تفسير سورة يوسف (8) | الآيات (54-67) | د. أحمد عبد المنعم

السلام عليكم ورحمة الله وبركاته، بسم الله والصلاة والسلام على رسول الله صلى الله عليه وسلم. نستكمل بإذن الله عز وجل وقفات مع سورة يوسف.

بس مش معهم مصاحف ليه الشباب؟ طيب كنا توقفنا عند قوله سبحانه وتعالى -ما حدش فاكر؟- طيب كنا توقفنا عند قوله سبحانه وتعالى: ﴿وَقَالَ الْمَلِكُ اِئْتُونِي بِهِ أَسْتَخْلِصْهُ لِنَفْسِي فَلَمَّا كَلَّمَهُ قَالَ إِنَّكَ الْيَوْمَ لَدَيْنَا مَكِينٌ أَمِينٌ * قَالَ اجْعَلْنِي عَلَى خَزَائِنِ الْأَرْضِ إِنِّي حَفِيظٌ عَلِيمٌ﴾ [يوسف: 54-55]. ﴿وَكَذَلِكَ مَكَّنَّا لِيُوسُفَ فِي الْأَرْضِ يَتَبَوَّأُ مِنْهَا حَيْثُ يَشَاءُ ۚ نُصِيبُ بِرَحْمَتِنَا مَنْ نَشَاءُ ۖ وَلَا نُضِيعُ أَجْرَ الْمُحْسِنِينَ * وَلَا أَجْرُ الْآخِرَةِ خَيْرٌ لِلَّذِينَ آمَنُوا وَكَانُوا يَتَّقُونَ﴾ [يوسف: 56-57].

هذه الآيات العظيمة احنا كنا تكلمنا أن وأنت تقرأ سورة يوسف دائماً تستحضر مسألة انتقال المشاهد، أن المشاهد تنتقل بصورة سريعة، وأن أسلوب القرآن كما ذكرنا يختلف عن أسلوب التوراة أو الإنجيل أو أي قصص حتى كتبها بشر يعني؛ طبعاً الإنجيل من عند الله لكن حدث تحريف فالكتب الحالية الآن لا يثق بها. فحينما تقرأ فيها وزي ما ذكرت لكم قبل ذلك أن الدكتور سامي عمير عمل خمسين مقارنة بين قصة يوسف في التوراة وقصة يوسف في القرآن.

الشاهد أن لما تيجي تقرأ قصة يوسف في القرآن تجد أن في اهتمام ببعض القضايا ومشاهد معينة فقط، بقية أحداث القصة أنت تستنتجها أو لا حاجة لنا بها. زي ما هنشوف النهارده أن في بعض الأحداث فيها خلاف، والمفسرين حاولوا يتعاملوا معها؛ هل نحاول نملى الفجوة اللي ظاهرة أمامنا ديت بأن احنا مثلاً نعود إلى الإسرائيليات ونحاول نعرف إيه اللي حصل؟ أو أن احنا نتجاوز ونقول إن القرآن طالما أغفل ذكر ما حدث، احنا أيضاً نغفل ذلك ونستفيد من اللي ذكر لنا في القصص القرآني؟ وده هدي عام في القصص القرآني، يعني لو أنت فهمته في سورة يوسف يفتح لك بإذن الله عز وجل آفاق فهم أي قصة قرآنية بإذن الله سبحانه وتعالى.

طيب احنا قلنا آخر مشهد كنا توقفنا فيه كان سيدنا يوسف فين؟ كان في السجن ولسه حتى الآن في السجن. وقال بعد كده: ﴿وَقَالَ الْمَلِكُ اِئْتُونِي بِهِ أَسْتَخْلِصْهُ لِنَفْسِي فَلَمَّا كَلَّمَهُ قَالَ إِنَّكَ الْيَوْمَ لَدَيْنَا مَكِينٌ أَمِينٌ﴾ [يوسف: 54]. يبقى وقال الملك بعدما ظهرت براءة يوسف عليه السلام قال الملك: ائتوني به أو ائتوني به أستخلصه لنفسي. المرة الأولانية قال الملك: ائتوني به بس خلاص، لما تيجي ترجع ﴿وَقَالَ الْمَلِكُ اِئْتُونِي بِهِ فَلَمَّا جَاءَهُ الرَّسُولُ﴾ [يوسف: 50]، المرة دي زاد كلمة ﴿أَسْتَخْلِصْهُ لِنَفْسِي﴾ [يوسف: 54]، لأنه خلاص هنا تيقن، أول مرة تيقن من حلمه وصبره وعدم عجلته بالخروج. ثانياً تبين براءته بعدما اعترفت امرأة العزيز على خلاف ذلك: ﴿لِيَعْلَمَ أَنِّي لَمْ أَخُنْهُ بِالْغَيْبِ﴾ [يوسف: 52]. فبعد كما ظهرت براءته وظهر حلمه وظهر علمه، ظهر علمه بالرؤيا وحلمه وعدم الخروج وعدم عجلته، كل هذا للملك قال: أستخلصه لنفسي.

ونجد زي ما ذكرت قبل ذلك أن دائماً المسؤول عن أي مسؤول عن إدارة أي مكان، ولا سيما لو ملك أو رئيس، حين بيجد أن شخص عنده موهبة معينة يريد أن تكون هذه الموهبة خالصة له، فقال: ﴿أَسْتَخْلِصْهُ لِنَفْسِي﴾ [يوسف: 54]. فالملك مش بس كان عايز يوسف يخرج من السجن، ده يريد أن يوسف يخرج من السجن ويستخلصه لنفسه، يكون كل أعمال يوسف خالصة في إدارة الملك، ولا سيما ظهر من يوسف عليه السلام الحكمة في إدارة الموقف اللي هتمر به مصر؛ أن مصر هتبقى، ومش بس مصر، كل هذه المنطقة ستمر بمجاعة سبع سنوات، ويوسف بفضل الله سبحانه وتعالى من تأويل رؤية عنده حل وهو يستطيع إدارة الموقف ده. فقال الملك: ﴿وَقَالَ الْمَلِكُ اِئْتُونِي بِهِ أَسْتَخْلِصْهُ لِنَفْسِي﴾ [يوسف: 54].

انظر كيف أن الله سبحانه وتعالى -احنا قلنا في خط كده معنا طول ما احنا ماشيين في السورة- كيف أن الله سبحانه وتعالى يدبر ليوسف؟ وكيف يلطف به؟ وأن كل حلقة من حلقات القصة لو فقدت لن يصل يوسف إلى الملك. انظر كيف أن الله سبحانه وتعالى القى هذه الكلمة على لسان الملك: ﴿وَقَالَ الْمَلِكُ اِئْتُونِي بِهِ أَسْتَخْلِصْهُ لِنَفْسِي﴾ [يوسف: 54]، وأن إزاي أن يوسف من بعد هذه الآية خلاص انتهت لحظات الضعف، وانتهت لحظات الابتلاء بالاستضعاف والابتلاء، لحظات الابتلاء انتهت وبينتقل إلى الابتلاء بالسراء بعد الابتلاء بالضراء. من هذه الآية انتقلت الآيات أن يوسف عليه السلام أصبح في عزة وذهب إلى القصر وأصبح في غنى.

فهنا من هنا في مفرق في القصة حصل أن قصة سيدنا يوسف حصل فيها نقلة تامة، يعني سيدنا يوسف الأول كان بينتقل بين البئر وبعدين القصر أو الجب وبعدين القصر وبعدين السجن، هنا بيحصل انتقال بيحصل انتقال تام في قصة حياة يوسف عليه السلام. ﴿وَقَالَ الْمَلِكُ اِئْتُونِي بِهِ أَسْتَخْلِصْهُ لِنَفْسِي﴾ [يوسف: 54] قلنا هنا ازداد كلمة لما ظهرت الأمارات أكثر من ذلك.

فلما كلمه: الفاعل هنا هل فلما كلم يوسف الملك أو لما كلم الملك يوسف أياً كان على خلافه من المفسرين، لكن الخلاف مش مثمر قوي. الشاهد أن لما حصل عارفين أشبه بأنترفيو يعني، عارف أنت أما تروح تعمل أنترفيو وتقدم السي في بتاعك وتبقى قاعد مقلق، خايف تقول كلمة تتفهم غلط وعايز تظهر إمكانياتك، فلما كلمه ظهرت إمكانية يوسف مع المواقف السابقة أن هو عنده حلم وعنده صبر وأنفة وعفة وبريء مما اتهم به؛ كل دي مواصفات جعلت أن الملك يستخلصه لنفسه، ولما تكلم معه ظهر ما عنده من مواهب.

فلما كلمه قال له بس خلاص: ﴿إِنَّكَ الْيَوْمَ لَدَيْنَا مَكِينٌ أَمِينٌ﴾ [يوسف: 54]. يبقى يا جماعة -وهنشرح ليه إن شاء الله في قول الله سبحانه وتعالى: ﴿وَكَذَلِكَ مَكَّنَّا لِيُوسُفَ﴾ [يوسف: 56]- لما تكون مقدم على وظيفة أو في لقاء مهم في حياتك اعرف أن التوفيق بيد الله سبحانه وتعالى، وأن الكلمات التي تلقى على لسانك هي من توفيق الله لك، فلا بد أن الإنسان يكون القلب معلق بالله سبحانه وتعالى. وزي ما نذكر كما قلت في قوله سبحانه وتعالى: ﴿وَكَذَلِكَ مَكَّنَّا لِيُوسُفَ﴾ [يوسف: 56].

وقال الملك: ﴿اِئْتُونِي بِهِ أَسْتَخْلِصْهُ لِنَفْسِي فَلَمَّا كَلَّمَهُ﴾ [يوسف: 54]، أما فلما كلم الملك يوسف أو فلما كلم يوسف الملك قال: ﴿إِنَّكَ الْيَوْمَ لَدَيْنَا مَكِينٌ﴾ [يوسف: 54]. قيل من فعل مكن أي أصبح متمكناً؛ أي أنت اليوم ذو مكانة تفعل ما تشاء وتختار ما تشاء من الوظائف؛ لأنك أمين، لأننا جربنا أمانتك. فأنت ذو مكانة عندنا لأنك أمين، فاختر الوظيفة التي تريد واختر المكان الذي تريد أن فيه، فأنت صاحب مكانة عندنا وأنت مستأمن، يعني لو اخترت أي وظيفة لن نجادلك فيها لأنك ذو مكانة عندنا ولأنك أمين مستأمن.

فلو اخترت حتى انك تكون وزير مالية أو تكون في أي مكان يستدعي هذه الوظيفة، تستدعي نوع من الأمانة. في وظائف تستدعي نوع من حتى لو مش فيه نوع من الأمانة، وظائف تستدعي للأمانة أكثر من العلم، عموم الوظائف تستدعي الجمع بين الاتنين؛ أن الإنسان يكون أمين ويكون قوي في هذه عنده علم. وهي دي اللي وده كان يعني الشرطين دول تقريبا هو ده العمودين اللي قام عليهما كتاب شيخ الإسلام ابن تيمية كتاب السياسة الشرعية. أن أي أن ما تحتاج عشان تقوم بهذه الوظيفة وأن لا يوسد الأمر إلى غير أهله؛ يكون الإنسان عنده علم وقوة لإدارة هذه الوظيفة وعنده أمانة.

لما واحد عايز يتعين في وظيفة معينة وعايزين نشوف عنده مؤهلات ولا لأ، مش بالنسب ومش بالقرابة ومش بالواسطة؛ أن هو يكون عنده علم، يكون عنده قدرة، ويكون عنده أمانة. بعضهم يدخل الأمانة في العلم أو بيدخل الأمانة في القوة، أياً كانت هذه الوظائف أو هذه قصدي المواصفات اللي على أساسها بيختار الإنسان.

وبهكذا تقوم الدول، لأن لو الوظائف أصبحت فيها نوع من العشوائية والعبث والواسطة تسقط الدول. لذلك قال النبي صلى الله عليه وسلم: «إذا وسد الأمر إلى غير أهله فانتظر الساعة»، لأن خلاص يحدث خراب لو كل واحد بيتولى وظيفة مش مكانه، وتلاقي واحد مثلاً خريج كلية معينة وبيشتغل في وظيفة لا تناسبه، كل حاجة مش بتقوم مقامها يعني ده بيحصل إشكال، بيحصل خلل. فلذلك قال صلى الله عليه وسلم: «إذا وصل الأمر إلى غير أهله فانتظر الساعة».

قال: ﴿إِنَّكَ الْيَوْمَ لَدَيْنَا مَكِينٌ أَمِينٌ﴾ [يوسف: 54]. قال يوسف عليه السلام -وجدهَا فرصة-: ﴿اجْعَلْنِي عَلَى خَزَائِنِ الْأَرْضِ إِنِّي حَفِيظٌ عَلِيمٌ﴾ [يوسف: 55]. لما تيجي تقرأ في التفاسير في الآية دي تجد أن المفسرين استشكلوا بعض القضايا في هذه الآية، تجد هنا أن بعض المفسرين أطنب وأطال؛ لأن حدث إشكال معين، إشكال اللي بيحدث أحياناً أن يقابلك ظاهر الآيات بيدل على شيء، واحنا ممكن يكون في شريعتنا الحالية شيء أشبه أنه يخالف ده، فلابد أن احنا نحاول الجمع؛ يعني أحياناً يحدث عند بعض الناس تعارض ظاهري بين النصوص، لكن في حقيقة الأمر ليس هناك تعارض من النصوص ولا بين النصوص والعقل، وأن هذا التعارض يكون متوهماً أو ظاهرياً.

إيه التعارض أو إيه الإشكاليات اللي واجهت العلماء في الآية دي؟ قالوا في إشكاليتين مهمين جداً. أول إشكالية: كيف يطلب يوسف عليه السلام الإمارة؟ وكيف يطلب الولاية؟ وكيف يطلب وظيفة؟ واحنا عندنا في الشرع أن احنا منهيين عن سؤال الإمارة، لا تسأل الإمارة، النبي صلى الله عليه وسلم قالها صريحة. وكان النبي صلى الله عليه وسلم يغضب من اللي يأتي ويطلب الإمارة؛ حديث مشهور مع أبي موسى الأشعري لما جاء مع بعض الأشعريين، كان معه اتنين من الأشعريين وطالبوا سألوا النبي صلى الله عليه وسلم أن يرسلوهم أمراء على اليمن. فنظر النبي صلى الله عليه وسلم إلى أبي موسى الأشعري متعجباً، يعني ازاي يطلبوا طلب زي ده؟ فقال: يا رسول الله والله ما كنت أعلم، ما كنتش أعرف أن هم يطلبوا طلب زي ده. فقال النبي صلى الله عليه وسلم: «بل اذهب أنت» وأرسل أبو موسى الأشعري مع معاذ بن جبل وقال له: «تطوعوا ولا تختلفوا».

وكثير قال لعبد الرحمن بن سمرة: ألا لا تسأل الإمارة، وأحاديث كثيرة جداً، بل حتى الصديق رضي الله عنه لما خرج في سرية، وكان النبي صلى الله عليه وسلم في بعض السرايا يحدث مؤاخاة؛ يجي مثلاً رجل من المهاجرين مع رجل من الأنصار، حديث طويل أظن في كتاب الزهد لأبي داود ولغيره أن الصديق لما خرج في سرية فكان مع أحد الأنصار فقال له الأنصاري: تعال نتناصح. فقال له الصديق: لا تأمرن على اثنين. الصديق بينصح، فتذكر ذلك الأنصاري هذه النصيحة وكان يعمل بها حتى ولي الصديق فراح له قال له: أنت بتقول لي لا تأمرن على اثنين وأنت بتمسك الخلافة! أنت تنصحني! فأخبره الصديق بما حدث وأنه لم يختر ذلك وأن هذا بقدر الله سبحانه وتعالى.

بل أصلاً الصديق اقترح في سقيفة بني ساعدة أن اللي يملك الأمر بعد النبي صلى الله عليه وسلم أو يقوم بالأمر إما عمر بن الخطاب أو أبو عبيدة بن الجراح، فقام عمر بن الخطاب وبايع الصديق رضي الله عنه. الشاهد أن احنا عندنا نهي في الشرع أن الإنسان يسعى حثيثاً ويظن في نفسه الخير ويقول: أنا أصلح له، وأن دايماً اللي بيسعى ويكون عنده نوع من الطمع يولى لها، يتركه الله سبحانه وتعالى لا يعينه الله سبحانه وتعالى. لكن الذي تأتيه الإمارة وهو في نوع من العزوف عنها يوفق ويعان.

فالعلماء هنا قالوا: إزاي طيب؟ إزاي سيدنا يوسف طلب ده؟ فقال له بصورة واضحة: ﴿اجْعَلْنِي عَلَى خَزَائِنِ الْأَرْضِ﴾ [يوسف: 55]. دي ده أول إشكال. الإشكال التاني قالوا: لو أن الملك فيه خلاف؛ هل الملك ظل كافراً أم أسلم؟ فقالوا طب لو الملك ده كافر كيف يعمل يوسف عليه السلام هذه الوظيفة عند الملك الكافر؟ دول الإشكاليتين اللي في الآية وفي إشكال تالت -مش مهم قوي، لو جت الأمور نمر عليه إن شاء الله-.

طيب بالنسبة لحل الإشكال الأول؛ العلماء قالوا: لو أن إنسان علم من نفسه أنه ذو قدرة، ذو أمانة، وذو علم، ويستطيع القيام بهذه الوظيفة، لكن لا يوجد غيره يقوم بهذه الوظيفة؛ من حقِهِ أن يسعى. حتى النقطة دي فيها خلاف بين أهل العلم؛ هل لو واحد شايف أن ما حدش يستطيع أن يقوم بالقضاء غيره وموقن بذلك؟ هنا سيدنا يوسف كان موقن بذلك؛ لأنه هو من رأى الرؤيا، ووحي من الله سبحانه وتعالى على اللي قال أن ربنا سبحانه وتعالى أوحى إليه كيف يدير الأمر، وأن كل اللي موجودين لسه ما عندهمش الإيمان، سواء كلهم كانوا لسه على الشرك أو ما عندهمش فقه الشريعة أو غير ذلك.

فهو يعلم يقيناً أنه لا يوجد في هذه البلد من سيقوم بالعدل؛ سيدنا يوسف يعلم بوحي من الله سبحانه وتعالى أن البلد وكل ما من جوار البلاد ستمر بمجاعة، وأن الوظيفة دي تحديدا لو حد مسكها يستغل المجاعة ويعطي القوت للأقارب ويعطي القوت بالواسطة، ولن يقوم بتوزيع القوت بالعدل والبلاد هتمر بمجاعة، هذه المجاعة تحتاج إلى من يقوم بحفظ وأمانة: ﴿إِنِّي حَفِيظٌ عَلِيمٌ﴾ [يوسف: 55]؛ فعنده حفظ اللي هي الأمانة وعنده علم يستطيع أنه يدير المسألة دي.

فقالوا لو حصل نفس القضية بتاعة سيدنا يوسف، أن في مكان معين أنت موقن أنه لن يقوم غيرك بهذه الوظيفة، وبفضل الله سبحانه وتعالى أنت عندك المؤهلات اللي تقوم بها، أنت تستطيع أن ترشح نفسك وتقول: أنا عندي هذه المؤهلات. لكن الغريب أن ممكن إنسان يتجرأ على فتوى ما حدش طلب رأيه أصلاً، يعني دلوقتي أنت بتيجي على الفيسبوك مثلاً أي قضية معاصرة.

وأي مسألة خلافية وقضية ممكن تكون أكثر تعقيدًا، قضايا مثلا بين الصحابة، أو قضية معاصرة تحتاج إلى فهم قواعد الشريعة وإسقاطها على الواقع المعاصر. والتاجر الكل بيساهم برأيه؛ كل واحد قاعد يقول: "بس أنا شايف كذا"، و"أنا رأيي كذا". وأنت حضرتك، رأيك هذا ما له أي قيمة على فكرة، اللي إحنا عايزينه منك أن اللي أنت شايفه ده ممكن بكل بساطة تعمله "أونلي ميم" (Only meme)، يعني لو مصمم تكتبه ممكن تكتبه على الفيسبوك، بس تعمله أنت بس اللي تشوفه، لأنه ليس ذو قيمة، أنت ما عندكش المؤهلات لذلك.

دائمًا أهل الجرأة في الدين -والقصد ليس الجرأة في نصر الدين- يأخذون الجرأة على العلم وما عنده. دائمًا ما يسقطون، تجد ناس تلمس من كلامها جرأة؛ يتكلم في الصحابة بجرأة، يتكلم عن العلماء بجرأة، يخطئ ويبدع ويفسق، وعندما تجد المؤهلات التي حصل عليها لا تجد شيئًا. من أمر عجيب أن هؤلاء الذين يتجرأون يسارعون في إجابة الفتوى، ويسارعون في إبداء الرأي.

دائمًا أهل النزر يزدادون؛ دائمًا لما تلاقي واحد سأل سؤالًا وجاوب بسرعة، ده غالبًا يا عالم جدًا وزكي جدًا، يا إما ما يعرفش حاجة. اللي بيسارع بالإجابات، أي سؤال بيتسأل بيسارع بالإجابة، يا إما هو عنده علم وزكي والأسئلة دي اتسألها كتير وعنده "اسكيمات" في دماغه يعني عارف يجاوب إزاي بسرعة، أو غالبًا -وده الأغلب على أحوالنا مع قلة طلب العلم وانشغال الناس بأمور الاقتصاد والأزمات المادية، وقلة طلب العلم والصبر عليه، وقلة العلماء مع وجود هذه الفواضح- فإنه ما فيش مجهود لطلب العلم بهذه القوة، قليلة قليلة اللي بيصدق عليهم إنه حصل هذا العلم. لكن غالبًا -إلا من رحم الله- يسارع جرأة على الدين، يتجرأ ويجيب سريعًا.

لكن عموم الناس الذين يتأنى، هذا غالبًا عنده علم. كنت أسمع محاضرة للشيخ عبد الله العجيري عن أهمية المكون الإيماني لطالب العلم، فكان يتكلم أن المكون الإيماني أحيانًا يجعل الإنسان لا يسارع بالإجابة. وكان بيذكر في المسألة المشهورة عن الإمام مالك أنه لما جاءه واحد وسأله في كم واربعين مسألة، وتقريبًا ثلثين المسائل قال فيها: "لا أعلم". فيقول لك: هل تعتقد أن الإمام مالك لما قال "لا أعلم" كان صفرًا في المسألة دي؟ ده ممكن تكون معلومات الإمام مالك في المسألة دي عشرة أضعاف اللي عندك وأنت تسارع بالإجابة وتقول أعلم! ليه؟ لأن لما أنت بتكثر معلوماتك أصلاً أنت بتتأنى، لأن بيحصل عندك نوع من التعارض، وشايف إن في دليل ودليل مقابل، وفي حديث وحديث مقابل، وطب وسند الحديث ده إيه؟ وطب مين من العلماء تكلم فيه؟ وطب توجيه هذا الحديث؟ وطب هذه اللفظة، هل هذه اللفظة تؤول أم هي ظاهرة؟ كلما ازداد علمك أصلاً كلما تتأنى، أنت بتعمل قواعد كثيرة فبتتأنى ولا تسارع بالإجابة.

الشاهد أن كثيرًا من الناس لما تقول له: يا أخي ده النبي ﷺ يقول: «لا تسألوا عن الأمارة»، أو يقول لك سيدنا يوسف قال: ﴿اجْعَلْنِي عَلَىٰ خَزَائِنِ الْأَرْضِ﴾، تقول له: يا ابني ده استثناء، العلماء بيتعاملوا مع موقف سيدنا يوسف أن هذا استثناء، لكن الأصل ألا تعجل بذلك وألا تتجرأ على ذلك. خلاص؟ يبقى ده حل الإشكال الأول في مسألة كيف طلب يوسف ذلك.

الإشكال الثاني: كيف سيدنا يوسف يعمل عند كافر في هذه الوظيفة؟ العلماء هنا أطنبوا، وصراحة الآية دي يحدث حولها سجال طويل، وخاصة في جواز الدخول في البرلمانات ومع الديمقراطية والواقع المعاصر، وهل يجوز ذلك أم لا؟ والحكم بغير ما أنزل الله. والمجيزين للدخول يستدلون بهذه الآية، والمانعين يردون عليهم. وحقيقة أرى أن الاستدلال بهذه الآية فقط على مسألة كبيرة زي هذه لا تصح، وأنا أميل لقول المانعين للاستدلال بهذه الآية. مسألة عظيمة زي دي لابد -مش بس هذه المسألة وغيرها- تجمع لها النصوص، ولا سيما هذه الآية تحديدًا فيها احتمالات كثيرة جدًا.

أولًا: مروي عن مجاهد أن الملك أسلم. ثانيًا: مسألة "شرائع من قبلنا"، هل هي شريعة لنا أم لا؟ على خلاف طويل بين أهل العلم. حتى لو قلنا شريعة من قبلنا فهي شريعة لنا، بل لم يأتِ في شرعنا ما يخالفه كما رجحه بعض أهل العلم. وأيضًا هذه المسألة تحديدًا فيها خلاف طويل، تفاصيل القضايا ما عندناهاش. حتى من أجاز واستدل بهذه الآية على الجواز، مثل ابن عطية أو القرطبي -نقلاً لابن عطية- القرطبي دائمًا ينقل عن ابن عطية وخاصة لما يقابلك مسألة عايز حكم فقهي بتروح لجامع أحكام القرآن. ومن الكتب التي اهتمت بأحكام القرآن مثل ابن العربي أو القرطبي.

القرطبي حط نقلاً عن الماوردي وغيره ثلاثة أنواع للوظائف التي تقبلها؛ مش أي وظيفة تقبلها، لكن الوظيفة التي ترى أن غيرك لن يقوم بها وأنت ستكون عادلًا، وأن الملك لو انتخبك في هذه الوظيفة ستكون قادرًا على كل ما تريده، لن تكون مجرد تابع تسمع الكلام، ولن تكون عبد مأمور تنفذ ما يقال لك. أما إذا كان وجودك زي عدمه، مجرد صورة ورقم من الأرقام الموجودة في الكراسي، وبتعمل مخالفة خمسة في المئة ما لهاش أي قيمة وأنت بس بتكمل الصورة، فأنت هنا وجودك ما لوش أي قيمة.

فالشاهد أن لو كان وجودك مؤثرًا حقيقة ويقينًا مش مجرد صورة، فقالوا هنا يوسف عليه السلام، من كلام الملك معه، أن الملك ترك له زمام الأمور مطلقًا فكان يتصرف كيف يشاء، لذلك ربنا يقول: ﴿وَكَذَٰلِكَ مَكَّنَّا لِيُوسُفَ فِي الْأَرْضِ يَتَبَوَّأُ مِنْهَا حَيْثُ يَشَاءُ﴾ [يوسف: 56]. وفي قراءة "نشاء"، يعني ما يفعله يوسف كان على مراد الله، فكان يفعل كل ما يريده يوسف وكل ما يريده الله سبحانه وتعالى.

فلما تتولى وظيفة زي دي، حتى عندما لم يكن يطبق الشريعة إلا أنه أجاز ذلك على خلاف طويل، اشترط هذا الشرط. لكن أن تجد المزاولين للولايات لا يفعلون شيئًا ويتلبسون بالمظالم أكثر مما يقومون بالعدل، ونحن نقول: إذا كانت هناك مفاسد، فهل ستدفع المفاسد أم سيؤدي ذلك لتلبس بمفاسد أعظم؟ هذا أمر عظيم. والغريب أن ربنا سبحانه وتعالى يثبتنا غريبًا حتى من الذين استفاضوا؛ هذا شيء عجيب جدًا، الذين استفاضوا في شرح الآية هذه واختاروا المنع من دخول أي مكان برلماني تشريعي وغير ذلك لأنه ليس فيه شريعة كاملة، ومنعوا بعنف وبقوة واستفاضوا في الأدلة وصفحات طويلة.

ده في القول القديم طبعا. قول الحديث دلوقتي هو أجاز، لكن العجيب لما تيجي تقرأ تفسير سورة يوسف له، تجد صفحات طويلة ورد على أي شبهة بتستدل بهذه الآية؛ ورد عنيف جداً وآراء لابن حزم ولأحمد الشيخ أحمد شاكر وللشنقيطي، واستفضى طويلاً في الرد.

احنا إن شاء الله ربنا يثبتنا نكون على القول القديم، ربنا يثبتنا يا رب جميعا يا رب. والامر يحتاج إلى دعاء لا يحتاج إلى ضحك، الأمر يحتاج إلى كثرة الدعاء والتوسل إلى الله سبحانه وتعالى أن يثبته.

الشاهد إيه؟ دي الإشكالات اللي قيلت في هذه الآية: قال اجعلني على خزائن الأرض إني حفيظ عليم. لما تيجي تقرأ الآيتين دول -الآية إيوه يا ستة وخمسين وسبعة وخمسين- دي تدلك أن ده وحي، لا يتكلم بهذا الكلام إلا الله، وأنك تعرف إيه هي مقاصد القرآن، أن تتعلق بالله.

ده مقصد من أعظم المقاصد القرآنية، أن يتعلق القلب بالله. الآيتين اللي فوق: ملك بيتكلم مع واحد مع سيدنا يوسف، شخص أشبه زي ما قلت بانترفيو بيتكلم معه. طب أنت مؤهلاتك؟ طب أنا كذا. طب أنت عايز وظيفة إيه؟ أنا عايز وظيفة كذا. خد الوظيفة.

يعني نقاش بين ملك وبين شخص على وظيفة: طب أنت مؤهلاتك؟ آه، أنت عندك مؤهلات؟ طب أنت عايز وظيفة إيه؟ أنا عايز الوظيفة دي، خد الوظيفة. ربنا بيقول لك: اللي حصل فوق ده بتقدير ربنا، مش إمكانيات، مش مواهب، ولا الملك نطق هذا إلا حينما أذن الله له، ولم يخرج يوسف من السجن إلا حينما أذن الله.

وكذلك النقْلَة تماما في الأفعال وفي الضمائر: اللي فوق دول بشر بيتكلموا، الآيتين دول من عند ربنا؛ الضمائر إلى الله سبحانه وتعالى، الفاعل هو الله سبحانه وتعالى. أن تنظر إلى الحياة بهذه النظرة، أن الذي يفعل كل شيء هو الله سبحانه وتعالى، حتى يتعلق قلبك وحده سبحانه وتعالى، مش بمؤهلاتك، مش بإمكانياتك، مش بفلان، مش بالواسطة، مش بأنك تعرف فلان.

الله يملك كل شيء، الآيتين دول فعلا دي من أهم المقاصد القرآنية: وكذلك مكنا ليوسف من العظمة. ما حدث هو بتمكين الله، مش بمؤهلات، مش بين الملك، مش أن حصلت صدفة، مش أن هي وافقت لحظة صفا عند الملك.

وكذلك مكنا ليوسف في الأرض يتبوأ منها حيث يشاء. هذا ما حدث، نصيب الإصابة الشيء الموجه. ما فيش حاجة يا جماعة بتحصل في الكون صدفة. ما فيش حاجة اسمها أصل فلان اتنسى وما خدش باله، وأن الأمور مشيت جزافا، أبدا؛ كل شيء في الكون بحكمة وبقدر.

فلان ترك ولم يخرج من السجن بقدر، وفلان خرج بقدر، واختار الله لفلان التمكين، واختار الله لفلان الاستضعاف. كل شيء بقدر؛ نصيب برحمتنا من نشاء، تقدير من ربنا سبحانه وتعالى. هذه الآية فعلا من أهم مقاصد الوحي.

وده الفارق الجوهري بين قصص القرآن وأي كتاب آخر، أن القصص القرآني لم ينشغل -يعني أصلا هذه الآيات- حدس أحداث وإزاي انتقل من السجن للملك واتكلم معه، طب تفاصيل الوظيفة، طب هيشتغل ازاي، طب شكل المكتب الجديد، كل ده مش مهم.

وحتى لما نجي نشوف إزاي القصص هنا قصة سيدنا يوسف بتتجاوز أحداث كثيرة للوصول إلى الهدف الرئيسي؛ إقامة التوحيد في قلوب العباد، ألا يكون في قلوب العباد إلا الله سبحانه وتعالى. يا جماعة ده احنا خلقنا لذلك، خلقنا لعبادته سبحانه وتعالى، ليتعلق القلب به سبحانه وتعالى، ما ينفعش ننشغل بأي شيء.

تعبيد القلب لله سبحانه ده أمر خطير جدا، أن تسيرت بين الناس وقلبك معلق به. أن تأخذ بالأسباب -يعني هنا سيدنا يوسف بعد القصة دي ربنا بيقول: وكذلك ما كان ليوسف. سيدنا يعقوب يقول لهم: ﴿لَا تَدْخُلُوا مِن بَابٍ وَاحِدٍ وَادْخُلُوا مِنْ أَبْوَابٍ مُّتَفَرِّقَةٍ﴾ [يوسف: 67]- بيقول لهم: ﴿مَا أُغْنِي عَنكُم مِّنَ اللَّهِ مِن شَيْءٍ﴾ [يوسف: 67].

القصة كلها تعليق القلب بالله. بيقول لهم: اتوني موثقا، لكن: ﴿فَاللَّهُ خَيْرٌ حَافِظًا﴾ [يوسف: 64]. القصة كلها أن يتعلق قلبك بالله، وكيف أن الله سبحانه وتعالى إذا أراد أن ينصر عبدا نصره، مهما كانت الظروف، مهما كانت العوائق، ينصره الله سبحانه وتعالى بتدبير وبلطف منه سبحانه وتعالى.

ولو اجتمع أهل الأرض على أن يضروه بشيء لن يضروه إلا بشيء قد كتبه الله عليه، ولو اجتمع أهل الأرض على أن ينفعوه بشيء لن ينفعوه إلا بشيء قد كتب الله له. رفعت الأقلام وجفت الصحف. هذه عقيدة لابد أن تحفظها: احفظ الله يحفظك.

وكذلك مكنا ليوسف في الأرض يتبوأ منها حيث يشاء وفي قراءة: يتبوأ منها حيث نشاء. أن يوسف عليه السلام وهو في قمة التمكين كان مشغولا بما يريده الله، فكان يشاء يوسف ما يشاءه الله.

هنا نقطة خطيرة جدا؛ مسألة العبودية في كل الظروف والأحوال. يوسف عليه السلام كان في قصر، وهو عند قصر العزيز كان على عبودية من الله سبحانه وتعالى. راودته المرأة فكان على عبودية من الله سبحانه وتعالى. ذهب إلى السجن فكان على عبودية من الله سبحانه وتعالى ودعا إلى الله وهو في السجن. انتقل إلى قصر الملك بصورة أعلى، كان على عبودية من الله سبحانه وتعالى.

أن تقوم بمقام العبودية مهما كانت الظروف والأحوال، مهما تقلبت بك الأحوال. إشكال أن واحد أحيانا يحسن العبودية في وقت الضراء، هو يحسن الافتقار، لكن لا يحسن الشكر إذا مكن ففجر. وفي واحد في وقت السراء هو ما يعرفش يعبد ربنا إلا في وقت السراء، يقول لك: أنا يعني إيه اتبسط كده، أنا محتاج أبقى مبسوط وعشان أعرف اطلع العبادة، محتاج أبقى إيه أبقى مروق أبقى مأنتخ كده، لكن ما تحطنيش في ظروف تضغطني، الظروف تضغطني تخليني اطلع بقى إيه كلام مش كويس.

هنا العبودية في كل الأوقات في كل الظروف. عايز أقول لك إن مثلا ربنا بيربيك أن أنت في وقت معين مطالب انك تقوم تصلي، وفي وقت معين ممنوع انك تصلي، الأوقات دي فيها كراهة في صلاة ما تصليش. وقت معين تأكل؛ حرام تصوم في العيد. وقت معين يجب عليك الصوم.

هذا التنوع حتى تتربى على العبودية مش بمزاجك. أحيانا يكون ممكن العبودية لك أنك أنت تبر والديك فتجد مشقة ومش عايز تبر والديك. واحد مثلا بيحب يطلب العلم، يقول لك: أنا بحب، انت اديني كتاب أقراة أو أذاكره، تجده في قمة السعادة، تطالبه يقوم يصلي قيام في قمة الثقل، تطالبه مثلا بخدمة الناس أو أن يسعى في خدمة أخيه أو ببر الوالدين، تجد العبادة عليه ثقيلة جدا ما يحبش بر الوالدين وعايز كتاب وعايز يدي درس وبيحب مثلا حاجات معينة فيها شهرة معينة -أو مش هنتهمه في نيته- هو نفسه تحب طاعات معينة وتبغض طاعات معينة.

قد يقبل هذا في أول الأمر، لكن لابد أن تمرن نفسك على أنك عبد، مش بتختار العبوديات اللي بتحبها؛ أنت ربنا بيطلب منك في وقت معين عبودية معينة. لذلك في ناس تحسن العبودية في وقت التمكين، ولا تحسن العبودية في وقت الاستضعاف، تجد كثير وكثير الشكوى وكثير الاعتراض ويترك الثغرة، عايز تمكين، لكن تيجي في وقت الاستضعاف مش عايز يشتغل، أو العكس، في وقت التمكين يفجر ولا يلتزم بضوابط الشريعة.

فالقضية هنا كيف أن يوسف عليه السلام كان عبدا لله في كل الظروف. فالقضية أن تعبد عقلك وأن تعبد قلبك وأن تعبد بدنك لله. زي ما قلت، في واحد مثلا يحب يقرأ في كتب معينة، تقول له: الأولى أنك تقرأ الكتب دي، يحس بنوع من التمزمق، مش عاجبه، هو هنا حتى العبادة بيدخل فيها قسط من الهوى، بيدخل فيها قسط من الهوى.

الحديث وإن كان فيه ضعف لكن معناه صحيح: «لا يؤمن أحدكم حتى يكون هواه تبعا لما جئت به». أن أنت تحاول تجاهد وتجاهد وتجاهد حتى تهوى ما يحبه الله. زي هنا سيدنا يوسف: جت يشاء ونشاء، ومن حيث وشاء، مر ليوسف وفي قراءة: نشاء الله سبحانه وتعالى، فكانت مشيئة يوسف موافقة لما يشاءه الله سبحانه وتعالى.

أن أنت تجاهد نفسك أن أنت في المطلب ده، مطلوب منك أنك أنت مثلا تقوم بخدمة الناس، انت مكسل، انت ما بتحبش تجري في خدمة الناس، أنت بتحب العبادة عايز تقعد في المسجد، لا، مطلوب منك أنك تخرج من المسجد وتكون في حاجة أخيك. أو العكس، واحد بيحب يتحرك في حاجة الناس، فيتقال له: طب الوقت وقت فرض، وقت صلاة، لابد أن تكون في المسجد، يقول لك: ما خلاص ما احنا بنعمل طاعة.

أنك أنت لذلك كان صلى الله عليه وسلم يصوم حتى يقول الناس لا يفطر، وبعدين يدرب نفسه على العكس، يفطر، تدريب للنفس أن القضية قضية عبودية. أحيانا تتعبد بالجلوس مع أولادك والجلوس مع والدك، هذه عبودية، العبوديات متنوعة. تتعبد بالضرب في الأرض لتأكل من عمل يدك، لتأكل من مباح، لتنفق على من تعول. أنت تكره ذلك، ممكن أنت مش عاجبك ده، كاره ده، لكن تفعل ذلك عبودية.

إذن القضية أن تحول حياتك عبودية لله سبحانه وتعالى. كيف أن يوسف تقلب في كل هذه الألوان وفي كل هذه الأحوال وفي كل مرة كان كمال العبودية، ده لب الدين: ﴿وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ﴾ [الذاريات: 56].

الظروف بتتغير والنوازع النفسية متنوعة؛ يعني النفس مثلا يجي واحد يطلب العلم، تجد مع كثرة القراءة وكثرة العلم يثقل على العبادة ويتكاسل عن أعمال الخير، فهنا نوازع النفس في التدريب المعين، يبدأ يقرأ في علوم معينة تجد أن هو عايز العملية العقلية تزداد عن العبادة البدنية، فالنفس تنزع للقراءة في كلام معين، يأتي الوحي يضبط له ذلك.

تجد إنسان حركي، كثرة الممارسة الحركية تجد أن بدنه بينزع في اتجاه معين وأفكاره بتنزع في اتجاه، لذلك ده قيمة الوحي، ده قيمة الارتباط بكتاب الله سبحانه وتعالى، أنك كل ما تمارس الحياة وتشتبك مع الحياة وأنت بتعمل بالنص، تنزل تمارس العبوديات نفسك فيها نوازع، نفسك أحيانا بتنزع بتميل لاتجاه معين، ترجع للوحي يضبط لك هذه النوازع.

القضايا المحورية اللي ذكرت في الوحي دي تكون محورية عندك: ﴿وَكَذَلِكَ مَكَّنَّا لِيوسف فِي الْأَرْضِ يَتَبَوَّأُ مِنْهَا حَيْثُ يَشَاءُ ۚ نُصِيبُ بِرَحْمَتِنَا مَن نَّشَاءُ ۖ وَلَا نُضِيعُ أَجْرَ الْمُحْسِنِينَ﴾ [يوسف: 56]. وهذا الأمر بأن يوسف كان من المحسنين، لأن يوسف أحسن في قصر العزيز وأحسن في السجن.

ثم: ﴿وَآتَيْنَا مُوسَى الْكِتَابَ﴾ تماما على الذي أحسن، على قول هنا أن أحسن هو يوسف عليه السلام، فحينما يكون الانسان من المحسنين هذا الاحسان لا يضيع عند الله سبحانه وتعالى، أنه من يتق ويصبر. ودي أيضا من المحاور اللي في السورة.

زي ما يجي لنا، والله القدرة لنا إتمام السورة دي من محاور السورة، أنك أنت بتمر بزروف ممكن تقعد عشر سنوات طوال؛ العشر سنوات أو العشرين سنة أنت بتتقي الله في عملك، بتتقي الله مع إخوانك، تتقي الله في المال، وتتقي الله في الكلمة التي تكلم بها، وكل ده وما بيحصلش نتيجة عملية، يعني أنت بالنسبة للإنسان انسان عادي، تأتي إما في الدنيا أو يوم القيامة كل ما فعلته واتقيت فيه الله سبحانه وتعالى تجد انك ترفع به درجات في الدنيا وفي الآخرة.

فالانسان اللي بيتقي ويحترز من الكلمة من التعامل، لا يؤذي أحد، لا يظلم أحد، ثم لا يجد مرد ذلك من شكر الناس -الناس مش مقدراه مثلا- أو لاجل ذلك من رفعة في الدنيا، فاعلم أن هذا لا يضيع أبدا عند الله سبحانه وتعالى، ﴿وَلَا نُضِيعُ أَجْرَ الْمُحْسِنِينَ﴾ [هود: 115].

طيب، واحد يقرأ الآية دي يقول: خلاص، يوسف عليه السلام مر بابتلاءات، تعرض لمسألة الشهوة وتعرض للأذى البدني وتعرض للسجن، فلما كان من المحسنين كان الجزاء أن آتاه الله الملك، خلاص أنا هعمل كده وأنتظر الآية الملك وفجأة ممكن يعمل كده ويموت في السجن، ضحك علي ولا إيه؟ يعني أنا ما أنت بتقول، أنت قلت لي إنك هتاخد ملك؟

لأ، ربنا سبحانه وتعالى قال بعدها، وده أيضا يدلك أن هذا من الوحي: ﴿وَلَأَجْرُ الْآخِرَةِ خَيْرٌ﴾ [يوسف: 57]. خير، اسم تفضيل، خير من إيه؟ خير من إيه؟ طب السياق هنا خير من إيه؟ من هذا المنصب الذي أخذه يوسف. هذا المنصب العظيم الذي أخذه يوسف يتبوأ حيث يشاء، وقال في آخر سورة الرب: ﴿قَدْ آتَيْتَنِي مِنَ الْمُلْكِ﴾ [يوسف: 101]. أجر الآخرة خير من كل هذا الملك.

نعم، ما ناله هذا الفقير، ما ناله هذا المبتلى عند الله سبحانه وتعالى في الآخرة خير منه، كل ملك الدنيا وما فيها، لكننا لا نعظم الآخرة ولكننا نستعجل، ﴿وَلَكِنَّكُمْ تَسْتَعْجِلُونَ﴾ [الأنبياء: 112]. ده الإشكال، أن احنا الآخرة مش مركزية عندنا في حياتنا، يعني الدار الآخرة مش واخدة محور هام أو رئيسي في حياته: ﴿وَبِالْآخِرَةِ هُمْ يُوقِنُونَ﴾ [البقرة: 4]. البقرة: ﴿وَبِالْآخِرَةِ هُمْ يُوقِنُونَ﴾ [النمل: 3] في لقمان، ده هو يزداد يقينا أن الشيء اليقيني الأساسي عنده هو الآخرة.

فحينما يموت مستضعفا ولا يرى نصرا، يوقن أن الله ادخر له الثواب، أي ما، كما قال صلى الله عليه وسلم في صحيح مسلم: «أيما سرية غزت خرجت للغزو فغنمت؛ حصلت الغنيمة فقد استعجلت ثلثي الأجر استعجلت»، احنا بنستعجل، عايز الثواب في الدنيا.

فربنا بيقول لك -وده كما قلت هذا اللي يقولوها إلا الله سبحانه وتعالى، هذا كلام لا يأتي إلا بوحي- بعد الكلام عن الملك وأنه وصل إلى هذه الدرجة، نقطتين: النقطة الأولى: هذا بتوفيق من الله، ثانيا: أن الآخرة خير.

يبقى أي نعمة تمر بها في حياتك: أولا هذا بتوفيق من الله، ثانيا: أنت زعلان ليه؟ أن الآخرة خير من ذلك. أين لذلك كما يروى عن النبي صلى الله عليه وسلم كان إذا رأى شيئا أعجبه قال

اللهم لا عيش إلا عيش الآخرة. أنت ماشي كده؛ عربية عجبتك معدية كده، تلقائيا يحصل عندك زي تلقائي كده تقول على طول إيه؟ اللهم لا عيش إلا العيش الآخرة. ليه؟ مركزية الآخرة في حياتك. طب ما نقول يا رب ارزقني عربية زيها وبرضو يعني إيه المشكلة يعني يا عم الشيخ؟ أنت مالك في إيه النهاردة؟ اللهم لا عيش إلا عيش، أن الآخرة تكون محورية في حياتك، مركزية في حياتك؛ يعني شوف كان إذا رأى شيئاً أعجبه قال: «اللهم لا عيش إلا العيش الآخرة». يعني القضية ربط مباشر. ﴿لَا تَمُدَّنَ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِّنْهُمْ﴾ [الحجر: 88]. ده مش حرام، القضية أن مد العين سيتبعه تطلع، سيتبعه تشوف، ثم إرادة، ثم قصد، ثم بذل مجهود، أنت هنا بتنحرف عن وجهتك الرئيسية.

راجعوا مسألة مركزية الدار الآخرة في حياتكم في قلوبكم، وأنا مخاطب بهذا أولا: مركزية الدار الآخرة. إذا رأيت نعمة عظيمة نزلت عليك أو على غيرك لا بد أن تتذكر شيئين؛ أولا: أن هذا من عند الله ﴿وَكَذَلِكَ مَكَّنَّا لِيُوسُفَ﴾ [يوسف: 56]، ﴿نُصِيبُ بِرَحْمَتِنَا مَن نَّشَاءُ﴾ [يوسف: 56]. ثانيا: ﴿وَلَأَجْرُ الْآخِرَةِ خَيْرٌ﴾ [يوسف: 57]. يبقى الآيتين دول كيف نتعامل مع أي نعمة تمر أنت بها أو ترى غيرك فيها؟ أن هذا محض فضل وتوفيق من الله، ثانيا: ها، لأجر الآخرة خير. مش هنعديها إلا لما تقولوها؛ أي نعمة تمر بها أو ترى غيرك فيها: أولا: فضل من الله سبحانه وتعالى. ولا أجر الآخرة خير. ما فيش فايدة، خايفين تطلبوا الآخرة ليه؟ خايفين ربنا يديكم الآخرة؟ ولاجر الآخرة خير، بس مش لاقي حد. ﴿لِلَّذِينَ آمَنُوا وَكَانُوا يَتَّقُونَ﴾ [يوسف: 57]، بعض العلماء قالوا إن الإيمان جاء الماضي، إنه لا بد أنه يكون ثابت، والتقوى منازل متكررة بيمر بها الإنسان.

هذا المشهد حدث في مصر بمجرد خروج يوسف عليه السلام جلس مع الملك، تفاجأ بعد كده وجاء أخوة يوسف. حتى الواو مع المد دي في فترة زمنية طويلة مرت ما بين آية ثمانية وخمسين وآية سبعة وخمسين. فترة زمنية طويلة، سنوات عدت، تولى يوسف الملك وقام بهذه الوظيفة على أحسن وجه، وادخر مدة السبع سنوات اللي كان فيها الحصاد، ادخر ما ينفع مصر وغيرها من البلاد. ثم بدأت السنوات العجاف، وبعض أهل العلم قال ثلاث سنوات عجاف من السنوات اللي فيها جدب، وبعد كل هذه السنوات بدأ الجدب والفقر يمر بكل الأنحاء اللي موجودة حول مصر ما عدا مصر. ليه؟ لأن مصر كانت واخدة احتياطاتها بسبب توفيق الله سبحانه وتعالى للرؤية التي رآها الملك، وبتأويل يوسف عليه السلام، ثم بإدارة يوسف عليه السلام الحكيمة لهذا الموقف.

فكانت مصر هي البلد الوحيدة الموجودة اللي عندها الميرة، اللي عندها الغذاء، اللي عندها الحبوب، اللي عندها الطعام. وكانت كل البلاد المجاورة تبعت حد يمتار، يحمل الطعام، يأخذ الطعام. لم يأخذ حصة من الطعام. وكان يوسف عليه السلام عدلا قسطا مقسطا، كان لا يعطي لكل واحد إلا حمل بعير. مش يجي له واحد معرفة يدينوه عشر أحمال من البعير، ويجي له واحد ما يعرفوش يقول له ما لكش. لأ، كل واحد كان يعطيه حمل بعير فقط. ليه؟ لأن زمن مجاعة، ودائما زمن المجاعة يزداد فيه الاحتياج إلى العدل، وده هنا بعض أهل العلم اللي ذكروا أن ده السبب الرئيسي اللي خلَى إن يوسف عليه السلام يطلب هذه الوظيفة، أنه بعلم من الله كان متوقع أن ده هيحدث، المجاعة تحدث فكان هو اللي أحسن واحد يقوم بهذه الوظيفة، لو تركت هذه الوظيفة لغيره ولا سيما أنه لا يكون مؤمن سيتعامل بظلم.

كل الأحداث دي تم تجاوزها، كل اللي بقوله ده تم تخاوزه، كل هذه السنوات تم تجاوزها. لأن في مقصد أساسي أو مقاصد أساسية للقصص القرآني، ليس طرد الترف. المشهد اللي تم تخاوزه ده لو اتعملت دي تمثيلية أو اتعمل فيلم دي ممكن تقعد عشر حلقات بكلام فارغ، والرواية دي ممكن تبقى مجلد ويقعد يحكي بقى في تفاصيل الملك بتاع يوسف وأزاي كان بيوزع وأزاي كان مش عارف إيه وبعدين اتجوز ومش عارف إيه، ويقعدوا يحكوا قصص. لذلك حتى الشيء العجيب أن لما تيجي تقرأ من هنا من بداية وقال الملك ائتوني به لم يعد هناك ذكر لامرأة العزيز. دائما الخيال أن إيه؟ أن البطل يجوز البطلة في الآخر. يعني دائما تجد إيه أن التفاسير أن سيدنا سليمان اتجوز بلقيس، وأن سيدنا يوسف اتجوز امرأة العزيز وانه مات، وهي مش عارف راحت، وقصص بقى وأنه راحت قالت له سبحان الذي مش عارف عمل إيه، قال لها أنت حكايات. اه، حكايات إسرائيليات، يعني بتتعمل أفلام. نجد القرآن لا يركز على هذه القضايا، ودي موجودة حتى الآن على فكرة في سفر التكوين، موجودة حتى الآن في التوراة؛ قصص كثيرة تزوجها، وأنه مش عارف وجدها بكراً، وأنها أنجبت له مش عارف مين، وأنه قصص. القرآن يتجاوز كل ذلك، في مقاصد أساسية للقصص القرآني، فلا ينبغي أن نخرج عن هذه المقاصد في قراءتنا لكتاب الله سبحانه وتعالى، سواء في قصة وفي غير ذلك، القرآن نزل هدى للمتقين، نزل لمقاصد، في ناس بتحرف القرآن عن هذه المقاصد.

وجاء بعد سنوات، جاء أخوة يوسف. ليه جاء أخوة يوسف ليه؟ عشان المجاعة أصابت الشام وبدأت المجاعة موجودة عند سيدنا يعقوب، وبدأ أهل الشام عايزين طعام، هيجيبوا طعام منين؟ هم معهم دراهم ومعهم دنانير، معهم فلوس بس ما عندهمش أكل، فيه مجاعة، الناس البلاد حوالين مصر معها فلوس بس ما معهاش طعام، مين اللي عندهم طعام؟ مصر. فكانوا بيببعتوا قوافل من كل البلاد في مصر حتى يأخذوا الطعام. وهنا بعض العلماء أشاروا إلى معنى أن يوسف كان يقف بنفسه على توزيع الطعام، لما قال: ﴿وَجَاءَ إِخْوَةُ يُوسُفَ فَدَخَلُوا عَلَيْهِ﴾ [يوسف: 58]. فقال: هو ليه دخلوا عليه؟ مش هو ملك؟ كيف؟ هو عزيز، المفروض يقعد في مكتبه، والموظف رقم عشرة تحته هو اللي يبقى مسؤول عن التوزيع. لأ، كان يقف بنفسه أول لما جُم وجُم قدرا في وقت -يعني هو كان واقف- كان يقف على توزيع الطعام بنفسه، عشان ما حدش يعطي لحد أكتر من حملين البعير، كان يقف بنفسه، فأول ما جُم عرفهم لأنه كان يقف بنفسه على توزيع الطعام.

أنظروا، بالرغم أن آتاه الملك وانه كان في منصب، وانه كان معه كثير من العمال، قال إلا أنه كان ربنا سبحانه وتعالى إيه قال عن زي يوسف وقال لفتيانه معه، عمال كتير ممكن يخلي أي صبي من البتاع هو اللي يقول له إيه: انزل اقف على توزيع الأكل وما تديش لحد. الفتى ده ممكن يجي يوم حد إيه مكرمش له عشرين دينار ولا حاجة، ولأ، يوسف عليه السلام كان يقف بنفسه على توزيع الطعام. ﴿وَجَاءَ إِخْوَةُ يُوسُفَ فَدَخَلُوا عَلَيْهِ فَعَرَفَهُمْ﴾ [يوسف: 58]. كأن يوسف عليه السلام لم ينسَ هذه الأخوة، وهم نسوا يوسف عليه السلام، لم يعدوا يفكروا فيه، ما بيقعدوش يفكروا فيه. وهنا الزمخشري أطنب في الكلام: لماذا عرفهم وهم له منكرون؟ لأنه صاحب فكر وكان مشغولا بهم، وهم رموه من ذاكرتهم ونسوه ولم يفكروا فيه، أو لأن الملك غير يوسف عليه السلام. الشاهد، فعرفهم وهم له منكرون.

ولما جهزهم بجهازهم -برضه تجد أن الأحداث متتالية- ولما جهزهم بجهازهم قال: ﴿ائْتُونِي بِأَخٍ لَكُمْ مِنْ أَبِيكُمْ﴾ [يوسف: 59]. عايزكم تقروا القرآن بتركيز ويبقى دائما عندك تساؤلات، مش لازم تجد لها إجابات، بس المهم يبقى عندك إيه ويبقى عندك أسئلة. ﴿وَجَاءَ إِخْوَةُ يُوسُفَ فَدَخَلُوا عَلَيْهِ﴾ [يوسف: 58]. هم جايين ليه؟ جايين يزوروه؟ بقالهم كتير ما شافوش بعض. إيه يا جماعة جايين إيه؟ جايين عشان يمتاروا، ياخدوا طعام لأن فيه مجاعة. طيب دخلوا عليه، ولما جهزهم بجهازهم، كده القصة ماشية ولا فيه مشكلة؟ ماشية، لأنهم جايين عشان الطعام. ولما جهزهم بجهازهم قال: ائتوني بأخ لكم من أبيكم.

العلماء هنا قالوا: لماذا طلب يوسف هذا الطلب فجأة يقول لهم: ﴿ائْتُونِي بِأَخٍ لَكُمْ مِنْ أَبِيكُمْ﴾ [يوسف: 59]؟ هذا كثير من المفسرين قال -بل جماهير المفسدين قالوا- هذا الطلب لا يكون إلا مع سابق حديث. يعني مش معقول جايين يطلبوا الطعام وما يعرفوهمش، وبعدين دخلوا وأعطى لكل واحد الحمل بتاعه، وبعدين هم ماشيين قال لهم إيه: أخوكم فين؟ يعني إيه الأخوة فين دي؟ أنت مين وكمان هاتوه، ائتوني بأخ لكم من أبيكم، وبعدين ده بيكلمهم عادي ﴿أَلَا تَرَوْنَ أَنِّي أُوفِي الْكَيْلَ وَأَنَا خَيْرُ الْمُنْزِلِينَ﴾ [يوسف: 59] وما اتخضوش من الطلب. فمعنى كده أن فيه حديث أو فيه حوار دار بينهم، الحوار مش حوار اللي هو يعني حديث ده ربنا، العلماء هنا وقفوا، منهم من حاول أن يستنتج من السياق دول قلة، ومنهم من نظر إلى الآثار المروية عن السلف التي هي من الإسرائيليات، ومنهم من قال: لا نعلم ما الذي حدث منه. توقف، احنا مش هنعرف وما نعرفش، احنا نتجاوز، وده مش غرض أصيل في القصص القرآني، احنا نتجاوز ده.

المهم أن الطلب ده دار بينهم حديث على أثره طلب هذا الطلب، وأنهم لم يحدثوا فزعا أو رعبا من هذا الطلب، أن ده كان على أثر حديث بينهم طبيعي. ده اللي توقف، اللي حاول يفهم من الآثار وقرأ الآثار المروية عن السلف هي غالبا من الإسرائيليات، اختلفوا، بعضهم قال -وده الأشهر عن السدي، وده اللي موجود في التوراة- أن يوسف عليه السلام اتهمهم قال لهم: أنتم جواسيس، أنتم عيون، أنتم جايين مصر جواسيس، خلاص، فنفوا عن أنفسهم وقالوا: والله ما جئنا إلا لنحصل على الطعام. من أنتم جواسيس؟ قالوا: والله إن لنا أبَا شيخا كبيرا وكنا اثني عشر، وقعدوا يحكي له القصة واحنا كنا اتناشر وواحد أكله ذئب، وأخونا عند الصغير، وهو بعتنا واحنا كذا وكذا. قال لهم: خلاص، أنا عايز دليل يدل أن أنتم صادقين عشان أدي لكم الطعام. قالوا: الدليل أن احنا نجيب لك أخونا، لو جبنا لك أخونا سألت، قال: خلاص، ائتوني بأخ لكم من أبيكم حتى أصدقكم.

دي الرواية اللي مروية عن السدي، ودي اختارها اللي اختار قول الإمام السدي وهي موجودة في التوراة. كثير من المفسرين رفضوا الرواية دي ليه؟ قالوا هذا لا يتماشى مع أخلاق يوسف في الكرم، أن هم رايحين، ما قالوش لسيدنا يعقوب أن هو اتهمنا، ده بالعكس جايين بيقولوا له إن سيدنا يعقوب يعني أن هم مش بيقولوا على سيدنا يوسف يعني أن هو عزيز مصر أكرمنا غاية الكرم، قالوا: ما نبغي، أي ما نريد فوق ذلك، على خلاف في معنى ما نبغي، ده المعنى الأشهر: ما نريد فوق ذلك، لقد أكرمنا غاية الكرم. فالرواية دي كانت مرفوضة. منها أن هم اللي طلبوا حمل بعير زائد، حمل بعير زائد، قال لهم: طب مش حينفع، احنا في نظام كل واحد له حمل بعير واحد، هتجيبوا أخوكم المرة الجاية وأنتم جايين أعطيكم ذلك، ولو ما جبتوش أخوكم اللي معكم ده يبقى أنتم كنتم بتكذبوا، يبقى أنتم كمان لن تكتالوا ولا هو، لو أتيتم باخيكم أنتم ستكتالون وهو معكم، خلاص؟

يبقى هم كانوا عايزين حمل بعير زائد، هو رفض، قال: ائتوني بأخ لكم من أبيكم، أنتم مش شايفين أن أنا أكرمتكم أنتم نفسكم؟ فلما هتجيبوا أخوكم أنا أكرمه وأكرمكم. وطبعا ممكن حد مش فاهم قيمة ده، حمل بعير واحد كان بيفرق، دي مجاعة، يعني هم عشرة يجوا بكل هذه المسافة، طب ما كان مع التسعة؟ ليه بعتهم كلهم؟ ليه كان كل حد في قبيلة كان بيبعت كل ما لديه من أولاد أن مجاعة، ولديهم مال لكن ليس لديهم طعام، فحمل بعير بيفرق، حمل بعير واحد زيادة بيفرق، ولذلك قالوا لسيدنا يعقوب بعد ذلك: ﴿أَرْسِلْ مَعَنَا أَخَانَا نَكْتَلْ﴾ [يوسف: 63]، أنت لو بعتوا معنا احنا هناخد كايل زيادة، احنا محتاجينه، ده أصلا يدوبك يقضينا ذلك كيل ناسيه.

الشاهد، أيا كان ما حدث، حدث بينهم حوار على أثره قال لهم يوسف: ائتوني بأخ لكم من أبيكم، ﴿أَلَا تَرَوْنَ أَنِّي أُوفِي الْكَيْلَ وَأَنَا خَيْرُ الْمُنْزِلِينَ﴾ [يوسف: 59]. وقالوا إن سيدنا يوسف مش بس كان بيعطي الكيل للناس، كان عامل مكان إقامات، خير المنزلين ده المنزل اللي بيضيف الناس، كان بيعمل مكان إقامة اللي جايين من سفر ينزلوا فيه ويضيفهم، وبعدين يعطيهم الكيل. ﴿أَلَا تَرَوْنَ أَنِّي أُوفِي الْكَيْلَ وَأَنَا خَيْرُ الْمُنْزِلِينَ * فَإِنْ لَمْ تَأْتُونِي بِهِ﴾ [يوسف: 59-60] -لو ما جبتهوش إيه المرة القادمة- ﴿فَلَا كَيْلَ لَكُمْ عِنْدِي وَلَا تَقْرَبُونِ﴾ [يوسف: 60]. يعني المرة الجاية لو ما جيتوش به: إن لم تأتوني باخ لكم من أبيكم لن أعطيكم الطعام، فلا كيل لكم عندي، أي فلا كيل لكم كلكم مش بس لأخوكم، يعني حتى لو أنتم جيتتم أنتم العشرة مش هتاخدوا حاجة، لكن لو جبتوا أخوكم هتديكم حداشر.

وقالوا الشرط ده شرطه يوسف لحيلة ليحصل على أخيه اللي هو أخيه بنيامين. طب هنا المفسرين قالوا: طب ما الطلب ده اللي طلبه سيدنا يوسف هيؤدي إلى مجيء بنيامين ثم بعد ذلك يأخذه ويؤدي إلى حزن يعقوب، لماذا فعل يوسف هذا؟ ده برضو من الإشكالات اللي موجودة في القصة، كتير من المفسرين حطوا أربع أو خمس احتمالات، ليه سيدنا يوسف عمل كده؟ خايف عليه من إيه؟ حزن يعقوب ده من الأقوال، وإن كان ده من أضعافها يعين. الشاهد بعد كتير من الأقوال قالوا: هذا بوحي من الله، وده فعلا أي تحليل عقلي للي حصل أن ليه سيدنا يوسف طب ما لو خايف عليه أن راح قال لهم.

قولوا لأبوكم أنا يوسف وتعالوا. خلصت القصة دي التي كانت لها القصة خلصت، كان ممكن ده يحصل. امتداد فترة البلاء وأن يعقوب يبتلى مرة أخرى في ابنه الآخر، هذا بقدر من الله. فأحياناً تحدث أمور قدرية على بعض عباده كما حدث مع الخضر، فهنا يوسف عليه السلام ده أمره الله سبحانه وتعالى، ده اختيار يعني يرجحه القرطبي وغيره ده بوحي من الله سبحانه وتعالى، ليفعل الله سبحانه وتعالى ما يشاء من أقدار، زي ما حصل مع الخضر كده وكذلك كذلك ليوسف، وهنيجي إن شاء الله لما تيجي لنا نشرح التفصيل؛ ما معنى كدين يا يوسف: ﴿فَإِن لَّمْ تَأْتُونِي بِهَا فَلَا كَيْلَ لَكُمْ عِندِي وَلَا تَقْرَبُونِ﴾ [البقرة: 60 - يشبهها].

خلينا نقف عند ساعة بالضبط، لما تيجي قل لها فاضل قد ايه؟ قال: ﴿فَإِن لَّمْ تَأْتُونِي بِهِ فَلَا كَيْلَ لَكُمْ عِندِي وَلَا تَقْرَبُونِ﴾ [يوسف: 60]. قالوا سنراود عنه أباه، هم عارفين أبوه هيرفض المراودة، اتكلمنا عن المراودة بالتفصيل، وراودته التي هو في بيتها، المراودة فيها أخذ وجذب وذهاب ومجيء. هم عارفين والدهم هيرفض، فقالوا احنا هنحاول، احنا هنضغط على نفسنا ونحاول، قالوا: ﴿سَنُرَاوِدُ عَنْهُ أَبَاهُ وَإِنَّا لَفَاعِلُونَ﴾ [يوسف: 61]. تأكيد اللام: إنا لفاعلون، سيدنا يوسف عايزهم يرجعوا تاني عشان ياخد أخوه.

وقال لفتيانه: اجعلوا بضاعتهم، البضاعة هنا الخلاف الطويل دي الحاجة الثمن اللي هيدفعوه وياخدوا به الطعام، سواء بقى كانت مقايضة يجيبوا حاجة أياً كانت حسية يدفعوها وياخدوا طعام أو دراهم، وكتير قال دراهم. يبقى البضاعة هنا المقصود بها الثمن اللي دفعوه عشان ياخدوا الأكل، سيدنا يوسف حط لهم الأكل وخبى الفلوس اللي دفعوها جوة الأكل، وقال لفتيانه: اجعلوا بضاعتهم في رحالهم لعلهم يعرفونها إذا انقلبوا إلى أهلهم لعلهم يرجعون.

قالوا ليه سيدنا يوسف عمل كده؟ قالوا ليظهر كرمه، أو حتى إن لو يعقوب عليه السلام والده يمر بأزمة مادية يحتاج إلى هذا المال فهذا من بر الوالدين، أنه يقوم بما أمره الله به، أن هو هيحدث البلاء في بنيامين، لكن أيضاً يقوم ما يستطيعه من بر والإكرام. أو وده الأخير المذكور هنا: ﴿لَعَلَّهُمْ يَرْجِعُونَ﴾ [يوسف: 62]. حتى إذا رأوا هذا الكرم، أعطاهم الطعام وأعطاهم المال، هذا يساعد في رجوعهم مرة أخرى، مش هيخافوا مني. يعني كان ممكن يكتفوا وسيدنا يعقوب يقول لهم لأ خلاص ما عادتوش تروحوا تاني، كفاية العشرة أحمال دول ما عادتوش تروحوا تاني، لكن حينما لقى وجد الإكرام الطعام والمال قال لهم خلاص روحوا.

هم أيضاً تحفزوا للذهاب يعني ما كانش فيه أي صورة تدل، وده اللي يدل على منع رواية السدي أنه أتهمهم بالجواسيس، لأن لو كان اتهامهم كانوا هيخافوا من الذهاب. لكن قمة الإكرام وقمة العطاء جعلتهم يذهبون مرة أخرى فوقعوا في المكايدة التي حدثت: ﴿لَعَلَّهُمْ يَرْجِعُونَ﴾. حاجة حصلت معي وأنا بأقرأ في نفككوا شوية كده وأنا بأقرأ في معنى كلمة انقلبوا في تفسير ابن عاشور، عندي طبعة سيئة جداً كده مليانة تصحيف، وده يدلك يعني في تصحيف أحياناً بيبقى فاحش. كاتب إيه؟ الانقلاب بمعنى الجوع! انقلابوا يعني جاعوا! إزاي؟ قالتها تاني، الانقلاب بمعنى الجوع ماشي هو فيه أكل في القصة وكده، بس مش ماشية يعني، أصل سبحان الله اللغة دي يا أخي حاجة عجيبة جداً، كأن القلب! فطلعت الانقلاب بمعنى إيه؟ الرجوع، يعني فيه راء بس شف راء تقع ممكن إيه فده أحياناً كنت برضه قرأت حتى خطأ وقع فيه بعض الكتاب اللي نقل من في تفسير طبعة معينة ومن الزمخشري، وقع في كتير من المعاصرين حتى الشيخ ياسر في التفسير وقع في الخطأ ده وغيره، كل المعاصرين أغلبهم اللي نقل من طبعة معينة وقع في الخطأ ده.

بيقول إن الملك كان له النسخة القديمة أهرام كثيرة فيها طعام، أهرام كثيرة فيها طعام! فحتى إيه تلاقي بعض المعاصرين معلق في الحاشية: وهذا خطأ تاريخي فالأهرام لم تكن مكان اتعمل على أنها أهرام، وصلح الخطأ، لكن الطابق اللي هي معنى أصلاً مش معروف، مش مشهور لغة اسمها أهراء، هذا ما يضعه الملوك من صحاف كبيرة للطعام، وأول ما ذكر المعنى ده الزمخشري وأخدو عنه ابن كثير دون أن ينسبه إليه، وكتب اللغة ذكرت هذا المعنى. حتى الطيب يفحاشي على الكشاف الزمخشري، قال: أنا تعجبت من اللفظة دي وأجد أن هي مكان للطعام. الشاهد أحياناً التصحيف بيعمل بعض الأخطاء اللي تخليك تنتقل من الرجوع إلى الجوع.

طيب نرجع تاني: ﴿لَعَلَّهُمْ يَرْجِعُونَ﴾ [يوسف: 62]. فلما رجعوا إلى أبيهم قالوا: ﴿يَا أَبَانَا مُنِعَ مِنَّا الْكَيْلُ﴾ [يوسف: 63]. منع منا، منع، طب هم خدوا الكيل، هم خدوا الطعام، أمَالَ يعني إيه؟ المرة القادمة، ده جمهور المفلسين في المستقبل. قول ضعيف: منع من أخينا الكيل، يعني ما رضاش هنا الحمل الزائد بتاع الخيل، لكن الراجح وده اللي عليه الجماهير أي منع منا في المستقبل، يعني ده آخر طعام هيجي لنا، والمجاعة ممكن تطول وهي فعلاً قعدت سبع سنين، هنحتاج نروح تاني فلازم يكون معنا أخونا المرة القادمة. ﴿فَأَرْسِلْ مَعَنَا أَخَانَا نَكْتَلْ﴾ [يوسف: 63] وفي قراءة: نكتل، والقراءتان ينزلان بمنزلة الآيتين، فكل قراءة تعطي معنى متكامل مع الأخرى. يعني احنا هنكتل وهو هيكتل، فإذن القراءتان تؤدي أن هم هيكتلوا وهو أيضاً سيكتال. ﴿فَأَرْسِلْ مَعَنَا أَخَانَا نَكْتَلْ وَإِنَّا لَهُ لَحَافِظُونَ﴾ [يوسف: 63]. نفس الجملة التي قالوها لأبيهم عن يوسف: ﴿وَإِنَّا لَهُ لَحَافِظُونَ﴾ [يوسف: 12].

فرد قال: ﴿هَلْ آمَنُكُمْ عَلَيْهِ إِلَّا كَمَا أَمِنتُكُمْ عَلَى أَخِيهِ مِن قَبْلُ﴾ [يوسف: 64]. هنا تعلم يعقوب من الدرس، هناك قال: ﴿إِنِّي لَيَحْزُنُئِي أَن تَذْهَبُوا بِهِ وَأَخَافُ أَيأْكُلَهُ الذِّئْبُ﴾ [يوسف: 13] الخوف والحزن وتكلمنا على مشاعر الخوف هنا انطلق مباشرة قال: ﴿فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ﴾ [يوسف: 64]. التعلق بالله سبحانه وتعالى، تعلم يعقوب الدرس وكان متعلقاً بالله سبحانه وتعالى. قال فالله خير حافظاً، فرجع الاثنان بنيامين ويوسف عليه السلام قال فالله خير حافظاً وهو أرحم الراحمين. معنا قد ايه كده يا عم الشيخ؟ معنا دقيقتين.

ولما فتحوا متاعهم أمام يعقوب عليه السلام وجدوا بضاعتهم ردت إليهم، وواضح أن هم فتحوا المتاع أمام يعقوب. قالوا: ﴿يَا أَبَانَا مَا نَبْغِي﴾ [يوسف: 65] لأن هنا لسه فيه نوع من المراودة، يعني كلمة فالله خير حافظاً، لسه سيدنا يعقوب ما وافقش، ولكنه مال إلى الموافقة، يعني لسه ما أداهمش كلمة، فحسوا أن هو محتاج كمان إيه ضغطة شوية كده ويوافق، لأنه برضه هنا طالما قال فالله خير حافظاً يبقى فيه نية أن هو يرسل معهم أخاهم.

ولما فتحوا متاعهم وجدوا بضاعتهم، بضاعتهم اللي هي إيه؟ الدراهم، الفلوس، الثمن، ردت إليهم. قالوا: ﴿يَا أَبَانَا مَا نَبْغِي هَذِهِ بِضَاعَتُنَا رُدَّتْ إِلَيْنَا﴾ [يوسف: 65]. والأشهر أن ما استفهامية، واستفهام استنكاري، هنعوز إيه أكتر من كده يعني؟ الراجل هيعمل إيه أكتر من كده؟ الراجل عداه العيب يعني هيعمل إيه أكتر من كده؟ في معنى ما نبغي ما نافية ونبغي بمعنى ظلم من البغي، أي ما بغينا عليه وما افترينا وما قلناه عنه حق أنه لكريم. لكن الأشهر ما نبغي هنعوز إيه أكتر من كده؟ هذه بضاعتنا ردت إلينا، وفي تجاوز في الكلام وحز، فإذن أرسلته معنا في المرة القادمة، وده هنا محذوف كأن ده أمر منتهي، مش عايزين يطلبوا طلب تاني كأنه بيتعاملوا مع قفزوا على أن إيه خلاص أنت مش هنقعد بقى نقول أنت موافق إن شاء الله، ونمير أهلنا ونحفظ أخانا ونزداد ونزداد كلما يعني. هم إيه قفز بيكا! عارف واحد زي ما قلت لك قبل كده إيه، بيقول لك أنت عندي خطبة الجمعة، أنت عندي الجمعة الجاية ولا اللي بعدها؟ يا عم ما أنا قلت لك أصل ده مين أصلاً؟ يعني نظام التدبيس في الكلام. فهو هنا قالوا ما نبغي هذه بضاعة ردت إلينا وخلاص هنرجع إن شاء الله وكله يبقى كويس ونمير أهلنا ونحفظ أخانا ونزداد، كيف بقى الموضوع بسيط؟ ذلك كيل يسير، أما يسير عليك أنها أيام قليلة وسيعود إليك، أو يسير بالنسبة إليك ولكننا نحتاج إليه في زمن المجاعة ذلك كيل يسير.

قال لن أرسله معكم تربية لأولاده: لن أرسله معكم حتى تؤتوني موثقاً من الله، لم يأخذ هذا الموثق في الأول، ولم يقل في أول الأمر فالله خير حافظاً، هذا تكرر في هذه المرة أن يتعلق القلب بالله، فنجح يعقوب في هذا البلاء. رجع الاثنان إليه، قال: لن أرسله معكم، ده مهم جداً انك تربي الناس على مسألة احترام المواثيق والعهود، قال: لن أرسله معكم حتى تؤتوني موثقاً، ممكن يقول إيه؟ بس ده مهم أنه يربي ذلك عند الطفل حتى وعند الشخص يعظم العهود والمواثيق.

لن أرسله معكم حتى تؤتوني موثقاً من الله: ﴿لَتَأْتُنَّنِي بِهِ إِلَّا أَن يُحَاطَ بِكُمْ﴾ [يوسف: 66]. هنا استثنى أن هم بشر قد يحدث شيء ويحاط بهم، فلما أتوه موثقهم هنا كلها معاقدة مع الله. ﴿فَلَمَّا آتَوْهُم مَّوْثِقَهُمْ قَالَ اللَّهُ عَلَى مَا نَقُولُ وَكِيلٌ﴾ [يوسف: 66]. عارفين الحديث المشهور؟ حديث أبي هريرة والمشهور في الصحيحين، الرجل الذي اقترض أراد أن يقترض ألف دينار من رجل فقال له: من كفيلك؟ قال: الله كفيلي. قال: من وكيلك؟ قال: الله وكيلي. فأعطاه الألف دينار ثم ذهب، فجاء موعد سد الدين فلم يجد سفينة، فوضع الألف في قارورة وفي خشبة وألقاها في البحر وقال: اللهم أنت كفيل، اللهم أنت وكيلي، وألقاه. ذهب الرجل ينتظر السفينة فلم يجد شيئاً، تواجد خشبة قال: آخذها أحتطب بها وأشعلها لأهله فكسرها فوجد المال، ثم جمع ألفاً أخرى وجاء إليه بعد فترة من الزمن أراد أن يعطيه فقال له: قد قضى الله عنك، ولم يخبره بما حدث، ما حدش عرف التاني. لذلك أبو هريرة كان بيقول كنا نجلس في المسجد يرتفع أصواتنا أيهما أفضل اللي قال إن كلمة الله وكيلي ولا التاني اللي كان عنده ثقة في ربنا حط الفلوس ورماها، مين الأفضل؟ فمسألة هنا لما قبل يعقوب بهذه الوكالة قال: ﴿فَلَمَّا آتَوْهُم مَّوْثِقَهُمْ قَالَ اللَّهُ عَلَى مَا نَقُولُ وَكِيلٌ﴾. قبل بذلك فحفظ الله عز وجل بنيامين وحفظ الله عز وجل يوسف.

وقال يا بني آية ستة وستين فيها تحذير وتخويف وأخذ ميثاق، آية سبعة وستين فيها حب ورعاية، هكذا الأب يجمع بين الرحمة والحزم. قال يا بني، خايف عليهم لأن أخوة يوسف هنا ممكن يزنوا: أنت مش خايف علينا؟ يعني أنت خايف على بنيامين ومش خايف علينا؟ وهنا دي نقطة مهمة أن هو في أول مرة يعقوب قال: ﴿إِنِّي لَيَحْزُنُئِي أَن تَذْهَبُوا بِهِ وَأَخَافُ أَيأْكُلَهُ الذِّئْبُ﴾، طب أنت مش خايف علينا؟ فهنا يعقوب عليه السلام احتاط في كل كلامه مع الله ومعهم، فقال لهم: أنا خايف عليكم: ﴿وَقَالَ يَا بَنِيَّ لَا تَدْخُلُوا مِن بَابٍ وَاحِدٍ وَادْخُلُوا مِنْ أَبْوَابٍ مُّتَفَرِّقَةٍ وَمَا أُغْنِي عَنكُم مِّنَ اللَّهِ مِن شَيْءٍ﴾ [يوسف: 67]. وفي نفس الوقت بيعلمهم التعلق بالله سبحانه وتعالى. ﴿وَمَا أُغْنِي عَنكُم مِّنَ اللَّهِ مِن شَيْءٍ﴾ أخذ بالأسباب وتوكل، وفي آية واحدة تحتاط وتخطط وتدبر وتأخد بكل الأسباب ثم تعلم أن كل هذه الأسباب لا تغني عنك من الله شيئاً. النبي صلى الله عليه وسلم في الهجرة ومعه الصديق، وقال أخذ بكل الأسباب، فقال له الصديق: لو نظر أحدهم تحت قدميه لرآنا، قال: ما ظنك باثنين الله ثالثهما.

النبي صلى الله عليه وسلم لما وجد المشركين في الغار عند الغار لم يفكر ما الذي حدث؟ ما السبب الذي فقد هل مثلاً بنت الصديق وهي جاية؟ هل حد بلغ عنه؟ لم ينشغل بذلك، خلاص هو أخد بكل الأسباب. وقال: ﴿لَا تَدْخُلُوا مِن بَابٍ وَاحِدٍ وَادْخُلُوا مِنْ أَبْوَابٍ مُّتَفَرِّقَةٍ﴾ أنا طولت معلش: ﴿وَمَا أُغْنِي عَنكُم مِّنَ اللَّهِ مِن شَيْءٍ إِنِ الْحُكْمُ إِلَّا لِلَّهِ﴾ [يوسف: 67]. تكررت مرتين في السورة، مرة مع الشرع ومرة مع القدر، مرة مع الشرع على لسان يوسف في السجن ومرة مع القدر على لسان يعقوب مع أولاده. فالحكم لله سبحانه وتعالى قدراً وشرعاً، يحكم في ملكه ما يشاء. قال له الخلق والأمر، يأمر في ملكه ما يشاء سبحانه وتعالى، قدراً يقدر ما يشاء ويشرع ما يشاء سبحانه وتعالى، فالقدر له والتشريع له سبحانه وتعالى: ﴿عَلَيْهِ تَوَكَّلْتُ وَعَلَيْهِ فَلْيَتَوَكَّلِ الْمُتَوَكِّلُونَ﴾ [يوسف: 67]. آيات مليئة توكل وإخبات وإنابة وافتقار إلى الله سبحانه وتعالى، فلما حقق يعقوب هذا المقام أرجع الله له سبحانه وتعالى يوسف وأرجع الله له بنيامين.

جداً أنك تراقب قلبك وتراقب توكلك في علاقتك بالله سبحانه وتعالى. ولما دخلوا يكمل بإذن الله عز وجل ما الذي حدث؟ حينما ذهبوا ودخلوا من حيث أمرهم أبوهم، لكن نلاحظ هنا عشان هنحتاجها أن يعقوب عليه السلام أظهر حبهم لهم، يعقوب عليه السلام أظهر في هذه المرة حبه لهم ورعايته لهم، لذلك موقفهم هيتغير غير موقفه مع يوسف عليه السلام. أسأل الله عز وجل أن يتقبل مني ومنكم، وأن يجعلني وإياكم أهل القرآن وكل آه ما ينفعش أن أنت تحط قاعدة وتطردها، محتاج تدرس كل موقف بحسبه. في الموقف ده أنت دورك إيه هنا؟ دورك ممثل، دورك سوري، أنت أراجوز بتمثل دور معين ما لكش أي دور إلا أنت مغير حقيقي! فممكن واحد وأنا رأيت بعض الناس حالاً يذهب للاستفتاء بعض مشايخنا أجد أنه يمنع فلان من الذهاب لهذا المنصب، ويجيز فلان الذي منع هذا، قد لا يملك الأدوات أصلاً للتغيير، هو فرحان بالمنصب وليس عنده علم أساساً، يعني يقول لك: أنا رايح عشان أطبق الشريعة! هو مش عارف هي الشريعة أصلاً هتطبق؟ هو أحياناً الإنسان يتبع هواه، فده موطن أن الإنسان يتهم فيه نفسه، إذا اتهم نفسه.

وتبين وعلى علم وعلى بصيرة فليقدم مستغفراً لله سبحانه وتعالى ويسأل الله السداد. لكن حينما يكون هذا المكان محل تهمة ومحل فساد بين من عموم من يرونه حول والكل ينصحه وهو يصر على رأيه؛ ده مقام اتهام نفسه أصلاً، ولا سيما الاقتراب من أبواب السلاطين، ده مقام اتهام نفس، ده مقام مذلة، ده مقام أصلاً مقام الإنسان يتهم فيه نفسه، ده ذئبان جاء عند الذئب الجائع الآخر الشرف. حرص على منصب معين؛ ده ذئب جائع، ده مقام شبهة، يعني ده الأصل فيه الإنسان يحترز.

لكن يكون بمفرده هو من يقرر أن أنا اللي صح وكل اللي حوالينه شايفينه غلط ومصمم، هنا فيه إشكال، ده موطن تهمة. لكن حينما يكون من حوله يدفعونه: أنت أحق بذلك، قال مثلاً لأحمد بن حنبل أو يقال للصديق: أنت أحق؛ وهذا يدفعه ويقول له: ليس هناك غيرك، وهذا استعن بالله، لكن يقول: أنا أحق، والكل من حوله يقوله: أنت لا تفعل شيئاً، أنت يلعب بك، أنت لا تقدم شيئاً للدين؛ ويصر على ذلك؛ ده موطن تهمة، ولا سيما في الاقتراب من أبواب السلاطين، نسأل الله السلامة من ذلك.

السؤال: أن إذا تعالى لكل الأسئلة المتدينين بهذا المبدأ، فمن يتسلط على رقاب الناس؟ هو أن احنا نشارك يعني في المنصة إذا كان هناك أكثر من واحد ربما يجيد هذا المنصب، لكن لكل واحد أيديولوجيته إيه ده، ده فخ ده ولا إيه؟ موجود في التنفيذ والتفكير وكل درجات الانفعال، فلماذا يمنع؟ المرة القادمة بإذن الله، سبحانك اللهم وبحمدك أشهد أن لا.