسان. الله سبحانه وتعالى ينزل النعم، ينزل المدد من السماء على قدر البلاء، لكن أنت عايز أن أنت ما تبذلش وما تضحيش وربنا يعاملك معاملة هذه الأولياء؟ كيف؟ لا!

اهبطوا مصراً بقى وهنتكلم في هبوط مصراً دلوقتي. قال: ﴿أَتَسْتَبْدِلُونَ الَّذِي هُوَ أَدْنَى بِالَّذِي هُوَ خَيْرٌ﴾ [البقرة: 61] وأكتر حد شفته جمع الأقوال في ابن عطية. إيه الفكرة في المن، قصدي في الذي هو أدنى بالذي هو خير؟ بس كان مركز على قضية الغذاء. بعضهم وكثير من المتأخرين قال: إن الذي هو أدنى، مش بس بالكلام عن الكلام، بيشمل الغذاء طبعاً، لكن طبيعة الحياة، أنتم تستبدلون حياة الحرية بما فيها من الآلام، تريدون أن تستبدلوا حياة، يعني ترجعوا إلى حياة الرق والاستعباد بما فيها من بعض المتعة الزائلة! فده الذي هو أدنى بالذي هو خير. ولو أصريتم على التفكير ده: ﴿اهْبِطُوا مِصْراً فَإِنَّ لَكُمْ﴾.

يعني إيه بقى اهبطوا مصراً؟ مجموع اللي قرأته فيه ثلاثة معاني، يعني فيها أقوال كتير. لأن هل مصراً جت ممنوعة؟ لأن مصر ممنوع من الصرف وجت في القرآن ممنوع من الصرف: ﴿ادْخُلُوا مِصْرَ إِنْ شَاءَ اللَّهُ آمِنِينَ﴾ [يوسف: 99] خلاص؟ وجت مجرورة في القرآن بالفتحة اللي هي ممنوع من الصرف. فجت قبل كده أصلاً في القرى، نوع من الصرف. فمعنى أن هي تجي هنا مصروفة، يعني منونة؟ ممنوع الصرف لا ينون، فبعد أن هي جت منونة، يبقى إذن هنا، هل يبقى طالما جت منونة يبقى هي بقت نكرة؟ معلش بقى دي حتة لغوية سريعة. بقت نكرة، فطالما هي بقت نكرة يعني مش مصر المعروفة، يعني مصر علم على بلد معينة. فطالما جت نكرة، يبقى هل موسى عليه السلام يريد أي مصر من الأمصار؟ يعني حتى ابن كثير، لما الطبري تردد وقال: يحتمل ذلك ويحتمل ذلك وأن ما فيش حاجة تدل على ذلك. ابن كثير يعني قال: والذي قاله أي ابن جرير عليه رحمة الله فيه نظر. والحق أن المراد مصر من الأمصار؛ لان بيقولوا إن سيدنا موسى ما كانش هيقول لهم ارجعوا مصر تاني؛ لأن هم أصلاً الطبيعي أنهم ما رجعوش مصر، هم كملوا.

هنا في نقاش طويل، لكن خلينا نتكلم في المعاني التي تخرج منها: حاجة من ثلاثة. لو موسى أراد مصر اللي كانوا فيها، فيذكرهم بما كانوا فيه من بلاء وتعذيب: ﴿يَسُومُونَكُمْ سُوءَ الْعَذَابِ﴾ [البقرة: 49] اللي هي أول آية في آية النعم. فكأنه السياق كده بيقول لنا: هنرجع تاني نفكرك بأول نعمة، أنت بتنقلب على أعظم نعمة، فما بقي إذن من النعم؟ أذكركم بها، فخلاص ينتهي شروط التذكير بالنعم. ده إيه؟ اهبطوا مصراً يعني ارجعوا لمصر خلاص عايزين ترجعوا مصر ارجعوا مصر، أو الطريق اللي احنا كنا فيه، احنا كنا رايحين الأرض المقدسة. نعم، نحن معاقبون بالتيه، لكن احنا كنا رايحين للأرض المقدسة، لعل يأتي جيل يذهب إلى الأرض المقدسة، عايزين تتوقفوا من السير في ملة الكرامات التي نحن فيها، خلاص نرجع بقى وتنزلوا وتزرعوا وتعيشوا حياة ليس التي يحبها الله سبحانه وتعالى، غير الحياة التي كنا رايحين لها للأرض المقدسة، أو تريدون أن تصححوا خطأكم؟ لا تصبرون، انتم لا تصبرون على المن والسلوى، فاذهبوا للجهاد، فالبلد التي ستجاهدون فيها ستحصلون عليها على هذه الثمار.

فحاجة من ثلاثة، وكأنه إما يذكرهم بحياة الرق والتعذيب أو يقول لهم: تخلوا عن معاملة الأولياء واتجهوا إلى حياة عادية، أو جاهدوا وصححوا خطأكم الذي وقعتم فيه، اهبطوا مصراً. معي؟ ده لطريقة الإجابة سيدنا موسى، والله أعلى وأعلم. ﴿اهْبِطُوا مِصْراً فَإِنَّ لَكُمْ مَا سَأَلْتُمْ﴾ [البقرة: 61] لأن في الثلاث اختيارات هتجد البقل والقثاء، لكن كل اختيار له ثمن.

وده نقطة، يعني الكلمة دي أكثر اللي بيستشيرني في أي قضايا تربوية أو حياتية هيسمع أن ده من القواعد الحياتية، أن كل حلو تماماً... احنا أغلبنا وده كتير يعني لعلي إن شاء الله أعمل درس تربوي في الأمسية التربوية بالمعنى ده، أن أغلبنا لا يريد أن يدفع ثمن اختياره. يقول لك إيه؟ أساور ولا مش عارف أعمل إيه؟ تقول له: طيب السفر ثمنه كذا وكذا وكذا على دينك وعلى دنياك، وجوزك له ثمنه كذا على دينك وعلى دنياك. يقول لك: طب اختر لي! لا، ما هو انت اللي هتدفع الثمن. اختر الوظيفة ولا الوظيفة دي؟ أهل المشورة يساعدوه في توضيح المآلات ويبصروه لو حرام، لكن في الآخر هو اختيارك أنت، أنت اللي بتدفع ثمن هذا الاختيار.

فهو أنت في الثلاث اختيارات، سواء حودت عن الطريق، سواء رحت للجهاد، سواء رجعت لمصر، هتجد البقل والقثاء والفوم، لكن كل اختيار له ثمن وله مآلات وتبعات لهذا الاختيار، فلابد أن تدفع ثمن هذا الاختيار. بل من الكلمات الغريبة اللي قرأتها، ودي اللي كنت هعمل عليها الدرس إن شاء الله، هحاول أنقلها بالتفصيل لما أجي أعمل الدرس بتاع الأمسية التربوية: كنت بقرأ في كتاب معنى الحياة بتاع الوهيبي، كتاب بديع يعني، فذكر أن من، حتى في هامش صفحة كده من الصفحات، ذكر أن في طبيبة نفسية بتقول: أن غالب من الحاجات اللي هي مصدومة فيها في السنوات الأخيرة، بتقول على مدار سنوات كتير يعني: غالب اللي بيجي، عايزني أنا اللي أختار له طبيعة حياته، هو قدامه اختيارات كتير وبيجي للطبيب النفسي عشان الطبيب النفسي يختار له حياته، وهو المفروض يحرر، حتى التعبيرات ده كان بيقوله الدكتور أحمد صيف كتير، تدبير الإرادة، أن الإسلام جاء يحرر هذه الإرادة التي بداخلك لتختار أنت، فتدفع ثمن هذا الاختيار.

طيب فقال: ﴿اهْبِطُوا مِصْراً فَإِنَّ لَكُمْ مَا سَأَلْتُمْ﴾ [البقرة: 61]، ولأن ده طريقة تفكيرهم وطبعوا على ذلك للأسف، مع تكرار الأمر ده، خلاص، ضربت عليهم الذلة والمسكنة وباءوا بغضب من الله. ثلاث عقوبات شديدة الفظاعة؛ لأنهم اختاروا حياة المذلة بعد ما اختار الله سبحانه وتعالى لهم العزة والتحرير، واختاروا حياة المذلة مرة أخرى، خلاص ستبوء باختيارك، نوليه ما تولى، ده اختيارك خلاص. ﴿وَضُرِبَتْ عَلَيْهِمُ الذِّلَّةُ وَالْمَسْكَنَةُ﴾ [البقرة: 61].

من الحاجات اللي سمعتها غريبة في مسكنة، بس ما لحقتش أحررها لغوياً يعني، هي جاية أصلاً من السكن، بعضهم قال: لو قلنا إن مسكنة فيها المسك والسكن، وإن كان هي المفروض أن هي مفعلة، غالب العلماء قالوا أن هي السكن، قالوا السكن فيه معنى إيه؟ فيه معنى الثبات وعدم التغير. المسكين هو الذي لا يستطيع، يعني يقول لك الفقير والمسكين، الفقير قيل من أن، ازاي يعبدوا الفقري في مشكلة الفقرات فلا يتحرك، زي اللي بتمنع الإنسان الحركة، وكذلك السكن في حالة من السكون والانتقال. فهم لن يتغيروا، يعني كان مشكلة فرعون أنه كان مانعهم كان حالة من الضغط عليهم لا يرتقوا، هو حالة من الاستعباد، ودي مشكلة الرق: أنه حالة من عدم التغير، مش مثلاً النهاردة ما معهوش فلوس وبكرة يشتغل ويجيب فلوس، لأ هو حالة للثبات!

فانتم هتعاقبوا بنفس العقوبات التي انتم فررتم منها: الذلة والمسكنة، ثم يزيد على ذلك، بدل بقى غضب فرعون، غضب من الله سبحانه وتعالى! واللي أشار للحتة الأخيرة دي سمعتها من نعمان خان: أن بدل بقى غضب فرعون، غضب من الله سبحانه وتعالى.

طيب، بعض الناس قد يستشكل هذه العقوبة أمام «لن نصبر على طعام واحد». فربنا بيقول: لأ، دي مش، هذه العقوبات ليست نتيجة «لن نصبر على طعام واحد»، إنما نتيجة هذه الأخلاق التي تتبعوا، حتى وصلت إلى جرائم الكفران بالآيات وقتل الأنبياء. فثاني يعني طبيعة القرآن: إن لم يذكر عقوبة شديدة فبأكيد في جريمة شديدة. فلما ربنا قال: ﴿وَضُرِبَتْ عَلَيْهِمُ الذِّلَّةُ وَالْمَسْكَنَةُ وَبَاءُوا بِغَضَبٍ مِنَ اللَّهِ﴾ [البقرة: 61] ده مش بسبب أنهم بس كلمة «لن نصبر»، لا هذه الكلمة دلالة على خلق تأصل فيهم، الخلق ده وصل بهم إلى، عشان كده قلت لما قالوا الأول يا موسى: سوء أدب، وصل بهم إلى عدم رؤية الآيات، يكفرون بالآيات، أي آية تأتي واضحة حسية أو شرعية يكفرون بها، ثم لا يريدون من يذكرهم بهذه الآيات فيقتلون النبيين بغير حق، زي ما كده قوم صالح عقر الناقة، هو لا يريد شيئاً أمامه يذكره بكفره وشركه، فعقر الناقة ده أحد الأسباب التي عقروا بسببها الناقة. فهنا برضه أن يكفرون بآيات الله ويقتلون نبينا بغير الحق.

طيب، في هنا في نقطتين، عشان نبقى خلصناها: بعض الناس بيقرأ الآية دي ذلة ومسكنة، ويشوف تقدم اليهود دلوقتي واللي بيحصل في إسرائيل، بيستشكل الآية ديت! وهنا تظهر قيمة بعض تفاسير المتأخرين التي تجيب على مثل هذه الاستشكالات التي قد تقع في نفوس بعض المؤمنين. لأن لما ييجي يقرأ كثير من المتقدمين، هيقول لك: الجزية، بل بعض المفسرين ممكن في مثل هذه الآية وفي غيرها زي آية التمكين التي في سورة النور، يقول لك: وهذا ما نحن نراه من انتشار الإسلام، وأهيل الصغار الذي فيه أهل الكتاب ويدفعون الجزية للمسلمين. فانت بتقرا تقول: بجد، هو ده فين؟ أنا كنت حابب أبقى موجود أيامهم! فقد تستشكل هذه الآية، لذلك هنا مثلاً ابن عاشور حول، لأن ابن عاشور بقى كان متأخر، بتقول إيه؟ فقدوا البأس والشجاعة ويبدو عليهم سيماء الفقر مع وفره ما أنعم الله عليهم، فهذا الحرص أصبح سجية لهم. وده معروف وبيتعمل عليه كوميكس من كتر ما هو مشهور: اليهود الحرص والبخل والمذلة والخوف: ﴿لَا يُقَاتِلُونَكُمْ جَمِيعاً إِلَّا فِي قُرًى مُحَصَّنَةٍ أَوْ مِنْ وَرَاءِ جُدُرٍ﴾ [الحشر: 14]. حتى قرأت شوية حاجات كده لما للأسف حصل التطبيع مع الإمارات، وبعض اليهود راحوا وقعدوا يتريقوا على، عملوا إيه في الفنادق ومش عارف إيه وخدوا إيه، حتى بتقرأ تفاصيل أخبارهم، هو فعلاً ضرب عليهم هذا الأمر.

فده طريقة اللي تجاوبك على الاستشكال: ازاي ذلة ومسكنة وإزاي هم ممكن يبقى عندهم أسلحة ويتقدموا ويعذبوا المؤمنين؟ أو دي يعني مش فاكر قرأتها لحد ولا ممكن نسيت، هذا وعد أن ربنا يجعل الذل والمسكنة عليهم ويرفع عليهم المؤمنين، وعد مشروط، زي سنن ربنا سبحانه وتعالى. وده تكلمت عليه في آخر فترة لما تكلمت على مسألة السنن: أن ربنا له سنن في المعاملة، زي مثلاً سنة: ﴿وَكَانَ حَقّاً عَلَيْنَا نَصْرُ الْمُؤْمِنِينَ﴾ [الروم: 47]، أن لنصر رسلنا والذين آمنوا، هذه سنة مشروطة، مشروطة بأعمال. وسنن الله سبحانه وتعالى تعمل مجتمعة على مفردة.

فبعض الناس لما كانت تحصل هزيمة أحد، قل: إيه ده؟ احنا مسلمين وربنا وعده نصر المؤمنين والعاقبة للمتقين، احنا ازاي اتغلبنا؟ أن هو تصور أن هي سنة واحدة فقط ومطردة وخلاص واحد بيساوي اتنين بس! لأ، المعادلة أعقد من ذلك، المعادلة عشان تبص على النتيجة أعقد من ذلك، وده أنا شرحته في مسألة السنن في آخر فترة. المعادلة أخذ من ذلك، تتعامل السنن المجتمعة، فممكن ده يتخلف شرط فتتخلف في الوعد بسبب كذا، مش هيتخلف في الوعد، أقصد كأن ربنا بيقول إيه، وشوف البداية الدقيقة للآية في سورة آل عمران حتى لا تظن: ﴿وَلَقَدْ صَدَقَكُمُ اللَّهُ وَعْدَهُ﴾ [آل عمران: 152].

عشان ما تقولش إن إزاي ربنا وعده يتخلى، أنت اللي غيرت: ﴿فَإِذَا فَشِلْتُمْ وَتَنَازَعْتُمْ فِي الْأَمْرِ وَعَصَيْتُم مِّن بَعْدِ مَا أَرَاكُم مَّا تُحِبُّونَ﴾. فإذا كان ده حصل مع المشركين على مؤمن، وَتِلْكَ الْأَيَّامُ نُدَاوِلُهَا بَيْنَ النَّاسِ، فطبيعي إن ممكن يحصل مع اليهود، مع المؤمنين. طيب دي كان الآلة النقطة، آخر نقطة في الآية، ذلك التعليلية؛ هما ليه ربنا عاقبهم بالذلة والمسكنة، وخصوصاً الغضب والعياذ بالله، نسأل الله السلامة والعافية، بأنهم كانوا يكفرون نفس صيغة المضارع، مهما رأوا من الآيات يكفرون.

نعم، والآيات الشرعية يكفرون بآيات الله. ومش بس كده، وبصيغة المضارع: يقتلون النبيين بغير الحق. حتى كلمة بغير الحق، طب ما طبيعي ما فيش نبي هيقتل بحق، لكن هو حتى ما عندوش أي دافع شرعي بيزن إن هو هينصر الدين مثلاً حتى متوهم، لأ، وينصر الحق هو فساد؛ هو لا يريد أن يرى الآية، هو حالة من زي ما قلت لك كده مهما عمل من غلط أنا أكيد مغفور لي، هو كده كده لَّن تَمَسَّنَا النَّارُ إِلَّا أَيَّامًا مَّعْدُودَاتٍ وخلاص. إيه اللي حصل؟ والقرآن في بقية سورة البقرة بيحلل طريقة تفكيرهم اللي وصلتده: لَّتَجِدَنَّهُمْ أَحْرَصَ النَّاسِ عَلَىٰ حَيَاةٍ لَّن تَمَسَّهُم النَّارُ إِلَّا أَيَّامًا مَّعْدُودَةً. لما بنيجي إن شاء الله نجمع طريقة تفكيرهم اللي وصلتدهم للتعامل ده يقتلون نبينا بغير الحق. ذلك تاني؛ العلماء وقفوا كده، إيه ده؟ ذلك بأنهم كانوا يكفرون بآيات الله يقتلون، ذلك بما عصوا.

هل ذلك دي هي هيها دي؟ وده تكرار توكيد، إن جريمة اللي وصلتدهم لن نصبر فعوقوبوا بالذلة والمسكنة بسبب أنهم يكفرون بآيات الله، وبسبب أنهم كانوا يعصون ويعتدون. ده قول موجود، وكأن ذلك الثانية هتعطي وكأنها ستعطي معنى المعية؛ أي إنهم يكفرون ويبتعدون عن ويقتلون نبينا مع عصيانهم واعتدائهم. في ناس قالت لأ، وأنا مع القول التاني ده اللي هقوله دلوقتي، إن دايماً التأسيس معنى هيدينا معنى أولى من التأكيد، هيدينا معنى جديد. إيه بقى المعنى الجديد؟ قالوا ذلك زي ما هي تعليلية، مش ده تحليل التعليل يعني الذلة والمسكنة سببها أنهم كفروا بالآيات وقتلوا الأنبياء، فممكن واحد يسأل: وكيف وصلوا لهذه المرحلة؟ هل فجأة يعني؟ هل فجأة وصلوا إلى الكفران بالآيات وقتل النبيين؟ لا، ذلك الجريمة دي اللي وقعوا فيها بما عصوا وكانوا يعتدون.

تكرار المعصية وأن هو يستمرئ المعصية لأنه أبناء الله وأحبائه في ظنهم، ومش بس المعصية، ويعتدون؛ يعني مش بس هي معصية ده هو كسر الحواجز، الفسق، هم وصفوا بالفسق في أكثر من موطن، والفسق جه في اللي هو بيقطع القشرة يخرج؛ هو لا يريد حاكماً، لا يريد تشريعاً، فأي آية أو نبي يريد أن يقتله لينفجر يفعل ما يفجر أمامه. يبقى كثرة المعصية والاعتداء قد تصل بالإنسان أنه يقتل النبي، نعم: ﴿وَيَقْتُلُونَ الَّذِينَ يَأْمُرُونَ بِالْقِسْطِ مِنَ النَّاسِ﴾ في أول آل عمران، هو لا يريد أن يذكره بهذا الأمر أبداً.

طيب، إذا ختام هذه الآية العظيمة اللي أنا في ظني أني ختام شوط، وَإِذ نَجَّيْنَاكُم لغاية هنا، نعم، متتالية آيات عظيمة، أعراض وجحود وكفران يصل إلى درجة قتل النبيين بغير الحق والكفران بكل الآيات. فربنا بيقول احذروا من النزول في هذا السلم، زي سورة المنافقون كده آخرها خطاب: ﴿يَا أَيُّهَا الَّذِينَ آمَنُوا﴾. طب ليه السورة بتتكلم: إِذَا جَاءَكَ الْمُنَافِقُونَ، قالوا السورة كلها بتتكلم عليهم؟ لا، ما أنت ممكن تقع فيما وقعوا فيه. إزاي؟ أنك أنت لا تلهيكم أموالكم ولا أولادكم عن ذكر الله، أول دركة في سلم السقوط في اتجاه النفاق، وكذلك ما وقع فيه بنو إسرائيل، وقعوا فيه بما عصوا وكانوا، والكون دوت مع المضارع أنهم استمرؤوا هذا الوضع، وكانوا يعتدون، جبلوا على ذلك، أصبح من كينونتهم، وكانوا يعتدون.

ثم تأتي آية عجيبة فاصلة، وبعد ذلك وَإِذ تاني، تذكير تاني بقى: ﴿وَإِذْ أَخَذْنَا وَرَفَعْنَا فَوْقَكُمُ الطُّورَ﴾ ده 63. بعد كده آية فاصلة، زي بالضبط ما يجي الشوط من أول وَإِذْ أَخَذْنَا مِيثَاقَكُمْ 63 لغاية قصة البقرة، وبتنتهي تيجي آية فاصلة، ثم قست قلوبكم من بعد ذلك، وبعد كده أفتطمعون، خطاب للمؤمنين. خلاص ربنا يبلغنا إن شاء الله نشرح بإذن الله لما نوصل لها.

طيب، نيجي هنا، آية فاصلة بتعمل للأسف عند بعض الناس إشكالاً، وهي المفروض إن هي واضحة، فهمها في سياقها وفهمها من خلال كلام المفسرين هيزيل الإشكال اللي هو ظني هو متوهم يعني بل بيستعمل ذلك هم الذين يتبعون ما تشابه منه. قال الله سبحانه وتعالى في هذه الآية إن تأكيد: ﴿إِنَّ الَّذِينَ آمَنُوا وَالَّذِينَ هَادُوا وَالنَّصَارَى وَالصَّابِئِينَ﴾ الجواب؟ ما فيش، جه مبتدأ تاني: ﴿مَنْ آمَنَ بِاللَّهِ وَالْيَوْمِ الْآخِرِ وَعَمِلَ صَالِحًا﴾، إيه الجواب؟ ﴿فَلَهُمْ أَجْرُهُمْ عِندَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ﴾. طيب، إن الذين تعالوا نشرحها ونشوف سياقها ونشوف معناها، إن الذين آمَنوا ونشوف ازاي تم فهمها خطأ، كنوع من اللي هي اتباع المتشابه في القرآن يعني. ﴿إِنَّ الَّذِينَ آمَنُوا وَالَّذِينَ هَادُوا وَالنَّصَارَى وَالصَّابِئِينَ﴾، أربع أصناف ذكروا في هذه الآية، نتكلم فيهم ونتكلم في موطن الآية في سياقها إن شاء الله.

الذين آمنوا لما بيطلق المفروض بيتجه للمؤمنين، وهنا حتى المفعول به لم يذكر، يعني آمنوا بإيه؟ فاللي عمله بكل حاجة هم المؤمنين، احنا قلنا إن حذف المفعول بيفيد هنا العموم، فاللي آمنوا بكل الأنبياء وكل كتب سابقهم هذا الوصف لا يصدق إلا على المؤمنين لو الآية بتتكلم في السياق، وده هنحاول نلخصه في الآخر، مدح هؤلاء وأن منهم مؤمنين، فآلية بتتكلم على المؤمنين عادي، لو في ذم هذه الأصناف يبقى اعملوا هنا نفاق. يا أيها الذين آمنوا والذين هادوا، أي تابوا وعادوا ورجعوا، ربنا ما قالش اليهود، قد يكون فيه دلالة أن ده لأن هنشوف كده أن فيه أو ثلاثة في الآية أن هي ذم أو مدح، لو مدح لهذه الأصناف يبقى تم اختيار كلمة هادوا، مش كل اليهود، الذين عادوا ورجعوا إلى الله سبحانه وتعالى، والنصارى معروف وقيل سموا بذلك نسبة إلى البلد أو نسبة إلى نصرة المسيح عليه السلام عيسى، سينقل من أنصاري، قيل إلى يسوع الناصري في في وصفهم، فنسبوا له لذلك قالوا مفرد نصران أو ناصر ففي معنى النصرة أيضاً، يعني الألفاظ اللي في الآية لها دلالة على طائفة واللفظ له دلالة على معنى، وده من الإعجاز اللي في الآية.

يعني آمنوا اللي هم المؤمنين، وفيه يعني ده الطائفة، لكن فين هم خدوا قرار الإيمان؟ هادوا الطائفة اليهود ودلالة على فعل التوبة، النصارى دلالة على اللي اتبعوا عيسى عليه السلام كلهم سواء على حق أو بعد على باطل لكن في لفظ النصرة، يعني تجد طائفة ولفظ له معنى، وده من دقة اختيار لفظ القرآن؛ الطائفة المؤمنين ومعنى الإيمان، طائفة اليهود ومعنى التوبة، طائفة النصارى ومعنى النصرة، الصابئين قيل أيضاً طائفة وفيها معنى أنهم صبأوا وتركوا كل دين وثني. الصابئين فيه كلام كثير جداً في تفاصيل ملخص الأقوال إن هي بتصدق على غالباً حاجة من اثنين، لأنهم فعلاً بالفعل زي ما الشهرستاني كتب في في الملل والنحل، إن طائفة وكان لها تصور موجودة في العراق ومفرعة عن النصرانية جت هنا بعدها مفرعة عنها وعبد الكواكب أو كانوا يعبدون والملائكة كان لهم تصور معين كروحانيين لهم تصور في الوصول إلى الله سبحانه وتعالى من خلال الوسائط، ودول اللي اتجهوا إلى الوثنية.

لكن شيخ الإسلام بيقول لا، هم طائفتين، في طائفة أشبه بالحنفاء، أي ابتعدوا عن كل الأديان، زي النبي صلى الله عليه وسلم لما ترك الوثنية أو لم يكن عليها، لكن لما هدم وابتعد عنها ولم ولم يكن معهم قالوا عليه صابئ، فكان اللي بيترك الأديان اللي عليها المجتمعات والأقوام يسمى صابئ، فكأن هؤلاء كالحنفاء كزيد بن عمرو الذين تركوا هذه ثم لم يجدوا شريعة. خد بالك الثلاث طوائف معهم تشريعات، معهم كتب؛ يعني للمؤمنين واليهود والنصارى فيه كتاب، فيه رسالة، هؤلاء ليس معهم هذه الرسالة، لكن عدم الرسالة معهم لم يجعلهم يتجهوا الوثنية فاتجهوا إلى التوحيد، ده لو قلنا إن هم طائفة ممدوحة الحنفاء منهم، وده اختيار شيخ الإسلام لأن الآية هنا بتشير إلى الحنفاء الموحدين غير آية الحج يفصل بينهم لأنها معطوفة عن المجوس والذين أشركوا.

أياً كان، احنا كده عندنا أربع طوائف، قالت منهم معهم رسالة، وطائفة ليس معها رسالة الصابئين. الآية بتقول لو هناخد هنمسك قول نخلصه الآخر ونجيب التاني، ﴿إِنَّ الَّذِينَ آمَنُوا﴾ المؤمنين واليهود والنصارى والصابئين أي واحد من دول عشان نحكم عليه بالنجاة ليس بفقط ليس بانتمائه، مش بالكارنيه، مش بانتماء، مش إن هو يهودي يخش الجنة وخلاص، لابد أن يعمل، لابد أن يؤمن بالله واليوم الآخر إلى صالحاً، فكأن الآية بتشير إلى تصور نحن وأبناء الله وأحبائه بتهدمه، لا، القضية مش بمجرد أنك تقول أنا مسلم أو مؤمن ثم لا يكون هناك أعمال، دي ما لهاش علاقة بجنس العمل عشان الناس القضية هنا أن لابد أن يصدق العمل القول.

واللي احنا هنتجه إلى قضية الإرجاء دلوقتي، لأ، احنا عايزين وده مشكلة اليهود ادعاء أن الله سيعطيهم مهما فعلوا ولن تفضلوا تصور خاطئ، وده من مسارب اللي تسربت إلى نفوسهم وتسرب إلى بعض المؤمنين، يفعل كل شيء ولا يصلي ويفعل كل الموبقات، بيقول لك إيه؟ أنا كويس إن أنا مسلم ربنا يديك على متى ستموت ويهديك الخاتمة. ده المفروض المؤمن يكون على وجل من معصية، المؤمن يرى ذنبه كالجبل، والمنافق يرى ذنبه ذبابة وقعت على فقال بها هكذا، عادي جداً شيء، ومع إنه شايفها حاجة وحشة بس هي زبابة للمنافق، فده خطورة كما قال ابن مسعود، ده خطورة التعامل بنوع من إحساس أن نحن أكثر أموالاً ولداً وما نحن بمعذبين. مش شعار ربنا، ده تصور في أنا قلت إنه اليهود كانت فيه مشكلتين، إحساس الاستحقاق وعدم الخوف، الآيتين دول نفي قضية الاستحقاق، والآية اللي بعدها التذكير بالخوف اللي هي بقى نطقنا الجبل فوقهم كأنه ظلاً، تخويف، كانوا يحتاجون إلى ذلك، وده من علاج ربنا لهم، لكن للأسف لم ينفعهم هذا الأمر.

يبقى كأن الآية بتشير اللي هيدعي أنه مؤمن أو يهودي لابد أن يطبق ما يريده الله، ما يريده الله في زمنه أنه كان يتبع النبي اللي كان معه، ما يريده الله بعثة النبي صلى الله عليه وسلم من يتبع محمد صلى الله عليه وسلم عشان يبقى جمعنا الأقوال، لأن في ناس قالت الآية وكأنها منسوخة، كده اعتراضوا، وده يعني روي، لكن هو قالوا إن ما فيش نسخ في الأخبار، هو مش قضية منسوخة يعني أن بعد مجيء النبي صلى الله عليه وسلم وذلك الطبري ذكر أثر هنا سلمان الطويل والنبي بينها له صراحة أن بعد مجيء النبي صلى الله عليه وسلم لا ينفع إلا الإيمان بمحمد صلى الله عليه وسلم. وكيف يعقل أن يأخذ بعض يعني مش عايز أقول كلام وحش بس واحنا بنسجل الدرس، يعني اللي ما عندهمش عقل يعني من هذه الآية كيف ينتزع منها أن اللي عايز يبقى مؤمن ماشي واللي عايز يبقى يهودي ما فيش مشكلة واللي عايز يبقى نصراني واللي عايز ما يبقاش على دين ويبقى صابئ، بس أهم حاجة يعمل حاجات كويسة، عمل صالحاً بيقول لك أهو الآية بتقرهم، أي جهل هذا!

ده الآية جاية في سياق ذم اليهود أنهم ما اتبعوش النبي صلى الله عليه وسلم وآمنوا بما أنزلتم مصدقاً لما معكم، ربنا بيقول إيه هو اللي ربنا أنزله مع النبي صلى الله عليه وسلم مصدقاً لما معه، إيه وبنخاطبهم ليه؟ وبندعو للإسلام ليه؟ يعني يعني مقولة وللاسف انتشرت في الآونة الأخيرة بل أصبح يذم من يقول بغيرها، وده مصيبة يا جماعة، يا جماعة أن المحكمات يتم زعزعتها دي مصيبة، الطعن في المحكمات دي مصيبة، مش واحد مثلاً ماسك في شبهة فرعية فبيطعن في محكم من المحكمات، أمال فين آيات القرآن بيخاطب يا أهل الكتاب، يا أهل الكتاب، أمال القرآن بيخاطبهم ليه؟ لما هو ينفع كل واحد يختار اللي هو عايزه، ما القرآن بيخاطبهم ليه وبيناديهم وبيفضحهم ليه وبيطالبهم باتباع النبي صلى الله عليه وسلم ليه، والنبي صلى الله عليه وسلم في صحيح مسلم بيقول: «لا يسمع بي يهودي ولا نصراني ثم يكفر به إلا كان من أهل النار»، والشهادة عندنا فيها أشهد أن محمداً رسول الله صلى الله عليه وسلم، يعني الواحد يجد حرج في بيان هذه المحكمات، يعني يعني من كتر الكلام فيها أنت ممكن تتكلم فيها سنين من وضوح من وضوحها ثم بعد ذلك يأتي يعني رجل مجنون ويتمسك بمثل هذه الآية.

فعلاً قال صلى الله عليه وسلم كما قالت المؤمنة عائشة: إذا رأيتم الذين يتبعون ما تشابه منه فاحذروهم، أولئك الذين سماهم الله ﴿إِنَّ الَّذِينَ آمَنُوا وَالَّذِينَ هَادُوا وَالنَّصَارَى وَالصَّابِئِينَ﴾ لو في زمانهم فاتبعوا رسولهم فماتوا على ذلك فهم من أهل الإيمان، الصابئ لو قلنا أنهم الحنفاء فلم تصل إليهم رسالة ولم يعبدوا صنماً، وحاولوا أن يصلوا بما أوتوا فلن يعذبهم الله سبحانه وتعالى، المهم أنه يؤمن بالله واليوم الآخر ويحاول أن يعمل الصالحات بقدر استطاعته هذا لن يعذره، لا خوف عليهم ولا يحزنون، لكن تكون بتقول على نفسك من بني إسرائيل وفي وجود موسى ثم تفعل معه هذا الفعل وتقتل النبي وتكفر تقول أنا هخش الجنة؟ ليه؟ ده أنت حضرتك قتلت، أنت مش عارف إنك قتلت الأنبياء وكفرت؟ ما هو أنا يهودي.

طب خلاص اتفضل، معلش احنا كنا آسفين. لاء هو ده، انت مش واقف في كمين وبتجيب واسطة. يعني تصور من آمن بالله واليوم الآخر وعمل صالحاً، ده أحياناً يتسرب للمؤمن يكفر بالآيات كلها ويحرف في القرآن. يقول لك بس هو أصله مؤمن، أصله هو اسمه محمد. اه طب خلاص ما خدتش بالي، معلش.

لازم في شروط لذلك للإيمان؛ فالايمان ليس مجرد قول فقط، وتواترت الكلام عن السلف أنه قول وفعل، قول وفعل اعتقاد، وقول وفعل. إن الذين آمنوا والذين هادوا والنصارى، فالآية دي موقعها بيرد على تصوراتهم السابقة: أين إيمانكم؟ أين اليوم الآخر؟ والمعنى ده قرأته، أنا ما عنديش اطلاع على كتب التوراة والإنجيل، اللي قرأته ده للندوي، وقرأته الدكتور فريد الأنصاري، وقرأته المودودي، وقرأته، وسمعت نعمان خان جاب حد استشهد بالموضوع ده، أن كتبهم بتخلو من الكلام عن اليوم الآخر وفيها، وده شيء غريب، انتزاع وقلة اليوم الآخر من الكلام في كتبهم.

فدايماً تذكير أن من مصيبتهم نسيان اليوم الآخر، يبقى إسقاط على واقعنا أن نسيان اليوم الآخر بيوصل الإنسان لحالة من استمراء الوضع: ﴿إِنَّ الَّذِينَ آمَنُوا وَالَّذِينَ هَادُوا وَالنَّصَارَىٰ وَالصَّابِئِينَ مَنْ آمَنَ بِاللَّهِ وَيَوْمِ الْآخِرِ﴾ [البقرة: 62]. يبقى يا إما الآية تريد أن تقول: ليس بين الله وبين أحد نسب؛ القضية في الإيمان بالله أن تعمل صالحاً.

وهنا الذين آمنوا هيكون الذين آمنوا بالنبي صلى الله عليه وسلم، أو كان من أهل الكتاب ثم جاء النبي فآمن، خلاص، والطبع ده كان القولين كده، رجح أن هو إيمان بالنبي صلى الله عليه وسلم. أو أن الآية بتقول: إن لو قلنا إن الذين آمنوا دول منافقون، وده قول قيل إن كل هذه الفرق على ضلال، لمن آمن له أمانة ولكن نافقه، واليهود والنصارى والصابئون كلهم على ضلال ولن ينجو منهم إلا من آمن بالله ولم يخلو عملاً صالحاً.

عشان ما تتلخبطش نفسك، خليك في محكم في الآية. إيه المحكم في الآية؟ آمن بالله واليوم الآخر وعمل صالحاً، ومن العمل الصالح اتباع النبي صلى الله عليه وسلم. دي تقفل الموضوع عشان ما تخشش في تفاصيل كتير. طيب ﴿فَلَا خَوْفٌ عَلَيْهِمْ﴾. والآية اليهود خايفين من المستقبل أنه هيضحي بمنصبه وحزين على اللي هيسيبه، فكأن دي برضه زي: يستعينوا بالصبر والصلاة.

اليهودي كان عندهم هو هيسيب منصبه، هم بقى أهل الكتاب المشركين بيراجعوا لهم. وكان عندهم خوف من التخلي عن مناصب، زي هرقل كده كان خايف على منصبه، وكان عارف النبي على الحق بس لم يضحي. فهنا ﴿فَلَا خَوْفٌ عَلَيْهِمْ وَلَا هُمْ يَحْزَنُونَ﴾.

بيبدأ شوط تاني المفروض أقوله في الدرس الجديد، بس الدروس كل فين وفين دلوقتي، فهنكمل دلوقتي مع بعض معلش يستحملوا شوية، اللي فصل دماغه فصلت يفصل الفيديو ويغسل كده وشه، ويشرب شوية ميه كده، ويقول بسم الله، الحمد لله، ويفوق معنا كده. طيب.

ثم قال الله سبحانه وتعالى: ﴿وَإِذْ أَخَذْنَا مِيثَاقَكُمْ وَرَفَعْنَا فَوْقَكُمُ الطُّورَ خُذُوا مَا آتَيْنَاكُم بِقُوَّةٍ وَاذْكُرُوا مَا فِيهِ لَعَلَّكُمْ تَتَّقُونَ * ثُمَّ تَوَلَّيْتُم مِّن بَعْدِ ذَٰلِكَ﴾ [البقرة: 63-64]. هنا الآية بتتكلم يعني لما نرجع: واذ نجيناكم، واذ فرقنا بكم، واذ وعدنا وآتينا موسى. هي في نعم، وإن كان هتشعر بنوع من التداخل، وده من يعني المعاني اللي في القرآن يا جماعة معاني مركبة، خلاص؟ مش لازم تكون مفصولة فصل هندسي يعني.

هنا لو صح اللي انا بقوله يعني، ربنا بيقول إيه: اذكروا نعمتي وأوفوا بعهدي وامنوا بما أنزلت. هم لم يذكروا النعم، وجيه اغتنوا الشوط أن هو ما فيش منهم أمل في موضوع النعم ده، أعظم نعمة كانوا يكفروا بها وممكن يرجعوا تاني للرق. أوفوا بعهدي: عملوا إيه مع العهود والأوامر والنواهي؟ عملوا معها إيه؟ هننجد أنهم عملوا ثلاث حاجات، وبعد كده فاصة، وبعد كده آمنوا بما أنزلت.

فربنا بيقول لهم: ﴿أَفَتَطْمَعُونَ أَن يُؤْمِنُوا لَكُمْ﴾ [البقرة: 75]. أذا كان اللي أنا نزلته لهم عملوا فيه كذا وكذا وكذا؟ يبقى أنا عندي ثلاث أوامر قصادها قصادها ثلاث مقاطع كبيرة: اذكروا نعمتي، دي من أول نجيناكم لغاية ما عصوا كانوا يعتدون. أوفوا بعهدي: عملوا إيه مع العهود والمواثيق والاوامر عملوا فيها إيه؟ جه ثلاث ثلاث جرائم، ثلاث آيات مش قادر يعني ثلاث مقاطع كده بتكلم على كيف تعاملوا مع الأوامر ونوايا العقود. اللي بعد كده: آمنوا بما أنزلت، عملوا إيه؟ اه فتطمعون، تمام.

أرجو أن الصورة تبقى واضحة، هننجد أن من أول آية ثلاثة وستين ميثاق عام، الميثاق جه في الصورة هنا آخرها أربع مرات، دي أنا قرأتها اسمه الشيخ عبد السلام مجيدي، له كتاب حلو كده في سورة البقرة ظريف يعني، في يعني تشجير ووسائل إيضاحية يعني. أربع مرات مرة عام، وثلاث مرات مع حاجات مختلفة، خلاص، مرة مع معاملات اجتماعية، ومرة مع معاملات في الجهاد، والمعاملات السياسية زي ما هيجيلنا إن شاء الله.

فهنا التعامل العام مع الأوامر والنواهي: التحايل، التردد، ثلاث جرائم. إعراض عام عن كل الميثاق والشريعة ثم توليت. التحايل زي السبت، التردد الارتياب زي البقرة ورا بعض. ودي الثلاث حاجات اللي ممكن نتعامل بها مع الأوامر النواهية: إعراض عام، أو وليه نعرض؟ ما احنا ممكن نمثل أننا بنطيع وايه؟ ونتحايل، ده السبت؟ أو يجي لك الأمر تطلع عين اللي قدامك عشان تنفزه، يعني في واحد بتقول له حرام، وتقول له الأئمة الأربعة والجماهير العلماء، ولو صحيت له الأربعة قعد قدامه مالك والشافعي وأبو حنيفة وأحمد قاعد قدامه حلفوا له بالطلاق أن هو.

يعني في واحد مزعج جداً، سيدنا إبراهيم قام ليذبح ابنه برؤية استجاب في أصعب التكاليف بأقل الإشارات، التاني عكس كده يقدم أبسط التضحيات بصعوبة ووضوح وآيات بينات، فخليك هين في أوامر ربنا. ودي هنجيلها إن شاء الله بس المجلس القادم، قصة البقرة لأن دي اتسمت باسمها السورة، كنت ممكن يعني لو السورة هتتسمى باسم جريمة يعني يعني، لكن البقرة الأمر اللي فعلوه يعني فذبحوها، لكن هذه الطريقة لا يحبها الله.

بس الطريقة في المعاملة وسخرية وتردد وتعنت لا يحبه الله سبحانه وتعالى هذا الأمر، خلاص؟ يبقى عندنا ثلاث تعاملات مع الأوامر والعهود والمواثيق: إعراض عام، فك هذا الميثاق؛ لأن الميثاق هنتكلم عنه دلوقتي في في ربط وحبل زي، كما قال حبل الله، يعني فيه ميثاق هم حلوا هذا العقد، ما فيش بيننا وبين ربنا ما فيش عهود خالص، أو تحايل أو تردد وارتياب. تمام، طيب.

«واذ اخذنا ميثاقكم». الميثاق من وثق الربط، ربنا سبحانه وتعالى أداكم. ما هو إنتم، احنا عندنا تصور يقول لك إيه: أمتى نخلص من حالة الاستضعاف دي؟ هو أنت متخيل لما تخلص من حالة الاستضعاف مش هيبقى فيه تكاليف؟

يعني لو واحد كان مستضعف في أيام مكة مع النبي صلى الله عليه وسلم، ونفسه يخلص من تعذيب أبو جهل وتعذيب أبو لهب، هو أنت متخيل انك لما تطلع من التعذيب هتروح لمنطقة عدم التكاليف منطقة الراحة التامة؟ لاء، ما في تكاليف تانية؛ ستخرج من إيه: ﴿عَسَىٰ رَبُّكُمْ أَن يُهْلِكَ عَدُوَّكُمْ وَيَسْتَخْلِفَكُمْ فِي الْأَرْضِ فَيَنظُرَ كَيْفَ تَعْمَلُونَ﴾ [الأعراف: 129]. في أعمال مطلوبة تانية.

يعني بعد إهلاك فرعون ليست الجنة، تكاليف أخرى؛ بعض الناس بيتعجل: متى نخرج من هذه الحالة؟ هتطلع الابتلاء تاني، ﴿وَنَبْلُوكُم بِالشَّرِّ وَالْخَيْرِ فِتْنَةً﴾ [الأنبياء: 35]. أنا لا أقلل من يعني تشوف، بل هذه نعمة عظيمة لإهلاك الظالمين، ده نعمة عظيمة جداً، لكن لا تظن أن بعد إهلاك الظالمين أنك أنت ستجلس بدون تكاليف، قد تسقط في هذه البيانات كما حدث مع بني مع بني إسرائيل.

﴿واذا اخذنا ميثاقكم﴾، هم فكوا الميثاق ده بعد إهلاك فرعون. احتاجوا، وهنا بعض الناس استشكل الآية ديت: ﴿وَرَفَعْنَا فَوْقَكُمُ الطُّورَ خُذُوا مَا آتَيْنَاكُم بِقُوَّةٍ﴾. استشكل معاملة ربنا أن يترفع لهم الطور ويتهددوا يعني يعني زي وطقنا الجبل فوقهم كأنهم ظلة، يعني إيه بيستغرب، يقول لك إزاي ربنا كده؟ ده ممكن هو ده مش إلجاء؟

بعض العلماء هنا العقيدة أتكلموا في مسألة هنا: أولاً دول كانوا مؤمنين، أنت مش هو هنا ليس على الإيمان ده، ده تخويف لأخد خطوة للأمام داخل قضية لأنهم ما كفروش بالله. بني إسرائيل هنا ما قالوش إحنا نكفر بالله بآيات الله، الإعلام ما قالوش ما فيش إله، فانت بتقول له آمن وإلا لأ، ده ده ما لوش علاقة بآية لايكروها في الدين، هو هنا لما ربنا سبحانه وتعالى عملهم بالنعم المتتالية حتى وصلوا إلى ظن أنهم مستحقين لن يخافوا ولن يعذبوا.

فجت الآية: أن الذين آمنوا لأن ده مش استحقاق، القضية قضية أعمال ولابد من تخويف، خطورة انك تعامل ربنا بتعامل واحد تظن ربنا لازم يقول لك إيه؟ بعض الناس حتى بيقولها بالعامية كده: ربنا عمره ما يعمل معي كده ليه؟ جبت بعض الناس يقول لك إيه، ويحط قاعدة ثم يحاكم الله سبحانه وتعالى عليها. مين اللي وضعها لك؟ ربنا ما يعملش معي كده أبداً، ولما يحصل لاء كده هو يبقى خلاص يبقى ما فيش ربنا، أو يا تعمل الله سبحانه وتعالى بالظلم. طب ما انت ما تفهمش عقلك، أنت مش فاهمك، فاحتاجوا إلى تخويف أن ربنا ممكن يغير معاملتكم معكم.

فرفع الجبل طور أشبه بي، أقول أشبه بتقريب الصورة بالابتلاءات القدرية اللي ربنا بيفعلها لهذه الأمة المسخ والخسف، فازوا براكين، لستم يعني بعيداً عن هذه العقوبات، يعني ربنا اصطفاك كنتم خير أمة، لكن لستم هذا الاصطفاء بأعمال أخرجت الناس تأمرون بالمعروف وتنهون عن المنكر، فإن قصرتم عوقبتم. بيحصل تداول في الأيام والقوة، وحد بيتملك من أهل الباطل على المسلمين، بعض الناس يصيبه حيرة. لاء ما هو القضية في مداولة الآن، سننظر كيف تعملون.

وررفعنا لذالك وده برضه من الحاجات الغريبة شوية، بعض المتأخرين ولقيتها يعني أزن مش فاكر ذكرها الرازي ولا لأ، متخيلين أزن أن عاشور وغيره ده مشكلته عنده يعني، هو رفض قضية أن الطور رفع، وده كتير للأسف في تفسير المنار بيجي عند المعجزات ويتردد شوية قبل ما أن قال لك ده أكيد وده تأثراً بمحمد عبده طبعا رشده.

قضية الآية؟ قال لك لاء ده ممكن يكون رياح وأعاصير زلازل وكده، فظنوا أنه رفع، يعني ده نوع من لأنك لما تبقى واقف تحت حاجة كده، لكن ربنا بيقول رفعنا، ليه تروح للتعبير المجازي؟ يعني الأمر يعني كل شيء عليه هين سبحانه وتعالى.

رفعنا فوقكم الطور، أتكلموا عن الطور ده أي جبل ولا جبل بلغة تانية ولا الجبل اللي بينبت فيه شيء؟ القضية هنا بالنسبة لنا هذا الكلام الذي هذا الجبل الذي كلم الله عليه موسى فكان آية ورحمة، والآن قد يكون عذاباً. لا تحولوا نعم الله وآياته إلى عذاب، الآية بلاش تكفر بها فتتحول إلى عذاب، بلاش بلاش تكفر بالنعمة اشكرها حتى لا تنقلب عليك عذاباً.

الآية مش هتفضل زي ما هي نعمة مستمرة، قد تنقلب عذاب. شكر النعمة يبقيها ويجعلها نعمة، مش بس يبقيها، كفران النعمة قد يذهبها وقد يحولها إلى عذاب، وياما الواحد نعم في حياته للأسف قد تتحول إلى عذاب قد يتمنى أنها لم تأتي. نسأل الله السلامة والعافية، تلاقيك بتقول: متعنا بأسماعنا وأبصارنا، تعالها في الطاعة.

﴿وَرَفَعْنَا فَوْقَكُمُ الطُّورَ﴾ إيه المطلوب منهم؟ المطلوب مش محتاج أنه يرفع الطور، ما ده مطلوب مننا، لكن هم أمة للأسف جبلت على المراوغة والمراودة، لازم تحاصره، تطلب منه طلب يقعد يجادل ويناقش.

وطبعا يا جماعة تأكيد ده المفروض نقوله للأسف المفروض نقوله في كل درس، هذا التذكير ليس فقط ذماً لبني إسرائيل بل تحذير لنا، هذا تحذير لنا أيضاً، بل جاء الخطاب لنا. ده تحذير، خلاص الأمة الأمة دي ماتت، نعم، خطاب كانوا كما يقول ابن جرير بين ظهراني النبي صلى الله عليه وسلم، لكن هو تحذير للمسلمين: بئست الأخوة بينكم وبينه بينكم وبين بني سويّل تكون المذمة لهم ويكون المدح لكم، كما روي عن بعض الصحابة.

لاء، ده الآيات دي جاية تحذير لنا لتبعن سنن من كان قبلكم، تحذير ما تتعاملوش نفس معاملة ﴿خُذُوا مَا آتَيْنَاكُم﴾. هم عندهم يعني لما كانوا عندهم شدة الطغيان جالهم النهي: لا تعفو في الأرض المفسدين، هم عندهم تراخي، عندهم حالة من الفتور والاسترخاء في التعامل مع الأوامر، فربنا قال لهم: إنتم محتاجين أمر بقوة: ﴿خُذُوا مَا آتَيْنَاكُم بِقُوَّةٍ وَاذْكُرُوا مَا فِيهِ﴾.

إنتم عندكم حالة نسيان، حالة نسيان من النعم ونسيان للأوامر ونسيان وتناسي وترك، يبقى إنتم محتاجين حاجتين: ﴿خُذُوا مَا آتَيْنَاكُم بِقُوَّةٍ وَاذْكُرُوا مَا فِيهِ﴾، جايز تتقون العذاب الذي سينزل بكم تهديد، أو تتقون الله سبحانه وتعالى تصبحوا من المتقين. قد تكون لازم يبقى مفتوح على المتقين، متعدي، وتتقون العذاب الذي هدبكم به الله سبحانه وتعالى، وده أوفق بالسياق والله أعلى وأعلم.

طيب ﴿خُذُوا مَا آتَيْنَاكُم بِقُوَّةٍ وَاذْكُرُوا مَا فِيهِ﴾، وده إحنا مطالبين به حتى لا نقع فيما وقعوا فيه، يبقى التهاون من أخذ الأوامر بقوة، والتهاون في تذكر الآيات يوصلنا تلقائياً إلى ما وصل به بنو إسرائيل. يعني إيه بقوة؟ قيل: بجد واجتهاد بمدارسة تكرار، قيل: بشدة عزيمة. قوة غير التشدد اللي الناس بتقول ده متشدد، القوة دي حاجة تانية، قوة العزيمة أن لن أترك هذا الأمر، أن تقبل على الشيء بكليتك، لا أن تدخل إليه متراخياً.

يا جماعة إحنا حتى لو كنا بنقول للطلبة اللي بيدخل عشان يجيب امتياز جداً، واللي بيدخل عشان يجيب جيد جداً بيجيب جيد، واللي داخل عشان ينجح بالرأفة بيسقط.

إذناً، نحن في موسم الامتحانات، وأنتم عارفين ده كويس يعني. خذ الشيء بقوة؛ لأن النفس أصلاً بطبيعتها بتتراخى. شوف كده وأنت سخن كده وبتتحط لنفسك جدول مذاكرة، تلاقيك قاعد: وهعمل كذا، مش عارف هعمل كذا. وبعد كده تقول: إيه ده! إيه، مين اللي كتب كده! ده الجدول ده يتبروز كده ويتعلق بس، لكن ده مش هيطبق. ما تدخلش على المذاكرة بحالة من الاسترخاء، ادخل بقوة؛ ولِكي بعضهم أشار للمعنى ده. ولكي تحافظ على هذه القوة لابد من دوام التذكر، يعني زي: ﴿وَاذْكُرُوا مَا فِيهِ﴾ عشان تكون من المتقين أيضاً. اذكروا ما فيه تساعدك على الأخذ بقوة. تاني، اذكروا ما فيه تساعدك تكرار مذاكرة آيات الله، وده قيمة مجالس القرآن ومجالس المدارسة، وساعة وساعة وساعة ترى فيها الجنة والنار رأي العين؛ لأننا الكل ينسى، وكل بني آدم خطاء. قال: نكون عندك يا رسول الله صلى الله عليه وسلم فتذكرنا بالجنة والنار فكأننا رأي العين، فلما بنروح نسينا كثيراً.

عمرك ما هتتخلى عن حالة النسيان، ده طبيعة فيك، لكن إياك أن تتخلى عن التذكر، واذكروا ما فيه، وده قيمة الورد القرآني، قيمة قيام الليل بالقرآن، حالة من التذكر الدائم. تروح تنشغل الأسباب والدنيا والمشاكل، تبدأ تنسى، منسوب الإيمان يقل، تيجي بالليل تشحن. طبيعة الحياة كلها كده: الليل والنهار، النقصان والزيادة، المعصية والتوبة، دي طبيعة الحياة. فالحل في التذكر، مش الحل إن أنت وده كنت لسه بقوله في الدرس الأمسية اللي فاتت قضية المزاحمة أن الحسنات يذهبن السيئات. مش الحل إنك تبقى ملاك، مش الحل إنك لا تخطئ، مش الحل إنك دايماً في كل المواقف سبحان الله! حالة الخشوع والإيمان! صعب صعب يعني، وحتى مخالطة الناس والاعمال الدنيوية، لكن الحل في التذكر، دوام التذكر، الحق نفسك! بطارية الموبايل أنت بتشحنها، طبيعي الحياة لابد أن أنت بتجوع فتتغذى، فكذلك الروح محتاجة، هذه طبيعة الحياة.

ثم توليت، ﴿خُذُوا مَا آتَيْنَاكُم بِقُوَّةٍ وَاذْكُرُوا مَا فِيهِ﴾. يبقى العزيمة، يبقى أنت عايز تخرج من حالة الوقوع اللي أنت فيها، هل تهبطوا الهبوط دي؟ وخد بالك، وجد مع سيدنا آدم برضه والهبوط دايماً مرتبط بحالة من مش عايز أقول التشوف والطمع، هناك برضه حالة من التشوف، دي بيجي معها على العكس، بدل ما تعلى تنزل. فالخروج من هذه الحالة يكون بالقوة، عزيمة ودوام التذكر. ما تستعجلش، دوام التذكر والعزيمة يخرجك من هذا الأمر، لكن للاسف طول أمد. ربنا حرك لكم الصخر؛ عشان كده بنقول: ﴿ثُمَّ قَسَتْ قُلُوبُكُمْ فَهِيَ كَالْحِجَارَةِ﴾ [البقرة: 74]. ربنا حرك لكم الصخر، حرك لكم الجبل، الآية اللي قبلها في النعم: ربنا طلع لكم المية من الصخرة، والآية دي ربنا حرك لكم الجبل. ﴿ثُمَّ تَوَلَّيْتُم مِّن بَعْدِ ذَٰلِكَ﴾، عايزين إيه بعد كده؟ ﴿فَلَوْلَا فَضْلُ اللَّهِ عَلَيْكُمْ وَرَحْمَتُهُ لَكُنتُم مِّنَ الْخَاسِرِينَ﴾ [البقرة: 64].

يعني لولا بيسموه حرف امتناع بتاع جواب الشرط لوجود؛ يعني امتنع كونكم من الخاسرين بسبب وجود فضل الله عليكم ورحمته. قيل من الخاسرين أي خاسرين الوحي، الآية بتتكلم عن ما كانش هيبقى فيه وحي في البشرية لولا فضل ربنا ورحمته. وده، والله أعلم، أحد منازع من أشار إلى فضله ورحمته القرآن، يعني هي الخطاب لليهود: استمرار الوحي عن البشرية هو بفضل من الله سبحانه وتعالى، وده قد يكون أحد المعاني: ﴿أَفَنَضْرِبُ عَنكُمُ الذِّكْرَ صَفْحًا﴾ [الزخرف: 5]، لن نمنع تذكير بالوعظ والوحي بسبب عصيانكم. فاللي عملوه ده يستحق إن هم يضرب عنهم الذكر ولا يأتيهم الذكر، ده أحد المعاني في آية الزخرف، لكن من رحمة الله: ﴿فَلَوْلَا فَضْلُ اللَّهِ عَلَيْكُمْ وَرَحْمَتُهُ لَكُنتُم مِّنَ الْخَاسِرِينَ﴾ [البقرة: 64].

ده الجريمة الأولى في التعامل مع العهد والميثاق والأمر والنواهي. احنا كده بننتقل لشروط التعامل مع العهود والمواثيق والأمر والنهي، غير شروط النعم: التولي والإعراض العام؛ عشان كده جه الميثاق هنا عام، يعني: ﴿وَإِذْ أَخَذْنَا مِيثَاقَكُمْ﴾، ما قالش إيه. لكن هناك: ﴿وَإِذْ أَخَذْنَا مِيثَاقَكُمْ وَرَفَعْنَا فَوْقَكُمُ الطُّورَ﴾ [البقرة: 63]، في توضيح للميثاق. الآية التانية، المصيبة التانية: التحايل، مش الإعراض بقى العام وبدأت: ﴿وَلَقَدْ عَلِمْتُمُ الَّذِينَ اعْتَدَوْا مِنكُمْ فِي السَّبْتِ فَقُلْنَا لَهُمْ كُونُوا قِرَدَةً خَاسِئِينَ﴾ [البقرة: 65]. وهختم بالآية دي: ﴿فَجَعَلْنَاهَا نَكَالًا لِّما بَيْنَ يَدَيْهَا وَمَا خَلْفَهَا﴾ [البقرة: 66].

أنا قبل ما أنسى كلمة بقوة الراغب كان قال فيها يعني قال ثلاث أقوال وكل قول يفسره تفسير حلو كويس أنا افتكرت يعني. قال بقوة: تعاطوا مع ما فيه بعلم ودراية، ادرس واتعلم، اللي جاي لك ده هيعطيك قوة، فالعلم يكسبك القوة. هو الراجل عمل إيه؟ فسر كلمة بقوة قال فيها ثلاث أقوال: العلم، القوة بمعناها العلم، أو بمعنى الطاعة، أو بمعنى العمل، وحاول يفسر إزاي الثلاثة بيكسبوا القوة. يعني: ﴿خُذُوا مَا آتَيْنَاكُم بِقُوَّةٍ﴾، القوة دي يا جماعة يعني ده المآل، دي حاجة هبة من الله لما أنت تعمل حاجة. فالحاجة اللي أنت هعملها: علم ومدارسة ولا تنفيذ العمل ولا تنوي الطاعة؟ الثلاثة دول يولدوا القوة، تمام؟

ثم قال الله سبحانه وتعالى: ﴿وَلَقَدْ عَلِمْتُمُ الَّذِينَ اعْتَدَوْا مِنكُمْ فِي السَّبْتِ فَقُلْنَا لَهُمْ كُونُوا قِرَدَةً خَاسِئِينَ * فَجَعَلْنَاهَا نَكَالًا لِّما بَيْنَ يَدَيْهَا وَمَا خَلْفَهَا وَمَوْعِظَةً لِّلْمُتَّقِينَ﴾ [البقرة: 65-66]. الآية مفصلة شرحناها في سورة الأعراف قصة أصحاب السبت، وهنشير إليها إشارات سريعة رايحين دلوقتي. الآية بدأت هنا: ﴿وَلَقَدْ عَلِمْتُمُ﴾، ودي بداية غريبة، خلت بعض المفسرين يقول، وخصوصاً بعض المعاصرين، بيقول إيه: إن الآية ديت قصة أصحاب السبت قيل إنها مش موجودة عندهم، هم اخفوها، أنتم عارفين كويس أن أنتم يعني أنتم يعني إيه النبي بيخبرهم عن بعض ما اخفوه؟ فلذلك هناك: ﴿وَاسْأَلْهُمْ عَنِ الْقَرْيَةِ الَّتِي كَانَتْ حَاضِرَةَ الْبَحْرِ﴾ [الأعراف: 163]، بتستخرج ده منهم معي؟

فهنا قيل: ﴿وَلَقَدْ عَلِمْتُمُ﴾، أنتم عارفين حتى لو القصة دي مش مش موجودة في كتبكم دلوقتي، لكن أنتم اخفيتوها، مش معنى إن هي مش موجودة أن احنا نعود على القرآن بالاتهام، لأ، احنا واثقين في كتاب الله سبحانه وتعالى. وقيل هذا تهديد، يعني أنت مثلاً إيه معلش أنا العيال بس مقصرين عليه اليومين دول ماشي بس ما سمعوش الكلام. لما مثلا تيجي الابن مثلاً الصغير ويعمل غلط أو بيعمل أو تقول له أنت عارف أخوك لما غلط الرد حصل فيه إيه؟

فهنا كأن الخطاب موجه لليهود اللي ايام النبي صلى الله عليه وسلم: أنتم عارفين آباؤكم حصل فيهم إيه لو استمريتوا على المراوغة وتخبيط حاجات من التوراة والمراوغة، أنتم عارفين كويس أنتم تلبسوا الحق بالباطل وتقولوا أصل ده بيجيل العرب مش لنا، أنتم عارفين مقال ده كويس. فكأنها تهديد، فإما إظهار ما اخفوه أو تهديد لهم: ﴿وَلَقَدْ عَلِمْتُمُ الَّذِينَ اعْتَدَوْا﴾. لفظ الاعتداء موجود كتير عند بني إسرائيل، هنا كانوا يعتدون، هنا اعتدوا، هناك يعتدون في السبت، مش يعتدون، حتى في الأعراف صيغة المضارع كمان: ﴿يَعْتَدُونَ فِي السَّبْتِ﴾ [الأعراف: 163]، فيه تكلف، يعتدون في السبت مش بس اعتدى مرة ولا اتنين.

وده موجود عند كتير من الروايات، وأن روايات كتير وجميلة، يعني جميلة بصراحة فيها تفاصيل مش هعرف طبعا أقولها دلوقتي، يعني ممكن ترجعوا بقى للطبري وقبل كتير أي تفاسير بتهم الآثار، وخصوصاً في آيات الأعراف في روايات كتير إن هم لما اعتدوا في السبت، أيّاً كان الطريقة، جهاراً قيل جهاراً وقيل تحايلاً إنه حطوا الحاجة الجمعة وشالوها لحد. فلما جم ينهوهم قالوا إيه: نحن على هذا منذ زمن. خد بالك، نحن على هذا بنعمل، يعني أنتم بتقولوا لنا الاشتراك في السبت حرام؟ مين قال إن الصلاة في السبت حرام؟

عارف زي اللي بيجي بيضيع الجمعة بقاله مثلاً سنتين تلاتة ما بيصليش الجمعة وتقول له ده يطبع الله على قلبه وتحذير، لكن يطبع على قلبي إيه؟ ما فيش حاجة، أنا كويس الحمد لله، وأنت إيه يا عم الكلام الكبير ده؟ بطلوا بقى تضخموا الأمور، يعني أنتم عاملين إيه؟ وبعدين عاد الجمعة عندي أصلاً، أنا عايش برة، الجمعة أصلاً شغل وما عادش برة والله بقى جوة، يعني يعني ما انتم مكبرين الموضوع. هو بيستمرئ، وده أخطر الأمور اللي القرآن نبه لها: عدم استمراء الوضع، مش معنى إن ما فيش عقوبة بتنزل: ﴿مَا غَرَّكَ بِرَبِّكَ الْكَرِيمِ﴾ [الانفطار: 6]، لأن ما فيش عقوبة هتيجي أو إنك مش معاقب أو إن مش لا يؤجلك عقوبة، ده خطورة، وده تنوع سنن الله في المعاملة.

فربنا بيقول لهم: ﴿وَلَقَدْ عَلِمْتُمُ الَّذِينَ اعْتَدَوْا مِنكُمْ فِي السَّبْتِ﴾ [البقرة: 65]. أنتم عارفين كويس إن في ناس عملت كده وتحايلوا على شرع الله، في ناس اعرضوا الآية الأولانية، هنا اعتدوا في السبت، والسبت كان قصة طويلة كيف فرض عليهم السبت. برضو أظن أنا شرحتها في الأعراف وأظن كمان في سورة الجمعة اتكلمت على مسألة إن ربنا سبحانه وتعالى اختار لهم الجمعة رفضوا واختاروا السبت، فلما اختاروا السبت شدد عليهم، ودايماً الإنسان لما بيختار لنفسه بيشدد عليه، لما بيكل الأمر إلى الله سبحانه وتعالى بييسر الأمور، حتى في بتحتاج في حساسية في علاقتك، دقة في علاقتك بالله سبحانه وتعالى، ربنا يعاملنا بفضله وجوده وكرمه ورحمته.

فلما اختاروا السبت منعوا من العمل الدنيوي طول اليوم عبادة، وابتلوا بذلك، ﴿وَبَلَوْنَاهُمْ بِالْحَسَنَاتِ وَالسَّيِّئَاتِ لَعَلَّهُمْ يَرْجِعُونَ﴾ [الأعراف: 168]. برضو ما حدش يقول: طب وليه الحيتان كانت بتجي لهم السبت بس؟ ما هم اللي بدأوا باستمرار الفسق يفسقون، فعوقبوا بهذه العقوبة. لما بينتشر الفسق يا جماعة في المجتمع الحرام بيسهل، وده هنا بيكون اختبار، واللي بيراقب الوقتي ربنا يعافينا يا رب الأسئلة، وخصوصاً أسئلة المعاملات المالية وكمان الاجتماعية في الزواج وفي الطلاق التي تأتي للمفتين والمواقع، بيجد بقى فيه صعوبة أن الإنسان لا يتلبس بربا أو بظلم أو معاملة مالية حرام أو إنه ما يظلمش مراته.

بيجي مثلاً مشكلة اجتماعية في الزواج والطلاق ويجي جايبة محامي أو هو جايب محامي والمحامي بيكذب، يقول لك: طب وأنا أعمل إيه؟ بقى أصبح اللي عايز يتقي الله حقيقة بيجد صعوبة عشان أكون واقعي، حقيقة بيحتاج صعوبة، فالإنسان يعني بلاش يدي لنفسه رخص ابتداء، يعني خليه يتأنى شوية، إلا إذا أفتاه من يثق في دينه. طيب، ﴿وَلَقَدْ عَلِمْتُمُ الَّذِينَ اعْتَدَوْا مِنكُمْ فِي السَّبْتِ فَقُلْنَا لَهُمْ كُونُوا قِرَدَةً خَاسِئِينَ﴾ [البقرة: 65] ودي عقوبة غريبة، فقلنا لهم كونوا قردة، سبحان الله! فكانوا قردة.

يقعدوا بقى بعض الناس واللي يتناقشوا في الآية ولا الشبهات وإزاي إنسان يتحول لابن؟ طب خلاص يا جماعة كونوا قردة، يعني لو ربنا قال كونوا حجارة أو حديد خلاص الأمر انتهى، يعني يعني بلاش قياس الإنسان على الله سبحانه وتعالى، مقدرة الإنسان محدودة، أنت تقدر وأنا لا أقدر، وأنت تعلم وأنا لا أعلم، سبحانك! فهل كونوا قردة التمسك ببعض ما روي عن مجاهد وغيره بأن هو مسخ معنوي أنا لا أراه، يعني ليس له مجال هنا، الأمر واضح. وده بيفتح تكرار التعامل مع كثير من الآيات بالتعبيرات المجازية، وده للأسف اللي تسرب الفرق في التعامل مع الصفات أسماء وصفات بيفسد ظاهر القرآن الواضح.

﴿وَرَفَعْنَا فَوْقَكُمُ الطُّورَ﴾ [البقرة: 63]، نأكل قردة خاسئين، يعني هو الكلب دراسة ما ذكر مع بني إسرائيل من أسماء الحيوانات تحتاج إلى دراسة، الحمار والكلب وعبد الطاغوت في المائدة والخنازير والقردة تحتاج إلى دراسة: كيف أن وإسقاط ده، كيف أن بعد هذه المعاصي تغير في نفسية الإنسان والعياذ بالله. طيب، هنا كونوا قردة، والراجح والله أعلى وأعلم اللي عليه الجماهير: إن هو قرد حقيقي ابتلوا بذلك ثم ماتوا، والتفصيل زي ما قلت في آية الأعراف بقت ثلاث فرق: الفرقة اللي أنكرت والفرقة اللي سكتت، والخلاف في الفرقة اللي سكتت، لكن هنا مش الكلام على التفصيل، الكلام على التعامل المجمل مع العهود والآيات والمواثيق: ﴿وَلَقَدْ عَلِمْتُمُ الَّذِينَ اعْتَدَوْا مِنكُمْ فِي السَّبْتِ فَقُلْنَا لَهُمْ كُونُوا قِرَدَةً خَاسِئِينَ﴾ [البقرة: 65].

زي ما ربنا أراد أن يصلحهم، فرفع فوقهم الطور خوفهم، فلما عملوا الجريمة دي حتى لا تتكرر من بعد ذلك عاقبهم وقالوا كونوا غيرة فجعلناها نكالا. يعني يا جماعة حتى بعد كل أعمال ربنا ما سابهمش، يعني هذه العقوبات كانت نجاة لمن بعدهم، ولكنهم أيضاً أعرضوا، يعني ربنا بيقول: ده ده اللي عمل كده في الشريعة، يعني أنت لما بتشوف واحد قدامك عمل معصية فيتحول قرد أنت المفروض تخاف بقى، يعني ربنا هنا بيعاملهم معاملة تخوفهم عشان يرجع زي زي الضراء والابتلاءات، عشان الإنسان لما يجد مثلاً الفيروسات تنتشر يخاف، لأ يستمرئ الوضع خلاص! ﴿فَبِأَيِّ حَدِيثٍ بَعْدَهُ يُؤْمِنُونَ﴾ [المرسلات: 50] ويأتيه دول خلاص فيه بقى والعياذ بالله طابع على قلوبهم زكي وده في بداية السورة خلاص صورنا عليها مدرتها ولم تنذرهم.

فنختم هنا، فربنا بيقول إيه: ﴿فَجَعَلْنَاهَا نَكَالًا لِّما بَيْنَ يَدَيْهَا وَمَا خَلْفَهَا وَمَوْعِظَةً لِّلْمُتَّقِينَ﴾ [البقرة: 66]. يعني من رحمة ربنا اه أنه أنه عمل العقوبة دي لا تكون نكالا، جعل لها قيل العقوبة وقيل القرية وقيل أقوال كتير، أياً كان نكالا المنكل بيه أو اللي مربوط فيه النكال لا يتحرك، فتنكل بإنسان حتى لا يتحرك في هذا الاتجاه، حتى لا تفعل ما فعل السابق، حتى لا تسير في نفس الاتجاه: ﴿فَجَعَلْنَاهَا نَكَالًا﴾ تشوف حاجة تمنعك من السير في هذا الاتجاه، ده التنكيل به جعل غيره لا يسير في طريقه الحقيقة.

العقوبة زي مثلاً فأتوا به على أعين الناس، طب ما كان ممكن يعاقبه سيدنا إبراهيم في السر؟ لأ، عايزين يجعلونه كالا أمام الناس، لكن أنا هنكل بك أمام الناس، يعني أفعل فيك عقوبة تجعل الناس يخافون من السير في هذا الأمر. فالعقوبة هنا بينظر فيها إلى أمرين: الذي ينزل عليه العقوبة، وللآخرين حتى لا يسير في هذا الأمر، ده مسألة أن أنت جعلناها نكالا لما بين يديها قيل القرى المعاصرة وما خلفها جاءت بعدها، وقيل للسابقين واللاحقين، وأقوال كثيرة أدعوها لكن لن ينتفع.

الموعظة إلا المتقين الذين نسأل الله سبحانه وتعالى أن نكون منهم، أطلت عليكم أنا آسف لكن عايزين نستفيد من الآيات ونذكر النعم ونحط لنفسنا نخرج بها من مثل هذا القصص اذكروا ما فيه خذوا ما آتيناكم بقوة. تكرار، اقعد مع نفسك، اكتب كشكول النعم.

اذكر نعم، لا تكون كما قال الله سبحانه وتعالى كنود، كما قال الحسن: يعد المصائب وينسى النعم، حتى لا نتخلق بهذه الأخلاق؛ من مسالك التخلق يذكرها الأنصاري دائماً، المعنى يا قصدي يعني أن احنا بقى نعمل ايه؟ نعكس صفات بني إسرائيل. لا نلبس الحق بالباطل، نذكر الآيات والنعم، نوفي بعهد الله سبحانه وتعالى.

أسأل الله سبحانه وتعالى أن يجعلنا وإياكم من أهل القرآن الذين هم أهل الله وخاصته. سبحانك اللهم وبحمدك، أشهد أن استغفرك وأتوب إليك، والسلام عليكم ورحمة الله وبركاته.