د. أحمد عبد المنعمالمجلس النهارده إن شاء الله يعني فيه إشكالية كده عايز أدردش فيها معكم. مش عارف موضوع الاشكاليات ده، بيقابلني شباب في المعرض... هو حضرتك بتاع الاشكاليات؟ أنا بتاعي أنا بتاع الاشكاليات! فالناس سابت مجالس القرآن، وسابت... يقول لي أنت بتعالج هنا. فخلاص هي لبست بقى، فإحنا نكمل الفيديو نغير.
ففيه إشكالية إحساسها بتسار الفترة دي، كنت لسه قارئ مقال مش الغرض نقدي المقال، إني مش شاغل بالي يعني، لكن الفكرة أنا شايف إنها مهمة. ودايماً سبحان الله دايمآً التوازن صعب، يعني دايمآً الإنسان يضبط نفسه أثناء رد الفعل أو أثناء أن يكون فيه أخطاء قديمة وبيحاول يراجعها بيبقى صعب. والأخطر من ده أن يكون ده في وقت حالة إهزامي نفسي. يعني إيه الكلام ده؟
كنت قابلت أخ مش عارف تعرفوه ولا لا، اسمه الأخ عبيد، المعرض اسمه عبيد الزهير وعلى تويتر يعني، عبيد الزاهري وعلى تويتر وله قناة على اليوتيوب جيدة بصراحة، بيُنشر فيها مقاطع جميلة يعني جزاهم الله خيراً، وتخصصوا في موضوع نشر المقاطع الجميلة ده. فكنت برضو بدردش معه في بعض القضايا، اتقال لي على فكرة درس لحد من المشايخ السعودية قدماء يعني مهتم بالتربية، بيتهألي كان في فكرة درس بعنوان مراجعات أم تراجعات.
فكانت الفكرة المحورية للدرس ده أن الغالب، غالب مش كل، غالب المراجعات اللي بتحدث في اوقات الهزيمة النفسية هي تراجعات مش مراجعات، وأن هو بيقول إن المراجعات أنك تراجع نفسك وتقيم نفسك ده شيء مهم. لكن إيه التراجعات؟ أنك أنت تتراجع عن قيم وعن مبادئ هي صحيحة، ده خطأ. فاللي بيحصل في اوقات الهزيمة أن الإنسان لما بيقعد عايز يراجع مثلاً فكرة التزام، قضايا كان ماشي فيها معاني معينة اتربى عليها، أحياناً بيعمل ده برد فعل عكسي، فبيَنقم على كل القديم، وبقينا بنقول، بنحمل أسباب الوقوع، أو أسباب الهزائم، أو أسباب الانتكاس، أو أيا كان المصطلحات عشان الناس يبقى عندها حساسية من مصطلحات معينة، بقينا بنرجع ده للخطاب القديم. أصل الخطاب القديم ما كانش كذا، كل حاجة. طب يعني الخطاب، أنا مش ضده طبعا، أن يحدث مراجعة ده مهم. والنقد، والنقد ولا سيما النقد من الداخل لأجل البناء، يعني لو قلنا إن النقد ده الشرط الأول، اتنين من الداخل، تلاتة يكون معه عمل، مش مجرد كلام، مش مجرد جدل. لأن الله سبحانه وتعالى إذا غضب على قوم منحهم الجدل ومنع عنهم العمل.
ففي ناس بتنقد بدون ما بتبني، آه ممكن ده يكون تخصصه، خلاص ما يوصلش النقد إلى نقد إلى هدم، أو يحيل على أو يشكر. في ناس بتشتغل بحيث إن يبقى في نوع من الحركة، ما يبقاش مجرد كلام. أحياناً بيكون ده يؤدي إلى حالة زي ما قلت منها التراجعات. لكن فكرة الإنسان يراجع نفسه، ويشوف لو في أخطاء ويتجنبها ده مهم. طب إيه بقى الفكرة اللي أنا عايز أتكلم عنها النهارده؟ بما يعني الإشكالية، ممكن نسميها لو حبينا نحط عنوان يعني يصلح كعنوان درس، يعني إيه؟ هل الشخص عادي ولا خارق؟
يعني الفكرة اللي شفتها بتنتقد، أن بقى فيه نقد يقول لك إيه: خطاب زمان كان بيطالبك أنك تكون شخص مش عادي، ولازم تكون أنت تحلم من وانت صغير انك أنت اللي تحرر الأقصى، أو والدك كان يربيك أنه كان لازم يبقى شخص ضخم، وأن الخطاب ده خطاب خاطئ، ولد أن الإنسان بيعيش أفكاره الخاصة وحياته الخاصة خلى محبط ويائس. رد الفعل: لأ، لازم تبقى مش لازم، يعني إيه أنك تكون إنسان عادي؟ وكلمة عادي دي بقت، بقيت بشوفها كتير يعني، قرأتها في بوست ولقيته مش فاكر حتى مين اللي كتبه يعني. بس فجأة لقيت بوست انتشر بصورة عجيبة جداً، يعني عارف كده لما تحس أن فجأة في كل حتة، ويجيلك على الواتس ويجيلك في... إيه يا جماعة؟
فكرة البوست كلها أن إيه؟ أن عيش عادي، أنك أنت عادي، اتجوز وخلف واشتغل، وأن الخطاب القديم ده خطاب بائس محبط ورا. وحتى لسه بقول لكم قارئ مقال، أنا مش غرضي نقد المقال تحديدا، بس قرأته وانا الفكرة شاغلاني، نشرته ميدان كات برضو بتتكلم كده. بس الفكرة الجديدة في المقال أو يعني دعمت الفكرة نفسها، أن انت تكون شخص عادي، يعني بمقابلات مع ناس سواء انقلبوا أو لسه، أو برضو بينقموا على فكرة أن هي لما كانت كاخت لابسة خمار أو اتربت على معنى كبير كانت حاسة أن هي مش عايشة نفسها، لما لبست الطرحة اللف العادية وعاشت وسط الناس بدأت تكتشف نفسها. وأن أبوه رباه أن هو محرر المسجد الأقصى ده كان فوق طاقته، وكان عامل له ضغط نفسي، فلما تخلص من الحلم ده قال: ضاغط على نفسي، بدأ يكتشف نفسه.
لذلك أنا برضو المقال حاسس أن فيه حاجة ناقصة توازن، يعني أنا برضو قلت لكم أنا مش غرضي نقد المقال بس لما قريته أنا مش مبسوط، يعني بحاول المس أو امسك إيه اللي مزعلني. فانا قلت أدردش معكم في الفكرة دي: عادي ولا خارق؟ يعني إيه الصح الصح؟ خطاب كن عادياً ولا كن خارقاً؟ يعني إيه اللي هم بيقال، بلاش بيدعوا، دي بيقال أن خطاب زمان أو جزء من خطاب زمان -عرضه برضو يبقى فيه احترازات- كان عبارة عن كن خارقاً، ما ينفعش تبقى شخص عادي، لازم تكون بطل، لازم، وهذا الخطاب اللي ايه اللي ممكن يكون عند بعض الناس ولد رد فعل عكسي، لكن عند بعض الناس عملوا نوع من الدفع والانطلاق.
طيب الخطاب الآخر يقول: كن عادياً، بلاش تحمل نفسك، أنت شخص عادي، وبلاش تعمل انعزال شعوري عن المجتمع، أنت مش أحسن منهم. ودي نقطة مهمة قوي لما اتناقشت مع أحد المتبنين الخطاب الآخر بتاع يعني ممكن نسميه الخطاب العادي، بيقول لي: ما هو الخطاب التاني بتاع الخارق والبطل ده ولد إحساس عند الأشخاص الملتزمين أنه فوق المجتمع وأنه احسن منهم، وصنع نوع من بتاع عبير بيسموه الأخوات الضيقة، وانعزل عن المجتمع، وشايف نفسه احسن منهم.
دي برضو نقطة، أنا شايف أن ده ملف تاني أصلاً، ملف فكرة أن انت أصلاً أحياناً بتضطر فعلا أن يبقى لك أصدقاء آخر، ما انت شلتك القديمة بايظة، لما أرجع أخرج مع شريطة قديمة أنت كده بتطالبني بالانهيار. فكرة طيب ازاي أن أنا ألتزم وأرتقي في الدين، وفي نفس الوقت أتهم نفسي أن ممكن غيري أفضل مني، وأن امرأة دخلت، بغي دخلت سقط، سقط كلبا فدخلت الجنة؟ طبعا الحديث معناه أنك ما تحتقرش أي عمل صالح، أنك ممكن ظاهر الإنسان يكون مختلف عن باطنه، وانه ممكن ربنا يغفر له، ده اللي بيخرج به من الحديث، الحديث ما فيش أي دعوة للبغاء ولا الحديث أن الإنسان ممكن يفعل معاصي براحته وانه يعمل عمل صالح صغير ويدخله الجنة، ده مش مفهوم الحديث.
كذلك كان، أذن في صحيح مسلم، ابن مسعود كان في حديثين ورا بعض، كان بيحدث بحديثين ورا بعض، حديث أذن الرجل سقى كلباً، وحديث المرأة إن لم أكن واهراً يعني اللي دخلت النار في هرَّة، يقول: حتى لا يطمئن أحد وحتى لا يخاف أحد، يعني بحيث شوف اللي بيحدث الحديثين مع بعض، مش فاكر ربنا ذكرنا الاتنين بالضبط. لكن فكرة أن انا ازاي أقدم الخطاب المتوازن؟
طيب أنا شايف أن خطاب، وهذا برضو دردشة قابلة للنقد، خطاب كن عادي أنا معترض عليه، وخطاب كن خارق برضو مش هو ده اللي صح. أمال إيه المطلوب؟ أمال إيه؟ لا، هي كن عبداً. الفكرة كلها في مفهوم هو تحقيق العبودية مش تحقيق الإنجاز. لأن برضو منتقدي خطاب كن عادي، أو خطاب كن خارق، ومتبنين خطاب كن عادي، دول معهم وجهة نظر صحيحة، والواحد لما قرأ النقد استفاد فعلاً. وبيقولوا أن بتوع التنمية البشرية برضو دندنوا على خطاب كن خارق، واستلموا الملف من بعض الإسلاميين بتاع كن خارق وقعدوا يلعبوا: وحقق أحلامك وطلع اللي جواك، وده برضو عمل حالة من الإحباط وعمل حالة من اليأس لما بيصطدم بصخرة الواقع.
أمال هو ده؟ لا، ده ولا ده، أنت كن عبداً. ربنا سبحانه وتعالى يقول: ﴿وَالشَّمْسِ وَضُحَاهَا * وَالْقَمَرِ إِذَا تَلَاهَا * وَالنَّهَارِ إِذَا جَلَاهَا * وَاللَّيْلِ إِذَا يَغْشَاهَا * وَالسَّمَاءِ وَمَا بَنَاهَا * وَالْأَرْضِ وَمَا طَحَاهَا﴾ [الشمس: 1-6]. كل الأقسام دي كلها جاءت بصيغة معرفة بالألف واللام، كل الحاجات دي: والشمس والقمر، والليل والنهار، والأرض والسماء، والأرض كلها معروفة إلا النفس، قالت: إيه؟ جت نكرة: ﴿وَنَفْسٍ وَمَا سَوَّاهَا﴾ [الشمس: 7]. وكأني كنت قرأت كلمة جميلة قوي إن شاء الله كنت شرحت سورة الشمس من فترة، وكنت لاحظت المعنى ده بس معرفتش، مش عارف أصيغه، مش عارف أمسكه. قرأت وانا بلف في المعرض قدرا كده مسكت كتاب بفتحه، كتاب دار النيل، مش متذكر المؤلف يعني. فبيقول إيه؟ عجبني الجملة دي قوي، بيقول: أن كل الأسماء جاءت معروفة بالألف واللام إلا النفس، ترك التعريف، أنت اللي طالع الألف واللام بتاعتك، يعني أنت اللي تضغط عليه في نفسك، أنت اللي هتعرف نفسك، الحاجات دي مخلوقات كما هي، يعني الأرض هتبقى الأرض خلاص، والسماء هتفضل سماء، والليل والنهار والشمس والقمر. أنت اللي ممكن تكون شمس، وممكن تكون قمر، ممكن تكون سماء، وممكن تكون أرض، ممكن تكون تقي، وممكن تكون فاجر. ﴿قَدْ أَفْلَحَ مَنْ زَكَّاهَا﴾ [الشمس: 9]. ده على قول أن هو الفاعل هو الإنسان. فيه قول تاني: الفاعل هو الله. يعني قول أن الفاعل هو الإنسان، قد أفلح من زكاها، الذي سيزكي نفسه هو اللي سيرتقي، واللي هيدس نفسه ويبعدها عن النور هو اللي هينزل في الحضيض.
يبقى إذاً، رقم واحد بيقول لها، أنا بدأت الكلام: إيه بقى الخطاب اللي المفروض أننا نحاول نصل إليه كنوع من الاتزان؟ كن عبداً. يعني إيه كن عبداً؟ دي كانت الكلمة. رقم اتنين: أن النفس قابلة أن تكون في حالة من الفجور، وقابلة أن تكون في حالة من التقوى، وأنت اللي هتصنع ده، أنت اللي محتاج تكتشف نفسك، أنت اللي محتاج تعرف نفسك. طب وده إيه علاقته بمفهوم العبودية؟ ما هو أنت اللي محتاج تكتشف عبوديتك، يعني أنت اللي محتاج التطور ده.
ودي إحدى الاشكاليات اللي كانت موجودة عند بعض برضو الخطابات عشان برضو يقول لك أنت ما بتنتقدش، اللي هي خطاب القولبة، أن هو هو نمط واحد فقط اللي بيقدم للدين، سواء طالب علم مثلاً، كتير من السلفيين هو ما عندوش غير الحل الوحيد إيه؟ بيطلب علم، هو ما بيطلبش علم اطلع برة، ما يبقالكش دور. لا، الدين أوسع بكثير مما نتخيل. لذلك نفسي اعمل درس اسمه: خزن عنا ما استطعت. كمية الأفكار اللي ممكن شخص يعملها عشان ينصر الدين أفكار غير طبيعية! فكمية الأفكار اللي ممكن الإنسان يعملها لنشر الدين، بس هو الإنسان يكون عنده جذوة مشتعلة، وصدق في البحث، ويدور.
لكن ما حدش قال أنك لازم تبقى بطل. حتى بنخش مع أحد الأخوة، قلت له: مين اللي قال سيبك من اللي احنا معترضين عليه، لكن مين اللي قال لك أن أنا أقصده أن لما بنتكلم على هم الدين أو الخطاب الساخن، مين اللي قال ده معناه أنه لازم تبقى بطل؟ حتى كان في بوست أنا شيرته، المقطع جميل قوي لنعمان خان اسمه: العمل للدين ليس في أدوار البطولة، أو ليس في حاجة زي كده. ده تقريبا يا جماعة العمل للدين ليس فيه أدوار البطولة، وليس فيه دور البطولة، كان المقطع فكرته أن ممكن شخص يتصدق، يكون هو الداعية، لكن وراء هذه المحاضرة مئات من المجهود المبذول لا يعلمه إلا الله سبحانه وتعالى، ممكن يكون أفضل منه أصلاً عند الله سبحانه وتعالى، ممكن ده والعياذ بالله يرائي، وكون أول ثلاثة من أول ثلاثة سُعر بهم النار.
كان حتى قلت له، أنا شيرت ده وكتبت فوقه: مش لازم تبقى خارق، مش لازم تبقى مشهور، مش لازم تبقى بطل، لكن لازم تبقى عبد، لازم تدور على نفسك كعبد لله سبحانه وتعالى. لذلك فارق، ودي ممكن تكون الكلمة المحورية، وكان في درس بنفس العنوان ده: فارق بين تحقيق العبودية وتحقيق الإنجاز. ما حدش قال أنك أنت هنحاسبك بتعمل إنجاز إيه؟ اللي هو إنجاز مش قصدي ده. يعني إيه؟ اللي هو إنجاز هنحاسبه ونقيمه إيه؟ أيوا نظام بقى ومش عارف إيه، لا، مش مش قصدنا ده خالص. أنت ممكن تعمل حاجة بنيتك، كان يميط الأذى عن الطريق، يقول إيه: لا يصيب المسلمين... هو مشغول ازاي يصرف عن المسلمين أي أذى، يعني هو إذن مش فاكر في إيه في كتب من السنن اللي قريت الرواية دي؟ أن هو بيشيل الأثقل لا يقوم إيه لا يؤذي المسلمين. هو مشغول وهو يميط الأذى بقضية المسلمين، يعني ده الدافع اللي خلاه يشيل أزمة، فده اللي قدرت أعمله للمسلمين، الله! لأن في أذى عشان ما يتأذوش في الطريق، أشيل دي من الأذى من من طريق المسلمين، فغفر الله له، مش عشان الشجرة كبيرة ولا عشان العمل ده ضخم، وأدناها، ده مش وأدناها، إماطة الأذى عن الطريق. لكن عشان نيته كانت عظيمة، هو ده اللي يقدر يعمله.
فأحيانا بلاش الغرض؛ مش لما نتكلم عن الخطاب الساخن، الخطاب أنك لازم يبقى لك دور، وأنك لازم يبقى لك ثغر، وأنك أنت تنصر الدين، وأهمية نصرة الدين خذل عنا ما استطعت. مش بتساوي، لا تساوي كن بطلا مشهورا، كن محرر الأقصى، لأ أنت تساهم. النبي صلى الله عليه وسلم بيقول على بناء التوحيد الضخم اللي بناه الأنبياء: وإنما أنا لبنة، النبي صلى الله عليه وسلم بيقول عن نفسه وهو من هو خير من مشى على الأرض صلى الله عليه وسلم: إنما أنا لبنة.
الخطاب الساخن: حافظ على الجمرة مشتعلة، حافظ على جذوة الإيمان، إياك أن تختر، إياك أن تنسى هم الدين ده. لا، كن بطلا مشهورا؟ لأ، ابحث لنفسك تستشير ودور، يعني في وسائل كتير لواحد كان حاول يتناولها في درس إشكاليات الاختيار الصدري. في وسائل كتير، لكن فعلا أنا حسيت أن الدرس ده إشكالية، تختار برضو بعض الشباب فهموا غلط، يقول لي: طيب، والثغر ده برضو بيتعامل معه بصورة هندسية؟ زي ما يكون وظيفة، زي ما يكون إيه توصيف وظيفي عايز يعمله لنفسه. يا ابني ابحث وعادي ممكن تعمل أكثر من حاجة، يعني بس القضية كلها هذه الجمرة المشتعلة بداخلك اللي القرآن بينميها.
يعني لسه أمبارح كنت بتكلم في درس آه كان بعنوان الفارق بين المعرفة القرآنية والمعارف الأخرى، وأزاي أن القرآن كان بخصوص معرض الكتاب يعني؟ وأزاي القرآن بيقدم معارف مختلفة؟ وإيه خصائص هذه المعارف؟ فكان منها في قول الله سبحانه وتعالى: ﴿فَذُوقُوا بِمَا نَسِيتُمْ لِقَاءَ يَوْمِكُمْ هَٰذَا﴾ [السجدة: 14]، أن في معارف لا ينبغي أن تنسى، ما ينفعش ينساها، ولو أتنسيت تعاقب، ما ينفعش تنساها، إيه بقى الحاجات اللي ما ينفعش ننساها دي؟ القرآن بيدندن عليها ويذكرك بها، والقرآن المثاني يكرر المعاني. في معاني لو نسيتها في جزء من إيمانك يحترق، أن الإيمان لا يبلى في جوف أحدكم. أنت المفروض الإيمان ده على طول يكون متجدد، يبقى ده المفروض تحافظ عليه. المنتج بقى اللي هيطلع بعد ما تحافظ على الإيمان الداخلي ممكن هو يمات الأثر عن طريق، ممكن لتربية أولادك، ممكن أنك تطلع ابن صالح، ممكن أنك تحسن للجيران، ممكن يبقى الأمر قدام الناس مش زاهر، لكن المعاني الداخلية المشتعلة، أن أنت بينك وبين الله الشوق لذة النظر إلى وجهه، وشوق رؤية النبي صلى الله عليه وسلم. لا يؤمن أحدكم -طب ده ده مش كلام؟- كلام النبي صلى الله عليه وسلم: «حتى أكون أحب إليه من ماله وولده ووالده والناس أجمعين»، تخيل معنى الحب العالي ده. طب الأقيهم هنا كمال الإيمان، يقول لك أنت بتكفر الناس على الإيمان؟
يا جماعة خطابات القرآن لا عالية، تلاوة القرآن والسنة عالية، لكن هو مش المقصد أن يداه يا تبقى صفر، يعني الثنائية اللي بيصورها بعض الناس أن يا كده يا كده، لا، هو القرآن يجيب لك الأطراف، يقول لك ما بينهم هم درجات عند الله، يعني في درجات كتير، أنت بتختار لنفسك تلاقي نفسك المكان وبتختار حسب إمكانياتك وحسب قدراتك وحسب ذلك. كتير من الأسئلة التربوية الواحد بيسمعها هي مش فيها صح وغلط، دي هتلاقي الأخ يقول لك: اعمل كده ولا كده؟ والله براحتك، يقول لي: أيوه، أنا عايز أجابة. ما هو حضرتك اللي هختار الإجابة، هنختار الإجابة وهترجع تقول لي: أصل أنت قلت لي، أصل أنت اللي خلتني أضحي! لا، أنت اختر أنت إيجابي واعرف تبعات كل اختيار واختر. أنت ممكن تقول لي إيه؟ ممكن عشان أعرف أجاوبك من خبرة في الحياة، أنت تبعت لي اختيار ده وتبعت لي اختيار ده، ده ممكن يبقى الإجابة إيه الأفضل؟ كثواب عندنا أدلة نفاضل بين الأعمال، ندور وكتب كتير في مسألة المفاضلة بين الأعمال لو أنت تستطيع الاثنين، ساعتها نبدأ نَفَكّر إيه المفضل من الأعمال. لكن أنت لا تستطيع إلا شيء واحد وطاقتك لا تتحمل، اللي أنت أعمله، لكن أحيانا طاقتك تتحمل أكثر من كده، والإنسان هو اللي بيتكاسل، ويرجع يجيب أصل خطاب العالي هو اللي وقعنا!
يا جماعة عمر خطابات القرآن والسنة هي خطابات علو همة أصلا، عموم خطابات القرآن والسنة خطابات علو همة، لكن احنا عقلية التلقي هي اللي فيها إشكال، هو أما أبقى يعني أما أسمع قول الله سبحانه وتعالى، أنا بأقرأ قرآن أهو اللي أنا سمعته في التراويح حتى، راح أصلي سمعت الإمام بيقرأ قرآن، مش كلامي جايبه من عنده: ﴿أَمَّنْ هُوَ قَانِتٌ آنَاءَ اللَّيْلِ سَاجِدًا وَقَائِمًا يَحْذَرُ الْآخِرَةَ وَيَرْجُو رَحْمَةَ رَبِّهِ﴾ [الزمر: 9]، أقول له: ده خطاب آه جاب لي انتكاس، وأقوم سايب الصلاة وماشي! طب ما أفهم كيف تتعامل مع هذا الخطاب؟ بيكلمك على أعلى نقطة، هو مش يا أما قول المان، ما هو مش يا أما أعلى نقطة يا أما تمشي وتسيب: ﴿كَانُوا قَلِيلًا مِّنَ اللَّيْلِ مَا يَهْجَعُونَ﴾ [الذاريات: 17]، يعني بينام قليل جدا، طول الليل طبعا مش بيقعدوا بلاي ستيشن يعني، كانوا وبالأسحار كمان بعد طول الصلاة: ﴿وَبِالْأَسْحَارِ هُمْ يَسْتَغْفِرُونَ﴾ [الذاريات: 18]. يقول لك: يا عم إيه ده! هو القيام عندكم أمن وقرية العناء الليلي، وكانوا قيام الليل؟
يعني ما تشوف لنا آيات قيام تانية في: ﴿قُمِ اللَّيْلَ إِلَّا قَلِيلًا﴾ [المزمل: 2]، بلاش دول، إيه ده؟ هو يعني خد بالك، أنا بحاول أجمع آيات القيام: ﴿وَمِنَ اللَّيْلِ فَتَهَجَّدْ بِهِ نَافِلَةً لَّكَ عَسَىٰ أَن يَبْعَثَكَ رَبُّكَ مَقَامًا مَّحْمُودًا﴾ [الإسراء: 79]، تجد أن آيات القيام اللي في القرآن ده عبادة أهو، كلها آيات علي الفكرة أن يبقى أنا عندي، وده اللي بيضبط بقى السنة كيفية التلقي، هل القيام فرض؟ لا، أفلح إن صدق، لأن هو مش فرض، يعني ينفع أسبه؟ والله أنت حر، أنت كده بتنزل درجة، أنت حر. طب أنا شغلي وإمكانياتي وصحتي وظروفي ما تسعش غير وتري؟ لو أنت صادق، أنت ممكن تسبق اللي بيصلي أكثر منك، وهو عنده ظروف أكثر في حاجات بينك وبين الله، الطاقة اللي جواك إمكانياتك وأيمانك ومشاعرك ومواهبك لا يعلمها إلا الله: ﴿لَا يُكَلِّفُ اللَّهُ نَفْسًا إِلَّا وُسْعَهَا﴾ [البقرة: 286]، هو أدالك حاجة هيحاسبك عليها، كل واحد له حسابه الخاص، لا يكلف الله نفسا غير إلا وسعها إلا ما آتاه.
لذلك الحديث: أول ثلاثة سعر بهم النار -الرواية المشهورة أظن في مسلم- فيسأله الله سبحانه وتعالى قبل ما يسأله يقول له إيه؟ النبي صلى الله عليه وسلم بيقول إيه؟ في عرفه نعمته عليه، يعني الأول يقول له: أنا اديتك كذا. طب ما أنا بقول للمجاهد أو قارئ القرآن: أنا اديتك النعمة دي، ماذا عملت فيها؟ كيققول فعلت، بكاوب يقول كذبت، هو بقى ده سؤال: أنا اديتك إمكانيات كذا عملت بها إيه؟ أنت إمكانياتك غير إمكانيات فلان، أنت بقى إمكانياتك أنت بمواهبك بقدراتك بطاقتك عملت فيها إيه؟ أنت كفرد تحاسب لوحدك. لذلك عكس ده، البلاء: يبتلى المرء على قدر دينه، هي بتجيلك على قدك، بتجيلك على مقاسك، فممكن واحد شايف يسمع عن بلاء فلان، وفلان بيعاني في البلاء وبيجاهد نفسه عشان يصبر، يستهزأ من بلائه، لا ما لكش دعوة، هو ممكن يكون ده القدر المناسب له، ممكن أنت تجيلك في حتة تانية خالص، يعني مثلا شخص بيحب واحدة وبيجاهد نفسه عشان يسيبها، أنت ممكن تحقر ده؟
هو ممكن يكون عند ربنا من الصالحين، يعني أنت ممكن لو أنت سمعت عن شخص صالح وشخص من الصالحين ومن العباد، وكاد أن يقع في الزنا، وفي آخر لحظة أقوم من الزنا فتوى دول إيه؟ طب ما ده الطبيعي، يعني أمال وإيه اللي وداه؟ إيه اللي إيه اللي وداه هناك؟ والراجل لما قال: فقمت عنها وهي أحب الناس إلي الصخرة اتحركت، صخرة حركة ثلاثة، وعارفين القصة أبواب الغار، وابتلي بحب ابنة عم، كانت لي ابنة عم أحبها أشد ما يحب رجال النساء، فلحظة أنه يقوم عنها وهي من أحب النساء إليه، في هذه اللحظة ربنا سبحانه وتعالى شكر له هذه القومة أن هو لم يزل. يعني واحد بار بوالديه، واحد في قمة الأمانة، والثالث ترك الزنا، أنت مستغرب إيه اللي جابه وسطهم أصلا؟ إيه إيه اللي جابه وسطهم؟ لا ده حرك حتة من، وده تحرك حتة من، وده تحرك حتة من الساخن، وده اللي قدمه الفكرة كلها أن تبحث عما بداخلك أنت.
فأنا شايف أن خطاب كن خارق لأ، مش لازم يكون خارقا، مش لازم تكون خارقا، أو كن عاديا لأ، برضه كن عاديا غلط، وزي ما كن خارقا، والبحث عن المشهور، أو البحث عن الإنجاز الملموس المحسوس، اللي ده برضه أسر، يعني إيه الحداسة وغيرها، أن كل حاجة لازم تكون مرقمة محسوبة ومدروسة ولها أرقام وعشان أعرف أحاسبك، أنت داعية الفلورز كام واللي بيسمعوا كام والتغيير قد ايه؟ كل شيء بالحساب، ده مش صح، فيبدأ تحترم الناس على حسب إنجازاتها الملموسة، ده مش صح، لأن طب والنبي ليس معه أحد، لكن مش عكس، مش أو بلاش مش إصلاح الخطاب الخاطئ ده، هو كن عاديا لأ، ده دعوة لإماتة علو الهمة، يا جماعة كده احنا ما بنعملش حاجة بقى، هو إيه اللي اتجوز وخلف واشتغل وأهم حاجة تبقى إنسان كويس! إيه ده؟ هو ده خطاب الشريعة؟ في فرق بين احنا الشريعة بتقيم الشخص ده بتقول عليه ايه؟ هل ده غلط ولا صح؟ آه ده مقبول، الشرع يسعى الجميع، وأظن احنا اتكلمنا قبل كده ودايما ده بيعمل مشكلة دايما في مسألة لما يجي يقول لك: الجمع بين الدين والدنيا، وده ما بيبروش واحد خايف يديها، إشكالية الجمع بين الدين والدنيا، هو السؤال أصلا هو ليه جمع؟ وايه الدين وأيه الدنيا؟ عشان نشوف أصلا ما هي الدنيا واسعة، يعني ممكن شخص عادي جدا يبقى تسعين في % من حياته دنيا وعشرة في % دين ومحتسب، وشخص العكس، وشخص مية في % سايب، والصحابة كانوا كده، منهم التاجر ومنهم المتفرغ ومنهم الخمسين في % خمسين في %.
الشرع عندنا واسع، لكن إيه الخطاب اللي نقدمه؟ لا، هو الخطاب العالي، يعني أما تيجي تقرأ القرآن وتختمه كذا مرة، أنت اللي يقع في صدرك تجاه الدنيا إيه؟ الاحتقار، ده واضحة جدا، يعني أي حد هيدعي غير كده هو بيقرا القرآن تاني: ﴿اعْلَمُوا مِمَّا يَنْبَغِي أَنْ يُعْلَمَ أَنَّمَا الْحَيَاةُ الدُّنْيَا لَعِبٌ﴾ [الحديد: 20] لا يعمل لها، يعني كلمة اعلموا دي لما تجمعها في القرآن من الحاجات التي ينبغي أن تعلم بصيغة الأمر منها، أن الحياة الدنيا لعب له، أصل أنا بعمل كده احتسابا، ده ده ملف تاني، خلينا الأول نأصل ده: ﴿وَلَوْلَا أَنْ يَكُونَ النَّاسُ أُمَّةً وَاحِدَةً لَجَعَلْنَا لِمَنْ يَكْفُرُ بِالرَّحْمَٰنِ لِبُيُوتِهِمْ سُقُفًا مِنْ فِضَّةٍ وَمَعَارِجَ عَلَيْهَا يَظْهَرُونَ * وَلِبُيُوتِهِمْ أَبْوَابًا وَسُرُرًا عَلَيْهَا يَتَّكِئُونَ * وَزُخْرُفًا ۚ وَإِنْ كُلُّ ذَٰلِكَ لَمَّا مَتَاعُ الْحَيَاةِ الدُّنْيَا ۚ وَالْآخِرَةُ عِنْدَ رَبِّكَ لِلْمُتَّقِينَ﴾ [الزخرف: 33-35]، والحاجات دي تخليك ما تشوفش صح، ﴿وَمَنْ يَعْشُ عَنْ ذِكْرِ الرَّحْمَٰنِ نُقَيِّضْ لَهُ شَيْطَانًا فَهُوَ لَهُ قَرِينٌ * وَإِنَّهُمْ لَيَصُدُّونَهُمْ عَنِ السَّبِيلِ وَيَحْسَبُونَ أَنَّهُمْ مُهْتَدُونَ﴾ [الزخرف: 36-37] وبيفضل كده لغاية اما يموت: ﴿حَتَّى إِذَا جَاءَنَا قَالَ يَا لَيْتَ بَيْنِي وَبَيْنَكَ بُعْدَ الْمَشْرِقَيْنِ فَبِئْسَ الْقَرِينُ﴾ [الزخرف: 38].
فإذا يعني خلينا نمشي مع الخطاب القرآني، سيب نفسك القرآن وأنت هتطلع بإيه؟ لا، هتطلع أن القرآن بيقول لك ابحث عن الارتقاء، ده في سورة اسمها التغابن، إياك أن تغبن في عمرك، يعني سورة كاملة باسم التغابن يوم التغابن، يعني يوم القيامة من أسمائه أن أنت كان معك كنز عظيم وغبنت فيه، يعني ايه الغبن في اللغة؟ الغبن والخسارة الفاحشة، يعني كان معك حاجة غالية جدا جدا جدا وأنت بعتها رخيص، إيه الحاجة دي؟ النبي صلى الله عليه وسلم بيقول لفظ الغبن بقى في الحديث: «نعمتا مغبون فيهما كثير من الناس»، إيه هما؟ الصحة والفراغ، عندك وقت فاضي وعندك صحة وتبعترهم أنت كده مغبون. واحد يقول لي: يعني حرام؟ أنا ما بتكلمش في الحرام والحلال، هنتكلم في درجات، عايزين ينقل الملف للحلال والحرام؟ تعال نقله، آه لأ ده حرام، لأ ده حلال، لأ ده مباح، لأ ده الإسراف فيه من المباح المؤدي للمكروه، دي ساعتها نحكم بده، سؤال تاني.
يعني أنت بتتكلم دلوقتي إيه الخطاب اللي يقدم؟ آه الخطاب اللي يقدم خطاب علو الهمة ومعه أحاديث اللي بتدعو للتوازن، النبي صلى الله عليه وسلم لما جاله رجل وأنا في درس اليوم المعاصر الجزء التاني حاولت أفتح الملف ده، هو فعلا الواحد بيقع في، يعني الأعرابي لما جه للنبي صلى الله عليه وسلم ده أعرابي النبي عارف أنه أعرابي فأدا له خطاب خاص، قال له: أنا أصوم وأصلي لا أزيد عليه، قال: أفلح إن صدق، المسألة المشهور، لكن قال ابن عمر إيه؟ قال لابن عمر: نعم الرجل لو كان يقوم من الليل، يبقى هنا عندنا نوع من التفاوت في الخطاب؟ آه عندنا نوع من التفاوت في الخطاب، يعني أحيانا بنحتاج لخطاب عالي جدا؟ آه أحيانا بنحتاج لخطاب عالي جدا، ما هو مين اللي يحمل الدين؟ يعني حتى أحد الإخوة اللي كان مشير المقالة ديت فيقول: احنا مش ضد أن يبقى في بناء الأئمة وقادة، لكن الخطورة في التعميم، ما هو ده أحيانا أنا متفق معه، لكن ده أحيانا بيبقى غصب عنك لأن المنصات مفتوحة على بعضها.
المنصات الدعوية مفتوحة على بعضها، لكن اللي أنا عايز أقوله إن الخطاب الشرعي -فيما أحسب والله أعلى وأعلم- هو خطاب: كن عبداً لله قدر ما تستطيع. لو حبينا نستعيض عن الجملة دي بآيات وأحاديث شرعية -وده أفضل، دعوة الناس بالجمل الكتاب والسنة عشان احنا ما نتدخلش- ﴿فَاتَّقُوا اللَّهَ مَا اسْتَطَعْتُمْ﴾ [التغابن: 16]. يعني اتقوا الله ما استطعتم، يعني أنت كلهم، هات آخرك اللي تقدر عليه. طب ولو ما جبتش يا أخي، أنت حر! يعني تلاقي دايماً سؤال إيه: يبدأ، ولو ما عملتش؟ يا عم أنت حر.
يعني تلاقي الشخص عايز يعمل كل اللي هو عايزه بس أنا هاجي أسوق فردوس؟ يعني هي مش بالحجز! ما تقوليش عليّ إن أنا أقل، خلاص سيبك من كلامي، أنا وحش، سيبك من كلامي، أنت بينك وبين الله سبحانه وتعالى.
لكن أنت تساوي نفسك باللي ضحى وبذل وقدم الدين؟ لا طبعاً، هو ربنا بيقول: ﴿لَا يَسْتَوِي مِنْكُمْ مَنْ أَنْفَقَ مِنْ قَبْلِ الْفَتْحِ وَقَاتَلَ أُولَئِكَ أَعْظَمُ دَرَجَةً مِنَ الَّذِينَ أَنْفَقُوا مِنْ بَعْدُ وَقَاتَلُوا﴾ [الحديد: 10]. يعني عملوا نفس الأعمال بس فرق! يعني أنت متخيل؟ يعني عملوا نفس الأعمال: أنفقوا وقتلوا، فرق إيه؟ أمال بقى فرق الأعمال؟
طما جايز الأولاني مرائي؟ ما أنا مش بتكلم في دي برضو، ده ملف تاني! ما هو جايز اللي ما عملش هي نيته صافية وده آخره، والأولاني اللي أنفق وقاتل كان مرائي؟ ده وارد، بس مش ده اللي احنا.. مش ده الملف اللي بنتكلم فيه. احنا بنتكلم إنه شخص أنفق وبذل وضحى وساب عشان ربنا، وشخص مش راضي يعمل كده؛ لا ده أفضل من الشخص العمل بالحكم الدنيوي. عند ربنا سبحانه وتعالى الله أعلم.
فبرضو أحياناً الملفات تخش في بعضها، إن يجي شخص يدخل ملف: أصل كده ده اللي بيفكر نفسه اسمه ملتزم يظن إنه أفضل من الآخرين، ده ملف محتاج معالجة فعلاً، آه، إن الشخص ده محتاج إن هو يتواضع وإنه يفهم إن ممكن يبقوا الناس أفضل منه ومحتاج إنه يربي نفسه. ده ملف آخر غير ملف خطاب إن أنت تحقيق العبودية قدر المستطاع، ده ملف تاني.
وأي خطاب في الدنيا له آفات، مش الحل التخلص منه. العلم، طلب العلم، له آفات. الدعوة لها آفات. العبادة لها آفات: الخوارج اللي هم دایماً شايفين نفسهم أحسن من الناس، من أطول الناس عبادة. فهل لما يحصل عمل صالح أو خطاب دعوي منه آفات، هو الحل تركه؟ تلاقي الحل إن أنا أصلح القتل طالما العمل ده موجود؛ يعني طلب العلم له آفات، وكتب كتير أفادت طلب العلم والدعوة إلى الله.
إن الشخص المشهور في الدعوة، الشهرة في الدعوة لها آفات. طب يعني كل اللي بيبقى مشهور يعمل إيه؟ يعني هل كل اللي مشهور يقفل حاجته عشان ما يبقاش مشهور؟ وإلا كده يبقى هو واقع في الفتنة؟ لا طبعاً. يبقى إذاً، لما نجد أن خطاباً معيناً.. هل الخطاب ده غلط ولا صح؟
لكن هذا الخطاب تسبب عند بعض الناس في آفات وفي إحباط وفي يأس، لا تعال نشوف الناس دي اللي كانت بتتلكك ولا الناس دي اللي مرت بمرحلة هزيمة ولا الناس دي فترة من الفترات استفادت من الخطاب ده، لكن في مرحلة الهزيمة النفسية بدأت تنتقد الخطاب ده؟ نحاكم الخطاب ده للشرع، مش نحاكمه لنتائج -ممكن تكون النتائج دي مشكلتها عند الشخص مش في الخطاب-.
التمرين اللي عايز أقوله يا جماعة، يعني لما بنجد إن اختيار -زي ما قلت لكم- هو ممكن بعد كده واحد يطعن في خطاب القرآن والسنة أصلاً! ممكن بعد كده تيجي تطعن في خطاب القرآن والسنة. يبقى لو احنا حبينا نجاوب على سؤال: عادي ولا خارق؟ إجابة السؤال ده: كن عبداً. أنا برضو بتكلم مع أحد الإخوة بناقشه: إيه دي إجابة عامة مش إجابة مش قادر.
بس واحنا مش هنوصل لإجابة خاصة، لأن الإجابة الخاصة دي حسب كل شخص وحاجته، دي بتتفصل حسب الشخص: إيه المطلوب مني؟ المطلوب رقم واحد: أن تحافظ على جذوة الإيمان مشتعلة قدر المستطاع، إياك وأن تنضب مشاعر الإيمان بداخلك، ده المحرك الرئيسي، ده المحرك الفاعل.
وأظن أكتر من مرة -ما أعرفش أنا تكلمت معكم لإن من أكتر الآيات المحورية اللي أنا بحبها- قول الله سبحانه وتعالى: ﴿وَقَالَ نِسْوَةٌ فِي الْمَدِينَةِ امْرَأَتُ الْعَزِيزِ تُرَاوِدُ فَتَاهُ عَنْ نَفْسِهِ﴾ [يوسف: 30]. نسوة في المدينة رصدوا خبر معين، إيه الخبر ده؟ ذكروها بمنصبها وذكروه بمنصبه: امرأة العزيز -يعني عشان دي واحدة عالية- تراود فتاها. ما قالوش: اسم، وقالوا: يوسف، ليه؟ لإن ده خبر مستنكرينه جداً، ده الخبر. إيه التحليل بتاع الخبر ده؟ يعني تحليلهم إيه، تفسير إن.. طبعا ده خبر مستنكر، إن إزاي واحدة سيدة مصر الأولى تراود فتاة؟ ده إزاي يعني؟ ده إيه التحليل بتاعها؟ ﴿قَدْ شَغَفَهَا حُبًّا﴾ [يوسف: 30].
لما الحب بيصل لشغف القلب الإنسان لا يفكر في تبعات ما يفعل -طبعا ولله المثل الأعلى-. كذلك في الدين، لما حب ربنا سبحانه وتعالى بيصل لشغف في القلب، الإنسان: ﴿فَلَا اقْتَحَمَ الْعَقَبَةَ﴾ [البلد: 11]. يبقى ابن عاشور بيقول: الاقتحام القائف نفسه دون تفكير، أولوية ساعتها.
لذلك لما المنافقين شافوا في مكة، في المدينة، في أول المدينة مظاهر النفاق، شافوا إن نموذج التدين اللي قدامهم حاجتين: مهاجرين ضحوا بكل الأموال والأراضي وو.. والأنصار اقتسموا مع ناس ما يعرفوهمش كل حاجة. طبعا شافوا نموذج عادي جداً، قال لك: إيه ده؟ هو الدين اللي أنتم جايين تطرحوه علينا بناس ضحت أموالها وأراضيها وتجاهد، فما لنا؟ قال: الجنة! وبس، والأنصار؟ إيه ده! لا احنا هنعمل احنا المنافقين مع سيدنا صابر، نقف احنا -يعني ما حدش يقف في الحتة دي-. لا خلاص، احنا هنقف احنا في الأتوبيس. لذلك قالوا إيه؟ قالوا: ﴿أَنُؤْمِنُ كَمَا آمَنَ السُّفَهَاءُ﴾ [البقرة: 13].
شايفينهم سفهاء! ممكن واحد يبرر الأنقولته، فانا مش بتكلم على الإخوة الأفاضل اللي بينتقدوا -أنا لا أقص الإساءة لشخص بينتقد خطاب ديني لإن غرضه الإصلاح الديني، أنا ما بقصدش ده- لكن أنا أقص إن أحياناً بعض النقد بيكون رد فعل عكسي ممكن هو كمان يولد خطأ. لذلك التوازن أثناء النقد في أوقات الهزيمة صعب، وعايز تجرد، وعايز تقرأ له نصوص شرع. النقد كأدب فعل أثناء مراحل الهزيمة النفسية ومراحل الانكسار واليأس والإحباط صعب.
أنا قريت بوستات كتير بتتكلم على: سافر ودور على شغل وفكك من حوار الأمة والخلافة والجو ده، اتضحك علينا سنين الشعارات الفارغة الجوفاء، الجيل اللي هيحرر الأقصى، الجيل المنشود، صناعة الجيل الواعد، كل الخطابات دي بيكفر بها! طب حتى لو الخطابات دي فيها أخطاء، هو ده الحل البديل؟ هو ده ماشى، لو الخطاب ده فيه نقد أو فيه أخطاء من نوع من أنواع التعميم، أو إجبار الناس على أشياء، أو عدم طرح قضايا بأولويات معينة، أو أو.. أو مراعاة بعض الناس، هل البديل: كن عادياً، تشوف مصلحتك؟
وأنا يا ريت في جروب كله إسلاميين، وإسلاميين كانوا فاعلين في وقت من الأوقات، كلهم كانوا كوادر، واحد كاتب بوست أنا استغربت جداً: هو إيه اللي سافر وخذلك؟ وخذ لك دورات! هو ده الخطاب؟ أنا مش ضد ده برضو، لكن هو ده الخطاب الشرعي اللي يعمم؟
لإن في فرق بين.. ده ينصحني، طب ما أنا ما سبتش، طب ما أنا باخد ماجستير ودكتوراه، وأنا ما قلتش ما تاخدش، لكن هو ده الخطاب اللي يتصدر: فكك من الخطابات دي كلها، وفكك من الجيل الواعد، وده يا عم آه هيكون هنا اتضحك بها علينا وشوف بقى سكتك أنت! إيه ده خلاص؟ وازن، بلاش الخطاب ده وبلاش الخطاب ده، وقل له: حقق العبودية قدر المستطاع، وقل له: دور، مش هتغلب.
لسه أحد الإخوة بيكحلي إن كان يجي شخص يروح لداعية ويقول له: بص، أنا لا بعرف أذاكر ولا بعرف أطلب علم ولا أعرف حاجة، لكن أنا لي علاقات اجتماعية واسعة جداً، أنت عايز تدي درس في المكان الفلاني؟ أنا هوديك تدرس في المكان الفلاني، أنت عليك يا باشا إنك تحضر، وأنا جيب المسجد والناس والترتيب، وأنت تيجي تدي الدرس.
ده صقر ممكن يكون هو بياخد أضعاف الثواب أصلاً من اللي بيدي درس! بل لولا الله، ثم هذا الرجل، مش هيتم حاجة أساساً! يعني كتير من الأفكار، لذلك درس اللي هو خد العلم أو ممكن نسميه الذاتية، الفاعلية الذاتية، إن أنت يكون عندك الفاعلية، تبحث، أنت اللي ممكن تبحث عن دور! أيوه مش لازم يبقى خارق، مش لازم يبقى بطل مغوار، مش لازم يبقى مشهور، مش لازم يبقى محسوس وملموس، لكن لازم تبحث بنفسك عن عبودية لله سبحانه وتعالى.
عبوديتك دي ممكن تبقى صبر على زوجتك المريضة، إنك تراها وما حدش حاسس بك سنوات! ألقى الله بذلك. رجل اللي وقف طول الليل ماسك اللبن مستني أبوه وأمه يصحوا، ما حدش حس به، وربنا حرك له الصخرة، لكن دي عبودية، ده إيمان قام به، ده بحث عن عبودية معينة وقام بها. وأولاده يتضاغون عند رجله وقاعدين بيعيطوا، قال: لا أنا هستنى أبويا وأمي.
الراجل الأمين اللي دمن للراجل فلوسه، وأدى له فلوسه أضعاف مضاعفة، الناس ما حستش به، لكن ده إيمان! راجل يطمئن على المرأة، قمت عنها وأحب الناس إليه، ده ما حدش حس به، ممكن واحد يزن أصلاً: إيه يعني اللي عمله؟
لكن القضية زي ما قلت: إبقاء جذوة الإيمان مشتعلة، إياك أن تسمح لنفسك أن أن الإيمان الذي بداخلك يخلق ويبلى، ده اللي حذر منه النبي صلى الله عليه وسلم: «فاسألوا الله أن يجدد الإيمان في قلوبكم». أنت مطالب بده على طول، تجديد الإيمان مع زراعة المشاعر، هو ده اللي هيخليك تنطلق وتبدأ تدور بقى، تقول: طب أنا دوري إيه اللي ممكن أعمله؟ ممكن على فكرة الإجابة تبقى ببساطة ما نعرفش، وأنت تبحث وتقابل ربنا وتقول له: يا رب والله أنا ده وسعي.
اللي هو الراجل اللي شال قال قومته الأذى لا يؤذي المسلمين، ممكن واحد يجتهد على فكرة ويكون صادق إنه كان نفسه يعمل حاجة للمسلمين، ويجي يوم القيامة يكتشف إن الاختيار اللي اختاره ما كانش صح أو مش أفضل حاجة، بس ربنا يعطيه بنيته لإن هو كان إنسان إيه؟ إنسان صادق، الإنسان بذل وسعه بجد، دي لا يعلمها إلا الله سبحانه وتعالى.
فالخلاصة: إيه اللي أنا عايز أطلع به؟ رقم واحد: الحفاظ على جذوة الإيمان مشتعلة، النبي صلى الله عليه وسلم بيقول: «القابض على دينه كالقابض على» إيه؟ «الجمر». إياك أن تنطفئ هذه الجمرة، وإياك أن تلقي هذه الجمرة.
رقم اتنين: إن لو الجمرة دي مشتعلة هتولد مشاعر، المشاعر دي محتاجة تنمى، مشاعر الحب والغيرة على الدين. في شعور يا جماعة؟ في ما بتتوصفش، عارف زي الاهتمام ما بيتطلبش كده، أو لو مهتم كنت عرفت؟ آه بالضبط كده، صغري إيه: لو مهتم كنت عرفت؟ اللي ممكن نحطها إجابة سؤال: اعرف صابر إزاي في الدين؟ بس خلاص، آه، اعرف صابر إزاي في الدين؟ آه، لو مهتم كنت عرفته.
فعلاً إن المشاعر لما بتتولد إن زي ما قلت لكم هو أحياناً بتبقى الصورة.. أنا مش عارف أقول لك إيه فعلاً، يعني الراجل جاي في غزوة الخندق والدنيا كلها علينا والأحزاب كلها مجتمعة، بيقول النبي صلى الله عليه وسلم: أعمل إيه؟ قال له: خذن عنه الصلاة، مش عارف يعني الدنيا كلها.. لذلك لما قالوا.. لما الصحابة قالوا في سورة الصف: ﴿لَوْ نَعْلَمُ أَحَبَّ الْأَعْمَالِ إِلَى اللَّهِ لَفَعَلْنَا﴾ [الصف: 2]، فربنا قال لهم: عايزين تعرفوا أحب الأعمال إلى الله؟ ﴿يُرِيدُونَ لِيُطْفِئُوا نُورَ اللَّهِ﴾ [الصف: 8]. المجتمع عايز يطفئ، وأنتم لسه بتسألوا أحباب الله؟ قوموا قاتلوا في سبيل الله، صفوا ومجاهد في سبيل الله، كونوا أنصار الله، شوف الأوامر اللي جت في سورة الصف، هو ده أحب الأعمال إلى الله في الوقت اللي زي ده، لما الأحزاب كلها تجتمع على الإسلام يريدون أن يدخلوا نور الله. شوف ساعتها أنت دورك إيه يعني في الأمر ده.
طب أنا.. يقول لك: أصل الخطاب ده بيولد نوع من إن هو.. أفرض مش قادر؟ طب هو مش قادر قوم ينتكس؟ مين اللي قال إن.. يعني لما قرأت القصص اللي المقال جابها، وأنه قابل فلان وأنه ما قدرش، أو إن هي حست بغربة لما إن المجتمع اللي حواليها.. هي لابسة خمار وحست أن هي كانت.. حاول تحافظ على صورة، مش صورتها البديل إن أنا أسيب؟
يعني في فرق يا جماعة بين النزول في سلم الدين درجة -أنا آه مش قادر وأنا بنزل درجة- وبين إن أنا أقول: أصل الخطاب ده هو السبب! لأ، أنا مش قادر أطبق نوع من أنواع الخطاب وما في وسع يا رب، أنا قمت به، إيه الناس بقى انتقدتك، الناس ما انتقدتش، أنت بتعمل ما يرضی الله سبحانه وتعالى.
لكن ملف إن ده الخطاب ده، أو إن الشخص اللي بيحاول يجتهد، أو الشخص اللي هو شايف إن هو فعلاً بدأ يختلف شوية عشان يبعد عن المجتمع عشان هو يغير، لإن ده ممكن يولد نوع من.. كبروا آه، ممكن يولد ده، وإن من قالها لك الناس فهو أهلكوه، وإن الخوارج بيظنوا نفسهم أفضل الناس، ولكن أنا ده محتاج له خطاب نفسي آخر غير خطاب علو الهمة، خطاب علو الهمة لابد أن يبقى: أن الله يحب معالي الأمور ويكره السفسفة.
لو قعدنا نستقرأ نصوص الكتاب والسنة على خطابات علو الهمة، والخطابات المطالبة إن احنا نرفع المجتمع قدر المستطاع، هنجيب ده الغالب في الخطابات، حتى خطاب ﴿قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ﴾ [الزمر: 53].
ده بيخاطب مين؟ خاطب واحد عمل كل المعاصي، ﴿أَسْرَفُوا عَلَىٰ أَنفُسِهِمْ﴾. لا تقنطوا، خطاب جميل أهو، اللي بيقول لك انت جميل: لا تقنطوا من رحمة الله، وأنيبوا يا رب، واتبعوا أحسن ما أنزل. طب واحد بيقول له لا تقنطوا، طب إيه أحسن ما أنزل إليكم من ربكم؟ يعني مش خاص، يعني لا، خطاب القرآن خطاب تغييري بالفعل، خطاب قوي، ﴿إِنَّا سَنُلْقِي عَلَيْكَ قَوْلًا ثَقِيلًا﴾ [المزمل: 5]. ما فيش إيمان أصلاً من غير تبعات.
يعني ما فيش إن أنت تدخل للإسلام كده من غير أي لوازم، ومن غير أي تبعات، إزاي أصلاً؟ قال: ولا جهاد ولا صدقة ولا أنفق، يعني فين الإسلام؟ فين إن أنت مش عايز تعمل أي حاجة؟ فده اللي أنا كنت عايز أوضحه، إن بلاش مقابل الخطأ بخطأ، بلاش مقابل إن فعلاً بعض الخطابات اللي كانت موجودة ممكن بتجيب إحباط ويأس؛ لأن هي بتطالبك بإنجاز ملموس أو بإنجاز محسوس.
تضحية كبيرة وضخم وخارق، وو، مش نقابله بيفكك من الحوارات دي، فكك من الشعارات الكبيرة والشعارات دي لبستنا في حيطة، واحنا هنعالج! أيوه، أنت مش هنغير العالم، طب أهو، الشعور اللي أنا متخيله، شعور المسلم وهو بيقرأ ﴿تَبَارَكَ الَّذِي نَزَّلَ الْفُرْقَانَ عَلَىٰ عَبْدِهِ لِيَكُونَ لِلْعَالَمِينَ نَذِيرًا﴾ [الفرقان: 1]، و﴿وَمَا أَرْسَلْنَاكَ إِلَّا رَحْمَةً لِلْعَالَمِينَ﴾ [الأنبياء: 107]. يا جماعة في فرق إن أنا استشعر دوري تجاه ده ولو دور بسيط، ما أنا قلت لكم، إنما أنا لبنة، مش لازم أنا اللي أشوف النصر، مش لازم أنا اللي أرفع الراية، مش لازم أنا اللي يقص الشريط، يعني مش لازم أنا، أنا مجرد واحد من ملايين الناس.
كان واحد والحقني بالصلاة، عايز أبقى وسطهم بس يعني، عايز أبقى وسطهم. لكن مثلاً من الخطابات اللي بتنتقد يقول لك إيه؟ المدرس مش عارف سأل في الفصل، أنت نفسك تبقى إيه؟ فواحد قال له: أنا نفسي أبقى دكتور، والتاني قال لي: يا مهندس، لغاية لما واحد قال لي: أنا نفسي مش عارف افتح الأقصى وأكون زي محمد الفاتح، فالناس قعدت تسقف له، وأن ده غلط، أن النموذج ده غلط من الخطاب، وأن النموذج ده مش صح، وتربية الأبناء على أن ده مش صح. طب ليه؟
ممكن أوازنها، ممكن يعني ممكن أقول له في أطفال عملوا كذا، وفي ناس ضحت، وفي ناس بذلت، وفي، لكن أنت في الآخر محتاج تكتشف نفسك ومحتاج تكون أنت حتى لو ما شفتش. أنا ممكن أوازن، مش هرفضه تماماً، أو مش هقول له على فكرة أكون عادي خالص بقى، يعني سيبك من جو الخلافة والأمة والحوار الكبير ده، خليك عادي خالص يا ابني وشوف حياتك ومستقبلك. لا، ده بالعكس، ده خطاب، ده خطير البوست اللي أنا مش فاكره، مش فاكر مين اللي كاتبه ده اللي انتشر، وكان بيجي رسالة بتاع إن أنت تبقى عادي، وأن الخطاب الأولاني ده خطاب بائس ومحبط وو، ده، ده أنا شايف أن ده، ده برده خطاب قاتل للهمة، ممكن، أنا، ممكن ده فهمي القصد، ده اللي أنا حسيت.
يعني لما قرأته، أنا حسيت إن واحد بيدعوني إن أنا أمارس حياتي عادي جداً. يعني إيه أمارس حياتي عادي جداً؟ أمال يعني إيه مسلم؟ أمال يعني إيه لما بقرأ آيات القرآن وأحاديث، أمال المطالب دي مين اللي هيقوم بها؟ أمين من سيقوم بهذه الأمور؟ على رأي السيد قطب لما كان بيقول: آه، شغلتنا أموالنا وأهلنا فاستغفر لنا. فبيقول، بيرد يقول: فللناس أموال وأهله، إيه اللي شغلتنا أموال؟ طب ما الناس كلها عندها أموال، مين اللي هيشتغل الدين؟
لو ده عذر مقبول، أصل أنا والله يعني عندي عيلة وعندي فلوس والله، بجد والله، طب ما الناس كلها عندها عيلة وفلوس، مين اللي هيقدم يعني؟ من سينصر الدين إذاً؟ يعني حتى هذا الخطاب اللي عايز يستنفر، قولوا البقية إن هم يقوموا وينفروا وينشروا، ده منتقد، ماشي يا عم نصلحه، في شوية أخطاء، في شوية تبعات، لكن نرفده تماماً، أمال مين اللي هيكمل؟ أمال مين اللي هيضحي؟ أي عمل للدين ولو بسيط محتاج تضحية.
أنا كنت في ندوة من الندوات في إحدى المحافظات، فواحدة بتسألني والدين وبرضو الدنيا، وعمالة تناقش، وليه، واللي حضرتك بتقول كده، وليه مش لازم نجمع؟ قلت لها: لو تصور حضرتك صح، لو كل الناس عملت اللي حضرتك بتقوليه ده، الجلسة دي مش هتتعمل، أنت ما تعرفيش الناس اللي قائمة على الندوات دي عملوا إيه أصلاً؟ يعني لو كلام حضرتك صح، الندوة اللي احنا فيها دي ما كانتش هتتعمل أساساً.
مش لازم أقول لك الناس الموجودين دول مين، وضحوا بإيه عشان ده يتم. فأحياناً أنت ما أنتش عارف كمية المجهود المبذول والتضحية اللي بذلت عشان الدين ده يستمر. فإن أنا استنكر خطاب في بعض الأخطاء بخطاب آخر، في الآخر يؤدي إلى حالة من الإماتة، الشيء ده خطر، ده احنا محتاجين خطاب فيه بعث. مراحلت الهزيمة هي أصل الخطابات دي خطابات تخديرية.
وهو النبي صلى الله عليه وسلم لما كان في عز الأزمات، في لحظة الهجرة مع سراقة، وفي لحظة أحزاب، وفي لحظة الغار في أشد لحظات، كان البشرى. ما تقول لي، ما هو أصل هو دايما بستحضر رد الآخر وبسمعه، يقول لك: أصل هو رسول وعنده وحي أن ده هيحصل، طب ما أنا بتكلم على العاقبة العامة، مش بتكلم أن احنا بنشوف. ماشي، لو أنت شايف فكرة تربية الناس على أن جيل بعينه هو اللي هيشوف النصر، ويشوف التمكين اللي بالصورة المعينة ده غلط، ماشي، ينتقد ده، وفهمه أن المتقين، وأن التربية تربية أخروية، وأنك أنت ممكن تموت ما تشوفش أي حاجة، ﴿فَإِمَّا نُرِيَنَّكَ بَعْضَ الَّذِي نَعِدُهُمْ أَوْ نَتَوَفَّيَنَّكَ﴾ [غُافر: 77]. جاي تشوف جزء، وجايز ما تشوفش حاجة.
آه، اتربى على ده، مهم أنك تتربى على ده، مهم أنك تتربى أنك تنتظر في الآخرة، فزت ورب الكعبة وأنت ما شفتش حاجة؟ آه، مهم الترجي على ده؛ عشان ما يعيش في إحباط ويأس لما ييجي يحصل له مرحلة هزيمة، أو أسر، أو قتل، أو موت، أو استشهاد، وما يشوفش حاجة؟ آه، يتربى على ده؛ عشان ما يحبطش، ما يترباش. عجبني تعبير الاستعارة إسماعيل عرفة وهو بيتكلم في نقد الفيلم بتاع في سبع سنين، أن في جهة رب على الفردوس الأرضي، بس مش الفردوس الدنيوي بقى بتعبير المسيري يعني. مش أن هم، لا، اللي هو التمكين الأرضي لازم يشوفوا، شافوش، ينتكس. بل بل حتى فوجئت في كتاب في المعرض، حتى لفظ التمكين بقى مستنكر، في كتاب واحد كاتبه مش عارف اسمه ايه كده، عبد اللطيف، كاتب الخلل في مفهوم التمكين الإخوان نموذجاً.
وخلاص هو كله، هي بتبقى موضة بقى والنقض، أن أن مين اللي قال التمكين معناه التصور ده؟ هو كل المفاهيم بتبدأ، أنت برضو عايز تنتقد جزء من الخلل عند الإخوان في مفهوم التمكين، ما تهدمش المفهوم، ما تحسسنيش أن احنا ممكنين أصلاً، وهو في الآخر أن هي شوية أخطاء بسيطة، وأن الدول يعني يعني أنت بتكلم عن الإسلام مختلف، اتصدمت من الكتاب ومن الفهرس بتاعه، ضرب في كل المفاهيم الأساسية. يعني المفروض احنا ما نساعدش في ده.
وأنا أسل حل التطرف بالنص، التمسك بالذي أوحي إليه، هات جمل القرآن والسنة، استمسك بها، آمن بها، طبق اللي تقدر عليه، انشرها، حافظ على جذوة الإيمان مشتعلة، إياك أن يخلق يبلى الإيمان بداخلك، املأ مشاعرك بالإيمان ما استطعتم بقى واللي تقدر عليه مع صدق، إيه اللي أقدر عليه؟ والله يا رب، ببساطة، أنا بقى آخري أن أنا أخدم فلان، آخري أن أنا أعمل حاجة.
لكن فكرة الحاجة الكبيرة، آه، ده غلط، أنا برضو عشان يبقى الواحد يبقى نوع توازن. الخطاب الأولاني فيه أخطاء؟ آه، فيه أخطاء، فأنا أذكر برضو عشان أنا ذكرت نماذج من البتاع، خطاب كن عادي، برضو من الخطاب الآخر، أنا قابلت أخ، المفهوم الخاطئ بتاع كن خارقاً ده، بيقول لي إيه؟ بكلمه على حاجة معينة يعملها، فبيقول لي دي حاجة بسيطة، قلت له: طب وايه المشكلة لما دي حاجة بسيطة؟ قال لي: بص، وده بقى، ده ممكن الكلمة اللي أنا هقولها دي بتلخص أشكال الضخم، الفريق الآخر اللي تبنى الخطاب كن عادياً بينتقده، الجملة دي: بص، أنا يعمل حاجة كبيرة، يساعد واحد، بيعمل حاجة كبيرة، صراحة، هو ده فعلاً المفهوم الخاطئ، ده اللي محتاج ينقد، لأ، ده هو ده، هو ده اللي هيجيله إحباط، وده اللي ده اللي ممكن يحصل له ده، وده اللي خطابه غلط، أو ده خطاب غلط.
لا، هو خطاب كن عبداً ما استطعت، ﴿اتَّقُوا اللَّهَ مَا اسْتَطَعْتُمْ﴾ [التغابن: 16]، حققوا العبودية مش تحقق الإنجاز. والفوارق بتبقى دقيقة، أن احنا نتكلم في الملف ده ونشرحه ونفصصه، ده مهم. لكن نستبدل الخطاب بتاع معالي الأمور اللي ربنا بيحبها، بخطاب عش حياة عادية، أنا مختلف مع ده تماماً، أنا شايف أن ده بيصادم سبعة، وسارعوا، اللي كتير في القرآن، واحساس إيه الإنسان وهو بيقرأ؟ ثلة من الأولين وقليل من الآخرين عن المقربين، أنت بتبقى هتموت وتبقى بالقليلين، إيه اللي ما تبقاش؟ لأ، طبعا، أنا واحد، الإنسان بطبعه بيحب الاستزادة، همان لا يشبعان، طالب علم وطالب مال، الاتنين بتاع الدين وبتاع الدنيا.
ده طبيعي أن أكون عايز استزيد، أما أسمع كلمة وفريق أخير، ونفسي أبقى منهم؟ آه، طبعا نفسي أبقى منهم. لما أسمع يرثون الفردوس ونفسي أبقى منهم؟ آه، طبعا نفسي أبقى منهم. مش لازم بقى بالصورة الحسية العالية، ممكن زي ما قلت لك، من كيف فيهما فجاهد، ممكن أويس القرني اللي قعد جنبهم ما رضاش حاجة، ممكن مستغرده، يكون خير التابعين، يعني مش فلان وفلان وفلان، لأ، أويس القرني.
يعني أرجو أن الفكرة تكون وضحت اللي أنا عايز أوصلها بحيث أن احنا نوصل لحالة من الالتزام. لكن خارقاً خطاب يعمل حاجة كبيرة، يا تخدم حد بيعمل حاجة، يكون في جماعة كبيرة، يعني فكرة أن دايما لازم تبقى كومبو عشان أكمل فيها، أو، لا، لا، لا، أي خطاب وتبعاته كبير، لا، لا، لا، عش حياتك وخليك شخص عادي. وفي فرق بين كون نفسك، وكون أنت، وابحث عن عبوديتك، آه، ده خطاب مطلوب. ما تعيش في الوهم؟ آه، ده خطاب مطلوب. ارض بقسمك، ده خطاب مطلوب. مش لازم يحدث إنجاز والنبي ومعها، ده خطاب مطلوب. دي كلها خطابات شرعية جات في جمل القرآن والسنة.
تفضل، أول سؤال: ليه الخطاب القرآني والنبوي ماكنش فيه كم الاحترازات اللي احنا عمالين نقولها كل شوية في كلامنا؟ توصل من تبعات المشاكل النفسية. جميل جداً، جميل، بيتكلم بشكل مطلق جداً، مستحق عندهم من النضج ومن النفس السوية اللي بتتقبل الكلام ده بشكل طبيعي وعادي جداً وهكذا يعني، فبالتالي قصدي، يعني هنا السؤال، ممكن ده يكون حاجة بعد كده، إيه نموذج التربية، أو يعني إيه إيه التربية السوية عن الصحابة اللي احنا محتاجين منشورة في مجتمعنا؟ كان تلاقوا الثوب القرآني والنبوي بالشكل الصحي ده، مش بشكل دورهم، أن أنا مش متخيل أن المشكلة حتى، يعني ممكن ندخلها في بعضها.
ماشي، النقطة بتاعة الإجابة بتاعة، برضو مش أنا حاسس أن هي دي مش، يعني الأخ حتى قال لك إن دي مش الإجابة، أو عارفة قال لك يعني تحسن النفسية، إشكالية أفكر فيها إزاي؟ بس هي المشكلة أن هي تكون عبداً مش مش بترد على الإشكال بتاع المقالة ديت بشكل مباشر؛ أن هو في الآخر، هو بيقول لك، ماشي، ما هو العبودية عندي أن أنا أكون عادي وزي الفل، وديان عندي لا تناقض العبودية. المشكلة أن احنا جينا نفصص كلمة كن عبداً، فتوى في الاشكال اللي هو رافضه، نصيحة لسبب هو مش مشكلته فكن عبداً أو كن عادلاً، هو مشكلته النقابة وله همة مع واقع الانهزامي، ده بيجيب إحباط عند الناس، إيه الحل عنده؟
الناس ترضى بواقعها؛ عشان الناس ما تهبطش. عايزينه نفهمه أن لأ، هو خطاب العلوم ده شيء أساسي عندنا، ومهم من أصول الدين عندنا، والناس أو البشر هو لازم يكون على الإطلاق بالجنة أكبر، بيكون الجزاء عند ربنا سبحانه وتعالى وهكذا، مش يكون منتظر ثواب دنياهم المباشر. مش الحل أن أنا أقول له: شيل الخطاب بتاع جميل فقال له هم، هم، فهو مش محتاج أن هو يسمع مني كلمة تكون عبداً، هو في الآخر هيخش معي في الإشكال التفصيلي، وساعتها هيحصل الخلاف بيني وبينه، فين التفاصيل نفسها؟ فاهم قصدي؟
أيوة، فاهم جداً. أنا خفية خايف يكون عبداً هي إجابة في الأول حلوة علشان أكسب صف للأخ اللي قدامي، قدامنا ده، مش ضدكم، بس المشكلة أن أنا أخش في التفاصيل بتاع تفكيره، أهون، لا أنا تفكيري ونقادي تماماً، تفكيره. جميل، لا، ما هو أنا فاهم كويس جداً. طيب، أنا هجاوب على السؤال ده؛ لأن هو سؤال جميل جداً، وأنا كان نفسي أقوله فعلاً في، أولاً هي مش الإجابة بس تكون عندي، هي الإجابة الدرس على بعده. ليه، ليه احنا للاسف بقينا بنحتاج لكثير من الاحترازات؟ ليه أنا شايف أن هي أكثر من إيجابي؟ رقم واحد أنا هفكر في الصف الأول، هو يعني كأني أنا هو، فهقول له.
كان هذا الخطاب معه نموذج تطبيقي ناضج؛ وهو النبي صلى الله عليه وسلم، فكان الصحابي إذا حصل له خلل في الفهم يذهب إليه، كان يحسبها معادلة ظاهرها الصحة؛ فيقول: النبي صلى الله عليه وسلم أفضل الناس، والنبي صلى الله عليه وسلم غفر له ما تقدم من ذنبه، فإذًا النبي صلى الله عليه وسلم ليس محتاجًا للعبادات الكبيرة، وأنا أقل منه، فأنا محتاج أن لا أقوم ولا أنام، وألا أتزوج، وألا أفطر. هنا حصل خلل في الفهم؛ وضع مقدمات معينة صغيرة وصحيحة وخرج منها بنتيجة غلط، الذي ضبط هذا الفهم هو التطبيق النبوي وإنكار النبي صلى الله عليه وسلم. فكان كلما حدث خلل معين؛ واحد فكر في قطع الشهوة تمامًا، وواحد فكر في التفرغ التام، وواحد فكر في كذا، كان يجد نموذجًا تطبيقيًا يهذبه، فإيجاد نماذج سوية تعيش وسط المجتمع هو نوع من التوازن. أنت تتكلم في علو الهمة وعندك نموذج تطبيقي متزن، فهذا يجعل الإنسان يتكلم براحته، لكنك تراعي الواقع، ففي النقطة الأولى كان هناك نموذج تطبيقي على أرض الواقع إذا حصل إشكال في فهم النص هو يعالجه.
الحاجة الثانية، وهذا رأيته بطريقة غريبة جدًا بعد كل درس في النقاشات التي تأتيني، أن لا يوجد شيء اسمه خطاب واحد يجمع كل الاحترازات؛ هو سياق على بعضه. طيب ما أنا لو أخذت صورة واحدة ممكن أفهمها غلط، لذلك نحن نرد الآيات لبعضها. مثلًا شخص بعث لي في تعقيب على تعليقي على فيلم في سبع سنوات، يقول لي: أنت لم تشكر في الجهاد! يا عم أنا شارح سيرة محمد صلى الله عليه وسلم، راعِ سياقات كلامي كلها. بلاش أنا، لو افترضنا أن الشيخ الطريفي طلع في قناة وتكلم، يقول لك الشيخ الطريفي متخاذل! أن تختزل جزءًا معينًا في سياق معين وتحكم عليه، لا يوجد خطاب في الدنيا فيه كل الاحترازات، وشيخ الإسلام ابن تيمية كان له مقالة جميلة في ذلك أصلاً، أن لا يوجد خطاب في الدنيا فيه كل الاحترازات، فهذا غير موجود، واللغة أصلاً ليست لغة العرب، فلو جئت تعمل احترازًا في كل كلمة لن تكمل جملة على بعضها، ستجد نفسك تقول جملة، لكن هذا ليس معناه، وما قلته ليس معناه، وما معنى ما قلته... ستجد نفسك لا تعرف تكمل كلمتين مع بعض. لا يوجد أحد يعطي خطابًا فيه كل الاحترازات.
أمال الخطاب يفهم كيف؟ في سياق متكامل على بعضه، أنت تدرس الشخص بكل خطاباته. فأنت لما تحب تقيم، سيبك مني، تحب تقيم درسًا لأحد أو جملة أو فكرًا لأحد، ادرس الفكرة على بعضها. فلما يأتي ويقول لك: هو أنتم لماذا حكمتم على فلان من كذا بهذه الجملة أنه علماني؟ حضرتك نحن لا نحكم على الجملة، نحن نحكم على تاريخ وسياق متكامل. لماذا تتغاضون عن تجربة إسلامية معينة؟ قالوا: أصل هؤلاء نيتهم خير! ما أنا أحكم على تاريخ، أنا لا أحكم على جملة طلع قالها في تصريح صحفي، لا، هذا سذاجة. فهذه إشكالية أن دائمًا هناك من يمسك، لماذا نحن نحتاج الاحترازات؟ لأن أصبح هناك عقلية يمكن أن نسميها مبتسرة، يعني تبتر. هل الحل أننا نمشي مع الموجة أم لا؟ نحاول نخلي الناس هي التي تنضج في التعامل مع الأفكار. أحس أننا من كثرة ما نريد إرضاء الأطراف الأخرى أو الذين عندهم مشاكل، أصبح خطابنا متعبًا حتى لبعضنا.
لا، هو أنا سأقول لحضرتك على حاجة؛ لأن أحيانًا الخلل في فهم النص كما حصل في بعض الصحابة، لأن النبي صلى الله عليه وسلم كان يصلح لهم، فهو يقول لي: خذ بالك خطابك، هو يقول لي: خطابك الغلط أدى لنتيجة غلط، فأنا أقول له: خطابي أولًا لم يكن غلطًا كاملًا، بل في جزء من الخطأ، ثانيًا الناتج هذا ليس من لوازمه. هذه فكرة الدرس النهاردة، وكلمة كن عاديًا هي كلمة شاملة لكن ليست الإجابة الكاملة، الإجابة الكاملة هي: ﴿فَاتَّقُوا اللَّهَ مَا اسْتَطَعْتُمْ﴾ [التغابن: 16]. لذلك لو قلت دائمًا أريد كلامك يبقى صح، استعمل خطابات القرآن والسنة، نصوص القرآن والسنة عمومها، علوها، ﴿سَابِقُوا﴾، ﴿سَارِعُوا﴾، حتى جئت بنموذج ﴿قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ﴾ [الزمر: 53]. طيب في أحاديث ثانية: أفلح إن صدق؟ جميل، هذا مناسب لهم. أمال ما دور أفلح إن صدق، أو دور الرجل الذي سقى كلبًا، أو الرجل الذي أماط الأذى عن الطريق؟ إن الدين يشمل عموم المسلمين، الدين لم ينزل لطائفة معينة، إن الدين ممكن إنسان يصل للفردوس الأعلى بعمل بسيط، وارد، لكن هذا لا يمنع كما قلت من الخطاب العالي الذي يدفع الناس دفعًا للبذل وللتضحية، ﴿إِنَّ اللَّهَ اشْتَرَىٰ مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الْجَنَّةَ﴾ [التوبة: 111]. وأنا قلت منذ قليل: قليل من الآخرين، تبقى ستموت وتبقى من القليل هؤلاء؟ تريد أن تنافس وتكون من أولئك المقربون؟
الإجابة أولًا، وما فيش إجابة مختزنة، لذلك ممكن الشخص الآخر، كشخص ممكن يُعذر أننا محتاجين نقرأ أفكاره كلها. لكن خطاب كن عاديًا، آه طبعًا ضده قلبًا وقالبًا، كن عاديًا هذا خطاب مدمر للهمة، خطاب أنا أراه خطاب انهزامي، خطاب مر بحالة معينة، حالة الميزان، وزي ما قلت في مقدمة الدرس أحيانًا تكون تراجعات مش مراجعات، أحيانًا تكون انقلابًا على أفكار بسبب حاجة معينة مش بسبب رؤية وتفكير واستقراء للنصوص وغير ذلك. اكتفي بهذا القدر، سبحانك اللهم وبحمدك.