د. أحمد عبد المنعمالسلام عليكم ورحمة الله وبركاته، بسم الله والصلاة والسلام على رسول الله صلى الله عليه وسلم. أهلاً وسهلاً بكم في مجالس تفسير سورة البقرة، أسأل الله سبحانه وتعالى أن يتم لنا هذه المجالس على خير وأن تقبل منا ومنكم صالح العمل.
أحبتي في الله، كنا توقفنا -معليش أنا عارف أن المجالس الفواصل بينها بتطول- كنا توقفنا عند قول الله سبحانه وتعالى آية 83، عشان الناس تبقى معانا مصاحف إن شاء الله. النهارده نحاول ناخد شوط يعني ننهي الربع بإذن الله سبحانه وتعالى. نحاول يعني نجري شوية لغاية آية 91 إن شاء الله يعني.
طيب، احنا كنا توقفنا عند قول الله سبحانه وتعالى: ﴿وَإِذْ أَخَذْنَا مِيثَاقَ بَنِي إِسْرَائِيلَ لَا تَعْبُدُونَ إِلَّا اللَّهَ وَبِالْوَالِدَيْنِ إِحْسَانًا وَذِي الْقُرْبَىٰ وَالْيَتَامَىٰ وَالْمَسَاكِينِ وَقُولُوا لِلنَّاسِ حُسْنًا وَأَقِيمُوا الصَّلَاةَ وَآتُوا الزَّكَاةَ ثُمَّ تَوَلَّيْتُمْ إِلَّا قَلِيلًا مِّنكُمْ وَأَنتُم مُّعْرِضُونَ﴾ [البقرة: 83].
وإاذ أخذنا ميثاقكم برضه تاني؛ هنلاحظ هنا، يعني أنا عايز النهارده واحنا بناخد المجلس بتاع النهارده بإذن الله سبحانه وتعالى نحاول قدر المستطاع نتفهم طبيعة اليهود وطبيعة بني إسرائيل. وده من الحاجات المهمة اللي الشوط الأول أو الحزب الأول أو الشوط يعني قبل الدخول في الأحكام التشريعية في سورة البقرة بيركز على فهم هذه الطبيعة.
دراسة وفهم هذه الطبيعة هذه الشخصية يعني في كتب -أظن أنا مش فاكر أشرت ليها قبل كده ولا لا- اللي حاولت تحلل هذه الشخصية يعني في شخصية يهودية أظن صالح الخالدي، وفي واحد كان بيحلل بس نسيت دكتور أظن نفسي يعني كان بيحاول يحلل الشخصية اليهودية أصلاً تحليل يعني برضه من خلال نصوص. فهم ده هيساعدنا أن يعني إيه؟ وخصوصاً الجزء بتاع النهارده مرتبط بقول الله سبحانه وتعالى: ﴿أَفَتَطْمَعُونَ أَن يُؤْمِنُوا لَكُمْ﴾ [البقرة: 75].
يعني لما يكون في ناس بهذه الصفات وهذا الـ وهذا المراوغة وهذا التقلب وهنشوف دلوقتي هذا الإعراض أنت هتطمع فيه إزاي أنه يؤمن؟ هذه أمة لن تحمل الكتاب، هذه أمة لن تحمل الأمانة. وربنا سبحانه وتعالى بين لهم الأمر بأكثر من طريقة: أنتم فشلتم في حمل هذه الأمانة، فحصل حالة من الاستبدال.
وكل ده قبل إيه: ﴿مَا نَنسَخْ مِنْ آيَةٍ أَوْ نُنسِهَا نَأْتِ بِخَيْرٍ مِّنْهَا﴾ [البقرة: 106]، وقبل بقى قصة سيدنا إبراهيم وبناء الكعبة مع سيدنا إسماعيل، وقصة الاستبدال واستخلاف النبي صلى الله عليه وسلم من بني إسماعيل بعد فشل بني إسرائيل في حمل هذه الأمانة. وأيضاً هذه الآيات موجهة لنا أن لا نكون بمثل هذه الصفات وألا نستبدل ويأتي الله سبحانه وتعالى بقوم غيرنا يحملون دين الله سبحانه وتعالى.
هنجد هنا تكرار لفظ الميثاق. ولفظ الميثاق في نوع من الربط والتوثيق والعهود المؤكدة، وهكذا ينبغي أن يكون التعامل مع بني إسرائيل وأي أمة تراوغ.
طيب الآية اللي هنبدا بيها قول الله سبحانه وتعالى: ﴿وَإِذْ أَخَذْنَا مِيثَاقَ بَنِي إِسْرَائِيلَ لَا تَعْبُدُونَ إِلَّا اللَّهَ﴾. عايزين نستحضر نستحضر قول الله سبحانه وتعالى: أفتطمعون؟ يبقى عايزين نستحضر قول الله سبحانه وتعالى أفتطمعون. ربنا قال في الأول في بداية الربع ده: ﴿أَفَتَطْمَعُونَ أَن يُؤْمِنُوا لَكُمْ وَقَدْ كَانَ فَرِيقٌ مِّنْهُمْ يَسْمَعُونَ كَلَامَ اللَّهِ ثُمَّ يُحَرِّفُونَهُ﴾ [البقرة: 75].
يبقى في الأول كانوا يسمعون ثم يحرفون. هنجد النهارده إن شاء الله أنهم يقرون ثم يعرضون. يقرون ثم ينتقون. يستفتحون ثم يكفرون. ده هنشوفه النهارده إن شاء الله يعني؛ هو يسمع ويعرف ثم يحرف ويبدل. يقر ويعترف ثم يعرض. يقر بالميثاق ثم ينتقي. يستفتح وينتظر ثم يكفر بعد ما جاءه العرف.
هذه الشخصية التي يكون الحق واضحاً تماماً بيناً أمامها ثم تعرض واا يعني نشوف بقى الأفعال اللي جت هنا في الصورة: يعرضون ويولون مدبرين وإن هم يبدلون. هنشوف أو في حال قصدي من الانتقاء. هذه الشخصية كيف تطمعون فيها؟ هذه الأمة كيف تطمعون؟ وتكلمت على مسألة التبذير الدعوي: أفتطمعون أن يؤمنوا لكم وقد كان فريق منهم يسمعون ثم يحرفون وقد كان فريق منهم أيضاً تعالوا نشوف بقى النهارده: ﴿وَإِذْ أَخَذْنَا مِيثَاقَ بَنِي إِسْرَائِيلَ﴾ يعني عهود مؤكدة وفيها توثيق ووضوح وبيان. كل ده لفظ الميثاق: الشد والربط والتوثيق. بني إسرائيل الميثاق الأسس، يعني حتى الأسس هم أعرضوا عنها؛ التوحيد، الأخلاق الحسنة، العبادات، الأسس الثلاثة على مستوى التوحيد، على مستوى الأخلاق، على مستوى العبادات. وربنا قال في ختام الآية: ﴿ثُمَّ تَوَلَّيْتُمْ إِلَّا قَلِيلًا مِّنكُمْ وَأَنتُم مُّعْرِضُونَ﴾ [البقرة: 83]. والإمام الطبري يقول: أعرضوا عن هذا كله. أنت متخيل؟ وذكر الآثار. يعني طب أنتم هتكملوا في الدين ازاي؟ ماذا بقي لكم من دينكم؟
طيب إيه الميثاق الأول اللي ذكر هنا اللي هو بيعتمد على الأسس الثلاثة: التوحيد والأخلاق والعبادات؟ لا تعبدون إلا الله، وهنا يعني النحويون يعني أطالوا في الإعراب؛ إزاي لا تعبد مش لا تعبدوا لأن هي بعد كده جت بالأوامر: ﴿وَقُولُوا لِلنَّاسِ حُسْنًا وَأَقِيمُوا الصَّلَاةَ﴾، هل هنا في قسم؟ ولا في إن محدوفة؟ إلّا تعـ يعني يعني إيه هو تفسير الميثاق؟
فيعني كعادتنا يعني احنا مش مش بنحاول ندخل قوي في تفاصيل القضايا اللغوية، فاللي عايز يرجع هنا في خلاف: إزاي بدأت الآية بلا تعبدون مش لا تعبدون؟ واذ أخذنا ميثاق بني إسرائيل وأن ده غلظ عليهم أو قسم لا تعبدون إلا الله، وده المفروض يكون شيء بدهي: أمة اصطفاها الله سبحانه وتعالى لتحمل الأمانة ثم تنقض حتى في قضية التوحيد وعبادة غير الله سبحانه وتعالى وفشلوا في ذلك وسقطوا سقطات في ذلك وقالوا اجعل لنا إلهاً كما لهم آلهة واتجهوا إلى عبادة العجل.
ثم المواثيق الأخلاقية، يبقى ميثاق التوحيد ده ميثاق، وبعد كده المواثيق الأخلاقية: ﴿وَبِالْوَالِدَيْنِ إِحْسَانًا وَذِي الْقُرْبَىٰ وَالْيَتَامَىٰ وَالْمَسَاكِينِ وَقُولُوا لِلنَّاسِ حُسْنًا﴾، والمواثيق التعبدية: ﴿وَأَقِيمُوا الصَّلَاةَ وَآتُوا الزَّكَاةَ﴾. كل ده ثم توليتم، مش بس أي تولي؛ تولي كما قال بعض المفسرين لا رجعة فيه، وأنتم معرضون. بعضهم قال إن التولي اللي ليس معه إرادة قد يكون سيعود مرة أخرى، لكنه سار في الطريق وأعرض عنه، سار في الطريق الآخر يعني قرر ألا يعود.
تعالوا مفصل الميثاق ده سريعاً؛ قلنا التوحيد، وبعد كده ﴿وَبِالْوَالِدَيْنِ إِحْسَانًا﴾. برضه اختلفوا هنا هل ااا المحذوف يعني إيه وبالوالدين إحساناً؟ هل معنى الكلام اا يعني في مفعول في منصوب بفعل هنا مضمر يعني وأحسنوا بالوالدين إحساناً ولا وبالآن تحسنوا إلى الوالدين إحساناً؟ وده اللي مال إليه الإمام الطبري. وأياً كان يعني برضه هو يعني برضه عندهم هنا أهل اللغة عندهم اعتراض أنك تقول أن أن المحذوف الفعل. أياً كان برضه يعني كل ما يتردد: أشرح ولا لا؟ أقول خلاص إيه اللي عايز يستفيض يرجع زي ما احنا بنحل دايماً على كتب ترجعوا لها.
يبقى في أحسنوا إلى الوالدين إحساناً ماشي، وإن كان ابن عاشور قال على دي ممكن تتساب ورد على أهل اللغة هنا المعترضين على ده، لأن كل برضه عايز أقول نقطة سريعاً: لما يجي حد بيعرب إعراب ويعترض على إعراب هو بيكون في قاعدة شايف أن القاعدة دي تخرم لو احنا خدنا هذا الرأي. فابن عاشور مثلاً لما رد عليهم قال لهم: لن تخرم هذه القاعدة، ورد عليهم وفصل الأمر ده.
الشاهد نرجع؛ البداية دائماً بعد التوحيد: ﴿وَبِالْوَالِدَيْنِ إِحْسَانًا﴾، ده نقطة مهمة ومذكورة في القرآن، قضية الحفاظ على الفطرة السليمة. الفطرة التي تحفظ الفضل لأهل الفضل. هذه الفطرة الفطرة حينما تنتكس مع البشر كلية، وأعلى درجات انتكاس الفطرة مع البشر بتكون في الأسرة. ونقض عرى هذه الأسرة، وأن مافيش أسرة، مافيش التزامات أخلاقية تجاه الوالدين ولا تجاه أي ترابط أسري؛ هذا لن يصلح أن يعيش في أي مواثيق مجتمعية. هو كسر أي ميثاق بيربطه في في أعظم دائرة وفي أكثر الدوائر رحمة ورأفة وترابطاً اللي هي رابط الأسرة.
هذه الروابط لما تفك رابط الأسرة ما عادش موجود، ما عادش إنسان عنده أي إحسان للوالدين ولا أي صلة قرابة ولا ذي القربى ولا اليتامى. هو لما يفقد هذا الأمر هو إنسان ممسوخ، هو لن يعيش في أي مجتمع، لن يقبل أن يوضع تحت أي مواثيق. هو المجتمع يا جماعة بيعيش إزاي؟ أي مجتمع لازم بيترابطوا زي ما بيسموه كده العقد الاجتماعي أن كلنا المجتمع بيتعاقد وكلنا بنخضع لعقد معين. لما لما بتمسخ الفطرة والإنسان ينقلب على قضية الأسرة والوالدين، ده لن يصلح للتعبد. يعني الذي ينقض هذا العهد لن يصلح لعبادة الله سبحانه وتعالى.
والعجيب من الحاجات التي كانت شاغلاني زمان: آخر سورة في آل حم سورة الأحقاف، وشوط وكنت شرحت ده قبل كده في مقدمة سورة غافر ومقدمة فصلت؛ شوط طويل في آل حم من النقاش والمجادلة بالآيات وفي الآيات في آل حم. آخر حاجة في سورة الأحقاف قبل خلاص ما ننتقل معاهم لمرحلة القتال، يبقى في مرحلة الجدال قبل مرحلة القتال. مرحلة الجدال كانت طويلة جداً في سبع سور آل حم. آخر سور في آل حم سورة الأحقاف اللي بتبين أن هو أن أن الفطر انتكست، لم يعد يصلح معهم الجدال؛ جابت نموذج في نفس الوقت في نفس الآيات اللي بيرد على الوالدين وبينكر البعث. يعني شوف الربط والآية قبلها بين المؤمن الموحد البار بوالديه. فذكرت أن هؤلاء اللي وصلوا لهذه الدرجة الفطر انتكست خلاص لن يصلح معهم الجدال. فهنا مهم فهم ربط ﴿وَبِالْوَالِدَيْنِ إِحْسَانًا﴾ مع التوحيد ثم أيضاً توسيع هذه الدائرة.
الإحسان مش بس مع الوالدين وبذي القربى، وأنك أنت بتوسع دائرة الإحسان؛ مش بس الوالدين والأقرباء واليتامى، وعطف المساكين على اليتامى بمعنى أن مش لازم يكون اليتيم مسكيناً حتى تعطف عليه حتى أن تحسن إليه. لأن قضية اليتيم أن حتى لو غني -بالعكس ده لو غني بيطمع فيه أكثر وبيضيع حقه-.
يبقى ﴿وَبِالْوَالِدَيْنِ إِحْسَانًا وَذِي الْقُرْبَىٰ وَالْيَتَامَىٰ وَالْمَسَاكِينِ﴾؛ هكذا تقوم المجتمعات. المجتمعات لا تقوم فقط على القوانين، بل على هذه العهود الأخلاقية والموثق بين الناس اللي بيتفق عليها المجتمع والمجتمع بنفسه بيناصر وبيقوم للدفاع عن هذه الأمور مش لازم قوانين ومحاكم. فده كان الميثاق: الميثاق التوحيدي الأول فشلوا فيه، والميثاق الأخلاقي فشلوا فيه، الميثاق أو آخر حاجة في الميثاق الأخلاقي الوالدين الدائرة الأخص، بعد كده أنت بتوسع الدائرة: ذي القربى، اليتامى، المساكين. وأوسع دائرة في دائرة الأخلاق للناس: ﴿وَقُولُوا لِلنَّاسِ حُسْنًا﴾.
كل الناس تقول لهم حسناً، ولما جت هنا نكرة: قولوا الناس حسناً، لذلك اختلف المفسرين: يعني إيه قولوا الناس حسناً؟ هل أمر بمعروف ونهي عن منكر؟ هل أوامر تشريعية؟ هل الحسن في الكلام؟ حتى: ﴿وَقُل لِّعِبَادِي يَقُولُوا الَّتِي هِيَ أَحْسَنُ إِنَّ الشَّيْطَانَ يَنَغَ بَيْنَهُمْ﴾ [الإسراء: 53]. فـ الورد عن السلف أقوال متنوعة تدل أن هو من باب المثال، وأن الأمر جاء واسعاً. ودي من أعظم فعلاً الآيات في القرآن، وخاصة هي أيضاً موجهة لنا أن نقول للناس كل الناس الحسن من الكلام، وأنك تختار حتى في الدعوة إلى الله سبحانه وتعالى، حتى لو بتدعو غير المسلم تختار الأحسن من الكلام.
النبي صلى الله عليه وسلم لما مر على مر عليهم اليهود وقالوا: السلام عليك، فردت عليهم أمنا عيسى عليه عليها رضوان الله قالت: وعليكم السلام واللعنة. فالنبي صلى الله عليه وسلم قال: عليك بالرفق. طب يعني يعني ده رد على اليهود اللي هم أصلاً غلطانين. وقال: إن الله يعطي على الرفق ما لا يعطي على غيره. وذكرها بالرفق وهي أخبرته: يا رسول الله بيقول، قال: أولا تسمعي أولا تسمعي ما قلت؟ قلت: عليكم خلاص. إن أرادوا السب فقلت: عليكم.
﴿وَقُولُوا لِلنَّاسِ حُسْنًا﴾. تخيل دلوقتي الآن بنسمع الإذاعة دي وتجد ناس مسلمين ومن نفس من أهل السنة وتجد تنازع وتناحر والتماس للأخطاء مش للأعذار والبحث عن الثغرات؛ يعني سبحان الله.
﴿وَقُولُوا لِلنَّاسِ حُسْنًا﴾. التعبدي: ﴿وَأَقِيمُوا الصَّلَاةَ وَآتُوا الزَّكَاةَ﴾؛ علاقة الإنسان بربه وعلاقة الإنسان بالناس، إقامة الصلاة وإيتاء الزكاة، وده أول ما بدات به سورة البقرة. ده المفروض أي أمة ليها علاقة بالسماء ليها علاقة بالله لها كتاب تلتزم بهذه الأخلاق ثم توليتم. وشوف أن الأصل التولي عندهم كلهم إلا قليلاً منكم. وتولي لا رجعة فيه وأنتم معرضون. وكان الإمام الراغب هنا فسر الثلاث الأصفهاني في التفسير فسر الثلاث احتمالات في مسألة وأنتم معرضون.
طيب، أحاول أشوف لو في حاجة في في التفاسير أنا كاتبها فاتتني عشان شوف حتى كلام الطبري بيقول ايه: فخالفوا أمره في ذلك كله. يعني أنا قرات الكلمة شيء يعني. وذكر أثر عن ابن عباس قالوا قال ابن عباس رضوان الله عليه قال: أعرضوا عنه استثقالاً له وكراهيةً، ثم طلبوا ما خف عليهم. قال لك مش طب أنتم أخف؟ ده دي أصول هنتكلم في الأصول.
طيب، قبل ما نروح للميثاق بعد كده قصدي هنروح للميثاق الثاني. اه يعني أنا قلت لكم هرقل وطاغلب يرى أن تقدير الكلام: واذ أخذنا ميثاق بني إسرائيل بأن لا تعبدوا إلا الله وبال تحسنوا للوالدين إحساناً، ولما حذفت أن: بأن لا تعبدوا إلا الله خلاص ما بقتش منصوبة، فجاءت لا تعبدوا.
طيب الميثاق الثاني؛ خذوا بالكم الميثاق الأول الأسس، الميثاق الثاني أخص شوية في علاقاتهم الاجتماعية ولاسيما العلاقات السياسية. وهنا دائماً يحدث الـ إيه يعني دائماً في السياسة يحدث مراوغة في الدين، قلما يدخل إنسان في القضايا السياسية والمجتمعية ويحافظ على دينه؛ ليه؟ لأن هنا بتظهر مصالح الإنسان وتأويله للأفعال وانتقائيته للدين تظهر، وده اللي حصل هنا.
لذلك هرقل لما كان بيسأل عن صفات النبي صلى الله عليه وسلم كان بيسأل أبي سفيان، وأبي سفيان كان استحى أن يكذب، فمن الأسئلة اللي سألها هرقل لأبي سفيان قال له: هل يغدر؟ شوف خذوا بالكم السؤال.
لأن دلوقتي ده واحد هو عند هرقل بيقود أمة وبيمارس السياسة وبيحارب وبينتصر وبيهزم ولأيام دول وأبو سفيان قال له كده. فلما فقال هل يغدر؟ هو دلوقتي عايز يعرف الإجابات بتاعة الأسئلة دي هيعرف منها إذا كان نبي ولا لا. من هذه الأسئلة ان ان شخص يعمل في هذه المكان ويقود أمة ولا يغدر. ما فيش سياسي يعمل كده ف فقال هذا نبي.
وَإِذْ أَخَذْنَا مِيثَاقَكُمْ الثاني أخص شوية: لا تسفكون دماءكم ولا تخرجون أنفسكم من دياركم. خذوا بالكم من سفك الدماء اللي جاء برضه في أول السورة: ﴿أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاءَ﴾ [البقرة: 30]. الإفساد يعني عكس الميثاق الأول اللي احنا لسه شارحينه ده؛ هو ده الفساد في الأرض، يعني عدم وجود قواعد أخلاقية، وعدم وجود التوحيد، وعدم وجود العبادات، ده فساد في الأرض. سفك الدماء ده الميثاق الثاني، يعني الميثاقين دول ورا بعض وكأن ده اللي بدأت به الملائكة وكانت تخشى منه الملائكة وقال الله سبحانه وتعالى: ﴿إِنِّي أَعْلَمُ مَا لَا تَعْلَمُونَ﴾ [البقرة: 30].
وَإِذْ أَخَذْنَا مِيثَاقَكُمْ لَا تسفكون دماءكم ولا تخرجون أنفسكم من دياركم ثم أقررتم. وهناك برضه اللي قبل كده: ﴿وَإِذْ أَخَذْنَا مِيثَاقَ بَنِي إِسْرَائِيلَ﴾ [البقرة: 83] قال: ﴿ثُمَّ تَوَلَّيْتُمْ إِلَّا قَلِيلًا مِّنكُمْ وَأَنتُم مَّعْرِضُونَ﴾ [البقرة: 83] هنا أقروا وموافقين بالميثاق، ثم أقررتم وأنتم تشهدون. طبعا هنا المفسدين من الحاجات اللي شغلتهم في الآيات اللي ده في الربع ده وغيره في سورة البقرة، دايما بيبقوا مترددين هو الخطاب بصيغة الخطاب ده الآية جاية بصيغة الخطاب: أقررتم أنتم. هل بتخاطب الحاضرين؟ يعني هل الآيات نزلت فكان النبي صلى الله عليه وسلم يقرأها على اليهود الموجودين دلوقتي بيقول لهم انتم عليكم ميثاق تشهدون، ولا بيخاطب المتقدمين آباءهم، ولا بيخاطب الموجودين بيخاطب الآباء في صورة الموجودين؟
وتجد بعض المفسرين يحاول يمشيها على الآباء والأجداد، وبعضهم يمشيها على المعاصرين، وبعضهم يحاول يجمع، وبعضهم يقول هم كالأمة الواحدة عشان برضه ما يقعدش في كل هم أمة واحدة؛ ما أنتم دلوقتي لو تبرأتم من فعل الآباء خلاص ما كناش هنخاطبكم بالآية دي، لكن لا، لا زلتم تحافظون على الانتماء وتتباهون بهذا الانتماء وتقولون نحن من بني إسرائيل. خلاص، نخاطب بهذه الأمة؛ زي لما يجي حد دلوقتي يقول لي إيه مثلا كأن انا لو اتناقش مع حد غير مسلم، ملحد، نصراني، حد ويناقشك ويقول لي إيه: انتم عملتم كذا، انتم فتحتم البلاد وعملتم فيها كذا. ليه؟ هو بيخاطبنا أنا مع أن الفتح ده أو الفتومات دي من زمان، مش أنا، لكن أنا بما أن أنا مسلم أنا أنتمي إلى هذه الأمة وارتضيت، فإما أن تتبرأ من هذه الأفعال وتخطئها، أو تقول نعم أنا أقر على ذلك.
فهم أقروا ما فعل الاباء واستمروا على ذلك، وخصوصا اللي جاية دي ده حصل في ايام عهد النبي صلى الله عليه وسلم؛ يعني الميثاق أنهم لا يسفكون الدماء ولا يخرجون أحد ده مأخوذ على الآباء وأقر به الأبناء الموجودون. النقد حصل قبل ذلك وحصل الآن، يعني ايام معاصرة النبي صلى الله عليه وسلم اليهود دول وقعوا في هذا في هذا الإشكال، وهنحكي دلوقتي قصتهم على الأوس والخزرج.
يبقى الميثاق الثاني: لا تسفكون دماءكم ولا تخرجون أنفسكم من دياركم، تمام كده. ثم أقررتم وأنتم تشهدون إقرار وشهادة على هذا الإقرار. ثم انتم هناك، ثم انتم هؤلاء. طب طبعا يعني ايه الاول انا اسف يعني ايه لا تسفكون دماءكم؟ مش معناه أن ما تذبح نفسك، هنا كالنفس اللي احنا بنقوله دلوقتي أن الأمة الواحدة كالجسد الواحد. فلما اقول لا تقتلوا انفسكم معناه لا تقتل غيرك؛ لما اقول لا تسفكون دماءكم أي لا تسفكوا دم غيرك؛ لما اقول لا تخرجون انفسكم من دياركم لا تخرج غيرك. سلموا على انفسكم على اهليكم على قول يعني؛ فبالتالي أن هذا الخطاب اللي اعتمده القرآن حينما يخاطب: لا تقتلوا أنفسكم في سورة النساء، ابن عطية وغيره نقل أن الجماهير معناه لا تقتلوا غيركم، مش معناه ما تموت نفسك.
الطبري نقل هذا الأمر وخدوا ابن كثير وغيره أن الله سبحانه وتعالى نزل أهل الملة الواحدة بمنزلة الجسد الواحد. ان الله سبحانه، شوف قضية الانتماء للأمة اللي الآن التفرقة بتصل، سواء تفرقة انتماء قبلي، سواء انتماء دول، ودي انتماءات موجودة لم ينفها الإسلام؛ يعني الإسلام ما جااش قال انفي أي انتماء لأي قبيلة أو لأي أرض أو لأي دولة، لا لا لا، هذه انتماءات موجودة، لكن في انتماء أعلى. فتخيل لما تأتي هذه الانتماءات الصغيرة فوق الانتماء الأعظم لأمة الإسلام، لما يحدث تفرق، ده في ناس بتخسر بعض عشان دولة بتلاعب دولة ماتش كورة، تجد سب ومعارك.
اتذكر في مره سبحان الله كنت في مدينة النبي صلى الله عليه وسلم، ربنا يتاب علينا بين الحج والعمرة، وكان في دوشة في الفندق وقتالي كان في ماتش بين مش عارف ماتش مين ومين، دولتين بيلعبوا بدون ذكر، وأنصار، وفي ناس من الدولة دي في الفندق، وفي ناس من الدولة دي في الفندق، وخناقات في مدينة النبي صلى الله عليه وسلم في أماكن اصلا بتجمع المسلمين؛ يعني أصلا مشهد الناس في مكة والمدينة والاختلاف الألوان والقبائل والانتماء وكل ده قبلة واحدة ويصلون على النبي صلى الله عليه وسلم، انتم متخيلين تحدث هنا الفرقة؟ كان شيء عجيب، يعني تتغلغل الفرقة ويختلفوا مع بعض وعملوا مشاكل، كان أمر عجيب يعني الشاهد.
فلا تسفكون دماءكم؛ دماء غيركم. ولا تخرجون أنفسكم؛ مش معناه ما تخرج نفسك من البيت، وإن كان بعض الناس حاول حتى قال قول موجود يتاول: لا تسفكون دماءكم أي لا تتسببون في قتل أنفسكم بقتل غيركم فيقتصوا منكم، ولا أرى إلى حاجة بهذا التأويل. الأمر ده مش معناه، بدليل القصة اللي بعدها على طول لهذه الآية دلوقتي: يبقى لا تسفكون دماءكم أي دماء غيركم؛ يعني أنتم قبلة واحدة كيف يقتل المسلم المسلم؟ ازاي يعني يسفك دمه؟ ازاي ازاي مسلم يقتل المسلم؟ ازاي يعني لا تسفكون دماءكم؟ وبالتالي ده أيضا كان المفروض عليهم، ازاي حد من بني إسرائيل يقتل حد من بني إسرائيل؟ ولا تخرجون أنفسكم من دياركم، شوف هنا النفس كأن نفس واحدة، من دياركم ما حدش لا تقتلون أحد ولا تخرجون أحد من ديار.
أقررتم وأنتم تشهدون، ثم انتم، شوف المباعده والمفارقه بين الاقرار وبين الواقع. شوف حالنا واحنا بنسمع الوعظ واحنا بنسمع الأحكام التشريعية واحنا بيقرا علينا القرآن في تراويح رمضان والناس تبكي، شوف هذا الوضع، ثم أنتم هؤلاء، ده ده خليه شعار؛ عشان الآية دي وزي ما ذكر عن حذيفة بن اليمان وعن ولقيت أثرا عن عمر بن الخطاب، وإن كان سنده فيه إشكال لكن يروى عن عمر بن الخطاب ذكر وغير واحد نفس الفكرة بتاعت أن هذه الآيات ليست لبني إسرائيل فقط، انما هي لكم يا اهل الايمان. لأكثر من حد نقل هذا الأمر، وروي عن كثير من السلف أن آيات بني إسرائيل لنا أيضا؛ أمال ما هما دول خلاص انتهوا، الآيات لنا حتى لا نسير على دربهم، تحذير نبوي ألا نسير على دربهم.
فخد شعار: ثم أنتم هؤلاء، والاسقاط بتاعه على واقعنا. الانتقال بين حالة تلقي الوعظ والبكاء عند التراويح والقرآن، و شوف حالنا لحظات التأثر بالدين ثم لحظات التطبيق الواقعي، هتجد مفارقة؛ مفارقة اللي بيقرا سورة البقرة وتعامل بالربا مع الناس، مفارقة اللي يقرا سورة النساء ويظلم الضعفاء واليتامى والمساكين والنساء السورة اللي تتكلم عن العدل، مفارقة اللي يقرا سورة المائدة ويضيع قضية الولاء والبراء. مفارقات عجيبة، كيف تقرا وتقر ثم ثم أنتم هؤلاء؟ انتم هؤلاء دي برضه كالعادة فيها كلام في يعني من أهل اللغة اتكلموا فيها كتير، وأيه اللي جاب هؤلاء، أعراب هؤلاء، هل في ياء محذوفة نداء ثم انتم يا هؤلاء وردوا عليهم قالوا لا، وخلاف طويل.
الزمخشري كان له لفته بديعة، وإن كان كالعادة برضه أبو حيان اعترض عليه، كان بيقول: دلوقتي انتم ولا هؤلاء دي بتتكلم عن ناس بيتكلم مش موجود وانتم خطاب؟ فقالوا هل دي تنفع زي ها انا ذا يعني ينفع تسقط عليها ثم وموجودة: ﴿ثُمَّ أَنتُمْ هُؤُلَاءِ تَقْتُلُونَ أَنْفُسَكُمْ﴾ [البقرة: 85]، فقال: يا عمران، فالزمخشري بيقول له رأي: نزل تغير الصفات، ما هما لما أقرروا كان وصف أن هما كأنهم مؤمنين وخاضعين للميثاق وبعد كده معرضين عن الميثاق، فصفاتهم اتغيرت فقال: نزل تغير الصفات منزلة تغير الذات؛ كأن انتم اتغيرت، مش أنت، مش أنت اللي اخذت الميثاق ووافقت، أنت تغيرت، ليس أنت هذا الذي كنت تجلس في مجلس الوعظ وتبكي وتقر وتقول سافعل وبينك وبين الله في سجود تاخذ العهود والمواثيق يا رب، ثم أنت هؤلاء.
فكان اللفته اللي التقطها الزمخشري: أنت اللي أخذت الميثاق أبحتم هؤلاء تغيرتم؛ هم نفس البشر لكن تغير الصفات كأن الشخص تغير، كأن ذاته تغيرت، فقال كلمة لطيفة: نزل تغير الصفات منزلة تغير الذات، كأن انتم بعد ما كنتم انتم اللي أخذتم المواثيق واقرار وحاضر ما فيش سفك دماء ولا نخرج اهل ملتنا من بيوتهم، ثم انتم هؤلاء تقتلون انفسكم وتخرجون فريقا منكم من ديارهم. معقول المفارقة العجيبة الانتقال؟ معقول أنت الشخص اللي أقررت بهذا الدين وشهدت أن لا اله الا الله وأن محمدا رسول الله صلى الله عليه وسلم وتكرر ذلك في صلاتك، أنت اللي عملت أنت تفعل هذا الأمر؟ ايه المفارقة بين الإقرار بالمواثيق والتطبيق الواقعي؟
وده من صفات اليهود، يعني من صفات اليهود ومن صفات اللي اللي ربنا بيذكرنا هنا ألا يواسى منهم؛ أن يقر بالمواثيق الأساسية ويعرض بها، التوحيد والأخلاق والعبادات، وييجي المعاملات الاجتماعية والسياسية تشوف بيمشي الامر على مصلحته. ثم أنتم هؤلاء تقتلون أنفسكم وتخرجون فريقا منكم ديارهم وهنا في نوع من المعايرة الجميله اللي بتدي معنى لطيف أن الآية 84 احنا قلنا يا ريت تبقوا فاتحين المصاحف آية 84: ﴿لَا تَسْفِكُونَ دِمَاءَكُمْ وَلَا تُخْرِجُونَ أَنفُسَكُم مِّن دِيَارِكُمْ﴾ [البقرة: 84]، وعكسها شبه عكسها بعد كده في الآية اللي بعد كده بحيث أنفسكم مرة جاءت مع اخراجهم ومرة مع قتلهم، كلمة النفس. ثم أنتم هؤلاء ما قالش: تسفكون دماءكم وتخرجون أنفسكم، لو كان نفس السياق أو قصدي نفس الكلام كان كان ممكن ربنا يقول: ثم أنتم هؤلاء تسفكون دماءكم وتخرجون أنفسكم، كانت ممكن تيجي كده بحيث تبقى نفس الألفاظ، لو حصل تغاير بحيث المرة تجي مع القتل النفس ومرة مع الاخراج ومدى صعوبة هذا الأمر على الناس وأيضا هذه الجريمة.
ثم أنتم هؤلاء تقتلون أنفسكم. طب هو بيموت نفسه ازاي؟ ان هو بيموت غيره من أهل الدين وتخرجون فريقا منكم من ديارهم تظاهرون عليهم بالإثم والعدوان، وإن يأتوكم أسارى تفادوهم وهو محرم عليكم إخراجهم أفتؤمنون ببعض الكتاب وتكفرون ببعض؟ تعالوا بقى نشرح الآية دي، دي من الآيات المحورية النهارده في اللقاء.
طيب، هو ايه اللي حصل دلوقتي؟ اللي حصل أن اليهود قبائل النضير وقينقاع وقريظة قبائل، واحنا قلنا أصلا يعني دلوقتي قبل ما ييجي النبي صلى الله عليه وسلم كان هم بيختلطوا أنفسهم هم الدين الحق وهم أمة التوحيد وأن هم الأمة اللي منتظرين النبي ويستفتحون ومنتظرين مبعث النبي صلى الله عليه وسلم، تمام؟ ووجودهم كقبائل لا يمنع منه التشريع، الفكرة كيف ستتعامل هذه القبائل؟ احنا قلنا وجود المسلمين كدول أو وجود المسلمين كقبائل لا المفروض يكون في انتماء أعلى، لكن مجرد هذا الانتماء الآخر ليس لا تمنع منه الشريعة، تمام، فكانوا قبائل قريظة والنضير وقينقاع عادي، كل ده ما فيش منه مشكلة.
أمال الإشكال فين؟ الإشكال أنه لما اتسموا القبائل بدأ يحصل مصالح دنيوية، وهذكر لكم بعض أقوال المفسرين دلوقتي: أن قبيلة القينقاع راحت اتفقت مع الخزرج لأن كان في حرب بين الأوس والخزرج، عملت عقود وتحالفات مع الخزرج، والنضير وقريظة اتفقوا مع الأوس، وبعض الروايات بتقول أن قريظة جاءت هنا، أيا كان، يعني بعض الروايات قالت أن قينقاع مع الخزرج وأن النضير وقريظة كانوا مع الأوس. يبقى في قبيلتين كبار عرب بيتخانقوا مع بعض، الأوس والخزرج، واليهود موجودين في النص. فبدل ما اليهود يبقوا كتلة مع بعض ويحاربوا الاتنين لأن دول أهل الأوثان الأوس والخزرج ودول المفروض من أهل الكتاب اليهود، بدل ما يبقوا دول كتلة واحدة قصاد دول، حصل انقسام.
ليه حصل الانقسام ده؟ ليه قينقاع راحت هنا والنضير وقريظة راحت هنا؟ ليه حصل هذا الانقسام؟ احنا الروايات أنا هجيب لكم روايات، لكن اللي موجود في القرآن أن هو الحياة الدنيا بسبب، وده مروي عن ابن عباس، أن بسبب في أمر دنيوي اللي خلاهم يعملوا كده. يعني كلكم أظن في رواية عن ابن عباس كنت قايلها، أن فعلوا وهجيبها لكم، يعني، لكن ربنا بيقول إيه؟ ﴿فَمَا جَزَاءُ مَن يَفْعَلُ ذَلِكَ مِنْكُمْ إِلَّا خِزْيٌ فِي الْحَيَاةِ الدُّنْيَا﴾ [البقرة: 85] بعدها: ﴿أُولَئِكَ الَّذِينَ اشْتَرَوُا الْحَيَاةَ الدُّنْيَا﴾ [البقرة: 86].
فهنا واضح أن السبب الرئيسي هو اشتروا الحياة، أه، هنا رواية عن ابن عباس في الطبري برواية عكرمة عن ابن عباس: ويخرج من داره ويظاهر عليه من يشرك بالله ويعبد الأوثان؛ يعني يقف مع المشرك اللي يعبد الأوثان ضد أخيه اللي من بني إسرائيل. ليه؟ ابتغاء عرض الدنيا، ابتغاء عرض الدنيا، اهو. وده منصوص عليه زي ما قلت لكم في القرآن: اشتروا الحياة الدنيا. يبقى حصل الانقسام ده نتيجة مصالح دنيوية، تمام. حصل انقسام نتيجة المصالح الدنيوية، هذا الانقسام الذي نتيجة المصالح الدنيوية قد يصل إلى حالة الاقتتال، وصل لحالة الاقتتال.
مش هيجوا عند مرحلة حصل انقسام بأسباب دنيوية فنيجي عند مرحلة نتوقف، لا، ده وصل إن الأوس تتخانق مع قتال مع الخزرج، يتقاتلون ويقتلون فريقاً من بني إسرائيل يقتله ويخرجه من داره، عملوا كده ابتغاء الحياة الدنيا. بعض المفسرين المتأخرين أظن حتى الشعراوي كان مال لده وسيد قطب وغيره، أنا مش فاكر الفرق بينهم، يعني كانوا بيقولوا إن دي خطة يهودية وأظن الشعراوي اللي مال لده.
ولم أره لغيره تقريبا، قال إن اليهود كانوا متقسمين عشان تستمر، ده دور اليهود دائماً أن هم بيبثوا الفرقة والعداوة. أنا مستصعب ده الرأي ده إن كانوا بيقتتلوا، هو مش معقول هيمثل لدرجة أن هم يقتتلوا؟ هو بيقول إن هم كانوا منقسمين، ناس راحت مع الأوس وناس راحت مع الخزرج عشان تبث سموم الفرقة والعداوة.
يعني مستصعب وإن كان ما فيش حاجة يعني اليهود، يعني إيه الواحد يظن فيهم أسوأ من كده، يعني لكن والله أعلم ما عنديش دليل على ده. ومنهم من قال، وده اللي الواحد مايل ليه، حصل الخلاف زي ما قلت لكم ابتغاء عرض الدنيا، زي بالضبط يعني عايز تفهم إزاي اليهود يموتوا بعض ويخرجوا بعض من ديارهم ويحطوا إيدهم في يد أهل الأوثان ضد بعض.
يعني الوقت الخزرج كانت بتعبد الأوثان والأوس بتعبد الأوثان، الأوثان إزاي قبائل من اليهود يبقوا مع أهل الأوثان ضد بعض ويقتلوا بعض؟ عشان تفهم ده بص على واقعنا، شوف إزاي دولة مسلمة تقاتل دولة مسلمة وتستعين بدولة كافرة لقتال دولة مسلمة! عادي، وده بيحصل وياما على مدار السنين بيحصل. شوف خذلان دول المسلمين عن نُصرة دولة مسلمة تحاربها دولة غير مسلمة، شوف ده وأنت هتعرف ده بيحصل.
وبيُقدم المصالح الدنيوية أن العلاقات للحفاظ على العلاقات الدبلوماسية السياسية بين دولة ودولة أخرى، تتغاضى الدولة المسلمة عن سبهم للنبي صلى الله عليه وسلم، يتغاضون عن قتالهم لإخوانهم المسلمين زي بالضبط ما بيحصل مثلاً في فلسطين أبسط نموذج. الاعتداء من اليهود على المسلمين في فلسطين، وانظر تعامل الدول مع هذه القضية وأن التعامل تعامل اقتصادي بحت أو سياسي بحت لا وجود للدين في هذا الأمر.
فده حصل، يعني الواحد كان لما كان يقرأ القصة بس إزاي اليهود يعملوا كده، يعني يقتل أخوه اليهودي وربنا قال: ﴿لَا تَسْفِكُونَ دِمَاءَكُمْ﴾ ده ربنا بيقول لهم: «خذوا بالكم»، شوف الصدمة. دماءكم وربنا بيقول له: «أنت تقتل نفسك الآن»، ثم ﴿ثُمَّ أَنتُمْ هَٰؤُلَاءِ تَقْتُلُونَ أَنفُسَكُمْ﴾ خد بالك أنا عايز بس، بيقول له: «تقتل نفسك» وهو كان بيقتل واحد من قبيلة ثانية.
يعني لما يكون واحد مسلم له انتماء لقبيلة أو لدولة وبيقتل واحد من دولة ثانيه خالص ولون آخر وبعيد عنه مسلم، ربنا بيقول له: «أنت تقتل نفسك» حتى لو في بينكم خلافات قبلية أو دولية أو سياسية لكن بيجمعكم الإسلام، يجمعكم الدين. يعني كان ممكن هنا اليهودي يقول له إيه؟ أقتل نفسي إزاي ده من قبيلة ثانية؟ لا، هم فاهمين أن الدين الواحد هو انتماء واحد أمة واحدة، فربنا بيقول له: «تقتل نفسك» وهو من قبيلة أخرى ومتحالف مع قبيلة ثانية أيضاً: ﴿لَا تَقْتُلُوا إِخْوَانَكُمْ﴾.
هنا لم يأتِ بسبب موجب لذلك، فربنا بيقول له: ﴿تَقْتُلُونَ أَنفُسَكُمْ﴾ وهم أصلاً قبائل مختلفين: ﴿وَتُخْرِجُونَ فَرِيقًا مِّنكُم مِّن دِيَارِهِمْ﴾. يبقى إذا التحالفات السياسية اللي بتحصل ممكن توصل بالمسلمين لأن احنا بنسقط الآيات علينا أن يحصل اقتتال بين المسلمين، وأن دولة مسلمة تكون مع دولة كافرة ودولة مسلمة تكون مع دولة كافرة ثانية. هأقول لكم مثال أنا ممكن إسقاطاً على واقعنا، ممكن تتخيل مثلاً أن الحرب بين روسيا وأوكرانيا استمرت أكثر، وبدأت الدول دي تبحث عن تحالفات بين الدول تعامل سياسي، عايز تحالفات مع دول تساعدها، تشوف الدول مين اللي زي ما حصل في الحرب العالمية واستغلوا الدولة العثمانية قبل كده، ودخلوا الدولة العثمانية في حرب ليست هي أصلاً اللي اللي بتقوم عليها.
يعني في كتب اتكلمت إزاي الألمان حاولوا يستغلوا المسلمين ويضحكوا عليهم ببعض الشعارات، وفي كتب في الأمر ده. تخيل أن ممكن وارد أن روسيا تتحالف مع دولة مسلمة، وأوكرانيا تتحالف مع دولة مسلمة، ويحدث القتال فيقتل المسلمون هنا، يقتل المسلمون من هنا، أنتم متخيلين ده ممكن يحصل؟ وده اللي حصل ويحدث.
فالمصالح الدنيا، طب هو التحالف ده هيحصل ليه؟ هيتحالفوا عشان مصالح دنيوية، أن روسيا تقول لهم: أجيب لكم مثلاً غاز، وأوكرانيا تقول لهم: أجيب لكم قمح، والدولة دي تختار المعسكر ده والدولة دي تختار المعسكر ده، وأصبح الخلافات ليست على الدين. فهذا ما حدث، أن القبيلة دي شافت مصلحتها مع القبيلة دي، والقبيلة دي شافت مصلحتها مع القبيلة دي، فالقبيلة دي اللي هي الخزرج اللي اتخانقت مع الأوس فهو عشان يكمل تعاقده، طب عشان يحافظ على الجزء بقى هو الراجل برده أهل كتاب ويهود مع بعض وكده وأصلاً اليهود دايمًا منعزلين وكتلة واحدة.
طب هو الحرب خلصت، عايز بقى يصلح اللي هو عمله يعمل إيه؟ ﴿وَإِن يَاتُوكُم أُسَارَىٰ تُفَادُوهُمْ﴾ يبقى تاني الآية، ثم أنتم هؤلاء تقتلونس أنفسكم وتخرجون فريقاً منكم من ديارهم، تظاهرون تتعاونون عليهم، تتعاونون مع أهل الإثم والشرك والأوثان على أهل الكتاب بالثم والعدوان، تعتدون عليهم، والإثم قيل القتل وقيل غير ذلك، إثم وعدوان. ده الجزء الأول من نقض العهد.
الجزء الثاني هو يقول لك: «أنا مكمل في العهد مع الميثاق»، إيه هو؟ ﴿وَإِن يَاتُوكُم أُسَارَىٰ تُفَادُوهُمْ﴾ وهنا برده العلماء قعدوا يفرقوا هل في فارق بين أسارى وأسرى؟ واللي جت أسارى مع أن هي الأصل أسرى، برده هنا لهم كلام طويل اللي عايز يرجع له يعني. زي أُسارى وكُسالى وغلبة الكسل على الإنسان، فكذلك الأسر مقيد.
يعني قالوا إن الأصل أسرى يعني، يوم ﴿وَإِن يَاتُوكُم أُسَارَىٰ تُفَادُوهُمْ﴾ أو تفدوهم في قراءة، وهو محرم عليكم إخراجه. طيب هنا برده أنا يعني أنا بحاول الحاجات يعني اللي ظاهرة واللي هيقرأ مثلاً بكثير، اللي يقرأ مجالس القرآن لفريد الأنصاري هاجد أمور واضحة، أنا بحاول إيه لو في لفتات معينة أقولها لكم.
قرأت برده هنا، إيه، أول حد أشار لي النقطة دي خليني أدور بتركيز شوية، كان حاشية لقيتها، أو يعني تعقيب في تفسير مجيز المحققين يعني بيقولوا، هو دلوقتي إيه معنى ﴿وَإِن يَاتُوكُم أُسَارَىٰ تُفَادُوهُمْ﴾؟ احنا تاني عشان نتخيل المشكلة، الخزرج معاها قبيلة قينقاع، والأوس معاها قبيلة خلينا نقول نضير أو قريظة من اليهود. حصل قتال هنا، القبيلة دي قينقاع قتلت ناس من قبيلة قريظة وأسرت منهم ناس، فبقى الأوس، خد بالك، ده قصدي الخزرج، دي الخزرج اللي معاهم القبيلة اليهودية دي، أسروا ناس من القبيلة اليهودية دي، تمام؟ فالخزرج أسرَت ناس من القبيلة اليهودية.
وهنا نفس اللي حصل، أن القبيلة اليهودية دي النضير أسرَت ناس من هنا، هل كل قبيلة كانت بتروح تفدي الأسارى بتاعتها؟ يعني قينقاع بيروحوا يدوروا على اللي من قبيلتهم عند الأوس يعني اللي قصادهم كان الناحية التانية الأوس، ويروح يفدي قبيلته، ودول يروحوا يفدوا قبيلتهم، يعني هل كل قبيلة كانت بتدور على أفرادها؟ هل ده المعنى: ﴿وَإِن يَاتُوكُم أُسَارَىٰ تُفَادُوهُمْ﴾ ولا المعنى أن اليهود بيفدوا بعض أياً كان حتى لو مش من قبيلته؟ فبتاع النضير بيفدي أي حد حتى لو مش من قبيلته. بعض المفسرين بعض الآثار أن كل واحد يروح يدور على قبيلته ويسيب الباقي، ولذلك بعض المفسرين قال: «وهذا هو العتاب» وإن كان مش ده الراجح يعني والله أعلم، مش ده اللي أنا أميل إليه يعني.
بعض الآثار ودي مروية عن السدي، في أثر مروي عن العباس يوحى ظاهره بالأمر ده أن كل قبيلة كانت بتدور على اللي تفديها على على قبيلتها، ما كانش على أفراد قبيلته، ما بيتدورش على قبيلة تانية، خلاص. أحاول اجيب لكم الأثر اللي يوحى بده يعني في أثر، أه جبت لكم الأثر بتاع ال، اهو الأثر ابن عباس بيقول إيه: حتى إذا فإذا وضعت الحرب أوزارها افتدوا أسرام تصديقا لما في لما في التوراة، يفتدي بنو قينقاع ما كان من أسراهم، وتفتدي النضير وقريظة ما كان منهم. فظاهر الكلام يوحي كأن كل قبيلة بتفدي ال الأفرادها.
فأثر عن السدي: فإذا أُسر رجل من الفريقين كليهما جمعوا له حتى يفدوه. وده الأظهر، عشان كده كأنه يبقى عملوا أي حاجة حلوة يعني أن هو ربنا بيقول: ﴿أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ﴾ فلما العرب شافوهم قالوا لهم: هو أنتم مجانين؟ يعني أنتم مش كنتم بتقاتلوا معانا الوقت بقيتم أمة واحدة بعد القتال ورايحين تفدوا الأسرى؟ فالعرب يقولون لهم فتعيرهم العرب بذلك ويقولون: كيف تقاتلونهم وتفدونهم؟
فالأثر ده يوحي أن أن كان بيفدي حتى اللي من غير قبيلته، وده اللي كان وارد عن عبد الله بن سلام لما كان يعدي على حد من اليهود بينتقي في الأسْرَى، يعني الأسير ده أو الأسيرة دي يفكها ويسيب ده، فقالوا: لا مكتوب عليك انك تفك كل الأسرى، وفي أكثر من رواية هنا ذكرها ابن كثير.
فالعرب يقولون: كيف تقاتلونهم وتفدونهم؟ قالوا: أنا أمرنا أن نفديهم وحرم علينا الق، عشان نعترف برضه بصراحة، وحرم علينا قتالهم. فالعرب قالوا: طب وأنت ليه بتفدي بتنفذ الفداء وبتقاتل وب تعصي في موضوع القتل؟ فلما تقاتلونهم؟ قالوا: أنا نستحي أن يستذل حلفاؤنا، قالوا: لا ما هو هو يعني أنا ما نحبش إن اللي احنا محالفينه القبيلة دي تستذل، ما هو لو القبيلة اللي أنا محالفها استذلت أنا هستذل مصلحتي اضطرتني أن أنا أقاتل، مصلحتي الدنيوية اضطرتني أن أنا أقاتل، تمام؟
فهنا كأن واحد تحط نفسك مكان المسلمين لو عملوا كده، المسلمين يقول لك إيه: أنا أعمل إيه؟ دي دي علاقات دولية، أنا أنا مضطر أعمل كده، أنا عندي تحالفات، أنا ما ينفعش حلفائي يخسروا، أنا مضطر يبقى بيني وبين إسرائيل علاقات اقتصادية قوية وتخلى عن موضوع فلسطين، وهم يشوفوا أرضهم، ويبدأ يبرر لده، يجي بعد كده يبعت مساعدات مالية لتعمير، فواحد يحسسه يقول له: أنت ليه متناقض؟ أنت ليه بتعمل حاجة وبتسيب حاجة؟ قال له: مصالح والظروف.
فربنا سمى، ربنا سبحانه وتعالى القرآن لم يعتبر هذا الأمر، فربنا بيقول لهم إيه؟ ﴿أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ﴾ ليه بتجعلوا القرآن عِضين؟ ليه بتنتقوا ما يناسب أهواءكم؟ يعني الأول كان تولي عام عن كل الميثاق لا عاجبه من ميثاق التوحيد ولا الأخلاق ولا العبادات، هنا كان بينتقي من المواثيق الاجتماعية والسياسية ما يتناسب مع مصالحه الدنيوية، الذي لا يتناسب مع مصالحه الدنيوية يعرض عنه حتى لو وصل إلى سفك دم أخيه طالما مصلحته الدنيوية اضطرته لده.
فربنا بيقول لهم وده أسوأ شيء يحدث في الدين يا جماعة، لأن الدين الله سبحانه وتعالى أراد الدين متكاملاً، لذلك ربنا سبحانه وتعالى بيقول النبي صلى الله عليه وسلم: ﴿يَا أَيُّهَا الرَّسُولُ﴾ ويا أيها الرسول جاءت مرتين بس في القرآن في نفس السورة سورة المائدة. المرة الثانية: ﴿يَا أَيُّهَا الرَّسُولُ بَلِّغْ مَا أُنزِلَ إِلَيْكَ مِن رَّبِّكَ﴾ ابن عباس بيقول معنى الكلام: كل ما أنزل إليك من ربك ﴿وَإِن لَّفْعَلْ فَمَا بَلَّغْتَ رِسَالَتَهُ﴾ ال معناها وإن لم تبلغ بعض إيه؟
يعني أصل هي وإن لم وإن لم تفعل فما بلغت، طب ما هي معناها وإن لم، يعني لو شلنا تفعل الفعل وحطينا مكانه اللي هو التبليغ المطلوب منه أنه يبلغ، وإن لم تبلغ فما بلغت، طب ما هو وإن لم تبلغ هي معناها ما بلغت؟ فقالوا هنا في محذوف: وإن لم تفعل وإن لم تفعل كل ما أمرت به بلغ ما أنزل إليك أي كل. فانت الدين وحدة متكاملة، لذلك في سورة الإسراء: ﴿وَإِن كَادُوا لَيَفْتِنُونَكَ عَنِ الَّذِي أَوْحَيْنَا إِلَيْكَ لِتَفْتَرِيَ عَلَيْنَا غَيْرَهُ﴾ هو أصلاً إيه الباطل عايز الحته القليلة دي لأن القليل ده بيجيب قليل تاني، وأي جزئية في الشريعة هي لا تفترق عن أي جزئية، فأي تنازل لأي جزئية يوحي بأنك ستتنازل عن جزئية أخرى، وأهل الباطل فاهمين كده، أنت لما بتقدم تنازل عن جزئية من الدين أنت بقيت نقطة لأن هو عارف أن الجزئية دي مش فارقة عن الجزئية دي.
وإن السبب الرئيسي لتنازلك عن هذه الجزئية هو المصالح الدنيوية، إذا نعرض عليك مصالح أعظم لتتنازل عن هذه الجزئية وخلاص. وكان اليهود كثيراً ما، وده أنا قلته أكتر من مرة، ما يفعلون اختبارات للنبي صلى الله عليه وسلم، وحتى من زمان لما سيدنا سليمان بلقيس قال: ﴿إِنِّي مُرْسِلَةٌ إِلَيْهِم بِهَدِيَّةٍ فَنَاظِرَةٌ بِمَ يَرْجَعُ الْمُرْسَلُونَ﴾ وهنا تبقى أهل التفسير قالوا: هأكتشف هل هو ملك أم نبي؟ لو قبل الهدية يبقى كان ملك وعايز مصالح دنيوية خلاص هنراضيه، لكن لو نبي سيُصر هيبقى عنده قضية التوحيد والشرك أهم من قضية الهدية.
وكان كثيراً ما يفعلون ذلك بنو إسرائيل، يبعثوا اختبار للنبي صلى الله عليه وسلم وقالوا: هنعرف إذا كان ملك أو نبي، لو ملك هيقبل بتغيير حكم الرجل، لو نبي هيصر عليه. إن اتاكم هذا فخذوه وإن لم تؤتوه فاحذروا، ودي موجودة في آيات كتير، ما هي أيضاً اللي بدأ بأيه: ﴿يَا أَيُّهَا الرَّسُولُ﴾ الحفاظ على الرسالة كاملة.
فهذا الله سبحانه وتعالى أراد الدين متكاملة، خطورة طرح الدين مشوه أن الناس تبغض الدين، وهذا الحاصل أن أن في أجزاء من الدين مطبقة وأجزاء من الدين مخفية. فاللي بيحصل أن ممكن الجزء ركز بقى اللي أنا عايز أقوله، الجزء المطبق من الدين أحيانا يحدث منه بعض المشاكل والناس تجد منه بعض العَنَت، يقول لك إيه إيه ده؟ إزاي المعاملات المالية المحرمة مثلاً؟ هاديكم نموذج المعاملات المالية المحرمة، بعض الناس واجد حرج من أن يقول لك المعاملات المالية المحرمة، طب أنا مش عارف أتعامل، ما هو هذا.
الحرج وقعنا فيه أن بقايا التعامل الاقتصادي الإسلامي مش موجود، فالانتقاء الديني دائماً ما يضع الناس في حالة من الحرج والإعنات، ويضع الأمة كلها في حالة من الخزي، وده اللي ربنا قالوا لهم هنا: فما جزاؤه؟ ده قاعدة؛ حالة الانتقاء الديني تؤدي إلى الخزي، تؤدي حالاً من التفرق والتشرذم، وما عندكمش أمة، ما عندكمش كتاب كامل ترجعون إليه، فخلاص تسقط عنكم الولاية والرعاية، فتكون الأمة في حالة من الخزي، وده الحاصل.
فما جزاء من يفعل ذلك منكم إلا خزي في الحياة الدنيا؟ دي سنة الله في المعاملة الدنيوية، ده لسه الآخرة نتكلم على السنن الدنيوية في الآخرة. بعض برده المفسرين الخزي: الجزية، أو القتل، أو مش عارف ايه، أو إخراجهم من الديار والإجلاء، أياً كان دي برده من باب المثال، لكن القاعدة العامة هي الحالة الخزي، اللي هو الأمة، عارف اللي يقول لك مكسوف واستحياء، هو حالة من أن هي مغلوبة ليست أمة مستعلية بدينها.
فما جزاء من يفعل ذلك منكم إلا خزي في الحياة الدنيا؟ لسه بقى ويوم القيامة يردون إلى أشد العذاب. ليه أشد العذاب؟ ما هو زي ما قلنا لأن الانتقاء بيوحي أنه بيطبق الدين، ما هو بني إسرائيل كان إذا سرق فيهم الشريف تركوه، وادا سرق فيهم الضعيف أقاموا عليه الحد. هم لو قالوا ما فيش حد واحنا كفرنا بالكتاب خلاص، لكن هذه المراوغة توحي وكان الدين موجود، فهذا زي فكرة العلمانية، هي إيه فكرة العلمانية؟ فكرة، وخصوصاً العلمانية اللي مش محاربة قوي للدين ودي خطيرة، وإن كان بعض الناس تحاول أن هو يعني يمررها أو يعني يقبلها وده خطأ، أن هي توحي أن الدين موجود بس هو له مكان معين، هو لا يصلح الخروج خارج مكان العبادة، لأن خلاص في حاجات أكثر تقدماً أو أكثر يعني تناسباً للبشرية.
وده يعني ده يصدق عليه قول الله سبحانه وتعالى: ﴿أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ﴾ [البقرة: 85]. واحنا هننتقي من الدين ما يناسب أهواءنا، ولا احنا عبيد لله سبحانه وتعالى وعباد له سبحانه وتعالى نفعل ما يأمرون به؟ إيه المحرك الأساسي لنا في التعامل مع الأحكام التشريعية؟ ده مهم.
أفتؤمنون ببعض الكتاب وتكفرون ببعض؟ فما جزاء من يفعل ذلك منكم إلا خزي في الحياة الدنيا ويوم القيامة يردون إلى أشد العذاب وما الله بغافل عما تعملون. السبب الرئيسي إيه اللي وداهم لكده؟ أولئك الذين اشتروا الحياة الدنيا بالآخرة، خلاص.
يبقى بالرغم أنه كان حكم، بعض الناس قد يرى حكم جزئي أنهم طبقوا جزئية فداء الأسارى وأخطأوا في جزئية، لكن هنا فرقوا بين دين الله سبحانه وتعالى؛ فربنا بيشرح لك العقلية اليهودية اللي بتفرق بين رسل، يأخذ ما يناسبه ويترك ما يناسبه، ويفرق في التشريعات يأخذ ما يناسبه ويترك ويترك ما لا يناسبه. هكذا كان يفعلون مع الرسل؛ أن الرسول ده ماشي ممكن نأخذ، لكن الرسول ده هنقتله والرسول ده مش مناسبنا، بيتعاملون تعامل بالأهواء.
وعشان كده جت الآية اللي بعدها بتوضح هذا الهوى في التعامل مع التشريعات وبالتالي التعامل مع الرسل والأنبياء. طب المحرك الرئيسي عند بني إسرائيل؟ وهو ده اللي ربنا قال له بعد كده في السورة إنهم أحرض الناس على الحياة. أولئك الذين اشتروا الحياة الدنيا بالآخرة فلا يخفف عنهم العذاب، لم لم تنفعهم الدنيا ولا ينصرون.
والعجيبة كان أظن مين اللي قال؟ أبو زهرة كان له لفته جميلة قوي بيقول ايه: ومع أنهم طلبوا الحياة وتركوا الآخرة لم ينالوا ما طلبوه طيباً، بل أخذه ذليلاً مهيناً مصحوباً بالخزي. ولكنهم بني إسرائيل يريدون الحياة الدنيا على أي صورة كانت، أحرص الناس على حياة، يعني اشتروا الحياة الدنيا وخدوها بالخزي واختاروا الخزي، زي بالضبط ما اختاروا يعني أنهم لا يدخلوا الأرض المقدسة وعاشوا في التيه.
طيب، هل هي العقلية اللي عمالة تنتقي؟ ﴿أَفَتَطْمَعُونَ أَن يُؤْمِنُوا لَكُمْ وَقَدْ كَانَ فَرِيقٌ مِّنْهُمْ يَسْمَعُونَ كَلَامَ اللَّهِ ثُمَّ يُحَرِّفُونَهُ مِن بَعْدِ مَا عَقِلوهُ وَهُمْ يَعْلَمُونَ﴾ [البقرة: 75]، وهنا يقرون ثم ينتقون. فهنا هو دلوقت القرآن بيعمل إيه يا جماعة؟ القرآن بيفضحهم قدام أنفسهم، هم البداية كلها أنهم رفضوا بعثة النبي صلى الله عليه وسلم وحرفوا وبدلوا، فربنا قال لهم: آمنوا، بداية الكلام خالص، يا بني إسرائيل -اللي هو كان من كذا درس- آمنوا بما أنزلتم مصدقاً لما معكم ولا تكونوا أول كافر به. فهم مرضوش آمنوا، أعرضوا.
فربنا بيقول لهم: لماذا تصرون السير على خطوات إبليس؟ ليه قضية الحسد والبغي مسيطرة عليكم؟ ليه قضية التفريق بين الأوامر؟ كان إبليس يأخذ أوامر تعجبه ويجي عند السجود رفضوا، ليه بتفكروا نفس العقلية الإبليسية التي ستؤدي بكم إلى نفس المصير؟ ما دي عقلية إبليسية، اللي هو أنا أخذ ما يناسبه، ما يناسبني ويجي عند حاجات يعترض على أمر ربنا سبحانه وتعالى. طب ربنا قال لك من الأول: ﴿إِنِّي أَعْلَمُ مَا لَا تَعْلَمُونَ﴾ [البقرة: 30].
وأكرر هذا الأمر؛ اشتراط اشتراط فهم الحكمة قبل كل أمر من أوامر الله شعبة من شعب النفاق، مش هيخليك تكمل. البحث عن حكمة الله سبحانه وتعالى بعد قولنا سمعنا وأطعنا يؤدي إلى فتح أسرار فهم التشريعات، لكن الاشتراط قبل هذا من فعل بني إسرائيل، هذا من فعل بني إسرائيل.
قالوا: اتريدون أن نبرح إلى النبي صلى الله عليه وسلم في آخر السورة سورة البقرة هنا، ازاي يا رسول الله ما اللي هي في آخر السورة إن حتى وحساب على ما في صدورنا؟ فقالوا: ده صعب ازاي يا رسول الله؟ فقال: اتريدون أن تقولوا كما، شوف الربط، كما قال بنو إسرائيل: سمعنا وعصينا؟ فقالوا: سمعنا وأطعنا حتى ذلت بها ألسنتهم فنزل التخفيف. هنا بيجي التخفيف والتيسير والفهم لأحكام الشريعة والنور يأتي بعد سمعنا وأطعنا، إنما الاعتراض والاشتراط على الله سبحانه وتعالى هذا ليس موقف العبد.
لذلك هو وهتيجي عند إن شاء الله عند كلمة بغيا ديت ونتكلم عن التصور الإبليسي في التعامل مع الأحكام التشريعية: ﴿أولئك الذين اشتروا الحياة الدنيا بالآخرة فلا يخفف عنهم ولا هم ينصرون﴾. فربنا هنا بيفضحهم من دون أنفسهم، بيقول لهم: أنتم رفضتم بعثة النبي صلى الله عليه وسلم وقلتم: أصله مش صادق، أصله مش نبي، هو لو كان نبي كنا صدقناه، تمام، مش أنتم بتقولوا كده؟ طيب، هو أنتم أصلاً أو قلتم كمان: ده ليس معه بينة وليس معه آية؟
طيب حلو، ماشي، وهنا القرآن بايه؟ ودي قلتها، قلتها قبل كده مش فاكر أظن قلتها الدرس اللي فات أو قلتها في أمسية تربوية، أنه من طرق مناقشة المخالف أنك تجيب فكرته وتطردها إلى ما لا نهاية، إلى إلى النهاية معاها. شوف قل له مآلات فكرتك ولوازم فكرتك، فكرتك ستؤدي إلى الأمر، هتلتزم بالامر ده ولا لا؟ ولا نرجع تاني ننقض فكرتك وتضبطها، تطرد الفكرة إلى إلى الآخر.
طيب هنا، أنتم بتقولوا: أصل ما جاش ببينة، أصل هو كذا، أصل، طيب، طب واللي جا لكم ببينة؟ أصل هو من بني إسماعيل. طب واللي جا لكم من بني إسرائيل عملتم معاك إيه؟ أصل هو من بني إسماعيل، وأصل ما فيش نبوة في بني إسماعيل، وأصل الأنبياء في بني إسرائيل، وكل تأصلاتكم دي ومعاكم بينات، طب جميل.
طب واللي من بني إسرائيل ومعاه بينات عملتم معاه إيه؟ ﴿وَلَقَدْ آتَيْنَا مُوسَى الْكِتَابَ وَقَفَيْنَا﴾ ما فيش فترة، ما سبناكوش، دي مش زي، ده ربنا سبحانه وتعالى أمة النبي صلى الله عليه وسلم ترك لها الكتاب محفوظاً القرآن، ما فيش رسل، ده أنتم أمة جا لكم كتاب ومجموعة من الرسل، كانت بنو إسرائيل، حديث البخاري: تسوسهم الأنبياء، كلما هلك نبي جاءهم نبي.
آتينا موسى الكتاب وقفينا، قفينا جاية من القاف، يعني وراء، يعني ما فيش فترات حتى زمنية طويلة من بعده بالرسل، يعني حتى يحملون رسالات، لأن كل ما بيتحرفوا... هنا بعض العلماء قال: ليه الرسل؟ مش أننبياء مع أنهم كانوا أنبياء؟ لأن الرسل على القول أن هنا الرسل لا يحمل معنى معنى زائد، اللي اختار القول ده قال: لأن كانوا يصححون التحريف الذي وقع في بني إسرائيل في رسالتهم، لأن ده إشارة للأمر ده، وقفينا من بعده بالرسل.
طيب، واتينا عيسى ابن مريم البينات وأيدناه بروح القدس. هنا بعض العلماء قال: ليه التخصيص عيسى؟ ما هو من ضمن الأنبياء، قالوا: لأن كان كفرهم بعيسى كفر عجيب، وكل ده عشان عيسى عليه نبينا أفضل الصلوات وأتم التسليم غير بعض ما في التوراة، أحل لكم بعض الذي حرم عليهم، يعني جاء، يعني إيه؟ يعني إذا كانت الأنبياء بيجي بالتوراة فقط، لا سيدنا عيسى جاء مغيراً وناسخاً في بعض التوراة، رفضوا ذلك وانقلبوا عليه، وهو من بني إسرائيل.
تخيل بقى هذه العقلية لما ياتيها نبي من بني إسماعيل مش بني إسرائيل، هيعملوا معاه إيه؟ يعني شوف الطغيان بتاعهم، فربنا بيفضحهم قدام أنفسهم، جاء لكم أنبياء من بني إسرائيل وبآيات عملتوا معاهم إيه؟ آتينا عيسى ابن مريم البينات وأيدناه بروح القدس. أقوال كتير برده رجعوا لها، فصل فيها ابن جرير وابن كثير وغيرهم، ويعني ورجح جبريل عليه السلام. هل الإنجيل، هل مش عارف اسم الله، لكن رجحوا أن هو سيدنا جبريل، شوف ابن كثير يعني استفاض في الأمر، وأيدناه بروح القدس جبريل.
وكنت سمعت هنا نعمان خان كان بيذكر -أنا ما قراتهاش يعني- بيقول: إنهم كانوا يتهمون سيدنا جبريل، يعني كانوا يتهمونه أن هو زي الأن كيند يعني، اللي هو اللي مش طاهر، وكانوا بيكرهوه، وهتيجي لسه عداوة بني إسرائيل لجبريل، فربنا نسبه إلى الطهر القدس الطهارة، بروح القدس.
فربنا بيقول لهم الحقيقة عشان عشان نعترف وتكونوا، ده مهم جداً الإنسان يكون واضح قدام نفسه: ﴿أَفَكُلَّمَا جَاءَكُمْ رَسُولٌ﴾ بما لا تهوى أنفسكم. الموضوع بقى أصله هو مش من بني إسماعيل، وأصله ما معوش أي آيات، وده كثير في النقاشات مع الملحدين أو غيره أو المعترضين، وده أنا قلته المرة اللي فاتت في درس أفتطمعون الربع اللي فات، أو الآيات قصدي اللي فاتت: أن ليست دائماً، ليس الاشكال دائماً اشكال معرفي، اللي قدامك مشكلته مش فقط، ليست فقط مشكلة معرفية وأنه يحتاج إلى معلومة، وأن عنده شبهة محتاج حد يرد عليه، لا، في أشكالات نفسية عظيمة بتمنع من الدخول في دين سبحانه وتعالى، من أهم هذه الأشكالات: الكبر، اللي داخل الإنسان بيمنعه من الدخول والخضوع والدخول في عتبة العبودية لله سبحانه وتعالى.
وبرده هنا الواحد الله كان نفسه يشرح هنا الحاجات اللغوية: أفكلما، ودي مش فاكر قولناها في أفتطمعون، لأن همزة الاستفهام لما بتدخل على حرف العطف، والقولين بقى هل حرف العطف الأول هيبقى معنى الآية: أفكلما، ولا في محذوف ما بين الألاء والفاء، يعني اتعرضون فكلما جاءكم رسول بما لا تهوى أنفسكم قضية قضية، هو عملتوا إيه بقى قبل ما يقتلوا الأنبياء وقبل: استكبرتم، يبقى المانع اللي جواكوا الكبر، والألف والسين والتاء كبر ما هم ببالغيه، كأنه يصل زي استغنى، لن يصبح غنياً.
أفكلما جاءكم رسول بما لا تهوى أنفسكم استكبرتم؟ بعد الكبر الإنسان ممكن يعمل أي حاجة، يعني بعد الكبر ورفض أوامر الشريعة الإنسان ممكن يصل أنه يقتل الأنبياء. أفكلما جاءكم رسول بما لا تهوى أنفسكم استكبرتم ففريقاً كذبتم وفريقاً تقتلون، شوف التنوع في مواجهة الرسل: الرسول ده يكذبوه، والرسول ده يقدرون عليه يقتلوه. لولا رهطك لرجمناك، طب تخيل! فكانوا الرسل يقدرون عليه يقتلون، طب تخيل!
وهنا بقى الآثار كتير في عدد الرسل اللي قتلوهم، لكن لا حاجة لنا في ذلك، أثبت الله أنهم يقتلون وجاءت بصيغة المضارع كما قال جمع من المفسرين لاستحضار الجريمة وكأنها تحدث الآن، بشاعة الجريمة؛ وقيل لأنهم أيضاً حاولوا قتل النبي صلى الله عليه وسلم، لذلك جاء بصيغة المضارع لما حاولوا وضع السم للنبي صلى الله عليه وسلم وغير ذلك. ففريقاً كذبتم وفريقاً تقتلون، في بتتنوع طرق أهل الضلال في مواجهه أهل الإيمان، هنا في قتل وتكذيب مثلاً بني سورة الأنفال، في هناك وسائل ثانية اللي استعملها المشركين مع النبي صلى الله عليه وسلم، فبتتنوع الوسائل حسب قوة أهل الإيمان، حسب ضعفهم، حسب المرحلة اللي بيمروا بها.
وقالوا -عشان هو شوف هو هنا بدا يحاصر- أنت سمعت الكلام وحرفته، أنت اقررت بالميثاق وأعرضت عنه، أنت اقررت بالميثاق وانتقيته، دي وقائع تاريخية ثابتة. أنت بني أنبياء بني إسرائيل، أنت دلوقتي بتقول أنا من بني إسماعيل وما معيش آيات بينات، أنت اللي من بني إسرائيل ومعاك الايات كفرت بيه وأعرضت وحاولت قتله. ها، مشكلتك إيه؟ لما اتزنق قال لك بيقول لك إيه؟ وقالوا: قلوبنا غلف.
خلاص، الموضوع مقفول، زي بالضبط لما المشركين اتزنقوا في سورة فصلت قالوا: قلوبنا في أكنة، ما هو الجدال حصل في سورة غافر والتفصيل في سورة فصلت قالوا: قلوبنا في أكنة، الموضوع مقفول.
لذلك المفسرين هنا، وده ورد عن السلف القولين، وإن كان أشهر الاقوال اللي وردت عن السلف واللي رجحها الطبري أن غلف كان معناها مغلقة، الجمع الأغلف اللي هو اللي اللي مش مختون، فهنا مقفولة، لا يعني لا تستوعب، لا يدخلها هذا الكلام، عارف اللي بيقول لك إيه؟ لا نفقه كثيراً مما تقول، الموضوع مقفول وعايز يقفل دعوتك.
فربنا بيقول لهم: أف تطمعون؟ وده تأكيد لقول الله سبحانه وتعالى: ﴿أَفَتَطْمَعُونَ أَن يُؤْمِنُوا لَكُمْ﴾، هتق هيؤمن لك ازاي؟ قالوا: قلوبنا غلف، الموضوع مقفول. بعض المفسرين قال: غلف قد تاتي بمعنى وعاء، وعاء للعلم أي لسنا بحاجة إلى علمك. الأشهر القول الأول، وابن عاشور حاول يجمع بينهم، وفعلًا المعنى أياً كان مرادهم إيه استهزاء استكبار.
تنطيط، احنا معانا كل حاجة مش محتاجين منك حاجة، الموضوع مقفول سخرية يا عم، احنا قلوبنا مقفولة. احنا عارف هو كده، أنا أصلاً ما فيش مني رجا. أياً كان الغرض هو المعنى اللي عايز يوصله أن الأمر مقفول ومن القلب الأمر منتهي، ﴿وَقَالُوا قُلُوبُنَا غُلْفٌ﴾ [البقرة: 88]، فربنا بيرد عليهم، لستم القضية ليست أن قلبك مقفول ولا أن أنت وعاء للعلم، ولكن ﴿بَل لَّعَنَهُمُ اللَّهُ بِكُفْرِهِمْ﴾ [البقرة: 88].
برضه من الحاجات اللي كنت أول مرة أقرأها وما أعرفش صحتها، برضه سمعتها من نعمان خان، بيقول أن اللفظ ده اللي هو الغلف، اللي هو الأغلف، اللي هو غير مختون ده، موجود مستعمل عندهم في اللغة الإنجليزية في في في كتابهم، وأن هم مطالبين الاختتان، اللي هو يعني اختن قلبك، يعني شيل الوعاء من عليه عشان تسمع. فكانهم وصفوا بنفس عكس نفس اللفظ الموجود في كتابهم، وقالوا قلوبنا غلف. الخلاصة أن هو الموضوع مقفول تماماً. ﴿وَقَالُوا قُلُوبُنَا غُلْفٌ بَل لَّعَنَهُمُ اللَّهُ بِكُفْرِهِمْ﴾ [البقرة: 88]. بكفرهم بقى بتبديلهم اللي هي الحاجات اللي من أول الربع، بتبديلهم شرع الله بعد ما عقلوه، بالإعراض بعد ما أقروا بالميثاق، بالانتقاء ﴿أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ﴾ [البقرة: 85]. ﴿بَل لَّعَنَهُمُ اللَّهُ بِكُفْرِهِمْ فَقَلِيلًا مَّا يُؤْمِنُونَ﴾ [البقرة: 88].
ودي بقى لما بتتكرر في القرآن فيها أقوال كتير، أشهرها إيمانهم إيمان قليل، فيعني بيؤمنوا بجزء من التوراة ويكفروا بالباقي، فبالتالي بيبقوا كفار. قليلاً فأيماناً قليلاً إيمانهم يعني، قليلاً ما يؤمنون أو عدد قليل اللي بيؤمن، والطبري رفض القول ده وإن كان مروي. أو قليلاً بمعنى العدم، وده برضه بينكره بعض أهل اللغة، وإن كان موجود أن القليل تأتي بمعنى العدم، وابن عاشور طول فيه حتى بيقول لك أنك ممكن تقول لواحد أنت عايز تقول له أنت مش مؤدب فبتديله قليل الأدب، وجاب أمثلة من اللغة تحتمل أن قليل الأدب. هتلاقوا الثلاث أقوال في كل مرة بيجي فيها الموطن ده، وإن كان يعني زي ما قلت لكم بعضهم من المتقدمين رجح أن إيمانهم إيمان قليل لا يكفيه. يعني إيمانهم نفسه، ﴿فَقَلِيلًا مَّا يُؤْمِنُونَ﴾، هذا الإيمان القليل لم يكن كافياً لأن هو يكون إيمان صحيح عند الله سبحانه وتعالى، فقليلاً ما يؤمنون.
نختم بقى الجريمة التالتة، يبقى لو هناخد من ربع براء، الجريمة الرابعة يعني سمعوا الوحي وعقلوه وبدلوه، أقروا بالميثاق العام وأعرضوا عنه وتولوا، الميثاق الخاص في المعاملات انتقوا منه. بعد كده الاستكشاف أن ده في استكبار وهوى، في هوى وكبر، ﴿أَفَكُلَّمَا جَاءَكُمْ رَسُولٌ بِمَا لَا تَهْوَىٰ أَنفُسُكُمُ اسْتَكْبَرْتُمْ﴾ [البقرة: 87]. آخر حاجة، كيف تعاملتم مع الكتاب الذي جاءكم طيب؟ شوف ﴿وَلَمَّا جَاءَهُمْ﴾، يعني هنا الآيات بتقول لك قمة التيئيس منهم، زي بالضبط في بداية البقرة منهم قمة التيئيس. ﴿وَلَمَّا جَاءَهُمْ كِتَابٌ مِّنْ عِندِ اللَّهِ مُصَدِّقٌ﴾ [البقرة: 89]. يعني عايزك تستحضر وتستحضر أن سيدنا عيسى اللي معاه الآيات البينات، اللي هو ليس من بني إسماعيل بس غير في بعض حاجات في التوراة، أرادوا قتله، أنت متخيل العقلية دي عشان بس يعني هو يعني بيعتبروه غيرهم، فكيف بمجيء النبي صلى الله عليه وسلم؟
ولما جاءهم كتاب من عند الله مصدق لما معهم، يعني مش مثلاً كتاب غير اللي معهم خالص، لا، ده من ده من الحاجات الغريبة جداً أن يقول لك إيه؟ وبيذكرها اليهود والنصارى كتير في المناقشات، يقول لك أنتوا كتابكم أصلاً هو مأخدوا من العهد القديم والعهد الجديد. هو كلمة مأخوذ كلياً ده طبعا باطل، وفي كتاب طيب للدكتور سامي عامر اسمه هل القرآن مقتبس من التوراة والإنجيل؟ ورد على كل جزئية ازاي القرآن صلح لهم أخطاء كتير فيها، حتى الحاجات اللي كان بياخدها بياخدها دون أن يأخذ أخطاءها. لكن فكرة أنه في الأسس ما هو طبيعي، ما هو امتداد، القرآن أصلاً يصر أن الإسلام هو امتداد للرسل وأنتم الذين بدلتم وحرفتم. القرآن بصوا، يعني أن شاء الله لو ربنا قدر يعني ربنا يمد في أعمارنا على خير لو وصلنا آل عمران، تجد أن من أول لحظة النقاش مع اليهود والنصارى ربنا بيقول لهم ﴿وَأَنزَلَ التَّوْرَاةَ وَالْإِنجِيلَ﴾ [آل عمران: 3]، أيوه، احنا بنعترف أن في توراة وإنجيل ﴿وَأَنزَلَ الْفُرْقَانَ﴾ [آل عمران: 4]، اللي هو امتداد، القرآن يصر على رسم هذه الصورة. عايزك تركز، القرآن يصر على رسم أن الإسلام هو الامتداد الحقيقي، وأن اليهودية والنصرانية هي انحراف. عندنا الصراط المستقيم هنا غير المغضوب عليهم ولا الضالين، دول انحرفوا وأن الإسلام هو الامتداد الحقيقي للرسل، القرآن يصور هذه الصورة ويؤكد عليها مراراً.
فربنا بيقول لهم ﴿جَاءَهُمْ كِتَابٌ مِّنْ عِندِ اللَّهِ مُصَدِّقٌ لِّمَا مَعَهُمْ﴾ [البقرة: 89]. وأنتم كنتم تنتظرونه، ﴿وَكَانُوا مِن قَبْلُ يَسْتَفْتِحُونَ عَلَى الَّذِينَ كَفَرُوا﴾ [البقرة: 89]. أنتم عارفين كويس أن دول أهل أوثان، وكنتم تتقاتلوا مع أهل الأوثان، تخيل لما يجي في سورة النساء لما يتسالوا عن المسلمين يقولوا عن أهل الأوثان هؤلاء أهدى من الذين آمنوا سبيلاً، شوف الحسد والبغض! وده بيحصل حتى في الواقع أن يقول أن أهل الأوثان أهدى من أهل الإيمان، وأهل الإيمان معهم كتاب مصدق لما معهم. طيب، أنتم كنتم تتقاتلوا مع الكفار، وكنتم تستفتحوا على الذين كفروا. أه، هنا يستفتح، هل يستنصر بمجيء النبي صلى الله عليه وسلم ولا يطلب الفتح من الله سبحانه وتعالى، ولا يتوعدون وأنهم سياتي الفتح وينتظرونه؟ كل ده ليستفتحون، معناها الخلاصة: كنتم تنتظرون بعثة النبي صلى الله عليه وسلم ليقاتل معكم وتتوعدون أهل الكفر بذلك وتطلبون النصر بمجيئه.
يعني أنت مش بس يعني خد بالك حرفوا بعد ما سمعوه وعقلوه، انتقوا بعد ما أقروا بالميثاق وأنتم تشهدون -شوف التأكيدات- وبعد كده هنا كنت منتظر وكنت بتستفتح به، يعني شوف أنت كنت منتظره قد إيه وحماستك تجاهه قد إيه، وشوف انقلابك عنه قد إيه، شوف الصورة القرآنية لليهود قبل وبعد. شوف الصورة قبل وبعد أخذ الميثاق وأقروا وتشهدون، ثم أنتم هؤلاء. هنا دلوقتي كتاب مصدق وتستفتح به، وشوف عشان كده اتعادلت لما هنا، ولذلك هنا أهل اللغة بقى وأهل الإعراب اختلفوا في هل كلمة فلما جاءهم عرفوا كفروا به، كفروا دي دي جواب شرط، جواب لما الأولانية ولا لما التانية في اتنين لما في الآية، ﴿فَلَمَّا جَاءَهُمْ كِتَابٌ مِّنْ عِندِ اللَّهِ مُصَدِّقٌ لِّمَا مَعَهُمْ وَكَانُوا مِن قَبْلُ يَسْتَفْتِحُونَ عَلَى الَّذِينَ كَفَرُوا فَلَمَّا جَاءَهُم مَّا عَرَفُوا كَفَرُوا بِهِ﴾ [البقرة: 89]. حط شرطتين ما بين ﴿وَكَانُوا مِن قَبْلُ يَسْتَفْتِحُونَ﴾ دي جملة اعتراضية. الجملة الشرطية الأولى: ﴿فَلَمَّا جَاءَهُمْ كِتَابٌ مِّنْ عِندِ اللَّهِ مُصَدِّقٌ لِّمَا مَعَهُمْ﴾، والجواب ﴿كَفَرُوا بِهِ﴾. في لما تانية: ﴿فَلَمَّا جَاءَهُم مَّا عَرَفُوا كَفَرُوا بِهِ﴾ برضه. هل كفروا جواب للاثنين والاثنين بيتنزعوه، ولا جواب الأولانية والتانية اعتراضية؟ يعني برضه هنا خلاف بين أهل اللغة، بعضهم قال لطول الكلام ولتأكيد الأمر: ﴿فَلَمَّا جَاءَهُمْ كِتَابٌ مِّنْ عِندِ اللَّهِ مُصَدِّقٌ لِّمَا مَعَهُمْ وَكَانُوا مِن قَبْلُ يَسْتَفْتِحُونَ عَلَى الَّذِينَ كَفَرُوا فَلَمَّا جَاءَهُم مَّا عَرَفُوا كَفَرُوا بِهِ﴾ [البقرة: 89]. هو عارف أن ده الحق، وهو ده اللي كان منتظره، كفروا به ليه؟
ليه كتاب مصدق للي معاك، كنت تستفتح به، كنت منتظر بحماس، ولما جاءه عرفته، ليه كفروا به؟ هنعرف دلوقتي. ﴿فَلَعْنَةُ اللَّهِ عَلَى الْكَافِرِينَ﴾ [البقرة: 89] الأول بس كده. فلعنة الله على الكافرين، كل من يكفر بما جاء من، فلعنة الله على الكافرين. وبعد كده إيه بقى المشكلة؟ ﴿بِئْسَمَا اشْتَرَوْا بِهِ أَنفُسَهُمْ أَن يَكْفُرُوا بِمَا أَنزَلَ اللَّهُ﴾، دي آخر آية إن شاء الله أو اللي هي واللي بعدها يعني، ﴿بِئْسَمَا اشْتَرَوْا بِهِ أَنفُسَهُمْ أَن يَكْفُرُوا بِمَا أَنزَلَ اللَّهُ بَغْيًا أَن يُنَزِّلَ اللَّهُ مِن فَضْلِهِ عَلَىٰ مَن يَشَاءُ مِنْ عِبَادِهِ﴾ [البقرة: 90]، هي دي. ﴿بَغْيًا أَن يُنَزِّلَ اللَّهُ مِن فَضْلِهِ عَلَىٰ مَن يَشَاءُ مِنْ عِبَادِهِ﴾، ده الفضل ما ينزلش على غيرنا. يا الله! وهتشوف الآية اللي بعدها بيقولوها بوضوح. ﴿بِئْسَمَا اشْتَرَوْا بِهِ﴾، ضيعتم نفسكم. طيب، بئسما برضه كالعاده قضايا اللغويات اللي بحيل عليها، بئس اللي هو فعل الذم ومعروف نعم وبئس والخلاف الطويل في إعراباته وهنا ما بئس شيئاً على بئس شيئاً. إيه هو الشيء دوت اللي احنا عايزين حد يشرح لنا إيه الشيء اللي إيه هو المذموم؟ الشيء الذي اشتروا به أنفسهم، إيه هو المذموم ده؟ ﴿أَن يَكْفُرُوا بِمَا أَنزَلَ اللَّهُ﴾. يبقى بئس الحاجة اللي ضيعوا بها نفسهم أنهم كفروا بما أنزل الله. فالاية بتذم أنه ضيع نفسه، أنا ليه عمال أقول ضيع؟ لأن أنا لسه هشرح الخلاف في كلمة اشتروا. يعني إيه عمال أقول اشتروا أنفسهم ضيع؟ لسه هشرح أن في خلاف في كلمة اشتروا، لكن بشرح بس المجمل للآية. يعني هذا الفعل مذموم أنهم ضيعوا أنفسهم وخسروا أنفسهم بسبب كفرهم. طب وليه كفروا؟ ﴿بَغْيًا﴾، ده على قول أن بغياً علة كفر، وهشرح دلوقتي إن شاء الله، لكن خليني أشرح اشتروا الأول.
﴿بِئْسَمَا اشْتَرَوْا﴾، جمهور المفسرين اشتروا هنا بمعنى باعوا. ﴿بِئْسَمَا بَاعُوا بِهِ أَنفُسَهُمْ﴾. يبقى معنى الآية: هذا الفعل المذموم الذي فعلوه أي ذم وهو أنهم باعوا أنفسهم بسبب أنهم كفروا بما أنزل الله، وكفروا بما أنزل الله بغياً أن ينزل الله من فضله على من يشاء. فهذا فعل عجيب يستحق الذم. ضيعوا به وباعوا أنفسهم، ضيع نفسه، باع نفسه. يبقى اشتروا أنفسهم، باع نفسه. نفسه ديت كان ممكن يشتريها ويحافظ عليها ويشتري لها الخلود ويدخلها الجنة، باعها وضيعها ودفع وأخذ ثمن قليل، ثمن قليل بسبب ذلك. ربنا قال إيه هناك؟ ﴿أُولَٰئِكَ الَّذِينَ اشْتَرَوُا الْحَيَاةَ الدُّنْيَا بِالْآخِرَةِ﴾ [البقرة: 86]. وهنا ﴿بِئْسَمَا اشْتَرَوْا بِهِ أَنفُسَهُمْ أَنْ يَكْفُرُوا بِمَا أَنْزَلَ اللَّهُ بَغْيًا أَنْ يُنَزِّفَ اللَّهُ مِنْ فَضْلِهِ عَلَى مَنْ يَشَاءُ مِنْ عِبَادِهِ﴾. فباع نفسه وضيع نفسه.
بعض الناس، وده أنا لقيت أكثر واحد أو يعني أكثر واحد حاول يدافع عن اشتروا هنا بمعنى اشتروا اللي هو بتاع، لأن فعل شرى واشترى كثير من العلماء بيقول هو بمعنى المعاوبة، فيمكن يتبادلوا، ممكن يتبادلوا. واستقصاء ده في القرآن عايز بحث، يعني والناس ﴿وَمِنَ النَّاسِ مَن يَشْرِي نَفْسَهُ﴾ [البقرة: 207] قال، وهنا يشري بمعنى يبيع. فشرى واشترى، بعض العلماء أصر قال لك لا، احنا نمشي على قاعدة ثابتة. أن شرى، عشان ما فيش فيها التاء وهي فعل خفيف ما فيش فيها تكلف فمش هتحصل على حاجة، أنت هتبيع، فقالوا شرى بمعنى باع. ﴿فَلْيُقَاتِلْ فِي سَبِيلِ اللَّهِ الَّذِينَ يَشْرُونَ الْحَيَاةَ الدُّنْيَا بِالْآخِرَةِ﴾ [النساء: 74] قال اللي بيبيع، تعالى لقول أن شرى بمعنى باع. وإن كان شرى بتاعة النساء دي فيها خلاف، فليقاتل الذين يشرون ودول أكثر موطنين فيهم خلاف اللي عايز في القرآن كله شرى واشترى، الخلاف موجود في اشتروا بتاعة البقرة وشرى بتاعة النساء. ففي ناس وده منهم زي ابن عاشور قال أن اشترى بمعنى حصل على شيء، ابتاع. ابتاع يعني هو أخذ، اشتراها. وشرى بمعنى باع.
طب هناك جمهور، أنا القول ده قعدت أدور مين قالوا، استغربت أن رشيد رضا نسبه لابن جرير، قال أنه ذكره كاحتمال. رجعت مش، قد يكون أنا واهمت، مش حاسس أن هو هو جاب شرح أن هو كسب مش بمعنى بتاع، لكن لقيت برضه، لقيتهم يعني بيذكروه في التيسير في النسفي متقدم، مش النسفي المتاخر اللي هو 50 والشوية، كتاب التفسير التيسير قصدي ذكر القول ده وذكر احتمالاته وفصل فيه ونسبه للقفال. لكن الجماهير قالوا أن اشترى بمعنى باع. طب احنا شرحنا باع أن بئس الشيء الذي ضيعوا وخسروا أنفسهم وضاعوا وباعوا أنفسهم بسبب الكفر، هذا المذموم هو الكفر وهذا الكفر سببه البغي، تمام كده تمام. طب اللي قال اشترى اللي هو ابن عاشور وغيره، قال اشترى بمعنى، وإن كان عاشور رجع قال وقيل بمعنى باع وفصلها برضه على كده لكن بدا به. فقال أن الاشتراء هو استبقاء، بيستبقي. فقال بئس العوض، بئس العوض أنه هياخد، يعني بذلهم الكفر ورضاهم به ليه عملوا كده؟ يعني بئس شيء اشتراه هو هو اشترى الكفر. كانه دفع ثمن الكفر، ماشي. ﴿بِئْسَمَا اشْتَرَوْا بِهِ أَنفُسَهُمْ﴾، اشترى نفسه بالكفر.
طب هو هو في حد بيشتري نفسه؟ هو كده بيضيع نفسه الكفر. قال ما هو اشترى نفسه دنيوياً. هو حافظ على نفسه، اشترى نفسه قال أنا هدفع ثمن نفسي لأن أنا لو هو في نظره أن لو كان آمن معناه أنه كان هيضيع نفسه، مناصبه هتروح، والأحبار بقى وجو الأحبار والرهبان ويأكلون أموال الناس بالباطل، والسلطة الدينية دي هتروح منه. قال لك لا، أنا عايز أشتري السلطة دي وهذه هي نفسه التي يحافظ عليها، منصبه ده هو نفسه يحافظ عليه كنفسه. فاشترى نفسه، حافظ على نفسه بالكفر. دفع، تخيلوا معايا، دفع الكفر ثمناً ليحافظ على منصبه الدنيوي. فقال لبقاء الرئاسة والسمعة وعدم الاعتراف برسالة الصادق صلى الله عليه وسلم. يبقى اللي اشترى هنا اللي حملها على الدنيا قال اشترى بمعنى أن هو اشترى، واللي حملها على الآخرة قال اشترى بمعنى باع، ده على محاولة يعني التوفيق بين الأقوال. خلاص، فبئس الشيء الذي فعلوه أن دفعوا الكفر ثمناً ليحافظوا على رئاستهم الدنيوية، وبئس هذا البيع أنه ضاع، ضيع نفسه بكفره بسبب كفره، فليعذ بالله.
ويعني برضه حتى، يعني برضه من التفسيرات اللي حاولت تفسر، من أجمل التفسيرات اللي جابت لي بس عشان الوقت برضه تيسير للنسفي جاب فيها تفصيل حلو يعني. طيب، ليه كل ده حصل يا جماعة؟ ﴿أَن يَكْفُرُوا بِمَا أَنزَلَ اللَّهُ﴾. خد بالك، ما قالش بما أنزل ربنا، بيأكد هنا كلمة الانزال كتير متكررة، الله انزل هذا الكتاب. ليه كفروا بما أنزل الله؟ يعني هو عارف، خد بالك شوف الآية فيها كم مرة! الآية اللي قبلها فيها أصلاً ﴿مُصَدِّقٌ لِّمَا مَعَهُمْ مِّنْ عِندِ اللَّهِ﴾، والآية التانية ﴿أَن يَكْفُرُوا بِمَا أَنزَلَ اللَّهُ بَغْيًا أَن يُنَزِّلَ اللَّهُ مِن فَضْلِهِ﴾.
الآية اللي بعدها: ﴿وَإِذَا قِيلَ لَهُمْ آمِنُوا بِمَا أَنزَلَ اللَّهُ قَالُوا نُؤْمِنُ بِمَا أُنزِلَ عَلَيْنَا﴾ [البقرة: 91]. فالآية بتخليهم يقروا أن في كتاب أنزله الله؛ أنتم اتعاملتم معاه ازاي؟ كفرتم به ليه؟ بغيا أن ينزل الله من فضله على من يشاء من عباده.
المرض ده مرض البغي، لذلك كتير مفسرين قالوا: الحسد. وبعضهم عكس؛ قال البغي هنا مش معنى كبير والحسد جزء منه، لا، ده الحسد أصلاً هو معناه البغي. يعني كان البغي هنا مساوي الحسد، بعضهم قال: لا، ده البغي ده كلمة كبيرة، جريمة ضخمة فيها حاجات من ضمنها الحسد، فالقصود هنا من البغي هو الحسد.
تعالوا نحلل اللفظ؛ لفظة البغي: بيبغي شيء، بيطلب شيء، بيتعدى حدود، مش عايز يقف. ﴿وَمَا مِنَّا إِلَّا لَهُ مَقَامٌ مَّعْلُومٌ﴾ [الصافات: 164]. هو ربنا وزع الأرزاق وقسم الأمور، خلاص؟ ﴿نَحْنُ قَسَمْنَا بَيْنَهُم مَّعِيشَتَهُمْ فِي الْحَيَاةِ الدُّنْيَا﴾ [الزخرف: 32]. ما كانوا عاجبين أن ربنا يختار النبي صلى الله عليه وسلم، فربنا بيقول لهم: قسم؛ ده الدين والدنيا، الأرزاق مقسومة، فلا بد أن ترضى، قال: ربنا بيقول لهم: أَهُمْ يَقْسِمُونَ رَحْمَتَ رَبِّكَ؟! ده نوع من البغي.
زي بالظبط اللي بيحسد واحد على نعمة دنيوية؛ ده بغي، أنك أنت بتطلب شيء ليس لك، الله قدر ذلك، أنت بتعدى حكم الله سبحانه وتعالى. الله أعلم حيث يجعل نعمته، والله أعلم حيث يجعل رسالته، آية الأنعام. فهنا البغي ده أن إليس له مقام معين عايز يتعداه، طيب وهو هيتعداه؟ هياخد مقام آدم؛ ده كان بغي. ابني آدم، فتقبل أحدهما ولم يتقبل، قالوا ليه؟ فده بغي. بني إسرائيل؛ قالوا ليه تنزل النبوة على نبي من بني إسماعيل؟ ده بغي. يجي عالم، ليه فلان يتصدر وكذا؟ احنا نهدمه، ده بغي. يجي فلان يطعن في فلان ومش عارف، ويعمل فيه إيه؟ ده بغي.
هذا بين أهل الدين يكون موجوداً، نسأل الله السلامة والعافية. وذكرت أنا في الأمسية الماضية، اللي في الأربعاء الماضي، كلمة ابن عقيل: رأيت الناس لا يعصمهم، لا يمنعهم من الظلم إلا العجز. لا يقول العوام، بل العلماء. وذكر أمثلة الحنابلة لما استطالوا على الشافعية، والشافعية لما استطالوا على الحنابلة. ثم قال: وهل هذه إلا أخلاق الأجناد؟ يصولون في دولتهم ويلزمون المساجد في بطالتهم.
فهذا البغي موجود بين أهل الدين، نسأل الله السلامة والعافية. فده أمر لابد أن: خدوا بالكم، خدوا بالكم؛ إبليس، ابني آدم، بني إسرائيل، ده كله قضايا دينية. يعني هنا ربنا اصطفى آدم، وإبليس كان يتعبد، تقبل من أحدهما؛ كانوا رايحين يعملوا عمل ديني، فقربا قربانا. هنا بني إسرائيل: بنتكلم على نبوة. عشان كده دايما بقول يا جماعة، وقلتها أكتر من مرة، وقلتها في الأمسيات التربوية الماضية: اقرأوا شرح رسالة ابن رجب، شرح حديث ذئبان جائعان. ابن رجب أبدع فيها في النص الثاني لما أتكلم أن الذئب الجائع الأول هو الدنيا، الحرص والطمع على الدنيا، والذئب الجائع الثاني الحرص على الشرف، ولا سيما الشرف الديني، يتنازعوا فيه الناس. الأمر خطير، نسأل الله السلامة والعافية.
وهم قالوها بقا في آخر آية، قالوها بوضوح، يعني إذا كان هنا ربنا بيقول: بغيا أن ينزل الله من فضله على من يشاء من عباده، فباءوا بغضب على غضب، وأنت أصلاً يعني كنت بتحرف في غضب، فجاء غضب زيادة، وقيل هنا الغضب: أي غضب متتالي مش غضبين، ﴿فَبَاءُوا بِغَضَبٍ عَلَى غَضَبٍ وَلِلْكَافِرِينَ عَذَابٌ مُّهِينٌ﴾ [البقرة: 90]. والطبري بيفرق؛ بيقول: لما بتيجي مهين، لأن المؤمن عذابه في الآخرة عذاب تنقية، يعني يدخل النار ثم يخرج منها، أما المهين هو العذاب اللي فيه خلود.
آخر آية، شوف شوف الجواب اللي بوضوح: ﴿وَإِذَا قِيلَ لَهُمْ آمِنُوا بِمَا أَنزَلَ اللَّهُ﴾ [البقرة: 91]. طيب مش مهم، مش مهم أنزل على مين دلوقتي، احنا هنسيبها مفتوحة، أدوا كلمة أن اللي يجي من عند ربنا نؤمن به، يقولوا إيه؟ ما يسيبهاش مفتوحة، قالوا: ﴿نُؤْمِنُ بِمَا أُنزِلَ عَلَيْنَا﴾ [البقرة: 91]. مش نؤمن بما أنزل الله. في ناس تقول له: اتبع الحق حيثما كان، يقول لك: أنا أسمع كلام طائفتي. هو ده مش ده مش مش اللي هيقوله لسانه، لكن ده اللي جواه، هو مش بيبحث عن الحق. قالوا: ﴿لَعَلَّنَا نَتَّبَعُ السَّحَرَةَ إِن كَانُوا هُمُ الْغَالِبِينَ﴾ [الشعراوي/الأعراف]، يعني مش هنتبع، هنتبع السحرة لو كسبوا، السحرة خسروا مش هنتبعهم، وموسى كسب مش هنتبعهم؛ هو داخل محدد النتيجة، هو هيسمع كلام مين من الأول. شوف توجيه الإعلام للأفكار!
فهنا اليهود بيقولوها بكل ود، احنا هنؤمن بشيخنا بس، بحاجتنا فقط، أي حاجة تأتي من الخارج نرفضها؛ مقفول. وده يا جماعة يفسر ليك -أنا آسف أن طولت عليكم النهارده، بس أنا قلت أخد راحتي يعني في الإسقاطات الواقعية شوية النهارده، أنا تحررت، كنت عايز أفصل لكم كلام من أهل اللغة في التفاسير أو كده، قلت لا، أنا هقلل النهارده، أُحاول أسقط شوية على الواقع-.
ده يفسر لكم ليه بعض الأذكياء حقيقة، أنت تتعجب أن هو دماغه يعني رافض حاجة بديهية أو شيء واقعي، أنا أحياناً تقرا أو تسمع لبعض الشيعة، أنت تستغرب يعني العقلية دي ازاي صدقت بهذه الخرافة مثلاً؟ وإزاي في اللي بيحصل؟ إيه بقى؟ أن في جزء من العقل هو بيقفله، بيرفض أن حد يتكلم في هذه المنطقة، هي منطقة بتكون مظلمة مغلقة غُلف، يمنع أي نور تدخل هذه المنطقة، لا يسمح بالنقاش في المنطقة دي أصلاً. فانت بتيجي تتكلم معاه، كل كلامك هو لا يدخل، ملوش أي مستقبلات، تتكلم معاه.
أحياناً بعضنا، أو يعني كل واحد فينا أو بعضنا أياً كان، في مناطق هو عمل لها نوع من الإغلاق ومغلفة تمنع الدخول للنقاش. لو دي محكمات كويس، لو دي محكمات الشريعة واستقرت بيقين، ده كويس أنك تعمل ده، أنت كده ده نوع من الثبات على دينك. لكن أمر أنت مرتاب فيه، أو مسائل ليست بهذه القطعية وبتعمل فيها كده وتعصب عليها، ده في إشكال، لأن ده بيعمل نوع بعد كده من الانقلاب الحاد لما هو بعد كده يحصل له بلبله في هذه الأمور.
الشاهد؛ تعالوا نشوف كلمة اليهود اللي قالوها بوضوح: نؤمن بما أنزل علينا. هو ربنا بيقول لهم: آمنوا بما أنزل الله، سيبوها مفتوحة، اللي ربنا ينزله تؤمنوا به، نزل به سيدنا جبريل، نزل به سيدنا ميكائيل. هم رفضوا؛ لما أن سيدنا جبريل نزل بالوحي قالوا: ده عدونا. زي ما يجي لنا بعد كده نزل على النبي صلى الله عليه وسلم، قالوا: ده عدونا، مش معانا، مش من بني إسرائيل. هو أنتم كنتم آمنتم باللي نزل على بني إسرائيل؟ يعني من من وسائل، وده اللي القرآن عمله هنا من شوية، من وسائل معرفة إذا كان اللي قدامك كذاب ولا لا؛ طب هو عمل ايه في شريعته؟ هو عمل ايه في دينه؟ يعني هو أنت عملت إيه في أخلاقك أنت؟ أنت عمال تقول: أنتم كذا، وهو النبي صلى الله عليه وسلم كذا. طيب هو أنت صدقت؟ يعني دلوقتي لو احنا عايزين نطرح للعالم، هو دلوقتي الإشكال أن بعثة النبي صلى الله عليه وسلم مش واضحة ولا الإشكال في اليهود؟
دلوقتي الإشكال؛ شوف هو قام يفضحهم ازاي قدام العالم، هو دلوقتي اليهود والنبي صلى الله عليه وسلم جاء لهم، هو بيقولوا: الإشكال عند بعثة النبي صلى الله عليه وسلم. طيب، احنا هنكمل معاك للاخر، هو هو ده أول نبي يجي لكم؟ لا. طب جاء لكم قبل كده أنبياء؟ أه. معاهم بينات؟ أيوه. عملتم فيهم إيه؟ قتلناهم. واضح فعلا الإشكال في النبي؟ ما هي واضحة أهي، واضح الإشكال في مين يعني؟ ﴿فَإِذَا قِيلَ لَهُمْ آمِنُوا بِمَا أَنزَلَ اللَّهُ قَالُوا نُؤْمِنُ بِمَا أُنزِلَ عَلَيْنَا وَيَكْفُرُونَ بِمَا وَرَاءَهُ وَهُوَ الْحَقُّ مُصَدِّقًا لِّمَا مَعَهُمْ﴾ [البقرة: 91]. أي حاجة ثانية ما أنزلش علينا يكفرون وهو الحق مصدقا لما معهم.
طيب ولما أنتم عايزين أدلة وعايزين بينات؛ الختام بقا، سؤال سؤال مضحك استنكاري: ﴿قُلْ فَلِمَ تَقْتُلُونَ أَنْبِيَاءَ اللَّهِ مِنْ قَبْلُ إِنْ كُنْتُمْ مُؤْمِنِينَ﴾ [البقرة: 91]. هو لو أنتم مؤمنين وآمنتم، طيب أنا هقول لك على حاجة: أنت آمنت باللي أنزل علينا، خلصت خلاص، أنت آمنت باللي أنزل عليك؛ خلاص، آمنتم باللي أنزل عليك وطلعت أنا اللي غلطان. طيب واللي أنزل عليك في أنك تقتل أنبياء؟ ﴿فَلِمَ تَقْتُلُونَ أَنْبِيَاءَ اللَّهِ مِنْ قَبْلُ إِنْ كُنْتُمْ مُؤْمِنِينَ﴾ [البقرة: 91].
بعتذر طولت عليكم النهارده، لكن يهمني تحليل الشخصية اليهودية عشان نفهم المراوغات، لأن دي شخصيات موجودة في إلقاء الشبهات على الناس، فانت ما تضيعش عمرك في مثل مناظرة هؤلاء ولا التعامل مع هؤلاء. تكون فاهم الأول؛ يجي لك واحد فاسد أخلاقياً، فاسد مفسد، ويجي يناقشك أن عندكم مشكلة في بعض الأخلاق في الإسلام؛ يا راجل، يعني زي ما فرعون كان بيقول لموسى في سيدنا موسى بيقول: أنت اللي بتتكلم عن الأخلاق! فيبقى شيء عجيب.
فالقرآن فضح اليهود ومد الخط معهم إلى النهاية فافتضحوا. نكمل إن شاء الله المجلس القادم، أسأل الله سبحانه وتعالى أن يستعملنا وإيّاكم، ويستعملنا في نصرة هذا الدين، وأن يجعلنا وإيّاكم من أهل القرآن الذين هم أهل الله وخاصته. سبحانك اللهم، أشهد أن لا إله إلا أنت أستغفرك وأتوب إليك، والسلام عليكم ورحمة الله وبركاته.