تفسير سورة يوسف (2) | الآيات (11-20) | د. أحمد عبد المنعم

قالوا يا أبانا ما لك لا تأمنا على يوسف وإنا له لناصحون. آخر آية أخدناها المرة اللي فات قال قائل منهم لا تقتلوا يوسف وألقوه في غيابة الجب يلتقطه بعض السيارة إن كنتم فاعلين. اتكلمنا المرة اللي فاتت على بعض الوقفات وذكرنا أن فيه فارق عظيم أكثر من حد حاول يعقد المقارنة والمفارقة العظيمة فين قصة يوسف والقرآن وقصة يوسف في التوراة.

ذكرت المرة اللي فاتت كتاب العالم الأعجمي في القرآن وأيضا رشيد رضا في تفسيره حاول يعمل ويوضح مدى إعجاز القرآن في تصويره لهذه القصة. وكيف أن التوراة حشيت بقصص غريب وبكلام بعيد عن العبرة الأساسية من الصوم. أن زي ما ذكرنا المرة اللي فاتت ليست الغرض من القصة مجرد الاستمتاع بل جاء في هذه القصة عبرة وعظة. آية هذه القصة هذه القصة كانت تنزل على قلب النبي صلى الله عليه وسلم وعلى صحابة النبي صلى الله عليه وسلم تكون لهم زادا. الوقت يعني نازل فيه القرآن كان واقع محتلم كان واقع مشتعل ما كانش واقع مكيف.

كأنها تنزل هذه السورة في قمة التعذيب المشركين للمسلمين في مكة وقيل أنها نزلت في العام الذي توفي فيه أبو طالب وتوفيت فيه خديجة رضي الله عنها واشتد الحزن على النبي صلى الله عليه وسلم وعلى من معه. فكانت هذه السورة كل كلمة فيها كانت زاد للنبي صلى الله عليه وسلم ولصحابته رضوان الله عليهم. من بعض اللي اتكلموا في فن القصة واهتموا حتى بفن الرواية قالوا أن غالبا القصة بتحاول تبدأ بأي قصة أو أغلب تحاول تبدأ بحاجة بيسموها العقدة مشكلة فبتشد القارئ وبيظل طوال القصة يبحث عن حل هذه العقدة.

فقال أن الرؤية اللي في الأول دي دي العقدة اللي شدت انتباهك وأنت قاعد مترقب طوال القصة كيف تحل هذه العقدة؟ العقدة وحاولوا ويعملوا إسقاط زي ما ذكرت المرة اللي فاتت كيف بدأت قصة يوسف وأيه العناصر اللي كانت في هذه القصة؟ أنها استكملت كل عناصر آخر حاجة قلناها المرة اللي فاتت قال قائل منهم أن الله سبحانه وتعالى أنطق هذا القائل. وأن مهما اجتمع الناس اللي يضروا انسان الله سبحانه وتعالى قد ينطق أحدهم ليدافع عنك. من جميل تفسير الطبري الإمام الطبري شيخ وهو في تفسير هذه السورة حقيقة في غيرها من السور أن كان الإام الطبري تقريبا كل فترة في السورة بيربط إسقاط صورة يوسف على قصة النبي صلى الله عليه وسلم.

يعني كان بيحاول كل فترة أو معظم آيات السورة يقول أخبر الله عز وجل هنا يوسف عليه دي قصة يوسف أي ليخبر محمدا صلى الله عليه وسلم أنه كما حدث مع يوسف كذا سوف يحدث معك كذا. وده كان من جميل كلام الإمام الطبري بس احنا عشان ضيق الوقت مش هينفع أنقل نص كلام الإمام الطبري. بس كان مركز في مواطن في السورة أن يربط أن القصة كانت أساسا في تصوير النبي صلى الله عليه وسلم ولصحابته رضوان الله عليهم.

طيب احنا توقفنا عند آخر سؤال سألناه كيف ذهب أخوة يوسف إلى يعقوب وحاولوا أن يقنعوه أنهم سيأخذوا يوسف. الآية الحادية عشرة قالوا أي قال أخوة يوسف يا أبانا ما لك لا تأمنا على يوسف وإنا له لناصحون أرسله معنا غدا يرجع ويلعب وإنا له لحافظون. أخوتي شوفوا أنا استعملوا أسلوب هجومي. يعني بدل ما ييجوا بعد إذنك لو سمحت لو ينفع ممكن حضرتك ترسل ما دخلوش كده. دخلوا بأسلوب هجومي بحيث أن عارف أنت بتستعمل أحيانا الأسلوب الهجومي تجعل اللي أمامك في موقف الدفاع.

فأولا نحن أبناؤك يا أبانا أنت ليه خايف على يوسف أكثر من هنا؟ وليه مش واثق فينا على طول؟ يعني دخل أن هو بيتجاوز الطلب إلى الاتهام وده أسلوب معروف أن أحيانا بدل ما تبدأ أنت تطلب أحيانا بتتجاوز الطلب إلى ما بعده أما باتهام أو كأن الذي أمامك ووافق على الطلب الأول وتنتقل إلى الطلب الثاني. يعني كان لسة إمبارح الخميس حد مكلمني هو عايز خطبة يعني حد عايز أن أخطب في مسجد يعني؟ فمتوقع أنه يقول لي أيه؟ أنت فاضي بكرة ولا لا؟ فأقول له مثلا أه يقول لي طب في مسجد كذا. فلقيته متصل بيه بيقول أيه؟ تخطب في يعني هو تجاوز السؤال فده أسلوب أن أنت خلاص أنت ذهنك بيتشتت وبتنتقل معه طب بلاش المسجد ده خلينا في ده هو كسب الجولة الأولانية ما خدهاش أصلا.

فهنا أخوة يوسف دخلوا بأسلوب هجومي. يا أبانا نحن أبناؤك كما هو ابنك. ما لك لا تأمنا عليه داخل أسلوب الجمع. وإنا له لناصحون. استعملوا كل أساليب التوكيد إن واللام يعني احنا بيتمحض وصحينا له أنا له واللام التانية لام توكيد لناصحون ومش لا ننصح له اسم جملة اسمية يعني المهم الأسلوب فيه أكثر من ثلاث أو أربعة مؤكدات نحن في قمة النصح له فليس لك عذر. يعني دخلوا الهجوم أنت التفكير اللي بتفكر به أكيد غلط.

نحن ننصح له ونحن أبناؤه يكون أنت ليه خايف عليه؟ أرسله وكأنه هو حابسه. استعمال لفظ الإرسال هنا وكأن أنت تؤذيه ونحن نريد له الخير. أرسله معنا غدا يرتع ويلعب. ولو أنت خايف عليه وإنا له لحافظون. فشوف هو تجاوز في النقطة مش ينفع ترسله ولا لا وهل ممكن هو دخل بأسلوب هجوم فخلى سيدنا يعقوب في موقف الدفاع بدأ يدافع عن هو ليه بيمتنع أصلا عن مجيء يوسف أو ذهاب يوسف معه عليه السلام.

أرسله معنا غدا يرتع ويلعب. الرتع علماء اللغة اتكلموا فيه كتير وقالوا أن بعضهم قال أن ده أصلا بيبقى خاص بالأنعام. وبعضهم قال ده لفظ يأتي للتوسع في المباحات واللعب واللهو والطاعات. وأن الإنسان في غالب حياته بيعيش ضابط بمسألة اللعب لكن أحيانا بيحتاج إلى فترات من الاستجمام يرتع فيها. يعني بيكون الأكل بدون قواعد أو اللعب واللهو فيه نوع من الاتساع شوية. وده بيكون فترات بسيطة في حياة الإنسان ما ينفعش ده يسيطر على حياة الإنسان. أو ما ينفعش ده أن هو يتحول إلى وظيفة. تخيل لما واحد وظيفته أنه بيلعب.

يعني هنا أصلا كتير مفسرين قعد حاول يوجه كلمة يلعب لأن في قراءة أرسله معنا غدا نرتع ونلعب في قراءة نرتع أن هم كمان هيرتعوا ويلعبوا. فعلى قول أنهم أنبياء أو سيصبحوا أنبياء أو أنهم أولاد نبي. وده أمر مستقر أن هم أولاد يعقوب. كيف ازاي العظم مع أن دي مرة فقعدوا يوجهوا أن هنا المقصد اللعب اللي بيستعد به للجهاد أو غير ذلك أو أنها كانت مرة عابرة على سبيل الاستجمام.

فكيف إذا تحول الأمر ده إلى وظيفة؟ فده نوع من العبث. الإنسان وظيفته أنه يكون بيلعب وظيفته ده أمر عبث. أرسلوا معنا غدا نفس التأكيد ونفس المؤكدات ونفس الجملة الاسمية. وإنا له لحافظون. مالكش أي عذر. احنا خايفين عليه. احنا هننصح ليه؟ احنا عايزين في مصلحته هو أنت معتقد أن احنا واخدينه معنا عشان أنفسنا ده احنا ده حامد ولا عشانه؟ احنا أصلا هنتعب أنفسنا احنا أصلا مش عايزين نروح إن كان علينا احنا مش عايزين نروح احنا هنروح عشان هو بس.

فاحنا رايحين أصلا عشان نفسحهم. بس هم عايزين يفسحوه اللي هو بيموتوها بيفسحوه بالتعبير المصري يعني. فبيقولوا له أنت فاكر أن احنا عايزينه معنا أو احنا رايحين عشان احنا إن كان علينا أصلا مش بتوعنا. احنا رايحين بس عشان أيه؟ حتى قراءة حفصة هنا أن غدا هو اللي يرتع ويلعب. دورنا بس قاعدين بنحصر. يعني احنا رايحين ناخد بالنا منه وهنتعب نفسنا بس مش مشكلة. أهو أخونا برضو مش مشكلة.

قال إن لا فرد يعقوب عليه السلام والهجوم جعل يعقوب عليه السلام يفصح عن مشاعر هذه المشاعر قد تكون قد تكون أدت إلى أيضا استفزاز مشاعر أخوة يوسف. سيدنا يعقوب قال كلمتين أوضح عن مشاعر الحزن والخوف. قال إن ليحزنني وأخاف. إن ليحزنني أن تذهب سيدنا يعقوب كما ذكرنا في المرة الماضية كان يتعامل بالعدل في المواقف. توزيع أي شيء في المواقف الكلام العملي لكن المشاعر كانت خاصة بيوسف أكثر.

فهنا أفصح عن مشاعره. أنا بصراحة أحزن عليه أن يذهب بعيدا عنه. وأخاف عليه أكثر من خوفي عليك. فالإفصاح ده أيضا زاد تصميمهم على الخطة أنهم يريدون أن يجعلوه في غاية الدين. قال إن لاحزن. وأيضا مسألة أن هو الحزن الزائد والخوف الزائد وتعلق قلب نبي بولده. فكان لابد من بلاء. كما قال ابن القيم عليه رحمة الله أن لما رأى ربنا سبحانه وتعالى في قلب إبراهيم تعلق زائد أو شعبة من شعب قلب إبراهيم تعلقت بإسماعيل نزل الوحي ليجتث هذه الشجرة وليكون القلب صافي خالص لله سبحانه وتعالى زي ما ذكرنا في أول مجلس القلب السليم.

فهنا برضو لما سيدنا يعقوب كان شديد التعلق بيوسف ابتلي فيه. هل دي قاعدة مضطردة؟ أن كل من تعلق بشيء أو بأحد تعلق زائد ابتلي فيه. هذا تعامل قد يكتبه الله سبحانه وتعالى على بعض أوليائه وأصفيائه ليجعلوهم خلص له سبحانه وتعالى. لكن دي مش قاعدة مطردة مع كل الناس. لكن لما يعني زي ما غيره ابن القيم وغيره كان بيقول عن النبي صلى الله عليه وسلم لولا ما تعلق بخديجة توفيت ولما تعلق بمكة أخرج منها ولما تعلق بعائشة اتهم وغير ذلك أن بعضهم يجعلها قاعدة مضطربة في معاملة الله.

لأغلب أوليائه وأصفيائه. لكن دي معاملة لها حكمة من الله سبحانه وتعالى يختارها الله سبحانه وتعالى في من شاء من عباده. وأحنا كده كده نطلب العافية لا نطلب البلاء. دائما نسأل الله سبحانه وتعالى فقال فيما يروى عن النبي صلى الله عليه وسلم وحسنه الشيخ الألباني أن أفضل ما طلب من الله أو ما سئل الله سبحانه وتعالى بعد اليقين العافية. يعني تطرد من ربنا حاجة مهمين اليقين حتى تثبت على دينه والعافية.

قال إن ليحزنني أؤكد نفس المؤكدات إن ليحزنني أن تذهبوا به. أظهر حزنه أن يذهبوه. وأخاف أن يأكله الذئب. حاولي أنت مش صوم العذر بعد إفصاح المشاعر حاول يستدرك ما قاله. أنا خايف بس أنتم تنشغلوا عنه. أنتم أكيد مش قاصدين ده. فحاول يلتمس لهم العذر حتى لا حاول يستدرك الكلام اللي قاله ويعقوب عليه السلام قال وأنتم عنه غافل ممكن تنشغلوا عنه.

فبرضو هم استعملوا أسلوب الهجوم قالوا لان استعملوا أسلوب الشك أن يعني ده مستحيل يحصل بعيد قوي أن بتأتي للشك لأن أكله الذئب ونحن عصبة رجالة يعني بتعبيرنا كده المصري عارف بيقولوا له أيه؟ عيب أنت كده بتشتمني. يعني عيب عيب لما يبقى معنا يوسف وتقول اللي بياكل عيب قوي كده أمال احنا مش رجالة ولا ايه! ده احنا كده أن إذا لخاسرون يعني نحن نخسر صفة العصبة وصفة الرجولة. أحد التوجيهات يعني فبرضو أسلوب الهجوم يعني مش فعلا أسلوب ده أبقى خد بالك منه هتلاقيه بيستعمل معك كتير في بين اصحابك اللي هو أيه عارفين أن اللعبة المشهورة اللي يسأل الأول أنت ما بتسألش ليه؟ هو الكسبان. أنتم الاتنين ما بتسألوش عن بعض بقالكم سنة مثلا. فاللي يتصل الأول يقول لي أنت أيه يا عم أنت فين؟ هو كده أيه اللي هو الأسلوب الهجوم.

فهنا برضو استعملوا نفس الأسلوب تاني. قالوا لان أكله الذئب. أولا أنت بتقول أمر جدا. ثانيا نحن عصبة. يعني أنت كده أنت تسبنا. تتهمنا في رجولاتنا. ونحن عصبة أنا إذا لخاسرون. قيل بقى يعني نخسر أخانا وغير ذلك من التوجيهات يعني. فلما يعني ففضلوا يستمروا فهنا السرعة ظلوا يكرروا طلبهم ويهاجموا بأسلوب الهجوم ده ويهاجموا.

يعقوب عليه السلام حتى استطاعوا أن يظفروا بيوسف فلما ذهبوا به في فريق بين أذهبه ومن ذهب به. أيه الفرق بينهم لما أقول أذهبت فلان ومن ذهبت به. أذهبت يعني أيه خليته يمشي. ذهب به لا أنا ماسك إيدي في إيده ومعه لحظة بلحظة. الباقي دي فيها نوع من المصاحبة أن الله يأتي بالشمس كل لحظة في حركات الشمس هي في معية الله سبحانه وتعالى في حفظ الله. فكلمة فلما ذهبوا به يعني مسكوه ما سابوهوش وهم بيتحركوا من أمام يعقوب عليه السلام.

فلما ذهبوا به اتجه لنا بعض الإسرائيليات بعض المفسرين بيستطردوا اذكر بقى آخر لحظة نظر فيها يعقوب إلى يوسف وآخر وصية وآخر مشهد. أنا اريدك وأنت تقرأ هذه السورة أن تعايش هذه الأحداث. لو أنت بتقرأ السورة لوحدك بالليل أو بتقوم بها الليل. حاول حتى وقفاتك في السورة. وقفات إنسان يعاني الأحداث ويضع نفسه مكان يعقوب. ويضع نفسه مكان يوسف عليه السلام. وكيف كان البلاء عليهما وتعايش هذه الأحداث.

حتى ترى العبرة والعظة. مش مجرد أنك تسرد القصة سردة. تعايش هذه الأحداث. يعني فلما ذهبوا به أنت الان تستشعر ما يحدث في قلب يعقوب. وهم يأخذون فلذة كبده وينصرفون عنه. هو لسة ما يعرفش أن هو مش هيرجع لكن أيضا كان حزينا وكان خائفا. فلما ذهبوا به وأجمعوا إجماعا أن يجعلوه في غيابة

يبقى أنا قلت عايز أحط كده قواعد تستمر معنا إن شاء الله. أول حاجة إنك تعايش الأحداث. تاني حاجة في القصة هنا القرآن دايما بيعتمد على أنه لا يذكر كل المشاهد. بيعتمد أن فيه مشاهد أنت بتستنبطها. وده من أسلوب القرآن مش بس في القصص في قضايا كتير أنه يعطيك معلومة ويترك لك معلومة أخرى ثم يكمل على المعلومة التي أنت بنيت عليها. يعني كأن فيه مشهد وفيه مشهد واقع في النص. القرآن بيتعمد ذلك ليترك لك الخيال. أنت تكمل المشهد فيكون فيه تفاعل بينك وبين قراءة القرآن أثناء القصة.

ففي محذوفات يسموها المشاهد المحذوفة كثيرة في قصص القرآن، أما لوضوحها. يعني مثلاً ربنا سبحانه وتعالى يقول موسى عليه السلام اضرب بعصاك الحجر فانفجرت. فليه؟ أي فضرب بعصاه فانت بتتخيل سرعة تنفيذ موسى لأمر إلهي فذهب بعصاه مسرعاً وضرب الحجر فانفجر. ففي مشاهد أنت مفروض تكونها بخيالك. فهنا فلما ذهبوا به وأجمعوا أن يجعلُوهُ في غيابات الجب انتهى المشهد. وبعد كده تقف وأوحينا إليه. يعني هم كانوا لسه ماشيين مع يعقوب عليه السلام وماسكين يوسف ما حدش راضي يسيبه ولو للحظة. وأول ما بدأوا يبعدوا قرروا تاني وحصل إجماع سنضعه في قيامة الجب. وبعدين وقفت وأوحينا إليه مشهد آخر يوسف عليه السلام وحده حزيناً في البئر. يعني من أول وأوحينا ده مشهد تاني في قفزة هنا في الأحداث.

لذلك بيقول كتير بعض المفسرين واللي بيعربوا القرآن: فلما جواب لما ده محذوف يعني لما ذهبوا به ويجعلونه أيوه إيه اللي حصل بقى؟ محذوف. جواب لما محذوف. أنت بتحاول تبنيه بخيالك. وده أحيانا بييجي في القرآن أن ممكن أن شرطية أو أن التوكيد أو لما ويكون الجواب محذوف. ﴿إِنَّ الَّذِينَ كَفَرُوا بِالذِّكْرِ لَمَّا جَاءَهُمْ﴾ [فصلت: 41] سورة إيه دي؟ ها بص لها. إن الذين كفروا بذكر الله لما جاءهم إيه اللي حصل؟ تقف وأنه لكتاب يقول لك إيه ده؟ في هنا محذوف أيوه الذين كفروا بالذكر منهم. إيه اللي حصل؟ فبعضهم يحاول يجد هنا تكملة لفهم السياق. وده من أسلوب القرآن بيستعمله أنه دايماً يستثير عقلك. عشان دايماً تكون صاحي طول القصة أو طوال قراءة القرآن.

فلما ذهبوا به وأجمعوا وإن كان بعض المفسرين قال جواب لما ذهبوا هو أجمعهم زائداً. فلما ذهبوا به أجمعوا أن يجعلوه في غيابة الجب. حصل إجماع اتفقوا في مشهد محذوف أن هم وقفوا مع بعض وكلهم على قلب رجل واحد أمسكوا به ورموه في البئر. وسقط يوسف عليه السلام في هذا البئر وتعلق في مكان فيه نوع من اليابس. فلم يغرق في البئر وظل في هذا المكان وحيداً. ثم تحرك ياخد أنت ما بتتخيل مشهد وهم راجعين بيضحكوا. وهم راجعين فرحانين المهمة انتهت. هم راجعين حاسين أن هم انتصروا، أن هم حققوا غرضهم حققوا ﴿يَخْلُ لَكُمْ وَجْهُ أَبِيكُمْ﴾ [يوسف: 9] وقاعدين بيحلموا بالمستقبل من غير يوسف.

فيه مشهد حصل محذوف أنت تستنبطه أيضاً. أن عملوا حاجة قبل ما يرموه. إيه؟ خلعوا له القميص. واحد يقول لي دي موجودة في الإسرائيليات بعيداً عن الإسرائيليات. ما هو ربنا هنا قال إيه؟ ﴿وَجَاؤُوا عَلَى قَمِيصِهِ﴾ [يوسف: 18]. يبقى هم معنى كده أنهم قبل أن يرموه أيضاً جعلوا ينزعوا عنه قميصَهُ. تتخيل مشهد هو غلام صغير ينزع عنه القميص وأخوته يجتمع ويلقوه في البئر. فالمشهد مشهد مؤلم. مشهد فيه حزن. لكن دائماً في القرآن تأتي المنحة مع المحنة. يأتي الأمل في ظل البلاء. تأتي البشرى في قمة الاستضعاف.

آيات أسرى في السور المكية اللي هي في قمة الاستضعاف كثيرة ﴿وَاجْعَلُوا بُيُوتَكُمْ قِبْلَةً وَأَقِيمُوا الصَّلَاةَ وَبَشِّرِ الْمُؤْمِنِينَ﴾ [يونس: 87] في سورة يونس اللي هي من أوائل ألف لام راء اللي هي المجموعة اللي إحنا بتتكلم فيه أصلاً. لابد أن تكثر من البشرى في وقت الاستضعاف. وكان صلى الله عليه وسلم يكثر البشرى في وقت الاستضعاف. النبي صلى الله عليه وسلم وهو مطارد مع الصديق وهم رايحين مش عارفين هيروحوا فين في الصحراء. وقاعدين لسة هيروحوا الغار وعايزين يهاجروا ومش عارفين إيه اللي هيحصل. هيتمسكوا ولا لأ وهيقتلوا ولا لأ؟ ما حدش عارف إيه اللي هيحصل.

وبعدين يأتيه سراقة ويتتبع الآثار حتى يكَادَ أن يصل إليه ثم تنغمس بقدم الفرس بتاع سراقة في الرمل فيديه النبي صلى الله عليه وسلم يقول له أبشرك إحنا مطاردين يقول إن هيحصل تمكين وأنت ستملك سواري كسرى. أو النبي صلى الله عليه وسلم يبشر في أو النبي صلى الله عليه وسلم في الأحزاب خلاص يعني إحنا محاطين من كل الجهات والمشركين وخيانة اليهود والكل بيجتمع علينا ثم يضرب النبي الصخرة بسيفه فيخرج نوراً يقول الله أكبر أوتيت مفاتيحه كسرى وقيصر واليمن. يبشر صلى الله عليه وسلم.

فمهم ألا يغلب علينا الحزن. مهم جداً في وقت الاستضعاف نكثر من البشرى والأمل. ﴿فَإِمَّا نُرِيَنَّكَ بَعْضَ الَّذِينَ نَعِدُهُمْ أَوْ نَتَوَفَّيَنَّكَ﴾ [غُوِفر: 77] ممكن تشوف البعض ممكن تموت لكن لابد أن تكون موقناً أن الله سيتم هذا الأمر. زي برضه وكلمة والله هي العليا. أدي جت فين؟ ها؟ سورة التوبة في آية إيه؟ كلمة بشرى وأن كلمة وهي العليا. إيه يا جماعة؟ في الغار فأشد مواطن الاستضعاف في القرآن ﴿إِلَّا تَنْصُرُوهُ فَقَدْ نَصَرَهُ اللَّهُ إِذْ أَخْرَجَهُ الَّذِينَ كَفَرُوا ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لَا تَحْزَنْ إِنَّ اللَّهَ مَعَنَا﴾ [التوبة: 40].

فهنا ويوسف عليه السلام في قمة البلاء وفي قمة الحزن تأتي يأتي الوحي وأوحينا إليه. دي حاجة بيسموها العلماء جبر الخواطر. أن ربنا بيجبر خاطر المسكين مصطفى أنه يوري له رؤية أنه يبشره أنه يشعر طمأنينة في قلبه. يشعر راحة في صدره وأوحينا إليه. اختلف العلماء هل دي كانت النبوة أو وحي إلهام وصبر؟ كلام جميل هنا راجعوه. كيف أن الله سبحانه وتعالى لا يترك الضعيف ويجبر خواطر ﴿وَأَوْحَيْنَا إِلَيْهِ لَتُنَبِّئَنَّهُمْ بِأَمْرِهِمْ هَذَا وَهُمْ لَا يَشْعُرُونَ﴾ [يوسف: 15].

العلماء اختلفوا إيه معنى الآية دي؟ يعني إيه ستخبرهم أخبرهم وهم لا يشعرون. كلمة وهم لا يشعرون. ركزوا معي معلش. أما متعلقة بكلمة أوحينا. أو متعلقة بكلمة لتنبئنكم. يبقى لو قلنا وأوحينا إليه وهم لا يشعرون أي أن الله سبحانه وتعالى أنزل جبريل إلى يوسف عليه السلام في الغار وأخوة يوسف لا يشعرون بنزول جبريل وإلا لو شعروا بالوحي عادوا إليه وقتلوه. ده معنى لو قلنا هم لا يشعرون المتعلقة بايه؟ متعلقة بأوحينا. طب لو متعلقة تنبئنهم وهم لا يشعرون. لتنبئنهم وهم يشعرون أي ستخبرهم بفعلهم وهم لا يشعرون أنك يوسف.

ده اللي حصل أمتى؟ العصب ده آخر القصة. لما قال لهم إيه؟ ﴿هَلْ عَلِمْتُمْ مَا فَعَلْتُمْ بِيُوسُفَ﴾ [يوسف: 89]. هم ما كانوا لسه عارفين أن ده سيدنا يوسف فقال أنه ده بشرى بالمستقبل ستمكن وستصير في مكان لا يعرفك إخوتك وستخبرهم بما حدث. يبقى تطمين لما حدث ليوسف عليه السلام وفي هذا المكان نزلت البشرى ونزلت الطمأنينة ونزل الإلهام عليه ونزل الصبر جبر. فأنت لابد أن تسعى في جبر خواطر الناس. إذا وجدت إنساناً منكسراً ضعيفاً كن بجواره يكون الله سبحانه وتعالى بجوارك.

إذا وقعت في مصيبة بيبقى برضو إحنا قلنا إيه؟ بيحصل قفزات في الأحداث. إحنا دلوقتي آخر مشهد كنا فيه إيه لدمج المعنى آخر مشهد آخر مشهد إيه؟ يوسف في سايبينه كده في الغار وإحنا بنحزن على المشهد ده أنا عايزك تعيش الحدث تخيل أنت الآن بجوار يوسف في الغار المظلم مش عارف يطلع إزاي يعني إيه اللي هيحصل؟ طب هيموت؟ لو ترك ليالي سيموت ما فيش طعام طب إيه اللي هيحصل؟ ترك وهم لا يشعرون وتقف وبعد كده وجاءوا أباهم مشهد كأنك بتتفرج على المشهد انتقلت الصورة إلى مشهد إخوة يوسف وهم عند سيدنا يعقوب.

عايزك تعيش الآية دي كويس قوي وأنت كأنك واقف جنب سيدنا يعقوب كده سيدنا يعقوب اللي كان لسه بيقول يحزنني وأخاف. سيدنا يعقوب اللي كان مجرد غياب يوسف عنه للحظات أو لساعات كان ذلك يؤدي إلى الحزن ويؤدي إلى الخوف. شوف المشهد مشهد مؤلم قوي. ﴿وَجَاءُوا أَبَاهُمْ عِشَاءً يَبْكُونَ﴾ [يوسف: 16]. عايزك تقف هنا نتكلم على علم الوقت إزاي؟ أنا بقول لك عيش بس. وتخيل سيدنا يعقوب شايفهم وهم جايين بيعيطوا. وقاعد يتخيل بيعيطوا ليه؟ تخيل أنت ما كانش سيدنا يعقوب يا ترى بيعيطوا يا ترى يوسف اتعور؟ يا ترى يوسف حصل له حاجة؟ وبعدين شايفهم بيعيطوا قاعد يدور على مين على يوسف مش معهم. يوسف مش شفتهم. وقاعد متماسك. متماسك يعقوب. جاوبهم عشاء يبكون.

العلماء هنا بيستطردوا أنهم جم بالليل عشان يخبوا البكاء وأنهم حاولوا يتباتوا وكانوا كذابين. أقول بس السياق وبعدين أرجع للتفصيل و﴿جَاءُوا أَبَاهُمْ عِشَاءً يَبْكُونَ﴾ [يوسف: 16]. عايزك تتخيل سيدنا يعقوب شافهم بيعيطوا قعد ذهنه تخيل أنت المشهد ربنا يعافينا يا رب. ابنك مثلاً كان مع مجموعة من الناس وبعدين جم وبيعيط وتدور على ابنك مش لاقيه. هنا يذهب خيالك كل مذهب. ودائماً الشيطان دائماً بيفترض لك أسوأ تصور يعني دائماً لما يحصل سواء حد مثلاً ابنك راح مشوار وتأخر أو حد خد عربيتك يجيب حاجة وتأخر. فانت دائماً الشيطان يرسم لك إيه؟ أسوء التصورات. تقعد تتخيل عربيتك بتلف خمس لفات في الهوا وبتنزل. أنت دايماً بتعيش إيه؟ ليه؟ بتعيش إيه يا صدفة؟ لأن هو الشيطان.

أين نريدك أن تحزن؟ يعني مش معقول الشيطان يقول لك إيه؟ لا توكل على الله أطمن الشيطان مش هييجي يقول لك كده. آه. الشيطان دائماً يفترض إيه؟ أسوء التصورات فتخيلوا هم جم وبيبكوا ﴿وَجَاءُوا أَبَاهُمْ عِشَاءً يَبْكُونَ﴾. أنا عايز قلبك يتقطع هنا. شوف سيدنا يعقوب وعايز قلبك يتقطع عشان تشعر بقيمة كلام يعقوب. عشان تشعر بقيمة الكلمة التي قالها. ﴿وَجَاءُوا أَبَاهُمْ عِشَاءً يَبْكُونَ * قَالُوا يَا أَبَانَا إِنَّا ذَهَبْنَا نَسْتَبِقُ وَتَرَكْنَا يُوسُفَ عِندَ مَتَاعِنَا فَأَكَلَهُ الذِّئْبُ وَمَا أَنْتَ بِمُؤْمِنٍ لَنَا وَلَوْ كُنَّا صَادِقِينَ * وَجَاؤُوا عَلَى قَمِيصِهِ بِدَمٍ كَذِبٍ﴾ [يوسف: 16-18].

أنت لو مكان يعقوب هتقول لهم إيه؟ أخلص إيه اللي حصل؟ وده يدل أن هم كانوا إلا أن الحدث لما بيكون حقيقي هم بيذكروه مباشرة بدون مقدمات. زي ما حصل أن ابنك سرق لما حصل كان بجد أنهم ابنه التاني اتخد أول لما قالوا له إيه؟ بص أن ابنك سبق. ما قعدش يقول له بص إحنا عايزين نحكي لك اللي حصل وأنا عارفينك مش. بدأوا بالمشكلة الحقيقية. فلو كان ده حقيقي هنا هو لما إيه؟ مات يوسف. لكن ما حصلش كده. وميعاده إيه الأول؟ جايين بيعيطوا وبعدين قالوا له إيه؟ إحنا هنحكي لك قصة من الأول. ده مش معقول ناس أخوهم الذئب كله وهم خايفين عليه. مش ممكن. يعني دي مش طريقة ده إنسان.

يعني تخيل لو حد جه ويقول لك طب بص أنا هحكي لك أنا كنت واخد عربيتك وبعدين قلت أروح أشتري يا عم أخلص. إيه اللي حصل؟ أنت لسه هتقول مقدمات. قالوا إيه؟ يا أبانا إنا ذهبنا نستبق. أكتر كلمة باحسها مؤلمة وترَكْنَا يوسف سيدنا يوسف هل تركت يوسف؟ أنا موصيكم على يوسف تركتم يوسف أنا ذهبنا سبق وترَكْنَا يوسف. وقع الكلمة دي على يعقوب عليه السلام. يعني أما تخيل المشهد ده أن خلاص يوسف مش هيرجع. يعني لو كان مثلاً أن يوسف جاي أو يوسف يعني حد بيطبب جراحه لأ مش عايزك تقف عند كلمة وتراك يا يوسف. تستشعر ما حدث في قلب يعقوب وهو يتلقى الصدمة العظمى لأول مرة عشان تعرف قيمة مقالة. وترَكْنَا يوسف عند متاعنا فأكله الذئب. بس ما عدش فيه أمل خالص فأكله الذئب وما أنت بمؤمن هو خلاص يعني بقية الكلام وما أنت بمؤمن لنا ولو كنا صادقين وجاءوا على كل ده خلاص.

جاءوا على قميصه دائماً كده هو ما عدش يناقشهم ولا وروني القميص ولا إيه اللي حصل. ولا إزاي ده حصل؟ هو خلاص. أيقن يعقوب أن رحلة البلاء مع يوسف قد بدأت. وكذلك يجتبيك ربك. وقلنا إنه لا تقصص رؤياك يعلم زي ما ذكرنا المرة اللي فاتت أن الاشتباه لابد له من رحلة بلاء. ولا يمكن المرء حتى يبتلى. أيقن يوسف أنه لم يمت. وأن الذئب لم يأكله. لأن وعد الله تحقق. يوسف رأى رؤيا إني رأيت أحد عشر كوكباً والشمس والقمر رأيتهم لي ساجدين. قال له كذلك يجتبيك ربك. أي قال يوسف أن رحلة البلاء قد بدأت. وهذا ما كان يؤلم قلب يوسف. يعقوب طوال القصة. ماذا يحدث ليوسف؟ هل سيصبر على البلاء هل سيمكن؟ هل سيتجاوز الأزمات؟ ويعلم أن النبي لابد لابد أن يمر ببلاء أشد الناس بلاء الأنبياء. هو يعلم أن الرحلة قد بدأت. أن رحلة البلية قد بدأت.

قالت بل بالنسبة للقصة اللي أنتم بتحكوها بل ﴿سَوَّلَتْ لَكُمْ أَنْفُسُكُمْ أَمْراً فَصَبْرٌ جَمِيلٌ﴾ [يوسف: 18]. فعلاً شبشبه يسرق ما بيعرفش يقول صبر جميل. واحد بيشاك الشوكة تحس بس أن حاجة حاجة في وسط حياته باظت بيتألم وبيشعر وبيستحضر أحاديث صبر كلها عشان يصبر. شوف يعقوب يفقد أعز ما لديه. الكلمة الرائعة كلمة جميل. طبعا أنت لما تيجي تقرأ المفسرين أو بعض الآثار رُوِيَت عن النبي صلى الله عليه وسلم كان فيها بعض قال الصبر الجميل الذي لا شكوى فيه ولا جزع ولا تشكي ولا غير ذلك. الكلمة نفسها جميلة. عارف واحد معاملته مع ربنا جميلة قوي هو بيعامل ربنا في كل الأوقات معاملة جميلة. في الليل بيعاملوا معاملة جميلة. وفي النهار معاملة جميلة. في السراء معاملة جميلة. في الضراء معاملة جميلة. إنسان.

جميل في علاقته بربنا، الإنسان لا يخرج منه إلا الجميل، يحفظ الجميل، ولا يخرج منه إلا الجميل، لا يتكلم إلا بالكلام الجميل، فصبر جميل، فعلا كلمة بتدل على إيمان راقي أوي. صبر مش أي صبرة، مش فصبر شديد، مش فصبر متين. لأ، ركز معي في الحتة دي، لسه هيحافظ على العلاقة الجميلة بينه وبين ربنا مهما حصل. في واحد بيعيش لحظات جميلة قوي مع ربنا، مثلاً في العشر الأواخر من رمضان، أو في الثلث الأخير، بيعيش لحظات جميلة قوي وتلاقي إيمانه في السما.

أنا بكلمك على ممكن أحوال الواحد يمر بها، وبعدين وهو في قمة الإيمانيات دي، عربيته مثلاً اتخبطت، خوف من الجو ده تماماً، يفصل، خرج من كل ده، لا حول ولا قوة إلا بالله. ليه بس كده؟ ده الواحد لسه مصلي! خرج عن حالة أن في حاجة ممكن تحصل تخرجك عن علاقتك مع ربنا. سيدنا يعقوب ما سمحش للحدث ده إنه يخرجه عن علاعته بالله، عن جمال العلاقة بالله. إياك تسمح لأي حدث، ما فيش بشر يستحق ذلك.

إياك تسمح لأي حدث، كائناً من كان الشخص أو كائناً ما كان الحدث، أن يخرجك عن علاقتك بالله، عن صفاء علاقتك بالله. أحواًلاً بتحصل مواقف -الواحد بيتكلم عن نفسه- أقل إشكالية بتخلي العلاقة فيها نوع من التشوش، علاقتك مع ربنا. بعد ما كانت صافية في موقف بسيط جداً، تلاقيك بقيت مشوش الذهن، مشوش القلب، صدرك مشوش، مش عارف تعيش العلاقة الجميلة تاني، وتقعد تجاهد عشان يرجع، يقوم يحصل موقف بسيط جداً تقوم تشوش العلاقة، أن مثلاً يتخاصم عندك في الشغل أو يحصل بلاء معين.

تجد أن العلاقة أصبحت مشوشة، وليه؟ وازاي؟ ولا حول ولا قوة إلا بالله؟ شوف سيدنا يعقوب يقول إيه: جميل. واستعين بالله على هذه الحكاية الكاذبة. والله المستعان. لا، أستعين بالله. النبي، درس عملي في الصلاة، دين الإنسان بيظهر في الأزمات. ربنا يثبتنا يا رب، ربنا يثبتكم. دين الإنسان بيظهر في الأزمات، الدين الحقيقي بيظهر في الأزمات، بيظهر في الابتلاءات. إحنا ممكن، ربنا يثبتنا، نسأل الله العافية، لا نتمنى البلاء، ممكن هتؤدي درس على الصبح، لكن عند الأزمة ينكشف الإنسان.

ربنا يخلينا لابد أن يكثر الإنسان من الدعاء والاستعانة، لأن النبي صلى الله عليه وسلم قال الحديث يخوف: «إنما الصبر عند الصدمة الأولى». دي محتاجة تدريب، دي محتاجة تدريب، إنما الصبر عند الصدمة الأولى.

قالوا يا أبانا، بل كنت بس بحكي سياق، نرجع بسرعة للكلمات: يا أبانا إنا ذهبنا نستبق. نستبق هنا بمعنى السباق المعروف أو سباق الرمي، كانوا بيتراموا السهم أيهما أبعد، وبعدين يروحوا يجيبوا السهام ويرجعوا. فلما راحوا يجيبوا السهام وجدوا -ده القصة اللي عايزين يحكوها يعني- أن الذئب قد أكله، إذا ذهبنا نستبق وتركنا يوسف عند متاعنا فأكله الذئب، وما أنت بمؤمن لنا ولو كنا صادقين. هو كلامهم يشعرون بريبة أنفسهم، يعني الإنسان اللي عارف أنه كذاب كلامه بيبان عليه.

زي ما قلت إن هو الأول ما بدأش بالقصة الحقيقية، بدأ بمقدمات، فالإنسان، وده القاضي اه، زي ما كتير من العلماء هنا ذكر قصة شريح وغيره، أن هو كان لم يكن يغتر ببكاء المرأة، تيجي له واحدة مثلاً كان يحكم فتعيط، فيقولوا له ده حرام عليك دي بتعيط! وإخوة يوسف كانوا يعني ففكرة أن يعني أن الإنسان لا يغتر بالبكاء ولا يغتر بالدموع، بل الإنسان يكون عنده نوع من الفراسة أن يكتشف الإنسان من كلماته.

وأحياناً الأمر ما بيحتاجش نوع من الفراسة، يعني مثلاً واحد يجي يحكي لك مشكلة مع صاحبه أو مشكلة مع زوجته، تقول له إيه اللي حصل مثلاً؟ يقول لك باقول لها قومي البسي عشان أخرجك، قامت شتمتني وشتمت أهلي. تقول له لأ، في أكيد موقف هنا يعني في مشاهد وقعت يعني، أو تقول لها إيه اللي حصل؟ تقول لك قمت والله حطوا الأكل قام ضاربني بالقلم على وشي. لأ، يعني إيه الواحد يبقى عاقل وهو بيسمع يعني، مش معقول يعني، ما هو ده اللي حصل.

فالإنسان محتاج إيه يعني؟ يكون عنده قواعد يفلتر بها الكلام اللي بيسمعه، يعني يكون الكلام اللي بيسمعه يحطه كده على إيه؟ المنطق. مش معقول يعني، أكيد فيه حاجات مفهومة. فهنا طريقة كلامهم وأن هم يجيبوا نفس الكلام اللي قاله، قال لهم أنا أخاف أن يأكله الذئب، قالوا له أكله الذئب! طب ما فيش حاجة تانية؟ يعني ما فيش أعذار تانية عندكم يعني؟ وطبعا القصة المشهورة التي ذكرها كثير من أن قالوا إن هم جاءوا بالقميص غير مقطع. فحتى بيذكر أن يعقوب قال: أي ذئب هذا؟ إنه لذئب حليم! ذئب كان يعني شيك جداً، قلعوا القميص الأول تفضلوا، وبدأ وحط منديل على مثلاً وبدأ ياكل بالشويش، يعني إيه أي ذئب من هذا؟ يعني إزاي؟

وإن كان هو في الإسرائيليات ورد عن كثير من السلف أنهم ذكروا ذلك، مروا عن السدي وغيره، نقف هنا وقفة سريعة كده عشان ممكن نستصحبها بعد كده إن شاء الله في معظم مجالس التفسير: كيف نتعامل مع الإسرائيليات؟ سريعا كده. طبعا في كتب في المجال ده، وإن كان كتير من المتأخرين بقى بيشتد جداً في التعامل مع الإسرائيليات، بقى في أنا بحس أن في عنف، يعني يقول لك لا، ممكن نقبل أي سؤال، بيضطهد المفسرين اللي ذكروا إسرائيليات وبيتطاول عليهم شوية، يعني بقا حاسس أن في عنف شوية.

في علم السلف كانوا يتعاملون بنوع من، يعني بيتعامل أن الإسرائيليات لا تصدق ولا تكذب، أحياناً أشبه بالعوامل المساعدة لفهم النص، ليس عامل أساسي زي اللغة أحياناً، طيب، وذكر ده الشيخ مساعد الطيار وغيره والشيخ أحمد شاكر وهو بيحلل أو محمود شاكر في فقه تعامل الطبري مع الإسرائيليات. فالشاهد من المتقدمين ما كانش عندهم هذه المفرطة اللي عند المتأخرين.

ابن عاشور مثلاً ورشيد رضا من المتأخرين استنكروا جداً موضوع القميص ده، إن هو كده، وقالوا ده تخريف وده من تصرفات القصاص، ويعني وحتى يعني تكلموا عن بعض السلف لنقله من أتباع التابعين بنوع من الشدة شوية، وخاصة ابن عاشور قال: هذا من أباطيل القصاص التي لا ينظر إليها، وأن سيدنا يعقوب قال: بل سولت لكم أنفسكم أمراً، إما بطريقة كلامهم أو عرف منين أنهم لم يأكلوا الذئب؟ بوحي من الله أو بفهم لتأويل الرؤية أنه لم يمت، يعني ربنا سيبقيه ويستعمله، أو بطريقة كلامه أو بمجموع ذلك، إنما مش القميص، هذا لم يذكر أبداً، ده كلام بعض الإخوة.

فالشاهد، ذكرت لكم الأقوال، الأمر في سعة إن شاء الله يعني، وأنا أرى أن التعامل مع الإسرائيليات يحتاج فقه، لا تذكر كل هذا ولا تترك كله، الإسرائيليات أحياناً أشبه بالعوامل المساعدة، ولا سيما أن النبي صلى الله عليه وسلم قال: «حدثوا عن بني إسرائيل ولا حرج»، ثم وضع قاعدة: «لا تصدقوهم ولا تكذبوا»، فيستأنس بها. زي ما ذكرت لكم قبل كده الكلمة المشهورة: هي كالوردة تشم ولا تفرك. يعني مش لازم تقعد تحلل في الكلام، هي تذكر استئناساً فقط.

وما أنت بمؤمن لنا ولو كنا صادقين. وجاؤوا على قميصه بدم كذب. زي ما قلنا دايماً المجرم أو اللي بيكذب في ثغرة في كلامه، وده من رحمة الله سبحانه وتعالى حتى يكشف، حتى إنت لما تيجي تعمل عملة غالباً بتنسى حاجة، غالباً في حاجة بتقع منك لأنك ما بتبقاش في قمة التركيز، كنت تبقى مركز مثلاً أنه يقضي شهوته أو أنه ياخد حاجة معينة فيترك شيء، فالمتتبع يجد أثر الجريمة.

قال: بل سولت لكم أنفسكم. كلمة سولت وذكرناها بالتفصيل في درس قصة ابن آدم، لي، فسولت له نفسه إيه؟ أو فطوعت، اتكلمنا عن كلمة فطوعت له نفسه قتل أخيه، وذكرنا إيه معنى التطويع ومعنى التسويل؟ ذكرنا الفرق بينهم واحنا بنشرح قصة بني آدم. وإن التسويل، تطويع الشيء الصعب على النفس، تظل النفس تأتي بحجج وتزين الأمر حتى يصبح سهل، والتسويل من معانيه الاسترخاء، التسويل من معانيه، يعني إنت تكون متشدد مع الأمر وتتعامل بنوع من الحزم، بعد كده يجي الشيطان يخليك تتراخى، بعد ما كنت بتتعامل بنوع من الحزم والشدة والضبط في التعامل مثلاً في قضية بطولات، في التعامل في قضايا في الأموال، تصبح تتعامل بنوع من الاسترخاء.

فهنا يعقوب بيقول لهم: أنتم انتقلتم من أنه أخوكم إلى أنكم قتلتموه، إن الشيطان ظل يزين ويزين لكم حتى فعلتم هذه الفعلة، بل سولت لكم أنفسكم أمراً فصبر جميل والله المستعان على ما تصفون.

آخر مشهد هنا إيه؟ ها؟ مشهد إخوة يوسف قاعدين بيتباكوا أمام يعقوب، يعقوب يقف شامخاً، يضع هذه القواعد الربانية في التعامل مع البلاء، ويقول، يعني إحنا المشهد دلوقتي أن إخوة يوسف مع يعقوب ويعقوب فصبر جميل. المشهد اللي قبله كان إيه؟ أنتم نايمين ليه كده؟ المشهد اللي قبله كان إيه؟ إحنا سايبين يوسف لوحده في مكان مظلم ونزل إليه جبريل أو وحي إلهام. يبقى المشهد اللي قبله كان يوسف في البئر وبعد كده مشهد إخوة يوسف مع يعقوب.

نرجع تاني بقى ليوسف، وجاءت سيارة. عايزك تستحضر المشهد كده، مكان في الصحراء بعيد، في بئر، ويوسف داخل البئر، وبعدين القافلة معدية في إيه؟ في الصحراء، وجاءت سيارة. ومن تقدير الله، آبار كثيرة موجودة، يقف بجوار هذا البئر، من تقدير الله حتى لا يترك ويموت، وهذه القافلة تحديدا المتجهة إلى مصر. إحنا قلنا كل لحظة من لحظات يوسف عليه السلام بدقة وعناية، كان ممكن القافلة تكون رايحة اليمن فلا يقابل ملك مصر، كان ممكن القافلة تتجه لمكان آخر، كان ممكن اللي يشتريه ناس فقراء في مكان بعيد، كان ممكن يترك ويموت. وجاءت سيارة، قدر الله سبحانه وتعالى مجيء هذه السيارة في هذا التوقيت متجهة إلى مصر.

ومرت، أرسلوا واردهم، ووقفوا بعيد وأرسلوا واردهم، الوالد الذي يأتي بالماء ويستقي الماء، يرد الماء، يعني يريد أن يستقي الماء. إنهم يساقون، في آخر سورة مريم: وسقى الذين كفروا، ورداً تأتي بمعنى عِطاش. ابن عباس قال: ورداً هنا في آخر مريم بمعنى عِطاش. فأرسلوا واردهم الذي اذهب ليستقي، ما يصدر، يعني خلاص أصبح ريان واستقى من الماء.

فأرسلوا والده فأدلى دلوه، عايز تتخيل المشهد الآن المفاجأة وهو بينزل الدلو واحدة بواحدة كده في البئر ثم رفع في، إحنا قلنا في مشاهد محذوفة، هو جاب مشهد النزول ثم لم يذكر مشهد الرفع، إنت بتكمل إنت المشاهد، فأرسلوا واردهم فأدلى دلوه فرفع دلوه وتعلق به يوسف عليه السلام حتى خرج، فقال: يا بشرى هذا غلام. دي قراءة حفص وفي قراءة كثيرة: يا بشراي، يعني يا بشراي نسب البشرى إلى نفسه، يا بشراي أو يا بشرى هذا غلام.

طب هو فرح ليه؟ لأن كان ده بيلتقط ويصبح لقيط، يصبح عبداً عنده فيبيعه، فرح زي ما يكون لقى مبلغ من المال زي لقطة، فكان أيضاً إذا وجد، ولم يصبح لقطة، قال: يا بشرى فرح هذا غلام. وأسروه بضاعة، ركزوا معي، يعني إيه وأسروه بضاعة؟ مين اللي أسر به وليه أسروه؟ من أسباب الخلاف بين المفسرين دائماً حاجة بيسموها تفسير الضمير أو عود الضمير، الضمير ده بيعود عليه. يعني وأسروه، بالواو الفاعل هنا مين هم؟ الواو، الواو، ها؟ الورد، طب ما هو واحد؟ اللي كانوا معه.

طيب، هو فيه قولين فعلاً، القول الأول: المجموعة اللي راحت أرسلوا واردهم أن دول كانوا مجموعة، سواء ثلاثة أو مجموعة يعني قليلة، وأن بقية القافلة كانت هناك بعيد، بقية القافلة وقفوا بعيد عن البئر وبعتوا مجموعة من الناس مثلاً ثلاثة، وواحد طلع، فهم الثلاثة كانوا جنب بعض، فاللي طلع قال: يا بشرى هذا غلام، بيكلم الاتنين اللي معه أو المجموعة اللي معه اللي لسه بعيد عن القافلة اللي هي بقية السيارة.

قال: يا بشرى هذا غلام، وبعدين قالوا لبعض، عايزك تكمل المشاهد، فقالوا لبعض: بس إحنا لو قلنا لبقية القافلة إن إحنا لقينا غلام هيشاركونا في إيه؟ وإحنا عايزين نبيعه ونكسب فيه من غير ما يعرفوا، فإحنا هنروح نقول لهم: هذه بضاعة أعطانا إياها أهل هذا الماء لنبيعها لهم في مصر ونرد لهم المال. وأسروه بضاعة، أي وأسروا يوسف عليه السلام وكأنه بضاعة أرسلت معهم إلى مصر. وده القول الأشهر اللي ورد عن كثير من السلف.

ده القول الأشهر اللي رجحه كتير من المفسرين ورد عن كثير من السلف، يبقى مين اللي أسره؟ الواو هنا مين؟ المجموعة التي راحت ترد الماء. أسره مين؟ مين؟ الهاء دي يوسف، أسره المجموعة التي ذهبت لورود الماء يوسف، يعني إيه أسروه بضاعة؟ يعني إيه خلوه بضاعة؟ يعني ادعوا أنه بضاعة أرسلها معه أهل هذا، فيروحوا لبقية القافلة وبقية السيارة، إذا سألوهم: من هذا؟ ده إحنا مش بتاعنا والله، يا ريت والله يبقى بتاعنا، ده الناس حوالين البيت لقيناهم باعتين بيعوه في مصر وإحنا من باب الأمانة هنبيعه ونرجعه، إحنا شغالين فيه حاجة والله، أنا والله ما طالع لي فيها حاجة خالص.

خلاص؟ ده إيه الآية القول الأول، بتتعلموا حاجات من نتعلم من أهل الشر وشوية حاجات كده، ده القول الأول، القول التاني أن لما أخرجوه

جاء إخوة يوسف مباشرة وكانوا حول البئر، يبقى تركوا المشهد الأولاني عند يعقوب ورجعوا تاني بسرعة يراقبوا ماذا سيحدث في البئر. أول لما قال: يا بشرى هذا غلام. يقول: لا، لا، لا، ده تبعنا، ده تبعنا. طب تبعكم يعني إيه؟ ده أخوكم؟ لا، مش أخونا، ده عبد آبق عندنا هنبيعه وهنخسر فيه مش مشكلة. وكانوا فيه من إزاي؟ خدوه بأي سعر، أسروه بضاعة، أي أسروه أنه أخوهم وباعوه بضاعة. يبقى على حسب القولين وشروه بثمن بخس دراهم معدودة.

مين اللي شراه بثمن بخس؟ اللي قال إن شراء بمعنى باعه، أن إخوة يوسف للوارد بثمن بخس؛ لأنه عبد آبق عنده. توهتكم أنتم كده. اللي قال إن شروه بثمن بخس دراهم معدودة، أي اشتروه دفعوا فيه، شروه بثمن بخس دفعوا فيه في الفلوس، دفعوا إخوة يوسف طلعوا قالوا لهم خدوا الفلوس دي واحنا هناخده واحتفظوا به لغاية لما راحوا عند الملك. وأول وقيل وشروه بثمن بخس، أن الوارد اللي هم المجموعة دول لما أخدوه ووصلوا مصر قالوا إنه شروه هنا بمعنى باعوه للملك بثمن بخس.

تاني توهت معلش، شروه إما بمعنى باع، وإما بمعنى اشترى؛ شروه إما بمعنى باع، وإما بمعنى اشترى. كتير من المفسرين، وخاصة المتأخرين زي ابن عاشور، شايف إن شراه في القرآن لا تأتي إلا بمعنى باع، واشترى لا تأتي إلا بمعنى اشترى الشيء. كتير من المفسرين، وخصوصاً المتقدمين، بيقولوا: الشراء تأتي بمعنى اشترى، والشراء بيجي بمعنى اشترى وباع، والشراء بيجي بمعنى اشترى وباع، وحسب السياق اللي بيحدد. ودي قاعدة في القرآن، اللي هيلتزم قاعدة التزم بها في القرآن كله؛ يعني واحد زي ابن عاشور بيقول، مع كتير مع بعض المفسرين ولا سيما المتأخرين، واحد زي ابن عاشور مع بعض المفسرين ولا سيما المتأخرين بيقول: أي شرى في القرآن هتقابلك يا بمعنى باع، وأي اشترى في القرآن يبقى بمعنى اشترى.

فعشان ابن عاشور يلتزم القاعدة بتاعته في آية البقرة: ﴿لَبِئْسَمَا اشْتَرَوْا بِهِ أَنْفُسَهُمْ﴾ [البقرة: 102]، اشتروا دي بتاعة البقرة. جماهير المفسرين قالوا اشترى هنا بمعنى باع، ابن عطية والرازي ورشيد رضا أشار للمعنى ده. لما جماهير المفسرين، يعني ما يقرب من ثمانين مفسر مثلاً، قالوا اشترى في البقرة ديت بمعنى باع، ما ينفعش يقول لا أنا هالتزم، إزاي أنا عندي اشترى في القرآن بمعنى اشترى، وشرى بمعنى باع؟ يبقى انت لو التزمت القاعدة دي، ومن الناس من يشري نفسه، يبقى يشري نفسه بمعنى إيه؟ يبيع. فليقاتل في سبيل الله، إن الذين يشرون الحياة الدنيا بالآخرة، يبقى يشرون الحياة ده معناه إيه؟ يبيع. فهو التزم قاعدة ومشي عليها وده أسد.

طيب، نيجي للي قال إن شرى بمعنى باع: وشروه بثمن بخس، يعني إيه؟ باعوه بثمن بخس. مين اللي باعه؟ يا إما إخوة يوسف باعوه للوارد، أو الوارد مع الإخوة لملك مصر. يبقى لو شرى بمعنى باع، مين اللي باع؟ إخوة يوسف باعوه للوارد، أو الوالد باعه للملك. فكلمة: ﴿وَكَانُوا فِيهِ مِنَ الزَّاهِدِينَ﴾ [يوسف: 20]، مين اللي كانوا فيه زاهدين؟ إخوة يوسف كانوا فيه من الزاهدين، والوارد لما راح مصر كان زاهد فيه، كان عايز يخلص ويبيعه بأي حاجة وخلاص. توهتكم! اللي يتوه يرجع بقى يقرأ تفاصيل، خلاص؟

اللي قال شرى بمعنى اشترى: اشترى قال إن الوارد اللي جه اشتراه من إخوة يوسف بثمن بخس، وكانوا فيه من الزاهدين، أي وكان إخوة يوسف فيه من الزاهدين. يعني الوالد لما بيقولوا إخوة يوسف قالوا له: ده تبعنا. تبعكم؟ وده إيه؟ ده عبد آبق من عندنا، تبيعه بكام؟ بأي حاجة، اللي معاك. معاك إيه؟ قال له: معي دراهم معدودة. كانت زمان يبدأوا يعدوا الدراهم لغاية لما يوصلوا لعدد معين، العدد يكبر فيبدأوا يوزنوها، فيقول لك دائماً في القرآن كلمة معدودة للقلة؛ لأن كانت الفلوس بتتوزن لما بتعدي أربعين درهم مثلاً، يعني عد واحد اتنين تلاتة لغاية ما يعد أربعين درهم، فعشان ما يتعبوش في العد بعد كده يوزنوا بقى الدراهم، غالباً من الذهب، فيوزن بالأوقية، يبدأ يقول لك وزن كذا، فوزن كذا يعني معاه فلوس كتير، دراهم يعني فلوس قليلة عشرين درهم مثلاً.

فكلمة: ﴿وَشَرَوْهُ بِثَمَنٍ بَخْسٍ دَرَاهِمَ مَعْدُودَةٍ﴾ [يوسف: 20]، بعضهم قال عشرين درهم، وبعضهم قال اثناشر درهم دينار، لأن لو كان عندك أطنان هيبقى بدراهم موزون. يقول لك المفسرين لما قالوا: ﴿أَيَّامًا مَعْدُودَاتٍ﴾ [البقرة: 184] قالوا أياماً قليلة مروا سريعا على رمضان. معايا؟ فقلت أنا عليكم النهاردة معلش.

وجاءت سيارة، فرأينا المشهد التاني، فأرسلوا واردهم فأدلى دلوه، قال: يا بشرى هذا غلام، أو يا بشراي هذا غلام. وأسروه، عرفنا مين اللي خباه، وأسروه بضاعة، برضه رشيد رضا قال معنى كريم ووافقوا عليه، ابن عاشور خالف كل اللي فاتوا دول، قال: أسروه بضاعة مش مجموعة الوارد خبوه من بقية السيارة، قال: أسروه بضاعة وهو الوارد، لكن خباه من مين؟ مش خباه من بقية السيارة؛ يعني ده مروي عن إيه؟ عن ابن عباس أن الوارد الذي جاء وجد الغلام فأخفى يوسف من بقية إيه؟ السيارة. لا، قال إن كان حوالين البئر في بعض الناس بتسكن خيم كبدوا بيسكنوا، فقال له: أنا لو أعلنت ممكن يطلع ابن فلان أو فلان وتروح هي الصفقة، فأنَا أخبيه، ولو جه أي حد من أهل اللي قابلوني وأنا ماشي، مين ده؟ قال لهم: لأ، ده عبد معنا من زمان، لأحسن جايز يطلع ابن فلان أو يطلع ابن فلان وتروح علي اللقطة ديت ويروح علي العبد وما أكسبش. ففضل مخبيه، ما يقولش لأي قبيلة يقابلها أو لأي حد يقابله أنه وُجِد، لأنه لو قال إنه وُجِد هيتاخد منه لغاية لما وصل مصر، باعه بأي سعر؛ لأنه ما كانش عارف قيمته، ﴿وَكَانُوا فِيهِ مِنَ الزَّاهِدِينَ﴾ [يوسف: 20].

وهنا بيقولوا فيه فارق ما بين زهد هذا الوارد الخاطئ في يوسف، أو زهد إخوة يوسف فيه وهو عند الله عظيم. فيه واحد أنت تزهد فيه وهو عند الله عظيم، وعند الله: ﴿رَبِّ إِنِّي وَضَعْتُهَا أُنْثَى﴾ [آل عمران: 36]، هتعمل إيه؟ فربنا قال إيه: ﴿وَاللَّهُ أَعْلَمُ بِمَا وَضَعْتَتْ﴾ [آل عمران: 36]، أنت مش عارفة قيمتها. ده جملة معترضة، وبعدين: ﴿وَلَيْسَ الذَّكَرُ كَالْأُنْثَى﴾ [آل عمران: 36]، ده كلامها في النص كده جملة معترضة: أنت لا تعلمين ما ستفعله، دي هتغير مجرى التاريخ، ترزق بعيسى من غير أب، ويتبعه النصارى، وبعدين يقولوا إن هو إله، ده اتغير مجرى التاريخ. أنت تزهد في شخص وهو عند الله عظيم، قال يا رسول الله: أَتَجِدُنِي كَأَسَدٍ؟ أنا ما أساويش حاجة، قال: «ولكنك عند الله لست بكاذب».

المهم تبقى عند ربنا إيه؟ ﴿وَكَانُوا فِيهِ مِنَ الزَّاهِدِينَ﴾ [يوسف: 20]. وقال الذي اشتراه من مصر، ده بقى اللي عنده فراسة، زي ما بيقولوا عن ابن مسعود، حسنه بعض أهل العلم: أفرس الناس ثلاثة، امرأة فرعون لما قالت على موسى وهنا الملك لما قال لمراته: أكرمي مثواه عسى أن ينفعنا أو نتخذه ولداً. التالتة كده أنا نسيت، وقع؟ لأ، مش السيدة خديجة. أيوه، جزاك الله خيراً، جزاك زوجة التي تزوجت موسى عليه السلام حينما قالت: ﴿يَا أَبَتِ اسْتَأْجِرْهُ ۖ إِنَّ خَيْرَ مَنِ اسْتَأْجَرْتَ الْقَوِيُّ الْأَمِينُ﴾ [القصص: 26]، الرجل الصالح الذي يققال إنه شعيب، قالت: يا أبت استأجر، فكان فاتحة خير لها فتزوجت من كليم الله موسى عليه السلام.

وقال الذي اشتراه من مصر لامرأته: ﴿أَكْرِمِي مَثْوَاهُ عَسَىٰ أَنْ يَنْفَعَنَا أَوْ نَتَّخِذَهُ وَلَدًا ۚ وَكَذَلِكَ مَكَّنَّا لِيُوسُفَ﴾ [يوسف: 21]. طيب خلينا نكمل دي المرة القادمة، عشان نوضح يعني إيه وكذلك مكنا ليوسف وبدايات التمكين وتكرار هذه الكلمة أيضاً في الآخر، وما معنى قوله سبحانه وتعالى: ﴿وَاللَّهُ غَالِبٌ عَلَىٰ أَمْرِهِ﴾ [يوسف: 21]. يكمل بإذن الله عز وجل المرة القادمة.

أسأل الله عز وجل أن يجعلنا وإياكم من أهل القرآن، حاولوا تعيشوا القصة بتفاصيلها، حاولوا تقرأوا فيها تفاسير، ولو حتى تفسير الشيخ السعدي، صلوا بالسورة كتير، تخرجوا بكثير من العبر والفوائد. نسأل الله عز وجل أن يجعلنا وإياكم من أهل القرآن الذين هم أهله وخاصته. وأقول قولي هذا، واستغفر الله لي ولكم. سبحانك اللهم وبحمدك، أشهَد أن لا إله إلا أنت، أستغفرك وأتوب إليك، وجزاكم الله خيراً.