دخولتسجيل الدخول

أصحاب السبت

أمجد سميرالشيخ أمجد سمير
  • مدة الدرس:
  • قراءة

من قصص القرآن المهم أن إحنا نقف عليه قصة أصحاب السبت. والله عز وجل نوه أو ذكر أصحاب السبت في سورة البقرة وفي النساء وفي النحل، وفصل قصتهم في سورة الأعراف.

فقال الله عز وجل في سورة الأعراف: ﴿وَٱسۡـأَلۡهُمۡ عَنِ ٱلۡقَرۡيَةِ ٱلَّتِي كَانَتۡ حَاضِرَةَ ٱلۡبَحۡرِ إِذۡ يَعۡدُونَ فِي ٱلسَّبۡتِ إِذۡ تَأۡتِيهِمۡ حِيتَانُهُمۡ يَوۡمَ سَبۡتِهِمۡ شُرَّعٗا وَيَوۡمَ لَا يَسۡبِتُونَ لَا تَأۡتِيهِمۡۚ كَذٰلِكَ نَبۡلُوهُم بِمَا كَانُواْ يَفۡسُقُونَ * وَإِذۡ قَالَتۡ أُمَّةٌ مِّنۡهُمۡ لِمَ تَعِظُونَ قَوۡمٱ ٱللَّهُ مُهۡلِكُهُمۡ أَوۡ مُعَذِّبُهُمۡ عَذَابًا شَدِيدًاۖ قَالُواْ مَعۡذِرَةً إِلَىٰ رَبِّكُمْ وَلَعَلَّهُمۡ يَتَّقُونَ * فَلَمَّا نَسُواْ مَا ذُكِّرُواْ بِهِۦٓ أَنجَيۡنَا ٱلَّذِينَ يَنۡهَوۡنَ عَنِ ٱلسُّوٓءِ وَأَخَذۡنَا ٱلَّذِينَ ظَلَمُواْ بِعَذَابٍ بَئِيسٍۢ بِمَا كَانُواْ يَفۡسُقُونَ * فَلَمَّا عَتَوْاْ عَمَّا نُهُوۡاْ عَنۡهُ قُلْنَا لَهُمْ كُونُواْ قِرَدَةً خَاسِئِينَ﴾ [الأعراب: 163-166]. وهذه القصة مليانة فوائد الحقيقة.

كنا بنقول إيه قبل ما نخش في تفصيل القصة؟ يعني مما ذكر الله عز وجل في القرآن، أمعنى أصحاب السبت؟ يعني إيه اللي ما كانش القصة أصحاب الثلاث، أصحاب الخميس؟ يعني أمعنى السبت؟ الحقيقه السبت، يوم السبت ده ليه قصة. قال الله عز وجل في سورة النحل: إنما جعل السبت على الذين اختلفوا فيه، نبقى نعرف ليه على إن شاء الله.

فإيه بقى قصة السبت دي؟ قال النبي صلى الله عليه وسلم: «نحن الآخرون الأولون يوم القيامة»، يعني احنا آخر أمة جت واحنا أول ناس يوم القيامة، نحن الآخرون وفي رواية نحن الآخرون السابقون يوم القيامة، بين أنهم أوتوا الكتاب من قبلنا واوتيناه من بعدهم، فهذا اليوم الذي اختلفوا فيه فهدانا الله عز وجل له، فلليهود غد وللنصارى بعد غد. اليهود طبعا اليوم اللي اختلفوا فيه اللي هو يوم الجمعة، اختلفوا فيه، إنما جعل السبت على الذين اختلفوا فيه، ذلك أن الله عز وجل أمر اليهود والنصارى والمسلمين أن احنا نعظم يوم الجمعة.

فجت اليهود قالت لا مش هنعظم الجمعة، طب ليه مش هتعظموا الجمعة؟ يعني عندكم نص آخر فتعارضت النصوص فنرجح فنلاقي أن يوم السبت هو الأولى. قالوا لا لا خالص، آه صح احنا عندنا نص بتعظيم يوم الجمعة، لكن احنا هنرد هذا النص لكن بعقولنا. آه إزاي يعني؟ قالوا والله ربنا سبحانه وتعالى خلق السماوات والأرض في ستة أيام، ابتدى الخلق يوم الأحد وانتهى يوم الجمعة ثم استراح، سبت لأنه تعب، حاشاه وتقدس وتعالى عما يقول هؤلاء المجرمون علوا كبيرا. هم قالوا كده، قالوا ربنا تعب فاستريح يوم السبت، فاحنا كمان هنعظم ذلك اليوم اللي هو يوم السبت اللي ربنا استراح فيه بزعمهم، وهنعظم ذلك اليوم، خلاص يبقى احنا يوم السبت.

طبعا الله عز وجل رد عليهم قولهم ذلك في القرآن، مش كده؟ ﴿وَلَقَدۡ خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيْنَهُمَا فِي سِتَّةِ أَيَّامٖ وَمَا مَسَّنَا مِن لُّغُوبٖ﴾ [ق: 38]، يعني ما مسنا من تعب ولا نصب. فلكن هم قالوا، وجت النصارى قالت لا والله مش هنعظم يوم الجمعة، طيب ليه؟ قالوا لأن يوم الأحد هو الأولى بالتعظيم، طب أشمعنى الأحد؟ قالوا لأن ده اليوم اللي ربنا ابتدى فيه الخلق، فهذا اليوم هو الأولى بالتعظيم، فعظموا الأحد.

يبقى تركوا الجمعة وعظموا، اليهود عظموا السبت، فسموا بأصحاب السبت. فهنا بداية القصة وليه حكينا بقى القصة دي؟ علشان فيها فايدة عظيمة جدا يا جماعة، وادي الفايدة هي أن ما أتي أحد من أهل الضلال، سواء من الملل المنحرفة أو حتى ممن ينتسبون إلى القبلة لكن من أصحاب البدع، إلا من هذه المصيبة الكبيرة، اللي هي إيه؟ أن هم يقدموا، مش العقل، العقل ربنا سبحانه وتعالى خلق العقل لحكمة، يعني مش العقل ما فيش حاجة اسمها العقل كده، لا، إحنا العقول دي الله عز وجل خلقها فينا ليه؟ عشان إيه؟ عشان نستعملها مش كده؟ المشكلة هنستعملها فين وهنستعملها إزاي؟

فيعني مثلا إحنا بعقولنا هنبتدي نجمع نصوص الوحيين مثلا الكتاب أو الوحي، يعني الكتاب والسنة، وبعدين بتلك العقول بقى نفهم تلك النصوص ولا هنفهمها بإيه؟ بالعقول مش كده؟ وبعدين بالعقول، يعني بآلتها، فنفهم عربية ونفهم أصول شريعة وكده، لكن في الآخر بندخل على النص نفهمه بالعقول، بالعقل، وبعدين هنحاول نجمع بين تلك النصوص بإيه؟ بالعقول. كل ده أعمال حسن ولا أعمال سيء؟ أعمال حسن للعقل. وبعدين إذا تعذر الجمع بين نصين في مسألة واحدة هنبتدي نعمل إيه؟ نرجح بإيه؟ بالعقول.

واضح، فكل ده أعمال حسن. إنما أن إحنا نهجم على النصوص وبعدين نقول لا النص ده مش قابلينه ليه؟ أصل بالعقل كده ما يصحش، يبقى هذا الذي جاء فيه الذم، وهذا الذي فعله يهود بعقولهم، بعقولهم الفاسدة ردوا النص.

وأول حد نعرفه في التاريخ عمل ده مين؟ إنه إنه يرد النص بالعقل؟ إبليس. مش كده؟ اتقال له اسجد، نص اهو صريح مش كده؟ قال: أنا خير منه خلقتني من نار وخلقته من طين، يعني لا لو بالعقل بقى حد هيعظم حد، يبقى الذي خلق من المادة الأعظم، سيبكم دلوقتي لأن العلماء ناقشوا أصلا هو إيه الأفضل النار ولا الطين، دي قصة ثانية، لكن لا هبنا سلمنا لك أن مادتك هي الأفضل، فكان ماذا؟ هو بيقول كده، بيقول والله بالعقل كده من خلق من مادة النار أفضل ممن خلق من مادة الطين، فيبقى بالعقل من خلق من الطين هو الذي يعظم من خلق من النار. فلما اتقال له اسجد، نص صريح، رد النص بإيه؟ بعقل: أنا خير منه خلقتني من نار وخلقته من طين. ولذلك أي حد بيعمل ده هو إبليسي المنهج، إبليسي المنهج.

ولذلك كان العلماء، ومن قبل العلماء حتى الصحابة، كانوا بالمرصاد لمثل هذه العينة أو النوعية من التعامل مع النصوص، كانوا منتبهين ليها جدا. يعني مثلا أبو هريرة رضي الله عنه لما حدث يوما عن النبي صلى الله عليه وسلم حديثا: «توضئوا مما مست النار»، خلوا بالكم يا جماعة، هذا الحديث فيه كلام كثير لأهل العلم، وبعضهم قال خلاص منسوخ، هذا الحديث كان في الأول، وبعضهم فهمه على نحو آخر، المهم إيه معنى الحديث؟ توضئوا مما مست النار، يعني أي حاجة هتمسها النار نتوضأ منها، خلاص، مش مهم إزاي الحديث يفهم دلوقتي، لأن العلماء لهم كلام في هذا الحديث، لكن مش بالطريقة اللي هنحكيها دلوقتي.

فأبو هريرة حدث عن النبي صلى الله عليه وسلم ذلك الحديث، فقال رجل: يا أبا هريرة، أفلا نتوضا من الحميم؟ الحميم اللي هي الماية السخنة، يعني بيقول له إيه؟ يعني الجو برد دلوقتي شتاء، فروحنا مسخنين شوية ماية عشان نتوضأ بيها، فتوضينا بالماية السخنة، طب الماية السخنة دي إيه مسها النار؟ يبقى نرجع نتوضأ من الماية السخنة لأن النبي صلى الله عليه وسلم قال: «توضئوا مما مست النار»، فقال: أفلا نتوضا من الحميم؟

فواضح جدا أن هذا المثل الذي ضربه لأبي هريرة رضي الله عنه إنما أراد به رد النص، يعني كأنه بينكر النص، لكن جاي بينكره بطريقة إيه؟ أنه يجيب لك مثل نحرجك به، فلما نحرجك خلاص يبقى الرد ده إيه؟ يبقى هذا النص مردود.

فكان ممكن قوي أبو هريرة لما يسمع هذا الكلام من ذلك الرجل أنه يبتدي يناقشه، يقول له لا أنت فهمت غلط، لا أنت، ماذا فعل أبو هريرة لأنه منتبه لهذه الحيلة الإبليسية؟ مش بقول إن الراجل يقصد هدم النص، لا، لكنه فعل ذلك الفعل. أبو هريرة راح نازل واخد شوية حصى من الأرض كده وقال: أشهد عدد هذا الحصى أني سمعت رسول الله صلى الله عليه وسلم يقول: «توضئوا مما مست النار، يا ابن أخي، إذا حدثتك حديثا عن رسول الله صلى الله عليه وسلم فلا تضرب له الأمثال».

طب هأسألكم سؤال يا جماعة، العلماء عن بكرة أبيهم، يعني جيل بعد جيل، لما ياتون بنصوص القرآن أو نصوص السنة، بيضربوا لها الأمثال ولا لا؟ يقعد يفهمك، يقول لك تعال أوريك بس، أقول لك هفهمك يعني إيه كذا، ده يعني كذا، وأمثلته في الدنيا كذا وكذا عشان نفهم، مش كده؟ طب إزاي أبو هريرة يقول: فلا تضرب له الأمثال؟ يبقى واضح هنا أنه يقصد صنفاً معيناً من الأمثال، المثل الذي به يرد النص. مفهومة دي؟

وكانوا منتبهين للموضوع ده جدا. ومين من الصحابة؟ أظن ابن عمر، لما ذكر قول النبي صلى الله عليه وسلم: «لا تمنعوا إماء الله مساجد الله»، فابنه قال إيه؟ والله لنمنعهن. عمل إيه؟ قاطعه حتى مات. الابن بيروي الحديث، قال صلى الله عليه وسلم: «لا تمنعوا إماء الله مساجد الله»، فقال: والله لنمنعهن. خلوا بالكم، طب هو التاني يعني يقصد رد النص؟ لا، يعني لعله له تأويل، شايف الواقع بقى فيه نوع فساد ولا نوع، فلا، بلاش دلوقتي، المهم بس ظاهر كلامه إيه؟ أنه لا هرد النص، والله لنمنعهن، فقاطعه حتى مات.

فكانوا منتبهين لهذا المعنى، معنى إن إحنا ما نردش النص بالعقل. ويمكن من أشهر الأمثال لاتباع النص ولو كان العقل في خلاف ذلك، أولا في السيرة، ثم في من سير أبي بكر رضي الله عنه. في السيرة في صلح الحديبية، الشواهد كلها بتقول إن فيه إيه؟ في نوع ذل، في نوع ظلم للمسلمين في شروط الصلح. طيب النبي عليه الصلاه والسلام لماذا قبل بهذا الصلح؟ في نص. منين عرفنا أنه في نص؟ سيدنا عمر دي الحكاية اللي هنحكيها لما هيجي للنبي عليه الصلاة والسلام ويقول له كلام هنقوله دلوقتي، هيقول النبي عليه الصلاة والسلام: «إني رسول الله ولست أعصيه»، يبقى هنا في إيه؟ في نص في المسالة: إني رسول الله ولست أعصي.

يلا بقى نقول القصة لما حصلت، لما حصل صلح الحديبية وشروطه كانت مجحفة فعلا. لو جالكم حد مسلم من الكفار هنرده، ولو جالكم أنتوا حد ارتد عن الإسلام ما تردهوش. شروط مجحفة، إلى آخر شروط صلح الحديبية. فسيدنا عمر لم يقبل ذلك، بالذات إن كانوا محرمين ورايحين يدخلوا الكعبة، فكان من الشروط مش تزوروا الكعبة السنة دي، هترجعوا. وسيدنا عمر أصلا قرشي ولا أنصاري؟ يعني دي بلدي، منعني منها من أن أدخل بلدي، وبعدين منعني وأنا بالإحرام أن أطوف بالكعبة. كبيرة جدا على العرب قبل ما يكون مسلم، هي كبيرة على العربي، على نفسية العربي، أنه يقبل هذا الضيم.

سيدنا عمر عمل إيه بقى؟ غضب وما استتحملش، فأتى النبي صلى الله عليه وسلم: ألسنا على الحق؟ بلى. أليس عدونا على الباطل؟ بلى. فلما نعطي الدنية في ديننا؟ ليه نوافق بده؟ فقال: «إني رسول الله ولست أعصيه، وهو ناصري». ألم تكن تخبرنا أنا ناتي البيت؟ قال: «فأخبرتك أنك تأتيه العام؟» قال: «فإنك آتيه ومطوف به». سيدنا عمر يسكت، برضه لسه في عنده حته كده، ما يروح رايح لأبي بكر رضي الله عنه، نفس الكلام: ألسنا على الحق؟ بلى. أليس عدونا على الباطل؟ بلى. فلما نعطي الدنية في ديننا؟ قال: إنه رسول الله وليس يعصيه وهو ناصره، يا هذا استمسك بغرسه.

هنا يا جماعة ما فيش رد عقل بعقل، يعني فلما نعطي الدنية في ديننا؟ لا، تعال بس أفهمك وبالعقل، ما عملش كده، إنه رسول الله وليس يعصيه. عندنا نص، هتقعد بقى تشغل لعقلك أو تعمل لعقلك أعمالاً يبطل النص، مش هتلاقي خدوه. خلوا بالكم يا جماعة ها، دي حيلة بيستخدمها أعداء الدين، ملحد بقى علماني، أي قول زي ما تقول، وممكن ما ينتبهش ليها مين؟ اللي قاعد قدامه. سيدنا الإمام أحمد بن حنبل في محنة خلق القرآن، أحمد بن أبي رواد وهو بيناظره، وكان يقول بخلق القرآن، فكان أحمد بن حنبل يعمل إيه بقى؟ يقول له: قال الله، قال رسول الله صلى الله عليه وسلم. فيتكلم أحمد، فيقول له: أرايت؟ يبتدي يعمل عقله، فيقول: لا أدري ما تقول، أنا مش فاهم، أنت بتكلم لغة أنا مش فاهمها أصلا. يقول أحمد: لا أدري ما تقول، آتيني باية أو حديث، اللي أنت بتقوله ده أنا مش فاهمه أصلا. طب هو أحمد لا يدري؟ أحمد يدري، بس مش هيخش معاي في هذا الطريق. يقول له: لا أدري ما تقول، آتيني باية أو حديث.

فهنا أبو بكر رضي الله عنه والنبي من قبل أبي بكر، صلى الله على النبي محمد، ما ماخدش، ما أداش، ما أخدش وده في مسألة أعمال العقل فيما يعود على النص بالابطال، أحفظ الجملة دي، لا، وقف الدنيا خالص. ولذلك حتى علماء الأصول يقولوا إيه؟ أن كل قياس رجع على النص بالابطال فهو قياس إيه؟ فاسد الاعتبار، هذا القياس لا يعتبر. ماشي، أنا خير منه خلقتني من نار وخلقته من طين، قياس، يعني أنا المادة الأفضل، فبالقياس كده بالعقل كده إيه يبقى هو اللي.

أما بعد؛ فالرد على النص بالإبطال قياس فاسد. الاعتبار، اللي تطلع تقول لنا والله المفروض الست تاخد زي الراجل في الميراث. اه ليه حضرتك؟ اصل الزمن اتغير وبقت الست بتشتغل زيها زي الراجل، وممكن تصرف على البيت وممكن كذا وكذا وكذا وكذا، نقول لها والله هو كلام جميل وكل حاجة أقرب زبالة، وأيه ليه يعود على النص بالإيه؟ الله عز وجل قال للذكر مثل حظ الأنثيين انتهت. فهتعملي عقلك عشان تهدمي نصاً؟ مش هتلاقي أصلاً نقاش.

المثال الثاني؛ أبو بكر بقى نفسه رضي الله عن أبي بكر لما مات النبي عليه الصلاة والسلام وكان النبي عليه الصلاة والسلام أنفذ جيشاً يعني لمكان بعيد، يعني مش مهم بقى القصة المهم أنفذ جيشاً. وبعدين مات النبي عليه الصلاة والسلام فابتدت القبائل حوالين المدينة ترتد، والمدينة هي عاصمة الإسلام، يعني لو دخلت المدينة خلاص انتهى الإسلام. فابتدى الصحابة يناقشوا أبا بكر رضي الله عنه. أبو بكر قال: اللي النبي مات عليه عليه الصلاة والسلام هيحصل. فالصحابة بيناقشوه، يعني الدنيا اتغيرت والأحوال اتغيرت، وطب الجيش هتطلع رجالتنا كلها برة المدينة ونسيب المدينة؟ وعلى فكرة يا جماعة أي خبير عسكري يقول ده. الأحوال اتغيرت، وبعدين فيه توتر على الحدود، فأنت مطلع جيشك تبعده عن بلدك وحدودك متوترة، ما حدش يقول ده حافظ على حدودك. فالكلام مش بعيد يعني خلاص، والصصحابة رضوان الله عليهم كلهم مجتهدون، يعني اللي قال ده قاله باجتهاد أيضاً، لكن عاوزين ناخد المثال بتاع أبي بكر هنا لأنه مثال واضح على مسألة العقل والنص. فهم بيناقشون أبا بكر رضي الله عنه بالأيه؟ بالعقول. فماذا رد أبو بكر رضي الله عنه؟ قال لهم لا، ما أصل ممكن ما يعملش كده. قال إيه؟ والله لو دخلت الكلاب فجرت أمهات المؤمنين من أرجلهن في سكك المدينة، يعني المدينة بقت مهجورة لدرجة أن الكلاب داخلة براحتها كده في الشوارع وما فيش رجالة تمنع الكلاب تدخل البيوت تجيب كده أمهات المؤمنين، لو دخلت الكلاب فجرت أمهات المؤمنين من أرجلهن في سكك المدينة، ما رددت جيشاً أنفذه رسول الله صلى الله عليه وسلم.

هنا أبو بكر عمل إيه؟ وقف مع النص. يعني ما قالش ما جراش باقي الصحابة رضوان الله أعلم، احنا تاني بقى أكرر يعني ما فعله الصحابة ده فعل مجتهد برضه، لكن أبو بكر وقف مع النص ما عملش عقله خالص، قال لك سيدنا النبي صلى الله عليه وسلم أنفذ الجيش أنا مش هرده، طب أصل ممكن يحصل، يحصل اللي يحصل، مش رادد الجيش. وبعدين لما الصحابة رضوان الله عليهم لقوا أبا بكر شرح الله صدره لهذا، أذعنوا، قالوا خلاص ده الخير.

خلي بالكم يا جماعة نفسية الصحابة برضه، يعني أنت عارف أنت دلوقتي، اتعلموا يا جماعة هذا الأدب. دلوقتي أنت ممكن تبقى مقتنع بشيء، يا سيدي حط احتمال واحد بالمية أن اللي قدامك بيفهم، مش هاقول لك تسعة وتسعين بالمية أنه بيفهم، واحد بالمية أن أنت بتفهم! لا، أنت يا سيدي تسعة وتسعين بالمية بتفهم واللي قدامك واحد بالمية بيفهم، بلاش بيفهم، موفق. وكلمة موفق دي غير كلمة بيفهم، يعني ممكن واحد يبقى عنده العلم لكن ما عنده توفيق، ممكن واحد يبقى علمه ضيق قليل لكن عنده توفيق، موفق من الله ليه؟ رجل صالح رجل ولي، فموفق مسدد كده في رأيه. ما تتشالش وتتهبل بقى وتتنطط، وأنا اللي لازم رأيي يمشي! ليه لازم رأيك؟ أنت مين أنت يعني؟ رأيك هو الرأي المعصوم يعني عشان لازم رأيك اللي يمشي؟

الصحابة لما لقوا كده، قبل ما نشوف الصحابة فكرة يا جماعة التوفيق غير العلم، دي بحب في أثر كده بحبه جداً، الإمام أحمد خلاص قرب يموت فبيسالوه نسال مين بعدك؟ ماشي، فقال لهم أرشح لهم واحد يعني عبد الوهاب، فبعضهم قالوا إنه يعني نضيق العلم، يعني قليل العلم ده أنت بتوحي لنا إلى حد نساله بعدك! فمستنيين بقى واحد في علم أحمد أو يدنو، يعني يدنو من أحمد في علمه، فاستغربوا ترشيحه. وهنا يا جماعة مش في وقت مجاملات، يعني هنا أحمد لو أحال إلى من لا يجوز الإحالة عليه أثم أحمد، فاهمين اللي بقوله ده؟ يعني جم بيسالوا نسال مين بعد ما تموت؟ فراح قال لهم واحد هو عارف إنه ما ينفعش يسال، يبقى أحمد نفسه يأثم، ده دين، ده علم. فقالوا له يعني فلان ده ضيق العلم! فقال إنه رجل صالح مثله يوفق لإصابة الحق. هو على فكرة لم يحال إلى واحد جاهل، عنده علم بس في من هو أعلم منه، لكن أحمد له حيثية أخرى مع العلم، لابد من ديانة، لابد من صلة لله سبحانه وتعالى.

فالصحابة لما لقوا أبا بكر خلاص انشرح صدره لهذا سكتوا، وراوا أن خلاص طالما ربنا شرح صدر أبي بكر ذلك الولي أن ينفذ الجيش هو اللي فيه الخير، مع أن رأي أبو بكر يا جماعة لو كان غلط عارفين دي مقالته إيه؟ كارثية، كارثية على أبي بكر ولا على أمة الإسلام؟ على أمة الإسلام. لكن شوف نفسيات الصحابة عاملة إزاي! نهدى واحنا بنناقش المخالف، المخالف ده حد عنده علم وعنده دين وورع، يبقى نهدى ونبين أدلتنا ونبين الحجج، وخلاص خلصنا ماشي. طب رأيه في الآخر هو اللي هيمشي؟ على خير وبركة، ونذعن آه ونذعن عادي جداً ونمشي آه ونمشي معاه ما فيش مشكلة، ما فيش أي مشكلة.

ودي فايدة موجودة كمان في غزوة مؤتة، لكن مش وقت أن احنا نفتح في غزوة مؤتة، حصل يعني كان خلاف في غزوة مؤتة قبليها وبعدين اتفقوا على حاجة خلاص كلنا مع بعض، ما فيش ما فيش أنتوا قلتوا حاجة فاحنا خلاص مش ما فيش كده ما فيش كده.

فأبو بكر رضي الله عنه وقف مع النص ولم يجاري من ناقشه بالعقل كما فعل هو، وكانت البركة في اتباع النص، الجيش يخرج يعدي على القبائل اللي ارتدت دي القبائل تلمنا في أول ما شافت قوة المسلمين قالوا إيه ده! يعني عارفين أن احنا بنرتدد وحدودنا الحدود متوتره، حدود المدينة متوتره ومطلعين الجيش ده؟ أمَال شايلين لنا إيه بقى هما في المدينة؟ الموضوع كبير كده فخافوا تلك القبائل.

فالشاهد؛ احنا لسه ما دخلناش في القصة، أن فكرة أن انت ترد حكم الله عز وجل بعقلك هذا منهج إبليسي. أنا ليه قلت خليها حكم مش نص؟ علشان عاوزين نوسع الدايرة دي شوية وده الدرس الأهم، يعني أظن أن معظم الحضور أو كل الحضور ما هواش في الحته دي، حته إنه يرد النص بالعقل، أظن يعني. احنا دي أكتر حاجة بنشوفها فين في الناس؟ زي ما يقول لكم كده واحدة علمانية وعاوزه تقول لك إيه مش عارف الميراث يبقى ده زي ده مثلاً، ممكن نشوف شوية في البنات لما تيجي تقول لا اتحجبي مثلاً تقول لك طب اقنعني! فأقول له حاضر هققنعك قال الله كذا وقال رسول الله صلى الله عليه وسلم، هو ده الإقناع بتاع المسلم مش كده: ﴿وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ﴾ [الأحزاب: 36].

خلاص، إنما عندنا إشكال بقى في حته تانية احنا بقى الناس اللي حاضرة دلوقتي، أنها ممكن ترد، احنا هنا كل الكلام ده أنك بترد حكم الله الشرعي بعقلك وده قلنا يعني صعب نلاقيه شوية فيه، إنما اللي ممكن نلاقيه إيه بقى؟ أن ترد حكم الله القدري بعقلك، اللي هو إزاي؟ اللي هو يعني لو يمكن بس الفئة الفلانية، طب هو ربنا ما مكنش للفئة الفلانية، آه بس احنا شايفين أن بعقولنا كده الأحسن، أحسن أنه يمكن للفئة الفلانية! يعني إيه الأحسن بقى أن شاء الله؟ يعني ربنا عمل الأوحش؟! ما ترد اللي في دماغه ده مش بقول اللي ينطق بده، اللي في دماغه ده أن الأولى دلوقتي والأصلح دلوقتي أن يبقى ممكن مش عارف إيه، أنه يبقى محكم بمش عارف إيه، أنه طب هو دلوقتي مش كده؟ يبقى إيه؟ يبقى إيه الأحسن؟ الأحسن قدراً إيه اللي احنا فيه، ما تفكرش. يعني لو قلنا لك طب أخذه يا عم أهو مفتاح مفتاح الكون ودير أنت الكون يومين ثلاثة هتعمل ايه؟ ما تفكرش سيبه زي ما هو. ليه سيبه زي ما هو؟ لأن ده حكم ربنا القدري. حد فاهم ده يا جماعة؟ طب حد عنده إشكال في ده؟ آه، يبقى أفضل شيء هو اللي موجود.

تقول إيه ده؟ يعني ممكن الوضع الأسوأ يكون هو الأفضل قدراً؟ آه، ليه؟ لأن دي رسالة ربنا لينا أن احنا نعمل حاجة عشان نغير ذلك الوضع، مفهوم؟ إنما بتلك المعطيات النتيجة اللي احنا فيها هي الأفضل بلا شك. طيب عاوزين نغير النتيجة؟ بص بقى احنا قلنا إيه؟ سيب اللي قبل يساوي زي ما هو وبالعافية كده روح غير اللي بعد يساوي! لا الدنيا ما تبقاش كده، يعني واحد زائد اتنين يساوي كام؟ بسرعة، ماشي ستة. احنا بقى بنعمل إيه؟ سايبين واحد واتنين ورايحين عمالين نضرب في ستة دي عشان عاوزينها تمانية! يا ابني روح غير المعادلة اللي قبل يساوي، بس كده.

ماشي، يبقى عز وجل يقول: ﴿وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ﴾ [النور: 55]. يبقى آمنوا زائد عملوا الصالحات يساوي استخلاف. واضحة المعادلة دي سهلة، أنا هاديكم مثال صغير بس عشان ننطلق يعني عشان نفهم إزاي مسألة الحكم القدري ده نذعن له، نبقى راضيين بيه، راضيين بيه مش يعني خانعين، لا مستسلمين لأمر الله القدري، يعني نشوف يا رب ده أمرك القدري، طب إيه أمرك الشرعي في اللي احنا فيه دلوقتي؟ فنلاقي ببساطة جداً، فنلاقي الذين آمنوا دي لا شيلها بقى، إيه ناس فسقة، ناس مجرمة معظم يعني المعظم، زائد عملوا الصالحات لا نايمين عن الصالحات ونايمين عن السنن وعن صلاة الفجر وبياكلوا ربا وبيزنوا ومصاحبين وكل الحاجات دي في في الخانة دي، يساوي عدم استخلاف! أنت عاوز تعمل إيه بقى؟ تروح رايح على عدم الاستخلاف دي بالعافية نخليها استخلاف! ده فين ده إن شاء الله؟ معادلة ربنا واضحة: ﴿وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ﴾ [النور: 55]. فانت عاوز استخلاف روح اشتغل على اللي قبل يساوي، طب اللي بعد يساوي هيجيلك لوحده، هو ربنا ده وعد ربنا سبحانه وتعالى، هيجيلك جاي جاي ما هياش بالدراع مش كده.

فنبا عاوزين برده نخرج من دي، فكرة أن احنا اقتراحات عقولنا، ما هو احنا لأن احنا اتعودنا على الجرأة مع البشر، يعني اتجرأنا وبقينا نقترح على رب البشر سبحانه وتعالى، يعني بقى عادي جداً أن أنت إيه، واحد أعلم، يعني واحد بقاله عشرين ثلاثين سنة بذل في علم ودين ودعوة، طب وأنت لسه من يومين ثلاثة ما كنتش تعرف حاجة اسمها صلاة أصلاً، وأول ما تبقى كده تدخل على الفيسبوك وتدخل على الإنستغرام: شفت بيقول إيه؟ ها ها عارفين! ماشي، ويا سلام بقى لو ربنا أمعانا في ابتلاؤك، يعمل إيه؟ تلاقي قبول المنشور اللي أنت كتبته ده ولا صفحتك تضرب بسبب مش ده بلاء؟ اوعى تفتكر أن ده أنت كده حتة، لا أبدا لا أنت فاهم علم ولا فاهم دين ولا فاهم أي حاجة.

طب بترد بإيه؟ بعقلك، بهواك، بنفسيتك كده، أنا ما تقبلش اللي بيحصل. ما تقبلش بإيه حضرتك؟ يعني يعني مع أحترامي أن حضرتك ما تقبلش ده بإيه؟ يعني حضرتك ميزانية أنت، يعني أنت طب المفروض قبل ما نكتب حاجه بقى، العالم ده ولا طالب العلم يجي يحضرك الأول يشوفك تقبل ولا ما تقبلش قبل ما يكتب يعني! فلما الجرأة على ناس لقيناها حلوة أهي، حلوة وبتجيب لايكات، نتجرأ بقى على ربنا؟ آه نتجرأ على ربنا إزاي؟ عادي بقى نجيب بوست ونجيب صورة الطبيب يا عيني الغلبان العجوز اللي عيادته مش عارف فين، وجنبيها صورة المطرب الشعبي اللي راكب عربية شكلها إيه؟ ونبتدي إيه نعترض ونقول إيه؟ إيه بيت الشعر اللي بيتقال هنا؟ شطار ماشاء الله ماشاء الله.

هو مين بقى اللي مين اللي خلَى ده كده وخلى ده كده؟ ربنا ولا حد تاني؟ بالمره يمكن نكفر في دي كمان، ويعني المطرب الغني ده اللي عنده عربية وعنده ملايين وعنده ربنا سبحانه وتعالى لا يريد أن يبقى عنده الملايين وبعدين لا حصلت له الملايين وربنا لا يريد ذلك! أنت ساكتين ليه في ده مسجد ده! الله عز وجل يريد ذلك، ولو لم يرده ما كان: ﴿وَلَوْلَا أَن يَكُونَ النَّاسُ أُمَّةً وَاحِدَةً لَّكَفَرُوا لِمَن يَكْفُرُ بِالرَّحْمَٰنِ لِبُيُوتِهِمْ سُقُفًا مِّن فِضَّةٍ وَمَعَارِجَ عَلَيْهَا يَظْهَرُونَ * وَلِبُيُوتِهِمْ أَبْوَابًا وَسُرُرًا عَلَيْهَا يَتَّكِئُونَ * وَزُخُرْفًا﴾ [الزخرف: 33-35]. الزخرف اللي هو الذهب، فهمتوا الآية؟ ولولا أن يكون الناس أمة واحدة على الكفر، يعني لو عملنا ده لو خلينا لمن يكفرون بالرحمن لبيوتهم سقفا من فضة ومعارج من فضة وسررا من فضة وأبوابا من فضة ومثلها ذهب، الناس هتكفر، هتفتن، لولا كده بس كان زماننا عملنا كل ده. فما تضايقوش نفسكم قوي، الدنيا مع مين ومش مع مين، مشكلتنا احنا أن الدنيا هي أكبر همنا ومبلغ علمنا فعمالين نقيس بالدنيا.

والا بقى فشيل صورة الطبيب ده وحط سو يعني كلام مصور لححال النبي عليه الصلاة والسلام. على الأقل قال الطبيب بيلاقي مرتبة بينام عليها، مش كده؟ النبي ما كانش عنده المرتبة صلى الله عليه وسلم. على ق الطبيب في في بيته ثلاجة وبوتاجاز وبيعمل كل يوم أكل شوية رز على شوية بطاطس على.

اللي أنت أهو شايف حاله دنك ده سيدنا النبي صلى الله عليه وسلم شهرين ياكل تمر ويشرب مية. فأنت حاله إيه اللي أنت عمال تنكرها وتكتبوا الشعر اللي أنتم حافظينها. الحمد لله ربنا بيّنسيني البيت كل ما أحفظه. الحمد لله والله لا بيت شنيع الحقيقة شنيع يعني ما اعرفش يعني طبعا هو اللي بيكتبه عشان برده يعني هو يقصد يقول إيه يعني الناس اللي بتعمل ده وأحنا دايما نقول ما تلتفتش للناس إلا كلنا حافظنا ولو شاء ربك ما ينفع أنت ب اصل هو اللي عمله وهم اللي رفعوا من مش عارف مين ولو شاء ربك ما فعلُوه طب أعمل إيه فذرهم وما يفترون سيبك منهم ما تغلش دماغك بالناس خليك مع ربنا سبحانه وتعالى.

قادر سبحانه وتعالى في لحظة ينزع من ده ويدي لده مش كده ولا إه ولا دي بتاعة حد برده يا ما هو اللي عاوز يدرس عقيدة ما هي دي العقيدة قل اللهم تؤتي الملك من تشاء وتنزع الملك ممن تشاء وتعز من تشاء وتذل من تشاء طيب هو ده لو حصل ممكن يبقى شر على طول بعديها بيدك الخير.

طما يمكن بيعمل كده علشان في حاجة بتمنعه إنه يعمل العكس أو شوفوا يا جماعة الآية إنك على كل شيء قدير ما فيش حاجة لا تمنعه ولا حاجة تكبره أبدا. لما تلخص الآية دي يبقى كل ما يحدث هو بحكمة ولحكمة هو ده أحكم شيء يعني لو جيت النهارده بقول لك أو النهارده بتاريخ النهارده أهو اللي بيحصل في في كل في أي حتة في أسوأ مكان في العالم. بغزة شوف بقى غزة شوف سودان شوف زي ما تشوف وجيت سالتك النهارده وتاريخ النهارده بالساعة اللي إحنا قاعدين فيها دي ماشي إه أفضل شيء يحدث في هذا المكان إه أحكم شيء.

ترد في ساعتها تقول إه اللي بيحصل ما تفكرش. لأن لو في حاجة تانية يبقى مع كدة ربنا ترك الأحكم. ما تفكرش. خلاص تسليم لأمر الله عز وجل القدري وبعدين نفكر بقى طب يا رب دي رسالتك لينا ما الذي تريده منا يعني أنت لما فعلت ذلك بأهل كذا ولا بأهل كذا ولا بإخواننا في كذا ما رسالتك ما الذي تريده منا.

هنا بقى الكلام يتضبط بمعناه أدق إحنا دلوقتي تفكيرنا فيما بعد يساوي ولا ما قبل يساوي؟ ما قبل انسى بقى اللي بعد يساوي ده خالص. المعادلة مش هتتحل من هنا مش هتتغير من هنا. اللي بعد يساوي هيتغير لوحده لو ظبطنا اللي قبل يساوي. بس.

نبتدي بقى قصة أصحاب أصحاب السبت. طيب إحنا كنا بنقول ليه ليه أصحاب السبت أشمّعنى يوم السبت فاختصرنا كدة كروتنا عشان ندخل في القصة قال الله عز وجل: ﴿وَاسْأَلْهُمْ عَنِ الْقَرْيَةِ الَّتِي كَانَتْ حَاضِرَةَ الْبَحْرِ إِذْ يَعْدُونَ فِي السَّبْتِ﴾ [الأعراف: 163]. البحر اللي هو البحر المالح مش كده لو عذب كان كنا سميناه إه بحر برده نهر ده في كتب الجغرافيا. إنما في القرآن وما يستوي البحران هذا عذب فرات يبقى ممكن العذب نسميه بحر أه طب يبقى هم كانوا على بحر ولا على نهر مش عارفين كانوا على اللي كانوا عليه وأيا كان هم كانوا كدة ولا كدة.

أي قرية على بحر أو على نهر بيكون جزء من اقتصادها جزء من أكلها جزء من الدخل بتاعها الصيد معروفة يعني وتلاقي حتى السواحل أهل السواحل ياكلوا سمك أكت من اللي مش على حتى في مصر يعني تلاقي بتوع إسكندرية بتوع مطروح بتوع أكلهم للسمك أكتر معروفة دي. ف القرية دي قصتها إه باختصار عشان ندخل بقى على على الآيات وناخد الفوائد باختصار يا جماعة قرية كانت حاضرتها البحري على البحر فكالعاده اقتصادها في الصيد فربنا سبحانه وتعالى عمل حاجة عجيبة. هو طبعا السبت عرفنا قصة السبت بقى خلاص ماشي فكان السبت ممنوع فيه إن هم يعملوا حاجة. لا يصطادوا ولا غير الصيد ما يعملوش حاجة تتوقف صور الحياة.

فكانوا يصطادوا يوم الأحد يلاقوا عادي سمك والإتنين يلاقوا سمك والجمعة عادي الحياة ماشية عادي جدا فجأة حصل حاجة عجيبة جدا إه هي الحاجة دي؟ يجوا يصطادوا لحد مافيش سمك الأربع مافيش سمك الثلاث مافيش سمك خالص. ييجي السبت اللي هو ممنوع فيه الصيد يقوم السمك ييجي خلينا ناخد لفظ قراني إحنا إحنا دلوقتي مش بنشرح الآيات بس خلينا ناخد في الحتة دي لفظ قراني ييجي السمك شرعا. شرعا أقوال المفسرين فيها كثيرا ده قول متتابعا ده قول كالشراع. رؤوس بادئ يعني يعني بيطلع لهم لسانهم كمان مش جاي لا ده طالع إه جاي لهم كده زي عارف الشراع هو طالع كده من المية كمان ماشي.

وفي بعض الإسرائيليات كالكباش البيض يعني سمك جاي يعني مش سمكة لا سمك. يوم السمك ده ييجي في بعض الروايات إنه كان بييجي لغاية باب البيت يعني كان البحر بيحصل فيه مَد. بيشوف ده إن في بعض البيوت في القرى تلاقي البيت بينه وبين النهر ما فيش حاجة بسيطة خالص يعني فالنهر لما يحصل مَد حتى في بعض مناطق في مصر اللي هي الطرح بيسموها الطرح بيبقى فيها بيوت أول ما بيحصل إن النهر بيعلا منسوبه البيوت دي بتغرق فده طبيعي يعني مش حاجة المهم كان بيحصل مَد مثلا في البحر ولا حاجة فالراجل يفتح باب البيت يلاقي السمكة على باب البيت.

طيب يقول خلاص النهارده إه ما فيش صيد بكره نصطاد السمك ييجي لحد السمك يختفي ما فيش سمك لغاية الجمعة ما فيش سمك ييجي السبت شرعا. خلاص طيب فراح جاي واحد يعني تفتق ذهنه إنه يعمل عمل حاجة كده إه الحجة؟ يا إما إنه ابتدى يعمل أنفاق بحيث إن البحر هم عرفوا خلاص البحر بيحصل له مَد يوم السبت فما يحصل له المد يقوم البحر مغطي الأنفاق دي فالسمك يدخل يلعب في الأنفاق مية يقوم يحصل الجَزْر فالسمك ما يعرفش يخرج من فجأة المية بتنزل منسوب المية بينزل فالسمك ما يعرفش يخرج من الأنفاق فيجوا هم يوم هو هيعمل الأنفاق دي خلاص الجمعة عمل النفق ييجي يوم الأحد يلاقوا سمك فين؟ في الأنفاق فياخد السمك أو إنه راح رامي الشبكة بتاعته يوم الجمعة مش السبت وبعدين جه لمها يوم الأحد فيلاقي السمك في الشبك.

فواحد عمل كده. إن الناس في القرية قاعدين واحد شامي ريحة سمك بيتشوي سمك إه اللي بيتشوي ده إحنا بقالنا عمر ما فيش سمك بيتبع الريحة لا واحد بيشوي سمك أنت إه يا فلان جبت سمك منين؟ قال له القصة القصة دي عملها هو راخر. انتشر الموضوع في القرية ناس كتير عملوها. القرية أقسمت كام فرقة بقى ساعتها؟ ثلاث فرق فرقة عملت ده اللي هنجيله كمان شوية إن شاء الله وفرقة ناهيتهم عن اللي بيعملوه ده وفرقة سكتت.

منكرة صحيح بقلوبها اللي حصل مش حاباه لكن ما نهتش عنه دول الثلاث فرق اللي القرية أقسمت ليهُم وبعدين فضلوا ينهوهم ينهوهم ما فيش فايدة قالوا خلاص إحنا مش هنعيش معاكم ما ينفعش نعيش معاكم وأنتم بتعصوا ربنا وعصيان ظاهر كده بتجاهروا الله عز وجل بالمعصية طب نعمل إه؟ قالوا خلاص هنبني سور في القرية وإحنا نعيش في ناحية وأنتم تعيشوا في ناحية لكن طبعا عشان نبني سور يا جماعة القرية مش مقسومة يعني ما فيش هنا خباز وهنا خباز وهنا نجار وهنا نجار وهنا ما فيش كدة يعني أكيد بيحتاجوا برده إن إه يبقى في بينهم معاملات قالوا خلاص إحنا بنينا السور ويبقى في باب في السور من ناحيتنا وباب من ناحيتكم عارفين زي أوض الفنادق كدة لما في أوضتين وتلاقي إه باب من هنا لازم عشان تفتح الأوضتين على بعض باب بيتفتح من هنا وباب بيتفتح من هنا ماشي فعملوا كدة صور ليه باب من هنا وباب من هنا فتحنا الباب بتاعنا من هنا والباب بتاعكم من هنا الصبح نخلص أشغالنا نرجع نقفل باب تاني ما لناش دعوة ولا لكم دعوة بينا.

كل يوم يصحوا الصبح يعملوا الحركة دي. صحيوا الصبح مرة الناس المؤمنة التقية اللي هي كانت تنهى عن السوء فتحوا الباب بتاعهم. لقوا الناحيت التانية ما فتحوش الباب. تأخروا. القوا راحوا تصوروا هذا السور بيبصوا لقوا الناحية التانية كلها بقت قرَدة اتقلبوا قردة. ف راحوا زي نطُّوا من السور فتحوا لهم إه ودخلوا فكانوا طبعا ما فيش حد من ناحية المؤمنين مميز لحد من القردة كلهم شبه بعض لكن القرد يميز أخاه وصاحبه وكذا وكذا فيجيله القرد. فيقول له ألم أنهاك فيشير براسه أن نعم. يعني هذا القرد يفهم يعي الكلام لكن مش عارف يرد فكان يقول له ألم أنهاك مش قلت لك بلاش فيشير براسه أن نعم. دي القصة باختصار التي ذكرها الله عز وجل: ﴿وَاسْأَلْهُمْ عَنِ الْقَرْيَةِ الَّتِي كَانَتْ حَاضِرَةَ الْبَحْرِ إِذْ يَعْدُونَ فِي السَّبْتِ إِذْ تَأْتِيهِمْ حِيتَانُهُمْ يَوْمَ سَبْتِهِمْ شُرَّعًا وَيَوْمَ لَا يَسْبِتُونَ لَا تَأْتِيهِمْ﴾ [الأعراف: 163].

تعالوا يا جماعة نقف أول وقفة وأخطر وقفة من الوقفة الخطيرة جدا. دلوقتي القصة اللي إحنا حكيناها وقعدنا نضحك وأنا كنت أقصد أن أقول ألفاظ تضحكنا كده تفرفشنا بس مش عشان نفرفش عشان الموقف ده. سمك يوم السبت يجي كثير متتابع. شرعا يعني خارج مخرج رأسه ولا جاي بادي يعني من المية كالكباش البيض سمك سمين يخلص السبت من هنا ست أيام ولا سمكة في البحر. ده شيء عادي.

يعني لو جيت حكيت الحكاية دي لأي لطفل صغير كدة. أول حاجة يقول لك يقول لك إه يعني هو السمك عارف يوم السبت وصح هو كلامه صح يعني هو السمك يعني عارف النهارده السبت يعني اللي مش السمك ما يعرفش النهارده السبت ولا ما يعرفش حاجة. فكان هنا يا جماعة هو في قضية أكبر شوية هي قضية أن الذي فعل ذلك الموضوع مش موضوع سمك الموضوع أن في ربنا سبحانه وتعالى هو الذي قَدّر عليك ذلك الدرس الكبير اللي عاوزين نخرج بيه يا جماعة من المسألة دي. مسألة إه وبعدين نرجع تاني لمسألة العقول. الله عز وجل يشرع الشرع ويقدر الأقدار.

ممكن يبقى شرع ربنا سبحانه وتعالى موسع في حتة الشرع نفسه أحكام الشريعة موسعة في حتة. وتلاقي مقادير ربنا مضيقة الحتة اللي وسعها الشرع وممكن يبقى الشرع مضيق في حتة وتلاقي مقادير ربنا توسع اللي ضيقه الشرع. هنا أقف بقى وفوق كده وارجع لنفسك وسايل نفسك ليه يا رب. هنا إحنا ما بنتكلمش دلوقتي عن أي حاجة غير ربنا لا تقول لي بقى نظام عالمي ولا تقول لي بنك مركزي ولا تقول أي حاجة أول ما تلاقي اللي أنا بحكي فيه ده دي رسالة من ربنا لينا مش فاهمين حاجة تعالوا نفهم بقى مع بعض لو جيت قلت لك.

قولي كدة إه هي المعاملات العقود العقود يعني المباحة في شرع الله عز وجل حد يعرف يجاوب على السؤال ده؟ أنا بقول لك أهو ولا فقيه يعرف يجاوب على السؤال ده عارف ليه لأن الأصل في هذه الأمور الإه فعشان عشان يجاوب هيقول لك كله مباح إلا ويبتدي يستثني الإه الحرام يقول لك شرط فيه ربا شرط فيه غَرَر شرط فيه مقامرة ودول أكبر ثلاث أبواب يعني تؤتى منها العقود الثلاث حاجات دول.

هنا الفقيه ما يعرفش ما يعرفش يرد عليك يقول لك إه يقول لك العقود المباحة هي كذا وكذا ما يعرفش يعمل كدة ليه لأن الأصل الإباحة فلو فضل من هنا للسنة الجاية بيقول لك المباح فهو كتير. فساعتها بيضطر إنه يعكس السؤال يقول لك كل مباح إلا كذا وكذا وكذا كذا. فواضح جدا أن باب العقود الأصل فيه إنه شرعا شرعا إن الدنيا واسعة فيه ولا ضيقة؟ واسعة.

المطاعم المطاعم مش يعني الأكل أو الشرب اللي لو جيت قلت لك هو إه الأكل الحلال؟ تعرف ترد؟ أنا بقول لك مش مش هتعرف ترد. هتعكس برده تقول إه كله حلال إلا وتبتدي تعد الحرام. طب الشرب تقول لي كله حلال إلا وتبتدي تعد الحرام يبقى هنا في باب المطاعم والأشربة أو الأطعمة والأشربة الأصل فيها إن إه واسعة في الشرع واسعة ولا ضيقة؟ واسعة. الأبضاع الفروض لما أجي أقول لك إه الحلال ليك في الزواج أي بنات تقول لي كله إلا الأم العمة الخالة البنت الأخت تلاقي برده العدد المحصور هو اللي إه فالاصل في المسألة دي إن الشرع موسعها.

كذلك هذا محل ما حدث مع أصحاب السبت. ربنا سبحانه وتعالى أمرهم شرعا هم خلاص هم جعلوا عليهم السبت فربنا خلاص أجابهم إلى ذلك قال لهم خلاص شرعا شرعا أنتم مباح لكم تصطادوا في أي يوم من أي الأسبوع إلا السبت أي واحد يسمع الجملة دي يا جماعة يقول إن الشرع هنا في الحتة دي إه جدا ست أيام اصطاد براحتك ويوم واحد بس اللي لا ما تصطادش. ده شرعا.

قدرا الله عز وجل ضيق الواسع ووسع الضيق. يبقى الواسع اللي هو ست أيام اصطاد براحتك ضيقه الله قدرا ولا سمكة ولا سمكة. طيب يدخل يوم السبت اللي هو أصلا ضيق في.

الشرع يوم من سبعة أيام يوسع قدرا، السمك يأتي شرعا كثير متتابع طالع من المية كالكباش البيض، هنا أين العقل؟ أن في رسالة من ربنا لينا، الموضوع مش أن احنا نروح بالعافية، نشتغل على اللي بعد يساوي بالعافية، عاوزين نوسع الضيق والضيق الواسع يا عم.

مين اللي عمل ده؟ يعني ناخد أمثلة دلوقتي، قلنا العقود الأصل فيها أن هي مباحة إلا شرط مش، وعرفنا أن الأصل أن الدنيا حلوة وجميلة، إيه رأيكم بقى دلوقتي في الدنيا اللي احنا عايشين فيها دي؟ لا تكد تجد عقدا إلا وفي مشكلة، لدرجة أن الواحد اللي عاوز يتقي الله عز وجل مش عارف، مش عارف يشتري حاجة ولا يبيع، مش عارف.

طب ليه ده الأصل في الشرع أن الحلال هو اللي كتير والحرام ضيق؟ تلاقي حكم ربنا القدري عكس الموضوع، يبقى الحرام هو اللي واسع قوي والحلال هو مش لاقي الحلال اللي هو أصلا واسع، والحرام واسع جدا، أنا كنت هقول سهل بس أنا أنا آسف اللفظ السهل ده هرجع عنه؛ لأن اللفظ السهل ده جيله كمان شويه؛ لأن هم دول فتنتين، أصحاب السبت وقعوا في فتنتين مش فتنة واحدة، فتنة أن الحرام وسع والحلال ضاق، وفتنة أن الحرام بقى سهل ودي غير دي، وهنجيلها كمان شويه إن شاء الله.

الأبضاع قلنا لقينا أن تجوز أي واحدة، جواز سهل إلا وتعد الصنوف المحرمة عليك، تيجي النهارده أوه الجواز اللي هو سهل ده وواسع وربنا موسعه يضيق جدا على الناس جدا قدرا بقى، وتلاقي الحرام الحرام مش لازم المحارم يعني الحرام يعني أن تفعل الحرام، تقع في الزنا مثلا أسهل شيء وواسع جدا، سيبكم من الأسهل دي هنجيلها كمان شويه بس واسع.

طب ليه ده؟ هو المفروض الحلال هو اللي كان سهل؟ الحلال يا جماعة، أنتوا أنا عاوز بسكم تصور عن فكرة الجواز في عهد النبي عليه الصلاة والسلام، يعني أنا من الحاجات اللي نفسي أعملها إن شاء الله هنتكلم على المنظومة كمنظومة عشان الشباب دايما يقول لك العادة السرية الإباحية وأنا شايف أن هي منظومة كاملة الحقيقة، فمن جملة إن شاء الله لو عملنا الخطة يعني اللي في دماغنا أن احنا نشوف فكرة الجواز كانت إزاي في العهد النبوي في المدينة المنورة.

فعندنا حديث واضح جدا، هو إيه؟ التمس ولو خاتما من إيه؟ من الدنيا، كانت إيه؟ سهلة بس مش ده اللي عاوز أجيبه دلوقتي، أنا هاخد مثال واحد، سيدنا جابر يا جماعة لما أتجوز، النبي عليه الصلاة والسلام عرف أنه أتجوز قبل ولا بعد؟ بعد ما أتجوز، مش كده؟ قال له: «أنت أتجوزت؟» وابتدى دار بينهم حوار، عارفين ده معناه إيه في مدينة المدينة زمان، مش المدينة بتاعة دلوقتي؟ المدينة زمان بيقولوا كانت أصغر من المسجد النبوي، يعني المسجد النبوي دلوقتي بيقولوا المدينة، المدينة اللي كان عايش فيها النبي عليه الصلاة والسلام هي كانت أصغر من، ليه؟ لأن البقيع كان مدافن المسلمين ده كان خارج المدينة، وكانوا بيروحوا ياخدوا فيه الحاجة.

فهي يعني أنتوا فاهمين، فدي كانت المدينة مجتمع صغير جدا وسيدها رسول الله صلى الله عليه وسلم، فعادي جدا جابر أتجوز بالليل، أنت أنتوا فاهمين الصورة اللي حصلت إيه؟ أن النبي ما يعرفش أن جابر أتجوز عليه الصلاة والسلام ورضي الله عن جابر، فالجواز ده كان عامل إزاي؟ طيب هو جابر أساة الأدب وحاشاه؟ يعني لما عمل كده كان المفروض يجيب النبي ويجيب الناس ويعمل هيصة وليلة مش عارف فين، ولو غني شوية يبقى يبقوا ثلاث ليالي ولا ده كأن العرف سائد؟ عادي جدا جابر أتجوز، صبح الصبح النبي عرف أو أنس شيئا على جابر فقال له: هو أنت أتجوزت؟ قال له: آه أتجوزت، ملاموش حتى طب كده ما تعزمنيش؟ كده ما فيش الكلام ده، الحياة بسيطة سهلة جدا.

اتعقدت ليه؟ وكبرت ليه؟ وبقت صعبة ليه؟ هنا لازم نقف؛ لأن دي حته الشرع موسعها، طب ليه ضاقت؟ ليه ضاقت؟ لازم نقف هنا ونسأل نفسنا.

المطاعم والمشارب، الأصل كذلك كذا وكذا وكذا، تلاقي النهارده عشان اللحم ده مذبوح ولا مش مذبوح؟ طيب مش عارف إيه؟ ولا قصة كبيرة، مش عايزين ندخل فيها دلوقتي برده، فابتدى برده الشيء اللي كان أصلا واسع ضيق ضيق قدرا.

فهنا كان لازم نقف، وكان لازم أصحاب السبت يقفوا، ودي يعني ظاهرة للعيان أنه يا جماعة بس واحدة واحدة، السمك لو عارف يوم سبت من يوم حد من يوم أربع، وليه اشمعنى السبت ليه يا جماعة؟ شغلوا عقولكم، ما حدش شغل عقله.

طب ليه ما شغلوش عقولهم؟ ليه عارفين يا جماعة؟ لأنهم أعملوا عقولهم في غير ما خلقت له فسلبوا أعمال العقل فيما خلق له، فاكرين أصلا بقى قصة السبت كانت ليه؟ لأن هم أعملوا عقولهم في إيه؟ في رد النص.

يا حدق منك له، أعملت عقلك في رد النص، ساسلبك عقلك في فهم، أو في خلينا بقى نضبط الجملة شوية، أعملت عقلك في رد الحكم الشرعي، ساسلبك عقلك في فهم الحكم القدري، وكمل بقى في ضلالك، يعني إيه كمل في ضلالك؟ يعني مش عارفين نعمل كذا وكذا، خلاص نروح نقترض وتلاقي الموضوع واسع عادي وسهل، بقى دي هنجيلها كمان شويه إن شاء الله، خلينا نقول عشان إيه سهل دي عامله لنا أزمة، نخلص سهل؛ لأن طول ما أنا ماشي عمالة، هم يا جماعة ابتلوا بحاجتين، ابتلوا بيه أن الحرام بقى واسع وبقى سهل، اللي هو ممكن يبقى الحاجه واسعة بس عشان أوصل لها برده صعبة شوية، لا، ده سهل جدا، سهل جدا؛ لأن السمكة جاية له عند باب بيته.

يعني ناقص إيه؟ يعني بس يفتح لها ويقول لها أتفضلي، ده بلاء؟ أيوه بلاء وللاسف حتى أهل الديانة، الناس المتدينة، مش واخدين بالهم من البلاء ده، يعني مين اللي لما يخش كده أوضته يقفل الباب ويروح فاتح الواي فاي على التليفون ويدخل على الإباحيات ولا غيره، يرى أن ذلك من البلاء اللي هو إيه؟ سهولة الوصول للحرام؟ ده ابتلاء، دي عقوبة، قال الله عز وجل: ﴿يَا أَيُّهَا الَّذِينَ آمَنُوا لَيَبْلُوَنَّكُمُ اللَّهُ بِشَيْءٍ مِّنَ الصَّيْدِ تَنَالُهُ أَيْدِيكُمْ وَرِمَاحُكُمْ﴾ [المائدة: 94].

إيه ده؟ تعالوا بس نفهم الآية دي يا جماعة، الآية دي الآية دي مرعبة، زمان كانوا يروحوا يعملوا العمرة ولا يعملوا الحج فيبقوا محرمين، فأول ما يحرم يحرم عليه إيه؟ الصيد، يحرم عليه حاجات، منها الصيد طبعا، الصيد دي احنا دلوقتي ما نجي نعديها؛ لأن هتقطين فين؟ في الطيارة، يعني ما فيش صيد فما حدش بيقابله الصيد، لكن زمان وهم ماشيين في الصحرا محتاجين ده، هم محرمين، مين حرم عليهم الصيد؟ طيب الصيد ده الصيد البري، الصيد الصيد الوحشي بيصاد بإيه؟ مش بالرمح، عارفين الرمح ده الأول بتاع إيه؟ بتاع الحاجة القريبة؛ يعني أنت لو عاوز تضرب حاجة قريبة بتضربها بالرمح، الأصل في الصيد، هو ليه سمي وحشية أصلا؟ لأنه بيستوحش أول ما يلاقي قافلة جاية يجري بعيد، الرمح ما يجيبوش، أمال بيصدوه بإيه؟ بالسهم، الأصل في الصيد الوحشي في الصيد، صيد البر، أنه بيصاد بالسهم مش بالرمح.

ماذا قال الله عز وجل؟ ﴿يَا أَيُّهَا الَّذِينَ آمَنُوا لَيَبْلُوَنَّكُمُ اللَّهُ بِشَيْءٍ مِّنَ الصَّيْدِ تَنَالُهُ أَيْدِيكُمْ وَرِمَاحُكُمْ﴾ [المائدة: 94]، ابتلاء، عجيبة جدا والله، أيديكم ورماحكم.

في تفسير الآية دي قالوا إن كان بعض الصحابة يجد الصيد في رحله، في أكثر من كده؟ يعني يفتح الرحل بتاع، [ضحك]، يلاقي الأرنب البري ده، الأرنب الوحشي ناط فين؟ في الرحل، اللي هو أصلا وحشي، يعني يستوحش من الناس، ممكن يصيده بإيديه، وده شيء عجيب.

احنا مش حاسين بده، احنا عمرنا ما شفنا صحرا، ولو شافك الحيوان ده زي بيجري منك بسرعة ما تلحقش، فاحنا مش حاسين بأن هو شيء عجيب فعلا، ﴿لَيَبْلُوَنَّكُمُ اللَّهُ بِشَيْءٍ مِّنَ الصَّيْدِ تَنَالُهُ أَيْدِيكُمْ وَرِمَاحُكُمْ﴾ [المائدة: 94]، أوعوا تفتكروا ده كرامة من ربنا، لا، ده ابتلاء ليعلم الله من يخافه بالغيب.

فربنا يبتليك أن في إيديك سمارت فون وفي واي فاي في البيت عشان تدخل الأوضة فتفتح، توصل التليفون بالواي فاي، أول ما تعمل كده وتلاقي الدنيا سهلة وجميلة ولذيذة، ليعلم الله من يخافه بالغيب.

سهولة الوصول للحرام دي مش لكرامتك على الله، ده حرام، ده حرام، فلما تلاقيه سهل كده أنك توصل له، أنك تاخد قرض تعلنه بالبطاقة بس، ده أنت ممكن تروح من غير بطاقة، معلش نعمل لك القرض دلوقتي وهات البطاقة بعدين وخلاص، ده اللي ناقص، آه، ده ليه بقى؟ لكرامتك عليه؟ سهل لك الربا، هنا العقل يقف بقى ويفكر يشتغل، ليه يا رب الحرام واسع؟ ليه يا رب الحرام سهل؟

النهارده الزنا، المعادات بين الشباب والبنات، بلاش نتكلم في زنا خلاص، خلينا نتكلم حتى في مجرد التعارف بين الولد والبنت، أنت متخيلين الشباب الصغير قبل السمارت فونز وققبل النت وقبل ده، كان عشان يحصل، [ضحك]، كان يحصل إزاي؟ إزاي يعني؟ حمام زاجل؟ هيعملوا إيه؟ ما فيش حاجة، ولذلك كان دائرة الحرام حتى كانت ضيقة، يعني فين وفين؟ أنت منين؟ يقول لك من الجامعة، زميلتي في الجامعة، النهارده لا عادي خالص، أنت في مصر ومصاحب واحدة من مش عارف فين، النت خلاص كله فاتح على كله، فكانت الدنيا ضيقة ومش سهلة، يعني ضيقة ومش سهلة، النهارده الدنيا واسعة وأسهل ما يكون، في إيه؟ في رحالهما؛ يعني الصيد فين؟ في الرحال، أنت النهارده تفتح الأنبُوكْس بتاعك تلاقي واحدة هي اللي بعتالك.

هو ده يا جماعة أنا مش بهزر، أنا باسقط الآيات على واقع احنا عايشينه، بلاء احنا، فإذا احنا مش شايفين ده بلاء، دي خطيرة جدا، ده احنا كده خلاص طمس على القلوب والعقول.

تفتح الأنبُوكْس بتاعك تفتح مش عارف تلاقي واحدة بعتاها لك، هي اللي بعتاها لك بقى على طول افتكر تناله أيديكم ورماحكم، ليه يا رب؟ ليعلم الله من يخافه بالغيب، سهولة الوصول للحرام، فربنا ابتلى أصحاب السبت بالحاجتين، زي ما هم مبتلينا دلوقتي بالحاجتين، الحرام واسع قدرا اللي هو أصلا ضيق شرعا، والحلال ضيق قدرا اللي هو أصلا واسع شرعا، والحرام سهل جدا توصل له، فابتلى الله أصحاب السبت بالأمرين جميعا.

﴿وَاسْأَلْهُمْ عَنِ الْقَرْيَةِ الَّتِي كَانَتْ حَاضِرَةَ الْبَحْرِ إِذْ يَعْدُونَ فِي السَّبْتِ إِذْ تَأْتِيهِمْ حِيتَانُهُمْ يَوْمَ سَبْتُرَهْ شُرَّعًا وَيَوْمَ لَا يَسْبِتُونَ لَا تَأْتِيهِمْ﴾ [الأعراف: 163].

السؤال هنا، ليه يا رب؟ ليه مش ليه اعتراض؟ ليه؟ إرادة معرفة الحكمة، ليه يا رب تعمل كده يا رب؟ ليه الحرام بقى واسع يا رب علينا؟ سيبكم من أصحاب السبت، ليه الحرام بقى واسع يا رب؟ ليه الحرام سهل قوي كده يا رب؟ ياتي ختام الآية، قال الله عز وجل: ﴿وَاسْأَلْهُمْ عَنِ الْقَرْيَةِ الَّتِي كَانَتْ حَاضِرَةَ الْبَحْرِ إِذْ يَعْدُونَ فِي السَّبْتِ إِذْ تَأْتِيهِمْ حِيتَانُهُمْ يَوْمَ سَبْتُرَهْ شُرَّعًا وَيَوْمَ لَا يَسْبِتُونَ لَا تَأْتِيهِمْ كَذَلِكَ نَبْلُوهُم بِمَا كَانُوا يَفْسُقُونَ﴾ [الأعراف: 163].

آه، ليه يا رب؟ لا، ده بما كسبت أيديكم بس لا ويعفو عن كثير، الحلال ده عليكم ما بكتوش عارفين تتجوزوا، بما كسبت أيديكم، الربا بقى سهل ومش عارف تعيش في مش عارف تحصل ملين من غير ربا بقى، يعني يعني يأتي على الزمان ما يأكل ربا أصابه من دخانه، بقى كل شيء فيه ربا دلوقتي، بما كسبت أيديكم.

الحرام بقى سهل جدا، تبعت لأي واحدة وأي واحدة تبعت لأي واحد وكله مستمر الحرام، بما كسبت أيديكم، ﴿كَذَلِكَ نَبْلُوهُم بِمَا كَانُوا يَفْسُقُونَ﴾ [الأعراف: 163].

يبقى آه، يبقى أنتوا عصيتوا الأول واستمرأتوا العصيان، الفسق في اللغة إيه؟ الخروج، ده في اللغة الفسق الخروج، يقال فسقت الفأرة من جحرها؛ يعني خرجت من الجحر، فـ﴿بِمَا كَانُوا يَفْسُقُونَ﴾ [الأعراف: 163] يعني الخروج عن الطاعة عن حظيرة الإيمان.

فبفسقنا، بعصياننا، بجرأتنا على ربنا سبحانه وتعالى، حصل حصل اللي حصل فلقينا ده، لقينا الجواز صعب ولقينا الزنا سهل والمصاحبة أسهل ما يكون، وصاحب واحدة واتنين وثلاثة وعادي، وبعدين ما يتعرفش أنك بتعمل ده، وأنت فاكر أنت إيه؟ أنت يا ابني أنت مش شايف إزاي أن ده كله استدراج من ربنا سبحانه وتعالى؟ يعني إزاي مش شايف أن ده ممكن يكون لسقوطك من عينه جل وعلا؟ خلاص ما بقاش ليك قدر عنده.

الحسن البصري ليه يا جماعة كلمة مرعبة يقول: هانوا عليه فعصوه، ولو عزوا عليه لعصموهم.

يعني كل ما تلاقي الدنيا سهلة اعرف أن في مشكلة، هانوا عليه فعصوه، ولو عزوا عليه لعصموهم، ولذلك قالوا أن العاصي واقع بين هوانين: هوان قبل المعصية وهوان بعد المعصية، وأول الهوان ما كان واقع في المعصية.

﴿كَذَلِكَ نَبْلُوهُم بِمَا كَانُوا يَفْسُقُونَ﴾ [الأعراف: 163].

طيب، حصل اللي حصل وبعدين؟ قلنا لكم أُقسِمت القرية ثلاث فرق: ﴿وَإِذْ قَالَتْ أُمَّةٌ مِّنْهُمْ لِمَ تَعِظُونَ قَوْمًا اللَّهُ مُهْلِكُهُمْ أَوْ مُعَذِّبُهُمْ عَذَابًا شَدِيدًا قَالُوا مَعْذِرَةً إِلَىٰ رَبِّكُمْ وَلَعَلَّهُمْ يَتَّقُونَ﴾ [الأعراف: 164].

هنا واضح أن الخطاب بين فئتين غير الفئة أصلا العاصية المستمرة لاقتحام الحرام.

قبل يا جماعه ما نقول ده الأول، بس واضح واضح جدا أن مش الحل الذي يريده الله عز وجل منا، أن مع تضييق الحلال وتوسيع الحرام وسهولة الوصول للحرام، واضح جدا قصة أصحاب السبت أن مش الحل أن احنا نقتحم الحرام، واضحة دي ولا محتاج نقولها؟ احنا بنقولها كده يعني؛ لأن بس إيه ما تجيش تقول إيه؟ ما أنا أعمل إيه بقى؟ ما هو كله فيه ربا بقى فأكل ربا، ما هو ده اللي عملوه يعني من غير إيه؟ ده اللي عملوه.

قالوا إيه؟ قالوا: والله ما فيش سمك خالص غير يوم السبت، فخلاص بقى ناكل يوم السبت. هو ده اللي عملوه، فواضح جداً أن ما كانش ده الحل، أو خلينا نعدل الجملة: ما كانتش دي رسالة الرب عز وجل من هذا الحكم القدري؛ أن أضيق عليكم ست أيام وأوسع عليكم في يوم عشان تيجوا ببساطة تاكلوا في اليوم يعني، طب ما نسيب لكم بقى سبع أيام؟! يعني عملنا ده كله ليه؟ ما نسيبها لكم بقى مفتوحة وخلاص!

ماشي، طيب، تاني حاجة قبل ما نخش على مسألة الأمر بالمعروف والنهي عن المنكر؛ واضح جداً أن اللي عملوا كده ما اقتحموش الحرام اقتحاماً صرفاً، يعني إيه؟ يعني صاحبنا أول واحد عمل في القرية القصة دي، راح جاب السنارة وقبض اصطاد السمكة يوم السبت؟ ما عملش كده، أمال عمل ايه؟ تحايل؛ راح بنى النفق أو رمى شبكة يوم الجمعة وجابها يوم الأحد على الحرام. واضحه دي؟ ولذلك في باب كبير بقى يذكره الفقهاء بيسموه باب الحيل.

باب الحيل؛ كان بعض السلف لما يقرأ الآية دي يقول إيه؟ لما كان يتكلم عن الحيل يقول: يعاملون الله كما يعاملون الصبيان. لو أتوا الأمر على وجهه كان أهون. أنت عارف أما يجي لك عيل صغير فتضحك عليه، هو بيقول كده بيقول أصحاب الحيل دول يعاملون الله كما يعاملون الصبيان، أنت بتضحك على مين؟ لو أتوا الأمر على وجهه كان أهون. فمثلاً نيجي نروح للبنك نقول له: يا بنك، ادينا مليون وخدوا منا مليون ونص على سنتين، إيه رايكم؟ إيه رايك في المعاملة دي؟ حلوة، ربا مش كده؟

طيب، فيقوم يجي بنك يقول: احنا خلاص احنا بنك إسلامي، طيب هنعمل ايه بقى؟ قال لك: والله احنا عندنا معدن اسمه بلاتينيوم، فالمعدن ده أنت هتوكلنا نشتريه لك بميون ونص قسط بيتدفع على سنة ونص سنتين، وبعد ما تشتريه هتوكلنا نبيعه لك بمليون كاش، ونديك المليون الكاش وقعد تسد لنا في ثمن البلاتينيوم بالقسط مليون ونص على سنتين. هذه الصورة أباحها بعض الفقهاء عشان بس، إنما كثير من الفقهاء يرون أن هذا من الحيال المحرمة؛ ليه؟ لأنك دخلت بيعة غير مرادة. لو أنا جيت قلت لك يعني إيه بلاتينيوم؟ تقول لي: والله العظيم كنت أول مرة أسمع كلام بلاتينيوم في البنك، أنت لا عارف إيه بلاتينيوم ولا هتشوف بلاتينيوم ولا عاوز البلاتينيوم ولا المعاملة دي أصلاً تلزمك في شيء، فهذه البيعة غير مرada أصلاً. أنا جاي أقوي قول، لا مش بقوي قول على قول، أنا بفهمك يعني إيه حيله محرمة عند من يرى حرمة هذه المعاملة.

لجي أضيق الكلام يعني نروح نعمل ده قولاً واحداً؟ ما تعملهاش قولاً واحداً بين مين؟ مش بين العلماء، بينا احنا هنا كده، احنا مع بعضينا كده ما تعملهاش ماشي. آه، امتى بقى نلجا لحاجة زي كده؟ أباحها بعض الفقهاء لما تبقى خلاص يعني، خلاص يعني يباح لك الربا أصلاً، ما هو الربا يباح في أحوال؛ واحد محتاج لضروريات الحياة، يعني لو ما أكلش هيموت، لو ما جابش فلوس هيبات في الشارع، مش هيبات في أوضة متواضعة لا هينام في الشارع ما عندوش حتة، ساعتها ممكن يبيحوا له الربا، فنقول له: بدل يا ابني ما تاكل ربا روح كل بلاتينيوم.

فواضحه جداً هنا. طيب بلاش، أنا يا جماعة بقول لكم أمثلة للي هتشوفه في الدنيا ها؛ جيت تشتري سلعة فقال لك: طب السلعة دي ثمنها 3 مليون على ثلاث سنين، ولو تأخرت في السداد وهتمده بقت أربع سنين، بقت خمس سنين هتبقى... ما هي ب 3 بقت ب 5 مليون. إيه رأيكم؟ ربا ماشي. الربا هو إيه؟ مال في مقابل الزمن. فيقولوا: لا خلاص، مش هنعمل ربا، طب هتعملوا إيه أنتوا بقى؟ قال لك: بص بقى تعالى، السلعة دي ب 5 مليون على خمس سنين، ولو هخلصها على ثلاث سنين هتبقى ب 3 مليون، بيسموها عجل ووضع. الصورة دي في الفقه بيسموها كده: عجل ووضع.

هي في الآخر إيه بقى؟ حيلة، يعني بدل ما أقول لك هي ب 3 مليون على ثلاث سنين ولو بقت خمس سنين بقت... يبقى مقابل الزمن ده هاخد 2 مليون زيادة، هقول لك العكس، هقولها لك بصيغة عكسية: هي على 5 سنين ب 5 مليون، ولو عجلت في السداد هنضع عنك بعض المال. سموها عجل ووضع. فبرضوا من يحرم هذه يقول: هذه حيلة محرمة. واضحة كده يا جماعة فكرة الحيل؟

طيب وبرضوا واضح جداً أن دي مش رسالة ربنا لينا؛ يبقى أصحاب السبت عملوا إيه؟ اقتحموا الحرام لما لقوه واسع والحلال ضيق، واقتحموه بحيله، وواضح جداً من مآلات الأمور أن ده مش مراد الرب سبحانه وتعالى؛ عشان تعرفوا يا جماعة احنا ماشيين في الطريق الغلط. احنا عمالين دلوقتي بنعمل إيه؟ الحلال ضاق والحرام وسع، عمالين نحاول نتماشى مع الحرام بالحيل، ده اللي احنا بنعمله، وده اللي عمله أصحاب السبت، وده بالضبط اللي مسخهم قردة.

خلي بالكوا يا جماعة فكرة المسخ؛ هما مسخوا قردة حقيقة، يعني بقوا قردة، المسخ مش شرط يكون مسخ ظاهر، يعني ممكن الله عز وجل يعاقب أُمّة بأنها تمسخ مسخ باطن. إيه بقى مسخ الباطن؟ أنك تبقى قرد جواك أنت في نفسك قرد، آه أنت لابس بدلة وكرافتة بس أنت قرد. إيه يا جماعة أكتر صفتين يتصف بهما القرد؟ أكل الموز. مين هنا بياكل موز بقى عشان نعرف مين الممسوخ؟ أول صفة: التقليد، القرد يميل إنه يقلدك، يعني تعمل حاجة يعملها زيّك ماشي. وتاني صفة -ودي بقى مهمة جداً عشان بس- إنه بيتحرك حركات عشوائية بلا معنى، بيتحرك حركات عشوائية بلا معنى، يعني لو جيت أنت نطيت هو تلاقي القرد ينط من الشجرة دي دي، وبعدين يروح ناطط من دي تاني، طب يا أنت كنت هنا أنت هتفرهضنا ليه ما أنت كنت هنا؟ هو بيتحرك حركات عشوائية بلا معنى، حتى في مصطلح علمي بيسموها إيه؟ المانكي مايند.

ده مصطلح علمي اللي هو عقلية القرد. ماشي مفاجأة، طيب يعني أنا مش هطول في الحتة دي بس مفاجأة ما كانش في دماغي حتى مش محضر المصطلح، يعني مانكي مايند دي عارفين بيطلقوها على... حد يعرف؟ على اللي بيتابع الريلز والشورتس، ده مش مسلمين ها مش مسلمين، المانكي مايند هم بيقولوا: المانكي مايند ده مصطلح علمي بيطلق على اللي عمال يقالف الآي، اللي هو بينط من شورت لشورت، فتلاقي مثلاً أول شورت بيتكلم عن إنجاز علمي، تاني شورت واحدة بترقص، الشورت اللي بعده لا تأخر قول أن... تقول: سبحان الله مش عارف زرافة برجل غوريلا، وأنت عمال متابع كله. طب يا ابني أنت بتعمل... أنت نطيت من هنا لهنا ليه؟ ما أنتَش فاهم، مش فاهم! طب مش فاهم فخرجت؟ لا، ده أنا بقالي خمس ساعات على القعدة دي، قاعد قعدة مش فاهم أنا بعمل فيها إيه أصلاً! آه، مسخ باطن، مسخ للباطن.

طيب، نرجع تاني بقى؛ يبقى من الدروس التي احنا... معلش الدرس مهم فعمال أعيد وأزيد فيه، واضح واضح جداً أن مع اتساع دائرة الحرام قدراً مع ضيقها شرعاً، وضيق دائرة الحلال قدراً مع اتساعها شرعاً، أن مش مراد الرب منا أن احنا نقتحم الحرام، ولا أن احنا نتحايل على الحرام. لو رجعت بقى أسقطت ده على العصر اللي احنا فيه، هتلاقي ده اللي احنا بنعمله، بنقتحم الحرام بتحايل. فإيه بقى العاقبة؟

طيب، قال الله عز وجل: ﴿وَإِذْ قَالَتْ أُمَّةٌ مِّنْهُمْ لِمَ تَعِظُونَ قَوْمًا اللَّهُ مُهْلِكُهُمْ أَوْ مُعَذِّبُهُمْ عَذَابًا شَدِيدًا﴾ [الأعراف: 164]. واضح أن هنا نقاش دائر بين طائفتين تانيين، واضح جداً صح؟ نمتوا؟ فات قد ايه؟ ساعة وربع. فهمت الرد بقى؟ ماشي، طب كدة المغرب ناقصه قد إيه؟ برضوا أنت... بص في الساعة هيقول قول.

لما تعظون قوماً الله مهلكهم أو معذبهم عذاباً شديداً؟ واضح جداً أن الكلام هنا بين طائفتين غير الطائفة التي وقعت في الحرام أصلاً، واضح جداً أن الطائفتين دول مش حابين الحرام، واضحة برضوا في الحوار، لكن في طائفة راحت وتكلمت ونهت وأنكرت، وطائفة ما عملتش ده. لما تعظون قوماً مهلكهم الله... ده كلام طائفة حابة اللي بيحصل؟ أنكرت؟ ما أنكرتش! يبقى قدامنا ثلاث طوائف: طائفة وقعت في الحرام، طائفة أنكرت الحرام، طائفة كرهت الحرام ولم تنكر.

طيب مآل الثلاث طوائف، ربنا سبحانه وتعالى قال إيه بقى؟ ﴿فَلَمَّا نَسُوا مَا ذُكِّرُوا بِهِ أَنجَيْنَا الَّذِينَ يَنْهَوْنَ عَنِ السُّوءِ وَأَخَذْنَا الَّذِينَ ظَلَمُوا بِعَذَابٍ بَئِيسٍ﴾ [الأعراف: 165]. ربنا ذكر مآل طائفتين: أنجينا الذين ينهون عن السوء، وأخذنا الذين ظلموا بعذاب بئيس. في طائفة ثالثة واقعة كده مش اللي هي مين؟ اللي هي لا هي حابة الحرام ولا هي بتنكر على الحرام، اللي هي مين؟ احنا!

يا جماعة الآية اللي احنا قاعدين نقراها دي وبنضحك دلوقتي، ابن عباس كان لما يقرأ هذه الآية يبكي. الأول قبل ما نشوف ليه بيبكي، بس إيه مآل الطائفة دي بقى؟ ابن عباس كان يرى أن هذه الطائفة أهلكت وأصابها ما أصاب القوم. ليه يا ابن عباس؟ قال: لأنهم دخلوا في قوله تعالى: ﴿وَأَخَذْنَا الَّذِينَ ظَلَمُوا﴾. طب هما ظلموا بايه يا ابن عباس؟ بتركهم النهي. كان ده تأويل ابن عباس للآية، قال: دول دول من الناس اللي عوقبوا وتحولوا قردة. طب ليه أخذنا الذين ظلموا؟ ما هو بيقول ما هو دول ظالمين. ليه ظالمين يا ابن عباس؟ دول بيكرهوا. قال لك: بس ما نهوش عن المنكر فدخلوا في الذين ظلموا. فكان ابن عباس لما يقرأ هذه الآية يبكي ويقول: كم رأينا أشياء وسكتنا.

أنا لما أتدبر قول ابن عباس ده يا جماعة والله أنا في حيرة. ابن عباس، سيدنا ابن عباس اللي هو عينه ما شافتش غير صحابي أو تابعي، بيقول: كم رأينا أشياء وسكتنا. يبقى ده أول قول. القول التاني: أن لا، دول نجوا، وهذا كان قول عكرمة، أنهم نجوا مع من نجوا؛ ليه؟ لأنهم هم نهوا عن المنكر بأدنى درجات النهي، وهو النهي بالقلب: ﴿لِمَ تَعِظُونَ قَوْمًا﴾ كارهين اللي بيحصل، فده قول تانٍ.

قول ثالث، اللي هو إيه؟ نجوا ما نجوش، يعني هو في حاجة ثالثة؟ إيه بقى؟ سكتوا فسكت الله عنهم. ده قول ثالث في المسألة: أن ما نعرفش إيه اللي حصل لهم، نجوا ما نجوش، ربنا ما ذكرهمش أصلاً. واضح جداً أن ابن عباس دخلهم في الذين ظلموا، واضح جداً أن عكرمة دخلهم أنجينا الذين ينهون عن السوء، وقول ثالث بقى في المسألة أنه لا دول مش مذكورين أصلاً، سكتوا فسكت الله عنهم.

يبقى هنا يا جماعة احنا قدام مسؤولية ربنا بقى بيضعنا قدامها في قصة أصحاب السبت، اللي هي قصتنا دلوقتي، قصة الأمة بتاعتنا دلوقتي: حلال ضيق، حرام واسع، سهل توصل له. نعمل إيه يا رب؟ ناس اقتحمت الحرام وأنت واقف على الشط أهو، اعمل إيه يا رب؟ أنا اعمل إيه؟

أول حاجة: عرفت أن مش المطلوب منك أنك تقتحم الحرام ولو بحيلة. تاني حاجة: أنك تنهى عن المنكر. لما تلاقي واحد واقع في الحرام ما تقعدش تتفرج. يا جماعة والله أنا بقول أهو وبحلف بالله أن في منا ناس فقدت أقل درجات النهي عن المنكر، وهو بالقلب، يعني عنده عادي عادي إنه شايف واحد مثلاً بالكريديت كارد ورايح يسحب فلوس من المكنة، هو عارف إنه ينزل عليها فوائد -هم يسموها فوائد يعني شوف الاسم جميل إزاي- هينزل عليها ربا عادي جداً.

بلاش، هديكم مثال يمكن في منا ناس وقعت فيه: أنك تروح تقعد على البحر. عارفين الأول يا جماعة يعني إيه تكره بقلبك؟ تكره كاره الحاجة، أنك مبغضها بقلبك. فلقيت واحدة لابسة لبس مش تمام على البحر، هتكره ده، هتكرهه بقلبك فعلاً. المفاجأة بقى -أنا مش قايل عشان... مش قايل عشان ده- أول ما هتلاقي مثلاً واحد منضبط بزيّ واحد، راجل أو واحدة امرأة، ما في... أنا بقول راجل ليه؟ لأن المرأة غالباً ما فيش زي بحر منضبط، إنما واحد راجل فلابس تحت الركبة وممكن لابس حاجة تغطي السرة، فلابس ممكن تقشمئز من المنظر ده، تلاقي نفسك إيه؟ كاره المنظر ده، اللي هو لو قسناه بمقياس الشرع ده الأحَب أصلاً.

فاحنا فكرة أننا حتى كارهين بقلوبنا دي محتاجين نقف معها شوية. العلاج فين؟ الحل فين؟ الصح المفروض نعمله إيه؟ ننهى عن المنكر. في حديث هنا مرعب يا جماعة، أن أول ما دخل النقص على بني إسرائيل أن الرجل كان يلقى الرجل فيقول له: يا فلان اتق الله، واحد بيعمل معصية قابلته، يا عم اتق الله بقى، أهو حاجة جميلة أهو بنكر أهو. في بعد كده، ثم يلاقيه من غد فلا يمنعه ذلك أن يكون أكيله وشريبه وجليسه، يعني يا فلان اتق الله ما تعملش كذا، وبعدين يلا بقى نخرج؟ قشطة يلا نخرج، يلا نسافر بيه يلا بينا، يلا مش عارف وهو ما بيصليش.

أنا هنا مش بقول... أنا مش بتكلم بتعالي يا جماعة، يعني أعوذ بالله من ذلك، أنا أسوأ الناس، كل واحد فينا كده، ما فيش تعالي، لكن هو ربنا... ده حكم ربنا أن فلان مجاهر بمعصية فلازم أنكر، ولما أنكر أبغض، خلاص، فضل بقى مستمر عليها يبقى...

هنا مفاصلة، مش آكل معاه وأشرب معاه وأهزر معاه؛ ما فيش كده، وده اللي عملوه. اتقوا الله، ما فيش، والظاهرة عمالة تكبر، نعمل إيه؟ نفاصلكم خلاص. سور يبنى، حتى السور ده لو مش عارف تعمل سور حسي، إن يبقى فيه سور معنوي بينك وبين من يجاهر بالمعاصي بالذات الكبائر.

فده اللي عليك تعملُه؛ ليه خيرية هذه الأمة؟ ﴿كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ﴾ [آل عمران: 110]. بعض إخواننا فهم كلامي غلط لما بقول: خليك في نفسك. بقولها كتير في الدروس، خليك في نفسك يعني إيه؟ يعني ما تنشغلش بالحكم على غيرك.

طب من جملة إنك تخليك في نفسك، إنك إيه يا رب حكمك فيا أنا إيه في اللي أنا شايفه ده؟ فأنت كده في نفسك برضه، فتلاقي ربنا حَكَمَه مثلاً دلوقتي إنك تأمر بالمعروف، فهتأمر بالمعروف ليه؟ لأن ده خطاب الله لك. ولا لك أنت فانت في نفسك. حُكْم ربنا دلوقتي إن تنهَ عن المنكر، فهتنهى عن المنكر ليه؟ لأن هذا خطاب الله لك، فأنت كده في نفسك. فكلامي مش متناقض، ولا معنى كلامك "خليك في نفسك" إنك لا تأمر ولا تنهى، غلط.

فدول أمروا ونهوا فنجوا يقيناً ﴿فَلَمَّا نَسُوا مَا ذُكِّرُوا بِهِ أَنْجَيْنَا الَّذِينَ يَنْهَوْنَ عَنِ السُّوءِ﴾ [الأعراف: 165]، ودول وقعوا في الحرام فهلكوا يقيناً، ودول كرهوا الحرام لكن ما نهوش عن المنكر ما احناش عارفين هم فين دلوقتي. فأنت بتلعب قمار دلوقتي، داخل حتة ما أنتَش عارف هتنجو ولا هتخسر. الحل فين؟ كن في زمرة الناجين بيقين.

وهنا بقى عشان نضبط الكلام هنقف هنا خلاص، أنا عارف أنتوا زهقتوا، عشان نضبط الكلام؛ ما تروحش تنهى عن منكر وأنت ما أنتَش عارف آداب النهي عن المنكر، ولا أنت فاهم أصلاً اللي بيحصل ده منكر. واحد يقول: بتعمله ده حرام، ويطلع هو مش حرام، أنت اللي مش فاهم. فانت روح اتعلم دين، اتعلم الأول ده حلال ولا إيه؟ تفهم واقع الأول.

لقيت واحد ماسك كوباية فيها حاجة صفراء وبيشربها، رحت وأنت أنت فاسق، وفي الآخر قال لك: يا عم ده عصير تفاح يا عم! فيه إيه؟ أنت أهدَ. فانت رحت نهيت عن حاجة ما هياش منكر أصلاً، عصير تفاح. إلا لو ز... يعني بتقول له: حرام عليك أديني معاك مثلاً كده تشرب لوحدك. وأو الشرع بقى، هو بيعمل معاملة معينة، بيعمل حاجة معينة وأنت فاكرها حرام وهي مش حرام، أو أنت ما تعرفش فيها الأقوال، يعني هي المسألة فيها سعة، فيها قول إنه حرام وأنت عارف القول ده، لكن فيها قولين إنه حلال وأنت ما أنتَش فاهم حاجة. أنت طب رحت قال لك: والله سألت الشيخ فلان، وتقب... غالط في الشيخ فلان. طب يا ابني أهدَ يا ابني، يا ابني روح اتعلم، شوف المسألة دي فين من يعني درجتها إيه في الخلاف بين العلماء؟

وكثير جداً من إخواننا للأسف تلاقيه يعمل إيه؟ يبقى عمال ينهى عن حاجة وقول الجمهور خلا... يعني ممكن يبقى قول الأئمة الأربعة المذاهب الأربعة خلاف اللي هو بيقوله أصلاً، لكن هو متربي هو ده حرام. يعني يا ابني الأئمة الأربعة بيقولوا حلال، المذاهب الأربعة على حِل المسألة دي! والعكس متجرأ ويحل حاجة المذاهب الأربعة على حرمتها، شيء عجيب!

فالمهم اللي أنا عاوز أقوله؛ اقرا أو اسمع حاجة في الأمر والنهي، مهم جداً يا جماعة. آه، عندنا يعني لو حد عاوز يسمع حاجة على التليجرام هتلاقوا في منظومة الآداب للحجاوي في الأمر بالمنكر، في كذا درس يعني مش فاكر كم درس، وهتلاقوا كمان في ربع المنجيات في مختصر منهاج القاصدين في كلام عن الأمر بالمنكر في المنجيات ولا في العادات؟ مش فاكر، المهم يعني اكتبوا الأمر بالمنكر في التليجرام هتلاقوا حاجات كتير تتسمع في الحتي دي إن شاء الله. قولِي هذا، وأستغفر الله العظيم لي ولكم. سبحانك اللهم وبحمدك، نشهد أن لا إله إلا أنت، نستغفرك ونتوب إليك.