تفسير سورة العنكبوت (3) | الآيات (10-15) | د. أحمد عبدالمنعم

السلام عليكم ورحمة الله وبركاته. بسم الله، والصلاة والسلام على رسول الله صلى الله عليه وسلم. نستكمل بإذن الله سبحانه وتعالى وقفات مع سورة العنكبوت، كنا توقفنا عند قول الله سبحانه وتعالى: ﴿وَلَيَعْلَمَنَّ اللَّهُ الَّذِينَ آمَنُوا وَلَيَعْلَمَنَّ الْمُنَافِقِينَ﴾ [العنكبوت: 11]. نكرر سياق الآيات بحيث نستحضر المعاني، وإزاي أن القرآن والإنسان بيقرأ السورة المعاني بتبنى في قلبه وفي عقله بصورة فيها نوع من التناسق والتكامل.

بحيث إن الإنسان لو هو مركز مع الآيات آية آية كما يروى عن ابن مسعود أنه قال: در مع القرآن حيث دار، لو أنت سبت نفسك للآيات وعشت آية آية هتفاجأ أن في معاني بتبنى في قلبك المعنى والمعنى الآخر حتى تصل إلى نهاية السورة، حتى لو أنت مش واخد بالك إيه اللي بيحصل أو مش واخد بالك كيف بنيت هذه المعاني، تخرج ببناء من الإيمان عظيم.

سورة العنكبوت كما قلنا بدأت بحسابات خاطئة أحياناً يقع فيها بعض المؤمنين نتيجة الظروف والضغوط اللي بيمروا بها في مكة، أو حسابات خاطئة يقع فيها المشركون من قريش الذين يعذبون أهل الإيمان في مكة. وأنكرت عليهم هذه الحسابات، يتركوا أن يقولوا آمنا، وإن كان هذا الحسبان هو معنى محوري في السورة؛ لأن السورة ذكرت أهل الإيمان الذين مروا بفتن، والفتن مختلفة، السورة ذكرت فتن مختلفة قالت: ﴿أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ﴾ [العنكبوت: 2]. أي أن أهل الإيمان لن يتركوا بمجرد قولهم كلمة الإيمان، ثم بين الله سبحانه وتعالى أن هذه سنة ماضية: ﴿وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ﴾ [العنكبوت: 3].

السورة بدأت سنة الله سبحانه وتعالى في أهل الإيمان أن يبتليهم وأن يمروا بفتن، من تجاوز هذه الفتن نكفرن عنهم سيئاتهم وبعد كدة ندخلنهم في الصالحين ونجزينهم أحسن الذي كانوا يعملون. فالسورة تكلمت عن أنواع الفتن اللي بيمر بها المؤمن حينما يتكلم كلمة الإيمان، والله لن يترك بمجرد أن يقول كلمة الإيمان، ثم بينت نماذج من سنن الله سبحانه وتعالى في معاملة أهل الإيمان لأن ربنا قال: ﴿وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا﴾. فربنا يجيب لنا نماذج من قصص الأنبياء: ﴿وَلَقَدْ أَرْسَلْنَا نُوحًا إِلَىٰ قَوْمِهِ﴾ [العنكبوت: 14]. وهيجي قصة سيدنا نوح، وبعد كدة قصة سيدنا إبراهيم، وبعد كدة لوط عليه السلام، وبعد كدة شعيب، ومجموعة من القصص المدمجة؛ لأن كان الغرض في القصص الأخرى، وكل قصة من قصص القرآن بتذكر لغرض، هنذكر ده إن شاء الله لما نستفتح في قصة نوح عليه السلام.

في هذه السورة اتكلمنا عن الفتنة المعنوية اللي ممكن يتعرض لها الإنسان، وأن المجاهدة ليست مجاهدة أذى البدن فقط، بل أول ذكر المجاهدة ذكر: ﴿وَإِن جَاهَدَاكَ عَلَىٰ أَن تُشْرِكَ بِي مَا لَيْسَ لَكَ بِهِ عِلْمٌ﴾ [العنكبوت: 8]. يأتي من أقرب الناس إليك، وأحياناً الأذى المعنوي والنفسي بيكون أشد على الإنسان من الأذى البدني؛ لأن أحياناً الأذى البدني بيولد نوع من الممانعة، والإنسان بيرفض ذلك، يرفض الضيم يرفض الأذى، يرفض الظلم، لكن لما يأتيك من باب الشفقة قد يسقط فيه الإنسان. وده زي ما معانا النهاردة إن شاء الله مدخل آخر، وبعد كدة اتكلمنا عن مدخل العذاب البدني: ﴿وَمِنَ النَّاسِ مَن يَقُولُ آمَنَّا بِاللَّهِ فَإِذَا أُوذِيَ فِي اللَّهِ جَعَلَ فِتْنَةَ النَّاسِ كَعَذَابِ اللَّهِ﴾ [العنكبوت: 10]. يبقى ده إنسان مش فاهم ما معنى الرب وما معنى الخالق وما معنى الحياة الآخرة. اتكلمنا على أن الإنسان المفروض ينظر إلى الحياة الدنيا نظرة أنها لا تساوي شيئاً، ما الدنيا في الآخرة إلا كما أحدكم أصبعه في اليم فلينظر بما يرجع، يعني لما تقف أمام محيط، وتضع أصبعك في هذا المحيط ثم تخرج أصبعك، تجد قطرات الماء، هذه القطرات نسبة القطرات للمحيط هي الدنيا بالنسبة للآخرة، متخيل إنسان عايش كل تفاصيل حياته مع هذه القطرات ويترك هذا المحيط الواسع، طبعاً بالتالي لن يصل إلى رؤية متزنة لأنه بيرى نسبة على غير حقيقتها.

نبدأ بقى النهاردة فتنة ثالثة، قال ربنا سبحانه وتعالى: ﴿وَقَالَ الَّذِينَ كَفَرُوا لِلَّذِينَ آمَنُوا اتَّبِعُوا سَبِيلَنَا وَلْنَحْمِلْ خَطَايَاكُمْ وَمَا هُم بِحَامِلِينَ مِنْ خَطَايَاهُم مِّن شَيْءٍ ۖ إِنَّهُمْ لَكَاذِبُونَ﴾ [العنكبوت: 12]. تعالوا نتعلم نقف مع كلمة كلمة بحيث نتعلم بعد كدة أن إحنا نحلل النص اللي بيقابلنا، طبعاً باستعمال أهم أداتين ذكرتهم قبل كدة: الأداة الأولى الأثر الوارد عن السلف، وبعدين مع امتلاك أدوات لغوية الإنسان بفضل الله ممكن يتعامل مع النص القرآني.

وقال الذين كفروا للذين آمنوا، هنا كلمة الذين كفروا أول مرة تذكر في السياق، يعني أما تبدأ السورة كدة طبعاً إحنا عايزين برضه نتعلم نقطة مهمة جداً أن أحياناً أنت بتلتقط شيء، يعني زي ما هيجيلنا إن شاء الله عند كلمة سنة وعام واستعمالات القرآن، أحياناً بتلتقط ظاهرة قرآنية معينة، لكن أحياناً لا تمتلك اليقين التام لتفسير هذه الظاهرة، يعني أنت التقطت أن في هنا مثلاً ظاهرة بلاغية، يعني هنا فيه تقديم وتأخير، هنا فيه إظهار في موطن الإضمار، هنا فيه أياً كان الملمح البلاغي اللي أنت التقطته أو أياً كان كلمة استعمال قرآني مختلف، القرآن بيخالف الاستعمال بين الألفاظ، بيستعمل لفظ في سياق معين ولفظ آخر في سياق معين، أنت بتلتقط ده، دي نقطة مهمة جداً في التفسير.

النقطة رقم اتنين أن تفسر وتقول لماذا، دي أحياناً ينبغي ألا تتعجل فيها وبتقرأ اجتهادات المفسرين فيها، فالإنسان ما يتعجلش أنه يفسر ما يلتقط. هنا إحنا بنلتقط أن لأول مرة بتجيلنا كلمة الذين كفروا، جت قبل كدة عن هؤلاء، سموا إيه الكفار دول؟ اتسموا كاذبين، لكن الكاذبين هنا لا، الكاذبين دول اللي طلعوا منافقين، لأ، ربنا وصفهم في السورة يعملون السيئات: ﴿أَمْ حَسِبَ الَّذِينَ يَعْمَلُونَ السَّيِّئَاتِ﴾ [العنكبوت: 4]، إحنا قلنا إن أحد معاني أو المعنى المحوري المهم لكلمة يعملون السيئات الذين يقومون بفتنة المؤمنين، اللي بيفتنوا المؤمنين. يبقى ربنا وصفهم الأول بلفظ يعملون السيئات، وذكروا قبل ذلك بكلمة الناس، كأن ده كان الغالب: ﴿فَإِذَا أُوذِيَ فِي اللَّهِ جَعَلَ فِتْنَةَ النَّاسِ كَعَذَابِ اللَّهِ﴾، فقال فتنة الناس يعني الناس اللي بيحاولوا يفتنوه. واللي كانوا بيحاولوا يفتنوه هنا الكفار، لأول مرة يظهر باسم الموصول الذين كفروا، هنا أصبحوا ظاهرين واضحين، يعني لما الاسم أو الشخص اللي بتتكلم عنه أو المجموعة اللي بتتكلم عنهم تأتي بصيغة الضمير لها دلالة، ولما آتي بالاسم الظاهر المعرف باسم الموصول دلالة أخرى أن هو بقى ظاهر، فلاول مرة هنا يظهر الكفار بصورة واضحة جداً، وهو جاي للمؤمن بصورة واضحة، هو اللي بيتحرك للمؤمن، والمرة دي بيتجه للمؤمن مش عشان يعذبه.

يعني الآية اللي قبلها على طول: ﴿وَمِنَ النَّاسِ مَن يَقُولُ آمَنَّا بِاللَّهِ فَإِذَا أُوذِيَ فِي اللَّهِ﴾، أي من هؤلاء الذين يعملون السيئات، المرة دي الكافر رايح للمؤمن بكلام: ﴿وَقَالَ الَّذِينَ كَفَرُوا لِلَّذِينَ آمَنُوا﴾، يبقى البداية هنا أنت بتفاجأ أن الكفار رايحين يتكلموا عن مين؟ رايحين يقولوا لهم إيه يعني، رايحين متجهين ناحية المؤمنين، يبقى مين اللي اتحرك ناحية مين هنا؟ الكافر هو اللي اتجه هو اللي راح، يعني هو عايز يفتنه، زي في سورة الكهف كدة صاحب الجنتين راح خد الفقير وده خده من إيده وخدّه ودخله الجنات بتاعته ومشي معاه ودخل جنته وهو ظالم لنفسه، أراد أن يفتنه فخده من إيده يفرجه على الجنة، عشان يكون أثر الكلام مع السمعي مع الأثر البصري يؤدي إلى فتنة.

فهنا الكفار، جهد أهل الباطل في نشر الباطل بتاعهم، وقال الذين كفروا للذين آمنوا، بيعملوا أقوال خاصة للذين آمنوا، وده الواحد بيشوفه الآن، كمية البرامج اللي بتتعمل وجهد أهل الباطل مثلاً لفتنة المؤمنين أو الفيديوهات مثلاً اللي بتتعمل لنشر الإلحاد، تجد مجهود عظيم بيبذل، طبعاً الله سبحانه وتعالى متم نوره ولو كره الكافرون، لكن كما أكرر، كما قال الله سبحانه وتعالى: ﴿إِن تَكُونُوا تَأْلَمُونَ فَإِنَّهُمْ يَأْلَمُونَ كَمَا تَأْلَمُونَ﴾ [النساء: 104]. الناس دي بتتعب عشان تنشر الباطل، أين جهدنا نحن لنصرة الحق؟ يبقى إذاً هؤلاء الكفار أهل الباطل يبذلون أوقاتهم، يعني تخيل واحد يتعب عشان يسجل مقطع وينشره ويبحث ويقرأ في شبهات أو حتى معه فريق شغال بيحضر له شبهات وقاعد بيحفزها ويقولها ويصور ويعيد، ده على مستوى الشبهات وعلى مستوى الشهوات، في ناس بتتعب عشان تعمل فيلم أو مسلسل ويتعب في تصويره، طب وإحنا فين؟ فين جهدنا في نشر الحق؟ يبقى هنا الذين كفروا هم اللي بيتحركوا الآن ناحية المؤمنين.

وقال الذين كفروا للذين آمنوا، كلمة الذين آمنوا هنا جت في الآية اللي قبلها على طول: ﴿وَلَيَعْلَمَنَّ اللَّهُ الَّذِينَ آمَنُوا وَلَيَعْلَمَنَّ الْمُنَافِقِينَ﴾. طيب إيه علاقة الآية دي بسياق السورة؟ بعضهم قال إن الكفار بيحاولوا فتنة المؤمنين بكل طريقة، فيجربوا المدخل العائلي: ﴿وَوَصَّيْنَا الْإِنسَانَ بِوَالِدَيْهِ﴾، اللي هو إن جاهداك لتشرك به، بعدين مدخل الأذى البدني، فيه ناس ثبتت بالرغم من كل الفتن دي اللي اتعرضت ثبتت، يدخل له مدخل آخر بقى، مدخل الشبهات، مدخل بقى الصديق اللي يدخل له الصديق اللي بيجيب له شبهة، يعني ممكن واحد، وده بيحصل كتير، إن الشخص يتأثر بصاحبه أكتر ما يتأثر بأبيه وأمه، يعني الكلام اللي بيجيله من صاحبه وتجيله الشبهة من صديقه ورسالة تجيلك من حد، ممكن تأثر فيك أكتر ما والدك أو والدتك يكلموك.

لذلك أحياناً لما شاب مثلاً يقع في شبهات إلحادية وكده وأبوه وأمه يحاولوا يتكلموا معاه، هو أصلاً بيبقى عامل بلوك، هو مش سامعهم، فممكن صديق هو اللي يأثر عليه، فكأن المشركين غيروا أساليب الفتنة، بدل المدخل من العائلة والمدخل اللي فيه شفقة، أو المدخل التاني الأذى البدني، فيه مدخل آخر، لذلك ابن عاشور بيقول إن بدأوا يغيروا أسلوب الفتنة، وبدأ يدخل له بأسلوب الشبهة، ليه يعني؟ قال إن دول الناس المشركين لم يستطيعوا تعذيبه، الآية اللي قبلها بتتكلم على التعذيب البدني: ﴿وَمِنَ النَّاسِ مَن يَقُولُ آمَنَّا بِاللَّهِ فَإِذَا أُوذِيَ فِي اللَّهِ﴾، فابن عاشور بيقول انتقلوا إلى فتنة أخرى غير العذاب البدني، بسبب إيه؟ يعني أشمعنى في ناس استعملوا معهم العذاب البدني وناس استعملوا معهم الشبهات؟

ابن عاشور بيقول: أما لكثرتهم أن المؤمنين بدأوا يكتروا وده حصل في المدينة على قول أن الآيات دي مدنية، أو لعزتهم أن كان في بعض الناس ما يقدرش يعذبه، كعمر بن الخطاب، إن كان أبو جهل في بعض الآثار، وإن كان في سندها مقال، إن اللي اتقال له اتبعوا سبيلنا، إن كان مجموعة من المشركين منهم وأبو جهل كان بيذهب لعمر بن الخطاب تحديداً، أنهم مش قادرين يعذبوه، فهو بيدرس الشخص مدخله إيه، يعني زي من أول لحظة كده جعل إبليس يطيف به، لأن الأول المشرك وإبليس من الأول بيدرسك، بيعمل دراسات الأول، يدخل لك منين؟ شوف مدخلك إيه؟ مدخلك شهوة ولا مدخلك شبهة؟ والشيطان بيجري من بني آدم مجرى الدم، هو فاهمك وحافزك كويس جداً، وشياطين الجن يوحون إلى شياطين الإنس يوحي بعضهم إلى بعض زخرف القول غروراً، فبالتالي أنت محط دراسة واهتمام، زي ما المسلمين كده بيدرسوا في مراكز ضخمة وأموال ضخمة بتبذل لدراسة أحوال المسلمين، إيه المدخل؟ نخش لهم من مدخل إيه دلوقتي؟ يعني إيه الفترة دي اللي ممكن يأثر فيهم الخطاب بهذه الصورة أو المدخل بهذه الشبهة أو الشهوة أو كله؟ ندخل بكل الشبهات والشهوات.

طيب، يبقى هنا: ﴿وَقَالَ الَّذِينَ كَفَرُوا لِلَّذِينَ آمَنُوا﴾، يبقى هنا للذين آمنوا، إما للذين لم يستطع معهم الكفار أسلوب التعذيب، أو لو خدناها بقى اللي قبلها على طول، للذين آمنوا لمن نجوا من التعذيب، يعني ناس ثبتوا بعد الأذى البدني ربنا بيقول: ﴿وَلَيَعْلَمَنَّ اللَّهُ الَّذِينَ آمَنُوا﴾، اللي هم الذين آمنوا دول اللي نجوا من فتنة الوالدين ومن فتنة التعذيب، بالرغم من ذلك استمر عليهم البلاء والفتنة، كان ربنا بيعرفنا سيستمر بك البلاء إلى أن تموت، ﴿وَاعْبُدْ رَبَّكَ حَتَّىٰ يَأْتِيَكَ الْيَقِينُ﴾ [الحجر: 99]. أحياناً بيبقى عندنا تصور، سواء على المستوى الشخصي أو على المستوى المجموع، إن إحنا عايزين نوصل للحالة نتوقف فيها عن المجاهدة والممانعة، يعني زي ما بعض الصحابة كده كان شايف الحال مثلاً هو بينازع الشهوة، فشايف أن الحال أن هو يقطع الشهوة دي أصلاً، فراح لرسول الله صلى الله عليه وسلم يأذن له إنه يختصي، هو عايز أن إيه؟ هو في ممانعة، أنت وجودك في الأرض أنت بتعاني، عايز تجلب الرزق من حلال، عايز تعبد ربنا سبحانه وتعالى، في شهوة عايز تضعها في الحلال، عايز تمنع نفسك عن الحرام، عايز تبتعد عما يفسد عليك دينك ويوسوس لك سواء من شياطين الإنس والجن، فإنت عايش على طول في ممانعة، فأحياناً بتوصل لحالة من التعب عايز أوصل لحالة من إيه الاستقرار التام، لذلك كتير يقول لك إيه هو إمتى الواحد ما حدش يجاهد نفسه؟ يعني ده إمتى؟ ده ما بيحصلش، أنت هتخلص فتنة تطلع الفتنة اللي أعلاها، اللي أعلى منها.

كلما تخلص فتنة حتى ترتقي في درجات الجنة. ويقول الحافظ المشهور أحمد بن حنبل رضي الله عنه حينما في لحظات الموت وهو يسمع ويقول: ليس بعد، ليس بعد. فلما أفاق قيل: كنت تقول ليس بعد؟ قال: جاءني الشيطان وقال: فتني يا أحمد.

خلاص عديت، قال له: لسه لم تخرج روح بعد. فتوطين النفس، وده يجيء لنا الآن مع قصة نوح عليه السلام، توطين النفس على أنك ستجاهد نفسك إلى أن تموت، واعبد ربك لغاية إمتى؟ حتى يأتيك اليقين.

ما فيش مرحلة سواء على المستوى الشخصي أو على المستوى المجتمعي أن إحنا نقعد مأنتخين جداً، لا في حالة مجاهدة ولا في حالة دعوة ولا حالة تعب. وأحياناً حتى اللي بيبحث عن التمكين هو متصور أنه هو يوصل للمرحلة دي، مرحلة اللي هي إيه؟ ممكن قتل الوحش ويفضل قاعد كده وفرحانين وخلاص كده، ما فيش أي شهوة وما فيش أي فتنة.

مش هيحصل، أنت ممكن أصلاً مجرد ما تمكن يطلع فتنة تانية، الخلاف بين المؤمنين مع بعضهم البعض. من أول ما يبدأ يحصل تمكين تجد بقى خلاص إحنا هنتفرغ لأنفسنا، يقوم يحصل أن إحنا نتخانق مع بعض، دلوقتي هنتخانق مع بعض من غير تمكين أصلاً. بيقول لك يعني أي وضع له الفتنة بتاعته والبلاء بتاعه.

وقال الذين كفروا مجهزين أقوالاً معينة مش رايحين كده وخلاص، ده برضه مهم في الدعوة، أنك وأنت رايح تدعو إلى الله تكون مش بتقول أي كلام، تكون عارف أنت هتقول إيه لأنك أيضاً ستحاسب عليه. وقال الذين كفروا للذين آمنوا، اختاروا الناس بأعينهم هم اللي ينفع معهم ده، قلنا بعضهم قال أما للكثرة وبعضهم قال أما للعزة، مش قادر يعذبه، أو اللي شايف فيه نوع ضعف معين له مدخل أن هو ممكن يتأثر بده، وكل واحد له شبهته بتاعته.

قالوا لهم إيه بقى: ﴿اتَّبِعُوا سَبِيلَنَا وَلْنَحْمِلْ خَطَايَاكُمْ﴾ [العنكبوت: 12]. طبعاً القرآن الأصل فيه الإيجاز مش الإطناب، كان الكلمة دي تحتاج إلى تحرير بس الشاهد أن هنا جاءت الآية جابت الخلاصة. هو بيقول له حاجتين، كل جملة من دي هو مش معنى كده أن الكفار قالوا نفس هذه الألفاظ، لكن بما أن ربنا سبحانه وتعالى أخبرنا بهذه الألفاظ أن لها دلالة، نفهم بعد ما نحلل هذه الألفاظ المشرك كان بيعمل إيه.

خلاص تعالوا بقى نحلل كلمة: ﴿اتَّبِعُوا سَبِيلَنَا﴾ و﴿وَلْنَحْمِلْ خَطَايَاكُمْ﴾. أول كلمة المشرك رايح يقولها للمؤمن، وقال الذين كفروا للذين آمنوا، أول ما بيوصلوا، المشرك الكافر بيتكلم بقمة الثقة، بيتكلم بقمة التأكيد. ﴿اتَّبِعُوا﴾، والأمر هنا مش أمر من سيد لعبد، إن كان بعض ورد عن بعض السلف أن هذا القول يقوله المستكبرون للمستضعفين، قول أثر أظن مروي عن قتادة.

لكن في آثار أخرى واختيارات بعض المفسرين لأ، اللي بيقول زي ما قلنا مثلاً يروح لمن لا يستطيع أن يعذبه بيقول له اتبع يعني خليك تابع لي، ده معناه أن هو بيدعي أنه عنده منهج وواثق فيه، لذلك قال له اتبعوا سبيلنا. السبيل يعني هو الطريق الذي صار فيه الناس وأصبح مأهولاً للسير، سبلته السابلة، يعني أصبح هذا الطريق مؤهل أن الناس تسير فيه.

ربنا بيقول أن السبل بتاع الدين بتتضح لك أنت، يعني إمتى طرق الدين تبقى واضحة ومؤهلة للسير فيها بالنسبة لك أنت؟ لما تجاهد، ﴿وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا﴾ [العنكبوت: 69]. إحنا بقى على العكس كتير مننا عايز السبل تفتح، وإن شاء الله وصلنا مع بعض لآخر السورة نبقى نشرح الآية دي بالتفصيل. لكن سريعاً كده كتير مننا عايز سبل الدين تتفتح له وهو قاعد.

من الحاجات التي نريد أن نتكلم فيها أن الشخص يقول لك أنا مش لاقي حاجة أعملها للدين، هو متصور أن هو يفضل قاعد مثل بعض التصورات الدنيوية أنه قاعد لغاية ما يجي له جواب التعيين، وده ما عادش موجود في الدنيا وبرضه مش موجود في الدين، يفضل قاعد، أنت محتاج تبحث، محتاج تتحرك، محتاج تجاهد وتجرب وتتحرك.

الشاهد بقى نرجع للآية بتاعتنا ﴿اتَّبِعُوا سَبِيلَنَا﴾، بيقول له أنا عندي طريق واضح المعالم وأسير فيه وبأقول لك سر خلفي، يعني أنا هشرح لك، التابع يعني أنت ستكون تابع. عارف لما أقول لك من ناحية البوظان ما تقلقش، أنا أقول لك التفاصيل، أنا هشرح لك كل حاجة بتيجي منين، ولو أنت عايز تبوظ كل حاجة لها سكتها.

ومش كده يعني البوظان مش هيلم لأ، مدارس، كل حاجة لها دي بتيجي من كذا وبتتعمل كذا، وكل حاجة لها سبيل وطريق. واللي يقرأ كتاب بالنسبة لملف الإلحاد كشبهات، كتاب ميليشيا الإلحاد برغم أن الكتاب قديم نسبياً طبعاً لعبد الله العجيري، ويتكلم قد إيه مجهود الملحدين عشان ينشروا دينهم حتى على مستوى الأطفال، أنه يعمل برامج للأطفال، وإزاي أن الشخص ما يشعرش بغربة ملحد ويتواصل مع غيره من الموحدين، وإزاي يقاوم الغربة النفسية التي يمر بها، أنت متخيل؟ إحنا أولى بذلك، مجهودات ضخمة تبذل.

فهو بيقول له اتبع يعني أنا هشرح لك، سبيلنا، أنا عندي طريق واضح وبعدين إحنا مجموعة، سبيلنا. الناحية التانية إيه المانع أن المؤمن كان يمشي وراه؟ قال له المشرك سبق في الكلام قال له ﴿وَلْنَحْمِلْ خَطَايَاكُمْ﴾، اللام دي لام الأمر، زي القشيري بيقول كأنهم يأمرون أنفسهم، كأنه بيأمر نفسه، بيقول له ما تقلقش، ولي علي، أنا بأمر نفسي اهو، أنا خدام، ولنحمل خطاياكم. لاحظ التعبير بتاعه أن نحمل خطاياكم ده، أولاً يبقى من الواضح أن الكافر كان بيطلب من المؤمن في كلمة اتبعوا سبيلنا أنه يعمل إيه، أنه مش يصلي مثلاً، ما قالوش مثلاً تعال نطوف حول الكعبة، واضح أنه كان بيطلب منه معاصي.

فالمدخل دخل هنا لشيء أصلاً النفس تقاومه حتى لا تسير في هذا الطريق، يعني أصلاً أنت بتقعد تجاهد نفسك عشان ما تعملش معاصي، فيجي لك واحد ويقنعك أن طريقة تفكيرك في المنع من المعاصي دي غلط. تاني، أنت أصلاً قاعد بتجاهد نفسك أنك ما تعملش الحرام بصورة معينة، أنك ما تأكلش حرام، أنك في شهوة معينة حرام لا تفعلها، أنت أصلاً قاعد بتجاهد نفسك وقاعد بتفكر أن فيه أسباب رئيسية أنت معتقدها كعقائد هي المانع بينك وبين الحرام ده، هو يوم ما يلعب على إيه؟ يلعب على اللي أنت معتقد أنه مانع ده ويهون منه.

فبالتالي مثلاً أنت بينك وبين الخطايا حاطط مانع، المانع ده الخوف من العذاب، الخوف من البعث، الخوف من الموت، هو بيلعب على الخوف ده، لأن الجدار ده لو أصبح هش أنت تقع في المعصية بسهولة، هو مش محتاج بقى يقول لك اعمل المعاصي، خلاص. فانت قاعد مثلاً الحلال والحرام في المال وممكن واحد يجي يقول لك ده حرام، ممكن واحد يجي يقول لك أصلاً كل اللي بيتكلموا في إيدينا دلوقتي نصابين أصلاً وما حدش فاهم حاجة أساساً ومين اللي قال أن ده حرام؟ ويهون منه، أنت أصلاً قاعد بتمنع نفسك من الوقوع في الحرام بوضع حاجز معين، هو بيشتغل على الحاجز ده.

بيقول لك هو شايف أن أنت اللي بيمنعك من الوقوع في هذه الخطايا لأن أنت كنت بتعمل، بالنسبة له طبعاً المشرك لما راح للمؤمن اللي معه في مكة هو كان على الشرك وبعدين آمن، أنت كنت بتعمل نفس الخطايا دي فأكيد نفسك بتشتاق إليها، تزني، تشرب الخمر، كنت عايش حالة من السبهللة، ﴿بَلْ يُرِيدُ الْإِنسَانُ لِيَفْجُرَ أَمَامَهُ﴾ [القيامة: 5].

هو يجي يقول لك إيه يا عم اللي زانقك الزنقة دي، يعني إيه أنت إيه اللي ألمك؟ أنت كنت باشا، أنت إيه اللي نقلك اللي بقيت كل حاجة لأ غلط وحرام؟ إيه اللي زانقك الزنقة؟ أنت أحسن من كده، أنت خسارة في اللي أنت عامله في نفسك ده. فهو عارف أن المانع أن أنت أصبحت بترى هذه الأشياء خطايا، إذاً هو عارف أن دي خطايا، طب عرف منين أن دي خطايا؟ عندك عرف منين؟ بيقول ولنحمل خطاياكم.

وبعدين مش بيقولوا ولنحمل خطيئتك، لو مش عايزك تعمل معصية، لو عايزك تعمل خطايا ترجع زي ما كنت وأكتر. هنشوف مثلاً شلة معينة في قمة الفساد، واحد منهم يحاول أنه يسير في طريق الالتزام، استعملوا بقى كل الأساليب، السخرية، أنهم يقنعوه أنه ماشي غلط، أنه متشدد، وبعدين هم عايزين منه إيه؟ عايزين يرجع زي ما كانوا وأسوأ، مش هيرضوا منه بالمناصفة، يعني يقول له طيب أنت بص خلاص إحنا هنعمل شوية طاعات وأنت تعمل شوية معاصي، يعني نوصلها، لأ ترجع معنا تماماً، ولنحمل خطاياكم، وعايز خطاياكم.

طب عرفوا منين أن دي خطايا؟ إما أن دي شيء أصلاً له آثار سيئة فالنفس بفطرتها المفروض تفر من ده، أو بعض المفسرين أشاروا إلى معنى جميل، قال أن أثناء المحاجة مع المسلمين بعض المسلمين كان يقول له سوف نبعث ونحاسب على هذه الخطايا، أنه كان بيحصل أن المشرك يروح للمؤمن يحاول يقنعه أنه يعمل حرام، فالمؤمن يدافع عن نفسه ويظهر عقيدته، فيأخذ المشرك هذه العقيدة ويجعلها محط سخرية: ولنحمل خطاياكم. يبقى هو عايز يكسر الحاجز اللي أنت حاطه بينك وبين الوقوع في الحرام أنك أنت ترى أن هذه خطيئة، ومعنى كلمة خطأ يعني فيه صح وخطأ، يعني فيه منهج ستتحاسب عليه، وفيه يوم ستتحاسب عليه، هو بيضرب كل ده ويقول ما فيش بعث أصلاً وما فيش وحي، ما فيش صح وغلط.

طب كلمة ولنحمل خطاياكم؟ بعضهم قل -وده اللي أنا شايفه أظهر يعني- أن دي سخرية مش شبهة حقيقية، لأ دي شبهة، يعني هل دي كانت في الوقت ده لما قيلت، لما المشركين كانوا رايحين للمؤمنين هل كان ممكن يظن أن فعلاً يعني هل دي شبهة حقيقية أن ممكن المشرك كان يروح للمؤمن يقول له تعال اعمل كذا، يقول له لأ أنا خايف، يقول له خايف من إيه؟ يقول له أنا خايف أن أنا هتحاسب، يقول له خلاص ما تقلقش، لما يبقى في الحساب أنا اللي هشيل، هل دي شبهة حقيقية؟

أنا بعد ما أفكر كده برضه يعني إيه أسمع رأيكم يعني، هل لما تقعد، هل دي شبهة؟ أي نعم هي بتحصل دلوقتي، يعني لما يكون واحد متردد، يا عم تعال بقى طالعة دي وخلاص مش هتتعوض، استغفر الله، يا عم ما تقلقش أنا اللي هشيل، أنا اللي هتحاسب على الليلة، أنا اللي قلت لك تعال، أنت مش هتعمل حاجة، أنت هتسيب نفسك خالص، تعال بس أنا اللي أعمل كل حاجة، تعال.

فهو بيبقى عايز يهون عليك، لما تقعد تفكر هو الحقيقة أن دي مش شبهة شبهة، يعني دي مش شبهة مثلاً يجيب لك آية أو حجة، أمال إزاي دي؟ النفس بطبيعتها أصلاً ضعيفة، وبيبقى عندها ميل للمعصية، بتبحث عن أي شيء تركن إليه عشان تقع في المعصية، يعني النفس ضعيفة، هي النفس أصلاً عايزة تعمل المعصية، فأنت قاعد بتكف نفسك عن المعصية، قاعد بتجاهد نفسك، فما يجي واحد يقعد يضغط ويهون عليك، فأنت بتقول خلاص، أصل أنا أعمل إيه بقى، هو كل الواقع كده، ودي مش إجابة على الشبهة، يعني لما تقول لواحد أنت ليه بتعمل كده؟ هو يقول لك أنا عارف أنه غلط بس ما هي الناس كلها بتعمل كده. أيوه ما هو حضرتك ده غلط، يعني ستتحاسب عليه يوم القيامة، يعني أنت بتعترف أن ده غلط؟

فأحياناً النفس بتقع في المعصية بسبب لو هي نفس ضعيفة الإيمان بسبب أنها بتشوفها أصلاً، وده أحياناً الواحد بيشوفه، خاصة لما يجي مثلاً بعض الشباب يقول لي أنا ملحد، أهلاً وسهلاً فأتناقش معه، أقول له طب يعني إيه سبب إلحادك ليه؟ يعني أنا مش عايزك الواحد أحياناً بيسمع فعلاً حاجات بس أنا خايف أقول لكم تقعوا أنتم كمان في الشبهات.

مرة واحد بيقول لي مثلاً بعض قصة في القرآن مش مقتنع، بيقول لي أنا ألحدت بسببها، أنت مستغرب يعني، أنت ألحدت أنكرت كل هذه الآيات وهذا الإتقان وهذا الإبداع وهذه النعم، كل ده عشان مش فاهم الآيات دي؟ أنت بتتلكك بقى أصلاً، يعني ده واحد بيتلكك ده على حرف، هو أصلاً وتيجي تشوف بقية حياته، يعني هل هو قبل قراءة الشبهة دي لو افترض أن هو شاهد شبهة، قبل هذه القراءة كان مستقيماً وقاعد بيبحث عن الحق وقاعد بيتعبد، ثم وقع فجأة؟ ولا هو أصلاً حياته بعيدة؟ ففي ناس هي أصلاً بتتلكك عشان تقع، اللي هو إيه، عايز أقول لك هو يلحد على نفسه، يعني هو بيدور على أي حاجة بس خلاص أنا لقيت الشبهة، يعني مش بيبحث عن الحق.

يبحث عن الشبهة التي تجعله يقع، والشيطان فاهم أن النفس قد تمر بمراحل ضعف فتتكأ على أي شبهة؛ هو هنا يأتيه بمدخل نفسي يؤثر فيه. وهذا المدخل النفسي عبارة عن وثوقية في طرحه «اتبعوا سبيلنا». وهذا أحياناً تراه في بعض الفيديوهات الإلحادية التي تنشر شبهات، ويصل لدرجة أنه يريد أن يوصلك إلى أنه واثق، فيأخذ عقائد المسلمين ويعرضها في صورة ساخرة، وهو بالنسبة للمؤمنين أمر مهول.

يسخر مثلاً من يوم القيامة، ونحن عندنا في القرآن الحق المبين في كتاب الله سبحانه وتعالى: ﴿يَا أَيُّهَا النَّاسُ اتَّقُوا رَبَّكُمْ ۚ إِنَّ زَلْزَلَةَ السَّاعَةِ شَيْءٌ عَظِيمٌ * يَوْمَ تَرَوْنَهَا تَذْهَلُ كُلُّ مُرْضِعَةٍ عَمَّا أَرْضَعَتْ وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكَارَىٰ وَمَا هُم بِسُكَارَىٰ وَلَٰكِنَّ عَذَابَ اللَّهِ شَدِيدٌ﴾ [الحج: 1-2]. هو يأتي بمشهد مثل هذا ويسخر منه ليوهن العقائد في قلوب الناس.

فأنت عندك الخطيئة عظيمة، وإذا قلت له هذا حرام، يقوم هو يستهزئ بكلمة حرام، ويعمل فيلماً يستهزئ بكلمة حرام، ويجيب واحداً يمثل دور شيخ وأنه نصاب ويتريق على ما يقوله الدين، ويقعد يعمل شوية مشاهد، في النهاية أصبحت الفتوى من العالم فيها نوع من الاستهزاء، ولم يعد لها ثقل. وهذه خطورة السخرية، وللأسف أصبح هذا منتشراً، فصار كل شيء يتم التعامل معه بالسخرية؛ الكوميكس والنكت أصبحت في صلب العقائد، يتريقون على أي شيء، وممكن ناس تنشرها من باب الهزار وهي لا تقصد المعنى، وهذا خطر، فهذا يوهن العقائد في قلب الناس.

السخرية تجعل الأمر العظيم عندك هيناً؛ فبعدما كنت تغضب، تضحك وتقول: خلاص بقى، هو ليس قصده، ويتحول الأمر العظيم إلى نوع من السخرية. هو يسخر من عقيدتك، ويدعي وثوقية في طريقه «اتبعوا سبيلنا»، ويسخر من طريقك، ويجيب مدخل شكل وشبهة، ويجيب لك تساؤلات تمنعك من السير في طريق المعاصي ويقول لك: أنا الذي سأحمل عنك. كل هذا وغيره كثير، لو تعاملت مع كلمة «اتبعوا ولنحمل خطاياكم»، بالرغم من أنك قد لا تراها شبهة، وبالرغم من أنها قد تكون سخرية، إلا أن الله سبحانه وتعالى رد عليه.

أحياناً لا ينفع أن نستخف ببعض الشبهات، والقرآن عمل ذلك؛ يتجاهل بعض الشبهات بحسب سياقها. إذاً ليس هناك قاعدة واحدة مضطردة، فهل الأصل عدم الرد على الشبهات، أو الأصل الرد على كل شبهة؟ لا، هي تختلف حسب. لكن هنا، برغم أن الإنسان قد يظن أنها ليست شبهة، يعني ما معنى أنه سيحمل عنك خطاياك؟ فأنت تعلم أنه لن يحمل عنك خطاياك، لكن أكد الله سبحانه وتعالى هذه العقيدة، لماذا؟ حتى لا تصبح هذه العقيدة -وهي أنك ستحاسب على كل فعل تقوم به- هينة في قلبك، في قلوب المؤمنين، بل ستظل لها مكانة في قلوب أهل الإيمان.

إذاً هو لما يستهزئ مثلاً بيوم القيامة، نحن نتكلم عن عظمة يوم القيامة حتى يظل الأمر عظيماً في قلوبنا، فربنا يقول: ﴿وَمَا هُم بِحَامِلِينَ مِنْ خَطَايَاهُم مِّن شَيْءٍ﴾ [العنكبوت: 12]، ودي تفيد الشمول والعموم؛ أي لا توجد ولا سيئة، لو وقع المؤمن في أي سيئة هو لن يحمل عنك شيئاً، أنت ستحاسب عليها، إنما هو كاذب بالتأكيد: ﴿إِنَّهُمْ لَكَاذِبُونَ﴾ [العنكبوت: 12]. إذاً كما كان يستعمل أسلوب تأكيد، أنت ترد عليه بالتأكيد؛ هو يستعمل أسلوباً ساخراً، أنت لا تستعمل أسلوباً ساخراً، بل تستعمل أسلوب تعظيم لعقيدتك، فهذا أمر لا يسخر فيه.

القرآن له طريقة عجيبة في الرد على مثل هذه الأمور، سنذكرها الآن في الآية التي بعدها، لكن نكمل «اتبعوا سبيلنا ولنحمل خطاياكم». إذاً هو يريدك أن تقع في كثير من الخطايا، وليس أن تعمل خطيئة واحدة، ﴿وَمَا هُم بِحَامِلِينَ مِنْ خَطَايَاهُم مِّن شَيْءٍ ۖ إِنَّهُمْ لَكَاذِبُونَ﴾ [العنكبوت: 12]. هذا غرض قرآني لتوضيح كذب هؤلاء، وهذا جهد لازم نحن نشتغل عليه، أن نبين أن هؤلاء الناس تكذب على الدين وتفتري عليه.

كثير من الشبهات التي تطرح هي إما أن يأخذ آيات متشابهة فعلاً ويقتطعها من سياقها، وربنا قال لنا: ﴿هُوَ الَّذِي أَنزَلَ عَلَيْكَ الْكِتَابَ مِنْهُ آيَاتٌ مُّحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ﴾ [آل عمران: 7]. وقال لنا إن في ناس تمسك في المتشابهات وتسيب المحكمات: ﴿فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ﴾ [آل عمران: 7]، يريد أن يفتن الناس. وكثير يفعل ما هو أسوأ، يكذب، يقوم بتلفيق قضايا؛ أجيب لك مثلاً حادثة في السيرة وهو يعلم أن السند ضعيف، أو يلفق بين القضايا وبعضها، أو يكذب، والناس لا تقرأ، فهو يعتمد على أن الناس لا تقرأ، فغرض قرآني أصيل هو توضيح كذب هؤلاء.

مهم في الردود، مثلاً لما يأتي واحد يتفرج على أغلب الفيديوهات التي عملت على الطعن في البخاري، تجد في جزء كبير منها كذباً، هو تعمد، والكذب هو مخالفة الواقع، سواء هو تعمد أو هو جاهل، يعني أياً كان لكن هو فيه جزء منه كذب وتصور؛ يعني هو ليس فاهماً أصلاً علم الحديث، هو يتكلم عن حاجة ليست هي علم الحديث أصلاً، فيهون من شيء ويسخر من شيء ويتريق ويقعد يحسب ويقول لك: كيف البخاري عامل كده؟ ويضحك، ويتكلم عن قضايا وهو أصلاً لا يعرف التسلسل، ولا يعرف أصلاً دور الإمام البخاري، ومتى جاء، هو مش فاهم أصلاً المبنى كله اتعمل إزاي، هو يخبط.

دورنا نحن نوضح ﴿إِنَّهُمْ لَكَاذِبُونَ﴾ و﴿وَمَا هُم بِحَامِلِينَ مِنْ خَطَايَاهُم مِّن شَيْءٍ﴾، لكن قبل أن نقول إنهم كاذبون، أولاً نؤكد العقائد الخاصة بنا: أنه ﴿وَلَا تَزِرُ وَازِرَةٌ وِزْرَ أُخْرَىٰ﴾ [الأنعام: 164]. ليس لك عذر يوم القيامة: أصل هم الذين قالوا لي! ولماذا تعرض نفسك للشبهات أصلاً؟ لماذا تعرض نفسك للشهوات؟

النفس ضعيفة، خُلقت خلقاً لا يتمالك، كما أخبر النبي صلى الله عليه وسلم أن الشيطان لما درس آدم علم أنه خُلق خلقاً لا يتمالك، أنت أصلاً لا تتمنى، لماذا تعرض نفسك للشهوات والشبهات؟ ومع انتشار للاسف قتلة الشبهات، أصبح فيه أشخاص يظنون أن عندهم الجرأة الكافية أن يتعرضوا لها، يقول لك: أنا سأرد، وهو ليس عندنا يا جماعة علم لوحده هكذا اسمه علم الرد على الشبهات، لا، بل تحصل أرضية شرعية كبيرة ثم تتخصص، لكن أنت أصلاً ليس عندك هذه الأصول، فكيف سترد؟ ربنا يحفظنا جميعاً.

النبي صلى الله عليه وسلم يقول: «من سمع بالدجال فلينأ عنه»؛ بالرغم أنك عارف أنه الدجال، وعارف أنه مكتوب بين عينيه كافر، وأنه أعور، وعارف الأوصاف، لكن أنت لا تأمن على نفسك حينما ترى هذه الفتنة. «من سمع بالدجال فلينأ عنه». فوالله إن الرجل ليأتيه ويحسب أنه مؤمن، فيتبع ما يبعث به من الشبهات، يعني أنت ذاهب وأنت تتوقع إيه؟ ما المشكلة؟ ذاهب تتفرج على الأعور الذي مكتوب عليه كافر، على رأسه كافر، تعالوا نقرأ: كافر! رحت أصبحت من جنود الدجال، لا ترمِ نفسك في الفتنة.

ثم يقول ربنا سبحانه وتعالى: بعض الناس لما يقرأ الآيتين هاتين وراء بعض ممكن يظن أن فيه تعارضاً، ربنا يقول: ﴿وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ﴾ [العنكبوت: 13]، طيب هو ليس ربنا قال: ﴿وَمَا هُم بِحَامِلِينَ مِنْ خَطَايَاهُم مِّن شَيْءٍ﴾؟ كيف الآية التي بعدها ﴿وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ﴾؟

الآية الأولى تنفي ماذا بالضبط؟ خلينا نقول الحديث الذي ممكن يظن أن فيه تعارضاً مع: ﴿وَمَا هُم بِحَامِلِينَ مِنْ خَطَايَاهُم مِّن شَيْءٍ﴾. النبي صلى الله عليه وسلم يقول: «من دعا إلى هدى»، والنص الثاني: «من دعا إلى ضلالة»، الذي هو معنا في الآيات، «من دعا إلى ضلالة كان عليه وزر من عمل بها إلى يوم القيامة من غير أن ينقص من أوزارهم شيئاً». يعني الذي عمل المعصية الوزر الخاص به لن يقل، هي هذه: ﴿وَمَا هُم بِحَامِلِينَ مِنْ خَطَايَاهُم مِّن شَيْءٍ﴾، وأن سبب وقوع هذا في الفتنة وسبب وقوع هذا في الضلال كان معصية، من الذي سيحملها؟ الذي أوقعه؛ شخص مشرك حاول أن يفتن مؤمناً عن دينه، فوقع المؤمن -والعياذ بالله- في الشرك، المؤمن سيحاسب على ذلك، والمشرك سيحمل ذنب الفتنة والإضلال مع ذنبه، لكن المؤمن الذي وقع في الفتنة سيحاسب على هذه المعصية.

فالآية الأولى ﴿وَمَا هُم بِحَامِلِينَ مِنْ خَطَايَاهُم مِّن شَيْءٍ﴾ وكأنها تخاطب أهل الإيمان وتقول لهم: لن يرفع عنكم من خطاياكم شيئاً، فإياكم أن تستجيبوا لهؤلاء، إياك أن تسمع كلامه، وزي ما قلنا هذا يحصل كثيراً بين الأصدقاء، يقولون: مالك دعوة، ويحاول يهون عليه المعصية. لذلك لما أصحاب الجنة في سورة القلم بعدما نزل العذاب حاول يبرئ نفسه، قال: ﴿أَلَمْ أَقُل لَّكُمْ لَوْلَا تُسَبِّحُونَ﴾ [القلم: 28]، أنا كنت قائل لكم إن هذا خطأ، لا أنت، طيب بقيت معنا خلاص ماشي، أنت قلت إن هذا خطأ لكن جئت معنا وكنت تنوي أن تقسم وحسبتها وكنت تريد نصيبك، ولا الوقت لما باظت قلت: أنا أصلاً ما كنتش عايز أجي معكم! لا، العذاب على الجميع.

فالآية الأولى ﴿وَمَا هُم بِحَامِلِينَ مِنْ خَطَايَاهُم مِّن شَيْءٍ﴾ تنفي أن يرفع عنك أنت إذا وقعت في الفتنة هذا الذنب، طب وهو؟ هو سيحمل ذنب الفتنة والإضلال، والعجيب أن ربنا سمى هذا الذنب ذنب إضلال المؤمنين وذنب فتنة المؤمنين سماه أثقالاً، وسمى الذي يقع فيه المؤمن وكأن هذا ذنب أعظم، الفتنة التي هي فتنة أهل الإيمان عن دينهم أعظم من الشرك، أعظم من القتل، ﴿الْفِتْنَةُ أَكْبَرُ مِنَ الْقَتْلِ﴾ [البقرة: 217]. يعني فتنة المؤمن عن دينه أكبر من قتله، لماذا؟ لأنه لو قتله أصبح المؤمن شهيداً، ﴿وَقَاتِلُوهُمْ حَتَّىٰ لَا تَكُونَ فِتْنَةٌ﴾ [البقرة: 193]، فلا يسمح الأصل بانتشار الفتنة هكذا.

كيف ينعم الإنسان؟ وهذا شيء عجيب جداً، وأعجبني منشور كتبه دكتور سامي العمري حفظه الله، يتكلم كيف إنسان يهنأ بحياته والإسلام يطعن فيه من كل وجهات؟ كيف إنسان يهنأ؟ يعني كيف إنسان يعيش حياته مش حاسس بمشكلة، مش حاسس أن الإسلام يمر بمشكلة؟ يعني عادي يمارس حياته، مش بتكلم على أوقات، لا، هو كل حياته يمارسها عادي جداً، مش حاسس أصلاً أن الإسلام يمر بمشكلة، كيف هذا يحصل؟ يعني كيف واحد لا يفكر في دينه تماماً؟ هذا كيف؟ أمال يعني إيه؟ يعني أنت تنتمي لمسلم، يعني لو واحد أهلاوي والأهلي تغلبوا عادي ومارس حياته، تقول له: أنت لا تحس، أين الانتماء؟ أنت خارج تتفسح والأهلي، تخيل واحد أهلاوي أو زملكاوي، وماتش والفريق تغلب، وبعد الهزيمة نزل يهزر ويتفسح ويحتفل، إيه ده! ده خائن، ده مندس، ده عميل، ده كان ده منافق. هو فقط ساعة هو يشجع المنتصر لكن هو ما عندوش انتماء حقيقي.

ونحن العادي أننا في ذكرى سقوط الأندلس عادي، مش مشكلة، عادي، مش حاسين بأزمة أصلاً، مش حاسين أن الإسلام يطعن فيه، ما هو لازم يكون لك انتماء، ما دينك؟ تسأل في القبر. الشاهد هنا قال ربنا سبحانه وتعالى عن هؤلاء الذين يقومون بالإضلال، سماه أمراً عظيماً: أثقالاً، ومشهد ﴿وَلَيَحْمِلُنَّ أَثْقَالَهُمْ﴾ التي هي أثقال فتنته وهو أصلاً على الشرك والضلال وعبادة الأوثان، ﴿وَأَثْقَالًا مَّعَ أَثْقَالِهِمْ﴾، التي هي أثقال فتنة المؤمنين عن دينهم، ربنا سماها أثقالاً.

والمشهد هنا مشهد ما بين الآيتين هذا ممكن نسميه بتعبير بعض المفسرين من عادة القرآن في طرحه، أنه أحياناً مثلاً يعقب بعد ذكر الجنة ذكر النار، المتقابلات مثلاً، في القرآن له عادة في الطرح، منها أن لما يسخر أهل الشرك من البعث -هذا من عادات القرآن- تجد الآيات التي بعدها تسخر أو تستنكر أو تستبعد البعث، تجد الآيات التي بعدها تصور له نفسه هو أثناء البعث وأثناء يوم القيامة، يعني القرآن يتجاوز معه الرد إلى أنك ستكون في هذا الموقف.

يعني هو يتريق ويقول لك: ﴿لَنَحْمِلْ خَطَايَاكُمْ﴾، الآية التي بعدها مشهد هو يوم القيامة يحمل أثقالاً عظيمة ويمشي، أثقال يعني تطأطأ الظهر، تظن أن يفعل بها فاقرة، يعني تكسر ظهره، وماشي شايل أثقال يوم القيامة، وبعدين يأتيه آتٍ فيظن أنه سيرفع عنه هذه الأثقال، فيقال له: تعال، فيقول: خير؟ لا، أنت خذ أثقالاً ثانية، هنا ﴿أَثْقَالًا مَّعَ أَثْقَالِهِمْ﴾. مشهد -يعني القرآن أيضاً له عادة تصوير المعنى المعنوي بصورة حسية حتى يستقر في الذهن- تصوير الذي هو مع هو أصلاً شيء معنوي، يشبهه بصورة حسية، فلما أنت تتخيل المشهد شخص ماشي وشايل أثقال على ظهره ثم ينادى: خذ هذه أثقال فتنتك لفلان، خذ هذه أثقال فتنتك لفلان، ﴿وَلَيُسْأَلُنَّ يَوْمَ الْقِيَامَةِ﴾ [العنكبوت: 13].

الحمل لسه بقى تعالى، أنت الشبهة هذه أنت قلت كذا، أليس هذا افتراء على الله؟ وأنت قلت كذا، هذا افتراء على الله، خذ بالك، وزي ما أهل الباطل -ربنا يحفظنا يا رب ويسدد ألسنتنا- زي ما أهل الباطل يسألون عن هم بيفتروا على الله، كذلك الدعاة سييسألون، أنت لماذا قلت هكذا؟ يعني ربنا سبحانه وتعالى يقول لعيسى عليه السلام، عيسى ابن مريم عليه السلام.

فأنت قلت للناس، أنت قلت الكلام ده يعني أنت في الكلام اللي أنت بتقوله في الدعوة إلى الله هتتسأل أنت قلت كده ولا ما قلتش؟ أنت بتتكلم الآن عن الله. زي ما ابن القيم سمى الكتاب: إعلام الموقعين عن الله، المفتي هنا هو يوقع عن الله، فده أمر عظيمي، أنت إزاي يعني إنسان يفكر كثيراً قبل ما يتكلم في دين الله سبحانه وتعالى؟

طيب، يبقى إذن المشهد ده مشهد محاولة فتنة المشركين للمؤمنين، والجهد اللي بذلوه، التأكيد والتوضيح، وأن احنا عندنا منهج، والسخرية، كل ده من هذه الآيات. النتيجة إيه؟ هو طبعاً الآيات تجاوزت ودخلت على قصة سيدنا نوح. إيه النتيجة إيه؟ النتيجة موجودة عندنا بقى مبثوثة في القرآن، منهم من وقع في الفتنة. ويجي لنا بقى آيات في القرآن تانية مثلاً: ﴿رَبَّنَا أَرِنَا اللَّذَيْنِ أَضَلَّانَا مِنَ الْجِنِّ وَالإِنسِ نَجْعَلْهُمَا تَحْتَ أَقْدَامِنَا﴾ [فصلت: 29]. سورة فصلت مثلاً، ﴿رَبَّنَا مَنْ قَدَّمَ لَنَا هَذَا فَزِدْهُ عَذَابًا ضِعْفًا فِي النَّارِ﴾ [ص: 61]. سورة ص، ﴿كُلَّمَا دَخَلَتْ أُمَّةٌ لَعَنَتْ أُخْتَهَا﴾ [الأعراف: 38]. سورة الأعراف. يبقى إذن عندنا مواطن كتير في القرآن أن بالفعل هذه الخطة نجحت، وأن كلامهم ده أسر في ناس واستجابوا لهم وفتنوا.

فيجي يوم القيامة يندم، والعكس فيه ناس نجحت هي تثبت، وأن كان في واحد يحاول، كان في واحد صديق له بيتريق دايما على البعث. كان ييجي يقول له إيه: إنك لمن المصدقين! أوعى تكون مع اللي بتمشي مع الناس اللي بيصدقوا أن في بعث وكده، يا نهار أبيض! إيه ده؟ إيه اللي يعني شف الأسلوب، إنك لمن المصدقين! ﴿أَإِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ﴾ [الصافات: 16-16]. كنت معقول مصدق الكلام ده؟ ده التاني رفض، المؤمن رفض أنه يسقط في الفتنة. وأما ييجي يوم القيامة بقى ويدخل الجنة، بيسأل عن صديقه اللي كان بيحاول فتنتته، ده فين؟ فأطلع يبص كده فرآه في سواء الجحيم. سورة الصافات قال له: ﴿تَاللَّهِ إِنْ كِدْتَ لَتُرْدِينِ * وَلَوْلَا نِعْمَةُ رَبِّي لَكُنْتُ مِنَ الْمُحْضَرِينَ﴾ [الصافات: 56-57]، ده أنا كنت هصدقك، كنت هقع فيما تفعل، الحمد لله أن ربنا نجاني. يبقى في ناس بتنجو: ﴿تَاللَّهِ إِنْ كِدْتَ لَتُرْدِينِ﴾، ولولا نعمة ربي لكنت من المحضرين، الحمد لله أن أنا ربنا نجاني، ثم يفرح ويقول: ﴿أَفَمَا نَحْنُ بِمَيِّتِينَ﴾ [الصافات: 58]، أو يعني على قول تاني لتفسير آيات سورة الصافات.

وإذاً الشاهد، محاولات الإضلال كثيرة. اقرأ مثلاً إزاي أبو جهل كان بيحاول يفتن الناس، أبو جهل ده كان من أئمة الباطل، يسمع بس أن الوليد تأثر بآيات قرأها على نفسه، بيجي له: إيه اللي حصل لك؟ إيه ده، أنت كايست ولا إليه؟ قل، قال لك: إيه وأنا أقول لك، قل الشبهات اللي عندك إيه واحنا نحلها، اللي بيقول كلام مؤثر. طب ما جايز، طب ما نفكر، طب ما نشوف لها حل، يقول له: آه معك حق، يقول له: العرب هتقول علينا إيه؟ اه، فكر يا ابن، طلع اللي يقول له: طب شعر؟ لأ، مش شعر، عايزين نرد على الموضوع، ويقعد ويتحرك، يشوف مثلاً أبو طالب على فراش الموت عم النبي صلى الله عليه وسلم، والنبي صلى الله عليه وسلم واقف بجواره: يا عم، قل كلمة أشفع لك بها عند ربي. وأبو جهل واقف جنبه، يعني مش عايز حد واحد يفلت منه: أترغب عن ملة عبد المطلب؟ طب أنت مالك ومال عبد المطلب أصلاً؟ يعني أنت إيه اللي شاغلك؟ الراجل هيموت، يعني مش بيتفكر مثلاً في الصراع الدنيوي، لأ، شف التفكير! جهد أهل الباطل فتنة، كتير كتير، قصص كتير مبثوثة في السيرة إزاي أنهم كانوا مشغولين أنه ما فيش واحد يفلت منهم، واحد بس يردوه تاني، حتى في صلح الحديبية.

يعني بالرغم أن النبي صلى الله عليه وسلم قابل بقى دي شروط، أنهم يشترطوا إيه؟ أن يشترطوا أن اللي يهاجر من مكة للمدينة مسلماً، النبي يرجعه. طب أنتم عايزينه ليه؟ يعني النبي صلى الله عليه وسلم بيقول إيه؟ لو حد ارتد من المسلمين وراح، أغنانا الله عنه، ودول لو حد ساب الشرك وراح للإيمان، لا ترجعه لنا تاني، لأ، ما يروحش مننا حد. شوف حرص أهل الباطل على ألا يفلت منهم أحد! هو إبليس أصلاً لما طلب قال: ﴿أَنْظِرْنِي إِلَى يَوْمِ يُبْعَثُونَ﴾ [الأعراف: 14]. ليه؟ من حكم ذلك؟ ليه يعني إبليس له طلب أن هو يفضل إلى يوم القيامة، عشان ما فيش أي متعة تظهر إلا ويستمتع بها، صح ولا إيه؟ أنتم نمتوا بقى، أنتم ليه بتحسنوا الظن في إبليس؟ لأ، ما هو عشان ما فيش ولا واحد يفلت منه إلى يوم القيامة، لما خلصوا، ما يبعثوا كده خلاص، طب أنا كده خلاص أخْشَ النار بقى عادي. وبعد ما يخش النار تعالوا يبكتهم، قال الشيطان لما قُضِيَ الأمر: ﴿إِنَّ اللَّهَ وَعَدَكُمْ وَعْدَ الْحَقِّ وَوَعَدْتُكُمْ فَأَخْلَفْتُكُمْ﴾ [إبراهيم: 22]. تعالوا أنا ضحكت عليكم، ويبكت فيهم.

والشيطان بيبيبدأ معك من إمتى؟ الشيطان بيبيبدأ يجي لك من إمتى؟ عن سن خمستاشر ثمنتاشر كده صح؟ ما من مولود يولد إلا وينخسه الشيطان، يعني ما فيش، قيلوا، فإن الشياطين لا تقيل، ما بيريحش، يعني أنت متخيل جهد الشيطان في إضلال الناس! ربنا قال: ﴿فَاتَّخِذوهُ عَدُوًّا﴾ [فاطر: 6]، مهم جداً أنك تستحضر ده.

هنا انتهت مجموعة الفتن اللي ربنا بدأ بها السورة وتبين المداخل اللي ممكن يتعرض لها الإنسان، ثم انتقل السياق إلى بيان سنة الله سبحانه وتعالى. ربنا قال: ﴿أَحَسَبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ﴾ [العنكبوت: 2]. ربنا يجيب لنا نماذج للفتنة. يعني إيه رقم اتنين بعد الحروف المقطعة؟ أحسب الناس أن يتركوا ويقولوا آمنوا وهم لا يفتنون؟ التفصيل لهذه الآية ذكر في اللي احنا قولناه في التلات فتن اللي احنا قلناهم: وصينا الإنسان بوالديه، ومن الناس من يقول آمنوا فإذا أوذي، وبعد كده وقال الذين كفروا للذين آمنوا.

آية رقم تلاتة إيه؟ مبدئياً أذكار النوم. ها؟ أيوة، آية رقم تلاتة: ﴿وَلَقَدْ فَتَنَّا الَّذِينَ مِنْ قَبْلِهِمْ﴾ [العنكبوت: 3]. مين دول الذين من قبلهم؟ طب نماذج عملية بدأ بها العلم. ﴿وَلَقَدْ أَرْسَلْنَا نُوحًا إِلَى قَوْمِهِ﴾ [العنكبوت: 14]. يعني شرح بقى نماذج عملية. تيجي بقى لغاية: ﴿اتْلُ مَا أُوحِيَ إِلَيْكَ مِنَ الْكِتَابِ﴾ [العنكبوت: 45]. ده شوط تاني، مجموعة من القصص والتعقيب عليها لختام جهد اهل الباطل كله، زي بقية العنكبوت، أو هنرويه بقية العنكبوت، والتعقيب عليه بأنك تستمر: ﴿اتْلُ مَا أُوحِيَ إِلَيْكَ مِنْ رَبِّكَ﴾ [العنكبوت: 45]. وبعد كده شوط تاني: ﴿وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ﴾ [العنكبوت: 46]، وسألت الطعن في القرآن وإثبات القرآن أنه حق، وفي الآخر التوجيهات الختامية في السورة اللي تخليك تثبت على الطريق، وأهم حاجتين بتخليك تنصرف عن الطريق: الخوف على الرزق والخوف على الأمن. والحل في الآخر في استمرار المجاهدة. ده تصور سريع كده لسورة العنكبوت.

فهنا فيه نقلة، يعني بعد التوضيح هنا حصلت نقلة كده الوقتي: ﴿وَلَقَدْ﴾، والواو للقسم والتأكيد، ﴿وَلَقَدْ أَرْسَلْنَا نُوحًا إِلَى قَوْمِهِ﴾ [العنكبوت: 14]. احنا كده فاضل لنا قد ايه يا شيخة؟ طب هناخد قصة نوح بس سريعا كده الآيتين دول. لما تيجي قصة من قصص الانبياء في سورة هنا بيكون لها اكتر من غرض. أول حاجة أن القصة دي وردت في أكثر من موطن في القرآن، فاحنا ممكن نستدعي بقية المواطن اللي جات فيها في القرآن عشان نكون مستحضرين الأحداث اللي في السورة دي، أنا هشرح الكلام ده. أو أن الآيات اللي جات في القصة جات في السورة بذكر أشياء محددة لم تذكر في سورة أخرى. يعني إيه الكلام ده؟ يعني مثلاً احنا عندنا دلوقتي: ﴿وَلَقَدْ أَرْسَلْنَا نُوحًا إِلَى قَوْمِهِ * فَلَبِثَ فِيهِمْ أَلْفَ سَنَةٍ إِلَّا خَمْسِينَ عَامًا فَأَخَذَهُمُ الطُّوفَانُ وَهُمْ ظَالِمُونَ﴾ [العنكبوت: 14]. خلينا نجيب مثلاً نموذج قصة إيه؟ إبراهيم في سورة الأنعام، أو قصة سيدنا موسى في سورة الكهف. أنت وأنت بتقرأ سورة الأنعام، معاني التوحيد، وبعدين دي قصة سيدنا إبراهيم، ممكن تقول إيه؟ وذكر إبراهيم لأنه إمام من أئمة التوحيد، ولطالما الأصنام ولطالما أنت كده بتكلم عن سيدنا إبراهيم خارج سياق السورة، وده مهم برضو أنك تستفيد ليه جت قصة سيدنا إبراهيم تاني. يعني أنت لما بتتكلم عن معاني إمام الأمة، أن هو إمام التوحيد، وأنه كسر الأصنام، وأنه كان أمة وحد، عليه وعلى نبينا أفضل الصلاة وأتم التسليم، فهنا نستحضر ليه ربنا ذكر قصة سيدنا إبراهيم في الأنعام؟ أو واحد يقول لك: لأ، أنت كده بتكلم على العموم، لكن هنا في سورة الأنعام الموطن ده أنه رأى الشمس والقمر والكوكب، هذا لم يأتي إلا في سورة الأنعام، إذن فيه خصوصية.

فذكر النبي له حاجتين، ذكر القصة في السورة، في أي سورة، لها فايدتين: فايدة للعموم، وفايدة للخصوص. نيجي نطبق بقى هنا، ربنا ذكر سيدنا نوح، يبقى احنا محتاجين نستحضر، وخاصة أن سورة العنكبوت احنا قلنا نزلت إمتى؟ في آخر المرحلة المكية، آخر مكة، يعني كانت نزلت سورة الشعراء ونزلت سورة الأعراف ونزلت سورة نوح، كل هذه السور تضمنت كلام عن نوح عليه السلام. يبقى لما يتقال: ﴿وَلَقَدْ أَرْسَلْنَا نُوحًا﴾، هو أول لما المؤمن بيسمع كلمة نوح، ونزلت سورة هود، كل السور اللي جت فيها، ونزلت سورة يونس كل السور اللي جت فيها سيدنا نوح، هو بيستحضرها. والشيخ عبدالرحمن حسن حبنَّكة الميداني له كتاب كامل عن نوح عليه السلام في القرآن، جاب كل المواطن اللي ذكر فيها نوح حسب ترتيب النزول كما يرى هو يفسرها، خلاص؟

فلما المؤمن في آخر مكة يسمع: ﴿وَلَقَدْ أَرْسَلْنَا نُوحًا﴾، الكلمة دي، الاسم ده بيشعل بداخلي معاني معينة، يعني أنت لما بتسمع، لو أنت بتعايش القصص القرآني، تسمع كلمة موسى عليه السلام، فأول ما بتسمع بتستحضر على طول أنه كيف وقف أمام فرعون، وكيف ألقى العصا، وكيف وقف أمام السحرة؟ بتستحضر معاني معينة بمجرد ذكر الاسم. فمجرد ذكر نوح عليه السلام ده، ده اللي بنسميه المعنى العام، المهم انك تستحضره جداً دلوقتي. فأول لما أهل الإيمان اللي بدأ بعض منهم يتضجر من طول المهمة دي، طول فترة العذاب في مكة، وليه هم مسلطين علينا؟ طب وحلها إيه؟ طب وايه البديل؟ طب وهنخرج من الأزمة دي إزاي؟ تساؤلات وهم ليه سلطوا علينا؟ أول لما يسمع كلمة سيدنا نوح، افتكر: ﴿وَمَا آمَنَ مَعَهُ إِلَّا قَلِيلٌ﴾ [هود: 40]. يفتكر أن أقرب الناس له لم يؤمن: ﴿يَا بُنَيَّ ارْكَبْ مَعَنَا﴾ [هود: 42]. يفتكر أن حتى بعد مجيء الطوفان، يطلب طلب واحد لكن خارج الحدود المأمور بها كعبد، لا يستجاب له. يعني لم يستجاب له أنه يقول له: رب إن ابني من أهلي وإن وعدك الحق، وهو بيقول مقدمتين، أنت قلت لي يا رب أن يحمل فيها كل زوجين اثنين وأهلك، وقلت أن أنا أنجيكم، تقول: يا رب إن ابني من أهلي وأنت وعدت أن أنا أنجيك وأهلك وإن وعدك الحق. أنا بس عايز أفهم، وأنت أحكم الحاكمين، حتى ما طلبش. يعني شف في سورة هود، هو لم يطلب أصلاً هو يتعرض، قال: يا نوح المقدمة الأولى أصلاً ليست صحيحة، إنه ليس من أهلك إنه عمل غير صالح فلا تسألني ما ليس لك به علم. تخيل! هذا يقال لنوح عليه السلام الذي بذل موطن عبودية.

فأول لما يسمعوا كلمة نوح عليه السلام تذكروا هذه المعاني، ولا سيما أن قوم نوح ربنا قال عليهم أنهم كانوا هم إيه؟ أظلم وأطغى. أظلم ناس وأطغى ناس، سورة إيه دي؟ سورة النجم. ختام النجم ربنا بيقول من دون قوم نوح تحديدا، أظلم ليه؟ بعضهم قال لأنهم أول من نشروا الشرك، وأول ناس مجموعة كبيرة نشرت شرك، واستمر الشرك لقرون سنوات، فجاء نوح في حالة من استقرار، مش عارف لما يكون الجاهلية مستقرة لسنوات وأنت تحاول تبعث المجتمع، أنت تجد معاناة، وهذا اللي مر به النبي صلى الله عليه وسلم فترة من الرسل، بعث النبي صلى الله عليه وسلم على فترة من الرسل، بتنتشر الجاهلية ويصبح الموضوع إلى نظام سيستم، فتغييره صعب جداً. فبتأتي أجيال ورا أجيال يقولوا: ما سمعنا بهذا من قبل، ما سمعنا بهذا في آبائنا الأولين. وقيل وهذا مروي عن قتادة ذكره الإامم الطبري، لهم أظلم وأطغى؟ قال: كان الرجل يأخذ بيد ابنه أول لما ابنه يبدأ يميز، يبدأ يفهم، ياخد بإيد ابنه كده، شوف تعليم الأولاد والحرص على انتقال الكفر من جيل إلى جيل، كان قتادة بيقول: كان الأب يأخذ بيد ولده أول ما يبدأ يميز ويرروح لغاية سيدنا نوح، يقول له: انظر إلى هذا الرجل، لقد جاء أبي، اللي هو بيقوله جدك يعني يا هذا، وحذرني منه، فيضلون، كله بيضلوا إيه؟ يستمروا على الكفر، ولا يلد إلا فاجراً كفاراً في نظام الأجيال. فكانوا أظلم والله، كانوا بيحرصوا على انتشار الشرك والكفر.

نوح عليه السلام وقف أمامه، يبقى ده المعنى العام اللي لما تسمع وأنت بتقرأ جو سورة العنكبوت اللي فيه انتشار الأذى وطول فترة الاستضعاف وتسمع كلمة، تستحضر كل هذه المعاني المبثوثة في القرآن. لكن فيه معنى خاص جاء في هذه السورة لم يأتي في موطن آخر. يعني بالرغم أن قصة سيدنا نوح ذكرت في سورة نوح وهود والأعراف والشعراء وغيرها ويونس، إلا أن الآية دي تحديدا جاءت بكلمة لم تأتي إلا في هذه السورة اللي هي إيه؟ اللي هي المدة: ﴿فَلَبِثَ فِيهِمْ أَلْفَ سَنَةٍ إِلَّا خَمْسِينَ عَامًا﴾ [العنكبوت: 14]. احنا فاضل لنا قد إيه؟ ألف سنة إلا خمسين كم؟ ماشي. فلبث، كلمة لبث أصلاً اللبث لولا الاستقرار. عارف اللي هو إيه؟ ما وريش حاجة. واحد بيوطن النفس على الاستقرار، لبث دي اللي هو إيه؟ قاعد زي، على العكس بقى جهد الشيطان، النبي صلى الله عليه وسلم بيقول أن الشيطان قعد لابن آدم بطرقه كلها، هو ما وراهوش حاجة غيرك، أنا قاعد.

فلبث فيهم يعني كان بيتغلغل، في ده حرف استغراقي في الدخول في الشيء. فلبث فيهم يعني مش كان قاعد واخد جنب، واخد كوخ بعيد كده عنهم وبيعمل درس بعيد، اللي عايز ييجي ييجي معلق ورقة كده أن الدرس يوم مثلا التلات الساعة كذا، اللي عايز ييجي ما بيجيوش أنا أعمل إيه؟ لأ، مش زي ما احنا بنعمل كده، احنا أونطجية يعني.

لأ، بينزل ويروحوا يمين وشمال وسرا وجهرا وليلا ونهارا، فلبث فيهم نزل لهم كلمهم. يا أخي أنت متخيل بيقولوا في سورة هود إيه؟ جادلت، هم اللي بيعترفوا! أنت عارف لما أهلي البطل يعترف بمجهودك عليهم؟ يعني عارف لما أهل الباطل بيقول لك فلان ده تعبنا. تخيل لما أهل باطل يقولوا على فلان -مين بيتقال عليه كده دلوقتي الدعوة إلى الله؟- يشتكوا منك! يقول لك: ﴿جَادَلْتَنَا فَأَكْثَرْتَ جِدَالَنَا﴾ [هود: 32].

هات لنا النهاية، انزل بالنهاية خلاص. تخيل لما هو يشتكي من مجهودك! تخيل لما مثلا يشتكوا أن ما فيش شبهة بنقولها إلا وبيرد عليها! ولما ترجع لقصة نوح في سورة هود فعلا كده، هم قالوا كلام مجمل في آية، هو رد عليهم كلمة كلمة، فصل في ذلك.

وهذه ﴿فَلَبِثَ فِيهِمْ أَلْفَ سَنَةٍ إِلَّا خَمْسِينَ عَامًا﴾ [العنكبوت: 14]. العلماء بيقولوا: ليه ربنا ما قالش تسعمية وخمسين؟ ده أول سؤال الإجابة سريعا: بعضهم قال: كلمة ألف لها تهويل في النفس، رأس العدد دايما؛ يعني عشرة، مائة، ألف، رؤوس الاعداد دي تهول في النفس. والموطن أصلا بتاع السورة الكلام بتاع السورة بيتكلم على طول فترة التعذيب.

فربنا جاب لهم أنتم بتشتكوا من اتناشر سنة تلتاشر سنة تعذيب في مكة، بتيجوا من اتناشر لتلتاشر سنة، لبث فيهم إيه؟ ألف سنة! لما يقع اللفظ ده بفخامته في الأذن وفي القلب وبعدين ﴿إِلَّا خَمْسِينَ عَامًا﴾ [العنكبوت: 14] أوقع في النفس. وده أنك أنت تنتقل كلمات، لما أنت عايز تخوف الناس من شيء تنتقل كلمات، زي ما كتير بيتكلموا في علماء البلاغة يعني مثلا يقول: ويقول الله سبحانه وتعالى: ﴿وَعَذَابُ الْآخِرَةِ أَشَقُّ﴾ [الرعد: 34]، يقول لك نطقها صعب في الختام، القلقلة على القاف دست، يعني الكلمة بتستقر.

فأنت حتى لو مش فاهم التفاصيل الكلمة لها وقع في النفس، يعني لما ربنا قال: ﴿طَلْعُهَا كَأَنَّهُ رُءُوسُ الشَّيَاطِينِ﴾ [الصافات: 65]، فأنت تخاف، أنت أصلا مش عارف رؤوس الشياطين شكلها عامل ازاي؟ أنت أصلا ما شفتهاش قبل كده، بس هي الكلمة تخاف منها، رؤوس الشياطين. واتقال أنت أصلا، بس هي الكلمة هي ومفهوم أن الشيطان شيء منفر استقر في نفس ذلك.

فكلمة ألف سنة إلا خمسين عاما هي هي تسعمية وخمسين، لكن هي النفس، وده مهم أنك تستعمل قفاز اللي تأسر في النفس في الدعوة. النفس تتأثر بكلمة ألف سنة إلا خمسين عاما أكتر من كلمة خمسمية وخمسين، واضح، وده مهم في الخطاب أنك تستعمل الخطاب المؤثر.

دي النقطة الأولانية. النقطة التانية، قبل ما ننقل للنقطة التانية، أنت متخيل أن الصحابة اتناشر سنة تعذيب في مكة ما فيش أي بوادر لانفراج، وبعضهم يروح يشتكي للنبي صلى الله عليه وسلم: ألا تدعو لنا؟ ألا تستنصر لنا؟ وليه هم يعذبون؟ وبعدين النبي صلى الله عليه وسلم يقول لهم إيه؟ طيب، في سورة نزلت، متخيل؟ وبعدين يتجمعوا الكلام ده المرة اللي فاتت وبعدين يقرأ عليهم: ﴿أَحَسَبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ﴾ [العنكبوت: 2].

طب ما احنا بنفتن طيب، يعني الفتنة هتستمر، الفتنة مستمرة، الفيديو ده مستمر ماشي. بعدين الرقم، أول رقم يقابلك في السورة إيه؟ ألف، مش مستعجل على حاجة خالص، بص أبو جهل بقى براحتك، ألف سنة إلا خمسين عاما، خلاص بقى بص أصبحت موطن نفسك على أنك أنت مستمر خالص، ﴿فَانْتَظِرُوا إِنَّا مُنْتَظِرُونَ﴾ [هود: 122].

اعملوا على مكانتكم، النعم، بصوا خلاص، ما هو أنا إيه؟ أنا كنت منتظر بقى التمكين وهننقل وهنغير، أنا قاعد بقى خلاص، أصبح بيوطن نفسه أنه، دايما أقول لك على مثل مثلا، أنت لما تكون مثلا عامل لنفسك فرض مثلا مثلا يعني وقت مذاكرة، مثلا احنا في أيام الامتحانات مثلا يعني، محدد لنفسك وقت مذاكرة ومنتظر شيء يحدث، مثلا ميعاد ماتش كورة، حد هيكلمك تلاقيك قاعد إيه؟ مش على بعضك كده تلاقيك قاعد إيه ده هو جه؟ لأ ده هو جه كمان ساعة، قلت هيجي بدري ولا حاجة؟ لأ قاعد، طب الصوت ده إيه؟ لا مش هو ده، فيه حد شف كده، تلاقيك قاعد إيه؟ أنت قاعد منتظر شيء يحدث.

فخيل أنت قاعد بتذاكر ما فيش، حاطط وقت ومش مستني حاجة تحصل، فتجي تقول لي جنب ده ما فيش حاجة اقعد، بس كان بيقول لأ ما قالش اقعد اقعد. وده مهم على فكرة لما تيجي تحب تستقر فترة تذاكر أو تعمل حاجة، أنك ما تحطش لنفسك شيء يحدث يشغلك، قاعد شاغل بالك به، فهم مش منتظرين بقى، يعني إيه طب التمكين هيجي إمتى؟ طب التمكين هيجي إمتى؟ قدامكم بقى ألف سنة، لما وطنوا نفسهم كده الهجرة جت بعدها على طول مباشرة، خد بالك.

يعني أنت متخيل لما يوطن نفسه ألف سنة إلا خمسين عاما ممكن يكون في نفس العام أو الذي يليه مباشرة جاءت الهجرة وانتقل أنه في دولة. عشان كده التعامل مع ربنا أنك ما بلاش تتعامل إمتى وليه وازاي، أو ما فيش أمل ممكن يبقى السنة الجاية، لأ في أمل بكرة، لأ ممكن ما تجيش خالص، تعامل العبودية المطلقة، أنت مكمل في الطريق أيا كانت المتغيرات.

محوري في القرآن المكي وأيضا في القرآن المدني، لكن القرآن المكي لأن النفس بتطلب أن هي تخرج من حالة الاستضعاف دي، أنت بتكمل في طريق أيا كان المتغيرات، تعذيب، أذى، سقوط رموز، انتكاسة ناس، أيا كانت المتغيرات، كم كمل؟ زي برضه في المدينة: ﴿وَكَأَيِّن مِّن نَّبِيٍّ قَاتَلَ مَعَهُ رِبِّيُّونَ كَثِيرٌ فَمَا وَهَنُوا لِمَا أَصَابَهُمْ فِي سَبِيلِ اللَّهِ وَمَا ضَعُفُوا وَمَا اسْتَكَانُوا وَاللَّهُ يُحِبُّ الصَّابِرِينَ﴾ [آل عمران: 146].

كمل في الطريق، الآية اختيار الألفاظ دي مع سيدنا نوح ﴿فَلَبِثَ فِيهِمْ أَلْفَ سَنَةٍ إِلَّا خَمْسِينَ عَامًا﴾ [العنكبوت: 14]، موطن نفسه أن هو مش هيحصل تغيير. طيب، العلماء بيقولوا، أختم بدي، ليه ما قالش ألف عام إلا خمسين سنة؟ الألف سنة إلا خمسين عاما، طبعا دي بتحتاج دي اجتهاد، يعني المعنى الأشهر بيتكلم فيه حتى المعاصرين زي الدكتور فاضل السامرائي أو من المفسرين اللي لقيتهم تكلموا من المتأخر.

يعني المتقدمين اللي وجدت لهم كلام زي الزمخشري وغيره قال لمجرد المغايرة في الألفاظ، يعني أن الاستعمال القرآني لو كان قال ألف سنة إلا خمسين سنة أو ألف عام إلا خمسين عام ده يبقى فيه إيه؟ ده مش الأسلوب العربي، ده مش جمال الأسلوب العربي.

الألوسي وغيره من المتأخرين، أو حتى من المعاصرين زي الدكتور فاضل السامرائي، هلا أن في دلالة هنا لاستعمال سنة واللي هيقول بالقول ده هيلزم بقى أن هو يعمل إيه؟ يجمع بقى سنة في القرآن ويجمع عام ويجمع حول، يعني كل الألفاظ اللي استعملت على أنها معنى الِاتناشر شهر، بيجمع ده ويشوف الدلالة الحول جه فين مثلا في الزكاة، طب في القرآن استعمال الحول جه فين؟ هل آيات الرضاعة والطلاق وهو بيرى أن الحول فيه معنى التحول وأن بيجي في القرآن أن حالة تحولت إلى حالة أخرى، وقال كل دي اجتهادات بلاغية أن احنا الأول هنجمع.

يعني قالوا الأول أن أعوام ما جتش في القرآن، عام لم تأتي إلا مفردة في القرآن، لكن سنة جت مجموعة في القرآن ده أول ملاحظة. تاني حاجة أن سنة لما جت مجموعة ما جتش سنوات، جت سنين. تالت معنى أن السنين لما جت في القرآن مش بس معناها مجرد أعوام، فأخذناهم بالسنين، بعضهم قال من معانيها أي السنة الشاقة، أستنت ناس أصابتهم سنة يعني أصابتهم مجاعة أو مشقة، لذلك لما ربنا قال: ﴿تَزْرَعُونَ سَبْعَ سِنِينَ دَأَبًا﴾ [يوسف: 47] لما كان فيه مشقة استعمل سنين، استعمال القرآني. وأن العام لما جت جت مثنية فقط، جت عامين، ما جتش أعوام، كل دي ملاحظات أنت بتدونها.

وبعدين تبدأ تشوف بقى الملاحظة الأشهر، أن قالوا أن السنة حتى من معناها اللغوي فيها نوع من المشقة، لذلك لما سيدنا يوسف قال بعد انتهاء الخطة والمشقة والسنوات دي كلها قال: ﴿ثُمَّ يَأْتِي مِن بَعْدِ ذَلِكَ عَامٌ﴾ [يوسف: 49] ما قالش سنة. فقال له نربط أن العام لما جه كان فيه غيث، في نجاة والشغل كان فيه سنوات.

فهنا ألف سنة، لو خدنا لو اصطحبنا خدنا أن في الفريق اللغوي ده يبقى ألف سنة إلا خمسين عاما، يبقى تسعمية وخمسين سنة شغل، مشقة، تعب، ما استريحش غير بعد ما جه الطوفان، الخمسين عام ما بقاش السنة بتاعته اسمها عام إلا لما نزل الهلاك. يبقى تسعمية وخمسين سنة مش كان قاعد، وقلت ده أصلا ممكن يستنبط من كلمة لبث فيهم.

يعني الألف التسعمية وخمسين سنة ما كانش قاعد كده ما بيعملش حاجة، لا مشقة وبذل وتعب وجهد، يعني مش بنعد، يعني مش خلاص أنا هسافر ولما يخلصوا يبقوا إيه يرن علي ﴿يَسْأَلُونَكَ عَنِ الْأَهِلَّةِ﴾ [البقرة: 189] لأ، ده أنت عايش عايش جو ده، عايش جو الدين من من داخله، عايش الجو بتاع الفتنة وتجاهد وتصارع وتنازع، عايش ألف سنة إلا خمسين عام.

فلما استقر المعنى ده في قلوب الصحابة جاء النصر، ﴿فَلَبِثَ فِيهِمْ أَلْفَ سَنَةٍ إِلَّا خَمْسِينَ عَامًا فَأَخَذَهُمُ الطُّوفَانُ وَهُمْ ظَالِمُونَ﴾ [العنكبوت: 14]، يعني فضلوا مصرين على الشرك لغاية لحظة الطوفان، يعني حالهم أثناء مجيء الطوفان، والطوفان جه قيل من الطواف ومن العلو والطغيان أنه يعني زاد عن حدي وطاف بهم أحاط بهم أغرقهم جميعا.

لحظة مجيء طوفان لغاية آخر لحظة سيدنا نوح مستمر: ﴿يَا بُنَيَّ ارْكَب مَّعَنَا﴾ [هود: 42]، ولغاية آخر لحظة هم مصرين على الشرك، قال: ﴿سَآوِي إِلَى جَبَلٍ﴾ [هود: 43] يعني لغاية آخر لحظة وهم ظالمون، ﴿فَأَنجَيْنَاهُ﴾ أي نوح عليه السلام ومن معه وأصحاب السفينة، وأن هذا الطوفان العظيم نجاهم الله بالسفينة فكانت آية، لذلك ربنا قال في سورة القمر: ﴿وَحَمَلْنَاهُ عَلَى ذَاتِ أَلْوَاحٍ وَدُسُرٍ﴾ [القمر: 13] شوية خشب ومسامير.

يعني النجاة سبب انتقلت لا تراه سببا عظيما، لكن الله سبحانه وتعالى ينجيك بأقل الأسباب، ﴿فَأَنجَيْنَاهُ وَأَصْحَابَ السَّفِينَةِ وَجَعَلْنَاهَا آيَةً لِلْعَالَمِينَ﴾ [العنكبوت: 15] سواء السفينة أو العقوق أو الإنجاء أو القصة، المهم قصة نوح عليه السلام آية للعالمين، نكتفي بهذا القدر، سبحانك اللهم وبحمدك نشهد أن نستغفرك ونتوب إليك.