القرار الثاني | د. أحمد عبد المنعم

السلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم. بإذن الله عز وجل نستكمل سلسلة الإشكاليات، احنا كنا اتكلمنا في الجزء الأول والثاني عن أنماط التداول المعاصر.

كل ما الواحد يراجع نفسه يكتشف أن فيه نقاط لم يتم تغطيتها بصورة جيدة، لكن خلاص ده اللي نقدر في الوضع الحالي، إذا استجد أشياء ممكن نفرد مجلس آخر إن شاء الله في القصة دي؛ لأن دايما بتيجي تطرح إشكال معين، ما بتستطيعش أنك تلم بيه من جميع الجوانب، فحد بيجيب لك يقول لك بس أنت قصدك كذا.

ويصعب أن إنسان حتى في أي سياق لغوي طبيعي الإنسان يضع كل الاحترازات وكل الاشتراطات في الكلام عشان كلامه ما يتفهمش غلط، طبيعي أن الإنسان الكلام يفهم ضمن سياق عام، وده أكدت عليه قبل كده أن يعني إيه الكلام يفهم بنسياق عام؟

يعني بتشوف مثلا أنا مثلا كمتكلم عايز الكلام بتاعي يتفهم في صورة صحيحة، يتفهم ضمن العام أن مثلا المتكلم بيتكلم حواليه سبع ثمان مواضيع مثلا، قضية القرآن، قضية العمل للدين، قضية الصراع بين الحق والباطل، قضية أهمية التجمع والبعد عن الفرقة وخطورة تحريش الشيطان بين المسلمين، أهمية اختيار الثغور والتخصص فيها، يعني تجد أن في موضوع يعني مجموعة من المواضيع أنا بادندن حولها.

ومن خلال كتاب الله سبحانه وتعالى قدر المستطاع بننطلق أو من خلال نصوص القرآن والسنة في مواضيع معينة، ده الغرض الأساسي منها، فأحيانا لما بيشكل عليك فهم نقطة أو مخالف في النقطة ما فيش مشكلة، خلينا نرجع للكليات الأساسية ونتمسك بها.

طيب، مجلس النهاردة إن شاء الله برضه هو ضمن هذه الإشكاليات لكنه حقيقة يخاطب طائفة معينة، ومهم جدا أن الواحد قدر المستطاع يحاول يحدد في بداية الدرس أو بداية المجلس الكلام ده بيخاطب مين؟ بحيث أن اللي مش بيمر بهذه الحالة هو في غنى عن الاستماع للدرس ده، ممكن يستمع مجالس أخرى أو دروس أخرى.

المجلس ده بيخاطب يعني قبل ما أقول لكم هو اسمه إيه أو كنت قرأت مقالة أثرت في جدا اسمها كمون الثلاثين حتى اسمها تحس أن هو حاجة بتتباع في عطار كده، كمون الإسرازيين اه، إيه فكرة كمون الثلاثين؟

بيتكلم أن الإنسان بنسبة كبيرة لما بيوصل لسن الثلاثين حتى سواء دينيا أو دنيويا بيمر بحالة من الكمول، بيكون حالة الحماس بداية العشرينات وطوال فترة انطلق فيها، وأن في خلال فترة الثلاثينات تكثر عليه القيود، يبدأ يتبنى في حياته قيود أنه اتجوز وخلف وأشتغل، بقى عنده ثوابت في حياته، فاتبنى في حياته أشبه بممكن يسميها عواميد أسمنت، ما عادش سهل أن هو يغير أماكنها، ما عادش سهل أنه يغير موعد معين، بقى الميعاد ده أو الارتباط أو القيود دي هو مرتبط بها، سواء دينيا أو دنيويا مش قادر يحرك ده، فبقت اختياراته تقل.

يعني مع الزمن بقى في حالة من القيود هو ما عادش عنده القدرة بتاعة زمان لما كان لسه طالب في الجامعة فاضي ممكن يروح يسافر يتعلم حاجة دينيا أو دنيويا حتى، يمكن احنا هنا بنتكلم في المقام الديني، لكن أنا بكلمك على إشكالية موجودة أن كتير من المواهب والانطلاقات بنسبة كبيرة طبعا مش مطلقا بتم في مرحلة الجامعة، وقبل ما الإنسان ينشغل بالانشغالات الحياتية الملزمة أن هو يتجوز وخلف ويشتغل.

فبالتالي بيدخل في قيود ما عادش عنده حالة الانطلاقة يسافر، يطلب علم، يدي وقت معين، يقعد شهر معين يحفظ، يكمل من القرآن، يطلب العلم، ينزل يشتغل في الدعوة إلى الله، بقت في قيود في حياته، المقالة دي أثرت أشجان في حياة الواحد وحياة بعض الإخوة أن لما بيقعد يتأمل في حياة نفسي وحياة بعض الناس أن فعلا بيجي في مرحلة عند بعض الناس أن هو في النص أنا بتكلم بقى على الناس اللي التزمت فترة وقطعت شوط في الدين وجت في النص.

المجموعة دي اللي أنا عايز أطالبها كان في أكثر من مدرس اتكلم في النقطة دي، يعني درس مثلا اسمه في منتصف الطريق، درس برضه بعنوان قومه، درس أشبه برضه شوية بس اللي زهق وساب الطريق وبعد قطع شوط في منتصف الطريق اسمه أرجوك لا تنصرف، أن مجموعة الدروس دي والدرس ده اللي بعنوان إن شاء الله اسمه القرار الثاني، الدروس دي بتخاطب الطائفة دي اللي قطع الشوط في الالتزام وجت في منتصف الطريق وجت بعد فترة فقد الروح، الجمرة اللي كان ماسكها دي القابض على دينك القابض على الجمر انطفأت، أشبه بأن الفيشة اتشالت.

يعني واحد كان حماس بيسأل عن واقع الدين دايما متحمس، داخل في نقاشات، يبحث عن كيف يرتقي، وبعدين فجأة هذه الهموم انطفأت، وطبعا مش فجأة ده بيحصل دايما بصورة تدريجية، لكن ممكن أنت تظن أن هو حصل فجأة، لكن هو غالبا الوقوع ده والنزول ده بيحصل بصورة تدريجية: ﴿فَمَا وَهَنُوا لِمَا أَصَابَهُمْ فِي سَبِيلِ اللَّهِ﴾ [آل عمران: 146]، الوهن الأول وما ضعفوا وما استكانوا، احنا بقى بنتكلم عن اللي وصل لمرحلة الاستكانة ده، أن خلاص ألقى السلاح استسلم، حس أن ما فيش فايدة، المواطن الأول تعالوا نشخص الأول الإشكالية قبل ما نتكلم في العلاجات، مين اللي ممكن يمر بحالة زي كده؟ أو إيه الأسباب اللي ممكن تخلي حد يقف في منتصف الطريق بعد ما كان بيحارب وعنده حالة من الحماس وعايز ينصر الدين ألقى السلاح حس أنه وصل لمرحلة أن هو بيقول ما فيش فايدة، مالوش لازمة يعني، التعب ده وجع الدماغ ده مالوش لازمة، اللي هو وصل لحالة من العجز.

على ما أظن أن الحديث في البخاري أنس بن مالك بيقول: كان رسول الله صلى الله عليه وسلم كثيرا ما يقول: «اللهم إني أعوذ بك من الهم والحزن والعجز والكسل»، إن شاء الله نرجع لمسألة العجز دي واستعاذة النبي صلى الله عليه وسلم من ذلك، خد بالك من كلمة كثيرا، إيه المواطن اللي ممكن شخص يتحط فيها في الإشكال ده أو يمر بالإشكال دي؟

زي ما قلنا مثلا أن الهموم الدينية بتنطفئ عن طريق أن في هموم دنيوية عمالة تزاحمها، يعني هو ما عادش بيجلس في بيئات تذكره الآخرة، تذكره بهم الدين، تذكره بنصرة الدين، تذكره بالطعن وطعنوا في دينكم، أن الطعن في الدين الآن مش في الفروع، الطعن في الدين الآن في القرآن وفي السنة وفي الأصول، في وجود ربنا، يعني شوف الإلحاد ازاي انتشر، يعني كيف يستقر مؤمن على فراشه وينعم بحياته ودينه يفعل فيه هكذا، ازاي أصلا؟

فهذه المعاني تنطفئ، ما عادش بيشغل باله أصلا بالكلام ده، بيحس يا عم الكلام ده جربناه كتير وعشناه كتير وما فيش أمل، فيبدأ يوصل لمرحلة أن فيه هموم، واتكلمنا على مسألة ده في درس لهو الحديث، اللي بيحصل نوع من المزاحمة، الهموم الدنيوية الكتير هموم دنيوية جزئية كتير كتير بيتعرض وما فيش مقابل له بيئة بيتعرض لها لهروم دينية، فيبدأ يحصل نوع من أنواع المزاحمة، الهموم الدينية تدفع وتستقر الهموم الدنيوية، فيبدأ يشعر بنوع من العجز، مش قادر يمارس أعمال الدين، مش قادر يضحي، مش قادر أصلا يفكر في الهموم الدينية، مش قادر يرجع لها.

فده بيحصل نتيجة أن زي ما قال ربنا سبحانه وتعالى أحد أسباب ده، خلينا نذكر مجموعة من الأسباب منها: ﴿أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ﴾ [الحديد: 16]، قيل طال عليهم الأمد بعيدا عن مواعظ الكتاب، أن أوتوا الكتاب من قبل يعني قعد فترة طويلة ما يستمعش إلى هذه المواعظ، ما يستمعش إلى ما يحرك قلبه، ما يستثير همومه تجاه هذا الدين، لم يعد يستمع إلى مثل هذه الأشياء، فبالتالي فقد هذه الروح، الروح دي بتموت تحتاج إلى الغذاء.

فأول حاجة اللي طال عليه الأمد بعيدا عن ميات الإيمان، بعيدا عن واقع الدين، بعيدا عن هذه الهموم، وانشغل وتورط في هموم دنيوية، هو ممكن يكون مضطر إلى جزء كبير منها، وترك نفسه لغاية لما بقت حياته عبارة زي ما قلت عواميد أسمنت مش عارف يحرك حاجة، لدرجة أن في ناس بعد ما كانت بتحلم بنصرة الدين وأهداف ضخمة زي ما اتكلمنا في مثلا إرجاع الخلافة، مش عارف مش عارف يصلي الفجر، يقول لك ما عادش ينفع أصلا أصحي الفجر، بس أصلي الفجر ازاي؟ أنا راجع مش عارف إيه وبنام الساعة اتنين شغلي الساعة سبعة، يعني ده أنت حتى بتتكلم في الفروض ما عادش لها مكان في حياتي، مش بتتكلم على طلب العلم ولا الدعوة ولا بتتكلم على البذل مثلا أيا كان الثغر اللي هيختاره، لا ده هو نزل لمرحلة وربنا يثبتنا جميعا.

اه، في ناس بتوصل لكده أن ممكن حتى الفروض يقول لك ما عادش ينفع لها مكان ثابت في حياتي هي بظروفها بقى، ده كان زمان مختلف، زمان مثلا مش الفروض يجي مثلا يوم الجمعة يبحث عن خطبة جيدة يبكر، يمشي مسافات طويلة، يركب يسافر عشان يروح يحضر خطبة كويسة، يسأل على مواعيد الدروس، على طول ماشي الجهاز بتاعه سواء المحمول أو كده على طول منزل دروس بيسمع سلسلة، كان عايش جو معين، حتى أثناء وهو رايح الشغل وهو راجع من الشغل هو بيمارس حياته الدنيوية كان داخل منظومة أو جو من الإيمان، ده بيختفي بعد فترة لو هو ما حافظش.

طيب، الدارس ده بيخاطب ده، يخاطب النوعية دي اللي هو طال عليه الأمد وبدأ يشعر بحالة من الاستكانة.

برضه من النوعيات مثلا أن بيبدأ يفقد الهم الرسالي وسيطرة التفكير الدنيوي عليه، يعني خلاص بقى كل تفكيره يعني بدل ما كان بيوصل هو في نفسه أنه مثلا دنيويا طبيب ودينيا واقف على ثغر كذا، يعني زي ما له تعريف دنيوي بنفسه، وهو توصيفك الوظيفي لنفسك يساعدك على أداء وظيفتك، أنت لما توصف نفسك كأب كزوج كأخ ده بيتبعه أن أعمال، ما هو التوصيف الوظيفي بيتبعه أعمال.

طيب، ما توصف نفسك كعبد لله سبحانه وتعالى ولك دور، ما دينك؟ أحد الأسئلة الثلاثة في قبرك، يعني أنت كنت منتمي لإيه؟ إيه الدين اللي كنت بتنافح عن إيه؟ الدين اللي كنت بتتدين به، اللي كان بيسبق حياتك، إيه هو؟ فبالتالي في واحد الهم ده بقى بيفقد، بقى بيعرف نفسه دنيويا فقط، طب دينيا تلاقي ما فيش دور، يعني ما فيش حتى الروح والهم اللي تخليه يستعمل حتى الثغر الدنيوي ده لنصرة الدين.

بيفقد أصلا ده، يعني في الأول يقول لك خلاص أنا هوظف وظيفتي الدنيوية دي في نصرة الدين وبيحسن ذلك فترة معينة، لكن عشان يستمر صح أصلا هو عشان ده ما يقعش محتاج يستمر أنه يسمع إيمان يسمع دين يتذكر، وهي دي فكرة ورد القرآن اليومي ولا سيما في قيام الليل، أنك أنت بترد القرآن عطشان يوميا وبتتملى وبتتغذى معاني تخليك تعرف تمارس حياتك صح.

بيحصل له حالة من الانفصال الشعوري، يعني ما عادش المستقبلات الحسية اللي كان بيحصل لها استثارة لما بيشوف مشهد في غزة، أو واحد بيطعن في البخاري، أو شاب ألحد، أو مجموعة من الشباب بعيد عن ربنا، كل دي كانت زمان ممكن أو طفل عايز يحفظ قرآن ومش لاقي حد يحفظه، كل دي مؤسسات مختلفة كانت بتستثير زمان أن هو يلوم نفسه.

أن مثلا الإمام يخطئ وما حدش عارف، كان زمان يلوم نفسه هو ليه مش حافظ للقرآن؟ هو ليه مش متقن لكتاب ربنا سبحانه وتعالى؟ كان زمان يلوم نفسه لما حد يسلم وعايزين حد يقعد معه وهو مش لاقيين حد يقعد معه.

كان زمانه يبدأ يلوم نفسه أنا ليه ما أنصرش الدين؟ لما حد يكون يسأل سؤال في شبهة ومش لاقي حد يجاوب على الشبهة دي، كان زمان بيقولوا نفسه أنا ليه ما أتعلمش؟ لما حد يسأل سؤال فقهي مش لاقيين حد يجاوب عليه، حد عنده شبهة عقدية ومش لاقي حد يجاوب عليها، هو زمان كانت دي مستثيرات بالنسبة له.

أنا ليه ما أنصرش الدين مع مع كل حد كان بيبعد عن ربنا؟ هو كان بتضايق ليه ما اشتغلش في الدعوة إلى الله؟ مع كل منكر كان بيعدي عليك كان ينكره بقلبه ويتألم ويعتصم على قدر المستطاع كان ينكر بلسانه، كل دي كانت مستثيرات بالنسبة له.

أغلب الحاجات دي انطفأت، المستقبلات الحساسة اللي جوه ما عادش تتلقى ده أصلا، يعني الأشياء دي زي ما هي في الخارج بل بتزداد، أعداد الإلحاد بتزداد، الشبهات بتزداد، المنكر بيزداد، لكن ما عادش عنده مستقبلات أصلا يستقبل بها المؤثرات دي أصلا، ما عادش بيحسها، يعني زي بالضبط اللي بيمسك حاجة سخنة مثلا ويتلسع، وبعدين المستقبلات الحسية اللي في الجلد دي تموت، فقعد يمسكها ما حدش يتلسع، ما حدش يجي يتألم، فحصل حالة من الانفصال الشعوري عن هموم الدين، حصل انفصال يقول لك فكرة الفيشة اللي اتشالت.

بقى بيشوف ده وبعدين بيعديه على الزمن كده، يعني هو كان ممكن يشوف يتألم ويتمنى أن هو ولو بالتمني، يعني قال صلى الله عليه وسلم: «من لم يغزو أو تحدثه نفسه بالغزو»، يعني في واحد مش قادر يعمل فنفسه يا ريتني كنت جاهدت يا ريتني كنت عملت كذا في الدين، يحدث نفسه ويتمنى حتى، لا ما عادش يحدث نفسه بده أصلا.

يبقى خلاص بقى بيمر على المواقف اللي زي دي على طول، مثلاً عنده على الفيسبوك خلاص بيعديها ما بيتوقفش عندها أصلاً. فبيحصل له حالة من انفصال الشغل، أيضاً من الأمثلة أن ده أن شخص مثلاً دي نقطة يعني ممكن إيه هتحتاج توضيح أكتر في درس تاني إن شاء الله، مش هذكّرها دلوقتي.

شخص مثلاً نتيجة أزمة اقتصادية، كلنا بنمر بالشكال دي دلوقتي نتيجة أزمة اقتصادية معينة، اضطر يسافر باحثاً عن سفر عشان يشتغل؛ لأن هو عايز يأكل من عمل يده. فبالتالي عايز يدور على الأماكن اللي يسافر فيها، لقي إن هو قدامه غالباً اختيار من اتنين: أما يروح دولة من دول الخليج بيكون فيها دخل مادي كويس، أو يروح دولة من دول الكفر مثلاً، دي هياخد فيها حقوق؛ يعني هو يشعر إن هو هيحس إن هو بني آدم، ياخد فيها حقوقه، وإن كان حتى لو دخل مادي مش عالي، بس هو يشعر منهم الحقوق، لكن طبعاً ما فيش الشعائر الإسلام ما بتُقامش، فبالتالي هو بيختار ما بين حاجة من الاتنين: أما إن هو يبقى فيه يعني بحيث إن هو قدامه إيه؟ يبقى تلات اختيارات، يا يقعد هنا وما فيش حقوق وما فيش فلوس، يسافر الخليج ويبقى فيه فلوس وما فيش حقوق، يا يروح ياخد إيه حقوقه ما فيش فلوس. يعني إيه طبعاً القاعدة المعروفة بتقول إيه؟ ما حدش بياخد كل حاجة، لازم تبقوا حافظين القاعدة دي.

فبيبدأ يختار طبعاً، هو ممكن ربنا يقدر لإنسان إن هو ينال إنه يسافر ويفعل الدعوة في مكان، يعني ده أنا بقول في الغالب، يعني في ناس سافرت في أماكن مختلفة خليفة وأنشأت دعوات، لكن يعني إيه عارف كانوا في مثل كده لأبنائنا يعني أجدادنا يقولوا لك إيه: تخيل بلده تخيل بلاد غيره. يعني اللي ما عرفش يشتغل الدعوة هنا ما عملش حاجة، تلاقيه يعني أنت هروح في بلد الفتن وهتنشط يعني عشان المستشفيات اللي هناك أحسن مثلاً؟ فانت المهم ما تفهمونيش غلط يا جماعة، فهو بيبدأ يختار.

إشكالية المكانين أو الأماكن اللي زي دي اللي ممكن حد يقول لي: لا، المكان اللي أنا رايحه ما فيش دين، خلاص ده أنت حر، الأرض لا تقدس أحداً قادر إنك تحافظ على دينك. قال صلى الله عليه وسلم: «يفر بالصاحب بدينه من الفتن». يعني يصطحب دينه معه، ما تجيش تفر وتترك دينك، ممكن الإنسان يضطر لأي ظروف معينة، يعني القعود ليس هدفاً، والسفر ليس هدفاً، الحفاظ على الدين هو الهدف؛ الحفاظ على الدين وأنك تصل لمرتبة الصلاح والإصلاح بأعلى حاجة. وهنتكلم دلوقتي على في الحلول، حد يفكرنا إن شاء الله، نيجي نتكلم على الحلول اللي بنمر بالأزمة دي فقه النزول إن شاء الله.

يعني إن هو ممكن يضطر إنه يسافر مثلاً دولة زي دول الخليج، أغلب الأماكن دي بتبقى واقع أنا بسميه واقع الثلاجة، واقع برود، واقع في حالة من التخدير شوية، ما فيش جو صراع معين عايشه، ما فيش حاجات بتستثيره؛ يعني هناك الحياة روتينية جداً، آه في حاجات كتير ممنوعة، الحياة أشبه هنا سواء في بعض دول الخليج أو بعض الدول الغربية، صورة علمانية بحتة، اصحى الصبح بدري والشغل يفضل مطحون لغاية مش عارف الساعة سبعة، ينام، ما فيش غير الويك إند بتاعه، حياة سريعة جداً جداً، فرصة حتى الوقت الفاضي بيبقى في حالة من الانتخة، مش عايز يشغل باله بحاجة تعكنن عليه، عايز يروق على نفسه، بيبقى ما فيش صحبة كبيرة، فهو إيه واقع كله هموم، يعني حالة كده اللي سافر وتعرّض ده هو يعرف يحكي لك كويس واقع الثلاجة ده.

فبيبدأ الهموم اللي كنا بنتكلم عنها دي تموت واحدة بواحدة، يعني الهموم دي تبدأ تقتل، سواء بقى في السفر أو في غير السفر، ممكن واحد هنا ويتعرض لده، الفكرة إن واقع الثلاجة ده من أكثر الأشياء اللي بتدخل في الموضوع اللي بنتكلم فيه ده، إن هو يدخل في حالة من الكمون، الهموم تموت، إنه يعيش في حالة من البرود. واقع الصراعات والنقاشات والدين ده بيستثيره، عبوديات جواك أصلاً؛ لأنك أنت تتعرض لإشكال وتروح تسأل وتبقى خايف إنك تفتن فتروح تدور على شيخ تروح له وبعدين ما تلاقيش فتدور على صحبة صالحة، وبعدين تسافر عشان تحفظ القرآن، وبعدين تحاول تحافظ على العلاقة بين دنيتك ودينك، وبعدين عايز تذاكر، وبعدين بعد ما تخرجت عايز تشتغل بس في نفس الوقت عايز تحافظ على الصحبة الصالحة، الجو ده أصلاً عبوديات رهيبة من جواك.

لكن لما الصورة بقى الجزء التاني بتاع السورة بتاع الدين ده بينطفئ تماماً، ما عادش له غير التفكير الدنيوي فقط، الهموم دي تموت ويدخل بقى في واقع الثلاجة دوت واقع التخدير، الحالة اللي فيها سواء زي ما قلت لك غالباً يعني دول الخليج اللي بيبقى فيها بعض الرفاهية وبيعيش حالة من الانتخة، يعني تلاقيه انتخ كده وإيه خلاص بقى ركب العربية وبصورة معينة والدجاج ومش عارف إه، يعني جو معين جداً، أو يروح بقى في الدول الغربية يحس إنه بيتعامل بياخد حقوق معينة، لكن شعائر الإسلام ومعاني التوحيد تنطفئ تلقائياً وما بيبقاش واخد باله؛ يعني في معاني كبيرة في الدين وهو مش واخد باله إن هي كبيرة.

هو كان معظماً قيمة معينة وهي عظيمة في الدين قضية الظلم والعدل، فما راح في القيمة دي وجد إن هو بياخد هو حقوقه، لكن نسي قضية حقوق الله، انشغل بحقوق الإنسان، وإن كان أصلاً ملف حقوق الإنسان ده ملف يعني قصة طويلة وفكرته ونشأته أصلاً وتضخيمه وانه حصل فيه جور على حقوق الله، وأن بقى فكرة إن معاد كلام من الإنسان هو مركز الكون. الشاهد يعني إن هو بيروح بياخد الحقوق دي، لكن في شعائر دينية وفي معاني ضخمة في التوحيد وفي الإيمان بتنطفئ تلقائياً، وبيحس إن هو كويس أنا ما بعملش حاجة، أنا بروح مثلاً أعمل كذا شغل، معاني الدين انطفت، أنا بتكلم عن مين برضه تاني؟ الشخص اللي كان عايش حالة من الصلاح والإصلاح وانطفأ، مش شخص يعني لسه بيفكر يلتزم وواجه نفسه في هذه البيئة، محتاج يتصرف إزاي؟ هل ما لوش؟ هل الالتزام ده طبعاً لها؟

لذلك لما ربنا قال: ﴿أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَوَتْ قُلُوبُهُمْ وَكَثِيرٌ مِّنْهُمْ فَاسِقُونَ﴾ [الحديد: 16]، يعني ما فيش أمل؟ الآية اللي بعدها هتقول إيه: ﴿اعْلَمُوا أَنَّ اللَّهَ يُحْيِي الْأَرْضَ بَعْدَ مَوْتِهَا﴾ [الحديد: 17]. في أمل، حتى لو القلب مات في أمل، الله قادر على إحياء القلب الميت كما أنه سبحانه وتعالى يحيي الأرض الميتة سبحانه وتعالى، وهذا لابد أن يعلم: ﴿اعْلَمُوا أَنَّ اللَّهَ يُحْيِي الْأَرْضَ بَعْدَ مَوْتِهَا﴾ [الحديد: 17]. مهما الإنسان مر بمراحل فتور أو كمون أو انطفاء الجمر أو فقدان هذه الروح، مهما مر ده في أمل للاستيقاظ مرة أخرى بإذن الله سبحانه وتعالى، زي ما ربنا قال لسيدنا زكريا لما تعجب أن يكون لي غلام، قال له: لقد خلقتك من قبل ولم تك شيئاً، ما هو اللي خلقك أول مرة يستطيع القادر على أن يفعل ذلك، قال لما سيدنا موسى طلب طلبات كتير ربنا قال له: ﴿قَدْ أُوتِيتَ سُؤْلَكَ يَا مُوسَىٰ * وَلَقَدْ مَنَنَّا عَلَيْكَ مَرَّةً أُخْرَىٰ﴾ [طه: 36-37]. عطاءات الله متتالية على العبد، فأحياناً الإنسان يستعظم شيء، وهو طب ما هو اللي جابك أول مرة يجيبك تاني مرة، يعني اللي جابك من واقع الضياع إلى واقع الدين بعد ما تقع هو قادر إنه يرجعك مرة أخرى، ﴿وَإِنْ عُدْتُمْ عُدْنَا﴾ [الإسراء: 8] كما قال ربنا سبحانه وتعالى.

إشكالية واقع اللي ممكن اختصاراَ بقى نسميه واقع الثلاجة ده، أيا كان هنا أو برة أو في أي مكان، الواقع اللي بيموت الهموم دي بقى اللي إنا اتكلمنا عنها، هموم الدين أو المستثيرات اللي كانت بتستثير المستقبلات الحسية عند الإنسان فبتخليه عايز يعمل للدين أو بيغار أو بيغضب، المشاعر دي بتنتفي، وبقى الغضب ده برضه زي ما ذكرنا في درس القهوة الحديث الغضب ده يوجه في تفاهات؛ لأن هو الإنسان بداخله طاقة، بداخله طاقة غضبية، بقى يوجه مثلاً لهزيمة، بقى يوجه مثلاً في شتيمة حد، بقى يوجه في خناقة تافهة، بقى يقل الطاقة الغضبية دي بتتوجه في مكان تاني خالص، بعد ما كان الهموم دي تنصب في معاني عظيمة، بدأ وهذا اللي بنشوفه الإقبال الغريب من عموم الشباب الملتزم على مشاهدة الكرة، يعني ده أمر يحتاج تحليل، يعني القضية مش بس الحكم الفقهي بتاعها، ده أمر محتاج، ده حصل ليه؟ ما هي الكورة طول عمرها موجودة والبطولة دي طول عمرها موجودة، يعني حالة يعني في حالة من الولعة كده بالامر ده والمجاهرة بدولة وانتشار وممنوع إنك تكلمه أصلاً، يعني لو جيت أنت بس تحاول تفتح معه الموضوع تجد هجوم شرس، يعني فيه تغيرات أيا كان إيه أسبابها، وهذا اللي الواحد بيحاول يرصده، في تغيرات حصلت في تصور الإنسان عن الدين.

طيب أن ممكن إنسان برضه من أسباب إنه يدخل في الحالة دي وقع في فتنة شهوة، وقع في فتنة وقعد فيها فترة طويلة، فبدأ يحس أن ما فيش أمل إنه يخرج منها بقى، يعني ابتلي بلاء معين، وقع في فتنة، أيا كانت شهوة أو وقع فيها، وبعدين حاول مرة اتنين تلاتة يخرج، وبعدين حس أن ما فيش فيها أمل، فقام سايب نفسه بقى، فبدأ يحصل حالة من الاستمراء عنده، وبيهزر للأسف نموذج، ما أعرفش أنت اتكلمت عنه في درس قبل كده، اللي هو اللي ممكن نسميه مجازاً حصل في معركة مع سيدنا سعد بن أبي وقاص، كان معه أحد الناس اللي هم مجاهد ويشرب الخمر، ممكن يطلع لنا النموذج ده، أن ممكن في الدين بيعمل حاجة كويسة وفي المعصية بيعمل حاجة كبيرة. النموذج اللي كان مع سيدنا سعد وهو كان يريد أن يتخلص من الخمر، فده نموذج جيد أن هو يبتلى يحاول يتخلص من ده، ده كويس لأن كل بني آدم خطاء، الإشكال أن هو بيحافظ على الصورتين، الصورة الدينية اتصدّر بها للناس، والكبيرة اللي مصرّ عليها ومش عايز يسيبها، ده بيبقى فتنة خطيرة لنفسه ولغيره، ده بيبقى قنبلة موقوتة، لما بينفجر وفتنته بتظهر فجأة للناس الناس بيحصلها صدمة، إزاي فلان اللي كان أو فلانة اللي كان من النخبة وكان متصدر؟ يعني ده أمر خطير جداً أن هو أثناء الوقوع في الفتنة كان مطالبه، ده بقى عنوان الدرس هو الحل أصلاً، اللي هو القرار التاني، كان مطالبه إنه ياخد قرارات تغييرية في حياته ما خدهاش، بس القرارات دي كانت هتأثر في صورته الدينية اللي متصدر بها للناس، كان مطالبه إنه يرجع خطوتين لوراء، إنه ينزل من ده، إنه ياخد قرارات حياتية مهمة في حياته ما عملهاش.

فمن النماذج اللي برضه بنتكلم عنها النهارده أن إنسان ممكن يكون متصدر في الدين أو غير متصدر في الدين، ويسقط في فتنة ويقع فيها فترة طويلة، كثر المحاولات للخروج من الفتنة دي بتصيبه بحالة من فقدان الأمل، اللي هو بتعبير الدكتور أحمد سيف اللي بيسميه العجز المكتسب؛ أن يعني إحنا عندنا في علم الأدوية في كلية طب لما بنيجي مثلاً إحنا المفروض أي دواء قبل ما يتجرب على البني آدمين يتجرب الأول على الحيوانات، فعشان الدواء يتجرب على الحيوانات لازم يتعمل يعني حاجة مرض في الحيوان شبيه بالظبط اللي بيحصل في الإنسان، يعني مثلاً يتعمل أن نموذج لمرض الضغط مثلاً في الحيوان، فيتجربوا عليه بقى الضغط، فمثلاً لما ييجي يقول لك: طب عايزين ندرب أدوية الإكتئاب، إزاي هنعجب للفار اكتئاب؟ يعيش في مصر، فإزاي نجيب للفار اكتئاب؟ مثلاً من التجارب اللي بتعمل اللي فعلاً بتجيب للفار ده اكتئاب، وبالتالي لما بياخد الدواء بيتحسن، فكرة أن هم يخلوه مثلاً يحاول يهرب من مكان وفيشل عدة مرات، وبعد فترة الفار يتوقف عن محاولة الهروب ويسيبه الباب مفتوح وما يخرجش، يعني يتساب أن هو عنده القدرة الآن لو خرج يمشي، بس هو من كتر ما حاول حصل حالة من العجز، إحنا كده أكسناه العجز، العجز المكتسب، فأكسناه الإكتئاب. فيجربوا بقى قصة بقى تاني، مش هنخش بقى في فن الأدوية مش قصتنا دلوقتي.

طبعاً في نماذج كتير إزاي يوصلوا الحيوان من كتر التجارب المتكررة إنه يفقد الأمل في المحاولة، أو الشيطان أحياناً بيبقى معك كده، أن زي ما أظن حُذيفة ولا: ﴿وَلَا تُلْقُوا بِأَيْدِيكُمْ إِلَى التَّهْلُكَةِ﴾ [البقرة: 195]، أظن هو قال: ودّ الشيطان لو ظفر منكم بهذه، هو عايز يكسب دي؛ لأن هو إبليس هو إبليس أي اليائس من معاني الإبلاس اليأس، هو عايزك تصل إلى نفس مرحلة اليأس من محاولة الخروج من حالة الفتور دي، أحياناً طول فترة الفتور بتخلي الإنسان يتوقف عن المحاولة، خلاص تاني وهقوم وأحاول وأروح وأطلب علم، وبعدين أتوقف وأحفظ قرآن، وبعدين أتوقف ومش تاني، وماله لغاية ألف لغاية لما تموت، إيه الإشكالية؟ هي معركة: ﴿اصْبِرُوا وَصَابِرُوا﴾ [آل عمران: 200]، اللي بيصبر أكتر هو اللي بيخسب، هي معركة مجاهدة إلى أن تموت.

حتى لو أذنبت مئات ألوف المرات، إن الله لا يمل حتى تملوا، إياك أن تمل. فإذاً، أيضاً من النماذج التي الإنسان ممكن يسقط فيها في الفجوة التي بنتكلم عنها اليوم ديت، أو مرحلة الكمون أو الفتور بعد حالة نشاط، تكون بسبب طول الفيلُم. طبعا، أنا كنت في درس برضو مهم جداً ومرتبط بالمعنى ده، درس اسمه الحور بعد القول، وخاصة الجزء الأول، كنت تكلمت عن أسباب السقوط أن الإنسان ينتكس بعد سير.

برضو من الأسباب اللي الواحد شايفها الفترة دي، تاني بتكلم عن نموذج الإنسان الصالح المصلح اللي كان ماشي في الطريق وتوقف، كتر الخلافات اللي بيشوفها والصدمات زي ما اتكلمنا في الدرس اللي فات، والصدمات اللي بيتلقاها في المنهج اللي كان ماشي عليه، أو في شيوخه، أو في التيار اللي كان ينتمي له، صدمات متتالية واختلافات كتير، فيبدأ يقول لك يا عم خنقتونا، أهي أنا سايبها لكم وماشي، ما عادش عايز اتناقش، ولا عايز أعرف الصح من الغلط، ولا عايز أجاهد نفسي، ولا عايز أعمل أي حاجة، من كتر ما بيشوف الفتن والصراعات المحتدمة وخناقات ونقاشات ويبقى تايه، بيبقى يوصل لمرحلة بدل ما ممكن يعتزل ده، يشوف إيه الأولويات، يعني ممكن يحاول يحلها حل بسيط.

يعني أقول لكم حاجة، من الكلمات الجميلة قوي كنت بتناقش في الدرس ده مع الدكتور حازم، مستأذن شوية، بقول له بفكر أدرس عن كذا، فالكلام بنتناقش مع بعض فقال لي أه، بقول أحياناً الشخص بيعيش في حالة من الهم والضغط النفسي بسبب مشاكل، أنت عارف إن هو لو عمل للأكونت بتاع الفيسبوك بداية حل، يعني أحياناً المشكلة الضخمة اللي هو عايشها هي ما فيش مشكلة ولا حاجة، هو اللي دخل نفسه في الواقع ده، فقال لي بالضبط، فكرتني بقول الله سبحانه وتعالى اللي هو اللي في سورة النحل: ﴿وَإِذَا بُشِّرَ أَحَدُهُم بِالْأُنثَىٰ ظَلَّ وَجْهُهُ مُسْوَدًّا وَهُوَ كَظِيمٌ * يَتَوَارَىٰ مِنَ الْقَوْمِ مِن سُوءِ مَا بُشِّرَ بِهِ ۚ أَيُمْسِكُهُ عَلَىٰ هُونٍ أَمْ يَدُسُّهُ فِي التُّرَابِ﴾ [النحل: 58-59]. كمية التعبيرات، يعني أنت لو دي، ده مش مريض نفسي، يعني اللي عايش الأزمة النفسية دي، ده هينتحر، وعشان إيه؟ عشان إيه لحظة؟ عشان نعمة غيره بيتمناها أصلاً، يعني ممكن الأزمة اللي هو عايشها هو اللي معيش نفسه في الوهم ده، هو اللي ساب نفسه لضغط المجتمع فعمل فيه كذا، أنت إيه اللي يخليك، إيه اللي يخلي المجتمع يضغطك لهذه الدرجة؟ اخرج من المجتمع ده، اخرج من دايرة الضغط دي.

يعني في بعض المجتمعات فعلاً بتمارس أنواع من الضغوطات، افترض أن حتى أن طريقة التفكير بتاعتهم صح، أنت مش مناسباك الطريقة دي، خلاص هي ممكن تكون طرق متعددة للإصلاح. هو متبني شخص، نازل متبني حل مثلاً النقد للتيارات الإسلامية، وهو متبني الحل ده، هو طبيعته، عشان طبيعة ممكن علمية شوية، معظم وقته مع الأوراق والكتب، ففي، لا أقصد بها الذنب، فيها طبيعة جافة شوية، مش مشغول بالمشاعر، فمثلاً بدراسة التيار الإسلامي الفلاني وبالاستقراء الواقع، شايف أن التيار ده هينقرض في خلال الخمس أيام مثلاً، عادي بيكتب دراسة وينزلها، فتخيل اللي بيسمعوه أبناء التيار ده، اللي بيسمعوه، يعني إيه يولع في نفسه قبل يوم الخميس؟ يعني أنت متخيل؟ وعادي، دراسة بينزلها يقول لك والله قابلة للنقد، حضرتك، ممكن حضرتك، ولعت في، قابلة للنقد إيه؟ أنت مش قايل، أنت الكلمة اللي أنت، أنت مش متخيل الأزمة اللي أنت بتعملها. طب حلول حضرتك؟ أنا متخصص في النقد، أنا ما بديش حلول. طب يعني الحق، أنت بتقول في خلال قد ايه هنموت؟ أنت متخيل؟

ده أنا مش بكلمك، بكلمك عن الواقع، فدراسة تانية أن كل الحركات الاسلامية تم اللعب بها من مش عارف المخابرات الأمريكية، يعني هنعمل إيه دلوقتي؟ يعني نقفل ونروح نعمل إيه؟ فأحياناً بعض، وممكن دي دراسات يستفاد منها على واقع معين، أو أصحاب السياسات، أو المفكرين، أو اللي بيكتبوا، هو ده مهم، بس المهم أن ما يصلحش لتعميم، فانت إيه اللي يعرضك لده؟ خلاص، ابعد عن اللي أنت مش قد ده.

يعني محتاج فقه نفس، أنا نفسيتي ضعيفة يا سيدي، يا عم أنا مش بتاع الكلام ده، أنا ما لي ومال الكلام ده، أنا غلبان، أنت غلبان، أصل أنتم دراويش. أيوه، ما هو أنا درويش، نسيت أقول لحضرتك، طب أنت هتنتمي، ما هو أنت البديل إيه؟ البديل أنت هتضيع، يعني هتععد تقف قصاد شلالات، البديل إيه؟

أنا هنا يهمني إنقاذ الشخص دلوقتي، مش بتكلم على كيف تنجو التيارات الإسلامية من المكائد التي تحاك لها، مش بتكلم في ده، أعد له واقع تاني ودراسات أخرى فعلاً، ومحتاجة كوادر يبقوا عندنا، فده مهم جداً، واحنا أوتينا من أسباب الهزايا، نحن نؤتى من قبل هذا الثغر وغيره، الشاهد أن أحياناً الشخص بيعرض نفسه لواقع هو مش قدِّه، تكلمت عن ده بشوية بنوع من التفصيل في درس الحول على إطار الجزء الأول.

فمن أسباب أنه يوصل لحالة العجز، وأنه ما عادش بيفكر أصلاً نعمل حاجة للدين، كتر المشاكل اللي بيشوفها، ويعرض نفسه لكمية خلافات مهولة، ولا، ودي من إشكاليات الفيسبوك، دي من إشكاليات مواقع التواصل الاجتماعي، لأن هي عممت الخاص وخصصت العام، خلت ناس تتكلم في قضايا عموم الناس، يتكلموا في قضايا لا يحسنوها، وخلت قضايا خاصة لا تصلح للنشر أن هي تنشر على العام، يعني في حاجات، زي ما ربنا بيقول: ﴿وَإِذَا جَاءَهُمْ أَمْرٌ مِّنَ الْأَمْنِ أَوِ الْخَوْفِ أَذَاعُوا بِهِ﴾ [النساء: 83]، في حاجات لا تصلح أن تذاع، يعني في كلام لا يصلح أن هو يذاع وينشر، ده حتماً يكون له سلبيات، أنا لا أتهم الكاتب أو الناقد أنه يصد الإيذاء النفسي، أو أنه يتسبب في سقوط بعض الناس، أو في نفور بعض الناس، لكن الإشكالية أن هذه الوسيلة، لو هذه الوسيلة لا تصلح أن هي تعمم، والخطأ بيعلمه الناس، المفروض الإنسان يفقه مآلات هذا الكلام، وهو بيخاطب مين؟ ومين استفاد؟

يعني أحياناً، زي ما أحد الصحابة كان ندم أنه حدث بحديث، حديث مش رؤيا، مش استنباط، مش استثنائي، قاله الحجاج في تعذيب الناس، فأحياناً أنت ممكن تقول حق، حتى مش بقول لك رؤية خاطئة، لكن أنت يستغل من قبل بعض الناس، لذلك مثلاً، أنا هجيب نموذج عشان أتكلم براحتي، لأن النموذج أنا بحبه، فأنا لا أصد أي انتقاص منه، الدكتور فريد الأنصاري رحمه الله، دكتور فريد الأنصاري كويس جداً في كتابات، طبعا مجالس القرآن وقصة حياته مليئة الاستفادة، مر بأكثر من تجربة، وخاصة لما استقر في الآخر على مشروع القرآن، أنه بدأوا بالفطرية ومشروع من القرآن إلى العمران، الشاهد أنه جابي فترة حَسَّ أن بعد ما خالط كثيراً من التيارات الإسلامية أخطاء، فنزل كتاب لأن هو عايز يساهم في الإصلاح، نزل كتاب اسمه الأخطاء الستة للحركة الإسلامية في المغرب، لأن هو راجل مغربي، بلاد المغرب.

الإشكالية أن الكتاب نزل في توقيت معين كان انتخابات، وداخل بعض الأحزاب الإسلامية، وبعض دور النشر كمان عملوا صورة على الكتاب، صورة زي عقرب كده، ففهم أن مين اللي استفاد من الكتاب ونشره، وإن كان هو الكتاب مفيد لنقد الذات، لأن غياب نقد الذات هي، أبويا بقى يقول لي طب أنت عايز ايه؟ أنا عايز التوازن، ما هو هل ما فيش نقد؟ لأ طبعا، ما هو لو ما فيش نقد ما فيش تطوير، ما فيش تطوير بدون نقد، لكن بتاع مين ده؟ وأن الإنسان يكون عنده وعي هيستفاد من ده إزاي من كلامه، وفي نفس الوقت هو يكون متوازن في النقد، يعني يذكر، يذكر مزايا، يذكر الناس اللي ضحت بدمائها، يعني لما ييجي يتكلم واحد عن الجهاد الأفغاني ويقول إن هو كله كان عمالة أمريكية وكل هذه الدماء التي سالت لنصرة الدين أنت ما بتتكلمش عنها في حاجة خالص، يعني التناول البارد تحس انك بتقرأ المستشرق أحياناً، يعني هو أحياناً انك بتقرأ حد شخص فقد أَلَم الرسالة.

المهم الكتاب استغل من بعض العلمانيين هناك للطعن في الأحزاب الإسلامية، تبقى عايز تقول لهم يا واد يا مؤمن، أنتم، أنتم شاغلين بالكم بالأخطاء بتاعت التيار الإسلامي؟ أنتم عايزين الإسلام الصافي ولا هم مش عايزين أي اسلام؟

فمن القواعد المهمة جداً أن أي قومة بعد طول نومة غالباً فيها عيْن، غالباً معيوبة، يعني أي محاولات، احنا الآن طول نومة في سقوط أمة إسلامية منهارة، مش بس من سنة ألف وتسعمائة وأربعة وعشرين مع سقوط الخلافة العثمانية، لا من قبلها، يعني حالة التردي والسقوط مستمرة، فمحاولات الإصلاح مختلفة، فيخطئ، ما أنت بتقول ربنا اغفر لنا، فأنت تخطئ ولإخواننا اللي قبلك أخطأوا، فبتطلب من الله أن يغفر لهم، ﴿رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ﴾ [الحشر: 10]، فانت بتحاول تكتشف مميزات من سبقك وأخطاء من سبقك لتكمل مميزاتي وتبتعد عن أخطائه.

لكن القضية أن نرجع بقى للإشكال، أن الشخص اللي بيتلقى الكلام الجاف فبيشعر أن ما فيش أمل، طب اعمل ايه أصلاً؟ طب لزمته إيه؟ لزمته إيه اقتطع جزء من وقتي ومن دنيتي ومن مالي عشان أنصر الدين؟ ما هي باظة باظة، ما هي باظة خلاص، يقوم سايب الطريق ده.

دي طبعا في نماذج أكتر بس عشان نبدأ نتكلم شوية في الحلول، مسألة أن الشخص أحياناً زي ما قلت بيوصل للنقطة دي، أيا كانت بقى النقطة دي إيه الأسباب؟ أنا قلت بعض الأسباب هنا، وبعض الأسباب في درس الحور وبعد الكون، المهم إنه يبقى واقف في نقطة كده، حاولت أوصفها شوية في نفسي، في منتصف الطريق، اللي بيقف كده في منتصف الطريق كده، وبعدين يبص وراه حاسس إنه قطع شوط في الدين مستخسره، قاعد يبص قدام ما عادش عنده القدرة إنه يمشي، حالة من العجز، كأنه فاقد الروح.

زي مثلاً شخص، شخص يتعرض لأزمة معينة فاضطر إنه يسافر، فسافر وهو كان، أنا بتكلم عن شخص صالح مصلح كان له دور إصلاحي كبير في بلده، وكان الدور الإصلاحي والثغر الإصلاحي ده محتاجه، وهذا الثغر سيأثر بغيابه، ركز معي في التوصيف الكامل، شخص فُتح له في باب الصلاح والإصلاح في بلد، واضطر إنه يسافر من البلد دي لأسباب خلينا نقول أسباب اقتصادية، وهذا الثغر سيأثر بغيابه، فقال خلاص بما أن السبب السفر اللي اضطرني أن أترك ثغر الدين هو سبب مادي، أنا محتاج مثلاً أربع خمس سبع ثمن سنين وضع معين من الجهد وبعدين أرجع تاني.

الإشكال أنه في خلال الثمن سنين بيحصل الحالة اللي أنا بقول عليها دي بقى، حالة الثلاجة، سقوط الهمم، بدون ما يشعر انطفاء الجمرة، خروج الروح، شد الفيشة، أيا كانت التعابير اللي هتعملها، أن هو ده بيحصل تلقائياً تدريجياً وهو مش واخد باله.

يجي بعد ثمن سنين حقق التارجت بتاعه، خلاص أنت كنت رايح عايز عربية وشقة ورأس مال تبدأ مشروع، جبتهم، جبتهم عشر سنين أيا كان بعد قد إيه، هترجع لبلدك تمارس دورك الاصلاحي، ده بقى هو محتاج عنوان الدرس ده، محتاج قرار تاني، إيه فكرة الدرس اللي اسمه أن لحظة القرار الأول، إيه هو القرار الأول أصلاً؟ القرار الأول ده اللي هو قرار الالتزام الأول، اللي هو أشبه بقرار، مثلاً الرجل اللي كان الثلاثة والصخرة اللي كان معهم وسقطت الصخرة سدت باب الغار، الراجل اللي قال في التاني، قال: «إني كانت لي ابنة عم أحبها أشد ما يحب الرجال النساء»، وحكى القصة الطويلة، واحتجت مال لورودها عن نفسها فأبت، فأاحتجت مرة أخرى فعادت إليه، مكنته من نفسها فلما جلس بين رجليها قالت له: «اتق الله ولا تفض الخاتم إلا بحقه»، فقال فقمت عنها وهي أحب النساء إليك.

أنك تاخد قرار بنزع الشهوة من قلبك، أنك تترك شيء بتحبه لكنه حرام، أنك تترك واقع فاسد مفسد لأنه حرام، أنك تكون على منهج ضال وتتركه إلى الدين، أنك تكون غارق في شهوات وشبهات وتترك ذلك للدين وترتبط بسنة النبي صلى الله عليه وسلم وترتبط بكتاب الله سبحانه وتعالى. ده قرار صعب على الإنسان، ولا سيما إذا كان عايش في بيئة فساد، ده قرار بيكون صعب، لكن ده اسمه القرار الأول اللي أنا بتكلم عنه، اللي احنا ممكن نسميه قرار الالتزام، قرار الارتباط بالدين، أيا كان المسمى.

ده قرار أحياناً، مش أحياناً، غالباً الشخص اللي كان عايش في بيئة فساد بيجد صعوبة كبيرة عشان ينتقل، وكل ما بيحاول يضيف شيء في الدين، سواء من الأعمال الظاهرة أو من الباطنة أو المجاهدة، بيجد نوع تعب، مجاهدة، وقعد سنوات بيجاهد شهوات، فالقلب مليء والخيال مليء بشهوات، فقاعد ينازع نفسه أصلاً، له واقع معين من الفساد، كل ما يروح مكان يتذكر تربية الفساد، فقاعد يجاهد نفسه، ده قرار صعب وتعب فيها عشان ياخده، مع طول فترة قعد، بقى بعد ما خد القرار ده، صاحبنا ده قعد فترة في الالتزام، فالموضوع بقى سهل، يعني دايماً الصعوبة بتبقى في الأول.

يعني أنت لما بتشوف شخص ملتزم بقاله، ربنا يثبتنا جميعاً، سبع، ثمن، عشر، خمستاشر سنة، هو مش عايش في نفس الأزمة الأولانية، الأزمة الأولانية بتاخد فترة اللي هي بيسموها عصرة البداية.

دي بتاخد فترة وخلاص، يعني مش الشخص الملتزم اللي ماشي بقاله عشر سنين مش قاعد بيعيط على البنت اللي سابها من اتناشر سنة، يعني خلاص هو مارس حياته، نسي أصلا الشغيات، ولما بيفتكر الواقع القديم وأصلا ممكن يكون بيضحك.

يعني بيستغرب هو إزاي كان عايش هذه الحياة؟ بل كثيرا ما يدعو في سجوده: يا رب ما ترجعنيش الواقع ده تاني؛ حبب إليه الإيمان وزينه في قلبه، وكره وبغض إليه الكفر والفسوق والعصيان. فبيقعد فترة، فبيدخل بقى في الفجوة التانية ديت اللي بسبب بقى الفتور، بسبب واقع الثلاجة، بسبب فتنة مستمرة، بسبب خلافات، بسبب شبهات. ويفضل في الوضع ده فترة طويلة، بيحتاج قرار تاني أصعب من القرار الأول، يعني معلش هو إيه؟ المواجهة هي الحل، انت محتاج تواجه ده. يعني الشخص اللي بيمر بالأزمة دي محتاج يقف مع نفسه ويواجه.

مش معنى إن أنا بقالي فترة ملتزم أو بفهم في الدين أو بعرف أتكلم الكلام اللي انت بتقوله أو بعرف أدي درس علم أو بعرف أكتب كتاب أو بعرف أنا بفهم في الدين كويس جدا، ده بيعمل إشكال، ده بيعمل ممانعة أصلا، ده بيعمل مقاومة إن هو يقبل الوعظ. يعني أي كلام انت بتقوله هو عارفه، يعني أي كلام بتحاول تقوله هو سمعه قبل كده، هو كان بيقوله، فبيقوم واقف في النص، محتاج قرار، ومحتاج يدرس الوضع اللي هو فيه، إيه اللي جابه في المنطقة دي؟ يعني إيه اللي الفيشة تتشال؟ إيه اللي خلى الروح تنطفئ؟

يقعد يفكر: هل بسبب واقع الثلاجة اللي أنا عايش فيه؟ هل بسبب فتنة طويلة؟ هل بسبب إن أنا تعرضت لخلافات فعلا؟ هل بسبب... أقعد بقى، هل بسبب إنه عاش خلافات مش قدّه؟ ممكن يكون سبب، وده نسيت أقوله في الأول، إنه كان عنده طموح عالي جدا وكان مثالي في تصوراته. يعني هو لما التزم تعرض لخطاب عالي وفي نوع من المبالغات، فعنده حماس عالي جدا، فكان راسم لنفسه صورة من الإنجاز الديني غلط، هو كان فاهم أصلا فكرة النجاح والإنجاز الديني غلط. كان راسم لنفسه صورة سوبر مان في الدنيا وفي الدين.

يعني هو أول ما عايز يحقق نموذج أعلى، أحلى حاجة في الدين وأعلى حاجة في الدنيا، وقاعد بيسمع خطابات عالية جدا، سواء دينية أو خطابات دنيوية، وإنك أنت لازم تحقق حلمك، ولازم يبقى عندك دريم، وترجع الدريم ده ترجع تحققه وتخش في الموال ده، وده في الدنيا وفي الدين. فداخل أصلا بتصور مثالي هو مش صعب جدا جدا، يعني ندرة من البشر اللي بيعرفوا يحققوه. عامل زي شخص مثلا أنت عايز تسخنه على الرياضة، فرجيته على صور أبطال كمال الأجسام.

أحيانا شخص هو ضايع، فانت عايز تكلمه مثلا، فجبت له إيه؟ كان فلان من السلف ظل أربعين سنة يصلي الفجر بوضوء العشاء، يعني كان بوضوء العشاء مش بحافظ على وضوءه، يعني كان بيصلي قيام ليل من العشاء للفجر يعني، يعني مش كان بيخرج يتفسح وما بياكلش، لا، يعني كان بيصلي قيامين. يقول لك إيه، هو طبعا ما بيصليش أصلا الفروض، تقول له: فلان قعد مش عارف أربعين سنة يصلي في الصف الأول تكبيرة الإحرام، وفي يوم فاتته تكبيرة الإحرام، تكبيرة الإحرام دي اللي هي إيه؟ أنت متخيل!

فهو قاعد بيتعرض لإيه؟ حاجة ضخمة، فهو يبدأ إيه: أنا قررت إن أنا ألحق بهؤلاء، وبقى إيه، يقول له: آه، أبو مسلم الخولاني كان بيضرب رجله، يقول: والله لأزاحمنهم على الحوض، أنا كمان هعمل كدة، فيسخن وهو مش فاهم إن... ماشي، تصور الهدف، لكن محتاج واقعية في تصور الطريق، ده هدف، الهدف ده ممكن تحطه كمان عشر سنين على فكرة، مش... الهدف ده ممكن تحط... مش علو الهمة في الدين مطلوب، لكن أحيانا بيكون طمع الحقيقة، ما بيكونش علو همة.

يعني أحيانا يقول لك إيه: أنا عايز أبقى زي صورة الشيخ فلان، شفت الشيخ فلان كده لما الناس عمالة تسأله وهو ما يعبرهمش وما يردش عليهم؟ شف يا أخي، أنا عايز أبقى كده. آه، أنا عايز الناس تبعت لي على الواتس وأعمل سين ما أردش عليه، آه، أنا يعني إحساس أنا عايز أجربه، آه، إحساسي إن أنا أقول له: آه، المسألة فيها خلاف، دي يعني هموت وأقولها، يعني أنا عايز قبل ما أموت أقولها بثقة وأبقى عارف... يعني هو أحيانا بيكون حالة من إيه؟ إنه بيشتهي أناظر مثلا إسلام البحيري وأهرسه وأحطه عليه.

فأحيانا بيكون هو ممكن يكون فعلا علو همة وصدق، وهيكون طمع، مش عايز يدفع ثمن ده: ﴿لَقَدْ كُنتُم تَمَنَّوْنَ الْمَوْتَ مِن قَبْلِ أَن تَلَقَوْهُ﴾ [آل عمران: 143]. لقاء الشيء غير تمنيه، هو كان بيتمنى إنه لما بدأ يلاقي الصعوبات: إيه ده؟ إيه ده؟ أنا ما كنتش، ما كنتش متصور، هما قالوا لي إنك هتروح تجاهد، هتيجي طلقة في قلبك، هتبتسم وتموت كده وخلاص، والموضوع خلصت، وشهيد وتتصور وبتاع، وأخر بوست كتبه: اللهم ارزقنا الشهادة. يعني أنا كنت متصور، ده فيه بقى سفر وجهاد! إيه ده يا جماعة؟ أنا مش... أو حتى في طلب العلم هو بيبقى دايما إيه؟ عنده مثالية، فلما بيتصدم يقوم سايب الطريق.

لا هو ده يعني قصدي إيه؟ للقرار التاني ده مش مجرد فقط هو عزيمة فقط، لا، هو ممكن محتاج فيه حاجات يفهمها، يعني القرار التاني اللي محتاج... يعني مثلا سيدنا كعب بن مالك، سيدنا كعب بن مالك أخد قرارات كتير في حياته، لكن جه مثلا وشاهد بيعة العقبة، وجه في غزوة ما أخدش قرار الخروج، تخلف قاعد متردد، وفي درس كامل أو درسين في قصة شرح كعب، سيدنا كعب بن مالك والثلاثة اللي تخلفوا عن الغزو وتبوك.

الشاهد السريع اللي عايز أقوله إن سيدنا كعب ما خدش قرار الخروج وتخلف عن نفسه، عُوقب خمسين ليلة ما حدش بيكلمه، سيدنا كان محتاج ياخد قرار الاستمرار، لأن مهما حصل، مهما الناس آه امتنعت عن كلامه، مهما للفتن، إن هو يستمر، إنه يصبر ويصابر، لأنك في نص الأزمة لما جت له رسالة من ملك غسان... يعني شف إزاي أهل الباطل بيقتنصوا يقتنصوا الكوادر الدينية واحنا بنهدمهم! شوفوا عنده... يعني ملك غسان يبعت حد من التجار يسأل: فين كعب بن مالك ده؟ متابعين الأخبار، وفاهمين إن ده شخص مهم، وأن إن ده يقع، إن ده يفتن هيوقع كذا حد.

عارفين لما يقول لك السياسة الأمريكية زمان تعرض مليون مثلا دولار للي هيقتل المجاهد الفلاني، وبعدين قال لك طب وليه؟ احنا نعرض مليون دولار على المجاهد الفلاني نفسه يا عم لو سبت... احنا هنديك، وجايز يقبل، ما الشيطان... ما الشيطان على فكرة ما بيأسش، بيجرب، يعني ما تتصورش إن الشيطان مش هيجرب، مش معنى إن أنت صليت قيام ليل إنه مش هيجي يجرب معك معصية بعيدة عن ذهنك، لا، هيجرب عادي، جربها مع غيرك ووقع اللي... لما لما المجاهد الفلاني ياخد المليون دولار هو هنا بينهار وكل العزيمة بتنهار، لكن لما يقتل بيصبح رمز، فبيحيي أصلا نفوس أخرى.

ففكرة إسقاط الكوادر دي فكرة خطيرة جدا بيلعب عليها دايما أهل الباطل، فبقى يسأل عن كعب بن مالك، وجاي واحد بيسأل، ملك غسان، وبعدين بعت له رسالة ومتابع الأخبار دي على طول، في مراكز دراسات بترصد اللي بيحصل في واقع، قال له: أنا قد بلغنا... الرجالة بتوعي جواسيس، هو قد بلغنا أن صاحبك قد جفاك، احنا عارفين إن أنت بتمر بأزمة واحنا ما يرضيناش إن أنتم تمروا بأزمة، ناس جدعان، الحق بنا نواسيك مخلص، يا سيدي... تلحق بنا!

س سيدنا كعب بن مالك عمل إيه؟ ممكن شخص زي ما كنت قلت في الدرس يعتبر إن دي انفراجة، سجدة شكر ربنا ما ضيعنيش ويرروح لملك غسان، لا، هو سيدنا فهم إن هنا الفترة دي دي فترة محتاجة مصابرة عشان يخرج منها، فترة وقوعك اللي في النص دي الخروج منها محتاج فهم، فهم المرحلة اللي أنت فيها دي، المرحلة اللي أنا فيها دي سببها إيه؟ يعني الكمون اللي أنا بمر به ده هل... يعني أحيانا برضه مثال تاني عشان قصدي إن كلمة القرار التاني مش مجرد انك تدوس بنزين.

مثال تاني: بعض الصحابة لما تخلفوا عن الهجرة، تأخروا في الهجرة وهاجر النبي صلى الله عليه وسلم ومجموعة من الصحابة، جم يهاجروا معهم فتمسك بهم النساء والصبيان؛ مراته وعياله: هتاجر وتسيبنا لمين معانا؟ لا، ما أنا عايز أقعد هنا مع وسط عيلتي ووسط أرضي ومش هسيب، فضعف فقعد معها، ما رضاش ييجي، فين لما بدأ الإسلام ينتشر وينتصر أما هاجر للنبي صلى الله عليه وسلم وبعد ما يجيء فوجئ أن الصحابة اللي سبقوه وهاجروا سبقوه في كل حاجة في الدين، في الإيمان، في العلم، في البذل، في المجاهدة، سبقوه فكادوا زي ما هو بيقول كادوا أن يفتكوا بهم، اللي هو إيه؟ كان عايز يقتل مراته وعياله.

ربنا سبحانه وتعالى في سورة التغابن بعد ما ﴿وَإِن مِّنْ أَزْوَاجِكُمْ وَأَوْلَادِكُمْ عَدُوًّا لَّكُمْ﴾ [التغابن: 14] ربنا قال إيه؟ ﴿وَإِن تَعْفُوا وَتَصْفَحُوا وَتَغْفِرُوا﴾ [التغابن: 14] أكثر الآيات اللي جاية فيها العفو، تلات أوصاف للعفو: الصفح والمغفرة، لأن أحيانا لما بتيجي تشعر بالأزمة ممكن تاخد رد فعل مش صح. يعني إيه؟ أنا مثلا وركزوا معي في اللغة دي، أنا حاسس إن من الوضع السبب اللي أنا فيه، حالة الكمون اللي أنا فيها دي إن يبقى فيه عواميد أسمنت في حياتي، بقى فيه شغل، بقى فيه زوجة، بقى فيه عيال، بقى فيه كذا، وعايز اتحرر من القيود دي.

مش الحل إنك تولع في كل ده ولا الحل إنك تستسلم، أعمل إيه الحياة بقت كده؟ لا، يعني محتاج مجاهدة وحكمة وتدرج زي ما وقعت بتدرج، مش لازم يكون الحل زرار تدوس عليه يطلعك، لا، هو المجاهدة وقرار إن أنت لن ترضى بهذه الحالة هو ده القرار التاني، أنا ساجاهد لأخرج من هذه الحالة. عن طريق بقى بحث بيئة اليمين القديمة، عن طريق التعرض والنور الأول اللي أنت تعرضت له، عن طريق دراسة سبب اللي وقعك في الفتنة وتخرج منها، عن طريق البعد عن الواقع اللي وقعك في ده، التعرض للخلاف الكثير الكثير فتبعد عن الواقع ده.

المهم إنك محتاج تاخد... عن طريق إن اللي سافر محتاج ياخد قرار ويرجع وياخد الموضوع وخلاص، والموضوع انتهى، أنا خلاص حققت الهدف بتاعي الموضوع انتهى، أنا هرجع تاني، إن هو محتاج يبحث إيه القرار... المهم إن في قرار، إن الشخص مثلا اللي اتكلمنا عنه اللي تصدر ومتصدر في الدين وقع في كبائر، محتاج يتوقف عن هذا التصدر، ده قرار ثقيل جدا على نفسه، مثلا إن شخص يكون متصدر، ربنا يحفظنا جميعا، يكون متصدر كداعية أو غير ذلك يوجه الناس أو المصدر كنخبة إسلامية، أيا كان هو إيه نوع التصدر، وقع في كبيرة والكبائر عمالة تزداد وهو حاسس بنوع من النفاق، ده محتاج يقف يفكر، ما يستبرئش الوضع.

أحيانا... يعني بيخاطب: ﴿يَا أَيُّهَا الإِنسَانُ مَا غَرَّكَ بِرَبِّكَ الْكَرِيمِ﴾ [الانفطار: 6] يححصل حالة من الاغترار، مش معنى إن هي مستورة إنها تفضل كده، ما تستمرئش الوضع، الله سبحانه وتعالى سترك لتتوب، مش لتستمر على هذه الحالة، مش لتبارز الله سبحانه وتعالى بهذه الكبائر.

فأحيانا بيكون القرار صعب بس لازم يتاخد، أحيانا نقول قرار مر إنك تاخده، أحيانا بيكون إنك محتاج تتوقف مع نفسك وقفة، وصعوبة الوقفة دي إن الشخص زي ما قلت هو أصلا ممكن يكون عارف الحلول بس مش قادر يطبقها، يعني لو جه حد يكلمه يقول له: يا أخي، أنا هنصحك تعمل كذا، يا عم، أنا كنت بقول ده.

الشاهد إن القرار ممكن يكون عزيمة، ممكن يكون انتقال للبيئة البيئة، ممكن يكون زي ما قلت تغيير التصورات، هو كان متصور النجاح أو الإنجاز الديني كان راسم تصور وده أنا أعرف ناس -مش قليلة، يعني العدد مش قليل- وقع بسبب التصورات والمثالية عن الدين، يعني كان عايز راسم في ذهنه كده تصورات خيالية عن الدين اللي هو سوبر مان في دي. هي أصلا فكرة السوبر مان دي يعني فكرة حديثة، سواء... آه يعني استقرت في عقول الشباب والاطفال وان الإنسان آه ما فيش أي حاجة تحد منه وأن أي حلم عنده ممكن يحققه. طب وفين القدر؟

فإذا مسألة إزاي يفهم الحالة، اللي يدرس الوضع اللي هو فيه، هل هو بسبب تصورات خاطئة؟ هل هو بسبب بيئة فاسدة؟ هل بسبب إن اللي حواليه فعلا مقصرين عليه؟ هل الإنسان إنه محتاج ينتقل إلى وضع صحي يستعيد فيه صحته ويجاهد؟ هل يحط خطة للخروج من الأزمة اللي هو فيها؟ هل محتاج يسيب المكان فورا زي ما النبي صلى الله عليه وسلم لما قال لبلال: احفظ علينا صلاتنا وكانوا في الجهاد: احفظ علينا صلاتنا وناموا، فكلهم راح عليهم الفجر فما أيقظهم إلا حر الشمس. فأول لما النبي صلى الله عليه وسلم قام أول حاجة عملها قال: تحولوا عن المكان الذي أصابتكم فيه الغفلة. المكان اللي أصابك فيه الغفلة تحول عنه.

تقدر تتحايل مكانها، تتحول عن فوضى إن أنت قاعد في المكان اللي أصابتك به جملة سيظل يصيبك الغفلة تاني في نفس المكان. فأحيانا لذلك الخطورة إيه بقى؟ يعني لذلك دايما الوقاية خير من العلاج، بلاش تبني حياتك غلط، بلاش تعمل عواميد أسمنت غلط.

وبلاش تسافر لأماكن من قبل ما تستشير، بلاش تسافر قبل ما تفكر في دينك، فكر في إيمانك كما تفكر في دنيتك، فكر في دينك بلاش تبني حياتك. يعني يا ريت الشباب اللي لسه ما تقفلتش، وبقى فيه لسه عنده نوع من البراح، بلاش يقفل حياته بنوع من الصعوبة؛ بحيث إنه لما يجي يتمنى بعد كده -يعني في شخص لما تيجي تكلمه في الدين- بيحس إن الحاجات الغلط المطلوب اللي يسيبها كتيير أوي. طب وليه ورطت نفسك التوريطة دي كلها؟ يعني ليه تورط نفسك؟ إيه؟ أنت ممكن تموت في لحظة، يومياً بنسمع عن حد مات فجأة. وشباب يعني! إيه اللي في الدنيا يستحق إنك تموت وأنت ما عشتش أجمل ما في الدين أصلاً؟ أو إنك تلقى الله سبحانه وتعالى ولم تعرف شيئاً عن هذا الدين العظيم الذي أنزله الله من فوق سمواته واصطفاه الله لنا؟

يعني لما تسمع -يعني آية زي دي- ما بتجزش قلبك: ﴿ٱليَوۡمَ أَكۡمَلۡتُ لَكُمۡ دِينَكُمۡ وَأَتۡمَمۡتُ عَلَيۡكُمۡ نِعۡمَتِي وَرَضِيتُ لَكُمُ ٱلۡإِسۡلَٰمَ دِينٗا﴾ [المائدة: 3]. ربنا ارتضى لنا الإسلام. ربنا بيقول -أنت عارف الله سبحانه وتعالى الجبار القهار الجميل المتعال الرحيم- ارتضى لنا ديناً، ونزله لنا عشان نحافظ عليه، احنا نجاهد عشانه، احنا نسيبه كده؟ نفرط فيه؟ إيه اللي يستاهل أصلاً إنك ما تفكرش حتى تعمل حاجة للدين؟ فليه تورط نفسك؟ ليه تبني عواميد غلط في حياتك؟ جوازات غلط؟ يعني يا إما حد بيدخل الجوازة ما بيسألش، ما فيش أي تناسب لا ديني ولا دنيوي، شغلي يصرفه فجأة عن بيت الإيمان. طب ما تتريس! أنا مش بتكلم على حالات الاضطراب، بتكلم على حالات الاختيار، طالما عندك القدرة إنك تختار استنى، ما تتعجلش. أنت مضطر خلاص، الله سبحانه وتعالى يحفظك في أي مكان كنت إن شاء الله طالما أنت اضطريت، الإنسان ممكن يقع في الأسر ويحفظ الله عليه دينه -يعني القضية وتكون محتسبة- ﴿وَءَاخَرُونَ يَضۡرِبُونَ فِي ٱلۡأَرۡضِ يَبۡتَغُونَ مِنۡ فَضۡلِ ٱللَّهِ﴾ [المزمل: 20].

أنا هتكلم أن في أحياناً حالة من حالات الاختيار، يتعجل فيها الإنسان فيختار اختيارات دنيوية تصرفه عن بيت الإيمان. يعني أغلب -يعني أهم اختيارين في حياة الإنسان- الجواز والشغل، هو محتاج يتأنى، أنا بتكلم على الشخص اللي عايز يعيش مرحلة الصلاح والإصلاح وهو بيخاطب ده دلوقتي، أو اللي عاشه وقع في النص.

طيب، أنا كنت قلت لكم بردو إن من الوسائل اللي ممكن يخرج بها من الحالة دي شيء غريب شوية ممكن نسميه فقه النزول. احنا كده بقالنا قد إيه؟ طيب خلاص اختم دي مع إن أنا يعني كان في نقطة تانية، لا مش هينفع تبقى درس لوحده، احنا كده.. طيب الله المستعان.

آه، فقه النزول عبارة عن إيه؟ اللي هو أشبه تصحيح التصورات، يعني مثلاً أنا كنت متصور نفسي في الدين وظيفتي كذا وكذا، بعدين لقيت نفسي إن أنا عندي احتياجات دنيوية مش قادر أعمل كل ده في الدين، أو اكتشفت إن الحاجات اللي أنا اخترتها في الدين ثقيلة علي، مش قادر، أنا مش هقدر أعمل ده في الدنيا. الإشكال اللي بيحصل إيه؟ إن يعني احنا بنفكر ازاي؟ بنفكر اللي هو قاعدة بردو موجودة في الطب اللي هو يعني يقول لك: يا هبقى ملتزم كويس يا هبيع القضية تماماً.

طب هو ما ينفعش تنزل خطوة واحدة؟ يعني ما ينفعش أنت اكتشفت إن الموضوع ده ثقيل عليك في الدين؟ ما يعرفش -ما تعرفش- سلمة واحدة بس؟ يعني ما تعرفش لما تيجي تنزل في الدين تشيل حتة بس من الدين الثقيل اللي عليك، وتعمل بقى تنزل سلمة واحدة. يعني في أحياناً إن فقه النزول -آه المكان ده أنا اكتشفت وأبقى صريح مع نفسي- أنا ما عنديش الإمكانيات دي، أنا تعرضت يعني مثلاً خلينا نقول تقسيمة مش مش تقسيمة حادة، يعني تقسيمة فيها نوع من المرونة شوية، إن في واحد بيفكر فكرة التغيير العام، وبعد كده في واحد بيفكر فكر الثغرة بيفكر فكر الصلاح. خلينا لو أفترضنا إن هي تلت مراحل من التفكير: أعلى مرحلة الشخص اللي عايز يعمل تغيير عام في الواقع الإسلامي، بيحلم بده، فاكتشف إنه مش قادر ما عندوش الإمكانية لده، اكتشف إن الواقع صعب بخلافات كبيرة، والأدوات اللي محتاج يحصلها صعبة، والواقع الاقتصادي ضاغط عليه، وإمكانياته مش.. اكتشف ده القضية.

لا، ينزل يختار ثغراً خلاص، أنا طلعت إن أنا مش قد التفكير الكبير ده، أنا هختار حاجة أتقنها وأحافظ عليها، أي حاجة، أنا هحافظ قرآن وأتقنه، أحفظه. أنا هحافظ القرآن بقراءة العشر، وأحفظ الأطوال، أنا هتعلم علم وأعلمه للناس، أنا هعمل في الدعوة إلى الله. يعني أنا هختار ثغراً ثغراً إصلاحياً دلوقتي مش بتكلمها ثغر إصلاحي يؤدي إلى اصلاح دين الناس. يعني الشغل الإصلاحي ده بيعتمد على بناء النفس وإعطائها للآخر، بعد ما ما عدتش قادر أفكر في الأفكار الكبيرة، فبالتالي هابتعد عن الناس اللي بتتكلم في الكلام الكبير والكلام العام ده أنا مش عايز أسمعه، لأن ده خلاص بيأثر على نفسيتي، أنا هرتبط بالناس اللي زيي.

فتلاقيه مستريح نفسياً لما بيشتغل مع الناس اللي في الثغر بتاعنا؛ شخص قرر يذاكر الفقه الشافعي يتقنه ويشرحه للناس، جميل. نتعرف بقى على بتوع الفقه الشافعي وأعرف إن أنت اخترت ده، ما تجيش توتر نفسك كل شوية، أنت درست إمكانياتك واكتشفت إن أنت مش قادر تعمل أكثر من كده خلاص، اكتشف -طبعا هو فيه أعلى من كده بس خلاص أنا مش قادر-. اكتشف إن أنا هقدر أدي في الدين مع الانشغال الدنيوي اللي أنا فيه، هقدر أدي من أسبوعي كذا من الوقت، جميل. الوقت ده ما تهزرش فيه بقى، ضياع الوقت، الوقت مغبون فيهما.. مش حديث ده كلمة مشهورة، لكن الحديث والأفضل إن احنا نقول الحديث في البخاري: «نعمتان مغبون فيهما كثير من الصحة والفراغ».

بلاش اللهو اللي احنا فيه ده، بلاش حالة -يعني أنا أتذكر قبل الالتزام الواحد كان عنده وقت إنه يذاكر وعنده وقت إنه يعني ينطلق يعني- نعم، فجه التزمنا في أول لما جينا نلتزم لقيت واحد صاحبي بيقول لي إيه: طب هنجيب وقت للدين منين؟ أمال احنا كنا جايبين وقت لساعة من إيه؟! يعني أحياناً بنستخسر ﴿مَا لَكُمۡ إِذَا قِيلَ لَكُمُ ٱنۡفِرُواْ فِي سَبِيلِ ٱللَّهِ﴾ [التوبة: 38]. دايماً في سبيل الله بتبقى ثقيلة، في سبيل الله ليه؟ الحاجة اللي بتطلع على ربنا ثقيلة ليه؟ ليه تسيبها لإيه؟ جاهد نفسك.

فالشاهد؛ أنت بتدرس أسبوعك، اكتشفت إن أنت طموحك الديني مش متناسب مع الوقت المتاح له، زق حاجات في الدين، اضغط على نومك، اضغط على خروجاتك، اضغط على الوقت اللي بتضيعه. خلاص طالما في حاجات مش قادر يضغط عليها في أعمالك الدنيوية، زق حاجات تانية، فضي، امسحها. اعرف إن الحياة بطبيعتها -ولما هتتجوز وتشتغل هتعرف ده- إن الحياة بطبيعتها أي مساحة فراغ في حياتك هتلاقي على طول حد بيهجم عليها، هتلاقي أي مصيبة بتهجم عليها، يعني ما فيش حتة في حياتك بتبقى فاضية كده. أنت بتحاول تفضي مساحة، حط حاجة في الدين عارف قبل ما تقعد تزق كده وتقعد عامل إيه: بس خلاص أنا ارتبطت هنا في حاجة في الدنيا، إن في محفظ بيجي لي البيت لا أنا بروح إيه؟ إجباري بتلزم نفسك بعمل من أعمال الدين، لأنك لو سبت كده خلاص هتضيع.

التيارات الجارفة في الدنيا صعبة جداً جداً فوق ما تتخيل، معلش -طبعاً ده بالإضافة للشهوات والشبهات- لكن مسألة تحصيل الدنيا صعبة، وأنك تحافظ على نيتك وعلى كأنك ما تاكلش من حرام وتحافظ على ده محتاج زاد إيماني عالي. فبالتالي أنت الفكر بقى اللي كنت فكرت فيه الكبير ده، نزلت لفكر مش قادر دلوقتي أعمل حاجة، إياك أن تترك الصلاح شيء، إياك تبعد عن قيام الليل. ده قيام الليل ده ده مفتاح البداية اللي ما ينفعش ينزل تحته، يعني دي البداية بتاعة الصحابة دي ما ينفعش تنزل تحتها. يعني لو أنت بقالك فترة كل حاجة واقفة رجع قيام الليل، يعني قرار رجوعك الأول، كل اللي أنا قلته مش موجود ارجع بقيام الليل، بس اعتبره شيء مقدس، يعني اتعامل مع قيام الليل ده إن ده إنقاذ، هذا جهاز التنفس الصناعي اللي أنت لو اتشلت من عليه تموت، يعني اتعامل مع قيام الليل ده إنه شيء يعني عبادة إنقاذ ليك.

بلاش تتعامل مع -طبعاً هو إقامة الفروض- لكن أقصد إن عبادة قيام الليل مع إنك ترتل في كتاب الله سبحانه وتعالى في وقت خالي، وتحاول تعيش هذه المعاني، لو أنت عملت ده صح، كل حاجة هترجع إن شاء الله وهتبسط، أنت مش ماشي في الطريق لوحدك، اللي ماشي يبحث عن مراد ربنا معه، معية الله. سيبك من اللي أنا بقوله ده، كل اللي أنا بقوله ده ممكن يطلع غلط أصلاً، الصادق يصل، أنا ممكن تستشير حد يقول لك أفكار غلط، أنت معك معية الله لو أنت صادق وعايز توصل، وربنا هيبصرك إيه الأنفع لك وتختار إزاي اختيارات في حياتك.

بلاش حالة الشلل اللي بتجي لي، اختار إيه وما أعرفش عنها إيه وممكن أضيع؟ هو أنت أنت في الهواء، فأين الله؟ ربنا مش هيسيبك أبداً، حتى لو اخترت اختيارات غلط لو أنت صادق لن يضيعك الله سبحانه وتعالى، فأنت لازم تستحضر هذه المعاني. المعاني دي محتاج تجيبها من قيام الليل.

يبقى إذاً، اللي مش قادر يتحرك بفكرة تغيير يركز بفكرة ثغر، ما يشتتش نفسه. مش قادر يرجع، ينزل لقيام الليل. طبعا عبادات الصلاح كتير بقى، صحبة الصلاة على حضور الدروس المواعظ في إقامة الفروض، لكن أنا بخص تحديدا طبعا لو عايز أضيف حاجة مع قيام الليل تبقى الصحبة الصالحة، اترك أرضك في معترك الرسول، فإنها أرض سوء، وانطلق إلى الأرض كذا وكذا فإن بها أناساً يعبدون الله فاعبد الله معهم.

آه إذاً آه معلش أنا طولت عليكم، وكان نفسي أتكلم أكثر من كواحد من كده في الموضوع ده، بس من كتر ما الواحد بيشوف هذه الأزمات في ناس -ربنا يثبتنا جميعاً- أفاضل وقطعوا شوط كبير في الطريق ثم توقفوا، وهو كان بيتوقف تدريجياً ومش واخد باله، لذلك آخر حاجة هنصحها لكم قال النبي صلى الله عليه وسلم: «الدين النصيحة، الدين النصيحة».

يعني إيه الدين النصيحة؟ الحديث ده ضخم، من الأحاديث الضخمة للدين: الله ورسوله وأئمة المسلمين وعامته، وللكتاب وأئمة المسلمين عامة. أنا مش بشرح بقى الحتة دي. جزء من دينك إنك تنصح، فلو أنت لا تنصح يبقى جزء من دينك ناقص، جزء من دينك إنك تنصح فلو أنت لا تنصح جزء من دينك بينقص، يعني الدين النصيحة، فلما أنت تكون لا تنصح، ما حدش بينصحك، يبقى أكيد جزء من دينك ناقص.

فتقول لي طب أنا أعمل إيه؟ تعمل إيه عشان تنصح؟ أولاً: اسمح أن الناس تنصح لك، في واحد الناس واخدة قرار ده مش هننصحه، مش أنت.. ده مش هنزامه عشان ما يجيش في حد مش لأنه كل ما تيجي تنصحه يجادل ويرد خلاص يعني أنت فاهم خلاص، القصة مشهورة، قالوا له واحد بيقول للصديق يعني: أتعرف من ينصح؟ قال: أتعرف من يقبل أصلاً؟

فإنك رقم واحد تسمح للآخرين تديهم فرصة إن هم ينصحوك، ما تخوفش الناس يعني ما تخليش الناس تاخد قرارات إن أنت مش بتاع نصيحة. رقم اتنين: ما هو مين اللي هينصحك؟ حط نفسك في بيئة تنصحك، حط نفسك في بيئة يعني ما هو أنت أحياناً بتتعرض لنصايح غلط كتير، أنت لو سبت نفسك لأهل الفساد لأهل الدنيا ما هو طبيعي إنك هتنصح غلط، والنصايح دي بتعمل حمل عليك، وبتخليك تقعد تفكر فيها وبتستهلك جزء من تفكيرك وبطاقتك، المفروض أصلاً ما تفكرش فيها لأن دي نصايح غلط.

فأحياناً مين اللي هينصحك؟ يعني مين اللي هيصلي عليك في جنازتك؟ الناس اللي أنت عايش وسطهم. فين صحبتك الصالحة التي تنصحك؟ يبقى إذاً اسمح واضغط على نفسك واسمح للناس إن هم ينصحوك. رقم اتنين: عرض نفسك لهذه البيئة التي تنصحك أصلاً، يعني ما تنشغلش ماشي هو غلط، وأن فرق بين النصيحة والفضيحة، وفرق بين اللي بيمنحه واللي بيعيره، والنصيحة على الملأ فضيحة ما تشغلش بالك -يعني خلاص هو غلطان بس ما تشغلش بالك غير إنك تصلحها- غلطان، انشغل به: رحم الله امرءاً أهدى إلي عيوبي، المؤمن مرآة أخيه.

تخيل إنما تغيب المرآة -يعني تخيل إنما تغيب المرآة من حياتك- هتبقى عايش إزاي؟ يعني تخيل في المرآة اللي يعني الجزء الخلفي من لسانك ممكن يبقى محتاج مراية، أو في وشك في أجزاء في جسمك أنت لا ترى إلا في الملقاة. فأحياناً أنت ماشي وفي حاجات في صلب دينك ناقصة وأنت مش واخد.. محتاج أخوك اللي هو مرآتك اللي يقول لك مش واخد بالك -فيروى عن نفسه صلاة فيه كلام يعني- المؤمن مرآة أخيه، اسمح لنفسك إنك تنصح عرض نفسك إنك تنصح بحيث لو وقعت في الفجوة دي تجد من ينصحك ويخرج بك مرة أخرى إلى تعود إلى البذل.

أسأل الله سبحانه وتعالى أن يستعملنا جميعاً، أسأل الله سبحانه وتعالى أن يرزقنا الثبات في الأمر والعزيمة على الرشد، وأن يصرفنا ويصرف عنا الفتن ما ظهر منها. أقول قولي هذا وأستغفر الله لي ولكم، سبحانك اللهم وبحمدك أشهد أن.. أستغفرك وأتوب إليك وجزاكم الله خيراً.