دخولتسجيل الدخول

غض البصر | الدرس الأول

أمجد سميرالشيخ أمجد سمير
  • مدة الدرس:
  • قراءة

الحقيقة يا جماعة، مسألة غض البصر مسألة مهمة جداً في دين الله عز وجل، ويدل على أهميتها في الدين أن الله عز وجل تكفل أن يتكلم في هذه المسألة بنفسه سبحانه وتعالى. انتوا عارفين يا جماعة احنا عندنا أحكام الشريعة، في بعض الأحكام ذكرها الله عز وجل في القرآن، وفي بعض الأحكام تولى بيانها النبي صلى الله عليه وسلم.

فأولاً، هذه المسألة ذكرها الله في القرآن وتكلم بها سبحانه وتعالى بنفسه جل وعلا، فده يدل على أهمية المسألة دي. المسألة الثانية، أن الله عز وجل لما تكلم بهذه المسألة تكلم بتفاصيل، وده هيبان معانا كمان شوية إن شاء الله؛ لأن الله عز وجل ربما تكلم، وهذا الغالب في خطاب الإله أو في خطاب العظيم من عظماء الدنيا. انتوا عارفين لما يجي مثلاً رئيس وبعدين هيمضي على إنشاء حاجة معينة، حاجة بقا بمليارات، خلاص أمضى ما بيدخلش في تفاصيل التفاصيل، يعني إيه؟ يعني مش هيمجي ماشي يقول لك إيه: لا ادهنوا دي أبيض ودي خلوها مش عارف إيه وحطوا لنا هنا قصرية زرع، العظيم ما يعملش كده، مش كدة؟ ليه؟ لأن هو بيدي خلاص الأطر العامة، وبعدين بقا اللي تحته يبتدوا يتكلموا في التفاصيل دي. تخيلوا بقا لما يجي رئيس ولا وزير ولا أي حد عظيم، ملك من ملوك الدنيا، ويجي بقا على حته معينة كده في المشروع الكبير ده يركز عليها قوي، يقول لك لا حط لي هنا مش عارف إيه، نعرف إن في إن، مش كده؟ يعني أشمعنى الحته دي مركز عليها ومركز في تفاصيلها؟ فنعرف إن الموضوع هنا فيه إن، في حكمة إنه يدخل في التفاصيل دي.

فهذا فعله الله عز وجل على غير عادة القرآن، يعني عادة القرآن أن الله عز وجل إذا أمر يأمر أمراً إجمالياً: ﴿أَقِيمُوا الصَّلَاةَ﴾، أهو في أعظم من شعيرة الصلاة في ديننا؟ أقيموا الصلاة، طب إزاي نقيم الصلاة؟ لا، روحوا بقا شوفوا النبي صلى الله عليه وسلم يبين لكم إزاي تقيموا الصلاة، ما تلاقيش في القرآن إزاي تقيم الصلاة. ﴿وَآتُوا الزَّكَاةَ﴾، أه، طب إزاي نؤتي الزكاة؟ لا، روحوا بقا شوفوا النبي عليه الصلاة والسلام هيبين لكم إزاي تدفعوا زكاة أموالكم وأنواع الزكاة إيه وتخرج قد إيه من قد إيه، وده مش هنا، مش في القرآن، فتلاقوا التفاصيل ما تذكرش في القرآن، الأمر إجمالي والتفاصيل في موطن آخر.

فلما الله عز وجل في مسألة غض البصر هنكتشف أن الله عز وجل يكتفي فقط بأنه يأمر أمراً إجمالياً: ﴿وَيَغُضُّوا مِنْ أَبْصَارِهِمْ وَيَحْفُظُوا فُرُوجَهُمْ﴾ [النور: 30]، وخلاص على كده؟ لا، هتلاقوا الآيات دي اكتنفتها آيات قبلها وبعدها معينة على غض البصر. الأول، الآيات بتاعة غض البصر جت في سورة إيه؟ سورة النور. طبعا احنا الدرس ده احنا أديناه قبل كده، لكنه لم يسجل تصوير، وكان في سلسلة قواسات نور، فاحنا بنعيد الدرس ده تاني لأهمية هذا الدرس، وهو درس كلنا محتاجينه، سواء رجال أو نساء. خلي بالكوا النهارده، المفاجأة النهارده غض البصر إن شاء الله احنا هندي فيه درسين مش درس واحد إن شاء الله.

اليوم احنا بنكلم النساء، يعني ثلاث أرباع الدرس احنا ما بنكلمش الرجالة أصلاً، ثلاث أرباع الدرس النهارده الخطاب للنساء، وأصلاً سورة النور هي سورة النساء، سيدنا عمر كان بيقول إيه: علموا نساءكم سورة النور. فسورة النور هي سورة النساء بامتياز، احنا هنكتشف اكتشاف عظيم دلوقتي. الأول، يبقى الله عز وجل تكفل أن يتكلم في مسألة غض البصر بنفسه جل وعلا، ومش بس كده، ده فصل في المسائل التي تعينك على غض البصر، وهنكتشف ده بقا في الآيات اللي هنقراها كمان شوية إن شاء الله. وهنكتشف أمر عجيب لما نقرا الآيات، وهنرجع بقا نتدبر تلك الآيات، أن مسألة غض البصر الأمر فيها بامتياز للمرأة، لا، مش فاهمين، يعني تقصد غض البصر أن المرأة تغض بصرها؟ لا، هو جاء الأمر صريحاً بغض البصر للرجال، وجاء الأمر صريحاً بغض البصر للنساء.

وبعدين هنكتشف أن مسألة غض البصر دي عشان تحصل في المجتمع؛ لأن سورة النور سورة مدنية ولا مكية؟ مدنية، السُّور المدنية وأنت مغمض هي سورة بتكلم دولة، بتكلم مجتمع، الخطاب مش خطاب فرداني، يعني مش خطاب، طبعا هو القرآن كله يخاطبُك أنت، لكن هتلاقي السُوَر المدنية بتؤسس لمجتمعات، وده هيبان معانا، وطبعا احنا ده تدبرناه، احنا سورة النور تقريباً 11 درس ولا كام، تقريبا 11 درس، ممكن بقا ترجعوا لهم إن شاء الله، ويعني تدبرنا السورة كلها من أولها لآخرها. فالخطاب هنا في كل المؤمنين: ﴿وَيَغُضُّوا مِنْ أَبْصَارِهِمْ وَيَحْفُظُوا فُرُوجَهُمْ﴾، وبعدين يتختم بامر مشترك للرجال والنساء: ﴿وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ﴾، نفس الأمرين هم. وبعدين يجي خمس أوامر ثانية زيادة للنساء، وكان مسألة غض البصر لتنتشر تلك الظاهرة في المجتمع في أوامر زائده للمراه.

فالخطاب بامتياز للمرأة، خلونا نسمع الآيات التي سنتدبرها الآن إن شاء الله، طبعا قبل ما نسمع الآيات هنخلص آيات قبل، هنسمع الآيات دلوقتي إن شاء الله، آيات بعدها كلها كالحمى لغض البصر. سورة النور ابتدت بمساله إيه؟ الزنا، مش كده؟ وكان عشان ما تقعش في الزنا، في حمى من الحمى ده انك تغض بصرك، الحمى يا جماعة الدائرة الأوسع شوية، كالراعي يرعى حول الحمى يوشك أن يرتع فيه. الحمى يعني إيه الحمى؟ لما تيجي تبقى عاوز تحمي حاجة تقوم عامل لها حمى، الحمى ده ما يبقاش على قدها، يبقى أوسع شوية، تعمل سياج، سور أوسع شوية من الحته اللي انت عاوز تحميها، ده الحمى. ففي حمى عشان ما تقعش في الزنا، في كذا حاجة منهم غض البصر، والذي أتى في الصورة، وكان غض البصر أيضاً له حمى.

يعني إيه؟ يعني مش بنقول البصر ونرميك كده في الشارع، لا لا، ما فيش، بلاش نرميك في الشارع، ونرميك في البيت كده، إيه في البيت؟ آه، في البيت، نرميك في البيت مع الأم، ومع الاخت، ومع البنت؟ ما فيش كده. إيه ده هو حتى ده فيها تفاصيل؟ آه مذكورة، آه في القرآن، هنجي لها كمان شوية إن شاء الله، كأننا محتاجين عشان نعرف نغض البصر محتاجين حمى أوسع شوية يحمي غض البصر نفسه؛ لأن غض البصر ده هو اللي هيحمي الآية، يحمي الإنسان يعني من الوقوع في الفاحشة عياذاً بالله، فمحتاجين حمى أكبر.

طيب خلصنا الآية اللي قبل غض البصر، بالآيات اللي بعد نفاجأ أن آية النور تجي مباشرة بعد تلك الآيات، وكان المعنى، وده تلمحه بعض العلماء، أن آية النور تأتي بعد آية غض البصر ليه؟ لأنك لن تنال نور البصيره إلا إذا غضت بصرك، يعني هذا يؤدي إلى ذاك، غض بصرك تنال نور البصيرة. نسمع الآيات ونرجع بقا إن شاء الله نتدبر تلك الآيات.

أعوذ بالله من الشيطان الرجيم: ﴿يَا أَيُّهَا الَّذِينَ آمَنُوا لَا تَدْخُلُوا بُيُوتًا غَيْرَ بُيُوتِكُمْ حَتَّىٰ تَسْتَأْنِسُوا وَتُسَلِّمُوا عَلَىٰ أَهْلِهَا ۚ ذَلِكُمْ خَيْرٌ لَّكُمْ لَعَلَّكُمْ تَذَكَّرُونَ * فَإِن لَّمْ تَجِدُوا فِيهَا أَحَدًا فَلَا تَدْخُلُوهَا حَتَّىٰ يُؤْذَنَ لَكُمْ ۖ وَإِن قِيلَ لَكُمُ ارْجِعُوا فَارْجِعُوا ۖ هُوَ أَزْكَىٰ لَكُمْ ۚ وَاللَّهُ بِمَا تَعْمَلُونَ عَلِيمٌ * لَّيسَ عَلَيْكُمْ جُنَاحٌ أَن تَدْخُلُوا بُيُوتًا غَيْرَ مَسْكُونَةٍ فِيهَا مَتَاعٌ لَّكُمْ ۚ وَاللَّهُ يَعْلَمُ مَا تُبْدُونَ وَمَا تَكْتُمُونَ * قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفُظُوا فُرُوجَهُمْ ۚ ذَلِكَ أَزْكَىٰ لَهُمْ ۗ إِنَّ اللَّهَ خَبِيرٌ بِمَا يَصْنَعُونَ * وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ من زِينَتِهِنَّ ۚ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ * وَأَنكِحُوا الْأَيَامَىٰ مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ ۚ إِن يَكُونُوا فُقَرَاءَ يُغْنِهِمُ اللَّهُ مِن فَضْلِهِ ۗ وَاللَّهُ وَاسِعٌ عَلِيمٌ * وَلْيَسْتَعْفِفِ الَّذِينَ لَا يَجِدُونَ نِكَاحًا حَتَّىٰ يُغْنِيَهُمُ اللَّهُ مِن فَضْلِهِ ۗ وَالَّذِينَ يَبْتَغُونَ الْكِتَابَ مِمَّا مَلَكَتْ أَيْمَانُكُمْ فَكَاتِبوهُمْ إِنْ عَلِمْتُمْ فِيهِمْ خَيْرًا ۖ وَآتُوهُم مِّن مَّالِ اللَّهِ الَّذِي آتَاكُمْ ۚ وَلَا تُكْرِهُوا فَتَيَاتِكُمْ عَلَى الْبِغَاءِ إِنْ أَرَدْنَ تَحَصُّنًا لِّتَبْتَغُوا عَرَضَ الْحَيَاةِ الدُّنْيَا ۚ وَمَن يُكْرِههُنَّ فَإِنَّ اللَّهَ مِن بَعْدِ إِكْرَاهِهِنَّ غَفُورٌ رَّحِيمٌ * وَلَقَدْ أَنزَلْنَا إِلَيْكُمْ آيَاتٍ مُبَيِّنَاتٍ وَمَثَلًا مِّنَ الَّذِينَ خَلَوْا مِن قَبْلِكُمْ وَمَوْعِظَةً لِّلْمُتَّقِينَ﴾ [النور: 27-34].

حسبك، جزاك الله خيراً.

طيب يا جماعة، فاحنا بقا عاوزين نشوف موضوع غض البصر ده، موضوع الحمى الذي وضعه الله عز وجل حول غض البصر. غض البصر، غض البصر احنا النهارده مش هنتكلم في أسباب غض البصر، مش هنتكلم في ده خالص، هنتكلم يا جماعة إزاي المسالة دي مهمة جداً لدرجة أن الله عز وجل تكفل أن يذكرها بنفسه سبحانه وتعالى، أن يتكلم في التفاصيل التي تعينك عليها، ودي مسألة كبيرة يعني، يعني أرجو أن أنتم تستشعروا المعنى ده، معنى أن الله جل وعلا تكلم بها أولاً، ولما تكلم بها تكلم في الحمى الذي يحميها ثانياً، بنفسه سبحانه وتعالى، لم يترك ذلك للنبي عليه الصلاة والسلام، لا، تكلم في التفاصيل، فالموضوع كبير خلاص.

والمسألة الثالثة، أن الأصل في غض البصر النساء، وده هنجي له كمان شوية. يبدأ الله عز وجل الآيات بذكر مسألة الاستئذان: ﴿يَا أَيُّهَا الَّذِينَ آمَنُوا لَا تَدْخُلُوا بُيُوتًا غَيْرَ بُيُوتِكُمْ حَتَّىٰ تَسْتَأْنِسُوا وَتُسَلِّمُوا عَلَىٰ أَهْلِهَا﴾. يبقى يا جماعة علشان.. إنما ما جعل الاستئذان من أجل إيه؟ البصر، يعني أنت تستأذن ليه؟ حتى لا يقع بصرك على شيء لا ينبغي أن يقع عليه، فشرع الله عز وجل الاستئذان: ﴿يَا أَيُّهَا الَّذِينَ آمَنُوا لَا تَدْخُلُوا بُيُوتًا غَيْرَ بُيُوتِكُمْ حَتَّىٰ تَسْتَأْنِسُوا وَتُسَلِّمُوا عَلَىٰ أَهْلِهَا﴾.

وهنا في تقديم وتأخير في قول بعض أهل العلم: حتى تستانسوا وتسلموا، يعني حتى تسلموا وتستانسوا، والاستئناس، احنا طبعا مش هنذكر كل الخلاف في مسائل التفسير، الاستئناس الاستئذان، يعني تقول: السلام عليكم، ادخل. تسلم وتستاذن ليه؟ عشان بصرك ما يقعش على حاجة لا ينبغي أن يقع عليها البصر. طيب المفروض نستاذن فين وعلى مين؟ بنستاذن في كل مكان وعلى كل حد، الاستثناءات اللي هيذكرها الله عز وجل دلوقتي وهنفهمها.

طيب يعني إيه؟ يعني أستأذن على أمي؟ آه. على بنتي؟ آه. على أختي؟ آه. الست تستأذن على ابنها؟ آه. طيب على فكرة، احنا ده كله الاستئذان على الوجوب؛ عشان بس نبقى فاهمين ها، الاستئذان فيما نذكره الآن على الوجوب. الأم تستأذن على الابن؟ آه. البنت تستأذن على الأخ؟ آه. كل دول يستأذنوا على بعض، يعني ما فيش إيه: احنا قاعدين في بيت واحد، إيه أنت داخل كبسة في إيه يا عم؟ حتى لو أنت الأب، هذا لا يبيح لك هذا، داخل كبسة ليه؟ تخبط وتستاذن قبل الدخول. فدي أول مسألة.

طب في نصوص في هذه المساله؟ آه، يعني شوفوا مثلاً، طبعا مش هنقف على كل نصوص، لكن منها أ.. قال ابن جريج: أخبرني ابن طاووس عن أبيه، يعني طاووس سيد من سادات التابعين، قال: ما من امرأة أكره إلي أن أرى عريتها من ذات محرم، يعني إيه طاووس عاوز يقول إيه؟ إني أستأذن على المحارم، أنا أكثر امرأة أكره أن أرى عريتها ذات المحرم، فلا بد أن أستأذن على المحارم. قال: وكان يشدد في ذلك. وقال ابن جريج عن الزهري: سمعت هذيل بن شرحبيل الأودي الأعمى أنه سمع ابن مسعود يقول: عليكم الإذن على أمهاتكم، داخل على أمك تستأذن: عليكم الإذن على أمهاتكم.

وقال ابن جريج: قلت لعطاء: أيستاذن الرجل على امرأته؟ طب يخبط يستاذن على امرأته، على مراته زوجته؟ قال: لا، يعني لا يستاذن على امرأته. قال ابن كثير: وهذا محمول على عدم الوجوب، وإلا فالأولى أن يعلمها بدخوله ولا يفاجئها. يعني ابن كثير بيقول: قول عطاء إنه لا، ما يستاذنش على امرأته يعني ما هواش على الوجوب، إنه يستاذن على امرأته لكن مستحب أنه يستاذن على امرأته، ليه؟ قال لاحتمال أن تكون على هيئة لا تحب أن يراها عليها. فيبقى حتى الرجل وهو داخل على امرأته يستأذن، مش على الوجوب، لكن مستحب أنه يستأذن حتى يعلمها بدخوله.

وعن زينب رضي الله عنها قالت: كان عبد الله إذا جاء من حاجة فانتهى إلى الباب تنحنح وبزق كراهية أن يهجم منا على أمر يكرهه، وهذا إسناده صحيح. طيب يعني مش عايزین بقى نذكر بقية الآية، فاستأذن واحنا داخلين على المحارم؟ آه، نستأذن واحنا داخلين على المحارم.

هنا بقا في مسألة تانية يا جماعة ومهم جداً أن احنا نتكلم فيها، وهي مسألة أصلاً ما الذي يجوز للمحرم أن يراه من المرأة؟ ودي مسألة يحدث فيها تهاون كثير في البيوت مع غيرها من المسائل، وتنتج أساليب تجينا تشيب، خلاص، ويمكن بنقرا حوادث كل فترة لحاجات ما كنا نتصور أنها ممكن تحصل في بين المحارم. طيب ليه؟ أمور كثيرة منها هذه المسألة، مسألة أن دلوقتي لو سالت النساء، أنا بقا..

بكلم المتغيرات اللي هو ابنك المفروض يشوف منك إيه في... معظم، أنا بقول أهو، معظم النساء المتدينات ما تعرفش، يعني ما تعرفش المفروض الابن يشوف مني إيه وما يشوفش إيه، ما تعرفش، هي ماشية كده بالبركة، يعني إيه؟ أنا أتكسف لو شاف كذا فما يطرهوش الكذا، ليه؟ عشان الإحساس، ماشية كده بالإحساس.

هو الموضوع مش كده، وبعدين طيب ممكن واحدة بتحس وواحدة بتحس زيادة، يعني مش عاوزين نغلط، فهو الموضوع إيه؟ الموضوع مش كده خالص، الموضوع أن حتى المسائل دي لا، فيها أحكام، المحرم يرى منك إيه؟ أبوك يرى منك إيه؟ أخوك يرى منك إيه؟ ابنك يرى منك إيه؟ فده مهم النساء تتعلمه.

خلونا نقول قول واحد في هذه المسألة عشان مش هندخل في الخلافات: إن المحرم يرى من المرأة الوجه والراس، يعني الشعر والرقبة، والقدم والساق واليد. الساق طبعا ده اللي هو لغايه فين؟ الساق اللي هو لغايه الركبة، ما فوق الركبة ده فخذ، ده مش ساق، فده اللي المحرم يراه. طيب، المحرم ده اللي هو مين بقى؟ اللي هو أب، أخ، صغير، ده يعني إيه؟ يعني مميز وله شهوة، مميز يعني سبع سنين وأنت طالع لفوق، ممكن يبقى مميز ولا شهوة له، لسه صغير سبعة، ثمانية، أما يبتدي يناهز يبقى اسمه عندنا في الفقه مراهق، بس المراهق في غير المراهق بتاع اللي احنا المراهق عندنا اللي هو إيه؟ ١٤، ١٥ سنة، ده اسمه مراهق، لا، المراهق اللي هو ما بلغْش، لكن قرب يبلغ، ده اسمه مراهق.

فالطفل ده اللي هو مميز لم يبلغ بعد ولكنه قرب يبلغ، يشعر بشهوة زيه زي الكبير، زيه زي الكبير، ما يشوفش غير الحاجات دي. خلي بالكم يا نعم، احنا من دلوقتي إن شاء الله والدرس الجاي هنتكلم شوية في أحكام النظر وأحكام ستر العورة، هنتكلم في الحاجتين دول، خدُوها قاعدة من هنا لغايه ما نخلص الدرسين: أي حكم بنقوله، أول ما تدخل الشهوة فيه، الحكم ده يتغير تماماً إلى الحرمة. مش فاهمين؟ يعني بنقول دلوقتي: المحرم ينظر إلى كذا وكذا وكذا من محارمه، طب إذا خاف ثوران الشهوة؟ حرم، حرام أتبص لأمي؟ أه، حرام تبص لأمك إن خفت ثوران الشهوة، حرام أتبص لبنتي؟ أه، حرام تبص لبنتك إن خفت ثوران الشهوة. اللي أنا بقوله ده إجماع بين العلماء، إجماع!

خلاص، يبقى احنا دلوقتي مسألتين مختلفتين: المرأة لها أن تبدي إيه؟ دي مسألة. والرجل له أن ينظر إلى إيه؟ دي مسألة ثانية. يعني هي إذا أبدت ذلك وهو مباح لها أن تبديه، فوجد الرجل من نفسه شهوة إذا نظر، يحرم عليه النظر! ما يقولش أمي، ما يقولش دي أختي، ما يقولش دي بنتي، حرام، حرام، خلي بالك، حرام ده دلوقتي، وروح بقى عالج هذا الأمر نشوف هنعالجه إزاي فيك، إنما ما تفتكرش إنه دي بنتي، لا مش عادي، واللي أنا بقوله تاني بكررهاني: إجماع بين العلماء. معلش، أنا محموق شوية من كتر الأسئلة اللي بتيجي، واللي بعضها يعني بيظهر بقى في حوادث وبنشوفها، خلاص؟ وهذا من الأمور التي لا أحب أن أتكلم، يعني أشير إليها بس ما أحبش أتكلم فيها في تفاصيلها.

فيفبق المرأة تتقي الله عز وجل، ما فيش حاجة اسمها أنا قاعدة براحتي في بيتي، لا هو لا براحتك ولا في بيتك، في دين بيحكمنا في الحتة دي، ابنك يشوف إيه منك؟ ده دين بيحكمنا، خلاص؟ أخوكي، أبوكي؟ دين بيحكمنا، مش بالمزاج كده.

طيب، حاجة أخيرة، احنا بنتكلم عن المتغطي بس لأن المسائل شائكة شوية بس مهم ان احنا نقولها. طب الرجل احنا قلنا حرام بقى انك تنظر لو في لو خفت ثوران الشهوة، طب المرأة لو لحظت من الرجل اللي هو المحرم ده، اللي هو عم ولا خال ولا أب ولا أيا كان، لحظت شيء مريب؟ تستتر! خلاص، يبقى نقلل تلك المفاسد.

إذن، أول أمر: الاستئذان. ليه؟ عشان النظر، عشان ما يقعش النظر على شيء لا نحب أن يقع النظر عليه، حتى في بيوتنا، حتى في بيوتنا؟ طبعا احنا مش بنفسر الآيات، احنا بنعدي عليها على طول، ماشي. ﴿فَإِن لَّمْ تَجِدُوا فِيهَا أَحَدًا فَلَا تَدْخُلُوهَا حَتَّىٰ يُؤْذَن لَكُمْ ۖ وَإِن قِيلَ لَكُمُ ارْجِعُوا فَارْجِعُوا﴾ [النور: 28]. ماشي. ﴿لَّيْسَ عَلَيْكُمْ جُنَاحٌ أَن تَدْخُلُوا بُيُوتًا غَيْرَ مَسْكُونَةٍ فِيهَا مَتَاعٌ لَّكُمْ﴾ [النور: 29]. إيه البيوت الغير المسكونة اللي فيها متاع؟ أشهر حاجة دلوقتي المحلات، المولات، دي بيوت غير مسكونة ولنا فيها متاع. هنخبط على باب المول قبل ما نخش؟ لا، مش هنخبط، خش على طول، ما تخشش، أروحش... أنت بتروح مولات ليه؟ ما تروحش مولات، اللي عاوز يروح مول يروح ٦ الصبح ويمشي ٧ قبل ما المول يفتح أصلاً، يبقى اسمك رحت برده عشان ما تقولش متشددين ولا حاجة، ماشي؟

قال: ﴿وَاللَّهُ يَعْلَمُ مَا تُبْدُونَ وَمَا تَكْتُمُونَ﴾ [النور: 29]. لو تلاحظوا يا جماعة، بس ده هيبقى المره الجاية إن شاء الله في الدرس اللي جاي، أن صفة العلم أو اسم الله العليم واسم الله الخبير كتير في الآيات دي، كتير، يعني مثلاً: ﴿وَاللَّهُ بِمَا تَعْمَلُونَ عَلِيمٌ﴾ [النور: 29]، اللي هو: ﴿فَإِن لَّمْ تَجِدُوا... وَاللَّهُ بِمَا تَعْمَلُونَ عَلِيمٌ﴾، الآية اللي بعديها: ﴿وَاللَّهُ يَعْلَمُ مَا تُبْدُونَ وَمَا تَكْتُمُونَ﴾، الآية اللي بعديها: ﴿إِنَّ اللَّهَ خَبِيرٌ بِمَا يَصْنَعُونَ﴾ [النور: 30]، اللي هو قول المؤمنين: ﴿يَغُضُّوا مِنْ أَبْصَارِهِمْ﴾، هتلاقوا اسم العليم واسم... ولسه ليه إن شاء الله الدرس الجاي، لأن ده واحد من الحاجات التي تعين على غض البصر، فإن شاء الله يعني أتخبرها الدرس الجاي إن شاء الله.

ثم تأتي آية غض البصر، هنلاقي حاجة عجيبة، شوفوا كده يا جماعة سياق الآيات، قال الله عز وجل: ﴿يَا أَيُّهَا الَّذِينَ آمَنُوا﴾، وده اللي في القرآن كله يعني لما يجي الله عز وجل يوجه خطاب للمؤمنين، بيخاطب المؤمنين: يا أيها الذين آمنوا، ده الأصل في خطاب الله عز وجل للمؤمنين، نجد انتقالة عجيبة جداً في آية غض البصر: ﴿قُل لِّلْمُؤْمِنِينَ يَغُضُّوا مِنْ أَبْصَارِهِمْ﴾ [النور: 30]. إيه ده؟ طب مش ليه مش يا أيها الذين آمنوا غضوا أبصاركم؟ ليه مش كذا على عادة القرآن؟ لا، ده هنا حصل حاجة، حصل انتقال، الله عز وجل الأول بيخاطب المؤمنين، ثم انتقل الخطاب إلى النبي صلى الله عليه وسلم عن المؤمنين: قل للمؤمنين يغضوا من أبصارهم.

لعل والله أعلم من حكم ذلك -أنتو عارفين يا جماعة القرآن كلام الله وخطابات القرآن هي خطابات الله جل وعلا، قد يغفل الإنسان عن ذلك من كتر ما هو بيقرأ القرآن قد يغفل أن هذا أن هذا خطاب الله له- فكانت هذه الآية بالذات لخطورة المسألة، مسألة غض البصر، أتت على هذا النسق لتنبهك على معنى أن الله عز وجل هو المتكلم. ركز، ركز بقى شوية، قل، فجأة كده اكتشفت إيه ده؟ في حد بيكلم حد، مين بقى اللي بيكلم مين دلوقتي؟ ده رب يكلمه، نبياً، النبي محمد صلى الله عليه وسلم، والله جل وعلا، فتنتبه أن الخطاب هذا الخطاب من الله جل وعلا، فالانتقالة دي تنبهك: ﴿قُل لِّلْمُؤْمِنِينَ يَغُضُّوا مِنْ أَبْصَارِهِمْ﴾ وده لأهمية المسألة يا جماعة، خطورة غض البصر في إيه أو إطلاق البصر؟

خطورة إطلاق البصر أنه عداد شغال، ودي مسألة خطيرة جداً، ولذلك تختم الآية: ﴿وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ﴾ [النور: 31]، ماشي؟ بعد الأمر الرجال وامر النساء في عدة أوامر أخرى، تختم الآية: ﴿وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ﴾ [النور: 31]. ليه توبوا من التقصير الذي سيقع؟ قلنا اغضوا والنساء اغضدن، وهيقع تقصير، فتوبوا إلى الله جميعاً أيها المؤمنون. طب ليه هيقع تقصير؟ لأن حاسة البصر سهلة، يعني معصية العين سهلة بخلاف أي حاسة أخرى، فمعصية العين هي من أسهل المعاصي، دي أول واحدة.

تاني واحدة، أن معصية العين أنت ممكن تحرزها والناس مش واخدة بالها، يعني دلوقتي عشان أغتاب لساني وسط وسط جمع أو أعمل أي معصية باللسان، هتسمع، مش كده؟ إنما معصية العين لا، ممكن إيه؟ أسرق لي نظرة من غير ما تسمع، من غير ما تشاف، ﴿يَعْلَمُ خَائِنَةَ الْأَعْيُنِ﴾ [غافر: 19]. فممكن أسرق نظرة من غير ما تشاف وسهل، فهو عداد شغال، والمصيبة الكبرى في عصرنا الآن الجهاز الخبيث، التليفون.

يعني كان أول عداد شغال وأنت في الشارع أو أماكن معينة، لا، النهارده وأنت قاعد، أنا ما بقولكش بتخش على إباحيات، مش بقول كدة، أنا بقول وأنت قاعد على التطبيقات اللي هو عادي ممكن تفتحها وسط الناس، على الفيسبوك ولا على الانستغرام ولا على التيك توك ولا على... ينظر، ينظر أنك تقعد تفر كده لمدة دقيقتين ثلاثة من غير ما تقع عينك على امرأة، يعني إيه تقع عيني على امرأة؟ يعني تقصد امرأة متبرجة؟ لا، لا، ما أقصدمش متبرجة حضرتك، أقصدي امرأة يعني لو بيحجبها؟ أه، لو بيحجبها، هنتكلم المره الجاية إن شاء الله وهنقرا لكم كلام إن شاء الله، كلام للإامام الرازي، المفروض يعني الترتيب النهارده نقرا كلام للحجاوي حنبلي، المره الجاية نقرا كلام للرازي شافعي، ماشي؟

إنما هنقرا كلام الرازي، عاد صادم، اللي هنقراه المره الجاية صادم، أنك اللي ليك انك تنظر وجه المرأة، وهيفصل فيها أربع حالات، أربع حالات، حالة في حاجة أنك تنظر للمرأة وفيها فتنة، وحالة في حاجة أنك تنظر للمرأة ولا فتنة في ذلك، وحالة ما فيش حاجة أنك تنظر للمرأة وفيها فتنة، وحالة ما فيش حاجة أنك تنظر للمرأة ولا فتنة فيها، هيفصل في أربع حالات وأحكام الأربع حالات.

فلما أجي أقول لكم أنك تنظرها أنا ما أقصديش واحدة بشعرها ولا واحدة لابسه ضيق، ولا أنا أقصد وجه المرأة عشان بس نبقى واضحين من الأول كده، ماشي؟ ولما يجي يسأل النبي سيدنا ابن عباس عن نظر في الفجأة فيقول إيه؟ اصرف بصرك.

سؤال الآن: سيدنا ابن عباس كان هيشوف إيه في عصر الصحابة والصحابيات ديت؟ يعني ابن عباس بيجي يسأل النبي عليه الصلاة والسلام عن نظر الفجأة، أنتم متخيلين نظر الفجأة ده في العصر ده اللي هو إيه اللي هيتشاف فيه؟ يعني قال: «اصرف بصرك»، النظرة الأولى لك والثانية عليك، ده اللي هو هيشوف إيه؟ هيشوف إيه؟! أنتم شايفين البلوة اللي احنا فيها يا جماعة؟ ومع ذلك قال: «اصرف بصرك».

فيأتي الخطاب عجيب: ﴿قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفُظُوا فُرُوجَهُمْ ذَٰلِكَ أَزْكَىٰ لَهُمْ﴾ [النور: 30]. فتنتبه، ده في رب بيتكلم دلوقتي، المسألة مش هزار. وبعدين كون أن رب سبحانه وتعالى تكفل أن يتكلم وأن يخاطبك بهذا الخطاب بنفسه جل وعلا، غير بقى أنها مسألة مهمة وأن يعني لازم تعملها، لأن الله عز وجل، لا، هو كونه سبحانه وتعالى إلهاً دي مسألة تخوف، صحيح أن هو ده خطاب من الإله لك مباشرة، لكن في مسألة ثانية بقى: هذا الإله رحيم بك!

يعني يا جماعة، حبوا غض البصر، حب غض البصر ليه؟ لأن الله عز وجل أعلم بك منك، عارف إيه إيه اللي يصلحك؟ ﴿أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ﴾ [الملك: 14]. فالله عز وجل أعلم بما يصلحك وأرحم بك من أمك، فوالله لو المسألة دي فيها مصلحتك ومصلحه المجتمع لأباحها لك جل وعلا، ليه؟ لأنه رحيم بك، ما يفعل الله عز وجل يعذبك ليه؟ إلا أن فعلا المسألة دي خطيرة.

فاللي ما يجيش بقى بالحب يجي بالخوف، هو الأجمل أن تأتي بالحب، أن تحب هذا، تحب الشريعة، كلام المسألة دي يا جماعة احنا اتكلمنا فيها قبل كده بس يمكن مش هنا، فكرة أن تحب أحكام الله جل وعلا، اللي هي الأحكام اللي هي اسمها تكليفية فيها كلفة ومشقة، أه، لكن بحبها. ليه بحبها؟ علشان حتى لو أنا عقلي مش جاب حكمتها، هي والله العظيم والله العظيم هي الأصلح ليه.

وكنت أحكي حكاية، يعني الحكاية دي عجيبة بالنسبة لي يعني: كان ليه واحد صاحبي وكان بيلعب في الجيم يعني، بس يعني بقى إيه من الناس الكتير دي، فكان طبعا يقعد يزلط في إيه؟ بيض مسلوق، ففي مرة قال لي كلمة عجيبة جداً، قال لي إيه؟ قال لي: أكتر أكلة بكرهها البيض، مش عشان هو بياكل كتير لا، أصل أنت عارف أنت لو أكلت حاجة كتير تكرهها، يعني نفسك لا، هو أصلا ما بيحبش البيض من قبل الجيم ومن قبل ما ياكل، ما بيحبش البيض، بيقول لي: أكتر أكلة بكرهها، قلت له: أنت بتاكله إزاي؟ قال لي: بقعد عشان أعارف أكل البيض أفكر في فوائده، وأتخيل الفوائد دي وهي بايه بتعمل في في جسدي، وهو بياكل بيض مثلا عشان البروتين وعشان العضلة تبقى مش عارف عاملة إزاي، فيقعد يتخيل الأمور دي فتسهل عليه أكل الإيه، اللي هو الأكل اللي هم ما بيحبوش ده، تسهل عليه الأمر.

معنى معنى عميق شوية يعني، وقل مثل ذلك في حق الأحكام الشرعية، اللي هو حتى لو عليه لو في كلفة فيها مشقة، أه، بس هي مصلحتي، هي مصلحتي. طب إيه مصلحتك؟ مش لازم أعرف، أصل أصل الله هو من شرعها، الله جل وعلا والله أعلم به مني، ﴿أَلَا يَعْلَمُ مَنْ خَلَقَ﴾، قلنا لكم قبل كده من دي على الفاعلية ولا المفعولية؟ على الاثنين، ﴿أَلَا يَعْلَمُ مَنْ خَلَقَ﴾، يعني من هنا قد تعود على الله سبحانه وتعالى أو تعود على المخلوق، ألا يعلم الله من خلق؟ أو ألا يعلم الذي خلقه؟ فهمتوا؟ ففي الحالتين المعنى واحد، خلاص؟ ﴿أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ﴾ [الملك: 14]، بلى، هو أعلم بك منك، فقال: ﴿قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفُظُوا فُرُوجَهُمْ ذَٰلِكَ أَزْكَىٰ لَهُمْ﴾ [النور: 30].

إنَّ اللَّهَ خَبِيرٌ بِمَا يَصْنَعُونَ.

فأمر بغض البصر وحفظ الفرج، طب ازاي نغض البصر؟ مش درسنا الدرس الجاي إن شاء الله؟ ولكن طبعا هنا واضح العلاقة بين غض البصر وبين حفظ الفرج: ﴿إِنَّ اللَّهَ خَبِيرٌ بِمَا يَصْنَعُونَ﴾ [النمل: 88]، كل ده خليه المره الجاية إن شاء الله. ﴿وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ﴾ [النور: 31].

أدي أمرين، وادي أمرين، وهيوجه في الآخر أمر مشترك: ﴿وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ﴾ [النور: 31]. لكن نفاجأ أن الموضوع ما بيقفش لهنا، الموضوع أن في خمس أوامر تانية للنساء، وعشان كده قلنا خطاب غض البصر هو خطاب نساء بامتياز.

الأول يا جماعة مسألة تانية: النساء شقائق الرجال، والاصل أن الخطاب الشرعي في القرآن يأتي بصيغة مخاطبة الذكور أو الإناث؟ الذكور، ويدخل النساء تبعًا، دي معروفة دي يعني أقيموا الصلاة. يعني أقيموا الصلاة، يقولوا إيه؟ ده أمر للرجال، يبقى النساء ما عليهاش صلاة؟ آتوا الزكاة، ده أمر للرجال، فيبقى النساء ما عليهاش زكاة؟ ما فيش كده. الخطاب بيأتي مخاطبًا الذكور ويدخل الإناث تبعًا في الخطاب.

فهنفاجأ بحاجة تانية، احنا عمالين نتفاجأ من الآيات النهارده، أن هذا الخطاب ما جاكده، يعني لو قال إيه: وقل للمؤمنين يغضوا من أبصارهم، هيُفهم منها المؤمنين والمؤمنات، يُفهم منها كده؛ لأن الأصل أن خطاب الله عز وجل ما يخاطب به الرجال يخاطب به النساء. لكن ربنا ما عملش كده سبحانه وتعالى، لا، ده بعد ما أمر المؤمنين بغض البصر، أمر النساء بأمر خاص. والله عز وجل دي مش عادة الملوك يا جماعة.

ثاني، احنا عاوزين نفهم يعني ايه خطاب ملوك عشان نفهم، يعني الملك الرئيس العظيم ده، أي حد عظيم في الدنيا ما يتكلمش كتير. ولو لقى لو عظيم بجد يعني يعني هو فاهم يعني ايه ملك، إنه ملك، إنه رئيس، إنه كده، ما يتكلمش كتير، كلامه يبقى معدود. ولو لقيت الحد اللي هو عظيم وفعلا فاهم قدره وبيتكلم كتير في حاجة، اعرف أن إيه؟ زي ما قلنا أن هنا في حاجة، هو ما بيتكلمش كتير. ولله المثل الأعلى، كلام الله عز وجل الأصل فيه أنه كلام إجمالي، التفاصيل مش هنا خالص، روح دور عليها بقى أنت في كلام النبي عليه الصلاة والسلام في اجتهاد الفقهاء.

فنيجي في المسألة دي: الله عز وجل يخاطب المؤمنين ويخاطب المؤمنات، ليه؟ أولًا: لأن المسألة لها علاقة بالجنس؛ يعني بالرجل والمرأة، فقد تظن المرأة أن هي ما هياش مخاطبة. لكن في هنا مسألة تانية، هو خطورة إطلاق البصر للمراة، وهنا النساء -حتى للأسف المتدينات- يمكن ما بينتبهوش لده.

عارفين يا جماعة، أنا هقول جملة بس ركزوا فيها: فتنة الرجل بالمرأة أقرب، وفتنة المرأة بالرجل أعظم، مفهومة؟ يعني أيهما أقرب: أن رجل يفتن بامرأة ولا امرأة تفتن برجل؟ يعني واحد يبص لواحدة فيفتن، ولا واحدة تبص لواحد فتفتن؟ الاقرب أن الرجل هو اللي يفتن، يعني الرجل سهل يتدلق، ماشي؟ يبقى فتنته الرجل بالمرأة أقرب.

لكن عارف لو امرأة فتنت برجل؟ لا تسال عن تلك الفتنة بقى، تعلق وحب، ممكن يصل إن هي ما تأكلش ولا تشرب ولا كذا، وفتنة المرأة بالرجل أعظم، ماشي؟ موافقين على دي؟ في ناس بتقاوح تقول لك ما شفناش واحدة ماتت عشان واحد! إنما إنما كتير في الأدب يعني، في النصوص الأدبية، تلاقي اللي اتجنن عشان ليلى، واللي اتقتل عشان كذا، والستات ما بيحصل لهمش حاجة خالص قاعدين.

لكن على كل حال، لا، فتنة المرأة يا جماعة بالرجل فتنة عظيمة، ولذلك المرأة تغض البصر.

طيب، تاني هعيد الكلام: احنا إن شاء الله إن شاء الله المرأة تنظر إيه من الرجل، والرجل ينظر إيه من المرأة والتفاصيل دي هنقرا كلام إن شاء الله الرازي المرة الجاية، ولو في وقت النهارده نقرا كلام الحجاوي إن شاء الله. لكن أنا هعيد جملة قلتها: كل ده مع أمن الشهوة. طيب، خفتِ تتفتني؟ يحرم النظر، يحرم النظر لإيه إن شاء الله؟ لصورة راجل، للفيديو بتاع الشيخ فلان! ما هو كل فول وليه كيال، في واحدة تفتن بمغني، وواحدة تفتن بشيخ، يبقى حرام عليك تنظري لهذا الشيخ، حرام، خلاص.

والمصيبة الكبرى أن يحدث ذلك مع اليأس من الوصول للصورة الشرعية. ما هي الصورة الشرعية الوحيدة لحاجة زي كده؟ إيه؟ الجواز، ما فيش حاجة تانية. ممكن بقى تحصل هذه الفتنه مع اليأس من حصول هذه الصورة، ليه اليأس؟ يا إما المرأة تكون متزوجه، ده بيحصل؟ آه، بيحصل، امرأة متزوجه وبعدين تتقلب بقى حياتها جحيم، وكل ده كان بإيه؟ بنظره في الاول، وتسهلت مع تلك النظرة، واتقلبت حياتها جحيم. واحنا لو بنتكلم عن واحدة متدينة هنا، فبنقول إن هي مش هتروح تعمل عمل الحرام، لكن هتقع بقى حياتها خلاص خلاص مكدرة مكدرة.

ولعل لعل من الحكم أن الله عز وجل أجرى شيئًا من ذلك في عصر النبوة تنبيها لنا، دي حكمة من الحكم يعني يا جماعة، لا يكون في كون الله إلا ما أراده الله. فلما نجيء نحكي لكم حكاية أن امرأة راى ورفعت طرف الخيمة، وجدت إيه زوجها أقبل في عدة من الرجال وكان يعني أقصرهم قامة، وأسودهم لونا، وأقبحهم وجها فكرهته. خلي بالك، هي لم تفتن بغيره، يعني هنا المرأة مش فتنت برجل بس، أبغضت الزوج، ليه؟ قصير دميم لونه أسود. خلي بالكم، هو الزوج ده فجأة بقى قصير وداميم لونه أسود ولا هو من الأول كده؟ هو من الأول كده، لكن لما نظرت فوجدته وجدته في وسط رجال فظهر هذا إيه يعني الفارق بينه وبين غيره.

خلاص نفرت، وهي امرأة صالحة تقية، راحت للنبي عليه الصلاة والسلام: أنا خلاص مش، ولا أنكر عليه دينا ولا خلقا، راجل دين وراجل ذو أخلاق، لكن خلاص مش طايقاه. طب إيه اللي حصل؟ حصل كذا كذا كذا، حكت للنبي عليه الصلاة والسلام، وكان ده أول خلع في الإسلام، وخلعت زوجها، ردت عليه حديقته. ده في رواية يا جماعة، قال لها: «وتردين عليه حديقته؟» قالت: وزيادة. هي امرأة تقية، هي مش عاوزة تعمل حرام، بس في نفس الوقت في نفرة.

إيه اللي يعنيينا؟ سيبكم بقى من الحكاية، الحكاية دي قد يكون الله عز وجل أجرى لتلك الحكمة، بس عشان نقعد في درس زي ده نقول لكم يا جماعة خطوره النظر حتى على الأولياء، هنا ما نتكلمش عن مجتمع فاسق، ما نتكلمش عن امرأة فاسقة، نتكلم عن صحابية. فخطورة النظر حتى على الأولياء، ما تقوليش أنا شيخ، وأنت ما تقوليش أنا محافظة قرآن، حرام عليكي تبصي، خلاص طالما حسيتي بتحرك شيء داخلك يحرم.

إيه ده، هو الراجل مش ينفع أبص لوجهه؟ أنا بقول إجماع، أنا يا جماعة اللي بتكلم فيه ده ما فيهوش خلاف، يعني ما فيهوش أخذ ورد، إجماع بين العلماء طالما في خوف فتنة يحرم. أديكم شفتوا نظرة لنبي من أنبياء الله يوسف عليه السلام عملت إيه في المرأة؟ وبعدين إيه ده؟ مش لا، ده يعني إيه؟ تقعد تروضه مرة والثانية والثالثة، واللي علينا بقى نتدبر سورة يوسف إن شاء الله بعد كده. وبعدين عملت إيه في النساء؟ لا، كمان، فالنظرة آه سهم مسموم للرجال، بس لا ما حدش قال كده، وللنساء كذلك.

والنساء بقى ما تغلطش فينا كمان، عشان تلاقي تلاقي بيحصل بقى كتير يقول إيه: واحدة تدخل يا جماعة غضوا البصر، تقوم واحدة: ده وحش! متشكَرين يا ست، حاجة كويسة الواحد يبقى وحش. فيعني يعني لا تطلقوا البصر ولا تقلوا أدبكم، هو أنتم لازم تطلقوا حاجة يعني؟ يا تطلقي البصر يا تطلقي لسانك، ما تطلقوش حاجة خالص.

يبقى: ﴿وَقُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ﴾ [النور: 30-31]. أما حفظ الفرج عند النساء يعني يعني تجنب الزنا والفاحشة عياذا بالله، أو حفظ الفرج يعني ستر الفرج. ﴿وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا﴾ [النور: 31]، هنا بقى هيبتدي تهيئة، احنا بنتكلم عن إيه يا جماعة؟ احنا قلنا سورة النور سورة مدنية بتخاطب مجتمعًا مسلمًا، بتهيئ المجتمع، بتعمل حمى، تنشئ حمى لمسألة غض البصر الذي هو بدوره حمى للوقوع في الزنا.

فشفنا إزاي هنستأذن، وعرفنا إزاي الاستئذان مش بس على الأجانب، الأجانب دول مش اللي هم بتوع بلاد برة، الأجنبية عن المرأة اللي هو ما هواش محرم. طب مين المحرم عشان برده نساء في في كده؟ ما مش عارفة إيه المحرم ده؟ ففاكرة بقى زميلها في الكلية ده محرم، وجارها ده محرم! والمحرم مين؟ اللي هو يحرم عليك على التأبيد، ليه بقول الكلام ده؟ علشان في برده نساء -وده للأسف بيبقى متدين بيبقوا فاكرين ده، جوز اختك ده مش محرم؟ تقولي: ما هو حرام يتجوزني! أقول لك: آه، بس حرام يتجوزك، ده مش على التأبيد، هو ده مؤقت بإيه؟ طول ما هو متجوز اختك. طلق اختك؟ هيبقى قابلين لو اتجوزه ما حدش هيدخل. طلق اختك؟ هيجي البيت ده تاني ليه؟ مش هيجي، إنما يباح له إنه يتجوزك، فدي فانت كده ده مش محرم ليكي؛ لأنه ما يحرمش عليك على التأبيد، خلاص، فهم دول المحارم.

خلاص، طيب: ﴿وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا﴾ [النور: 31]. أدي أول أمر النساء مختلف زيادة عن أوامر الرجال. ولا يبدين زينتهن إلا ما ظهر منها، إيه اللي ظهر من الزينة؟ كلنا طبعا هنا حنابلة صح؟

أسهل قول الحنابلة، ما فيهوش تفاصيل كتير، قال لك: إلا ما ظهر منها الثياب، طبعا ده مروي عن صحابة برده، يعني المرأة لا تبدي شيئًا إلا ما ظهر من الزينة اللي هو إيه بقى؟ الثياب. واستدلوا بقول الله عز وجل: ﴿وَخُذُوا زِينََتَكُمْ عِندَ كُلِّ مَسْجِدٍ﴾ [الأعراف: 31]، والزينة في هذه الآية الثياب. أنت وأنت رايح المسجد مش بتروح تروح زينة، إيه اللي بتروح بيها؟ المقصود بالزينة هنا الثياب. فقالوا: يبقى الزينة هنا إلا ما ضار منها هو الثياب.

ولذلك مذهب الحنابلة هو أسهل المذاهب في الفهم مش في التطبيق؛ يعني مذهب مذهب الحنابلة معروف أن المرأة لا يظهر منها شيء، لا وجه ولا كفين ولا عين، ولا يظهر شيء، ده مذهب الحنابلة خلاص. فيبقى ولا يبدين زينتهن إلا ما ظهر منها في مذهب الحنابلة: الثياب. غيرهم قال: لا، يعني ما زي بعضه، تظهر تظهر الوجه زي بعضه. غيرهم قالوا: زي بعض وجه إيه وكفين؟ حد عاوز حاجة تانية تظهر؟ كفاية قوي كده، احنا مش عاوزين حاجة تظهر خالص. يبقى الأقوال أهم، أشهر ثلاثة أقوال في الفقه: يا أما المرأة كلها عورة، قول الحنابلة. يا أما تظهر الوجه، خلي بالك يا جماعة أنا بس عاوز عاوز نربط على مسألة مهمة علشان ما تتلخبطوش للي بيذاكر فقه.

علشان ما تلخبطوش للي بيذاكر فقه: الكلام عن العورة في الفقه يذكر في بابين: الأول في الصلاة، يتكلمون عن عورة الصلاة. خلاص؟ وفي حاجة تانية عندنا اسمها عورة النظر، مين شاطر يقول بتذكر في باب إيه؟ أحسنت، عورة النظر مسأئلها في كتاب النكاح. ليه بقول الكلام ده؟ عشان الناس بتلخبط؛ يعني هيجوا مثلا اللي هيفتح يقول لك إيه؟ بيذاكر مثلا في الحنبلي فيقول لك إن المرأة وهي بتصلي عند الحنبلة تظهر الإيه؟ الوجه بس، حتى الكفين لا عند الحنبلة تظهر الوجه. فيقول لك الشيخ ده إيه؟ ده بيقول لك الحنبلة وبيفتري على الحنبلة! لا يا حبيبي دي عورة الصلاة، دي مش عورة النظر.

هديكم هديكم مسألة تانية وبرده الناس بتقع فيه أو النساء يعني، حتى كيفية ستر العورة؛ يعني لما يجي يقول لك هتستر عورتك في الصلاة أو عورتك في الصلاة، يقول لك إنك تستري العورة بما لا يصف البشرة. ومعنى يصف البشرة إنه ما يبينش لون البشرة، ما يبقاش خفيف شفاف بحيث إنك لو لابس جلابية يتعرف إن أنت لونك إيه من ورا الجلابية، أبيض ولا أسود ولا كذا. خلاص؟ طيب، أفرضي المرأة لبست ما لا يصف البشرة، لكن يحاكي الأعضاء؛ يعني لبت بنطلون ضيق؟ ينفع تصلي فيه؟ آه ينفع تصلي فيه. ينفع تصلي فيه، صلاتها مكروهة لكنها صحيحة.

طب تطلع بقى تمشي بيه في الشارع؟ لا، ما تطلعش تمشي، حرام. الله، ليه؟ احنا بنتكلم عن عورة النظر هنا مش عورة الصلاة، في عورة الصلاة في باب الصلاة آه، ينفع أصلي بالبنطلون الضيق. تلاقى النساء حاجة عجيبة جدًا، عاملين العكس، تلاقي الست ماشية في الشارع بالبنطلون الضيق، واخدة إسدال معاها في الشنطة، تدخل الجامعة تلبس الإسدال عشان تصلي! يا ستي، راضينا منك بالعكس، امشي بالإسدال في الشارع وادخلي اقلعيه وصلي بالبنطلون الضيق! فنفرّق بين عورة الصلاة وعورة النظر، ماشي؟ فدي مسألة مهمة.

وقول المؤمنات يغضضن من أبصارهن، آه قال: ولا يبدين زينتهن إلا ما ظهر منها، يبقى يا أما لا يظهر منها شيء، والزينة المقصودة هي الثوب الثياب، أو يظهر منها الوجه، أو يظهر منها الوجه والكفين. ركزوا بقى يا نساء الله يكرمكم، والأولياء كذلك من الرجال. دلوقتي المرأة ظهر الوجه والكفين تقوم تيجي تعمل إيه؟ ترفع إيديها، تجيب مش عارف إيه، تلاقي العباية نزلت لغاية، مين هيحاسب على ده إن شاء الله؟ مين؟ بلاش نزلت عشان ما نبقاش الحته دي، تلاقي نساء كتير كده الحته دي باينة، ده مش ده مش متكفين، مين هيحاسب على دي؟ ما فيش حد هيحاسب غيرك. طيب ماشية بالجيبة ولا بالعباية ولا بالمناسبة، احنا ما عندناش حاجة اسمها زي...

شرعي؛ يعني لازم تلبس ملحفة، لازم تلبس ما فيش حاجة اسمها كده في الدين. احنا عندنا مواصفات، اطبقت المواصفات يبقى الزي ده شرعي، وما عندناش لون شرعي، ما عندناش إيه لازم تلبس أسود، ما عندناش حاجة اسمها كده في الدين يعني ما فيش لون بعينه. اه، ممكن يبقى لون هو الستر ماشي، لكن نوجبه على المرأة؟ لا، خلاص.

فهي ماشية لابسة العباية، لابسة الجيبة، لابسة المش عارف إيه، وسترة لغاية تحت. يجي شوية هوا يروحوا مبينين حتة من رجلها، حتة صغيرة كده، مين هيحاسب على دي؟ أنت. شوف بقى الفرق بين النساء! يجي النبي عليه الصلاة والسلام يؤمر النساء أن هن يرخين إيه؟ شبرا الجلباب اللي لابسنه ولا البتاع، عارفين الشبر؟ فتقوم المرأة الصالحة تقول إيه؟ إذا نتكشف؛ يعني شوية هوا بتاع هنتكشف، فرخص في ذراع. الذراع اللي هو إيه؟ تقريبا نص متر تقريبا، يعني الجلابية الجلباب اللي المرأة لابساه ولا العباية ولا أي مش عارف إيه تبقى نازلة أكتر من طولها نص متر، رخص في ذلك. طيب، عاوزه تبقى أقل وهي تأمن أنه لا يبدو شيء ولا بتاع ولا ماشي الحل، يعني مش لازم ترخي الذراع ده، لكن التساهل في الحاجات البسيطة دي البسيطة أقصد في وجهة نظر المرأة مين مين محاسب عليه ده؟ ما هو احنا بنقول اهو، قلنا لكم الأقوال ماشي.

بيقولوا -ما أعرفش بقى مدى صحة الحكاية دي- أن الإمام أحمد مرة ماشي وبعدين الهواء جه كده إيه زي فكعب امرأة بان، فراج موذي وشه، قال: أعوذ بالله، نحن في زمان فتن، عشان إيه كعب المرأة ظهر! قال: ﴿وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا﴾ [النور: 31]. واديكم عرفتوا إيه اللي يظهر من الزينة. ماشي، طبعا هو بس عشان يفهّم إيه يا جماعة؟ ﴿وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا﴾ القول الأول قالوا الثياب، وقالوا إن الثياب زينة بدليل قول الله عز وجل إيه: ﴿خُذُوا زِينَتَكُمْ﴾ [الأعراف: 31]. الأقوال الثانية هيقولوا المقصود ﴿وَلَا يُبْدِينَ زِينَتَهُنَّ﴾ يعني موضع الزينة، ما هو عشان الزينة تظهر يبقى لازم موضع الزينة يظهر، فهمتوا دي؟ فقالوا إن زينة المرأة نوعان: زينة خفية، وزينة ظاهرة. فالمسموح به هنا المباح للمراحة هنا أن تبديه الزينة الظاهرة. فابتدي بقى يقولوا إيه الزينة الظاهرة؟ مرة قالوا الخاتم فيبقى الكف يبان ماشي، قالوا الكحل فيبقى الوجه يبان، فعشان كده قالوا إن الوجه والكفين.

طيب، قال: ﴿وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا * وَلْيَضْرِبْنَ بِخُمُرِهِنَّ عَلَى جُيُوبِهِنَّ﴾ [النور: 31]. أمر تاني للنساء، خدوا بالكم احنا دلوقتي ما بنتكلمش في غض البصر، احنا بنهيئ المجتمع عشان لما نجي نقول لك أيها الشاب غض بصرف تلاقي الأمر بقى سهل، طب كل الحاجات دي المرأة ما عملتهاش ما تجيش تقول إيه أنا بقى أطلق بصري، هتتحاسب! هتتحاسب برده بس عشان بس ما إيه هنقول لك الأمر صعب عليك فتجتهد لكن هتتحاسب.

ثاني أمر للنساء زائد على أمر الرجال. قبل يا جماعة ما ندخل في الأمر الثاني، احنا دلوقتي بنقول غض البصر خلوه المرة الجاية خلاص عشان ما فيك في غض البصر، خلي كل غض البصر المرة الجاية إن شاء الله. ولودين زي قال: ﴿وَلْيَضْرِبْنَ بِخُمُرِهِنَّ عَلَى جُيُوبِهِنَّ﴾ [النور: 31]. الخمار ما تغطي به المرأة راسها. ﴿وَلْيَضْرِبْنَ بِخُمُرِهِنَّ عَلَى جُيُوبِهِنَّ﴾ الجيب فين ده ولا إيه؟ الجيب ده اللي هو شايفين الفتحة اللي أنتوا بتدخلوا منها راسكم، ده الجيب. جاب يعني قطع في اللغة، فانت الثوب كأنه كل الثوب إيه يعني مصمت إلا الحته دي مفتوحة مقطوعة كده تدخل منها راسك فبيسموها الجيب. جاب جت في القران بمعنى قطع، ﴿وَالَّذِينَ جَابُوا﴾ جابوا يعني إيه؟ جابوه حطوه هنا، ما هو الناس بتقرا القرآن كده هو جابوا جابوه جابوا الصخر يعني لا جابوا يعني قطعوا الصخر ماشي بالواد بقى الواد مين؟

طيب، فجابوا يعني قطعوا، فده الجيب، ﴿وَلْيَضْرِبْنَ بِخُمُرِهِنَّ عَلَى جُيُوبِهِنَّ﴾ [النور: 31]. قالوا إن زمان كان في الجاهلية ربما غضت المرأة راسها وأسدلت أو أرسلت الخمار من الخلف، عارفين أشبه ما يكون دلوقتي عارفين الراهبات تلاقيهم لابسين اللي هو البتاع بتاعهم اللي على راسهم ورمينه لورا كده نازل من ورا، أشبه بهذا الإيه المنظر. فقال الله عز وجل خلي بالكم يا جماعة الله يكرمكم يا نساء بالذات، المخاطب هو الله، وبيخاطب يخاطبكن بالتفاصيل على غير عاده الملوك! الله عز وجل لم يعني لم يترك الأمر للنبي محمد صلى الله عليه وسلم ليبين ذلك الأمر للنساء ويجي في حديث وخلصنا. أهمية الأمر ده: إيتيها النساء فاتقين الله عز وجل ﴿وَلْيَضْرِبْنَ بِخُمُرِهِنَّ﴾ فاتى القرآن بهذا بقى: ﴿وَلْيَضْرِبْنَ بِخُمُرِهِنَّ﴾ لا مش كفاية أنك تغطي لي راسك وترمي الحجاب لورا كده، ﴿وَلْيَضْرِبْنَ بِخُمُرِهِنَّ عَلَى جُيُوبِهِنَّ﴾ [النور: 31].

يبقى الإسبان بانش حرام؟ مش حرام إن في يعني هي مغطية حته جزاك الله خيرا طبعا أحسن من ما في يعني يعني إيه الشر بعضه أهون من بعض لكن مش ده الحجاب الشرعي. طب لا لفه الطرحة بس إيه البنات بقى الصغيرين اللي هو 13 14 السن ده لفه الطرحة كده وايه لفاها على رقبتها فرقبتها باين منها حته، ما ينفعش. الوجه يعني ما واجهت به، بس أي حته زيادة هتتحاسبي عليها. الكف يعني الكف، فحته بقى باينه لي من هنا كده هتتحاسبي عليها. حته من رجلك لأن الجيبة هتتحاسبي عليها. ﴿وَلْيَضْرِبْنَ بِخُمُرِهِنَّ عَلَى جُيُوبِهِنَّ * وَلَا يُبْدِينَ زِينَتَهُنَّ﴾ [النور: 31] اللي هي الزينة الظاهرة إلا لبعولتهن أو يبدين زينتهن الزينة الباطنة هنا بقى ماشي كده إلا لبعولتهن أو آبائهن أو أو آباء بعولتهن إلى آخر الآية الأصناف. اتكلمنا باختصار عن اللي يظهر للمحارم خلاص مش محتاجين إيه طيب.

قال: ﴿وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ﴾ [النور: 31]. وده الأمر الاخير الذي تمايزت به المرأة عن الرجل في تلك الآيات، ﴿وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ﴾. خلوا بالكم الخطاب الآن لإيه بقى؟ امرأة ساترة الجسد كله! يا جماعة أنت أنت يعني أنا مش عارف أنت أنت يعني حاسين أن أنا حاسة أن ربنا سبحانه وتعالى بيتكلم بتلك التفاصيل؟ الله جل وعلا وصل الحديث أنه يقول: ﴿وَلَا يَضْرِبْنَ بِأَرْجُلِهِنَّ لِيُعْلَمَ﴾ احنا فاهمين خطورة الموقف؟ أنا عاوز بس يعني عشان تستشعروا ده، زي ما قلت لكم كده تخيلوا المثال الآتي كده أن رئيس دولة ملك دولة وطلع في خطاب خطاب عام ومسك المايك وراح قايل إيه: أنا الحمد لله ماضيت النهارده اتفاق إي انطلاق المشروع العملاق بتاع كذا كذا، ونبهتهم أن شارع رقم ثلاثة يتحط فيه قصرية زرع فل في كل متر والرصيف يدهن مش عارف بلاطة سودا وبلاطة بيضا ويهتموا بالأسفلت. هو ماسك في شارع ثلاثة وسايب بيتكلم ده في خطاب عام، وأنت عارف أن الرئيس ده الملك ده مش مش حد سفيه مش حد مش حد كده إيه مجنون كده، لا ده حد كلامه موزون جدا واعتدنا منه على ده. أول ما هتسمع ده هتعرف أن شارع الثلاثة ده فيه قصة، يعني في حاجة هنا يعني هو إيه هنا بقى؟ يعني هتلاقي ممكن الناس ما تفرحش بالمشروع ولا في عاوزه تعرف إيه شارع ثلاثة؟ يعني إيه بقى اللي في شارع رقم ثلاثة ده؟ مش كده؟ ولله المثل الأعلى!

أنتوا فاهمين أن وصل الخطاب أن الله بيخاطب المرأة المستترة بالكامل دلوقتي بيقول لها إيه؟ ما تضربيش برجلك. مش النبي اللي بيقول عليه الصلاة والسلام، ولو قالها النبي لكانت بوحي من الله برده، لكن لا ده في القرآن، ده الله تكلم بذلك: ﴿وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ﴾ [النور: 31] اللي هو الخلخال، اللي احنا بنسميه خلخال. لو ضربت برجليها يقوم الخلخال يعمل صوت فيعلم أن فيه خلخال! يا الله المستعان! ده احنا بنتكلم المرأة المستترة بنقول لها ما تضربيش برجلك علشان ما يحصلش صوت فيتعرف أنك لابسة خلخال!

إيه رأيكم إيه رأيكم يا نساء بقى مش يا رجال؟ وإيه رأيكم يا رجال في صيانة الشرع لك لمساله أنه بيعينك على غض البصر؟ ما هو ممكن غض ممكن إطلاق البصر ببتدي بإيه؟ بصوت كعب بيرن ورا مش كده؟ صوت كعب بيرن ورا تبتدي هتموت بقى عاوز أشوف الكعب اللي ماشي. طب وليه من الأول؟ ليه أيتها المرأة تعملي ده؟ ليه تضربي برجلك؟ ليه الإمام الرازي هنا في الآية دي تلمح ملمحا عجيبا جدا والملمح ده موجود في آية ثانية صراحة إيه بقى؟ قال: إذا كانت المرأة ممنوعة من أن تعين أو تكون فتنة على الرجل في صوت الخلخال، أمال صوتها هي بقى؟ يبقى المرأة لا تبدي صوتا يفتن الرجل. طبعا احنا مش جايين نؤدب المرأة -المرة الجاية إن شاء الله هنتكلم يعني المرأة إمتى تخرج؟ إمتى..- مش جايين نؤدبها، لكن هو قدرك أيتها المرأة، ده قدرك. إيه بقى قدرك؟ أنه إذا خرجت المرأة استشرفها الشيطان. المرأة اللي خارجة هيستشرفها الشيطان، يستشرفها عشان يزينها؛ إذا أقبلت قعد على راسها أو على وجهها يحسنها، وإذا أدبرت قعد على عجوزها يحسنها. خلاص، قدرك!

طب المرأة اللي خارجة هيستشرفها الشيطان، المرأة اللي خارجة وليه من أولياء الله الصالحين هيستشرفها الشيطان! خلاص، ولذلك ختام الحديث إيه؟ وأقرب ما تكون المرأة من وجه ربها وهي في بيتها، الحديث كده في قعر بيتها. شوفوا بقى المبالغة، أبحت حته في البيت يعني ما أخرجش، المرة الجاية هنقول لك إيه؟ لا، زقططي اخرجي لو في ضرورة عادي جدا ما حدش.. أو حاجة، شاطر ضرورة أو حاجة عشان خاطر الشيخ يوسف مذاكر هو الأبواب دي كويس.

طيب يبقى اه احنا قلنا إذا كان المرأة ما تضربش عشان ما يبانش صوت الخلخال أو الخلخال يعني يبقى صوتها من باب أولى. دي بقى فيها إيه ثانية مش كده؟ ﴿يَا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ﴾ [الأحزاب: 32]. الآية دي والله يا جماعة عجيبة. الأول ﴿فَيَطْمَعَ الَّذِي فِي قَلْبِهِ مَرَضٌ﴾، احنا عندنا المرض مرضين؛ مرض شبهة ويرتقي إلى أنه يصل إلى مرض النفاق، ومرض شهوة. دي الأمراض دول البابين الكبار اللي بيصيبوا القلب، يعني القلب لما يمرض هيمرض يا أما من ناحية الشبهة يا أما من ناحية الشهوة، خلاص. ﴿فَيَطْمَعَ الَّذِي فِي قَلْبِهِ مَرَضٌ﴾ هو ده مرض الشبه مرض النفاق ولا مرض الشهوة؟ القولين اتقالوا، القولين اتقالوا، وكتير من المفسرين لا رجحوا أن ده مرض الشهوة مش مرض النفاق.

طيب، يبقى احنا دلوقتي نتكلم عن رجل هتصيب هيصيب مرض الشهوة، خلاص. ارجعوا بقى كده عشان بقول لكم الآية دي عجيبة لو تدبرناها؛ الخطاب لمن؟ اللي هم هيتعاملوا مع مين؟ ربنا بيقول لهم إيه؟ ﴿فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ﴾ لا إله إلا الله! يعني الخطاب ده بيوجه لعائشة ولأم سلمة ولحفصة نساء النبي عليه الصلاه والسلام اللي هم هيتعاملوا مع مين؟ اللي هيتعاملوا مع أبو بكر وعمر وعثمان وعلي وطلحة والزبير! بيقول لهم: ﴿يَا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ * وَقُلْنَ قَوْلًا مَعْرُوفًا﴾ [الأحزاب: 32].

﴿وَقَرْنَ فِي بُيُوتِكُنَّ﴾ [الأحزاب: 33] اقعدي في بيتك يعني ما أخرجش؟ اخرجي للضرورة، اخرجي للحاجة، بس الأصل أنك قاعدة في بيتك، ده الأصل. مش الأصل للمراه التنطيط وانها على طول بره البيت، ده مش الأصل للمراه. وأولى النساء اللي نشوف فيهم ده، النساء المتدينات. يبقى هنخرج للضرورة، هنخرج للحاجة ونرجع لبيوتنا على طول. ﴿وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى﴾ [الأحزاب: 33]. طب هنقر في البيوت نعمل إيه بقى؟ بصوا يا جماعة الفراغ لو ما مليتهوش هتدمر! فربنا شوف شوفوا هنا التفاصيل، شوفوا التفاصيل يا جماعة: ﴿وَقَرْنَ فِي بُيُوتِكُنَّ﴾ بعديها ﴿وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ﴾ [الأحزاب: 33]. فإذا فرغت على طول ما تسيبش نفسك فاضي، فرغت انصب ليه؟ أصلك لو ما نصبتش وأنت وأنت فارغ هتضيع هتضيع! هتقعد لي بقى على الفيسبوك وعلى الإنستغرام وعلى الشات وعلى.. هتضيع. أشغل وقتك، ﴿وَقَرْنَ فِي بُيُوتِكُنَّ﴾ ولا تبرجن وبعدين ﴿وَأَقِمْنَ الصَّلَاةَ﴾ ما تقعدوش فاضيين في البيت. يبقى أول مسألة أنك إذا فإذا فرغت فانصب، والمسألة الثانية بركة هذه الطاعات بقى: ﴿وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ﴾. بس احنا مش جايين نشرح الآية الثانية.

فمسألة ﴿وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ﴾ [النور: 31] الخلخال ما تعرفش أنك لابسة خلخال، يبقى من باب أولى ما تبين ليبيش بقى الإكسسوارز والبتاع والفي إيه! ما تحطليش صورتك على الفيسبوك وعلى الواتساب وعلى.. بتعملي تقولي طب أنا يا شيخ أنا واخدة بقول إنه إنه المرأة يظهر منها الوجه، أنا واخدة بالقول ده على العين والراس، ما بقولش حاجة طالما واخدة بده والفعل الظهر الوجه، بس إيه دخل ده في انك تحطي صورتك يعني؟ أنا بقول لك على العين والراس بس برده ما تحطيش صورتك. طب ليه ما أحطش صورتي؟ ليه؟ ما هو الناس بتشوفني في الشارع. أيوه، هو الراجل بيشوفك في الشارع، بس هل في راجل يجي يقف في الشارع ويقف قدامك ويفضل باصص لك؟ غير قول اسمه بقى، في واحد بيقول ممكن يزوم كمان يعني ما أعرفش بقى هو بيعمل ده ولا هو.. لا ده حبيبي ده ده ابني ده ما حدش يغلط فيه. الراجل هيجي يقعد يبص لك كده في الشارع كده ويقف قدامك مستحيل يعمل كده، يقعد يبص في عينيكي وتامل جمال مش عارف إيه، مش هيعمل كده. طب صورتك اللي على.. ممكن يعمل فيها كده. طب هو اللي غلطان، وأنت ليه تعيني؟ يا ستي أنا بقول لك أنت غلطان أنت تعيني ليه؟ يعني تعيني الشيطان على..

ثم يختم بأمر بقى إيه جامع: ﴿وَتُوبُو إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ﴾ [النور: 31]. وقلنا ليه الختام بهذا الأمر؟ لأنه هيقع تقصير. ركزوا بقى يا شباب بالله عليكم، ودي من أخطر الدقائق في الدرس ده.

﴿وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ﴾ بعد الأمر بغض البصر ليه؟ هيقع تقصير. أمتى أتوب؟ فوراً. ليه أتوب فوراً؟ ركزوا بقى في اللي جاي ده. دلوقتي واحد عصى الله عز وجل بأنواع كثيرة من المعاصي، ثم أراد التوبة، هل تجزئه التوبة العامة؟ ما حدش، ركزوا في الدقيقتين تلاتة دول -اللي عاوز يمشي يمشي بعد الدقيقتين تلاتة دول؛ لأنها مسألة خطيرة وكلنا محتاجينها-: هل تجزئ توبة عامة ولا لابد أنه يتوب من كل ذنب بخصوصه؟

الأول يعني إيه السؤال؟ وبعدين نسمع بقى الردود. يعني اللي تاب ده، اللي فضل عاصي ربنا وبعدين قال لك أنا عاوز أتوب، فيكفي أن نقول: يا رب أنا تبت إليك من كل حاجة عملتها؟ دي بيسموها توبة عامة. ولا لا؟ لازم يذكر كل ذنب ويتوب منه توبة خاصة؟ خلاف بين أهل العلم. مفاجأة يعني، في بعض أهل العلم قال لا تجزئ التوبة العامة، لا تجزئ. والحمد لله لأن فيه خلاف، الحمد لله وإلا كنا كلنا خلاص الحمد لله ففي اللي فات آه، ناخد بالسعة ونقول لك توب توبة عامة، ولو قدرت تفتكر ذنب ذنب، أي ذنب يعني، فتتوب منه على طول من اللي فات ماشي، لكن في اللي جاي جاي بقى اعمل بالاحوط.

اعمل بالاحوط يعني إيه؟ يعني وأنا ماشي نظرت وطولت النظر، توب دلوقتي. غير مسألة أنا بتكلم في مسألة تانية غير مسألة إن أمتى الموت هيجي والكلام اللي إيه كلنا حافظينه في الحته دي، لا دي مسألة تانية. حضرتك لو ما توبتش دلوقتي أنت ممكن توبتك أصلاً لا تقبل إن هي توبة عامة بعد كده. فده ذنب توب منه على طول. ليه؟ علشان يبقى اسمك توبة التوبة الخاصة بتاعة الذنب ده. ما أصل المفاجأة إن الذنب اللي حضرتك عملته ده ورحت نمت وبعد أسبوع مش فاكره، ربنا سبحانه وتعالى أحصاه، أحصاه الله ونسوه. فربنا مش يجي يحاسبك على اللي أنت فاكره، هو ربنا يحاسبك على اللي أنت عملته مش على اللي أنت فاكره. واضحة دي؟

فانت عملت، توب بقى توب دلوقتي، طب رجعت بصيت تاني توب تاني، بصيت مئة، توب مئة، خلاص! فتحت الإنستغرام، الفيسبوك، التيك، أي حاجة الناس بتفتحها بقلب، فجت صورة فوقفت لمدة ثانية، قلب وتوب. خلاص بعد شوية، قلب وتوب. وأنا بقول لك أهو، أسبوع واحد هتبطل كل حاجة. أنت نفسك بتوب ألف مرة في الساعة مثلاً فوالله يا جماعه هو يعني ده اللي يضحك واللي يبكي، لأن احنا اللي بنضحك عليه ده دي مصيبة كبيرة جداً يعني عارفين معنى كده إيه؟ إن احنا من الأول كان المفروض نتوب ألف مرة في الساعة وما عملناش كده، فدي مصيبة كبيرة الحقيقة.

يبقى ﴿وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ﴾ توب فوراً ﴿لَعَلَّكُمْ تُفْلِحُونَ﴾. ﴿وَأَنكِحُوا الْأَيَامَىٰ مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ﴾. هو أنت زهقتوا ولا أنا؟ هو المغرب قد ايه؟ طيب، ماشي.

﴿وَأَنكِحُوا﴾، أصل لقيت الناس بتمشي. ﴿وَأَنكِحُوا الْأَيَامَىٰ مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ﴾ يبقى مسألة النكاح تعين على إيه؟ على غض البصر. أنكحوا الأيامى، اللي هم العزاب سواء رجل أو امرأة، يعني يقال رجل أيم وامرأة أيم برضو. أنكحوا الأيامى منكم، فهنا واضح المسالة في التزويج دي واضحة. اللي عاوز أتكلم فيه في هنا، وده مهم جداً: التسهيل في الزواج يا جماعه. وهذا خطاب للأولياء.

خلي بالكم بقى، احنا خطبنا الأول احنا بنخاطب خطاب مجتمعي في مسألة الاستئذان، وبعدين خاطبنا الرجل والمرأة غض وغضي، وبعدين خطاب زائد شوية للمراه حوالي أربع أو خمس خطابات زائده للمراه عشان تساعد الرجالة أنها تغض، وبعدين رحنا خطبنا الأولياء. شوفوا يا جماعه التهيئة دي: ﴿وَأَنكِحُوا الْأَيَامَىٰ مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ﴾. يبقى سهلوا الجواز، سهلوا الجواز.

يجي الراجل أبو البنت أه لا وماله نجوزها وبتاع، بس عاوزين أربعة كيلو ذهب وخمس مليون قائمة، وعادي اللي يشيل يشيل، مش عارف مين بنته دي الصراحة يعني بتربح دي ولا إيه؟ طبعا هنا يا جماعه يعني الخطاب برده عشان يبقى متزن الحقيقه يعني في تخوفات حقيقية بتكون عند الولي أن دلوقتي المنتشر في جيل الشباب أن معاني الرجوله والمروءة قلت كتير، فبقى هو خايف على، هو المساله هو طب أنا عاوز أضمن حق بنتي أضمنه ازاي؟ فهو شايف إنه هو كده بيضمن حق، فاحنا الخطاب المفروض هنا صريح، ومش هفتح في ده دلوقتي خالص، بس أنا نفسي إن شاء الله يبقى في يا درس يا سلسلة بتتكلم عن منظومة الزواج كامله نمسك طرف كده بقى نجيبه من أوله لآخره إن شاء الله.

فالمهم هنا نيسر الزواج، وبرده مسألة سريعة كده لغاية ما إن شاء الله لو ربنا قدر السلسلة دي، أنا مسألة أن العرف معتبر عشان ما يجيش إيه، يعني ما يجيش واحد يسمعني دول يقول لك إيه يعني ماكتبش أيا يعني أنا ما أحطش مش عارف الذهب اللي زي بنات خالته زي بنات عُمّته زي كذا زي كذا؟ العرف معتبر، ما عندناش إشكال خالص في العرف، لكن حاجة صغيرة كده بس عشان نثور المعنى ده في أذهلنا يا شباب.

يعني العرف معتبر الأول، يعني لو ده متعارف عليه في الفئة دي خلاص بيعملوا بالعرف يقول لك أنا مش عاوز أنزل بنتي عن بنات عمتها، هو ده العرف في عيلتنا، هو ده العرف في منطقتنا، ده العرف في المحافظة بتاعتنا، ده العرف فاعمل بيه، خلاص اعمل بالعرف، ما حدش يقدر يلومك على ده، بس هقول لكم حاجة واحدة بقى ونمشي برة الموضوع ده: العرف ده يا جماعه بيتكون إزاي؟ يعني مثلاً مثلاً احنا كنا في العصر النبوي النبي عليه الصلاه والسلام يقول: «التمس ولو خاتماً من حديد»، صحينا في الليلة صبحنا لقينا قائمة بكمام مليون ومش عارف كم جرام ذهب؟ ولا العرف ده بيحصل له حيود أو بيتشفت واحدة واحدة لغاية ما يثبت على العرف الجديد؟ ده اللي بيحصل يعني، مش من خاتم من حديد مش عارف قد ايه فجاه في ليلة وبقى ده اسمه عرف، لا هو العرف اتزحزح شوية والناس سكتت، ويمكن أول ما اتزحزح كانت الناس مستغربه يعني ما احنا كان الخطب من حديد كان الدنيا حلوة يعني، بس إيه واحد في التاني في التالت بقى العرف بعد شويه زعزح كمان سنة والناس سكتت فبقى العرف.

فهمتوا العرف بيتكون إزاي؟ طيب احنا عاوزين نرجع تاني، فلازم إيه يبقى فينا ناس جريئة تعمل ده، إن هي لا أنا مش هعمل ده، أنا هنزل شوية. لكن أنا بكرر تاني أنا متفهم جداً نفسية الولي ولي البنت؛ لأنه بيقول أعمل ده مع النهارده اللي هتاخدها كده، وده حقيقي للأسف الشديد، يعني نسبة كبيرة من الشباب بقى كده، خلاص شايفها رخيصة سهلة، يعني فين الولد اللي لما حماه يعمل معاه ده يقوم يشيل لحماته؟ حتى لو مراته بعد كده تعبته شويه يقول لك لا هستحمل تقديرا للراجل ده لما جيت أتزوج سهل عليا. فين الشاب اللي يعمل ده دلوقتي؟ موجود أكيد، بس نسبته قد ايه؟

فهنا محتاجين الكلام ذو شجون زي ما بيقولوا، لكن المهم النكاح من الأمور التي تساعد على غض البصر. ﴿وَلْيَسْتَعْفِفِ الَّذِينَ لَا يَجِدُونَ نِكَاحًا حَتَّىٰ يُغْنِيَهُمُ اللَّهُ مِن فَضْلِهِ﴾ [النور: 33] وهنختم بيها. وليستعفف الذين، طب مش قادر أتجوز، معيش الفلوس أن أتجوز، ما فيش الباءة إني أتزوج؟ ﴿وَلْيَسْتَعْفِفِ الَّذِينَ لَا يَجِدُونَ نِكَاحًا﴾ غض بصرك، ما هو غض البصر من الاستعفاف. ماشي. ﴿حَتَّىٰ يُغْنِيَهُمُ اللَّهُ مِن فَضْلِهِ﴾، حتى هنا تعليلية ولا غائية ولا مش فاهمين طيب يعني؟

لما آجي أقول لك إيه: فوز بالسباق حتى أكرمك. دي حتى إيه تعليلية، يعني كي أكرمك، لكي أكرم، عشان باللغة الحلوة عشان أكرمك روح فوز بالسباق. يبقى دي حتى إيه تعليلية. أو أقول لك إيه: السباق مثلاً أنك تجري من هنا حتى نهاية المسجد مثلاً. دي حتى إيه غائية، يعني غايتك، نهايتك آخر المسجد. فهمتوا الفرق بين حتى دي وحتى دي؟

المعنى بقى اللي أنا عاوز أقوله يا شباب ها، اللي مش لاقي يتجوز، اللي مش لاقي يتجوز، حتى هنا العلماء أختلفوا فيها هي غائية ولا تعليلية؟ على قولين. خلونا بقى نمسك في حته أنها تعليلية. عارفين المعنى إيه؟ وليستعفف الذين لا يجدون نكاحاً عشان ربنا يغنيهم من فضله. يعني عاوز تغنى، عاوز فضل ربنا عز وجل؟ من أسباب الفضل أن تستعفف. فهمتوا الآية كده؟ وليستعف الذين لا يجدون نكاحاً، حتى يغنيهم الله من فضله، كي يغنيهم الله من فضله. عرفتوا بقى الشباب مش لاقيين يتجوزوا ليه؟ عشان ما بيستعففوش، ما فيش عفة. لا يستعفف الشاب، لا يستعف. استعفف الله يغنيك.

ويا جماعه وعد ربنا لا يتخلف، استحملوا شوية يا شباب، استحملوا استحملوا، العفة مش الدرس، يعني تعففوا، استعففوا، وخلوا قدامكم الآية دي كده حتى يعني كي يغنيهم الله من فضله. الدرس الجاي إن شاء الله نتكلم بقى عن غض البصر، قولى هذا وأستغفر الله العظيم، سبحانك اللهم وبحمدك، نشهد أن لا إله إلا أنت، نستغفرك ونتوب إليك.