تفسير سورة الفتح (4) | الآيات (10-17) | د. أحمد عبد المنعم

السلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم. نستكمل بإذن الله عز وجل ما بدأناه من تفسير سورة الفتح، أو يعني وقفات مع آيات من سورة الفتح. أسأل الله عز وجل أن يجعل هذه السورة فتحاً لنا في ديننا ودنيانا وآخرتنا، وأسأل الله عز وجل أن ينفعنا بهذا القرآن مع نبينا والصديقين والشهداء والصالحين وحسن أولئك رفيقاً.

دائماً أُحاول أن أكرر أهمية مجلس القرآن، وأن الإنسان يستحضر هذا الثواب العظيم ويستحضر قول النبي صلى الله عليه وسلم: «إن أهل القرآن هم أهل الله وخاصته». يستحضر أن هذا الكلام كلام ملكي سبحانه وتعالى، وأننا نحاول أن نقترب سوياً بفهم هذا الكلام حتى نتدبره ونعمل بما فيه. أسأل الله عز وجل أن يجعلنا من العاملين بكتابه المجاهدين لنصرته.

كنا توقفنا بعد ما تكلمنا في آية البيعة التي وضحت أن نصرة الدين ليست بالكلام ولا بالأماني، وأن من يريد أن ينصر النبي صلى الله عليه وسلم كما أخبر ربنا سبحانه وتعالى في قوله سبحانه: ﴿لِتُعَزِّروهُ وَتُوَقِّروهُ﴾ [الفتح: 9]، على قول من الضمان، الآيات تعود إلى النبي صلى الله عليه وسلم. جاءت بعدها آية البيعة؛ يعني اللي عايز ينصر الدين لابد أن يقدم، لابد أن يبذل، وأعلى صور التضحية أن يقدم نفسه، فكانت البيعة على الموت، أن الذين يبايعونه وتكلمنا في هذه الآيات في بعض المعاني.

ثم قال الله عز وجل بعدها: ﴿سَيَقُولُ لَكَ الْمُخَلَّفُونَ مِنَ الْأَعْرَابِ شَغَلَتْنَا أَمْوَالُنَا وَأَهْلُونَا فَاسْتَغْفِرْ لَنَا﴾ [الفتح: 11]. يقولون بألسنتهم ما ليس في قلوبهم. قل رداً عليهم: ﴿قُلْ فَمَنْ يَمْلِكُ لَكُمْ مِنَ اللَّهِ شَيْئًا إِنْ أَرَادَ بِكُمْ ضَرًّا أَوْ أَرَادَ بِكُمْ نَفْعًا بَلْ كَانَ اللَّهُ بِمَا تَعْمَلُونَ خَبِيرًا * بَلْ ظَنَنْتُمْ أَنْ لنْ يَنْقَلِبَ الرَّسُولُ وَالْمُؤْمِنُونَ إِلَى أَهْلِيهِمْ أَبَدًا وَزُيِّنَ ذَلِكَ فِي قُلُوبِكُمْ وَظَنَنْتُمْ ظَنَّ السَّوْءِ وَكُنْتُمْ قَوْماً بُوراً﴾ [الفتح: 11-12]. جاءت هذه الآيات بعد آية البيعة، وكأن ربنا سبحانه وتعالى بعد ما ذكر آية البيعة على الموت لم يذكر ماذا حدث، بل تكلم عن لحظات رجوع النبي صلى الله عليه وسلم، أنه وهو عائد إلى المدينة سيحدث كذا وكذا، كأن القضية ليست ما هي النتيجة، المهم أن نصل إلى هذه المرحلة.

يعني مش مهم مين اللي انتصر، طب حصل صلح، والجنة، ثلاث آيات بعد ذلك توضح ماذا حدث. لكن القضية دائماً مش إيه المهم النتيجة؟ زي ما ربنا سبحانه وتعالى قال في سورة العاديات: ﴿وَالْعَادِيَاتِ ضَبْحًا * فَالْمُورِيَاتِ قَدْحًا * فَالْمُغِيرَاتِ صُبْحًا﴾ [العاديات: 1-3]. ناس بتستعد وتجاهد في سبيل الله حتى أغارت في الصباح، فالمغيرات صبحاً. فأثرن به نقع التراب في وسط المعركة، فوسطن به جمعاً.

وبعد كده خلاص! طب بعد ما وصلوا لوسط المعركة وتوسطوا الجموع، والغبار صعد وما عادش شايف اللي حصل: ﴿فَأَثَرْنَ بِهِ نَقْعًا * فَوَسَطْنَ بِهٖ جَمْعًا﴾ [العاديات: 4-5]. طب وبعدين اللي حصل؟ تنتهي، ينتهي المشهد: ﴿إِنَّ الْإِنْسَانَ لِرَبِّهِ لَكَنُودٌ﴾ [العاديات: 6]. مشهد تاني. طب الناس دي انتصرت؟ طب قتلت؟ طب إيه اللي حصل؟ مش مهم، المهم أن هي استطاعت أن تصل إلى هذه النقطة، فالمهم أنك تصل إلى مسألة البيعة وأن تحافظ عليها. دي أول نقطة.

النقطة التانية: سيقول الله عز وجل لا يترك نبيه أبداً ولا يترك المؤمنين أبداً. ربنا بيعرفهم أنهم هيقابلوا صنف من الناس غريب؛ صنف المنافقين. يعتمد دائماً من أول لحظات الكلام على المنافقين في أول سورة البقرة، دائماً يعتمدون على الكلام. يعني ربنا في أول لما المؤمنين راحوا المدينة، كانوا متعودين في مكة أن في واحد كافر وفي واحد مسلم، الكافر بيعذب المسلم والمسلم يصبر على دينه. لما راحوا المدينة كانت مفاجأة أن في صنف غريب مختلف تماماً، لذلك قال الله عز وجل: ﴿وَمِنَ النَّاسِ مَنْ يَقُولُ﴾ [البقرة: 8] ووسط ناس مستخبي. أول وصف للمنافقين في القرآن من أول سورة البقرة أنه يتكلم كثيراً، أنه دائماً يحافظ على الكلام. هنا ربنا سبحانه وتعالى بيقول: لما ترجعوا المدينة هتجدوا هذا الصنف مستمر في الكلام. سيكون.

دائماً يدعي الإيمان، عنده أعذار، يتبرأ من المشاكل، يسعى إلى المغانم، يبتعد عن المغانم، له تصور معين. كنا أتكلمنا في درس قبل كده: متى يظهر أو متى يتكلم المنافقون؟ لأنهم كثيرو الكلام. ربنا سبحانه وتعالى بيعرف النبي صلى الله عليه وسلم، بيعرف المؤمنين بصيغة المستقبل: لما ترجع المدينة هيقولوا لك، وقد قالوا. ده من إعجاز القرآن. كان ممكن واحد يقول يعني ممكن المنافقين يتجمعوا يقولوا خلاص احنا مش هنقول عشان نكذب القرآن؟ لن يستطيعوا، بل قالوا ذلك.

يعني النبي صلى الله عليه وسلم والمؤمنين راجعين وعارفين أن ده هيحصل. أنا عايزك تتخيل المشهد، ودي من اللطائف دائماً في وسط المحنة محنة؛ يعني صلح الحديبية كان ثقيل على النفوس، كان محتاج يقين عالي عشان الناس تثبت، ولم يثبت في هذه اللحظات إلا الصديق رضي الله عنه. فهم راجعين، راجعين في هم وغم وكرب، فنزلت سورة الفتح ببشريات. تخيل لما واحد مستغرب في اللي حصل سور الحديبية وتنزل عليه سورة الفتح.

وبعدين يرجع المدينة يلاقي المنافق بيقول له إيه؟ شغلتنا أموالنا وأهلونا. فيضحك! فيقول أول لما يسمع المنافق يقول كده يقول إيه؟ صدق الله، فيزداد يقيناً. فأحياناً أفعال أهل الكفر والنفاق تجعل إيمان المؤمنين يزداد. ولما رأى المؤمنون الأحزاب قالوا: ﴿هَٰذَا مَا وَعَدَنَا اللَّهُ وَرَسُولُهُ وَصَدَقَ اللَّهُ وَرَسُولُهُ وَمَا زَادَهُمْ إِلَّا إِيمَانًا وَتَسْلِيمًا﴾ [الأحزاب: 22]. إحنا عارفين أن أنتم هتتجمعوا مع بعض، عارفين أن المشركين مع اليهود مع المنافقين هيحطوا إيدهم في إيد بعض، هذا ما وعدنا الله ورسوله وصدق الله ورسوله وما زادهم إلا إيماناً وتسليماً.

لما يرجعوا يلاقي المنافقين جايين للنبي صلى الله عليه وسلم: شغلتنا أموالنا وأهلونا. فيبتسم المؤمن ويزداد يقيناً به. سيقول، سيرة المستقبل: سيقول سيقول سيقول لك. ودي من المتشابهات عشان اللي بيحفظ سورة الفتح، اللي جاية: ﴿سَيَقُولُ الْمُخَلَّفُونَ﴾ [الفتح: 15] مش سيقول لك؛ اللي هتيجي لنا المخلفون ستكون لكل أهل الإيمان، إنما هنا رايحين للنبي صلى الله عليه وسلم تحديدا بصفته القائد صلى الله عليه وسلم اللي هم تخلفوا عن السير معه.

سيقول لك للنبي صلى الله عليه وسلم المخلفون، كان متوقع سيقول لك المتخلفون؛ الذين تخلفوا. في واحد تخلف عن الغزوة، لا، ربنا سماهم إيه؟ المخلف. المخلف ده في اللغة بيسموها يصيت إذاً بيسموها إيه؟ اسم مفعول، يعني مش هو اللي تخلف، حد اللي خلاه في قوة أو حد اللي خلاه يتخلف، مش هو اللي تخلف من نفسه. أول وقفة مع الكلمة دي الوصف.

تاني وقفة مع هذه الكلمة؛ اسم المفعول. الوصف: شوف ربنا سماهم إيه؟ المخلفون. الشيء اللي بيتخلف ده؛ المتاع اللي بيسقط من القافلة ولا تلتفت إليه، المخلفات اللي بتتجمع وتلقى. كأن ربنا سبحانه وتعالى بيقول لنا: لا تلتفتوا إليهم. أهل الإيمان نفسهم أن العدد يبقى زيادة، وكان بيحزن بعض المؤمنين لما ييجوا يخرجوا المعركة ويتخلف المنافقون بيحزنوا أن العدد قليل. النبي صلى الله عليه وسلم وهو خارج عمرة في ذي القعدة هذه العمرة صلح الحديبية.

كان عمل عهود مع قبائل من الأعراب؛ ست أو خمس قبائل: أسلم وأشجع وجهينة ومزينة وغفار، وبعضهم أضاف قبيلة اسمها الدئل؛ ست قبائل تقريباً أو خمس قبائل من الأعراب اللي حوالين المدينة. النبي صلى الله عليه وسلم عمل معهم معاهدات أن أي معركة هيخوضها النبي صلى الله عليه وسلم هم هيخوضونها معه. فالنبي صلى الله عليه وسلم أراد أن يذهب إلى العمرة، بعث إلى هذه القبائل أن يخرجوا معه. ليه يخرجوا مش رايح يحارب؟ حتى يمثلوا قوة أن العدد كل ما يزيد فقريش تخشى الحرب.

فالنبي صلى الله عليه وسلم عمل حاجتين: كان يريد أنه يكثر العدد وساق الهدي؛ ساق الهدي حتى يثبت لهم أنه لا يريد إلا العمرة، وكثر العدد عشان قريش لا تتعرض له بالحرب فتتم العمرة. فلما أغلب القبائل؛ بعض كتب السير عدت بعض أعداد بسيطة من الست قبائل اللي شاركوا؛ يعني فلان من فلان، الفلاني من قبيلة كذا، عشرة مثلاً من قبيلة كذا اللي شاركوا مع نسب القبائل الست، تخلف عن النبي صلى الله عليه وسلم، فده أحزن.

هذا الموقف أحزن المؤمنين، خلاهم يحزنوا ليه؟ أصبحوا زعلانين ليه المؤمنين؟ لأن كان نفسهم أن العدد كبير، خايفين أن العدد يقل فقريش تحاربهم والعمرة ما تحصلش، ويحصل غزوة ومعركة والمؤمنون مش مستعدون. وربنا بيقول لهم: هم مجرد مخلفات لا تلتفت إليهم. كما قال الله عز وجل لهم في تبوك أيضاً لما تخلفوا عنه: ﴿لَوْ خَرَجُوا فِيكُم مَّا زَادُوكُمْ إِلَّا خَبَالًا وَلَأَوْضَعُوا خِلَالَكُمْ يَبْغُونَكُمُ الْفِتْنَةَ وَفِيكُمْ سَمَّاعُونَ لَهُمْ﴾ [التوبة: 47]. ما تفترضش أن هو لما يبقى معك هيزود عددك، بالعكس، ده وجوده معك بالناقص؛ يعني كل ما عددهم بيزيد في جيش، كل ما القوة بتاعتكم بتقل، وجودهم بيمثل تناسب عكسي. أعداد المنافقين في وسط المؤمنين كلما بتزداد بيعملوا أثر عكسي على المؤمنين.

فسميَّهم الله عز وجل مخلفون لا تلتفتوا إليه. حاجة وُترمت، ما تفكرش فيهم خلاص، لا قيمة لهم. شوف الإنسان الذي لا ينصر دين الله عز وجل لا يساوي شيئاً وقاعد عشان يحافظ على حاجة معينة، أصبحت كل حياته لا قيمة لها، كل الحياة أصبح هو سماه الله عز وجل المخلف.

ثانياً: اسم مفعول، أن الله عز وجل هو الذي قذف الجبن في قلوبهم، أنهم لو أرادوا الخروج لأعدوا له عدة، ولكن كره الله انبعاثهم فثبطهم والعياذ بالله. يبقى أحياناً الإنسان لما بيتخلف عن شيء عظيم في الدين بيكون عقوبة؛ عقوبة لإعراضه، لسوء ظنه، لتردده، لريبته التي يعيش فيها، لأنه عايش في ريب، مش عايز أصلاً ينصر الدين، خايف جبان، فيعاقب بأنه لا يوفق للخروج. بل قيل أن هناك من وفق للخروج ولكن حُرِم من البيعة؛ الجد ابن قيس. من وسط ألف وأربعمائة واحد أو أكثر، كل الناس بايعت إلا الجد بن قيس، لم ينل هذا الشرف، البيعة بيعة الرضوان. تخيل واحد خرج ويحرم من هذا الأجر العظيم! فإذًا المخلفون أن أحياناً الإنسان والعياذ بالله يكون العقاب أنه يمنع من المشاركة في شيء عظيم لنصرته.

نسأل الله عز وجل ألا يحرمنا أبداً من نصرة دينه. سيقول لك المخلفون من الأعراب. قلنا الأعراب هم اللي حوالين المدينة، البادية التي حول المدينة وكانوا خمس أو ست قبائل.

طيب هيقولوا ايه؟ هو اللي حصل أن النبي صلى الله عليه وسلم لما خرج، قعدوا مع بعض كده قالوا: إيه يذهب إليهم في دارهم؟ وكانوا قريش كانوا يغزونه في عقر داره ويقتلون أصحابه، إذا كان كانوا هم لسه عندنا السنة اللي فاتت الأحزاب وكانوا هيموتونا، إنتم رايحين لهم هناك؟! إنما أصحاب محمد أكلة رأس، ده شوية صغيرين كده متجمعين؛ يعني لو اتجمعوا على راس شاي يدوبك ياكلوها وخلاص، أو راس إابل يدوبك ياكلوها، ده حاجة صغيرة خالص، كل همهم الطعام والشراب، ومجموعة صغيرة رايحين يعملوا إيه دول؟! فلن نخرج معهم. خافوا.

طب قالوا هنقول للنبي إيه صلى الله عليه وسلم؟ لو قلنا له الحقيقة أن احنا مش واثقين فيك، ومش واثقين في كلامك، ومش واثقين في أوامر ربنا، ومش واثقين في قوة المؤمنين، هيبقى كده ده بيطعن في إيماننا. إحنا نشوف حجة تانية. فقالوا: خلاص، لما يرجع النبي صلى الله عليه وسلم أول لما نجي نقول له إيه؟ شغلتنا أموالنا وأهلونا فاستغفر لنا.

عايزين نقف مع الكلمة دي أكثر من وقفة. أول حاجة هو الإنسان اللي بيشغله ماله والأهل والولد يشغلونه عن نصرة الدين، دي حاجة كويسة ولا حاجة وحشة؟ حاجة سيئة مش حاجة كويسة. طب هو معقول واحد يعتذر يقول على نفسه حاجة وحشة؟ يعني المنافقين رايحين يعتذروا فبدل ما يقولوا له مثلاً أن احنا كنا مشغولين بالعبادة مثلاً، أو أن احنا كناش متخيلين زي في غزوة أحد: ﴿لَوْ نَعْلَمُ قِتَالًا لَّاتَّبَعْنَاكُمْ﴾ [آل عمران: 167]، كناش متوقعين أن يحصل كده، كان ممكن يشوفوا عذر تاني. هم هنا اختاروا العذر ده ليه؟ ليه قالوا: شغلتنا أموالنا وأهلنا؟

أولاً: هل هذا عذر يقبل من المؤمن؟ يتكلم عن اللقطة دي. النقطة التانية: شوف المنافقين والخبث بتاعهم، هم بيعملوا هنا إيه؟ أول حاجة في مسألة هل ده عذر أصلاً؟ هل يقبل من المؤمن أن يقول: شغلتنا أموالنا وأهلنا؟ كان صاحب الظلال بيقول كلمة جميلة قوي، بيقول ايه؟ فللناس دائماً أهل وأمام؛ يعني طب ما كل الناس عندها أهل وأموال، يعني لو كل واحد قال: أصلنا ظروف شغلي منعتني من نصر الدين، طب ما كل الناس بتشتغل، أمال مين اللي ينصر الدين؟! لو واحد قال: أصل أنا بس أهلي دائماً مانعيني من نصر الدين، طب ما كل الناس عندها أهل، أمال مين اللي ينصر الدين؟! واحد قال: أصل أنا بس مشكلة التجارة والفلوس وعشان أحصل مال منعتني من وصول إليه، طب ما كل الناس عندها فلوس، أمال مين اللي ينصر الدين؟!

ودي إشكالية خطيرة جداً عشان نسكت الكلام ده على واقعنا: تسربت إلينا بعد ما أصبح فيه للأسف بعض يعني بعض العلمانية في التفكير في المجتمع وحصل فيه انفصال بين الدين والدنيا؛ بقى الدين واخد جنب، حتى الكليات الشرعية بعيدة عن الكليات التانية وسموا الكليات التانية علمية وكأن الشرع مش علم، وأصبح الإنسان لما بتخصص في مجال معين دنيوي مالوش علاقة بالدين، في حين أن كان علماء المسلمين عادي ممكن يبقى له وظيفة زي النحاس، دي وظيفة من النحاس والزجاج وغيرهم من.

حتى من اسمه كان له وظائف معينة، أو بيدرس علوم دنيوية معينة، لكن هو عالم في الدين. الفصل التام ده متأخر، فأصبح في حياتنا الوقتي من مثلاً واحد طبيب، أنت مش مطالب انك تنشر الدين، أمَال أنا هعمل إيه؟ أنت مطالب انك تبقى طبيب شاطر، متميز، فقط. يعني ما أتعلّمش مثلاً، لا لا لا.

طب أمَال هنكر المنكر إزاي؟ النبي صلى الله عليه وسلم قال بصيغة العموم، في عموميات في الدين، من رأى منكم منكراً فليغيره. في عمومات في الدين كتير في نص الدين، فالأمر بالمعروف والنهي عن المنكر في الدعوة إلى الله، العمومات دي هنوديها فين؟ لما الدكتور ما ينفعش يشتغل للدين عشان هو دكتور، والمهندس ما ينفعش يشتغل في الدين عشان هو مهندس، فلازم وظيفته الأساسية فقط إنه يبقى مهندس شاطر، والتاجر يبقى تاجر شاطر. أمَال مين اللي هيشتغل في الدين؟ بتوع الدين دول اللي هم إيه؟ الطائفة الصغيرة اللي الدولة بتختارهم وهي اللي بتديهم فلوس، هم مطالبين إن هم يقولوا للدولة عايزاه مثلاً؟ أمَال مين؟

طب ودول هيقدروا يغطوا أصلاً كل الدين في المجتمع؟ دول هيعيشوا وسط الناس في المجتمع؟ طب مين اللي هوصل؟ لو بتاع الدين ده أفترضنا إنه بيعرف يقوم بوظيفته أصلاً وإن هو بيجهر للحق، طب مين اللي هوصل للأطباء في مكانهم لو بتوع الدين يا بتوع الطب؟ مش هيتعلموا دينهم، هيعرفوا الصح وشرع إزاي؟ وبتوع الهندسة مين اللي هيعلمهم هم؟

أصبحت هذه الفكرة بتنتشر في المجتمع إن لا، أنت مش وظيفتك، أنت وظيفتك الطبيب المسلم، يعني إيه طبيب مسلم؟ يعني أنت مسلم؟ آه، بتصلي؟ آه، خلاص، أنت بقى هات آخِرك في الدنيا وفقط. طب أتعلّم دي؟ لأ، دين ربنا ده؟ فمن ينصر الدين إذاً؟ يعني لو كلنا فكرنا بالتفكير ده في واقع إنهزام رهيب الآن نحياه لا يخفى على أحد، والكل الدين هو اللي بيجي يهاجم الدين، بتوع الدين بس؟

يعني اللي بيعملوا مواقع إباحية واللي بيعملوا مواقع واللي ينشروا شبهات دول بتوع دين بس ولا كل الناس مسخرة جهودها وكل الأحزاب إجتمعوا لهدم الدين ده؟ حتى الفكر يعني، ده بفكرهم حتى، حتى إذا هم لم يفعلوا ذلك نحن ما ينفعش نعمل كده، ما ينفعش نفكر البطولة دي، ده غلط طبعاً، لكن الدين يهدم أن ما حدش ما لناش دعوة بالدين. ليه أنا دكتور؟ ما ليش دعوة. يعني أنت وظيفتك إيه؟ أنا مهندس. مهندس ما ليش دعوة بالدين. طب أنت تعلّمت حاجة مثلاً في الشرع؟ لأ. طب أنت علّمت أولادك سيرة النبي صلى الله عليه وسلم؟ لأ. طب أنت نصرت الدين؟ لأ. ليه؟ أصل أنا وظيفتك مهندس. فقط! فقط! التقسير دي جبناها منين يعني؟ فين في القرآن وفي السنة؟

مش احنا مسلمين؟ مصادر التلقي عندنا القرآن والسنة؟ فين التقسيمة دي؟ لو احنا كلنا فكرنا كده، من ينصر الدين إذاً هنسيبه لمين؟ يا إما الكليات المسؤولة إن هي بتتلقى بتوع الدين، الكليات الشرعية بتاخد مجاميع قليلة، وناس آه قليلة اللي بتخشها، وأصبح المجتمع بينظر لها نظرة دونية، وإن هو ما بيعاملش معاملة معظمة عند عموم الناس. أمَال مين اللي ينصر الناس؟ ده واقع من أحياه الآن.

فلما يجي كل حد نقول له ما بتنصرش دينك ليه؟ يقول أصل أنا مشغول، شغلتنا يا مولانا مشغول، مشغول بإيه؟ مشغول بقجارة يخشى فسادها ومساكن يرضاها أو بيحصل حاجة معينة، أو طب من ينصر الدين إذاً؟ أمَال مين اللي هيعمل؟ مين اللي ينصر الدين ومين اللي قال إن يستحيل جمع انك أنت تشتغل في دنيتك وتصلحها وتنصر دين ربنا؟ مين اللي قال إنك لازم تبقى أحادي في التفكير؟ مين اللي قال؟

يعني مش مثلاً أحياناً بنقول إيه، إذا لم تستطع فافعل كذا، أحياناً بنلزم الناس بالنظرة الأحادية دي، إنك أنت تشتغل في دنيتك فقط، بتشتغل للدين فقط، مين اللي قال التفكير ده؟ تفكير خاطئ، خاطئ. التفكير تسرب إلى المسلمين وأصبح الناس لا تبالي بالدين لأن مش وظيفتها، ومنتظرين إن في كلمة رجل دين دي مش موجودة عندنا في الإسلام أصلاً. في عندنا عالم، آه يسأل وهو فقيه في الشرع ماشي، لكن هو رجل دين هو المسؤول عن الدين بس؟ لأ، أنت ممكن أي شخص ممكن يتعلم العلم الشرعي ويسأل، بل يجب عليه بعض الأحكام الشرعية أن يتعلمها، كالصلاة والزكاة إن كان من أهل الزكاة، والبيوع إن كان من أهل.

يجب علينا أن نتعلم مثل هذه الأشياء. مسألة شغلتنا يا مولانا وأهلنا هم قالوها بلسانهم ونحن نقولها بأحوالهم ولسان حالنا وأفعالنا يقول هذه الكلمة. إذا سئل: لماذا لا تفعل كذا؟ لماذا لا تدعو إلى الله؟ ليه ما بتكلمش الناس اللي معك في الشغل؟ ليه رأيت المنكر في شغلك وعرفت؟ ليه ما فكرتش في الدعوة إلى الله؟ دي مش وظيفتي، أصله أنا مشغول، العربية، مشغولات تانية كثيرة جداً، دي مش من وظائفي. التفكير هو تفكير علمنة للمجتمع، تم علمنته وانتقلت إلينا وليس من الدين في شيء.

طيب، يبقى دي النقطة الأولانية، شغلتنا أموالنا وأهلونا، يبقى ده ما ينفعش يبقي عذر أصلاً، ما ينفعش المسلم يفكر كده، وده نقيصة في حق المسلم.

طيب، وأواخر سورة المنافقون، لأن دي أول درجة من دركات النفاق. ختام سورة المنافقون، سورة كلها بتتكلم عن النفاق وعن المنافقين، ربنا بيقول: يا أيها الذين آمنوا، السورة بتتكلم عن مين؟ المنافقين، والنداء هنا لمين؟ نستغرب إزاي السورة بتتكلم عن النفاق وربنا ينادي على أهل الإيمان، زي بالضبط: ﴿يَا أَيُّهَا الَّذِينَ آمَنُوا إِنَّ كَثِيرًا مِّنَ الْأَحْبَارِ وَالرُّهْبَانِ﴾ في الإسلام؟ لأ، في سورة التوبة: ﴿إِنَّ كَثِيرًا مِّنَ الْأَحْبَارِ وَالرُّهْبَانِ لَيَأْكُلُونَ أَمْوَالَ النَّاسِ بِLبَاطِلِ﴾ والأحبار والرهبان دول عندنا في الإسلام؟ أمَال ليه ربنا ينادي على الإيمان؟ حتى لا نتشبه بهم ولا نسير في طريقهم، فهم صدوا عن دين الله بهذه الأفعال: ﴿لَا تَكُونُوا كَالَّذِينَ تَفَرَّقُوا وَاخْتَلَفُوا﴾ فمش معنى الإنسان مؤمن إنه خد ختام الإيمان إلى أن يموت والعياذ بالله، قد يرتد. هنا ربنا بيقول: يا أيها الذين آمنوا، في ختام سورة المنافقون: لا تلهكم أموالكم ولا أولادكم عن ذكر الله.

يبقى إذا كان ربنا بيقول لنا في آخر آخر سورة المنافقون إن الصورة البشعة للنفاق اللي أنت شايفها دي كانت بدايتها إيه؟ بدايتها الانشغال عن نصرة دين الله، الانشغال عن ذكر الله، ما له بالاهل والولد. الصورة اللي أنت مستبشعها، اللي أنت بتسمعها عن سورة النفاق، اللي لما ربنا بيقول لهم في سورة النفاق: تعالوا يستغفر لكم النبي صلى الله عليه وسلم، لوا رءوسهم، مش عايزين النبي صلى الله عليه وسلم يستغفر لهم، وصلوا لمرحلة بشعة من النفاق في سورة المنافقون، ويتكلموا يعني بصورة سيئة عن النبي صلى الله عليه وسلم وعن المؤمنين.

الصورة البشعة دي كانت بدايتها إيه؟ ما تفترضش إنه نقل عن النفاق مرة واحدة، جاب يعني جاب الرابع مرة واحدة في النفاق، لا، هو قعد يسقط في هذه الدركات. بدأت إزاي؟ بالانشغال: لا تلهكم شغلتنا أموالنا وأهالينا. يبقى إذاً دي شغلتنا يقولها أهلنا، ده مش عمق النفاق، ده إيه؟ الدركة السلم الأولى في مستنقع النفاق، خلاص؟

يبقى احنا عايزين نفهم بس إيه تصور كل حاجة وضعها إيه في الدين، اللي بينشغل بدنياه عن نصرة دينه في وقت الدين يحتاجه، هو عينا حاجة عينية عليه في الدين، ولا يلتفت والدين محتاجه هو شخصياً وينفصل عنها ليهتم بدنياه فقط، دي أول درجة في سلم النفاق، لأن النفاق هو فكر المصلحة. اتكلمت عن النفاق بصورة أوسع في درس متى يتكلم من الفقه، النفاق هو المصلحة الشخصية وفقط، ما لوش أي عقيدة ولا مبدأ ولا أيديولوجية، هو مصلحته الشخصية وبس، اللي بيكسب هو معه.

يعني هو معه، مش مثلاً بيلبس مثلاً تيشرت معين وبيشجع فريق معين، لأ، هو بيشجع كل الفرق وعنده في البيت كل التيشيرتات، اللي بيكسب بيروح يلبس التيشيرت بتاعه ويمشي معه. كل الرايات، اليهود والنصارى والمنافقين عادي، وممكن يتحول في أي لحظة، لأن هو المبدأ اللي بيحركه مصلحته الشخصية، فأول ما بتقدم مصلحتك الشخصية على دينك، أنت بدأت تنزل تنزل في المستنقع ده.

يبقى هي ده مش عمق النفاق، ده أول درجة في مستنقع، أمَال اللي بعد كده؟ خلينا نرسم دركات النفاق، المستنقع اللي بعد كده أو السلمة اللي بعد كده في النفاق، إنه يبدأ، اللي بيحصل إزاي؟ إن هو مشغول، دينك محتاج، مش مهم الحق، المسلمين بيحصلهم كذا، وأنا مالي مش عارف إيه كذا، طب أنا أصل أنا والله مش فاضي أصلاً.

وفي الأول بيتألم، بعد كده الألم ده يتوقف: ويسألون عن أنبائكم، آخره إنه بيسأل بس، يبقى يعني عايز يطمن بس على الإسلام من بعيد، وهو مشغول ما بيعملش حاجة، شوية بيبيع القضية خالص، يعني ما عادش حتى بيسأل، ما حدش حتى بيسأل إيه اللي بيحصل في سوريا ولا إيه اللي بيحصل للمسلمين ولا شاغل باله أصلاً، يعني في الأول كان مشغول وفي صدره بعض لذلك الإمام ابن عاشور لما نيجي نتكلم اختار أن دول ما كلوش لسه منافقين، كانوا ضعاف الإيمان، ولما كانوا قالوا فلان كانوا بيتكلموا بجد، خلاف جمهور المفسرين قالوا إن هم كانوا يكذبون، وهنتكلم على الفرق ما بينهم، فممكن واحد في الأول يبقى مشغول وزعلان إنه مشغول، شوية أصبح مشغول ومش في دماغي، دي دي الآي الدركة أو السلمة التانية في مستنقع النفاق.

التالتة بقى اللي هي آخر حاجة، مش إنه عاد إنه مشغول أو إنه باع القضية، لأ، كفر بالقضية أصلاً، يعني أصبح فاقد الأمل أن الدين ده ينتصر أساساً، شايف إنه كان ماشي في قضية خسرانة، شايف إن يعني الدين ما يستاهلش أن أنا أحط أموالي وحياتي فيه، ليه؟ دي قضية خسرانة، ده تفكير خاطئ، فاصبح إن الدين ده يعني بالرغم من إن هو ممكن لسه يحافظ على الإسلام الخارجي، لكن فكرة إن احنا ننصر الدين وأن الإسلام هجي عليه وقته وينتصر، الكلام ده طلع كلام فارغ، احنا اتضحك علينا.

ما وعدنا الله ورسوله إلا غروراً، احنا اتضحك علينا، طب واللي لسه مصدقين من أهل الإيمان؟ غر هؤلاء دينهم، الناس دي مضحوك عليهم، عايشة بس في وتقعد تفتكر بصلاح الدين والقصص وكده وخيبر خيبر وأه ده ناس مصدقة عايشة في الوهم، خليهم عايشين كده، الناس تقدمت وطلعت، انسى أن الإسلام ينتصر، ده كفر بالقضية وأصبح يسيء الظن أن الله عز وجل ينصر دينه، يقول لك مستحيل يحسب الأسباب يقول مستحيل ده هيحصل، دواهم وكفر بالقضية، مش لا مبالاة لا أصبح كافر بهذه القضية.

دي المرحلة التالتة اللي هو بيسيء الظن في الله، عشان نفهم بقى الخطة الخبيثة اللي عملوها المنافقين هنا، المنافقين هم في أنهي درجة دلوقتي؟ لا، ما عادش غير الثالثة بقى. أيوه، المنافقين أصلاً في الدرجة الثالثة، في مستنقع نفاق، لأن ربنا قال لهم زي ما يجي الآيات بقى: ﴿كُنتُمْ كَذَّابِينَ * وَظَنَنتُمْ ظَنَّ السَّوْءِ﴾ بل ظننتم ألا ينقلب الرسول والمؤمنون إلى أهلهم إيه؟ أبداً.

أنتم جواكم شايفين إن الدين ده لا يمكن ينتصر، مستحيل وظننتم ظن السوء، وظننتم في ربنا ظن السوء. يبقى هم فين؟ الدرجة التالتة، عايزين يظهروا ويحسنوا مظهرهم فبيقولوا على نفسهم إن هم فين؟ في الدرجة الأولى، وده من الخبث، عارف اللي بيعمل كبيرة وبعدين لو قال إن هو طائع الناس مش هتصدقه فيدعي إنه من إيه؟ من أهل اللمم، وإيه يعني وما علش، لا، فارق هين بين الاتنين، فاهمين الحركة الخبيثة اللي المنافقين بيعملوها هنا؟

يعني غير غير أماكن تانية في سور تانية دايماً المنافق يشتد خبثاً وضعفاً على حسب قوة أهل الإيمان، سورة الفتح للمؤمنين لما عملوا صلح مع قريش حققوا قوة، لأن أكبر قوة من في جزيرة العرب تعترف بهم، كده المسلمين أبحوا قوة، فالمنافق يزداد خبثاً وضعفاً، يعني كل ما بيضعف كل ما بيشغل الخبث أعلى، لأنه عايز يروج. كل ما المنافقين يبقوا لسه مستضعفين ولسه لم يمكنوا، المنافق بيجهر بكلمات ما كنتش مش جايها، أصلًا كت أكيد ما فيش حرب زي أحد كده قعد يرجع بتلت الجيش في نص المعركة ويقوم راجع.

لكن دول أحبوا إيه في حركة خبيثة يقولوا لا لا احنا ما احناش ما تقولوش علينا منافقين قوي كده، احنا إيه يعني أذنبنا ذنب بسيط، إيه المشكلة؟ ما كلنا بنغلط. يعني هاقول لكم الفرق عشان برضو يبقى أوضح، عارفين الفرق ما بين المنافق المغموص في النفاق اللي تخلف عن غزوة تبوك وبين التلاتة اللي تخلفوا؟ اللي هو كعب بن مالك ومرارة بن الربيع وهلال بن أمية، التلاتة دول الفارق ما بين التلاتة دول اللي ربنا نزل توباتهم، نزل توبتهم، أنزل توبتهم في سورة التوبة وقعدوا يبكوا، وبين المغموس في النفاق اللي مش في دماغه أصلاً وكان شايف أن دول رايحين للروم هيضيعوا نفسهم وهيهلكوا نفسهم، هو ده الفارق ما بين الدرجة الأولى والدركة التالتة.

فأحياناً المنافق يبقى عايز يقول إيه: آه، أصل أنا زي دول، أنا زي التلاتة دول، لا، أنت مش زيهم، مختلف عنهم تماماً، لذلك لما جم يعتذروا في سورة التوبة في غزوة تبوك، لما جم يعتذروا للنبي صلى الله عليه وسلم، منافق ورا منافق ورا منافق، رسول الله سابهم، أول لما جه كعب بن مالك قال:

أما هذا فقد صدق. يعني إيه؟ يعني بقى دول كلهم كذابين بالرغم من أنهم كانوا بيقولوا نفس العذر اللي قاله كعب بن مالك؛ لأن أنا شاغلني عذر في مالي، وأنا ندمان، وأنا نفس الكلام اللي بيقولوه. لكن هو ده كان صادق فعلاً. يعني أحياناً أنت تقع واقعة في الدين فعلاً، أنشغلت بمالك وأهلك وولدك عن نصرة الدين، قدمت مصلحتك الشخصية على نصرة الدين، فبيبقى ذنب. الحل أنك تعمل إيه؟ تقوم بسرعة، يعني أنت كده بدأت تنزل في النفاق. الحق نفسك واطلع، اطلع. ده بيسموه ضعف الإيمان، مريت بمرحلة ضعف إيمان. دول فضلوا تحت لغاية لما وصلوا لآخر مستنقع النفاق.

لكن هو عايز يحسن صورته، فبيقول: لا لا لا، أنا مش الصورة الوحشة قوي دي، أنا مش وحش قوي كده، أنا بس ذنب بسيط عملته شغلني وأنا جاي ندمان أهو بقول لك استغفر. عرفنا الفرق؟ عرفنا الحركة الخبيثة اللي بيعملوها إيه؟ أنتم معي ولا مع الناس التانيين؟ شغلتنا أموالنا وأهلنا فاستغفر لنا. لذلك كذبهم الله، قال الله عز وجل لهم: ﴿شَغَلَتْنَا أَمْوَالُنَا وَأَهْلُنَا فَاسْتَغْفِرْ لَنَا﴾ [الفتح: 11]، يكون بألسنتهم ما ليس في قلوبهم.

مع أن القول يكون باللسان. احنا قلنا القرآن الأصل فيه الإيجاز، فكان ممكن ربنا يقول: يقولون ما ليس في قلوبهم. لضبط ألسنتهم، ليبين لنا الله عز وجل أن هذا الكلام لم يتعدى اللسان إلى القلب، هو مجرد كلام في اللسان وفقط. يقولون بألسنتهم ما ليس في قلوبهم. لا هم نندمانين، ولا بيطلبوا استغفار، ولا شغلتهم أموالهم، ولا أي حاجة. بقى نشوف الرد اللي جه عليه يعني قل. كلمة قل دي اعرفك أن الداعية لا يفقد أمل في أي أحد. حتى اللي وصل لمستنقع النفاق. حتى اللي وصل لمستنقع النفاق، يعني نروح نرد عليه وندعوه إلى الله؟ أه نروح نرد عليه وندعوه إلى الله، يعني ما أقولوش طب خلاص خلاص، وأصلاً أنا فاقد الامل فيك أصلاً، وأنت ما تستاهلش ولسه لأ.

يعني أو عظه؟ أه أو عظه. وقل لهم في أنفسهم إيه؟ قولا بليغا وعظهم. ربنا بيقول للنبي صلى الله عليه وسلم على المنافقين اللي وصلوا لمستنقع النفاق، أه كلمهم، علمهم يتوبوا، جايز يتوب قل. لكن لما تيجي تنصحهم، تيجي تقوم بالوعظ معهم لازم تبقى أنت فاهمهم. يعني ما ينفعش يقول لك شغلتنا أموالنا، تقول له طب خلاص والمرة الجاية خد بالك ما تخليش أهلك ما تصدقوش، أنت لازم تبقى فاهمه.

ربنا لما علم النبي صلى الله عليه وسلم كيف يعظهم وكيف أه ينصحهم، كلمهم عن حاجة تانية خالص، كلمهم عن السبب الرئيسي اللي خلاهم يقعدوا. هو في مانع رئيسي خلاهم يقعدوا، وفي كذبة قالوها للنبي صلى الله عليه وسلم بإيه؟ بيجلبوا بها على النبي صلى الله عليه وسلم. القرآن دايماً بيعالج القضية الرئيسية، يعني دايماً زي وده كتير في القرآن أن الرد زي لما قالوا في سورة النساء قالوا: ربنا لم كتبت علينا القتال؟ ليه كتبت علينا القتال؟ سؤال، ليه ما كتبتش لنا؟ كان ممكن يترد عليه؛ لأن القتال أمر مهم، وأي أمة تترك القتال تعيش في ذل وصغار، وأن لابد دائماً بين الصراع وبين الحق والباطل، سؤال ممكن يتجاوب عليه إجابات، فربنا قال لهم قل إيه: ﴿قُلْ مَتَاعُ الدُّنْيَا قَلِيلٌ﴾ [النساء: 77]. ما تقعدش بقى تسأل ليه القتال وكان ممكن دعوة وممكن أجل وايه فقه الأولويات؟ هو مش ده اللي جوه؟ هو اللي جوه أنه حريص على الدنيا.

فانت الحل دايماً الداعية يبقى عنده فقه، يشوف إيه الدافع الرئيسي اللي خلاه يقول الكلام؟ ما انشغلش بالكلام اللي بيتقال. يعني أحياناً واحد مَذيع مثلاً أنت عارف أن هو من كلامه وكرهه للشريعة، يعني بدا من أفواههم يعني الآلاف الكلام اللي ضد الدين، وما تخفي صدورهم أكبر وهو مغموس في النفاق، أنت عارف من كتر اللي ما هدم به الدين، وحاول يهدم به، ويجي في مرة يستضيف شيخ ويسأله: أنت ممكن تشرح لنا هو ليه الدين قال لنا نعمل كذا؟ وأصل احنا مش أنا حاسس أن في ناس عندها شبهة.

هو ده محتاج ترجع أصلاً معه وتكلمه أن في إله وأن في شرع وأنا لازم نلتزم بدين الله، ما تكلموش على الجزئية اللي بيطرحها أبدًا أبدًا، ما تنخرطش معه في جزئيات. يعني أنت كده بتضيع وقتك وبتضيع نفسك معه، وهو دي مش مشكلته الرئيسية، هو مش مشكلته في الحكم الشرعي. طب وهنعمل إيه في السياحة صحيح؟ طب لو طب أصل احنا حاسين احنا نفسنا والله نطبق، بس عندنا إشكالية. هو مش نفسه يطبق الشرع ولا حاجة، وهو له يعني أه سنوات يحارب الشرع، فانا ما ينفعش أصدقه وأقول له أه فعلاً. فمش أي دعوة ولا أي كلام من النفاق أصدقه.

المنافقين في فترة من المراحل من شدة ضعفهم عملوا مسجد، بنوا مسجد، مش بنوا أه أه مثلاً مكان فيه خمر ونساء، لا، بنوا مسجد. شوف هو ممكن يحارب دي ازاي؟ مسجد ضرار. فمش معنى أن بنى مسجد أن أنا أصدقه. هو كل ما المسلمين يكونوا في قوة، كل ما يراوغ أكثر. الرد عليهم: قل المانع الرئيسي أن هو خايف على نفسه، وأن هو مش واثق في قدرة ربنا.

المانع الرئيسي إيه؟ حاجين، خايف الأذى، دائماً النفع والضر المحرك الرئيسي لأي إنسان. كلما ازدادت عقيدة الإنسان يقيناً لأن الله عز وجل هو وحده سبحانه الذي يملك النفع والضر، كلما زادت هذه العقيدة في قلب المؤمن وازدادت يقيناً في قلب المؤمن، كلما زاد انطلاقه. والنقيض باللمس: كل ما اليقين بتاع الإنسان قل أن الله يملك نفع وضرر، كل ما قل انطلاقه لنصرة الدين. وهم ما عندهم أصلاً في مسألة النفع والضر، هو خايف على نفسه تماماً، وفي نفس الوقت مش واثق في قدرة ربنا، فكان الكلام معهم في الحاجتين دول، أن النفع والضر بيد الله، وأن الله يملك السماوات والأرض: ﴿قُلْ فَمَن يَمْلِكُ لَكُم مِّنَ اللَّهِ شَيْئًا﴾ [الفتح: 11].

تخيل عايز تتخيل كده منافق جاي للنبي صلى الله عليه وسلم بيقول له إيه: شغلتنا أموالنا وأهلنا فاستغفر لنا. أنا عايز أتخيل الحوار كان متوقع المنافق أن النبي يقول له إيه؟ قم يغفر الله لكم، أنت جاي تطلب والمنافق ممكن يقول إيه؟ مش ربنا قال أه لو أنهم جاءوا أه اللي هي في سورة النساء اللي هي: ﴿وَلَوْ أَنَّهُمْ إِذ ظَّلَمُوۡا أَنفُسَهُمْ جَاؤُوكَ فَاسْتَغْفَرُوا اللَّهَ وَاسْتَغْفَرَ لَهُمُ الرَّسُولُ لَوَجَدُوا اللَّهَ تَوَّابًا رَّحِيمًا﴾ [النساء: 64]. طب أنا ظلمت نفسي وجيت وعايزك وباستغفر ربنا وعايزك تستغفر لي، أنا بأطبق الآية أهو ما عملتش حاجة غلط، فاستغفر لنا. هو خبيث وبيلعب، متخيل جاي للنبي صلى الله عليه وسلم يقولوا كده، النبي صلى الله عليه وسلم يقول له إيه: ﴿مَن يَمْلِكُ لَكُم مِّنَ اللَّهِ شَيْئًا إِنْ أَرَادَ بِكُمْ ضَرًّا أَوْ أَرَادَ بِكُمْ نَفْعًا﴾ [الفتح: 11].

يفاجأ ويعلم أن هذا النبي من عند الله، أن يطلع على القلوب، الذي يعلم خبايا الصدور، فعلاً أن هذا النبي مرسل من عند الله: ﴿أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ﴾ [الملك: 14]. النبي صلى الله عليه وسلم يواجهه بالمانع الرئيسي من الخروج، القضية مش قضية أموال وأهله وانشغال أبدًا، فاقد الثقة أصلاً في نصرة الدين، أنت أصلاً مش بايع القضية، أنت كفرت بالقضية أصلاً.

بيقول له: ﴿مَن يَمْلِكُ لَكُم مِّنَ اللَّهِ شَيْئًا إِنْ أَرَادَ بِكُمْ ضَرًّا أَوْ أَرَادَ بِكُمْ نَفْعًا﴾ [الفتح: 11]، وبدأ بالضر قبل النفع، من أراد بكم ضرا أو أراد بكم نفعا. يعني أنت قعدت عشان تحافظ على نفسك، وما يدريك أن الضر قد يصيبك وأنت في بيتك؟ أنت قعدت عشان تدعي أنك جلست لتحافظ على أهلك وولدك، وما يدريك أن الضر يصيبك في أهلك وولدك وأنت بجواره؟ وما يدريك؟ ﴿مَن يَمْلِكُ لَكُم مِّنَ اللَّهِ شَيْئًا إِنْ أَرَادَ بِكُمْ ضَرًّا أَوْ أَرَادَ بِكُمْ نَفْعًا﴾.

بل، ده بيسميه حرف إضراب، أي دعك مما تقول فإن الله بما تعملون خبيراً. بل كان الله بما تعملون خبيراً. الله دائماً الخبير بيجي مع بواطن الأمور، دائماً الخبير في القرآن؛ لأن الخبرة ولله المثل الأعلى للخبرة عند الإنسان تيجي امتى؟ لما يجرب حاجة كذا مرة، يسمى واحد خبير، امتى؟ معه شهادة خبرة أنه جرب الحاجة كذا مرة، فعرف الآيه؟ بواطن الأمور. الكليات بتاعت الحاجة، ما عادش بيقيس الحاجة من الخارج، فدائماً الخبير اسمه الخبير يجي مع بواطن الأمور.

فأنتم تخفون، أنتم تقولون استغفر لنا، لكن أنتم تخفون في صدوركم شيئاً ما يعلمه الله. بل كان الله بما تعملون خبيراً. ما هو هذا الشيء الذي يخفونه؟ ﴿بَلْ ظَنَنتُمْ﴾ [الفتح: 12] القضية مش قضية أهل ولا وانشغال ولا مال ولا أي حاجة، ﴿أَلَّا يَنقَلِبَ الرَّسُولُ وَالْمُؤْمِنُونَ إِلَى أَهْلِهِمْ أَبَدًا﴾ [الفتح: 12].

وصل لمرحلة المعتقد أن الدين هينتهي، وأن النبي صلى الله عليه وسلم ومن معه جميعاً سيقتلون. ده كان في الأول بالنسبة لهم إيه؟ بل إيه؟ بل ربنا قال بل إيه؟ بل ظننتم. بدأ بالأول بإيه؟ بظن، بعد كده بقى إيه؟ بل ظننتم ألا ينقلب الرسول والمؤمنون إلى أهلهم أبداً، ها؟ وزين ذلك لأ عايزين نمشي بالترتيب ظننتم أن لا ينقلب الرسول من إليهم أبداً. زين ذلك في قلوبكم وظننتم ظن السوء كنتم قوماً بوراً.

أربع مراحل، المرحلة الأولية النبي صلى الله عليه وسلم جمع المؤمنين وقالوا احنا هنطلع، قال لك لا، مستحيل الناس دي ترجع، مستحيل هيروحوا فين؟ وازاي؟ ده هم كانوا عندنا السنة اللي فاتت، كانوا هموتونا، مستحيل يرجعوا، أكيد شكلها هي بالحسابات كده هو لسه عمال إيه عمال يحسبها كده. طلع النبي صلى الله عليه وسلم سابهم وطلع، بعد كده هو ظن إيه؟ أن أول أول حاجة ظن ظن واحد بس، أن النبي صلى الله عليه وسلم المؤمنين مش هيرجعوا. يبقى ظن في إيه في نقطة واحدة بس. هو أنتم كده مركزين؟ يعني المشكلة عندي ولا يعني طيب كنا بنقول إيه.

طيب صلوا على النبي، مروا بأربع مراحل. أول حاجة خد بالك القرآن أه بيعمل زي تشريح نفسي للمنافق عشان احنا نتعلم لما نقع في أول واحدة نرجع على طول. بل ظننتم، أول حاجة النبي قال لك لا لا لا، مستحيل يرجعوا. ظن في نقطة واحدة بس لظننتم ألا ينقلب الرسول والمؤمنون إلى أهلهم أبداً.

رقم اتنين: عجبه الموضوع، أنك تخيل لو ما رجعوش، الله! ما عادش بقى فيه دين ولا شريعة ده احنا نهيص، وأيه؟ وزين ذلك في مبسوط أو أه قعد اتبسط، قعد يعني ايه؟ يبص يتخيل واتبسط؛ لأنك أنت بتدعي أن ربنا يحبب إليك الإيمان وأه يزينه في قلبك، وده فرق بين المؤمن والمنافق. احنا برضه طول ما احنا عايزين في الصورة كده كنا عملنا مقارنة ما بين أنزل السكينة وبين قاذف الرعب، هنا برضه ما بين تزيين الباطن تزيين الشيطان للباطل في قلب المنافق، وأن الله يزين الإيمان بقلب الوالد، فبعد كده المؤمن يحب الطاعة، ما عادش بيجاهد بقت مزينة في قلبك، بقى بيستمتع: اللهم حبب إلينا الإيمان وزينه في قلوبنا، وكره إلينا الكفر والفسوق والعصيان. يعني دي مرحلة أعلى حتى من حب الطاعة، أن تزين لك الطاعة، مش بس بتحبها أنت بتجري عليها ومبسوط، وبقى العكس بعد ما ظن الظن الأول ده، والشيطان قاعد يقول له: تخيل لو ما رجعوش والإسلام يخلص ترجعوا تاني وتعملوا وبلا بقى مشاكل بقى ولا حروب ولا جهاد ولا ولاء وبراء، وشهوات بقى وأيه وبراحتنا بقى خلاص. وزين ذلك في قلوبكم في قلوبكم.

الخطوة التالتة: ﴿وَظَنَنتُمْ ظَنَّ السَّوْءِ﴾ [الفتح: 12]. فبعض المفسرين وقف هنا، طب إيه الفارق ما بين ظننتم ألا ينقلب الرسول أبداً؟ بعضهم قال هو هو نفس الظن، أن السوء هنا ما هو السوء؟ هل هو عدم رجوع النبي صلى الله عليه وسلم؟ ما هو السوء؟ ما هو ظن السوء؟ قالوا إيه؟ عدم رجوع، وده بيسموه التكرير للتأكيد، يتكرر نفس المعنى عشان إيه تأكد.

لكن دايما احنا عندنا قاعدة في القرآن غالباً يعني أن في حاجة اسمها عندنا إيه؟ التأسيس أولى من التأكيد. يعني إيه التأسيس أولى من التأكيد؟ يعني لو الآية تدي معنى تاني تأسس معنى جديد نختاره بدل ما يبقى تأكيد. يعني لو أنا عندي اختيارين في الآية في خلاف ما بين قول بيديني معنى جديد خالص غير اللي أتقال، وقول أن ده معنى مكرر، تكرير، هم، عشان التأكيد. لا، الأول أن أنا بتقول إيه؟ المعنى الجديد تأسيس أولى من التأكيد.

هنا معناه مش بس عدم رجوع النبي صلى الله عليه وسلم والصحابة، أن الدين ده هيندثر، ولن تقوم له قومة، ولن يبعث الله عز وجل أحداً أبداً، وأن دي خلاص خلص تماماً. مش مجرد عدم الرجوع، لأن الموضوع انتهى خالص وما عادش فيه دين إلى خلاص الموضوع انتهى تماماً. يعني واحد بدأ بظن في نقطة معينة أن النبي صلى الله عليه وسلم والمؤمنين هيتغلبوا ومش هيرجعوا. عجبه الموضوع؟ قال لك طب ليه تبقى على قد أن هم ما، طب ما فيش دين خالص؛ لأن كان لسه في مؤمنين موجودين مش كلهم مثلاً طلعوا أو مؤمنين في أماكن تانية، قال لك الإيمان هينتهي تماماً خلاص، ما عادش يبقى فيه إيمان أبداً في أي حتة، ولا أي بقى مؤمن كان موجود مستضعف هيرجع ينصر دين، وأن الإيمان ينتهي تماماً تماماً.

هذا الظن السوء، ﴿وَكُنتُمْ قَوْماً بُوراً﴾ [الفتح: 12]. لما وصل للمرحلة دي أصبح البور، الأرض التي لا تنتج أبداً، لا خير فيها. ما عادش بيعمل أي طاعة، ونجد هنا أن في ترابط بين الظن السوء وقوماً بوراً. كل ما تسيء الظن في الله، كل ما ما عدتش تعمل طاعات. يعني مثلاً بعض الناس.

يجيله إحباط من الواقع اللي هو عايشه، عمال يسمع الأخبار في سوريا وفي بورما وفي كل حتة وفي جنبه وفي بلده، وفي كل حتة عمال يسمع أخبار سيئة، طيب وبعدين؟ مافيش أمل. طب ولزمته إيه إن أنا أتعلم ولا أحفظ قرآن ولا أمر ما أعرفش ما حدش ليها لازم؟ فيبدأ يسيء الظن.

أول لما يسيء الظن يبقى ما عادش ينتج، كل ما الظن السيء بيزداد كل ما يبقى قوماً بوراً. كل ما عنده حسن ظن بالله وأن ربنا مش هيضيع أبداً جهد المؤمنين، وأن مافيش حاجة بتضيع عند ربنا ولو بعد مئات السنين وعنده أمل تلاقيه بينطلق وبينتج. وكل ما يسيء الظن كل ما يحبط ويقعد ما يعملش حاجة مافيش أمل، بيبقى قوماً بوراً، أي لا خير فيهم خلاص. بعضهم قال البور أي قوماً هلك في جهنم.

هل يعني كنتم قوماً بوراً؟ يعني يدخل جهنم ويهلك. زي الأرض لما بتتحرق كده وتبقى أرض بايرة ما عادش تنتج أبداً. وقيل قوماً بوراً أي لا يفعلون أي طاعة، وده الأولى بالسياق. كل ما الإنسان والعياذ بالله يزداد سوء ظن بالله كل ما يبتعد عن الطاعات ما عادش يعمل حاجة. تجد دايماً في علاقة بين البشرى والأمل والطاعة؛ عندك بشرى وأمل وحسن ظن بالله تلاقيك منطلق، واحد كده ما بيعملش حاجة تلاقيه قاعد محبط، محبط، كل حاجة بالنسبة له لازمتها إيه؟ إيه يعني اللي حصل يعني؟ ما حدش هيسمعني، وأيه يعني لو أي حاجة، ولا أي لازمة؟ خلاص فقد الأمل محبط، ده سوء ظنه بالله حيث لا تشعر، سوء الظن بالله أن ربنا هيضيع عملك.

أنت عبد للملك سبحانه وتعالى قم وافعل الطاعة مهما كانت الأوضاع، قم واتحرك ما تبقاش سيء الظن بالله، أن ممكن الإنسان يبقى والعياذ بالله بور ما حدش يعمل أي حاجة خايف يعمل كذا لاحسن يحصل كذا، وخايف يتحرك في الدعوة لاحسن يحصل كذا، وخايف عنده سوء ظن في كل حاجة، فتلاقيه ما يعملش أي حاجة. خايف، محبط، مرعوب، مفزوع، مش عايز يعمل حاجة، مشاعر معينة مسيطرة عليه في الآخر بيبقى إيه؟ قوماً بوراً والعياذ بالله، ﴿وَظَنَنتُمْ ظَنُّ السَّوْءِ وَكُنتُمْ قَوْماً بُوراً﴾.

قال الله عز وجل: ﴿وَمَن لَّمْ يُؤْمِن بِاللَّهِ وَرَسُولِهِ﴾، أي ومن لم يؤمن بأن الله قادر وأن الله سوف ينصر رسوله، ﴿فَإِنَّا أَعْتَدْنَا لِلْكَافِرِينَ سَعِيراً﴾. الإيمان هنا ﴿ومن لم يؤمن﴾ المقصود بالإيمان المخصوص مش الإيمان العام، أي من لم يؤمن في اللحظات الصعبة الضيقة أن الله قادر، ومن لم يتبع النبي صلى الله عليه وسلم في هذه اللحظات فسوف يهلك. أحياناً بتيجي مراحل اختبار زي الإسراء والمعراج كده؛ في ناس ارتدت بسبب الإسراء والمعراج، بتيجي مواقف أنت مطالب أن تصدق بقدرة الله، تؤمن بقدرة الله وتصدق بالنبي صلى الله عليه وسلم، ﴿وَمَن لَّمْ يُؤْمِن بِاللَّهِ وَرَسُولِهِ فَإِنَّا أَعْتَدْنَا لِلْكَافِرِينَ سَعِيراً﴾.

كان الزمن هنا بيقول لفتة جميلة بيقول إيه؟ كان المتوقع السياق يجي إزاي؟ ومن لم يؤمن بالله ورسوله فانا أعتدنا لهم سعيراً، نيجي بالضمير إيه؟ له. لكن ربنا قال في إيه؟ أنا أعتدنا للايه؟ للكافرين. حول الضمير إلى اسم إيه؟ ظاهر. وده اسمها إيه؟ احنا كنا شرحناه قبل كده، إيوا الإظهار في موضع اسمها إيه؟ بعد المغرب في المسجد، اسمها إيه الإظهار في موضع الإضمار. يعني أن الأصل أن كان يجي ضمير لكن جه اسم ظاهر. ليه؟ بيقول لفتة جميلة جداً، بيقول حتى يعلمنا الله عز وجل أن الذي يفرق بين الإيمان بالله وبين الرسول هو كافر، وأن المؤمن يجب أن يؤمن بالله سبحانه وتعالى وبالرسول، ﴿وَمَن لَّمْ يُؤْمِن بِاللَّهِ وَرَسُولِهِ فَإِنَّا أَعْتَدْنَا لِلْكَافِرِينَ سَعِيراً﴾.

فبيقول المقصد من الآية أن حتى تصبح مؤمناً لابد أن تؤمن بالرسول صلى الله عليه وسلم، حاجة اسمها أنا مؤمن بربنا بس لأ النبي صلى الله عليه وسلم ده كافر، الشهادة حاجتين؛ أشهد أن لا إله إلا الله وأن محمداً رسول الله صلى الله عليه وسلم. ومن لا يؤمن بالله ورسوله فإنا أعتدنا للكافرين سعيراً.

يبقى المشكلة الأولانية أن هو خايف خايف على نفسه، فاتقال له: ﴿قُلْ فَمَن يَمْلِكُ لَكُم مِّنَ اللَّهِ شَيْئاً إِنْ أَرَادَ بِكُمْ ضَرّاً أَوْ أَرَادَ بِكُمْ نَفْعاً﴾. بل كان الله بما تعملون خبيراً، بل ظننتم.

المشكلة التانية مش واثق في قدرة ربنا ﴿وَلِلَّهِ مُلْكُ السَّمَاوَاتِ وَالْأَرْضِ﴾. تخيل لسه بعد كل ده ربنا بيديهم أمل؛ منافقين في الدرك الأسفل في مستنقع النفاق، ظنوا أن الدين هيخلص، يحبون أن ينتهي الدين، زين ذلك في قلوبهم، ولسه ربنا بيقول لهم في أمل للمغفرة. بل ختام الآية المغفرة ﴿يَغْفِرُ لِمَن يَشَاءُ وَيُعَذِّبُ مَن يَشَاءُ وَكَانَ اللَّهُ غَفُوراً رَّحِيماً﴾.

كل ده جت بعد كلمة قل لما قالوا كلمة واحدة: شغلتنا أموالنا وأهلنا فاستغفر لهم. كان ممكن نعرض عنه. هكذا يكون الخطاب القرآني الإصلاحي، هكذا يكون الوعظ الصحيح، أنت ممكن تقعد تكلمهم كلام كتير وما يستفيدوش منه، لأ أنت بتكلم كلام يدخل القلب، كلام يقولوا في أنفسهم قوْلاً بليغاً، بليغاً أن يبلغوا إلى قلوبهم، مافيش أي كلام وخلاص. تلات آيات هما قالوا كلمة واحدة ترد عليهم، زي برضو هيقولوا دلوقتي سيقول المخلفون قل.

كل ما يقولوا كلمة للمنافقين يترد عليهم، حتى تتضح الأمور، يهلك من هلك عن بينة ويحيى من حي عن بينة ﴿وَلِلَّهِ مُلْكُ السَّمَاوَاتِ وَالْأَرْضِ يَغْفِرُ لِمَن يَشَاءُ وَيُعَذِّبُ مَن يَشَاءُ﴾. أي إن تبتم إلى الله عز وجل فسوف يغفر لكم، وإن توليتم فسوف يعذبكم عذاباً أليماً. طب يعني في أمل؟ في أمل، ﴿وَكَانَ اللَّهُ غَفُوراً رَّحِيماً﴾.

طيب دلوقتي النبي صلى الله عليه وسلم راح يعمل العمرة وكان عايز معاه القبائل الست، أغلبهم تخلف عن النبي صلى الله عليه وسلم، سوء ظن بالله، تمنوا أن الدين يخلص ويعودوا إلى أمر الجاهلية. ربنا سبحانه وتعالى حفظ النبي صلى الله عليه وسلم وحفظ المؤمنين ورجعوا. حاولوا يدوروا على أي عذر، دوروا على عذر خبيث ينقلهم من مرحلة النفاق التام كده إيه أن هو ذنب بسيط.

الله عز وجل برحمته بالمؤمنين عوضهم عن اللي حصل في صلح الحديبية. هم كانوا رايحين نفسهم نفسهم يعملوا عمرة، فعوضهم الله عز وجل بمغانم خيبر. النبي صلى الله عليه وسلم راح الحديبية على أمل أن هم يطوفوا بالبيت فمنعوا، فرضي النبي صلى الله عليه وسلم بقدر الله، لما جلست بركات الناقة فقال صلى الله عليه وسلم: «والله لا يسألونني خطة يعظمون فيها حرمات الله إلا أجبتهم إليها»، ووافق النبي صلى الله عليه وسلم على الصلح وعاد النبي صلى الله عليه وسلم، وكان المسلمين في حزن وكآبة. نزلت سورة الفتح بالبشريات فازدادوا أملًا.

انطلق النبي صلى الله عليه وسلم من مكة إلى المدينة قعد فيها أيام، أذن رجع في ذي الحجة، وكانت خيبر في محرم السنة التي تليها مباشرة، وراح خيبر. اشترط النبي صلى الله عليه وسلم ألا يخرج معه إلى خيبر إلا من شهد الحديبية فقط، أو من كان له عذر مقبول؛ مش الذين يتخلفوا. وجاءت البشرى أنهم سيحصدون مغانم كثيرة من خيبر، جاءتهم البشرى وهم عائدون إلى المدينة أنهم سينطلقون إلى إيه؟ سيكون خلفونا إذا انطلقتم إلى إيه؟ إلى مغانم لي. شف السهولة، مش إلى قوم لتحاربوهم، إلى مغانم. هذه كأنه رايح ياخد المغانم ويرجع. لماذا سولت خيبر؟ خيبر كانت حصون عتيدة وعظيمة عند اليهود، وربنا بيبشرهم أن الموضوع ده هينتهي بسوء.

لذلك قال بعض أهل السير من حكمة الله عز وجل أنه ما يحصلش حرب مع قريش في ساعتها ومبايعة على الموت، وكان يحصل حرب عشان إشاعة مقتل عثمان وبعد كده رجع سيدنا عثمان. فقال بعضهم إن ادخر الله عز وجل جعل المسلمون يدخرون قوتهم لخيبر، حتى لا يقاتلوا في مكة ويعودوا من بعدها إلى مكة منتصرين فاتحين، وكسبوا الاتنين خيبر ومكة. يعني أحياناً أنت بتبقى مستعجل نفسك تحارب ومكة وتاخدها وتطوف وتاخدها فربنا قال لهم ما تستعجلش، ادخر قوتك دي لقيمك. وهذا ما حدث ادخروا هذه القوة إلى خيبر وراحوا بقوة والعتاد وما حصلش قتال في مكة وراحوا خيبر وانتصروا واخدوا المغانم واستفادوا من المغانم، وكانت خيبر فتح على المسلمين.

من الصحابة لا يقولون ما شبعنا إلا بعد أن فتحت خيبر، ما كناش بنشبع من أول البعثة في مكة لغاية ما جينا المدينة، وبعدها ما شبعناش غير طبعاً جري بعد فتح خير. تخيل فتح خيبر كانت مغانم عظيمة ليه؟ للمسلمين.

الحمد لله وحده والصلاة والسلام على من لا نبي بعده محمد صلى الله عليه وسلم، كنا بنقول أن ربنا سبحانه وتعالى من رحمته أن عوض صبر المؤمنين في الحديبية عوضهم خيراً بمغانم كثيرة يأخذونها من خير. كما قلنا خيبر كانت فتحاً على المسلمين، وقالوا كانوا يقولون ما شبعنا إلا بعد أن فتحت خيبر.

ربنا قال إيه؟ ﴿سَيَقُولُ الْمُخَلَّفُونَ إِذَا انطَلَقْتُمْ﴾. إذا ده حرف يأتي للتأكيد؛ مش أن انطلقتم، ﴿إِذَا انطَلَقْتُمْ إِلَى مَغَانِمَ﴾ إلى حرب مش هتيجي زي غير الآية اللي بعدها ﴿ستدعون إلى قوم أولي بأس شديد﴾، لأ هنا قال ﴿إِلَى مَغَانِمَ﴾ كأنه رايح ياخد الغنيمة ويرجع، وقال لى ﴿لِتَأْخُذُوهَا﴾ أي بسهولتها، بمغانم كثيرة سهلة يحصدها أهل الإيمان.

يعني اللي خرج في الحديبية مع النبي صلى الله عليه وسلم اخذ الدنيا والاخرة بيعة الرضوان رضي الله عنه ونال مغانم خير، والذي قعد وظن ظن السوء في الله خسر الدنيا والاخرة. وأحياناً أنت بتبقى شايف أن بتعتقد أن الموقف ده نهاية الإسلام، واللي يشارك في نظر الناس في هذه المغامرة هو الذي حصد الدنيا والاخرة، والذي أعرض وأساء الظن بالله خسر الدنيا والاخرة والعياذ بالله. الإنسان يكون عنده يقين في الإقبال لنصرة دين الله عز وجل.

سيقول المخلفون دايماً إيه؟ يقول هم ما وراهمش غير إيه؟ غير الكلام. المنافقون عرفوا أن الله عز وجل بشر المؤمنين أنهم سينطلقون إلى مغانم، ﴿سَيَقُولُ الْمُخَلَّفُونَ إِذَا انطَلَقْتُمْ إِلَى مَغَانِمَ﴾. هم دايماً يحبون المشاركة في المغانم لا المغارم، هو دايماً بيشجع مين؟ الكسبان فقط. ﴿لَعَلَّنَا نَتَّبِعُ السَّحَرَةَ أَمَّا إِن كانوا هم الغالبين﴾. أنا ما بشجعش غير الكسبان، يعني ما قالوش تعالوا نتبع يعني سيدنا موسى أمام السحرة، ما قالوش نتبع المنتصر أو نتبع الحق أو لأ السحرة وفي حالة واحدة أن هم يكسبوا، يعني السحرة اتغلبوا لأ موسى انتصر، لأ السحرة إن كانوا هم الغالبين بس يعني ورايح محدد أنا هفضل زي ما أنا، واللي يخليني أفضل زي ما أنا السحرة يكسبوا يعني هو رايح وعارف هو هو إيه اللي مناسب ظروفه.

الشاهد سيقول المخلفون المنافقون اللي تخلفوا من الأعراب عرفوا أن الله عز وجل بشر أهل الإيمان اللي شهدوا الحديبية فقط أنهم سينطلقون إلى خيبر ويحصدوا مغانم كثيرة. أول لما عرفوا كده قالوا إيه مصاحف بقى ﴿سَيَقُولُ الْمُخَلَّفُونَ ذَرُونَا نَتَّبِعْكُمْ﴾ تسمح لنا ويعني نشوف نشوف الأدب والأخلاق، ذرونا إيه؟ خليني أتابع بس خدني معك في الآخر كده حطني في الشنطة معك، قارونة إيه؟ نتبعه. هو حضرتك مش كنت مشغول ولا إليه أنت دلوقتي فضيت ولا إيه؟ مش كنت لسه من دقيقتين بتقول إيه؟ والله مشغول ومافيش وقت وشغلاتنا يا مولانا. لكن هنا في إيه؟ هنا في مغانم، لأ أنا فضيت خلاص.

أنا خلاص بقيت فاضي، بقيت فاضي يعني هو بينشغل وبيفضى على حسب إيه؟ حسب الواقع في أزمات وبتاع ده أنا مشغول جداً والله أزمات وضغط أمني ومشاكل مش فاضي خالص. الدنيا بقت مفتوحة ومغانم كده الله أكبر، أنا طول عمري بقول إن احنا لازم ننصر دين ربنا، تلاقيه فجأة إيه غير ونقل الناحية التانية تماماً. نشوف ما بين شغلاتنا وأهلونا وما بين ذرونا نتبَعكم.

وده ما حصلش، ده هو النبي صلى الله عليه وسلم راجع ﴿سَيَقُولُ الْمُخَلَّفُونَ إِذَا انطَلَقْتُمْ إِلَى مَغَانِمَ﴾ الفرق إيه؟ بسيط جداً، لحقت تخلص المشاغل بتاعتك؟ يعني المواقف دي اللي بتفضح. حين يحصل تغيير في الواقع مفاجئ بيفضح الإنسان أن إيه؟ لذلك ربنا قال على الناس دي بتتصرف إيه؟ ﴿كُلَّمَا أَضَاءَ لَهُم مَّشَوْا فِيهِ وَإِذَا أَظْلَمَ عَلَيْهِمْ قَامُوا﴾. من معنى هذه الآية أضاء لهم أن الدنيا تبقى مفتوحة في الدين ومافيش مشاكل في تمكين هتلاقيه كلما أضاء لهم إيه؟ ما شاء الله، الله أكبر والإسلام وماشي معه، دول. وإذ أظلم حصل مشاكل وابتلاءات وخوف وفزع ورعب وضعاف! لأ مش معكم قاموا شوية طول على طول وما عندهوش مشكلة يعني في ناس ما عندهاش مشكلة نفسية أن هي تكذب كذبتين وراء بعض عادي جداً، ويحلف كده ويحلف كده عادي.

يعني ما عندهوش أزمة نفسية أن هو يغير كلامه علي تماماً، ويكون من فعل في كل مرة وهو وهو من فعل أن احنا لازم ننصر الدين في اوقات التمكين. شف هو أنا قلت إن الطريق ده غلط من الأول وأن الناس دي مخدوعة والناس دي متروكة، ممكن وهو لسه ما خلصش الكلام يجي له مثلاً بتاع الحق ده حصل كذا وأنا قلت ويغير رأيه عادي جداً، عادي تماماً هو عنده قدرة نفسية مهولة، يعني زي الاستيك فظيع عنده.

فهو لسه بيقول شغلاتنا إيه بعدها على طول بيقول إيه؟ اسمح لنا بس أن انا أكون معكم عشان كلمة إيه؟ جت كلمة إيه؟ مغانم.

هذا هو المفتاح بتاعه في التفكير، وهو ده المحرك الأساسي في التفكير، فنقول له إيه: ﴿يُرِيدُونَ أَن يُبَدِّلُوا كَلَامَ اللَّهِ﴾ [الفتح: 15]. لقد قضى الله عز وجل ألا يخرج إلى خيبر إلا من شهد الحديبية. أنتم عايزين تغيروا أوامر ربنا؟ إحنا بننفذ كلام ربنا، إحنا المحرك الأساسي مش المغانم، إحنا المحرك الأساسي كلام ربنا. ربنا قال لنا اخرجوا الحديبية خرجنا، قال لنا هيبقى فيه قتال بايعنا، قال لنا ما فيش قتال صالحنا، المحرك الأساسي بتاعنا كلام ربنا.

﴿يُرِيدُونَ أَن يُبَدِّلُوا كَلَامَ اللَّهِ قُل لَّن تَتَّبِعُونَا﴾ [الفتح: 15]. لن قطعية، كذلك قال الله من قبل، ربنا أصلاً واحنا جايين قال لنا إن أنتم هتقولوا كده وعرفوا إن ده هيحصل، والموضوع منتهي عندنا: ﴿كَذَلِكَ قَالَ اللَّهُ مِن قَبْلُ﴾ [الفتح: 15].

يقوموا يردوا يقولوا إيه: ﴿بَلْ تَحْسُدُونَنَا﴾ [الفتح: 15]. هو كل تفكيره في المغانم بس، ومعتقد دايمًا إن اللي قدامه بيفكر بنفس الطريقة، يعني دايمًا بتعرف الشخصية اللي تفكيرها غلط إن هي دايمًا بتسيء الظن بالناس، بتفترض إن هو بيعمل حاجات غلط لأن هو ده طريقة تفكيره أصلاً. هو دايمًا إيه؟ أنت الشخص اللي عمال يفترض لسوء ظن في كل الناس، هو أصلاً بيفكر كده فبيقولوا إيه: بل تحسدوننا. آه، أنت مش عايزني أجي معك عشان الغش. ما فيش مثلاً أصل ربنا قال لنا وأصل كان في معركة اسمها وطلعنا عشان الحديبية وأصل في أوامر إحنا بننفذها، وهو ما يفهمش الكلام ده. قولوا ربنا: ﴿وَيُرِيدُونَ أَن يُبَدِّلُوا كَلَامَ اللَّهِ﴾، وكذلك هم ﴿قَالَ اللَّهُ مِن قَبْلُ﴾ هم، أنتم بتحسدونا وخلاص، ﴿بَلْ تَحْسُدُونَنَا﴾.

ربنا بيقول إيه: ﴿بَلْ﴾ -أي دعك منهم، حرف إضراب، دعك منهم- ﴿لَا يَفْقَهُونَ إِلَّا قَلِيلًا﴾ [الفتح: 15]. الاستثناء بتاع لا يفقهون إلا فقها قليلاً، قال بعضهم -ده اختيار الزمخشري-: أي لا يفقهون إلا في الدنيا. هو ما يفهمش غير في إيه؟ في الدنيا، أهو بتاع دنيا بقى زي ما ربنا قال: ﴿وَلَكِنَّ أَكْثَرَ النَّاسِ لَا يَعْلَمُونَ * يَعْلَمُونَ ظَاهِرًا مِّنَ الْحَيَاةِ الدُّنْيَا﴾ [الروم: 6-7]. الناس دي ما بتفهمش غير في الدنيا فقط، مغانم متبعة، تلاقيه بدأ يفهم وفكر، ابتلاءات ورسل الدين مالوش مال. وقال بعضهم: بل كانوا لا يفقهون إلا قليلا، أي أن قليلاً منهم سوف يتوب إلى الله عز وجل، قليل منهم ستؤثر فيه الموعظة ويتوب إلى الله عز وجل.

كل المخلفين من الأعراب، طيب، أنت عايز تتوب؟ مش أنت بتقول إن أنت مش عايز مغانم ومشكلتك الأساسية أنك عايز تكفر عن خطيئتك وقلت شغلتنا أموالنا وهنا فاستغفر لنا؟ مش أنت عملت خطأ أنك تخلفت عن الحديبية؟ ولما جينا نروح خيبر قلت خلاص أنا تبت إلى الله وعايز أجاهد في سبيل الله، واحنا قلنا إن أنت عايز مغانم، وانت بتقول لأ أنا مش عايز مغانم، طيب أنا هجيب لك الحل. أنتم فاهمين دلوقتي اللي هيتقال ده إيه؟ النبي صلى الله عليه وسلم رجع قالوا له إحنا غلطنا، كان نفسنا نجاهد معك. النبي صلى الله عليه وسلم قال لهم بس أنا طالع غزوة مش هينفع تيجوا معي يا خيبر، قالوا لا إحنا عايزين نجي معك خيبر، هم عارفين خيبر فيها إيه؟ فيها مغانم، قال لهم لأ، قال لهم لأ مش هينفع تيجوا معي يا خوي.

حلو، بس إحنا أنتم بتحسدونا، إحنا نفسنا أصلاً نجاهد في سبيل الله وإحنا تبنا خلاص، مش أنت عايز تنصر الدين؟ طيب، ﴿قُل لِّلْمُخَلَّفِينَ مِنَ الْأَعْرَابِ سَتُدْعَوْنَ إِلَىٰ قَوْمٍ أُولِي بَأْسٍ شَدِيدٍ﴾ [الفتح: 16].

هيرجع تاني يقول هنا إيه: شغلتنا أمورنا وأهلها. الو أيوة معلش أنا آسف، خلاص يوم إيه؟ يختفي دايمًا دي نقطة مهمة قوي في المعاملة مع ربنا، في حتة صعبة كده في طريق ربنا أنت مش راضي تعديها، هتيجي لك تاني. طلعت الحديبية كانت صعبة وعايزة حسن ظن بالله والجهاد ومجاهدة، طلعت خيبر كانت سهلة واخدين بشرى ورايحين ياخدوا المغانم، هو عايز ديبة كان ليه؟ ربنا يقول لا، هتعيد نفس الاختبار تاني. آه هتعيدها تاني: ﴿سَتُدْعَوْنَ إِلَىٰ قَوْمٍ أُولِي بَأْسٍ شَدِيدٍ تُقَاتِلُونَهُمْ أَوْ يُسْلِمُونَ﴾ [الفتح: 16]. لكن لازم تطلع الطلعة الصعبة، لازم تعديها، لازم الامتحان ده تخوضه مرة تانية، تطلع مش عشان المغانم.

﴿سَتُدْعَوْنَ﴾ في المستقبل وسيظهر هل أنتم صادقون أم كاذبين؟ أنت طالع عشان سيبك من خيبر خلاص، أنت لو بتتكلم عشان تقول نصر الدين ربنا وعدنا بالنصر انسى خيبر، تعال نتكلم في المستقبل، أنت عايز تتوب وبتقول إنك تبت إلى الله. دايمًا يا جماعة -يعني نسأل الله السلامة والعافية- اللي بيتخلف عن نصرة الدين ومش عايز يخوض يعني طريق شاق هيجي له تاني، دايمًا واحد مش عايز ينصر الدين مستني إيه؟ الدنيا تبقى سهلة، فالدنيا تبقى سهلة هو معتقد كده إنه عدى الاختبار، لأ هيجي لك تاني، هتصعب عليك تاني، لازم تاخد الاختبار، لازم تقتحم العقبة، لازم يعني لازم هتمر بالمرحلة دي أنك تاخد قرار صعب في وقت صعب يقيناً في قدرة الله، هو ده أصلاً ملخص الاختبار.

لذلك يروى عن النبي صلى الله عليه وسلم أن اللي مات مجنون أو في فترة من الرسل أو لم تبلغه الرسالة أو أو، إن اختباره يوم القيامة إيه؟ إن ربنا يولع له النار ويقول له ارمي نفسك فيها، هو اختبار يقين أصلاً، يعني ملخص ابتلاء السنوات كلها اللي بنعيشها هو يقين في أوامر ربنا، أن ربنا يقول لك اعمل كده تعمل، يأمر الله عز وجل عنقاً من النار فيبرز له، ثم يقول الله عز وجل لهم: ألقوا أنفسكم في النار، فمن أغمض عينه واقتحم فيها تكون عليه برداً وسلاماً، أو كما قال صلى الله عليه وسلم كما روي عن.

يبقى إذن الاختبار كله أن يجي لك أمر صعب وتنفذه يقيناً في قدرة الله وفي موعود الله سبحانه وتعالى. ﴿قُل لِّلْمُخَلَّفِينَ مِنَ الْأَعْرَابِ﴾ اللي ما رضوش ييجوا المرة اللي فاتت، الحل عشان تخرجوا من الأزمة دي، يبقى إذن التوبة إحنا فاهمينها غلط، التوبة مش بس استغفار باللسان، يعني هم عملوا غلطة، لذلك مثلاً توبة كعب بن مالك ما كانتش إنه يروح للنبي ويقول له أنا ندمان، لأ يقعد خمسين ليلة يجاهد، والمجتمع كله.

دايمًا إحنا عندنا خلط بين ترك المعصية والتوبة الكاملة من المعصية، دايمًا أضرب لها مثال -نسأل الله العافية- اللي مثلاً بيشرب مخدرات، هو تأثر، حد صاحبه مات أو سمع درس وعظي فقرر إنه يسيب المخدرات، لكن لسه السموم في. محتاج يعمل إيه؟ محتاج يجاهد فترة طويلة عشان الحب والمعصية ينزع من قلبه، هم قالوا إحنا ندمنا على إن إحنا ما خرجناش الحديبية، ماشي؟ لكن هتخوض نفس الأزمة تاني: ﴿سَتُدْعَوْنَ إِلَىٰ قَوْمٍ أُولِي بَأْسٍ شَدِيدٍ تُقَاتِلُونَهُمْ أَوْ يُسْلِمُونَ﴾.

﴿فَإِن تُطِيعُوا﴾ -خلاص- ﴿يُؤْتِكُمُ اللَّهُ أَجْرًا حَسَنًا﴾ [الفتح: 16] -وجه نكرة، هتاخد مغانم الدنيا والآخرة- ﴿وَإِن تَتَوَلَّوْا كَمَا تَوَلَّيْتُم مِّن قَبْلُ﴾ لو سقطت في الامتحان تاني ﴿يُعَذِّبْكُمْ عَذَابًا أَلِيمًا﴾ [الفتح: 16]. قال بعض أهل العلم من القوم لباسا شديد؟ حتى عشان ما طولش عليكم، قيل قوم هوازن أو غزوة حنين، وقيل فارس والروم. وقال بعضهم -بعض كتير من المفسرين زي الإمام الواحدي في البسيط أو الزمخشري حتى كتير من المفسرين- قال دول اليمامة، أهل اليمامة، مسيلمة الكذاب، وأن المقصد هنا بعد وفاة النبي صلى الله عليه وسلم.

بعضهم قال الآية دي فيها دلالة على إمامة الصديق، يعني ربنا بيقول إيه: ﴿فَإِن تُطِيعُوا﴾ أي فان تطيعوا الذي يأمركم بالقتال، اللي هو مين هنا؟ الصديق. قالوا فيها دلالة على طاعة الصديق رضي الله عنه، فيها دلالة على إمامة الصديق، وأول واحد يختار الاختيار ده ونفى عنه الإمام الزهري، وقال المقصود هنا الصديق، لأن المقصود اللي قومه أولي بأس شديد كانت اليمامة، وكانت فعلاً حرب عنيفة جداً مع مسيلمة ومات فيها كثير من القراء. يعني اللي يقرأ في غزوة اليمامة وكيف قاتل الصحابة رضوان الله عليهم أهل الردة في اليمامة بتاع أم سلمة كذاب، كانت معركة شرسة استشهد فيها كثير من صحابة النبي صلى الله عليه وسلم.

حلو إن أنت هتتعرض لفتنة أصعب إن النبي صلى الله عليه وسلم مش موجود وناس أصعب، وأنت مطالب إن أنت تجاهد في سبيل الله، أحياناً بتأخر الامتحان فيجي أصعب: ﴿سَتُدْعَوْنَ إِلَىٰ قَوْمٍ أُولِي بَأْسٍ شَدِيدٍ تُقَاتِلُونَهُمْ أَوْ يُسْلِمُونَ فَإِن تُطِيعُوا﴾ أي الداعي لكم، سواء النبي صلى الله عليه وسلم أو الصديق، ﴿يُؤْتِكُمُ اللَّهُ أَجْرًا حَسَنًا وَإِن تَتَوَلَّوْا كَمَا تَوَلَّيْتُم مِّن قَبْلُ يُعَذِّبْكُمْ عَذَابًا أَلِيمًا﴾ [الفتح: 16].

آخر آية عشان نخلص الربع ده، آخر آية قال الإمام ابن عطية في تفسير المحرر، قال: لما بالغ الله عز وجل في الحث على القتال -أنت لما بتتكلم كتير عن البذل ممكن بعض الناس يظن إن ما فيش عذر- ده توازن القرآن، فجه بعد كده العذر. إزاي إن القرآن اتكلم بحماسة وقوة عن نصرة الدين؟ لكن في نفس الوقت في ناس عندهم أعذار، ما فيش حاجة اسمها إن ما فيش حد معذور، لأ فجه الخطاب المتوازن القرآني.

دايمًا القرآن -ودي عايزة تتبع كتير في القرآن- ممكن يتكلم يحث على، يعني مثلاً: ﴿فَمَا لَكُمْ فِي الْمُنَافِقِينَ فِئَتَيْنِ وَاللَّهُ أَرْكَسَهُم بِمَا كَسَبُوا﴾ [النساء: 88]، إن أنت ما تختلفش، لازم تقول على المنافق منافق، وبعد كده تلاقي ربنا يقول إيه: ﴿وَلَا تَقُولُوا لِمَنْ أَلْقَى إِلَيْكُمُ السَّلَامَ لَسْتَ مُؤْمِنًا﴾ [النساء: 94]، يعني مش معنى إنك بتقول على المنافق منافق إن أي حد تقول عليه منافق وخلاص، لأ دايمًا بيحصل توازن، سورة النساء مليانة توازن وكده. هنا برضو زي ما في خطاب بحماس، أيضاً بنعذر اللي عنده عذر: ﴿لَّيْسَ عَلَى الْأَعْمَىٰ حَرَجٌ وَلَا عَلَى الْأَعْرَجِ حَرَجٌ وَلَا عَلَى الْمَرِيضِ حَرَجٌ﴾ [الفتح: 17]. الخلاصة أن كل واحد يبذل ما يستطيع.

﴿وَمَن يُطِعِ اللَّهَ وَرَسُولَهُ يُدْخِلْ جَنَّاتٍ تَجْرِي مِن تَحْتِهَا الْأَنْهَارُ وَمَن يَتَوََلَّ يُعَذِّبْعَذَابًا أَلِيمًا﴾ [الفتح: 17]. ذكر الله عز وجل أبواب الدنيا التي منّ الله عز وجل بها على مشاهدي الحديبية المغانم، وكيف حرم منها من لم يخرج، ثم تكلم عن أعلى شيء رجع بها أهل الحديبية رضوان، أسأل الله عز وجل أن أكون من أهل الرضوان. هذا الذي تحدث عنه المرة الذين بإذن الله عز وجل، أسأل الله عز وجل أن يفقهنا في الدين وأن يعلمنا التأويل وأن يستعملنا لنصرة دينه. أقول قولي هذا أستغفر الله لي ولكم، سبحانك اللهم وبحمدك، أشهد أن لا إله إلا أنت، أستغفرك وأتوب إليك.