دخولتسجيل الدخول

تفسير سورة يوسف (4) | الآيات (25-30) | د. أحمد عبد المنعم

أحمد عبد المنعمد. أحمد عبد المنعم
  • مدة الدرس:
  • قراءة

السلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم. نستكمل بإذن الله عز وجل وقفات مع سورة يوسف، أسأل الله عز وجل أن يتم لنا على خير وأن يتقبل منا وأن يجعلني وإياكم من أهل القرآن الذين هم أهله وخاصته.

كنا توقفنا عند قول الله سبحانه وتعالى: ﴿وَٱسْتَبَقَا ٱلْبَابَ وَقَدَّتْ قَمِيصَهُ مِن دُبُرٍ وَأَلْفَيَا سَيِّدَهَا لَدَى ٱلْبَابِ ۚ قَالَتْ مَا جَزَاءُ مَنْ أَرَادَ بِأَهْلِكَ سُوءًا إِلَّا أَن يُسْجَنَ أَوْ عَذَابٌ أَلِيمٌ﴾ [يوسف: 25].

واستبق الباب وقدت قميصه من دبر. اتكلمنا المرة الماضية بعد ما أنا قلت إن الملاحظ في قصة يوسف أن هي مشاهد متتالية وأحيانا بيكون بين المشهد والمشهد فواصل زمنية، بحيث إن أنت بتكمل أنت بقية القصة بأنك بتنتقل من مكان لمكان. وده أيضا من الحاجات اللي بتثير الذهن حتى في كتابة الرواية، أنه مش لازم يحكي كل التفاصيل أنه سافر من البلد دي للبلد دي، لا، ممكن يكون المشهد في بلدة وينتقل المشهد لبلد تاني.

فبعد ما أتكلمنا على مشهد يوسف في البئر وبعد كده يوسف وهو يباع وبعد كده يوسف عليه السلام في بداية دخوله المكان، احنا قلنا مش هنقول كلمة القصر؛ لأن الآيات لما بدأت لم تذكر من الذي اشتراه من مصر، لكن كان في إشارة بسيطة إن اللي اشتراه ده ممكن، اللي هي كلمة إيه؟ الناس اللي حضرت المرة اللي فاتت: ﴿وَقَالَ ٱلَّذِى اشْتَرَاهُ مِن مِّصْرَ لِامْرَأَتِهِ أَكْرِمِي مَثْوَاهُ﴾ [يوسف: 21]. فقلنا إذن اللي اشتراه ده واضح أنه كان ممكن، وبعد كده مشهد المراودة (راودته المرأة)، ولم ولم تذكر لنا حتى الآن القصة من الذي راودته؟ هي امرأة وراودته التي هو في بيتها، اللي هي زوجة الرجل الذي قال لها: أكرمي مثواه. وذكرنا مشهد المراودة والخلاف اللي فيه، وكيف أن الله سبحانه وتعالى من على يوسف وعصمه من ذلك وقال ربنا سبحانه وتعالى آية واضحة وصريحة: ﴿كَذَلِكَ لِنَصْرِفَ عَنْهُ السُّوءَ وَالْفَحْشَاءَ﴾ [يوسف: 24].

بعد كده: واستبق الباب. قلنا الهروب من الفتنة لابد أن الإنسان يحتاج إلى أنه ياخد قرار قوي، والآن لابد أن يقوم من الفتنة، والتأخر في أخد القرار من الفتنة بيضعف الإنسان، مش بس انك تكون في مكان فيه فتنة، حتى انك تقبل على الطاعة، التردد في الاقبال على الطاعة بيجعل الإنسان يسقط. خد بالك أن أي فترة زمنية تقعد تفكر فيها تاخد قرار الطاعة أو لأ أو تترك المعصية أو لأ، القرار ده أنت مش بتفكر فيه لوحدك، الفترة الزمنية دي بيشاركك فيها غالبا الشيطان. يعني ما تتصورش انك أنت لما بتقعد تفكر: أقوم أصلي الفجر في جماعة ولا ما أصليش؟ أحفظ قرآن ولا ما أحفظش؟ أطلب علم ولا ما أطلبش؟ أو تترك المعصية دي أو لا تترك؟ لما تقعد تفكر كده وتطيل التفكير، الشيطان يأتيك والشيطان يقعد يثبتك. زي ما النبي صلى الله عليه وسلم قال: «إن الشيطان قعد لابن آدم بطرقه كله».

فأراد أن يسلم، كل ما تحاول تعمل حاجة لحديث قال: «أراد أن يسلم وأراد أن يهاجر وأراد أن يجاهد». كل ما تحاول تعمل حاجة الشيطان يقول لك: أنت بتعمل إيه! أنت مجنون! فكر مرة واتنين وتلاتة، والشيطان يثبتك. قال صلى الله عليه وسلم: «التؤدة في كل شيء إلا في أمر الآخرة». التؤدة أنك تفكر مرة واتنين وتلاتة لما لما يكون في كل شيء إلا في أمر الآخرة؛ في أمر الآخرة لابد أن تستبق أن تسارع ليه؟ لأن العزائم تفسخ سريعا. يعني أنت ممكن تبقى عندك عزيمة النهاردة: نفسي أحفظ قرآن وتسخن، بعد كده بكرة خلاص العزيمة دي ما عدتش موجودة، راحت. فلابد أنك أنت تنطلق مباشرة.

كانت لسه خطبة النهاردة بعنوان أو يعني بتتكلم في آية: ﴿وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ﴾ [الأنفال: 24]. وكان كثير من السلف بيقول إن معناها أن العزائم قد تفسخ. يعني أنت ﴿اسْتَجِيبُوا لِلَّهِ وَلِلرَّسُولِ﴾ [الانفال: 24] يأتي بمعنى بادروا بالاستجابة؛ لأن أنت إذا لم تبادر بالاستجابة هذه العزيمة قد تفسخ ولن تجد العزيمة. يعني في ناس بتندم أن كان عندها فترة من الفترات مثلا نهممل طلب العلم أو نهممل حفظ القرآن، يقول لك: أنا نفسي أعد أسبوع في سورة البقرة. كانت بتجي له نهمة كده معينة بعد رمضان مثلا، فلا يستغلها تمر الأيام ويرجع يجاهد عشان يحفظ نص صفحة، هو فرط في هذه النعمة.

فقال ربنا سبحانه وتعالى: واستبق الباب. قوة هروب سيدنا يوسف وقوة تعلق الفتنة به. خد بالك أن أحيانا لما بتيجي تهرب من فتنة، يعني تلاقي مثلا كتير شاب مثلا قبل الالتزام -وده بيحصل كتير- يعني تلاقي مثلا إيه، آه يعرف بنات ويشيل مثلا مش ملتزمة، بيخرج معها، وبعدين قرر يلتزم. أول لما يبدأ يقرر يبعد، فجأة تلاقي البنات أقبلوا عليه إقبال عجيب جدا، هو كان موجود (يعني أنا كنت قاعد ما كنش حد بيعبره)، وتجد أن أحيانا بيتعلقوا تعلق غريب مثلا حتى أصحابه، ما كانش يعني ذو قيمة في الشلة ولا حاجة، يعني ما كانش دمه خفيف ولا حاجة، لكن لما ييجي يتوب تجد: أنت حرام، وليه بتعمل كده، وأنت مش عارف إيه؟ ويتمسكوا تمسك شديد به، فيبدأ يزن: إذا أنا طلعت مهم، يعني أنا لا، أنا أرجع تاني!

فهنا شوف تعلق الفتنة بيوسف أدى إلى قطع القميص، يعني مش مثلا هو مشي وخلاص وعرضت عنه، لأ، هو ظل، كنا بنقول شدة تعلق الفتنة أدت إلى قطع القميص، فقال ربنا سبحانه وتعالى: ﴿وَٱسْتَبَقَا ٱلْبَابَ وَقَدَّتْ قَمِيصَهُ مِن دُبُرٍ﴾ [يوسف: 25]. أول لما وصلوا عند الباب: ﴿وَأَلْفَيَا سَيِّدَهَا لَدَى ٱلْبَابِ﴾ [يوسف: 25]. وانظر هنا أيضا إلى تعبير القرآن عن الزوج: ألفيا سيدها. لم يقل زوجها، وألفيا سيدها لدى الباب. انظر إلى تعبير القرآن: سيدها لدى الباب.

بعض المفسرين حاول: هل فيه فارق من «عند الباب» أو «لدى الباب»؟ يعني هل هو كان قاعد فترة وأجد الباب مغلق فظل منتظر أمام الباب وهو في حالة من الريبة؟ كل ده زي ما بنقول إن فيه كلمات في القرآن بتعطيك أنك أنت كأنك بتشاهد المشهد، وده من إعجاز القصص القرآني أن الكلام، وذكرت ده في أول درس في سورة يوسف، كلام بالنسبة لكلام البشر لما بيجوا يستعملوا الكلام، الكلام محدود، لكن المشاهد اللي أنت بتشوفها بتكون المشاهد بتعطي معاني كتير جدا. يعني مثلا واحد بيتفرج على فيلم وواحد بيقرأ صفحة، المشهد الواحد بيعطي معاني أكثر؛ لأنه مليء بالأحداث والمشاهد والصور أكثر من صفحة. فازاي أن الانسان لذلك -ده حتى في الرواية- أن الإنسان يكون عنده ملكة أدبية أنه يعرف يصيغ في كلام قليل أحداث كثيرة، ده صعب جدا.

فمن إعجاز القرآن أن الله سبحانه وتعالى تكلم بهذا الكلام، فلما ربنا بيخبرنا بالقصص القرآني، هذا الكلام المحدود يحمل عدد لا معاني، عدد لا محدود من المعاني، عدد لا محدود. كل ما الإنسان كان بيعود القصة وبيتأمل بيجد فيها معاني عظيمة، وده سر اهتمام المفسرين باللفظة وبالحرف القرآني: ﴿وَأَلْفَيَا سَيِّدَهَا لَدَى ٱلْبَابِ﴾ [يوسف: 25]. تخيل مشهد سيدنا يوسف بيجري (مشهد الجري واضح عليه)، وقميصه اتقطع، القميص يعني فيه نزع حصل وهو صامم يكمل، وهي وراه بكامل زينتها.

وبعدين فتح الباب، قالت أول لما فتح الباب يوسف عليه السلام وجد زوجها، هي ابتدرت الكلام، مع أن المشهد مشهد مريب، سيدنا يوسف تخيل المشهد بينهج وهو واقف أكيد في قمة الغضب، وهي جاية بتجري وراه؛ لأن ربنا قال: واستبقا، هي كمان كانت بتجري وراه أن هي زي ما ذكرت المرة الماضية يبقى عندها القدرة أن هي تتمالك أعصابها وتكون مجهزة الكلام وهتقول جملة، المفسرين أبدعوا أن كل لفظة قالتها كانت بتقصد دلالة معينة. زي ما ذكرنا أن ده خلا بعض المفسرين يقول إنها كانت تعد الكلام: ماذا ساقول إذا افتضح أمره؟ ماذا ستقول إذا افتضح أمرها؟ كانت هي بتعد الكلام؛ لأن فعلا، وده بيدل على فكرة أن المرأة أيضا كما أنها سقطت في الفتنة هي امرأة حكيمة، يعني هي واضح أن هي عندها خبرة في التعامل.

وشوفي هنا قالت إيه، قالت كلمة عجيبة جدا. قالت أول بدأت الكلام، كانت ممكن تقول إيه؟ هو راودني. لا، هي قالت: ﴿مَا جَزَاءُ مَنْ أَرَادَ بِأَهْلِكَ سُوءًا إِلَّا أَن يُسْجَنَ أَوْ عَذَابٌ أَلِيمٌ﴾ [يوسف: 25]. هي بدأت بجملة الإجابة بتاعة الملك أو امرأة العزيز أنه هيقول إيه؟ هي حكمت وخدت قرار وخدت قرار بالعقوبة، وبس أنت ممكنختار: إلا أن يسجن ها، أنت براحتك بقى، شوف أنت عايز تسجنه أو تعذبه. يعني هي مش لسه بتقول له ولسه هتدافع عن نفسها أو تضع نفسها في موطن الريبة. يعني لو هي قالت: هو اللي راودني عن نفسي، قد يحدث، لأ، أنت ويحدث إيه؟ نقاش. لكن هي خدت القرار وتعاملت على أن الأمر منتهي تماما. قالت: ما جزاء من أراد بأهلك سوءا إلا أن يسجن أو عذاب أليم. ده ده مجمل الجملة.

تعالوا بقى نحلل الكلام: قالت: ﴿مَا جَزَاءُ مَنْ أَرَادَ﴾. ولم تقل: ما جزاء من فعل بأهلك سوءا؟ من إيه؟ أراد، كأنه أراد ولم يتم هذه الفعلة. هي كده بتعمل حاجتين: بتبرئ نفسها أنه حاول وأنا منعته؛ لأنها شريفة طبعا؛ يعني كأنها بتقول أن الإرادة لم تكمل؛ لأن أنا منعته من ده، وواضح أن دليل المنع عليه وانه حاول أن يراودني عن نفسي، ولكن أنا لشرفي والامتناعي قطعت قميصه حتى أنه لا يراودني عن نفسي. فكلمة أراد بتقول له أنه أراد ولكنه لم يفعل، أو قالوا الكلمة دي تخفيف حتى لا يعاقب يوسف؛ لأنها تحب يوسف، لأنه قالت له: من فعل بأهلك سوءا قد يعاقبه، وإن كان الاحتمال الأول هو الأزهر وهاقول إيه دلوقتي. يعني كلمة أراد ليه ما قالتش فعل وقالت أراد؟ إما أنها تحاول تخفيف العقوبة على يوسف عليه السلام، وده قاله بعض أهل العلم، أو أنها تريد أن تبرئ نفسها وتبين مدى شرفها أمام زوجها.

قالت: ﴿مَا جَزَاءُ مَنْ أَرَادَ بِأَهْلِكَ﴾. لم يقل بي، لم تقل بي، جزاء من أراد بأهلك. نسبت نفسها إليه؛ يعني بتستثير نخوته: ينفع كده يعمل كده في مراتك؟ يصح، وأنت وأنت العزيز وأنت عزيز مصر؟ بتستثيره. يبقى ده إذن يدل أن كلمة أراد المقصد أنها تبين شرفها، لا تريد تبرئة يوسف، وبعد كده زي ما قلت بعض أهل العلم حاول يحلل الجملة أنها كانت تريد أن تخفف العقوبة على يوسف حتى لا يعذب، لكن واضح الجملة تريد تهديد يوسف وهي عارفة إن جوزها مش هيعمل حاجة؛ يعني واضح من ده من السياق زي ما هنشوف.

ما جزاء من أراد بأهلك (لم تقل بي) سوءا. هنا قالوا جاءت نكرة، ولم تقل: ما جزاء من فعل بي الفاحشة؟ لا، سوءا. السوء جاءت بصيغة النكرة، إما تفيد أنه حاول فقط كمقدمات، زي ما ربنا قال: ﴿كَذَلِكَ لِنَصْرِفَ عَنْهُ السُّوءَ وَالْفَحْشَاءَ﴾ [يوسف: 24]، أي صرفنا عنه الزنا ومقدمات الزنا، ودي قلنا الآية دي تبرئة يوسف أنه لم يهم حتى، واللي قال بالهم، هم ممكن يكون هم الخاطر، لكنه هم بالفعل لم يفعل ذلك؛ لأن الله سبحانه وتعالى صرف عنه السوء، وسوء مقدمات الزنا، فقالت: ما جزاء من أراد بأهلك سوءا؟ يعني بتقول له: ده هو فقط حاول أن يقبلني مثلا، حاول المقدمات فقط ولكني امتنعت، أو جابتها نكرة بتفيد نوع من التعميم والغموض؛ يعني هي ما قالتلوش هو كان عايز يعمل ايه، بحيث إنه بيسموها في اللغة: يذهب بخياله كل مذهب فيزداد غيظا فينتقم من يوسف، ودي ماشية مع كلمة بأهلك.

قالت: ما جزاء من أراد بأهلك سوءا؟ وبعدين لم تترك له أخذ القرار، بل أخذت القرار: ﴿إِلَّا أَن يُسْجَنَ﴾ وبدأت بالسجن؛ لأن السجن هو ممكن لم يتسجن، ممكن تطلعه تاني، ثم ارتقت في عذاب أعلى حتى تهدد يوسف إذا راودته مرة أخرى عن نفسه: إلا أن يسجن. أو كأنها اختارت السجن أو عذاب أليم، ولم تكتفي بأي عذاب، ولم تقل: إلا أن يسجن أو إلا أن يعذب. لا، ده بتهدده، الفارق بين كلمة يعذب وبين كلمة «عذاب أليم» حد عارف؟ إيه الفرق أن هي تقول: إلا أن يسجن أو يعذب، وبين أن هي تقول: إلا أن يسجن أو عذاب أليم؟

الفارق بين يعذب وبين عذاب أليم؛ يعذب ده فعل، فممكن يضرب مرة واحدة، لكن عذاب أليم أي يظل مستمر في العذاب. فهي كأنها تقف العقوبة بين أن هو يسجن فترة زمنية معينة أو يستمر عليه العذاب، والأول تخيير، دي كأنها تريد منه شيئا آخر وكأنها ستراوده مرة أخرى عن نفسها، فهي بتهدده: إن عدت إلى مراودتك على نفسك فتستجب لي وإلا عذبت. وزي ما هنشوف بعد كده إن شاء الله بس ممكن الدرس القادم، ازاي هي بالفعل كررت هذه المراودة، وكررت هذا التهديد صراحة: ﴿إِلَّا أَن يُسْجَنَ أَوْ عَذَابٌ أَلِيمٌ﴾ [يوسف: 25].

طبعا يوسف الصديق المبرأ الشريف العفيف عليه السلام الكريم ابن الكريم ابن الكريم، هذا المشهد العجيب أنه فجأة وجد نفسه بيراود ثم استعصم وفر منها -واخد بكل أسباب العفة والتقى وفر منها- ثم وجد زوجها أمام الباب، ثم وجد هذه المكيدة المدبرة الكلام المنمق المدبر الذي يستثير نخوة الرجل، وهذا الرجل يوسف عليه السلام يرى له فضل عليه، ويوسف عليه السلام يقدم هذا الفضل. واحنا قلنا القول الأشهر في قول يوسف عليه السلام أنه ربي أحسن مثواي، القول الأشهر: ربي أي سيدي الذي أنعم علي، وإن كان في قول بس ده مش...

لله سبحانه وتعالى قال يوسف عمل ايه في الموقف ده اضطر للدفاع عن نفسه. هنا احيانا انت لازم تدافع عن نفسك احيانا واحد يقول ايه؟ ان الأولى أن انا اسكت لا.

ولا سيما الداعية لا سيما اللي بيعمل في الدين لابد أن يكون مبرأا طاهرا لازم وحتى لو اخطأ يقول انا اخطأت. قال موسى عليه السلام: ﴿فَعَلْتُهَا إِذًا وَأَنَا مِنَ الضَّالِّينَ﴾ [الشعراء: 20]. لابد أن تكون الساحة وتكون الورقة بتاعة الدعابة بيضاء نقية امام الناس. لو اخطأ يقول انا اخطأت ويعترف بخطأه لو هو متهم يدافع عن نفسه. النبي صلى الله عليه وسلم لما رآه بعض الصحابة رآه رجلان وهو مع زوجته ليلا ناداهما وقال: «هي صفية».

ده منهج حتى لا يغني فيك بالرغم هو اصلا مش متهم عليه الصلاة والسلام بل وهم لو ظنوا فيه هم يكفروا لكن النبي صلى الله عليه وسلم برأ ووضح نفسه. فمهم أن الانسان لا يضع نفسه ابدا موضع الريبة. مهم جدا هتضع نفسك موضع الريبة أنت المسؤول.

يعني هتضع نفسك في موطن ريبة أنك أنت مثلا بتتكلم مع نساء في مكان غريب في وقت غريب أنت هنا في موطن ريبة. أنت لازم تبرئ نفسك ولا سيما لو تعمل في الدعوة. أنت مثلا في محادثات معينة في جروبات مثلا على الواتس أو على الفيس مع نساء وحصل فيه نوع من التخطي للحدود أنت لازم تبرئ نفسك ولا سيما لو تعمل في الدعوة.

فهنا ويوسف عليه السلام برأ نفسه اضطر لذلك ولم يقل لها انت ولم يقل لها أنت كاذبة. زي ما الكلام ذكرناه قبل كده أن لما أراد أن ينصحها لم يهاجمها وقال لها معاذ الله إنه ربي أحسن مثواي إنه لا يفلح الظالمون. وشرحنا الثلاث جمل. هنا لم يقل لها أنت كاذبة بل أنت. قال هي صيغة الغائب حتى وكأنه لا يريد أن يواجهها. معرض عنها.

ده بيجي ضمير الغائب معناها بجوارها. قال هي راودتني عن نفسي. كلمتين بس وبين الله سبحانه وتعالى صدقه. قدر الله سبحانه وتعالى من يشهد ليوسف وهكذا الصادق يقدر الله له سبحانه وتعالى من جزاكم الله خير. يقدر الله له سبحانه وتعالى من يبين براءته. لما الانسان يكون صادق وعفيف ويتعفف وبذل الجهد للتعفف والا يسقط في السوء وفي الفاحشة. وأنظر إلى جهد يوسف عليه السلام في قوله سبحانه وتعالى فاستعصم. وأنظر إلى جهد عليه السلام واستبق الباب جهد يوسف.

لدرجة أن القميص يقطع وهو يستمر في الجري أحيانا وده بيحصل كتير للأسف أن من الأسباب سقوط الانسان في الفتنة ولا سيما فتنة النساء. أن هي تصعب عليك أنك تقول طب يعني أنا هي امرأة وأجبر بخاطرها وأني أتعامل معها بنوع من الحسنى ده بيخليك تسقط. التعامل مع النساء لابد أن يكون بحزم فارق بين التعامل بحزم وبين سوء الأدب. ما حدش قال لك أنك تتعامل مع النساء بنوع من سوء الأدب.

لكن الحزم بمعنى أن ما يحصلش تجاوزات. وزي ما ذكرت المرة الماضية كل تجاوز مع النساء صعب جدا أنك ترجع فيه صعب إياكم وكسر الحواجز إياكم وكسر الحواجز. التعامل بين الرجل والمرأة ده قصة طويلة في الاسلام فعلا ممكن تبقى محتاجة درس نشرحها ونجيب مجموعة من النصوص لأن أحيانا بيستغل نص معين في نوع من التعامل المفتوح. وأحيانا يجي واحد يجيب نص معين في التام وأن ما فيش أي تعامل. لأ وفيه تعامل. لكن التعامل على قدر وبضوابط جاء بها الاسلام. والانسان منا يعلم من نفسه امتى وهو حصل تجاوز.

يعني أحيانا يكون الموضوع كله هو فيه رقابة داخلية. أنت تعلم من نفسك أن أنت الان متعلق بهذه المرأة وأن التعلق ده فيه شهوة معينة. وأن حتى الكلام بصورة طبيعية مع هذه المرأة تحديدا بالنسبة لك أصبح محرم. أنت محتاج تبتعد خطوة. لأن أنت عارف أن الأمر هنا تحديدا بيستثير شهوتك وشهوتها. وأن الأمر يؤدي إلى نوع من الخطورة في التعامل. أنت تعلم من نفسك. فالانسان يحتاج إلى رقابة داخلية معه.

لا سيما في الأمر التعامل مع النساء زي اللي عنده فتنة في المال. خلاص ما يشتغلش في مكان إنه عنده يمسك أموال. هو يحترم ضعفه. يحترم ضعفه. يعني واحد عنده فتنة أن لما بيكون أمامه مال كثير ممكن والعياذ بالله تمتد يده ويسرق خلاص ما يشتغلش في مسألة أموال. ما يمسكش أموال خيرية. ما يتعاملش في التعامل ده. ما يلمش فلوس من الناس. حتى لو اه في منفعة وبيلم الزكاة وبيطلع الفقراء لكن هو بيسقط.

لطف الفتنة كل مرة يبتعد ما يجيش واحد يقول ايه طب يعني احنا يعني أنا أحرم العلاقة مثلا التعامل الطبيعي مع المرأة دي بسبب أن أنا عندي ضعف اقول له اه طبعا. حتى لو بيجي من وراها خير حتى لو بيجي من وراها خير حتى لو أنتم مع بعض مثلا في جمعية خيرية أو حتى لو أنتم مع بعض في مكان يؤدي إلى خير. وهي أصلا الفتنة غالبا تأتي من هنا ولا سيما الأهلي للدين.

يعني الثاني اللي مش خايف من ربنا أو بتاع بنا بنسميه مش ملتزم هو الشيطان مش محتاج يقنعه بكسر الحواجز ولا أن أنت روح قل لها هم أصلًا الدنيا مفتوحة فالشيطان بيقفز على خطة رقم أربعة على طول مش محتاج يمشي بخطة رقم واحد واثنين وثلاثة. لكن بالنسبة لأهل الدين الشيطان بيقعد يمر معه بمراحل بيقول له أنت الهدف من الكلام أن احنا نعمل حاجة للدين وأن احنا ننفع المسلمين. وبيبدأ بالفعل أن هي تكون صالحة وما فيش تعدي. لكن مع طول ممارسة والخلطة الدائمة يقع الانسان في تجاوزات تجاوز تلو تجاوز ولا ولا يوقف الانسان ولا يتراجع ولا يضع حدود حتى يسقط بعد كده في الفتنة والعياذ بالله.

قال هي راودتني عن نفسي دافع عن نفسه وشهد شاهد من أهلها برأه الله سبحانه وتعالى لصدقه ولعفته. هنا كان ممكن ربنا يقول وشهد لو هو رجل وشهد رجل من أهلها لو هو طفل على قول حديث مروة عليه الصلاة والسلام بعض أهل العلم حسنوه وهو آثار مروية عن الصحابة.

يعني بعضهم بعض أهل العلم مضاعفة أن الشاهد هنا طفل رضيع أنطقه الله طفل رضيع أنطقه الله سبحانه وتعالى. أو الشاهد رجل حكيم من أهلها سئل عن الموقف إيه اللي حصل كذا كذا كذا أو قاضي سئل عن الموقف فهو حكم بحاجة بنسميها الحكم بالقرينة. أن أنا أدرس ملابسات الموضوع اتحكى له الموضوع أن العزيز أراد أن يفتح الباب طلع سيدنا يوسف بيجري ووجد القميص مقطوع وهم الاثنين بتهموا بعض كيف نحكم فالتقط الحاكم أو القاضي أو الرجل ده مسألة قطع القميص.

فهنا ربنا قال شهد شاهد ليه؟ قال شاهد ما قالش رجل أو طفل. قالوا لأن الشهادة هنا كانت معتبرة. فاستحق أن يسمى شاهد. لأن الشهادة هنا في الموطن ده كلام.

أه مهم جدا يعني أحيانا ممكن تكون كلمتك في الشهادة تنقذ إنسان لكنك تبخل بها. فالقيام بالشهادة في هذا الموطن كان أه أمر عظيم ولا أنه كان ممكن وزي ما حصل بالفعل أنه يضر امرأة العزيز. شهد شاهد من أهلها. هي كانت بتقول له ما جزاء من أراد بأهلك سوءا. هنا طب احنا هنحب لك واحد من أهلها ويشهد اه بالحق. وشهد شاهد من أهله. أما هو طفل رضيع.

قيل إن يوسف عليه السلام في الآثار طلب طفلا رضيعا يشهد له حتى تعجبوا من ذلك ولكن الله سبحانه وتعالى أنطقه. وقيل إنه رجل حكيم كما قلت بالقرائن فقال هذا الشاهد أيا كان.

شهد شهيد من أهلها إن كان قميصه قد من قبل فصدقت وهو من الكاذبين. وإن كان قميصه قد من دبر فكذبت وهو من الصادقين.

هنا حكم بالقرينة طالما القميص مقطوع. لو هو اللي راودها عن نفسها وهي تدافع عن نفسها منطقي جدا. القميص يقطع من الأمام. هو بيفر منها. وهو لأنه وصل الباب أولا.

يبقى إذا هو اللي كان يستبق أولا وهي التي تجري وراءه. لو القميص قد من دبر يبقى هو الصادق. وبدأ الشاهد بالأمر المحتمل لصالحها وده اللي خلى بعض الناس يقول إن القوي ده كان رجل كبير يريد أن يبرئها أصلا. ما كانش عارف المشهد ما كانش عارف اللي حصل. لكن أراد أن هو يبرئها.

فبدأ بالاحتمال الأول الذي لصالحه. أو كان حكيما فبدأ بالاحتمال حتى لا يظهر الريبة أن يريد أن يبرأ يوسف بدأ بالاحتمال الذي لصالحه أولا إن كان وفي الحالتين جاب أوصافها هي بالفعل وأوصاف يوسف بالاسم. يعني في مرة قال فصدقت وبعد كده هو من الكاذبين أو فكذبت.

وكأن الخطأ اللي وقع فيه ده ده اللي قال من أهل العلم إنه أراد أن يبرئها وكأن الخطأ اللي وقع فيه الخطأ اللي وقعت فيه خطأ عابر فعل عابر صدقت أو كذبت. أما يوسف أما أن يكون من الصادقين تماما أو من الكاذبين تماما. يعني الحادثة دي أما أن تبرئ يوسف تماما ويصبح صفحات تصبح صفحته بيضاء نقية أو يصبح من الكاذبين ويطرد تماما.

بعض الناس بيحب يقف وقف كده وأن كان الأولى إنه يكمل يعني بيقول ايه؟ وإن كان قميصه قد من دبر فكذبت ويحب يقف وبعدين يقول ايه؟ وهو من الصادقين. وكأنه يشير يعني ايه؟ إلى إلى براءة يوسف.

فلما رأى قميصه هنا بيقول العلماء مين اللي رأى الفاعل رأى العزيز لان هو كان مهتم يعني كأنه هو الوحيد بالرغم أن القميص خرج أمام الناس وأمام الشاهد لو أن هو القاضي وأمام المرأة وأمام الناس لكن كأنه هو الوحيد اللي كان منتظر النتيجة كان هو الوحيد المتشوف للنتيجة. النتيجة طلعت كان هو اللي ايه متشوف في النتيجة فلما رأى أي العزيز قميصه قد من دبر. أنت أنت بقى متخيل مشهد أنه مثلا إيه هيطلع مسدس مثلا ويضربها مثلا.

أنت متصور يعني أنت قاعد إيه متخيل مشهد لو أنت دايما كأنك بتقرأ السورة لأول مرة. فلما رأى قميصه قد من دبره أنت بقى يعني هيعمل ايه؟ يعني المشهد قال إنه من كيدكن. إن كيدكن عظيم.

يعني اه طلع رجل متفتح على الآخر. اه. العلماء بيقولوا حتى لم يبدأ بمواجهتها بالخطاب. يعني أجل المواجهة يعني بعد كده قال لها استغفري. لكن ما قالهاش أنه من كيدك.

يعني حتى ما رضاش يعني لم يرد أن يواجهها بهذا الكيد وهذا المكر كأن ده الطبيعي في النساء وأنت واحدة من ضمن النساء أنه من كيدكن وضع فاهم الفارق وبين أنه من كيدك أو من كيدكن.

إن كيدكن عظيم يعني فعلا رد فعل عجيب جدا واللي يقرأ الآيات دي وتكملة الآيات يعرف أن أحيانا القصور أحيانا بعض القصور يحدث فيها أحداث أنت لا تتخيلها قطايف معينة في الشهوات أو الإسراف في الأموال وده أحيانا للأسف كان حتى بيحدث في بعض الخلفاء المسلمين للأسف.

وده اللي كان بيؤدي أحيانا لأنهيار الدول. الطرف والإسراف وكسرة الزنا. والعياذ بالله. هو ده اللي كان بيؤدي إلى سقوط دولة اسلامية معينة فتقوم دولة أخرى وتحاول تتمسك بالأحكام فتمر مرحلة الترف والبزخ زي ما حصل في نهاية الأندلس. أسأل الله عز وجل أن يردها إلينا مرة أخرى وأن يستعملنا في ردها.

بيؤدي إلى السقوط فهنا القصر واضح أن كان فيه أحداث عجيبة زي المشهد اللي هيجي ممكن المرة القادمة إن شاء الله ازاي دعت النسوة وازاي عملت المتكأ وازاي قاعدة تخرج عليهن؟ ازاي ده يحدث؟ وبعد المشهد الاول يعني فعلا أحداث غياب الغيرة وغياب النخوة يعني أشياء عجيبة تحدث في بعض أماكن الترف.

فلما رأى قميصه قد من دبر قال إنه من كيدكن إن كيدكن عظيم. يعني لدرجة أن ممكن تظن أن أنك إذا كنت عزيم ده مدح مثلا. يعني من من سياق المفروض أن كان يغضب أكثر من ذلك. وبعدين ايه يوسف هنا بغير نداء. مش يا يوسف. ايه الفرق بين يا يوسف ويوسف القرب أداة النداء تستعمل غالبا للبعيد لكن ايه كأنه قرب منه يقول له يوسف.

وقالوا هنا أن ده بالاسم مع بغير نداء يوحي بايه؟ المودة والقرب أو الاحتواء يعني قرب عليه كده يقول له يوسف أعرض عن هذا ماشي وما قالوش أعرض عن ايه.

يعني أعرض عن كلامها أعرض عن الاتهام أعرض عن الحدث أو الحديث. هل قال وأعرض عن الحدث؟ يعني القصة ولا أعرض عن الكلام عايز أقول له ايه الليلة دي كلها يعني كل ده ما حصلش يوسف أعرض عن هذا ولو أنت معتقد أن أنا مش زعلان استغفري لذنبك. أنك كنت من القضاء. اهو أنا زعقت لها اهو وهي مش هعمل كده تاني بس يوسف ايه.

ما نجيبش سيرة للموضوع ده واستعمال لفظي استغفري عارف كأنه لفظ ديني يعني بيراضي بيراضي سيدنا يوسف. يعني هو المفروض أن هو هو اللي متألم. لكن هو يوسف أعرض عن هذا وأنت ايه استغفري لذنبك أنك كنت برضو من الخاصين يعني دايما مين لما بتيجي مع جامع كأن الطبيعي أن احنا نغلط وأنت واحدة من اللي غلطوا فالحال أن أنت تعملي ايه؟ استغفري ربنا ثلاث خلاص والموضوع انتهى.

يوسف؛ طبعا ده يدل غياب الغيرة، وغياب الشهامة، وغياب الرجولة، ويبدو أن هي كانت متوقعة أن هو مش هيعمل حاجة يعني، وهي بتقول: ما جزاء من أراد بأهلك سوءا؟ وكأن الخطاب كان تهديد ليوسف أصلا، فكأن الخطاب كان تهديد ليوسف أصلا، كأنها مش بتخاطب زوجها أو بتبرئ نفسها، بتقول له: ما جزاء من أراد بأهلك سوءا إلا أن يسجن؟ كأنها بتقول له: آه، جزاء هروبك مني إما ستسجن أو ستعذب. وسأكرر ذلك لأن هي متوقعة أنها لن تعاقب.

يوسف أعرض عن هذا واستغفري لذنبك إنك كنت من الخاطئين. وقال نسوة في المدينة امرأة العزيز أول مرة أسمعها يظهر. يعني احنا لو كنت بتقرأ أنت مش عارف مين دي أصلا. مين اللي فضحها؟ فضحها النساء، يعني أنت بتقرأ أنت ما أنتش عارف من هذه المرأة وذكرنا ده المرة الماضية. وقال نسوة في المدينة، آه، شوف جمال اللغة العربية. هل كلمة في المدينة متعلقة بكلمة نسوة؟ ولا متعلقة بقال؟ وايه الفرق؟ يعني هل نسوة في المدينة؟ قلنا ذلك يعني قالوا الكلام ده. فالنسوة كلمة في المدينة بتقول أنهم من نساء المدينة، ليسوا من المسافرات أو من البدويات، لا، دول من المستقرين في المدينة. لو في المدينة متعلقة بكلمة إيه؟ نسوة. لو متعلقة بكلمة قال يبقى نسوة قلن هذا الأمر في المدينة. فالمقصود بالآية شيوع الخبر وانتشاره. يبقى في المدينة لو متعلقة بنسوة المراد أنهم من النساء العريقات في المدينة اللاتي أقمنا في المدينة من زمن، يعني من أهل مصر الأساسيين وعارفين التفاصيل، فبالتالي كل ما بيحدث أمر في القصر بيذهبوا مباشرة إيه لاستقصاء الأخبار، ده لو المقصد كلمة في المدينة المتعلقة، لو في المدينة متعلقة بإيه؟

بنسوة، لو متعلقة بقال يبقى المقصد شيوع الخبر. وده اللي اختاره أبو حيان في البحر المحيط، قال المقصد شيوع الخبر. بالرغم أن أبو حيان اختار، قال أن كلمة نسوة جمع قلة، نسوة جمع قلة، ما قالش نساء أو نسوان تأتي أحيانا للجمع الكثرة، لكن نسوة تأتي لجمع القلة. بل بعض المفسرين وكثير منهم، فالآثار أن اللي تكلم هم خمسة فقط، فقال: طب فبيسأل أبو حيان ازاي أنت اخترت أن كلمة في المدينة تفيد الشيوع والانتشار واخترت أن نسوة خمسة؟ قال: خمسة إيه يعني؟ معنى كده خمسة كفاية قوي، يعني خمس نساء وفي المواضيع دي تحديدا عندهم قدرة، أيوه، شكرا بس خلاص، عندهم قدرة أن الموضوع ينتشر في إيه؟ في القارة، مش في المدينة. هنتكلم على دلوقتي على وجود الفيسبوك يعني، إنما إيه على أيام كان كفاية أن هم يقوموا إيه؟ في المدينة.

آه، لذلك أبو حيان بيقول إيه؟ فالنساء -الحمد لله النهاردة ما فيش نساء- فالنساء هن أكثر الناس بحثا عن أسرار البيوت وأقدرهن على فتح مغاليقها وكشفها، يعني في مواضيع معينة النساء بيهتموا بها جدا، في مواضيع معينة الرجالة بيهتموا بها، ففي أخبار معينة بتنتقل في أوساط الرجال، وأخبار إيه -ما أنا لازم أقول كده عشان النساء- يعني خليني أقول حاجة عشان ما نبقاش احنا بنضرب في في الرجال وحشين برضو، آه، في اخبار بتنتقل في أوساط الرجال، وأخبار بتنتقل في أوساط النساء، لا حقيقة يعني ممكن مثلا عربية جديدة، وظيفة جديدة، عمل إيه في الشغل؟ اترقى؟ ده بيشغل الرجالة مع بعض وأن هو أحسن منه، وأن هو سبقني في الشغل، وأن هو بيقبض كام؟ ده أحيانا بيشغلهم مع بعض. النساء أحيانا بيهتموا بتفاصيل داخلية معينة، جاب لمراته إيه؟ يعني مش مش مهم قبض كم، المهم هو جاب لها إيه جديد؟ بيركزوا في تفاصيل شوية، وده معروف أن الراجل أحيانا بيهتم بالكليات والمرأة غالبا بتهتم بالتفاصيل، ولا سيما التفاصيل التي داخل البيوت، ولا سيما أن بينهم غيرة، لذلك بعض المفسرين ذكر آثار أن النسوة مش نساء اللي ساكنين في المدينة، لأ، امرأة الخباز وامرأة الساقي وامرأة يعني ناس من اللي بيعملوا في القصر، اللي بيعملوا في القصر، بعضهم قال أن النسوة هنا مش المقصد نسوة يعيشون في المدينة، لأ، ده نسوة يعيشون في القصر، ولكن نشروا الخبر في المدينة مكيدة لامرأة العزيز، كان بينهم نوع من الغيرة، وأن هي كانت بتعاملهم معاملة سيئة، يعني كانت السيدة لهن، وقال نسوة في المدينة امرأة العزيز لما حبوا يتكلموا اتكلموا بصراحة، لو كانوا قالوا اسمها ممكن يكون في واحدة بنفس الاسم في المدينة، لكن احنا قصدنا فلانة، يعني الدقة في نقل الأخبار، قال نسوة في المدينة امرأة العزيز واتهموها مباشرة، تراود ما قالوش يوسف، لأ، فتاها، يعني هم يقصدن الإهانة لها، يقصدن الفضيحة والاهانة، تراود فتاها عن نفسه.

وبعدين تحليل الخبر، مش بس الخبر بالتحليل بتاعه، قد شغفها حبä، النتيجة: أنا لنراها في ضلال مبين، يعني الخبر مش بينتشر لوحده، مش حدث بس ويسيبك أنت، لا، احنا بنجيب لك الخبر بالتحليل بتاعه وبالنتيجة بحيث أنت إيه ما تتعبش، آه، أنت يجي لك الخبر، وده خطورة خطورة نقل الأخبار والزيادة فيها، وده معروف أنك مثلا لو أنت قاعد مثلا قصة مشهورة كده أنك أنت تعمل دايرة وتقول لواحد جنبك خبر وتقول له قل للي جنبه لغاية أما يرجع لك الخبر تاني، تفاجأ أن الخبر راجع لك، آه، يعني إيه؟ آه، يعني جالك أخبار، مش خبر واحد فعلا، وقال نسوة في المدينة امرأة العزيز، تحديد مين بالضبط؟ وزي ما قلنا أول مرة هنا في السورة تعرف أن المرأة دي كانت امرأة العزيز تراود وبصيغة المضارع مش راودت، يعني كأنها إيه لسه مستمرة في ده، تراود فتاها عبدها، يعني يعني نوع من الإهانة والاحتقار، لذلك هي حבת ترد على النقطة دي، مش أنتم بتتهمنني أنني أراود فتاي؟ طب أنا هعرفكم أن أنتم هتطلبوا نفس طلبي، وده كان شيء عجيب جدا، بدل ما تدافع عن نفسها، نكون جميعا في نفس السوء فما حدش يعاير حد، ده بيحصل كتير أن أنت تعمل عينة شريف، طيب أنت إيه؟ احنا نوقعك ونبقى كلنا زي بعض، ده أمر مشهور جدا، وودوا لو تكفرون كما كفروا فتكونون سواء، ده أمر مشهور جدا أن إيه؟ أن بدل ما أنت تقعد، يعني دايما الإنسان اللي عنده عفة أو شرف بينغص على الباقين: أخرجوا آل لوط من قريتكم إنهم أناس يتطهرون، وجودهم علامة على فسادنا، تراود فتاه عن نفسه، قد شغفها حبا، شغف الوصول إلى أعماق القلب، والوصول إلى حالة من الجنون بالحب، قد شغفها حبا بصورة التأكيد بقى أن احنا خدنا قرار وواضح الأمر عليها: أنا لنراها مش لنظنها، أننا نراه، احنا شايفين الأمر ده عيانا أنها وصلت إلى مرحلة من الضلال الواضح المبين.

فإذا هنا المقصد الإهانة والتحقير، بل بعض الناس قالوا: هم قالوا كده كيدو، ده إذن كان أظن اختيار الطبري، أن قالوا: ده كيد حتى يرينا يوسف واللي كانت بتخبئ يوسف منهن، يعني هم قالوا كده عشان أن هم بيعملوا إيه؟ يستفزوه عشان يروا يوسف. شوف يعني أحيانا يا جماعة كلام النساء بيكون له أبعاد أنت عمرك ما هتتخيلها، دي حقيقة يعني هي آه هم من الذكاء، يعني من الذكاء والحكمة والفطنة أن هم يقولوا كلام أنت محتاج تكون سابق بسنين عشان تفهم الجملة دي المقصود منها إيه، ولا سيما مع بعضهن البعض، يعني ولا سيما يعني ممكن حوار يدور بين اتنين لو أنت سمعته أنت بتعتقد أن الحوار عادي جدا، بتسألها: أخبارك إيه؟ والحوار مليء بالكيد والمكر والفخ، مليء ألغام وأنت مش واخد بالك، وأنت بتتعامل بقمة السذاجة والسطحية، وده لضعف ذكائك وقلة خبرتك في الحقيقة، لكن المرأة فعلا سابقة بسنين، وقلت لك ولا سيما مع بعض، أيوه ما أنا بحاول أوزنها، ولا سيما مع بعضهن البعض، فعلا وهنا بتظهر المكيدة والمكر بيظهر غالبا بين التنافس والغيرة بين النساء وبعضهن البعض. فهنا قالوا: أنا نراها، إذا قلت لك أن بعض المفسرين -أظن إن شاء الله يكون الإمام الطبري وأراجعها- أن قال أن المقصد أن آه هذا كيد ومكر منهن ليرين يوسف، بشوف أنت أنت ممكن تستغرب، أنت معتقد أن إيه بتقرأ أن هم يا عيني زعلانين وأن هم شرفاء، ويعني أنت طيب بقى بتقرأ الكلام وبتعتقد أن إيه؟ ازاي تعمل كده؟ تفاجأ الصفحة اللي بعدها أن هم كمان إيه آه راحوا، ما عندهمش مشكلة، يعني أنتم مش كنتم زعلانين من الموقف ده؟ أنتم الان بتعملوا نفس الموقف، آه نسأل الله السلامة والعافية.

بعد كده مشهد، لذلك آه مين اللي قال أن آه لما الطبري قال: المقصد أن ده مكر مش مش كلمة شرف، قال: فلما سمعت بمكرهن، قال أن من كلمة مكرهن أنها مكر، اللي قالوه ده مجرد الكيد والمكر ليرين يوسف، فلما سمعت بمكرهن أرسلت إليهن، مشهد مختلف تماما، يبقى إذا كان مشهد المراودة، بعدين مشهد الشهادة والحكم، ده انتقال المشاهد، وبعد كده مشهد خبر بيتقل في المدينة وفي أوساط معينة ومشهد النساء بتتكلم مع بعضها البعض، ثم مشهد رجوع مرة أخرى للقصر: فلما سمعت بمكرهن أرسلت إليهن وأعتدت لهن متكئا وآتت كل واحدة منهن سكينا، ليه عملت كده؟ هذا نعرفه في الحلقة القادمة بإذن الله سبحانه وتعالى، سبحانك اللهم وبحمدك أشهد ألا إله إلا أنت أستغفرك وأتوب إليك وجزاكم الله خيرا.