د. أحمد عبد المنعمالسلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم.
نستكمل بإذن الله عز وجل سلسلة إشكاليات. مجلس النهاردة بإذن الله سبحانه وتعالى نسميه إن شاء الله إشكالية التفكير الهندسي. بما أن بتوع هندسة كثر فاحنا عايزين نطفشهم، زمان كان أغلب الملتزمين طب، دلوقتي أغلبهم هندسة، وده شيء مش مبشر، واديكم شايفين الحالة الإسلامية عاملة إزاي، فعايزين نتكلم على إزاي المهندسين دمروا الواقع الإسلامي. درس النهاردة بعنوان إشكالية التفكير الهندسي.
خلينا الأول نحط شوية قواعد؛ المجالس دي هي عبارة عن دردشة، نتيجة الأفكار اللي في الدروس دي، نتيجة تجارب أنا مريت بيها، نقاشات مع بعض الإخوة، إشكاليات الواحد شافها في الواقع، فالواحد بيحاول يعالجها على نفسه وعلى بعض إخوانه، ممكن تكون مش مناسبة لبعض الطوائف أو بعض الأشخاص في أماكن مختلفة، خلاص ما فيش إشكال.
بعض الناس اللي ممكن يشاهد مجلس زي ده أو يحضر، بيتصور صورة معينة عن المجالس دي، إن هي هتحل الموضوع بصورة إيمانية معينة، أو هتحلها بصورة فكرية نضجة أو أعقل أو أعقد من كده بشوية، فيفاجأ مثلاً بطرح مختلف. يعني السلسلة دي أو المجالس دي هي خليط من كلام إيماني تربوي فكري، خليط منها، فممكن تجد إن هي تناسبك في جزء وما تناسبكش في جزء.
لكن زي ما قلت لك هي نتيجة نقاشات الواحد مر بها مع نفسه أو مر بها مع إخوانه، فمن باب زكاة المعرفة والعلم والتجارب الواحد مر بها بيطرحها على إخوانه، إذا شايف إن أنت تحل هدفنا الرئيسي، الهدف الرئيسي أن اللسان يرتقي بإيمانه، لا يرتضي بالدون في حياته الدينية، ده الهدف الرئيسي أن الإنسان يصل إلى مرتبة الإحسان في علاقته بالله. استطعت بفضل الله سبحانه وتعالى أنك تحقق ذلك من أي وسيلة كانت فبها ونعمت، خلاص؟
طيب درس النهاردة، أنا بقالي فترة نفسي أتكلم عن درس إشكالية الجمع بين الدين والدنيا، درس إشكالية الجمع بين الدين والدنيا. بس أنا اضطريت أن ده يبقى الأول، اللي هو التفكير الهندسي، قبل درس إشكالية الجمع بين الدين والدنيا، والمقدمات اللي هنتكلم فيها النهاردة مهمة جداً لفهم قضية الجمع بين الدين والدنيا، لذلك آثرت إنا نبدأ بالمجلس ده إشكالية التفكير الهندسي قبل درس إشكالية الجمع بين الدين والدنيا.
هنقول مقدمات، المقدمات دي مهمة للدرس النهاردة ومهمة أصلاً لدرس الجمع بين الدين والدنيا. طيب المقدمة الأولى، عايز أتكلم مقدمتين أو تلاتة وبعدين نبدأ نتكلم أمثلة، ماذا أقصد بكلمة إشكالية التفكير الهندسي؟ نماذج منها في التعامل في العلوم الشرعية، التعامل في الظواهر الاجتماعية، التعامل في قضايا الخلاف، هنعمل إسقاطات بإذن الله سبحانه وتعالى.
ماذا أقصد بكلمة التفكير الهندسي؟ ممكن يكون واضح من الاسم، اللي هو التفكير الحاد، أن الحياة مسطرة ومربعات يعني ما فيش دوائر، يعني الحياة عنده أبيض وأسود، الحقيقة عنده أقام ما فيهاش نسب، هي فيها مثلاً إيه تحتمل وما تحتملش؟ لا، هو عايز الحياة رقم معين. زي بالضبط دلوقتي ما بيقولوا أن أي شيء عشان يطور وعلاقة الإدارة مع تطور علم الإدارة، وعلم الإدارة ممكن نلطش فيه النهاردة في كذا حاجة كده، أن يقول لك أي حاجة لازم تكون عشان نقدر نطورها لازم نمسكها، لازم تكون قابلة للقياس الأول.
يعني أي حاجة عشان أقدر أطورها لازم يكون عندي معيار أعرف أقيسه، عشان أقول لك بيأخد درجة كام. ده في منتجات، في سلع، في فلوس، في أرقام، لكن الإشكال لما المنهج ده يطبق على الإنسان، ودي أول مقدمة النهاردة هنتكلم فيها، أن المفروض أن الإنسان كائن مختلف، الإنسان مختلف، الإنسان خلقه الله سبحانه وتعالى بيديه ونفخ فيه من روحه، الإنسان مش نتيجة تطور من الحيوانات، الإنسان مش نتيجة تفاعل كيميائيات تحصل في دماغه فبتطلع أفكار، الإنسان بداخله روح، الإنسان ظاهرة معقدة، الإنسان مش مجرد آلة تقدر تحسبها.
ومن هنا لما يبدأ وده إشكالية دلوقتي موجودة في العالم اللي احنا عايشين فيه، العالم اللي هو بيسموه بقى الحداثة وما بعد الحداثة، وبدأوا يتعاملوا مع الإنسان على أنه آلة، أن احنا نقدر نقيم حتى علم النفس، بدأوا يتعاملوا مع علم النفس على أن ده مجرد مؤثرات واستجابات، يعني يتعمل له مؤثر يدي استجابة، عايزين يفقدوا قيمة الإنسان الرئيسية، يعني معاملة الإنسان على أنه مجرد ظاهرة قابلة للحساب، وأنه مجرد رقم، وأنه آلة، ده خطر جداً، ده بيفقد أجمل ما في الإنسان، روح الإنسان، هذه النفس، المشاعر.
يعني في حاجات بداخل الإنسان صعب جداً قياسها، وصعب التعامل معها تعامل هندسي، يعني الإنسان متداخل، الإنسان معقد جداً، النفسية البشرية في قمة التعقيد. بني آدم، الناس بتميل دائماً للتعامل، عموم الناس بيحب التعامل البسيط اللي ما فيش فيه قواعد كتير، يعني مثلاً لكم مثال كان ضربه الشيخ الطريفي في مقالة بتتكلم عن المصائب اللي بتصيب المؤمنين، كنت أنا أتكلمت في درس الفارق ما بين مصائب المؤمنين ومصائب الكفار أثناء التعليق على حادثة حريق إسرائيل.
أن العقول بتحب القاعدة الواحدة وتطبقها، يعني مثلاً أن المصيبة إذا نزلت تعني أن الله سبحانه وتعالى يغضب على هؤلاء القوم، دي قاعدة، هو عايز تبقى قاعدة واحدة، فيقول لك خلاص دول كفار إذا تنزل عليهم مصائب، دي قاعدة بسيطة بيحفظها كده. لما يحصل أن المؤمنين ينزل عليهم مصائب أو كفار ما ينزلش عليهم مصائب، يبدأ يحصل له إيه؟ بيتقلوا بتوع هندسة بقى، إيه ده أنا دخلت المعادلات بتقول كذا، فتقول له لا، ما هي معادلات كتير، يعني هي في قواعد، قاعدة واتنين وتلاتة وخمسة وعشرة، سنن متداخلة بتعمل سويا، بتعمل معا يعني، مش سويا، بتعمل معا، بتعمل مع بعض.
فأنت بتقوله الحياة مش قاعدة ولا معادلة ولا اتنين ولا تلاتة، الإنسان أعمق من كده وأعقد من كده، ودي إشكالية اللي بيبدأ عايز يتعامل في سنن الله في التغيير برضه بالأرقام، يقول لك هو احنا لو الإصلاح لو وصل نسبة كام في المية ييجي النصر؟ يعني كل حاجة بدأ عايز يتعامل معها بأرقام، واحنا مثلاً حط لي مثلاً عدد سنين نشتغل فيه فبالتالي يحصل فيه تغيير في الحالة الإسلامية، يعني بقى كل حاجة عايز يتعامل معاها بصورة إقمية أو بصورة حادة لا يمين يا شمال.
فده نشأ زي ما قلت أن للأسف التفكير دلوقتي بدأ بيعامل الإنسان حتى في وظيفته أن هو رقم، أن هو منتج، أن هو بيطلع قد ايه؟ أنت قيمتك في درجتك، يعني قيمتك في الدرجة اللي بتجيبها، قيمتك في شهادتك، قيمتك في بتطلع قد ايه، فبالتالي هنعامل الإنسان كده. لو احنا مثلاً الإنسان ده قللنا له ساعات العمل مش عشان هو بني آدم، عشان وجدنا أن المنتج لما بنقلل له ساعات العمل وندي له فترة راحة أكتر، وجدنا أن المنتج اللي بيطلعه أكتر، فبدأ التعامل معه على أنه مجرد حاجة ضمن الطبيعة.
وزي ما قلت، ده من آثار، ولو قعدنا نتكلم بس ده في درس ممكن بقى تاني مش في المسجد، آثار نظرية التطور في كل العلوم منها ده، منها التعامل مع الإنسان أصلاً، أن هو مجرد تفاعلات كيميائية ناشئة من تطور حيوانات معينة، فبالتالي عادي ممكن نطبق عليه المعادلات دي.
يبدا دي أول مقدمة، أن الإنسان ظاهرة معقدة، صعب جداً التعامل معها بصورة هندسية أو بصورة أن هي تقاس وأرقام. طيب لذلك بيحصل أحياناً تضارب دلوقتي بين علم الإدارة وعلم الاجتماع، خاصة علم الاجتماع أنا رافض فكرة التطور، علم الاجتماع بيتعامل مع الإنسان أن هو ظاهرة معقدة، علم الإدارة لا، احنا كل حاجة هنقيسها ونعملها، لذلك أحياناً بتعيد النظارة أحياناً بيطلعوا نظريات سطحية جداً في التعامل مع الإنسان، لأن هو بيتعامل مع الإنسان على أنه قادر، مش قادرين يفهموا أن الإنسان زي ما قلت أعقد من كده.
فبدأ مثلاً أن التعامل مع الإنسان أن احنا نقدم له نماذج جاهزة، اللي هو بيسموها نمذجة الإنسان، أو هندسة، أو قولبة أي حاجة، مهزلة أي حاجة على نفعلها كده، أن الإنسان احنا ممكن نعمله قوالب.
ده بالفعل، وده الإشكالية مثلاً لما تيجي تشوف مثلاً فكرة المدرسة، شوف مثلاً فكرة المدرسة، أو خلينا المدرسة دي نتكلم عنها في المقدمة التانية، يبقى المقدمة الأولى عشان ندخل بس في الموضوع. المقدمة الأولى اللي أنا عايز أتكلم فيها أن الإنسان أعقد مما تتخيل، حياتك مليئة بالتدخلات والأقدار وتعقيد ونفسيتك ومشاعرك وعقلك، الموضوع مش لما تيجي تختار في حياتك، أنا الغرض النهاردة اللي هنخرج به من إشكالية التفكير الهندسي، الإشكاليات اللي تقابل الناس أثناء اختياراتها الحياتية.
يعني درس النهاردة غرضه أن التفكير ده، اللي هو التفكير الهندسي اللي أنا شايفه مش صح قوي، أو محتاج، بلاش برضه مش صح قوي، التفكير ده يأثر على اختياراتك، يأثر لما تيجي تسأل سؤال هو ده صح ولا غلط؟ لما تيجي تسأل في الدين والدنيا، لما تيجي تسأل في لما الواحد عايز يختار زوجة أو زوجة بتختار زوج، لما بيجي يتعامل بمواصفات هندسية، يعني داخل معه ورقة كده ويعمل صح على المواصفات وغلط على المواصفات، أو هو بيعمل معها كده.
التفكير الهندسي ده يأثر على اختياراتك، يأثر على اختياراتك في وظيفتك، لأصدقائك، بحياتك، تقييمك للناس، فالتفكير النسبي لما بيسيطر عليك بتلاقي حياتك جزء كبير من اختياراتك تتأثر بطريقة التفكير دي. فلو احنا حاولنا النهاردة نصلح طريقة التفكير دي، ممكن طريقة اختيارك للشغل، للزوجة، أو الزوجة لاختيارها للزوج، ممكن ده يتغير، لما تتخلص من التفكير الحاد، أو هو يتخلص من التفكير الحاد، الاختيارات.
خلاص، يبقى درس النهاردة الغرض منه ضبط قضية اختياراتنا، أن اختياراتنا، عشان كده قلت درس النهاردة مقدمة لدرس أصلاً إشكالية، لأن الناس عندها تصور، كتير من الناس لما بيسأل الجمع بين الدين والدنيا هو متصور أن في معادلة معينة، في باسوورد معينة أنا هديها له، هيضربها، هيجمع بين يدي له دنيا. هو متصور إيه؟ أن هو أصلاً متصور تصور معين عن الدين والدنيا غلط، وعايز حل يديه لي، وعايز حد يعمله له بصورة معادلة، فيروح يطبق المعادلة، يلاقي نفسه جمع بين الدين والدنيا. هو التصورات دي كلها غلط، فبالتالي أنتجت طريقة غلط في الحياة.
طيب يبقى المقدمة الأولى: الإنسان أعقد من كده، ما تتعاملش مع نفسك بصورة ساذجة. ولا مع الإشكال التاني، يبقى ده الإشكال الأول. الإشكال التاني اللي خلانا نفكر كده غصب عننا، أو جزء مننا كبير بيفكر بالصورة الهندسية دي، كان زمان المجتمع، وده برضه مش قصتنا، ده ممكن مثلاً لو أنتم عايزين تسمعوا أكتر في تصور المجتمع، جزا الله خيراً بشمهندس أيمن عبدالرحيم كان أتكلم في تأسيس وعي المسلم المعاصر وخاصة في الحلقة الأولى والثانية تقريباً، في تصورات المجتمعات الإسلامية كانت عاملة إزاي قبل نشأة الدولة الحديثة اللي احنا فيها.
يعني ربنا يحفظه، البشمهندس أتكلم في مسألة وغيره كتير طبعا، بس أنا بتكلم على حد حاول يبسطها، وده قيمة اللي بيعمله البشمهندس، اللي هو تبسيط المعلومات. شكل المجتمعات الإسلامية ما كنش بالصورة اللي احنا عايشينها دلوقتي، يعني الصورة اللي احنا عايشينها دلوقتي اللي هي صورة الدولة الحديثة اللي كل واحد فينا هو لازم يبقى له بطاقة، لازم يبقى له رقم، يعني اسم ورقم ودبلومة، فبالتالي أنت من لحظة ولادتك تاخد رقم، لحظة ولادتك تاخد رقم، وتبدأ تنتقل في مسارات محددة ما ينفعش تخرج وراها، تدخل الكي جي، يدخلك في مدرسة، المدرسة فيها اختيارات معينة، تتخرج لكليات اختيارات محددة حسب مجموعك، وظائف محددة لغاية حتى فكرة من لحظة الولادة للحظة ما بتتموت، ما بعد الموت حتى اختياراتك محددة في اللي بيحصل لك.
الصورة دي بتاعة التنقل اللي أنت فيها، قدرة من الاختيارات، والاختيارات بتبقى محدودة، ويدوي. الصورة دي جديدة، الصورة دي ما كتش موجودة في المجتمع المجتمعات الإسلامية قبل كده، ولا حد عموماً المجتمعات قبل فكرة نشأة الدولة الحديثة. عايز أضرب لكم مثال يفهمكم فكرة التسكين دي، أن أنت متسكن في منطقة معينة، فبالتالي صعب انك تفكر براها، وده اللي موجود عندنا دلوقتي.
في نموذج كده بيقول لك نظرية إزاي تراقب الناس بأحسن صورة، نظرية في الرقابة والضبط، إزاي تضبط الناس اللي أنت مشرف عليهم. فكان في فكرة سجن كده معين، السجن ده اسمه شامل نظرية بالنظر، يعني الله أعلم ده تحليل الكلمة على الواحد عارفه في الطب يعني. المهم بأن ده ده القبضي كان ده عبارة سجن شكله إيه؟ سجن مدور كده، حتى اي حد أما يرجع يبقى يكتب الكلمة دي كده على جوجل وهيوف سجن مدور وما بين كل الأوض فيه جدار، كل واحد في كل أوضة مش شايف زميله، وفيه واحد في النص، يعني هو مدور وفيه واحد واقف في النص معمول له مكان يقدر يشوف فيه كل الأوض اللي موجودة، وهم ما يقْدروش يشوفوا بعض ولا يشوفوه، وفي واحد بس واقف في مكان يقدر يشوف كله، ده مصمم بهذه الصورة، خلاص؟
دي كانت فكرة الرقابة، يعني فبالتالي كل واحد بيتعامل أنه ملوش دعوة باللي جنبه، وبيتعامل على أنه مراقب، الحارس ممكن ينام، ممكن يمشي، وهم منضبطين.
حاسين إن هما إيه؟ مراقبين. ليه؟ لأن هو محطوط في مكان معين. طبعا مع الحياة الواسعة دلوقت وتغير ذلك حتى برضه مش عايز أدخل في كلام فكري كتير يعني يعني الرقابة الجديدة بقت أعمق من كده لذلك كتاب المراقبة السائلة بيقول لأ الموضوع بقى أخطر من كده دلوقت والصورة بقت محتاجة.
المقطوعات بقت مفتوحة بس الشاهد اللي أنا عايز أقوله أنت بقيت رقم بتتحرك في اختيارات محدودة معينة، وبتعتمد ده خلاك إن أنت تعتمد إن أنت مش حاسس إن أنت حر في اختياراتك. أنت سايب نفسك لكتير من الاختيارات. أنت ضمن مؤسسات. فقتل عندك إحساس بالذاتية معينة.
زي ما كان محمد عبده بيقول على محمد علي إن هو نزع بأس الأهالي. الأهالي كانت هي اللي بتقوم هي اللي بتفكر الأهالي. كانت هي بتحس إن فيه مشكلة في المجتمع المسلم مثلاً تجاه أهل الفقراء تجاه الجهاد فالأهالي هما اللي كانوا بيتحركوا. دلوقت أنت مش أهالي أنت فرد أنت جوه مؤسسة.
فدلوقت سمعت إن فيه مشكلة كبيرة مثلاً في مية النيل. تمام أنت مستني المؤسسات تعملها ويجي لك دور تسقى إن أنت وظيفة تنفذ ده خلاص ما جالكش أنت ضمن إيه؟ الخطأ.
أنا بقى مش بناقش ده في الدنيا أنا ما ليش دعوة دلوقت. أو حتى فكرة المدرسة وأن أنت بتتسلم في المدرسة وتقعد في دِكّة وتلبس نفس اللبس وشعرك لازم يبقى له شكل معين وكلكم بتاخدوا نفس المعلومات. رغم أن اللي قاعدين مختلفين جداً. لذلك كان برضه في محاضرة في واحد فلسطيني أظن هو مسيحي نصراني بيتكلم في إن هو إزاي استفاد من أمه ومن الفراخ اللي أمه بتربيها أكتر من المدرسة. قصة كده كان بيحكيها يعني.
أنتم بتحبوا القصص بس أنا مش هاكيها لكم. أهو المهم يعني إيه وطبعا اللي عايز يقرا في مسألة إزاي المدرسة بتأثر على أنماط الناس وبرضه ربنا يحفظه الدكتور حسام أبو البخاري اللي له كلام جميل في مسألة تحويل الناس لأوامر قالوا نظرية قوالب إن إيه تسليم عقلك للإعلام وللتعليم طلع في الآخر إيه قُلبت بس هما شوية قوالب.
في الدين بقى تعالوا بقى أنا كل ده مقدمة ما ليش دعوة مش جاي هنا أتكلم عن النقطة دي لأسف أنا بقينا بنفكر كده بقينا عايزين مؤسسة دينية تستلمنا من أول ما بنتولد وتدينا رقم وتدينا وظايف وتعلمنا وترقينا وتشغلنا وتعلمنا ثغرنا وتوظفنا فبالتالي كتير من اختياراتنا الدينية إحنا قاعدين منتظرين حد يختارها لنا. ولما بنجدش نفسنا ضمن هذه المؤسسات الدينية لو أنت مش ضمن جماعة مش ضمن مؤسسة دينية معينة تحس إنك في الهوا فبتبدأ تفقد الذاتية بتاعتك للبحث عن دينك. وأنت لأسف بتجد ده في الدنيا فانت بتحس إنك أنت عايش في حالة من التناقض في الدنيا أنت في مؤسسات بتستلمك بتعلمك بتوظفك في الدين مش لاقي ده. مع أن هو مين اللي قال إن النموذج الأول صح أصلاً؟ لكن الشاهد أنت بتيجي في الدين ودي أجدها مثلاً زي اللي كتب زي أحمد السيد لما كتب مقالة لم أعد إسلامياً أن اللي كان ضمن مثلاً جماعة أو سينا حس إنه في الهوا. ما عادش قادر يتعايش ما عادش عنده طاقة ذاتية أن هو يبحث عن دينه هو.
لأ هو منتظر توظيف ديني يجيب كتير من أسئلة الشباب اللي الواحد بيسمعها بحسها يعني برضه عشان ما نبقاش نتوقع فيما ننتقده أن أي ظاهرة اجتماعية ما ينفعش لما تيجي تحللها تنسبها لعامل واحد كتير من الشباب ظن أن أحد إشكالياتهم في طريقة تفكريهم أن هو التفكير ده أنه متأسف بالتفكير الهندسي ومتأسر بنموذج الدولة فلما بيجي يسأل عايز اختيارات محددة يقول لك عقلية بقى إيه؟ إيه الحل؟ ألف للام تقول له يعني يقول لك أنا عايز الحل تقول له الحل لإيه؟ للي إحنا فيه اللي هو يعني السؤال ده معناه أن أنت راسم في صورة مثالية عايز توصل لها ومتصور أن في طريق مرسوم هندسي بخطوات محدودة من اللحظة اللي إحنا واقفين فيها للصورة اللي أنت عايز توصل لها وده برضه نتيجة مش عايز أدخل برضه في قصة كثيرة أن برضه المجتمع لما مر بتطورات معينة بدأ يرسم صورة عن عالم المتقدم أن إحنا لما نتقدم دنيوياً هنعيش حياة أفضل. أن كل ما نتقدم دنيويا هنعيش وزارة بقى الكتابات اللي هي إيه اليوتوبيا أن في صورة لمدينة فاضلة هنوصل لها في يوم من الأيام كل حاجة هتتبقى فيها حديثة كل حاجة هتتبقى فيها الحياة هتبقى قمة الانتخة اللي هو الفردوس في الأرض في تعبير المسيحي.
هو بقى متخيل أن في الدين كده هتيجي لحظة للخلافة مثلاً متصورها مثالية معينة هننظر فيها لمرحلة إيه فيها الوحش ونعيش في حالة من إيه؟ من الانتخاب. هو متصور كده. وبالتالي بيسأل سؤال فيه كمية أخطاء رهيبة. بيقول لك إيه الحل؟ هو بيسأل إمتى نوصل الحالة دي ونوصل لها ازاي وعايز من واحد مش مش مثلاً من مجموعة أفكار بتتلاقى أن شخص يقدم له الرؤية دي. طبعا ده مش موجود. فانت وتقول له الرسول ده تسأله حلل إيه؟ يعني أنت عايز تروح فين؟ أنت تايه يعني أنت أنت نازل فين؟ يعني عايز تروح فين؟ وبتسأل على الحل اللي أنت تقدمه ولا الحل اللي الناس هتقدمه؟ يعني تسأل على إمكانياتك ولا تسأل على إمكانيات الأمة؟ يعني أنت بتسأل على إيه؟ فبتبدأ تسأله الأسئلة دي شكلك مش فاهم.
معك خلاص أشوف حد تاني يعني تشوف حد تاني أسأله أحسن أنت غاوي إيه؟ غاوي كلام. أحياناً ده ولدت فعلاً عقلية عند كتير من الناس أن هو زهقان من الواقع وعايز يخلص منه. يقول لك إيه؟ هي إيه المشكلة؟ تقول له مش ليه؟ تقول له في مشاكل كتير إحنا لا لا لا عايز برضه يفكر الألف ولام هي مش إيه المشكلة الأوحال لو مسكناها وحلناها خلاص حياتنا هتتصلح. فأحياناً بيبقى عنده تصور مثالي هو مش موجود أصلاً. والصورة اللي عايز يرسمها دي اللي عايز يعمل الدين زي الدنيا. حاجات بتاخدك وتنتقم. مش بس كده. عارفين مثلاً ودي هتكلم فيها على آثار أصدق شوية عشان إحس أن الكلام جاف. لأن أنا آعرف أما تيجي آثار التفكير الهندسي ده أنا هاجي لها في الآخر بس أجيب حاجة سريعة جداً. عارفين اللي بيجي يدرس مثلاً أنماط الشخصيات يقول لك إيه في بيتناولوها بأكتر من حاجة.
يجي منها مثلاً الأزرق والأصفر والأخضر فتلاقي هو عايز يقسم النفس البشرية والإنسان المعقد ده لأربع حاجات يقول لك إيه فلان ده أزرق وفلان ده أخضر. هي يعني إيه؟ ولما يحب يجود أوي يقول لك ده أزرق من يعني لما يعني هو معتقد كده أن هو ما عدش هندسي لأن هو ما عدش حد أبدا. هو الإنسان أعقد من كده بكتير. يعني الإنسان أعقد من أنتم بصوا وده شرحه إن شاء الله التقسيمات والقواعد مهمة للفهم. لكن لما تيجي تنزل على أرض الواقع محتاج تبقى أكثر جُونة. ودي الخلاصة اللي بتطلع بيهم الدرس أي علم هتكلم على أضرار التفكير ده في العلوم الشرعية. وانتقي بعض العلوم في الفقه والعقيدة والتفسير مثلاً. في الحياة الاجتماعية ماشي.
أنك عشان تفهم أي حاجة محتاج شوية قواعد صح. وتكون قواعد في الأول بسيطة. لكن لما تيجي تنزل على أرض الواقع ما ينفعش تتعامل بهذه الصورة فتلاقي برضه أنه أما يجي عايز يقسم الناس عايز يقسمها تقسيمات حادة شوية. طيب يبقى دلوقت إحنا قلنا مقدمتين المقدمة ببساطة الإنسان أعقد مما تتخيل فبالتالي حياتك متداخلة ومعقدة. لما تيجي تستشير في حياتك بلاش تتعامل بصورة ساذجة قوي. بلاش أما تيجي تسأل صح ولا غلط وهي الموضوع مش حلو حرام. الموضوع هنا اختيارات حياتية واسعة جداً. الاختيار اللي يناسب فلان ما يناسبكش والاختيار ده مناسب لفلان لأن ظروفه متغيرة عن ظروفك. ودي خطورة ودي برضه إن شاء الله ممكن نشير إليها خطورة الإجابات المعلبة الجاهزة اللي لكل الناس فدي برضه لأسف نشأت نتيجة الإجابات اللي على الأصل لشخص بتسأل من ناس ما يعرفهمش ما يعرفش واقعهم أصلاً. وخطورة التعميمات في الإجابات. كل ده مين اللي قال الإنسان أعقد من كده؟ النقطة التانية الصورة اللي إحنا متربيين عليها دنيويا إحنا عايزين زيها في الدين. فلما بيتشال من المؤسسات ديت أو أن هو يبقى رقم أو يبقى له انتماء. دينياً يحس أنه في الهوا.
يبدأ يفقد الذاتية في الدين. ويبدأ يعيش يقول لك خلاص بقى أنا إيه مش هعمل حاجة. لأن كمان التفكير ده ولد أن هو عايز كل حاجة بيعملها في الدين يشوف لها أثر. ما هو في الدنيا كده. آخر الشهر بياخد مرتب. عمل كذا بيتقاس. إحنا قلنا إيه؟ كل حاجة لابد أن تكون مقاس.
فهو عايش في الدين كده. عايز برضه في الدين كده. أنا علمت كم طفل أنا عملت كذا حصل قصاده كذا. ما حصلش الأرقام دي يبقى أنا فاشل يبقى أنا أترك هذا الثغر بتعامل بصورة هو مين اللي قال إن الدين بيتعامل فيه كده؟ طب والنبي وليس معه أحد ليأتي يوم القيامة النبي ليس معه أحد.
فانتقال المعايير الدنيوية الرقمية ديت للدين غلط. طيب تعالوا بقى نبدأ ندخل على الإسقاطات إحنا قلنا أن الإشكال أن هو الشخص اللي عايش الحياة الدنيوية دي عايز يسقط ده في الدين. فمنتظر نموذج ديني يبقى زي النموذج ده. لما ما بيلاقيهوش بيبدأ يعيش حياة فاقد فيها الذاتية.
يعني مثال مثلاً حاولوا تقارنوا بين نموذج الصحابة. ونموذج مثلاً اتباع التابعين يعني شوف الصحابة نشأوا نشأوا في واقع عامل ازاي. الصحابة نشأوا في واقع ما لسه في استقرار. يعني إيه اللي هيحصل؟ ما إحنا عارفين طب إحنا في مكة طب هنروح بلد زي الطائف مش عارفين طب هتروح طب لما هنروح ناس تهاجر الحبشة ملك الحبشة والحبشة هتسلم وهتبقى دي القاعدة ننطلق منها مش عارفين طب لما طلعت المدينة ورحنا المدينة إيه اللي هيحصل مع اليهود مش عارفين. يعني أنت قاعد بتعيش الخطوة بتفكر وبتشتغل في المتاح تبذل أقصى ما تستطيع في المتاح بتحط خطط ممكن تتغير وقاعد ماشي. لذلك لما النبي صلى الله عليه وسلم مات ما سابش ليهم خريطة هندسية للوصول للحظة اللي أنت بتحلم بها. يعني ما قعدوش يفتشوا كده لقوا ورقة. الخريطة بقى اللي أنت بدور عليها دي بتاعة التمكين ما قعدوش يدوروا عليها.
ده أنا عايز أقول لك أن أعظم حاجة ده رأي جمهور العلماء يعني في خلاف في استخلاف بسيط. أعظم حاجة كيفية انتقال الخلافة ومين اللي هيتولى الخلافة لم ينص النبي صلى الله عليه وسلم على ذلك. كان في إشارات كثيرة لتقديم أبو بكر للإِصامة لما جت امرأة سألت عن النبي صلى الله عليه وسلم لو ما قالتلكش أسأل مين؟ قال أبو بكر. إشارات كثيرة موجودة أن هو أبو بكر الصديق أفضل الناس. لكن الشاهد لم ينص وده رأي الجمهور ورأي الأغلبية. النبي صلى الله عليه وسلم الذي سيأتي بعده خليفة هو أبو بكر وآلية انتقال الخلافة إزاي وثم تنتقل اللي بعده إزاي؟ ده لم ينص عليه النبي صلى الله عليه وسلم. ده سد ده مفتوح في أبواب السياسة الشرعية. وده أصلاً من جمال هذه الشريعة عشان تصلح لكل زمان ومكان. إحنا عندنا ثوابت وعندنا متغيرات. عندنا أصول ثابتة ما بتغيرش. وعندنا قواعد زي يعني تلاقي كتير بيسأل اللي بذاكر فقه يجد أن أبواب العبادات كمية النصوص اللي فيها كتير جداً الأحاديث.
المعاملات يجد أن الأحاديث كتير لكن غالبها أميل إلى القواعد. في نصوص على حاجات محرمة بعينها. يعني في حاجات محرمة بعينها زي الكلب في في جزئيات منصوص عليها. لكن غالب أبواب المعاملات خاصة المالية هي قواعد. وده من ربانية هذا التشريع أن ده تصلح لكل زمان. لأن في حاجات ثابتة زي العبادات وفي حاجات أنت محتاج تدرسها كقواعد. فالنبي صلى الله عليه وسلم لما مات الصحابة وجدوا أنفسهم أنفسهم مطالبين يغيروا الواقع وما معهمش التفاصيل. لذلك سيدنا عمر راح لما لما راحوا للنبي صلى الله عليه وسلم قالوا له اكتب لنا كتاباً في مرض موت النبي صلى الله عليه وسلم طلبوا من النبي صلى الله عليه وسلم يطلبوا له كتاب. في تفاصيل كل حاجة. فسيدنا عمر قال.
عندنا القرآن هي أصلية. لو اتكتبت كل حاجة أنت أصلاً ده ممكن يكون على فكرة يعمل حالة من العَنَت. ما تعرفش تخرج براها يعني أحياناً التغيرات أوسع من كده. فلما هما النبي صلى الله عليه وسلم وحصل الخلاف فترك النبي صلى الله عليه وسلم للكتابة شرح الحديث ده له قصة كتير. لذلك لما تيجي تقارن بين خلافة الصديق رضي الله عنه وخلافة عمر بن الخطاب زمناً وتأثيراً ويعني ومعاييرنا إحنا أن خلافة عمر أفضل بكتير. يعني.
خلافة عمر حققت نجاحات رهيبة وقت أطول بل النبي صلى الله عليه وسلم في رؤية لما قال لما رأى رؤيا أن يجي بعده الصديق رضي الله عنه ينزع في نزعة ضعف يغفر الله له كما قال صلى الله عليه وسلم ثم قال ثم يأتي عبقري لم أرَ من ينزع مثل نزعه اللي هو عمر بن الخطاب. إشارة لمعدة الخلافة بتاعتي.
والإتقان اللي هيحصل في الخلافة الإسلامية على يد عمر بن الخطاب في حين الصديق أفضل، إزاي؟ الصديق مسك في فترة كلها تقلبات وتغيرات؛ ارتداد عموم الجزيرة العربية، ويرتد الجمعة لا تقام إلا في ثلاثة مساجد، حالة من الارتباك.
النبي صلى الله عليه وسلم ما سابلوش تفاصيل يحلها إزاي، هو عنده أصول وده هيبقى قيمة القرآن إنك ترجع له كتير. يعني أنت عندك أصول من خلالها كان بيتحرك، لذلك لما اتسأل قال: أنا هاجرب المرتدين، أنت بتحاربهم ليه؟ هو عنده أصول شايف إن القرآن ما بيفرقش بين الصلاة والزكاة فقال: لأقاتلن من فرق بين الصلاة والزكاة. عنده أصول بيرجع لها، بدأ بجمع القرآن، حارب المرتدين، أنفذ جيش أسامة، تعامل في منطقة فيها قمة الارتباك.
لما بدأ يحدث نوع استقرار، تسلم عمر الخلافة. سيدنا عمر عشان يبدع كان محتاج الواقع اللي فيه استقرار. ده الفارق الجوهري ما بين نموذج الصحابة أن هم قدروا يقيموا العبودية في أي واقع مضطرب. نموذج أتباع التابعين أبدع لما حصل استقرار، لما قيمة الخلافة ونشأت المدارس العلمية وبدأ يحصل استقرار، وكل إمام يقعد في مكان في مسل بلد، وظهرت المدارس؛ مدرسة الكوفة، ومدرستان البصرة، وسواء المدارس بعد كده؛ المدارس اللغوية أو قبل كده المدارس الفقهية أو مدارس التفسير.
وكان ظهر له تلامذة وتلامذة التلامذة، الواقع إحنا بنعرف نشتغل فيه ليه؟ لأن فيه استقرار. لكن لما يكون الواقع مضطرب وما فيش استقرار، تلاقينا صعب إن إحنا نتحرك، أهو اللي إحنا بنمر بيه أشبه بالواقع، طرق، لكن أنت محتاج تبحث عن عبوديات تتحرك فيها. ما فيش حد هياخدك، يعني ده مش كل الناس هتجد ده؛ إنه ياخدك ويعلمك وفهمك ويربيك ويقول لك: اختار ده ثم ده ثم ده. ما فيش، هتعمل إحنه؟ هو كله بيحلم بالنموذج ده، كله بيحلم بالمهد اللي هينزل له في اختياراته الدينية ويفضل معه.
أنت أصلا كده بتغيب أعظم معنى من معاني الربوبية، من معاني الربانية، أنت كده بتفقد التوكل، يعني ليه أنت منتظر ده؟ أنا بقول مش بقول إن النموذج التاني لو وجدت المربي اللي بيعمل معك كده غلط. لكن ده أصلا هو ده موجود؟ وأحياناً ده بيعمل نوع من الاعتماد عليه، أخرج من الإشكال وتيجي بقى تقع في الإشكاليات التانية أو تفقد ذاتيتك. فتلاقي كتير من الناس منتظر إن حد يسكنه في الدين، حد يختار له، يعني كل أسئلته؛ أجمع إزاي بين الدين والدنيا؟ فتدي له إجابات عامة، يقول لك: لأ، أنا هنا دي أختار الشغلانة دي ولا أسيبها؟ ما هو أنت اللي ما حدش هيختار لك، لأن كل اختيار في الحياة له تبعات، أنت اللي هتختار ده. هو عايز حد زي في الدنيا كده على حسب مجموعه على حسب ما يتسكي، فهو عايز كده.
خلوا نموذج تدخلوا نظام زي في الدين، ما لقهوش خلاص يا عم، خليني بقى إه في الدنيا لغاية لما تعوزوني أنا موجود أهو، أنا رايح أشوف دنيتي لما تؤذيني أنا باأدوب. هنتكلم برضو في الآخر على خطورة غياب، يعني يعني خطورة التفكير ده في حياة الإنسان في جيبه إن شاء الله.
نيجي بقى نبدأ نسقط على خطورة التفكير الهندسي أو إشكالية التفكير الهندسي ده في فروع الدين. يعني مثلاً تجد، وخاصة أنا أنا قدمت مقدمة على مسألة الإشكاليات اللي خلت الواحد يفكر كده؛ أغلبها مستوردة من الغرب، لذلك تجد كتير من اللي بيسلم في الغرب مثلاً، أو بلاش كتير، جزء من اللي بيسلم في الغرب بتلاقي إنه بيفكر بصورة من اتنين، يعني هو إيه شايف في حدية في التفكير شوية، يقول لك إيه: ياه، يا كلهم كفار ومجاهد وخلاص ويبقى مثلاً داعش، أو لأ أمير المؤمنين وطاعة مطلقة ما تخلي يعني إيه تلاقي ولي أمره واحنا دولة إسلامية كاملة وده ولي أمر وطاعة مطلقة هيبقى مدخلي، أو بص، كل دول ضايعين واحنا نعمل الخلافة بتاعتنا داعش. فبتول له: هو يعني أغلبهم يا بيروح هنا يا بيروح هنا أو جزء منهم. فتقول له: ليه ليه التفكير ده؟ يعني ليه كده ليه كده؟ يعني ليه المنطقة اللي في النص دي ما بتفكرش فيها؟ ليه ما فيش فيه درجات؟ ليه بتفكر بسياسة؟
عارفين عقلية الأهلي والزمالك؟ هو لازم يشجع واحد مشجع له ويظل أوفياء له لآخر. طب هو ليه؟ يعني ليه العقلية دي؟ دي عقلية الانتماء المطلق لحاجة اللي هو مثلاً برضو يفكر، يقول لك إيه: يجي يسألك سؤال، يقول لك: هو احنا في واقع الاستضعاف ولا واقع التمكين؟ في في أسئلة بتتقال من اللي بيسأل، غالباً ده كمين، غالباً ده إيه؟ سؤال مفخخ. هو بيسأل ليه؟ ما هو أصل أنت هو عايز يمشيها كده سهم إيه؟ آه، تمكين، يبقى جهاد، واستضعاف، يبقى ما نعملش حاجة نستسلم لغاية، يعني هو عايز يا ابني الحياة مش كده. يعني أنت أنت ممكن في منطقة ومش ممكن هنا في جزء من العبادة تقدر تعمله، ده ما تقدرش تعمله.
لذلك كان كلمة اتعلمتها من أحد أساتذتنا في كلية طب، كان يقول لي نتناقش مثلاً كنا بنتناقش في علاج الضغط. فاكر تقريبا طالب في السيكشن بيسأل، كان معنا الأستاذ ده بيسأل: إيه أحسن دوا لعلاج الضغط؟ هو عايز إيه؟ عايز إيه؟ مرض علاج، أنا هاأقعد في العيادة هيجي لي الشخص، اضرب أنت علاجك كذا. طب حضرتك مش يعني، فقال له: بص، أنا هأقول لك على حاجة. قال له التعبير، الدكتور قال له إيه: قل دكتور. إذا قلت: الدكتور الشاطر ترزي شاطر.
فقال له يعني، قال له: يعني أنت بتدرس قواعد كتير وعندك مجموعة من الأدوية، الدكتور الشاطر اللي بيعرف يفصل الإجابة على حسب الحالة. ما فيش إجابة واحدة تنفع لكل الناس، ما فيش حاجة اسمها أحسن علاج ضغط كذا. دي ما تنفعش، دي ممكن تقال لك وأنت لسه في سنة أولى. لكن لما أنت تكبر وتنزل الواقع وعايز تعالج الناس تدي فتاوى بقى للناس زي ما الفرق بين الحكم والفتوى. لما عايز تدي إجابات بقى للناس في حياتها العملية، ما ينفعش تجاوب كده، ما ينفعش تقول.
وعشان كده قلت درس النهاردة مهم جداً لدرس الجامع اللي مديني الدنيا. ما ينفعش لما تيجي تقدم إجابة تقول هو نموذج واحد صح وهو الجمع بين الدين والدنيا بصورة كذا كذا كذا. مين اللي قال؟ أنت كده ضيقت الدين أصلاً، زي ما كان يقال: أحد الناس لما تكلم في الدين؛ لا تحمل الناس على ضيقة صدرك، الدين أوسع من اللي أنت من الاختيار اللي اخترته لنفسك. يعني الحقيقة أنت بتختار لنفسك اختيار معين في الدين، ما ينفعش تحمل كل الناس على نفس الاختيارات. الدين واسع جداً، اختيارات الدين واسعة جداً تسع الجميع، يعني الكل يستطيع أن يقوم بعبوديات.
ودي أحياناً المشكلة الواحد بيقع فيها أن مثلاً أنا عايش قضايا معينة تربوية إيمانية فكرية معينة أنا عايشها، وبعدين شباب بيسألوني فيها، فعاوز أعمل درس أجيب عن هذه الأسئلة، فحد مش عايش هذه القضية يسمع فيعمم الكلام، مش مش للتعميم، ما يصلح لشباب ممكن لا يصلح للكبار، ويصلح للنساء ممكن لا يصلح للرجال؛ ﴿لَا تَتَمَنَّوْا مَا فَضَّلَ اللَّهُ بِهِ بَعْضَكُمْ عَلَىٰ بَعْضٍ﴾ [النساء: 32]. يعني مش كل حاجة تصلح للتعميم، فيه حاجات عندنا في الدين لازم تعمم، دي بقى زي ما قلت مركزيات الوحي، دي لازم.
وعمّة ده خطاب للجميع؛ ﴿يَا أَيُّهَا النَّاسُ اعْبُدُوا رَبَّكُم﴾ [البقرة: 21] ده في كله يخاطب بنفس الخطاب. وفي خطابات خاصة، الإشكال دلوقتي أن اللي ملتزم -أنا بقى بخاطب طائفة الملتزمين اللي عايز يعمل للدين- أن هو بقى الخصوصيات دي بتختلف، مزايا فلان غير مزايا فلان، ظروف حياة فلان غير ظروف حياة فلان، فلان ظروفه الدنيوية غير ظروفه؛ الحياة مختلفة تماماً، برضو هو شايف الحل؟ طب يعني أنا مين إيه اللي هيسمع النادي؟ آه، يعني أنا مين اللي هيسكنني؟
طيب، نجي نشوف آثار ده في العلوم الشرعية مثلاً. نجي نشوف الفقه مثلاً، كويس أن في البداية أما تيجي تعلم الفقه أنت بتدرس أحكام. قبل ما أتكلم في تفاصيل العلوم الشرعية لازم أقول الأول نقطة مهمة: من الطبيعي جداً أن لما بتيجي بدايات أي دراسة بتدرس قواعد، العقل أصلاً ما يتحملش غير كده، كل ما بتكبر بتكتشف أن القاعدة دي كان لها استثناء، وأن تداخل القاعدتين دول بيخليك تفكر بقاعدة جديدة. فالإشكال دايماً بيحصل أن الشخص اللي في بدايات العلوم بيدرس في الفقه، في اللغة، في أي حاجة يعمم القواعد دي ويصدر أحكام، فاللي سابق في العلم يستغرب. لذلك دايماً يفرقوا بين اللي معه شهادة واللي معه خبرة.
يعني يفرقوا بين اللي معه شهادة ده لسه القواعد، اللي معه شهادة ده دارس العلم الأكاديمي اللي في الورقة، اللي معه خبرة تعامل مع عموم الناس، فاهم أن الحياة مش كلها زي اللي في الورق. يقول لك: أنا إيه، لذلك أنا بتكلم مع أحد الإخوة في الموضوع ده فقال لي: أسماء شركات عالمية كبيرة ما عادتش بتشترط الشهادات دلوقتي، بقت تشترط الخبرة أوي، يعني ما عادتش عايزة، يعني إيه؟ يعني ما تجيب لي شهادة أنك خريج كذا، ده أنت حفظت حاجات ما طبقتهاش.
فده في بداية العلوم الشرعية ييجي يدرس مثلاً بداية أحكام فقهية، فهو أول ما بيدرس حلال حرام كذا، مش قادر يفهم أن ممكن يكون الموضوع أعقد من كده. وأحياناً شخص يسأل سؤال، لسه حد سألني سؤال معين في مسائل في مسائل الاختلاط وبتاع وكده، فبيقول لي: أنا عملت كذا، حرام ولا حلال؟ فهو مديني اختيارين بس، هو عايز أقول له -يعني أنا مش عايز أجاوب بسؤال إم سي كيو، أنا ما تدنيش اختيارات- أنا عايز أجاوب، آه ما تدنيش اختيار، طب جاوب، أنا ما بحبش الكتابة، القصة مش كده يعني. وتبقى عايز تقول له: ممكن يكون نفس الفعل ده حلال، لكن في سنك في ثورة الشهوة تبعاته لو عملت ده هتقع في الحرام.
لذلك تجد بعض المزايا، مش بس يعني على خلاف طبعا ما بين معتمد كل مذهب، هل هم خمسة بس؟ اللي هو المباح في النص، وبعدين حرام ومكروه هنا ومستحب وواجب هنا؟ ولا يضيفوا خلاف الأولى، ولا يضيفوا كراهة زيها وكراهة تحريمية؟ لأن هو بيبقى عايز يوصل لك أن هو مش خمسة بس قوي برضه، يعني وأن الواجب نفسه درجات، وأن المحرم نفسه درجات، والكبائر درجات، والذنوب درجات، واللي يصلح لك ما يصلحش لحد، والسن والفتنة مختلفة، يعني الموضوع لذلك الفتوى تختلف.
الفتوى هي النزول للواقع بقى بالحكم، هو الاشتباك مع الواقع من خلال النص فيطلع حاجة غير الكلام اللي أنت درسته، ده محتاج خبرة، محتاج فقيه يقوم به. فالْمُشْكِلَة أَنُّه بيجي ينزل بشوية قواعد خدها، وكلمتكم في نقطة اللي بيدرس مثلاً أن مسائل معينة بتخص باب بعض الشهوات زي ما اتكلمنا في مسائل مثلاً الاستمناء أو الاختلاط أو النظر للمرأة أو غير ذلك، وفيها خلاف فعلاً على الورق. لو خد الخلاف ده من على الورق واختار بالجواز في كل ده ونقل الإجابة دي لشاب، وحط الاختلاف الورقي دوت اللي موجود في أبواب متعددة وجمعه وحطوا شاب في شخص واحد في موقع زي الحرم الجامعي ده مثلاً! أنت مش متخيل هيطلع إيه! بالرغم أن هي كل حاجة لوحدها إيه سليمة، بس لكن لما حط الفتاوى دي على بعضها وحطها في الشخص ده ضاع، ليه؟ لأن هو واقعه مختلف.
فده أحياناً خطورة أن أنت عايز تفكر في الفقه كده، أو برضو حتى التعامل في أصول الفقه، اللي هو معتقد لما يدرس مثلاً أو أصول تفسير، معتقد أنه هيدرس قواعد، يقول لك: أنا عايز أدرس أصول تفسير، جميل، يدرس أصول تفسير، هو معتقد أن هتيجي له الآية هيضرب بالنصوص على البتاع يقول لك الراجح كذا. هو مصادر كده، يعني إيه زي زي ما في واقعه الهندسي، يعني معتقد أن أصول الفقه مع بعض الخلافات هيدرسها، فبالتالي هات لي أي مسألة نضرب، الراجح أهو. الموضوع مش كده، هو الخلاف هيلى قائم وقيمة الخلاف ودرجته هتكلم دلوقتي إزاي ده لما يكون الخلاف مش في الحكم، الخلاف في الشخص. أما حد ييجي يسألك رأيك إيه في فلان؟ بس ده هنتكلم في الظواهر الاجتماعية.
فالأثر ده في العلوم الشرعية أن أحياناً الشخص عايز يدخل العلوم الشرعية بنفس العقلية. قلت أن في البداية لازم هتدرسوا كده، يعني مثلاً في البلاغة؛ اللي يدرس البلاغة في الأول بيجد الاهتمام بالتقسيمات، أي حد عايز يدرس بلاغة من الأول، خاصة اللي عايز يروح يدرس مثلاً كتاب البلاغة الواضحة مثلاً، تلاقي إيه يحرص في الأول اللي بيدرس أنه يفرق له ما بين ده تشبيه ودي استعارة مكنية ودي استعارة تصريحية، ودي في أحبائها تبعية وتختلف، ويدي له أمثلة عشان يفرق دي ولا دي. دي أحياناً ما بتنميش الملكة، ملكة أنه يتذوق الآية أو بيت الشعر أو هذا النثر، مش عارف يتصور واهتم الأول بالتقسيمات.
مع الممارسة والخروج، عارف بالضبط زي اللي يتعلم التجويد في الأول، مش هو بيجي يقرا واحد لسه متعلم تجويد تلاقي بيقرا إزاي؟ وتحس أن هو إيه متشبك بوقه ومش عارف، وتلاقيه بعد ما بيتعلم القواعد، أي حد بيسمعوه يصلوا وراه ما عادش عارف يصلي وراه، قاعد إيه العداد بعيد غلط، اتنين خمسة ستة، الله أكبر، كده الأولى فيها ستة أخطاء.
هو إيه دماغه شوية بعد كده لما يفك وبقه يفك الرياضة أن أنت التجويد أن أنت أصلاً الموضوع بيفك بقى تبدأ تفهم أن إيه دخلت في مرحلة أن الموضوع مش مقسم كده، الموضوع مش التقسيمة اللي أنت شفتها في كتاب التجويد تطبيقها متداخل، في في علوم كدة أن كل قاعدة لوحدها لما بتيجي تدرسها عشان تفهمها بس، لكن لما تيجي تنزل بها على أرض الواقع بتكون يعني مثلاً في ناس متصورة أن كان الصورة بلاش عشان هو ما يبقاش كلام حرام يعني، القرآن هو متصور أن أن لما حد يحب يشرح له القرآن أن يعيد له الصورة الموجودة بترتيب يقول له موضوع الصورة تتحدث عن حاجات الأول يعني قسمها له هو كدة يتبسط، لكن تقول له بقى اقرأ الصورة زي ما هي موجودة على بعضها كدة يحس أنه مش فاهم، لازم وتقسمها له وتعمل له واحد اتنين تلاتة أربعة، دي قصص لا يستفاد واحد اتنين تلاتة هو كدة يتبسط، هو اتعود تقول له سيب نفسك القرآن يفعل ويغير في نفسك وفي عقلك وفي مشاعرك، وبعد ما تسلم نفسك لآية آية وعايش آية آية بعد ما تخلص الصورة اقعد فكر ما الذي حدث في مشاعرك وعقلك وقلبك؟ مش عايز يعني لا هو عايز برضو حط الصورة، وللأسف بدأ فيه نوع من الإيغال في الوقت المعاصر في مسألة خاصة عند المتأخرين محاولة تقسيم الصورة ولازم نوصل لموضوع واحد يعني ماشي ده أحياناً بيبقى توفيق وفعلاً والتفسير الموضوعي ده علم رهيب أنا لا أنكره بالعكس هتلاقيه أحياناً بحاول توصل لموضوع الصورة، لكن بلاش بالصورة الهندسية دي، يعني أحياناً بأقرأ في بعض الكتب أنا مش متخيل أن دي صورة اللي هو بيتكلم عنها ومقسمها يعني يعمل عشر أسهم تحس إيه ده!
لا أنا هاروح أحسن، يعني خطورة أن أو بلاش بلاش نضخم الموضوع أن عايز ياخد كل حاجة في الدين لوحدها، الدين بيتاخد على بعضه، الدين لذلك الصحابة تلقوا هذه الأصول فكان كل واحد كصحابي لوحده قبل بقى تقسيمات العلوم والفروع الموجودة دي، فهم وظيفته أي حد يقول لك نحن قوم أبتلينا لنخرج العباد من عبادة العباد إلى عبادة رب العباد ومن ضيق الدنيا إلى سعة الآخرة، هو فاهم أصول الدين كويس، لما بتم التجزئة التجزئة على مستويات كتير ماشي ده محتاجينه عشان نفهم وما بيكملش إلى آخره هو ما بيبقاش فاهم ممكن يضحك عليه بكل سهولة أصلاً يستعمل في هدم الدين وهو مش واخد باله، مشاري بالأصول لذلك ابن عباس لما يقول الرباني كونوا ربانيين، الرباني والذي يعلم الناس صغار العلم قبل كبار العلم، صغار العلم مش معناه حاجات صغيرة معناه الأصول اللي سهل أن هي تتلقى وتعمم لعموم الناس، توحيد الصلاة الحاجات اللي تعمم لا تستقر عندنا الأول كويس دار الآخرة لما المركزيات دي اللي في الوحي تستقر عندنا تعرف تتلقى بقى بعد كده الفروع كويس جداً.
يعني مثلاً برضه من الحاجات اللي الواحد شافها أن حد مثلاً درس وهو برنامج رائع يعني فعلاً اللي هو صناعة المحاور فدرس قواعد وإزاي يرد على الشبهات، خلاص دماغه بقت مقسمة كويس جداً، يعني دماغه هنا متشجرة كويس جداً جداً وده مهم أن المنهج تكون إيه؟ متشجرة عشان تفهم، لكن بتيجي تنزل على الواقع فيقابل واحد ملحد، والملحد ده ألحد لأنه هو ضايع مش عشان فبيتناقش معاه هو ضايع ملحد مش في دماغه الدنيا أصلاً فراح يتناقش معاه هو عايز إيه بيقول لك مش عارف إيه التخريف اللي أنت بتقوله، بيقولوا دي مغالطة منطقية، الدكتور خير ملحد هيقول له إيه؟ أنت متخيل! آه أنت أنتم عارفين هيقولوا إيه؟ ده إن لم يكتفي بالقولين، فهو ده مش محتاج إقناع، الواحد ده مش محتاج إقناع خالص، ده محتاج حاجة تانية بس مش هينفع عشان إحنا في المسجد، كويس أنك تبقى فاهم والدنيا عندك متقسمة، لكن لما تيجي تنزل على أرض الواقع أنت محتاج ده يتم وتداخله وخلاص بقى إيه تفهم بقى أن ده غير ده غير ده غير ده، ودة قيمة أنك أنت تنزل تتعلم الدعوة أنك أنت تختلط تحضتن بناس وتنزل تمارس، وده قيمة بقى بتوع التبليغ لما بينزلوا جولات أنك تنزل تشوف المجتمع عامل ازاي اللي أنت ذاكرته واللي أنت فهمته انزل طبقه، دائماً دي خطورة الانفصال بقى بين المعلومات وده برضو إشكال الواحد شايفه للأسف الوقت في الواقع اللي إحنا فيه دلوقتي وده كويس لو أنا افتكرتها هي ممكن ما تمسش درسين قوي بس عايزك فيها؟ بقى فيه مين؟
رهيب لعقلنة أي خطاب، يعني بقى أي حد بيقدم خطاب هو عظيم، الخطاب اللي هو عظيم جاهل وبقى فيه ميل أن أي حاجة متقسمة ومع مصطلحات كبيرة ده الكويس، غياب الوعظ العام الوعظ عام ده الوعظ القوي العام ده اللي كان بيعمل أرضية كبيرة من الدين، الأرضية الكبيرة اللي من الدين دي اللي كانت بتنبت بقى ده بيروح طالب علم وده بيروح يشتغل في الدعوة، ده بيروح يقف على ثغري كذا، الأرضية دلوقتي ما عادتش موجودة، الأرضية دي الأرضية الوعظ العام دي دي اللي كانت تحوي عموم الناس، دي بدأت تغيب، فعموم الناس ده بدأ فض، يعني خطورة أن الخطاب كله يبقى معقلن ده مش صح، كله أنا بتكلم كله، جزء منه لطائفة معينة بصورة معينة لازم وغيابه برضو غلط، فلما تيجي تقرأ مثلاً في القرآن تجد أنه بيخاطب كل حاجة النفس والمشاعر والعقل خطاب متكامل، فخطورة أن الوعظ العام ده القوي يغيب من المجتمع، ده لما بيغيب تأتيك رسول الله صلى الله عليه وسلم فتحدثه عن الجنة والنار فكأن رؤي عين، وكأنه صلى الله عليه وسلم هذا كان ديدنه، بيقول له حنجرة نكون عندك يا رسول الله صلى الله عليه وسلم فتذكرنا بجنة النور فكأن الرائعين، فذهبنا عافسنا الزوجات وانشغلنا بالضيعات والأولاد فنسينا كثيراً، يبقى الدورة الحياتية ومحتاج يرجع يسمع عن الجنة وأن أركانها عين ثم يرجع يمارس حياته عشان ما يضلش، لما الخطاب كله يبقى تقسيمات ده مش هينفع، دي تناسب اللي هيناظر اللي هيفهم اللي يستخرج حاجة اللي يستنبط طائفة معينة، لكن العموم محتاج يسمع خطاب وعظي عام قوي محتاج يسمع ده.
طيب من الاشكاليات برضو التفكير ده في الحياة الاجتماعية في اختياراته بقى اللي هو زي ما أتكلمنا في مسألة اللي بيسألك صح ولا غلط وبتظهر ده في اختياراته للزوجة في اختيارية الزوج، الزوجة وهي بتختار زوجها في اختيارات الصخر وفي اختيارات الشغل في كيفية الارتقاء وتظهر بقى هنا برضه الصورة دي من التفكير يحط شوية ضوابط معتقد مثلاً أو هي معتقدة أن الحل في الزوج كويس يكون إيه مثلاً طالب علم مفكر مش عارف بيعمل كذا بيعمل كذا، هي مش فاهمة أن هي كده بتختار يعني إيه يعني بتختار حد هيطلع روحها مش قادرة تفهم يعني كل ما بتختار حد منشغل أكثر، يعني في فارق من اختيار الزوج وبين اختيار حد هعمل فيديو تعمل عليه لايك، ده حاجة وده حاجة تانية خالص، برضه أحياناً حد رايح يختار زوجة وهو بيحط مواصفات يعني دي الصورة اللي أنت عايزها دي تنفع تدير شركة مش مش مش زوجة، ما بقاش فاهم هو بيعمم الاختيارات، هو مثلاً هي مثلاً شايفة أن فلان مشهور وكويس فده يبقى زوج، لا ده أنا مش بقول ما هو كل واحد له اختيار وله ثمن، ما هو اللي عايز يرتبط بامرأة عاملة أو هي عايزة تزوج بزوج بيعمل الدين ده له ثمن لازم تبقى فاهمة ثمنه وهو لازم يبقى فاهم ثمن ده عشان ما حدش يقول إيه؟
أصل مش وده برضه أصل حد يقول لك إيه، تلاقي رد المقابل كل الأخوات اللي عايزين يرتبطوا بطلبة علم مش فاهمين طب هيفرض هي عايزة الاختيار ده بس نفهمها أن ده له ثمن، أن طلب العلم ده مش هو اللي بيصب في أخلاق الزواج ده بيضاف، يعني ده حاجة كويسة لكن في حاجة بقى اسمها أخلاقيات الزوج، فما بتختار واحد عنده الأخلاقيات دي طالب علم ده كويس، ما فيش مشكلة بس له ثمن، كل اختيار في حياتك له ثمن، والقاعدة بتقول إيه؟ ما حدش بياخد كل حاجة، كويس أن أنتم تطلعوا القاعة دي مهمة جداً، برضه أن هو متصور أن العلاقات الحياتية علاقات برضو هندسية يعني زي ما قلنا مثلاً أن هو منتمي في جماعة مرتبط في حاجة زي ما هو في الشغل في مدير وفي موظف زميل وفي كذا هو متصور أن الحياة الاجتماعية كده أو الحياة الدينية كده، لا الحياة هي فيها نوع من البراح، يعني النبي صلى الله عليه وسلم كانت مقامات وأحسن حد بيتكلم في الأوضة الدكتور أحمد سيف نسأل الله خير، كانت مقامات الصحابة محفوظة، مقام سيدنا أبو بكر محفوظ، مقام سيدنا عمر محفوظ، لكن لما كان بييجي الأعرابي ما كانش بيلاقيهم قاعدين إيه؟ النبي سم أبو بكر ابن عمر يعني ما كانوش قاعدين بصورة هرمية كدة، الواقع كان متداخل.
في آخر حياة النبي صلى الله عليه وسلم لما وقف النبي صلى الله عليه وسلم يقول: «إن رجلاً خيره الله سبحانه وتعالى بين زهرة الدنيا وبين ما عنده فاختار ما عند الله». فقام أبو بكر يبكي، يقول: فديناك بآباء أمهاتنا. هو بيقول إيه ناس كانت تفتكر من هذا الرجل على ما يبكي؟ مش عارفين أبو بكر في ناس مش عارفة هو سيدنا أبو بكر متخيل، فالعلاقات العلاقات الاجتماعية مش مش علاقات هندسية مش ده إذا علاقتي بيه كذا لا، العلاقات بتبقى علاقات مفتوحة ممكن ربنا ييسر، يعني إزاي القرآن مثلاً يخلي سورة الحجرات كان بيحاول أو الوحيد أنا بحاول أفهم إيه تصور المجتمع يعني إحنا عندنا للأسف آه بتكلم عن الوضع الملتزمين الوضع الإسلامي، أنت اللي شفته في حياتك إيه؟ يا أما شخص مشهور وشيخ أو مثلاً حواليه بعض الناس أو جماعة، طب هم ما فيش لا ده ولا ده؟ يعني ما فيش آخر يعني هل ما فيش اختيارات أخرى؟ ما فيش مثلاً فكرة المجموعات ما فيش إحنا إحنا محتاجين نبتكر، الوضع الحالي اللي إحنا عايشين فيه ده محتاج تبتكر صورة تجمع بين الاتنين، يعني شوف الشرع عمل إيه؟ الشرع عمل فرائض نصليها مع بعض إجباري، وقيام ليل اللي بنصليه مع بعض له ضوابط معينة، ما بتطولش بتراعي الضعيف، النبي صلى الله عليه وسلم لو سمع المرأة الطفل بيبيكي يخشى على قلب أمه فما يطولش، قيام الليل قال صلى الله عليه وسلم: «فليطول ما شاء».
فانت محتاج حاجات تعملها مع إخوانك وحاجات لوحدك، أنت محتاج ده في دينك محتاج صحبة صالحة تعمل معها حاجات ومحتاج أنت يكون عندك ذاتية تعمل فيها حاجات ما شاء فليطول ما شاء، محتاج صحبة تحفز معهم قرآن تروح معها درس حاجات تجبروا بعض عليها، ومحتاج يبقى عندك ذاتية أنت تعمل حاجة اللي هي ما شاء دي فليطول ما شاء، «إذا أتم أحدكم بالناس فليخفف، فصلى وحده فليطول ما شاء». لأن إحنا قدراتنا مختلفة، لو إحنا ألزمنا بعض بنفس الحاجات اللي بنعملها مع بعض ممكن حد عايز يسبق فيشعر بنوع من القيد، واحد حس أن الموضوع تقيل عليه فيبقى عايز يمشي، لا يبقى في حاجة بتجمع الناس على المتاح اللي يقدروا عليه كلهم وفي بنود ذاتية دي فكرة رمضان إجباري وفي صيام طول السنة، يعني في بعدك صيام طول السنة الاثنين والخميس وثلاثة أيام من كل شهر وستة من شوال وعاشوراء وعرفة عندك طول السنة فيه صيام، لكن فيه حاجة للجميع ده الحد الأدنى اللي يشترك فيه الجميع وفي حد مفتوح خلاص يوم ويوم أنت حر صوم يوم وإيه؟
برضه من الاشكاليات وده بقى اللي هنتكلم فيه في درس اللي هو في مسألة الجمع بين الدنيا اللي بيجي يسألك إيه هو أحسن نموذج أجمع فيه من الدين والدنيا وده له درس لوحده، برضه من الاشكاليات التعامل مع المخالف وده الوقت مع كتر انتشار الفيسبوك والآراء والخلافات الموجودة بأكثر سؤال بتسمعه إيه رأيك في فلان؟ إيه رأيك في الخلاف اللي حصل من كذا؟ دائماً هو نفس الفكرة فلان هنحط عليه غلط ولا صح؟ عارف لما النبي صلى الله عليه وسلم قال أن أن ممكن المرأة من أسباب أن هي المعاصي اللي بتكوم بها أنهن يكفرن العشير إذا أسأت إليها مرة تقول لك إيه ما رأيت منك خيراً قط، هي بتتعامل يا أنت أحسن زوج في الدنيا يا أنت أوحش زوج في الدنيا، يعني أما تيجي مثلاً تقول لها مش كلهم طبعا يعني في كتير كويسين طبعا جداً يعني، آه آه بعضهن قلة، تيجي تقول لا مثلاً أنا بس في نقطة معينة في غلط عايز أقوله في انتقاد كذا، أنا يعني أنا أنا طلعت وحش بقى، لا لا أنت فهمتيني غلط؟ ده بالضبط زي المغالطة المنطقية مع مع الملحد ده، أنت بتبقى عايز تتكلم بصورة إيه أن في نقطة صغيرة عايزين فيها إشكال بيحصل نوع من التعميم يحله يا وحش، يا صح يا غلط، فيجي حد يسألك في فلان إيه رأيك في فلان؟ لو لسه بادئ تقول في بعض الاشكاليات اه خلاص ده ضل، قلت له لا أنا ما قلتش ضال، أنا مبتدع فاهم خلاص بلوك، لا أنا ما قلتش كده برضو، أيوه مش أنت قلت عنده إشكال كذا.
أيضاً، مش معنى إن أنا قلت عنده إشكال كذا، إن هو يبقى اتعمل كذا، ودي خطورة بقى الإطلاقات. إيه رأيك في فلان؟ آه، ده من السلفية المعاصرة. وفلان ده أشعري. وفلان ده مبتدع. مش هيضر، اللي هو الإطلاقات دي. طيب، طب هينبني عليها إليه يعني؟ هنتعامل معها إزاي يعني؟ كل الناس كده في الآخر، أنا إيه هقعد أوزعهم بقالي خمسة أعيش معهم. وأحياناً التصنيف العقدي مهم في مجال معين، لكن تقسيمة ده، ووقت ده، وقيمة ده، الزمن والخلاف ودرجته مهم جداً.
يعني التخيل انك هتوصل لواقع مثالي، كل الناس بتحب بعضها وما فيش أي خلافات، ده وهم. يظل فيه خلافات ونقاشات ومعارك علمية ضخمة، وكتب ومؤلفات لها ظلالها، وده له قيمته. وادعاء الحياد في كل ده غلط، ما هو في الآخر أنا شخص لي انتماء. لكن توظيف ده، ودرجة ده، وامتى تتكلم فيه؟ والمخالف ده يوصل المسافة اللي بينك وبينه قد ايه؟ وأمتى ينفع يتعاون معه؟ وأمتى ينفع تختلف معه؟ وتصدير الدار العامة، كل دي إجابات مش هندسية. كل دي إجابات بتختلف من شخص لشخص.
لكن هو إحنا عايزين نمشي برضه بعقلية الأهلي والزمالك، يعني أشجعه ولا ما أشجعوش دلوقتي يعني، هو مستني منك إجابة، يعني ده حلو ولا وحش؟ هو فكرة انك تجاوبه أن الشخص بيجتمع الإنسان حتى وده من الإشكاليات اللي حصلت العقيدة، أن في ناس تعاملت مع العقيدة زي الخوارج تعاملوا مع الإيمان أنه يا موجود يا يتشال، يعني الإيمان كتلة أما أن يوجد أو يرفع. التصور أن الإيمان شعب، وأنه بيابدأ ينتقل هم يومئذ إقرب الكفر أقرب منهم للإيمان، أنه بيابدأ يقترب من النفاق لغاية لما بيقع، يعني في منطقة، بعض العلماء تلاقيه بيجاوب إجابات وهو عايز يقول لك ماشي هو الكلام اللي عمله قدامه يقول زنديق.
فتقول له زنديق ده اللي هو كافر ولا مش كافر؟ هو مش عايز يصدر حكم تاني، ده لها ضوابط تانية، إنما القول دي حاجة ممسوكة، قول هذه الكلمة كلمة كفر مثلاً، ده آه لازم يقولها لأن دي حاجة ممسوكة، إنما الإنسان ده بيئته مجتمعه تلقى إيه؟ طب فيه، طب فاهم حاجة غلط؟ ده له حكم تاني خالص وفتوى تانية خالص، كافر ولا مش كافر، لازم تضيع فتوى تانية. لكن القول عشان ده شيء ممسوك، فإحنا نحقكم على هذه المقولة، هذه مقولة صحيحة أو هذه مقولة باطلة دي سهلة، يعني دي كلمة تعرف تمسكها، لكن الإنسان ده معقد، عايش فين؟ طب فئة بعيدة، سمع، طب بالجهل لو مش معزور، فده بقى فيه إشكاليات دلوقتي في التعامل مع المخالف.
بقت حروب انتماءات، بقت في تقسيمات كده، أن ده مع فلان، وده تبع فلان. أحياناً نفس الشخص مش عارف تقسمه، يعني أنت إيه يعني مثلاً لما تيجي على مدار التاريخ، تجد فيه شخصيات حاولت تقرب من الناس، زي الإمام الذهبي مثلاً، له علاقة بالشافعية، وله علاقة بشيخ الإسلام، وكان يحاول وعلى مذهب أهل السلف، كان بعيد عن الأشاعرة، كان له علاقات بالاشاعرة بوضع معين وتلميذه كان بينتقده وهو انتقد بعض الحاجات في شيخ الإسلام.
وجود الشخصيات دي مهم، وجود الشخصيات اللي زي دي مهم جداً، لأن لأن يبقى يحصل حالة الاستقطاب دي، وإحنا في المجتمع المسلم في وقت الصراع يحصل التقسيمات الرهيبة دي، لأنه الأخ دلوقتي أو الأخت تفكر إيه؟ كل سنة وأنتم طيبين، يسأل: ها، يمين ولا شمال؟ الشخص ده صح ولا غلط؟ ضال ولا لا؟ لا، هو ممكن يكون عنده خطأ، المكان ده فيه حاجة غلط وبيقدم حاجات كويسة، هو مش زي ما قلنا العقول البسيطة ما بتتحملش أكتر من قاعدة، يعني إيه؟ يعني زي إيه أحسن علاج للضغط إيه؟
أو زي ما قلنا في الأول، أنت هتقعد بقى تقول لي المصايب اللي بتنزل على المؤمنين لو كانوا وعلى الإيمان غير لما بتنزل عليهم لو كانوا على معصية، وأن المصايب نزلت على الكفار على حسب درجة، أنا عايز حاجة واحدة بس أمشى بها، عايز قاعدة واحدة أمشى بها؟ لأ، ده غلط، ده من آثار التفكير اللي احنا قلناه ده، التفكير الهندسي غلط. التعامل مع الناس والمخالفين، يعني مثلاً فلان ممكن تسمع له في كذا وما تسمعلوش في كذا، ممكن فلان مميز في كذا ومش مميز في كذا، ممكن المكان ده تتلقى منه تعليم في كذا ما تتلقاش منه تعليم في كذا.
بلاش التعليمات، بلاش الحياة تبقى أبيض وأسود بس، يعني بلاش بلاش تنظر لهذه الحياة وللناس والأماكن بهذه الصورة، ده هيخليك عندك درجة من الاتزان. بلاش كل خلاف نعمله أن هو يا إما هجر يا إما وصال تاني، بلاش كل العلاقات يا إما انتماء تام يا إما مفارقة تامة. معلش يا جماعة، كده ده زي ما النبي صلى الله عليه وسلم قال: «أحبب حبيبك هوناً ما، عسى أن يكون بغيضك يوماً ما، وأبغض بغيضك هوناً ما، عسى أن يكون حبيبك هوناً ما».
وأيضاً النبي صلى الله عليه وسلم يروى عنه أن من أفرى الفرق أعظم الكذب أن يهجو الشاعر قبيلة بأكملها، كلهم كذا، الطوائف دي كلها بتكره الدين، كلها بتستعمل مش عارف من قبل إيه، كلها، إيه التصنيفات اللي فيها تعنيف؟ فتلاقي واحد مشغول بتصنيف الناس، ويعمل لهم بقى ملفات ويصنفهم، هو أنت فاكر نفسك إيه؟
المهم يبقوا إزää تقسيم الناس، هم ليسوا على درجة واحدة، الخلاف أصلاً ليس درجة واحدة، والناس ليسوا على درجة واحدة من الخلاف. طيب، آخِر حاجة ممكن نتكلم فيها آثار ده بقى للأسف أن بتطلع اللي هيسلم نفسه بقى للتفكير ده، ممكن في الآخر يطلع شخصية عندها نوع من الاعتمادية، فقد الذاتية، فقد أن هو يبقى عنده القدرة على أن، يعني النبي صلى الله عليه وسلم لما جاله، كان أصلاً فيه كلام بس بيقبل في باب السيرة، لما قال له نعيم بن مسعود، فوقع زي واقع الخندق، النبي قال له ايه فيما يروى عنه: «خذل عنا ما استطعت».
في أوقات يعني في أوقات زي ما قلت في نشأة بقى المدارس العلمية في اتباع التابعين، ممكن يكون في اختيارات مستقرة، آه ارتبط بمدرسة كذا مع الإمام كذا، هتتعلم علم كذا. وأوقات ده مش موجود، يعني أوقات ده بيبقى موجود وأوقات ده مش موجود، الغالب اللي احنا فيه ده مش موجود، مع تجفيف المنابع ده مش موجود، غالباً ده مش موجود. أنت محتاج يبقى عندك ذاتية، محتاج أنت تدور أنت تبحث، فقال له خذل عما استطعت، أنت حاول تكتشف مواهبك، حاول تسأل الصادق بيوصل.
وهي خطورة الاعتماد على، كان برضه أنا عارف أن أنتم ما بتحبوش الحاجات دي، كان بيجوفيتش بيقول بمعناه في أكثر من مكان، أن المأسسة، تحويل كل حاجة لمؤسسات بتقتل روح الثورة بداخل الإنسان، واللي بيحصل إيه؟ الناس تثور على الباطل، وبعدين استقرينا نعمل مؤسسات، في الآخر بتحقق الموضوع إيه؟ أنه وظيفة. زي بالضبط كتير من للأسف من الرسايل الجامعية مثلاً اللي بتتقدم في الشريعة، رسالة الماجستير والدكتوراه في الترقية بتاعة الفقه وفي التفسير، تلاقي الموضوع تحول إلى مجرد واحد بيترقى.
يعني واحد بيعمل كتير من الرسايل اللي الواحد بيشوفها في الفقه وفي العقيدة وفي التفسير على درجة بقت عاملة زي العلوم الدنيوية وبيعملها عشان يرقى، بقت وظيفة، غير لما شخص، وده للأسف بقى بيحصل حاجة غريبة جداً، أن شخص تخصصه الأكاديمي علم من العلوم الشرعية، وشخص دخل العلم ده صرف من دمه وضحى بدنيا ليغني عشان يتعلم العلم ده، الشخص ده أحسن من الشخص اللي متعين في جامعة أساساً أكاديمي في الباب ده. يعني ممكن ممكن مش غالباً يعني، ممكن تجد ده أن شخص مثلاً أستاذ في باب العقيدة أو في باب التفسير في جامعة، وهو علم نفسه، تجد أن الشخص ده أقوى من ده لأنه خد الموضوع على أنه اختياره، على أنه دينه، على أنه هيرروح عشانه وده بيترقى فيك، وممكن العكس.
فإشكالية أنك أنت تبقى منتظر أن حد يوظفك، ده بيفقدك الذاتية، بيفقدك علاقتك بالله، يفقدك أنك تجأر لله يومياً: يا رب أنا عايز أعمل حاجة للدين. بيفقدك أنك علاقتك بالله سبحانه وتعالى توكل، أنك هتموت وتعمل حاجة: يا رب أنا مش عارف أعمل إيه، مش عارف إيه الأفضل يا جماعة؟ اللي يختار لك الاختيارات دي لازم يكون يعلم الغيب، ولا يعلم الغيب إلا الله. أنت بتختار وبتتوكل على ربنا، أنت بيقابلك مفارق كتير طول ما أنت ماشي، بيقابلك مفارق كتير في الحياة، أن تنتظر حد بجوارك، المشورة مهمة والاستخارة مهمة، لكنك تنتظر حد بجانبك بياخد لك كل كل الاختيارات في كل المفارق، أين الله؟ أنت في علاقتك بالله.
إيه الاعتمادية دي؟ كل حاجة عايز أن حد يقودك، ياخدك من إيدك وهنحود يمين وهنحود شمال. هتقعد، مهو اللي بيعمل كده عامل بالضبط زي نموذج الشخص اللي ركب عربيته يدورها ما دارتش، فقال للناس: ممكن تزقوه؟ فبيزقوه، فلقى العربية ماشية، مش محتاج يدور ويتعب ليه؟ ماشي، فخلاص قضاها إيه؟ أن هو في واحد كده لما بيتحط في واقع بيتزق فيه بيشرح له الموضوع، يقوم إيه؟ يكملها زي ما أنا بيتزق وخلاص، حد حد هيعلمني وحد هيعمل لي.
حد لما بيلاقي نفسه بقى في الهواء، زي الواقع اللي احنا فيه كده، يلاقي نفسه ما عادش واقع يعرف يروح فيه واقع انتمائي معين، يبدأ يحس إيه؟ يسيب القضية ويبقى حلو. فخطورة ده شخصية اعتمادية، بيطلع أحياناً شخصية مزجنجية شوية، يعني إيه؟ ولأنه ما عادش في إلزام، هو ما بيشتغلش، لكن ما بيشتغلش غير لما أكون إيه؟ ممكن يقول لك: أنا ما باذاكرش غير لما يكون في إيه؟ إمتحانات، ما باذاكرش غير لما يكون في إمتحانات. هو اتعود كده في الدنيا، الإمتحانات تأجلت، بيعمل إيه؟ يقوم يأجل المذاكرة، طيب جه ميعاد الإمتحان، يطحن نفسه، وخلاص بتاع أنه يسلم المشروع السبت الجاي، بيعمله إمتى؟ الجمعة، الجمعة الساعة اتناشر، واحد باذاكر ولسه له شوية، قالوا له إيه؟ اتأجل للسبت اللي بعده، يقوم يعمل إيه؟ يبدأ من نفسه النقطة الأسبوع الجاي من الجمعة الساعة اتناشر الجمعة الجاية، لأن هو ما بيشتغلش غير تحت ضغط، هو اتعود كده ما بيشتغلش غير تحت ضغط.
تيجي في الدين ما فيش حد بيضغط عليه، ما فيش حد بيتابعه، ما فيش حد هيمتحنه، افترض أن ده مش موجود، يعني كويس أن في مؤسسات تعمل ده، بس افترض أن ده مش موجود، ما يعملش حاجة. نفترض أن في مؤسسات أو دروس بيحضرها بس ما فيش إمتحانات، ما يذاكرش، فبقى مزاجنجي، مزاجنجي يعني إيه؟ أجرب ده، والله يسمعه كويس، ما يلزمش نفسه وهو ما قادر يلزم نفسه بحاجة، خلاص مش عاجباه ده، مش عاجباه العلم ده، يجرب يحفظ أطفاله، مقرفين العيال وحاجة، خلينا نشتغل مع الكبار؟ لأ، مش هيخليني اشتغل في الدعوة، إيه ده؟ هي الناس ما بتستجيبش ليه؟ إيه الهم ده؟ خلينا نشوف مش عارف نقرأ في الحاجات الفكرية، إيه يا عم الكلام الغريب ده؟ ما الدنيا أبسط من كده، خلينا ندرس فقه، يا جماعة ما احنا عارفين ونصوم، وأنتم هتعلمونا؟ خلينا نشوف حاجة تانية، ويقعد يتنقل مش عارف إيه عمال يتنبر أنه تعود للأسف أنه ما بيعملش حاجة غير لما إيه؟ لما بيمتحن لما يلزم، والالزام ده أحياناً مش موجود في الدين.
مين اللي هيلزمك بقيام الليل؟ مين اللي هيلزمك بقيام الليل؟ يعني مين اللي لازم يومياً يصحيك ويقول لك: ها، خلصت قد إليه من الورد؟ ليه ليه حياتك الدينية كلها تبقى كده؟ أحياناً تحتاج صحبة، تحتاج بقى أنا بتكلم ليه تتعود على ده؟ ليه يبقى حياتك كلها كده؟ يعني فكرة أن في صحبة يصحوا بعض، وتواصوا، ويعملوا، ده كويس، لكن أن استمرار ده أصلاً مستحيل، الحياة متقلبة ومتغيرة وأنت هتسافر أو هتقعد أو وهتبقى هتنتقل لمكان أو الحياة متقلبة.
فكرة أنك لازم تتصرف وتبحث عن عبودية أياً كان المكان، لذلك أحياناً مثلاً الاخت قبل الزواج تلاقيها مبدعة، بعد الزواج تلاقي القيود كترت عليها، ممكن تفكر في نوع آخر من العبودية، المهم أنها لا تتوقف، لا تفقد هذه الروح. أو الشخص بعد ما اشتغل لا يفقد هذه الروح، ده أخطر حاجة، أو عسى زي ما أتلكمنا قبل كده، تلقي هذه الجمرة أو تشيل الفيشة أو تطفئ هذه الروح، إياك، خليك بتفكر في تنوع العبوديات، إيه اللي أنا أقدر أقدمه في الواقع ده؟ يعني أنا زي ما قلنا، الصحابة قدروا يقدموا عبوديات في واقع متغير، لذلك هم أفضل من جيل أتباع التربية.
قدروا يقوموا بعبوديات في واقع مليء بالتغيرات زي اللي احنا فيه كده، لما تيجي تشوفه دلوقتي من ألف وعشرة لغاية دلوقتي، كمية تغيرات وتقلبات ومراجعات وانتكاسات غير عادية، فعلاً واقع متغير، وده إشكالية الجيل وما عاش حياة مستقرة أصلاً، يعني في جيل قبله عاش مثلاً عشرين سنة ما فيش تغيير، يعني ما فيش حالة من، فكان عنده وقت يتبنى، يعني الخناقات كلها كانت خناقات في شوية تلات أربع مواضيع هم نفس الخناقات، دلوقتي أنت كل أسبوع فيه خناقة جديدة بفكرة جديدة، للأسف الجيل ده ما قعدش فترة يعيش واقع مستقر، يبقى أنا فيه إيمَانياً وعاطفياً دلوقتي بقت في حالة من الهلع والصارعة.
كل أسبوع فيه حاجة، فيه حاجة عايز يسمع عنها، فيه خناقة جديدة. التريند خناقة الشهر ده على مسألة فقهية، التريند اللي بعده في مسألة عقدية، التريند اللي بعده في مسألة سياسية، انزل بعده في مسألة اقتصادية، ويتابع دول ويكذب ويرد ويتخانق وهو مش عارف حاجة! وتقول له: اتبنى؟ يقول لك: أنا يا أخي اتبنى؟ الخناقات شغالة، أنا هسيب الخناقة وأروح اتبنى؟
أنا عايز أتشاكل! تقول له: أيوة ما أنت راح، بس أنت عايزني أقعد سنتين ثلاثة؟ تقول له: يا عم والله الخناقات ما بتخلص، والله ما هتخلص. تصدق يعني لو أنت قلقان على موضوع أنك تتخانق، ما بتخلصش، أن الشيطان قد يئس أن يعبد غير الله في جزيرة العرب، ولا في التحريش، الشيطان مش هيئس من التحريش، ما تقلقش. يعني قضية التحريش بين المسلمين دي مستمرة، خناقات ما تقلقش كتير، يا عم أعنك شوية.
يعني ما تقلقش، بس أدي لنفسك سؤال: أنت دلوقتي الجيل ده ما قعدش فترة مستقر يتبنى، يعني ما قعدش فترة مثلا يعايش المفصل من القرآن، يقرأ السور ويعيش بها ويتبنى إيمانياً ويعيش بعيد عن المعارك، ما قعدش كده. ما قعدش فترة أنه يسمع سلسلة كبيرة في الفقه أو في العقيدة، أو يتبنى علمياً أو إيمانياً، أو أسماء الله الحسنى يعايشها اسم اسم، ما قعدش فترة بعيد عن الإشكال ده. للأسف أخطر فترة وأجمل فترة، فترة الجامعة، أن أنت عندك وقت لده، خدها كلها معارك وخناقات! ما أداش نفس وقت البناء، يعني دي كانت المفروض الوقت ده، الوقت ده هو أصولك، الجذور اللي بتترمى اللي بعد كده لما تروح في أي مكان في الدنيا، سافرت، قعدت، اشتغلت، اتجوزت، ورحت الجيش، أياً كان المكان اللي أنت رحته، بقت معك الأصول بتاعتك خلاص.
لكن لما تقضي الوقت ده في أنك أنت قاعد عمرك بيقرف منك وداخل في ما فيش، ما فيش حالة فيها استقرار، ده خطر جداً. الشهيد معلش أنا طلعت ورا فكر الدرس، أرجع تاني، أن طريقة التفكير دي بتطلع أحياناً شخصية، احنا قلنا بردو أي حاجة اجتماعية تشخيصها ده صعب، فعشان بردو احنا ما نبقاش نقع في نفس الإشكال، لكن باقول غالباً يعني.
طبعاً شخصية اعتمادية مزجاجية فاقدة لأخطر حاجة، مسألة الربانية، أن الإنسان يجأر إلى الله، زي ما قلت يومياً: يا رب بصرني، يا رب علمني، استخير، كثير الاستخارة. شخص كده فيه شخص تجده أنه كثير الاستخارة بعد ما بيستشيروا كل حاجة، لكن يعلم أنه زي النبي صلى الله عليه وسلم بيقول، زي ما ربنا قال لنا في القرآن: ﴿وَلَوْ كُنتُ أَعْلَمُ الْغَيْبَ لَاسْتَكْشَرْتُ مِنَ الْخَيْرِ وَمَا مَسَّنِيَ السُّوءُ﴾. لأ، ما أعرفش، وما شهدنا إلا بما علمنا وما كنا للغيب حافظين. ممكن تروح تستشير حد ثقة وخبرة وفاهم، إجابته بالنسبة لك غلط، ما تقول لهوش: أنت اللي ضيعتني، هو أنت أصلاً كنت معتمد عليه؟
زي الحكمة المشهورة بتاعة ابن عطاء: دليل اعتمادك على العمل أنك أنت كنت تعتمد على جهدك، نقصان الرجاء عند حدوث الزلل، أول ما يحصل مشكلة تفقد الأمل في ربنا، لأ خلاص، ده كان ابتلاء، ده كان اختياره، خلاص أنا اخترت اختياره طلع غلط، هعمل إيه يعني؟ وربنا ما ضيعش جهدي أصلاً، الموضوع انتهى، بلاش نقع في الاشكال ده في التفكير.
للأسف كان يعني في نقاط بس احنا كده متهيألي عندنا أصلاً ساعة وشوية، أو الكراسة ده أنا كان معي الورقة والكراسة، أه، خلاص يا جماعة خلص اهو، خلاص نكتفي بهذا القدر. لو قدرت المرة الجاية نتكلم في جمع بين الدين والدنيا، بس هيبقى بردو هيعمل مشاكل، فالله المستعان، لكن هنستصحب المقدمات دي المرة الجاية. نكتفي بهذا القدر، سبحانك اللهم وبحمدك، أشهد أن لا إله إلا أنت، أستغفرك وأتوب إليك، وجزاكم الله خيراً.