د. أحمد عبد المنعمالسلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم. نستكمل بإذن الله عز وجل ما بدأناه في وقفات مع سورة الفتح، أسأل أن يجعلها فتحا لنا في ديننا ودنيانا وآخرتنا.
وأسأل الله عز وجل أن يفتح علينا وأن يوفقنا وأن يهدينا إلى صراطه المستقيم سبحانه وتعالى. بنأكد دايما أن الإنسان لابد أن يستحضر قيمة مجالس تدارس القرآن والتهيؤ عند الله عز وجل بمكانه، وأن هذه المجالس التي أسأل الله عز وجل أن يتقبلها منا وأن يجعلها خالصة لوجهه سبحانه وتعالى يحبها الله سبحانه وتعالى ولا سيما إذا كانت في بيوته، في بيت من بيوته في مساجد سبحانه وتعالى؛ فتحفها الملائكة وتتنزل عليهم الرحمة وتغشاهم السكينة، ويذكرون الله عز وجل بإذنه وكرمه وفضله فيمن عنده سبحانه وتعالى. أسأل الله عز وجل أن يجعل لنا من هذه الأجور أعظم نصيب.
كنا توقفنا عند قوله سبحانه وتعالى في سورة الفتح عند آية، وقفنا على الدقائق ثمانية: ﴿إِنَّا أَرْسَلْنَاكَ شَاهِدًا وَمُبَشِّرًا وَنَذِيرًا﴾ [الفتح: 8]. احنا شرحنا آية ثمانية لكن بنرجع عشان آية تسعة فيها لام متعلقة بالآية السابقة: ﴿لِتُؤْمِنُوا﴾، وقرأت في الوقف يعني: ﴿لِتُؤْمِنُوا بِاللَّهِ وَرَسُولِهِ وَتُعَزِّروهُ وَتُوَقِّرُوهُ وَتُسَبِّحُوهُ بُكْرَةً وَأَصِيلًا﴾ [الفتح: 9]. وقرأت في الوقف يعني: لتؤمنوا بالله ورسوله وتعزروه وتوقروه وتسبحوه بكرة وعصيرا. ونذكر ليه هنا فيه خلاف في مسألة تقف فين وأنت بتقرأ هذه الآية.
قال الله عز وجل لنبيه صلى الله عليه وسلم مؤكدا: إنا أرسلناك. وقلنا إن الله عز وجل أرسل النبي صلى الله عليه وسلم وتكفل سبحانه بحفظ رسالته: فكما أرسلناك ففتحنا لك، وقلنا دي الآيات اللي فيها التوكيد بإن وإن أرسلناك. قلنا النبوة لها وظائف: شاهدا ومبشرا ونذيرا. عشان احنا لما نسمع الكلام ده، لما نسمع عما فعله النبي صلى الله عليه وسلم النبي صلى الله عليه وسلم، لما نقرأ في سيرة النبي صلى الله عليه وسلم، لما نقرأ أحاديث النبي صلى الله عليه وسلم، إيه المطلوب مننا بقى احنا كمؤمنين؟ أن الخطاب كان للنبي صلى الله عليه وسلم بالمفرد: إنا أرسلناك شاهدا ومبشرا ونذيرا. وبعدين الخطاب أصبح بالجمع، قيل إن دي لام التعليل: لتؤمنوا، أي أن الغاية من إرسال النبي صلى الله عليه وسلم ومن وصول أخبار النبي صلى الله عليه وسلم إلينا مش أننا نتفرج عليها بس ونشاهدها ونستمتع بها، لا لنكون إيجابيين ونتحرك: لتؤمنوا بالله ورسوله وتعزروه وتوقروه وتسبحوه. وهنشرح الأفعال دلوقتي.
إذا، تصور الدين مش مجرد أنك بتتلقى كلام وخلاص؛ أنت بتتلقى عشان تتحرك، عشان تنفذ، عشان الأول تؤمن، وبعد ما تؤمن تقوم في أفعال: تعزروه وتوقروه، ثم مع الملك سبحانه وتعالى: وتسبحوه بكرة وأصيلا. وبعد ما تقرأ هذه الآية وينزل في قلبك عظمة النبي صلى الله عليه وسلم تنزل في قلبك تسأل: أنصره إزاي؟ فتجيء لك الآية اللي بعدها تقول لك: كيف تنصر النبي صلى الله عليه وسلم وكيف تقوم به: تعزروه وتوقروه؟
يبقى إذا الدين، احنا فاهمين إن الدين أحيانا على أنه مجرد مصحة نفسية؛ نشوف الدين عشان يعالج لنا مشاكلنا النفسية، وعشان أنا متضايق شوية كلمني شوية عن الدين، أنا متضايق اليومين دول، أنا حاسس إن أنا سقطت بصراحة فمحتاج يعني إيه كلمني شوية كده عشان أنسى بس الدنيا وكده. تقعد تقول له دنيا حقيرة وبتاع، تقول لك آه فعلا والله الدنيا حقيرة عشان ينسى السقوط. وبعدين يقوم يستمتع بقى بالدنيا خلاص.
لأ مش مكلمك، يعني الدين مش مجرد أنك بتعالج فيه مشاكلك النفسية وخلاص، أو أن حد مثلا حصل له مشكلة أو كده فعايز حاجة من الدين ترتب عليه الجو عشان ينسى المشاكل وخلاص، خلاص كده الدين أدى له وظيفته، أو يتمسح بحاجة تحل له مثلا، أو يعني يجيب المصحف ويبوسه كده ويحطه على راسه، هو كده يحس إن إيه؟ هو كده كويس مع ربنا.
لا لا، خاطئ الدين، الدين: ﴿لِتُؤْمِنُوا بِاللَّهِ وَرَسُولِهِ﴾ [الفتح: 9]. وظيفة النبي صلى الله عليه وسلم لما طبقها النبي صلى الله عليه وسلم على أكمل وجه؛ أنت دورك أن تكمل هذه الرسالة. قال صلى الله عليه وسلم: «بلغوا عني» وعني ده بيسموه حرف في تحمل شيل مع النبي صلى الله عليه وسلم، بلغوا عني ولو آية، انشر مع النبي صلى الله عليه وسلم. رحم الله من سمع مقالتي فأداها فوعاها، فأداها كما سمعها، دي أمانة. كلمة الأداء دي، فأداها دي مع الأمانات؛ كل آية أو حديث بتسمعه دي أمانة لازم تنقله.
يبقى إذا احنا مفهومنا لتلقي الدين خطأ، أنت بتنتمي إلى الآية اللي قبلها: ﴿وَلِلَّهِ جُنُودُ السَّمَاوَاتِ وَالأَرْضِ﴾ [الفتح: 7]، فإنضمامك وإيمانك بالنبي صلى الله عليه وسلم معناه توقيع أنك وافقت تكون من هذه الجنود، فأنت داخل معركة، هنتكلم دلوقتي في بيعة وفي من وفى بالبيعة ومن نكس والعياذ بالله في هذه البيعة: ﴿إِنَّ الَّذِينَ يُبَايِعُونَكَ إِنَّمَا يُبَايِعُونَ اللَّهَ﴾ [الفتح: 10].
فأول مفهوم بنتكلم عنه النهاردة: تصحيح مفهوم الدين عندنا للاسف أصبح الآن في طرح أشبه بما اسميه الطرح التبشيري؛ زي تبشير النصارى كده أن كل حاجة أن يحطوا له مثلا صورة طفل صغير بيعيط كده وأيه ربنا هيحل لك مشاكلك، وأن ربنا بيطبطب عليه، أو صورة وردة حمرا مثلا واقعة على الأرض وحد بيجيبها مثلا وبينضفها مثلا، يعني إيه أن مشاكلك هتتحبح، أو الإزاز اللي اتكسر هيتصلح مثلا، أو أي حاجة بحيث أن إنت إيه أن الدين يحل لك مشاكلك. أنا لا أنكر أن ده موجود في الدين، لكن هذا ليس كل الدين. أنا لا أنكر أن فعلا اللي بيدخل في هذا الدين له الأمن وله الطمأنينة وله السكينة في أحلك المواقف؛ زي ما اتكلمنا نزلت السكينة في أشد المواقف والتراب، إنما ليس هذا هو الدين فقط.
دين يحتاج منك إلى بذل، إلى تضحية. هيجي مواقف في الدين زي ما الراهب قال الغلام: إنك ستبتلى، نسأل الله العافية ولا نتمنى ذلك، لكن لابد من بذل ونصرة منك للنبي صلى الله عليه وسلم. أمال بتؤمن به ليه؟ إيه قيمة أنك آمنت به؟ لذلك أول لما جيت الإيمان بتؤمنوا بالله ورسوله تبعات هذا الإيمان، في تبعات فلابد أن تقبل هذه التبعات وتقدم هذه التبعات.
ولو أنت ما عملتش كده: ﴿وَإِلَّا تَنْصُرُوهُ فَقَدْ نَصَرَهُ اللَّهُ﴾ [التوبة: 40] عشان تبقى عارف. والآية دي نزلت في الهجرة وهو لوحده مع سيدنا أبو بكر، وهو وحده صلى الله عليه وسلم مع الصديق في أشد المواقف والاستضعاف؛ الله نصر النبي صلى الله عليه وسلم فليس في حاجة إلى نصرتكم، أنت بتعمل كده عشان نفسك: ﴿فَمَنْ نَكَثَ فَإِنَّمَا يَنْكُثُ عَلَى نَفْسِهِ﴾ [الفتح: 10].
لذلك من القواعد المهم قوي اللي الواحد رآها رؤيا العين يعني باستقراء نصوص القرآن والسنة والواحد افتكر القاعدة دي خاصة امبارح كثر الحوادث اللي بيسمعها. شباب كتير اللي ماتوا، أسأل الله عز وجل أن يرحمهم رحمة واسعة، حادثة ورا حادثة، تلت أربع حوادث ورا بعض، كل شوية أسمع خبر شاب مات، دكتور وزوجته راجعين مش عارف حصلهم حادثة كذا، شاب في عربية عملوا حادثة، والخبر يسمع وينتشر. بقول سبحان الله: من القواعد ما لا يقوم به العلماء يقوم به البلاء.
من القواعد ما لا يقوم به العلماء، أما عجزا أو تكاسلا؛ يعني أحيانا يحال بين الداعية وبين الوصول للناس يمنع، أو هو مكسل زي زينا كده مكسلين يشتغل لدين ربنا. فلما الدعاة والعلماء لا يقومون بدورهم يأتي البلاء. يعني فعلا اللي حصل امبارح أحسن من ألف درس يتقال للشباب عن موت الفجأة؛ أن شباب يعملوا حادثة ويموتوا وواحد صاحبهم يدعي لهم وينشر الدعاء لهم، وبعدين اللي كان بيدعي لهم العصر مات بالليل ويدفن بالليل. سبحان الله، فعلا ما لا يقوم به العلماء يقوم به البلاء.
فإذا لم نحمل هم هذا الدين، إذا لم نقوم بهذه الوظائف: تعزروه وتوقروه ويبايعونك، لو مش هنعمل هذه الوظائف الله عز وجل تبدل هذا الجيل. الله غني سبحانه وتعالى عن البشر. الله ينصر دينه سبحانه وتعالى ولو بالرجل الفاجر. احنا لازم نفهم أن ده عشاننا احنا، احنا اللي محتاجين ده. لو نتكلم عن هم الدين وأننا لازم ننصر الدين والدين بيمر بازمات: اللهم رب هذه الدعوة التامة، انت بتقول بعد كل صلاة، فكر نفسك الأمر سيتم، ماذا أفعل أنا لأجل هذا التمام، لأجل أن يتم هذا الدين، أنت إيه دورك؟ ﴿إِنَّا أَرْسَلْنَاكَ شَاهِدًا وَمُبَشِّرًا وَنَذِيرًا * لِتُؤْمِنُوا بِاللَّهِ وَرَسُولِهِ﴾ [الفتح: 8-9] ودعوة النبي صلى الله عليه وسلم أن هي تبلغ عن الله وتقرب الناس من الله، فلذلك قال: ﴿لِتُؤْمِنُوا بِاللَّهِ﴾ أولا ﴿وَرَسُولِهِ﴾.
الآية العجيبة دي: ﴿وَتُعَزِّرُوهُ وَتُوَقِّرُوهُ وَتُسَبِّحُوهُ بُكْرَةً وَأَصِيلًا﴾ [الفتح: 9]. العلماء اختلفوا: هل كلمة تعزروه وتوقروه دي خاصة بالنبي صلى الله عليه وسلم، وكلمة تسبحوه دي بتاعة ربنا؟ لأن إجماعا تسبحوه الهاء دي عايدة على مين؟ لفظ الجلالة الملك سبحانه وتعالى، تسبحوا أي تسبحوا الله، ده إجماعا. الخلاف حصل في كلمة تعزروه وتوقروه؛ لأن كلمة تعزروهم جاءت مع الأنبياء أنبياء بني إسرائيل سورة المائدة، والتوقير أيضا يأتي مع البشر وجاء مع الملك سبحانه وتعالى: ﴿مَا لَكُمْ لَا تَرْجُونَ لِلَّهِ وَقَارًا﴾ [نوح: 13]. وهنشرح الألفاظ يعني إيه تعزروه ويعني إيه توقروه.
لكن الأول هم اختلفوا، فاللي قال إن الأول لفظين تعزروها وتوقروه للنبي صلى الله عليه وسلم، قال إن القراءة تكون هكذا: لتؤمنوا بالله ورسوله وتعزروه وتوقروه تقف، وبعدين تقول: وتسبحوه بكرة وأصيلا؛ لأن هنا فيه اختلاف في عودة ضمائر اللي هي الهاء دي. اللي قال: لأن الثلاثة لربنا، فقال الفريق التاني: لا، تعزروه وتوقروه وتسحوه كلها للملك سبحانه وتعالى، قال: إنك هتوصل تقول له تعزروه وتوقروه وتسبحوه بكرة وأصيلا. هذا التداخل وهذا الخلاف، الله عز وجل كان قادر سبحانه وتعالى وهو قادر على كل شيء أن يحسم الخلاف، كان ممكن ربنا يوضح الضمائر، لكن هي اتسبت كده ليه؟ عشان نفهم قد إيه النبي عظيم عند ربنا صلى الله عليه وسلم؛ يعني لدرجة أن اللي بيبايعه النبي كأنهم بايعوا ربنا، والآية اللي قبلها اختلاف الضمائر، يا ترى الضمير ده بيعود للنبي صلى الله عليه وسلم ولا على الملك سبحانه وتعالى؟
هذا التداخل مقصود حتى نعظم النبي صلى الله عليه وسلم. هذا عظيم هو من أسباب الفتح. احنا المفروض واحنا بنقرا السورة بندور على أسباب الفتح، وأن الجيل اللي هيقوم بهذه الوظائف هو جيل الفتح، ومواصفات جيل الفتح يعني هتجمع وتلخص في آخر السورة في آخر آية. لكن حتى لو اللي قرأ بقى في السيرة وشاف صلح الحديبية وكان إزاي الصحابة بيتعمدوا أن هم يعظموا النبي صلى الله عليه وسلم فوق ما تصور، وما تنخم نخامة إلا تسابقوا إليها وتدلكون بها، ويتوضؤون بوضوئه صلى الله عليه وسلم، كانوا يتصارعون لتعظيمه أمام العدو أحيانا في مواقف أنت لازم تعمل كده: تزداد تعظيما للنبي صلى الله عليه وسلم. أنت أصلا بتعظمه على طول، لكن لما تشتد العداوة أنت لازم تزداد تعظيما.
يبقى إذا لما نسمع خبر في إساءة للنبي صلى الله عليه وسلم ما ينفعش نقول إيه؟ معدي ما هم بيسيئوا على طول. لا، احنا لازم في المرة دي نزوّد، زود قدر التعظيم، حتى لو بتتكلف تزود قدر التعظيم مع كل إساءة بيعملوها النبي صلى الله عليه وسلم، ما ينفعش نقول إيه؟ هو احنا بقى هنقعد مع كل مرة أه نعمل كده؟ كانوا يقولوا عن النبي صلى الله عليه وسلم وحاشاه، يقولوا عليه أكتر، تنزل سورة: ﴿إِنَّ شَانِئَكَ هُوَ الْأَبْتَرُ﴾ [الكوثر: 3]. احنا ما ينفعش نتغاضى مع الإيذاء للنبي صلى الله عليه وسلم، وأن اللي بيعظم النبي صلى الله عليه وسلم وكان في إشارة كلما ازداد تعظيمك للنبي صلى الله عليه وسلم كلما كنت من أهل الفتح أن يفتح عليك.
وزي ما الصحابي قال وسلم: اجعل صلاتي كلها لك؟ فقال: إذا تكفى همك. أنت كل ما بتزداد تعظيم للنبي صلى الله عليه وسلم كل ما بتكفى الهموم وبيصرف عنك من الأذى وتكون أهل بأن يفتح الله عز وجل عليك. هذا التداخل مقصود، ما فيش حاجة كده في القرآن، ما فيش حرف واحد جه كده عبث، لا، كلام ربنا سبحانه وتعالى محكم حكيم سبحانه وتعالى، كل حرف مقصود فإن هي تتساب كده مقصودة.
تنادي السورة: وتعزروه وتوقروه، أن تجيئ الآية اللي بعدها كمان عشان تبين لك يعني قد إيه ربنا بيعظم النبي صلى الله عليه وسلم، قد إيه ربنا يعني يريدون أن نعظم النبي صلى الله عليه وسلم، دي مقام النبي صلى الله عليه وسلم عظيم عند الملك سبحانه وتعالى، بتجيء آية: ﴿إِنَّ الَّذِينَ يُبَايِعُونَكَ إِنَّمَا يُبَايِعُونَ اللَّهَ﴾ [الفتح: 10] هذا تشريف بيد النبي صلى الله عليه وسلم ليست كأي يد، لما تسلم على النبي صلى الله عليه وسلم بإيدك وتبايعه هذه البيعة عظيمة عند الله وهنتكلم إيه المعاني اللي اتفالت في كلمة إنما يبايعون الله.
نرجع تاني: لتؤمنوا بالله ورسوله تعزروه، قلنا هنا الهاء بتاعة تعزروه إما بتعود مين؟ النبي صلى الله عليه وسلم أو لربنا. طب يعني إيه التعزير؟ أنا أمين حقيقة بقول إن تعزروه وتوقروه النبي صلى الله عليه وسلم وتسبحوه ربنا، ولذلك يعني أفضل الوقف علامة القروض. القول التاني مشهور جدا وهو أشهر عند بعض المفسرين، فالامر واسع، واسع، مش قلت لكم التداخل مقصود.
إيه التعزير في اللغة؟ التعزير، قيل من معانيه، هم قعدوا يجمعوا الألفاظ وعايزين يشوفوا إيه أصل الكلمة. في حاجة دايما في اللغة أن احنا بنقعد، يعني الكلمة في اللغة العربية ممكن يبقى لها معاني كتير.
وبنقعد ندور إيه الجزر الأصلي بتاع الكلمة؟ يعني مثلا إيه؟ النهار، النهار اللي هو النهارده بيطلع مع الشمس وفي النهر اللي بيشقوا الأرض وفي ولا تنهرهما، كلها مدتها نهر. فاحنا بندور إيه المعنى المشترك في كل الاستعمالات ونجيب الأصل بتاعه؟ فيه كتب أفردت لذلك، هي بتجمع كل استعمالات الكلمة وتدور إيه الأصل بتاع الكلمة دي؟ زي أشهر الكتاب طبعا «مقاييس اللغة» إن هو بيدور وكتب للمعاصرين، إيه الأصل بتاع كلمة؟
فلما قعدوا يدوروا في التحذير لقوه من معانيه النصرة، من معانيه أن تمنع من تحب من الأذى. فقالوا: تعزروه؛ أي تمنع النبي صلى الله عليه وسلم من الأيذاء، وقيل تقف أمامه بالسيف أقاتل بين يديه بالسيف. ومن معاني التعزير أنك تأدب واحد، يعني عزرت؛ أي قدمته لولي الأمر الشرعي، طبعا إن هو يعزر حد مثلا إيه عمل حاجة غلط، شخص عمل شيء غلط وما فيش فيه حد منصوص عليه في الشرع، فله أن يعزره باب السياسة الشرعية من باب التأديب أحد. فبعضهم قال: خلاص الكلمة دي لها أصلين؛ يعني أحيانا حتى لما يفرز أحيانا لما تستعصي عليه كلمة يقول لك خلاص الكلمة دي لها أصلين: التأديب والمنع.
بعضهم قال: لأ، الأصل كله المنع؛ أن تمنع الشخص من الأذى. وأن كلمة تعزر حد معناه تمنع عنه أي أذى. قال له: طيب إزاي أنك بتضرب واحد معناه التعزير؟ قال له: لأن الهدف من الشريعة على بتقيم حد على شخص أن تمنع عنه الأذى في جهنم، وألا يعاود إلى الذنب مرة أخرى. فهو هدف تأديبي، مش هدف انتقامي، زي ما بيقولوا: الأب المفروض لما يعاقب ابنه مش يعاقبه انتقام، ما تعاقبوش أنت غضبان. مش لما يعمل حاجة؛ لأنك لما بتضربه وأنت غضبان، وكلنا طبعا بنعمل كده، نضربه وأنت غضبان أنت بتبقى متنرفز، بتطلع إيه؟ غيظك مش قصدك تأدبه الوقتي، أنت بس بتنرفز فإيه فانت بتضربه لغاية لما بتهدا مش لغاية لما بيتأدب، أنت بتضربه لغاية لما أنت إيه مش ده المقصد الشرعي.
تعذروه قالوا الكلمة الجماعة بتوعه أن تمنع الشخص من الأذى، ولما بتستعمل في أنك تعزر حد يعني أن يؤذى مثلا حد يقام عليه مثلا جلد أو حاجة معينة، أنت غرضك الأساسي أن تمنع عنه الأذى في جهنم، وأن تمنعه العودة إلى الذنب مرة أخرى. زي ما المرأة وقعت في الزنا جاءت إلى النبي صلى الله عليه وسلم وقالت: طهرني. شوف هي فاهمة إيه معنى إقامة الحد؟ أنه طهارة، ولا تطهرني يا رسول الله صلى الله عليه وسلم.
إذا قالوا: تعزروه، أي تمنع أي أذى يصل إلى النبي صلى الله عليه وسلم. لذلك قال بعضهم: وهذا يكون بالسيف؛ يعني مشهد إنك واقف قدام تمنع أي حاجة، اللي بيلخصها مشهد نحري دون نحرك يا رسول الله صلى الله عليه وسلم. أنت عايز مشهد يلخص يعني إيه تعذروه لو قلنا الهيئة دي بتعود للنبي صلى الله عليه وسلم؟ نحري دون نحرك يا رسول الله. يبقى إذا لما رسالة النبي صلى الله عليه وسلم بتبلغك مش عشان تتفرج عليها، عشان تتحرك، عشان أول موقف تاخده بعد الإيمان أن تقف حاجزا يمنع من وصول الأذى بالنبي صلى الله عليه وسلم.
وهذه الوقفة لابد أن يصحبها تعظيم وتوقير. برضو جابوا الجامع لكلمة الوقر في اللغة قالوا: ده الثقل. الحاملات وقرا؛ يعني تقيلة من المطر، السحاب اللي بقى تقيل من كتر ما هو شايل المطرة. في أذانين وقرة، في حاجة تكون حاجة تقيلة في ودنه، ودنه تقيلة ما بيسمعش. الثقل، إما ثقل حسي حاجة تقيلة أو ثقل معنوي. ثقل معنوي أنك بتعظم الشخص ده، الشخص ده عندك مش مش زي أي حاجة، كلمة وتوقروه أن ما ينفعش تعامل النبي صلى الله عليه وسلم زي أي حاجة. ما ينفعش لما تسمع ما ينفعش الأول ما تسمعش عن النبي صلى الله عليه وسلم، ما ينفعش ما تبقاش عارف اسمه، نسبه صلى الله عليه وسلم، مولده وسيرته، أنك أنت لو ما عملتش كده وتتعامل معه عن أي حاجة؛ يعني أنا بقول لك أنت قريت في سيرة فلان تقول لي والله مش مهم، يعني فلان مين؟ لكن ما ينفعش أنك ما تقراش في سيرته في سيرته صلى الله عليه وسلم ما ينفعش؛ لأنك كده بتتعامل زي أي شخص. ﴿لَا تَجْعَلُوا دُعَاءَ الرَّسُولِ بَيْنَكُمْ كَدُعَاءِ بَعْضِكُم بَعْضًا﴾ [النور: 63]. ما ينفعش يتعامل مع بيتعامل مع الناس، ما ينفعش ولا حتى ابنك ولا أبوك، لازم نقول معاملة خاصة، ثقل خاص في حياتك. الشخصية الوحيدة اللي تسأل عليها في القبر، في قبره: من نبيك؟ ومن ربك؟ وما دينك؟ أسأل عن نبيك صلى الله عليه وسلم.
أنت لازم هذا الإيمان يتحول إلى أفعال من تعزروه وتوقروه أن ما ينفعش النبي صلى الله عليه وسلم يبقى شخصية عادية في حياتك. أنت المفروض تبقى مشغول بتصرفات النبي صلى الله عليه وسلم، متتبع لأفعاله صلى الله عليه وسلم، تسأل هو نفسه ممكن يعمل ازاي كده في الصلاة؟ أو كان بيعمل كده ازاي في الصيام؟ أو كان هديه إيه صلى الله عليه وسلم في المشي؟ أو تبدأ تتعلم ودايما بتسأل هو كان بيعمل إيه؟ والنبي صلى الله عليه وسلم كان بيحب إيه؟ الجيل اللي يفكر كده ده جيل الفتح، وده جيل يفتح عليه، كلما ابتعدت الأجيال عن معرفة النبي صلى الله عليه وسلم كلما انهزمنا، ابتعدنا عن الفتح وأنت في حياتك.
لذلك قيل في تفسير قوله سبحانه وتعالى: ﴿فَأَثَابَكُمْ غَمًّا بِغَمٍّ لِّكَيْلَا تَحْزَنُوا﴾ [آل عمران: 153]. قيل فأثابكم غما بأي بسبب تلاقي السببية، بسبب غم أذقتموه للنبي صلى الله عليه وسلم، أي أن الله عز وجل أغمكم يوم أحد بسبب ما فعلتموه من غم للنبي صلى الله عليه وسلم. فكل ما فعل بتفعله يؤدي إلى غم للنبي صلى الله عليه وسلم بينزل عليك غم في حياتك، وكذلك بمفهوم المخالفة بالعكس، كل فعل تفرح به النبي صلى الله عليه وسلم ربنا يخليك تفرح ويفرحك في حياتك عليه الصلاة والسلام.
﴿إِنَّا فَتَحْنَا لَكَ فَتْحًا مُّبِينًا﴾ [الفتح: 1]. ﴿إِنَّا أَرْسَلْنَاكَ شَاهِدًا وَمُبَشِّرًا وَنَذِيرًا * لِّتُؤْمِنُوا بِاللَّهِ وَرَسُولِهِ وَتُعَزِّرُوهُ وَتُوَقِّرُوهُ وَتُسَبِّحُوهُ بُكْرَةً وَأَصِيلًا﴾ [الفتح: 8-9]. كلام محور رسول الله في آخر الآية صلى الله عليه وسلم، والذي يا جماعة يفرز صلى الله عليه وسلم وحده، وحده كلام محوري عن النبي صلى الله عليه وسلم لازم تبقى شخصية محورية في حياتك، النبي صلى الله عليه وسلم.
ثم وتسبحوه الملك سبحانه وتعالى طبعا إجماعا بكرة وأصيلا أن هذا هو الزاد، تسبحوه عشان تقدر تعمل تعزروه وتوقروه أنت تحتاج إلى زاد، والزاد يكون دائما في التسبيح. لذلك غالبا يقرن الصبر مع التسبيح في القرآن، أن التسبيح هو الزاد. الصبر دايما غالبا في أكثر من أربع أو خمس مواضع في القرآن يقرن التسبيح مع الصبر، لما ربنا يأمر بالصبر يأتي بعدها أمر أو إشارة إلى التسبيح؛ لأنه زاد الصبر وزاد البذل. لذلك لما ربنا سبحانه وتعالى أمر موسى عليه السلام أن يذهب إلى فرعون، طلب موسى عليه السلام طلبات: ﴿رَبِّ اشْرَحْ لِي صَدْرِي * وَيَسِّرْ لِي أَمْرِي * وَاحْلُلْ عُقْدَةً مِّن لِّسَانِي﴾ [طه: 25-27]. كل هذه الطلبات كي كثيرا، لذلك هنا قال: تسبحوه إيه؟ بكرة وأصيلا. لأن الزاد على قدر المشقة، كل ما تتعب أنت محتاج زاد أكثر، حين تسبحوه بكرة وأصيلا. أو اللي أفعالك اللي بتعملها مع النبي صلى الله عليه وسلم بتقربك من ربنا.
وأن النبي صلى الله عليه وسلم جاء ليربط الناس بالله، فعله النبي صلى الله عليه وسلم كان يربط يعني الشخص كان يربطه بالنص ليس بالشخص، فكان أقرب كان أقرب الناس إليه صلى الله عليه وسلم وهو الصديق كان من أكثر الناس تعلقا بالله، ودي حاجة عجيبة جدا! أكثر واحد قريب من النبي صلى الله عليه وسلم ليكون متعلق بربنا، لذلك هو الوحيد الذي صبر يوم وفاته صلى الله عليه وسلم كان متعلق بربنا، استطاع النبي صلى الله عليه وسلم أن يربط الناس بالله. ﴿لِتُؤْمِنُوا بِاللَّهِ وَرَسُولِهِ وَتُعَزِّرُوهُ وَتُوَقِّرُوهُ وَتُسَبِّحُوهُ بُكْرَةً وَأَصِيلًا﴾ [الفتح: 9].
طيب أنا خلاص فهمت أن الدين مش مصحة نفسية، أن الدين مش لعبة، أن احنا لازم نعمل حاجة لدين ربنا، احنا لازم ننصر النبي صلى الله عليه وسلم. خلاص آمنت بكلمة تعزروه وتوقروه، اعمل إيه؟ ما هي صور التعزير والتوقير؟ جاءت آية البيعة في كمال هذه الصور. لو أنت بتسأل اعمل إيه؟ ربنا جاب لك نموذج لناس عملت بالفعل، نموذج لناس قدمت هذا الحب عمله واضح. ﴿إِنَّ الَّذِينَ يُبَايِعُونَكَ إِنَّمَا يُبَايِعُونَ اللَّهَ﴾ [الفتح: 10]. آية البيعة، ﴿يَدُ اللَّهِ فَوْقَ أَيْدِيهِمْ﴾ [الفتح: 10]. إن الذين يبايعونك، الصحابة بايعوا النبي صلى الله عليه وسلم، قصة البيعة لما النبي صلى الله عليه وسلم اتكلم عليها تاني في رضي الله عنه، وما إذ يبيعونك تحت الشجر لما النبي صلى الله عليه وسلم أرسل عثمان بن عفان يعني يحصل بينه يحاور أهل مكة أنهم ما جاءوا للحرب وإنما جاءوا للطواف العمرة حتى نوصل الهامة بسيل عمر، فسيدنا عمر بن الخطاب قال إن في بينه وبين أهل مكة عداوات خليه ممكن يرسل عثمان، فأرسل النبي صلى الله عليه وسلم عثمان بن عفان فتأخر وحبسوه عثمان، عرضوا عليه أن يطوف بالبيت فأبى عثمان إلا أن يطوف مع النبي صلى الله عليه وسلم. فلما تأخر عثمان أشيع أنه قتل، طلعت إشاعة أن سيدنا عثمان قتل، أقام النبي صلى الله عليه وسلم وأخذ البيعة من الصحابة على الموت.
بايع في روايتين: بايعنا النبي صلى الله عليه وسلم على ألا نفر، وفي رواية قال: بايعناه على الموت عشان واحد تماسك الصحابة، واحد واحد. فبايعوه على الموت وبيعة على ألا يفروا. جايين عشان العمرة في النص بيحصل إيه؟ أن المشركين عايزين يصدوهم، قالوا: خلاص هنقاتل، الناقة خلقت القصوى، قالوا: ما خلقت القصوى؟ دي رسالة من ربنا خلاص لا مش هنقاتل. إشاعة مقتل عثمان هنقاتل، هنقاتل. عثمان لم يقتل خلاص مش هنقاتل. النبي صلى الله عليه وسلم يسير مع أمر الله وقدره، شوف لما تيجي تشوف الأحداث هي دي الشخصية فعلا اللي بيفتح عليها، هو ماشي مع أوامر ربنا. زي ما قلت لكم في بدر كده، طالعين عشان العيد خلاص بقت معركة مش مشكلة تبقى معركة، ما فيش مشكلة عنده استعداد أنه يغير.
جت آية البيعة بعد آية تعزروه توقروه عشان تبين لك أن الأفعال دي في كمالها في كمال نصرة النبي صلى الله عليه وسلم أن تبايع على الموت، أن أنت عندك استعداد تموت عشان تنصر لسنة النبي صلى الله عليه وسلم. أعلى صور التعزير والتوقير للنبي صلى الله عليه وسلم عشان تطبق آية تعزروه وتوقروه ربنا جاب لك نموذج وأكد على هذا النموذج. بدأت الآية بالتوكيد ﴿إِنَّ الَّذِينَ يُبَايِعُونَكَ﴾ [الفتح: 10]. طيب احنا قلنا سورة الفتح على خلاف في الاقوال نزلت أمتى وهم وهم إيه اللي حصل؟ وهم أمتى بالضبط؟ هما راجعين مكة بعد ما كل صلح ده خلص، طيب إن الذين يبايعونك دي جت بصيغة المضارع ولا الماضي؟ طب البيعة تمت ولا لسه هتم؟ ها؟ تمت. أمال إيه؟ يعني كان متوقع أن الذين بايعوك إنما بايعوا بايعوا الله، زي إنا فتحنا لك لو قلنا أن ده فتح مكة جت بالماضي، مع أن إنا سنفتح لك الماضي نجي بالمضارع والمضارع يجي بالماضي. يعني إنا فتحنا لك لو قلنا أن معناها هيحصل فتح عظيم فجت بالماضي لتحقق موعود الله، وأن الله عز وجل إذا شاء فتحا لأحد لا تقف دونها كلها أمام.
وأن الذين يبايعونك بالرغم أنهم بايعوه خلاص ليه يستحضر هذا المشهد المهيب؟ وليظل الصحابة متذكرين هذا المشهد؛ لأن مش بايعة وخلصت، أن مش موقف أنت سخنت فيه ودرس حضرته قلت خلاص أنا هبايع، وبعدين ده كان في الدرس. يعن تلاقي واحد يسخن ويعيط ولا قررت ومش هعمل وخلاص، وبعدين يطلع يمارس حياته عادي، أنت مش كنت لا، ده كان بس يعني السخونة كده وخلاص، أنتم بتصدقوا هو أنا لازم يعني كل حاجة أقولها؟ زي أبونا، ﴿وَمَنْ أَوْفَى بِمَا عَاهَدَ عَلَيْهُ اللَّهَ﴾ [الفتح: 10]. في عهود بينك وبين ربنا، عهود ومن أكثر الآيات المؤلمة لما الواحد بيفتكر الآية دي ومن أوفى بما عاهد عليه الله، هنا وجدنا لأكثرهم من عهد، صورة إيه؟ ارجع شوية الأعراف آية محورية في نص الأعراف كده بعد قصص كتير من الأنبياء وقبل قصة سيدنا موسى قبل النقلة دي آية محورية كده في السورة كمية عهود نقضت في الصور ﴿وَمَا وَجَدْنَا لِأَكْثَرِهِم مِّن عَهْدٍ﴾ [الأعراف: 102]. هنتكلم على مسألة العهد، إن الذين يبايعون الجذر سخط المضارع لتعظيم هذا المشهد، مشهد محتاجين نتفرج عليه دايما بصورة مستمرة؛ عشان نشوف قد إيه الصحابة تعبوا، وعشان الصحابة يفضلوا فاكرين، وعشان أنتم دايما تفتكر مسألة البيعة والعهد ما تنسهاش ﴿إِنَّ الَّذِينَ يُبَايِعُونَكَ﴾ [الفتح: 10] تأكيد صيغة المضارع، ﴿إِنَّمَا يُبَايِعُونَ اللَّهَ﴾ [الفتح: 10].
إنما ده بيسموه حرف إيه؟ حرف القصر. يعني إيه القصر؟ أنك بتقصد يعني كلمة إنما يبايعون الله يعني كأنهم لم يبايعوا إلا الله، وأن النبي صلى الله عليه وسلم كان الوسيلة اللي أدوا بها هذه البيعة لله سبحانه وتعالى. إنما يبايعنا الله إنما يبايعون الله تيجي بالصورة دي طبعا عشان ما نخشش بس في قضايا بلاثية القصر، في سمونه عين قصر حقيقي قصر مجازي. تلات أنواع، أنواع تعيين وقلب أنك أنت بتحدد حاجة، ده بيسموه قصر مجازي. يعني إيه قصر مجازي؟ يعني أنت أما بتقول مثلا إنما الشاعر محمد، أو إنما الشاعر فلان، طب ما في شعراء كتير، كأنك لا تعتبر أي شعر إلا وشعر.
فكأن كلمة: ﴿إِنَّمَا يُبَايِعُونَ اللَّهَ﴾ لو قلنا إن من معانيها تعظيم ما فعله الصحابة، يعرفك قد إيه الصحابي كان مستحضر البيعة. واللي بيبايع ربنا ووصل إلى مقام الإحسان، كأنك تراه. لو أنت قدمت الدين كده، بتعمل أعمال كده في أن تصل إلى حالة «كأنك تراه» يروى في الأثر: أن عبد الله بن عمر بن الخطاب كان يطوف حول الكعبة، جاء عروة بن الزبير يطلب يخطب ابنته وهو يطوف، فلم يرد عليه، بعد الطواف فاعتذر إليه ابن عمر وقال: كنا ونحن نطوف نتخايل الله بين أعيننا. معناها مش اللفظ يذهب دماغك إلى التشبيه، معناها: «كأنك تراه». أنت ازاي بتكلمني في وأنا كنت في مكان تاني خالص وأنا بطوف؟ أن تستحضر ذلك في الصلاة، في البيعة، أن تستحضر ذلك وأنت تقول سيد الاستغفار: «وأنا على عهدك ووعدك ما استطعت» أنك أنت مش بتقول كلام، لكن اللي يقول سيد الاستغفار بحق موقناً بهذه الكلمات ثم يموت، يدخل الجنة.
يعني ده تجديد للعهد والبيعة واستغفار من النقص في هذا العهد. كلمة: ﴿إِنَّمَا يُبَايِعُونَ اللَّهَ﴾ زي ما فيها تعظيم للبيعة وتخويف للصحابة أن الموضوع مش لعبة، ده من معاني: ﴿إِنَّمَا يُبَايِعُونَ اللَّهَ﴾ أن تبقى عارف وأنت بتشتغل في الدين أن الموضوع مش لعبة، لا ده عهود مع ربنا. يعني أنت لما تيجي توعد واحد وتعاهده على أن هتعمل حاجة نصرة للدين، انسى الشخص، أنت بتعاهد ربنا حتى لو الشخص مش معاك ومش شايفك، أنت بتعاهد ربنا، الله عز وجل مطلع عليك. ﴿إِنَّمَا يُبَايِعُونَ اللَّهَ﴾.
ثم يقول الملك سبحانه وتعالى تأكيداً وتعظيماً لهذا المشهد: ﴿يَدُ اللَّهِ فَوْقَ أَيْدِيهِمْ﴾. تخيل يعني مشهد، والصحابي رايح يبايع النبي صلى الله عليه وسلم مستحضر المعاني دي: ﴿إِنَّمَا يُبَايِعُونَ اللَّهَ﴾، ويسلم عليه مستحضر: ﴿يَدُ اللَّهِ فَوْقَ أَيْدِيهِمْ﴾. مشهد مهيب، ويبايعوا مش على أي حاجة، على الموت! ألف وأربعمائة واحد يبايعه، قيل لم يتخلف إلا رجل جَدْل بن قيس تبختر خلف جمل. إيه المشهد المهيب ده لما بتتم البيعة بالصورة دي؟ بينزل الفتح، وينزل الرضا. لما تيجي في آية بقى الرضا: ﴿لَقَدْ رَضِيَ اللَّهُ عَنِ الْمُؤْمِنِينَ إِذْ يُبَايِعُونَكَ تَحْتَ الشَّجَرَةِ﴾ [الفتح: 18]. ﴿يَدُ اللَّهِ فَوْقَ أَيْدِيهِمْ﴾.
يعني إيه يد الله فوق أيديهم؟ عشان ما نخشش في جدل الناس اللي بتؤول الصفة، نثبت اليد لله سبحانه وتعالى كما أُثبتت، ولكن بيقول إن في معنى هنا، هنقول إن في معنى مش القضية بس فقط إثبات الصفة للملك سبحانه وتعالى. لكن إيه المعنى غير التعظيم يعني؟ قيل: أنا هقول لكم الأقوال التلاتة اللي أتقالت ونشرح كل قول؛ لأن أنا عايزك تفتكرهم دايماً وأنت بتعمل أي عمل لدين ربنا، عايزك تبقى تفتكر التلات كلمات دول، وأنت أي بذل بتعمله تفتكر التلات كلمات دول: ﴿يَدُ اللَّهِ فَوْقَ أَيْدِيهِمْ﴾ منة، ووفاء، وقوة.
تاني، قالوا دي دي الملخص اللي قالوه في الآيات بعد مرور عن السلف بعض هذه المعاني. قيل عن ابن عباس وعن غيره أقالها الإمام الواحدي في التفسير البسيط، والإمام مكي بن أبي طالب في تفسير الهداية: ﴿يَدُ اللَّهِ فَوْقَ أَيْدِيهِمْ﴾ ها، منة، وفاء، قوة. يعني إيه؟ واحدة واحدة. ﴿يَدُ اللَّهِ فَوْقَ أَيْدِيهِمْ﴾ منة، بمعنى: أن اليد أحياناً تأتي بمعنى النعمة والفضل. فمعنى الآية: يد الله فوق أيديهم فضل الله عليكم ومنته بالهداية أفضل وأعلى من أفعالكم بالبيعة؛ عشان لما تيجي تقدم تضحية ما تعظمهاش، وتتذكر أن الذي هداك للإسلام ووفقك لوقوف هذه الوقفة في هذه البيعة، منة الله أعظم، فلا تَمُنُّوا بالبيعة، بل الله يمن عليكم أن هداكم للإيمان. يعني: ﴿يَدُ اللَّهِ فَوْقَ أَيْدِيهِمْ﴾ منة؛ يعني فضل الله أعظم مما تفعله.
عشان لما تيجي دايماً دي بيعة على الموت، فأنت ممكن إيه تستعظم ما تفعل، ده اللي بينزل يصلي الفجر في الشتاء بيبقى حاسس أنه يعني ولا اللي بيقوم بقى يصلي القيام يلبس، ده مفتري يعني يا عسل، دول بيبايعوا على الموت! ربنا بيذكرهم: ﴿يَدُ اللَّهِ فَوْقَ أَيْدِيهِمْ﴾. فضل الله عليكم أعظم مما تفعله أن هداكم واصطفاكم، أنتم ألف وأربعمائة واحد على خلاف في الأقوال، ألف وأربعمائة ولا ألف وخمسمائة، طب ما في ألوف، أن يصطفيكم الله عز وجل وتكونوا معروفين على مدار الزمان بأهل بيعة الرضوان، في مقامات ترتيب مقامات الصحابة دي في أهل البيعة، بيعة الرضوان.
﴿يَدُ اللَّهِ فَوْقَ أَيْدِيهِمْ﴾ أول معنى بتستحضره دايماً وأنت تبذل: ﴿يَدُ اللَّهِ فَوْقَ أَيْدِيهِمْ﴾ إيه؟ منة. نيجي للتانية: ﴿يَدُ اللَّهِ فَوْقَ أَيْدِيهِمْ﴾ وفاء. يعني إيه وفاء؟ أي أن الله يوفي لكم بالجزاء أعظم من توفيتكم بالعمل. يعني زي بالضبط معنى قول الله عز وجل: ﴿فَاسْتَبْشِرُوا بِبَيْعِكُمُ الَّذِي بَايَعْتُم بِذَلِكَ﴾ [التوبة: 111]. يعني ربنا وعد الجزاء على أعمالك، فربنا بيقول لك هديك أضعاف اللي أنت عملته، ما كانش يعني ما تبقاش مشغول قوي بالجزاء. ناس كتير إيه: طب وترا دي ثوابها إيه؟ طب ولو أنا صمت وعطشت مثلاً سبعين في المية الثواب بيزيد شوية؟ طب ولو أنا وأنا صايم قمت عامل مجهود؟ تلاقيه قاعد عايز يسأل عن تفاصيل، ده كويس أحياناً أن هو عايز يستشعر، لكن خلاص أنت واثق: ﴿وَلَا تُظْلَمُونَ نَقِيرًا﴾ [النساء: 124] ولا قطميراً. الغبار اللي بيجي على رجلك في سبيل الله ما بيضيعش، خلوف الفم ما بيضيعش، الريحة بس بتاعة الصيام ما بتضيعش، عند ربنا أفضل عند الله من إيه؟ عند ربنا سبحانه وتعالى من ريح المسك، أن الملك سبحانه وتعالى، وليس عند أي أحد، قطرة الدموع عند ربنا ما بتضيعش.
وفاء: أي عطاء الله لكم وجزاؤه أعظم مما ستفعل، فمهما قدمت لنصرة الدين كن واثقاً أن الجزاء أعظم بكثير. لذلك اطلع من كلمة: ﴿يَدُ اللَّهِ فَوْقَ أَيْدِيهِمْ﴾ وفاء بآية: ﴿وَلَا تَمُنُّ تستكثر﴾ [المدثر: 6] أوى تستكثر حاجة، لأن الجزاء أعظم بكثير. دي معاني بستحضرها وأنا ببذل أي بذل في نصرة الدين: ﴿يَدُ اللَّهِ فَوْقَ أَيْدِيهِمْ﴾ هي منة، وفاء، قوة.
قالوا يعني إيه قوة؟ كلمة ذكرها الإام الواحدي كلمة جميلة قوي، أيام محمد صلى الله عليه وسلم: لا تلتفت إلى قوة من بايعك، وانشغل بالله. يعني دايماً: ﴿يَدُ اللَّهِ فَوْقَ أَيْدِيهِمْ﴾ أي قوة الله أعظم، فتوكلوا عليه. الحالة من ألف وأربعمائة واحد يبايعونه على الموت، فأنت إيه فرحان بقى أن معاك أسباب القوة، فربنا بيقول للنبي: لأ، قوة الله أعظم، فانشغل بالتوكل عليه، لا تلتفت إلى هؤلاء.
يبقى إذاً، لما أجي أعمل أي عمل للدين، أول حاجة أفتكر منة ربنا عليّ في أن هو اللي وفقني، واستحضر عظم الجزاء، ولا أتوكل على أفعالي. بعد ما بعد ما أتعب وأبذل ما أقولش لا ده أنا تعبت، لا لا، أتوكل على الملك سبحانه وتعالى. أي عمل للدين وبذل فيه تعب وبيعة وقوة بفتكر التلات حاجات دول في ذهني عشان ما أنساش: المنة عليّ أن ربنا وفقني، استحضار الجزاء العظيم أن أضعاف أضعاف ما أفعل، ما استكثرش حاجة لأن الجزاء أعظم بكثير إذا تم القبول. تالت حاجة بعد ما أتعب بقى وتعبت ولا كأني عملتها، قوة وأنا معتمد على ربنا أصلاً، كل اللي عملته ده لا شيء، ﴿وَلِلَّهِ نُورُ السَّمَاوَاتِ وَالْأَرْضِ﴾ [النور: 35] ده أنا بقوم بطاعة بعبودية، إنما التوفيق والفتح والسداد والنصرة من عند ربنا. بيعة وعلى الموت، وبعدين ما حصلش حاجة، خلاص، كان مش المقصد أن هما يجاهدوا المقصد أن هما يعملوا البيعة، إنما النصر والفتح تمت بأسباب تانية خالص: صلح، فترات وعشر سنين، وبعدين ينكسر الصلح بعد سنتين تلاتة، بترتيب يعني نشرحه بعدين عجيب، وتحصل أحداث غريبة، الفتح جه بالأسلوب يعني من مكان تاني خالص، اه، من حيث لا نحتسب. مركز القضية في إيه؟ أن بس تتم هذه المبايعة، إنما الفتح والترتيب والنصرة والسداد من عند ربنا: ﴿يَدُ اللَّهِ فَوْقَ أَيْدِيهِمْ﴾ إيه؟ منة، وفاء، قوة.
بعضهم بيقول قوة: أي نصرة استحضار آية البيعة بصيغة المضارع القصر: ﴿إِنَّمَا يُبَايِعُونَ اللَّهَ﴾ كأنك تراه، استحضار: ﴿يَدُ اللَّهِ فَوْقَ أَيْدِيهِمْ﴾ السطر ده بتاع البيعة.
بعد كده، بعد هذا التعظيم: ﴿فَمَنْ نَكَثَ فَإِنَّمَا يَنْكُثُ عَلَى نَفْسِهِ﴾. نكث بيجي لما حاجة تبقى محكمة، ولا تكونوا كالتي نقضت غزلها من بعد قوة أنكاثاً. سورة إيه؟ كانت امرأة خرقاء تظل طوال اليوم الأول النهار إلى آخره تغزل، فإذا أحكمت غزلها في آخر النهار تنقضه عبثاً. شبه الله عز وجل الذي ينقض عهده مع الناس بهذه المرأة، فما بالكم بمن ينقض عهده مع الله! خدناك في حاجة محكمة وتروح أنت تفكها، تتولى عن ثغرك وتمشي، ربنا يفتح لك ويجيبك ويصطفيك ويفهمك ويقدمك، ثم تُعرض.
الدين مش لعبة، الدين ما ينفعش أن أنا براحتي طلبت معي أحفظ قرآن، جبت الأطفال وقعدنا وبدأنا واتعلقوا بي، مش فاضي بقى بصراحة، أنا أنا هسيب بقى أنا أروح، أصل أنا عندي ماستر كورس. ما تقولش أصل دينا وافي باستعمال، أنت بتركه تذهب. مش عايز أتكلم في قضية حسابية هندسية، قاسم بنسبة كام؟ الموضوع أخطر من كده. شيخ الاسلام ابن تيمية بيقول: بعض الأعمال الشرعية يلزم أن يصبح لازماً واجباً، بالرغم أنه كان نفلاً. بعض الأعمال الشرعية التي كانت من النوافل، الإنسان بالشروع فيها -أي بمجرد الدخول فيها- كالجهاد والحج جنب مسألتين متفق عليه، أن جهاد النفل هو نفل، لكن لو أنت طلعت جهاد النفل ما عدش نفل، ما حدش ينفع ترجع، ما ينفعش وأنت في وسط المعركة والمشركين وهو كان جهاد نفل أصلاً جهاد الطلب، ولسه بقى لا لا لا ده أنا ده نُفلة أنا كنت بهزر أنا ماشي، لا، أنت متولي دبرك هنا، أو الحج النفل. أنت حجيت قبل كده، وفي نص الحج ما عجبكش الزحمة، قمت قائل: لا لا خلاص، لأ مش بمزاجك، ﴿وَأَتِمُّوا الْحَجَّ وَالْعُمْرَةَ لِلَّهِ﴾ [البقرة: 196]. مش بمزاجك تنقض العهد.
فحاج شيخ الإسلام ابن تيمية عليها بعض الأعمال الشرعية زي العلم مثلاً، أن اللي يوفق لفهم العلم قال ده اصطفاء، مش بمزاجك تسيبه، مش بمزاجك يعني الموضوع مش لعبة كده، لذلك ربنا قال: ﴿وَمَنْ أَوْفَى﴾ لازم توفي بأمانة، وإلا فذلك يأتي على نفسك، أنت بتدمر نفسك، زي بالضبط اللي يروح ما بيستقرش في شغلانة عمال يتنطط، ده بيدمر نفسه مالوش مستقبل. ﴿فَمَنْ نَكَثَ فَإِنَّمَا يَنْكُثُ عَلَى نَفْسِهِ﴾. نكث، ولذلك بعضهم بعض اللغويين قال: النقد للشيء الحسي، والنكس للشيء المعنوي، المعنوي يأتي دائماً مع العهد، ولما بيجيب نقض العهد كأنه عايز يشبه العهد أن هي حاجة حسية مربوطة.
﴿فَمَنْ نَكَثَ﴾، وحصر لسه واخدين حرف إنما بتاع الحصر، ﴿إِنَّمَا يَنْكُثُ عَلَى نَفْسِهِ﴾. من معانيها إيه؟ بعض أهل العلم أشار أن أحياناً كان يأتي بعض المنافقين يبايعون النبي صلى الله عليه وسلم عشان المسلمين يعتمدوا على العدد ده، ما هو أنت اللي بيحصل إيه أن المسلمين ما بياخدوش خطوات إلا لما يبقى معهم أسباب، يعني أنا مثلاً العدد معي ألفين تلاتلاف، على حسب العدد على حسب ما بتاخد خطوات. فالنبي صلى الله عليه وسلم كامل أعداد معينة فبياخد خطوات معينة. فبعض المنافقين يبايع عشان المسلمين يعتمدوا على وجودهم، وبعدين يخونوهم في النص عشان المسلمين يتضروا، زي اللي كانوا بيؤمنوا أول النهار ويكفروا آخره عشان يعبدوا فتنة وبلبلة. ربنا بيقول: هو عمل كده عشان يضر الدين؟ لأ، الدين لن يضر، أمال مين اللي هيضر؟ أنت بس اللي هتضر. يعني اللي قاعد بيفكر ازاي يأذي الدين من الداخل هو بس اللي بتضر. ﴿فَمَنْ نَكَثَ فَإِنَّمَا يَنْكُثُ عَلَى نَفْسِهِ﴾، يعامل بنقيض القصد، أراد أراد أن يضر الدين فلا يضر إلا نفسه.
بينما: ﴿وَمَنْ أَوْفَى بِمَا عَاهَدَ عَلَيْهُ اللَّهَ فَسَيُؤْتِيهِ أَجْرًا عَظِيمًا﴾ [الفتح: 10]. ومن أوفى؟ أوفى هنا يعني إيه؟ ده الأول فعل ولا اسم؟ طب ننام خمس دقائق. يعني أوفى دي اسم زي دي. طب ومن أوفى بعهده من الله؟ أوفى أي هو من أوفى بعهده، سورة إيه؟ سورة التوبة، أن ربنا بيقول لك جاهدوا بأموالكم وأنفسكم، الأموال قبل الأنفس، لما الله جت الآية أن ربنا اللي بيشتري، بيشتري النفس قبل المال، النفس نفس المؤمن غالية: ﴿إِنَّ اللَّهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ﴾ [التوبة: 111]. وبعدين هم الأوفى، بيعاملون الله أوفى، ده اسم تفضيل، أي ليس هناك أحد أوفى من الله سبحانه وتعالى.
هنا ده فعل، يعني هو من أوفى بعهده، أي والذي سوف يوفي، عكس نكث، نكث فانما ينكث لنفسه، ومن أوفى أي والذي سوف يوفي بعهده مع الله فله أجر عظيم، فسيؤتيه أجراً عظيماً. والتوفية إعطاء الحق وافياً، أي لابد لك من التمام في الأعمال. الدين برضه تبع أن الدين مش لعبة، أنك لازم تكمل للاخر، لازم أنك لما تستفتح عمل تتمه، مش في النص تلعب وتمشي وتسيب ثغرة، لأ الوفاء. ومن أوفى؟ يبقى الأجر العظيم لمين؟ للي يوفي. ﴿وَإِبْرَاهِيمَ الَّذِي وَفَّى﴾ [النجم: 37]. لذلك قالوا: أن وفَّى صيغتها في المبالغة أعظم من أوفى، فربنا ما قالش: ومن أوفى بما عاهد الله؛ لأن احنا مش هنعرف نعمل زي ما النبي قلنا، وفيها مبالغة. فسيدنا إبراهيم لم يترك باباً إلا وأتمه الخليل عليه وعلى نبينا أفضل الصلاة وأتم التسليم. احنا ربنا طلب منا ومن أوفى أنك أنت لازم لما تعاهد ربنا على حاجة تكملها، كملها للاخر، ما تجيش في نص تتعب؛ لأن دايماً المثل المشهور: خط البداية زحمة جداً مليان ناس، لكن خط النهاية فاضي، ألف واحد تأخر وخدني جنبك وبتاع، خط النهاية إيه؟ اتنين تلاتة يعني واصلين بالعافية.
قصة مشهورة لذلك ختام سورة الفلاح والخسارة سورة العصر: الإنسان إلا في خسر، ختامها بالصبر وتواصوا بالحق عشان تنجح وتطلع من الخسارة لازم تكمل للاخر. كم من عهد عهدناه ولن نتمه، بلاش إحراج بقى، ومن أول طبعا أنا بكلم نفسي يعني.
ومن أوفى بما عاهد، ما قالش لنا بايع، إن الذين يبايعون، العهد أوسع للبيعة، العام أمر أعظم، وقيل إن العهد بيتسمى عهد لأنك كل شوية لازم تتعاهده، عشان تفضل تعرف تحافظ على العهد، لازم كل شوية ترجع وتفكر نفسك. لذلك أنت في الصلاة، في آخر الصلاة، أنت بتجدد العهد، قاعد كده الجلسة اللي في الآخر دي، هذه إنسانة التي وكلناها بين يدي ملك تجلس الجلسة دي، وبعدين تقول إيه؟ التحيات لله والصلوات والطيبات، السلام عليك أيها النبي ورحمة الله وبركاته، السلام علينا وعلى عباد الله الصالحين.
أنت بتعمل إيه دلوقتي؟ أنت بتستحضر مشهد أنك تقف بين يدي الله، وبين يدي النبي صلى الله عليه وسلم، وبين يدي المؤمنين، ثم تؤدي التحية لله وللنبي وللمؤمنين، بس ما ينفعش تسلم على ربنا، لا يسلم على الله، فالله هو السلام، إنما تقول إيه؟ التحيات لله، إيه تحياتي لك أي ما فعلته يا رب من ركوع وسجود، هناك بعض الناس يحيون ملوكهم بالركوع، وهناك بعض الناس يحيون ملوكهم بالسجود، وهناك بعض الناس يحيون ملوكهم بالوقوف، فكل هذه التحيات لا تنبغي إلا لك، من وقوف وركوع وسجود لا تنبغي إلا لك.
فبتقول إيه؟ التحيات أي ما فعلتُ لله، صلوات كل أفعالي لك، ثم تسلم على النبي صلى الله عليه وسلم، لذلك ما تقولش السلام على النبي، تقول السلام عليك، أن تستحضر وجود النبي صلى الله عليه وسلم، ثم تسلم على المؤمنين، بتعمل إيه أنت كده في هذه الجلسة؟ بتجدد العهد قدام كل الناس، ثم تقول أشهد أن لا إله إلا أنا بجدد العهد والعذاب.
ثم من باب من لم يشكر الناس لم يشكر، تصلي على النبي صلى الله عليه وسلم، اللي هو اللي جاهد عشان يصل إلينا هذا الدين، وتتذكر جهد الخليل إبراهيم عليه السلام، كأن المشهد الصلاة تجدد العهد، والحج تذهب لتجدد العهد، والعمرة تذهب لتجدد العهد، فالميثاق في بعض الآثار أن اللي بيلمس الحجر الأسود كأنما بايع الله.
الناس تروح تتمسح بالحجر عشان يحل لها مشاكلها، مش فاهمين إن دي بيعة، الأمر أعظم من ذلك، وإن كان بعض العلماء ضعّف فعلا الأثر، لكن يشهد أن العبادات تذكير بالعهد.
﴿وَمَنْ أَوْفَىٰ بِمَا عَاهَدَ عَلَيْه اللَّهَ﴾ [الفتح: 10] وسيؤتيها جمع الأذان، ومن أوفى بما عاهد عليه الله، مش عليهِ؟ ليه الهاء هنا جت مضمومة؟ ليه بقى مساء الفل بقى من إيه؟ دايماً لما بيتسأل سؤال زي ده في التفسير بيجاوب إجابتين، إجابة نحوية وإجابة بلاغية. نحوية يعني إثبات أن هذا يجوز في اللغة حتى لا يطعن أحد في القرآن، لما بيجي مثلاً: ﴿والمقيم الصلاة﴾ [الحج: 35]، فالناس تستغرب ليه ما جتش مرفوعة؟ أو هتيجي أسئلة زي دي؟ بتجاوب إجابتين.
أول إجابة نثبت أن ده صح نحواً في النحو، دي إجابة النحويين، إنه يثبت أن هذا صحيح لغتك حتى لا يطعن أحد في القرآن، ثم نسأل: ولماذا جاءت هكذا؟ بإجابة البلاغيين بقى. الأول قالوا عليه دي مش غلط لغة، ده بالعكس ده الأصل، إن الهاء دي الأصل إن هي بتيجي، الهاء دي الضمير ده المتصل بيجي أصلاً مبني على الضم، منه ماشي؟ اللي بيجوا أصلاً.
أومَال امتى بييجي مكسور؟ لما بييجي قبله ياء، فقالوا إن دايماً اللغة بتغير الحركة لحاجتين للتعذر، هنا نتكلم على الهاء عليه، هو الأوفى بما عاهد عليه، قلنا بيبقى فيه إجابتين في الأسئلة اللي زي كده في القرآن، ليه مثلاً دي جت منصوبة؟ ليه قدمت؟ أهل النحو يثبتوا الأول أن هذا ورد في كلام العرب حتى لا يطعن أحد في القرآن، ومن السذاجة أنك تلاقي الناس اليومين دول اللي عايز يطعن في القرآن تلاقيهم يقول لك أنا جبت أخطاء لغوية، يعني ألف وأربعمائة سنة وأفصح الناس وما عرفوش يجيبوا أخطاء، وأنت أيها... هتجيب خطأ لغوي في القرآن؟ يعني كأن مثلاً دواء مسل، كل أطباء العالم قالوا هذا دواء معجز فعلاً، وبعدين ييجي واحد لا يقرأ ولا يكتب ولا يفقه شيئاً في علم الطب مثلاً، يقول أنا بقى عرفت الغلط اللي في...
فالأخطاء يعني ده بيبقى كلام عبث، وطبعا عشان لأسف أصبحنا عاجزين في اللغة فالكلام ده احنا إيه ممكن ينطلي على بعض المعاصي. قلنا إجابة أهل النحو دي بيثبت الأول، ثم إجابة أهل البلاغة، ودي بتبقى إجابات اجتهادية برضو إجابة أهل البلاغة أو لو مثلا كتب القراءات اللي بتوجه اللي عندنا فيه كتب أظن أنا أشرت إليه قبل كده اسمها توجيه القراءات، أن كل قراءة ليه كده؟ أن حفص اللي قرأها كده، فاكر مين تاني من السبعة؟ لكن مش كلهم الأغلب قرأها عليه عادي. هو حفص؟ حفص، ودي موجودة في موضوعين في حفص بس أن الهاء تتغير موجودة في موضوعين في مصر.
نرجع الأول للثاني من الهاء، الأصل إن هي بتيجي مضمومة، أومَال أمتا بييجي مكسورة؟ لما يبقى قبلها ياء، قلنا اللغة بتغير الحركات في آخر الكلام لسببين التعذر يعني مستحيل تنطقها، أو للثقل الثقيلة على اللسان، فلثقل الضمة بعد الياء سواء كانت ياء بيسموها سكون أو سكون ميت يعني عليه السكون دي أو فيه اللي هي المد دي.
فأي هاء مرتبطة بحرف، والحرف ده آخره ياء زي الفي، أو العلي، الهاء بتبقى مكسورة، إنما الأصل إن هي إيه؟ مضمومة، فيقولوا طب ليه هنا جت على الأصل بقى؟ عرفنا أن ده في النحو جائز، يعني ده جائز نحواً.
طب ليه الموضع ده برغم أن فيها بعض الثقل على اللسان جت دي تحديدا مضمومة؟ قالوا لثقل البيعة ووثيقة للنطق يوافق ثقل البيعة، وده من إعجاز اللغة أيضاً، أن الكلمات وعذاب الآخرة أشق، بيتكلموا فيه في الإعجاز اللغوي، أن هذه النطق لهذه الكلمة النطق صعب، الشق لمشقة العذاب، يعني إن كان العرب بيغيروا في حروف الكلمات تبعاً لصعوبة الكلمة أو لمعنى الكلمة، لو معنى الكلمة بيتقلب تلاقيه بيضيف حاجة يوضح المعنى.
يعني كان الشيخ البحيوي وهو بيشرح هنا فذكر مثل مشهور عن العرب، أن رجل بيسأل أحد الأعراب الذين يفقهون في اللغة، فبيسأله بيقول له: ما تسمون هذا مركب صغير قارب صغير معدي كده؟ فقالوا بتسموه إيه أنتم العرب؟ فقال: نسميه شق ذف ثقبة عشان إيه كأني مع الحرج يعني مع حركة فبيسموه شق. فعدت سفينة كبيرة فقالوا: بتسموه إيه؟ قال... أنتم براحتكم كده عمالين تسموا، في فكرة... فهم وضع اللغة بين عليك تحس. فقال طب هو مد ليه الألف دي؟ مد الألف بتاع دي مدها ليه؟ لذلك في قاعدة عندنا في اللغة، شوف العرب القواعد دي جت عشاننا احنا عشان احنا مش فاهمين، فحطوا قاعدة اسمها إيه بعد كده في البلاغة: زيادة المبنى زيادة المعنى، يعني كل ما تزود في الكلمة يبقى أنت قصدك أن الكلمة دي فيها معنى زايد، زي فلم يسطع يستطع في سورة الكهف، طب التاء لما تتشال؟ طب التاء بتتحط ليه؟ لأن الاستطاعة كانت أصعب لأن المعنى زائد، لم تسطع، ليه؟ لأنه كان شرح له خلاص القصة، ففهم قال له فبقت سهلة شوية، الشاهد ده كتير في القرآن، أن الحرف له معنى.
فقال له دي جت في الموضع ده، الثقل بتاع الكلمة مقصود، وقالوا أفاد فائدة عظيمة جداً ومن أوفى بما عاهد عليه، ها؟ لفظ الجلالة هنا هيقرأ مفخم لأن لما بيجي قبله ضم بيقرأ إيه؟ مفخم، بيقرأ الله، لما بيجي قبله كسر بيقرأ مرقق، فقالوا لتفخم لفظ الجلالة وأنت تقرأها: ومن أوفى بما عهد عليه الله، لما تنطقها كده وتبقى ثقيلة عليك وتفخم لفظ الجلالة تشعر بقيمة البيعة في الإعجاز. ومن أوفى بما عاهد عليه الله، الموضع ده محتاج اهتمام، محتاج تركيز، ما ينفعش يعدي البيعة كده.
الموضع التاني قبل ما أنسى بسرعة اللي جه في حفص: وما أنساني، هو متصلة آخرها ياء، كان الأصل إن هي تيجي مكسورة، كتير من القراء السبع أو العشر: ﴿وَمَا أَنسَانِيهِ إِلَّا الشَّيْطَانُ﴾ [الكهف: 63] قرأها على الأصل، دي جت مضمومة ليه؟ اللي كان محتاج تركيز أن الشيطان ما يضحكش عليه، محتاج تركيز في مداخل الشيطان، فتتغير وتكون ثقيلة على اللسان عشان تكون مركز مع الشيطان، عشان الشيطان خلي يوشع أن هو ينسى قال وما أنساني! ده أنا غلطان، إلا الشيطان حركة على الحرف تدي معنى عظيم: ومن أوفى بما عاهد عليه الله، وزي ما قلنا أفاد أن لفظ الإجابة ينطق إيه؟ مفخم.
فسيؤتيه، قيل السين دي غير سوف، سوف بتفيد أن المستقبل ممكن يبقى بعيد شوية، السين دي قريب، سيؤتيك أي إن شاء الله ينال أجره في الدنيا وقبل الآخرة أجراً عظيماً. نكرة لا توصف، ونكرة قلنا بتيجي المعنيين يعني التعظيم للتحقيق، وهن للتعظيم عظيمة. روي عن ابن عباس، أبو بكر ده الإمام الوحيد، قال: العظيم لا يوصف، يعني إيه العظيم لا يوصف؟ يعني الثواب بتاعه اللي بايع دول ما ينفعش يتوصف، أنا هاقول لك عظيم وخلاص، ميل أنت عقلك مش هيستوعب، يعني كلمة العظيم لا يوصف يعني من كثرة عظمته لا تستطيع العقول أن تتحمل وصفه، فنكتفي بكلمة عظيم إلى أن يراه أهل...
وهذه البيعة أسأل الله أن يغفر لنا، سيؤتيه أجره زي بالضبط كده إيه: ﴿فَلَا تَعْلَمُ نَفْسٌ مَّا أُخْفِي لَهُم مِّن قُرَّةِ أَعْيُنٍ﴾ [السجدة: 17]. ما ينفعش ثواب قيام الليل ما ينفعش يتوصف خالص، لا أنا ربنا كل اللي هيقول لك بس أن هو حاجة مستخبية، ربنا أخفى لك حاجة خاصة هدية خاصة بأهل القيام المواظبين على القيام، ما ينفعش تتوسط في ثوبات في القرآن اتسبت كده مبهمة لعظمته ما ينفعش لعظمتي.
الحديث المشهور آخر أهل الجنة دخولاً للجنة وآخر واحد بيطلع من النار، نخش الجنة فيقول الملك سبحانه وتعالى يقول له فتمنى فيقول فيتمنى يشاء فيعطيه الله سبحانه وتعالى، فيقول له الملك سبحانه وتعالى: اتحب أن يكون لك مثل ملك من ملوك الدنيا؟ فيقول أحب يا رب، رضيت يا رب، فيقول له ولك مثله ومثله ومثل... يقول رضيت رب، فيقول عشرة أضعافه! فيتعجب موسى عليه السلام يقول: رب هذا لأدناهم منزلة، فكيف بأعلاهم؟ بأعلاهم منزلة ما اتوصفش بقى يعني أقل واحد نوصف تخيل ممكن ملك من الدنيا، طب خمسة في عشرة بخمسين، إنما أعلاهم زنا فقال الله عز وجل: أولئك الذين غرسوا... ﴿وَلَا خَطَرَ عَلَىٰ قَلْبِ بَشَرٍ﴾، أعلا المنزل ده ما يتوصفش، أقله منزلة ممكن نحاول نقرب أن نتخيل مهما بقى واحد بلغ من الملك في الدنيا مع التقدم وفي آخر الزمان وخمسة وخمسة مثله وبعد كده عشرة أضعافه مع أنه ثواب عظيم جداً لكن ممكن نقرره، لكن فيه ثوابات في القرآن تترك هكذا لعظمته: أجراً عظيماً، والعظيم إيه؟ لا يصلي.
بعد آية البيعة هناك من وفى وهؤلاء الصحابة، وهيجي الثواب بتاعهم: ﴿لَقَد رَضِيَ اللَّهُ عَنِ الْمُؤْمِنِينَ إِذْ يُبَايِعُونَكَ تَحْتَ الشَّجَرَةِ﴾ [الفتح: 18] ثواب الرضوان وبيعة الرضوان، ونموذج للماكثين. سيقول لك المخلفون من الأعْراب، نترك الآية دي المرة القادمة، يبين الإعجاز اللي فيها والكلمات اللي فيها وأنواع النفاق.
صلى الله عليه وسلم، يعني يمن علينا بتكميل هذه السورة، وأن يفهمنا وأن يبصرنا، نتكلم به بإذن الله عز وجل عن أنواع النفاق، وأن النفاق دركات، وأن أحياناً المنافق بيحب يحس بصورته فبيقول أنا منافق نص نص، المنافق هنا مش بيقول أنا مؤمن، ده المنافق حد يحسن صورته، ما هي دركات هذه النفاق؟ نسأل الله عز وجل أن يعصمنا منها، المعرفة بإذن الله عز وجل في الدرس القادم خلق اليد. واستغفر الله لي ولكم، سبحانك اللهم وبحمدك، أشهد أن لا إله إلا أنت أستغفرك وأتوب إليك، وجزاكم الله خيراً.