دخولتسجيل الدخول

٢- الناس ثلاثة

أمجد سميرالشيخ أمجد سمير
  • مدة الدرس:
  • قراءة

بسم الله، الحمد لله، والصلاة والسلام على رسول الله، وعلى آله وصحبه ومن والاه، وأشهد أن لا إله إلا الله وحده لا شريك له، وأشهد أن محمداً عبده ورسوله. اللهم صل على سيدنا محمد النبي وأزواجه أمهات المؤمنين وذريته وآل بيته كما صليت على آل إبراهيم إنك حميد مجيد. أما بعد.

احنا النهارده إن شاء الله الدرس الثاني والثالث والرابع من دورة أمة. الصوت الصوت عند النساء، الصوت عند النساء لو سمحتوا. وكنا قلنا بسرعة كده إن أمة هذا الاسم جاي من إيه؟ إن إبراهيم، إن إبراهيم كان أمة. وعندنا ثلاث معاني فيها: إمام وقدوة، وجامع لخصال الخير. طيب قلنا خصال الخير كي يصير الواحد منا أمة عندنا حاجتين: بناء وعطاء. وبعدين قسمنا البناء لثلاث محاور هنتكلم فيهم إيه: علمي، تربوي أو تزكوي، تعبدي. والعطاء: دعوة وإدارة.

وكان أول درس أو أول النساء صوت عند النساء لو سمحتوا، أول مجلس كان بنشرح الخطة دي كلها، وتاني مجلس هيبقى باسم إيه؟ والثالث والرابع والخامس والأخير: ألا وراعى الغنم. وكنا احنا قلنا هنا عشان برضو الشباب المفروض يعني يبحثوا في الحاجات اللي احنا قلناها، كان في بناءين تانيين احنا ما هنتكلم عنهم في الدورة دي، اللي هو النفسي والفكري، ودول قلنا مش هنتكلم فيهم. وقلنا إن التربوي بيتقسم لحاجتين، منهم حاجة مش هنتكلم فيها: جوارح، ماشي جوارح. والجوارح تتقسم لحاجتين: آداب وأخلاق، وقلنا دول برضو يبقى كل اللي بالأزرق إيه مش هنتكلم فيه. والمسار الثاني في التربوي: القلب، إيه وإيه؟ تخلية وتحلية، ده هنتكلم فيه إن شاء الله. مش معنى كده إن الحاجات دي مش مهمة، مهمة جداً بس مش هناخدها معانا في الدورة دي يعني.

فده كده نقدر نقول إيه يعني خريطة ذهنية لكم لكل من يعمل في الدعوة، في دور تحفيظ القرآن، في المدارس، معلمين ومعلمات، إن احنا محتاجين إيه في طريقنا. خلاص، من الحاجات المهمة جداً جداً يا جماعة اللي خدناها المره اللي فاتت قبل ما ندخل على درس النهارده، المنحنى بتاعنا اللي هيفهمنا القصة كان محور إيه؟ يوسف، المحور الرأسي ده كان إيه؟ المبدولة؟ لا، المدة المبذولة. برافو يا يوسف. وهنا المحور ده؟ العمر التديني، صح؟

وقلنا أقرب صورة، أقرب صورة ليها إن اللي تحت ده اللي برسمه دلوقتي إيه؟ احسنتم. وده؟ دي كده أقرب صورة، دول بقى يوصلوا لفين وهيفلتوا، يعني يبقوا، لا مش يلتقوا، يمشوا تاني كده يعني ماشي، هي فلتة أصلاً متعربة يعني ماشي. فين وإمتى وإزاي دي يعني تفاصيل بتختلف من واحد للثاني يعني، بس هي الفكرة إيه يا جماعة؟ الفكرة إن احنا لو احنا كل واحد فينا مثلا، احنا كنا ساعتها قلنا لو عندك 20 ساعة هتبذلها لدين الله عز وجل، فتقريباً هيبقى في البداية أقل القليل هو للعطاء، أقل القليل. فلو قلنا إن دي 10 مثلاً وهنا واحد ساعة مثلاً، يبقى هنا إيه؟ 19 ساعة بناء. ده في الأول محتاجين ده في الأول.

قلنا طب ليه ما هواش زيرو عطاء؟ حد بقى فاكر؟ لأن دي أهم نقطة. صور العطاء بتختلف، في حاجة مهمة جداً. أمر معروف. أحسنت، إن احنا عندنا عطاءات واجبة. ففكر يقول لك إيه: أنت تدينت؟ اقعد في الثلاجة، ما تتكلمش خالص، ما، يعني إيه؟ لن تامر بمعروف ولن تنهى عن المنكر! أنت هيجي عليك مواقف لابد أن تعطي فيها، خلاص؟ فعشان كده احنا قلنا إيه: زي بعضه ناخد حاجة بسيطة بس، ده اللي هو إيه؟ أنت يجب أنك تتكلم، يجب أنك تامر، يجب أنك تنهى، يجب أنك تبين، فما ينفعش نجي نقول لك إيه: زيرو عطاء، ما فيش كده خلاص.

طيب وبنفضل كده مدة مشغلين البناء عالي جداً. وبعدين لما رسمنا دي بقى في حتة صغيرة كده عاوزين نقولها، احنا ده كله متصورين، متصورين أن لو جينا عند أي، ركزوا في السؤال ده، عند أي نقطتين على نفس الخط، مجموعهم كام؟ 20! حد مفهومة دي؟ أي نقطتين عند نفس الخط لازم يطلع مجموعهم 20، لأن ده الرقم اللي أنت حاطه للدين في حياتك، 20 ساعة أسبوعياً أو أي رقم يعني. فمعنى كده إن أي حاجة أي حاجة هتاخدها للعطاء هتقل فين؟ في البناء، بحيث يبقى مجموع الرقمين هنا وهنا دايماً الرقم اللي عندك ده، صح كده؟ فاكرين الكلام ده؟ الحتة دي ما قلناش قوي بس يعني.

هو الحقيقة احنا مش بنقول ده، احنا بنيجي نقول لك إيه: لا، هو احنا هبتدي نتحداك في الرقم اللي أنت حاطه، يعني أنت بتقول أنا حاطط للدين 20 ساعة، ماشي؟ فمعنى كده إن أول ما العطاء هيطلع متوقع، أول ما البناء، عفوا، العطاء يطلع، فاحنا متوقعين البناء هينزل بنفس القيمة اللي العطاء طلعها. هنقول لك لا تعالى، أنت ليه 20 ساعة؟ ما تضغط على نفسك شوية، اللي بيسموه إيه في الإدارة؟ استرتشينج، اعمل سترتشينج لنفسك، ما تبقاش في الكمفورت زون بتاعتك أو منطقة الراحة، اللي هو إيه: بص هو ده اللي باقي من عمري، خد أنت بقى وظف لي! لا ما تدوس على نفسك، بالعربي بقى: دوس على نفسك بحيث أن حتى لو العطاء طلع، نلاقي إن البناء لسه ماشي كده عادي جداً.

الله، إزاي؟ طب ما هو كده المجموع؟ أه ما المجموع بيطلع بقى 20، بيطلع 22، بيطلع 25، مفهومة دي؟ فاحنا المفروض نتحدى أنفسنا في هذا الرقم. ودي من أوائل الحاجات اللي بعملها مع أي حد بيجي يقعد معايا يقول لي ما عنديش وقت، هو جاي متصور إن إيه: تعالى وظف لي شوية الوقت اللي عندي. أنا بقعد اتحداه في لفظ ما عنديش وقت دي، فبنحط ورقة وقلم وبنكتب يومه، ده أنا بعمله فعلاً يعني بنكتب يومه، فأقول له مثلاً أنت بتنام قد إيه؟ كذا. شغلك أو دراستك؟ كذا. أكلُك وشربُك؟ نديله كذا. الصلاة؟ نديها كذا، صلاة الفرض بالسنن وكده. أنا ما افتكرش إن عمري قعدت مع حد وطلع رقم أقل من خمس ست ساعات هو مش عارف يقول هم فين، هو نفسه مش عارف هم فين! في أرقام بتطلع أكبر من كده.

خلاص فاحنا محتاجين إن احنا نتحدى أنفسنا في ده يا جماعة. احنا طبعا هنتكلم في الإدارة إن شاء الله بالتفصيل، بس خدوا كده قاعدة ذهبية في الإدارة لغايه ما نجيها وفكروني بيها وقتها، في قاعدة ذهبية في الإدارة إن الحاجة اللي ما تقدرش تقيسها مش هتعرف تديرها. خلاص، أي حاجة ما تعرفش تقيسها مش هتعرف تديرها. فلو جيت أنا النهارده، احنا ناس كلنا المفروض إن أنا أبذل في الدين، لو وقفت أي واحد فيكم قلت له قومي، قوم كده، قول لي: أنت كم ساعة دين في الاسبوع؟ لو ما عندكش تصور عن ده فانت مش عارف تدير، أنت مش عارف تقيس أصلاً، يعني أنت مش عارف كم ساعة المفروض تبذلها للدين في الأسبوع مثلاً. خلاص، فده مش هتعرف تديره صح، يعني مش هتعرف تديره صح، مش هتعرف تطلع بأكبر مكسب يمكن الخروج به من المعادلة دي أو من القصة دي. ده كده ملخص اللي خدناه المره اللي فاتت.

طيب، النهارده إن شاء الله هنبدأ بالدرس الثاني إن شاء الله، وهو: الناس ثلاثة. وهو في البناء العلمي. أول حاجه زي ما ابتدينا في أمة، هذا الاسم من أين أخذ؟ من أثر علي، لا بتكلم على الناس، درس النهارده: الناس ثلاثة، في أثر لسيدنا علي: الناس ثلاثة: فعالم رباني، ومتعلم على سبيل نجاة، وهمج رعاع اتباع كل ناعق، لا يستضيئون بنور العلم، ولا يركنون إلى ركن وثيق. حافظينه مين يسمع؟ بس ما كتبتهوش فأنتم أكيد أئمة صح.

ماشي، فايه يا جماعة في إيه؟ إشمعنى دول ما عرفناهمش؟ ما فيش حاجة.

الناس ثلاثة: فعالم رباني، ومتعلم على سبيل نجاة، وهمج رعاع اتباع كل ناعق، لا يستضيئون بنور العلم، ولا يركنون إلى ركن وثيق.

فمن هنا استنبطنا اسم هذا الدرس، طيب سيدنا الإمام علي قسم الناس ثلاث أنواع: عالم رباني، وده ما لناش دعوة بيه. لكن من هو الرباني؟ الرباني طبعا قالوا في معنى الرباني، طبعا لفظ قراني الأول: ﴿وَلَكِن كُونُوا رَبَّانِيِّينَ﴾، فمما قيل فيه ومن أحسن يعني ما قيل فيه هو أن الرباني من يبدأ بصغار العلم قبل كباره، فهذا هو الرباني، يبدأ بصغار العلم قبل كبار العلم، أو من يربي الناس على ذلك، على صغار العلم قبل كبار العلم، فهذا أولى ما قيل في معنى الرباني، وقيل في تعريفات أخرى ابجعوا لها.

وهذه آفة موجودة في الساحة الدعوية، من آفات الساحة الدعوية الآن أن الشباب يعني تلاقيه هو منزلق خلف الترندات، وقد تكون الترندات في المسائل الكبار، وهو ما حصل شيء من هذا العلم أصلاً، ومع ذلك لابد أنه إيه يتكلم في كل حاجة! وهذا حرام، يأثم، لو ما هواش عنده الآلة والملكة وعنده العلم اللي بيتكلم في هذا ثم تكلم في دين الله، إثم.

فعلْم رباني، ومتعلم على سبيل نجاة، وإن لم نكن من هذين الصنفين فما فيش غير صنف ثالث قاله سيدنا علي وهو: همج رعاع اتباع كل ناعق، لا يستضيئون بنور العلم ولا يركنون إلى ركن وثيق، مذبذبين دائماً، مذبذب دائماً مستني أي صيحة عشان يمشي وراها، ما عندوش هدف، ما عندوش طريق مرسوم، خلينا نتكلم يعني إسقاط حديث شوية، دايماً مستني الترند يسوقه، دايماً ما عندوش خطة، لا عنده خطة بنائية ولا عنده خطة عطائية.

فهؤلاء هم الهمج الرعاع. طيب عشان نخرج من هذا الوصف الرديء لابد أننا نكون أولاً متعلمين على سبيل نجاة أولاً، يعني حتى لو هنبقوا علماء ربانيين في يوم من الأيام فبدايتها أننا نتعلم على سبيل نجاة. وهنا يظهر السؤال المهم جداً وهو: مين هو اللي متعلم؟ أو إيه هو القدر من العلم الذي إذا حصلناه نجونا؟

احنا دلوقتي عندنا ثلاثة: عالم رباني، وده عارف طريقه، مش محتاج أن هو اللي يجي يدرس لنا، العالم الرباني. الصنف الثاني هو متعلم على سبيل نجاة، ولو ما كناش احنا ده فاحنا همج رعاع. فيظهر هنا سؤال: إيه هو القدر من العلم الذي إذا أحرزنا نجونا، اللي هو سيدنا الإمام علي بيقوله ده، متعلم على سبيل نجاة؟ فايه هو قدر هذا العلم هنا السؤال؟

السؤال ده المفروض، لأن الدورة دي زي ما قلنا هي معمولة، والمفروض الناس اللي قاعدة كلها هي ناس لها يعني واقفة على ثغر، فالمفروض، ويبقى ضرب من العبث لو ما كانش كده، أن لو اديت المايك لأي واحد من اللي قاعدين وقلت له: يلا تعالى قول لي، ما هو هذا العلم؟ عنده جواب تفصيلي مش إجمالي، تفصيلي.

احنا هنا يا جماعة الإمام علي ما بيتكلمش في الدعاء إلى الله، ده بيتكلم في كل مسلم! يعني المسلم لو ما كانش عالم رباني وما كانش متعلم على سبيل نجاة فهو من الهمج الرعاع. طب احنا دلوقتي بنتكلم المفروض فئة المفروض أعلى، أعلى يعني مش أعلى يعني ما تتنططش يعني، يعني أعلى إيه؟ يعني المفروض أنه مسلم وزيادة، هو مسلم وداعي، فهو المفروض يكون هو خلاص، هو عنده تصور كامل بتفاصيله عن هذا النوع من العلم الذي لابد من إحرازه علشان نبقى نجونا. مش بس كده، احنا قلنا المره اللي فاتت، تالي قلناها، قلنا مش بس عنده تصور، ده هو دلوقتي في الطريق ده يعني يقول لي: أنا عندي تصور، أه أنا عندي، أنا عارف أن علم عندي 1 2 3 4 بالتفاصيل، أقول له طب أنت فين بقى؟ يقول لي: أنا هنا في الحتة دي دلوقتي، أنا خلصت دول وباقي لي دول. المفروض نكون كده، لأن احنا لو ما احناش كده يبقى احنا بنهزر، بنهزر مرتين، إذا كان أي مسلم بيهزر مرة، فاحنا بنهزر مرتين! مرة لأننا كمسلمين صرنا من الصنف الثالث الهمج الرعاع، ومرة أن احنا بنضل الناس بقى، ما هو أنت أصلاً مش عارف العلم عندي وشغال دعوة؟ هنا لما أقول شغال دعوة يعني أي فئة من الثلاث فئات، اعملوا تليفونات صامت لو سمحتوا.

ماشي، سواء دعاة على الأرض أو في السوشيال ميديا، أو محافظين طبعا أنا بقول بقى يعني بكلم الذكور ويدخل النساء تبعاً، أو محافظين قرآن في دور أو في مساجد أو غيره، أو معلمين في مدارس، دول الثلاث فئات بنخاطبهم بالدورة. فيبقى أنت ضيعت نفسك كمسلم، وضيعت من وثق فيك اللي هو جاي يسمع منك الدين فانت ما أنتش عارف أصلاً تقول له إيه في الدين! أنت بقيت من هؤلاء الهمج الرعاع اللي هو مستني، هو النهارده إيه؟ تصحى الصبح كده ترش مية في الإنستغرام والفيسبوك، وتقول: إيه الكلام على ايه النهارده؟ الترند طالع إيه مثلاً طالع كذا، يلا بينا إيه نلقط لنا كلمتين من أي حتة ونطلع! خلي بالكم يا جماعة، استخدام ما يتحدث فيه الناس ما هواش.

دائماً عيب، عشان بس يعني برده نضع يعني مش دائماً لو واحد اتكلم في ترند طالع يبقى ده عيب وده غلط، لا، مش كده ماشي. احنا دلوقتي بنعيب إيه لو عاوزين نقول يعني نخلص الحتة دي؟ العيب في هذا حاجتين: أول حاجة تبقى أنت مسحول في يعني إليه ليل نهار ما وراكش غير ده، ماشي؟ مع عدم تمكنك فيكون أنت مضيع عمرك في الحاجة في الإيه في الترندات وما أنتْش متمكن أصلاً، ماشي؟ خصوصاً أن الترندات اللي بتطلع بيبقى فيها ساعات كتير حاجات حرام، وأنا بعجب بقى وقتها إنه إيه تلاقي إيه بعض الناس إن ممكن يقعد يكلمك في تفاصيل هو أنت عرفت منين ده يعني يعني؟

ما هي دي حتى لو أنت لم تقل هذا بلسانك فخلاص الناس فهمت أن أنت بتشوف الحاجات دي، بتتفرج على الحاجات دي وعارف تفاصيلها، طب ما هو ده حرام؟ احنا قلنا الرجل الأمة إمامي حاجة إيه؟ قدوة. وعشان كده أنا أصلاً فصلت الحتة دي لو تفتكروا لما جينا في قلت لكم: «احنا مش هنتكلم فيها الحتة دي بس كنا لازم نكتبها»، وساعتها قلت لكم: «ليه لازم نكتبها؟ الآداب والأخلاق؛ عشان أنت قدوة»، فما ينفعش تبقى فايتاك الآداب الشرعية أو تبقى فايتاك الأخلاق فبقى.

أول حاجة لازم نطلع بيها إيه؟ هو العلم المنجي، اللي هو إحنا بيسموه بقى العلماء إيه؟ ما لا يسع المسلم جهله، أو فروض العين اللي عليك؛ يعني إيه إيه فروض العين؟ لازم عليّ أن أنا أتعلمها، وطالما قلنا فروض عين لازم تتعلمها فيبقى كأنها دلوقتي قدام فئة مختلفة عن جموع المسلمين، يبقى أنت كمسلم في حاجات عليك لازم تتعلمها، وكداعية إلى الله هيزيد الحاجات دي طبيعي، فيبقى في حاجات ثانية لازم نتعلمها عشان ندعو إلى الله عز وجل.

طيب، فروض العين مين يقول لي إيه الحاجة كعامة؟ ماشي يعني لو خدنا فرع من العلوم الشرعية اللي هو الفقه، خلينا ناخدها كده فيبقى إيه متصورين إيه فروض العين في الفقه؟ طهارة بس؟ وصلاة بس؟ طهارة وصلاة وصوم بس؟ سوق ها، الوطء اللي هي الطهارة يعني؟ كل فعل معاملة يعني تقدر عليها لازم تعلم أحكامها.

جميل، طيب يعني أنا ليه سألت وقعدت أسمع؟ علشان زي ما قلت إحنا المفروض يبقى عندنا إيه؟ العلم التفصيلي في هذا مش إجمالي، فطبعا أشهر حاجات دائماً تقال الطهارة، مضبوط طبعاً؛ يعني لو جيت قلت لك أركان الوضوء إيه؟ فالمفروض برده دلوقتي لو سألت أي واحد وشاورت عليه قلت له: «قوم كده قول لي أركان الوضوء»، لأن ركن الركن لا يسقط بحال، مش كده؟ إيه فو عاوز قهوة زيهم، وتبقى من الهمج الرعاع، ولا تستحمل وتبقى هنعمل حاجة، ولو واجب هنعمل حاجة تانية خالص؟

فلو أنت من البداية ما أنتْش عارف أركان الصلاة تبقى إشكالية برده، ده في لفظ الحنابلة أنت بتاخد مذهب ثاني فعندكم ألقاب أخرى ما عنديش إشكال يعني، بس ضابط ده ليه؟ ضابط ده لأنك بتصلي كل يوم وليلة خمس مرات ومعرض أنك تسهو، معرض أن إمامك يسهو، فأنت عارف الأحكام دي لأن إحنا بنقول دائماً يا جماعة فروض العين بنتكلم على ما يحدث غالباً دون ما يطرأ نادراً؛ يعني ده مش لازم تتعلمه، اللي بيطرأ نادراً ده ما هواش من فروض العين ولا حاجة لما يبقى يحصل تتعلم حلالاً وماشياً، ده اللي هو المسلم العادي.

فلازم تبقى عارف ده، وأنا كدا أنا بادي أمثلة، أنا يعني مش ماشي مش آدي طهارة وآدي صلاة خلصنا، ما بين واحد قال مباني الدين الأربعة لو فقه، إيه رايكم نقول إن ده فرض عين؟ لا، مش فرض عين، ليه؟ لأن إحنا مفلسين كلنا، مين مين واجب عليه زكاة يرفع إيده؟ شفت حسد؟ طب خائفين من الحسد؟ ففمكن يبقى إنسان مفلس ما عمره ما تجب عليه زكاة، وهذا وهذا مش معناه إنه مش غني، ممكن يبقى غني بس ما بيسيبش فلوس معاه يعني، فيبقى مش لازم يتعلم زكاة.

إحنا بنكلم مسلم عادي نقول له: «تعال اتعلم زكاة، ليه؟ بل جوة تفاصيل الزكاة في زكوات تعيش وتموت ما يعني مش هتشوفها ولا»، وكذلك مثل ذلك في الحج، مش كل الناس بتسافر حج، فليه نقول هم لازم يا مسلمين كلكم تتعلموا حج؟ ما حدش قال كده خالص، ماشي؟

طيب، لكن بقى خلونا بقى يعني ننط نطة كده، أن من فروض العلم مثلاً وممكن يكون بنتعرض ليها أكثر من الوضوء والصلاة في اليوم والليلة؛ بعض أنواع المعاملات، بعض أنواع المعاملات يعني مثلاً مثلاً أنت دلوقتي ركبت تاكسي، فالتأكسي ده نوع المعاملة اللي بينك وبينه إيه؟ إجارة، مش كده؟ طب هل في الإجارة يصح أن الأجرة تبقى مجهولة؟ ده سؤال، أنا مش هجاوب على حاجة يعني، تركب تاكسي تستنى لغايه ما يوصلك آخر البتاع وتقعد إيه تروح مديله رقم مثلاً وتقول لك: «لا يا باشا، كده أنت جاي عليا»، تقول له: «ده أنا على طول بتركبها بكده»، والكلام اللي بيحصل ده، هو من البداية هل الإجارة تصح مع جهالة الأجرة؟ سؤال أنت كمسلم مش كداعية إلى الله، كمسلم لازم عندك رد على ده.

لو بتركب تاكسي عشان يقول لك إحنا في الميكروباصات والحمد لله أجرة جهة معروفة فده برده أنا أنا هنا يا جماعة بفتح الأدمغة شوية لحاجات بنعيشها، ولازم يبقى عندك رد عليها، إيه إيه تاني مثلاً؟ رحت تفك فلوس 100 جنيه فبتدي له الـ100 ورق بيديها لك فكة كوينز يعني مفضل، فاديها لك أقل من الـ100، يجوز ولا لا يجوز؟ ممكن تحصل، أه ممكن تحصل، أداك وقال لك: «طب الباقي تعالى خده بعدين»، المعاملة دي جائزة ولا غير جائزة؟ بتاع يحصل، أنا أنا عمال أفتح في حاجات ما أقصدش لا أقول الحكم ولا بس أنا بقول لكم إحنا فين من فروض العين عشان نعرف إحنا فعلاً نتعلم على سبيل نجاة ولا همج رعاع؟

ما هو أنت لو بتعمل المعاملات دي في حياتك وما أنتْش عارف حكمها، ومش كل حاجة بقولها لا يعني مش كل حاجة أقولها يبقى تطلع حرام في يعني، بس أنا بقول لكم دي أحكام ومذكورة في كتب الفقه عادي جداً، كل اللي أنا بقوله ده موجود، ماشي؟ أحكام العشرة بين الزوجين، إيه اللي واجب على المرأة فتأثم إن فرطت فيه، وإيه اللي ما هواش واجب عليها فيسعها إن هي إيه تكبر دماغها فيه ولا كذا ولا كذا؟ إحنا ما نتكلمش على حسن العشرة وسوء العشرة، بنكلم على حلال وحرام دلوقتي والعكس.

إéه اللي واجب على الرجل فيأثم إن أخل به في البيت، وإيه اللي ما هواش واجب عليه فيسع أن هو يكبر دماغه فيه؟ عندنا حاجات واضحة في دي، إجابات واضحة: هذا مما يجب عليّ، وهذا مما لا يجب عليّ. طب ده احنا بنقابله كل يوم 24 ساعة فيه، طب عندنا إجابات واضحة؟ لو ما عندناش يبقى إحنا لسه ما تعلمناهاش على سبيل نجاة، ما خلصناش هذا العلم.

خلاص، إيه تاني حد يقول أمثلة بتقابلنا في حياتنا؟ الجنايات. هي بتعمل إيه؟ بتقتل دبان وناموس. الأب والأم مثلاً يعني لا إيه إيه الحاجات اللي في في التعامل مع الأب والأم اللي ينفع أقول فيها لا، وإيه الحاجات اللي ما لا يسعني أن أنا أرفض مثلاً يعني أمثلة كتير بقى يعني طول ما إحنا عايشين، طول ما أنت اللي هو بمعنى أصح إيه؟ أنك لا تحرك ساكناً ولا تسكن متحركاً إلا إلا بايه بحكم تبقى عارفه.

أنا بتحرك دلوقتي من هنا لهنا ده حكمه إيه؟ أنا بعمل كذا ده حكمه إيه؟ طب أنا مش هعمل كذا، طب حكم الامتناع ده إيه؟ وده إحنا بنكلم أي مسلم يعني ما طلعناش بقى لفئة الدعاة، إحنا بنكلم أي مسلم، تعال نطلع كده لفئة الدعاة هدي أمثلة بسيطة مثلاً الدعاء أو محافظ القران أو كده، مثلاً أنت كمحافظ قرآن، هل يجوز ليك أن تختلي بالطفل الأمرد؟ سؤال، وده بيحصل كتير، ده في الشرع حكمه إيه؟

فأنت لو مش عارف يبقى إحنا دلوقتي طلعنا شوية إيه عن فكرة أنك كمسلم عادي، إحنا بنتكلم محافظ قرآن بيحافظ أطفال فيروح للطفل في بيته يقوم داخل الأوضة مقفول عليهم باب واحد، فاختلى المحفظ بالطفل ده جائز ولا الصورة دي جائزة أو غير جائزة؟ وأنت كمحفظ أنت عارف كده وكأب وأم في البيت لازم تبقوا عارفين حكم ده مثلاً، فدي مسألة هتقابلك.

طيب ده كله ده كله إحنا في إيه؟ في فرع واحد من فروع الشريعه، يعني ده كله في الفقه، خلاص، خلي بالكوا يا جماعة المسائل اللي أنا بتكلم عليها دي أنا يعني مش لازم تكون أنا عمال أدي أمثلة، بس هي دي ممكن تتلم؟ أه، تتلم عادي وتتلم في وقت قليل؟ أه، تتلم في وقت قليل، يعني إحنا برده مش جايين هنا نعقد خالص، إنما مهم تبقى عارفها وعارفها بايه بأي قول يا سيدي، قلد أي قول بس تبقى عارفها.

كل اللي إحنا عمالين نحكي فيه ده فرع واحد من فروع الشريعة، اللي هو الفقه، ادخل في الاعتقاد، أنا إيه الواجب عليا في الاعتقاد؟ تلاقي الشباب سخنانين عمال إيه يرد على الأشعرية ويرد على المهلبية، طب أنت يا ابني أنت اتعلمت إيه؟ ولا يعرف حاجة هو قال في مشكلة الأسماء والصفات راح سمع شريطين أو درسين في الأسماء والصفات وجاي إيه خلاص هو بقى رافع لواء الإسلام وأنا اللي هخرسهم، إيه ده؟

طب أصلاً أنا بقى بسألك مسألة مسألة شرعية، أنت أصلاً يجوز لمثلك أنه يقرأ كلام فيه شبهة؟ ده سؤال، يجوز لمثلك أنه يقرأ يقرأ كلام فيه شبهة؟ شبهة يعني إيه؟ يعني تلخبطه في عقيدته، فضلاً عن أنه بقى يفضل إيه يضيع عمره ويدمر في الحتة دي. طب إيه الواجب في الاعتقاد؟ أنا المفروض أبقى إيه يعني يعني حد يعرف؟

إيه إيمان السته تعلق بها؟ ما هي دي كلمة واسعة جداً، صح؟ طب نخليه إحنا ده المفروض أنا ليه سالت؟ لأن أنتوا منكم حضر الدورة اللي فاتت، وإحنا قلناها في الدورة اللي فاتت، فمعنى أن إحنا ما بنجاوبش إيه بقى؟ أن إحنا ما اشتغلناش. عارفين لو اشتغلنا؟ لو أخدنا الكلام اللي اتسمع ورحنا طبقناه خلاص، أنت جاي عارف إيه إيه واجب الاعتقاد؟ إيه الواجب في العقيدة؟ فأحنا عاوزين نعرفه ده واجب عليكم، واجب الاعتقاد واجب عليكم ولا أنت عاوز تجاوب صح؟ بس لو جاوبت غلط مش عارف صح ولا إيه؟ يبقى خلاص تسكن.

فده العقيدة، وهذا من فروض العين كذلك في باب آفات القلوب وعجائب القلوب، أنت كمسلم عادي لازم تبقى متاكد أن قلبك طاهر من أي آفة توديك النار، تطلع أنك بقى داعية إلى الله أو محافظ قرآن أو كده يبقى في آفات آفات ينبغي التأكيد عليها، اللي هي الآفات اللي بتصيب أي داعية فكروني كده، فكروني كده كان هنا مكتوب إيه المرة اللي فاتت؟ شهرة ها، صاية، شهرة أيوه، صاحية شهرة، ومال، ورئاسة، شهوة يعني.

الأدب دي فاكرين الأربعة دول؟ قلنا دول أخطر أربع حاجات بيواجهوا الدعاة، مش كده؟ وساعتها إحنا قلنا حتى الشهوة أعم أنها تكون شهوة نساء لو تفتكروا، وكنت أقصد بيه مثلاً كأمثال اللي قلناه من شوية، اللي هو الأمرد أو الطفل الصغير الأمرد ده، هذا مما يشتهى، فالشهوة أعم أن تكون للنساء فقط يعني، فدول أخطر أربع حاجات المفروض الدعاة ينتبهوا ليه.

فلو أنا جيت قلت لك من بعد المرة اللي فاتت وكتبتهم وأنتم ما شاء الله حافظين المكان أهو، قلت لك: «قوم بقى أي واحد كده قول لي بقى خطتك إيه في الأربعة دول، خطة تفصيلية يعني، مش إن شاء الله بقى إستعين بربنا بقى كده» واللي هو الكلام، طبعاً استعانة ربنا دي أول حاجة، بس أقصى أقول هو الكلام اللي إحنا اللي هو لو زنقت أي حد هيقوله؟

لا هو أنا هو إحنا لما عرفنا المرة اللي فاتت أن الأربعة دول خطار، وأنا راجل متصدر بقدر ما مثلاً، فأنا لابد أن يكون لي خطة في إدارة تلك أو التعامل مع تلك القنابل الموقوتة دي، يعني إيه خطة؟ قرارات، بلاش خطة، قرارات؛ يعني أنا مع فتنة المال خدت قرارات، مثلاً إيه مش هكون مأكلاً بالدعوة مثلاً، ده قرار خدته، خلاص، مش هدخل جيبي ملين من مش عارف إيه، خدت قرار.

أنا دلوقتي على فكرة ما بتكلمش برده في حكم شرعي، مش في فقه في حلال وحرام، يعني ده حلال ولا حرام؟ حرام تعمله، أنا بتكلم في إدارة أو في التعامل مع مشكلة كبيرة أنت هتاجهها، وإحنا إن شاء الله لسه الدرس الجاي بقى اللي هو قلب سليم ممكن ندخل في التفاصيل شوية، فيبقى لازم تتعلم آفات القلوب.

إحنا بنتكلم عن متعلم على سبيل نجاة لو تفتكروا. طيب واضح، أه كويس أنك إن شاء الله، أنا برده أنا متوقع أن يبقى في أسئلة بتجي لي على كل درس، وأسئلة كل درس بعد كل درس يعني مش هجمعها في الآخر، يعني أنا هخلص الدرس بتاع الناس وثلاثة، وهقرا أسئلته وأجاوبها بعد إذنكم، أنا عاوز السؤال يبقى في الدرس، وسؤال مححدد أيوه، سؤال محدد يعني مش السؤال اللي هو في سطر.

وجوابه في أربع صفحات فلاسكاب لا سؤال محدد؛ يعني نحن عينا مشكلة في كذا، أعمل دي إزاي، أدير دي إزاي؟ فإحنا في العلم، خلاص.

طيب، إحنا عمالين بقى ده كله بنتكلم على إيه؟ على المسلم العادي. طب أنت بقى كداعية إلى الله، يبقى أنت أول حاجة عندك العلم ده خلاص خلصته أحرزته أصلا؟ حاجة، لا ده أنا ده أنا عاوز أمشّي شوية في العلم بقى، مش بس فروض العين اللي المفروض أحرزها، لا ده لازم أدخل على فروض الكفايات شوية، ويبقى معايا شوية من فقه، إحنا مش بنتكلم على طالب علم، طلب العلم مسار آخر، طلب العلم مسار آخر، يعني طالب علم اللي هو في الآخر يوصل إنه يبقى عالم، هذا مسار. وفي مسار تاني لا، هو واحد بيتعلم علشان يبذل في الدعوة، ماشي. طب الثاني ده يعني مش طالب علم، ينبغي أن يكون طالب علم، بس ما هواش طالب علم اللي هو محطوط له خطة إنه يبقى عالم، إنما فكرة يا جماعة إن الدعوة دي بالفهلوة! أنت موقع عن الله، ابن القيم ليه كتاب اسمه إيه؟ أعلام الموقعين عن رب العالمين، أنت فاهم؟ أنت فاهم العنوان ده؟ أنت كلامك أنت موقع عن الله، أنت بتقول هذا حلال وهذا حرام، ربنا يرضى هذا ويسخط ذاك، أنت بتتكلم عن ربنا! ففكرة إن هي بالجدعنة وبالفهلوة، وطب إيه رايك جربتها ونفعت، وجربتها وجابت وضربت وبقت فايرال، ده مش دين، ده بقى روح سميه أي حاجة، ده مش دين، خلاص! بل بالعكس، أنت لو عملت ده وراحت اشتهرت الكلمة أو المفروض تخاف أكتر، مش لازم يكون كلامك غلط بس المفروض تخاف أكتر. يعني هو اللي أنا قل- ده بقى إيه ظروفه اللي هو انتشر ده والناس إيه بقى ظروفه؟ فدي تخوفك زيادة، خلاص؟

فيبقى نحن لازم ندخل في فروض الكفايات، ولازم يبقى لنا يعني يا جماعة عيب، عيب يبقى مثلا واحد يدعو إلى الله، ومثلا أي فرع من الفروع، يعني مصطلح الحديث مثلا ومثلا ما هواش عارف يعني إيه حديث صحيح، يعني إيه حديث ضعيف، وماهوش عارف الكلام ده، والضعيف ده درجة واحدة ولا درجات؟ والضعيف ده، يعني فبقى في الأصول الضعيف ده يعمل به ولا لا يعمل به أصلا؟ طب أنا كده بكلم دعاة، بكلم دعاة ليه؟ لأن أنت حضرتك هتجيء عاوز تدعو إلى الله، فهترروح رايح محضر كلمة ولا بتاع، طب هتحضر الكلمة، طب هتروح تجيب أحاديث عشان تقولها، إيه منهجك؟ إيه منهجك؟ ومنهجك ده أنت واخد منين؟ ولا بالحب كده؟ يعني إيه منهج؟ أقصد إيه منهجك في إن الحديث ده هاخده والحديث ده مش هاخده؟ إيه منهجك؟ لازم أي واحد فينا يعرف يجاوب على السؤال ده، منهجي كذا، طب والمنهج ده أنت واخد من مين؟ يعني مين قال المنهج ده صح؟ فيبقى نحن لازم يبقى عندنا فروض كفايات برضو معانا، وعندنا مسار ماشي بنطلب العلم نحن كناس باذلة لدين الله عز وجل. لابد، ليه لابد بقى؟ علشان بعد كده لما يجيء يحصل حاجة ومحتاج تتكلم فيها، أنت عندك الأدوات في إيديك بقى، يعني عندك الأصول، أصول الفقه، يعني مش الأصول يا ابني، أصول أصول الفقه، معاك أصول الفقه ومعاك خلاص بتفهم مصطلحات، عقلك يا جماعة برضو يا شباب مهم جدا جدا إنك، إحنا بنتكلم دلوقتي عن الناس ثلاثة، إحنا بنتكلم في العلم البناء العلمي، أرجوكم أرجوكم اهتموا بكتب السلف، يعني لو لو هتقسم وقتك في القراءات أو في التعلم، الوقت الأكبر مع كتب السلف، ليه؟

لأن هو ده العلم، لو فضلت مية سنة ما بتقراش غير للمحدثين أنت انقطعت عن العلم أصلا، انقطعت عن علم، تيجي بقى تفتح الكتب، تعال كده افتح أي كتاب فقه مذهبي مثلا، لو أنت مانتش فاهم الناس دي بتتكلم ازاي هتبلم، افتح كتاب أصول كبير شوية، لو لو ما تدربتش على، يعني خلوا بالكم يعني كتب الأصول بالذات يعني بعد مستوى معين حتى الناس الثقيلة بتبلم، يعني حتى الناس الثقيلة في العلم بتبلم، يعني بتقعد قدام الكتب كده هو طلاسم، إنما هنفضل طول عمرنا بقى في كتب للناس، مع الخير اللي فيها طبعا، يعني ما بنقولش إن الكتب دي بس، مش بتاعتك دي، اللي يبذل إلى الله ده دي مش حتته، ارجع للكتب القديمة تجد البركة وتجد الخير وتجد بقى حاجة تانية، إنك هتفهم الشريعه بنفسية العلماء، ودي مهمة جدا جدا ليك، يعني إيه هتفهم شارع بنفسية العلماء؟ يعني هتلاقي إن في خناقات دايرة دلوقتي على ولا حاجة، على ولا حاجة! طب هو الناس دي الخناقة دايرة بينهم ليه؟ عشان بس هم مشربهم مش من كلام السلف، ولو رجعوا لكلام السلف هيلاقوا الحته الحته دي أصلا اللي هو عادي كده تمر عادي جدا، أنت هتقول كذا، أنا هقول كذا، وحبايب في الآخر ما فيهاش مشكلة، وخناقات دايرة وصراعات وأخذ ورد ومقالات تتكتب، فانت لو مانتاش فاهم إيه اللي تخش فيه واللي ما تخشش، هتتسحل.

طيب، فيبقى بعد ما نخلص فروض العين عاوزين نمشي في فروض الكفاية، لازم. ولازم برضو للباذلين أنهم يبقوا عندهم ولو قدر قليل في كل علم، يعني عيب، عيب تبقى مش فاهم يعني إيه مثلا إيه بديع مثلا؟ إيه دي؟ آه، ده ده علم من علوم اللغة، اللغة 12، 12 علم، منهم زودها الـ14، فده فرع من اللغة، 12 علم، مين حافظ الـ12 ده يعني؟ المهم 12 علم عشان بس ما نحرجش، في 12 علم في اللغة ماشي، فاحنا بنقول ممكن يبقى ناس قاعدة مش عارفين أسامي الـ12 علم، فضلا عن أن أقول لك إيه طب العلم ده بيتكلم عن إيه أصلا؟ فيعني خليه ولو وقت تاني بس أ- يعني أسمع أول درس مثلا في أي حاجة تتكلم عن علم النحو، أو وإن كان النحو مش كفايه كده، النحو طبعا لا، أنت لازم تمشي فيه، نيجي نسمع ناس بتتكلم في دين ربنا، ويرفع المنصوب وينصب المرفوع، والدنيا عنده إيه بذراميط خالص، فتبقى فاهم، فاهم إيه الصرف ده؟ وايه الفرق بين النحو والصرف؟ إيه البيان؟ وده كله إحنا لسه جوه اللغة جوه اللغة العربية، على الأقل عرفت إيه ده، فده مهم جدا.

طب يعني يا شيخ هناخد الحاجات دي ونوقف؟ مش هنوقف علم خالص، لكن حسب الخطة، الخطة اللي انت حطيتها لنفسك هنشوف هتبذل قد ايه في العلم، وقد ايه في غيره، إنما أفضل أتعلم، الإمام أحمد مع المحبرة إلى المقبرة. طيب، إحنا هنا ابتدينا بالبناء العلمي، هنا ابتدينا بالبناء العلمي ليه؟ علشان البناء العلمي هو الأساس، وهو البناء الذي يقوم عليه كل شيء، ولذلك بدأنا بالعلم. فدي أول حاجة، ليه هو الأساس شرعا وعقلا؟ شرعا قلنا لكم المرة اللي فات- اه، نبئ صلى الله عليه وسلم بإقرا، صح؟ وأرسل بيا أيها المدثر، فأول حاجة عليه إقرا الدعوة إلى العلم، فَهنجيلها دلوقتي، فبشرعا ده الترتيب اللي نزل: يا إقرا، أدي العلم، وبعدين البناء التاني عندنا اللي هو إيه؟ التربية والتزكية اللي من والتعبد، وإحنا خليناها لوحدها لأهميتها لو تفتكروا اللي احنا قلنا المرة اللي فاتت، تاني صورة نزلت عليه: ﴿يَا أَيُّهَا الْمُزَّمِّلُ﴾ [المزمل: 1] قم، اللي هو بناء تعبدي أو بناء تربوي في نفس الوقت، وبعدين بقى في هنا هو طبعا الثالثة يا أيها المدثر أو الرابعة على قولين، بس خليني على القول ده، في حاجة غريبة حصلت هنا، عارفين إيه؟ فتر الوحي، يعني نزل إقرا ويا أيها المزمل قم، وفتر الوحي، وصلت؟ آه، خد بقى فترتك في إنك تتعلم، وفي إنك وفي إنك تتعبد تربي نفسك إيمانيا، وبعدين هنجيلك بقى نقول لك إيه؟ ﴿يَا أَيُّهَا الْمُدَّثِّرُ * قُمْ فَأَنْذِرْ﴾ [المُدَّثِّر: 1-2]. فده عقلا، ده شرعا.

خلاص، اكتب اكتب أي حاجة اكتب، فده شرعا وعقلا، العلم يقدم ليه؟ لأنك أي حاجة هعملها محتاج، يعني مثلا يا جماعة هنيجي نقول لكم دلوقتي إيه؟ هتبنى ترب تزكويا، آه، اللي هو إيه؟ اللي هو قلب وتخليه وتحليه، آه، اللي هو إيه؟ اللي هو آفات القلوب لازم تبقى عارفها وتشوف فيك ولا لا وتعالجها، فنقول لك إيه؟ روح اتعلم آفات القلوب، روح اتعلم يعني إيه رياء، اتعلم علامات الرياء، اتعلم كيف تعالج الرياء، دي أول خطوة انك تتعلم ده. وفي التحلية هنقول لك روح اتعلم يعني إيه إخلاص، روح اتعلم يعني إيه افتقار لله، يعني إيه توكل على الله؟ أنا بتكلم بتكلم بالالفاظ أو الحاجات اللي هتهمك كداعية، خلاص، اتعلم الحاجات دي وكيف تحرزها، فالعلم تلاقيه داخل هنا.

التعبد، لما نكلم على البناء التعبودي إن شاء الله هنتكلم على عمل اليوم والليلة، اللي هو من أول ما تفتح عينك لغايه ما تغمض عينك، فهتقول لي آه، اللي هو إيه؟ هاقول لك بقى روح اتعلم إيه هو عمل اليوم والليلة، خلاص؟ فتلاقي العلم داخل هنا.

هتخش على العطاء الدعوة، بداية اتعلم اللي هتقوله، بداية، يعني مش كده يعني اللي هتقوله روح اتعلمه. تاني حاجة الدعوة إلى الله، هنقول لك الدعوة أركان، فإيه هي أركان الدعوة؟ بس ما تخافوش، ما تخافوش، ممكن معلش كله يلتزم لو سمحتوا، لو سمحتوا يلتزم بعد إذنكم، فنقول لك روح اتعلم دعوة، أو عفوا أول حاجة اللي تدعو بيها، تاني حاجة بقى الدعوة هنقول إن هي أركان، فإيه هي أركان الدعوة؟ لو سالت حد: إيه أركان الدعوة أصلا، إحنا دعاة، إيه أركان الدعوة؟ فلو مش عارف أركان الدعوة هنقول لك اتعلم أركان الدعوة، وكل ركن محتاج إيه تفاصيل إدارة الدعوة؟ هنقول لك روح اتعلم إدارة، فشايفين العلم يا جماعة في كل حاجة داخل إزاي؟ عشان كده ابتدينا بالعلم.

هنا طبعا إحنا مش قاعدين علشان في كل حاجة بنقعد فيها نذكر فضل العلم، ده مش الدرس أو ده مش هدف الدورة، هدف الدورة إن إحنا بنتكلم عن حاجة إن العلم سابق ماشي في البناء، وتاني حاجة إن العلم مهم، فدول الحاجتين اللي إحنا عاوزين إيه نتكلم عنهم.

طيب، عندنا حديث، وعشان كده مش هنجيب آيات قوي في فضل العلم، مش هنجيب أحاديث خالص، مش جايين عشان كده، لكن عندنا حديث مهم جدا طويل، هياخد معانا شوية وقت، وعندنا آية اللي أخونا قالها من شوية مهمة لسبب، مش عشان فضل العلم خالص، النبي عليه الصلاة والسلام لو قلنا لكم وظيفة النبي الأساسية صلى الله عليه وسلم إيه؟ الدعوة، ده في القرآن، قل هذه سبيلي أدعو إلى الله، خلاص كده؟ طيب، يبقى وظيفة النبي الأساسية صلى الله عليه وسلم الدعوة، ومع ذلك لم يأمر الرب نبيه صلى الله عليه وسلم أن يسأله الزيادة من شيء إلا العلم! ما جتش، و﴿وَقُلْ رَبِّ زِدْنِي عِلْمًا﴾ [طه: 114] وهو وظيفته الإيه؟ الدعوة، فيبقى العلم مهم للداعية، مهم جدا، وبقدر ما تحصل من علم بقدر ما يبارك في دعوتك.

فدي الآية الحديث عندنا حديث مهم جدا، وعاوزين نتامله شوية، حديث أبي موسى الأشعري قال صلى الله عليه وسلم: «مثل ما بعثتني الله به من الهدى والعلم كمثل غيث أصاب أرضا، فكانت منها طائفة طيبة قبلت الماء، فانبتت الكل والعشب الكثير، وكان منها أجادب أمسكت الماء، فنفع الله بها الناس فشربوا منها وسقوا ورعوا، وأصاب طائفة منها أخرى إنما هي قيعان لا تمسك ماء ولا تنبت كلاً، فذلك مثل من فقه في دين الله ونفعه بما بعثتني الله به فعلم وعلم، ومثل من لم يرفع بذلك رأسا ولم يقبل هدى الله الذي أرسلت به».

الحديث في مجمله واضح، فمش جايين نشرح الحديث، إحنا جايين نسأل سؤال واحد هنا، النبي عليه الصلاة والسلام ضرب كم مثل في التعامل أو التعاطي مع الشرع مع الهدى والعلم؟ ثلاثة، طائفة طيبة، طائفة أجادب، طائفة قيعان، ثلاث أمثلة. في آخر الحديث قسم النبي عليه الصلاة والسلام هذا لكام فئة؟ فئتين، خلينا نكتبه قدامنا كده عشان نبقى إيه، عشان بس نفهم الحته الحته دي عشان مهمة، أنا المتصور إن في كاميرا مودية عند النساء، صح؟ النساء شايفه؟ ماشي، يبقى إحنا عندنا في حديث النبي، الحديث ده مهم جدا يا جماعة عليه الصلاة والسلام عشان هنفهم منه حاجة مهمة، يعني عندنا طائفة طيبة، وطائفة أجادب، وطائفة قيعان، ماشي؟ وبعدين في آخر الحديث النبي عليه الصلاة والسلام قال إيه بقى؟ مثل من فقه في دين الله عز وجل ونفعه الله -خلينا نكتب إيه كلمة مفتاحية كده- نفعه الله، وكلمة مفتاحية تانية: لم يرفع بذلك رأسا.

عندنا إشكال كده صح؟ حد شاف الإشكال؟ إن إحنا عندنا في الأول ثلاثة، وبعدين لقيناه المثل لما النبي عليه الصلاة والسلام أراد إنه يعني يضرب المثل ضربه بحاجتين، فكان في هنا حاجة ساقطة، في إشكال، مش كده؟ أو كان في حاجة من هنا هتستوعب أكتر من حاجة من دول، ما هو ده ده الحل، إما في حاجة ساقطة، فإيه اللي هيحصل؟ خلونا نشوف يعني الطيبة دي هتروح فين هنا ولا هنا؟ فقه، والقيعان: لم يرفع راس- لم يرفع، لم يرفع رأسا، ودي اللي في النص دي بقى تروح فين؟ أجادب الاثنين فقهوا. يرفع إيده، نزلوا إيديكم، الاثنين فقهوا، يرفع إيده، علي الصوت، الاثنين فقهوا، نزلوا إيديكم، لم يرفع رأسا، لم يرفع يداً، في ناس، ماشي، هي أجادب هترروح مع فقه في دين الله.

ونفعه الله، ازاي بقى؟ تعالوا نفهم الحديث يا جماعة، عشان الحديث ده مهم. دلوقتي الأرض أصابت، الغيث أصاب أرضًا؛ فالغيث أو المطر أو المية لما تصيب الأرض، عندنا دلوقتي الأرض نوع من ثلاثة، يا إما أرض هتاخد المية دي، يبقى المدخل إيه؟ ماء. المدخل ماء، وتخرج لنا حاجة تانية غير المية، اللي هو الكلأ والعشب، بيبقى المخرج شيء آخر. وكأني حصل إيه؟ احنا بلغة بقا إيه البروسيس مانجمنت ولا هنسميها إيه؟ بتسموها البروجكت مانجمنت في إيه؟ في بروسيس حصلت جوه، في عملية حصلت، خرجت مخرج آخر. ما هو ما هو مفهومه دي مية دخلت، طلع لنا عشب وكلأ، فأكيد في حاجة حصلت جوه خرجت لنا مخرج تاني. فده نوع أهو.

في أرض تانية اللي هي غالبًا بتكون صخرية غالبًا، اللي هي المطر الشديد ومش عارف إيه تنزل عليها، فهي ما تشربش المية، تحتفظ بالماء، يبقى كده المدخل ليها إيه؟ والمخرج؟ ماء برضو، اللي هو الناس جاية من بعيد تلاقي المية هي المية اللي دخلت هي المية اللي هتخرج. دي الطائفة الأجاذب، أمهات الماء، خلاص. وفي أرض تانية زي الأرض الرملية مثلا، الصحراء، المساحات الشاسعة من الصحراء دي، مهما ينزل عليها مطر الرمل يشرب المية دي وما تلاقيهوش بعد راح، فيبقى المدخل مية والمخرج بلح، ما فيش حاجة، ما فيش مخرج خالص، مخرج كوبايتين قهوة، ده اللي خرجنا بيه من الدورة يعني، اللي هو يبقى لا علم ولا قهوة. لا، هاتوا القهوة بقى.

فدول التلاتة التلات فئات أو أنماط من الأرض، دول اللي هم فين بقى في البشر؟ مع في التعامل مع الشريعه، مع العلم، مع الوحي. عندنا خلونا نبتدي أو ماشي بالترتيب، الطائفة الطيبة دي اللي هي مين؟ اللي هم الفقهاء، اللي هم خدوا القرآن والسنة، وعملوا جوه إيه؟ اللي هي البرايسينغ بقا، اللي هو عملوا حاجات جوه هنعرفها، خرجوا لنا حلال وحرام، فهم خدوا قرآن وسنة وبعدين خرجوا لنا حلال وحرام، خرجوا لنا فقه، واضحة؟

الطائفة التانية زي مين؟ زي المحافظين كده بتوع القرآن، دي طائفة كويسة احنا قلنا دي هنا، زي محافظ القرآن اللي هو إيه؟ محافظ القرآن أو زمان المحدث، اللي هو خد قرآن وبعدين اشتغل بالقران يحفظ قرآن، يبقى المدخل والمخرج قرآن قرآن، تيجي تقول له هو الآية دي معناها إيه؟ يقول لك، طبعا أنا بفترض إنه عنده ديانة ما بيهبدش، يقول لك ما أعرفش، ما أعرفش بقا الآية دي إيه؟ الآية دي نستفيد منها إيه؟ يقول لك ما أعرفش، فده طائفة أجاذب، طائفة أجاذب مسكة المية مسكت القرآن مسكت السنة، ماشي.

فدول الاتنين دول محمودين، لكن في فئة أعلى من فئة هنا. آه، كان إحساق بن راهويه أو راهويا تتقال كده أو كده، كان بيقول إيه بقا؟ كنت أجالس أحمد بن حنبل ويحيى بن معين رحمهم الله، ونتذاكر، طبعا أحمد بن حنبل ويحيى بن معين دول أئمة في إيه؟ الاتنين في الحديث، ماشي. لكن أحمد سابق بحته كده، أحمد محدث وايه؟ وفقيه. فبيقول إيه؟ ونتذاكر، نقعد نتذاكر الأحاديث وكده، فأقول ما فقهه؟ يعني نجي نقول حديث آه إحنا بنعين علم في الحديث وغيره على فكرة، فأقول ما فقهه؟ فيسكتون إلا أحمد. يعني حدثنا وأخبرنا، يتكلموا كله عنده الحديث، ما فقهه؟ فيسكتون إلا أحمد. آه، يبقى أحمد من الطائفة الأولى الطائفة الطيبة.

وكانوا بيرووا في مش فاكر مين بقا واحد من المحدثين، من يعني إنه قاعد في مجلس حديث، وبعدين بيحدث الناس فدخلت واحدة عليه ست يعني في المجلس قالت له: الدجاجة بتجري، بتجري وراها نطت في البئر وقعت ماتت في البئر، فايه حكم مية البئر؟ ده دلوقتي إيه؟ حديث ده ولا فقه؟ فقه. قال: فأطرق ساعة يعني وطأ راسه كده كأنه بيغكر، ثم رفع راسه وقال: ولما لم تغطي البئر؟ ما عندوش، ما يعرفش حكم مية البئر إيه؟ يعني الدجاجة اللي وقعت وماتت ما يعرفش، فقال: وليه ما لم، وليه ما لم تغطي البئر؟ يعني عاوز يقول: إنتِ جاية يعني تقري يعني؟ غطي البئر وخلاص. كده طبعا عرفنا البئر وغطاه خلاص، يعني إيه ما عندوش الفقه.

طيب، يبقى احنا عندنا أهو درجتين أهو يا جماعة نشتغل فيهم، اللي هو بناخد الحاجة ونوديها. طب يا جماعة اللي بياخد حاجة ويديها زي ما هي دي، سيدنا النبي بقى في الحديث قال حاجة جميلة عليه الصلاة والسلام. شوفوا يا جماعة بركة برضو الراجل محافظ القرآن ده مش حاجة وحشة، يعني مش بنقول إنه حاجة وحشة خالص، إنه ممكن يجي واحد ياخد بقا مني أنا القرآن وأنا محافظ قرآن، ويكون عنده الملكة الفقهية ويعرف يشتغل عليه فيطلع إيه؟ ويبقى في الآخر ده في ميزان إيه؟ حسناتي، مش كدة؟ أنا حفظت له ماء. دي حاجة كويسة جداً، إن أنا النهارده لو ما كانش في الناس اللي بتاخد القرآن عن الناس اللي بتاخد قرآن عن الناس اللي بتاخد قرآن، كنا نجي النهارده واحد عنده الملكة، يا جماعة أنا عايز آخد قرآن، نقول: والله ما فيش حد بيدي قرآن خلاص، راحوا اللي بيدوا القرآن، وده قاله النبي عليه الصلاة والسلام في الحديث كده.

الطائفة التانية قال إيه؟ وكان منها أجاذب أمسكت الماء فنفع الله بها الناس فشربوا منها وسقوا ورعوا، يعني هياخدوا المية ويشتغلوا عليها، هيعملوا بيها حاجات، يعني لو لو يعني إيه أن المدخل ليهم هم الماء، المخرج بقا: سمنوا البهايم، كبروا الزرع، يبقى المخرج غير، أول ما تعرف المخرج غير يعني في حاجة حصلت. ماشي؟

فده يعني إيه من الأحاديث المهمة، من المهم جداً جداً في مسألة البناء العلمي إنه من العواصم في مواجهه مثل هذه الفتن. وفي هذا نذكر آية واحدة في هذا الموضوع، وهو كان في فتنة المال وفتنة الرئاسة قارون أحسنتم، في قصة قارون ربنا قال إيه؟ ﴿فَخَرَجَ عَلَىٰ قَوْمِهِ فِي زِينَتِهِ ۖ قَالَ الَّذِينَ يُرِيدُونَ الْحَيَاةَ الدُّنْيَا يَا لَيْتَ لَنَا مِثْلَ مَا أُوتِيَ قَارُونُ إِنَّهُ لَذُو حَظٍّ عَظِيمٍ * وَقَالَ الَّذِينَ أُوتُوا الْعِلْمَ وَيْلَكُمْ ثَوَابُ اللَّهِ خَيْرٌ﴾ [القصص: 79-80]. فقارون خارج في الزينة، رئاسة ومال، ففتن به الناس، مين اللي ثبت قدام الفتنة؟ وقال الذين أوتوا.

فقبل ما تدخل في طريق الشهرة، والشهرة نسبية يا شباب، يعني إيه شهرة نسبية؟ يعني ممكن واحد شهرته على السوشيال ميديا، فإيه منين ما يروح مكان معروف، ومنين ما يدخل حته: تعالى مش عارف وتصور وأعمل مشهور. واحدة تانية شهرتها في دور القرآن، يعني هي هي مش معروفة يعني وهي ما شافش ما حدش يعرفها، إنما هي رقم واحد في التجمع في دور القرآن، يعني أي دار قران تتمنى أن فلانة اسمها يتكتب عندها على مش عارف إيه، فهي مشهورة في الحته دي.

خلاص، فالشهرة خطيرة جداً ومؤثرة على القلب. طب نثبت ازاي قدام الشهرة؟ أولاً الشهرة خطيرة وكان الناس تفر منها، احنا ده سيبه خلوه بقا ده بعدين. فمن الحاجات اللي أنا بقول خلوها بعدين إن شاء الله نتكلم قلب سليم في الدرس التاني. لكن من الحاجات اللي عايز أقولها هنا: العلم، علم إن إين نتعلم، وقال الذين أوتوا العلم ويلكم ثواب الله خير. يبقى احنا كده خرجنا في درس الناس ثلاثة، وهنا أقول خرجنا، يعني خرجنا في حاجة مهمة للدعاة، مهمة لمحافظ القرآن، مهمة للمعلمات والمعلمين في المدارس بأمور. أول حاجة أن العلم مقدم، تاني حاجة أن العلم مهم، ثالث حاجة أن إحنا محتاجين نبقى عارفين فروض العين ونحط لها خطة ننتهي منها، عارفين فروض الكفايات ونحط لها خطة نمشي فيها، دي مش بتنتهي بقا، يعني ممكن تفضل معانا العمر، بس عندنا خطة وماشيين فيها وبنتقدم.

ده عليكم يا جماعة، ده على كل واحد فيكم يعمله أو أنتم حرين هتعملوا بقا ما تعملوش، بس هو النجاة هنا، النجاة هنا لأن زي ما قلنا لكم الحاجة اللي مش عارف تقيسها مش هتعرف تديرها. يعني إيه؟ يعني حضرتك دلوقتي في كيان دعوي مثلاً، فبيدييك أوامر أنك تعمل كذا وترروح كذا وتعمل المقرأة وتلعب كورة وتعمل مش عارف إيه، لو ما عندكش أنت خطة موازية للعلم هاجي لك بعد سنة أقول لك أنت أحرزت إيه؟ ما أنتّش عارف أنت متقدم ولا متاخر، وأنت ما عندكش أصلاً خطة، فانت بتقيس على إيه؟ يعني أنت هأقول لك أنت فين في الخط؟ تقول لي هو ما فيش خط أصلاً، فشوية أنت بتذوب في هذا الكيان وبتعمل اللي بيطلب منك. لوحدك الشيطان بقا واخدك وعمال إيه يسحلك في الـ... طيب فده مهم، كل واحد منا يطلع يعمل لنفسه هذه الخطبة اللي هيمشي عليها إن شاء الله وبعد كده نعرف نديرها.

ها، إيه في نقطة قدر القليل في كل علم؟ إيه قدر القليل دي في كل علم؟ حاجة، أيوه يعني حطوا بقا لنفسكم حاجات، طب احنا احنا مش عارفين يا شيخ نحط إيه؟ أنا هدف الدور هنا مش إحنا برضو نحط لكل واحد بس اللي نقدر نقوله: أنك في أكاديميات عاوز أشكل، في أكاديمية أونلاين معهد، طب إيه؟ ما بقولش ما أعرفش يعني روح شوف يعني إيه المهم أو إيه اللي هيديك يعني اللي أنت عاوزه واشترك. بس اللي أقدر أقوله يعني لو في نصيحة واحدة أقولها: أنك يبقى اشترك في حاجة بتدي أكتر، يعني مش مثلاً حاجة متخصصة في الفقه أو حاجة متخصصة في التفسير، لا، مش وقته خالص لينا دلوقتي، إلا لو واحد مخلص وخلاص هو عارف طريقه، فده مش محتاج، مش محتاج يسمع مني حاجة أصلاً دلوقتي في الحته دي يعني. إنما اللي بيقول لي أنا مش عارف اعمل إيه فأنّأ بقول لك أهو: ما تروحش في حاجة متخصصة، يعني روح في حاجة بتديك تصور عن الدين، يعني يعني حاجة تخشها تلاقي فيها عقيدة، وتلاقي فيها فقه، وتلاقي فيها حديث، وتلاقي فيها آداب، وتلاقي فيها أخلاق، وتلاقي فيها سيرة، وتلاقي فيها كدة، بحيث أخرج بقدر كبير من العلم في كل فروع الشريعة.

خلاص.

مش واجب على كل مسلم إنه يتعلم عن الزكاة عشان لو وصل لها المال على الأقل. زكاة المال على الأقل، المال على الأقل لا مش واجب، مش واجب أن كل مسلم يتعلم عشان لما يوصل لا، لما يبقى يوصل نقول له بقا تعا تعلم الزكاة. بارك الله في جهودكم ويسركم. آمين. عاوز بس أقول حاجة نصيحة، يعني في الأوراق اللي زي كده ننزهها عن لفظ الجلالة يعني على قد ما نقدر نحاول نصيغ السؤال ليه؟ لأنها غالبًا بتمتهن غالبًا، فنحاول إيه يعني بلاش السلام عليكم بلاش بارك الله، يعني الكلام ده إيه خلاص أنا عارف أن اللي في القلب في القلب خلاص، مهما تكتبوا برضو ما تحبونيش.

فبلا: هل يجب أن يكون طريقي لتحصيل العلم تحت إرشاد شيخ أو متابع؟ هذا لا بد منه، ما ينفعش أصلاً. ها، مش فاكر. لازم يبقى تحت شيخ طبعا، لازم، ماشي. من أخذ العلوم بغير شيخ يضل عن الصراط المستقيم، وتلتبس العلوم عليه، حتى يصير ضل من تومه الحكيم، أو توه الحكيم تصدق بالبنات على رجال يريد ذاك كجنات النعيم. فلي هياخد العلوم من غير شيخ هيضيع، ماشي. من لم يكن، من لم يكن يعلم ذا فليسأل، من لم يجد معلما فليرحلي. ماشي، ارحلوا بقا. فلازم شيخ.

قال: إذا كان كدة، يعني لازم شيخ أو متابع؟ المتابع ده اللي احنا سميناه المنتور المرة اللي فاتت ده آه، ده مهم بردو عشان تفاصيل ال... إذا كان كدة نريد خطوات عملية للبحث عن الشيخ المعلم المربي. ما هو أنا يعني أنا بس مش عاوز أذكر يعني أنا حريص أن ما أذكرش أسماء لا الأشخاص ولا الكيانات ولا كده في الدورة، فاعفوني السؤال ده. خطوات أن إحنا ندور على شيخ مربي: ندعي ربنا ونفتقر أن ربنا يرشدنا ويوفقنا لحد ياخد بايدينا ويسير لنا ده، تاني حاجة نسال من نثق في علمه ودينه ونصحه. فمش هيجاوب، نرجع بقا الأول: تدعي ربنا إنه يجاوب، برجاء أعطانا خطة واضحة في حل جانب، في حل جانب وليس توجيهات عامة في حل جانب. في حل جامد، حل من الآخر وليس توجيهات عامة، ما تتفضل مكاني وتاخد المايك إنت وتدير الحلقة، إيه رأيكم؟ خطة عملية تفصيلية. ما فيش خططات عملية، أصلاً أنا يا جماعة اللي قدامي مستواي أنا أنا مش أنا مش الشيخ بتاعكم فأنّأ مش عارف مستوياتكم إيه، ولا بيئاتكم إيه، ولا ليكوا تقدروا توصلوا لإيه عشان يعني فأنّا هحط خطة، الخطة دي ممكن تنفع واحد ما تنفعش التاني، فعشان كده أنا يعني ببعد عن ده أحياناً.

بيجي شعور أنك لو لم تكن متفرغ لطلب العلم فلن تكون عالماً ربانياً؟ غالبًا آه، العلم الذي تصير به عالماً ربانياً يحتاج تفرغًا، فده غالبًا آه.

بناءً على ذلك فالأفضل أن تسلك طريق مثلاً في العلم مناسب للدعوة؟ ما أنا مش عارف بقا إيه التصور اللي عندكم طريق العلم المناسب للدعوة ده، دي بتاعة راجل ولا ست بالرصاص وخط وحش. هو رفع قبله ما أقول خط وحش. بيبقا مش عارف يعني بخاف أقول آه أو لا، يبقا عندي تصور، يعني مثلاً مثلاً يبقا عندي تصور مثلاً اللي هو العلم بتاع الدعوة ده أنك مثلاً مخلص الكتب الستة، ومثلاً إيه مستويين تلاتة في كل علم مثلاً عشان يا دوبك تبتدي إيه؟ الإمام أحمد قالوا له: الرجل يحفظه ١٠٠... ١٠٠ سكت صح، ٣٠٠.

الان يعلم شيئاً. يعني كده إيه؟ ابتدي، نقول كده ابتداً. ما نقولش كده دلوقتي، بس يعني ده مذهب أحمد في اللي يتكلم.

طبعاً احنا ما بنقولش كده، إنما أنا ليه بقول الكلام ده يا جماعة؟ أنا هزرت وضحكت وفرفشت، بس هو ممكن يبقى اللي باعت شكله، يعني تصوره عن العلم بتاع الدعوة ده اللي هو إيه؟ اللي هو شهرين ثلاثة، وأنا خلاص بقيت إيه هنطلق بقيت في الدعوة ما حدش يكلمني في العلم تاني لو سمحتوا، خلاص خلصنا المطلوب. غلط، غلط. ماشي، وغالبا غالبا اللي كده هيعك، غالباً يعني بنسبة تفوق الـ 95% هيعك. ماشي، ما فيش شيخ اللي عاوز يبعت ورق كل الورق ده، يعني أنت كوسة؟ يعني لماذا شخص يخاطب عموم الناس يتكلم 12 علم يتكلم؟ أنا ما قلتلكش يتكلم 12 علم، يتعلم الأول، تكتب العربية، ويقول 12 من علوم.

لا مش لازم تتعلم الـ 12 من العلوم العربية، أنا ما قلتش كده، ده أنا ما قلتوش، بس بقول لك تبقى فاهم يعني إيه علم كذا، يعني لما تبقي فاهم، مش عاوز تبقى فاهم كمان؟ يعني تاخد فكرة واشتري بكره، ممكن ربنا يهديك وتحب العلم وتسيب الدعوة وتريحنا.

السؤال بصيغة أخرى: يا شيخ، لقد ذكرت جزئية أن يعمل المرء بالقدر الذي يكفيه، ولكن نرى دعاة يقولون بأن العمل مناسب بمناصب عالية، والحصول على شهادات مثل الدكتوراه، وأحياناً السفر للخارج من باب الدعوة، وهذا يحتاج إلى وقت ومجهود كبير، كيف نوفق بين الكفاية؟

يعني اللي بيقولوه دول أنا مش عارفه في الدين الصراحة، ما أعرفش حد خالص من العلماء يقول اللي هو بيقولوه دول، إلا أن يكون اللي هم بيعملوه يسد كفاية في الأمة. إنما التصور إنه أنا هشتغل عشان معايا فلوس عشان أبقى غني فأبقى بدعو إلى الله، لفة بنت لذيذه، ودي مش موجودة في مش موجودة يعني خلاص. فأن مش عارف الكلام ده، يعني إنه ياخد ماجستير ودكتوراه ويسافر، بص ده سحل! هو المفروض يبقي داعية امتى أصلاً؟ وده كله ليه؟ لو هو اللي فيه يسد حاجة في الأمة، ساعتها نقعد ونفكر، ساعتها نقعد ونفكر. إنما ده أحسن طريق، خلي بالكوا هو اللي أنا، ده حرام؟ مش حرام! عشان نقفل الـ، يعني مش واحد قالي أنا هاخد بقى ماجستير ودكتوراه وهسافر للخارج، أقول له ما حدش يقدر يقول لك إنه حرام، مش حرام، لكن إحنا بنخاطب ناس شايلة هم الأمة، بنخاطب ناس شايلة هم الأمة، فنقول له تعال بقى خد ماجستير ودكتوراه وسافر للخارج واعمل فلوس، إيه ده؟ طب وبعدين بقى يعني أنت كده هتشيل هم الأمة؟ أنت شايل هم نفسك كده! دي حاجة.

المعنى التاني إنه في الغالب اللي بيبقى كده، يعني قلبه قوي قوي إنه مع الفتن دي كلها ما يميلش للدنيا، يعني قلبه فيه القوة دي، فأن ما أعرفش حد من العلماء يقول ده. ما أنا ما قلتش كده، ما بقولش حلال وحرام دلوقتي، بقول ليس ليه اختيار لواحد واقف على ثغر في الأمة إنه يترك هذا، وبرضه يا جماعة إحنا برضه يعني يا جماعة ركزوا في الكلمتين الجايين دول مهمين جداً. الـ، إن السمة الظاهرة في المجال الدعوي، سواء دعاة، سواء محافظين قرآن، رجال ونساء، إنان هم بيعطوا الدين فضل الأوقات، يعني تلاقي هو عاوز يبقى شغله 100 فل و14 بتاع الدنيا، وحياته 100 فل و14 في البيت، وعربيته 100 فل و14، وكل حاجة بـ 100 فل و14، وبعدين يتبقى كام ساعة كده، يقول لك إيه: خد بقى شوف أنت إيه هتـ هتشغلهم إزاي دول، وقول لي خطتي إيه ومشيني على المش عارف إيه؟ أنت كده بتهزر! أنت كده مش واقف على ثغر، لا.

إحنا عادي جداً الدنيا تختل عشان خاطر نبقى واقفين على الثغر بتاعنا، زي بالضبط لما هتروح تعمل الماجستير ولا تعمل الدكتوراه، هتلاقي بيتك في حاجات محتاجة تتصلح سبتها ما صلحتهاش، لما أبقى أخلص، أنا مشغول دلوقتي ورايا الرسالة والمناقشة، صح ولا بيحصل ولا لا؟ بيحصل كده. العربية فيها زنة مش عارف إيه، مش، لا، أنت في الدين مش كده! لا، كله ممكن يختل شيئاً ما في سبيل إقامة الدين، إقامة دين نفسك وإقامة دين الناس. إنما النفسية دي مش هتخرج لنا رجلاً أمة، مش هتخرج لنا الراجل ده، ماشي.

هل ينبغي أن نكون السؤال ده: في وقت البناء هل يقدم مسار على مسار، ولا بنبني في جميع البناءات في نفس كله في نفس الوقت؟

كله في نفس الوقت؛ العلم مع التربية مع التعبد، كل ده ماشي مع بعضه بالتوازي. عاوز أقول حاجة يا جماعة قبل ما أنسى، دلوقتي احنا عندنا المدارس منقسمة لثلاثة؛ طرفان ووسط. طرف ما بيهتمش بالبناء أصلاً، مدارس أقصد المدارس اللي على الساحه يعني، المدارس طرف ما بيهتمش بالبناء، ولو إحنا قلناها المره اللي فاتت دي. ماشي، خلاص عشان بس يعني عشان ما نوسوسش بقى في كل حاجة. النهارده في البناء العلمي اللي أنا بقول لك: اقعد 100 سنة اتعلم، وبعدين لما تخلص ال100 سنة تعال بقى نشوف إيه هتعطي، ما بقولش كده، بس برضه ما بقولكش في أسبوعين ثلاثة هتبقى متصدر وبتتكلم ومفتوح على كل حاجة، وليك رأي في كل حاجة، برضه ما بقولش، يبقى بضيعك. فإحنا عاوزين الوسط، ماشي.

طائفة القيعان تأثم! السؤال ده مهم جداً جداً. طائفة القيعان دي اللي هو زينا كده، والله لو في فروض كفايات في الأمة مش متحققة، وإحنا قادرين على سد هذه الـ كفاية وتقاعسنا وكسلنا، نأثم. وده معنى تعريف فرض الكفاية أصلاً في أصول الفقه؛ فرض الكفاية اللي هو إذا قام به من يكفي سقط الإثم عن إيه؟ عن كل الناس. طيب، لو ما قامش به ما يكفي، يأثم كل عالم قادر، كل واحد عارف إن ده فرض كفاية ومش متحقق، وقادر على إنه يسد هذا الثغر، فالقيعان تأثم لو بالشرطين دول؛ إنه عالم قادر وساب دين وراح بقى انشغل بالدنيا وعمل تجارة وعمل مش عارف إيه وسافر بره عشان يجيب الفلوس، وهو كان مستور كان مكفي، حياته ماشية مكفي، لكن هو متطلع لحياة لدنيا أفضل، طب في سبيل كده ساب الدين، ساب الدين، ساب دعوة وساب علم وساب قرآن عشان يبقى أغنى، يأثم طبعا. طبعاً، إحنا ما نتوقعش حد هنا كده، يعني كلكم طبعا ناس إيه صالحة.

كيف أحدد خطة لنفسي وكيف أعلم أنها واقعية وصحيحة؟ يعني السؤال ده كبير جداً، وبرضه يعني الدورة محدودة يا جماعة والله، يعني أنا أتمنى والله نجاوب على الأسئلة الكبيرة دي، بارك الله في علمكم برضه ونفع بكم. آمين. هل يكفي أن أكون في أكاديمية شرعية موثوقة، فأنا أعلم الخطة مجملة ولا أعلمها تفصيلاً؟

لو أنت واثق في في اللي بيدير هذه الأكاديمية وإن هو هيديك فروق وهو وهي دي خطة، أصل بصوا يا جماعة دلوقتي مثلاً أنا دخلت المعهد الفلاني اللي هو بيتكلم في تفسير القرآن، هم هو لم يدعي لك إن أنا هديك فروض الكفا فروض الأعيان في كل حاجة، هو ما قالش كده، فاهمين دي؟ طب في بقى أكاديمية أو معهد أهو بيقول لك: تعال هديك فروض الأعيان، هو بيقول لك ده وأنا أثق في القائم على الراس بتاع الـ أكاديمية أو المعهد أو كده، خلاص، يبقى هو بيديك فروض الأعيان، مش لازم تبقى أنت عارف بقى الـ تفاصيل بتاعتها يعني.

محتاجين نقرا بقية الأسئلة ولا إيه رايكم؟ طب هو أنا احنا كـ كده كده الظهر خلاص صح؟ نص ساعة! إزاي نص ساعة؟ طيب يعني طب خلاص خلينا نوقف أسئلة كده عشان عاوز أبتدي قبل صلاة الظهر الدرس التاني، فهنقف ناخد راحة.