د. أحمد عبد المنعمالسلام عليكم ورحمة الله وبركاته. بسم الله، والصلاة والسلام على رسول الله صلى الله عليه وسلم. بإذن الله سبحانه وتعالى نستكمل مجالس تفسير أو وقفات مع سورة العنكبوت. أسأل الله سبحانه وتعالى أن يتم لنا هذه السورة، وأن يتم لنا كل القرآن على خير، وأن يجعلني وإياكم من أهل القرآن الذين هم أهله وخاصته، وأن يرزقنا حفظ القرآن وفهم القرآن والعمل بالقرآن والمجاهدة.
كنا توقفنا عند آية ست وأربعين. أيوه، خدنا خمس وأربعين. قول الله سبحانه وتعالى: ﴿وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ إِلَّا الَّذِينَ ظَلَمُوا مِنْهُمْ وَقُولُوا آمَنَّا بِالَّذِي أُنزِلَ إِلَيْنَا وَأُنزِلَ إِلَيْكُمْ وَإِلَهُنَا وَإِلَهُكُمْ وَاحِدٌ وَنَحْنُ لَهُ مُسْلِمُونَ * وَكَذَلِكَ أَنزَلْنَا إِلَيْكَ الْكِتَابَ﴾ [العنكبوت: 46-47].
هنا دائماً بأكد في بداية المجلس استحضار الجو العام للسورة، زي ما ذكرت المرة اللي فاتت، أن مدارسة كل آية لوحدها بيفيد معاني، ومدارسة نفس الآية في وسط السياق بيديها معاني أخرى، كاستحضار جو السورة والابتلاءات اللي بيمر بها الصحابة في آخر العهد المكي، والبحث عن نقطة انفراجة ونزول القرآن لتثبيت الصحابة في هذا الجو. استحضار الجو العام ده مهم للسورة. آخر حاجة اتكلمنا عنها أن إزاي السورة تجعل المؤمن يرى جهود أهل الباطل كأنهم خيوط العنكبوت، أو كأنها خيوط العنكبوت. كل هذه الجهود كيف يراها على أنها مجرد خيوط عنكبوت؟ الله سبحانه وتعالى قادر على أن يذهبها بكلمة منه سبحانه وتعالى، وكل شيء عليه هين سبحانه وتعالى.
وقلنا إزاي القرآن أشار إلى كيفية الوصول إلى هذه المرحلة عن طريق التدبر في الآيات الكونية: خلق الله السماوات والأرض بالحق، والتدبر في آيات القرآن: اتل ما أوحي إليك من الكتاب. بعد كده قلنا السورة بتدأ تغير نسبياً بصورة بسيطة الأسلوب بتاعها. لأن الآن أصبح إن فيه زي التعبير ابن عاشور: توطئة لانتقال المسلمين إلى المدينة. وده من إعجاز القرآن، أن من قبل أن يهاجروا إلى المدينة واللقاء مع أهل الكتاب والاحتكاك بأهل الكتاب، تنزل آيات تخبر المؤمنين كيف يتعاملون مع أهل الكتاب. ده من إعجاز القرآن، زي قول الله سبحانه وتعالى: ﴿سَيَقُولُ السُّفَهَاءُ مِنَ النَّاسِ مَا وَلَّاهُمْ عَنْ قِبْلَتِهِمُ الَّتِي كَانُوا عَلَيْهَا﴾ [البقرة: 142]. فبالتالي المؤمن لما بيسمع الكلمة دي، أول شيء بيزداد يقيناً في القرآن، وثانياً ما يحصلوش الصدمة. يعني أنت لما تسمع الشبهة لأول مرة يحصل لك صدمة، وده قيمة طلب العلم.
أن الإنسان لما بيستمر في طلب العلم، يعني مثلاً إنسان مستمر في علم الحديث وبيقرأ وبيني نفسه، فبيقرأ البخاري والشروح وبيقرأ مسلم، فلما حد يجيب له شبهة حديث في البخاري أو طعن معين من الطعونات التي الآن تلقى على البخاري، هو أصلاً قارئ إيه ده، ومستحضر وعارف الشبهة وعارف الرد عليها، فما يحصلوش نوع من الصدمة. لأن جزء كبير من أثر الشبهة بيكون نتيجة الصدمة، لأنك لأول مرة تسمع الأثر ده، أو لأول مرة تسمع تفسير الآية، لأول مرة تسمع القول ده، فيحصل لك سبب استغراب، معقول! طب ده صح ولا غلط؟ وتدخل البلبلة دي. لكن لو أنت مسبق وعارف، بمجرد ما تسمع الشبهة هتقابلها بنوع من الطمأنينة والسكينة وبترد عليها بكل هدوء.
فإزاي القرآن كنوع من الاستباق للأحداث، إزاي هيحصل إن فيه هجرة تحدث، وإن فيه احتكاك هيحدث، وأن أسلوب الدعوة يبدأ يختلف قليلاً مع أهل الكتاب غير النقاش مع المشركين؟ لذلك بعض الشراح كان أشار إلى حديث البخاري، حديث النبي صلى الله عليه وسلم، أنه أرسل إلى اليمن مين من الصحابة؟ معاذ بن جبل. معاذ بن جبل لما النبي صلى الله عليه وسلم أرسله إلى اليمن، قال له: «إنك تأتي قوماً أهل كتاب» فليكن أول ما تدعوهم إليه كذا، وتمام الحديث.
النص الأول: أنك تأتي قوماً أهل كتاب، دول محتاجين دعوة مختلفة، وهم أهل كتاب عندهم علم وحصل لهم نوع من التحريف والتبديل، فأرسل إليهم من يأتي يوم القيامة يسبق العلماء رمية بحجر. يعني بما أنهم أهل علم، أرسل إليهم اللي يستطيع أن هو يجاريهم ويرد عليهم. فكيفية مواجهة كل طائفة وكل شبهة لها طريقة في مواجهتها. وهنا في إشارات في هذه الآيات معنا إن شاء الله. يعني الصفحة دي هنجد فيها الأسلوب بدأ يختلف شوية، هنجد فيها أن من الألفاظ التي تكررت في صفحة واحدة تقريبا ثلاث مرات تقريباً، لفظ الجحود. والجحود يأتي بعد معرفة، يجحد شيء بعد معرفة، كما قال بعض أهل اللغة، أن بعد ما الإنسان يعرف شيء يجحده. فأهل الكتاب بعد ما تبين لهم وصف النبي صلى الله عليه وسلم جحدوه، بعد ما تبين لهم إعجاز القرآن، أعرضوا عنه. فدي سمات كده للصفحة بتاعت النهارده.
ولا تجادلوا خطاب لأهل الإيمان أنهم لما ينتقلوا للمدينة، في تعامل مختلف الآن مع أهل الكتاب: ﴿وَلَا تُجَادِلُوا أَهْلَ الْكِتَابِ﴾ [العنكبوت: 46]. يبقى الخطاب ده موجه لمين؟ للصحابة اللي هينتقلوا للمدينة. فدي بشرى، أهل الكتاب لفظ بيشمل اليهود والنصارى. وفي هذه الأحداث تحدداً، لو الآية توطئة للذهاب للمدينة، يبقى الأغلب اليهود، وكان اليهود هم اللي بيكثروا إلقاء الشبهات. كان أذن قراءة أكثر من مبحث تجميعة الشبهات التي اليهود كانوا يسألون، يجمعوا اليهود يجمعوا مجموعة من الشبهات والأسئلة يبعثوا بها إما بعض المنافقين أو بعض المشركين لسؤال النبي صلى الله عليه وسلم. فكانوا متخصصين في إلقاء الشبهات، عكس النصارى جم في وفد نجران، فكان متأخراً وده اللي رد عليهم في سورة آل عمران.
﴿وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ﴾ [العنكبوت: 46]. هل ده نهي مطلق؟ لا، إلا بالتي هي أحسن إلا الذين ظلموا منهم. يعني إيه؟ ركزوا معي لأن في أقوال كتير في الآية دي، هحاول أتلخصها بإذن الله سبحانه وتعالى: مين اللي ينفع نجادلهم؟ وأيه هي التي هي أحسن؟ ومين الذين ظلموا اللي احنا ما نجادلهمش؟
يبق ولا تجادلوا أهل الكتاب إلا بالتي هي أحسن. يبقى لو وقفنا هنا مفهوم أن فيه ناس ينفع نجادلهم، لكن بطريقة القرآن سماها إيه؟ التي هي أحسن. مين هم الناس اللي ينفع تجادلهم؟ وأيه هي الطريقة التي هي أحسن؟ ومين الناس اللي ربنا استثناهم وقال: إلا الذين ظلموا منهم؟ وقولوا آمنا بالذي أنزل. القول ده هنقوله لمين؟ للأولانيين ولا للتانيين؟ يعني الفريق الأول اللي احنا هنجادله، ولا للفريق التاني اللي هو الذين ظلموا؟ دي أربع أسئلة تنوعت اجابات المفسرين على هذه الأسئلة.
دائماً برضو عايزك وأنت بتقرأ في التفسير، لما مفسر بيختار قول، هو المفسر عايز يترك القول ده لآخر آية بيمشي مع القول ده. فبرضو أنت لما تيجي تختار قول، خاصة لو أنت لسه ما عندوش خبرة شوية في التفسير، فيختار يقلد حد مثلاً الطبري أو ابن كثير، فيختار القول على بعضه. فانت محتاج تعرف الطبري مثلاً أو ابن كثير قال إيه في الفريق الأول، واختار مين الفريق التاني، واختار إيه في تكملة الآية.
فيه قول، وده قول مجاهد اللي ورد عن السلف، عن التابعين مجاهد، واختاره الطبري، ورجحه القرطبي، واختاره كتير من الناس. قال: ﴿وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ﴾ [العنكبوت: 46]. قال: أن قبل النقاش وقبل إنه يسمع ويقعد وتتناقش معه، هو ده اللي ينفع نتناقش معه. لكن الذين ظلموا، الذي رفض ومنع الجزية وأراد الحرب، هؤلاء لا تجادلوهم باللسان، لكن جادلوهم بالسنان، دول الحل معهم السيف مش المجادلة مش النقاش.
فلذلك تعبير بقى مجاهد أو كل المفسرين اللي اختاروا القول ده قال: كلمة إلا الذين ظلموا بعضهم قال: منعوا الجزية، وبعضهم قال: أرادوا الحرب، وبعضهم قال: أعرضوا عن الدعوة، وبعضهم قال: قد قاموا بالأذى. أياً كان، المهم أن فيه فريق قبل أن هو يجلس ويسمع عن الإسلام وأنت تتناقش معه، فإما أن يقبل الإسلام أو يظل كما هو يدفع الجزية، خلاص لا يقف في طريق الدعوة في سير الدعوة، يعني الإسلام للعالمين فالاسلام بينتشر. وأن الآية دي لو قلنا على قول كتير من فسرناها مكية أيضاً، هذه بشرى بعالمية الإسلام وكيفية تعامل مع الطوائف المختلفة. يبقى إذاً القول الأول وده الأشهر، وده اختيار مجاهد واختيار الطبري وقلته للقرطبي وكثير من المفسرين، قال: إن الذين ظلموا هنا معناها إيه؟ منعوا الجزية ورفضوا الدعوة، يعني لا عايز يسلم ولا عايز يدفع الجزية، فخلاص أنت مش هينفع ما لكش عندك في إيديك اختيارات أخرى أثناء انتشار الإسلام.
في قول قال: إن الآية دي منسوخة، قال: إن الآية دي اتنسخت خلاص دي ما عادش لها الحكم الوقتي، وأن ما عدش فيه الجدال مع أهل الكتاب بالتي هي أحسن إلا الذين ظلموا منهم، وأن هو الحل اللي اختاره الإام الطبري ده من الأول لكن الآية دي مش مش ده الحل بتاعها أصلاً. بيعجبني دائماً في منهج الإمام الطبري، وده منهج المطرد عنده، أن هو لا يقول بالنسخ إلا لما خلاص لا يستطيع الجمع بين الآيات، يقلل جداً من القول بالنسخ، وده الأفضل فعلاً في التعامل مع القرآن. وهو حط القاعدة دي ومشى عليها طوال التفسير.
لذلك الإمام ابن عطية مال للنسخ وقال: لا لا مش معنى الآية كده، معنى الآية أن في ناس كانت بتقبل أن هي تقعد وتسمع كل ده قبل فرض الجهاد خالص. ابن عطية بيقول: السورة مكية وممكن نشوف فرض الجهاد، الموضوع لا له علاقة بالجزية، ولا له علاقة بمنع، ولا له علاقة بالسيف، ولا أي حاجة. أمال إيه معنى الآية عند المعطية؟ معنى الآية بيقول: ومن واحنا في مكة كان في يهود بيجوا للتجارة، وكان في يهود بيجوا للمشركين يلقوا الشبهات ويسألوا المشركين أسئلة عشان المشركين يروحوا يسألوا النبي صلى الله عليه وسلم والمسلمين أسئلة. فكان فيه احتكاك وفيه ناس سافرت الحبشة، فكان فيه احتكاك قبل الهجرة مع بعض أهل الكتاب.
وأهل الكتاب دول اللي كان فيهم احتكاك معهم قبل الهجرة نوعين: نوع قبل أن يجلس ويسمع عن الإسلام، ونوع كان بيستعمل الأذى بس مش القتال، نوع كان بيبقى فيه فحش في الكلام، نوع كان يؤذي النبي صلى الله عليه وسلم، نوع كان بيستعمل السب والسخرية والجدال لأجل الجدال والمجادلة بالباطل. فدول لا تناقشوهم، لكن تقعد تتناقش مع مين وتقنع مين وتتكلم مين بالتي هي أحسن؟ لا، تقعد مع اللي قبل من الأول أنه يسمعك، وأنه ابتعد عن السب وابتعد عن السخرية وابتعد عن الأذى.
ودي قاعدة، حتى لو احنا ما رجحناش فعلاً القول ده، لكن دي قاعدة مهمة في النقاش: مين اللي تتناقش معه بهدوء؟ ومين اللي ما تردش عليه؟ ومين اللي تقول له هي كده وتسيبه وتمشي؟ ومين اللي تقعد تفصل معه؟ دي نقطة خطيرة جداً، لأن كتير من الأوقات بتنزف وبتلقى، وفي نوع من التبذير الدعوي في نقاشات مع بعض الناس، وأنت عارف أن هو الراجل ده جاي للسب السخرية على مدار سنين من عمري هو جاي المناظرة عشان يعمل كده، فانت محتاج تتعامل معه بأسلوب مختلف.
جزء كبير من المناظرات، لذلك هو ده اللي بيخلي كتير من الناس يقولوا: المناظرات لا تصلح للعامة أمام العامة. جزء كبير من المناظرات مش بيعتمد على صحة المعلومة، بيعتمد على أساليب أخرى، يعني على أساليب في الجدال وأساليب في النقاش، وممكن واحد يكسب المناظرة بمعلومات أقل، لكن هو إيه فهلوي يعني، يعني معه كلام بتعبير، كلام بيعرف يبيع عند الناس، وفي واحد يجي يلقي شبهة ورا شبهة ورا شبهة وما ينتظرش أي إجابة. لأن الشبهة ممكن تتقال في سطر، إجابتها ممكن تبقى في كتاب، وغالب اللي بيدخل المناظرات من أهل الباطل بيعتمد على كده، بيعتمد على ضعف علم المستمعين، أن ما حدش هيتابع النقاش لآخر، أن ما حدش هيسمع طول الإجابة، لأن الإجابة هتكون طويلة في الغالب، لكن الشبهة بتكون قصيرة، ممكن تصاب بصياغة ممتعة وممكن تعمل نوع من الفرقعة، والرد عليها بيكون طويل، ده خطورة المناظرات أمام العامة.
طيب، يبقى في فريق قال: لا تجادلوا أهل الكتاب إلا بالتي هي أحسن، أما دول اللي قبلوا أو اللي رفضوا ورفضوا دفع الجزية أو رفضوا الإسلام، أو دول اللي كانوا قبلوا سماعه عن الدين، أو كانوا بيستعملوا السب والسخرية. في قول تالت، وده مروي عن ابن زيد: ﴿وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ﴾ [العنكبوت: 46] دول اللي أسلموا أصلاً من أهل الكتاب، فينفعة تروح تتناقش معهم وتسمع منهم عن معلوماتهم الدينية وتسمع منهم عن قضايا في الدين، إلا الذين ظلموا اللي أصروا على عدم الإسلام وأصروا على عدم الإيمان، دول دول لا تناقشهم تماماً. لأن كان لما بعض أهل الكتاب أسلموا كان عندهم بعض المعلومات الدينية، فهل نقبلها منهم ولا ما نقبلهاش؟ هل نسمعها؟
ابن زيد قال: لا اللي أسلموا اه ممكن تجلس معه وتتناقش معه وتتفاهم معه، لكن اللي أصر على الكفر، أصر على أنه يظل على اليهودية وعلى النصرانية بعد مجيء الإسلام، أعرض عنه واكتف بقولوا: آمنا بالذي أنزل إلينا. يبقى احنا كده حاولنا نجاوب على سؤال: مين الفريق الأول اللي يتناقش معه بالتي هي أحسن؟ ومين الفريق التاني اللي هو الذين ظلموا؟
إن الذين أصروا على أن يقيموا على ملتهم بعد مجيء الإسلام، أو الذين رفضوا الجزية، أو الذين استعملوا السب والأذى والسخرية في النقاش مع النبي صلى الله عليه وسلم ومع المسلمين.
خلاص، طب إيه هي بالتي هي أحسن؟ طيب لو قلنا الفريق الأول، إيه هي بالتي هي أحسن؟ الإمام الطبري ركز على الكلام؛ إيه الكلام الأحسن اللي يققال؟ الزمخشري ركز على الوسيلة، والجامع بينهم مطلوب. يعني مثلا نص كلام الطبري بيقول إيه؟ «التي هي أحسن الجميل من القول». انك تقول كلام بصورة جميلة. وهو إيه الجميل من القول؟ ودي نقطة خطيرة جدا، ويعني أعجبني ما قاله الطبري، قال: وهو الدعاء إلى الله بآياته والتنبيه على حججه، مش انت اللي بتخترع آيات من عندك. يعني أما تروح تجادل لقول التي هي أحسن؛ إيه الطريقة التي هي أحسن؟ انك أنت ما تخترعش كلام من عندك، قل كلام ربنا. شف القرآن أشار؛ إيه البراهين التي القرآن أشار إليها واستعملها؟ إيه الوسائل القرآن أشار إليها أو أقرها واستعملها؟ ما سوى ذلك لا تستعمله.
لكن الزمخشري قال معنى جميل، قال: لا، مقابلة الخشونة باللين، والغضب بكظم الغيظ، والسورة بالأنَاة والحلم، فالزمخشري ركز على الوَشّ، والطبري يركز على الكلام، وده نقطة مهمة. يبقى أي حد عايز يتناقش محتاج حاجزين: خلق المناظرة وكلام المناظرة، أو خلق الجدال بلاش المناظرة: ﴿وَلَا تُجَادِلُوا﴾.
الأول هتجادل مين؟ أنت محتاج تقيمه؛ يعني حد جاي يقول لك أنا عندي شغل كتير، حد يقول لي: أنا عندي شبهة، أو أخويا، أو حد، أو مش عارف مين، أو صاحبي عنده شغل. فأنأ بقول له: معلش خليه يكلمني بس الأول، عايز أعرف يتسكن فين؟ ده بيسأل لأجل السؤال، عشان بعد كده يروح لأصحابه يقول: أنا سألت خمسين واحد وما حدش رد، وعايز أعداد يجمعها وخلاص. ولا واحد بيسأل باحث عن الحق؟ فانت بتسأل عن الجهد اللي بذله قبل ما يوصل، قرأ إيه أو عمل إيه؟ أو واحد أصلا شبهة عابرة ما تحتاجش كل الإجابات دي أساسا، ويتفل عن يساره ثلاثا، واستعيذ بالله من الشيطان الرجيم. والواحد هو داعية للباطل ومتخفي في صورة السائل؛ أنت محتاج تعرف هو يقعد على أنهو كرسي؟ لأن كل كرسي هيقعد عليه له كرسي مقابل له، طريقة مقابلة في الإجابة عليه.
ده مهم جدا نشخص السائل، وده خطورة أن حد يدعى مثلا لبرنامج على الهواء في نقاش مع حد، وأنت مش عارف الشخص اللي هتقعد أمامه دي طريقته إيه وأسلوبه عامل إزاي أو هدفه إيه. فدي نقطة مهمة جدا؛ تحديد طريقة السائل، طريقة الكلام، الأسلوب اللي هتستعمله، الكلام المستمعين، ده مهم جدا في المجادلة. كلمة قالها اللي هي بالتي هي أحسن، مش بس الوسيلة، لأ، الكلام، دي خطيرة جدا. بل أنا عايز أقول لكم إن كتير من البدع اللي دخلت عندنا في الدين، وخاصة في باب العقائد، جزء كبير منها كان سببه أن احنا لما حبينا نرد على الملاحدة أو نرد على الفلاسفة أو نرد على اللي ابتدعوا في الدين، حاولنا نرد عليهم من منطلقاتهم مش من منطلقاتنا.
يعني حاولنا بعض الناس متحمسين داخل الإسلام، سمعوا شبهات الفلاسفة مثلا، والفلاسفة كانوا بيهدموا الدين، أو أن الفلسفة زي الدين، أو أيا كان حسب اللي كان بيناظره، فبدل ما ينطلق من منطلقاته هو؛ من الوحي ومنطلقات الوحي، بينطلق من منطلقات الآخر، يقول له: خلاص، أنا موافق على اللي قدامه. القاعدة بتقول كذا؛ اليوم التاني المسلم عشان ما يهدمش الدين يقول له: أنا موافق على القاعدة، واحنا عندنا في الدين ما يؤيد هذه القاعدة. مجرد ما يقول الكلمة دي، محتاج يلتزمها طول الوقت. معلش، هو الكلام صعب شوية في الحتة دي، بس أنا قلت تبقى إيه قاعدة عامة في مسألة النقاش مع أهل الباطل.
يعني مثلا هو المثال مش يعني هيبقى ما لوش أي لازمة، بس أنا هقول وخلاص؛ كان فيه في طائفة اسمها الجهمية، الطائفة دي كانت مادية جدا، وكانت بتنكر حاجات في الغيب، فراح حد ناظرها اللي هو الجهم، وده من أوائل البدع اللي دخلت عندنا في الإسلام، جاء ابن صفوان. فالجهم حب يرد عليهم، فعشان يكسبهم في حتة اقترح قاعدة معينة عشان يكسبهم فيها؛ قصة كده، هل الحاجة الذهنية لها وجود في الخارج ولا ما لهاش وجود في الخارج؟ الكلمة اللي أنا بقولها دي وأنت شايف إن هي ما لهاش أي لازمة، عملت كتير من المشاكل والبدع في الاعتقاد؛ يعني هل الوجود الذهني له وجود في الخارج ولا لأ؟ يعني لو فيه فكرة ذهنية، هل لها وجود متمثل في الخارج ولا لأ؟ آه، لها وجود في الخارج. وسط النقاش عشان يكسب قالوا له: خلاص، الكلمة دي أنت هتلتزمها ولوازمها عندك أنك تنفي الصفات عن ربنا، ولوازمها أنك تعمل كذا، ولوازمها.. قال: هألتزم بهذا عشان ما يهدش الدين! فبدأ ينكر حاجات في الدين عشان ما يهدش أصل الإسلام.
زي تيجي مثلا عالم زي ابن تيمية يقول: لأ، بالرغم من أن الجهم كان واقف في صفي وبيدافع عن الإسلام، بس هو أخطأ. كتير، ومش بس على فكرة عندنا في الإسلام؛ يعني حتى في فترة من الفترات انتشر الإلحاد والفلسفة المادية، فطلع واحد اسمه باركلي قال: أنا هرد على الفلسفة المادية، وبرضه طلع قاعدة غريبة، وأن الوجود بقى ما فيش أي حاجة من اللي احنا شايفينها دي حقيقة، هو كله وجود في الذهن، وعشان هو عمل كده ليه؟ قال: أنا هأثبت وجود ربنا، لأن الإلحاد انتشر والفلسفة المادية انتشرت. عمل مصيبة خلت كتير من بعده بيكون سبب في نشر الإلحاد. يعني أنت أحيانا اندفاعك وعايز ترد، بس ما بتستعملش الكلمة اللي هي إيه؟ بالتي هي أحسن. وده الواحد بيشوفه الآن؛ أعمار بتضيع في نقاشات مع أهل الباطل، وأنت مش منطلق من المنطلق الصحيح.
لذلك كان الصحابة وفروا أعمارهم، وفروا أعمارنا، ونشروا الإسلام بسهولة ويسر، وكان العربي لما نزل عليه الوحي ما كانش محتاج لكثير من هذه التعقيدات. وهنيجي إن شاء الله عند قول الله سبحانه وتعالى: ﴿وَمَا كُنتَ تَتْلُوا مِن قَبْلِهِ مِن كِتَابٍ﴾، وازاي الدين كانت مزية للنبي صلى الله عليه وسلم وللعرب أصلا، وكانت سبب لقبول القرآن بكل سلاسة. ﴿وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ إِلَّا الَّذِينَ ظَلَمُوا مِنْهُمْ وَقُولُوا آمَنَّا بِالَّذِي أُنزِلَ إِلَيْنَا وَأُنزِلَ إِلَيْكُمْ وَإِلَهُنَا وَإِلَهُكُمْ وَاحِدٌ﴾ [العنكبوت: 46]. الكلام ده نقوله لمين؟ للفريق الأول اللي احنا هناقشه اللي هو بالتي هي أحسن، ولا الفريق التاني اللي احنا مش هناقشه؟
في طائفة قالت من المفسرين دي هنقولها للطائفة التانية، أن الظالم اللي هو قاعد يشغل وقاعد بيسخط وقاعد بيقوم بالأذى ومش الحق، أنت تقول له كلمتين وتمشي؛ تقول له بص: ﴿وَقُولُوا آمَنَّا بِالَّذِي أُنزِلَ إِلَيْنَا وَأُنزِلَ إِلَيْكُمْ وَإِلَهُنَا وَإِلَهُكُمْ وَاحِدٌ وَنَحْنُ لَهُ مُسْلِمُونَ﴾ [العنكبوت: 46]، وما تكملش نقاش معه؛ لأن هو مش غرضه الوصول للحق. ابن عاشور قال لأ، دول مش هيتناقشوا أساسا، دي تقولها مقدمة النقاش مع الفريق الأول. أهمية الوصول لنقطة مشتركة قبل أي نقاش؛ أنك أنت الأول.. يعني الجملة دي جملة تقال كمقدمة أو مقدمة للنقاش مع الفريق الأول، تقول له: بص خلينا نحدد نقطة الخلاف عشان ما نقعدش نتناقش ونتخانق؛ نقطة الخلاف عندنا فين؟ وده نقطة خطيرة جدا.
تلاقي واحد برضه جاي يسألك يقول لك: أنا عندي شبهات، تقول له: قل. تلاقي السؤال الأول شبهة في وجود الله، السؤال التاني شبهة في النبوة، السؤال التالت شبهة في القرآن. تقول له: أنت واقف فين؟ يعني أنت.. يعني أنت مؤمن بوجود الله وعندك إشكال في النبوة؟ ولا مؤمن بوجود الله وما عندكش إشكال في النبوة وعندك إشكال في القرآن؟ يعني طب وأنت مؤمن بوجود الله وما عندكش إشكال في النبوة لكن اختار دين باطل؟ يعني فين.. أنت واقف فين؟ عشان ما ينفعش نقعد إيه نلف حوالين نفسنا؛ نرد له على شبهة في الأول يجيب لك شبهة في الآخر، نرد له شبهة في الآخر يجيب لك شبهة في النص، وقاعد بيقفز. دي مش.. ده عمرك ما هتوصل ولا لحاجة، وكتير من الأعمار برضو بتضيع ونقاشات.. والواحد ياما شاف نقاشات وخصوصا على الفيسبوك والسوشيال ميديا، لأن ما بتبقاش عارف تمسك الكلام، نقاشات بتضيع وهو اللي قدامك مش عايز يستقر على مكان معين يقف فيه.
ابن عاشور قال لأ، ﴿آمَنَّا﴾ دي لتقريب شقة الخلاف، وأن احنا نقرب المسافات ونحط نقطة اشتراك، وقفنا هنا، نبدأ نطلع النقطة اللي بعدها، بحيث أول نقطة خلاف؛ آه، احنا افترقنا هنا، وتبدأ تتكلم عند نقطة الافتراق، مش قاعد بتكلم وتضيع وقتك في الفاضي. ﴿وَقُولُوا آمَنَّا بِالَّذِي أُنزِلَ إِلَيْنَا وَأُنزِلَ إِلَيْكُمْ وَإِلَهُنَا وَإِلَهُكُمْ وَاحِدٌ وَنَحْنُ لَهُ مُسْلِمُونَ﴾ [العنكبوت: 46]. هتلاحظوا الأسلوب اختلف، حتى أنا طريقتي في الشرح اختلف؛ الأسلوب اختلف، الآيات بقت أطول. ده الأسلوب اللي بيتناسب مع أهل الكتاب، ودول ده الأسلوب اللي بيتناسب مع اللي عندهم معلومات.
القرآن المكي كان عشان ناس غافلة، ناس حياة مادية صرفة، حياة الأوثان، حياة الشهوات، ما فيش أديان أصلا أنه يبقى دين باطل، فالنقاش كان عبارة أو الخطاب معهم آيات قصيرة سريعة، تذكير بالبعث، باليوم الآخر، تخويف، ده أسلوب غالب القرآن المكي. الأسلوب التاني مش كده، القرآن المدني آيات طويلة، تحديد المشكلة، تقديم الحل، مقدمات أحكام، تفصيل. لذلك لما واحد يسألك.. في واحد أنت بتقابله بتدعوه إلى الله، في واحد في قمة الغفلة؛ أنت مثلا ماشي في الشارع وحبيت تدعو إلى الله، قابلت مجموعة شباب حابين تتكلموا عن ربنا، تخيل مثلا أن ربنا يكرمك وتشتغل في الدعوة في ليلة العيد الوقفة وما أدراك ما الوقفة والمصايب اللي بتصل فيه، فانت قررت تعمل في الدعوة وتنزل اليوم ده تدعو الشباب. فطبعا أنت مش هينفع تحكي له بقى قصة نيتشه والجهم، مش هينفع تحكي له الكلام ده خالص؛ هو أصلا هيبقى في عالم أخر، مش هيسمعك تماما. لأ، ده محتاج إيه؟ ده خبطات ما تلحقش تخلص الجمل، يعني تقول الكلمة وتدخل في اللي بعدها، وتتكلم على الموت وعلى مستشفى الطوارئ والحادثة اللي اتعملت والشباب اللي اتقلبوا بالعربية، وخبطات سريعة وما تستناش أصلا رد عليك.
غير شخص جاي لك قرأ كتاب وكتابين وتلاتة وعنده شبهة وبيناقشه فيها؛ لو استعملت معه الشوط الأول يقول لك: أنت مش عارف.. يعني أحيانا تغيير مكان النقاش يخسرك؛ طريقة النقاش حسب، أنت محتاج تحدد الشخص اللي بيتناقش معه. فتجد هنا أن بدأ يستعمل برهان من براهين النبوة: ﴿وَمَا كُنتَ تَتْلُوا مِن قَبْلِهِ مِن كِتَابٍ﴾، وازاي أقول تكرار لفظ الجحود، مسألة العلم اللي احنا بناقش ناس عندها بقايا معلومات واختلط عندها الحق بالباطل. هنا تأهيل لطريقة أخرى في الدعوة إلى الله سبحانه وتعالى، والمفروض يا جماعة أن الداعية يبقى عنده القدرة على التكيف مع أي وضع؛ يعني هو هنا هيتناقش مع واحد بعيد عن ربنا، هنا واحد عنده شبهة، هنا واحد مقبل، وهنا واحد معرض، وعنده القدرة على التكيف. أنت معك الأصول كلها؛ حكاية القرآن والسنة، إزاي بقى تختار منها؟ دي الحكمة والبصيرة وفن الدعوة، إزاي تنتقي منها أن السورة دي أو الآيات دي أو هذه الطريقة التي أشار إليها تناسب فلان.
يعني زي مثلا مش فاكر كنت في درس سورة الحج تقريبا أو سورة الأعراف، أشرت في مقدمة سورة الحج أن: ﴿وَمِنَ النَّاسِ﴾ ﴿وَمِنَ النَّاسِ﴾ ﴿وَمِنَ النَّاسِ﴾ [الحج: 3، 8، 11]، كل واحد من دول كان له طريقة؛ الثلاثة اللي في الأول اللي بدأوا في سورة الحج بيجادلوا في آياتهم، كل واحد كان له طريقة في الإجابة؛ في واحد كان إجابة كلمة وبتسيبه، وفي واحد تفصيل خلق الجنين، وفي واحد بيان مشكلته المشكلة القلبية اللي عنده، لكل واحد له طريقة لحل الإشكال بتاعه.
﴿وَإِلَهُنَا وَإِلَهُكُمْ وَاحِدٌ وَنَحْنُ لَهُ مُسْلِمُونَ﴾ [العنكبوت: 46]. أيوه نحن.. قول الأشهر ونحن له خاصة مسلمون؛ احنا اللي مسلمين، أو نحن جميعا نريد أن نسلم له لكن ضللتم الطريق. ﴿وَكَذَلِكَ أَنزَلْنَا إِلَيْكَ الْكِتَابَ﴾ [العنكبوت: 47]. هم كانوا أهل الكتاب، أنت الآن معك كتاب، وهذا الكتاب الذي معك مهيمن على الكتاب الذي معه يحكم عليه. ﴿فَالَّذِينَ آتَيْنَاهُمُ الْكِتَابَ يُؤْمِنُونَ بِهِ وَمِنْ هَؤُلَاءِ مَن يُؤْمِنُ بِهِ وَمَا يَجْحَدُ بِآيَاتِنَا إِلَّا الْكَافِرُونَ﴾ [العنكبوت: 47].
تاني معلش، نفس اللخبطة؛ مين الفريق الأول؟ ﴿فَالَّذِينَ آتَيْنَاهُمُ الْكِتَابَ يُؤْمِنُونَ بِهِ وَمِنْ هَؤُلَاءِ مَن يُؤْمِنُونَ﴾ ومن يؤمن بهم، مين الفريق الأول ومين الفريق التاني؟ أنا عارف أن انتم النهاردا إيه هتقول إزاي؟ اتفضل يبقى معك قلم، تعمل إيه؟ تشجير؛ الفريق الأول كذا. ﴿فَالَّذِينَ آتَيْنَاهُمُ الْكِتَابَ يُؤْمِنُونَ بِهِ﴾؛ مين اللي أوتوا الكتاب؟ اليهود والنصارى. لذلك كلهم قالوا هنا: اليهود والنصارى. لكن مين فيهم؟ قول اختاروا الطبري: الذين آتَيناهم الكتاب اليهود قبل بعثة النبي صلى الله عليه وسلم يؤمنون به، أي يصدقون بمجيء النبي صلى الله عليه وسلم لأنهم يجدون نعته في كتبهم. يبقى في ﴿الَّذِينَ آتَيْنَاهُمُ الْكِتَابَ﴾ أنا هقول الآية وأحط منها كلمات وتوضح المعنى: فالذين آتيناهم الكتاب من قبل بعثة النبي صلى الله عليه وسلم يجدون نعته عندهم فيؤمنون به ويصدقون بمجيئه، ومن هؤلاء الذين وجدوا بعد بعثة النبي صلى الله عليه وسلم أيضا صدقوا به كما صدق به من كان قبلهم. واضح كده؟ ده القول الأول.
القول التاني بقى قال: فالذين آتيناهم الكتاب دول اللي موجودين في بعثة النبي صلى الله عليه وسلم، اللي آمن بعد بعثة النبي صلى الله عليه وسلم.
اليهود زي عبد الله بن سلام. ومن هؤلاء أي ومن المشركين إن احنا لسه في مكة، هؤلاء اسم إشارة للقريب. ومن هؤلاء أي أيضاً سيؤمن بعض عتاة الكفر زي ما آمن بعض علماء اليهود، وكان يستحيل إن هم يؤمنوا فآمن عبد الله بن سلام.
لما النبي صلى الله عليه وسلم بعد أمام عبد الله بن سلام وطلع أمام اليهود وقال: «ما تقولون فيه؟» عن عبد الله عليه السلام قالوا: «سيدنا وابن سيدنا». لما قال إن هو أسلم قالوا: «سفيهنا وابن سفيهنا». انقلبوا على طول، لأن ما كانش متوقع أن قال: «لو آمن بي عشرة لآمِنت بيهود». كان في رؤساء أحبار ورهبان بيسيطروا على الوضع والدين، وكانوا هُم نسق مغلق مانعين أي حد يدخل، فلما كان الرؤساء يؤمنوا كان اليهود يفزعوا، يعني ده كان معناه أن إيمان كُل الاتباع.
ومن هؤلاء أي ومن عتات الكفر أيضاً أناس سيؤمنون، وده حصل مع أبو سفيان رضي الله عنه، حتى ابن عاشور يرجح القول ده وقال: «إن هؤلاء اسم إشارة للقريب لأن كان ديماً اللي حاضر في ذهنهم أيام مكة عُتَاة المشركين من قريش»، كان مسيطر على ذهنه ذهن الصحابة وكان نفسهم إن هُم يسلموا قريش. القولين برضه ما فيش بينهم تعرض، يصلح الجمع بينهم: «يَبقى في الذين أتيناهم الكتاب» وده هنا بشريات أن الإسلام هيبدأ ينتشر، والبشريات دي واحنا في قمة الاستضعاف.
آخر العهد المكي قمة الاستضعاف، ما فيش حد راضي يأويك، ما فيش مكان تذهب إليه، ما فيش قبيلة راضية تنصرك، في قمة الاستضعاف. فتيجي آيات تهيئة أن أنتم هتلتقوا مع أهل الكتاب، وأن في ناس من أهل الكتاب ومن المشركين ﴿فَالَّذِينَ آتَيْنَاهُمُ الْكِتَابَ يُؤْمِنُونَ بِهِ ۖ وَمِنْ هَٰؤُلَاءِ مَن يُؤْمِنُ بِهِ﴾. ربنا بيقول لهم: طالما بعض علماء اليهود، سواء من السابقين أو من المتأخرين، أسلموا، يبقى المشكلة عندكم أنتم، وأنتم رفضكم للإسلام -ولا سيما اللي كانوا موجودين في عهد النبي صلى الله عليه وسلم- رفض جحود.
يعني إيه رفض جحود؟ يعني أيقنوا أنه هو النبي، أنه هو النبي صلى الله عليه وسلم، وبالرغم من ذلك أعرضوا عنه. مين اللي يعني ذكرني؟ اليهودي لما راح سأل عن صفات النبي صلى الله عليه وسلم، أما سأل عن النبي صلى الله عليه وسلم ثم تحقق أنه هو، فبيسأله اللي معه قال: «أهو هو؟» قال: «هو هو». قال له: «طب هنعمل إيه؟» قال: «عداوته ما بقيت». يعني أنت متأكد أنه هو النبي؟ اه متأكد أنه هو نبي. طب هنعمل إيه؟ لا هنكمل زي ما احنا، يعني ما لوش حل.
اللهم إن كان هذا -ده بقى عند الناحية التانية عند قريش- ﴿وَإِن كَانَ هَٰذَا هُوَ الْحَقّ مِنْ عِندِكَ فَأَمْطِرْ عَلَيْنَا﴾ برضه احنا مكملين زي ما احنا ﴿فَأَمْطِرْ عَلَيْنَا حِجَارَةً مِّنَ السَّمَاءِ﴾. فكان في ناس وصلوا لمرحلة الجحود، الجحود! ودايماً أنا اتكلمت قبل كده كتير؛ أسلوب القرآن وبراوين النبوة بتوصل الإنسان إما أنه يؤمن أو يجحد، يعني يجحد بعدما أيقن أنه الحق. اللي هيسيب نفسه مع القرآن ليتلقى آيات القرآن في مشكلة أن الكفار عارفين، قالوا: ﴿لَا تَسْمَعُوا لِهَٰذَا الْقُرْآنِ وَالْغَوْا فِيهِ﴾. هيسيب نفسه مع آيات الوحي إما أن يؤمن أو يجحد.
فقال ربنا سبحانه وتعالى: ﴿وَمَا يَجْحَدُ بِآيَاتِنَا﴾ أي بعد وضوحها وسمعها الله آيات، والآية هي الواضحة العلامة البينة ﴿وَمَا يَجْحَدُ بِآيَاتِنَا إِلَّا الْكَافِرُونَ﴾. وكيف يكفرون بك يا محمد صلى الله عليه وسلم؟ كيف يكفر هؤلاء اليهود بك يا محمد صلى الله عليه وسلم؟ ﴿وَمَا كُنتَ تَتْلُو مِن قَبْلِهِ مِن كِتَابٍ وَلَا تَخُطُّهُ بِيَمِينِكَ﴾. كيف يتهمونك أن هذه المعاني التي تقولها أنت، إنما جئت بها من الكتب، من الكتب السابقة أو من الحضارات السابقة؟ كيف يتهمونك هذا الاتهام وهم يعلمون جيداً وقد لبست فيكم عمراً من قبله، وهم يعلمون جيداً ﴿وَمَا صَاحِبُكُم بِمَجنُونٍ﴾. سماهم بمجنون لأن أنتم في صحبة بينكم، عارفين هو ما كانش منعزل الأربعين سنة وظهر فجأة وقال: «أنا رسول».
لأ، ده لغايه سن الأربعين بيتكلم بطريقة، وبعد الأربعين قال كلاماً لا يستطيع أحد من البشر؛ يعني لغايه سن الأربعين عايش وسطهم، وبمستوى أخلاقي معين والتعاملات عايش وسطهم، هو الصادق الأمين، هنا عنده الأمانات ويثقون في رأيه. لكن بعد الأربعين بدأ يقول بدأ بقول كلام لا يستطيع أحد من البشر، بل كان كلامه الثاني الأحاديث المختلفة عن القرآن. إزاي إزاي تقولوا ده من الكتب السابقة؟ طب ما أنتم عندكم الكتب السابقة، مش هي بتاعتكم أساساً؟ طب ما تعملوا لنا حاجة زي القرآن؟
يعني أصلاً ذكرت ده في سورة يوسف، لما قلت لكم الدكتور سامي العامري في كتاب براوين النبوة لما عمل فصل عن مقارنة سورة يوسف في القرآن بسورة يوسف في التوراة أو بقصة يوسف في التوراة، أكثر من خمسين وجه مقارنة بينهم تقريباً أو حاجة وأربعين وجه مقارنة من الاتنين، وخلص أن يستحيل بشر يقول لي الكلام ده بالصورة دي. يعني أصلاً اتهام -حاشاه صلى الله عليه وسلم- اتهام النبي صلى الله عليه وسلم أن القرآن ده هو قاله بنفسه بعد ما لف على الحضارات وقرأ الأحكام التشريعية اللي عندها وقرأ نظام العقائد اللي كان موجود، واطلع على الكتب السابقة، وبعدين -حاشاه صلى الله عليه وسلم- عمل خلطة من كل ده وقال: والكلام ده ما يطلعش فيه أخطاء ويكون فيه تنبؤات وتحت تحصل إيه ده! أنتم وفي نفس الوقت بيقولوا عليه مجنون، في نفس الوقت يقولوا عليه ساحر، طب إزاي؟
فعلاً القرآن بذاته معجز، ممكن نشير إن شاء الله في قول الله سبحانه وتعالى: ﴿أَوَلَمْ يَكْفِهِمْ أَنَّا أَنزَلْنَا عَلَيْكَ الْكِتَابَ يُتْلَىٰ عَلَيْهِمْ﴾ من أدلة صحة القرآن القرآن نفسه، يعني من أدلة القرآن هو القرآن نفسه ﴿وَمَا كُنتَ تَتْلُو مِن قَبْلِهِ مِن كِتَابٍ وَلَا تَخُطُّهُ بِيَمِينِكَ﴾، كان أُميّا صلى الله عليه وسلم، فكان القرآن وحياً ربانياً، لا تفكيراً بشرياً. كان القرآن وحياً ربانياً، مش خلاصة عصارة حضارات ونقاشات وتفكير بشري ومشورة، كان من عند الله سبحانه وتعالى.
ليكون النبي صلى الله عليه وسلم مؤهلاً، يكون صلى الله عليه وسلم، ليكون صلى الله عليه وسلم خلوّاً تماماً من أي اتصال بالحضارات الأخرى، عشان لما يأتيه القرآن في حالة من الاستغناء بالقرآن اللي احنا بنسميها في الأول في بداية الطريق إلى الله: لازم يكون عندك توحيد مصدر التلقي، لازم تقعد فترة مع الوحي. وهنتكلم دلوقتي: طب يعني ما نستفيدش من الحضارات الأخرى وما نقرأش للكتب مثلاً مترجمة؟ ما نقرأشي لو في أفكار جيدة عند الآخرين وأنا عارف أن هُم أهل الباطل، هل ما أستفيدش منها؟ هنتكلم ده إن شاء الله عند قول الله سبحانه وتعالى: ﴿أَوَلَمْ يَكْفِهِ﴾.
لكن ربنا سبحانه وتعالى أهلّ النبي صلى الله عليه وسلم، إعداد التأهيل الرباني للنبي صلى الله عليه وسلم أنه لا يقرأ ولا يكتب، فلما ينزل -حتى كان لا يقول شعر- اللي هو كان أساساً السائد لم يكن معروفاً بالشعر صلى الله عليه وسلم، لما نزل الوحي استقر في قلبه صلى الله عليه وسلم ﴿إِذًا لَّارْتَابَ الْمُبْطِلُونَ﴾. لو كنت أنت بتقرأ يقول لك: آه، ده مع أن هي أصلاً ليست شبهة قوية، لكن حتى هذه الشبهة لم يقدرها الله سبحانه وتعالى عشان تؤمنه، ولما يكون حد من أهل الكتاب ويسمع الوحي هيعرف أن المعاني دي من جنس معاني الكتب السابقة.
ويعرف أن الصياغة دي لا يستطيعها بشر، والأحكام والتسلسل ده لعرض القصص وتفادي كلام موجود عندهم لم يَقُله النبي صلى الله عليه وسلم لأنه أخطاء تاريخية معينة، ولا يصلح أن يكون في كلام الله كلام فاحش معين مثلاً موجود عندهم، هُم لما يسمعوا القرآن هيعرفوا أن ده من عند ربنا، يعرفوا أن ده من جنس كلام الكتب السابقة، لكنه مهيمن عليه. ﴿وَمَا كُنتَ تَتْلُو مِن قَبْلِهِ مِن كِتَابٍ وَلَا تَخُطُّهُ بِيَمِينِكَ إِذًا لَّارْتَابَ الْمُبْطِلُونَ * بَلْ هُوَ آيَاتٌ بَيِّنَاتٌ فِي صُدُورِ الَّذِينَ أُوتُوا الْعِلْمَ﴾.
كان من رحمة الله سبحانه وتعالى -ركزوا برضه معي شوية في الحتة دي معلش، هو الدرس النهارده للأسف مش كويس يعني صعب- من رحمة الله سبحانه وتعالى أن أهل الجزيرة العربية ما تنتشرش فيها الحضارات الأخرى؛ يعني كان في حضارة إغريقية، فلسفة يونانية، وكان فيه روم، وكان فيه فارس، دول كان عندهم أفکار وكان عندهم تصورات غيبية، وكان عندهم بناء كامل صورته، سواء واخدينها بقى من بقايا كتب سابقة على خليط بشري على نتاج تفكير معين أياً كان. الجزيرة كانت إزاي العربية كانت فاضية من دهب، حتى الفلسفة ما كانتش منتشرة خالص فيه، بل حتى القراءة والكتابة كانت الحضارة -كانت حضارة في الأغلب عشان برضه الكلام يبقى دقيق، لسه في كتاب جميل نازل باشمهندس اسمه أحمد حسن مع دلائل اسمه الإسلام- جاي بوثائق موجودة بالخط العربي من أيام النبي صلى الله عليه وسلم ومن قبله، فعشان كده بقول في الغالب كانت الحضارة حضارة شفهية، في الغالب تعتمد على قوة الحفظ مش دائماً.
ده خلاهم لما نزل الوحي فصادف قلباً خالياً فتمكنوا، ما فيش ممانعات، التصور اللي في دماغهم مش مليان كلام، مش مليان بقى نقاشات فلسفية عقيمة وإزاي ذلك هنقول لك عشان تعرف الفرق: المشكلة حصلت أمتى؟ لما حصل في العصر بس بداية العصر العباسي وانتشار حركة الترجمة، وكثير من الكتب بقى التانية دي ترجمت، بدأ هنا يدخل الشبهات على الوحي. يقول لك: لأ بقى نفي للصفات ونفي للعلو ومش عارف إيه، وأدلة غريبة لإثبات وجود ربنا، وده علم الكلام واختلاط علم الكلام بعلم الفلسفة، ده أمر معروف وحصل نقاب على مستوى العقيدة والخناقات ما كانتش موجودة قبل كده عند العربي البسيط لأول لحظة نزول الوحي، كان بيتعامل معه بكل سلاسة، يعني الصحابي ينزل الوحي وكان يعمل ما كانش عنده الإشكاليات اللي ظهرت بعد كده، لا على مستوى باب القدر ولا على مستوى باب الأسماء والصفات ولا على مستوى الكلام ده كله، ما كانش فيه إشكال أصلاً، الصحابة كانوا بيتحركوا بالوحي.
لما انتقل ده -أنا برضه مش عايز أقول أن ده السبب الأوحد- بس لما انتقلت الكتب دي خلت العربي ما عادش عربي، بقى فيه عُجْمَة، فلما نرجع نتعامل مع الوحي بقت الآية نسمعها مش لا تؤثر فينا، ونقعد نسأل تساؤلات زي ما ادينا في درس القرآن والأسئلة الخاطئة، نبدأ نسأل أسئلة هي خاطئة أصلاً، هي مش حضارتنا ولا ثقافتنا، احنا لنا لغتنا الخاصة ولنا هويتنا. لذلك كانت من الأوجه الجميلة اللي رد بها ابن تيمية مثلاً على المنطق فالرد في الإغريق واللغة اليونانية قال: «أصلاً احنا اللغة العربية مختلفة أصلاً عن اللغة اليونانية». يعني هُم أحياناً في اللغات الأجنبية دلوقتي -مش أحياناً، هُم دلوقتي في اللغات الأجنبية واللغة الإنجليزية- بيحتاج اللي هو (Verb to be)، يعني أنت ما بتقولش في العربية: «أنا أكون جائعاً، أنا أكون كذا»، ما تقولش كده، أنت بتقول مبتدأ وخبر. الحتة دي بس عملت إشكاليات في نقل الكتب، يعني احنا أحياناً بنستسهل في اللغة العربية وأن إيه يعني هوية واحنا ما عندناش حضارة، ما بندرسش أصلاً اللغة العربية ولا بنقرا تراثنا، فحصل لنا عُجْمَة الحقيقة يا جماعة، ولذلك انتفض مثلاً واحد مثل محمود شاكر في رسالة (الطريق إلى ثقافته) عشان يرد على النقطة دي: لأ، احنا عندنا حضارة واحنا عندنا ثقافتنا اللي احنا محتاجين نتبناها احنا، ما ناخدش من الغرب كُل حاجة، لازم الأول تتشرب الوحي، وبعدين تبدأ تسمع الآخر عشان تاخد اللي فيه ده عشان ما تبقاش مِسخاً، عشان ما تبقاش بدون هوية.
فمن رحمة ربنا أن خلى الجزيرة العربية -ودي كانت أحد أوجه فضائل الجزيرة- أن هي تصلح أن هي تحمل هذا الوحي، ما منعتش نزول الوحي بأسئلة خاطئة كثيرة وبنقاشات وفلسفة عقيمة، لأ، وسفسطة، لأ، هُم خدوا الوحي، أثر فيهم، غير في وجهة حياتهم، انطلقوا لنشر الدين. المشكلة بقى دلوقتي أن احنا رجعنا نتفلسف، الوحي ينزل لنا أسئلة خاطئة في التعامل، قلة في البذل، قلة في العمل، نقاشات عقيمة.
وده خطورة زي ما قلت قبل كده أكثر مرة: النقاش مع الملاحدة بصورة خاطئة تضييع أعمار، مش ده الأسلوب القرآني أنه ينقل الإنسان يكون عبداً، ليُكُونَ عَبْداً. القرآن استعمل أساليب مختلفة تماماً، بتقهر نفسية الإنسان، بتبين له مدى ومدى ضعفه. القرآن لما يشيل الإنسان ويحطه في نص البحر ويقول له: ﴿ضَلَّ مَن تَدْعُونَ إِلَّا إِيَّاهُ﴾ مين اللي هينفعك هنا؟ القرآن له مداخل مختلفة، مش بس بيستعمل المداخل العقلية، بيستعمل مداخل عقلية والعاطفية والشعور وكل أنواع الشعور، الخوف والرجاء والحب، دي مشاعر متركبة جواك، القرآن بيستثير كل ده على بعضه، فبيطرق على كل هذه الأبواب مرة واحدة فينهار الإنسان، إما أن يؤمن أو أن يجحد.
قال: «كاد قلبي أن يطير» لما استمع لسورة الطور. المستمع للقرآن اللي بيدور مع القرآن حيث دار، إما أن يؤمن أو أنه يعرض، يقول: «أنا أيقنت، لكن أنا مش عايز لأن أنا فهمت تبعات الكلام ده». لو كانت كلمة لقلناها ﴿وَمَا كُنتَ تَتْلُو مِن قَبْلِهِ مِن كِتَابٍ وَلَا تَخُطُّهُ بِيَمِينِكَ إِذًا لَّارْتَابَ الْمُبْطِلُونَ * بَلْ هُوَ آيَاتٌ بَيِّنَاتٌ فِي صُدُورِ الَّذِينَ أُوتُوا الْعِلْمَ وَمَا يَجْحَدُ﴾ -تاني لفظ الجحود- ﴿بِآيَاتِنَا إِلَّا الظَّالِمُونَ﴾. هنا في ثلاث أوصاف ذكروا: الكافرون، المبطلون، الظالمون؛ دي أوصاف المعرض عن الوحي، المعرض عن آيات الوحي كافر مبطل ظالم. بل هو آيات بينات، إيه هو اللي آيات بينات؟ في صدور الذين أُوتوا العلم.
برضو في قول اختاروا الطبري ورجحه، ورجحوا برضو كتير من المفسرين، انتم ممكن تستغربوا؟ قال: لا، بل هو آيات وآيات مش القرآن. يعني السياق كله ماشي على النبي صلى الله عليه وسلم، بل هو أي بالذكر أن النبي صلى الله عليه وسلم كان أمياً، وهو ده اللي هو المعنى المذكور: ﴿بَلْ هُوَ آيَاتٌ بَيِّنَاتٌ فِي صُدُورِ الَّذِينَ أُوتُوا الْعِلْمَ﴾ [العنكبوت: 49] من اليهود والنصارى الذين اعترفوا بالحق وأسلموا، هم عارفين كده في صدورهم، فمنهم من كتم ومنهم من أعلن عنه، بل هو آيات بينات اللي هو أن النبي صلى الله عليه وسلم لم يكن يكتب يقرأ ولا يكتب. طبعا أنا تجاوزتها بس حصل كده إيه عارف لأ لأ النبي صلى الله عليه وسلم كان بيكتب والنبي صلى الله عليه وسلم ما كانش أمي وتلاقي رسالة انتشرت فترة من الفترات ونشرها وبين الحقيقة مش عارف إيه والكلام ده حقيقة من زمان يعني إذن أول حد ذكر المعنى ده الإمام الباجي وهو في الأندلس، وحتى ابن عطية رد عليه، خمسمية وشوية رد عليه، واللي عايز مبحث ده القرطبي هنا عمل مبحث للرد على الإمام الباجي استفاض فيه شوية يعني الكلام ده من زمان.
وهل كان يقصد أن النبي صلى الله عليه وسلم كان يقرأ ويكتب، ولا كتب مرة أو مرتين معجزة على وجه المعجزة؟ ضل مال ابن التمس عذر للإمام الباجي قال: لأ هو ما قالش إن تعلم أقرأ الكتابة أو كان يقرأ ويكتب أصلاً. يعني أحياناً أنت إيه بعض الناس يستشعر النقص من لا شيء، طب هو ده تشريف أنت وصلتك لتحصيل المعرفة القراءة والكتابة هو علمه الله سبحانه وتعالى صلى الله عليه وسلم. يعني أحياناً أنت مستشعر نقص من مسألة وهي ما فيش فيها أي مشكلة أصلاً وده نوع من الهزيمة النفسية، فهو سيد البشر صلى الله عليه وسلم ما ينطق عن الهوى إن هو إلا وحي يوحى صلى الله عليه وسلم. وبعدين شف المنتج على كل المستويات: على مستوى الأخلاق، المستوى الأخلاقي الاجتماعي، مستوى الأخلاق الأسري، على المستوى الإداري، على المستوى السياسي، على مستوى الاجتماعي، شوفي مدينة النبي صلى الله عليه وسلم، هل ده بيخليك تشعر بحرج في الكلام عن النبي صلى الله عليه وسلم؟ بل هو آيات بينات في صدور الذين أوتوا العلم.
القول التاني وده المشهور عندنا، وده اللي رجحه كتير من المفسرين: لأ، اللي هو القرآن آيات بينات في صدور الذين أوتوا العلم. حتى ابن كثير أشار إلى الأثر المشهور أثر غنو في الطبراني، أن من وصف الأمة دي في الكتب السابقة، الكتب السابقة أشارت لما دي أمة، الأمة دي مختلفة عن كل الأمم تكون الأمة دي أنا جيلهم في صدورهم. الكتب السابقة ما كانش كل الناس تحفظها كده، لأ أعداد بسيطة أحبار، بعض الأحبار هو اللي يحفظ الكتب، لكن مش كان كل الناس تحفظ. دلوقتي احنا عندنا الأطفال ألوف مؤلفة من الأطفال حافظين القرآن، كان علامة أنها تأتي أمة ييسر لها حفظ الوحي: ﴿وَلَقَدْ يَسَّرْنَا الْقُرْآنَ لِلذِّكْرِ فَهَلْ مِنْ مُدَّكِرٍ﴾ [القمر: 17]، هتأتي أمة أناجيل كتب كتابهم في صدورهم، فلما جاءت هذه الأمة كانت أيضاً علامة أخرى. يبقى العلامة الأولى: ﴿وَمَا كُنتَ تَتْلُو مِن قَبْلِهِ مِن كِتَابٍ﴾ [العنكبوت: 48]، العلامة الأخرى: أتجدهم في صدورهم.
بل هو آيات بينات أي الوحي، لو قلنا القول التاني وده أنا ميل له حقيقة بل هو آيات بينات في صدور الذين أوتوا، وده من التابعين اختاره الإمام الحسن البصري، وإن كان قتادة رغم أن قتادة دايماً كان بيقلد الحسن لأنه تلميذه بس هو خالفه ومشيو على رواية مع ابن عباس: لأ، ده اللي هو مقصود به النبي صلى الله عليه وسلم. أنا مايل لقول الحسن البصري: بل هو آيات بينات، لأن طبعا الطبري باين ليه، اللي عايز يرجع هو ليه اختار القول ده؟ لكن لما نجي نشوف بل هو آيات لو اخترنا الوحي فلم يكتفوا بهذه الآيات وطلبوا آيات أخرى، وقالوا: ﴿لَوْلَا أُنزِلَ عَلَيْهِ آيَاتٌ مِّن رَّبِّهِ﴾ [العنكبوت: 50]، ونعم المقارنة دلوقتي بين الآيات التي اختارها الله لهذه الأمة والآيات التي طلبوها: ﴿بَلْ هُوَ آيَاتٌ بَيِّنَاتٌ فِي صُدُورِ الَّذِينَ أُوتُوا الْعِلْمَ وَمَا يَجْحَدُ بِآيَاتِنَا إِلَّا الظَّالِمُونَ﴾ [العنكبوت: 49]. أي الوحي، وربنا سمى الوحي في صدوره، سماهم أهل العلم. هذا هو العلم النابع من الوحي، فمنهم من يقوم بحقه ومنهم من يصدق عليه قول الله سبحانه وتعالى: ﴿مَثَلُ الَّذِينَ حُمِّلُوا التَّوْرَاةَ ثُمَّ لَمْ يَحْمِلُوهَا كَمَثَلِ الْحِمَارِ يَحْمِلُ أَسْفَارًا﴾ [الجعة: 5].
يبقى إذن العلم الحقيقي هو اللي نابع من الوحي، العلم عندنا هو اللي نابع من الوحي: ﴿بَلْ هُوَ آيَاتٌ بَيِّنَاتٌ فِي صُدُورِ الَّذِينَ أُوتُوا الْعِلْمَ وَمَا يَجْحَدُ بِآيَاتِنَا إِلَّا الظَّالِمُونَ﴾ [العنكبوت: 49]. قام يجحد باياتنا لفظ الجحود تاني: الذي يرفض هذه الآيات اللي هو القرآن على قول الحسن، أو أرفض آيات براهين نبوة النبي صلى الله عليه وسلم على قول قتادة، ده ظالم. ليه؟ لأنه مش رافض آاية واحدة، يعني يا جماعة مين نبوة النبي صلى الله عليه وسلم؟ مش برهان واحد وإعجاز القرآن وأن القرآن من عند ربنا مش مش آية واحدة، لكن المشكلة دايماً عندنا أن احنا عقليتنا اتغيرت، بقت عايز أقنعك بنبوة النبي أو بالقرآن بأي حسية، يعني عايز أمسك كده أحطه مثلاً على حجر يبقى دهب؟ آه، ده وحي فعلا! هو عايز إيه؟ عايز حركات مادية كده، وده كان عقلية المشركين لما طلبوا آية العقلية المادية اللي هي الوثنية، انتشار الصور والتماثيل. قالوا: لا، احنا عايزين آيات حسية.
فين الآية؟ يعني النبي صلى الله عليه وسلم جاء إلى المشركين وهو بيقول إنه نبي من عند الله والرسول من عند الله صلى الله عليه وسلم، طب إيه الدليل؟ فقرأ عليهم، قرأ عليهم كلاماً فاستغربوا، يعني هي دي الآية؟ بالرغم من النبي صلى الله عليه وسلم كان له آيات حسية كثيرة: انشقاق القمر، ونبع الماء بين أصابعه صلى الله عليه وسلم، آيات كثيرة. لكن الآية التي نص عليها النبي صلى الله عليه وسلم من حديث البخاري ومسلم: وإنما كان الذي أوتيته وحياً أوحاه الله إلي. المعجزة بتاعة مثلاً أو التعبير الأفضل نسميها الآية، آية النبي صلى الله عليه وسلم مختلفة عن كل الآيات السابقة. آية مش مرتبطة بزمان واحد، ولا بمكان واحد ولا بالشخص. يعني كانت آية سيدنا موسى العصا، كانت لها مكان معين موجودين يشوفوها، مش كل العالم يشوفها، وزمان معين لحظة ضرب العصا، وشخص هو اللي بيستعملها.
يعني مش لما مات موسى عليه السلام أوصى بعصاه ليوشع بن نون، وقال له: لو طلبوا منك آية اضرب بالعصا تتحول ثعبان. لا، ما حصلش، فكانت الآية خاصة بالمكان والزمان والنبي. لكن لما اصطفى الله سبحانه وتعالى النبي صلى الله عليه وسلم ليكون رسولاً للعالم، أعطاه آية مختلفة تصلح أن تنتشر في كل العالم، وتخاطب كل العقول في كل الأزمنة على مدار الزمان إلى يوم القيامة، وأنت أنت ممكن تنقل هذه المعجزة. عصا موسى أنت لو خدتها في أثر ذكره الطبري كان يعني من الإسرائيليات لما وقف موسى عليه السلام أمام البحر وبدأ الجيش يخاف، بدأ يوشع بن نون لما توتر خد عصا موسى عليه السلام جرى باتجاه البحر وضرب البحر وما حصلش حاجة لو ما جاش الأمر من ربنا! القضية مش في العصا، هو في أمر من ربنا سبحانه وتعالى أن كانت المعجزة مرتبطة بالنبي صلى الله عليه وسلم.
تخيل لما يكون أنت عندك القدرة على نقل هذه المعجزة: «بلغوا عني ولو آية». استحضار حينما تنقل الوحي للناس وتبين الوحي للناس، أنت الآن تقوم بنفس الدور الذي قام به موسى عليه السلام ثم ألقى العصا أمام السحر، يعني لازم تستحضر المعنى ده. أنت تنقل الآيات صلى الله عليه وسلم قال: «بلغوا عني ولو آية»، انشروا هذا الوحي بين الناس: ﴿بَلْ هُوَ آيَاتٌ بَيِّنَاتٌ فِي صُدُورِ الَّذِينَ أُوتُوا الْعِلْمَ وَمَا يَجْحَدُ بِآيَاتِنَا إِلَّا الظَّالِمُونَ﴾ [العنكبوت: 49]. تكرار لفظ الآيات.
قال ربنا سبحانه وتعالى بعدما جاءتهم هذه الآيات وقالوا: ﴿لَوْلَا أُنزِلَ عَلَيْهِ آيَاتٌ مِّن رَّبِّهِ﴾ [العنكبوت: 50]، هنا بقا التفكير المادي المسيطر، العقلية اللي بدأت تتجه ناحية الوثنية، لذلك كان الدكتور عبدالله الشهري كان اتسأل سؤال، أسمع له محاضرة أو متخصص في الرد على الإلحاد، كان بيقول: حد سأله سؤال ليه طالما أنتم بتقولوا التوحيد هو الأصل وأن الشرك عارض، وده كلام ربنا سبحانه وتعالى وقول لجمهور المفسرين: ﴿كَانَ النَّاسُ أُمَّةً وَاحِدَةً﴾ [البقرة: 213] أي على التوحيد فاختلفوا فظهر الشرك فبعث الله النبيين مبشرين ومنذرين، أثر البخاري عن ابن عباس: الأصل التوحيد، أنزل الله آدم إلى الأرض على التوحيد، وفضل الأمة قعدت فترة على التوحيد وبعد كده الشرك طارئ على التوحيد. عكس اللي بعيداً عن الوحي من بتوع تاريخ الأديان يقول لك: لأ الأمة مرت الأول بمراحل طويلة من الوثنية عشان تكتشف التوحيد، ده كلام غلط بتوع تاريخ الأديان بيقولوا كده اللي ما بيعتمدوش على الوحي.
لكن الأول الإنسان مرحلة الطفولة وبعدين كان وثني وكان بيعبد أي حاجة لغاية لما إيه توصل للتوحيد، لأ، احنا من أول لحظة ربنا قال لسيدنا آدم وهو بيهبط الأرض قال له: أنت يبقى معك وحي، فإما يأتينكم مني هدى فمن تبع هداي. من أول لحظة نزل آدم الأب كان معهم التوحيد. فاتسأل سؤال: لو كلامك صح؟ هو بيأصل القاعدة دي، فقالوا له: طب لو كلامك صح، ليه غالب الآثار الموجودة آثار عن الشرك مش عن التوحيد؟ قال لهم: لأن التوحيد ما كانش بيعتمد على إقامة الآثار والتماثيل، التوحيد ما كانش بيعتمد على كده. رد عليهم كذا رد: أول حاجة لأن أهل التوحيد كانوا قلة، وده مصداق للوحي، كلامكم ده يؤكد كلام الوحي، كانوا قلة. وأن ربنا كان يبيد الأمم على الشرك، استئصال مع الشرك.
وأن كانت الأمم عشان سيطرة العقلية الوثنية عليها وعايزة تمثل وتصور كل شيء وكل أمة تبتعد عن الوحي تميل للتمثيل والتصوير، تمثيل مش اللي هو المسلسلات، تمثيل تماثيل يعني وأصناف. شوف مثلاً الكنائس مليانة صور، أي أمة هتبدأ تقلل الارتباط بكلام الله سبحانه وتعالى تتجه عايزة تعوض النقص ده تتجه للتصوير والتماثيل عشان تسد هذه الفاقة، وهنا بيبدأ بقا هنا إيه بدايات الشرك. وبداية الشرك حصلت كده: أن في الأول نعمل تماثيل عشان نفتكر الرجال الصالحين في عهد سيدنا نوح: ﴿وَدًّا وَلَا سُوَاعًا وَلَا يَغُوثَ وَيَعُوقَ وَنَسْرًا﴾ [نوح: 23]. طب الشيطان جه لهم؟ بدأ الشيطان ينشر الشرك إزاي؟ بفكرة التماثيل والتصوير.
نعمل أصنام، نعمل أوثان، نفتكر بها شكلهم عشان نسخن في العبادة، كل ما تفتر للعبادة تروح تتفرج على صور التماثيل تسخن العبادة. طب أما نعمل بقا تماثيل كل واحد يبقى عنده تمثال في بيته بدل ما التمثال في بيته بدل ما يروح مثلاً يتفرج عليها، انتشرت الأصنام تنسخ العلم زي ما ابن عباس يقول في البخاري: العلم اندرس خلاص، بدأ إيه الوثنية وقصص كتير بقا قصص إيساف ونائلة، قصة ظهور الوثنية. فهنا العقلية دي بتقول إيه: ﴿وَقَالُوا لَوْلَا أُنزِلَ عَلَيْهِ آيَاتٌ مِّن رَّبِّهِ﴾ [العنكبوت: 50]، احنا عايزين آيات، كل آيات الوحي دي معشور حتى لما حب يعملها بحسبة كده معينة بيقول: كل تلات آيات في القرآن معجزين، لأن التحدي حصل بصورة أقل عدد من التحدي يجيب سورة، وأقل سورة عندنا تلات آيات، فشوف عندنا كم آية، كل تلات آيات آية معجزة، وحسب بقا ست آلاف وشوية على تلاتة عندنا أكتر من ألفين معجزة، آيات بينات في صدور الذين أوتوا العلم.
وعلى فكرة المعشور اختار قول غريب ما شفتش حد اختاره، قال: بل هو آيات بينات أي الوحي في صدور الذين العلم قال النبي صلى الله عليه وسلم، وذكر بصيغة الجمع تعظيماً له، لأنه حوى في صدره صلى الله عليه وسلم ما حوى كل العلماء، ما تفرق في العلماء جمع في صدر النبي صلى الله عليه وسلم. بقى لي هنا قولي لم أره لغير حقيقته في أقوال كانت غريبة قابلتني منها القول ده، وبرضه منها قول كان غريب للرازي في قول الله سبحانه وتعالى: ﴿فَالَّذِينَ آتَيْنَاهُمُ الْكِتَابَ يُؤْمِنُونَ بِهِ﴾ [العنكبوت: 47] قال: هؤلاء هم الأنبياء، ومن هؤلاء من يؤمن به قال: دول أهل الكتاب المعاصرين للنبي صلى الله عليه وسلم، دي بتبقى أقوال بيتفرد بها أصحابها محتاجة احتراز قبل أن احنا ناخد بها.
وقالوا: ﴿لَوْلَا أُنزِلَ عَلَيْهِ آيَاتٌ مِّن رَّبِّهِ﴾ [العنكبوت: 50]. طب ما هو ربنا نزل آيات، طب ما الوحي ده آيات؟ يقول لك: لأ، احنا عايزين آية إيه؟ حسية. كنت في مرة سبحان الله يعني أحد الإخوة الأفاضل كان آه حافظ القرآن، وبعدين للاسف دخل في قصة الشبهات الإلحاد لغاية لما بدأ يترك الصلاة وخلاص بدأ يعني شبه ملحد. وبعدين إيه بقدر الله التقينا، وبعدين نقاشات طويلة، وكان من المبرزين وكان حافظ القرآن، فكل أما نتكلم في القرآن وإعجاز القرآن هو فاهم أنا بقول إيه، طب سورة كذا فيها كذا، ويسألني: طب ليه السورة دي فيها كذا؟ طب هنا في شبهة في الآية دي. قعدنا تقريباً ست ساعات أو سبع ساعات متواصل نتناقش، وبعدين ما اقتنعش، نوم مسافر وما اقتنعش بالكلام.
خلاص، سيبك من كلامي، إيه أنت راجل كنت حافظ القرآن اقرأ أنت القرآن، قعد فترة اختفى، قلت خلاص إيه ما فيش أمل يعني أنت ما كنتش موفق أو أياً كان أياً كان السبب. لقيته بيكلمني باعت لي كلام مبهر عن سورة الرعد، حتى من اللي تكلم الكلام ده؟ قال لي: دي مشاعري تجاه هذه السورة.
باستقول له إيه اللي حصل؟ قال لي: أنا في وقت من الأوقات حسيت إن أنا محتاج أوصل، أنا مش هينفع أعيش كده، أنا عايش في الشتات، آخذ قرار. يعني خلاص أسيب الإسلام يا أقيم القرآن حقّه. فعايز: يا رب وريني آية، يا رب وريني آية.
فلقيت جنبي مصحف على وكان طالب، يعني لقيت مصحف عندي، فقلت هو ده الآن؟ أنا بقول أنا عايز إيه؟ هو دي الآية اللي عندكم؟ وكان مع نفسه بيكلم نفسه. فبيقول: فتحت المصحف، فين الآية يعني؟ ففتح على سورة الرعد.
قلت خلاص قلت دي جايزة رسالة من ربنا، هقرأ سورة الرعد. قرأها بيقول: أنا لقيت سورة الرعد بتقول لي إيه؟ كأن ربنا بيقول إيه؟ ليست حسية: ﴿وَلَوْ أَنَّ قُرْآنًا سُيِّرَتْ بِهِ الْجِبَالُ أَوْ قُطِّعَتْ بِهِ الْأَرْضُ أَوْ كُلِّمَ بِهِ الْمَوْتَىٰ﴾ [الرعد: 31]. أي لكان هذا القرآن، ولكن الله لم يختر لهذه الآية أن تكون كذا، حياتي مختلفة. قعدت أقرأ السورة تاني، كتب لي كمية معاني ومشاعر وصوت الواحد رهيبة. وعاد إلى الإسلام، وهو الآن من العاملين لنصرة الدين.
بس مش عايز أقول إيه المشروع اللي بيقدمه عشان ممكن يُعرف، يعني بالقرآن عدم الوحي لما غير طريقة التفكير. أهي دي الخطورة اللي بتعملها الفلسفة المادية، عارفين المصطلح بيسموه اللي هو طريقة تفكير معين؟ يعني فيه واحد حتى ظهر المصطلح يقول لك إيه: فكر خارج الصندوق، أهو البرادايم ده هو الصندوق اللي أنت بتفكر بيه. فكر برّاهُم، التفكير كله اللي ييجي يسألك هو عايز يقول لك إيه؟ إيه الدليل إن القرآن حق؟ هو عايز حاجة أول ما تقولها له مثلاً يرتعش وتكهرب ويسلم، يعني عايز حاجة إيه يحسها فوراً الوقتي، يطير مثلاً، نور ينزل من السما. يعني هو راسم تخيلات، ما تفهمش بقى ده بسبب الكارتون ولا ده بسبب الفلسفة المادية؟ يعني ممكن يكون أتفه من كده بس أياً كان هو متصور تصور معين عن الآية.
يعني أما يقول لك إيه دليل إن النبي صلى الله عليه وسلم ده رسول من عند الله؟ هو عايز إجابة في سطر، حدس، شعاع مثلاً ينزل من السما، حاجة تحول فيبقى كده. لأ يا جماعة، اليقين تراكمي، اليقين مجاهدة.
لأن لو ربنا كان جعل الآية أصلاً عندنا كده كان اللي مش هيؤمن هينزل عليه العذاب. أصل لو هي آية حسية وأنت شفتها وما أمنتش، أمال حضرتك مستني إيه اللي يحصل بقى بعد كده تاني؟ ما خلاص العذاب ينزل، لكن ربنا اختار أن الأمة دي تكون آيتها مش حسية.
عشان لذلك ربنا في أكثر موطن بيسمي القرآن رحمة. وهنا أيضاً في تكملة الآيات أن هو رحمة. من أوجه رحمة القرآن بهذه الأمة أنه لو كان آية حسية والناس ما أمنتش كان نزل عليها العذاب. فبيديهم وقت أنه يفكر ويراجع ويشوف إن الكلام ده موافق لفطرته ولا لأ، مناسب لـ..
أنا كنت لسه بقرأ في كتاب إبراهيم وجود الله مع سامي العميري، عامل فصل كدة عن البراهين اللي من داخل النفس، يعني من جواك عامل أربع براهين، كل برهان عامل عنه بتاع سبعين ثمانين صفحة ولا مية صفحة، يعني براهين مش مثلاً من الكون المنظم ولا القواعد ولا ولا أي حاجة.
اللي أنت لو مع نفسك توقن أن الله حق، وتكلم عن الفطرة كلام رائع، أول واحد فيها الفطرة، عمل أربع براهين، يختار الأول الفطرة، القرآن بيغذي شيء بداخلك أنت تبحث عنه. يعني في حاجة ناقصة بتفضل تعبيها بالفن، تعبيها بالأوثان، تعبيها بالصور، تعبيها بالتماثيل، تعبيها بالشعر، ما بتتسدش. يعني هذه الفجوة اللي بداخلك ما بتتسدش، ييجي الوحي تحس إن أنت في حاجة: ﴿وَتَطْمَئِنُّ قُلُوبُهُم بِذِكْرِ اللَّهِ﴾ [الرعد: 28]. لأن الإنسان أجوف، الجوف ده يبحث عن الابتلاء، لا يمتلئ إلا بالوحي، فالقرآن في حد ذاته دليل على أنه حق من غير أدلة من برّاهُم. هذا غير الأدلة التانية، يعني غير مش عايز أدخل غير الأدلة التي أقيمت على ده.
زي مثلاً اللي جمع الدكتور اللي هو الأعظمي، اللي جمع كل المخطوطات من عهد النبي صلى الله عليه وسلم لغاية الوقتي وأكثر من عدد، واختار صورة صورة الإسراء وجاب كلمة كلمة، وعلى كل المخطوطات ما فيش ولا كلمة تغيرت على مدار ألف وأربعمائة سنة.
برضو أنا مش بتكلم بده إن القرآن في حد ذاته كاف، وقالوا: ﴿لَوْلَا أُنزِلَ عَلَيْهِ آيَاتٌ مِّن رَّبِّهِ﴾ [العنكبوت: 50]. العقلية دي مش عارفة تؤمن بالقرآن، هو محتاج يغير طريقة التفكير، محتاج يغير طريقة البحث. ولذلك كان الرد عليهم طالما أنتم بتفكروا كدة: ﴿قُلْ إِنَّمَا الْآيَاتُ عِندَ اللَّهِ﴾ [العنكبوت: 50].
خليك بقى مستني أنت عايز الآية الحسية؟ أولاً أنا رسول ولا أملك هذا، هو من عند الله: ﴿قُلْ إِنَّمَا الْآيَاتُ عِندَ اللَّهِ﴾ أي الآيات التي تطلبونها الحسية من عندي أنا دوري معكم وإنما أنا بصورة الحصر: ﴿وَإِنَّمَا أَنَا نَذِيرٌ مُّبِينٌ﴾ [العنكبوت: 50].
أنا دوري لو أنا نجحت في إشعال فتيل الخوف بداخلك لتبحث ستصل، أنا نذير مبين من أول آية: ﴿ذَلِكَ الْكِتَابُ لَا رَيْبَ ۛ فِيهِ ۛ هُدًى لِّلْمُتَّقِينَ﴾ [البقرة: 2]. المتقي اللي هو بيخاف، أحساس عظمة الكون وانتظام الكون والأسئلة اللي جواك أن أنا ليه جيت هنا؟ التساؤلات دي تدفعك انك تخاف تعيش حياة عبث، دي كده أنت بتوصل، اللحظة دي لو أنت وقفت عندها ومشيت في الطريق كدة أنت بدأت تمشي في الطريق الصح، لكن حياة اللامبالاة والحياة اللي عايز مادية صرف ده ماشي في الطريق الغلط.
ولذلك النبي صلى الله عليه وسلم قال لهم: أنا دوري أن أنا أغير طريقة التفكير معكم مش الآيات الحسية، إنما أنا نذير مبين. ثم يقول الله سبحانه وتعالى كل الأطراف بقى، سواء مشركي مكة أو أهل الكتاب اليهود والنصارى: ﴿أَوَلَمْ يَكْفِهِمْ أَنَّا أَنزَلْنَا عَلَيْكَ الْكِتَابَ يُتْلَىٰ عَلَيْهِمْ﴾ [العنكبوت: 51]. دي آية الاكتفاء بالوحي الاستغناء بالوحي: ﴿أَوَلَمْ يَكْفِهِمْ أَنَّا أَنزَلْنَا عَلَيْكَ الْكِتَابَ يُتْلَىٰ عَلَيْهِمْ﴾ يعني ربنا بيقول لهم ده سؤال استنكاري، القرآن كافي، القرآن كفاية.
الآية دي آه بصراحة متعبة قوي، أمال القرآن مش كافينا ليه؟ يعني لما هو ربنا بيعاتبهم أنتم ليه مش مكتفيين بالقرآن؟ طب هو احنا ليه مش مكتفيين بالقرآن؟ ﴿أَوَلَمْ يَكْفِهِمْ أَنَّا أَنزَلْنَا عَلَيْكَ الْكِتَابَ﴾. ابن عاشور هنا عمل فصل جميل في مسك كل كلمة في الآية دي، وازاي أن فيها دليل على صحة القرآن، يعني في آية يكفيهم وبعدين كلمة يتلى وبعدين عليهم، مسك بعض الكلمات وأشار إليها إزاي بتشير لصحة القرآن.
طبعا عشان ضيق وقت الدرس، الدرس لما يكون فيه معنى جيد بشير له وأنشئ، إن شاء الله أنا واثق أن أنتم هترجعوا له، أنا واثق إن شاء الله، صلوا على النبي. احنا كده تجاوزنا الساعة. طيب، أولم يكفينا أنا أنزلنا خلاص، يعني ساعة وخمسة حاضر، أولم يكفهم أنا أنزلنا عليك الكتاب يتلى عليهم إن في ذلك لرحمة وذكرى لقوم يؤمنون.
النبي صلى الله عليه وسلم قال في البخاري: «ليس منا من لم يتغن بالقرآن». الإمام البخاري لما حط الحديث ده حط بعده آية: ﴿أَوَلَمْ يَكْفِهِمْ أَنَّا أَنزَلْنَا عَلَيْكَ الْكِتَابَ يُتْلَىٰ عَلَيْهِمْ﴾ [العنكبوت: 51] حتى بعض الشرحاء استغربوا، إيه علاقة الآية دي بحديث يتغنى بالقرآن؟ لأن بعض المشهور أن يتغنى أن يحسن صوته بالقرآن، لكن البخاري كان اختار هنا معنى وده مروي عن ابن عيينة أن يستغني به، هنغيره. فجاب الآية اللي بترجح اختياره هو، يبقى: ليس منا من لم يستغن بالقرآن عن غيره.
أيضاً ابن حجر عمل شرح ممتع للحديث ده، برضه حطوه مع الآية وأبقى قابلني لو قريته، معروف طبعا الصيف سيف برضه إيه ده سيف، وبعدين لو رجعت له. أهو فابن حجر جاب كل الأقوال اللي أتقالت في يعني إيه يتغنى؟ واللي قال يعني يستغني، طب يستغني بايه؟ هل يستغني بذكر الأمم الماضية؟ ولا يستغني بالوعد والوعيد؟ وهل فيه أقوال تانية؟ ولا معناه الملازمة؟ ولا معناه زي ما كان الغناء بيساعدهم على لتحمل المشقات والسفر وكان هو زادهم، يصبح القرآن زادكم، تستبدل أنت تترك الغناء وتأخذ القرآن، تترك الطول ملازمة الغناء طوال السفر والطريق وتستصحب القرآن. ومعنا أيضاً أشار إليه ابن حجر، ذكر معي منها التحزن، وإن كان استنكروا أنه وارد عن الشافعي معاني كتير ذكرها وفسر فيها بصراحة شرح رائع.
خلاشتها أن تستغني بالقرآن عن غيرك، يعني إيه طيب؟ أكتفي بالقرآن عشان أخلص عشان أنا طولت عليكم، يعني إيه الاكتفاء بالقرآن؟ يعني ما أقراش حاجة تانية؟ طبعا أنا بكرر تاني لما أقول كلمة القرآن أو الوحي، قلت أقصد بها إيه؟ القرآن بتوضيحه من السنة وبفهم السلف، أنا مش بتكلم بقى أنك إيه تقرأ قرآن ما تقراش السنة لأ، ده ده اللي عايز يطعن في السنة، مش بتكلم على ده خالص، أتكلم هل ما تقراش أي أفكار أخرى أو حضارات أخرى، ما تقراش ده؟ يعني إيه الاكتفاء بالوحي؟
طيب خلينا نحط كدة ثلاث مراحل أو ثلاث قضايا كل طريقة كل يعني سهم من دول دي طريقة الوحي قال لك تتعامل به إزاي. أول حاجة فيه قضايا ركز معي كنا نختم بتلات بتقسيمة الثلاثية دي ممكن ما تكونش شاملة، لكن هي محاولة اجتهادية إيه للم الكلام في النقطة دي. أول سهم فيه قضايا لا تؤخذ إلا من الوحي جملتها وتفصيلها، في قضايا غيبية على مستوى العقائد على مستوى الأخلاق على مستوى الأحكام لا تؤخذ إلا من الوحي تكتفي بالوحي في هذه القضايا جملة وتفصيلاً، خلاص؟ يبقى دي النقطة الأولى.
في قسم آخر الوحي حينما تكلم في هذه القضايا لم يتكلم بالتفصيل، الوحي وضع إيه؟ قواعد عامة، بعض المعاملات المالية في بعض القضايا السياسية، في بعض القضايا الاجتماعية، الوحي وضع إيه؟ قواعد عامة، لم يتكلم بالتفصيل، وهذا من إعجاز الوحي. ليه؟ حتى يصلح الوحي لكل زمان ومكان، لأن لو كان سبحان الله لو الوحي كان ألزم القضايا دي التفاصيل اللي كانت موجودة قبل كده، هنيجي ننتقل مع التقلبات المعاصرة ديت مش لاقي أدلة من الوحي، لكن الوحي لذلك لما تيجي مثلاً هقول لك مثلاً نظرة سريعة كده.
شف الكتب اللي بتتكلم في الفقه من خلال الأحاديث، بلوغ المرام مثلاً أو أي شرح له، توضيح الأحكام أي شرح له بتاع ابن حجر، أو مثلاً المنتقى من الأحاديث وشرحه مثلاً نيل الأوطار بتاع الشوكاني، هتجد مجلدات كتير ثلاث أرباع الأحاديث أحكام، ليه؟ لأن في الأحكام قصدي الأحكام العبادة، هو كله أحكام لكن هتجد أن العبادة، العبادات باب العبادات عكس كتب الفقه واخد مساحة كبيرة في كتب الأحاديث. ليه؟ لأن الأحاديث فيها كتير في التفاصيل، في تفاصيل تفاصيل قضايا الصلاة والطهارة والصيام والزكاة والحج، وأيضاً في المعاملات. لكن تجد اللي في المعاملات المالية فيه أحاديث كتير، لكن فيها جزء عبارة عن قواعد عامة، زي كان شيخ الإسلام ابن تيمية بيحاول يرجع أصول المعاملات المالية الحرام مثلاً لثلاث أربع قضايا، عشان لما نجي بعد كده معاملة مالية جديدة جاية لنا من الخارج هنطبق عليها القواعد بتاعتهم، والله القواعد دي مستوفية الشروط نقبلها، مش مستوفية شروط نردها.
الإسلام لم يشترط تفاصيل معاملات معينة في مثلاً في السياسة، في الإدارة، في الاجتماع، في اقتصاد، لأ، وضع غالباً قواعد عامة، وطبعا فيه تفاصيل في جزئيات، فيجيلنا مثلاً فكرة اقتصادية جديدة نعمل إيه؟ ما نقولش لأ دي مش من عندنا نردها، لأ، يطبق عليها القاعدة القرآن عندنا مهيمن. هاه، قبل عارف نعمل لها إسكان كدة فيها ربا، فيها ضرر، فيها ظلم، فيها كذا، الميسر، أصول المعاملات المال الحرام ما فيش فيها تكييف المعاملة الفقهية مباحة، تدخل عادي. خلاص؟ يبقى فيه قسم الوحي تكلم فيه إيه في النوم وفي اليقظة، معي، صلوا على النبي، عليه الصلاة والسلام.
فيه قسم نتكلم فيه الوحي إيه؟ جملة وتفصيلاً. وفيه قسم صلوا على النبي، وفي قسم إيه تكلم فيه إيه؟ مجملاً. وفيه قسم سكت عنه، والنبي صلى الله عليه وسلم قال كدة، سكت عنه الله سبحانه وتعالى سكت عن أشياء من غير نسيان، الوحي ما نسهاش، سابها مفتوحة، آه، أنت عندك المساحة أنك أنت ستستورد وتبدع وتغير، دي مفتوحة.
الخلل بيحصل فين؟ في أن احنا نبدل الأماكن دي، أنك أنت عايز تحط قواعد ضيقة في منطقة المسكوت عنها، أو عايز منطقة الوحي يتكلم فيها تفصيل، أنا مش عايز تاخد تفاصيل الوحي، أو عايز منطقة الوحي يتكلم فيها على مستوى القواعد وأنت عايز تدخل فيها التفاصيل. لأ، فهم ده هيساعدك أن إيه اللي تقبله وإيه اللي ما تقبلوش. كدة احنا عملنا اكتفاء بالوحي، أيوه؟ ركز بقى معي في النقطة دي عشان اختم بها.
القسم الأول ده لو أنت عشت معه فترة، ده بيصنع العقلية المسلمة أصلاً، يعني القسم الأول الوحي تكلم فيه جملة وتفصيلاً، ده ده أصل، عارف أنت فكرة البرادايم أهو، ده بيصنع العقلية اللي تخليه بعد كده يعرف يقول على ده صح أو ده خطأ.
لما يسمع فكرة معينة يقول لك لأ، الفكرة الاقتصادية دي فكرة بتحتقر الإنسان وبتعظم المادة، لأ دي فكرة مخالفة أصلاً للوحي عندنا، حتى لو مش فاهم التفاصيل لسة؛ لأنه اتصبغ في الوحي، عاش مع الوحي في قضايا معينة، فما اكتفى به وامتلأ وأصبح ريّان من تفاصيل الوحي دي، لما ييجي يسمع فكرة مستوردة يبقى عنده القدرة يقبلها ولا لأ؟ اللي هي لا تقدموا بين يدي الله ورسوله، ما تقبلش حاجة إلا لما تعرضها على الوحي، دي في منطقة الوحي يتكلم فيها جملة وتفصيلاً، بتردها.
دي في منطقة الوحي، حاطط أتكلم فيها قواعد، طيب يطبق القواعد، مباحة نقبلها ما فيش مشكلة، منطقة مسكوت عنها أصلاً وما فيش لها مقالات للحرام وتقبل ما فيش فيها مشكلة.
طبعا هي التقسيمة مش هندسية بهذه الصورة، الأمر أكثر تعقيداً، لكن ده عشان تخيلوا لأن الناس تسأل طب يعني ايه يعني إحنا ما نستفيدش؟ لا طبعا تستفيد، حصل في عهد عمر بن الخطاب في كتابة الدواوين وفي غير ذلك، حصل استفادة، لكن لما كان عندنا أصول، لما الأصول اتكسرت ودخلت العجمة مع انتشار وما عدش فيه اللسان العربي السليم اللي بيتلقى الوحي وإحنا مصبوغين به، أثر ده على ديننا ودخل بقى الفلسفة واختلطت بعلم الكلام وعمل الإشكاليات اللي ظهرت اللي حتى بنعيش أثرها حتى الآن.
ثم بعد ذلك قال الله سبحانه وتعالى: ﴿قُلْ كَفَى بِاللَّهِ بَيْنِي وَبَيْنَكُمْ شَهِيداً يَعْلَمُ مَا فِي السَّمَاوَاتِ وَالْأَرْضِ وَالَّذِينَ آمَنُوا بِالْبَاطِلِ وَكَفَرُوا بِاللَّهِ أُولَئِكَ هُمُ الْخَاسِرُونَ﴾ [العنكبوت: 52]. نشرح المرة الجاية إن شاء الله كيف هي شهادة الله سبحانه وتعالى لنبيه صلى الله عليه وسلم، كنت شرحت ده بالتفصيل أيضا في سورة الأنعام، كيف يشهد الله نبوة النبي صلى الله عليه وسلم ذلك عن طريق إما بالوحي أو بأن الله ينصره يقدر أقدار تنصره.
آخر حاجة، ويستعجلونك بالعذاب اللي جاية لها ارتباط بقول الله سبحانه وتعالى: ﴿لَوْلَا أُنْزِلَ عَلَيْهِ آيَاتٌ مِنْ رَبِّهِ﴾ [العنكبوت: 50]؛ لأن هم كانوا عايزين آيات حسية، فطلب هذه الآيات سبب في نزول العذاب. نكتفي بهذا القدر، نكمل بإذن الله سبحانه وتعالى المرة القادمة، أقول قولي هذا واستغفر الله لي ولكم، سبحانك اللهم وبحمدك أشهد أن لا إله إلا أنت أستغفرك وأتوب إليك، وجزاكم الله خيراً.