دخولتسجيل الدخول

عوامل الثبات بعد رمضان

أمجد سميرالشيخ أمجد سمير
  • مدة الدرس:
  • قراءة

بسم الله، الحمد لله، والصلاة والسلام على رسول الله، وعلى آله وصحبه ومن والاه، وأشهد أن لا إله إلا الله وحده لا شريك له، وأشهد أن محمداً عبده ورسوله. اللهم صل على سيدنا محمد النبي وأزواجه أمهات المؤمنين وذرياته وآل بيته كما صليت على آل إبراهيم إنك حميد مجيد.

أما بعد، كنا هننسى أهم حاجة! بقى عاوزين الأطفال كده يقوموا يقفوا، كل الأطفال اللي في المسجد تقوم، في كم طفل، اقفوا اقفوا. طيب عاوزين نديهم عيدية، طيب الرجالة هتقف دلوقتي طيب، يلا تعالوا تعالوا هنا يلا، كله يجي، الأطفال كلها هتيجي هنا.

طيب، النهارده إن شاء الله هنتكلم عن عوامل الثبات بعد رمضان، وأظن العنوان ده يعني كتير بيبقى محتاجه وكتير مستنيه وكتير بتكلم فيه بردو، يعني لو كتبتم عوامل الثبات بعد رمضان هتلاقوا مية عامل مكتوبين على النت وغير النت. المحاضرة جزئين، الجزء الأول هنحرر مفهوم الثبات، يعني لما نقول عوامل الثبات بعد رمضان، فلازم نفهم يعني إيه ثبات أصلاً، يعني إنت تقصد إيه بثبات؟ وده الجزء الأهم في المحاضرة، لأني لما أجي أقول بعد كده عوامل الثبات، في ناس أشطر مني كتير يتكلموا في عوامل الثبات، لكن عاوزين نحرر مفهوم الثبات ليه يا شباب؟ لأن الأسئلة المشهورة اللي بعد رمضان: أنا جاي، أنا عندي اكتئاب، أنا كاره نفسي، أنا مش عارف. أسئلة كتير بتيجي كده، إيه جزء من الموضوع ده؟ إن إنانس مش محرر عندنا معنى الثبات، إيه معنى الثبات؟ هو بيبقى فاكر إن الشيخ بيتكلم، سمع كده إن الشيخ بيتكلم عوامل الثبات بعد رمضان، يقوم على طول يجي في ذهنه إن في ناس إيه؟

ثابته، مش كده؟ ثابته بالمفهوم اللي عنده، يعني إيه المفهوم اللي عنده؟ يعني هم لو كانوا بيعملوا من واحد لـ 100 في رمضان، فهم بيعملوا من واحد لـ 100 بعد رمضان، ما هو ده معنى كلمة ثابت، فهو ده المعنى اللي بيجي في ذهنه. طب طالما في ناس ثابته، يبقى أنا بالمفهوم ده يبقى أنا مش ثابت، فيكتئب! ما هو في ناس كده، يعني في ناس بتكلم يعني مثلا إيه؟ بيشوف عليك سمت ولا عليك فيفتكرك إنك يعني واحد قبل كده بعت لي سؤال على صلحني، في نص السؤال هو هو يعني، يعني هو بيقولها كمسلم وبيع بيقول إيه: طبعا إنتوا المشايخ ما بتعملوش معاصي، وراح مكمل كلامه، يعني هو مش يعني هو عارفين لما يجي يقول لك إيه: طبعا زي ما إنت عارف، اللي هو إيه؟ دي حاجة مش هنتناقش فيها يعني، فهو في دماغه إن إيه؟ إن في فئة من البشر ما بتعملش معاصي، هو ذهنه كده، هو في دماغه كده.

أحمد حسنين رحمه الله مرة كان بيحكي لي إن واحد من الشباب اللي هو إيه يعني تدينوا على إيديه أو كذا، فجه بيحكي له بعد فترة يعني مكتئب وحزين، مالك يا حبيبي؟ قال له: أصل أنا يا شيخ أحمد ما بعرفش أقيم الليل بأكثر من ثلاث أجزاء كل ليلة -ده مش في رمضان، ده بيتكلم في حياته العادية- فده تعبني ومزعلني. وهو عنده بردو صورة ذهنية إن إيه؟ إن طبعا هو في ناس بتقيم بأكتر من ده -ما بقولش كده- بس هو عنده صورة هنا إن إيه إن أن ده ما يعني إيه موجود بكثره، وأنا كده اللي ضايع. فناس عندها التصور ده، فاحنا لازم نحرر يعني إيه ثبات، علشان لما نقول يعني إيه ثبات نبتدي بقى ننطلق، يلا بقى تعالى نثبت على المفهوم الجديد ده، خلاص؟

طيب، اللي فاكر إن الثبات يعني إنه يفضل على نفس حالته الإيمانية ونفس أفعاله طول العام ده غلطان، ما فيش حد كده يا جماعة، ما فيش حد كده، أيوه هو ما فيش حد كده مننا، إنما في أكيد يعني ناس في الزوايا كده ولا في الخبايا؟ لا، ولا في الزوايا ولا في الخبايا. طيب، أنا في السلف؟ لا، ولا في السلف، يعني أنا ما أعرفش حد أُثر عنه ده غير بني آدم في السلف، واحد يعني. طب الصحابه؟ ولا الصحابه، ولا الصحابه! ده منين عرفنا ده؟ حديث حنظلة واضح جدا، أن أبوبكر رضي الله عنه ماشي لقى حنظلة رضي الله عنه قاعد على جنب الطريق بيعيط، مالك؟ قال له: نكون عند رسول الله صلى الله عليه وسلم فيحدثنا الجنة والنار فكأن رأي العين كأننا شايفين الجنة وشايفين النار، فإذا خرجنا من عنده عافنا الزوجات والضيعات والأولاد ونسينا كثيراً، نافق حنظلة! يعني واحنا قاعدين في مجلس رسول الله صلى الله عليه وسلم نكون في حالة إيمانية عالية جدا، نخرج من المجلس نعود إلى الضيعات الأصول بتاعتنا البيوت الجناين والأولاد والزوجات، فنسينا كثيراً أو ونسينا كثيراً، نافق حنظلة. يقوم أبوبكر (لغاية هنا اهو صحابي اهو عرفنا أن الصحابي ده حاله زينا اهو، أن الإيمان عمال ايه يزيد وينقص، الحالة الإيمانية بترتفع في وقت مجلس الذكر، ترجع تقل بعد مجلس الذكر). المفاجأة بقى أن أبوبكر الرد قال ايه: إني لاجد ما تجد! آه، ده أنا كمان كده، صديق الأمة! أنا كمان زيك! فتنا إلى رسول الله صلى الله عليه وسلم، فدخلوا على النبي صلى الله عليه وسلم، فسأل حنظلة عن حاله فقال ما قال، فقال: «لو تدومون على ما تكونون عليه عندي لصافحتكم الملائكة في الطرقات وعلى فرشكم، ولكن يا حنظلة ساعة وساعة، ساعة وساعة، ساعة وساعة».

يبقى إن الإنسان يدوم على حالة واحدة من الإيمان عالية ده مش موجود، الإيمان هيفضل يزيد وينقص. طيب في حديث أوضح من ده؟ أه في حديث أوضح من ده، قال صلى الله عليه وسلم: «إن لكل عمل شرة، ولكل شرة فترة». وفي رواية: «إن لكل شيء شرة، ولكل شرة فترة». عاوزين بقى إيه علشان نفهم الكلام ده؟ المرة اللي فاتت قلناه لكم بس الناس ايه ما فهمتش قوي، نرسمه لكم علشان تفهموه ماشي، وهنحاول واحنا بنرسمه بردو هنايه هنتكلم علشان اللي مش شايف الرسم يعني السبوره.

طيب، بتوع بقى هندسه وبتوع داتا أناليسيس وعلوم هيبقوا ايه أسرع شوية في اللي احنا هنعمله ده، عندنا المحور السيني والمحور الصادي ماشي، خلينا بالعربي عشان الناس كلها تيه. في حاجة عندنا أن لكل عمل شرة ولكل شرة فترة، الشرة اللي هي ايه يا جماعة؟ الشرة الشدة والإقبال، والفترة الضعف والادبار. فإنت ماشي المحور السيني ده هو حياتك، ده عمرك، والمحور الصادي ده هو مستوى الإيمان عندك أو العمل اللي إنت بتعمله، بنكلم قيام الليل، حط هنا قيام الليل، بنكلم على الصيام، حط هنا كلمة صيام، بنكلم عن حالة إيمانية، حط هنا حالة إيمانية، خلاص؟

إحنا في حياتنا يا جماعة ما فيش حد بيمشي كده، ده مش موجود في الحياة، هنقرا كلام ابن القيم عن كده على فكرة، خلاص؟ لما ربنا سبحانه وتعالى قال ايه: ﴿أَن يَتَقَدَّمَ أَوْ يَتَأَخَّرَ﴾ [القيامة: 31]، فابن القيم استدل بالآية دي أن ما فيش ثبات، إنت إما في تقدم أو في تاخر، زي ما هنشرح. فطول ما عمرك بيمر، عمرك ماشي، ما فيش حد ماشي ثابت كده، يعني حالتك الإيمانية مش... ما فيش حد كده، أمال إحنا بنمشي إزاي لربنا في طريق السير إلى الله؟ هنرسهم رسمة وهي غلط وهنرجع نرسم رسمة تاني، بس عشان نفهم الأول إنت بتتمشي زي موج البحر كده اللي بيسموها ساين ويف، خلاص؟ بتمشي كده، خلاص؟

وإنت ماشي في طريقك لربنا إنت ماشي بالشكل ده، القمم دي هي دي الشرة، والقيعان هي دي الفترات، خلاص؟ يبقى دي شرة ودي فترة، إن لكل عمل شرة ولكل شرة فترة. فإنت ماشي لربنا سبحانه وتعالى، إنت ماشي بين قمم وقيعان، ده كلام النبي عليه الصلاه والسلام: «إن لكل عمل شرة ولكل شرة فترة، إن لكل شيء في رواية شرة ولكل شرة فترة». يعني ايه لكل شيء؟ حتى الحب، البغض، تلاقي نفسك ايه واحد بتحبه قوي، وبعدين يرجع الحب ده يفطر شيئاً ما، خلاص طبيعي، طبيعي أن لكل شيء شرة ولكل فترة... غضبان من حاجة غضب شديد ويرجع الغضب يقل بعد كده، حزنان على شيء حزن شديد ويرجع الحزن يقل بعد كده، إن لكل شيء شرة ولكل شرة فترة. تكملة حديث النبي عليه الصلاة والسلام: «فمن كانت شرته إلى سنتي فقد أهتدى» فقد أفلح -روايتين- «ومن كانت إلى غير ذلك فقد هلك». وفي رواية: «فمن كانت فترته إلى سنتي فقد أفلح فقد اهتدى» -روايتين- «ومن كانت إلى غير ذلك فقد هلك».

يعني ايه الكلام ده بقى؟ يعني دلوقتي هنرسم تاني اهو، عندك شرة وعندك فترة، طول ما إنت ماشي في حياتك كده. طيب كان عندنا خط تحت وخط فوق، طول ما الشرة والفترة بين الخطين دول فإنت على خير. فاما أجي أقول لك عوامل الثبات بعد رمضان، نقصد ايه بالثبات؟ أن تكون بين هذين الخطين وإن أصابتك الفترة فلا باس؛ لأن دي طبيعة البشر، حديث النبي عليه الصلاة والسلام اللي قلناه من شوية: «لو دمتم لصافحتكم الملائكة»، ليه صفحتكم الملائكة؟ لأن أنتم مش هتبقوا بشر، هتبقوا ملايكة! إزاي هنعرف بقى إن شاء الله، فكروني لما أقعد بقى ماشي؛ عشان مش عاوزين نشرح الدرس كله هنا، إحنا عاوزين نرسم نفهم الموضوع ونرجع نقعد نكمل.

فطول ما إنت بين هذين الخطين فإنت على خير وفي عافية، فمن كانت شرته إلى سنتي -لو كتبنا هنا دي سنة النبي عليه الصلاة والسلام وهنا سنة النبي عليه الصلاة والسلام- من كانت شرته إلى سنتي فقد اهتدى، من كانت فترته إلى سنتي فقد اهتدى، طول ما إنت في الحته بتاعة السنة إنت على هدى، فقد أفلح -في رواية أخرى- ومن كانت إلى غير ذلك فقد هلك، يعني ايه إلى غير ذلك؟ يعني الشرة طلعت بره كده إزاي هنعرف؟ أو الفترة طلعت بره من تحت إزاي هنعرف؟ هنا فقد هلك وهنا فقد هلك، خلاص؟

طيب يعني إحنا ماشيين كده في طريقنا لربنا؟ لا، هو إحنا مش ماشيين كده في طريقنا لربنا سبحانه وتعالى، أمال إزاي بقى؟ الكيرف بقى الأخير اللي بعد كده هنشرح عليه أو لما نقعد هنحيل إليه بقى هو الحقيقه يا جماعة، طبعا الأول بس قبل ما نلغي ده، ده دلوقتي لو إحنا ماشيين كده، لو أنا جيت في نص المسافه دي ورحت راسم خط كده، اسمه ايه ده؟ الأفريدج مش كده؟ اللي هو المتوسط مش كده؟ يعني لو واحد ماشي كده، لو واحد ماشي كده، نقدر نقول أن متوسط سيره هو الشكل ده، صح كده؟

طيب، إحنا بقى مش ماشيين كده لربنا سبحانه وتعالى، أمال إحنا ماشيين إزاي؟ إحنا ماشيين في قمم وقيعان صحيح، شرة وفتره، لكن المنحنى ده إلى صعود أو إلى هبوط هو نفسه لا، إزاي مش فاهمين؟ (يعني إحنا ماشيين كده، هو طول ما إنت ماشي في قمم وقيعان في شرة وفتره أو العكس، إحنا ماشيين كده طول ما إنت ماشي صحيح فيه شرة وفتره). لكن لما ترجع لورا كده وتبص على منحنى حياتك، تلاقيك إلى ايه؟ صعود أو إلى هبوط، مع أني في تفاصيل حياتك في شرة وفتره، يعني لو جيت إنت في اليوم الفلاني هتلاقي نفسك كنت في اليوم العلاني في فترة، لكن لما تبعد كده، تبعد دي يعني ايه؟ يعني ايه تبعد؟ يعني تاخد الاسكيل بتاع حياتك على مستوى أكبر شوية، يعني من رمضان اللي فات لرمضان ده، أنا منحنى حياتي طالع ولا نازل؟ هنتكلم في الكلام ده إن شاء الله لما نقعد. الدنيا دي مفهومة؟ حد عنده أي إشكال في ده؟ نرجع نقعد بقى وهنحيل إلى الكلام ده إن شاء الله في الدرس.

كنا بنقول ايه بقى؟ بنقول أن حديث النبي عليه الصلاة والسلام، حديث حنظلة: «لو تدومون على ما تكونون عليه عندي لصافحتكم الملائكة في الطرقات وعلى فرشكم». ليه يا جماعة؟ لأن هذه حالة الملائكة، لأن هذه حالة الملائكة اللي هي ايه؟ حالة الاستمرار على حالة واحدة دي مش بتاعة البشر، دي بتاعة الملايكة، فطول ما إنت بني آدم اعرف انك مش هتعرف تعمل ده.

أنا ليه بقول يا جماعة الكلام ده وعمالين ناكد عليه وبنقول ده الجزء الأهم من الدرس؟ لأني أنا دلوقتي لو سالتكم: هل اللي أنا بقوله ده حصل لحد؟ هلاقي أن حصل لمعظم الناس حالة من الاكتئاب، وحالة من أنه ازاي أبقى كده؟ وازاي بعد ما كنت في مش عارف ايه رجعت فين؟ فاما تعرف اللي إنية بنقوله ده تبتدي قلبك يطمئن شيئاً ما، وهنعمل شوية حاجات بقى مش هيطمئن ونريح، يعني هنعمل شوية حاجات إن شاء الله هنتكلم. لكن أول معنى عاوزين نعرفه: أن الملائكة هم اللي كده مش البشر، وعلشان كده لو بقينا كده خلاص بقينا ملايكة وهتصافحنا الملائكة. طب ليه الملائكة كده مش البشر؟ لأن الملائكة ربنا سبحانه وتعالى ذكر عنهم صفاتين في القرآن مش فينا، الصفتين اللي عند الملائكة دول اللي خلتهم يبقوا كده يعرفوا يستمروا على حالة.

واحدة الصفتين مش في البشر. ربنا سبحانه وتعالى لما خلق إنسان خلقه على هيئة وله صفات غير صفات الملائكة. إيه هم الصفتين؟ قال الله عز وجل في الآية الأولى: ﴿فَإِنِ اسْتَكْبَرُوا فَالَّذِينَ عِندَ رَبِّكَ يُسَبِّحُونَ لَهُ بِاللَّيْلِ وَالنَّهَارِ وَهُمْ لَا يَسْأَمُونَ﴾ [فصلت: 38]. يبقى أول صفة عند الملائكة مش عند البشر أن هم لا يسأمون، ما بيزهقوش. طيب هل في البشر حد كده، يعني في بني آدم ما بيزهقش؟ ما فيش في البشر.

ده الصفة الثانية وهنرجع بقى نتأمل الصفتين، قال الله عز وجل: ﴿يُسَبِّحُونَ اللَّيْلَ وَالنَّهَارَ لَا يَفْتُرُونَ﴾ [الأنبياء: 20]. الفترة اللي هي الضعف، لا يضعفون عن العبادة، ما فيش فتور عندهم. واضحة دي؟ يبقى الملائكة لا يسأمون ولا يفترون. طب مين في البشر لا يفطر؟ ما فيش حد.

طيب بمجموع الصفتين طالما البشر بتفتر وبتسام، يبقى مش هينفع تكون على حالة واحدة يا جماعة. حالة واحدة دي اللي هي إيه بس؟ الملائكة في منها ملائكة خلقت يوم خلقت راكعة فهي على ذلك إلى يوم القيامة، وخلقت يوم خلقت ساجدة فهي على ذلك إلى يوم القيامة. أنت بس لو قلنا لك إيه: اسجد سجدة ساعة، ما تعرفش ليه؟ لأنك إما هتسام وإما هتفتر، مش كده؟ فالملائكة مش كده.

يبقى احنا مش مطلوب مننا نكون كده، مش مطلوب. والنبي عليه الصلاة والسلام بين ذلك لحنظلة، قال له: لا، ما هو انت مش مطلوب منك تبقى زي ما وانت عندي تبقى بره، مش هينفع تبقى كده ولا مطلوب كده، خلي بالك مش هينفع ومش مطلوب ده.

طيب إيه اللي مطلوب؟ اللي مطلوب زي ما قلنا على الرسمة: أن تكون بين الخطين اللي هم اسمهم سنة فوق وتحت؛ تطلع لشترة وتنزل لفترة، لكن ما زلت بين الخطين. الخطين هنا بقى لو هنرسمهم هيبقى خط تحت آخر فترة وخط فوق أعلى شترة، ما ينفعش تطلع عن ده وما ينفعش تنزل عن ده. إيه بقى الخطين دول علشان نفهمهم؟ قال صلى الله عليه وسلم: «فمن كانت شترته أو فترته» -الاثنين روايات جم- «إلى سنتي فقد أفلح فقد اهتدى» -روايتين- «ومن كانت إلى غير ذلك فقد هلك». اللي هي إيه سنة النبي عليه الصلاة والسلام؟ انك ما تتركش فرض وما تقعش في حرام.

ده أنهي خط كده تحت ولا فوق؟ ماشي، تحت، بس هو برضه فوق، هنفهم ليه كمان شويه. بس هي واضحه قوي وأنا بتكلم عن الخط اللي إيه اللي تحت. تعالوا كده نقرا أثر لعمر رضي الله عنه. ازاي فهم كلام النبي عليه الصلاة والسلام؟ يقول عمر: ان لهذه القلوب إقبالاً وإدباراً، فاذا أقبلت فخذوها بالنوافل، وإذا أدبرت فالزموها الفرائض. ان لهذه القلوب إقبالاً -قولوا اسمها إيه دي؟ شترة- وإدباراً -إيه؟ فترة-. فإذا أقبلت كانت في الشترة فخذوها بالنوافل، زودوا في العبادات، زودوا في الطاعات. وإذا أدبرت فالزموها الفرائض.

يبقى لو رسمنا خط أفقي تحت كده مش هينفع ننزل عنه، اللي هو هيكون خط إيه؟ الفرائض، وناقيَس على الفرائض الوقوع في المحرمات. وده هيجي نص صريح لغير عمر رضي الله عنه. هذه الألفاظ العمرية بمثلها أو قريب منها قال علي رضي الله عنه، يبقى هذا اللفظ يعني تقدر تاخده زي ما هو كده وتقول قاله علي رضي الله عنه.

طيب قول آخر علشان نفهم ازاي السلف فهموا كلام النبي عليه الصلاة والسلام وإيه المطلوب مننا بعد رمضان؟ بعد مواسم الطاعات، مواسم الخيرات، مواسم الإقبال، مواسم الشترة، إيه المطلوب مني؟ الإمام الرضا يقول: ان للقلوب إقبالاً وإدباراً، ونشاطاً وفطوراً. فإذا أقبلت بصَرَت وفهمت، وإذا أدبرت كَلَّت ومَلَّت؛ فخذوها عند إقبالها ونشاطها، واتركوها عند إدبارها وفتورها.

ابن القيم يقول بقى كلام مهم جداً جداً وركزوا فيه يا شباب علشان هيهدينا شوية بعد الخروج من موسم الطاعات ده. ماذا يقول ابن القيم في مدارج السالكين؟ يقول: فتخلل الفترات للسالكين أمر لابد منه. تاني: فتخلل الفترات للسالكين أمر لابد منه. يعني إيه لابد؟ حد يعرف إيه لابد؟ بنقولها كده لا مفر، يعني لو فاكر نفسك مش هححصل لك فترة، أنت غلطان، أنت اللي غلطان بقى. يعني إيه؟ ما تجيجيش بعد كده تقول إيه: أنا عندي اكتئاب، ما هو أنت عشان مش فاهم دين. لو فهمت دين، لو فهمت مراد الله عز وجل منك، مش هيصيبك هذا الاكتئاب. ليس مراده منك أن تصير أو أن تكون على حالة واحدة طول عمرك، ده مش مراد من الله عز وجل. فتخلل الفترات للسالكين أمر لابد منه، هيحصل هيحصل.

طيب نعمل إيه يا ابن القيم؟ قال: فمن كانت فترته إلى مقاربة وتسديد -ركزوا في الكلمتين اللي جايين دول بقى- ولم تخرجه من فرض ولم تدخله في محرم، رُجي له أن يعود خيراً مما كان. الله أكبر! يبقى هذه الفترة التي أنت فيها، حافظت فيها على الفرائض -طبعا مش معنى كده إيه؟ يقول: بس أنا كنت محافظ على السنن أنا هخرج من الدرس النهارده هسيب السنن، أنا في الفترة دي ما حدش يكلمني، لا، هو مش كده يا جماعه، الموضوع مش كده- الموضوع ده الحد الأدنى اللي تنزل له. خلاص، وهنتكلم شوية يعني بعد شوية هنتكلم على حته إن شاء الله، لكن اللفظ الجديد اللي ابن القيم قاله لنا ما كانش في كلام عمر ولا كلام علي وكلام الرضا، اللي هو إيه؟ ولم تخرجه إلى محرم.

ده اللفظ الجديد اللي واضح بقى بصراحه اهو: من كانت فترته إلى تقريب وتسديد أو إلى مقاربة وتسديد ولم تخرجه من فرض ولم تدخله في محرم، رُجي له أن يعود خيراً مما كان. شوية والمنحنى هيطلع تاني إلى شترة. يبقى الخط الأفقي اللي تحت احنا نازلين نازلين نازلين، بس الحمد لله فرائضنا لم تمس ولم نقتحم حراماً، أنت على السنة، أنت على السنة.

طيب لفوق بقى الشترة، ما هو في الحديث برضه: «فمن كانت شترته إلى سنتي». تقول إيه ده؟ هو ممكن الشترة تبقى إلى غير السنة؟ أقول لك: أه، العكس بقى اللي هو إيه العكس؟ راح واحد قال لك: لا لا لا، الناس الناس المتدينين دول بقى لهم 20 و30 سنة، أنا فين وهم فين؟ أنا بقى هعمل إيه؟ أنا اه، أنا مش هنام خالص طول حياتي بالليل، أو مش هتجوز بقى خالص، وإيه؟ هبتل أو مش هفطر، هصوم طول الدهر مش هفطر ولا يوم. إيه رايكم الكلام الجميل؟

لما حصل الكلام ده على عهد النبي عليه الصلاة والسلام سر بذلك ولا غضب؟ لما جم الثلاثة وسألوا عن عبادته فكانهم تقالوها، قالوا: قد غفر الله له ما تقدم من ذنبه وما تأخر. قال أهدهم: أما أنا فلله علي أن أقوم فلا أرقد، والثاني: أن أصور فلا أفطر، والثالث: ألا أتزوج النساء. جه أخبر. غضب، صعد صعد المنبر، الصلاة جامعة، ما بال أقوام يقولون كذا وكذا؟ أما أنا فأصوم وأفطر، وأقوم وأرقد، وأتزوج النساء، فمن رغب عن سنتي -ركزوا يا جماعه في اللفظ ده الأول- فمن رغب عن إيه؟ يبقى عندنا سقف للسنة زي ما في قاع للسنة، في سقف للسنة اهو: فمن رغب عن سنتي فليس مني. مفهومة دي؟

مثال آخر علشان نفهم يعني إيه شترة تعدي السنة؟ ناخد مثال فوق وتحت برضه في الحته دي. فكرة أن الشيطان هو برضه يا جماعه الشيطان يعمل إيه؟ الشيطان لو جه لقاك أنت راجل صاحب همة عالية مش هيجي يثبتك، أنت الأسهل بالنسبة له أنك تخرجك من فوق ولا من تحت؟ من فوق! أصل هو الشيطان على فكرة مش شغله تخرج منين، المهم تخرج، تخرج بقى من فوق، تخرج من تحت، المهم تخرج ما تبقاش على السنة.

فواحد صاحب همة عالية وصاحب عبادة وصاحب هيجي يقول له سيب العبادة وسيب مش هيعمل كده الشيطان معاه، هيقول له: هو أنت مش زي الناس دي؟ أنت في حته لوحدك، اخرج. فيخرج، فصار من أهل البدعة.

فناخد مثال: واحد عنده بقى الهمة دي والغيرة على الدين وكذا وكذا وكذا وأحداث غزة شغالة نسأل الله عز وجل أن يفرج عنهم، يقوم يجي يعمل إيه بقى الشيطان؟ ليه يدخل له في حته أنه يكفر الناس كلها أو يفسق الناس كلها؟ ليه؟ غيرة على الحرمات التي تنتهك، هو ده دين أنك تقعد تكفر في الناس؟ مش دين. أصل سايبينهم وأصل عاملينهم، ويقعد إيه ويكفر بلا بينة. ﴿وَمَنْ قَالَ لِأَخِيهِ يَا كَافِرٌ فَقَدْ بَاءَ بِهَا أَحَدُهُمَا﴾، فإن كان كما قال وإلا حارت عليه. فأمر التكفير أمر كبير جداً. شايفين هنا الشيطان خده لفين؟ لفوق ولا لتحت؟ لفوق!

العكس بقى: لا سمك لبن تمر هندي، والدين الإبراهيمي، وكله في الجنة، ومسلم ماشي، يهودي ماشي، نصراني ماشي. ده ده الجديد بقى، ده احنا اللي عمل -مش يعني اللي عمله الدين الإبراهيمي حتى ما فكروش في ده- احنا بقينا على الفيسبوك يموت الملحد اللي بيقول ما فيش ربنا فنقول ربنا يرحمه! هو أصلاً ربنا مين بقى؟ اللي هو أصلاً بيقول مش موجود يعني. طب مين هيخش النار؟ يعني مين بقى يعني مين هيخش النار كده؟ لما الملحد بيقول ما فيش ربنا حتى ده بنقول ربنا يرحمه، يبقى مين في النار؟ وربنا أخبر أن هي إيه؟ النار هيفضل يترمي فيها ناس ولا فاضية؟ ﴿هَلِ امْتَلَأْتِ وَتَقُولُ هَلْ مَزِيدٍ﴾ [ق: 30]. أرمي مين اللي هيترمي بقى كده؟

ده مرة كاتب صحفي كتب مقال رد اعتبار فرعون زمان، وقال لك: احنا مصريين ولازم ندافع عن تاريخنا ورد اعتبار فرعون. طب واحد صاحبي زمان كان في ماده اسمها الأخلاق في المدارس، ما أعرفش لسه موجودة ولا لا، أنا ما لحقتهاش في ابتدائي، موجودة لغايه دلوقتي. حد فاكر حاجة أصلاً في الدراسة ولا المهم فكانت لسه مطبقة وأنا ما لحقناش، يعني أنا وجيلي ما لحقناش، كنت أنا في الجامعة ساعتها وأخوه بقى الصغير صاحبي ده بيحكي لي، فمادة الأخلاق دي بيدرسوا فيها إيه؟ عشان يبقى كأن مادة الدين يحصل إيه؟ تيجي حصة الدين، طب تعالوا يا جماعه أنتم اخرجوا بره علشان فلقوا أن ده يفرق ولا يجمع فعملوا مادة اسمها الأخلاق يدرسها كل الناس مع بعض.

فكان في الأخلاق أخو بقى صاحبي جاي بيحكي له بيقول له: احنا خدنا في الدين قصة سيدنا موسى، وفي الأخلاق قصة سيدنا فرعون. فهو خدها في الأخلاق على أن إيه؟ دي حاجة بندرسها كلنا بقى فده تاريخنا، فعلى أنه إيه شخصية يعتز بها فبقى سيدنا فرعون طيب!

فهنا هنا بقى الشيطان واخدنا من تحت ولا من فوق بقى كده؟ مطلعنا منين؟ من تحت قوي ده. اه، فتبقى إيه دي شترة في مسائل الإيمان والكفر، ودي فترة في مسائل الإيمان والكفر، لكن دي خرجت من تحت ودي خرجت من فوق.

خلاص، فهمتوا يا جماعه يعني إيه لكل شيء شترة وفترة؟ فعاوزين تكون الشترة والفترة بين الخطين. خلاص، ولذلك الخوارج يا جماعه الخوارج شترتهم أو أو فتنتهم أو خروجهم من فوق ولا من تحت؟ من فوق! مش كده؟ ﴿يُحَقِّرُ أَحَدُكُمْ صَلَاتَهُ إِلَى صَلَاتِهِمْ﴾. النبي بيكلم مين هنا صلى الله عليه وسلم؟ مش بيكلمنا، ده بيكلم الصحابة: «يحقر أحدكم صلاته إلى صلاتهم». يعني الصحابي كده يقف يبص على الخارجي ده وهو بيصلي: إيه الجمال ده؟ هو في صلاة كده؟ ومع ذلك: «يمرقون من الدين كما يمرق السهم من الرمية» والخوارج كفروا المسلمين.

خلاص فدي ناس عندها همة عالية جداً، لدرجة قاتل علي وكان من الخوارج، قتل سيد الناس في زمان، يعني لو قلنا في زمان علي من خير البشر قولا واحدا؟ علي قولا واحدا، ما هو كان أبو بكر مات، وعمر مات، وعثمان مات رضي الله عن الجميع. فمن خير البشر في زمان علي؟ علي. قاتله كانت حالته عاملة إزاي؟ جابوه بقى وقعدوا إيه يعذبوا فيه، وهو لم يجزع قط، ابتدوا يقطعوا حتت من جسمه، ثابت لغايه ما جوم يقطعوا لسانه، جزع. قالوا له: الآن دلوقتي خفت؟ فقال إيه: أكره أن أبقى شيئاً في الدنيا لا أذكر الله! شايفين بقى؟ ده خارج من فوق ده، مش من تحت، ما هو ده مش جوه السنة أبدا.

قاتل علي، عمرو بن عبيد كان برضه كده وكان من رؤوس البدع، كان برضه كان حتى الخليفة يقول ايه: كلكم يمشي رويد، كلكم طالب صيد غير عمرو بن عبيد. عارفين الصياد لما يجي عاوز يصطاد فريسة يعمل إيه؟ يمشي بالراحة علشان ما تاخدش بالها، فالخليفة بيقول: أنا فاهمكم كلكم مقربين مني، عاوزين إيه؟ عاوزين دنيا، اللي عاوز نوال، اللي عاوز مكانة وحظوة، إلا الراجل الزاهد الجميل اللي هناك اللي هو إيه؟ رأس من رؤوس البدعة.

فلا، في شترة تخرج وفي فترة تخرج، المطلوب من الثبات إيه؟ أن احنا نكون بين الخطين: «فمن كانت شترته إلى سنتي فقد اهتدى فقد أفلح، ومن كانت فترته إلى سنتي فقد اهتدى فقد أفلح، ومن كان إلى غير ذلك أو إذا كانت إلى غير ذلك فقد هلك».

تقول: طيب خلاص، أنا هنزل بقى، هنزل في الفترة ما حدش يكلمني لو سمحتوا، أنا قاعد في الفترة طالما إيه في السنه ما حدش يقول لك: أنت حر، بس أنت بتخسر! أنت بتخسر، بتخسر إيه؟ أولاً بتخسر عمرك، المحور السيني ده بيقف، يعني احنا لو انت هندسة بقى، لو فلتنا فلتنا يعني.

أحد يعرف يعني إيه، خلينا فلات. احنا في هندسة بقى، فلتنا بنعرب أي حاجة يعني، لو خلينا المنحنى ده فلات كده، ما بقاش يعني خليناه أُفقي كده، خلاص نزلت في الفَترة وتحول لمنحنى إيه لخط مستقيم كده أُفقي موازي لمحور السينات، فانت كده ثبت إيه، ص ولا س؟

بسرعه! ص هو اللي ثابت؛ لأن على الخط ده امشي حط إيدك على أي نقطة هتلاقي ص بنفس القيمة، مش كده؟ فاهمين على الرسمة ولا مش فاهمين؟ ص ده اللي هو إيه مستوى إيه؟ إيمانك. س؟ بيقف عمرك، ماشي عمرك ماشي.

طيب، هو أنا كده خسران يا شيخ ما أنا جوه السَّنة؟ أقول لك طب هديك مثال عشان تفهم؛ لأن احنا ما بنفهمش للأسف خسارة الدين ما بنفهمهاش، خسارة الدين مش بنفهمها، لكن أول ما أقول لكم بقى فلوس وملايين هتفهموا. لو جيت قلت لك شايف الرُّزمة اللي هناك دي أو الكيس اللي هناك؟ قلت لي: أه، أقول لك: الكيس ده فيه 5 مليون روح خدهم. طبعا أول ما هقول لك كده في المايك الناس كلها عينيها إيه هتبحلق مسْتنيَاك بقى تروح تاخد الـ 5 مليون.

رحت أنت رايح فاتح الكيس واخد رُزمة كده فيها 1000 جنيه ورجعت قعدت، حد في الموجودين هيشوف إن الراجل ده كسبان؟ كله هيجي في دماغه إنه خسران 5 مليون إلا 1000، مش كده؟ ما حدش هيجي في دماغه إنه كسبان 1000، كله هيشوف إنه كان ممكن ياخد 5 مليون وسابهم وخد 1000 ورجع، الراجل ده خسران 5 مليون إلا 1000، حد هنا معترض يا جماعه على اللي أنا بقوله ده؟

أهو ده صاحبنا اللي نزل للفَترة وقال لك: سيبوني أنا قاعد في الفَترة. نقول لك: أنت خسران؛ لأن عمرك ماشي، أنت كل مش هقول لك كل يوم، أنت كل نَفْس بتخسر. صحيح بتكسب الـ 1000 بس بتخسر الـ 5 مليون، فما تحاولش تقعد في الفَترة كتير. يوم القيامة مش هتيجي يقال لك: لماذا فعلت أو لم تفعل؟ لكن يوم القيامة هتيجي هتلاقي غيرك في درجة أعلى بكتير منك؛ لأنه ما سلمش للفَترة، ما استسلمش وقعد في القاع. انتبهوا يا شباب، القاع ده اللي هو ما خرجش من السَّنة، ما اقتحمْش حرام ولا ساب فرض، لكنه قعد في القاع ومُرتَاح، هنا مفهومة دي؟

طيب، ابن القَيِّم بقى احنا قلنا إيه، قلنا: ما فيش حد بيمشي مستقيم أصلاً، بيمشي خط أُفقي كده، أنت يا في زيادة يا في نقصان ﴿وَلِمَن شَاءَ مِنكُمْ أَن يَسْتَقِيمَ أَوْ يَسْتَقِوَى﴾ [المكوّر: 28] أو يتقدم أو يتاخر ولم يقل الرب سبحانه وتعالى أو يثبت، رجعنا للفظ الثبات تاني. أهو، ما فيش ثبات كده مش موجود في الدنيا. ابن القَيِّم بيقول كلام زي ده، تعالوا نقرا كلام جميل لابن القَيِّم طويل شوية في دقيقة هيخلص إن شاء الله، يقول ابن القَيِّم: إضاعة الوقت الصحيح يدعو إلى درك نقيصة، يعني هتنزل تحت خالص، إذ صاحب حفظه مترقٍ على درجات الكمال. يعني الثاني اللي حافظ الوقت عمال يعلى وأنت تحت ومحور السينات ما بيقفش.

المعنى الثاني يا جماعه كان في معنى عاوز أقوله في فكرة إنك هتقول: طب أنا هفضل في الفَترة شوية؟ فقلت: أول حاجة بتخسر؛ لأن س ما بتوقفش، تاني حاجة بقى مرعبة: لو أصابك مرض في فترتك ما حالك؟ ابن مسعود تفطن لحاجة عجيبة جداً.

ابن مسعود أُصيب بمرض شديد فكان في كآبة وحزن، فجَوْا يواسوه يعني على كئابته وحزنه وكذا، قال: أنا مش زعلان على المرض. ابن مسعود قال كلمة يا جماعه صعبة جداً وعميقة، قال: وإنما حزني إن أصابني في فَترة. أولاً ابن مسعود واعي لفكرة إنه إنه عادي يكون في فَترة، هو واعي لده يعني، هو مش زعلان إنه كان في فَترة، لكن أصابه المرض في إيه؟ في فَترة. طب إيه اللي زعل يا ابن مسعود؟ تذكر حديث النبي عليه الصلاة والسلام أن اللي يصيب المرض يكتب له ما كان إيه يعمل وهو إيه صحيح.

فهو كان يتمنى أن يصيبه المرض وهو في شَرَة، فلما يمرض يكتب له ما كان يفعله وهو إيه وهو صحيح. فهمتوا دي؟ يعني لما يصيبني المرض وأنا من القوّام الصوّام التَّالين للمصحف المنفقين على الفقراء وأصابني مرض أقعَدني، أرجو من الله أن يُجري عليَّ ذلك العمل. طب لا، ده أنا كنت في الفَترة يا دوبك بصلي الفرض وأنام، وأصابني المرض، إيه اللي هيكتب لك؟ ما أدركك المرض وأنت عليه، أو ده فهم ابن مسعود للقضية، فكان بيزعل من ده، فهمتوا؟

طيب، ابن القَيِّم بيقول إيه بقى: فإن أضاعة، قال: فإذا أضاعة لم يقف موضعه، يعني أوعى تفتكر إن الوقت اللي أنت عمال تضيعه ده أنت واقف في مكانك، بل ينزل إلى درجات من النقص، فإن لم يكن في تقدم فهو متأخر ولا بد. ما فيش ثبات، فالعبد سائر لا واقف، فإما إلى فوق وإما إلى أسفل. قلنا لكم يا جماعه الخطورة فين؟ انك أنت ثبت محور ص ومحور س ما بيقفش ما بيقفش.

جم لواحد قالوا له إيه: قف أكلمك. قال: أوقف الشمس، تعال بس هتكلم معاك في حاجة، قال له: ما عنديش مشكلة بس وقف الشمس؛ لأن أنا هقف الشمس ما بتقفش، فأنَا عشان أقف هي تقف، تعال أكلمك. قال: أوقف الشمس، تعال أكلمك! دي بقى يا شباب ممكن تبقى تعال أكلمك حقيقة أو إيه فريشوال مش كده فيريشوال؟ كلام يعني إيه جروب على الواتساب، صفحة على الفيسبوك: تعالى أكلمك أوقف الشمس! أه، عشان أدخل أعمل جوين في الجروب بتاعكم بتاع الدفعة بتاع المش عارف إيه. أوقف الشمس، وقفوا الشمس عشان نقعد بقى نتكلم وننهزر ونضحك ونعمل وخلاص، تقول إيه ده يا شيخ بس واحدة واحدة يعني ما فيش هزار وما فيش ضحك؟ خليك واعي انك في الفَترة يعني، وأنت في ده فانت بتعمل ايه؟ بتستجم علشان تكمل، ماشي الحال مش عاوزين نفتح في حتة تانية بس الحتة دي مهمة وكمالة للدرس اللي احنا فيه، فاسمعوها في درس إيه بقى مين شاطر يقول؟ أنا مش فاكر، أنا عاوزكم يعني.

تمام، إيه؟ أحيانا واحد أنا فعلا مش فاكر إيه، ما هو التَّفَاهة كتير قوي، هنتحر. التَّفَاهة مش فاكر يعني، شوفوا انتوا بقى اسمعوا الأربعة يلا مش عشان في واحد خامس هينزل فيعني تلحق أقوى يعني مش فاكر صراحة قلتها فين بس شرحتها باستفاضة، فعشان ما نضيعش الوقت هنا يعني إن التفاهة التفاهة علشان قلنا إيه الفرق بين الترويح عن النفس وبين التفاهة؟ الحتة دي مهمة تتسمع.

خلاص، نرجع لكلام ابن القيم قال: فالعبد سائر لا واقف، أما إلى فوق وإما إلى أسفل، أما إلى أمام وإما إلى وراء، وليس في الطبيعة ولا في الشريعة وقوف البتة. لا في الطبيعة لا في الدنيا اللي احنا عايشين فيها دي حاجة واقفة، ولا في الشريعة ما فيش وقوف، ما هو إلا مراحل تطوى، أسرع طي الجنة أو إلى النار، فمسرع ومبطئ، واحد عمال بيجاهد إنه دايماً يبقى صحيح هو في شَرَة وفَتْرة هو واعي لده، لكن هو في أنهي كيرف؟ واحد أو أول كيرف اللي هو طالع لفوق. أول منحنى ده صحيح في شَرَة وفَتْرة، لكن أنا في الآخر لما أعمل زوم أوت كده، لما أرجع لورا وأبص على حياتي أنا لفوق، والتاني لو رجعنا لورا وبصينا على حياته نازل لتحت، صحيح يتخلل ذلك يعني قمم وقيعان زي ما احنا راسمين أهو، إنما في الآخر هو اللي تحت.

مثال عشان نفهم: رمضان اللي فات، مش ده اللي قبله، السنة اللي فاتت خرج، فقلت أنا بقى هعمل لنفسي خطة ورمضان اللي جاي مش هيجي عليا غير وانا خاتم المصحف حفظاً يعني. طيب تعالى اعمل زوم أوت كده وشوف السنة دي بدايه ونهاية، كنت حافظ كام في الأول جزئين مثلاً؟ قلت مش هيجي على رمضان اللي بعده غير وأنا خاتم الـ 30 جزء. طيب رمضان اللي فات جينا نبص عليك، ها يا فلان إيه الأخبار؟ تقول: أنا نسيت الجزئين، فكده خلي بالك أنت نسيت الجزئين ده هل طول السنة دي ما جاش يوم من الأيام حفظت لك ربع ولا ربعين؟ حصل، يعني كنت خلال الفترة دي في إيه، مش كده؟ وترجع للفَترة ويمكن تيجي بعد كده شَرَة تانية، قعدت جبت 15 جزء تلاوة، وبعدين ترجع فَترة وهكذا.

انما لما عملنا زوم أوت وشوفنا بداية ونهاية أنت في العمل ده المنحنى بتاعك في هبوط ولا في صعود؟ في هبوط. فهمتوا يا جماعه؟ فهمتوا المنحنيين دول؟ صاحبنا التاني بقى لا، جينا في رمضان ده حفظنا دي، قال لك: الحمد لله ختمت المصحف، أو بلاش ختمت جبت 28 جزء، ناقص لي جزئين وأختم، هو إلى صعود. صحيح ما وصلش لهدفه صحيح يعني ما خبطش في الهدف اللي هو حطه لنفسه، لكن في الآخر المنحنى بتاعه إلى صعود في هذا العمل وعلى هذا فقِس سائر الأعمال: صلاتك، صومك، برّك، صِلَتَك، إنفاقك، قِس على ذلك كل عملك، مفهوم يا جماعه الكلام ده؟

طيب يقول: فمسرع ومبطئ، أنت حر، نزلت للفَترة وقعدت أنت حر، غيرك مش قاعد، أيوه يعني هدخل النار في الآخر؟ مش مسألة تخش نار، بس الجنة درجات، الجنة درجات زي ما أنت نفسك من شويه قلت: ده مجنون ده اللي راح خد وساب 5 مليون، ده مجنون ده. فانت كده برضه أنت اللي حكمت، مش أنا اللي بحكم دلوقتي، أنت اللي سَبْت الـ 5 مليون واكتفيت بالـ 1000 وقُلت: أنا مبسوط بالـ 1000 ورجعت قعدت، مفهوم؟

طيب، قال: ومتقدم ومتاخر، يعني واحد مبطئ، واحد مسرع، واحد متتقدم، واحد متاخر، وليس في الطريق واقف البتة، ما فيش حد واقف، وإنما يتخالفون في جهة المسير وفي السرعة والبطء، يعني واحد ماشي كده وواحد ماشي الناحية التانية؛ ليه عمالة الدنيا تشده؟ ﴿أَثَقِلتُمْ إِلَى الْأَرْضِ﴾ [التوبة: 38] شايفين لفظ أثقلتم ده؟ حاجات بتشدك لتحت خلاص؛ إذ لا منزل بين الجنة والنار، الآخرة إما جنة وإما نار، حتى أصحاب الأعراف مالهم؟ إلى إيه جنة ولا النار؟ أنتوا إيه صوتكم وطي ليه مش عارفين؟ إلى الجنة.

ففي الآخر في الآخر جنة ونار، ويُذبح الموت ويقال يا أهل الجنة خلود فلا موت، ويا أهل النار خلود فلا موت، ما فيش منزلة بين المنزلتين.

قال تعالى: ﴿إِنَّهَا لَإِحْدَى الْكُبَرِ * نَذِيرًا لِّلْبَشَرِ * لِمَن شَاءَ مِنكُمْ أَن يَتَقَدَّمَ أَوْ يَتَأَخَّرَ﴾ [المدثر: 35-37] ولم يذكر واقِفاً، ما فيش حد واقف، خلاص، إلى آخر كلام ابن القيم.

طيب فهمنا يا جماعه يعني إيه ثبات؟ فات قد ايه كده؟ طيب فهمنا يا جماعه يعني إيه ثبات؟ المفهوم ده لو احنا فهمناه كويس قلوبنا هتطمئن شيئاً ما، حالة الاكتئاب اللي بتصيبنا في العيد هتخف شيئاً ما؛ لأننا فهمنا ما هو الثبات المقصود شرعاً. هو ده الثبات يا جماعه اللي ربنا سبحانه وتعالى يرضاه منا، رضيه لنا سبحانه وتعالى وأخبر بذلك النبي صلى الله عليه وسلم.

طيب، إذا فهمنا ده بقى إيه عوامل الثبات؟ مش هنطول في عوامل الثبات، زي ما قلت لكم لو فهمنا ده خلاص، ممكن نلغي الدرس أو نوقف الدرس على كده، وجوجل أنت بقى على عوامل الثبات، هتلاقي بدل العامل 100 عامل وهتلاقي بدل الشيخ 100 شيخ متكلم عن عوامل الثبات.

فحسبنا أن احنا نتكلم عن كم عامل بسرعة كده، أول عامل من عوامل الثبات إيه؟ الناس بقى القديمة اللي معايا أول عامل، مش القديمة يعني في عوامل الثبات عموماً، على طول على طول ما عندناش غيره سبحانه وتعالى، ما عندناش غيره، أول عامل من عوامل الثبات: الافتقار. الافتقار يعني إيه؟ هو الافتقار الدعاء؟ الافتقار هو الدعاء ولا إيه؟ لا، الافتقار غلط، الافتقار مش الدعاء، الدعاء ثمرة الافتقار؛ يعني لو أحرزت الافتقار مش محتاج أقول لك روح ادعي ربنا، أنت عارف يا جماعه لما يكون واحد انت شايف مثلا رايح تعمل مصلحة في الجهه الفلانية فليك واسطة في الجهة دي، وأنت على باب المصلحة محتاج حد يفكرك انك تتصل بالواسطة؟ محتاج ده حد يرد؟ مش محتاج ليه؟ لأن قلبك معتمد على مين؟ على الواسطة، ما بقولش ما بقولش ده صح، ولله المثل الأعلى، لما يبقى قلبك فيه إني أنا بالله سبحانه وتعالى وبغير الله لن أثبت، بيحتاج حد يفكرك انك تدعي ربنا بالثبات؟ مش محتاج!

الأول ثباتنا بالله ده احنا يعني الناس العِصاة اللي في مسجد ثناء الخير؟ لا. أمال مين؟ يعني احنا والسلف بس؟ لا. الصحابة؟ لا. النبي نفسه عليه الصلاة والسلام؟ لا، ثبات له إلا بالله، هذا كلام ربنا مش كلامي، قال سبحانه وتعالى: ﴿وَلَوْلَا أَن ثَبَّتْنَٰكَ لَقَدْ كِتْ تَرْكَنُ﴾ [الإسراء: 74] لا إله إلا الله، ﴿وَلَوْلَا أَن ثَبَّتْنَٰكَ لَقَدْ كِدتَّ تَرْكَنُ إِلَيْهِمْ شَيْئًا قَلِيلًا * إِذًا لَّأَذَقْنَاكَ ضِعْفَ الْحَيَاةِ وَضِعْفَ الْمَمَاتِ﴾ [الإسراء: 74-75] قيل في مضاف محذوف: إذا لأذقناك ضعف عذاب الحياة وضعف عذاب الممات، فلا ثبات إلا بالله.

مما روي أن النبي صلى الله عليه وسلم بعد نزول هذه الآية كان يدعو الله عز وجل: «اللهم ثبت قلبي على دينك» بعد نزول هذه الآية، فيبقى أنت بالله ما فيش ثبات غير بربنا سبحانه وتعالى، أيوه لا حول ولا قوة إلا بالله، فلا حول ولا قوة في تحصيل هذا الثبات، هذا النوع من الثبات باللي احنا فاهمينه إلا به سبحانه وتعالى، ولذلك النبي عليه الصلاة والسلام فهم فهمَ ذلك فكان من دعائه: «يا مقلب القلوب ثبت قلبي على دينك»، فهم ذلك أنه بالله وبغير الله عز وجل لا ثبات، وكان من استعاذته أنه يستعيذ بالله.

من الحور بعد الآية، آية بعد الكور، يعني إيه الحور، ويعني إيه الكور؟ حد يعرف؟ حد يعرف؟ هادي له هدية. قول. يلا مش عاوز هدية. أهو اللي هناك أهو. إدي له هدية. العمامة، العمامة دي بقى إيه؟ ده الكور ولا الحور؟ الكور. ماشي، نديله هدية ولا ما نديلوش؟ اديك هدية. تستاهل. أنت جيت وتسقط في الثانوية العامة؟ يلا، ابعتوا له الهدية.

الحور والكور، عارفين العمامة يا شباب؟ لما تيجي تربط العمامة، اللفة اللي أنت بتلفها حوالين راسك دي بيسموها الكور. كل واحد كور، يبقى دي الأكوار. الحور، أن الأكوار دي تفك، يبقى النبي عليه الصلاة والسلام بيستعيذ من إيه؟ من فك العمامة؟ مش كده؟ أمّال بيستعيذ من إيه بقى؟ من شتات الأمر بعد اجتماعه. يبقى كنا ثابتين على حاجة، والامر مجتمع على شيء، ثم يتفلت منا. هذه استعاذة النبي صلى الله عليه وسلم. ليه بيستعيذ النبي صلى الله عليه وسلم؟ علشان عارف إنه إيه، هو به من غيره، خلاص مش هنثبت. ولذلك كان كل يوم وليلة 17 مرة وجوباً بتدعي ربنا: اهدنا الصراط المستقيم. وقبليها: إياك نعبد وإياك نستعين. ما هو ما فيش عبادة غير بيك يا رب. فهمتوا دي؟

يبقى أول حاجة من عوامل الثبات: الافتقار. يبقى عندك ورد افتقار، مش ورد دعاء يا جماعة. اللي هنقوله ده دي في أوراد، في حاجات عملّية هنخرج من المسجد نعملها. أول حاجة عندك ورد مش دعاء. ما بقولش دعاء، أمّal إيه؟ ورد افتقار. آه، إيه ورد؟ يعني أعمل إيه؟ يعني أنك تقعد تتفكر في غناه وفقره وقوته وضعفك، فتخرج من هذا التفكر بأنك يائس من نفسك أنك تعمل حاجة إلا به سبحانه وتعالى.

أول ما هتخرج بده، أنا مش محتاج أقول لك روح ادعي ربنا، مش محتاج خلاص، هتلاقي نفسك بعد كده وأنت واقف في الصلاة تقول: إياك نعبد وإياك نستعين، لا ليها معنى تاني أنت مستشعره فعلاً. مستشعره ليه؟ مستشعره أولاً لتفكرك، وثانياً لأنك حصل لك كتير. حصل لك كتير، قبل رمضان قلت لكم إيه؟ الوقوف في الصلاة، لا بالمجانس ولا بالسمانة. حصل يا بيه ولا ما حصلش؟ أهو بص الناحية الثانية، والله يا جماعه كنا نروح للشيخ أسامة عبد العظيم وشيخ الدبيسي، رحم الله الشيخ أسامة وشافى الشيخ محمد الدبيسي، آمين. الشيخ أسامة حامد، طبعا ده بنروح لغايه دلوقتي يعني، بس أقصى أقول فكنا بنشوف أحوال عجيبة، أحوال عجيبة والله!

تبقى أنت شاب واقف وصحة وعضلات، وبقى جايب مش عارف ميدالية فين، وبتلعب في جيم إيه ومش، ومش قادر. والشيخ اللي عنده 60 سنة و70 سنة، الشيخ الدبيسي ده أنا بحكي لكم على حاجات شفناها بعينينا، مش حاجات حكيت لنا، كان ساعات يخلص الركعتين ويستلقي على ظهره، بقى يتعلق له المحاليل وياخد الأدوية، يعني حاجة عجيبة جداً. وبعد ما يخلص يقوم يصلي، وبعدين بقى خلصنا ختمنا خلاص، طب لسه في شوية على الفجر وهو خلاص خلصنا صلاة ركعة الوتر، يسيبك يجيب البقرة في ركعة الوتر. وبعدين تشوف حاله بعد الركعتين مش قادر يقف، يعني يرمي نفسه كده على الأرض علشان ياخد أدوية، ويتعلق له محاليل، ويعمل مش عارف إيه.

وأنت شاب عمال تقول: رب الأرض تشق وتبلعني! أو الحركات بقى بتاعة الشباب، يروح إيه داخل الحمام ويغيب لغايه ما الشيخ يركع أول ركعة. طب الشيخ، مش لا، يقوم عامل الشيخ، يصغر الركعة الأولى! ماشي، ما هو التربية بقى، ما هو يا جماعة هنا ده الشيخ البصير بقى بعيوبنا، طب هو بصير حتى بقا، شايف عارف اللي وراه. حركات إيه تقول: ما هو خالف السنة، والسنة الركعة الأولى الطويلة، خليك أنت بس في البدعة اللي أنت بتعملها في الحمام جوه! أنت، سيبك أنت، مش أنت اللي تعلم الشيخ السنة والبدعة. يقوم يصغر الركعة الأولى فانت تفرح بقى، تطلع تقف يوم إيه جايبك في الركعة الثانية بقى إيه.

وبعدين يجي يصلي، كل ده احنا اتدلعنا منه، يعني يجي يصلي ففي ركعة فيها سجدة، فتلاقينا كلنا إيه ملنا لقدام، خلاص بقى السجدة جاية، ما يسجدش ويكمل! طب هو يعني غاوي يعني يعذب اللي وراه؟ بيربينا، رضي الله عن مشايخنا، بيربونا، مش كده؟ وبيربونا ليه؟ بيحبونا ولا بيكرهونا؟ فجايبينا يعذبنا؟ لا، بيحبونا ومشفقون علينا وخايفين علينا من النار، بيربونا، فنزعل منهم ولا نحبهم؟ نحبهم ونشيلهم فوق دماغنا، مش كده؟

فإيه اللي جاب الكلام ده بقى؟ آه ده كان بقى إزاي يصلي بقى الشيخ ده، ولا الراجل الكبير ده في السن، ولا بالله عرفنا ليه احنا ما بنقدرش نقف وهم بيقفوا. الشيخ أسامة عبد العظيم رحمه الله جاله سؤال، يعني متعجبين من صلاتك وإزاي، فالشيخ رد قال إيه: قال يعني إذا كانت الصلاة دي بحولي وقوتي، فهو محل عجب فعلاً. آه، يعني أنا راجل 70 سنة وعجوز وماشي على عكاز، فعلا لو هي بحولي وقوته فهو محل عجب. وإن كانت بالله فما محل العجب؟ يعني متعجب لو هي بالله، وأنا بصلي بالله، فانت متعجب من إيه بقى دلوقتي؟ من قدرة ربنا يعني. فهمتوا يا شباب؟ فهمتوا القضية فين؟

تقول: لا، أصل هو عشان هو اللي بيصلي. أقول لك: طب يا حذق، روح انت امسك المصحف كده في البيت، ووريني هتعرف تصلي زيه؟ تقول له: أصل هو اللي بيقرا، فيعني مش. طب خد أنت مصحفك وروح يلا. ومش بس اعمل كده، واستمر على ذلك، مش ليلة واثنين. الشيخ أسامة عبد العظيم رحمه الله في الأيام العادية، ختمة كل أسبوع في الصلوات الجهرية، مغرب وعشاء وفجر. حياته كانت كده. يدخل رمضان، ممكن يجيب 20 جزء في الليلة، بالمغرب بالعشاء بالفجر برضه. روح أنت يلا البيت، ووريني هتعمل إيه! ما هو أنت مش راضي تتعلم، يقول لك: بالله، وأنت عمال تدور على الأسباب الأرضية، لا أصل هو اللي بيقرا فهو مركز في مش عارف إيه. يا سيدي بالله، وهو ربنا سبحانه وتعالى: ﴿وَلَوْلَا أَن ثَبَّتْنَاكَ لَقَدْ كِدتَّ تَرْكَنُ إِلَيْهِمْ شَيْئًا قَلِيلًا﴾ [الإسراء: 74]، اللي هي إيه؟ هتسيب صلاة وتقعد على الفيسبوك، وتقعد على التيك توك، وتقعد على المسلسلات والفوازير. لسه في فوازير بتيجي ولا خلاص ما بقاش في؟ ماشي.

يبقى أول حاجة ربنا سبحانه وتعالى الثبات بالله، الافتقار. يبقى عندنا ورد افتقار، تقعد تفكر في المعاني اللي احنا قلناها دي، وتفكر في أحوال ليك ما كنتش عارف تصلي وما فيش ما يقعدك عن الصلاة، ما كنتش عارف تفتح المصحف وما فيش ما يقعدك عن القراءة، ما كنتش عارف تعمل كذا، ما كنتش مش عارف تعمل كذا، عشان تعرف المعنى ده: الافتقار إلى الله.

المعنى الثاني، طالما خلصنا ربنا، مش الله، يعني انتهينا من هذا المعنى، نخش على كلامه بقى، كلام الله. كلام الله عز وجل لما نزل القرآن، نزله بشكل عجيب جداً، نزل جملة واحدة إلى سماء الدنيا في ليلة القدر، وبعدين نزل منجماً على النبي صلى الله عليه وسلم على الـ 23 سنة. فالكفار استغربوا، ده هو ليه يعني ما ينزل مرة واحدة؟ ﴿وَقَالَ الَّذِينَ كَفَرُوا لَوْلَا نُزِّلَ عَلَيْهِ الْقُرْآنُ جُمْلَةً وَاحِدَةً﴾ [الفرقان: 32]. بأي شيء أجاب الله؟ ﴿كَذَلِكَ لِنُثَبِّتَ بِهِ فُؤَادَكَ﴾ [الفرقان: 32]. في الآية الثانية: ﴿قُل نَزَّلَهُ رُوحُ الْقُدُسِ مِن رَّبِّكَ بِالْحَقِّ لِيُثَبِّتَ الَّذِينَ آمَنُوا﴾ [النحل: 102]. فالقرآن يثبت.

يبقى عندنا ورد افتقار، عندنا ورد قرآن. يعني إيه ورد قرآن؟ لا هو الحقيقه هو كذا ورد. ورد قرآن، يعني في ورد قراءة، أقل شيء تقراه في اليوم جزء، أقل شيء. احنا جينا النهارده نعرف إزay نثبت، أديني بقول لكم أهو عملياً بقى إزاي نثبت. عندك ورد قرآن، أقل شيء جزء يومياً. الجزء ده يا جماعة مش كتير خالص، الجزء ده لو قعدت عليه يعني مرة واحدة، تجيبه في ثلث من ثلث لنص ساعة. طب مش مش هقعد عليه مرة واحدة؟ عارف، لو كنت لو جبت بعد كل فرد أربع صفحات؟ أربع صفحات يخلصوا في قد إيه؟ أربع صفحات قراءة ما أظنش يجيبوا خمس دقايق، ما أظنش. يعني لو بعد كل فرد من الخمسة قريت أربع صفحات، أو مع كل فرد، قبل، بعد، براحتك، تجيب جزء. الجزء 20 صفحة تقريبا، فوزعه على يومك، ما فيش مشكلة، لكن ما تجيبش أقل من جزء قراءة بنية الثبات: ﴿كَذَلِكَ لِنُثَبِّتَ بِهِ فُؤَادَكَ﴾.

طب كفاية ورد القراءة؟ لا، مش كفاية، عاوزين ورد تفسير مع القراءة، تبقى فاهم بتقرا إيه. المثال اللي كل مرة أقوله لك، عيب تبقى بتقرا ومش عارف: ﴿قُلْ أَعُوذُ بِرَبِّ الْفَلَقِ﴾ [الفلق: 1] يعني إيه فلق؟ ﴿وَمِن شَرِّ غَاسِقٍ إِذَا وَقَبَ﴾ [الفلق: 3] يعني إيه غاسق؟ يعني إيه وقب؟

طب أنت عاوز القرآن في معنى البركة قطعا، يعني فيه معنى البركة، معنى إيماني، لكن هتثبت وأنت مش فاهم اللي بتقراه؟ وده أنا جاب لكم صورة من قصار السور اللي الأطفال حافظينها، مش عارف معانيها، مش هقول لك مش عارف تفسيرها، مش عارف معنى الكلمة. فيبقى عندك ورد تفسير. ماشي، ممكن تبتدوا بإيه؟ الحمد لله، احنا احنا في السنة اللي فاتت دي كنا قبل كده بنقول بقى حاجات حاجات تانية، بس الحمد لله احنا خلصنا إيه؟ جزء تبارك، وجزء عمة من تفسير السعدي، صح؟ اسمعوه على القناة هتلاقوه. يبقى ابتدوا بده، مجالس قراءة التفسير السعدي لجزء تبارك وجزء عمة. خلصوه، خلصتوه، ارجعوا بقى هاتوا بقيت، احنا ما خلصناش بس احنا قرانا حاجات مواطن كتير من السعدي، هاتوها كلها بقى، اسمعوا المجالس دي. المجلس نص ساعة، خلي ليك ورد في اليوم، نص ساعة دي بقى، مش وأنت قاعد حاطط سماعتك في ودنك وأنت في الشارع، وأنت في المواصلة، وأنت في العربية، وأنت في الجامعة، أي مكان، وأنت في المطبخ بتعملي حاجة، نص ساعة كل يوم بنسمع مجلس من مجالس التفسير. يبقى ورد تفسير.

وبعدين ورد حفظ أو مراجعة لو أنت خاتم، علشان القرآن يحفظك، أنت تحفظه وهو يحفظك على طول، فالله عز وجل يعذب قلباً وعى القرآن. فيبقى ورد حفظ لو أنت مش حافظ، ورد مراجعة لو أنت حافظ، وورد وده أهمهم: ورد عمل. ورد عمل، يعني إيه ورد عمل؟ عائشة رضي الله عنها لما جت تصف النبي، صلوا على النبي أنتوا تعبتوا، نختم نمشي. قالت: كان يحفظ القرآن؟ كان يفهم القرآن صلى الله عليه وسلم؟ قالت: كان خلقه القرآن. يعني إذا رأيته رايت القرآن في أفعاله صلى الله عليه وسلم وفي أخلاقه.

فاحنا عاوزين كده، ما يبقاش أنا أسف، يقول لك السلفية دول، وأنتم عارفين بقى الباقي مش كده: ياكلوا مال النبي، ما أخلاقهم زفت، مش هم صح ولا غلط؟ إيه رايك؟ صح، احنا حلوين؟ احنا حلوين، احنا وحشين، ما هو اللي شايف نفسه حلو ده، يبقى: ﴿فَلَا تُزَكُّوا أَنفُسَكُمْ﴾ [النجم: 32]. تقول إيه أول ما تسمعك تقول: والله يا عم ده احنا أسوأ من اللي أنت، ربنا ساترنا بس مش أكتر. ما تدفعش عن نفسك، دايماً خلي نفسك محل اتهام كده. خلاص، آه، ولا أنت شايف نفسك يعني ولي من أولياء الله الصالحين؟ حد شايف نفسه ولي يرفع إيده؟ فين الأولياء؟ ما فيش ولي، مش كده؟ احنا كلنا عايشين بستر ربنا سبحانه وتعالى، عايشين بستره علينا.

طب ليه الناس التانية بتقول كده يعني؟ الناس التانية دي اللي هم مين؟ أصل أنا في أفاظ كده ما بحبهاش بتعكنني، يقول لك: الإخوة. الإخوة، أنا ما أعرفش إيه الإخوة دي، الإخوة دي: ﴿إِنَّمَا الْمُؤْمِنُونَ إِخْوَةٌ﴾ [الحجرات: 10]، آه، لو كل واحد مؤمن بقى أخي، آه ماشي كده. إنما أخوة دي يعني بدقن بقى، أخ، طب لو مش بدقن؟ اخت ولا إيه؟ ما فيش كده، الإخوة مش، مش اللي ملتحية أخ، يعني ما فيش كده، ولا اللي منتقبة ولا مختمرة هي اللي اخت. يقول لك: أنا رايح أقعد مع الإخوة شوية. هو أنت كنت مع مين دلوقتي طيب؟ مش ﴿إِنَّمَا الْمُؤْمِنُونَ إِخْوَةٌ﴾؟ فالتصانيف دي نقعد نصنف بيها الناس، وبعدين بقى خلاص بقى احنا الإخوة، فيدخلنا الزهو والكبر، احنا الإخوة. مش كده، ما فيش كده.

ف، كنا بن، إيه اللي جاب الإخوة؟ شوف، الإخوة يدخلوا في أي حاجة يبوظوها. آه، فيبقى ورد العمل بقى، عاوزين يا جماعة يبقوا، يبقى خلقنا القرآن. الناس، الناس تشوفك تذكر ربنا سبحانه وتعالى، تذكره مش تحاسبنا عليك، يعني يقول لك: أنا الناس بتشوفني بتذكر ربنا. والله كل ما أشوفه يقول: حسبي الله ونعم الوكيل فيك يا شيخ. لا، يشوفك يذكر الله سبحانه وتعالى: من إذا رايتموه حسبتموه يخشى الله. ماشي؟ وردة عمل، تقول: أنا النهارده عندي ورد، هشوف خلق يدعو إليه القرآن تدعو إليه السنة، مش فيا، وهتكلّفه، هعمله. أكيد هنلاقي، أكيد. ماشي؟ يبقى القرآن يثبت.

الحاجة الثالثة اللي تثبتنا: الصحبه الصالحة. الصحبه الصالحة مين هم بقى؟ الإخوة؟ مش كده؟ معروفة طبعا يعني. الصحبه الصالحة برده هنرجع تزعلوا تاني، كل مرة أقول الكلمتين دول، لما بتيجي الآية دي: ﴿وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالغَدَاةِ وَالْعَشِيِّ يُرِيدُونَ وَجْهَهُ﴾ [الكهف: 28]. مش كده؟ طيب، ملتحي، لكن كل ما أقعد معاه كلامه في الدنيا، وفي التجاره، وفي الذهب، وفي الدولار، وفي الكورة، وفي البلاي ستيشن، هتقعد معاه عشان بدقن؟ أنا دلوقتي يا جماعه بهون من أمر؟ لا، طبعا ما بهونش. ماشي، حلق اللحيه يعني بالموس يعني كلية حرام، يأثم فاعله، أنا مش بهون من ده، لكن بقول: احنا مقاييسنا خطا، مقاييسنا خاطئة، احنا عاوزين نقعد مع واحد يذكرنا بربنا سبحانه وتعالى: ﴿وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالغَدَاةِ﴾.

والعشي يريدون وجهه، هي دي الفئة اللي إحنا بندور عليها. خلاص، مش لاقيينها؟ نسدد بقى ونقارب، يعني نشوف أشبه ناس بدول مين ونلتزمهم. تقول: والله بس أصل هم يعني يخنقوا الحقيقة، قال الله وقال الرسول بقى، وكل حاجة إنت دي حرام ودي حلال. أقول لك: معاك حق، هم يخنقوا. مش أنا اللي بقول، ده ربنا: ﴿وَاصْبِرْ نَفْسَكَ﴾ [الكهف: 28]. عارفين يعني إيه اصبر دي؟ يعني في مشقة، مش كده؟ ما هو لو ما فيش مشقة مش هيقال لك اصبر، ما هو إنت أي حاجة تيجي على دماغك بتعملها، جيت فجأة حلال وحرام وقال الله وقال الرسول صلى الله عليه وسلم. صعبة؟ آه، صعبة، آه صعبة طبعا، مش سهلة، ولذلك ربنا قال: ﴿وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلَا تُطِعْ مَنْ أَغْفَلْنَا قَلْبَهُ عَن ذِكْرِنَا﴾ [الكهف: 28]. حتى لو منتقبة ده، لكن أقعد معاها بالساعة، البنت يعني تقعد معاها أقعد معاها بالساعتين والثلاثة، ما فيش ذكر ربنا خالص، كل الكلام عن الإكسسوارات وعن الموضة وعن البرفانات، وفضلاً بقى عن الغيبة والنميمة ومش عارف إيه، كل الكلام عن كده، وأسمهم إيه في الآخر؟ أخوات! ﴿وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلَا تُطِعْ مَنْ أَغْفَلْنَا قَلْبَهُ عَن ذِكْرِنَا﴾. أول ما تلاقي قلبه غافل عن ذكر الله، ابعد، فر! وإن كان من... ما فيش مجاملة في الدين. فر وروح دور على التانيين دول، اللي هم مين؟ يدعون ربهم بالغداة والعشي يريدون وجهه. الصحبة الصالحة، صاحبك سحبك.

ولو سمحت إن المايك كده يتوزع بينكم، كل واحد يقول لي قصة، هتلاقوا يا أما قصة تدينه كان واحد جابه، أو قصه إنه راح في داهية كان واحد جابه. الصاحب ساحب على طول، بل لم يترك لنا الله عز وجل هذه القصص قصها علينا في القرآن: ﴿قَالَ قَائِلٌ مِّنْهُمْ إِنِّي كَانَ لِي قَرِينٌ * يَقُولُ أَإِنَّكَ لَمِنَ الْمُصَدِّقِينَ * أَإِذَا مِتْنَا وَكُنَّا تُرَابًا وَعِظَامًا أَإِنَّا لَمَدِينُونَ * قَالَ هَلْ أَنتُم مُّطَّلِعُونَ * فَاطَّلَعَ فَرَآهُ فِي سَوَاءِ الْجَحِيمِ * قَالَ تَاللَّهِ إِن كِدتَّ لَتُرْدِينِ﴾ [الصافات: 51-56]. أهَمّ اثنين أصحاب. فسيب شلة الأنس. طب يا شيخ دول أصحابي، يعني أسيبهم؟ آه، أسيبهم. هيروحوا في داهية؟ يروحوا في داهية. طب دي مش رجولة؟ لا، هو الشيطان اللي بيقول لك كده. يعني هسيبهم خالص؟ لا، مش هتسيبهم خالص، هنقول لك بعد شويه ارجع هاتهم، بس إنت دلوقتي فترة نقاهة، ما ينفعش تكون معاهم، هتتحاب هتتحاب. فسيبهم، وشوية هنقول لك ارجع بقى هاتهم، أو أعلنها صريحة: يا فلان عاوزين نشوفك والله، أنا في الوقت ده في الدرس الفلاني تعالوا لي، درسوني، ما عنديش أي مشكلة.

طب في الوقت؟ آه، أنا في المقرأة والله، تعالوا لي المقرأة شوفوني. إنما في الحته اللي فوق لا، بطلت أروح خلاص، شكرا، مش هتلاقوني في الحته دي تاني، أنا ما بروحش الأماكن دي. أعلنها كده، أعلنها الاعتزال يا جماعة، الآية دي اللي هي: ﴿وَاصْبِرْ نَفْسَكَ مَعَ الَّذِينَ﴾ جت بعد قصة مين؟ أصحاب الكهف، مش كده؟ اعتزال، خلاص اعتزال. لعبت ماتش الاعتزال وانتهينا، مش نازل الملعب تاني، مش هتلاقوني. إنتو عارفين بالظبط كده، الناس إنت راجل لسه يا دوبك إيه جبناك نزلناك حمام السباحة واديناك البورد بتاعك ده، لسه ما تعرفش حاجه، لو سبت هتقع تغرق في شبر مية، وبصيت لقيت ناس بتغرق قلت بس أنا بقى اللي هروح اجيبهم! تجيب مين يا ابني، إنت هتغرق معاهم؟ أمتی نقول لك روح هاتهم بقى؟ بقيت خلاص سباح ماهر، تعرف تعوم وبتعرف تنقذ، روح هات بقى وتعالى من لجّة البحر. ما هما في لجّة البحر، بحر إيه؟ الفتن، بحر الشهوات.

واحد زمان صديق، وكان كنا بقى شباب صغير وكده، فهو كان إيه متحمس للدعوة، فبيقول لي -هو مش من هندسه، أنا كنت في هندسة عين شمس، وبعدين هو كان بيحب الدعوة، في أي مكان يقف يتكلم كده- فإيه دخل هندسة عين شمس، هو مش مش تبعنا، يعني مش في كلية، مش طالب، كان طالب في كلية تانية. فهو بيحكي لي يعني، بيقول لي دخلت وبعدين قلت بقى لا لازم إيه أتكلم، فبعد الصلاة ما خلصت في المسجد وقف يتكلم، وإحنا المسجد بتاع هندسة عين شمس باب المسجد زي كده باب يعني باب عكس القبله كده يعني، إنت لو بتتكلم يبقى الباب إيه؟ الباب مفتوح، يبقى شايف اللي بره. وبعدين بيقول إيه: فابتديت أتكلم، وتكلمت عن الإخلاص والإخلاص والبتاع وربنا بيقول، وأنا واقف كده لقيت إيه النساء بقى البنات جم فسخنت قوي بقى أتكلم -هو بيتكلم عن الإخلاص!- فإيه الشاهد إيه؟ يعني إحنا ضعيفة، هو طبعا بيحكي لي يعني بيحكيها وبيهزر معايا يعني، يعني بيقول لي إيه: الواحد يعني أنا بتكلم في الإخلاص، وأول فتنة رحت خالص! فالواحد واحد محتاج إيه؟ محتاج طبعا بُعد، ومحتاج يدخل كده زي بالضبط يا جماعة إيه، إحنا طالعين بقى إيه في سيخ على رنجه على كحك فجالك نازلة مغص، اتنقلت للمستشفى، الدكتور هيديك مسبك بقى ولا يقول لك إيه؟ هيقول لك هترجع تاكل مسبك، بس إنت محتاج فترة نظف بقى، مش كده؟ ما فيش غير مسلوق، أو إحنا في الفترة دي فمحتاجين نسيب رفقة السوء دي وبعدين نرجع نجيبهم بقى بعد كده إن شاء الله يعني ما عشر خمسة عشر سنة يقول لك إيه شوف بقى أصحابك فين ارجع.

ماشي، يبقى الصحبه الصالحة ثالث عامل من عوامل الثبات. رابع عامل من عوامل الثبات: اعتزال مواطن الفتن. ما هو إنت ما القاه في اليم مكتوفاً الأيدي وقال إياك إياك أن تبتل بالماء. جبت واحد ربطته ورميته في الماء قلت له عارف لو اتبلت هموتك، ما هو هيتبل بل! هيعمل إيه يعني؟ ما هو ما تجيش إنت إيه عارف إنك لو رحت المكان الفلاني بتقع، وتروح المكان الفلاني عارفه إنك لو قعدتي مع الشلة الفلانية هتقعي وتقعدي مع الشلة الفلانية. اعتزال مواطن الفتن، الحديث اللي بكرره كتير من كتر ما بحبه: إنك إن تفتح تلج هتفتح هتدخل هتقول طب هتفرج، هتخش هتخش. اعتزال مواطن الفتن، فإنت عارف فتنتك مثلاً في كذا خلاص، فتنتك مثلاً في ال... لما أقعد مع الناس ما بعرفش أَمْسِك لساني، وهل يَكُبُّ الناسَ في النارِ على وجوهِهم أو على مناخرِهم إلا حصائدُ ألسنتِهم؟ فإنت عارف دي، هو ده فتنتك اللي بين فكّيك، خلاص اعتزل، اعتزل المجالس اللي بتحرّك لسانك دي وهتوديك في داهية. فتنتك في النساء؟ اقفل الباب بالضّبة والمفتاح، ما فيش خلاص، ما فيش أي سكة للنساء. فتنتك في... وهكذا، إنت عارف فتنتك فين؟ اعتزل مواطن الفتن. ما تجيش بقى تقول لي أنا وقعت ليه؟ أصلي رحت! ما إنت ما إنت عارف إنك لو رحت هتروح.

طيب، خامس حاجة ونختم بها: العلم يثبتك. ربنا سبحانه وتعالى باختصار شديد ذكر أن العلم سبب للثبات على العبادة وأمام الفتن في موطنين في كتابه. العلم والثبات على العبادة: قال الله عز وجل آية عجيبة جداً، قال: ﴿أَمَّنْ هُوَ قَانِتٌ آنَاءَ اللَّيْلِ سَاجِدًا وَقَائِمًا يَحْذَرُ الْآخِرَةَ وَيَرْجُو رَحْمَةَ رَبِّهِ قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ﴾ [الزمر: 9]. الآية كده، الذين يعبدون والذين لا يعبدون الآية كده، ما هي الآية يا جماعة بتتكلم عن قيام الليل دلوقتي، متصور نختم الآية بإيه؟ عمل عبادة، ما هي الآية بتتكلم عن العبادة، قل قال سبحانه وتعالى: ﴿أَمَّنْ هُوَ قَانِتٌ آنَاءَ اللَّيْلِ سَاجِدًا وَقَائِمًا﴾، فإحنا نتكلم عن عبادة، عن عمل صح، بأي شيء ختم الله الآية؟ ﴿قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ﴾ يبقى كأن إيه؟ ثبت هؤلاء على تلك العبادة: العلم.

طيب، يبقى العلم يثبتك على الطاعة، والعلم يثبتك أمام الفتن، فين ده جه في القرآن؟ قارون لما خرج على قومه في زينته، قال الذين يريدون الحياة الدنيا: ﴿يَا لَيْتَ لَنَا مِثْلَ مَا أُوتِيَ قَارُونُ إِنَّهُ لَذُو حَظٍّ عَظِيمٍ﴾ [القصص: 79]، وقال الذين أوتوا العلم: ﴿وَيْلَكُمْ ثَوَابُ اللَّهِ خَيْرٌ﴾ [القصص: 80]. مين اللي ثبت قدام الفتنة؟ فتنة الدنيا: الذين أوتوا العلم. فالعلم يثبتك.

طيب، إيه اللي إحنا محتاجينه بقى في العلم؟ يبقى عندك ورد، العلم نوعين: علم بيزود إيمانياتك، وعلم بتعرف بيه الحلال من الحرام، ما أصل إنت ممكن إيه؟ واحد يبقى يؤتى من إيه؟ هو عنده إيمانيات عالية، بس هو جاهل، فيروح يعمل الحرام وفاكره إيه؟ فاكره يُثاب عليه! عارفين توما الحكيم؟ واحد كان كان جاهلا وكان يتعاطى الحكمة طول ما يقول لك أنا حكيم أنا حكيم، فمما قاله: تصدقوا ببناتكم على الرجال! راجل حكيم بقى، قال لك جواز إيه وبتاع إيه، الدنيا غالية والمهور، كل واحد عنده بنت إيه يتصدق بيها على راجل كده، طبعا ده إيه؟ هو نيته حلوة بس يعني جاهل، ما يعرفش الحلال من الحرام، مش كده؟

وقالوا بقى إيه في الشعر حر فيه: ومن اخذ العلوم بغير شيخ يضل عن الصراط المستقيم وتلتبس العلوم عليه حتى يصير أضل من توما الحكيم تصدق بالبنات على رجال يريد بذاك جنات النعيم وقال حمار الحكيم توما: لو أنصف الزمان كنت أركبه الحمار بتاع الحكيم توما قال: لو بس زمان ينصف أنا اللي أركب مش هو، ليه؟ لأني جاهل بسيط، وصاحبي جاهل مركب. عارفين الجهل البسيط اللي هو إيه؟ تقول له شيء مش عارف الطريق هيقف الحمار، لو قلت له شيء عارف الطريق هيمشي، مش عارف هيفضل واقف مكانه. أنا جاهل ما أعرفش، ده جاهل جهل بسيط. اللي جاهل جهل مركب بقى اللي هو مش عارف وبيفتي زي توما الحكيم كده، فالحمار بيقول إيه: لو أنصف الزمان كنت أركبه، لأني جاهل بسيط وهو يعني مش، وصاحبي جاهل مركبه. هنا أوتي منين؟ من الجهل، مش كده؟

عارفين الراجل البدوي ده اللي في الحج وبعدين إيه طالع بقى بيغتسل كده ومفرفش، جَمَع زوجته في عرفة، طبعا ده حجه بطل! طب يا ابني عملت كده ليه؟ قال هذا يوم شريف ياتي فيه ولد شريف! طب أبطل حجه ده؟ قلت يا ابني جاهل جاهل. فيبقى إنت عاوز تعمل الحلال وتُثاب وترروح تعمل الحرام وتاخد معصية من جهلك. يبقى عاوزين مجالس علم ترفع إيمانياتنا أول حاجة عشان عندنا إيمان عالي ده وقودك للطاعة ولترك المعصية والفتنة، ومجالس علم بقى مجالس إيمانية زي المجالس العامة اللي بنعملها دي، بس مش كفاية دي يا جماعة لازم نرتقي. والكلام ده قلنا السنة اللي فاتت في الدرس، تعالوا بقى نعمل زوم أوت عشان نشوف إحنا كرفنا في حته العلم دي، أنا قلت الكلمتين دول هم هم وختمنا بيهم درس المره اللي فاتت، إنتو عارفين آخر كلمتين كده في الدرس الراجل بتاع تي أو تي ده بيسموها إيه ها حد يعرف ها آه، أو التيك هوم مش كده، آه بيسموها تيك هوم مسدج، يعني الرسالة اللي نطالع بيها بقى من وختمنا بيهم، وكنت أقصَد أختم بيهم عشان تبقى هي رسالتك اللي ماشي بيها دلوقتي، وقلت لازم تدور على مجالس علم شرعي تعرف بيها الحلال من الحرام، الفقه، لازم تعرف حلال من حرام.

فتعال بقى النهارده اللي حضر الدرس ده من سنة، اعمل زوم أوت كده على حياتك وأعمل ارسم كيرف إيه العلم الشرعي، إنت كنت بعد رمضان اللي فات شكلك إيه في العلم؟ النهارده شكلك إيه؟ عشان تعرف إنت طالع ولا نازل. ماشي، فيبقى ليك مجلس إيماني أو درس إيماني بتسمعه، وليك مجلس علم بتحضره أو بتسمعه، حتى أكاديمية علمية، معهد علمي، على اليوتيوب نزلت سلسلة في الفقه وقلت خلاص أنا لي وُرد كل يوم هقعد إيه أسمع درس في ده مثلا، وهكذا.

فبكده قلنا كام سبب؟ خمسة. بسرعة، طب استنوا، مين اللي هيقول الخمسة ياخد عيدية؟ أنا بتلكك لك يا حسين بصراحة، بحبه جدا، هو متعب ووجع قلبي بس أنا يعني... تعرف تقول خمسة؟ قول. - إنت هتدي الدرس. - افتقار. خلاص، اللي بعديها؟ - إيه. - القران. ها، هتعرف ولا إ ايه؟ شفت توتر أهو! مين يكمل التلاتة؟ قول يلا. خلاص بقى، اصبر هيديك. خلاص ما أنا بتلكك عشان أديك أهو، فلستني يا حسين خد يلا كل سنة وأنت طيب يلا رجّعه للراجل اللي ورا ده، وما حدش ما حدش يضربها في جيبه بقى قبل ما توصل.

طيب، كده خمس حاجات وعرفنا أورادنا الـ... اللي هنعملها إن شاء الله. أقول قولي هذا واستغفر الله العظيم لي ولكم. سبحانك اللهم وبحمدك، نشهد أن لا إله إلا أنت، نستغفرك ونتوب إليك.