د. أحمد عبد المنعمالسلام عليكم ورحمة الله وبركاته، والصلاة والسلام على رسول الله صلى الله عليه وسلم. بإذن الله عز وجل، هذا الدرس استكمال للي تكلمنا فيها المرة الماضية اللي الدرس كان بعنوان أنماط التدين المعاصر.
كان هو يعني أشبه بأن هو الجزء الأول. النهارده بإذن الله عز وجل هنحاول نتكلم بعض القضايا اللي بتخص يعني ساميها بقى التزام المعاصر، ساميها الالتزام، أياً كان يعني المهم أن احنا ولا سيما في يعني مرحلة الشباب أن هو بيجد أزمة معينة في شكل التدين. وزي ما قلت لك عايز تعرف فكرة أنماط التدين المعاصر بكل بساطة ارجع لصفحات الفيسبوك بتاعة الشباب اللي بيقول على نفسه ملتزم أو إسلامي أو هو بيطالب بالشريعة أو غير ذلك، وشوف الصفحة الشخصية بتاعته، ولا سيما لو كان الشخص ده يتعامل بأريحية لا يتكلف، وشوف ده يعني الالتزام اللي أنا أقصده.
وتكلمنا عن التقاط بعض المظاهر الالتزامية الموجودة. تكلمنا على مسألة اختلاف النخب، تكلمنا على بعض الحاجات، وكنت قلت في آخر الدرس اللي عنده استشكالات أو يعني معترض أو أسئلة أو إشكاليات عايزنا نتكلم فيها يبعت لي بفضل الله. جزاهم الله خيراً الإاخوة أرسلوا رسايل جيدة استفدت منها جداً. فارجو برضو أن اللي شايف أن فيه إشكاليات معينة أو اعتراضات أو كدة من حقه يقول رأيه تماماً، وطبعا من حقي أن أنا ما آخدش بها. فبس تعليقات سريعة على بعض الحاجات اللي جات لي.
أولاً: الدرس مش الغرض منه نقد الحركات الإسلامية واستيعاب ذلك ونمسك تيار تيار من التيارات الإسلامية ونقوم بنقده، ده مش الغرض أصلاً. وأنا شايف أن فعل ده على العام غلط بصورة عامة، وإدخال عموم الناس اللي هو نحن يعني كلنا في تفاصيل ده مش صح قوي، ولا سيما مع حالة الولع بالنقد. يعني ولا سيما دايماً في مراحل الهزيمة الناس بتبقى عايزة تدور على سبب للهزيمة فبتدفع ده، زي ما قلنا المرة اللي فاتت، بحالة الهزيمة بتصنع حالة من الغضب والقهر عايزة تفرغ الشحنة الغضبية دي في حد، فبتفرغها في إخوانها، فيكون النقد مش متزن.
غالباً النقد مش بننقد وحاطين نصب أعيننا قول الله سبحانه وتعالى: ﴿رَبَّنَا اغْفِرْ لَنَا وَلِإِخْوَانِنَا الَّذِينَ سَبَقونَا﴾ [الحشر: 10]. الناس دي سبقتنا بالإيمان وبذلت وأخطأت، فيكون النقد المفروض يكون فيه حالة من الاتزان. بنقول إن الميزات اللي عملوها كذا وأخطاؤوا في كذا، فاحنا هدفنا ترميم هذا البناء لا هدم هذا البناء. وقلنا إن تبني سياسات الهدم الكامل أنا شايف نسبة كبيرة أنه مش صح، ودايماً الحلول الثورية في الدين مش موجودة بالصورة اللي الناس متخياها لأن بيبقى يعني صعب البناء بعدها.
دي النقطة الأولى أن الناس كانت معتقدة أن يقول لك إيه؟ أنت هل معنى كده برضه من الأسئلة اللي جت، هل معنى كده أن أي حد انتقد أنت مثلاً كنت بتقول لي ليه؟ جبت كلمة السلفية المعاصرة كتير، طب هل هم ما أخطاؤوش؟ التيار السلفي ده؟ لا طبعا أخطاؤوا. أنا بدأت أصلاً وقلت إن كان فيه بعض الاشكاليات، والقضية أن احنا عايزين نرمم البناء، نشوف إيه الأخطاء وتتجاوزها، لأن هو قام بجهد جيد في وقت معين وفي بعض الأخطاء فانت بتتجاوز الأخطاء دي وبتصلحها لنفسك، لكن تمني سياسة الهدم غالباً ما بينتجش بناء جيد، بيعمل حالة من الصراعات والخناقات ونستفرغ وقتنا كله في النقد.
النقد ممتع، والله سبحانه وتعالى إذا أراد بقوم شراً منحهم الجدل وصرف عنهم العمل. يعني النقد ليه؟ لأنه بيحسسك أنك أنت بتعمل حاجة، وأنت بمجرد بتتكلم، ولا سيما، وده الأخطأ، أن أنت ما عندكش أدوات ده، أنت ما امتلكتش أدوات النقد أصلاً. أنت تنقد كده جزافاً، ما امتلكتش هذه الأدوات.
نبدأ بقى لمجلس النهارده، وبرضه هنبدأ انطلاقاً من الانتقادات اللي جت. أول نقطة عايز أتكلم فيها النهارده، نحاول نتكلم في نقطتين أو ثلاثة حسب ما الدرس يستوعب الوقت، وبعد كده نكمل في السلسلة دي، سلسلة الإشكاليات، هنحاول إن شاء الله.
درس الواحد نفسه يديه بقاله فترة بس متخوف صراحة، أنه دي إشكالية الجمع بين الدين والدنيا، وبرضه ممكن نفسي أتكلم في قضايا اللي بتخص المرأة، بس برضه الواحد للاسف ما عندوش استيعاب كامل لهذه القضية. فبرضه اللي شايف قضايا معينة تربوية ونتكلم فيها قبل ما نرجع لمجالس التفسير تاني، يا ريت يبعت لنا ويعني نستفيد بحيث أن احنا نشوف إيه القضايا اللي ممكن نتكلم فيها.
طيب مسألة نبدأ من نفس النقطة اللي أنا كنت بتكلم فيها، أن التيار انتشر أو عمل حالة من الالتزام فترة من الفترات، كان عنده بعض الأخطاء، فبالتالي حصل تيار معاكس. التيار المعاكس ده، وده جزء كبير منه موجود دلوقتي، التيار المعاكس ده للأسف بقى بيتبنى عكس الاختيارات القديمة، جزء منه طبعا بصورة فيها نوع من الآية؟ نوع من الاستفزاز، هو مش بيختارها اختيار علمي.
وأصبح مثلاً، هجيب أمثلة أوصل للنقطة اللي أنا عايزها، النقطة المحورية اللي أنا عايز أتكلم فيها، أن دايماً للوصول لحالة الاتزان اللي في المنتصف صعبة، يعني أما يكون في حالة تطرف شوية كده فيجي حد يجيبه في النص، صعب أنه يقف في النص، غالباً بيحصل تطرف مقابل، عارفين لكل فعل رد فعل مساوي له في القوة ومضاد له في الاتجاه على رأي الحاج نيوتن.
فهي حصل فيه مثلاً يقول لك إيه؟ أنتم كنتم في عزلة مجتمعية ومش عارف إيه، فلازم ننزل الناس. جميل، إيه بقى اللي بيحصل؟ اللي بيحصل حالة من التماهي التام مع مجتمعنا. إيه التماهي دي؟ يعني حالة من الآية؟ أن ببساطة كده أن أنت دلوقتي الملتزمين اللي بيتقال عليهم الملتزمين، أنت ما عرتش تقدر تفرق من غير الملتزمين، حتى في أماكن تواجدهم.
مكان من بعيد مليء بالمنكرات عادي جداً أنك تشوف حد ملتزم عادي، يقول لك عادي ده احنا المفروض نعيش وسط المجتمع. لا، هو جه يصلح الغلط بغلط تاني. إذا كان موجود بعض الانعزال المجتمعي فترة من الفترات هو حاول يصلحها، فما عشتش للأسف، أنت ما عشتش تستغرب من وجود، خلينا حتى نتكلم على الهدي الظاهر، الملتحين بالمنقبات للاسف، ما تقعدش تستغرب وجودهم في أي مكان. يعني أي مكان مليء بالمعاصي عادي جداً أنك تجد فيه ملتحين ومنقبات.
كان زمان لما يلاقوا واحد ملتحي أو واحدة منقبة في المكان يقول لك إيه ده؟ إيه اللي جاب ده هنا ده؟ ده جاي ينكر المنكر أكيد، ده مش معقول جاي. لا، بعد كده عادي، هو بقى متواجد عادي، هو شايف أنه بقى إيه؟ أنتم كنتم في عزلة من المجتمع وده الصح، عمل نقلة المعاكسة بصورة سيئة.
برضو مثلاً يقول لك إيه؟ بعض المنقبات كن متشددات جداً، يعني مزودين في مسألة الحياء والانعزال، وهو دلوقتي بقى في جرأة عند المنقبات في الدخول في وسط المجتمعات، يعني حالة من السهوكة كده بصراحة، وتلاقي بوستات غريبة. هو مش الحل برضو أن هي ما تحسش بعزلة من المجتمع أن هي تعمل كدة.
في مضادات بتحصل، في انتقالات من الطرف ده للطرف ده، لأن الوصول لحالة الاتزان صعبة. كنت لسه سبحان الله بتناقش مع أحد الإخوان إمبارح في القضية دي، الشيخ كريم حلمي، كنت بقول له الظاهرة دي عجيبة جداً، فقال لي فعلاً دايماً الوقوف في النص، تيجي تقنع الشاب مثلاً أنت كنت ماشي في طريق معين من الالتزام وتبين لك بعض الأخطاء، مش بيعرف يصلحها بهدوء.
وللأسف، ودي بقى النقطة الخطيرة في النقطة الأولى، أن جزء كبير من اللي حاول يتبنى سياسات الإصلاح عمل إيه؟ استعمل نظرية الصدمة. يعني إيه نظرية الصدمة؟ يعني أنت ملتزم بقالك فترة، تاخد مثلاً أن اللحية واجبة، صلاة في الجماعة واجبة، بتحضر دروس، بتطلب العلم بصورة معينة، لك نمط معين من التدين الماشي، فجه حد قال لك أنا بقى هصدمك في الثوابت بتاعتك ديت.
على فكرة الحكم الفقهي كده مش صح، فيه خلاف، والرأي اللي أنت بتاخد به ده عكس رأي الجمهور. هو مش بيقولها له بيدارس معه مسألة علمية، يعني مش بتدرس المسألة أو في سياق فقهي، لأ، هو من باب أن بيعمل له صدمة في الأحكام الفقهية اللي هو ضحى عشانها، في الثوابت، في مشايخه، هو بيستعمل معه أسلوب الصدمة، بيتعمد ده في كل موقف.
يعني بييجي إيه؟ يقول له إيه؟ كل سنة وانت طيب بمناسبة عيد ميلادك، فيقول له أنا ما بحتفلش، يقول له أنا عارف، ما أنت عشان أنت جاهل، أنت فاكر أن هو بيدعم؟ على فكرة بقى، وهو مش بيموت، ويجي يقول له خد أنا جايب لك حلاوة المولد، فيقول له بس أنا ما بعتبرش المولد، فيقول له ما هو أصل أنت جاهل، المسألة فيها خير.
إيه كل موقف حالة من أنه يعمل له صدمة؟ وممكن الكلام اللي بيستعمله صاحب نظرية الصدمة ده ممكن يكون علمياً صح، مش بيفتري، يعني جايب كتب. هو رايح يعمل ليه كده؟ هو بيصدمه، عايز يقول له أن أنت الفتاوى اللي أنت بنيت عليها أغلبها فيها خلاف. طب وإيه المشكلة لما يبقى فيها خلاف؟ طب ما هو احنا قلنا قبل كده الخلاف ليس دليلاً.
يعني شخص كان بياخد بقول من صلاة الجماعة واجبة، وعرف أن المسألة فيها خلاف، ده ما يخليهوش يترك صلاة الجماعة في مسجد، لأ، ده يخليه يراجع المسألة لو عنده أهلية لذلك أو يستفتي. فلو اللي استقتاه وبيثق في دينه قال له صلاة الجماعة واجبة، هي في حقه واجبة، حتى لو فيه خلاف. يقول لك إيه ده؟ يعني هم ما بيصلوش في المسجد؟ يا ريتني ما كنت سألته.
آه هو الدين مش كده، أنت مش بتسأل لتهرب من التكليف، أنت بتسأل لترتقي. يعني إيه؟ طب بعد كده بقى أنا آخد احتياطي، السؤال ده أنا أشوف إيه، مين اللي بيقول عليه أنه جايز؟ وقبل ما أسأل، ما أنا أصل بيقول لك لو سألته مفتي وأنا باثق في دينه وقال لي كده، خلاص بقيت في حقي واجبي. لا يا عم، خليها فيها خلاف، مفتوحة، وتعيش في حالة من النسبية والشكل ده.
فأصبح أن استعمال نظرية الصدمة دي، دايماً نظرية الصدمة للأسف تلاقي الناس عايشة في حالة إيه؟ ما عادش واثق في أي حاجة، يعني تيجي تقول له يعمل كذا في الدين، رحت أبص، افرض طلعت فيه خلاف! أيوه، طلعت في خلاف ما بين حرام وواجب، ولا ما بين واجب ومستحب؟ يعني إيه اللي افرض طلعت فيه خلاف دي؟ فبقى خايف ومش واثق أصلاً أنه يعمل حاجات في الدين.
وده مخليه للأسف ما عادش مقبل أصلاً أنه يزداد في الدين، ساب بقى الدين اللي مليان إشكاليات ده وخلينا في اللي ما فيهوش فيه خلاف. الدنيا بقى، أهل الدنيا حاطين سيستم للدنيا وجايبين آخرهم وفاحتين نفسهم، احنا بقى نشتغل في الآية؟ نشتغل في الدنيا دي اللي ما فيش فيها قاعد يقول لي فيها خلاف، احنا نجيب آخرنا في الدنيا.
فللاسف استعمال أسلوب الصدمة في الإصلاح مش أسلوب صحيح. طب ما تقول له في بعض الأخطاء، طب ما تقول له أنت كنت متشدد في منطقة معينة، أنت كنت مش فاهم المسألة، أنت كنت، وهو في منطقة معينة عادي جداً أنك توصلها له بصورة معينة وينتقل بصورة تدريجية، أو حتى ما ينتقلش طالما اللي هو فيه ده.
أصل إيه تعريف كلمة متشدد؟ يعني لو شخص استفتى عالماً، والمسألة دي من الخلاف السائغ وهو بياخد بالقول ده، يقول لك أصل ده تشدد! طب ما هو على فكرة اللي أنت بتقول عليه متشدد ده بياخد بفتاوى تانية فيها نوع من السهولة. يعني بييجي مثلاً بياخد بقول مثلاً جواز مس المصحف مثلاً للمحدث حدث أصغر، وجواز المسح على الشراب والحائض، وجواز المكثف في المسجد، وإن كان الأقوال اللي أنا بقولها دي على خلاف آراء الجمهور.
فيجي تاني يقول له ما هو أصل أنت متميع، هو أنا لما آجي آخد بقول صلاة الجماعة واجبة يبقى متشدد؟ ولما آخد هنا متميز، فهو الفكرة أن هو بيعمل لك صدمة وخلاص، يقول لك على فكرة في قوله ده على رأي، على خلاف رأي الجمهور، وهنا هو عايز يعمل لك صدمة. أمال اللحية رأي الجمهور أن هي واجبة؟ ما يدخلش في المنطقة دي، يعني يجي المنطقة أنت ماشي فيها قريب ما يدخلش فيها.
طب ما الأغاني والمعازف على رأي الجمهور هي حرام، لما ييجي يتعلق يقول لك على فكرة في بعض الأئمة قالوا أن هي حلال. هي الفكرة بس أن هو بيعمل لك نوع من الصدمة، أي حكم انتهى، ماشي دي ومشي عليه وهو بيعمل لك صدمة، فانت يحصل لك حالة من البلبلة، ما إيه ده؟ طب افرض، وبقى دايماً السؤال اللي بيدور في ذهن الإنسان، وافرض طلع فيه خلاف! طب وإيه المشكلة أما فيه خلاف؟ احنا.
مش فاهمين أصلًا هذا الخلاف، هذا الخلاف وضعه الله سبحانه وتعالى لينظر كيف تعملون؛ هتتبع هواك ولا هتبحث عن مراد الله سبحانه وتعالى؟ هتكون من اللي بيحث عن الرخص ولا إنت غرضك الوصول إلى مراد الله سبحانه وتعالى؟ وربنا سبحانه وتعالى وضع طرق كيف تعرف بها مراده سبحانه وتعالى، حتى لو أخطأت فأنت مأجور.
إنت يا إما عندك آلة للاجتهاد أو بتستفصي أو بتقلد وبتبحث عن دينك مش تبحث عشان تراوغ، فللأسف استعمال نظرية الصدمة ديت واستعمال طريقة الصدمة والطريقة دي مدمرة في كل حاجة؛ يعني حتى للأسف مثلًا بعض الناس لما يسافر برة ويحصل له صدمة حضارية، يشوف قد إيه في ناس بتاخد حقوقها برة وإزاي في نظام دنيوي وإزاي، فيبدأ يقول لك: يا عم يا آدم بلاد المسلمين شوف عاملة إزاي وشوف اللي أنتم بتقولوه، اللي أنتم بتقولوا عليها ولاد الكفار، لأ، دول مش كفار ولا حاجة، دول ناس بتدي حقوق، وأنا بجد نفسي كبني آدم هناك وحصل له صدمة حضارية فعلًا، ويبدأ أجزاء كبيرة من عقيدته يحصل لها اهتزاز بسبب الصدمة دي.
بصراحة من الكتب الجميلة اللي قرأتها في المسألة دي كتاب اسمه «مقدمات في الصدمة الحضارية» لواحد اسمه سعيد الغامدي، كتاب جيد في مسألة آثار الصدمة على النفس، آثار الصدمات اللي ممكن على نفسه، وأن لما النفس تأثر بها الصدمات ما عادَتْش بتفكر تفكير متزن، فيبدأ للأسف ما عادش عنده قدرة إنه يقبل على الدين؛ يعني بقى زاهد في الإقبال على الدين، ليه؟ لأنه خلاص بقى عايش في حالة من الصدمة، وده واقع إنا عايشينه.
يعني بعد 2011 كده الناس عمالة تاخد صدمات متتالية، والإشكال الأكبر أن جزء كبير من اللي المفروض أن الواحد عايز يخطبهم، اللي هم الشباب اللي هم لما بيكون عندهم دين وحماسة وقوة بيحصل تغيير في المجتمع، جزء كبير من الشباب أصلًا يعني من 2011 وهو كان في إعدادي أو ابتدائي، آخر ابتدائي، إعدادي، ثانوي في المنطقة دي، فما لحقش أصلًا يعيش حالة من الاستقرار اللي فيها بناء وياخد أصول تربوية وأصول علمية، ما عاش الحالة دي، هو داخل في حالة دايماً هو التزم أو دخل الدين في حالة من الخناقة، في حالات من المناكفات، ما لحقش أصلًا يتبنى علمياً ولا يتبنى تربوياً ولا يدي نفسه فرصة أصلًا ده، هو الدين دخله خناقة، قصد ده ويرد على ده، والحياة كلها مناكفات، حتى لما كانت مع العلمانيين والليبراليين داخلها مناكفات ومناظرات وشبهات وردود، دينه مبني على كده، فحتى أما بيجي ينتقل للدين بيستصحب نفسه النفسية يرد، وهنحطه عليه، وهنعمل له كذا، وهنعمل له مش عارف إيه، وواخد الدين بهذه الطريقة، ما سمحش لنفسه إنه يبنى، ولما حصل حالة من الهدوء شوية.
آه بس للأسف للأسف حالة من الهدوء في واقع يأس وهزيمة وفقد الأمل أنه يتبنى، لكن اتبنى ليه؟ طب ما هو دعوات كتير اشتغلت سنوات سقطت، لا ما لوش لازمة البناء، فهو مش ناقص صدمات يعني النفسية ده النفسية دي بالشاب ده اللي التزم في الجو ده هو مش ناقص صدمات، فالصدمات بتزيده بلبلة أصلًا، ما يبقاش عنده القدرة أن هو يقف في حالة الاتزان، إن هو وهنحاول إن شاء الله في ختام المجلس النهاردة بعض الخطوات العملية تخليك تبتعد عن كل الجو ده وتحاول تسلك إنت طريقك، تبتعد عن الأزمات والخلافات واسلك إنت طريقك، بناؤك لن ينفعك أحد، لأنهم كلهم آتيه يوم القيامة فرداً، هتسأل عن صحيفة أعمالك إنت وحدك.
يبقا إذن النقطة الأولى مسألة أن الوقوف في المنتصف بيبقى صعب، وأن جزء من اللي بيحاول آه جزاه الله خيراً من الإخوة الأفاضل يعني وإن كان أنا مختلف معه في الطريقة، بيحاول يعمل إصلاح بصورة معينة، بيستعمل نظرية الصدمة أن هو ده دايماً يعمل حالة من الصدمات فالناس آه تفتن، وده للأسف اللي شفناه في موسم خلع النقاب اللي إحنا عايشين جزء منهم سبب الصدمات اللي حصلت، في حين زي ما تكلمت المرة اللي فاتت هذه الشعيرة العظيمة هي الاخت مش فاهمة قيمة ما تفعل، أنا بتكلم المتمسكة حتى بالنقاب مش فاهمة قيمة هذه الشعيرة حتى اللي بتاخد بالقول إنه مستحب، مش فاهمة قيمة تمسكها بهذه الشعيرة يعني، وزي ما ذكرت المرة اللي فاتت أن شعيرة من الشعائر لما بيتفق أهل قرية كاملة على منعها بيحاربوا أصلًا، فهي أصلًا بترفع عننا الحرج ده أن لسه باقية هذه الشعائر لسه باقية وسط المسلمات.
طيب آه النقطة التانية اللي عايز أكلم عنها وكنت أشرت لها برضو المرة اللي فاتت، وآه وبرضو جالي فيها انتقادات عايز أتكلم فيها مسألة أنا بدأت درس المرة اللي فاتت قلت إن إحنا ما عادش فيه مفاهيم كبيرة صلبة متجمعين حواليها أو رموز كبيرة أو جماعات كبيرة، الناس كانت زمان بتتجمع حوالين آه أنوية معدودة، أفكار كبيرة، الخلافة، رفض الهيمنة الأمريكية، يعني في أفكار كبيرة بتضم أعداد كبيرة من الناس، أو في رموز كبيرة بس قليلة، يعني سبعة، ثمانية، عشرة، سواء دعوات، مشايخ، دلوقتي حصل حالة من الإيه من اللي بيسموها الحالة من التشظي وإيه وبقيت في مجموعات كتير صغيرة ونخب كتير ومجموعات صغيرة كتير وما عادش في أفكار كبيرة تجمع الناس، فبقيت ظهر بقى زي ما قلت التدين الفردي والتدين المعرفي، وإنت زي ما الصوفي أتكلمنا عن الإمارة دي النقاط دي المرة الماضية.
واحد يقول لي طب آه يعني هل ده معناه أن إنا ما نبحثش عن حل كبير عن حل، أو هل ده معناه هل تقصد بكلامك ده أن الشباب ما عادش بيحث عن حل للأزمة اللي الأمة الإسلامية بيمروا بها؟ ولكن لا بالعكس، ده ده خلى كتير من الشباب يسأل سؤال مشهور جداً بيبعت، بيتبعت السؤال ده لأغلب اللي بيحصل له نوع تصدر ما هو حل؟ قول له حل إيه؟ يقول لك حل المنظومة اللي إحنا فيها الضايعة دي، قول له بلاش تفكر بسياسة، ما هو الحل؟ وادعاء أن حد بيملك رؤية كاملة ده أمر خطر جداً، وده أصلًا كانت من الأخطاء السابقة أن حد بيدعي أنه بيملك الرؤية الكاملة من الألف إلى الياء، ده مش موجود، ده هي الحل تراكمي أن ده عنده جزء وده عنده جزء وده عنده جزء وبيحطوا إيدهم في إيد بعض وبنبدأ نقترب من الخروج من حالة الهزيمة واليأس لأن إحنا بنسير في حالة تراكمية فوق بعضها، مش الحل، مش حاجة لو عملناها سحر عصاية كده بتضرب تنقلنا، ده مش موجود.
فبدأ وركزوا بقى معايا دي النقطة اللي إنا عايز أتكلم فيها النقطة رقم اتنين بدأ كتير من الشباب عايز يسأل آه عايز إجابات كبيرة، إجابات كليات، بما أن المفاهيم الكبيرة حصل له فيها هزة زي الخلافة، دفع الهيمنة الأمريكية، المفاهيم دي ما عادتش مستقرة جواه، طب إيه بقى؟ إيه اللي يجمع المسلمين؟ إيه المفهوم الكبير اللي ممكن يجمع الأمة الإسلامية؟ ما هي الكليات أو ممكن نسميها المركزيات أو الثوابت؟ أو بدأ يسأل الأسئلة دي وعايز إجابات.
بتقول له طب إيه رأيك تهتم بالجزئيات اللي في دينك ولغاية لما توصل إلى، بيقول لك: لا، مش إنت كنت الدرس اللي فات بتنتقد التدابير الفردي؟ طيب النقطة اللي إنا عايز أتكلم فيها بقى بين الكليات والجزئيات، يعني حالة إزاي نوصل لحالة من التوازن بين الأفكار الكبيرة والاعمال الصغيرة؛ يعني إزاي فكرة كبيرة مثلًا آه هوية المسلم، المسلم له هوية ويرفض إنه ينخرط في الثقافة الغربية، يرفض ذلك وأنه رافض الهيمنة الغربية اللي بتحصل ومؤمن باستعادة الخلافة، مؤمن بالمفاهيم دي، إزاي يبقى المفاهيم دي ما تضعش عنده؟ وإزاي في نفس الوقت المفاهيم الكبيرة دي لما تشغله عن حفظ القرآن ويحفظ الناس في المسجد وأنه يتعلم نحو وأنه يدرس بلاغة وأنه يدرس فقه الطهارة والصلاة وأن هو يعمل في الدعوة إلى الله والامر بالمعروف والنهي عن المنكر؟ إزاي المفاهيم الكبيرة دي لم تشغله عن إقامة جزئيات ديني؟ دي النقطة اللي عايزين نتكلم فيها بين الكليات والجزئيات.
أولاً للأسف جزء كبير من اللي بيحث عن الحلول الكبيرة دي، يعني أو خلينا بلاش، خلينا نقسم اللي بيحث عن الكليات أو الحلول دي نوعين من الناس، يعني اللي عايز إجابات كبيرة نوعين من الناس؛ نفسية هادئة مطمئنة، حصلت كتير من الأدوات، تبحث كثيراً وتنقب وتبحث لسنوات عن كيفية خروج الأمة الإسلامية من حالة الهزيمة اللي هي فيها، لأن اللي يخلينا نتفق أن الأمة الإسلامية بتمر بحالة لم يكن ولها مثيل فيما سبق من لحظة سقوط الخلافة الإسلامية 1924 وانقسام المسلمين إلى دول وانكباب كل دولة على شأنها الخاص ووضع الحدود وتغير سياسة والدولة الحديثة والأزمات الاقتصادية، ده وضع لم يكن له مثيل.
كان زمان الإنسان حتى مهما كان الخلافة فيها من إشكاليات، كان الإنسان بحس أنه مسلم منتمي لخلافة كبيرة، كان هو اللي له السلطان الأعلى، فالوضع ده ليس له مثيل، خلاص، فبالتالي اللي بيبحث عن حلول إزاي الأمة الإسلامية تخرج من ده نوعين من الناس؛ النوع الأول نفسية هادئة قعدت سنين تبحث وتحصل أدوات عشان تقدم حل، وأغلبنا مش الشخصية دي، يعني أغلبنا اللي بيتكلم والمستمع وأغلبنا مش الشخصية دي، أمال إحنا إيه؟ أغلبنا النفسية العجولة اللي بتدور على الحل مش عشان هي بتتبحث عن حل خروج الأمة الإسلامية، عشان هي زهقت.
عارف اللي بيفتح كتاب أو قصة وبيتخنق فيقوم عامل إيه؟ جايب آخر صفحة فاتح كده هيموت ولا هيعيش، يعني عايز يعرف آخر القصة دي إيه؛ لسه هعيش تفاصيل؟ في نفسيات ملولة يقوم فاتح كده البطل مثلًا إيه مات؟ بلاش القصة الحزينة، يبقى فادى كده، لأ، اتجوزوا في الآخر، لأ، جميلة دي، فنقرأ هنا مثلًا ما قعدوش بيتجوزوا دلوقتي بس مثلًا يعني، فهو بنفسية ملولة، هو مخنوق، إنت لسه بقى تقول لبناء ومجاهدة وإقامة جزئيات الدين عشان أن إنا أبقى أنا لبنة في المجتمع أو المجتمع عن إيه؟ مش عارف إيه؟ إنت لسه هتقول القصة دي يعني؟ يا عم ما تشوف لنا حاجة نخلص بها القصة دي.
عارف يا سيد كنت راكب مع سواق تاكسي يقول لي بص بتكلم معه، قال لي: بص يا عم الشيخ، هو الحل معروف. قلت له: إيه؟ قال لي: في الطوفان. إنت لسه هتقعد بقى نصلح ونكلم ونبدأ على نظافة من الأول؟ هو هو شايف أن ده إيه؟ ده الحل. إيه رأيكم في الحلبة دي؟ معروفة طبعا، واضح أن الراجل ده نشر فكره بصورة عجيبة جداً من غير دروس ولا أي حاجة، فهو الناس عندها حالة من الملل؛ إحنا لسه تقول لي بناء ومجاهدة وتربية وتزكية وعلم وامر بالمعروف والنهي عن المنكر وجزئيات الدين؟ إنت لسه هتقول لي القصة دي تاني؟ اللي قبلك عملوا كده وشايف آخرتها إيه؟ سيبك بقى من القصة دي، عايزين حل سريع، فأي حل هتيجي تقدمه له في مجاهدة وفي زمن، عامل الزمن الطويل موجود فيه، مش هيسمعه منك.
فبإذن اللي بيبحث عن حلول كلية ده غالباً الواحد بيشوف نوعين إيه؟ مسموع فعلا بيفكر زي كتير من العلماء اللي حاولوا يستقرئوا سنن ربنا، يعني علم السنن؛ يعني سنن ربنا كيف تنتصر الأمة المسلمة وكيف تهزم الأمة المسلمة؟ إيه السنن اللي بتخلي الدول تقوم تخليها تسقط حتى مش أو مش مسلمة؟ وإيه الفرق بين سنن معاملة ربنا للأمم الكافرة ومعاملة ربنا للأمم المسلمة؟ وبيستقرأ نصوص القرآن والسنة وبيقرأ التاريخ وبيجرد مئات المجلدات عشان يحصل إلى على سنة بحيث إنه يرجع بعد كده يقدم ده للعاملين دين الله ويتحركوا به.
ده نوعية من الناس وده مهم أنه يبقى موجود، الناس اللي بتتعب عشان تحصن حلول تقدمها للأمة المسلمة للخروج من الوضع اللي فيه ده مهم أنه يفضل موجود، لكن غالبنا هو عموم عموم الناس مع انشغالهم للأسف والنفسية العجولة هو مش بيسأل السؤال ده، مش رايح يسأل فلان ولا فلان ولا فلان من اللي تصدر، وخاصة لو تصدر فكرياً أو معرفياً مش بيسأله ده، هو بيسأله عايز حل سريع، يعني عايز إيه؟ قنبلة هيدروجينية تخلص القصة.
أنا عايز حل يخلص الموضوع، لسه بقى تقول له تفاصيل، مش عايز يسمع ده، فدي أول نقطة مسألة أن اللي بيبحث عن الكليات فيه نفسية عجولة وده أغلبنا، وفيه نفسية لأيه اللي عندها القدرة النفسية اللي هي تبحث وقت طويل، دي النقطة الأولانية.
النقطة التانية في مسألة البحث عن الكليات أو نوفق إزاي من الكليات والجزئيات أن كثرة البحث عن سؤال ما هو الحل؟ دفع كتير من الشباب دلوقتي إنه يبدأ يتجه للقراءة للكتب الفكرية، وبقى فيه عزوف شوية وتكلمت عن موضوع المرة اللي فاتت بس هتكلم عنها المرة دي بجزء من يعني بالتفصيل شوية، بقى في عزوف عن القراءة في الكتب الشرعية؛ يعني مثلًا يقرأ رياض الصالحين بشرع، استفاد إيه مثلًا؟ يقرأ بتفسير، يتعلم فقه، يدرس العقيدة، يقول لك: ده أنا هأستفاد إيه؟ لكن يبدأ يقرأ مثلًا كتب فكرية معينة بتقدم نظرات كمان آه تحليلات للواقع الإسلامي.
للأسف كتير من الكتب الفكرية دي جزء كبير منها مترجم، جزء كبير منها مترجم، الكتب ديت المترجمة آه لها بريق، وفعلاً للأسف ودي حقيقة لازم نعترف بها، أبحاثهم فيها نوع من الجدية وخاصة بعض الأسماء مثلًا زي وائل حلاق أو جورج مقدسي أو.
أيًّا كان بقى الكتب اللي بدأت تنتشر على الساحة الفترة دي وتبني بعض المراكز للكتب المترجمة دي، خلى يعني واحد مثلا واحد زي مايكل كوك مثلا لما يعمل كتاب عن الأمر بالمعروف والنهي عن المنكر، دي حاجة بتاعتنا ويقعد عشر سنين يعمل الكتاب ده تخيل! فطبعا الأبحاث فيها نوع من الجدية.
واحد تاني لما يجي يكتب حول الثورة المصرية وبيتكلم على توفيق عكاشة، كتاب أجنبي وينزل يعيش وسط المجتمع. واحد تالت إن يكتب كتاب اسمه الإسلاموية شادي حميد دوت، وهو بيجيب إن هو عرض نفسه للخطر ولف في أماكن وراح قعد في مصر وتونس وتركيا عشان يكتب الكتاب ده. هو فعلا الأبحاث فيها نوع من الجدية والبذل، لكن الإشكال غياب النفس الإسلامي والهم الرسالي في كتير من الكتب الفكرية.
تاني أكبر إشكال في الكتب الفكرية اللي الشباب بدأ يقرأ فيها، غياب النفس الإسلامي والهم الرسالي اللي كتبت به هذه الكتب؛ لأن هو مش مسلم أساسًا، هو بيتناول الموضوع بصورة معينة أو حسب تخصصه، هو سياسي بيتناوله سياسيًّا، هو عالم إجتماعي بيتناوله اجتماعيًّا بالأسس اللي اتُحط عليها العلم الغربي ده. فالشاب لما بيتشرب الأفكار دي، ذوقه ما عادش ذوقه، وطبيعته وأفكاره ما عادتش إسلامية. فلما بيتعرض عليه حكم شرعي زي مثلا حد الردة ينكره بكل بساطة، وبدأ ينكر قضايا شرعية أصيلة موجودة في الدين بسبب أن ذوقه تغير مفاهيمه تغيرت، هي خلاص اترتبت بصورة مش إسلامية.
وفي عندنا للاسف ندرة في الكتب بقى اللي اتكتبت بالنفس الإسلامي والهم الرسالي ده، ندرة فيها. وإن كانت موجودة يعني كفاية مثلا كتابات إبراهيم السكران أو جزاه الله خيرا من المعاصرين مثلا البشير المراكشي؛ يعني مثلا أنا أقول لكم على ما أعينت آخر حاجتين سمعتهم مثلا أو كتاب قرأته وحاجة سمعتها محاضرة عبدالله الوهيبي، بيتكلم عن التقدم، المحاضرة جاب لك النظرة من أول ما قبل اليونان، ومرورا باليونان والنظرة المسيحية، عصر التنوير لغاية القرن التمنتاشر والتسعتاشر والعشرين ولغاية دلوقتي، جاب كل النظرة دي عن فكرة التقدم، وفي الآخر جاب بقى النظرة الإسلامية.
قال لك: احنا بقى كمسلمين بنخالف ده في كذا، وده في كذا، وده في كذا. اهو ده اللي هو النفس الإسلامي، فأنتم فهمتم هم بيتفكروا إزاي وده مهم جدا، وأنا هتكلم عن المشكلة دلوقتي، قال لك: هم بيتفكروا إزاي؟ وبعدين ختم ده بالحل الإسلامي، أو بلاش النظرة الإسلامية بقى للفكر، دي برضه جزاه الله خيرا عمرو عبد العزيز هينزل كتاب قريب عن قضية الشذوذ تمام، سواء هيسميه عرض ممطرنا أو دين الموتفيكات، ونزل المقدمة بتاعته نشرها يعني خمسة وأربعين صفحة كده، هو بيتناول النظرة دي التحليل ده وكيف نشأت قضية الشذوذ الحالي للأسف ونشرها من وجهة نظر إسلامية.
هو الأول جاب الغرب بتفكروا إزاي والانتقاد الإسلامي، اللي احنا بنسميه مثلا في بتوع التاريخ التفسير الإسلامي للتاريخ، هم بيفسروا التاريخ تفسير مادي، تفسير حتمي معين، تفسير أيا كان من أنواع التفسيرات الكثيرة التي طرحت. احنا بيغيب عننا ده، يعني الطرح الإسلامي بيغيب، أو حتى لو هتجيب كتاب مترجم مهم، ممكن في الهامش تطرح الخلفية الإسلامية.
الإشكال بقى أن الكتب المترجمة دي اللي اتبذل فيها مجهود، فعلا أصحابها اللي مش مسلمين أساسًا عملوا ده، مهمة للي عايز يمتلك أدوات ويقدم حلول، مش لعموم الناس؛ يعني هي مهمة فعلا الباحث الجاد اللي عايز يتبنى معرفيًّا وحط اصول شرعية في الأساس، ودي نقطة مهمة عنده أساسًا أسس شرعية؛ فبالتالي بيروح يقرأ الكتب الفكرية هو محصن، هي مهمة جدا بالنسبة له. لكن عموم الشباب دلوقتي أنا لسه بقول، هو التزم من بعد ألفين وحد عشر، هو أساسًا ما اتبلاش، هو ما حصلش أي أسس أساسًا؛ يعني هو لا خد أسس فقهية، ولا أسس شرعية، ولا أسس عقدية، هو ما حصلش أي حاجة، فبيجي الفكر تصادف قلبًا خاليًا فتمكن، ما فيش أصلاً حاجة ما فيش أساس شرعي موجود ما فيش أي حاجة، فهي دي تبقى هي دي الأسس.
والفكر بيعمل حالة من التضخم؛ يعني اللي يقرأ له تلات أربع كتب يحس إن دماغه إيه سخنت، واكتسب مصطلحات، تلاقيه قاعد معاك عمال يقول لك إيه التشظي والتماهي، شوية كلام كده والانشقاق وما بعد الحداثة، إيه يا ابني أنت بتقول إيه؟ ما تظبط إيه اللي في إيه؟ أنت بقيت عملت إيه؟ ويقول كلام كبير، ويكتب بوست تحس إن هو مفكر. يعني يكتب البوست يقول لك أنا أرى أن الحالة الإسلامية الآن تمر بمش عارف إزاي؛ يعني فانت إيه تتوقع بقى بس خلاص.
أنشأت جيل بيملك مصطلحات ضخمة، لكن من جوة فارغة، قوة من جوة فارغ؛ يعني حتى لو هو متين معرفيًّا ما جرتش مثلا الكتب دي، ولا عامل المجهود اللي احنا استوردنا المصطلحات دي منهم، قعد عشر سنين يكتب في الأمر بالمعروف والنهي عن المنكر ما عملش حتى المجهود ده في المنطقة المعرفية دي، ولا هو مبني شرعيًّا، فبالتالي يعرف يقيم الكلام اللي جايبه ده؛ يعني الكلام اللي هو بيقوله ده تقييمه الشرعي هو مش عارف يقيمه، هو بيحط المصطلحات. فنشأ جيل بيعرف يقول كلام كبير، لكن هو فارغ، هو فارغ وما فيش، ودي النقطة اللي هتكلم عنها، ما فيش مركزيات، الدين مش ثابتة عنده، ما فيش سوابت، الدين مش متأصلة جوه أصلاً، يبقى إزاي!
الوضع الحالي، وده موجود دائمًا في حالة الهزيمة واليأس، الناس دائمًا عايزة تخرج من الحالة دي، حتى لو مش حتى لو هو مش بيقولها مش عايز يخرج مثلا إن هو كسلان، لأ، هو بيدور على حاجة، زي سيدنا خباب لما راح للنبي صلى الله عليه وسلم: ألا تدعو لنا ألا تستنصر لنا؟ هو يعني هنفضل كده؟ فبيدور على الحل، يعني لو في حاجة عملية نقدر نعملها نعملها، ألا تدعو لنا ألا تستنصر لنا؟ فالنبي صلى الله عليه وسلم قال: «والله إنه كان يؤتى بالرجل من قبلكم». والحديث معروف، وقال له النبي صلى الله عليه وسلم في في عامل اسمه عامل الزمن، «ولكنكم تستعجلون»، أنت مستعجل. وده سيدنا خباب زي ما شرحت لكم اللي يعني عذب وأُوذي وحصل في ضهره حفر من التعذيب، والنبي صلى الله عليه وسلم بيقول: «ولكنكم تستعجلون».
عامل التغيير أو يعني قضية التدبير فيها عامل اسمه عامل الزمن، فدلوقتي الشباب نفسيا عجولة، عقلية العجولة اللي هي عقلية الفيسبوك وتويتر اللي أنت عايز توصل كلام في في بوست أو في تويتة ما تعديش مية وأربعين حرف أو زودوها شوية ما أعرفش بقت كام دلوقتي، يعني زودوها شوية، أو يكتب منشور؛ يعني تخيل أنت عايز توصل فكرة كبيرة في خلال حاجة معينة، وكذا حد طبعا إنتم أكيد يعني أو موجود على النت، كذا حد أتكلم في خطورة تأثير وسائل التواصل الحديثة الفيسبوك وتويتر على العقلية، على عقلية الإنسان، وأن خلاص اتربى على فكرة الزتونة الخلاصة، ما عادش عنده نفسية إنه يتعب، وأنه يبحث؛ يعني أنت وصل اللي عندك في خلال كلام بسيط أو في مقطع بسيط.
فده طبعا عامل تجزئة للعقل، العقل بقى مجزأ، قادر يقرا كتير ومش قادر يستوعب، فتخيل أن العقول اللي ما اتبنتش شرعيًّا، العجولة اللي اتبنت على الفيسبوك وتويتر واللايك والشير والكومنت وده آخره، وكمان بيسأل عن حلول كبيرة. عارف ده عامل زي إنه أما يجي حد مثلا يسألك على شبهة في حديث في البخاري مثلا، يعني لسه جاي حاضني دلوقتي وأسألك على شبهة في حديث في البخاري، فتقول له زي ما هو، اصل علم المصطلح، يقول لك هو إيه المصطلح ده؟ تقول له إيه طيب، فترجع خطوة لورا، خلاص الحديث فيه سند، يقول لك هو إيه سند؟ أمال أنت جاي ليه!
منطقة يعني أنا محتاج أشرح لك سند ومتن وعلم الرجال ومصطلح والحديث كتب إزاي؛ يعني عشان أرد له على الشبهة أنت محتاج وقت طويل تشرح له الأصل والإشكال فين اللي هو شايفه وحل الإشكال. لو حد عنده الأسس، هتقول له ده اللي كانوا بيعملوه في الكتب، إن يقول لك هو في الحديث إشكال وحله كذا؛ فانت لو نقلت له السطر أو السطرين أو النص صفحة بتاعت حل الإشكال اللي في الحديث، هو العلماء قالوا فعلا إن الحديث ده من المتشابهات أو فيه إشكال حلو اهو، فتيجي تدي له الحل هو مش فاهم، هو مش فاهم ليه؟ لأنه ما عندهوش الأسس دي أصلا؛ فانت لأن هو ما تعلمش فانت محتاج ترجع خطوة لورا برضه، مش فاهم، هترجع خطوة لورا تلزق في الحيطة وهو برضه لسه مش فاهم، أنت عمال ترجع وهو مش فاهم.
وده خطورة، وعشان كده كان دايماً في تحذير من المناظرات حتى أمام العامة، حتى لو أنت كسبت ليه؟ لأن الشبهة بتترمى تستقر في قلب الإنسان وأيه ما عندهوش الأسس أصلاً اللي يصرف بها عنه هذه الشبهة. تخيل ما عندناش الأسس الشرعية وما عندناش أصول، وعمالين نشغل الناس بكمية شبهات وخلافات وقضايا فرعية ومسائل في علم الكلام وخناقات، وتلاقي خناقات على الفيسبوك في فرع من الفروع حاجة عجيبة جدا والناس داخلة، ليه يا جماعة؟ ليه نشغل الناس بده؟
ليه الكوادر اللي تعبت، وفعلا؛ لأن دلوقتي كل كادر لوحده شغال بالنا ومناول بيبني نفسه وبيعلم نفسه وبيشتغل دنيويًّا عشان يصرف على نفسه، وبعدين بيتابع مجموعة من الإخوة وعايز يعلمه، كتير من كده بفضل الله؛ فهو ما ينفعش كمان نستهلك دول أننا نلقي بهم في المعارك، ونبعت له واحد يقول له شفت فلان بيقول عليك إيه؟ ويسخن المسألة، يقول لك لا بلاش، الحل أننا ما نردش عليهم.
لأ، وده هيؤدي لانتشار الفتنة، يا عم فتنة إيه؟ يعني المسألة دي حتى لو انتشرت مش هتعمل حاجة، الناس بتلحد أصلًا؛ يعني بفرض أن اللي أنت بتقوله ده أنت الناس بتلحد أساسا، ناس يعني أنت مش متخيل واقع الناس عامل إزاي دلوقتي؛ فبلاش ندخل الناس في معارك، بلاش اللي يتصدر للعموم، وده خطورة، يعني لازم الخطاب على العام يختلف من الخطاب على الخاص.
وده برضه زي ما قلت لكم إشكال الولع بالنقد، ولا سيما نقد الحركات الإسلامية على العام، ده خطر. فنرجع تاني لمسألة الكتب الفكرية مهمة، ومن الإشكاليات اللي كانت موجودة قبل كده عدم الاهتمام بالعلوم الاجتماعية وعدم الاهتمام بالمعرفة والقراءة والثقافة، فعلا كان في نقص في ده، لكن لما جينا نحلها قالوا نعم، تيار معاكس بقى في إقبال تلاقي واحد بيقرأ كتاب مثلا مترجم وهو ما درسش أي حاجة في العقيدة، وهذا الكتاب ينخر في العقيدة.
أنا ضربت لكم سليم بمحاضرة الوهيبي، وطبعا عبد العزيز إن هو منطلق من خلفية إسلامية، هو منطلق بيحلل ده أو كتابات السكران. لذلك أقول لك على حاجة: ليه كتابات إبراهيم السكران في قضية القرآن لاقت قبول؛ يعني ليه عند كتير من الشباب كتابات إبراهيم السكران في حين أن كتابات إبراهيم السكران في القرآن في غيره أحسن منه؛ يعني هو مثلا تلاقي كتاب طريقي للقرآن أو رقائق القرآن، وكتاب تالت نزل برضه كده مش مذكر اسمه في القرآن.
فالمهم يعني ليه خدت الانتشار ده، في حين أن كتاباته المعرفية قوية جدا؛ يعني مآلات الخطاب المدني أو تأويل الحداثة للتراث قوي جدا جدا؛ لأن الناس ما عادتش بتثق غير في اللي عنده الخلفية المعرفية دي، فلما تلاقي واحد له كتاب ييجي يفتح كتاب التأويل الحداثي مش فاهم منه ولا كلمة، ويلاقي الراجل مثلا مطلع على الحداثيين وراجل متقن للغة الإنجليزية وبيقرأ وبعدين يتكلم يقول القرآن مهم، لأ، يبقى القرآن مهم! الراجل ده لما يقول القرآن مهم بيبقى القرآن مهم يا جدعان، أنا واثق في الراجل ده؛ هو هو لأنه معزم حاجة معزم حاجة معينة، والراجل ده امتلك أدواتها، تلك الأدوات المعرفية دي.
فاللي امتلك الأدوات اللي هو بيعزمها بيقول له خد بالك، أنا عديت مشيت الطريق ده لآخره ورجعت وباقول لك القرآن مهم، وده قيمة أن الناس اللي امتلكت الأدوات المعرفية بيقول لعموم الناس: ارتبطوا بالنص. يعني في واحد امتلك أدوات معرفية وثقافية معينة، تقرأ له تقرأ له تعظم الفلاسفة، وفيه واحد زي إبراهيم السكران امتلك الأدوات المعرفية دي. لذلك لدرجة طبعا أنتم عارفين إبراهيم السكران القصة دي، سواء هو كتبها أو عبدالله الأجري أتكلم في محاضرة مركزية الوحي في السجل الفكري المعاصر، محاضرة رائعة مركزية الوحي في السجل الفكري المعاصر.
أتكلم على قصة كتاب مقالات القطاع المدني؛ أن إبراهيم السكران نفسه هو كان من الواقع تحت تأثير الخطاب التنويري الحداثي ده، وبعد كده رجع كتب بقى كتاب مقالات الخطاب المدني وقال في الأول: أي حد يعني من الاسلاميين كان، يعني معنى الكلام مش نص كلامي، يعني خبط فيا وشاط فيا أنا مسامحه؛ لأن أنا كنت أوحش من كده أصلاً، أنا كنت وحش، والآن أعلن التوبة وبدأ يدافع عن الإسلام، ولا يدافع عن الدين عن الشريعة. فلما جت منه أن القرآن مهم، لأن احنا بنعزم ده فالناس يقول لك: آه، لا، يبقى القرآن فعلا.
وده قيمة ودي بقى تبقى نصيحة للي يتصدر معرفيًّا، أن احنا مش عايزين عموم الناس يعزموا يوم مش عايزينهم يعزموا دول، أنت بتدرس دول بتستفيد من تاريخ البشرية وتطور أفكارها وبتنقدهم؛ لأن الناس دي ما عندهاش مركزية الوحي أصلاً.
تستفيد من، ومش أي حد يستفيد من ده؛ تلاقي غريبة جداً أخ ومكتبات بقى اللي انتشرت معانا اللي بتبيع الكتب دي، فأنت بتستغرب، طب وهو الشباب مقبل على الكتب دي؟ وتلاقي في المعرض اللي فات غالب المبيعات يا إما روايات تافهة، يا إما الكتب اللي هي إيه الضايعة دي، أو اللي يعني بلاش أقول خلينا نبقى موضوعيين هي كتب مفيدة لبعض التخصصات وبيستفيد منها ناس ولازم تبقى موجودة.
أن حركة الترجمة دايما بتيجي بمصالح ومفاسد، نشاط حركة الترجمة بيجي بمفاسده في هذي الناس اللي عندها الأدوات بتستفيد جداً لأن بتطلع طول إن احنا مش عارفين الغرب بيفكر إزاي، ودي نقطة رقم ثلاثة في مسألة الكليات والجزئيات؛ أن دلوقتي اللي بيهتم بالجزئيات بس، يعني إيه جزئيات؟ يعني اللي بيقرا قرآن، بيصلي، بيصوم، بيحفظ قرآن، بيطلب علم، يأمر بالمعروف وينهى عن المنكر، يدعو إلى الله؛ دي جزئيات، اللي بيهتم بالحاجات دي بس إيه اللي ممكن يحصل له؟ اللي ممكن يحصل له أنه يضحك عليه وهو مش عارف أن هو يوظف لهدم الدين ونشر الباطل وهو مش عارف، يتضحك عليه أبسط حاجة يتقال له تعال حوار في قناة فضائية معينة، لا عارف سياسة القناة ولا عارف إدارة الحوار إزاي، ويطلع في الآخر داعم للفكرة الباطلة وهو مش واخد باله، ما مشوش وهو بيتلعب به يدعم الباطل وهو مش عارف، ودي خطورة عدم النظر للكلية.
طيب، دي إشكالية الجزئيات، لكن فايدتها لو هو ما وقعش في الإشكالية دي، فايدتها أن صحيفته بتتملى، أنه لما يموت يرتقي في درجتها لأنه عنده أعمال يلقى بها الله. طيب، عندك الناحية التانية؛ في شخص بيهتم بقى بالكليات والهيمنة الغربية وبيفكروا إزاي وبيقرأوا في الكتب المعرفية ديت، آه الجزئيات عنده واقعة، وده للأسف خطورة التضخم الفكري على حساب الأعمال، تلاقي ده فاهم كويس لكن ما بيعملش حاجة، عبادته ضايعة، القرآن ما فيش ارتباط به، فبالتالي ما بيبقاش عنده النفسية الدينية اللي تقدر أصلاً تستحمل الكلام الثقيل ده كله.
انت لما تقعد تقرأ عن هجمة الإلحاد وهجمة الشهوات وهجمات الشبهات وإزاي بيخططوا للمش عارف إيه وانت ما عندكش غذاء من قيام الليل، انت ممكن تضعف وتفطر أصلاً، دي معركة خسرانة، فلازم يكون الإنسان عنده توازن ما بين الكليات وبين الجزئيات. ممكن واحد يسألني سؤال: طيب هو أنا ده بقى الختام لنا كلنا بقى، وأنا ما ينفعش أعمل أعمال صالحة بس لازم الكلام الكبير اللي انت قارفنا به وعملت تقوله الكلام الغريب ده؟ لازم أبقى فاهم ده؟ ما ينفعش أشتغل في الأعمال الصالحة دي بس؟ لا ينفع.
طب إزاي؟ أن انت أعمالك اللي بتقوم بها دي تكون هي المركزيات اللي الواحد يركز عليها؛ الوحي وخاصة في القرآن المكي في وقت الاستضعاف ركز على قضايا معينة، اشتغل على القضايا دي. عارف بالظبط بيبقى أبسط حاجة امشي عدل يحتار عدوك فيك، امشي صح، ما تجيش تختلق قيمة في الدين، كلم حد، حد هيشتغل في الدعوة وهو مش عايز يتبنى معرفياً ولا يكون مطلع، ماشي. ما تجيش مثلاً تختلق مثلاً قيمة عمارة الأرض وتقعد تضخمها تضخمها تضخمها ويبقى كل دعوتك قائمة على المنطقة دي، دي فين دي؟ دي فين في الدين يعني؟ فين في يعني حجمها قد ايه في الوحي؟
ما تجيش مثلاً تاخد حتة لها مكانها في الدين وتضخمها، لا اطرح اتبنى أنت على الوحي، عرض نفسك للقرآن المكي، يعني تيجي تكتب كده اقرأ، اعمل لنفسك الواجب ده، القرآن المكي كان بيركز على إليه؟ يعني القرآن المكي هو أكتر من القرآن المادة، القرآن المكي أكتر من القرآن المدني، واحنا عايشين في واقع مستضعف، طيب القرآن المكي كان مركز على إيه؟ يعني إيه القضايا اللي القرآن المكي يدندن عليها كثيراً؟ والقرآن مثاني، هتجد معرفة الله والتوحيد وربط القلوب بالله، والله قادر على كل شيء، والله يملك كل شيء، وما تسقط من ورقة إلا يعلمها، والله يحكم لا معقب لحكمه.
كل المعاني دي مركز عليها بصورة كبيرة في القرآن المكي، يبقى تعليق قلبك وقلوب الناس بالله الذي يملك كل شيء، ولا سيما في اوقات الاستضعاف؛ لأن ده بيبتدي تحس أن خيوط اللعبة كلها في إيد فلان، أو تقرأ أحجار على رقعة الشطرنج تحس أن انت بيتلعب بيك بكل سهولة، أو تيجي تقرأ مش عارف الإعلام وصناعة الواقع تحس أن انت بيتضحك عليك بسهولة، تيجي تقرأ مش عارف إيه، محتاج في الوقت ده تقرأ كثيراً عن الله.
مركزية الدار الآخرة دي مركز، مركزية يعني ما ينفعش يكون في الفرع، يعني ما ينفعش خطابك ده يتقال فيه خمس دقايق، لا ده ده يتقال مركز، يعني الحاجات اللي أنا أقولها دي تبقى تسعين في المية من الخطاب عشان أنت تتشكل صح. أنت دلوقتي، يعني أنا هبدا اختم وأتكلم في طب ما هو التوصيات أن دلوقتي الخطاب الغلط بيطلع أنماط غلط على المطة زي ما احنا شايفينها دلوقتي، تبين لنا سميناه التدين المعاصر، ده فيه حاجات مش عجباني، طب احنا عايزين نصلح ده، يبقى الخطاب بيتصلح عشان يفرغ نماذج جيدة، عشان أنت وأنا نكون نصلح كلبنة في بناء المجتمع، لبنة بس، لبنة تصلح، لبنة يتحمل عليها ناس، وكلا بنيها لا تكاد تجد فيها راحلة، لا احنا عايزين راحلة يتحمل عليها.
عايزينك لبنة تصلح لحمل هذا الدين، وبرضو هنا جالي إشكال وانتقاد ده هنأجله لجامعة ديون الدنيا، هو ليه خطابات واحد بيقولي ليه كلامك معناه أن احنا نسيب الطب والهندسة وكذا ونشتغل في الدعوة؟ يعني ليه ليه كلنا مطالبين نشتغل في الدعوة؟ ما قلتش كده، هو يا ريت تعملوا كده بس لا أنا سبت الطب وعملت كده ولا قلت لك اعمل كده، أنت فاهم بس أنك تصبح من العميل لله، فاهمها غلط دي هنوضحها إن شاء الله في درس إشكالية الجمع بين جين الدنيا، وجود انك أنت تظل ممسك بالجمرة القابض على دينه كالقبض على الجمر وهذه الحماسة لا تنطفئ وهذه الروح لا تموت بداخلك وهذا ما يعنيه أنك تكون لبنة في المجتمع المسلم ﴿وَلَا يَطَؤُونَ مَوْطِئًا يَغِيظُ الْكُفَّارَ﴾ [التوبة: 120] وتكون العقائد الأساسية متركزة جواك، هزا ما يعني انك ما تسلبش من هويتك لأنك ما تكونش أعزكم الله كالانعام هو بياكل وبيشرب وأن الصراعات اللي عايشة كلها على الدنيا، بينفذ فلان ده عشان كذا وعايز ياخد كل ده حاجات دنيوية فقط، يعني هذي ليست حياة، ما قيمة هذي الحياة أصلاً؟
يعني يلقى الله سبحانه وتعالى بهذه الحياة، فالشيء نرجع أن في مركزيات زي مركزية معرفة الدار الآخرة، آه هم هذا الدين، يعني كمية السور المكية اللي اتكلمت عن ناس ضحت وبذلت وأن بني إسرائيل حتى بيذكروا في القرآن المكي غالباً بالمدح أنهم صبروا، أما تيجي تقرأ سورة زي سورة إراهيم وسورة الحجر، كل الف لام راء، والحميم، الحميم كلها أجواء وكل ده مكي، والميم المكي، يعني انت عندك الف لام راء المكي اللي من أول يونس لغاية الحجر وفي النص الف لام ميم، الألف لام ميم راء في الرعد، وعندك الشوط اللي من أول النحل لغاية الأحزاب، السور المدنية اللي فيه معدودة، يعني من أول النحل الإسراء الكهف مريم طه الأنبياء بعد كده الحج وبعد كده المؤمنون مش بعد كده النور وبعد كده الفرقان الشعراء النمل القصص العنكبوت لقمان الروم السجدة شوط طويل جداً من القرآن المكي، وبعد كده تفصل في الأحزاب وبعد كده شوط طويل من أول سبأ لغاية محمد، توصل شوط طويل جداً سبأ فاطر يسين الصافات ص الزمر، بعد كده قال حميم سبع سور متواصمين غافر للاحقاف، أشواط مكية طويلة.
ابني نفسك المعاني دي أصلاً معاني عزيمة، هي دي اللي أنشأت الصحابة، عشان كده لما كانت بتصل أزمة في المدينة النبي صلى الله عليه وسلم كان ينادي على دول، فين دول؟ فين أصحاب الصور دي؟ فين المهاجرين؟ دول اللي يشيلوا، دول اللي اتبنوا صح، فانت ما تجيش في واقع شاغل نفسك مش هقول تفاهم، وإن كان شاغل نفسك باتفاقية، لكن ما تجيش شاغل نفسك بشكل الشباك يبقى عامل ازاي وأنت أساسات البناء مش مبنية أصلاً، شاغل بالك بزخرفة البناء بتاعك وأنت أسس الوحي مش مركوزة فيك.
يعني بعض الكتاب حاولوا، يعني مثلاً الدكتور صلاح الخالدي لما حاول يعمل كتيب اسمه ثوابت المسلم المعاصر، حاول يجيب إيه الثوابت اللي حس أن هي بدأت تتخلى ومحتاجين نرجع نتكلم في الثوابت، لما اتكلم فيها مثلاً على قضية فلسطين أن هي ما عادتش من الثوابت عند الناس، والان بنشاهد الهجوم على غزة أن في حاجات مع الزمن بتصبح متغيرات معدتش ثوابت.
ارتباطك بالقرآن المكي تحديدا بيزرع هذي الثوابت في مركزيات موجودة قلت معرفتي اللي هي الدار الآخرة صراع بين الحق والباطل ده مركز موجود، كفاية سورة إبراهيم فقط أصلاً. أيضا من المركزيات اللي ذكرت احتياج المسلمين لبعضهم البعض، يعني السورة اللي اسمها سورة الشورى اللي انت كنت متصور أن دي عايزة مجتمع عشان يطبق الحكم، فتيجي في هي دي جت في مكة، سورة الشورى مكية من آل حميم، وزيد فيها عين سين قاف، السورة الوحيدة اللي ذكر فيها اسم الله الولي معرف الآية؟ فلان مرتين، والله بيتولانا لما نكون احنا مع بعض، والحل ما بيجيش على إيد واحد، والصخرة لم تفتح على إيد واحد، والصخرة فتحت بعد دعاء الثلاثة الذين أواهم يبيتوا إلى غار، الحل مش هييجي على إيد واحد في الوقت ده، لازم وتواصوا بالمرحمة، في أوقات الاستضعاف لازم الناس تبحث عن حل للناس، تتواصل مع بعضها البعض، ما نبقاش أنا يعني يعني زي ما النبي صلى الله عليه وسلم قال في ناس مفاتيح للخير، في ناس والعياذ بالله مفاتيح للشر، خليك أنت مفتاح خير مغلق للشر، أي باب شر حاول تقفله، أي مشكلة بين اتنين ادخل للإصلاح، ما تدخلش تولعها، تخش ترد على ده وتببعت البوست ده لفلان شوف بيقول ومحتاجين رد صاروخ مش عارف إيه وقصف الجبل، إيه ده؟ ده بين الناس اللي شغالة.
فإذا مسألة أن يكون في مركزيات، لو أنت اتبنيت على المركزيات دي اللي موجودة مبثوثة مش مستخبية، يعني إيه مش حد مخبيها وأنت هتحتاج تنقب عليه؟ موجودة اللي قدامك، اقرأ القرآن، سلم قلبك للوحي، اتبنى على هذه النصوص كده، اعمل أي عمل بسيط أو يعني بالتوازي مش لازم بعد ما تخلص ده تروح تعمل أي عمل، اعمل أي حاجة في الدين، لكن ده يكون غذاءك، دماغك دي تكون الأسس اللي.
انتهي القرآن، الوحي الكتاب الوحيد اللي أنت مطالب أنك تقرأه يومياً ويكون لك ورد وتصلي به وتستمع له وتنصت إليه وتستشفي به هو الوحي، القرآن يكون حالنا مع الوحي كده، طبيعي جداً أن أنت أي كتاب يغيرك لأن ما عادش في أسس عندنا، ما عادش في أسس ثابتة في حياتنا، فنحيانا نرجع بقى اللي بيقول لك إصل أنتم لما بتهتموا بالجزئيات، وبيقول لي انت قلت كده كمان المرة اللي فاتت مسألة الدين الفردي، أنت ما بتهتمش بجزئيات، احنا بنضحك علينا، واحنا شفنا إزاي أن في ناس ما كانش عندها فهم لنظرات ووعي وثقافة، يتضحك عليها، يقول لك صح مهم ده، لكن أنت عشان ما يحصلكش ده أنت مش مطالب بكل الهيصة الكبيرة والقراية الكبيرة دي كلها، أنت محتاج تمشي صح فيحتار عدوك فيك، أن أنت يعني مش كل اللي كانوا موجودين على مدار التاريخ الإسلامي كانوا فاهمين الحاجات الكبيرة اللي بنتقالها، أنت اتبنى صح، ارتبط بالوحي صح، استمر في البناء، آه ارتبط بالوحي، ما تنشغلش بالخلافات، من حسن إسلام المرء تركه ما لا يعنيه حتى يحسن إسلامك، حسن إسلام المرء وكان فيه خطبة بالعنوان ده، حتى يحسن إسلامك، لا تنشغل بما لا يعنيك، في نقاش طويل لا يعنيك مش من اهتماماتك ما عندكش القدرة على فهم ما تخشش فيه، لا تنشغل بهذه القضايا، لازم تقول رأيك في كل حاجة.
كنت لسه بقرأ كتاب اسمه الفيزياء بين قبل آينشتاين وعايزة كده، في واحد بيسأل آينشتاين بيقول له معادلة النجاح إيه؟ فقال له النجاح يساوي سين زائد صاد زائد عين، قال له سين إيه؟ قال له العمل، قال له صاد؟ قال له وقت من الله والمتعة، قال له عين؟ قال له أن تغلق فمك، يعني في وقت لازم تسكت، دي من معادلات النجاح، يعني في وقت أنت محتاج تصمت، لسه بتتكلم ليه في المنطقة دي؟ ما بتتكلمش فيها؟ ما تنشغلش بها، حتى لو بعض الأفاضل، إصل الشيطان فهم يدخل إزاي، يئس الشيطان أن يعبد في جزيرة العرب ولكن وظيفته الأساسية في التحريش بينهم، دي وظيفة محورية عند الشيطان أن الناس اللي شغالة في الدين مش هيخش لهم يقول لهم اكفروا بالله، لأ أنه يعمل إيه؟ التحريش هنا هو، فانت ما تكونش من جنود الشيطان في هذا التحريش، الشيطان هيستعمل التحريش إزاي؟ عن طريق أنه يستعمل الناس أو أنه يدخل يوسوس لده ويوسوس لده، لكن أما أحيانا يوسوس لشخص ويوسوس للأخر ويكونوا الاتنين من الأتقياء ويصرفوا وسوسة الشيطان ويستعيذوا بالله، يقوم جاي من الاتباع من التسخين بقى، فما تكونش مفتاح للشغل، فإذا مسألة العزوف عن البناء الشرعي والاهتمام بالكتب الفكرية قلنا ده مناسب لبعض الناس، عايز تبدأ ابدأ بالناس اللي لها منطلقات إسلامية.
الكتب التي ليس لها منطلقات إسلامية للأسف يا جماعة والله فيها أفكار خبيثة، وحتى الكاتب نفسه ليس واخدًا باله؛ لأنه ليس منطلقًا من منطلق إسلامي أصلًا، الكتابات فعلًا مدمرة للعقائد.
ليست وقتا أن أنا أجين أمثلة، لكن أبدأ بالناس الذين لهم انطلاقات إسلامية، تريد أن تقرأ خلاص اقرأ لإبراهيم السكران، اقرأ للطريفي، للبشير مراكش، يعني اقرأ للناس الذين منطلقاتهم منطلقات إسلامية.
وفي نفس الوقت يتبنى البناء الشرعي بحيث تعرف تنقل، خلاص أنت بعد ذلك وصلت لمرحلة أنك أنت بفضل الله وضعت الأسس الشرعية والأعمدة هذه والمعاني المركزيات وثوابتك استقرت جواك، خلاص تبدأ تنطلق.
مثل برضه الذي يريد يعني يريد يرد على الإلحاد، تقول له يعني لسه بادئ يلتزم، عايز تخصص فيه والرد على الإلحاد، أرد على الإلحاد إزاي يعني؟ ما فيش تخصص يا جماعة اسمه بتاع شبهات.
كان ده يعني ما فيش، يعني أنت لسه ما اتبنتش، فبالتالي أنت تخصصك أنك أنت أنك بترضع شوية، لا، أنت كده تخصصك أنك أنت هتفتن نفسك وتفتي الناس، يعني تخصصك كده يبقى موزع شبهات، ليس تخصصك أنك سترد على الشبهات، يعني ما فيش حاجة اسمها يعني الذي يرد على الشبهة هذا.
لأن كلمة شبهات هذه في كل حاجة، ممكن الشبهة في القرآن أنت لسه لازم تكون دارس في القرآن، شبهة في السنة دارس في السنة، في حكم فقهي تبقا، في التاريخ الإسلامي، شف شبهة في تعارض العلم مع الدين، هذه كلها شبهات، فكل شبهة تاتي في تخصص.
فيعني إيه أن أنت حضرتك متخصص في كل هذا؟ ولما تظهر موضة تلاقي الناس كلها نازلة تشتري كتب الرد على الإلحاد. طب هو بيشتري كتاب الرد على الإلحاد ليه يعني؟ الكتاب هذا تحديدًا وللأسف جزء كبير من الكتب هذه مترجم ومليء بمعلومات قيمة، لكن في النص برضه.
يعني لما تلاقي مثلا واحد من عتاولة الرد على الإلحاد، لكن هو نصراني، ففي النص بيبص، طبعا هو يدافع عن عقيدته هو، هذه كتير موجودين، منهم كتير، فتلاقيه في النص موجود.
فكرة إسلامية وتبث، وأنت ممكن تشربها وأنت مش واخد بالك، هو فعلًا يرد على الإلحاد، يعني فخطورة أن الإنسان ما يكونش عنده الأسس أو ينشغل بقضايا الفرائض، نحن كده بقى لنا قد إيه يا عم الحاج؟
بقى لنا قد إيه؟ بقى لنا ساعة، طيب، نحن هو في موضوع كل ما أحب أجي أتكلم فيه، واضح أنه مش مش مش ناويين نعرف نقوله يعني.
طيب، المرة الجاية بس خلاص نحن كده ما عدناش هنتكلم في التدريب المعاصر، ممكن نبقى نكمل بقى في إشكاليات تانية، الخلاصة يعني أحبتي في الله، قال لي بنائك الأول يركز على مركزيات الوحي.
أهتم بمركزية، تعرفها إزاي؟ اقرأ الوحي كثيرًا، مش محتاجة حد يغششها لك، أنا عارف إن كتير هيببعت أسئلة: إيه؟ قل لنا بقى مركزية الوحي عن إيه؟ نروح نذاكرها، لا، هو مش امتحان يعني، هو مش.
يعني دايما ليه عايز المذاكرة التي يذاكرها؟ لا، أنك أنت تقرأ القرآن لأجل أن يكون هذا القرآن هو غذاؤك، يعني قال: اختر مجموعة من السور، اختر السورة وعش معها عيش واقع الصحابة وهم يتلقون هذه المعاني. وزي ما قلت لك ولا سيما القرآن المكي، في أشواط مكية.
يعني عندك أشواط مكية، يعني عندك الأنعام والأعراف وراء بعض، ده شف مكي طويل، بعد كده أول ما خلصت التوبة، وبعدين الأنفال والتوبة شوط طويل، زي ما قلت لك من أول يونس، يعني شف الشوط المكي هذا الذي بادئ من أول يونس لغاية.
وزين، وفي النص فيه سورتين أو تلاتة مكيين، من يوم الشو، أنت متخيل قد إيه؟ من يونس لغاية الأحزاب ومجموعة السور المدنية التي في النص أو التي فيها خلاف قليل.
وبعد كده الأحزاب بس هي مدنية، وبعد كده بترجع تاني سبأ، وشوط طويل من أول سبأ لغاية محمد، بعد كده محمد الفتح الحجرات، بعد كده شوط مكي طويل ق، لغاية من أول بقى الحديد لغاية التحريم، شوط مدني بتاع إقامة المجتمع المسلم.
وبعد كده يرجع تاني شوط طويل كله، اللي هو المفصل بقى، والمفصل طبعا بادئ من ق، لكن أقصى الذي هو الجزء التاسع والعشرين والثلاثين، من أول الملك لغاية آخر المصحف، من الناس مع بعض السور المدنية الموجودة في النص على بعض خلاف سورة البينة، بعض السور التي في النص التي فيها.
سواء مدنية بالفعل أو فيها خلاف، شف الأشواط المكية، فانت لما تكون معايش لمثل هذا الواقع، أمة منهزمة، أمة بتفقد هويتها، أمة بتقلد في كل شيء، وأمة محتاجة تنهض وفقدت الروح.
ثم بدأت تستسلم، أمة تستورد قضاياها الرئيسية من غيرها، الأمة ما عادتش هي التي تصدر القضايا الأساسية التي عايشاها، ما عادتش هي عايشة حياتها في كل شيء، في لبسها، في شربها، في أكلها، في شكلها، في كل شيء، في المعاني التي عايشة بها، كل شيء يتم استيراده من الخارج.
الأمة محتاجة تنهض، أنت كفرد محتاج تنهض، تنهض إزاي؟ بهذه الروح، هذه الروح القرآن المكي، الروح المكية هذه الموجودة في القرآن المكي، محتاج أن أنت تزرع بداخلك فتتبنى هذا رقم واحد، ثانيًا: لا تنشغل.
بالقضايا الخلافية التي لا تعنيك، أنت لم تحصل أدواتها، أرجوك لا تنشغل بهذه الأشياء، لا تساعد في التحريش بينهم، لا تساعد، يعني كن مفتاحا للخير مغلاقا للشر، حاول تربط بين الناس وبعضها.
حاول تكف عن الدخول في هذه القضايا، وانصح الناس بذلك، اهتمام بقضايا الأمة مهم جدا وفي نفس الوقت الاهتمام بالجزئيات، لازم توازي أنك أنت واحد تلاقي عنده تضخم اهتمام بقضايا الأمة الإسلامية وتلاقيه مفرط في الفجر.
آخر مرة أنت جبت صلاة الفجر وراء بعضه إمتى في المسجد؟ آخر مرة قرأت سبع ثمان عشرة إثنا عشر اسماً من أسماء الله الحسنى وقعدت تسبح وأنت مستحضر معاني الأسماء الحسنى؟
آخر مرة عايشت نعيم الجنة وكأنها رأي العين؟ أنت آخر مرة رأيت عذاب النار وكأنك تراه بعينك، ورأيت الذين بيسترخون في النار وخفت أن تكون منهم وظللت تجأر إلى الله.
سبحانه وتعالى ألا يدخلك النار، إمتى تعيش إزاي من غير المشاعر هذه؟ الذي أنا أقوله هذه مشاعر محورية، يعني هذه ليست الزينة، هذا ليس زخرف البيت، هذه الأسس التي تربى عليها الصحابة.
هذه التي لا ينفح تسلب منك، أنت تفقد هويتك، هتتكلم في إيه تاني بقى؟ لما تفقد هذا، هيسهل أن يعني اللعب بكذا، عايزين يعني كان الغرض من الدارسين دول، إن في تدين موجود الآن، أنا شايف أنه ليس.
أفضل في أفضل منه، سواء بقى قديم أو جديد مش مهم، سواء انتقادات مش دي قضيتي، المهم أننا نرتقي بأنفسنا من حالة، إن بعض اكتساب المعرفة وبعض التصوف مع حياتي ثابتة وعدم دخول هذه الروح الموجودة في القرآن.
بقوا من خطر، ومن خطر على دينك، أنت لابد أن تعود إليك هذه الروح، لابد أن تذوق هذه المشاعر، لابد أن تقترب من مواقع الصحابة، سيبك بقى يقول لك: أصل هذا طرح في إثيوبيا مثالية وأنتم دائمًا، ما تشغلش بالك من القضايا هذه، اقترب.
من هذا الدين، اقترب من هدي النبي صلى الله عليه وسلم، إياك أن تلقي هذه الجمرة التي في يدك، القابض على دينك كالقابض على الجمر، لابد أن تسير في هذا الدين مهما حدث لك مهما رأيت، أسأل الله سبحانه وتعالى أن يثبتني وإياكم.
بإذن الله سبحانه وتعالى، إن شاء الله المرة الجاية هنتكلم القدرة لنا يعني، إن شاء الله بنحاول نتكلم على مسألة الحالة التي تصيب الإنسان في منتصف الطريق، حالة الكمون هذه.
التي تخليها محتاج يأخذ قرارات جديدة، ممكن يبقى دارس العنوان القرار الثاني، هذه قرارات تحتاج تأخذها في منتصف الطريق، بعد ذلك لو في إشكاليات مهمة، درس الجمع بين الدين والدنيا، بعد ذلك لو في حد بعت لنا قضايا مهمة ما كانش.
سنرجع إن شاء الله برضه ممكن نأخذ مشورة كده، نرجع لسورة إيه يعني، الله المستعان، نبقى نأخذ رأيكم بإذن الله، نكتفي بهذا القدر، سبحانك اللهم وبحمدك، أشهد أن لا إله إلا أنت أستغفرك وأتوب إليك، وجزاكم الله خيرا.