دخولتسجيل الدخول

روح وجسد

أمجد سميرالشيخ أمجد سمير
  • مدة الدرس:
  • قراءة

من حكم الله عز وجل أن خلق الإنسان من جسد وروح؛ الروح لطيفة علوية، والجسد طيني سفلي، والروح تحمل الجسد فإن فارقته سقط. وتعالوا نشبه المسألة دي علشان نفهم الموضوع ده ماشي ازاي؛ عارفين بالون الهيليوم؟ بالون الهيليوم يميل إنه يصعد لفوق ولا ينزل لتحت؟ يصعد. فلو أنت جبت بالون هيليوم وحطيت إيدك فوق كده فوقيه بتحجزه إنه إيه يصعد لفوق، بخلاف أي شيء ثقيل هو بطبعه يميل إنه يسقط لأسفل، فلو أنت عاوز تحجزه عن طبعه يبقى تمسكه مش تحط إيديك فوقيه، لازم تمسكه كده علشان لو سابته يقع.

فذلك مثل الروح مع الجسد، يبقى الروح جوه الجسد، الروح لطيفة علوية فهي تميل إلى أن تصعد، والجسد طيني سفلي يميل إلى أن يسقط، والروح تحمل الجسد فإن فارقته سقط الجسد. والذي يظهر والله أعلم أن الروح إذا سرت في العضو حيا ذلك العضو، وهذا يظهر في الأثر الذي روي أن آدم عليه السلام لما نفخت فيه الروح فدخلت إلى وجهه إلى عينيه فابصر الجنة، فلما بلغت بطنه اشتهى ما في الجنة فأراد أن يقوم فلم تحمله قدمه، وذلك قول الله عز وجل: خلق الإنسان من عجل.

ومن حكم الله عز وجل، افهموا يا شباب الكلام ده كلام مهم جدا وخطير وده أصل كثير من الشرور والمفاسد التي يحياها الشباب ومش عارفين فين المشكلة، من حكم الله عز وجل أن جعل ما يلتذ به البدن مفسدا للروح، وما تلتذ به الروح مفسدا للبدن. ولذلك هتلاقوا البدن مثلا يلتذ بكثرة الطعام، مش كده؟ بالذات هنا في لبنان وساعات ما جيت بتاكلوني فإنا يعني قولوا حركوا دماغكم يعني أهل كرم ما شاء الله. فالبدن يلتذ بكثرة الطعام وذلك يضر الروح، والبدن يلتذ بكثرة النوم يعني الإنسان يميل إلى الدعة والراحة والسكون وذلك مضر للروح، والبدن يلتذ بكثرة المخالطة، يعني الإنسان اجتماعي بطبعه، يعني الأصل في الإنسان أنه مخالط لغيره، وكثرة الخلطة مفسدة للروح، والبدن يلتذ بكثرة الكلام، يعني هات كده ست سبعة أصحاب قاعدين مع بعض هتلاقي كله قاعد ساكت كده بالساعتين، أنت ما تلاقيش كده إلا لو إيه بيتكلموا على التليفونات، وذلك مفسد للروح. ولذلك أرباب السلوك بنوا طريقهم على أربعة أمور احفظوهم كده هنبتدي نتكلم في الحاجات اللي هتصلح لك روحك وقلبك، احنا الدرس النهارده عن القلب بس عاوزين نفهم القضية جت منين.

أرباب السلوك -ولقول أرباب السلوك يعني إيه؟ من تكلموا في السلوك إلى الله سلوك طريق الله عز وجل- بنوا طريقتهم على أربعة أمور كلها قلة؛ احفظوهم: قلة الكلام، وقلة الأنام، وقلة المنام، وقلة الطعام. قلة الأنام يعني قلة المخالطة، وقلة الكلام واضحة، وقلة الطعام وقلة المنام. طب ليه؟ لأن هذه القلة تصلح لك روحك وتأتي على لذات البدن، بلا شك بدنك عا عاوز عكس ده.

العالم الرأسمالي الذي نحيا فيه ما يحبش الكلام ده، ليه؟ لأنه هيأتي على الأرباح. لا ده احنا عاوزينك تاكل ثلاث طقات وتنقنق في النص كمان، يعني بين الثلاث طقات وأنت رايح وأنت جاي تاكل ليه؟ هتستهلك كثيرا مش كده؟ فهتدفع كتير فتنعش اقتصادنا ورأسماليتنا وكذا وكذا. طب ده مفسد ليا؟ لا ما احنا هنعالجك بعد كده فنعمل لك ميديتيشن للرؤية، طب من الأول نقلل الكلام ده، فهنقول لك إن في يوجا والجلسة بمش عارف كام دولار، وفي مش عارف ميديتيشن لايه والجلسة بكام دولار، وفي الآخر تطلع تنتحر برضه، وبعدين هنقول لك عادي اكتئب ما فيش مشكلة وهنعالجك. كل ده بيحصل ليه؟ لأننا اهتممنا بالأبدان على حساب الروح على حساب الأرواح.

وكان الحل ببساطة أن نرجع إلى الشرع، الأربعة دول بالمناسبه يا شباب -بس ده لأنه مش درس النهارده ده المفروض يبقى درس تاني- الأربعة دول كل واحدة منها لها أدلة كثيرة من القرآن والسنة، اللي هو قلة الكلام وقلة المنام وقلة الأنام وقلة الطعام، كل واحدة منها لها أدلة. فلما نرجع للشرع ونطبق هذه الأمور الروح هتنشط وتحيا وتلتذ، وزي ما قلنا لكم الروح هي التي تحمل البدن. ولذلك ممكن تلاقي واحد قعيد مشلول وهمته في السماء يفعل أفعالا لا يستطيع الإنسان سليم الأعضاء أنه يفعلها، صح ولا لا يا شباب؟ من عبادة وذكر وبذل لدين الله عز وجل. طب إزاي؟ بروحه لا ببدنه، بروحه لا ببدنه. فالروح هي الحامله للبدن، فجعل الله عز وجل القلب كأنه الواسطة يعني له تعلق بالبدن وله تعلق بالروح، ولذلك اهتم علماء السلوك بالقلب. نبتدي الدرس بقى بس احنا قلنا لكم المقدمة دي عشان تفهموا ليه علماء السلوك بيتكلموا كتير عن القلب وعن مفسدات القلب، لأن هو ده اللي هيخليك تعرف تعيش حياتك صح.

طيب وليه الشباب دلوقتي مش عارفين يعملوا ده؟ لأن هم متربيين من وهم صغيرين على الرأسمالية، من أول ما بتتولد والرأسمالية عاوزاك دايما مستهلك. فلا ده احنا عاوزينك تاكل كتير، وعاوزينك تخالط الناس كتير لأن الخلطة معناها إنفاق زيادة؛ هتنزل وتتحرك فتدفع، هتروحوا تقعدوا في حته فهتدفعوا، هترخرجوا تسافروا هتدفعوا؛ فلوس عمالة تدفع. لما يقول لك لا اختل بربك، وبعدين يحبب لك الخلق (فتخيلوا كده المجلس ده كله كده لو إيه حبب إليهم الخلوة، فهم يخرجون بس للضرورة، لا يخالطون الناس إلا للضرورة وبعدين يفرون على طول لربنا سبحانه وتعالى يقتلوا بربهم) هذا مؤثر بلا شك، وهذا مراد الله منك.

وزي ما قلنا لكم فيها أحاديث كتير يعني عشان برضه نبقى فاهمين القصة، مثلا: «وليسعك بيتك». وفي الأكل مثلا نأخذ مثال كده وكده وخلاص: «ما ملأ ابن آدم وعاء شرا من بطنه، بحسب ابن آدم لقيمات يقمن صلبه، فإن كان لا محالة فثلث وثلث وثلث»، الحديث أنتم عارفينه كلكم. يبقى التوجيه النبوي أن تاكل لغاية قد ايه من معدتك؟ ها، ثلث؟ صح؟ غلط! ده مش توجيه النبي عليه الصلاة والسلام.

التوجيه النبوي أن تاكل ما يقيم صلبك، وبعدين النبي قال إيه عليه الصلاة والسلام؟ «فإن كان لا محالة» يعني ما فيش فايدة فيك «فآخرك تاكل ثلث». إنما التوجيه النبوي مش إنك يبقى الأصل أنك تاكل الثلث، لا، الأصل أنك تاكل ما يقيم صلبك. عارف ما يقيم صلبك؟ يعني مثلا لو أنت بيقولوا الراجل بيحتاج حوالي ألفين كالوري في اليوم ده اللي هو الوظائف الحيوية أو ألف وثمانمائة، حد هنا بتاع تغذية أو جيم، الأرقام دي صح ولا ألفين كالوري صح والستة أقل شويه؟ فمثلا لو أنت اللي محتاجه في اليوم ألفين كالوري فبتاكل الأكل كل يديك الألفين كالوري، ما فيش إيه لقمة تدخل بالـ 2001، ده اللي يقيم صلبك، اللي هو إيه؟ اللي يخليك تأدي وظائف حياتك؛ لو أنت راجل طالب فبتدرس، راجل شغال فبتأدي شغلك وظيفتك، ويخليك تؤدي عبادة ربك، فعندك صلواتك، عندك أورادك، عندك أذكارك، عندك صلة رحمك، عندك بر والديك وبس. تيجي في آخر اليوم كده ما فيش كالوري زيادة يروح في حته، يبقى بحسب ابن آدم لقيمات.. طبعا أنا هنا ببساطة يعني مش نحسبها بالكالوري بس أنا بفهمكم كلام النبي عليه الصلاة والسلام هو بيقول: كل الأكل اللي يقيم صلبك، فإن كان لا محالة ما فيش فايدة فثلث، أوصل للثلث وأقف بقى. طبعا هذا على الدوام، إنما لو مرة عاوز تشبع في حياتك ما فيش مشكلة احنا مش متشددين يعني اشبع مره في حياتك عادي.

طيب ليه، ليه يعني يعني النبي عليه الصلاة والسلام عاوز يصعب الدنيا علينا، عاوز ما فيه ضرارنا؟ أبدا، بالمؤمنين رؤوف رحيم صلى الله عليه وسلم، فيبقى التوجيه النبوي هو أحسن توجيه وأجمل توجيه. وده يحل لكم مشكلة كبيرة يا شباب، يجي يقول شهوة النساء بدخل على مش عارف إيه وبعمل مش عارف إيه، فنقول له: التوجيه النبوي أن تصوم طالما لا تستطيع الباءة، صوم. فيقول: لا لا بصوم وما فيش فايدة. أقول له: صدق رسول الله وكذبت. النبي بيقول صوم عليه الصلاة والسلام: «ومن لم يستطع» «يا معشر الشباب، من استطاع منكم الباءة فليتزوج فإنه أغض للبصر وأحصن للفرج، ومن لم يستطع فعليه بالصوم فإنه له وجاء» حماية ووقاية.

طب هو أنت كذاب؟ لا، هو أنت مش كذاب، أنا عارف إنك مش كذاب بس أنت مش بتصوم الصوم الذي يريده النبي عليه الصلاة والسلام، ولو صمت الصوم الذي يريده النبي عليه الصلاة والسلام لأثر فيك. لا، أنت بتصوم طول النهار بتيجي على المغرب تاكل أكل يومين، فتيجي بالليل زي ما أنت. طب هصوم شهر واثنين وثلاثة برضه زي ما أنت! ولو صمت كما أراد النبي عليه الصلاة والسلام بل حتى لو ما صمتش، لو عشت حياتك زي ما النبي عليه الصلاة والسلام عاشها والصحابه عاشوها، نمط الحياة يا جماعه، فرقوا بين فرقوا بين الغنى والفقر وبين نمط الحياة اللي هو اللايف ستايل. يعني إيه؟ عشان دي شبهة كده تدخل على الشباب يقول لك ايه: ده ستة من العشرين بالجنة كانوا مليونيرات وأغنياء، مش كده؟ آه، كان في صحابة أغنياء. فإيه بقى؟ يعني أصحاب الأغنياء دول ها، وبعدين عملوا إيه يعني؟ عاشوا إزاي؟ فاهمين الفرق؟

الغنى يعني معاك فلوس، نمط الحياة يعني بتاكل إزاي وبتشرب إزاي وبتنام فين وبيتك شكله إيه، ده اسمه نمط حياة. فمش معنى انك عرفت أن الصحابي الفلاني كان غني أن هو عايش نمط حياة مختلف. هديكم مثال واحد وندخل في الدرس يعني هو دايما الدروس بيبقى فيها رزق كده يعني أنا لغايه دلوقتي كل ده أنا مش محضره مش ده بس بسيب نفسي يعني لما بتطلع بيبقى خلاص رزق الحضور.

هديكم مثال واحد عشان نفهم يعني إيه، وأنتم بقى اللي شاطر منكم يروح يعمل بحث كده شوف مين اللي من الصحابة كان غني ويقرا سيرة الصحابي ده ويشوف كان عايش إزاي. أبو بكر رضي الله عنه كان غني ولا لا؟ كان غني، كان تاجر ومعاه فلوس كتير. هديكم مثالين ثلاث أمثله عن أبو بكر رضي الله عنه. مثال هقوله وهكمله في المحاضرة بقى إن شاء الله لأن بيسموه خروج الثلاثة العظماء في السيرة، النبي عليه الصلاة والسلام خرج يوم من بيته ليه؟ ما عندوش حاجه ياكلها وجعان بيته ما فيهوش أكل، مش قضيتنا دي دلوقتي. خرج النبي عليه الصلاة والسلام لقى مين معدي؟ أبو بكر. قال له: ما أخرجك؟ خرج في وقت ما بيخرجش فيه النبي عليه الصلاة والسلام، صلوا على النبي. فابو بكر قال له: ما أخرجك يا رسول الله؟ قال: الجوع. قال: والله وما أخرجني إلا الجوع. إيه رايكم؟ يعني سيدنا أبو بكر خرج من بيته لأن ما فيش حاجه تتاكل في بيته فجعان، ده أول مثال لأبي بكر. خلي بالكم أنا مش بقول نبقى كده بس بقول يبقى قدامنا فاهمين كويس يعني إيه نمط حياة، ولو نويت أنك تغير نمط حياتك ما بقولكش روح فجاه انزل بنمط حياتك من هنا لهنا، لا، واحدة واحدة. إنما لازم تفهم أن ما يصلح بدنك ويلتذ به بدنك مفسد لروحك، فما تجيجيش تقول ما بياثرش، مش عارف أبكي، قلبي ما بيخشعش، ما أنت داببها لسه على الأكل هتتاثر فين؟ واحد يعني لما شفت رؤية أمبارح في صلاة التراويح رؤية في طب يسجد وينام ليه؟ واكل في البيت طبعا، فخلاص الدم كله اتسحب، ما فيش دم في المخ، كله في المعدة تحت، فيروح ساجد وينام بقى ويحلم في صلاة التراويح رؤية مباركة طبعا في الصلاة.

الموقف الثاني من حياة أبي بكر رضي الله عنه أن سيدنا أبو بكر أبو ذر الغفاري لما جه يسلم، وبعدين النبي عليه الصلاة والسلام طلب أن حد يضيف أبا ذر الغفاري. ومعلش يا جماعه وقفوا هنا كده شويه وتاملوا المشهد ده؛ تخيل كده أن أنت عايش في عهد النبي عليه الصلاة والسلام وبعدين ده الراجل ده ضيف رسول الله صلى الله عليه وسلم، وبعدين النبي عليه الصلاة والسلام هو اللي بيأمر: يا جماعه حد يضيف هذا الرجل. فانت جريت عشان تسبق إلى الخير وخدته، هتضيفه، هتضيفه إزاي؟ ده مش ضيفك، ده ضيف النبي عليه الصلاة والسلام، هتعمل إيه؟ هتدي له إيه؟ أحسن حاجه عندك صح؟ ولا هتبخل وهتضن؟ مستحيل! ده لو أنت، تخيل بقى سيدنا أبو بكر هيضيف ضيف رسول الله صلى الله عليه وسلم، عارفين في السيرة الرواية بتقول إنه أكله إيه؟ شويه زبيب! خده عنده أدا له شويه زبيب! ده أحسن حاجه في بيت أبي بكر في هذا الوقت.

الممشهد الثالث لأبي بكر رضي الله عنه مشهد في ثوبه بقى، يعني دول مشهدين في طعام أبي بكر (مره خارج جعان ما فيش أكل في بيته، المره الثانية بيضيف ضيف رسول الله صلى الله عليه وسلم أداله شويه زبيب)، المشهد الثالث ثوب أبو بكر يا جماعه كان ما فيهوش زراير ولا فيه مقطع فكان في في سيرة أبي بكر يخلله بإيه؟ بغصن صغير كده، يجيب حته غصن من شجرة ويرروح عامل إيه؟ مدخله كده عشان يقفل صدره. طب أنا بقول لك اعمل ده وأوصل للحالة دي؟

ما بقولكش كده عشان ما بقولكش كده، ولكن نمط الحياة اللي احنا عايشينه مؤذي لأرواحنا وقلوبنا بلا شك، بلا شك. احنا حتى دلوقتي يقول لك لا يا شيخ، لا أنا قاعد في أوضتي ما بخرجش منها، أنت قاعد في أوضتك بس في إيديك إيه؟ في إيديك التليفون مطلع على العالم كله، أنت كده في خلوة مع الله عز وجل؟ أبدا!

فمحتاجين يا شباب نهتم لقلوبنا شوية، محتاجين نهتم لقلوبنا. هو كتير الحقيقه، بس خلينا نبتدي بشويه ليه؟ أولا؛ لأنه لا أمل لنا في النجاة غداً إلا إذا سلمت القلوب. قال الله عز وجل، ولا تخزني، على لسان إبراهيم: ﴿وَلَا تُخْزِنِي يَوْمَ يُبْعَثُونَ * يَوْمَ لَا يَنفَعُ مَالٌ وَلَا بَنُونَ إِلَّا مَنْ أَتَى اللَّهَ بِقَلْبٍ سَلِيمٍ﴾ [الشُّعَرَاء: 87-89]. واقف هنا شوية كده: سعي الناس في هذه الدنيا على إيه؟ أكتر حاجتين: المال والبنون، أكتر حاجتين الناس بتجري وراهم؛ فلوس وذرية.

تيجي الآية تصدمك: ولا تخزني يوم يبعثون، يوم لا ينفع مال ولا بنون. أمال مين يا رب؟ إلا من أتى الله بقلب سليم. فأنت بقى لو واحد بيرتب أولوياته صح، وهيعطي اهتمامه لقلبه وزن معين، أو وقت أو بذل، وهيعطي لتحصيل المال وقت وبذل ووزن معين، وكذلك الزوجة وكذا؛ المفروض بعد الآية دي يبقى أكبر موارده ينفقها في إصلاح قلبه؛ لأن ربنا قال: ﴿إِلَّا مَنْ أَتَى اللَّهَ بِقَلْبٍ سَلِيمٍ﴾ [الشُّعَرَاء: 89].

سليم من الشرك، سليم من البدعة، سليم من الشهوة، سليم من الآفات المردية كالرياء، والعجب، وحب الظهور، وحب الرياسة، والحسد، والحقد. إلا من أتى الله بقلب سليم، هذا هو الناجي، هذا هو الفائز، فلازم تهتم بقلبك. ثم قلبك محل نظر ربك سبحانه وتعالى. يعني وأنت نازل دلوقتي، وبالذات لو رايح مكان بالنسبة لك هو مكان يعني إيه مهم تبقى متشيك فيه ولابس أحسن حاجة، شوف إزاي بتاخد وقت في إنك تظبط هندامك ولبسك وشكلك.

والستات بقى حدث ولا حرج؛ يعني لو الراجل هياخد عشر دقائق، ربع ساعة، الست ممكن تقعد إيه قبليها بيومين بتحضر هتلَبْس إيه؟ وهيبقى هتظهر بشكل عامل إزاي؟ وكذا وكذا. أهو كل اللي أنت بتعمله ده الله لا ينظر إليها أصلا، الله لا ينظر إليه، إلا طبعا إن دخلته ننية صالحة، فكده برضه هنرجع للقلب. أنما لو بتعمله للدنيا، أهو للدنيا، للدنيا، طيب أفادك شيئا عند ربك؟ أهو بصريح العبارة: لا.

يعني هاجي يوم القيامة هلاقي العشر دقائق دي، والربع ساعة دي، والفلوس اللي أنفقتها عشان أجيب الهدوم دي، فين؟ في ميزان حسناتي؟ لا، إلا إن نويت بها الخير، إذا الخير؛ أن مثلا في المثال ده إني يبقى شكلي حسن فأبقى حسنة للمسلمين لو أنت في بلد ما فيهاش مسلمين كتير، أو أجهه حسن للمتدينين لو أنت في بلد، فكل هذا لا ينظر الله إليه ولا يفيدك شيئا عند الله عز وجل.

أنا اللي بقول كده؟ لا، مش أنا، ده النبي اللي قال كده عليه الصلاة والسلام: «إن الله لا ينظر إلى صوركم ولا إلى أجسامكم، ولكن ينظر إلى قلوبكم وأعمالكم». يبقى اللي أنت بتعمله ده كله لو لم تدخله نية حسنة تثاب عليها، ويبقى في الآخر برضه إن ربنا نظر لقلبك، لأن النية محلها الإيه؟ القلب، فلن يفيدك شيئا عند الله عز وجل. طب أنت ضيعت فيه إيه؟ مش العشر دقائق والربع ساعة، لا، ده أنت ضيعت فيه مقدار من الشغل جاب لك فلوس، ونزلت بالفلوس دي رحت جبت البراند الفلاني والموضة الفلانية، وده كله ليه؟ عشان أما أنزل أبقى مميز وسط الناس وأبقى بيتشاور عليا واللقطة الأولى، ومش وأما أدخل المكان كله يتكلم عن اللي أنا لابسه وعن اللي أنا، كل ده الله لا ينظر إليه.

طيب، ده درسنا؟ لا، مش درسنا. درسنا فين بقى؟ كيف اهتمامك بقلبك الذي هو محل نظر ربك؟ يا سيدي، خلاص اعمل ده في الآخر لو لم تسرف، أهو في دائرة المباح؛ يعني صحيح ما خدتش ثواب، لكن إيه؟ مش حرام، صح؟ طالما لا لم تسرف، فخلاص يعني ما أقدرش أجي أقول لك إيه؟ أوعى تعمل كذا، ده حرام، لا، أنا ما قلتش إنه حرام بمجرده بذاته، يعني مش حرام، هو في دايرة المباح، لكن اهتمامك بما هو فرض عليك.

خليني أديكم مثال دلوقتي: واحد أنت تعظمه جدا، تخيل كده واحد يعني إيه أكتر حد معظمه في مصطفى الزين مثلا جايلك البيت. لا لازم نفرفشه عشان بقالنا كتير ب إيه؟ لا، ولا حاجة، أنا يعني بديك برستيجك وسط أهلك. واحد معظمه جدا، وبعدين بعدين جايلك زيارة بيتك، فطبعا هو هيدخل يقعد في الصالون، صح؟ هتعمل إيه؟ هتسيب الصالون مكركب ومش عارف قلعت البنطلون لما دخلت رميته على الكرسي، هتسيبه على الكرسي والشراب مش عارف مي، هتعمل كده ولا هتعمل إيه؟ هتنظف، صح؟

أنت هتعمل حاجة؛ أول حاجة هتنظف المكان، تاني حاجة هابتدي تزوى بقى المكان؛ فازة، زرع هنا، شوية شوكولاتة على مش عارف على الترابيزة، هترش عطر، يبقى أنت بتنظف وتجمل، صح كده؟ إيه أخبار أوضة نومك بقى؟ لا الكراكيب كلها اللي اتشالت جوه، ليه؟ أصل دي ما هياش محل نظر الضيف، هو الضيف لما يجي هيدخل الصالون، أوضة النوم مش هيدخلها، فمش بعيد إن يبقى أوضة النوم كل الكراكيب اتشالت فيها أصلا.

ليه؟ أنت مهتم بإيه؟ بمحل نظر الضيف المعظم، عملت فيه حاجتين؛ علماء السلوك يسموهم: تخلية وتحلية. نظفت المكان الذي ينظر إليه الضيف، ثم حليت ذلك المكان، جملت ذلك المكان بما يزيده جمالا وحسنا ورائحة طيبة وكذا. صح؟ هما الحاجتين دول اللي احنا محتاجينهم في قلبك الذي هو محل نظر ربك سبحانه وتعالى.

وده يفسر لك أن كتير من السلف والأولياء والسادة السالكين تلاقي أحوالهم كده؛ يعني إيه؟ لابس إيه؟ مش مهم. لابس إيه؟ بياكل إيه؟ مش مهم بياكل إيه. بيشرب إيه؟ مش فارقة بيشرب إيه. هو مش مشغول بالحاجات دي أصلا، ليه؟ لأن الحاجات دي بالنسبة له هي أوضة النوم، اللي هي ما هياش محل نظر الرب، ما هياش محل نظر الرب، فانا مش شاغلني الكراكيب اللي هنا، مش شاغلني شكلها إيه أوضة النوم دلوقتي.

أمال إيه اللي شاغله؟ محل نظر ربه سبحانه وتعالى، الذي هو قلبه، إيه اللي يصلح قلبي؟ فانشغل بقلبه، فمن انشغاله بقلبي نسي بقية الحاجات. القضية يا جماعه مش هو إيه؟ ده حقيقي فعلا، مش لازم يبقى إيه؟ لا، هو واخد باله إن بيلبس مش عارف إيه وهو يقصد يلبس؟ لا، هو مش شغله يلبس إيه، مش شغله ياكل إيه، مش مشغول بده، هو مشغول بقلبه.

يبقى تاني حاجة تخلينا نهتم بالقلب: أنه محل نظر الرب. حد فاكر أول حاجة كانت إيه؟ الله أكبر، ولا واحد في القاعة! ها؟ لا، احنا قلنا حاجتين دلوقتي خلوك تهتم بقلبك. ها؟ ده عربي اللي بيتقال ده ولا مش لا؟ قول. لا، قلنا إن النجاة يوم القيامة لن تكون إلا للقلب السليم، فده يخليك تهتم بقلبك. صح؟ تاني حاجة تخليك تهتم بقلبك: أنه محل نظر ربك سبحانه وتعالى.

ثالث حاجة تخليك تهتم بالقلب: أن القلب ده النبي عليه الصلاه والسلام أخبر بشيء عجيب جدا في القلب، وبرضه هيحل إشكال كبير عند الشباب؛ أن النبي قال عليه الصلاة والسلام عن هذا القلب إنه إذا صلح صلح الجسد كله، وإذا فسد فسد الجسد كله. عشان كده قلت لكم: القلب له تعلق بالروح والبدن. النبي اللي قال كده عليه الصلاة والسلام: «ألا وإن في الجسد مضغة إذا صلحت صلح الجسد كله، وإذا فسدت فسد الجسد كله، ألا وهي القلب».

ده بقى هيحل لنا إشكال كبير جدا، اللي هو إيه؟ يجي الشاب يقول لك: ما باعرفش أغض البصر، ما باعرفش أدخل على مواقع مش عارف إيه، ما باعرفش أبطل، وهكذا، أو أي معصية بقى، أي معصية إيدي بتاكلني على الحرام إن آخد فلوس حرام رشوه ماشي، ربا ماشي، أي حاجة، لا أتورع. البنت تقول لك: مجالس الغيبة دي أحب مجالس وأنا عارفة إن حرام وعارفة إن من الكبائر، بس ما باعرفش أمسك لساني.

كل دي يا جماعه أمراض؟ صح؟ لا، غلط، كل دي أعراض وليست أمراضا. لا، مش فاهمين، هفهمكم دلوقتي. وأنت قاعد كده حسيت عندك سخونية، السخونية دي مش مرض، السخونية دي عرض أن عندك مرض، إيه هو المرض؟ ما نعرفش، عشان كده لما تروح للدكتور بتقول له، ما بتشتكلوش، ما بتقولوش أنا عندي كذا يعني ما عنديش المرض الفلاني، بتقول له أنا سخن. الدكتور قبل ما يديك دوا لازم يشخص، بيشخص إيه؟ ما أنت سخن! لا، هو بيشخص المرض، لأن السخونية دي في أكتر من مرض ممكن يصيبك بالسخونية، فيا ترى أنت عندك أنهي مرض اللي جاب لك السخونية؟

آه، يديك مخفض عشان نلحق العرض بسرعة ماشي، أنما ما ينفعش أعالج العرض وأقول لك أنت كده خفيت! ما ينفعش أعالج العرض وأقول لك أنت خفيت، ليه؟ أنت مشكلتك مش في العرض، المشكلة أن في مرض أدى إلى ذلك العرض. فأيها الشاب اللي مش عارف تنظر، يا أيها الشاب اللي مش عارف تبطل تاكل حرام، يا أيها الشاب اللي مش عارف تسيب الغيبة، أيتها الفتاه اللي مش عارفة تلبسي حجاب صح، يلي مش عارفة تبطلي صحوبية يرضيك، مرضك في قلبك، أو مرضك في قلبك.

فلو أصلحت قلبك صلح جسدك، ده كلام النبي مش كلامي عليه الصلاة والسلام: «إذا صلحت صلح الجسد كله»، يعني إذا صلح قلبك صلحت عينك، وإذا صلح قلبك صلح لسانك فلا ينطق الحرام، وإذا صلح قلبك صلحت أذنك فلن تستمع إلى الحرام، وصلحت يدك فلن تمتد إلى الحرام، وصلح وصلح فرجك، صلح الجسد كله.

فلو أنت بطلت شكوى كتير من الأعراض اللي عندك، ورحت تدور على قلبك عشان تصلحه سنة ورا التانية، أو شهر ورا الثاني، أو راي على حسب ما ربنا يفتح عليك، هتيجي تقول أنا خلاص؛ لا بقيت أنظر، ولا بقيت أمد إيدي للحرام، ولا بقيت أح ده أنت في حاجة تانية ممكن تحصلك، عارف إيه؟ تكره ده، تكرهه، تكره الحرام.

ده كلامي برضه؟ مش كلامي، ده كلام ربك سبحانه وتعالى: ﴿وَلَكِنَّ اللَّهَ حَبَّبَ إِلَيْكُمُ الْإِيمَانَ وَزَيَّنَهُ فِي قُلُوبِكُمْ وَكَرَّهَ إِلَيْكُمُ الْكُفْرَ وَالْفُسُوقَ وَالْعِصْيَانَ﴾ [الحُجُرَات: 7]. توصل لكده، كره إليكم الكفر والفسوق والعصيان. تكره تنظر للحرام، تكرهي تمشي بحجاب مش قد كده، تكره ده بايه؟ بصلاح قلبك.

شوفوا يا جماعه، احنا القلب اللي راميينه ده ولا بنسأل عليه، مالوش صاحب! شفتوا الدنيا كلها على القلب إزاي؟ حياتك كلها متوقفه على صلاح قلبك، والعكس؛ إذا فسدت تلك المضغة فسد الجسد كله، اللي هو حال -أنا آسف- بس كتير حتى من اللي ظاهرهم التدين أحوالهم صعبة جدا. ليه؟ لأنه برضه نرجع تاني: اهتم بالظاهر. طب يا حبيبي، قلبك شكله إيه؟ طب أنت بتعمل إيه أصلا عشان تصلح قلبك أصلا؟ أنت فاكر أنك عندك قلب، وأن مهم قوي كده، ما تلاقيش كده.

والقلب ده خطير بقى في حاجة تانية، دول ثلاث حاجات أهو: حديث النبي عليه الصلاة والسلام: «تعرض الفتن على القلوب كعرض الحصير عودا عودا، أو عودا عودا كذا أو كذا». الفتن تعرض على القلب، فأيما قلب أشربها نكتت فيه نكتة سوداء، وأيما قلب أنكرها نكتت فيه نكتة بيضاء، حتى تصير القلوب على قلبين. بقية الحديث بقى: قلب أسود أو قلب أبيض، مش عاوزين ندخل فيه عشان في كلمات صعبة مش وقت نقعد إيه نفهم الكلمات.

برضه ده هيحل عندك إشكال أيها الشاب، احنا مالين نحل إشكالات، إيه هو؟ اللي يقول لك: يا شيخ بصراحه أنا وصلت لحالة أنا لا أتورع عن شيء؛ يعني إيه؟ جه قدامي مخدرات دايس، زنا وماله، خمرة يلا بينا، نوم عن صلاة زي الفل، طب ترك صلاة بالكلية ما عنديش مشكلة، حاسس بحاجة؟ عارف ليه؟ عشان الحديث ده: الفتن تعرض، وبعدين يبتدي القلب يسود واحدة واحدة لغايه ما يبقى أسود.

تعالوا أفهمكم الحديث ده يا جماعه عشان هتفهموه دلوقتي. دلوقتي أنت لسه شاري مثلا تي شيرت جديد وغالي وبراند عالي، وأبيض، لونه أبيض، ونازل بيه أول نزولة ليك، ففتحت باب الشقة نزلت، فوأنت نازل كده إيه؟ كتفك بس خبط في السور بتاع البيت ولا مش عارف إيه، فايه جت نقطة تراب على التي شيرت، هتعمل إيه؟ مش هتستحمل تمشي كده صح، هتنفض؟ ما تنفضتش، هتجيب وايبس وهتجيب منديل وشويه مية، مش هتكمل الطريق كده صح؟

قدرا بقى وأنت ماشي، كان يوم في مطر شتاء، فتزحلقت وقعت في الطين، فالتي شيرت إيه؟ بقى أسود، ما بقاش أبيض. فوأنت راجع البيت راح كتفك خابط في السور، فجت نقطة تراب على كتفك، هتعمل إيه؟ ولا حاجة، مش فارقة، مش فارقة! هو ده حديث النبي عليه الصلاة والسلام: قلب أسود مربادا، قلب أسود. فالمعصية الفلانية مش فارقة، طب الكبيرة الفلانية مش فارقة. طب يعني ما فيش أمل؟ لا، في أمل القلب ينضف تاني، أه ينضف تاني ويرجع أبيض تاني، أه يرجع أبيض تاني، فما تيأس، بس ده مش موضوعنا يعني.

فالقلب مهم جدا. طيب، إزاي بقى أصلح قلبي؟ طبعا ده مش درس بقى، يعني ده احنا محتاجين يعني عدة دروس، بس خلينا نقول حاجة واحدة بس؛ حاجة واحدة لو عملتها أنت كده ابتديت في طريق إصلاح القلب، وهي: تعظيم الأمر والنهي. وتعظيم الأمر والنهي ده حاجة عجيبة جدا، يعني ده سبب ونتيجة، سبب ونتيجة في نفس الوقت، يعني إيه؟ يعني لو ابتديت تعظم أمر ربنا ونهي ربنا وهنجيله، يعني إيه؟ يبتدي قلبك ينصلح شيئا فشيئا، ويرجع العلماء يقولوا لك: ومن علامات صلاح

أولاً يا شباب، تعظيم الأمر والنهي فرع عن تعظيم الآمر الناهي؛ لو أنت عظمت ربنا فعلا هتُعظم الأمر والنهي، ومش محتاجني أقول لك المحاضرة دي، المشكلة فين؟ المشكلة ذكرها الله في كتابه: ﴿مَا لَكُمْ لَا تَرْجُونَ لِلَّهَ وَقَارًا﴾ [نوح: 13]. أنا بكلم مين دلوقتي؟ بكلمك يا متدين، مش بكلم اللي في الشارع وبتوع الخمور، لا خالص، بكلمك أنت. ﴿مَا لَكُمْ لَا تَرْجُونَ لِلَّهَ وَقَارًا﴾ [نوح: 13]. لماذا جعلنا الله أهون الناظرين إلينا؟ يعني تبقى عارف أن ربنا ينظر إليك والملائكة تكتب ما تصنع وعادي!

طب تعال كده بقى وأنت على معصية، بالذات لو معروف عنك الصلاح ولا بتاع، ومثلا شوية هوا راحوا محركين باب الأوضة وأنت على معصية؛ قلبك يقع في رجليك أن أحد يراك على تلك الحال! ولا لو معصيتك في هاتفك وراح واحد جاري يمسك تليفونك، ولا ابنك أو بنتك أو زوجتك، تبقى هتموت! طب ما الله ينظر، والله يسمع ويرى جل في علاه! ﴿مَا لَكُمْ لَا تَرْجُونَ لِلَّهَ وَقَارًا﴾ [نوح: 13]؛ أي ما لكم لا تخافون لله تعالى عظمةً؟

فتعظيم الأمر والنهي أول العلامات وأول الأسباب لإصلاح القلب، وإذا عظمت ربك عظمت أمره ونهيه. هديكم مثال دلوقتي: هنتخيل أن أنت راجل مثلا بتشتغل كويس على أكسل وشاطر في الحتة، فراح جاي واحد صاحبك -يعني قارِين ليك، زيك يعني- اتصل بيك وقال لك: معلش أنا عارفك شاطر في الأكسل بس عندي جدول كده مهم وهبعت لك البيانات أو هبعت لك الورق واعمله لي النهارده ضروري جدا عشان بكره هقدمه. وفي نفس الوقت أخوك الصغير جالك بنفس ده، أنا عندي بكره في المدرسة مش عارف إيه وخد اعمل لي جدول. وراح أبوك الذي تعظمه -واحدة ممكن ما تبقاش عظمة موجودة مش قضيتي بقى، أبوك أنت معظّم لأبيك- برضه دخل قال لك: ده في الشغل اطلب مني كذا كذا واخدع لي... الله! الثلاث طلبات دول عندك زي بعض؟ يعني في قلبك الآن طلب أخيك الصغير وطلب صاحبك وطلب أبيك في قلبك زي بعض مع أن الطلب واحد؟ كل واحد طلب أن تشتغله شوية على الكمبيوتر، والطلب طلب واحد. تلاقي نفسك مباشرة معظِّماً لطلب أبيك، مع أن الطلب واحد؛ يعني لو ده كتب طلبه في ورقة وده في ورقة وده في ورقة ومش أن ده غير ده غير ده، هتبص للثلاث طلبات، الطلب واحد، صح؟ طب لماذا عظمت أمر أبيك؟ لأنك معظِّم لأبيك. فلو لقيت نفسك مش معظِّم أمر ربنا دي مصيبة كبيرة، لأن معناها أنك لست معظِّماً لله، ولو عظمته لعظمت أمره ونهيه. حد عنده إشكال في دي؟ قاعدة عقلية.

ولذلك لما كان النبي صلى الله عليه وسلم المبلغ عن ربه، كذلك الصحابة كانوا يعظمون النبي تعظيماً شديداً. عروة بن مسعود الثقفي لما راح في صلح الحديبية، وعروة ده مش بني آدم عادي؛ عروة ده سفير قريش، الممثل الدبلوماسي لقريش، يعني عندنا نوش -والله عندنا قلق يعني مع فارس، نبعت مين؟ ابعثوا عروة بن مسعود الثقفي. طب عندنا قلق مع الروم، ابعثوا عروة بن مسعود الثقفي. طب عندنا قلق مع الحبشة، ابعثوا عروة، الممثل الدبلوماسي لقريش-. هو هَيقول كده، فراح للنبي عليه الصلاه والسلام في صلح الحديبية ممثلاً عن قريش، ورجع بقى بيقول كلام لقريش: يا قوم، والله لقد وفدت على الملوك، وفدت على كسرى وقيصر والنجاشي؛ كسرى عظيم الفرس، وقيصر عظيم الروم، والنجاشي عظيم الحبشة. والفرس والروم دول القوتين الكبار في العالم، زي زمان كده أمريكا والاتحاد السوفيتي، القوتين الكبار اللي ماسكين العالم. لقد وفدت على الملوك، وفدت على كسرى وقيصر والنجاشي، لم أرى ملكاً يعظمه أصحابه كما يعظم أصحاب محمدٍ محمداً عليه الصلاه والسلام. وأخذ يعدّد عدداً أموراً اللي بيه هو فهم أن هم معظمينه، فكان منها ودي اللي تعنينا: وإذا أمر ابتدروا أمره. ما فيش حاجة اسمها أن النبي يقول حاجة عليه الصلاه والسلام وما تتعملش. وإذا أمر ابتدروا أمره.

وأنا سائلك بالله يا متدين ويا متدينة، إ ايه الفرق بين سيدنا النبي عليه الصلاه والسلام يبقى قدامك دلوقتي يقول لك: يا فلان افعل كذا، وأن يصلك حديث صحيح عنه فيه افعل كذا؟ إيه الفرق؟ بلاش نتخيل أن النبي عايش بينا عليه الصلاه والسلام ولكنه في بلد ثانية، يعني احنا هنا وهو في بلد في المدينة، وأرسل كتاباً إلى لبنان، أرسل كتاباً، وكل بقى المسلمين في لبنان قاعدين مستنيين أن يصل كتاب رسول الله صلى الله عليه وسلم. أظن الأحوال هتبقى غير، كلنا واقفين مستنيين الكتاب يوصل عاوزين نعرف قيل لنا إيه، ما فيش بقى لا نت ولا بتاع، وجاء رسول الله صلى الله عليه وسلم بكتاب رسول الله صلى الله عليه وسلم، وبعدين راح جاي في أكبر مسجد واتفتحت له المايك وبيقرا كتاب رسول الله صلى الله عليه وسلم، ماشي، فتح أول حاجة: قال لك النبي عليه الصلاه والسلام بيأمرك بالمحافظة على الصلاة -وطبعاً حديث بقى بس مش هنجيب حديث في كل حاجة تاني-. تاني حاجة: النبي بيأمرك بأنك تلبسي حجاب. ثالث حاجة: النبي عليه الصلاه والسلام ينهاكم أيها المسلمون أن أنتم تغتابوا، النبي ينهاكم أيها المسلمون أن أنتم تاكلوا الربا، ينهاكم عن أن أنتم تطلقوا البصر، وهكذا. هتطلعوا من المسجد بتعملوا إيه؟ معظِّمين جداً. إيه الفرق؟ ما احنا بين أيدينا كتب السنن، وأعظم من ذلك بين أيدينا كلام ربك.

المصحف! لو عظمنا الله وعظمنا رسول الله صلى الله عليه وسلم لعظمنا الأمر والنهي. تقول لي: ماشي، ما تتنرفسش كده، أنا معظم الأمر. أقول لك: الكلام جميل، إيه الدليل بقى؟ كل يدعي وصلاً بليلى وليلى لا تقر لهم بذاك. إيه الدليل أنك معظِّم للامر والنهي؟ قالوا: أول حاجة أن تمتثل الأمر وتستجيب ببساطة، يعني مهما كان القضية شاقة عليك هعمله ليه؟ لأنك معظم. خلي بالكم، ممكن واحد يعمله لحاجة ثانية أنه محب لله، ودي درجة عالية جداً، أنا بعمله عشان بحب ربنا، بس احنا دلوقتي بنتكلم في التعظيم، لأن برضه من علامات صحة القلب أن تحب الله بس احنا بنتكلم في تعظيم الله عز وجل، تعظيم الأمر. يبقى أول حاجة، أول علامة من علامات تعظيم الله أن تمتثل الأمر وتحسن بالله، وإلا كاذب الذي يقول إنّه معظم الأمر.

دلالات تعظيم الأمر والنهي: أنت صليت الفجر فين النهارده؟ ما صليتش الفجر! بص على صدرك يعني ما تقوليش بقى معظم للأمر والنهي. أحوالك إيه مع حديث برَّ الوالدين شكله إيه؟ أنا بكلمك في إيه؟ خلي بالكم، أنا بكلمك في حاجات كبيرة في دين الإسلام، أنا لو مسكنا كل تفصيلة في الدين مش هنخلص، بس أنا بديك الصلاة عماد الدين وأعظم ركن عملي في هذا الدين الصلاة بعد شريف التوحيد، وبر الوالدين من أعظم القربات، وعقوق الوالدين من أكبر الكبائر. فانت أيها المتدين اللي ممكن تبقى أصلاً بتدي كلمة وممكن تبقى بتحفظ قرآن وممكن تبقى إمام مسجد حاكي مع عمرك! أيها المعظم للأمر والنهي! وبعدين ماجيش يقول أصل هي بتعمل وهو بيسوي، سيدنا إبراهيم كان أبوه مش بس مشرك، أبوه صانع الأصنام! مش مشرك عادي كده، ده صانع الأصنام عامله إزاي! وبعدين ربنا يقول إيه: ﴿وَإِن جَاهَدَاكَ عَلَىٰ أَن تُشْرِكَ... * وَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا﴾ [لقمان: 14-15]. مش قالوا لك أشرك، لا، جاهداك عشان تشرك، تعمل إيه؟ صاحبهما في الدنيا معروفاً. فحالك إيه يا معظم للأمر والنهي عن أبيك وأمك؟ وقل مثل ذلك في كل حاجة من الدين أن تمتثل الأمر.

ده الصحابة كانوا عجب في الحتة دي. سيدنا أبو بكر رضي الله عنه كان ليه واحد قريبه اسمه مسطح، وكان فقيراً، وكان أبو بكر ينفق عليه يتصدق عليه، فلما اتهمت السيدة عائشة مما براها الله منه في حديث الإفك -فضل سبع سنوات- خاض بعض الصحابة فيما أشاعه ذلك المنافق، فكان ممن خاض مسطح. تخيل كده واحد بيتهمك في عرض ابنتك، فأقل واجب امنع عنه النفقة، ده أقل حاجة يعني. فسيدنا أبو بكر عمل كده، منع النفقة على مسطح. فأنزل الله القرآن: ﴿وَلَا يَأْتَلِ أُولُو الْفَضْلِ مِنكُمْ وَالسَّعَةِ أَن يُؤْتُوا أُولِي الْقُرْبَىٰ﴾ [النور: 22]؛ يعني يا أبا بكر ما توقفش النفقة. دي سهلة على قلب أبي بكر؟ بيشتم في بنته، بيخوض في عرض بنته؟ لا! ده بعد كده الكلام أصعب، ربنا قال إيه لأبي بكر؟ ﴿وَلْيَعْفُوا وَلْيَصْفَحُوا ۗ أَلَا تُحِبُّونَ أَن يَغْفِرَ اللَّهُ لَكُمْ﴾ [النور: 22]. يعني عارف لو كان الأمر بس ترجع النفقة فقط، كانت هتبقى صعبة، بس حاضر أجتهد وأعملها، لا، ده ربنا قال لأبي بكر: ﴿وَلْيَعْفُوا وَلْيَصْفَحُوا ۗ أَلَا تُحِبُّونَ أَن يَغْفِرَ اللَّهُ لَكُمْ﴾ [النور: 22]. الرواية بتقول: فما إن تليت على أبي بكر إلا قال: بلى والله يا ربنا، أنا لنحب أن تغفر لنا. وعاد على مسطح بالنفقة. امتثال! تعظيم للأمر والنهي! يبقى أول علامات تعظيم الأمر والنهي أن تمتثل الأمر وتستجيب.

تاني علامة من علامات تعظيم الأمر والنهي: أن تسارع إلى الامتثال؛ ما يكفيش انك تمتثل، لا، ده أنت تسارع إلى الامتثال! وعشان كده يا شباب -وبرضه دي هتضبطكم شوية حياتنا- ربنا سبحانه وتعالى لما جيت أتكلم عن الدنيا اللي كلنا بنجري وراها دي وبنحسف خلفها، ربنا قال: ﴿فَامْشُوا فِي مَنَاكِبِهَا﴾ [الملك: 15]؛ في أمور الدنيا قال إيه؟ امشوا. لما تكلم عن المغفرة والجنة، قال: ﴿وَسَارِعُوا إِلَىٰ مَغْفِرَةٍ مِّن ربِّكُمْ وَجَنَّةٍ﴾ [آل عمران: 133]، ﴿سَابِقُوا إِلَىٰ مَغْفِرَةٍ مِّن رَّبِّكُمْ وَجَنَّةٍ﴾ [الحديد: 21]. في أمور الدنيا اهدَ بس، رفع على مهلك واحدة واحدة، طب الآخرة؟ جَرّ، سارع وسابق! وفي فرق بين المسارعة والمسبقة؛ المسارعة: كأنك مش منتبه أن في حواليك ناس بتسارع زيك زيها، دي تظهر في المسابقة، فاهمين؟ يعني ممكن واحد بيجري في الشارع تبقى مش فاهم هو بيجري، تبص حواليك يمين وتقول: طب أنت ده بيجري ليه؟ ده شوية تلاقي ناس تانيين جايين بيجروا، تعرف الفيسبوك وهو وهو بيسألك، الأول هو بيسارع لوحده بيجري لوحده؟ لا، ده أنت تسارع إلى المغفرة والجنة ومنتبه أن أنت مش تبقى في سباق، في ناس مؤمنين في العالم كله يسارعون مثلهم مثلك، فانت في سباق. قالوا: ولما جى اتكلم سبحانه وتعالى عن نفسه قال: ﴿فَفِرُّوا إِلَى اللَّهِ﴾ [الذاريات: 50]، وهذا أشد من المسارعة والمسبقة. احنا عاوزين نبادر الامتثال، مش بس نرجع كده للمثال بتاع لما أبوك جالك ولا اعمل لي جدول الأكسل ده ومش عارف إيه، فجالك تاني يوم قال لك: فين الجدول؟ قلت له: أنا هعمله بس يعني بكره، هيضايق ولا مش هيضايق؟ هو تصور أنك لما يقول لك حاجة هتجري تعملها، فلما لقى التكاسل والتباطؤ اندايق، لأن ده يدل على أن تعظيمه في قلبك ضعيف، احنا عاوزين نبادر.

الصحابة برضه لهم أمثلة عجيبة جداً. أولاً حديث عمر بن مسعود الثقفي قال: وإذا أمر ابتدروا أمره، قال: بادروا أمره. سيدنا ابن مسعود ليه موقف عجيب جداً، بيقولوا مرة سيدنا ابن مسعود جاي يدخل المسجد، فالنبي عليه الصلاه والسلام كان على المنبر فقال: أيها الناس اجلسوا. فقعد برَّه ما دخلش، ليه؟ هنا بلغني صوتك هو بيقول: اجلسوا اللي في المسجد، فسيدنا ابن مسعود يوصل ويخل ويقعد؟ لا، أنا وصل لي هنا اجلسوا، فأنا هجلس هنا. بادر إلى الامتثال! ليه؟ أصل احنا في سباق. عارفين قصة توبة كعب وصاحبيه؟

يبقى تاني علامة من علامات تعظيم الأمر والنهي: المبادرة لامتثال والاقتتاب لله. موقف عجيب جداً، مش هنقول بقى موقف، خلونا في موقف تاني: لما حرمت الخمر، ونزل قوله تعالى: ﴿فَهَلْ أَنتُم مُّنتَهُونَ﴾ [المائدة: 91]، يقول أنس: كنت ساقي القوم -يعني كان في مجلس خمر، كانت الخمر لسة- فالصحابة بيشربوا خمر، وأنس هو اللي بيسقيهم الخمر، فواحد طلع في طرقات المدينة ينادي: ألا إن الخمر قد حُرِّمَتْ! فقال عمر لأنس: قُم يا أنس فاهلكها. مش آخر قعدة، مش آخر كاس، مش لما نتاكد الأول! ما فيش، قُم يا أنس فاهلكها. طب ده كان موقف خاص ولا موقف عام؟ تقول الروايات: جرت الخمر في سكك المدينة كالأنهار، بمجرد ما نزل: ﴿فَهَلْ أَنتُم مُّنتَهُونَ﴾ [المائدة: 91]. فمن علامات تعظيمك لربك وتعظيمك لأمره ونهيه أن تبادر. لما أقول لك مثلاً: الصاحبة حرام، تصاحب بنت ولا بنت تصاحب ولد حرام، وأنت مصاحب واحد، فقوم مطلع التليفون وتعمل بلوك عشان الفضائح! تبقي معظّماً لربك سبحانه وتعالى، تعظيماً لربك.

من علامات تعظيم الأمر والنهي ونختم بها: أن تسعى إلى أن تكون في قمة الامتثال؛ يعني مش، أبوك نرجع تاني، أبوك ده تعب معاه، نرجع له تاني اللي أمرك تعمل الجدول وبتاع، فأنت بقى مش بس عملت الجدول، لا ده أنت مش عارف عملت له إيه بلون إيه ومش عارف حطيت له هنا، يعني كده يعني روقت الكلام، ليه؟ أصل أنا مش هعمله جدول زي أي جدول كده، لا ده هو عامل جدول ده أنا هعمله جدول ما عملش. تجتهد أنك توصل للكمال، ولذلك لما بدأ الله عز وجل إبراهيم عليه السلام في سورة البقرة، قال سبحانه وتعالى: ﴿وَإِذِ ابْتَلَىٰ إِبْرَاهِيمَ رَبُّهُ بِكَلِمَاتٍ فَأَتَمَّهُنَّ﴾ [البقرة: 124]؛ كده الآية، أمال إيه؟ فأتمهن، بيحاول يوصل للصدف. عشان كده يا شباب لما ييجي يقول لك الصلاة، ممكن واحد بيصلي جميل، واحد قال لك: لا صلاة إيه؟ ده أنا مش هصلي بالكامل، مش لازم في المسجد، جميل وأكمل كمان، واحد ثالث قال: لا، أنا الخمس فروض في الجامع، واحد رابع قال: أنا في الصف الأول، واحد...

خامس قال: أنا مش هكون تكبيرة إحرام واحدة، سادس قال: أنا الأذان مش هياذن إلا بينا. سبحانه وتعالى، كل واحد من دول أكثر تعظيماً من اللي قبله؛ ليه؟ لأن كل واحد بيحاول يوصل لحته زيادة، إلى أن يتم أحدهم الامتثال، فهو الأشد تعظيماً لله عز وجل، والأشد تعظيماً لأمره.

في مثال عجيب جداً في السنة قلناه في درس أمبارح، وده كان بقى من موطنا لما أبو الهيثم بن التيهان أتاه النبي صلى الله عليه وسلم وأبو بكر وعمر عشان ياكلوا عنده في القصة اللي حكيناها من شوية، لما النبي خرج جعان هو وأبو بكر وكان بيبقى في كتاب عمر كمان، كانوا ثلاثة ما عندهمش أكل، راحوا لأبي الهيثم التيهان رضي الله عنه الجميع وصلى الله على النبي محمد عليه الصلاة والسلام.

كروا شركوا وبعدين على فكرة كانوا طلب المناسبة، فراح النبي الهيثم أبو الهيثم هيضيف النبي، هيجيب له إيه بالمناسبه؟ أحسن حاجة جاب له تمر وشوية مية بقى. فالنبي غضب؟ إزاي يجيب لي التمر بس؟ مش كده لا، أمال قال إوليه؟ شوفوا المفاجأة بقى! لما كان تمر وشوية مية برده قال: «والذي نفسي بيده، إن هذا لهو النعيم الذي تسألون عنه يوم القيامة». إشارة إلى قوله تعالى: ﴿ثُمَّ لَتُسْأَلُنَّ يَوْمَئِذٍ عَنِ النَّعِيمِ﴾ [التكاثر: 8]. تمر ومية! تمر ومية! لا إله إلا الله.

نرجع تاني، فالمهم فالنبي عليه الصلاة والسلام أراد أن يكافئ أبا الهيثم، قال له: عندك خادم؟ قال له: لا ما عنديش خادم. قال له: طيب، إذا سمعت بسبي أتانا فأتنا. فتمر الأيام ويجي للنبي سبع عليه الصلاة والسلام، يجيب أبو الهيثم أبو الهيثم بن التيهان وفكره، فقال له: طيب خد واحد من الاثنين دول. قال له: اختر لي. فقال المستشار مؤتمر: خذ هذا، فماذا فعل ويته يصلي؟ واستوص به خيراً.

يبقى هنا في أمر نبوي: استوص به خيراً. كلنا كده لو قال لنا اللفظ ده نفهم إيه منه؟ أكل أكل كويس، ما تضغطش عليه في العمل قوي، سيبه يرتاح آخر اليوم، عامله معاملة طيبة، استوص بيه صح يا جماعة. أبو الهيثم خد الراجل وراح لمراته، قال لها: النبي عليه الصلاة والسلام أقدم لي هذا، وقال: استوص به خيراً. انتوا فاهمين يعني إيه خادم يجي لواحدة ست في الزمان ده؟ يعني هيشيل عنها أعباء شكلها إيه؟ أعباء شديدة جداً، أعباء المنزل وأعمال. فبيقول النبي عليه الصلاة والسلام قال لي: استوص خيراً.

شوف المرأة الصالحة! بلوغ الثروة، اتمام البط قالت: ما أنت ببالغ وصية رسول الله حتى تقسه لك، استوص به خيراً، حرة المبالغة في امتثال الأمر، بلوغ الثروة، إتمام الأمر. فاحنا عاوزين نسعى فيها، نسعى في امتثال الأمر واجتناب النهي، المسارعة إلى ذلك، إتمام الامتثال.

نراجع تاني بسرعة، يبقى احنا ولا خلاص؟ راجع راجع، هو راجع خلاص. قولي هذا واستغفر الله يسمح عليك محمد، أشهد أن لا إله إلا أنت نستغفرك ونتوب إليك.