تفسير سورة العنكبوت (5) | الآيات (26-35) | د. أحمد عبد المنعم

السلام عليكم ورحمة الله وبركاته، بسم الله والصلاة والسلام على رسول الله صلى الله عليه وسلم. نستكمل بإذن الله عز وجل مجالس تفسير سورة العنكبوت، أو وقفات مع سورة العنكبوت.

هذه المجالس التي أسأل الله سبحانه وتعالى أن يتقبلها منا وأن يجعلها خالصة لوجهه سبحانه وتعالى، وأن يرزقنا ثواب مدارسة القرآن، وأن يرزقنا ثواب ذلك في الدنيا وفي الآخرة. الثواب الذي أخبر عنه النبي صلى الله عليه وسلم: «ما اجتمع قوم في بيت من بيوت الله يتلون كتاب الله ويتدارسونه إلا حفتهم الملائكة». الإنسان يستحضر هذا الثواب، الملائكة تحفه وتغشاهم السكينة وتنزلت عليهم الرحمة ويذكرهم الله فيمن عنده. والانسان يستحضر ثواب تعلم آية من كتاب الله أو آيتين خير من ناقة كوماء، يعني خير من شيء عظيم عند أهل الدنيا. فالإنسان لابد أن يستحضر هذه المعاني في كل مجلس من مجالس مدارسة القرآن.

كنا توقفنا في سورة العنكبوت عند آية ستة وعشرين، قول الله سبحانه وتعالى: ﴿فَآمَنَ لَهُ لُوطٌ ۘ وَقَالَ إِنِّي مُهَاجِرٌ إِلَى رَبِّي ۖ إِنَّهُ هُوَ الْعَزِيزُ الْحَكِيمُ﴾ [العنكبوت: 26]. آخر مشهد توقفنا عنده مشهد إبراهيم عليه السلام وهو يخرج من النار سليماً معافى، والكل ينظر بدهشة إلى هذا الموقف، وأيضاً لم يكتفي إبراهيم بخروجه سليماً معافى، ولكن خرج وهو يستمر في الدعوة إلى الله سبحانه وتعالى، وكأنه يقدم لهم رسالة: كل ما تفعلونه لن يؤثر في طريقي وفي سيري في دعوته لله سبحانه وتعالى. وهذا نموذج يحتذى به في الصبر على الأذى في سبيل الله سبحانه وتعالى.

في عندنا أكتر من موطن في القرآن كيف أن الأنبياء كانوا يتحدون أقوامهم، يعني مثلاً سيدنا نوح في سورة يونس: ﴿فَأَجْمِعُوا أَمْرَكُمْ وَشُرَكَاءَكُمْ﴾ [يونس: 71]، وسيدنا هود في سورة هود، ومحمد صلى الله عليه وسلم في آخر سورة الأعراف. هذه مواطن ثلاثة حصل فيها تحدي، وكل هؤلاء الأنبياء يقولون لأقوامهم: افعلوا ما شئتم، إني مستمر على طريقي، إن وليي الله الذي نزل الكتاب وهو يتولى الصالحين، كما قال النبي صلى الله عليه وسلم في آخر سورة الأعراف.

هنا خرج إبراهيم من النار، وقال: ﴿إِنَّمَا اتَّخَذْتُم مِّن دُونِ اللَّهِ أَوْثَانًا مَّوَدَّةَ بَيْنِكُمْ فِي الْحَيَاةِ الدُّنْيَا ۖ ثُمَّ يَوْمَ الْقِيَامَةِ يَكْفُرُ بَعْضُكُم بِبَعْضٍ وَيَلْعَنُ بَعْضُكُم بَعْضًا﴾ [العنكبوت: 25]. تكلمنا على مسألة إزاي أن الأصنام تحولت والاوثان، اتكلمت على مسألة الأوثان وإزاي نشأتها في جزيرة العرب وإسقاط ده على واقع قريش، إزاي ده حصل، وأن أصبحت الأوثان واقع متشابك، يعني ما عدش بسهولة أن حد يروح يكسر الأصنام، مش بسهولة في مكة أن قريش مش عاجبها صنم تكسره، لأ دي مصالح متشابكة، قبيلة حتى الأصنام بتاعتها حوالين الكعبة عشان قريش عاملة معاها مصالح تجارية وسوق يقام وقريش تسافر براحتها ويدوهم الأمان على الطريق. الشاهد يعني أياً كان التحليل أن أصبح الأمر متشابك، مش بسهولة يحدث تكسير للصنم، فسيدنا إبراهيم هنا مش بيواجه مجرد فكرة خاطئة، يعني سيدنا إبراهيم هنا مش بيواجه مجرد أصنام، ده سيدنا إبراهيم بيواجه واقع متشابك، واقع معقد، سيستم، يعني حاجة أصبحت واقع متشابك، فلما بيجي سيدنا إبراهيم يوجهها هنا هو مش بيواجه فكرة خاطئة يصلحها، ده هيهد النظام، زي بالظبط لما بتواجه نظام عالمي، نظام محطوط في دولة، فشيء صعب جداً، فهم مستغربين: أنت عايز تهد إيه؟ تهد الأصنام إزاي؟ ده عليها ولاء وبراء وعليها تعاقدات وعليها مصالح تجارية، هتهد ده ازاي؟ ممنوع تهد.

سيدنا إبراهيم لما وجد خلاص أن مفيش أمل وبعد ده كله قال ربنا سبحانه وتعالى: ﴿فَآمَنَ لَهُ لُوطٌ﴾ في أول مرة في الموضع الوحيد في القرآن أن ييجي مباشرة بعد خروج إبراهيم عليه السلام من النار معافى: فآمن له لوط. لذلك بعض المفسرين قال إن إيمان لوط كان بسبب رؤيته لهذا المشهد، بعض المفسرين قال إن إيمان سيدنا لوط به كان لما رأى مشهد سيدنا إبراهيم خارج من النار لم تمسه النار، وفي نسب أو علاقة بين سيدنا وبين سيدنا إبراهيم أقاويل كثيرة أشهرها أنه ابن أخيه، أن سيدنا لوط ابن أخو سيدنا إبراهيم، وأن في علاقة قرابة، فقال ربنا سبحانه وتعالى: فآمن له لوط، خد بالك مش فامن به لوط.

نقف هنا شوية، وبعد كده نقف مع وقال اني مهاجر، اني مهاجر إلى ربي فآمن له لوط. كل المجهود اللي عمله سيدنا إبراهيم ده وفي الآخر واحد بس اللي آمن به، كل الحجج التي قدمها إبراهيم عليه السلام، كل النقاشات اللي سبقت معنا في سورة العنكبوت سيدنا إبراهيم مع قومه وغيرها؛ لأن العنكبوت من أواخر السور المكية إن لم تكن آخر سورة مكية على خلاف، هتكون من أواخر السور المكية. فسبق سورة العنكبوت سور كثيرة فيها قصص كثيرة للأنبياء، يعني النبي صلى الله عليه وسلم لما كان بيتلو آيات على المشركين في مكة، دي آخر أو من أواخر السور المكية سورة العنكبوت.

لذلك لما بييجي بعض المفسرين في طريقة كده بيسلكها بعض المفسرين أنه لما بييجي يشرح قصة من قصص الأنبياء بيجيب المواطن اللي ذكرت فيها في القرآن كله، وبعضهم بيسلك بيجتهد أو بيشوف ترتيب النزول، كان فيه خلاف كبير في مسألة ترتيب النزول وهل هو من الوصول إليه أو لا، وفيه أكتر من ترتيب مشهور يعني مش قضيتنا، لكن بعض المفسرين بيسلكوا كده، ومنهم أشهرهم من المعاصرين محمد أحمد خلف الله أو غيرهم، عملوا في التفسير الموضوعي على ده، ومنهم اللي كتب في قصص القرآن فضل حسن عباس كان بيتعمد لما بييجي يشرح قصة من قصص الأنبياء بيتتبع الموطن من أوائل ما أنزل إلى غاية لما بييجي آخر مشهد.

فعندنا مثلاً نموذج قصة لوط اللي هتيجي أن تقريبا بعضهم قال إن آخر موطن ذكرت فيه قصة لوط كانت سورة العنكبوت، بعد كده انتقلنا إلى القرآن المدني، انتقل القرآن المدني ولم تذكر القصة بهذه الوضوح وبهذه الصراحة، ففي تطور في حكاية القصة، في تطور في طريقة الطرح القصص القرآني، ففي معلومات بتكون مذكورة في السور السابقة، يعني اللي عايز يذاكر تفسير قصص مثلاً من قصص الأنبياء ويتتبع ده فيه بعض الجهود المبذولة من المعاصرين عملوا كده زي اللي أنا قلت أساميهم.

فسيدنا إبراهيم هنا قال ربنا سبحانه وتعالى بعد كل المجهود ده: فآمن له لوط، واحد بس. تخيل أنك تبذل مجهود وتتعرض لأذى ونار توقد لك لأيام وشهور وتقذف فيها بالمنجنيق ثم يؤيدك الله سبحانه وتعالى بالمعجزة البينة الواضحة وفي الآخر واحد بس اللي يقول لك: أنا آمنت بك، هذه طبيعة إيمان الناس في اوقات الازمات، لازم نبقى فاهمين كده كويس. أوقات اشتداد الأزمة والتعذيب والاستضعاف الإيمان بيكون قليل، لكن الذي يؤمن في هذه الأوقات هم الرجال، يعني عدد اللي آمنوا بالنبي صلى الله عليه وسلم في مكة قليل، لكن هؤلاء هم من حملوا العالم، هؤلاء هم من ضحوا وبذلوا ونصروا الدين، فربنا سبحانه وتعالى بيقول هنا إن اللي آمن بعد كل ده هو واحد فقط.

فمسألة أن في أوقات الأزمات غالباً بيكون اهتمام بالكيف لا الكم، في أوقات الانتشار والتمكين زي ما ربنا سبحانه وتعالى بيقول في آخر القرآن: ﴿وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا﴾ [النصر: 2]، في أوقات الاستضعاف يدخلون أفراداً، يعني اللي كانوا بيدخلوا دار الأرقم كانوا أفراداً مش أفواجاً، لكن اللي كانوا راحوا عام الوفود بعد التمكين كانوا أفواجاً. فطبيعة أوقات الأزمات عشان الداعية ما يستبطئش أو أنه يشعر بنوع من أن هو يعني مفيش حد بيسمع الكلام، وأن هو حلقة اليأس والإحباط، لأ، اقرأ هذه القصة واقرأ قول الله: ﴿فَآمَنَ لَهُ لُوطٌ﴾، واحد بس! يعني يا ريت بس أنت جهدك الدعوي كله تطلع بواحد بس يكون راجل، وهنشوف إزاي أن سيدنا لوط لأنه آمن في وقت الاستضعاف وآمن في وقت الأزمة سيدنا إبراهيم بعته لأفجر قوم، أرسل إلى أفجر ناس أتَوْا بفاحشة لم يسبقهم أحد من العالمين ليه؟ لأنه يقدر يواجه، يقدر يواجه المجتمع ده، اللي أصبحت فيه الفاحشة كما نشرح دلوقتي أصبحت منتشرة بصورة عجيبة.

فإذا كل ما الإنسان يبنى ويكون متين في الدين كله ممكن يواجه أزمات أكبر، وده بيحتاج اهتمام بالكيف وبنسبة كبيرة، ومش عايز أقول إن الأمر مضطرد وكأن ده والله أعلم من سنن الله سبحانه وتعالى في البشر أن بيبقى يعني مش برضه عايز أقول إن ده قانون، بس الواحد ارتأى ذلك كثيراً يعني أن في أشبه بعلاقة عكسية بين الكم والكيف، يعني لما بتلاقي الاعداد كتير بتزيد وناس كتير بتدخل في الدين تجد أن الكيف يقل، والعكس لما يكون فيه عدد بسيط وكانت العلاقة النبوية بين الصحابة في مكة بين النبي صلى الله عليه وسلم والصحابة كانت علاقة دار الأرقم والالتقاء ومجالس بالقرآن والصلاة قيام الليل وطول القيام والأزمات اللي بيواجهوها، وهو مطالب النبي صلى الله عليه وسلم ما كانش عنده حلول، كان يمر عليهم يعني دلوقتي أكتر حاجة الواحد السؤال بيتسأل إيه الحل؟ إحنا في أزمات إيه الحل؟ إيه الحل؟ طب ما النبي صلى الله عليه وسلم كان بيمر على سيدنا عمار وغيره وهو يعذب، قل صبراً آل ياسر، بل حتى بعد الهجرة بكثير لما أبو جندل أخذ وأرجع في صلح الحديبية النبي صلى الله عليه وسلم قال: «سيجعل الله لك فرجاً ومخرجاً». يعني في أزمات مفيش ما عنديش حل، زي ما سيدنا موسى قال لقومه وشرح ده بالتفصيل في سورة الأعراف: ﴿قَالَ مُوسَى لِقَوْمِهِ اسْتَعِينُوا بِاللَّهِ وَاصْبِرُوا ۖ إِنَّ الْأَرْضَ لِلَّهِ يُورِثُهَا مَنْ يَشَاءُ مِنْ عِبَادِهِ وَالْعَاقِبَةُ لِلْمُتَّقِينَ﴾ [الأعراف: 128].

حين قال الله سبحانه وتعالى: فآمن له لوط، قضية الكيف في اوقات الازمات ممكن، يعني أنا لم أرَ أحد قال ذلك فممكن يكون ده اجتهاد خاطئ والله أعلم. لما نجي نبص على آية سورة الأنفال، في آخر سورة الأنفال لما قال الله سبحانه وتعالى: ﴿إِن يَكُن مِّنكُمْ عِشْرُونَ صَابِرُونَ يَغْلِبُوا مِائَتَيْنِ ۚ وَإِن يَكُن مِّنكم مِّائَةٌ يَغْلِبُوا أَلْفًا﴾ [الأنفال: 65]، الآية الأولى لما كان الواحد بعشرة ربنا جاب أعداد العشرين يغلبوا مائتين والمائة يغلبوا ألفا، فكان الواحد بعشرة، الآية اللي بعدها كانت ممكن عشان الآية تستقر في الذهن ممكن كان ربنا يقول لنا إن العشرين يغلبوا كم عشان الواحد يبقى باثنين؟ ماشيين في اثنين معنا الواحد. إيه يا جماعة؟ عشرون، أربعين! ومائة يبقوا كم؟ مئتين، نجد الآية اللي جت بعدها بدأت أن بدأت بمائة مش بعشرين، بدأت بمائة وبعد كده المائة بقوا كام؟ها، أنتم مش حافظين ولا إيه؟ ما بقت ألف، يعني المائة بيغلبوا مائتين والألف يغلبوا إيه؟ ألفين. فنجد أن الآية التانية اللي فيها الواحد باثنين الأعداد زادت، والآية اللي كان فيها الواحد وعشرة والأعداد والله أعلم، لكن ده أصلاً حتى لو هذا اجتهاد خاطئ في الآية، لكن ده غالباً يحدث أن مع الكم يصعب أنك تركز في الكيف، لكن يفعل الله ما يشاء والله قادر على أن يهدي الناس جميعاً سبحانه وتعالى، والانسان يبذل ما بوسعه ويترك الأمر على الله.

فآمن له لوط، وقلنا: آمن له من معاني اللام هنا الإيمان المطلق، استسلام تام، يعني مش آمن له بشروط، مش قال له مثلاً خلاص أنا مصدقك في القضايا والقضايا لأ، لأ آمن والتزم بتبعات الإيمان، لذلك هنجد وده خلاف جميل بين المفسرين في قول الله سبحانه وتعالى: ﴿وَقَالَ إِنِّي مُهَاجِرٌ إِلَى رَبِّي﴾، مين اللي قال: إني مهاجر؟ مين اللي قال: إني مهاجر لما تيجي تقرأ الآيات كده الآيات كلها بتتكلم دلوقتي عن سيدنا إبراهيم، وفي النص فجأة ظهر: فآمن له لوط، وقال إني مهاجر، مين اللي قال: إني مهاجر؟ هو خلاف ما بين المفسرين، غالب المتقدمين اختاروا أن سيدنا إبراهيم، بعض المتأخرين اختار أن سيدنا لوط، وبعض المفسرين حكى القولين ولم يرجح، بل في أثر عن قتادة أنه قال: هاجرا جميعاً.

طب ما كان ممكن يقول: وقال إننا؟ دي جت بالمفرد، وكأن اللي بيعمله سيدنا إبراهيم هيعمله سيدنا لوط مباشرة، يعني الإيمان إيمان لوط عليه السلام بابراهيم تلزم الهجرة هاجر، استلزم الدعوة دعا، استلزم الذهاب إلى قرية سدوم يذهب، هو ملتزم بتبعات الإيمان. لكن في واحد لما بيجي يدخل في الدين وحاطط حواجز يقول لك: لأ مش هعمل كذا، يعني في حاجات ما اعملهاش والله، لكن في حاجات ممكن اعملها، لا هنا إيمان تام، فآمن له لوط وقال: الأشهر والأغلب أنه هو سيدنا إبراهيم اللي قال وتبعه لوط: ﴿وَقَالَ إِنِّي مُهَاجِرٌ إِلَى رَبِّي ۖ إِنَّهُ هُوَ الْعَزِيزُ الْحَكِيمُ﴾.

القرآن المكي ومنذ فترة ليست بالقصيرة وهو يمهد للصحابة أن هناك هجرة، ومن الكتب الرائعة كتاب اسمه منظومة الهجرة في القرآن الكريم، حتى المؤلف وكان طابعته دار الرسالة بس من كتبه الرائعة، وفيه كتاب أيضاً اسمه كتاب تاني اسمه الهجرة في القرآن الكريم، والاثنين جيدين يعني، الكتاب الأول اللي هو منظومة الهجرة في القرآن الكريم كتاب جيد تتبع كل الآيات اللي جت في القرآن فيها إشارات ولو من بعيد، زي مثلاً قصة أصحاب الكهف أن هم يسيبوا قومهم ويمشوا، فيه إشارات أن أنتم هتتركوا أوطانكم، إشارات كثيرة من خلال القرآن، فكانت آخر سورة مكية.

بدأ يبقى فيها تصريحًا أني بالتأكيد مهاجر إلى ربي. وفي آخر سورة العنكبوت، إن شاء الله لما نوصل لها، إزاي أن الكلام تمهيد واضح بهجرة، وكأي من دابة لا تحمل رزقها، الله يرزقها وإياكم. لو أنت بتهاجر وخايف على الرزق، طب ما الدواب بتتنقل والله يرزقها.

نجد إزاي أن العوائق النفسية المانعة من الهجرة أواخر سورة العنكبوت تعالجها؛ هنا بدأ تمهيد للصحابة دائمًا. أما تيجي تقرأ الآيات، محتاج تستحضر -زي ما قلت قبل كده- واقع معايشة نزول القرآن، وتسقط ده على واقعك. الصحابة لما تلقوا الكلمة دي، كان إيه اللي بيحصل لهم؟ إيه اللي بيدور في بالهم لما بيسمع «إني مهاجر إلى ربي»؟ الصحابي كان بيسمع عشان ينفذ، فكان بيحط أحد الاحتمالات المطروحة والاختيارات المطروحة أنه هيسيب بلده، بيقرأ عشان ينفذ.

القرآن ده مش مجرد قصص للتسلية، لا، ده قصص للتأسي وللسير في نفس الطريق. قال إني تأكيد عزم إبراهيم، هذه العزمة وبالتالي تبعه لوط؛ لأنه آمن به كما قلت وآمن له إيمانًا مطلقًا واستسلم. قال «إني مهاجر»، لابد في وقت من الأوقات لما يحصل معارضات ومنوعات زي ما حصل مع النبي ﷺ. وقال هو رقم الأول لحظة ورقة بن نوفل: «إن قومك سيخرجونك»، قال: «ومخرجيهم؟»، قال: «نعم، ما جاء أحد بمثل ما جئت به إلا عودا».

والعجيب أن ورقة تمنى أن ينصر الدين؛ في لحظات الاستضعاف قلة قليلة اللي بيقفوا مع الدين في أوقات الاستضعاف. قال: «يا ليتني أكون فيها جذعًا حين يخرجك قومك». اختار أشد لحظة استضعاف وتمنى أن يكون شابًا قويًا لينصر الدين، مع أن فهم ورقة بن نوفل لسنن الله أن الدين هينتصر، كان ممكن يقول له: يا ليتني أكون فيها جذعًا حين تنتصر على قومك وتفتح لك مكة، لكن هو اختار لحظة إخراج قومه له؛ لأنه عايز ينصر الدين في الأوقات دي. ﴿لَا يَسْتَوِي مِنْكُمْ الَّذِينَ أَنْفَقُوا مِنْ قَبْلِ الْفَتْحِ وَقَاتَلُوا أُولَئِكَ أَعْظَمُ دَرَجَةً مِنَ الَّذِينَ أَنْفَقُوا مِنْ بَعْدُ وَقَاتَلُوا﴾ [الحديد: 10].

وقال «إني مهاجر»، تمهيد لأن الصحابة يتربوا على عبادة اسمها عبادة الترك لله؛ أنك تترك شيء لله، تترك وطنك، تترك بلدك، تترك مالك، تترك شهوتك، تترك شيء حرام أن تتركه لله. قال «إني مهاجر إلى ربي»، ناخد بالنا أن سيدنا إبراهيم ما قالش «إني مهاجر» وبس، قال «إلى ربي». لأن أحيانًا الإنسان بيترك مكان وبيدعي أنه ترك المكان للدين، ثم يتفاجأ أنه انتقل مثلًا إلى بلاد الكفر واستقر فيها، وأولاده بيطلعوا في حالة تشوه للفطرة وللدين، وده بيحصل الآن كثيرًا من الهجرة إلى بلاد الكفر.

استغرب، طب أنت مش خايف على أولادك؟ طب أنت بتربيهم كويس؟ الإنسان لما يجي النبي ﷺ بيقول إيه: «إن من خير معاش الناس لهم رجل ممسك بعنان فرسه في سبيل الله، أشعث رأسه، مغبر قدمه، كلما سمع هيعة أو فزعة طار إليها، يبتغي الموت أو القتلى في مظنة». ومن خير أيضًا الناس يبقى واحد مجاهد يبذل وينصر، واحد يتبع مواقع القطر، يفر والتاني انعزل ما قدرش يواجه زي الأولاني، ما قدرش يبقى عنده قدرة على المواجهة. فممكن ينعزل، لكن خد بالك من التعبير: يفر؛ خد بالك من الباقي، دي باقي الاستصحاب، يفر بدينه من الفتن. أي استصحب دينه معه، مش بيفر من الفتن وخلاص ويسيب دينه! لا، أما تيجي تروح مكان، تترك مكان وتذهب إلى مكان آخر.

نعم، الأرض لا تقدس أحدًا منها، لكن المكان اللي هتذهب فيه تكون حريصًا فيه على الدين. والواحد لما بيشوف خاصة الناس اللي سافرت، وتشوف اللي بيحكي التجارب، إزاي هم في العالم الغربي مركزين على أطفال؛ يعني البلاد اللي بتفتح خصوصًا زي كندا وغيرها اللي بتفتح أبواب الهجرة، هو عنده نقص في السكان، عنده نقص في أيدي عاملة، وعنده نقص في المواطن سواء بقى الألماني أو الكندي، فهو بيقدر يخلي ابنك متمسك بهم أكثر ما يتمسك بك، ويتمسك بمبادئهم أكثر ما يتمسك بعقيدتك، هو بيعرف يعمل ده، بيعرف يصنع الانتماء. كثيرًا حتى يقول إن الحكومات، نحن اللي جايين لهم، عنده خمسة وعشرين سنة أو ثلاثين سنة ده دماغه اتقفلت، نحن مش عايزينه، نحن بنفكر أو بنلعب على أولاده، ده اللي ممكن. لذلك قوانين صارمة ممكن ياخد منك الابن أصلاً لو أنت تعديت قوانين معينة.

فالإنسان محتاج لما يجي يقول «إني مهاجر» ياخد معها تكملة الجملة «إلى ربي»، هاجر إلى إيه؟ فمن كانت هجرته لدنيا يصيبها، ممكن واحد يهاجر لدنيا، النبي ﷺ قال كده: «إنما الأعمال بالنيات، فمن كانت هجرته إلى الله ورسوله فهجرته إلى الله ورسوله، ومن كانت هجرته لدنيا يصيبها أو امرأة ينكحها فاجرته إلى ما هاجر إليه». وغالب العلماء بيضع الحديث ده في أول كتب العلم، أول كتب التعليم؛ عشان من الأول تحدد نيتك. العلم ده عشان تحصله هتتعب وتأجر، وتبعات الالتزام بالعلم ده أنك هتتعب وتأجر، فأنت من الأول هجرتك إلى إيه؟ إلى الله ورسوله، ولا لدنيا يصيبها أو امرأة ينكحها فـ هجرته إلى ما هاجر إليه.

يبقى قال إبراهيم عليه السلام وتبعه لوط «إني مهاجر إلى ربي». لما تيجي تقرأ كتب التاريخ والسير أو الكتب اللي اهتمت بالهجرة، ابن عاشور بيقول معنى جميل قوي، الأول بيقول: فكانت هذه أول هجرة في الدين، على ذلك جُهز النص عليها، كده دي أول هجرة في الدين. يعني بصوا يا جماعة، أنا عايزك تستحضر وأنت بتقرأ آيات سيدنا إبراهيم دائمًا في القرآن تستحضر قول الله سبحانه وتعالى: ﴿وَاتَّخِذُوا مِنْ مَقَامِ إِبْرَاهِيمَ مُصَلًّى﴾ [البقرة: 125].

مشهد وأنت واقف بتصلي -بعد ما توفق ربنا يرزقنا وإياكم الحج والعمرة- بعد ما بتطوف حول الكعبة وتروح عند مقام إبراهيم وتصلي ركعتين، وتكون بتدرك إزاي رجل سيدنا إبراهيم علمت في الحجر عشان ينشر التوحيد في الأرض. سيدنا إبراهيم لف -زي ما هنشوف دلوقتي بعض الأقاويل- ما هي هجرات إبراهيم، الشجرة واحدة؛ تنقلات إبراهيم لنشر الدعوة. ومن غير مواصلات، وإزاي أنك تقف عند المقام وتكبر وتقول في الركعة الأولى: ﴿قُلْ يَا أَيُّهَا الْكَافِرُونَ * لَا أَعْبُدُ مَا تَعْبُدُونَ﴾ [الكافرون: 1-2]، مش بعد جهد سيدنا إبراهيم أنك ترجع في كفر، وفي الآية الثانية: ﴿قُلْ هُوَ اللَّهُ أَحَدٌ * اللَّهُ الصَّمَدُ﴾ [الإخلاص: 1-2]، التوحيد. أنك أنت مستحضر هذه المعاني.

قال إبراهيم عليه السلام هاجر من العراق، وإن المناظرة مع الملك الظالم كانت في العراق، هاجر إلى فلسطين، وقال بعضهم هاجر إلى الشام أولاً، ثم نزل إلى...

فلسطين، وتزوج بسارة ثم ترك لوط هناك، وكانت قرية سدوم بجنوب فلسطين ناحية الأردن، وبعد ذلك راح إلى مصر وحصلت المشكلة مع الملك الظالم هناك مع سارة أيضًا، وأهداه هاجر، ثم عاد إلى هاجر وسار إلى فلسطين وتزوج هاجر هناك وأنجب إسماعيل، ثم أخذ إسماعيل وذهب إلى الحجاز ثم وضع هاجر وإسماعيل وعاد مرة أخرى إلى فلسطين.

ثم عاد مرة أخرى إلى الحجاز للابتلاء أن يذبح إسماعيل، ثم عاد مرة أخرى إلى فلسطين مع إسحاق ثم يعقوب، ثم عاد مرة أخرى للحجاز لبناء الكعبة، وظل إبراهيم يتنقل هذه التنقلات، وبعضهم عداها ست هجرات. متخيل جهد سيدنا إبراهيم لنشر الدين الواحد! الشباب ينزل يكسل، يحضر درس في آخر الشارع، لسه هروح مش عارف فين، أو في الدعوة إلى الله عشان يتعلم وعشان يدعو إلى الله تلاقيه مكسل يسافر؛ شف سيدنا إبراهيم ينتقل ما بين دول وفي كل مكان لا يتعلق بشيء.

يعني يروح مصر تؤخذ منه زوجته، ثم ترد إليه مع هاجر، خلاص بقى يتوقف عن الدعوة، يعني الدعوة خلته يترمى في النار وفي العراق، وكان هتروح منه زوجته، خلاص بقى يقعد في حتة مستقرة ويستمر في الدعوة إلى الله، ثم يترك هاجر وابنه إسماعيل طفل رضيع في الصحراء، لا يتعلق بشيء، الإنسان بيتربى على كده أنه مش متعلق بشيء. لذلك لما كانت الغزوات تحدث، ده معنى مهم جدًا من تقدير الله.

أن الغزوات في زي واقع مكة يا جماعة، ما كانش واقع استقراري، يعني واقع المكي ما كانش حاجة تدعو أن هم يتمسك بمكة، يعني كان تعذيب وأذى وعدم استقرار، فكان على طول بيطلبوا الجهاد: «ائذن لنا نقاتل»، «ائذن لنا بالجهاد»، على طول عايزين نقاتل، ليه؟ لأن هو كده كده بايظة، هو بيتضرب. لما هاجر من مكة للمدينة وحصل نوع استقرار في المدينة، كان لازم يبقى في ابتلاءات أخرى تمنعه من الالتصاق بالأرض: ﴿لَا تَحْسَبُوهُنَّ شَرًّا لَّكُم بَلْ هُمْ شَرٌّ لَّكُمْ ۚ وَإِن تُصِيبْكُمْ أَسَاءَةٌ أَصَبْتُم مِّثْلَهَا وَإِن تَصْبِرُوا وَتَتَّقُوا يَأْتِكُمْ اللَّهُ بِجُنُودٍ تُقَاتِلُونَ بِهِمْ﴾ [الأنفال: 65-66].

كان بتقديري أن الغزوات التي تحدث، كل غزوة بتربي الصحابة على معنى، طبعًا على معاني كثيرة، لكن يكون فيه معنى محوري، يعني ممكن غزوة كاملة تحصل وما يحصلش قتال أو قتال بسيط، زي غزوة الأحزاب أو غزوة تبوك. وكان من الحكمة أن الغزوات دي كانت بتربي شيء عند الصحابة؛ مثلًا غزوة تبوك من المعاني العظيمة اللي الصحابة بيتربوا عليها، في غزوة زي تبوك ما حصلش قتال ضخم ولا حاجة، لكن بيتربى على معنى أنه يترك كل شيء في أي وقت، تخيل الثمار منتظرينها والدنيا حر وفجأة ييجي النبي ﷺ: «هنجهاد»، استنى أسبوعين تلاتة، «هنجهاد دلوقتي هنطلع من هنا»، فين الروم؟ مكان بعيد، ساعة العسر هي لحظة أنك تتربى على المعنى ده؛ أنك ممكن تكون ماشي وتترك كل شيء في لحظة، ألا تتعلق بالأرض.

واقعنا الحياتي ده بعد استقرار بقى الدول والحدود والكلام ده، بقى فيه ارتباط قوي بالأرض، يبقى الإنسان ثقيل متمسك بالأرض، بقى فيه ثقل في طلب العلم أو الدعوة إلى الله، متمسك بالأرض يخلد إلى الأرض. ﴿وَقَالَ إِنِّي مُهَاجِرٌ إِلَىٰ رَبِّي سَيَهْدِينِ﴾ [القصص: 21]، ربنا أمرني أتجه فين؟ أتجه مباشرة، أنه سبحانه وتعالى هو العزيز الذي ينصر أولياءه، يبقى الله سبحانه وتعالى قادر على نصرة أوليائه بكلمة، ولكن هذا ابتلاء: ﴿وَلَوْ يَشَاءُ اللَّهُ لَانتَصَرَ مِنْهُمْ وَلَٰكِن لِّيَبْلُوَ بَعْضَكُم بِبَعْضٍ﴾ [محمد: 4]. الحكيم في تقدير هذه الابتلاءات والأمور.

﴿وَوَهَبْنَا لَهُ إِسْحَاقَ وَيَعْقُوبَ ۚ وَجَعَلْنَا فِي ذُرِّيَّتِهِ النُّبُوَّةَ وَالْكِتَابَ ۖ وَأَعْطَيْنَاهُ أَجْرَهُ فِي الدُّنْيَا ۖ وَإِنَّهُ فِي الْآخِرَةِ لَمِنَ الصَّالِحِينَ﴾ [العنكبوت: 26]. أبدله الله سبحانه وتعالى ذرية صالحة لما ضحى في سبيل الله وترك قومه وأعرض عنهم، أبدله الله سبحانه وتعالى الذرية الصالحة ووهبنا له إسحاق ويعقوب. وبعضهم قال تكرار البشارة بيعقوب خلف إسحاق لأنه رزق إسحاق بيعقوب في حياة إبراهيم، قال بعضهم ذلك.

﴿وَاجْعَلْنَا فِي ذُرِّيَّتِهِ﴾ أي في ذرية إبراهيم، أن هذه بتعود على سيدنا إبراهيم: النبوة والكتاب، فكل الأنبياء جاءوا من نسل إبراهيم، أما من سلالة إسحاق فكل بني إسرائيل، إلى آخر لحظة بعد استشهاد سيدنا زكريا وسيدنا يحيى وبعد رفع عيسى عليه السلام توقفت سلسلة أنبياء بني إسرائيل، ثم جاء النبي محمد ﷺ من نسل إسماعيل. وحصل انتقال، تحويل للقبلة، انتقال للخلافة، انتقال للأمانة حملها العرب بعد ما كانت في بني إسرائيل، واللي هي من الدلالات عليها تحويل القبلة، الانتقال من المسجد الأقصى للكعبة.

﴿وَأَعْطَيْنَاهُ أَجْرَهُ فِي الدُّنْيَا﴾ قال الطبري: أي ثواب بلائه فينا، الحاجات اللي تعب عشان ربنا فيها دي ما ضاعتش عند ربنا، أخذ أجرها في الدنيا. طب إيه الأجر اللي أخده في الدنيا؟ اختلفوا؛ بعضهم قال الولد الصالح، بعضهم قال الزوجة الصالحة، بعضهم قال إن كل الأمم تنتسب إليه وتحبه، وإن كل الأمم تتبع إبراهيم عليه السلام، يعني تتسابق في الانتساب إلى إبراهيم، فده الثناء الحسن: ﴿وَاجْعَل لِّي لِسَانَ صِدْقٍ فِي الْآخِرِينَ﴾ [الشعراء: 84]. من بين كل الأنبياء ونحن في الصلاة نصلي على إبراهيم عليه السلام ثم على النبي محمد ﷺ، ﴿وَاتَّخَذُوا مِن مَّقَامِ إِبْرَاهِيمَ مُصَلًّى﴾ [البقرة: 125]. فجهد سيدنا إبراهيم له هذا الثناء الحسن في الدنيا، وهذا الأجر في الدنيا لم يقلل شيئًا من أجر الآخرة.

﴿وَإِنَّهُ فِي الْآخِرَةِ لَمِنَ الصَّالِحِينَ﴾، بعض العلماء قالوا إيه المعنى؟ أنه لمن الصالحين بعد أن يتناول الله في الدنيا، قال بعض أهل العلم إن الأجر اللي أخذه في الدنيا لم يقلل أجره في الآخرة، بل أيضًا جزي في الدنيا وفي الآخرة، أعطاه الله خيرات في الدنيا وفي الآخرة.

ثم بعد ذلك قال الله سبحانه وتعالى: ﴿وَلُوطًا إِذْ قَالَ لِقَوْمِهِ﴾ [العنكبوت: 26]. هنا إدخال دائمًا قصة سيدنا لوط بعد سيدنا إبراهيم، لأن ده امتداد دعوة سيدنا إبراهيم، إن الإنسان يفرح أنه بيبني إنسان، بيبني داعية، بيبني كادر، بيبني عالم، فيكون ده الامتداد بتاعه، فيفخر به زي ما كان عالم يعطي وقت طويل لعالم آخر، فيكون هذا العالم امتدادًا لمجهوده.

هنا دائمًا بتيجي قصة سيدنا لوط بعد سيدنا إبراهيم، حتى الملائكة لما جت تعذب قوم سيدنا لوط راحت الأول لسيدنا إبراهيم تعطيه البشرى، وبعدين راحوا، لأنها نفس امتداد الدعوة. ﴿وَلُوطًا إِذْ قَالَ لِقَوْمِهِ﴾، هنا سيدنا إبراهيم لما استقر في فلسطين، في تحليلات تاريخية، طبعًا كل ده إحنا ما عندناش دلالات صريحة، يعني تيجي تقرأ في البداية لابن كثير أو أي كتب بتهتم بالحقبة دي من الزمن بيبقى فيها نوع من الاجتهاد شوية أو حتى الرجوع لبعض الكتب.

كانت المنطقة التي فوق قرية سدوم، قبل أن يُبعث سيدنا لوط، فيها نوع من التعددية الدينية. لذلك قالوا إن المكان الوحيد الذي لم يحصل فيه إشكال مع سيدنا ابراهيم -كما حصل في العراق وحصل في مصر- كانت هذه المنطقة، والحجاز لم يكن فيها لسه ناس. هو استقر فيها قبل الناس، وناس جأت على ماء زمزم الذي جاء بركة مع ضرب عند قدم إسماعيل عليه السلام، ضرب جبريل عند قدم إسماعيل عليه السلام. فقالوا إن المنطقة دي كان فيها نوع من الانفتاح والتعدد، وكان فيها كثير من العبادات والأديان الباطلة.

ودائما الواقع ده بيبقى ينتشر فيه أيضا نوع من الفاحشة؛ الانفتاح ده بيعمل نوع من الفاحشة. فكان في قرية في الجنوب اللي هي قرية سدوم، أرسل لوط إليها؛ سواء بأمر مباشر من ربنا سبحانه وتعالى، أو أن سيدنا إبراهيم بعثه بأمر من الله لإبراهيم عليه السلام. المهم أن سيدنا إبراهيم أرسل لوطا لهذه القرية. تخيل أنك تعرف أن في مكانا مليئا بالفاحشة، مليان، كل الناس اللي فيه يعني خلاص الفاحشة بقت شيء مستقر. هنتكلم ازاي أننا قلنا خدوا بالكم، دائما نستحضر صورة العنكبوت من أواخر السور المكية. فغالب القصص القرآني بتاع اللي ما اتكررتش في السور المدنية، يعني في قصص قرآني اتكرر في مكة واتكرر في المدينة، وفي قصص قرآني كان بيجي في مكة بس، وفي قصص جزء منه كان بيجي في مكة وجزء تاني كان بيجي في المدينة. كل ده طبعا له دلالات.

فمن أواخر السور اللي بتطرح هنا قصة لوط هنجد أن هي تم تخصيصها بكلمات لم تأت إلا في هذه السورة، أن سيدنا إبراهيم يختار أن سنه تروح للمكان ده ويروح لوحده. زي ما النبي صلى الله عليه وسلم كده بعت سيدنا مصعب لوحده. أنك تعتمد على راجل. يعني في واحد تقعد تتعب معه وتشتغل معه وتعمل قوة وتربية، وبعدين عايزه يتزق بقى، يتحرك لوحده. مع كل مشكلة صغيرة بيقف، يعني عارفين مثلا مشهد واحد كان راكب عربية وعطلت منه فقال لك ممكن زقة؟ قلت له ماشي يا باشا اتفضل، تعرف تدور؟ تعرف تنتش؟ آه بعرف، طب اركب، وبعدين انت بتزق، فالراجل ركب العربية لقى العربية بتتزق، فتعامل خلاص مش محتاج إيه؟ مش هيضر، أنت قاعد بتزقه، والراجل قاعد بقى بيحود ويدي. يا أستاذ أنت ما بتدورش ومكسل يدور، ما هي ماشية، في ناس بتتعود على الزقة، هو عايز كل حياته تتزق، أي مشكلة صغيرة تقابله عايز حد يحلها له بتفاصيلها، عايز حد يحل له تفاصيل التفاصيل.

حبيبي أنت اللي هتاخد قرارات في حياتك دي، قرارات مصيرية، أنت اللي هتوواجه، أنت اللي هتضحي، أنت اللي هتعمل ده، أنت اللي هتاخد القرار، أنت اللي بتحدد درجتك، اللي بتحدد المكانة، أنت اللي بتحدد التضحية، أنت اللي بتاخد القرار. الذاتية عمالة تقل عندنا، وشرحت ده قبل كده في آه أظن في أنماط بين المعاصر أو غيره، أن بسبب أن هو اتعود من لحظة الحضانة أنه يتسكن في مكان والمكان ده ينقله لمكان، هو شخص سلبي عمال بينتقل من مكان لماكن، ما بياخدش قرارات في حياته. فده انتقل عليه في الدين، أنه يبقى عايز حد يسكنه في الدين. فشوف ازاي سيدنا إبراهيم أرسل لوطا بمفرده، وازاي النبي صلى الله عليه وسلم بعت مصعب طاهر؟ مصعب هيروح يعمل ايه رضي الله عنه؟ يروح يعمل ايه في المدينة؟ ولوحده، بلد جديدة وكان بدأ الإسلام نسبيا ينتشر فيها بصورة ما يعني، واللي يرجع يقرأ بيعة العقبة الأولى والتانية عشان يعرف تفاصيل أحداث ازاي سيدنا مصعب راح وكان معه الوحي، يعني رايح يقعد أقرأ عليك القرآن، وازاي أنه شخص كان في قمة الترف، كان يعني يتزين والعطور، وضحى بكل ده وهاجر للمدينة ودعا إلى الله سبحانه وتعالى، ازاي سنة كاملة ما احتاجش يرجع للنبي فيها صلى الله عليه وسلم؟ ازاي سنة كاملة ما احتاجش كل شوية أنا الشهر ده قابلني عشر مشاكل هاررجع بقى إيه؟ شوف هاأقول لهم ازاي، ازاي قدر أن هو يواجه المشاكل اللي قابله طوال السنة دي؟

فإنك أنت محتاج تتعلم في الزمن اللي احنا فيه ده خذل عنا ما استطعت، اتصرف. يعني كتير من الناس فعلا عندها طاقة وعندها إمكانيات بس هو مش عارف يوظف نفسه، ومستني حد يظفه، مستني حد يخلق له مكان أو صغر، أنت اللي محتاج تعمل ده لنفسك، للأسف أنت اللي محتاج تعمل ده لنفسك، ممكن اللي بتطلبه يكون الأفضل، يكون الأحسن، بس ده مش موجود، اتصرف، خذل عنا ما استطعت. لوط عليه السلام انطلق وذهب بمفرده، ولوطا إذ قال سيدنا إبراهيم، قال بدأت قصته بالقول في الدعوة، سيدنا لوط بدأ بنفس البداية، اتربى على جهد إبراهيم في الدعوة فراح عمل نفس الجهد مباشرة. لم يخف من قومه، ﴿وَلُوطًا إذْ قَالَ لِقَوْمِهِ إِنَّكُمْ لَتَأْتُونَ الْفَاحِشَةَ مَا سَبَقَكُم بِهَا مِنْ أَحَدٍ مِّنَ الْعَالَمِينَ * أَئِنَّكُمْ لَتَأْتُونَ الرِّجَالَ﴾ [العنكبوت: 28-29]. التفصيل ده ما جاش غير في صوة واحدة موجود. تأتون رجال وتقطعون السبيل وتأتون في ناديكم المنكر، فما كان جواب قومه إلا أن قالوا ائتنا بعذاب الله.

سدنا إبراهيم، سيدنا لوطي قصدي، قرر يواجه المشكلة المنتشرة في المجتمع بالإضافة إلى الشرك، يعني أحيانا بتكون في آه مش يعني فاحشة ومنتشرة وشهوة منتشرة فتلاقي الواحد ممكن تلاقي دعاية إيه خايف يتكلم فيها خلاص هي انتشرت، ومش بس انتصار عادي زي ما هنشرح دلوقتي بالتفصيل. كل كلمة في القرآن لها دلالة عشان تكون مستحضر الواقع، ازاي أن سيدنا لوط قرر يواجه الشهوة اللي تحولت إلى نظام، زي ما سيدنا إبراهيم قرر يواجه العقيدة اللي تحولت إلى نظام، زي ما الأوثان بقت مودة بينهم تحولت إلى نظام مستقر متشابك معقد، الشهوة بقت كده.

لوط عليه السلام قال لقومه مباشرة: إنكم لتأتون الآيه الفاحشة. الإصرار على تسمية الأشياء بمسمياتها. لذلك تلاقي ناس آه وده واقع دلوقتي وسبحان الله أننا عشنا للزمن ده، يعني ممكن من أربعين خمسين سنة ما كانش ده موجود. دلوقتي اللواط والشذوذ بقى ممنوع انك تتكلم عنه، في دول ممنوع تحاكم تقاضى لو اتكلمت عنه نظرة ازدراء لحد بيرتكب هذه الفاحشة تعاقب عليها، لكن انك تقول عليها فاحشة دي دلوقتي في دول مصيبة. وازاي هم قعدوا جهد سنين، جهد سنين عشان يوصلوا للوضع ده؟ ازاي بدأوا به منظمات حقوقية معينة تدافع عن هذه الفاحشة؟ وازاي بعد كده يوصلوا أن هم يعملوا مؤسسات للدفاع عن الأفراد؟ وازاي بعد كده يحطوا قوانين في الدستور نفسه مع ذلك نشر الثقافة دي للعالم، وعمل ده في أفلام ومسلسلات. هنشوف ازاي أن القرآن أيضا أشار إلى ذلك أن ده ممكن يحصل في مجتمع.

ازاي أن ممكن تنتشر في حجم هذه الطريقة؟ كنت باسمع عبد الوهاب المسيري وهو يحكي لما كان في أمريكا، أظن كان 1900 حاجة وستين، وكان بدأ يستحضر أن المجتمع ده يؤول به الأمر إلى أنه ينتشر فيه الشذوذ بدراسة معينة اجتماعية معينة، وكان بتكلم مع المشرف بتاعه. يقول له أنتم هتبقوا هتبقوا شذوذ. يقول له أنت بتقول إزاي؟ يقول له أنا بقول لك كده. وكان المشرف يناقشه، وكان أحد المحكمين على الرسالة أصبح شاذ بعد كده. قال له مش أنا قلت لك؟ مش أنا قلت لك أنتم هتبقوا كده؟ استحضار أن ده له ثقافة بتحدث. وهَنقول الوقتي بعض التحليلات لده يعني.

﴿وَلُوطًا إذْ قَالَ قَوْمِهِ إِنَّكُمْ لَتَأْتُونَ﴾ إيه؟ الفاحشة. الإصرار على تسميتها فاحشة. دلوقتي بعض الناس عشان يحاول يلطف الموضوع يقول لك ده مرض، وتلاقي دراسات كتير بتتعمل عايزة تثبت أن ده دخل جيني، الإنسان ما لوش دخل فيه. طبعا الكلام ده لم يثبت قطعيا حتى الآن. في مقطع مش متذاكر والله الأخ اللي قام به كان على آه قناة يوتيوب اللي هي اسمها الدعوة الإسلامية بتاعت آه محمد شاهين التاعب وإن كان الأخ متخصص في رد على النصارى والإلحاد، لكن استضاف حد عمل آه مقطع فيديو ربع ساعة رائع في تتبع كل أو غالب الأبحاث العلمية اللي ادعوا أن هي بتقول أن هو خلل جيني ورد عليها من كلامهم وأن ده مش خلل جيني ولا شيء. هيظل اسمها عندنا فاحشة، فليبتلى بذنب بلاش يشرعنه.

زي ما سورة الأعراف كده لما يعملوا فاحشة يقولوا إيه؟ أول حاجة ده تقليد مجتمعي عادي، ﴿وَجَدْنَا عَلَيْهَا آبَاءَنَا﴾ [الأعراف: 28]، وبعدين تصبح دين، ﴿وَاللَّهُ أَمَرَنَا بِهَا﴾ [الأعراف: 28]. وده اللي بيحصل دلوقتي، بس هو مش بيقول والله امرنا بها كقدر، الله كشرع كقدر. احنا ما لناش دخل، ده هيظل اسمها فاحشة ويظل لها عقوبة صارمة، لازم يظل هذا الاسم موجود وفي ممانعة الآن لهذا الاسم. بل ممكن ناس تكتب منشور على الفيسبوك يمسح، إن حد يكتب نقد لهذه الفاحشة ممكن الفيسبوك يمسحه، ممنوع انك تغلط فيه ممنوع. بل كنت شفت برضو مقطع بيتكلم ازاي أن البعض الدكاترة النفسيين في الغرب اللي بيحاول يعالج المصابين بهذه الفاحشة، لو أقنع المريض، لو أقنع اللي بيعمل الفاحشة أن ده مرض وأنه هيتعالج يتعاقب الدكتور، ما يقولوش أن ده مرض، يقول له حضرتك براحتك تحب تبقى كده أهلا وسهلا، تحب تتغير تبقى آه طبيعي، أو ما يقدرش يقول طبيعي لأن التاني كده معناه أنه مش طبيعي، لأ تحب تبقى كده براحتك، تحب تبقى كده براحتك، لكن ما يقدروش يقولوا كده. وللاسف ده بقى بيتبنى هنا وفي دكاترة نفسيين بيتبنوا ده هنا عشان خايف يواجه المجتمع، يقول لك أنا ما أقدرش أقول له أن ده كذا، أنا ممكن أقول له أنا أساعدك لو تحب تغير، لكن ما فرضش عليه ده.

والغريب أن ممكن فوجئت أن حد بيطرح الطرح ده، يعني الغريب أنه بيقول إنه إسلامي، كنت مستغرب. طبعا النصارى متبانين ده بقوة، مش عايز أذكر أسامي معينة متبانين ده بقوة. فده أمر آه أصبح الآن بيدعم دعما عالميا يفرض على دول، فالشاهد الإصرار على تسميتها فاحشة. انكم تأكيد لتأتون الفاحشة ما سبقكم بها من أحد من العالمين. ده أمر مخالف للفقه، جمهور المفسرين قال إن ما سبقكم بها من أحد من العالمين معناها لم يأت أحد بهذه الفاحشة من قبل. استغربت إنه خالف، وقال السبق هنا مش معناه السبق الزمني، لأ، يعني أنتم آه السبق هنا معناه الزيادة في الفاحشة، وبيقول لأن الشذوذ أو الأمر ده موجود من زمان، وده أمر مظنون، مش لأن حتى الفاحشة بتسمى باسمهم حتى في كتب الفقه، مسألة اللواط أو اللوطية تذكر بهذا الاسم ينسب إليه. مسألة ما سبقكم بها من أحد من العالمين.

الشهوات ما لهاش نهاية يا جماعة، يعني زي ما الأفكار الباطلة أنت ما كنتش تتصور في يوم من الأيام أن واحد يعبد فار مثلا، أو يعمل يكون ماشي مثلا مسافر يبص كده ما يلاقيش معه الصنم، خميس الصنم في البيت فيقوم جايب -أنا بكلمك على حاجة كانت تحصل في العرب- يقوم جايب شوية طين وبتاع، ويحط شوية لبن أو يخلي ممكن دابة تبول عليها، ويصنع صنم، عقبال بس ما إيه حاجة تقضيه، عقبال ما يرجع يجيب الصنم بتاعه، أنت متخيل؟ أنت أنت بتضحك، ده كان بيحصل! ده كان بيحصل، ولو جيت هديته يقول لك أنا ما اسمحلكش. بس أنت عبيط يعني، أنت اللي عامله بإيه ده؟ فانت تتعجب لذلك سيدنا إبراهيم: ﴿أَتَعْبُدُونَ مَا تَنْحِتُونَ﴾ [الصافات: 95]؟ حضرتك اللي عاملها لسة الوقتي أنت هتمثل؟ يعني أنت اللي لسة عاملها.

فما زال كما أن الأفكار الباطلة ما كانش لها توقعات والشيطان بيفضل يوصل، وكذلك زين لكثير من المشركين قتل أولادهم شركاؤهم، أن الشيطان قدر يزين، قدر يزين أن واحد يقتل بنته، كان الشيطان وصل لمرحلة من القدرة على التزيين. وده الخطورة في التناول مع مسألة الشذوذ أو هذه الفاحشة مسألة تناولها بمجرد العلم التجريبي. آه آه أن في حاجة اسمها شيطان يا جماعة، في حاجة اسمها الشيطان بينشر الشهوات ويضحك على الإنسان ويزين له، وأنه ممكن فعلا إنسان يبتلى بمثل هذا الأمر بسبب نزغات الشيطان وبسبب الإيغال في الفاحشة اللي احنا فيها وانتشار الشهوات، وده تطور طبيعي بيحصل في أي مجتمع بتنتشر فيه الفاحشة. يعني مسألة الانتقال إلى الشذوذ شهوة، ركزوا معي في المعنى ده، الشهوة ما لهاش نهاية. يعني الشذوذ بينشأ في هو إزاي المسيري تنبأ بانتشار ده في الغرب؟ أن مجتمع مفتوح، يعني كان المسيري بيقول: أنا كنت بستغرب إزاي يكون مكان فيه الزنا مباح مطلقا، وكل واحد مع بتاعته والدنيا مفتوحة على بعضها تماما، كل حاجة مفتوحة مطلقا، ويكون في الجامعة كل حاجة مفتوحة ويحصل اغتصاب. هو مش قادر يفهم الاغتصاب ده بيحصل ليه؟ لأن هو الشيطان دايما بيقول لك إيه في حاجة ممنوعة، جرب حاجة تانية، وقع في زنا، طب اللي عايز يجرب الاغتصاب، يقع في الاغتصاب، يجرب الشذوذ، ممكن يقع ده بقى الفاحشة مع الحيوانات. هو الفاحشة بقى الشيطان يقعد يزين يزين يزين، وكل ما أنزل لدرجة يزين لك التي بعدها.

ده بيحصل تطور في مجتمعنا، كنت شرحت ده أيضا في تفسير سورة الأعراف، إزاي كان بيحصل تطور في المجتمعات تجاه الفساد. فالمجتمعات لما بتوصل دايما بتفكر في فكرة الما بعد، يعني تجد أن المجتمعات الغربية سواء على مستوى الأفكار ومستوى العقائد ومستوى.

الأيديولوجيات أياً كان ما بتخلصش. فكرة الحدس وبعدين ما بعد الحدس، فكرة الشهوة تطلع فكرة والزنا والانفتاح وبعدين شوية يطلع الشذوذ وبعدين هيطلع زي ما ظهرت النسوية الحركة النسوية. كل شوية يطلع فكرة. أنا مش عايز أخرج كتير، لكن اللي عايز يقرأ بحثاً قرأته جيد جداً.

في الأسس الفكرية اللي أدت لانتشار الشذوذ في الواقع اللي احنا عايشين فيه، ده كتاب للأستاذ عمرو عبد العزيز، هو الكتاب لسه ما اكتملش، الكتاب كاملاً اسمه دين المؤتفكات. خلص الفصل الأول بعنوان عارض ممطرنا ونزله، حاجة وأربعين صفحة.

حتى النص الأول هو اللي مهم، اختار خمس أسس هي الأسس الأساسية اللي تسببت لانتشار الفاحشة دي في المجتمع الحالي، قال إن فيه خمس أسس معينة، الإصرار عليها زي التطور والفردانية والليبرالية والنسوية الحداثة وما بعد الحداثة، اختار خمسة وشرحها.

عايز أناقش الموضوع فكرياً، إزاي ده أدى للواقع الغريب اللي احنا فيه ده. خلاص، ﴿مَا سَبَقَكُمْ بِهَا مِنْ أَحَدٍ مِنَ الْعَالَمِينَ﴾ [الأعراف: 80]. سيدنا لوط هنا بيقول لهم، وده مهم جداً أن سيدنا لوط كان راصد الواقع. ده مهم أن الداعية يبقى فاهم، لأن أحياناً الداعية بتكلم في قضايا الواقع وهو مش عايشها أصلاً.

ممكن تروح لداعية تكلمه في قضية اللواط أو الشذوذ يقول لك: إزاي؟ مش ممكن يا أخي! أو مثلاً زي الإلحاد، هو مش واخد باله أن فعلاً بدأ يحدث شيء من ده. على رأي أحد الأخوة كنت قاعد معه، بيقول لي الأخ ده.

بيقول لي: أنا قاعد مع... هو الأخ ده قاعد مع شيخ، فالشيخ بيقول له: من أخطر الأمور أن بقى في الوقت اللي احنا عايشين فيه الإلحاد أصبح خيار مطروح من الاختيارات. يعني كان زمان.

واحد مثلاً حصل له ابتلاءات شديدة، يقوم إيه؟ يقوم ما عَدش يصلي بس لسة مش ملحد. يعني الاختيارات أنه كان مثلاً إيه يحلق دقنه مثلاً لحد يوم ما أنا ما عَدش نصلي وبعدين شوية إيه؟ لما يحصل له مشكلة يرجع يصلي على سطر ويسيب عشر سطور. لكن بقى أن الاختيارات.

كان مثلاً مع شغل ديني، خلاص أنا هلحد، ما كانش بقى دلوقتي اختيار من الاختيارات المطروحة أمام الشباب. إيه رأيك تجرب الإلحاد؟ نشوف بقى من الاختيارات المطروحة. فمهم أن الداعية يتابع إيه اللي موجود في الواقع.

فشوف سيدنا لوط التقط، قال لهم: أنتم بتعملوا تلات حاجات، ﴿أَتَأْتُونَ الرِّجَالَ﴾ [العنكبوت: 29]، إنكم لتأتون رجال وتقطعون السبيل وتأتون في ناديكم المنكر. أَتأتون الرجال ما فيش فيها خلاف اللي هي الفاحشة. تقطعون السبيل؟ العلماء قالوا إنه كانوا السبيل لأشهر اللي هو الطريق، بعضهم قال تقطعون السبيل أي تمنعون التناسل؛ لأن الاستمرار في.

ماشي هيمنع التناسل، لكن ده مش الأصل، الأصل أن اللفظ على الأشهر. تقطعون السبيل كانوا بيعملوا إيه؟ وده قول ابن زيد من التابعين واختاره الطبري، أن لما أي حد بيمر بالطريق يقطعوا الطريق ويخطفوه ويفعلوا فيه الفاحشة.

أن أصبح فرض ثقافتهم بالقوة، زي الوقتي. يعني مش بس بيکتفي إنه بيعمل فاحشة لأ، بيفرض الثقافة بحيث إنه يوصل للناس اللي حواليه إن ده أمر طبيعي. بل من الأمثال التي اشتهرت، أجور أي أكثر جوراً ظلماً يعني أي أظلم، يعني أجور من.

قاضي سدوم. يعني لو أنت عايز تقول على قاضي إنه ظالم، تقول: ده أظلم من قاضي سدوم. قاضي سدوم ده ده مثل، قصص كتير ما أنا عارف أنتم بتحبوا القصص.

ممكن ترجعوا لها بقى في يقال إن ده مثل أن كان القاضي مثلاً يعمل إيه؟ واحد مثلاً على الطريق مسافر، ييجي هم حد من القرية دي يقوم واحد راميه بالطوب.

يفتح له دماغه، الراجل ييجي ضرب فيروح للقاضي، فاللي ضربه يقول للقاضي إيه؟ أنا عايز حقي. اللي ضربه يقول له فالتاني طبعا مستغرب يعني بيقول له: أنا لما رميته بطوب طلعت له الدم ده زي الحجامة أنقذته، هو كان محتاج يطلع الدم ده.

محتاج تحكم لي يفعل فيه الفاحشة. وبتحس إنه إيه؟ تلفق له شوية حاجات كده بسرعة وخلصت، بيفسدوه. فيقول إيه؟ أجور من قاضي سدوم. وقصص كتير إزاي أن القاضي ده كان ظالم لدرجة أن في قصة يعني عم الراجل أحد الناس ده قام جاب طوبة راميها في دماغ القاضي قال له.

أنا طلعت لك برضه الدم اللي من... فإزاي أن هم مش يعني ﴿وَتَأْتُونَ الرِّجَالَ﴾؟ مش بس يعمل فاحشة، يفرضها كَثقافة بالقوة زي ما بيحصل دلوقتي أن في دول بيفرض.

ولايات في أمريكا ممنوع أنك تنتقد ده، إقرار بده، إقرار الزواج وبيسموه زواج المثل لكن هو يزال فاحشة وشذوذ ولواط، أقروا وده في الدساتير وممنوع انتقادهم، ممنوع بيفرض الثقافة بالقوة. ثم بعد ما يفرده بالقوة، ممكن القوة ما تكفيش، لا ينشرها إعلامياً.

﴿وَتَأْتُونَ فِي نَادِيكُمُ الْمُنْكَرَ﴾ [العنكبوت: 29]. نادي المكان اللي بيجتمع فيه الناس نهاراً، فإذا خلا من الناس لم يكن نادياً، وإذا كان ليلاً كان سامراً، يبقى ﴿وَتَأْتُونَ فِي نَادِيكُمُ الْمُنْكَرَ﴾ أن يصبح الأمر عشان ما حدش يكون في صدره حرج من هذه الفاحشة، يكون أمام الناس.

يفعلون الفاحشة أمام الناس في مجتمعات مفتوحة، وأن اللي يعمل مثلاً الفاحشة مثلاً ياخد جايزة أوسكار مثلاً. زي آخر واحد اللي خد الجايزة عشان قام بدور حد بيقوم بالفاحشة، شاذ.

أن فرض ده يبقى فرضه قوة وفرضه إعلامية عشان نشيل الحرج من صدور الناس تجاه هذه القضية. ثم التعاطف عن طريق بقى أن هو مجرد أنه مجرد كذا وكذا، ده زي ما بيحصل مع الإلحاد، نشر أي فكرة باطلة سواء فكر أو شهوة بيتم بنفس الخطوات بنفس السيناريو عشان يوصلوا.

في حالة إقرار لده، وأن ممنوع نقدي، يمنع. ممكن تجد الآن عالمياً أن ناس ذات مناصب عالية ويصرح إنه شاذ وأنت ما تقدرش تنتقده، يعني لما ييجي في لقاءات عربية مثلاً ما تقدرش تنتقده، وينشر هذه الثقافة وممنوع تعترض عليه. وده وارد أن في السنوات القادمة ده يحدث ويصدر للعالم العربي.

وفي دول بتسبق زي تونس مثلاً لما عملت في ميراث، في دول بتقدم القرابين سريعاً. ممكن تضع ده في الدستور، منع نقد ده، زي أن سيدنا لوط أنا بقى لما أنا بقول لك كل ده ليه؟ عشان تعرف قوة سيدنا لوط أنه يقف قدام النظام ده كله ويقول لهم: أنتم غلط.

أنتم بتفعلوا الفاحشة، يعني إزاي واحد قدر يواجه كل المجتمع ده؟ حتى مراته باعته، أنت متخيل! متخيل المشهد! أن إزاي واحد زي ما سيدنا ليه قدر يعمل كده؟ طبعا بتوفيق من الله؛ لأنه اتربى على كده، لأنه لقى سيدنا إبراهيم بيواجه المجتمع كله، لقى أن سيدنا إبراهيم عشان عقيدة باطلة وقف أمامه.

المجتمع كله لوحده، هو عمل نفس الحاجة عشان فاحشة وعشان شهوة وقف قدام المجتمع كله لوحده. فإزاي أن سيدنا لوط بتوفيق من الله قدر إنه يواجه شهوة، مش مجرد شهوة، يعني مش مجرد فاحشة عادية، ده استقرت وتغلغلت في المجتمع.

أن هي ﴿أَتَأْتُونَ الرِّجَالَ وَتَقْطَعُونَ السَّبِيلَ وَتَأْتُونَ فِي نَادِيكُمُ الْمُنْكَرَ﴾ [العنكبوت: 29]. لو فتحت التفاسير هتجد أقوال كثيرة عن إيه هو قاطع السبيل؟ هل هم كانوا بيرموا الناس بالطوب أو يأتينا في أيديكم منكر الألفاظ الفاحشة أو أفعال فاحشة أياً كان، والله أعلم بما ذكرته لك أولى بالسياق. إزاي.

بيحاولوا يقروا فاحشة في مجتمع، وإزاي سيدنا لوط قدر إنه يواجه كل ده لوحده، وإزاي نهددهم بعذاب من الله، ولذلك لما هددهم بالعذاب ردوا عليه، ﴿فَمَا كَانَ جَوَابَ قَوْمِهِ إِلَّا أَنْ قَالُوا ائْتِنَا بِعَذَابِ اللَّهِ إِنْ كُنْتَ مِنَ الصَّادِقِينَ﴾ [العنكبوت: 29].

بعض الناس قال: طب مش هم قبل كده ﴿فَمَا كَانَ جَوَابَ قَوْمِهِ إِلَّا أَنْ قَالُوا أَخْرِجُوا آلَ لُوطٍ مِنْ قَرْيَتِكُمْ﴾ [النمل: 56] إن ده مر أن أول مرة دعاهم هددوه بالإخراج من البلد، فهددهم بنزول العذاب فقالوا له: ائتنا بعذاب الله.

ولو خدنا سياق أن سورة العنكبوت من أواخر السورة المكية ومن أواخر السور اللي ذكرت فيها قصة لوط عليه السلام، كان ده آخر مشهد حصل في نقاشه مع قومه أن هم لم يأبهوا بشيء وقالوا: ائتنا بعذاب الله إن كنت من الصادقين، قال: ﴿رَبِّ انْصُرْنِي عَلَى الْقَوْمِ الْمُفْسِدِينَ﴾ [العنكبوت: 30].

ضافوا إلى الكفر انتشار الفاحشة والإفساد في الأرض. عوامل بقاء أي أمة يعني ده سنن كونية، فيه عوامل لإبقاء وفيه عوامل لإهلاك. هم بدأوا يقوموا بأعمال تؤدي إلى فساد الأمة.

زي الحديث المشهور لما عمرو بن العاص سمع اه لا تقوم الساعة إلا والروم أكثر الناس، فسيّدنا عمرو بن العاص قال له: أيوه. فهمي للسنن، هؤلاء فيهم صفات معينة حتى لو هم على الكفر تؤدي إلى بقائهم.

﴿رَبِّ انْصُرْنِي عَلَى الْقَوْمِ الْمُفْسِدِينَ﴾ [العنكبوت: 30]. ولما جاءت انتقال لمشهد تاني رسلنا إبراهيم بالبشرى، قالوا: ﴿إِنَّا مُهْلِكُو أَهْلِ هَذِهِ الْقَرْيَةِ إِنَّ أَهْلَهَا كَانُوا ظَالِمِينَ﴾ [العنكبوت: 31]. هنا بالبشرى بمين؟ إسحاق الإسماعيلي، يعني لما تيجي تقرأ بقى.

تيجي تقرأ مثلاً سورة هود اللي فيها إسحاق... طيب هو سيدنا إبراهيم رزق إسماعيل أولاً ولا إسحاق؟ إسماعيل. يعني سيدنا إبراهيم ساب سيدنا لوط وراح مصر والسيدة سارة، وبعدين.

خد أمنا هاجر ورجع بها تاني، وبعدين تزوج هاجر وبعدين أنجب إسماعيل، وبعدين راح الحجاز وبعدين رجع، وبعدين بشر بإسحاق، وكل ده إيه؟ سيدنا لوط بيشتغل في الدعوة. يعني ولما جاءت رسلان إبراهيم البشرى، دي ما تعديش كده، دي تعرف سيدنا لوط قعد قد إيه يواجه المجتمع التاني. يعني مش رايح.

الفاحشة المنتشرة ما ينفعش اللي أنتم بتعملوه ده يا رب العذاب يا رب، لأ ده يشوف سنوات. ولما جاءت رسلنا إبراهيم ببشرى، قالوا جايين يبشروه وبعد الكبر وكبر في السن وزوجته سارة كان نفسها في الولد، بل قيل إنها غارت أو هي بالفعل غارت من هاجر لما أنجبت الولد.

بشرى عظيمة ونبي من الأنبياء وينشغل عن كل ذلك، وسيدنا إبراهيم يجادلنا سورة هود يجادلنا في قوم لوط، نسي البشرى وخايف على الناس بالرغم أن دول أهل فاحشة. يا جماعة دي نفسية الداعية. دي نفسية الداعية اللي في سورة هود، ولذلك ربنا قال: أنا.

أواه، أواه جت في موطنين من القرآن، أواه جت مع سيدنا إبراهيم بس وجت في موطنين في في القرآن، مرة في سورة هود مع قوم لوط ومرة توبة وسياق كان إيه؟ كان مين مع والده اللي هو على الكفر، والأواه كثير التأوه، يعني في الحالتين بيتأوه على والده الكافر.

وعلى قوم لوط أصحاب الفاحشة. دي نفسية الداعية يا جماعة، أن هو حزين على الناس، أنه نفسه ينقذ الناس. دي نفسية الداعية، أن ﴿إِنَّ فِيهَا لُوطًا﴾ [العنكبوت: 32] دي نفسية المربي، زي ما هتيجي لنا دلوقتي هو حريص على اللي تعب فيه، قال لهم: خدوا بالكم فيه هناك رجل من رجال الدعوة والبذر وآمن بي وسافر معي وهجر معي.

﴿إِنَّ فِيهَا لُوطًا﴾ [العنكبوت: 32]. يعني سورة هود كان بيتكلم على القوم يجادلون فيه قوم لوط، هنا قال: ﴿إِنَّ فِيهَا لُوطًا﴾ [العنكبوت: 32]. ولذلك العلماء اختلفوا: إيه معنى ﴿إِنَّ فِيهَا لُوطًا﴾ [العنكبوت: 32]؟ يعني إيه المعنى؟ طب نمشي كده واحدة واحدة، ولما جاءت رسلنا إبراهيم ببشرى أي بإسحاق، قالوا بعد أن بشروه: ﴿إِنَّا مُهْلِكُو أَهْلِ هَذِهِ الْقَرْيَةِ﴾ [العنكبوت: 31] وكأنهم بيعلموه؛ لأن زي ما قلت سيدنا لوط امتداد لدعوته.

طب هم بيعلموه ليه؟ أن إيه اللي سافر وامتداد لدعوتك جاء الأجل بالانتهاء هؤلاء القوم. ﴿إِنَّا مُهْلِكُو هَذِهِ الْقَرْيَةِ﴾ أن خلاص ما فيش فيهم أمل ولا يردوا إلا فاجراً كفاراً، أن أهلها كانوا ظلمين.

فقال إبراهيم عليه السلام، قلنا فهود كان بيجادل عن القوم. هنا قال: ﴿إِنَّ فِيهَا لُوطًا﴾ [العنكبوت: 32]. بعض المفسرين قال: كأن إبراهيم بيستفهم وهل بقاء لوط فيهم يمنع عنهم نزول العذاب؟ بعضهم قال: ده المقصد من سؤال إبراهيم.

يعني عايز أقول لهم: طب وهو بقاء لوط فيهم مش كافي؟ ولذلك في بعض الآثار أن سيدنا إبراهيم سألهم ليه هتنزلوا العذاب؟ ليس فيهم مائة يعني مائة الناس مؤمنة مية؟ قالوا: لا. قال: ولا خمسون؟ قالوا: لا. قال: ولا عشرة؟ قالوا: لا.

يعني عايز أقول إيه؟ أن من فهم لوط أو لو قبلنا الأثر ده أن لما العدد بيزيد العدد ده يمنع نزول العذاب، لو تقل العدد بيقل العذاب، ولذلك استحضارك للمعنى ده مهم أن أنت نشر الدين أنت بتنازع القدر بالقدر، أنت بتمنع نزول العذاب، انتشار.

بيمنع نزول العذاب، فانت بتساهم في حفز الناس وبتساهم في حفظ نفسك بنشر الدين. وقال: ﴿إِنَّ فِيهَا لُوطًا قَالُوا نَحْنُ أَعْلَمُ بِمَنْ فِيهَا لَنُنَجِّيَنَّهُ وَأَهْلَهُ إِلَّا امْرَأَتَهُ كَانَتْ مِنَ الْغَابِرِينَ﴾ [العنكبوت: 32] قالوا: احنا عارفين كويس مين اللي هناك، ما فيش حد آمن.

يبقى الظاهر أن هو خايف. بعضهم قال: لأ، سيدنا إبراهيم لما قال: ﴿إِنَّ فِيهَا لُوطًا﴾ [العنكبوت: 32] كان يقصد وهل سيعمهم العذاب معهم ثم يجازى بالجنة يوم القيامة؟ ده ممكن يكون سؤال، يعني عايز يقول: طب إنتم هتنجوا لوط ولا هو كمان هينزل العذاب وبعدين هو يخش الجنة؟ ده وارد أن العذاب يعم الجميع.

ولا سؤال إبراهيم عليه السلام، طيب وهل هناك فئة مؤمنة آمنت به تمنع نزول العذاب؟ فلذلك هم جاوبوا على السؤالين، قالوا له: ﴿نَحْنُ أَعْلَمُ بِمَنْ فِيهَا﴾ [العنكبوت: 32] يعني اللي موجودين دول يستحقوا العذاب كويس، ولكن لوطاً ننجيه، لننجينه وأهله واحنا عارفين كويس.

وما حدش آمن غير أهله بل حتى ما عدا زوجته. شوف الدقة أنهم مرسلون من عند الله سبحانه وتعالى لننجنه وأهله إلا امرأته كانت من الغابرين. الغابرين قيل الباقين، الغابر الباقي، الزمان الغابر الزمان الماضي، قيل غابرين أي الباقين في العذاب، وقيل الباقين في القرية بعد خروج لوط. لما سيدنا لوط خرج التفت.

ولم تخرج فلحقها العذاب. الإمام مكي بن أبي طالب في تفسيره كان متوقعا أن ربنا يقول: إلا امرأتك كانت من الغابرين، ده إيه؟ جمع المذكر. فقيل أنها كانت تساعدهم فألحقت بهم. ما كانت تساعدهم على الفاحشة فألحقت بها وعمتها، وده برضو قوي البقاعي على مش عارف التدقيق اللغوي ده؛ أن الغابرين مش بس بمعنى الباقيين، تلحقها الغبرة العذاب اللي هينزل عليها.

فلما أولا ما جاءت رسلنا لوطا، الملائكة بقى اللي راحت لسيدنا إبراهيم بالبشرى، وانظر سبحان الله العظيم الملائكة التي نزلت لإهلاك قوم جاءت بالبشرى لإنشاء ذرية صالحة؛ يعني ربنا سبحانه وتعالى قد يهلك أقواما وينشئ أقواما، قد يهلك أقواما وينشئ أقواما. فسبحانه وتعالى الإنسان دايما عنده أمل أن ممكن ربنا سبحانه وتعالى يهلك أقواما ثم يبعث أقواما آخرين، فدايما الإنسان يستبشر بأن ممكن في جيل ينشأ وربنا سبحانه وتعالى يبعث أئمة، وأن ربنا سبحانه وتعالى يصنع هؤلاء الأئمة على عينه، زي في سورة القصص كده أن في هناك أئمة تصنع وأنت لا تشعر بهم.

وقِع سيدنا لوط وهو قاعد والعذاب ينزل وهو يخرج من القرية، هو الآن في هذه اللحظة جاءت رسل بالبشرى لإنشاء دعوة أخرى؛ سيدنا إسحاق ثم من نسله يعقوب ثم سلالة بني إسرائيل. ولما أن جاءت رسلنا لوطا سيئ بهم، خايف عليهم بحق الضيف؛ لأنهم جاءوا في صورة شباب حسان، فخايف عليهم وضاق بهم ذرعا. عبارة عن زمخشري وجمهور المفسرين بيقولوا كلمة ضاق ذرعا أشبه أيضا بداقة ذراعه؛ ضاق الزرع والذراع عكس طويل الذراع، طويل الذراع أي يفعل ما يشاء، يعني دي كناية عن طول اليد أن الإنسان لما يعني يعمل اللي هو عايزه يتناول الأشياء البعيدة عنها، وضيق الذراع أنه مش قادر يتناول، فده كناية عن العجز، كناية عن عجزه، ده غالب المفسرين قال كده.

وحبناكي قال معنى غريب برضو لم أره لغيره؛ يعني أن أصل الكلمة في اللغة الدابة التي يوضع عليها حمل ثقيل جدا فتقل خطوتها لا تستطيع السير. الشاهد أن حمل لوط عليه السلام من الهم هموما ثقيلة وضاق ذرعا ولم يستطع أن يفعل شيئا؛ لأن ما معاهوش حد ينصره، لذلك في سورة هود قال: ﴿لَوْ أَنَّ لِي بِكُمْ قُوَّةً أَوْ آوِي إِلَى رُكْنٍ شَدِيدٍ﴾ [هود: 80]، ما عيش حد، ما فيش حد ينصرني. قيل أنه ليس من هؤلاء القوم هو تزوج منهم فقط.

ولما أن جاءت رسلنا لوطا سيئ بهم وضاق بهم ذرعا لأنه كان خايف عليهم وقالوا، هم ردوا عليه: لا تخف ولا تحزن. أخبروه أنهم ملائكة: إنا منجوك وأهلك إلا امرأتك كانت من الغابرين. صدر الأمر والتنفيذ أن بالتأكيد منزلون على أهل هذه القرية رجزا من السماء. رجز العذاب أصل الكلمة أصلها اللغوي الاضطراب الشديد، العذاب الذي يؤدي إلى حالة من الاضطراب الشديد، اللي مهما كان الإنسان قوي لن يستطيع أن يقف أمام هذا العذاب. تفاصيل العذاب جاءت في سور أخرى؛ المؤتفكة أنه ما رفعت هذه القرية وقلبت وارسلت عليهم حجارة، تنوع عليهم العذاب لأنهم أسرفوا على أنفسهم في الفاحشة، مكان العذاب عليهم متنوع وعذاب مختلف؛ لأنهم جاءوا بفاحشة مختلفة عن السابقين، فجاء العذاب متنوع ومختلف عن عذاب الأمم.

منزلون على أهل هذه القرية رجزا من السماء بما كانوا يفسقون. الجمع أن الكل كان فاسق والعياذ بالله. بما كانوا يفسقون قد تركنا منها آية بينة. بعضهم قال وأشار إلى ذلك ابن كثير: وجود البحيرة المنتنة وهي البحر الميت. وبعضهم اعترض قال ما فيش دليل قطعي أن ده مكان إهلاكهم، الأمر زي ما قلت لك أحداث تاريخية، نحن يكفينا ما جاء في كتاب الله سبحانه وتعالى فنحن نصدق به؛ لأن الله أخبرنا به وكأننا نراه رأي العين، كما قال للنبي صلى الله عليه وسلم: ألم تر كيف فعل ربك بأصحاب الفيل؟ ألم تر كيف فعل ربك بعاد؟ والنبي صلى الله عليه وسلم لم ير شيئا، ولكن الله أخبره بذلك فكأنه رأى. والله سبحانه وتعالى أخبرنا بهذا المشهد فكأننا رأينا هذه القرية التي ترفع إلى السماء وتقلب وتنزل عليها الحجارة من سجيل، كأننا نراها الآن بأعيننا؛ لأن الله أخبرنا بذلك، وأنا أصدق كلام الله أكثر من تصديقك لعينك. هذا كلام من الله سبحانه وتعالى، ما كان حديثا يفترى. دي مش قصص مش أساطير يعني مش كلام تخييلي زي ما بعض للأسف حتى المسلمين اللي بيدعي ده كلام مجرد لإثارة المشاعر وقصص، هذا كلام أحداث حقيقية.

وده مهم في استشعارك لمعالم القرآن؛ لما تسمع فخسفنا به وبداره الأرض، هذا قد حدث بالفعل، سيدنا موسى لما أيضا ضرب بعصاه البحر فانشق، هذا حدث بالفعل، سيدنا إبراهيم لما خرج من النار ولم تمسه: ﴿يَا نَارُ كُونِي بَرْدًا وَسَلَامًا﴾ [الأنبياء: 69]، هذا حدث حقيقة بتقدير من الله سبحانه وتعالى. هذه أحداث حقيقية حصلت ليست مجرد ما كان حديثا يفترى، وقد تركنا منها آية بينة لقوم يعقلون.

كده احنا يعني أظن كده احنا مرينا على العناوين الرئيسية اللي كنا عايزين نتكلم عنها النهارده، الخلاصة أن سيدنا لوط عليه السلام رجل آمن في وقت الضعف. مسألة الكيف أوقات الاستضعاف أهم من الكم، أن النموذج لما سيدنا لوط وجد سيدنا إبراهيم بيثبت، ثبت. لما سيدنا لوط وجد أن سيدنا إبراهيم واجه المجتمع كله لوحده، سيدنا لوط واجه المجتمع كله لوحده، وأشهر مثال على ذلك في قصة غلام الأخدود لما الغلام أول مرة عذب دل على الراهب، فلما جاء بالراهب وقطع الراهب أمامه رآه الغلام ثابتا فثبت الغلام بعد ذلك. أرسل بالغلام ليلقى من فوق الجبل، ثم يلقى في البحر، وظل الغلام ثابتا حينما رأى شيخه ثابتا. نسأل الله السلامة والعافية، نسأل الله الثبات. وجود النموذج يجعل الناس، الناس ترى نموذجا ثابتا فتقتدي به.

فسيدنا لوط اقتدى بثبات إبراهيم، وزي ما سيدنا لوط وهنا دي أحد أوجه الجمع بين القصتين أن طبعا سيدنا لوط امتداد لدعوة إبراهيم، لكن زي ما سيدنا لوط واجه مجتمع فيه عقيدة باطلة بقت مستقرة وبقت تحولت إلى نظام متشابك معقد في المجتمع صعب هدمه، كذلك لوط عليه السلام بس ما واجهش عقيدة فقط باطلة، ده واجه فاحشة؛ ده أنت طول ما أنت ماشي في الطريق هيقابلك حاجتين، عقائد باطلة استقرت لمدة سنوات وأجيال بتمشي عليها مواجهتها صعبة، ثم يواجهك فاحشة استقرت وشهوة استقرت وانتشرت مواجهتها صعبة. عندك نموذج إبراهيم ونموذج لوط، والاشارة الواضحة التي جاءت للهجرة أن دي إشارة للصحابة أن يعدوا أنفسهم إلى الهجرة. أسأل الله سبحانه وتعالى أن عملنا ولا استبدلنا؟ اقول قولي هذا واستغفر الله لي ولكم، سبحانك اللهم وبحمدك، أشهد أن استغفرك وأتوب إليك، وجزاكم الله خيرا.