د. أحمد عبد المنعموبتتنقل بين لابد أن تعالج المشهد حتى تشعر بقيمة العبودية التي قام بها يعقوب عليه السلام أو يوسف عليه السلام فلابد أن تكون معايشاً للمشهد. تستحضر المشهد وتحاول أن تضع نفسك في مكان هذا المشهد وكيف هل ستوفق لقول يعقوب عليه السلام فصبر جميل نسأل الله السلامة والعافية وإلا مبتلى، ولكن إذا ابتلي الإنسان هل سيقول هذه الكلمة أم لا؟ آخر مشهد توقفنا عنده المرة الماضية مشهد يوسف عليه السلام وهو يباع وعايزك تتخيل مشهد مشاعر سيدنا يوسف بعد ما كان مع والده في البيت ووالده بيحبه وسط إخوته وشاف رؤية جميلة الأول فزع منها تطمئنه والده أن فيها البشرى والخير.
وفجأة ينتقل مشهد يوسف من البيت إلى الصحراء ومن الصحراء إلى البئر ومن البئر إلى السوق ليباع كعبد، تخيل مشهد واحد حياته بتتغير فجأة يعني تخيل ده إحنا لسه نتيجة ثانوية عامة طالعة. تخيل واحد مثلاً كان مؤمن إنه يجيب مجموع عالي وفجأة لقى مجموع قليل مش هيدخله أي كلية مثلاً، تحسوا إنه ضاع خلاص الحياة راحت ويحس إن الحياة اسودت في وجهي. طب ده تخيل واحد انتقل من طفل أو ولد في بيت إلى الصحراء لعب ثم إلى البئر يكاد أن يموت ثم إلى السوق أصبح عبد، طب ويا ترى قاعد يفكر طب ومستقبلي إيه اللي هيحصل فيه طب وبعدين إيه اللي هيحصل؟ هأصلي كده على طول؟ طب أنا هرجع لوالدي؟ طب يا ترى أشوف والدي تاني؟ طب والرؤية اللي شفتها؟ طب ده كان معناها إيه؟ طب هتتحقق إزاي؟ تخيل هذه التساؤلات كانت تدور في عقل يوسف وفي خاطر يوسف عليه السلام.
آخر مشهد وهو بيباع والفلوس بتتقبض وأخر كلمة سمعناها وكانوا فيه من الزاهدين بيخلصوا منه وكما قلنا كانوا لا يعرفون قيمته ولكن هو عند الله غال. بعد كده خلص المشهد مشهد السوق والبيع خلص. وبعد كده فجأة بتفتح الصفحة التانية مشهد تاني تماماً عايز تتخيل مشهد كده قصر مهيب وبعد كده أنت دخلت القسم تفاجأ رجل بيقول لامرأته، وقال الذي اشتراه من مصر لامرأته وقال رجل فجأة مشهد رجل قال الذي اشتراه كلمة الذي اشتراه بتدل أن ده راجل راح واشترى يوسف كعبد وأصبح عنده في وقال الذي اشتراه من مصر، يبقى المشهد انتقل من الشام إلى مصر يبقى في خطوات كثيرة وأزمنة عدت في انتقال يوسف عليه السلام من الشام إلى مصر، يبقى كلمة من مصر جت عشان تعرفك إنه انتقل إلى مكان آخر تماماً.
لكن هذه الآية لم توضح من الذي اشتراه ولم توضح وقال الذي اشتراه من مصر ها لامرأته، رجل بيكلم زوجته إحنا عشان عارفين القصة عارفين مين المتكلم وبيكلم مين لكن عايزك تتخيل أنك بتقرأ الآية لأول مرة وقال الذي اشتراه راجل من مصر مكان مصر لامرأته واحد بيكلم زوجته بيقول لها أكرمي مثواي، أنا في الأول قلت مشهد قصر مشهد قصر ده يبقى أنا عارف اللي حصل لأن أنا عارف أن ده عزيز مصر، لكن أنت المفروض ما تعرفش مشهد القصر ده أنت فجأة رجل بيكلم زوجته بيقول لها على يوسف عليه السلام أكرمي مثواه وقال الذي اشتراه من مصر لامرأته أكرمي مثواه عسى أن ينفعنا أو نتخذه ولداً.
هنا بعض العلماء أشار إلى معنى معنى أن هو يقول لزوجته أكرمي مثواه، ما قالتلوش طب ما تكرمه أنت، فيبقى عادي أن الزوجة يعني هي إيه تنفذ الطاعة طالما في غير حرام. نتجاوز النقطة دي اللي عايز يخوض في الموضوع ده بعيد عننا يعني ممكن يقرأ كلام الشيخ الطريفي في تفسيره إلى معنى جميل في مسألة أن هو قال لزوجته في معنى جميل أيضاً أكرمي مثواه مش أكرميه، المثوى المكاني اللي بيستقر فيه الإنسان تخيل لما تكرم المكان اللي تقعد فيه أمال هي هعمل معه إيه وبعض المفسرين أشاروا إلى معنى لطيف قال أكرمي مثواه في مقابلة المثوى الذي كان قبله، هو كان فين قبل كده كان في البئر في مكان موحش فإذا انتقل من البئر إلى القصر أكرمي مثواه أكرمي المكان اللي هيستقر فيه.
فما بالك باكرامها له؟ عسى أن ينفعنا مهم جداً إنك لما تنتظر نفع من حد إنك تكرمه وهل جزاء الإحسان إلا الإحسان؟ وهذا ما حدث فعلاً، لذلك يوسف عليه السلام قال بعد ذلك إنه ربي إيه أحسن مثواي ولا أكرمي مثواي لم ينسى يوسف هذه الكلمة ولما تعرض للفتنة من زوجته زوجة العزيز قال إنه ربي أحسن مثواي دعنا القول الأشهر أن ربي هم معنا العزيز زي ما نجي في الآية، يبقى يوسف كان يحفظ الإحسان وهذا الرجل كان بيتعامل أن هذا الغلام سوي صاحب فطرة سوية لما هنكرمه أكيد هيرد لنا الإحسان ده عسى أن ينفعنا أياً كان النفع أو يصبح ولداً، كلمة أو نتخذها ولداً كتير من المفسرين قال أشارت كل كلمة في السياق القرآني لها دلالة لأن دي قصة والقصة فيها أحداث كتير.
لما تكون أنت بتشاهد تشاهد فيلم قدامك ممكن الفيلم يرسم لك المكان فيغنيك عن كثير من الكلام، لما تيجي تحول فيلم ومشهد تشاهدك كلام محتاج كل كلامك يكون مضبوط من ضبط عشان ينقل المشهد تماماً، وده من إعجاز القرآن أن كلام قليل مش وسع بينقل لك أحداث كثيرة كلام مبني على الإيجاز وده الأصل في القرآن إنه فيه إيجاز مش فيه إطناب إلا لغرض بلاغي معين وبيحمل كل هذه الأحداث والعبر والمعاني وكلام واقعي مش كلام خيالي زي ما ذكرنا في الفارق بين الرواية زي ما نذكر النهاردة إن شاء الله الفارق بين أيضاً الرواية والقصة القرآنية.
أكرمي مثواه عسى أن ينفعنا أو نتخذ ولداً، بعض المفسرين قال كلمة لاتخذها ولداً إشارة إنه كان لا ينجب كان يحب أي ولد لأن لو كان عنده أولاد يعني ليه يبقى عنده تلات أربع عيال تقول له خد ده جايز يبقى معك ابنك يقول لك أنا ناقص ما كفاية اللي عندي أنا عارف أصرف عليهم، بس هو طبعاً ده عزيز مصر مش فالشاهد أن نتخذ ولداً هنا ده إشارة أن هو كان إيه ينقصه الولد.
وبعدين فجأة أو نتخذ ولداً وكذلك مكنا ليوسف في الأرض، إحنا قلنا لو أنت لسه أول مرة تقرأ الآية تخيل أول مرة تسمع الآية مين اللي اشتراه من مصر ما نعرفش لأ أنت هقول عايزين نص أنت كده بتغش إحنا بنقول من الآية هنا مين اللي اشتراه ما أعرفش واحد بيقول لزوجته أكرمي مسواه لكن في إشارة أن واضح أن اللي اشتراه ده قال له أنصب جبنا الإشارة دي منين؟ كلمة إيه وكذلك إيه مكنا طالما كلمة تمكين يبقى واضح أن اللي اشتراه ده ممكن يعني طالما ربنا قال وكذلك مكنا ليوسف في الأرض، واضح أن اللي اشتراه ده له منصب معين لسه ما نعرفش هو إيه بس واضح طالما ربنا قال وكذلك مكنا ليوسف أن دي بداية تمكين حصلت وأنه راح مكان واضح إنه مكان مش عادي مش مجرد بيت عادي في أطراف مصر أو رجل شخص عادي في مصر تراب سمن بثمن زهيد لأ، ده واضح من الكلمة دي أنا عايزك باقول لك بتعيش المشاهد كأنك بتسمعها لأول مرة وقال الذي اشتراه من مصر لامرأته والراجل بيكلم زوجته أكرمي مثواه عسى أن ينفعنا أو نتخذ ولداً، فتسأل طب ليه عايز ولد؟ يبقى فيه دلالة؟ وكذلك مكنا ليسر، يعني إيه وكذلك مكنا ليوسف؟ قال بعض أهل العلم كما أنجيناه هذا الإنجاء العجيب من البئر أيضاً نمكن له هذا التمكين العجيب، فسنة الله سبحانه وتعالى مع يوسف لا تتخلف يبقى زي ما ربنا سبحانه وتعالى نجاه من البئر بصورة عجيبة وإن كان فيه سيارة عدت في توقيت مناسب قبل أن يهلك ونزلوا الدلو بصورة مناسبة قبل أن يهلك والسيارة دي كانت متجهة في اتجاه معين رايحة إلى مصر، كل الترتيبات العجيبة دي حصلت كذلك التمكين حدث ليوسف بصورة عجيبة وسيحدث له التمكين بصورة عجيبة.
وكذلك مكنا ليوسف وقيل مكنا هنا بمعنى المكانة أي جعلنا له مكانة في قلوب الخلق فالقى الله محبته في قلب هذا الرجل إحنا لسه ما نعرفش اللي هو مين اللي هو يطلع مين بعد كده عزيز مصر، كان ممكن عزيز مصر يلقاه في السوق فلا ينظر له ولا يأبه له هو رايح راح سقيا العبيد فممكن يقول لأ مش عاجبني لكن القى الله محبته محبة يوسف في قلب العزيز كما فعل ربنا سبحانه وتعالى مع مين؟ مع موسى عليه السلام، وألقيت عليك محبة مني ونظرت إليه امرأة فرعون فأحبته قالت لا تقتلوه.
وكذلك مكنا ليوسف في الأرض، أما دي بداية التمكين أو جعلنا له مكانة في قلوب الخلق ولنعلمه من تأويل الأحاديث، يبقى تمكين ده فيه قوة وتعليم هكذا قمة التفوق وقمة التمكين بالقوة وبالعلم، القوة والعلم يحدث بها تمكين يبقى اللي عايز يمكن في الأرض يحتاج إلى حاجتين علم وقوة، طب مين الأفضل العلم ولا القوة الأفضل للعلم وللقوة؟ العلم، إيه الدليل؟ عايز دليل على ده أيوه حد قال آية سورة إيه؟ سورة النمل قال الذي عنده علم من الكتاب أنا آتيك به الأول هل قبل أن يرتد الأول قبل أن تقوم من مقامك أني عليه لقوي أمين، القوي قال أنا أجيب لك العرش بتاع بلقيس قال لسليمان قبل أن تقوم تقعد فترة، التاني اللي عنده علم لذلك ابن عاشور هنا أشار إلى معنى أن العلم هو أقوى وأفضل من القوة لكن الأفضل الجمع بينهما العلم يخليك تبذل جهد أقل وتحصل على ما تريد أعلى، يبقى أي دولة عايزة تكون لها تهتم بحاجتين العلم والقوة.
ولنعلمه من تأويل الأحاديث اللام التعليل دي يعني إيه لأنه يعلمها؟ بعض أهل العلم قال مكناه مكناه لنعلمه ونتم نعمتنا عليه ونحقق له الرؤية التي رآها ووعده يعقوب أنها سوف تحقق، لأن سيدنا يعقوب لما سمع الرؤيا قال له ويعلمك من تأويل الأحاديث، هيجي وقت وتتعلم تأويل الأحاديث فجاء هذا التوقيت وقيل لنعلمه من تأويل الأحاديث معناها نعلمه الوحي مكناه وأنزلنا عليه الوحي ليعلم الناس.
والله غالب على أمره دي أنا عايزك لو طلعت من السورة كلها بالشعار ده أنت الكسبان أنت خرجت بغنيمة عظيمة لو طلعت من السورة كلها بالشعار القرآني ده بس طلعت به يعني إيه؟ يعني استقر في قلبك دي هي أعظم حقيقة في الكون، الله غالب على أمره يعني إيه الأول؟ الله غالب على أمره، الهاء دي تعود على إيه؟ دائماً أي ضمير يا جماعة عشان تفهموا في التفسير فكه شيله وحط مكانه اسم زاهر عشان تعرف فالضمير ده أمره الهاء يعود على مين ها يا جماعة أنتم خايفين ليه؟ آه في قول إن بيعود على الله سبحانه وتعالى والله غالب على أمر الله.
يعني إيه هشرح؟ وفيه والله غالب على أمر يوسف، الله غالب على أمره يعني إذا نازع الله إذا نازع الله أحد في أمره الله يتم أمره لا يستطيع أحد أن ينازع الله في أوامره والله غالب على أمره أن يفعل ما يشاء من أوامره، وكلمة على توحي بالتنازع كأن حد إيه معتقد كأن حد بيظن واهماً إنه هيمشي إرادته فتأتي إرادة الله وتسحقه وتتم إرادة الله ولا تتم إرادة ذلك الشخص الذي أراد أن ينازع الله، ده معنى أول وأيضاً هذكر له معنى تاني.
لكن المعنى التاني أمره أنا يوسف والله غالب على أمر يوسف يعني إيه؟ يعني كلما أراد الناس بيوسف شيئاً وأراد الله شيئاً آخر إرادة الله هي التامة، يبقى الصورة كلها بيحصل فيها حاجة اسمها تنازع إرادات، أراد إخوة يوسف أمراً وأراد الله أمراً فكان أمر الله، أراد العزيز أمراً وأراد الله أمراً فكانت إرادة الله، أرادت امرأة العزيز أمراً وأراد الله أمراً إرادة الله، أراد أصحاب السجن أمراً وأراد الملك أمراً وكل هذه الإرادات كانت في السورة لكن إرادة الله كانت غالبة.
لو تخلفت إرادة واحدة على مدار السورة لما تمت القصة، زي ما قلت لك من أهم طرق تعامل سورة يوسف أنك تتخيل سلسلة الأحداث مترابطة وتتخيل لو حدث حدث واحد وقع الصورة مش هتكمل، لو أن هناك حدثاً واحداً لم يتم لم تكتمل الصورة من أول لحظة الأول لما قال قائل منهم لا تقتلوا يوسف لو كانوا قتلوه كانت القصة خلصت، لو كانوا باعوه في مكان تاني لو كان البئر ده مهلك لو كان مر عليه سبع من السباع وافترسه أياً كان الأحداث القصة مش هتكتمل، لو كان راح مكان تاني غير العزيز لو ما كانتش المرأة راودته لو ما كانش دخل السجن لو كان دخل سجن انفرادي مش دخل معه اتنين لو كان الاتنين اللي دخل معهم ما شافوش رؤية، لو شافوا رؤية والرؤية دي ما تحققتش لو شافوا رؤية وسيدنا يوسف ما عرفش يقولها، لو شاف رؤية وأولها وطلعت صح والراجل نسي يقول على يوسف، لو الملك ما شافش رؤية لو الملك شاف رؤية غلط لو الملك شاف رؤية وما سألش عليها، أحداث متتالية عجيبة تصل بيوسف عليه السلام إلى هذا المكان الذي اختاره الله له، وأنت كذلك أحداث حياتك كذلك، أحداث حياتك حياتك بتترتب بصورة عجيبة وأنت مش واخد بالك أنت فقط لا تتأمل.
أنت مش متخيل أنت إزاي ربنا جابك المسجد هنا، كمية أحداث حصلت كان ممكن تغرق، كان ممكن تموت، كان ممكن تعمل حادثة، أحداث عظيمة كثيرة، ده اللي كان بعض الصحابة يقسم ويقول: كان لا، والذي نجاني يوم بدر، لا والذي نجاني يوم بدر، لما ييجي يحلف، يعني إيه هو الذي نجاني؟ واحد تاني لا والذي رد القطيفة بس دي قصة طويلة، لكن الأولانية يعني إيه الذي نجناه؟ كان يقاتل في بدر في صفوف المشركين ضد المسلمين ولم يقتل، كان ممكن يموت وخلاص يخلد في النار والعياذ بالله، فانجاه الله، لم يقتل في بدر وأسلم وحسن إسلاما، فانت ممكن أحداث كتيرة مرت بحياتك لابد أن تستشعر هذا المعنى.
فإذاً كلمة ﴿وَاللَّهُ غَالِبٌ عَلَى أَمْرِهِ﴾ [يوسف: 21] دي كلمة أن الله يفعل ما يشاء في كونه، الخلق خلقه والملك ملكه، رؤية الحدث ده، رؤية الجملة دي، رؤية العقيدة دي بالصورة دي صعب جداً، كثرة الأحداث والأسباب والإنشغالات والأشخاص والمناصب والأموال تخلي الواحد مشوش الفكر، مشغول بالحدث ده، وبالقصة دي، وبالسبب ده، وبالمنصب ده، وبالشخص ده، مش مستحضر دائماً، يصعب أن تستحضر دائماً أن الأمر أمره، بتنسى، بتقول لك: ياه فلان لو عمل كده أنا هضيع، لأ، الله قادر على أن ينقذك، لابد أن تستثني دائماً تقول: إلا أن يشاء الله شيئاً، إلى ما شاء الله شيء، فرؤية الحدث ده مهم جداً، رؤية الجملة دي مهمة جداً: الله غالب على أمره.
لذلك من الأذكار اللي أنت بتقولها بعد الرفع من الركوع تقول إيه؟ اللهم لا مانع لما أعطيت، أولها إيه؟ أول حاجة إيه؟ أحق ما قال العبد وكلنا لك عبد، لا، أولها خالص أهل الثناء والمجد، أنت أهل الثناء، بتقول أهل الثناء، لكن هي أهل إن شاء الله لأن هي منادى، تنادي على الله: يا أهل الثناء والمجد وتقف، أهل الثناء والمجد، وبعدين بتقول: أحق ما قال العبد، أكثر كلمة حقيقية تكلم بها عبد في الأرض هي الكلمة دي، أحق ما قال العبد، وبعدين جملة معترضة: وكلنا لك عبد، اللهم لا مانع لما أعطيت ولا معطي لمنعت، توحيد المنع والعطاء، أن الله يفعل ما يشاء في ملكه سبحانه وتعالى، دي أحق كلمة موجودة.
لذلك النبي صلى الله عليه وسلم كان بيقول في دعاء الاستفتاح في قيام الليل: «أنا بك وإليك»، أنا بك يعني أنا باء الاستفقار والاستعانة بك، ووجهتي إليك، طيب، يبقى إذاً الله سبحانه وتعالى كما أنطق ذلك القائل وقال قائل منهم: ﴿لَا تَقْتُلُوا يُوسُفَ﴾ [يوسف: 10]، أنطق هذا الرجل وقال لامرأته: أكرمي مثواه، احنا كنا ذكرنا المرة اللي فاتت الأثر كنت أخطأت فيه، أظهر أفرس الناس ثلاثة اللي عندهم نوع من الفراسة، ثلاثة منهم هذا الرجل عزيز مصر حينما قال لامرأته: أكرمي مثواه، ومنهم مين؟ كنا قلنا إيه؟ امرأة فرعون، التالت مين؟ التالت احنا أخطأنا فيه، لكن التالت هو أبو بكر الصديق حينما تفرس فيه عمر بن الخطاب أن هو يحمل الخلافة من بعده، ده بس تصحيح الأثر اللي احنا ذكرناه المرة اللي فاتت، مروي عن ابن مسعود بسند حسنه بعض أهل العلم، والله غالب على أمره، لكن المشكلة في إيه؟ ولكن أكثر الناس لا يعلمون، هي دي المشكلة، كتير من الناس لا يعلم هذه الحقيقة، كتير من الناس مشغول بالأسباب والأحداث والأشخاص والمناصب، لا يعلم هذه الحقيقة.
حاول تجاهد نفسك، ومن اللي بيعينك على ذلك أذكار الصباح والمساء، وفيها: «لا إله إلا الله وحده لا شريك له، له الملك وله الحمد، وهو على كل شيء قدير»، كان النبي صلى الله عليه وسلم يقول: «هزم الأحزاب وحده»، طب ما احنا جاهدنا وجمعنا ومعنا سيوف وأخذنا بالأسباب، هزم الأحزاب وحده، ألا ترى قوتك؟ ألا ترى الأسباب؟ واضح؟ بالرغم أنك تأخذ بالأسباب، ﴿وَلَكِنَّ أَكْثَرَ النَّاسِ لَا يَعْلَمُونَ﴾ [يوسف: 21]، ﴿وَلَمَّا بَلَغَ أَشُدَّهُ آتَيْنَاهُ حُكْمًا وَعِلْمًا وَكَذَلِكَ نَجْزِي الْمُحْسِنِينَ﴾ [يوسف: 22].
فلما بلغ أشده، يبقى الآية بتقول لك بعد ما عايزك تعيش المشاهد، بعد ما قعد في القصر ده وقعد في المكان ده احنا لسه ما نعرفش إنه قصر، رجل قال لامرأته: أكرمي مثواه، واضح أن الرجل ده ممكن لأن ربنا قال وكذلك إيه؟ كُن ليوسف، ربنا بيقول قعد فترة من الزمن لغاية ولما بلغ أشده آتيناه حكماً وعلماً، الآية دي في آية شبيهة هي في سورة إيه؟ القصص عن سيدنا موسى، لكن إيه الفرق بينهما؟ ولما بلغ أشده واستوى آتيناه حكماً وعلماً، هنا ولما بلغ أشده بس.
بعض العلماء اللي بيتكلموا في فن الفروق بين المتشابهات القرآنية، ده فن من علوم القرآن أبدع فيه بعض الناس، زي الإام الزبير الغرناطي أو الخطيب الإسكافي وغيرهم، حاولوا بيجيبوا كل الآيات اللي شبه بعضها وفروقات، ويحاولوا يبحثوا عن ليه هنا جت كدة؟ فقالوا كلمة واستوى جت مع سيدنا موسى، والاستواء مرحلة أعلى من بلوغ الأشد، فقالوا لو بلوغ الأشد مثلاً عشرين سنة أو خمسة وتلاتين سنة أو أربعين سنة على خلاف بين المفسرين، المفسرين اختلفوا بلوغ الأشد، من عشرين سنة أو من ثمنتاشر لغاية أربعين ده بنقول عليه بلغ أشده وبلغ أربعين سنة، وبعضهم قال ثلاثة وتلاتين، كل ده خلاف، كلمة استوى واضح أن سيدنا موسى كان بلغ سن أعلى من سن يوسف وخبرات وتجارب أعلى من خبرات وتجارب، ومر بإشكاليات أعظم من اللي مر بها بسيدنا يوسف عشان كده ربنا قال: معناك إيه؟ واستوى كانت مرحلة أعلى من ذلك، ودي نقطة مهمة أنك أحياناً ما تتعجلش التصدر قبل الاستواء دي بتبقى إشكالية أن الإنسان يتعجل قبل ما يستوي ويممر بتجارب وينضج، دايماً مراحل البداية بيكون فيها حماسة، الحماسة دي قد تؤدي إلى عدم ضبط الحكمة، لذلك ربنا قال إيه؟ بلغ أشده وآتيناه إيه؟ أول حاجة حكماً، قالوا جاية من الحكمة والحكمة أصلاً من معانيها الضبط، المعنى المشهور وضع الشيء في موضعه، لكن معانيها الحكمة اللي بتضبط الشيء، فيها ضبط، لذلك هنا بعضهم قال أن حكماً فيها إشارة أنه سيستطيع أن يضبط نفسه أمام الشهوة، وعلماً قيل هنا بمعنى النبوة وقيل العلم بالوحي والعلم بالله، الشاهد: ولما بلغ أشده آتيناه حكماً وعلماً.
طب يا رب أنا ما ينفعش قسط من الحكمة وقسط من العلم ده؟ طبعا لن تنال النبوة، لكن ما ينفعش أنال من ده؟ لأ، ﴿وَكَذَلِكَ نَجْزِي الْمُحْسِنِينَ﴾ [يوسف: 22]، أن تكون محسناً في الله ستنال حكماً وعلماً، طيب، مشهد تاني مختلف تماماً، خلصنا المشهد الأول وهو بيقول لامرأته: أكرمي مثواه، وبعد كده عارف تخيل مشهد ساعة أو نتيجة عمال شال منها أوراق ولما بلغ أشده، أوقات عدت وهو لا زال في هذا المكان يخدم فيه ويطيع سيده وينفذ ما يؤمر به وهو على طاعة ولا يرتكب أي معصية، يوسف عليه السلام مشهد في هذا المكان، وبعد كده فجأة بداية مفاجئة: وراودته، يعني بداية تنقلك نقلة حدث عجيب.
﴿وَرَاوَدَتْهُ الَّتِي هُوَ فِي بَيْتِهَا عَنْ نَفْسِهِ وَغَلَّقَتِ الْأَبْوَابَ وَقَالَتْ هَيْتَ لَكَ قَالَ مَعَاذَ اللَّهِ إِنَّهُ رَبِّي أَحْسَنَ مَثْوَايَ إِنَّهُ لَا يُفْلِحُ الظَّالِمُونَ * وَلَقَدْ هَمَّتْ بِهِ وَهَمَّ بِهَا لَوْلَا أَنْ رَأَى بُرْهَانَ رَبِّهِ كَذَلِكَ لِنَصْرِفَ عَنْهُ السُّوءَ وَالْفَحْشَاءَ إِنَّهُ مِنْ عِبَادِنَا الْمُخْلَصِينَ * وَاسْتَبَقَا الْبَابَ﴾ [يوسف: 23-25]، المشهد اللي كان فيه استعارة شهوة المرأة ومحاولة مراودة يوسف عن نفسه خد آيتين، خد آيتين بحكاية عامة مجملة بدون سرد تفاصيل، وده يعرفك الفارق ما بين ما تيجي تقرا رواية وخاصة رواية معاصرة وتقعد تستفيض وخاصة في المشاهد اللي فيها إثارة جنسية، تستفيض تقول لك أصل الحبكة محتاجة كده، الحبكة الدرامية محتاجة كده، هو مش أنا مش فاهم يعني إيه الحبكة الدرامية محتاجة؟ ممكن ده هيبيع أكتر مثلاً، ممكن ده هيستثير غرائز أكتر فالناس تحرص عليها أكتر، ممكن يكون ده أقرب لنفوس الشباب فيحرصوا عليها أكتر، لكن شوف لما تكون غرضك الحكمة والعبرة، لا، هتهتم بهذه التفاصيل؟ مجمل اتقال في آيتين في قمة النقاء، وده الفارق بين القرآن والتوراة والإنجيل، لما تيجي تقرأ قصة زي دي في الإنجيل أو في التوراة أو غير القصص اللي زي دي تجد أحداث عجيبة يستحي المرء أن يقرأها، يتعجب أن بيقول إن ده كلام الله، يستحي يعني الواحد يتكسف أنه يقرأ بعض الفصول الموجودة في التوراة والإنجيل بالاستفاضة والتفاصيل اللي فيها نوع من الإثارة لا يمكن نزل القرآن إلا يهذبها، تجد هنا لتفهم المجمل ما حدث وتخرج بالعبرة، وليه أصلاً جت الإشارات دي؟
لأننا بشر وقد نمر بذلك، طب ممكن واحد يقول لي: طب ما كان ممكن ربنا ما يحكيناش القصة دي خالص، ومش لازم، مين اللي قال لك إنه مش لازم؟ ما أنت بشر، وقد تمر بهذا المشهد، وقد تراود عن نفسك أو تراود أنت فتاة فتحت إلى ذات ثاني يخبرك ماذا تفعل في هذه الأحداث حينما تستعر شهوتك، ماذا تفعل؟ فقمت عنها زي ما الراجل اللي ربنا حرك له الصخرة وهي أحب الناس إليه، يبقى إذاً شهوة مغروسة فينا لا فرار منها، القضية أنك تتعلم ضبط الشهوة وأن تسعى إما إلى الصيام أو إلى الزواج، طبعا دلوقتي ما عدش غير الصيام ماشي، ربنا يزوج شباب المسلمين وفتيات المسلمين، بتقولوا يعني أنتم إيه مش بلاش يأس وإحباط يا جماعة، الله قادر والله غالب على أمر, ولكن أكثر الناس لا يعلمون.
فإذاً الفارق بين القرآن وبين أي كلام آخر شوف كيفية إجمال المشهد بصورة عجيبة مع ذكر الحكمة والعبرة، بعد كدة الإمام الطبري خلينا دي نأجلها لما وهمت به وهم بها واختيار الإام الطبري وليه اختار الاختيار ده، نيجي الأول احنا قلنا عايزين وقف مع الألفاظ بحيث أن أنت تفهم لأن كل لفظ في القرآن له دلالة.
وراودته، فجأة أنت آخر مشهد شايفه أن يوسف عليه السلام يؤتى الحكمة والعلم، والحكم والعلم وهو في بيت معين، وواضح أن هو اشتراه صاحب هذا البيت وقال لامرأته: أكرمي مثله، واضح أن صاحب البيت ده اهتم به، فجأة وراودته، الفاعل أنثى، راودته، مين اللي راودته؟ مش عارفين مين اللي روضته، التي هو في بيتها، طب ليه ما قالش وراودت امرأة العزيز؟ خد بالك يعني أنا عايزك كده، ما هو عشان كده قايل لكم افتحوا مصاحف بدل ما أنتم قاعدين كده، مين المرأة دي؟ هتظهر هي مين إمتى؟ كل ده احنا مش عارفين هي مين، هتظهر من إمتى؟ أيوه وقال نسوة، يبقى اللي فضحها نسوة في المدينة، هنا كتير من أهل العلم قال ربنا هنا أراد لها الستر، ما قالش وراودته امرأة العزيز، وراودته التي هو في بيته، وهنقول ليه الحكمة التانية اللي استنبطها المفسرين؟ ليه ما قالش وراودته امرأة العزيز عن نفسه، بحيث تعرف مين أنت بتقرأ الحدث لأول مرة عايز تعرف مين دي، لكن جت مبهمة باسم موصول وبحدث معين هو في بيته.
الأول نقول يعني إيه راودته؟ قبل ما نقول ليه التي هو في بيتها، راود حاولت أجمع لكم أقوال بعض العلماء، أنا نسيت الكلام ده كله مش مشكلة، خلاص اللي فات مات خلاص، ابن عطية بيقول: المراودة هي الملاطفة في السوق إلى غرض، لك غرض معين بس بتوصل له بنوع من الملاطفة، يبقى أي مش لازم الغرض ده يبقى الشهوة لأن فعل المراودة دي تمان مرات في القرآن، سبعة في سورة يوسف، فعل راود أو رواد الجذر اللغوي ده مع أن الجذر ده بييجي بمعنى الإرادة أيضاً، منه الإرادة وأرادة، لكن أرادة وأرادة دي كتير في القرآن، ويريد به كتير في القرآن، لكن راود، راودتني عن نفسي، راودوه، سنراود أباه، تجد تمان مرات في القرآن، سبعة في سورة يوسف، واحدة في سورة القمر مع قوم لوط: ﴿رَاوَدُوهُ عَنْ ضَيْفِهِ﴾ [القمر: 37]، واحدة في سورة القمر مع قوم لوط، وسبعة في سورة يوسف، الفعل ده متكرر هنا ليه؟ احنا لسه قلنا والله غالب على أمره تنازع إرادات، والروود فيه معنى الإرادة، وكأن واحد قاعد يتلطف عشان يحصل على حاجة وربنا يمنع هذه الإرادات أو يحصلوا على مراودتهم، راودوا يوسف عن أبيه وأخذوه منه وبالرغم من ذلك ربنا أنقذه، وأخوه تاني: ﴿سَنُرَاوِدُ عَنْهُ أَبَاهُ﴾ [يوسف: 61] وأخذ أخوه التاني وبعد كده ربنا أنقذه.
إيه المراودة؟ قلنا ابن عطية قال: الملاطفة في السوق إلى غرض، وبعض اللي حاولوا يجيبوا الجذر اللغوي، يراوده بمعنى إيه؟ الشيخ جبل من المعاصرين قال: حركة انتقال أو تردد، خفة وعدم ثبات واستقرار، قالوا الجمال لما تقعد تروح وتيجي ولسه ما استقرش في مكان في مرعى معين يقول له راود الإبل، والمرأة كثيرة الحركة عدم الاستقرار تقرب يقول راود، المرأة هنا إيه؟ مراودة بتحرك كتير، والأصفهاني قال: التردد في طلب شيء برفق، فقالوا الكلمة فيها الذهاب والمجيء، لذلك الرائد أصلاً كلمة الرائد كانت عند العرب لما عايزين يروحوا مكان يرعوا فيه الغنم فيسبقهم واحد هو الرائد، فيقعد يروح ويجي، يروح ويجي لغاية لما يلاقي مكان يقول: خلاص احنا هنستقر على المكان ده، بيبحث عنه ويذهب ويجيء، من المعاني دي واضح أن راودته قعدت تروح وتيجي قدامه كتير فترة طويلة بكامل زينتها تريد غرض معين تريد أن تصل إليه بصورة غير مباشرة، برفق مع نوع من الرفق والملاطفة والذهاب والمجيء، ده مجموع أهل اللغة في كلمة راودته.
كلمة واحدة أغنت عن كثير من الأحداث، وده إعجاز القرآن، وأيضاً من إعجاز اللغة العربية. يعني كلمة راودته بس تفهم منها أنها ظلت تذهب وتجيء أكثر من مرة أمامه بكل جيناتها مع نوع من الملاطفة، تريد هدفاً لكن لم تصرح به، لما فشلت المحاولة الأولى قالت هيت لك. أنت مش فاهم بقى ولا نقلت للآية؟ الكلام الصريح، يبقى قبل التصريح كانت تعمل من التعرض والوصول إلى كل ده.
المشهد ده أنا مش عايزك تعيشه، يعني بقية المشاهد ممكن في الصورة تعيش، المشهد ده مش لازم تعيشه أبداً، لكن عايزك تعرف إزاي إن كلمة واحدة، وشوف عفة القرآن وقارن ده -طبعا ما فيش وجه للمقارنة- بين فعلا واحد بيتعجب، بعض الروايات الهدف أصلاً من الرواية ملوش لازمة، أو الهدف من الفيلم اللي بيعالجوه ملوش لازمة المشهد ده، ليه يا؟
وفيه كده استسارة الغرائز، ده من الشيطان ﴿إِنَّ الَّذِينَ يُحِبُّونَ أَن تَشِيعَ الْفَاحِشَةُ﴾ [النور: 19]. فيه ناس بتحب الأمر ده يكون مشاعاً بل حتى أمام الأطفال، وكسر الحياء دي مصيبة، خسارة وكسر الحياء عند المرأة وعند الرجل أو عند الطفل، دي مصيبة من تغيير الفطر وانتكاس الفطر والعياذ بالله.
يبقى خلصنا راودته، لأ ده لسه ما خلصناش، ده كل كلمة دي عايزة درس. قال له راود صيغة فعل معلش رواد صيغة إيه؟ فعل، فعلى بتيجي دايماً لاشتراك اتنين مع بعض، يعني غالباً يعني قاتل، جاهد، إن فيه واحد بيقاتله قصاد واحد تاني، بيجاهد قصاده حد تاني، فقالوا راود، هل معنى كده إن هو يوسف باادلها ذلك؟ قالوا لأ. قال له طب أمال الصيغة جت فعالة ليه؟ قال له حاجة من اتنين.
قالوا حاجة الاتنين، الحاجة الأولانية إن ممكن الصيغة دي تستعمل لما الإنسان بيكون بيعمل فعل فيه مشقة وبذل وبيخطط وبيتدبر، زي سافر، هو ما فيش حد قصاده هو بيسافر، يعني مش هو بيسافر والطريق قصاده بيسافر، لا هو بيسافر لوحده، طب ليه جاتوجي تفعلها؟ قالوا لأنه بيتكلف ويبدو المشقة، فهي كلمة راود واضح إن هي قعدت تخطط وتفكر إزاي تصل إلى هذا الغلط. ظلت فترة طويلة تفكر لدرجة أن بعض المفسرين أشاروا إلى معنى لطيف جداً، قال دي كانت حاطة خطة أول لما تتكشف هتقول إيه؟ لذلك أول لما وألفيا سيدها لدَى الباب، ما جأش إذا ما اتلعسمتش؟ إيه ده! أنا والله ما اتلعسمتش، كانت مجهزة الجواب لأنها كانت حاطة خطة حتى لو انكشف الأمر تقول إيه، فهي كانت تخطط للموضوع بكل تفاصيل الأحداث وبكل الاحتمالات.
المعنى التاني في راودته قالوا وكأن جمال يوسف وحسن يوسف وأدب يوسف وعفة يوسف كان بيزيدها إصراراً، يعني كل ما تحاول تتعرض إليه فيتعفف أن عفته كانت سبباً في تمسكها به أكثر، واستمرار المراودة عنه أكثر، بدل ما يصرفها عنه كانت هذه العفة وهذا التمنع من يوسف وكأنه كان يزيد إقبالاً عليه. خلصنا إيه أو على قد اللي أنا قرأته، لكن الكلمة أيضاً فيها مباحث كُثيرة جداً، أبهاث بلاش مباحث، فيها أبحاث كثيرة جداً: وراودته التي اسم موصول قلنا ما جتش الصيغة، هو في بيته. قلنا المعنى الأول الحكمة اللي اتلگابت، إيه الحكمة اللي اتلگابت إيه؟ إرادة الستر. المعنى التاني فيه إشارة مهمة جداً، احنا قلنا القصص العبرة، هو في بيتها أي هم قالوا تلات حكم، الحكمة التانية دي أي مستقر في بيتها، فحصلت بينهما كثرة الخلطة، احنا نبحث بقى الاختلاط التفاصيل اللي فيه.
كثرة الخلطة إيه؟ بترفع الكلفة وبتزيد الألفة، دي أشكال بيحصل في الاختلاط بين الرجل والمرأة حتى في أماكن العمل، لذلك الشرع اتكلم على الاختلاط العابر أن ده مما يحتاجه الناس، يعني مش هنعيش الرجالة في قرية والنساء في قرية، لأ، هما عايشين مع بعض في نفس المكان، وكانوا كده في عهد النبي صلى الله عليه وسلم، كانوا يصلوا في نفس المسجد، لكن ده بيسموه الاختلاط العابر، في مسجد، في سوق، إنما استقرار دائم بين رجل وامرأة بيرفع الكلفة: إزاي حضرتك؟ إزاي حضرتك؟ إزاي يا أستاذة فلان؟ بعد كده ما عادش فيه حضرتك، بعد كده ما عادش فيه أستاذ، بعد كده ما عادش فيه أستاذة، طب أحكي لي اللي حصل، طب وتكسر الكلفة بينهما ويصل إلى حالة من الألفة لا تجوز إلا بين الرجل والمرأة، ليه؟ لأن كثرة الخلطة عامل كده، فكأن كلمة إشارة هو في بيتها استمرار الوضع ده غلط، لكن هو كان ليس بيده شيء يوسف عليه السلام فكان عبداً، فالاستمرار وكثرة الخلطة أدت إلى الوقوع في هذا.
يبقي إذن مسألة الاختلاط مش قضية مالهاش علاقة بأن هو راجل محترم أو هي محترمة، لا دي في الفطر، دي في الفطر ده مكون من مكونات الإنسان، لابد أن النبي صلى الله عليه وسلم في أعظم المواطن، في أشرف المواطن، مواطن الصلاة، قال: «شر صفوف الرجال آخرها، وشر صفوف النساء أولها»، ليه؟ عشان قريبين من بعض، فيه فتنة هنا، وكان بعض الناس يتسلل ويصلي في آخر الصف ليرى النساء اللي في أوائل الصف، ولذلك بعض أهل العلم قال إن بسبب نزول أحد أسباب نزول هذه الآية في سورة الحجر: ﴿وَلَقَدْ عَلِمْنَا الْمُسْتَقْدِمِينَ مِنكُمْ وَلَقَدْ عَلِمْنَا الْمُسْتَأْخِرِينَ﴾ [الحجر: 24]. ربنا عالم الإنسان العفيف اللي عايز يصلي قدام عشان لا يرى النساء، أو اللي بيصلي متأخر عشان يرى النساء، يعني أحياناً الإنسان يعمل نفسه أن هو بيتأخر أو بيعمل حاجة ليرى المرأة، هذا التكلف وهذه النظرة يعلمها الله، قد علمنا أي موقف أنت بتتكلم فيه ومش عايز أقول كلمة عشان احنا في الدرس يعني بتستهبل فيه عشان تكلم امرأة أو تنظر إلي بشهوة، الله يعلم ذلك، الله مطلع على قلبك.
أنت بقى ترد تقول أصله مش حرام، أنت حر ناقص، لكن الله مطلع على قلبك، احذر، الله يعلم ما في أنفسكم فاحذروه، وراودته التي هو في بيتها. المعنى التالث قالوا قد تكون بيتها بمعنى مكان بيتوتتها، أدخلته في الأماكن الخاصة به، كانت بتدعي أن هي تريد أن هو يخدمها في هذا المكان أو ينظف هذا المكان، كل دي كانت محاولات استدراج من المرأة، كل هذه المحاولات فشلت. وكان يوسف عليه السلام عفيفاً.
وصلت لمرحلة أن كل هذه المحاولات فشلت، انتقلت من التعريض بذلك إلى التصريح، وقامت الأول بالتهيئة قبل التصريح وغلقت الأبواب. بيقولوا إيه الفارق ما بين أغلقت الأبواب وغلقت الأبواب؟ الفرق بين أغلق الباب وغلق الباب، غلق دي صيغة التفعيل دي بتفيد حاجة من اتنين، أما تكلف وبذل مشقة في الشيء، أو بتفيد بكثرة، يعني كسر الشيء غير كسر الشيء، كسروه، عملوا كده كسروه حتة واحدة، كسر فتته إلى قطع صغيرة كثيرة. هذا المشقة وعمل حاجات كتير، فهنا غلقت الأبواب إما لكثرة الأبواب التي أحكمت إغلاقها، أو حتى هي كانت أبواب بسيطة لكن كانت تحكم إغلاق كل باب، عارف تضع مثلاً عشرة أقفال عشان إيه؟ يستحيل أنه يخرج، وغلقت الأبواب، يبقى ده التهيئة، ثم بعد ذلك انتقلت إلى التصريح وقالت هيت لك، الأول قبل ما أصل إليك، وراودته التي هو في بيتها. احنا نسينا كلمة وراودته التي في بيتها إيه؟ عن نفسه. يعني إيه عن نفسه؟
عن ده بيسموه حرف تجاوز أحياناً، يعني أرادت أن يترك نفسه بدون أمر أو نهي، أرادت بتعبير ابن عاشور بيقول معنى جميل جداً، تطلب منه أن تسلم لها إرادتها وحكمه في نفسه: ﴿وَآتَيْنَاهُ حُكْمًا وَعِلْمًا﴾ [يوسف: 22]. أرادت أنه لا يتحكم ولا ولا هو يدير نفسه، أنت المفروض أنت اللي تدي لنفسك الأوامر، ﴿وَأَمَّا مَنْ خَافَ مَقَامَ رَبِّهِ وَنَهَى النَّفْسَ﴾ [النازعات: 40]. أنت المفروض لما نفسك تريد شيء أنت تتحكم في نفسك، حينما تترك نفسك يقودك الشيطان، تقودك امرأة، يقودك المال، أياً كان، أنت ممكن تنحرف عن مراد الله، لكن أنت لابد أن أنت اللي تتحكم في نفسك، فكلمة راودته عن نفسه أي أرادت أن يترك هذه الأخلاق التي هو فيها، لأن هي شايفاه نفسه، ترى أن نفسه مليئة بالأخلاق، أنت عايز تقول له اترك هذه الأخلاق جانباً، دعك من هذا التحكم وهذا التصلب وهذه العفة، دعك من هذا. وراودته يعني عايزة واحنا قلنا راودها منازعة في الإرادة، وفيها تلطف، لذلك يقول لك اعمل الأمر ده رويدا، جاية من رواد، رويدا يعني بلطف وتدرج. عن نفسه وغلقت الأبواب، يبقى بدأت بالتعريض ثم التهيئة ثم التصريح، وقالت وصلت معنى أن هي تقول هيت لك معناه أنه كان قبل كده معرض، وكل اللي فات ما جابش نتيجة معه.
وقالت هيت لك. بدأت التصريح، كلمة هيت لك من الكلمات اللي فيها قراءات كتير، ما يقرب من تسع قراءات، أربعة متواترة وخمسة شواذ، فيها قراءات كتير جداً، الأربعة المتواترة احنا بنقرأ هيتْ لكْ قراءة حفص عن عاصم وكثير من القراء التانيين، في هيتَ لكْ نافع المدني، حد عارف القراء؟ السبعة لا، هاه؟ السبعة لا سين، القراء مين عشان ندي له هدية الحصري آه، حصري وصلاح الدين عمرو بن العاص، مين القراء السبعة؟ تلاتة كوفيين، تلاتة كوفيين ماشي وعندنا مدينتين جنب بعض كده، واحد مكي وواحد مدني، واتنين فوق، وواحد بصري، وواحد شامي، وهما سبعة. اتنين واتنين وتلاتة، تلاتة كوفيين وبصري وشامي ومكي ومدني. ابن كثير المكي ونافع المدني، أبو عمرو البصري ابن عامر الشامي، وبعد كده عاصم وحمزة والكسائي كوفيين، تلاتة. احنا بنقرأ بعاصم الكوفي، كل واحد من دول خد عنه اتنين، خد عنه اتنين أُذَّانِيْن ماشي؟
احنا بنقرأ حفص عن عاصم، التاني بتاعه شعبة عن عاصم، المهم يبقى نافع قراءة أهل المدينة عايز أنا بقول لك ده ليه؟ عشان لما يقول لك قراءة ما تستغربهاش دي كان بيقرأ بها أهل المدينة، دي قراءة نافع، وفي هيئتَ لكَ دي قراءة ابن كثير المكي، وفي هيئتُ لكِ أو هيئتُ لكَ على خلاف دي قراءة ابن عامر، ده مدني خد منه اتنين، واحد اسمه هشام وواحد اسمه ابن ذكوان، عشان لما تيجي تقرأ مثلاً قراءة مش عارف مشاريب، قراءة ابن ذكوان، ده ابن ذكوان عن ابن عامر، ابن عامر ده شام.
مفاد اللي أنا بقوله ده ليه؟ قالوا مجموع القراءات دي كلها بتفيد حاجتين، أما أنا أناديك وأطلب منك أن تأتي صراحة: هيت لك أي تعال إلي وهلم إلي، ولك يعني أطلب منك طلباً خصوصاً خاصاً لك وكأني لم أطلبه لأحد، ده طلب مخصوص أطلبه منك به، قمة الصراحة والوضوح، أو هيئتُ أي تهيأتُ لك. فمفاد القراءات لذلك قالوا أنا طولت شوية عشان دي تريحنا بعد كده، ننزل اختلاف القراءات منزلة اختلاف الآيات كأنهم آيتين، فكأنها عملت الاتنين، تهيأت ثم طلبت منه، وده إعجاز أن ده في كلمة ييجي المعنى ده، فنزل القرآن على سبعة أحرف، هي الأحرف غير القراءات لكن بتفيد يعني أحياناً تنوع، مبحث طويل مش عايزين نخش فيه، لكن الشاهد أن الآية دي نزلت كده ونزلت كده، واتحطت في آية واحدة بيقرأها القارئ بقراءة بحيث إن ده اختلاف يفيد معاني متنوعة، وهذا أيضاً من إعجاز القرآن، فتهيأت، كل ده في كلمة زي راودته، كل المعاني دي في كلمة، بعيداً عن الخوض في التفاصيل، كل ده تأتي كلمة واحدة من كلام العرب تحمل كل هذه المعاني، وقالت هيت لك.
قوله قصاده قول قوم قال، رد عليها مباشرة، قال: معاذ الله إنه ربي أحسن مثواي إنه لا يفلح الظالمون. تلات جمل، ما فيش في الجمل دي هجوم مباشر عليها، في الشتيمة لها ولا لأ، أول كلمة استعيذ بالله، ذكرها بالله وذكر نفسه بالله وطلب الاستعاذة من الله، لم يثق في نفسه، قال أنا لا يمكن أعمل كده أبداً، لأ قال معاذ الله، أطلب العودة منه، والعوذ كمال الالتجاء إلى درجة الالتصاق، العائذ أحياناً كانوا يقولون الأم الملتصقة بطفلها أو الطفل الملتصق بأمه عائذ، وأطيب اللحم أعوذ، اللحم اللي لازق في العظم، الناس الأكيلة اللي بتحب، فالعودة ده الشيء الملتصق، فمعاذ الله كأن يا رب ما تسيبنيش لحظة وإلا تصرف عني كيدهن أصْبُ إليهن، أن تفتقر إليه، أول حاجة لمقاومة أي شهوة وأي إشكال أن تستعيذ بالله، أن تلجأ إليه التجاء المضطر، قبل أي حاجة، قبل استحضار أي معنى والناس والناس هتقول إيه أو ما يصحش، قبل أي حاجة: يا رب ما تسيبنيش، يا رب لو سبتني أضيع، لا تكلني إلى نفسي طرفة عين، معاذ الله. التذكرة الأولى.
التذكرة التانية: ما نفعش معها الكلام عن ربنا، ذكرها بزوجها، إنه ربي أي أن الذي تخونينه واللي هيدا بيسموه ضمير الشأن، إن الشأن عظيم الذي تفعلينه، إنه ربي أحسن مثواي، ربي هنا بمعنى سيدي، راجل أنفق علي وقال لك أكرمي مثواه، وأنا أذكر هذه الكلمة في أول ما جئت لا أخونه أبداً، وأنا أرد الجميل له، إنه ربي أحسن مثواي.
التالتة: عند الله سبحانه وتعالى في الآخرة وفي الدنيا، هذا ظلم لنفسي وظلم له، وأنت تظلمين نفسك وتظلمينه، إنه لا يفلح الظالمون. تلات جمل، كل جملة بدرس، لم يؤثر فيها ذلك: ﴿وَلَقَدْ هَمَّتْ بِهِ وَهَمَّ بِهَا لَوْلَا أَن رَّأَى بُرْهَانَ رَبِّهِ﴾ [يوسف: 24]. ولقد أي أعرضت عن ذلك، احنا هنخلص اهو المفروض آه، احنا كنا عايزين نخلص الصفحة دي.
طيب، ولقد همت به وهم بها لولا أن رأى برهان ربه، كذلك لنصرف عنه السوء والفحشاء إنه من عبادنا المخلصين. همت به أن لم يؤثر فيها الكلام وظلت استمرت ليس فقط في المراودة بل همت به وأقبلت عليه.
طب هو سيدنا يوسف عمل إيه في الموقف ده؟ ربنا بيقول: ﴿وَلَقَدْ هَمَّتْ بِهِ وَهَمَّ بِهَا لَوْلَا أَن رَّأَى بُرْهَانَ رَبِّهِ﴾ [يوسف: 24]. يعني إيه الجملة دي؟ العلماء اختلفوا. علماء اختلفوا يعني إيه؟ هم المرأة الكل متفق عليه. طب هم يوسف يعني إيه وهم بها لولا أن رأى برهان ربه؟ في تلات أقوال. في طبعا أقوال كتيرة أنا هقول لكم أشهر تلات أقوال.
الأول: أنه جاءته هذه الخواطر البشرية التي تأتي لأي إنسان، ثم صرفها عنه سريعا لما رأى برهان ربه ونذكر يعني إيه رأى برهان ربي الموقف الأول القول الأول الخواطر التي لا يستطيع أن يدفعها إنسان عن نفسه في مثل هذا الموقف. رجل شاب عبد أعزب في مكان غريب لا يراه أحد في قصر امرأة جميلة امرأة غنية فهي التي تطلب منه تهدده، يعني كل العوامل ضده. يعني ممكن توفر عامل واحد فقط من هذه العوامل يجعل الإنسان يضعف.
لكن تخيل كل هذه العوامل وبالرغم من ذلك مجرد هذا الخاطر الذي جاء به ثم صرفه عنه، أو هم به كان همها إقبالا كان همه مجرد خاطر فالهموم بتختلف لذلك في هم بمعصية تاخد عليه ذنب وفي هم معصية تاخد عليه حسنة. إزاي ده؟ مبحث طويل سريعا كده أنك تهم المعصية وتعزم عزما أكيدا ثم لا يصرفك عنه إلا نظر الناس أو أن المعصية راحت ما عرفتش تعملها، جاي تسرق وخلاص وعزمت وأقبلت على المال وهتمد إيدك حد من عندك أو صاحب المال خده ومشي، فانت هنا أخدت ذنب لأنك خدت عزيمة.
أو خاطر سوء جاء فدافعته وجاهدت نفسك ولم تفعله تاخد المدافعة دي حسنات، قالوا هم يوسف كان هم آخر غير الهم الأول خلاص؟ قول تاني وهم بها لولا أن رأى برهان ربه معنى الآية: لو لم ير البرهان لكان هم بها، ولكنه رأى البرهان. يعني معنى الآية إيه؟ لم هم يوسف لأنه رأى البرهان. وده القول التاني أو التالت وده نصره بقوة الإمام أبو حيان في البحر المحيط، والشيخ من المعاصرين الشيخ الشنقيطي في أضواء البيان ودافع باستماتة، بل بعضهم يعني برضو الزمخشري شنع على اللي يقول القول إن هو هم بها هما حقيقيا ثم انصرف.
يعني في تلات أقوال: إنه هم هما حقيقيا، إنه هم هم خاطر لا يستطيع بشر أصلا أن يدفعه ولكن لم يجعله يستقر. يعني إيه يا جماعة؟ خواطر السوء اللي بتجيلك أحلام اليقظة اللي جيلك أنت ما تاخدش عليها ذنب. أومال إمتى تاخد عليها ذنب؟ لما تستدعيها وتجعلها تستقر وتفكر فيها وتستمر عليها، هنا تاخد الذنب. يبقى خواطر السوء لا تستطيع أن تدفعها أصلا عن نفسك، أشبه السؤال المشهور من خلق الله اللي هو إيه الوساوس التي تقذف أول لما يجيلك الوسواس ده أنت ما بتاخدش عليه ذنب. أومال إمتى تاخد الذنوب؟ لما تقعد تستمر وتستمر وتستمر معه.
تصل إلى مرحلة الشبهات والشكوك وتبدأ تصدق. فتجيلك خاطر الشيطان يلقي عليك صورة امرأة رأيتها بالنهار تعمل إيه؟ ادفع نفسك، ﴿إِنَّ الَّذِينَ اتَّقَوْا إِذَا مَسَّهُمْ طَائِفٌ مِّنَ الشَّيْطَانِ تَذَكَّرُوا فَإِذَا هُم مُّبْصِرُونَ﴾ [الأعراف: 201]. لا تستطيع أن تفر منه، إذا مسهم لذلك جاب صيغة إذا متحقق الوقوع إذا مسهم من الشيطان يعمل إيه؟ تذكروا. أهي دي شرحتها بالتفصيل في آخر الأعراف. تذكروا فإذا هم مبصرون، ده ما بتاخدش ذنب. أومال مين اللي بتاخد الذنب؟ ﴿وَإِخْوَانُهُمْ يَمُدُّونَهُمْ فِي الْغَيِّ ثُمَّ لَا يُقْصِرُونَ﴾ [الأعراف: 202]. تقول له كمان.
تاني ما فيش حاجة أحسن من كده؟ يعني تطلب منه وتستفيض فينقلب الأمر بمعصية ما تقولش ده مجرد خاطر أو هم، لأ. فقالوا إن هم المرأة كان غير هم يوسف. بدليل أن ربنا قال يعني إيه أدلة اللي بيقولوها أن يوسف لم يفعل المعصية؟ احنا نرجع للقرآن، ربنا قال: ﴿كَذَلِكَ لِنَصْرِفَ عَنْهُ السُّوءَ وَالْفَحْشَاءَ﴾ [يوسف: 24]. هي قالت إنه استعصم ولقد راودته عن نفسي يعني هي شهدت له. لذلك الرازي شنع جدا على اللي قال أن يوسف هم. وقال: الله شهد له، والمرأة شهدت له، والشيطان شهد له.
الله شهد له قال الله: ﴿كَذَلِكَ لِنَصْرِفَ عَنْهُ السُّوءَ﴾. المرأة شهدت له قالت فاستعصم. الشيطان قال: ﴿فَبِعِزَّتِكَ لَأُغْوِيَنَّهُمْ أَجْمَعِينَ * إِلَّا عِبَادَكَ مِنْهُمُ الْمُخْلَصِينَ﴾ [ص: 82-83]. وقال الله: ﴿إِنَّهُ مِنْ عِبَادِنَا الْمُخْلَصِينَ﴾ [يوسف: 24]. يعني الشيطان قال أنا ما بقدرش على المخلصين، وربنا قال إنه من المخلصين. فشهد الشيطان أن يوسف منه براء، فكيف تتهمون؟ وشنع أيضا، الشاهد المسألة الطبري بالرغم أن اختار أن يوسف هم بالفعل ابتعد وقاوم وانصرف لذلك ربنا قال واستبق الباب. قال وتذكر لنا هذه القصة سلوى أو قال نقل عن بعض أهل العلم سلوى وبلاء لمن هم أن يقع بمعصية أن له أسوة لابد أن يتوب وأن يكون أفضل مما كان، وأن هذا الفعل لا يشينه أبدا، وأن العبرة زي ما الإمام شيخ الإسلام ابن تيمية دايما يذكر العبرة ليست بنقص البدايات لكن بكمال النهايات.
العبرة ليست بنقص البدايات، أنت ممكن في الطريق تسقط كثيرا لكن العبرة في كمال النهاية. فسواء أخدنا القول ده أو لم نأخد به القاعدة دي صحيحة: العبرة ليست بنقص البدايات ولكن في كمال النهاية، فما بتقولش أنا ما فيش مني أمل، أنا عملت معصية أنا وقعت، إياك أن تقول ذلك، ود الشيطان لو ظفر منكم بهذه. وهذا تأويل البراء بن عازب وأبو عبيدة السليماني في تفسير قوله: ﴿وَلَا تُلْقُوا بِأَيْدِيكُمْ إِلَى التَّهْلُكَةِ﴾ [البقرة: 195]. إياك أن تستسلم.
ولقد همت به وهم بها لولا أن رأى برهان ربه. أبو حيان والشيخ الشنقيطي قال وهم بها لولا أن رأى برهان ربه أي لولا أن رأى البرهان لكان همه. طبعا في تفاصيل لغوية كتير وأن هل ده ينفع تقديم كلمة هم على لولا ولا لا؟ الشاهد ما أميل إليه قول الوسط أنها الذي لا يستطيع أن يدفعه هذا الإنسان فلما رأى البرهان دفعه عنه. خاطر من الخواطر التي لا تدفع لكنه لم يستمر عليه. وإن كان القول التالت قوي اللي اختاره زي ما قلت والشنقيطي والرازي ودافعه عن سيدنا يوسف، وأنا شايف أن مآلي القولين واحد.
ولقد همت به وهم بها لولا أن رأى برهان ربه أيضا لم يبين البرهان، هل رأى شيئا أمامه؟ هل أنزل الله له ملك؟ هل شعر بقلبه؟ هل ذكره الله؟ أحيانا تيجي تهم معصية تشعر بداخلك من يقول لك اتق الله، زي ما النبي صلى الله عليه وسلم قال: واعظ الله في قلب كل مسلم. أنت جواك واعظ إياك أن تقتله، جواك ضمير، جواك بيسموها لمة الملك ولمة الشيطان يجي حد يقول لك اعمل حاجة صح حد يقول لك اعمل حاجة غلط، إياك أن تقتل هذه اللمة أو هذا الواعظ الذي بداخلك، قد يكون هذا البرهان.
فالحين فعلا الواحد يجي يعمل معصية يسمع كده من داخله النداء قد يعرض عنه اسكت أنت الوقتي. خلاص هي قفلت أنت المفروض تعمل إيه؟ انتفض، قم لذلك لولا أن رأى برهان ربه وبعدين فيه جملة معترضة كذلك لنصرف ده ربنا بيقول لنا ماذا فعل يا يوسف؟ لكن لو إنا شلنا الجملة المعترضة: وهم بها لولا أن رأى برهان ربه واستبق الباب. ما حدش بقى يقول لي طب أنا عايز أقنعك، أنا عايز أشرخ الموضوع بالتفصيل، اترك فورا مكان المعصية واستبق الباب المسألة تحولت إلى سباق إما أن ينجو وإما أن يسقط.
يعني مسألة أنك لازم تفر من أرض المعصية، اترك أرضك. النبي صلى الله عليه وسلم لما كان مع جيش وساروا طويلا ثم نام ليلا وقال لبلال احفظ علينا صلاتنا، ونام سيدنا بلال وصحيوا على حر الشمس، نظر إليه النبي صلى الله عليه وسلم وقال يا بلال؟ قال يا رسول الله أخذ بعين الذي أخذ بعينك، راح عليهم الفجر. أول حاجة النبي صلى الله عليه وسلم: تحولوا عن مكانكم الذي أصابتكم فيه الغفلة، احنا نسيب المكان ده، أو تحولوا عن مكان الشيطان، تعالي نقوم من المكان ده الأول. لدرجة حتى بعض أهل العلم المعاصرين مشوا على الحديث، لكن لما تروح عليك نومة في مكان حاول تغير المكان.
يعني حتى النوع أنك أنت تبعد عن الشيطان، لأ مش تنام في مكان تاني في هذه اللحظة قم بس من المكان ده وانتقل لمكان تاني وبعدين قل الأذكار وبعدين صل وتوضأ وصل، لكن أول حاجة تعملها ابتعد عن المكان. يعني صحيت من النوم راحة هيجي الفجر، قم من هذا المكان، ليه؟ لأنك طب ما راح راح بقى، طب ما نكمل نجمع الفجر مع الظهر؟ في قول فنجان معروف نجمع الفجر مع الظهر. فانت انصرف عن المكان الذي فقال ربنا سبحانه وتعالى: واستبق الباب. اشتركوا الاتنين الاتنين يريدوا أن هو فر يفتح الباب وهي أرادت أن تغلق الباب، كذلك كما نجيناه سابقا من الهلاك نجيناه أيضا من هذا الهلاك المعنوي، لنصرف عنه السوء والفحشاء. وشهد الله له قال أهل العلم الفحشاء الزنا والسوء مقدمات الزنا، فلم يوسف لا الزنا ولا مقدمات الزنا، السوء العطف يقتضي المغايرة، والفحشاء تأتي في الأغلب بمعنى الزنا، فقالوا السوء هي مقدمات الزنا، فلم يفعل ذلك ولا ذلك. برأه الله سبحانه وتعالى.
إنه لماذا برأه الله؟ لأنه من عبادنا في قراءة المخلصين والمخلصين، كان مخلصا حتى استخلصه الله لنفسه. يبقى أنت تدعي كتير وتقول اللهم اصرف عني السوء والفحشاء واجعلني من عبادك المخلصين. بتدعي كتير اللهم اصرف عني السوء والفحشاء، وتستعيذ بالله واجعلني من عبادك المخلصين. واستبق أجري اهرب من مكان المعصية، ما تقعدش ما تقعدش ما تقعدش تناقش وتبين وتشرح، خلاص الأمر هنا فوق العقل هي لن تقتنع، هو شرح لها وبين لها وقال لها معاذ الله إنه ربي وانه لا يفلح الظالمون خلاص، أحيانا حينما تشتعل وتستعر الشهوة ليس مكان النقاش، فر من المكان ده.
أحيانا أصحابك يبقوا عايزين يعملوا معصية وأنت تقنعهم لو فضلت معهم هتضعف، انصرف مباشرة، قال أوسطهم ألم أقل لكم لولا تسبحون، هو كان رافض بس ساب نفسه معهم ففعل هذه الفعلة التي الله عز وجل عليهم بها في سورة القلم، ومنعوا الفقراء من المال. فأيا كانت الشهوة مال أيا كان الأمر انصرف فورا احترم ضعفك انصرف عن مكان المعصية لأن الإنسان بيجي له فترات قوة يقول لا يمكن أنا أبدا أعمل ده، وبعدين تؤمره فترات ضعف، احترم لحظات ضعفك واستغل فترات قوتك.
واستبق الباب وقدت قميصه من دبر، كلمة قدت أنه كان واخد قراره سريع هذه الجذبة قد طاعة القميص ولم يتوقف، مهما فقدت أثناء الجري إياك أن تتوقف إياك، يعني فعلا في لحظات الهروب من الشهوة لابد أن تفر. أحيانا أنت ممكن تبقى قاعد لوحدك، روح انزل اقعد مع واحد صاحبك، ما تقعدش لوحدك كتير، استغل اوقات الفراغ. يعني اللي بيعمل استعارة الشهوة الفراغ، أنك لوحدك، أنك أنت الإيمان ضعيف، أنك أنت ما فيش أعمال تقوم بها، أن ذهنك مش مشغول بشيء، مش تحمل هموم، كل لابد أن تقوم به. أنت قاعد في البيت وبدأت خواطر السوء والشيطان أراد أن يطوف بك، ﴿إِذَا مَسَّهُمْ طَائِفٌ مِّنَ الشَّيْطَانِ﴾ عايز يحاوطك، طواف من الإحاطة، عايز يحوط قبل أن يحيطك الشيطان ويعمل أنسجة خيوط العنكبوت اقطع هذه الخطوة وانزل.
أروح فين؟ انزل روح أي مكان، افتح المصحف، اعمل أي شيء مباشرة خد قرار، واستبق الباب وقدت قميصه من دبر. وقال في أيدها لدى الباب ما شاء الله هذا ما سأعرفه بإذن الله عز وجل في المرة القادمة. أقول قولي هذا واستغفر الله لي ولكم، سبحانك اللهم وبحمدك أشهد أن لا إله إلا أنت أستغفرك وأتوب إليك وجزاكم الله خيرا.