تفسير سورة الكهف (2) | الآيات (9-26) | د. أحمد عبد المنعم

بسم الله الرحمن الرحيم. السلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم. أهلاً بكم في المجلس الثاني من مجالس سورة الكهف. بفضل الله المرة الماضية تكلمنا عن مقدمة وموقع السورة والقصص العام الذي في السورة، وتكلمنا عن خواص سورة الكهف. وقلنا إن المصطلح قد يكون غريباً قليلاً، لكن جبنا بعض الكتب التي تكلمت عن خواص القرآن، وتكلمت على ذلك بالتفصيل في درس منهجية مقترحة لمعايشة سور القرآن الكريم: كيف نحاول أن نصل إلى خواص السورة القرآنية؟ يعني لو أنا عايز أعرف ما هي خواص سورة يس مثلاً؟ أنا أحب سورة الرحمن، ما هي خواص السورة؟ ما هي الطرق التي أصل بها إلى خواص هذه السورة؟ فتكلمنا بفضل الله سبحانه وتعالى في المرة الماضية عن هذه المقدمة، وكانت طويلة شوية، وبعض الناس وجد فيها صعوبات، وهذه فرصة أن أتكلم في النقطة دي، وهي أن دائماً بداية التساؤلات: لماذا الانتقال للغة العربية أو الإصرار على الإحالات إلى دروس سابقة أو إلى كتب؟ وبعض الناس يقول: لا، نحن هذا الأمر جيد ونستمر في ذلك. في ناس عايزة اللغة العامية أكثر وبدون إحالات على الكتب وبدون إشارات إلى المفسر أو أصحاب الأقوال، وحقيقةً قدر المستطاع نحاول أن نغطي أكبر شريحة تستفيد. فأرجو ألا يجعل أحد حاجزاً نفسياً بينه وبين الاستفادة من النص القرآني؛ فما نحن إلا، سواء الدرس هذا أو الكتب، جسور تربط الإنسان بالنص القرآني. فبعد الاستماع لهذا الدرس ولغيره أو القراءة، الإنسان يصلي قيام الليل بالسورة، وإن شاء الله يفتح له على قدر احتياجه هو في كتاب الله سبحانه وتعالى.

نحن توقفنا في المرة الماضية عند قول الله سبحانه وتعالى، يعني أظن فيه بعد ما تكلمنا آية ثامنة: ﴿إِنَّا جَعَلْنَا مَا عَلَى الْأَرْضِ زِينَةً لَّهَا﴾ [الكهف: 7]. وبعد كده قلنا: صعيداً جرزاً. وقلنا المقارنة بين كلمة زينة وصعيداً جرزاً، الانتقال المفاجئ بين قمة الزينة في الأرض إلى الصعيد الجرز، هذه الرؤية هي التي تقدمها نظارة سورة الكهف. هنا نظرة سورة الكهف أو سورة الكهف تعطينا معايير، تعطينا قيم حقيقية، تعطينا نظارة صالحة لرؤية الأشياء على حقيقتها، فالذي يرى الدجal لن ينبهر به؛ فسورة الكهف كما أنها تساعدنا على رؤية الدجال وهو أعظم فتنة، فما بالكم بما دونه من الفتن؟ إذاً بفضل الله سبحانه وتعالى سورة الكهف تعطينا معايير وقيم ورؤية وبصيرة نرى بها الأشياء على حقيقتها. وهذا ما حدث بفضل الله وتعلالى مع أصحاب الكهف، رأوا هذه الأحداث على حقيقتها فاستطاعوا أن يأخذوا القرارات الصحيحة.

قلنا إن كلمة الزينة جاءت ثلاث مرات في السورة، وكلمة الرشد جاءت أربع مرات، وقلنا من العجيب أن الآية عشرة التي ورد الحديث أن نتوقف عندها في القراءة من أول عشر آيات من سورة الكهف حينما تقرأ على الدجال انتهت بهذه الكلمة؛ كلمة الرشاد. والرشد -أنا نسيت أقول لكم المرة اللي فاتت وأنا أبحث في كتب اللغة: دكتور محمد حسن جبل في كتابه المعجم الاشتقاقي المؤصل لألفاظ القرآن الكريم- كان تكلم أن الرشد ليس الاستقامة فقط، قال: الاستقامة مهما تصلب فيها، وجاب معاني أن الرشد أحياناً يعطي معنى الصخور أو الجبال، وأشار إلى معاني لمن أراد الاستزادة، لكن قال التصلب في استقامة. الراشد أنا كنت متصور فيه معنى من القراءة في الكتب اللغوية ليس فقط الاستقامة، رؤية الأشياء بصورة حقيقية لا يفتن بها الإنسان؛ زي ما قلنا: ﴿فَإِن آنَسْتُم مِّنْهُمْ رُشْداً فَادْفَعُوا إِلَيْهِمْ أَمْوَالَهُمْ﴾ [النساء: 6]. فالرشيد يتعامل مع المال مع الفتنة بحكمة، فهو هنا يزود معنى كمان آخر وهو التصلب في الاستقامة، وهذا متناسب مع مواقف السورة كلها مع قصص السورة كلها؛ أن ليس فقط إنسان يصل إلى الرشد، بل يصل ويتصلب ويتمسك بهذا الرشد الذي وصل إليه مهما كانت الفتن المحيطة.

قول الله سبحانه وتعالى: نبدأ بقى درس اليوم من آية تسعة إلى آية ستة عشر. هنا بدأت المقدمة لقصة أصحاب الكهف؛ يبقى مجلس النهاردة هنتكلم إن شاء الله عن مجمل آيات أصحاب الكهف. والناس برضو قالت: هل هتكمل بصورة إجمالية ولا بصورة تحليلية؟ أنا حاول أوسطها، وإن كنت أنا مائل للإجمالي شوية، فمر على التحليل سريعاً كده، مش هنخلي سورة الكهف تاخد زي مجالس الأنعام حاجة وعشرين سورة، لا إن شاء الله، المجالس كلها ما تزيد عن عشر مجالس بإذن الله أو أقل إن شاء الله.

بدأت، أنا عايزك تركز بقى، تعيش بقى معايا، وهذا اللي يقدمه القرآن وتكلمنا عنه قبل كده كتير: مسألة معايشة القصة. هتبدأ هنا أحداث، بدأت الأحداث بدأت القصة بصورة عجيبة جداً بطريقة عجيبة، بدأت الأول بآية نشرحها دلوقتي، وكانت داخلة مبهرة، بعد كده ملخص للقصة في ثلاث آيات، ملخص القصة كلها في ثلاث آيات كنوع من التشويق. عارف لما، مع الفارق في التشبيه، لما تيجي تتفرج على مسلا مقطع فيديو يجيب لك برومو فيه الأحداث المثيرة من اللي هتشوفه خلال الساعة؟ فالبرومو ده يشدك، أو زي في الأبحاث العلمية زي مثلاً المختصر اللي في الأول. فده حصل كده في القصة هنا، جاب ثلاث آيات تلخيص سريع، لا هم الأحداث اللي هتقابلك في القصة، بعد كده انتقال تفصيلي؛ في آية ثم مختصر ثم تفصيل. فعايزك تعايش هذه الأحداث. بدأت قول الله سبحانه وتعالى: هذه الآية المقدمة قبل الثلاث آيات للاختصار؛ يعني عندنا آية مدخل وبعد كده ثلاث آيات اختصار، وبعد كده تفصيل لمجمل القصص القرآني.

نحن ليه بنقول كده وليه عايزين نركز قوي في كل كلمة؟ أنا طبعا مش فاكر أنا دايماً بنسى، مش فاكر أنا قلت الكلام ده فين قبل كده في درس إيه، بس عموماً طريقة طرح القصص القرآني بتختلف عن طريقة القصص البشري. وأظن في سورة يوسف، لما واحد يحكي قصة ممكن يقعد يحكي قصص مالهاش لازمة وتفاصيل وأحداث: نزلت وخرجت ورحت ووقفت تاكسي وركبت، وهذه أحداث ليس لها قيمة، بل أحياناً الحدث المهن الذي بدأت عنده القصة الإنسان قد يصيبه الملل قبل أن يصل إليها الإنسان الذي يقص هذه القصة. لا، هنا نجد أن أحداث القرآن وهذا مضطرد، يبدأ من مواطن عجيبة بتشد الانتباه؛ زي مثلاً سورة القلم: ﴿إِنَّا بَلَوْنَاهُمْ كَمَا بَلَوْنَا أَصْحَابَ الْجَنَّةِ إِذْ أَقْسَمُوا﴾ [القلم: 17]. خد بالك من إيه؟ إذن أقسموا! بدأت القصة دي كلها بلحظة إذن أقسموا، أصحاب الذين كانوا أصحاب الجنة إذ أقسموا ليصدمونها مصبحين. طب ما إيه أقسموا دي؟ قبلها قصة وكان تقرأ في كتب التفاسير وكان فيه راجل كبير وكان طيب وكان بيوزع الميراث بتاعه بطريقة معينة والمال، ثم مات، قصة طويلة قبل هذه البداية، لكن كانت هذه إن شاء الله لما نحكي لحظة التغيير.

هنا برضو هنجد أن المقدمة بعد الآية المقدمة جداً، وهنشوف ازاي القرآن بيركز على قضايا هامة جداً، هامة بالنسبة لمين؟ يعني واحد يقول لي: بس أنا مش حاسسها هامة. ما هي هامة لمراد القرآن؛ لما نزل القرآن ما هو القرآن نزل لقضايا معينة، ما هو القرآن مش نزل عشان يشتت الناس -نزلت دي مش إسكندرانية- نزل القرآن مش عشان يشتت الناس، نزل القرآن ليقود الناس ليهدي الناس في طريقه إلى الله سبحانه وتعالى؛ فبالتالي القرآن لما يركز على قضايا دي القضايا المحورية المطلوب أن نخرج منها من القصص.

يلا بقى اربطوا الأححزمة وتعالوا ننطلق. بدأت الآية: ﴿أَمْ حَسِبْتَ أَنَّ أَصْحَابَ الْكَهْفِ وَالرَّقِيمِ كَانُوا مِنْ آيَاتِنَا عَجَباً﴾ [الكهف: 9]. يبقى أول كلمة تقابلك في، أنا دلوقتي عايزك تخيل ثلاث مستويات: آية مقدمة، بعدين ثلاث آيات اختصار، بعد كده تحليل. الآن المقدمة، أول كلمة فيها، قبل ما، عارف أنت، ما إيه، أنا خلاص بقى أنت مستعد وأحكي لك القصة، قول لها: طب استنى استنى استنى، نسيت أقول لك حاجة. فتقول لي: قل، أنا متشوق وعايز أسمع القصة. خلاص، أنا هحكي لك بقى وخد بالك الأحداث، الناس بيسألوا قريش، بيسألوا اليهود، وفي روايات أنهم النصارى ولا اليهود وعايزين يوقعوا النبي صلى الله عليه وسلم: هيقول القصة صح ولا غلط؟ والمشركين قاعدين مرتبين، واللي يقرأ في التاريخ، واتكلم عنه الإمام أبو الحسن النبوي في كتابه في شرح سورة الكهف، والإمام القاسمي نقل من كتب النصارى وغيره أن دي كانت قصة تحوم حولها حاجات خرافات كتير، وكانت قصة مشهورة في الاناجيل باسم الشهداء السبعة، أو في تاريخ النصارى يعني، الشهداء السبعة، وكان ينسج حولها أساطير كثيرة، فكانت القصة أصلاً حواليها خيالات كثيرة.

لذلك القصة لما بدأت الكلام التفصيلي، يعني عندنا ثلاث مستويات: مقدمة، مجمل، مختصر، تحليل. أول آية في التحليل: ﴿نَحْنُ نَقُصُّ عَلَيْكَ نَبَأَهُم بِالْحَقِّ﴾ [الكهف: 13]. احنا هنقول لك الكلام الصح، اللي بعيداً بقى عن الخرافات وبعيداً عن الأحداث غير الحقيقية. فأنت بقى خلاص هتبدأ تحكي القصة بسببك، ثانية واحدة بس، قبل ما أحكي لك القصة اللي أنت قاعد مستغرب، وناس، أنا سمعت أنهم ماتوا، وسمعت أنهم قعدوا ألف سنة، واحد يقول لك: لا، ده مش ألف، ده خمسمائة، والنقاشات، أقول لك: ثانية واحدة! كل اللي هتسمعه في تفاصيل القصة من الأحداث العجيبة ومن القضايا الغريبة، كل اللي أنا هحكيه لك ده، هذا لا شيء في آيات ربنا سبحانه وتعالى، ده عادي جداً! ازاي؟ يعني أنا قاعد متحمس وعايز أسمع قصة غريبة، وعايز أسمع بقى أحداث مخيفة، وعايز أقول بقى مع كل حدث أنه لما ناموا في الكهف أقول سبحان الله! ولما ربنا أحياهم أقول سبحان الله! أنا عايز أقول لك: لا لا لا، أنت أصلاً المفروض مع كل طلوع الشمس تقول سبحان الله! مع كل جنين بيتولد بتقول سبحان الله! مع كل بذرة بتحط في الأرض بتقول سبحان الله! مع كل نفس بيدخل الصدر ويخرج تقول سبحان الله! احنا اللي مهتمين بالغرائب.

فأول آية بتقول لك: ﴿أَمْ حَسِبْتَ أَنَّ أَصْحَابَ الْكَهْفِ وَالرَّقِيمِ كَانُوا مِنْ آيَاتِنَا عَجَباً﴾ [الكهف: 9]. هو أنت متصور أن هذه آيات من ضمن الآيات عجيبة؟ أبدا! كل الآيات عجيبة، وهي أيضا عجيبة، لكنها من ضمن هذه الآيات، فليست من طلوع الشمس ولا من غروبها ولا من خروج النبتة ولا من خروج الجنين ولا من ترتيب الأحداث ولا من تنوع النباتات ولا من أرزاق حيوانات، ليست بأعجب من كل هذه؛ فمش عايزك تنشغل. أنا هقص عليك القصة وأخبرك بالتفاصيل، وهتسبح ربنا وتنبهر بقدرة ربنا، بس أنا مش عايز دايماً عقليتك تكون العقلية اللي بتهتم بالغرائب وفقط وبالأعاجيب وفقط. ما تحصرش قلبك وعقلك أنه ما يقولش سبحان الله غير في العجائب وفقط، وإلا أنت بتضيق وبتحجر واسعاً. أنت الطبيعي طول ما أنت تسير في الكون تقول سبحان الله: ﴿وَمَا تَسْقُطُ مِنْ وَرَقَةٍ إِلَّا يَعْلَمُهَا وَلَا حَبَّةٍ فِي ظُلُمَاتِ الْأَرْضِ وَلَا رَطْبٍ وَلَا يَابِسٍ إِلَّا فِي كِتَابٍ مُبِينٍ﴾ [الأنعام: 59]. فبلاش تخلي عقليتك العقلية التي تنبهر فقط بالغرائب والعجائب. كثرة الاهتمام -خدوا القاعدة دي، والقاعدة دي بتقدمها أول آية- كثرة الاهتمام بالعجائب والغرائب تغطي على رؤية آيات الله سبحانه وتعالى.

لذلك ناس إيه؟ لما حصل ولادة عيسى عليه السلام من غير أب: إيه ده! ازاي! وأكيد هو إله! وأكيد! وده اللي موجود في بداية السورة: ﴿كَبُرَتْ كَلِمَةً تَخْرُجُ مِنْ أَفْوَاهِهِم﴾ [الكهف: 5]. وازاي؟ طب ما هو إيه؟ طب ما سيدنا آدم، ما هو مخلوق طبيعي أصلاً الإنسان ما هو هو الإنسان أنه يأتي بنطفة ده شيء مش عجيب؛ يعني أنتم تعجبتم من خلق عيسى من غير أب وقلتم أكيد ده إله! وهو خلق الإنسان أصلاً من أب وأم مش عجيب! فبلاش العقلية التي تهتم بالغرائب وفقط. وبدأت، ودي مقدمة عجيبة، تهيئة كده وبتعمل توازن: أنا هقص عليك القصة وما فيها من أعاجيب، وسأخبرك بعد ذلك أن كل ما في القصة هو من آيات الله وعجائب من عجائب قدرة الله، لكن لا تنشغل بمثل هذا فقط.

﴿أَمْ حَسِبْتَ أَنَّ أَصْحَابَ الْكَهْفِ وَالرَّقِيمِ كَانُوا مِنْ آيَاتِنَا عَجَباً﴾ [الكهف: 9]. ودائماً حسبك غالباً في القرآن تأتي للظن الخاطئ؛ أَمْ حَسِبْتَ أن أصحاب الكهف، الصحبة لأنهم ملازمين الكهف. والرقيم، الكلمة دي ذكرت مرة واحدة وخلاص في القصة، ولذلك عملت خلاف طويل بين المفسرين، بل يروى في أثر عن ابن عباس أنه في بعض كلمات في القرآن لا يعلم معناها، منها الرقيم. لو حبينا نَسّر القرآن بالقرآن، وهذا أشار إليه الإمام الطبري ودائماً اللي بيحب يعمل كده من المتقدمين ابن زيد، قال: كتاب مرقوم. عندنا في سورة إيه؟ سورة المطففين. ومرقوم مفعول، قولوا راقم، فعيل تأتي بمعنى مفعول؛ فقالوا إن الرقيم الشيء المرقوم، اللي هي الرقم دي من الصحائف. فيه ناس قالوا: الرقيم ده الكلب، وفيه ناس قالوا: ده الكهف، وفيه ناس قالوا: ده حجارة مكتوبة على باب الكهف.

لكن أنا أميل، والله أعلى وأعلم، أن الرقيم ده شيء مكتوب. طب إيه اللي مكتوب هنا برضه؟ يبقى العلماء اختلفوا، هل هو الكلب ولا الكهف ولا مش عارف إيه، والصحيفة مكتوب عليها أسماؤهما؟ خلينا أنا أميل إنه شيء مكتوب. طب إيه اللي مكتوب؟

خدنا إن هو قول مكتوب، طلع هنا برضو أسهم اختلافات؛ قالوا: كتبوا عليه على هذا اللوح قصتهم وجعلوه بجوارهم، كتبوا قصتهم واللي حصل عشان لما الناس تلاقيهم، أو كتبوا أسمائهم. فيه قول عجيب جداً وقفت عليه، وأظن مائل إليه الإمام ابن عاشور والإمام النبوي الحسين الندوي، أنه كان كتاب هداية أو بقايا صحف كتبوها من بقايا الكتب السابقة؛ فكان كتابة، لو احنا خدنا بالقول ده، كيف صحبة صالحة في مكان منعزل مع صحيفة تحمل بقايا الكتب السابقة؟ هكذا تمت بيئة الإيمان. فاصحاب الكهف والرقيم -اللي استفاض في المعنى ده أبو الحسن الندوي في الكتاب اللي أنا كنت أشرت لكم ليه إيه الحلقة الماضية- لكن زي ما قلت، سيظل الخلاف، ما فيش قطع بذلك، ما فيش حد يقدر يقسم على ده، الأمر فيه خلاف. لكن أنا جبت لكم إزاي وصلنا من كلمة الرقيم ومَرقوم وصحيفة والرقم؛ طب الصحيفة عشان ربنا مجرد كتابة الأسماء؟ طب ما القرآن أصلاً ما اهتمش بذكر أسمائهم، فوصلوا مع استنتاجات مع بعض الآثار، وصلوا إن ده اللي رجح إن دي كتاب فيه بقايا الكتب السابقة.

﴿أَمْ حَسِبْتَ أَنَّ أَصْحَابَ الْكَهْفِ وَالرَّقِيمِ كَانُوا مِنْ آيَاتِنَا عَجَبًا﴾ [الكهف: 9] ليست باعجب آيات الله سبحانه وتعالى، بل كل آيات الله عجيبة، فلا تتوقفوا عن التسبيح بحمده سبحانه وتعالى. طب نبدأ بقى القصة، دي مقدمة تهيئة عشان ما تنشغلش بالغرائب عن بقية العجائب. طيب أول إذ؟

أيوه، أذكر هذه اللحظة، يعني زي ايه ما قلنا كده في سورة القلم: ﴿إِذْ أَقْسَمُوا لَيَصْرِمُنَّهَا مُصْبِحِينَ﴾ [القلم: 17]. معي؟ ربنا بيقول إيه؟ ﴿لَّقَدْ صَدَقَ اللَّهُ رَسُولَهُ الرُّؤْيَا بِالْحَقِّ لَتَدْخُلُنَّ الْمَسْجِدَ الْحَرَامَ إِن شَاءَ اللَّهُ آمِنِينَ مُحَلِّقِينَ رُءُوسَكُمْ وَمُقَصِّرِينَ لَا تَخَافُونَ فَعَلِمَ مَا لَمْ تَعْلَمُوا فَجَعَلَ مِن دُونِ ذَلِكَ فَتْحًا قَرِيبًا﴾ [الفتح: 27]. يبقى دايماً "إذ" بتيجي: واذكر لحظة ماضية في القصة ربنا بيذكرها، ولحظة هامة في ذكر القصص. فهنا ربنا جاب أهم لحظة في القصة كلها، اللي ممكن يكون يعني الآية الأولانية التي تبدأ القصة دي -يعني أنا عايزك تخيل كده- تخيل معي كده زي ما كنا اتكلمنا زمان، اللي تابع بقى معنا زمان الدروس سورة العاديات، وإزاي وأنت بتفتح كده مشهد أول صفحة في سورة العاديات، تلاقي صوت خيل: ﴿وَالْعَادِيَاتِ ضَبْحًا﴾ [العاديات: 1] ولسه الدنيا ضلمة، كنت لسه مش عارف ده إيه. فانا عايزك تخيل كده يعني تخيل معي، طبعا لله المثل الأعلى، كده فيه مسرح وهيفتح لنا بقى قصة الكهف اللي هتتشرح، وقبل ما يتفتح قال لك بس تنبيه، تنبيه: لا تظن أن هذه ما ستراه هو بأعجب آيات الله، بل كل آيات الله عجباً. قلت له خلاص، تمام؟

بتفتح، لقيت ناس بتجري، وفي لحظة إيواء: ﴿إِذْ أوَى﴾ [الكهف: 10]، يعني أول كلمة "أوى" اطمئنان؛ قصة مخيفة، كهف، ظلم، استعباد، تعذيب، يعني القصة بتقول إن هم لو الكفار لقوهم هيرجموهم، يعني شوف الظلم والاضطهاد قد إيه، وبالرغم من ذلك الكلمة كلمة مطمئنة. أول كلمة في القصة: ﴿إِذْ أوَى الْفِتْيَةُ﴾. طب ما كان ممكن "إذ أوى"؟ هو لسه الآية اللي قبلها "أصحاب الكهف"، ده بيسموه في البلاغة: إظهار في موطن الإضمار. يعني كان ممكن ييجي ضمير. موطن الإضمار، يعني ضمير اللي هو "أصحاب الكهف"، أنت لما بتقول اسم قبل كده وتيجي تكرره ممكن تستعمل الضمير. فربنا لسه بيقول قام حسيت بقى أن أصحاب الكهف الآية اللي بعدها ممكن يقول "إذ أوى"، لكن ربنا سبحانه وتعالى بيقول: ﴿إِذْ أوَى الْفِتْيَةُ﴾ ذكر الفتوة؛ لذلك بعض المفسرين ذكر أن الفتوة هنا فيها مش بس معنى السن، معنى الإيمان، قوة الإيمان، شباب، وأن الشباب هم أكثر الناس انشغالاً بالفتنة، فإن هم يكونوا أكثر ناس فراراً برغبة عن الفتنة، ده علامة إيمان وفتوة الإيمان. يبقى ﴿إِذْ أوَى الْفِتْيَةُ إِلَى الْكَهْفِ﴾، يبقى أول لفظة مطمئنة لفظة تتكلم عن قوة البدن والإيمان، ثم لفظة موحشة: ﴿إِذْ أوَى الْفِتْيَةُ إِلَى الْكَهْفِ﴾. ثم لا تستمر قليلاً مع اللفظة الموحشة، ما الذي يذهب بهذا الحال في هذه اللفظة؟ أو الفتية إلى الكهف فقالوا ربنا، يعني ملخص القصة كلها: ناس طلعت تجري على ربنا وقالت: يا رب ما تسيبناش، ده ملخص القصة، ده المعنى اللي أنت لازم تطلع به من القصة، اللي بعد كده كل حاجة ربنا عملها بقى خلاص، ذلك من آيات الله.

يعني اللي هم ماذا قدموا؟ أنهم انطلقوا، عارفين الحديث اللي كنا شرحناه في درس "أرجوك لا تنصرف": أما الأول فأوى إلى الله فأواه الله، حديث الثلاثة نفر، واجعلوه، الأول أوى إلى الله فأواه الله فاستحيا الله منه، والثالث أعرض فأعرض الله عنه. دول بقى من التلاتة، ضمن من التلاتة، أول ناس: ﴿إِذْ أوَى الْفِتْيَةُ إِلَى الْكَهْفِ فَقَالُوا رَبَّنَا﴾، يبقى أول مشهد بيفتح كده: ناس طلعت تجري في اتجاه موحش، قال: يا رب ما تسيبناش، ده أول مشهد في القصة اللي المفروض ينطبع في القلب. قبل ما أشغلك بالتفاصيل والأعداد والنقاشات وعملوا فيهم إيه والخلاف فيهم، قبل ما نشغلهم بكل هذه التفاصيل ركز على المعنى ده، لازم المعنى ده ينطبع في قلبك: ﴿إِذْ أوَى الْفِتْيَةُ إِلَى الْكَهْفِ فَقَالُوا رَبَّنَا﴾.

قالوا ربنا إيه؟ شوف الفقه، طلبوا حاجتين: الرحمة والرشاد، لأنهم في موطن تعذيب وألم وخوف يحتاجون إلى الرحمة، موطن اضطراب وفتنة وشرك يحتاجون إلى الرشاد. ﴿إِذْ أوَى الْفِتْيَةُ إِلَى الْكَهْفِ فَقَالُوا رَبَّنَا آتِنَا مِن لَّدُنكَ﴾ بعض العلماء يشير أن كلمة "من لدنك" دي يعني حاجة خاصة ليست رحمة عامة؛ ما هو ربنا سبحانه وتعالى قال: ﴿وَرَحْمَتِي وَسِعَتْ كُلَّ شَيْءٍ﴾ [الأعراف: 156] ليست الرحمة العامة هنا، يريدون رحمة خاصة بهم، هم يقومون الآن بعمل، فيريدون من الله سبحانه وتعالى رحمة خاصة. وهكذا هناك رحمات خاصة لأوليائه. قالوا: أتعجبين من أمر الله؟ رحمة الله عليكم أهل البيت، أنتم بيت مخصوص من وسط كل بيوت العالم، فطبيعي لكم رحمة مخصوصة، لا تعجبي من أمر الله معكم، هذه رحمة مخصوصة، ﴿رَحْمَتُ اللَّهِ وَبَرَكَاتُهُ عَلَيْكُمْ أَهْلَ الْبَيْتِ﴾ [هود: 73]. فهنا طلبوا رحمة مخصوصة: ﴿رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا﴾ الذي تعلمه يا رب ﴿رَشَدًا﴾ [الكهف: 10]. قلنا الراشد: الاستقامة والتصلب فيها والثبات عليها؛ أسألك الثبات في الأمر والعزيمة على الرشد، الرشد يحتاج إلى عزيمة: ﴿وَهَيِّئْ لَنَا مِنْ أَمْرِنَا رَشَدًا﴾.

يبقى كل ده احنا لسه في تلات آيات، أنت متصور؟ آه، عايزك تخيل مشهد ناس تجري شباب ويا رب ما تسيبناش، الآية اللي بعدها: استجابة الدعاء. تخيل أنت لسه تخيل، عايزك تعيش معنا أول مرة تسمع القصة، أنا باقول لك الآية اللي جاية هي استجابة الدعاء، إيه اللي هيحصل؟ أنت متصور صاعقة من السماء نزلت على الملك ودمرت القصر؟ لا، مش ده العسل، زلزال عشرة ريختر دمر الأصنام ثم عادوا منتصرين؟ لا، لا، مش، إيه اللي حصل؟ طب قل بقى إيه اللي حصل؟ اللي حصل إن هم ناموا.

ناموا؟ يعني المقدمة العظيمة والاعاجيب اللي أنت بادئ بها الكلام، إن هو ربنا نيمهم؟ آه، بس، ربنا حفظهم بالنوم، يعني مش مثلاً نزل ملايكة أحاطتهم، ولا نزل نور ساطع من السماء، لا، لا، لا، ﴿فَضَرَبْنَا عَلَىٰ آذَانِهِمْ فِي الْكَهْفِ سِنِينَ عَدَدًا * ثُمَّ بَعَثْنَاهُمْ﴾ [الكهف: 11-12] الآية كلها أن ربنا نيمهم وصحاهم، ﴿ثُمَّ بَعَثْنَاهُمْ لِنَعْلَمَ أَيُّ الْحِزْبَيْنِ أَحْصَىٰ لِمَا لَبِثُوا أَمَدًا﴾ [الكهف: 12] دي ده المقدمة؛ ناس قالت يا رب، ربنا نجاهم وبعد كده صحاهم تاني عشان يظهر قدرته سبحانه وتعالى، ده القصة، وده قصص كتير في الحياة، ناس ضحت فربنا تقبل تضحيتهم ثم أظهر هذا البذل للناس ليتأسوا به.

ده الملخص، أنا أول ما بأقرأ: ﴿فَضَرَبْنَا عَلَىٰ آذَانِهِمْ فِي الْكَهْفِ سِنِينَ عَدَدًا﴾ ومع الأحداث اللي احنا بنعيشها في أزمة كورونا دي أن إزاي لما ربنا يريد شيء ممكن يتم بأبسط الأمور؟ احنا دائماً تفكير الإنسان على قده ساذج، يعني أنا بتخيل، عايزك تتخيل كده لو أنا جبت لك صورة دي الشواطئ والنوادي والشوارع، أماكن الخروج وأماكن الفتن وأماكن المعاصي وأماكن المباحات وكله، ومليانة ناس، وبعدين جبت لك صورة إن ما حدش يقرب من حد، والناس بعيدة عن بعض وخايفة تسلم، والأماكن دي فاضية، آه، ومن بالليل الناس دي قاعدين فما حدش يروح الأماكن دي، قلت لك ده تحول هذا المشهد، تخيل إزاي! أنت كنت هتتخيل مذنب مخلوقات فضائية، أنت ممكن تقعد تصور ده، يعني ده عايز حاجة صعبة جداً، لا، لا، لا، بفيروس لا يرى بالعين المجردة، يعني الله سبحانه وتعالى يا جماعة قادر عشان الإنسان ما يقعدش: وازاي الإسلام هينتصر والأمور خلاص اسودت؟ لا، لا، لا، أنا برضه لما مثلاً لما ربنا قال لسيدنا موسى لأم موسى عليه السلام: ﴿إِنَّا رَادُّوهُ إِلَيْكَ وَجَاعِلُوهُ مِنَ الْمُرْسَلِينَ﴾ [القصص: 7] فلا يرميه في البحر، فرمته في البحر ففرعون أخذه، لو أنت عايز تتخيل إزاي ربنا هيراجع سيدنا موسى من قصر فرعون إلى أمه؟ ممكن تتخيل هتنزل فرقة من الصاعقة وتروح تختار وتنط على القصر بالليل وتخطف سيدنا موسى، وبعدين تاخد بقى أم موسى ويهربوا، لا، لا، لا، ولا أي حاجة، أومal إزاي؟ ﴿وَحَرَّمْنَا عَلَيْهِ الْمَرَاضِعَ مِن قَبْلُ﴾ [القصص: 12] أنت مهما يعني تفكيرك مش هتعرف توصل لقدرة ربنا سبحانه وتعالى، ما نفذت كلمات الله سبحانه وتعالى.

الصورة هنا حل عجيب جداً: ﴿فَضَرَبْنَا عَلَىٰ آذَانِهِمْ فِي الْكَهْفِ سِنِينَ عَدَدًا * ثُمَّ بَعَثْنَاهُمْ لِنَعْلَمَ أَيُّ الْحِزْبَيْنِ أَحْصَىٰ لِمَا لَبِثُوا أَمَدًا﴾ الحتة دي يعني ناس مش فاهمة يعني إيه قيمة "لنعلم أي الحزبين أحصى لما لبثوا أمداً"؟ أي الحزبين -يعني هيحصل- ربنا بيقول إن في فريقين يختلفوا في المدة اللي فضلوا فيها نايمين، "أحصى"؟ أحصى هنا فيه خلاف.

معلش بقى احنا قلنا هنراضي كل الأطراف، اللي عايز لغة هنراضيه، واللي عايز معاني نراضيه قدر المستطاع؛ أحصى، وهل ده فعل ماضي ولا أفعل تفضيل: أي أكثر إحصاءاً؟ الزمخشري وغيره ما له؟ لا، قالوا ده فعل ماضي. طب ليه ده شكلها حلو حتى أي الفريقين لنعلم الحزبين أحصى أي أدق أو أكثر إحصاء أضبط؟ قال لك لأ، أنا هامشي مع القاعدة والرباعي ما يجيش منه أفعل، وده إلا في الشواذ ومش عارف إيه. لكن ابن عاشور رد عليه وغيره واختار أن يفعل تفضيل، والمعنى تقارب.

المهم العلماء فكروا أن ربنا يقول: ﴿ثُمَّ بَعَثْنَاهُمْ لِنَعْلَمَ أَيُّ الْحِزْبَيْنِ أَحْصَىٰ لِمَا لَبِثُوا أَمَدًا﴾ إيه القيمة في المعنى ده؟ فالمفسرين قعدوا يحاولوا، وبصراحة يا جماعة ناس كانت بتزعل، وده من التعليقات اللي جت المرة اللي فاتت ومع كثير من الدروس الماضية: بلاش إحالات على كتب، ما تشتتناش، احنا مش هنعرف نرجع لهذه الكتب. لكن أنا من كتر ما بانبهر بجهود العلماء في تفسير القرآن لا أستطيع أن أنا أكتم أن أنا مجرد بس أقول لكم ارجعوا بس. يعني أنا مثلاً قرأت في بعض الكتب في تحضير مجلس اليوم، الإمام القاسمي وابن عاشور، ومن المتقدمين طبعا الطبري وابن عطية، يعني رحلة ماتعة فعلاً، من جنة الدنيا ومن نعيم الدنيا أنك تقرأ في التفاسير.

فهي الخلاصة: بعض العلماء قالوا: آه، المعنى أن لما ييجي يكتشفوهم حتى، آه، ابن عاشور نص الكلام، عاشور بيقول إيه؟ "ليظهر اضطراب الناس في ضبط تواريخ الحوادث واختلال سنينهم وتخمينهم" يعني عايز يقول إيه؟ أن دائماً يا جماعة بلاش نثق قوي في البشر، بشر يفضلوا يختلفوا، وده صح، والمعلومة الحقيقية عند ربنا، وتلاقي واحد جايب لك مثلاً معلومة من قديم الزمان، طب طب معك مثلاً كتاب من الله سبحانه وتعالى هذه المعلومة؟ لا. لذلك أنا أثق في قصة لأن من، بس احنا ما حضرناش ده من النقاشات اللي كانت حصلت من فترة طويلة أضربوا شبهات في القرآن قصة أصحاب الكهف، وقالوا إن فيها أخطاء، وأن كتب التواريخ القديمة قالت غير كده واحنا نثق في هذه الكتب، نترك كتاب الله سبحانه وتعالى نثق في مثل هذه النقاشات اللي فيها خلافات في تحديد بعض أوجه هذه القصة؛ الكلام ده اتكلم عنه الإمام النبوي في شرحه لهذه السورة: نثق في كلام الله سبحانه وتعالى، مهما البشر حاولوا يضبطوا الأشياء سيظل عندهم اختلاف.

الإمام القاسمي التقط معنى تاني خالص: يبقى ابن عاشور عايز يشير إلى أننا نثق في علم الله ولا نثق في الخلافات البشرية، فلما ييجي لنا معلومة من القرآن ومعلومة بشرية ظاهرها التعارض ودي معلومة يقينية، نثق في كلام الله سبحانه وتعالى. الإمام القاسمي يقول: لما يصحوا بقى ويعرفوا أنه قعدوا أكتر من تلت مية سنة، فيعلموا قدر ما حفظهم الله بلا طعام ولا شراب وأمنهم من العدو، فيتم الرشد في شكره وتكون لهم آية تبعثهم على عبادته سبحانه وتعالى؛ عايز يقول: لنعلم أي الحزبين أحصى لما لبثوا أمداً، يعرفوا يعرفوا قد ايه نعم ربنا ربنا كات عليهم. يعني يا جماعة المعنى بيقول هنا إيه؟ أن في أحداث كتيرة بتحصل في حياتك أنت ما انتش عارف أصلاً تفاصيلها، يعني أصحاب الكهف أول لما قاموا قصتهم هم، هم نفسهم ما يعرفوش قعدوا، ما كانوش عرفوا يقعدوا قد ايه، قعدوا قد إيه، غير لما رجع واحد منهم راح زمايلك إن شاء الله، وعرف بعد كده قعد قد ايه، أكتر من تلت مية سنة.

يعني أنت نفسك بيحصل لك أحداث أنت ما تعرفش لطف ربنا فيها قد ايه. ما تعرفش ازاي ربنا رتب لك أحداث وقصص وراء قصص أحداث مهولة لا يعلمها إلا الله سبحانه وتعالى. فلابد أن تشكر الله سبحانه وتعالى حتى لو لم تعلم ما وراء هذه الأحداث. طريقة شغلك، طريقة جوازك، طريقة عملك، أي فتح من ربنا بيحصل لك وراه قصص. زي هنا قصة أصحاب الكهف وراها أحداث. لذلك عبد الكريم الخطيب في التفسير القرآني بيقول وكذلك هنا علق على الآيات دي، قال اللي هي من أول: ﴿أَمْ حَسِبْتَ﴾ [الكهف: 9]، قال: كما أن مشهد صحيانهم في الكهف ده طلع وراه قصة ووراه لطف ربنا، فكذلك قصة كل نبتة كل بكرة وراها قصة، كل جنين وراه قصة، كل حدث في الكون وراه قصة. ولما تقف مثلاً مقدمة سورة الذاريات؛ قصة نزول المطر وتوزيع الأرزاق، من أول انتشار الرياح، ﴿فَالذَّارِيَاتِ ذَرْوًا * فَالْحَامِلَاتِ وِقْرًا * فَالْجَارِيَاتِ يُسْرًا﴾ [الذاريات: 1-4]، قصة توزيع الأرزاق ونزول الأمطار لنعلم أي الحزبين أحصى لما لبثوا أمداً. يبقى إحنا كده خدنا التنبيه وخدنا المقدمة اللي كانت فيها نوع من التشويق، نبدأ بقى بالتفصيل.

همر بقى هنا مروراً سريعاً نقف مع الوقفات الهامة. هنا بيقول: ﴿نَحْنُ نَقُصُّ﴾، نحن الله سبحانه وتعالى هو الذي يملك الحقيقة المطلقة وأنزلها في كتابه سبحانه وتعالى. أن زي ما قلت كان في إيه، عارف أنت في الأبحاث العلمية يقول لك: وفي بييت وإحنا عايزين حد يحل لنا الأزمة دي. هو بقى كان فيه نقاش ومين الأعداد واختلاف، فربنا بيقول له: دعك من كل هذا الكلام. لذلك قال له في الآخر: ﴿فَلَا تُمَارِ فِيهِمْ إِلَّا مِرَاءً ظَاهِرًا وَلَا تَسْتَفْتِ فِيهِم مِّنْهُمْ أَحَدًا﴾ [الكهف: 22]. أنت معاك المصدر خلاص، نحن نقص عليك نبأهم بعيدا عن التخرصات، بعيدا عن التخمينات والظنون، نحن نقص عليك نبأهم بالحق. ﴿إِنَّهُمْ فِتْيَةٌ﴾، نفس البداية الأول: ﴿إِنَّهُمْ فِتْيَةٌ آمَنُوا﴾. بداية القصة بقى يعني إحنا عندنا التنويه خدنا منه معنى المجمل، خدنا منه معنى البداية بتاعته. بداية القصة التحليلي برضه هناخد منه معنى، كأن ربنا بيقول لك في الأول كل ما سيقابلك من آيات ومن أعاجيب إنه الإيمان. إجابات كثيرة من التساؤلات، كيف ضحوا؟ كيف إلى مكان لا يعلمون تفاصيل الأحداث؟ مآلات عواقب الأمور؟ إنه الإيمان. إجابة سؤال سيقابلك كثيراً: كيف قاموا أمام الملك؟ كيف استعلنوا بالإيمان؟ كيف ذهبوا إلى الكهف؟ كيف اجتمعوا؟ إنه الإيمان.

هذه إجابة تساؤلات لأحداث قد تحدث في حياتك؛ إن وُفِّقت للإيمان فالله سبحانه وتعالى يمن عليك بأحداث عجيبة وبأقدار عجيبة. ﴿إِنَّهُمْ فِتْيَةٌ آمَنُوا بِرَبِّهِمْ وَزِدْنَاهُمْ هُدًى﴾. خد بالك معانا في أكثر من موطن في القصة أن هم قدموا الشبر الأول، ربنا ما قلش: إنهم فتية أعطيناهم من الإيمان. لأ، إنهم فتية، هم خدوا الشبر الأول، ومن تقرب إلي شبراً تقربت إليه ذراعاً. إنهم فتية آمنوا وزدناهم. وهو آمنوا الأول، وربطنا على قلوبهم أمتى؟ ﴿إِذْ قَامُوا فَقَالُوا﴾. لحظة مقامه جاء الربط على القلب. يبقى هييجي: ﴿وَإِذِ اعْتَزَلْتُمُوهُمْ﴾ ويؤوي إلى الكهف ينشر لكم ربكم من رحمته. أنت لازم تأوي إلى الكهف الأول عشان ينشر.

إذاً مع كل خطوة لابد أن تقدم أنت شبراً، عايز فتح من ربنا سبحانه وتعالى؟ كتير من الناس، كتير جداً الواحد لما بيقعد يبص على الأسئلة اللي بتيجي في، يعني كان نفسي أعمل إن شاء الله مجلس تجميعي محاور رؤوس الأسئلة. في جزء كبير من الأسئلة الخوف من المستقبل، عايز تفاصيل الإجابات، أنا عايز أعرف تفاصيل الطريق، أنا عايز أعرف تفاصيل طريق العلم، أنا عايز أعرف تفاصيل الطريق التربوي. وتكلمت على ده في درس «إشكالية التفكير الهندسي»، أن هو رافض يسير في الطريق قبل أن يرى تفاصيل تفاصيل تفاصيل الطريق. رافض تقول له طب بس هنمشي خطوة بخطوة والشبر الأول وربنا لطيف بما يشاء سبحانه وتعالى. لأ، أنا عايز أعرف معهد يكون عشر سنين، كل سنة هاخد إيه وإيه اللي هيحصل؟ ولو أنا ما حصلتش، لو ما ذاكرتش ده هيحصل؟ هو تصور في علاقته بالله، هذا قد نحتاجه نعم، نحتاج نوع من المنهجية، لكن ليس بهذه الطريقة. المنهجية القرآنية مختلفة.

فهنا ربنا سبحانه وتعالى بيخبرك أنهم آمنوا، قدموا الشبر الأول، ﴿آمَنُوا بِرَبِّهِمْ وَزِدْنَاهُمْ هُدًى﴾. خد بالك هنا كلمة: ﴿وَزِدْنَاهُمْ هُدًى﴾، معلش سامحوني شوية أنا واخد راحتي بقى أنا في البيت فواخد راحتي اليوم. كوري قال معنى جميل أوي، يعني إيه: ﴿وَزِدْنَاهُمْ هُدًى﴾؟ الإمام الطبري في خلال القصة دي في آيتين لم أر من وفق لشرح الآيتين مثلهم وبقية. وسبحان الله ده من فتح الإمام القصير مثلاً التقط معنا في آية، ابن عاشور التقط معنا. فأنَا بحاول قدر المستطاع، كل من وُفِّق، إنما أنا جامع الدرر.

بيقول إيه معنى: ﴿وَزِدْنَاهُمْ هُدًى﴾؟ وزدناهم إلى إيمانهم بربهم إيماناً وبصيرة بدينهم، حتى صبروا على هجران دار قومهم، والهرب من بين أظهرهم، وفراق ما كانوا فيه من خفض العيش ولينه إلى خشونة المكث في كهف الجبل. عايز يقول إيه بقى المعنى ده؟ أن الإيمان الأول كان كافياً لمواجهة الفتنة الأولى. طيب أنا فوجئت أن الإيمان ركز معي، الإيمان الأول سيتسبب في ابتلاءات صعبة لا يكفيها الإيمان الأول. فربنا يقول لك ما تقلقش، سامدك بالإيمان الذي يقاوم البلاءات القادمة. زي بالضبط أن الذي فرض القرآن، تمسكك بالقرآن كان سبباً في هجرتك من مكة، سامدك بالمعونة حتى تعود مرة أخرى. هم خدوا قرار الإيمان: يا رب آمنا بك، فوجئوا أن قرار الإيمان ده هيتعرضوا للأذى، هيتعرضوا لطرد، لازم نسيب البلد، هيروحوا الكهف. لو أنت مخلص، الإيمان سيمدك الله بها، لأن فيه ناس كتير تقول لك طب أنا خايف أمشي في الطريق. أصدق الله يصدق، الطريق له تبعات، اختيار الطريق له تبعات، لكن سيمدك الله بالمعونة.

ولا سيما لما في تقرير أن هم شباب، وغالب الروايات المذكورة أنهم كانوا مترفين، وكانوا في، يا إما مترفين يعني كانوا على بقى اختلاف الروايات، هل هم أولاد، يعني آبائهم هم اللي كانوا شغالين رؤساء وكانوا في مناصب، هم أولادهم فكانوا مترفين؟ أو هم نفسهم كانوا شغالين في القصر، كانوا عارفين الأسرار اللي بتدور في داخل القصور؟ أياً كان أن هم دول ياخدوا قرار وشباب. لذلك إن كثير التقط معنا أن الشباب أقدر على مواجهة المجتمعات والتقاليد من الشيوخ. والتقْتَ المعنى ده قال: وده حصل مع قريش، أن رؤساء قريش لم يسلموا. إن كثير برضو مبدع، يعني فيه كم لقطة كده في القصة ابن كثير كان مبدعاً فيها. لذلك اللي عايز يقول اقرأ، إيه أنا هقول له ممكن تقرأ في القصة دي ابن كثير والقاسمي والسعدي، يعني المجمل الثلاثة دول جيدين جداً.

نرجع تاني، فالخلاصة: ﴿إِنَّهُمْ فِتْيَةٌ آمَنُوا بِرَبِّهِمْ وَزِدْنَاهُمْ هُدًى﴾. ربنا مش هيضيعك إن شاء الله. وشوف بقى كمان الهدى وربطنا على قلوبهم ﴿إِذْ قَامُوا فَقَالُوا﴾. القوم هنا مش كانوا قاعدين وقاموا، لا، ﴿إِذْ قَامُوا﴾، قوم. كان في درس حتى بعنوان ده، قومه أن المجتمع كله غلط، المجتمع كله مشرك، المجتمع كله تقاليد، يعني شرك وثنية. الندوي لما رجع وحاول يجيب تحديد التواريخ ودراسة مكان ده، وإن كانت الثقافة اليونانية منتشرة، حاول يلخص قد ايه كانت فتنة الوثنية والترف وكان فيه أشبه ما يكون بثورة جنسية. فهو قاعد بيحلل ازاي استطاعوا القوم على هذا الطرف قرار صعب ﴿إِذْ قَامُوا فَقَالُوا﴾ أمام الناس كلهم. هنا في خلاف هل قاموا يعني بينهم وبين بعض ولا قاموا أمام الملك؟ أن ربنا يقول: ﴿وَرَبَطْنَا عَلَى قُلُوبِهِمْ﴾، ده كان أحد أوجه الترجيح أن ده قدام الملك، لأنك صعب انك تقف قدام الملك وقدام الناس وتعترف وتقول: ﴿رَبُّنَا رَبُّ السَّمَاوَاتِ وَالْأَرْضِ﴾ [الكهف: 14].

قالوا هنا في إشارة: ﴿رَبُّنَا رَبُّ السَّمَاوَاتِ وَالْأَرْضِ فَلَن نَّدْعُوَ مِن دُونِهِ إِلَٰهًا﴾ [الكهف: 14]. الذي يملك السماوات والأرض سيضيعني أنا؟ من أنا أصلاً في خلق السماوات والأرض؟ فالذي يحفظ السماوات والأرض والسماوات والأرض يحتاجون إلى رب، والله سبحانه وتعالى يحفظ السماوات والأرض، أفلا يحافظ عليه سبحانه وتعالى! ﴿رَبُّنَا رَبُّ السَّمَاوَاتِ وَالْأَرْضِ﴾ لذلك ﴿إِذْ قَامُوا﴾، إحنا قلنا قوم فقالوا. ربنا خد بالك، أول كلمة قالوها في المقدمة: ربنا آتنا. خد بالك كلامهم كلامهم معدود جداً، هم كل كلامهم فيه ربنا الأول الفتية والكهف فقالوا: ربنا. طيب وقفوا قدام الملك ﴿إِذْ قَامُوا فَقَالُوا رَبُّنَا﴾. أول ما قاموا كذلك قالوا: ﴿رَبُّكُمْ أَعْلَمُ بِمَا لَبِثْتُمْ﴾ [الكهف: 19]. لا يفتئون يذكروا الله سبحانه وتعالى على طول. يبقى في تلات مرات، في تلات مواقف اللي الكاميرا جت عليهم في التلات مواقف لازم يقولوا: ربنا، ربنا آتنا من لدنك رحمة، ربنا رب السماوات والأرض، ربكم أعلم بما لبثتم، ربنا رب السماوات والأرض. مرة دعاء، ومرة دعوة، ومرة تفويض لعلم الله سبحانه وتعالى.

﴿رَبُّنَا رَبُّ السَّمَاوَاتِ وَالْأَرْضِ لَن نَّدْعُوَ مِن دُونِهِ إِلَٰهًا لَّقَدْ قُلْنَا إِذًا شَطَطًا﴾ [الكهف: 14]. يعني لو إحنا وافقنا عليكم ده إحنا نبقى مجانين لو إحنا وافقنا على اللي أنتم بتقولوه من الوثنية والخلاعة دي ده إحنا نبقى مجانين. ده شطط، الشطط الشيء البعيد، شطة الشيء فيه بعد. خد بالك أن لرؤية الباطل على أنه ضلال مبين هو ده الرشد. أنت متخيل أن في ناس ممكن تشوف الشذوذ على أنه عادي دلوقتي، وأن مع الزمن ربنا يحفظنا من هذه الغربة. اللي شايفينه على أنه شذوذ هم اللي هيبقوا حاسين بالغربة، فإنك ترى الشرك على أنه شطط ده رشد. فيه ناس شايفة الشرك إيه المشكلة؟ المهم أن هو ما يأزيش حد ويخترع لنا موبايل مثلاً. يعني يعني إيه المشكلة لما يبقى مش هو، مش شايف أي مشكلة في الشرك؟ هل إيه المشكلة لما يصد بربنا؟ إيه المشكلة لما يكون ملحد؟ المهم ما يأزيش حد. هو أصلاً تعريف الإيذاء عنده فيه خلل. أنتم ازاي زعلانين من فلان المشرك الكافر؟ مش هو اللي اخترع لكم التكييف؟ يعني أنا عشان واحد يهوي علي وصنع لي حاجة تجيب لي هوا ساقع أكفر بالذي خلق السماوات والأرض، والذي خلقه وأنعم عليه وأعطاه وأنعم عليه؟

﴿رَبُّنَا رَبُّ السَّمَاوَاتِ وَالْأَرْضِ لَن نَّدْعُوَ مِن دُونِهِ إِلَٰهًا لَّقَدْ قُلْنَا إِذًا شَطَطًا * هَٰؤُلَاءِ قَوْمُنَا اتَّخَذُوا مِن دُونِهِ آلِهَةً لَّوْلَا يَأْتُونَ عَلَيْهِم بِسُلْطَانٍ بَيِّنٍ﴾ [الكهف: 14-15]. التفكير المنطقي بقى: ﴿فَمَنْ أَظْلَمُ مِمَّنِ افْتَرَىٰ عَلَى اللَّه كَذِبًا﴾ [الكهف: 15]. خدوا القرار بالعزلة: ﴿وَإِذِ اعْتَزَلْتُمُوهُمْ وَمَا يَعْبُدُونَ إِلَّا اللَّهَ فَأْوُوا إِلَى الْكَهْفِ﴾ [الكهف: 16]. اللفظة دي مريحة قوي. الأول فتية، فأووا إلى الكهف. الكهف ده إيه هو الكهف؟ هل الكهف كانوا عارفينه؟ قلة من المفسرين قالوا كده وأظن هو قالها، اللي اختار أن الكهف ده كانوا عارفينه بسببين: (أل) الكهف تعريفية، وأن استصعب أن يروحوا مكان غريب عليهم. لكن اللي ماشي مع الآثار وماشي مع السياقات، لا، أنهم خرجوا راحوا وقالوا أن ده، وده أشار له ابن عطية والتقطها منه ابن عاشور واستفاض فيها قوي ابن عاشور المعنى ده. قال أن دي بسبب أن في خلافات كتير، هل القصة دي حصلت في الأندلس ولا حصلت في سوريا ولا حصلت في اليونان ولا حصلت في تركيا ولا إيه سببها ولا تعذيب اليهود ولا أيام تعذيب النصارى؟ فابن عاشور التقط معنا، قال أصلاً دي قصة متكررة؛ فكرة أن ناس تهرب من الاضطهاد الديني وترروح لكهف وتعبد ربنا في كهف. قال ده كان متكرر، بل هو بيذكر أن كان في أكثر من كهف وجدوا فيه العظام، لكن هؤلاء من الله سبحانه وتعالى عليهم وذكر هذه القصة.

في أول الكهف الكهف مظلم موحش، ما فيش فيه أي مرافق، ما فيش فيه أي يعني فرصة للمعيشة. يا شوف حسن الظن بالله بقى: ﴿يَنشُرْ لَكُمْ رَبُّمُكُم مِّن رَّحْمَتِهِ﴾ [الكهف: 16]. مش يعطيكم، هم آتنا من لدنك رحمة. فأووا إلى الكهف ينشر. عارف ما يفتح الله للناس؟ يفتح شيء، يعني إيه كشيء مغلق وانهمار يحدث؟ لا، يفتح الله للناس رحمات، هنا ينشر لكم ربكم. في الكهف؟ آه، في كلمة ينشر فيها سعة، والكهف فيه ضيق. ينشر لكم ربكم من رحمته ويهيئ لكم من أمركم مرفقاً. تحس أن إيه، كأن واحد متكئ كده ومبسوط في الكهف؟ نعم في الكهف، هذه ذات الإيمان حتى ولو كانت في النار التي ألقي فيها إبراهيم يجعلها برداً وسلاماً. يا أبا بكر ما ظنك باثنين الله ثالثهما؟

وكأن لا أذكر قرأت الإشارة دي لمين من الكتاب، كان معنى لطيف قال في معنى مجمل كلامه قال: وكأن النبي صلى الله عليه وسلم يقول لأبي بكر هذه الرحلة ليست كأي رحلة، إنها رحلة هجرة إلى الله سبحانه وتعالى فمعاملة الله لن تكون كأي معاملة: ﴿لَا تَحْزَنْ إِنَّ اللَّهَ مَعَنَا﴾ [التوبة: 40]. ما ظنك باثنين الله ثالثهما؟ فكذلك هذا الإيواء هذا الهروب كان لأجل الله سبحانه، عن هذه العزلة كانت لأجل الله سبحانه وتعالى فكان عندهم حسن ظن بالله. حسن الظن بالله سبحانه وتعالى يحدث هنا دائماً لما بنقول المعنى ده على طول بيجي أهل البلاء يقول لك طب ما إنا في ابتلاءات. ودائماً وده يحدث كتير كل ما الواحد يكتب مثلاً أو يسمع درس حد من الدعاة ينشروا درس عن حسن ظن بالله وقدرة ربنا على إجابة دعاء يجي أهل البلاء يقول لك طب ما إنا في ابتلاءات.

بندعو وما بيحصلش ده، يا جماعة الله سبحانه وتعالى له حكم عظيمة لا يدركها لا ندرك كل الحكم، ولا يدرك بعض الحكم. كل النقطة الأولى، النقطة التانية: أن الإنسان بدعائه كما قلنا يا إخوان يعطى إحدى ثلاث؛ يعجل له، يدخر له، يصرف عنه من البلاء.

إذا الله سبحانه -ركزوا بقى في المعنى ده- يقدر أقداراً لحكم. يعني مثلاً أن ربنا سبحانه وتعالى يجعل أيوب عليه السلام يظل في بلائه قيل اثنا عشر -وكل بعض العلماء رجعوا اثنا عشر عاماً، وبعضهم رجح ثمانية عشر عاماً، في رواية إن هي ثمانية عشر سنة- ليكون حجة على غيره. يعني أحياناً يا جماعة لما واحد يبتلى ابتلاءً صعباً جداً، أنت عندك فرصة أنك تكون آية على الصبر، أنت ممكن تكون هنا فرصة للدلالة على الله سبحانه وتعالى، زي ما نذكر من المعاني الآن في قصة أصحاب الكهف.

فإذاً مش لازم كل الناس تعامل نفس المعاملة، لكن أنا في كل الأحوال أحسن الظن بالله. هتقول لي: أحسن الظن بالله إزاي؟ يعني لسه واحد باعت سؤال: طب أنا دلوقتي والدي مات بكورونا، مش ده عذاب؟ لأ ما هو يا جماعة نفس الشيء، نفس الشيء يكون رحمة للمؤمن وعذاب للكافر.

الممشكلة أن احنا عايزين -للأسف- عندنا عقلية عايزة تتعامل بنوع من البساطة، عقلية يحط فكرة ويطردها وتكون مضطربة. لأ، المعاملة بتختلف، كان في درس بعنوان: (فارق بين مصائب المؤمنين ومصائب الكفار). الأمر هنا مختلف تماماً، قال النبي صلى الله عليه وسلم قال في نفس الشيء قريب من كورونا الطاعون: قال الطاعون رحمة للمؤمنين وعذاب يرسله الله على الكافرين. نفس الشيء، بنفس الفيروس، بنفس الأورجانيزم ده، نفس الشيء، هو بيكون رحمة وبيكون عذاب. نعم، لكن باختلاف كيف يتعامل معه الإنسان.

فالخلاصة: إياك أن تجعل بعض الابتلاءات مانعاً من حسن الظن به سبحانه وتعالى. إياك، ستخسر، أنت اللي خسران، لأن في الآخر ﴿إِنَّا لِلَّهِ وَإِنَّا إِلَيْهِ رَاجِعُونَ﴾، نحن ملك له سبحانه وتعالى وسنرجع إليه، والفائز من أحسن الظن به سبحانه وتعالى وصبر على ابتلاءاته سبحانه وتعالى. أسأل الله اليقين والعافية.

﴿فَيَنْشُرْ لَكُمْ رَبُّكُمْ مِنْ رَحْمَتِهِ وَيُهَيِّئْ لَكُمْ مِنْ أَمْرِكُمْ مِرْفَقًا﴾ [الكهف: 16]. هنا بقى وكأنهم اختفوا من المشهد، وكأن أصحاب الكهف اختفوا من المشهد، وتظهر قدرة الله المطلقة. يا جماعة أنا حاسس كده -أو إحساس غريب المرة دي وأنا بحضر، أنا بفضل الله الواحد يعني لطالما قرأ يعني قصة أصحاب الكهف وحاول يتناقش فيها وسمعها من مشايخ- المرة دي حسيت بمعني؛ أنا كل مرة كنت بشرح القصة أو أسمعها: ماذا قدم أصحاب الكهف من بذل وتضحية؟ يعني كنت بقرأها: أصحاب الكهف عملوا إيه؟ المرة دي أنا حسيت بمعني أن دور أصحاب الكهف في القصة الدلالة، دورهم وهم جايين للدلالة على قدرة الله سبحانه وتعالى. يعني هم جايين في القصة: مش مهم أسماؤهم، مش مهم زمنهم، مش مهم مكانهم، مش مهم عددهم، المهم أن هم آية لقدرة الله سبحانه وتعالى، يعني هم وسيلة تنظر من خلالها على قدرة الله سبحانه وتعالى.

فلا تنشغلوا بهم، ما تنشغلوش بأعدادهم، ما تنشغلوش بمكانهم، ما تنشغلوش بزمنهم، انظروا إلى الآيات والعبر في قدرة الله. خلاص هم اختفوا ﴿وَتَرَى الشَّمْسَ﴾ [الكهف: 17]، انشغل بقدرة الله. لذلك معلش أنا هستعجل الفائدة دي هي المفروض أقولها متأخر بس معلش أنا هستعجل الفائدة ده مكانها وحبي لكم يعني؛ لما ربنا بعثهم في آخر القصة خلاص، وبعد ما بعثوا وخلاص هم عرفوا أن الدلالة على البعث وبعد كده ربنا أماتهم، إيه اللي حصل؟ الناس عملوا إيه؟ الناس عملوا حاجة.

الصورة قالت إن الناس عملوا حاجة: اختلفوا يبنوا عليهم مسجداً أو مقاماً ولا لأ، وقعدوا يختلفوا في عددهم. سابوا كل حاجة وانشغلوا بحاجتين: التقديس لأشخاصهم والانشغال بتفاصيل حياتهم. وده اللي احنا بنعمله دايما، ننشغل بالتقديس الزائد وتفاصيل الحياة، وهو ده مش مطلوب أصلاً، وده بنعمله احنا كتير مع العلماء: التقديس الزائد نعمل مقام، هو ما حدش قال لك تعمل مقام، ولا تعمل، انشغل بجهده، بجهاده، بعلمه، اللي تركه، وننشغل بتفاصيل حياته. بيقول لك: هو كان متجوز تلاتة ولا اتنين؟ وتقعد تاني يعني انت مالك! خلاص يعني: ﴿ثَلاثَةٌ رَابِعُهُمْ كَلْبُهُمْ﴾ [الكهف: 22]، لأ خمسة، لا سبعة، لا كانوا ثمانية، طب نعمل مسجد، لأ نعمل مقام.

وسبنا الآيات العجيبة والقدرة التي تدل عليها اللي جاية أصلاً عشانها: ﴿أَمْ حَسِبْتَ أَنَّ أَصْحَابَ الْكَهْفِ وَالرَّقِيمِ كَانُوا مِنْ آيَاتِنَا عَجَبًا﴾ [الكهف: 9]، ده في أول السورة وفي أول القصة وفي نصها: ﴿ذَلِكَ مِنْ آيَاتِ اللَّهِ﴾ [الكهف: 17]، وفي الآخر: ﴿لَا مُبَدِّلَ لِكَلِمَاتِهِ﴾ [الكهف: 27]. في الأول وفي النص والآخر التذكير بالآيات، استفيدوا من هذه الآيات والعبرة، ما تنشغلوش بالتفاصيل. اختفوا من المشهد وتقعد كده كأن ربنا بيقول لك ﴿وَتَرَى الشَّمْسَ﴾ -قيل خطاب للنبي صلى الله عليه وسلم، وقيل لكل راء، ولكل من تصح منه رؤيا-.

هنا حصل اختلاف من العلماء أنا هأذكره لكم بس أنا هأقول لكم اللي أنا مائل إليه يعني، قالوا: هل الأحداث اللي حصلت دي: ﴿وَتَرَى الشَّمْسَ إِذَا طَلَعَتْ وَإِذَا غَرَبَتْ تَّزَاوَرُ عَن كَهْفِهِمْ وَهُمْ فِي فَجْوَةٍ مِّنْهُ﴾ [الكهف: 17]، هل اللي حصل ده ترتيب من ربنا لموقع الكهف؟ يعني ربنا أرشدهم إلى مكان كهف معين وحيد أو يعني نادر أن تظبط فيه الزاوية بتاعته يكون في اتجاه الشمال، فيكون طلوع الشمس يديهم شوية شمس، وغروب هيديهم شوية شمس وما تكونش الشمس حامية، ويكون في مدخل الهواء ويكون يعني بحري شوية، يعني مكان الكهف مكان مميز جداً، وده بترتيب ربنا؟ ولا -ركز- أصلاً الكهف كان كهفاً عادياً جداً، وكانت الشمس تغير مسارها عشانهم؟ خد بالك، القولان موجودان.

بعيداً عن الخلاف وبعيداً عن اللي حصل، أنا عايزك تقرأ الآيات وتسيب نفسك مع الآيات، شف يعني عيش مع الآيات. ﴿وَتَرَى الشَّمْسَ﴾ ربنا يقول لك شوف إذا طلعت، وكأن الشمس مركزة مع الكهف بتاعهم. ﴿وَتَرَى الشَّمْسَ﴾ كأن ربنا بيشبه لك الشمس كائن حي مهتم بهم، زي أمهم مثلاً طالعة الصبح زي ما طلعت ﴿تَّزَاوَرُ عَن كَهْفِهِمْ﴾، يعني كأن الشمس تطلع على الكرة الأرضية -والكرة الأرضية ده احنا عرفنا بقى أن الشمس دي حواليها أكثر من كوكب- كأن الشمس النجم العظيم ده مركز مع الكهف الصغير اللي فيه كوكب من وسط الكواكب اللي حواليها تسعة بقى ولا العشرة في الأرض، ومن وسط القارات دي كلها في مرة معينة، من وسط القارة ديت فيه دول، ومن وسط الدولة دي فيه أراضٍ وفيه كهوف، وسط فيه كهف معين الشمس ﴿تَّزَاوَرُ عَن كَهْفِهِمْ وَإِذَا غَرَبَت تَّقْرِضُهُمْ ذَاتَ الْيَمِينِ﴾ [الكهف: 17] تحديدا هم، معاملة خاصة.

كل واحد فينا -ما حدش يقول إيه بس دول أنا ربنا يعاملني معاملة خاصة إزاي؟- يعني في أزمة كورونا والأزمة الاقتصادية والأزمات أنا ممكن ربنا يعاملني معاملة خاصة؟ أيوه، أنت ربنا ممكن يعاملْك معاملة خاصة، ومش لازم نفس معاملتهم. الله سبحانه وتعالى يا جماعة لو أن أولكم وأخركم وإنسكم وجنكم اجتمعوا في صعيد واحد وكل واحد طلب سؤال غير التاني وأعطى كل واحد مسألته -يعني كل واحد كان طلب حاجة غير التاني- ما نقص ذلك من ملكه شيئاً سبحانه وتعالى. يعني ممكن أنت عايز ظروف معينة يناسبك ظروف معينة، عادي جداً ربنا يعملها لك، أمر يعني هو عليه هين سبحانه وتعالى.

فمشهد فعش مع الآيات وتفرج كده، سبحان الله! ﴿إِذَا طَلَعَتْ وَإِذَا غَرَبَتْ﴾ والكلب باسط ذراعيه بالوسيد، فربنا يقول إيه في الآخر؟ اه اه ﴿ذَاتَ الْيَمِينِ وَإِذَا غَرَبَت تَّقْرِضُهُمْ ذَاتَ الشِّمَالِ وَهُمْ فِي فَجْوَةٍ مِّنْهُ﴾ [الكهف: 17]. أوعى تنسى المعنى ده: بدل ما تنشغل بالخلافات وموقع الكهف ومكانه وشمال شرقي ولا جنوب غربي، ﴿ذَلِكَ مِنْ آيَاتِ اللَّهِ﴾ [الكهف: 17]، أدلة ربنا هداهم لمكان الكهف على القول اللي شايفين أنه مكان معين، أو للإيمان الذي تسبب وكان من فضل الله أن غير له مسار الشمس: ﴿مَن يَهْدِ اللَّهِ فَهُوَ الْمُهْتَدِ وَمَن يُضْلِلْ فَلَن تَجِدَ لَهُ وَلِيًّا مُّرْشِدًا﴾ [الكهف: 17].

﴿وَتَحْسَبُهُمْ أَيْقَاظًا وَهُمْ رُقُودٌ﴾ [الكهف: 18]. هنا بقى اختلاف: هل اللي هيفشوفهم ﴿وَلَّيْتَ مِنْهُمْ فِرَارًا وَلَمُلِئْتَ مِنْهُمْ رُعْبًا﴾ [الكهف: 18]؟ قالوا: عشان لا تأكلهم الأرض. طبعا هنا بقى فيه إسرائيليات كتير، هل شعورهم بقى طالت وأظافرهم طالت والكلام ده؟ وإن كان أنا لا أرى ذلك، في روايات بتقول أن ده ما حصلش لأن هم نفسهم لما قاموا ما استغربوش أشكالهم، بل قالوا: ﴿لَبِثْنَا يَوْمًا أَوْ بَعْضَ يَوْمٍ﴾ [الكهف: 19]. فلو كان صحوا لقوا شعرهم طويل وضوافرهم طويلة كان قال له: إيه ده يا ابني، أنت شكلك عامل كده إزاي، وأنت؟ يعني كانوا ما هو ده ما حصلش، ده عادي قاموا أصلاً حتى المشهد: ﴿وَكَذَلِكَ بَعَثْنَاهُمْ لِيَتَسَاءَلُوا بَيْنَهُمْ﴾ [الكهف: 19]، وحتى المد بتاعي تحس أن انت كنت قاعد: احنا نمنا قد إيه؟ ﴿قَالَ قَائِلٌ مِّنْهُمْ كَمْ لَبِثْتُمْ قَالُوا لَبِثْنَا يَوْمًا أَوْ بَعْضَ يَوْمٍ قَالُوا رَبُّكُمْ أَعْلَمُ بِمَا لَبِثْتُمْ﴾ [الكهف: 19]. بيعيشك في تفاصيل وسطهم، فبرضه كلمة ﴿وَتَرَى الشَّمْسَ﴾ ونقلبهم ذات اليمين.

لو اطلعت عليه، لذلك أنا ليه قلت معنى الشعور؟ أن في ناس قالت: ﴿وَلَّيْتَ مِنْهُمْ فِرَارًا وَلَمُلِئْتَ مِنْهُمْ رُعْبًا﴾ [الكهف: 18] اختلفوا: هل هذه مهابة ألقاها الله عليهم، ولا بسبب أشكالهم؟ أنا ظاني بسبب أن هي والله أعلم ما هذا. فالذي حفظهم وهم نيام وجعل الناس يهابون منهم، قادر على أن يحفظك وأنت حي ويجعل لك مهابة بين الناس.

بعد كده ﴿وَكَذَلِكَ بَعَثْنَاهُمْ﴾ [الكهف: 19]، بعد كده قاموا بقى ليتساءلوا بينهم: ﴿قَالَ قَائِلٌ مِّنْهُمْ كَمْ لَبِثْتُمْ قَالُوا لَبِثْنَا يَوْمًا أَوْ بَعْضَ يَوْمٍ﴾ [الكهف: 19]. احنا بقى لنا ده أول سؤال بتسأله لما تحس أنك نايم بقى لك فترة طويلة: إيه ده! إيه يا جدعان احنا نايمين بقى لنا قد إيه؟ قم يا ابني أنت وهو، كم لبستم؟ قال له: يا عم احنا نايمين بقى قال لي ما تسيبني يا عم أن ربنا نجانا، يوما أو قل يا عم أربعة وعشرين ساعة، احنا ورانا إيه أصلاً؟ احنا مع بعض احنا مطولين في الكهف وبقى هربان من ما احنا ما فيش حتة تانية نروحها، يوما أو بعض يوم. كالعادة ما يحبوش نقاشات كتير، المراء اللي ما لوش هينبني عليه عمل، وفي الآخر التفويض: ﴿رَبُّكُمْ أَعْلَمُ بِمَا لَبِثْتُمْ﴾ [الكهف: 19].

طب احنا جعانين، احنا ما كلناش بقى لنا فترة، ﴿فَابْعَثُوا أَحَدَكُم بِوَرِقِكُمْ هَٰذِهِ إِلَى الْمَدِينَةِ﴾ [الكهف: 19]. مش مهم هو مين، مش هم اسمه؛ لأن هم أصلاً من الأول وده المعنى أشار له ابن كثير: يد الله مع الجماعة. هم اتجمعوا مع بعض، وفي بقى خلاف في الروايات: هم اتجمعوا إزاي؟ هل كل واحد خد القرار مع نفسه وتقابله برة البلد؟ ولا اتقابلو جوة البلد وخدوا القرار وخرجوا؟

وأنا أميل من الروايات للقول التاني: أن هم اتجمعوا داخل البلد خرجوا كمجموعة، كانوا من المترفين وكانوا عارفين بعض وخرجوا وقرّروا أن هم يتجمعوا، فـ(يد الله مع الجماعة). ﴿فَابْعَثُوا أَحَدَكُم﴾ [الكهف: 19]. أي واحد مننا، خادم مستطيل عادي، أما نبقى مع بعض في رحلة، أما نبقى مع بعض في اعتكاف، أي حد يعمل الوظيفة دي مش مشكلة. شف: لأ مش أنا، لأ عادي أي حد، ﴿فَابْعَثُوا أَحَدَكُم﴾ [الكهف: 19]، أي حد يجيب الأكل، أي حد يروح يعمل الشاي، أي حد: ﴿فَابْعَثُوا أَحَدَكُم بِوَرِقِكُمْ﴾ [الكهف: 19].

بعض العلماء قال: لأن هذه الذي فضحته فضحته. حد يقول لي إنها إيه؟ الكلمة دي زائدة القصة ما لهاش لازمة، كأن دي إشارة للرواية أن دي لما شافوا الوريق بتاعهم وعرفوه من العملة. ﴿فَابْعَثُوا أَحَدَكُم بِوَرِقِكُمْ هَٰذِهِ﴾ [الكهف: 19]، أو ليه يعني احنا قلنا ما فيش كلمة في القرآن كده، فقالوا: دي إشارة، دي كانت سبب الآية أنه يتعرفوا. وبعضهم قال: لأ، هذه إشارة بالرغم من التوكل والإيمان كان معهم الزاد؛ يعني حاولوا قبل ما يمشوا ياخدوا معهم فلوس، يعني مش خرم كده وخلاص. فانت ما فيش أسباب خلاص هتنطلق وتقول: يا رب، طب معاك سبب ما تسيبش سبب واحد تقدر تاخده خده معك، يعني أنت هربان وهنطلع ومعاك آخر عشرين جنيه، يا سيدي خدها، ما حدش هتنفعك، هي طبعا عشرين جنيه ما عادتش هتعمل حاجة بس ما حدش عارف يعني أجهزة زمايلها معك عشرين جنيه هيطفوا عليك، يعني تبقى هي سبب عطف الناس عليك يعني.

المهم كنا بنقول: ﴿فَابْعَثُوا أَحَدَكُم بِوَرِقِكُمْ هَٰذِهِ إِلَى الْمَدِينَةِ فَلْيَنْظُرْ أَيُّهَا أَزْكَى طَعَامًا فَلْيَأْتِكُم بِرِزْقٍ مِّنْهُ﴾ [الكهف: 19]. يبقى فابعثه -كان الدكتور حازم هنا له شرح جميل قوي اتكلم إزاي حد يبعث ويبقى قد المهمة وبعدين يروح ويرجع بسرعة- اه ممكن ترجعوا لشرح دكتور حازم شومان كان شرح الآيات شرح جميل.

هنا اختلفوا في كلمة ﴿أَزْكَى طَعَامًا﴾ [الكهف: 19]، والمعنيين بصراحة فيهم آراءهم من اللطائف جميلة جداً. المعنى الأول: هل الأطيب ولا الحلال؟ الزكاة هنا الزكاة تأتي بمعنى النمو ومعنى الحلال، فهل ابعثوا لنا واحد ينقي حاجة حلوة، ما يجلناش في ناس من صحابي كده أما أحب أبعث حد الأكل: فلان ده بتاع الأكل، يعني مش هينفع نبعت حد تاني، ده هيجيب لك أكل أنت واثق فيه. فهل أزكى بمعنى أكل طيب؟ يجيب لنا حاجة كويسة وفيه وفيه قول أن هو كتير من أزا كان ولا حلال؟ لأ تعال نمشي مع القول الأول حلال.

المعنى بقى هنا لو حلال: لم ينشغلوا بالبلاء على مراعاة أحكام الله سبحانه وتعالى. ربنا يحفزنا يا رب، أحياناً في ناس من اللي تكون مثلاً في بلاءات مبتلى في أي أماكن فيها ابتلاءات ما يفكرش حكم، تيمم طب والصلاة؟ طب الصلاة اللي راحت عليه؟ ما بينشغلش بالاحكام دي. لأ، لابد أن تنشغل به، ما معنى أنك أنت في ابتلاء أنك تنسى أحكام ربنا سبحانه وتعالى، فده المعنى. لو جينا أطيب أنا بشعر هنا بمعني.

كيف قدروا يتكيفوا مع البلاء؟ هناك فرق بين البرود الذي نراه في تعامل العلمانيين مع الأزمات، حيث يفتقدون للجوء إلى الله سبحانه وتعالى في قمة البرود، ويريدون العودة للترفيه وكأن شيئاً لم يكن، وبين التأقلم بمعنى أن يحفزنا الله إذا وقعنا في بلاء، فلا نقعد في حالة الضجر والهلع، بل نتأقلم ونبدأ في عبادة ربنا وسط الأزمة بنفس راضية فيها سكينة. كما كان النبي ﷺ في مكة يداعب أصحابه، وكان للصحابة روح المداعبة في الغزوات، حتى أن النبي ﷺ كان يسابق أمنا عائشة في غزوة. فالفكرة أن لا تجعل البلاء يسيطر على أعصابك، بل تأقلم وتعايش وتعبد.

زكى طعاماً، تكلمنا في الخلاف الذي فيها وما وراءها من معاني، فليأتكم برزق منه. خذوا بالكم، نحن متوكلون على الله وندعو ربنا سبحانه وتعالى، لكننا نأخذ بالأسباب. قيل وليتلطف، وأنتم لا توصون في موضوع التلطف، فكثير من الإخوة ينقصهم فقه التلطف. هم هنا بعثوا واحداً، سيقابل أحداثاً كثيرة، هل سيعرضون ويقولون له ماذا يفعل في كل موقف؟ هو يجب أن يكون عنده حكمة، مثلما ذكرت في قصة سيدنا لوط وسيدنا إبراهيم، أو حين بعث النبي ﷺ مصعباً، لم يقل له ماذا يفعل؛ فأنت تحتاج شخصاً حكيماً يتلطف.

كانوا يقولون له: ستذهب للمدينة، ستجلب طعاماً، من أين ستجلب؟ التفاصيل ستنكشف، تنكر، اتصرف، حاول، المهم ولا يشعرن بكم أحداً، لا تفضحنا. فأحياناً، وجزى الله خيراً بعض الإخوة، يكون من حماسته للدين يقطع مقطعاً لدعاة، وهذا المقطع لوحده قد يودي به في داهية، ولو جلب جزءاً قبله أو بعده لفهم المقطع جيداً ولم يفهم خطأ. وأحياناً يضع صورة تجعل من يتفرج على المقطع يسيء الظن أكثر، ففي بعض المواقف لا يوجد تلطف. فالإنسان محتاج يفكر في تبعات الأفعال، حتى لو كانت أفعالاً جيدة أو لنشر الدعوة، فعدم التلطف قد يؤدي إلى مفاسد عظيمة.

لقد سجلنا قديماً سورة القصص لكن لم تنشر، وتحدثت فيها عن الرجل الذي استغاث بسيدنا موسى، ثم جاءه الرجل مرة ثانية وقال له: ﴿أَتُرِيدُ أَن تَقْتُلَنِي كَمَا قَتَلْتَ نَفْسًا بِالْأَمْسِ﴾ [القصص: 19]. قالوا إن هذه الكلمة هي التي فضحت أمر سيدنا موسى، فالرجل الذي أنقذه موسى هو الذي فضحه وتسببت في تأجيل الدعوة لسنوات. نعم قد كان خيراً بفضل الله سبحانه وتعالى وكل أقدار الله خير، لكن أحياناً يتسبب الإنسان في مشاكل للدعوة بعدم التلطف. وليتلطف ولا يشعرن بكم أحداً، وهذا هو الفهم للحياة، كما قال في أول السورة: ﴿لِنَبْلُوَهُمْ أَيُّهُمْ أَحْسَنُ عَمَلًا﴾ [الكهف: 7].

تحدثوا في أول الآية عن زينة الدنيا، وأن الله يبتلينا ابتلاءات، فمن هي الدنيا التي لن تؤثر فيه؟ لذلك قالوا: أحسنهم في التعامل مع زينتها. وخذ بالك، أحسن عملاً تختلف؛ فعمل أصحاب الكهف كان أحسن عملاً بالنسبة لهم، غير صاحب الجنتين، غير سيدنا موسى والخضر، غير ذي القرنين. فكل واحد له "أحسن عمل" خاص به، سواء في الدعوة، أو العلم، أو الانعزال، أو الاختلاط مع الناس؛ فكل واحد يبحث عن الأفضل. لذلك السورة بدأت بـ ﴿أَحْسَنُ عَمَلًا﴾ وجاءت بأعمال مختلفة كالانعزال، والدعوة، والتعلم، والجهاد، والسفر.

وهنا قالوا: ﴿إِن يَظْهَرُوا عَلَيْكُمْ يَرْجُمُوكُمْ﴾ [الكهف: 20]، فالفهم الحقيقي للحياة ليس الفهم الرومانسي؛ فالحياة فيها ابتلاءات. هذه فكرة الهشاشة النفسية أو الفهم الساذج للحياة الذي يجعل الناس تصطدم بها، فيأتي لها حالة من الهشاشة وتسقط مع أي ابتلاء. هذه البلاءات مع الإيمان تعطي الإنسان حالة من الرضا والقناعة والصبر، ويشعرون بالأمل في الله وينتظرون لقاءه. هنا يقولون: ﴿إِن يَظْهَرُوا عَلَيْكُمْ يَرْجُمُوكُمْ أَوْ يُعِيدُوكُمْ فِي مِلَّتِهِمْ﴾، هو فاهم طبيعة المعركة جيداً، لا يتوقع أن الله سينزل صاعقة، بل نتلطف ونأخذ بالأسباب.

وكذلك ﴿وَكَذَلِكَ أَعْثَرْنَا عَلَيْهِمْ لِيَعْلَمُوا أَنَّ وَعْدَ اللَّهِ حَقٌّ﴾ [الكهف: 21]، كل هذه القصة ليعلموا أن وعد الله حق. ربنا أمات الرجل الذي مر على قرية مائة سنة ليقول: ﴿أَعْلَمُ أَنَّ اللَّهَ عَلَى كُلِّ شَيْءٍ قَدِيرٌ﴾ [البقرة: 259]. هناك معارف في قدرة الله وفي لطف الله تحتاج لسنوات لنعرفها، وتحتاج لابتلاءات لنشعر بما فيها. وقيل إن القصة كانت رداً على من كفر بالبعث، فلما رأوا أنهم ماتوا ثلاثمائة سنة وصحوا، انتشر اليقين بالبعث ليعلموا أن وعد الله حق وأن الساعة لا ريب فيها.

بدأت تخلص القصة وبدأ التعامل الخاطئ: ﴿إِذْ يَتَنَازَعُونَ بَيْنَهُمْ أَمْرَهُمْ﴾ [الكهف: 21]. أين الوعد؟ وأين الإيمان؟ وأين آيات الله والجهاد والبذل؟ انشغلوا بقضايا ثانوية، ناس قالوا ابنوا عليهم بنياناً، وناس قالوا ﴿لَنَتَّخِذَنَّ عَلَيْهِم مَّسْجِدًا﴾. ﴿قَالَ الَّذِينَ غَلَبُوا عَلَى أَمْرِهِمْ﴾، ابن كثير والتقى وغيره أشاروا إلى أن هؤلاء هم الرؤساء والأمراء والكثرة. ولماذا نهتم؟ لأن مسألة ﴿لَنَتَّخِذَنَّ عَلَيْهِم مَّسْجِدًا﴾ قد يساء فهمها، وقد يستدل بها البعض على جواز بناء المساجد على القبور، وهذا فعل شنيع وخطأ. بل هذا ممن لعنهم الله، ﴿لَّعَنَ اللَّهُ الْيَهُودَ وَالنَّصَارَى اتَّخَذُوا قُبُورَ أَنبِيَائِهِمْ مَسَاجِدَ﴾.

الإمام القاسمي أطال في هذا في أواخر الدولة العثمانية لأن فتنة القبور كانت منتشرة، وهذا فعل خطأ، وحتى من غلبوا على أمرهم ليسوا مظنة عمل الحق. القرآن ذكر تعقيباً على القصة بالتصرفات الخاطئة مع سير الصالحين: بناء المساجد على قبورهم، والتقديس الظاهري الذي لا يصب في صلب الشيء. وأنا أكرر وأؤكد خطورة بناء المساجد على قبور الصالحين، وقد أشار القاسمي والألوسي وابن عاشور إلى خطورة هذا الأمر، وأنه مدخل ووسيلة للشرك.

﴿سَيَقُولُونَ ثَلَاثَةٌ رَّابِعُهُمْ كَلْبُهُمْ وَيَقُولُونَ خَمْسَةٌ سَادِسُهُمْ كَلْبُهُمْ رَجْمًا بِالْغَيْبِ﴾ [الكهف: 22]. رجم بالغيب تعبير قرآني، فالرامي الذي يرمي وهو مغمض لا يصيب الهدف. اختلفوا في عددهم، ويقولون سبعة وثامنهم كلبهم. وهناك من المفسرين من يرى أن العدد سبعة والثامن الكلب، وأن هذا التأجيل بعد كلمة ﴿رَجْمًا بِالْغَيْبِ﴾، وشيخ الإسلام قال إن هذه الطريقة المثلى لإجابة الفتاوى: عرض الخلاف، ذكر الأقوال الباطلة، الانتهاء بالقول الصحيح، ثم الترجيح.

هناك خلاف طويل في مسألة ﴿وَثَامِنُهُمْ كَلْبُهُمْ﴾ حول "واو الثمانية"، وهي لم تأتِ في القرآن إلا في مواضع قليلة. قالوا إنها تأتي مع الرقم ثمانية، لكن هذا قول ضعفه النحاة. المهم أننا لا نريد الانشغال بعددهم، كما روي عن ابن عباس: ﴿مَا يَعْلَمُهُمْ إِلَّا قَلِيلٌ﴾، قال: أنا من القليل. فنحن لا نعلم عددهم وسيظل خلافاً قائماً، لذلك الختام: ﴿فَلَا تُمَارِ فِيهِمْ إِلَّا مِرَاءً ظَاهِرًا وَلَا تَسْتَفْتِ فِيهِم مِّنْهُمْ أَحَدًا﴾ [الكهف: 22].

المفسرون قالوا كلاماً جميلاً في المراء الظاهر؛ هناك قضايا لا ينبغي أن تأخذ حجماً كبيراً من النقاش، بل هناك قضايا أقحمت في العقيدة وهي كلها ظنون. القضايا التي تأخذ نقاشات فلسفية طويلة وهي ﴿مِرَاءً ظَاهِرًا﴾، يكفيك فيها نقاش سطحي لأنك مهما تعمقت لن تصل لشيء؛ لأنك لا تملك أدواتها وسيظل الأمر غيبياً. فتعلم كيف تتعامل مع الوقت ومع الحياة التعامل الصحيح؛ لا تطول في النقاش، ولا تستفتِ في هذه الأمور أحداً، فالمصدر معك. ثم يقول الله: ﴿وَلَا تَقُولَنَّ لِشَيْءٍ إِنِّي فَاعِلٌ ذَلِكَ غَدًا * إِلَّا أَن يَشَاءَ اللَّهُ وَاذْكُر رَّبَّكَ إِذَا نَسِيتَ﴾ [الكهف: 23-24]. الكثير من العلماء ربطوا هذه الآية بسبب النزول.

ضعف؛ لأنها رواية عن ابن إسحاق وغيره أنهم جاؤوا وسألوا النبي صلى الله عليه وسلم أسئلة، فالنبي قال سأجيبكم ولم يقل إن شاء الله، فنزلت الآيات تعلم ونوع من التربية الربانية للنبي صلى الله عليه وسلم: ألا يعطي للناس وعداً إلا أن يقول إلا أن يشاء الله. فنوع من التأدب في العلاقة بالله سبحانه وتعالى، والجاحظ كان له كلام جميل قوي في كلمة إن شاء الله، أن الإنسان لا ينسى أنه عبد، حتى لا يقف مقام التألي؛ فأنت لست ربنا، فلازم دائمًا تقول إلا أن يشاء الله، عشان تفتكر دائمًا أنك مقهور وأنك عبد، وأن في أي لحظة ممكن يحصل حاجة تقطع أمانيك؛ ﴿بَلِ اعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ﴾ [الأنفال: 24].

فصاحب العزاء الجميل هنا قالوا معنى جميلًا جدًّا في علاقة النبي صلى الله عليه وسلم بربه؛ أن العتاب جاء بعد ما ربنا ذكر له القصة، يعني بعد ما ربنا جاب له القصة وعرفه قال له بس عارف أنت في التلطف بعد ما أجاوبك على سؤالك يقول لك: بس كان الأولى أنك تقول كذا؛ ﴿وَلَا تَقُولَنَّ لِشَيْءٍ إِنِّي فَاعِلٌ ذَٰلِكَ غَدًا * إِلَّا أَن يَشَاءَ اللَّهُ﴾ [الكهف: 23-24].

برضه فيه خلاف طويل في الآية، وهل هذا في الاستثناء في الأقسام والأيمان؟ والذي يحلف بالله لو استثنى بعد مدة، وخلاف فقهي هنا، والراجح لازم الاستثناء يكون متصلًا باليمين، والمسائل التي فيها نقاشات طويلة وتحتاج إلى نوع من الاستزادة أحيل عليها. الذي متضايق من الإحالة، خلاص؛ هذه ليست من صلب ما أريد أن أقدمه، هو يرجع لمن أراد الاستزادة.

إلا أن يشاء الله فيها خلاف طويل، الاستثناء ده بيعود على إيه؟ هل لا تقولن لشيء إلا أن تقول إن شاء الله، ولا لابد أن تعلم أن كل شيء بمشيئة الله سبحانه وتعالى؟ وزي ما قلت لكم راجعوا كتب التفاسير. ﴿وَاذْكُر رَّبَّكَ إِذَا نَسِيتَ﴾ [الكهف: 24]؛ برضه هل معناها لو أنا نسيت حاجة أذكر ربنا عشان أفتكر؟ التبرك باسم الله؟ ولا لو نسيت أقول إن شاء الله؟ قلها ولو بعد مدة، فيه ناس قالوا كده، لكن لا تؤثر في اليمين، لا تؤثر في القسم، هي تبركًا، ﴿وَاذْكُر رَّبَّكَ إِذَا نَسِيتَ وَقُلْ عَسَىٰ أَن يَهْدِيَنِ رَبِّي لِأَقْرَبَ مِنْ هَٰذَا رَشَدًا﴾ [الكهف: 24].

معلش أنا باجي في الآخر بسرعة، بس الآية دي ركزوا معي فيها شوية، فيها أقوال كتير، وقلما من تعرض إليها في التفاسير، يعني ممكن تجد تفسيرًا استفاض فيها وتفسيرًا ما جابش لها معنى أصلًا. بحثت في تفاسير كتير جدًا عليها، أجمل من تكلم فيها ابن الجوزي، وتفسير متأخر فيه تصوف لكن فيه بعض الفوائد يحتاج طالب علم يقرأ فيه تفسير ابن عجيبة، وابن كثير أشار إلى معنى لطيف. إيه بقى معنى الآية؟ يعني إيه عسى أن يهديني ربي لأقرب من هذا رشدًا؟

ركزوا معي إزاي نفهم معنى الآية، ربنا بيقول للنبي صلى الله عليه وسلم قل لهم: ﴿عَسَىٰ أَن يَهْدِيَنِ رَبِّي لِأَقْرَبَ مِنْ هَٰذَا رَشَدًا﴾؛ هنا لفظ الهداية والرشاد من صلب السورة. فاحنا عايزين نفهم الآية: هذا دي حاجة من ثلاثة: هذا المنسي، أو هذا قصة أصحاب الكهف، أو هذا هدى أصحاب الكهف. تعالوا نفسر؛ لو قلنا المنسي: ﴿وَاذْكُر رَّبَّكَ إِذَا نَسِيتَ عَسَىٰ أَن يَهْدِيَنِ رَبِّي لِأَقْرَبَ مِنْ هَٰذَا رَشَدًا﴾، فيكون في النسيان خير؛ أن المعنى ده محتاج تنساه والأفضل أنك تنساه، أو سيأتي الله سبحانه وتعالى بخير منه، أو لتتذكر أنك عبد، وأنك مقهور، وأنك لا تتحكم في ذاكرتك. زي ما ربنا قال: ﴿وَرَبَطْنَا عَلَىٰ قُلُوبِهِمْ﴾، أنت لا تتحكم في قلبك، أنا برضه للأسف نسيت أستفيض بمعنى الربط على القلب؛ أنت لما تكون خايف من حاجة مش عارف تقول لقلبك ما تخافش، يعني قلبك قاعد بينبض ومش قادر أتحكم في مشاعري، مش عارف قلبي أنا ومشاعري مش عارف أتحكم فيها. فالله سبحانه وتعالى هو الذي يربط على القلوب، فكذلك الذاكرة بيد الله سبحانه وتعالى، فدائمًا تذكر الله سبحانه وتعالى إذا نسيت، عسى أن يمن عليك بعد النسيان لأقرب مما نسيته، يبقى الأقرب من المنسي هذا رشد.

القول الثاني وده الأشهر الذي ذكره كتير من المفسرين، وأظن أول ما ذكره الزجاج، قالوا إن لما راحوا يسألوا النبي صلى الله عليه وسلم، هم ليه سألوه عن أصحاب الكهف؟ ليه المشركين راحوا يعملوا اختبار للنبي صلى الله عليه وسلم عشان يشوفوا هو نبي ولا لا؟ لو عارف القصة هيبقى نبي، لو مش عارفها بالنسبة لهم لن يكون نبيًا. فبيقول لهم سيعطيني الله عز وجل، ﴿عَسَىٰ أَن يَهْدِيَنِ رَبِّي لِأَقْرَبَ مِنْ هَٰذَا رَشَدًا﴾، احنا قلنا المعنى الثاني قصة أصحاب الكهف، سيعطيني الله سبحانه وتعالى قصصًا كثيرة أفضل من قصة أصحاب الكهف تكون دليلاً على النبوة، وسيعطيني الله سبحانه وتعالى آيات كثيرة أقرب وأفضل من قصص أصحاب الكهف لتكون دليلاً على النبوة، وبالفعل قد أعطاه الله ذلك، وأعطاه قصص الأنبياء، وأعطاه القرآن المدني الذي يبين لهم كثيرًا مما يخفون في أهل الكتاب حين يروح المدينة. وقيل إن اليهود أو النصارى هم الذين بعثوا المشركين يسألوا، فسيعطيني من الآيات التي تبين أنني معي الحق، يبقى ده المعنى الثاني.

القول الثالث: أقرب من هذا، يعني كما أن الله هدى أصحاب الكهف ووفقهم، سيهديني الله سبحانه وتعالى هدى أعظم من هدى أصحاب الكهف، لأقرب من هذا الهدى، وأعطاه الله ذلك، ومنَّ الله سبحانه وتعالى عليه وفتحت له الآفاق صلى الله عليه وسلم.

﴿وَلَبِثُوا فِي كَهْفِهِمْ ثَلَاثَ مِائَةٍ سِنِينَ وَازْدَادُوا تِسْعًا﴾ [الكهف: 25]، برضه ﴿قُلِ اللَّهُ أَعْلَمُ بِمَا لَبِثُوا﴾ [الكهف: 26]، كل شوية ربكم أعلم بما لبثتم بعدتهم، ﴿اللَّهُ أَعْلَمُ بِمَا لَبِثُوا﴾، علم الله سبحانه وتعالى وخصوصًا في الأحداث التاريخية الماضية؛ ﴿وَرُسُلًا لَّمْ نَقْصُصْهُمْ عَلَيْكَ﴾، أحداث لا يعلمها إلا الله سبحانه وتعالى. لذلك بعض المفسرين، وأول ما روي عنه ذلك أظن الإمام قتادة رضي الله عنه قال إن كلمة ﴿وَلَبِثُوا فِي كَهْفِهِمْ﴾ هذا من قول أهل الكتاب، هذا من تنازعهم، إن هم قاعدين بيتخانقوا في أعدادهم وقاعدين يمارون في المدة، فمعنى الآية على هذا القول عند قتادة: وقال أهل الكتاب إنهم لبثوا في كهفهم ثلاثمائة سنين وازدادوا تسعًا، فقل لهم يا رسول الله ولا تنشغل بالمدة وقل لهم الله أعلم. ده قول، القول ده ضعفه الطبري وابن كثير وقال إنه منقطع الأثر عن قتادة، ده من قول الله سبحانه وتعالى، فقالوا لو من قول الله إزاي فيها تردد؟ إزاي فيها ثلاث مائة سنين وازدادوا تسعًا؟ هم كانوا مترددين أهل الكتاب، فربنا بيقول لا تنشغلوا بالعدد. عندنا قول يقول إن ده أهل الكتاب وإن ده من ترددهم. القول الثاني قال لأ ده من كلام ربنا سبحانه وتعالى وهذا من الإعجاز، قالوا إزاي؟

قالوا ثلاثمائة زي ما المشهور عند الناس، ثلاثمائة بالسين الشمسية، وازدادوا تسعًا بالقمر؛ لأن كل مائة سنة شمسية بتزيد ما يقارب من ثلاث سنوات قمرية، يبقى ثلاثمائة سنين وازدادوا تسعًا. يعني واحد يقول لك وبعض المفسرين قال لا، إحنا حسبناها ما جاتش تسعة بالضبط، القرآن أغلبي، ومعروف في لغة العرب أن ممكن كان يقول إن بعثة النبي صلى الله عليه وسلم مثلاً قعد في مكة عشر سنين وفي المدينة عشر سنوات، يقول عشرين، والمقصد ثلاثة وعشرين، أن ده معروف للعرب، مش لازم يكون الكسر في قمة، يعني القرآن مش كتاب هندسي. أيًا كان الخلاف موجود، وزي ما قلت لكم، يرى أن هو من كلام الله سبحانه وتعالى، قال الحكمة أنها شمسية وزيادة بالقمرية بحيث أنهم بيتعاملوا بسنوات والعرب بيتعاملوا بسنوات، فالإجابة للطرفين، أو أنها من كلام أهل الكتاب ورد الله عليهم، وأنا مائل لقول أنه ليس من كلام أهل الكتاب، والله أعلم. لكن الأقوال مذكورة في كثير من: ﴿ثَلَاثَ مِائَةٍ سِنِينَ وَازْدَادُوا تِسْعًا * قُلِ اللَّهُ أَعْلَمُ بِمَا لَبِثُوا﴾ [الكهف: 25-26].

﴿لَّهُ غَيْبُ السَّمَاوَاتِ وَالْأَرْضِ أَبْصِرْ بِهِ وَأَسْمِعْ﴾ [الكهف: 26]. يا جماعة اقرأوا القصة وأنتم بتبحثوا عن الكلام عن الله، هنا هتجد هتفاجأ أن كلام ربنا مالي القصة في أول القصة في منتصف القصة في آخر القصة، يعني خواتيم القصة ﴿أَبْصِرْ بِهِ وَأَسْمِعْ﴾، هنا أسلوب تعجب: ما أبصره وما أسمعه سبحانه وتعالى، الله يبصر كل شيء، الله أبصر أصحاب الكهف حينما خرجوا، وسمع كلامهم في الكهف حينما تكلموا، الله سبحانه وتعالى كان معهم برحمته وبلطفه، الله سبحانه وتعالى يعلم متى قاموا ومدة نومهم وكيف قاموا ومدة بعثهم، الله سبحانه وتعالى علم كل هذه التفاصيل. لذلك من أول القصة التي جاءت في المجمل: ﴿لِنَعْلَمَ أَيُّ الْحِزْبَيْنِ أَحْصَىٰ لِمَا لَبِثُوا أَمَدًا﴾، العلم بالتفاصيل، يعني من فوائد القصة التي جاءت في المجملات أن الله يعلم تفاصيل الأحداث، سبحانه وتعالى هو الذي يقدره، ما تسقط من ورقة إلا يعلمها، فكما يعلم المجملات يعلم التفاصيل سبحانه وتعالى.

﴿مَّا لَهُم مِّن دُونِهِ مِن وَلِيٍّ وَلَا يُشْرِكُ فِي حُكْمِهِ أَحَدًا﴾ [الكهف: 26]. وبعد كده جاءت ثلاث أوامر كتعقيب وكختام لقصة أصحاب الكهف، إحنا قلنا جاءت قصة وبعدين فواصل وبعدين جاءت قصة صاحب الجنتين، جاءت قبل قصة صاحب الجنتين هذه ثلاث أوامر: ﴿وَاتْلُ مَا أُوحِيَ إِلَيْكَ﴾ [الكهف: 27]، ﴿وَاصْبِرْ نَفْسَكَ﴾ [الكهف: 28]، ﴿وَقُلِ الْحَقُّ مِن رَّبِّكُمْ﴾ [الكهف: 29]. وبعد كده جاءت العذاب والنعيم وبعد كده قصة صاحب الجنتين. ما علاقة هذه الأوامر بهذه القصة؟ هذا ما سنعلمه في الحلقة القادمة. وأقول قولي هذا وأستغفر الله لي ولكم، سبحانك اللهم وبحمدك، أشهد أن لا إله إلا أنت، أستغفرك وأتوب إليك، وجزاكم الله خيرًا.